Gauḍapāda: Āgamaśāstra (= Gauḍapādakārikā, Gauḍapādīyakārikā, a verse commentary on the Māṇḍūkya-Upaniṣad)

(bahiṣ[S:]bahiḥ)prajño vibhur viśvo hy antaḥprajñas tu taijasaḥ
ghanaprajñas tathā prājña eka eva tridhā (smṛtaḥ [B:]sthitaḥ) // GpK_1.1

(bahiṣ-[S:]bahiḥ-)prajño vibhur viśvo hy antaḥ-prajñas tu taijasaḥ ghana-prajñas tathā prājña eka eva tridhā (smṛtaḥ [B:]sthitaḥ) //

dakṣiṇākṣimukhe viśvo manasy antas tu taijasaḥ
ākāśe ca hṛdi prājñas tridhā dehe vyavasthitaḥ // GpK_1.2

dakṣiṇa-akṣi-mukhe viśvo manasy antas tu taijasaḥ ākāśe ca hṛdi prājñas tridhā dehe vyavasthitaḥ //

viśvo hi sthūlabhuṅ nityaṃ taijasaḥ praviviktabhuk
ānandabhuk tathā prājñas tridhā bhogaṃ nibodhata // GpK_1.3

viśvo hi sthūla-bhuṅ nityaṃ taijasaḥ pravivikta-bhuk ānanda-bhuk tathā prājñas tridhā bhogaṃ nibodhata //

sthūlaṃ tarpayate viśvaṃ praviviktaṃ tu taijasam
ānandaś ca tathā prājñaṃ tridhā tṛptiṃ nibodhata // GpK_1.4

sthūlaṃ tarpayate viśvaṃ praviviktaṃ tu taijasam ānandaś ca tathā prājñaṃ tridhā tṛptiṃ nibodhata //

triṣu dhāmasu yad bhojyaṃ bhoktā yaś ca prakīrtitaḥ
vedaitad ubhayaṃ yas tu sa bhuñjāno na lipyate // GpK_1.5

triṣu dhāmasu yad bhojyaṃ bhoktā yaś ca prakīrtitaḥ veda etad ubhayaṃ yas tu sa bhuñjāno na lipyate //

prabhavaḥ sarva(bhāvānāṃ [B:]bhūtānāṃ) satām iti viniścayaḥ
sarvaṃ janayati prāṇaś cetoaṃśūn puruṣaḥ pṛthak // GpK_1.6

prabhavaḥ sarva-(bhāvānāṃ [B:]bhūtānāṃ) satām iti viniścayaḥ sarvaṃ janayati prāṇaś ceto-aṃśūn puruṣaḥ pṛthak //

vibhūtiṃ prasavaṃ tv anye manyante sṛṣṭicintakāḥ
svapnamāyā(sa[B:]sva)rūpeti sṛṣṭir anyair vikalpitā // GpK_1.7

vibhūtiṃ prasavaṃ tv anye manyante sṛṣṭi-cintakāḥ svapna-māyā-(sa-[B:]sva-)rūpa īti sṛṣṭir anyair vikalpitā //

icchāmātraṃ prabhoḥ sṛṣṭir iti sṛṣṭau viniścitāḥ
kālāt prasūtiṃ bhūtānāṃ manyante kālacintakāḥ // GpK_1.8

icchā-mātraṃ prabhoḥ sṛṣṭir iti sṛṣṭau viniścitāḥ kālāt prasūtiṃ bhūtānāṃ manyante kāla-cintakāḥ //

bhogārthaṃ sṛṣtir ity anye krīḍārtham iti cāpare
devasyaiṣa svabhāvo 'yam āptakāmasya kā spṛhā // GpK_1.9

bhoga-arthaṃ sṛṣtir ity anye krīḍā-artham iti ca apare devasya eṣa sva-bhāvo 'yam āpta-kāmasya kā spṛhā //

nivṛtteḥ sarvaduḥkhānām īśānaḥ prabhur avyayaḥ
advaitaḥ sarvabhāvānāṃ devas turyo vibhuḥ smṛtaḥ // GpK_1.10

nivṛtteḥ sarva-duḥkhānām īśānaḥ prabhur a-vyayaḥ a-dvaitaḥ sarva-bhāvānāṃ devas turyo vibhuḥ smṛtaḥ //

kāryakāraṇabaddhau tāv iṣyete viśvataijasau
prājñaḥ kāraṇabaddhas tu (dvau tau [B:]dve tu) turye na sidhyataḥ // GpK_1.11

kārya-kāraṇa-baddhau tāv iṣyete viśva-taijasau prājñaḥ kāraṇa-baddhas tu (dvau tau [B:]dve tu) turye na sidhyataḥ //

nātmānaṃ na (parāṃś [S:]paraṃ) caiva na satyaṃ nāpi cānṛtam
prājñaḥ kiṃcana saṃvetti (turyaṃ tat [B:]turīyaḥ) sarvadṛk sadā // GpK_1.12

nā atmānaṃ na (parāṃś [S:]paraṃ) ca eva na satyaṃ na api ca an-ṛtam prājñaḥ kiṃ-cana saṃvetti (turyaṃ tat [B:]turīyaḥ) sarva-dṛk sadā //

dvaitasyāgrahaṇaṃ tulyam ubhayoḥ prājñaturyayoḥ
bījanidrāyutaḥ prājñaḥ sā ca turye na vidyate // GpK_1.13

dvaitasya a-grahaṇaṃ tulyam ubhayoḥ prājña-turyayoḥ bīja-nidrā-āyutaḥ prājñaḥ sā ca turye na vidyate //

svapnanidrāyutāv ādyau prājñas tv asvapnanidrayā
na nidrāṃ naiva ca svapnaṃ turye paśyanti niścitāḥ // GpK_1.14

svapna-nidrā-āyutāv ādyau prājñas tv a-svapna-nidrayā na nidrāṃ na eva ca svapnaṃ turye paśyanti niścitāḥ //

anyathā gṛhṇataḥ svapno nidrā tattvam ajānataḥ
viparyāse tayoḥ kṣīṇe turīyaṃ padam aśnute // GpK_1.15

anyathā gṛhṇataḥ svapno nidrā tattvam a-jānataḥ viparyāse tayoḥ kṣīṇe turīyaṃ padam aśnute //

anādimāyayā supto yadā jīvaḥ prabudhyate
ajam anidram asvapnam advaitaṃ budhyate tadā // GpK_1.16

an-ādi-māyayā supto yadā jīvaḥ prabudhyate a-jam a-nidram a-svapnam a-dvaitaṃ budhyate tadā //

prapañco yadi vidyeta nivarteta na saṃśayaḥ
māyāmātram idaṃ dvaitam advaitaṃ paramārthataḥ // GpK_1.17

prapañco yadi vidyeta nivarteta na saṃśayaḥ māyā-mātram idaṃ dvaitam a-dvaitaṃ parama-arthataḥ //

vikalpo vinivarteta kalpito yadi kenacit
upadeśād ayaṃ vādo jñāte dvaitaṃ na vidyate // GpK_1.18

vikalpo vinivarteta kalpito yadi kena-cit upadeśād ayaṃ vādo jñāte dvaitaṃ na vidyate //

viśvasyātvavivakṣāyām ādisāmānyam utkaṭam
mātrāsaṃpratipattau syād āptisāmānyam eva ca // GpK_1.19

viśvasya atva-vivakṣāyām ādi-sāmānyam utkaṭam mātrā-saṃpratipattau syād āpti-sāmānyam eva ca //

taijasasyotvavijñāne utkarṣo dṛśyate sphuṭam
mātrāsaṃpratipattau syād ubhayatvaṃ tathāvidham // GpK_1.20

taijasasya utva-vijñāne utkarṣo dṛśyate sphuṭam mātrā-saṃpratipattau syād ubhayatvaṃ tathā-vidham //

makārabhāve prājñasya mānasāmānyam utkaṭam
mātrāsaṃpratipattau tu layasāmānyam eva ca // GpK_1.21

ma-kāra-bhāve prājñasya māna-sāmānyam utkaṭam mātrā-saṃpratipattau tu laya-sāmānyam eva ca //

triṣu dhāmasu (yat [B:]yas) tulyaṃ sāmānyaṃ vetti niścitaḥ
sa pūjyaḥ sarvabhūtānāṃ vandyaś caiva mahāmuniḥ // GpK_1.22

triṣu dhāmasu (yat [B:]yas) tulyaṃ sāmānyaṃ vetti niścitaḥ sa pūjyaḥ sarva-bhūtānāṃ vandyaś ca eva mahā-muniḥ //

akāro nayate viśvam ukāraś cāpi taijasam
makāraś ca punaḥ prājñaṃ nāmātre vidyate gatiḥ // GpK_1.23

a-kāro nayate viśvam u-kāraś ca api taijasam ma-kāraś ca punaḥ prājñaṃ na a-mātre vidyate gatiḥ //

oṃkāraṃ pādaśo vidyāt pādā mātrā na saṃśayaḥ
oṃkāraṃ pādaśo jñātvā na kiṃcid api cintayet // GpK_1.24

oṃ-kāraṃ pādaśo vidyāt pādā mātrā na saṃśayaḥ oṃ-kāraṃ pādaśo jñātvā na kiṃ-cid api cintayet //

yuñjīta praṇave cetaḥ praṇavo brahma nirbhayam
praṇave nityayuktasya na bhayaṃ vidyate kvacit // GpK_1.25

yuñjīta praṇave cetaḥ praṇavo brahma nir-bhayam praṇave nitya-yuktasya na bhayaṃ vidyate kva-cit //

praṇavo hy aparaṃ brahma praṇavaś ca (paraḥ [B:,S:]paraṃ) smṛtaḥ
apūrvo 'nantaro 'bāhyo anaparaḥ praṇavo 'vyayaḥ // GpK_1.26

