This file is an html transformation of sa_pAzupatasUtra.xml with a rudimentary header. For a more extensive header please refer to the source file.
Data entry: Reinhold Grünendahl
Contribution: Reinhold Grünendahl
Date of this version: 2020-07-31
Publisher: Göttingen Register of Electronic Texts in Indian Languages (GRETIL), SUB Göttingen
This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at gretil(at)sub(dot)uni-goettingen(dot)de. The file will be immediately removed pending resolution of the claim.
Distributed under a Creative Commons Attribution-NonCommercial-ShareAlike 4.0 International License.
This file has been created by mass conversion of GRETIL's Sanskrit corpus from pasupsau.htm. Due to the heterogeneity of the sources the header markup might be suboptimal. For the sake of transparency the header of the legacy file is documented in the <note> element below:
Pasupatasutra
text based on the edition by Krishnanda Sagar, Varanasi 1987
(needs proof-reading!)
Input by Reinhold Gruenendahl
Analytic text version
athātaḥ paśupateḥ pāśupataṃ yogavidhiṃ vyākhyāsyāmaḥ // (PS_1.1)
athātaḥ paśupateḥ pāśupataṃ yoga-vidhiṃ vyākhyāsyāmaḥ //
bhasmanā triṣavaṇaṃ snāyīta // (PS_1.2)
bhasmanā triṣavaṇaṃ snāyīta //
bhasmani śayīta // (PS_1.3)
bhasmani śayīta //
anusnānaṃ // (PS_1.4)
anusnānaṃ //
nirmālyaṃ // (PS_1.5)
nirmālyaṃ //
liṅgadhārī // (PS_1.6)
liṅga-dhārī //
āyatanavāsī // (PS_1.7)
āyatana-vāsī //
hasitagītanṛttaduṃduṃkāranamaskārajapyopahāreṇopatiṣṭhet // (PS_1.8)
hasita-gīta-nṛtta-duṃduṃ-kāra-namaskāra-japya-upahāreṇa upatiṣṭhet //
mahādevasya dakṣiṇāmūrteḥ // (PS_1.9)
mahā-devasya dakṣiṇā-mūrteḥ //
ekavāsāḥ // (PS_1.10)
eka-vāsāḥ //
avāsā vā // (PS_1.11)
avāsā vā //
mūtrapurīṣaṃ nāvekṣet // (PS_1.12)
mūtra-purīṣaṃ na avekṣet //
strīśūdraṃ nābhibhāṣet // (PS_1.13)
strī-śūdraṃ na abhibhāṣet //
yady avekṣed yady abhibhāṣet // (PS_1.14)
yady avekṣed yady abhibhāṣet //
upaspṛśya // (PS_1.15)
upaspṛśya //
prāṇāyāmaṃ kṛtvā // (PS_1.16)
prāṇa-āyāmaṃ kṛtvā //
raudrīṃ gāyatrīṃ bahurūpīṃ vā japet // (PS_1.17)
raudrīṃ gāyatrīṃ bahu-rūpīṃ vā japet //
akaluṣamateḥ // (PS_1.18)
akaluṣa-mateḥ //
carataḥ // (PS_1.19)
carataḥ //
tato 'sya yogaḥ pravartate // (PS_1.20)
tato 'sya yogaḥ pravartate //
dūradarśanaśravaṇamananavijñānāni cāsya pravartante // (PS_1.21)
dūra-darśana-śravaṇa-manana-vijñānāni ca asya pravartante //
sarvajñātā // (PS_1.22)
sarva-jñātā //
manojavitvam // (PS_1.23)
mano-javitvam //
kāmarūpitvam // (PS_1.24)
kāma-rūpitvam //
vikaraṇaḥ // (PS_1.25)
vikaraṇaḥ //
dharmitvaṃ ca // (PS_1.26)
dharmitvaṃ ca //
sarve cāsya vaśyā bhavanti // (PS_1.27)
sarve ca asya vaśyā bhavanti //
sarveṣāṃ cāvaśyo bhavati // (PS_1.28)
