sudūram anvayuḥ pārthāḥ pāñcālāḥ saha somakaiḥ
prakṣaye jagatas tīvre yugānta iva bhārata
pāñcāleṣu ca kṣīṇeṣu vadhyamāneṣu pāṇḍuṣu
cintayām āsa rājendra katham etad bhaviṣyati
yudhiṣṭhiro dadarśātha naiva pārthaṃ na mādhavam
gāṇḍīvasya ca nirghoṣam aśṛṇvan vyathitendriyaḥ
cintayābhiparītāṅgo dharmarājo yudhiṣṭhiraḥ
nādhyagacchat tadā śāntiṃ tāv apaśyan nararṣabhau
acintayan mahābāhuḥ śaineyasya rathaṃ prati
śaineyaḥ sātyakiḥ satyo mitrāṇām abhayaṃkaraḥ
sātyakiś ca hi me jñeyaḥ pāṇḍavaś ca dhanaṃjayaḥ
sātvatasyāpi kaṃ yuddhe preṣayiṣye padānugam
yuyudhānam ananviṣya loko māṃ garhayiṣyati
parityajati vārṣṇeyaṃ sātyakiṃ satyavikramam
padavīṃ preṣayiṣyāmi mādhavasya mahātmanaḥ
tathaiva vṛṣṇivīre 'pi sātvate yuddhadurmade
sa tu mitroparodhena gauravāc ca mahābalaḥ
praviṣṭo bhāratīṃ senāṃ makaraḥ sāgaraṃ yathā
mithaḥ saṃyudhyamānānāṃ vṛṣṇivīreṇa dhīmatā
tatraiva pāṇḍaveyasya bhīmasenasya dhanvinaḥ
gamanaṃ rocate mahyaṃ yatra yātau mahārathau
śakto hy eṣa raṇe yattān pṛthivyāṃ sarvadhanvinaḥ
svabāhubalam āsthāya prativyūhitum añjasā
vanavāsān nivṛttāḥ sma na ca yuddheṣu nirjitāḥ
sanāthau bhavitārau hi yudhi sātvataphalgunau
rakṣitau vāsudevena svayaṃ cāstraviśāradau
tasmād bhīmaṃ niyokṣyāmi sātvatasya padānugam
tataḥ pratikṛtaṃ manye vidhānaṃ sātyakiṃ prati
yantāram abravīd rājan bhīmaṃ prati nayasva mām
rathaṃ hemapariṣkāraṃ bhīmāntikam upānayat
kaśmalaṃ prāviśad rājā bahu tatra samādiśan
tasya lakṣma na paśyāmi bhīmasenānujasya te
naivādrākṣaṃ na cāśrauṣaṃ tava kaśmalam īdṛśam
uttiṣṭhottiṣṭha rājendra śādhi kiṃ karavāṇi te
ājñāpaya kuruśreṣṭha mā ca śoke manaḥ kṛthāḥ
bhīmasenam idaṃ vākyaṃ pramlānavadano nṛpaḥ
prerito vāsudevena saṃrabdhena yaśasvinā
nūnam adya hataḥ śete tava bhrātā dhanaṃjayaḥ
yasya sattvavato vīryam upajīvanti pāṇḍavāḥ
sa śūraḥ saindhavaprepsur anvayād bhāratīṃ camūm
śyāmo yuvā guḍākeśo darśanīyo mahābhujaḥ
cakoranetras tāmrākṣo dviṣatām aghavardhanaḥ
arjunārthaṃ mahābāho sātvatasya ca kāraṇāt
tasya lakṣma na paśyāmi tena vindāmi kaśmalam
sa taṃ mahārathaṃ paścād anuyātas tavānujam
tam apaśyan mahābāhum ahaṃ vindāmi kaśmalam
yasya vīryavato vīryam upajīvanti pāṇḍavāḥ
sātyakiś ca mahāvīryaḥ kartavyaṃ yadi manyase
vacanaṃ mama dharmajña jyeṣṭho bhrātā bhavāmi te
cikīrṣur matpriyaṃ pārtha prayātaḥ savyasācinaḥ
padavīṃ durgamāṃ ghorām agamyām akṛtātmabhiḥ
tam āsthāya gatau kṛṣṇau na tayor vidyate bhayam
sametya tān naravyāghrāṃs tava dāsyāmi saṃvidam
dhṛṣṭadyumnāya balavān suhṛdbhyaś ca punaḥ punaḥ
dhṛṣṭadyumnaṃ cedam āha bhīmaseno mahābalaḥ
grahaṇe dharmarājasya sarvopāyena vartate
yādṛśaṃ rakṣaṇe rājñaḥ kāryam ātyayikaṃ hi naḥ
prayāsye tatra yatrāsau mumūrṣuḥ saindhavaḥ sthitaḥ
dharmarājasya vacane sthātavyam aviśaṅkayā
etad dhi sarvakāryāṇāṃ paramaṃ kṛtyam āhave
īpsitena mahābāho gaccha pārthāvicārayan
