śalyo 'bravīt punaḥ karṇaṃ nidarśanam udāharan
tathāhaṃ tvāṃ pramādyantaṃ cikitsāmi suhṛttayā
śrutvā yatheṣṭaṃ kuryās tvaṃ vihīna kulapāṃsana
yena tvaṃ māṃ mahābāho hantum icchasy anāgasam
viśeṣato rathasthena rājñaś caiva hitaiṣiṇā
śramaḥ khedaś ca satataṃ hayānāṃ rathinā saha
bhāraś cāpy atibhāraś ca śalyānāṃ ca pratikriyā
sarvam etan mayā jñeyaṃ rathasyāsya kuṭumbinā
atas tvāṃ kathaye karṇa nidarśanam idaṃ punaḥ
yajvā dānapatiḥ kṣāntaḥ svakarmastho 'bhavac chuciḥ
rājño dharmapradhānasya rāṣṭre vasati nirbhayaḥ
kāko bahūnām abhavad ucciṣṭakṛtabhojanaḥ
māṃsodanaṃ dadhi kṣīraṃ pāyasaṃ madhusarpiṣī
sadṛśān pakṣiṇo dṛptaḥ śreyasaś cāvamanyate
garuḍasya gatau tulyāś cakrāṅgā hṛṣṭacetasaḥ
bhavān eva viśiṣṭo hi patatribhyo vihaṃgama
tad vacaḥ satyam ity eva maurkhyād darpāc ca manyate
ucchiṣṭadarpitaḥ kāko bahūnāṃ dūrapātinām
tam āhvayata durbuddhiḥ patāma iti pakṣiṇam
bhāṣato bahu kākasya balinaḥ patatāṃ varāḥ
idam ūcuś ca cakrāṅgā vacaḥ kākaṃ vihaṃgamāḥ
pakṣiṇāṃ ca vayaṃ nityaṃ dūrapātena pūjitāḥ
kāko bhūtvā nipatane samāhvayasi durmate
kathaṃ tvaṃ patanaṃ kāka sahāsmābhir bravīṣi tat
prajagādottaraṃ kākaḥ katthano jātilāghavāt
śatayojanam ekaikaṃ vicitraṃ vividhaṃ tathā
niḍīnam atha saṃḍīnaṃ tiryak cātigatāni ca
atiḍīnaṃ mahāḍīnaṃ niḍīnaṃ pariḍīnakam
kartāsmi miṣatāṃ vo 'dya tato drakṣyatha me balam
uvāca haṃsas taṃ kākaṃ vacanaṃ tan nibodha me
ekam eva tu ye pātaṃ viduḥ sarve vihaṃgamāḥ
pata tvam api raktākṣa yena vā tena manyase
katham ekena pātena haṃsaḥ pātaśataṃ jayet
haṃsasya patitaṃ kāko balavān āśuvikramaḥ
ekapātī ca cakrāṅgaḥ kākaḥ pātaśatena ca
visismāpayiṣuḥ pātair ācakṣāṇo 'tmanaḥ kriyām
dṛṣṭvā pramuditāḥ kākā vinedur atha taiḥ svaraiḥ
utpatyotpatya ca prāhur muhūrtam iti ceti ca
kurvāṇā vividhān rāvān āśaṃsantas tadā jayam
pratyahīyata kākāc ca muhūrtam iva māriṣa
yo 'sāv utpatito haṃsaḥ so 'sāv eva prahīyate
upary upari vegena sāgaraṃ varuṇālayam
dvīpadrumān apaśyantaṃ nipatantaṃ śramānvitam
nipateyaṃ kva nu śrānta iti tasmiñ jalārṇave
mahābhūtaśatodbhāsī nabhaso 'pi viśiṣyate
digambarāmbhasāṃ karṇa samudrasthā hi durjayāḥ
vidūrapātāt toyasya kiṃ punaḥ karṇa vāyasaḥ
avekṣamāṇas taṃ kākaṃ nāśaknod vyapasarpitum
atikramya ca cakrāṅgaḥ kākaṃ taṃ samudaikṣata
ujjihīrṣur nimajjantaṃ smaran satpuruṣavratam
patasy avyāharaṃś cedaṃ na no guhyaṃ prabhāṣase
jalaṃ spṛśasi pakṣābhyāṃ tuṇḍena ca punaḥ punaḥ
kāko dṛḍhaṃ pariśrāntaḥ sahasā nipapāta ha
nānāvidhānīha purā tac cānṛtam ihādya te
avamanya bahūṃś cāhaṃ kākān anyāṃś ca pakṣiṇaḥ
prāṇair haṃsa prapadye tvāṃ dvīpāntaṃ prāpayasva mām
na kaṃ cid avamanyeyam āpado māṃ samuddhara
kāka kāketi vāśantaṃ nimajjantaṃ mahārṇave
padbhyām utkṣipya vepantaṃ pṛṣṭham āropayac chanaiḥ
ājagāma punar dvīpaṃ spardhayā petatur yataḥ
gato yathepsitaṃ deśaṃ haṃso mana ivāśugaḥ
evaṃ tvam ucchiṣṭabhṛto dhārtarāṣṭrair na saṃśayaḥ
sadṛśāñ śreyasaś cāpi sarvān karṇātimanyase
virāṭanagare pārtham ekaṃ kiṃ nāvadhīs tadā
sṛgālā iva siṃhena kva te vīryam abhūt tadā
paśyatāṃ kuruvīrāṇāṃ prathamaṃ tvaṃ palāyathāḥ
kurūn samagrān utsṛjya prathamaṃ tvaṃ palāyathāḥ
karṇa duryodhanaṃ pārthaḥ sabhāryaṃ samamocayat
kathitaḥ karṇa rāmeṇa sabhāyāṃ rājasaṃsadi
avadhyau vadatoḥ kṛṣṇau saṃnidhau vai mahīkṣitām
tvatto 'tiriktaḥ sarvebhyo bhūtebhyo brāhmaṇo yathā
putraṃ ca vasudevasya pāṇḍavaṃ ca dhanaṃjayam
prakāśenābhivikhyātau tvaṃ tu khadyotavan nṛṣu
nṛsiṃhau tau naraśvā tvaṃ joṣam āssva vikatthana