dhṛṣṭadyumnamukhān vīrāṃś codayām āsa bhārata
senāpatim amitraghnaṃ dhṛṣṭaketum athādiśat
pāñcālyau ca maheṣvāsau yudhāmanyūttamaujasau
ājyāvasiktā jvalitā dhiṣṇyeṣv iva hutāśanāḥ
aśobhanta maheṣvāsā grahāḥ prajvalitā iva
dideśa tāny anīkāni prayāṇāya mahīpatiḥ
dhṛṣṭadyumnamukhān etān prāhiṇot pāṇḍunandanaḥ
dvitīyaṃ preṣayām āsa balaskandhaṃ yudhiṣṭhiraḥ
hṛṣṭānāṃ tatra yodhānāṃ śabdo divam ivāspṛśat
tathānyaiḥ pṛthivīpālaiḥ saha prāyān mahīpatiḥ
gaṅgeva pūrṇā stimitā syandamānā vyadṛśyata
mohayan dhṛtarāṣṭrasya putrāṇāṃ buddhinisravam
nakulaṃ sahadevaṃ ca sarvāṃś caiva prabhadrakān
ayutaṃ ca padātīnāṃ rathāḥ pañcaśatās tathā
madhyame tu virāṭaṃ ca jayatsenaṃ ca māgadham
vīryavantau mahātmānau gadākārmukadhāriṇau
anvayātāṃ tato madhye vāsudevadhanaṃjayau
teṣāṃ viṃśatisāhasrā dhvajāḥ śūrair adhiṣṭhitāḥ
padātayaś ca ye śūrāḥ kārmukāsigadādharāḥ
sahasraśo 'nvayuḥ paścād agrataś ca sahasraśaḥ
tatra te pṛthivīpālā bhūyiṣṭhaṃ paryavasthitāḥ
tathā rathasahasrāṇi padātīnāṃ ca bhārata
yad āśrityābhiyuyudhe dhārtarāṣṭraṃ suyodhanam
nadantaḥ prayayus teṣām anīkāni sahasraśaḥ
vādayanti sma saṃhṛṣṭāḥ sahasrāyutaśo narāḥ