yasya pṛthvītalaṃ tāta sākāśaṃ bāhugocaram
tasyāhaṃ te pravakṣyāmi viṣṇor māhātmyam uttamam
sanatkumāro dharmātmā saṃśayacchedanāya vai
niṣasādāsane rājan mahārhe munipuṃgavaḥ
brūhy asmai dānavendrāya viṣṇor māhātmyam uttamam
viṣṇor māhātmyasaṃyuktaṃ dānavendrāya dhīmate
viṣṇau jagat sthitaṃ sarvam iti viddhi paraṃtapa
eṣa cākṣipate kāle kāle visṛjate punaḥ
asmin gacchanti vilayam asmāc ca prabhavanty uta
saṃprāptum indriyāṇāṃ tu saṃyamenaiva śakyate
nirmalīkurute buddhyā so 'mutrānantyam aśnute
bahuśo 'tiprayatnena mahatātmakṛtena ha
yatnena mahatā caivāpy ekajātau viśudhyate
bahu yatnena mahatā doṣanirharaṇaṃ tathā
na muñcati svakaṃ gandhaṃ tadvat sūkṣmasya darśanam
vimuñcati svakaṃ gandhaṃ mālyagandhe 'vatiṣṭhati
buddhyā nivartate doṣo yatnenābhyāsajena vai
yathā karmaviśeṣāṃś ca prāpnuvanti tathā śṛṇu
tat te 'nupūrvyā vyākhyāsye tad ihaikamanāḥ śṛṇu
sa vai sṛjati bhūtāni sthāvarāṇi carāṇi ca
ekādaśavikārātmā jagat pibati raśmibhiḥ
bāhavas tu diśo daitya śrotram ākāśam eva ca
buddhir jñānagatā nityaṃ rasas tv apsu pravartate
nakṣatracakraṃ netrābhyāṃ pādayor bhūś ca dānava
so 'śramāṇāṃ mukhaṃ tāta karmaṇas tat phalaṃ viduḥ
chandāṃsi tasya romāṇi akṣaraṃ ca sarasvatī
sa brahmaparamo dharmas tapaś ca sad asac ca saḥ
pitāmahaś ca viṣṇuś ca so 'śvinau sa puraṃdaraḥ
te pṛthagdarśanās tasya saṃvidanti tathaikatām
ekasya viddhi devasya sarvaṃ jagad idaṃ vaśe
jantuḥ paśyati jñānena tataḥ sattvaṃ prakāśate
prajāvisargasya ca pārimāṇyaṃ; vāpīsahasrāṇi bahūni daitya
āyāmataḥ pañcaśatāś ca sarvāḥ; pratyekaśo yojanataḥ pravṛddhāḥ
tāsāṃ kṣaye viddhi kṛtaṃ visargaṃ; saṃhāram ekaṃ ca tathā prajānām
raktaṃ punaḥ sahyataraṃ sukhaṃ tu; hāridravarṇaṃ susukhaṃ ca śuklam
gatvā tu yoniprabhavāni daitya; sahasraśaḥ siddhim upaiti jīvaḥ
gatiḥ punar varṇakṛtā prajānāṃ; varṇas tathā kālakṛto 'surendra
ārohaṇaṃ tat kṛtam eva viddhi; sthānaṃ tathā niḥsaraṇaṃ ca teṣām
sthānaṃ tathā durgatibhis tu tasya; prajāvisargān subahūn vadanti
sa caiva tasmin nivasaty anīśo; yugakṣaye tamasā saṃvṛtātmā
sa lohitaṃ varṇam upaiti nīlo; manuṣyaloke parivartate ca
tataḥ sa hāridram upaiti varṇaṃ; saṃhāravikṣepaśate vyatīte
avipramukto niraye ca daitya; tataḥ sahasrāṇi daśāparāṇi
vimuktam enaṃ nirayāc ca viddhi; sarveṣu cānyeṣu ca saṃbhaveṣu
saṃhāravikṣepaśatāni cāṣṭau; martyeṣu tiṣṭhann amṛtatvam eti
yathā tv ayaṃ sidhyati jīvalokas; tat te 'bhidhāsyāmy asurapravīra
saṃśritya saṃdhāvati śuklam etam; aṣṭāparān arcyatamān sa lokān
śuklasya varṇasya parā gatir yā; trīṇy eva ruddhāni mahānubhāva
ṣaṣṭhasya varṇasya parā gatir yā; siddhā viśiṣṭasya gataklamasya
tasmād upāvṛtya manuṣyaloke; tato mahān mānuṣatām upaiti
sa saptakṛtvaś ca paraiti lokān; saṃhāravikṣepakṛtapravāsaḥ
tato 'vyayaṃ sthānam anantam eti; devasya viṣṇor atha brahmaṇaś ca
śeṣasya caivātha narasya caiva; devasya viṣṇoḥ paramasya caiva
ceṣṭātmano devagaṇāś ca sarve; ye brahmalokād amarāḥ sma te 'pi
niḥśeṣāṇāṃ tat padaṃ yānti cānte; sarvāpadā ye sadṛśā manuṣyāḥ
jīvāḥ pare tadbalaveṣarūpā; vidhiṃ svakaṃ yānti viparyayeṇa
tāvat tadā teṣu viśuddhabhāvaḥ; saṃyamya pañcendriyarūpam etat
tato 'vyayaṃ sthānam upaiti brahma; duṣprāpam abhyeti sa śāśvataṃ vai
ity etad ākhyātam ahīnasattva; nārāyaṇasyeha balaṃ mayā te
śrutvā ca te vācam adīnasattva; vikalmaṣo 'smy adya tathā vipāpmā
viṣṇor anantasya sanātanaṃ tat; sthānaṃ sargā yatra sarve pravṛttāḥ
sa vai mahātmā puruṣottamo vai; tasmiñ jagat sarvam idaṃ pratiṣṭhitam
yojayitvā tathātmānaṃ paraṃ sthānam avāptavān
sanatkumāro vṛtrāya yat tad ākhyātavān purā
tatsthaḥ sṛjati tān bhāvān nānārūpān mahātapāḥ
turīyārdhena lokāṃs trīn bhāvayaty eṣa buddhimān
sa śete bhagavān apsu yo 'sāv atibalaḥ prabhuḥ
tān vidhātā prasannātmā lokāṃś carati śāśvatān
sa cāniruddhaḥ sṛjate mahātmā; tatsthaṃ jagat sarvam idaṃ vicitram
śubhā tasmāt sa sukhito na śocati pitāmaha
tiryaggateś ca nirmukto nirayāc ca pitāmaha
tiryag evānupaśyeta karmabhis tāmasair vṛtaḥ
kāṃ gatiṃ pratipatsyāmo nīlāṃ kṛṣṇādhamām atha
vihṛtya devalokeṣu punar mānuṣyam eṣyatha
sukhena saṃyāsyatha siddhasaṃkhyāṃ; mā vo bhayaṃ bhūd vimalāḥ stha sarve