pāpebhyo vipramucyante tadgatāḥ sarvajantavaḥ
ya evaṃ satataṃ brūyāt so 'pi pāpaiḥ pramucyate
yatra brahmādayo devā ṛṣayaḥ siddhacāraṇāḥ
brahmakṣetraṃ mahāpuṇyam abhigacchanti bhārata
pāpāni vipraṇaśyanti brahmalokaṃ ca gacchati
rājasūyāśvamedhābhyāṃ phalaṃ prāpnoti mānavaḥ
yakṣaṃ samabhivādyaiva gosahasraphalaṃ labhet
satataṃ nāma rājendra yatra saṃnihito hariḥ
aśvamedham avāpnoti viṣṇulokaṃ ca gacchati
agniṣṭomātirātrābhyāṃ phalaṃ prāpnoti mānavaḥ
tataḥ śālūkinīṃ gatvā tīrthasevī narādhipa
daśāśvamedhike snātvā tad eva labhate phalam
agniṣṭomam avāpnoti nāgalokaṃ ca vindati
tatroṣya rajanīm ekāṃ gosahasraphalaṃ labhet
koṭitīrtham upaspṛśya hayamedhaphalaṃ labhet
aśvinos tīrtham āsādya rūpavān abhijāyate
viṣṇur vārāharūpeṇa pūrvaṃ yatra sthito 'bhavat
tatra snātvā naravyāghra agniṣṭomaphalaṃ labhet
snātvā phalam avāpnoti rājasūyasya mānavaḥ
kṛtaśaucaṃ samāsādya tīrthasevī kurūdvaha
puṇḍarīkam avāpnoti kṛtaśauco bhaven naraḥ
tatroṣya rajanīm ekāṃ gāṇapatyam avāpnuyāt
tāṃ cābhigamya rājendra puṇyāṃl lokān avāpnuyāt
pradakṣiṇam upāvṛtya tīrthasevī samāhitaḥ
jāmadagnyena rāmeṇa āhṛte vai mahātmanā
kṛtakṛtyo bhaved rājann aśvamedhaṃ ca vindati
yatra rāmeṇa rājendra tarasā dīptatejasā
kṣatram utsādya vīryeṇa hradāḥ pañca niveśitāḥ
pitaras tarpitāḥ sarve tathaiva ca pitāmahāḥ
tatas te pitaraḥ prītā rāmam ūcur mahīpate
anayā pitṛbhaktyā ca vikrameṇa ca te vibho
varaṃ vṛṇīṣva bhadraṃ te kim icchasi mahādyute
abravīt prāñjalir vākyaṃ pitṝn sa gagane sthitān
pitṛprasādād iccheyaṃ tapasāpyāyanaṃ punaḥ
tataś ca pāpān mucyeyaṃ yuṣmākaṃ tejasā hy aham
hradāś ca tīrthabhūtā me bhaveyur bhuvi viśrutāḥ
pratyūcuḥ paramaprītā rāmaṃ harṣasamanvitāḥ
yac ca roṣābhibhūtena kṣatram utsāditaṃ tvayā
hradāś ca tava tīrthatvaṃ gamiṣyanti na saṃśayaḥ
pitaras tasya vai prītā dāsyanti bhuvi durlabham
īpsitaṃ manasaḥ kāmaṃ svargalokaṃ ca śāśvatam
āmantrya bhārgavaṃ prītās tatraivāntardadhus tadā
snātvā hradeṣu rāmasya brahmacārī śubhavrataḥ
rāmam abhyarcya rājendra labhed bahu suvarṇakam
svavaṃśam uddhared rājan snātvā vai vaṃśamūlake
śarīraśuddhiḥ snātasya tasmiṃs tīrthe na saṃśayaḥ
śuddhadehaś ca saṃyāti śubhāṃl lokān anuttamān
lokā yatroddhṛtāḥ pūrvaṃ viṣṇunā prabhaviṣṇunā
snātvā tīrthavare rājaṃl lokān uddharate svakān
śrītīrthaṃ ca samāsādya vindate śriyam uttamām
tatra snātvārcayitvā ca daivatāni pitṝṃs tathā
kapilānāṃ sahasrasya phalaṃ vindati mānavaḥ
arcayitvā pitṝn devān upavāsaparāyaṇaḥ
agniṣṭomam avāpnoti sūryalokaṃ ca gacchati
tatrābhiṣekaṃ kurvāṇo gosahasraphalaṃ labhet
