Aśvaghoṣa: Buddhacarita 1-23 (Tibetan translation) # Header This file is a plain text transformation of http://gretil.sub.uni-goettingen.de/gretil/corpustei/xct_azvaghoSa-buddhacarita-collation.xml with a rudimentary header. For a more extensive header please refer to the source file. ## Data entry: Roland Steiner ## Contribution: Roland Steiner ## Date of this version: 2021-01-05 ## Sources: - C: Cone Tanjur, ge, 1--103b2. - D: Derge Tanjur, ge, 1-103b2, referring to the personal copy of Michael Hahn, which is an exact copy of the Derge block print without corrections, deviating in some readings from the manipulated but widely available Taipei-Edition (T) and the reproduction held by the Prussian State Library (P). - G: Ganden Tanjur (Golden Manuscript), spring yig snyan ngag, nge, 1--147a. - N: Narthang Tanjur, nge, 1--119b7. - Q: Peking Tanjur, skyes rabs, nge, 1--124b8. - W: Weller 1926-28. - J: Johnston 1935-36. - H: Hahn 1975. - Roland Steiner: »Truth Under the Guise of Poetry. Aśvaghoṣa's “Life of the Buddha”.« In: Linda Covill (ed.) et al.: Lives lived, lives imagined. Biography in the Buddhist traditions. Boston, Mass. 2010 (OCBS monograph series), pp. 98-121. - Michael Hahn: »Buddhacarita I, 1-7 und 25-40.« In: Indo-Iranian Journal 17 (1975), pp. 77-96. - Edward H. Johnston: The Buddhacarita. Or, acts of the Buddha (2 Vols.). Calcutta 1935-1936 (Panjab University oriental publications 31-32). - Friedrich Weller: Das Leben des Buddha von Aśvaghoṣa. Leipzig 1926-1928 (Veröffentlichungen des Forschungsinstituts für Vergleichende Religionsgeschichte an der Universität Leipzig II.3/8). ## Publisher: Göttingen Register of Electronic Texts in Indian Languages (GRETIL), SUB Göttingen ## Licence: This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at gretil(at)sub(dot)uni-goettingen(dot)de. The file will be immediately removed pending resolution of the claim. Distributed under a Creative Commons Attribution-NonCommercial-ShareAlike 4.0 International License. ## Structure of references: A reference is assembled consisting of - a pragmatic abbreviation of the title: Buddhacarita (Tibetan) = BCt, - the number of the chapter (le'u) in arabic numerals, - the number of the verse in arabic numerals. ## Notes: This text does not constitute a critical edition but rather a collation of the then accessible text witnesses with sporadic editorial remarks; however, the lemma choice of the critical edition of the first chapter in Steiner 2010 has been incorporated where it is pertaining to the Tibetan text. # Text | | rgya gar skad du | buddha tsa ri ta ma hā kā bya nā ma |(p1) bod skad du | sangs rgyas kyi spyod pa zhes bya ba'i snyan dngags chen po | sangs rgyas dang byang chub sems dpa' thams cad la phyag 'tshal lo | dpal ldan yon tan tshogs kyis gang bdag nyid chen po sems can gyi don mdzad yang dag sangs rgyas dang chos dang dge 'dun la phyag 'tshal bu ram shing par mthu mnyam bu ram shing pa'i rgyud thub dka' shākya rnams la spyod pa rnam dag pa 'phrog byed zla ba lta bur skye dgu rnams la sdug rgyal po zas gtsang zhes bya'i ming can byung bar gyur BCt_1.1 dbang po dang mtshungs de yi bdag po ldan ma yin nus mthu rjes mtshungs gzi brjid lha mo bde sogs dang padmo can 'dra phun sum tshogs pa sa bzhin brtan sgyu ma chen mo zhes bya dpe med sgyu 'dra byung BCt_1.2 mi skyong rgyal po 'di ni de dang thabs cig tu dga' ba nyer ldan rnam thos sras kyi dpal bzhin rol de nas yang dag ting 'dzin ldan pa'i rig ma bzhin sdig bral ma de mngal ni rnam par bzung bar gyur BCt_1.3 mngal dang nye bar ldan pa nyid kyi sngon rol tu de ni gnyid song glang po'i dbang po dkar po zhig rang nyid la ni rab tu zhugs sogs mthong gyur la de yi mtshan ma nyam thag pa yang thob ma yin BCt_1.4 lha dang rab tu mtshungs pa de yi lha mo de mngal gyis rigs kyi dpal ni rab tu 'dren byed cing sgyu ma ngal ba dang ni mya ngan sgyu med par gtsang la nyon mongs med pa'i dgon par blo gros mdzad BCt_1.5 de ni lum bi zhes bya'i nags mthar gyur pa'i sa sna tshogs ljon shing sna tshogs shing rta mngon dga' bar bsam gtan la bzod dben pa'i nags kyi mtha' bzhed ma 'gro ba'i ched dang gnas phyir mi skyong la zhus so BCt_1.6 de yi chos dang ldan la 'phags pa'i zhe 'dod dag rnam par shes nas ya mtshan dga' ba yis gang ste zhi ba'i grong nas sa yi bdag po gshegs gyur te de yi dga' ba'i rgyu yin rnam par rgyu phyir min BCt_1.7 dpal dang ldan pa'i nags der rgyal po'i bdag ldan ma rab tu bltams pa'i dus ni yang dag mngon gzigs shing bla re nye bar phul ba'i gzims mal rab thob ste mi mo stong phrag dag gis mngon par dga' bar byed BCt_1.8 de nas skar ma rgyal rab ldan par gyur pa'i tshe brtul zhugs legs par 'dus byas lha mo de yi ni rtsib logs dag nas 'jig rten phan phyir sras bltams te tshor ba dang ni bral zhing nad dang bral ba nyid BCt_1.9 ji ltar brla skyes brla nas rgya chen lag pa nas dbang po dang mtshungs nga la nu ni spyi bo nas mchan ldan nyid kyang lag pa'i cha shas gsang ba nas rnam pa de ltar de yi skye ba byung bar gyur BCt_1.10 mngal nas mngon par nges par byung ba gzugs mdzes te nam mkha' dag las 'phos 'dra skye gnas las ma skyes bskal pa gcig min rnams su bsgoms pa'i bdag nyid ni gang zhig yang dag rab tu shes na skyes gyur blun po min BCt_1.11 nyi ma gzhon nu sa la mngon par babs pa bzhin gsal ba dang ni brtan pas gang zhig mdzes pa ste de ltar shin tu gsal yang nges par rtog pa na ri bong gi mtshan ji ltar mig dag phrogs par gyur BCt_1.12 de ni rang gi lus kyi 'od rab 'bar ba yis sgron ma'i 'od kyang gsal bar byed pa ltar bcom ste rin thang chen po 'dzam bu chu gser mdzes pa'i mdog phyogs rnams thams cad rnam par snang zhing gsal bar mdzad BCt_1.13 'khrugs pa ma yin yon po'i skyon dag rab bsal zhing shin tu brtan pa dang ldan rnam par yangs pa'i 'gros de ltar mi g.yo rab tu brtan pa'i gom pa bdun drang srong skar ma bdun dang rab mnyam gshegs par gyur BCt_1.14 byang chub phyir dang 'gro la phan pa'i phyir skyes shing 'di ni bdag gi srid pa'i skye ba tha ma zhes seng ge'i 'gros 'dra phyogs bzhi dag tu rnam gzigs nas snod ldan rnams kyi don byed ngag kyang smras par gyur BCt_1.15 nam mkha' dag las rab babs zla ba'i 'od zer dkar grang dang dro ba'i chu rgyun rnam pa gnyis kyi shugs lus la yang dag reg pas bde ba bskyed pa'i phyir mdzes shing yid 'od de yi spyi bor babs par gyur BCt_1.16 dpal ldan bla re bres par gser gyis 'bar zhing mtshan bai ḍū rya yi rkang pa'i gzims mal la gzims pa de la gus phyir gser gyi padma'i phyag mnga' ba'i gnod sbyin bdag rnams kun nas yongs su bskor nas gnas BCt_1.17 mi mngon gyur pa'i lha rnams kyis kyang nam mkha' la gang gi mthu las mgo bo yis ni rab btud cing kun nas gdung ba skyob pa'i gdugs dkar rnams bzung ste byang chub ched du mchog gi bsngags pa dag kyang smras BCt_1.18 'das pa'i sangs rgyas rnams la lhag par mchod byas pa'i lto 'phye che rnams khyad 'phags chos la sred pa'i phyir gang la rlung g.yab kyis g.yab gus pa'i mig gzir cing man dā ra ba'i me tog rnams kyis yang dag 'thor BCt_1.19 de bzhin gshegs pa bltams pa'i yon tan gyis tshim pa'i gtsang mar lhag par gnas pa'i rnam dag sems can rnams sdug bsngal nyid du bying ba'i 'gro la phan pa'i phyir lha rnams 'dod chags bral ba na yang dga' bar gyur BCt_1.20 gang gi rab tu bltams tshe ri rgyal phur bu nyid rlung gis bsnun pa'i gru ltar sa gzhi g.yos gyur cing tsan dan dang bcas u-tpal padma'i snying po yi char pa dag ni nam mkha'i sprin dang bral las babs BCt_1.21 yid 'ong reg na bde ba'i rlung dag byung gyur te lha yi na bza' dag ni mngon par 'bebs byed cing nyi ma de nyid lhag par mngon par gsal ba ste zhi ba'i 'od zer 'dus ma byas pa'i me 'bar ro BCt_1.22 shar dang byang gi mtshams kyi khang pa'i phyogs gcig na bsil ba'i chu yi khron pa rang byung gyur pa ste pho brang btsun mo'i 'khor rnams ya mtshan gyur rnams kyis gang la bya ba rnams ni stegs bzhin rab tu byas BCt_1.23 chos dang ldan pa'i lha dang 'byung po'i tshogs rnams kyis de ni lta ba'i don du nags tshal rab gang ste rmad byung ngo mtshar gyur pa nyid kyi shing las kyang me tog rnams ni dus ma yin par nges par brul BCt_1.24 'tshe bar byed pa'i sems can rnams kyang de yi tshe phan tshun dag tu phyin te gnod pa mi byed la 'tsho ba'i 'jig rten dag na nad gang ji snyed pa de dag rnams kyang 'bad pa med par de tshe bcom BCt_1.25 mkha' 'gro'i bya ni mtho min sgra sgrogs ri dags kyang chu klung dag ni chu yang zhi bar bab gyur la phyogs rnams rab snang dge ba'i nam mkha' rab mdzes shing lha yi rnga rnams mkha' la rab tu grags par gyur BCt_1.26 rgud par gyur la mgon ni nye bar thob nas bzhin 'jig rten dag kyang mchog tu rab zhi thob gyur la 'jig rten rnams kyi thar pa'i bla ma rab bltams tshe 'dod pa'i lha nyid kho na dga' ba med par gyur BCt_1.27 shin tu ngo mtshar sras kyi skye ba mthong gyur nas mi bdag brtan pa yin yang rnam par 'gyur nas song rab dga' skyes pa nyid dang yid mi bde skyes te brtse ba las ni mchi ma rnam pa gnyis byung ngo BCt_1.28 mi ma yin pa'i sras po nyid kyi nus pa dang ma mi rang bzhin kyang ni stobs chung nyid kyi phyir grang dang dro ba'i chu dag 'dres pa'i chu klung bzhin lha mo 'jigs pa dang ni dga' bas gang bar 'gyur BCt_1.29 lhag ma spangs te 'jigs pa nyid ni shes byas nas yid 'ong 'dod pa'i ched du rtogs pa ma yin pa'i bud med rgan mo rnams kyis bde legs gyur byas shing gtsang mar byas te lha rnams dag la phyag 'tshal lo BCt_1.30 de yi mtshan nyid dag kyang shes shing thos gyur nas spyod dang thos dang tshig la grags thob bram ze rnams rnam rgyas zhal ni ya mtshan dga' ba yis gang ste dga' dang 'jigs par gyur pa'i mi yi lha la smras BCt_1.31 mi dag sa la bu ma gtogs pa'i khyad 'phags pa gzhan gang cung zad 'dod min zhi ba de yi phyir khyod kyi sgron ma 'di ni rigs kyi sgron ma ste khyod nyid dga' bar mdzod cig dga' ston da ltar bgyi BCt_1.32 de phyir brtan pa rnam dpyod med par dgar mdzod dang rigs ni nges pa nyid du mchog tu 'phel bar 'gyur 'di ni khyod kyi bu zhes skyes par gyur pa ste 'jig rten sdug bsngal dag gis mngon par bcom pa'i mgon BCt_1.33 mchog gyur 'di la mchog gyur gser gyi 'od mnga' zhing sgron ma'i 'od zer dag gi mtshan rnams gang gyur pas de nyid rtogs par gyur pa'i thub par 'gyur ba 'am yang na mi bdag sa steng 'khor los sgyur bar 'gyur BCt_1.34 sa yi bdag po nyid la gal te dga' 'gyur na stobs dang chos dag gis ni de'i tshe sa steng du rgyal po kun gyi thog tu 'di ni gnas 'gyur te skar ma'i 'od rnams la ni nyi ma'i 'od bzhin no BCt_1.35 de ni gal te thar bzhed nags su gshegs gyur na mkhyen dang de nyid kyis ni de tshe sa steng du lugs kun zil gyis mnan nas 'di ni gnas 'gyur te mtho ba kun la ri rab ri yi rgyal po bzhin BCt_1.36 ji ltar lcags rnams la ni gser dag mchog yin la ri rnams la ni ri rab chu bo rnams la mtsho gza' rnams la ni zla ba dud byed rnams la nyi de ltar khyod kyi sras ni rkang gnyis rnams kyi mchog BCt_1.37 gang gi spyan dag mi 'dzum mi gzir rnam par spangs pa ste brtan zhing shin tu ring la dkar min rdzi ma dang gzi brjid ldan pa yin yang 'on kyang zhi ba nyid 'di ni kun nas gzigs pa'i spyan mnga' ci la min BCt_1.38 de nas gnyis skyes rnams la mi bdag gis smra pa bdag nyid chen po mi skyong snga mas ma mthong ba mthong zhes khyad 'di gang yin 'di la rgyu mtshan ci de nas bram ze rnams kyis de nyid la smras pa BCt_1.39 blo dang thos pa las dang grags pa rnams la ni mi skyong sngon dang phyi ma nyid ni tshad ma min dngos po'i lugs la 'dir ni bya ba rgyu yin la 'dir yang bdag gi dper brjod dag ni mkhyen par mdzod BCt_1.40 gang zhig rgyal po'i bstan bcos shes ldan ngan spong dag rigs byed drang srong de gnyis kyis ni ma byas pa de dag gi sras zhi ba pa wa sangs dang ni phur bu yis ni dus kyis de nyid bskyed par gyur BCt_1.41 nyams gyur snga ma rnams kyis ma mthong rig byed gang dbyangs can ma yi bu yis kyang ni slar smras pa nus med gnas 'jog gis ni ma byas gyur pa gang rgyas pa yis ni de ltar rnam pa mang por brjod BCt_1.42 'pho byed drang srong chen pos ma bsdebs gyur pa gang tshig gi rkang pa grog mkhar gyis ni dang por bskyed gso ba gang yang rgyun shes kyis ni ma mthong ba phyi nas de ni drang srong rgyun shes bu yis byas BCt_1.43 gang yang gnyis skyes nyid ni ku shas ma rnyed pa de ni gting dpogs bu yis rgyal po la thob bo bu ram shing pas dang por ma bsdams gyur pa gang rgya mtsho la ni dug bcas kyis kyang mtshams bzung ngo BCt_1.44 slob dpon nyid du bram ze'i rnal 'byor cho ga la gzhan rnams kyis ma thob pa skyed byed gshegs par gyur khyab 'jug gi ni grags pa'i las rnams gang yin pa mi rnams la ni dpa' bo la sogs stobs med gyur BCt_1.45 de phyir lang tsho dang ni rigs dag tshad ma yin la la la lar mchog nyid nyer thob 'jig rten na rgyal dang drang srong rnams kyi snga mas ma byas pa de dang de dag rnams ni bu rnams dag gis byas BCt_1.46 de ltar gnyis skyes de rnams kyis ni yid ches te mi skyong dbugs 'byin dang yang mngon par dga' gyur la mi 'dod the tshom dag ni yid las rnam bsal te rab tu dga' ba nyid la lhag par 'dzegs par gyur BCt_1.47 dga' ba yis ni gnyis skyes dam pa de rnams la bkur sti sngon du 'gro ba'i nor rnams rab phul te ji skad smras bzhin 'di ni sa yi bdag por gyur rgas pa thob nas nags rnams su ni 'gro bar shog BCt_1.48 de nas mtshan ma rnams dang dka' thub stobs las ni skye ba mthar mdzad bltams pa de ni rtogs gyur nas dam pa'i chos la gus pa'i shākya'i dbang phyug gi gnas su dkar min drang srong chen po gshegs par gyur BCt_1.49 tshangs pa'i dpal nyid kyis dang dka' thub dpal gyis ni 'bar ba'i tshangs rig rnams kyi tshangs rig de la ni rgyal po'i bla mas gus pa dang ni bkur sti'i phyir mi dbang pho brang du ni rab tu spyan drangs so BCt_1.50 de ni sa bdag btsun mo'i 'khor gyi nye logs su gzhon nu bltams pa la ni dga' ba'i shugs kyis 'ongs dka' thub mchog las dang ni rgas pa la brten nas brtan pa nags kyi 'du shes kyis ltar rnam par zhugs BCt_1.51 de nas thub pa gdan la gnas pa de la mi skyong gis zhabs bsil mchod yon sngon 'gro yang dag rab mchod nas sngon tshe gnas mchog la ni mtha' can lhas bzhin des ji ltar nye bar spyod la snyan gsan phab pa'o BCt_1.52 bdag gi rigs ni rjes su bzung phyir nor ldan des gang zhig bdag la gzigs phyir bcom ldan nyer gshegs la bka' drin gnang bar mdzod cig zhi ba ci bgyi bgyi kho bo slob ma lags so thugs rjes mdzad par rigs BCt_1.53 de ltar mi skyong gis ni dngos po thams cad kyis nye bar gsol btab gyur pa'i thub pa ji lta bzhin rab rgyas yangs pa'i spyan ni ya mtshan dang bcas pas zab pa dang ni brtan pa'i tshig rnams smras pa'o BCt_1.54 chos 'dod gtong ba dang ldan 'gron la sdug cing phangs bdag nyid chen po khyed la 'thad pa 'di yin la sems dpa' rjes 'gro ye shes lang tsho rjes mthun pa khyod kyi blo gros gnyen gang de ltar bdag la yin BCt_1.55 de dang de ni gang gis mi skyong drang srong des phra mo'i chos kyi nor rnams rab tu thob byas nas rtag par cho ga bzhin du mchod sbyin byas gyur pa dka' thub rnams kyis phyug cing nor rnams dag gis dbul BCt_1.56 bdag gi nye bar 'ongs la dgos pa gang yin pa bdag gi de ni gson mdzod dga' bar nyer song khyed byang chub rtogs pa'i ched du khyod kyi sras bltams zhes lha yi ngag dag bdag gis nyi ma'i lam du thos BCt_1.57 ngag de thos nas dang ni yid la bsgoms nas dang mtshan ma rnams kyis shes nas de nas nye bar 'ongs brgya byin gyi ni rgyal mtshan yang dag bsgrengs pa bzhin shākya'i rigs kyi rgyal mtshan blta bar 'dod pa yis BCt_1.58 zhes pa'i tshig 'di de ltar thos par gyur nas ni mi dbang rab tu dga' bas kun nas g.yos gyur te yum gyi pang du son las gzhon nu blangs nas ni dka' thub nor can la ni yang dag bstan par gyur BCt_1.59 de nas drang srong che des zhabs la 'khor los mtshan phyag dang zhabs kyi sor mo dra bas 'brel ba dang glang po bzhin du mdoms nub smin ma mdzod spur bcas ya mtshan dang bcas rgyal po'i sras ni mthong bar gyur BCt_1.60 lha mo'i pang na zhugs pa me yi bu bzhin du ma ma'i pang na zhugs pa mngon par mthong nas ni byung gyur rdzi ma'i mtha' ru mchi ma rnam byung ste dbugs med gyur nas gyen du lta la zhal phyogs gyur BCt_1.61 mig dag mchi mas yongs gang dkar min mthong nas ni bu la brtse ba'i phyir ni mi skyong 'dar gyur te mchi ma dang ni gre ba kha zhing ldab ldib bcas thal mo sbyar zhing yan lag btud de dris par gyur BCt_1.62 gang gi lus ni lha las bar na cung zad cig gang gi skye ba ngo mtshar mang po'i sgron ma ste gang gi don ni mchog tu 'gyur bar smra ba ste rab tu mthong nas brtan pa gang phyir mchi ma 'ong BCt_1.63 bcom ldan gzhon nu brtan pa'i tshe can yin snyam mam bdag gi mya ngan ched du skyes pa min nam ci bdag la chu yi snyim pa ci zhig ltar rnyed de 'di ni dus kyis 'thung phyir nye bar 'ongs ma yin BCt_1.64 bdag gi snyan grags gter ni mi zad yin snyam mam nges par bdag gi rigs kyi lag nor yin snyam ci nges par pha rol tu ni rab tu 'gro snyam mam gnyid par gyur kyang bu ni phye ba'i mig gcig yod BCt_1.65 bdag gi rigs kyi myu gu skyes pa ma rgyas par yongs su skams pa'i skal ba can zhig min snyam mam khyab bdag myur bar gsungs shig bdag la zhi ba med gnyen 'dun rnams kyi bu la brtse ba khyed kyis rig BCt_1.66 de ltar mi 'dod blo yis 'khrul ba byung gyur pa rig nas mi dbang rgyal la thub pa des smras pa bdag gis smras pa gang de the tshom med pa de mi skyong khyed kyi blo gros gzhan gang ma gyur cig BCt_1.67 'di yi gzhan gyur mtshon min bdag gi rnam 'gyur te 'on kyang rang la slu bar rab mtshon rnam par 'khrugs skye ba zad pa'i rnyed par sla min rtogs pa po 'di skyes bdag gi 'gro ba la ni dus yin no BCt_1.68 rgyal srid rnam par spangs nas yul rnams la mi gnas 'bad pa drag po rnams kyis de nyid thob byas nas 'di ni 'gro la gti mug mun pa rnam 'joms phyir ye shes rang bzhin nyi ma rab tu 'bar bar 'gyur BCt_1.69 sdug bsngal rgya mtsho nad rnam bkram pa'i dbu ba can rga ba'i dba' rlabs 'chi ba'i shugs ni drag po las 'gro ba nyam thag bying bar gyur rnams 'di yis ni ye shes gru bo chen po yis ni sgrol bar byed BCt_1.70 shes rab chu yi shugs la brtan pa'i tshul khrims ngogs ting nge 'dzin ni bsil ba'i brtul zhugs ngang pa 'phyo 'di yi mchog gi chos kyi chu bo rab bskor la sred pas nyam thag gson pa'i 'jig rten 'thung bar byed BCt_1.71 sdug bsngal gyis nyam thag dang yul gyis bsgribs rnams dang 'khor ba'i 'brog dgon 'jigs par gnas pa rnams la ni lam rab chud zos rnams la lam 'gro rnams bzhin du 'dis ni rnam par dag pa'i lam dag 'chad par 'gyur BCt_1.72 yul gyi bung shing can gyi 'dod chags me yis ni 'jig rten skye bo rnam par bsregs par gyur ba la sos ka'i tha mar sprin chen gyis ni char bzhin du 'di yis chos kyi char gyis rab tu sim byed 'gyur BCt_1.73 sred pa'i sgo gtan ma rig mun pa'i sgo glegs can sgo la skye dgu rnams kyi 'thon pa'i rgyu las ni 'di yis mchog rab kun nas rnyed par dka' ba yi dam pa'i chos kyi sgras ni rnam par 'byed par 'gyur BCt_1.74 rang gi las kyi zhags pa rnams kyis yongs dkris shing sdug bsngal dag gis mngon par zil non rten med pa'i 'jig rten rnams kyi rdzogs pa'i byang chub brnyes nas kyang chos kyi rgyal po 'dis ni 'ching ba thar mdzad 'gyur BCt_1.75 rmongs sam 'dod pa'i bde ba yis sam rgyags las rung 'di yi mthar thug chos gang thos par mi byed pa mi yi 'jig rten 'dir de mya ngan bya ba'i gnas de phyir khyed nyid 'di la mya ngan ma byed cig BCt_1.76 yon tan rgya mtsho 'di las 'khrul gyur bdag gi ni bsam gtan rnams ni thob kyang don byas med nyid de de yi dam chos ma thos pa las kho bo ni mtho ris dag na gnas kyang phun tshogs med pa snyam BCt_1.77 de ltar don thos bshes dang bcas shing btsun mor bcas yid mi bde ba dor nas mi dbang dgar gyur la rnam pa de ltar bdag gi bu ni 'di'o zhes des ni bdag nyid la ni snying po ldan par bsams BCt_1.78 'phags pa'i chos rnams kyis kyang 'gro bar 'gyur ro zhes bsam pa'i rnam par gzung bya snying la byas gyur te nges par 'di ni mi sdug chos kyi phyogs min la rigs rgyud nyams pa las ni 'on kyang 'jigs pa mthong BCt_1.79 de nas bu la rnam par 'khrugs pa'i rgyal po la bu yi nges pa'i de nyid rig par byas nas su gus bcas gyen du gzugs mthong dkar min thub pa ni rlung gi lam gyis ji ltar 'ongs par gshegs par gyur BCt_1.80 blo gros byas pa'i sring mo'i bu yang mthong nas ni thub pa'i gsung mnyan pa dang de yi lugs la ni rnam mang rjes su brtse ba yis ni legs pa des sdug pa'i bu bzhin du ni sbyor ba byed du bcug BCt_1.81 sras po skyes pas tshim pa'i mi yi bdag po yang yul la song ba'i 'ching ba rnams ni rnam spangs te sras kyi yid 'ong sras po bltams pa'i las dag ni rigs dang 'dra bar ji lta ba bzhin byed du bcug BCt_1.82 zhag bcu yongs su 'das par gyur pa nyid kyi tshe mchog gi dga' ba rab ldan snyoms par gyur pa'i yid sras las mchog tu 'gyur phyir lha yi mchod pa ni bzlas brjod dang ni sbyin sreg bkra shis la sogs byas BCt_1.83 gzhan yang brgya dang stong phrag yongs su gang ba'i grangs brtan dang stobs ldan bu rnams gser gyu rwar bcas shing rgas pa nye bar 'ongs min 'o ma ldan pa'i ba rang gi sras 'phel phyir na gnyis skyes rnams la byin BCt_1.84 de nas snyoms pa'i bdag nyid kyis ni rnam mang yul rang sems tshim par byed pa'i bya ba rnams byas nas yon tan ldan zhing dge ba'i yud tsam nges pa na grong khyer rab tu 'jug la dga' bas blo gros mdzad BCt_1.85 de nas mche gnyis mche ba las byung rin thang che dkar po dkar po'i me tog gis spras nor bu'i sgron khri la dge ba'i phyir ni lha mo sras ldan ma lha rnams la ni rab tu btud nas bsnyen par gyur BCt_1.86 de nas gnas brtan skye mo rjes 'brang sras mgon ma bdag po ldan ma grong la mdun du rab zhugs nas mchod ldan lha na lha rnams kyis ni brgya byin bzhin mi bdag nyid kyang grong pa'i tshogs kyis gshegs par gyur BCt_1.87 de nas gdong drug skyes pas yid ches dbang phyug bzhin shākya'i rgyal pos grong khyer rnam par khyab mdzad de zhal ni dga' bas rab gang 'di dang 'di zhes pa'i srid 'phel rgyas pa dang ni grags dang snyan pa mdzad BCt_1.88 de nas mi yi bdag po'i sras bltams cher skyes pas ser skya zhes pa'i grong khyer ljongs dang bcas pa de gnod sbyin grong ni phun tshogs 'dod pa skyes pa na lha yi bu mo rnams kyis bkram bzhin dga' bar gyur BCt_1.89 | sangs rgyas kyi spyod pa zhes bya ba'i snyan dngags chen po las | gzhon nu sku bltams pa'i le'u ste dang po'o || skye dang rga ba mthar song bdag skyes bdag pham de'i skyes pa nas brtsams mi nyin nyi mas rgyal po de chu yi shugs rnams kyis ni chu bo sin dhu bzhin nor dang glang po rta dang bshes rnams 'phel bar gyur BCt_2.1 nor rnams dang ni rin po che dang bzang po'i gser de dang de ni byas dang ma byas pa nyid kyang yid la re ba yi rang bzhin du khur gyur pa de la gcig tu phan pa'i cha shas gter rnyed gyur BCt_2.2 gang zhig padma dang mtshungs gnyis 'thung rnams kyis kyang dkyil 'khor 'di la nye bar 'ong bar mi nus pa'i gangs dang ldan pa'i glang chen chang gis dregs de rnams 'bad pa las kyang gzhan du de la nye bar gnas BCt_2.3 sna tshogs mtshan mas mtshan zhing gsar ba'i gser sga dang de bzhin gzhan rnams dag gis brgyan byas rngog ma 'phyang stobs dang byams pa dang ni nor gyis thob pa yi 'di yi mgyogs 'gro rnams kyis grong khyer phye mar byas BCt_2.4 de bzhin 'di yi yul 'khor du ni tshim dang rgyas legs ma rdul ldan yon tan ldan pa'o mar ldan rab mchog be'u rnams dang bcas pa'i ba rnams ni 'o ma mang po 'jo ba mang po byung bar gyur BCt_2.5 'di yi dgra bo dbus gnas nyid du song gyur pa dbus gnas gyur pa mdza' bshes nyid du rab tu song khyad par du ni bshes gnyen brtan por song ba ste 'di yi phyogs dag gnyis te dgra yang yod ma yin BCt_2.6 de bzhin du ni 'di yi 'jam rlung 'brug gi sgra glog gi 'phreng ba 'khyil ba yis ni brgyan pa'i sprin rdo char dang ni thog lhung nyes pa rnams kyis gzhan yul du dus la lha yis char pa phab par gyur BCt_2.7 zhing gi las kyi ngal dub byed pa nyung ngus kyang 'bru ni 'bras bu ldan pa dus sbyor bzhin skyes te de rnams nyid kyang 'di yi sman du byung gyur la bcud dang snying po yis kyang mngon par lhag pa nyid BCt_2.8 g.yul du rab tu zhugs la kun tu 'joms pa bzhin lus la the tshom za bar byed pa'i dus na yang rab bzhin gnas shing bde ba nyid du nad med par dus kyi dbang gis mi mo rnams ni rab tu btsas BCt_2.9 brtul zhugs ldan rnams ma gtogs nor rdzas dman na yang mi rnams pha rol rnams las don du gnyer mi byed mngon par don du gnyer la 'phags pa nor 'phra yang de tshe 'ga' zhig dag ni rgyab kyis phyogs ma gyur BCt_2.10 de tshe rgyal po de yi rgyal srid la ni 'ga' gnyen la zhe sa med min mi ster ba yang med brtul zhugs med pa nyid min rdzun med 'tshe med pa sgra mi bsgrags kyi sras po lta bu byung bar gyur BCt_2.11 der yang skyed mos tshal dang lha gnas dka' thub gnas khron pa rdzing dang dge bcu 'du ba'i gnas rnams kyi bya ba rnams ni mtho ris bzhin du nyer thob nas chos 'dod rnams kyis mngon sum du ni rab tu mdzad BCt_2.12 mu ge dang ni 'jigs dang nad rnams las grol zhing dgar gyur skye bo mtho ris bzhin du mngon par dga' bdag pos bdag mo la 'am mo yis bdag por rung phan tshun log par mngon par spyod pa dag kyang med BCt_2.13 dga' ba'i ched du 'dod la 'ga' zhig gis ma bsnyen 'dod pa'i don du nor ni 'ga' zhig gis ma bsrungs nor gyi don du chos la 'ga' zhig gis ma spyad chos kyi ched du tshe ba 'ga' zhig gis ma byas BCt_2.14 rkun po sogs dang dgra yang nyams par rang gnas te pha rol mya ngan med pa ji lta ba nyid bzhin rang gi 'khor lo pha rol 'khor lo las grol te rgyal po de la bde dang lo legs byung bar gyur BCt_2.15 de yi tshe na rgyal po de yi rgyal srid la de skyes pa na nyi ma'i sras po'i yid shes bzhin dga' bar spyad par gyur la sdig pa rab nyams shing chos rnams 'bar zhing nyon mongs rnams ni zhi bar gyur BCt_2.16 gang phyir rnam pa de ltar don kun grub pa dang rgyal po'i rigs kyi phun sum tshogs pa byung gyur te de phyir mi skyong gis ni sras po de yi mtshan don kun grub pa zhes bya 'di ni rab tu mdzad BCt_2.17 lha mo sgyu ma yang ni lha yi drang srong mtshungs bu yi nus mthu rnam par spangs pa mthong nas ni bltams la rab tu dga' mas bzod par ma nus te de nas gnas pa'i phyir du lhar ni gshegs par gyur BCt_2.18 de nas lha yi mngal dang mtshungs pa'i gzhon nu la byams pa'i rang bzhin gyis kyang khyad par med pa yi ma yi nu mo mdangs mnyam pa yi rang bzhin la yang dag skyed bcug bdag las skyes pa lta bur gyur BCt_2.19 de nas nyi ma gzhon nu 'char rir gnas 'dra dang rlung gis rab tu bud par gyur pa'i me bzhin dang skar ma'i bdag po mun min phyogs la gnas pa ltar gzhon nu de ni rim gyis yang dag 'phel bar gyur BCt_2.20 de nas ring thang chen po'i tsan dan rnams dang ni rin chen 'phreng ba sman gyi snying por bcas rnams dang ri dags rab tu sbyar ba'i gser gyi shing rta dang 'di yi ched du bshes kyi khyim rnams dag nas blangs BCt_2.21 lang tshe nyid dang rjes su mthun pa'i rgyan rnams dang gser gyi rang bzhin ri dags glang chen rta rnams dang gser dang dngul gyis bris pa'i mi chung gzugs rnams dang shing rta ba glang byung dus yang dag sbyar rnams blangs BCt_2.22 de ni lang tsho rjes mthun yul la nye spyod pa de rnams kyis ni yul la nyer spyad la dpal dang brtan pa yis dang blo dang dpal gyis kyang byis pa yin yang byis min rab mtshungs byung bar gyur BCt_2.23 lang tsho gzhon nu shin tu 'das nas yang dag par 'du byed las ni rab tu thob nas dus su ni lo mang dag gis rtogs bya nyin zhag nyung ngu yis rang dang rjes su mthun pa'i rig pa rnams ni blangs BCt_2.24 drang srong chen po dkar min las ni sngon rol du de yi nye legs don gyi skal ba thos nas ni nags su gshegs par 'gyur zhes shākya'i rgyal po yis 'dod pa rnams la chags pa bskyed du bcug par gyur BCt_2.25 brtan pa'i tshul khrims spyod pa spyan gyi rigs de las ngo tsha dang ni dul ba nyer ldan legs ldan ma grags 'dzin ma zhes grags pa rnam par yangs pa ma btsun mor mngon par brjod pa'i dpal mo 'di la blangs BCt_2.26 kun byed gzhon nu dang ni rab tu mtshungs pa yi mchog gi lus kyis snang zhing gsal ba de nyid ni shākya'i rgyal po'i mna' ma de dang thabs gcig tu bde sogs ma dang mig stong ldan bzhin mngon par dga' BCt_2.27 yid kyang skyod par byed la cung zhig rab log pa gang gis mthong mi 'gyur zhes rjes su bsams byas nas sa la rab tu spyod min lding khang lto nyid du gnas dag mi skyong gis ni de la rnam par bstan BCt_2.28 de nas gzhal med nam mkhar sa la spyod pa bzhin ston ka'i dus kyi chu ster sprin ni dkar po yi dus sbyor kun tu bde ba'i gzhi yi lding khang la bud med rnams kyi sil snyan rgya chen rnams kyis rnam par gshegs BCt_2.29 gser gyis bsdams pa'i rnga shing can gyi rdza rnga'i skad mi mo'i lag pa'i rtse mos mngon par brdungs pa yi lha mchog ma yi gar dang mnyam pa'i gar rnams kyis ti se'i gangs ltar de yi pho brang mdzes par gyur BCt_2.30 ngag dang bzo dang rol dang rnam 'gyur rnams kyis kyang rgyags dang rtse dang rgod pa dngar mo rnams kyis dang smin ma bskyod pa yis dang phyed mig lta rnams kyis de la der ni mi mo rnams ni dga' bar gyur BCt_2.31 de nas de ni 'dod pa rten par mkhas pa yis dga' bas dregs pa'i bud med rnams kyis bzung gyur la gzhal med khang gi rgyab nas bsod nams las can bzhin gzhal med khang gi rgyab nas sa la ma gshegs so BCt_2.32 mi skyong gis kyang de nyid bskyed pa'i ched las ni de yi 'byung bar 'gyur ba'i don gyis bskul gyur te sdig pa las ni dga' bral zhi la mngon dga' zhing legs la skal bar bgos shing dul la bsnyen par gyur BCt_2.33 brtan min bzhin du 'dod pa'i bde la ma zhen la ma rungs bskyed ma la ni yang dag chags ma gyur brtan pas dbang po'i rta ni stabs las rnam thul zhing gzhen dang grong khyer pa rnams yon tan rnams kyis rgyal BCt_2.34 gzhan gyi sdug bsngal phir ni rig pa ma brjod la ye shes dge ba gang yang de la lhag par brjod des ni rang gi skye dgu rnams la ji lta bar de ltar skye dgu rnams la dge ba'i bsngags pa mdzad BCt_2.35 skar ma rgyal snang shes ldan sras po lhag pa'i lha ji lta bar ni de yi tshe ring phyir mchod de chung min me la bsreg bya rnams ni bsregs gyur la gnyis skyes rnams la gser dang ba lang rnams kyang byin BCt_2.36 'gram stegs chab rnams kyis dang yon tan chab rnams kyis gtsang sbra'i ched du lus dang yid la khrus byas te rig byed du ni nye bar bstan pa'i chang rnams dang zhi ba bdag skyes snying la zhi ba'i bde la 'thungs BCt_2.37 gang zhig don dang mi ldan zhi ba ma smras la gang zhig dga' ba dang bral de nyid ma brjod de zhi ba de nyid med dang rtsub pa'i de nyid phyir ngo tsha ba yis bdag nyid kho na brjod ma nus BCt_2.38 don ldan 'dod pa rnams dang mi 'dod pa rnams la chags pa'i skyon la brten nas rab tu 'thob min te dge ba'i tha snyad gtsang ma la ni bsnyen gyur la mchod sbyin la yang ma mos de ltar ji lta bzhin BCt_2.39 sred pa dang ldan mngon par 'ongs la de ma thag sbyin bya chu 'dra rnams kyis skom pa bcad gyur la g.yul las ma gtogs ye shes kyi ni sta ri yis dgra bo rnams kyi nga rgyal chen po bcom par gyur BCt_2.40 bcig ni rnam par dul la des ni bdun bsrungs shing bdun po nyid ni dor la lnga po dag ni bsrungs sde tshan gsum po thob la sde tshan gsum rtogs shing sde tshan gnyis po shes la sde tshan gnyis po spangs BCt_2.41 nyes pa byas kyang rab tu bskyabs nas gzhom bya la 'tshe bar mi byed khro bas kyang ni gzigs ma yin de rnams dag la 'bras bu zhi bas bcings gyur la de rnams dag ni 'dor ba tshul ma yin phyir mthong BCt_2.42 drang srong rnams kyi mchog gi brtul zhugs spyad gyur la yun ring yang dag bzung ba'i sha 'khon zhugs rnams dor yon tan dri ldan snyan dag rnams ni thob gyur la dri ma can du byed pa'i rdul rnams rnam par dor BCt_2.43 rab tu mi gnas gtor ma'i dpya ni ma blangs la pha rol dngos po rnams la mngon par rlom ma byas dgra rnams la ni chos ma yin pa ma smras la khro bo rnams ni snying gis bzung ba ma yin no BCt_2.44 zhi ba'i bdag nyid sems ni rnam par rab dad la rnal 'byor rab tu ldan pa'i dbang po rnams ci ltar der ni de ltar sa bdag rab tu sgyur ba can 'bangs dang grong khyer pa rnams de lta nyid du byas BCt_2.45 de nas mdzes ma'i 'o ma 'dzin pa dang ldan ma grags 'dzin ma ni rang gi grags pa 'dzin ma la zas gtsang sras po'i sras po sgra gcan dgra yi zhal sgra gcan 'dzin zhes bya ba dus su skyes par gyur BCt_2.46 de nas 'dod pa'i bu mnga' mchog gis yid ches te rigs brgyud 'phel ba rab mtshon sa skyong rgyal po ni ji lta nyid du sras po rab tu skyes la dga' de lta nyid du sras po'i sras po skyes la dga' BCt_2.47 bdag gi bu yi bur gyur pa la brtse ba ni bdag bzhin gang las yin zhes dga' ba skyes gyur te dus su des ni cha ga de dang de dmigs shing bu la dga' ba mtho ris bzhin du 'dzegs par gyur BCt_2.48 rgyal po'i khyu mchog grags dang snyan pas mtshan rnams kyi dang po'i bskal ba rnams kyi lam la gnas nas ni dkar po ma dor dka' thub rnams la dka' thub dang 'tshe ba dor ba'i mchod sbyin rnams kyis mchod par gyur BCt_2.49 rgyal po'i dpal gyis dang ni dka' thub dpal gyis kyang bsod nams las can de ni de nas 'bar gyur la rigs dang blo dang mdzad spyod kyis kyang gsal ba ste gzi brjid stong gi 'od zer bzhin du rab tu 'phro BCt_2.50 rang byung las byung mchod byed sngags ni mchod byas nas sras gnas ched du brtan pa'i dpal gyis bzlas byas shing dka' thub byed pa'i las rnams byas gyur skye dgu rnams skyed 'dod skye dgu'i bdag bzhin dang po'i dus su'o BCt_2.51 mtshon cha spangs shing bstan bcos rnam par shes gyur la nye bar zhi la bsnyen zhing nges la rnam par bzod dbang ldan bzhin du yul rnams gang la ma bsnyen la yab mes bzhin du yul rnams kun la gzigs par gyur BCt_2.52 des kyang bu yi ched du rgyal srid bzung gyur la bu ni rigs kyi don du rigs ni grags pa'i phyir grags pa mtho ris ched du mtho ris bdag nyid phyir chos kyi don du bdag nyid gnas la 'dod par gyur BCt_2.53 de ltar des ni dam pa rnams kyis nges thob pa'i thos pa las grub chos ni rnam pa sna tshogs byas gang las bdag gi bus ni bu yi ngo mthong nas nags tshal nyid du 'gro mi 'gyur zhes mgon bslangs so BCt_2.54 bdag la yang dag gnas pa'i dpal ni bsrung 'dod pa'i sa skyong rnams kyis sa la bu ni bsrung ba ste chos ni 'dod pa'i mi yi dbang po de yis kyang yul rnams 'dor ba med par bu ni chos las bsrungs BCt_2.55 byang chub sems dpa' yul la bde ba'i ro shes thams cad kyang srags bskyed pa na dpe med sems dpa' nags su gshegs gyur te de phyir nye bar bsags pa'i las ni rtsa nas bskyed pa'i phyir de ni zhi ba ma thob de srid dga' ba bsnyen par gyur BCt_2.56 | sangs rgyas kyi spyod pa zhes bya ba'i snyan dngags chen po las | btsun mo'i 'khor na gnas pa'i le'u ste gnyis pa'o || de nas re zhig dus nas 'jam po'i rtswa rnams dang khu byug pho ni gyen du skad 'don rkang 'thung rnams glu rnams dang ni nges ldan skyed mos tshal rnams ni padma'i 'byung gnas kyis brgyan des ni thos par gyur BCt_3.1 de nas bud med skye bo rnams ni dga' ba yi grong khyer skyed mos tshal gyi yid 'ong dngos thos te khyim gi nang du mngon par bkag pa'i klu bzhin du phyi rol rab tu 'gro ba'i ched du blo mdzad do BCt_3.2 de nas sras su mngon brjod yid 'ong de yi ni dgongs pa mi skyong gis ni nges par thos gyur nas brtse ba'i phun sum tshogs pas lang tshor 'ongs pa ru ltad mo dag la rnam par gshegs par bka' stsal to BCt_3.3 gzhon nu shin tu gzhon nu'i sems dang ldan pa ni yang dag skyo ba'i sems su ma gyur zhes sems shing nyam thag tha dad skye bo kun nas 'dus pa ni rgyal po'i lam du phyir la rnam par bzlog pa ste BCt_3.4 nying lag dman pa rnams dang dbang po ma tshang rnams 'khogs pa nad pa la sogs bkren rnams phyogs rnams su de nas mchog tu zhi bas yang dag rab bton nas rgyal po'i lam rnams dag ni mchog tu mdzes par byas BCt_3.5 de nas dpal ldan rgyal po'i lam ni byas pa na dpal ldan rnam par dul ba rjes 'brang gzhon nu ni gzhal yas khang pa'i logs nas dus su mngon babs nas mngon par rjes gnang byas pa mi skyong la mngon gshegs BCt_3.6 de nas mi dbang bu la mchi ma byung gyur te mgo la nye bar bsnoms te yun ring rnam gzigs nas song zhig ces ni tshig gi bka' dag bstsal gyur la brtse ba dag las de ni yid kyis ma btang ngo BCt_3.7 de nas de ni 'dzam bu chu gser sga 'dzin pa'i legs par bslabs pa'i mgyogs 'gro ba'i yis sbyar ba yi dbang po ma nyams mkhas shing gcang la 'od zer 'chang gser gyi rang bzhin shing rta la ni yang dag 'dzegs BCt_3.8 de nas 'bras spos me tog 'bar ba rab bkram zhing phreng ba rnam dpyangs rab tu g.yo ba'i ba dan can zla ba skar ma dang bcas bar snang la bzhin du 'brang ba rjes 'brang lam ni rab tu thob par gyur BCt_3.9 ya mtshan gyur las rab tu rgyas pa'i mig rnams ni u-tpal sngon po'i phyed 'dra rnams kyis bkram pa ni rgyal po'i lam la dal bu dal bus gshegs gyur te grong khyer skye bo rnams kyis kun nas mngon par dga' BCt_3.10 kha cig de la zhi ba'i yon tan gyis bstod la de bzhin gzhan rnams gsal ba nyid kyis phyag 'tshal zhing kha cig dag ni 'di la mngon du phyogs nas kyang dpal dang tshe yi rnam par rgyas la shis pa brjod BCt_3.11 zhar ba sgur po nang pa mi'u thung rnams kyi tshogs pa rnams ni rigs chen rnams las nges bral nas mi mo rnams ni nges par zhugs gnas phra rnams las lha yi rjes 'gro rgyal mtshan bzhin du rab tu btud BCt_3.12 de nas gzhon nu nges par gshegs shes gtam dag ni bsgo bya skye las bud med rnams kyis thos gyur nas bkur 'os skye bos mngon par rjes gnang byas pa rnams blta bar 'dod pas lding khang shong du song bar gyur BCt_3.13 yon tan ska rags brul zhing gegs byas de rnams ni gnyid log rab tu sad pas lta byed 'khrugs pa rnams gnas lugs gtam gyis rnam par brgyan rnams rnam bzhag ste ya mtshan gyur pas dogs med par ni yongs su song BCt_3.14 gzhal yas khang gi skad kyi 'og gi sgra rnams dang dril chung sgra rnams dang ni gdu bu'i sgra rnams kyis rnam par skrag gyur khyim gyi bya ba'i tshogs rnams ni phan tshun shugs rnams las kyang yang dag kun nas gtor BCt_3.15 gang zhig 'dir ni yan lag rab mchog ma rnams ni myur ba rab tu skyes gyur tsam tsom skyes rnams kyi 'o ma 'dzin rnams rgyas shing skyed smad shing rta ni yangs pa rnams kyis lci ba nyid phyir 'gro ba bzung BCt_3.16 mtha' gcig legs par rab tu sbyar ba'i rgyan rnams ni rnam par sbas pa rnam par gsal bas ngo tsha bas skyen por 'gro ba nus pa yin yang gzhan mo yis 'gro ba nges par bzung ste myur min song bar gyur BCt_3.17 phan tshun rab tu bcer bas ril por gyur pa rnams yang dag drud las bskyod gyur rna lung 'khyil ba can de dag rnams kyi de tshe sgra bcas rgyan rnams ni rlung bgrod skar khung rnams su rab tu zhi bar gyur BCt_3.18 rlung bgrod skar khung rnams las rnam par 'thon pa rnams phan tshun thang chod gyur pa'i lung rna 'khyil ba rnams bud med rnams kyi 'dam skyes 'dra ba'i 'dam skyes zhal lding khang rnams su bkod pa rnams ni rnam par mdzes BCt_3.19 de nas khang bzangs lang tsho ma rnams kyis khyab cing ya mtshan las ni rab phye skar khung rnams kyis ni lha mo dang bcas gzhal med rnams kyis nam mkha' bzhin dpal dang ldan pa'i grong khyer kun nas mdzes par gyur BCt_3.20 skar khung rnams kyi rnam par spangs pa ma yin las phan tshun 'gram par bkod pa'i rna lung can rnams kyi 'dam skyes padma rnams kyi tshogs rnams bcings pa bzhin rab myos mchog ma rnams kyi zhal ni mdzes par gyur BCt_3.21 gzhon nu de la lam du rnam par lta ba yi bud med de rnams sa la 'gro 'dod ltar mdzes shing gyen du gdong phyogs de la rab tu blta ba yi mi rnams gnam la 'gro bar 'dod bzhin mdzes par gyur BCt_3.22 lus dang dpal gyis mchog tu 'bar bar gyur pa yi rgyal po'i sras de mthong nas bud med de rnams ni nges par dgongs par gzhan min bsam pa dag pa yis 'di yi chung ma skal ba bzang zhes dal bus smras BCt_3.23 gzugs kyis dngos su me tog tog can dang mtshungs shing rnam par ring zhing rgyas pa'i dpung pa can 'di ni dpal nyid dor nas chos la nye bar gshegs shes te de la de dag rnams kyis zhe sa kho na byas BCt_3.24 rnam par dul la gtsang zhing brtan pa'i cha lugs can grong pa rnams kyis de ltar rgyal po'i lam khyab pa de ni sngon du gzhon nus mthong nas dga' ba ste bdag gi srid pa gzhan ma cung zhig brtags pa 'dra BCt_3.25 grong khyer de yang mtho ris bzhin du rab dga' ba mngon par gzigs nas gtsang mar gnas pa'i lha rnams kyis sa gzhi skyong ba'i sras po yang dag bskul don du 'khogs pa'i mi rgan rab tu 'gro bar sprul gyur to BCt_3.26 de nas gzhon nu yis ni rga bas zil non zhing mi rnams las ni tha dad dbyibs can de gzigs nas g.yo ba mang cing de nyid du ni zhugs pa'i spyan chags par gyur cing kha lo 'dzin pa la smras so BCt_3.27 mngon par nyer 'ong mi de su yin 'dren pa kye skra rnams dkar zhing dbyug pa la ni lag pas brten smin mas kun nas mig g.yogs 'khogs shing yan lag dud rnam 'gyur 'di ni tha mal gang 'dod yin nam ci BCt_3.28 de skad ces smras shing rta rab tu 'dren pa po lha mchog de rnams nyid kyis blo ni rmongs byas shing don ni bsrung bya yin yang skyon med mthong gyur te de yis sa skyong bdag nyid skyes la nges par gsol BCt_3.29 gzugs kyi gnod byed