pratyuvāca yathā vipraṃ tac chṛṇuṣva narādhipa
tat prāpya kāmaṃ bhajate krodhaṃ ca dvijasattama
iṣṭānāṃ rūpagandhānām abhyāsaṃ ca niṣevate
tato lobhaḥ prabhavati mohaś ca tadanantaram
na dharme jāyate buddhir vyājād dharmaṃ karoti ca
vyājena sidhyamāneṣu dhaneṣu dvijasattama
tatraiva ramate buddhis tataḥ pāpaṃ cikīrṣati
uttaraṃ śrutisaṃbaddhaṃ bravīti śrutiyojitam
pāpaṃ cintayate cāpi bravīti ca karoti ca
ekaśīlāś ca mitratvaṃ bhajante pāpakarmiṇaḥ
pāpātmā bhavati hy evaṃ dharmalābhaṃ tu me śṛṇu
kuśalaḥ sukhaduḥkheṣu sādhūṃś cāpy upasevate
tasya sādhusamārambhād buddhir dharmeṣu jāyate
divyaprabhāvaḥ sumahān ṛṣir eva mato 'si me
teṣāṃ sarvātmanā kāryaṃ priyaṃ loke manīṣiṇā
namaskṛtvā brāhmaṇebhyo brāhmīṃ vidyāṃ nibodha me
mahābhūtātmakaṃ brahman nātaḥ parataraṃ bhavet
śabdaḥ sparśaś ca rūpaṃ ca raso gandhaś ca tadguṇāḥ
pūrvapūrvaguṇāḥ sarve kramaśo guṇiṣu triṣu
saptamī tu bhaved buddhir ahaṃkāras tataḥ param
ity eṣa saptadaśako rāśir avyaktasaṃjñakaḥ
caturviṃśaka ity eṣa vyaktāvyaktamayo guṇaḥ
etat te sarvam ākhyātaṃ kiṃ bhūyo śrotum icchasi