Aśvaghoṣa: Buddhacarita 1-23 (Tibetan translation)

*| | G, p. 1b N, p. 1brgya gar skad du | buddha tsa ri ta ma hā kā bya nā ma | (p1)

bod skad du | sangs rgyas kyi spyod pa zhes bya ba'i G, p. 2asnyan dngags chen po |

bu ram shing par mthu mnyam bu ram shing pa'i rgyud
thub dka' shākya rnams la spyod pa rnam G, p. 2bdag pa
N, p. 2a'phrog byed zla ba lta bur skye dgu rnams la sdug
rgyal po zas gtsang zhes bya'i ming can byung bar gyur BCt_1.1

dbang po dang mtshungs de yi bdag po ldan ma yin
nus mthu rjes mtshungs gzi brjid lha mo bde sogs dang
padmo can 'dra phun sum tshogs pa sa bzhin brtan
sgyu ma chen mo zhes bya dpe med sgyu 'dra byung BCt_1.2

mi skyong rgyal po 'di ni de dang thabs cig tu
dga' ba nyer ldan rnam thos sras kyi dpal bzhin rol
Q, p. 2bde nas yang dag ting D, p. 2a'dzin ldan pa'i rig C, p. 2ama bzhin
sdig bral ma de mngal ni rnam par N, p. 2bbzung bar gyur BCt_1.3

mngal dang nye bar ldan pa nyid kyi sngon rol tu
de ni gnyid song glang po'i dbang po dkar po zhig
rang nyid la ni rab tu zhugs sogs mthong gyur la
de yi mtshan ma nyam G, p. 3athag pa yang thob ma yin BCt_1.4

lha dang rab tu mtshungs pa de yi lha mo de
mngal gyis rigs kyi dpal ni rab tu 'dren byed cing
sgyu ma ngal ba dang ni mya ngan sgyu med par
gtsang la nyon mongs med pa'i dgon par blo gros mdzad BCt_1.5

de ni lum bi zhes bya'i nags mthar gyur pa'i sa
sna tshogs ljon shing sna tshogs shing rta mngon dga' bar
bsam gtan la bzod dben pa'i nags kyi mtha' bzhed ma
'gro ba'i ched dang gnas phyir mi skyong la zhus so BCt_1.6

de yi chos dang ldan la 'phags pa'i zhe 'dod dag
rnam par shes nas ya mtshan dga' ba yis gang ste
zhi ba'i grong nas sa yi bdag po gshegs gyur te
de yi dga' ba'i N, p. 3argyu yin rnam par rgyu phyir min BCt_1.7

dpal dang ldan pa'i nags der rgyal po'i bdag ldan ma
rab tu bltams pa'i dus ni yang dag mngon gzigs shing
bla re nye bar D, p. 2bphul ba'i gzims mal rab thob ste
C, p. 2bmi mo stong phrag dag gis mngon par dga' bar byed BCt_1.8

de nas skar ma rgyal rab ldan par gyur pa'i tshe
brtul zhugs legs par 'dus byas lha mo de yi ni
rtsib logs dag nas 'jig rten phan phyir sras bltams te
tshor ba dang ni bral zhing nad dang bral ba nyid BCt_1.9

ji ltar brla skyes brla nas rgya chen lag pa nas
dbang po dang mtshungs nga la nu ni spyi bo nas
*mchan ldan nyid kyang lag pa'i cha shas gsang ba nas
rnam pa de ltar de yi skye ba byung bar gyur BCt_1.10

mngal nas mngon par nges par byung ba gzugs mdzes te
nam mkha' dag las 'phos 'dra skye gnas G, p. 3blas ma skyes
bskal pa gcig min rnams su bsgoms Q, p. 3apa'i bdag nyid ni
N, p. 3b gang zhig yang dag rab tu shes na skyes gyur blun po min BCt_1.11

nyi ma gzhon nu sa la mngon par babs pa bzhin
gsal ba dang ni brtan pas gang zhig mdzes pa ste
de ltar shin tu gsal yang nges par rtog pa na
ri bong gis mtshan ji ltar mig dag phrogs par gyur BCt_1.12

de ni rang gi lus kyi 'od rab 'bar ba yis
sgron ma'i 'od kyang gsal bar byed pa ltar bcom ste
rin thang chen po 'dzam bu chu gser mdzes pa'i mdog
phyogs rnams thams cad rnam par snang zhing gsal bar mdzad BCt_1.13

byang chub phyir dang 'gro la phan pa'i phyir skyes shing
'di ni bdag gi srid pa'i skye ba tha ma zhes
seng ge'i 'gros 'dra phyogs bzhi dag tu rnam gzigs nas
snod ldan rnams kyi don byed ngag kyang smras par gyur BCt_1.15

nam mkha' dag las rab babs zla ba'i 'od zer dkar
grang dang dro ba'i chu rgyun rnam pa gnyis kyi shugs
lus la yang dag reg pas N, p. 4abde ba bskyed pa'i phyir
mdzes shing yid 'od de yi spyi bor babs par gyur BCt_1.16

dpal ldan bla re bres par gser gyis 'bar zhing mtshan
bai ḍū rya yi rkang pa'i C, p. 3agzims mal la gzims pa
de la gus phyir gser gyi padma'i phyag G, p. 4amnga' ba'i
D, p. 3agnod sbyin bdag rnams kun nas yongs su bskor nas gnas BCt_1.17

mi mngon gyur pa'i lha rnams kyis kyang nam mkha' la
gang gi mthu las mgo bo yis ni rab btud cing
kun nas gdung ba skyob pa'i gdugs dkar rnams bzung ste
byang chub ched du mchog gi bsngags pa dag kyang smras BCt_1.18

'das pa'i Q, p. 3bsangs rgyas rnams la lhag par mchod byas pa'i
lto 'phye che rnams khyad 'phags chos la sred pa'i phyir
gang la rlung g.yab kyis g.yab gus pa'i mig gzir cing
man dā ra ba'i me tog rnams kyis yang dag 'thor BCt_1.19

de bzhin gshegs pa bltams pa'i yon tan gyis tshim pa'i
gtsang mar lhag par gnas pa'i rnam dag sems can rnams
sdug bsngal nyid du bying ba'i 'gro la phan pa'i phyir
lha rnams 'dod chags bral ba na yang dga' bar gyur BCt_1.20

gang gis rab tu bltams tshe ri rgyal phur bu nyid
rlung gis bsnun pa'i gru ltar sa gzhi g.yos gyur cing
tsan dan dang bcas u-tpal padma'i snying po yi
N, p. 4bchar pa dag ni nam mkha'i sprin dang bral las babs BCt_1.21

yid 'ong reg na bde ba'i rlung dag byung gyur te
lha yi na bza' dag ni mngon par 'bebs byed cing
nyi ma de nyid lhag par mngon par gsal ba ste
zhi ba'i 'od zer 'dus ma byas pa'i me 'bar ro BCt_1.22

shar dang byang gi mtshams kyi khang pa'i phyogs gcig na
bsil ba'i chu yi khron pa rang byung gyur pa ste
pho brang btsun mo'i 'khor rnams ya G, p. 4bmtshan gyur rnams kyis
gang la bya ba rnams ni stegs bzhin rab tu byas BCt_1.23

chos dang ldan pa'i lha dang 'byung po'i tshogs rnams kyis
de ni lta ba'i don du nags tshal rab gang ste
rmad byung ngo mtshar gyur pa nyid kyi shing las kyang
me tog rnams ni dus ma yin par nges par brul BCt_1.24

'tshe bar byed pa'i sems can rnams kyang de yi tshe
phan tshun dag tu phyin te gnod pa mi byed la
'tsho ba'i C, p. 3b'jig rten dag na nad gang ji snyed pa
de dag rnams kyang 'bad pa med par de tshe bcom BCt_1.25

mkha' 'gro'i bya ni mtho min sgra sgrogs ri dags kyang
chu klung dag ni chu yang zhi bar bab gyur la
phyogs rnams rab snang dge ba'i nam mkha' rab Q, p. 4amdzes shing
lha yi rnga rnams mkha' D, p. 3bla rab tu grags par gyur BCt_1.26

rgud par gyur la mgon ni nye bar thob nas bzhin
'jig rten dag kyang mchog tu rab zhi thob gyur la
'jig rten rnams kyi thar pa'i bla ma rab bltams tshe
'dod pa'i lha nyid kho na dga' ba med par gyur BCt_1.27

shin tu ngo mtshar sras kyi skye ba mthong gyur nas
mi bdag brtan pa yin yang rnam par 'gyur nas song
rab dga' skyes pa nyid dang yid mi bde skyes te
brtse ba las ni mchi ma rnam pa gnyis byung ngo BCt_1.28

mi ma yin pa'i sras po nyid kyi nus pa dang
ma mi rang bzhin kyang ni stobs chung nyid kyi phyir
grang dang dro ba'i chu dag 'dres pa'i chu klung bzhin
lha mo 'jigs pa dang ni dga' bas gang bar 'gyur BCt_1.29

lhag ma spangs te 'jigs pa nyid ni shes byas nas
yid 'ong 'dod pa'i ched du rtogs pa ma yin pa'i
bud med rgan mo G, p. 5arnams kyis bde legs gyur byas shing
gtsang mar byas te lha rnams dag la phyag 'tshal lo BCt_1.30

de yi mtshan nyid dag kyang shes shing thos gyur nas
spyod dang thos dang tshig N, p. 5ala grags thob bram ze rnams
rnam rgyas zhal ni ya mtshan dga' ba yis gang ste
dga' dang 'jigs par gyur pa'i mi yi lha la smras BCt_1.31

mi dag sa la bu ma gtogs pa'i khyad 'phags pa
gzhan gang cung zad 'dod min zhi ba de yi phyir
khyod kyi sgron ma 'di ni rigs kyi sgron ma ste
khyod nyid dga' bar mdzod cig dga' ston da ltar bgyi BCt_1.32

de phyir brtan par rnam dpyod med par dgar mdzod dang
rigs ni nges pa nyid du mchog tu 'phel bar 'gyur
'di ni khyod kyi bu zhes skyes par gyur pa ste
'jig rten sdug bsngal dag gis mngon par bcom pa'i mgon BCt_1.33

