abhigamya tadā rājann idaṃ vacanam abruvan
devarṣiṇā ca sahito lomaśena mahātmanā
asmābhir hi na śakyāni tvad ṛte tāni kaurava
agamyāni narair alpais tīrthāni manujeśvara
bhavadbhiḥ pālitāḥ śūrair gacchema vayam apy uta
tīrthānāṃ pṛthivīpāla vratānāṃ ca viśāṃ pate
bhavema dhūtapāpmānas tīrthasaṃdarśanān nṛpa
aṣṭakasya ca rājarṣer lomapādasya caiva ha
dhruvaṃ prāpsyasi duṣprāpāṃl lokāṃs tīrthapariplutaḥ
gaṅgādyāḥ saritaś caiva plakṣādīṃś ca vanaspatīn
tvayā saha mahīpāla draṣṭum icchāmahe vayam
kuru kṣipraṃ vaco 'smākaṃ tataḥ śreyo 'bhipatsyase
anukīrṇāni rakṣobhis tebhyo nas trātum arhasi
yāny uvāca ca devarṣir lomaśaḥ sumahātapāḥ
dhūtapāpmā sahāsmābhir lomaśena ca pālitaḥ
bhīmasenādibhir vīrair bhrātṛbhiḥ parivāritaḥ
bāḍham ity abravīt sarvāṃs tān ṛṣīn pāṇḍavarṣabhaḥ
tataḥ sa pāṇḍavaśreṣṭho bhrātṛbhiḥ sahito vaśī
draupadyā cānavadyāṅgyā gamanāya mano dadhe
kāmyake pāṇḍavaṃ draṣṭuṃ samājagmur manīṣiṇaḥ
satkṛtās te mahābhāgā yudhiṣṭhiram athābruvan
manasā kṛtaśaucā vai śuddhās tīrthāni gacchata
manoviśuddhāṃ buddhiṃ ca daivam āhur vrataṃ dvijāḥ
maitrīṃ buddhiṃ samāsthāya śuddhās tīrthāni gacchata
daivaṃ vrataṃ samāsthāya yathoktaṃ phalam āpsyatha
kṛtasvastyayanāḥ sarve munibhir divyamānuṣaiḥ
nāradasya ca rājendra devarṣeḥ parvatasya ca
mārgaśīrṣyām atītāyāṃ puṣyeṇa prayayus tataḥ
abhedyaiḥ kavacair yuktās tīrthāny anvacaraṃs tadā
mahānasavyāpṛtaiś ca tathānyaiḥ paricārakaiḥ
prāṅmukhāḥ prayayur vīrāḥ pāṇḍavā janamejaya