vivyadhuḥ samare bhīṣmaṃ parivārya samantataḥ
mudgarair musalaiḥ prāsaiḥ kṣepaṇībhiś ca sarvaśaḥ
nārācair vatsadantaiś ca bhuśuṇḍībhiś ca bhārata
atāḍayan raṇe bhīṣmaṃ sahitāḥ sarvasṛñjayāḥ
vivyathe naiva gāṅgeyo bhidyamāneṣu marmasu
neminirhrādasaṃnādo mahāstrodayapāvakaḥ
yugāntāgnisamo bhīṣmaḥ pareṣāṃ samapadyata
dṛśyate sma narendrāṇāṃ punar madhyagataś caran
pāṇḍavānīkinīmadhyam āsasāda sa vegitaḥ
drupadaṃ ca virāṭaṃ ca dhṛṣṭadyumnaṃ ca pārṣatam
ṣaḍ etān ṣaḍbhir ānarchad bhāskarapratimaiḥ śaraiḥ
daśabhir daśabhir bhīṣmam ardayām āsur ojasā
te bhīṣmaṃ viviśus tūrṇaṃ svarṇapuṅkhāḥ śilāśitāḥ
śikhaṇḍinaṃ puraskṛtya dhanuś cāsya samācchinat
droṇaś ca kṛtavarmā ca saindhavaś ca jayadrathaḥ
saptaite paramakruddhāḥ kirīṭinam abhidrutāḥ
abhipetur bhṛśaṃ kruddhāś chādayanta sma pāṇḍavān
udvṛttānāṃ yathā śabdaḥ samudrāṇāṃ yugakṣaye
ity āsīt tumulaḥ śabdaḥ phalgunasya rathaṃ prati
abhyadhāvan parīpsantaḥ phalgunaṃ bharatarṣabha
virāṭadrupadau cobhau rākṣasaś ca ghaṭotkacaḥ
samabhyadhāvaṃs tvaritāś citrakārmukadhāriṇaḥ
saṃgrāme bharataśreṣṭha devānāṃ dānavair iva
avidhyad daśabhir bhīṣmaṃ chinnadhanvānam āhave
sārathiṃ daśabhiś cāsya dhvajaṃ caikena cicchide
tad apy asya śitair bhallais tribhiś ciccheda phalgunaḥ
dhanur bhīṣmasya ciccheda savyasācī paraṃtapaḥ
śaktiṃ jagrāha saṃkruddho girīṇām api dāraṇīm
tāṃ ca cikṣepa saṃkruddhaḥ phalgunasya rathaṃ prati
samādatta śitān bhallān pañca pāṇḍavanandanaḥ
saṃkruddho bharataśreṣṭha bhīṣmabāhubaleritām
meghavṛndaparibhraṣṭā vicchinneva śatahradā
acintayad raṇe vīro buddhyā parapuraṃjayaḥ
yady eṣāṃ na bhaved goptā viṣvakseno mahābalaḥ
avadhyatvāc ca pāṇḍūnāṃ strībhāvāc ca śikhaṇḍinaḥ
svacchandamaraṇaṃ dattam avadhyatvaṃ raṇe tathā
tasmān mṛtyum ahaṃ manye prāptakālam ivātmanaḥ
ṛṣayo vasavaś caiva viyatsthā bhīṣmam abruvan
tat kuruṣva maheṣvāsa yuddhād buddhiṃ nivartaya
anulomaḥ sugandhī ca pṛṣataiś ca samanvitaḥ
papāta puṣpavṛṣṭiś ca bhīṣmasyopari pārthiva
ṛte bhīṣmaṃ mahābāhuṃ māṃ cāpi munitejasā
patiṣyati rathād bhīṣme sarvalokapriye tadā
tataḥ śāṃtanavo bhīṣmo bībhatsuṃ nābhyavartata
bhidyamānaḥ śitair bāṇaiḥ sarvāvaraṇabhedibhiḥ
ājaghānorasi kruddho navabhir niśitaiḥ śaraiḥ
nākampata mahārāja kṣitikampe yathācalaḥ
gāṅgeyaṃ pañcaviṃśatyā kṣudrakāṇāṃ samarpayat
sarvagātreṣu saṃkruddhaḥ sarvamarmasv atāḍayat
na cakrus te rujaṃ tasya rukmapuṅkhāḥ śilāśitāḥ
śikhaṇḍinaṃ puraskṛtya dhanuś cāsya samācchinat
sārathiṃ viśikhaiś cāsya daśabhiḥ samakampayat
tad apy asya śitair bhallais tridhā tribhir upānudat
nimeṣāntaramātreṇa āttam āttaṃ mahāraṇe
tataḥ śāṃtanavo bhīṣmo bībhatsuṃ nābhyavartata
so 'tividdho maheṣvāso duḥśāsanam abhāṣata
śarair anekasāhasrair mām evābhyasate raṇe
na cāpi sahitā vīrā devadānavarākṣasāḥ
māṃ caiva śaktā nirjetuṃ kim u martyāḥ sudurbalāḥ
śikhaṇḍinaṃ puraskṛtya bhīṣmaṃ vivyādha saṃyuge
atividdhaḥ śitair bāṇair bhṛśaṃ gāṇḍīvadhanvanā
vimuktā avyavacchinnā neme bāṇāḥ śikhaṇḍinaḥ
musalānīva me ghnanti neme bāṇāḥ śikhaṇḍinaḥ