mchog gyur 'di la mchog gyur gser gyi 'od mnga' zhing
sgron C, p. 4ama'i 'od zer dag gis mtshan rnams gang gyur pas
de nyid rtogs par Q, p. 4bgyur pa'i thub par 'gyur ba 'am
yang na mi bdag sa stengs 'khor los sgyur bar 'gyur BCt_1.34

sa yi bdag po nyid la gal te dga' 'gyur na
stobs dang chos dag gis ni de'i tshe sa steng du
rgyal po kun gyi thog tu 'di ni gnas 'gyur te
skar ma'i 'od rnams la ni nyi ma'i 'od bzhin no BCt_1.35

de ni gal te thar bzhed nags su gshegs gyur na
mkhyen dang de nyid kyis ni de tshe sa steng du
lugs kun D, p. 4azil gyis mnan nas 'di ni gnas 'gyur te
mtho ba kun la ri rab ri yi rgyal po bzhin BCt_1.36

ji ltar G, p. 5blcags rnams la ni gser dag mchog yin la
ri rnams la ni ri rab chu bo rnams la mtsho
gza' rnams la ni zla ba dud byed rnams la nyi
de ltar khyod kyi sras ni rkang gnyis rnams kyi mchog BCt_1.37

gang gi spyan dag mi 'dzum mi gzir rnam par spangs pa ste
brtan zhing shin tu ring la dkar min rdzi ma dang
gzi brjid ldan pa yin yang 'on kyang zhi ba nyid
'di ni kun nas gzigs pa'i spyan mnga' ci la min BCt_1.38

de nas gnyis skyes rnams la mi bdag gis smra pa
bdag nyid chen po mi skyong snga mas ma mthong ba
mthong zhes khyad 'di gang yin 'di la rgyu N, p. 5bmtshan ci
de nas bram ze rnams kyis de nyid la smras pa BCt_1.39

blo dang thos pa las dang grags pa rnams la ni
mi skyong sngon dang phyi ma nyid ni tshad ma min
dngos po'i lugs la 'dir ni bya ba rgyu yin la
'dir yang bdag gi dper brjod dag ni mkhyen par mdzod BCt_1.40

gang zhig rgyal po'i bstan bcos shes ldan ngan spong dag
rigs byed drang srong de gnyis kyis ni ma byas pa
de dag gi sras zhi ba pa wa sangs dang ni
phur bu yis ni dus kyis de nyid bskyed par gyur BCt_1.41

nyams gyur snga ma rnams kyis ma mthong rig byed gang
dbyangs can ma yi bu yis kyang ni slar smras pa
nus med gnas 'jog gis ni ma byas gyur pa gang
rgyas pa Q, p. 5ayis ni de C, p. 4bltar rnam pa mang por brjod BCt_1.42

'pho byed drang srong chen pos ma bsdebs gyur pa gang
tshig gi rkang pa grog mkhar gyis ni dang por bskyed
gso ba gang yang rgyun shes kyis ni ma mthong ba
phyi nas de ni drang srong rgyun shes bu yis byas BCt_1.43

gang yang G, p. 6agnyis skyes nyid ni kun shas ma rnyed pa
de ni gting dpogs bu yis rgyal po la thob bo
bu ram shing pas dang por ma bsdams gyur pa gang
rgya mtsho la ni dug bcas kyis kyang mtshams bzung ngo BCt_1.44

slob dpon nyid du bram ze'i rnal 'byor cho ga la
gzhan rnams kyis ma thob pa skyed byed gshegs par gyur
khyab 'jug gi ni grags pa'i las rnams gang yin pa
mi rnams la ni dpa' bo la sogs stobs med gyur BCt_1.45

de phyir lang tsho dang ni D, p. 4brigs dag tshad ma yin
la la la lar mchog nyid nyer thob 'jig rten na
rgyal dang drang srong rnams kyi snga mas ma byas pa
de dang de dag rnams ni bu rnams dag gis byas BCt_1.46

de ltar gnyis skyes de rnams kyis ni yid ches te
mi skyong dbugs 'byin dang yang mngon par dga' gyur la
mi 'dod the tshom dag ni yid las rnam bsal te
rab tu dga' ba nyid la lhag par 'dzegs par gyur BCt_1.47

dga' ba yis ni gnyis skyes dam pa de N, p. 6arnams la
bkur sti sngon du 'gro ba'i nor rnams rab phul te
ji skad smras bzhin 'di ni sa yi bdag por gyur
rgas pa thob nas nags rnams su ni 'gro bar shog BCt_1.48

de nas mtshan ma rnams dang dka' thub stobs las ni
skye ba mthar mdzad bltams pa de ni rtogs gyur nas
dam pa'i chos la gus pa'i shākya'i dbang phyug gi
gnas su dkar min drang srong chen po gshegs par gyur BCt_1.49

tshangs pa'i dpal nyid kyis dang dka' thub dpal gyis ni
G, p. 6b'bar ba'i tshangs rig rnams kyi tshangs rig de la ni
rgyal po'i Q, p. 5bbla mas gus pa dang ni bkur sti'i phyir
mi dbang pho brang du ni rab tu spyan drangs so BCt_1.50

de ni sa bdag btsun mo'i 'khor gyi nye logs su
gzhon nu bltams pa la ni dga' ba'i shugs kyis 'ongs
dka' thub C, p. 5amchog las dang ni rgas pa la brten nas
brtan pa nags kyi 'du shes kyis ltar rnam par zhugs BCt_1.51

de nas thub pa gdan la gnas pa de la mi skyong gis
zhabs bsil mchod yon sngon 'gro yang dag rab mchod nas
sngon tshe gnas mchog la ni mtha' can lhas bzhin des
ji ltar nye bar spyod la snyan gsan phab pa'o BCt_1.52

bdag gi rigs ni rjes su bzung phyir nor ldan des
gang zhig bdag la gzigs phyir bcom ldan nyer gshegs la
bka' drin gnang bar mdzod cig zhi ba ci bgyi bgyi
kho bo slob ma lags so thugs rjes mdzad par rigs BCt_1.53

de ltar mi skyong gis ni dngos po thams cad kyis
nye bar gsol btab gyur pa'i thub pa ji lta bzhin
rab rgyas yangs pa'i spyan ni ya mtshan dang bcas pas
zab pa dang ni brtan pa'i tshig rnams smras pa'o BCt_1.54

chos 'dod gtong ba dang ldan 'gron la sdug cing phangs
bdag nyid chen po khyed la 'thad pa 'di yin la
sems D, p. 5adpa' rjes 'gro ye shes lang tsho rjes mthun pa
khyod kyi blo gros gnyen gang de ltar bdag la yin BCt_1.55

de dang N, p. 6bde ni gang gis mi skyong drang srong des
phra mo'i chos kyi nor rnams rab tu thob byas nas
rtag par cho ga bzhin du mchod sbyin G, p. 7abyas gyur pa
dka' thub rnams kyis phyug cing nor rnams dag gis dbul BCt_1.56

bdag gi nye bar 'ongs la dgos pa gang yin pa
bdag gi de ni gson mdzod dga' bar nyer song khyed
byang chub rtogs pa'i ched du khyod kyi sras bltams zhes
lha yi ngag dag bdag gis nyi ma'i lam du thos BCt_1.57

ngag de thos nas dang ni yid la bsgoms nas dang
mtshan ma rnams kyis shes nas de nas nye bar 'ongs
Q, p. 6abrgya byin gyi ni rgyal mtshan yang dag bsgrengs pa bzhin
shākya'i rigs kyi rgyal mtshan blta bar 'dod pa yis BCt_1.58

zhes pa'i tshig 'di de ltar thos par gyur nas ni
mi dbang rab tu dga' bas kun nas g.yos gyur te
yum gyi pang du son las gzhon nu blangs nas ni
dka' thub nor can la ni yang dag bstan par gyur BCt_1.59

de nas drang srong che des zhabs C, p. 5bla 'khor los mtshan
phyag dang zhabs kyi sor mo dra bas 'brel ba dang
glang po bzhin du mdoms nub smin ma mdzod spur bcas
ya mtshan dang bcas rgyal po'i sras ni mthong bar gyur BCt_1.60

lha mo'i pang na zhugs pa me yi bu bzhin du
ma ma'i pang na bzhugs pa mngon par mthong nas ni
byung gyur rdzi ma'i mtha' ru mchi ma rnams byung ste
dbugs med gyur nas gyen du lta la zhal phyogs gyur BCt_1.61

gang gi lus ni lha las bar na cung zad cig
gang gi skye ba ngo mtshar mang po'i sgron ma ste
gang gi don ni mchog tu 'gyur bar smra ba ste
rab tu mthong nas brtan pa gang phyir mchi ma 'ong BCt_1.63

bcom ldan gzhon nu brtan pa'i tshe can yin snyam mam
bdag gi mya N, p. 7angan ched du skyes pa min nam ci
bdag la chu yi snyim pa ci zhig ltar rnyed de
'di ni dus kyis 'thung phyir nye bar 'ongs ma yin BCt_1.64

D, p. 5bbdag gi snyan grags gter ni mi zad yin snyam mam
nges par bdag gi rigs kyi lag nor yin snyam ci
nges par pha rol tu ni rab tu 'gro snyam mam
gnyid par gyur kyang bu ni phye ba'i mig gcig yod BCt_1.65

bdag gi rigs kyi myu gu skyes pa ma rgyas par
yongs su skams pa'i skal ba can zhig min snyam mam
Q, p. 6bkhyab bdag myur bar gsungs shig bdag la zhi ba med
gnyen 'dun rnams kyi bu la brtse ba khyed kyis rig BCt_1.66

