nyavārayad ameyātmā droṇaputravadhepsayā
saṃsthāpyamānā yatnena govindenārjunena ca
matsyair anyaiś ca saṃdhāya kauravaiḥ saṃnyavartata
savyasācī maheṣvāsam aśvatthāmānam abravīt
dhārtarāṣṭreṣu yā prītiḥ pradveṣo 'smāsu yaś ca te
yac ca bhūyo 'sti tejas tat paramaṃ mama darśaya
kālānalasamaprakhyo dviṣatām antako yudhi
samāsādaya pāñcālyaṃ māṃ cāpi sahakeśavam
prītir dhanaṃjaye cāsya priyaś cāpi sa vāsaveḥ
atha kasmāt sa kaunteyaḥ sakhāyaṃ rūkṣam abravīt
iṣvastravidhisaṃpanne mālave ca sudarśane
yudhiṣṭhirasya tair vākyair marmaṇy api ca ghaṭṭite
abhūtapūrvo bībhatsor duḥkhān manyur ajāyata
mānyam ācāryatanayaṃ rūkṣaṃ kāpuruṣo yathā
pārthena paruṣaṃ vākyaṃ sarvamarmaghnayā girā
drauṇiś cukopa pārthāya kṛṣṇāya ca viśeṣataḥ
devair api sudurdharṣam astram āgneyam ādade
so 'bhimantrya śaraṃ dīptaṃ vidhūmam iva pāvakam
sarvataḥ krodham āviśya cikṣepa paravīrahā
vavuś ca śiśirā vātāḥ sūryo naiva tatāpa ca
rudhiraṃ cāpi varṣanto vinedus toyadāmbare
paramaṃ prayatātmāno na śāntim upalebhire
trailokyam abhisaṃtaptaṃ jvarāviṣṭam ivāturam
niḥśvasantaḥ samutpetus tejo ghoraṃ mumukṣavaḥ
na śāntim upajagmur hi tapyamānair jalāśayaiḥ
uccāvacā nipetur vai garuḍānilaraṃhasaḥ
pradagdhāḥ śatravaḥ petur agnidagdhā iva drumāḥ
nadanto bhairavān nādāñ jaladopamanisvanān
tresus tathāpare ghore vane dāvāgnisaṃvṛtāḥ
aśvavṛndāny adṛśyanta rathavṛndāni cābhibho
apatanta rathaughāś ca tatra tatra sahasraśaḥ
yugānte sarvabhūtāni saṃvartaka ivānalaḥ
prahṛṣṭās tāvakā rājan siṃhanādān vinedire
tūrṇam ājaghnire hṛṣṭās tāvakā jitakāśinaḥ
tamasā saṃvṛte loke nādṛśyata mahāhave
yādṛśaṃ droṇaputreṇa sṛṣṭam astram amarṣiṇā
sarvāstrapratighātāya vihitaṃ padmayoninā
pravavau cānilaḥ śīto diśaś ca vimalābhavan
anabhijñeyarūpāṃ ca pradagdhām astramāyayā
sahitau saṃpradṛśyetāṃ nabhasīva tamonudau
prababhau sa ratho muktas tāvakānāṃ bhayaṃkaraḥ
pāṇḍavānāṃ prahṛṣṭānāṃ kṣaṇena samajāyata
tarasābhyāgatau dṛṣṭvā vimuktau keśavārjunau
dṛṣṭvā pramuditān pārthāṃs tvadīyā vyathitābhavan
muhūrtaṃ cintayām āsa kiṃ tv etad iti māriṣa
niḥśvasan dīrgham uṣṇaṃ ca vimanāś cābhavat tadā
dhig dhik sarvam idaṃ mithyety uktvā saṃprādravad raṇāt
āvāsaṃ ca sarasvatyāḥ sa vai vyāsaṃ dadarśa ha
sannakaṇṭho 'bravīd vākyam abhivādya sudīnavat
astraṃ tv idaṃ kathaṃ mithyā mama kaś ca vyatikramaḥ
yad imau jīvataḥ kṛṣṇau kālo hi duratikramaḥ
na sarpayakṣapatagā na manuṣyāḥ kathaṃ cana
tad idaṃ kevalaṃ hatvā yuktām akṣauhiṇīṃ jvalat
etat prabrūhi bhagavan mayā pṛṣṭo yathātatham
tat pravakṣyāmi te sarvaṃ samādhāya manaḥ śṛṇu