mama prāṇān ārujanti neme bāṇāḥ śikhaṇḍinaḥ
mamāviśanti marmāṇi neme bāṇāḥ śikhaṇḍinaḥ
gadāparighasaṃsparśā neme bāṇāḥ śikhaṇḍinaḥ
arjunasya ime bāṇā neme bāṇāḥ śikhaṇḍinaḥ
vīraṃ gaṇḍīvadhanvānam ṛte jiṣṇuṃ kapidhvajam
saviṣphuliṅgāṃ dīptāgrāṃ śaktiṃ cikṣepa bhārata
paśyatāṃ kuruvīrāṇāṃ sarveṣāṃ tatra bhārata
khaḍgaṃ cānyataraṃ prepsur mṛtyor agre jayāya vā
rathād anavarūḍhasya tad adbhutam ivābhavat
abhidravata gāṅgeyaṃ māṃ vo 'stu bhayam aṇv api
paṭṭiśaiś ca sanistriṃśair nānāpraharaṇais tathā
siṃhanādas tato ghoraḥ pāṇḍavānām ajāyata
tam ekam abhyavartanta siṃhanādāṃś ca nedire
daśame 'hani rājendra bhīṣmārjunasamāgame
sainyānāṃ yudhyamānānāṃ nighnatām itaretaram
samaṃ ca viṣamaṃ caiva na prājñāyata kiṃ cana
atiṣṭhad āhave bhīṣmo bhidyamāneṣu marmasu
madhyena kurusainyānāṃ drāvayām āsa vāhinīm
pīḍyamānāḥ śitaiḥ śastraiḥ pradravāma mahāraṇāt
abhīṣāhāḥ śūrasenāḥ śibayo 'tha vasātayaḥ
dvādaśaite janapadāḥ śarārtā vraṇapīḍitāḥ
saṃgrāme na jahur bhīṣmaṃ yudhyamānaṃ kirīṭinā
parikālya kurūn sarvāñ śaravarṣair avākiran
ity āsīt tumulaḥ śabdo rājan bhīṣmarathaṃ prati
na tasyāsīd anirbhinnaṃ gātreṣv aṅgulamātrakam
śitāgraiḥ phalgunenājau prākśirāḥ prāpatad rathāt
kiṃciccheṣe dinakare putrāṇāṃ tava paśyatām
patamāne rathād bhīṣme babhūva sumahān svanaḥ
saha bhīṣmeṇa sarveṣāṃ prāpatan hṛdayāni naḥ
indradhvaja ivotsṛṣṭaḥ ketuḥ sarvadhanuṣmatām
dharaṇīṃ nāspṛśac cāpi śarasaṃghaiḥ samācitaḥ
rathāt prapatitaṃ cainaṃ divyo bhāvaḥ samāviśat
patan sa dadṛśe cāpi kharvitaṃ ca divākaram
antarikṣe ca śuśrāva divyāṃ vācaṃ samantataḥ
kālaṃ kartā naravyāghraḥ saṃprāpte dakṣiṇāyane
dhārayām āsa ca prāṇān patito 'pi hi bhūtale
uttarāyaṇam anvicchan bhīṣmaḥ kurupitāmahaḥ
maharṣīn haṃsarūpeṇa preṣayām āsa tatra vai
ājagmuḥ sahitā draṣṭuṃ bhīṣmaṃ kurupitāmaham
yatra śete naraśreṣṭhaḥ śaratalpe pitāmahaḥ
apaśyañ śaratalpasthaṃ bhīṣmaṃ kurupitāmaham
gāṅgeyaṃ bharataśreṣṭhaṃ dakṣiṇena ca bhāskaram
bhīṣma eva mahātmā san saṃsthātā dakṣiṇāyane
saṃprekṣya vai mahābuddhiś cintayitvā ca bhārata
dakṣiṇāvṛtta āditye etan me manasi sthitam
udagāvṛtta āditye haṃsāḥ satyaṃ bravīmi vaḥ
aiśvaryabhūtaḥ prāṇānām utsarge niyato hy aham
tasmāt prāṇān dhārayiṣye mumūrṣur udagāyane
chandato mṛtyur ity evaṃ tasya cāstu varas tathā
ity uktvā tāṃs tadā haṃsān aśeta śaratalpagaḥ
pāṇḍavāḥ sṛñjayāś caiva siṃhanādaṃ pracakrire
na kiṃ cit pratyapadyanta putrās te bharatarṣabha
saṃmohaś caiva tumulaḥ kurūṇām abhavat tadā
viṣādāc ca ciraṃ kālam atiṣṭhan vigatendriyāḥ
ūrugrāhagṛhītāś ca nābhyadhāvanta pāṇḍavān
abhāvaḥ sumahān rājan kurūn āgād atandritaḥ
kartavyaṃ nābhijānīmo nirjitāḥ savyasācinā
sarve dadhmur mahāśaṅkhāñ śūrāḥ parighabāhavaḥ
somakāś ca sapañcālāḥ prāhṛṣyanta janeśvara
āsphoṭayām āsa bhṛśaṃ bhīmaseno nanarta ca
saṃnyasya vīrāḥ śastrāṇi prādhyāyanta samantataḥ
kṣatraṃ cānye 'bhyanindanta bhīṣmaṃ caike 'bhyapūjayan
bharatānāṃ ca ye pūrve te cainaṃ praśaśaṃsire
japañ śāṃtanavo dhīmān kālākāṅkṣī sthito 'bhavat