niśīthe samasajjetāṃ tad yuddham abhavat katham
rathaś ca kīdṛśas tasya māyāḥ sarvāyudhāni ca
kīdṛśaṃ varma caivāsya kaṇṭhatrāṇaṃ ca kīdṛśam
pṛṣṭas tvam etad ācakṣva kuśalo hy asi saṃjaya
ūrdhvaromā hariśmaśruḥ śaṅkukarṇo mahāhanuḥ
sudīrghatāmrajihvoṣṭho lambabhrūḥ sthūlanāsikaḥ
mahākāyo mahābāhur mahāśīrṣo mahābalaḥ
sthūlasphig gūḍhanābhiś ca śithilopacayo mahān
urasā dhārayan niṣkam agnimālāṃ yathācalaḥ
toraṇapratimaṃ śubhraṃ kirīṭaṃ mūrdhny aśobhata
dhārayan vipulaṃ kāṃsyaṃ kavacaṃ ca mahāprabham
ṛkṣacarmāvanaddhāṅgaṃ nalvamātraṃ mahāratham
aṣṭacakrasamāyuktaṃ meghagambhīranisvanam
kāmavarṇajavā yuktā balavanto 'vahan hayāḥ
raśmibhiḥ sūryaraśmyābhaiḥ saṃjagrāha hayān raṇe
sa tena sahitas tasthāv aruṇena yathā raviḥ
divaspṛk sumahān ketuḥ syandane 'sya samucchritaḥ
raktottamāṅgaḥ kravyādo gṛdhraḥ paramabhīṣaṇaḥ
vyaktaṃ kiṣkuparīṇāhaṃ dvādaśāratni kārmukam
tasyāṃ vīrāpahāriṇyāṃ niśāyāṃ karṇam abhyayāt
aśrūyata dhanurghoṣo visphūrjitam ivāśaneḥ
samakampanta sarvāṇi sindhor iva mahormayaḥ
utsmayann iva rādheyas tvaramāṇo 'bhyavārayat
mātaṅga iva mātaṅgaṃ yūtharṣabha ivarṣabham
karṇarākṣasayo rājann indraśambarayor iva
prācchādayetām anyonyaṃ takṣamāṇau maheṣubhiḥ
nyavārayetām anyonyaṃ kāṃsye nirbhidya varmaṇī
rathaśaktibhir anyonyaṃ viśikhaiś ca tatakṣatuḥ
dhakṣyamāṇau śaravrātair nodīkṣitum aśaknutām
vyabhrājetāṃ yathā vāriprasrutau gairikācalau
nākampayetām anyonyaṃ yatamānau mahādyutī
prāṇayor dīvyato rājan karṇarākṣasayor mṛdhe
dhanurghoṣeṇa vitrastāḥ sve pare ca tadābhavan
ghaṭotkacaṃ yadā karṇo viśeṣayati no nṛpa
karṇena vihitaṃ dṛṣṭvā divyam astraṃ ghaṭotkacaḥ
prāduścakre mahāmāyāṃ rākṣasaḥ pāṇḍunandanaḥ
rakṣasāṃ ghorarūpāṇāṃ mahatyā senayā vṛtaḥ
bhūtāntakam ivāyāntaṃ kāladaṇḍogradhāriṇam
prasusruvur gajā mūtraṃ vivyathuś ca narā bhṛśam
ardharātre 'dhikabalair vimuktā rakṣasāṃ balaiḥ
patanty aviralāḥ śūlāḥ śataghnyaḥ paṭṭiśās tathā
putrāś ca tava yodhāś ca vyathitā vipradudruvuḥ
vyadhamac ca śarair māyāṃ ghaṭotkacavinirmitām
visasarja śarān ghorān sūtaputraṃ ta āviśan
viviśur dharaṇīṃ bāṇāḥ saṃkruddhā iva pannagāḥ
ghaṭotkacam atikramya bibheda daśabhiḥ śaraiḥ
cakraṃ divyaṃ sahasrāram agṛhṇād vyathito bhṛśam
cikṣepādhiratheḥ kruddho bhaimasenir jighāṃsayā
abhāgyasyeva saṃkalpas tan mogham apatad bhuvi
karṇaṃ prācchādayad bāṇaiḥ svarbhānur iva bhāskaram
ghaṭotkacarathaṃ tūrṇaṃ chādayām āsa patribhiḥ
kṣiptā bhrāmya śaraiḥ sāpi karṇenābhyāhatāpatat
pravavarṣa mahākāyo drumavarṣaṃ nabhastalāt
mārgaṇair abhivivyādha ghanaṃ sūrya ivāṃśubhiḥ
abhyavarṣac charaiḥ karṇaḥ parjanya iva vṛṣṭimān
so 'dṛśyata muhūrtena śvāvic chalalito yathā
dṛṣṭavantaḥ sma samare śaraughair abhisaṃvṛtam
māyāyuddhena māyāvī sūtaputram ayodhayat
