Manusmṛti

Contents of Manu

Header

This file is an html transformation of sa_manusmRti.xml with a rudimentary header. For a more extensive header please refer to the source file.

Data entry: Michio Yano and Yasuke Ikari

Contribution: Michio Yano and Yasuke Ikari

Date of this version: 2020-01-16

Sources:

Publisher: Göttingen Register of Electronic Texts in Indian Languages (GRETIL), SUB Göttingen

Licence:

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.

Interpretive markup:

Notes:

Text is based upon K, and M's variant is given, but mere orthographical variants have been excluded. There are verses which are found only in K or M. The difference of the sloka-numbering of chapter between K and M is noticed.


Text

manum ekāgram āsīnam abhigamya maharṣayaḥ
pratipūjya yathānyāyam idaṃ vacanam abruvan // Manu_1.1

manum ekāgram āsīnam abhigamya maharṣayaḥ pratipūjya yathānyāyam idaṃ vacanam abruvan //

bhagavan sarvavarṇānāṃ yathāvad anupūrvaśaḥ
antaraprabhavānāṃ ca dharmān no vaktum arhasi // Manu_1.2

bhagavan sarvavarṇānāṃ yathāvad anupūrvaśaḥ antaraprabhavānāṃ ca dharmān no vaktum arhasi //

tvam eko hy asya sarvasya vidhānasya svayaṃbhuvaḥ
acintyasyāprameyasya kāryatattvārthavit prabho // Manu_1.3

tvam eko hy asya sarvasya vidhānasya svayaṃbhuvaḥ acintyasya aprameyasya kāryatattvārthavit prabho //

sa taiḥ pṛṣṭas tathā samyag amitaujā mahātmabhiḥ
pratyuvācārcya tān sarvān maharṣīñ śrūyatām iti // Manu_1.4

sa taiḥ pṛṣṭas tathā samyag amita-ojā mahātmabhiḥ pratyuvāca arcya tān sarvān maharṣīñ śrūyatām iti //

āsīd idaṃ tamobhūtam aprajñātam alakṣaṇam
apratarkyam avijñeyaṃ prasuptam iva sarvataḥ // Manu_1.5

āsīd idaṃ tamobhūtam aprajñātam alakṣaṇam apratarkyam avijñeyaṃ prasuptam iva sarvataḥ //

tataḥ svayaṃbhūr bhagavān avyakto vyañjayann idam
mahābhūtādi vṛttaujāḥ prādur āsīt tamonudaḥ // Manu_1.6

tataḥ svayaṃbhūr bhagavān avyakto vyañjayann idam mahābhūtādi vṛtta-ojāḥ prādur āsīt tamonudaḥ //

yo 'sāv atīndriyagrāhyaḥ sūkṣmo 'vyaktaḥ sanātanaḥ
sarvabhūtamayo 'cintyaḥ sa eva svayam udbabhau // Manu_1.7

sa eva ] sa eṣa (M)

yo 'sāv atīndriyagrāhyaḥ sūkṣmo 'vyaktaḥ sanātanaḥ sarvabhūtamayo 'cintyaḥ sa evasa eṣa svayam udbabhau //

so 'bhidhyāya śarīrāt svāt sisṛkṣur vividhāḥ prajāḥ
apa eva sasarjādau tāsu vīryam avāsṛjat // Manu_1.8

so 'bhidhyāya śarīrāt svāt sisṛkṣur vividhāḥ prajāḥ apa eva sasarjā adau tāsu vīryam avāsṛjat //

tad aṇḍam abhavad dhaimaṃ sahasrāṃśusamaprabham
tasmiñ jajñe svayaṃ brahmā sarvalokapitāmahaḥ // Manu_1.9

tad aṇḍam abhavad dhaimaṃ sahasrāṃśusama-prabham tasmiñ jajñe svayaṃ brahmā sarvalokapitāmahaḥ //

āpo narā iti proktā āpo vai narasūnavaḥ
tā yad asyāyanaṃ pūrvaṃ tena nārāyaṇaḥ smṛtaḥ // Manu_1.10

āpo narā iti proktā āpo vai narasūnavaḥ tā yad asyāyanaṃ pūrvaṃ tena nārāyaṇaḥ smṛtaḥ //

yat tat kāraṇam avyaktaṃ nityaṃ sadasadātmakaṃ
tadvisṛṣṭaḥ sa puruṣo loke brahmeti kīrtyate // Manu_1.11

yat tat kāraṇam avyaktaṃ nityaṃ sad-asad-ātmakaṃ tad-visṛṣṭaḥ sa puruṣo loke brahma īti kīrtyate //

tasminn aṇḍe sa bhagavān uṣitvā parivatsaram
svayam evātmano dhyānāt tad aṇḍam akarod dvidhā // Manu_1.12

tasminn aṇḍe sa bhagavān uṣitvā parivatsaram svayam evātmano dhyānāt tad aṇḍam akarod dvidhā //

tābhyāṃ sa śakalābhyāṃ ca divaṃ bhūmiṃ ca nirmame
madhye vyoma diśaś cāṣṭāv apāṃ sthānaṃ ca śāśvataṃ // Manu_1.13

tābhyāṃ sa śakalābhyāṃ ca divaṃ bhūmiṃ ca nirmame madhye vyoma diśaś ca aṣṭāv apāṃ sthānaṃ ca śāśvataṃ //

udbabarhātmanaś caiva manaḥ sadasadātmakam
manasaś cāpy ahaṃkāram abhimantāram īśvaram // Manu_1.14

udbabarhā atmanaś ca eva manaḥ sad-asad-ātmakam manasaś ca apy ahaṃkāram abhimantāram īśvaram //

mahāntam eva cātmānaṃ sarvāṇi triguṇāni ca
viṣayāṇāṃ grahītṝṇi śanaiḥ pañcendriyāṇi ca // Manu_1.15

mahāntam eva cā atmānaṃ sarvāṇi tri-guṇāni ca viṣayāṇāṃ grahītṝṇi śanaiḥ pañca-indriyāṇi ca //

teṣāṃ tv avayavān sūkṣmān ṣaṇṇām apy amitaujasām
saṃniveśyātmamātrāsu sarvabhūtāni nirmame // Manu_1.16

teṣāṃ tv avayavān sūkṣmān ṣaṇṇām apy amita-ojasām saṃniveśyā atmamātrāsu sarvabhūtāni nirmame //

yan mūrtyavayavāḥ sūkṣmās tānīmāny āśrayanti ṣaṭ
tasmāc charīram ity āhus tasya mūrtiṃ manīṣiṇaḥ // Manu_1.17

yan mūrty-avayavāḥ sūkṣmās tāni imāny āśrayanti ṣaṭ tasmāc charīram ity āhus tasya mūrtiṃ manīṣiṇaḥ //

tad āviśanti bhūtāni mahānti saha karmabhiḥ
manaś cāvayavaiḥ sūkṣmaiḥ sarvabhūtakṛd avyayam // Manu_1.18

tad āviśanti bhūtāni mahānti saha karmabhiḥ manaś ca avayavaiḥ sūkṣmaiḥ sarvabhūtakṛd avyayam //

teṣām idaṃ tu saptānāṃ puruṣāṇāṃ mahaujasām
sūkṣmābhyo mūrtimātrābhyaḥ saṃbhavaty avyayād vyayam // Manu_1.19

teṣām idaṃ tu saptānāṃ puruṣāṇāṃ mahā-ojasām sūkṣmābhyo mūrtimātrābhyaḥ saṃbhavaty avyayād vyayam //

ādyādyasya guṇaṃ tv eṣām avāpnoti paraḥ paraḥ
yo yo yāvatithaś caiṣāṃ sa sa tāvad guṇaḥ smṛtaḥ // Manu_1.20

ādyādyasya guṇaṃ tv eṣām avāpnoti paraḥ paraḥ yo yo yāvatithaś ca eṣāṃ sa sa tāvad guṇaḥ smṛtaḥ //

sarveṣāṃ tu sa nāmāni karmāṇi ca pṛthak pṛthak
vedaśabdebhya evādau pṛthak saṃsthāś ca nirmame // Manu_1.21

sarveṣāṃ tu sa nāmāni karmāṇi ca pṛthak pṛthak vedaśabdebhya evā adau pṛthak saṃsthāś ca nirmame //

karmātmanāṃ ca devānāṃ so 'sṛjat prāṇināṃ prabhuḥ
sādhyānāṃ ca gaṇaṃ sūkṣmaṃ yajñaṃ caiva sanātanam // Manu_1.22

karmātmanāṃ ca devānāṃ so 'sṛjat prāṇināṃ prabhuḥ sādhyānāṃ ca gaṇaṃ sūkṣmaṃ yajñaṃ ca eva sanātanam //

agnivāyuravibhyas tu trayaṃ brahma sanātanam
dudoha yajñasiddhyartham ṛgyajuḥsāmalakṣaṇam // Manu_1.23

agni-vāyu-ravibhyas tu trayaṃ brahma sanātanam dudoha yajñasiddhy-artham ṛg-yajuḥ-sāma-lakṣaṇam //

kālaṃ kālavibhaktīś ca nakṣatrāṇi grahāṃs tathā
saritaḥ sāgarāñ śailān samāni viṣamāni ca // Manu_1.24

kālaṃ kālavibhaktīś ca nakṣatrāṇi grahāṃs tathā saritaḥ sāgarāñ śailān samāni viṣamāni ca //

tapo vācaṃ ratiṃ caiva kāmaṃ ca krodham eva ca
sṛṣṭiṃ sasarja caivemāṃ sraṣṭum icchann imāḥ prajāḥ // Manu_1.25

tapo vācaṃ ratiṃ ca eva kāmaṃ ca krodham eva ca sṛṣṭiṃ sasarja ca eva imāṃ sraṣṭum icchann imāḥ prajāḥ //

karmaṇāṃ ca vivekārthaṃ dharmādharmau vyavecayat
dvandvair ayojayac cemāḥ sukhaduḥkhādibhiḥ prajāḥ // Manu_1.26

vivekārthaṃ ] vivekāya (K)

karmaṇāṃ ca vivekārthaṃvivekāya dharma-adharmau vyavecayat dvandvair ayojayac ca imāḥ sukha-duḥkhādibhiḥ prajāḥ //

aṇvyo mātrā vināśinyo daśārdhānāṃ tu yāḥ smṛtāḥ
tābhiḥ sārdham idaṃ sarvaṃ saṃbhavaty anupūrvaśaḥ // Manu_1.27

aṇvyo mātrā vināśinyo daśārdhānāṃ tu yāḥ smṛtāḥ tābhiḥ sārdham idaṃ sarvaṃ saṃbhavaty anupūrvaśaḥ //

yaṃ tu karmaṇi yasmin sa nyayuṅkta prathamaṃ prabhuḥ
sa tad eva svayaṃ bheje sṛjyamānaḥ punaḥ punaḥ // Manu_1.28

yaṃ tu karmaṇi yasmin sa nyayuṅkta prathamaṃ prabhuḥ sa tad eva svayaṃ bheje sṛjyamānaḥ punaḥ punaḥ //

hiṃsrāhiṃsre mṛdukrūre dharmādharmāv ṛtānṛte
yad yasya so 'dadhāt sarge tat tasya svayam āviśat // Manu_1.29

hiṃsra-ahiṃsre mṛdu-krūre dharma-adharmāv ṛta-anṛte yad yasya so 'dadhāt sarge tat tasya svayam āviśat //

yathā rtuliṅgāny ṛtavaḥ svayam eva rtuparyaye
svāni svāny abhipadyante tathā karmāṇi dehinaḥ // Manu_1.30

yathā rtu-liṅgāny ṛtavaḥ svayam eva rtuparyaye svāni svāny abhipadyante tathā karmāṇi dehinaḥ //

lokānāṃ tu vivṛddhyarthaṃ mukhabāhūrupādataḥ
brāhmaṇaṃ kṣatriyaṃ vaiśyaṃ śūdraṃ ca niravartayat // Manu_1.31

lokānāṃ tu vivṛddhy-arthaṃ mukha-bāhu-ūru-pādataḥ brāhmaṇaṃ kṣatriyaṃ vaiśyaṃ śūdraṃ ca niravartayat //

dvidhā kṛtvātmano deham ardhena puruṣo 'bhavat
ardhena nārī tasyāṃ sa virājam asṛjat prabhuḥ // Manu_1.32

dvidhā kṛtvā ātmano deham ardhena puruṣo 'bhavat ardhena nārī tasyāṃ sa virājam asṛjat prabhuḥ //

tapas taptvāsṛjad yaṃ tu sa svayaṃ puruṣo virāṭ
taṃ māṃ vittāsya sarvasya sraṣṭāraṃ dvijasattamāḥ // Manu_1.33

tapas taptva āsṛjad yaṃ tu sa svayaṃ puruṣo virāṭ taṃ māṃ vitta asya sarvasya sraṣṭāraṃ dvijasattamāḥ //

ahaṃ prajāḥ sisṛkṣus tu tapas taptvā suduścaram
patīn prajānām asṛjaṃ maharṣīn ādito daśa // Manu_1.34

ahaṃ prajāḥ sisṛkṣus tu tapas taptvā su-duścaram patīn prajānām asṛjaṃ maharṣīn ādito daśa //

marīcim atryaṅgirasau pulastyaṃ pulahaṃ kratum
pracetasaṃ vasiṣṭhaṃ ca bhṛguṃ nāradam eva ca // Manu_1.35

marīcim atry-aṅgirasau pulastyaṃ pulahaṃ kratum pracetasaṃ vasiṣṭhaṃ ca bhṛguṃ nāradam eva ca //

ete manūṃs tu saptān yān asṛjan bhūritejasaḥ
devān devanikāyāṃś ca maharṣīṃś cāmitaujasaḥ // Manu_1.36

ete manūṃs tu saptān yān asṛjan bhūritejasaḥ devān devanikāyāṃś ca maharṣīṃś ca amita-ojasaḥ //

yakṣarakṣaḥpiśācāṃś ca gandharvāpsaraso 'surān
nāgān sarpān suparṇāṃś ca pitṝṇāṃś ca pṛthaggaṇam // Manu_1.37

pitṝṇāṃś ] pitṝṇāṃ (M)

yakṣa-rakṣaḥ-piśācāṃś ca gandharva-apsaraso 'surān nāgān sarpān suparṇāṃś ca pitṝṇāṃśpitṝṇāṃ ca pṛthaggaṇam //

vidyuto 'śanimeghāṃś ca rohitendradhanūṃṣi ca
ulkānirghātaketūṃś ca jyotīṃṣy uccāvacāni ca // Manu_1.38

vidyuto 'śani-meghāṃś ca rohita-indradhanūṃṣi ca ulkānirghāta-ketūṃś ca jyotīṃṣy uccāvacāni ca //

kinnarān vānarān matsyān vividhāṃś ca vihaṅgamān
paśūn mṛgān manuṣyāṃś ca vyālāṃś cobhayatodataḥ // Manu_1.39

kinnarān vānarān matsyān vividhāṃś ca vihaṅgamān paśūn mṛgān manuṣyāṃś ca vyālāṃś ca ubhayatodataḥ //

kṛmikīṭapataṅgāṃś ca yūkāmakṣikamatkuṇam
sarvaṃ ca daṃśamaśakaṃ sthāvaraṃ ca pṛthagvidham // Manu_1.40

kṛmi-kīṭa-pataṅgāṃś ca yūkā-makṣika-matkuṇam sarvaṃ ca daṃśa-maśakaṃ sthāvaraṃ ca pṛthagvidham //

evam etair idaṃ sarvaṃ manniyogān mahātmabhiḥ
yathākarma tapoyogāt sṛṣṭaṃ sthāvarajaṅgamam // Manu_1.41

evam etair idaṃ sarvaṃ man-niyogān mahātmabhiḥ yathākarma tapoyogāt sṛṣṭaṃ sthāvara-jaṅgamam //

yeṣāṃ tu yādṛṣaṃ karma bhūtānām iha kīrtitam
tat tathā vo 'bhidhāsyāmi kramayogaṃ ca janmani // Manu_1.42

yeṣāṃ tu yādṛṣaṃ karma bhūtānām iha kīrtitam tat tathā vo 'bhidhāsyāmi kramayogaṃ ca janmani //

paśavaś ca mṛgāś caiva vyālāś cobhayatodataḥ
rakṣāṃsi ca piśācāś ca manuṣyāś ca jarāyujāḥ // Manu_1.43

manuṣyāś ca ] manuṣāś ca (M)

paśavaś ca mṛgāś ca eva vyālāś ca ubhayatodataḥ rakṣāṃsi ca piśācāś ca manuṣyāś camanuṣāś ca jarāyujāḥ //

aṇḍājāḥ pakṣiṇaḥ sarpā nakrā matsyāś ca kacchapāḥ
yāni caivaM: prakārāṇi sthalajāny audakāni ca // Manu_1.44

aṇḍājāḥ pakṣiṇaḥ sarpā nakrā matsyāś ca kacchapāḥ yāni ca evaM: prakārāṇi sthalajāny audakāni ca //

svedajaṃ daṃśamaśakaṃ yūkāmakṣikamatkuṇam
ūṣmaṇaś copajāyante yac cānyat kiṃ cid īdṛṣam // Manu_1.45

svedajaṃ daṃśa-maśakaṃ yūkā-makṣika-matkuṇam ūṣmaṇaś ca upajāyante yac ca anyat kiṃ cid īdṛṣam //

udbhijjāḥ sthāvarāḥ sarve bījakāṇḍaprarohiṇaḥ
oṣadhyaḥ phalapākāntā bahupuṣpaphalopagāḥ // Manu_1.46

udbhijjāḥ sthāvarāḥ sarve bīja-kāṇḍaprarohiṇaḥ oṣadhyaḥ phalapākāntā bahu-puṣpa-phala-upagāḥ //

apuṣpāḥ phalavanto ye te vanaspatayaḥ smṛtāḥ
puṣpiṇaḥ phalinaś caiva vṛkṣās tūbhayataḥ smṛtāḥ // Manu_1.47

apuṣpāḥ phalavanto ye te vanaspatayaḥ smṛtāḥ puṣpiṇaḥ phalinaś ca eva vṛkṣās tu ubhayataḥ smṛtāḥ //

gucchagulmaṃ tu vividhaṃ tathaiva tṛṇajātayaḥ
bījakāṇḍaruhāṇy eva pratānā vallya eva ca // Manu_1.48

guccha-gulmaṃ tu vividhaṃ tatha aiva tṛṇajātayaḥ bīja-kāṇḍaruhāṇy eva pratānā vallya eva ca //

tamasā bahurūpeṇa veṣṭitāḥ karmahetunā
antaḥsaṃjñā bhavanty ete sukhaduḥkhasamanvitāḥ // Manu_1.49

tamasā bahu-rūpeṇa veṣṭitāḥ karmahetunā antaḥ-saṃjñā bhavanty ete sukha-duḥkha-samanvitāḥ //

etadantās tu gatayo brahmādyāḥ samudāhṛtāḥ
ghore 'smin bhūtasaṃsāre nityaṃ satatayāyini // Manu_1.50

etad-antās tu gatayo brahmādyāḥ samudāhṛtāḥ ghore 'smin bhūtasaṃsāre nityaṃ satatayāyini //

evaṃ sarvaṃ sa sṛṣṭvedaṃ māṃ cācintyaparākramaḥ
ātmany antardadhe bhūyaḥ kālaṃ kālena pīḍayan // Manu_1.51

evaṃ sarvaṃ sa sṛṣṭva īdaṃ māṃ ca acintya-parākramaḥ ātmany antardadhe bhūyaḥ kālaṃ kālena pīḍayan //

yadā sa devo jāgarti tad evaṃ ceṣṭate jagat
yadā svapiti śāntātmā tadā sarvaṃ nimīlati // Manu_1.52

yadā sa devo jāgarti tad evaṃ ceṣṭate jagat yadā svapiti śānta-ātmā tadā sarvaṃ nimīlati //

tasmin svapiti tu svasthe karmātmānaḥ śarīriṇaḥ
svakarmabhyo nivartante manaś ca glānim ṛcchati // Manu_1.53

svapiti ] svapati (M)

tasmin svapitisvapati tu svasthe karma-ātmānaḥ śarīriṇaḥ svakarmabhyo nivartante manaś ca glānim ṛcchati //

yugapat tu pralīyante yadā tasmin mahātmani
tadāyaṃ sarvabhūtātmā sukhaṃ svapiti nirvṛtaḥ // Manu_1.54

yugapat tu pralīyante yadā tasmin mahātmani tada āyaṃ sarvabhūtātmā sukhaṃ svapiti nirvṛtaḥ //

tamo 'yaṃ tu samāśritya ciraṃ tiṣṭhati sendriyaḥ
na ca svaṃ kurute karma tadotkrāmati mūrtitaḥ // Manu_1.55

tamo 'yaṃ tu samāśritya ciraṃ tiṣṭhati sa-indriyaḥ na ca svaṃ kurute karma tada ūtkrāmati mūrtitaḥ //

yadāṇumātriko bhūtvā bījaṃ sthāsnu cariṣṇu ca
samāviśati saṃsṛṣṭas tadā mūrtiṃ vimuñcati // Manu_1.56

yada āṇumātriko bhūtvā bījaṃ sthāsnu cariṣṇu ca samāviśati saṃsṛṣṭas tadā mūrtiṃ vimuñcati //

evaṃ sa jāgratsvapnābhyām idaṃ sarvaṃ carācaram
saṃjīvayati cājasraṃ pramāpayati cāvyayaḥ // Manu_1.57

evaṃ sa jāgrat-svapnābhyām idaṃ sarvaṃ cara-acaram saṃjīvayati ca ajasraṃ pramāpayati ca avyayaḥ //

idaṃ śāstraṃ tu kṛtvāsau mām eva svayam āditaḥ
vidhivad grāhayām āsa marīcyādīṃs tv ahaṃ munīn // Manu_1.58

idaṃ śāstraṃ tu kṛtva āsau mām eva svayam āditaḥ vidhivad grāhayām āsa marīcy-ādīṃs tv ahaṃ munīn //

etad vo 'yaṃ bhṛguḥ śāstraṃ śrāvayiṣyaty aśesataḥ
etad dhi matto 'dhijage sarvam eṣo 'khilaṃ muniḥ // Manu_1.59

etad vo 'yaṃ bhṛguḥ śāstraṃ śrāvayiṣyaty aśesataḥ etad dhi matto 'dhijage sarvam eṣo 'khilaṃ muniḥ //

tatas tathā sa tenokto maharṣimanunā bhṛguḥ
tān abravīd ṛṣīn sarvān prītātmā śrūyatām iti // Manu_1.60

tatas tathā sa tena ukto maharṣi-manunā bhṛguḥ tān abravīd ṛṣīn sarvān prītātmā śrūyatām iti //

svāyaṃbhuvasyāsya manoḥ ṣaḍvaṃśyā manavo 'pare
sṛṣṭavantaḥ prajāḥ svāḥ svā mahātmāno mahaujasaḥ // Manu_1.61

svāyaṃbhuvasya asya manoḥ ṣaḍvaṃśyā manavo 'pare sṛṣṭavantaḥ prajāḥ svāḥ svā mahātmāno mahā-ojasaḥ //

svārociṣaś cottamaś ca tāmaso raivatas tathā
cākṣuṣaś ca mahātejā vivasvatsuta eva ca // Manu_1.62

svārociṣaś ca uttamaś ca tāmaso raivatas tathā cākṣuṣaś ca mahātejā vivasvat-suta eva ca //

svāyaṃbhuvādyāḥ saptaite manavo bhūritejasaḥ
sve sve 'ntare sarvam idam utpādyāpuś carācaram // Manu_1.63

svāyaṃbhuva-ādyāḥ sapta ete manavo bhūritejasaḥ sve sve 'ntare sarvam idam utpādyā apuś cara-acaram //

nimeṣā daśa cāṣṭau ca kāṣṭhā triṃśat tu tāḥ kalā
triṃśat kalā muhūrtaḥ syād ahorātraṃ tu tāvataḥ // Manu_1.64

nimeṣā daśa ca aṣṭau ca kāṣṭhā triṃśat tu tāḥ kalā triṃśat kalā muhūrtaḥ syād ahorātraṃ tu tāvataḥ //

ahorātre vibhajate sūryo mānuṣadaivike
rātriḥ svapnāya bhūtānāṃ ceṣṭāyai karmaṇām ahaḥ // Manu_1.65

ahorātre vibhajate sūryo mānuṣa-daivike rātriḥ svapnāya bhūtānāṃ ceṣṭāyai karmaṇām ahaḥ //

pitrye rātryahanī māsaḥ pravibhāgas tu pakṣayoḥ
karmaceṣṭāsv ahaḥ kṛṣṇaḥ śuklaḥ svapnāya śarvarī // Manu_1.66

pitrye rātry-ahanī māsaḥ pravibhāgas tu pakṣayoḥ karma-ceṣṭāsv ahaḥ kṛṣṇaḥ śuklaḥ svapnāya śarvarī //

daive rātryahanī varṣaṃ pravibhāgas tayoḥ punaḥ
ahas tatrodagayanaṃ rātriḥ syād dakṣiṇāyanam // Manu_1.67

daive rātry-ahanī varṣaṃ pravibhāgas tayoḥ punaḥ ahas tatra udagayanaṃ rātriḥ syād dakṣiṇāyanam //

brāhmasya tu kṣapāhasya yat pramāṇaṃ samāsataḥ
ekaikaśo yugānāṃ tu kramaśas tan nibodhata // Manu_1.68

brāhmasya tu kṣapāhasya yat pramāṇaṃ samāsataḥ ekaikaśo yugānāṃ tu kramaśas tan nibodhata //

catvāry āhuḥ sahasrāṇi varsāṇāṃ tat kṛtaṃ yugam
tasya tāvac chatī saṃdhyā saṃdhyāṃśaś ca tathāvidhaḥ // Manu_1.69

catvāry āhuḥ sahasrāṇi varsāṇāṃ tat kṛtaṃ yugam tasya tāvac chatī saṃdhyā saṃdhyāṃśaś ca tathāvidhaḥ //

itareṣu sasaṃdhyeṣu sasaṃdhyāṃśeṣu ca triṣu
ekāpāyena vartante sahasrāṇi śatāni ca // Manu_1.70

itareṣu sa-saṃdhyeṣu sa-saṃdhyāṃśeṣu ca triṣu ekāpāyena vartante sahasrāṇi śatāni ca //

yad etat parisaṃkhyātam ādāv eva caturyugam
etad dvādaśasāhasraṃ devānāṃ yugam ucyate // Manu_1.71

yad etat parisaṃkhyātam ādāv eva caturyugam etad dvādaśasāhasraṃ devānāṃ yugam ucyate //

daivikānāṃ yugānāṃ tu sahasraṃ parisaṃkhyayā
brāhmam ekam ahar jñeyaṃ tāvatīṃ rātrim eva ca // Manu_1.72

tāvatīṃ rātrim eva ca ] tāvatī rātrir eva ca (M)

daivikānāṃ yugānāṃ tu sahasraṃ parisaṃkhyayā brāhmam ekam ahar jñeyaṃ tāvatīṃ rātrim eva catāvatī rātrir eva ca //

tad vai yugasahasrāntaṃ brāhmaṃ puṇyam ahar viduḥ
rātriṃ ca tāvatīm eva te 'horātravido janāḥ // Manu_1.73

tad vai yugasahasrāntaṃ brāhmaṃ puṇyam ahar viduḥ rātriṃ ca tāvatīm eva te 'horātravido janāḥ //

tasya so 'harniśasyānte prasuptaḥ pratibudhyate
pratibuddhaś ca sṛjati manaḥ sadasadātmakam // Manu_1.74

tasya so 'har-niśasya ante prasuptaḥ pratibudhyate pratibuddhaś ca sṛjati manaḥ sad-asad-ātmakam //

manaḥ sṛṣṭiṃ vikurute codyamānaṃ sisṛkṣayā
ākāśaṃ jāyate tasmāt tasya śabdaṃ guṇaṃ viduḥ // Manu_1.75

manaḥ sṛṣṭiṃ vikurute codyamānaṃ sisṛkṣayā ākāśaṃ jāyate tasmāt tasya śabdaṃ guṇaṃ viduḥ //

ākāśāt tu vikurvāṇāt sarvagandhavahaḥ śuciḥ
balavāñ jāyate vāyuḥ sa vai sparśaguṇo mataḥ // Manu_1.76

ākāśāt tu vikurvāṇāt sarvagandhavahaḥ śuciḥ balavāñ jāyate vāyuḥ sa vai sparśa-guṇo mataḥ //

vāyor api vikurvāṇād virociṣṇu tamonudam
jyotir utpadyate bhāsvat tad rūpaguṇam ucyate // Manu_1.77

vāyor api vikurvāṇād virociṣṇu tamonudam jyotir utpadyate bhāsvat tad rūpa-guṇam ucyate //

jyotiṣaś ca vikurvāṇād āpo rasaguṇāḥ smṛtāḥ
adbhyo gandhaguṇā bhūmir ity eṣā sṛṣṭir āditaḥ // Manu_1.78

jyotiṣaś ca vikurvāṇād āpo rasa-guṇāḥ smṛtāḥ adbhyo gandha-guṇā bhūmir ity eṣā sṛṣṭir āditaḥ //

yad prāg dvādaśasāhasram uditaṃ daivikaṃ yugam
tad ekasaptatiguṇaṃ manvantaram ihocyate // Manu_1.79

yad prāg dvādaśasāhasram uditaṃ daivikaṃ yugam tad ekasaptati-guṇaṃ manvantaram iha ucyate //

manvantarāṇy asaṃkhyāni sargaḥ saṃhāra eva ca
krīḍann ivaitat kurute parameṣṭhī punaḥ punaḥ // Manu_1.80

manvantarāṇy asaṃkhyāni sargaḥ saṃhāra eva ca krīḍann iva etat kurute parameṣṭhī punaḥ punaḥ //

catuṣpāt sakalo dharmaḥ satyaṃ caiva kṛte yuge
nādharmeṇāgamaḥ kaś cin manuṣyān prati vartate // Manu_1.81

prati vartate ] upavartate (M)

catuṣpāt sakalo dharmaḥ satyaṃ ca eva kṛte yuge na adharmeṇā agamaḥ kaś cin manuṣyān prati vartateupavartate //

itareṣv āgamād dharmaḥ pādaśas tv avaropitaḥ
caurikānṛtamāyābhir dharmaś cāpaiti pādaśaḥ // Manu_1.82

itareṣv āgamād dharmaḥ pādaśas tv avaropitaḥ caurika-anṛta-māyābhir dharmaś ca apaiti pādaśaḥ //

arogāḥ sarvasiddhārthāś caturvarṣaśatāyuṣaḥ
kṛte tretādiṣu hy eṣāṃ āyur hrasati pādaśaḥ // Manu_1.83

āyur hrasati ] vayo hrasati (M)

arogāḥ sarvasiddhārthāś caturvarṣaśata-āyuṣaḥ kṛte tretādiṣu hy eṣāṃ āyur hrasativayo hrasati pādaśaḥ //

vedoktam āyur martyānām āśiṣaś caiva karmaṇām
phalanty anuyugaṃ loke prabhāvaś ca śarīriṇām // Manu_1.84

veda-uktam āyur martyānām āśiṣaś ca eva karmaṇām phalanty anuyugaṃ loke prabhāvaś ca śarīriṇām //

anye kṛtayuge dharmās tretāyāṃ dvāpare 'pare
anye kaliyuge nṝṇāṃ yugahrāsānurūpataḥ // Manu_1.85

'pare ] pare (M)

anye kṛtayuge dharmās tretāyāṃ dvāpare 'parepare anye kaliyuge nṝṇāṃ yugahrāsānurūpataḥ //

tapaḥ paraṃ kṛtayuge tretāyāṃ jñānam ucyate
dvāpare yajñam evāhur dānam ekaṃ kalau yuge // Manu_1.86

tapaḥ paraṃ kṛtayuge tretāyāṃ jñānam ucyate dvāpare yajñam evāhur dānam ekaṃ kalau yuge //

sarvasyāsya tu sargasya guptyarthaṃ sa mahādyutiḥ
mukhabāhūrupajjānāṃ pṛthakkarmāṇy akalpayat // Manu_1.87

sarvasya asya tu sargasya gupty-arthaṃ sa mahā-dyutiḥ mukha-bāhu-ūru-pajjānāṃ pṛthakkarmāṇy akalpayat //

adhyāpanam adhyayanaṃ yajanaṃ yājanaṃ tathā
dānaṃ pratigrahaṃ caiva brāhmaṇānām akalpayat // Manu_1.88

adhyāpanam adhyayanaṃ yajanaṃ yājanaṃ tathā dānaṃ pratigrahaṃ ca eva brāhmaṇānām akalpayat //

prajānāṃ rakṣaṇaṃ dānam ijyādhyayanam eva ca
viṣayeṣv aprasaktiś ca kṣatriyasya samāsataḥ // Manu_1.89

samāsataḥ ] samādiśat (M)

prajānāṃ rakṣaṇaṃ dānam ijyā-adhyayanam eva ca viṣayeṣv aprasaktiś ca kṣatriyasya samāsataḥsamādiśat //

paśūnāṃ rakṣaṇaṃ dānam ijyādhyayanam eva ca
vaṇikpathaṃ kusīdaṃ ca vaiśyasya kṛṣim eva ca // Manu_1.90

paśūnāṃ rakṣaṇaṃ dānam ijyā-adhyayanam eva ca vaṇikpathaṃ kusīdaṃ ca vaiśyasya kṛṣim eva ca //

ekam eva tu śūdrasya prabhuḥ karma samādiśat
eteṣām eva varṇānāṃ śuśrūṣām anasūyayā // Manu_1.91

ekam eva tu śūdrasya prabhuḥ karma samādiśat eteṣām eva varṇānāṃ śuśrūṣām anasūyayā //

ūrdhvaṃ nābher medhyataraḥ puruṣaḥ parikīrtitaḥ
tasmān medhyatamaṃ tv asya mukham uktaṃ svayaṃbhuvā // Manu_1.92

ūrdhvaṃ nābher medhyataraḥ puruṣaḥ parikīrtitaḥ tasmān medhyatamaṃ tv asya mukham uktaṃ svayaṃbhuvā //

uttamāṅgodbhavāj jyeṣṭhyād brahmaṇaś caiva dhāraṇāt
sarvasyaivāsya sargasya dharmato brāhmaṇaḥ prabhuḥ // Manu_1.93

jyeṣṭhyād ] jyaiṣṭhyād (M)

uttamāṅga-udbhavāj jyeṣṭhyādjyaiṣṭhyād brahmaṇaś ca eva dhāraṇāt sarvasya eva asya sargasya dharmato brāhmaṇaḥ prabhuḥ //

taṃ hi svayaṃbhūḥ svād āsyāt tapas taptvādito 'sṛjat
havyakavyābhivāhyāya sarvasyāsya ca guptaye // Manu_1.94

taṃ hi svayaṃbhūḥ svād āsyāt tapas taptvā ādito 'sṛjat havya-kavyābhivāhyāya sarvasya asya ca guptaye //

yasyāsyena sadāśnanti havyāni tridivaukasaḥ
kavyāni caiva pitaraḥ kiṃ bhūtam adhikaṃ tataḥ // Manu_1.95

yasyā asyena sada āśnanti havyāni tridiva-okasaḥ kavyāni ca eva pitaraḥ kiṃ bhūtam adhikaṃ tataḥ //

bhūtānāṃ prāṇinaḥ śreṣṭhāḥ prāṇināṃ buddhijīvinaḥ
buddhimatsu narāḥ śreṣṭhā nareṣu brāhmaṇāḥ smṛtāḥ // Manu_1.96

bhūtānāṃ prāṇinaḥ śreṣṭhāḥ prāṇināṃ buddhijīvinaḥ buddhimatsu narāḥ śreṣṭhā nareṣu brāhmaṇāḥ smṛtāḥ //

brāhmaṇeṣu ca vidvāṃso vidvatsu kṛtabuddhayaḥ
kṛtabuddhiṣu kartāraḥ kartṛṣu brahmavedinaḥ // Manu_1.97

brāhmaṇeṣu ca vidvāṃso vidvatsu kṛta-buddhayaḥ kṛta-buddhiṣu kartāraḥ kartṛṣu brahmavedinaḥ //

utpattir eva viprasya mūrtir dharmasya śāśvatī
sa hi dharmārtham utpanno brahmabhūyāya kalpate // Manu_1.98

utpattir eva viprasya mūrtir dharmasya śāśvatī sa hi dharmārtham utpanno brahmabhūyāya kalpate //

brāhmaṇo jāyamāno hi pṛthivyām adhijāyate
īśvaraḥ sarvabhūtānāṃ dharmakośasya guptaye // Manu_1.99

brāhmaṇo jāyamāno hi pṛthivyām adhijāyate īśvaraḥ sarvabhūtānāṃ dharmakośasya guptaye //

sarvaṃ svaṃ brāhmaṇasyedaṃ yat kiṃ cij jagatīgataṃ
śraiṣṭhyenābhijanenedaṃ sarvaṃ vai brāhmaṇo 'rhati // Manu_1.100

sarvaṃ svaṃ brāhmaṇasya idaṃ yat kiṃ cij jagatīgataṃ śraiṣṭhyena abhijanena idaṃ sarvaṃ vai brāhmaṇo 'rhati //

svam eva brāhmaṇo bhuṅkte svaṃ vaste svaṃ dadāti ca
ānṛśaṃsyād brāhmaṇasya bhuñjate hītare janāḥ // Manu_1.101

svam eva brāhmaṇo bhuṅkte svaṃ vaste svaṃ dadāti ca ānṛśaṃsyād brāhmaṇasya bhuñjate hi itare janāḥ //

tasya karmavivekārthaṃ śeṣāṇām anupūrvaśaḥ
svāyaṃbhuvo manur dhīmān idaṃ śāstram akalpayat // Manu_1.102

tasya karmaviveka-arthaṃ śeṣāṇām anupūrvaśaḥ svāyaṃbhuvo manur dhīmān idaṃ śāstram akalpayat //

viduṣā brāhmaṇenedam adhyetavyaṃ prayatnataḥ
śiśyebhyaś ca pravaktavyaṃ samyaṅ nānyena kena cit // Manu_1.103

viduṣā brāhmaṇena idam adhyetavyaṃ prayatnataḥ śiśyebhyaś ca pravaktavyaṃ samyaṅ na anyena kena cit //

idaṃ śāstram adhīyāno brāhmaṇaḥ śaṃsitavrataḥ
manovāggehajair nityaṃ karmadoṣair na lipyate // Manu_1.104

idaṃ śāstram adhīyāno brāhmaṇaḥ śaṃsita-vrataḥ mano-vāg-gehajair nityaṃ karmadoṣair na lipyate //

punāti paṅktiṃ vaṃśyāṃś ca saptasapta parāvarān
pṛthivīm api caivemāṃ kṛtsnām eko 'pi so 'rhati // Manu_1.105

punāti paṅktiṃ vaṃśyāṃś ca sapta-sapta para-avarān pṛthivīm api ca eva imāṃ kṛtsnām eko 'pi so 'rhati //

idaṃ svastyayanaṃ śreṣṭham idaṃ buddhivivardhanam
idaṃ yaśasyam āyuṣyam idaṃ niḥśreyasaṃ param // Manu_1.106

idaṃ yaśasyam āyuṣyam idaṃ ] idaṃ yaśasyaṃ satatam (M)

idaṃ svastyayanaṃ śreṣṭham idaṃ buddhivivardhanam idaṃ yaśasyam āyuṣyam idaṃidaṃ yaśasyaṃ satatam niḥśreyasaṃ param //

asmin dharmo 'khilenokto guṇadoṣau ca karmaṇām
caturṇām api varṇānām ācāraś caiva śāśvataḥ // Manu_1.107

asmin dharmo 'khilena ukto guṇa-doṣau ca karmaṇām caturṇām api varṇānām ācāraś ca eva śāśvataḥ //

ācāraḥ paramo dharmaḥ śrutyuktaḥ smārta eva ca
tasmād asmin sadā yukto nityaṃ syād ātmavān dvijaḥ // Manu_1.108

ācāraḥ paramo dharmaḥ śruty-uktaḥ smārta eva ca tasmād asmin sadā yukto nityaṃ syād ātmavān dvijaḥ //

ācārād vicyuto vipro na vedaphalam aśnute
ācāreṇa tu saṃyuktaḥ sampūrṇaphalabhāj bhavet // Manu_1.109

sampūrṇaphalabhāj bhavet ] saṃpūrṇaphalabhāk smṛtaḥ (M)

ācārād vicyuto vipro na vedaphalam aśnute ācāreṇa tu saṃyuktaḥ sampūrṇaphalabhāj bhavetsaṃpūrṇaphalabhāk smṛtaḥ //

evam ācārato dṛṣṭvā dharmasya munayo gatiṃ
sarvasya tapaso mūlam ācāraṃ jagṛhuḥ param // Manu_1.110

evam ācārato dṛṣṭvā dharmasya munayo gatiṃ sarvasya tapaso mūlam ācāraṃ jagṛhuḥ param //

jagataś ca samutpattiṃ saṃskāravidhim eva ca
vratacaryopacāraṃ ca snānasya ca paraṃ vidhim // Manu_1.111

jagataś ca samutpattiṃ saṃskāravidhim eva ca vratacaryā-upacāraṃ ca snānasya ca paraṃ vidhim //

dārādhigamanaṃ caiva vivāhānāṃ ca lakṣaṇam
mahāyajñavidhānaṃ ca śrāddhakalpaṃ ca śāśvatam // Manu_1.112

dārādhigamanaṃ ca eva vivāhānāṃ ca lakṣaṇam mahāyajñavidhānaṃ ca śrāddhakalpaṃ ca śāśvatam //

vṛttīnāṃ lakṣaṇaṃ caiva snātakasya vratāni ca
bhakṣyābhakṣyaṃ ca śaucaṃ ca dravyāṇāṃ śuddhim eva ca // Manu_1.113

vṛttīnāṃ lakṣaṇaṃ ca eva snātakasya vratāni ca bhakṣya-abhakṣyaṃ ca śaucaṃ ca dravyāṇāṃ śuddhim eva ca //

strīdharmayogaṃ tāpasyaṃ mokṣaṃ saṃnyāsam eva ca
rājñaś ca dharmam akhilaṃ kāryāṇāṃ ca vinirṇayam // Manu_1.114

strīdharma-yogaṃ tāpasyaṃ mokṣaṃ saṃnyāsam eva ca rājñaś ca dharmam akhilaṃ kāryāṇāṃ ca vinirṇayam //

sākṣipraśnavidhānaṃ ca dharmaṃ strīpuṃsayor api
vibhāgadharmaṃ dyūtaṃ ca kaṇṭakānāṃ ca śodhanam // Manu_1.115

sākṣipraśna-vidhānaṃ ca dharmaṃ strī-puṃsayor api vibhāgadharmaṃ dyūtaṃ ca kaṇṭakānāṃ ca śodhanam //

vaiśyaśūdropacāraṃ ca saṃkīrṇānāṃ ca saṃbhavam
āpaddharmaṃ ca varṇānāṃ prāyaścittavidhiṃ tathā // Manu_1.116

vaiśya-śūdra-upacāraṃ ca saṃkīrṇānāṃ ca saṃbhavam āpad-dharmaṃ ca varṇānāṃ prāyaścitta-vidhiṃ tathā //

saṃsāragamanaṃ caiva trividhaṃ karmasaṃbhavam
niḥśreyasaṃ karmaṇāṃ ca guṇadoṣaparīkṣaṇam // Manu_1.117

saṃsāragamanaṃ ca eva trividhaṃ karma-saṃbhavam niḥśreyasaṃ karmaṇāṃ ca guṇa-doṣaparīkṣaṇam //

deśadharmāñ jātidharmān kuladharmāṃś ca śāśvatān
pāṣaṇḍagaṇadharmāṃś ca śāstre 'sminn uktavān manuḥ // Manu_1.118

deśadharmāñ jātidharmān kuladharmāṃś ca śāśvatān pāṣaṇḍa-gaṇadharmāṃś ca śāstre 'sminn uktavān manuḥ //

yathedam uktavāñ śāstraṃ purā pṛṣṭo manur mayā
tathedaṃ yūyam apy adya matsakāśān nibodhata // Manu_1.119

yatha īdam uktavāñ śāstraṃ purā pṛṣṭo manur mayā tatha īdaṃ yūyam apy adya mat-sakāśān nibodhata //

vidvadbhiḥ sevitaḥ sadbhir nityam adveṣarāgibhiḥ
hṛdayenābhyanujñāto yo dharmas taṃ nibodhata // Manu_2.1

vidvadbhiḥ sevitaḥ sadbhir nityam adveṣa-rāgibhiḥ hṛdayena abhyanujñāto yo dharmas taṃ nibodhata //

kāmātmatā na praśastā na caivehāsty akāmatā
kāmyo hi vedādhigamaḥ karmayogaś ca vaidikaḥ // Manu_2.2

kāmātmatā na praśastā na ca eva iha asty akāmatā kāmyo hi vedādhigamaḥ karmayogaś ca vaidikaḥ //

saṃkalpamūlaḥ kāmo vai yajñāḥ saṃkalpasaṃbhavāḥ
vratāni yamadharmāś ca sarve saṃkalpajāḥ smṛtāḥ // Manu_2.3

saṃkalpa-mūlaḥ kāmo vai yajñāḥ saṃkalpa-saṃbhavāḥ vratāni yamadharmāś ca sarve saṃkalpajāḥ smṛtāḥ //

akāmasya kriyā kā cid dṛśyate neha karhi cit
yad yad dhi kurute kiṃ cit tat tat kāmasya ceṣṭitam // Manu_2.4

akāmasya kriyā kā cid dṛśyate na iha karhi cit yad yad dhi kurute kiṃ cit tat tat kāmasya ceṣṭitam //

teṣu samyag vartamāno gacchaty amaralokatām
yathā saṃkalpitāṃś ceha sarvān kāmān samaśnute // Manu_2.5

teṣu samyag vartamāno gacchaty amaralokatām yathā saṃkalpitāṃś ca iha sarvān kāmān samaśnute //

vedo 'khilo dharmamūlaṃ smṛtiśīle ca tadvidām
ācāraś caiva sādhūnām ātmanas tuṣṭir eva ca // Manu_2.6

vedo 'khilo dharmamūlaṃ smṛti-śīle ca tadvidām ācāraś ca eva sādhūnām ātmanas tuṣṭir eva ca //

yaḥ kaś cit kasya cid dharmo manunā parikīrtitaḥ
sa sarvo 'bhihito vede sarvajñānamayo hi saḥ // Manu_2.7

yaḥ kaś cit kasya cid dharmo manunā parikīrtitaḥ sa sarvo 'bhihito vede sarvajñānamayo hi saḥ //

sarvaṃ tu samavekṣyedaṃ nikhilaṃ jñānacakṣuṣā
śrutiprāmāṇyato vidvān svadharme niviśeta vai // Manu_2.8

sarvaṃ tu samavekṣya idaṃ nikhilaṃ jñānacakṣuṣā śrutiprāmāṇyato vidvān svadharme niviśeta vai //

śrutismṛtyuditaṃ dharmam anutiṣṭhan hi mānavaḥ
iha kīrtim avāpnoti pretya cānuttamaṃ sukham // Manu_2.9

śruti-smṛty-uditaṃ dharmam anutiṣṭhan hi mānavaḥ iha kīrtim avāpnoti pretya ca anuttamaṃ sukham //

śrutis tu vedo vijñeyo dharmaśāstraṃ tu vai smṛtiḥ
te sarvārtheṣv amīmāṃsye tābhyāṃ dharmo hi nirbabhau // Manu_2.10

śrutis tu vedo vijñeyo dharmaśāstraṃ tu vai smṛtiḥ te sarvārtheṣv amīmāṃsye tābhyāṃ dharmo hi nirbabhau //

yo 'vamanyeta te mūle hetuśāstrāśrayād dvijaḥ
sa sādhubhir bahiṣkāryo nāstiko vedanindakaḥ // Manu_2.11

yo 'vamanyeta te mūle hetuśāstrāśrayād dvijaḥ sa sādhubhir bahiṣkāryo nāstiko vedanindakaḥ //

vedaḥ smṛtiḥ sadācāraḥ svasya ca priyam ātmanaḥ
etac caturvidhaṃ prāhuḥ sākṣād dharmasya lakṣaṇam // Manu_2.12

vedaḥ smṛtiḥ sadācāraḥ svasya ca priyam ātmanaḥ etac caturvidhaṃ prāhuḥ sākṣād dharmasya lakṣaṇam //

arthakāmeṣv asaktānāṃ dharmajñānaṃ vidhīyate
dharmaṃ jijñāsamānānāṃ pramāṇaṃ paramaṃ śrutiḥ // Manu_2.13

artha-kāmeṣv asaktānāṃ dharmajñānaṃ vidhīyate dharmaṃ jijñāsamānānāṃ pramāṇaṃ paramaṃ śrutiḥ //

śrutidvaidhaṃ tu yatra syāt tatra dharmāv ubhau smṛtau
ubhāv api hi tau dharmau samyag uktau manīṣibhiḥ // Manu_2.14

śrutidvaidhaṃ tu yatra syāt tatra dharmāv ubhau smṛtau ubhāv api hi tau dharmau samyag uktau manīṣibhiḥ //

udite 'nudite caiva samayādhyuṣite tathā
sarvathā vartate yajña itīyaṃ vaidikī śrutiḥ // Manu_2.15

udite 'nudite ca eva samayādhyuṣite tathā sarvathā vartate yajña iti iyaṃ vaidikī śrutiḥ //

niṣekādiśmaśānānto mantrair yasyodito vidhiḥ
tasya śāstre 'dhikāro 'smiñ jñeyo nānyasya kasya cit // Manu_2.16

niṣeka-ādi-śmaśāna-anto mantrair yasya udito vidhiḥ tasya śāstre 'dhikāro 'smiñ jñeyo na anyasya kasya cit //

sarasvatīdṛśadvatyor devanadyor yad antaram
taṃ devanirmitaṃ deśaṃ brahmāvartaṃ pracakṣate // Manu_2.17

sarasvatī-dṛśadvatyor devanadyor yad antaram taṃ devanirmitaṃ deśaṃ brahmāvartaṃ pracakṣate //

tasmin deśe ya ācāraḥ pāramparyakramāgataḥ
varṇānāṃ sāntarālānāṃ sa sadācāra ucyate // Manu_2.18

tasmin deśe ya ācāraḥ pāramparyakramāgataḥ varṇānāṃ sa-antarālānāṃ sa sadācāra ucyate //

kurukṣetraṃ ca matsyāś ca pañcālāḥ śūrasenakāḥ
eṣa brahmarṣideśo vai brahmāvartād anantaraḥ // Manu_2.19

kurukṣetraṃ ca matsyāś ca pañcālāḥ śūrasenakāḥ eṣa brahmarṣideśo vai brahmāvartād anantaraḥ //

etad deśaprasūtasya sakāśād agrajanmanaḥ
svaṃ svaṃ caritraṃ śikṣeran pṛthivyāṃ sarvamānavāḥ // Manu_2.20

etad deśaprasūtasya sakāśād agrajanmanaḥ svaṃ svaṃ caritraṃ śikṣeran pṛthivyāṃ sarvamānavāḥ //

himavadvindhyayor madhyaṃ yat prāg vinaśanād api
pratyag eva prayāgāc ca madhyadeśaḥ prakīrtitaḥ // Manu_2.21

himavad-vindhyayor madhyaṃ yat prāg vinaśanād api pratyag eva prayāgāc ca madhyadeśaḥ prakīrtitaḥ //

ā samudrāt tu vai pūrvād ā samudrāc ca paścimāt
tayor evāntaraṃ giryor āryāvartaṃ vidur budhāḥ // Manu_2.22

ā samudrāt tu vai pūrvād ā samudrāc ca paścimāt tayor eva antaraṃ giryor āryāvartaṃ vidur budhāḥ //

kṛṣṇasāras tu carati mṛgo yatra svabhāvataḥ
sa jñeyo yajñiyo deśo mlecchadeśas tv ataḥ paraḥ // Manu_2.23

kṛṣṇasāras tu carati mṛgo yatra svabhāvataḥ sa jñeyo yajñiyo deśo mlecchadeśas tv ataḥ paraḥ //

etāṇ dvijātayo deśān saṃśrayeran prayatnataḥ
śūdras tu yasmin kasmin vā nivased vṛttikarśitaḥ // Manu_2.24

yasmin kasmin vā ] yasmiṃs tasmin vā (M)

etāṇ dvijātayo deśān saṃśrayeran prayatnataḥ śūdras tu yasmin kasmin vāyasmiṃs tasmin vā nivased vṛttikarśitaḥ //

eṣā dharmasya vo yoniḥ samāsena prakīrtitā
saṃbhavaś cāsya sarvasya varṇadharmān nibodhata // Manu_2.25

eṣā dharmasya vo yoniḥ samāsena prakīrtitā saṃbhavaś ca asya sarvasya varṇadharmān nibodhata //

vaidikaiḥ karmabhiḥ puṇyair niṣekādir dvijanmanām
kāryaḥ śarīrasaṃskāraḥ pāvanaḥ pretya ceha ca // Manu_2.26

vaidikaiḥ karmabhiḥ puṇyair niṣekādir dvijanmanām kāryaḥ śarīrasaṃskāraḥ pāvanaḥ pretya ca iha ca //

gārbhair homair jātakarmacauḍamauñjīnibandhanaiḥ
baijikaṃ gārbhikaṃ caino dvijānām apamṛjyate // Manu_2.27

gārbhair homair jātakarmacauḍa-mauñjī-nibandhanaiḥ baijikaṃ gārbhikaṃ ca eno dvijānām apamṛjyate //

svādhyāyena vratair homais traividyenejyayā sutaiḥ
mahāyajñaiś ca yajñaiś ca brāhmīyaṃ kriyate tanuḥ // Manu_2.28

svādhyāyena vratair homais traividyena ijyayā sutaiḥ mahāyajñaiś ca yajñaiś ca brāhmi īyaṃ kriyate tanuḥ //

prāṅ nābhivardhanāt puṃso jātakarma vidhīyate
mantravat prāśanaṃ cāsya hiraṇyamadhusarpiṣām // Manu_2.29

prāṅ nābhivardhanāt puṃso jātakarma vidhīyate mantravat prāśanaṃ ca asya hiraṇya-madhu-sarpiṣām //

nāmadheyaṃ daśamyāṃ tu dvādaśyāṃ vāsya kārayet
puṇye tithau muhūrte vā nakṣatre vā guṇānvite // Manu_2.30

nāmadheyaṃ daśamyāṃ tu dvādaśyāṃ va āsya kārayet puṇye tithau muhūrte vā nakṣatre vā guṇānvite //

maṅgalyaṃ brāhmaṇasya syāt kṣatriyasya balānvitam
vaiśyasya dhanasaṃyuktaṃ śūdrasya tu jugupsitam // Manu_2.31

maṅgalyaṃ brāhmaṇasya syāt kṣatriyasya balānvitam vaiśyasya dhanasaṃyuktaṃ śūdrasya tu jugupsitam //

śarmavad brāhmaṇasya syād rājño rakṣāsamanvitam
vaiśyasya puṣṭisaṃyuktaṃ śūdrasya preṣyasaṃyutam // Manu_2.32

rājño ] rājñā? (M)

