gāṅgeyam upasaṃgamya vinayenābhivādya ca
ghaṭotkacasya vijayam ātmanaś ca parājayam
abravīc ca tadā rājan bhīṣmaṃ kurupitāmaham
pāṇḍavair vigraho ghoraḥ samārabdho mayā prabho
nideśe tava tiṣṭhanti mayā sārdhaṃ paraṃtapa
ghaṭotkacaṃ samāśritya pāṇḍavair yudhi nirjitaḥ
tad icchāmi mahābhāga tvatprasādāt paraṃtapa
tvāṃ samāśritya durdharṣaṃ tan me kartuṃ tvam arhasi
duryodhanam idaṃ vākyaṃ bhīṣmaḥ śāṃtanavo 'bravīt
yathā tvayā mahārāja vartitavyaṃ paraṃtapa
dharmarājena saṃgrāmas tvayā kāryaḥ sadānagha
rājadharmaṃ puraskṛtya rājā rājānam ṛcchati
śalyaś ca saumadattiś ca vikarṇaś ca mahārathaḥ
tvadarthaṃ pratiyotsyāmo rākṣasaṃ taṃ mahābalam
ayaṃ vā gacchatu raṇe tasya yuddhāya durmateḥ
bhagadatto mahīpālaḥ puraṃdarasamo yudhi
samakṣaṃ pārthivendrasya vākyaṃ vākyaviśāradaḥ
vārayasva raṇe yatto miṣatāṃ sarvadhanvinām
rākṣasaṃ krūrakarmāṇaṃ yathendras tārakaṃ purā
samāgamaś ca bahubhiḥ purābhūd asuraiḥ saha
svabalena vṛto rājañ jahi rākṣasapuṃgavam
prayayau siṃhanādena parān abhimukho drutam
abhyavartanta saṃkruddhāḥ pāṇḍavānāṃ mahārathāḥ
draupadeyāḥ satyadhṛtiḥ kṣatradevaś ca māriṣa
supratīkena tāṃś cāpi bhagadatto 'py upādravat
pāṇḍūnāṃ bhagadattena yamarāṣṭravivardhanam
te nipetur mahārāja nāgeṣu ca ratheṣu ca
parasparaṃ samāsādya saṃnipetur abhītavat
bibhidur dantamusalaiḥ samāsādya parasparam
coditāḥ sādibhiḥ kṣipraṃ nipetur itaretaram
nyapatanta tadā bhūmau śataśo 'tha sahasraśaḥ
nihatya samare vīrān siṃhanādān vinedire
bhagadatto maheṣvāso bhīmasenam athādravat
parvatena yathā toyaṃ sravamāṇena sarvataḥ
airāvatastho maghavān vāridhārā ivānagha
parvataṃ vāridhārābhiḥ prāvṛṣīva balāhakaḥ
nijaghāna maheṣvāsaḥ saṃkruddhaḥ śaravṛṣṭibhiḥ
codayām āsa nāgendraṃ bhīmasenarathaṃ prati
abhyadhāvata vegena bhīmasenam ariṃdamam
abhyavartanta vegena bhīmasenapurogamāḥ
daśārṇādhipatiḥ śūraḥ kṣatradevaś ca māriṣa
cedipaś citraketuś ca saṃkruddhāḥ sarva eva te
tam ekaṃ kuñjaraṃ kruddhāḥ samantāt paryavārayan
saṃjātarudhirotpīḍo dhātucitra ivādrirāṭ
samāsthito 'bhidudrāva bhagadattasya vāraṇam
dadhāra supratīko 'pi veleva makarālayam
sādhu sādhv iti sainyāni pāṇḍaveyāny apūjayan
prāhiṇot tasya nāgasya pramukhe nṛpasattama
vidārya prāviśan kṣipraṃ valmīkam iva pannagāḥ
upāvṛttamadaḥ kṣipraṃ sa nyavartata vegataḥ
sa mardamānaḥ svabalaṃ vāyur vṛkṣān ivaujasā
siṃhanādaṃ vinadyoccair yuddhāyaivopatasthire
kiranto vividhān bāṇāñ śastrāṇi vividhāni ca
śrutvā sa ninadaṃ ghoram amarṣād gatasādhvasaḥ
bhagadatto maheṣvāsaḥ svanāgaṃ pratyacodayat
tasmin kṣaṇe samabhavat saṃvartaka ivānalaḥ
pādātāṃś ca susaṃkruddhaḥ śataśo 'tha sahasraśaḥ
amṛdnāt samare rājan saṃpradhāvaṃs tatas tataḥ
saṃcukoca mahārāja carmevāgnau samāhitam
ghaṭotkaco 'tha saṃkruddho bhagadattam upādravat
rūpaṃ vibhīṣaṇaṃ kṛtvā roṣeṇa prajvalann iva
nāgaṃ jighāṃsuḥ sahasā cikṣepa ca mahābalaḥ
saviṣphuliṅgajvālābhiḥ samantāt pariveṣṭitam
cikṣepa ruciraṃ tīkṣṇam ardhacandraṃ sa pārthivaḥ
ciccheda sumahac chūlaṃ tena bāṇena vegavat
mahāśanir yathā bhraṣṭā śakramuktā nabhogatā
rukmadaṇḍāṃ mahāśaktiṃ jagrāhāgniśikhopamām
cikṣepa tāṃ rākṣasasya tiṣṭha tiṣṭheti cābravīt
utpatya rākṣasas tūrṇaṃ jagrāha ca nanāda ca
paśyataḥ pārthivendrasya tad adbhutam ivābhavat
divi devāḥ sagandharvā munayaś cāpi vismitāḥ
sādhu sādhv iti nādena pṛthivīm anunādayan
nāmṛṣyata maheṣvāso bhagadattaḥ pratāpavān
abhidudrāva vegena pāṇḍavānāṃ mahārathān
visṛjan vimalāṃs tīkṣṇān nārācāñ jvalanaprabhān
abhimanyuṃ tribhiś caiva kekayān pañcabhis tathā
bibheda dakṣiṇaṃ bāhuṃ kṣatradevasya cāhave
papāta sahasā tasya saśaraṃ dhanur uttamam
bhīmasenasya ca krodhān nijaghāna turaṃgamān
nirbibheda tribhiś cānyaiḥ sārathiṃ cāsya patribhiḥ
viśoko bharataśreṣṭha bhagadattena saṃyuge
gadāṃ pragṛhya vegena pracaskanda mahārathāt
tāvakānāṃ bhayaṃ ghoraṃ samapadyata bhārata
ājagāma mahārāja nighnañ śatrūn sahasraśaḥ
prāgjyotiṣeṇa saṃsaktau bhīmasenaghaṭotkacau
tvarito bharataśreṣṭha tatrāyād vikirañ śarān
senām acodayat kṣipraṃ rathanāgāśvasaṃkulām
abhidudrāva vegena pāṇḍavaḥ śvetavāhanaḥ
vimṛdnan pāṇḍavabalaṃ yudhiṣṭhiram upādravat
pāñcālaiḥ sṛñjayaiś caiva kekayaiś codyatāyudhaiḥ
āśrāvayad yathāvṛttam irāvad vadham uttamam