stobs kyi rnam par za ba po dga' ba rnams kyi 'joms byed mya ngan rnams kyi sa dran pa rnams kyi nyams byed dbang po rnams kyi dgra 'di ni rgas pa zhes bya gang gis 'di bcom mo BCt_3.30 'dis kyang byis pa nyid na 'o ma 'thungs gyur cing dus kyis sa la yongs su gnyid log gyur pa ste rim gyis lus rab ldan pa'i lang tsho gyur nas kyang rim gyis de nyid kho na rga bar nye bar song BCt_3.31 de skad ces smras rgyal po'i bdag nyid skyes pa de cung zhig 'dar zhing kha lo sgyur la 'di skad smras skyon 'di kho bo la yang 'byung ba yin 'am ci de bzhin 'di la kha lo sgyur ba yis gsol to BCt_3.32 'di ni na tshod rab mchog tshe dang ldan pa'i yang gnod mi za bar dus kyi dbang gis 'byung bar 'gyur de bzhin rgas pa gzugs kyi rnam par nyams pa por 'jig rten pa yis shes pa nyid dang mthong ba nyid BCt_3.33 de nas sngon gyi bsam pa dag pa'i blo mnga' ba rnam rgyas bskal par bsags pa'i bsod nams las can de rdo rje chen po'i sgra la nye bar ba lang bzhin rgas pa thos nas gzhon nu kun nas yi mug gyur BCt_3.34 dbugs ni ring du brgyas nas rang gi mgo bsgul zhing 'khogs pa de la spyan ni rnam par zhugs nas su dga' ba dang bcas skye ba de rnams gzigs gyur nas sems ni khong du chud pa de yis tshig 'di smras BCt_3.35 dran pa dang ni gzugs dang pha rol gnon pa yang de ltar rgas pas rnam dpyod med par 'joms pa ste 'di lta bur ni mngon sum nyid du mthong na yang 'jig rten pa dag skyo med nyer 'gro kho na'o BCt_3.36 de ltar song na 'dren pa rta rnams phyir bzlog la khyod ni khyim nyid du ni skyen par rab tu song rgas pa'i 'jigs pa'i sems su gnas pa kho bo la skyed mos tshal gyi sa la bde ba ga la yod BCt_3.37 de nas rgyal po'i sras po de yi bka' lung gis kha lo sgyur bas shing rta phyir la zlogs par gyur de nas gzhon nus pho brang de nyid kho nar ni bsam pa'i dbang gis stong pa bzhin du rab tu thob BCt_3.38 gang gi tshe na der yang bde ba ma rnyed de rgas pa rgas pa zhes ni rab tu yongs su rtogs de nas mi dbang gis ni rjes gnang de ni slar rim gyis de nyid kho nas phyi rol gshegs par gyur BCt_3.39 de nas gzhan yang lus la nad dang yongs ldan pa lha mchog de rnams nyid kyis bskyed cing sprul ba'i mi zas gtsang rgyal po'i sras pa spyan der song nyid kyis gzigs nas kha lo sgyur ba de nyid la smras pa BCt_3.40 gsus pa sbom zhing dbugs dag skyod pa'i lus po can lag pa cha shas zha zhing rid la skya bo'i lus a ma zhes ni snying rje'i ngag dag smra ba po gzhan la brten nas gnas pa'i mi de su zhig yin BCt_3.41 de nas kha lo sgyur bas smras pa zhi ba kye 'di yi 'khams ni rab 'khrugs rab stobs rab tu 'phel nad ces bya ba mngon brjod shin tu don med chen po ste nus kyang gang gis de ni rang dbang med par byas BCt_3.42 rjes su brtse bcas mi ni de la gzigs bzhin du rgyal po'i sras des slar yang 'di skad ces smras pa skyes gyur skyon de so sor 'di nyid kho na'i 'am nad kyi 'jigs pa skye dgu rnams kyi spyi la yin BCt_3.43 de nas shing rta rab tu 'dren pa des smras pa gzhon nu nyes pa de ni thun mong gyur pa ste de ltar nad rnams dag gis yongs su bcer ba ni nad mthar phyin na 'jig rten dga' bar nye bar gshegs BCt_3.44 de ltar don thos sems ni khong du chud pa de chu rlabs nang song ri bong can bzhin rab 'dar zhing brtse ba thugs rje mnga' bas gsung ngag tshig 'di ni cung zhig dngar ba'i dbyangs kyis rab tu smras pa'o BCt_3.45 skye dgu rnams la rnam par zhen pa'i nad 'di ni 'jig rten pa dag rang bzhin gnas shing blo gtad byed mi shes rnam par rgya chen e ma mi rnams kyi gang zhig nad las rnam par grol rnams bzhad gang byed BCt_3.46 'dren pa phyi rol rab tu 'gro las phyir log la mi dbang pho brang nyid du shing rta rab tu song bdag gi nad kyi 'jigs pa thos nas dga' ba las sems ni 'khums pa bzhin du rab tu bcom par gyur BCt_3.47 [.. .. .. .. .. .. .. .. .. .. .. ] [.. .. .. .. .. .. .. .. .. .. .. ] de ltar lan gnyis phyir log de ni rab gzigs nas sa yi bdag po yis kyang yongs su gros byas so BCt_3.48 de yi phyir log nges pa'i mtshan ma thos gyur nas bdag cag rnams ni 'di yis yang dag 'dor snyam ste lam rnams gtsang mar lhag par byed pa po rnams la khros shing 'khrugs kyang chad pa drag pos gcod pa med BCt_3.49 slar yang sras po de la khyad par 'phags pa dang ldan pa'i yul la rab tu spyod pa rnams mdzad cing dbang po g.yo ba nyid kyi phyir yang chags bsnyams te bdag cag rnam par mi 'dor zhes ni mgon bslangs so BCt_3.50 gang gi tshe na sgra sogs dbang po'i don rnams kyis sras po 'di la pho brang 'khor na dga' ba med de nas ro gzhan ro la gyur cig ces sems shing phyi rol ltad mo la ni rnam par bka' stsal to BCt_3.51 brtse ba las ni sras po'i dgongs pa rtogs nas su de la chags pa'i skyon rnams 'ga' zhig ma bsams nas skyu rtsal rnams la mngon par shes shes re ma'i gtso 'dzangs ma rnams la de na yang dag bka' stsal to BCt_3.52 de nas khyad par du yang mi yi dbang po'i lam legs par brgyan byas nyid dang yongs su brtags pa la 'dren pa dang ni shing rta brjes nas rgyal po yis gzhon nu phyi rol du ni rab tu gshegs su bcug BCt_3.53 de nas de ltar rgyal po'i bu ni gshegs pa na lha mchog de rnams nyid kyis rnam par sprul ba yi srog song shi ba'i ro de lam du btegs pa ni 'dren pa dang ni gzhon nus mthong ste gzhan gyis min BCt_3.54 de nas 'dren la rgyal po'i sras po des smras pa zhan zhing sdug pa'i mi rnams dag ni rjes 'brang zhing rgyan gyis brgyan pa yin yang kun nas ngu ba ste mi bzhi rnams kyis btegs pa pha gi su zhig yin BCt_3.55 de nas gtsang ba'i bdag nyid gtsang mar gnas pa yi lha rnams dag gis sems ni zil non 'dren pa po des ni brjod par bya ba min kyang don 'di ni don ldan dbang phyug la ni rab tu rnam par gsol BCt_3.56 blo dang dbang po srog gi yon tan dang bral zhing gnyid log ming bral rtswa dang shing du gyur pa ste brtson 'grus ldan pa rnams kyis bskyed nas bsrungs nas kyang sdug ma sdug pa rnams kyis spangs pa de ni su yin nam BCt_3.57 de ltar tshig ni rab tu 'dren pa las thos nas cung zhig kun nas bskyod nas de nyid la smras pa chos 'di nyid ni skye ba 'di nyid kyang gi 'am mthar gyur 'di 'dra skye dgu kun gyi yin nam ci BCt_3.58 de nas rab tu 'dren pas 'di nyid la gsol ba mthar gyur las 'di skye dgu rnams ni kun gyi ste dman dang 'bring dang bdag nyid chen po thams cad kyi 'jig rten dag ni nges par rnam par nyams par 'gyur BCt_3.59 de nas mi dbang sras po de ni brtan na yang 'chi ba thos nas de ma thag tu yi mug cing dpung pas shing rta'i shing gi rtse la rab 'khyud nas gdangs snyan dang ldan dbyangs kyis rab tu smras pa'o BCt_3.60 'di ni nges par skye dgu rnams kyi mthar thug ste 'jig rten pa dag 'jigs pa spangs shing bag med la mi rnams dag gi sems rnams sra ba snyam pa ste lam la gnas rnams de ltar rang bzhin nyid du gnas BCt_3.61 de phyir 'dren pa shing rta'i kha ni phyir bzlog dang bdag cag sa la rnam par rgyu ba'i yul dus min nyam thag dus su rnam par nyams pa shes nas ni sems dang bcas pa gang 'dra 'di na bag med yin BCt_3.62 mi bdag bdag skyes kyis ni de skad smras na yang de yis shing rta de ni phyir la ma bzlogs te khyad par ldan pa yin yang mi dbang bstan pa las padma'i tshogs bcas nags nyid du ni gshegs par gyur BCt_3.63 de nas me tog rgyas ldan gzhon nu'i rkang 'thung zhing yongs su skor zhing rab dka' mos pa'i khu byug can gzhal med khang ldan padma dang bcas mdzes pa'i rdzing dga' ba'i tshal 'dra dge ba'i nags de gzigs par gyur BCt_3.64 lha mchog mas bskor grong khyer rgyan byed bdag po'i gzhir brtul zhugs gsar ldan thub pa bgegs kyis 'jigs pa bzhin yan lag mchog ma'i tshogs khyab mi skyong bdag skyes sras de nas stobs las nags der shin tu spyan drangs so BCt_3.65 | sangs rgyas kyi spyod pa zhes bya ba'i snyan ngag chen po las | thugs skyo ba skyes pa'i le'u ste gsum pa'o || de nas skyed mos tshal de nas ya mtshan gyis ni mig g.yo rnams bud med rnams ni khyo thob bzhin mi skyong sras la mdun du 'ongs BCt_4.1 'ongs nas de la de rnams kyis ya mtshan rab rgyas spyan ma rnams padma'i mdzod 'dra'i phyag rnams kyis phyin las yang dag spyod pa byas BCt_4.2 g.yo med dga' ba rnam gsal ba'i spyan mig rnams kyis 'thung ba bzhin yid dkrug 'dod pas sems g.yengs rnams de la yongs su bskor nas gnas BCt_4.3 lhan skyes rgyan rnams kyis bzhin du mtshan ni mdzes rnams kyis brgyan pa 'dod lha lus dang ldan no zhes de la mo mi de rnams snyam BCt_4.4 zhi ba nyid phyir brtan nyid phyir gsar pa'i 'od zer zla ba ni sa la dngos su bab pa bzhin de la kha cig rnams kyis shes BCt_4.5 de yi lus kyis g.yengs de rnams nges bzung lus ni rnams 'gyur zhing phan tshun mig rnams kyis bsnun nas dal bus dbugs ni rnam par brgyus BCt_4.6 de ltar mi mo de rnams kyis de ni mig tsam gyis mthong nyid smra ba med cing dga' med par 'di yi mthu yis non par gyur BCt_4.7 de ltar de rnams rtsom bral zhing snying rjes rnam par 'khrugs mthong nas bram ze mdun na 'don gyi sras blo ldan 'char kas tshig smras so BCt_4.8 kun gyis sgyu rtsal kun shes shing dgongs pa len la mkhas pa rnams gzugs dang mdzangs dang ldan pa ste rang gi yon tan gtsor phyin no BCt_4.9 lus ngan gyi yang skyed tshal dang byang gi sgra mi snyan na yang yon tan 'di rnams kyis mdzes te nor 'dzin 'di na sngon nyid do BCt_4.10 chags bral rnams dang drang srong yang khyed cag rnams kyis g.yo nus shing lha mo rnams kyis shes pa yi lha rnams la yang len par ro | 4.11 dgongs pa shes dang rtse 'jo dang mdzangs dang gzugs ni phun tshogs pas bud med rnams kyi chags nus na skyes pa rnams kyi smros ci dgos BCt_4.12 rnam pa de ltar rab sbyar ba de yi rang gi spyod yul la rnam pa de ltar spyod pa 'di khyod kyi drang pos tshim ma gyur BCt_4.13 khyod kyi 'di ni ngo tsha bas mig 'khums bag ma gsar pa yi spyod pa dang mtshungs yang na ni ba blang skyong gi chung ma'i 'os BCt_4.14 gang yang 'di ni dpa' ba ste dpal gyi mthu las chen po yin bud med kyi yang gzi che ste de phyir 'di yang nges par bya BCt_4.15 sngon yang ka shi'i mdzes ma ni smad 'tshong ma yis drang srong che lha yis thub par dka' ba yang drang srong rgyas pa rkang pas brdungs BCt_4.16 mān thal gau tam dge slong ni smad 'tshong gtso mo byin ma yis dga' 'dod de yi don ched du sngon gyi tshe na ro rnams bton BCt_4.17 gau ta ma mun ring ming drang srong chen po tshe ring po kha dog dbyibs mchog ma yin pa'i bud med kyis ni tshim par byas BCt_4.18 drang srong rwa skyes thub pa mchog bud med yul la mi mkhas pa rnam pa sna tshogs thabs rnams kyis zhi mas de ltar blangs shing pham BCt_4.19 sna tshogs bshes gnyen drang srong che brtul zhugs chen po bstan pa yang lha mo mar bsrungs mas phrogs te lo bcu rnams la nyi mar shes BCt_4.20 drang srong de rnams de rnams sogs bud med kyis bsgyur blangs gyur na rol zhing lang tsho snga ma yi mi bdag sras po smos ci dgos BCt_4.21 de ltar gyur na yid ches shing 'di ni mi skyong rigs kyi dpal 'di las phyir phyogs ma yin pa ji ltar de ltar nan tan mdzod BCt_4.22 lang tsho ldan ma 'ga' zhig rnams mtshungs pa'i skye bo 'phrog pa ste mchog dang mchog min dag gi sems len pa gang de bud med rnams BCt_4.23 de ltar 'char ka'i tshig thos nas bud med de rnams phug pa bzhin gzhon nu len par rab mtshon te bdag nyid yang dag kun nas 'dzegs BCt_4.24 'jigs las 'jigs bzhin yan lag ma de rnams smin dang lta dang sgeg rgod dang rol dang 'gro ba yis kun nas bskyod pa'i spyod pa byas BCt_4.25 rgyal po'i bka' lung sbyar phir dang gzhon nu nyid kyang 'jam phyir dang rgyags pa yis ni myos pa'i phyir yid mi ches la myur bar dor BCt_4.26 glang mo'i tshogs dang thabs gcig tu glang po gangs can nags na ltar de nas mi mo'i skye bo yis gzhon nu bskor zhing nags na spyad BCt_4.27 rnam par mdzes pa'i skyed tshal na lha mos bskor ba'i nyi ma bzhin yid 'ong nags der gzhon nu de bud med rnams kyi mdun 'gro 'bar BCt_4.28 rnam par sgeg bcas gzhon nu ma rgyags pas ma g.yengs de rnams 'ga' sra zhing zlum rgyas lhan cig pa'i nu ma rnams kyis de la reg BCt_4.29 dpung pa las brul 'jam ring mnyen lag pa'i ljon shing stobs med ma kha cig bden min 'khrul ba ru byas nas de la stobs las khyud BCt_4.30 kha cig zangs mchu ma mchu can kha yis chang gi dri dag gi gcig po dben par stod cig ces 'di yi rna bar shab shib byed BCt_4.31 kha cig bka' lung stsol ba bzhin byug pa gsher mas rab smras te 'dir ni gus par gyis shig ces rgod dang 'khyud dang 'dod pas so BCt_4.32 kha cig gser gyi ska rags kyi cal col rnams kyis tsam tsom dang phra mo'i dar gyis gos gyon zhing 'di la ro smad ston cing bskor BCt_4.33 yang dag yang du myos pa'i sgyus gzhan ma dar sngon nyil ba de ska rags phan tshun sdud pa ni mtshan mo glog phred bzhin du mdzes BCt_4.34 tsu ta'i yal ga me tog rgyas bzung nas gzhan ni 'chang gyur la gser gyi bum par mtshungs pa yi 'o ma 'dzin pa ston par byed BCt_4.35 kha cig padma'i nags tshal nas 'ongs nas pad bcas padma'i spyan padma'i zhal gyi logs gnas shing padma'i dpal bzhin bsdad par gyur BCt_4.36 rang gnas de la bskul ba bzhin bslus par gyur ces mig rnams kyis kha cig mngon par 'dren bcas lags don ldan dngar ba'i glu chen no BCt_4.37 dge ba'i gdong gis gzhan mas ni smin ma'i gzhu ni rnam bkang ste bskor nas brtan dang rol pa yis 'di yi spyod la rjes 'dong byas BCt_4.38 rgyas zlum nu ldan kha cig ni rgod pas rna lung g.yos gyur cing khyod ni thob par gyur cig ces mthon po rnams kyis bzhad cing smras BCt_4.39 gzhan ni de bzhin 'gro 'dod pa me tog phreng ba'i bcing gyis bcings kha cig cong bcas dngar mo yi ngag gi zhags pa rnams kyis bzung BCt_4.40 so sor 'brel ba don gnyer 'ga' tsu ta'i snye ma bzung nas ni me tog 'di ni gang gi zhes rgyags par rnam par 'khrugs shing dris BCt_4.41 kha cig 'gros dang cha lugs ni skyes pa bzhin du byas nas ni sa 'dir rgyal bar gyur cig kye bud med kyis 'pham de la smras BCt_4.42 de nas g.yo ba'i mig can 'gas u-tpal sngon po snom byed cing cung zhig rgyags skad tshig rnams kyis mi skyong bdag skyes la smras so BCt_4.43 gzigs shig jo bo tsū ta'i shing me tog sbrang rtsi'i dris khyab la khu byug 'dir ni skad 'don pa gser gyi gur na bkag pa 'dra BCt_4.44 mya ngan med pa'i shing 'di gzigs 'dod pa can gyi mya ngan 'phel bung ba 'dir ni sgra grags pa me yis tshig pa yin pa 'dra BCt_4.45 tsu ta'i shing gis yang dag 'khyud gzigs shig ti la ka yi shing bud med lus ser chags pa yis skyes pa gos dkar gon pa 'dra BCt_4.46 rab rgyas ku ra ba ka gzigs ma zos pa yi smug rtsi 'od bud med rnams kyi sen 'od kyis rma phab gyur te dud pa 'dra BCt_4.47 gzhon nu mya ngan med 'di gzigs 'dab ma rnams kyis spras pa gang kho mo'i lag pa mdzes pa yis ngo tshar gyur te gnas pa 'dra BCt_4.48 rdzing bu gzigs shig 'gram skyes pa'i lcang ma rnams kyis rab tu bskor dkar po'i dar gyi gos gyon pa'i rab myos ma rnams nyal ba 'dra BCt_4.49 bud med rnams la bdag nyid che gzigs shig ngang pa chu 'di la rgyab nas bsgo bya'i bran bzhin du ngang mo rjes 'jug rjes su 'gro BCt_4.50 rab tu myos pa'i khu byug ni skad grag sgra ni gson mdzod cig khu byug gzhan ni mngon sum du kus 'debs brag ca'i sgra brnyan 'dra BCt_4.51 mkha' las rgyu ba rnams kyi yang rgyags pa dpyid kyis khyer te 'ongs bsam bya min sems skye bo ni shes rab can du rloms pa med BCt_4.52 de ltar dar la bab pa rnams yid dkrug 'dod pas sems dregs shing sna tshogs tshul ni de dang des gzhon nu la ni nye bar brtsams BCt_4.53 de ltar kun nas g.yengs na yang brtan pas dbang po dkris pa de 'chi bar bya zhes skyo byas shing dga' dang 'jigs pa med par gyur BCt_4.54 de rnams kyi ni gnas skabs de gzigs nas skyes mchog dam pa des mnyam la skyo dang brtan pa yi thugs kyis bsams par gyur pa'o BCt_4.55 ci zhig bud med 'di rnams ni lang tsho g.yo bar rtogs pa min gang phyir gzugs kyis myos pa ni gang zhig rga bas nyams par 'gyur BCt_4.56 gang gi nad du bying ba ru nges par de rnams kyis mi mthong 'gro ba nad kyi chos can la 'jigs pa spangs te de ltar dga' BCt_4.57 thams cad 'phrog byed 'chi ba yi nges par mngon par shes min zhing de ltar rang gnas skyo med par rtsed mo dang ni bzhad dang byed BCt_4.58 rga dang na dang 'chi ba yang shes ldan yin na sems ldan su rang gnas langs dang 'dug pa 'am nyal byed rgod pa smos ci dgos BCt_4.59 nad dang 'chi ba nyid dang ni mchog tu 'khogs gang de mthong nas rang gnas gyur cing skyo med pa ji ltar sems med de ltar de BCt_4.60 me tog rnams dang 'bras bu yis rnam par spangs par gyur pa'i shing 'gyel lam yang na bcad pa ste shing gzhan mdzes par byed ma yin BCt_4.61 de ltar bsam gtan mchog mthong nas yul rnams las ni 'dod pa thal 'char ka tshul lugs bstan bcos shes mdza' bo nyid kyis de la smras BCt_4.62 kho bo mi skyong gis byin te khyod la grogs su nus pa 'o gang phyir khyod la smra 'dod pa rab dga' ldan pa de phyir ro BCt_4.63 phan pa min las rab 'gegs shing phan pa la yang rjes rab 'jug sdug pa na yang yongs mi gtong yongs rdzogs shes kyi mtshan nyid do BCt_4.64 bdag de byams par dam bcas nas skyes bu'i don las phyir phyogs pa gal te khyod la btang snyom byed grogs po nyid kyang ma yin no BCt_4.65 de phyir mdza' bor gyur nas smras gzhon nu'i lus dang ldan pa ni |d16 khyod kyi 'di 'dra bud med kyi yul la mkhas pa'i gzugs brnyan min BCt_4.66 de yi ngo tsha'i rgod don dang bdag nyid dga' ba'i don nyid du bden min gyis kyang mi mo yi rjes su 'jug pa rigs pa yin BCt_4.67 yang dag 'dud dang rjes 'jug gis bud med rnams kyi sems 'ching ste brtse ba'i yon tan skye gnas phyir yid la 'dod pa bud med yin BCt_4.68 de phyir rnam par spangs pa'i spyan snying la gzhan du phyir bltas kyang 'di yi tshul dang rjes mthun par mkhas par rnam par dpyad par 'os BCt_4.69 mkhas pa sman yin bud med la mkhas pa rab mchog rgyan yin no mkhas pa dang bral gzugs dag ni me tog med pa'i nags dang 'dra BCt_4.70 yang na mkhas pa'i rang bzhin gyis bsam pa rang bzhin khas len mdzod yul rnams rnyed par dka' thob nas phyi shol byed pa 'os ma yin BCt_4.71 sngon tshe lha yi dbang pos kyang 'dod pa mchog ces shes byas nas gau tam thub pa'i bdag ldan ma gshol med ma la 'dod pa byas BCt_4.72 zla ba'i chung ma snar ma ni drang srong ri byis don du gnyer de nas de dang 'dra ba yi bskam bya ma ni rnyed ces thos BCt_4.73 u bha thya yi chung ma ni rlung gi bu mo mthun ma la dka' thub chen po'i phur bu yis bha ra dwa dza bskyed par gyur BCt_4.74 drang srong phur bu'i chung ma ni sbyin sreg ma la sbyin sreg mchog zla ba yis ni lhag pa yi lha yi las byed bskyed par gyur BCt_4.75 sngon tshe bu mo nag mo ni chur skyes pa las skyes ma la rtsibs logs skyes ni chags skyes shing ya mu na'i gling du phyin BCt_4.76 gnod sbyin 'phreng ma rigs ngan ma smad ma la ni dga' 'dod pas gong ma sreg ni za ba'i bu thub pa gnas mchog gis bskyed do BCt_4.77 'gro mgyogs rgyal po drang srong nyid na tshod rnam par song ba yi lha mo sna tshogs mchod mar bcas sna tshogs shing rta'i nags su dga' BCt_4.78 bud med 'grogs min zhi ba ni skya bseng gis ni shes nas kyang dga' ma'i gzugs yon gyis bkug ste 'dod las skyes pa'i bde ba bsten BCt_4.79 skyed mdzad rgyal po dmar ser yid bram ze'i bu mo phrogs nas ni na babs thob pa nyid yin kyang yid dkrug 'dod pa ma bsten min BCt_4.80 de la sogs pa bdag nyid chen yul rnams smad pa yin na yang dga' ba'i ched du longs spyad de yon tan ldan la sngon nyid do BCt_4.81 khyod kyang rigs pa las thob cing stobs ldan gzugs ldan dar la bab gang du skye 'gro 'di 'chags na yul rnams la ni phyi shol byed BCt_4.82 de ltar 'jam zhing lung dang bcas de yi tshig ni gsan gyur nas 'brug gi sgra skad dbyangs kyis ni gzhon nu yis ni lan smras so BCt_4.83 dam tshig 'di ni 'thad pa ste khyod la mdza' bo nyid du gsal gang du bdag la ngan par sems 'dir ni khyod la rjes zhi bgyi BCt_4.84 yul rnams la ni phyi shol min 'jig rten de'i bdag nyid du shes 'gro ba mi rtag par shes nas 'dir ni bdag yid dga' ba min BCt_4.85 rga dang na dang 'chi ba ste gal te 'di gsum ma yin na yid du 'ong ba'i yul rnams la kho bo yang ni dga' bar 'gyur BCt_4.86 gal te bud med rnams kyi lus de nyid rtag par 'gyur na ni skyon ldan 'dod pa rnams la yang kho bo'i sems ni 'dod la phyogs BCt_4.87 gang tshe 'di dag rnams kyi gzugs rgas pas 'thung ba 'byung 'gyur zhing bdag nyid kyi yang 'dod med na rmongs las der ni dga' bar 'gyur BCt_4.88 rga dang na dang 'chi ba'i chos rga na 'chi ba'i bdag nyid kyis skyo ba med par rol ba ni ri dags dang ni bya dang mtshungs BCt_4.89 bdag nyid chen po 'di rnams kyang 'dod pa'i bdag nyid ces smras gang 'dir ni skyo bar bya ba ste gang tshe de rnams kyi yang zad BCt_4.90 gang du ci las zad pa ste bdag nyid chen por mi sems te yul rnams la ni chags pa'am sbyor min bdag nyid ldan nyid kyis BCt_4.91 mkhas pa yis kyang dpe brjod cing bden min gyis kyang bud med kyi skye la zhugs shes smras pa gang de min bdag gis shes ma yin BCt_4.92 gang du drang min rjes 'jug pa de la bdag gi sred pa med dngos po kun gyis tshogs pa de gal te med na smod par shog BCt_4.93 mi brtan pa yi dad pa dang skyon du mthong ba'i nus pa yi chags pa skyes par gyur pa'i sems bslu bar bya ba ci zhig yin BCt_4.94 | bud med skyes pa'i chags skyes shing bud med skyes pa phan tshun du gal te de ltar bslu na ni lta bar nus pa nyid ma yin BCt_4.95 de ltar gyur na sdug bsngal gyis nyam thag rga 'chi'i skal ba can bdag ni 'phags min 'dod pa la slu bar 'os pa ma yin no BCt_4.96 e ma shin tu brtan la stobs ldan khyod kyi sems 'dod pa g.yo ba rnams su snying po mthong gyur la shin tu rno zhing 'jigs pa'i yul la zon mdzad cing [.. .. .. .. .. .. .. .. .. .. .. ] BCt_4.97 [.. .. .. .. .. .. .. .. .. .. .. ] rga dang rgud pa nad kyi 'jigs pa rnam sems shing 'gro ba rnams ni me yis tshig pa bzhin thos nas zhi ba 'thob min brtan min dga' ba ga la zhig BCt_4.98 the tshom med par 'chi zhes rab tu shes pa yi mi rnams gang gi snying la chags pa rab bskyed pa de yi sems ni lcags las gyur par shes pa ste 'jigs pa che la chags pa gang zhig ngu ba med BCt_4.99 de nas gzhon nu yis ni 'dod pa rnams kyi rten 'joms byed gtam ni rnam par nges pa'i bdag nyid mdzad skye bo rnams kyi mig gi 'gro bya gsal byed kyi dkyil 'khor sa 'dzin ri bo la ni nub par gyur BCt_4.100 de nas rgyan dang me tog phreng ba 'bras med 'dzin skyu rtsal yon tan gyis dang rab dgas 'bras med rnams rang gi sems la yid dkrug 'dod pa rnam smad nas yid la re nyams bud med rnams ni grong du thal BCt_4.101 de nas grong khyer skyed mos tshal song skye bo'i dpal legs par brtags nas srod la so sor brtul te yang thams cad mi rtag par gyur rnam par sems bzhin du slar yang mi skyong bdag skyes grong du rnam par zhugs BCt_4.102 de nas de yi yid ni yul las rnam par phyir phyogs rgyal pos thos gyur nas snying la song ba'i zug la glang chen bzhin du mtshan mo de la gnyid ma log de nas sngags mang rnam pa sna tshogs lam rnams dag gis thang chad blon por bcas des ni 'dod pa las gzhan sras kyi blo yi nges pa gzigs ma gyur BCt_4.103 | sangs rgyas kyi spyod pa zhes bya ba'i snyan dngags chen po las | bud med kyis gegs byas pa'i le'u ste bzhi pa'o || de ltar yul rnams dam pa'i mchod pa rnams kyis ni sred du bcug kyang shākya'i rgyal po'i sras po de dug bsgos mda' yis snying la phug pa'i seng ge bzhin bde ba rnyed pa ma yin brtan par gshegs ma gyur BCt_5.1 de nas res 'ga' zhig na blon po'i bu mkhas shing grogs gyur sna tshogs gtam gyis rjes su 'brangs byas pa nags kyi sa la 'gro 'dod lta bar 'dod pa yis mi yi lha yis rjes snang phyi rol rab tu gshegs BCt_5.2 gsar pa'i gser gyi srab dang dril bu chung ngu dang rab tu g.yo ba'i rnga yab mdzes pa'i gser sga dang stan bcas dam pa'i rta la mngon par zhon nas ni tog la ljon dang chu skyes tog can bzhin du gshegs BCt_5.3 de ni mchog tu rnam par rgyang ring nags mtha'i sa nags tshal 'dod dang sa yi yon tan las gshegs te chu gnyer bzhin du rnam par bkram pa'i gshol lam can nor 'dzin sa la zhing dag rmo ba gzigs par gyur BCt_5.4 gshol gyis phye las rnam bkram rtswa myug ku sha dang shi gyur 'bu srin srog chags phra mos khyab pa ste rnam pa de 'dra'i sa de yang dag mngon gzigs nas rang gi skye bo bsad pa las nyid mya ngan gyur BCt_5.5 zhing dag rmo ba'i skyes bu rnams ni rnam gzigs pa rlung gis gtor ba'i rdul gyis rnam 'gyur kha dog can khur bas thang chad rnam par 'khrugs pa'i glang rnams la 'phags pa mchog gis mchog tu brtse ba'i snying rje mdzad BCt_5.6 de nas mgyogs 'gro'i rgyab nas dal bus babs nas ni sa la rnam par rgyu zhing mya ngan dang ldan pa skye bo dag gi skye dang 'grong ba rnam sems shing nges par bkren pa 'di zhes smras shing nyam thag gyur BCt_5.7 bsam pa yis kyang rnam par dben pa mngon bzhed cing rjes su 'ongs pa'i mdza' bshes de rnams phyir bzlogs nas kun nas mngon par g.yo zhing mdzes pa'i lo 'dab can 'dzam bu'i rtsa ba skye bo med par de gshegs so BCt_5.8 rin chen bai ḍū-rya dang mtshungs pa'i rtswa 'jam can gtsang mar ldan pa'i sa gzhi der ni de zhugs te 'gro ba'i skye ba dang ni 'grong ba rnam sems shing yid ni gnas shing brtan pa'i lam la dmigs pa'o BCt_5.9 yul la 'dod sogs sems kyi nad las rnam grol ba'i sems gnas pa ni de ma thag tu thob gyur la bsam gtan dang po zag pa med pa'i rab bskyod pa rtog pa dpyod pa dang bcas zhi ba thob par gyur BCt_5.10 rnam par dben pa las skyes thob nas de nas ni mchog tu dga' ba'i bde ba sems kyi ting nge 'dzin yid kyis 'jig rten 'gro ba yang dag rab brtags nas 'di nyid de nas gzhan ni rab tu rtogs par gyur BCt_5.11 kye ma skye bo bkren pa gang zhig rang dbang ni yod min rga dang na dang rnam par nyams pa'i chos nad pa dang ni shi dang rga bas nyam thag gam gzhan la rgyags pas long zhing shes pa med pas smod BCt_5.12 'dir ni gal te bdag gis rang dang mtshungs gyur la gzhan gyi rang bzhin dag la de ltar smod pa ni mchog gi chos 'di rnam par rtog pa kho bo yi mtshungs par gyur pa ma yin nus pa'ang gzhan med do BCt_5.13 'gro ba'i rga dang na dang rgud pa'i nyes pa rnams de ltar ji lta ba bzhin rnam par gzigs de yi stobs dang lang tsho dang ni srog la rab zhugs pa'i bdag tu gyur pa'i rgyags pa skad cig gis med gyur BCt_5.14 de ni dga' ba med cing rjes su gdung med la the tshom som nyid ma gyur gnyid dang rmugs pa med 'dod pa'i yon tan rnams la yang dag ma chags shing gzhan la rnam par sdang bar ma gyur phyi shol med BCt_5.15 de ltar bdag nyid chen po de yi rdul med cing rnam par dag pa'i blo gros 'di ni 'phel gyur la skyes bu gzhan dag rnams kyis mthong bar ma gyur pa'i dge slong cha lugs ldan pa'i skyes bu nye bar ongs BCt_5.16 su zhig yin pa smros shes mi yi lha sras kyis de la mngon par dris gyur de la des smras pa mi yi skyes mchog skye dang 'chi bas 'jigs pa yi thar ba'i phyir ni rab tu zhugs pa'i dge sbyong yin BCt_5.17 bdag gi 'gro ba zad pa'i chos na thar 'dod cing dge zhing 'gyur ba med pa'i gnas de 'tshol ba ste | rang gi skye bo dang ni skye bor mnyam pa'i blo | yul rnams las ni chags pa'i nyes pa phyir log pa'o BCt_5.18 skye bo med pa'i gnas khang dang ni ri 'am nags shing gi rtsa ba 'ga' zhig tu ni gnas pa yi don dam phyir ni ji ltar nyer ldan slong mo ba sred bral yongs su 'dzin pa med pa rnam par rgyu BCt_5.19 de ltar gzigs pa'i rgyal po'i sras po de nyid la 'di skad smras nas nam mkha' la ni gshegs par gyur de ni de yi lus kyis sangs rgyas gzhan gzigs shing lha na gnas pa de yi dran pa'i ched du 'ongs BCt_5.20 mkha' la mkha' 'gro bzhin du gshegs pa de la ni mi mchog yang dag dga' bar gyur cing ya mtshan gyur de nas chos kyi 'du shes nye bar thob gyur nas mngon par nges 'byung cho ga la ni blo gros mdzad BCt_5.21 de nas dbang po dang mnyam dbang po'i rta thul ba grong la rab tu 'jug 'dod rta la rab 'jogs shing 'khor gyi skye bo dag kyang mngon par 'dod pa ste de nyid phyir na mngon 'dod nags ni ma bsten to BCt_5.22 de ni rga dang 'chi ba zad par byed 'dod pa nags su gnas phyir blo gros dran pa la bzung nas gnyis 'thung dbang po nags kyi sa nas grong du ltar 'dod pa las min grong la slar yang rab tu zhugs BCt_5.23 de ni yang dag mthong nas shākya'i bu mo zhig rab zhugs lam na thal mo sbyar ba dang bcas shing kye ma spyan yangs gang gi bdag po 'di 'dra 'dir mo de bde ma mya ngan 'das ma zhes smras so BCt_5.24 de nas dbyangs 'di sprin chen dbyangs dang ldan pa yis yongs su thos nas mchog tu zhi ba rnyed gyur la mya ngan 'das shes sgra skad thos pa dang ldan des yongs su mya ngan 'da' ba'i cho gar blo gros mdzad BCt_5.25 de nas gser gyi ri bo'i rtse mo'i sku mnga' zhing glang chen phyag dang 'brug gi sgra dbyangs khyu mchog spyan seng ge'i stobs dang ri bong can gyi zhal mnga' bas mi zad chos la chags skyes pho brang rab tu thob BCt_5.26 de nas mtho ris dag na lha yi 'dun sa ru lha dbang 'bar ba la ni kun byed gzhon nu bzhin blon po'i tshogs kyis nye bar bsnyen pa'i mi bdag la ri dags dbang po'i 'gros dang ldan pa mngon par gshegs BCt_5.27 rab tu btud nas thal mo dang bcas smras gyur pa mi dbang bdag la legs par rjes su gnang ba byin nges par skye bo 'di ni rnam par 'bral ba ste thar ba'i ched du yongs su rnam par gshegs par bgyi BCt_5.28 de ltar de'i tshig nges par thos nas rgyal po ni lag ldan gyis ni mngon bsnun ljon pa ltar g.yos shing ka ma la dang rab mtshungs thal mo dag bzung nas mchi ma dang ni gre ba kha zhing tshig 'di smras BCt_5.29 brtse ba blo gros 'di ni rab tu thong mdzod cig khyod kyi chos la bsnyen pa'i dus ni ma yin te na tshod dang po dang ni blo gros g.yo ba na chos kyi spyod pa gsungs pa rnams ni skyon mang ngo BCt_5.30 yul rnams su ni dbang po ya mtshan glo bur zhing brtul zhugs g.yo ba rnams su nges par nus med la khyad par du ni dben par mngon par mi shes pa dar la bab pa'i yid ni dgon pa nas g.yo'o BCt_5.31 mtshon gyur khyod la phun sum tshogs pa gtad nas ni kho bo yi yang chos dga' chos kyi dus yin te rnam par gnon pa brtan pa rnam par gnon pa yis bla ma spangs nas khyod kyi chos kyis chos ma yin BCt_5.32 de phyir khyod kyis nan tan nges pa 'di dor la khyod ni re zhig khyim gnas chos la dga' bar gyis dar la bab pas bde ba rnams ni longs spyod nas skyes bu'i dka' thub nags su 'jug pa nyams dga'o BCt_5.33 de ltar rgyal po'i tshig 'di rnam par gsan nas ni ka la bing ka'i dbyangs kyis lan ni smras pa ste rgyal po gal te bdag gi khas len pa'i rnams su khyod kyis 'gyur na dka' thub nags ni mi bsnyen to BCt_5.34 bdag gi srog ni 'chi ba nyid du mi 'gyur zhing bdag gi rang gnas gyur 'di nad kyis mi 'phrog la bdag gi lang tsho rgas pa yis ni mi g.yeng zhing phun sum tshogs pa 'di ni rgud pas ma gtor na'o BCt_5.35 de ltar rnyed par dka' ba'i don smras gyur pa yi sras po la ni shākya'i rgyal pos tshig smras pa shin tu rab tu zhugs pa'i blo 'di thong mdzod cig shin tu yid la re ba 'phya zhing sha thang 'chad BCt_5.36 de nas lhun po ltar lcis bla ma la smras pa gal te rim pa de dag med de shol mi thebs 'bar ba'i me yis tshig pa'i khang pa nas phyi rol 'byung bar 'dod pa 'dzin par nus ma yin BCt_5.37 gang gi tshe na 'gro ba nges par 'bral ba ste chos phyir ma yin 'di ni rnam par 'bral bar mchog 'o na bdag la 'chi bas dbang med 'bral byed cing rang gi don ma byas shing tshim pa ma yin nyid BCt_5.38 de ltar thar bzhed sras po de yi nges pa ni sa yi bdag po yis ni nges par thos nas ni 'gro bar mi bya zhes ni mngon par brjod nas su slar yang bsrung ba dag ni 'dod pa mchog rnams mdzad BCt_5.39 dga' zhing zhi ba sngon 'gro bkur sti mang po las blon po rnams kyis ji lta ba bzhin dpe bstan cing bla mas mchi ma lhung ba rnams kyis shol btab ste de nas de ni mya ngan bzhin du khyim la zhugs BCt_5.40 rna lung 'khyil ba g.yo bas 'o byas gdong ldan ma dbugs rlung stug pos rnam par bskyod pa'i nu ma can brtan pa min pa'i mig ldan bud med rnams kyis ni ri dags mo rnams kyis bzhin mngon par gyen du lta BCt_5.41 gser gyi ri bo dang 'dra dkar ser mdog de ni yan lag mchog ma rnams kyi snying ni myos mdzad cing ngag dang reg bya dang ni lus dang yon tan gyis thos byed lus dang lta byed bdag gi dngos rnams phrogs BCt_5.42 nyin mo rnam par thal tshe de nas khang bzangs la lus kyis nyi ma bzhin du mngon par gsal ba ni rab rib rnam par 'joms 'dod bdag nyid snang ba yis nyi ma shar ba lhun po la bzhin kun nas 'dzegs BCt_5.43 gser gyis 'bar zhing gsal ba'i sgron ma'i shing dang ni a ga ru mchog nag po'i bdug mas gang ba'i ltor mngon par 'dzegs nas rdo rje spras shing sna tshogs pa rab mchog gser gyi bzhugs gdan la ni bsnyen pa'o BCt_5.44 zla ba ltar dkar gangs dang ldan pa'i rtse mo na nor dbang bdag nyid skyes la lha mo'i tshogs 'dus bzhin de nas lus mchog ma rnams dbang po dang mtshungs mchog de la mtshan mor sil snyan rnams kyis nye bar gnas BCt_5.45 mchog rab lha yi sil snyan 'dra ba rnams kyis kyang de yang de yis skyid par ma gyur dga' ba med dam pa'i don gyi bde phyir legs pa de yi ni mngon par nges par 'byung 'dod gang las dga' ma gyur BCt_5.46 de nas der ni brtul zhugs mchog gyur 'og min gyi lha rnams kyis ni 'di yi nges pa rtogs nas ni lus kyi rnam 'gyur rnam par gyur nas dus gcig la myos pa'i skye bo rnams ni gnyid du 'gro bar byas BCt_5.47 de la kha cig dga' ba yin yang 'khros pa bzhin pang du son pa'i gser gyi snod ni sna tshogs pa'i pi wang rnam par spangs nas lag pa g.yo ba la 'gram pa rnam par bkod nas nyal bar gyur pa'o BCt_5.48 'khyog min bum pa'i phreng ba sgra sgrogs pa-dma dang chu bo'i ngogs na chu sbul rab tu rgod pa bzhin gzhan rnams nu mar rnam nyil dkar po'i dar gon zhing gling bu lag par 'byar zhing gnyid log rnam par mdzes BCt_5.49 de bzhin gzhan rnams pa-dma gsar pa'i snying po ltar 'jam zhing gdung bya gser gyis 'bar ba'i dpung rgyan ni 'dus pa'i lag pa dag gis dga' ba bzhin du ni rdza rnga nyid ni yongs su 'khyud nas gnyid log gyur BCt_5.50 de bzhin gzhan ni gsar pa'i gser gyis rnam brgyan cing bgo ba'i gos ni ser po mchog dag gon pa ste kar ni ka ri yal ga glang pos bskyel ba bzhin dbang med par ni sdug ma gnyid kyis 'gyel bar gyur BCt_5.51 de bzhin gzhan ni skar khung logs la bsngas nas ni nyal bar gyur pa'i lus kyi mchod sdong rnam 'khyog pa rta babs la ni shā la bhan dzi ka bzhin du mdzes ma'i do shal rnam par 'phyang ba rnam par mdzes BCt_5.52 de bzhin gzhan gyi zhal gyi pa-dma rnam rgyas shing 'gram pa'i logs la nor bu'i rna lung gis rmugs pa 'dab ma brgya ba'i sdong bu'i phyed ni khyog pa la gnas pa'i ka raṇ ḍa bas skyod bzhin g.yos par gyur BCt_5.53 gzhan ni ji ltar rnam par zhugs bzhin gnyid log cing nu ma'i khur gyis mngon par dud pa'i lus po rnams lag pa'i zhags pa gser gyi gdu bu can rnams kyis phan tshun nye bar 'khyud nas rnam par gnas te mdzes pa'o BCt_5.54 rnam par g.yo zhing skyod pa'i gser gyi skud pa can rna ba'i shog dril kun nas 'khrugs pa'i gdong gis ni yongs su smra ldan pi wang chen po 'khyud nas ni bud med kha cig grogs mo bzhin du gnyid log go BCt_5.55 lang tsho ma gzhan lag pa'i dpung pa'i yul las ni kun nas rnam 'phyang mdzes pa'i logs can pa ṇa wa sgeg bcas dga' ba'i mthar ni thang chad sdug pa bzhin brla gnyis dag ni dbus su blangs nas nyal ba'o BCt_5.56 rab tu yang dag 'khums gyur padma dmar po'i mdzod nyi ma nub par gyur tshe rdzing bu rnams ji ltar rnam rgyas mig dang mdzes pa'i smin ma yod na yang gzhan rnams mig rnams btsums shing mdzes par ma gyur to BCt_5.57 de bzhin gzhan ni mgo skyes lhod pa la 'khrugs shing rgyan dang dar rnams spyi la rnam nyil de rnams ni yan lag ma yi gzugs brnyan glang pos bcom pa bzhin mgrin pa'i skud pa'i do shal rnam par bkram zhing nyal BCt_5.58 brtan ldan lus ni yon tan rnams dang ldan na yang gzhan rnams kyang ni dbang med ngo tshas rnam spangs shing rnam par 'gyur zhing bskyod pa'i yan lag gya gyu dang dbugs ni rnam par rgyu zhing lus po glal bar gnyid BCt_5.59 gzhan gyi rgyan dang me tog phreng ba rnam brul zhing mdud pa'i gos rnams rnam par nyil gyur 'du shes med btsums pa ma yin dkar po g.yo ba dang bral mig srog srong ro ltar nyal ba rnam par mdzes ma gyur BCt_5.60 kha sbyar rnam par gdangs te lus po rab brgyang zhing kha yi chu ni rab 'dzag gsang ba rnams rab gsal gzhan ma dag ni chang gis 'khrul bar gyur pa nyid lus rgyas rnam par 'gyur bar gnyid log mdzes ma gyur BCt_5.61 de ltar sems pa dang ni rigs kyi rjes 'gro'i gzugs rnam pa sna tshogs rab myos skye bo de nyal ba rlung gis kun nas bskyod gyur gser gyi padma yi rdzing bu dang ni mtshungs pa'i gzugs ni mdzes par gyur BCt_5.62 de ltar rnam par 'gyur la brtan min spyod pa can de ltar nyal ba'i lang tsho ldan ma de mthong nas lus ni yon tan ldan zhing smra ba yid 'ong yang mi skyong sras po des ni rnam par smad par gyur BCt_5.63 mi gtsang rnam par 'gyur ba gson pa'i 'jig rten te bud med rnams kyi rang gi ngo bo 'di 'dra ba bgo ba rnams kyang rgyan rnams kyis kyang slu ba ste bud med rnams kyi yul la skyes pa chags par 'gro BCt_5.64 gal te skyes pas bud med rnams kyi rang bzhin ni rmi lam rnam par 'gyur ba bzhin du rnam dpyad na nges par 'dir ni bag med 'phel ba ma yin la 'on kyang yon tan rtog pa bcom ste chags par 'gro BCt_5.65 de ltar de yi go skabs rnam par rig nas ni mtshan mor phyi ru 'gro 'dod yang dag skyes par gyur 'di yi sems ni kun nas rtog nas de nas ni lha rnams dag gis khang pa'i sgo ni phye bar gyur BCt_5.66 de nas lang tsho ldan ma nyal ba de rnams ni smad cing de ni lding khang logs nas babs pa ste mngon par babs nas de nas som nyi rnam bral bar khang pa'i rim pa dang por phyi ru rnam par gshegs BCt_5.67 de ni mgyogs 'gro bsrung la bo bar byas nas ni |/ skyen par 'dun pa la ni 'di skad ces smras so bsngags ldan rta ni khyer shog myur ba dang ldan pas bdud rtsi thob phyir 'di las de ring bdag skom mo BCt_5.68 bdag gi snying la de ring tshim pa skyes gyur cing nges pa yang ste ji ltar blo gros la zhugs la skye bo med pa la yang mgon dang ldan pa ste nges par 'dod pa'i don ni mngon du phyogs par 'du BCt_5.69 ngo tsha nyid dang yang dag 'dud pa spangs nas ni lang tsho ma rnams bdag gi gdong du ji bzhin nyal sgo ni rang bzhin ji ltar rnam par bye ba la nges par bdag ni 'di nas de ring 'gro ba'i dus BCt_5.70 mi dbang bstan pa'i don ni rnam par rig na yang jo bo bka' lung des ni de nas rab bzung nas yid la pha rol po yis yang dag bskul ba bzhin mgyogs 'gro khyer te 'ong ba la ni blo gros byas BCt_5.71 de nas gdong ni gser gyi srab kyis gang ba ste rgyab na yang ba'i stan g.yogs dag gis nye bar g.yogs stobs dang sems pa mgyogs dang rjes 'gro nyer ldan pa de yis rta mchog de la der ni nye bar 'ongs BCt_5.72 rnga ma'i rtsa ba rtsib logs gsum ga rab rgyas shing rgyab dang rna ba lus skyes spu ni thung zhing dul rgyab kyi rtsib ma dag ni dung cing rnam rgyas la mchu dang dpral ba brang dang dpyi ni rab rgyas pa'o BCt_5.73 zhi zhing ka ma la dang mtshungs pa'i phyag gis kyang sku stod rnam par spangs des de la nyer 'khyud nas rgyal mtshan sde la dmag dpon rab tu 'jug pa bzhin mngar mo'i yi ge'i tshig gis zhal ta mdzad pa'o BCt_5.74 g.yul du khyod la mngon par zhon nas sa skyong gis dgra bo rnams ni lan grangs mang por nges par gtor bdag kyang 'chi med go 'phang ji lta ba bzhin du mgyogs 'gro'i gtso bo nye bar thob pa de ltar mdzod BCt_5.75 yul thob bde ba la dang nor bsgrub pa la rung g.yul 'gyed pa na 'khor ni nges par rnyed bla ste rgud par lhung ba la dang chos la brten par rung skyes bu yi yang 'khor ni rnyed par dka' ba'o BCt_5.76 'di nyid du yang gang zhig 'khor du gyur pa ni sdig pa'i las la dang ni chos dang ldan la rung ji ltar bdag gi nang gi bdag nyid kyis rtogs pa mi de rnams kyang de yi cha shas skal ba yin BCt_5.77 de phyir chos dang ldan pa 'di ni yongs shes nas bdag ni 'di las nges 'byung 'gro la phan pa'i phyir mgyogs 'gro mchog kye shugs dang rnam par gnon pa yis bdag phan la dang 'gro phan la ni 'bad par gyis BCt_5.78 de ltar mdza' bshes bzhin du rjes su bslabs nas ni mgyogs 'gro mchog la mi mchog nags su 'gro 'dod de dkar la dkar min 'gros kyi 'od zer lus ldan pa nyi ma ston ka'i sprin la bzhin du yang dag 'dzegs BCt_5.79 de nas 'khor gyi skye bo go bar byed pa'i skad mtshan mor gtum pa dam pa'i rta des yongs bkag cing 'gram pa'i sgra med 'tsher ba'i skad ni rab zhi bar 'jigs pa'i sgra ni dor ba'i gom pa'i 'gros kyis gshegs BCt_5.80 gser gyi gdu bu'i rgyan ni lag pa'i 'khrig ma la ka ma la 'dras ka ma la rnams rnam byas nas lus 'dud gnod sbyin rnams ni de nas 'di yi ni tshim gyur lag pa'i rtse mos rmig pa rnam bzung ngo BCt_5.81 lci ma'i sgo gtan sgo glegs yang dag bcas pa gang bde bar gnyis 'thung gis kyang phyed pa ma yin pa mi skyong sras po gshegs tshe skad med grong khyer dang sgo khang de rnams rang nyid rnam par bye bar gyur BCt_5.82 mngon par gdong phyogs yab dang sras po byis pa dang skye bo rjes su chags dang phun tshogs mchog dang ni blo gros byas shing ltos pa med par dor nas ni yab kyi grong nas de ni de nas rnam par gshegs BCt_5.83 de nas de ni rnam rgyas 'dam skyes yangs pa'i spyan grong khyer kun nas gzigs nas seng ge'i sgra bsgrogs pa skye dang 'chi ba dag gi pha rol ma mthong bar grong khyer ser skya zhes bya rab tu mi 'jug go BCt_5.84 de ltar de yi gsung 'di nges par