śarmavad brāhmaṇasya syād rājñorājñā? rakṣāsamanvitam vaiśyasya puṣṭi-saṃyuktaṃ śūdrasya preṣyasaṃyutam //

strīṇāṃ sukhodyam akrūraṃ vispaṣṭārthaṃ manoharam
maṅgalyaṃ dīrghavarṇāntam āśīrvādābhidhānavat // Manu_2.33

strīṇāṃ sukha-udyam akrūraṃ vispaṣṭa-arthaṃ manoharam maṅgalyaṃ dīrghavarṇa-antam āśīrvāda-abhidhānavat //

caturthe māsi kartavyaṃ śiśor niṣkramaṇaṃ gṛhāt
ṣaṣṭhe 'nnaprāśanaṃ māsi yad veṣṭaṃ maṅgalaṃ kule // Manu_2.34

caturthe māsi kartavyaṃ śiśor niṣkramaṇaṃ gṛhāt ṣaṣṭhe 'nnaprāśanaṃ māsi yad va īṣṭaṃ maṅgalaṃ kule //

cūḍākarma dvijātīnāṃ sarveṣām eva dharmataḥ
prathame 'bde tṛtīye vā kartavyaṃ śruticodanāt // Manu_2.35

śruticodanāt ] śrutinodanāt (M)

cūḍākarma dvijātīnāṃ sarveṣām eva dharmataḥ prathame 'bde tṛtīye vā kartavyaṃ śruticodanātśrutinodanāt //

garbhāṣṭame 'bde kurvīta brāhmaṇasyopanāyanam
garbhād ekādaśe rājño garbhāt tu dvādaśe viśaḥ // Manu_2.36

garbhāṣṭame 'bde kurvīta brāhmaṇasya upanāyanam garbhād ekādaśe rājño garbhāt tu dvādaśe viśaḥ //

brahmavarcasakāmasya kāryo viprasya pañcame
rājño balārthinaḥ ṣaṣṭhe vaiśyasyehārthino 'ṣṭame // Manu_2.37

brahmavarcasa-kāmasya kāryo viprasya pañcame rājño bala-arthinaḥ ṣaṣṭhe vaiśyasya iha arthino 'ṣṭame //

ā ṣodaśād brāhmaṇasya sāvitrī nātivartate
ā dvāviṃśāt kṣatrabandhor ā caturviṃśater viśaḥ // Manu_2.38

ā ṣodaśād brāhmaṇasya sāvitrī na ativartate ā dvāviṃśāt kṣatrabandhor ā caturviṃśater viśaḥ //

ata ūrdhvaṃ trayo 'py ete yathākālam asaṃskṛtāḥ
sāvitrīpatitā vrātyā bhavanty āryavigarhitāḥ // Manu_2.39

ata ūrdhvaṃ trayo 'py ete yathākālam asaṃskṛtāḥ sāvitrīpatitā vrātyā bhavanty āryavigarhitāḥ //

naitair apūtair vidhivad āpady api hi karhi cit
brāhmān yaunāṃś ca saṃbandhān nācared brāhmaṇaḥ saha // Manu_2.40

brāhmaṇaḥ saha ] brāhmaṇaiḥ saha (M)

na etair apūtair vidhivad āpady api hi karhi cit brāhmān yaunāṃś ca saṃbandhān nā acared brāhmaṇaḥ sahabrāhmaṇaiḥ saha //

kārṣṇarauravabāstāni carmāṇi brahmacāriṇaḥ
vasīrann ānupūrvyeṇa śāṇakṣaumāvikāni ca // Manu_2.41

kārṣṇa-raurava-bāstāni carmāṇi brahmacāriṇaḥ vasīrann ānupūrvyeṇa śāṇa-kṣauma-āvikāni ca //

mauñjī trivṛt samā ślakṣṇā kāryā viprasya mekhalā
kṣatriyasya tu maurvī jyā vaiśyasya śaṇatāntavī // Manu_2.42

mauñjī trivṛt samā ślakṣṇā kāryā viprasya mekhalā kṣatriyasya tu maurvī jyā vaiśyasya śaṇatāntavī //

muñjālābhe tu kartavyāḥ kuśāśmantakabalvajaiḥ
trivṛtā granthinaikena tribhiḥ pañcabhir eva vā // Manu_2.43

muñjālābhe tu kartavyāḥ kuśa-aśmantaka-balvajaiḥ trivṛtā granthina aikena tribhiḥ pañcabhir eva vā //

kārpāsam upavītaṃ syād viprasyordhvavṛtaṃ trivṛt
śaṇasūtramayaṃ rājño vaiśyasyāvikasautrikam // Manu_2.44

kārpāsam upavītaṃ syād viprasyā urdhvavṛtaṃ trivṛt śaṇa-sūtramayaṃ rājño vaiśyasyā avikasautrikam //

brāhmaṇo bailvapālāśau kṣatriyo vāṭakhādirau
pailavāudumbarau vaiśyo daṇḍān arhanti dharmataḥ // Manu_2.45

brāhmaṇo bailva-pālāśau kṣatriyo vāṭa-khādirau pailava-audumbarau vaiśyo daṇḍān arhanti dharmataḥ //

keśāntiko brāhmaṇasya daṇḍaḥ kāryaḥ pramāṇataḥ
lalāṭasammito rājñaḥ syāt tu nāsāntiko viśaḥ // Manu_2.46

keśāntiko brāhmaṇasya daṇḍaḥ kāryaḥ pramāṇataḥ lalāṭasammito rājñaḥ syāt tu nāsāntiko viśaḥ //

ṛjavas te tu sarve syur avraṇāḥ saumyadarśanāḥ
anudvegakarā nṝṇāṃ satvaco 'nagnidūṣitāḥ // Manu_2.47

ṛjavas te tu sarve syur avraṇāḥ saumya-darśanāḥ anudvegakarā nṝṇāṃ sa-tvaco 'nagnidūṣitāḥ //

pratigṛhyepsitaṃ daṇḍam upasthāya ca bhāskaram
pradakṣiṇaṃ parītyāgniṃ cared bhaikṣaṃ yathāvidhi // Manu_2.48

pratigṛhyā ipsitaṃ daṇḍam upasthāya ca bhāskaram pradakṣiṇaṃ parītya agniṃ cared bhaikṣaṃ yathāvidhi //

bhavatpūrvaṃ cared bhaikṣam upanīto dvijottamaḥ
bhavanmadhyaṃ tu rājanyo vaiśyas tu bhavaduttaram // Manu_2.49

bhavat-pūrvaṃ cared bhaikṣam upanīto dvijottamaḥ bhavan-madhyaṃ tu rājanyo vaiśyas tu bhavad-uttaram //

mātaraṃ vā svasāraṃ vā mātur vā bhaginīṃ nijām
bhikṣeta bhikṣāṃ prathamaṃ yā cainaṃ nāvamānayet // Manu_2.50

mātaraṃ vā svasāraṃ vā mātur vā bhaginīṃ nijām bhikṣeta bhikṣāṃ prathamaṃ yā ca enaṃ na avamānayet //

samāhṛtya tu tad bhaikṣaṃ yāvadannam amāyayā
nivedya gurave 'śnīyād ācamya prāṅmukhaḥ śuciḥ // Manu_2.51

yāvadannam ] yāvadartham (M)

samāhṛtya tu tad bhaikṣaṃ yāvadannamyāvadartham amāyayā nivedya gurave 'śnīyād ācamya prāṅmukhaḥ śuciḥ //

āyuṣyaṃ prāṅmukho bhuṅkte yaśasyaṃ dakṣiṇāmukhaḥ
śriyaṃ pratyaṅmukho bhuṅkte ṛtaṃ bhuṅkte hy udaṅmukhaḥ // Manu_2.52

āyuṣyaṃ prāṅ-mukho bhuṅkte yaśasyaṃ dakṣiṇā-mukhaḥ śriyaṃ pratyaṅ-mukho bhuṅkte ṛtaṃ bhuṅkte hy udaṅ-mukhaḥ //

upaspṛśya dvijo nityam annam adyāt samāhitaḥ
bhuktvā copaspṛśet samyag adbhiḥ khāni ca saṃspṛśet // Manu_2.53

upaspṛśya dvijo nityam annam adyāt samāhitaḥ bhuktvā ca upaspṛśet samyag adbhiḥ khāni ca saṃspṛśet //

pūjayed aśanaṃ nityam adyāc caitad akutsayan
dṛṣṭvā hṛṣyet prasīdec ca pratinandec ca sarvaśaḥ // Manu_2.54

pūjayed aśanaṃ nityam adyāc ca etad akutsayan dṛṣṭvā hṛṣyet prasīdec ca pratinandec ca sarvaśaḥ //

pūjitaṃ hy aśanaṃ nityaṃ balam ūrjaṃ ca yacchati
apūjitaṃ tu tad bhuktam ubhayaṃ nāśayed idam // Manu_2.55

pūjitaṃ hy aśanaṃ nityaṃ balam ūrjaṃ ca yacchati apūjitaṃ tu tad bhuktam ubhayaṃ nāśayed idam //

nocchiṣṭaṃ kasya cid dadyān nādyād etat tathāntarā
na caivātyaśanaṃ kuryān na cocchiṣṭaḥ kva cid vrajet // Manu_2.56

na ucchiṣṭaṃ kasya cid dadyān na adyād etat tatha āntarā na ca eva atyaśanaṃ kuryān na ca ucchiṣṭaḥ kva cid vrajet //

anārogyam anāyuṣyam asvargyaṃ cātibhojanam
apuṇyaṃ lokavidviṣṭaṃ tasmāt tat parivarjayet // Manu_2.57

anārogyam anāyuṣyam asvargyaṃ ca atibhojanam apuṇyaṃ lokavidviṣṭaṃ tasmāt tat parivarjayet //

brāhmeṇa vipras tīrthena nityakālam upaspṛśet
kāyatraidaśikābhyāṃ vā na pitryeṇa kadā cana // Manu_2.58

brāhmeṇa vipras tīrthena nityakālam upaspṛśet kāya-traidaśikābhyāṃ vā na pitryeṇa kadā cana //

aṅguṣṭhamūlasya tale brāhmaṃ tīrthaṃ pracakṣate
kāyam aṅgulimūle 'gre devaṃ pitryaṃ tayor adhaḥ // Manu_2.59

aṅguṣṭhamūlasya tale brāhmaṃ tīrthaṃ pracakṣate kāyam aṅgulimūle 'gre devaṃ pitryaṃ tayor adhaḥ //

trir ācāmed apaḥ pūrvaṃ dviḥ pramṛjyāt tato mukham
khāni caiva spṛśed adbhir ātmānaṃ śira eva ca // Manu_2.60

trir ācāmed apaḥ pūrvaṃ dviḥ pramṛjyāt tato mukham khāni ca eva spṛśed adbhir ātmānaṃ śira eva ca //

anuṣṇābhir aphenābhir adbhis tīrthena dharmavit
śaucepsuḥ sarvadācāmed ekānte prāgudaṅmukhaḥ // Manu_2.61

anuṣṇābhir aphenābhir adbhis tīrthena dharmavit śauca-īpsuḥ sarvadā ācāmed ekānte prāg-udaṅ-mukhaḥ //

hṛdgābhiḥ pūyate vipraḥ kaṇṭhagābhis tu bhūmipaḥ
vaiśyo 'dbhiḥ prāśitābhis tu śūdraḥ spṛṣṭābhir antataḥ // Manu_2.62

hṛdgābhiḥ pūyate vipraḥ kaṇṭhagābhis tu bhūmipaḥ vaiśyo 'dbhiḥ prāśitābhis tu śūdraḥ spṛṣṭābhir antataḥ //

uddhṛte dakṣine pāṇāv upavīty ucyate dvijaḥ
savye prācīnāvītī nivītī kaṇṭhasajjane // Manu_2.63

uddhṛte dakṣine pāṇāv upavīty ucyate dvijaḥ savye prācīnāvītī nivītī kaṇṭhasajjane //

mekhalām ajinaṃ daṇḍam upavītaṃ kamaṇḍalum
apsu prāsya vinaṣṭāni gṛhṇītānyāni mantravat // Manu_2.64

mekhalām ajinaṃ daṇḍam upavītaṃ kamaṇḍalum apsu prāsya vinaṣṭāni gṛhṇīta anyāni mantravat //

keśāntaḥ ṣoḍaśe varṣe brāhmaṇasya vidhīyate
rājanyabandhor dvāviṃśe vaiśyasya dvyadhike mataḥ // Manu_2.65

keśāntaḥ ṣoḍaśe varṣe brāhmaṇasya vidhīyate rājanyabandhor dvāviṃśe vaiśyasya dvyadhike mataḥ //

amantrikā tu kāryeyaṃ strīṇām āvṛd aśeṣataḥ
saṃskārārthaṃ śarīrasya yathākālaṃ yathākramam // Manu_2.66

amantrikā tu kārya īyaṃ strīṇām āvṛd aśeṣataḥ saṃskārārthaṃ śarīrasya yathākālaṃ yathākramam //

vaivāhiko vidhiḥ strīṇāṃ saṃskāro vaidikaḥ smṛtaḥ
patisevā gurau vāso gṛhārtho 'gniparikriyā // Manu_2.67

vaivāhiko vidhiḥ strīṇāṃ saṃskāro vaidikaḥ smṛtaḥ patisevā gurau vāso gṛhārtho 'gni-parikriyā //

eṣa prokto dvijātīnām aupanāyaniko vidhiḥ
utpattivyañjakaḥ puṇyaḥ karmayogaṃ nibodhata // Manu_2.68

eṣa prokto dvijātīnām aupanāyaniko vidhiḥ utpatti-vyañjakaḥ puṇyaḥ karmayogaṃ nibodhata //

upanīya guruḥ śiṣyaṃ śikṣayec chaucam āditaḥ
ācāram agnikāryaṃ ca saṃdhyopāsanam eva ca // Manu_2.69

upanīya guruḥ śiṣyaṃ śikṣayec chaucam āditaḥ ācāram agnikāryaṃ ca saṃdhyā-upāsanam eva ca //

adhyeṣyamāṇas tv ācānto yathāśāstram udaṅmukhaḥ
brahmāñjalikṛto 'dhyāpyo laghuvāsā jitendriyaḥ // Manu_2.70

adhyeṣyamāṇas tv ācānto yathāśāstram udaṅ-mukhaḥ brahmāñjali-kṛto 'dhyāpyo laghu-vāsā jita-indriyaḥ //

brahmārambhe 'vasāne ca pādau grāhyau guroḥ sadā
saṃhatya hastāv adhyeyaṃ sa hi brahmāñjaliḥ smṛtaḥ // Manu_2.71

brahmārambhe 'vasāne ca pādau grāhyau guroḥ sadā saṃhatya hastāv adhyeyaṃ sa hi brahmāñjaliḥ smṛtaḥ //

vyatyastapāṇinā kāryam upasaṃgrahaṇaṃ guroḥ
savyena savyaḥ spraṣṭavyo dakṣiṇena ca dakṣiṇaḥ // Manu_2.72

vyatyasta-pāṇinā kāryam upasaṃgrahaṇaṃ guroḥ savyena savyaḥ spraṣṭavyo dakṣiṇena ca dakṣiṇaḥ //

adhyeṣyamāṇaṃ tu gurur nityakālam atandritaḥ
adhīṣva bho iti brūyād virāmo 'stv iti cāramet // Manu_2.73

adhyeṣyamāṇaṃ tu gurur nityakālam atandritaḥ adhīṣva bho iti brūyād virāmo 'stv iti cā aramet //

brahmanaḥ praṇavaṃ kuryād ādāv ante ca sarvadā
sravaty anoṃkṛtaṃ pūrvaṃ parastāc ca viśīryati // Manu_2.74

brahmanaḥ praṇavaṃ kuryād ādāv ante ca sarvadā sravaty anoṃkṛtaṃ pūrvaṃ parastāc ca viśīryati //

prākkūlān paryupāsīnaḥ pavitraiś caiva pāvitaḥ
prāṇāyāmais tribhiḥ pūtas tata oṃkāram arhati // Manu_2.75

prāk-kūlān paryupāsīnaḥ pavitraiś ca eva pāvitaḥ prāṇāyāmais tribhiḥ pūtas tata oṃ-kāram arhati //

akāraṃ cāpy ukāraṃ ca makāraṃ ca prajāpatiḥ
vedatrayān niraduhad bhūr bhuvaḥ svar itīti ca // Manu_2.76

akāraṃ ca apy u-kāraṃ ca ma-kāraṃ ca prajāpatiḥ vedatrayān niraduhad bhūr bhuvaḥ svar iti iti ca //

tribhya eva tu vedebhyaḥ pādaṃ pādam adūduhat
tad ity ṛco 'syāḥ sāvitryāḥ parameṣṭhī prajāpatiḥ // Manu_2.77

tribhya eva tu vedebhyaḥ pādaṃ pādam adūduhat tad ity ṛco 'syāḥ sāvitryāḥ parameṣṭhī prajāpatiḥ //

etad akṣaram etāṃ ca japan vyāhṛtipūrvikām
saṃdhyayor vedavid vipro vedapuṇyena yujyate // Manu_2.78

etad akṣaram etāṃ ca japan vyāhṛti-pūrvikām saṃdhyayor vedavid vipro vedapuṇyena yujyate //

sahasrakṛtvas tv abhyasya bahir etat trikaṃ dvijaḥ
mahato 'py enaso māsāt tvacevāhir vimucyate // Manu_2.79

sahasrakṛtvas tv abhyasya bahir etat trikaṃ dvijaḥ mahato 'py enaso māsāt tvaca īva ahir vimucyate //

etayā rcā visaṃyuktaḥ kāle ca kriyayā svayā
brahmakṣatriyaviśyonir garhaṇāṃ yāti sādhuṣu // Manu_2.80

etayā rcā visaṃyuktaḥ kāle ca kriyayā svayā brahma-kṣatriya-viś-yonir garhaṇāṃ yāti sādhuṣu //

oṃkārapūrvikās tisro mahāvyāhṛtayo 'vyayāḥ
tripadā caiva sāvitrī vijñeyaṃ brahmaṇo mukham // Manu_2.81

oṃ-kāra-pūrvikās tisro mahāvyāhṛtayo 'vyayāḥ tri-padā ca eva sāvitrī vijñeyaṃ brahmaṇo mukham //

yo 'dhīte 'hany ahany etāṃ trīṇi varṣāṇy atandritaḥ
sa brahma param abhyeti vāyubhūtaḥ khamūrtimān // Manu_2.82

yo 'dhīte 'hany ahany etāṃ trīṇi varṣāṇy atandritaḥ sa brahma param abhyeti vāyubhūtaḥ kha-mūrtimān //

ekākṣaraṃ paraṃ brahma prāṇāyāmaḥ paraṃ tapaḥ
sāvitryās tu paraṃ nāsti maunāt satyaṃ viśiṣyate // Manu_2.83

ekākṣaraṃ paraṃ brahma prāṇāyāmaḥ paraṃ tapaḥ sāvitryās tu paraṃ na asti maunāt satyaṃ viśiṣyate //

kṣaranti sarvā vaidikyo juhotiyajatikriyāḥ
akṣaraṃ duṣkaraṃ jñeyaṃ brahma caiva prajāpatiḥ // Manu_2.84

duṣkaraṃ ] tv akṣaraṃ (M)

kṣaranti sarvā vaidikyo juhoti-yajati-kriyāḥ akṣaraṃ duṣkaraṃtv akṣaraṃ jñeyaṃ brahma ca eva prajāpatiḥ //

vidhiyajñāj japayajño viśiṣṭo daśabhir guṇaiḥ
upāṃśuḥ syāc chataguṇaḥ sāhasro mānasaḥ smṛtaḥ // Manu_2.85

vidhiyajñāj japayajño viśiṣṭo daśabhir guṇaiḥ upāṃśuḥ syāc chataguṇaḥ sāhasro mānasaḥ smṛtaḥ //

ye pākayajñās catvāro vidhiyajñasamanvitāḥ
sarve te japayajñasya kalāṃ nārhanti ṣoḍaśīm // Manu_2.86

ye pākayajñās catvāro vidhiyajñasamanvitāḥ sarve te japayajñasya kalāṃ na arhanti ṣoḍaśīm //

japyenaiva tu saṃsidhyed brāhmaṇo nātra saṃśayaḥ
kuryād anyan na vā kuryān maitro brāhmaṇa ucyate // Manu_2.87

japyena eva tu saṃsidhyed brāhmaṇo na atra saṃśayaḥ kuryād anyan na vā kuryān maitro brāhmaṇa ucyate //

indriyāṇāṃ vicaratāṃ viṣayeṣv apahāriṣu
saṃyame yatnam ātiṣṭhed vidvān yanteva vājinām // Manu_2.88

indriyāṇāṃ vicaratāṃ viṣayeṣv apahāriṣu saṃyame yatnam ātiṣṭhed vidvān yanta īva vājinām //

ekādaśendriyāṇy āhur yāni pūrve manīṣiṇaḥ
tāni samyak pravakṣyāmi yathāvad anupūrvaśaḥ // Manu_2.89

ekādaśa indriyāṇy āhur yāni pūrve manīṣiṇaḥ tāni samyak pravakṣyāmi yathāvad anupūrvaśaḥ //

śrotraṃ tvak cakṣuṣī jihvā nāsikā caiva pañcamī
pāyūpasthaṃ hastapādaṃ vāk caiva daśamī smṛtā // Manu_2.90

śrotraṃ tvak cakṣuṣī jihvā nāsikā ca eva pañcamī pāyu-upasthaṃ hasta-pādaṃ vāk ca eva daśamī smṛtā //

buddhīndriyāṇi pañcaiṣāṃ śrotrādīny anupūrvaśaḥ
karmendriyāṇi pañcaiṣāṃ pāyvādīni pracakṣate // Manu_2.91

buddhīndriyāṇi pañca eṣāṃ śrotrādīny anupūrvaśaḥ karma-indriyāṇi pañca eṣāṃ pāyv-ādīni pracakṣate //

ekādaśaṃ mano jñeyaṃ svaguṇenobhayātmakam
yasmin jite jitāv etau bhavataḥ pañcakau gaṇau // Manu_2.92

ekādaśaṃ mano jñeyaṃ svaguṇena ubhaya-ātmakam yasmin jite jitāv etau bhavataḥ pañcakau gaṇau //

indriyāṇāṃ prasaṅgena doṣam ṛcchaty asaṃśayam
saṃniyamya tu tāny eva tataḥ siddhiṃ nigacchati // Manu_2.93

indriyāṇāṃ prasaṅgena doṣam ṛcchaty asaṃśayam saṃniyamya tu tāny eva tataḥ siddhiṃ nigacchati //

na jātu kāmaḥ kāmānām upabhogena śāmyati
haviṣā kṛṣṇavartmeva bhūya evābhivardhate // Manu_2.94

na jātu kāmaḥ kāmānām upabhogena śāmyati haviṣā kṛṣṇavartma īva bhūya eva abhivardhate //

yaś caitān prāpnuyāt sarvān yaś caitān kevalāṃs tyajet
prāpaṇāt sarvakāmānāṃ parityāgo viśiṣyate // Manu_2.95

yaś ca etān prāpnuyāt sarvān yaś ca etān kevalāṃs tyajet prāpaṇāt sarvakāmānāṃ parityāgo viśiṣyate //

na tathaitāni śakyante saṃniyantum asevayā
viṣayeṣu prajuṣṭāni yathā jñānena nityaśaḥ // Manu_2.96

na tatha aitāni śakyante saṃniyantum asevayā viṣayeṣu prajuṣṭāni yathā jñānena nityaśaḥ //

vedās tyāgaś ca yajñāś ca niyamāś ca tapāṃsi ca
na vipraduṣṭabhāvasya siddhiṃ gacchati karhi cit // Manu_2.97

vedās tyāgaś ca yajñāś ca niyamāś ca tapāṃsi ca na vipraduṣṭa-bhāvasya siddhiṃ gacchati karhi cit //

śrutvā spṛṣṭvā ca dṛṣṭvā ca bhuktvā ghrātvā ca yo naraḥ
na hṛṣyati glāyati vā sa vijñeyo jitendriyaḥ // Manu_2.98

śrutvā spṛṣṭvā ca dṛṣṭvā ca bhuktvā ghrātvā ca yo naraḥ na hṛṣyati glāyati vā sa vijñeyo jita-indriyaḥ //

indriyāṇāṃ tu sarveṣāṃ yady ekaṃ kṣaratīndriyam
tenāsya kṣarati prajñā dṛteḥ pādād ivodakam // Manu_2.99

indriyāṇāṃ tu sarveṣāṃ yady ekaṃ kṣarati indriyam tena asya kṣarati prajñā dṛteḥ pādād iva udakam //

vaśe kṛtvendriyagrāmaṃ saṃyamya ca manas tathā
sarvān saṃsādhayed arthān akṣiṇvan yogatas tanum // Manu_2.100

vaśe kṛtva īndriyagrāmaṃ saṃyamya ca manas tathā sarvān saṃsādhayed arthān akṣiṇvan yogatas tanum //

pūrvāṃ saṃdhyāṃ japāṃs tiṣṭhet sāvitrīm ārkadarśanāt
paścimāṃ tu samāsīnaḥ samyag ṛkṣavibhāvanāt // Manu_2.101

samāsīnaḥ ] sadāsīta (M)

pūrvāṃ saṃdhyāṃ japāṃs tiṣṭhet sāvitrīm ā-arkadarśanāt paścimāṃ tu samāsīnaḥsadāsīta samyag ṛkṣavibhāvanāt //

pūrvāṃ saṃdhyāṃ japaṃs tiṣṭhan naiśam eno vyapohati
paścimāṃ tu samāsīno malaṃ hanti divākṛtam // Manu_2.102

pūrvāṃ saṃdhyāṃ japaṃs tiṣṭhan naiśam eno vyapohati paścimāṃ tu samāsīno malaṃ hanti divākṛtam //

na tiṣṭhati tu yaḥ pūrvāṃ nopāste yaś ca paścimām
sa śūdravad bahiṣkāryaḥ sarvasmād dvijakarmaṇaḥ // Manu_2.103

na tiṣṭhati tu yaḥ pūrvāṃ na upāste yaś ca paścimām sa śūdravad bahiṣkāryaḥ sarvasmād dvijakarmaṇaḥ //

apāṃ samīpe niyato naityakaṃ vidhim āsthitaḥ
sāvitrīm apy adhīyīta gatvāraṇyaṃ samāhitaḥ // Manu_2.104

apāṃ samīpe niyato naityakaṃ vidhim āsthitaḥ sāvitrīm apy adhīyīta gatva āraṇyaṃ samāhitaḥ //

vedopakaraṇe caiva svādhyāye caiva naityake
nānurodho 'sty anadhyāye homamantreṣu caiva hi // Manu_2.105

veda-upakaraṇe ca eva svādhyāye ca eva naityake na anurodho 'sty anadhyāye homamantreṣu ca eva hi //

naityake nāsty anadhyāyo brahmasattraṃ hi tat smṛtam
brahmāhutihutaṃ puṇyam anadhyāyavaṣaṭkṛtam // Manu_2.106

naityake na asty anadhyāyo brahmasattraṃ hi tat smṛtam brahmāhuti-hutaṃ puṇyam anadhyāya-vaṣaṭkṛtam //

yaḥ svādhyāyam adhīte 'bdaṃ vidhinā niyataḥ śuciḥ
tasya nityaṃ kṣaraty eṣa payo dadhi ghṛtaṃ madhu // Manu_2.107

yaḥ svādhyāyam adhīte 'bdaṃ vidhinā niyataḥ śuciḥ tasya nityaṃ kṣaraty eṣa payo dadhi ghṛtaṃ madhu //

agnīndhanaṃ bhaikṣacaryām adhaḥśayyāṃ guror hitam
ā samāvartanāt kuryāt kṛtopanayano dvijaḥ // Manu_2.108

agnīndhanaṃ bhaikṣacaryām adhaḥśayyāṃ guror hitam ā samāvartanāt kuryāt kṛta-upanayano dvijaḥ //

ācāryaputraḥ śuśrūṣur jñānado dhārmikaḥ śuciḥ
āptaḥ śakto 'rthadaḥ sādhuḥ svo 'dhyāpyā daśa dharmataḥ // Manu_2.109

ācāryaputraḥ śuśrūṣur jñānado dhārmikaḥ śuciḥ āptaḥ śakto 'rthadaḥ sādhuḥ svo 'dhyāpyā daśa dharmataḥ //

nāpṛṣṭaḥ kasya cid brūyān na cānyāyena pṛcchataḥ
jānann api hi medhāvī jaḍaval loka ācaret // Manu_2.110

na apṛṣṭaḥ kasya cid brūyān na ca anyāyena pṛcchataḥ jānann api hi medhāvī jaḍaval loka ācaret //

adharmeṇa ca yaḥ prāha yaś cādharmeṇa pṛcchati
tayor anyataraḥ praiti vidveṣaṃ vādhigacchati // Manu_2.111

adharmeṇa ca yaḥ prāha yaś ca adharmeṇa pṛcchati tayor anyataraḥ praiti vidveṣaṃ va ādhigacchati //

dharmārthau yatra na syātāṃ śuśrūṣā vāpi tadvidhā
tatra vidyā na vaptavyā śubhaṃ bījam ivoṣare // Manu_2.112

dharma-arthau yatra na syātāṃ śuśrūṣā va āpi tadvidhā tatra vidyā na vaptavyā śubhaṃ bījam ivā uṣare //

vidyayaiva samaṃ kāmaṃ martavyaṃ brahmavādinā
āpady api hi ghorāyāṃ na tv enām iriṇe vapet // Manu_2.113

vidyaya aiva samaṃ kāmaṃ martavyaṃ brahmavādinā āpady api hi ghorāyāṃ na tv enām iriṇe vapet //

vidyā brāhmaṇam etyāha śevadhis te 'smi rakṣa mām
asūyakāya māṃ mādās tathā syāṃ vīryavattamā // Manu_2.114

śevadhis te ] śevadhiṣ ṭe (M)

vidyā brāhmaṇam etyā aha śevadhis teśevadhiṣ ṭe 'smi rakṣa mām asūyakāya māṃ mādās tathā syāṃ vīryavattamā //

yam eva tu śuciṃ vidyān niyatabrahmacāriṇam
tasmai māṃ brūhi viprāya nidhipāyāpramādine // Manu_2.115

vidyān ] vidyā (M)
niyatabrahmacāriṇam ] niyataṃ brahmacāriṇam (M)

yam eva tu śuciṃ vidyānvidyā niyata-brahmacāriṇamniyataṃ brahmacāriṇam tasmai māṃ brūhi viprāya nidhipāya apramādine //

brahma yas tv ananujñātam adhīyānād avāpnuyāt
sa brahmasteyasaṃyukto narakaṃ pratipadyate // Manu_2.116

brahma yas tv ananujñātam adhīyānād avāpnuyāt sa brahmasteyasaṃyukto narakaṃ pratipadyate //

laukikaṃ vaidikaṃ vāpi tathādhyātmikam eva vā
ādadīta yato jñānaṃ taṃ pūrvam abhivādayet // Manu_2.117

laukikaṃ vaidikaṃ va āpi tatha ādhyātmikam eva vā ādadīta yato jñānaṃ taṃ pūrvam abhivādayet //

sāvitrīmātrasāro 'pi varaṃ vipraḥ suyantritaḥ
nāyantritas trivedo 'pi sarvāśī sarvavikrayī // Manu_2.118

sāvitrīmātra-sāro 'pi varaṃ vipraḥ suyantritaḥ na ayantritas trivedo 'pi sarvāśī sarvavikrayī //

śayyāsane 'dhyācarite śreyasā na samāviśet
śayyāsanasthaś caivainaṃ pratyutthāyābhivādayet // Manu_2.119

śayyā-āsane 'dhyācarite śreyasā na samāviśet śayyā-āsanasthaś ca eva enaṃ pratyutthāya abhivādayet //

ūrdhvaṃ prāṇā hy utkrāmanti yūnaḥ sthavira āyati
pratyutthānābhivādābhyāṃ punas tān pratipadyate // Manu_2.120

ūrdhvaṃ prāṇā hy utkrāmanti yūnaḥ sthavira āyati pratyutthāna-abhivādābhyāṃ punas tān pratipadyate //

abhivādanaśīlasya nityaṃ vṛddhopasevinaḥ
catvāri tasya vardhante āyur dharmo yaśo balam // Manu_2.121

tasya vardhante ] saṃpravardhante (M)

abhivādana-śīlasya nityaṃ vṛddha-upasevinaḥ catvāri tasya vardhantesaṃpravardhante āyur dharmo yaśo balam //

abhivādāt paraṃ vipro jyāyāṃsam abhivādayan
asau nāmāham asmīti svaṃ nāma parikīrtayet // Manu_2.122

abhivādāt paraṃ vipro jyāyāṃsam abhivādayan asau nāma aham asmi iti svaṃ nāma parikīrtayet //

nāmadheyasya ye ke cid abhivādaṃ na jānate
tān prājño 'ham iti brūyāt striyaḥ sarvās tathaiva ca // Manu_2.123

nāmadheyasya ye ke cid abhivādaṃ na jānate tān prājño 'ham iti brūyāt striyaḥ sarvās tatha aiva ca //

bhoḥśabdaṃ kīrtayed ante svasya nāmno 'bhivādane
nāmnāṃ svarūpabhāvo hi bhobhāva ṛṣibhiḥ smṛtaḥ // Manu_2.124

bhoḥśabdaṃ kīrtayed ante svasya nāmno 'bhivādane nāmnāṃ svarūpa-bhāvo hi bho-bhāva ṛṣibhiḥ smṛtaḥ //

āyuṣmān bhava saumyeti vācyo vipro 'bhivādane
akāraś cāsya nāmno 'nte vācyaḥ pūrvākṣaraḥ plutaḥ // Manu_2.125

āyuṣmān bhava saumya iti vācyo vipro 'bhivādane akāraś ca asya nāmno 'nte vācyaḥ pūrvākṣaraḥ plutaḥ //

yo na vetty abhivādasya vipraḥ pratyabhivādanam
nābhivādyaḥ sa viduṣā yathā śūdras tathaiva saḥ // Manu_2.126

yo na vetty abhivādasya vipraḥ pratyabhivādanam na abhivādyaḥ sa viduṣā yathā śūdras tatha aiva saḥ //

brāhmaṇaṃ kuśalaṃ pṛcchet kṣatrabandhum anāmayam
vaiśyaṃ kṣemaṃ samāgamya śūdram ārogyam eva ca // Manu_2.127

brāhmaṇaṃ kuśalaṃ pṛcchet kṣatrabandhum anāmayam vaiśyaṃ kṣemaṃ samāgamya śūdram ārogyam eva ca //

avācyo dīkṣito nāmnā yavīyān api yo bhavet
bhobhavatpūrvakaṃ tv enam abhibhāṣeta dharmavit // Manu_2.128

avācyo dīkṣito nāmnā yavīyān api yo bhavet bho-bhavat-pūrvakaṃ tv enam abhibhāṣeta dharmavit //

parapatnī tu yā strī syād asaṃbandhā ca yonitaḥ
tāṃ brūyād bhavatīty evaṃ subhage bhaginīti ca // Manu_2.129

parapatnī tu yā strī syād asaṃbandhā ca yonitaḥ tāṃ brūyād bhavati ity evaṃ subhage bhagini iti ca //

mātulāṃś ca pitṛvyāṃś ca śvaśurān ṛtvijo gurūn
asāv aham iti brūyāt pratyutthāya yavīyasaḥ // Manu_2.130

mātulāṃś ca pitṛvyāṃś ca śvaśurān ṛtvijo gurūn asāv aham iti brūyāt pratyutthāya yavīyasaḥ //

mātṛśvasā mātulānī śvaśrūr atha pitṛśvasā
saṃpūjyā gurupatnīvat samās tā gurubhāryayā // Manu_2.131

mātṛśvasā mātulānī śvaśrūr atha pitṛśvasā saṃpūjyā gurupatnīvat samās tā gurubhāryayā //

bhrātur bhāryopasaṃgrāhyā savarṇāhany ahany api
viproṣya tūpasaṃgrāhyā jñātisaṃbandhiyoṣitaḥ // Manu_2.132

bhrātur bhārya ūpasaṃgrāhyā sa-varṇa āhany ahany api viproṣya tu upasaṃgrāhyā jñāti-saṃbandhi-yoṣitaḥ //

pitur bhaginyāṃ mātuś ca jyāyasyāṃ ca svasary api
mātṛvad vṛttim ātiṣṭhen mātā tābhyo garīyasī // Manu_2.133

pitur bhaginyāṃ mātuś ca jyāyasyāṃ ca svasary api mātṛvad vṛttim ātiṣṭhen mātā tābhyo garīyasī //

daśābdākhyaṃ paurasakhyaṃ pañcābdākhyaṃ kalābhṛtām
tryabdapūrvaṃ śrotriyāṇāṃ svalpenāpi svayoniṣu // Manu_2.134

daśābda-ākhyaṃ paurasakhyaṃ pañcābda-ākhyaṃ kalābhṛtām tryabdapūrvaṃ śrotriyāṇāṃ svalpena api svayoniṣu //

brāhmaṇaṃ daśavarṣaṃ tu śatavarṣaṃ tu bhūmipam
pitāputrau vijānīyād brāhmaṇas tu tayoḥ pitā // Manu_2.135

brāhmaṇaṃ daśavarṣaṃ tu śatavarṣaṃ tu bhūmipam pitā-putrau vijānīyād brāhmaṇas tu tayoḥ pitā //

vittaṃ bandhur vayaḥ karma vidyā bhavati pañcamī
etāni mānyasthānāni garīyo yad yad uttaram // Manu_2.136

mānya ] māna (M)

vittaṃ bandhur vayaḥ karma vidyā bhavati pañcamī etāni mānyamānasthānāni garīyo yad yad uttaram //

pañcānāṃ triṣu varṇeṣu bhūyāṃsi guṇavanti ca
yatra syuḥ so 'tra mānārhaḥ śūdro 'pi daśamīṃ gataḥ // Manu_2.137

pañcānāṃ triṣu varṇeṣu bhūyāṃsi guṇavanti ca yatra syuḥ so 'tra māna-arhaḥ śūdro 'pi daśamīṃ gataḥ //

cakriṇo daśamīsthasya rogiṇo bhāriṇaḥ striyāḥ
snātakasya ca rājñaś ca panthā deyo varasya ca // Manu_2.138

cakriṇo daśamīsthasya rogiṇo bhāriṇaḥ striyāḥ snātakasya ca rājñaś ca panthā deyo varasya ca //

teṣāṃ tu samāvetānāṃ mānyau snātakapārthivau
rājasnātakayoś caiva snātako nṛpamānabhāk // Manu_2.139

teṣāṃ tu samāvetānāṃ mānyau snātaka-pārthivau rāja-snātakayoś ca eva snātako nṛpamānabhāk //

upanīya tu yaḥ śiṣyaṃ vedam adhyāpayed dvijaḥ
sakalpaṃ sarahasyaṃ ca tam ācāryaṃ pracakṣate // Manu_2.140

upanīya tu yaḥ śiṣyaṃ vedam adhyāpayed dvijaḥ sa-kalpaṃ sa-rahasyaṃ ca tam ācāryaṃ pracakṣate //

ekadeśaṃ tu vedasya vedāṅgāny api vā punaḥ
yo 'dhyāpayati vṛttyartham upādhyāyaḥ sa ucyate // Manu_2.141

ekadeśaṃ tu vedasya vedāṅgāny api vā punaḥ yo 'dhyāpayati vṛttyartham upādhyāyaḥ sa ucyate //

niṣekādīni karmāṇi yaḥ karoti yathāvidhi
saṃbhāvayati cānnena sa vipro gurur ucyate // Manu_2.142

niṣeka-ādīni karmāṇi yaḥ karoti yathāvidhi saṃbhāvayati ca annena sa vipro gurur ucyate //

agnyādheyaṃ pākayajñān agniṣṭomādikān makhān
yaḥ karoti vṛto yasya sa tasya rtvig ihocyate // Manu_2.143

agnyādheyaṃ pākayajñān agniṣṭoma-ādikān makhān yaḥ karoti vṛto yasya sa tasya rtvig iha ucyate //

ya āvṛṇoty avitathaṃ brahmaṇā śravaṇāv ubhau
sa mātā sa pitā jñeyas taṃ na druhyet kadā cana // Manu_2.144

ya āvṛṇoty avitathaṃ brahmaṇā śravaṇāv ubhau sa mātā sa pitā jñeyas taṃ na druhyet kadā cana //

upādhyāyān daśācārya ācāryāṇāṃ śataṃ pitā
sahasraṃ tu pitṝn mātā gauraveṇātiricyate // Manu_2.145

upādhyāyān daśā acārya ācāryāṇāṃ śataṃ pitā sahasraṃ tu pitṝn mātā gauraveṇa atiricyate //

utpādakabrahmadātror garīyān brahmadaḥ pitā
brahmajanma hi viprasya pretya ceha ca śāśvatam // Manu_2.146

utpādaka-brahmadātror garīyān brahmadaḥ pitā brahmajanma hi viprasya pretya ca iha ca śāśvatam //

kāmān mātā pitā cainaṃ yad utpādayato mithaḥ
saṃbhūtiṃ tasya tāṃ vidyād yad yonāv abhijāyate // Manu_2.147

kāmān mātā pitā ca enaṃ yad utpādayato mithaḥ saṃbhūtiṃ tasya tāṃ vidyād yad yonāv abhijāyate //

ācāryas tv asya yāṃ jātiṃ vidhivad vedapāragaḥ
utpādayati sāvitryā sā satyā sājarāmarā // Manu_2.148

ācāryas tv asya yāṃ jātiṃ vidhivad vedapāragaḥ utpādayati sāvitryā sā satyā sa ājara āmarā //

alpaṃ vā bahu vā yasya śrutasyopakaroti yaḥ
tam apīha guruṃ vidyāc chrutopakriyayā tayā // Manu_2.149

alpaṃ vā bahu vā yasya śrutasya upakaroti yaḥ tam apīha guruṃ vidyāc chruta-upakriyayā tayā //

brāhmasya janmanaḥ kartā svadharmasya ca śāsitā
bālo 'pi vipro vṛddhasya pitā bhavati dharmataḥ // Manu_2.150

brāhmasya janmanaḥ kartā svadharmasya ca śāsitā bālo 'pi vipro vṛddhasya pitā bhavati dharmataḥ //

adhyāpayām āsa pitṝn śiśur āṅgirasaḥ kaviḥ
putrakā iti hovāca jñānena parigṛhya tān // Manu_2.151

adhyāpayām āsa pitṝn śiśur āṅgirasaḥ kaviḥ putrakā iti ha uvāca jñānena parigṛhya tān //

te tam artham apṛcchanta devān āgatamanyavaḥ
devāś caitān sametyocur nyāyyaṃ vaḥ śiśur uktavān // Manu_2.152

te tam artham apṛcchanta devān āgata-manyavaḥ devāś ca etān sametyā ucur nyāyyaṃ vaḥ śiśur uktavān //

ajño bhavati vai bālaḥ pitā bhavati mantradaḥ
ajñaṃ hi bālam ity āhuḥ pitety eva tu mantradam // Manu_2.153

ajño bhavati vai bālaḥ pitā bhavati mantradaḥ ajñaṃ hi bālam ity āhuḥ pita īty eva tu mantradam //

na hāyanair na palitair na vittena na bandhubhiḥ
ṛṣayaś cakrire dharmaṃ yo 'nūcānaḥ sa no mahān // Manu_2.154

na hāyanair na palitair na vittena na bandhubhiḥ ṛṣayaś cakrire dharmaṃ yo 'nūcānaḥ sa no mahān //

viprāṇāṃ jñānato jyaiṣṭhyaṃ kṣatriyāṇāṃ tu vīryataḥ
vaiśyānāṃ dhānyadhanataḥ śūdrāṇām eva janmataḥ // Manu_2.155

viprāṇāṃ jñānato jyaiṣṭhyaṃ kṣatriyāṇāṃ tu vīryataḥ vaiśyānāṃ dhānyadhanataḥ śūdrāṇām eva janmataḥ //

na tena vṛddho bhavati yenāsya palitaṃ śiraḥ
yo vai yuvāpy adhīyānas taṃ devāḥ sthaviraṃ viduḥ // Manu_2.156

na tena vṛddho bhavati yena asya palitaṃ śiraḥ yo vai yuva āpy adhīyānas taṃ devāḥ sthaviraṃ viduḥ //

yathā kāṣṭhamayo hastī yathā carmamayo mṛgaḥ
yaś ca vipro 'nadhīyānas trayas te nāma bibhrati // Manu_2.157

yathā kāṣṭhamayo hastī yathā carmamayo mṛgaḥ yaś ca vipro 'nadhīyānas trayas te nāma bibhrati //

yathā ṣaṇḍho 'phalaḥ strīṣu yathā gaur gavi cāphalā
yathā cājñe 'phalaṃ dānaṃ tathā vipro 'nṛco 'phalaḥ // Manu_2.158

yathā ṣaṇḍho 'phalaḥ strīṣu yathā gaur gavi ca aphalā yathā ca ajñe 'phalaṃ dānaṃ tathā vipro 'nṛco 'phalaḥ //

ahiṃsayaiva bhūtānāṃ kāryaṃ śreyo 'nuśāsanam
vāk caiva madhurā ślakṣṇā prayojyā dharmam icchatā // Manu_2.159

ahiṃsaya aiva bhūtānāṃ kāryaṃ śreyo 'nuśāsanam vāk ca eva madhurā ślakṣṇā prayojyā dharmam icchatā //

yasya vāṅganasī śuddhe samyaggupte ca sarvadā
sa vai sarvam avāpnoti vedāntopagataṃ phalam // Manu_2.160

yasya vāṅ-ganasī śuddhe samyaggupte ca sarvadā sa vai sarvam avāpnoti vedānta-upagataṃ phalam //

nāruṃtudaḥ syād ārto 'pi na paradrohakarmadhīḥ
yayāsyodvijate vācā nālokyāṃ tām udīrayet // Manu_2.161

na aruṃtudaḥ syād ārto 'pi na paradroha-karma-dhīḥ yaya āsya udvijate vācā na alokyāṃ tām udīrayet //

sammānād brāhmaṇo nityam udvijeta viṣād iva
amṛtasyeva cākāṅkṣed avamānasya sarvadā // Manu_2.162

sammānād brāhmaṇo nityam udvijeta viṣād iva amṛtasya iva cā akāṅkṣed avamānasya sarvadā //

sukhaṃ hy avamataḥ śete sukhaṃ ca pratibudhyate
sukhaṃ carati loke 'sminn avamantā vinaśyati // Manu_2.163

sukhaṃ hy avamataḥ śete sukhaṃ ca pratibudhyate sukhaṃ carati loke 'sminn avamantā vinaśyati //

anena kramayogena saṃskṛtātmā dvijaḥ śanaiḥ
gurau vasan sañcinuyād brahmādhigamikaṃ tapaḥ // Manu_2.164

anena kramayogena saṃskṛta-ātmā dvijaḥ śanaiḥ gurau vasan sañcinuyād brahmādhigamikaṃ tapaḥ //

tapoviśeṣair vividhair vrataiś ca vidhicoditaiḥ
vedaḥ kṛtsno 'dhigantavyaḥ sarahasyo dvijanmanā // Manu_2.165

tapo-viśeṣair vividhair vrataiś ca vidhicoditaiḥ vedaḥ kṛtsno 'dhigantavyaḥ sa-rahasyo dvijanmanā //

vedam eva sadābhyasyet tapas tapsyan dvijottamaḥ
vedābhyāso hi viprasya tapaḥ param ihocyate // Manu_2.166

vedam eva sada ābhyasyet tapas tapsyan dvijottamaḥ vedābhyāso hi viprasya tapaḥ param iha ucyate //

ā haiva sa nakhāgrebhyaḥ paramaṃ tapyate tapaḥ
yaḥ sragvy api dvijo 'dhīte svādhyāyaṃ śaktito 'nvaham // Manu_2.167

ā ha eva sa nakhāgrebhyaḥ paramaṃ tapyate tapaḥ yaḥ sragvy api dvijo 'dhīte svādhyāyaṃ śaktito 'nvaham //

yo 'nadhītya dvijo vedam anyatra kurute śramam
sa jīvann eva śūdratvam āśu gacchati sānvayaḥ // Manu_2.168

yo 'nadhītya dvijo vedam anyatra kurute śramam sa jīvann eva śūdratvam āśu gacchati sa-anvayaḥ //

mātur agre 'dhijananaṃ dvitīyaṃ mauñjibandhane
tṛtīyaṃ yajñadīkṣāyāṃ dvijasya śruticodanāt // Manu_2.169

mātur agre 'dhijananaṃ dvitīyaṃ mauñjibandhane tṛtīyaṃ yajñadīkṣāyāṃ dvijasya śruticodanāt //

tatra yad brahmajanmāsya mauñjībandhanacihnitam
tatrāsya mātā sāvitrī pitā tv ācārya ucyate // Manu_2.170

tatra yad brahmajanma asya mauñjībandhanacihnitam tatra asya mātā sāvitrī pitā tv ācārya ucyate //

vedapradānād ācāryaṃ pitaraṃ paricakṣate
na hy asmin yujyate karma kiñ cid ā mauñjibandhanāt // Manu_2.171

vedapradānād ācāryaṃ pitaraṃ paricakṣate na hy asmin yujyate karma kiñ cid ā mauñjibandhanāt //

nābhivyāhārayed brahma svadhāninayanād ṛte
śūdreṇa hi samas tāvad yāvad vede na jāyate // Manu_2.172

na abhivyāhārayed brahma svadhāninayanād ṛte śūdreṇa hi samas tāvad yāvad vede na jāyate //

kṛtopanayanasyāsya vratādeśanam iṣyate
brahmaṇo grahaṇaṃ caiva krameṇa vidhipūrvakam // Manu_2.173

kṛta-upanayanasya asya vratādeśanam iṣyate brahmaṇo grahaṇaṃ ca eva krameṇa vidhi-pūrvakam //

yady asya vihitaṃ carma yat sūtraṃ yā ca mekhalā
yo daṇḍo yac ca vasanaṃ tat tad asya vrateṣv api // Manu_2.174

yady asya vihitaṃ carma yat sūtraṃ yā ca mekhalā yo daṇḍo yac ca vasanaṃ tat tad asya vrateṣv api //

sevetemāṃs tu niyamān brahmacārī gurau vasan
sanniyamyendriyagrāmaṃ tapovṛddhyartham ātmanaḥ // Manu_2.175

seveta imāṃs tu niyamān brahmacārī gurau vasan sanniyamya indriyagrāmaṃ tapovṛddhy-artham ātmanaḥ //

nityaṃ snātvā śuciḥ kuryād devarṣipitṛtarpaṇam
devatābhyarcanaṃ caiva samidādhānam eva ca // Manu_2.176

nityaṃ snātvā śuciḥ kuryād devarṣi-pitṛtarpaṇam devatābhyarcanaṃ ca eva samidādhānam eva ca //

varjayen madhu māṃsaṃ ca gandhaṃ mālyaṃ rasān striyaḥ
śuktāni yāni sarvāṇi prāṇināṃ caiva hiṃsanam // Manu_2.177

varjayen madhu māṃsaṃ ca gandhaṃ mālyaṃ rasān striyaḥ śuktāni yāni sarvāṇi prāṇināṃ ca eva hiṃsanam //

abhyaṅgam añjanaṃ cākṣṇor upānacchatradhāraṇam
kāmaṃ krodhaṃ ca lobhaṃ ca nartanaṃ gītavādanam // Manu_2.178

abhyaṅgam añjanaṃ cākṣṇor upānac-chatradhāraṇam kāmaṃ krodhaṃ ca lobhaṃ ca nartanaṃ gītavādanam //

dyūtaṃ ca janavādaṃ ca parivādaṃ tathānṛtam
strīṇāṃ ca prekṣaṇālambham upaghātaṃ parasya ca (M: ālambhāav // Manu_2.179

dyūtaṃ ca janavādaṃ ca parivādaṃ tatha ānṛtam strīṇāṃ ca prekṣaṇālambham upaghātaṃ parasya ca (M: -ālambhāav //

ekaḥ śayīta sarvatra na retaḥ skandayet kva cit
kāmād dhi skandayan reto hinasti vratam ātmanaḥ // Manu_2.180

ekaḥ śayīta sarvatra na retaḥ skandayet kva cit kāmād dhi skandayan reto hinasti vratam ātmanaḥ //

svapne siktvā brahmacārī dvijaḥ śukram akāmataḥ
snātvārkam arcayitvā triḥ punar mām ity ṛcaṃ japet // Manu_2.181

svapne siktvā brahmacārī dvijaḥ śukram akāmataḥ snātva ārkam arcayitvā triḥ punar mām ity ṛcaṃ japet //

udakumbhaṃ sumanaso gośakṛnmṛttikākuśān
āhared yāvad arthāni bhaikṣaṃ cāharahaś caret // Manu_2.182

udakumbhaṃ sumanaso gośakṛn-mṛttikā-kuśān āhared yāvad arthāni bhaikṣaṃ ca ahar-ahaś caret //

vedayajñair ahīnānāṃ praśastānāṃ svakarmasu
brahmacāry āhared bhaikṣaṃ gṛhebhyaḥ prayato 'nvaham // Manu_2.183

veda-yajñair ahīnānāṃ praśastānāṃ svakarmasu brahmacāry āhared bhaikṣaṃ gṛhebhyaḥ prayato 'nvaham //

guroḥ kule na bhikṣeta na jñātikulabandhuṣu
alābhe tv anyagehānāṃ pūrvaṃ pūrvaṃ vivarjayet // Manu_2.184

guroḥ kule na bhikṣeta na jñāti-kula-bandhuṣu alābhe tv anyagehānāṃ pūrvaṃ pūrvaṃ vivarjayet //

sarvaṃ vāpi cared grāmaṃ pūrvoktānām asaṃbhave
niyamya prayato vācam abhiśastāṃs tu varjayet // Manu_2.185

sarvaṃ vāpi cared grāmaṃ pūrva-uktānām asaṃbhave niyamya prayato vācam abhiśastāṃs tu varjayet //

dūrād āhṛtya samidhaḥ sannidadhyād vihāyasi
sāyaM: prātaś ca juhuyāt tābhir agnim atandritaḥ // Manu_2.186

dūrād āhṛtya samidhaḥ sannidadhyād vihāyasi sāyaM: prātaś ca juhuyāt tābhir agnim atandritaḥ //

akṛtvā bhaikṣacaraṇam asamidhya ca pāvakaṃ
anāturaḥ saptarātram avakīrṇivrataṃ caret // Manu_2.187

akṛtvā bhaikṣacaraṇam asamidhya ca pāvakaṃ anāturaḥ saptarātram avakīrṇivrataṃ caret //

bhaikṣeṇa vartayen nityaṃ naikānnādī bhaved vratī
bhaikṣeṇa vratino vṛttir upavāsasamā smṛtā // Manu_2.188

bhaikṣeṇa vartayen nityaṃ na ekānna-adī bhaved vratī bhaikṣeṇa vratino vṛttir upavāsa-samā smṛtā //

vratavad devadaivatye pitrye karmaṇy atha rṣivat
kāmam abhyarthito 'śnīyād vratam asya na lupyate // Manu_2.189

vratavad deva-daivatye pitrye karmaṇy atha rṣivat kāmam abhyarthito 'śnīyād vratam asya na lupyate //

brāhmaṇasyaiva karmaitad upadiṣṭaṃ manīṣibhiḥ
rājanyavaiśyayos tv evaṃ naitat karma vidhīyate // Manu_2.190

brāhmaṇasya eva karma etad upadiṣṭaṃ manīṣibhiḥ rājanya-vaiśyayos tv evaṃ na etat karma vidhīyate //

codito guruṇā nityam apracodita eva vā
kuryād adhyayane yatnam ācāryasya hiteṣu ca // Manu_2.191

yatnam ] yogam (M)

codito guruṇā nityam apracodita eva vā kuryād adhyayane yatnamyogam ācāryasya hiteṣu ca //

