kim idaṃ sāhasaṃ brahman kṛtavān asi sāṃpratam
pṛṣṭo yad abruvaṃ satyaṃ vyabhicāro 'tra ko mama
sa pūrvān ātmanaḥ sapta kule hanyāt tathā parān
so 'pi tenaiva pāpena lipyate nātra saṃśayaḥ
jānato 'pi ca te vyaktaṃ kathayiṣye nibodha tat
agnihotreṣu satreṣu kriyāsv atha makheṣu ca
devatāḥ pitaraś caiva tena tṛptā bhavanti vai
darśaś ca paurṇamāsaś ca devānāṃ pitṛbhiḥ saha
ekībhūtāś ca pūjyante pṛthaktvena ca parvasu
tridaśānāṃ pitṝṇāṃ ca mukham evam ahaṃ smṛtaḥ
manmukhenaiva hūyante bhuñjate ca hutaṃ haviḥ
sarvabhakṣaḥ kathaṃ teṣāṃ bhaviṣyāmi mukhaṃ tv aham
dvijānām agnihotreṣu yajñasatrakriyāsu ca
vināgninā prajāḥ sarvās tata āsan suduḥkhitāḥ
agnināśāt kriyābhraṃśād bhrāntā lokās trayo 'naghāḥ
vidhadhvam atra yat kāryaṃ na syāt kālātyayo yathā
agner āvedayañ śāpaṃ kriyāsaṃhāram eva ca
kathaṃ devamukho bhūtvā yajñabhāgāgrabhuk tathā
hutabhuk sarvalokeṣu sarvabhakṣatvam eṣyati
uvāca vacanaṃ ślakṣṇaṃ bhūtabhāvanam avyayam
tvaṃ dhārayasi lokāṃs trīn kriyāṇāṃ ca pravartakaḥ
sa tathā kuru lokeśa nocchidyeran kriyā yathā
tvaṃ pavitraṃ yadā loke sarvabhūtagataś ca ha
upādāne 'rciṣo yās te sarvaṃ dhakṣyanti tāḥ śikhin
tathā tvadarcirnirdagdhaṃ sarvaṃ śuci bhaviṣyati
svatejasaiva taṃ śāpaṃ kuru satyam ṛṣer vibho
devānāṃ cātmano bhāgaṃ gṛhāṇa tvaṃ mukhe hutam
jagāma śāsanaṃ kartuṃ devasya parameṣṭhinaḥ
ṛṣayaś ca yathāpūrvaṃ kriyāḥ sarvāḥ pracakrire
agniś ca paramāṃ prītim avāpa hatakalmaṣaḥ
pulomasya vināśaś ca cyavanasya ca saṃbhavaḥ