thos nas ni nor gyi dbang po'i 'khor rnams dag ni dga' bar gyur rab tu dga' ba'i yid can lha yi 'tshogs rnams ni nan tan pha rol song ba de la bsngags pa byas BCt_5.85 me yi lus can mtho ris gnas pa gzhan rnams ni 'di yi nges pa shin tu dka' ba rnam rig nas sprin stug gseb nas zla ba'i 'od zer 'thon pa bzhin mtshan mo'i mun pa'i lam ni rab tu bsal bar byas BCt_5.86 nyi ma'i mgyogs 'gro lta bu'i mgyogs 'gro de yid kyis sprul ba bzhin du rnam par rgyu bzhin du shing rta 'dren pas gzi nyams skar ldan par snang la de ni shin tu mang po'i dpag tshad rnams su gshegs BCt_5.87 | sangs rgyas kyi spyod pa zhes bya ba'i snyan dngags chen po las | phyi rol tu mngon par 'byung ba'i le'u ste lnga pa'o || de nas 'gro mig nyi ma ni mngon par shar pa'i yud tsam na ngan spong bu yi dka' thub gnas mi mchog des ni gzigs par gyur BCt_6.1 blo phab gnyid log ri dags dang rang gnas gnas par bya gang zhig gzigs nas ngal gsos bzhin du dang don ni byas pa bzhin du gyur BCt_6.2 de ni rgyags pa med don dang dka' thub mchod pa'i don nyid dang rang gi rjes su bsrung ba la rta yi rgyab nas babs par gyur BCt_6.3 mngon par babs nas kyang reg cing dga' zhing mig gis 'khru ba bzhin nges par 'khor zhes rta dang ni 'dun pa la ni smras pa'o BCt_6.4 'di ni mkha' lding dper mgyogs la mgyogs 'gro la ni rjes su 'ongs 'dis ni bdag gi stobs dang ni zhi ba bdag la gus pa bstan BCt_6.5 thams cad nas don gzhan yin kyang khyod kyis snying la bzung ba ste gang gi jo bo dag la dga' 'di ni de 'dra dag la nyid BCt_6.6 gus pa med la nus pa yod nus pa med la gus pa ldan gus pa ldan dang nus pa ste khyod 'dra sa stengs rnyed par dka' BCt_6.7 de phyir skal ba chen po'i las khyod kyi 'dis ni bdag dga'o gang zhig khyod kyi bsam pa 'di 'bras bu las kyang gzhan du phyogs BCt_6.8 skye bo 'bras bu la gnas pa'i mthun phyogs skye bo gang gis min zlog la rang gi skye bo yang phal chen pha rol skye bor gyur BCt_6.9 rigs kyi don du bu bzung zhing gsos pa'i don du pha bskyed la sred pa'i bsam pas chags skye ste byed pa med par rang nyid med BCt_6.10 mang po brjod cing mdor bsdus nas bdag gi dga' chen legs byas te rta blangs nas ni phyir log dang bdag ni 'dod pa'i gnas rab thob BCt_6.11 de skad smras nas phyag chen de rjes su bsngags pa byed 'dod pas rgyan rnams kun nas btogs nas ni gdung sems ldan pa 'di la byin BCt_6.12 dbu rgyan dag nas nor bu gsal sgron ma'i las la blangs nas ni nyi ma 'bigs byed la bzhin des tshig 'di smras bzhin bzhugs par gyur BCt_6.13 'dun pa nor bu 'di long la lan mang btud nas mi skyong ni kun nas gdung ba bzlog pa'i phyir blo phebs par ni gsol bar bya BCt_6.14 skye ba 'chi ba nyams don du dka' thub nags tshal rab thob ste mtho ris skom pas nges min zhing brtse ba med min khros pa min BCt_6.15 de phyir de ltar mngon byung ba bdag la mya ngan 'os ma yin yun ring 'dus par gyur nas kyang dus kyis 'gyur ba ma yin no BCt_6.16 gang phyir nges par 'bral ba ste de phyir thar phyir bdag gi blo slar yang rang gi skye bo las rnam par 'bral ba gang las min BCt_6.17 mya ngan spong phyir nges 'byung ba bdag la mya ngan 'os ma yin mya ngan rgyu ni 'dod la chags chags pa can la mya ngan bya BCt_6.18 'di yang snga ma rnams la grags kho bo cag la nges par gnas de ltar ster byar gyur pas na mya ngan 'os min lam gyis 'gro BCt_6.19 skyes bu rnams la phyir log tu nor gyi ster byar 'gyur ba ste sa la chos kyi bdag po yang rnyed dka' yang na ma yin no BCt_6.20 gang yang 'di ni dus min par nags su song ba yin zhe na srog kyang g.yo bar gyur pa na chos la dus yod ma yin no BCt_6.21 de phyir da ltar nyid du bdag dge ba bsag ces nges pa de 'chi ba'i dgra ni gnas pa na gson pa la ni blo gtad cir BCt_6.22 zhi ba khyod kyis de la sogs sa 'dzin bdag la zhu bya ste ji ltar bdag ni mi dran pa de ltar nyid du 'bad pa gyis BCt_6.23 gzhan yang bdag la yon tan med khyod kyis mi bdag la smra bya yon tan med las brtse ba 'dor brtse ba dor las mya ngan med BCt_6.24 de ltar tshig 'di thos gyur nas 'dun pa gdung bas rnam 'khrugs shing mchi mas mdun pa'i tshig nyid kyis thal mo sbyar te lan gsol ba BCt_6.25 jo bo khyod kyi dgongs pa ni gnyen la ngal ba ster ba 'dis chu bo'i 'gram na gnyis 'thung bzhin bdag gi sems 'di 'gyur ba'o BCt_6.26 khyod kyi nges pa 'di lta bus su yi mchi ma 'byung ba med lcags las gyur pa'i snying la'ang ste brtse bas 'khrugs la smos ci dgos BCt_6.27 gzhal med khang gi lam 'os pa'i shin tu gzhon nu 'di gang na ku sha'i myu gu rno ba can dka' thub nags kyi sa gang na BCt_6.28 khyod kyi 'bad pa thos nas kyang rta gang gdag gis blangs pa 'di mgon po de ni stobs kyis ni lha yis byed du bcug pa 'dra BCt_6.29 khyod kyi nan tan nges pa 'di rang dbang shes na gang gi phyir nye bar len te mgyogs 'gro'i rta ser skya'i gzhi yi mya ngan gnas BCt_6.30 med pa po yis dam chos bzhin rgyal po brtse ba bgres pa dang sras po sdug go 'dor ba ni phyag chen de ni 'os ma yin BCt_6.31 dam pa'i bya ba byed bcom bzhin yang dag bskyed pas yongs su ni thang chad gnyis pa'i ma de dang lha mo brjed par 'os ma yin BCt_6.32 ma ning gis ni dpal thob bzhin sras po byis pa yon tan ldan rigs btsun bdag po'i brtul zhugs ma lha mo 'dor bar 'os ma yin BCt_6.33 bsngags 'os sras po grags pa 'dzin snyan grags chos ni 'dzin pa'i mchog bzhen pa ldan pas grags mchog bzhin byis pa 'dor bar 'os ma yin BCt_6.34 ci ste gnyen dang rgyal srid dag 'dor ba nyid du blo gros mdzad bdag gi 'gros ni khyod zhabs na khyab bdag bdag 'dor 'os ma yin BCt_6.35 ra ghu'i bu ni bshes bzang bzhin khyod ni dgon par dor nas su me yis tshig pa'i sems kyis ni grong du 'gro bar nus pa med BCt_6.36 khyod 'dor grong du 'gro ba na rgyal pos bdag la ci zhig gsung khyod kyi btsun mo'i 'khor du 'am 'os pa mthong nas ci zhig smra BCt_6.37 gang yang yon tan med pa yang mi bdag la smros gsung ba yang skyon med thub pa'i bzhin khyod kyi ma gyur pa de ci zhig smra BCt_6.38 ngo tsha dang bcas sems kyis ni lce ni thogs par gyur pa yis bdag ni gal te yang smra ba de la dad par 'os pa su BCt_6.39 gang zhig zla ba'i 'od rno bar smra ba dad par 'dzin pa 'am khyod kyi skyon shes des skyon ni smra ba dad par 'dzin pa 'am BCt_6.40 rtag tu rjes su brtse bcas dang rtag par snying rje shes pa yi brtse ba spong ba tshul min te phyir log bdag la bka' drin mdzod BCt_6.41 de ltar mya ngan kyis non pa'i 'dun pa'i tshig 'di gsan gyur nas rang gnas mchog tu brtan pa yis smra ba'i mchog gis bka' stsal to BCt_6.42 'dun pa bdag dang 'bral ba la kun nas gdung ba 'di thong zhig lus can 'gro ba tha dad la dgos pa sna tshogs nges pa yin BCt_6.43 gang yang brtse las rang gi skye bdag gis rang ni mi 'dor te 'chi bas phan tshun dbang med par bdag cag rnams ni 'dor bar 'gyur BCt_6.44 sred pa chen po'i sdug bsngal gyis mngal gang gis ni bdag bzung ste 'bras med 'bad pa ma de yi bdag su bdag gi de su yin BCt_6.45 ji ltar sgong skyes gnas shing la yang dag 'dus nas rnam par bral de ltar 'byung po 'dus pa ni nges par 'bral ba'i mtha' yin no BCt_6.46 ji ltar sprin rnams 'dus nas ni slar yang rnam par 'byed pa'o de ltar 'du dang 'bral ba ni bdag dang srog chags rnams kyi lugs BCt_6.47 gang phyir phyir na 'jig rten 'di bslus nas rnam par 'bral ba ste de phyir rmi lam 'dus gyur la bdag gi ba nyid bzod ma yin BCt_6.48 shing rnams 'dab ma dmar po dang lhan cig skyes te rnam par 'bral gzhan dang gzhan gyi 'bral bar ni 'gyur ba ma yin smos ci dgos BCt_6.49 de phyir de ltar gyur na ni zhi ba gdung ba ma byed song gal te yang ni brtse ba 'babs song nas kyang ni slar yang shog BCt_6.50 kho bo cag la ltos byas pa'i ser skya'i gzhi na skye bo la der song brtse ba thong zhig dang 'di yi nges la nyon cig smros BCt_6.51 rga dang 'chi ba zad byas nas yang na myur du 'ong ba'i gtam rtsom pa nyams shing don ma byas yang na nyams par 'gyur ba smros BCt_6.52 de ltar 'di yi tshig thos nas bsngags ldan mgyogs 'gro'i mchog gis ni lce yis zhabs la rab bldags te mchi ma dron mo phyung bar gyur BCt_6.53 dra ba dang ni bkra shis rtags 'khor lo dbus ldan phyag gis ni gzhon nus de la reg gyur cing na tshod bzhin du rnam par smras BCt_6.54 bsngags ldan mchi ma ma 'don cig dam pa'i rta nyid 'di bstan to sron mdzod khyod kyi ngal ba 'dis myur du 'bras bu bcas par 'gyur BCt_6.55 de nas ral gri rnon po nor bu'i yu ba can gser gyi phra ni sna tshogs dang ldan 'dun pa yi lag na yang dag gnas pa brtan pa des bsnams nas khung bu dag nas sbrul bzhin zhugs nas rab tu drangs BCt_6.56 u-tpa la yi 'dab ma sngon po de drangs nas sna tshogs dbu rgyan dbu skrar bcas pa rab bcad cing rjing bu dag na ngang pa bzhin du rnam bkram pa 'od zer dang ldan bar snang dag la de gtor ro BCt_6.57 mchod pa mngon par 'dod phyir rnam mang bkur sti'i phyir lha na gnas pas rab tu bkram pa de bzung ste ji lta ba bzhin de ni lha na lha tshogs rnams lha yi khyad par 'phags pa rnams kyis mchod par byas BCt_6.58 rgyan gyi bu smad ldan pa rnam par spangs nas kyang dbu las dpal ni rnam par rgyang ring byas nas ni nags su gser gyi ngang pa'i mtshan ma gos gzigs nas brtan pa des ni gos dag mngon par 'dod par gyur BCt_6.59 de nas lha na gnas pas ri dags rngon pa'i lus dgongs pa rnam dag 'di yi dgongs pa rnam rig nas kha skyur ngur smrig gos can nyer logs mngon par 'ongs de la shākya'i rgyal po skyes kyis mngon par smras BCt_6.60 khyod kyi dge yi ngur smrig drang srong rgyal mtshan dang 'tshe ba byed pa'i gzhu 'di rigs pa ma yin te de phyir zhi ba gal te 'dir ni chags med na bdag la rab tu byin la 'di dang 'di snoms mdzod BCt_6.61 rngon pas smras pa 'dod sbyin 'dod pa snying po las 'di yis blo ni phab nas ri dags rnams gsod do brgya byin mtshungs pa gal te 'dis ni don 'gyur na e ma rab tu bzhes la dkar po de gsol mdzod BCt_6.62 de nas de ni mchog tu rab tu dga' ba yis nags su byung ba'i na bza' blangs shing gos dor la rngon pa nyid kyang lha yi lus nyid rnam bzung ste dkar po de nyid blangs nas lha ni gshegs par gyur BCt_6.63 de nas gzhon nu dang ni rta mchog skyong ba des de ltar gshegs pa de la ya mtshan skyas gyur te nags nas byung ba'i na bza' nyid dang de la ni slar yang ri mor bya ba mang po skyen par mdzad BCt_6.64 de nas gdong ni mchi ma dang bcas 'dun pa rnam bzlogs nas bdag nyid chen po brtan dang grags pa 'chang ba ste mtshams kyi sprin gyis g.yogs pa'i skar ma'i rgyal po bzhin ngur smrig gyon zhing gdung gnas gang yin de na gshegs BCt_6.65 de nas de ltar jo bo rgyal srid mi bzhed par dka' thub nags su gshegs pa mdog nyams snang ba na mgyogs 'gro 'chang de phyag rgyas gyen du bskyod byas nas shin tu rnam par ngu zhing sa la 'gyel gyur to BCt_6.66 rnam par bltas nas slar yang sgra bcas par ngu zhing bsngags ldan rta la lag pa dag gis nyer 'khyud nas de nas kho chad yang dang yang du zlos bzhin du lus kyis song bar gyur kyang sems kyis ma yin no BCt_6.67 la lar rab tu sems shing la lar rnam par ngu la lar sa la rab tu 'brad cing la lar 'gyel de nas 'gro bzhin gus pa'i dbang gis sdug bsngal zhing dbang med lam na bya ba mang po byas pa'o BCt_6.68 | sangs rgyas kyi spyod pa zhes bya ba'i snyan dngags chen po las | bsngags ldan phyir la bzlog pa'i le'u ste drug pa'o || de nas 'dun po ngu zhing gdong ni mchi ma can bzlogs nas nags su 'dun pa'i dka' thub chags med pa don kun grub pas lus kyis mngon par zil mnan nas dka' thub gnas de grub pa bzhin du rab tu thob BCt_7.1 de nas ri dags rgyal po'i 'gros can rgyal po'i sras po de ri dags gnas der ri dags bzhin du rab zhugs pa phun tshogs rnams dang bral yang lus kyi phun tshogs kyis dka' thub gnas ldan kun gyi mig dag phrogs par gyur BCt_7.2 khur ldan rnams bzhin mgo bo rnams ni phyed btud pas lag na gnya' shing bcas par 'gro gyur ya mtshan las de bzhin 'khor los sgyur ba chung ma dang bcas pa dbang po dang mtshungs de mthong song bar ma gyur ro BCt_7.3 sbyin sreg bud shing phyir ni bram ze rnams phyin nas me tog lo 'dab thob pa'i lag pa gtsang ma rnams dka' thub gtso bo rnams ni blo rnams byas na yang gshegs pa mthong ste klog grwar song bar ma gyur to BCt_7.4 chu ster sngon po bzhin du mthong nas rma bya rnams dga' zhing gyen du dud cing skad dag 'don gyur la rgya skyegs ri dags spyod ldan rnams dang ri dags rnams 'bru rnams bor nas mngon par gdong phyogs gnas par gyur BCt_7.5 'od zer ldan pa shar ba lta bur 'bar ba yi bu ram shing pa'i rigs kyi sgron ma de mthong nas sbyin sreg 'jo rnams bzhos pa yin na yang rab tu dga' ba skyes te rab tu 'jo gyur to BCt_7.6 'di ni nor sbyin rnams kyi brgyad pa yin nam ci tha skar dag gi nang nas gcig ni 'phos sam zhes de mthong ba las ya mtshan skyes par gyur pa yi thub pa rnams kyi tshig der mthon por sgrogs par gyur BCt_7.7 lha yi khyu mchog gnyis pa'i lus po lta bu dang 'jig rten rgyu dang mi rgyu'i snying po lta bu dang gang 'dod pa yis nyi ma mngon par babs 'dra ba des ni nags tshal mtha' dag rab tu snang bar mdzad BCt_7.8 de nas gdung gnas pa de rnams kyis ji lta bzhin nye bar snyan gsan phab cing mngon par mchod gyur la de ni chu bcas chu 'dzin lta bu'i dbyangs kyis ni chos 'dzin rnams la slar yang rab tu mchod par gyur BCt_7.9 de nas rnam par thar bzhed brtan pa de yis ni dka' thub sna tshogs rnams la nges par rnam gzigs shing mtho ris mngon 'dod bsod nams byas pa'i skye bo yis khyab pa'i dka' thub gnas der rjes su sbyad par gyur BCt_7.10 dka' thub nor can rnams kyi dka' thub nags tshal der dka' thub rnam par 'gyur ba rnams ni des gsan nas rjes su gshegs pa'i dka' thub ldan pa kha cig la zhe bas de nyid rnam par shes bzhed 'di gsungs so BCt_7.11 gang phyir chos kyi cho ga 'di ni mi shes pa bdag gi dka' thub gnas mthong de ring snga ma'o de phyir khyod kyis bdag la smra bar 'os yin te nges pa gang zhig gang la rab tu 'jug pa'o BCt_7.12 de nas dka' thub rnam par rgyu ba'i gnyis skyes des shākya'i khyu mchog khyu mchog rnam par gnon pa po de la rim gyis dka' thub khyad par rnams dang ni | | dka' thub 'bras bu dang bcas gtam dag byas pa'o BCt_7.13 grong byung bza' ba ma yin chu la rab skyes pa'i 'dab ma rnams dang chu dang 'bras bu rtsa ba nyid thub pa rnams kyi spyod pa 'di ni lung ji ltar dka' thub rnams kyi rnam rtog tha dad de de'o BCt_7.14 kha cig ri dags bzhin du rtswa rnams la spyod de gzhan rnams bor ba yis ni mkha' la rgyu ba'i bya ltar 'tsho kha cig lag 'gro rnams dang lhan cig 'tsho ba ste grog mkhar gyur pa rnams ni nags na rlung gis so BCt_7.15 rdo yis rab 'bad bsgrubs pa'i spyod pa gzhan rnams te kha cig rang gi so yis nye bar blangs shing za de bzhin gzhan ni gzhan gyi don du btsos byas nas gal te lhag ma yod na bya ba byed pa'o BCt_7.16 chu yis gsher ba'i ral pa'i tshogs can kha cig ni gsang sngags sngon 'gro lan gnyis me la sbyin sreg cing kha cig nya dang mnyam par chu la rnam zhugs nas rus sbal bzhin du lus rnams rab tu skums pa'o BCt_7.17 de ltar dus su bsags pa'i dka' thub sna tshogs kyi mchog gis lhar 'gro gzhan gyis mi yi 'jig rten te sdug bsngal lam gyis bde ba nye bar thob phyir dang chos kyi rtsa ba bde ba nyid du gsungs phyir ro BCt_7.18 de skad ces sogs rkang gnyis dbang po'i sras po yis dka' thub nor dang ldan pa de yi tshig gsan nas de nyid gzigs pa min yang ngom par ma gyur la bdag tu song ba 'di ni dal bus gsungs par gyur BCt_7.19 sdug bsngal bdag nyid dka' thub rnam pa du ma ste dka' thub dag gi 'bras bu mtho ris gtso bo'o 'jig rten thams cad yongs su 'gyur ba dang ldan la nyung ngu la ngal 'di ni gdung gnas rnams kyi'o BCt_7.20 'phangs pa rnams dang gnyen dang yul rnams bor nas ni gang zhig mtho ris phyir ni rnam par spyod byed la de rnams rnam par bral te nges par 'gro 'dod la slar yang shin tu 'ching ba chen po nyid yin no BCt_7.21 lus kyi ngal dub gdung ba'i bya ba rnams kyis ni 'dod pa'i rgyu las rab tu 'jug par 'dod pa'o 'khor ba'i rgya mtsho'i skyon rnams yongs su ma rtogs par sdug bsngal gyis des sdug bsngal kho na rjes su 'tshol BCt_7.22 'chi las skye dgu rnams kyi rtag par 'jigs pa ste 'bad pa yis ni slar yang rab tu 'jug par 'dod rab tu zhugs par gyur na nges par 'chi ba ste 'di nyid du ni gang las 'jigs pa rnam lhung ngo BCt_7.23 'di yi don du gcig rnams ngal bar rab 'jug cing gzhan rnams mtho ris don du ngal ba 'thob pa ste bde ba'i don du sred pa'i bkren pa don ma byas gson pa'i 'jig rten nges par don med nyid du lhung BCt_7.24 gang zhig dman pa dor nas khyad 'phags 'gro ba can 'bad pa 'di ni nges par smad pa ma yin la shes ldan rnams dang mnyam pa'i yongs su gdung ba yis bya ba ma yin de 'dir slar yang byed pa'o BCt_7.25 lus kyi gtser bas gal te 'dir ni chos yin na lus kyi bde ba chos ma yin par 'gyur ba ste pha rol tu ni bde ba chos kyis kyang thob la de'i phyir 'di yi chos kyis chos min 'bras bu'o BCt_7.26 gang gi phyir na bsam pa'i dbang gis lus yin la rab tu 'jug pa dang ni ldog pa dang yang ngo de phyir sems kyi dul ba nyid ni rigs pa ste sems las gzhan pa'i lus ni shing dang mnyam pa'o BCt_7.27 bza' ba gtsang bas gal te bsod nams 'dod na ni de phyir ri dags rnams kyang bsod nams yod pa ste phyi rol skyes bu gang dag rnams kyang 'bras bu las skal ba'i nyes pas don rnams gzhan du kha bltas so BCt_7.28 bsod nams phyir ni sdug bsngal mngon par mtshams sbyor na [.. .. .. .. .. .. .. .. .. .. .. ] [.. .. .. .. .. .. .. .. .. .. .. ] 'o na sdug la mngon par mtshams sbyor tshad ma min BCt_7.29 de ltar gang dag las ni rnam par dag pa'i phyir stegs shes rab tu zhugs te chu la reg par byed der yang de yi snying la tshim pa tsam yin te chu yis sdig pa dag par byed pa ma yin phyir BCt_7.30 yon tan ldan pas reg pa'i chu ni gang dang gang de dang de ni sa la gal te stegs 'dod na chu yang the tshom med par chu nyid kho na ste de phyir yon tan ldan rnams kho na stegs su go BCt_7.31 de ltar rigs pa mang po ldan pa de dang de smras te rnam par mdzes pa'i nyi ma nub par gyur de nas sbyin sreg du bas kha dog 'gyur ba'i shing dka' thub rab tu zhi ba'i khrus sar rnam par zhugs BCt_7.32 mngon par bton pa'i rab tu 'bar ba'i me yi thab la ni dbang bskur byas pa'i drang srong skye bos khyab pa ste bzlas pa bya yi dbyangs kyis kun nas skad sgrogs lha yi tshogs chos kyi lam gyi las kyi mtha' bzhin rab tu zhugs pa'o BCt_7.33 de ni mtshan mo thang 'ga' mtshan mor byed 'od kyi dka' thub rnams la yongs su rtog cing zhugs gyur la dka' thub thams cad yongs su brtags shing mkhyen gyur nas dka' thub zhing gi thang de las ni gshegs par gyur BCt_7.34 de'i gzugs bdag nyid chen por song ba'i yid rnams kyis dka' thub gnas ldan rnams ni de nas de rjes gshegs 'phags min sdig pa rnams kyis zil non yul las ni drang srong chen po rnams ni chos bzhin pha rol gshegs BCt_7.35 de nas ral pa shing shun zur phud kyis rol pa'i dka' thub nor dang ldan pa de rnams des gzigs shing de dag rnams kyi dka' thub rnams la rjes brten te dpal dang ldan la dge ba'i shing gi rtsa bar gnas BCt_7.36 de nas dka' thub gnas ldan rnams ni nyer 'ongs nas mi mchog de la yongs su bskor nas gnas gyur la de dag rnams kyi rgan pos mchod ma sngon btang ste dus kyi zhi bas tshig 'di rab tu 'di smras so BCt_7.37 khyod kyi byon tshe gdung gnas gang ba bzhin gyur la rab tu gshegs tshe stong pa bzhin du rab tu thob de phyir brtse ba 'di ni 'bor bar 'os min te 'tsho bar 'dod pa'i phangs pa'i tshe yis lus bzhin no BCt_7.38 lha yi drang srong tshangs pa'i drang srong rgyal po yi drang srong gis bsnyen bsod nams nye bar gangs ldan ni dka' thub nor ldan rnams kyi dka' thub de rnams ni gang gi nye logs dag nas mang por 'gyur ba'o BCt_7.39 de bzhin kun nas bsod nams dag gi stegs gyur la nam mkha'i 'og gi them skas dag tu gyur pa ste lha yi drang srong rnams dang drang srong chen po ni chos kyi bdag nyid bdag nyid chen po rnams kyis bsnyen BCt_7.40 'di nas slar yang khyad 'phags chos kyi che las ni byang gi phyogs nyid kho nar bsnyen par nus pa ste blo dang ldan pas gom pa gcig tu 'gyur ba yang lho yi phyogs su 'gro bar nus pa ma yin no BCt_7.41 dka' thub nags 'dir ji ste bya ba ngan pa'am bsre ma'i chos bsam lhung ba min nam mi gtsang bar khyod kyis mthong ste gang gis khyed kyi bzhugs 'dod min de ni gsung la re zhig sred par bzhugs mdzod cig BCt_7.42 dka' thub gter dang rab tu mtshungs par gyur pa la 'di rnams kyis ni dka' thub grogs su 'dod pa ste dbang po dang mnyam khyed dang lhan gcig gnas pa ni phur bu yi yang mngon par mtho ba 'dren pa yin BCt_7.43 dka' thub ldan pa'i gtso bos de skad ces smras te srid par rab tu nyams phyir dam bca' byas pa yi mkhas pa'i gtso bo des ni dka' thub ldan dbus su nang du song ba'i rang bzhin smras par gyur pa'o BCt_7.44 'gron la sdug cing rang gi skye bo dang mtshungs pa'i drang po'i bdag nyid chos 'dzin thub pa rnams kyi ni bdag la rnam pa de ltar bsam pa skyes pa yis bdag gi dga' ba mchog dang bkur sti skyes par gyur BCt_7.45 mdor bsdus gyur na brtse zhing gnyen pa 'di rnams dag snying la song ba'i ngag rnams dag gis khrus byas bzhin kun nas 'dzin med chos can bdag gi dga' ba ni de ring slar yang cung zhig g.yos par gyur pa nyid BCt_7.46 de ltar rab tu zhugs pa'i khyed cag skyabs 'os rnams shin tu phyogs su lhung ba yang dag bstan pa rnams bor nas 'gro zhes kho bo yi yang sdug bsngal te ji ltar gnen 'dun rnams ni spangs pa de ltar ro BCt_7.47 khyed cag rnams kyi chos 'di mtho ris ched du ste bdag gi mngon par mtho ba yang srid ma yin phyir nags der gang gis bdag ni sdod 'dod ma yin te chos las ldog pa rab tu 'jug pa tha dad phyir BCt_7.48 de phyir nags 'di dag nas gang gis yongs 'gro ba bdag gi ma dga' ma yin pha rol spyod log min sngon gyi dus na rjes mthun chos la gnas pa yi drang srong chen po thams cad rnams dang mtshungs par gyur BCt_7.49 de nas don dang ldan pa bde zhing yid du 'ong legs mthun mdangs dang ldan la snying po dang ldan pa gzhon nu'i tshig ni dka' thub ldan pa de rnams kyis thos nas khyad 'phags dang ldan bkur sti mang pos gshegs BCt_7.50 de nas gnyis skyes thal ba la nyal kha cig ni lus ring gtsug tor dang ldan shing shun gos gyon zhing mig ni cung zad dkar ser sna ni phra la ring lag gcig spyi blugs ldan pas tshig 'di smras pa'o BCt_7.51 khyod kyi nges pa nyid du rgya chen blo ldan zhing gzhon nu khyod kyis skye ba la ni nyes pa gzigs mtho ris dang ni thar ba yang dag rnam spyod phyir thar ba gang gi blo gros yod pa de yin no BCt_7.52 mchod sbyin dka' thub nges pa de dang de rnams kyis chags pa dang ldan mtho ris la ni 'gro bar 'dod dgra bo bzhin du chags dang lhan cig g.yul spyad nas sems pa dang ldan thar ba du ni 'gro bar 'dod BCt_7.53 de phyir gal te khyod kyi blo gros 'di nges na skyen par khyed nyid 'bigs byed phug par gshegs mdzod cig gang zhig mthar thug nges par legs pa thob pa'i mig thub pa 'di ni de ru mtshan mo min pa gnas BCt_7.54 de phyir khyod kyis de nyid lam ni thos gyur la sred par gyur na yang dag rab tu 'thob par 'gyur bdag gis mthong ba ji ltar blo gros de de ltar de nyid kyi yang blo gros bor nas 'gro bar 'gyur BCt_7.55 gsal zhing mtho ba'i shangs dang rnam rgyas yangs pa'i spyan zangs mdog ya mchu ma mchu rno dkar mche ba can ljags ni dmar zhing phra ba'i zhal dang ldan pa 'di shes bya'i rgya mtsho mtha' dag la ni 'gro ba nyid BCt_7.56 khyod kyi zab pa dang ni gting dpag dka' gang dang gang zhig sgron ma nyid dang mtshan rnams gang yin pas sngon gyi bskal par drang srong gis gang ma mthong ba'i slob dpon nyid de sa la [.. .. .. .. .. ] BCt_7.57 [.. .. .. .. .. .. .. .. .. .. .. ] [.. .. .. .. .. .. ] mngon par dga' nas gshegs dka' thub ldan pa de rnams kyis kyang de la yang cho ga bzhin rjes byas nas dka' thub nags der gshegs BCt_7.58 | sangs rgyas kyi spyod pa zhes bya ba'i snyan dngags chen po las | | dka' thub kyi nags su zhugs pa'i le'u ste bdun pa'o || de nas mgyogs 'gro spyod de yid mi bde gyur te de ltar jo bo nags su nga med par gshegs la lam du mya ngan med pa 'bad par byas gyur te de ltar na yang de yi mchi ma khob ma gyur BCt_8.1 gang la jo bo'i bka' las mtshan mo gcig gis ni mgyogs 'gro de dang gshegs par gyur pa'i lam lam de nyid la 'gro zhag dag ni brgyad rnams kyis jo bo nyid dang bral ba de yis sems shing 'ongs BCt_8.2 'thon pa med pas rgyags pa med par gyur pa yi bsngags ldan mgyogs 'gro nyid kyang mdangs med rgyu ba ste de ltar rgyan de rnams kyis brgyan par byas na yang de yis dor bas dpal ni song ba bzhin du gyur BCt_8.3 phyir log nas kyang dka' thub nags su mngon phyogs te snying rje bar ni yang dang yang du drag tu 'tsher lam na ltogs pa ldan pa yin yang 'bru 'am chu ji ltar sngon bzhin mngon par ma dga' ma bslangs so BCt_8.4 de nas 'gro la phan pa'i bdag nyid bdag nyid chen po des ser skya zhes bya'i grong khyer rnam par dman pa la nyin mor byed pas bor ba'i nam mkha' 'bras med bzhin rim gyis de gnyis stong pa bzhin du nye bar song BCt_8.5 padma dkar po dang bcas chu yis mdzes gyur cing me tog 'dzin pa'i shing rnams kyis ni brgyan na yang grong khyer pa rnams rab tu dga' ba song gyur te de yi nye ba'i nags de nags ltar mdzes ma gyur BCt_8.6 de ltar lta byed mchi mas bcom pa'i mi rnams ni rab tu 'bar min zhan pa'i yid kyis phyogs su skor 'ong du mi ster ba bzhin gnyis po de grong du dal bus log pa'i khrus bzhin mngon par song bar gyur BCt_8.7 shākya'i rigs kyi drang srong dang bral 'ongs pa yi lus zags 'gros dang ldan pa de gnyis mthong nas kyang sngon tshe shing rta bcu ba'i shing rta 'ongs pa bzhin grong khyer skye bo rnams ni lam du mchi ma phyung BCt_8.8 de nas mya ngan nye bar ldan pa'i skye bo dag mchi ma phyung ba rnams kyis 'dun pa la smras pa grong khyer yul 'khor dga' mdzad rgyal po'i sras po de khyod kyis gang du bor zhes rgyab nas rjes su 'gro BCt_8.9 de nas gus ldan skye bo de la des smras pa mi dbang sras po bdag gis yongs su bor ba min ngu bzhin skye bo med pa'i nags su kho bo dang khyim gnas cha lugs dag kyang de yis rnam par spangs BCt_8.10 de yi tshig ni skyed po de rnams kyis thos nas nges par shin tu dka' ba nyid ces nges par song gyur la 'gyel zhing mig skyes chu ni rnam par 'thor ba ste yid la smad cing bdag nyid kyi na 'bras bu long BCt_8.11 de nas smras pa gnyis skyes rgyal po'i shugs mnga' ste gang du gshegs pa'i nags der de ring zhugs par bgyi lus can dbang po ma tshang rnams kyi ji lta bar de dang bral bas bdag cag 'tsho bar 'dod pa med BCt_8.12 de dang bral ba'i grong khyer 'di ni nags yin la de dang yang dag ldan pa'i nags de grong khyer yin lha ni lha min gsod tshe brgya byin gyis ji ltar de dang bral bas bdag gi grong khyer mdzes ma gyur BCt_8.13 de nas slar yang gzhon nu phyir la log ces te yan lag ma rnams dkar khung phreng rnams rab thob ste mgyogs 'gro'i rgyab ni rnam par dbyen pa mthong gyur nas slar yang dkar khung rnams ni rnam par bkag nas ngu BCt_8.14 brtul zhugs dang ni mya ngan dag gis yid du bcir brtul zhugs la rab zhugs pas sras po nyer thob phyir bzlas byas shing gi lha yi khang par mi bdag gis bsam pa ji ltar bya ba de dang de rnams byas BCt_8.15 de nas mig dag mchi mas rab tu gang ba des mgyogs 'gro blangs nas mgyogs 'gro rjes su 'gro ba ste g.yul 'gyed pa na dgra bos jo bo khyer ba ltar mya ngan dag gis mngon bcom mi skyong khang par zhugs BCt_8.16 mi dbang rgyal po'i khab tu rnam par zhugs pa na rnam par lta zhing mig dag mchi ma 'bab pa yis skye bo la ni sdug bsngal rab tu rtogs 'jug bzhin bsngags ldan mgyogs 'gro bsal ba'i dbyangs kyis ngus par gyur BCt_8.17 de nas khang pa'i dbus na spyod pa'i bya rnams dang nye bar btags pa'i mgyogs 'gro dam par byed rnams kyis mi dbang sras po log par gshegs la the tshom ste mgyogs 'gro de yi dbyangs la so sor ram 'degs byas BCt_8.18 ji ltar bsngags ldan mgyogs 'gro 'tsher bar byed pa ste nges par gzhon nu khab tu rnam par zhugs snyam ste dga' ba phul du byung bas bslus pa'i skye bo rnams skye bo'i bdag po'i btsun mo'i 'khor gyi nye logs so BCt_8.19 shin tu dga' ba las ni mya ngan gyis brgyal rnams gzhon nu blta ba la ni g.yo ba'i spyan pa rnams ston ka'i chu ster sprin las glog ni g.yo ba bzhin bud med rnams ni sred pas khyim nas phyir la 'thon BCt_8.20 lan bu rnam par 'phyang zhing dar gos dri ma can mig rtsi dang bral mchi mas mig bcom gdong rnams kyis mtshan mo zad tshe skya regs gis mkhar skar ma bzhin byi dor dang bral bud med rigs rnams mdzes ma gyur BCt_8.21 rkang pa rkang gdub dang bral zangs mdog ma chags rnams gdong pa rna lung dang bral mgrin pa drang po rnams rang bzhin gyis rgyas brla ni 'og pag dang bral rnams nu ma do shal dang bral stod g.yogs tshang rnams so BCt_8.22 rten dang bral ba'i 'dun pa dang ni mgyogs 'gro nyid mig ni mchi ma dang ldan de rnams kyis mthong nas nags mthar khyu mchog dang bral ba glang rnams bzhin du sems 'khral gdong ldan yan lag mchog ma rnams ni ngus BCt_8.23 de nas rgyal po'i btsun mo mchi ma dang bcas par be'u nyams pa'i ma he mo ltar mnyes bshin ma gser gyi chu shing lo 'dab rnam par g.yo ba bzhin gau tam mas ni lag pa rab tu bzung nas 'gyel BCt_8.24 dpung pa lag pa snyoms shing gzi brjid bcom pa yi bud med gzhan rnams yid mi bde bas sems med bzhin mchi ma ma bton 'o dod 'bod min dbugs med par g.yo bral ri mo bris pa bzhin du gnas par gyur BCt_8.25 brtan yin bdag po'i mya ngan gyis brgal bud med gzhan rnam par lta byed nas 'bab rgyun gyi gtong rnams kyis sa 'dzin ri bo nas 'bab rgyud kyis rdo ba ltar tsan dan rab bskud nu ma rnams la rnam par 'thor BCt_8.26 de rnams kyi ni mig chus brdegs pa'i gdong rnams kyis rgyal po'i khang de de tshe mdzes par gyur pa ni chu gsar dus na chu ster char gyis brdegs pa yi chu 'dzin padma rnams kyis rdzing bu ji ltar ro BCt_8.27 rgyas shing bar med legs par zlum pa'i sor mo can rgyan bral rtsa mi mngon pa'i yan lag mchog ma rnams rlung gis g.yos pa'i ljon shing rang gi 'dab mas ltar padma lta bu'i lag pa rnams kyis brang rnams brdungs BCt_8.28 nags rlung gis bsgul padma lta bur g.yos pa yi ngang pa rnams kyi 'khrig pa rnams kyis chu klung ltar brang brdungs rab bskyod 'brel mtho'i nu ma rnams kyis ni de lta na yang mi mo de rnams mdzes par gyur BCt_8.29 ji ltar brang rnams la ni lag pas zug byas pa de ltar lag pa rnams la brang ni zug byed cing le lo can ma brtse med stobs med ma yis der lag pa'i rtse dang brang rnams phan tshung zug byas so BCt_8.30 de nas khros pas rab tu dmar ba'i sbyan ldan ma sems 'khral gyis sbrel mgrin pa kha zhing ldab ldib dang shugs ring phyung bas 'o ma 'dzin g.yo brtan pa yi mya ngan mchi ma 'dzin pa'i grags 'dzin mas smras pa BCt_8.31 mtshan mo gnyid log dbang med bdag ni rnam spangs nas 'dun pa 'dod pa'i shing rta de ni gang du thal gsum po mnyam du song la khyod dang bsngags ldan ni nye bar 'ongs pas kho mo'i yid ni g.yos par gyur | 8.32 kho mo 'phags min brtse min bshes ma yin pa'i las phul phyung de 'dir byas nas da ni ci la ngu mchi ma ma 'don khyod kyi sems ni sim par 'gyur khyod kyi mchi ma dang ni las de gtam ma yin BCt_8.33 dga' dang dbang du song dang phan dang legs pa dang ci lta ba bzhin don byed khyod nyid dang 'grogs shing slar mi ldog pa'i ched du jo bo sras po thal khyod kyi nga la 'bras bcas sems ni dga' bar gyis BCt_8.34 mi yi dbang po'i dgra bo dag ni mchog yin la sbyor min la mkhas shes rab med pa'i bshes mchog min nges par mdza' bshes rnam par mi mkhas khyod kyis ni 'di yi rigs kyi nye bar nub pa chen po byas BCt_8.35 rab chags dri mas 'dres shing dmar ba'i mig can ma kun nas rgyan dang bral ba 'di rnams mya ngan byed gangs ldan ri bo dang mnyam bdag po gnas na yang bud med rnams ni yugs sa mo bzhin mdzes pa nyams BCt_8.36 'di dag rnams kyang bya 'dab lag pa rnam bskyod cing rtag par phug ron rnams kyi ring ba'i skad rnams dang de dang bral bas 'bras med pho brang 'khor dang bcas gzhal med khang pa'i gtsar rnams shin tu ngu ba 'dra BCt_8.37 skye bo 'di ni kun nas don med 'dod pa ste bsngags ldan mgyogs 'gro de yang nges pa nyid du'o mtshan mo skye bo gnyid tshe rkun pos rin chen bzhin bdag gi 'di ltar 'di nas nor rdzas thams cad stor BCt_8.38 mgyogs 'gro 'dis ni mda' yi rma srol byung rnams kyang sron par nus shes grags na lcag rnams smos ci dgos bdag gi snying dang 'dra ba'i dpal ni blangs gyur nas 'dis ni lcag lhung 'jigs las 'ong ba yin nam ci BCt_8.39 mi dbang pho brang yongs su gang ba bzhin du ni 'phags pa min las da ltar drag tu 'tsher bar byed gang gi tshe na bdag gi dga' ba phyi rol gshegs | | de yi tshe na mgyogs 'gro lkugs la thang chad gyur BCt_8.40 gal te skye bo dag la go bar 'tsher byed dam yang na rmig pas sa la rmig pa'i sgra byed dam yang na 'gram pa'i sgra ni mchog tu bskyed na ni bdag la sdug bsngal 'di 'dra 'byung ba ma yin no BCt_8.41 de ltar 'dir ni lha mo'i smre sngags la brten cing mchi mas mdud pa yi ge'i tshig dag thos gyur nas 'og tu gdong phyogs mchi ma dang bcas thal sbyar te 'dun pas lan 'di dal bus smras par gyur pa'o BCt_8.42 lha mo bsngags ldan la ni smod par 'os min zhing kho bo la yang khro bar mdzad pa 'os ma yin kho bo cag gi skyon min lha ma mkhyen par mdzod mi yi lha de lha bzhin bkra shis kun gyis gshegs BCt_8.43 bdag gis rgyal po'i bstan par shes pa yin na yang lha nyid gang dag gis ni stobs las byas pa bzhin bdag gis mgyogs 'gro 'di ni nye bar 'ongs pa ste lam na ngal ba med par de ltar rjes su song BCt_8.44 mgyogs 'gro mchog 'di nyid kyang gshegs tshe sa la ni bar snang dag na bzung bzhin rmig pas ma reg cing de bzhin lha yi ched du gdong ni sdoms byas bzhin 'gram pa'i sgra ni byas min 'tsher ba dag kyang med BCt_8.45 gang las sa skyong bdag nyid skyes pa gshegs pa na de tshe sgo ni rang nyid bye bar gyur pa ste mtshan mo'i mun pa nyi mas bzhin du bsal gyur te de yi phyir yang lha yi cho ga de zung gi BCt_8.46 gang phyir mi dbang bka' las skye bo stong phrag dag khang pa dang ni grong khyer nyid du bag yod kyang de tshe de ni gnyid kyis phrogs shing ma sad de de yi phyir yang lha yi cho ga de zung zhig BCt_8.47 gang phyir nags na gnas la mthun pa'i gos dag ni lha na gnas pas dus su 'di la byin gyur la rgyan dag mkha' la rab tu gtor ba de khyer te de yi phyir yang lha yi cho ga de zung gi BCt_8.48 de phyir de ltar lha mo nged gnyis la skyon du ji ltar song ba de la rtog par 'os ma yin mgyogs 'gro 'di dang bdag gi 'dod pa mi mdzad par de ni lha rnams dag gis rjes 'gro byas shing gshegs BCt_8.49 de ltar bdag nyid chen po de yi rab gshegs pa lha yi mtshar mar bud med de rnams kyis thos nas rab tu gshegs las yid la 'bar ba yang thob ste mya ngan rab tu nyams bzhin ngo mthar ldan par thal BCt_8.50 de nas yid mi bde bas yongs lding mig can ma phrug gu rab tu nyams pa'i 'ol pa sdug bsngal bzhin [.. .. .. .. .. .. .. .. .. .. .. ] rmongs gyur nyid kyang mchi ma dang ldan gdong gis smras BCt_8.51 rlabs chen dang ldan 'jam zhing dkar min dge ba ste so so so sor rtsa ba nas 'khrungs gyen du 'khyil de yi dbu skyes sa la 'thor ba de rnams ni mi dbang dbu rgyan la ni yongs su bkri bar 'os BCt_8.52 phyag ni rab 'phyang ri dags rgyal po'i stobs mnga' zhing khyu mchog chen po'i spyan ldan gser 'bar 'od mnga' ba 'brug dang rnga yi sgra ldan sku stod rnam par yangs de ltar gyur kyang dka' thub gnas su gnas par 'os BCt_8.53 sor mo legs skyes 'jam zhing dra bas 'brel ba dang long bu mi mngon pa-dma'i rtsa ba ltar 'jam la dbus na 'khor lo dang bcas zhabs ni de dag gis drang srong rnams kyi nags mtha'i sa la 'gro 'am ci BCt_8.54 khang bzang logs na khri dang gdan la 'os pa ste rin chen na bza' lci min tsan dan gyis spras shing de yi lus ni mdangs dang ldan pa nags dag tu grang dang dro dang chu 'ongs rnams su skor ram ci BCt_8.55 rigs dang gzugs dang stobs dang sems pa dag dang ni thos dang phun sum tshogs dang na tshod kyis khengs shing slong bar ma yin ster ba nyid du mngon 'ongs pa de ni pha rol dag la slong mo rgyu 'am ci BCt_8.56 gser khri dang zhing gzims mal dag la gzims nas ni mtshan mo sil snyan sgra rnams dag gi rab slob pa gos kyi phyogs gcig bar na sa yi logs la ni bdag gi dul zhugs ldan de de ring ji ltar gzims BCt_8.57 snying rje'i smre sngags rab tu zlos pa 'di thos nas bud med de rnams phan tshun lag pas yongs 'khyud de ljon shing g.yos pas me tog las ni sbrang rtsi bzhin rnam par lta byed dag nas chu dag 'thor ba'o BCt_8.58 de nas ngang pa med pa'i ngang mo bzhin du ni grags 'dzin ma ni nor 'dzin sa la 'gyel gyur la rnam par 'khrugs shing yang dang yang du ldab ldib kyi skad kyis de dang de dag rnam par smras pa'o BCt_8.59 chos dang lhan cig spyod ma mgon med kho mo ni de yis dor nas gal te chos ni byed 'dod cing chos dang lhan cig spyod ma dang bral dka' thub gang yongs su longs spyod 'dod 'di'i chos ni ga la zhig BCt_8.60 sngon gyi sa skyong rnams des nges par ma thos te legs mthong chen po la sogs mes po chen po rnams bdag po ldan ma dang bcas nags su gshegs gyur la kho mo dang bral chos byed 'dod pa de ltar ltos BCt_8.61 mchod sbyin du 'am rig byed cho gas 'dus byas shing pho mo gnyis la dbang bskur de yi 'bras bu ni gzhan du mnyam por longs spyod 'dod pa ma mthong ste de nas bdag la 'di yi chos la ser sna skyes BCt_8.62 bdag ni yid la sdug dang phan tshun phrag dog cing yang yang rtsod par chos dga' des ni nges par shes khro ba kho mo spangs nas dbang chen 'jig rten du 'jigs med lha mo las ni dga' ba len par 'dod BCt_8.63 de la lus kyi yon tan bzung ba'i btsun mo de ci 'dra zhig gam 'di ni bdag gi bsam mno ste bdag gi gus pa nyid dang bud med bor nas ni nags su gang phyir des ni dka' thub rnams la gdung BCt_8.64 nges par bdag gi 'dod 'di mtho ris bde phyir min sems ldan skye bo'i de ni rnyed par dka' ba min sdug pa des kyang bdag la 'di 'am gzhan du rung gang gis ma spong zhes ni bdag gi yid la re BCt_8.65 gal te bdag ni jo bo'i gzigs byed yangs pa'i zhal gtsang zhing bzhad pa gyen du blta ba'i skal med na skal ba dman par 'os min sgra gcan 'dzin 'di yang pha yi pang na yongs su gnas par nam zhig 'gyur BCt_8.66 e ma yid mnga' 'di yi lus ni shin tu gzhon yid ni mi rnams kyis bsngags shin tu sra ba ste ngag gi skad grag rab zlos dgra yang dga' ba yi bu ni byis pa 'di 'dra kye ma spong bar byed BCt_8.67 bdag gi 'dod pa'i sems yang shin tu sra ba ste rdo las gyur ram yang na lcags las byas pa 'am bder 'os jo bo dpal dor nags su song ba la mgon med ldan pa gang zhig dum bur ma song ngo BCt_8.68 de ltar lha mo bdag po'i mya ngan gyis brgyal te sems shing rnam zlos lan cig ma yin 'dis ngus la rang bzhin brtan yang dam pa mo de mya ngan gyis brtan pa dran pa ma yin ngo tsha ma byas so BCt_8.69 de nas de ltar mya ngan gyis smra rnams 'khrugs pa'i grags 'dzin ma ni sa la 'gyel ba mthong nas ni char gyis brdegs pa'i padma chen po bzhin du ni mchi byas gdong gis bud med rnams ni cho nge 'debs BCt_8.70 bzlas brjod rdzogs shing sbyin sreg bkra shis byas gyur te mi skyong nyid kyang lha khang dag nas phyir gshegs pa rdo rje'i sgra yis glang po ji bzhin skye bo yi nyam thag sgra des kun nas bcom zhing g.yos par gyur BCt_8.71 'dun pa dang ni bsngags ldan gnyis po mthong nas kyang sras kyi nges par brtan pa yang dag gsan nas ni bde sogs bdag po'i ldan mo zin pa'i rgyal mtshan bzhin mya ngan gyis bcom sa yi bdag po 'gyel bar gyur BCt_8.72 de nas sras po'i mya ngan gyis rmongs yud tsam zhig skye bo mtshungs mnyam mngon pa'i skye bos bzung gyur la chab kyis gang ba'i spyan gyis mgyogs 'gro la gzigs nas sa yi logs nas sa skyong gis ni smra sngags bton BCt_8.73 g.yul 'gyed pa na dga' chen mang po byas nas ni bsngags ldan khyod kyis bdag gi dga' ba ma yin byas bdag gi dga' ba yon tan dga' de gang gis ni dga' ba yin yang dga' ba med bzhin nags su bor BCt_8.74 de phyir de nyid gang du gshegs pa der bdag khyer yang na der ni slar yang skyen par khyer la shog tshabs cher na ba'i sman dang bral bas de bzhin du de dang bral bas bdag gi 'tsho ba med pa'o BCt_8.75 rgyal bu gser 'bab 'chi bas phrogs par gyur pa na dka' thub gang las yang dag rgyal ba shi ma gyur bdag kyang chos 'dzin sras po gshegs par gyur pa na bdag nyid thar 'dod bdag nyid med pa lta bur gyur BCt_8.76 rgyal rigs bcu byas khyab bdag skye dgu'i bdag po ni mchog dang mchog min shes pa nyi ma'i sras po yi bu ni 'phangs shing sdug bsngal dam pa dang bral la yid mi bde byas yid kyi rmongs pa gang las min BCt_8.77 rgyal po a dza'i sras po blo dang ldan pa ni mi bdag dbang po'i grogs la bdag gi 'dod pa ste sras po nags su song la gang zhig lhar song la mchi ma don yod ma yin bkren pas 'tshos so kye BCt_8.78 khyod kyis bdag gi chu yi snyim pa de gang du phrogs pa'i dka' thub gnas der bzang po bdag la smros de la bdag gi skom pa 'dis ni yongs 'dod de bdag gi srog ni yi dags 'gro bar 'dod BCt_8.79 de ltar sras dang bral ba'i sdug bsngal skyes gyur te sa dang 'dra ba'i lhan skyes brtan pa rnam spangs nas rā ma'i mya ngan dag gis shing rta bcu ba bzhin mi skyong 'du shes bral bzhin mang po rnam par labs BCt_8.80 de nas de la thos dang dul dang yon tan ldan rab bgres mdun