śarīraṃ caiva vācaṃ ca buddhīndriyamanāṃsi ca
niyamya prāñjalis tiṣṭhed vīkṣamāṇo guror mukham // Manu_2.192

śarīraṃ ca eva vācaṃ ca buddhīndriya-manāṃsi ca niyamya prāñjalis tiṣṭhed vīkṣamāṇo guror mukham //

nityam uddhṛtapāṇiḥ syāt sādhvācāraḥ susaṃvṛtaḥ
āsyatām iti coktaḥ sann āsītābhimukhaṃ guroḥ // Manu_2.193

nityam uddhṛta-pāṇiḥ syāt sādhv-ācāraḥ su-saṃvṛtaḥ āsyatām iti ca uktaḥ sann āsīta abhimukhaṃ guroḥ //

hīnānnavastraveṣaḥ syāt sarvadā gurusannidhau
uttiṣṭhet prathamaṃ cāsya caramaṃ caiva saṃviśet // Manu_2.194

hīna-anna-vastra-veṣaḥ syāt sarvadā gurusannidhau uttiṣṭhet prathamaṃ cāsya caramaṃ ca eva saṃviśet //

pratiśrāvaṇasaṃbhāṣe śayāno na samācaret
nāsīno na ca bhuñjāno na tiṣṭhan na parāṅmukhaḥ // Manu_2.195

pratiśrāvaṇa-saṃbhāṣe śayāno na samācaret nā asīno na ca bhuñjāno na tiṣṭhan na parāṅ-mukhaḥ //

āsīnasya sthitaḥ kuryād abhigacchaṃs tu tiṣṭhataḥ
pratyudgamya tv āvrajataḥ paścād dhāvaṃs tu dhāvataḥ // Manu_2.196

āsīnasya sthitaḥ kuryād abhigacchaṃs tu tiṣṭhataḥ pratyudgamya tv āvrajataḥ paścād dhāvaṃs tu dhāvataḥ //

parāṅmukhasyābhimukho dūrasthasyaitya cāntikam
praṇamya tu śayānasya nideśe caiva tiṣṭhataḥ // Manu_2.197

parāṅ-mukhasya abhimukho dūrasthasya etya ca-antikam praṇamya tu śayānasya nideśe ca eva tiṣṭhataḥ //

nīcaṃ śayyāsanaṃ cāsya nityaṃ syād gurusannidhau
guros tu cakṣurviṣaye na yatheṣṭāsano bhavet // Manu_2.198

nīcaṃ śayyā-āsanaṃ ca-asya nityaṃ syād gurusannidhau guros tu cakṣurviṣaye na yathā-iṣṭa-āsano bhavet //

nodāhared asya nāma parokṣam api kevalam
na caivāsyānukurvīta gatibhāṣitaceṣṭitam // Manu_2.199

na udāhared asya nāma parokṣam api kevalam na ca eva asya-anukurvīta gati-bhāṣita-ceṣṭitam //

guror yatra parivādo nindā vāpi pravartate
karṇau tatra pidhātavyau gantavyaṃ vā tato 'nyataḥ // Manu_2.200

guror yatra parivādo nindā vā-api pravartate karṇau tatra pidhātavyau gantavyaṃ vā tato 'nyataḥ //

parīvādāt kharo bhavati śvā vai bhavati nindakaḥ
paribhoktā kṛmir bhavati kīṭo bhavati matsarī // Manu_2.201

parīvādāt kharo bhavati śvā vai bhavati nindakaḥ paribhoktā kṛmir bhavati kīṭo bhavati matsarī //

dūrastho nārcayed enaṃ na kruddho nāntike striyāḥ
yānāsanasthaś caivainam avaruhyābhivādayet // Manu_2.202

dūrastho na arcayed enaṃ na kruddho na antike striyāḥ yāna-āsanasthaś ca eva enam avaruhya abhivādayet //

prativāte 'nuvāte ca nāsīta guruṇā saha
asaṃśrave caiva guror na kiṃ cid api kīrtayet // Manu_2.203

prativāte 'nuvāte ] prativātānuvāte (M)

prativāte 'nuvāteprativātānuvāte ca nā asīta guruṇā saha asaṃśrave ca eva guror na kiṃ cid api kīrtayet //

go'śvoṣṭrayānaprāsādaprastareṣu kaṭeṣu ca
āsīta guruṇā sārdhaṃ śilāphalakanauṣu ca // Manu_2.204

go-'śva-uṣṭra-yāna-prāsādaprastareṣu kaṭeṣu ca āsīta guruṇā sārdhaṃ śilā-phalaka-nauṣu ca //

guror gurau sannihite guruvad vṛttim ācaret
na cānisṛṣṭo guruṇā svān gurūn abhivādayet // Manu_2.205

guror gurau sannihite guruvad vṛttim ācaret na ca anisṛṣṭo guruṇā svān gurūn abhivādayet //

vidyāguruṣv evam eva nityā vṛttiḥ svayoniṣu
pratiṣedhatsu cādharmād dhitaṃ copadiśatsv api // Manu_2.206

vidyāguruṣv evam eva nityā vṛttiḥ svayoniṣu pratiṣedhatsu ca adharmād dhitaṃ ca upadiśatsv api //

śreyaḥsu guruvad vṛttiṃ nityam eva samācaret
guruputreṣu cāryeṣu guroś caiva svabandhuṣu // Manu_2.207

guruputreṣu cāryeṣu ] guruputre tathācārye (M)

śreyaḥsu guruvad vṛttiṃ nityam eva samācaret guruputreṣu cā aryeṣuguruputre tathācārye guroś ca eva svabandhuṣu //

bālaḥ samānajanmā vā śiṣyo vā yajñakarmaṇi
adhyāpayan gurusuto guruvan mānam arhati // Manu_2.208

bālaḥ samāna-janmā vā śiṣyo vā yajñakarmaṇi adhyāpayan gurusuto guruvan mānam arhati //

utsādanaṃ ca gātrāṇāṃ snāpanocchiṣṭabhojane
na kuryād guruputrasya pādayoś cāvanejanam // Manu_2.209

utsādanaṃ ca gātrāṇāṃ snāpana-ucchiṣṭabhojane na kuryād guruputrasya pādayoś ca avanejanam //

guruvat pratipūjyāḥ syuḥ savarṇā guruyoṣitaḥ
asavarṇās tu sampūjyāḥ pratyutthānābhivādanaiḥ // Manu_2.210

guruvat pratipūjyāḥ syuḥ sa-varṇā guruyoṣitaḥ asavarṇās tu sampūjyāḥ pratyutthāna-abhivādanaiḥ //

abhyañjanaṃ snāpanaṃ ca gātrotsādanam eva ca
gurupatnyā na kāryāṇi keśānāṃ ca prasādhanam // Manu_2.211

abhyañjanaṃ snāpanaṃ ca gātra-utsādanam eva ca gurupatnyā na kāryāṇi keśānāṃ ca prasādhanam //

gurupatnī tu yuvatir nābhivādyeha pādayoḥ
pūrṇaviṃśativarṣeṇa guṇadoṣau vijānatā // Manu_2.212

gurupatnī tu yuvatir na abhivādya īha pādayoḥ pūrṇaviṃśativarṣeṇa guṇa-doṣau vijānatā //

svabhāva eṣa nārīṇāṃ narāṇām iha dūṣaṇam
ato 'rthān na pramādyanti pramadāsu vipaścitaḥ // Manu_2.213

svabhāva eṣa nārīṇāṃ narāṇām iha dūṣaṇam ato 'rthān na pramādyanti pramadāsu vipaścitaḥ //

avidvāṃsam alaṃ loke vidvāṃsam api vā punaḥ
pramadā hy utpathaṃ netuṃ kāmakrodhavaśānugam // Manu_2.214

avidvāṃsam alaṃ loke vidvāṃsam api vā punaḥ pramadā hy utpathaṃ netuṃ kāma-krodhavaśānugam //

mātrā svasrā duhitrā vā na viviktāsano bhavet
balavān indriyagrāmo vidvāṃsam api karṣati // Manu_2.215

mātrā svasrā duhitrā vā na viviktāsano bhavet balavān indriyagrāmo vidvāṃsam api karṣati //

kāmaṃ tu gurupatnīnāṃ yuvatīnāṃ yuvā bhuvi
vidhivad vandanaṃ kuryād asāv aham iti bruvan // Manu_2.216

kāmaṃ tu gurupatnīnāṃ yuvatīnāṃ yuvā bhuvi vidhivad vandanaṃ kuryād asāv aham iti bruvan //

viproṣya pādagrahaṇam anvahaṃ cābhivādanam
gurudāreṣu kurvīta satāṃ dharmam anusmaran // Manu_2.217

viproṣya pādagrahaṇam anvahaṃ ca abhivādanam gurudāreṣu kurvīta satāṃ dharmam anusmaran //

yathā khanan khanitreṇa naro vāry adhigacchati
tathā gurugatāṃ vidyāṃ śuśrūṣur adhigacchati // Manu_2.218

yathā khanan khanitreṇa naro vāry adhigacchati tathā gurugatāṃ vidyāṃ śuśrūṣur adhigacchati //

muṇḍo vā jaṭilo vā syād atha vā syāc chikhājaṭaḥ
nainaṃ grāme 'bhinimlocet sūryo nābhyudiyāt kva cit // Manu_2.219

muṇḍo vā jaṭilo vā syād atha vā syāc chikhā-jaṭaḥ na enaṃ grāme 'bhinimlocet sūryo na abhyudiyāt kva cit //

taṃ ced abhyudiyāt sūryaḥ śayānaṃ kāmacārataḥ
nimloced vāpy avijñānāj japann upavased dinam // Manu_2.220

taṃ ced abhyudiyāt sūryaḥ śayānaṃ kāmacārataḥ nimloced va āpy avijñānāj japann upavased dinam //

sūryeṇa hy abhinirmuktaḥ śayāno 'bhyuditaś ca yaḥ
prāyaścittam akurvāṇo yuktaḥ syān mahatainasā // Manu_2.221

abhinirmuktaḥ ] abhinimluktaḥ (M)

sūryeṇa hy abhinirmuktaḥabhinimluktaḥ śayāno 'bhyuditaś ca yaḥ prāyaścittam akurvāṇo yuktaḥ syān mahata ainasā //

ācamya prayato nityam ubhe saṃdhye samāhitaḥ
śucau deśe japañ japyam upāsīta yathāvidhi // Manu_2.222

ācamya prayato nityam ubhe saṃdhye samāhitaḥ śucau deśe japañ japyam upāsīta yathāvidhi //

yadi strī yady avarajaḥ śreyaḥ kiṃ cit samācaret
tat sarvam ācared yukto yatra cāsya ramen manaḥ // Manu_2.223

yadi strī yady avarajaḥ śreyaḥ kiṃ cit samācaret tat sarvam ācared yukto yatra ca asya ramen manaḥ //

dharmārthāv ucyate śreyaḥ kāmārthau dharma eva ca
artha eveha vā śreyas trivarga iti tu sthitiḥ // Manu_2.224

dharma-arthāv ucyate śreyaḥ kāma-arthau dharma eva ca artha eva iha vā śreyas trivarga iti tu sthitiḥ //

ācāryaś ca pitā caiva mātā bhrātā ca pūrvajaḥ
nārtenāpy avamantavyā brāhmaṇena viśeṣataḥ // Manu_2.225

ācāryaś ca pitā ca eva mātā bhrātā ca pūrvajaḥ nā artena apy avamantavyā brāhmaṇena viśeṣataḥ //

ācāryo brahmaṇo mūrtiḥ pitā mūrtiḥ prajāpateḥ
mātā pṛthivyā mūrtis tu bhrātā svo mūrtir ātmanaḥ // Manu_2.226

ācāryo brahmaṇo mūrtiḥ pitā mūrtiḥ prajāpateḥ mātā pṛthivyā mūrtis tu bhrātā svo mūrtir ātmanaḥ //

yaṃ mātāpitarau kleśaṃ sahete saṃbhave nṛṇām
na tasya niṣkṛtiḥ śakyā kartuṃ varṣaśatair api // Manu_2.227

yaṃ mātā-pitarau kleśaṃ sahete saṃbhave nṛṇām na tasya niṣkṛtiḥ śakyā kartuṃ varṣaśatair api //

tayor nityaṃ priyaṃ kuryād ācāryasya ca sarvadā
teṣv eva triṣu tuṣṭeṣu tapaḥ sarvaṃ samāpyate // Manu_2.228

tayor nityaṃ priyaṃ kuryād ācāryasya ca sarvadā teṣv eva triṣu tuṣṭeṣu tapaḥ sarvaṃ samāpyate //

teṣāṃ trayāṇāṃ śuśrūṣā paramaṃ tapa ucyate
na tair anabhyanujñāto dharmam anyaṃ samācaret // Manu_2.229

teṣāṃ trayāṇāṃ śuśrūṣā paramaṃ tapa ucyate na tair anabhyanujñāto dharmam anyaṃ samācaret //

ta eva hi trayo lokās ta eva traya āśramāḥ
ta eva hi trayo vedās ta evoktās trayo 'gnayaḥ // Manu_2.230

ta eva hi trayo lokās ta eva traya āśramāḥ ta eva hi trayo vedās ta eva uktās trayo 'gnayaḥ //

pitā vai gārhapatyo 'gnir mātāgnir dakṣiṇaḥ smṛtaḥ
gurur āhavanīyas tu sāgnitretā garīyasī // Manu_2.231

pitā vai gārhapatyo 'gnir māta āgnir dakṣiṇaḥ smṛtaḥ gurur āhavanīyas tu sa āgnitretā garīyasī //

triṣv apramādyann eteṣu trīn lokān vijayed gṛhī
dīpyamānaḥ svavapuṣā devavad divi modate // Manu_2.232

triṣv apramādyann eteṣu trīn lokān vijayed gṛhī dīpyamānaḥ svavapuṣā devavad divi modate //

imaṃ lokaṃ mātṛbhaktyā pitṛbhaktyā tu madhyamam
guruśuśrūṣayā tv evaṃ brahmalokaṃ samaśnute // Manu_2.233

imaṃ lokaṃ mātṛbhaktyā pitṛbhaktyā tu madhyamam guruśuśrūṣayā tv evaṃ brahmalokaṃ samaśnute //

sarve tasyādṛtā dharmā yasyaite traya ādṛtāḥ
anādṛtās tu yasyaite sarvās tasyāphalāḥ kriyāḥ // Manu_2.234

sarve tasyā adṛtā dharmā yasya ete traya ādṛtāḥ anādṛtās tu yasya ete sarvās tasya aphalāḥ kriyāḥ //

yāvat trayas te jīveyus tāvan nānyaṃ samācaret
teṣv eva nityaṃ śuśrūṣāṃ kuryāt priyahite rataḥ // Manu_2.235

yāvat trayas te jīveyus tāvan na anyaṃ samācaret teṣv eva nityaṃ śuśrūṣāṃ kuryāt priyahite rataḥ //

teṣām anuparodhena pāratryaṃ yad yad ācaret
tat tan nivedayet tebhyo manovacanakarmabhiḥ // Manu_2.236

teṣām anuparodhena pāratryaṃ yad yad ācaret tat tan nivedayet tebhyo mano-vacana-karmabhiḥ //

triṣv eteṣv itikṛtyaṃ hi puruṣasya samāpyate
eṣa dharmaḥ paraḥ sākṣād upadharmo 'nya ucyate // Manu_2.237

triṣv eteṣv itikṛtyaṃ hi puruṣasya samāpyate eṣa dharmaḥ paraḥ sākṣād upadharmo 'nya ucyate //

śraddadhānaḥ śubhāṃ vidyām ādadītāvarād api
anyād api paraṃ dharmaṃ strīratnaṃ duṣkulād api // Manu_2.238

śraddadhānaḥ śubhāṃ vidyām ādadīta avarād api anyād api paraṃ dharmaṃ strīratnaṃ duṣkulād api //

viṣād apy amṛtaṃ grāhyaṃ bālād api subhāṣitam
amitrād api sadvṛttam amedhyād api kāñcanam // Manu_2.239

viṣād apy amṛtaṃ grāhyaṃ bālād api subhāṣitam amitrād api sadvṛttam amedhyād api kāñcanam //

striyo ratnāny atho vidyā dharmaḥ śaucaṃ subhāṣitam
vividhāni ca śīlpāni samādeyāni sarvataḥ // Manu_2.240

striyo ratnāny atho vidyā dharmaḥ śaucaṃ subhāṣitam vividhāni ca śīlpāni samādeyāni sarvataḥ //

abrāhmaṇād adhyāyanam āpatkāle vidhīyate
anuvrajyā ca śuśrūṣā yāvad adhyāyanaṃ guroḥ // Manu_2.241

abrāhmaṇād adhyāyanam āpatkāle vidhīyate anuvrajyā ca śuśrūṣā yāvad adhyāyanaṃ guroḥ //

nābrāhmaṇe gurau śiṣyo vāsam ātyantikaṃ vaset
brāhmaṇe vānanūcāne kāṅkṣan gatim anuttamām // Manu_2.242

na abrāhmaṇe gurau śiṣyo vāsam ātyantikaṃ vaset brāhmaṇe va ānanūcāne kāṅkṣan gatim anuttamām //

yadi tv ātyantikaṃ vāsaṃ rocayeta guroḥ kule
yuktaḥ paricared enam ā śarīravimokṣaṇāt // Manu_2.243

yadi tv ātyantikaṃ vāsaṃ rocayeta guroḥ kule yuktaḥ paricared enam ā śarīravimokṣaṇāt //

ā samāpteḥ śarīrasya yas tu śuśrūṣate gurum
sa gacchaty añjasā vipro brahmaṇaḥ sadma śāśvatam // Manu_2.244

ā samāpteḥ śarīrasya yas tu śuśrūṣate gurum sa gacchaty añjasā vipro brahmaṇaḥ sadma śāśvatam //

na pūrvaṃ gurave kiṃ cid upakurvīta dharmavit
snāsyaṃs tu guruṇājñaptaḥ śaktyā gurvartham āharet // Manu_2.245

na pūrvaṃ gurave kiṃ cid upakurvīta dharmavit snāsyaṃs tu guruṇā ājñaptaḥ śaktyā gurv-artham āharet //

kṣetraṃ hiraṇyaṃ gām aśvaṃ chatropānaham āsanam
dhānyaṃ śākaṃ ca vāsāṃsi gurave prītim āvahet // Manu_2.246

āsanam ] antataḥ (M)
śākaṃ ca vāsāṃsi ] vāsāṃsi śākaṃ vā (M)
āvahet ] āharan (M)

kṣetraṃ hiraṇyaṃ gām aśvaṃ chatra-upānaham āsanamantataḥ dhānyaṃ śākaṃ ca vāsāṃsivāsāṃsi śākaṃ vā gurave prītim āvahetāharan //

ācārye tu khalu prete guruputre guṇānvite
gurudāre sapiṇḍe vā guruvad vṛttim ācaret // Manu_2.247

ācārye tu khalu prete guruputre guṇānvite gurudāre sapiṇḍe vā guruvad vṛttim ācaret //

eteṣv avidyamāneṣu sthānāsanavihāravān
prayuñjāno 'gniśuśrūṣāṃ sādhayed deham ātmanaḥ // Manu_2.248

eteṣv avidyamāneṣu sthāna-āsana-vihāravān prayuñjāno 'gniśuśrūṣāṃ sādhayed deham ātmanaḥ //

evaṃ carati yo vipro brahmacaryam aviplutaḥ
sa gacchaty uttamasthānaṃ na ceha jāyate punaḥ // Manu_2.249

evaṃ carati yo vipro brahmacaryam aviplutaḥ sa gacchaty uttamasthānaṃ na ca iha jāyate punaḥ //

ṣaṭtriṃśadābdikaṃ caryaṃ gurau traivedikaṃ vratam
tadardhikaṃ pādikaṃ vā grahaṇāntikam eva vā // Manu_3.1

ṣaṭtriṃśad-ābdikaṃ caryaṃ gurau traivedikaṃ vratam tadardhikaṃ pādikaṃ vā grahaṇāntikam eva vā //

vedān adhītya vedau vā vedaṃ vāpi yathākramam
aviplutabrahmacaryo gṛhasthāśramam āvaset // Manu_3.2

vedān adhītya vedau vā vedaṃ va āpi yathākramam avipluta-brahmacaryo gṛhasthāśramam āvaset //

taṃ pratītaṃ svadharmeṇa brahmadāyaharaṃ pituḥ
sragviṇaṃ talpa āsīnam arhayet prathamaṃ gavā // Manu_3.3

taṃ pratītaṃ svadharmeṇa brahmadāyaharaṃ pituḥ sragviṇaṃ talpa āsīnam arhayet prathamaṃ gavā //

guruṇānumataḥ snātvā samāvṛtto yathāvidhi
udvaheta dvijo bhāryāṃ savarṇāṃ lakṣaṇānvitām // Manu_3.4

guruṇānumataḥ snātvā samāvṛtto yathāvidhi udvaheta dvijo bhāryāṃ sa-varṇāṃ lakṣaṇānvitām //

asapiṇḍā ca yā mātur asagotrā ca yā pituḥ
sā praśastā dvijātīnāṃ dārakarmaṇi maithune // Manu_3.5

i maithune ] amaithinī (M)

asapiṇḍā ca yā mātur asagotrā ca yā pituḥ sā praśastā dvijātīnāṃ dārakarmaṇi maithunea-maithinī //

mahānty api samṛddhāni go'jāvidhanadhānyataḥ
strīsaṃbandhe daśaitāni kulāni parivarjayet // Manu_3.6

mahānty api samṛddhāni go-'ja-avi-dhana-dhānyataḥ strīsaṃbandhe daśa etāni kulāni parivarjayet //

hīnakriyaṃ niṣpuruṣaṃ niśchando romaśārśasam
kṣayāmayāvyapasmāriśvitrikuṣṭhikulāni ca // Manu_3.7

hīna-kriyaṃ niṣ-puruṣaṃ niś-chando romaśa-arśasam kṣaya-āmayāvy-apasmāriśvitri-kuṣṭhi-kulāni ca //

nodvahet kapilāṃ kanyāṃ nādhikāṅgīṃ na rogiṇīm
nālomikāṃ nātilomāṃ na vācāṭāṃ na piṅgalām // Manu_3.8

vācāṭāṃ ] vācālāṃ (M)

na udvahet kapilāṃ kanyāṃ na adhikāṅgīṃ na rogiṇīm na alomikāṃ na ati-lomāṃ na vācāṭāṃvācālāṃ na piṅgalām //

na rkṣavṛkṣanadīnāmnīṃ nāntyaparvatanāmikām
na pakṣyahipreṣyanāmnīṃ na ca bhīṣananāmikām // Manu_3.9

na rkṣa-vṛkṣa-nadī-nāmnīṃ na antya-parvata-nāmikām na pakṣy-ahi-preṣya-nāmnīṃ na ca bhīṣana-nāmikām //

avyaṅgāṅgīṃ saumyanāmnīṃ haṃsavāraṇagāminīm
tanulomakeśadaśanāṃ mṛdvaṅgīm udvahet striyam // Manu_3.10

avyaṅga-aṅgīṃ saumya-nāmnīṃ haṃsa-vāraṇa-gāminīm tanuloma-keśa-daśanāṃ mṛdv-aṅgīm udvahet striyam //

yasyās tu na bhaved bhrātā na vijñāyeta pitā
nopayaccheta tāṃ prājñaḥ putrikādharmaśaṅkayā // Manu_3.11

vā ] vai (M)

yasyās tu na bhaved bhrātā na vijñāyeta vāvai pitā na upayaccheta tāṃ prājñaḥ putrikā-adharmaśaṅkayā //

savarṇāgre dvijātīnāṃ praśastā dārakarmaṇi
kāmatas tu pravṛttānām imāḥ syuḥ kramaśo 'varāḥ // Manu_3.12

savarṇa āgre dvijātīnāṃ praśastā dārakarmaṇi kāmatas tu pravṛttānām imāḥ syuḥ kramaśo 'varāḥ //

śūdraiva bhāryā śūdrasya sā ca svā ca viśaḥ smṛte
te ca svā caiva rājñaś ca tāś ca svā cāgrajanmanaḥ // Manu_3.13

śūdra aiva bhāryā śūdrasya sā ca svā ca viśaḥ smṛte te ca svā ca eva rājñaś ca tāś ca svā ca agra-janmanaḥ //

na brāhmaṇakṣatriyayor āpady api hi tiṣṭhatoḥ
kasmiṃś cid api vṛttānte śūdrā bhāryopadiśyate // Manu_3.14

na brāhmaṇa-kṣatriyayor āpady api hi tiṣṭhatoḥ kasmiṃś cid api vṛttānte śūdrā bhārya ūpadiśyate //

hīnajātistriyaṃ mohād udvahanto dvijātayaḥ
kulāny eva nayanty āśu sasantānāni śūdratām // Manu_3.15

hīnajāti-striyaṃ mohād udvahanto dvijātayaḥ kulāny eva nayanty āśu sa-santānāni śūdratām //

śūdrāvedī pataty atrer utathyatanayasya ca
śaunakasya sutotpattyā tadapatyatayā bhṛgoḥ // Manu_3.16

śūdrāvedī pataty atrer utathyatanayasya ca śaunakasya suta-utpattyā tad-apatyatayā bhṛgoḥ //

śūdrāṃ śayanam āropya brāhmaṇo yāty adhogatim
janayitvā sutaṃ tasyāṃ brāhmaṇyād eva hīyate // Manu_3.17

śūdrāṃ śayanam āropya brāhmaṇo yāty adhogatim janayitvā sutaṃ tasyāṃ brāhmaṇyād eva hīyate //

daivapitryātitheyāni tatpradhānāni yasya tu
nāśnanti pitṛdevās tan na ca svargaṃ sa gacchati // Manu_3.18

daiva-pitrya-ātitheyāni tat-pradhānāni yasya tu na aśnanti pitṛ-devās tan na ca svargaṃ sa gacchati //

vṛṣalīphenapītasya niḥśvāsopahatasya ca
tasyāṃ caiva prasūtasya niṣkṛtir na vidhīyate // Manu_3.19

vṛṣalīphena-pītasya niḥśvāsa-upahatasya ca tasyāṃ ca eva prasūtasya niṣkṛtir na vidhīyate //

caturṇām api varṇānaṃ pretya ceha hitāhitān
aṣṭāv imān samāsena strīvivāhān nibodhata // Manu_3.20

caturṇām api varṇānaṃ pretya ca iha hita-ahitān aṣṭāv imān samāsena strīvivāhān nibodhata //

brāhmo daivas tathaivārṣaḥ prājāpatyas tathāsuraḥ
gāndharvo rākṣasaś caiva paiśācaś cāṣṭamo 'dhamaḥ // Manu_3.21

brāhmo daivas tatha aivā arṣaḥ prājāpatyas tatha āsuraḥ gāndharvo rākṣasaś ca eva paiśācaś ca aṣṭamo 'dhamaḥ //

yo yasya dharmyo varṇasya guṇadoṣau ca yasya yau
tad vaḥ sarvaṃ pravakṣyāmi prasave ca guṇāguṇān // Manu_3.22

yo yasya dharmyo varṇasya guṇa-doṣau ca yasya yau tad vaḥ sarvaṃ pravakṣyāmi prasave ca guṇa-aguṇān //

ṣaḍ ānupūrvyā viprasya kṣatrasya caturo 'varān
viṭśūdrayos tu tān eva vidyād dharmyān arākṣasān // Manu_3.23

arākṣasān ] na rākṣasān (M)

ṣaḍ ānupūrvyā viprasya kṣatrasya caturo 'varān viṭ-śūdrayos tu tān eva vidyād dharmyān arākṣasānna rākṣasān //

caturo brāhmaṇasyādyān praśastān kavayo viduḥ
rākṣasaṃ kṣatriyasyaikam āsuraṃ vaiśyaśūdrayoḥ // Manu_3.24

caturo brāhmaṇasyā adyān praśastān kavayo viduḥ rākṣasaṃ kṣatriyasya ekam āsuraṃ vaiśya-śūdrayoḥ //

pañcānāṃ tu trayo dharmyā dvāv adharmyau smṛtāv iha
paiśācaś cāsuraś caiva na kartavyau kadā cana // Manu_3.25

pañcānāṃ tu trayo dharmyā dvāv adharmyau smṛtāv iha paiśācaś ca asuraś ca eva na kartavyau kadā cana //

pṛthak pṛthag vā miśrau vā vivāhau pūrvacoditau
gāndharvo rākṣasaś caiva dharmyau kṣatrasya tau smṛtau // Manu_3.26

pṛthak pṛthag vā miśrau vā vivāhau pūrvacoditau gāndharvo rākṣasaś ca eva dharmyau kṣatrasya tau smṛtau //

ācchādya cārcayitvā ca śrutaśīlavate svayam
āhūya dānaṃ kanyāyā brāhmo dharmaḥ prakīrtitaḥ // Manu_3.27

ācchādya ca arcayitvā ca śruta-śīlavate svayam āhūya dānaṃ kanyāyā brāhmo dharmaḥ prakīrtitaḥ //

yajñe tu vitate samyag ṛtvije karma kurvate
alaṅkṛtya sutādānaṃ daivaṃ dharmaṃ pracakṣate // Manu_3.28

yajñe tu vitate samyag ṛtvije karma kurvate alaṅkṛtya sutādānaṃ daivaṃ dharmaṃ pracakṣate //

ekaṃ gomithunaṃ dve vā varād ādāya dharmataḥ
kanyāpradānaṃ vidhivad ārṣo dharmaḥ sa ucyate // Manu_3.29

ekaṃ gomithunaṃ dve vā varād ādāya dharmataḥ kanyāpradānaṃ vidhivad ārṣo dharmaḥ sa ucyate //

sahobhau caratāṃ dharmam iti vācānubhāṣya ca
kanyāpradānam abhyarcya prājāpatyo vidhiḥ smṛtaḥ // Manu_3.30

saha ubhau caratāṃ dharmam iti vāca ānubhāṣya ca kanyāpradānam abhyarcya prājāpatyo vidhiḥ smṛtaḥ //

jñātibhyo draviṇaṃ dattvā kanyāyai caiva śaktitaḥ
kanyāpradānaṃ svācchandyād āsuro dharma ucyate // Manu_3.31

jñātibhyo draviṇaṃ dattvā kanyāyai ca eva śaktitaḥ kanyāpradānaṃ svācchandyād āsuro dharma ucyate //

icchayānyonyasaṃyogaḥ kanyāyāś ca varasya ca
gāndharvaḥ sa tu vijñeyo maithunyaḥ kāmasaṃbhavaḥ // Manu_3.32

icchaya ānyonyasaṃyogaḥ kanyāyāś ca varasya ca gāndharvaḥ sa tu vijñeyo maithunyaḥ kāma-saṃbhavaḥ //

hatvā chittvā ca bhittvā ca krośantīṃ rudantīṃ gṛhāt
prasahya kanyāharaṇaṃ rākṣaso vidhir ucyate // Manu_3.33

hatvā chittvā ca bhittvā ca krośantīṃ rudantīṃ gṛhāt prasahya kanyāharaṇaṃ rākṣaso vidhir ucyate //

suptāṃ mattāṃ pramattāṃ vā raho yatropagacchati
sa pāpiṣṭho vivāhānāṃ paiśācaś cāṣṭamo 'dhamaḥ // Manu_3.34

paiśācaś cāṣṭamo ] paiśācaḥ prathito (M)

suptāṃ mattāṃ pramattāṃ vā raho yatra upagacchati sa pāpiṣṭho vivāhānāṃ paiśācaś ca aṣṭamopaiśācaḥ prathito 'dhamaḥ //

adbhir eva dvijāgryāṇāṃ kanyādānaṃ viśiṣyate
itareṣāṃ tu varṇānām itaretarakāmyayā // Manu_3.35

adbhir eva dvija-agryāṇāṃ kanyādānaṃ viśiṣyate itareṣāṃ tu varṇānām itaretarakāmyayā //

yo yasyaiṣāṃ vivāhānāṃ manunā kīrtito guṇaḥ
sarvaṃ śṛṇuta taṃ viprāḥ sarvaṃ kīrtayato mama // Manu_3.36

sarvaṃ ] samyak (M)

yo yasya eṣāṃ vivāhānāṃ manunā kīrtito guṇaḥ sarvaṃ śṛṇuta taṃ viprāḥ sarvaṃsamyak kīrtayato mama //

daśa pūrvān parān vaṃśyān ātmānaṃ caikaviṃśakam
brāhmīputraḥ sukṛtakṛn mocayaty enasaḥ pitṝn // Manu_3.37

daśa pūrvān parān vaṃśyān ātmānaṃ ca ekaviṃśakam brāhmīputraḥ sukṛtakṛn mocayaty enasaḥ pitṝn //

daivoḍhājaḥ sutaś caiva sapta sapta parāvarān
ārṣoḍhājaḥ sutas trīṃs trīn ṣaṭ ṣaṭ kāyoḍhajaḥ sutaḥ // Manu_3.38

daiva-ūḍhājaḥ sutaś ca eva sapta sapta para-avarān ārṣa-ūḍhājaḥ sutas trīṃs trīn ṣaṭ ṣaṭ kāya-ūḍhajaḥ sutaḥ //

brāhmādiṣu vivāheṣu caturṣv evānupūrvaśaḥ
brahmavarcasvinaḥ putrā jāyante śiṣṭasammatāḥ // Manu_3.39

varcasvinaḥ ] varcasinaḥ (M)

brāhma-ādiṣu vivāheṣu caturṣv eva anupūrvaśaḥ brahmavarcasvinaḥvarcasinaḥ putrā jāyante śiṣṭasammatāḥ //

rūpasattvaguṇopetā dhanavanto yaśasvinaḥ
paryāptabhogā dharmiṣṭhā jīvanti ca śataṃ samāḥ // Manu_3.40

rūpa-sattva-guṇa-upetā dhanavanto yaśasvinaḥ paryāpta-bhogā dharmiṣṭhā jīvanti ca śataṃ samāḥ //

itareṣu tu śiṣṭeṣu nṛśaṃsānṛtavādinaḥ
jāyante durvivāheṣu brahmadharmadviṣaḥ sutāḥ // Manu_3.41

itareṣu tu śiṣṭeṣu nṛśaṃsā-anṛtavādinaḥ jāyante durvivāheṣu brahma-dharma-dviṣaḥ sutāḥ //

aninditaiḥ strīvivāhair anindyā bhavati prajā
ninditair ninditā nṝṇāṃ tasmān nindyān vivarjayet // Manu_3.42

aninditaiḥ strīvivāhair anindyā bhavati prajā ninditair ninditā nṝṇāṃ tasmān nindyān vivarjayet //

pāṇigrahaṇasaṃskāraḥ savarṇāsūpadiśyate
asavarṇāsv ayaṃ jñeyo vidhir udvāhakarmaṇi // Manu_3.43

pāṇigrahaṇasaṃskāraḥ sa-varṇāsu upadiśyate asavarṇāsv ayaṃ jñeyo vidhir udvāhakarmaṇi //

śaraḥ kṣatriyayā grāhyaḥ pratodo vaiśyakanyayā
vasanasya daśā grāhyā śūdrayotkṛṣṭavedane // Manu_3.44

śaraḥ kṣatriyayā grāhyaḥ pratodo vaiśyakanyayā vasanasya daśā grāhyā śūdraya ūtkṛṣṭavedane //

ṛtukālābhigāmī syāt svadāranirataḥ sadā
parvavarjaṃ vrajec caināṃ tadvrato ratikāmyayā // Manu_3.45

ṛtukālābhigāmī syāt svadāranirataḥ sadā parvavarjaṃ vrajec ca enāṃ tad-vrato ratikāmyayā //

ṛtuḥ svābhāvikaḥ strīṇāṃ rātrayaḥ ṣoḍaśa smṛtāḥ
caturbhir itaraiḥ sārdham ahobhiḥ sadvigarhitaiḥ // Manu_3.46

ṛtuḥ svābhāvikaḥ strīṇāṃ rātrayaḥ ṣoḍaśa smṛtāḥ caturbhir itaraiḥ sārdham ahobhiḥ sadvigarhitaiḥ //

tāsām ādyāś catasras tu ninditaikādaśī ca yā
trayodaśī ca śeṣās tu praśastā daśarātrayaḥ // Manu_3.47

tāsām ādyāś catasras tu nindita aikādaśī ca yā trayodaśī ca śeṣās tu praśastā daśarātrayaḥ //

yugmāsu putrā jāyante striyo 'yugmāsu rātriṣu
tasmād yugmāsu putrārthī saṃviśed ārtave striyam // Manu_3.48

yugmāsu putrā jāyante striyo 'yugmāsu rātriṣu tasmād yugmāsu putrārthī saṃviśed ārtave striyam //

pumān puṃso 'dhike śukre strī bhavaty adhike striyāḥ
same 'pumān puṃ striyau vā kṣīṇe 'lpe ca viparyayaḥ // Manu_3.49

pumān puṃso 'dhike śukre strī bhavaty adhike striyāḥ same 'pumān puṃ striyau vā kṣīṇe 'lpe ca viparyayaḥ //

nindyāsv aṣṭāsu cānyāsu striyo rātriṣu varjayan
brahmacāry eva bhavati yatra tatrāśrame vasan // Manu_3.50

nindyāsv aṣṭāsu ca anyāsu striyo rātriṣu varjayan brahmacāry eva bhavati yatra tatrā aśrame vasan //

na kanyāyāḥ pitā vidvān gṛhṇīyāc chulkam aṇv api
gṛhṇañ śulkaṃ hi lobhena syān naro 'patyavikrayī // Manu_3.51

na kanyāyāḥ pitā vidvān gṛhṇīyāc chulkam aṇv api gṛhṇañ śulkaṃ hi lobhena syān naro 'patyavikrayī //

strīdhanāni tu ye mohād upajīvanti bāndhavāḥ
nārī yānāni vastraṃ vā te pāpā yānty adhogatim // Manu_3.52

strīdhanāni tu ye mohād upajīvanti bāndhavāḥ nārī yānāni vastraṃ vā te pāpā yānty adhogatim //

ārṣe gomithunaṃ śulkaṃ ke cid āhur mṛṣaiva tat
alpo 'py evaṃ mahān vāpi vikrayas tāvad eva saḥ // Manu_3.53

vikrayas tāvad eva saḥ ] tāvān eva sa vikrayaḥ (M)

ārṣe gomithunaṃ śulkaṃ ke cid āhur mṛṣa aiva tat alpo 'py evaṃ mahān va āpi vikrayas tāvad eva saḥtāvān eva sa vikrayaḥ //

yāsāṃ nādadate śulkaṃ jñātayo na sa vikrayaḥ
arhaṇaṃ tat kumārīṇām ānṛśaṃsyaṃ ca kevalam // Manu_3.54

ca ] na (M)

yāsāṃ nā adadate śulkaṃ jñātayo na sa vikrayaḥ arhaṇaṃ tat kumārīṇām ānṛśaṃsyaṃ cana kevalam //

pitṛbhir bhrātṛbhiś caitāḥ patibhir devarais tathā
pūjyā bhūṣayitavyāś ca bahukalyāṇam īpsubhiḥ // Manu_3.55

pitṛbhir bhrātṛbhiś ca etāḥ patibhir devarais tathā pūjyā bhūṣayitavyāś ca bahukalyāṇam īpsubhiḥ //

yatra nāryas tu pūjyante ramante tatra devatāḥ
yatraitās tu na pūjyante sarvās tatrāphalāḥ kriyāḥ // Manu_3.56

yatra nāryas tu pūjyante ramante tatra devatāḥ yatra etās tu na pūjyante sarvās tatra aphalāḥ kriyāḥ //

śocanti jāmayo yatra vinaśyaty āśu tat kulam
na śocanti tu yatraitā vardhate tad dhi sarvadā // Manu_3.57 [= not in M]

śocanti jāmayo yatra vinaśyaty āśu tat kulam na śocanti tu yatra etā vardhate tad dhi sarvadā //

jāmayo yāni gehāni śapanty apratipūjitāḥ
tāni kṛtyāhatānīva vinaśyanti samantataḥ // Manu_3.58 [= not in M]

jāmayo yāni gehāni śapanty apratipūjitāḥ tāni kṛtyāhatāni iva vinaśyanti samantataḥ //

tasmād etāḥ sadā pūjyā bhūṣaṇācchādanāśanaiḥ
bhūtikāmair narair nityaṃ satkareṣūtsaveṣu ca // Manu_3.59 [= not in M]

tasmād etāḥ sadā pūjyā bhūṣaṇa-ācchādana-aśanaiḥ bhūti-kāmair narair nityaṃ satkareṣu utsaveṣu ca //

saṃtuṣṭo bhāryayā bhartā bhartrā bhāryā tathaiva ca
yasminn eva kule nityaṃ kalyāṇaṃ tatra vai dhruvam // Manu_3.60 [= not in M]

saṃtuṣṭo bhāryayā bhartā bhartrā bhāryā tatha eva ca yasminn eva kule nityaṃ kalyāṇaṃ tatra vai dhruvam //

yadi hi strī na roceta pumāṃsaṃ na pramodayet
apramodāt punaḥ puṃsaḥ prajanaṃ na pravartate // Manu_3.61 [= not in M]

yadi hi strī na roceta pumāṃsaṃ na pramodayet apramodāt punaḥ puṃsaḥ prajanaṃ na pravartate //

striyāṃ tu rocamānāyāṃ sarvaṃ tad rocate kulaṃ
tasyāṃ tv arocamānāyāṃ sarvam eva na rocate // Manu_3.62 [= ab not in M]

striyāṃ tu rocamānāyāṃ sarvaṃ tad rocate kulaṃ tasyāṃ tv arocamānāyāṃ sarvam eva na rocate //

kuvivāhaiḥ kriyālopair vedānadhyayanena ca
kulāny akulatāṃ yānti brāhmaṇātikrameṇa ca // Manu_3.63 [= not in M]

ku-vivāhaiḥ kriyā-lopair vedānadhyayanena ca kulāny akulatāṃ yānti brāhmaṇātikrameṇa ca //

śilpena vyavahāreṇa śūdrāpatyaiś ca kevalaiḥ
gobhir aśvaiś ca yānaiś ca kṛṣyā rājopasevayā // Manu_3.64 [= not in M]

śilpena vyavahāreṇa śūdrāpatyaiś ca kevalaiḥ gobhir aśvaiś ca yānaiś ca kṛṣyā rāja-upasevayā //

ayājyayājanaiś caiva nāstikyena ca karmaṇām
kulāny āśu vinaśyanti yāni hīnāni mantrataḥ // Manu_3.65 [= not in M]

ayājyayājanaiś ca eva nāstikyena ca karmaṇām kulāny āśu vinaśyanti yāni hīnāni mantrataḥ //

mantratas tu samṛddhāni kulāny alpadhanāny api
kulasaṃkhyāṃ ca gacchanti karṣanti ca mahad yaśaḥ // Manu_3.66 [= not in M]

mantratas tu samṛddhāni kulāny alpa-dhanāny api kulasaṃkhyāṃ ca gacchanti karṣanti ca mahad yaśaḥ //

vaivāhike 'gnau kurvīta gṛhyaṃ karma yathāvidhi
pañcayajñavidhānaṃ ca paktiṃ cānvāhikīṃ gṛhī // Manu_3.67 [= M 3.57]

vaivāhike 'gnau kurvīta gṛhyaṃ karma yathāvidhi pañcayajñavidhānaṃ ca paktiṃ ca anvāhikīṃ gṛhī //

pañca sūnā gṛhasthasya cullī peṣaṇy upaskaraḥ
kaṇḍanī codakumbhaś ca badhyate yās tu vāhayan // Manu_3.68 [= M 3.58]

badhyate ] vadhyate (M)

pañca sūnā gṛhasthasya cullī peṣaṇy upaskaraḥ kaṇḍanī ca udakumbhaś ca badhyatevadhyate yās tu vāhayan //

tāsāṃ krameṇa sarvāsāṃ niṣkṛtyarthaṃ maharṣibhiḥ
pañca kḷptā mahāyajñāḥ pratyahaṃ gṛhamedhinām // Manu_3.69 [= M 3.59]

tāsāṃ krameṇa sarvāsāṃ niṣkṛtyarthaṃ maharṣibhiḥ pañca kḷptā mahāyajñāḥ pratyahaṃ gṛhamedhinām //

adhyāpanaṃ brahmayajñaḥ pitṛyajñas tu tarpaṇam
homo daivo balir bhauto nṛyajño 'tithipūjanam // Manu_3.70 [= M 3.60]

adhyāpanaṃ brahmayajñaḥ pitṛyajñas tu tarpaṇam homo daivo balir bhauto nṛyajño 'tithipūjanam //

pañcaitān yo mahāayajñān na hāpayati śaktitaḥ
sa gṛhe 'pi vasan nityaṃ sūnādoṣair na lipyate // Manu_3.71 [= M 3.61]

pañca etān yo mahāayajñān na hāpayati śaktitaḥ sa gṛhe 'pi vasan nityaṃ sūnādoṣair na lipyate //

devatātithibhṛtyānāṃ pitṝṇām ātmanaś ca yaḥ
na nirvapati pañcānām ucchvasan na sa jīvati // Manu_3.72 [= M 3.62]

devatā-atithi-bhṛtyānāṃ pitṝṇām ātmanaś ca yaḥ na nirvapati pañcānām ucchvasan na sa jīvati //

ahutaṃ ca hutaṃ caiva tathā prahutam eva ca
brāhmyaṃ hutaṃ prāśitaṃ ca pañcayajñān pracakṣate // Manu_3.73 [= M 3.63]

ahutaṃ ca hutaṃ ca eva tathā prahutam eva ca brāhmyaṃ hutaṃ prāśitaṃ ca pañcayajñān pracakṣate //

japo 'huto huto homaḥ prahuto bhautiko baliḥ
brāhmyaṃ hutaṃ dvijāgryārcā prāśitaṃ pitṛtarpaṇam // Manu_3.74 [= M 3.64]

japo 'huto huto homaḥ prahuto bhautiko baliḥ brāhmyaṃ hutaṃ dvijāgryārcā prāśitaṃ pitṛtarpaṇam //

svādhyāye nityayuktaḥ syād daive caiveha karmaṇi
daivakarmaṇi yukto hi bibhartīdaṃ carācaram // Manu_3.75 [= M 3.65]

svādhyāye nityayuktaḥ syād daive ca eva iha karmaṇi daivakarmaṇi yukto hi bibharti idaṃ cara-acaram //

agnau prāstāhutiḥ samyag ādityam upatiṣṭhate
ādityāj jāyate vṛṣṭir vṛṣṭer annaṃ tataḥ prajāḥ // Manu_3.76 [= M 3.66]

agnau prāstā āhutiḥ samyag ādityam upatiṣṭhate ādityāj jāyate vṛṣṭir vṛṣṭer annaṃ tataḥ prajāḥ //

yathā vāyuṃ samāśritya vartante sarvajantavaḥ
tathā gṛhastham āśritya vartante sarva āśramāḥ // Manu_3.77 [= M 3.67]

vartante sarvajantavaḥ ] sarve jīvanti jantavaḥ (M)
vartante sarva āśramāḥ ] vartanta itarāśramaḥ (M)

yathā vāyuṃ samāśritya vartante sarvajantavaḥsarve jīvanti jantavaḥ tathā gṛhastham āśritya vartante sarva āśramāḥvartanta itarāśramaḥ //

yasmāt trayo 'py āśramiṇo jñānenānnena cānvaham
gṛhasthenaiva dhāryante tasmāj jyeṣṭhāśramo gṛhī // Manu_3.78 [= M 3.68]

gṛhī ] gṛham (K)

yasmāt trayo 'py āśramiṇo jñānena annena ca anvaham gṛhasthena eva dhāryante tasmāj jyeṣṭhāśramo gṛhīgṛham //

sa saṃdhāryaḥ prayatnena svargam akṣayam icchatā
sukhaṃ cehecchatātyantaṃ yo 'dhāryo durbalendriyaiḥ // Manu_3.79 [= M 3.69]

sa saṃdhāryaḥ prayatnena svargam akṣayam icchatā sukhaṃ ca iha icchata ātyantaṃ yo 'dhāryo durbala-indriyaiḥ //

ṛṣayaḥ pitaro devā bhūtāny atithayas tathā
āśāsate kuṭumbibhyas tebhyaḥ kāryaṃ vijānatā // Manu_3.80 [= M 3.70]

ṛṣayaḥ pitaro devā bhūtāny atithayas tathā āśāsate kuṭumbibhyas tebhyaḥ kāryaṃ vijānatā //

svādhyāyenārcayeta rṣīn homair devān yathāvidhi
pitṝñ śrāddhaiś ca nṝn annair bhūtāni balikarmaṇā // Manu_3.81 [= M 3.71]

svādhyāyena arcayeta rṣīn homair devān yathāvidhi pitṝñ śrāddhaiś ca nṝn annair bhūtāni balikarmaṇā //

kuryād aharahaḥ śrāddham annādyenodakena vā
payomūlaphalair vāpi pitṛbhyaḥ prītim āvahan // Manu_3.82 [= M 3.72]

kuryād ] dadyād (M)

kuryāddadyād ahar-ahaḥ śrāddham annādyena udakena vā payo-mūla-phalair va āpi pitṛbhyaḥ prītim āvahan //

ekam apy āśayed vipraṃ pitrarthe pāñcayajñike
na caivātrāśayet kiṃ cid vaiśvadevaṃ prati dvijam // Manu_3.83 [= M 3.73]

pitrarthe ] pitrarthaṃ (M)

ekam apy āśayed vipraṃ pitr-arthepitr-arthaṃ pāñcayajñike na ca eva atrā aśayet kiṃ cid vaiśvadevaṃ prati dvijam //

vaiśvadevasya siddhasya gṛhye 'gnau vidhipūrvakam
ābhyaḥ kuryād devatābhyo brāhmaṇo homam anvaham // Manu_3.84 [= M 3.74]

vaiśvadevasya siddhasya gṛhye 'gnau vidhipūrvakam ābhyaḥ kuryād devatābhyo brāhmaṇo homam anvaham //

agneḥ somasya caivādau tayoś caiva samastayoḥ
viśvebhyaś caiva devebhyo dhanvantaraya eva ca // Manu_3.85 [= M 3.75]

agneḥ somasya ca evā adau tayoś ca eva samastayoḥ viśvebhyaś ca eva devebhyo dhanvantaraya eva ca //

kuhvai caivānumatyai ca prajāpataya eva ca
saha dyāvāpṛthivyoś ca tathā sviṣṭakṛte 'ntataḥ // Manu_3.86 [= M 3.76]

kuhvai ca eva anumatyai ca prajāpataya eva ca saha dyāvāpṛthivyoś ca tathā sviṣṭakṛte 'ntataḥ //

evaṃ samyagg havir hutvā sarvadikṣu pradakṣiṇam
indrāntakāppatīndubhyaḥ sānugebhyo baliṃ haret // Manu_3.87 [= M 3.77]

evaṃ samyagg havir hutvā sarvadikṣu pradakṣiṇam indra-antaka-appati-indubhyaḥ sa-anugebhyo baliṃ haret //

marudbhya iti tu dvāri kṣiped apsv adbhya ity api
vanaspatibhya ity evaṃ musalolūkhale haret // Manu_3.88 [= M 3.78]

marudbhya iti tu dvāri kṣiped apsv adbhya ity api vanaspatibhya ity evaṃ musala-ulūkhale haret //

ucchīrṣake śriyai kuryād bhadrakālyai ca pādataḥ
brahmavāstoṣpatibhyāṃ tu vāstumadhye baliṃ haret // Manu_3.89 [= M 3.79]

ucchīrṣake śriyai kuryād bhadrakālyai ca pādataḥ brahma-vāstoṣpatibhyāṃ tu vāstumadhye baliṃ haret //

viśvebhyaś caiva devebhyo balim ākāśa utkṣipet
divācarebhyo bhūtebhyo naktaṃcāribhya eva ca // Manu_3.90 [= M 3.80]

viśvebhyaś ca eva devebhyo balim ākāśa utkṣipet divācarebhyo bhūtebhyo naktaṃcāribhya eva ca //

pṛṣṭhavāstuni kurvīta baliṃ sarvātmabhūtaye
pitṛbhyo baliśeṣaṃ tu sarvaṃ dakṣiṇato haret // Manu_3.91 [= M 3.81]

sarvātmabhūtaye ] sarvānnabhūtaye (M)

pṛṣṭhavāstuni kurvīta baliṃ sarvātmabhūtayesarvānnabhūtaye pitṛbhyo baliśeṣaṃ tu sarvaṃ dakṣiṇato haret //

śūnāṃ ca patitānāṃ ca śvapacāṃ pāparogiṇām
vayasānāṃ kṛmīṇāṃ ca śanakair nirvaped bhuvi // Manu_3.92 [= M 3.82]

vayasānāṃ ] vayasāṃ ca (M)

śūnāṃ ca patitānāṃ ca śvapacāṃ pāpa-rogiṇām vayasānāṃvayasāṃ ca kṛmīṇāṃ ca śanakair nirvaped bhuvi //

evaṃ yaḥ sarvabhūtāni brāhmaṇo nityam arcati
sa gacchati paraṃ sthānaṃ tejomūrtiḥ pathā rjunā // Manu_3.93 [= M 3.83]

evaṃ yaḥ sarvabhūtāni brāhmaṇo nityam arcati sa gacchati paraṃ sthānaṃ tejomūrtiḥ pathā rjunā //

kṛtvaitad balikarmaivam atithiṃ pūrvam āśayet
bhikṣāṃ ca bhikṣave dadyād vidhivad brahmacāriṇe // Manu_3.94 [= M 3.84]

kṛtva aitad balikarma evam atithiṃ pūrvam āśayet bhikṣāṃ ca bhikṣave dadyād vidhivad brahmacāriṇe //

yat puṇyaphalam āpnoti gāṃ dattvā vidhivad guroḥ
tat puṇyaphalam āpnoti bhikṣāṃ dattvā dvijo gṛhī // Manu_3.95 [= M 3.85]

yat puṇyaphalam āpnoti gāṃ dattvā vidhivad guroḥ tat puṇyaphalam āpnoti bhikṣāṃ dattvā dvijo gṛhī //

bhikṣām apy udapātraṃ vā satkṛtya vidhipūrvakam
vedatattvārthaviduṣe brāhmaṇāyopapādayet // Manu_3.96 [= M 3.86]

bhikṣām apy udapātraṃ vā satkṛtya vidhipūrvakam vedatattvārthaviduṣe brāhmaṇāya upapādayet //

naśyanti havyakavyāni narāṇām avijānatām
bhasmībhūteṣu vipreṣu mohād dattāni dātṛbhiḥ // Manu_3.97 [= M 3.87]

bhasmī ] bhasma (M)

naśyanti havya-kavyāni narāṇām avijānatām bhasmībhasmabhūteṣu vipreṣu mohād dattāni dātṛbhiḥ //

vidyātapaḥsamṛddheṣu hutaṃ vipramukhāgniṣu
nistārayati durgāc ca mahataś caiva kilbiṣāt // Manu_3.98 [= M 3.88]

vidyā-tapaḥ-samṛddheṣu hutaṃ vipramukhāgniṣu nistārayati durgāc ca mahataś ca eva kilbiṣāt //

saṃprāptāya tv atithaye pradadyād āsanodake
annaṃ caiva yathāśakti satkṛtya vidhipūrvakam // Manu_3.99 [= M 3.89]

satkṛtya ] saṃskṛtya (K)

saṃprāptāya tv atithaye pradadyād āsana-udake annaṃ ca eva yathāśakti satkṛtyasaṃskṛtya vidhipūrvakam //

