rudrasyeva hi kruddhasya nighnatas tu paśūn yathā
chatrāṇāṃ cāpaviddhānāṃ cāmarāṇāṃ ca saṃyuge
sādibhiś ca hataiḥ śūraiḥ saṃkīrṇā vasudhābhavat
ceṣṭanto vividhāś ceṣṭā vyadṛśyanta mahāhave
abravīt kṣatriyāṃs tatra dharmarājo yudhiṣṭhiraḥ
abhidravata saṃyattāḥ kumbhayoniṃ mahārathāḥ
ghaṭate ca yathāśakti bhāradvājasya nāśane
adya droṇaṃ raṇe kruddhaḥ pātayiṣyati pārṣataḥ
te yūyaṃ sahitā bhūtvā kumbhayoniṃ parīpsata
abhyadravanta saṃyattā bhāradvājaṃ jighāṃsavaḥ
abhyadravata vegena martavyam iti niścitaḥ
vavur vātāḥ sanirghātās trāsayanto varūthinīm
dīpayantīva tāpena śaṃsantīva mahad bhayam
rathāḥ svananti cātyarthaṃ hayāś cāśrūṇy avāsṛjan
ṛṣīṇāṃ brahmavādānāṃ svargasya gamanaṃ prati
suyuddhena tataḥ prāṇān utsraṣṭum upacakrame
nirdahan kṣatriyavrātān droṇaḥ paryacarad raṇe
daśāyutāni tīkṣṇāgrair avadhīd viśikhaiḥ śitaiḥ
kṣatriyāṇām abhāvāya brāhmam ātmānam āsthitaḥ
aviṣaṇṇaṃ mahātmānaṃ tvaramāṇaḥ samabhyayāt
abravīd abhisaṃprekṣya droṇam asyantam antikāt
tvarasva prāgvadhāyaiva tvayi bhāraḥ samāhitaḥ
abhipatyādade kṣipram āyudhapravaraṃ dṛḍham
vivārayiṣur ācāryaṃ śaravarṣair avākirat
udīrayetāṃ brāhmāṇi divyāny astrāṇy anekaśaḥ
nihatya sarvāṇy astrāṇi bhāradvājasya pārṣataḥ
rakṣiṣyamāṇān saṃgrāme droṇaṃ vyadhamad acyutaḥ
babhau pracchādayann āśāḥ śarajālaiḥ samantataḥ
marmāṇy abhyahanad bhūyaḥ sa vyathāṃ paramām agāt
śanakair iva rājendra droṇaṃ vacanam abravīt
svakarmabhir asaṃtuṣṭā na sma kṣatraṃ kṣayaṃ vrajet
tasya ca brāhmaṇo mūlaṃ bhavāṃś ca brahmavittamaḥ
ajñānān mūḍhavad brahman putradāradhanepsayā
svakarmasthān vikarmastho na vyapatrapase katham
dharmarājena tad vākyaṃ nātiśaṅkitum arhasi
sarvāṇy astrāṇi dharmātmā hātukāmo 'bhyabhāṣata
karṇa karṇa maheṣvāsa kṛpa duryodhaneti ca
pāṇḍavebhyaḥ śivaṃ vo 'stu śastram abhyutsṛjāmy aham
utsṛjya ca raṇe śastraṃ rathopasthe niveśya ca
abhayaṃ sarvabhūtānāṃ pradadau yogayuktavān
khaḍgī rathād avaplutya sahasā droṇam abhyayāt
droṇaṃ tathāgataṃ dṛṣṭvā dhṛṣṭadyumnavaśaṃ gatam
droṇo 'pi śastrāṇy utsṛjya paramaṃ sāmyam āsthitaḥ
divam ākrāmad ācāryaḥ sadbhiḥ saha durākramam
ekāgram iva cāsīd dhi jyotirbhiḥ pūritaṃ nabhaḥ
samapadyata cārkābhe bhāradvājaniśākare
āsīt kilakilāśabdaḥ prahṛṣṭānāṃ divaukasām
brahmalokaṃ gate droṇe dhṛṣṭadyumne ca mohite
yogayuktaṃ mahātmānaṃ gacchantaṃ paramāṃ gatim
vāsudevaś ca vārṣṇeyo dharmarājaś ca pāṇḍavaḥ
mahimānaṃ mahārāja yogamuktasya gacchataḥ
nāpaśyan gacchamānaṃ hi taṃ sārdham ṛṣipuṃgavaiḥ
ācāryaṃ yogam āsthāya brahmalokam ariṃdamam
dhikkṛtaḥ pārṣatas taṃ tu sarvabhūtaiḥ parāmṛśat
kiṃ cid abruvataḥ kāyād vicakartāsinā śiraḥ
siṃhanādaravaṃ cakre bhrāmayan khaḍgam āhave
tvatkṛte vyacarat saṃkhye sa tu ṣoḍaśavarṣavat
jīvantam ānayācāryaṃ mā vadhīr drupadātmaja
utkrośann arjunaś caiva sānukrośas tam ādravat
dhṛṣṭadyumno 'vadhīd droṇaṃ rathatalpe nararṣabham
lohitāṅga ivādityo durdarśaḥ samapadyata
evaṃ taṃ nihataṃ saṃkhye dadṛśe sainiko janaḥ
tāvakānāṃ maheṣvāsaḥ pramukhe tat samākṣipat
palāyanakṛtotsāhā dudruvuḥ sarvatodiśam
aham eva tadādrākṣaṃ droṇasya nidhanaṃ nṛpa
vidhūmām iva saṃyāntīm ulkāṃ prajvalitām iva
apaśyāma divaṃ stabdhvā gacchantaṃ taṃ mahādyutim
abhyadravan mahāvegās tataḥ sainyaṃ vyadīryata
tāvakā nihate droṇe gatāsava ivābhavan
