mahatyā senayā yukto bhīṣmahetoḥ parākramī
ājaghāna raṇe kruddhaḥ punaś cainaṃ tribhiḥ śaraiḥ
preṣayām āsa saṃkruddho duryodhanarathaṃ prati
dvidhā ciccheda te putraḥ kṣurapreṇa mahārathaḥ
duryodhanaṃ tribhir bāṇair bāhvor urasi cārpayat
daśabhir bharataśreṣṭha duryodhanam amarṣaṇam
īkṣitṛprītijananaṃ sarvapārthivapūjitam
yuyudhāte raṇe vīrau saubhadrakurupuṃgavau
ājaghānorasi kruddho nārācena paraṃtapaḥ
atāḍayad ameyātmā navabhiḥ kaṅkapatribhiḥ
triṃśatā ca punas tūrṇaṃ bāhvor urasi cārpayat
droṇaputraṃ tribhir bāṇair ājaghāna mahāyaśāḥ
bahudhā dārayāṃ cakre maheṣvāsaṃ mahāratham
triṃśatā niśitair bāṇair vivyādha sumahābalaḥ
nanāda balavan nādaṃ vivyādha daśabhiḥ śaraiḥ
ājaghāna mahārāja trisaptatyā śilīmukhaiḥ
mahatā śaravarṣeṇa parasparam avarṣatām
virathāv asiyuddhāya saṃgatau tau mahārathau
tārakāśatacitrau ca nistriṃśau sumahāprabhau
vāśitāsaṃgame yattau siṃhāv iva mahāvane
ceratur darśayantau ca prārthayantau parasparam
tāḍayām āsa saṃkruddhas tiṣṭha tiṣṭheti cābravīt
ājaghāna śitāgreṇa jatrudeśe mahāsinā
anyonyavegābhihatau nipetatur ariṃdamau
jayatseno rathe rājann apovāha raṇājirāt
apovāha raṇe rājan sahadevaḥ pratāpavān
punar vivyādha taṃ ṣaṣṭyā punaś ca navabhiḥ śaraiḥ
daśabhir daśabhiś caiva vivyādha niśitaiḥ śaraiḥ
ājaghāna raṇe kruddhaḥ sa ca taṃ pratyavidhyata
bhīṣmasya samare rājan yaśo mānaṃ ca vardhayan
ārjuniṃ kosalendras tu viddhvā pañcabhir āyasaiḥ
punar vivyādha viṃśatyā śaraiḥ saṃnataparvabhiḥ
nākampayata saṃgrāme vivyādha ca punaḥ punaḥ
ājaghāna śaraiś caiva triṃśatā kaṅkapatribhiḥ
phālguniṃ samare kruddho vivyādha bahubhiḥ śaraiḥ
saṃrabdhayor mahārāja samare citrayodhinoḥ
yathā devāsure yuddhe mayavāsavayor abhūt
yathā śakro vajrapāṇir dārayan parvatottamān
nipetur urvyāṃ sahitā nādayanto vasuṃdharām
virejur vasudhāṃ prāpya vikīrṇā iva parvatāḥ
mahatyā senayā guptaṃ pīḍayām āsa saṃgataḥ
pīḍayām āsa saṃrabdho bhīṣmahetoḥ parākramī
navabhiḥ sāyakais tīkṣṇais triṃśatā punar ardayat
triṃśatā niśitair bāṇair ājaghāna stanāntare
rejatuś citrarūpau tau saṃgrāme matsyasaindhavau
mahāsamudayaṃ cakre śaraiḥ saṃnataparvabhiḥ
chittvā pañcāśateṣūṇāṃ pārṣataṃ samavidhyata
droṇasya miṣato yuddhe preṣayām āsa sāyakān
droṇo drupadaputrāya prāhiṇot pañca sāyakān
droṇāya cikṣepa gadāṃ yamadaṇḍopamāṃ raṇe