śilān apy uñchato nityaṃ pañcāgnīn api juhvataḥ
sarvaṃ sukṛtam ādatte brāhmaṇo 'narcito vasan // Manu_3.100 [= M 3.90]

śilān apy uñchato nityaṃ pañca-agnīn api juhvataḥ sarvaṃ sukṛtam ādatte brāhmaṇo 'narcito vasan //

tṛṇāni bhūmir udakaṃ vāk caturthī ca sūnṛtā
etāny api satāṃ gehe nocchidyante kadā cana // Manu_3.101 [= M 3.91]

tṛṇāni bhūmir udakaṃ vāk caturthī ca sūnṛtā etāny api satāṃ gehe na ucchidyante kadā cana //

ekarātraṃ tu nivasann atithir brāhmaṇaḥ smṛtaḥ
anityaṃ hi sthito yasmāt tasmād atithir ucyate // Manu_3.102 [= M 3.92]

ekarātraṃ tu nivasann atithir brāhmaṇaḥ smṛtaḥ anityaṃ hi sthito yasmāt tasmād atithir ucyate //

naikagrāmīṇam atithiṃ vipraṃ sāṅgatikaṃ tathā
upasthitaṃ gṛhe vidyād bhāryā yatrāgnayo 'pi vā // Manu_3.103 [= M 3.93]

na ekagrāmīṇam atithiṃ vipraṃ sāṅgatikaṃ tathā upasthitaṃ gṛhe vidyād bhāryā yatra agnayo 'pi vā //

upāsate ye gṛhasthāḥ parapākam abuddhayaḥ
tena te pretya paśutāṃ vrajanty annādidāyinaḥ // Manu_3.104 [= M 3.94]

upāsate ye gṛhasthāḥ parapākam abuddhayaḥ tena te pretya paśutāṃ vrajanty annādidāyinaḥ //

apraṇodyo 'tithiḥ sāyaṃ sūryoḍho gṛhamedhinā
kāle prāptas tv akāle vā nāsyānaśnan gṛhe vaset // Manu_3.105 [= M 3.95]

apraṇodyo 'tithiḥ sāyaṃ sūrya-ūḍho gṛhamedhinā kāle prāptas tv akāle vā na asya anaśnan gṛhe vaset //

na vai svayaṃ tad aśnīyād atithiṃ yan na bhojayet
dhanyaṃ yaśasyam āyuṣyaṃ svargyaṃ vātithipūjanam // Manu_3.106 [= M 3.96]

na vai svayaṃ tad aśnīyād atithiṃ yan na bhojayet dhanyaṃ yaśasyam āyuṣyaṃ svargyaṃ va ātithipūjanam //

āsanāvasathau śayyām anuvrajyām upāsanām
uttameṣūttamaṃ kuryād dhīne hīnaṃ same samam // Manu_3.107 [= M 3.97]

āsana-āvasathau śayyām anuvrajyām upāsanām uttameṣu uttamaṃ kuryād dhīne hīnaṃ same samam //

vaiśvadeve tu nirvṛtte yady anyo 'tithir āvrajet
tasyāpy annaṃ yathāśakti pradadyān na baliṃ haret // Manu_3.108 [= M 3.98]

vaiśvadeve tu nirvṛtte yady anyo 'tithir āvrajet tasya apy annaṃ yathāśakti pradadyān na baliṃ haret //

na bhojanārthaṃ sve vipraḥ kulagotre nivedayet
bhojanārthaṃ hi te śaṃsan vāntāśīty ucyate budhaiḥ // Manu_3.109 [= M 3.99]

na bhojanārthaṃ sve vipraḥ kula-gotre nivedayet bhojanārthaṃ hi te śaṃsan vāntāśi īty ucyate budhaiḥ //

na brāhmaṇasya tv atithir gṛhe rājanya ucyate
vaiśyaśūdrau sakhā caiva jñātayo gurur eva ca // Manu_3.110 [= M 3.100]

na brāhmaṇasya tv atithir gṛhe rājanya ucyate vaiśya-śūdrau sakhā ca eva jñātayo gurur eva ca //

yadi tv atithidharmeṇa kṣatriyo gṛham āvrajet
bhuktavatsu ca vipreṣu kāmaṃ tam api bhojayet // Manu_3.111 [= M 3.101]

yadi tv atithidharmeṇa kṣatriyo gṛham āvrajet bhuktavatsu ca vipreṣu kāmaṃ tam api bhojayet //

vaiśyaśūdrāv api prāptau kuṭumbe 'tithidharmiṇau
bhojayet saha bhṛtyais tāv ānṛśaṃsyaṃ prayojayan // Manu_3.112 [= M 3.102]

vaiśya-śūdrāv api prāptau kuṭumbe 'tithi-dharmiṇau bhojayet saha bhṛtyais tāv ānṛśaṃsyaṃ prayojayan //

itarān api sakhyādīn samprītyā gṛham āgatān
prakṛtyānnaṃ yathāśakti bhojayet saha bhāryayā // Manu_3.113 [= M 3.103]

itarān api sakhy-ādīn samprītyā gṛham āgatān prakṛtya annaṃ yathāśakti bhojayet saha bhāryayā //

suvāsinīḥ kumārīś ca rogiṇo garbhiṇīḥ striyaḥ
atithibhyo 'gra evaitān bhojayed avicārayan // Manu_3.114 [= M 3.104]

'gra ] 'nvag (M)

suvāsinīḥ kumārīś ca rogiṇo garbhiṇīḥ striyaḥ atithibhyo 'gra'nvag eva etān bhojayed avicārayan //

adattvā tu ya etebhyaḥ pūrvaṃ bhuṅkte 'vicakṣaṇaḥ
sa bhuñjāno na jānāti śvagṛdhrair jagdhim ātmanaḥ // Manu_3.115 [= M 3.105]

adattvā tu ya etebhyaḥ pūrvaṃ bhuṅkte 'vicakṣaṇaḥ sa bhuñjāno na jānāti śva-gṛdhrair jagdhim ātmanaḥ //

bhuktavatsv atha vipreṣu sveṣu bhṛtyeṣu caiva hi
bhuñjīyātāṃ tataḥ paścād avaśiṣṭaṃ tu dampatī // Manu_3.116 [= M 3.106]

bhuktavatsv atha vipreṣu sveṣu bhṛtyeṣu ca eva hi bhuñjīyātāṃ tataḥ paścād avaśiṣṭaṃ tu dampatī //

devān ṛṣīn manuṣyāṃś ca pitṝn gṛhyāś ca devatāḥ
pūjayitvā tataḥ paścād gṛhasthaḥ śeṣabhug bhavet // Manu_3.117 [= M 3.107]

devān ṛṣīn manuṣyāṃś ca pitṝn gṛhyāś ca devatāḥ pūjayitvā tataḥ paścād gṛhasthaḥ śeṣabhug bhavet //

aghaṃ sa kevalaṃ bhuṅkte yaḥ pacaty ātmakāraṇāt
yajñaśiṣṭāśanaṃ hy etat satām annaṃ vidhīyate // Manu_3.118 [= M 3.108]

aghaṃ sa kevalaṃ bhuṅkte yaḥ pacaty ātmakāraṇāt yajñaśiṣṭāśanaṃ hy etat satām annaṃ vidhīyate //

rājartviksnātakagurūn priyaśvaśuramātulān
arhayen madhuparkeṇa parisaṃvatsarāt punaḥ // Manu_3.119 [= M 3.109]

rājartvik-snātaka-gurūn priya-śvaśura-mātulān arhayen madhuparkeṇa parisaṃvatsarāt punaḥ //

rājā ca śrotriyaś caiva yajñakarmaṇy upasthitau
madhuparkeṇa saṃpūjyau na tv ayajña iti sthitiḥ // Manu_3.120 [= M 3.110]

upasthitau ] upasthite (M)

rājā ca śrotriyaś ca eva yajñakarmaṇy upasthitauupasthite madhuparkeṇa saṃpūjyau na tv ayajña iti sthitiḥ //

sāyaṃ tv annasya siddhasya patny amantraṃ baliṃ haret
vaiśvadevaṃ hi nāmaitat sāyaṃ prātar vidhīyate // Manu_3.121 [= M 3.111]

sāyaṃ tv annasya siddhasya patny amantraṃ baliṃ haret vaiśvadevaṃ hi nāma etat sāyaṃ prātar vidhīyate //

pitṛyajñaṃ tu nirvartya vipraś candrakṣaye 'gnimān
piṇḍānvāhāryakaṃ śrāddhaṃ kuryān māsānumāsikam // Manu_3.122 [= M 3.112]

candrakṣaye ] cendukṣaye (K)

pitṛyajñaṃ tu nirvartya vipraś candrakṣayeca indukṣaye 'gnimān piṇḍānvāhāryakaṃ śrāddhaṃ kuryān māsa-anumāsikam //

pitṝṇāṃ māsikaṃ śrāddham anvāhāryaṃ vidur budhāḥ
tac cāmiṣeṇā kartavyaṃ praśastena prayatnataḥ // Manu_3.123 [= M 3.113]

pitṝṇāṃ māsikaṃ śrāddham anvāhāryaṃ vidur budhāḥ tac cā amiṣeṇā kartavyaṃ praśastena prayatnataḥ //

tatra ye bhojanīyāḥ syur ye ca varjyā dvijottamāḥ
yāvantaś caiva yaiś cānnais tān pravakṣyāmy aśeṣataḥ // Manu_3.124 [= M 3.114]

tatra ye bhojanīyāḥ syur ye ca varjyā dvijottamāḥ yāvantaś ca eva yaiś ca annais tān pravakṣyāmy aśeṣataḥ //

dvau daive pitṛkārye trīn ekaikam ubhayatra vā
bhojayet susamṛddho 'pi na prasajjeta vistare // Manu_3.125 [= M 3.115]

pitṛkārye ] pitṛkṛtye (M)
prasajjeta ] na pravarteta (M)

dvau daive pitṛkāryepitṛkṛtye trīn ekaikam ubhayatra vā bhojayet su-samṛddho 'pi na prasajjetana pravarteta vistare //

satkriyāṃ deśakālau ca śaucaṃ brāhmaṇasaṃpadaḥ
pañcaitān vistaro hanti tasmān neheta vistaram // Manu_3.126 [= M 3.116]

satkriyāṃ deśa-kālau ca śaucaṃ brāhmaṇasaṃpadaḥ pañca etān vistaro hanti tasmān nā iheta vistaram //

prathitā pretakṛtyaiṣā pitryaṃ nāma vidhukṣaye
tasmin yuktasyaiti nityaṃ pretakṛtyaiva laukikī // Manu_3.127 [= M 3.117]

prathitā pretakṛtya aiṣā pitryaṃ nāma vidhukṣaye tasmin yuktasya eti nityaṃ pretakṛtya aiva laukikī //

śrotriyāyaiva deyāni havyakavyāni dātṛbhiḥ
arhattamāya viprāya tasmai dattaṃ mahāphalam // Manu_3.128 [= M 3.118]

śrotriyāya eva deyāni havya-kavyāni dātṛbhiḥ arhattamāya viprāya tasmai dattaṃ mahāphalam //

ekaikam api vidvāṃsaṃ daive pitrye ca bhojayet
puṣkalaṃ phalam āpnoti nāmantrajñān bahūn api // Manu_3.129 [= M 3.119]

bhojayet ] bhojayan (M)

ekaikam api vidvāṃsaṃ daive pitrye ca bhojayetbhojayan puṣkalaṃ phalam āpnoti na amantrajñān bahūn api //

dūrād eva parīkṣeta brāhmaṇaṃ vedapāragam
tīrthaṃ tad dhavyakavyānāṃ pradāne so 'tithiḥ smṛtaḥ // Manu_3.130 [= M 3.120]

dūrād eva parīkṣeta brāhmaṇaṃ vedapāragam tīrthaṃ tad dhavya-kavyānāṃ pradāne so 'tithiḥ smṛtaḥ //

sahasraṃ hi sahasrāṇām anṛcāṃ yatra bhuñjate
ekas tān mantravit prītaḥ sarvān arhati dharmataḥ // Manu_3.131 [= M 3.121]

sahasraṃ hi sahasrāṇām anṛcāṃ yatra bhuñjate ekas tān mantravit prītaḥ sarvān arhati dharmataḥ //

jñānotkṛṣṭāya deyāni kavyāni ca havīṃṣi ca
na hi hastāv asṛgdigdhau rudhireṇaiva śudhyataḥ // Manu_3.132 [= M 3.122]

jñāna-utkṛṣṭāya deyāni kavyāni ca havīṃṣi ca na hi hastāv asṛgdigdhau rudhireṇa eva śudhyataḥ //

yāvato grasate grāsān havyakavyeṣv amantravit
tāvato grasate preto dīptaśūlarṣṭyayoguḍān // Manu_3.133 [= M 3.123]

yāvato grasate grāsān havya-kavyeṣv amantravit tāvato grasate preto dīptaśūlarṣṭy-ayoguḍān //

jñānaniṣṭhā dvijāḥ ke cit taponiṣṭhās tathāpare
tapaḥsvādhyāyaniṣṭhāś ca karmaniṣṭhās tathāpare // Manu_3.134 [= M 3.124]

jñānaniṣṭhā dvijāḥ ke cit taponiṣṭhās tatha āpare tapaḥ-svādhyāyaniṣṭhāś ca karmaniṣṭhās tatha āpare //

jñānaniṣṭheṣu kavyāni pratiṣṭhāpyāni yatnataḥ
havyāni tu yathānyāyaṃ sarveṣv eva caturṣv api // Manu_3.135 [= M 3.125]

jñānaniṣṭheṣu kavyāni pratiṣṭhāpyāni yatnataḥ havyāni tu yathānyāyaṃ sarveṣv eva caturṣv api //

aśrotriyaḥ pitā yasya putraḥ syād vedapāragaḥ
aśrotriyo vā putraḥ syāt pitā syād vedapāragaḥ // Manu_3.136 [= M 3.126]

aśrotriyaḥ pitā yasya putraḥ syād vedapāragaḥ aśrotriyo vā putraḥ syāt pitā syād vedapāragaḥ //

jyāyāṃsam anayor vidyād yasya syāc chrotriyaḥ pitā
mantrasaṃpūjanārthaṃ tu satkāram itaro 'rhati // Manu_3.137 [= M 3.127]

jyāyāṃsam anayor vidyād yasya syāc chrotriyaḥ pitā mantrasaṃpūjanārthaṃ tu satkāram itaro 'rhati //

na śrāddhe bhojayen mitraṃ dhanaiḥ kāryo 'sya saṃgrahaḥ
nāriṃ na mitraṃ yaṃ vidyāt taṃ śrāddhe bhojayed dvijam // Manu_3.138 [= M 3.128]

na śrāddhe bhojayen mitraṃ dhanaiḥ kāryo 'sya saṃgrahaḥ nāriṃ na mitraṃ yaṃ vidyāt taṃ śrāddhe bhojayed dvijam //

yasya mitrapradhānāni śrāddhāni ca havīṃṣi ca
tasya pretya phalaṃ nāsti śrāddheṣu ca haviḥṣu ca // Manu_3.139 [= M 3.129]

yasya mitra-pradhānāni śrāddhāni ca havīṃṣi ca tasya pretya phalaṃ na asti śrāddheṣu ca haviḥṣu ca //

yaḥ saṃgatāni kurute mohāc chrāddhena mānavaḥ
sa svargāc cyavate lokāc chrāddhamitro dvijādhamaḥ // Manu_3.140 [= M 3.130]

yaḥ saṃgatāni kurute mohāc chrāddhena mānavaḥ sa svargāc cyavate lokāc chrāddha-mitro dvijādhamaḥ //

saṃbhojāni sābhihitā paiśācī dakṣiṇā dvijaiḥ
ihaivāste tu sā loke gaur andhevaikaveśmani // Manu_3.141 [= M 3.131]

saṃbhojāni sa ābhihitā paiśācī dakṣiṇā dvijaiḥ iha evā aste tu sā loke gaur andha īva ekaveśmani //

yatheriṇe bījam uptvā na vaptā labhate phalam
tathānṛce havir dattvā na dātā labhate phalam // Manu_3.142 [= M 3.132]

yatha īriṇe bījam uptvā na vaptā labhate phalam tatha ānṛce havir dattvā na dātā labhate phalam //

dātṝn pratigrahītṝṃś ca kurute phalabhāginaḥ
viduṣe dakṣiṇāṃ dattvā vidhivat pretya ceha ca // Manu_3.143 [= M 3.133]

dātṝn pratigrahītṝṃś ca kurute phalabhāginaḥ viduṣe dakṣiṇāṃ dattvā vidhivat pretya ca iha ca //

kāmaṃ śrāddhe 'rcayen mitraṃ nābhirūpam api tv arim
dviṣatā hi havir bhuktaṃ bhavati pretya niṣphalam // Manu_3.144 [= M 3.134]

kāmaṃ śrāddhe 'rcayen mitraṃ na abhirūpam api tv arim dviṣatā hi havir bhuktaṃ bhavati pretya niṣ-phalam //

yatnena bhojayec chrāddhe bahvṛcaṃ vedapāragam
śākhāntagam athādhvaryuṃ chandogaṃ tu samāptikam // Manu_3.145 [= M 3.135]

yatnena bhojayec chrāddhe bahvṛcaṃ vedapāragam śākhāntagam atha adhvaryuṃ chandogaṃ tu samāptikam //

eṣām anyatamo yasya bhuñjīta śrāddham arcitaḥ
pitṝṇāṃ tasya tṛptiḥ syāc chāśvatī sāptapauruṣī // Manu_3.146 [= M 3.136]

eṣām anyatamo yasya bhuñjīta śrāddham arcitaḥ pitṝṇāṃ tasya tṛptiḥ syāc chāśvatī sāptapauruṣī //

eṣa vai prathamaḥ kalpaḥ pradāne havyakavyayoḥ
anukalpas tv ayaṃ jñeyaḥ sadā sadbhir anuṣṭhitaḥ // Manu_3.147 [= M 3.137]

eṣa vai prathamaḥ kalpaḥ pradāne havya-kavyayoḥ anukalpas tv ayaṃ jñeyaḥ sadā sadbhir anuṣṭhitaḥ //

mātāmahaṃ mātulaṃ ca svasrīyaṃ śvaśuraṃ gurum
dauhitraṃ viṭpatiṃ bandhum ṛtvig yājyau ca bhojayet // Manu_3.148 [= M 3.138]

mātāmahaṃ mātulaṃ ca svasrīyaṃ śvaśuraṃ gurum dauhitraṃ viṭpatiṃ bandhum ṛtvig yājyau ca bhojayet //

na brāhmaṇaṃ parīkṣeta daive karmaṇi dharmavit
pitrye karmaṇi tu prāpte parīkṣeta prayatnataḥ // Manu_3.149 [= M 3.139]

na brāhmaṇaṃ parīkṣeta daive karmaṇi dharmavit pitrye karmaṇi tu prāpte parīkṣeta prayatnataḥ //

ye stenapatitaklībā ye ca nāstikavṛttayaḥ
tān havyakavyayor viprān anarhān manur abravīt // Manu_3.150 [= M 3.140]

ye stena-patita-klībā ye ca nāstikavṛttayaḥ tān havya-kavyayor viprān anarhān manur abravīt //

jaṭilaṃ cānadhīyānaṃ durbālaṃ kitavaṃ tathā
yājayanti ca ye pūgāṃs tāṃś ca śrāddhe na bhojayet // Manu_3.151 [= M 3.141]

jaṭilaṃ ca anadhīyānaṃ durbālaṃ kitavaṃ tathā yājayanti ca ye pūgāṃs tāṃś ca śrāddhe na bhojayet //

cikitsakān devalakān māṃsavikrayiṇas tathā
vipaṇena ca jīvanto varjyāḥ syur havyakavyayoḥ // Manu_3.152 [= M 3.142]

cikitsakān devalakān ] cikitsakādevalakā (M)

cikitsakān devalakāncikitsakādevalakā- māṃsavikrayiṇas tathā vipaṇena ca jīvanto varjyāḥ syur havya-kavyayoḥ //

preṣyo grāmasya rājñaś ca kunakhī śyāvadantakaḥ
pratiroddhā guroś caiva tyaktāgnir vārdhuṣis tathā // Manu_3.153 [= M 3.143]

preṣyo grāmasya rājñaś ca kunakhī śyāvadantakaḥ pratiroddhā guroś ca eva tyakta-agnir vārdhuṣis tathā //

yakṣmī ca paśupālaś ca parivettā nirākṛtiḥ
brahmadviṭ parivittiś ca gaṇābhyantara eva ca // Manu_3.154 [= M 3.144]

yakṣmī ca paśupālaś ca parivettā nirākṛtiḥ brahmadviṭ parivittiś ca gaṇābhyantara eva ca //

kuśīlavo 'vakīrṇī ca vṛṣalīpatir eva ca
paunarbhavaś ca kāṇaś ca yasya copapatir gṛhe // Manu_3.155 [= M 3.145]

kuśīlavo 'vakīrṇī ca vṛṣalīpatir eva ca paunarbhavaś ca kāṇaś ca yasya ca upapatir gṛhe //

bhṛtakādhyāpako yaś ca bhṛtakādhyāpitas tathā
śūdraśiṣyo guruś caiva vāgduṣṭaḥ kuṇḍagolakau // Manu_3.156 [= M 3.146]

bhṛtakādhyāpako yaś ca bhṛtakādhyāpitas tathā śūdra-śiṣyo guruś ca eva vāgduṣṭaḥ kuṇḍa-golakau //

akāraṇe parityaktā mātāpitror guros tathā
brāhmair yaunaiś ca saṃbandhaiḥ saṃyogaṃ patitair gataḥ // Manu_3.157 [= M 3.147]

akāraṇe parityaktā ] akāraṇaparityaktā (M)

akāraṇe parityaktāakāraṇaparityaktā mātā-pitror guros tathā brāhmair yaunaiś ca saṃbandhaiḥ saṃyogaṃ patitair gataḥ //

agāradāhī garadaḥ kuṇḍāśī somavikrayī
samudrayāyī bandī ca tailikaḥ kūṭakārakaḥ // Manu_3.158 [= M 3.148]

agāradāhī garadaḥ kuṇḍāśī somavikrayī samudrayāyī bandī ca tailikaḥ kūṭakārakaḥ //

pitrā vivadamānaś ca kitavo madyapas tathā
pāparogy abhiśastaś ca dāmbhiko rasavikrayī // Manu_3.159 [= M 3.149]

pitrā vivadamānaś ca kitavo madyapas tathā pāparogy abhiśastaś ca dāmbhiko rasavikrayī //

dhanuḥśarāṇāṃ kartā ca yaś cāgredidhiṣūpatiḥ
mitradhrug dyūtavṛttiś ca putrācāryas tathaiva ca // Manu_3.160 [= M 3.150]

dhanuḥ-śarāṇāṃ kartā ca yaś ca agredidhiṣūpatiḥ mitradhrug dyūta-vṛttiś ca putra-ācāryas tatha aiva ca //

bhrāmarī ganḍamālī ca śvitry atho piśunas tathā
unmatto 'ndhaś ca varjyāḥ syur vedanindaka eva ca // Manu_3.161 [= M 3.151]

bhrāmarī ganḍamālī ca śvitry atho piśunas tathā unmatto 'ndhaś ca varjyāḥ syur vedanindaka eva ca //

hastigo'śvoṣṭradamako nakṣatrair yaś ca jīvati
pakṣiṇāṃ poṣako yaś ca yuddhācāryas tathaiva ca // Manu_3.162 [= M 3.152]

hasti-go-'śva-uṣṭradamako nakṣatrair yaś ca jīvati pakṣiṇāṃ poṣako yaś ca yuddhācāryas tatha aiva ca //

srotasāṃ bhedako yaś ca teṣāṃ cāvaraṇe rataḥ
gṛhasaṃveśako dūto vṛkṣāropaka eva ca // Manu_3.163 [= M 3.153]

srotasāṃ bhedako yaś ca teṣāṃ cā avaraṇe rataḥ gṛhasaṃveśako dūto vṛkṣāropaka eva ca //

śvakrīḍī śyenajīvī ca kanyādūṣaka eva ca
hiṃsro vṛṣalavṛttiś ca gaṇānāṃ caiva yājakaḥ // Manu_3.164 [= M 3.154]

śvakrīḍī śyenajīvī ca kanyādūṣaka eva ca hiṃsro vṛṣala-vṛttiś ca gaṇānāṃ ca eva yājakaḥ //

ācārahīnaḥ klībaś ca nityaṃ yācanakas tathā
kṛṣijīvī ślīpadī ca sadbhir nindita eva ca // Manu_3.165 [= M 3.155]

ācāra-hīnaḥ klībaś ca nityaṃ yācanakas tathā kṛṣijīvī ślīpadī ca sadbhir nindita eva ca //

aurabhriko māhiṣikaḥ parapūrvāpatis tathā
pretaniryāpakaś caiva varjanīyāḥ prayatnataḥ // Manu_3.166 [= M 3.156]

aurabhriko māhiṣikaḥ parapūrvāpatis tathā pretaniryāpakaś ca eva varjanīyāḥ prayatnataḥ //

etān vigarhitācārān apāṅkteyān dvijādhamān
dvijātipravaro vidvān ubhayatra vivarjayet // Manu_3.167 [= M 3.157]

etān vigarhita-ācārān apāṅkteyān dvijādhamān dvijātipravaro vidvān ubhayatra vivarjayet //

brāhmaṇo tv anadhīyānas tṛṇāgnir iva śāmyati
tasmai havyaṃ na dātavyaṃ na hi bhasmani hūyate // Manu_3.168 [= M 3.158]

brāhmaṇo tv ] brāhmaṇas hy (M)

brāhmaṇo tvbrāhmaṇas hy anadhīyānas tṛṇāgnir iva śāmyati tasmai havyaṃ na dātavyaṃ na hi bhasmani hūyate //

yāvataḥ saṃspṛśed aṅgair brāhmaṇāñ śūdrayājakaḥ tāvatāṃ na bhaved dātuḥ phalaṃ dānasya paurtikam //

apāṅktadāne yo dātur bhavaty ūrdhvaṃ phalodayaḥ
daive haviṣi pitrye vā taṃ pravaksyāmy aśeṣataḥ // Manu_3.169 [= M 3.159]

apāṅktadāne ] apaṅktyadāne (M)
haviṣi ] karmaṇi (M)

apāṅktadāneapaṅktyadāne yo dātur bhavaty ūrdhvaṃ phala-udayaḥ daive haviṣikarmaṇi pitrye vā taṃ pravaksyāmy aśeṣataḥ //

avratair yad dvijair bhuktaṃ parivetrādibhis tathā
apāṅkteyair yad anyaiś ca tad vai rakṣāṃsi bhuñjate // Manu_3.170 [= M 3.160]

avratair yad dvijair bhuktaṃ parivetr-ādibhis tathā apāṅkteyair yad anyaiś ca tad vai rakṣāṃsi bhuñjate //

dārāgnihotrasaṃyogaṃ kurute yo 'graje sthite
parivettā sa vijñeyaḥ parivittis tu pūrvajaḥ // Manu_3.171 [= M 3.161]

dārāgnihotrasaṃyogaṃ kurute yo 'graje sthite parivettā sa vijñeyaḥ parivittis tu pūrvajaḥ //

parivittiḥ parivettā yayā ca parividyate
sarve te narakaṃ yānti dātṛyājakapañcamāḥ // Manu_3.172 [= M 3.162]

parivittiḥ parivettā yayā ca parividyate sarve te narakaṃ yānti dātṛyājaka-pañcamāḥ //

bhrātur mṛtasya bhāryāyāṃ yo 'nurajyeta kāmataḥ
dharmeṇāpi niyuktāyāṃ sa jñeyo didhiṣūpatiḥ // Manu_3.173 [= M 3.163]

bhrātur mṛtasya bhāryāyāṃ yo 'nurajyeta kāmataḥ dharmeṇa api niyuktāyāṃ sa jñeyo didhiṣūpatiḥ //

paradāreṣu jāyete dvau sutau kuṇḍagolakau
patyau jīvati kuṇḍaḥ syān mṛte bhartari golakaḥ // Manu_3.174 [= M 3.164]

paradāreṣu jāyete dvau sutau kuṇḍa-golakau patyau jīvati kuṇḍaḥ syān mṛte bhartari golakaḥ //

tau tu jātau parakṣetre prāṇinau pretya ceha ca
dattāni havyakavyāni nāśayanti pradāyinām // Manu_3.175 [= M 3.165]

tau ] te (M)
prāṇinau ] prāṇinaḥ (M)

taute tu jātau parakṣetre prāṇinauprāṇinaḥ pretya ca iha ca dattāni havya-kavyāni nāśayanti pradāyinām //

apāṅktyo yāvataḥ paṅktyān bhuñjānān anupaśyati
tāvatāṃ na phalaṃ tatra dātā prāpnoti bāliśaḥ // Manu_3.176 [= M 3.166]

apāṅktyo ] apaṅktyo (M)

apāṅktyoa-paṅktyo yāvataḥ paṅktyān bhuñjānān anupaśyati tāvatāṃ na phalaṃ tatra dātā prāpnoti bāliśaḥ //

vīkṣyāndho navateḥ kāṇaḥ ṣaṣṭeḥ śvitrī śatasya tu
pāparogī sahasrasya dātur nāśayate phalam // Manu_3.177 [= M 3.167]

tu ] ca (M)

vīkṣya andho navateḥ kāṇaḥ ṣaṣṭeḥ śvitrī śatasya tuca pāparogī sahasrasya dātur nāśayate phalam //

yāvataḥ saṃspṛśed aṅgair brāhmaṇāñ śūdrayājakaḥ
tāvatāṃ na bhaved dātuḥ phalaṃ dānasya paurtikam // Manu_3.168 [= M 3.168]

brāhmaṇo tvbrāhmaṇas hy anadhīyānas tṛṇāgnir iva śāmyati tasmai havyaṃ na dātavyaṃ na hi bhasmani hūyate //

yāvataḥ saṃspṛśed aṅgair brāhmaṇāñ śūdrayājakaḥ tāvatāṃ na bhaved dātuḥ phalaṃ dānasya paurtikam //

vedavic cāpi vipro 'sya lobhāt kṛtvā pratigraham
vināśaṃ vrajati kṣipram āmapātram ivāmbhasi // Manu_3.179 [= M 3.169]

vedavic ca api vipro 'sya lobhāt kṛtvā pratigraham vināśaṃ vrajati kṣipram āmapātram iva ambhasi //

somavikrayiṇe viṣṭhā bhiṣaje pūyaśoṇitam
naṣṭaṃ devalake dattam apratiṣṭhaṃ tu vārdhuṣau // Manu_3.180 [= M 3.170]

somavikrayiṇe viṣṭhā bhiṣaje pūya-śoṇitam naṣṭaṃ devalake dattam apratiṣṭhaṃ tu vārdhuṣau //

yat tu vāṇijake dattaṃ neha nāmutra tad bhavet
bhasmanīva hutaṃ dravyaṃ tathā paunarbhave dvije // Manu_3.181 [= M 3.171]

yat tu vāṇijake dattaṃ na iha na amutra tad bhavet bhasmani iva hutaṃ dravyaṃ tathā paunarbhave dvije //

itareṣu tv apāṅktyeṣu yathoddiṣṭeṣv asādhuṣu
medo'sṛṅmāṃsamajjāsthi vadanty annaṃ manīṣiṇaḥ // Manu_3.182 [= M 3.172]

itareṣu tv apāṅktyeṣu yathā-uddiṣṭeṣv asādhuṣu medo-'sṛṅ-māṃsa-majjā-asthi vadanty annaṃ manīṣiṇaḥ //

apāṅktyopahatā paṅktiḥ pāvyate yair dvijottamaiḥ
tān nibodhata kārtsnyena dvijāgryān paṅktipāvanān // Manu_3.183 [= M 3.173]

apāṅktyopahatā ] apaṃktyopahatā (M)

apāṅktya-upahatāa-paṃktya-upahatā paṅktiḥ pāvyate yair dvijottamaiḥ tān nibodhata kārtsnyena dvijāgryān paṅktipāvanān //

agryāḥ sarveṣu vedeṣu sarvapravacaneṣu ca
śrotriyānvayajāś caiva vijñeyāḥ paṅktipāvanāḥ // Manu_3.184 [= M 3.174]

agryāḥ sarveṣu vedeṣu sarvapravacaneṣu ca śrotriyānvayajāś ca eva vijñeyāḥ paṅktipāvanāḥ //

triṇāciketaḥ pañcāgnis trisuparṇaḥ ṣaḍaṅgavit
brahmadeyātmasantāno jyeṣṭhasāmaga eva ca // Manu_3.185 [= M 3.175]

brahmadeyātmasantāno ] brahmadeyānusantāno (M)

triṇāciketaḥ pañca-agnis trisuparṇaḥ ṣaḍaṅgavit brahmadeyātmasantānobrahmadeyānusantāno jyeṣṭhasāmaga eva ca //

vedārthavit pravaktā ca brahmacārī sahasradaḥ
śatāyuś caiva vijñeyā brāhmaṇāḥ paṅktipāvanāḥ // Manu_3.186 [= M 3.176]

vedārtha-vit pravaktā ca brahmacārī sahasradaḥ śatāyuś ca eva vijñeyā brāhmaṇāḥ paṅktipāvanāḥ //

pūrvedyur aparedyur vā śrāddhakarmaṇy upasthite
nimantrayeta tryavarān samyag viprān yathoditān // Manu_3.187 [= M 3.177]

nimantrayeta ] nimantrayīta (M)

pūrvedyur aparedyur vā śrāddhakarmaṇy upasthite nimantrayetanimantrayīta try-avarān samyag viprān yathā-uditān //

nimantrito dvijaḥ pitrye niyatātmā bhavet sadā
na ca chandāṃsy adhīyīta yasya śrāddhaṃ ca tad bhavet // Manu_3.188 [= M 3.178]

nimantrito dvijaḥ pitrye niyatātmā bhavet sadā na ca chandāṃsy adhīyīta yasya śrāddhaṃ ca tad bhavet //

nimantritān hi pitara upatiṣṭhanti tān dvijān
vāyuvac cānugacchanti tathāsīnān upāsate // Manu_3.189 [= M 3.179]

nimantritān hi pitara upatiṣṭhanti tān dvijān vāyuvac ca anugacchanti tathā āsīnān upāsate //

ketitas tu yathānyāyaṃ havye kavye dvijottamaḥ
kathaṃ cid apy atikrāman pāpaḥ sūkaratāṃ vrajet // Manu_3.190 [= M 3.180]

ketitas tu yathānyāyaṃ havye kavye dvijottamaḥ kathaṃ cid apy atikrāman pāpaḥ sūkaratāṃ vrajet //

āmantritas tu yaḥ śrāddhe vṛśalyā saha modate
dātur yad duṣkṛtaṃ kiṃ cit tat sarvaṃ pratipadyate // Manu_3.191 [= M 3.181]

āmantritas tu yaḥ śrāddhe vṛśalyā saha modate dātur yad duṣkṛtaṃ kiṃ cit tat sarvaṃ pratipadyate //

akrodhanāḥ śaucaparāḥ satataṃ brahmacāriṇaḥ
nyastaśastrā mahābhāgāḥ pitaraḥ pūrvadevatāḥ // Manu_3.192 [= M 3.182]

akrodhanāḥ śauca-parāḥ satataṃ brahmacāriṇaḥ nyasta-śastrā mahā-bhāgāḥ pitaraḥ pūrvadevatāḥ //

yasmād utpattir eteṣāṃ sarveṣām apy aśeṣataḥ
ye ca yair upacaryāḥ syur niyamais tān nibodhata // Manu_3.193 [= M 3.183]

yasmād utpattir eteṣāṃ sarveṣām apy aśeṣataḥ ye ca yair upacaryāḥ syur niyamais tān nibodhata //

manor hairaṇyagarbhasya ye marīcyādayaḥ sutāḥ
teṣām ṛṣīṇāṃ sarveṣāṃ putrāḥ pitṛgaṇāḥ smṛtāḥ // Manu_3.194 [= M 3.184]

manor hairaṇyagarbhasya ye marīcy-ādayaḥ sutāḥ teṣām ṛṣīṇāṃ sarveṣāṃ putrāḥ pitṛgaṇāḥ smṛtāḥ //

virāṭsutāḥ somasadaḥ sādhyānāṃ pitaraḥ smṛtāḥ
agniṣvāttāś ca devānāṃ mārīcā lokaviśrutāḥ // Manu_3.195 [= M 3.185]

virāṭ-sutāḥ somasadaḥ sādhyānāṃ pitaraḥ smṛtāḥ agniṣvāttāś ca devānāṃ mārīcā lokaviśrutāḥ //

daityadānavayakṣāṇāṃ gandharvoragarakṣasām
suparṇakinnarāṇāṃ ca smṛtā barhiṣado 'trijāḥ // Manu_3.196 [= M 3.186]

daitya-dānava-yakṣāṇāṃ gandharva-uraga-rakṣasām suparṇa-kinnarāṇāṃ ca smṛtā barhiṣado 'trijāḥ //

somapā nāma viprāṇāṃ kṣatriyāṇāṃ havirbhujaḥ
vaiśyānām ājyapā nāma śūdrāṇāṃ tu sukālinaḥ // Manu_3.197 [= M 3.187]

somapā nāma viprāṇāṃ kṣatriyāṇāṃ havirbhujaḥ vaiśyānām ājyapā nāma śūdrāṇāṃ tu sukālinaḥ //

somapās tu kaveḥ putrā haviṣmanto 'ṅgiraḥsutāḥ
pulastyasyājyapāḥ putrā vasiṣṭhasya sukālinaḥ // Manu_3.198 [= M 3.188]

somapās tu kaveḥ putrā haviṣmanto 'ṅgiraḥsutāḥ pulastyasyā ajyapāḥ putrā vasiṣṭhasya sukālinaḥ //

agnidagdhānagnidagdhān kāvyān barhiṣadas tathā
agniṣvāttāṃś ca saumyāṃś ca viprāṇām eva nirdiśet // Manu_3.199 [= M 3.189]

agnidagdhānagnidagdhān ] anagnidagdhānagnidagdhān (M)

agnidagdha-anagnidagdhānanagnidagdha-anagnidagdhān kāvyān barhiṣadas tathā agniṣvāttāṃś ca saumyāṃś ca viprāṇām eva nirdiśet //

ya ete tu gaṇā mukhyāḥ pitṝṇāṃ parikīrtitāḥ
teṣām apīha vijñeyaṃ putrapautram anantakam // Manu_3.200 [= M 3.190]

ya ete tu gaṇā mukhyāḥ pitṝṇāṃ parikīrtitāḥ teṣām api iha vijñeyaṃ putra-pautram anantakam //

ṛṣibhyaḥ pitaro jātāḥ pitṛbhyo devamānavāḥ
devebhyas tu jagat sarvaṃ caraṃ sthāṇv anupūrvaśaḥ // Manu_3.201 [= M 3.191]

ṛṣibhyaḥ pitaro jātāḥ pitṛbhyo deva-mānavāḥ devebhyas tu jagat sarvaṃ caraṃ sthāṇv anupūrvaśaḥ //

rājatair bhājanair eṣām atho vā rajatānvitaiḥ
vāry api śraddhayā dattam akṣayāyopakalpate // Manu_3.202 [= M 3.192]

rājatair bhājanair eṣām atho vā rajatānvitaiḥ vāry api śraddhayā dattam akṣayāya upakalpate //

daivakāryād dvijātīnāṃ pitṛkāryaṃ viśiṣyate
daivaṃ hi pitṛkāryasya pūrvam āpyāyanaṃ smṛtam // Manu_3.203 [= M 3.193]

daivakāryād dvijātīnāṃ pitṛkāryaṃ viśiṣyate daivaṃ hi pitṛkāryasya pūrvam āpyāyanaṃ smṛtam //

teṣām ārakṣabhūtaṃ tu pūrvaṃ daivaṃ niyojayet
raksāṃsi vipralumpanti śrāddham ārakṣavarjitam // Manu_3.204 [= M 3.194]

teṣām ārakṣabhūtaṃ tu pūrvaṃ daivaṃ niyojayet raksāṃsi vipralumpanti śrāddham ārakṣavarjitam //

daivādyantaṃ tad īheta pitrādyantaṃ na tad bhavet
pitrādyantaṃ tv īhamānaḥ kṣipraṃ naśyati sānvayaḥ // Manu_3.205 [= M 3.195]

daiva-ādyantaṃ tad īheta pitr-ādyantaṃ na tad bhavet pitr-ādyantaṃ tv īhamānaḥ kṣipraṃ naśyati sa-anvayaḥ //

śuciṃ deśaṃ viviktaṃ ca gomayenopalepayet
dakṣināpravaṇaṃ caiva prayatnenopapādayet // Manu_3.206 [= M 3.196]

śuciṃ deśaṃ viviktaṃ ca gomayena upalepayet dakṣinā-pravaṇaṃ ca eva prayatnena upapādayet //

avakāśeṣu cokṣeṣu jalatīreṣu caiva hi
vivikteṣu ca tuṣyanti dattena pitaraḥ sadā // Manu_3.207 [= M 3.197]

avakāśeṣu cokṣeṣu jalatīreṣu ca eva hi vivikteṣu ca tuṣyanti dattena pitaraḥ sadā //

āsaneṣūpakḷpteṣu barhiṣmatsu pṛthakpṛthak
upaspṛṣṭodakān samyag viprāṃs tān upaveśayet // Manu_3.208 [= M 3.198]

āsaneṣu upakḷpteṣu barhiṣmatsu pṛthak-pṛthak upaspṛṣṭa-udakān samyag viprāṃs tān upaveśayet //

upaveśya tu tān viprān āsaneṣv ajugupsitān
gandhamālyaiḥ surabhibhir arcayed daivapūrvakam // Manu_3.209 [= M 3.199]

upaveśya tu tān viprān āsaneṣv ajugupsitān gandha-mālyaiḥ surabhibhir arcayed daivapūrvakam //

teṣām udakam ānīya sapavitrāṃs tilān api
agnau kuryād anujñāto brāhmaṇo brāhmaṇaiḥ saha // Manu_3.210 [= M 3.200]

teṣām udakam ānīya sa-pavitrāṃs tilān api agnau kuryād anujñāto brāhmaṇo brāhmaṇaiḥ saha //

agneḥ somayamābhyāṃ ca kṛtvāpyāyanam āditaḥ
havirdānena vidhivat paścāt saṃtarpayet pitṝn // Manu_3.211 [= M 3.201]

agneḥ soma-yamābhyāṃ ca kṛtvā āpyāyanam āditaḥ havirdānena vidhivat paścāt saṃtarpayet pitṝn //

agnyabhāve tu viprasya pāṇāv evopapādayet
yo hy agniḥ sa dvijo viprair mantradarśibhir ucyate // Manu_3.212 [= M 3.202]

agny-abhāve tu viprasya pāṇāv eva upapādayet yo hy agniḥ sa dvijo viprair mantradarśibhir ucyate //

akrodhanān suprasādān vadanty etān purātanān
lokasyāpyāyane yuktān śrāddhadevān dvijottamān // Manu_3.213 [= M 3.203]

śrāddhadevān ] śrāddhe devān (M)

akrodhanān su-prasādān vadanty etān purātanān lokasyā apyāyane yuktān śrāddha-devānśrāddhe devān dvijottamān //

apasavyam agnau kṛtvā sarvam āvṛtya vikramam
apasavyena hastena nirvaped udakaṃ bhuvi // Manu_3.214 [= M 3.204]

āvṛtya vikramam ] āvṛtparikramam (M)

apasavyam agnau kṛtvā sarvam āvṛtya vikramamāvṛt-parikramam apasavyena hastena nirvaped udakaṃ bhuvi //

trīṃs tu tasmād dhaviḥśeṣāt piṇḍān kṛtvā samāhitaḥ
audakenaiva vidhinā nirvaped dakṣiṇāmukhaḥ // Manu_3.215 [= M 3.205]

trīṃs tu tasmād dhaviḥśeṣāt piṇḍān kṛtvā samāhitaḥ audakena eva vidhinā nirvaped dakṣiṇā-mukhaḥ //

nyupya piṇḍāṃs tatas tāṃs tu prayato vidhipūrvakam
teṣu darbheṣu taṃ hastaṃ nirmṛjyāl lepabhāginām // Manu_3.216 [= M 3.206]

nyupya piṇḍāṃs tatas tāṃs tu prayato vidhipūrvakam teṣu darbheṣu taṃ hastaṃ nirmṛjyāl lepabhāginām //

ācamyodakparāvṛtya trir āyamya śanair asūn
ṣaḍ ṛtūṃś ca namaskuryāt pitṝn eva ca mantravat // Manu_3.217 [= M 3.207]

ācamya udakparāvṛtya trir āyamya śanair asūn ṣaḍ ṛtūṃś ca namaskuryāt pitṝn eva ca mantravat //

udakaṃ ninayec cheṣaṃ śanaiḥ piṇḍāntike punaḥ
avajighrec ca tān piṇḍān yathānyuptān samāhitaḥ // Manu_3.218 [= M 3.208]

udakaṃ ninayec cheṣaṃ śanaiḥ piṇḍāntike punaḥ avajighrec ca tān piṇḍān yathānyuptān samāhitaḥ //

piṇḍebhyas tv alpikāṃ mātrāṃ samādāyānupūrvaśaḥ
tān eva viprān āsīnān vidhivat pūrvam āśayet // Manu_3.219 [= M 3.209]

piṇḍebhyas tv alpikāṃ ] piṇḍebhyaḥ svalpikāṃ (M)

piṇḍebhyas tv alpikāṃpiṇḍebhyaḥ svalpikāṃ mātrāṃ samādāya anupūrvaśaḥ tān eva viprān āsīnān vidhivat pūrvam āśayet //

dhriyamāṇe tu pitari pūrveṣām eva nirvapet
vipravad vāpi taṃ śrāddhe svakaṃ pitaram āśayet // Manu_3.220 [= M 3.210]

śrāddhe ] śrāddhaṃ (M)

dhriyamāṇe tu pitari pūrveṣām eva nirvapet vipravad va āpi taṃ śrāddheśrāddhaṃ svakaṃ pitaram āśayet //

pitā yasya nivṛttaḥ syāj jīvec cāpi pitāmahaḥ
pituḥ sa nāma saṅkīrtya kīrtayet prapitāmaham // Manu_3.221 [= M 3.211]

nivṛttaḥ ] tu vṛttaḥ (M)

pitā yasya nivṛttaḥtu vṛttaḥ syāj jīvec ca api pitāmahaḥ pituḥ sa nāma saṅkīrtya kīrtayet prapitāmaham //

pitāmaho vā tacchrāddhaṃ bhuñjītety abravīn manuḥ
kāmaṃ vā samanujñātaḥ svayam eva samācaret // Manu_3.222 [= M 3.212]

pitāmaho vā tac-chrāddhaṃ bhuñjīta ity abravīn manuḥ kāmaṃ vā samanujñātaḥ svayam eva samācaret //

teṣāṃ dattvā tu hasteṣu sapavitraṃ tilodakam
tatpiṇḍāgraṃ prayaccheta svadhaiṣām astv iti bruvan // Manu_3.223 [= M 3.213]

prayaccheta ] prayacchet tu (M)

teṣāṃ dattvā tu hasteṣu sa-pavitraṃ tila-udakam tatpiṇḍāgraṃ prayacchetaprayacchet tu svadha aiṣām astv iti bruvan //

pāṇibhyāṃ tūpasaṃgṛhya svayam annasya vardhitam
viprāntike pitṝn dhyāyan śanakair upanikṣipet // Manu_3.224 [= M 3.214]

pāṇibhyāṃ tu upasaṃgṛhya svayam annasya vardhitam viprāntike pitṝn dhyāyan śanakair upanikṣipet //

ubhayor hastayor muktaṃ yad annam upanīyate
tad vipralumpanty asurāḥ sahasā duṣṭacetasaḥ // Manu_3.225 [= M 3.215]

ubhayor hastayor muktaṃ yad annam upanīyate tad vipralumpanty asurāḥ sahasā duṣṭa-cetasaḥ //

guṇāṃś ca sūpaśākādyān payo dadhi ghṛtaṃ madhu
vinyaset prayataḥ pūrvaṃ bhūmāv eva samāhitaḥ // Manu_3.226 [= M 3.216]

guṇāṃś ca sūpa-śākādyān payo dadhi ghṛtaṃ madhu vinyaset prayataḥ pūrvaṃ bhūmāv eva samāhitaḥ //

bhakṣyaṃ bhojyaṃ ca vividhaṃ mūlāni ca phalāni ca
hṛdyāni caiva māṃsāni pānāni surabhīṇi ca // Manu_3.227 [= M 3.217]

bhakṣyaṃ bhojyaṃ ca vividhaṃ mūlāni ca phalāni ca hṛdyāni ca eva māṃsāni pānāni su-rabhīṇi ca //

upanīya tu tat sarvaṃ śanakaiḥ susamāhitaḥ
pariveṣayeta prayato guṇān sarvān pracodayan // Manu_3.228 [= M 3.218]

upanīya tu tat sarvaṃ śanakaiḥ susamāhitaḥ pariveṣayeta prayato guṇān sarvān pracodayan //

nāsram āpātayej jātu na kupyen nānṛtaṃ vadet
na pādena spṛśed annaṃ na caitad avadhūnayet // Manu_3.229 [= M 3.219]

na asram āpātayej jātu na kupyen na anṛtaṃ vadet na pādena spṛśed annaṃ na ca etad avadhūnayet //

asraṃ gamayati pretān kopo 'rīn anṛtaṃ śunaḥ
pādasparśas tu rakṣāṃsi duṣkṛtīn avadhūnanam // Manu_3.230 [= M 3.220]

asraṃ gamayati pretān kopo 'rīn anṛtaṃ śunaḥ pādasparśas tu rakṣāṃsi duṣkṛtīn avadhūnanam //

yad yad roceta viprebhyas tat tad dadyād amatsaraḥ
brahmodyāś ca kathāḥ kuryāt pitṝṇām etad īpsitam // Manu_3.231 [= M 3.221]

yad yad roceta viprebhyas tat tad dadyād amatsaraḥ brahmodyāś ca kathāḥ kuryāt pitṝṇām etad īpsitam //

svādhyāyaṃ śrāvayet pitrye dharmaśāstrāṇi caiva hi
ākhyānānītihāsāṃś ca purāṇāni khilāni ca // Manu_3.232 [= M 3.222]

svādhyāyaṃ śrāvayet pitrye dharmaśāstrāṇi ca eva hi ākhyānāni itihāsāṃś ca purāṇāni khilāni ca //

harṣayed brāhmaṇāṃs tuṣṭo bhojayec ca śanaiḥśanaiḥ
annādyenāsakṛc caitān guṇaiś ca paricodayet // Manu_3.233 [= M 3.223]

harṣayed brāhmaṇāṃs tuṣṭo bhojayec ca śanaiḥ-śanaiḥ annādyena asakṛc ca etān guṇaiś ca paricodayet //

vratastham api dauhitraṃ śrāddhe yatnena bhojayet
kutapaṃ cāsanaṃ dadyāt tilaiś ca vikiren mahīm // Manu_3.234 [= M 3.224]

vratastham api dauhitraṃ śrāddhe yatnena bhojayet kutapaṃ ca-āsanaṃ dadyāt tilaiś ca vikiren mahīm //

trīṇi śrāddhe pavitrāṇi dauhitraḥ kutapas tilāḥ
trīṇi cātra praśaṃsanti śaucam akrodham atvarām // Manu_3.235 [= M 3.225]

trīṇi śrāddhe pavitrāṇi dauhitraḥ kutapas tilāḥ trīṇi ca atra praśaṃsanti śaucam akrodham atvarām //

atyuṣṇaṃ sarvam annaṃ syād bhuñjīraṃs te ca vāgyatāḥ
na ca dvijātayo brūyur dātrā pṛṣṭā havirguṇān // Manu_3.236 [= M 3.226]

atyuṣṇaṃ sarvam annaṃ syād bhuñjīraṃs te ca vāgyatāḥ na ca dvijātayo brūyur dātrā pṛṣṭā havirguṇān //

yāvad uṣmā bhavaty annaṃ yāvad aśnanti vāgyatāḥ
pitaras tāvad aśnanti yāvan noktā havirguṇāḥ // Manu_3.237 [= M 3.227]

yāvad uṣmā bhavaty annaṃ yāvad aśnanti vāgyatāḥ pitaras tāvad aśnanti yāvan na uktā havirguṇāḥ //

yad veṣṭitaśirā bhuṅkte yad bhuṅkte dakṣiṇāmukhaḥ
sopānatkaś ca yad bhuṅkte tad vai rakṣāṃsi bhuñjate // Manu_3.238 [= M 3.228]

yad veṣṭita-śirā bhuṅkte yad bhuṅkte dakṣiṇā-mukhaḥ sa-upānatkaś ca yad bhuṅkte tad vai rakṣāṃsi bhuñjate //

cāṇḍālaś ca varāhaś ca kukkuṭaḥ śvā tathaiva ca
rajasvalā ca ṣaṇḍhaś ca nekṣerann aśnato dvijān // Manu_3.239 [= M 3.229]

cāṇḍālaś ca varāhaś ca kukkuṭaḥ śvā tatha aiva ca rajasvalā ca ṣaṇḍhaś ca nā ikṣerann aśnato dvijān //

home pradāne bhojye ca yad ebhir abhivīkṣyate
daive haviṣi pitrye vā tad gacchaty ayathātatham // Manu_3.240 [= M 3.230]

home pradāne bhojye ca yad ebhir abhivīkṣyate daive haviṣi pitrye vā tad gacchaty ayathātatham //

ghrāṇena sūkaro hanti pakṣavātena kukkuṭaḥ
śvā tu dṛṣṭinipātena sparśeṇāvaravarṇajaḥ // Manu_3.241 [= M 3.231]

sūkaro ] śūkaro (M)

ghrāṇena sūkarośūkaro hanti pakṣavātena kukkuṭaḥ śvā tu dṛṣṭinipātena sparśeṇa avaravarṇajaḥ //

khañjo vā yadi vā kāṇo dātuḥ preṣyo 'pi vā bhavet
hīnātiriktagātro vā tam apy apanayet punaḥ // Manu_3.242 [= M 3.232]

khañjo vā yadi vā kāṇo dātuḥ preṣyo 'pi vā bhavet hīna-atirikta-gātro vā tam apy apanayet punaḥ //

brāhmaṇaṃ bhikṣukaṃ vāpi bhojanārtham upasthitam
brāhmaṇair abhyanujñātaḥ śaktitaḥ pratipūjayet // Manu_3.243 [= M 3.233]

brāhmaṇaṃ bhikṣukaṃ va āpi bhojanārtham upasthitam brāhmaṇair abhyanujñātaḥ śaktitaḥ pratipūjayet //

sārvavarṇikam annādyaṃ saṃnīyāplāvya vāriṇā
samutsṛjed bhuktavatām agrato vikiran bhuvi // Manu_3.244 [= M 3.234]

sārvavarṇikam annādyaṃ saṃnīyā aplāvya vāriṇā samutsṛjed bhuktavatām agrato vikiran bhuvi //

asaṃskṛtapramītānāṃ tyāgināṃ kulayoṣitām
ucchiṣṭaṃ bhāgadheyaṃ syād darbheṣu vikiraś ca yaḥ // Manu_3.245 [= M 3.235]

asaṃskṛta-pramītānāṃ tyāgināṃ kulayoṣitām ucchiṣṭaṃ bhāgadheyaṃ syād darbheṣu vikiraś ca yaḥ //

uccheṣaṇāṃ bhūmigatam ajihmasyāśaṭhasya ca
dāsavargasya tat pitrye bhāgadheyaṃ pracakṣate // Manu_3.246 [= M 3.236]

uccheṣaṇāṃ bhūmigatam ajihmasya aśaṭhasya ca dāsavargasya tat pitrye bhāgadheyaṃ pracakṣate //