na 'don dang blon po blo gros kyis mnyam par bzhag 'di ji lta ba bzhin smras gyur te yongs su gdung ba'i gdong min mya ngan med pa'ang min BCt_8.81 mi mchog brtan pa mya ngan thong la brtan par gshegs mya ngan bzhin du mchi ma 'don par 'os ma yin me tog phreng ba rnying bzhin phun tshogs bor nas ni sa na mi skyong mang po nags su shin tu song BCt_8.82 gzhan yang de yi dgongs pa nges pa 'di sngon tshe drang srong dkar min de yi tshig ni dran par mdzod mtho ris su dang 'khor los sgyur ba'i rgyal srid la skad cig kyang de gnas par bde bas nus ma yin BCt_8.83 gal te yang ste mi mchog 'bad pas bya ba ste myur bar bka' lung stsol mdzod ji snyid 'dir 'gro bgyi sna tshogs rnams kyi khyed kyi sras po de yi ni sna tshogs mang po'i 'thab mo de snyed der byed shog BCt_8.84 de nas de gnyis la ni mi bdag gis bslabs la de phyir nges par 'di nas khyed gnyis mngon par song bu la lhag par chags pa'i nags kyi bya yi bzhin bdag gi sems ni dga' bar rab tu song ma yin BCt_8.85 dam pa zhes ni mi dbang bstan las blon po dang mdun na 'dun pa de gnyis nags der song bar gyur byas shes mna' ma'i skye bo dang bcas btsun mor bcas mi skyong gis kyang bya ba lhag ma rab tu mdzad BCt_8.86 | sangs rgyas kyi spyod pa zhes bya ba'i snyan dngags chen po las | | btsun mo'i 'khor smre sngags bton pa'i le'u ste brgyad pa'o || de nas de'i tshe mdun na 'don dang blon po de mi skyong mchi ma'i lcag gis mngon par bsnun pa dag phug pa'i dam pa'i rta bzhin 'bad pa thams cad las bsam pa bzang pos skyen par nags der song bar gyur BCt_9.1 'dra ba'i rjes 'brang ngal ba skyes pa de gnyis ni dka' thub nags der dus su nye bar phyin nas ni rgyal po'i rdzu 'phrul dor de dul ba'i spyod pa yis drang srong shes ldan bu yi khang par nye bar song BCt_9.2 de dag gis ni tshul bzhin bram ze de mchod nas de ni de dag la yang rjes mthun mchod pa ste gdan byas pa dag bdag tu lta ba bcas nas ni shes ldan sras po gdan gnas pa la gtam smras so BCt_9.3 mdangs gtsang gtsang zhing rnam par yangs pa'i grags pa mnga' bu ram shing pa'i rigs su rab 'khrungs rgyal po yi shru ta rab tu 'dzin dang gsang sngags yongs 'dzin la nag por skye bo 'di ni khyod kyis rig par mdzod BCt_9.4 dbang po dang mtshungs de yi rgyal ba dang mtshungs sras rga dang 'chi ba'i 'jigs pa dag ni sgrol 'dod de 'di na mngon par nye bar 'ongs grags de yi phyir bdag cag nye bar 'ongs par bcom ldan mkhyen par mdzod BCt_9.5 de dag la des smras pa phyag ring gyur pa de rab tu thob gyur gzhon nu shes pa min pa min chos 'di 'khor bar byed ces mngon par mkhyen nas ni mngon par gdong phyogs ma yin thar bzhed skyen par gshegs BCt_9.6 de nas de las de nyid de dag nyer thob nas bram ze de la snyan dngags phab nas de ma thag dub kyang ma dub pa bzhin rgyal po la gus pas de nyid gang nas gshegs pa de nas rab tu 'ongs BCt_9.7 song ste de nas de dag gis ni rngom po dang rnam par bral ba'i sku lus rab tu 'bar ba de nyi ma stug po'i longs spyod dag la zhugs pa ltar lam na shin gi rtsa bar nye bar zhugs pa mthong BCt_9.8 de nas de la mdun na 'don dang sngags 'dzin bcas theg pa rnam par spangs nas nye bar gshegs pa ste slar gnas thub pa'i bu ni g.yon gyi lhar bcas pas nags gnas lhag spyod blta bar 'dod pa ji ltar ro BCt_9.9 lha na pa wa sangs dang phur bus dbang chen bzhin de dag gis ni de nyid bskyed cing mchod pa'o lha na pa sangs phur bu dag la dbang chen bzhin mchod 'os des ni de gnyis dag la slar mchod do BCt_9.10 sbyor bar song ba'i zla ba'i nye sar nabs so bzhin de nas kun nas mngon par rjes gnang byas pa ni de dag shākya'i rigs kyi rgyal mtshan de yi ni nye logs dag tu song ba rnam par mdzes par gyur BCt_9.11 shing gi rtsa bar gnas par mngon par 'bar ba yi rgyal po'i sras po de la mdun na 'don gyis smras lha na yongs 'dus dag la brgya byin sras po ni rgyal ba nye bar gnas la phur bus ji ltar ro BCt_9.12 khyod kyi mya ngan zug rngu snying la brtags pa na sa yi logs la rmongs shing brgyal bar gyur pa ste gzhon nu mig gi chu yi char ldan rgyal po yis gang zhig khyod la smras pa 'di ni mkhyen par mdzod BCt_9.13 khyod kyi chos la rab dmigs nges par shes pa ste khyod kyi 'byung bar 'gyur ba'i don ni shes pa'o khyod kyi dus ma yin par nags su bsnyen las bdag me dang rab mtshungs mya ngan me yis tshig pa'o BCt_9.14 de phyir tshur spyon chos dga' bdag ni dga' don du |/ chos kyi don du blo gros de nyid thong mdzod dang chu bo'i shugs kyis 'gram ngogs mngon par bcom pa bzhin bdag la mya ngan shugs 'dir rab tu 'phel ba'o BCt_9.15 rlung dang nyi ma me dang thog chen rnams kyi ni 'jug pa gang zhig sprin dang chu me ri rnams su rnam par 'byed dang skems dang sreg dang 'byed rnams kyis bdag cag rnams la mya ngan gyis 'jug pa de byed BCt_9.16 de phyir re zhig nor 'dzin bdag nyid longs spyod la dus su bstan bcos mthong ste nags su gshegs gyur te 'byung po thams cad la ni brtse ba chos yin phyir mi 'dod gnyen 'dun kho bo la ni ltos par mdzod BCt_9.17 chos de nags nyid kho nar 'grub pa ma yin te sdom brtson rnams kyi nges par grong khyer na yang grub 'dir ni blo dang 'bad pa dag ni mtshan ma ste nags dang ltag ni 'jigs pa dag gi mtshan ma'o BCt_9.18 dbu rgyan 'dzin cing dpung par rna cha do shal dang dpung rgyan rnam par nges pa'i phyag mnga' mi dbang rnams phun tshogs yan lag dbus na yongs su gnas rnams kyis khyim na gnas kyang thar pa'i lam ni rab tu 'thob BCt_9.19 brtan pa'i nu bo stobs dang rdo rje'i lag pa dang rnam mdzes bu dang chu stod de nas mthar gnas lha lus 'phags rgyal po skyes byed dang ni de bzhin du 'gro dang ljon shing can dang sde rgyal rgyal po rnams BCt_9.20 nye legs chos kyi cho ga la ni rnam dul ba'i mi bdag khyim na gnas pa de rnams mkhyen mdzod la nor gyi bdag po dang ni mi skyong dpal dag ste gnyis po dag kyang de phyir dus gcig mkhyen par mdzod BCt_9.21 mngon par dbang bskur byas pa'i chu yis brlan pa nyid gdung ba skyob pa'i gdugs bzung khyed la drag tu ni nye bar 'khyud nas kun nas gyen du blta ba ste dga' ba des ni nags su rab tu 'jug par 'dod BCt_9.22 de ltar mchi mas mdun pa'i yi ge'i tshig gis ni khyed nyid la ni sa yi bdag pos smras pa ste thos nas de la brtse zhing de la dga' don du khyed kyis brtse bas rjes su 'gro bar 'os pa'o BCt_9.23 khyod las byung ba'i mya ngan chu ni gting med pa'i sdug bsngal rgya mtshor shākya'i rgyal po nub gyur te de phyir mgon po rgya mtshor bying la gru bzhin du dman zhing rten dang bral ba de ni sgrol mdzod cig BCt_9.24 chu bo gang gā'i lto nas byung ba 'jigs byed dang lhag spyod dang ni ngan spongs sras po lhag spyod kyis pha yi dga' ba'i don du las byas thos nas ni khyed kyang yab kyi bzhed pa mdzad par 'os pa lags BCt_9.25 gnyen bshes be'u nyams par gyur pa'i ba bzhin du rgyun mi chad par nyam thag snying rjer ngu ba mo drang srong ri byi bsnyen zhing phyogs su ma song ba yang dag skyed par byed pa'i lha mo mkhyen par mdzod BCt_9.26 ngang pa rnam par bral ba'i ngang mo lta bu dang nags na glang po dang bral glang mo lta bu ni mgon dang bcas kyang mgon med dman zhing nyam thag pa'i btsun mo gzigs pa yis ni skyong par 'os pa yin BCt_9.27 sras gcig byis pa sdug bsngal 'os pa ma yin pa kun nas gdung ba mthar gyur pa ni 'dren pa ste gang ba'i zla ba sgra gcan nye bar bsgyur las bzhin sgra gcan 'dzin de gnyen gyi mya ngan las thar mdzod BCt_9.28 pho brang btsun mo'i 'khor dang grong khyer mtha' dag ni khyed dang bral ba'i bud shing can gyi mya ngan me phyir 'byung dbugs ni du ba mun pa'i rtse mo yis tshig pa dag ni khyed la lta ba'i chu 'dod do BCt_9.29 mdun na 'don pa de yi tshig dag gsan gyur nas byang chub sems dpa' yongs su gang ba'i sems dpa' des yon tan ldan zhing yon tan shes pas yud tsam zhig bsam gtan mdzad nas rigs pa'i lan 'di smras pa'o BCt_9.30 pha rnams kyi ni bu la dgongs pa shes pa ste gang zhig bdag la sa skyong gi ni khyad par du shes pa yin yang na dang rga dang rgud pa las 'jigs te nags su phyin nas rang gi skye bo dor BCt_9.31 mthar ni gal te dga' ba dang bral ma yin na rang gi skye bo dga' ba lta 'dod cis ma yin gang tshe yun ring gyur kyang rnam par 'bral ba ste de phyir bla ma brtse ba yin yang 'dor bar bgyi BCt_9.32 gang yang bdag gi ched du mi yi bdag po yi mya ngan khyod kyis smras des bdag la dga' ba med gang phyir rmi lam yang dag 'dus par 'gyur rnams su rnam par bral bar 'gyur la kun nas gdung bar byed BCt_9.33 'gro ba'i spyod pa rnam pa sna tshogs mthong nas ni de bzhin du yang khyod kyi blo gros nges par song bu min gnyen min kun nas gdung ba'i rgyu yin bzhin 'ching ba de ni shes pa med pa'i mtshan ma nyid BCt_9.34 lam du 'gro rnams 'dir ni 'dus pa ja lta ba'i skye dgu rnams ni dus su nges par 'bral ba ste gnyen 'dun dam 'cha' skye bos rnam par dman pa yi shes rab ldan pa'i skye bos mya ngan bsnyen nam ci BCt_9.35 gzhan du rang gi skye bo dor nas 'dir 'ongs la 'dir yang rab tu bslus nas slar yang 'gro ba ste der song nas kyang pha rol gzhan du 'gro 'gyur la de ltar 'dor ldan skye la rjes su brten rnam ci BCt_9.36 gang tshe mngal nas gzung ste gnas skabs thams cad du gsod pa'i phyir ni 'chi ba rab tu gnas pa ste bu la dga' ba der ni khyed kyis smras pa yi bdag gi nags su brten pa gang phyir dus ma yin BCt_9.37 yul la mngon par lhung tshe dus ma yin pa ste de bzhin nor gyi cho gar zhugs pa dus yin no dus rnams kun tu dus kyi 'gro ba khyab pa ste dge legs nges par thob la dus yod ma yin no BCt_9.38 gang yang rgyal pos bdag la rgyal srid 'dir bzhed pa de yang yab kyi rgya chen mtshungs shing 'dra ba ste sred pa las ni nad pa'i mi 'phrod zas bzhin du bdag gi rab tu 'dzin par nus pa ma yin no BCt_9.39 gti mug rmongs pa'i gzhi ma mi skyong rgyal po nyid rab tu 'thob par mi ni mkhas pas gang phyir nus gang du skyo ba dang bcas rgyags dang ngal dub dang pha rol log par spyod pas chos la gnod pa'o BCt_9.40 dza-mbu chu gser bzhin du gsal ba'i lding khang ni dug dang 'dres pa'i kha zas bzang po lta bu dang gza' yis 'khrugs pa'i padma dang bcas chu lta bu rgyal srid dang ni gser dag sdug bsngal dag gi rten BCt_9.41 de ltar rgyal srid chos min bde ba ma yin pa ji ltar mi gtsang skyes te mi dbang snga ma rnams sdug bsngal yongs su spang bya na tshod rab mchog tshe rgyal srid nges par dor nas nags su song bar gyur BCt_9.42 rin chen bzhin du tshim pa mchog ni nyer khyud nas 'brog dgon nag na rtswa dang zos pa mchog yin la sbrul nag bzhin du mthong ba ma yin nyes pa ni rnyed bla'i dpal dang lhan cig nyal ba mchog ma yin BCt_9.43 rgyal srid rnam par spangs pa rgyal po rnams kyi chos mngon par 'dod pas nags su rab 'jug bsngags pa ste nags tshal yongs su dor nas khyim du rab 'jug pa dam bca' nye bar bcom pa'i 'thad pa ma yin no BCt_9.44 rigs su skyes shing sems pa dang bcas mi gang gis chos ni mngon par 'dod pas nags su rab zhugs la ngur smrig rab tu 'dor nas ngo tsha rnam spangs pa grong khyer 'joms pa yi yang grong la bsnyen ma yin BCt_9.45 sred dang rnam par rmongs dang yang na 'jigs pa yis gang zhig bskyugs pa'i bza' ba slar yang len byed la sred dang de ni rmongs dang yang na 'jigs pa yis 'dod pa rnams ni dor nas slar yang len par byed BCt_9.46 gang zhig rab 'bar khang pa dag nas ci zhig ltar byung nas slar yang de nyid kho nar rab 'jug la nyes pa mthong de khyim na gnas pa dor nas ni rmongs pas slar yang len par mngon par 'dod pa'o BCt_9.47 gang yang mi skyong khyim na gnas pas thar pa ni 'thob pa dang ldan zhes thos de ni med pa ste zhi ba gtso bo'i thar pa'i chos ni gang la 'ang chad pa gtso bo'i rgyal po'i chos ni gang du'o BCt_9.48 zhi la dga' ba gal te rgyal srid dman pa ste rgyal srid la blo gal te zhi ba rnam par nyams grang dang dro dang me dang chu yi gcig nyid bzhin zhi ba dang ni rno nyid 'thad pa ma yin no BCt_9.49 me dang chu yi 'du ba yod pa ma yin la khram dang drang po'i 'du ba yod pa ma yin zhing 'phags dang sdig pa'i 'du ba yod pa ma yin te zhi dang chad pa'i 'du ba yod pa ma yin no BCt_9.50 de phyir sa 'dzin bdag po de rnams nges pas sam rgyal po'i srid rnams spangs te zhi ba thob pa can rgyal srid dag la snyen nas dbang po spas nyid las mthar ma thug par thar bar mngon pa'i nga rgyal byas BCt_9.51 de dag rnams kyi rgyal srid la zhi ji lta bzhin bdag ni nags tshal rab thob nges pas ma yin zhing khim dang gnen gyi 'du shes zhags pa bcad nas ni thar gyur slar yang rab tu 'jug par 'dod ma yin BCt_9.52 de ltar bdag nyid rnam shes yon tan rjes mthun pa de 'dod spangs shing gtan tshigs ldan pa sgrogs pa ste mi dbang bdag nyid skyes kyi smra ldan thos gyur nas gsang sngags 'dzin pa yis kyang lan ni smras pa'o BCt_9.53 gang zhig chos kyi cho gas nges pa khyod kyi 'di rigs pa min pa ma yin 'di ni dus rigs yin na tshod la gnas yab ni mya ngan phyir byin nas chos 'dod khyod kyi chos ma yin par gyur pa'o BCt_9.54 nges par khyed kyi blo ni shin tu phra min zhing yang na chos dang don dang 'dod par mkhas ma yin gang zhig ma mthong 'bras bu'i don du khyed nyid kyis mngon sum don ni yongs su brnyas par mdzad nas gshegs BCt_9.55 yang srid yod ces kha cig dag ni smra ba ste med ces kha cig dang ni nges par dam 'cha'o de ltar gang tshe don 'di the tshom gyur pa ste de phyir longs spyod par nus dpal ni nye bar gnas BCt_9.56 gal te slar yang rab tu 'jug pa gang yang yod der ni ji ltar 'thad pa dag la dga' bar bgyi ci ste gzhan du rab tu 'jug pa gang yang med 'gro ba 'di yi 'bad rtsol med las thar pa grub BCt_9.57 kha cig 'jig rten pha rol yod ces smra ba ste thar pa'i sbyor ba la ni bsngags pa byed ma yin ji ltar me yi dro dang chu yi gsher ba nyid de ltar rab tu 'jug par rang bzhin nyid du smra BCt_9.58 dge dang mi dge nyid dang srid dang srid min la kha cig rang bzhin las shes bsngag pa byed pa ste gang phyir 'di dag thams cad rang bzhin las yin te de yi phyir yang rab tu 'bad pa don med 'gyur BCt_9.59 gang zhig dbang po rnams kyi nges par rab spyod pa yul rnams la ni dga' ba dang ni mi dga' nyid gang zhig rga dang nad rnams dag gis sbyor byed de de la gang gis 'bad dam de ni rang bzhin no BCt_9.60 chu rnams kyis ni me rnams zhi bar nye 'gro zhing 'od zer rnams kyis chu ni skems par byed pa ste lus la yang dag gnas pa'i 'byung ba tha dad rnams gcig nyid gyur nas 'gro ba dag ni 'dren par byed BCt_9.61 gang zhig lag pa rkang pa lto rgyab mgo rnams kyis mngal du song ba'i ngo bo nges par sgrub byed la gang tshe bdag nyid de yi de yis sbyor ba ste rang bzhin las byung de shes rnams kyis de smra'o BCt_9.62 bya dang ri dags rnams kyi sna tshogs ngo bo dang tsher ma'i rnon po nyid du rab tu byed pa su rab tu 'jug pa 'di kun rang bzhin las yin la 'dod pa byed pa yod min 'bad pa gang las so BCt_9.63 de bzhin gzhan rnams dbang phyug las skyes smra ba ste der ni skyes bu'i rab tu 'jug pa la don ci 'gro ba'i rab tu 'jug la gang nyid rgyu yin zhing ldog pa la ni nges par de nyid rgyu yin no BCt_9.64 kha cig bdag gi mtshan ma nyid du smra ba ste rab tu skye ba nyid dang srid pa zad pa yang 'bad pa med las rab tu skye bar smra ba ste 'bad pa yis ni thar pa 'thob par smra ba'o BCt_9.65 lha yi mchod sbyin drang srong rnams kyi rig byed dang pha yi bu lon med pa bu rnams kyis te mi gang gi grol ba yod pa de yi thar pa zhes bu lon gsum po de dang lhan cig skyes pa'o BCt_9.66 de ltar cho ga'i bya ba'i rim pa 'di yis ni 'bad rtsol bcas pa'i thar pa de shes rnams smra la 'bad rtsol ldan pa yin yang rnam par gnon pa yis thar ba 'dod pa rnams ni ngal ba thob par byed BCt_9.67 de phyir zhi ba gal te thar la gus yod na cho gar brjod pa ji ltar rigs pas bsnyen mdzod dang 'di yi nye bar 'thad pa de ltar 'gyur ba ste mi yi bdag po'i kun nas gdung ba nyams par 'gyur BCt_9.68 dka' thub nags tshal dag nas khang par 'jug pa la khyod kyi skyon gyi blo gros gang zhig rab zhugs te yab gcig der yang khyod kyi bsam bar ma gyur dang snga ma rnams kyang nags nas rang gi khang par gshegs BCt_9.69 dka' thub nags na gnas pa bu rnams kyis bskor te rgyal po a mba rī ṣa grong du zhugs gyur la de bzhin 'phags min rnams kyis sa ni rnam bcom pa dka' thub nags nas 'ongs nas rangs byed kyis bsrungs so BCt_9.70 de bzhin do ba dang bcas bdag po'i ljon shing ming nags gnas bu dang bcas pa grong du zhugs pa ste tshangs pa'i drang srong gyur dang thub pa gnas 'jog las sbyin sreg dang bcas mtha' can lha yis dpal bzung ngo BCt_9.71 rnam pa de ltar chos dang grags par rab zhugs pa nags rnams bor nas khang khyim rnams su song ba ste de phyir dka' thub nags nas chos kyi ched du nyid khyim na rab tu 'gro ba skyon yod ma yin no BCt_9.72 de nas mi skyong rgyal po'i dga' dang phan pa nyid byas pa'i blon po de yi tshig dag gsan nas ni dman min ma 'khrug chags min brtan dang gnas pa la myur min tshig ni rgyal po sras kyis smras pa'o BCt_9.73 'dir ni yod dang med ces the tshom gang de ni gzhan gyi tshig gis bdag la 'di na nges pa med dka' thub dang ni zhi bas de nyid rtogs gyur nas gang 'dir nges par bdag nyid kyis ni bzung bar bgyi BCt_9.74 phan tshun gnod cing mi gsal the tshom skye ba yi lta ba dag ni len par bdag gi nus ma yin mun par long bas long ba'i lam mkhan byed pa bzhin mkhas pa'i skye bo su zhig gzhan gyi rkyen gyis 'gro BCt_9.75 de nyid ma mthong gyur kyang 'on kyang kho bo yi dge dang mi dger the tshom na dge blo gros gyur 'bras bu med bying la yang dge ba'i bdag nyid mchog smad pa'i bdag nyid de nyid la yang bde ba med BCt_9.76 rnam bzhag med pa'i lung 'di yang na mthong gyur nas tshad ldan rnams kyis gang smras de ni legs rtogs mdzod nyes la rab dman tshad ldan nyid ni rtogs mdzod dang nyes pa rab tu dman gyis bden min smra ba min BCt_9.77 khyim la 'jug par dmigs gang bdag la khyod kyis ni smras shing rangs byed la sogs rnams ni dper bstan te de rnams tshad min chos nges rnams su nus med cing tshad ma'i ched du brtul zhugs rnams ni yongs su zad BCt_9.78 de lta na yang nyi ma sa la lhung gyur la gangs dang ldan pa'i ri bos brtan nyid 'dor na yang de nyid ma mthong yul la kha bltas dbang po ni khyim rnams dag la so so skye bo mi bsnyen to BCt_9.79 bdag ni 'bar bar gyur pa'i me la 'jug pa ste don ma byas par khyim gyi gzhi la rab mi 'jug de ltar thugs rgyal ldan des dam bca' mdzad gyur cing ji ltar 'dod bzhin bzhengs nas ngar 'dzin med par gshegs BCt_9.80 de nas mchi ma dang bcas blon dang gnyis skyes gnyis de yi brtan pa nyid dang nges pa thos gyur nas yi mug bzhin ldan rjes su song nas sdug bsngal ba dal bus song nas grong khyer nyid du song bar gyur BCt_9.81 de nas de la brtse dang mi skyong la gus las de dag ltos bcas rab tu song zhing gnas gyur la gsal zhing snang bas nyi ma blta bar dka' ba ltar de ni lam du blta bar ma nus dor bar min BCt_9.82 mchog tu gshegs de gshegs pa shes phyir de dag gis so pa'i skyes bu gtsang ma sbas pa rnams byas nas dga' zhing sras po 'dod pa'i rgyal po la song nas ji ltar blta 'am zhes ni ji ltar yang song ngo BCt_9.83 | sangs rgyas kyi spyod pa zhes bya ba'i snyan dngags chen po las | gzhon nu rjes su tshol ba'i le'u ste dgu pa'o || sku sto rgyas shing rgya chen rgyal po'i sras po de bsreg bya dang sngags bdag po de dag rnams spangs te dba' rlabs g.yo ba'i chu bo ganggā brgal nas ni dpal dang ldan pa'i rgyal po'i khab tu gshegs par gyur BCt_10.1 ri rnams dag gis legs par sbas dang brgyan pa dang dge dang dka' thub gter bas gzung dang gtsang ba ste zhi bar rab byung tshangs pa mtho ris logs su bzhin ri lnga mtshan ma'i grong khyer rab tu thob par gyur BCt_10.2 zab mor gyur pa'i mdangs ngar de yi lus gsal ba skyes bu rnams ni shin tu gnon pa mthong gyur nas khyu mchog rgyal mtshan de yi brtul zhugs brtan pa bzhin der ni de tshe skye bo rnams ni ya mtshan gyur BCt_10.3 de rab mthong nas gzhan gang ma song de gnas shing der ni gang zhig lam na gnas de rjes 'gro zhing gang zhig skyen par song de brtan por song gyur la kha cig bsdad pa gang yin de ni langs pa 'o BCt_10.4 skye bo kha cig de la mchod pa'i lag pa yis bsti stang byas nas kha cig mgo bos phyag 'tshal zhing kha cig mnyen pa'i tshig gis mngon par stod byed cing kha cig de la rab tu mchod nas song bar gyur BCt_10.5 de rab mthong nas sna tshogs cha lugs rnams ngo tsha rab bkram tshig ni lam du smra ba med par song dngos su bzhin du chos rnams dag gi nye logs su kha cig tshul ma yin pa'i blo gros ma gyur to BCt_10.6 lha dang mtshungs pa'i mi dbang sras po de mthong nas bya ba gzhan ma rnams kyang rgyal po'i lam du ni mchod mang bkir sti sngon 'gro bud med rnams kyi 'am skyes pa rnams kyi mig dang ngom par ma gyur to BCt_10.7 dpral ba'am smin ma dag dang zhal lam spyan dag dang sku 'am phyag dag dang ni 'gros sam zhabs dag ni gang gis de yi gang nyid der ni mthong gyur pa de nyid kyis ni de yi mig dag bcings par gyur BCt_10.8 smin ma mdzod spu dang bcas spyan dag yangs pa dang sku lis mdzes shing dge ba'i dra ba dang ldan phyag sa skyong nyid du 'os pa'i dge slong cha lugs de mthong nas rgyal po'i khab kyi phun tshogs g.yos par gyur BCt_10.9 de nas khang pa'i phyi nas rnam rgyas skye bo'i tshogs ma ga dha yi khyim gyi jo bo bzo spyangs kyis mthong bar gyur te de yi rgyu mtshan dris pa ste de nas 'di la skyes bu rnams kyis de smras so BCt_10.10 yi shes mchog gam yang na sa yi dpal dag ni thob par 'gyur zhes bram ze rnams kyis gang smras pa rab tu gshegs par skye bos nges par mthong ba yi shākya'i bdag po'i sras po de ni 'di yin no BCt_10.11 de nas don thos yid kyis chags shing zhen gyur pa'i rgyal po'i sa ni skyes bu de nyid la smras pa de ni gang du song zhes rnam par shes par mdzod de nas de ltar bgyi zhes skyes bu rjes su song BCt_10.12 g.yo min spyan ni gnya' shing gang tsam gzigs pa ste gsung ni kun nas snyoms shing zab mo'i 'gros mnga' ba g.yo ba'i sems dang lus rnams dag ni nges bsdams nas dge slong mchog nyid de yang bsod snyoms la gshegs so BCt_10.13 ji ltar nye bar 'thad pa'i bsod snyoms bsnams nas ni rnam par dben zhing char rab 'bab par rab gshegs la der ni tshul bzhin rigs pas mngon par gsol gyur nas de ni sa 'dzin ri bo skya bseng la 'jogs so BCt_10.14 ro dhra'i nags kyis nye bar sbas pa'i ri bo der rma bya'i skad kyis rab gang lo ma'i spyil po na 'char ri'i steng na nyi ma gzhon nu ji lta bar ngur smrig gos kyis nyi ma'i nyi ma de mdzes so BCt_10.15 der ni de nyid rgyal po'i 'khor de mthong gyur nas bzo sbyangs rgyal po la ni gtam ngag byas pa ste thos nas rgyal po des kyang mchod pa mang po las der ni sbas pa'i rjes su 'brang bas rab tu song BCt_10.16 skya bsong ri bo mchog la skya bseng na dang ni brtson 'grus mnyam zhing ri bo dang mnyam sku lus can mi yi seng ge'i 'gros can cod man 'dzin pa ste ral pa g.yo ba'i seng ge bzhin du 'jogs par gyur BCt_10.17 de nas de yi steng na rtse mor gyur pa yi byang chub sems dpa' dbang po nye bar zhi ba ni ri bong gi mtshan sprin gyi sbubs nas byung ba bzhin skyil mo krung gis bzhugs nas rnam par mdzes pa mthong BCt_10.18 gzugs dang phun sum tshogs dang nye bar zhi ba yis chos kyi sprul pa bzhin du nye bar bzhugs de la ya mtshan dang bcas rab tu bsnyen ldan mi dbang po rang byung la ni brgya byin gyis bzhin nye bar gnas BCt_10.19 rigs pa yis ni rigs pa rig pa rnams kyi mchog khams mnyam gyur pa de la song nas dris pa ste de nyid kyis kyang mtshungs shing zhi bas mi skyong la yid ni rang bzhin gnas dang nad med smras par gyur BCt_10.20 de nas gtsang la glang po'i rna ba ltar sngo ba'i rdo ba'i logs la rgyal po yang dag nges gnas shing nye sar nye bar bsad nas rjes su mthun pa yis de i dgongs pa rnam par shes 'dod 'di smras so BCt_10.21 rim pas 'ongs pa nyid dang yongs su brtags pa ste khyod kyi rigs kyis bdag gi dga' ba mchog yin la gang phyir bdag la rang gi na tshod smra 'dod pa skyes te de phyir brtse ba'i tshig 'di mkhyen par mdzod BCt_10.22 khyod kyi rigs ni rnam rgyas sngon du nyi ma ste lus kyang na tshod gsar pa gsal la mdzes pa 'di gang phyir 'di ni khyod kyi blo gros rim med pas slong mo nyid la mngon dga' rgyal srid la ma yin BCt_10.23 khyod kyi lus 'di tsan dan dmar po 'os pa ste ngur smrig gis dkris de ni 'os pa ma yin no lag pa 'di ni skye dgu skyong bar 'os pa ste gzhan gyis byin pa'i bza' ba za bar 'os ma yin BCt_10.24 de phyir zhi ba gal te yab kyi rgyal srid la khyod kyis yab kyi brtse las stobs kyis mi 'dod cing khyod kyi blo gros rim par bzod par ma gyur na skyen par kho bo'i yul gyi phyed la longs spyod mdzod BCt_10.25 de lta na ni rang gi skye la gnod min zhing dus kyi rim pa yis kyang dpal gang bsngags pa ste de phyir khyod kyis bdag la brtse ba mdzod cig dang dam pa rnams dang bcas pas dam pa'i dpal 'phel lo BCt_10.26 ci ste da ni rigs kyi khengs pa nyid las ni bdag cag rnams la khyod la blo gtad yon tan med sde rgyas rnams ni mda' yis rnam par dkrugs byas nas bdag dang bcas pas pha rol rnams ni pham par mdzod BCt_10.27 de phyir 'dir ni gnyis dbus gcig blo tshol mdzod la chos don 'dod pa rnams la cho ga bzhin bsnyen mdzod 'di na sde tshan gsum po chags las rnam zlogs nas 'di dang gzhan du phyin nas lhung ba kun nas 'thob BCt_10.28 gang zhig don dang chos la gnod nas 'dod pa dang chos dang 'dod pa yongs su brnyas nas don dang ni 'dod dang don dag nye bar zhi bas chos de ni don byas gal te mtha' dag 'dod na don yin no BCt_10.29 de phyir sde tshan gsum la nges par snyen pa yis khyod kyi gzugs 'di 'bras bu bcas pa nyid du mdzod chos dang don dang 'dod pa dman min thob pa la mi rnams dag gi dman min skye ba'i don du smra BCt_10.30 de phyir gzhu ni rnam par 'gengs 'os rgyas pa'i phyag 'di dag 'bras bu med par byed par 'os min te nga la nu bzhin 'dis ni 'jig rten gsum rnams kyang pham par 'os pa yin na sa 'dir smos ci dgos BCt_10.31 brtse bas nges par de ni bdag gis smra ba ste ya mtshan gyis min dbang phyug nyid kyi chags pas min khyod kyi dge slong nyid kyi cha lugs 'di mthong nas rjes su brtse ba skyes nas mchi ma yang byung ngo BCt_10.32 de phyir rang rigs rab mtshungs khyod kyi gzugs ji srid rga bas zil gyis mnan nas slar yang ma 'ongs par slong mo'i gnas 'dod 'dod pa rnams la longs spyod la dus su chos la dga' ba chos ni gyis mdzod cig BCt_10.33 'khogs pas nges par chos ni 'thob par nas pa ste 'dod pa nye bar spyod la rgyas pa'i 'gro ba med de phyir dar la bab pa'i 'dod pa rnams smra ste bar ma'i nor yin rgan po rnams kyi chos yin no BCt_10.34 gson pa'i 'jig rten dag na chos dang don dag ni rnam par 'gal bar gyur pa yin phyir lang tsho rnams yang dag bsrung ba yin yang thub par dka' ba ste gang phyir 'dod pas lam de las ni 'phrog par byed BCt_10.35 na tshod 'khogs pa rnams ni rnam dpyod ldan pa ste shin tu brtan pa'i gnas skabs mchog tu song ba rnams ngo tsha ba nyid phyir dang song ba ma yin phyir 'bad pa nyung ngus zhi ba'i bdag nyid 'gyur ba 'o BCt_10.36 de nyid phyir na g.yo zhing yul ni gtso bo dang rab mos bzod pa ma yin ring por mthong min la 'brog dgon dag las nges par thar nas dbugs phyung bzhin g.yo sgyu mang po'i lang tsho shin tu 'das nas so BCt_10.37 de phyir mi brtan g.yo la bag med ldan pa yi na tshod gsar pa 'di ni re zhig rnam par 'ong |g 54b 'dod pa'i lta yi sngon du na tshod 'ben yin la dbang po rnams las bsrung bar nus pa ma yin no BCt_10.38 ci ste khyed kyi chos nyid mdzad par 'dod pa ni mchod sbyon kyis lha mchod mdzod 'di ni rigs kyi chos mchod sbyin rnams kyis mtho ris logs ni byin rlabs nas lha dbang nyid kyang mtho ris logs su gshegs par gyur BCt_10.39 gser gyi dpung rgyan rnam par bcings pa'i phyag rnams dang nor bu'i sgron mas 'bar ba'i dbu rgyan sna tshogs can mi skyong drang srong rnams dang drang srong chen po rnams ngal bas gang gshegs 'gros der mchod sbyin rnams kyis gshegs BCt_10.40 de ltar ma ga dha yi bdag pos tshig smras pa gang zhig dbang po'i bzhin du smra ba yang dag mdzes sna tshogs du ma'i sa phyogs ti se'i gangs ri ltar rgyal po sras des de thos gyur nas nam ma g.yos BCt_10.41 sangs rgyas kyi spyod pa zhes bya ba'i snyan dngags chen po las | bzo sbyangs sngon du song ba'i le'u ste bcu pa'o | | de nas bshes kyi sgo nas phan pa yin pa'i don de ltar ma ga dha yi bdag po smras pa yis rang gnas rnam par 'gyur min rigs gtsang gcang ba'i zas gtsang rgyal po'i sras kyis tshig 'di smras pa 'o BCt_11.1 seng ges mtshan pa'i yangs pa'i rigs su rab skyes pa khyed kyi cho ga de ni ngo mtshan che ma yin gang phyir bshes gnyen phyogs su gshegs 'dod khyod kyi ni yongs su dag pa'i spyod pas spyod pa de yin no BCt_11.2 rang rigs rjes su spyod pas dam pa min la byams dbang po ma tshang ba la dpal bzhin gnas min la snga mas byas pa'i dga' ba rim rnams kyis de ni dam pa rnams kyis rnam par 'phel bar byed BCt_11.3 don ni dka' ba rnams su mi rnams gang zhig gis mdza' bo rnams kyi nam pa'i don gyur 'jig rten na bshes gnyen de rnams blo yis yongs su shes bgyi ste rang gnas dag ni 'phel bar gang phyir ma yin BCt_11.4 de ltar gang gis rdzas dag thob nas 'jig rten na bshes rnams dang ni chos la nges par sbyor byed pa de rnams kyi ni nor gyis snying po thob pa ste mthar ni nyams las gdung ba skyed par byed ma yin BCt_11.5 rgyal po mdza' bo nyid dang 'phags pa nyid kyis kyang khyod kyi nges pa gang zhig bdag la dmigs pa 'di mdza' bo nyid kyis 'dir ni rjes su bsnyad bygi ste rgol ba gzhan min 'dir ni bdag gis smra bar bgyi BCt_11.6 bdag gis rga dang 'chi ba'i 'jigs pa rnam rig nas thar pa 'dod pas chos 'di rab tu thob pa ste gnyen 'dun dga' ba mchi ma'i gdong ldan rnam spangs nas mi dge'i rgyur gyur 'dod pa rnams ni sngon nyid do BCt_11.7 bdag gi yul rnams dag las ji ltar 'jigs pa nyid de ltar sprul gyi dug rnams la ni mi 'jigs shing nam mkha' dag las 'phos pa'i thog rnams las min la rlung dang bcas pa'i me rnams dag las ma yin no BCt_11.8 mi rtag 'dod pa rnams kyis dge ba'i nor brku zhing stong pa rmi lam sgyu ma dang mtshungs 'jig rten na yid la smon pa yis kyang rmongs par byed pa ste mi yi sems ni bdag nyid gnas pa smos ci 'tshal BCt_11.9 kye ma 'dod pas zil gyis non na mtho ris su mde ba thob min 'chi ba'i 'jig rten na smos ci rlung grogs ldan pa'i me yi bud shing gis ji ltar sred dang bcas pa'i 'dod pa rnams kyis tshim pa med BCt_11.10 'gro na 'dod pa rnams dang mnyam pa'i don med med rmongs las de rnams khi nar skye bo rab tu chags de nyid shes nas de ltar don med 'jigs pa ste shes ldan su zhig rang gis don med mngon par 'dod BCt_11.11 rgya mtsho'i gos can sa ni kun nas thob nas kyang rgya mtsho chen po'i pha rol rgyal bar 'dod pa ste rgya mtsho'i chu bo rnams dang chu bran rnams kyis ltar 'jig rten pa yi 'dod pa rnams kyis ngoms pa med BCt_11.12 lha yis gser gyi char pa dag kyang phab gyur la gling rnams bzhi po mtha' dag la yang longs spyad de brgya byin gyi yang gdan phyed dag kyang rab thob nas nga la nu ni yul rnams dag la ngoms pa med BCt_11.13 lha na lha rnams kyi yang rgyal srid longs spyad nas mchod sbyin brgya ba lha min 'jigs las rab nyams tshe rgyags las drang srong chen po rnams la'ang khur bcol nas 'dod pa rnams la ngoms med sgra med lhung bar gyur BCt_11.14 e la'i rgyal pos mtho ris rnams ni rnam dkrugs te brla mdzes lha mo de nyid dbang du byas nas kyang sred phir drang srong rnams la gser dag phrogs pa ste yul rnams la ni ngoms med nyams par song bar gyur BCt_11.15 lha min las ni dbang chen dbang chen las sgra med sgra med las slar dbang chen gang du nyer song ste mtho ris dang ni sa 'am yul ni de rnams su skal ba'i tshogs 'khrugs rnams la su zhig blo gtad byed BCt_11.16 shing shun gos can rtsi ba 'bras bu chu za zhing lag 'gro'i sbrul ltar ring ba'i ral pa'i khur rnams kyang gang gis don gzhan ma yin thub pa yang nyams te 'dod pa zhes bya'i dgra bo rnams ni su yis 'tshol BCt_11.17 rno ba'i mtshin cha dang ni rno 'dzin mtshon cha yang gang gi don du 'jigs sde las ni 'chi thob la de dag rnams kyi dge min sems kyang spyod rnams kyi 'joms phyir de phyir brtul zhugs rnams kyi smos ci dgos BCt_11.18 yul rnams su ni mya ngan nyung ngur shes gyur nas ku nas sbyor zhing mchog tu ngoms pa med pa nyid dam pa rnams kyis smod cing nges par sdig pa ste 'dod pa'i ming can dug ni su yis len par byed BCt_11.19 zhing gi las la sogs pa rnams kyis nyam thag cing 'dod pa rnams la mi 'chang rnams kyi rang gnas dang 'dod pa'i bdag nyid rnams kyi rang gnas thos nas ni 'dod pa rnams ni spong bar sems ldan rnams kyis nus BCt_11.20 grub 'gyur 'dod pa rnams su rgyags pa nyer thob phyir 'dod pa can la 'dod 'byor rgud pa shes bya ste rgyags las bya ba min byed bya ba ma yin la gang gis zad cing ngan 'gror nye bar 'gro bar 'gyur BCt_11.21 gang las 'bad pas thob cing yongs su bskyabs pa rnams rnam par bslus nas slar yang so sor 'gro ba ste bdag nyid ldan pas g.yar po dang mtshungs de rnams su 'dod pa rnams la 'di na mkhas pa su zhig dga' BCt_11.22 btsal nas dang ni blangs nas skom pa skyes pa yis gang rnams mi 'dor sdug bsngal bar ni yongs 'gro la 'jig rten dag na rtswa sgron dang mtshungs de rnams su 'dod pa rnams la sems ldan su yi dga' ba yin BCt_11.23 bdag ldan min pa snying la gang gis rnam rmugs te rnam par nyams par 'gro 'gyur bde bar 'gro min zhing kun nas 'khros pa'i sbrul dang rab mtshungs de rnams su 'dod pa rnams la sems ldan su yi dga' ba yin BCt_11.24 ltogs pas nyam thag kyis bzhin rus pa zos nas kyang gang rnams la ni ngoms par 'gyur ba ma yin nyid 'khogs pa'i rus pa'i keng rus dang mnyam de rnams su 'dod pa rnams la sems ldan su yi dga' ba yin BCt_11.25 gang gis rgyal po rkun po chu dang me rnams las thun mong gyur pa nyid phyir sdug bsngal skyed byed de rab tu gtor ba'i sha dang mtshungs pa de rnams su 'dod pa rnams la sems ldan su yi dga' ba yin BCt_11.26 dgra bo dang ni gnyen 'dun 'brel pa rnams las kyang gang la gnas pa rnams ni skyen par rgud pa ste skye mched dang mtshungs nye bar 'tshe ba de rnams su 'dod pa rnams la sems ldan su yi dga' ba yin BCt_11.27 ri dang nags dang chu dang rgya mtsho rnams su yang gang la rnam par 'phyo ba rnams ni lhung 'gyur te ldon shing rtse mo'i 'bras bu dang mtshungs de rnams su 'dod la rnams la sems ldan su yi dga' ba yin BCt_11.28 rnam pa sna tshogs 'bad pa drag po 'thob pa rnams gang gis skad cig gis 'dir nyams par 'gyur ba ste rmi lam nye bar longs spyod dang mtshungs de rnams su 'dod pa rnams la sems ldan su yi dga' ba yin BCt_11.29 gang rnams bsgrubs nas dang ni rnam par spel nas dang yongs su bskyabs nas kyang ni bde bar 'gro min la lci ba'i me ma mir dang rab mtshungs de rnams su 'dod pa rnams la sems ldan su yi dga' ba yin BCt_11.30 gang gi don du sgra ngan rnams ni nyams gyur la [.. .. .. .. .. .. .. .. .. .. .. ] ro bsregs shing dang rab tu mtshungs pa de rnams su 'dod pa rnams la bdag ldan su yi dga' ba yin BCt_11.31 lha min mdzes sbyin dang ni nye ba'i mdzes sbyin dag gang gi don du phan tshun dgrar song nyams gyur la mdza' bshes gyur cing rnam par 'bral ba de rnams su 'dod pa rnams la sems ldan su yi dga' ba yin BCt_11.32 gang dag rnams kyi don du chu dang me la dang sha za rnams la bdag nyid 'dir ni 'dor ba ste dge ba ma yin dgra bor gyur pa de rnams su 'dod pa rnams la sems ldan su yi dga' ba yin BCt_11.33 bshes med 'dod pa'i don du bkren por byed pa ste gsod dang 'ching ba la sogs sdug bsngal rab thob la 'dod pa'i don du sems ni bkren pa'i dka' thub can gson pa'i 'jig rten 'ching ba dang ni ngal bar 'gro BCt_11.34 ri dags rnams ni gsod phyir glu yis 'phrog byed la gzugs kyi don du phye ma leb rnams mer mchong zhing sha dag don gnyer nya yis lcags ni za ba ste de phyir yul rnams don med nyid du 'bras bu smin BCt_11.35 'dod pa'i longs spyod yin zhes gang gi blo yin la kha cig longs spyod rnams ni yongs su spyod pa ste gos sogs rdzas kyi yon tan yin phyir 'jig rten na sdug bsngal zhi bar byed ces rab tu gzung bar bya BCt_11.36 skom pa rab tu zhi phyir chu dag 'dod pa ste bkres pa rnam par nyams phyir bza' ba de bzhin du rlung dang gdung ba sgrib pa'i ched du khang pa ste 'doms dang grang ba sgrib pa'i phyir ni bgo ba 'o BCt_11.37 de bzhin gnyid ni rnam par 'joms phyir gnas yin la de bzhin lam la ngal ba nyams phyir theg pa ste de bzhin gnas ni rnam par spyong phyir stan yin la gtsang dang nad med stobs la brten phyir khrus yin no BCt_11.38 sdug bsngal rab tu zhi ba'i ched du gyur pa ste de bzhin skye dag rnams kyi yul rnams longs spyod min rab tu zhi ba'i cho gar rab zhugs shes rab can longs spyod rnams ni bza' zhes su yis khas len byed BCt_11.39 gang zhig 'gro ba'i gdung bas rnam par gdungs pa yin longs spyod yin zhes grang ba'i bya bar nan tan byed sdug bsngal zhi ba'i bdag nyid la ni rab 'jug cing des ni 'dod pa rnams la longs spyod 'du shes byed BCt_11.40 gang phyir 'dod pa rnams la mtha' gcig gyur min te de phyir bdag gi de la longs spyod 'du shes med dngos po gang nyid kyis ni bde ba ster byed pa de nyid kyis ni slar yang sdug bsngal 'dren par byed BCt_11.41 bgo ba lci mo dang ni lci ba ma yin nyid grang dang dro ba'i tshe na bde dang bde min la zla 'od rnams dang tsan dan nyid dang dro ba na bde ba'i phyir dang sdug bsngal phyir yin grang ba na'o BCt_11.42 gang phyir rnyed dang ma rnyed la sogs 'jig rten na kun gyi gnyis su 'dzin pa rnams ni rab zhugs te de phyir mtha' gcig bde ba yod pa ma yin zhing sa na skyes bu kha cig mtha' cig sdug bsngal min BCt_11.43 bde dang sdug bsngal nyid ni rnam par 'dres mthong nas rgyal srid dang ni bran nyid mnyam pa bdag gi lugs rgyal po nyid ni rtag par rgod pa ma yin zhing bran ni kun nas gdung ba nyid kyang ma yin no BCt_11.44 gang phyir mi skyong nyid du bka' lung lhag pat gyur de phyir rgyal po'i sdug bsngal dag ni chen po nyid kun nas bsten pa'i shing dang rab mtshungs rgyal po ni srid pa'i rgyu las yongs su ngal bar 'gro ba nyid BCt_11.45 rgyal srid 'dor ldan bshes min mang por mi skyong gis gal te blo gtad 'cha' bar gyur na rgud pa ste ci ste yang na blo gtad nye bar byed min na 'dir ni 'jigs ldan rgyal po'i bde ba zhes bya ci BCt_11.46 gang tshe sa ni mtha' dag rgyal bar gyur nas kyang gnas pa'i ched du grong khyer gcig pi nyid mthong zhing de nyid la yang pho brang gcig pu bsnyen bya ste rgyal por gyur pa pha rol don di ngal lam ci BCt_11.47 rgyal po sdod pa'i gnas kyang gnya' shing gcig nyid de de bzhin bkres pa 'gegs phyir bza' ba tsam yin la de bzhin nyal lam gcig dang stan ni gcig nyid de lhag dang lhag min mi mi skyong gi ni rgyags phyir ro BCt_11.48 gal te tshim pa'i don du 'bras bu de 'dod na rgyal srid rnams dang bral yang bdag ni tshim pa yod tshim pa yod par gyur na skyes bu'i 'jig rten na khyad par med pa ma yin thams cad khyad par ro BCt_11.49 de phyir dge dang zhi ba'i lam ni rab thob pa kho bo 'dod pa rnams la bslu bya ma yin la mdza' bshes nyid du dran par byas nas yang dang yang dan bca' nges par skyong zhes bdag la smras pa 'o BCt_11.50 bdag ni nags su zhugs pa mi bzod pas min la dgra bo'i mda' rnams kyis ni mgo bo 'dar ba min 'bras bu lhag pa rnams las re ba byas min te de phyir khyed kyi tshig de bzung ba ma yin no BCt_11.51 gang zhig yang yang shin tu sos 'debs khros pa'i sbrul spangs nas slar yang len pa la ni nan tan byed yang na sreg pa'i rang bzhin 'bar ba'i rtswa yi me spangs nas 'dod pa rnams ni slar yang de yis brten BCt_11.52 gang zhig ma long long ba'i phyir ni 'dod pa ste grol ba 'ching ba'i phyir dang phyug po nor med phyir rang bzhin gnas pa'i sems ni bsnyen pa'i sems phyir la yul gyi bdag nyid phyir ni 'dod par de yis byed BCt_11.53 gang zhing 'dir ni mchog tu zhi ba'i bde ba dang gzhan du sdug bsngal rnams ni kun nas sgrib pa ste byed ldan rga dang 'chi ba'i 'jigs las sgrol 'dod pa slongs mo nye bar rgyu zhes rjes su brtse bya min BCt_11.54 gang zhig 'dir ni zhi ba'i bde ba 'thob min la gzhan du sdug bsngal rnams kyis rab tu 'dzin byed cing phun tshogs chen po'i bar nyid la yang rnam gnas pa'i sred pa zil gyis non la rjes su brtse bar bya BCt_11.55 sems dpa' yi dang spyod pa yi dang rigs nyid kyi khyod kyi brjod pa la ni rjes su mthun pa ste sems dpa' yi dang spyod pa yi dang rigs nyid kyi kho bo yi yang dam bca' 'dren par mtshungs pa 'o BCt_11.56 bdag kyang 'khor ba'i mda' yis rnam phug pa zhi ba thob par 'dod pas rnam par nges 'byung ste nad med mtho ris na yang rgyal srid 'thob pa ru 'dod pa med na kye ma mi rnams su smod ci BCt_11.57 mi skyong gang yang ste gsum mtha' dag brten pa 'di rab mchog mi yi don zhes khyed kyis bdag la smras de ltar don med ces ni bdag gi brten pa 'dir 'dzad ldan sde mtshan gsum ni tshim byed kyang ma yin BCt_11.58 gang du rga bar 'gro min 'jigs min nad ma yin skye min nye bar 'da' min sems kyi nad rnams min gang na yang dag yang du bya ba yod min pa de nyid skyes bu'i don ni mchog tu shes pa 'o BCt_11.59 ji srid na tshod so ma rnam par 'gyur bar 'gro de srid rga ba yongs si skyongs mdzod zhes smras pa 'di ni nges pa ma yin g.yo bar mthong ba ste rga ba brtan pa min dang lang tsho brtan ldan mthong BCt_11.60 rang gi las mkhan mthar