na hi duryodhanas tāni paśyate bharatarṣabha
yāni tvaṃ dṛṣṭavān rājan dharmasaṃkarakārite
tava doṣeṇa yuddhaṃ ca pravṛttaṃ saha pāṇḍavaiḥ
tvam evādya phalaṃ bhuṅkṣva kṛtvā kilbiṣam ātmanā
iha vā pretya vā rājaṃs tvayā prāptaṃ yathātatham
śṛṇu yuddhaṃ yathāvṛttaṃ śaṃsato mama māriṣa
āsasāda tato vīraḥ sarvān duryodhanānujān
jayatsenaṃ vikarṇaṃ ca citrasenaṃ sudarśanam
etān anyāṃś ca subahūn samīpasthān mahārathān
bhīṣmeṇa samare guptāṃ praviveśa mahācamūm
jīvagrāhaṃ nigṛhṇīmo vayam enaṃ narādhipāḥ
prajāsaṃharaṇe sūryaḥ krūrair iva mahāgrahaiḥ
yathā devāsure yuddhe mahendraḥ prāpya dānavān
chādayānaṃ śarair ghorais tam ekam anuvavrire
jaghāna samare śūro dhārtarāṣṭrān acintayan
samastānāṃ vadhe rājan matiṃ cakre mahāmanāḥ
jaghāna dhārtarāṣṭrāṇāṃ taṃ balaughamahārṇavam
droṇam utsṛjya tarasā prayayau yatra saubalaḥ
āsasāda rathaṃ śūnyaṃ bhīmasenasya saṃyuge
dhṛṣṭadyumno mahārāja durmanā gatacetanaḥ
mama prāṇaiḥ priyatamaḥ kva bhīma iti duḥkhitaḥ
saṃsthāpya mām iha balī pāṇḍaveyaḥ pratāpavān
mām uktvā puruṣavyāghra prītiyuktam idaṃ vacaḥ
yāvad etān nihanmy āśu ya ime madvadhodyatāḥ
sarveṣām eva sainyānāṃ saṃgharṣaḥ samajāyata
bhittvā rājan mahāvyūhaṃ praviveśa sakhā tava
pratyuvāca tataḥ sūtaṃ raṇamadhye mahābalaḥ
bhīmasenaṃ raṇe hitvā sneham utsṛjya pāṇḍavaiḥ
ekāyanagate bhīme mayi cāvasthite yudhi
yaḥ sahāyān parityajya svastimān āvrajed gṛhān
bhakto 'smān bhaktimāṃś cāhaṃ tam apy ariniṣūdanam
nighnantaṃ mām arīn paśya dānavān iva vāsavam
bhīmasenasya mārgeṣu gadāpramathitair gajaiḥ
vātaṃ vṛkṣān iva balāt prabhañjantaṃ raṇe nṛpān
pādātā dantinaś caiva cakrur ārtasvaraṃ mahat
vadhyato bhīmasenena kṛtinā citrayodhinā
abhītāḥ samavartanta śastravṛṣṭyā samantataḥ
sainyena ghoreṇa susaṃgatena; dṛṣṭvā balī pārṣato bhīmasenam
āśvāsayan pārṣato bhīmasenaṃ; gadāhastaṃ kālam ivāntakāle
bhṛśaṃ pariṣvajya ca bhīmasenam; āśvāsayām āsa ca śatrumadhye
ayaṃ durātmā drupadasya putraḥ; samāgato bhīmasenena sārdham
taṃ yāta sarve sahitā nihantuṃ; mā vo ripuḥ prārthayatām anīkam
vadhāya niṣpetur udāyudhās te; yugakṣaye ketavo yadvad ugrāḥ
śarair avarṣan drupadasya putraṃ; yathāmbudā bhūdharaṃ vārijālaiḥ
nihatya tāṃś cāpi śaraiḥ sutīkṣṇair; na vivyathe samare citrayodhī
jighāṃsur ugraṃ drupadātmajo yuvā; pramohanāstraṃ yuyuje mahārathaḥ
kruddho bhṛśaṃ tava putreṣu rājan; daityeṣu yadvat samare mahendraḥ
pradudruvuḥ kuravaś caiva sarve; savājināgāḥ sarathāḥ samantāt
parītakālān iva naṣṭasaṃjñān; mohopetāṃs tava putrān niśamya
drupadaṃ tribhir āsādya śarair vivyādha dāruṇaiḥ
apāyād drupado rājan pūrvavairam anusmaran
tasya śaṅkhasvanaṃ śrutvā vitresuḥ sarvasomakāḥ
pramohanāstreṇa raṇe mohitān ātmajāṃs tava
tatrāpaśyan maheṣvāso bhāradvājaḥ pratāpavān
dhṛṣṭadyumnaṃ ca bhīmaṃ ca vicarantau mahāraṇe
tataḥ prajñāstram ādāya mohanāstraṃ vyaśātayat
punar yuddhāya samare prayayur bhīmapārṣatau
gacchantu padavīṃ śaktyā bhīmapārṣatayor yudhi
pravṛttim adhigacchantu na hi śudhyati me manaḥ
bāḍham ity evam uktvā tu sarve puruṣamāninaḥ
madhyaṃdinagate sūrye prayayuḥ sarva eva hi
abhimanyuṃ puraskṛtya mahatyā senayā vṛtāḥ
bibhidur dhārtarāṣṭrāṇāṃ tad rathānīkam āhave
bhīmasenabhayāviṣṭā dhṛṣṭadyumnavimohitā
madamūrchānvitātmānaṃ pramadevādhvani sthitā
parīpsanto 'bhyadhāvanta dhṛṣṭadyumnavṛkodarau
babhūvatur mudā yuktau nighnantau tava vāhinīm
nāśaṃsata vadhaṃ vīraḥ putrāṇāṃ tava pārṣataḥ
abhyadhāvat susaṃkruddho droṇam iṣvastrapāragam
kruddhaś ciccheda bhallena dhanuḥ śatruniṣūdanaḥ
duryodhanahitārthāya bhartṛpiṇḍam anusmaran
droṇaṃ vivyādha saptatyā rukmapuṅkhaiḥ śilāśitaiḥ
hayāṃś ca caturas tūrṇaṃ caturbhiḥ sāyakottamaiḥ
sārathiṃ cāsya bhallena preṣayām āsa mṛtyave
āruroha mahābāhur abhimanyor mahāratham
paśyato bhīmasenasya pārṣatasya ca paśyataḥ
nāśaknuvan vārayituṃ samastās te mahārathāḥ
vyabhramat tatra tatraiva kṣobhyamāṇa ivārṇavaḥ
dṛṣṭvācāryaṃ ca saṃkruddhaṃ dahantaṃ ripuvāhinīm
cukruśuḥ sarvato yodhāḥ sādhu sādhv iti bhārata