viprebhyo dhanaratnāni dadau snātvā yathāvidhi
bṛhaspateś ca deveśaḥ pradadau vipulaṃ dhanam
ājahāra kratūṃs tatra yathoktān vedapāragaiḥ
pūrayām āsa vidhivat tataḥ khyātaḥ śatakratuḥ
indratīrtham iti khyātaṃ sarvapāpapramocanam
brāhmaṇān pūjayitvā ca pānācchādanabhojanaiḥ
śubhaṃ tīrthavaraṃ tasmād rāmatīrthaṃ jagāma ha
asakṛt pṛthivīṃ sarvāṃ hatakṣatriyapuṃgavām
ayajad vājapeyena so 'śvamedhaśatena ca
pradadau dakṣiṇārthaṃ ca pṛthivīṃ vai sasāgarām
upaspṛśya yathānyāyaṃ pūjayitvā tathā dvijān
munīṃś caivābhivādyātha yamunātīrtham āgamat
putro 'diter mahābhāgo varuṇo vai sitaprabhaḥ
varaṃ kratuṃ samājahre varuṇaḥ paravīrahā
devānāṃ dānavānāṃ ca trailokyasya kṣayāvahaḥ
jāyate sumahāghoraḥ saṃgrāmaḥ kṣatriyān prati
tatra snātvā ca dattvā ca dvijebhyo vasu mādhavaḥ
tasmād ādityatīrthaṃ ca jagāma kamalekṣaṇaḥ
jyotiṣām ādhipatyaṃ ca prabhāvaṃ cābhyapadyata
viśvedevāḥ samaruto gandharvāpsarasaś ca ha
yakṣāś ca rākṣasāś caiva piśācāś ca viśāṃ pate
tasmiṃs tīrthe sarasvatyāḥ śive puṇye paraṃtapa
āpluto bharataśreṣṭha tīrthapravara uttame
saṃprāptaḥ paramaṃ yogaṃ siddhiṃ ca paramāṃ gataḥ
paramaṃ yogam āsthāya ṛṣir yogam avāptavān