praṇavo hy aparaṃ brahma praṇavaś ca (paraḥ [B:,S:]paraṃ) smṛtaḥ a-pūrvo 'n-antaro '-bāhyo an-aparaḥ praṇavo '-vyayaḥ //

sarvasya praṇavo hy ādir madhyam antas tathaiva ca
evaṃ hi praṇavaṃ jñātvā vyaśnute tad anantaram // GpK_1.27

sarvasya praṇavo hy ādir madhyam antas tatha aiva ca evaṃ hi praṇavaṃ jñātvā vyaśnute tad an-antaram //

praṇavaṃ hīśvaraṃ vidyāt sarvasya hṛdi saṃsthitam
sarvavyāpinam oṃkāraṃ matvā dhīro na śocati // GpK_1.28

praṇavaṃ hī iśvaraṃ vidyāt sarvasya hṛdi saṃsthitam sarva-vyāpinam oṃ-kāraṃ matvā dhīro na śocati //

amātro 'nantamātraś ca dvaitasyopaśamaḥ śivaḥ
oṃkāro vidito yena sa munir netaro janaḥ // GpK_1.29

a-mātro 'n-anta-mātraś ca dvaitasya upaśamaḥ śivaḥ oṃ-kāro vidito yena sa munir na itaro janaḥ //

vaitathyaṃ sarvabhāvānāṃ svapne āhur manīṣiṇaḥ
antaḥsthānāt tu bhāvānāṃ saṃvṛtatvena hetunā // GpK_2.1

vaitathyaṃ sarva-bhāvānāṃ svapne āhur manīṣiṇaḥ antaḥ-sthānāt tu bhāvānāṃ saṃvṛtatvena hetunā //

adīrghatvāc ca kālasya gatvā deśān na paśyati
pratibuddhaś ca vai sarvas tasmin deśe na vidyate // GpK_2.2

a-dīrghatvāc ca kālasya gatvā deśān na paśyati pratibuddhaś ca vai sarvas tasmin deśe na vidyate //

abhāvaś ca rathādīnāṃ śrūyate nyāyapūrvakam
vaitathyaṃ tena vai prāptaṃ svapne āhuḥ prakāśitam // GpK_2.3

a-bhāvaś ca ratha-ādīnāṃ śrūyate nyāya-pūrvakam vaitathyaṃ tena vai prāptaṃ svapne āhuḥ prakāśitam //

antaḥsthānāt tu bhedānāṃ (tasmāj [B:]tathā) jāgarite smṛtam
yathā tatra tathā svapne (saṃvṛtatvena [B:]saṃvṛtatvaṃ na) bhidyate // GpK_2.4

antaḥ-sthānāt tu bhedānāṃ (tasmāj [B:]tathā) jāgarite smṛtam yathā tatra tathā svapne (saṃvṛtatvena [B:]saṃvṛtatvaṃ na) bhidyate //

(svapnajāgaritasthāne [B,S:]svapnajāgarite sthāne) hy ekam āhur manīṣiṇaḥ
bhedānāṃ hi samatvena prasiddhenaiva hetunā // GpK_2.5

(svapna-jāgarita-sthāne [B,S:]svapna-jāgarite sthāne) hy ekam āhur manīṣiṇaḥ bhedānāṃ hi samatvena prasiddhena eva hetunā //

ādāv ante ca yan nāsti vartamāne 'pi tat tathā
vitathaiḥ sadṛśāḥ santo avitathā iva lakṣitāḥ // GpK_2.6

ādāv ante ca yan na asti vartamāne 'pi tat tathā vi-tathaiḥ sa-dṛśāḥ santo a-vi-tathā iva lakṣitāḥ //

saprayojanatā teṣāṃ svapne (vipratipadyate [B:]api pratipadyate)
tasmād ādyantavattvena mithyaiva khalu te smṛtāḥ // GpK_2.7

sa-prayojanatā teṣāṃ svapne (vipratipadyate [B:]api pratipadyate) tasmād ādy-antavattvena mithya aiva khalu te smṛtāḥ //

(apūrvaṃ [B:]apūrvāḥ) sthāni(dharmo [B:]dharmā) hi yathā svarganivāsinām
tān ayaṃ prekṣate gatvā yathaiveha suśikṣitaḥ // GpK_2.8

(a-pūrvaṃ [B:]a-pūrvāḥ) sthāni-(dharmo [B:]dharmā) hi yathā svarga-nivāsinām tān ayaṃ prekṣate gatvā yatha aiva iha su-śikṣitaḥ //

svapnavṛttāv api tv antaś cetasā kalpitaṃ tv asat
bahiś cetogṛhītaṃ sad dṛṣṭaṃ vaitathyam etayoḥ // GpK_2.9

svapna-vṛttāv api tv antaś cetasā kalpitaṃ tv a-sat bahiś ceto-gṛhītaṃ sad dṛṣṭaṃ vaitathyam etayoḥ //

jāgradvṛttāv api tv antaś cetasā kalpitaṃ tv asat
bahiś cetogṛhītaṃ sad yuktaṃ vaitathyam etayoḥ // GpK_2.10

jāgrad-vṛttāv api tv antaś cetasā kalpitaṃ tv a-sat bahiś ceto-gṛhītaṃ sad yuktaṃ vaitathyam etayoḥ //

ubhayor api vaitathyaṃ bhedānāṃ sthānayor yadi
ka etān budhyate bhedān ko vai teṣāṃ vikalpakaḥ // GpK_2.11

ubhayor api vaitathyaṃ bhedānāṃ sthānayor yadi ka etān budhyate bhedān ko vai teṣāṃ vikalpakaḥ //

kalpayaty ātmanātmānam ātmā devaḥ svamāyayā
sa eva budhyate bhedān iti vedāntaniścayaḥ // GpK_2.12

kalpayaty ātmanā ātmānam ātmā devaḥ sva-māyayā sa eva budhyate bhedān iti veda-anta-niścayaḥ //

vikaroty aparān bhāvān antaś citte (vyavasthitān [B:]avyavasthitān)
niyatāṃś ca bahiś citte evaṃ kalpayate prabhuḥ // GpK_2.13

vikaroty aparān bhāvān antaś citte (vyavasthitān [B:]a-vyavasthitān) niyatāṃś ca bahiś citte evaṃ kalpayate prabhuḥ //

citta(kālā hi [B:]kālāś ca) ye 'ntas tu dvayakālāś ca ye bahiḥ
kalpitā eva te sarve viśeṣo nānyahetukaḥ // GpK_2.14

citta-(kālā hi [B:]kālāś ca) ye 'ntas tu dvaya-kālāś ca ye bahiḥ kalpitā eva te sarve viśeṣo na anya-hetukaḥ //

avyaktā eva ye 'ntas tu sphuṭā eva ca ye bahiḥ
kalpitā eva te sarve viśeṣas tv indriyāntare // GpK_2.15

a-vyaktā eva ye 'ntas tu sphuṭā eva ca ye bahiḥ kalpitā eva te sarve viśeṣas tv indriya-antare //

jīvaṃ kalpayate pūrvaṃ tato bhāvān pṛthagvidhān
bāhyān ādhyātmikāṃś caiva yathāvidyas tathāsmṛtiḥ // GpK_2.16

jīvaṃ kalpayate pūrvaṃ tato bhāvān pṛthag-vidhān bāhyān ādhyātmikāṃś ca eva yathā-vidyas tathā-smṛtiḥ //

aniścitā yathā rajjur andhakāre vikalpitā
sarpadhārādibhir bhāvais tadvad ātmā vikalpitaḥ // GpK_2.17

a-niścitā yathā rajjur andha-kāre vikalpitā sarpa-dhārā-ādibhir bhāvais tadvad ātmā vikalpitaḥ //

niścitāyāṃ yathā rajjvāṃ vikalpo vinivartate
rajjur eveti cādvaitaṃ tadvad ātmaviniścayaḥ // GpK_2.18

niścitāyāṃ yathā rajjvāṃ vikalpo vinivartate rajjur eva iti ca a-dvaitaṃ tadvad ātma-viniścayaḥ //

prāṇādibhir (anantaiś ca [B,S:]anantais tu) bhāvair etair vikalpitaḥ
māyaiṣā tasya devasya (yayā saṃmohitaḥ [B,S:]yayāyaṃ mohitaḥ) svayam // GpK_2.19

prāṇa-ādibhir (an-antaiś ca [B,S:]an-antais tu) bhāvair etair vikalpitaḥ māya aiṣā tasya devasya (yayā saṃmohitaḥ [B,S:]yaya āyaṃ mohitaḥ) svayam //

(prāṇa [B:]prāṇā) iti prāṇavido bhūtānīti ca tadvidaḥ
guṇā iti guṇavidas tattvānīti ca tadvidaḥ // GpK_2.20