sarveṣāṃ ca avaśyo bhavati //
sarvāṃś cāviśati // (PS_1.29)
sarvāṃś cā aviśati //
sarveṣāṃ cānāveśyo bhavati // (PS_1.30)
sarveṣāṃ ca anāveśyo bhavati //
sarve cāsya vadhyā bhavanti // (PS_1.31)
sarve ca asya vadhyā bhavanti //
sarveṣāṃ cāvadhyo bhavati // (PS_1.32)
sarveṣāṃ ca avadhyo bhavati //
abhītaḥ // (PS_1.33)
abhītaḥ //
akṣayaḥ // (PS_1.34)
akṣayaḥ //
ajaraḥ // (PS_1.35)
ajaraḥ //
amaraḥ // (PS_1.36)
amaraḥ //
sarvatra cāpratihatagatir bhavati // (PS_1.37)
sarvatra ca apratihata-gatir bhavati //
ity etair guṇayukto [guṇair yukto] bhagavato mahādevasya mahāgaṇapatir bhavati // (PS_1.38)
ity etair guṇa-yukto [guṇair yukto] bhagavato mahā-devasya mahā-gaṇa-patir bhavati //
atredaṃ brahma japet // (PS_1.39)
atra idaṃ brahma japet //
sadyojātaṃ prapadyāmi // (PS_1.40)
sadyo-jātaṃ prapadyāmi //
sadyojātāya vai namaḥ // (PS_1.41)
sadyo-jātāya vai namaḥ //
bhave bhave nātibhave // (PS_1.42)
bhave bhave na atibhave //
bhajasva mām // (PS_1.43)
bhajasva mām //
bhavodbhavaḥ // (PS_1.44)
bhavodbhavaḥ //
vāmaḥ // (PS_2.1)
vāmaḥ //
devasya // (PS_2.2)
devasya //
jyeṣṭhasya // (PS_2.3)
jyeṣṭhasya //
rudrasya // (PS_2.4)
rudrasya //
kalitāsanam // (PS_2.5)
kalita-āsanam //
sārvakāmika ity ācakṣate // (PS_2.6)
sārva-kāmika ity ācakṣate //
amaṅgalaṃ cātra maṅgalaṃ bhavati // (PS_2.7)
amaṅgalaṃ ca atra maṅgalaṃ bhavati //
apasavyaṃ ca pradakṣiṇam // (PS_2.8)
apasavyaṃ ca pradakṣiṇam //
tasmād ubhayathā yaṣṭavyaḥ // (PS_2.9)
tasmād ubhayathā yaṣṭavyaḥ //
devavat pitṛvac ca // (PS_2.10)
devavat pitṛvac ca //
ubhayaṃ tu rudre devāḥ pitaraś ca // (PS_2.11)
ubhayaṃ tu rudre devāḥ pitaraś ca //
harṣāpramādī // (PS_2.12)
harṣa-apramādī //
caryāyāṃ caryāyām // (PS_2.13)
caryāyāṃ caryāyām //
māhātmyam avāpnoti // (PS_2.14)
māhātmyam avāpnoti //
atidattam atīṣṭam // (PS_2.15)
atidattam atīṣṭam //
atitaptaṃ tapas tathā // (PS_2.16)
atitaptaṃ tapas tathā //
atyāgatiṃ gamayate // (PS_2.17)
atyāgatiṃ gamayate //
tasmāt // (PS_2.18)
tasmāt //
bhūyas tapaś caret // (PS_2.19)
bhūyas tapaś caret //
nānyabhaktis tu śaṃkare // (PS_2.20)
na anya-bhaktis tu śaṃkare //
atredaṃ brahma japet // (PS_2.21)
atra idaṃ brahma japet //
vāmadevāya namo jyeṣṭhāya namo rudrāya namaḥ // (PS_2.22)
vāma-devāya namo jyeṣṭhāya namo rudrāya namaḥ //
kālāya namaḥ // (PS_2.23)
kālāya namaḥ //
kalavikaraṇāya namaḥ // (PS_2.24)
kala-vikaraṇāya namaḥ //
balaprathamanāya namaḥ // (PS_2.25)
bala-prathamanāya namaḥ //
sarvabhūtadamanāya namaḥ // (PS_2.26)
sarva-bhūta-damanāya namaḥ //
mano'manāya namaḥ // (PS_2.27)
mano-'manāya namaḥ //
avyaktaliṅgī // (PS_3.1)
avyakta-liṅgī //
vyaktācāraḥ // (PS_3.2)
vyakta-ācāraḥ //
avamataḥ // (PS_3.3)
