prāvartata mahāghoraṃ rājñāṃ dehāvakartanam
siṃhānām iva saṃhrādo divam urvīṃ ca nādayan
jajñire siṃhanādāś ca śūrāṇāṃ pratigarjatām
pattīnāṃ pādaśabdāś ca vājināṃ ca mahāsvanāḥ
ghaṇṭāśabdāś ca nāgānām anyonyam abhidhāvatām
babhūva rathanirghoṣaḥ parjanyaninadopamaḥ
pāṇḍavān abhyavartanta sarva evocchritadhvajāḥ
pragṛhya kārmukaṃ ghoraṃ kāladaṇḍopamaṃ raṇe
abhyadhāvata tejasvī gāṅgeyaṃ raṇamūrdhani
gāṅgeyas tu raṇe pārthaṃ viddhvā nākampayad balī
tathaiva pāṇḍavo rājan bhīṣmaṃ nākampayad yudhi
tayoḥ samabhavad yuddhaṃ tumulaṃ lomaharṣaṇam
ānarchatuḥ śarair ghorais takṣamāṇau parasparam
vasante puṣpaśabalau puṣpitāv iva kiṃśukau
tataḥ kosalako rājā saubhadrasya viśāṃ pate
dhvajaṃ ciccheda samare sārathiṃ ca nyapātayat
bṛhadbalaṃ mahārāja vivyādha navabhiḥ śaraiḥ
dhvajam ekena ciccheda pārṣṇim ekena sārathim
anyonyaṃ ca śarais tīkṣṇaiḥ kruddhau rājaṃs tatakṣatuḥ
bhīmasenas tava sutaṃ duryodhanam ayodhayat
anyonyaṃ śaravarṣābhyāṃ vavṛṣāte raṇājire
vismayaḥ sarvabhūtānāṃ samapadyata bhārata
avidhyan niśitair bāṇair bahubhir marmabhedibhiḥ
ciccheda niśitair bāṇaiḥ prahasann iva bhārata
athainaṃ pañcaviṃśatyā kṣudrakāṇāṃ samārdayat
yugeṣāṃ cicchide bāṇair dhvajaṃ caiva nyapātayat
vivyādha śaravarṣeṇa yatamānaṃ mahāhave
śareṇa bhṛśatīkṣṇena pātayām āsa sārathim
trāsayetāṃ śarair ghoraiḥ kṛtapratikṛtaiṣiṇau
tasya madrādhipaś cāpaṃ dvidhā ciccheda māriṣa
anyat kārmukam ādāya vegavad balavattaram
chādayām āsa saṃkruddhas tiṣṭha tiṣṭheti cābravīt
tasya droṇaḥ susaṃkruddhaḥ parāsukaraṇaṃ dṛḍham
tridhā ciccheda samare yatamānasya kārmukam
preṣayām āsa samare so 'sya kāye nyamajjata
droṇaṃ drupadaputras tu prativivyādha saṃyuge
tāv anyonyaṃ susaṃkruddhau cakratuḥ subhṛśaṃ raṇam
pratyudyayau mahārāja tiṣṭha tiṣṭheti cābravīt
saumadattis tathā śaṅkhaṃ jatrudeśe samāhanat
dṛptayoḥ samare tūrṇaṃ vṛtravāsavayor iva
abhyadravad ameyātmā dhṛṣṭaketur mahārathaḥ
śarair bahubhir ānarchat siṃhanādam athānadat
vivyādha samare tūrṇaṃ matto mattam iva dvipam
samīyatuḥ susaṃkruddhāv aṅgārakabudhāv iva
alambusaṃ pratyudiyād balaṃ śakra ivāhave
navatyā sāyakais tīkṣṇair dārayām āsa bhārata
bahudhā vārayām āsa śaraiḥ saṃnataparvabhiḥ
yathā devāsure yuddhe balaśakrau mahābalau
aśvatthāmā tataḥ kruddhaḥ śikhaṇḍinam avasthitam
śikhaṇḍy api tato rājan droṇaputram atāḍayat
tau jaghnatus tadānyonyaṃ śarair bahuvidhair mṛdhe
abhyayāt tvarito rājaṃs tato yuddham avartata
abhyavarṣat susaṃkruddho megho vṛṣṭyā ivācalam
chādayām āsa samare meghaḥ sūryam ivoditam
taṃ kṛpaḥ śaravarṣeṇa chādayām āsa bhārata
tāv anyonyaṃ hayān hatvā dhanuṣī vinikṛtya vai
tayos tad abhavad yuddhaṃ ghorarūpaṃ sudāruṇam
abhyudyayau saṃprahṛṣṭo hṛṣṭarūpaṃ paraṃtapa
tāḍayām āsa samare sa ca taṃ pratyavidhyata
īkṣitṛprītijananaṃ śukrāṅgārakayor iva
abhyayāj javanair aśvais tato yuddham avartata
sutasomo vikarṇaṃ ca tad adbhutam ivābhavat
abhyadravat susaṃkruddhaḥ pāṇḍavārthe parākramī
mahatā śaravarṣeṇa vārayām āsa saṃyuge
prācchādayat tam iṣubhir mahāmegha ivācalam
abhyadravata rājendra matto mattam iva dvipam
vyadārayata saṃgrāme maghavān iva dānavam
vyadārayan mahāprājñaḥ śaraiḥ saṃnataparvabhiḥ
śrutakarmā parākrāntam abhyadravata saṃyuge
viddhvā nākampayata vai mainākam iva parvatam
śarair bahubhir ānarchad dārayann iva sarvaśaḥ
pratyudyayau raṇe yatto yattarūpataraṃ tataḥ
nanāda sumahan nādaṃ tat sainyaṃ pratyapūrayat
nijaghāna gadāgreṇa tato yuddham avartata
sasenaṃ sasutaṃ vīraṃ saṃsasajjatur āhave
yad ayudhyan sthirā bhūtvā mahatyā senayā saha
kuntibhojas tatas tūrṇaṃ śaravrātair avākirat
sa ca taṃ prativivyādha tad adbhutam ivābhavat
sasainyās te sasainyāṃś ca yodhayām āsur āhave
uttaraṃ yodhayām āsa vivyādha niśitaiḥ śaraiḥ
uttaraś cāpi taṃ dhīraṃ vivyādha niśitaiḥ śaraiḥ
ulūkaś cāpi taṃ bāṇair niśitair lomavāhibhiḥ
dārayetāṃ susaṃkruddhāv anyonyam aparājitau
padātīnāṃ ca samare tava teṣāṃ ca saṃkulam
tata unmattavad rājan na prājñāyata kiṃ cana
aśvo 'śvaṃ samabhipretya padātiś ca padātinam
śūrāṇāṃ samare tatra samāsādya parasparam
praikṣanta tad raṇaṃ ghoraṃ devāsuraraṇopamam
aśvaughāḥ puruṣaughāś ca viparītaṃ samāyayuḥ
sādinaś ca naravyāghra yudhyamānā muhur muhuḥ