āsapiṇḍakriyākarma dvijāteḥ saṃsthitasya tu
adaivaṃ bhojayec chrāddhaṃ piṇḍam ekaṃ ca nirvapet // Manu_3.247 [= M 3.237]

ā-sapiṇḍakriyākarma dvijāteḥ saṃsthitasya tu adaivaṃ bhojayec chrāddhaṃ piṇḍam ekaṃ ca nirvapet //

sahapiṇḍakriyāyāṃ tu kṛtāyām asya dharmataḥ
anayaivāvṛtā kāryaṃ piṇḍanirvapanaṃ sutaiḥ // Manu_3.248 [= M 3.238]

sahapiṇḍakriyāyāṃ tu kṛtāyām asya dharmataḥ anaya aivā avṛtā kāryaṃ piṇḍanirvapanaṃ sutaiḥ //

śrāddhaṃ bhuktvā ya ucchiṣṭaṃ vṛṣalāya prayacchati
sa mūḍho narakaṃ yāti kālasūtram avākśirāḥ // Manu_3.249 [= M 3.239]

śrāddhaṃ bhuktvā ya ucchiṣṭaṃ vṛṣalāya prayacchati sa mūḍho narakaṃ yāti kālasūtram avākśirāḥ //

śrāddhabhug vṛṣalītalpaṃ tad ahar yo 'dhigacchati
tasyāḥ purīṣe taṃ māsaṃ pitaras tasya śerate // Manu_3.250 [= M 3.240]

śrāddhabhug vṛṣalītalpaṃ tad ahar yo 'dhigacchati tasyāḥ purīṣe taṃ māsaṃ pitaras tasya śerate //

pṛṣṭvā svaditam ity evaṃ tṛptān ācāmayet tataḥ
ācāntāṃś cānujānīyād abhito ramyatām iti // Manu_3.251 [= M 3.241]

pṛṣṭvā svaditam ity evaṃ tṛptān ācāmayet tataḥ ācāntāṃś ca anujānīyād abhito ramyatām iti //

svadhāstv ity eva taṃ brūyur brāhmaṇās tadanantaram
svadhākāraḥ parā hy āṣīḥ sarveṣu pitṛkarmasu // Manu_3.252 [= M 3.242]

svadha āstv ity eva taṃ brūyur brāhmaṇās tadanantaram svadhākāraḥ parā hy āṣīḥ sarveṣu pitṛkarmasu //

tato bhuktavatāṃ teṣām annaśeṣaṃ nivedayet
yathā brūyus tathā kuryād anujñātas tato dvijaiḥ // Manu_3.253 [= M 3.243]

tato bhuktavatāṃ teṣām annaśeṣaṃ nivedayet yathā brūyus tathā kuryād anujñātas tato dvijaiḥ //

pitrye svaditam ity eva vācyaṃ goṣṭhe tu suśṛtam
saṃpannam ity abhyudaye daive rucitam ity api // Manu_3.254 [= M 3.244]

pitrye svaditam ity eva vācyaṃ goṣṭhe tu suśṛtam saṃpannam ity abhyudaye daive rucitam ity api //

aparāhṇas tathā darbhā vāstusaṃpādanaṃ tilāḥ
sṛṣṭir mṛṣṭir dvijāś cāgryāḥ śrāddhakarmasu saṃpadaḥ // Manu_3.255 [= M 3.245]

aparāhṇas tathā darbhā vāstusaṃpādanaṃ tilāḥ sṛṣṭir mṛṣṭir dvijāś ca agryāḥ śrāddhakarmasu saṃpadaḥ //

darbhāḥ pavitraṃ pūrvāhṇo haviṣyāṇi ca sarvaśaḥ
pavitraṃ yac ca pūrvoktaṃ vijñeyā havyasaṃpadaḥ // Manu_3.256 [= M 3.246]

darbhāḥ pavitraṃ pūrvāhṇo haviṣyāṇi ca sarvaśaḥ pavitraṃ yac ca pūrva-uktaṃ vijñeyā havyasaṃpadaḥ //

munyannāni payaḥ somo māṃsaṃ yac cānupaskṛtam
aksāralavaṇaṃ caiva prakṛtyā havir ucyate // Manu_3.257 [= M 3.247]

muny-annāni payaḥ somo māṃsaṃ yac ca anupaskṛtam aksāra-lavaṇaṃ ca eva prakṛtyā havir ucyate //

visṛjya brāhmaṇāṃs tāṃs tu niyato vāgyataḥ śuciḥ
dakṣiṇāṃ diśam ākāṅkṣan yācetemān varān pitṝn // Manu_3.258 [= M 3.248]

visṛjya ] visarjya (M)
niyato vāgyataḥ śuciḥ ] prayato vidhipūrvakam (M)

visṛjyavisarjya brāhmaṇāṃs tāṃs tu niyato vāgyataḥ śuciḥprayato vidhipūrvakam dakṣiṇāṃ diśam ākāṅkṣan yāceta imān varān pitṝn //

dātāro no 'bhivardhantāṃ vedāḥ saṃtatir eva ca
śraddhā ca no mā vyagamad bahudeyaṃ ca no 'stv iti // Manu_3.259 [= M 3.249]

dātāro no 'bhivardhantāṃ vedāḥ saṃtatir eva ca śraddhā ca no mā vyagamad bahudeyaṃ ca no 'stv iti //

evaṃ nirvapaṇaṃ kṛtvā piṇḍāṃs tāṃs tadanantaram
gāṃ vipram ajam agniṃ vā prāśayed apsu vā kṣipet // Manu_3.260 [= M 3.250]

evaṃ nirvapaṇaṃ kṛtvā piṇḍāṃs tāṃs tadanantaram gāṃ vipram ajam agniṃ vā prāśayed apsu vā kṣipet //

piṇḍanirvapaṇaṃ ke cit parastād eva kurvate
vayobhiḥ khādayanty anye prakṣipanty anale 'psu vā // Manu_3.261 [= M 3.251]

piṇḍanirvapaṇaṃ ke cit parastād eva kurvate vayobhiḥ khādayanty anye prakṣipanty anale 'psu vā //

pativratā dharmapatnī pitṛpūjanatatparā
madhyamaṃ tu tataḥ piṇḍam adyāt samyak sutārthinī // Manu_3.262 [= M 3.252]

pati-vratā dharmapatnī pitṛpūjana-tatparā madhyamaṃ tu tataḥ piṇḍam adyāt samyak sutārthinī //

āyuṣmantaṃ sutaṃ sūte yaśomedhāsamanvitam
dhanavantaṃ prajāvantaṃ sāttvikaṃ dhārmikaṃ tathā // Manu_3.263 [= M 3.253]

āyuṣmantaṃ sutaṃ sūte yaśo-medhāsamanvitam dhanavantaṃ prajāvantaṃ sāttvikaṃ dhārmikaṃ tathā //

praksālya hastāv ācāmya jñātiprāyaṃ prakalpayet
jñātibhyaḥ satkṛtaṃ dattvā bāndhavān api bhojayet // Manu_3.264 [= M 3.254]

praksālya hastāv ācāmya jñātiprāyaṃ prakalpayet jñātibhyaḥ satkṛtaṃ dattvā bāndhavān api bhojayet //

uccheṣaṇaṃ tu tat tiṣṭhed yāvad viprā visarjitāḥ
tato gṛhabaliṃ kuryād iti dharmo vyavasthitaḥ // Manu_3.265 [= M 3.255]

tat ] yat (K)

uccheṣaṇaṃ tu tatyat tiṣṭhed yāvad viprā visarjitāḥ tato gṛhabaliṃ kuryād iti dharmo vyavasthitaḥ //

havir yac cirarātrāya yac cānantyāya kalpate
pitṛbhyo vidhivad dattaṃ tat pravakṣyāmy aśeṣataḥ // Manu_3.266 [= M 3.256]

havir yac cirarātrāya yac cā anantyāya kalpate pitṛbhyo vidhivad dattaṃ tat pravakṣyāmy aśeṣataḥ //

tilair vrīhiyavair māṣair adbhir mūlaphalena vā
dattena māsaṃ tṛpyanti vidhivat pitaro nṛnām // Manu_3.267 [= M 3.257]

tilair vrīhi-yavair māṣair adbhir mūla-phalena vā dattena māsaṃ tṛpyanti vidhivat pitaro nṛnām //

dvau māsau matsyamāṃsena trīn māsān hāriṇena tu
aurabhreṇātha caturaḥ śākunenātha pañca vai // Manu_3.268 [= M 3.258]

dvau māsau matsyamāṃsena trīn māsān hāriṇena tu aurabhreṇa atha caturaḥ śākunena atha pañca vai //

ṣaṇmāsāṃś chāgamāṃsena pārṣatena ca sapta vai
aṣṭāv enasya māṃsena rauraveṇa navaiva tu // Manu_3.269 [= M 3.259]

enasya māṃsena ] aiṇeyamāṃsena (M)

ṣaṇmāsāṃś chāgamāṃsena pārṣatena ca sapta vai aṣṭāv enasya māṃsenaaiṇeyamāṃsena rauraveṇa nava eva tu //

daśamāsāṃs tu tṛpyanti varāhamahiṣāmiṣaiḥ
śaśakūrmayos tu māṃsena māsān ekādaśaiva tu // Manu_3.270 [= M 3.260]

daśamāsāṃs tu tṛpyanti varāha-mahiṣāmiṣaiḥ śaśa-kūrmayos tu māṃsena māsān ekādaśa eva tu //

saṃvatsaraṃ tu gavyena payasā pāyasena ca
vārdhrīṇasasya māṃsena tṛptir dvādaśavārṣikī // Manu_3.271 [= M 3.261]

saṃvatsaraṃ ] saṃvatsare (M)

saṃvatsaraṃsaṃvatsare tu gavyena payasā pāyasena ca vārdhrīṇasasya māṃsena tṛptir dvādaśavārṣikī //

kālaśākaṃ mahāśalkāḥ khaṅgalohāmiṣaṃ madhu
ānantyāyaiva kalpyante munyannāni ca sarvaśaḥ // Manu_3.272 [= M 3.262]

kālaśākaṃ mahāśalkāḥ khaṅga-lohāmiṣaṃ madhu ānantyāya eva kalpyante muny-annāni ca sarvaśaḥ //

yat kiṃ cin madhunā miśraṃ pradadyāt tu trayodaśīm
tad apy akṣayam eva syād varṣāsu ca maghāsu ca // Manu_3.273 [= M 3.263]

yat kiṃ cin madhunā miśraṃ pradadyāt tu trayodaśīm tad apy akṣayam eva syād varṣāsu ca maghāsu ca //

api naḥ sa kule bhūyād yo no dadyāt trayodaśīm
pāyasaṃ madhusarpirbhyāṃ prāk chāye kuñjarasya ca // Manu_3.274 [= M 3.264]

api naḥ sa kule bhūyād yo no dadyāt trayodaśīm pāyasaṃ madhu-sarpirbhyāṃ prāk chāye kuñjarasya ca //

yad yad dadāti vidhivat samyak śraddhāsamanvitaḥ
tat tat pitṝṇāṃ bhavati paratrānantam akṣayam // Manu_3.275 [= M 3.265]

yad yad dadāti vidhivat samyak śraddhāsamanvitaḥ tat tat pitṝṇāṃ bhavati paratra anantam akṣayam //

kṛṣṇapakṣe daśamyādau varjayitvā caturdaśīm
śrāddhe praśastās tithayo yathaitā na tathetarāḥ // Manu_3.276 [= M 3.266]

kṛṣṇapakṣe daśamyādau varjayitvā caturdaśīm śrāddhe praśastās tithayo yatha aitā na tatha ītarāḥ //

yukṣu kurvan dinarkṣeṣu sarvān kāmān samaśnute
ayukṣu tu pitṝn sarvān prajāṃ prāpnoti puṣkalām // Manu_3.277 [= M 3.267]

yukṣu kurvan dinarkṣeṣu sarvān kāmān samaśnute ayukṣu tu pitṝn sarvān prajāṃ prāpnoti puṣkalām //

yathā caivāparaḥ pakṣaḥ pūrvapakṣād viśiṣyate
tathā śrāddhasya pūrvāhṇād aparāhṇo viśiṣyate // Manu_3.278 [= M 3.268]

yathā ca eva aparaḥ pakṣaḥ pūrvapakṣād viśiṣyate tathā śrāddhasya pūrvāhṇād aparāhṇo viśiṣyate //

prācīnāvītinā samyag apasavyam atandriṇā
pitryam ā nidhanāt kāryaṃ vidhivad darbhapāṇinā // Manu_3.279 [= M 3.269]

prācīnāvītinā samyag apasavyam atandriṇā pitryam ā nidhanāt kāryaṃ vidhivad darbha-pāṇinā //

rātrau śrāddhaṃ na kurvīta rākṣasī kīrtitā hi sā
saṃdhyayor ubhayoś caiva sūrye caivācirodite // Manu_3.280 [= M 3.270]

rātrau śrāddhaṃ na kurvīta rākṣasī kīrtitā hi sā saṃdhyayor ubhayoś ca eva sūrye ca eva acira-udite //

anena vidhinā śrāddhaṃ trir abdasyeha nirvapet
hemantagrīṣmavarṣāsu pāñcayajñikam anvaham // Manu_3.281 [= M 3.271]

anena vidhinā śrāddhaṃ trir abdasya iha nirvapet hemanta-grīṣma-varṣāsu pāñcayajñikam anvaham //

na paitṛyajñiyo homo laukike 'gnau vidhīyate
na darśena vinā śrāddham āhitāgner dvijanmanaḥ // Manu_3.282 [= M 3.272]

na paitṛyajñiyo homo laukike 'gnau vidhīyate na darśena vinā śrāddham āhita-agner dvijanmanaḥ //

yad eva tarpayaty adbhiḥ pitṝn snātvā dvijottamaḥ
tenaiva kṛtsnam āpnoti pitṛyajñakriyāphalam // Manu_3.283 [= M 3.273]

yad eva tarpayaty adbhiḥ pitṝn snātvā dvijottamaḥ tena eva kṛtsnam āpnoti pitṛyajñakriyāphalam //

vasūn vadanti tu pitṝn rudrāṃś caiva pitāmahān
prapitāmahāṃs tathādityān śrutir eṣā sanātanī // Manu_3.284 [= M 3.274]

vasūn vadanti tu pitṝn rudrāṃś ca eva pitāmahān prapitāmahāṃs tathā ādityān śrutir eṣā sanātanī //

vighasāśī bhaven nityaṃ nityaṃ vāmṛtabhojanaḥ
vighaso bhuktaśeṣaṃ tu yajñaśeṣaṃ tathāmṛtam // Manu_3.285 [= M 3.275]

vighasāśī bhaven nityaṃ nityaṃ va āmṛta-bhojanaḥ vighaso bhuktaśeṣaṃ tu yajñaśeṣaṃ tatha āmṛtam //

etad vo 'bhihitaṃ sarvaṃ vidhānaṃ pāñcayajñikam
dvijātimukhyavṛttīnāṃ vidhānaṃ śrūyatām iti // Manu_3.286 [= M 3.276]

etad vo 'bhihitaṃ sarvaṃ vidhānaṃ pāñcayajñikam dvijātimukhyavṛttīnāṃ vidhānaṃ śrūyatām iti //

caturtham āyuṣo bhāgam uṣitvādyaṃ gurau dvijāḥ
dvitīyam āyuṣo bhāgaṃ kṛtadāro gṛhe vaset // Manu_4.1

caturtham āyuṣo bhāgam uṣitvā ādyaṃ gurau dvijāḥ dvitīyam āyuṣo bhāgaṃ kṛta-dāro gṛhe vaset //

adroheṇaiva bhūtānām alpadroheṇa vā punaḥ
yā vṛttis tāṃ samāsthāya vipro jīved anāpadi // Manu_4.2

adroheṇa eva bhūtānām alpadroheṇa vā punaḥ yā vṛttis tāṃ samāsthāya vipro jīved anāpadi //

yātrāmātraprasiddhyarthaṃ svaiḥ karmabhir agarhitaiḥ
akleśena śarīrasya kurvīta dhanasaṃcayam // Manu_4.3

yātrāmātraprasiddhy-arthaṃ svaiḥ karmabhir agarhitaiḥ akleśena śarīrasya kurvīta dhanasaṃcayam //

ṛtāmṛtābhyāṃ jīvet tu mṛtena pramṛtena vā
satyānṛtābhyām api vā na śvavṛttyā kadā cana // Manu_4.4

ṛta-amṛtābhyāṃ jīvet tu mṛtena pramṛtena vā satya-anṛtābhyām api vā na śvavṛttyā kadā cana //

ṛtam uñchaśilaṃ jñeyam amṛtaṃ syād ayācitam
mṛtaṃ tu yācitaṃ bhaikṣaṃ pramṛtaṃ karṣaṇaṃ smṛtam // Manu_4.5

ṛtam uñcha-śilaṃ jñeyam amṛtaṃ syād ayācitam mṛtaṃ tu yācitaṃ bhaikṣaṃ pramṛtaṃ karṣaṇaṃ smṛtam //

satyānṛtaṃ tu vāṇijyaṃ tena caivāpi jīvyate
sevā śvavṛttir ākhyātā tasmāt tāṃ parivarjayet // Manu_4.6

satya-anṛtaṃ tu vāṇijyaṃ tena ca eva api jīvyate sevā śvavṛttir ākhyātā tasmāt tāṃ parivarjayet //

kusūladhānyako vā syāt kumbhīdhānyaka eva vā
tryahaihiko vāpi bhaved aśvastanika eva vā // Manu_4.7

kusūla-dhānyako vā syāt kumbhī-dhānyaka eva vā tryaha-ehiko va āpi bhaved aśvastanika eva vā //

caturṇām api caiteṣāṃ dvijānāṃ gṛhamedhinām
jyāyān paraḥ paro jñeyo dharmato lokajittamaḥ // Manu_4.8

caturṇām api ca eteṣāṃ dvijānāṃ gṛhamedhinām jyāyān paraḥ paro jñeyo dharmato lokajittamaḥ //

ṣaṭkarmaiko bhavaty eṣāṃ tribhir anyaḥ pravartate
dvābhyām ekaś caturthas tu brahmasattreṇa jīvati // Manu_4.9

ṣaṭ-karma eko bhavaty eṣāṃ tribhir anyaḥ pravartate dvābhyām ekaś caturthas tu brahmasattreṇa jīvati //

vartayaṃś ca śiloñchābhyām agnihotraparāyaṇaḥ
iṣṭīḥ pārvāyaṇāntīyāḥ kevalā nirvapet sadā // Manu_4.10

vartayaṃś ca śila-uñchābhyām agnihotra-parāyaṇaḥ iṣṭīḥ pārvāyaṇāntīyāḥ kevalā nirvapet sadā //

na lokavṛttaṃ varteta vṛttihetoḥ kathaṃ cana
ajihmām aśathāṃ śuddhāṃ jīved brāhmaṇajīvikām // Manu_4.11

na lokavṛttaṃ varteta vṛttihetoḥ kathaṃ cana ajihmām aśathāṃ śuddhāṃ jīved brāhmaṇajīvikām //

saṃtoṣaṃ param āsthāya sukhārthī saṃyato bhavet
saṃtoṣamūlaṃ hi sukhaṃ duḥkhamūlaṃ viparyayaḥ // Manu_4.12

saṃtoṣaṃ param āsthāya sukhārthī saṃyato bhavet saṃtoṣa-mūlaṃ hi sukhaṃ duḥkha-mūlaṃ viparyayaḥ //

ato 'nyatamayā vṛttyā jīvaṃs tu snātako dvijaḥ
svargāyuṣyayaśasyāni vratāṇīmāni dhārayet // Manu_4.13

svargāyuṣya ] svargyāyuṣya (M)

ato 'nyatamayā vṛttyā jīvaṃs tu snātako dvijaḥ svarga-āyuṣya-svargya-āyuṣya-yaśasyāni vratāṇi imāni dhārayet //

vedoditaṃ svakaṃ karma nityaṃ kuryād atandritaḥ
tad dhi kurvan yathāśakti prāpnoti paramāṃ gatim // Manu_4.14

veda-uditaṃ svakaṃ karma nityaṃ kuryād atandritaḥ tad dhi kurvan yathāśakti prāpnoti paramāṃ gatim //

nehetārthān prasaṅgena na viruddhena karmaṇā
na vidyamāneṣv artheṣu nārtyām api yatas tataḥ // Manu_4.15

vidyamāneṣv ] kalpamāneṣv (M)

nā iheta arthān prasaṅgena na viruddhena karmaṇā na vidyamāneṣvkalpamāneṣv artheṣu nā artyām api yatas tataḥ //

indriyārtheṣu sarveṣu na prasajyeta kāmataḥ
atiprasaktiṃ caiteṣāṃ manasā saṃnivartayet // Manu_4.16

indriyārtheṣu sarveṣu na prasajyeta kāmataḥ atiprasaktiṃ ca eteṣāṃ manasā saṃnivartayet //

sarvān parityajed arthān svādhyāyasya virodhinaḥ
yathā tathādhyāpayaṃs tu sā hy asya kṛtakṛtyatā // Manu_4.17

sarvān parityajed arthān svādhyāyasya virodhinaḥ yathā tatha ādhyāpayaṃs tu sā hy asya kṛtakṛtyatā //

vayasaḥ karmaṇo 'rthasya śrutasyābhijanasya ca
veṣavāgbuddhisārūpyam ācaran vicared iha // Manu_4.18

vayasaḥ karmaṇo 'rthasya śrutasya abhijanasya ca veṣa-vāg-buddhi-sārūpyam ācaran vicared iha //

buddhivṛddhikarāṇy āśu dhanyāni ca hitāni ca
nityaṃ śāstrāṇy avekṣeta nigamāṃś caiva vaidikān // Manu_4.19

buddhi-vṛddhi-karāṇy āśu dhanyāni ca hitāni ca nityaṃ śāstrāṇy avekṣeta nigamāṃś ca eva vaidikān //

yathā yathā hi puruṣaḥ śāstraṃ samadhigacchati
tathā tathā vijānāti vijñānaṃ cāsya rocate // Manu_4.20

yathā yathā hi puruṣaḥ śāstraṃ samadhigacchati tathā tathā vijānāti vijñānaṃ ca asya rocate //

ṛṣiyajñaṃ devayajñaṃ bhūtayajñaṃ ca sarvadā
nṛyajñaṃ pitṛyajñaṃ ca yathāśakti na hāpayet // Manu_4.21

ṛṣiyajñaṃ devayajñaṃ bhūtayajñaṃ ca sarvadā nṛyajñaṃ pitṛyajñaṃ ca yathāśakti na hāpayet //

etān eke mahāyajñān yajñaśāstravido janāḥ
anīhamānāḥ satatam indriyeṣv eva juhvati // Manu_4.22

etān eke mahāyajñān yajñaśāstravido janāḥ anīhamānāḥ satatam indriyeṣv eva juhvati //

vācy eke juhvati prāṇaṃ prāṇe vācaṃ ca sarvadā
vāci prāṇe ca paśyanto yajñanirvṛttim akṣayām // Manu_4.23

vācy eke juhvati prāṇaṃ prāṇe vācaṃ ca sarvadā vāci prāṇe ca paśyanto yajñanirvṛttim akṣayām //

jñānenaivāpare viprā yajanty etair makhaiḥ sadā
jñānamūlāṃ kriyām eṣāṃ paśyanto jñānacakṣuṣā // Manu_4.24

yajanty etair ] yajante tair (M)

jñānena eva apare viprā yajanty etairyajante tair makhaiḥ sadā jñāna-mūlāṃ kriyām eṣāṃ paśyanto jñānacakṣuṣā //

agnihotraṃ ca juhuyād ādyante dyuniśoḥ sadā
darśena cārdhamāsānte paurṇāmāsena caiva hi // Manu_4.25

agnihotraṃ ca juhuyād ādy-ante dyu-niśoḥ sadā darśena ca ardhamāsānte paurṇāmāsena ca eva hi //

sasyānte navasasyeṣṭyā tathā rtvante dvijo 'dhvaraiḥ
paśunā tv ayanasyādau samānte saumikair makhaiḥ // Manu_4.26

ayanasyādau ] ayanānte tu (M)

sasyānte navasasya-iṣṭyā tathā rtv-ante dvijo 'dhvaraiḥ paśunā tv ayanasyā adauayanānte tu samānte saumikair makhaiḥ //

nāniṣṭvā navasasyeṣṭyā paśunā cāgnimān dvijaḥ
navānnam adyān māṃsaṃ vā dīrgham āyur jijīviṣuḥ // Manu_4.27

na aniṣṭvā navasasya-iṣṭyā paśunā ca agnimān dvijaḥ navānnam adyān māṃsaṃ vā dīrgham āyur jijīviṣuḥ //

navenānarcitā hy asya paśuhavyena cāgnayaḥ
prāṇān evāttum icchanti navānnāmiṣagardhinaḥ // Manu_4.28

navena anarcitā hy asya paśuhavyena ca agnayaḥ prāṇān eva attum icchanti navānna-āmiṣagardhinaḥ //

āsanāśanaśayyābhir adbhir mūlaphalena vā
nāsya kaś cid vased gehe śaktito 'narcito 'tithiḥ // Manu_4.29

āsana-aśana-śayyābhir adbhir mūla-phalena vā na asya kaś cid vased gehe śaktito 'narcito 'tithiḥ //

pāṣāṇḍino vikarmasthān baiḍālavratikāñ śaṭhān
haitukān bakavṛttīṃś ca vāṅgātreṇāpi nārcayet // Manu_4.30

pāṣāṇḍino vikarmasthān baiḍāla-vratikāñ śaṭhān haitukān baka-vṛttīṃś ca vāṅ-gātreṇa api na arcayet //

vedavidyāvratasnātāñ śrotriyān gṛhamedhinaḥ
pūjayed dhavyakavyena viparītāṃś ca varjayet // Manu_4.31

vedavidyā-vrata-snātāñ śrotriyān gṛhamedhinaḥ pūjayed dhavya-kavyena viparītāṃś ca varjayet //

śaktito 'pacamānebhyo dātavyaṃ gṛhamedhinā
saṃvibhāgaś ca bhūtebhyaḥ kartavyo 'nuparodhataḥ // Manu_4.32

śaktito 'pacamānebhyo dātavyaṃ gṛhamedhinā saṃvibhāgaś ca bhūtebhyaḥ kartavyo 'nuparodhataḥ //

rājato dhanam anvicchet saṃsīdan snātakaḥ kṣudhā
yājyāntevāsinor vāpi na tv anyata iti sthitiḥ // Manu_4.33

rājato dhanam anvicchet saṃsīdan snātakaḥ kṣudhā yājya-antevāsinor va āpi na tv anyata iti sthitiḥ //

na sīdet snātako vipraḥ kṣudhā śaktaḥ kathaṃ cana
na jīrṇamalavadvāsā bhavec ca vibhave sati // Manu_4.34

na sīdet snātako vipraḥ kṣudhā śaktaḥ kathaṃ cana na jīrṇa-malavad-vāsā bhavec ca vibhave sati //

kḷptakeśanakhaśmaśrur dāntaḥ śuklāmbaraḥ śuciḥ
svādhyāye caiva yuktaḥ syān nityam ātmahiteṣu ca // Manu_4.35

kḷptakeśa-nakha-śmaśrur dāntaḥ śukla-ambaraḥ śuciḥ svādhyāye ca eva yuktaḥ syān nityam ātmahiteṣu ca //

vaiṇavīṃ dhārayed yaṣṭiṃ sodakaṃ ca kamaṇḍalum
yajñopavītaṃ vedaṃ ca śubhaṃ raukme ca kuṇḍale // Manu_4.36

vaiṇavīṃ dhārayed yaṣṭiṃ sa-udakaṃ ca kamaṇḍalum yajñopavītaṃ vedaṃ ca śubhaṃ raukme ca kuṇḍale //

nekṣetodyantam ādityaṃ nāstaṃ yāntaṃ kadā cana
nopasṛṣṭaṃ na vāristhaṃ na madhyaṃ nabhaso gatam // Manu_4.37

nā ikṣeta udyantam ādityaṃ na astaṃ yāntaṃ kadā cana na upasṛṣṭaṃ na vāristhaṃ na madhyaṃ nabhaso gatam //

na laṅghayed vatsatantrīṃ na pradhāvec ca varṣati
na codake nirīkṣeta svarūpam iti dhāraṇā // Manu_4.38

na laṅghayed vatsatantrīṃ na pradhāvec ca varṣati na ca udake nirīkṣeta svarūpam iti dhāraṇā //

mṛdaṃ gāṃ daivataṃ vipraṃ ghṛtaṃ madhu catuṣpatham
pradakṣiṇāni kurvīta prajñātāṃś ca vanaspatīn // Manu_4.39

mṛdaṃ gāṃ daivataṃ vipraṃ ghṛtaṃ madhu catuṣpatham pradakṣiṇāni kurvīta prajñātāṃś ca vanaspatīn //

nopagacchet pramatto 'pi striyam ārtavadarśane
samānaśayane caiva na śayīta tayā saha // Manu_4.40

na upagacchet pramatto 'pi striyam ārtavadarśane samānaśayane ca eva na śayīta tayā saha //

rajasābhiplutāṃ nārīṃ narasya hy upagacchataḥ
prajñā tejo balaṃ cakṣur āyuś caiva prahīyate // Manu_4.41

rajasa ābhiplutāṃ nārīṃ narasya hy upagacchataḥ prajñā tejo balaṃ cakṣur āyuś ca eva prahīyate //

tāṃ vivarjayatas tasya rajasā samabhiplutām
prajñā tejo balaṃ cakṣur āyuś caiva pravardhate // Manu_4.42

tāṃ vivarjayatas tasya rajasā samabhiplutām prajñā tejo balaṃ cakṣur āyuś ca eva pravardhate //

nāśnīyād bhāryayā sārdhaṃ nainām īkṣeta cāśnatīm
kṣuvatīṃ jṛmbhamāṇāṃ vā na cāsīnāṃ yathāsukham // Manu_4.43

na aśnīyād bhāryayā sārdhaṃ na enām īkṣeta ca aśnatīm kṣuvatīṃ jṛmbhamāṇāṃ vā na cā asīnāṃ yathāsukham //

nāñjayantīṃ svake netre na cābhyaktām anāvṛtām
na paśyet prasavantīṃ ca tejaskāmo dvijottamaḥ // Manu_4.44

na añjayantīṃ svake netre na ca abhyaktām anāvṛtām na paśyet prasavantīṃ ca tejas-kāmo dvijottamaḥ //

nānnam adyād ekavāsā na nagnaḥ snānam ācaret
na mūtraṃ pathi kurvīta na bhasmani na govraje // Manu_4.45

na annam adyād ekavāsā na nagnaḥ snānam ācaret na mūtraṃ pathi kurvīta na bhasmani na govraje //

na phālakṛṣṭe na jale na cityāṃ na ca parvate
na jīrṇadevāyatane na valmīke kadā cana // Manu_4.46

na phālakṛṣṭe na jale na cityāṃ na ca parvate na jīrṇadevāyatane na valmīke kadā cana //

na sasattveṣu garteṣu na gacchann api na sthitaḥ
na nadītīram āsādya na ca parvatamastake // Manu_4.47

na sa-sattveṣu garteṣu na gacchann api na sthitaḥ na nadītīram āsādya na ca parvatamastake //

vāyvagnivipram ādityam apaḥ paśyaṃs tathaiva gāḥ
na kadā cana kurvīta viṇmūtrasya visarjanam // Manu_4.48

vāyv-agni-vipram ādityam apaḥ paśyaṃs tatha aiva gāḥ na kadā cana kurvīta viṇ-mūtrasya visarjanam //

tiraskṛtyoccaret kāṣṭhaloṣṭhapatratṛṇādinā
niyamya prayato vācaṃ saṃvītāṅgo 'vaguṇṭhitaḥ // Manu_4.49 [= M 4.50]

tṛṇādinā ] tṛṇādi ca (M)

tiraskṛtya uccaret kāṣṭhaloṣṭha-patra-tṛṇa-ādinātṛṇādi ca niyamya prayato vācaṃ saṃvītāṅgo 'vaguṇṭhitaḥ //

mūtroccārasamutsargaṃ divā kuryād udaṅmukhaḥ
dakṣiṇābhimukho rātrau saṃdhyāyoś ca yathā divā // Manu_4.50 [= M 4.51]

mūtra-uccāra-samutsargaṃ divā kuryād udaṅ-mukhaḥ dakṣiṇā-abhimukho rātrau saṃdhyāyoś ca yathā divā //

chāyāyām andhakāre vā rātrāv ahani vā dvijaḥ
yathāsukhamukhaḥ kuryāt prāṇabādhabhayeṣu ca // Manu_4.51 [= M 4.52]

chāyāyām andhakāre vā rātrāv ahani vā dvijaḥ yathāsukha-mukhaḥ kuryāt prāṇabādha-bhayeṣu ca //

pratyagniṃ pratisūryaṃ ca pratisomodakadvijam
pratigu prativātaṃ ca prajñā naśyati mehataḥ // Manu_4.52 [= M 4.49]

pratigu ] pratigāṃ (K)

praty-agniṃ prati-sūryaṃ ca prati-soma-udaka-dvijam prati-guprati-gāṃ prati-vātaṃ ca prajñā naśyati mehataḥ //

nāgniṃ mukhenopadhamen nagnāṃ nekṣeta ca striyam
nāmedhyaṃ prakṣiped agnau na ca pādau pratāpayet // Manu_4.53

na agniṃ mukhena upadhamen nagnāṃ nā ikṣeta ca striyam na amedhyaṃ prakṣiped agnau na ca pādau pratāpayet //

adhastān nopadadhyāc ca na cainam abhilaṅghayet
na cainaṃ pādataḥ kuryān na prāṇābādham ācaret // Manu_4.54

adhastān na upadadhyāc ca na ca enam abhilaṅghayet na ca enaṃ pādataḥ kuryān na prāṇa-ābādham ācaret //

nāśnīyāt saṃdhivelāyāṃ na gacchen nāpi saṃviśet
na caiva pralikhed bhūmiṃ nātmano 'paharet srajam // Manu_4.55

na aśnīyāt saṃdhivelāyāṃ na gacchen na api saṃviśet na ca eva pralikhed bhūmiṃ nā atmano 'paharet srajam //

nāpsu mūtraṃ purīṣaṃ vā ṣṭhīvanaṃ vā samutsṛjet
amedhyaliptam anyad vā lohitaṃ vā viṣāṇi vā // Manu_4.56

na apsu mūtraṃ purīṣaṃ vā ṣṭhīvanaṃ vā samutsṛjet amedhyaliptam anyad vā lohitaṃ vā viṣāṇi vā //

naikaḥ supyāc chūnyagehe na śreyāṃsaṃ prabodhayet
nodakyayābhibhāṣeta yajñaṃ gacchen na cāvṛtaḥ // Manu_4.57

supyāc chūnyagehe ] śūnyagṛhe svapyān (M)

na ekaḥ supyāc chūnyageheśūnyagṛhe svapyān na śreyāṃsaṃ prabodhayet na udakyaya ābhibhāṣeta yajñaṃ gacchen na ca avṛtaḥ //

agnyagāre gavāṃ goṣṭhe brāhmaṇānāṃ ca saṃnidhau
svādhyāye bhojane caiva dakṣinaṃ pāṇim uddharet // Manu_4.58

agnyagāre gavāṃ goṣṭhe brāhmaṇānāṃ ca saṃnidhau svādhyāye bhojane ca eva dakṣinaṃ pāṇim uddharet //

na vārayed gāṃ dhayantīṃ na cācakṣīta kasya cit
na divīndrāyudhaṃ dṛṣṭvā kasya cid darśayed budhaḥ // Manu_4.59

na vārayed gāṃ dhayantīṃ na cā acakṣīta kasya cit na divi indrāyudhaṃ dṛṣṭvā kasya cid darśayed budhaḥ //

nādharmike vased grāme na vyādhibahule bhṛśam
naikaḥ prapadyetādhvānaṃ na ciraṃ parvate vaset // Manu_4.60

na adharmike vased grāme na vyādhi-bahule bhṛśam na ekaḥ prapadyeta adhvānaṃ na ciraṃ parvate vaset //

na śūdrarājye nivasen nādhārmikajanāvṛte
na pāṣaṇḍigaṇākrānte nopasṣṛṭe 'ntyajair nṛbhiḥ // Manu_4.61

na śūdrarājye nivasen na adhārmikajanāvṛte na pāṣaṇḍigaṇākrānte na upasṣṛṭe 'ntyajair nṛbhiḥ //

na bhuñjītoddhṛtasnehaṃ nātisauhityam ācaret
nātiprage nātisāyaṃ na sāyaṃ prātarāśitaḥ // Manu_4.62

na bhuñjīta uddhṛta-snehaṃ na atisauhityam ācaret na atiprage na atisāyaṃ na sāyaṃ prātar-āśitaḥ //

na kurvīta vṛthāceṣṭāṃ na vāry añjalinā pibet
notsaṅge bhakṣayed bhakṣyān na jātu syāt kutūhalī // Manu_4.63

na kurvīta vṛthāceṣṭāṃ na vāry añjalinā pibet na utsaṅge bhakṣayed bhakṣyān na jātu syāt kutūhalī //

na nṛtyed atha vā gāyen na vāditrāṇi vādayet
nāsphoṭayen na ca kṣveḍen na ca rakto virāvayet // Manu_4.64

nṛtyed atha vā gāyen ] nṛtyen naiva gāyec ca (M)
na vāditrāṇi ] navāditrāṇi (M)
virāvayet ] virodhayet (M)

na nṛtyed atha vā gāyennṛtyen na eva gāyec ca na vāditrāṇinavāditrāṇi vādayet nā asphoṭayen na ca kṣveḍen na ca rakto virāvayetvirodhayet //

na pādau dhāvayet kāṃsye kadā cid api bhājane
na bhinnabhāṇḍe bhuñjīta na bhāvapratidūṣite // Manu_4.65

na pādau dhāvayet kāṃsye kadā cid api bhājane na bhinnabhāṇḍe bhuñjīta na bhāvapratidūṣite //

upānahau ca vāsaś ca dhṛtam anyair na dhārayet
upavītam alaṅkāraṃ srajaṃ karakam eva ca // Manu_4.66

upānahau ca vāsaś ca dhṛtam anyair na dhārayet upavītam alaṅkāraṃ srajaṃ karakam eva ca //

nāvinītair bhajed dhuryair na ca kṣudhvyādhipīḍitaiḥ
na bhinnaśṛṅgākṣikhurair na vāladhivirūpitaiḥ // Manu_4.67

bhajed ] vrajed (M)

na avinītair bhajedvrajed dhuryair na ca kṣudh-vyādhi-pīḍitaiḥ na bhinna-śṛṅga-akṣi-khurair na vāladhivirūpitaiḥ //

vinītais tu vrajen nityam āśugair lakṣaṇānvitaiḥ
varṇarūpopasaṃpannaiḥ pratodenātudan bhṛśam // Manu_4.68

pratodenātudan ] pratodenākṣipan (M)

vinītais tu vrajen nityam āśugair lakṣaṇānvitaiḥ varṇa-rūpa-upasaṃpannaiḥ pratodenā atudanpratodenā akṣipan bhṛśam //

bālātapaḥ pretadhūmo varjyaṃ bhinnaṃ tathāsanam
na chindyān nakharomāṇi dantair notpāṭayen nakhān // Manu_4.69

bālātapaḥ pretadhūmo varjyaṃ bhinnaṃ tathā āsanam na chindyān nakha-romāṇi dantair na utpāṭayen nakhān //

na mṛlloṣṭhaṃ ca mṛdnīyān na chindyāt karajais tṛṇam
na karma niṣphalaṃ kuryān nāyatyām asukhodayam // Manu_4.70

na mṛl-loṣṭhaṃ ca mṛdnīyān na chindyāt karajais tṛṇam na karma niṣphalaṃ kuryān nā ayatyām asukha-udayam //

loṣṭhamardī tṛṇacchedī nakhakhādī ca yo naraḥ
sa vināśaṃ vrajaty āśu sūcakāśucir eva ca // Manu_4.71

sūcakāśucir ] sūcako 'śucir (M)

loṣṭhamardī tṛṇacchedī nakhakhādī ca yo naraḥ sa vināśaṃ vrajaty āśu sūcaka āśucirsūcako 'śucir eva ca //

na vigarhya kathāṃ kuryād bahir mālyaṃ na dhārayet
gavāṃ ca yānaṃ pṛṣṭhena sarvathaiva vigarhitam // Manu_4.72

vigarhya ] vigṛhya (M)

na vigarhyavigṛhya kathāṃ kuryād bahir mālyaṃ na dhārayet gavāṃ ca yānaṃ pṛṣṭhena sarvatha aiva vigarhitam //

advāreṇa ca nātīyād grāmaṃ vā veśma vāvṛtam
rātrau ca vṛkṣamūlāni dūrataḥ parivarjayet // Manu_4.73

advāreṇa ca na atīyād grāmaṃ vā veśma vā āvṛtam rātrau ca vṛkṣamūlāni dūrataḥ parivarjayet //

nākṣair dīvyet kadā cit tu svayaṃ nopānahau haret
śayanastho na bhuñjīta na pāṇisthaṃ na cāsane // Manu_4.74

na akṣair dīvyet kadā cit tu svayaṃ na upānahau haret śayanastho na bhuñjīta na pāṇisthaṃ na cā asane //

sarvaṃ ca tilasaṃbaddhaṃ nādyād astam ite ravau
na ca nagnaḥ śayīteha na cocchiṣṭaḥ kva cid vrajet // Manu_4.75

sarvaṃ ca tilasaṃbaddhaṃ na adyād astam ite ravau na ca nagnaḥ śayīta iha na ca ucchiṣṭaḥ kva cid vrajet //

ārdrapādas tu bhuñjīta nārdrapādas tu saṃviśet
ārdrapādas tu bhuñjāno dīrgham āyur avāpnuyāt // Manu_4.76

ārdra-pādas tu bhuñjīta nā ardra-pādas tu saṃviśet ārdra-pādas tu bhuñjāno dīrgham āyur avāpnuyāt //

acakṣurviṣayaṃ durgaṃ na prapadyeta karhi cit
na viṇmūtram udīkṣeta na bāhubhyāṃ nadīṃ taret // Manu_4.77

acakṣurviṣayaṃ durgaṃ na prapadyeta karhi cit na viṇ-mūtram udīkṣeta na bāhubhyāṃ nadīṃ taret //

adhitiṣṭhen na keśāṃs tu na bhasmāsthikapālikāḥ
na kārpāsāsthi na tuṣān dīrgham āyur jijīviṣuḥ // Manu_4.78

adhitiṣṭhen na keśāṃs tu na bhasma-asthi-kapālikāḥ na kārpāsa-asthi na tuṣān dīrgham āyur jijīviṣuḥ //

na saṃvasec ca patitair na cāṇḍālair na pulkasaiḥ
na mūrkhair nāvaliptaiś ca nāntyair nāntyāvasāyibhiḥ // Manu_4.79

na saṃvasec ca patitair na cāṇḍālair na pulkasaiḥ na mūrkhair na avaliptaiś ca na antyair na antyāvasāyibhiḥ //

na śūdrāya matiṃ dadyān nocchiṣṭaṃ na haviṣkṛtam
na cāsyopadiśed dharmaṃ na cāsya vratam ādiśet // Manu_4.80

na śūdrāya matiṃ dadyān na ucchiṣṭaṃ na haviṣkṛtam na ca asya upadiśed dharmaṃ na ca asya vratam ādiśet //

yo hy asya dharmam ācaṣṭe yaś caivādiśati vratam
so 'saṃvṛtaṃ nāma tamaḥ saha tenaiva majjati // Manu_4.81

yo hy asya dharmam ācaṣṭe yaś ca evā adiśati vratam so 'saṃvṛtaṃ nāma tamaḥ saha tena eva majjati //

na saṃhatābhyāṃ pāṇibhyāṃ kaṇḍūyed ātmanaḥ śiraḥ
na spṛśec caitad ucchiṣṭo na ca snāyād vinā tataḥ // Manu_4.82

na saṃhatābhyāṃ pāṇibhyāṃ kaṇḍūyed ātmanaḥ śiraḥ na spṛśec ca etad ucchiṣṭo na ca snāyād vinā tataḥ //

keśagrahān prahārāṃś ca śirasy etān vivarjayet
śiraḥsnātaś ca tailena nāṅgaṃ kiṃ cid api spṛśet // Manu_4.83

keśagrahān prahārāṃś ca śirasy etān vivarjayet śiraḥsnātaś ca tailena na aṅgaṃ kiṃ cid api spṛśet //

na rājñaḥ pratigṛhṇīyād arājanyaprasūtitaḥ
sūnācakradhvajavatāṃ veśenaiva ca jīvatām // Manu_4.84

na rājñaḥ pratigṛhṇīyād arājanyaprasūtitaḥ sūnā-cakra-dhvajavatāṃ veśena eva ca jīvatām //

daśasūnāsamaṃ cakraṃ daśacakrasamo dhvajaḥ
daśadhvajasamo veśo daśaveśasamo nṛpaḥ // Manu_4.85

daśasūnā-samaṃ cakraṃ daśacakra-samo dhvajaḥ daśadhvaja-samo veśo daśaveśa-samo nṛpaḥ //

daśa sūṇāsahasrāṇi yo vāhayati saunikaḥ
tena tulyaḥ smṛto rājā ghoras tasya pratigrahaḥ // Manu_4.86

daśa sūṇāsahasrāṇi yo vāhayati saunikaḥ tena tulyaḥ smṛto rājā ghoras tasya pratigrahaḥ //

yo rājñaḥ pratigṛhṇāti lubdhasyocchāstravartinaḥ
sa paryāyeṇa yātīmān narakān ekaviṃśatim // Manu_4.87

yo rājñaḥ pratigṛhṇāti lubdhasya ucchāstravartinaḥ sa paryāyeṇa yāti imān narakān ekaviṃśatim //

tāmisram andhatāmisraṃ mahārauravarauravau
narakaṃ kālasūtraṃ ca mahānarakam eva ca // Manu_4.88

tāmisram andhatāmisraṃ mahāraurava-rauravau narakaṃ kālasūtraṃ ca mahānarakam eva ca //

saṃjīvanaṃ mahāvīciṃ tapanaṃ saṃpratāpanam
saṃhātaṃ ca sakākolaṃ kuḍmalaṃ pratimūrtikam // Manu_4.89

pratimūrtikam ] pūtimṛttikam (M)

saṃjīvanaṃ mahāvīciṃ tapanaṃ saṃpratāpanam saṃhātaṃ ca sa-kākolaṃ kuḍmalaṃ pratimūrtikampūtimṛttikam //

lohaśaṅkum ṛjīṣaṃ ca panthānaṃ śālmalīṃ nadīm
asipatravanaṃ caiva lohadārakam eva ca // Manu_4.90

lohaśaṅkum ṛjīṣaṃ ca panthānaṃ śālmalīṃ nadīm asipatravanaṃ ca eva lohadārakam eva ca //

etad vidanto vidvāṃso brāhmaṇā brahmavādinaḥ
na rājñaḥ pratigṛhṇanti pretya śreyo 'bhikāṅkṣiṇaḥ // Manu_4.91

etad vidanto vidvāṃso brāhmaṇā brahmavādinaḥ na rājñaḥ pratigṛhṇanti pretya śreyo 'bhikāṅkṣiṇaḥ //

brāhme muhūrte budhyeta dharmārthau cānucintayet
kāyakleśāṃś ca tanmūlān vedatattvārtham eva ca // Manu_4.92

brāhme muhūrte budhyeta dharma-arthau ca anucintayet kāyakleśāṃś ca tan-mūlān vedatattvārtham eva ca //

utthāyāvaśyakaṃ kṛtvā kṛtaśaucaḥ samāhitaḥ
pūrvāṃ saṃdhyāṃ japaṃs tiṣṭhet svakāle cāparāṃ ciram // Manu_4.93

utthāyā avaśyakaṃ kṛtvā kṛta-śaucaḥ samāhitaḥ pūrvāṃ saṃdhyāṃ japaṃs tiṣṭhet svakāle ca aparāṃ ciram //

ṛṣayo dīrghasaṃdhyatvād dīrgham āyur avāpnuyuḥ
prajñāṃ yaśaś ca kīrtiṃ ca brahmavarcasam eva ca // Manu_4.94

ṛṣayo dīrghasaṃdhyatvād dīrgham āyur avāpnuyuḥ prajñāṃ yaśaś ca kīrtiṃ ca brahmavarcasam eva ca //

śrāvaṇyāṃ prauṣṭhapadyāṃ vāpy upākṛtya yathāvidhi
yuktaś chandāṃsy adhīyīta māsān vipro 'rdhapañcamān // Manu_4.95

śrāvaṇyāṃ prauṣṭhapadyāṃ va āpy upākṛtya yathāvidhi yuktaś chandāṃsy adhīyīta māsān vipro 'rdhapañcamān //

puṣye tu chandasāṃ kuryād bahir utsarjanaṃ dvijaḥ
māghaśuklasya vā prāpte pūrvāhṇe prathame 'hani // Manu_4.96

puṣye tu chandasāṃ kuryād bahir utsarjanaṃ dvijaḥ māghaśuklasya vā prāpte pūrvāhṇe prathame 'hani //

yathāśāstraṃ tu kṛtvaivam utsargaṃ chandasāṃ bahiḥ
viramet pakṣiṇīṃ rātriṃ tad evaikam aharniśam // Manu_4.97

yathāśāstraṃ tu kṛtva aivam utsargaṃ chandasāṃ bahiḥ viramet pakṣiṇīṃ rātriṃ tad eva ekam ahar-niśam //

ata ūrdhvaṃ tu chandāṃsi śukleṣu niyataḥ paṭhet
vedāṅgāni ca sarvāṇi kṛṣṇapakṣeṣu saṃpaṭhet // Manu_4.98

ata ūrdhvaṃ tu chandāṃsi śukleṣu niyataḥ paṭhet vedāṅgāni ca sarvāṇi kṛṣṇapakṣeṣu saṃpaṭhet //

nāvispaṣṭam adhīyīta na śūdrajanasannidhau
na niśānte pariśrānto brahmādhītya punaḥ svapet // Manu_4.99

na avispaṣṭam adhīyīta na śūdrajanasannidhau na niśānte pariśrānto brahma adhītya punaḥ svapet //

yathoditena vidhinā nityaṃ chandaskṛtaṃ paṭhet
brahma chandaskṛtaṃ caiva dvijo yukto hy anāpadi // Manu_4.100

yathā-uditena vidhinā nityaṃ chandaskṛtaṃ paṭhet brahma chandaskṛtaṃ ca eva dvijo yukto hy anāpadi //

imān nityam anadhyāyān adhīyāno vivarjayet
adhyāpanaṃ ca kurvāṇaḥ śiṣyāṇāṃ vidhipūrvakam // Manu_4.101

imān nityam anadhyāyān adhīyāno vivarjayet adhyāpanaṃ ca kurvāṇaḥ śiṣyāṇāṃ vidhipūrvakam //

karṇaśrave 'nile rātrau divā pāṃsusamūhane
etau varṣāsv anadhyāyāv adhyāyajñāḥ pracakṣate // Manu_4.102

karṇaśrave 'nile rātrau divā pāṃsusamūhane etau varṣāsv anadhyāyāv adhyāyajñāḥ pracakṣate //

vidyutstanitavarṣeṣu maholkānāṃ ca saṃplave
ākālikam anadhyāyam eteṣu manur abravīt // Manu_4.103

vidyut-stanita-varṣeṣu mahā-ulkānāṃ ca saṃplave ākālikam anadhyāyam eteṣu manur abravīt //

etāṃs tv abhyuditān vidyād yadā prāduṣkṛtāgniṣu
tadā vidyād anadhyāyam anṛtau cābhradarśane // Manu_4.104

etāṃs tv abhyuditān vidyād yadā prāduṣkṛtāgniṣu tadā vidyād anadhyāyam anṛtau ca abhradarśane //

nirghāte bhūmicalane jyotiṣāṃ copasarjane
etān ākālikān vidyād anadhyāyān ṛtāv api // Manu_4.105

nirghāte bhūmicalane jyotiṣāṃ ca upasarjane etān ākālikān vidyād anadhyāyān ṛtāv api //

prāduṣkṛteṣv agniṣu tu vidyutstanitaniḥsvane
sajyotiḥ syād anadhyāyaḥ śeṣe rātrau yathā divā // Manu_4.106

prāduṣkṛteṣv agniṣu tu vidyut-stanita-niḥsvane sa-jyotiḥ syād anadhyāyaḥ śeṣe rātrau yathā divā //

nityānadhyāya eva syād grāmeṣu nagareṣu ca
dharmanaipuṇyakāmānāṃ pūtigandhe ca sarvadā // Manu_4.107

sarvadā ] sarvaśaḥ (M)

nitya-anadhyāya eva syād grāmeṣu nagareṣu ca dharmanaipuṇya-kāmānāṃ pūtigandhe ca sarvadāsarvaśaḥ //

antargataśave grāme vṛṣalasya ca sannidhau
anadhyāyo rudyamāne samavāye janasya ca // Manu_4.108

antargata-śave grāme vṛṣalasya ca sannidhau anadhyāyo rudyamāne samavāye janasya ca //

udake madhyarātre ca viṇmūtrasya visarjane
ucchiṣṭaḥ śrāddhabhuk caiva manasāpi na cintayet // Manu_4.109

udake madhyarātre ca viṇ-mūtrasya visarjane ucchiṣṭaḥ śrāddhabhuk ca eva manasa āpi na cintayet //

pratigṛhya dvijo vidvān ekoddiṣṭasya ketanam
tryahaṃ na kīrtayed brahma rājño rāhoś ca sūtake // Manu_4.110

ekoddiṣṭasya ketanam ] ekoddiṣṭaniketanam (M)

pratigṛhya dvijo vidvān ekoddiṣṭasya ketanamekoddiṣṭa-niketanam tryahaṃ na kīrtayed brahma rājño rāhoś ca sūtake //

yāvad ekānudiṣṭasya gandho lepaś ca tiṣṭhati
viprasya viduṣo dehe tāvad brahma na kīrtayet // Manu_4.111

yāvad ekānudiṣṭasya gandho lepaś ca tiṣṭhati viprasya viduṣo dehe tāvad brahma na kīrtayet //