'di yi gzhan gyur mtshon min bdag gi rnam 'gyur te
'on kyang rang la slu bar rab mtshon rnam par 'khrugs
skye ba zad pa'i rnyed par *sla min rtogs pa po
'di skyes bdag gi 'gro ba la ni dus yin no BCt_1.68

rgyal srid rnam par spangs nas yul rnams la mi gnas
C, p. 6a'bad pa drag po rnams kyis de nyid thob byas nas
'di ni 'gro la gti mug mun pa rnam 'joms phyir
ye shes rang bzhin nyi ma rab tu G, p. 8a'bar bar 'gyur BCt_1.69

sdug bsngal rgya mtsho nad rnams bkram pa'i dbu ba can
rga ba'i dba' rlabs 'chi ba'i shugs ni drag po las
'gro ba nyam thag bying bar gyur rnams 'di yis ni
ye shes gru bo chen po yis ni sgrol bar byed BCt_1.70

shes rab chu yi shugs la brtan pa'i tshul khrims ngogs
ting nge 'dzin ni bsil ba'i brtul zhugs ngang pa 'phyo
'di yi mchog gi chos kyi chu bo rab bskor la
sred pas nyam thag gson pa'i 'jig rten 'thung bar byed BCt_1.71

sdug bsngal gyis nyam thag dang yul gyis bsgribs rnams dang
'khor ba'i 'brog N, p. 7bdgon 'jigs par gnas pa rnams la ni
lam rab chud zos rnams la lam 'gro rnams bzhin du
'dis ni rnam par dag pa'i lam dag 'chad par 'gyur BCt_1.72

yul gyi bung shing can gyi 'dod chags me yis ni
'jig rten skye bo rnam par bsregs par gyur ba la
sos ka'i tha mar sprin chen gyis ni char bzhin du
'di yis chos kyi char gyis rab tu sim byed 'gyur BCt_1.73

sred pa'i sgo D, p. 6agtan ma rig mun pa'i sgo glegs can
sgo la skye dgu rnams kyi 'thon pa'i rgyu las ni
'di yis Q, p. 7amchog rab kun nas rnyed par dka' ba yi
dam pa'i chos kyi sgras ni rnam par 'byed par 'gyur BCt_1.74

rang gi las kyi zhags pa rnams kyis yongs dkris shing
sdug bsngal dag gis mngon par zil non rten med pa'i
'jig rten rnams kyi rdzogs pa'i byang chub brnyes nas kyang
chos kyi rgyal po 'dis ni 'ching ba mthar mdzad 'gyur BCt_1.75

rmongs sam 'dod pa'i bde ba yis sam rgyags las rung
'di yi mthar thug chos gang thos par mi byed pa
mi yi 'jig rten 'dir de mya ngan bya ba'i gnas
G, p. 8bde phyir khyed nyid 'di la mya ngan ma byed cig BCt_1.76

yon tan rgya mtsho 'di las 'khrul gyur bdag gi ni
bsam gtan rnams ni thob kyang don byas med nyid de
de yi dam chos ma thos pa C, p. 6blas kho bo ni
mtho ris dag na gnas kyang phun tshogs med pa snyam BCt_1.77

de ltar don thos bshes dang bcas shing btsun mor bcas
yid mi bde ba dor nas mi dbang dgar gyur la
rnam pa de ltar bdag gi bu ni 'di'o zhes
des ni bdag nyid la ni snying po ldan par bsams BCt_1.78

'phags pa'i chos rnams kyis kyang 'gro bar 'gyur ro zhes
bsam pa'i rnam par gzung bya snying la byas gyur te
nges par 'di ni mi sdug chos kyi phyogs min la
rigs rgyud nyams pa las ni 'on kyang 'jigs pa mthong BCt_1.79

de nas bu la rnam par 'khrugs pa'i rgyal po la
N, p. 8abu yi nges pa'i de nyid rig par byas nas su
gus bcas gyen du gzugs mthong dkar min thub pa ni
rlung gi lam gyis ji ltar 'ongs par gshegs par gyur BCt_1.80

blo gros byas pa'i sring mo'i bu yang mthong nas ni
thub pa'i gsung mnyan pa dang de yi lugs la ni
rnam mang rjes su brtse ba yis ni legs pa des
sdug pa'i bu bzhin du ni sbyor ba byed du bcug BCt_1.81

sras po skyes pas tshim pa'i mi yi bdag po yang
yul la song ba'i Q, p. 7b'ching ba rnams ni rnam spangs te
sras kyi yid 'ong sras po bltams pa'i las dag ni
rigs dang 'dra bar ji lta ba bzhin byed du bcug BCt_1.82

zhag bcu yongs su 'das par D, p. 6bgyur pa nyid kyi tshe
mchog gi dga' ba rab ldan snyoms par gyur pa'i yid
sras las mchog tu 'gyur phyir lha yi mchod pa ni
bzlas brjod dang ni sbyin sreg bkra shis la sogs byas BCt_1.83

gzhan yang brgya dang stong G, p. 9aphrag yongs su gang ba'i grangs
brtan dang stobs ldan bu rnams gser gyu rwar bcas shing
rgas pa nye bar 'ongs min 'o ma ldan pa'i ba
rang gi sras 'phel phyir na gnyis skyes rnams la byin BCt_1.84

de nas snyoms pa'i bdag nyid kyis ni rnam mang yul
rang sems tshim par byed pa'i bya ba rnams byas nas
yon tan ldan zhing dge ba'i yud tsam nges pa na
grong khyer rab tu 'jug la dga' bas blo gros mdzad BCt_1.85

de nas mche gnyis mche ba las byung rin thang che
dkar po dkar po'i me tog gis spras nor bu'i sgron
C, p. 7akhri la dge ba'i phyir ni lha mo sras ldan ma
lha rnams la ni rab tu btud nas bsnyen par gyur BCt_1.86

de nas gnas brtan skye mo rjes 'brang sras mgon ma
bdag po ldan ma grong la mdun du rab zhugs nas
mchod ldan lha na lha rnams kyis ni brgya byin bzhin
mi bdag nyid kyang grong pa'i tshogs kyis gshegs par gyur BCt_1.87

de nas gdong drug skyes pas yid ches dbang phyug bzhin
shākya'i N, p. 8brgyal pos grong khyer rnam par khyab mdzad de
zhal ni dga' bas rab gang 'di dang 'di zhes pa'i
srid 'phel rgyas pa dang ni grags dang snyan pa mdzad BCt_1.88

de nas mi yi bdag po'i sras bltams cher skyes pas
ser skya zhes pa'i grong khyer ljongs dang bcas pa de
gnod sbyin grong *ni phun tshogs 'dod pa skyes pa na
lha yi bu mo rnams kyis bkram bzhin Q, p. 8adga' bar gyur BCt_1.89

| sangs rgyas kyi spyod pa zhes bya ba'i snyan dngags chen po las | gzhon nu sku bltams pa'i le'u ste dang po'o ||

skye dang rga ba *mthar song bdag skyes bdag pham de'i
skyes pa nas brtsams mi *nyin nyi mas rgyal po de
chu yi shugs rnams G, p. 9bkyis ni chu bo sin dhu bzhin
nor dang glang po rta dang bshes rnams 'phel bar gyur BCt_2.1

nor rnams dang ni rin po che dang bzang po'i gser
de dang de ni byas dang ma byas pa nyid kyang
yid la re ba yi rang bzhin du khur gyur pa
D, p. 7ade la gcig tu phan pa'i cha shas gter rnyed gyur BCt_2.2

gang zhig padma dang mtshungs gnyis 'thung rnams kyis kyang
dkyil 'khor 'di la nye bar 'ong bar mi nus pa'i
gangs dang ldan pa'i glang chen chang gis dregs de rnams
'bad pa las kyang gzhan du de la nye bar gnas BCt_2.3

sna tshogs mtshan mas mtshan zhing gsar ba'i gser sga dang
de bzhin gzhan rnams dag gis brgyan byas rngog ma 'phyang
stobs dang byams pa dang ni nor gyis thob pa yi
'di yi mgyogs 'gro rnams kyis grong khyer phye mar byas BCt_2.4

de bzhin 'di yi yul 'khor du ni tshim dang rgyas
C, p. 7blegs *ma rdul ldan yon tan ldan pa'o mar ldan
rab mchog be'u rnams dang bcas pa'i ba rnams ni
'o ma mang po 'jo ba mang po byung bar gyur BCt_2.5

'di yi dgra bo dbus gnas nyid du song gyur pa
dbus gnas gyur pa mdza' bshes nyid du rab tu song
khyad par du ni bshes gnyen brtan por song ba ste
'di yi phyogs N, p. 9adag gnyis te dgra yang yod ma yin BCt_2.6

de bzhin du ni 'di yi 'jam rlung 'brug gi sgra
glog gi 'phreng ba 'khyil ba yis ni brgyan pa'i sprin
rdo char dang ni thog lhung nyes pa rnams kyis gzhan
yul du dus la lha yis char pa phab par gyur BCt_2.7

zhing gi las kyi ngal dub byed pa nyung ngus kyang
Q, p. 8b'bru ni 'bras bu ldan pa dus sbyor bzhin skyes te
de rnams nyid kyang 'di yi sman du byung gyur la
G, p. 10abcud dang snying po yis kyang mngon par lhag pa nyid BCt_2.8

g.yul du rab tu zhugs la kun tu 'joms pa bzhin
lus la the tshom za bar byed pa'i dus na yang
rab bzhin gnas shing bde ba nyid du nad med par
dus kyi dbang gis mi mo rnams ni rab tu btsas BCt_2.9

brtul zhugs ldan rnams ma gtogs nor rdzas dman na yang
mi rnams pha rol rnams las don du gnyer mi byed
mngon par don du gnyer la 'phags pa nor 'phra yang
de tshe 'ga' zhig dag ni rgyab kyis phyogs ma gyur BCt_2.10

de tshe rgyal po de yi rgyal srid la ni 'ga'
gnyen la zhe sa med min mi ster ba yang med
brtul zhugs med pa nyid min rdzun med 'tshe med pa
sgra mi bsgrags kyi sras po D, p. 7blta bu byung bar gyur BCt_2.11

der yang skyed mos tshal dang lha gnas dka' thub gnas
khron pa rdzing dang dge bcu 'du ba'i gnas rnams kyi
bya ba rnams ni mtho ris bzhin du nyer thob nas
chos 'dod rnams kyis mngon sum du ni rab tu mdzad BCt_2.12

