dhṛṣṭadyumnaṃ jighāṃsantaḥ kruddhāḥ pārṣatam abhyayuḥ
aṅgā vaṅgāś ca puṇḍrāś ca māgadhās tāmraliptakāḥ
gajayuddheṣu kuśalāḥ kaliṅgaiḥ saha bhārata
siṣicus te tataḥ sarve pāñcālācalam āhave
pothitān pārṣato bāṇair nārācaiś cābhyavīvṛṣat
dviradān abhivivyādha kṣiptair girinibhāñ śaraiḥ
pracchādyamāno dviradair meghair iva divākaraḥ
tān nāgān abhivarṣanto jyātantrīśaranāditaiḥ
sātyakiś ca śikhaṇḍī ca cekitānaś ca vīryavān
hastair ākṣipya mamṛduḥ padbhiś cāpy atimanyavaḥ
viṣāṇalagnaiś cāpy anye paripetur vibhīṣaṇāḥ
nārācenogravegena bhittvā marmaṇy apātayat
nārācenābhinad vakṣaḥ so 'patad bhuvi sātyakeḥ
sahadevaḥ prayatnāt tair nārācair vyahanat tribhiḥ
taṃ kṛtvā dviradaṃ bhūyaḥ sahadevo 'ṅgam abhyagāt
nārācair yamadaṇḍābhais tribhir nāgaṃ śatena ca
nakulāya śatāny aṣṭau tridhaikaikaṃ tu so 'cchinat
sa papāta hato mlecchas tenaiva saha dantinā
aṅgāḥ kruddhā mahāmātrā nāgair nakulam abhyayuḥ
mimardiśantas tvaritāḥ pradīptair iva parvataiḥ
śaratomaravarṣāṇi vimuñcanto jighāṃsavaḥ
pari petuḥ susaṃrabdhāḥ pāṇḍupāñcālasomakāḥ
sṛjatāṃ śaravarṣāṇi tomarāṃś ca sahasraśaḥ
dantāś caivātividdhānāṃ nārācair bhūṣaṇāni ca
sahadevo jaghānāśu te petuḥ saha sādibhiḥ
nārācair ahanan nāgān nakulaḥ kuranandana
śikhaṇḍī ca mahānāgān siṣicuḥ śaravṛṣṭibhiḥ
bāṇavarṣair hatāḥ petur vajravarṣair ivācalāḥ
drutaṃ senām avaikṣanta bhinnakūlām ivāpagām
vikṣobhayitvā ca punaḥ karṇam evābhidudruvuḥ
duḥśāsano mahārāja bhrātā bhrātaram abhyayāt
siṃhanādaravāṃś cakrur vāsāṃsy ādudhuvuś ca ha
pāṇḍuputras tribhir bāṇair vakṣasy abhihato balī
viddhvā vivyādha saptatyā sārathiṃ ca tribhis tribhiḥ
sahadevaṃ trisaptatyā bāhvor urasi cārdayat
vyāvidhyata yudhāṃ śreṣṭhaḥ śrīmāṃs tava sutaṃ prati
nipapāta tato bhūmau cyutaḥ sarpa ivāmbarāt
duḥśāsanāya cikṣepa bāṇam antakaraṃ tataḥ
khaḍgena śitadhāreṇa dvidhā ciccheda kauravaḥ
pātayām āsa samare sahadevo hasann iva
sahadevarathe tūrṇaṃ pātayām āsa bhārata
ekaikaṃ pañcabhir bāṇaiḥ sahadevo nyakṛntata
athāsmai subahūn bāṇān mādrīputraḥ samācinot
samādhatta śaraṃ ghoraṃ mṛtyukālāntakopamam
vikṛṣya balavac cāpaṃ tava putrāya so 'sṛjat
prāviśad dharaṇīṃ rājan valmīkam iva pannagaḥ
tataḥ sa mumuhe rājaṃs tava putro mahārathaḥ
apovāha bhṛśaṃ trasto vadhyamānaṃ śitaiḥ śaraiḥ
duryodhanabalaṃ hṛṣṭaḥ prāmathad vai samantataḥ
tathā sā kauravī senā mṛditā tena bhārata
karṇo vaikartano rājan vārayām āsa vai tadā
cirasya bata dṛṣṭo 'haṃ daivataiḥ saumyacakṣuṣā
tvaṃ hi mūlam anarthānāṃ vairasya kalahasya ca
tvām adya samare hatvā kṛtakṛtyo 'smi vijvaraḥ
sadṛśaṃ rājaputrasya dhanvinaś ca viśeṣataḥ
karma kṛtvā raṇe śūra tataḥ katthitum arhasi
sa yudhyasva mayā śaktyā vineṣye darpam adya te
vivyādha cainaṃ samare trisaptatyā śilīmukhaiḥ
aśītyāśīviṣaprakhyaiḥ sūtaputram avidhyata
triṃśatā parameṣvāsaḥ śaraiḥ pāṇḍavam ārdayat
āśīviṣā yathā nāgā bhittvā gāṃ salilaṃ papuḥ
karṇaṃ vivyādha viṃśatyā sārathiṃ ca tribhiḥ śaraiḥ
kṣurapreṇa sutīkṣṇena karṇasya dhanur acchinat
ājaghne prahasan vīraḥ sarvalokamahāratham
vismayaṃ paramaṃ jagmū rathinaḥ saha daivataiḥ