śayānaḥ prauḍhapādaś ca kṛtvā caivāvasakthikām
nādhīyītāmiṣaṃ jagdhvā sūtakānnādyam eva ca // Manu_4.112

śayānaḥ prauḍha-pādaś ca kṛtvā ca eva avasakthikām na adhīyītā amiṣaṃ jagdhvā sūtakānnādyam eva ca //

nīhāre bāṇaśabde ca saṃdhyayor eva cobhayoḥ
amāvāsyācaturdaśyoḥ paurṇamāsyaṣṭakāsu ca // Manu_4.113

nīhāre bāṇaśabde ca saṃdhyayor eva ca ubhayoḥ amāvāsyā-caturdaśyoḥ paurṇamāsy-aṣṭakāsu ca //

amāvāsyā guruṃ hanti śiṣyaṃ hanti caturdaśī
brahmāṣṭakapaurṇamāsyau tasmāt tāḥ parivarjayet // Manu_4.114

amāvāsyā guruṃ hanti śiṣyaṃ hanti caturdaśī brahma aṣṭaka-paurṇamāsyau tasmāt tāḥ parivarjayet //

pāṃsuvarṣe diśāṃ dāhe gomāyuvirute tathā
śvakharoṣṭre ca ruvati paṅktau ca na paṭhed dvijaḥ // Manu_4.115

pāṃsuvarṣe diśāṃ dāhe gomāyuvirute tathā śva-khara-uṣṭre ca ruvati paṅktau ca na paṭhed dvijaḥ //

nādhīyīta śmaśānānte grāmānte govraje 'pi vā
vasitvā maithunaṃ vāsaḥ śrāddhikaṃ pratigṛhya ca // Manu_4.116

na adhīyīta śmaśānānte grāmānte govraje 'pi vā vasitvā maithunaṃ vāsaḥ śrāddhikaṃ pratigṛhya ca //

prāṇi vā yadi vāprāṇi yat kiṃ cic chrāddhikaṃ bhavet
tad ālabhyāpy anadhyāyaḥ pāṇyāsyo hi dvijaḥ smṛtaḥ // Manu_4.117

prāṇi vā yadi va āprāṇi yat kiṃ cic chrāddhikaṃ bhavet tad ālabhya apy anadhyāyaḥ pāṇy-āsyo hi dvijaḥ smṛtaḥ //

corair upadrute grāme saṃbhrame cāgnikārite
ākālikam anadhyāyaṃ vidyāt sarvādbhuteṣu ca // Manu_4.118

corair upadrute ] caurair upaplute (M)

corair upadrutecaurair upaplute grāme saṃbhrame ca agnikārite ākālikam anadhyāyaṃ vidyāt sarvādbhuteṣu ca //

upākarmaṇi cotsarge trirātraṃ kṣepaṇaṃ smṛtam
aṣṭakāsu tv ahorātram ṛtvantāsu ca rātriṣu // Manu_4.119

upākarmaṇi ca utsarge trirātraṃ kṣepaṇaṃ smṛtam aṣṭakāsu tv ahorātram ṛtvantāsu ca rātriṣu //

nādhīyītāśvam ārūḍho na vṛkṣaṃ na ca hastinam
na nāvaṃ na kharaṃ noṣṭraṃ neriṇastho na yānagaḥ // Manu_4.120

na adhīyīta aśvam ārūḍho na vṛkṣaṃ na ca hastinam na nāvaṃ na kharaṃ na uṣṭraṃ na iriṇastho na yānagaḥ //

na vivāde na kalahe na senāyāṃ na saṃgare
na bhuktamātre nājīrṇe na vamitvā na śuktake // Manu_4.121

na vivāde na kalahe na senāyāṃ na saṃgare na bhuktamātre na ajīrṇe na vamitvā na śuktake //

atithiṃ cānanujñāpya mārute vāti vā bhṛśam
rudhire ca srute gātrāc chastreṇa ca parikṣate // Manu_4.122

atithiṃ ca ananujñāpya mārute vāti vā bhṛśam rudhire ca srute gātrāc chastreṇa ca parikṣate //

sāmadhvanāv ṛgyajuṣī nādhīyīta kadā cana
vedasyādhītya vāpy antam āraṇyakam adhītya ca // Manu_4.123

sāmadhvanāv ṛg-yajuṣī na adhīyīta kadā cana vedasya adhītya va āpy antam āraṇyakam adhītya ca //

ṛgvedo devadaivatyo yajurvedas tu mānuṣaḥ
sāmavedaḥ smṛtaḥ pitryas tasmāt tasyāśucir dhvaniḥ // Manu_4.124

ṛgvedo deva-daivatyo yajurvedas tu mānuṣaḥ sāmavedaḥ smṛtaḥ pitryas tasmāt tasya aśucir dhvaniḥ //

etad vidvanto vidvāṃsas trayīniṣkarṣam anvaham
kramataḥ pūrvam abhyasya paścād vedam adhīyate // Manu_4.125

etad vidvanto vidvāṃsas trayīniṣkarṣam anvaham kramataḥ pūrvam abhyasya paścād vedam adhīyate //

paśumaṇḍūkamārjāraśvasarpanakulākhubhiḥ
antarāgamane vidyād anadhyāyam aharniśam // Manu_4.126

paśu-maṇḍūka-mārjāraśva-sarpa-nakula-ākhubhiḥ antarāgamane vidyād anadhyāyam ahar-niśam //

dvāv eva varjayen nityam anadhyāyau prayatnataḥ
svādhyāyabhūmiṃ cāśuddham ātmānaṃ cāśuciṃ dvijaḥ // Manu_4.127

dvāv eva varjayen nityam anadhyāyau prayatnataḥ svādhyāyabhūmiṃ ca aśuddham ātmānaṃ ca aśuciṃ dvijaḥ //

amāvāsyām aṣṭamīṃ ca paurṇamāsīṃ caturdaśīm
brahmacārī bhaven nityam apy ṛtau snātako dvijaḥ // Manu_4.128

amāvāsyām aṣṭamīṃ ca paurṇamāsīṃ caturdaśīm brahmacārī bhaven nityam apy ṛtau snātako dvijaḥ //

na snānam ācared bhuktvā nāturo na mahāniśi
na vāsobhiḥ sahājasraṃ nāvijñāte jalāśaye // Manu_4.129

na snānam ācared bhuktvā nā aturo na mahāniśi na vāsobhiḥ saha ajasraṃ na avijñāte jalāśaye //

devatānāṃ guro rājñaḥ snātakācāryayos tathā
nākrāmet kāmataś chāyāṃ babhruṇo dīkṣitasya ca // Manu_4.130

devatānāṃ guro rājñaḥ snātaka-ācāryayos tathā nā akrāmet kāmataś chāyāṃ babhruṇo dīkṣitasya ca //

madhyaṃdine 'rdharātre ca śrāddhaṃ bhuktvā ca sāmiṣam
saṃdhyayor ubhayoś caiva na seveta catuṣpatham // Manu_4.131

madhyaṃdine 'rdharātre ca śrāddhaṃ bhuktvā ca sa-āmiṣam saṃdhyayor ubhayoś ca eva na seveta catuṣpatham //

udvartanam apasnānaṃ viṇmūtre raktam eva ca
śleśmaniṣṭhyūtavāntāni nādhitiṣṭhet tu kāmataḥ // Manu_4.132

udvartanam apasnānaṃ viṇ-mūtre raktam eva ca śleśma-niṣṭhyūta-vāntāni na adhitiṣṭhet tu kāmataḥ //

vairiṇaṃ nopaseveta sahāyaṃ caiva vairiṇaḥ
adhārmikaṃ taskaraṃ ca parasyaiva ca yoṣitaṃ // Manu_4.133

vairiṇaṃ na upaseveta sahāyaṃ ca eva vairiṇaḥ adhārmikaṃ taskaraṃ ca parasya eva ca yoṣitaṃ //

na hīdṛśam anāyuṣyaṃ loke kiṃ cana vidyate
yādṛśaṃ puruṣasyeha paradāropasevanam // Manu_4.134

na hī idṛśam anāyuṣyaṃ loke kiṃ cana vidyate yādṛśaṃ puruṣasya iha paradāra-upasevanam //

kṣatriyaṃ caiva sarpaṃ ca brāhmaṇaṃ ca bahuśrutam
nāvamanyeta vai bhūṣṇuḥ kṛśān api kadā cana // Manu_4.135

kṣatriyaṃ ca eva sarpaṃ ca brāhmaṇaṃ ca bahu-śrutam na avamanyeta vai bhūṣṇuḥ kṛśān api kadā cana //

etat trayaṃ hi puruṣaṃ nirdahed avamānitam
tasmād etat trayaṃ nityaṃ nāvamanyeta buddhimān // Manu_4.136

etat trayaṃ hi puruṣaṃ nirdahed avamānitam tasmād etat trayaṃ nityaṃ na avamanyeta buddhimān //

nātmānam avamanyeta purvābhir asamṛddhibhiḥ
ā mṛtyoḥ śriyam anvicchen naināṃ manyeta durlabhām // Manu_4.137

nā atmānam avamanyeta purvābhir asamṛddhibhiḥ ā mṛtyoḥ śriyam anvicchen na enāṃ manyeta dur-labhām //

satyaṃ brūyāt priyaṃ brūyān na brūyāt satyam apriyam
priyaṃ ca nānṛtaṃ brūyād eṣa dharmaḥ sanātanaḥ // Manu_4.138

satyaṃ brūyāt priyaṃ brūyān na brūyāt satyam apriyam priyaṃ ca na anṛtaṃ brūyād eṣa dharmaḥ sanātanaḥ //

bhadraṃ bhadram iti brūyād bhadram ity eva vā vadet
śuṣkavairaṃ vivādaṃ ca na kuryāt kena cit saha // Manu_4.139

bhadraṃ bhadram iti brūyād bhadram ity eva vā vadet śuṣka-vairaṃ vivādaṃ ca na kuryāt kena cit saha //

nātikalyaṃ nātisāyaṃ nātimadhyaṃdine sthite
nājñātena samaṃ gacchen naiko na vṛṣalaiḥ saha // Manu_4.140

na atikalyaṃ na atisāyaṃ na atimadhyaṃdine sthite na ajñātena samaṃ gacchen na eko na vṛṣalaiḥ saha //

hīnāṅgān atiriktāṅgān vidyāhīnān vayo'dhikān
rūpadraviṇahīnāṃś ca jātihīnāṃś ca nākṣipet // Manu_4.141

vayo'dhikān ] vayo'atigān (M)
draviṇa ] dravya (M)

hīna-aṅgān atirikta-aṅgān vidyā-hīnān vayo-'dhikānvayo'atigān rūpa-draviṇadravya-hīnāṃś ca jāti-hīnāṃś ca nā akṣipet //

na spṛśet pāṇinocchiṣṭo vipro gobrāhmaṇānalāṇ
na cāpi paśyed aśuciḥ sustho jyotirgaṇān divā // Manu_4.142

sustho ] svastho (M)
divā ] divi (M)

na spṛśet pāṇina ūcchiṣṭo vipro go-brāhmaṇa-analāṇ na ca api paśyed aśuciḥ susthosvastho jyotirgaṇān divādivi //

spṛṣṭvaitān aśucir nityam adbhiḥ prāṇān upaspṛśet
gātrāṇi caiva sarvāṇi nābhiṃ pāṇitalena tu // Manu_4.143

spṛṣṭva aitān aśucir nityam adbhiḥ prāṇān upaspṛśet gātrāṇi ca eva sarvāṇi nābhiṃ pāṇitalena tu //

anāturaḥ svāni khāni na spṛśed animittataḥ
romāṇi ca rahasyāni sarvāṇy eva vivarjayet // Manu_4.144

anāturaḥ svāni khāni na spṛśed animittataḥ romāṇi ca rahasyāni sarvāṇy eva vivarjayet //

maṅgalācārayuktaḥ syāt prayatātmā jitendriyaḥ
japec ca juhuyāc caiva nityam agnim atandritaḥ // Manu_4.145

maṅgala-ācārayuktaḥ syāt prayata-ātmā jita-indriyaḥ japec ca juhuyāc ca eva nityam agnim atandritaḥ //

maṅgalācārayuktānāṃ nityaṃ ca prayatātmanām
japatāṃ juhvatāṃ caiva vinipāto na vidyate // Manu_4.146

maṅgala-ācārayuktānāṃ nityaṃ ca prayata-ātmanām japatāṃ juhvatāṃ ca eva vinipāto na vidyate //

vedam evābhyasen nityaṃ yathākālam atandritaḥ
taṃ hy asyāhuḥ paraṃ dharmam upadharmo 'nya ucyate // Manu_4.147

evābhyasen ] eva japen (M)

vedam eva abhyaseneva japen nityaṃ yathākālam atandritaḥ taṃ hy asyā ahuḥ paraṃ dharmam upadharmo 'nya ucyate //

vedābhyāsena satataṃ śaucena tapasaiva ca
adroheṇa ca bhūtānāṃ jātiṃ smarati paurvikīm // Manu_4.148

vedābhyāsena satataṃ śaucena tapasa aiva ca adroheṇa ca bhūtānāṃ jātiṃ smarati paurvikīm //

paurvikīṃ saṃsmaran jātiṃ brahmaivābhyasyate punaḥ
brahmābhyāsena cājasram anantaṃ sukham aśnute // Manu_4.149

punaḥ ] dvijaḥ (M)

paurvikīṃ saṃsmaran jātiṃ brahma eva abhyasyate punaḥdvijaḥ brahmābhyāsena ca ajasram anantaṃ sukham aśnute //

sāvitrāñ śāntihomāṃś ca kuryāt parvasu nityaśaḥ
pitṝṃś caivāṣṭakāsv arcen nityam anvaṣṭakāsu ca // Manu_4.150

sāvitrāñ śāntihomāṃś ca kuryāt parvasu nityaśaḥ pitṝṃś ca eva aṣṭakāsv arcen nityam anvaṣṭakāsu ca //

dūrād āvasathān mūtraṃ dūrāt pādāvasecanam
ucchiṣṭānnaniṣekaṃ ca dūrād eva samācaret // Manu_4.151

dūrād āvasathān mūtraṃ dūrāt pādāvasecanam ucchiṣṭānna-niṣekaṃ ca dūrād eva samācaret //

maitraṃ prasādhanaṃ snānaṃ dantadhāvanam añjanam
pūrvāhṇa eva kurvīta devatānāṃ ca pūjanam // Manu_4.152

maitraṃ prasādhanaṃ snānaṃ dantadhāvanam añjanam pūrvāhṇa eva kurvīta devatānāṃ ca pūjanam //

daivatāny abhigacchet tu dhārmikāṃś ca dvijottamān
īśvaraṃ caiva rakṣārthaṃ gurūn eva ca parvasu // Manu_4.153

daivatāny abhigacchet tu dhārmikāṃś ca dvijottamān īśvaraṃ ca eva rakṣārthaṃ gurūn eva ca parvasu //

abhivādayed vṛddhāṃś ca dadyāc caivāsanaṃ svakam
kṛtāñjalir upāsīta gacchataḥ pṛṣṭhato 'nviyāt // Manu_4.154

abhivādayed vṛddhāṃś ca dadyāc ca evā asanaṃ svakam kṛta-añjalir upāsīta gacchataḥ pṛṣṭhato 'nviyāt //

śrutismṛtyuditaṃ samyaṅ nibaddhaṃ sveṣu karmasu
dharmamūlaṃ niṣeveta sadācāram atandritaḥ // Manu_4.155

śruti-smṛty-uditaṃ samyaṅ nibaddhaṃ sveṣu karmasu dharmamūlaṃ niṣeveta sad-ācāram atandritaḥ //

ācārāl labhate hy āyur ācārād īpsitāḥ prajāḥ
ācārād dhanam akṣayyam ācāro hanty alakṣaṇam // Manu_4.156

ācārāl labhate hy āyur ācārād īpsitāḥ prajāḥ ācārād dhanam akṣayyam ācāro hanty alakṣaṇam //

durācāro hi puruṣo loke bhavati ninditaḥ
duḥkhabhāgī ca satataṃ vyādhito 'lpāyur eva ca // Manu_4.157

dur-ācāro hi puruṣo loke bhavati ninditaḥ duḥkhabhāgī ca satataṃ vyādhito 'lpa-āyur eva ca //

sarvalakṣaṇahīno 'pi yaḥ sadācāravān naraḥ
śraddadhāno 'nasūyaś ca śataṃ varṣāṇi jīvati // Manu_4.158

sarvalakṣaṇa-hīno 'pi yaḥ sadācāravān naraḥ śraddadhāno 'nasūyaś ca śataṃ varṣāṇi jīvati //

yad yat paravaśaṃ karma tat tad yatnena varjayet
yad yad ātmavaśaṃ tu syāt tat tat seveta yatnataḥ // Manu_4.159

yad yat paravaśaṃ karma tat tad yatnena varjayet yad yad ātmavaśaṃ tu syāt tat tat seveta yatnataḥ //

sarvaṃ paravaśaṃ duḥkhaṃ sarvam ātmavaśaṃ sukham
etad vidyāt samāsena lakṣaṇaṃ sukhaduḥkhayoḥ // Manu_4.160

sarvaṃ paravaśaṃ duḥkhaṃ sarvam ātmavaśaṃ sukham etad vidyāt samāsena lakṣaṇaṃ sukha-duḥkhayoḥ //

yat karma kurvato 'sya syāt paritoṣo 'ntarātmanaḥ
tat prayatnena kurvīta viparītaṃ tu varjayet // Manu_4.161

yat karma kurvato 'sya syāt paritoṣo 'ntarātmanaḥ tat prayatnena kurvīta viparītaṃ tu varjayet //

ācāryaṃ ca pravaktāraṃ pitaraṃ mātaraṃ gurum
na hiṃsyād brāhmaṇān gāś ca sarvāṃś caiva tapasvinaḥ // Manu_4.162

ācāryaṃ ca pravaktāraṃ pitaraṃ mātaraṃ gurum na hiṃsyād brāhmaṇān gāś ca sarvāṃś ca eva tapasvinaḥ //

nāstikyaṃ vedanindāṃ ca devatānāṃ ca kutsanam
dveṣaṃ dambhaṃ ca mānaṃ ca krodhaṃ taikṣṇyaṃ ca varjayet // Manu_4.163

dambhaṃ ] stambhaṃ (M)

nāstikyaṃ vedanindāṃ ca devatānāṃ ca kutsanam dveṣaṃ dambhaṃstambhaṃ ca mānaṃ ca krodhaṃ taikṣṇyaṃ ca varjayet //

parasya daṇḍaṃ nodyacchet kruddho nainaṃ nipātayet
anyatra putrāc chiṣyād vā śiṣṭyarthaṃ tāḍayet tu tau // Manu_4.164

parasya daṇḍaṃ na udyacchet kruddho na enaṃ nipātayet anyatra putrāc chiṣyād vā śiṣṭy-arthaṃ tāḍayet tu tau //

brāhmaṇāyāvaguryaiva dvijātir vadhakāmyayā
śataṃ varṣāṇi tāmisre narake parivartate // Manu_4.165

brāhmaṇāya avagurya eva dvijātir vadhakāmyayā śataṃ varṣāṇi tāmisre narake parivartate //

tāḍayitvā tṛṇenāpi saṃrambhān matipūrvakam
ekaviṃśatīm ājātīḥ pāpayoniṣu jāyate // Manu_4.166

tāḍayitvā tṛṇena api saṃrambhān matipūrvakam ekaviṃśatīm ājātīḥ pāpayoniṣu jāyate //

ayudhyamānasyotpādya brāhmaṇasyāsṛg aṅgataḥ
duḥkhaṃ sumahad āpnoti pretyāprājñatayā naraḥ // Manu_4.167

ayudhyamānasya utpādya brāhmaṇasya asṛg aṅgataḥ duḥkhaṃ sumahad āpnoti pretya aprājñatayā naraḥ //

śoṇitaṃ yāvataḥ pāṃsūn saṃgṛhṇāti mahītalāt
tāvato 'bdān amutrānyaiḥ śoṇitotpādako 'dyate // Manu_4.168

śoṇitaṃ yāvataḥ pāṃsūn saṃgṛhṇāti mahītalāt tāvato 'bdān amutra anyaiḥ śoṇita-utpādako 'dyate //

na kadā cid dvije tasmād vidvān avagured api
na tāḍayet tṛṇenāpi na gātrāt srāvayed asṛk // Manu_4.169

na kadā cid dvije tasmād vidvān avagured api na tāḍayet tṛṇena api na gātrāt srāvayed asṛk //

adhārmiko naro yo hi yasya cāpy anṛtaṃ dhanam
hiṃsārataś ca yo nityaṃ nehāsau sukham edhate // Manu_4.170

hiṃsārataś ] hiṃsāratiś (M)

adhārmiko naro yo hi yasya ca apy anṛtaṃ dhanam hiṃsārataśhiṃsāratiś ca yo nityaṃ na iha asau sukham edhate //

na sīdann api dharmeṇa mano 'dharme niveśayet
adhārmikānāṃ pāpānām āśu paśyan viparyayam // Manu_4.171

na sīdann api dharmeṇa mano 'dharme niveśayet adhārmikānāṃ pāpānām āśu paśyan viparyayam //

nādharmaś carito loke sadyaḥ phalati gaur iva
śanair āvartyamānas tu kartur mūlāni kṛntati // Manu_4.172

na adharmaś carito loke sadyaḥ phalati gaur iva śanair āvartyamānas tu kartur mūlāni kṛntati //

yadi nātmani putreṣu na cet putreṣu naptṛṣu
na tv eva tu kṛto 'dharmaḥ kartur bhavati niṣphalaḥ // Manu_4.173

kṛto 'dharmaḥ ] kṛto dharmaḥ? (M)

yadi nā atmani putreṣu na cet putreṣu naptṛṣu na tv eva tu kṛto 'dharmaḥkṛto dharmaḥ? kartur bhavati niṣ-phalaḥ //

adharmeṇaidhate tāvat tato bhadrāṇi paśyati
tataḥ sapatnān jayati samūlas tu vinaśyati // Manu_4.174

adharmeṇa edhate tāvat tato bhadrāṇi paśyati tataḥ sapatnān jayati sa-mūlas tu vinaśyati //

satyadharmāryavṛtteṣu śauce caivāramet sadā
śiṣyāṃś ca śiṣyād dharmeṇa vāgbāhūdarasaṃyataḥ // Manu_4.175

satya-dharma-āryavṛtteṣu śauce ca evā aramet sadā śiṣyāṃś ca śiṣyād dharmeṇa vāg-bāhu-udara-saṃyataḥ //

parityajed arthakāmau yau syātāṃ dharmavarjitau
dharmaṃ cāpy asukhodarkaṃ lokasaṃkruṣṭam eva ca // Manu_4.176

parityajed artha-kāmau yau syātāṃ dharmavarjitau dharmaṃ ca apy asukha-udarkaṃ lokasaṃkruṣṭam eva ca //

na pāṇipādacapalo na netracapalo 'nṛjuḥ
na syād vākcapalaś caiva na paradrohakarmadhīḥ // Manu_4.177

na pāṇi-pāda-capalo na netra-capalo 'nṛjuḥ na syād vāk-capalaś ca eva na paradrohakarma-dhīḥ //

yenāsya pitaro yātā yena yātāḥ pitāmahāḥ
tena yāyāt satāṃ mārgaṃ tena gacchan na riṣyati // Manu_4.178

yena asya pitaro yātā yena yātāḥ pitāmahāḥ tena yāyāt satāṃ mārgaṃ tena gacchan na riṣyati //

ṛtvikpurohitācāryair mātulātithisaṃśritaiḥ
bālavṛddhāturair vaidyair jñātisaṃbandhibāndhavaiḥ // Manu_4.179

ṛtvik-purohita-ācāryair mātula-atithisaṃśritaiḥ bāla-vṛddha-āturair vaidyair jñāti-saṃbandhi-bāndhavaiḥ //

mātāpitṛbhyāṃ jāmībhir bhrātrā putreṇa bhāryayā
duhitrā dāsavargeṇa vivādaṃ na samācaret // Manu_4.180

mātā-pitṛbhyāṃ jāmībhir bhrātrā putreṇa bhāryayā duhitrā dāsavargeṇa vivādaṃ na samācaret //

etair vivādān saṃtyajya sarvapāpaiḥ pramucyate
etair jitaiś ca jayati sarvāṃl lokān imān gṛhī // Manu_4.181

etair vivādān saṃtyajya sarvapāpaiḥ pramucyate etair jitaiś ca jayati sarvāṃl lokān imān gṛhī //

ācāryo brahmalokeśaḥ prājāpatye pitā prabhuḥ
atithis tv indralokeśo devalokasya ca rtvijaḥ // Manu_4.182

ācāryo brahmaloka-īśaḥ prājāpatye pitā prabhuḥ atithis tv indraloka-īśo devalokasya ca rtvijaḥ //

jāmayo 'psarasāṃ loke vaiśvadevasya bāndhavāḥ
saṃbandhino hy apāṃ loke pṛthivyāṃ mātṛmātulau // Manu_4.183

jāmayo 'psarasāṃ loke vaiśvadevasya bāndhavāḥ saṃbandhino hy apāṃ loke pṛthivyāṃ mātṛ-mātulau //

ākāśeśās tu vijñeyā bālavṛddhakṛśāturāḥ
bhrātā jyeṣṭhaḥ samaḥ pitrā bhāryā putraḥ svakā tanuḥ // Manu_4.184

ākāśa-īśās tu vijñeyā bāla-vṛddha-kṛśa-āturāḥ bhrātā jyeṣṭhaḥ samaḥ pitrā bhāryā putraḥ svakā tanuḥ //

chāyā svo dāsavargaś ca duhitā kṛpaṇaṃ param
tasmād etair adhikṣiptaḥ sahetāsaṃjvaraḥ sadā // Manu_4.185

chāyā svo dāsavargaś ca duhitā kṛpaṇaṃ param tasmād etair adhikṣiptaḥ saheta asaṃjvaraḥ sadā //

pratigrahasamartho 'pi prasaṅgaṃ tatra varjayet
pratigraheṇa hy asyāśu brāhmaṃ tejaḥ praśāmyati // Manu_4.186

pratigrahasamartho 'pi prasaṅgaṃ tatra varjayet pratigraheṇa hy asyā aśu brāhmaṃ tejaḥ praśāmyati //

na dravyāṇām avijñāya vidhiṃ dharmyaṃ pratigrahe
prājñaḥ pratigrahaṃ kuryād avasīdann api kṣudhā // Manu_4.187

na dravyāṇām avijñāya vidhiṃ dharmyaṃ pratigrahe prājñaḥ pratigrahaṃ kuryād avasīdann api kṣudhā //

hiraṇyaṃ bhūmim aśvaṃ gām annaṃ vāsas tilān ghṛtam
pratigṛhṇann avidvāṃs tu bhasmībhavati dāruvat // Manu_4.188

hiraṇyaṃ bhūmim aśvaṃ gām annaṃ vāsas tilān ghṛtam pratigṛhṇann avidvāṃs tu bhasmī-bhavati dāruvat //

hiraṇyam āyur annaṃ ca bhūr gauś cāpy oṣatas tanum
aśvaś cakṣus tvacaṃ vāso ghṛtaṃ tejas tilāh prajāḥ // Manu_4.189

hiraṇyam āyur annaṃ ca bhūr gauś ca apy oṣatas tanum aśvaś cakṣus tvacaṃ vāso ghṛtaṃ tejas tilāh prajāḥ //

atapās tv anadhīyānaḥ pratigraharucir dvijaḥ
ambhasy aśmaplaveneva saha tenaiva majjati // Manu_4.190

atapās tv anadhīyānaḥ pratigraha-rucir dvijaḥ ambhasy aśmaplavena iva saha tena eva majjati //

tasmād avidvān bibhiyād yasmāt tasmāt pratigrahāt
svalpakenāpy avidvān hi paṅke gaur iva sīdati // Manu_4.191

tasmād avidvān bibhiyād yasmāt tasmāt pratigrahāt svalpakena apy avidvān hi paṅke gaur iva sīdati //

na vāry api prayacchet tu baiḍālavratike dvije
na bakavratike pāpe nāvedavidi dharmavit // Manu_4.192

na vāry api prayacchet tu baiḍālavratike dvije na bakavratike pāpe na avedavidi dharmavit //

triṣv apy eteṣu dattaṃ hi vidhināpy arjitaṃ dhanam
dātur bhavaty anarthāya paratrādātur eva ca // Manu_4.193

triṣv apy eteṣu dattaṃ hi vidhina āpy arjitaṃ dhanam dātur bhavaty anarthāya paratrā adātur eva ca //

yathā plavenāupalena nimajjaty udake taran
tathā nimajjato 'dhastād ajñau dātṛpratīcchakau // Manu_4.194

yathā plavena aupalena nimajjaty udake taran tathā nimajjato 'dhastād ajñau dātṛ-pratīcchakau //

dharmadhvajī sadā lubdhaś chādmiko lokadambhakaḥ
baiḍālavratiko jñeyo hiṃsraḥ sarvābhisaṃdhakaḥ // Manu_4.195

dharmadhvajī sadā lubdhaś chādmiko lokadambhakaḥ baiḍālavratiko jñeyo hiṃsraḥ sarvābhisaṃdhakaḥ //

In the following numbering of M, Jha's ed. have the same one with K.

adhodṛṣṭir naiṣkṛtikaḥ svārthasādhanatatparaḥ
śaṭho mithyāvinītaś ca bakavratacaro dvijaḥ // Manu_4.196 [= M 4.197]

adho-dṛṣṭir naiṣkṛtikaḥ svārthasādhana-tatparaḥ śaṭho mithyāvinītaś ca bakavratacaro dvijaḥ //

ye bakavratino viprā ye ca mārjāraliṅginaḥ
te patanty andhatāmisre tena pāpena karmaṇā // Manu_4.197 [= M 4.198]

ye bakavratino viprā ye ca mārjāraliṅginaḥ te patanty andhatāmisre tena pāpena karmaṇā //

na dharmasyāpadeśena pāpaṃ kṛtvā vrataṃ caret
vratena pāpaṃ pracchādya kurvan strīśūdradambhanam // Manu_4.198 [= M 4.199]

na dharmasya apadeśena pāpaṃ kṛtvā vrataṃ caret vratena pāpaṃ pracchādya kurvan strī-śūdra-dambhanam //

pretyeha cedṛśā viprā garhyante brahmavādibhiḥ
chadmanā caritaṃ yac ca vrataṃ rakṣāṃsi gacchati // Manu_4.199 [= M 4.200]

pretya iha cā idṛśā viprā garhyante brahmavādibhiḥ chadmanā caritaṃ yac ca vrataṃ rakṣāṃsi gacchati //

aliṅgī liṅgiveṣeṇa yo vṛttim upajīvati
sa liṅgināṃ haraty enas tiryagyonau ca jāyate // Manu_4.200 [= M 4.201]

aliṅgī liṅgiveṣeṇa yo vṛttim upajīvati sa liṅgināṃ haraty enas tiryagyonau ca jāyate //

parakīyanipāneṣu na snāyād dhi kadā cana
nipānakartuḥ snātvā tu duṣkṛtāṃśena lipyate // Manu_4.201 [= M 4.202]

snāyād dhi ] snāyāc ca (K)

parakīyanipāneṣu na snāyād dhisnāyāc ca kadā cana nipānakartuḥ snātvā tu duṣkṛtāṃśena lipyate //

yānaśayyāsanāny asya kūpodyānagṛhāṇi ca
adattāny upayuñjāna enasaḥ syāt turīyabhāk // Manu_4.202 [= M 4.203]

yāna-śayyā-āsanāny asya kūpa-udyāna-gṛhāṇi ca adattāny upayuñjāna enasaḥ syāt turīya-bhāk //

nadīṣu devakhāteṣu taḍāgeṣu saraḥsu ca
snānaṃ samācaren nityaṃ gartaprasravaṇeṣu ca // Manu_4.203 [= M 4.204]

nadīṣu devakhāteṣu taḍāgeṣu saraḥsu ca snānaṃ samācaren nityaṃ garta-prasravaṇeṣu ca //

yamān seveta satataṃ na nityaṃ niyamān budhaḥ
yamān pataty akurvāṇo niyamān kevalān bhajan // Manu_4.204 [= M 4.205]

yamān seveta satataṃ na nityaṃ niyamān budhaḥ yamān pataty akurvāṇo niyamān kevalān bhajan //

nāśrotriyatate yajñe grāmayājikṛte tathā
striyā klībena ca hute bhuñjīta brāhmaṇaḥ kva cit // Manu_4.205 [= M 4.206]

na aśrotriyatate yajñe grāmayājikṛte tathā striyā klībena ca hute bhuñjīta brāhmaṇaḥ kva cit //

aślīkam etat sādhūnāṃ yatra juhvaty amī haviḥ
pratīpam etad devānāṃ tasmāt tat parivarjayet // Manu_4.206 [= M 4.207]

aślīkam ] aślīlam (M)

aślīkama-ślīlam etat sādhūnāṃ yatra juhvaty amī haviḥ pratīpam etad devānāṃ tasmāt tat parivarjayet //

mattakruddhāturāṇāṃ ca na bhuñjīta kadā cana
keśakīṭāvapannaṃ ca padā spṛṣṭaṃ ca kāmataḥ // Manu_4.207 [= M 4.208]

matta-kruddha-āturāṇāṃ ca na bhuñjīta kadā cana keśa-kīṭāvapannaṃ ca padā spṛṣṭaṃ ca kāmataḥ //

bhrūṇaghnāvekṣitaṃ caiva saṃspṛṣṭaṃ cāpy udakyayā
patatriṇāvalīḍhaṃ ca śunā saṃspṛṣṭam eva ca // Manu_4.208 [= M 4.209]

bhrūṇaghna-avekṣitaṃ ca eva saṃspṛṣṭaṃ ca apy udakyayā patatriṇa-avalīḍhaṃ ca śunā saṃspṛṣṭam eva ca //

gavā cānnam upaghrātaṃ ghuṣṭānnaṃ ca viśeṣataḥ
gaṇānnaṃ gaṇikānnaṃ ca viduṣā ca jugupsitam // Manu_4.209 [= M 4.210]

gavā ca annam upaghrātaṃ ghuṣṭānnaṃ ca viśeṣataḥ gaṇānnaṃ gaṇikānnaṃ ca viduṣā ca jugupsitam //

stenagāyanayoś cānnaṃ takṣṇo vārdhuṣikasya ca
dīkṣitasya kadaryasya baddhasya nigaḍasya ca // Manu_4.210 [= M 4.211]

stena-gāyanayoś ca annaṃ takṣṇo vārdhuṣikasya ca dīkṣitasya kadaryasya baddhasya nigaḍasya ca //

abhiśastasya ṣaṇḍhasya puṃścalyā dāmbhikasya ca
śuktaṃ paryuṣitaṃ caiva śūdrasyocchiṣṭam eva ca // Manu_4.211 [= M 4.212]

abhiśastasya ṣaṇḍhasya puṃścalyā dāmbhikasya ca śuktaṃ paryuṣitaṃ ca eva śūdrasya ucchiṣṭam eva ca //

cikitsakasya mṛgayoḥ krūrasyocchiṣṭabhojinaḥ
ugrānnaṃ sūtikānnaṃ ca paryācāntam anirdaśam // Manu_4.212 [= M 4.213]

cikitsakasya mṛgayoḥ krūrasya ucchiṣṭa-bhojinaḥ ugrānnaṃ sūtikānnaṃ ca paryācāntam anirdaśam //

anarcitaṃ vṛthāmāṃsam avīrāyāś ca yoṣitaḥ
dviṣadannaṃ nagaryannaṃ patitānnam avakṣutam // Manu_4.213 [= M 4.214]

anarcitaṃ vṛthāmāṃsam avīrāyāś ca yoṣitaḥ dviṣadannaṃ nagary-annaṃ patitānnam avakṣutam //

piśunānṛtinoś cānnaṃ kratuvikrayiṇas tathā
śailūṣatunnavāyānnaṃ kṛtaghnasyānnam eva ca // Manu_4.214 [= M 4.215]

kratuvikrayiṇas tathā ] kratuvikrayakasya ca (M)

piśuna-anṛtinoś ca annaṃ kratuvikrayiṇas tathākratuvikrayakasya ca śailūṣa-tunnavāya-annaṃ kṛtaghnasya annam eva ca //

karmārasya niṣādasya raṅgāvatārakasya ca
suvarṇakartur veṇasya śastravikrayiṇas tathā // Manu_4.215 [= M 4.216]

karmārasya niṣādasya raṅgāvatārakasya ca suvarṇakartur veṇasya śastravikrayiṇas tathā //

śvavatāṃ śauṇḍikānāṃ ca cailanirṇejakasya ca
rañjakasya nṛśaṃsasya yasya copapatir gṛhe // Manu_4.216 [= M 4.217]

rañjakasya ] rajakasya (M)

śvavatāṃ śauṇḍikānāṃ ca caila-nirṇejakasya ca rañjakasyarajakasya nṛśaṃsasya yasya ca upapatir gṛhe //

mṛṣyanti ye copapatiṃ strījitānāṃ ca sarvaśaḥ
anirdaśaṃ ca pretānnam atuṣṭikaram eva ca // Manu_4.217 [= M 4.218]

mṛṣyanti ye ca upapatiṃ strījitānāṃ ca sarvaśaḥ anirdaśaṃ ca pretānnam atuṣṭikaram eva ca //

rājānnaṃ teja ādatte śūdrānnaṃ brahmavarcasam
āyuḥ suvarṇakārānnaṃ yaśaś carmāvakartinaḥ // Manu_4.218 [= M 4.219]

rājānnaṃ teja ādatte śūdrānnaṃ brahmavarcasam āyuḥ suvarṇakārānnaṃ yaśaś carmāvakartinaḥ //

kārukānnaṃ prajāṃ hanti balaṃ nirṇejakasya ca
gaṇānnaṃ gaṇikānnaṃ ca lokebhyaḥ parikṛntati // Manu_4.219 [= M 4.220]

kārukānnaṃ prajāṃ hanti balaṃ nirṇejakasya ca gaṇānnaṃ gaṇikānnaṃ ca lokebhyaḥ parikṛntati //

pūyaṃ cikitsakasyānnaṃ puṃścalyās tv annam indriyam
viṣṭhā vārdhuṣikasyānnaṃ śastravikrayiṇo malam // Manu_4.220 [= M 4.221]

pūyaṃ cikitsakasya annaṃ puṃścalyās tv annam indriyam viṣṭhā vārdhuṣikasya annaṃ śastravikrayiṇo malam //

ya ete 'nye tv abhojyānnāḥ kramaśaḥ parikīrtitāḥ
teṣāṃ tvagasthiromāṇi vadanty annaṃ manīṣiṇaḥ // Manu_4.221 [= M 4.222]

ya ete 'nye tv abhojya-annāḥ kramaśaḥ parikīrtitāḥ teṣāṃ tvag-asthi-romāṇi vadanty annaṃ manīṣiṇaḥ //

bhuktvāto 'nyatam asyānnam amatyā kṣapaṇaṃ tryaham
matyā bhuktvācaret kṛcchraṃ retoviṇmūtram eva ca // Manu_4.222 [= M 4.223]

bhuktva āto 'nyatam asya annam amatyā kṣapaṇaṃ tryaham matyā bhuktvā ācaret kṛcchraṃ reto-viṇ-mūtram eva ca //

nādyāc chūdrasya pakvānnaṃ vidvān aśrāddhino dvijaḥ
ādadītāmam evāsmād avṛttāv ekarātrikam // Manu_4.223 [= M 4.224]

na adyāc chūdrasya pakvānnaṃ vidvān aśrāddhino dvijaḥ ādadītā amam eva asmād avṛttāv ekarātrikam //

śrotriyasya kadaryasya vadānyasya ca vārdhuṣeḥ
mīmāṃsitvobhayaṃ devāḥ samam annam akalpayan // Manu_4.224 [= M 4.225]

śrotriyasya kadaryasya vadānyasya ca vārdhuṣeḥ mīmāṃsitva ūbhayaṃ devāḥ samam annam akalpayan //

tān prajāpatir āhaitya mā kṛdhvaṃ viṣamaṃ samam
śraddhāpūtaṃ vadānyasya hatam aśraddhayetarat // Manu_4.225 [= M 4.226]

tān prajāpatir āha etya mā kṛdhvaṃ viṣamaṃ samam śraddhāpūtaṃ vadānyasya hatam aśraddhaya ītarat //

śraddhayeṣṭaṃ ca pūrtaṃ ca nityaṃ kuryād atandritaḥ
śraddhākṛte hy akṣaye te bhavataḥ svāgatair dhanaiḥ // Manu_4.226 [= M 4.227]

śraddhaya īṣṭaṃ ca pūrtaṃ ca nityaṃ kuryād atandritaḥ śraddhākṛte hy akṣaye te bhavataḥ svāgatair dhanaiḥ //

dānadharmaṃ niṣeveta nityam aiṣṭikapaurtikam
parituṣṭena bhāvena pātram āsādya śaktitaḥ // Manu_4.227 [= M 4.228]

dānadharmaṃ niṣeveta nityam aiṣṭika-paurtikam parituṣṭena bhāvena pātram āsādya śaktitaḥ //

yat kiṃ cid api dātavyaṃ yācitenānasūyayā
utpatsyate hi tat pātraṃ yat tārayati sarvataḥ // Manu_4.228 [= M 4.229]

ānasūyayā ] ānasūyatā? (M)

yat kiṃ cid api dātavyaṃ yācitena anasūyayāa anasūyatā? utpatsyate hi tat pātraṃ yat tārayati sarvataḥ //

vāridas tṛptim āpnoti sukham akṣayyam annadaḥ
tilapradaḥ prajām iṣṭāṃ dīpadaś cakṣur uttamam // Manu_4.229 [= M 4.230]

akṣayyam ] akṣayam (M)

vāridas tṛptim āpnoti sukham akṣayyamakṣayam annadaḥ tilapradaḥ prajām iṣṭāṃ dīpadaś cakṣur uttamam //

bhūmido bhūmim āpnoti dīrgham āyur hiraṇyadaḥ
gṛhado 'gryāṇi veśmāni rūpyado rūpam uttamam // Manu_4.230 [= M 4.231]

bhūmido bhūmim āpnoti dīrgham āyur hiraṇyadaḥ gṛhado 'gryāṇi veśmāni rūpyado rūpam uttamam //

vāsodaś candrasālokyam aśvisālokyam aśvadaḥ
anaḍuhaḥ śriyaṃ puṣṭāṃ godo bradhnasya viṣṭapam // Manu_4.231 [= M 4.232]

vāsodaś candrasālokyam aśvisālokyam aśvadaḥ anaḍuhaḥ śriyaṃ puṣṭāṃ godo bradhnasya viṣṭapam //

yānaśayyāprado bhāryām aiśvaryam abhayapradaḥ
dhānyadaḥ śāśvataṃ saukhyaṃ brahmado brahmasārṣṭitām // Manu_4.232 [= M 4.233]

yāna-śayyāprado bhāryām aiśvaryam abhayapradaḥ dhānyadaḥ śāśvataṃ saukhyaṃ brahmado brahmasārṣṭitām //

sarveṣām eva dānānāṃ brahmadānaṃ viśiṣyate
vāryannagomahīvāsastilakāñcanasarpiṣām // Manu_4.233 [= M 4.234]

sarveṣām eva dānānāṃ brahmadānaṃ viśiṣyate vāry-anna-go-mahī-vāsastila-kāñcana-sarpiṣām //

yena yena tu bhāvena yad yad dānaṃ prayacchati
tat tat tenaiva bhāvena prāpnoti pratipūjitaḥ // Manu_4.234 [= M 4.235]

yena yena tu bhāvena yad yad dānaṃ prayacchati tat tat tena eva bhāvena prāpnoti pratipūjitaḥ //

yo 'rcitaṃ pratigṛhṇāti dadāty arcitam eva vā
tāv ubhau gacchataḥ svargaṃ narakaṃ tu viparyaye // Manu_4.235 [= M 4.236]

yo 'rcitaṃ pratigṛhṇāti dadāty arcitam eva vā tāv ubhau gacchataḥ svargaṃ narakaṃ tu viparyaye //

na vismayeta tapasā vaded iṣṭvā ca nānṛtam
nārto 'py apavaded viprān na dattvā parikīrtayet // Manu_4.236 [= M 4.237]

na vismayeta tapasā vaded iṣṭvā ca na anṛtam nā arto 'py apavaded viprān na dattvā parikīrtayet //

yajño 'nṛtena kṣarati tapaḥ kṣarati vismayāt
āyur viprāpavādena dānaṃ ca parikīrtanāt // Manu_4.237 [= M 4.238]

yajño 'nṛtena kṣarati tapaḥ kṣarati vismayāt āyur viprāpavādena dānaṃ ca parikīrtanāt //

dharmaṃ śanaiḥ saṃcinuyād valmīkam iva puttikāḥ
paralokasahāyārthaṃ sarvabhūtāny apīḍayan // Manu_4.238 [= M 4.239]

dharmaṃ śanaiḥ saṃcinuyād valmīkam iva puttikāḥ paralokasahāyārthaṃ sarvabhūtāny apīḍayan //

nāmutra hi sahāyārthaṃ pitā mātā ca tiṣṭhataḥ
na putradāraṃ na jñātir dharmas tiṣṭhati kevalaḥ // Manu_4.239 [= M 4.240]

na amutra hi sahāyārthaṃ pitā mātā ca tiṣṭhataḥ na putradāraṃ na jñātir dharmas tiṣṭhati kevalaḥ //

ekaḥ prajāyate jantur eka eva pralīyate
eko 'nubhuṅkte sukṛtam eka eva ca duṣkṛtam // Manu_4.240 [= M 4.241]

ekaḥ prajāyate jantur eka eva pralīyate eko 'nubhuṅkte sukṛtam eka eva ca duṣkṛtam //

mṛtaṃ śarīram utsṛjya kāṣṭhaloṣṭasamaṃ kṣitau
vimukhā bāndhavā yānti dharmas tam anugacchati // Manu_4.241 [= M 4.242]

mṛtaṃ śarīram utsṛjya kāṣṭha-loṣṭasamaṃ kṣitau vimukhā bāndhavā yānti dharmas tam anugacchati //

tasmād dharmaṃ sahāyārthaṃ nityaṃ saṃcinuyāc chanaiḥ
dharmeṇa hi sahāyena tamas tarati dustaram // Manu_4.242 [= M 4.243]

tasmād dharmaṃ sahāyārthaṃ nityaṃ saṃcinuyāc chanaiḥ dharmeṇa hi sahāyena tamas tarati dustaram //

dharmapradhānaṃ puruṣaṃ tapasā hatakilbiṣam
paralokaṃ nayaty āśu bhāsvantaṃ khaśarīriṇam // Manu_4.243 [= M 4.244]

dharma-pradhānaṃ puruṣaṃ tapasā hata-kilbiṣam paralokaṃ nayaty āśu bhāsvantaṃ kha-śarīriṇam //

uttamair uttamair nityaṃ saṃbandhān ācaret saha
ninīṣuḥ kulam utkarṣam adhamān adhamāṃs tyajet // Manu_4.244 [= M 4.245]

uttamair uttamair nityaṃ saṃbandhān ācaret saha ninīṣuḥ kulam utkarṣam adhamān adhamāṃs tyajet //

uttamān uttamān eva gacchan hīnāṃs tu varjayan
brāhmaṇaḥ śreṣṭhatām eti pratyavāyena śūdratām // Manu_4.245 [= M 4.246]

uttamān uttamān eva gacchan hīnāṃs tu varjayan brāhmaṇaḥ śreṣṭhatām eti pratyavāyena śūdratām //

dṛḍhakārī mṛdur dāntaḥ krūrācārair asaṃvasan
ahiṃsro damadānābhyāṃ jayet svargaṃ tathāvrataḥ // Manu_4.246 [= M 4.247]

dṛḍhakārī mṛdur dāntaḥ krūra-ācārair asaṃvasan ahiṃsro dama-dānābhyāṃ jayet svargaṃ tathā-vrataḥ //

edhodakaṃ mūlaphalam annam abhyudyataṃ ca yat
sarvataḥ pratigṛhṇīyān madhv athābhayadakṣiṇām // Manu_4.247 [= M 4.248]

edha-udakaṃ mūla-phalam annam abhyudyataṃ ca yat sarvataḥ pratigṛhṇīyān madhv atha abhayadakṣiṇām //

āhṛtābhyudyatāṃ bhikṣāṃ purastād apracoditām
mene prajāpatir grāhyām api duṣkṛtakarmaṇaḥ // Manu_4.248 [= M 4.249]

āhṛta-abhyudyatāṃ bhikṣāṃ purastād apracoditām mene prajāpatir grāhyām api duṣkṛta-karmaṇaḥ //

nāśnanti pitaras tasya daśavarṣāṇi pañca ca
na ca havyaṃ vahaty agnir yas tām abhyavamanyate // Manu_4.249 [= M 4.250]

na aśnanti pitaras tasya daśavarṣāṇi pañca ca na ca havyaṃ vahaty agnir yas tām abhyavamanyate //

śayyāṃ gṛhān kuśān gandhān apaḥ puṣpaṃ maṇīn dadhi
dhānā matsyān payo māṃsaṃ śākaṃ caiva na nirṇudet // Manu_4.250 [= M 4.251]

śayyāṃ gṛhān kuśān gandhān apaḥ puṣpaṃ maṇīn dadhi dhānā matsyān payo māṃsaṃ śākaṃ ca eva na nirṇudet //

gurūn bhṛtyāṃś cojjihīrṣann arciṣyan devatātithīn
sarvataḥ pratigṛhṇīyān na tu tṛpyet svayaṃ tataḥ // Manu_4.251 [= M 4.252]

gurūn bhṛtyāṃś ca ujjihīrṣann arciṣyan devatā-atithīn sarvataḥ pratigṛhṇīyān na tu tṛpyet svayaṃ tataḥ //

guruṣu tv abhyatīteṣu vinā vā tair gṛhe vasan
ātmano vṛttim anvicchan gṛhṇīyāt sādhutaḥ sadā // Manu_4.252 [= M 4.253]

guruṣu tv abhyatīteṣu vinā vā tair gṛhe vasan ātmano vṛttim anvicchan gṛhṇīyāt sādhutaḥ sadā //

ārdhikaḥ kulamitraṃ ca gopālo dāsanāpitau
ete śūdreṣu bhojyānnā yāś cātmānaṃ nivedayet // Manu_4.253 [= M 4.254]

ārdhikaḥ kulamitraṃ ca gopālo dāsa-nāpitau ete śūdreṣu bhojya-annā yāś cā atmānaṃ nivedayet //

yādṛśo 'sya bhaved ātmā yādṛśaṃ ca cikīrṣitam
yathā copacared enaṃ tathātmānaṃ nivedayet // Manu_4.254 [= M 4.255]

yādṛśo 'sya bhaved ātmā yādṛśaṃ ca cikīrṣitam yathā ca upacared enaṃ tathā ātmānaṃ nivedayet //

yo 'nyathā santam ātmānam anyathā satsu bhāṣate
sa pāpakṛttamo loke stena ātmāpahārakaḥ // Manu_4.255 [= M 4.256]

yo 'nyathā santam ātmānam anyathā satsu bhāṣate sa pāpakṛttamo loke stena ātma-apahārakaḥ //

vācy arthā niyatāḥ sarve vāṅgūlā vāgviniḥsṛtāḥ
tāṃs tu yaḥ stenayed vācaṃ sa sarvasteyakṛn naraḥ // Manu_4.256 [= M 4.257]

vācy arthā niyatāḥ sarve vāṅ-gūlā vāg-viniḥsṛtāḥ tāṃs tu yaḥ stenayed vācaṃ sa sarvasteyakṛn naraḥ //

maharṣipitṛdevānāṃ gatvānṛṇyaṃ yathāvidhi
putre sarvaṃ samāsajya vasen mādhyasthyam āśritaḥ // Manu_4.257 [= M 4.258]

āśritaḥ ] āsthitaḥ (M)

maharṣi-pitṛ-devānāṃ gatvā ānṛṇyaṃ yathāvidhi putre sarvaṃ samāsajya vasen mādhyasthyam āśritaḥāsthitaḥ //

ekākī cintayen nityaṃ vivikte hitam ātmanaḥ
ekākī cintayāno hi paraṃ śreyo 'dhigacchati // Manu_4.258 [= M 4.259]

ātmanaḥ ] ātmani (M)

ekākī cintayen nityaṃ vivikte hitam ātmanaḥātmani ekākī cintayāno hi paraṃ śreyo 'dhigacchati //

eṣoditā gṛhasthasya vṛttir viprasya śāśvatī
snātakavratakalpaś ca sattvavṛddhikaraḥ śubhaḥ // Manu_4.259 [= M 4.260]

eṣa ūditā gṛhasthasya vṛttir viprasya śāśvatī snātakavratakalpaś ca sattvavṛddhikaraḥ śubhaḥ //

anena vipro vṛttena vartayan vedaśāstravit
vyapetakalmaṣo nityaṃ brahmaloke mahīyate // Manu_4.260 [= M 4.261]

anena vipro vṛttena vartayan veda-śāstravit vyapeta-kalmaṣo nityaṃ brahmaloke mahīyate //

śrutvaitān ṛṣayo dharmān snātakasya yathoditān
idam ūcur mahātmānam analaprabhavaṃ bhṛgum // Manu_5.1

śrutva aitān ṛṣayo dharmān snātakasya yathā-uditān idam ūcur mahātmānam anala-prabhavaṃ bhṛgum //

evaṃ yathoktaṃ viprāṇāṃ svadharmam anutiṣṭhatām
kathaṃ mṛtyuḥ prabhavati vedaśāstravidāṃ prabho // Manu_5.2

evaṃ yathā-uktaṃ viprāṇāṃ svadharmam anutiṣṭhatām kathaṃ mṛtyuḥ prabhavati veda-śāstravidāṃ prabho //

sa tān uvāca dharmātmā maharṣīn mānavo bhṛguḥ
śrūyatāṃ yena doṣeṇa mṛtyur viprān jighāṃsati // Manu_5.3

sa tān uvāca dharma-ātmā maharṣīn mānavo bhṛguḥ śrūyatāṃ yena doṣeṇa mṛtyur viprān jighāṃsati //

anabhyāsena vedānām ācārasya ca varjanāt
ālasyād annadoṣāc ca mṛtyur viprāñ jighāṃsati // Manu_5.4

anabhyāsena vedānām ācārasya ca varjanāt ālasyād annadoṣāc ca mṛtyur viprāñ jighāṃsati //

laśunaṃ gṛñjanaṃ caiva palāṇḍuṃ kavakāni ca
abhakṣyāṇi dvijātīnām amedhyaprabhavāni ca // Manu_5.5

laśunaṃ gṛñjanaṃ ca eva palāṇḍuṃ kavakāni ca abhakṣyāṇi dvijātīnām amedhya-prabhavāni ca //

lohitān vṛkṣaniryāsān vṛścanaprabhavāṃs tathā
śeluṃ gavyaṃ ca peyūṣaṃ prayatnena vivarjayet // Manu_5.6

vṛścana ] vraścana (M)
peyūṣaṃ ] pīyūṣaṃ (M)

lohitān vṛkṣaniryāsān vṛścanavraścana-prabhavāṃs tathā śeluṃ gavyaṃ ca peyūṣaṃpīyūṣaṃ prayatnena vivarjayet //

vṛthā kṛsarasaṃyāvaṃ pāyasāpūpam eva ca
anupākṛtamāṃsāni devānnāni havīṃṣi ca // Manu_5.7

vṛthā kṛsara-saṃyāvaṃ pāyasa-apūpam eva ca anupākṛtamāṃsāni devānnāni havīṃṣi ca //

anirdaśāyā goḥ kṣīram auṣṭram aikaśaphaṃ tathā
āvikaṃ saṃdhinīkṣīraṃ vivatsāyāś ca goḥ payaḥ // Manu_5.8

anirdaśāyā goḥ kṣīram auṣṭram aikaśaphaṃ tathā āvikaṃ saṃdhinīkṣīraṃ vi-vatsāyāś ca goḥ payaḥ //