mu ge dang ni 'jigs dang nad rnams las grol zhing
dgar gyur skye bo mtho ris *bzhin du mngon par dga'
bdag *pos bdag *mo la 'am mo yis bdag por rung
phan tshun log par mngon par spyod pa dag kyang med BCt_2.13

dga' ba'i ched du 'dod la 'ga' zhig C, p. 8agis ma bsnyen
'dod pa'i don du nor ni 'ga' zhig gis ma bsrungs
N, p. 9bnor gyi don du chos la 'ga' zhig gis ma spyad
chos kyi ched du tshe ba 'ga' zhig gis ma byas BCt_2.14

rkun po sogs dang dgra yang nyams par rang gnas te
pha rol mya ngan med pa ji lta ba G, p. 10bnyid bzhin
rang gi 'khor lo pha rol 'khor lo las grol te
rgyal po de la bde dang lo legs byung bar gyur BCt_2.15

lha mo sgyu ma yang ni lha yi drang srong mtshungs
bu yi nus mthu rnam par spangs pa mthong nas ni
bltams la rab tu dga' mas bzod par ma nus te
de nas gnas pa'i *phyir du lhar ni gshegs par gyur BCt_2.18

de nas lha yi mngal dang mtshungs pa'i gzhon nu la
byams pa'i rang bzhin gyis kyang khyad par med pa yi
ma yi nu mo mdangs mnyam pa yi rang bzhin la
yang dag skyed *bcug bdag las skyes pa lta bur gyur BCt_2.19

de nas nyi ma gzhon nu 'char rir gnas 'dra dang
rlung gis rab tu bud par gyur pa'i me bzhin dang
skar ma'i bdag po mun min phyogs la gnas pa ltar
gzhon nu de ni rim gyis yang dag 'phel bar gyur BCt_2.20

de nas ring thang chen po'i tsan dan D, p. 8arnams dang ni
rin chen 'phreng ba sman gyi snying por bcas rnams dang
ri dags rab tu sbyar ba'i gser gyi shing rta dang
'di yi ched du *bshes kyi khyim rnams dag nas blangs BCt_2.21

de ni C, p. 8blang tsho rjes mthun yul la nye spyod pa
de rnams kyis ni yul la nyer spyad la
dpal dang brtan pa yis dang blo dang dpal gyis kyang
Q, p. 9bbyis pa yin yang byis min rab mtshungs byung bar gyur BCt_2.23

drang srong chen po dkar min las ni sngon rol du
de yi nyes legs don gyi skal ba thos nas ni
nags su gshegs par 'gyur zhes shākya'i rgyal po yis
'dod pa rnams la chags pa bskyed du bcug par gyur BCt_2.25

brtan pa'i tshul khrims spyod pa spyan gyi rigs de las
ngo tsha dang ni dul ba nyer ldan legs ldan ma
grags 'dzin ma zhes grags pa rnam par yangs pa ma
btsun mor mngon par brjod pa'i dpal mo 'di la blangs BCt_2.26

kun *byed gzhon nu dang ni rab tu mtshungs pa yis
mchog gi lus kyis snang zhing gsal ba de nyid ni
shākya'i rgyal po'i mna' ma de dang thabs gcig tu
bde sogs ma dang mig stong ldan bzhin mngon par dga' BCt_2.27

yid kyang *skyod par byed la cung zhig rab log pa
gang gis mthong mi 'gyur zhes rjes su bsams byas nas
sa la rab tu spyod min lding khang lto nyid G, p. 11bdu
gnas dag mi skyong gis ni de la rnam par bstan BCt_2.28

de nas gzhal med nam mkhar sa la spyod pa bzhin
ston ka'i dus kyi chu *ster sprin ni dkar po yi
dus sbyor kun tu bde ba'i gzhi yi lding khang la
bud med rnams kyi sil snyan rgya chen rnams kyis rnam D, p. 8bpar gshegs BCt_2.29

gser gyis *bsdams pa'i rnga N, p. 10bshing can gyi rdza rnga'i skad
mi mo'i lag pa'i rtse mos mngon par brdungs pa yi
lha mchog ma yi gar dang mnyam pa'i gar rnams kyis
ti se'i gangs ltar de yi pho brang mdzes par gyur BCt_2.30

ngag dang bzo dang rol dang rnam 'gyur rnams kyis kyang
Q, p. 10argyags dang rtse dang rgod pa dngar mo rnams kyis dang
smin ma bskyod pa yis dang phyed mig lta rnams kyis
de la C, p. 9ader ni mi mo rnams ni dga' bar gyur BCt_2.31

de nas de ni 'dod pa *rten par mkhas pa yis
dga' bas dregs pa'i bud med rnams kyis bzung gyur la
gzhal med khang *gi rgyab nas bsod nams las can bzhin
gzhal med khang gi rgyab nas sa la ma gshegs so BCt_2.32

brtan min bzhin du 'dod pa'i bde la ma zhen la
ma rungs bskyed ma la ni yang dag chags ma gyur
brtan pas dbang po'i rta ni *stabs las rnam thul zhing
*gzhen dang grong khyer pa rnams yon tan rnams kyis rgyal BCt_2.34

gzhan gyi G, p. 12asdug bsngal phir ni rig pa ma brjod la
ye shes dge ba gang yang de la lhag par brjod
des ni rang gi skye dgu rnams la ji lta bar
de ltar skye dgu rnams la dge ba'i bsngags pa mdzad BCt_2.35

skar ma rgyal snang shes ldan sras po lhag pa'i lha
ji lta bar ni de yi tshe ring phyir mchod de
chung min me la bsreg bya rnams ni bsregs gyur la
gnyis skyes rnams la gser dang ba lang rnams kyang byin BCt_2.36

'gram stegs chab rnams kyis dang yon tan chab rnams kyis
gtsang sbra'i ched du lus dang yid la khrus byas te
rig byed du ni nye bar bstan pa'i chang rnams dang
zhi ba bdag N, p. 11askyes snying la zhi ba'i bde la 'thungs BCt_2.37

gang zhig don dang mi ldan zhi ba ma smras la
gang zhig dga' ba dang bral de nyid ma brjod de
zhi ba de nyid med dang rtsub pa'i de nyid phyir
ngo tsha ba yis bdag nyid Q, p. 10bkho na brjod ma nus BCt_2.38

sred pa dang ldan mngon C, p. 9bpar 'ongs la de ma thag
sbyin bya chu 'dra rnams kyis skom pa bcad gyur la
g.yul las ma gtogs ye shes kyi ni sta ri yis
dgra bo rnams kyi nga rgyal chen po bcom par gyur BCt_2.40

*bcig ni rnam par dul la des ni bdun bsrungs shing
bdun po nyid ni dor la lnga po dag ni bsrungs
sde tshan gsum po thob la sde tshan gsum rtogs shing
sde tshan gnyis po shes la sde tshan gnyis po spangs BCt_2.41

nyes pa byas kyang rab tu *bskyabs nas G, p. 12bgzhom bya la
'tshe bar mi byed khro bas kyang ni gzigs ma yin
de rnams dag la 'bras bu zhi bas bcings gyur la
de rnams dag ni 'dor ba tshul ma yin phyir mthong BCt_2.42

drang srong rnams kyi mchog gi brtul zhugs spyad gyur la
yun ring yang dag bzung ba'i sha 'khon zhugs rnams dor
yon tan dri ldan snyan *dag rnams ni thob gyur la
dri ma can du byed pa'i rdul rnams rnam par dor BCt_2.43

rab tu mi gnas gtor ma'i dpya ni ma blangs la
pha rol dngos po rnams la mngon par rlom ma byas
dgra rnams la ni chos ma yin pa ma smras la
khro *bo rnams ni snying gis bzung ba ma yin no BCt_2.44

zhi ba'i bdag nyid sems ni rnam par rab *dad la
rnal 'byor rab tu ldan pa'i dbang po rnams ci ltar
der N, p. 11bni de ltar sa bdag rab tu sgyur ba can
'bangs dang grong khyer pa rnams de lta nyid du byas BCt_2.45

de nas mdzes *ma'i 'o ma 'dzin pa dang ldan ma
grags 'dzin ma ni rang gi grags pa 'dzin ma la
zas gtsang sras po'i sras po sgra gcan *dgra yi zhal
sgra gcan Q, p. 11a'dzin zhes bya ba dus su skyes par gyur BCt_2.46

de nas 'dod pa'i bu mnga' mchog gis yid ches te
rigs brgyud 'phel ba rab mtshon sa skyong rgyal po ni
ji lta nyid du sras po rab tu skyes la dga'
de lta nyid du sras po'i sras po skyes la dga' BCt_2.47

bdag gi bu yi bur gyur pa la brtse ba ni
bdag D, p. 9bbzhin gang las yin zhes dga' ba skyes gyur te
dus su des ni *cha ga de dang de dmigs shing
bu la dga' ba mtho ris bzhin du 'dzegs par gyur BCt_2.48

rgyal po'i khyu mchog grags dang snyan G, p. 13apas mtshan rnams kyis
dang po'i bskal ba rnams kyi lam la gnas nas ni
dkar po ma dor dka' thub rnams la dka' thub dang
'tshe ba dor ba'i mchod sbyin rnams kyis mchod par gyur BCt_2.49

rgyal po'i dpal gyis dang ni dka' thub dpal gyis kyang
bsod nams las can de ni de nas 'bar gyur la
rigs dang blo dang mdzad spyod kyis kyang gsal ba ste
gzi brjid stong gi 'od zer bzhin du rab tu 'phro BCt_2.50

rang byung las byung mchod byed sngags ni mchod byas nas
sras gnas ched du brtan pa'i dpal gyis bzlas byas shing
dka' thub byed pa'i las rnams byas gyur skye dgu rnams
skyed 'dod skye dgu'i bdag bzhin dang po'i dus su'o BCt_2.51

mtshon cha spangs shing bstan bcos rnam par shes gyur la
nye bar zhi la bsnyen zhing nges la rnam par bzod
dbang ldan bzhin du yul rnams gang la ma bsnyen la
yab mes bzhin du yul rnams kun la gzigs par gyur BCt_2.52