(prāṇa [B:]prāṇā) iti prāṇa-vido bhūtāni iti ca tad-vidaḥ guṇā iti guṇa-vidas tattvāni iti ca tad-vidaḥ //

pādā iti pādavido viṣayā iti tadvidaḥ
lokā iti lokavido devā iti ca tadvidaḥ // GpK_2.21

pādā iti pāda-vido viṣayā iti tad-vidaḥ lokā iti loka-vido devā iti ca tad-vidaḥ //

vedā iti vedavido yajñā iti ca tadvidaḥ
bhokteti ca bhoktṛvido bhojyam iti ca tadvidaḥ // GpK_2.22

vedā iti veda-vido yajñā iti ca tad-vidaḥ bhokta īti ca bhoktṛ-vido bhojyam iti ca tad-vidaḥ //

sūkṣma iti sūkṣmavidaḥ sthūla iti ca tadvidaḥ
mūrta iti mūrtavido amūrta iti ca tadvidaḥ // GpK_2.23

sūkṣma iti sūkṣma-vidaḥ sthūla iti ca tad-vidaḥ mūrta iti mūrta-vido a-mūrta iti ca tad-vidaḥ //

kāla iti kālavido diśa iti ca tadvidaḥ
vādā iti vādavido bhuvanānīti tadvidaḥ // GpK_2.24

kāla iti kāla-vido diśa iti ca tad-vidaḥ vādā iti vāda-vido bhuvanāni iti tad-vidaḥ //

mana iti manovido buddhir iti ca tadvidaḥ
cittam iti cittavido dharmādharmau ca tadvidaḥ // GpK_2.25

mana iti mano-vido buddhir iti ca tad-vidaḥ cittam iti citta-vido dharma-a-dharmau ca tad-vidaḥ //

pañcaviṃśaka ity eke ṣaḍviṃśa iti cāpare
ekatriṃśaka ity āhur ananta iti cāpare // GpK_2.26

pañca-viṃśaka ity eke ṣaḍ-viṃśa iti ca apare eka-triṃśaka ity āhur an-anta iti ca apare //

lokāṃl lokavidaḥ prāhur āśramā iti tadvidaḥ
strīpuṃnapuṃsakaṃ laiṅgāḥ parāparam athāpare // GpK_2.27

lokāṃl loka-vidaḥ prāhur āśramā iti tad-vidaḥ strī-puṃ-na-puṃsakaṃ laiṅgāḥ para-aparam atha apare //

sṛṣṭir iti sṛṣṭivido laya iti ca tadvidaḥ
sthitir iti sthitividaḥ (sarve [B:]sarvaṃ) ceha tu sarvadā // GpK_2.28

sṛṣṭir iti sṛṣṭi-vido laya iti ca tad-vidaḥ sthitir iti sthiti-vidaḥ (sarve [B:]sarvaṃ) ca iha tu sarvadā //

yaṃ bhāvaṃ darśayed yasya taṃ bhāvaṃ sa tu paśyati
taṃ cāvati sa bhūtvāsau tadgrahaḥ samupaiti tam // GpK_2.29

yaṃ bhāvaṃ darśayed yasya taṃ bhāvaṃ sa tu paśyati taṃ ca avati sa bhūtva āsau tad-grahaḥ samupaiti tam //

etair eṣo apṛthagbhāvaiḥ pṛthag eveti lakṣitaḥ
evaṃ yo veda tattvena kalpayet so 'viśaṅkitaḥ // GpK_2.30

etair eṣo a-pṛthag-bhāvaiḥ pṛthag eva iti lakṣitaḥ evaṃ yo veda tattvena kalpayet so '-viśaṅkitaḥ //

svapnamāye yathā dṛṣṭe gandharvanagaraṃ yathā
tathā viśvam idaṃ dṛṣṭaṃ vedānteṣu vicakṣaṇaiḥ // GpK_2.31

svapna-māye yathā dṛṣṭe gandharva-nagaraṃ yathā tathā viśvam idaṃ dṛṣṭaṃ veda-anteṣu vicakṣaṇaiḥ //

na nirodho na cotpattir na baddho na ca sādhakaḥ
na mumukṣur na vai mukta ity eṣā paramārthatā // GpK_2.32

na nirodho na ca utpattir na baddho na ca sādhakaḥ na mumukṣur na vai mukta ity eṣā parama-arthatā //

bhāvair asadbhir evāyam advayena ca kalpitaḥ
bhāvā apy advayenaiva tasmād advayatā śivā // GpK_2.33

bhāvair a-sadbhir eva ayam a-dvayena ca kalpitaḥ bhāvā apy a-dvayena eva tasmād a-dvayatā śivā //

(nātma[B:]nānya)bhāvena nānedaṃ na svenāpi kathaṃcana
na pṛthaṅ nāpṛthak kiṃcid iti tattvavido viduḥ // GpK_2.34

(nā atma-[B:]na anya-)bhāvena nāna īdaṃ na svena api kathaṃ-cana na pṛthaṅ na a-pṛthak kiṃ-cid iti tattva-vido viduḥ //

vītarāgabhayakrodhair munibhir vedapāragaiḥ
nirvikalpo hy ayaṃ dṛṣṭaḥ prapañcopaśamo 'dvayaḥ // GpK_2.35

vīta-rāga-bhaya-krodhair munibhir veda-pāra-gaiḥ nir-vikalpo hy ayaṃ dṛṣṭaḥ prapañca-upaśamo '-dvayaḥ //

tasmād evaṃ viditvainam advaite yojayet smṛtim
advaitaṃ samanuprāpya jaḍaval lokam ācaret // GpK_2.36

tasmād evaṃ viditva ainam a-dvaite yojayet smṛtim a-dvaitaṃ samanuprāpya jaḍaval lokam ācaret //

niḥstutir nirnamaskāro niḥsvadhākāra eva ca
calācalaniketaś ca yatir yādṛcchiko bhavet // GpK_2.37

niḥ-stutir nir-namas-kāro niḥ-svadhā-kāra eva ca calācala-niketaś ca yatir yādṛcchiko bhavet //

tattvam ādhyātmikaṃ dṛṣṭvā tattvaṃ dṛṣṭvā tu bāhyataḥ
tattvībhūtas tadārāmas tattvād apracyuto bhavet // GpK_2.38

tattvam ādhyātmikaṃ dṛṣṭvā tattvaṃ dṛṣṭvā tu bāhyataḥ tattvī-bhūtas tad-ārāmas tattvād a-pracyuto bhavet //

upāsanāśrito dharmo jāte brahmaṇi vartate
prāg utpatter ajaṃ sarvaṃ tenāsau kṛpaṇaḥ smṛtaḥ // GpK_3.1

upāsanā-āśrito dharmo jāte brahmaṇi vartate prāg utpatter a-jaṃ sarvaṃ tena asau kṛpaṇaḥ smṛtaḥ //

ato vakṣyāmy akārpaṇyam ajāti samatāṃ gatam
yathā na jāyate kiṃcij jāyamānaṃ samantataḥ // GpK_3.2

ato vakṣyāmy a-kārpaṇyam a-jāti samatāṃ gatam yathā na jāyate kiṃ-cij jāyamānaṃ sam-antataḥ //

ātmā hy ākāśavaj jīvair ghaṭākāśair ivoditaḥ
ghaṭādivac ca saṃghātair jātāv etan nidarśanam // GpK_3.3

ātmā hy ākāśavaj jīvair ghaṭa-ākāśair iva uditaḥ ghaṭa-ādivac ca saṃghātair jātāv etan nidarśanam //

ghaṭādiṣu pralīneṣu ghaṭākāśādayo yathā
ākāśe saṃpralīyante tadvaj jīvā ihātmani // GpK_3.4

ghaṭa-ādiṣu pralīneṣu ghaṭa-ākāśa-ādayo yathā ākāśe saṃpralīyante tadvaj jīvā ihā atmani //

yathaikasmin ghaṭākāśe rajodhūmādibhir yute
na sarve saṃprayujyante tadvaj jīvāḥ sukhādibhiḥ // GpK_3.5

yatha aikasmin ghaṭa-ākāśe rajo-dhūma-ādibhir yute na sarve saṃprayujyante tadvaj jīvāḥ sukha-ādibhiḥ //

rūpakāryasamākhyāś ca bhidyante tatra tatra vai
ākāśasya na bhedo 'sti tadvaj jīveṣu nirṇayaḥ // GpK_3.6

rūpa-kārya-samākhyāś ca bhidyante tatra tatra vai ākāśasya na bhedo 'sti tadvaj jīveṣu nirṇayaḥ //

nākāśasya ghaṭākāśo vikārāvayavau yathā
naivātmanaḥ sadā jīvo vikārāvayavau tathā // GpK_3.7

nā akāśasya ghaṭa-ākāśo vikāra-avayavau yathā na evā atmanaḥ sadā jīvo vikāra-avayavau tathā //

yathā bhavati bālānāṃ gaganaṃ malinaṃ malaiḥ
tathā bhavaty abuddhānām ātmāpi malino malaiḥ // GpK_3.8

yathā bhavati bālānāṃ gaganaṃ malinaṃ malaiḥ tathā bhavaty a-buddhānām ātma āpi malino malaiḥ //

maraṇe saṃbhave caiva gatyāgamanayor api
(sthitau [B:]sthitaḥ) sarvaśarīreṣu (ākāśenā[K,S:]cākāśenā)vilakṣaṇaḥ [CHECK!] // GpK_3.9

maraṇe saṃbhave ca eva gaty-āgamanayor api (sthitau [B:]sthitaḥ) sarva-śarīreṣu (ākāśena a-[K,S:]cā akāśena a-)vilakṣaṇaḥ [CHECK!] //

saṃghātāḥ svapnavat (sarve [K: ,S:]sarve) ātmamāyāvisarjitāḥ [CHECK!]
ādhikye sarvasāmye vā nopapattir hi vidyate // GpK_3.10

saṃghātāḥ svapnavat (sarve [K: ,S:]sarve) ātma-māyā-visarjitāḥ [CHECK!] ādhikye sarva-sāmye vā na upapattir hi vidyate //

rasādayo hi ye kośā vyākhyātās taittirīyake
teṣāṃ ātmā paro jīvaḥ (khaṃ yathā [B:]sayathā) saṃprakāśitaḥ // GpK_3.11

rasa-ādayo hi ye kośā vyākhyātās taittirīyake teṣāṃ ātmā paro jīvaḥ (khaṃ yathā [B:]sa-yathā) saṃprakāśitaḥ //

dvayor dvayor madhujñāne paraṃ brahma prakāśitam
pṛthivyām udare caiva yathākāśaḥ prakāśitaḥ // GpK_3.12

dvayor dvayor madhu-jñāne paraṃ brahma prakāśitam pṛthivyām udare ca eva yathā ākāśaḥ prakāśitaḥ //

jīvātmanor ananyatvam abhedena praśasyate
nānātvaṃ nindyate yac ca tad evaṃ hi samañjasam // GpK_3.13

jīva-ātmanor an-anyatvam a-bhedena praśasyate nānātvaṃ nindyate yac ca tad evaṃ hi samañjasam //

jīvātmanoḥ pṛthaktvaṃ yat prāg utpatteḥ prakīrtitam
bhaviṣyadvṛttyā gauṇaṃ tan mukhyatvaṃ (hi na [B:]na hi) yujyate // GpK_3.14

jīva-ātmanoḥ pṛthaktvaṃ yat prāg utpatteḥ prakīrtitam bhaviṣyad-vṛttyā gauṇaṃ tan mukhyatvaṃ (hi na [B:]na hi) yujyate //

mṛllohavisphuliṅgādyaiḥ sṛṣṭir yā coditānyathā
upāyaḥ so 'vatārāya nāsti bhedaḥ kathaṃcana // GpK_3.15

mṛl-loha-visphuliṅga-ādyaiḥ sṛṣṭir yā codita ānyathā upāyaḥ so 'vatārāya na asti bhedaḥ kathaṃ-cana //

