ajñātavāsaṃ vatsyantaś channā varṣaṃ trayodaśam
upopaviśya vidvāṃsaḥ sahitāḥ saṃśitavratāḥ
tān abruvan mahātmānaḥ śiṣṭāḥ prāñjalayas tadā
abhyanujñāpayiṣyantas taṃ nivāsaṃ dhṛtavratāḥ
chadmanā hṛtarājyāś ca niḥsvāś ca bahuśaḥ kṛtāḥ
ajñātavāsasamayaṃ śeṣaṃ varṣaṃ trayodaśam
tad vatsyāmo vayaṃ channās tad anujñātum arhatha
jānanto viṣamaṃ kuryur asmāsv atyantavairiṇaḥ
yuktācārāś ca yuktāś ca paurasya svajanasya ca
samastāḥ sveṣu rāṣṭreṣu svarājyasthā bhavemahi
saṃmūrchito 'bhavad rājā sāśrukaṇṭho yudhiṣṭhiraḥ
atha dhaumyo 'bravīd vākyaṃ mahārthaṃ nṛpatiṃ tadā
naivaṃvidhāḥ pramuhyanti narāḥ kasyāṃ cid āpadi
tatra tatra sapatnānāṃ nigrahārthaṃ mahātmabhiḥ
channenoṣya kṛtaṃ karma dviṣatāṃ balanigrahe
garbhe vadhārthaṃ daityānām ajñātenoṣitaṃ ciram
baler yathā hṛtaṃ rājyaṃ vikramais tac ca te śrutam
yatkṛtaṃ tāta lokeṣu tac ca sarvaṃ śrutaṃ tvayā
vajraṃ praviśya śakrasya yatkṛtaṃ tac ca te śrutam
vibudhānāṃ kṛtaṃ karma tac ca sarvaṃ śrutaṃ tvayā
nirdagdhāḥ śatravaḥ sarve vasatā bhuvi sarvaśaḥ
daśagrīvo hataś channaṃ saṃyuge bhīmakarmaṇā
ajayañ śātravān yuddhe tathā tvam api jeṣyasi
śāstrabuddhyā svabuddhyā ca na cacāla yudhiṣṭhiraḥ
rājānaṃ balināṃ śreṣṭho girā saṃpariharṣayan
dharmānugatayā buddhyā na kiṃ cit sāhasaṃ kṛtam
śaktau vidhvaṃsane teṣāṃ śatrughnau bhīmavikramau
bhavān vidhattāṃ tat sarvaṃ kṣipraṃ jeṣyāmahe parān
prayujyāpṛcchya bharatān yathāsvān svān yayur gṛhān
āśīr uktvā yathānyāyaṃ punar darśanakāṅkṣiṇaḥ
utthāya prayayur vīrāḥ kṛṣṇām ādāya bhārata
śvobhūte manujavyāghrāś channavāsārtham udyatāḥ
saṃdhivigrahakālajñā mantrāya samupāviśan