nigrahaṃ dharmarājasya prakariṣyati saṃyuge
abhivādya guruṃ jyeṣṭhaṃ prayayau yatra phalgunaḥ
āghrātaś ca tathā mūrdhni śrāvitaś cāśiṣaḥ śubhāḥ
sāṅgadaḥ satanutrāṇaḥ saśarī rathināṃ varaḥ
vibabhau parvataśliṣṭaḥ savidyud iva toyadaḥ
kaṇṭhatrāṇena ca babhau sendrāyudha ivāmbudaḥ
pāñcajanyaravo ghoraḥ punar āsīd viśāṃ pate
punar bhīmaṃ mahābāhur dharmaputro 'bhyabhāṣata
pṛthivīṃ cāntarikṣaṃ ca vinādayati śaṅkharāṭ
kurubhir yudhyate sārdhaṃ sarvaiś cakragadādharaḥ
draupadī ca subhadrā ca paśyanti saha bandhubhiḥ
muhyantīva hi me sarvā dhanaṃjayadidṛkṣayā
diśaḥ sapradiśaḥ pārtha sātvatasya ca kāraṇāt
bhṛśaṃ sa prahito bhrātrā bhrātā bhrātuḥ priyaṃkaraḥ
āhatya dundubhiṃ bhīmaḥ śaṅkhaṃ pradhmāya cāsakṛt
darśayan ghoram ātmānam amitrān sahasābhyayāt
viśokenābhisaṃyattā manomārutaraṃhasaḥ
so 'vakarṣan vikarṣaṃś ca senāgraṃ samaloḍayat
pṛṣṭhato 'nuyayuḥ śūrā maghavantam ivāmarāḥ
duḥśalaś citrasenaś ca kuṇḍabhedī viviṃśatiḥ
vindānuvindau sumukho dīrghabāhuḥ sudarśanaḥ
abhayo raudrakarmā ca suvarmā durvimocanaḥ
saṃyattāḥ samare śūrā bhīmasenam upādravan
abhyavartata vegena siṃhaḥ kṣudramṛgān iva
vārayantaḥ śarair bhīmaṃ meghāḥ sūryam ivoditam
agrataś ca gajānīkaṃ śaravarṣair avākirat
diśaḥ sarvāḥ samabhyasya vyadhamat pavanātmajaḥ
prādravan dviradāḥ sarve nadanto bhairavān ravān
tam avārayad ācāryo velevodvṛttam arṇavam
ūrdhvaraśmir ivādityo vibabhau tatra pāṇḍavaḥ
bhīmaḥ kariṣyate pūjām ity uvāca vṛkodaram
mām anirjitya samare śatrumadhye mahābala
anīkaṃ na tu śakyaṃ bhoḥ praveṣṭum iha vai tvayā
kruddhaḥ provāca vai droṇaṃ raktatāmrekṣaṇaḥ śvasan
praviṣṭaḥ sa hi durdharṣaḥ śakrasyāpi viśed balam
nārjuno 'haṃ ghṛṇī droṇa bhīmaseno 'smi te ripuḥ
iti manyāmahe sarve bhavantaṃ praṇatāḥ sthitāḥ
yadi śatruṃ tvam ātmānaṃ manyase tat tathāstv iha
eṣa te sadṛśaṃ śatroḥ karma bhīmaḥ karomy aham
droṇāyāvasṛjad rājan sa rathād avapupluve
prāmṛdnāc ca bahūn yodhān vāyur vṛkṣān ivaujasā
anyaṃ ca ratham āsthāya droṇaḥ praharatāṃ varaḥ
agrataḥ syandanānīkaṃ śaravarṣair avākirat
bhīmaṃ bhīmabalaṃ yuddhe 'yodhayaṃs tu jayaiṣiṇaḥ
sarvapāraśavīṃ tīkṣṇāṃ jighāṃsuḥ pāṇḍunandanam
dvidhā ciccheda tāṃ bhīmas tad adbhutam ivābhavat
suṣeṇaṃ dīrghanetraṃ ca tribhis trīn avadhīd balī
putrāṇāṃ tava vīrāṇāṃ yudhyatām avadhīt punaḥ
tribhis trīn avadhīd bhīmaḥ punar eva sutāṃs tava
bhīmaṃ praharatāṃ śreṣṭhaṃ samantāt paryavārayan
prahasann iva kaunteyaḥ śarair ninye yamakṣayam
vivyādha samare tūrṇaṃ sa papāta mamāra ca
diśaḥ sarvāḥ samabhyasya vyadhamat pāṇḍunandanaḥ
vadhyamānāś ca samare putrās tava viśāṃ pate
prādravan sarathāḥ sarve bhīmasenabhayārditāḥ
vivyādha samare rājan kauraveyān samantataḥ
tyaktvā bhīmaṃ raṇe yānti codayanto hayottamān
siṃhanādaravaṃ cakre bāhuśabdaṃ ca pāṇḍavaḥ
vyatītya rathinaś cāpi droṇānīkam upādravat