āśramās trividhā hīnamadhyamotkṛṣṭadṛṣṭayaḥ
upāsanopadiṣṭeyaṃ tadartham anukampayā // GpK_3.16

āśramās tri-vidhā hīnamadhyama-utkṛṣṭa-dṛṣṭayaḥ upāsana ūpadiṣṭa īyaṃ tad-artham anukampayā //

svasiddhāntavyavasthāsu dvaitino niścitā dṛḍham
parasparaṃ virudhyante tair ayaṃ na virudhyate // GpK_3.17

sva-siddha-anta-vyavasthāsu dvaitino niścitā dṛḍham paras-paraṃ virudhyante tair ayaṃ na virudhyate //

advaitaṃ paramārtho hi dvaitaṃ tadbheda ucyate
teṣām ubhayathā dvaitaṃ tenāyaṃ na virudhyate // GpK_3.18

a-dvaitaṃ parama-artho hi dvaitaṃ tad-bheda ucyate teṣām ubhayathā dvaitaṃ tena ayaṃ na virudhyate //

māyayā bhidyate hy etan nānyathājaṃ kathaṃcana
tattvato bhidyamāne hi martyatām amṛtaṃ vrajet // GpK_3.19

māyayā bhidyate hy etan na anyatha ā-jaṃ kathaṃ-cana tattvato bhidyamāne hi martyatām a-mṛtaṃ vrajet //

ajātasyaiva bhāvasya jātim icchanti vādinaḥ
ajāto hy amṛto bhāvo martyatāṃ katham eṣyati // GpK_3.20

a-jātasya eva bhāvasya jātim icchanti vādinaḥ a-jāto hy a-mṛto bhāvo martyatāṃ katham eṣyati //

na bhavaty amṛtaṃ martyaṃ na martyam amṛtaṃ tathā
prakṛter anyathābhāvo na kathaṃcid bhaviṣyati // GpK_3.21

na bhavaty a-mṛtaṃ martyaṃ na martyam a-mṛtaṃ tathā prakṛter anyathā-bhāvo na kathaṃ-cid bhaviṣyati //

svabhāvenāmṛto yasya bhāvo gacchati martyatām
kṛtakenāmṛtas tasya kathaṃ sthāsyati niścalaḥ // GpK_3.22

sva-bhāvena a-mṛto yasya bhāvo gacchati martyatām kṛtakena a-mṛtas tasya kathaṃ sthāsyati niś-calaḥ //

bhūtato 'bhūtato vāpi sṛjyamāne samā śrutiḥ
niścitaṃ yuktiyuktaṃ ca yat tad bhavati netarat // GpK_3.23

bhūtato '-bhūtato va āpi sṛjyamāne samā śrutiḥ niścitaṃ yukti-yuktaṃ ca yat tad bhavati na itarat //

neha nāneti cāmnāyād indro māyābhir ity api
ajāyamāno bahudhā māyayā jāyate tu saḥ // GpK_3.24

na iha nāna īti cā amnāyād indro māyābhir ity api a-jāyamāno bahudhā māyayā jāyate tu saḥ //

saṃbhūter apavādāc ca saṃbhavaḥ pratiṣidhyate
ko (nv [K,B,S:]tv) enaṃ janayed iti kāraṇaṃ pratiṣidhyate [CHECK!] // GpK_3.25

saṃbhūter apavādāc ca saṃbhavaḥ pratiṣidhyate ko (nv [K,B,S:]tv) enaṃ janayed iti kāraṇaṃ pratiṣidhyate [CHECK!] //

sa eṣa neti netīti vyākhyātaṃ nihnute yataḥ
sarvam agrāhyabhāvena hetunājaṃ prakāśate // GpK_3.26

sa eṣa na iti na iti iti vyākhyātaṃ nihnute yataḥ sarvam a-grāhya-bhāvena hetuna ā-jaṃ prakāśate //

sato hi māyayā janma yujyate na tu tattvataḥ
tattvato jāyate yasya jātaṃ tasya hi jāyate // GpK_3.27

sato hi māyayā janma yujyate na tu tattvataḥ tattvato jāyate yasya jātaṃ tasya hi jāyate //

asato māyayā janma tattvato naiva yujyate
vandhyāputro na tattvena māyayā vāpi jāyate // GpK_3.28

a-sato māyayā janma tattvato na eva yujyate vandhyā-putro na tattvena māyayā va āpi jāyate //

yathā svapne dvayābhāsaṃ spandate māyayā manaḥ
tathā jāgraddvayābhāsaṃ spandate māyayā manaḥ // GpK_3.29

yathā svapne dvaya-ābhāsaṃ spandate māyayā manaḥ tathā jāgrad-dvaya-ābhāsaṃ spandate māyayā manaḥ //

advayaṃ ca dvayābhāsaṃ manaḥ svapne na saṃśayaḥ
advayaṃ ca dvayābhāsaṃ tathā jāgran na saṃśayaḥ // GpK_3.30

a-dvayaṃ ca dvaya-ābhāsaṃ manaḥ svapne na saṃśayaḥ a-dvayaṃ ca dvaya-ābhāsaṃ tathā jāgran na saṃśayaḥ //

manodṛśyam idaṃ dvaitaṃ yat kiṃcit sacarācaram
manaso hy amanībhāve dvaitaṃ naivopalabhyate // GpK_3.31

mano-dṛśyam idaṃ dvaitaṃ yat kiṃ-cit sa-cara-a-caram manaso hy a-manī-bhāve dvaitaṃ na eva upalabhyate //

ātmasatyānubodhena na saṃkalpayate yadā
amanastāṃ tadā yāti grāhyābhāve (tad agraham [B:]tadagrahāt) // GpK_3.32

ātma-satya-anubodhena na saṃkalpayate yadā a-manastāṃ tadā yāti grāhya-a-bhāve (tad a-graham [B:]tad-a-grahāt) //

akalpakam ajaṃ jñānaṃ jñeyābhinnaṃ pracakṣate
brahma jñeyam ajaṃ nityam ajenājaṃ vibudhyate // GpK_3.33

a-kalpakam a-jaṃ jñānaṃ jñeya-a-bhinnaṃ pracakṣate brahma jñeyam a-jaṃ nityam a-jena ajaṃ vibudhyate //

nigṛhītasya manaso nirvikalpasya dhīmataḥ
pracāraḥ sa tu vijñeyaḥ suṣupte 'nyo na tatsamaḥ // GpK_3.34

nigṛhītasya manaso nir-vikalpasya dhīmataḥ pracāraḥ sa tu vijñeyaḥ su-ṣupte 'nyo na tat-samaḥ //

līyate hi suṣupte tan nigṛhītaṃ na līyate
tad eva nirbhayaṃ brahma jñānālokaṃ samantataḥ // GpK_3.35

līyate hi su-ṣupte tan nigṛhītaṃ na līyate tad eva nir-bhayaṃ brahma jñāna-ālokaṃ sam-antataḥ //

ajam anidram asvapnam anāmakam arūpakam
sakṛdvibhātaṃ sarvajñaṃ nopacāraḥ kathaṃcana // GpK_3.36

a-jam a-nidram a-svapnam a-nāmakam a-rūpakam sakṛd-vibhātaṃ sarva-jñaṃ na upacāraḥ kathaṃ-cana //

sarvābhilāpavigataḥ sarvacintāsamutthitaḥ
supraśāntaḥ sakṛjjyotiḥ samādhir acalo 'bhayaḥ // GpK_3.37

sarva-abhilāpa-vigataḥ sarva-cintā-samutthitaḥ su-praśāntaḥ sakṛj-jyotiḥ samādhir a-calo '-bhayaḥ //

graho na tatra notsargaś cintā yatra na vidyate
ātmasaṃsthaṃ tadā jñānam ajāti samatāṃ gatam // GpK_3.38

graho na tatra na utsargaś cintā yatra na vidyate ātma-saṃsthaṃ tadā jñānam a-jāti samatāṃ gatam //

asparśayogo (vai nāma [B:]nāmaiṣa) durdarśaḥ sarvayogibhiḥ
yogino bibhyati hy asmād abhaye bhayadarśinaḥ // GpK_3.39

a-sparśa-yogo (vai nāma [B:]nāma eṣa) dur-darśaḥ sarva-yogibhiḥ yogino bibhyati hy asmād a-bhaye bhaya-darśinaḥ //

manaso nigrahāyattam abhayaṃ sarvayogiṇām
duḥkhakṣayaḥ prabodhaś cāpy akṣayā śāntir eva ca // GpK_3.40

manaso nigraha-āyattam a-bhayaṃ sarva-yogiṇām duḥkha-kṣayaḥ prabodhaś ca apy a-kṣayā śāntir eva ca //