āraṇyānāṃ ca sarveṣāṃ mṛgāṇāṃ māhiṣaṃ vinā
strīkṣīraṃ caiva varjyāni sarvaśuktāni caiva hi // Manu_5.9

āraṇyānāṃ ca sarveṣāṃ mṛgāṇāṃ māhiṣaṃ vinā strīkṣīraṃ ca eva varjyāni sarvaśuktāni ca eva hi //

dadhi bhakṣyaṃ ca śukteṣu sarvaṃ ca dadhisaṃbhavam
yāni caivābhiṣūyante puṣpamūlaphalaiḥ śubhaiḥ // Manu_5.10

dadhi bhakṣyaṃ ca śukteṣu sarvaṃ ca dadhi-saṃbhavam yāni ca eva abhiṣūyante puṣpa-mūla-phalaiḥ śubhaiḥ //

kravyādāñ śakunān sarvāṃs tathā grāmanivāsinaḥ
anirdiṣṭāṃś caikaśaphāṃṣ ṭiṭṭibhaṃ ca vivarjayet // Manu_5.11

kravyādāñ śakunān ] kravyādaḥ śakunīn (M)

kravyādāñ śakunānkravyādaḥ śakunīn sarvāṃs tathā grāmanivāsinaḥ anirdiṣṭāṃś ca ekaśaphāṃṣ ṭiṭṭibhaṃ ca vivarjayet //

kalaviṅkaṃ plavaṃ haṃsaṃ cakrāhvaṃ grāmakukkuṭam
sārasaṃ rajjuvālaṃ ca dātyūhaṃ śukasārike // Manu_5.12

rajjuvālaṃ ] rajjudālaṃ (M)

kalaviṅkaṃ plavaṃ haṃsaṃ cakrāhvaṃ grāmakukkuṭam sārasaṃ rajjuvālaṃrajjudālaṃ ca dātyūhaṃ śuka-sārike //

pratudāñ jālapādāṃś ca koyaṣṭinakhaviṣkirān
nimajjataś ca matsyādān saunaṃ vallūram eva ca // Manu_5.13

pratudāñ jālapādāṃś ca koyaṣṭi-nakhaviṣkirān nimajjataś ca matsyādān saunaṃ vallūram eva ca //

bakaṃ caiva balākāṃ ca kākolaṃ khañjarīṭakam
matsyādān viḍvarāhāṃś ca matsyān eva ca sarvaśaḥ // Manu_5.14

bakaṃ ca eva balākāṃ ca kākolaṃ khañjarīṭakam matsyādān viḍvarāhāṃś ca matsyān eva ca sarvaśaḥ //

yo yasya māṃsam aśnāti sa tanmāṃsāda ucyate
matsyādaḥ sarvamāṃsādas tasmān matsyān vivarjayet // Manu_5.15

yo yasya māṃsam aśnāti sa tanmāṃsāda ucyate matsyādaḥ sarvamāṃsādas tasmān matsyān vivarjayet //

pāṭhīnarohitāv ādyau niyuktau havyakavyayoḥ
rājīvān siṃhatuṇḍāś ca saśalkāś caiva sarvaśaḥ // Manu_5.16

rājīvān ] rājīvāḥ (M)

pāṭhīna-rohitāv ādyau niyuktau havya-kavyayoḥ rājīvānrājīvāḥ siṃhatuṇḍāś ca sa-śalkāś ca eva sarvaśaḥ //

na bhakṣayed ekacarān ajñātāṃś ca mṛgadvijān
bhakṣyeṣv api samuddiṣṭān sarvān pañcanakhāṃs tathā // Manu_5.17

na bhakṣayed ekacarān ajñātāṃś ca mṛga-dvijān bhakṣyeṣv api samuddiṣṭān sarvān pañcanakhāṃs tathā //

śvāvidhaṃ śalyakaṃ godhāṃ khaḍgakūrmaśaśāṃs tathā
bhakṣyān pañcanakheṣv āhur anuṣṭrāṃś caikatodatah // Manu_5.18

śvāvidhaṃ śalyakaṃ godhāṃ khaḍga-kūrma-śaśāṃs tathā bhakṣyān pañcanakheṣv āhur anuṣṭrāṃś ca ekatodatah //

chatrākaṃ viḍvarāhaṃ ca laśunaṃ grāmakukkuṭam
palāṇḍuṃ gṛñjanaṃ caiva matyā jagdhvā pated dvijaḥ // Manu_5.19

chatrākaṃ viḍvarāhaṃ ca laśunaṃ grāmakukkuṭam palāṇḍuṃ gṛñjanaṃ ca eva matyā jagdhvā pated dvijaḥ //

amatyaitāni ṣaḍ jagdhvā kṛcchraṃ sāntapanaṃ caret
yaticāndrāyāṇaṃ vāpi śeṣeṣūpavased ahaḥ // Manu_5.20

amatya aitāni ṣaḍ jagdhvā kṛcchraṃ sāntapanaṃ caret yaticāndrāyāṇaṃ va āpi śeṣeṣu upavased ahaḥ //

saṃvatsarasyaikam api caret kṛcchraṃ dvijottamaḥ
ajñātabhuktaśuddhyarthaṃ jñātasya tu viṣeśataḥ // Manu_5.21

saṃvatsarasya ekam api caret kṛcchraṃ dvijottamaḥ ajñātabhuktaśuddhy-arthaṃ jñātasya tu viṣeśataḥ //

yajñārthaṃ brāhmaṇair vadhyāḥ praśastā mṛgapakṣiṇaḥ
bhṛtyānāṃ caiva vṛttyartham agastyo hy ācarat purā // Manu_5.22

yajñārthaṃ brāhmaṇair vadhyāḥ praśastā mṛga-pakṣiṇaḥ bhṛtyānāṃ ca eva vṛtty-artham agastyo hy ācarat purā //

babhūvur hi puroḍāśā bhakṣyāṇāṃ mṛgapakṣiṇām
purāṇeṣv api yajñeṣu brahmakṣatrasaveṣu ca // Manu_5.23

api yajñeṣu ] ṛṣiyajñeṣu (M)

babhūvur hi puroḍāśā bhakṣyāṇāṃ mṛga-pakṣiṇām purāṇeṣv api yajñeṣuṛṣiyajñeṣu brahma-kṣatrasaveṣu ca //

yat kiṃ cit snehasaṃyuktaṃ bhakṣyaṃ bhojyam agarhitam
tat paryuṣitam apy ādyaṃ haviḥśeṣaṃ ca yad bhavet // Manu_5.24

yat kiṃ cit snehasaṃyuktaṃ bhakṣyaṃ bhojyam agarhitam tat paryuṣitam apy ādyaṃ haviḥśeṣaṃ ca yad bhavet //

cirasthitam api tv ādyam asnehāktaṃ dvijātibhiḥ
yavagodhūmajaṃ sarvaṃ payasaś caiva vikriyā // Manu_5.25

cirasthitam api tv ādyam asnehāktaṃ dvijātibhiḥ yava-godhūmajaṃ sarvaṃ payasaś ca eva vikriyā //

etad uktaṃ dvijātīnāṃ bhakṣyābhakṣyam aśeṣataḥ
māṃsasyātaḥ pravakṣyāmi vidhiṃ bhakṣaṇavarjane // Manu_5.26

etad uktaṃ dvijātīnāṃ bhakṣya-abhakṣyam aśeṣataḥ māṃsasya ataḥ pravakṣyāmi vidhiṃ bhakṣaṇavarjane //

prokṣitaṃ bhakṣayen māṃsaṃ brāhmaṇānāṃ ca kāmyayā
yathāvidhi niyuktas tu prāṇānām eva cātyaye // Manu_5.27

prokṣitaṃ bhakṣayen māṃsaṃ brāhmaṇānāṃ ca kāmyayā yathāvidhi niyuktas tu prāṇānām eva ca atyaye //

prāṇasyānnam idaṃ sarvaṃ prajāpatir akalpayat
sthāvaraṃ jaṅgamaṃ caiva sarvaṃ prāṇasya bhojanam // Manu_5.28

prāṇasya annam idaṃ sarvaṃ prajāpatir akalpayat sthāvaraṃ jaṅgamaṃ ca eva sarvaṃ prāṇasya bhojanam //

carāṇām annam acarā daṃṣṭriṇām apy adaṃṣṭriṇaḥ
ahastāś ca sahastānāṃ śūrāṇāṃ caiva bhīravaḥ // Manu_5.29

carāṇām annam acarā daṃṣṭriṇām apy adaṃṣṭriṇaḥ ahastāś ca sa-hastānāṃ śūrāṇāṃ ca eva bhīravaḥ //

nāttā duṣyaty adann ādyān prāṇino 'hanyahany api
dhātraiva sṛṣṭā hy ādyāś ca prāṇino 'ttāra eva ca // Manu_5.30

na attā duṣyaty adann ādyān prāṇino 'hany-ahany api dhātra aiva sṛṣṭā hy ādyāś ca prāṇino 'ttāra eva ca //

yajñāya jagdhir māṃsasyety eṣa daivo vidhiḥ smṛtaḥ
ato 'nyathā pravṛttis tu rākṣaso vidhir ucyate // Manu_5.31

yajñāya jagdhir māṃsasya ity eṣa daivo vidhiḥ smṛtaḥ ato 'nyathā pravṛttis tu rākṣaso vidhir ucyate //

krītvā svayaṃ vāpy utpādya paropakṛtam eva vā
devān pitṝṃś cārcayitvā khādan māṃsaṃ na duṣyati // Manu_5.32

krītvā svayaṃ va āpy utpādya para-upakṛtam eva vā devān pitṝṃś ca arcayitvā khādan māṃsaṃ na duṣyati //

nādyād avidhinā māṃsaṃ vidhijño 'nāpadi dvijaḥ
jagdhvā hy avidhinā māṃsaṃ pretas tair adyate 'vaśaḥ // Manu_5.33

na adyād avidhinā māṃsaṃ vidhijño 'nāpadi dvijaḥ jagdhvā hy avidhinā māṃsaṃ pretas tair adyate 'vaśaḥ //

na tādṛśaṃ bhavaty eno mṛgahantur dhanārthinaḥ
yādṛśaṃ bhavati pretya vṛthāmāṃsāni khādataḥ // Manu_5.34

na tādṛśaṃ bhavaty eno mṛgahantur dhanārthinaḥ yādṛśaṃ bhavati pretya vṛthāmāṃsāni khādataḥ //

niyuktas tu yathānyāyaṃ yo māṃsaṃ nātti mānavaḥ
sa pretya paśutāṃ yāti saṃbhavān ekaviṃśatim // Manu_5.35

niyuktas tu yathānyāyaṃ yo māṃsaṃ na atti mānavaḥ sa pretya paśutāṃ yāti saṃbhavān ekaviṃśatim //

asaṃskṛtān paśūn mantrair nādyād vipraḥ kadā cana
mantrais tu saṃskṛtān adyāc chāśvataṃ vidhim āsthitaḥ // Manu_5.36

asaṃskṛtān paśūn mantrair na adyād vipraḥ kadā cana mantrais tu saṃskṛtān adyāc chāśvataṃ vidhim āsthitaḥ //

kuryād ghṛtapaśuṃ saṅge kuryāt piṣṭapaśuṃ tathā
na tv eva tu vṛthā hantuṃ paśum icchet kadā cana // Manu_5.37

kuryād ghṛtapaśuṃ saṅge kuryāt piṣṭapaśuṃ tathā na tv eva tu vṛthā hantuṃ paśum icchet kadā cana //

yāvanti paśuromāṇi tāvatkṛtvo ha māraṇam
vṛthāpaśughnaḥ prāpnoti pretya janmani janmani // Manu_5.38

yāvanti paśuromāṇi tāvatkṛtvo ha māraṇam vṛthāpaśughnaḥ prāpnoti pretya janmani janmani //

yajñārthaṃ paśavaḥ sṛṣṭāḥ svayam eva svayaṃbhuvā
yajño 'sya bhūtyai sarvasya tasmād yajñe vadho 'vadhaḥ // Manu_5.39

yajñārthaṃ paśavaḥ sṛṣṭāḥ svayam eva svayaṃbhuvā yajño 'sya bhūtyai sarvasya tasmād yajñe vadho 'vadhaḥ //

oṣadhyaḥ paśavo vṛkṣās tiryañcaḥ pakṣiṇas tathā
yajñārthaṃ nidhanaṃ prāptāḥ prāpnuvanty utsṛtīḥ punaḥ // Manu_5.40

utsṛtīḥ ] ucchritīḥ (M)

oṣadhyaḥ paśavo vṛkṣās tiryañcaḥ pakṣiṇas tathā yajñārthaṃ nidhanaṃ prāptāḥ prāpnuvanty utsṛtīḥucchritīḥ punaḥ //

madhuparke ca yajñe ca pitṛdaivatakarmaṇi
atraiva paśavo hiṃsyā nānyatrety abravīn manuḥ // Manu_5.41

madhuparke ca yajñe ca pitṛ-daivatakarmaṇi atra eva paśavo hiṃsyā na anyatra ity abravīn manuḥ //

eṣv artheṣu paśūn hiṃsan vedatattvārthavid dvijaḥ
ātmānaṃ ca paśuṃ caiva gamayaty uttamaṃ gatim // Manu_5.42

eṣv artheṣu paśūn hiṃsan vedatattvārthavid dvijaḥ ātmānaṃ ca paśuṃ ca eva gamayaty uttamaṃ gatim //

gṛhe gurāv araṇye vā nivasann ātmavān dvijaḥ
nāvedavihitāṃ hiṃsām āpady api samācaret // Manu_5.43

gṛhe gurāv araṇye vā nivasann ātmavān dvijaḥ na avedavihitāṃ hiṃsām āpady api samācaret //

yā vedavihitā hiṃsā niyatāsmiṃś carācare
ahiṃsām eva tāṃ vidyād vedād dharmo hi nirbabhau // Manu_5.44

yā vedavihitā hiṃsā niyata āsmiṃś cara-acare ahiṃsām eva tāṃ vidyād vedād dharmo hi nirbabhau //

yo 'hiṃsakāni bhūtāni hinasty ātmasukhecchayā
sa jīvāṃś ca mṛtaś caiva na kva cit sukham edhate // Manu_5.45

yo 'hiṃsakāni bhūtāni hinasty ātmasukha-icchayā sa jīvāṃś ca mṛtaś ca eva na kva cit sukham edhate //

yo bandhanavadhakleśān prāṇināṃ na cikīrṣati
sa sarvasya hitaprepsuḥ sukham atyantam aśnute // Manu_5.46

yo bandhanavadhakleśān prāṇināṃ na cikīrṣati sa sarvasya hitaprepsuḥ sukham atyantam aśnute //

yad dhyāyati yat kurute ratiṃ badhnāti yatra ca
tad avāpnoty ayatnena yo hinasti na kiṃ cana // Manu_5.47

yad dhyāyati yat kurute ratiṃ badhnāti yatra ca tad avāpnoty ayatnena yo hinasti na kiṃ cana //

nākṛtvā prāṇināṃ hiṃsāṃ māṃsam utpadyate kva cit
na ca prāṇivadhaḥ svargyas tasmān māṃsaṃ vivarjayet // Manu_5.48

na akṛtvā prāṇināṃ hiṃsāṃ māṃsam utpadyate kva cit na ca prāṇivadhaḥ svargyas tasmān māṃsaṃ vivarjayet //

samutpattiṃ ca māṃsasya vadhabandhau ca dehinām
prasamīkṣya nivarteta sarvamāṃsasya bhakṣaṇāt // Manu_5.49

samutpattiṃ ca māṃsasya vadha-bandhau ca dehinām prasamīkṣya nivarteta sarvamāṃsasya bhakṣaṇāt //

na bhakṣayati yo māṃsaṃ vidhiṃ hitvā piśācavat
na loke priyatāṃ yāti vyādhibhiś ca na pīḍyate // Manu_5.50

na bhakṣayati yo māṃsaṃ vidhiṃ hitvā piśācavat na loke priyatāṃ yāti vyādhibhiś ca na pīḍyate //

anumantā viśasitā nihantā krayavikrayī
saṃskartā copahartā ca khādakaś ceti ghātakāḥ // Manu_5.51

anumantā viśasitā nihantā kraya-vikrayī saṃskartā ca upahartā ca khādakaś ca iti ghātakāḥ //

svamāṃsaṃ paramāṃsena yo vardhayitum icchati
anabhyarcya pitṝn devāṃs tato 'nyo nāsty apuṇyakṛt // Manu_5.52

svamāṃsaṃ paramāṃsena yo vardhayitum icchati anabhyarcya pitṝn devāṃs tato 'nyo na asty apuṇyakṛt //

varṣe varṣe 'śvamedhena yo yajeta śataṃ samāḥ
māṃsāni ca na khāded yas tayoḥ puṇyaphalaṃ samam // Manu_5.53

varṣe varṣe 'śvamedhena yo yajeta śataṃ samāḥ māṃsāni ca na khāded yas tayoḥ puṇyaphalaṃ samam //

phalamūlāśanair medhyair munyannānāṃ ca bhojanaiḥ
na tat phalam avāpnoti yan māṃsaparivarjanāt // Manu_5.54

phala-mūla-aśanair medhyair muny-annānāṃ ca bhojanaiḥ na tat phalam avāpnoti yan māṃsaparivarjanāt //

māṃ sa bhakṣayitāmutra yasya māṃsam ihādmy aham
etan māṃsasya māṃsatvaṃ pravadanti manīṣiṇaḥ // Manu_5.55

māṃ sa bhakṣayita āmutra yasya māṃsam iha admy aham etan māṃsasya māṃsatvaṃ pravadanti manīṣiṇaḥ //

na māṃsabhakṣaṇe doṣo na madye na ca maithune
pravṛttir eṣā bhūtānāṃ nivṛttis tu mahāphalā // Manu_5.56

na māṃsabhakṣaṇe doṣo na madye na ca maithune pravṛttir eṣā bhūtānāṃ nivṛttis tu mahāphalā //

pretaśuddhiṃ pravakṣyāmi dravyaśuddhiṃ tathaiva ca
caturṇām api varṇānāṃ yathāvad anupūrvaśaḥ // Manu_5.57

pretaśuddhiṃ pravakṣyāmi dravyaśuddhiṃ tatha aiva ca caturṇām api varṇānāṃ yathāvad anupūrvaśaḥ //

dantajāte 'nujāte ca kṛtacūḍe ca saṃsthite
aśuddhā bāndhavāḥ sarve sūtake ca tathocyate // Manu_5.58

dantajāte 'nujāte ca kṛta-cūḍe ca saṃsthite aśuddhā bāndhavāḥ sarve sūtake ca tatha ūcyate //

daśāhaṃ śāvam āśaucaṃ sapiṇḍeṣu vidhīyate
arvāk saṃcayanād asthnāṃ tryaham ekāham eva vā // Manu_5.59

daśāhaṃ śāvam āśaucaṃ sapiṇḍeṣu vidhīyate arvāk saṃcayanād asthnāṃ tryaham ekāham eva vā //

sapiṇḍatā tu puruṣe saptame vinivartate
samānodakabhāvas tu janmanāmnor avedane // Manu_5.60

sapiṇḍatā tu puruṣe saptame vinivartate samānodakabhāvas tu janma-nāmnor avedane //

yathedaṃ śāvam āśaucaṃ sapiṇḍeṣu vidhīyate
janane 'py evam eva syān nipuṇaṃ śuddhim icchatām // Manu_5.61 [= not in M]

yatha īdaṃ śāvam āśaucaṃ sapiṇḍeṣu vidhīyate janane 'py evam eva syān nipuṇaṃ śuddhim icchatām //

sarveṣāṃ śāvam āśaucaṃ mātāpitros tu sūtakam
sūtakaṃ mātur eva syād upaspṛśya pitā śuciḥ // Manu_5.62 [= M 5.61]

sarveṣāṃ śāvam āśaucaṃ ] janane 'py evam eva syān (M)

sarveṣāṃ śāvam āśaucaṃjanane 'py evam eva syān mātā-pitros tu sūtakam sūtakaṃ mātur eva syād upaspṛśya pitā śuciḥ //

nirasya tu pumāñ śukram upaspṛsyaiva śudhyati
baijikād abhisaṃbandhād anurundhyād aghaṃ tryaham // Manu_5.63 [= M 5.62]

nirasya tu pumāñ śukram upaspṛsya eva śudhyati baijikād abhisaṃbandhād anurundhyād aghaṃ tryaham //

ahnā caikena rātryā ca trirātrair eva ca tribhiḥ
śavaspṛśo viśudhyanti tryahād udakadāyinaḥ // Manu_5.64 [= M 5.63]

ahnā ca ekena rātryā ca trirātrair eva ca tribhiḥ śava-spṛśo viśudhyanti tryahād udakadāyinaḥ //

guroḥ pretasya śiṣyas tu pitṛmedhaṃ samācaran
pretahāraiḥ samaṃ tatra daśarātreṇa śudhyati // Manu_5.65 [= M 5.64]

pretahāraiḥ ] pretāhāraiḥ (M)

guroḥ pretasya śiṣyas tu pitṛmedhaṃ samācaran pretahāraiḥpretāhāraiḥ samaṃ tatra daśarātreṇa śudhyati //

rātribhir māsatulyābhir garbhasrāve viśudhyati
rajasy uparate sādhvī snānena strī rajasvalā // Manu_5.66 [= M 5.65]

rātribhir māsa-tulyābhir garbhasrāve viśudhyati rajasy uparate sādhvī snānena strī rajasvalā //

nṛṇām akṛtacūḍānāṃ viśuddhir naiśikī smṛtā
nirvṛttacūḍakānāṃ tu trirātrāc chuddhir iṣyate // Manu_5.67 [= M 5.66]

cūḍakānāṃ ] muṇḍakānāṃ (M)

nṛṇām akṛtacūḍānāṃ viśuddhir naiśikī smṛtā nirvṛtta-cūḍakānāṃmuṇḍakānāṃ tu trirātrāc chuddhir iṣyate //

ūnadvivārṣikaṃ pretaṃ nidadhyur bāndhavā bahiḥ
alaṃkṛtya śucau bhūmāv asthisaṃcayanād ṛte // Manu_5.68 [= M 5.67]

ūna-dvivārṣikaṃ pretaṃ nidadhyur bāndhavā bahiḥ alaṃkṛtya śucau bhūmāv asthisaṃcayanād ṛte //

nāsya kāryo 'gnisaṃskāro na ca kāryodakakriyā
araṇye kāṣṭhavat tyaktvā kṣapeyus tryaham eva tu // Manu_5.69 [= M 5.68]

kṣapeyus tryaham eva tu ] kṣapeta tryaham eva ca (M)

na asya kāryo 'gnisaṃskāro na ca kārya ūdakakriyā araṇye kāṣṭhavat tyaktvā kṣapeyus tryaham eva tukṣapeta tryaham eva ca //

nātrivarṣasya kartavyā bāndhavair udakakriyā
jātadantasya vā kuryur nāmni vāpi kṛte sati // Manu_5.70 [= M 5.69]

na atrivarṣasya kartavyā bāndhavair udakakriyā jāta-dantasya vā kuryur nāmni vā-api kṛte sati //

sabrahmacāriṇy ekāham atīte kṣapaṇaṃ smṛtam
janmany ekodakānāṃ tu trirātrāc chuddhir iṣyate // Manu_5.71 [= M 5.70]

sa-brahmacāriṇy ekāham atīte kṣapaṇaṃ smṛtam janmany eka-udakānāṃ tu trirātrāc chuddhir iṣyate //

strīṇām asaṃskṛtānāṃ tu tryahāc chudhyanti bāndhavāḥ
yathoktenaiva kalpena śudhyanti tu sanābhayaḥ // Manu_5.72 [= M 5.71]

strīṇām asaṃskṛtānāṃ tu tryahāc chudhyanti bāndhavāḥ yathā-uktena eva kalpena śudhyanti tu sa-nābhayaḥ //

akṣāralavaṇānnāḥ syur nimajjeyuś ca te tryaham
māṃsāśanaṃ ca nāśnīyuḥ śayīraṃś ca pṛthak kṣitau // Manu_5.73 [= M 5.72]

a-kṣāra-lavaṇa-annāḥ syur nimajjeyuś ca te tryaham māṃsāśanaṃ ca na aśnīyuḥ śayīraṃś ca pṛthak kṣitau //

saṃnidhāv eṣa vai kalpaḥ śāvāśaucasya kīrtitaḥ
asaṃnidhāv ayaṃ jñeyo vidhiḥ saṃbandhibāndhavaiḥ // Manu_5.74 [= M 5.73]

saṃnidhāv eṣa vai kalpaḥ śāva-āśaucasya kīrtitaḥ asaṃnidhāv ayaṃ jñeyo vidhiḥ saṃbandhi-bāndhavaiḥ //

vigataṃ tu videśasthaṃ śṛṇuyād yo hy anirdaśam
yac cheṣaṃ daśarātrasya tāvad evāśucir bhavet // Manu_5.75 [= M 5.74]

vigataṃ tu videśasthaṃ śṛṇuyād yo hy anirdaśam yac cheṣaṃ daśarātrasya tāvad eva aśucir bhavet //

atikrānte daśāhe ca trirātram aśucir bhavet
saṃvatsare vyatīte tu spṛṣṭvaivāpo viśudhyati // Manu_5.76 [= M 5.75]

atikrānte daśāhe ca trirātram aśucir bhavet saṃvatsare vyatīte tu spṛṣṭva aivā apo viśudhyati //

nirdaśaṃ jñātimaraṇaṃ śrutvā putrasya janma ca
savāsā jalam āplutya śuddho bhavati mānavaḥ // Manu_5.77 [= M 5.76]

nirdaśaṃ jñātimaraṇaṃ śrutvā putrasya janma ca sa-vāsā jalam āplutya śuddho bhavati mānavaḥ //

bāle deśāntarasthe ca pṛthakpiṇḍe ca saṃsthite
savāsā jalam āplutya sadya eva viśudhyati // Manu_5.78 [= M 5.77]

bāle deśāntarasthe ca pṛthak-piṇḍe ca saṃsthite sa-vāsā jalam āplutya sadya eva viśudhyati //

antardaśāhe syātāṃ cet punar maraṇajanmanī
tāvat syād aśucir vipro yāvat tat syād anirdaśam // Manu_5.79 [= M 5.78]

syātāṃ cet ] cet syātāṃ (M)

antar-daśāhe syātāṃ cetcet syātāṃ punar maraṇa-janmanī tāvat syād aśucir vipro yāvat tat syād anirdaśam //

trirātram āhur āśaucam ācārye saṃsthite sati
tasya putre ca patnyāṃ ca divārātram iti sthitiḥ // Manu_5.80 [= M 5.79]

trirātram āhur āśaucam ācārye saṃsthite sati tasya putre ca patnyāṃ ca divā-rātram iti sthitiḥ //

śrotriye tūpasaṃpanne trirātram aśucir bhavet
mātule pakṣiṇīṃ rātriṃ śiṣyartvigbāndhaveṣu ca // Manu_5.81 [= M 5.80]

śrotriye tu upasaṃpanne trirātram aśucir bhavet mātule pakṣiṇīṃ rātriṃ śiṣyartvig-bāndhaveṣu ca //

prete rājani sajyotir yasya syād viṣaye sthitaḥ
aśrotriye tv ahaḥ kṛtsnam anūcāne tathā gurau // Manu_5.82 [= M 5.81]

kṛtsnam ] kṛtsnām (M)

prete rājani sa-jyotir yasya syād viṣaye sthitaḥ aśrotriye tv ahaḥ kṛtsnamkṛtsnām anūcāne tathā gurau //

śuddhyed vipro daśāhena dvādaśāhena bhūmipaḥ
vaiśyaḥ pañcadaśāhena śūdro māsena śudhyati // Manu_5.83 [= M 5.82]

śuddhyed vipro daśāhena dvādaśāhena bhūmipaḥ vaiśyaḥ pañcadaśāhena śūdro māsena śudhyati //

na vardhayed aghāhāni pratyūhen nāgniṣu kriyāḥ
na ca tatkarma kurvāṇaḥ sanābhyo 'py aśucir bhavet // Manu_5.84 [= M 5.83]

na vardhayed agha-ahāni pratyūhen na agniṣu kriyāḥ na ca tatkarma kurvāṇaḥ sa-nābhyo 'py aśucir bhavet //

divākīrtim udakyāṃ ca patitaṃ sūtikāṃ tathā
śavaṃ tatspṛṣṭinaṃ caiva spṛṣṭvā snānena śudhyati // Manu_5.85 [= M 5.84]

divākīrtim udakyāṃ ca patitaṃ sūtikāṃ tathā śavaṃ tatspṛṣṭinaṃ ca eva spṛṣṭvā snānena śudhyati //

ācamya prayato nityaṃ japed aśucidarśane
saurān mantrān yathotsāhaṃ pāvamānīś ca śaktitaḥ // Manu_5.86 [= M 5.85]

ācamya prayato nityaṃ japed aśucidarśane saurān mantrān yathā-utsāhaṃ pāvamānīś ca śaktitaḥ //

nāraṃ spṛṣṭvāsthi sasnehaṃ snātvā vipro viśudhyati
ācamyaiva tu niḥsnehaṃ gām ālabhyārkam īkṣya vā // Manu_5.87 [= M 5.86]

nāraṃ spṛṣṭva āsthi sa-snehaṃ snātvā vipro viśudhyati ācamya eva tu niḥsnehaṃ gām ālabhya arkam īkṣya vā //

ādiṣṭī nodakaṃ kuryād ā vratasya samāpanāt
samāpte tūdakaṃ kṛtvā trirātreṇaiva śudhyati // Manu_5.88 [= M 5.87]

ādiṣṭī na udakaṃ kuryād ā vratasya samāpanāt samāpte tu udakaṃ kṛtvā trirātreṇa eva śudhyati //

vṛthāsaṃkarajātānāṃ pravrajyāsu ca tiṣṭhatām
ātmanas tyāgināṃ caiva nivartetodakakriyā // Manu_5.89 [= M 5.88]

vṛthā-saṃkara-jātānāṃ pravrajyāsu ca tiṣṭhatām ātmanas tyāgināṃ ca eva nivarteta udakakriyā //

pāṣaṇḍam āśritānāṃ ca carantīnāṃ ca kāmataḥ
garbhabhartṛdruhāṃ caiva surāpīnāṃ ca yoṣitām // Manu_5.90 [= M 5.89]

pāṣaṇḍam āśritānāṃ ca carantīnāṃ ca kāmataḥ garbha-bhartṛ-druhāṃ ca eva surāpīnāṃ ca yoṣitām //

ācāryaṃ svam upādhyāyaṃ pitaraṃ mātaraṃ gurum
nirhṛtya tu vratī pretān na vratena viyujyate // Manu_5.91 [= M 5.90]

ācāryaṃ svam upādhyāyaṃ pitaraṃ mātaraṃ gurum nirhṛtya tu vratī pretān na vratena viyujyate //

dakṣiṇena mṛtaṃ śūdraṃ puradvāreṇa nirharet
paścimottarapūrvais tu yathāyogaṃ dvijanmanaḥ // Manu_5.92 [= M 5.91]

dakṣiṇena mṛtaṃ śūdraṃ puradvāreṇa nirharet paścima-uttara-pūrvais tu yathāyogaṃ dvijanmanaḥ //

na rājñām aghadoṣo 'sti vratināṃ na ca sattriṇām
aindraṃ sthānam upāsīnā brahmabhūtā hi te sadā // Manu_5.93 [= M 5.92]

na rājñām aghadoṣo 'sti vratināṃ na ca sattriṇām aindraṃ sthānam upāsīnā brahmabhūtā hi te sadā //

rājño mahātmike sthāne sadyaḥśaucaṃ vidhīyate
prajānāṃ parirakṣārtham āsanaṃ cātra kāraṇam // Manu_5.94 [= M 5.93]

rājño mahātmike sthāne sadyaḥśaucaṃ vidhīyate prajānāṃ parirakṣārtham āsanaṃ ca atra kāraṇam //

ḍimbhāhavahatānāṃ ca vidyutā pārthivena ca
gobrāhmaṇasya caivārthe yasya cecchati pārthivaḥ // Manu_5.95 [= M 5.94]

ḍimbhāhava ] ḍimbāhava (M)

ḍimbha-āhavaḍimba-āhava-hatānāṃ ca vidyutā pārthivena ca go-brāhmaṇasya ca eva arthe yasya ca icchati pārthivaḥ //

somāgnyarkānilendrāṇāṃ vittāppatyor yamasya ca
aṣṭānāṃ lokapālānāṃ vapur dhārayate nṛpaḥ // Manu_5.96 [= M 5.95]

soma-agny-arka-anila-indrāṇāṃ vitta-appatyor yamasya ca aṣṭānāṃ lokapālānāṃ vapur dhārayate nṛpaḥ //

lokeśādhiṣṭhito rājā nāsyāśaucaṃ vidhīyate
śaucāśaucaṃ hi martyānāṃ lokebhyaḥ prabhavāpyayau // Manu_5.97 [= M 5.96]

lokeśādhiṣṭhito rājā na asyā aśaucaṃ vidhīyate śauca-āśaucaṃ hi martyānāṃ lokebhyaḥ prabhava-apyayau //

udyatair āhave śastraiḥ kṣatradharmahatasya ca
sadyaḥ saṃtiṣṭhate yajñas tathāśaucam iti sthitiḥ // Manu_5.98 [= M 5.97]

udyatair āhave śastraiḥ kṣatradharmahatasya ca sadyaḥ saṃtiṣṭhate yajñas tathā āśaucam iti sthitiḥ //

vipraḥ śudhyaty apaḥ spṛṣṭvā kṣatriyo vāhanāyudham
vaiśyaḥ pratodaṃ raśmīn vā yaṣṭiṃ śūdraḥ kṛtakriyaḥ // Manu_5.99 [= M 5.98]

vipraḥ śudhyaty apaḥ spṛṣṭvā kṣatriyo vāhana-āyudham vaiśyaḥ pratodaṃ raśmīn vā yaṣṭiṃ śūdraḥ kṛta-kriyaḥ //

etad vo 'bhihitaṃ śaucaṃ sapiṇḍeṣu dvijottamāḥ
asapiṇḍeṣu sarveṣu pretaśuddhiṃ nibodhata // Manu_5.100 [= M 5.99]

etad vo 'bhihitaṃ śaucaṃ sapiṇḍeṣu dvijottamāḥ asapiṇḍeṣu sarveṣu pretaśuddhiṃ nibodhata //

asapiṇḍaṃ dvijaṃ pretaṃ vipro nirhṛtya bandhuvat
viśudhyati trirātreṇa mātur āptāṃś ca bāndhavān // Manu_5.101 [= M 5.100]

asapiṇḍaṃ dvijaṃ pretaṃ vipro nirhṛtya bandhuvat viśudhyati trirātreṇa mātur āptāṃś ca bāndhavān //

yady annam atti teṣāṃ tu daśāhenaiva śudhyati
anadann annam ahnaiva na cet tasmin gṛhe vaset // Manu_5.102 [= M 5.101]

yady annam atti teṣāṃ tu daśāhena eva śudhyati anadann annam ahna aiva na cet tasmin gṛhe vaset //

anugamyecchayā pretaṃ jñātim ajñātim eva ca
snātvā sacailaḥ spṛṣṭvāgniṃ ghṛtaṃ prāśya viśudhyati // Manu_5.103 [= M 5.102]

ca ] vā (M)
sacailaḥ ] sacailaṃ (M)

anugamya icchayā pretaṃ jñātim ajñātim eva cavā snātvā sa-cailaḥsa-cailaṃ spṛṣṭva āgniṃ ghṛtaṃ prāśya viśudhyati //

na vipraṃ sveṣu tiṣṭhatsu mṛtaṃ śūdreṇa nāyayet
asvargyā hy āhutiḥ sā syāc chūdrasaṃsparśadūṣitā // Manu_5.104 [= M 5.103]

na vipraṃ sveṣu tiṣṭhatsu mṛtaṃ śūdreṇa nāyayet asvargyā hy āhutiḥ sā syāc chūdrasaṃsparśadūṣitā //

jñānaṃ tapo 'gnir āhāro mṛn mano vāry upāñjanam
vāyuḥ karmārkakālau ca śuddheḥ kartṝṇi dehinām // Manu_5.105 [= M 5.104]

jñānaṃ tapo 'gnir āhāro mṛn mano vāry upāñjanam vāyuḥ karma arka-kālau ca śuddheḥ kartṝṇi dehinām //

sarveṣām eva śaucānām arthaśaucaṃ paraṃ smṛtaṃ
yo 'rthe śucir hi sa śucir na mṛdvāriśuciḥ śuciḥ // Manu_5.106 [= M 5.105]

sarveṣām eva śaucānām arthaśaucaṃ paraṃ smṛtaṃ yo 'rthe śucir hi sa śucir na mṛd-vāri-śuciḥ śuciḥ //

kṣāntyā śudhyanti vidvāṃso dānenākāryakāriṇaḥ
pracchannapāpā japyena tapasā vedavittamāḥ // Manu_5.107 [= M 5.106]

kṣāntyā śudhyanti vidvāṃso dānena akāryakāriṇaḥ pracchanna-pāpā japyena tapasā vedavittamāḥ //

mṛttoyaiḥ śudhyate śodhyaṃ nadī vegena śudhyati
rajasā strī manoduṣṭā saṃnyāsena dvijottamāḥ // Manu_5.108 [= M 5.107]

mṛt-toyaiḥ śudhyate śodhyaṃ nadī vegena śudhyati rajasā strī manoduṣṭā saṃnyāsena dvijottamāḥ //

adbhir gātrāṇi śudhyanti manaḥ satyena śudhyati
vidyātapobhyāṃ bhūtātmā buddhir jñānena śudhyati // Manu_5.109 [= M 5.108]

adbhir gātrāṇi śudhyanti manaḥ satyena śudhyati vidyā-tapobhyāṃ bhūtātmā buddhir jñānena śudhyati //

eṣa śaucasya vaḥ proktaḥ śarīrasya vinirṇayaḥ
nānāvidhānāṃ dravyāṇāṃ śuddheḥ śṛṇuta nirṇayam // Manu_5.110 [= M 5.109]

eṣa śaucasya vaḥ proktaḥ śarīrasya vinirṇayaḥ nānāvidhānāṃ dravyāṇāṃ śuddheḥ śṛṇuta nirṇayam //

taijasānāṃ maṇīnāṃ ca sarvasyāśmamayasya ca
bhasmanādbhir mṛdā caiva śuddhir uktā manīṣibhiḥ // Manu_5.111 [= M 5.110]

taijasānāṃ maṇīnāṃ ca sarvasya aśmamayasya ca bhasmana ādbhir mṛdā ca eva śuddhir uktā manīṣibhiḥ //

nirlepaṃ kāñcanaṃ bhāṇḍam adbhir eva viśudhyati
abjam aśmamayaṃ caiva rājataṃ cānupaskṛtam // Manu_5.112 [= M 5.111]

nirlepaṃ kāñcanaṃ bhāṇḍam adbhir eva viśudhyati ab-jam aśmamayaṃ ca eva rājataṃ ca anupaskṛtam //

apām agneś ca saṃyogād dhaimaṃ raupyaṃ ca nirbabhau
tasmāt tayoḥ svayonyaiva nirṇeko guṇavattaraḥ // Manu_5.113 [= M 5.112]

apām agneś ca saṃyogād dhaimaṃ raupyaṃ ca nirbabhau tasmāt tayoḥ svayonya aiva nirṇeko guṇavattaraḥ //

tāmrāyaḥkāṃsyaraityānāṃ trapuṇaḥ sīsakasya ca
śaucaṃ yathārhaṃ kartavyaṃ kṣārāmlodakavāribhiḥ // Manu_5.114 [= M 5.113]

tāmra-ayaḥ-kāṃsya-raityānāṃ trapuṇaḥ sīsakasya ca śaucaṃ yathārhaṃ kartavyaṃ kṣāra-amlodaka-vāribhiḥ //

dravāṇāṃ caiva sarveṣāṃ śuddhir utpavanaṃ smṛtam
prokṣaṇaṃ saṃhatānāṃ ca dāravāṇāṃ ca takṣaṇam // Manu_5.115 [= M 5.114]

dravāṇāṃ ca eva sarveṣāṃ śuddhir utpavanaṃ smṛtam prokṣaṇaṃ saṃhatānāṃ ca dāravāṇāṃ ca takṣaṇam //

mārjanaṃ yajñapātrāṇāṃ pāṇinā yajñakarmaṇi
camasānāṃ grahāṇāṃ ca śuddhiḥ prakṣālanena tu // Manu_5.116 [= M 5.115]

mārjanaṃ yajñapātrāṇāṃ pāṇinā yajñakarmaṇi camasānāṃ grahāṇāṃ ca śuddhiḥ prakṣālanena tu //

carūṇāṃ sruksruvāṇāṃ ca śuddhir uṣṇena vāriṇā
sphyaśūrpaśakaṭānāṃ ca musalolūkhalasya ca // Manu_5.117 [= M 5.116]

carūṇāṃ sruk-sruvāṇāṃ ca śuddhir uṣṇena vāriṇā sphya-śūrpa-śakaṭānāṃ ca musala-ulūkhalasya ca //

adbhis tu prokṣaṇaṃ śaucaṃ bahūnāṃ dhānyavāsasām
prakṣālanena tv alpānām adbhiḥ śaucaṃ vidhīyate // Manu_5.118 [= M 5.117]

adbhis tu prokṣaṇaṃ śaucaṃ bahūnāṃ dhānya-vāsasām prakṣālanena tv alpānām adbhiḥ śaucaṃ vidhīyate //

cailavac carmaṇāṃ śuddhir vaidalānāṃ tathaiva ca
śākamūlaphalānāṃ ca dhānyavac chuddhir iṣyate // Manu_5.119 [= M 5.118]

ca ] tu (M)

cailavac carmaṇāṃ śuddhir vaidalānāṃ tatha aiva ca śāka-mūla-phalānāṃ catu dhānyavac chuddhir iṣyate //

kauśeyāvikayor ūṣaiḥ kutapānām ariṣṭakaiḥ
śrīphalair aṃśupaṭṭānāṃ kṣaumāṇāṃ gaurasarṣapaiḥ // Manu_5.120 [= M 5.119]

kauśeya-āvikayor ūṣaiḥ kutapānām ariṣṭakaiḥ śrīphalair aṃśupaṭṭānāṃ kṣaumāṇāṃ gaurasarṣapaiḥ //

kṣaumavac chaṅkhaśṛṅgāṇām asthidantamayasya ca
śuddhir vijānatā kāryā gomūtreṇodakena vā // Manu_5.121 [= M 5.120]

kṣaumavac chaṅkha-śṛṅgāṇām asthi-dantamayasya ca śuddhir vijānatā kāryā go-mūtreṇa udakena vā //

prokṣaṇāt tṛṇakāṣṭhaṃ ca palālaṃ caiva śudhyati
mārjanopāñjanair veśma punaḥpākena mṛnmayam // Manu_5.122 [= M 5.121]

prokṣaṇāt tṛṇa-kāṣṭhaṃ ca palālaṃ ca eva śudhyati mārjana-upāñjanair veśma punaḥpākena mṛn-mayam //

madyair mūtraiḥ purīṣair vā ṣṭhīvanaih pūyaśoṇitaiḥ
saṃspṛṣṭaṃ naiva śuddhyeta punaḥpākena mṛnmayam // Manu_5.123 [= not in M]

madyair mūtraiḥ purīṣair vā ṣṭhīvanaih pūyaśoṇitaiḥ saṃspṛṣṭaṃ na eva śuddhyeta punaḥpākena mṛn-mayam //

saṃmārjanopāñjanena sekenollekhanena ca
gavāṃ ca parivāsena bhūmiḥ śudhyati pañcabhiḥ // Manu_5.124 [= M 5.122]

saṃmārjana-upāñjanena sekena ullekhanena ca gavāṃ ca parivāsena bhūmiḥ śudhyati pañcabhiḥ //

pakṣijagdhaṃ gavā ghrātam avadhūtam avakṣutam
dūṣitaṃ keśakīṭaiś ca mṛtprakṣepeṇa śudhyati // Manu_5.125 [= M 5.123]

pakṣi-jagdhaṃ gavā ghrātam avadhūtam avakṣutam dūṣitaṃ keśa-kīṭaiś ca mṛt-prakṣepeṇa śudhyati //

yāvan nāpaity amedhyāktād gandho lepaś ca tatkṛtaḥ
tāvan mṛdvāri cādeyaṃ sarvāsu dravyaśuddhiṣu // Manu_5.126 [= M 5.124]

yāvan na apaity amedhyāktād gandho lepaś ca tat-kṛtaḥ tāvan mṛd-vāri cā adeyaṃ sarvāsu dravyaśuddhiṣu //

trīṇi devāḥ pavitrāṇi brāhmaṇānām akalpayan
adṛṣṭam adbhir nirṇiktaṃ yac ca vācā praśasyate // Manu_5.127 [= M 5.125]

trīṇi devāḥ pavitrāṇi brāhmaṇānām akalpayan adṛṣṭam adbhir nirṇiktaṃ yac ca vācā praśasyate //

āpaḥ śuddhā bhūmigatā vaitṛṣṇyaṃ yāsu gor bhavet
avyāptāś ced amedhyena gandhavarṇarasānvitāḥ // Manu_5.128 [= M 5.126]

āpaḥ śuddhā bhūmigatā vaitṛṣṇyaṃ yāsu gor bhavet avyāptāś ced amedhyena gandha-varṇa-rasa-anvitāḥ //

nityaṃ śuddhaḥ kāruhastaḥ paṇye yac ca prasāritam
brahmacārigataṃ bhaikṣyaṃ nityaṃ medhyam iti sthitiḥ // Manu_5.129 [= M 5.127]

paṇye ] paṇyaṃ (M)

nityaṃ śuddhaḥ kāru-hastaḥ paṇyepaṇyaṃ yac ca prasāritam brahmacārigataṃ bhaikṣyaṃ nityaṃ medhyam iti sthitiḥ //

nityam āsyaṃ śuci strīṇāṃ śakuniḥ phalapātane
prasrave ca śucir vatsaḥ śvā mṛgagrahaṇe śuciḥ // Manu_5.130 [= M 5.128]

nityam āsyaṃ śuci strīṇāṃ śakuniḥ phalapātane prasrave ca śucir vatsaḥ śvā mṛgagrahaṇe śuciḥ //

śvabhir hatasya yan māṃsaṃ śuci tan manur abravīt
kravyādbhiś ca hatasyānyaiś caṇḍālādyaiś ca dasyubhiḥ // Manu_5.131 [= M 5.129]

śvabhir hatasya yan māṃsaṃ śuci tan manur abravīt kravyādbhiś ca hatasya anyaiś caṇḍālādyaiś ca dasyubhiḥ //

ūrdhvaṃ nābher yāni khāni tāni medhyāni sarvaśaḥ
yāny adhas tāny amedhyāni dehāc caiva malāś cyutāḥ // Manu_5.132 [= M 5.130]

ūrdhvaṃ nābher yāni khāni tāni medhyāni sarvaśaḥ yāny adhas tāny amedhyāni dehāc ca eva malāś cyutāḥ //

makṣikā vipruṣaś chāyā gaur aśvaḥ sūryaraśmayaḥ
rajo bhūr vāyur agniś ca sparśe medhyāni nirdiśet // Manu_5.133 [= M 5.131]

makṣikā vipruṣaś chāyā gaur aśvaḥ sūryaraśmayaḥ rajo bhūr vāyur agniś ca sparśe medhyāni nirdiśet //

viṇmūtrotsargaśuddhyarthaṃ mṛdvāry ādeyam arthavat
daihikānāṃ malānāṃ ca śuddhiṣu dvādaśasv api // Manu_5.134 [= M 5.132]

viṇ-mūtra-utsarga-śuddhy-arthaṃ mṛd-vāry ādeyam arthavat daihikānāṃ malānāṃ ca śuddhiṣu dvādaśasv api //

vasā śukram asṛṅ majjā mūtraviṭ ghrāṇakarṇaviṭ
śleśma aśru dūṣikā svedo dvādaśaite nṛṇāṃ malāḥ // Manu_5.135 [= M 5.133]

vasā śukram asṛṅ majjā mūtra-viṭ ghrāṇa-karṇa-viṭ śleśma aśru dūṣikā svedo dvādaśa ete nṛṇāṃ malāḥ //

ekā liṅge gude tisras tathaikatra kare daśa
ubhayoḥ sapta dātavyā mṛdaḥ śuddhim abhīpsatā // Manu_5.136 [= M 5.134]

ekā liṅge gude tisras tatha aikatra kare daśa ubhayoḥ sapta dātavyā mṛdaḥ śuddhim abhīpsatā //

etac chaucaṃ gṛhasthānāṃ dviguṇaṃ brahmacāriṇām
triguṇaṃ syād vanasthānāṃ yatīnāṃ tu caturguṇam // Manu_5.137 [= M 5.135]

etac chaucaṃ gṛhasthānāṃ dviguṇaṃ brahmacāriṇām triguṇaṃ syād vanasthānāṃ yatīnāṃ tu caturguṇam //

kṛtvā mūtraṃ purīṣaṃ vā khāny ācānta upaspṛśet
vedam adhyeṣyamāṇaś ca annam aśnaṃś ca sarvadā // Manu_5.138 [= M 5.136]

kṛtvā mūtraṃ purīṣaṃ vā khāny ācānta upaspṛśet vedam adhyeṣyamāṇaś ca annam aśnaṃś ca sarvadā //

trir ācāmed apaḥ pūrvaṃ dviḥ pramṛjyāt tato mukham
śarīraṃ śaucam icchan hi strī śūdras tu sakṛt sakṛt // Manu_5.139 [= M 5.137]

trir ācāmed apaḥ pūrvaṃ dviḥ pramṛjyāt tato mukham śarīraṃ śaucam icchan hi strī śūdras tu sakṛt sakṛt //

śūdrāṇāṃ māsikaṃ kāryaṃ vapanaṃ nyāyavartinām
vaiśyavac chaucakalpaś ca dvijocchiṣṭaṃ ca bhojanam // Manu_5.140 [= M 5.138]

śūdrāṇāṃ māsikaṃ kāryaṃ vapanaṃ nyāyavartinām vaiśyavac chaucakalpaś ca dvija-ucchiṣṭaṃ ca bhojanam //

nocchiṣṭaṃ kurvate mukhyā vipruṣo 'ṅgaṃ na yānti yāḥ
na śmaśrūṇi gatāny āsyaṃ na dantāntaradhiṣṭhitam // Manu_5.141 [= M 5.139]

na ucchiṣṭaṃ kurvate mukhyā vipruṣo 'ṅgaṃ na yānti yāḥ na śmaśrūṇi gatāny āsyaṃ na dantāntar-adhiṣṭhitam //

spṛśanti bindavaḥ pādau ya ācāmayataḥ parān
bhaumikais te samā jñeyā na tair āprayato bhavet // Manu_5.142 [= M 5.140]

āprayato ] aprayato (M)

spṛśanti bindavaḥ pādau ya ācāmayataḥ parān bhaumikais te samā jñeyā na tair āprayatoaprayato bhavet //

ucchiṣṭena tu saṃspṛṣṭo dravyahastaḥ kathaṃ cana
anidhāyaiva tad dravyam ācāntaḥ śucitām iyāt // Manu_5.143 [= M 5.141]

ucchiṣṭena tu saṃspṛṣṭo dravya-hastaḥ kathaṃ cana anidhāya eva tad dravyam ācāntaḥ śucitām iyāt //

vānto viriktaḥ snātvā tu ghṛtaprāśanam ācaret
ācāmed eva bhuktvānnaṃ snānaṃ maithuninaḥ smṛtam // Manu_5.144 [= M 5.142]

vānto viriktaḥ snātvā tu ghṛtaprāśanam ācaret ācāmed eva bhuktva ānnaṃ snānaṃ maithuninaḥ smṛtam //

suptvā kṣutvā ca bhuktvā ca niṣṭhīvyoktvānṛtāni ca
pītvāpo 'dhyeṣyamāṇaś ca ācāmet prayato 'pi san // Manu_5.145 [= M 5.143]

suptvā kṣutvā ca bhuktvā ca niṣṭhīvya uktva ānṛtāni ca pītva āpo 'dhyeṣyamāṇaś ca ācāmet prayato 'pi san //

eṣāṃ śaucavidhiḥ kṛtsno dravyaśuddhis tathaiva ca
ukto vaḥ sarvavarṇānāṃ strīṇāṃ dharmān nibodhata // Manu_5.146 [= M 5.144]

eṣāṃ ] eṣa (M)

eṣāṃeṣa śaucavidhiḥ kṛtsno dravyaśuddhis tatha aiva ca ukto vaḥ sarvavarṇānāṃ strīṇāṃ dharmān nibodhata //

bālayā vā yuvatyā vā vṛddhayā vāpi yoṣitā
na svātantryeṇa kartavyaṃ kiṃ cid kāryaṃ gṛheṣv api // Manu_5.147 [= M 5.145]

bālayā vā yuvatyā vā vṛddhayā va āpi yoṣitā na svātantryeṇa kartavyaṃ kiṃ cid kāryaṃ gṛheṣv api //

bālye pitur vaśe tiṣṭhet pāṇigrāhasya yauvane
putrāṇāṃ bhartari prete na bhajet strī svatantratām // Manu_5.148 [= M 5.146]

bālye pitur vaśe tiṣṭhet pāṇigrāhasya yauvane putrāṇāṃ bhartari prete na bhajet strī svatantratām //

pitrā bhartrā sutair vāpi necched viraham ātmanaḥ
eṣāṃ hi viraheṇa strī garhye kuryād ubhe kule // Manu_5.149 [= M 5.147]

pitrā bhartrā sutair va āpi na icched viraham ātmanaḥ eṣāṃ hi viraheṇa strī garhye kuryād ubhe kule //

sadā prahṛṣṭayā bhāvyaṃ gṛhakārye ca dakṣayā
susaṃskṛtopaskarayā vyaye cāmuktahastayā // Manu_5.150 [= M 5.148]

sadā prahṛṣṭayā bhāvyaṃ gṛhakārye ca dakṣayā susaṃskṛta-upaskarayā vyaye ca amukta-hastayā //

yasmai dadyāt pitā tv enāṃ bhrātā vānumate pituḥ
taṃ śuśrūṣeta jīvantaṃ saṃsthitaṃ ca na laṅghayet // Manu_5.151 [= M 5.149]

yasmai dadyāt pitā tv enāṃ bhrātā va ānumate pituḥ taṃ śuśrūṣeta jīvantaṃ saṃsthitaṃ ca na laṅghayet //

maṅgalārthaṃ svastyayanaṃ yajñaś cāsāṃ prajāpateḥ
prayujyate vivāhe tu pradānaṃ svāmyakāraṇam // Manu_5.152 [= M 5.150]

maṅgalārthaṃ svastyayanaṃ yajñaś cā asāṃ prajāpateḥ prayujyate vivāhe tu pradānaṃ svāmya-kāraṇam //

anṛtāv ṛtukāle ca mantrasaṃskārakṛt patiḥ
sukhasya nityaṃ dāteha paraloke ca yoṣitaḥ // Manu_5.153 [= M 5.151]

anṛtāv ṛtukāle ca mantra-saṃskārakṛt patiḥ sukhasya nityaṃ dāta īha paraloke ca yoṣitaḥ //

viśīlaḥ kāmavṛtto vā guṇair vā parivarjitaḥ
upacāryaḥ striyā sādhvyā satataṃ devavat patiḥ // Manu_5.154 [= M 5.152]

vi-śīlaḥ kāma-vṛtto vā guṇair vā parivarjitaḥ upacāryaḥ striyā sādhvyā satataṃ devavat patiḥ //

nāsti strīṇāṃ pṛthag yajño na vrataṃ nāpy upoṣaṇam
patiṃ śuśrūṣate yena tena svarge mahīyate // Manu_5.155 [= M 5.153]

upoṣaṇam ] upoṣitam (M)

na asti strīṇāṃ pṛthag yajño na vrataṃ na apy upoṣaṇamupoṣitam patiṃ śuśrūṣate yena tena svarge mahīyate //

pāṇigrāhasya sādhvī strī jīvato vā mṛtasya vā
patilokam abhīpsantī nācaret kiṃ cid apriyam // Manu_5.156 [= M 5.154]

pāṇigrāhasya sādhvī strī jīvato vā mṛtasya vā patilokam abhīpsantī nā acaret kiṃ cid apriyam //

kāmaṃ tu ksapayed dehaṃ puṣpamūlaphalaiḥ śubhaiḥ
na tu nāmāpi gṛhṇīyāt patyau prete parasya tu // Manu_5.157 [= M 5.155]

kāmaṃ tu ksapayed dehaṃ puṣpa-mūla-phalaiḥ śubhaiḥ na tu nāma api gṛhṇīyāt patyau prete parasya tu //