ubhayenaiva te hīnā nāvindan dhṛtim ātmanaḥ
nādhyagacchaṃs tadā rājan kabandhāyutasaṃkule
bāṇaśabdaravāṃś cakruḥ siṃhanādāṃś ca puṣkalān
varūthinyām anṛtyetāṃ pariṣvajya parasparam
bhūyo 'haṃ tvāṃ vijayinaṃ pariṣvakṣyāmi pārṣata
sūtaputre hate pāpe dhārtarāṣṭre ca saṃyuge
bāhuśabdena pṛthivīṃ kampayām āsa pāṇḍavaḥ
kṣatradharmaṃ samutsṛjya palāyanaparāyaṇāḥ
arikṣayaṃ ca saṃgrāme tena te sukham āpnuvan
hatapravīrā vidhvastā bhṛśaṃ śokaparāyaṇāḥ
ārtasvareṇa mahatā putraṃ te paryavārayan
aśrukaṇṭhā yathā daityā hiraṇyākṣe purā hate
aśaknuvann avasthātum apāyāt tanayas tava
ādityena ca saṃtaptā bhṛśaṃ vimanaso 'bhavan
viparyāsaṃ yathā meror vāsavasyeva nirjayam
trastarūpatarā rājan kauravāḥ prādravan bhayāt
hataṃ rukmarathaṃ dṛṣṭvā prādravat sahito rathaiḥ
parigṛhya mahāsenāṃ sūtaputro 'payād bhayāt
madrāṇām īśvaraḥ śalyo vīkṣamāṇo 'payād bhayāt
vṛtaḥ śāradvato 'gacchat kaṣṭaṃ kaṣṭam iti bruvan
kṛtavarmā vṛto rājan prāyāt sujavanair hayaiḥ
ulūkaḥ prādravat tatra dṛṣṭvā droṇaṃ nipātitam
duḥśāsano bhṛśodvignaḥ prādravad gajasaṃvṛtaḥ
duryodhano mahārāja prāyāt tatra mahārathaḥ
prakīrṇakeśā vidhvastā na dvāv ekatra dhāvataḥ
utsṛjya kavacān anye prādravaṃs tāvakā vibho
tiṣṭha tiṣṭheti na ca te svayaṃ tatrāvatasthire
adhiruhya hayān yodhāḥ kṣipraṃ padbhir acodayan
pratisrota iva grāho droṇaputraḥ parān iyāt
kathaṃ cit saṃkaṭān mukto mattadviradavikramaḥ
duryodhanaṃ samāsādya droṇaputro 'bravīd idam
dravamāṇāṃ ca rājendra nāvasthāpayase raṇe
karṇaprabhṛtayaś ceme nāvatiṣṭhanti pārthivāḥ
kaccit kṣemaṃ mahābāho tava sainyasya bhārata
etām avasthāṃ saṃprāptaṃ tan mamācakṣva kaurava
ghoram apriyam ākhyātuṃ nāśakat pārthivarṣabhaḥ
bāṣpeṇa pihito dṛṣṭvā droṇaputraṃ rathe sthitam
śaṃseha sarvaṃ bhadraṃ te yathā sainyam idaṃ drutam
śaśaṃsa droṇaputrāya yathā droṇo nipātitaḥ
prāvartayāma saṃgrāmaṃ pāñcālair eva kevalaiḥ
anyonyam abhigarjantaḥ śastrair dehān apātayan
ahanac chātravān bhallaiḥ śataśo 'tha sahasraśaḥ
saṃkhye droṇarathaṃ prāpya vyanaśan kālacoditāḥ
droṇo brahmāstranirdagdhaṃ preṣayām āsa mṛtyave
raṇe paryacarad droṇo vṛddhaḥ ṣoḍaśavarṣavat
amarṣavaśam āpannāḥ pāñcālā vimukhābhavan
divyam astraṃ vikurvāṇo babhūvārka ivoditaḥ
madhyaṃgata ivādityo duṣprekṣyas te pitābhavat
dagdhavīryā nirutsāhā babhūvur gatacetasaḥ
jayaiṣī pāṇḍuputrāṇām idaṃ vacanam abravīt
api vṛtrahaṇā saṃkhye rathayūthapayūthapaḥ
yathā vaḥ saṃyuge sarvān na hanyād rukmavāhanaḥ
hataṃ taṃ saṃyuge kaś cid ākhyātv asmai mṛṣā naraḥ
arocayaṃs tu sarve 'nye kṛcchreṇa tu yudhiṣṭhiraḥ
aśvatthāmā hata iti tac cābudhyata te pitā
hataṃ vāpy ahataṃ vājau tvāṃ pitā putravatsalaḥ
aśvatthāmānam āhedaṃ hataḥ kuñjara ity uta
bhīmena girivarṣmāṇaṃ mālavasyendravarmaṇaḥ
yasyārthe śastram ādhatse yam avekṣya ca jīvasi
putras te dayito nityaṃ śo 'śvatthāmā nipātitaḥ
niyamya divyāny astrāṇi nāyudhyata yathā purā
pāñcālarājasya sutaḥ krūrakarmā samādravat
divyāny astrāṇy athotsṛjya raṇe prāya upāviśat
pārṣataḥ krośamānānāṃ vīrāṇām acchinac chiraḥ
tathaiva cārjuno vāhād avaruhyainam ādravat
jīvantam ānayācāryaṃ mā vadhīr iti dharmavit
hata eva nṛśaṃsena pitā tava nararṣabha
vayaṃ cāpi nirutsāhā hate pitari te 'nagha
krodham āhārayat tīvraṃ padāhata ivoragaḥ