avamataḥ //
sarvabhūteṣu // (PS_3.4)
sarva-bhūteṣu //
paribhūyamānaś caret // (PS_3.5)
paribhūyamānaś caret //
apahatapāpmā // (PS_3.6)
apahata-pāpmā //
pareṣāṃ parivādāt // (PS_3.7)
pareṣāṃ parivādāt //
pāpaṃ ca tebhyo dadāti // (PS_3.8)
pāpaṃ ca tebhyo dadāti //
sukṛtaṃ ca teṣām ādatte // (PS_3.9)
sukṛtaṃ ca teṣām ādatte //
tasmāt // (PS_3.10)
tasmāt //
pretavac caret // (PS_3.11)
pretavac caret //
krātheta vā // (PS_3.12)
krātheta vā //
spandeta vā // (PS_3.13)
spandeta vā //
maṇṭeta vā // (PS_3.14)
maṇṭeta vā //
śṛṅgāreta vā // (PS_3.15)
śṛṅgāreta vā //
api tat kuryāt // (PS_3.16)
api tat kuryāt //
api tad bhāṣet // (PS_3.17)
api tad bhāṣet //
yena paribhavaṃ gacchet // (PS_3.18)
yena paribhavaṃ gacchet //
paribhūyamāno hi vidvān kṛtsnatapā bhavati // (PS_3.19)
paribhūyamāno hi vidvān kṛtsna-tapā bhavati //
atredaṃ brahma japet // (PS_3.20)
atra idaṃ brahma japet //
aghorebhyaḥ // (PS_3.21)
aghorebhyaḥ //
atha ghorebhyaḥ // (PS_3.22)
atha ghorebhyaḥ //
ghoraghoratarebhyaś ca // (PS_3.23)
ghora-ghoratarebhyaś ca //
sarvebhyaḥ // (PS_3.24)
sarvebhyaḥ //
śarvasarvebhyaḥ // (PS_3.25)
śarva-sarvebhyaḥ //
namas te astu rudrarūpebhyaḥ // (PS_3.26)
namas te astu rudra-rūpebhyaḥ //
gūḍhavidyā tapa ānantyāya prakāśate // (PS_4.1)
gūḍha-vidyā tapa ānantyāya prakāśate //
gūḍhavrataḥ // (PS_4.2)
gūḍha-vrataḥ //
gūḍhapavitravāṇiḥ // (PS_4.3)
gūḍha-pavitra-vāṇiḥ //
sarvāṇi dvārāṇi pidhāya // (PS_4.4)
sarvāṇi dvārāṇi pidhāya //
buddhyā // (PS_4.5)
buddhyā //
unmatavad eko vicareta loke // (PS_4.6)
unmatavad eko vicareta loke //
kṛtānnam utsṛṣṭam upādadīta // (PS_4.7)
kṛta-annam utsṛṣṭam upādadīta //
unmatto mūḍha ity evaṃ manyante itare janāḥ // (PS_4.8)
unmatto mūḍha ity evaṃ manyante itare janāḥ //
asanmāno hi yantrāṇāṃ sarveṣām uttamaḥ smṛtaḥ // (PS_4.9)
asan-māno hi yantrāṇāṃ sarveṣām uttamaḥ smṛtaḥ //
indro vā agre asureṣu pāśupatam acarat // (PS_4.10)
indro vā agre asureṣu pāśupatam acarat //
sa teṣām iṣṭāpūrtam ādatta // (PS_4.11)
sa teṣām iṣṭa-āpūrtam ādatta //
māyayā sukṛtayā samavindata // (PS_4.12)
māyayā sukṛtayā samavindata //
nindā hy eṣānindā tasmāt // (PS_4.13)
nindā hy eṣa ānindā tasmāt //
nindyamānaś caret // (PS_4.14)
nindyamānaś caret //
aninditakarmā // (PS_4.15)
anindita-karmā //
sarvaviśiṣṭo 'yaṃ panthāḥ // (PS_4.16)
sarva-viśiṣṭo 'yaṃ panthāḥ //
satpathaḥ // (PS_4.17)
sat-pathaḥ //
kupathās tv anye // (PS_4.18)
kupathās tv anye //
anena vidhinā rudrasamīpaṃ gatvā // (PS_4.19)
anena vidhinā rudra-samīpaṃ gatvā //
na kaścid brāhmaṇaḥ punar āvartate // (PS_4.20)
na kaścid brāhmaṇaḥ punar āvartate //
atredaṃ brahma japet // (PS_4.21)
atra idaṃ brahma japet //
tatpuruṣāya vidmahe // (PS_4.22)