byed gang gis 'gro ba ni na tshod kun ka dbang med rnam par 'gugs pa ste rnam bzhag ma yin rnam par nyams tshe gang ltar ni zhi 'dod mkhas pa dag gis rga ba rtogs par byed BCt_11.61 gang tshe rga ba'i gzhi dang nad rnam bkram pa'i mda' mthar byed dge ba ma yin rngon pa bzhin gnas pas skye dgu'i ri dags skal ba'i nags rten rnams gtor te na tshod rab mchog la dmigs yid la re ba ci BCt_11.62 de phyir gzhon nam rgan dang yang na byis pa ni rab tu 'jug par 'dod dam rnam par ldog pa nyid chos ldan bdag nyid byas pa ji lta bar gyur pa de ltar myur ba ldan pas 'dir ni bya bar 'os BCt_11.63 yang na 'dod pa'i bras bu rigs su 'os pa rnams chos phyir mchod sbyin bya ba gyis zhes gang smras pa gang zhig gzhan gyi sdug bsngal bya bas 'dod pa ste mchod sbyin rnams la phyag 'tshal bde ba 'dod pa med BCt_11.64 'bras nu 'dod pas dbang med pha rol gsod pa la snying rje'i bdag nyid dam pa rnams kyi rigs tshul min gang yang mchod sbyin dag gi 'bras bu rtag gyur pa snying rje'i bdag nyid gang gi deltar byas nas ci BCt_11.65 sems ni zhi ba yis sam tshul khrims brtul zhugs kyis gal te chos tshul gzhan gyi cha ga ma yin la de lta na yang mchod sbyin bsnyen par 'os min te gang du gzhan la 'tshes nas 'bras bur brjod pa 'o BCt_11.66 'di nyid du yang re zhig skyes bu gnas pa yi bde ba gang zhig pha rol 'tshe bas rab zhugs pa de yang brtse bcas blo dang ldan pa'i 'do min te gang zhig srid pa'i tha mar mi mthong kye ma ci BCt_11.67 rgyal po 'khor bar bdag gi yid ni dga' med cing 'bras bur rab tu 'jug phyir bdag ni bslu bya min chu 'dzin char gyis brgyab pa'i ljon shing bzhin du ni kun tu song ba'i rab tu 'jug pa rnams ni g.yo BCt_11.68 rnam par thar ba smra ldan rtsibs 'phur thub pa ni blta bar 'dod pas bdag ni 'dir yongs de yi phyir mi skyong khyod la dge bar gyur cig da ni 'gro bdag gi de nyid ltos med ngag ni bzod par mdzod BCt_11.69 lha na dbang po bzhin bsrungs rtag par nyi bzhin bsrungs yon tan gyis bsrungs sa bsrungs 'dir ni dge legs bsrungs tshe bsrungs 'phags pa yis bsrungs dam pa'i bu rnams dang dpal bsrungs rgyal po bdag nyid kyi ni chos bsrungs shig BCt_11.70 kha ba'i dgra yi tog las skyes pa las skyes nas ji ltar gnyis gang zhig lus ni rnam thar 'gro kha ba'i dgra yi dgra yis khyim gyi dgra 'joms nang nang du de ltar gang zhig yid ni rnam par thar gshegs mdzod BCt_11.71 thal mo sbyar bcas te thob mi skyongs gis smras pa khyed kyis ji ltar 'dod pa gegs med thob par shog bya ba byas pa kun nas thob pa dus su 'dod kho bo yi yang rjes su 'dzin pa khyed kyis mdzad pa 'o BCt_11.72 de ltar gyur zhes brtan pa'i dam bca' mdzad nas sa skyong la de nas de ni thams cad sgrol gyi dka' thub gnas su gshegs yongs su gshegs pa de mthong nas kyang ngo mtshar gyur pa yi myi skyong nyid kyang ri yi tshogs kyi grong khyer nyid du song BCt_11.73 | sangs rgyas kyi spyod pa zhes bya ba'i snyan dngags chen po las | chen po las 'dod pa la rnam par smod pa'i le'u ste bcu gcig pa'o || de nas lus kyis gang ba bzhin bu ram shing pa'i zla ba yis zhi bar gnas pa'i thub pa yiyi rtsibs 'phur gyigyi corr. ni gnas su bsnyen BCt_12.1 sgyu rtsal shes kyi rigs de yis rgyang nas gzigs nas mthon po yis legs par 'ongs zhes smras pa ste drung du nye bar gshegs pa'o BCt_12.2 de gnyis phan tshun rigs par ni khams ni snyoms par dris nas su shing gtsang brtul zhugs gdan dag la sa phyogs gtsang bar bzhugs pa'o BCt_12.3 bkur mang rnam par yangs pa yi lta byed dag gis 'thung ba bzhin mi skyong sras po bzhugs de la thub pa mchog des smras pa'o BCt_12.4 zhi ba bdag gis shes pa ltar khyim nas nges par byung bar gyur gnyis 'thung rgyags pas zhags pa ltar brtse ba'i zhags pa bcad nas 'ongs BCt_12.5 khyod kyi yid ni shes rab dang kun nas brtan pa ldan pa nyid dug gi ljon pa'i 'bras bu bzhin gang khyod dpal dor nas 'ongs so BCt_12.6 longs spyad lhag ma'i phreng ba bzhin bu rnams dag la dpal byin nas sa skyong 'khogs pa'i na tshod rnams gang zhig nags 'ongs ngo mtshar min BCt_12.7 bdag gi lugs ni ngo mtshar te so ma'i na tshod la khyod kyis yul gyi spyod yul la gnas pa dpal nyid longs ma spyad nas 'ongs BCt_12.8 de phyir chos 'di shes pa la khyod ni dam pa'i snod yin la ye shes gru bo byin rlabs nas skyen par sdug bsngal rgya mtsho sgrol BCt_12.9 gang yang slob mar shes pa na dus kyis bstan bcos la 'jug ste zab pa las dang nan tan las bdag gi yongs rtog khyod ma yin BCt_12.10 de ltar rtsibs 'phur nyid kyi tshig mi yi drang srong des gsan nas mchog tu dga' bar gyur pa yis lan gnyis rab tu smras pa'o BCt_12.11 don ma byas kyang 'di yis ni don byas bzhin du da lta nyid chags dang bral ba gang 'di ni dam pa khyed kyi mngon du gyur BCt_12.12 blta bar 'dod pas 'od bzhin dang sgrol bar 'dod pas gru bzhin dang 'gro bar 'dod pas lam mkhan bzhin khyed mthong ba las bdag gis shes BCt_12.13 rga dang 'chi ba'i 'jigs rnams las [.. .. .. .. .. .. .. ] gal te gsung byar dgongs nas ni de phyir gsung bar 'os pa'o BCt_12.14 de ltar rtsibs 'phur gyis gzhon nu'i bdag nyid che las bskul ba nyid rang nyid kyi ni bstan bcos kyi nges par mdor bsdus gsungs pa'o BCt_12.15 ji ltar 'khor ba yin pa la ji ltar nges par ldog pa nyid nyan pa rnams kyi mchog grub mtha' kho bo'i 'di ni gson mdzod cig BCt_12.16 rang bzhin dang ni rnam 'gyur dang skye dang 'chi dang rga ba ste re zhig sems dpa' zhes brjod pa brtan pa'i sems dpa' de shes mdzod BCt_12.17 de la rang bzhin shes bya ba rang bzhin shes pa shes par mdzod 'byung ba lnga yi bdag nyid dang blo dang mi gsal ba nyid do BCt_12.18 rnam 'gyur zhes bya mkhen par mdzod yul rnams dang ni dbang po rnams lag pa rkang pa ngag dang ni 'phongs dang 'doms dang de bzhin yid BCt_12.19 'di yi zhing ni shes pa las zhing shes pa zhes bya ba ste zhing shes pa zhes bdag nyid du du bdag tu bsam byed rnams kyis smras BCt_12.20 slob ma dang bcas ser skya yis 'dir ni rab tu rtogs zhes dran bu dang bcas pa'i rtogs pa dang skye dgu'i bdag por 'di brjod do BCt_12.21 skye ba nyid dang rga ba dang na ba dang ni 'chi ba gang de ni gsal zhes rtogs bya ste bzlog las mi gsal ba yang ngo BCt_12.22 mi shes pa dang las dang sred 'khor ba'i rgyu rnams shes bya ste gsum po 'dir gnas 'gro ba ni snying stobs de ni 'da' ba med BCt_12.23 log pa las dang ngar 'dzin las the tshom las dang mngon 'phyo las khyad par med las thabs min las chags pa las dang mngon lhung las BCt_12.24 de la log pa zhes bya ba phyin ci log tu 'jug pa ste bsam par bya ba gzhan sems zhing bya ba gzhan ni byed pa'o BCt_12.25 smra ba nga dang rig pa nga 'gro ba nga dang gnas pa nga de ltar 'di na ngar 'dzin pa ngar 'dzin med kye 'jug pa'o BCt_12.26 gang zhig the tshom med dngos rnams gcig tu gyur pas mthong ba ste the tshom med pas 'jim gong ltar de 'dir the tshom du brjod do BCt_12.27 gang zhig nga nyid de nyid 'di yid dang blo dang las yin la gang zhig grangs de de nyid nged zhes gang de ni mngon par 'phyo BCt_12.28 rab rgyas rab rgyas ma yin pa'i khyad par med pa khyad shes kye rang bzhin rnams kyi gang shes pa de ni khyad par med ces dran BCt_12.29 phyag 'tshal ba dang gzhi mi 'grib gsang gtor dang ni mngon 'thor sogs thabs min zhes ni shes ldan gyis rab tu rtogs bya thabs shes kye BCt_12.30 chags la mi skye yul rnams la yid ngag blo dang las rnams kyis blo ngan gang gis chags byed pa de ni mngon par chags zhes dran BCt_12.31 bdag gi 'di dang 'di bdag ces gang zhig sdug bsngal mngon snyam ste gang zhig 'khor bar lhung [.. .. ] [.. .. .. .. .. ] zhes bya BCt_12.32 de ltar mkhas kyis ma rig pa gnas skabs lnga ni rab thob ste mun pa rmongs pa rmongs pa che mun las gyur pa gnyis nyid nyid do BCt_12.33 de la mun pa le lor dang rmongs pa skye 'chir rtogs par mdzod rmongs pa chen po 'dod pa zhes kun nas rmongs med mkhyen par mdzod BCt_12.34 gang phyir 'di na 'byung rnams kyis chen por yang ni rab rmongs byed de phyir phyag chen 'di dag ni rmongs pa chen po zhes dran no BCt_12.35 mun las gyur pa khro nyid du lhag par byed pa'o khro med kye mi shes mun las gyur pa ni skyo bar rab bshad skyo med kye BCt_12.36 ma rig pa 'dis byis pa ni gnas skabs lnga dang ldan pa ste 'khor bar sdug bsngal gyur pa yi skye ba rnams su 'bab par byed BCt_12.37 lta bo nyan po shes pa po bya ba dang ni rgyu nyid dag nga zhes de ltar 'ongs nas ni 'khor bar yongs su 'khor bar byed BCt_12.38 blo ldan rgyu 'di rnams kyis 'di skye ba'i rgyun la rab tu 'jug rgyu med pa las 'bras bu med de ltar rnam par shes par 'os BCt_12.39 de la rab rgyas rab rgyas min gsal ba dang ni mi gsal nyid thar pa 'dod pa bzhi rnams te yang dag 'gro ba rig par mdzod BCt_12.40 bzhi po de dag ji lta bzhin [.. .. .. .. .. .. .. ] [.. .. .. .. .. .. .. ] 'gyur med go 'phang 'thob par byed BCt_12.41 de phyir 'jig rten na tshangs pa mchog tu tshangs par smra ba rnams tshangs pa'i spyod pa spyod byed 'dir tshangs pa rnams kyis gnas par byed BCt_12.42 mi skyong sras kyis thub pa de'i tshig 'di de ltar gsan nas ni mthar thug go 'phang nyid dang ni thabs mngon pa dag dris pa'o BCt_12.43 ji ltar ji srid gang du ni tshangs pa'i spyod pa 'di spyad cing chos 'di yi ni mthar thug pa khyod kyis rnam par bshad par 'os BCt_12.44 de ltar thub pas bstan bcos ltar rnam gsal don ni mdor bsdus pas cho ga'i rtog pa gzhan nyid kyis chos de de la smras pa'o BCt_12.45 'dis ni dang por khyim spangs nas slongs mo'i rtags ni brten pa ste phrin las rnam par rgyas pa yi tshul khrims blangs nas 'jug par byed BCt_12.46 byed ldan rtsod med bstan bcos rig mchog tu tshim pa la gnas nas gang dang de yis gang dang der rnam dpen gnas ni brten pa'o BCt_12.47 de nas chags las 'jigs mthong nas chags pa med las mchog zhi yang dbang po'i grong ni nges bzung ste yid la zhi ni 'bad pa byed BCt_12.48 de nas 'dod pa rnams las dang gnod sems sogs las rnam dben nyid bsam gtan dang po rnam dpyod ldan rnam par dben pa las skyes thob BCt_12.49 bsam gtan bde ba de thob nas de dang de nyid rnam dpyod cing sngar med bde ba thob pa yis byis pa'i skye bo 'phrog par byed BCt_12.50 'dod dang sdang ba rnam smad pa'i zhi ba'i cho ga de 'dra 'dis tshangs pa'i 'jig rten thob pa ste yongs su tshim pas gnas pa'o BCt_12.51 rnam dpyod yid ni skyod byed rnams mkhas pas rnam par shes nas kyang de las rnam par grol ba ni bsam gtan dga' ba'i bde ldan thob BCt_12.52 gang zhig khyad par ma mthong zhing dga' ba de yis phrogs pa de 'od gsal ba yi lha rnams su 'od gsal ba yi gnas 'thob bo BCt_12.53 gang yang dga' ba'i bde de las yid ni rnam par dben byed pa dga' ba'i bde ba dang bral ba bsam gtan gsum pa thob par byed BCt_12.54 […] […] […] […] BCt_12.55 de 'dra'i bde ba 'dir thob nas gang zhig chags min btang snyoms shing bde dang sdug bsngal rnam spangs pa'i bsam gtan bzhi pa thob par byed BCt_12.56 bde dang sdug bsngal zhi phyir dang sems kyi bya ba med pa'i phyir thar zhes mngon pa'i nga rgyal gyis der yang kha cig 'bad pa byed BCt_12.57 bsam gtan de yi 'bras bu ni 'bras bu che bas lhas mnyam par yongs spyod shes rab che rnams kyis chen po'i 'bras bu smra ba'o BCt_12.58 ting 'dzin de las rnam langs shing lus skyes skyon rnams mthong nas ni lus las rnam par ldog pa'i phyir shes ldan bsam gtan la 'jog go BCt_12.59 de nas bsam gtan de bor nas khyad par la ni nges byas pa'i shes rab ldan de 'dod las bzhin gzugs rnams las kyang chags pa med BCt_12.60 lus 'di la ni kha gang du de la yongs su rtog pa ste de nas rdzas stug rnams la yang nam mkhar lhag par mos par byed BCt_12.61 nam mkhar song ba'i bdag nyid du bsdus nas gzhan du blo ldan gyis de nyid mtha' med par mthong zhing khyad par 'phags pa lhag par 'thob BCt_12.62 nang la mkhas pa gzhan dag ni bdag nyid bdag nyid kyis zlogs nas ci yang med ces mthong ba ni ci yang med pa zhes dran no BCt_12.63 de nas gur nas bya bzhin dang lgang bu dag nas srin bal bzhin zhing shes lus las 'thon pa las thar pa zhes ni mngon par brjod BCt_12.64 de nyid shes pa'i mkhas pa yis gang zhig thar pa zhes brjod pa 'di de tshangs pa dam pa ste rtags med rtag cing 'gyur ba med BCt_12.65 de ltar thabs dang thar pa dag bdag gis khyod la bstan pa ste gal te shes shing gal te sred ji lta ba bzhin rtogs par mdzod BCt_12.66 rgyal 'dod bu dang skyed byed dang gzhan mi 'brad pa rgan po dang thar ba 'dod pa gzhan rnams kyang lam 'di thob nas grol bar gyur BCt_12.67 de yi dam pa'i tshig 'di dang rnam par dpyod pa yang bzung nas sngon du rgyu yi stobs thob pas lan ni smras par gyur pa'o BCt_12.68 gong nas gong du zhi ba yi ye shes phra mo 'di thos shing zhing shes yongs su ma btang phyir de ni mthar thug min par go BCt_12.69 rnam 'gyur dang ni rang bzhin las zhing shes grol yang kho bo yis rab tu skye ba'i chos su dang sa bon chos su snyam pa'o BCt_12.70 gang yang rnam dag bdag nyid ni nges par thar zhes rtog pa ste slar yang rkyen dag yod pa las de ni grol bar mi 'gyur ro BCt_12.71 ji ltar dus sbyor sa dang chu me las sa bon skye ba yin de bzhin rkyen ni de rnams kyis skye ba de yang bdag gi lugs BCt_12.72 gang zhig mi shes las sred rnams spangs las thar pa rtogs byed pa de ni mchog tu yongs spong ba bdag yod gyur na yod ma yin BCt_12.73 spangs nas spangs nas gsum po 'di khyad par du yang nyer 'thob cing gang du bdag ni gnas gyur pa der ni gsum po 'di phra'o BCt_12.74 skyon rnams phra ba nyid las dang sems kyi bya ba med las dang tshe ni ring ba nyid las kyang thar par kyang ni yongs su rtogs BCt_12.75 ngar 'dzin pa ni yongs spong bar gang de yongs su rtog byed la bdag yod gyur na ngar 'dzin pa yongs su spong ba yod ma yin BCt_12.76 grangs sogs rnams kyis ma spangs pa 'di ni yon tan med ma yin de phyir yon tan med gyur na 'di yi thar par mi brjod do BCt_12.77 yon tan can gyi yon tan gyi ldog pa yod pa ma yin te gzugs dang dro ba dang bral ba'i me ni nye bar 'thob ma yin BCt_12.78 lus las sngon lus can dang ni yon tan las sngon yon tan can ma yin de phyir dang por grol lus bzhin slar yang 'ching bar byed BCt_12.79 zhing shes lus dang rnam bral ba shes pa yin nam shes min nyid gal te shes 'di shes bya yod shes bya yod na mi grol lo BCt_12.80 ci ste khyod la shes min 'grub bdag tu rtog pas ci zhig bya bdag dang bral yang shes pa ni rab grub shing dang rtsig pa bzhin BCt_12.81 gang phyir gong nas gong du ni [.. .. .. .. .. .. .. ] [.. .. .. .. .. .. .. ] [.. .. .. .. .. .. .. ] BCt_12.82 de ltar rtsibs 'phur gyi ni chos mkhyen nas de ni ma tshim zhing mtha' dag min zhes shes nas su de nas so sor gshegs pa'o BCt_12.83 de nas khyad par thos 'dod pa lhag spyod kyi ni gnas su gshegs de yi bdag tu 'dzin las kyang des ni lta bar sred ma gyur BCt_12.84 'du shes 'du shes med pa'i skyon thub pa lhag spyod kyis shes nas 'du shes 'du shes med bdag min cung zad med las gzhan 'gro thob BCt_12.85 gang phyir dmigs pa phra mo na 'du shes 'du shes med las gzhan 'du shes med min 'du shes min de phyir der ni re 'dod med BCt_12.86 gang phyir der ni blo gnas shing gzhan du rab tu rgyu ba med phra zhing rno ldan de phyir der 'du shes med min 'du shes med BCt_12.87 de phyir de yang rab thob nas slar yang 'gro ba 'khor ba ste byang chub sems dpa' mchog 'dod pas de phyir lhag spyod dor ba'o BCt_12.88 de nas de yi gnas thon nas dge legs don gnyer nges byas nas ga ya rgyal po'i drang srong gi grong khyer zhes bya'i gnas bsnyen no BCt_12.89 de nas nai ra-nydza na'i 'gram gtsang mar gtsang zhing pha rol gnon dben pa'i gnas ni mngon 'dod pa'i thub pa yis ni gnas mdzad do BCt_12.90 de nas de ni sngar brten zhing dbang po lnga yi dbang las khengs mun pas bsnyen pa'i brtul zhugs can dge slong lnga rnams des gzigs so BCt_12.91 bsod nams kyis bsgrubs nor nad med dbang don rnams kyis dbang phyug bzhin dge slong de rnams kyis kyang 'dir de mthong gyur nas nye bar gnas BCt_12.92 de'i dbang gis gnas slob ma rnams dbang po g.yos pas yid bzhin du rab tu de rnams kyis mchod cing rnam par dul las rjes su 'jug BCt_12.93 'chi dang skyes pa w, skyes ba mthar byed la de nas thabs ni 'di yis zhes bza' ba med par de yis ni dka' thub gdung ba rnams brtsams so BCt_12.94 bsnyen gnas cho ga du ma rnams mi yis spyod dka' rnams mdzad cing las ni thob bzhed lo drug tu bdag gi sku lus rid par mdzad BCt_12.95 pha mtha' med pa'i 'khor ba yi pha rol thob par 'dod pa des bza' ba'i dus su til dang 'bru rag sha rnams ni re re gsol BCt_12.96 dka' thub gdung ba des de yi sku las bri bar byas pa gang slar yang de yi gzi brjid kyis sku lus nye bar 'phel byas gyur BCt_12.97 ston ka'i dkar phyogs dang po yi zla bas ku mu da rnams bzhin rid kyang dpal grags rid min zhing gzhan gyi mig rnams tshim par mdzad BCt_12.98 rus lpags lhag ma lhag med par tshil dang sha dang khrag rnams kyis zad kyang zab mo ma zad par rgya mtsho bzhin du de mdzes so BCt_12.99 de nas sangs rgyas nyid 'dod pas ngal dub gdung bas don med gsal nyon mongs lus can thub pa ni srid las 'jigs pa blo mdzad do BCt_12.100 chos 'di chags bral phyir min zhing rtogs phyir ma yin thar phyir min de tshe 'dzam bu'i rtsa bar gang bdag gis thob de nges pa yin BCt_12.101 'di ni stobs chung gis thob par nus pa med phyir gus 'ongs shing sku yi stobs ni 'phel don du slar yang 'di ni rjes su bsam BCt_12.102 bkres dang skom pas yongs bcer zhing ngal las rang gnas med pa'i sems yid kyis thob bya'i 'bras bu ni ldog pa med pa gang gis 'thob BCt_12.103 rtag par dbang po tshim pa las yang dag gnas pa 'thob pa ste dbang po yang dag tshim nyid kyis yid ni rang bzhin gnas pas thob BCt_12.104 rang zhing rab dang yid kyi ni ting 'dzin nye bar skye ba ste ting 'dzin gyis sbyar sems kyi ni bsam gtan sbyor ba rab tu 'jug BCt_12.105 bsam gtan rab tu zhugs pa las rnyed dka' zhi zhing rga med mchog 'chi med go 'phang de chos rnams gang gis thob pa rab thob bo BCt_12.106 de phyir bza' ba rtsa ba ste 'di ni thabs zhes nges pa yin bza' ba byed la brtan pa ni dpag med blo yis blo mdzad nas BCt_12.107 khrus byas nai ra-nydza 'gram nas lag byin 'gram gyi ljon shing ni gus pa yis dud yal ga'i rtses sku lus rid pa ngal bus drangs BCt_12.108 de nas lha rnams kyis bskul ba'i ba glang skyong ba bdag mo ni snying la dga' skyes gyur pa gyur pa yi dga' stobs ma ni der 'ongs so BCt_12.109 dung dkar gyis 'bar lag pa can lwa ba sngon po gon pa mo lbu ba dang bcas chu sngon phreng chu mchog ya mu na bzhin no BCt_12.110 spyan mig u-tpal rab rgyas shing dad pas 'phel ba'i dga' ma des de la mgo yis rab btud nas 'o ma drangs par gyur pa'o BCt_12.111 des de gsol nas de la ni skye ba'i 'bras bu thob byas nas yang dag dbang po drug tshim ste byang chub 'thob par nus par gyur BCt_12.112 phul byung rgyas pa'i sku mnga' zhing rang gi grags bcas thub pa ni nus gyur rgya mtsho gnyis dag gi mdzes dang brtan pa gcig pos bzung BCt_12.113 bdag ni nges par grol ba la blo ldan khams lnga rnams kyis ltar kun nas 'jug ces rnam shes nas dge slong lnga rnams kyis de dor BCt_12.114 de nas 'bad rtsol gnyis pa ni byang chub ched du nges mdzad de rtswa 'jam bkram pa'i sa gzhi la a shwa ttha yi rtsa bar gshegs BCt_12.115 de tshe glang po'i [.. .. .. .. ] 'gros mnga' ba'i dpe med zhabs kyi sgra yis sad par byas pa ni thub pa chen po'i byang chub nges par rtogs pa yis sbrul mchog nag po zhes byas stod pa smras par gyur BCt_12.116 ji ltar thub pa khyod kyi zhabs kyis brdzis pa ni yang nas yang du sa ni sgra skad sgrog pa 'dra ji ltar khyod kyi 'od ni nyi ltar snang ba ste khyod kyis nges par 'dod pa'i go 'phang mkhyen pa nyid BCt_12.117 ji ltar mkha' la khug rta'i phreng ba rnams bskor zhing pa-dma'i spyan mnga' khyed la skor ba byed pa nyid ji ltar mkha' la rlung rnams zhi bar 'gro ba ste khyod kyis nges par de ring sangs rgyas 'gyur ba nyid BCt_12.118 de nas klu mchog gis ni yang dag bstod pa ni lco ga las ni gtsang ma'i rtswa rnams nyer blangs nas byang chub shing chen rtsa ba dge la rab brten cing byang chub ched du dam bca' mdzad cing bzhugs pa'o BCt_12.119 de nas gnyid log lto 'phye'i gdengs ka bsdus pa la des ni rdo rje'i skyil krung g.yo med mchog bcings te ji srid bya ba byas pa nyid ni ma thob par de srid sa la gdan de 'byed par mi bgyi'o BCt_12.120 de nas nges pa'i bdag nyid bcom ldan gdan mdzad tshe lha na gnas rnams mnyam med dga' ba thob gyur la ri dags tshogs rnams gnas par ma gyur bya rnams dang rlung gis bsnun pa'i nags kyi ljon shing sgra med gyur BCt_12.121 | sangs rgyas kyi spyod pa zhes bya ba'i snyan dngags chen po las | ring 'phur dang lhag spyod kyi drung du gshegs pa'i le'u ste bcu gnyis pa'o || der ni rnam par thar phyir dam bca' mdzad pa na rgyal po'i rigs las rab 'khrungs drang srong chen po ni der ni nye bar zhugs tshe 'jig rten rab dga' zhing der ni bdud kyang dam pa'i chos kyi dgrar gyur to BCt_13.1 gang la 'dod pa'i lhar ni 'jig rten na smra ba sna tshogs mtshon cham tog mda' can de bzhin na du 'dod pa rab tu spyod pa'i bdag po de nyid la thar pa'i dgra bo bdud du dpe brjod byed pa'o BCt_13.2 de yi bu ni rol pa dga' ba rgyags pa dang bu mo dga' ma dges ma sred ma gsum rnams kyis de la sems kyi rnam par 'gyur ba dris pa ste des ni de rnams la tshig mngon par smras BCt_13.3 thub pa 'dis ni nges pa'i go cha rnams gzung zhing sems dpa' mtshon cha blo yi mda' ni bsdoms byas nas bdag cag yul rnams la ni rgyal 'dod bsdad pa ste gang phyir 'dis ni bdag gi yid ni rnam par 'gyur BCt_13.4 gal te 'dis bdag zil gyis mnan nas 'gro ba ste 'jig pa la yang thar pa'i lam dag 'chad byed cing lus 'phags jo bo spyod las lhung ba'i bzhin du ni de phyir 'di yis bdag gi yul ni de ring stongs BCt_13.5 de phyir ji srid 'dis ni spyan mig ma thob cing ji srid bdag gi spyod yul dag na gnas pa nyid chu bo shin tu 'phel ba'i shugs kyis zam pa bzhin de srid 'di yi brtul zhugs 'joms su 'gro ba'o BCt_13.6 de nas me tog las byas gzhu ni bzung nas dang kun tu rmongs par byed pa'i mda' lnga rnams bzung nas skye dgu rnams kyi [.. .. ] rang gnas mi byed pa de ni bur bcas a shwa ttha yi rtsa bar song BCt_13.7 de nas srid pa 'khor ba'i pha rol rgal 'dod pa'i thub pa rab tu zhi bar gdan la bzhugs pa la lag pa g.yas pa mtshon cha'i rtse mor brdungs nas ni mda' yis rol zhing bdud kyis 'di ni smras pa'o BCt_13.8 kye ho rgyal rigs 'chi bas 'jigs pa longs mdzod cig thar pa'i chos ni spongs la 'jig rten mdzod mda' dang mchod sbyin rnams kyis 'jig rten pham byas nas 'jig rten dag na dbang po'i go 'phang thob par mdzod BCt_13.9 gang zhig mi dbang snga ma rnams kyis drangs pa ste nges par 'byung la 'di ni grags pa'i lam yin zhing rgyal po'i drang srong rnam yangs rigs su skyes pa yi slong mo rab thob la ni 'di ni bsngags ma yin BCt_13.10 ji srid nges pa'i bdag nyid de ring med ldan na dam bca' rnam par ma dor brtan par gyur cig dang gang zhig nya dgra sū rya ka la rnam spangs pa'i de nyid bdag gis mda' 'di 'phyar bar byas pa'o BCt_13.11 'dis ni cung zhig reg pa tsam gyis e la de zla ba'i tsha bo yin yang sems med gyur pa ste zhi ba'i lus zhes bya ba de yang der gyur nas zad pa'i dus su kye ma mi gzhan smos ci dgos BCt_13.12 de phyir skyen par longs la 'du shes thob gyis dang yang yang shin tu ro myang mda' ni gnas pa ste dga' ma'i byar 'os dga' zhing dges pa rnams la ni gang zhig ngang pa rnams la bzhin du mi 'phen no BCt_13.13 gang tshe de skad brjod kyang chags pa dang bral ba'i shākya thub pas gdan ni bshig pa ma yin nyid de nas 'di la bdud kyis mda' ni 'phangs pa ste bu mo rnams dang bu rnams mdun nas byas nas so BCt_13.14 der ni de yis mda' ni rab tu 'phangs na yang chags par byas pa med cing brtan las g.yos pa med de ltar de mthong gyur nas bdud ni yi mug cing bsam mno yongs su ldan pa dal bus smras par gyur BCt_13.15 ri dbang bu mo la dmigs gang gis phug pa yi bde 'byung lha yang yongs su g.yos par gyur pa ste 'dis ni mda' de nyid la sems par mi byed pa sems med yin nam mda' 'di de ma yin nam ci BCt_13.16 de phyir me tog mda' 'di 'os pa ma yin zhing dga' ba ma yin [.. .. ] sbyor ba 'os ma yin 'di ni zhi ba ma yin 'byung po'i tshogs rnams kyis 'jigs dang bsdigs dang rdeg pa rnams ni 'os pa'o BCt_13.17 de nas bdud kyis rang gi sde ni dran pa ste shākya thub pa'i bgegs ni mnyam por byed 'dod pa ral gri be con shing rtse ljon shing rtse gsum mdun lag rnams sna tshogs bsam pa dang ldan rjes su 'brang rnams 'ongs BCt_13.18 phag dang nya dang bong bu rnga mo'i gdong can rnams stag dang dom dang seng ge gnyis 'thung gdong can rnams mig gcig kha ni du ma mgo bo gsum ldan rnams gsum pa 'phyang ba rnams dang gsus pa che ba rnams BCt_13.19 brla rnams pus mo'i bar du bum pa'i pus mo rnams mche ba'i mtshon cha rnams dang sen mo'i mtshon cha rnams keng rus gdong can rnams dang gzugs ni mang po rnams gdong phyed zhom pa rnams dang gdong ni chen po rnams BCt_13.20 thal skya rnams dang thig le dmar po sna tshogs rnams kha ṭwāṃ ga rnams dang ni spre'u ltar dud skra rnams 'phreng 'phyang rnams dang glang po'i rna ba'i rna ba rnams pags pa'i gos can rnams dang gos dang bral ba rnams BCt_13.21 gdong phyed dkar po rnams dang lus phyed ljang khu rnams zangs mdog dud mdog rnams dang ljang gu dkar po rnams sbrul gyi sham thabs rnams dang de bzhin lag pa rnams rab tu sgro sgrogs dril bu 'khrugs pa'i ska rags rnams BCt_13.22 ta la'i tshad mnyam rnams dang mdung rnams bzung ba rnams byis pa'i tshad mnyam rnams dang mche ba gtsigs pa rnams lug gi gdong can rnams dang bya yi mig can rnams byi la'i gdong can rnams dang mi yi lus can rnams BCt_13.23 skra bkam rnams dang ral pa can dang byi bo rnams gos dmar rnams dang rnam par 'khrugs pas dkris pa rnams rab dga'i gdong can rnams dang gnyer ma'i gdong can rnams gzi brjid 'phrog pa rnams dang yid ni 'phrog pa rnams BCt_13.24 kha cig dag ni 'gro zhing drang tu phan tshun du mchan khung 'khyud cing de bzhin gzhan rnams mchongs mkha' la 'gro ba rnams ni kha cig rtse ba ste kha cig shing gi rtse mo rnams la zhon pa'o BCt_13.25 kha cig rtse gsum skor zhing gar ni byed pa ste kha cig dbyug pa gdengs shing thog sgra sgrogs pa'o kha cig dga' bas khyu mchog bzhin du skad 'don zhing kha cig lus 'phros rnams las rab tu 'bar bar gyur BCt_13.26 'dzin par 'dod pa rnams dang 'joms par 'dod pa rnams jo bo'i bka' ni rab tu skyong bar byed pa ste rnam pa de ltar 'byung po'i tshogs rnams kun nas ni byang chub sems dpa' de la yongs su bskor nas gnas BCt_13.27 mtshan mo snga ma la ni shākya'i khyu mchog dang bdud kyi 'thab mo dus de rab tu mthong nas ni nam mkha' gsal ba ma yin sa ni g.yos gyur la phyogs rnams sgra dang bcas pa rab tu 'bar bar gyur BCt_13.28 drag po'i shugs can rlung ni kun tu g.yos gyur la skar ma rnams ni mi sngan zla ba gsal ma gyur slar yang mtshan mor mun pa rnam par gyas gyur la rgya mtsho rnams mi thams cad kun tu g.yos par gyur BCt_13.29 sa gzhi 'dzin cing chos dag 'dzin pa'i klu rnams ni thub pa chen po'i bgegs la bzod pa ma yin zhing bdud la khros pas rnam par log pa'i mig can rnams rngam pa bton zhing lus ni rnam par gyur pa'o BCt_13.30 gtsang mar lhag par gnas pa'i lha yi drang srong ni dam chos bsrung ba'i don du mngon par zhugs pa rnams bdud la yid kyis rjes su brtse ba byas pa ste chags dang bral ba las kyang khros par ma gyur to BCt_13.31 'tshe ba'i bdag nyid bdud kyi dpung ni de yis ni byang chub rtsa ba de ni khyab pa mthong nas ni chos kyi bdag nyid 'jig rten thar pa 'dod rnams kyis nam mkha' dag la ha ha'i sgra dag byas par gyur BCt_13.32 chos kyi cho ga de ni nye bar nyams byed pa bdud dpung gnas pa drang srong chen pos gzigs nas ni ba lang rnams kyi dbus su seng ge gnas pa bzhin g.yo 'gul med cing rnam par 'gyur bar yang ma gyur BCt_13.33 de nas de yi 'jigs pa'i ched du bdud kyis ni 'byung po'i sde ni drang ba rnams la bka' stsal cing de nas 'di yi sde des rang rang mthu rnams kyis de yi brtan pa dbye phyir blo gros byas pa'o BCt_13.34 kha cig lce rnams g.yo zhing du mas rnam 'chang zhing mche ba'i rtse mo rnams rno mig rnams ljang ser zlum kha rnams gdangs shing phur bu'i rna ba rnams brtan cing kun nas skrag par byed pa snyam du gnas zhes grags BCt_13.35 des ni gzugs dang bsam pa dag gis mi bzad pa rnam pa de lta nyid du gnas pa de rnams las rtsod mo byed pa'i byis pa rgyags pa rnams las ni drang srong chen po zug med skyo bar ma gyur to BCt_13.36 de nas kha cig khros pas lta byed rnam 'gyur zhing 'di la dbyug pa brdeg par 'bad pa bya ba ste sngon tshe grong khyer 'joms pa'i rdo rje dang bcas ltar de nas 'di yi dbyug pa dang bcas lag pa rengs BCt_13.37 kha cig rdo dang shing rnams gyen du 'phyar ba ni thub pa la ni rnam par 'phen par ma nus te 'bigs byed ri brag rnams ni rdo rje bcom pa bzhin shing rnams dang bcas rdo rnams bacs pa de bzhin lhung BCt_13.38 kha cig mkha' la gyen du 'phur bas rdo rnams dang dgra sta rnams dang shing rnams rnam par 'phangs pa rnams kha dog gcig min mtshams sprin rkang pa rnams bzhin du mngon par lhung ba ma yin rnam par gnas par gyur BCt_13.39 ngzan ni de yi steng du 'bar ba'i khyu mchog gi glang po ri bo tsam pa'i rwa can 'phangs pa ste de ni 'phangs pa tsam na nam mkhar gnas pa nyid de yi mthu las rnam pa brgyar ni gas par gyur BCt_13.40 'jig rten 'jig tshe lhun po rab tu 'bar ba yis gser gyi bya skyibs rnams kyi phye ma rnams bzhin du kha cig nyi ma shar ba bzhin du 'bar ba yis me mdag char pa chen po mkha' las phab par gyur BCt_13.41 byang chub shing gi rtsa bar rab tu rnam 'phangs pa'i me stag 'phro ba dang bcas me mdag char pa de drang srong rnam pa mchog gi byams pa'i gnas pa las u tpa la dmar po'i 'dab ma'i char par gyur pa'o BCt_13.42 lus dang sems la rnam par gnod par bya ba'i phyir rnam par de ltar phab pa de dang de rnams kyis rang gi nges pa'i gnyen 'dun nye bar 'khyud nas bzhin shākya thub pa gdan las g.yos par ma gyur to BCt_13.43 de nas gzhan rnams 'khogs pa'i ljon shing rnams nas ltar kha rnams las ni sbrul rnams rnam par skyugs pa ste sngags kyis bcings bzhin de rnams de yi drang du ni song ba ma yin dbugs min g.yos par ma gyur to BCt_13.44 gzhan rnams glog dang bcas shing thog dang bcas pa yis chu 'dzin chen po gtum pa'i dbyangs ldan rnams gyur nas ljon shing de la rdo ba'i char pa phab pa ste de ni me tog char pa mdzes par gyur pa'o BCt_13.45 dbang phyug ma yin sron par dka' ba'i mi yi na snying la yongs su g.yos pa'i khro ba bzhin du ni de nas gzhan gyis gzhu la mda' dag bkod pa ni de nyid du ni 'bar zhing lhung bar ma gyur to BCt_13.46 yul la rab tu 'jug la 'khor ba la 'jigs pa yongs su rtog pa po yi dbang po lnga rnams bzhin ngzan rnams dag gis mda' lnga rab tu 'phangs pa rnams nam mkha' gnas shing thub pa la ni ma lhung ngo BCt_13.47 gzhan ni brdeg par 'dod pas khros shing rab bskor zhing dbyug pa bzung nas drang srong chen po'i mngon du phyogs don med byed pa'i nyes pa rnams la 'jig rten bzhin des ni 'dod pa ma thob dbang med 'gyel bar gyur BCt_13.48 bud med sprin pa nag po lag na thod pa can drang srong chen po'i thugs ni rmongs par byed ces grags g.yoba'i bdag nyid can gyi blo ni lung la bzhin der ni nges par med par skor zhing gnas ma yin BCt_13.49 kha cig mig ni rab tu 'bar bar byas nas ni mig gi me yis sbrul gyi dug bzhin bsreg 'dod pas 'dod pa'i bdag nyid can gyis nyer gnas dpal bzhin du der ni drang srong bzhugs pa mthong bar ma gyur to BCt_13.50 ye shes ting 'dzin dag gis 'gro bya nye legs chos lus kyi ngal ba rnams kyis 'thob par 'dod pa bzhin de bzhin gzhan ni rdo ba lci mo bteg pa ni rab tu 'bad pa rnam bcom don med ngal bar gyur BCt_13.51 de bzhin gzhan rnams dred dang seng ge'i rnam pa yis chen po'i sgra rnams mthon por rab tu sgrogs pa ste rdo rjes bsnun pa'i nam mkha' lags pa zhes snyam nas sems can rnams ni gang gis kun nas 'khums par gyur BCt_13.52 ri dags glang po rnams ni nyam thag skad 'don zhing rnam par 'bros shing 'thig pa nyid du gyur pa ste de yi mtshan mor phyogs rnams las ni nyin mo bzhin nyam thag bya rnams skad 'don yongs su babs par gyur BCt_13.53 rnam pa de ltar de rnams kyi sgra de rnams kyis 'byung po thams cas rnams su g.yos pa yin na yang khwa rnams dag gi sgra rnams dag gis mkha' lding ltar thub pa 'jigs pa ma yin 'khums par ma gyur to BCt_13.54 'jigs pa 'dren pa yongs su bskor ba'i tshogs rnams las ji ltar ji ltar thub pa'i 'jigs pa ma yin pa de ltar de ltar chos 'dzin rnams kyi dgra bo yi bdud rnams mya ngan las dang khros nas byer ba'o BCt_13.55 de nas 'byung po cung zhig gzugs ni mthong min zhing khyad par 'phags par gyur pa nam mkhar gnas nyid kyis drang srong la gnod dgra ma yin la khros mthong nas bdud lha chen po'i dbyangs kyis smras par gyur pa'o BCt_13.56 don med ngal bar byed par 'os pa ma yin bdud 'tshe ba'i bdag nyid spong la bde bar song mdzod dang ri bo chen po lhun po rlung rnams kyis bzhin du khyod kyis bskyod cing bsgul bar nus pa ma yin no BCt_13.57 sa yis brtan pa nyid dang chu yis gsher ba nyid me yis dro ba nyid ni rab tu 'dor ba yang bskal pa du mar bslab pa'i bsod nams las mnga' ba 'dis ni nan tan nges par 'dor ba ma yin no BCt_13.58 'di yi nges pa gang dang pha rol gnon pa dang gzi brjid gang dang brtse ba skye dgu rnams la ste 'od zer stong gis mun rnams ma bcom gnas bzhin du 'di ni de nyid ma thob nas ni ldang ma yin BCt_13.59 shing la bsrubs na me ni rnyed par 'gyur ba ste sa la brkos na chu yang 'thob par 'gyur ba nyid rigs pa dang ni ldan pa'i thams cad byas pa ste brtson 'grus ldan pa'i bsgrub bya ma yin ci yang med BCt_13.60 de phyir chags sogs nad rnams dag la gnas pa yi 'jig rten nyam thag pa la thugs rje mnga' ba ni ye shes sman gyi don du yongs su ngal ba po sman pa chen po 'di la bgegs 'os ma yin no BCt_13.61 lam ngan mang po rnams kyis 'jig rten stor ba la gang zhig zhi bas dam pa'i lam ni rjes tshol ba chud zos pa la legs par ston byed ded dpon bzhin ston mdzad de ni bskyod par rigs pa ma yin no BCt_13.62 mun pa chen po sems can chud zos rnams la ni ye shes sgron ma rab tu gsal bar mdzad pa 'di mun pa la ni rab tu 'bar ba'i sgron ma bzhin 'phags pa'i mya ngan 'da' bar byed par 'os ma yin BCt_13.63 'khor ba'i rnam 'gyur chu bo chen por 'gro ba ni pha rol ma thob par ni bying bar gzigs nas ni gang gis de ni sgrol bar byed la rab zhugs te de la sdig pa 'phags pa su yis sems par byed BCt_13.64 bzod pa'i chu rgyus brtan pa'i rtsa ba brtan pa ste spyod pa'i me tog blo dang dran pa'i yal ga can ye shes ljon shing chos kyi 'bras bu ster ba po 'phel bzhin pa ni zlog par 'os pa ma yin no BCt_13.65 gang gis snying la rmongs pa'i zhags pa sra rnams kyis bcings pa'i skye dgu rnams kyi grol phyir blo mnga' zhing 'gro ba bcings pa thar pa'i ched du 'o brgyal ba de la brdeg pa khyed kyi 'thad pa ma yin no BCt_13.66 byang chub ched du las gang dag ni mdzad pa rnams de rnams kyi ni nges par de ring dus yin la ji ltar thub pa snga ma rnams ni de bzhin du gnas der de bzhin 'di ni nye bar bzhugs pa'o BCt_13.67 dbyig 'dzin sa gzhi yi ni lte ba 'di yin zhing snying po dam pa mtha' dag dang ni ldan pa nyid gang zhig 'di yi ting nge 'dzin gyi shugs bzod pa'i sa yi phyogs de 'di las gzhan pa yod ma yin BCt_13.68 de phyir khro bar ma byed zhi bar nyer song la bdud ni khyod kyi dregs pas nga rgyal ma gyur cig dpal ni mi brtan blo gtad par ni nus min zhing go 'phang g.yo la rgyags par mngon par nyer 'gro ci BCt_13.69 de nas de yi tshig de yang dag thos nas kyang thub pa chen po'i g.yo ba med pa nyid mthong nas gang gi mda' yis 'gro ba'i snying la rdeg byed pa'i bdud ni 'bad pa bcom zhing yid mi bde bar song BCt_13.70 dga' ba med cing 'bras med ngal ba byas pa rnams pha ong rnams ni khyu mchog ljon shing rnams gtor te dgrar gyur dgra bo'i dpung ni gtso bo bsad pa ltar de nas 'di yi dpung ni phyogs phyogs bros pa'o BCt_13.71 me tog tog can 'khor dang bcas pa bros shing nges par 'pham pa na drang srong chen po mun pa 'pham zhing rdul dang bral ba rgyal ba na rgod pa dang bcas lang tsho ma bzhin zla ba dang bcas | mkha' gsal zhing chu'i snying po can gyi dri zhes me tog char pa bab par gyur pa'o BCt_13.72 de ltar sdig pa can ni nges par pham pa na de tshe phyogs ni rab snang mtshan mor byed pa mdzes mkha' las me tog char rnams sa la bab pa ste lang tsho mo bzhin ngal ba med par mtshan mo gsal BCt_13.73 | sangs rgyas kyi spyod pa zhes bya ba'i snyan dngags chen po las | bdud las rnam par rgyal ba'i le'u ste | bcu gsum pa'o || | de nas brtan dang zhi ba yis bdud kyi stobs ni pham mdzad nas don dam rnam par mkhyen bzhed pa bsam gtan mkhas de bsam gtan mdzad BCt_14.1 bsam gtan cho ga thams cad la dbang phyug dam pa rab brnyes nas sngon gyi skye ba rim pa ni dang po'i thun la dran pa'o BCt_14.2 che ge mo bdag ming 'di ni de nas 'phos te 'dir 'ongs pa'o zhes ni skye ba stong phrag rnams rjes su myong ba bzhin du dran BCt_14.3 'thad pa de dang de rnams su skye ba 'chi ba dran nas ni de nas sems can la thugs rje thugs rje'i bdag nyid can gyis mdzad BCt_14.4 rang gi skye bo bor nas ni slar yang gzhan du bya ba rnams nges par 'jig rten mgon med 'di 'khor lo bzhin du yongs su 'khor BCt_14.5 de ltar nges pa'i bdag nyid ni de yi dran pa'i gyur pa ste chi shing snying po snying po med 'khor ba de ltar nges par ro BCt_14.6 thun ni gnyis pa byung ba na gnyis med pha rol gnon pa de mig dang ldan pa kun gyi mchog lha yi spyan ni thob par gyur BCt_14.7 de nas des ni lha yi spyan yongs su dag pa de yis ni me long dri ma med pa ltar 'jig rten mtha' dag la gzigs so BCt_14.8 mchog dag mchog min las rnams kyi sems can rnams kyi 'chi 'pho dang skye ba gzigs pa de yi ni thugs rje'i bdag nyid 'phel bar gyur BCt_14.9 'di rnams sdig pa'i las can rnams srog chags rnams ni ngan 'gror 'gro 'di gzhan dge ba'i las can rnams mtho ris su ni rab gnas so BCt_14.10 shin tu mi bzad dmyal ba ru rab tu 'jigs par gyur pa rnams 'di rnams sdug bsngal sna tshogs kyis kye ma bkren par bcer bar byed BCt_14.11 kha cig me yi kha dog gi lcags khu khol ma 'thung bar byed lcags kyi ka ba tshan mo la gzhan rnams cho nges 'debs shing 'dzegs BCt_14.12 lcags zangs rnams su khas bub rnams kha cig thug pa bzhin du 'tshod me mdag phung po 'bar rnams su kha cig snying rje rab sreg go BCt_14.13 kha cig lcags kyi mche rno can mi bzad khyi rnams kyis za zhing kha cig ma rung lcags mchu can lcags 'dra'i bya rog rnams kyis za BCt_14.14 kha cig gdung bas yongs ngal rnams bsil ba'i grib ma mngon 'dod pas ral gri'i lo ma'i nags sngon por 'di rnams bcings pa bzhin du zhugs BCt_14.15 kha cig sta re rnams kyis ni lag pa bteg rnams shing ltar 'ges las rnams kyis bzung srog rnams ni sdug bsngal na yang rnam mi smrin BCt_14.16 sdug bsngal bzlog pa'i don ched du bde ba yin zhes las gang byas de yi 'bras de dbang med kyis sdug bsngal kho na nyer longs spyod BCt_14.17 bde don mi dge ba byas nas gang de shin tu sdug bsngal rnams de dag rnams kyi ro myang des bde ba phra ma yang byed dam BCt_14.18 sdig pa'i bdag nyid rgod rnams kyis sdig pa'i las ni byas pa gang de ni sngon dun gyur pa'i tshe cho nge rnams kyis rjes su myong BCt_14.19 gal te de ltar sdig las can las kyi 'bras bu mthong ba ste dmig su mngon par bsnun pa bzhin skyen par khrag ni skyug pa nyid BCt_14.20 lus kyi sdug bsngal rnams las dang dmyal ba'i rnams las sems ldan gyi 'phags min rnams dang lhan cig 'grogs ngal ba mchog ni bdag gi lugs BCt_14.21 gzhan 'di sems kyi rnam g.yo las byung ba'i las rnams sna tshogs kyis byol song skye gnas sna tshogs su nye bar skyes rnams gdung ba can BCt_14.22 sha lpags spu dang so yi phyir chags pa las sam rgyags pa las gnyen 'dun rnams kyis mthong na yang gang du snying brje bar gsod do BCt_14.23 nus med ldan yang dbang med rnams bkres skom ngal bas btsir ba rnams lcag gis bsnun pa'i dbyibs can rnams rta dang ba lang gyur rnams 'khol BCt_14.24 stobs can rnams kyang stobs chung gis glang por gyur pa rnam 'khol te lcags kyus nyon mongs mgo bo rnams rkang pa'i rting pa rnams kyis brdegs BCt_14.25 phan tshun rnam par rtsod las dang gzhan gyi dbang du gyur nyid kyis sdug bsngal gzhan rnams la spyod kyang gang la sdug bsngal khyad par ldan BCt_14.26 phan tshun du ni rab phrad nas skam gnas skam gnas rnams kyis dang chur gnas chur gnas rnams kyis dang mkhar gnas mkhar gnas rnams kyis 'joms BCt_14.27 ser snas non pa'i sems ldan rnams yi dags 'jig rten snang med du skyes pa 'di rnams de bzhin du bkren pa 'bras bu la longs spyod BCt_14.28 khab mig lta bu'i kha rnams dang ri bo lta bu'i lto ba rnams bkres skom gyis bskyed sdug bsngal gyis sdug bsngal skal can rnams btsir to BCt_14.29 ser sna'i 'bras bu 'di 'dra ba skyes bus gal te shes na ni lus kyi cha shas rnams kyang ni zhi ba bzhin du kun nas gtong BCt_14.30 rang gi las rnams kyis bzung zhing sred pas shin tu non pa rnams bor ba'i mi gtsang ba rnams kyang longs spyod par ni 'did mi rnyed BCt_14.31 'di gzhan dmyal ba dang mtshungs pa'i mngal ming mi gtsang khu ba ru nye bar skyes rnams mi rnams su 'gro ba