utseka udadher yadvat kuśāgreṇaikabindunā
manaso nigrahas tadvad bhaved aparikhedataḥ // GpK_3.41

utseka uda-dher yadvat kuśa-agreṇa eka-bindunā manaso nigrahas tadvad bhaved a-parikhedataḥ //

upāyena nigṛhṇīyād vikṣiptaṃ kāmabhogayoḥ
suprasannaṃ laye caiva yathā kāmo layas tathā // GpK_3.42

upāyena nigṛhṇīyād vikṣiptaṃ kāma-bhogayoḥ su-prasannaṃ laye ca eva yathā kāmo layas tathā //

duḥkhaṃ sarvam anusmṛtya (kāma[S:]kāya)bhogān nivartayet
ajaṃ sarvam anusmṛtya jātaṃ naiva tu paśyati // GpK_3.43

duḥkhaṃ sarvam anusmṛtya (kāma-[S:]kāya-)bhogān nivartayet a-jaṃ sarvam anusmṛtya jātaṃ na eva tu paśyati //

laye saṃbodhayec cittaṃ vikṣiptaṃ śamayet punaḥ
sakaṣāyaṃ (vijānīyāt sama [B:]vijānīyāc chama)prāptaṃ na cālayet // GpK_3.44

laye saṃbodhayec cittaṃ vikṣiptaṃ śamayet punaḥ sakaṣāyaṃ (vijānīyāt sama- [B:]vijānīyāc chama-)prāptaṃ na cālayet //

nāsvādayet sukhaṃ tatra niḥsaṅgaḥ prajñayā bhavet
niścalaṃ niścarat cittam ekīkuryāt prayatnataḥ // GpK_3.45

nā asvādayet sukhaṃ tatra niḥ-saṅgaḥ prajñayā bhavet niś-calaṃ niścarat cittam ekī-kuryāt prayatnataḥ //

yadā na līyate cittaṃ na ca vikṣipyate punaḥ
aniṅganam anābhāsaṃ niṣpannaṃ brahma tat tadā // GpK_3.46

yadā na līyate cittaṃ na ca vikṣipyate punaḥ an-iṅganam an-ābhāsaṃ niṣpannaṃ brahma tat tadā //

svasthaṃ śāntaṃ sanirvāṇam akathyaṃ sukham uttamam
ajam ajena jñeyena sarvajñaṃ paricakṣate // GpK_3.47

sva-sthaṃ śāntaṃ sa-nirvāṇam a-kathyaṃ sukham uttamam a-jam a-jena jñeyena sarva-jñaṃ paricakṣate //

na kaścij jāyate jīvaḥ saṃbhavo 'sya na vidyate
etat tad uttamaṃ satyaṃ yatra kiṃcin na jāyate // GpK_3.48

na kaś-cij jāyate jīvaḥ saṃbhavo 'sya na vidyate etat tad uttamaṃ satyaṃ yatra kiṃ-cin na jāyate //

jñānenākāśakalpena dharmān yo gaganopamān
jñeyābhinnena saṃbuddhas taṃ vande dvipadāṃ varam // GpK_4.1

jñānenā akāśa-kalpena dharmān yo gagana-upamān jñeya-abhinnena saṃbuddhas taṃ vande dvi-padāṃ varam //

asparśayogo vai nāma sarvasattvasukho hitaḥ
avivādo aviruddhaś ca deśitas taṃ namāmy aham // GpK_4.2

a-sparśa-yogo vai nāma sarva-sattva-sukho hitaḥ a-vivādo a-viruddhaś ca deśitas taṃ namāmy aham //

bhūtasya jātim icchanti vādinaḥ kecid eva hi
abhūtasyāpare dhīrā vivadantaḥ parasparam // GpK_4.3

bhūtasya jātim icchanti vādinaḥ ke-cid eva hi a-bhūtasya apare dhīrā vivadantaḥ paras-param //

bhūtaṃ na jāyate kiṃcid abhūtaṃ naiva jāyate
vivadanto (dvayā [B:]advayā) hy evam ajātiṃ khyāpayanti te // GpK_4.4

bhūtaṃ na jāyate kiṃ-cid a-bhūtaṃ na eva jāyate vivadanto (dvayā [B:]a-dvayā) hy evam a-jātiṃ khyāpayanti te //

khyāpyamānām ajātiṃ tair anumodāmahe vayam
vivadāmo na taiḥ sārdham avivādaṃ nibodhata // GpK_4.5

khyāpyamānām a-jātiṃ tair anumodāmahe vayam vivadāmo na taiḥ sa-ardham a-vivādaṃ nibodhata //

ajātasyaiva dharmasya jātim icchanti vādinaḥ
ajāto hy amṛto dharmo martyatāṃ katham eṣyati // GpK_4.6

a-jātasya eva dharmasya jātim icchanti vādinaḥ a-jāto hy a-mṛto dharmo martyatāṃ katham eṣyati //

na bhavaty amṛtaṃ martyaṃ na martyam amṛtaṃ tathā
prakṛter anyathābhāvo na kathaṃcid bhaviṣyati // GpK_4.7

na bhavaty a-mṛtaṃ martyaṃ na martyam a-mṛtaṃ tathā prakṛter anyathā-bhāvo na kathaṃ-cid bhaviṣyati //

svabhāvenāmṛto yasya dharmo gacchati martyatām
kṛtakenāmṛtas tasya kathaṃ sthāsyati niścalaḥ // GpK_4.8

sva-bhāvena a-mṛto yasya dharmo gacchati martyatām kṛtakena a-mṛtas tasya kathaṃ sthāsyati niś-calaḥ //

sāṃsiddhikī svābhāvikī (sahajā [B:]sahajāpy) akṛtā ca yā
prakṛtiḥ seti vijñeyā svabhāvaṃ na jahāti yā // GpK_4.9

sāṃsiddhikī svābhāvikī (saha-jā [B:]saha-ja āpy) a-kṛtā ca yā prakṛtiḥ sa īti vijñeyā sva-bhāvaṃ na jahāti yā //

jarāmaraṇanirmuktāḥ sarve dharmāḥ svabhāvataḥ
jarāmaraṇam icchantaś cyavante tanmanīṣayā // GpK_4.10

jarā-maraṇa-nirmuktāḥ sarve dharmāḥ sva-bhāvataḥ jarā-maraṇam icchantaś cyavante tan-manīṣayā //

kāraṇaṃ yasya vai kāryaṃ kāraṇaṃ tasya jāyate
jāyamānaṃ katham ajaṃ bhinnaṃ nityaṃ kathaṃ ca tat // GpK_4.11

kāraṇaṃ yasya vai kāryaṃ kāraṇaṃ tasya jāyate jāyamānaṃ katham a-jaṃ bhinnaṃ nityaṃ kathaṃ ca tat //

kāraṇād (yady [B:]yad) ananyatvam ataḥ kāryam ajaṃ (tava [B:]yadi)
jāyamānād dhi vai kāryāt kāraṇaṃ te kathaṃ dhruvam // GpK_4.12

kāraṇād (yady [B:]yad) an-anyatvam ataḥ kāryam a-jaṃ (tava [B:]yadi) jāyamānād dhi vai kāryāt kāraṇaṃ te kathaṃ dhruvam //

ajād vai jāyate yasya dṛṣṭāntas tasya nāsti vai
jātāc ca jāyamānasya (na vyavasthā [B:]navyavasthā) prasajyate // GpK_4.13

a-jād vai jāyate yasya dṛṣṭa-antas tasya na asti vai jātāc ca jāyamānasya (na vyavasthā [B:]na-vyavasthā) prasajyate //

hetor ādiḥ phalaṃ yeṣām ādir hetuḥ phalasya ca
hetoḥ phalasya cānādiḥ kathaṃ tair upavarṇyate // GpK_4.14

hetor ādiḥ phalaṃ yeṣām ādir hetuḥ phalasya ca hetoḥ phalasya ca an-ādiḥ kathaṃ tair upavarṇyate //

hetor ādiḥ phalaṃ yeṣām ādir hetuḥ phalasya ca
tathā janma bhavet teṣāṃ putrāj janma pitur yathā // GpK_4.15

hetor ādiḥ phalaṃ yeṣām ādir hetuḥ phalasya ca tathā janma bhavet teṣāṃ putrāj janma pitur yathā //

saṃbhave hetuphalayor eṣitavyaḥ kramas tvayā
yugapat saṃbhave yasmād asaṃbandho viṣāṇavat // GpK_4.16

saṃbhave hetu-phalayor eṣitavyaḥ kramas tvayā yuga-pat saṃbhave yasmād a-saṃbandho viṣāṇavat //

phalād utpadyamānaḥ san na te hetuḥ prasidhyati
aprasiddhaḥ kathaṃ hetuḥ phalam utpādayiṣyati // GpK_4.17

phalād utpadyamānaḥ san na te hetuḥ prasidhyati a-prasiddhaḥ kathaṃ hetuḥ phalam utpādayiṣyati //

yadi hetoḥ phalāt siddhiḥ phalasiddhiś ca hetutaḥ
katarat (pūrvaniṣpannaṃ [B:]pūrvam utpannaṃ) yasya siddhir apekṣayā // GpK_4.18

yadi hetoḥ phalāt siddhiḥ phala-siddhiś ca hetutaḥ katarat (pūrva-niṣpannaṃ [B:]pūrvam utpannaṃ) yasya siddhir apekṣayā //

aśaktir aparijñānaṃ kramakopo 'tha vā punaḥ
evaṃ hi sarvathā buddhair ajātiḥ paridīpitā // GpK_4.19

a-śaktir a-parijñānaṃ krama-kopo 'tha vā punaḥ evaṃ hi sarvathā buddhair a-jātiḥ paridīpitā //