tat-puruṣāya vidmahe //
mahādevāya dhīmahi // (PS_4.23)
mahā-devāya dhīmahi //
tan no rudraḥ pracodayāt // (PS_4.24)
tan no rudraḥ pracodayāt //
asaṅgaḥ // (PS_5.1)
asaṅgaḥ //
yogī // (PS_5.2)
yogī //
nityātmā // (PS_5.3)
nitya-ātmā //
ajaḥ // (PS_5.4)
ajaḥ //
maitraḥ // (PS_5.5)
maitraḥ //
abhijāyate // (PS_5.6)
abhijāyate //
indriyāṇām abhijayāt // (PS_5.7)
indriyāṇām abhijayāt //
rudraḥ provāca tāvat // (PS_5.8)
rudraḥ provāca tāvat //
śūnyāgāraguhāvāsī // (PS_5.9)
śūnya-āgāra-guhā-vāsī //
devanityaḥ // (PS_5.10)
deva-nityaḥ //
jitendriyaḥ // (PS_5.11)
jita-indriyaḥ //
ṣaṇmāsān nityayuktasya // (PS_5.12)
ṣaṇ-māsān nitya-yuktasya //
bhūyiṣṭhaṃ saṃpravartate // (PS_5.13)
bhūyiṣṭhaṃ saṃpravartate //
bhaikṣyam // (PS_5.14)
bhaikṣyam //
pātrāgatam // (PS_5.15)
pātra-āgatam //
māṃsam aduṣyaṃ lavaṇena vā // (PS_5.16)
māṃsam aduṣyaṃ lavaṇena vā //
āpo vāpi yathākālam aśnīyād anupūrvaśaḥ // (PS_5.17)
āpo va āpi yathā-kālam aśnīyād anupūrvaśaḥ //
godharmā mṛgadharmā vā // (PS_5.18)
go-dharmā mṛga-dharmā vā //
adbhir eva śucir bhavet // (PS_5.19)
adbhir eva śucir bhavet //
siddhayogī na lipyate karmaṇā pātakena vā // (PS_5.20)
siddha-yogī na lipyate karmaṇā pātakena vā //
ṛcam iṣṭām adhīyīta gāyatrīm ātmayantritaḥ // (PS_5.21)
ṛcam iṣṭām adhīyīta gāyatrīm ātma-yantritaḥ //
raudrīṃ vā bahurūpīṃ vā // (PS_5.22)
raudrīṃ vā bahu-rūpīṃ vā //
ato yoga pravartate // (PS_5.23)
ato yoga pravartate //
oṃkāram abhidhyāyīta // (PS_5.24)
oṃ-kāram abhidhyāyīta //
hṛdi kurvīta dhāraṇām // (PS_5.25)
hṛdi kurvīta dhāraṇām //
ṛṣir vipro mahān eṣaḥ // (PS_5.26)
ṛṣir vipro mahān eṣaḥ //
vāgviśuddhaḥ // (PS_5.27)
vāg-viśuddhaḥ //
maheśvaraḥ // (PS_5.28)
maheśvaraḥ //
śmaśānavāsī // (PS_5.30)
śmaśāna-vāsī //
dharmātmā // (PS_5.31)
dharma-ātmā //
yathālabdhopajīvakaḥ // (PS_5.32)
yathā-labdha-upajīvakaḥ //
labhate rudrasāyujyam // (PS_5.33)
labhate rudra-sāyujyam //
sadā rudram anusmaret // (PS_5.34)
sadā rudram anusmaret //
chittvā doṣāṇāṃ hetujālasya mūlam // (PS_5.35)
chittvā doṣāṇāṃ hetu-jālasya mūlam //
buddhyā // (PS_5.36)
buddhyā //
saṃcittam // (PS_5.37)
saṃcittam //
sthāpayitvā ca rudre // (PS_5.38)
sthāpayitvā ca rudre //
ekaḥ kṣemī san vītaśokaḥ // (PS_5.39)
ekaḥ kṣemī san vīta-śokaḥ //
apramādī gacched duḥkhānām antam īśaprasādāt // (PS_5.40)
apramādī gacched duḥkhānām antam īśa-prasādāt //
atredaṃ brahma japet // (PS_5.41)
atra idaṃ brahma japet //
īśānaḥ sarvavidyānām // (PS_5.42)
īśānaḥ sarva-vidyānām //
īśvaraḥ sarvabhūtānām // (PS_5.43)
īśvaraḥ sarva-bhūtānām //
brahmaṇo 'dhipatir brahmā // (PS_5.44)
brahmaṇo 'dhipatir brahmā //
śivo me astu // (PS_5.45)
śivo me astu //
sadā // (PS_5.46)
sadā //
śivaḥ // (PS_5.47)
śivaḥ //