babhūva vimanāḥ pārthaḥ kiṃ cit kṛtveva pātakam
kathaṃ nāma bhaved etad yadi tvaṃ pārtha dharmajam
asinā tīkṣṇadhāreṇa hanyā dharme vyavasthitam
hatvā tu nṛpatiṃ pārtha akariṣyaḥ kim uttaram
evaṃ sudurvido dharmo mandaprajñair viśeṣataḥ
narakaṃ ghorarūpaṃ ca bhrātur jyeṣṭhasya vai vadhāt
prasādaya kuruśreṣṭham etad atra mataṃ mama
prayāmas tvaritā yoddhuṃ sūtaputrarathaṃ prati
vipulāṃ prītim ādhatsva dharmaputrasya mānada
evaṃ kṛte kṛtaṃ caiva tava kāryaṃ bhaviṣyati
dharmarājasya caraṇau prapede śirasānagha
kṣamasva rājan yat proktaṃ dharmakāmena bhīruṇā
dhanaṃjayam amitraghnaṃ rudantaṃ bharatarṣabha
samāśliṣya ca sasnehaṃ praruroda mahīpatiḥ
kṛtaśaucau naravyāghrau prītimantau babhūvatuḥ
prītyā paramayā yuktaḥ prasmayaṃś cābravīj jayam
kavacaṃ ca dhvajaś caiva dhanuḥ śaktir hayā gadā
śaraiḥ kṛttā maheṣvāsa yatamānasya saṃyuge
vyavasīdāmi duḥkhena na ca me jīvitaṃ priyam
prāṇān eva parityakṣye jīvitārtho hi ko mama
satyena te śape rājan prasādena tavaiva ca
bhīmena ca naraśreṣṭha yamābhyāṃ ca mahīpate
mahītale patiṣyāmi satyenāyudham ālabhe
adya karṇaṃ raṇe kṛṣṇa sūdayiṣye na saṃśayaḥ
tad anudhyāhi bhadraṃ te vadhaṃ tasya durātmanaḥ
śakto 'smi bharataśreṣṭha yatnaṃ kartuṃ yathābalam
kathaṃ bhavān raṇe karṇaṃ nihanyād iti me matiḥ
yudhiṣṭhiremaṃ bībhatsuṃ tvaṃ sāntvayitum arhasi
anujñātuṃ ca karṇasya vadhāyādya durātmanaḥ
pravṛttiṃ jñātum āyātāv iha pāṇḍavanandana
parisāntvaya bībhatsuṃ jayam āśādhi cānagha
vaktavyam ukto 'smy ahitaṃ tvayā kṣāntaṃ ca tan mayā
manyuṃ ca mā kṛthāḥ pārtha yan mayokto 'si dāruṇam
pādau jagrāha pāṇibhyāṃ bhrātur jyeṣṭhasya māriṣa
mūrdhny upāghrāya caivainam idaṃ punar uvāca ha
māhātmyaṃ vijayaṃ caiva bhūyaḥ prāpnuhi śāśvatam
nayāmy antaṃ samāsādya rādheyaṃ balagarvitam
tasyādya karmaṇaḥ karṇaḥ phalaṃ prāpsyati dāruṇam
sabhājayitum ākrandād iti satyaṃ bravīmi te
iti satyena te pādau spṛśāmi jagatīpate
pārthaḥ provāca govindaṃ sūtaputravadhodyataḥ
āyudhāni ca sarvāṇi sajjyantāṃ vai mahārathe
rathopakaraṇaiḥ sarvair upāyāntu tvarānvitāḥ
uvāca dārukaṃ kṛṣṇaḥ kuru sarvaṃ yathābravīt
arjuno bharataśreṣṭhaḥ śreṣṭhaḥ sarvadhanuṣmatām
yojayām āsa sa rathaṃ vaiyāghraṃ śatrutāpanam
āpṛcchya dharmarājānaṃ brāhmaṇān svasti vācya ca
samaṅgalasvastyayanam āruroha rathottamam
āśiṣo 'yuṅkta paramā yuktāḥ karṇavadhaṃ prati
nihataṃ menire karṇaṃ pāṇḍavena mahātmanā
cāṣāś ca śatapatrāś ca krauñcāś caiva janeśvara
pradakṣiṇam akurvanta tadā vai pāṇḍunandanam
tvarayanto 'rjunaṃ yuddhe hṛṣṭarūpā vavāśire
agratas tasya gacchanti bhakṣyahetor bhayānakāḥ
vināśam arisainyānāṃ karṇasya ca vadhaṃ tathā
cintā ca vipulā jajñe kathaṃ nv etad bhaviṣyati
dṛṣṭvā pārthaṃ tadāyastaṃ cintāparigataṃ tadā
na teṣāṃ mānuṣo jetā tvad anya iha vidyate
tvāṃ prāpya samare vīraṃ ye gatāḥ paramāṃ gatim
vindānuvindāv āvantyau kāmbojaṃ ca sudakṣiṇam
pratyudgamya bhavet kṣemī yo na syāt tvam iva kṣamī
vedhaḥ pātaś ca lakṣaś ca yogaś caiva tavārjuna
asaṃmohaś ca yuddheṣu vijñānasya ca saṃnatiḥ
pṛthivyāṃ hi raṇe pārtha na yoddhā tvatsamaḥ pumān
ā devāt tvatsamaṃ teṣāṃ na paśyāmi śṛṇomi vā
yena tvaṃ yudhyase pārtha tasmān nāsti tvayā samaḥ
māvamaṃsthā mahābāho karṇam āhavaśobhinam
kṛtī ca citrayodhī ca deśe kāle ca kovidaḥ
antakapratimaḥ krodhe siṃhasaṃhanano balī
atimānī ca śūraś ca pravīraḥ priyadarśanaḥ
satataṃ pāṇḍavadveṣī dhārtarāṣṭrahite rataḥ
ṛte tvām iti me buddhis tvam adya jahi sūtajam
aśakyaḥ samare jetuṃ sarvair api yuyutsubhiḥ
hīnasvārthaṃ pāṇḍaveyair virodhe; hatvā karṇaṃ dhiṣṭhitārtho bhavādya
tam adya mūlaṃ pāpānāṃ jaya sautiṃ dhanaṃjaya