devyās tīrthe naraḥ snātvā labhate rūpam uttamam
tasya tīrthaṃ sarasvatyāṃ yakṣendrasya mahātmanaḥ
tatra snātvā naro rājann agniṣṭomaphalaṃ labhet
brahmāvarte naraḥ snātvā brahmalokam avāpnuyāt
yatra saṃnihitā nityaṃ pitaro daivataiḥ saha
aśvamedham avāpnoti pitṛlokaṃ ca gacchati
kośeśvarasya tīrtheṣu snātvā bharatasattama
sarvavyādhivinirmukto brahmaloke mahīyate
prajā vivardhate rājann anantāṃ cāśnute śriyam
tīrthaṃ tatra mahārāja mahad anyatra durlabham
keśān abhyukṣya vai tasmin pūto bhavati bhārata
yatra viprā naravyāghra vidvāṃsas tīrthatatparāḥ
prāṇāyāmair nirharanti śvalomāni dvijottamāḥ
daśāśvamedhikaṃ caiva tasmiṃs tīrthe mahīpate
tatra snātvā naravyāghra gaccheta paramāṃ gatim
yatra kṛṣṇamṛgā rājan vyādhena paripīḍitāḥ
avagāhya tasmin sarasi mānuṣatvam upāgatāḥ
sarvapāpaviśuddhātmā svargaloke mahīyate
āpagā nāma vikhyātā nadī siddhaniṣevitā
devān pitṝṃś ca uddiśya tasya dharmaphalaṃ mahat
ekasmin bhojite vipre koṭir bhavati bhojitā
uṣitvā rajanīm ekām agniṣṭomaphalaṃ labhet
brahmodumbaram ity eva prakāśaṃ bhuvi bhārata
kedāre caiva rājendra kapiṣṭhalamahātmanaḥ
sarvapāpaviśuddhātmā brahmalokaṃ prapadyate
antardhānam avāpnoti tapasā dagdhakilbiṣaḥ
kṛṣṇapakṣe caturdaśyām abhigamya vṛṣadhvajam
labhate sarvakāmān hi svargalokaṃ ca gacchati
rudrakoṭis tathā kūpe hradeṣu ca mahīpate
ilāspadaṃ ca tatraiva tīrthaṃ bharatasattama
na durgatim avāpnoti vājapeyaṃ ca vindati
aprameyam avāpnoti dānaṃ japyaṃ ca bhārata
agniṣṭomasya yajñasya phalaṃ prāpnoti mānavaḥ
tīrthaṃ kuruvaraśreṣṭha anājanmeti viśrutam
nāradenābhyanujñāto lokān prāpnoti durlabhān
tatra snātvā naro rājan puṇḍarīkaphalaṃ labhet
tatra vaitaraṇī puṇyā nadī pāpapramocanī
sarvapāpaviśuddhātmā gaccheta paramāṃ gatim
yatra devāḥ sadā rājan phalakīvanam āśritāḥ
tapaś caranti vipulaṃ bahuvarṣasahasrakam
agniṣṭomātirātrābhyāṃ phalaṃ vindati bhārata
gosahasrasya rājendra phalaṃ prāpnoti mānavaḥ
rājasūyam avāpnoti ṛṣilokaṃ ca gacchati
tatra tīrthāni rājendra miśritāni mahātmanā
sarvatīrtheṣu sa snāti miśrake snāti yo naraḥ
manojave naraḥ snātvā gosahasraphalaṃ labhet
tatra snātvārcayed devān pitṝṃś ca prayataḥ śuciḥ
sa devyā samanujñāto gosahasraphalaṃ labhet
snāti vai niyatāhāraḥ sarvapāpaiḥ pramucyate
putraśokābhitaptena dehatyāgārthaniścayaḥ
abhigamya sthalīṃ tasya gosahasraphalaṃ labhet
gaccheta paramāṃ siddhim ṛṇair muktaḥ kurūdvaha
tayoḥ snātvā naravyāghra sūryalokam avāpnuyāt
tatra gaṅgāhrade snātvā samabhyarcya ca mānavaḥ
śūlapāṇiṃ mahādevam aśvamedhaphalaṃ labhet
atha vāmanakaṃ gacchet triṣu lokeṣu viśrutam
