ekādaśa sutāḥ sthāṇoḥ khyātāḥ paramamānasāḥ
ajaikapād ahirbudhnyaḥ pinākī ca paraṃtapaḥ
sthāṇur bhavaś ca bhagavān rudrā ekādaśa smṛtāḥ
ṣaḍ ete brahmaṇaḥ putrā vīryavanto maharṣayaḥ
bṛhaspatir utathyaś ca saṃvartaś ca dhṛtavratāḥ
sarve vedavidaḥ siddhāḥ śāntātmāno maharṣayaḥ
pulahasya mṛgāḥ siṃhā vyāghrāḥ kiṃpuruṣās tathā
viśrutās triṣu lokeṣu satyavrataparāyaṇāḥ
brahmaṇaḥ pṛthivīpāla putraḥ putravatāṃ varaḥ
tasyāṃ pañcāśataṃ kanyāḥ sa evājanayan muniḥ
putrikāḥ sthāpayām āsa naṣṭaputraḥ prajāpatiḥ
divyena vidhinā rājan kaśyapāya trayodaśa
kīrtir lakṣmīr dhṛtir medhā puṣṭiḥ śraddhā kriyā tathā
dvārāṇy etāni dharmasya vihitāni svayaṃbhuvā
kālasya nayane yuktāḥ somapatnyaḥ śubhavratāḥ
sarvā nakṣatrayoginyo lokayātrāvidhau sthitāḥ
tasyāṣṭau vasavaḥ putrās teṣāṃ vakṣyāmi vistaram
pratyūṣaś ca prabhāsaś ca vasavo 'ṣṭāv iti smṛtāḥ
candramās tu manasvinyāḥ śvasāyāḥ śvasanas tathā
pratyūṣaś ca prabhāsaś ca prabhātāyāḥ sutau smṛtau
dhruvasya putro bhagavān kālo lokaprakālanaḥ
manoharāyāḥ śiśiraḥ prāṇo 'tha ramaṇas tathā
agneḥ putraḥ kumāras tu śrīmāñ śaravaṇālayaḥ
kṛttikābhyupapatteś ca kārttikeya iti smṛtaḥ
avijñātagatiś caiva dvau putrāv anilasya tu
dvau putrau devalasyāpi kṣamāvantau manīṣiṇau
yogasiddhā jagat sarvam asaktaṃ vicaraty uta
prabhāsasya tu bhāryā sā vasūnām aṣṭamasya ha
kartā śilpasahasrāṇāṃ tridaśānāṃ ca vardhakiḥ
yo divyāni vimānāni devatānāṃ cakāra ha
pūjayanti ca yaṃ nityaṃ viśvakarmāṇam avyayam
niḥsṛto bhagavān dharmaḥ sarvalokasukhāvahaḥ
śamaḥ kāmaś ca harṣaś ca tejasā lokadhāriṇaḥ
nandī tu bhāryā harṣasya yatra lokāḥ pratiṣṭhitāḥ
jajñire nṛpaśārdūla lokānāṃ prabhavas tu saḥ
asūyata mahābhāgā sāntarikṣe 'śvināv ubhau
teṣām avarajo viṣṇur yatra lokāḥ pratiṣṭhitāḥ
anvayaṃ saṃpravakṣyāmi pakṣaiś ca kulato gaṇān
vasūnāṃ bhārgavaṃ vidyād viśvedevāṃs tathaiva ca
bṛhaspatiś ca bhagavān ādityeṣv eva gaṇyate
eṣa devagaṇo rājan kīrtitas te 'nupūrvaśaḥ
yaṃ kīrtayitvā manujaḥ sarvapāpaiḥ pramucyate
bhṛgoḥ putraḥ kavir vidvāñ śukraḥ kavisuto grahaḥ
svayaṃbhuvā niyuktaḥ san bhuvanaṃ paridhāvati
surāṇāṃ cāpi medhāvī brahmacārī yatavrataḥ
anyam utpādayām āsa putraṃ bhṛgur aninditam
yaḥ sa roṣāc cyuto garbhān mātur mokṣāya bhārata
aurvas tasyāṃ samabhavad ūruṃ bhittvā mahāyaśāḥ
mahātapā mahātejā bāla eva guṇair yutaḥ
jamadagnes tu catvāra āsan putrā mahātmanaḥ
sarvaśastrāstrakuśalaḥ kṣatriyāntakaro vaśī
teṣāṃ putrasahasrāṇi babhūvur bhṛguvistaraḥ
loke dhātā vidhātā ca yau sthitau manunā saha
tasyās tu mānasāḥ putrās turagā vyomacāriṇaḥ
tasyāḥ putraṃ balaṃ viddhi surāṃ ca suranandinīm
adharmas tatra saṃjātaḥ sarvabhūtavināśanaḥ
ghorās tasyās trayaḥ putrāḥ pāpakarmaratāḥ sadā
bhayo mahābhayaś caiva mṛtyur bhūtāntakas tathā
tāmrā tu suṣuve devī pañcaitā lokaviśrutāḥ
bhāsī bhāsān ajanayad gṛdhrāṃś caiva janādhipa
cakravākāṃś ca bhadraṃ te prajajñe sā tu bhāminī
kalyāṇaguṇasaṃpannā sarvalakṣaṇapūjitā
mṛgīṃ ca mṛgamandāṃ ca hariṃ bhadramanām api
sarvalakṣaṇasaṃpannāṃ surasāṃ ca yaśasvinīm
ṛkṣāś ca mṛgamandāyāḥ sṛmarāś camarā api
airāvataḥ sutas tasyā devanāgo mahāgajaḥ
golāṅgūlāṃś ca bhadraṃ te haryāḥ putrān pracakṣate
dvīpinaś ca mahābhāga sarvān eva na saṃśayaḥ
diśāgajaṃ tu śvetākhyaṃ śvetājanayad āśugam
rohiṇīṃ caiva bhadraṃ te gandharvīṃ ca yaśasvinīm
rohiṇyāṃ jajñire gāvo gandharvyāṃ vājinaḥ sutāḥ
sapta piṇḍaphalān vṛkṣān analāpi vyajāyata
analāyāḥ śukī putrī kadrvās tu surasā sutā
saṃpātiṃ janayām āsa tathaiva ca jaṭāyuṣam
dvau putrau vinatāyās tu vikhyātau garuḍāruṇau
prabhavaḥ kīrtitaḥ samyaṅ mayā matimatāṃ vara
sarvajñatāṃ ca labhate gatim agryāṃ ca vindati