śaraiḥ pañcāśatā droṇo vārayām āsa saṃyuge
cūrṇīkṛtā viśīryantī papāta vasudhātale
droṇāya śaktiṃ cikṣepa sarvapāraśavīṃ śubhām
pārṣataṃ ca maheṣvāsaṃ pīḍayām āsa saṃyuge
bhīṣmaṃ prati mahārāja ghorarūpaṃ bhayānakam
abhyadravata saṃyattaṃ vane mattam iva dvipam
tridhā bhinnena nāgena madāndhena mahābalaḥ
paraṃ yatnaṃ samāsthāya bībhatsuḥ pratyapadyata
arjunaṃ śaravarṣeṇa vārayām āsa saṃyuge
vimalair āyasais tīkṣṇair avidhyata mahāraṇe
bhīṣmaṃ prati mahārāja jahy enam iti cābravīt
prayayau tvarito rājan drupadasya rathaṃ prati
śikhaṇḍinaṃ puraskṛtya tato yuddham avartata
sarve 'bhyadhāvan krośantas tad adbhutam ivābhavat
arjuno vyadhamat kāle divīvābhrāṇi mārutaḥ
iṣubhis tūrṇam avyagro bahubhiḥ sa samācinot
nyavārayata sainyaṃ ca pāṇḍavānāṃ mahārathaḥ
śarasaṃghamahājvālaḥ kṣatriyān samare 'dahat
tathā jajvāla bhīṣmo 'pi divyāny astrāṇy udīrayan
nādayan sa diśo bhīṣmaḥ pradiśaś ca mahāyaśāḥ
muṇḍatālavanānīva cakāra sa rathavrajān
cakāra sa tadā bhīṣmaḥ sarvaśastrabhṛtāṃ varaḥ
niśamya sarvato rājan samakampanta sainikāḥ
nāsajjanta śarīreṣu bhīṣmacāpacyutāḥ śarāḥ
vātāyamānān paśyāma hriyamāṇān viśāṃ pate
mahārathāḥ samākhyātāḥ kulaputrās tanutyajaḥ
saṃgrāme bhīṣmam āsādya savājirathakuñjarāḥ
jagmus te paralokāya vyāditāsyam ivāntakam
yaḥ saṃprāpya raṇe bhīṣmaṃ jīvite sma mano dadhe
nītān amanyanta janā dṛṣṭvā bhīṣmasya vikramam
ṛte pāṇḍusutaṃ vīraṃ śvetāśvaṃ kṛṣṇasārathim
śikhaṇḍinaṃ ca samare pāñcālyam amitaujasam
daśabhir daśabhir bāṇair ājaghāna mahāhave
avaikṣata kaṭākṣeṇa nirdahann iva bhārata
na jaghāna raṇe bhīṣmaḥ sa ca taṃ nāvabuddhavān
abhitvarasva tvarito jahi cainaṃ pitāmaham
na hy anyam anupaśyāmi kaṃ cid yaudhiṣṭhire bale
ṛte tvāṃ puruṣavyāghra satyam etad bravīmi te
śarair nānāvidhais tūrṇaṃ pitāmaham upādravat
arjunaṃ samare kruddhaṃ vārayām āsa sāyakaiḥ
apraiṣīt samare tīkṣṇaiḥ paralokāya māriṣa
bhīṣmaṃ pracchādayām āsur meghā iva divākaram
nirdadāha raṇe śūrān vanaṃ vahnir iva jvalan
ayodhayata yat pārthaṃ jugopa ca yatavratam
duḥśāsanasya tutuṣuḥ sarve lokā mahātmanaḥ
na cainaṃ pāṇḍavā yuddhe vāyarām āsur ulbaṇam
sādinaś ca mahārāja dantinaś ca mahābalāḥ
śarāturās tathaivānye dantino vidrutā diśaḥ
tathā jajvāla putras te pāṇḍavān vai vinirdahan
jetuṃ notsahate kaś cin nāpy udyātuṃ kathaṃ cana