bījāṅkurākhyo dṛṣṭāntaḥ sadā sādhyasamo hi (saḥ [B:]naḥ)
na (hi [B:]ca) sādhyasamo hetuḥ siddhau sādhyasya yujyate // GpK_4.20

bīja-aṅkura-ākhyo dṛṣṭa-antaḥ sadā sādhya-samo hi (saḥ [B:]naḥ) na (hi [B:]ca) sādhya-samo hetuḥ siddhau sādhyasya yujyate //

pūrvāparāparijñānam ajāteḥ paridīpakam
jāyamānād dhi vai dharmāt kathaṃ pūrvaṃ na gṛhyate // GpK_4.21

pūrva-apara-a-parijñānam a-jāteḥ paridīpakam jāyamānād dhi vai dharmāt kathaṃ pūrvaṃ na gṛhyate //

svato vā parato vāpi na kiṃcid vastu jāyate
sad asat sadasad vāpi na kiṃcid vastu jāyate // GpK_4.22

svato vā parato va āpi na kiṃ-cid vastu jāyate sad a-sat sad-a-sad va āpi na kiṃ-cid vastu jāyate //

hetur na jāyate (anādeḥ [B:]anādiḥ) phalaṃ (cāpi [B:]vāpi) svabhāvataḥ
ādir na vidyate yasya tasya (hy ādir [B:]jātir) na vidyate // GpK_4.23

hetur na jāyate (an-ādeḥ [B:]an-ādiḥ) phalaṃ (ca api [B:]va āpi) sva-bhāvataḥ ādir na vidyate yasya tasya (hy ādir [B:]jātir) na vidyate //

prajñapteḥ sanimittatvam anyathā dvayanāśataḥ
saṃkleśasyopalabdheś ca paratantrāstitā matā // GpK_4.24

prajñapteḥ sa-nimittatvam anyathā dvaya-nāśataḥ saṃkleśasya upalabdheś ca para-tantra-astitā matā //

prajñapteḥ sanimittatvam iṣyate yuktidarśanāt
nimittasyānimittatvam iṣyate bhūtadarśanāt // GpK_4.25

prajñapteḥ sa-nimittatvam iṣyate yukti-darśanāt nimittasya a-nimittatvam iṣyate bhūta-darśanāt //

cittaṃ na saṃspṛśaty arthaṃ nārthābhāsaṃ tathaiva ca
abhūto hi yataś cārtho nārthābhāsas tataḥ pṛthak // GpK_4.26

cittaṃ na saṃspṛśaty arthaṃ na artha-ābhāsaṃ tatha aiva ca a-bhūto hi yataś ca artho na artha-ābhāsas tataḥ pṛthak //

nimittaṃ na sadā cittaṃ saṃspṛśaty adhvasu triṣu
animitto viparyāsaḥ kathaṃ tasya bhaviṣyati // GpK_4.27

nimittaṃ na sadā cittaṃ saṃspṛśaty adhvasu triṣu a-nimitto viparyāsaḥ kathaṃ tasya bhaviṣyati //

tasmān na jāyate cittaṃ cittadṛśyaṃ na jāyate
tasya paśyanti ye jātiṃ khe vai paśyanti te padam // GpK_4.28

tasmān na jāyate cittaṃ citta-dṛśyaṃ na jāyate tasya paśyanti ye jātiṃ khe vai paśyanti te padam //

ajātaṃ jāyate yasmād ajātiḥ prakṛtis tataḥ
prakṛter anyathābhāvo na kathaṃcid bhaviṣyati // GpK_4.29

a-jātaṃ jāyate yasmād a-jātiḥ prakṛtis tataḥ prakṛter anyathā-bhāvo na kathaṃ-cid bhaviṣyati //

anāder antavattvaṃ ca saṃsārasya na setsyate
anantatā cādimato mokṣasya na bhaviṣyati // GpK_4.30

an-āder antavattvaṃ ca saṃsārasya na setsyate an-antatā cā adimato mokṣasya na bhaviṣyati //

ādāv ante ca yan nāsti vartamāne 'pi tat tathā
vitathaiḥ sadṛśāḥ santo avitathā iva lakṣitāḥ // GpK_4.31

ādāv ante ca yan na asti vartamāne 'pi tat tathā vi-tathaiḥ sa-dṛśāḥ santo a-vi-tathā iva lakṣitāḥ //

saprayojanatā teṣāṃ svapne (vipratipadyate [B:]api pratipadyate)
tasmād ādyantavattvena mithyaiva khalu te smṛtāḥ // GpK_4.32

sa-prayojanatā teṣāṃ svapne (vipratipadyate [B:]api pratipadyate) tasmād ādy-antavattvena mithya aiva khalu te smṛtāḥ //

sarve dharmā mṛṣā svapne kāyasyāntarnidarśanāt
saṃvṛte 'smin pradeśe vai bhūtānāṃ darśanaṃ kutaḥ // GpK_4.33

sarve dharmā mṛṣā svapne kāyasya antar-nidarśanāt saṃvṛte 'smin pradeśe vai bhūtānāṃ darśanaṃ kutaḥ //

na yuktaṃ darśanaṃ gatvā kālasyāniyamād gatau
pratibuddhaś ca vai sarvas tasmin deśe na vidyate // GpK_4.34

na yuktaṃ darśanaṃ gatvā kālasya a-niyamād gatau pratibuddhaś ca vai sarvas tasmin deśe na vidyate //

mitrādyaiḥ saha saṃmantrya (saṃbuddho [B:]prabuddho) na prapadyate
gṛhītaṃ cāpi yat kiṃcit pratibuddho na paśyati // GpK_4.35

mitra-ādyaiḥ saha saṃmantrya (saṃbuddho [B:]prabuddho) na prapadyate gṛhītaṃ ca api yat kiṃ-cit pratibuddho na paśyati //

svapne cāvastukaḥ kāyaḥ pṛthag anyasya darśanāt
yathā kāyas tathā sarvaṃ cittadṛśyam avastukam // GpK_4.36

svapne ca a-vastukaḥ kāyaḥ pṛthag anyasya darśanāt yathā kāyas tathā sarvaṃ citta-dṛśyam a-vastukam //

grahaṇāj jāgaritavat taddhetuḥ svapne iṣyate
tad(dhetutvāt tu [B:]dhetutvāc ca) tasyaiva saj jāgaritam iṣyate // GpK_4.37

grahaṇāj jāgaritavat tad-dhetuḥ svapne iṣyate tad-(dhetutvāt tu [B:]dhetutvāc ca) tasya eva saj jāgaritam iṣyate //

utpādasyāprasiddhatvād ajaṃ sarvam udāhṛtam
na ca bhūtād abhūtasya saṃbhavo 'sti kathaṃcana // 4.38

utpādasya a-prasiddhatvād a-jaṃ sarvam udāhṛtam na ca bhūtād a-bhūtasya saṃbhavo 'sti kathaṃ-cana //

asaj jāgarite dṛṣṭvā svapne paśyati tanmayaḥ
asat svapne 'pi dṛṣṭvā ca pratibuddho na paśyati // 4.39

a-saj jāgarite dṛṣṭvā svapne paśyati tanmayaḥ a-sat svapne 'pi dṛṣṭvā ca pratibuddho na paśyati //

nāsty asaddhetukam asat sad asaddhetukaṃ tathā
sac ca saddhetukaṃ nāsti saddhetukam asat kutaḥ // 4.40

na asty a-sad-dhetukam a-sat sad a-sad-dhetukaṃ tathā sac ca sad-dhetukaṃ na asti sad-dhetukam a-sat kutaḥ //

viparyāsād yathā jāgrad acintyān bhūtavat spṛśet
tathā svapne viparyāsād dharmāṃs tatraiva paśyati // 4.41

viparyāsād yathā jāgrad a-cintyān bhūtavat spṛśet tathā svapne viparyāsād dharmāṃs tatra eva paśyati //

upalambhāt samācārād astivastutvavādinām
jātis tu deśitā buddhair ajātes trasatāṃ sadā // GpK_4.42

upalambhāt samācārād asti-vastutva-vādinām jātis tu deśitā buddhair a-jātes trasatāṃ sadā //

ajātes trasatāṃ teṣām upalaṃbhād viyanti ye
jātidoṣā na setsyanti doṣo 'py alpo bhaviṣyati // GpK_4.43

a-jātes trasatāṃ teṣām upalaṃbhād viyanti ye jāti-doṣā na setsyanti doṣo 'py alpo bhaviṣyati //

upalambhāt samācārān māyāhastī yathocyate
upalambhāt samācārād asti vastu tathocyate // GpK_4.44

upalambhāt samācārān māyā-hastī yatha ūcyate upalambhāt samācārād asti vastu tatha ūcyate //

jātyābhāsaṃ calābhāsaṃ vastvābhāsaṃ tathaiva ca
ajācalam avastutvaṃ vijñānaṃ śāntam advayam // GpK_4.45

jāty-ābhāsaṃ cala-ābhāsaṃ vastv-ābhāsaṃ tatha aiva ca a-ja-a-calam a-vastutvaṃ vijñānaṃ śāntam a-dvayam //

evaṃ na jāyate cittam evaṃ dharmā ajāḥ smṛtāḥ
evam eva vijānanto na patanti viparyaye // GpK_4.46

evaṃ na jāyate cittam evaṃ dharmā a-jāḥ smṛtāḥ evam eva vijānanto na patanti viparyaye //

ṛjuvakrādikābhāsam (alātaspanditaṃ [B:]alātaṃ spanditaṃ) yathā
grahaṇagrāhakābhāsaṃ (vijñānaspanditaṃ [B:]vijñānaṃ spanditaṃ) tathā // GpK_4.47