N, p. 12ades kyang bu yi ched du rgyal srid bzung gyur la
bu ni rigs kyi don du rigs ni grags pa'i phyir
grags pa mtho ris ched du mtho ris bdag nyid phyir
chos kyi don du bdag nyid gnas la 'dod par 'gyur BCt_2.53

bdag la yang dag gnas pa'i dpal ni bsrung 'dod pa'i
sa skyong rnams kyis sa la bu ni bsrung ba ste
chos ni 'dod pa'i *mi yi dbang po de yis kyang
G, p. 13byul rnams 'dor ba med par bu ni chos las bsrungs BCt_2.55

byang chub sems dpa' yul la bde ba'i ro shes thams cad kyang
srags bskyed pa na dpe med sems dpa' nags su gshegs gyur te
de phyir nye bar bsags pa'i las ni rtsa nas bskyed pa'i phyir
de ni zhi ba ma thob de srid dga' ba bsnyen par gyur BCt_2.56

D, p. 10a| sangs rgyas kyi spyod pa zhes bya C, p. 10bba'i snyan dngags chen po las | btsun mo'i 'khor na gnas pa'i le'u ste gnyis pa'o ||

de nas re zhig dus nas 'jam po'i rtswa rnams dang
khu byug pho ni gyen du skad 'don rkang 'thung rnams
glu rnams dang ni nges ldan skyed mos tshal rnams ni
padma'i 'byung gnas kyis brgyan des ni thos par gyur BCt_3.1

de nas bud med skye bo rnams ni dga' ba yi
grong khyer skyed mos tshal gyi yid 'ong dngos thos te
khyim gi nang du mngon par bkag pa'i *klu bzhin du
phyi rol rab tu 'gro ba'i ched du blo mdzad do BCt_3.2

de nas sras su mngon brjod yid 'ong de yi ni
dgongs pa mi skyong gis ni nges par thos gyur nas
brtse ba'i phun sum tshogs pas lang tshor 'ongs pa ru
ltad N, p. 12bmo dag la rnam par gshegs par bka' stsal to BCt_3.3

gzhon nu shin tu gzhon nu'i sems dang ldan pa ni
yang dag skyo ba'i sems su ma gyur zhes sems shing
nyam thag tha dad skye bo kun nas 'dus pa ni
rgyal po'i lam du phyir la rnam par bzlogs pa ste BCt_3.4

nying lag dman pa rnams dang dbang po ma tshang rnams
'khogs pa nad pa la sogs G, p. 14abkren rnams phyogs rnams su
Q, p. 12ade nas mchog tu zhi bas yang dag rab *bton nas
rgyal po'i lam rnams dag ni mchog tu mdzes par byas BCt_3.5

de nas dpal ldan rgyal po'i lam ni byas pa na
dpal ldan rnam par dul ba rjes 'brang gzhon nu ni
gzhal yas khang pa'i logs nas dus su mngon babs nas
mngon par rjes gnang byas pa mi skyong la mngon gshegs BCt_3.6

de nas mi dbang bu la mchi ma byung gyur te
mgo la nye bar bsnoms te yun ring rnam gzigs nas
song zhig ces ni tshig gis bka' dag bstsal gyur la
brtse ba dag las de ni yid kyis ma btang ngo BCt_3.7

de nas de ni 'dzam bu chu gser sga 'dzin pa'i
legs par bslabs pa'i mgyogs 'gro *ba'i yis sbyar ba yi
dbang po ma nyams mkhas shing *gcang la 'od zer 'chang
gser gyi rang bzhin shing rta la ni yang dag 'dzegs BCt_3.8

de nas 'bras spos me tog 'bar ba rab bkram zhing
phreng ba D, p. 10brnam dpyangs rab tu C, p. 11ag.yo ba'i ba dan can
zla ba skar ma dang bcas bar snang la bzhin du
'brang ba rjes 'brang lam ni rab tu thob par gyur BCt_3.9

ya mtshan gyur las rab tu rgyas pa'i mig rnams ni
u-tpal sngon po'i phyed 'dra rnams kyis bkram pa ni
rgyal po'i lam la dal bu dal bus gshegs gyur te
grong khyer skye bo rnams kyis kun nas mngon par dga' BCt_3.10

zhar ba sgur po nang pa mi'u thung rnams kyi
tshogs pa rnams ni rigs chen rnams las nges *bral nas
mi mo rnams ni nges par zhugs gnas phra rnams las
lha yi rjes 'gro rgyal mtshan bzhin du rab tu btud BCt_3.12

Q, p. 12bde nas gzhon nu nges par gshegs *shes gtam dag ni
bsgo bya skye las bud med rnams kyis thos gyur nas
bkur 'os skye bos mngon par rjes gnang byas pa rnams
blta bar 'dod pas lding khang shong du song bar gyur BCt_3.13

yon tan ska rags brul zhing gegs byas de rnams ni
gnyid log rab tu sad pas lta byed 'khrugs pa rnams
gnas lugs gtam gyis rnam par brgyan rnams rnam bzhag ste
ya mtshan gyur pas dogs med par ni yongs su song BCt_3.14

gzhal yas khang gi skad kyi 'og gi sgra *rnams dang
dril chung sgra rnams dang ni gdu bu'i sgra rnams kyis
rnam par skrag gyur khyim gyi bya ba'i tshogs rnams ni
phan tshun shugs rnams las kyang yang dag kun nas gtor BCt_3.15

gang zhig 'dir ni yan lag rab mchog ma rnams ni
myur ba rab tu skyes gyur tsam *tsom skyes rnams kyi
'o ma 'dzin rnams rgyas shing skyed smad shing rta ni
yangs pa rnams kyis lci ba nyid phyir 'gro ba bzung BCt_3.16

mtha' gcig legs par rab tu sbyar ba'i rgyan rnams ni
rnam par sbas pa rnam par gsal bas ngo tsha bas
skyen por 'gro bar nus pa yin yang gzhan *mo yis
'gro ba nges par bzung ste myur min G, p. 15asong bar gyur BCt_3.17

phan tshun rab tu bcer bas ril por gyur pa D, p. 11arnams
yang dag drud las bskyod gyur rna lung 'khyil ba can
de dag rnams kyi de tshe sgra bcas rgyan rnams ni
rlung bgrod skar khung rnams su rab tu zhi bar gyur BCt_3.18

rlung bgrod skar khung rnams las rnam par 'thon pa rnams
phan tshun thang *chod gyur pa'i lung rna 'khyil ba rnams
bud med rnams kyi 'dam skyes 'dra ba'i 'dam skyes zhal
lding khang rnams su bkod pa rnams ni rnam par mdzes BCt_3.19

de nas khang bzangs lang tsho ma rnams kyis khyab cing
ya mtshan Q, p. 13alas ni rab phye skar khung rnams kyis ni
lha mo dang bcas gzhal med rnams kyis nam mkha' bzhin
dpal dang ldan pa'i grong khyer kun nas mdzes par gyur BCt_3.20

skar khung rnams kyi rnam par spangs pa ma yin las
phan tshun 'gram par bkod pa'i rna lung can rnams kyi
'dam skyes padma rnams kyi tshogs rnams bcings pa bzhin
rab myos mchog ma rnams kyi zhal ni mdzes par gyur BCt_3.21

gzhon nu de la lam du rnam par lta ba yi
bud med de rnams sa la 'gro 'dod ltar mdzes shing
gyen du gdong phyogs de la rab tu blta ba yi
mi rnams gnam la 'gro bar 'dod bzhin mdzes par gyur BCt_3.22

lus dang dpal gyis mchog tu 'bar bar gyur pa yi
rgyal po'i sras de mthong nas bud med de rnams ni
nges par dgongs par gzhan min bsam pa dag pa yis
'di yi chung ma skal ba bzang zhes dal bus smras BCt_3.23

gzugs kyis dngos su me tog tog can dang mtshungs G, p. 15bshing
rnam par ring zhing rgyas pa'i dpung pa can 'di ni
dpal nyid dor nas chos la nye bar gshegs *shes te
de la de dag rnams kyis zhe sa kho na byas BCt_3.24

rnam par dul la gtsang zhing brtan pa'i cha lugs can
grong pa rnams kyis de ltar rgyal po'i lam khyab pa
de ni sngon du gzhon nus mthong nas dga' *ba ste
bdag gi srid pa gzhan ma cung zhig brtags pa 'dra BCt_3.25

de nas gzhon nu yis ni rga bas zil non zhing
mi rnams las ni tha dad dbyibs can de gzigs nas
g.yo ba *mang cing de nyid du ni zhugs G, p. 13bpa'i spyan
chags par gyur cing kha lo 'dzin pa la smras so BCt_3.27

mngon par nyer 'ong mi de su yin 'dren pa kye
skra rnams dkar zhing dbyug pa la ni lag pas brten
smin mas kun nas mig g.yogs 'khogs shing yan lag drud
rnam 'gyur 'di ni tha mal gang 'dod yin nam ci BCt_3.28

de skad ces smras shing rta rab tu 'dren pa po
lha mchog de rnams nyid kyis blo ni rmongs byas shing
don ni bsrung bya yin yang skyon med mthong gyur te
de yis sa skyong bdag nyid skyes la nges par gsol BCt_3.29

gzugs kyi gnod byed stobs kyi rnam par za ba po
*dga' ba rnams kyi 'joms byed mya ngan rnams kyi sa
dran pa rnams kyi nyams byed dbang po rnams kyi dgra
'di ni rgas pa zhes bya gang gis 'di bcom mo BCt_3.30

'dis G, p. 16akyang byis pa nyid na 'o ma 'thungs gyur cing
dus kyis sa la yongs su gnyid log gyur pa ste
rim gyis lus rab ldan pa'i lang tshor gyur nas kyang
rim gyis de nyid kho nas rga bar nye bar song BCt_3.31

de skad ces smras rgyal po'i bdag nyid skyes pa *de
cung zhig 'dar zhing kha lo sgyur la 'di skad smras
skyon 'di kho bo la yang 'byung ba *yin 'am ci
de bzhin 'di la kha lo sgyur ba yis gsol to BCt_3.32