āsītā maraṇāt ksāntā niyatā brahmacāriṇī
yo dharma ekapatnīnāṃ kāṅkṣantī tam anuttamam // Manu_5.158 [= M 5.156]

āsītā a maraṇāt ksāntā niyatā brahmacāriṇī yo dharma ekapatnīnāṃ kāṅkṣantī tam anuttamam //

anekāni sahasrāṇi kumārabrahmacāriṇām
divaṃ gatāni viprāṇām akṛtvā kulasaṃtatim // Manu_5.159 [= M 5.157]

anekāni sahasrāṇi kumāra-brahmacāriṇām divaṃ gatāni viprāṇām akṛtvā kulasaṃtatim //

mṛte bhartari sāḍhvī strī brahmacarye vyavasthitā
svargaṃ gacchaty aputrāpi yathā te brahmacāriṇaḥ // Manu_5.160 [= M 5.158]

mṛte bhartari sāḍhvī strī brahmacarye vyavasthitā svargaṃ gacchaty aputra āpi yathā te brahmacāriṇaḥ //

apatyalobhād yā tu strī bhartāram ativartate
seha nindām avāpnoti paralokāc ca hīyate // Manu_5.161 [= M 5.159]

apatyalobhād yā tu strī bhartāram ativartate sa īha nindām avāpnoti paralokāc ca hīyate //

nānyotpannā prajāstīha na cāpy anyaparigrahe
na dvitīyaś ca sādhvīnāṃ kva cid bhartopadiśyate // Manu_5.162 [= M 5.160]

na cāpy anyaparigrahe ] na cānyasya parigrahe (M)

na anya-utpannā praja āsti iha na ca apy anyaparigrahena ca anyasya parigrahe na dvitīyaś ca sādhvīnāṃ kva cid bharta ūpadiśyate //

patiṃ hitvāpakṛṣṭaṃ svam utkṛṣṭaṃ yā niṣevate
nindyaiva sā bhavel loke parapūrveti cocyate // Manu_5.163 [= M 5.161]

hitvāpakṛṣṭaṃ ] hitvāvakṛṣṭaṃ (M)

patiṃ hitva āpakṛṣṭaṃhitva āvakṛṣṭaṃ svam utkṛṣṭaṃ yā niṣevate nindya aiva sā bhavel loke para-pūrva īti ca ucyate //

vyabhicārāt tu bhartuḥ strī loke prāpnoti nindyatām
śṛgālayoniṃ prāpnoti pāparogaiś ca pīḍyate // Manu_5.164 [= M 5.162]

vyabhicārāt ] vyabhicāre (M)

vyabhicārātvyabhicāre tu bhartuḥ strī loke prāpnoti nindyatām śṛgāla-yoniṃ prāpnoti pāpa-rogaiś ca pīḍyate //

patiṃ yā nābhicarati manovāgdehasaṃyutā
sā bhartṛlokam āpnoti sadbhiḥ sādhvīti cocyate // Manu_5.165 [= M 5.163]

saṃyutā ] saṃyatā (M)

patiṃ yā na abhicarati mano-vāg-dehasaṃyutāsaṃyatā sā bhartṛlokam āpnoti sadbhiḥ sādhvi īti ca ucyate //

anena nārī vṛttena manovāgdehasaṃyatā
ihāgryāṃ kīrtim āpnoti patilokaṃ paratra ca // Manu_5.166 [= M 5.164]

anena nārī vṛttena mano-vāg-dehasaṃyatā iha agryāṃ kīrtim āpnoti patilokaṃ paratra ca //

evaṃ vṛttāṃ savarṇāṃ strīṃ dvijātiḥ pūrvamāriṇīm
dāhayed agnihotreṇa yajñapātraiś ca dharmavit // Manu_5.167 [= M 5.165]

evaṃ vṛttāṃ sa-varṇāṃ strīṃ dvijātiḥ pūrvamāriṇīm dāhayed agnihotreṇa yajñapātraiś ca dharmavit //

bhāryāyai pūrvamāriṇyai dattvāgnīn antyakarmaṇi
punar dārakriyāṃ kuryāt punar ādhānam eva ca // Manu_5.168 [= M 5.166]

bhāryāyai pūrvamāriṇyai dattva āgnīn antyakarmaṇi punar dārakriyāṃ kuryāt punar ādhānam eva ca //

anena vidhinā nityaṃ pañcayajñān na hāpayet
dvitīyam āyuṣo bhāgaṃ kṛtadāro gṛhe vaset // Manu_5.169 [= M 5.167]

anena vidhinā nityaṃ pañcayajñān na hāpayet dvitīyam āyuṣo bhāgaṃ kṛta-dāro gṛhe vaset //

evaṃ gṛhāśrame sthitvā vidhivat snātako dvijaḥ
vane vaset tu niyato yathāvad vijitendriyaḥ // Manu_6.1

evaṃ gṛhāśrame sthitvā vidhivat snātako dvijaḥ vane vaset tu niyato yathāvad vijita-indriyaḥ //

gṛhasthas tu yathā paśyed valīpalitam ātmanaḥ
apatyasyaiva cāpatyaṃ tadāraṇyaṃ samāśrayet // Manu_6.2

gṛhasthas tu yathā paśyed valī-palitam ātmanaḥ apatyasya eva ca apatyaṃ tada āraṇyaṃ samāśrayet //

saṃtyajya grāmyam āhāraṃ sarvaṃ caiva paricchadam
putreṣu bhāryāṃ nikṣipya vanaṃ gacchet sahaiva vā // Manu_6.3

saṃtyajya grāmyam āhāraṃ sarvaṃ ca eva paricchadam putreṣu bhāryāṃ nikṣipya vanaṃ gacchet saha eva vā //

agnihotraṃ samādāya gṛhyaṃ cāgniparicchadam
grāmād araṇyaṃ niḥsṛtya nivasen niyatendriyaḥ // Manu_6.4

niḥsṛtya ] niṣkramya (M)

agnihotraṃ samādāya gṛhyaṃ ca agniparicchadam grāmād araṇyaṃ niḥsṛtyaniṣkramya nivasen niyata-indriyaḥ //

munyannair vividhair medhyaiḥ śākamūlaphalena vā
etān eva mahāyajñān nirvaped vidhipūrvakam // Manu_6.5

muny-annair vividhair medhyaiḥ śāka-mūla-phalena vā etān eva mahāyajñān nirvaped vidhipūrvakam //

vasīta carma cīraṃ vā sāyaṃ snāyāt prage tathā
jaṭāś ca bibhṛyān nityaṃ śmaśrulomanakhāni ca // Manu_6.6

vasīta carma cīraṃ vā sāyaṃ snāyāt prage tathā jaṭāś ca bibhṛyān nityaṃ śmaśru-loma-nakhāni ca //

yadbhakṣyaṃ syād tato dadyād baliṃ bhikṣāṃ ca śaktitaḥ
ammūlaphalabhikṣābhir arcayed āśramāgatān // Manu_6.7

yadbhakṣyaṃ ] yadbhakṣaḥ (M)
āśramāgatān ] āśramāgatam (M)

yad-bhakṣyaṃyadbhakṣaḥ syād tato dadyād baliṃ bhikṣāṃ ca śaktitaḥ am-mūla-phala-bhikṣābhir arcayed āśramāgatānāśramāgatam //

svādhyāye nityayuktaḥ syād dānto maitraḥ samāhitaḥ
dātā nityam anādātā sarvabhūtānukampakaḥ // Manu_6.8

svādhyāye nityayuktaḥ syād dānto maitraḥ samāhitaḥ dātā nityam anādātā sarvabhūtānukampakaḥ //

vaitānikaṃ ca juhuyād agnihotraṃ yathāvidhi
darśam askandayan parva paurṇamāsaṃ ca yogataḥ // Manu_6.9

vaitānikaṃ ca juhuyād agnihotraṃ yathāvidhi darśam askandayan parva paurṇamāsaṃ ca yogataḥ //

ṛkṣeṣṭyāgrayaṇaṃ caiva cāturmāsyāni cāharet
turāyaṇaṃ ca kramaśo dakṣasyāyanam eva ca // Manu_6.10

ṛkṣeṣṭy ] darśeṣṭy (M)
dakṣasyāyanam ] dākṣasyāyanam (K M)

ṛkṣeṣṭydarśeṣṭy-āgrayaṇaṃ ca eva cāturmāsyāni cā aharet turāyaṇaṃ ca kramaśo dakṣasyāyanamdākṣasyāyanam eva ca //

vāsantaśāradair medhyair munyannaiḥ svayam āhṛtaiḥ
puroḍāśāṃś carūṃś caiva vidhivan nirvapet pṛthak // Manu_6.11

vāsanta-śāradair medhyair muny-annaiḥ svayam āhṛtaiḥ puroḍāśāṃś carūṃś ca eva vidhivan nirvapet pṛthak //

devatābhyas tu tad dhutvā vanyaṃ medhyataraṃ haviḥ
śeṣam ātmani yuñjīta lavaṇaṃ ca svayaṃ kṛtam // Manu_6.12

devatābhyas tu tad dhutvā vanyaṃ medhyataraṃ haviḥ śeṣam ātmani yuñjīta lavaṇaṃ ca svayaṃ kṛtam //

sthalajāudakaśākāni puṣpamūlaphalāni ca
medhyavṛkṣodbhavāny adyāt snehāṃś ca phalasaṃbhavān // Manu_6.13

sthalaja-audakaśākāni puṣpa-mūla-phalāni ca medhyavṛkṣa-udbhavāny adyāt snehāṃś ca phala-saṃbhavān //

varjayen madhu māṃsaṃ ca bhaumāni kavakāni ca
bhūstṛṇaṃ śigrukaṃ caiva śleśmātakaphalāni ca // Manu_6.14

varjayen madhu māṃsaṃ ca bhaumāni kavakāni ca bhūstṛṇaṃ śigrukaṃ ca eva śleśmātaka-phalāni ca //

tyajed āśvayuje māsi munyannaṃ pūrvasaṃcitam
jīrṇāni caiva vāsāṃsi śākamūlaphalāni ca // Manu_6.15

tyajed āśvayuje māsi muny-annaṃ pūrvasaṃcitam jīrṇāni ca eva vāsāṃsi śāka-mūla-phalāni ca //

na phālakṛṣṭam aśnīyād utsṛṣṭam api kena cit
na grāmajātāny ārto 'pi mūlāṇi ca phalāni ca // Manu_6.16

mūlāṇi ] puṣpāni (M)

na phālakṛṣṭam aśnīyād utsṛṣṭam api kena cit na grāmajātāny ārto 'pi mūlāṇipuṣpāni ca phalāni ca //

agnipakvāśano vā syāt kālapakvabhug eva vā
aśmakuṭṭo bhaved vāpi dantolūkhaliko 'pi vā // Manu_6.17

agnipakva-aśano vā syāt kālapakvabhug eva vā aśma-kuṭṭo bhaved va āpi danta-ulūkhaliko 'pi vā //

sadyaḥ prakṣālako vā syān māsasaṃcayiko 'pi vā
ṣaṇmāsanicayo vā syāt samānicaya eva vā // Manu_6.18

sadyaḥ prakṣālako vā syān māsa-saṃcayiko 'pi vā ṣaṇmāsa-nicayo vā syāt samā-nicaya eva vā //

naktaṃ cānnaṃ samaśnīyād divā vāhṛtya śaktitaḥ
caturthakāliko vā syāt syād vāpy aṣṭamakālikaḥ // Manu_6.19

naktaṃ ca annaṃ samaśnīyād divā vā āhṛtya śaktitaḥ caturthakāliko vā syāt syād va āpy aṣṭama-kālikaḥ //

cāndrāyaṇavidhānair vā śuklakṛṣṇe ca vartayet
pakṣāntayor vāpy aśnīyād yavāgūṃ kvathitāṃ sakṛt // Manu_6.20

cāndrāyaṇavidhānair vā śukla-kṛṣṇe ca vartayet pakṣāntayor va āpy aśnīyād yavāgūṃ kvathitāṃ sakṛt //

puṣpamūlaphalair vāpi kevalair vartayet sadā
kālapakvaiḥ svayaṃ śīrṇair vaikhānasamate sthitaḥ // Manu_6.21

puṣpa-mūla-phalair va āpi kevalair vartayet sadā kālapakvaiḥ svayaṃ śīrṇair vaikhānasamate sthitaḥ //

bhūmau viparivarteta tiṣṭhed vā prapadair dinam
sthānāsanābhyāṃ viharet savaneṣūpayann apaḥ // Manu_6.22

bhūmau viparivarteta tiṣṭhed vā prapadair dinam sthāna-āsanābhyāṃ viharet savaneṣu upayann apaḥ //

grīṣme pañcatapās tu syād varṣāsv abhrāvakāśikaḥ
ārdravāsās tu hemante kramaśo vardhayaṃs tapaḥ // Manu_6.23

grīṣme pañca-tapās tu syād varṣāsv abhra-avakāśikaḥ ārdra-vāsās tu hemante kramaśo vardhayaṃs tapaḥ //

upaspṛśaṃs triṣavaṇaṃ pitṝn devāṃś ca tarpayet
tapaś caraṃś cogrataraṃ śoṣayed deham ātmanaḥ // Manu_6.24

upaspṛśaṃs triṣavaṇaṃ pitṝn devāṃś ca tarpayet tapaś caraṃś ca ugrataraṃ śoṣayed deham ātmanaḥ //

agnīn ātmani vaitānān samāropya yathāvidhi
anagnir aniketaḥ syān munir mūlaphalāśanaḥ // Manu_6.25

agnīn ātmani vaitānān samāropya yathāvidhi anagnir aniketaḥ syān munir mūla-phala-aśanaḥ //

aprayatnaḥ sukhārtheṣu brahmacārī dharāśayaḥ
śaraṇeṣv amamaś caiva vṛkṣamūlaniketanaḥ // Manu_6.26

aprayatnaḥ sukhārtheṣu brahmacārī dharā-āśayaḥ śaraṇeṣv amamaś ca eva vṛkṣamūla-niketanaḥ //

tāpaseṣv eva vipreṣu yātrikaṃ bhaikṣam āharet
gṛhamedhiṣu cānyeṣu dvijeṣu vanavāsiṣu // Manu_6.27

tāpaseṣv eva vipreṣu yātrikaṃ bhaikṣam āharet gṛhamedhiṣu ca anyeṣu dvijeṣu vanavāsiṣu //

grāmād āhṛtya vāśnīyād aṣṭau grāsān vane vasan
pratigṛhya puṭenaiva pāṇinā śakalena vā // Manu_6.28

grāmād āhṛtya va āśnīyād aṣṭau grāsān vane vasan pratigṛhya puṭena eva pāṇinā śakalena vā //

etāś cānyāś ca seveta dīkṣā vipro vane vasan
vividhāś cāupaniṣadīr ātmasaṃsiddhaye śrutīḥ // Manu_6.29

etāś ca anyāś ca seveta dīkṣā vipro vane vasan vividhāś ca aupaniṣadīr ātmasaṃsiddhaye śrutīḥ //

ṛṣibhir brāhmaṇaiś caiva gṛhasthair eva sevitāḥ
vidyātapovivṛddhyarthaṃ śarīrasya ca śuddhaye // Manu_6.30

ṛṣibhir brāhmaṇaiś ca eva gṛhasthair eva sevitāḥ vidyā-tapo-vivṛddhyarthaṃ śarīrasya ca śuddhaye //

aparājitāṃ vāsthāya vrajed diśam ajihmagaḥ
ā nipātāc charīrasya yukto vāryanilāśanaḥ // Manu_6.31

aparājitāṃ vā āsthāya vrajed diśam ajihmagaḥ ā nipātāc charīrasya yukto vāry-anila-aśanaḥ //

āsāṃ maharṣicaryāṇāṃ tyaktvānyatamayā tanum
vītaśokabhayo vipro brahmaloke mahīyate // Manu_6.32

āsāṃ maharṣicaryāṇāṃ tyaktva ānyatamayā tanum vīta-śoka-bhayo vipro brahmaloke mahīyate //

vaneṣu ca vihṛtyaivaṃ tṛtīyaṃ bhāgam āyuṣaḥ
caturtham āyuṣo bhāgaṃ tyakvā saṅgān parivrajet // Manu_6.33

vaneṣu ca vihṛtya evaṃ tṛtīyaṃ bhāgam āyuṣaḥ caturtham āyuṣo bhāgaṃ tyakvā saṅgān parivrajet //

āśramād āśramaṃ gatvā hutahomo jitendriyaḥ
bhikṣābalipariśrāntaḥ pravrajan pretya vardhate // Manu_6.34

āśramād āśramaṃ gatvā huta-homo jita-indriyaḥ bhikṣā-bali-pariśrāntaḥ pravrajan pretya vardhate //

ṛṇāni trīṇy apākṛtya mano mokṣe niveśayet
anapākṛtya mokṣaṃ tu sevamāno vrajaty adhaḥ // Manu_6.35

ṛṇāni trīṇy apākṛtya mano mokṣe niveśayet anapākṛtya mokṣaṃ tu sevamāno vrajaty adhaḥ //

adhītya vidhivad vedān putrāṃś cotpādya dharmataḥ
iṣṭvā ca śaktito yajñair mano mokṣe niveśayet // Manu_6.36

adhītya vidhivad vedān putrāṃś ca utpādya dharmataḥ iṣṭvā ca śaktito yajñair mano mokṣe niveśayet //

anadhītya dvijo vedān anutpādya tathā sutān
aniṣṭvā caiva yajñaiś ca mokṣam icchan vrajaty adhaḥ // Manu_6.37

sutān ] prajām (M)

anadhītya dvijo vedān anutpādya tathā sutānprajām aniṣṭvā ca eva yajñaiś ca mokṣam icchan vrajaty adhaḥ //

prājāpatyaṃ nirupyeṣṭiṃ sarvavedasadakṣiṇām
ātmany agnīn samāropya brāhmaṇaḥ pravrajed gṛhāt // Manu_6.38

sarva ] sārva (M)

prājāpatyaṃ nirupya iṣṭiṃ sarvasārvavedasa-dakṣiṇām ātmany agnīn samāropya brāhmaṇaḥ pravrajed gṛhāt //

yo dattvā sarvabhūtebhyaḥ pravrajaty abhayaṃ gṛhāt
tasya tejomayā lokā bhavanti brahmavādinaḥ // Manu_6.39

yo dattvā sarvabhūtebhyaḥ pravrajaty abhayaṃ gṛhāt tasya tejomayā lokā bhavanti brahmavādinaḥ //

yasmād aṇv api bhūtānāṃ dvijān notpadyate bhayam
tasya dehād vimuktasya bhayaṃ nāsti kutaś cana // Manu_6.40

yasmād aṇv api bhūtānāṃ dvijān na utpadyate bhayam tasya dehād vimuktasya bhayaṃ na asti kutaś cana //

agārād abhiniṣkrāntaḥ pavitropacito muniḥ
samupoḍheṣu kāmeṣu nirapekṣaḥ parivrajet // Manu_6.41

agārād abhiniṣkrāntaḥ pavitra-upacito muniḥ samupoḍheṣu kāmeṣu nir-apekṣaḥ parivrajet //

eka eva caren nityaṃ siddhyartham asahāyavān
siddhim ekasya saṃpaśyan na jahāti na hīyate // Manu_6.42

siddhim ] siddham (M)

eka eva caren nityaṃ siddhyartham asahāyavān siddhimsiddham ekasya saṃpaśyan na jahāti na hīyate //

anagnir aniketaḥ syād grāmam annārtham āśrayet
upekṣako 'saṃkusuko munir bhāvasamāhitaḥ // Manu_6.43

'saṃkusuko ] asāṃkusuko (M)

anagnir aniketaḥ syād grāmam annārtham āśrayet upekṣako 'saṃkusukoa-sāṃkusuko munir bhāvasamāhitaḥ //

kapālaṃ vṛkṣamūlāni kucelam asahāyatā
samatā caiva sarvasminn etan muktasya lakṣaṇam // Manu_6.44

kucelam ] kucailam (M)

kapālaṃ vṛkṣamūlāni kucelamkucailam asahāyatā samatā ca eva sarvasminn etan muktasya lakṣaṇam //

nābhinandeta maraṇaṃ nābhinandeta jīvitam
kālam eva pratīkṣeta nirveśaṃ bhṛtako yathā // Manu_6.45

na abhinandeta maraṇaṃ na abhinandeta jīvitam kālam eva pratīkṣeta nirveśaṃ bhṛtako yathā //

dṛṣṭipūtaṃ nyaset pādaṃ vastrapūtaṃ jalaṃ pibet
satyapūtāṃ vaded vācaṃ manaḥpūtaṃ samācaret // Manu_6.46

dṛṣṭipūtaṃ nyaset pādaṃ vastrapūtaṃ jalaṃ pibet satyapūtāṃ vaded vācaṃ manaḥpūtaṃ samācaret //

ativādāṃs titikṣeta nāvamanyeta kaṃ cana
na cemaṃ deham āśritya vairaṃ kurvīta kena cit // Manu_6.47

ativādāṃs titikṣeta na avamanyeta kaṃ cana na ca imaṃ deham āśritya vairaṃ kurvīta kena cit //

kruddhyantaṃ na pratikrudhyed ākruṣṭaḥ kuśalaṃ vadet
saptadvārāvakīrṇāṃ ca na vācam anṛtāṃ vadet // Manu_6.48

kruddhyantaṃ na pratikrudhyed ākruṣṭaḥ kuśalaṃ vadet saptadvārāvakīrṇāṃ ca na vācam anṛtāṃ vadet //

adhyātmaratir āsīno nirapekṣo nirāmiṣaḥ
ātmanaiva sahāyena sukhārthī vicared iha // Manu_6.49

adhyātma-ratir āsīno nir-apekṣo nir-āmiṣaḥ ātmana aiva sahāyena sukhārthī vicared iha //

na cotpātanimittābhyāṃ na nakṣatrāṅgavidyayā
nānuśāsanavādābhyāṃ bhikṣāṃ lipseta karhi cit // Manu_6.50

na ca utpāta-nimittābhyāṃ na nakṣatra-aṅgavidyayā na anuśāsana-vādābhyāṃ bhikṣāṃ lipseta karhi cit //

na tāpasair brāhmaṇair vā vayobhir api vā śvabhiḥ
ākīrṇaṃ bhikṣukair vānyair agāram upasaṃvrajet // Manu_6.51

na tāpasair brāhmaṇair vā vayobhir api vā śvabhiḥ ākīrṇaṃ bhikṣukair va ānyair agāram upasaṃvrajet //

kḷptakeśanakhaśmaśruḥ pātrī daṇḍī kusumbhavān
vicaren niyato nityaṃ sarvabhūtāny apīḍayan // Manu_6.52

kḷpta-keśa-nakha-śmaśruḥ pātrī daṇḍī kusumbhavān vicaren niyato nityaṃ sarvabhūtāny apīḍayan //

ataijasāni pātrāṇi tasya syur nirvraṇāni ca
teṣām adbhiḥ smṛtaṃ śaucaṃ camasānām ivādhvare // Manu_6.53

ataijasāni pātrāṇi tasya syur nir-vraṇāni ca teṣām adbhiḥ smṛtaṃ śaucaṃ camasānām iva adhvare //

alābuṃ dārupātraṃ ca mṛṇmayaṃ vaidalaṃ tathā
etāṇi yatipātrāṇi manuḥ svāyaṃbhuvo 'bravīt // Manu_6.54

alābuṃ dārupātraṃ ca mṛṇmayaṃ vaidalaṃ tathā etāṇi yatipātrāṇi manuḥ svāyaṃbhuvo 'bravīt //

ekakālaṃ cared bhaikṣaṃ na prasajjeta vistare
bhaikṣe prasakto hi yatir viṣayeṣv api sajjati // Manu_6.55

ekakālaṃ cared bhaikṣaṃ na prasajjeta vistare bhaikṣe prasakto hi yatir viṣayeṣv api sajjati //

vidhūme sannamusale vyaṅgāre bhuktavajjane
vṛtte śarāvasaṃpāte bhikṣāṃ nityaṃ yatiś caret // Manu_6.56

vi-dhūme sanna-musale vy-aṅgāre bhuktavaj-jane vṛtte śarāvasaṃpāte bhikṣāṃ nityaṃ yatiś caret //

alābhe na viṣadī syāl lābhe caiva na harṣayet
prāṇayātrikamātraḥ syān mātrāsaṅgād vinirgataḥ // Manu_6.57

alābhe na viṣadī syāl lābhe ca eva na harṣayet prāṇayātrika-mātraḥ syān mātrāsaṅgād vinirgataḥ //

abhipūjitalābhāṃs tu jugupsetaiva sarvaśaḥ
abhipūjitalābhaiś ca yatir mukto 'pi badhyate // Manu_6.58

abhipūjitalābhāṃs tu jugupseta eva sarvaśaḥ abhipūjitalābhaiś ca yatir mukto 'pi badhyate //

alpānnābhyavahāreṇa rahaḥsthānāsanena ca
hriyamāṇāni viṣayair indriyāṇi nivartayet // Manu_6.59

alpānnābhyavahāreṇa rahaḥsthāna-āsanena ca hriyamāṇāni viṣayair indriyāṇi nivartayet //

indriyāṇāṃ nirodhena rāgadveśakṣayeṇa ca
ahiṃsayā ca bhūtānām amṛtatvāya kalpate // Manu_6.60

indriyāṇāṃ nirodhena rāga-dveśa-kṣayeṇa ca ahiṃsayā ca bhūtānām amṛtatvāya kalpate //

avekṣeta gatīr nṝṇāṃ karmadoṣasamudbhavāḥ
niraye caiva patanaṃ yātanāś ca yamakṣaye // Manu_6.61

avekṣeta gatīr nṝṇāṃ karmadoṣa-samudbhavāḥ niraye ca eva patanaṃ yātanāś ca yamakṣaye //

viprayogaṃ priyaiś caiva saṃyogaṃ ca tathāpriyaiḥ
jarayā cābhibhavanaṃ vyādhibhiś copapīḍanaṃ // Manu_6.62

viprayogaṃ priyaiś ca eva saṃyogaṃ ca tatha āpriyaiḥ jarayā ca abhibhavanaṃ vyādhibhiś ca upapīḍanaṃ //

dehād utkramaṇaṃ cāṣmāt punar garbhe ca saṃbhavam
yonikoṭisahasreṣu sṛtīś cāsyāntarātmanaḥ // Manu_6.63

dehād utkramaṇaṃ ca aṣmāt punar garbhe ca saṃbhavam yonikoṭisahasreṣu sṛtīś ca asya antarātmanaḥ //

adharmaprabhavaṃ caiva duḥkhayogaṃ śarīriṇām
dharmārthaprabhavaṃ caiva sukhasaṃyogam akṣayam // Manu_6.64

adharma-prabhavaṃ ca eva duḥkhayogaṃ śarīriṇām dharmārtha-prabhavaṃ ca eva sukhasaṃyogam akṣayam //

sūkṣmatāṃ cānvavekṣeta yogena paramātmanaḥ
deheṣu ca samutpattim uttameṣv adhameṣu ca // Manu_6.65

ca samutpattim ] caivopapattim (M)

sūkṣmatāṃ ca anvavekṣeta yogena paramātmanaḥ deheṣu ca samutpattimcaivopapattim uttameṣv adhameṣu ca //

dūṣito 'pi cared dharmaṃ yatra tatrāśrame rataḥ
samaḥ sarveṣu bhūteṣu na liṅgaṃ dharmakāraṇam // Manu_6.66

dūṣito ] bhūṣito (M)

dūṣitobhūṣito 'pi cared dharmaṃ yatra tatrā aśrame rataḥ samaḥ sarveṣu bhūteṣu na liṅgaṃ dharmakāraṇam //

phalaṃ katakavṛkṣasya yady apy ambuprasādakam
na nāmagrahaṇād eva tasya vāri prasīdati // Manu_6.67

phalaṃ katakavṛkṣasya yady apy ambuprasādakam na nāmagrahaṇād eva tasya vāri prasīdati //

saṃrakṣaṇārthaṃ jantūnāṃ rātrāv ahani vā sadā
śarīrasyātyaye caiva samīkṣya vasudhāṃ caret // Manu_6.68

saṃrakṣaṇārthaṃ jantūnāṃ rātrāv ahani vā sadā śarīrasya atyaye ca eva samīkṣya vasudhāṃ caret //

ahnā rātryā ca yāñ jantūn hinasty ajñānato yatiḥ
teṣāṃ snātvā viśuddhyarthaṃ prāṇāyāmān ṣaḍ ācaret // Manu_6.69

ahnā rātryā ca yāñ jantūn hinasty ajñānato yatiḥ teṣāṃ snātvā viśuddhyarthaṃ prāṇāyāmān ṣaḍ ācaret //

prāṇāyāmā brāhmaṇasya trayo 'pi vidhivat kṛtāḥ
vyāhṛtipraṇavair yuktā vijñeyaṃ paramaṃ tapaḥ // Manu_6.70

prāṇāyāmā brāhmaṇasya trayo 'pi vidhivat kṛtāḥ vyāhṛti-praṇavair yuktā vijñeyaṃ paramaṃ tapaḥ //

dahyante dhmāyamānānāṃ dhātūnāṃ hi yathā malāḥ
tathendriyāṇāṃ dahyante doṣāḥ prāṇasya nigrahāt // Manu_6.71

dahyante dhmāyamānānāṃ dhātūnāṃ hi yathā malāḥ tatha īndriyāṇāṃ dahyante doṣāḥ prāṇasya nigrahāt //

prāṇāyamair dahed doṣān dhāraṇābhiś ca kilbiṣam
pratyāhāreṇa saṃsargān dhyānenānīśvarān guṇān // Manu_6.72

prāṇāyamair dahed doṣān dhāraṇābhiś ca kilbiṣam pratyāhāreṇa saṃsargān dhyānena anīśvarān guṇān //

uccāvaceṣu bhūteṣu durjñeyām akṛtātmabhiḥ
dhyānayogena saṃpaśyed gatim asyāntarātmanaḥ // Manu_6.73

uccāvaceṣu bhūteṣu durjñeyām akṛta-ātmabhiḥ dhyānayogena saṃpaśyed gatim asya antarātmanaḥ //

samyagdarśanasaṃpannaḥ karmabhir na nibadhyate
darśanena vihīnas tu saṃsāraṃ pratipadyate // Manu_6.74

samyagdarśanasaṃpannaḥ karmabhir na nibadhyate darśanena vihīnas tu saṃsāraṃ pratipadyate //

ahiṃsayendriyāsaṅgair vaidikaiś caiva karmabhiḥ
tapasaś caraṇaiś cograiḥ sādhayantīha tatpadam // Manu_6.75

ahiṃsaya īndriya-asaṅgair vaidikaiś ca eva karmabhiḥ tapasaś caraṇaiś ca ugraiḥ sādhayanti iha tatpadam //

asthisthūṇaṃ snāyuyutaṃ māṃsaśoṇitalepanam
carmāvanaddhaṃ durgandhi pūrṇaṃ mūtrapurīṣayoḥ // Manu_6.76

asthi-sthūṇaṃ snāyuyutaṃ māṃsa-śoṇita-lepanam carmāvanaddhaṃ dur-gandhi pūrṇaṃ mūtra-purīṣayoḥ //

jarāśokasamāviṣṭaṃ rogāyatanam āturam
rajasvalam anityaṃ ca bhūtāvāsam imaṃ tyajet // Manu_6.77

jarā-śokasamāviṣṭaṃ rogāyatanam āturam rajasvalam anityaṃ ca bhūtāvāsam imaṃ tyajet //

nadīkūlaṃ yathā vṛkṣo vṛkṣaṃ vā śakunir yathā
tathā tyajann imaṃ dehaṃ kṛcchrād grāhād vimucyate // Manu_6.78

nadīkūlaṃ yathā vṛkṣo vṛkṣaṃ vā śakunir yathā tathā tyajann imaṃ dehaṃ kṛcchrād grāhād vimucyate //

priyeṣu sveṣu sukṛtam apriyeṣu ca duṣkṛtam
visṛjya dhyānayogena brahmābhyeti sanātanam // Manu_6.79

priyeṣu sveṣu sukṛtam apriyeṣu ca duṣkṛtam visṛjya dhyānayogena brahma abhyeti sanātanam //

yadā bhāvena bhavati sarvabhāveṣu niḥspṛhaḥ
tadā sukham avāpnoti pretya ceha ca śāśvatam // Manu_6.80

yadā bhāvena bhavati sarvabhāveṣu niḥspṛhaḥ tadā sukham avāpnoti pretya ca iha ca śāśvatam //

anena vidhinā sarvāṃs tyaktvā saṅgāñ śanaiḥ śanaiḥ
sarvadvandvavinirmukto brahmaṇy evāvatiṣṭhate // Manu_6.81

anena vidhinā sarvāṃs tyaktvā saṅgāñ śanaiḥ śanaiḥ sarvadvandvavinirmukto brahmaṇy eva avatiṣṭhate //

dhyānikaṃ sarvam evaitad yad etad abhiśabditam
na hy anadhyātmavit kaś cit kriyāphalam upāśnute // Manu_6.82

dhyānikaṃ sarvam eva etad yad etad abhiśabditam na hy anadhyātmavit kaś cit kriyāphalam upāśnute //

adhiyajñaṃ brahma japed ādhidaivikam eva ca
ādhyātmikaṃ ca satataṃ vedāntābhihitaṃ ca yat // Manu_6.83

adhiyajñaṃ brahma japed ādhidaivikam eva ca ādhyātmikaṃ ca satataṃ vedāntābhihitaṃ ca yat //

idaṃ śaraṇam ajñānām idam eva vijānatām
idam anvicchatāṃ svargam idam ānantyam icchatām // Manu_6.84

idaṃ śaraṇam ajñānām idam eva vijānatām idam anvicchatāṃ svargam idam ānantyam icchatām //

anena kramayogena parivrajati yo dvijaḥ
sa vidhūyeha pāpmānaṃ paraṃ brahmādhigacchati // Manu_6.85

anena kramayogena parivrajati yo dvijaḥ sa vidhūya iha pāpmānaṃ paraṃ brahma adhigacchati //

eṣa dharmo 'nuśiṣṭo vo yatīnāṃ niyatātmanām
vedasaṃnyāsikānāṃ tu karmayogaṃ nibodhata // Manu_6.86

eṣa dharmo 'nuśiṣṭo vo yatīnāṃ niyata-ātmanām vedasaṃnyāsikānāṃ tu karmayogaṃ nibodhata //

brahmacārī gṛhasthaś ca vānaprastho yatis tathā
ete gṛhasthaprabhavāś catvāraḥ pṛthag āśramāḥ // Manu_6.87

brahmacārī gṛhasthaś ca vānaprastho yatis tathā ete gṛhastha-prabhavāś catvāraḥ pṛthag āśramāḥ //

sarve 'pi kramaśas tv ete yathāśāstraṃ niṣevitāḥ
yathoktakāriṇaṃ vipraṃ nayanti paramāṃ gatim // Manu_6.88

sarve 'pi kramaśas tv ete yathāśāstraṃ niṣevitāḥ yathā-ukta-kāriṇaṃ vipraṃ nayanti paramāṃ gatim //

sarveṣām api caiteṣāṃ vedasmṛtividhānataḥ
gṛhastha ucyate śreṣṭhaḥ sa trīn etān bibharti hi // Manu_6.89

smṛti ] śruti (M)

sarveṣām api ca eteṣāṃ veda-smṛtiśrutividhānataḥ gṛhastha ucyate śreṣṭhaḥ sa trīn etān bibharti hi //

yathā nadīnadāḥ sarve sāgare yānti saṃsthitim
tathaivāśramiṇaḥ sarve gṛhasthe yānti saṃsthitim // Manu_6.90

yathā nadī-nadāḥ sarve sāgare yānti saṃsthitim tatha aivā aśramiṇaḥ sarve gṛhasthe yānti saṃsthitim //

caturbhir api caivaitair nityam āśramibhir dvijaiḥ
daśalakṣaṇako dharmaḥ sevitavyaḥ prayatnataḥ // Manu_6.91

caturbhir api ca eva etair nityam āśramibhir dvijaiḥ daśa-lakṣaṇako dharmaḥ sevitavyaḥ prayatnataḥ //

dhṛtiḥ kṣamā damo 'steyaṃ śaucam indriyanigrahaḥ
dhīr vidyā satyam akrodho daśakaṃ dharmalakṣaṇam // Manu_6.92

dhṛtiḥ kṣamā damo 'steyaṃ śaucam indriyanigrahaḥ dhīr vidyā satyam akrodho daśakaṃ dharmalakṣaṇam //

daśa lakṣaṇāni dharmasya ye viprāḥ samadhīyate
adhītya cānuvartante te yānti paramāṃ gatim // Manu_6.93

daśa lakṣaṇāni dharmasya ye viprāḥ samadhīyate adhītya ca anuvartante te yānti paramāṃ gatim //

daśalakṣaṇakaṃ dharmam anutiṣṭhan samāhitaḥ
vedāntaṃ vidhivac chrutvā saṃnyased anṛṇo dvijaḥ // Manu_6.94

daśa-lakṣaṇakaṃ dharmam anutiṣṭhan samāhitaḥ vedāntaṃ vidhivac chrutvā saṃnyased anṛṇo dvijaḥ //

saṃnyasya sarvakarmāṇi karmadoṣān apānudan
niyato vedam abhyasya putraiśvarye sukhaṃ vaset // Manu_6.95

saṃnyasya sarvakarmāṇi karmadoṣān apānudan niyato vedam abhyasya putraiśvarye sukhaṃ vaset //

evaṃ saṃnyasya karmāṇi svakāryaparamo 'spṛhaḥ
saṃnyāsenāpahatyainaḥ prāpnoti paramaṃ gatim // Manu_6.96

evaṃ saṃnyasya karmāṇi svakārya-paramo 'spṛhaḥ saṃnyāsena apahatya enaḥ prāpnoti paramaṃ gatim //

eṣa vo 'bhihito dharmo brāhmaṇasya caturvidhaḥ
puṇyo 'kṣayaphalaḥ pretya rājñāṃ dharmaṃ nibodhata // Manu_6.97

eṣa vo 'bhihito dharmo brāhmaṇasya catur-vidhaḥ puṇyo 'kṣaya-phalaḥ pretya rājñāṃ dharmaṃ nibodhata //

rājadharmān pravakṣyāmi yathāvṛtto bhaven nṛpaḥ
saṃbhavaś ca yathā tasya siddhiś ca paramā yathā // Manu_7.1

rājadharmān pravakṣyāmi yathāvṛtto bhaven nṛpaḥ saṃbhavaś ca yathā tasya siddhiś ca paramā yathā //

brāhmaṃ prāptena saṃskāraṃ kṣatriyeṇa yathāvidhi
sarvasyāsya yathānyāyaṃ kartavyaṃ parirakṣaṇam // Manu_7.2

brāhmaṃ prāptena saṃskāraṃ kṣatriyeṇa yathāvidhi sarvasya asya yathānyāyaṃ kartavyaṃ parirakṣaṇam //

arājake hi loke 'smin sarvato vidruto bhayāt
rakṣārtham asya sarvasya rājānam asṛjat prabhuḥ // Manu_7.3

arājake hi loke 'smin sarvato vidruto bhayāt rakṣārtham asya sarvasya rājānam asṛjat prabhuḥ //

indrānilayamārkāṇām agneś ca varuṇasya ca
candravitteśayoś caiva mātrā nirhṛtya śāśvatīḥ // Manu_7.4

indra-anila-yama-arkāṇām agneś ca varuṇasya ca candra-vitteśayoś ca eva mātrā nirhṛtya śāśvatīḥ //

yasmād eṣāṃ surendrāṇāṃ mātrābhyo nirmito nṛpaḥ
tasmād abhibhavaty eṣa sarvabhūtāni tejasā // Manu_7.5

yasmād eṣāṃ surendrāṇāṃ mātrābhyo nirmito nṛpaḥ tasmād abhibhavaty eṣa sarvabhūtāni tejasā //

tapaty ādityavac caiṣa cakṣūṃṣi ca manāṃsi ca
na cainaṃ bhuvi śaknoti kaś cid apy abhivīkṣitum // Manu_7.6

tapaty ādityavac ca eṣa cakṣūṃṣi ca manāṃsi ca na ca enaṃ bhuvi śaknoti kaś cid apy abhivīkṣitum //

so 'gnir bhavati vāyuś ca so 'rkaḥ somaḥ sa dharmarāṭ
sa kuberaḥ sa varuṇaḥ sa mahendraḥ prabhāvataḥ // Manu_7.7

mahendraḥ prabhāvataḥ ] cendraḥ svaprabhāvataḥ (M)

so 'gnir bhavati vāyuś ca so 'rkaḥ somaḥ sa dharmarāṭ sa kuberaḥ sa varuṇaḥ sa mahendraḥ prabhāvataḥca indraḥ svaprabhāvataḥ //

bālo 'pi nāvamāntavyo manuṣya iti bhūmipaḥ
mahatī devatā hy eṣā nararūpeṇa tiṣṭhati // Manu_7.8

bālo 'pi na avamāntavyo manuṣya iti bhūmipaḥ mahatī devatā hy eṣā nararūpeṇa tiṣṭhati //

ekam eva dahaty agnir naraṃ durupasarpiṇam
kulaṃ dahati rājāgniḥ sapaśudravyasaṃcayam // Manu_7.9

ekam eva dahaty agnir naraṃ durupasarpiṇam kulaṃ dahati rāja āgniḥ sa-paśu-dravyasaṃcayam //

kāryaṃ so 'vekṣya śaktiṃ ca deśakālau ca tattvataḥ
kurute dharmasiddhyarthaṃ viśvarūpaṃ punaḥ punaḥ // Manu_7.10

kāryaṃ so 'vekṣya śaktiṃ ca deśa-kālau ca tattvataḥ kurute dharmasiddhyarthaṃ viśvarūpaṃ punaḥ punaḥ //

yasya prasāde padmā śrīr vijayaś ca parākrame
mṛtyuś ca vasati krodhe sarvatejomayo hi saḥ // Manu_7.11

yasya prasāde padmā śrīr vijayaś ca parākrame mṛtyuś ca vasati krodhe sarvatejomayo hi saḥ //

taṃ yas tu dveṣṭi saṃmohāt sa vinaśyaty asaṃśayam
tasya hy āśu vināśāya rājā prakurute manaḥ // Manu_7.12

taṃ yas tu dveṣṭi saṃmohāt sa vinaśyaty asaṃśayam tasya hy āśu vināśāya rājā prakurute manaḥ //

tasmād dharmaṃ yam iṣṭeṣu sa vyavasyen narādhipaḥ
aniṣṭaṃ cāpy aniṣṭeṣu taṃ dharmaṃ na vicālayet // Manu_7.13

tasmād dharmaṃ yam iṣṭeṣu sa vyavasyen narādhipaḥ aniṣṭaṃ ca apy aniṣṭeṣu taṃ dharmaṃ na vicālayet //

tasyārthe sarvabhūtānāṃ goptāraṃ dharmam ātmajam
brahmatejomayaṃ daṇḍam asṛjat pūrvam īśvaraḥ // Manu_7.14

tasyārthe ] tadarthaṃ (M)

tasyārthetadarthaṃ sarvabhūtānāṃ goptāraṃ dharmam ātmajam brahmatejomayaṃ daṇḍam asṛjat pūrvam īśvaraḥ //

tasya sarvāṇi bhūtāni sthāvarāṇi carāṇi ca
bhayād bhogāya kalpante svadharmān na calanti ca // Manu_7.15

tasya sarvāṇi bhūtāni sthāvarāṇi carāṇi ca bhayād bhogāya kalpante svadharmān na calanti ca //

taṃ deśakālau śaktiṃ ca vidyāṃ cāvekṣya tattvataḥ
yathārhataḥ saṃpraṇayen nareṣv anyāyavartiṣu // Manu_7.16

taṃ deśa-kālau śaktiṃ ca vidyāṃ ca avekṣya tattvataḥ yathārhataḥ saṃpraṇayen nareṣv anyāya-vartiṣu //

sa rājā puruṣo daṇḍaḥ sa netā śāsitā ca saḥ
caturṇām āśramāṇāṃ ca dharmasya pratibhūḥ smṛtaḥ // Manu_7.17

sa rājā puruṣo daṇḍaḥ sa netā śāsitā ca saḥ caturṇām āśramāṇāṃ ca dharmasya pratibhūḥ smṛtaḥ //

daṇḍaḥ śāsti prajāḥ sarvā daṇḍa evābhirakṣati
daṇḍaḥ supteṣu jāgarti daṇḍaṃ dharmaṃ vidur budhāḥ // Manu_7.18

daṇḍaḥ śāsti prajāḥ sarvā daṇḍa eva abhirakṣati daṇḍaḥ supteṣu jāgarti daṇḍaṃ dharmaṃ vidur budhāḥ //

samīkṣya sa dhṛtaḥ samyak sarvā rañjayati prajāḥ
asamīkṣya praṇītas tu vināśayati sarvataḥ // Manu_7.19

samīkṣya sa dhṛtaḥ samyak sarvā rañjayati prajāḥ asamīkṣya praṇītas tu vināśayati sarvataḥ //

yadi na praṇayed rājā daṇḍaṃ daṇḍyeṣv atandritaḥ
śūle matsyān ivāpakṣyan durbalān balavattarāḥ // Manu_7.20

yadi na praṇayed rājā daṇḍaṃ daṇḍyeṣv atandritaḥ śūle matsyān iva apakṣyan durbalān balavattarāḥ //

adyāt kākaḥ puroḍāśaṃ śvā ca lihyād dhavis tathā
svāmyaṃ ca na syāt kasmiṃś cit pravartetādharottaram // Manu_7.21

śvā ca lihyād ] śvāvalihyād (M)

adyāt kākaḥ puroḍāśaṃ śvā ca lihyādśva āvalihyād dhavis tathā svāmyaṃ ca na syāt kasmiṃś cit pravarteta adhara-uttaram //

sarvo daṇḍajito loko durlabho hi śucir naraḥ
daṇḍasya hi bhayāt sarvaṃ jagad bhogāya kalpate // Manu_7.22

sarvo daṇḍajito loko durlabho hi śucir naraḥ daṇḍasya hi bhayāt sarvaṃ jagad bhogāya kalpate //

devadānavagandharvā rakṣāṃsi patagoragāḥ
te 'pi bhogāya kalpante daṇḍenaiva nipīḍitāḥ // Manu_7.23

deva-dānava-gandharvā rakṣāṃsi pataga-uragāḥ te 'pi bhogāya kalpante daṇḍena eva nipīḍitāḥ //

duṣyeyuḥ sarvavarṇāś ca bhidyeran sarvasetavaḥ
sarvalokaprakopaś ca bhaved daṇḍasya vibhramāt // Manu_7.24

duṣyeyuḥ sarvavarṇāś ca bhidyeran sarvasetavaḥ sarvalokaprakopaś ca bhaved daṇḍasya vibhramāt //

yatra śyāmo lohitākṣo daṇḍaś carati pāpahā
prajās tatra na muhyanti netā cet sādhu paśyati // Manu_7.25

yatra śyāmo lohita-akṣo daṇḍaś carati pāpahā prajās tatra na muhyanti netā cet sādhu paśyati //

tasyāhuḥ saṃpraṇetāraṃ rājānaṃ satyavādinam
samīkṣyakāriṇaṃ prājñaṃ dharmakāmārthakovidam // Manu_7.26

tasyā ahuḥ saṃpraṇetāraṃ rājānaṃ satyavādinam samīkṣyakāriṇaṃ prājñaṃ dharma-kāma-artha-kovidam //

taṃ rājā praṇayan samyak trivargeṇābhivardhate
kāmātmā viṣamaḥ kṣudro daṇḍenaiva nihanyate // Manu_7.27

kāmātmā ] kāmāndho (M)

taṃ rājā praṇayan samyak trivargeṇa abhivardhate kāma-ātmākāma-andho viṣamaḥ kṣudro daṇḍena eva nihanyate //

daṇḍo hi sumahattejo durdharaś cākṛtātmabhiḥ
dharmād vicalitaṃ hanti nṛpam eva sabāndhavam // Manu_7.28

daṇḍo hi sumahat-tejo durdharaś ca akṛta-ātmabhiḥ dharmād vicalitaṃ hanti nṛpam eva sa-bāndhavam //

tato durgaṃ ca rāṣṭraṃ ca lokaṃ ca sacarācaram
antarikṣagatāṃś caiva munīn devāṃś ca pīḍayet // Manu_7.29

tato durgaṃ ca rāṣṭraṃ ca lokaṃ ca sa-cara-acaram antarikṣagatāṃś ca eva munīn devāṃś ca pīḍayet //

so 'sahāyena mūḍhena lubdhenākṛtabuddhinā
na śakyo nyāyato netuṃ saktena viṣayeṣu ca // Manu_7.30

so 'sahāyena mūḍhena lubdhena akṛta-buddhinā na śakyo nyāyato netuṃ saktena viṣayeṣu ca //

śucinā satyasaṃdhena yathāśāstrānusāriṇā
praṇetuṃ śakyate daṇḍaḥ susahāyena dhīmatā // Manu_7.31

śucinā satyasaṃdhena yathāśāstra-anusāriṇā praṇetuṃ śakyate daṇḍaḥ susahāyena dhīmatā //

svarāṣṭre nyāyavṛttaḥ syād bhṛśadaṇḍaś ca śatruṣu
suhṛtsv ajihmaḥ snigdheṣu brāhmaṇeṣu kṣamānvitaḥ // Manu_7.32

svarāṣṭre nyāyavṛttaḥ syād bhṛśa-daṇḍaś ca śatruṣu suhṛtsv ajihmaḥ snigdheṣu brāhmaṇeṣu kṣamānvitaḥ //

evaṃvṛttasya nṛpateḥ śiloñchenāpi jīvataḥ
vistīryate yaśo loke tailabindur ivāmbhasi // Manu_7.33

evaṃvṛttasya nṛpateḥ śilā-uñchena api jīvataḥ vistīryate yaśo loke tailabindur iva ambhasi //

atas tu viparītasya nṛpater ajitātmanaḥ
saṃkṣipyate yaśo loke ghṛtabindur ivāmbhasi // Manu_7.34

atas tu viparītasya nṛpater ajita-ātmanaḥ saṃkṣipyate yaśo loke ghṛtabindur iva ambhasi //

sve sve dharme niviṣṭānāṃ sarveṣām anupūrvaśaḥ
varṇānām āśramāṇāṃ ca rājā sṛṣṭo 'bhirakṣitā // Manu_7.35

sve sve dharme niviṣṭānāṃ sarveṣām anupūrvaśaḥ varṇānām āśramāṇāṃ ca rājā sṛṣṭo 'bhirakṣitā //

tena yad yat sabhṛtyena kartavyaṃ rakṣatā prajāḥ
tat tad vo 'haṃ pravakṣyāmi yathāvad anupūrvaśaḥ // Manu_7.36

tena yad yat sa-bhṛtyena kartavyaṃ rakṣatā prajāḥ tat tad vo 'haṃ pravakṣyāmi yathāvad anupūrvaśaḥ //

brāhmaṇān paryupāsīta prātar utthāya pārthivaḥ
traividyavṛddhān viduṣas tiṣṭhet teṣāṃ ca śāsane // Manu_7.37

brāhmaṇān paryupāsīta prātar utthāya pārthivaḥ traividyavṛddhān viduṣas tiṣṭhet teṣāṃ ca śāsane //

vṛddhāṃś ca nityaṃ seveta viprān vedavidaḥ śucīn
vṛddhasevī hi satataṃ rakṣobhir api pūjyate // Manu_7.38

vṛddhāṃś ca nityaṃ seveta viprān vedavidaḥ śucīn vṛddhasevī hi satataṃ rakṣobhir api pūjyate //

tebhyo 'dhigacched vinayaṃ vinītātmāpi nityaśaḥ
vinītātmā hi nṛpatir na vinaśyati karhi cit // Manu_7.39

tebhyo 'dhigacched vinayaṃ vinīta-ātma āpi nityaśaḥ vinīta-ātmā hi nṛpatir na vinaśyati karhi cit //

bahavo 'vinayān naṣṭā rājānaḥ saparicchadāḥ
vanasthā api rājyāni vinayāt pratipedire // Manu_7.40

saparicchadāḥ ] saparigrahāḥ (M)

bahavo 'vinayān naṣṭā rājānaḥ sa-paricchadāḥsa-parigrahāḥ vanasthā api rājyāni vinayāt pratipedire //

veno vinaṣṭo 'vinayān nahuṣaś caiva pārthivaḥ <