sarvapāpaviśuddhātmā viṣṇulokam avāpnuyāt
pavanasya hradaṃ gatvā marutāṃ tīrtham uttamam
tatra snātvā naravyāghra vāyuloke mahīyate
amarāṇāṃ prabhāvena svargaloke mahīyate
snātvā naravaraśreṣṭha gosahasraphalaṃ labhet
tatra snātvā naro rājann agniṣṭomaphalaṃ labhet
ṛṣayaḥ kila rājendra naimiṣeyās tapodhanāḥ
tīrthayātrāṃ puraskṛtya kurukṣetraṃ gatāḥ purā
ṛṣīṇām avakāśaḥ syād yathā tuṣṭikaro mahān
kanyātīrthe naraḥ snātvā agniṣṭomaphalaṃ labhet
tatra varṇāvaraḥ snātvā brāhmaṇyaṃ labhate naraḥ
brāhmaṇaś ca viśuddhātmā gaccheta paramāṃ gatim
tatra snātvā naro rājan somalokam avāpnuyāt
yatra maṅkaṇakaḥ siddho maharṣir lokaviśrutaḥ
kṣataḥ kila kare rājaṃs tasya śākaraso 'sravat
pranṛttaḥ kila viprarṣir vismayotphullalocanaḥ
pranṛttam ubhayaṃ vīra tejasā tasya mohitam
vijñapto vai mahādeva ṛṣer arthe narādhipa
nāyaṃ nṛtyed yathā deva tathā tvaṃ kartum arhasi
surāṇāṃ hitakāmārtham ṛṣiṃ devo 'bhyabhāṣata
harṣasthānaṃ kimarthaṃ vā tavādya munipuṃgava
yaṃ dṛṣṭvāhaṃ pranṛtto vai harṣeṇa mahatānvitaḥ
ahaṃ vai vismayaṃ vipra na gacchāmīti paśya mām
aṅgulyagreṇa rājendra svāṅguṣṭhas tāḍito 'nagha
tad dṛṣṭvā vrīḍito rājan sa muniḥ pādayor gataḥ
surāsurasya jagato gatis tvam asi śūladhṛk
tvām eva bhagavan sarve praviśanti yugakṣaye
tvayi sarve ca dṛśyante surā brahmādayo 'nagha
tvatprasādāt surāḥ sarve modantīhākutobhayāḥ
evaṃ stutvā mahādevaṃ sa ṛṣiḥ praṇato 'bhavat
tapas te vardhatāṃ vipra matprasādāt sahasradhā
saptasārasvate snātvā arcayiṣyanti ye tu mām
sārasvataṃ ca te lokaṃ gamiṣyanti na saṃśayaḥ
yatra brahmādayo devā ṛṣayaś ca tapodhanāḥ
sāṃnidhyam akarot tatra bhārgavapriyakāmyayā
tatra snātvā naravyāghra sarvapāpaiḥ pramucyate
agnilokam avāpnoti kulaṃ caiva samuddharet
tatra snātvā mahārāja brāhmaṇyam abhijāyate
tatra snātvā naravyāghra brahmalokaṃ prapadyate
punāty āsaptamaṃ caiva kulaṃ nāsty atra saṃśayaḥ
pṛthūdakam iti khyātaṃ kārttikeyasya vai nṛpa
tatrābhiṣekaṃ kurvīta pitṛdevārcane rataḥ
yat kiṃ cid aśubhaṃ karma kṛtaṃ mānuṣabuddhinā
aśvamedhaphalaṃ cāpi svargalokaṃ ca gacchati
sarasvatyāś ca tīrthāni tīrthebhyaś ca pṛthūdakam
pṛthūdake japyaparo nainaṃ śvomaraṇaṃ tapet
vede ca niyataṃ rājan abhigacchet pṛthūdakam
etan medhyaṃ pavitraṃ ca pāvanaṃ ca na saṃśayaḥ
pṛthūdake naraśreṣṭha prāhur evaṃ manīṣiṇaḥ
tatra snātvā naro rājan gosahasraphalaṃ labhet
sarasvatyāruṇāyāś ca saṃgamaṃ lokaviśrutam
agniṣṭomātirātrābhyāṃ phalaṃ vindati mānavaḥ
avatīrṇaṃ ca tatraiva tīrthaṃ kurukulodvaha
viprāṇām anukampārthaṃ darbhiṇā nirmitaṃ purā