'di ni na tshod rab mchog tshe dang ldan pa'i yang
gnod mi za bar dus kyi dbang gis 'byung bar 'gyur
de bzhin rgas pa gzugs kyi rnam par nyams pa por
'jig rten pa yis shes pa nyid dang mthong ba nyid BCt_3.33

de nas sngon gyi bsam pa dag pa'i blo mnga' ba
rnam rgyas bskal par bsags pa'i bsod nams las can de
rdo rje chen po'i sgra la nye bar ba lang bzhin
rgas pa thos nas gzhon nu kun nas yi mug gyur BCt_3.34

dbugs ni ring du brgyas nas rang gi mgo bsgul zhing
'khogs pa de la Q, p. 14aspyan ni rnam par zhugs nas su
*dga' ba dang bcas skye ba de rnams gzigs gyur nas
sems ni khong du chud pa de yis tshig 'di smras BCt_3.35

dran pa dang ni gzugs dang pha rol gnon pa yang
de ltar rgas pas rnam dpyod med par D, p. 12a'joms *pa ste
'di lta bur ni mngon sum nyid du mthong na yang
'jig rten pa dag skyo med nyer 'gro kho na'o BCt_3.36

de ltar song na 'dren pa rta rnams phyir bzlog la
khyod ni khyim nyid du ni skyen par rab tu song
rgas pa'i 'jigs pa'i sems su gnas pa kho bo la
skyed mos tshal gyi sa la bde ba ga la yod BCt_3.37

G, p. 16bde nas rgyal po'i sras po de yi bka' lung gis
kha lo sgyur bas shing rta phyir la *zlogs par gyur
de nas gzhon nus pho brang de nyid kho nar ni
bsam pa'i dbang gis stong pa bzhin du rab tu thob BCt_3.38

gang gi tshe na der yang bde ba ma rnyed de
rgas pa rgas pa zhes ni rab tu yongs su rtogs
de nas mi dbang gis ni rjes gnang de ni slar
rim gyis de nyid kho nas phyi rol gshegs par gyur BCt_3.39

de nas gzhan yang lus la nad dang yongs ldan pa
lha mchog de rnams nyid kyis bskyed cing sprul ba'i mi
zas gtsang rgyal po'i sras *pa spyan der song nyid kyis
gzigs nas kha lo sgyur ba de nyid la smras pa BCt_3.40

gsus pa sbom zhing dbugs dag skyod pa'i lus po can
lag pa cha shas zha zhing rid la skya *bo'i lus
a ma zhes ni snying rje'i ngag dag smra ba po
gzhan la brten nas gnas pa'i mi de su zhig yin BCt_3.41

de nas kha lo sgyur bas smras pa zhi ba kye
'di yi 'khams ni rab 'khrugs rab stobs rab tu 'phel
nad ces bya ba mngon brjod shin tu don med chen po ste
nus kyang gang gis de ni rang dbang med par byas BCt_3.42

rjes su brtse bcas mi ni de la Q, p. 14bgzigs bzhin du
rgyal po'i sras des slar yang 'di skad ces smras pa
skyes gyur skyon de so sor 'di nyid kho na'i 'am
nad kyi 'jigs *pa skye dgu rnams kyi spyi la yin BCt_3.43

de nas shing rta rab tu 'dren pa des smras pa
gzhon nu nyes pa de ni thun mong gyur pa ste
de ltar nad rnams dag *gis yongs su bcer ba ni
nad mthar phyin na 'jig rten dga' bar nye bar gshegs BCt_3.44

de ltar don thos sems ni khong du chud pa de
chu rlabs nang G, p. 17asong ri bong can bzhin rab 'dar zhing
brtse ba thugs rje mnga' bas gsung ngag tshig 'di ni
cung zhig dngar ba'i dbyangs kyis rab tu smras D, p. 12bpa'o BCt_3.45

skye dgu rnams la rnam par zhen pa'i nad 'di ni
'jig rten pa dag rang bzhin gnas shing blo gtad byed
mi shes rnam par rgya chen e ma mi rnams kyi
gang zhig nad las rnam par grol rnams bzhad gang byed BCt_3.46

'dren pa phyi rol rab tu 'gro las phyir log la
mi dbang pho brang nyid du shing rta rab tu song
bdag gi nad kyi 'jigs pa thos nas dga' ba las
sems ni 'khums pa bzhin du rab tu bcom par gyur BCt_3.47

gap: 11 syllables
gap: 11 syllables
de ltar lan gnyis phyir log de ni rab gzigs nas
sa yi bdag po yis kyang yongs su gros byas so BCt_3.48

de yi phyir log nges pa'i mtshan ma thos gyur nas
bdag cag rnams ni 'di yis yang dag 'dor snyam ste
lam rnams gtsang mar lhag par byed pa po rnams la
khros shing 'khrugs kyang chad pa drag pos gcod pa med BCt_3.49

slar yang sras po de la khyad par 'phags pa dang
ldan pa'i yul la rab tu spyod pa rnams mdzad cing
dbang po g.yo ba nyid kyi phyir yang chags *bsnyams te
bdag cag rnam par mi 'dor zhes ni mgon bslangs so BCt_3.50

gang gi tshe na sgra sogs dbang po'i don rnams kyis
sras po 'di la pho brang 'khor na dga' ba med
de nas ro gzhan ro la Q, p. 15agyur cig ces sems shing
phyi rol ltad mo la ni rnam par bka' stsal to BCt_3.51

brtse ba las ni sras po'i dgongs pa rtogs nas su
G, p. 17bde la chags pa'i skyon rnams 'ga' zhig ma bsams nas
skyu rtsal rnams la mngon par shes *shes res ma'i gtso
'dzangs ma rnams la *des na yang dag bka' stsal to BCt_3.52

de nas khyad par du yang mi yi dbang po'i lam
legs par brgyan byas nyid dang yongs su brtags pa la
'dren pa dang ni shing rta brjes nas rgyal po yis
gzhon nu phyi rol du ni rab tu gshegs su *bcug BCt_3.53

de nas de ltar rgyal po'i bu ni gshegs pa na
lha mchog de rnams nyid kyis rnam par sprul ba yi
srog song shi ba'i ro de lam du btegs pa ni
'dren pa dang ni gzhon nus mthong ste gzhan gyis min BCt_3.54

de nas 'dren la rgyal po'i sras po des smras pa
zhan zhing sdug pa'i mi rnams dag ni rjes 'brang zhing
rgyan gyis brgyan pa yin yang kun nas ngu ba D, p. 13aste
mi bzhi rnams kyis btegs pa pha gi su zhig yin BCt_3.55

blo dang dbang po srog gi yon tan dang bral zhing
gnyid log ming bral rtswa dang shing du gyur pa ste
brtson 'grus ldan pa rnams kyis bskyed nas bsrungs nas kyang
sdug *ma sdug pa rnams kyis spangs pa de ni su yin nam BCt_3.57

de ltar tshig ni rab tu 'dren pa las thos nas
cung zhig kun nas bskyod nas de nyid la smras pa
chos 'di nyid ni skye ba 'di nyid kyang gi 'am
mthar gyur 'di 'dra skye dgu kun gyi yin nam ci BCt_3.58

G, p. 18ade nas rab tu 'dren pas 'di nyid la gsol ba
mthar gyur las 'di skye dgu rnams ni kun gyi ste
dman dang Q, p. 15b'bring dang bdag nyid chen po thams cad kyi
'jig rten dag ni nges par rnam par nyams par 'gyur BCt_3.59

de nas mi dbang sras po de ni brtan na yang
'chi ba thos nas de ma thag tu yi mug cing
dpung pas shing rta'i shing gi rtse la rab 'khyud nas
gdangs snyan dang ldan dbyangs kyis rab tu smras pa'o BCt_3.60

de phyir 'dren pa shing rta'i kha ni phyir bzlog dang
bdag cag sa la rnam par rgyu ba'i yul dus min
nyam thag dus su rnam par nyams pa shes nas ni
sems dang bcas pa gang 'dra 'di na bag med yin BCt_3.62

mi bdag bdag skyes kyis ni de skad smras na yang
de yis shing rta de ni phyir la ma *bzlogs te
*khyad par ldan pa yin yang mi dbang *bstan pa las
padma'i tshogs bcas nags nyid du ni gshegs par gyur BCt_3.63

de nas me tog rgyas ldan gzhon nu'i rkang 'thung zhing
yongs su bskor zhing rab dka' mos pa'i khu byug can
gzhal med khang ldan padma dang bcas mdzes pa'i rdzing
dga' ba'i tshal D, p. 13b'dra dge ba'i nags de gzigs par gyur BCt_3.64

lha mchog mas bskor grong khyer rgyan byed bdag po'i gzhir
brtul zhugs gsar ldan thub pa bgegs kyis 'jigs pa bzhin
yan lag mchog ma'i tshogs khyab mi skyong bdag G, p. 18bskyes sras
de nas stobs las nags der shin tu spyan drangs so BCt_3.65

| sangs rgyas kyi spyod pa zhes bya ba'i snyan ngag chen po las | thugs skyo ba skyes pa'i le'u ste gsum pa'o ||

de nas skyed mos tshal de nas
ya mtshan gyis ni mig g.yos rnams
bud med rnams ni khyo thob bzhin
mi skyong sras la Q, p. 16amdun du 'ongs BCt_4.1