rnams ni sdug bsngal 'thob BCt_14.32 de sngon skye ba tsam na yang lag pa rnon pos bzung ba rnams ral gri rnams kyis gshegs pa ltar gang du snying rje bar ni ngu BCt_14.33 byams dang bsrung dang skyong rnams kyis gnyen 'dun rnams kyis 'bad nas sos sdug bsngal las slar sdug bsngal drag rang rang las kyis nyon mongs so BCt_14.34 bya ba 'di dang bya ba 'di zhes ni gang du lhag par la sred dang yongs ldan byis rnams kyis rgyun chad med par rjes su myong BCt_14.35 'di gzhan bsod nams las rnams kyis mtho ris su ni skyes pa rnams 'dod chags me yis drag tu ni me ltar rab tu sreg par byed BCt_14.36 yul rnams kyis ni ngoms med rnams gang las 'di rnams gzi bcom ste phreng ba yongs rnyings zhan pa rnams gyen du mig phyogs rnam lhung ngo BCt_14.37 gang du lha mo rnams kyis ni sdug pa dbang med ltung ba la snying la brtse ba ltos rnams kyis lag pa rnams kyis gos rnams 'dzin BCt_14.38 gang zhig sa la ltung ba bzhin lung 'dod do shal g.yo rnams kyis sdug rnams gzhal med khang rnams nas snying rje dang bcas ltung la lta BCt_14.39 rnam pa sna tshogs rgyan phreng can gzhan 'did sdug bsngal lhung rnams la gdung rnams brtse dang g.yo ba yi lta byed rnams kyis rjes su 'gro BCt_14.40 'dod pa can rnams lhung ba la lag pa rnams kyis brang brdung zhing 'khrugs chen gyis ltar nyam thag pa lha mo'i tshogs rnams kyis brten to BCt_14.41 kyi hud shing rta sna tshogs rdzing kyi hud sdug pa gang na zhes nyam thag pa rnams rnam zlos shing lha la gnas rnams sa la lhung BCt_14.42 las mang rnams kyis thob pa yi mtho ris mi brtan g.yo ba la 'bral bas byas pa'i sdug bsngal ni gang du 'di 'dra thob par 'gyur BCt_14.43 kye ma des las khyad par du 'jig rten mdzad pa'i chos nyid do 'dod chags bral ba thob nas kyang gzhan rnams lha nas nges par lhung BCt_14.44 'di ni rtag par gnas pa ste zhes ni nges pa'i sems ldan rnams 'jig rten 'di yi rang bzhin ni 'di lta bur ni mthong ma yin BCt_14.45 dmyal ba rnams su sdug bsngal drag dud 'gro rnams su phan tshun za bkres skom sdug bsngal yi dags su mi la 'tshol ba'i sdug bsngal lo BCt_14.46 lha na sdug pa dang bral bas bskyed pa'i sdug bsngal phul byung ste skor ba gson pa'i 'jig rten gyi gang na zhi ba nges par med BCt_14.47 'khor ba'i chu bo rten med du 'di ni 'chi bas bskor ba ste tsam tsom du ni bskor ba yi 'gro bas gnas ni thob ma yin BCt_14.48 de ltar des ni 'gro ba lnga lha yi spyan gyis gzigs pa ste chu shing bshags pa bzhin du ni srid par snying po rnyed ma yin BCt_14.49 de nas de yi mtshan mo'i thun gsum pa nye bar gans pa na 'jig rten 'di yi rang bzhin ni bsam gtan rig pa mchog gis bsgoms BCt_14.50 kye ma 'jig rten ngal thob gang yang dang yang du skye ba dang 'khogs pa dang ni 'chi ba dang 'pho ba dang ni skye ba nyid BCt_14.51 yang na sdug bsngal che 'di las chags pas rmong mun gyis bsgribs pa skyes long shin tu dogs pa nas phyi rol 'gro ba shes ma yin BCt_14.52 de ltar bsmas pa de yis ni thugs kyis rnam dpyod gyur pa ste gang du gyur na nges sam zhes rga bas 'chi ba mngon par song BCt_14.53 skye gans nas de nyid bsgoms pa de yis mngon par rtogs par gyur rga dang 'chi ba dag gis ni skye ba yod na rdzogs pa'o BCt_14.54 mgo bo yod na mgo bo yi nad 'di 'byung ba mthong ba ste shing gi skye ba yod gyur na 'gyel ba 'byung bar 'gyur ba'o BCt_14.55 de nas de yi slar 'gyur pa skye ba 'di slar gang las shes de nas las srid las skye bar skye ba yang dag mkhyen pa'o BCt_14.56 des ni lha yi spyan gyis ni las las 'jug par mkhyen pa ste dbang phyug las min rang bzhin min bdag las ma yin rgyu med min BCt_14.57 ji ltar rigs pa las gling bu dang po'i tsheg ni bcad pa na cho ga bzhin du kun myur 'gro de ltar ye shes go rims so BCt_14.58 de nas srid pa'i skye ba ni mkhyen phyir thub pas blo gros mdzad de nas srid pa'i skye ba des nye bar len las 'byung bar mkhyen BCt_14.59 tshul khrims brtul zhugs mchog 'dzin dang 'dod blo bdag tu lta rnams kyis bud shing rnams kyis me bzhin du 'di yi las ni nye bar len BCt_14.60 gang gi rgyu las len pa shes de nas de yi gyur pa ste de nas nye bar len pa'i rkyen sred par des ni mkhyen pa'o BCt_14.61 chung ngu'i me yis nags kyi me rlung gis bus te bskyed pa bzhin 'dod sogs nyon mongs rgya chen rnams sred pa yis ni skyed par byed BCt_14.62 de nas de yi bsam pa yi sred pa gang las 'byung zhes so tshor ba'i rkyen gyis sred pa zhes de nas rnam par nges pa mdzad BCt_14.63 tshor bas mngon bcom skye dgu rnams gnyen por byed la sred pa ste skom pa med na chu la ni kha cig mngon par dga' ba yin BCt_14.64 de nas slar yang tshor ba yi skye ba'i gnas ni gang zhes bsams tshor ba tshor ba mthar byed kyis reg pa'i rgyu can nyid du mkhyen BCt_14.65 yul dang dbang po blo rnams kyis 'dud pa reg par brjod bya ste gtsungs shing las ni me bzhin du gang las tshor ba skye ba'o BCt_14.66 de nas reg pa rgyu yin zhes de yis bsam par gyur pa'o de nas skye mched drug gi ni rgyu can nyid du nges mkhyen to BCt_14.67 long bas gzugs ni mi rig cing mig ni blo yis mi sbyor phyir mig yod gyur na des sbyod to de phyir dbang po yod na reg BCt_14.68 de nas skye mched drug gi ni skye ba mkhyen phyir blo gros mdzad de nas de'i rygu ming dang gzugs rgyu la mkhas pas mkhyen pa'o BCt_14.69 ji ltar myu gu yod pa las lo ma sdong bu yod par dran de ltar ming dang gzugs yod na skye mched drug ni 'byung ba'o BCt_14.70 ming dang gzugs kyi rgyu gang zhes de yi de nas gyur de nas de yi skye ba rnam shes su ye shes pha rol son pas mkhyen BCt_14.71 rnam par shes pas mkhyen pa na [.. .. .. .. .. .. .. ] [.. .. .. .. .. .. .. ] [.. .. .. .. .. .. .. ] BCt_14.72 rnam par shes pa 'das pa na ming dang gzugs na rig gnas te sa bon bskrun pa rdzogs pa na myu gu rnam par 'dzin pa'o BCt_14.73 de nas rnam par shes pa ni gang las yin zhes bsam par gyur mig dang gzugs la brten nas de de nas de yi skye ba mkhyen BCt_14.74 de nas rgyu yi go rims ni mkhyen nas de yi blor gyur te sems ni lugs byung bskor ba ste gzhan du lugs las bzlog par min BCt_14.75 rnam par shes pa'i rkyen las ni ming dang gzugs de skye ba ste ming dang gzugs la brten nas ni slar yang rnam par shes pa skye BCt_14.76 ji ltar gru yis mi 'dren zhing [.. .. .. .. .. .. .. ] de bzhin rnam par shes pa dang ming gzugs phan tshun gyi rgyu'o BCt_14.77 ji ltar lcgas ni 'bar ba yis rtswa rnams 'bar bar byed na yang 'bar ba de yis de gdung ste de bzhin phan tshun rgyu nyid do BCt_14.78 de ltar rnam par shes pa las ming gzungs 'byung ba mkhyen gyur pa de nas dbang po 'byung 'gyur zhing dbang po las 'byung reg pa'o BCt_14.79 reg pa las skyes tshor ba mkhyen tshor ba las skyes sred pa'o sred pa las skyes len pa'o len pa las ni de bzhin srid BCt_14.80 srid pa las ni skye ba dag skye las rga shi 'byung bar mkhyen 'gro ba dag ni rkyen rnams las skyes shes yang dag mkhyen pa'o BCt_14.81 de nas 'di yi blo gros nges par song ba ni skye ba zad las 'chi dang rga ba 'gag pa ste srid pa nyams pa las skye ba nyams pa nyid len pa 'gag pa las ni srid pa rnam ldog cing BCt_14.82 de nas sred 'gags pa las de ni 'gag pa ste chor ba yod pa min sred pa yod ma yin reg las chud zos gyur na tshor ba yod min zhing skye mched drug po med las reg pa zad pa'o BCt_14.83 de bzhin ming dang gzugs ni yang dag 'gags pa las skye mched drug po thams cad rnam par nyams pa nyid rnam par shes pa 'gags las de dag 'gag pa ste 'du byed 'gags pa las kyang de ni 'gag pa'o BCt_14.84 mi rig pa ni mtha' dag med las de bzhin du 'du byed 'gag par drang srong chen pos mkhyen pa ste 'di las mkhyen bya 'di ni yang dag mkhyen mdzad nas sangs rgyas zhes ni 'jig rten na rab gnas par gyur BCt_14.85 yan lag brgyad dang ldan pa rab tu shar ba yi rtse mor myur 'gro dam pa'i lta ba'i lam gyis ni srid rtse'i bar las mchog gyur bdag med rnam gzigs nas bud shing tshig pa'i me bzhin zhi bar gshegs par gyur BCt_14.86 de nas bdag nyid mdzad pa de yi gyur pa ni mchog gi drang srong mchog dang mchog min mkhyen pa'i tshogs mna' ma rnams kyi don dam rgyu las gshegs pa yi snying po'i lam 'di bdag gis lhag par thob par gyur BCt_14.87 thun ni bzhi pa'i skya rengs shar ba'i yud tsam na rgyu dang mi rgyu'i 'byung po rnams ni zhi ba na drang srong mchog gis 'gyur ba med pa'i go 'phang dang kun gyi mgon gyis thams cad mkhyen pa nyid brnyes so BCt_14.88 de nyid 'di ni sangs rgyas nyid kyis mkhyen pa na bud med chang gis myos bzhin sa ni g.yos gyur la grub pa rnams kyis mngon gang phyogs ni rab snang ste nam mkha' la rnga bo che rnams rab tu grag par gyur BCt_14.89 dge ba'i rlung rnams rab tu zhi bar g.yos gyur cing sprin med 'o ma rnams ni lha yis char phab ste ljon shing rnams las dus min me tog 'bras ba rnams mchod pa rab tu sbyor ba'i ched bzhin 'bu bar gyur BCt_14.90 ma-ndā ra ba'i me to rnams dang pa-dma dang gser dang bai ḍū rya yi rang bzhin pa-dma ni mkha' las bab pa rnams kyis shākya thub pa'i sa de tshe mtho ris bzhin du kun nas bkram par gyur BCt_14.91 yud tsam de ni kha cig khro med gyur la nad med gyur cing mi dga' bar yang ma song ste sdig pa bsnyen pa ma yin rgyags par ma byas shing grub pa brnyes pa bzhin du 'jig rten zhi bar gyur BCt_14.92 thar pa 'dod pa'i lha yi tshogs rnams dga' ba ste sems can 'og tu song ba rnams kyang dga' bar gyur yon tan phyogs kyi 'phel bas chos ni rgyas pa ste rdul dang mun pa dag las 'gro ba gyen du byung BCt_14.93 de yi las kyis ya mtshan dga' bas gang ba yi bu ram shing pa'i rigs kyi mi skyong drang srong rnams rgyal po'i drang srong rnams dang drang srong che rnams kyis yang dag mchod rnams mkha' la gzhal med rnams su gnas BCt_14.94 mthong min 'byung po'i tshogs kyi drang srong chen po yis bstod pa rnams ni mthon por 'thon zhing sgrogs pa ste gson pa'i 'jig rten 'phel ba bzhin du dga' gyur zhing ltung ba mtshog la bzhin du bdud ni yi mug gyur BCt_14.95 de nas nad mi mnga' ba zhag bdun bdag nyid kyi sems la gzigs shing spyan mi 'dzum par bzhugs pa ste kho bos 'dir ni rnam par thar pa brnyes so zhes thub pa yid la re ba yongs su rdzogs par gyur BCt_14.96 de nas rkyen nyid thob pa 'di ni thub pa nyid bdag med cho gar rnam par bzhag pas gson nas ni zhi phyir 'jig rten dag la mchog tu brtse bas so sangs rgyas spyan gyis rnam par gzigs par gyur pa'o BCt_14.97 lta ba ngan pas chud zos 'bad la 'khrugs pa yi 'gro ba rdul ni rga chen dang ldan gzigs nas dang rnam thar chos ni mchog tu phra ba nyid gzigs nas g.yo ba med pa nyid phyir thugs ni mdzad par gyur BCt_14.98 de nas sngon gyi dam bca' yang dag mkhyen gyur nas zhi ba'i gdams pa la ni so sor nges par gshegs de nas chen po'i rdul dang chung ngu'i rdul nyid dang ldan pa'i skye bor yid ni rnam par dpyad pa'o BCt_14.99 de nas zhi ba'i don du gdams pa'i ched du nges par ni gzung ba'i bde bar gshegs pa'i thugs ni shes gyur nas mngon par snang zhing 'gro la phan par 'dod pa can mtho ris gnas pa'i gtso bo gnyis ni nye bar 'ongs BCt_14.100 sdig pa spangs shing don mdzad gdan la bzhugs pa'o mchog gi chos ni gzigs pa de la mchog gnyis so mchog tu zhi bas rab tu bsod nas de gnyid kyis 'jig rten phan pa'i don du tshig 'di gsol ba'o BCt_14.101 e ma 'gro ba 'di gang nor 'os 'di lta bu skye dgu rnams la rjes su brtse mdzod khyod kyi thugs 'jig rten na yod skye bo rnam par bsre ba'i rgyu chen po rdul dang chung ngu'i rdul nyid ldan pa'o BCt_14.102 thub pa srid pa'i mtsho las rang nyid rab brgal nas 'gro ba sdug bsngal bying ba rab tu drongs mdzod cig legs pa'i dbang phyug gis ni phun sum tshogs pa theb nas bzhin gzhan rnams la yang rang gi yon tan gyis spyor mdzod BCt_14.103 don mkhyen 'di na'i don dang pha rol du 'am gang skye bo kha cig 'di ni bdag gi phan pa byed gang zhig 'jig rten dge ba'i ched du rab zhugs de mi yi 'jig rten dang ni mtho ris su rnyed dka' BCt_14.104 de ltar drang srong che la tshig 'di gsol nas ni lha na gnas pa de nyid ji ltar 'ongs par gshegs thub pa yis kyang de yi tshig de rab mno nas 'gro ba rnm par thar phyir nges par rgyas par mdzad BCt_14.105 de nas bsod snyoms dus su phyogs bzhir drang srong la lha na gnas pas lhung bzod rnams ni phul ba ste gau ta mas bzhi po de rnams rab bzhes nas de yi chos kyi ched du gcig nyid mdzad pa'o BCt_14.106 de nas de tshe don bcas rab song tshong dpon gnyis mdza' bshes nyid kyi lha yis rab tu bskul ba dag rgya chen thugs mnga' drang srong che la thog ma ru dga' ba dang ldan phyag byas nas ni bsod snyoms phul BCt_14.107 rtsibs 'phur dang ni rangs byed bu ste de gnyis ni chos 'dzin nus pa'i blo gros thub pas gzigs pa ste de gnyis lha na gshegs par thub kyis mngon gzigs nas dge slong lnga po rnams la thugs kyis gshegs pa'o BCt_14.108 de nas zhi ba'i gdams pa la ni gau ta mas nyi ma shar bas mun bzhin mun pa rnam 'joms phyir ba rā ṇa ses brgyan pa'i sna tshogs nags tshal can 'jigs byed shing rtas bsnyed pa'i grong khyer dge bar gshegs BCt_14.109 de nas khyu mchog 'dra ba'i spyan mnga' glang chen myos pa'i 'gros ldan pa 'gro ba mngon par rnam par 'dus phyir kā shi sa la gshegs bzhed pa glang chen bzhin du rang gi sku lus ma lus phyir la rab log nas thub pas spyan mig mi 'dzum par ni byang chub shing gi rtsa bar gzigs BCt_14.110 | sangs rgyas kyi spyod pa zhes bya ba'i snyan dngags chen po las | mngon par rdzogs par byang chub pa'i le'u ste bcu bzhi pa'o || || zhi zhing mdangs ldan mdzad pa kun nas brnyes pa de gcig bur rab gshrnamsgs mang po dang ni thabs cig bzhin lam na dge slong chos ldan kha cig gis mthong nas ya mtshan dang bcas thal mor bcas pas 'di skad gsol BCt_15.1 dbang po'i rta ni g.yo bar dbang po'i rta thul zhing sems can chags rnams ji ltar chags ma gyur shin tu ro ldan gsar ba'i shes rab ro yis ni ri bong gis mtshan dang mtshungs tshim par gyur pa rnam BCt_15.2 brtan pa'i khyod kyi zhal ni rab rgyas shing 'dir ni dbang po rnams kyi dbang phyug mdzad pa ste khyu mchog chen po'i spyan mnga' nges par don mdzad cing khyod kyi bla ma su lags gang las grub pa gsungs BCt_15.3 de rnams las des smras pa bdag la ston pa med bdag la mchod bya med cing su yang smad bya med mya ngan 'das pa thob cing gzhan rnams dang mi mnyam bdag ni chos la rab byung du ni shes par mdzod BCt_15.4 gang phyir ngzan rnams kyis ma rtogs pa'i rtogs bya ni bdag gis mtha' dag rtogs pa de phyir dangs rgyas te gang phyir bdag gis nyon mongs rnams ni drag bzhin pham de phyir zhi ba bdag ni kun nas shes par mdzod BCt_15.5 sdug bsngal rnams kyis nyam thag grogs la phan don du zhi ba kho bo 'di yang ba rā ṇa ser 'gro der ni 'chi med chos kyi rnga dag brdung ba ste snyan grags bde ba'i phyir min nga rgyal phyir ma yin BCt_15.6 rgal bas 'gro ba rnams ni rgal bar 'gyur bgyi zhing grol bas sems can ni yongs su thar bar bgyi de ltar gson pa'i 'jig rten nyam thag mthong nas sngon du bdag gi dam bca' 'di ni gyur pa'o BCt_15.7 'di ni kha cig ni thob nas bdag nyid ni gcig pu nyid gang 'dzin par byed pa ngo mtshar cing skye bo chen po ma btsum mig la gang gis kyang khyad 'phags thob nas rnam par 'dzin pa de don yin BCt_15.8 gang zhig skam la gnas pa mi ni chus khyer ba 'dren par 'dod min de ni legs pa'i gzugs ma yin gang zhig gter ni thob nas skye bo dbul po la nor gyis sbyor ba med pa de spyang po min BCt_15.9 rang bzhin gnas pas nad kyis mngon par bcom pa la lag tu song ba'i sman gyis gso bar bar rigs pa ste de ltar lam ngan song ba'i ched du lam bdag ni nges par bya ba'i lam gyis bshad par 'thad pa yin BCt_15.10 ji ltar sgron ma rab tu gsal bar byed pa ste de yis rgyu dmar por 'gro ba ma yin nyid de bzhin sangs rgyas nyid kyis ye shes rab gsal bar mdzad de de phyir chags par 'gro ba ma yin no BCt_15.11 ji ltar shing rnams la ni me dag nges pa dang mkha' la rlung dang sa la chu ni nges pa ste de bzhin gang yang rnams su thub pa rnams kyi ni byang chub nges shing kā shi rnams dang chos smra gzha nges BCt_15.12 de nas nye bar 'ongs la a la la zhes pa rnam par brjod nas ji ltar 'dod bzhin rab spangs nas yang dang yang du ya mstah mig ni g.yo ba yis de 'dod skyes shing sangs rgyas la ni lta bzhin song BCt_15.13 de nas thub pas rim gyis kā shi'i grong khyer ni nor gnas snying po dang ni rab mtshungs gzigs pa ste grogs mo bzhin du 'khyud nas yang dag 'dus pa 'di skal ldan shing rta dang ni ba rā ṇa se nyid BCt_15.14 mthu dang gzi brjid dag gis mngon par mdzes pa des khu byug rnams kyi sgra sgrogs shing gi tshogs ldan zhing drang srong chen pos bsnyen pa'i ri dags nags nyid du rnam par mdzes pas nyi ma bzhin du rab thob bp BCt_15.15 kauṇ ḍi nya'i rigs dang de nas ming chen dang rlangs pa dang ni rta thul de bzhin bzang rgyal te dge slong lnga yis de ni rgyang ring nas gzigs nas phan tshun du ni tshig 'di smras par gyur pa'o BCt_15.16 bde ba'i bdag nyid dge slong gau ta ma 'di dka' thub de las phyir log mngon par 'ongs pa ste mngon du 'gro bya ma yin nges par phyag 'os min dam bca' bcom pa mchod par 'os pa ma yin no BCt_15.17 de ni brgya la gal te sdod par 'dod gyur na de nyid la ni gtam ni rab tu gsol mdzad dang 'gron po nye bar 'ongs pa gang dang su la ni 'phags pa rnams kyi mi byed par ni 'os ma yin BCt_15.18 de ltar bya byas nas dge slong de rnams ni nye bar gnas pa'i nye bar sangs rgyas gshegs pa ste ji lta ji ltar de rnams la ni nye bar gshegs de lta de ltar de rnams dam bca' nyams par gyur BCt_15.19 de nas kha cig 'di yi na bza' blangs pa ste de bzhin gzhan ni phyag 'tshal nas ni lhung bzed bzung kha cig 'di la 'os pa'i gdan ni phul ba ste de bzhin gzhan gnyis zhabs bsil nye bar phul ba'o BCt_15.20 de ltar rab byed mchod pa mang po ldan pa rnams 'di la thams cad kyis ni bla mar spyod pa byas rigs su mngon brjod de rnams kyis kyang ma spangs shing de rnams la rjes brtse bcas bcom ldan kyis smras pa BCt_15.21 mchod 'os dgra bcom la ni gus pa ma yin pas sngar gyi spyod pas dge slong rnams kye ma smra zhig bstod dang smad pa nges parbdag gi mnyam pa ste khyod rnams bsod nams min las rnam par zlog par bgyi BCt_15.22 sangs rgyas 'jig rten phan pa'i ched du sangs rgyas shing 'byung po kun la phan pas rab tu zhugs pa la bla ma nye bar 'joms la ming gis gang smra ste ma rungs pa yi pha ma bzhin du chos 'chong ngo BCt_15.23 de ltar drang srong chen po thugs rje'i bdag nyid can smra ba rnams kyi mchog gis de skad gsungs pa ste rmongs las snying po med pas chud zos de rnams kyis gdong ni cung zad bzhad pa dang ldan rgol smras pa'o BCt_15.24 gau ta ma re zhig dka' thub mchog dang ni dam pa de yid de nyid rtogs pa ma yin te don ni dka' bas bsgrub bya bde bas gnas pa'o khyod kyi mthong zhes bya ba 'dir ni gtan tshigs gang BCt_15.25 gang tshe de ltar de bzhin gshegs pa'i de nyid la de nas dge slong de rnams dad par gyur min te byang chub pa yi lam ni de las gzhan du shes de nas lam mkhyen pa yis lam ni bka' stsal pa BCt_15.26 byis pa'i skye bo bdag nyid ngal bar ldan pa dang dbang po'i spyod yul rnams la de bzhin chags pa ste 'chi ba med pa'i lung gi lam ma yin pa'i phyogs skyon dang ldan pa gnyis po de la bltos mdzod cig BCt_15.27 gdung bar mngon par brjod pa'i lus kyi ngal rnams kyis yongs su 'khrugs shing rnam par gnon pa'i sems la ni 'jig rten tha snyad kyang ni brgyal shes min ni dbang po las 'das de nyid lam ni kye ma ci BCt_15.28 ji ltar sgron mas mtshan mo'i mun pa nyams pa ru 'dir ni mngon par nyer 'gro chu rnams gtor bas min de bzhin ye shes me yis mi shes mun pa ni nyams par sngon 'gro lus kyi ngal ba rnams kyis min BCt_15.29 ji ltar me ni 'dod pas shing la 'bigs pa dang rnam par 'ges pas me ni thob pa ma yin la de nyid mngon pa'i thabs las bsgrubs pas thob pa ste de bzhin sbyor las 'chi ba med thob ngal bas min BCt_15.30 de ltar don med 'dod pa rnams la chags pa ni rdul dang mun pa dag gis zil non sems ldan rnams bstan bcos don la nus kyang grub pa thob min na chags bral 'gog pa'i cho ga la ni sngon nyid do BCt_15.31 ji ltar nad kyis mngon par bcom pa'i srog chags kyi mi phan bza' ba za ba'i gso ba 'dir yod min de bzhin mi shes nad kyis mngon par bcom pa'o 'dod pa rnams la chags pa'i zhi ba gang las so BCt_15.32 ji ltar skam po'i rten la gnas pa'i rlung gis ni bus pa'i me yi zhi ba yod pa ma yin no de bzhin 'dod pa'i rten la gnas pa'i chags pa yis rjes su song ba'i sems kyi zhi ba yod ma min BCt_15.33 mtha' 'di gnyis pa dag kyang rnam par dor byas nas bdag gis lam gzhan dbu mas lhag par rtogs pa ste shin tu sdig bsngal nye bar zhi ba'i 'dren pa'o bde ba dang ni dge ba nyid dang bral ba'o BCt_15.34 yang dag lta ba'i nyi mas rab tu gsal byas shing rnam dag yang dag rtogs pa'i shing rtas drangs pa ste yang dag brjod pa'i yang dag ngag ni gtsug lag khang dge ba'i bya ba'i skyed tshal brgya phrag mngon par dga' BCt_15.35 smad pa med pa'i 'tsho ba lo legs chen po ste yang dag rtsol bas stobs dang rjes su 'gro ba can kun tu yang dag dran pa'i sbas pas sbas pa ste ting 'dzin gzims mal dang ni gdan dang bzhugs pa yis BCt_15.36 de ltar mchog gi yan lag brgyad 'dir 'di lam ste 'chi dang rga dang na ba rnams las 'dren pa'o gang las drangs nas bya ba thams cad byas pa ste 'di dang che ge mor ni slar yang 'gro ba med BCt_15.37 'di ni sdug bsngal mtha' dag 'di ni mtshan ma ste 'di ni 'gog pa 'di yi lam ni 'di yin te de ltar ma thos chos kyi cho ga sngar med pa'i rnam par thar phyir bdag gi spyan mig skyes pa'o BCt_15.38 skye dang rga dang na dang de nas rgud pa dang sdug pa dang bral mi sdug pa dang sbyor ba dang 'dod pa'i don ni rab tu thob pa med pa ste rnam pa sna tshogs sdug bsngal 'di ni yongs su 'thob BCt_15.39 'dod pa'i bdag can gyi 'am bdag rgyal can gyi 'am lus can gyi 'am yang na lus can ma yin pa'i gang zhig yon tan med pa gang la rab zhugs kyang mdor bsdus nas de sdug bsngal du ni shes par mdzod BCt_15.40 ji ltar 'bar ba zhi ba'i me ni chung na yang lhan cig skyes pa dro ba'i ngo bo spong min nyid de bzhin bdag tu 'du shes zhi sogs kyis phra yang sdug bsngal bdag nyid can zhes bdag gi shin tu nges BCt_15.41 ji ltar sa chu sa bon dus rnams myu gu'i bzhin 'dod chags la sogs rnam pa sna tshogs skyon rnams dang skyon las rab tu skyes pa'i las rnams nyid dag ni sdug bsngal dag gi rgyur ni nges par shes par mdzod BCt_15.42 mtho ris su 'am 'og tu srid pa'i rgyun la ni 'dod chags la sogs skyon gyi tshogs rnams rgyu yin zhing dman dang 'bring dang mchog ste sna tshogs nyid kyi ni de dang der ni las rnams dag ni rtsa ba'o BCt_15.43 nyes pa zad las 'khor ba'i rgyu ni yod min te las zad pa las sdug bsngal de ni yod ma yin gang phyir don gang yod pa las ni kun 'byung ste de phyir med pa las de slar yang 'byung ba med BCt_15.44 gang du skye ba med cing rga med 'chi ba med me med sa med chu med mkha' med rlung med la thog ma bar dang mtha' med 'phags pa dgrog bya min dge zhing 'gyur med 'gog pa de ni shes par mdzod BCt_15.45 yan lag brgyad ldan gang zhig mngon brjod de lam ste lhag par rtogs phyir 'di yi thabs de'i gzhan ma yin lam 'di yi ni ma mthong ba las 'jig rten rnams de nyid dang ni nye du rnams ni yongs su 'khor BCt_15.46 sdug bsngal yongs su shes par bya zhing rgyu 'di ni spang bya 'gog pa yang ni dbang du bya'o de bzhin lam 'di yang ni bsgom par bya ba ste de ltar 'dir ni bdag gi blo gros rab zhugs so BCt_15.47 sdug bsngal 'di ni yongs shes rgyu ni spangs pa ste de bzhin du ni 'gog pa mngon du byas pa'o de bzhin du ni 'di yi lam 'di bsgoms pa ste de ltar 'dir ni bdag gi spyan mig rab zhugs so BCt_15.48 ji srid du ni yang dag 'phags pa'i bden pa ni bzhi pa'i rkang pa 'di rnams mthong ba ma yin pa de srid bdag 'dir grol ba med par zhes brjod cing bdag nyid la ni don byas nyid du yang ma mthong BCt_15.49 gang tshe 'phags pa'i bden pa rnams ni rtogs pa ste rtogs nas kyang ni don byar 'os pa byas pa'o de tshe bdag nyid rnam par grol zhes brjod pa ste bdag nyid la ni don byas nyid du yang mthong ngo BCt_15.50 de ltar drang srong chen po thugs rje mnga' ba yi 'dir ni chos dag de skad mngon par gsungs pa na kau ṇḍi nya'i rigs dang lha ni brgya phrag rnams gtsang zhing rdul dang bral ba'i mig ni thob par gyur BCt_15.51 bya ba thams cad nges par byas shing zhi ba de la ni thams cad mkhyen pas khyu mchog bzhin du mthon po'i dbyangs kyis gsungs khyod kyi ye shes bdag nyid chen pos des ni tshig gsol ba legs so khyod kyi blo gros mchog ni bdag gis shes pa'o BCt_15.52 legs so bdag gis shes shes de nas des ni 'jig rten ni kau ṇḍi nyas de'i go 'phang rig ni bzung ba ste bla ma dam pa de bzhin gshegs pa slob ma rnams kyi ni gtso bo nyid du chos la yang dag lhag par gshegs pa'o BCt_15.53 sgra de sa la rgyu ba'i gnod sbyin rnams kyis thos nas ni rnam par rgyas pa'i dbyangs ni rab tu gsol bar gyur pa ste 'byung po rnams kyi 'chi med zhi ba'i ched du nges par ni dam pa gzigs pas chos kyi 'khor lo bskor ba de legs so BCt_15.54 tshul khrims rtsibs dang zhi dang dul ba'i mu khyud blo rnam yangs dran pas blo gros brtan pa brtson 'grus lte ba ngo tsha'i gzer zab pa'i phyir dang rdzun med phyir dang legs par bstan nyid phyir 'jig rten gsum na btsan zhing bstan bcos gzhan rnams kyis mi ldog BCt_15.55 sa 'dzin gnod sbyin rnams las sgra ni nye bar thob byas nas mkha' la lha yi tshogs rnams kyis ni dbyangs byas shing de ltar thos nas mtho ris rim dang rim rnams kyis mthon por tshangs pa'i 'jig rten bar du sgra yis nye bar 'dzegs pa'o BCt_15.56 mtho ris dag na gnas pa'i bdag nyid ldan pa kha cig gis drang srong che las 'jig rten gsum ni g.yos zhes thos nas ni sna tshogs yul rnams la ni chags par gshegs pa ma yin zhing yang dag skye las srid pa gsum na zhi ba nyid du gshegs BCt_15.57 de ltar 'jig rten rnams kyi mchog tu zhi ba'i ched du ni mtho ris dang ni sa na chos kyi 'khor lo bskor tsam nas sprin nral mkha' las me tog dang bcas chu yi char bab cing srid gsum gnas pa rnams kyis rnga bo che rnams mngon par brdungs BCt_15.58 | sangs rgyas kyi spyod pa zhes bya ba'i snyan dngags chen po las | chos kyi 'khor lo bskor ba'i le'u ste bcu lnga pa'o || de nas thams cad mkhyen pa yis rta thul la sogs dge slong rnams rab snyoms sems ldan de rnams kun thar pa'i chos la bkod pa'o BCt_16.1 | nyi ma dang ldan skar ma lngas nam mkhar zla ba ldan pa bzhin lnga ste tham pa'i lnga sde yis kun nas bskor ba de mdzes sp BCt_16.2 de nas de tshe kha cig ni mo rnams blo phab nyal mthong nas grags pa zhes bya chen po'i bu yang dag skyo bar nye bar song BCt_16.3 'di kun nye bar brtse ba ste zhes ni tshig dang brjod bzhin du dpal ldan mchog gi rgyan ldan pa sangs rgyas ga la ba der song BCt_16.4 sems dang nyon mongs mkhyen pas des gzigs nas de bzhin gshegs pas gsungs mya ngan 'das la nyer tshe med tshur shog dge ba thob par gyis BCt_16.5 de ltar rnam rgyas grags pa'i gsung 'di ni thos nas tsha ba yis nyam thag chu la 'dzul nas ltar mchog tu tshim pa nye bar song BCt_16.6 sngon gyi rgyu yi stobs brten nas de nas lus de nyid bzung ste lus kyis dang ni sems kyis ni dgra bcom nyid ni nye bar thob BCt_16.7 ston ga'i chu yis bkrus pa yi gos la tshon ni bkod pa bzhin dkar po'i blo yis dam pa'i chos thos nas rab tu rtogs pa nyid BCt_16.8 cha lugs de yi ngo tsha bzhin gnas pa de ni gzigs gyur na don mdzad dam pa'i don mkhyen pa smra ba rnams kyi mchog gis smras BCt_16.9 rtags ni chos kyi rgya min zhing | 'byung po rnams la snyoms pa ste zhi zhing dul la dbang po dul brgyan pa yin yang chos la spyod BCt_16.10 gang zhig lus ni 'thon pa ste sems kyis 'thon pa ma yin pa nags na gnas kyang chags pa can khyim na gnas shes de shes bya BCt_16.11 gang zhig sems ni 'thon pa ste lus kyis 'thon pa ma yin pa khyim na gnas kyang nga med pa nags na gnas shes de shes bya BCt_16.12 khyim na gnas par gyur pa'i 'am rab tu byung bar gyur pa'i yang ngag gi bsgrubs pa yod na ni de yi thar pa mngon par brjod BCt_16.13 ji ltar rgyal 'dod dgra sde la rgyal phyir go cha 'dzin pa ste de bzhin nyon mongs dgra de la rgyal phyir rtags ni 'dren pa'o BCt_16.14 de nas dge slong tshur shog ces de bzhin gshegs pa de la gsungs des ni dge slong rtags bzung ste skad cig de nyid gyis grol to BCt_16.15 de nas de yi rjes chags pas de yi 'khor ni lnga bcu dang gsum rnams nyid dang gcig nyid dang chos de rab tu thob par gyur BCt_16.16 'dag chal gyis bsgos gos rnams ni chu yis yang dag reg pa bzhin sngon tshe bsgoms pa'i las can rnams de rnams myur du dag par gyur BCt_16.17 de nas de tshe dgra bcom slob ma yi dang po don bcas drug cu thams cad la dgra bcom rnams kyis mngon mchod dgra bcom pas ji ltar 'os par yang dag bka' stsal to BCt_16.18 dge slong rnams kye sdug bsngal rgal rang gi bya ba legs chen byas pha rol sdug bsngal rnams la yang rjes su 'dzin pa byed pa'i rigs BCt_16.19 de phyir re re thams cad kyis sa 'dir yongs su gshegs mdzod la nyam thag 'jig rten ched du chos rjes su brtse bas bsnyan par bya BCt_16.20 grub phyir rdzu 'phrul ldan pa'i spun 'od srungs drang srong rnams 'dul phyir rgyal po'i drang srong gis bsnyen pa'i ga yar kho bo 'di yang 'gro BCt_16.21 de nas de nyid mthong de rnams de yi bka' las phyogs su song rtsod bral bde bar gshegs pa ni drang srong che yang ga yar gshegs BCt_16.22 de nas dus su der gshegs nas chos kyi dgon pa nye bar gshegs dka' thub dngos su gnas pa bzhin der ni 'od srungs gzigs pa'o BCt_16.23 ri rnams dang ni nags rnams su gnas rnams yod pa na yang ste rnam par 'dul bzhes stobs bcu bas [.. .. .. .. .. .. .. ] BCt_16.24 […] […] […] […] BCt_16.25 [.. .. .. .. .. .. .. ] [.. .. .. .. .. .. .. ] [.. .. .. .. .. .. .. ] rab tu brten nas blangs pa'o BCt_16.26 de nas grub pa nyams tshad phyir me khang lto 'phye ches [.. .. ] [.. .. .. .. .. ] bnyen par ma rungs gnas des 'di la byin BCt_16.27 der gzigs mtshan mor rang gnas shing ltos bral thub pa chen po la mthong ba'i dug can khros pa yi sbrul des mthong nas dbugs phyung ngo BCt_16.28 de yi khro bas 'bar ba yi me yi khang par gyur pa des drang srong chen po'i sku lus la 'jigs pa bzhin du mes ma reg BCt_16.29 dus mtha'i me nyer zhi ba na tshangs pa bzhugs pa mdzes pa ltar me yi khang par bsregs na yang gau ta ma rnam 'gyur med BCt_16.30 gang tshe sangs rgyas der bzhugs tshe gnon med g.yo ba med pa ste de tshe klu de ya mtshan zhing drang srong mchog la phyag 'tshal lo BCt_16.31 ri dags nags der skye ba yi thub pa der bzhigs shes gyur nas sdug pa'o brgyal 'di 'dra ba'i dge slong tshig ces rjes su brtse BCt_16.32 de nas mtshan mo 'das pa na rnam par 'dren pas 'od srungs la sbrul ni zhi bas lhung bzed kyis blangs nas de la bstan pa'o BCt_16.33 de nas sangs rgyas che bdag nyid thos nas de ni ya mtshan gyur de lta na yang bdag nyid kyis che zhing gong na med pa snyam BCt_16.34 de nas dus su rab sbyar ba'i sna tshogs rdzi 'phral gzugs rnams kyis de yi sems de mkhyen nyid las zhi ldan thub pas thugs dgongs mdzad BCt_16.35 ji ltar bdag las rdzu 'phrul gyis sangs rgyas khyad par 'phags pa snyam de yi chos ni rab bsgrub phyir de tshe des ni nges par byas BCt_16.36 kun nas slar log gnas pa yi lteng rgyas 'od srungs mthong nas ni slob pa rnams kyi tshogs rnams kyang lnga brgyas de yi chos la bsnyen BCt_16.37 der ni spun zla slob mar bcas mthar phyin shun lpags spangs pa na ga ya chu klung zhes byas kyang der song lam la bsnyen pa'o BCt_16.38 de nas thub pas slob mar bcas 'od srungs gsum po de rnams la sa 'dzin ga ya'i rtse mor ni nges par mthar phyin gtam mdzad do BCt_16.39 rnam par rtogs pa'i skye gnas dang gti mug rnam bkram du ba can chags sdang me yis 'gro ba ni thams cad dbang med par sreg go BCt_16.40 de ltar nyon mongs mes tshig cing rab tu ma zhi mgon med can rga na 'chi ba'i me rnams kyis slar yang rgyun mi chad par sreg BCt_16.41 rnam par sna tshogs mes tshig pa'i 'gro ba skyabs med 'di mthong nas yid bcas dbang po dang bcas pa'i gzugs la blo ldan skyo ba ste BCt_16.42 skyo ba las ni chags bral 'gro chags bral las ni rnam grol zhing rnam 'grol de nas thams cad na rnam par grol zhes shes pa'o BCt_16.43 skye ba'i rgyun ni yongs mdzad cing tshangs pa'i spyod pa 'dir gnas la byed pa thams cad byas pa ste srid pa gzhan ni yod ma yin BCt_16.44 bcom ldan gyi gzung 'di thos nas dge slong stong phrag dag gi sems len pa med nas zag pa las de ma thag tu rnam par grol BCt_16.45 sbyin pa tshul khrims dul rnams kyis chos ni dngos su yongs bskor bzhin de nas shes rab rgya che ba'i 'od srungs gsum gyis sangs rgyas mdzes BCt_16.46 chos don 'dod pa dang bral ba'i sems can na ba'i srog bzhin du bkris mchog de rnams kyis bor ba'i dka' thub nags de mdzes ma gyur BCt_16.47 de nas de rnams kyis yongs bskor thub pa rgyal po'i khab tu gshegs ma ga dha yi mi dbang phyir sngon gyi dam bca' dran pa'o BCt_16.48 de nas 'od ma'i tshal yul ni de bzhin gshegs pas rab tu thob blon po rnams ni rjes 'gro bas thos nas rgyal po mngon du song BCt_16.49 de nas rang gi skal mtshungs pa'i rkang pa gzhon mas skye bo ni ya mtshan gyis ni rnam yangs mig ri yi lam nas phyi rol byung BCt_16.50 ma ga dha yi mi dbang gis thub rgyang ma nas mthong nas skyen pa dang bcas mchod pa'i phyir shing rta las ni sa la bab BCt_16.51 des ni rnga yab rlung yab dang rjes su 'brang pa rnams spangs nas tshangs pa la ni dbang pos bzhin thub la rgyal po sngon du song BCt_16.52 cod pan rab g.yo mgon po yis drang srong mchog la phyag 'tshal nas sa yi logs la rtswa 'jam la mngon par rjes gnang bsdad pa'o BCt_16.53 der mi rnams kyi bsmas pa gyur e ma shā kya thub pa'i stogs 'od srungs bcom ldan drang srong ni 'di yi slob ma nyid du gyur BCt_16.54 de nas de'i sems sangs rgyas kyis mkhyen nas 'od srungs la smras pa 'od srungs yon tan gang mthong nas khyed kyis me ni spangs pa'o BCt_16.55 chu sbyin chen po'i dbyangs kyis ni bla mas de ltar de bskul te mthon pos skye bo kun khyab par thal mo sbyar zhing rnam par gsol BCt_16.56 gang phyir mchod dang sbyin sreg gi 'bras bu yongs su 'khor ba ste sems dang sna tshogs dang ldan te de phyir me rnams bdag gis spangs BCt_16.57 gang phyir yul la skom pa yis bzlas dang sbyin sreg la sogs 'jug yul rnams dag gi skom pa med de phyir me rnams bdag gis spangs BCt_16.58 gang phyir bzlas nas sreg nas kyang skye ba las ni thar min zhing skye ba yi ni sdug bsngal che de phyir me rnams bdag gis spangs BCt_16.59 gang phyir mchod sbyin dka' thub kyis dge legs yin zhes yid 'gyur ba de ni brdzun pa nyid yin te de phyir me rnams bdag gis spangs BCt_16.60 gang phyir skye 'chi las grol ba 'gyur med go 'phang dge bar ni brjod pa bdag gis shes pa ste de phyir me rnams bdag gis spangs BCt_16.61 de ltar de'i tshig dad skyed cing don dang ldan pa'i gsan gyur nas 'dul ba'i slob dpon gau ta mas dul ba'i 'od srungs la gsungs so BCt_16.62 skal chen khyod ni legs par 'ongs 'di ni legs byas byas min min gang khyod tha dad chos rnams su dge legs gang de nye bar thob BCt_16.63 de phyir re zhig dkor rnams ni rnam rgyas yang dag 'phel ba bzhin sna tshogs rdzu 'phrul ston bzhin du yid ni yang dag skyo bar gyis BCt_16.64 de nas mchog ces smras nas ni bdag la bdag ni yongs bsdus nas mkha' 'gro'i bya ltar 'od srungs ni klung gi lam la 'phur ba'o BCt_16.65 de mkhar sdod du'am bzhin gnas shing sa la bzhin du rnam par rgyu khri la bzhin du bzhugs pa dang rdzu 'phrul mkhas pa gzims pa'o BCt_16.66 slar yang me bzhin 'bar ba dang slar yang sprin bzhin char 'bab ste slar yang cig car shin tu ni 'bar ba dang ni 'bab pa'o BCt_16.67 glog gi sna ba'i 'od ldan pa'i rab 'bab chu gter sprin bzhin du 'bar ba dang ni 'bab pa yis rgya cher rnam par gnon te mdzes BCt_16.68 der ni mig rnams chags byas nas ya mtshan gyen phyogs skye bo rnams mchod mang po las phyag 'tshal zhing seng ge'i sgra ni sgrogs pa'o BCt_16.69 de nas rdzu 'phrul bsdus nas des bya ba byas pa'i slob ma ni bdag gi ston pa bcom ldan zhes thub la mgo bos phyag tshal lo BCt_16.70 drang srong mchog la de bzhin du phyag 'tshal 'od srungs rab mthong nas bde bar gshegs la kun mkhyen zhes ma ga dha pa rnam nges so BCt_16.71 de nas zhing byas mkhyen nas ni dge phyir dge legs la gnas pas chos thos par ni 'dod pa yi bzo sbyangs la ni bka' stsal pa BCt_16.72 gzi chen ldan pa yid bcas shing dbang po thul ba dbang por bcas sa yi bdag po gzugs nyid ni skye ba dang ni rnam par nyams BCt_16.73 yon tan 'phel phyir 'di yi ni skye dang 'gag pa shes bya ste shes nas de gnyis yang dag par lus ni yang dag rig par mdzod BCt_16.74 skye dang 'gag pa'i chos can du dbang po dang bcas lus shes nas bdag ldan bdag ces cung zhig ni nye bar len min zer 'gro min BCt_16.75 lus dang dbang po blo rnams las gzhan ni dmigs pa ma yin te sdug bsngal nyid ni skye ba ste sdug bsngal nyid ni 'gag pa'o BCt_16.76 gang tshe 'di kun mngon par 'gro bdag med bdag gi ba yang med de tshe mchog tu mi g.yo ba'i mya ngan 'das pa thob pa'o BCt_16.77 ngar 'dzin la sogs nyon mongs kyis bdag tu 'dzin la 'ching ba ste 'jig rten bdag med par mthong na chags pa rnams las rnam par grol BCt_16.78 mi bden par mthong 'ching ba ste bden par mthong ba rnam par grol bdag yod ces ni 'jig rten 'dir rab tu 'jug 'di bden mi 'dzin BCt_16.79 gal te bdag yod gyur na de rtag gam yang na mi rtag nyid phyogs ni gnyis po 'di dag la nyes pa chen po rab tu chags BCt_16.80 gal te re zhig mi rtag gyur las kyi 'bras bu med par 'gyur yang srid yod pa ma yin zhing thar pa 'bad pa med par 'gyur BCt_16.81 ci ste rtag cing khyab par 'gyur skye ba med dang skye ba min nam mkha' khyab cing rtag pa ni 'grong ba med cing skye ba med BCt_16.82 gal te bdag 'di khyab bdag 'gyur gang du mi gnas pa ma yin 'di dang song nas dang thar bar thams cad du ni cig cag 'gyur BCt_16.83 khyab bdag nyid phyir bya med 'di'i las kyi bya ba med par 'gyur las rnams ma byas pa las ni 'bras bur sbyor bar gang gis 'gyur BCt_16.84 gal te 'di yis byed par 'gyur bdag gi sdug bsngal byed ma yin rang dbang gyur na sdug bsngal ni bdag gis bdag gi byed pa su BCt_16.85 bdag ni rtag pa nyid las ni rnam par 'gyur ba skye min zhing bde dang sdug bsngal thob pa las de yi rnam par 'gyur ba mthong BCt_16.86 ye shes thob pas dang nyon mongs spangs las thar pa yod pa ste bya med khyab bdag 'di yi ni de phyir thar pa yod ma yin BCt_16.87 yod min gyur las de nyid kyis bdag ste 'di ni brjod min la rgyur gyur pas kyang ma yin zhing 'di ni cung zad byed ma yin BCt_16.88 bya ba las kyang gsal min zhing gang rnams kyis 'di byas min la rnam pa de ltar gyur min smra de phyir bdag gis yod ma yin BCt_16.89 byed pa po med 'dir ni rig pa po yang med bdag po med pa'i lus po 'di ni 'dren par byed ji ltar 'khor ba'i chu bo rab tu bskor ba ste smra ba de ni nyon mdzod nyan pa rnams ki mchog BCt_16.90 dbang po drug dang dbang po'i spyod yul drug rnams la brten nas rnam par shes pa rnam drug 'char ba ste gsum po so sor reg pa'icho ga rab bskyor zhing gang las dran dang blo dang las kyis 'jug par yin BCt_16.91 nor bu bud shing nyi ma yang dag phrad pa las ji ltar me ni sbyar ba'i dbang gis skye ba ste de bzhin blo dang dbang don dbang po la brten nas skyes bu la brten bya ba rnams ni thams cad 'gyur BCt_16.92 ji ltar bon las ni myu gu skye ba ste myu gu des ni sa bon de ni shes min zhing gzhan las gzhan du ma yin de la de ma yin de bzhin lus dang dbang po blo yi rim pa'o BCt_16.93 de ltar thub pa mchog gi gzung ni mchog tu dge dam pa'i don du bsngags pa yang dag thos nas ni dri ma med pa'i rdul med gzhal du med pa'i ma ga dha yi bdag po chos mig skyes par gyur BCt_16.94 'khor der ma ga dha yi grong na gnas pa yi mi ni du ma rnams dang lha na gnas pa rnams thub pa'i gsung thob pa la rnam dag bsam ldan rnams 'gyur med 'chi ba med pa'i go 'phang thob par gyur BCt_16.95 | sangs rgyas kyi spyod pa zhes bya ba'i snyan dngags chen po las | slob ma mang po dang ldan pa'i le'u ste bcu drug pa'o || de nas rgyal po des ni thub la rnam gnas phyir dpal ldan nags tshal 'od ma'i tshal ni rab phul nas de nyid khong du chud phyir kun nas gnyis pa ni mngon par rjes gnang byas pa grong khyer la zhugs so BCt_17.1 de nas gtsug lag khang der 'grol phan pa'i phyir ye shes las gyur dge ba'i sgron pa bsnams pa ste tshangs dang lha dang de bzhin 'phags pa rnams kyis ni gnas pa de dang de yis sangs rgyas rnam par gnas BCt_17.2 de nas rta thul dbang po'i rta ni kun bsdams shing bsod snyoms 'dod pas rgyal po'i khab ni rab thob ste gzugs kyis dang ni zhi ba yis dang rnam 'gyur gyis skye bo chen po rnams kyi mig rnams phrog par gyur BCt_17.3 ser skya'i rigs kyi dge slong slob ma du ma can sha ra dwa ti'i bu zhes rab tu grags pa yis dbang po zhi bar 'ongs pa de ni mthong ba ste lam na rjes su gnas nas tshig ni mngon par smras BCt_17.4 khyod kyi gsar ba'i rtags mtshan dang ni zhi ba nyid mthong nas kho bo'i blo gros ya mtshan mchog gyur te de phyir re zhig gal te de nyid rig pa dang khyod kyi ston pa'i mtshan ci smra ba gang yin smros BCt_17.5 de ltar mchod mang sngon 'gro bram ze de yis ni de skad brjod cing rta thul gyis kyang smras pa ste bu ram shing pa'i rigs su