ayaṃ vai nahuṣaḥ śrīmān devarājye 'bhiṣicyatām
te gatvāthābruvan sarve rājā no bhava pārthiva
pitṛbhiḥ sahitān rājan parīpsan hitam ātmanaḥ
balavāñ jāyate rājā balaṃ śakre hi nityadā
asmākaṃ tapasā yuktaḥ pāhi rājyaṃ triviṣṭape
abhiṣicyasva rājendra bhava rājā triviṣṭape
pitṛgandharvabhūtānāṃ cakṣurviṣayavartinām
teja ādāsyase paśyan balavāṃś ca bhaviṣyasi
brahmarṣīṃś cāpi devāṃś ca gopāyasva triviṣṭape
dharmātmā satataṃ bhūtvā kāmātmā samapadyata
kailāse himavatpṛṣṭhe mandare śvetaparvate
sahye mahendre malaye samudreṣu saritsu ca
nahuṣo devarājaḥ san krīḍan bahuvidhaṃ tadā
vāditrāṇi ca sarvāṇi gītaṃ ca madhurasvaram
ṛtavaḥ ṣaṭ ca devendraṃ mūrtimanta upasthitāḥ
mārutaḥ surabhir vāti manojñaḥ sukhaśītalaḥ
saṃprāptā darśanaṃ devī śakrasya mahiṣī priyā
indrasya mahiṣī devī kasmān māṃ nopatiṣṭhati
āgacchatu śacī mahyaṃ kṣipram adya niveśanam
rakṣa māṃ nahuṣād brahmaṃs tavāsmi śaraṇaṃ gatā
devarājasya dayitām atyantasukhabhāginīm
uktavān asi māṃ pūrvam ṛtāṃ tāṃ kuru vai giram
tasmād etad bhavet satyaṃ tvayoktaṃ dvijasattama
yad uktāsi mayā devi satyaṃ tad bhavitā dhruvam
na bhetavyaṃ ca nahuṣāt satyam etad bravīmi te
samānayiṣye śakreṇa nacirād bhavatīm aham
bṛhaspater aṅgirasaś cukrodha sa nṛpas tadā