javenābhyadravan pārthaṃ kupitāḥ sainikās tava
abhyavarṣaṃs tato rājañ śaravarṣair dhanaṃjayam
te sma bhītāḥ palāyanta vyāghrāt kṣudramṛgā iva
raṇe sapatnān nighnantaṃ jigīṣantan parān yudhi
śirāṃsi pātayām āsa bāhūṃś caiva dhanaṃjayaḥ
abhracchāyeva caivāsīd dhvāṅkṣagṛdhravaḍairyudhi
śrutāyuś cācyutāyuś ca dhanaṃjayam ayudhyatām
tāv enaṃ śaravarṣāṇi savyadakṣiṇam asyatām
arjunasya vadhaprepsū putrārthe tava dhanvinau
pūrayām āsatuḥ kruddhau taḍāgaṃ jaladau yathā
ājaghāna rathaśreṣṭhaḥ pītena niśitena ca
ājagāma paraṃ mohaṃ mohayan keśavaṃ raṇe
śūlena bhṛśatīkṣṇena tāḍayām āsa pāṇḍavam
pārtho 'pi bhṛśasaṃviddho dhvajayaṣṭiṃ samāśritaḥ
siṃhanādo mahān āsīd dhataṃ matvā dhanaṃjayam
āśvāsayat suhṛdyābhir vāgbhis tatra dhanaṃjayam
vāsudevaṃ ca vārṣṇeyaṃ śaravarṣaiḥ samantataḥ
adṛśyaṃ cakratur yuddhe tad adbhutam ivābhavat
pretarājapuraṃ prāpya punaḥ pratyāgato yathā
śatrū cābhimukhau dṛṣṭvā dīpyamānāv ivānalau
tasmād āsan sahasrāṇi śarāṇāṃ nataparvaṇām
vicerur ākāśagatāḥ pārthabāṇavidāritāḥ
pratasthe tatra tatraiva yodhayan vai mahārathān
vasudhām anvapadyetāṃ vātanunnāv iva drumau
lokavismāpanam abhūt samudrasyeva śoṣaṇam
abhyagād bhāratīṃ senāṃ nighnan pārtho varān varān
ayutāyuś ca saṃkruddho dīrghāyuś caiva bhārata
kirantau vividhān bāṇān pitṛvyasanakarśitau
preṣayat paramakruddho yamasya sadanaṃ prati
nāśaknuvan vārayituṃ pārthaṃ kṣatriyapuṃgavāḥ
kruddhāḥ sahasraśo rājañ śikhitā hastisādinaḥ
prācyāś ca dākṣiṇātyāś ca kaliṅgapramukhā nṛpāḥ
nicakarta śirāṃsy ugrau bāhūn api subhūṣaṇān
babhau kanakapāṣāṇā bhujagair iva saṃvṛtā
cyavamānāny adṛśyanta drumebhya iva pakṣiṇaḥ
vyadṛśyantādrayaḥ kāle gairikāmbusravā iva
gajapṛṣṭhagatā mlecchā nānāvikṛtadarśanāḥ
rudhireṇānuliptāṅgā bhānti citraiḥ śarair hatāḥ
sahasraśaś chinnagātrāḥ sārohāḥ sapadānugāḥ
bhṛśaṃ trastāś ca bahudhā svānena mamṛdur gajāḥ
sāntarāyudhikā mattā dvipās tīkṣṇaviṣopamāḥ
yavanāḥ pāradāś caiva śakāś ca sunikaiḥ saha
dārvābhisārā daradāḥ puṇḍrāś ca saha bāhlikaiḥ
vṛṣṭis tathāvidhā hy āsīc chalabhānām ivāyatiḥ
muṇḍārdhamuṇḍajaṭilān aśucīñ jaṭilānanān
mlecchān aśātayat sarvān sametān astramāyayā
prādravanta raṇe bhītā girigahvaravāsinaḥ
vaḍāḥ kaṅkā vṛkā bhūmāv apiban rudhiraṃ mudā
śaravarṣaplavāṃ ghorāṃ keśaśaivalaśāḍvalām
prāvartayan nadīm ugrāṃ śoṇitaughataraṅgiṇīm
akarod gajasaṃbādhāṃ nadīm uttaraśoṇitām
dehebhyo rājaputrāṇāṃ nāgāśvarathasādinām
tathāsīt pṛthivī sarvā śoṇitena pariplutā
prāhiṇon mṛtyulokāya kṣatriyān kṣatriyarṣabhaḥ
śerate bhūmim āsādya śailā vajrahatā iva
prabhinna iva mātaṅgo mṛdnan naḍavanaṃ yathā
nirdahed analo 'raṇyaṃ yathā vāyusamīritaḥ
śarārcir adahat kruddhaḥ pāṇḍavāgnir dhanaṃjayaḥ
prānṛtyad iva saṃbādhe cāpahasto dhanaṃjayaḥ
prāviśad bhāratīṃ senāṃ saṃkruddho vai dhanaṃjayaḥ
taṃ śrutāyus tathāmbaṣṭho vrajamānaṃ nyavārayat
nyapātayad dhayāñ śīghraṃ yatamānasya māriṣa
dhanuś cāsyāparaiś chittvā śaraiḥ pārtho vicakrame
āsasāda raṇe pārthaṃ keśavaṃ ca mahāratham
ratham āvārya gadayā keśavaṃ samatāḍayat
arjuno bhṛśasaṃkruddhaḥ so 'mbaṣṭhaṃ prati bhārata
chādayām āsa samare meghaḥ sūryam ivoditam
acūrṇayat tadā pārthas tad adbhutam ivābhavat
arjunaṃ vāsudevaṃ ca punaḥ punar atāḍayat
cicchedendradhvajākārau śiraś cānyena patriṇā
indradhvaja ivotsṛṣṭo yantranirmuktabandhanaḥ
so 'dṛśyata tadā pārtho ghanaiḥ sūrya ivāvṛtaḥ