rab 'khrung thams cad mkhyen bdag gi ston pa bla na med pa shes par mdzod BCt_17.6 byis pa gsar bu chos las skyes par gyur pa yis khyod la ston pa brjod par nus pa ma yin no smras pa mkhyen pa'i mchog gyur thub pa chen po'i gsungs nyung ngu cung zad tsam zhig nges par rtogs par mdzod BCt_17.7 gang zhig chos rnams mtshan ma las ni byung ba ste de dag rnams kyi mtshan ma bcom ldan gyis gsungs shing gang zhig de dag rnams kyi nges par 'gog pa dang yang dag 'gog pa de yi thabs gang gsungs pa'o BCt_17.8 de ltar rta thul gyi ni tshig 'di thos nas ni gnyis skyes nyer rgyal zhes pa'i ming can de yi ni skyen par chos la mig ni rdul dang bral ba ni dge zhing rnam par nges par gyur pa'o BCt_17.9 rgyu med pa dang bya ba med dang dbang phyug ste zhing shes pa ni nges par de yis sngon rig cing rgyu las 'di rnams rab tu 'jug par thos nas ni bdag med gyur pa mthong nas dam pa'i bden pa gzigs BCt_17.10 sbom po'i nyon mongs tshogs kyi rnam par nyams pa ni grangs can lus la cha shas dang bcas mthong ba ste sbom po dang ni phra mo de yi nyams pa ni sangs rgyas pa yi bstan las 'gyur zhes snyam par gyur BCt_17.11 bdag tu 'du shes skyes pa nye bar mkhyud nas ni ngar 'dzin spong ba ma yin de nas nga yi nyid sgron ma dang ni nyin mor byed pa yod pa na 'od kyi rnam par nyams par gtan tshigs shes bya ci BCt_17.12 ji ltar padma'i chu ba che bar gyur pa yi snal ma phra mo nyid ni gzhan dang 'brel ba ste [.. .. .. .. .. .. .. .. .. .. .. ] [.. .. .. .. .. .. .. .. .. .. .. ] BCt_17.13 [.. .. .. .. .. .. .. .. .. .. .. ] [.. .. .. .. .. .. .. .. .. .. .. ] thar pa'i cho ga thar thug min par de snyam zhing sangs rgyas pa yis rdo ba phye dang mnyam par rtogs BCt_17.14 de nas bram zes rta dul de la mngon mchod nas tshim zhing rang nyid kyis ni khang par rnam song zhing bsod snyoms rim bzhin rta thul gyis kyang rab thob nas rang bzhin gnas shing mkhas pa 'od ma'i tshal du ni BCt_17.15 de bzhin rab tu dad pas mchog dang ldan pa yi nye rgyal kyang ni mngon du zhugs pa mthong nas ni thos pa dang ni bsam pas bya ba mnyam pa yi maudgala rigs su rab tu skyes pas smras pa'o BCt_17.16 dge slong de nyid gang gis gzhan bzhin gyur pa ste brtan yin yang dag dga' zhing nye bar song khyod kyis 'chi med ci zhig de ring thob pa ste bzhin ni rab tu dad 'di gtan tshig med ma yin BCt_17.17 de nas 'di ltar bgyis shes 'di la des bden smras de nas nges ni bdag la smos pa shes des smras de nas tshig de nyid ni de yis smras pa ste thos nas nyid kyi yang dag mig ni skyes par gyur BCt_17.18 las dang bsam pa rnam dag blo ldan de gnyis ni lag gnas sgron ma bzhin du de nyid mthong ba ste shes pas ston la rnam par g.yo min bsam ldan dag de ni blta ba'i don du da lta nyid du gshegs BCt_17.19 slob ma'i sde bcas de nyid rgyang ma nas gzigs nas bcom ldan drang srong chen pos dge slong rnams la gsungs shes rab can dang rdzu 'phrul ldan pa rnams kyi gtso kho bo'i mchog gi slob ma 'di gnyis 'dir 'ongs so BCt_17.20 de nas zab dang brtan pa'i gsung ni zhi ba yi thub pas de gnyis la ni gtam ngag mdzad pa ste dge slong 'dir ni mngon par nyer 'ongs rab zhi'i phyir chos 'di ji lta ba bzhin yang dag thob par gyis BCt_17.21 smyu gu gsum lag gtsug phud dang ldan gnyis skyes de gnyis la de bzhin gshegs pas 'di skad ces gsungs te sangs rgyas mthu yis ngur smrig gos dang ldan pa yi dge slong nyid du skad cig gis ni gyur pa'o BCt_17.22 slob ma'i sder bcas cha lugs de yis de gnyis kyis mgo bo dag gis thams cad mkhyen la mchod pa ste de nas sangs rgyas kyis chos de gnyis la gsungs shing dus kyis de gnyis kyis ni nges legs thob par gyur BCt_17.23 de nas 'od srungs rigs kyi sgron ma gnyis skyes ni kha dog dang ni gzugs dang nor dang nyer ldan pas rdzu 'phrul dang ni bdag ldan bzang mo rnam spangs nas thar pa'i ched du ngur smrig bzung zhing gshegs pa'o BCt_17.24 mdog bzang gser gi mchod rten dang mtshungs 'bar ba ni bu mang ming bcas mchod rten du ni des mthong nas dngos po thams cad spangs shing ya mtshan dang bcas pas thams cad mkhyen la thal mo rab sbyar mngon par song BCt_17.25 thub pa la ni rgyang nas mgo bos phyag 'tshal zhing phyag 'tshal nas ni ji lta ba bzhin mthon por gsol bdag ni slob ma bcom ldan bdag gi ston pa lags mun pa rnams su brtan pa bdag gi sgron mar gyur BCt_17.26 gnyis skyes skom pa skyes shing nye bar 'ongs par ni mkhyen nas bsam pa rnam dag thar 'dod de la ni sems la gsung gi chab kyis rab tu tshim mdzad pa de bzhin gshegs pas legs par 'ongs zhes bka' stsal to BCt_17.27 gsung 'di yis ni ngal ba rnam par sos bzhin te nges par legs par rtogs pa'i ched du gnas pa ste de nas dag pa'i bdag nyid 'di la thugs rje can thub pas chos ni mdor bsdus pa yis gsungs pa'o BCt_17.28 gang phyir thub pas chos ni phra mor gsungs tsam na de yis don ni mtha' dag yang dag thob gyur te de phyir yang dag rig dang na tshod che nyid las dgra bcom 'od srungs chen po nyid du mtshan gyur to BCt_17.29 gang gis lus las gzhan dang yang na lus su ni bdag dang bdag grib zhes bdag tu rtogs pa ste de yis bdag tu lta ba de ni nges spangs shing nyi tshe ba min sdug bsngal 'di ni mthong bar gyur BCt_17.30 tshul khrims brtul zhugs dag gis dag par byed cing gang rgyu med pa dang rgyu la de yis rtogs pa ste sdug bsngal nyid dang lam ni yang dag thob nas de tshul khrims dang ni brtul zhugs mchog tu ma bzung ngo BCt_17.31 phyin ci log tu gyur par song ba gang gi ni mngon du bskor zhing mchog ni rab tu thob ma yin bden pa bzhi po'i go 'phang rnams ni mthong gyur nas the tshom som nyir gyur de yang dag chod par gyur BCt_17.32 'dod pa gang rnams su ni yang dag brgyal nyid dang brgyal bar gyur dang brgyal bar 'gyur nyid 'jig rten pa mi gtsang bden pa ma yin de rnams des shes nas 'dod chags shes bya'i yul de spangs par gyur pa'o BCt_17.33 de bzhin du ni byams par gyur pa'i sems kyis des bshes dang bshes min rnams su khyad par med pa ste 'byung po kun la rjes su brtse ba byas pa yis nang du song ba'i gnod sems yang thar gyur pa'o BCt_17.34 gzugs la brten rnams dang grong khyer brten pa rnams sna tshogs nyid dang ldan pa'i 'du shes rnams spangs nas des ni gzugs kyi khams su chags pa rnams bcom ste gzugs la 'jug pa'i nyes pa rnams ni rtogs nas so BCt_17.35 rmongs las snyoms 'jug rnams su thar pa'i 'du shes dang gzugs med lha rnams 'dzad pa can du rtogs nas ni zhi zhing mtshan ma med pa'i sems ni bzung nas su gzugs med srid pa la ni chags dang bral bar song BCt_17.36 chu bo sindhu'i shugs chen rab tu 'jug pa bzhin sems kyi g.yo zhing bskyod par byed pa shes nas ni brtan pa'i rten las rgod pa rnam par spangs pa ste zhi zhing rdzing bu gang ba bzhin du gnas par gyur BCt_17.37 snying po med pa'i phyir 'grong ba'i chos nyid phyir bdag med nyid phyir dngos rnams yang dag rab mthong nas khyad 'phags nyid dang mnyam dang mchog nyid mthong ba ste nga rgyal rnam par spangs nas yod ma yin zhes rtogs BCt_17.38 ye shes me yis mi shes mun pa rnam bcom nas zad pa can dang zad pa med par sna tshogs mthong rnal 'byor gyis ni rig pa nyid ni yongs bsgoms nas ma rig pa ni mtha' dag ji lta ba bzhin spangs BCt_17.39 mthong dang bsgom pa dag gis kun tu sbyor ba ni bcu po 'di dag rnams kyis rnam par grol gyur cing thal mo sbyar bas sangs rgyas nyid la lta bzhin du bya ba kun byas rang bzhin gnas te gnas par gyur BCt_17.40 skar ma gsum gyi gnas skabs gsum skyong rjes skyes lha dang ni ldan pa'i lnga gsum tshes kyi dus su skar ma'i rgyal po bzhin gsum ni chud zos gyur cing gsum ni lhag par thob pa yi gsum rig slob ma gsum gyis bde bar gshegs pa rnam par mdzes BCt_17.41 | sangs rgyas kyi spyod pa zhes bya ba'i snyan dngags chen po las | nyan thos chen po rab tu 1a gshegs par mdzad pa'i le'u ste bcu bdun pa'o || de nas 'ga' zhig tshe na nor ldan khyim bdag ni skal ba med pa rnams la nor ni rab sbyin pa bzang sbyin zhes ni rab tu grgas pa'i min ldan pa byang phyogs yul ko sa la rnams nas der song gyur BCt_18.1 de yis der ni thub pa bzhugs pa thos pa ste thos nas blta bar 'dod pas mtshan po rab tu song rnam dag sems pa des ni rab sleb rab mkhyen nas rab tu phyag byas pa la bde bar gshegs pas bstan BCt_18.2 gang phyir chos labsgoms pas nyid ni rnam spangs nas blo ldan mtshan mor bdag la lta 'dod rab sleb ste da lta nyid du 'ongs pa de yi de ma thag nges par legs pa'i mgron 'di rab tu long mdzod cig BCt_18.3 gang zhig khyod kyis ltag bsam gang zhig bstan pa dang bdag gis grags pa nyid las gang zhig dang ba dang gang zhig sdon gyi rgyu las blo gros rab zhugs te des ni yon tan chen po rnams kyi snod yin no BCt_18.4 de phyir 'jig rten dag na grags dang gzhan du ni 'bras bu sbyin pa mchog las byung bar rig nas ni bkur sti byas nas dus su snyoms pa'i bdag nyid kyis chos las thob pa'i nor ni sbyin par bya ba'o BCt_18.5 tshul khrims yang dag blangs nas spyad par bya ba ste tshul khrims nyid ni bsrung ba dang ni rgyan yin zhing 'og tu song ba rnams kyi rnam par ldog byed do nam mkha'i steng gi nges par rdzogs pa po nyid yin BCt_18.6 'dod pa rnams su gcig min zhes pas rjes bcings pa'i yongs su tshol ba la sogs skyon rnams thos nas ni nges par 'byung ba'i cho gar yon tan rnam shes nas rnam dben la skyes shi ba'i bden pa bsnyen par mdzod BCt_18.7 'chi bas nye bar gzir zhing rga bas zil non pa'i 'jig rten rab tu bskor ba yang dag yongs shes nas zhi ba skye ba med phyir 'bad pa mdzod cig dang skye ba bden pa med na rga med 'chi ba med BCt_18.8 ji ltar mi rnams la ni mi rtag bdag nyid kyis rab chags sdug bsngal mngon sum du ni rig mdzod la de bzhin lha rnams la yang sdug bsngal rig mdzod dang 'jug pa rtag pa nyid ni su yang yod ma yin BCt_18.9 gang du mi rtag pa nyid der ni sdug bsngal zhing gang du rang nyid med pa der yang sdug bsngal te gang du bdag ces pa dang bdag gi ba zhes pa de tshe mi rtag sdug bsngal bdag med gang la yin BCt_18.10 de phyir sdug bsngal las ni sdug bsngal 'di dang ni mtshan ma las ni 'di yi mtshan ma ltos mdzod la rnam par nye bar zhi las sdug bsngal zhi ba dang lam las khyod kyi lam ni dge ba shes par gyis BCt_18.11 'gro ba g.yo ba sdug bsngal 'di ni shes nas su me dang rab mtshungs dus kyi me yis 'jig rten 'di mtha' dag rab tu tshig par yongs su rtogs bzhin du srid dang srid min rnams su smon pa med par gyis BCt_18.12 stong pa nyid dang bdag med bdag gi ba med pa sgyu ma dang mtshungs 'jig rten 'di ni shes byas nas 'du byed tsam zhig rab tu yongs su rtogs bzhin du lus 'di la ni khams kyi 'du shes nyid du gyis BCt_18.13 sems ni srid pa g.yos las yang dag g.yos nas dang 'khor ba'i 'gro ba rnam pa sna tshogs mthong nas ni rtog pa med cing zhi la bden zhing chags med par sems ni snyoms shing mtshan ma med pa bsnyen par gyis BCt_18.14 de nas drang srong chen po'i chos de thog pa las chos kyi cho ga'i sngon gyi 'bras bu thob gyur zhing gang zhig thob nas 'di yi sdug bsngal las lhag ma rgya mtsho chen po las ni thigs pa gcig bzhin gyur BCt_18.15 chags bral rnams kyi dgon par yang dag gnas kyang ngam lus med rnam kyis srid rtser yang dag gnas na yang nags sam lha na de nyid mthong min ma yin la khyim na gnas pa yin yang lta bas dge legs gyur BCt_18.16 rnam pa sna tshogs lta ba'i dra ba rnams kyis dang 'khor ba'i sdug bsngal rnams kyis de rnams rnam mi 'grol de phyir rab tu nyams shing de nyid ma mthong bar chags pa rnam par bsal nas khyad par 'phags pa gshegs BCt_18.17 lta ba legs skyes des ni lta ba ngan de rnams ston ka'i sprin gyis rdo yi char bzhin spangs pa ste dbang phyug la sogs mi mthun rgyu las ma yin zhing des ni 'jig rten rgyu med par min zhes rtogs so BCt_18.18 de phyir mi mnyam rgyur ni 'thad pa ma yin zhing rgyu med par ni 'gal ba chen po yod pa nyid 'dir yang rigs pa shes pas sos sor mthong ba ste the tshom med pas de nyid mthong ba kye ma ci BCt_18.19 gal te dbang phyug gis ni 'gro ba skyed gyur na 'gro ba rim gyis rab tu 'jug pa ma yin la skye dgu rnams kyi 'khor ba'i 'khor lo ma yin zhing gang du gang zhig bskyed nas de dang de nyid 'gyur BCt_18.20 lus can rnams kyis mi 'dod thob pa ma yin zhing de yi bdag nyid rnams kyis 'dod pa'i spyod pa med gang zhig lus can rnams kyi dge dang mi dger gyur de ni dbang phyug nyid phyir dbang phyug la yin no BCt_18.21 de ni dbang phyug nyid la the tshom 'gyur min zhing der ni mi rnams dag gis byams pa pha bzhin 'gyur de la nyam thag pas ni smod pa smra min zhing lha rnams de dang de la 'jig rten mchod ma yin BCt_18.22 gal te 'di mi bskyed la dgongs par gyur na ni bya ldan nyid phyir deng 'dir dbang phyug ma yin zing gal te 'di yis 'jug la 'dod par gyur na ni de nyid dbang phyug yod pa ny id la byed par 'gyur BCt_18.23 ci ste 'di yi skye la nus pa cung zhig med byis pa bzhin du 'di yis spyod rnams rgyu med do gal te dbang phyug gi ni bdag la mda' nyid med 'jig rten bskyed la 'di yi stobs de ci zhig yod BCt_18.24 ji ltar 'dod la gal te bde sdug la bsnen na 'byung po rnams ni 'jig rten na des byas pa nyid gang phyir 'dod la chags pa khong khrol 'jug ste de phyir de yi dbang nyid yod pa ma yin no BCt_18.25 de'i rten nyid la sems med rnams kyis gnas bya ste skyes bu'i 'bad rtsol tshad mar gyur pa nyid yin no las 'bras med par 'gyur zhing lung ni byas min la las kyi sbyor ba rnams ni de yi rten yin na BCt_18.26 gal te dbang phyug rang gi las kyis 'gyur na ni thun mong gyur pa'i las la dbang phyug gyur ma yin ci ste de yi khyab bdag rgyu med gyur na ni 'gro ba kun gyi dbang phyug nyid ni rab tu grub BCt_18.27 ci ste de yi dbang phyug nyid gzhan las yin zhing de nyid kyi yang byed po'i dbang phyug gzhan yin la de yis gzhan zhes de ltar 'dir ni rnam gzhag med de phyir 'gro ba skyed pa yod pa ma yin nyid BCt_18.28 dbang phyug skyed par gyur na rigs pas tha dad du rnam par 'gal ba rnam pa du ma mthong ba ste de yi phyir yang rang bzhin la ni nyes pa de slar yang rab tu chags par 'gyur ba nyid yin no BCt_18.29 rgyu shes rnams kyi rten ni cung zad rnam log pa'o rgyu ni bya ba'i cho gar smra ba ma yin zhing bya ba'i cho gar sa bon la sogs de dang de ltos pa yin te de phyir rang bzhin rgyu ma yin BCt_18.30 'bras mi rdzogs par byed pa po ni gcig pa nyid 'ga' zhig gi yang rgyu ni cung zad yod ma yin gcig gi bdag nyid can gyi rang bzhin rab bstan te de phyir rab tu 'jug la rang bzhin rgyu ma yin BCt_18.31 gang gi rang bzhin gyis ni khyab pa nyid 'dod pa de yi bya ba med pa nyid kyang rab chags shing bya ba m agtogs 'bras bu'i cho ga mthong min te de yi phyir yang bskyed la rang bzhin rgyu ma yin BCt_18.32 de yi khyab pa po nyid la ni rgyu nyid phyir thams cad las ni thams cad rgyun mi 'chad par 'gyur 'bras bu'i rab tu 'jug la nges pa mthong ba ste de phyir skyed pa la ni rang bzhin rgyu ma yin BCt_18.33 ji ltar 'di yi yon tan med nyid grub pa ste de ltar 'bras bu la ni yon tan med nyid 'gyur rnam 'gyur yon tan can rnams 'jig rten na mthong ste de phyir rab tu 'jug la rang bzhin rgyu ma yin BCt_18.34 rtag pa'i rgyu las khyad par 'gyur ba ma yin phyir rnam 'gyur la ni tha dad yon tan nyid ma yin rnam 'gyur la ni tha dad yon zhugs pa ste de phyir rang bzhin las ni skyed pa rigs ma yin BCt_18.35 rang bzhin gyis ni bskyed pa'i bdag nyid can nyid la 'bras bu rnams su nyams pa'i rgyu ni grub ma yin gang phyir rnam 'gyur gyi ni nyams pa mthong ba ste de phyir rtogs par bya ba rgyu ni gzhan nyid do BCt_18.36 nus par gyur pa'i sbyor la shin tu mthar thug pa'i thar pa 'dod pa'i sdom brtson rnams kyi ma yin zhing skye dgu rnams kyi rang bzhin rab tu 'jug pa'i phyir gang las thar pa'i ched dang pha rol gnon par gyur BCt_18.37 skyed pa'i bdag nyid rang bzhin gyis ni nges nyid phyir de yi bdag nyid rnam 'gyur la ni nges nyid yin 'jig rten dag na rnam 'gyur la ni brtan nyid med de phyir rang bzhin gyis ni skyed par rigs ma yin BCt_18.38 sems kyi spyod pa mi gsal rang bzhin zhes bya zhing rnam 'gyur gsal ba 'di ni de nas grags pa ste de phyir rab tu 'jug la rang bzhin rgyu min zhing gsal ba'i rgyu la 'dir ni 'bras bu grub pa nyid BCt_18.39 sems med rang bzhin las ni sems dang bcas pa yi rta glang bong bu la sogs 'bras bu rigs pa ma yin zhing sems dang rnam par bral ba'i rgyu rnams dag las ni sems dang ldan pa cung zad zhig ni 'jug ma yin BCt_18.40 gal te 'gro ba skyed phyir dus ni nges pa ste de phyir yongs su rtog byed rnams kyis thar pa med gang phyir skye dgu rnams kyi mtha' ni byas min te de phyir 'jig rten rgyun chad med par skye bar 'gyur BCt_18.41 gang zhig yon tan rnams kyi gcig dang du mas byas rjes rnams su ni rang nyid nges pa mthong ba ste gal te rgyu gcig nyid du gnas par gyur pa na de yang tha dad khyad par gyur pa ma yin no BCt_18.42 gang zhig smin pa las skyes rdzas kyi cho gar sar yon tan shes pas yon tan tha dad nyid du mthong gang phyir rgyu ni khyad par min pa 'dod pa ste stong pa'i rdzas rnams su yang nges par gyur pa nyid BCt_18.43 gang gi mi gsal ba las rdzas ni 'char ba ste de yi rjes su dpag pa nges par grub ma yin 'bras bu gsal ba yi ni yang dag rab 'jug pa mi gsal ba las gang gis mngon du mthong ma yin BCt_18.44 gsal ba gnyis pa dag las rab tu 'jug pa bzhin mi gsal ba las gang gi 'bras bu dang por gyur de yi 'dod pa las 'dir mi 'dod chen po'o rang bzhin nyid kyis nyes pa gnyis ni rab tu chags BCt_18.45 ji ltar gser gyi phreng ba khyad par 'phags pa ste de ltar rang bzhin gyi ni rnam 'gyur khyad par 'phags 'bras bu khyad par yin zhing rgyu yi ma yin te de phyir skyed la rang bzhin rigs pa ma yin no BCt_18.46 gal te bya bar skyes bu de ni rgyu yin na gang gis nges par gang 'dod des de 'thob par 'gyur 'dod kyang kha cig don ni 'thob pa ma yin la mi 'dod na yang dbang med 'dir ni 'thob par 'gyur BCt_18.47 gang zhig ba glang rta bong rnga mo'i skye gnas 'gro mnga' bdag nyid du gyur na de ni bsnyen min zhing de ru 'gro ba'i sdig pa'i las ni byed pa dang sdug bsngal mi 'dod du yis sdug bsngal byed par 'gyur BCt_18.48 gal te 'jig rten dag na skyes bu byed par gyur sdug bsngal byed pa ma yin bde ba kho na byed 'dod pa byed par 'dod kyang mi 'dod byed pa ste dbang phyug chen por 'gyur na mi 'dod su yis spyod BCt_18.49 gang tshe mi ni chos min pa las rnam 'jigs shing 'bad pas chos ni rab tu son par byed pa nyid sna tshogs nyon mongs rnams kyis dbang med 'phrogs pa ste de phyir 'di na mi ni pha rol rgyid du gyur BCt_18.50 grang dang dro dang char dang thog dang glog sogs kyi bya ba rnams ni mi la bzlog nas mthong ba ste gang phyir rang dbang ma yin mi ni gzhan ldan te de phyir bya ba rnams su skyes bu dbang phyug min BCt_18.51 gang tshe sa bon las dang sa chu'i rten las ni dus sbyor rab tu 'jug la lo thog phun tshogs shing mar me dag las rab gsal shing las me yin te rgyu med las yin zhes pa rgyu med ma yin no BCt_18.52 rgyu med pa las gal te 'gro ba'i rab 'jug na mi yi byed pa yis ni med par 'gyur ba ste thams cad kyis ni thams cad nges par 'thob byed cing rtag na 'di ni thams cad du ni song bar grub BCt_18.53 bde dang sdug bsngal gal te rgyu med las yin na gang char kun gyi bde dang sdug bsngal skal min zhing rgyu med las kyang bde dang sdug bsngal rtogs min te de phyir rgyu med las shes 'di ni rgyu ma yin BCt_18.54 de skad ces pa la sogs mi mnyam rgyu rnams des 'jig rten rab tu 'jug la rgyu rnams shes ma yin rgyu med par ni 'jig rten mthong ba ma yin zhing nyes pa 'di rnams rgyu med las ni yang dag rtogs BCt_18.55 brtan pa dang ni g.yo ba'i 'byung po rnams su yang de dang de la brten nas de dang de 'byung ste 'jig rten dag na rgyu med ci yang yod min zhing kun gyi rgyu ni 'jig rten pa yis shes ma yin BCt_18.56 de nas sbyin pa bzang por byin pa'i bzang byin des rgya che'i chos kyis dam pa'i chos ni rnam shes nas g.yo ba med pa'i blo gros nges par rab dang bas drang srong chen po la ni tshig 'di gsal ba'o BCt_18.57 mnyan yod rta ljang rta rid kyis bsnyen grong khyer ni bdag gi gnas kyi sa ni bsod nams grags pa can der ni bdag gis khyed kyi gnas ni byed 'dod de sdig med gnas mchog dam pa de ni bsnyen par mdzod BCt_18.58 gang lta na yang thub pa khyed kyi gnas su snyoms pa ni gzhal yas khang gi logs sam rnam dben nags su ste bdag la rjes su brtse phyir gnas kyi ched du ni dgra bcom rab tu gzhes par mdzad par 'os pa lags BCt_18.59 de nas gtong bar lhag par mos pa 'di yis ni rnam par grol ba'i sems ni rnam par mkhyen nas ni chags pa med pa'i blo mnga' blo gros mkhyen pa yis mchog tu zhi bas blo gros yang dag bka'i stsal to BCt_18.60 sems dpa' brtan kye gang zhig rdzas glog g.yo rnams su khyod kyis sems dpa' gtong la lhag par mos pa ste rang bzhin gyis ni sbyin la dga' zhing chos la dgyes de nyid mthong ba khyed la de ni ngo mtshar min BCt_18.61 gang zhig khyim ni tshig las phyi rol 'thor byed pa de yi don de 'tshig par byed pa ma yin te de zin dus kyi me yis 'gro ba tshig pa na gang gis gang zhig sbyin pa de yis de nyer 'thob BCt_18.62 de phyir rnam spangs sems dpa'i rnams kyis sbyin par dang yul rnams yang dag longs spyod par ni shes pa nyid bkren pa 'jig rten dag na zad pa'i skyon mthong bas nye bar longs spyod ma yin 'jigs las sbyin ma yin BCt_18.63 dus su smod la don ni rnam par gtong ba dang dpal dang nga rgyal las ni de bzhin g.yul 'gyed par sems dpa' lhag pa nyid kyis shes te gzhan kyis min sems dpa' yis ni sbyin pa nyid dang g.yul 'gyed do BCt_18.64 sbyin byed dga' ba nyid du 'gro la 'gro ba ste snyan pa dang ni dam par grgas pa rab tu 'thob sbyin pa po yod gang zhes dam pa rnams sbyin nas yang dag bkur ba dang ni mngon du 'gro bar byed BCt_18.65 de bzhin 'jig rten dag na blo gtang nyid 'gyur zhing mi bzad pa rnams las kyang nyes pa 'thob ma yin bsod nams rnams ni bdag gis byas zhes tshim pa ste 'chi ba'i dus su skrag par mdon par 'gro ma yin BCt_18.66 sbyin pa'i 'bras bu 'dir ni me tog tsam zhig ste sbyin pa po yi 'bras bu gzhan nyid rab tu 'thob 'khor ba'i 'khor lo la ni 'khor ba'i skye bo yi gtong ba dang mnyam gnyen ni yod pa ma yin no BCt_18.67 mi yi 'jig rten na dang lhan skyes pa rnams gtong ba las dang mnyam pa rnams las lhag par 'gyur rta dang glang po'i skye gnas su yang gnas pa rnams 'bras bu de ni gtso bo thob par 'gyur ba'o BCt_18.68 sbyin pas longs spyod rnams kyis yongs su 'dzin pa ste tshul khrims kyis bsrungs mtho ris su ni 'gro bar 'gyur ye shes sngon du 'gro ba can gyi zhi ba yis kyang ni rten dang bral ba gang na grangs su 'gro ba 'gro ma yin BCt_18.69 'chi med bdun rtsi de yis 'thob pa'i ched du yang sdom par gyur pa rab tu sbyin pa yin pa nyid sbyin pa dran nas rab tu dga' bar gyur pa ste yid ni rab tu dga' las nges par ting 'dzin yin BCt_18.70 mnyam par gzhag na yang dag mtho ba 'di ru ni skye dang 'god pa shes par rim gyis 'gyur ba ste gzhan la sbyin pa sbyin pa'i sbyin pa po yis ni snying la gnas pa'i nyon mongs rnams ni bsrabs par 'gyur BCt_18.71 gang zhig sbyin pa byin byed de yi don rnams su chags par grags pa de ni dang por chod pa nyid gang la rab tu byams pa'i sems kyis sbyin pa ste de phyir zhe sdang dang ni nga rgyal spangs par gyur BCt_18.72 rab tu len pa po mi bde ldan rnams mthong nas gang zhig 'ga' ste des na ser sna yod ma yin sbyin pa pos ni sbyin pa'i 'bras bu mngon rtogs nas med pa nyid dang mi shes mun pa 'joms pa po BCt_18.73 de phyir zhi ba 'phags min gyis bsnyen ser sna dang sred pa ngag las sbyin pa byed pas bcom pa ste de nas thar pa'i yan lag gyur pa sbyin pa ni yin zhing nyes pa rab tu thob phyir thar pa'o BCt_18.74 ji ltar gzhan rnams grib ma'i don du shing 'dod cing kha cig 'bras bu'i don du gzhan rnams me tog phyir de ltar sbyin pa yongs su sbyin par byed pa ste kha cig zhi ba'i don du gzhan rnams nor gyi phyir BCt_18.75 de phyir khyad par du ni khyim na gnas rnams kyis sbyin pa ji ltar nus pa mchog ni gter yin zhing sbyin pa snying po med pa'i nor gyi snying po ste dam pa rnams kyi rjes su song ba lam 'di yin BCt_18.76 bza' ba rab tu sbyin par stobs ni rab ster zhing bgo ba sbyin byed la yang lus ni ster ba'o gang gis dam pa rnams la gnas ni sbyin byed pa des kyang 'jig rten dag na thams cad byin pa yin BCt_18.77 theg pa sbyin byed la yang bde ba byin pa ste mar me sbyin byed la ni spyan mig sbyin pa nyid de nas dbrog bya ma yin 'chi med rab sbyin zhing gang gis mthar thug gyur pa'i chos kyis ston pa nyid BCt_18.78 kha cig 'dod pa'i ched du sbyin pa gtong ba ste gzhan ni don gyi don du gcig ni grags pa'i phyir kha cig mtho ris don du gzhan ni brtse ba'i phyir khyod kyi sbyin pa 'di ni chags pa med pa yin BCt_18.79 de phyir legs so khyod ni sred pa de ltar gyur gang zhig yang dag bsgrubs mdzod 'dod pa tshim par shog rdul bcas mun pa dang ldan gang khyed 'ongs nas ni ye shes rnam dag blo ni rab tu 'gro bar 'gyur BCt_18.80 de nyid de bzhin gshegs pas lam gyi yang dag par dga' ba byas pa dang yang gzhug pa byas pa ni gtsug lag khang de snying la rnam par byas nas ni nye rgyal dang ni lhan cig dus su song bar gyur BCt_18.81 song nas de na kau shām rgyal po'i kha ba dang ni gtsug lag khang gi sa la so sor yang dag rgyas dpal ldan mnyam zhing mdzes la yid 'ongs shing ldan pa der ni de yis rgyal byed kyi ni tshal mthong ngo BCt_18.82 de nas de yi don du rgyal byed la zhus te de yis chags pa las ni de la ma byin no khyod kyis gal te don gyis kun nas bkram na yang sa ni bdag gis sbyin pa ma yin zhes smras so BCt_18.83 de nas der ni bzang sbyin gyis de la smras pa tshal de la ni rin byas shes ni mngon 'dod do de nas des ni nor gyis sa ni yongs g.yogs nas chos kyi tha snyad mthong zhing nyod par gyur pa'o BCt_18.84 de yi gtong ba de ni mthong nas rgyal byed gyis sangs rgyas la ni mchog tu rab tu dang ba byas nags tshal de yi lhag ma dag ni kun nas ni de bzhin gshegs pa la ni phul bar gyur pa'o BCt_18.85 de nas mgon med zas sbyin gyis ni drang srong chen po yis nye rgyal gyis ni nges par gzigs par bya ba'i don ldan par myur ba'i blo gros dang ldan ma chags grol ba'i sems kyis ni mdzes shing dge ba mchog gis gstug lag khang ni byed du bcug BCt_18.86 nor gyi dbang phyug nyid kyi gnas ni 'phos pa lta bu dang byang phyogs ko sha la yi khang pa'i bde ba lta bu dang de bzhin gshegs pa nyid kyi gzhi ni mtshungs pa lta bu dang rang gi nor dang stobs kyi dang ni lta ba yi yang ngo BCt_18.87 | sangs rgyas kyi spyod pa zhes bya ba'i snyan dngags chen po las | mgon med zas sbyin la rjes su ston pa'i le'u ste bco brgyad pa'o || de nas thub pa sna tshogs tha dad blo can gyi ston pas thams cad ye shes kyis ni zil mnan nas bcu phyed phrag ri nas dang grong khyer nas rim gyis rgyal po bum pas bsnyen pa'i grong khyer du gshegs so BCt_19.1 de nas slob ma stong phrag tsam ni dul ba na gshegs so des ni yab kyi yul ni rab tu thob de nas de la rjes su 'dzin pa mdzad bzhed pa rang gi grong gyi gnas la mtha' ru bsnyen pa'o BCt_19.2 de nas mdun na 'don dang blon po blo gros can dga' ba'i gtam la dam pa rgyu ba de rnams kyis yongs su rdzogs pa'i rab brnyes 'phags pa ste sa skyong rgyal po de la zhus shing gsol ba'o BCt_19.3 de nas de ni 'ongs pa thos nas sa skyong ni dga' ba yongs ldan sems kyis blta bar 'dod pa yis grong khyer ba ni kun gyis rjes su 'gro byas pa myur bas brtan pa spangs shi ng bsu ba la gshegs so BCt_19.4 drang srong dbus su tshangs pa bzhugs pa bzhin du ni slob mas bskor ba de ni rgyang ring nas gzigs nas drang srong chen po'i chos la rjes su 'gro bas ni shing rta spangs nas rkang pa rnams kyis nye bar gshegs BCt_19.5 myur bar de yi nye logs su ni yongs phyin nas thub pa mthong ba nyid du des ni ma smras so de la bu zhes smra bar nus pa ma yin zhing de bzhin dge slong zhes ni nus pa ma yin no BCt_19.6 de nas de yi dge slong cha lugs de mthong zhing bdag tu song ba'i sna tshogs dpal la brtags nas ni dbugs ring brgyus nas mchi ma rnam par bton pa de drag tu mun par gyur cing rnam par zlos pa nyid BCt_19.7 lam 'gro skom par gyur pa mngon par song ba yis rgyang ring dag nas rdzing bu skam po mthong nas ltar rang gnas rnam pa dang bral nye bar nyer bzhugs pa mthong nas bdag gi nyam thag stobs ldan mchog tu gyur BCt_19.8 'jig rten mtha' ru gnas pa'i sems gyur thim pa na sdig pa'i rnam 'gyur ri mor song ba ji lta bar gzugs de nyid ni mthong ba na ni bdag la ni dga' ba yod pa ma yin 'di la dga' ba thal BCt_19.9 gang gis mtha' dag ri yis zlums pas sa gzhi ni dang po'i dus su nga las nu ni gnas pa bzhin gang zhig dbang po la yang slong bar 'os min pa bdag gi de ni pha rol rnams la slong mos 'tsho BCt_19.10 gangs 'di snying po lhun po las ni khyad 'phags shing gsal bas nyi ma la dang mdzes pas zla ba la 'gros kyis glang po che la dbyangs kyis khyu mchog la des ni slong mo za zhing sa ni rdzogs la min BCt_19.11 de nas bu yi 'du shes kyis ni 'phyo ba nyid rgyal po'i bsam pa 'di ni rnam par mkhyen nas dang 'jig rten lhag ma la yang rjes su brtse ba ste de yi don du sangs rgyas mkha' la 'phur bar gyur BCt_19.12 nyi ma'i shing rta phyag gis reg par mdzad nas ni rlung gis bsnen pa'i lam la zhabs dag gis gshegs shing sku la gcig tu gyur zhing du mar gyur pa dang mang po nyid du gyur nas gcig tu gyur pa'o BCt_19.13 sa la chu bzhin du yang zhugs shing thogs med la chu yi logs la sa la bzhin du spyod pa dang ra ba dang ni ri la thad kar mdzad pa dang thogs pa med cing mkha' la bzhin du rab tu zhugs BCt_19.14 lus kyi phyed kyis chu yi char pa 'bebs pa dang phyed kyis me bzhin du ni 'bar bar gyur pa ste ri bos 'bar ba'i sman dang rab tu 'bar ba bzhin mkha' la gang zhig 'bar dang 'bar bas mdzes par gyur BCt_19.15 dbang phyug mngon par 'dod pa'i skye bo de yi ni sems kyi rab tu dga' ba de ltar skyed nas ni nyi ma gnyis pa bzhin du mkha' la bzhugs nas su mi skyong la ni chos dag bgro bar mdzad pa'o BCt_19.16 mi skyong khyed kyis bdag la gang zhig ltos pa dang mya ngan rjes su zhugs pa snying rje'i bdag nyid shes bu la dga' ba de ni chod mdzod zhi bar gshegs bdag las bu yi 'bras bu gsar pa snoms mdzod cig BCt_19.17 gang zhig sngon chad bu yis pha la ma byin zhing sngon ni pha yis bu las rab tu ma thob pa rgyal srid las khyad 'phags shing mtho ris las khyad 'phags rgyal po mchog gi bdud rtsi de ni bzhes mdzod cig BCt_19.18 sa skyong las kyis bdag nyid las kyi skye gnas dang las kyi rten dang las kyi rnam smin skal ba dang las kyi dbang gis gnas par 'gro ba shes nas ni phan pa'i ched du las gang gyur pa de bsnyen mdzod BCt_19.19 'jig rten de nyid rtogs nas dang ni btsal nas su dam pa'i las ni mi yi bshes min gzhan ma yin thams cad bor nas las dang lhan cig khyod kyi ni rten dang bral zhing gcig pur 'gro bar bya ba'o BCt_19.20 lha'am dmyal ba dud 'gro mi yi 'jig rten du las kyis rten las son pa'i 'jig rten 'gro ba ste sred pa'i rgyu ni rnam pa gsum dang skye gnas gsum sna tshogs las ni 'jig rten pa yis rab tu byed BCt_19.21 de phyir sde tshan gnyis ni yang dag 'jug par yang lus dang ngag gi las 'di rnam par dag pa dang yid kyis rab tu zhi la 'bad par bya ba ste de ni bdag gi don yin gzhan don ma yin no BCt_19.22 'gro ba chu yi dba' rlabs g.yo bar shes nas ni brtags nas khyod kyis srid pa rnams su dga' mi bya las ni yongs su zad phyir dam pa'i las gang de mchog tu bde ba'i don du gang gyur bsnen par bya BCt_19.23 rgyu skar 'khor lo mkha' la bzhin du rtag par ni 'jig rten yongs su 'khor bar shes par byas nas ni rtse mo 'das nas lha nas lha yang lhung ba ste kye ma mir gyur smos ci blo gtad byed pa su BCt_19.24 bde ba rnams las mchog tu thar pa'i bde ba dang dga' ba rnams las bdag tu dga' ba gtsor shes nas lag 'gro rnams kyis brang la bzhin du bdag ldan ni su zhig 'jigs pa du ma'i dpal gyis bde la dga' BCt_19.25 de phyir brten pa khyim la mes bzhin 'jig rten ni 'jigs pa chen po dang ni yongs ldan mthong nas ni gang zhig skye 'chi ngal ba mya ngan dang bral ba zhi zhing brtan pa'i go 'phang de ni slongs mdzod cig BCt_19.26 don gyis ma yin g.yul gyis ma yin mtshon gyis min gang la rta dang glang pos don ni yod ma yin skyon ni dgra bo rnams kyis sde de choms mdzod dang de las rgyal na rnam par rgyal ba gzhal du med BCt_19.27 sdug bsngal dang ni sdug bsngal gyi rgyu zhi ba dang zho ba yi yang mngon pa'i thabs ni shes par mdzod bzhi po 'di yi kur nas khong du chud pa las 'jigs pa chen po dang ni ngan 'gro rnams 'gog go BCt_19.28 de nas bde bar gshegs pas rdzu 'phrul gyi sngon du zhing du byas pa'i sems la dga' ba skyes pa ste thos nas mi skyong de yis chos ni rab thob cing dga' bzhin thal mo sbyar nas 'di skad ces gsol to BCt_19.29 blo ldan dang bcas 'bras bu dang bcas khyed dgyes shing sdug bsngal chen po las ni rnam grol khyed dgyes so mya gan ched du don med sa sbyin bdag dga' la bu yi 'bras bu dang ldan bdag ni dga' bar gyur BCt_19.30 phun tshogs spangs nas gshegs pa khyed ni gnas su gyur ngal ba chen pos dub las khyed ni gnas su gyur dga' ba'i gnyen 'dun dga' ba khyod kyis bor ba rnams bdag cag rnams ni snying rje bar du gnas su gyur BCt_19.31 lha yi drang srong rnams sam rgyal po'i drang srong rnams de rnams sngon dus na yang gang la ma gshegs pa nyam thag 'jig rten dag gi dge ba'i ched du lam nges par legs pa 'di dang khyed kyis lhag par thob BCt_19.32 khyod ni 'khor las sgyur bar gal te gyur na ni bdag gi dga' ba de ltar 'gyur pa ma yin zhing rnam pa de ltar rdzu 'phrul 'di dang khyod kyi chos mthong nas ji ltar bdag gi bstan pa dga' bar 'gyur BCt_19.33 'dir ni yang srid nyid du sbyor ba'i chos la ni 'khor los sgyur bas skye dgu rnams ni skyong ba ste 'khor ba'i sdug bsngal chen po rnams ni 'joms pa la 'jig rten ched du chos kyang thub pa khyod kyis gsungs BCt_19.34 gang gi rdzu 'phrul 'di dang rnam rgyas blo gros dang 'khor ba'i 'jigs pa mtha' dag nges par log pa ni dpal dang bral yang 'jig rten na khyod dbang phyug ste dpal ni 'phel yang dbang med sred bcas ma yin no BCt_19.35 brtse ba'i chos kyis bstan pa'i 'os gyur pa shākya'i rgyal pos mang po de dag smras nas ni rgyal po nyid dang yab nyid du ni gnas na yang sras la de nyid khong du chud phyir phyag byas so BCt_19.36 thub pa'i mthu ni lhag par thob pa mthong nas dang de nyid rab tu 'bigs pa'i bstan bcos mthong nas dang bla ma rgyal pos sbyar ba'i mchod pa mthong nas ni du ma rnams kyis rab tu 'byung phyir ro 'dod byas BCt_19.37 de nas gzhon nu mang po 'bras bu la gnas rnams chos kyi cho ga de nyid rab tu thob gyur te sngags dang 'dod pa chen po rnams la ltos med nas byams pa'i gnyen 'dun du ngu ba rnams ni spangs nas so BCt_19.38 kun dga' mdzes dga' kra mi la dang ma 'gags pa dga' bo nye dga' dag dang de nas 'khyil pa 'dzin slob ma'i lkog tu ston pa yis ni lha sbyin te thub pas rjes su bslabs pa de rnams byung bar gyur BCt_19.39 de nas mdun na 'don gyi bu ni bdag nyid che 'char kas lam de nyid la rab tu song ba ste de yis nges pa rab tu mthong nas de bzhin du nye ba 'khor dang rgyun shes bu yi blo byas so BCt_19.40 rgyal po yis kyang sras kyi mthu ni mthong nas dang mchog gi bdun rtsi rgyun ni rab tu thob byas nas chags pa med par rgyal srid spun zla la byin zhing rgyal po'i drang srong spyod pas khyim rnams la bsnyen to BCt_19.41 de skad ces pa la sogs legs pa'i gnyen rnams dang 'khor dang gnyen rnams rjes su brtul nas sangs rgyas ni mchi ma dang bcas grong khyer pa yis mngon dga' ba rang gnas grong khyer la ni dus su rab zhugs pa BCt_19.42 don kun grub pa zhes pa rgyal po'i sras po ni don mdzad grub pa grong khyer du ni zhugs pa zhes ni don thos khang pa rnams su mi mo rnams sgo rnams dang ni skar khung rnams la mnyam par brten BCt_19.43 mtshams kyi sprin gyis phyed bkag 'od zer ldan pa bzhin ngur smrig bsnams shing mdzes pa de ni rab mthong nas bud med de rnams mig nas mchi ma phyung ba ste padma dang mtshungs thal mo rnams kyis phyag 'tshal lo BCt_19.44 chos kyis dang ni gzugs kyis gsal bar gyur pa ni 'og tu zhal gzigs gshegs pa de ni mthong gyur nas brtse ba dang ni gus pa rnam par ston pa ste mchi mas rnyogs pa'i mig can rab myos ma rnams zlos BCt_19.45 legs skyes dbu ni bzhar bar rnam par mdzad nas dang na bza' rnying pa yongs su gsol nas dang sku la gzer gyi kha dog rab tu g.yogs nas dang des ni spyan mig rab tu bkod nas gshegs | BCt_19.46 gang zhig gdung ba skyob pa'i gdugs dkar bsnyen phyir dang sras po rnam par ngul ba blta ba'i phyir 'ongs shing kun nas gnas phyir 'os shing rgyal ba'i phyir 'os pa des ni lhung bzed yang dag yongs su bzung nas gshegs BCt_19.47 'gram par ta ma la yi lo ma rnam bkod pa'i mdzes ma'i gdong dang gdung ba skyob pa'i gdugs dkar ni gang gis bsnyen par 'os shing mgyogs 'gro 'os pa ste des ni lhung bzed yongs su bzung nas rkang pas gshegs BCt_19.48 sa skyong bdag skyes rnams kyi dgra rnams zad par dang dga' ba rnams kyi chags dang 'gro ba'i rjes chags par blta bar 'os shing sna tshogs dbu rgyan bsnams pa gang des ni sa yi gnya' song gang tsam gzigs shing gshegs BCt_19.49 'di yi blta ba ci zhig mtshan nyid de ni ci don gnyer ci zhig rol pas dgra bor gyur pa ci gang 'di brtul zhugs dang ni lhan cig rol ba ste bu yis rnams dang mo mtsun mdzangs ma rnams dang ni BCt_19.50 rgyal po'i mna' ma nges par mya ngan 'dzin ma'o grags 'dzin ma de shin tu dka' thub byed pa ste gang gis jo bo'i rab tu spyod pa 'di thos shing thos nas kyang ni gnas shing nyams par 'gro ba med BCt_19.51 'di yi gzugs ni nges par rjes su mthun pa dang kha dog ngan pa'i gzugs 'di snang ba mthong nas ni sras 'dod mi dbang rgyal po ji lta bur gyur zhing 'tshe ba'i dgra bo la yang ji lta bur byed dam BCt_19.52 mchi mas gang ba'i sras po sgra gcan 'dzin mthong nas gal te de lta nyid du 'di ni chags ma yin byams pa'i gnyen rnams las kyang gzhan du kha bltas pa 'di 'dra nges pa'i brtul zhugs la ni dge legs shog BCt_19.53 gzi mdongs dang ni lus kyi dbyibs dang 'gros sam ste bda ba'i rab tu 'jug la nges par tshad ma yin yon tan de rnams dag gis 'di ni mdzes pa ste zhi bas ldan zhing yul rnams kyis ni rnam par bral BCt_19.54 sna tshogs ston ni rang mtshungs bsam pa yang dag yongs bzung nas de skad ces sogs rab myos ma rnams mang po rnam par labs sangs rgyas ma chags thugs kyang rang gi grong khyer la gshegs nas bsod snyoms brnyes shing nya gro dha yi mtshan ma'i nags su gshegs BCt_19.55 nyung ngu nyung ngu'i bsod snyoms sbyin pa rnams kyis nor rdzas phra zhing dge ba ma byas skye bo sgrol bar mdzad bzhed pa spyod pa 'di yis yang dag tshim pa ma yin dge sbyong skye bo bsam pa mthu la ba la brten par mdzad bzhed la 'jig rten dag na skyid de ba zhes rgol ba nub par mdzad bzhed de bzhin yongs su bris nyid ston par mdzad bzhed pa brtag par snyam la bsod snyoms phyir ni yab kyi grong khyer la ni sred med thugs mnga' de bzhin gshegs pa zhugs par gyur BCt_19.56 | sangs rgyas kyi spyod pa zhes bya ba'i snyan dngags chen po las | yab dang sras mjal ba'i le'u ste bcu dgu ba'o || | skye bo chen po'i rjes su brtse ba mdzad nas ni bde bar 'pham byed kyis ni phyag gis mngon bsrungs pa'i grong khyer la ni chen po'i tshogs kyis rab tu dpags [.. .. .. .. .. .. .. .. .. .. .. ] BCt_20.1 me tog rab rgyas mya ngan med pas gsal byas shing yan lag dmar por gyur cing khu byug skad sgrogs pa ti se'i gangs ltar mtho ba'i lding khang phreng ba can dpal ldan rgyal byed tshal ni de nas rab tu thob BCt_20.2 des ni gtsang ma'i chus gang phreng ba dkar po can gser gyi bum pa dang bcas bum pa blangs nas ni de nas dus su rgyal byed tshal ni bzang sbyin gyis de bzhin gshegs pa la ni rab tu phul bar gyur BCt_20.3 de nas shā kya thub pa lta 'dod rgyal po ni de ltar 'pham byed rgyal byed tshal du song ba ste song nas de nas bkur sti byas te thub pa la rab tu btud cing gdan byas tshig 'di gsol ba'o BCt_20.4 thub pa grong khyer 'dir ni khyed kyi gnas bzhed pa nges par rang ni ko sa la rnams kyi dge ba'o de nyid gzigs pa 'di 'dra brten pa med pa ni nye bar 'tshe byas yul ni skal ba med pa'am BCt_20.5 khyed mthong ba 'am yang na mngon par phyag 'tshal ba yang dag thob po bdag cag rnams kyi rjes bzung phyir dam pa rnams kyi 'dus pa thob nas 'jig rten na tshim pa med kyang ji ltar tshim pa nyid yin no BCt_20.6 gang gis rten can rlung ni rab tu g.yos pa ste de yi bdag nyid las ni nye ba las 'gro ste mkha' 'gro'i bya rnams lhun po'i 'dus pa nyer thob nas tab bzhin rnam par spangs nas gser du 'gyur ba'o BCt_20.7 de phyir 'di dang che ge mor ni mgon gyur zhing skye bo legs pa'i rten las gzhan min bdag gi nags ga dha'i sras po thub pa chen po rab thob nas phur bu gsum pa'i khyim ltar lha na mdzes par gyur BCt_20.8 'jig rten dag na rnyed pa rab rnyed sna tshogs pa tshad dang lhan pa dag ni mdzad pa can yin la khyod kyi nye ba las ni don gang yin pa rnams de dag rnams kyi grangs med nyams pa yod ma yin BCt_20.9 legs pa khyod kyi nges pa'i lta ba'i lta ba las 'di las gzhan du rnyed pa shes pa ma yin zhing khyab bdag bdag ni gnod pa rnyed bla sdug bsngal ba chags pa dang ldan rgyal po'i chos la spyod par 'gyur BCt_20.10 de ltar dbang po dang mtshugs rgyal po de yis ni