nakulaṃ pañcabhir bāṇair jatrudeśe samārdayat
svaraśmibhir ivādityo bhuvane visṛjan prabhām
athāsya dhanuṣaḥ koṭiṃ punaś ciccheda māriṣa
nakulasya tato bāṇaiḥ sarvato 'vārayad diśaḥ
ciccheda sa śarāṃs tūrṇaṃ śarair eva mahārathaḥ
khadyotānāṃ gaṇair eva saṃpatadbhir yathā nabhaḥ
śalabhānāṃ yathā vrātais tadvad āsīt samākulam
śreṇīkṛtā abhāsanta haṃsāḥ śreṇīgatā iva
samasarpat tato bhūtaṃ kiṃ cid eva viśāṃ pate
vyarocatāṃ mahābhāgau bālasūryāv ivoditau
avālīyanta rājendra vedanārtāḥ śarārditāḥ
vyaśīryata diśo rājan vātanunnā ivāmbudāḥ
śarapātam apakramya tataḥ prekṣakavat sthite
vivyādhāte mahātmānāv anyonyaṃ śaravṛṣṭibhiḥ
chādayantau ca sahasā parasparavadhaiṣiṇau
te tu karṇam avacchādya vyatiṣṭhanta yathā pare
candrasūryau yathā rājaṃś chādyamānau jalāgame
pāṇḍavaṃ chādayām āsa samantāc charavṛṣṭibhiḥ
na cakāra vyathāṃ rājan bhāskaro jaladair yathā
preṣayām āsa samare śataśo 'tha sahasraśaḥ
abhracchāyeva saṃjajñe saṃpatadbhiḥ śarottamaiḥ
sārathiṃ pātayām āsa rathanīḍād dhasann iva
yamasya sadanaṃ tūrṇaṃ preṣayām āsa bhārata
patākāṃ cakrarakṣau ca dhvajaṃ khaḍgaṃ ca māriṣa
śatacandraṃ tataś carma sarvopakaraṇāni ca
avatīrya rathāt tūrṇaṃ parighaṃ gṛhya viṣṭhitaḥ
vyahanat sāyakai rājañ śataśo 'tha sahasraśaḥ
ārdayad bahuśaḥ karṇo na cainaṃ samapīḍayat
prādravat sahasā rājan nakulo vyākulendriyaḥ
sajyam asya dhanuḥ kaṇṭhe so 'vāsṛjata bhārata
pariveṣam anuprāpto yathā syād vyomni candramāḥ
yathaiva ca sito meghaḥ śakracāpena śobhitaḥ
vadedānīṃ punar hṛṣṭo vadhyaṃ māṃ tvaṃ punaḥ punaḥ
sadṛśais tāta yudhyasva vrīḍāṃ mā kuru pāṇḍava
gṛhaṃ vā gaccha mādreya yatra vā kṛṣṇaphalgunau
vadhaprāptaṃ tu taṃ rājan nāvadhīt sūtanandanaḥ
smṛtvā kuntyā vaco rājaṃs tata enaṃ vyasarjayat
vrīḍann iva jagāmātha yudhiṣṭhirarathaṃ prati
niḥśvasan duḥkhasaṃtaptaḥ kumbhe kṣipta ivoragaḥ
rathenātipatākena candravarṇahayena ca
dṛṣṭvā senāpatiṃ yāntaṃ pāñcālānāṃ rathavrajān
madhyaṃ gate dinakare cakravat pracaran prabhuḥ
sasūtair hatasūtaiś ca bhagnākṣaiś caiva māriṣa
hriyamāṇān apaśyāma pāñcālānāṃ rathavrajān
davāgninā parītāṅgā yathaiva syur mahāvane
bhinnagātravarāś caiva cchinnavālāś ca māriṣa
chinnābhrāṇīva saṃpetur vadhyamānā mahātmanā
tam evābhimukhā yānti śalabhā iva pāvakam
kṣarantaḥ śoṇitaṃ gātrair nagā iva jalaplavam
rājataiś ca tathā kāṃsyaiḥ sauvarṇaiś caiva bhūṣaṇaiḥ
cāmaraiś ca kuthābhiś ca tūṇīraiḥ patitair api
apaśyāma raṇe tatra bhrāmyamāṇān hayottamān
hayayodhān apaśyāma kañcukoṣṇīṣadhāriṇaḥ
bhramamāṇān apaśyāma hateṣu rathiṣu drutam
vipatākādhvajāṃś cānyāñ chinneṣāyugabandhurān
sūryaputraśarais trastān apaśyāma viśāṃ pate
tāvakāñ jālasaṃchannān uroghaṇṭāvibhūṣitān
padātīn anvapaśyāma dhāvamānān samantataḥ
karṇacāpacyutair bāṇair apaśyāma vinākṛtān
karṇasāyakanunnānāṃ hatānāṃ niśitaiḥ śaraiḥ
tam evābhimukhā yānti pataṃgā iva pāvakam
kṣatriyā varjayām āsur yugāntāgnim ivolbaṇam
tān prabhagnān drutān karṇaḥ pṛṣṭhato vikirañ śaraiḥ
abhyadhāvata tejasvī viśīrṇakavacadhvajān
madhyaṃdinam anuprāpto bhūtānīva tamonudaḥ