alakṣyamāṇo 'tha divi śarajāleṣu saṃpatan
pracakāra mahāmāyāṃ mohayann iva bhārata
agrasat sūtaputrasya divyāny astrāṇi māyayā
gatasattvo nirutsāhaḥ patitaḥ khād vyadṛśyata
hataṃ taṃ manyamānāḥ sma prāṇadan kurupuṃgavāḥ
punaś cāpi mahākāyaḥ śataśīrṣaḥ śatodaraḥ
aṅguṣṭhamātro bhūtvā ca punar eva sa rākṣasaḥ
sāgarormir ivoddhūtas tiryag ūrdhvam avartata
adṛśyata tadā tatra punar unmajjito 'nyataḥ
kṣitiṃ dyāṃ ca diśaś caiva māyayāvṛtya daṃśitaḥ
prāha vākyam asaṃbhrāntaḥ sūtaputraṃ viśāṃ pate
yuddhaśraddhām ahaṃ te 'dya vineṣyāmi raṇājire
utpapātāntarikṣaṃ ca jahāsa ca suvisvaram
karṇam abhyāhanac caiva gajendram iva kesarī
rathinām ṛṣabhaṃ karṇaṃ dhārābhir iva toyadaḥ
śaravṛṣṭiṃ ca tāṃ karṇo dūraprāptām aśātayat
ghaṭotkacas tato māyāṃ sasarjāntarhitaḥ punaḥ
śūlaprāsāsimusalajalaprasravaṇo mahān
prapātair āyudhāny ugrāṇy udvahantaṃ na cukṣubhe
tataḥ so 'streṇa śailendro vikṣipto vai vyanaśyata
aśmavṛṣṭibhir atyugraḥ sūtaputram avākirat
vyadhamat kālameghaṃ taṃ karṇo vaikartano vṛṣā
jaghānāstraṃ mahārāja ghaṭotkacasamīritam
prāduścakre mahāmāyāṃ karṇaṃ prati mahāratham
ghaṭotkacam asaṃbhrāntaṃ rākṣasair bahubhir vṛtam
gajasthaiś ca rathasthaiś ca vājipṛṣṭhagatais tathā
vṛtaṃ ghaṭotkacaṃ krūrair marudbhir iva vāsavam
dṛṣṭvā karṇo maheṣvāso yodhayām āsa rākṣasam
nanāda bhairavaṃ nādaṃ bhīṣayan sarvapārthivān
karṇahastasthitaṃ cāpaṃ cicchedāśu ghaṭotkacaḥ
vyakarṣata balāt karṇa indrāyudham ivocchritam
suvarṇapuṅkhāñ śatrughnān khacarān rākṣasān prati
siṃhenevārditaṃ vanyaṃ gajānām ākulaṃ kulam
dadāha bhagavān vahnir bhūtānīva yugakṣaye
pureva tripuraṃ dagdhvā divi devo maheśvaraḥ
nainaṃ nirīkṣitum api kaś cic chaknoti pārthiva
bhīmavīryabalopetāt kruddhād vaivasvatād iva
maholkābhyāṃ yathā rājan sārciṣaḥ snehabindavaḥ
ratham āsthāya ca punar māyayā nirmitaṃ punaḥ
sa sūtam abravīt kruddhaḥ sūtaputrāya mā vaha
dvairathaṃ sūtaputreṇa punar eva viśāṃ pate
aṣṭacakrāṃ mahāghorām aśaniṃ rudranirmitām
cikṣepa caināṃ tasyaiva syandanāt so 'vapupluve
viveśa vasudhāṃ bhittvā surās tatra visismiyuḥ
yad avaplutya jagrāha devasṛṣṭāṃ mahāśanim
tato mumoca nārācān sūtaputraḥ paraṃtapaḥ
yad akārṣīt tadā karṇaḥ saṃgrāme bhīmadarśane
gandharvanagarākāraḥ punar antaradhīyata
astrāṇi tāni divyāni jaghāna ripusūdanaḥ
asaṃbhrāntas tataḥ karṇas tad rakṣaḥ pratyayudhyata
cakāra bahudhātmānaṃ bhīṣayāṇo narādhipān
agnijihvāś ca bhujagā vihagāś cāpy ayomukhāḥ
nagarādrivanaprakhyas tatraivāntaradhīyata
te karṇaṃ bhakṣayiṣyantaḥ sarvataḥ samupādravan
athainaṃ vāgbhir ugrābhis trāsayāṃ cakrire tadā
teṣām anekair ekaikaṃ karṇo vivyādha cāśugaiḥ
ājaghāna hayān asya śaraiḥ saṃnataparvabhiḥ
vasudhām anvapadyanta paśyatas tasya rakṣasaḥ
eṣa te vidadhe mṛtyum ity uktvāntaradhīyata