ṛte mahendratanayaṃ śvetāśvaṃ kṛṣṇasārathim
bhīṣmam evābhidudrāva sarvasainyasya paśyataḥ
punaḥ punaḥ samāśvasya prāyudhyata raṇotkaṭaḥ
arjunaṃ ca raṇe rājan yodhayan sa vyarājata
śarair aśanisaṃsparśais tathā sarpaviṣopamaiḥ
smayamānaś ca gāṅgeyas tān bāṇāñ jagṛhe tadā
tathā jagrāha gāṅgeyaḥ śaradhārāḥ śikhaṇḍinaḥ
bhīṣmaṃ dahantaṃ sainyāni pāṇḍavānāṃ mahātmanām
abhidravata saṃgrāme phalgunaṃ sarvato rathaiḥ
te bhayaṃ sumahat tvaktvā pāṇḍavān pratiyudhyata
sarveṣāṃ dhārtarāṣṭrāṇāṃ raṇe śarma ca varma ca
kim u pārthā mahātmānaṃ martyabhūtās tathābalāḥ
tasmād dravata he yodhāḥ phalgunaṃ prāpya saṃyuge
sahitaḥ sarvato yattair bhavadbhir vasudhādhipāḥ
arjunaṃ prati saṃyattā balavanto mahārathāḥ
abhipetur niṣādāś ca sauvīrāś ca mahāraṇe
abhīṣāhāḥ śūrasenāḥ śibayo 'tha vasātayaḥ
abhipetū raṇe pārthaṃ pataṃgā iva pāvakam
divyāny astrāṇi saṃcintya prasaṃdhāya dhanaṃjayaḥ
śarapratāpair bībhatsuḥ pataṃgān iva pāvakaḥ
dīpyamānam ivākāśe gāṇḍīvaṃ samadṛśyata
nābyavartanta rājānaḥ sahitā vānaradhvajam
gajāḥ saha gajārohaiḥ kirīṭiśaratāḍitāḥ
vidravadbhiś ca bahudhā balai rājñāṃ samantataḥ
duḥśāsanāya samare preṣayām āsa sāyakān
dharaṇīṃ viviśuḥ sarve valmīkam iva pannagāḥ
hayāṃś cāsya tato jaghne sārathiṃ ca nyapātayat
ājaghāna bhṛśaṃ caiva pañcabhir nataparvabhiḥ
cakāra virathāṃś caiva kaunteyaḥ śvetavāhanaḥ
duḥśāsano vikarṇaś ca tathaiva ca viviṃśatiḥ
saṃprādravanta samare nirjitāḥ savyasācinā
prajajvāla raṇe pārtho vidhūma iva pāvakaḥ
anyān api mahārāja pātayām āsa pārthivān
prāvartayata saṃgrāme śoṇitodāṃ mahānadīm
madhyena kurusainyānāṃ pāṇḍavānāṃ ca bhārata
rathāś ca nihatā nāgair nāgā hayapadātibhiḥ
nipetur dikṣu sarvāsu gajāśvarathayodhinām
patitaiḥ pātyamānaiś ca rājaputrair mahārathaiḥ
pādātāś cāpy adṛśyanta sāśvāḥ sahayasādinaḥ
viśīrṇāś ca rathā bhūmau bhagnacakrayugadhvajāḥ
channam āyodhanaṃ reje raktābhram iva śāradam
praṇedur bhakṣyam āsādya vikṛtāś ca mṛgadvijāḥ
dṛśyamāneṣu rakṣaḥsu bhūteṣu vinadatsu ca
dhūmāyamānā dṛśyante sahasā māruteritāḥ
vinikīrṇāḥ sma dṛśyante śataśo 'tha sahasraśaḥ
sapatākāś ca mātaṅgā diśo jagmuḥ śarāturāḥ
samantato vyadṛśyanta patitā dharaṇītale
abhyadhāvata kaunteyaṃ miṣatāṃ sarvadhanvinām
saṃjahāra tato bhīṣmas tad astraṃ pāvakopamam
nijaghne tāvakaṃ sainyaṃ mohayitvā pitāmaham