rnam pa de ltar mngon du gyur te gsan nas ni don dang 'dod pa dag ni chags pa mkhyen nas su de yi bsam pa yang dag bskul ba thub nas gsungs BCt_20.11 mi dbang khyod kyi tshig 'di ngo mtshar che ma yin khyod kyi spyod pa 'di ni legs pa rnams la min 'og nas 'phos pa 'gro bar 'dod pa rnams kyis ni phan pa 'dod pa'i dam pa'i skyes bu rnams la sdang BCt_20.12/13 gang phyir sa skyong khyed kyi dgongs pa de nyid ni des na khyod la 'dir ni cung zad smra 'dod de de ni shes par gyis shig bdag gi lta ba ni 'bras bcas ji ltar gyur pa khyed kyi de ltar gyis BCt_20.14 mi skyong rgyal po'i dus kyis bcings nas bkug pa na mdza' bshes ma yin gnyen min phun tshogs rjes 'gro min thams cad kyis ni dman zhing dbang med 'gro ba ni grib ma bzhin du las gcig rjes su 'gro ba nyid BCt_20.15 de phyir mtho ris dang ni grags pa dam pa ni mngon par 'dod bzhin chos kyi rgyal srid rjes su skyongs rmongs pa las ni chos 'khrul ba'i rgyal po yi rgyal srid de nyid mtho ris na yang ma yin no BCt_20.16 'dir ni rgyal srid yang dag yongs su bskyangs nas ni chos las ring min rta rid mtho ris rab 'thob nas 'dir ni rmongs las myi yi bdag po ni ku mbha chos las 'phos shing ka shi rnams su la zhugs BCt_20.17 'phags pa yi dang sdig pa yi ni las kyi ni khyod la dper bstan shi ba bdag gis de smras te rang gi skye dgu rnams ni rtag tu legs bsrungs shing dpyad nas de phyir brtan pa dge la 'bad pa gyis BCt_20.18 ji ltar srog chags rnams ni gtse bar ma byed cig rtag par dbang po rnams ni rol bar ma byed cig 'phags min gyis bsnyen khro ba 'dzin par ma byed cig phyogs min bya bar sems ni g.yo bar ma byed cig BCt_20.19 nga rgyal nyid kyis skye bo dam pa ma smad cig bshes gnyen 'du shes dka' thub rnams ni ma 'joms shig nyon rmongs dbang gis dam pa'i brtul zhugs ma byed cig dam pa min pa'i lta ba cung zad ma bsnyen cig BCt_20.20 mtshar la ma 'gro mi dge'i lam la ma gnas shig rgyags par ma 'gro dga' min mi bzod ma nyam cig snyan grags mi bzang brdzun la blo gros ma 'dzin cig bstan bcos mthong las lhag par gtor ma ma 'phrog cig BCt_20.21 blo ni mnyam par shog cing chos ni gyis mdzod cig dam pa rnams dang sbrel mdzod ri mo khod mdzod cig ji ltar phul byung 'di ni thob nas slar yang ni rgya cher mngon par 'gro ba de ltar gyis mdzod cig BCt_20.22 brtson 'grus brtsams nas dang ni bstan pa yongs bzung nas rigs pa rnams ni bskyed nas skyon rnams zil mnan nas 'chi ba yang dag dran nas 'phags pa'i bya ba gyis che ba'i bdag nyid thob nas zhi lam thob par gyis BCt_20.23 gang gi 'bras bu 'di ni zhi ba skyong ba ni las de nyid ni slar yang byed par 'os pa ste yid gzhungs ldan pa 'di dang byed pa byas pa nyid 'bras bu gang zhig mthong bas sa bon bskrun par byed BCt_20.24 'di na mchog gyur gang zhig sdig pa byed pa ste snang ba de ni mun par gnas pa bdag gi lugs chos ni gtso bo skyes bu gtso bo ma yin pa mun pa snang ba la ni gnas pa bdag gi lugs BCt_20.25 khyad 'phags gang zhig chos kyi cho gar 'jug pa ste dkar po dkar por mchog tu 'gro ba bdag gi lugs dman pa gang zhig sdig pa'i las ni byed pa ste de yang mun pa mun pa'i mtha' ru 'gro ba lugs BCt_20.26 de phyir phung po bzhi po de rnams shes byas nas rgyal po 'bad pa gyis shig de ltar ji ltar 'dir bde nas bad par gal te 'gro bar 'dod na ni phyogs ni gsum par bsnyen zhing snga ma yin no BCt_20.27 gzhan gyis gzhan la dge ba byed pa ma yin zhing ci ste byed na de la rjes su 'gro ma yin byis pa'i nyams pa yod min rang la 'thob pa ste ma byas pa yi 'ong ba 'grub pa yod ma yin BCt_20.28 ma byas pa yang brgya la byed pa ma yin zhing ma byas pa ni gzhan du dge legs 'gyur ma yin der ni 'gro ba la yang nor ni yod min te de phyir dge ba'i las kyi cho gar 'bad pa bgyis BCt_20.29 gang zhig sdig pa lhag par spyod pa legs min zhing gson pa'i 'jig rten na de'i bdag la dga' ma yin bdag gi ched du bdag gis sdig pa byas nas ni gzhan du 'bras bu bdag nyid kho nas longs spyod do BCt_20.30 rgyal po chen po ri bo chen po bzhi rnams ni 'ongs pa rnams su 'gro ba kun nas srub pa ste chos kyi bya ba rnams pa sna tshogs bsten las ni ji ltar 'thad pas gzhan na bya ba ci zhig yod BCt_20.31 rga dang rgud pa nad dang de nas 'chi ba ste bzhi po 'di rnams de bzhin du ni ongs pa ste ri bro rnams kyis kun nas bskor ba bzhin du ni 'jig rten mtha' dag dbang med 'khol bar byed pa'o BCt_20.32 de nas 'ongs pa rnams su dbang med sdug pa bsngal te rten ni yod min mngon du 'thab min srung ba med der ni byed pa'i ched du nor med chad pa med chos las ma gtogs sman gzhan yod min na BCt_20.33 de ltar mi rtag gyur na gson pa'i 'jig rten na glog ni g.yo ba'i yul la rab tu zhugs pa na 'chi ba'i lag pa'i rtse la yongs su gnas pa ste chos ma yin pas 'bras bu 'ongs spyod par 'os min BCt_20.34 dbang chen dang mtshungs mi dbang de dang de rnams ni g.yul du lha yi mngon par 'thab la phyir nas kyang rab tu rgyas pa rnams dang nges par zum pa rnams dus kyi dus su bde dang sdug bsngal skal ba'o BCt_20.35 'byung po 'dzin pa'i sa yang zad par 'gro ba ste 'jig pa'i mes ni lhun po de bzhin sreg par byed rgya mtsho chen po yongs su bskams par 'gro ba ste dbu ba dang mtshungs mi yi 'jig rten kye ma ci BCt_20.36 shugs byas nas kyang rlung ni zhi bar 'gro ba ste 'jig rten gdungs nas kyang ni nyi ma nub par 'gro bsregs nas kyang ni me nyid 'da' bar nyer 'gro ste gang de de ltar gnas par 'gyur ba yin snyam mam BCt_20.37 lus po 'di ni yun rings dus su bsrungs kyang ngam sna tshogs longs spyod rnams kyis nye bar bskyangs kyang ni de yis 'dir ni nyin zhag 'ga' zhig bzhugs nas su [.. .. .. .. .. .. .. .. .. .. .. ] BCt_20.38 nga rgyal dang ni rgyags pa khur nas dus su ni rab tu 'thor zhing shin tu gyur pa gnyid log gyur rnam pa de ltar 'jig rten 'gro ba shes nas su de la ma nyal dge ba la ni gnyid ma log BCt_20.39 'khor ba'i phyogs ni g.yo bar 'dzegs nas su nges par lhung nas gzhi bag med 'gyur ba'o [.. .. .. .. .. .. .. .. .. ] [.. .. .. .. .. .. .. .. .. ] BCt_20.40 gang zhig bda ba 'brel min de ni bsnyen bya min gang gis 'bras bu legs min gang de bya ba min gang zhig dge la sbyor min de ni bshes ma yin sdug bsngal rnam par 'joms min gang de ye shes min BCt_20.41 gal te ye shes min na yang srid ma yin zhing srid par gyur na lus med nyid la yin pa ste lus su gyur na yul las thar pa ma yin zhing nyi tshe ma yin 'dod pa'i srid pa don med do BCt_20.42 gang phyir lha na gnas rnams dus kyi dbang gis ni gzugs med rnams kyang mdzad pa can phyir mi rtag ste de bzhin 'jug pa min la blo gros zhugs bya zhing gal te 'jug pa med na sdug bsngal yod ma yin BCt_20.43 gang phyir lus ni 'gro dang gnas pa la sogs pa'i sna tshogs rten gyi sdug bsngal dag gi rtsa ba ste de phyir lus med du ni ye shes nus pa gang de yod lus kyi bu lon yod pa ma yin no BCt_20.44 gang las 'gro bas 'dod pa'i ched du bskyed pa yis sdug bsngal chen po dum rnams la nyer 'gro ste 'di las 'dod pa'i srid las rnam par dben nus shing sdug bsngal rnams las chags med nyam thag yod ma yin BCt_20.45 de phyir gzugs dang bral ba'i lha rnams na yang ngam 'dod pa rnams dang ldan pa'i gzugs ldan rnams na yang skor ba nyid phyir gzugs pa zhi ba ma yin na 'dod pa spyod pa drug po rnams su sngon nyid do BCt_20.46 rnam pa de ltar mi rtag sdug bsngal de med cing rtag par 'bar ba'i 'jig rten gsum po nyid mthong nas bya tshang shing la sgong skyes rnams kyis gdung ba ltar gang du 'jug la smon lam rigs pa ma yin no BCt_20.47 mchog de rig par bya zhing gzan ni rig bya min mchog de blo gros yin zhing gzhan ni blo gros min mchog de bya ba yin zhing gzhan ni grub pa min [.. .. .. .. .. .. .. .. .. .. .. ] BCt_20.48 chos 'di khyim dang ldan pa'i skye bo rnams kyis te yod pa min zhes de ltar nges par rig bya min nags sam khyim na gnas pa dag gi zhi ba ni gang gis sgrub pa yod pa de yis yod pa'o BCt_20.49 tshad pas mngon par gdungs pa chu la rnam zhugs te spyi las thams cad tshim pa nye bar 'gro ba nyid sgron ma dang ldan mun pa ru ni mthong ba ste rnal 'byor tshad ma'o na tshod ma yin rigs ma yin BCt_20.50 kha cig nags na gnas kyang na tshod la mi sbyor brtul zhugs zad cing ngan 'gro la ni bsnyen pa nyid kha cig khyim na gnas kyang rnam dag las can ni bag dang ldan pa nges legs la ni bsnyen pa'o BCt_20.51 mun pa'i rgya mtsho la ni lta ngan dba' rlabs can sred pa'i chu la srog chags rnam par 'phyo rnams su shes rab gru bo dran dang brtson 'grus skya ba ni gang gis yod pa de ni de la sgrol ba yod BCt_20.52 de ltar yul la mchog tu song ba'i rgyal po de yis ni thams cad mkhyen las chos kyi de nyid 'di ni nyer thob nas rgyal srid ngan pa mi rtag g.yo zhes nyer skyes blo can ni myos pa dang bral gnyis 'thung bzhin du mnyan yod nyid du zhugs BCt_20.53 sa dbang btud pa de ni shes nas mu stegs can gzhan rnams der ni stobs bcu ba la rdzu 'phrul gyis ni 'gran btsugs gyur sa skyong las ni rnam par gsol nas de nas bdag 'pham pa'i drang srong gis ni rdzu 'phrul ched du sdug pas gnas pa byas BCt_20.54 de nas gsal zhing 'od zer 'phro ba dang bcas dkyil 'khor can skar ma rnams ni 'bar bar gyur pa'i nyi ma shar ba bzhin yang dag dga' zhing rnam pa sna tshogs blo can ston pa rnams der ni thub pas rdzu 'phrul rnam pa mang pos pham par mdzad BCt_20.55 de nas mnyam yod kyis ni de las skyes pa'i grags pa dang bkur sti nges pa mchog gi dpal gyis yongs su spangs par gyur de nyid kyis ni srid pa gsum las gyen du 'dzegs pa ste de'i phyir chos dag gsung bar bzhed cing yul la phan phyir ro BCt_20.56 de nas thub pa mtho ris gnas pa'i yul ni ye shes kyis rnam par btul nas mtho ris gshegs pa lo ni rnam phul des mkha' la lha yi rgyal po'i bsod snyoms cho ga bzhin bzhes nas lha yi 'jig rten dag nas sām ka par ni yang dag babs BCt_20.57 de la gzhal med gnam sa'i logs la babs pa yi zhi ba thob cing ltos pa dang bcas lha rnams rjes su 'ongs sar gnas nam mkha'i logs la gyen du gdong phyogs rgyal po ni de dang de rnams mgo bo rnams kyis btud cing rab tu bzung BCt_20.58 | sangs rgyas kyi spyod pa zhes bya ba'i snyan dngags chen po las | rgyal byed kyi tshal rab tu bzhes pa'i le'u ste nyi shu pa'o || thar 'dod lha na gnas rnams dang skyed ma mtho ris su btul nas thub pas gdul bya rnams 'dul zhing de nas de ni 'jig rten rgyus BCt_21.1 ri lnga'i dbus kyi grong khyer du 'od ldan 'tsho byed dbang po dang gro bzhin skyes dang yan lag sbyin rnam par 'dren pas de nas btul BCt_21.2 rgyal po'i bu ni 'jigs med dang dpal sbas dang ni nye bar 'khor nya gro dha sogs mthar ldan rnams snga ma'i lta ba las bzlog go BCt_21.3 chos kyi thos pa nyid las ni mi skyong dpal ni yangs pa can spos 'dzin gyi ni dbang phyug 'dir pa-dma zhes bya rnam par btul BCt_21.4 de nas gnod sbyin gangs ldan dang rtse mo brgya pa de nas ni rnam rgyas pha rol gnon pa yis rnam rgyas ri bor btul ba'o BCt_21.5 yon tan gzigs pas mi skyong ni lta byed btsun mo'i 'khor bcas la 'tsho byed a mra'i nags tshal du mtshan mo dad pas sbyar bar mdzad BCt_21.6 de nas pha rol 'gro ba can bram ze zhi bar 'gro rnams des rdo ba'i ri bor phra mo yi tshigs bcad don rnams klog tu bcug BCt_21.7 de nas dam pa dran mdzad pas dngos su nor sbyin mthong ba mo dga' ba'i skyed ma legs ldan ma 'od ma'i tsher ma can du btul BCt_21.8 de nas brtan ldan grong khyer du brtsegs sbyin gnyis skyes dam pa ni mchod sbyin rnam pa sna tshogs kyis mchod 'dod thar pa'i chos la btsud BCt_21.9 de nas lus 'phags ri bo ru bcubcud phyed rtse mo nyid dang ni lha min skyes ma dang lha rnams nges par 'dzin du btsud par gyur BCt_21.10 de nas a ngga'i grong khyer du gnod sbyin gang ba bzad po dang mchog dang dbyug pa dkar dmar dang gtum po lto 'phye che rnams btul BCt_21.11 a pa ṇa yi grong khyer du bram ze ke bya she la dag [.. .. .. .. .. .. .. ] dka' thub thob pa thar par sbyar BCt_21.12 'tshe byed sor mo'i phreng ba can bran bzangs dang mtshungs gnyis skyes ni bcom ldan rdzu 'phrul phun tshogs kyis phra mo rnams su btul bar mdzad BCt_21.13 gang ba bzang po dang mtshungs rdzas lug ces bya ba bzang pos 'tsho nor sbyin bzang dang bzang po'i bu bzang por yang dag rtogs par mdzad BCt_21.14 de nas tshangs pa'i tshe ldan ming rnam rgyas tshangs pa'i tshe ldan pa gang gi smra ba smra mchog gis lus 'phags po yi grong du pham BCt_21.15 yangs pa can gyi rdzing bu ru srin bu sha za dang seng ge la sogs li tstsha bī rnams dang mchog dang bden byed nyid btul to BCt_21.16 de nas las bzang pos gnod sbyin bzang po bzang po'i sems ldan pa rgyan byed dang mtshungs grong khyer du chos kyi lam la btsud pa'o BCt_21.17 de nas blo dang ldan pa yis shin tu mi bzang 'brog tu ni gnod sbyin 'brog gnas zhes bya dang gzhon nu legs 'ongs la stog to BCt_21.18 de nas gnod sbyin sdig med la gnod sbyin bdag pos phyag byas pas bde dga'i grong du thar pa ni thar pa gzigs pas gdams pa mdzad BCt_21.19 thub pa grags pa yangs rnams dang gnod sbyin drag po'i lam can dang kha spu ldan pa gnyis la ni ga yar drang srong gis bstan to BCt_21.20 de nas drang srong dkar min gyi tsha bo kā tyā ya na ni bā rā ṇa si'i grong du sngon gnyis skyes stobs bcu ldan pas btul BCt_21.21 mtsho 'obs bde bar pha rol 'gro'i grong la rdzu 'phrul gyis gshegs nas dus su tshangs pa rna bstod la de nas des ni rjes su bstan BCt_21.22 rjes su bstan de rab dad pas drang srong mchog gi gtsug lag khang rtag par dri ldan kha la reg tsa-nda na rang bzhin byed du bcug BCt_21.23 de nas gang du thub pa'i zhabs rdo las 'khor lo'i mtshan mthong bas ser skya dka' thub ldan pa ni 'od zer ldan pa des btul lo BCt_21.24 de nas gnod sbyin glang po la glang po ldan par bstan pa ste de bzhin drag po bong bu ni bcom brlag tu ni btul ba'o BCt_21.25 yul 'khor skyong dang rdzas mnyam pa yul 'khor skyong zhes dran pa ni grong rdal rags pa'i mdzod ldan du ston pas de nas rnam par btul BCt_21.26 tshangs pa dang 'dra skye bo mchog dgra can du ni btul ba ste mkhas pa rgya chen skyes bu can nyon mongs dul bar de bzhin no BCt_21.27 'jigs bcas kyi dang mtshams bzangs kyi bu'i bu mos 'jug bu dag dang mu stegs gzhan rnams kyi mun pa mnyan yod nyid du thub pas bcom BCt_21.28 'dir ni bram ze mchod sbyin can dge sogs rnams dang rigs gtsang dang ko sa la yi dbang phyug ni sangs rgyas nyid kyis dad pas sbyar BCt_21.29 de nas bram ze mkhas pa ni bram ze su ka sā ri dang she ta bi ka'i 'grog zhi bar bstan pa mchog gis bstan pa'o BCt_21.30 de nas 'thob pa'i grong khyer du grong khyer gtso dang dus byed dang 'jigs pa'i las can chu srin klu rab tu ma zhi zhi bar mdzad BCt_21.31 de nas bhar ga rnams su des gnod sbyin 'jigs byed btul mdzad cing rigs med kyi ni bla ma gnyis rgan po de bzhin rjes su bzung BCt_21.32 nor ldan gyi mchog dbyangs ldan dang bud med sgur mchog sogs rnams dang skyes chen de rnams de rnams ni kau shām bīr ni rjes su bzung BCt_21.33 de nas spos 'dzin yul nyid dang klu chen sog ma med pa ni dul ba'i bdag nyid dul ba la nang gi pha rol son par gshegs BCt_21.34 'bar zhing 'jigs pa'i las can ni mthar byed bzhin du sreg 'dod pa rnam par btul nas mkhas pa des dus su de nas gdams ngag bstan BCt_21.35 de la sogs pa'i 'byung po rnams sa pa rnams dang mkha' 'gro rnams btul nas tshigs su rgya mtsho bzhin sangs rgyas grags pa 'phel bar gyur BCt_21.36 che ba'i bdag nyid de mthong nas lha sbyin rlom sems byas pa ste bsam gtan rnams las 'khrul thob cing 'dra ba min pa mang po byas BCt_21.37 nye bar bcom pa'i sems ldan des thub pa dge 'dun dben byas shing 'phye las 'dod pa ma byas te de la gnod pa'i phyir btsams so BCt_21.38 de nas bya rgod phung po'i rir rdo ba'i 'khrul 'khor byas pa ste thub pa'i sting du gang 'phangs pa lhung ba ma yin gnyis su gyur BCt_21.39 'jig rten dus su chu 'dzin sngon po sgra sgrogs pa zla ba 'gog pa la ni mkha' la rlung bzhin du de bzhin gshegs pa la ni mngon du gdong phyogs par glang po'i dbang po rgyal po'i lam la gtad pa'o BCt_21.40 lus kyis snun pas yan lag mchog ni nyer blangs shing | mche bas phug pas rgyu ma'i dra ba rab bkram pa'i lus po rnams kyis rgyal po'i khab kyi lam rnams ni rgyu bar dka' bar byed la mngon par rab tu zhugs BCt_21.41 sha ni 'dod pas mi yi brla la rmugs pa ste mche ba'i rtse mos reg cing g.yo ba'i rgyu ma'i phreng khrags gis gsher ba'i mgo bo sna ljags drag po yis 'phen pa'i don du rdo rnams bzhin du gyen du 'phen BCt_21.42 gsum du rab dga'i chang gis 'thor ma'i dri ldan zhing rul pa'i khrag dang zhag gi dri yis bsgos rnams kyis de tshe bskor zhing mtha' med khro ba dang ldan pa grong khyer skye bo de la skye bas 'jigs par byed BCt_21.43 gnyis 'thung myos pa dus kyi dbyug pa 'jigs 'dra ba khengs las gdong ni bcos shing sgra skad 'thon pa ste khros pas rnam par log pa'i mig can de mthong nas hā hā byed pa rgyal po'i khab nas byung bar gyur BCt_21.44 kha cig yid mi bde bas phyogs su bros pa ste gzhan ni mtho ba min pa'i yul rnams la thim zhing de bzhin 'jigs pa las gzhan 'jigs pa ma bzung nas gzhan rnams gzhan rnams dag gi khyim rnams la zhugs so BCt_21.45 kha cig rnam par 'dug pa'i seng ge'i sgra rnams ni rang gi srog la the tshom yang dag ma bsams shing sangs rgyas la ni mngon par 'tshe ba ma byed ces rab tu bzung nas gnyis 'thung de la rgyab nas 'bod BCt_21.46 de bzhin gzhan rnams glang po skyong la 'bod pa ste gzhan rnams 'di la thal mo dag gis phyag 'tshal lo de nas de la gzhan rnams bsdigs par byed pa ste kha cig nor gyis sred cing 'dod par byed pa'o BCt_21.47 rlung 'gro skar khung dag nas rnam par lta bzhin du lang tsho ma rnams lag pa g.yo zhing ngu ba ste 'jigs ma gzhan rnams gser gyi gdu bu dag dang ldan pa yis zangs mdog lag pa rnams kyis mig rnams 'gebs pa'o BCt_21.48 yongs su ro myang glang pos 'joms par 'dod pa na gyen du lag bteg skye bo ngu bar gyur na yang gshegs pa 'byed pa med cing gnod pa mi mnga' bar bde bar gshegs pa rang gnas rnam 'gyur med par gshegs BCt_21.49 byams pas 'byung po rnams la rjes su brtse ba ni gus pas lha rnams kyis ni rjes su 'gro ba ste de la dbang po'i glang po ches kyang reg pa ru nus pa ma yin gang phyir thub pa brtan par gshegs BCt_21.50 gang phyir sangs rgyas la ni rjes 'gro dge slong ste des ni rgyang nas glang chen mthong nas bros pa ste sna tshogs bdag nyid 'jig rten rang bzhin gyis bzhin du kun dga' bo gcig sangs rgyas la ni rjes su song BCt_21.51 de nas glang chen khros pa de ni nyer 'ongs nas thub pa'i mthu las 'du shes nye bar thob pa ste mig sman ri bo rdo rjes phye mar bcom pa bzhin lus po rab tu zegs shing spyi bos 'gyel bar gyur BCt_21.52 de la shin tu mdzes shing 'dam skyes 'jam po yis legs skyes sor mo'i dra ba'i phyag gis mgo bo la zla ba chu 'dzin la ni 'od zer gyis bzhin du gnyis 'thung dbang po la ni thub pas reg par gyur BCt_21.53 chu yi shin tu khur las dus kyi sprin bzhin du zhabs kyi rtsa bar gnyis 'thung de ni bsdad pa ste thub pas rna ba'i ta la g.yo med la gzigs shing de la sems can ma 'os zhi bas bstan pa'o BCt_21.54 sdig med dang bcas rnam par 'joms pa sdug bsngal te sdig med nyid la glang chen gnod pa ma byed cig srid pa srid par sdig med bcom pa'i srog chags kyis bde 'gro brgyad la glang chen 'gyur ba ma yin no BCt_21.55 'dod chags dang ni zhe sdang de bzhin gti mug ste glang chen gsum po bzod par dka' ba'i chang yin la chang gsum rnams dang thub pa rnams ni bral ba ste rims nad med cing mya ngan 'das pa mngon par brnyes BCt_21.56 de phyir mun par 'dod pa 'di ni spongs 'dod pa chang ni spangs la rang bzhin 'du shes thob par gyis 'khor ba'i rgya mtsho'i 'dam ni rgyas par chags pa ste slar yang de ltar gnyis 'thung dbang po ma ltung cig BCt_21.57 de nas glang po des ni gsung 'di thos nas su chang ni spangs shing yang dag rig par song ba ste bdud rtsi 'thungs nas nad rnams dag las grol ba bzhin nang du song ba'i bde ba dam pa thob par gyur BCt_21.58 slob ma bzhin du thub la rab btud de ma thag chang ni yongs spangs glang po'i dbang po de mthong nas kha cig chos rnams bskor zhing g.yug par gyur pa ste gzhan rnams lag pa rnams ni rdebs shing skad 'don to BCt_21.59 gzhan rnams kyis ni mgo bos thub la phyag 'tshal zhing de nas de la gzhan rnams bskor ba byas pa ste gzhan rnams 'phags pa nyid las glang chen la bstod cing ya mtshan dang bcas gzhan rnams reg par gyur pa'o BCt_21.60 lding khang la gnas bud med gzhan rnams de la ni gtsang zhing rin thang chen po'i gos rnams kyis mchod cing gzhan rnams gsar ba'i phreng ba yon tan yid 'ong dang rgyan ni de dang de dag rnams kyis mngon par 'thor BCt_21.61 dus dang mtshungs pa'i glang po dul bar gnas pa na skye bo dad pa med pa dbus nas song ba ste dbus gnas khyad par las ni dad par rab song zhing dad pa rnams kyang gang de bstan par nye bar song BCt_21.62 dad pa la gnas ma skyes dgra ni thub pa yis glang chen dbang po de ni brtul ba mthong nas ni ya mtshan gyur zhing de nas dga' ba skyes pa ste sangs rgyas la ni mchog tu dad pa byas pa'o BCt_21.63 nyon mongs rtsod ldan dus ni nges par log pa na rdzogs ldan dus ni 'ongs nas slar yang chos don bzhin de ltar rdzu 'phrul dang ldan snyan grags mchog rnams kyis rab tu gnas pa'i dka' ldan thub pa mchog 'phel to BCt_21.64 mi dge ba dang yongs su ldan pa'i lha sbyin no nyon mongs sdig pa'i las ni mang po byas nas ni mi skyong ste na rgu ba gnyis skyes drang srong gi dmod pa las bzhin sa yi 'og tu bying bar gyur BCt_21.65 | sangs rgyas kyi spyod pa zhes bya ba'i snyan dngags chen po las | las kyi rgyun gyi le'u ste nyi shu rtsa gcig pa'o || de nas 'jig rten rjes bzung nas dus kyi smra ba rnams kyi mchog chos kyis sa ni khyab mdzad nas mya ngan 'da' ba dang mtshungs dgongs BCt_22.1 de nas dus su rgyal khab na pa tā li yi grong du gshegs mchod rten pa tā li mtshon pa der ni 'phags pa de bzhugs so BCt_22.2 dus ni de tshe grong khyer gyi li tstsha bī ni zhi ba'i phyir ma ga dhā yi rgyal po yi blon po char dbyibs kyis byas so BCt_22.3 lha rnams kyis der rang gi nor nye bar len pa rab gzigs nas grong de 'gron phul byung du de bzhin gshegs pas rnam par gsungs BCt_22.4 de tshe char pa'i rnam pa yis bkur byas byed pa rnams kyi mchog rgya mtsho'i chung ma gtso bo la mngon phyogs slob ma dang bcas gshegs BCt_22.5 ga-nggā'i 'gram du de gshegs nas ji ltar rnyed gru de dang des skye bo rnams ni sgrol ba gzigs de rnams gzigs nas thugs mdzad do BCt_22.7 'bad pas chu bo sgrol ba la bdag gi de ltar 'dra ba yin de phyir rdzu 'phrul mthu yis ni bdag gi gru med rab tu 'gro BCt_22.8 de ltar der ni slob mar bcas lha mi rnams la mi snang zhing rlung gis 'gros kyang phan mdzad nas skad cig gis ni pha rol gyur BCt_22.9 sdug bsngal mtsho yi pha rol sngon ye shes gru bos de mkhyen nas slar yang gru 'di ma dmigs nas thub pas ga-nggā bsgral ba'o BCt_22.10 bcom ldan nyi ma mdzes pa ni gang gi sgo las nges 'byung ba de ni tshe gau ta ma sgor de la mchod don nyid du byas BCt_22.6 'gram gang dag las rnam 'dren pa ga-nggā'i pha rol tu gshegs pa de ni stegs su 'gro la grags de yi rigs kyis mngon par brjod BCt_22.11 de nas sgrol 'dod mi rnams dang rgal ba rnams dang sgrol ba rnams ya mtshan rnam rgyas gdong rnams kyi mig rnams de la btung bar gyur BCt_22.12 de nas ga-nggā'i 'gram nas ni sangs rgyas ku ḍa'i grong du gshegs der ni chos ldan gtam mdzad nas nā dā'i kar ni mngon par gshegs BCt_22.13 dus ni de tshe de na ni skye bo chen po rgud pa ste gang gis gang du gang 'gro de rnams la der thubs gsungs BCt_22.14 der ni mtshan mo gcig phul nas yangs pa can gyi grong du gshegs de nas a mra skyong ba'i sa dpal ldan tshal du dpal stug gshegs BCt_22.15 a mra skyong ma res ma'i gtso rnam par 'dren pa der thos nas rnam dul theg pa la gnas nas mchog tu dga' bas rab tu song BCt_22.16 phra ba gos dkar 'dzin pa mo phreng ba med cing dbyug bral ma lha yi bya ba'i dus su ni legs ma rigs kyi mna' ma 'dra BCt_22.17 rang gi gzugs kyis khengs pa yi dam pa li tstsha bī rnams kyi sems rnams dang ni nor rnams dang yon tan mtha' dag rnams kyis phrogs BCt_22.18 dpal dang mdzes pa brtan pa yis nags kyi lha mo'i gzugs 'dra ba de ni theg pa la babs nas skyen par nags der rab tu zhugs BCt_22.19 rigs kyi mo btsun gdung ba mo mig rab g.yo ba de gzigs nas bde bar gshegs pas rnga dbyangs kyis dge slong rnams la bka' stsal pa BCt_22.20 stobs chung rnams kyi yid kyi rim a mra skyong ma 'di mngon 'ongs dran ldan bdud rtsi'i sems ldan rnams c 86b ye shes kyis ni khyed rnams gnas BCt_22.21 nye sar sbrul ni mchog yin zhing ral gyi gdengs pa'i dgra mo mchog dran dang ye shes rnams bral ba'i nye sar bud med rnams ma yin BCt_22.22 bsdad pa 'am ni nyal ba'am 'gro 'am yang na gnas pa 'am bud med ri mor bris pas kyang mi rnams kyi ni yid 'phrog go BCt_22.23 'di rnams zhen pas nyam thag gam gyen du lag bteg du na yang skra bkram rnams kyis bsreg pa ru nus na mo btsun rnams sngon nyid BCt_22.24 pha rol po 'brel rnam mang po'i dbrog bya yon tan gyis bslus rnams de yi rang bzhin ma mthong ste bud med rnams la byis rnams rmongs BCt_22.25 mi rtag sdug bsngal bdag med dang mi dge ba zhes mthong nas ni lha zhing sgom pa po rnams kyi sems ni zil gyis non ma yin BCt_22.26 gnas de rnams su legs goms blo spyod yul rnams su ba lang bzhin lha yi yul rnams kyis 'joms par nus min mi rnams kyis ci smros BCt_22.27 de phyir shes rab mda' 'dzin zhing brtson 'grus gzhu ni lag pa na dran pa'i go cha yongs bgos shing yul gyi 'du shes can du mnos BCt_22.28 lcags kyi thur ma tsha mo yis mig la reg pa mchog yin zhing g.yo ba'i mig can bud med la ma rungs dran pas lta phyir min BCt_22.29 gal te dus ni de yi tshe chags pa'i sems kyis dus byed na dud 'gro 'am ni 'og nyid du dbang med bcings nas khrid par byed BCt_22.30 de phyir 'jigs pa 'di shes nas mtshan mar spros pa mi bya zhing lus po la ni gzugs tsam du gang gis mthong ba de mthong ngo BCt_22.31 dbang pos 'jig rten na yul rnams 'chi min dbang po rnams des min gang zhig de rnams la chags gyur de ni de rnams las 'ching ngo BCt_22.32 ba lang gnyis kyi sbyor ba'i phyir sbyor ba la gcig ji ltar gyur yul dang dbang po de dag ni chags pa phan tshun de ltar min BCt_22.33 mig gis gzugs ni 'dzin pa ste sems kyis rnam par rtog par byed rnam par rtog las der skye zhing chags dang chags bral nyid kyang ngo BCt_22.34 rnam par ma brtags dbang po'i don gal te don med ched gyur na dbang po'i spyod yul la spyod pa thams cad don med kyis sbyor to BCt_22.35 de phyir ma dor dran pas dang bag yod mchog tu 'gro bas dang rang don rjes su mthong bas dang gdung med sems kyis bsgom par bya BCt_22.36 de ltar don mthar ma gyur ba'i dge slong rnams la de rjes bstan ltos byas a mra skyong ma ni thal mo sbyar byas nye bar 'ongs BCt_22.37 des ni thugs ni drang srong ma shing drung gnas pa mthong nas ni nags kyi yongs su longs spyod kyis mchog tu rjes su 'dzin pa snyam BCt_22.38 de nas bkur sti mang po las g.yo yang lta byed rab bkod nas me tog tsam pa ka rgyas ltar mgo bos thub pa la phyag tshal BCt_22.39 kun mkhyen gyis kyang rjes gnang ma de nas sa la bsdad pa ste de yis blo la bzod gsung gis thub pas de la bka' stsal to BCt_22.40 bsam pa 'di ni yon tan ldan rnam dag sems dpa' nyid bstan to bud med byis pa phul gnas pa chos la 'dod pa rnyed par dka' BCt_22.41 gal te chos kyi bdag nyid gyur zhen pas bcom pa'i sems ldan pa'i na rab mi mo rnams kyis dang blo ldan mi rnams kyis mtshar cing BCt_22.42 rang bzhin gyis ni blo chung zhing g.yo ba'i sems ldan lang tsho ma yul gcig ro yis 'jig rten na chos shes shes pa ya mtshan no BCt_22.43 khyod kyi chos la yid gyur pa de ni khyod kyis bdag nyid don mi rtag gson pa'i 'jig rten na chos las gzhan na nor yod min BCt_22.44 nad kyis nad med 'joms pa ste rga bas lang tsho gcod pa nyid 'chi bas srog ni len pa ste chos kyis rgud pa yod ma yin BCt_22.45 gang phyir dga' ba rnams dang bral mi dga' ba rnams dang sbyor zhing mngon par 'dod pa thob pa na de phyir chos ni mchog tu 'gro BCt_22.46 gzhan dbang sdug bsngal chen po ste rang dbang mchog tu bde ba nyid ma nu'i rigs su skyes na yang bud med thams cad gzhan dbang ngo BCt_22.47 gang phyir gzhan dbang nyid phyir dang de bzhin phru gu 'dzin pa'i phyir bud med rnams kyi sdug bsngal lhag 92b de phyir yang dag nges par 'os BCt_22.48 de ltar thub pa chen po'i gsung rang bzhin gyis dang mkhas las dang brtan las byis kyang byis min bzhin thos shing mngon par dga' ba'o BCt_22.49 de bzhin gshegs pa'i chos kyi smra ba yis 'dod pa'i bdag nyid can gyis sems la brabs pa ni bud med nyid ni smad cing yul las log pa ste gang gi skye bo'i rten la btsog par byas pa'o BCt_22.50 de nas me tog khur las tsu ta'i mchod sdong bzhin yang dag kun nas dud pa'i lus kyi mchod sdong can thub pa chen po la ni gus pas mig zhugs shing yang yang chos ni rnam par dag pa'i lta bas gnas BCt_22.51 rang bzhin gyis ni ngo tsha dang ldan bud med de chos ni mngon par 'dod pas yang yang bskul ba ni 'dam skyes mdzod dang 'dra bas thal mo sbyar nas ni dal bus smra ba'i skad kyi gdangs kyis gsol ba'o BCt_22.52 bcom ldan don mdzad bdag la rjes su gsung don du nang par bsod snyoms dus su dge slong sder bcas pa sdug bsngal nye bar zhi ba'i mdzad po 'jig rten na 'bras bur gyur pa'i bdag la 'bras bur mdzad du gsol BCt_22.53 de nas de yi gus pa de ltar gzigs nas dang sems can rnams ni bza' ba'i dbang nyid mkhyen nas ni g 113b gsung ma phye nas bde bar gshegs pas de ltar zhes de la nges par rnam 'gyur brda yis mdzad pa'o BCt_22.54 skad cig mdzad pa dang ldan spyan yangs mchog gi chos mda' zhing chos kyi snod la des ni dga' zhing mgu la rungs pa ste gus pas rnyed pa mchog ni rnam par nges shing bstod par gyur BCt_22.55 sangs rgyas kyi spyod pa zhes bya ba'i snyan dngags chen po las | a mra skyong ma'i nags gzigs pa'i le'u ste nyi shu rtsa gnyis pa'o || || de nas thub pa'i thugs rig nas phyag 'tshal nas kyang grong du song de ni li-tstsha bīs thos nas lta 'dod sangs rgyas la song ngo BCt_23.1 dkar po'i rta dang shing rta gdugs phreng ba rgyan dang bgo ba rnams kha cig kha cig de rnams dang dmar ser rnams dang de bzhin gzhan BCt_23.2 kha cig bai ḍū-rya ljang dang gzhan rnams rma bya'i mjug ma ste de ltar cha lugs rgya chen po bdag gis dga' byed rnams dang song BCt_23.3 ri mo rnam rgyas ro stod can gser gyi gnya' shing lag pa rnams dpal ldan bod ring dngos su ni de rnams mtho ris bzhin du rdzes BCt_23.4 mtshams sprin rkang la sna tshogs rnams glog ni rab tu snang ba bzhin shing rta rnams las babs 'dod pas de rnams gnas pa rnam par mdzes BCt_23.5 dbu rgyan rnam g.yo rnam btud pa'i brtan rnams thub la phyag 'tshal nas nga rgyal ldan rnams rgyags med bzhin chos la dga' bas de rnams gnas BCt_23.6 nyi ma sprin dang bral ba yi logs su khyer 'jigs gzhu bzhin du thub pa'i drung der de rnams kyi chags bral dkyil 'khor mdzes pa'o BCt_23.7 sa la seng ge gnas pa rnams gser gyis spras pa'i seng ge'i gdan seng ge la sogs de rnams la mi yi seng ges de nas gsungs BCt_23.8 gzugs dang dpal dang stogs la sogs bkur mang rnams dang ldan pa'i khyed kyi chos gus 'di gang de las lhag par mdzes pa nyid BCt_23.9 tshul khrims la sogs yon tan gyis ji ltar 'jig rten mdzes de ltar lus ni sna tshogs gos sam rgyan phreng ba rnams kyis ma yin no BCt_23.10 gang du khyed cag bdag po rnams chos shes 'dul ba 'dod pa rnams spong byed pa rnams rjes bzung zhing skal ba bcas rnams bdag gi lugs BCt_23.11 'phags skyes rnyed par dka' dus su chos la gnas rnams srung byed gyur phyis 'byung ma yin yul rnams kyi skal bas dman pa rnams kyis min BCt_23.12 dpal ldan skal ba chen po rnams chos shes srung bar byed rnams kyis bsrung ba nyid kyis yul 'di ni chos kyis kyang ni rjes su 'dzin BCt_23.13 rlung rnams rgal 'dod pa la rnams khyu mchog rgal ba rnams kyi bzhin rgyal po rnams kyis gang bzung ba'i yul la de nas skye dgu 'gro BCt_23.14 khyed cag rnams la tshul khrims de rtag par 'gyur bar 'os pa ste bdag gi don ni 'dod rnams kyi 'dir dang song nas dbrog bya min BCt_23.15 yid ni tshim zhing bkur mang dang rnyed dang grags dang yid ches nyid dga' ba nyid dang song nas bde tshul khrims kyi ni 'bras bu che BCt_23.16 'byung po rgyu dang mi rgyu yi rten ni ji ltar sa yin pa de ltar yon tan thams cad kyi rten ni tshul khrims dam pa'o BCt_23.17 'phur 'dod gshogs pa med pa dang rgal 'dod gru med ji lta bar mi ni tshul khrims rnams spangs par dge legs 'dod pa de ltar shes BCt_23.18 me tog 'bras bus khyab pa'i shing tsher ma can gyur ji lta bar thos dang gzugs don phun tshogs pa tshul khrims 'chal pa de ltar ro BCt_23.19 sna tshogs gos dang rgyan ldan zhing khang bzangs rnams su gnas na yang tshul khrims dang ldan skye bo gang de yi drang srong dang mnyam 'gros BCt_23.20 ngur smrig shing shun zur phud dang gtsug phud spyi bo ral pa rnams tshul khrims nyams pa kun rnams kyi bcos ma nyid du shes par bya BCt_23.21 stegs las dus gsum khrus byas nas me la lan gnyis bsregs nas dang gdung ba drag por gdungs nas kyang tshul khrims med na bdag ma yin BCt_23.22 sha za rnams la lus byin nas ri yi legs nas bor nas sam me 'am chur ni bdag mchongs na tshul khrims med na bdag ma yin BCt_23.23 'bras bu rtsa ba chu za zhing ri dags bzhin du rtswa za'am rlung gi bza 'ba 'dod pa yang tshul khrims med na bdag mi 'gyur BCt_23.24 mi gang tshul khrims kyis dman pa de ni bya dang ri dwags mtshungs rdol ba'i snod ni chu yis bzhin de ni chos kyi snod ma yin BCt_23.25 'jigs pa dang ni gtam ngan dang yid mi ches dang mi dga' nyid mngon sum 'dir ni thob pa ste song nas don med za bar 'gyur BCt_23.26 de phyir tshul khrims gzhom mi bya 'brog dgon dag na lam mkhan bzhin rang dbang dag ni rnyed dka' ba'i tshul khrims mtho ris dag na gru BCt_23.27 skyon rnams kyis bcom sems kyis ni thams cad bcom nas 'jug pa ste tshul khrims rab tu gnas byas nas nyon mongs 'joms la 'bad pa gyis BCt_23.28 de phyir dang por nga snyam pa brgyan par 'dod pas spang bar bya bsreg bya za ba'i du ba bzhin yon tan rnams kyis nga snyam nyid BCt_23.29 skar ma nyi ma zla ba rnams sprin gyi dra ba chen pos bzhin nga rgyal gyis bcom yon tan rnams yod par gyur kyang mdzes ma yin BCt_23.30 dregs pa ngo tsha 'joms pa ste mya ngan gyis gtan dga' bas lus yon tan rnams kyi rtsa ba nas 'joms phyir nga'o snyam ba skye BCt_23.31 'gran pa dang ldan nga rgyal las lha min lha rnams kyis bcom zhing mi skyong pa ta la'i byin pa dang dong gsum pa rnams zad par gyur BCt_23.32 gang zhig mi rtag dngos rnams su mchog ni nga yin snyam pa dangd 81b mi dman pa ni nga zhes snyam de ni mkhas pa min par rtogs BCt_23.33 gzugs ni brtan pa ma yin zhing 'jig pa'i chos can g.yo ba yis nga zhes gang zhig nga rgyal te yongs su rtog pa min gzhan ci BCt_23.34 'dod pa'i 'dod chags stobs ldan pa rab gab lhan skyes dgra bo ste bshes min nang na spyod pa bzhin gang zhig bshes kyi sgo nas 'joms BCt_23.35 'dod chags me dang me nyid ni sreg pa'i bdag nyid kyis mnyam ste 'dod chags me ni 'bar ba na mtshan mo de nyid ring bar 'gyur BCt_23.36 'dod chags me'i stobs ji 'dra ba me yi stobs ni de 'drar smin me ni chu rnams kyis shes te 'dod chags me ni mtshos kyang min BCt_23.37 dus su nags su mes tshig rnams nags kyi shing rnams skye ba ste 'dod chags mes tshig blo med rnams chos la skye ba ma yin no BCt_23.38 chags las bde ba tshol ba ste bde phyir mi dge ba byed cing mi dge ba las nga myal bar 'gro chags pa dang mnyam dgra bo med BCt_23.39 chags las sred pa skye ba ste sred las 'dod pa rnams la chags 'dod pa rnams las sdug bsngal 'thob chags pa dang mnyam yul med do BCt_23.40 chags pa zhes bya'i nad chen po de ni byis pas rtogs ma yin [.. .. .. .. .. .. .. ] [.. .. .. .. .. .. .. ] BCt_23.41 mi rtags nyid las mi gtsang las sdug bsngal nyid las bdag med las gal te mthong na mi chags te log pa'i blo yis chags pa'o BCt_23.42 de phyir dngos po la chags pa gang du nye bar skye ba na der ni ji ltar 'gyur brtag ste gyur pa mthong ba zhes brjod do BCt_23.43 yon tan yongs su rtogs pa na ji ltar chags par nye bar 'gro yon tan med na yongs rtogs na de bzhin khro ba 'gugs par byed BCt_23.44 de phyir khro ba spong 'dod pas zhe sdang yongs su brtag mi bya dkar min 'gros las dub bzhin khro ba las ni zhe sdang 'dzag BCt_23.45 khro ba gzugs ldan rnams kyi dga' mig ldan rnams kyi mun pa yang chos don 'dod pa rnams kyi gshed mos pa'i mi mthun pa nyid do BCt_23.46 khro ba blo yi mun pa mchog mdza' bshes gyur pa'i dgra bo mchog bkur sti mang po'i gcod pa pod 82a zil gyis non pa'i byed pa po BCt_23.47 de bzhin khro ba mi bya zhing byas nas kyang ni dor bar bya dmug pa'i rang bzhin lto 'phye bzhin khro ba'i rjes su 'jug mi bya BCt_23.48 skor ba'i shing rta bzhin gang gis khro ba brtan pas thag pas bzung de bdag kha lo sgyur snyam ste cig shos skye bo thag pa 'dzin BCt_23.49 gang zhig khro ba 'dod pa ste skye ba 'gog pa 'dod ma yin phyis de khro ba med pa na me la reg pa bzhin du bsreg BCt_23.50 khro ba skyes pas sngon rol du bdag nyid kyis ni sems bsreg ste rnam par 'phel zhing phyin pa ni gzan ni sreg gam mi sreg gam BCt_23.51 nad sogs nye bar 'tshe rnams kyi gang tshe 'jig rten brtse ba rnams lus can bshes ma yin rnams la gnod sems byas nas yon tan ci BCt_23.52 de phyir 'jig rten sdug bsngal ba shes nas khro ba zlog pa'i phyir 'byung po kun la byams pa dang snying rje nyid ni bsgom par bya BCt_23.53 de ltar nyon mongs lhag pa gang de yi de tshe gzigs pa ste de la brtse bas sangs rgyas kyis de rnams la gsungs snad pa'o BCt_23.54 sems can nyam thag rnams la ni ji ltar rang bzhin gyis mkhas pa'i sman pas sman ni gsungs pa ste nad rnams nye bar zhi phyir ro BCt_23.55 de bzhin chags dang rga sogs kyi nad kyis 'byung po nyam thag la thub pas bsam pa mkhyen nas ni de nyid shes pa'i sman byin to BCt_23.56 de ltar thub pa'i gsung la ni li tstsha bī rnams mngon dga' ste rab 'phyang gtsug gi nor bu can mgo bo rnams kyis phyag tshal lo BCt_23.57 de nas thal mo rnam sbyar nas cung zhig dud pa'i lus rnams kyis phur bu la ni lha rnams bzhin sangs rgyas la ni byon par zhus BCt_23.58 dang po a mra skyong ma'i rigs thub pas de rnams la gsungs shing dam pa rnams kyis thog mar ni snyan mnan 'dor bya min par gsungs BCt_23.59 de rnams bud med de yis ni bdag la bsrungs par shes pa ste de bzhin gshegs la mchod mang po nyis 'gyur nyid du byas pa'o BCt_23.60 legs brjod drang srong sngags rnams kyis sbrul rnams kyi ni dug bzhin du kun mkhyen gyis bstan de rnams ni rab tu zhi ba'i yid rnams song BCt_23.61 de yi mtshan mo 'das nas ni a mra skyong mas bkur byas te 'od ma ldan pa'i grong du ni [.. .. .. .. .. .. .. ] BCt_23.62 dbyar rnams rnam par 'das pa na yangs pa can nyid du gshegs shing spre'u rdzing gi 'gram du ni thub pa chen po bzhugs pa'o BCt_23.63 shing gi rtsa bar de bzhugs so de bzhin du ni 'bar ba la nags tshal de ni snang byas shing nye bar 'ongs nas bdud kyis smras BCt_23.64 nai ra-nydza na'i 'gram du sngon thub pa khyod la bdag gis smras bya ba byas pa mya ngan zlos zhes 'dir khyod kyis lan smras so BCt_23.65 nyam thag pa rnams 'jigs med cing nyan thos rnams ni don byas par bdag gis ji srid ma gyur pa de srid mya ngan mi 'da' zhes BCt_23.66 de 'di mang po rnams grol zhing de bzhin grol bar 'dod rnams dang grol bar gyur pa rnams nyid de de phyir mya ngan 'da' bar 'os BCt_23.67 de nas tshig 'di gsan gyur nas zla ba gsum na mya ngan 'da' mi brtan pa ni dor cig ces dgra bcom rnams kyi mchog gis gsungs BCt_23.68 de nas dam bca' 'di shes nas yid la re ba gang ba ste rab tu dga' zhing mgu ba ni de nyid du ni mi snang gyur BCt_23.69 de nas drang srong chen po'i thugs kyi ting nge 'dzin rnam pa de ltar rnal 'byor stobs las mdzad pa nyid sku tshe ji ltar gyur pa sngon du btang ba ste rdzu 'phrul mthu las mtshungs pa med pa 'tsho bar gyur BCt_23.70 des ni sku tshe btang ba'i yud tsam de la ni bud med myos ma bzhin du sa ni g.yos gyur la ma yis tshos pa'i lhun po'i rdo ba rim bzhin du phyogs rnams dag las sgron ma chen po rnams lhung ngo BCt_23.71 de bzhin kun nas dbang po'i rdo rje mi bzad rnams glog dang bcas shing mi yi snying po can g.yos shing bskal pa 'jig che 'jig rten bsreg par 'dod pa bzhin phyogs rnams thams cad rnams su me dag 'bar bar gyur BCt_23.72 shing rnams kyis ni phung po 'gogs pa rnams por zhing ri rnams kyis ni rtsi mo rnams ni dor ba ste rlung gis mngon par gang ba'i rdo ba'i phug bzhin du mkha' la rnga rnams kyi ni ma rungs sgra rnams bsgrags BCt_23.73 de nas de ltar kun tu bskyod tshe yud tsam la mi yi 'jig rten na dang lha dang nam mkha' la ting nge 'dzin chen po las rnam par bzhengs mdzad nas thub pa chen pos gsung ni 'di nyid gsungs pa'o BCt_23.74 shing rta srog shing rnam par jams pa dang 'dra ba'i tshe btang lus po nang gi stobs las 'dren bgyi zhing sgo nga'i skye gnas pa rnams sgo nga phye nas bzhin srid pa'i 'ching las tshe dang lhan cig 'grol bar bgyi BCt_23.75 sangs rgyas kyi spyod pa zhes bya ba'i snyan dngags chen po las | sku tshe'i 'du byed byin gyis brlabs pa'i le'u ste nyi shu rtsa gsum pa'o || ||