yathā vāyuḥ samāsādya tūlarāśiṃ samantataḥ
śālvāḥ saṃśaptakāś caiva nārāyaṇabalaṃ ca yat
sauśrutiś citrasenaś ca mitravarmā ca bhārata
putraiś caiva maheṣvāsair nānāśastradharair yudhi
abhyadravanta samare vāryoghā iva sāgaram
agacchan vilayaṃ sarve tārkṣyaṃ dṛṣṭveva pannagāḥ
dahyamānā yathā rājañ śalabhā iva pāvakam
mitradevas triṣaṣṭyā ca candradevaś ca saptabhiḥ
śatruṃjayaś ca viṃśatyā suśarmā navabhiḥ śaraiḥ
sauśruteḥ saśirastrāṇaṃ śiraḥ kāyād apāharat
tvaritaś candradevaṃ ca śarair ninye yamakṣayam
pañcabhiḥ pañcabhir bāṇair ekaikaṃ pratyavārayat
samuddiśya raṇe kṛṣṇaṃ siṃhanādaṃ nanāda ca
ayasmayo mahācaṇḍo jagāma dharaṇīṃ tadā
pratodaḥ prāpatad dhastād raśmayaś ca viśāṃ pate
vāhayām āsa tān aśvān satyasenarathaṃ prati
satyasenaṃ śarais tīkṣṇair dārayitvā mahābalaḥ
kuṇḍalopacitaṃ kāyāc cakarta pṛtanāntare
vatsadantena tīkṣṇena sārathiṃ cāsya māriṣa
pātayām āsa saṃkruddhaḥ śataśo 'tha sahasraśaḥ
mitradevasya ciccheda kṣurapreṇa mahāyaśāḥ
suśarmāṇaṃ ca saṃkruddho jatrudeśe samārdayat
śastraughair mamṛduḥ kruddhā nādayanto diśo daśa
aindram astram ameyātmā prāduścakre mahārathaḥ
tataḥ śarasahasrāṇi prādurāsan viśāṃ pate
rathānāṃ sapatākānāṃ tūṇīrāṇāṃ śaraiḥ saha
kūbarāṇāṃ varūthānāṃ pṛṣatkānāṃ ca saṃyuge
gadānāṃ parighāṇāṃ ca śaktīnāṃ tomaraiḥ saha
kaṇṭhasūtrāṅgadānāṃ ca keyūrāṇāṃ ca māriṣa
chatrāṇāṃ vyajanānāṃ ca śirasāṃ mukuṭaiḥ saha
aśrūyata mahāñ śabdas tatra tatra viśāṃ pate
śirāṃsy urvyām adṛśyanta tārāgaṇa ivāmbare
śarīrāṇi vyadṛśyanta hatānāṃ ca mahītale
gandharvanagarākāraṃ ghoram āyodhanaṃ tadā
hastibhiḥ patitaiś caiva turagaiś cābhavan mahī
agamyamārgā samare viśīrṇair iva parvataiḥ
nighnataḥ śātravān bhallair hastyaśvaṃ cāmitaṃ mahat
raṇe vicaratas tasya tasmiṃl lohitakardame
śrameṇa mahatā yuktā manomārutaraṃhasaḥ
prāyaśo vimukhaṃ sarvaṃ nāvatiṣṭhata saṃyuge
rarāja sa mahārāja vidhūmo 'gnir iva jvalan
svayaṃ duryodhano rājā pratyagṛhṇād abhītavat
dharmarājo drutaṃ viddhvā tiṣṭha tiṣṭheti cābravīt
sārathiṃ cāsya bhallena bhṛśaṃ kruddho 'bhyatāḍayat
duryodhanāya cikṣepa trayodaśa śilāśitān
pañcamena śiraḥ kāyāt sārathes tu samākṣipat
aṣṭamena tathā khaḍgaṃ pātayām āsa bhūtale
pañcabhir nṛpatiṃ cāpi dharmarājo 'rdayad bhṛśam
uttamaṃ vyasanaṃ prāpto bhūmāv eva vyatiṣṭhata
abhyavartanta sahitāḥ parīpsanto narādhipam
abhyayuḥ samare rājaṃs tato yuddham avartata
kṣveḍāḥ kilakilāśabdāḥ prādurāsan mahīpate
yad abhyagacchan samare pāñcālāḥ kauravaiḥ saha
rathāś ca rathibhiḥ sārdhaṃ hayāś ca hayasādibhiḥ
vismāpanāny acintyāni śastravanty uttamāni ca
anyonyaṃ samare jaghnur yodhavratam anuṣṭhitāḥ
na hi te samaraṃ cakruḥ pṛṣṭhato vai kathaṃ cana
tata unmattavad rājan nirmaryādam avartata
preṣayām āsa kālāya śaraiḥ saṃnataparvabhiḥ
drāvayām āsur atyugrās tatra tatra tadā tadā
viṣāṇaiś cāpare jaghnur mamṛduś cāpare bhṛśam
aparāṃś cikṣipur vegāt pragṛhyātibalās tathā
cakrur ārtasvaraṃ ghoraṃ vyadravanta diśo daśa
utsṛjyābharaṇaṃ tūrṇam avaplutya raṇājire
jagṛhur bibhiduś caiva citrāṇy ābharaṇāni ca
nigṛhītā bhṛśaṃ nāgāḥ prāsatomaraśaktibhiḥ
rathāśvasādibhis tatra saṃbhinnā nyapatan bhuvi
bhūmāv amṛdnan vegena savarmāṇaṃ patākinam
vyākṣipan sahasā tatra ghorarūpe mahāmṛdhe
parvatasyeva śikharaṃ vajrabhagnaṃ mahītale
keśeṣv anyonyam ākṣipya cicchidur bibhiduḥ saha
padā coraḥ samākramya sphurato vyahanac chiraḥ
jīvataś ca tathaivānyaḥ śastraṃ kāye nyamajjayat
tathā keśagrahaś cogro bāhuyuddhaṃ ca kevalam
jahāra samare prāṇān nānāśastrair anekadhā
kabandhāny utthitāni sma śataśo 'tha sahasraśaḥ
mahāraṅgānuraktāni vastrāṇīva cakāśire
unmattaraṅgapratimaṃ śabdenāpūrayaj jagat
yoddhavyam iti yudhyante rājāno jayagṛddhinaḥ
ubhayoḥ senayor vīrair vyākulaṃ samapadyata
hayaiś ca patitais tatra naraiś ca vinipātitaiḥ
kṣaṇenāsīn mahārāja kṣatajaughapravartinī
bhīmasenaḥ kurūn rājan hastyanīkaṃ ca sarvaśaḥ
aparāhṇe mahārāja kāṅkṣantyor vipulaṃ jayam