ṛju-vakra-ādika-ābhāsam (alāta-spanditaṃ [B:]alātaṃ spanditaṃ) yathā grahaṇa-grāhaka-ābhāsaṃ (vijñāna-spanditaṃ [B:]vijñānaṃ spanditaṃ) tathā //

aspandamānam (alātam [B:]ālātam) anābhāsam ajaṃ yathā
aspandamānaṃ vijñānam anābhāsam ajaṃ tathā // GpK_4.48

a-spandamānam (alātam [B:]ālātam) an-ābhāsam a-jaṃ yathā a-spandamānaṃ vijñānam an-ābhāsam a-jaṃ tathā //

alāte spandamāne vai nābhāsā anyatobhuvaḥ
na tato 'nyatra nispandān nālātaṃ praviśanti te // GpK_4.49

alāte spandamāne vai nā abhāsā anyato-bhuvaḥ na tato 'nyatra nispandān na alātaṃ praviśanti te //

na nirgatā alātāt te dravyatvābhāvayogataḥ
vijñāne 'pi tathaiva syur ābhāsasyāviśeṣataḥ // GpK_4.50

na nirgatā alātāt te dravyatva-a-bhāva-yogataḥ vijñāne 'pi tatha aiva syur ābhāsasya a-viśeṣataḥ //

vijñāne spandamāne vai nābhāsā anyatobhuvaḥ
na tato 'nyatra nispandān na vijñānaṃ viśanti te // GpK_4.51

vijñāne spandamāne vai nā abhāsā anyato-bhuvaḥ na tato 'nyatra nispandān na vijñānaṃ viśanti te //

na nirgatās te vijñānād dravyatvābhāvayogataḥ
kāryakāraṇatābhāvād yato 'cintyāḥ sadaiva te // GpK_4.52

na nirgatās te vijñānād dravyatva-a-bhāva-yogataḥ kārya-kāraṇatā-a-bhāvād yato '-cintyāḥ sada aiva te //

dravyaṃ dravyasya hetuḥ syād anyad anyasya caiva hi
dravyatvam anyabhāvo vā dharmāṇāṃ nopapadyate // GpK_4.53

dravyaṃ dravyasya hetuḥ syād anyad anyasya ca eva hi dravyatvam anya-bhāvo vā dharmāṇāṃ na upapadyate //

evaṃ na cittajā dharmāś cittaṃ vāpi na dharmajam
evaṃ hetuphalājātiṃ praviśanti manīṣiṇaḥ // GpK_4.54

evaṃ na citta-jā dharmāś cittaṃ va āpi na dharma-jam evaṃ hetu-phala-a-jātiṃ praviśanti manīṣiṇaḥ //

yāvad dhetuphalāveśas tāvad dhetuphalodbhavaḥ
kṣīṇe hetuphalāveśe nāsti hetuphalodbhavaḥ // GpK_4.55

yāvad dhetu-phala-āveśas tāvad dhetu-phala-udbhavaḥ kṣīṇe hetu-phala-āveśe na asti hetu-phala-udbhavaḥ //

yāvad dhetuphalāveśaḥ saṃsāras tāvad āyataḥ
kṣīṇe hetuphalāveśe (saṃsāraṃ na prapadyate [B:]saṃsāro nopapadyate) // GpK_4.56

yāvad dhetu-phala-āveśaḥ saṃsāras tāvad āyataḥ kṣīṇe hetu-phala-āveśe (saṃsāraṃ na prapadyate [B:]saṃsāro na upapadyate) //

saṃvṛtyā jāyate sarvaṃ śāśvataṃ (nāsti tena [B:]tena nāsti) vai
(sad[B:]sva)bhāvena hy ajaṃ sarvam ucchedas tena nāsti vai // GpK_4.57

saṃvṛtyā jāyate sarvaṃ śāśvataṃ (na asti tena [B:]tena na asti) vai (sad-[B:]sva-)bhāvena hy a-jaṃ sarvam ucchedas tena na asti vai //

dharmā ye iti jāyante (jāyante [B:]saṃvṛtyā) te na tattvataḥ
janma māyopamaṃ teṣāṃ sā ca māyā na vidyate // GpK_4.58

dharmā ye iti jāyante (jāyante [B:]saṃvṛtyā) te na tattvataḥ janma māyā-upamaṃ teṣāṃ sā ca māyā na vidyate //

yathā māyāmayād bījāj jāyate tanmayo 'ṅkuraḥ
nāsau nityo na cocchedī tadvad dharmeṣu yojanā // GpK_4.59

yathā māyāmayād bījāj jāyate tanmayo 'ṅkuraḥ na asau nityo na ca ucchedī tadvad dharmeṣu yojanā //

nājeṣu sarvadharmeṣu śāśvatāśāśvatābhidhā
yatra varṇā na vartante vivekas tatra nocyate // GpK_4.60

na a-jeṣu sarva-dharmeṣu śāśvata-a-śāśvata-abhidhā yatra varṇā na vartante vivekas tatra na ucyate //

yathā svapne dvayābhāsaṃ cittaṃ calati māyayā
tathā jāgrad dvayābhāsaṃ cittaṃ calati māyayā // GpK_4.61

yathā svapne dvaya-ābhāsaṃ cittaṃ calati māyayā tathā jāgrad dvaya-ābhāsaṃ cittaṃ calati māyayā //

advayaṃ ca dvayābhāsaṃ cittaṃ svapne na saṃśayaḥ
advayaṃ ca dvayābhāsaṃ (tathā [B:]cittaṃ) jāgran na saṃśayaḥ // GpK_4.62

a-dvayaṃ ca dvaya-ābhāsaṃ cittaṃ svapne na saṃśayaḥ a-dvayaṃ ca dvaya-ābhāsaṃ (tathā [B:]cittaṃ) jāgran na saṃśayaḥ //

svapnadṛk pracaran svapne dikṣu vai daśasu sthitān
aṇḍajān svedajān vāpi jīvān paśyati yān sadā // GpK_4.63

svapna-dṛk pracaran svapne dikṣu vai daśasu sthitān aṇḍa-jān sveda-jān va āpi jīvān paśyati yān sadā //

svapnadṛkcittadṛśyās te na vidyante tataḥ pṛthak
tathā taddṛśyam evedaṃ svapnadṛkcittam iṣyate // GpK_4.64

svapna-dṛk-citta-dṛśyās te na vidyante tataḥ pṛthak tathā tad-dṛśyam eva idaṃ svapna-dṛk-cittam iṣyate //

carañ jāgarite jāgrad dikṣu vai daśasu sthitān
aṇḍajān svedajān vāpi jīvān paśyati yān sadā // GpK_4.65

carañ jāgarite jāgrad dikṣu vai daśasu sthitān aṇḍa-jān sveda-jān va āpi jīvān paśyati yān sadā //

jāgraccittekṣaṇīyās te na vidyante tataḥ pṛthak
tathā taddṛśyam evedaṃ jāgrataś cittam iṣyate // GpK_4.66

jāgrac-citta-īkṣaṇīyās te na vidyante tataḥ pṛthak tathā tad-dṛśyam eva idaṃ jāgrataś cittam iṣyate //

ubhe hy anyoanyadṛśye te kiṃ tad astīti cocyate
lakṣaṇāśūnyam ubhayaṃ tanmatenaiva gṛhyate // GpK_4.67

ubhe hy anyo-anya-dṛśye te kiṃ tad asti iti ca ucyate lakṣaṇā-śūnyam ubhayaṃ tan-matena eva gṛhyate //

yathā svapnamayo jīvo jāyate mriyate 'pi ca
tathā jīvā amī sarve bhavanti na bhavanti ca // GpK_4.68

yathā svapnamayo jīvo jāyate mriyate 'pi ca tathā jīvā amī sarve bhavanti na bhavanti ca //

yathā māyāmayo jīvo jāyate mriyate 'pi ca
tathā jīvā amī sarve bhavanti na bhavanti ca // GpK_4.69

yathā māyāmayo jīvo jāyate mriyate 'pi ca tathā jīvā amī sarve bhavanti na bhavanti ca //

yathā nirmitako jīvo jāyate mriyate 'pi ca
tathā jīvā amī sarve bhavanti na bhavanti ca // GpK_4.70

yathā nirmitako jīvo jāyate mriyate 'pi ca tathā jīvā amī sarve bhavanti na bhavanti ca //

na kaścij jāyate jīvaḥ saṃbhavo 'sya na vidyate
etat tad uttamaṃ satyaṃ yatra kiṃcin na jāyate // GpK_4.71

na kaś-cij jāyate jīvaḥ saṃbhavo 'sya na vidyate etat tad uttamaṃ satyaṃ yatra kiṃ-cin na jāyate //

cittaspanditam evedaṃ grāhyagrāhakavad dvayam
cittaṃ nirviṣayaṃ nityam asaṅgaṃ tena kīrtitam // GpK_4.72

citta-spanditam eva idaṃ grāhya-grāhakavad dvayam cittaṃ nir-viṣayaṃ nityam a-saṅgaṃ tena kīrtitam //

yo 'sti kalpitasaṃvṛtyā paramārthena nāsty asau
(paratantrābhisaṃvṛtyā [B:]paratantro 'bhisaṃvṛtyā) syān nāsti paramārthataḥ // GpK_4.73

yo 'sti kalpita-saṃvṛtyā parama-arthena na asty asau (para-tantra-abhisaṃvṛtyā [B:]para-tantro 'bhisaṃvṛtyā) syān na asti parama-arthataḥ //

ajaḥ kalpitasaṃvṛtyā paramārthena nāpy ajaḥ
(paratantrābhiniṣpattyā [B:]paratantro 'bhiniṣpattyā) saṃvṛtyā jāyate tu saḥ // GpK_4.74

a-jaḥ kalpita-saṃvṛtyā parama-arthena na apy a-jaḥ (para-tantra-abhiniṣpattyā [B:]para-tantro 'bhiniṣpattyā) saṃvṛtyā jāyate tu saḥ //