'ongs nas de la de rnams kyis
ya mtshan rab rgyas spyan ma rnams
padma'i mdzod 'dra'i phyag rnams kyis
phyin las yang dag spyod pa byas BCt_4.2

g.yo med dga' ba rnam gsal ba'i
spyan mig rnams kyis 'thung ba bzhin
yid dkrug 'dod pas sems g.yengs rnams
de la yongs su bskor nas gnas BCt_4.3

zhi ba nyid phyir brtan nyid phyir
gsar pa'i 'od zer zla ba ni
sa la dngos su bab pa bzhin
de la kha cig rnams kyis shes BCt_4.5

de yi lus kyis g.yengs de rnams
nges bzung lus ni rnams 'gyur zhing
phan tshun mig rnams kyis bsnun nas
dal bus dbugs ni rnam par brgyus BCt_4.6

de ltar mi mo de rnams kyis
de ni mig tsam gyis mthong nyid
smra ba med cing dga' med par
'di yi mthu yis non par gyur BCt_4.7

kun gyis sgyu rtsal kun shes shing
dgongs pa len la mkhas pa rnams
gzugs G, p. 19adang mdzangs dang ldan pa ste
rang gi yon tan gtsor phyin no BCt_4.9

chags bral rnams dang drang srong yang
khyed cag rnams kyis g.yo D, p. 14anus shing
lha mo rnams kyis shes pa yis
lha rnams la yang len par ro | 4.11
dgongs pa shes dang rtse 'jo dang
mdzangs dang gzugs ni phun tshogs pas
bud med rnams kyi chags nus na
Q, p. 16bskyes pa rnams kyi smros ci dgos BCt_4.12

rnam pa de ltar rab sbyar ba
de yi rang gi spyod yul las
rnam pa de ltar spyod pa 'di
khyod kyi drang *pos *tshim ma gyur BCt_4.13

khyod kyi 'di ni ngo tsha bas
mig 'khums bag ma gsar pa yi
spyod pa dang mtshungs yang na ni
ba *blang skyong gi chung ma'i 'os BCt_4.14

sngon yang ka shi'i mdzes ma ni
smad 'tshong ma yis drang srong che
lha yis thub par dka' ba yang
drang srong rgyas pa rkang pas brdungs BCt_4.16

mān thal gau tam dge slong ni
smad 'tshong gtso mo byin ma yis
dga' 'dod de yi don ched du
sngon gyi tshe na ro rnams bton BCt_4.17

gau ta ma mun ring ming
drang srong chen po tshe ring po
kha dog dbyibs mchog ma yin pa'i
bud med kyis ni tshim par byas BCt_4.18

sna tshogs bshes G, p. 19bgnyen drang srong che
brtul zhugs chen po bstan pa yang
lha mo mar bsrungs mas phrogs te
lo bcu rnams la nyi mar shes BCt_4.20

drang srong de rnams de rnams sogs
bud med kyis bsgyur blangs gyur na
rol zhing lang tsho snga ma yis
mi bdag sras po smos ci dgos BCt_4.21

'jigs las 'jigs bzhin yan lag ma
de rnams smin dang lta dang sgeg
rgod dang rol dang 'gro ba yis
kun nas D, p. 14bbskyod pa'i spyod pa byas BCt_4.25

rgyal po'i bka' lung sbyar phir dang
gzhon nu nyid kyang 'jam phyir dang
rgyags pa yis ni myos pa'i phyir
yid mi ches la myur bar dor BCt_4.26

glang mo'i tshogs dang thabs gcig tu
glang po gangs can nags na ltar
de nas mi mo'i skye bo yis
gzhon nu bskor zhing nags na spyad BCt_4.27

rnam par mdzes pa'i skyed tshal na
lha mos bskor ba'i nyi ma bzhin
yid 'ong nags der gzhon nu de
bud med rnams kyi mdun 'gro 'bar BCt_4.28

rnam par sgeg bcas gzhon nu ma
rgyags pas ma *g.yengs de rnams *'ga'
sra zhing zlum rgyas lhan cig pa'i
nu ma rnams kyis de la reg BCt_4.29

dpung pa las brul G, p. 20a'jam ring mnyen
lag pa'i ljon shing stobs med ma
kha cig bden min 'khrul ba ru
byas nas de la stobs las khyud BCt_4.30

kha cig zangs mchu ma mchu can
kha *yis chang gi dri dag gis
gcig po dben par stod cig ces
'di yi rna bar shab shib byed BCt_4.31

kha cig bka' lung stsol ba bzhin
byug pa gsher mas rab smras te
'dir ni gus par gyis shig ces
rgod dang 'khyud dang 'dod pas so BCt_4.32

kha cig gser gyi ska rags kyi
cal col rnams kyis tsam tsom dang
phra mo'i dar gyis gos gyon zhing
'di la ro smad ston cing bskor BCt_4.33

yang *dag yang du myos *pa'i sgyus
gzhan ma dar sngon nyil ba de
ska rags phan tshun sdud pa ni
mtshan mo glog *phred bzhin du mdzes BCt_4.34

tsu ta'i yal ga me tog rgyas
bzung nas gzhan ni 'chang gyur la
gser gyi bum par mtshungs pa yi
Q, p. 17b'o ma 'dzin pa ston par byed BCt_4.35

rang gnas de la bskul ba bzhin
bslus par gyur ces mig rnams kyis
kha cig mngon par 'dren bcas lags
don ldan dngar ba'i glu *chen no BCt_4.37

dge ba'i gdong gis gzhan mas ni
smin ma'i gzhu ni rnam bkang ste
bskor gnas brtan dang rol pa yis
'di yi spyod la rjes 'dong byas BCt_4.38

rgyas zlum nu ldan kha cig ni
rgod pas rna lung D, p. 15ag.yos gyur G, p. 20bcing
khyod ni thob par gyur cig ces
mthon po rnams kyis bzhad cing smras BCt_4.39

gzhan ni de bzhin 'gro 'dod pa
me tog phreng ba'i *bcing gyis bcings
kha cig cong bcas dngar mo yi
ngag gi zhags pa rnams kyis bzung BCt_4.40

so sor *'brel ba don gnyer 'ga'
tsu ta'i snye ma bzung nas ni
me tog 'di ni gang gi zhes
rgyags par rnam par 'khrugs shing dris BCt_4.41

kha cig 'gros dang cha lugs ni
skyes pa bzhin du byas nas ni
sa 'dir rgyal bar gyur cig kye
bud med kyis 'pham de la smras BCt_4.42

gzigs *shig jo bo tsū ta'i shing
me tog sbrang rtsi'i dris khyab la
khu byug 'dir ni skad 'don pa
gser gyi gur na bkag pa 'dra BCt_4.44

mya ngan med pa'i shing 'di gzigs
'dod pa can gyi mya ngan 'phel
bung ba 'dir ni sgra grags pa
me yis tshig pa yin pa 'dra BCt_4.45

tsu ta'i shing gis yang dag 'khyud
gzigs *shig ti la ka yi shing
bud med lus ser chags pa yis
skyes pa gos dkar gon pa 'dra BCt_4.46

rab rgyas ku ra ba ka gzigs
Q, p. 18ama zos pa yi smug rtsi 'od
bud med rnams kyi sen 'od kyis
rma phab gyur te dud pa 'dra BCt_4.47

gzhon nu mya ngan med 'di gzigs
'dab ma rnams kyis spras pa gang
kho mo'i lag pa mdzes pa yis
ngo mtshar gyur te gnas pa 'dra BCt_4.48

rdzing bu gzigs *shig 'gram skyes pa'i
lcang ma rnams kyis G, p. 21arab tu bskor
dkar po'i dar gyi gos gyon pa'i
rab myos ma rnams nyal ba 'dra BCt_4.49

bud med rnams la bdag nyid che
gzigs shig ngang pa chu 'di la
rgyab nas bsgo bya'i bran bzhin du
ngang mo rjes 'jug rjes su 'gro BCt_4.50

rab tu myos pa'i khu byug ni
skad grag sgra ni gson mdzod cig
khu byug gzhan ni mngon sum du
kus 'debs brag ca'i sgra brnyan 'dra BCt_4.51

mkha' las rgyu ba rnams kyi yang
rgyags pa dpyid kyis khyer te 'ongs
bsam bya min sems skye bo ni
shes rab can du D, p. 15brloms pa med BCt_4.52

de ltar dar la bab pa rnams
yid dkrugs 'dod pas sems dregs shing
sna tshogs tshul ni de dang des
gzhon nu la ni nye bar brtsams BCt_4.53

de ltar kun nas g.yengs na yang
*brtan pas dbang po dkris pa de
'chi bar bya zhes skyo byas shing
dga' dang 'jigs pa med par 'gyur BCt_4.54

de rnams kyi ni gnas skabs de
gzigs nas skyes mchog dam pa des
mnyam la skyo dang brtan pa yi
thugs kyis bsams par gyur pa'o BCt_4.55

ci zhig bud med 'di rnams ni
lang tsho g.yo bar rtogs pa min
gang phyir gzugs kyis myos pa ni
gang zhig *rga bas nyams par 'gyur BCt_4.56

thams cad 'phrog byed 'chi ba yi
nges par mngon par shes min zhing
de ltar rang gnas skyo med par
rtsed mo dang ni bzhad *dang byed BCt_4.58