kriyāmantraiś ca saṃyukto brāhmaṇaḥ syān na saṃśayaḥ
cīrṇavrato bhaved vipro dṛṣṭam etat purātane
yeṣu snāto naravyāghra na durgatim avāpnuyāt
phalāni gosahasrāṇāṃ caturṇāṃ vindate ca saḥ
sāhasrakaṃ ca tatraiva dve tīrthe lokaviśrute
dānaṃ vāpy upavāso vā sahasraguṇitaṃ bhavet
tatrābhiṣekaṃ kurvīta pitṛdevārcane rataḥ
sravapāpaviśuddhātmā agniṣṭomaphalaṃ labhet
pratigrahakṛtair doṣaiḥ sarvaiḥ sa parimucyate
puṇyena mahatā yuktaḥ satāṃ loke mahīyate
tam arcayitvā deveśaṃ gamanād eva sidhyati
yatra brahmādibhir devair ṛṣibhiś ca tapodhanaiḥ
senāpatyena devānām abhiṣikto guhas tadā
kurutīrthe naraḥ snātvā brahmacārī jitendriyaḥ
sarvapāpaviśuddhātmā kurulokaṃ prapadyate
svargalokam avāpnoti brahmalokaṃ ca gacchati
tatra snātvā naro rājan na durgatim avāpnuyāt
anvāsyate naraśreṣṭha nārāyaṇapurogamaiḥ
abhigamya ca tāṃ devīṃ na durgatim avāpnuyāt
abhigamya mahādevaṃ mucyate sarvakilbiṣaiḥ
śobhamāno mahārāja viṣṇulokaṃ prapadyate
sarvaduḥkhaiḥ parityakto dyotate śaśivat sadā
pāvanaṃ tīrtham āsādya tarpayet pitṛdevatāḥ
agniṣṭomasya yajñasya phalaṃ prāpnoti mānavaḥ
tisraḥ koṭyas tu tīrthānāṃ tasmin kūpe mahīpate
tatra snātvā naro rājan svargalokaṃ prapadyate
gāṇapatyam avāpnoti kulaṃ coddharate svakam
tatra snātvā sthito rātriṃ rudralokam avāpnuyāt
badaraṃ bhakṣayet tatra trirātropoṣito naraḥ
trirātropoṣitaś caiva bhavet tulyo narādhipa
ahorātropavāsena śakraloke mahīyate
niyataḥ satyavādī ca brahmaloke mahīyate
ādityasyāśramo yatra tejorāśer mahātmanaḥ
ādityalokaṃ vrajati kulaṃ caiva samuddharet
somalokam avāpnoti naro nāsty atra saṃśayaḥ
tīrthaṃ puṇyatamaṃ rājan pāvanaṃ lokaviśrutam
tasmiṃs tīrthe naraḥ snātvā vājapeyaphalaṃ labhet
sārasvatīṃ gatiṃ caiva labhate nātra saṃśayaḥ
trirātropoṣito rājann upavāsaparāyaṇaḥ
labhet kanyāśataṃ divyaṃ brahmalokaṃ ca gacchati
yatra brahmādayo devā ṛṣayaś ca tapodhanāḥ
māsi māsi samāyānti puṇyena mahatānvitāḥ
aśvamedhaśataṃ tena iṣṭaṃ bhavati śāśvatam
nadyo nadās taḍāgāś ca sarvaprasravaṇāni ca
māsi māsi samāyānti saṃnihityāṃ na saṃśayaḥ
snātamātrasya tat sarvaṃ naśyate nātra saṃśayaḥ
padmavarṇena yānena brahmalokaṃ sa gacchati
koṭirūpam upaspṛśya labhed bahu suvarṇakam
tatra snātas tu dharmajña brahmacārī samāhitaḥ
rājasūyāśvamedhābhyāṃ phalaṃ vindati śāśvatam
trayāṇām api lokānāṃ kurukṣetraṃ viśiṣyate
api duṣkṛtakarmāṇaṃ nayanti paramāṃ gatim
ye vasanti kurukṣetre te vasanti triviṣṭape
apy ekāṃ vācam utsṛjya sarvapāpaiḥ pramucyate
tadāvasanti ye rājan na te śocyāḥ kathaṃ cana
etat kurukṣetrasamantapañcakaṃ; pitāmahasyottaravedir ucyate