abhūtābhiniveśo 'sti dvayaṃ tatra na vidyate
dvayābhāvaṃ sa buddhvaiva nirnimitto na jāyate // GpK_4.75

a-bhūta-abhiniveśo 'sti dvayaṃ tatra na vidyate dvaya-a-bhāvaṃ sa buddhva aiva nir-nimitto na jāyate //

yadā na labhate hetūn uttamādhamamadhyamān
tadā na jāyate cittaṃ hetvabhāve phalaṃ kutaḥ // GpK_4.76

yadā na labhate hetūn uttama-adhama-madhyamān tadā na jāyate cittaṃ hetv-a-bhāve phalaṃ kutaḥ //

animittasya cittasya yānutpattiḥ samādvayā
ajātasyaiva sarvasya cittadṛśyaṃ hi tad yataḥ // GpK_4.77

a-nimittasya cittasya ya ān-utpattiḥ sama ā-dvayā a-jātasya eva sarvasya citta-dṛśyaṃ hi tad yataḥ //

buddhvānimittatāṃ satyāṃ hetuṃ pṛthag an(āpnuvan [B:]āpnuvat)
vītaśokaṃ (tathā[B:]tadā)kāmam abhayaṃ padam aśnute // GpK_4.78

buddhva ā-nimittatāṃ satyāṃ hetuṃ pṛthag an-(āpnuvan [B:]āpnuvat) vīta-śokaṃ (tatha ā-[B:]tada ā-)kāmam a-bhayaṃ padam aśnute //

abhūtābhiniveśād dhi sadṛśe tat pravartate
vastvabhāvaṃ sa buddhvaiva niḥsaṅgaṃ vinivartate // GpK_4.79

a-bhūta-abhiniveśād dhi sa-dṛśe tat pravartate vastv-a-bhāvaṃ sa buddhva aiva niḥ-saṅgaṃ vinivartate //

nivṛttasyāpravṛttasya niścalā hi tadā sthitiḥ
viṣayaḥ sa hi buddhānāṃ tat sāmyam ajam advayam // GpK_4.80

nivṛttasya a-pravṛttasya niś-calā hi tadā sthitiḥ viṣayaḥ sa hi buddhānāṃ tat sāmyam a-jam a-dvayam //

ajam anidram asvapnaṃ prabhātaṃ bhavati svayam
sakṛdvibhāto hy evaiṣa dharmo (dhātusvabhāvataḥ [B:]dhātuḥ svabhāvataḥ) // GpK_4.81

a-jam a-nidram a-svapnaṃ prabhātaṃ bhavati svayam sa-kṛd-vibhāto hy eva eṣa dharmo (dhātu-sva-bhāvataḥ [B:]dhātuḥ sva-bhāvataḥ) //

sukham āvriyate nityaṃ duḥkhaṃ vivriyate sadā
yasya kasya ca dharmasya graheṇa bhagavān asau // GpK_4.82

sukham āvriyate nityaṃ duḥkhaṃ vivriyate sadā yasya kasya ca dharmasya graheṇa bhagavān asau //

asti nāsty asti nāstīti nāsti nāstīti vā punaḥ
calasthirobhayābhāvair āvṛṇoty eva bāliśaḥ // GpK_4.83

asti na asty asti na asti iti na asti na asti iti vā punaḥ cala-sthira-ubhaya-a-bhāvair āvṛṇoty eva bāliśaḥ //

koṭyaś catasra etās tu grahair yāsāṃ (sadāvṛtaḥ [K:]sahāvṛtaḥ)
bhagavān ābhir aspṛṣṭo yena dṛṣṭaḥ sa sarvadṛk // GpK_4.84

koṭyaś catasra etās tu grahair yāsāṃ (sadā āvṛtaḥ [K:]sahā avṛtaḥ) bhagavān ābhir a-spṛṣṭo yena dṛṣṭaḥ sa sarva-dṛk //

prāpya sarvajñatāṃ kṛtsnāṃ brāhmaṇyaṃ padam advayam
anāpannādimadhyāntaṃ kim ataḥ param īhate // GpK_4.85

prāpya sarva-jñatāṃ kṛtsnāṃ brāhmaṇyaṃ padam a-dvayam an-āpanna-ādi-madhya-antaṃ kim ataḥ param īhate //

viprāṇāṃ vinayo hy eṣa śamaḥ prākṛta ucyate
damaḥ prakṛtidāntatvād evaṃ vidvāñ śamaṃ vrajet // GpK_4.86

viprāṇāṃ vinayo hy eṣa śamaḥ prākṛta ucyate damaḥ prakṛti-dāntatvād evaṃ vidvāñ śamaṃ vrajet //

savastu sopalambhaṃ ca dvayaṃ laukikam iṣyate
avastu sopalambhaṃ ca śuddhaṃ laukikam iṣyate // GpK_4.87

sa-vastu sa-upalambhaṃ ca dvayaṃ laukikam iṣyate a-vastu sa-upalambhaṃ ca śuddhaṃ laukikam iṣyate //

avastv anupalambhaṃ ca lokottaram iti smṛtam
jñānaṃ jñeyaṃ ca vijñeyaṃ sadā buddhaiḥ prakīrtitam // GpK_4.88

a-vastv an-upalambhaṃ ca loka-uttaram iti smṛtam jñānaṃ jñeyaṃ ca vijñeyaṃ sadā buddhaiḥ prakīrtitam //

jñāne ca trividhe jñeye krameṇa vidite svayam
sarvajñatā hi sarvatra bhavatīha mahādhiyaḥ // GpK_4.89

jñāne ca tri-vidhe jñeye krameṇa vidite svayam sarva-jñatā hi sarvatra bhavati iha mahā-dhiyaḥ //

heyajñeyāpyapākyāni vijñeyāny agra(yāṇataḥ [B:]yānataḥ)
teṣām anyatra vijñeyād upalambhas triṣu smṛtaḥ // GpK_4.90

heya-jñeya-āpya-pākyāni vijñeyāny agra-(yāṇataḥ [B:]yānataḥ) teṣām anyatra vijñeyād upalambhas triṣu smṛtaḥ //

prakṛtyākāśavaj jñeyāḥ sarve dharmā anādayaḥ
vidyate na hi nānātvaṃ teṣāṃ kvacana kiṃcana // GpK_4.91

prakṛtyā ākāśavaj jñeyāḥ sarve dharmā an-ādayaḥ vidyate na hi nānātvaṃ teṣāṃ kva-cana kiṃ-cana //

ādibuddhāḥ prakṛtyaiva sarve dharmāḥ suniścitāḥ
yasyaivaṃ bhavati kṣāntiḥ so 'mṛtatvāya kalpate // GpK_4.92

ādi-buddhāḥ prakṛtya aiva sarve dharmāḥ su-niścitāḥ yasya evaṃ bhavati kṣāntiḥ so '-mṛtatvāya kalpate //

ādiśāntā hy anutpannāḥ prakṛtyaiva sunirvṛtāḥ
sarve dharmāḥ samābhinnā ajaṃ sāmyaṃ viśāradam // GpK_4.93

ādi-śāntā hy an-utpannāḥ prakṛtya aiva su-nirvṛtāḥ sarve dharmāḥ sama-a-bhinnā a-jaṃ sāmyaṃ viśāradam //

vaiśāradyaṃ tu vai nāsti bhede vicaratāṃ sadā
bhedanimnāḥ pṛthagvādās tasmāt te kṛpaṇāḥ smṛtāḥ // GpK_4.94

vaiśāradyaṃ tu vai na asti bhede vicaratāṃ sadā bheda-nimnāḥ pṛthag-vādās tasmāt te kṛpaṇāḥ smṛtāḥ //

aje sāmye tu ye kecid bhaviṣyanti suniścitāḥ
te hi loke mahājñānās tac ca loko na gāhate // GpK_4.95

a-je sāmye tu ye ke-cid bhaviṣyanti su-niścitāḥ te hi loke mahā-jñānās tac ca loko na gāhate //

ajeṣv ajam asaṃkrāntaṃ dharmeṣu jñānam iṣyate
yato na kramate jñānam asaṅgaṃ tena kīrtitam // GpK_4.96

a-jeṣv a-jam a-saṃkrāntaṃ dharmeṣu jñānam iṣyate yato na kramate jñānam a-saṅgaṃ tena kīrtitam //

aṇumātre 'pi vaidharmye jāyamāne 'vipaścitaḥ
asaṅgatā sadā nāsti kim utāvaraṇacyutiḥ // GpK_4.97

aṇu-mātre 'pi vaidharmye jāyamāne '-vipaś-citaḥ a-saṅgatā sadā na asti kim utā avaraṇa-cyutiḥ //

alabdhāvaraṇāḥ sarve dharmāḥ prakṛtinirmalāḥ
ādau buddhās tathā muktā budhyante iti nāyakāḥ // GpK_4.98

a-labdha-āvaraṇāḥ sarve dharmāḥ prakṛti-nir-malāḥ ādau buddhās tathā muktā budhyante iti nāyakāḥ //

kramate na hi buddhasya jñānaṃ dharmeṣu (tāpinaḥ ([B,K:]tāyinaḥ)
(sarve dharmās [B:]sarvadharmās) tathā jñānaṃ naitad buddhena bhāṣitam // GpK_4.99

kramate na hi buddhasya jñānaṃ dharmeṣu (tāpinaḥ ([B,K:]tāyinaḥ) (sarve dharmās [B:]sarva-dharmās) tathā jñānaṃ na etad buddhena bhāṣitam //

durdarśam atigambhīram ajaṃ sāmyaṃ viśāradam
buddhvā padam anānātvaṃ namas kurmo yathābalam // GpK_4.100

dur-darśam ati-gambhīram a-jaṃ sāmyaṃ viśāradam buddhvā padam a-nānātvaṃ namas kurmo yathā-balam //