G, p. 21brga dang na dang 'chi ba yang
shes ldan yin na sems ldan su
rang gnas langs dang 'dug pa 'am
nyal byed rgod pa smos ci dgos BCt_4.59

nad dang 'chi ba nyid dang ni
mchog tu 'khogs gang de mthong nas
rang gnas gyur cing skyo med pa
ji ltar sems med de ltar de BCt_4.60

de ltar bsam gtan mchog mthong nas
yul rnams las ni 'dod pa thal
'char ka tshul lugs bstan bcos shes
mdza' bo nyid kyis de la smras BCt_4.62

kho bo mi skyong gis byin te
khyod la grogs su nus pa *'o
gang phyir khyod la smra 'dod pa
rab dga' ldan pa de phyir ro BCt_4.63

bdag de byams par dam bcas nas
skyes bu'i don las phyir phyogs pa
gal te khyod la btang snyoms byed
grogs po nyid kyang ma yin no BCt_4.65

de phyir mdza' bor gyur nas smras
G, p. 22agzhon nu'i lus dang ldan pa ni |D16
khyod kyi 'di 'dra bud med kyi
yul la mkhas pa'i gzugs brnyan min BCt_4.66

de yi ngo tsha'i rgod don dang
bdag nyid dga' ba'i don nyid du
bden min gyis kyang mi mo yi
rjes su 'jug pa rigs pa yin BCt_4.67

yang dag 'dud dang rjes 'jug gis
bud med rnams kyi sems 'ching ste
brtse ba'i yon tan Q, p. 19askye gnas phyir
yid la 'dod pa bud med yin BCt_4.68

de phyir rnam par spangs G, p. 22bpa'i spyan
snying la gzhan du phyir bltas kyang
'di yi tshul dang rjes mthun par
mkhas par rnam par dpyad par 'os BCt_4.69

yang na mkhas pa'i rang bzhin gyis
bsam pa rang bzhin khas len mdzod
yul rnams rnyed par dka' thob nas
phyi shol byed pa 'os ma yin BCt_4.71

sngon tshe lha yi dbang pos kyang
'dod pa mchog ces shes byas nas
gau tam thub pa'i bdag ldan ma
gshol med ma la 'dod pa byas BCt_4.72

zla ba'i chung ma snar ma ni
drang srong ri byis don du gnyer
de nas de dang 'dra ba yi
bskam bya ma ni rnyed ces thos BCt_4.73

u bha thya yi chung ma ni
rlung gi bu mo mthun ma la
dka' thub chen po'i phur bu yis
bha ra dwa dza bskyed par gyur BCt_4.74

drang srong phur bu'i chung ma ni
sbyin sreg ma la sbyin sreg mchog
zla ba yis ni lhag pa yi
lha yi las byed bskyed par gyur BCt_4.75

sngon tshe bu mo nag mo ni
chur skyes pa las skyes ma la
rtsibs logs skyes ni chags skyes shing
ya mu na'i gling du phyin BCt_4.76

gnod sbyin 'phreng ma rigs ngan ma
smad ma la ni dga' 'dod pas
gong ma sreg ni za ba'i bu
thub pa gnas mchog gis bskyed do BCt_4.77

'gro mgyogs rgyal po drang srong nyid
na tshod rnam par Q, p. 19bsong ba yi
lha mo sna tshogs mchod mar bcas
sna tshogs shing rta'i nags su dga' BCt_4.78

skyed mdzad rgyal po dmar ser yid
bram ze'i bu D, p. 16bmo phrogs nas ni
G, p. 23ana babs thob pa nyid yin kyang
yid dkrug 'dod pa ma bsten min BCt_4.80

de la sogs pa bdag nyid chen
yul rnams smad pa yin na yang
dga' ba'i ched du longs spyad de
yon tan ldan la sngon nyid do BCt_4.81

khyod kyang rigs pa las thob cing
stobs ldan gzugs ldan dar la bab
gang du skye 'gro 'di 'chags na
yul rnams la ni phyi shol byed BCt_4.82

de ltar 'jam zhing lung dang bcas
de yi tshig ni gsan gyur nas
'brug gi sgra skad dbyangs kyis ni
gzhon nu yis ni lan smras so BCt_4.83

dam tshig 'di ni 'thad pa ste
khyod la mdza' bo nyid du gsal
gang du bdag la ngan par sems
'dir ni khyod la rjes zhi bgyi BCt_4.84

yul rnams la ni phyi shol min
'jig rten de'i bdag nyid du shes
'gro ba mi rtag par shes nas
'dir ni bdag yid dga' ba min BCt_4.85

rga dang na dang 'chi ba'i chos
rga na 'chi ba'i bdag nyid kyis
skyo ba med par rol ba ni
ri dags dang ni bya dang mtshungs BCt_4.89

bdag nyid chen po 'di rnams kyang
'dod pa'i bdag nyid ces smras gang
'dir ni skyo bar bya ba ste
gang tshe de rnams kyi yang zad BCt_4.90

gang du ci las zad pa ste
D, p. 17abdag nyid chen por mi sems te
yul rnams la ni chags pa'am
sbyor min bdag nyid ldan nyid kyis BCt_4.91

mkhas pa yis kyang dpe brjod cing
bden min gyis kyang bud med kyi
skye la zhugs shes smras pa gang
de min bdag gis shes ma yin BCt_4.92

gang du drang min rjes 'jug pa
de la bdag gi sred pa med
dngos po kun gyis tshogs pa de
gal te med na smod par shog BCt_4.93

mi brtan pa yi dad pa dang
skyon du mthong ba'i nus pa yi
chags pa skyes par gyur pa'i sems
bslu bar bya ba ci zhig yin BCt_4.94

G, p. 23b| bud med skyes pa'i chags skyes shing
bud med skyes pa phan tshun du
gal te de ltar bslu na ni
lta bar nus pa nyid ma yin BCt_4.95

de ltar gyur na sdug bsngal gyis
nyam thag rga 'chi'i skal ba can
bdag ni 'phags min 'dod pa la
slu bar 'os pa ma yin no BCt_4.96

e ma shin tu brtan la stobs ldan khyod kyi sems
'dod pa g.yo ba rnams su snying po Q, p. 20bmthong gyur la
shin tu rno zhing 'jigs pa'i yul la zon mdzad cing
gap: 11 syllables BCt_4.97

gap: 11 syllables
rga dang rgud pa nad kyi 'jigs pa rnam sems shing
'gro ba rnams ni me yis tshig pa bzhin thos nas
zhi ba 'thob min brtan min dga' ba ga la zhig BCt_4.98

the tshom med par 'chi zhes rab tu shes pa yi
mi rnams gang gi snying la chags pa rab bskyed pa
de yi sems ni lcags las gyur par shes pa ste
'jigs pa che la chags pa gang zhig ngu ba med BCt_4.99

de nas gzhon nu yis ni 'dod pa rnams kyi rten
'joms byed gtam ni rnam par nges pa'i bdag nyid mdzad
skye bo rnams kyi mig gi 'gro bya gsal byed kyi
dkyil 'khor sa 'dzin ri bo la ni nub par gyur BCt_4.100

de nas rgyan dang me tog phreng ba 'bras med 'dzin
G, p. 24askyu rtsal yon tan gyis dang rab dgas 'bras med rnams
rang gi sems la yid dkrug 'dod pa rnam smad nas
yid la re nyams bud med rnams ni grong du thal BCt_4.101

de nas grong khyer skyed mos tshal song skye bo'i dpal
legs par brtags nas srod la so sor brtul te yang
thams cad mi rtag par gyur rnam par sems bzhin du
slar yang mi skyong bdag skyes grong du rnam par zhugs BCt_4.102

de nas de yi yid ni yul las rnam par phyir phyogs rgyal pos thos gyur nas
snying la song ba'i zug la glang chen bzhin du mtshan mo de la gnyid ma log
de nas sngags mang rnam pa sna tshogs lam rnams dag gis thang chad blon por bcas
des ni 'dod pa las gzhan sras kyi blo yi D, p. 17bnges pa gzigs ma gyur BCt_4.103

de nas res 'ga' zhig na blon po'i bu mkhas shing
grogs gyur sna tshogs gtam gyis rjes su 'brangs byas pa
nags kyi sa la 'gro 'dod lta bar 'dod pa yis
mi yi lha yis rjes snang phyi rol rab tu gshegs BCt_5.2

gsar pa'i gser gyi srab dang dril bu chung ngu dang
rab tu g.yo ba'i rnga yab mdzes pa'i gser sga dang
stan bcas dam pa'i rta la mngon par zhon nas ni
tog la ljon dang chu skyes tog can bzhin du gshegs BCt_5.3

de ni mchog tu rnam par rgyang ring nags mtha'i sa
nags tshal 'dod dang sa yi yon tan las gshegs te
chu gnyer bzhin du rnam par G, p. 24bbkram pa'i gshol lam can
nor 'dzin sa la zhing dag rmo ba gzigs par gyur BCt_5.4

gshol gyis phye las rnam bkram rtswa myug ku sha dang
shi gyur 'bu srin srog chags phra mos khyab pa ste
rnam pa de 'dra'i sa de yang dag mngon gzigs nas
rang gi skye bo bsad pa las nyid mya ngan gyur BCt_5.5

zhing dag rmo ba'i skyes bu rnams ni rnam gzigs pa
D, p. 18arlung gis gtor ba'i rdul gyis rnam 'gyur kha dog can
khur bas thang chad rnam par 'khrugs pa'i glang rnams la
'phags pa mchog gis mchog tu brtse ba'i snying rje mdzad BCt_5.6

de nas mgyogs 'gro'i rgyab nas dal bus babs nas ni
sa la rnam par rgyu zhing mya ngan dang ldan pa
skye bo dag gi skye dang 'grong ba rnam sems shing
nges par bkren pa 'di zhes smras shing nyam thag gyur BCt_5.7

bsam pa yis kyang rnam par dben pa mngon bzhed cing
rjes su 'ongs pa'i mdza' bshes de rnams phyir bzlogs nas
kun nas mngon par g.yo zhing mdzes pa'i lo 'dab can
'dzam bu'i rtsa ba skye bo med par de gshegs so BCt_5.8

rin chen bai ḍū-rya dang mtshungs pa'i rtswa 'jam can
gtsang mar ldan pa'i sa gzhi der ni de zhugs te
'gro ba'i skye ba dang ni 'grong ba rnam sems shing
yid ni gnas shing brtan pa'i lam la dmigs pa'o BCt_5.9

yul la 'dod sogs sems kyi nad las rnam grol ba'i
sems gnas pa ni de ma thag tu thob gyur la
bsam gtan dang po zag pa med pa'i rab bskyod pa
rtog pa dpyod pa dang Q, p. 21bbcas zhi ba thob par gyur BCt_5.10

kye ma skye bo bkren pa G, p. 25agang zhig rang dbang ni
yod min rga dang na dang rnam par nyams pa'i chos
nad pa dang ni shi dang rga bas nyam thag gam
gzhan la G, p. 25brgyags pas long zhing shes pa med pas smod BCt_5.12

'dir ni gal te bdag gis rang dang mtshungs gyur la
gzhan gyi rang bzhin dag la de ltar smod pa ni
mchog gi chos 'di rnam par rtog pa kho bo yi
mtshungs par gyur pa ma yin nus pa'ang gzhan med do BCt_5.13