ajāyata ca kāryārthaṃ putro dharmasya viśvakṛt
ūrdhvabāhur mahātejā jvalanādityasaṃnibhaḥ
aśoṣayat tadātmānaṃ vāyubhakṣo 'mbujekṣaṇaḥ
dyāvāpṛthivyor vivaraṃ tejasā samapūrayat
tato viśveśvaraṃ yoniṃ viśvasya jagataḥ patim
aṇīyasām aṇīyāṃsaṃ bṛhadbhyaś ca bṛhattaram
gacchatas tiṣṭhato vāpi sarvabhūtahṛdi sthitam
divyaṃ cāpam iṣudhī cādadānaṃ; hiraṇyavarmāṇam anantavīryam
subhruṃ jaṭāmaṇḍalacandramauliṃ; vyāghrājinaṃ parighaṃ daṇḍapāṇim
ekībhūtaṃ tapasāṃ saṃnidhānaṃ; vayotigaiḥ suṣṭutam iṣṭavāgbhiḥ
nālaṃ draṣṭuṃ yamajaṃ bhinnavṛttā; brahmadviṣaghnam amṛtasya yonim
sa tanniṣṭhas tapasā dharmam īḍyaṃ; tadbhaktyā vai viśvarūpaṃ dadarśa
dṛṣṭvā cainaṃ vāṅmanobuddhidehaiḥ; saṃhṛṣṭātmā mumude devadevam
tato nārāyaṇo dṛṣṭvā vavande viśvasaṃbhavam
ajam īśānam avyagraṃ kāraṇātmānam acyutam
padmākṣas taṃ virūpākṣam abhituṣṭāva bhaktimān
āviśyemāṃ dharaṇīṃ ye 'bhyarakṣan; purā purāṇāṃ tava deva sṛṣṭim
pṛthagvidhān bhūtasaṃghāṃś ca viśvāṃs; tvatsaṃbhūtān vidma sarvāṃs tathaiva
aindraṃ yāmyaṃ vāruṇaṃ vaittapālyaṃ; maitraṃ tvāṣṭraṃ karma saumyaṃ ca tubhyam
kāmo brahmā brahma ca brāhmaṇāś ca; tvatsaṃbhūtaṃ sthāsnu cariṣṇu cedam
evaṃ vidvān prabhavaṃ cāpy ayaṃ ca; hitvā bhūtānāṃ tatra sāyujyam eti
daśāpy anye ye puraṃ dhārayanti; tvayā sṛṣṭās te hi tebhyaḥ paras tvam
bhūtaṃ bhavyaṃ bhavitā cāpy adhṛṣyaṃ; tvatsaṃbhūtā bhuvanānīha viśvā
ātmānaṃ tvām ātmano 'nanyabhāvo; vidvān evaṃ gacchati brahma śukram
sudurlabhān dehi varān mameṣṭān; abhiṣṭutaḥ pratikārṣīś ca mā mām
arhate devamukhyāya prāyacchad ṛṣisaṃstutaḥ
aprameyabalātmā tvaṃ nārāyaṇa bhaviṣyasi
na piśācā na gandharvā na narā na ca rākṣasāḥ
na kaś cit tvāṃ ca devo 'pi samareṣu vijeṣyati
nārdreṇa na ca śuṣkeṇa trasena sthāvareṇa vā
api cet samaraṃ gatvā bhaviṣyasi mamādhikaḥ
sa eṣa devaś carati māyayā mohayañ jagat
tulyam etena devena taṃ jānīhy arjunaṃ sadā
lokayātrāvidhānārthaṃ saṃjāyete yuge yuge
tejomanyuś ca vidvaṃs tvaṃ jāto raudro mahāmate
avākarṣas tvam ātmānaṃ niyamais tatpriyepsayā
ījivāṃs tvaṃ japair homair upahāraiś ca mānada
puṣkalāṃś ca varān prādāt tava vidvan hṛdi sthitān
tābhyāṃ liṅge 'rcito devas tvayārcāyāṃ yuge yuge
ātmayogāś ca tasmin vai śāstrayogāś ca śāśvatāḥ
prārthayanti paraṃ loke sthānam eva ca śāśvatam
kṛṣṇa eva hi yaṣṭavyo yajñaiś caiṣa sanātanaḥ
tasminn abhyadhikāṃ prītiṃ karoti vṛṣabhadhvajaḥ
namaścakāra rudrāya bahu mene ca keśavam
varūthinīm abhipretya avahāram akārayat
kauravāṇāṃ ca dīnānāṃ droṇe yudhi nipātite
brahmalokaṃ gato rājan brāhmaṇo vedapāragaḥ