Bhattacarya: Vacaspatyam


Based on Bhaṭṭācārya: Vācaspatyam (6 Vol). Chaukhamba Sanskrit Series 94, reprint of the 1873-1884 edition. Varanasi : 1962


Input by Cologne Digital Sanskrit Lexicon (CDSL)
[GRETIL-Version vom 02.03.2017]


LICENSE
This file is based on vcp.txt, available at
http://www.sanskrit-lexicon.uni-koeln.de/scans/VCPScan/2013/web/webtc/download.html
(C) Copyright 2014 The Sanskrit Library and Thomas Malten under the following license:

All rights reserved other than those granted under the Creative Commons Attribution
Non-Commercial Share Alike license available in full at
http://creativecommons.org/licenses/by-nc-sa/3.0/legalcode, and summarized at
http://creativecommons.org/licenses/by-nc-sa/3.0/ .
Permission is granted to build upon this work non-commercially, as long as credit is explicitly
acknowledged exactly as described herein and derivative work is distributed under the same license.
(http://www.sanskrit-lexicon.uni-koeln.de/scans/VCPScan/2013/downloads/vcpheader.xml)


MARKUP
Headwords
Quotes
Page references


ADDITIONAL NOTE
Consonants doubled  after repha (r) have been reduced
to single consonants in order to facilitate searchability.






THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.

Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)

description:multibyte sequence:
long a ā
long A Ā
long i ī
long I Ī
long u ū
long U Ū
vocalic r
vocalic R
long vocalic r
vocalic l
vocalic L
long vocalic l
velar n
velar N
palatal n ñ
palatal N Ñ
retroflex t
retroflex T
retroflex d
retroflex D
retroflex n
retroflex N
palatal s ś
palatal S Ś
retroflex s
retroflex S
anusvara
visarga
long e ē
long o ō
l underbar
r underbar
n underbar
k underbar
t underbar

Unless indicated otherwise, accents have been dropped in order
to facilitate word search.

For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf

For further information see:
http://gretil.sub.uni-goettingen.de/gretil.htm









vācaspatyam
a

a pu° avati rakṣati atati sātatyetra tiṣṭhatīti vā ava--ata-- vā ḍa . viṣṇau akāroviṣṇuruddiṣṭaukārastu maheśvaraḥ . makārastu smṛtobrahmā praṇavastu trayātmaka iti . asya (viṣṇoḥ) apatyam ata iñ iḥ (kāmaḥ) asya (viṣṇoḥ) patnī ṅīp ī (lakṣmīḥ) .

a avya° ava--prīṇanādau ḍa svarādipāṭhādavyayatvam . abhāve, pratiṣeghe svalpe'rthe anukampāyāṃ, sambodhane, a ananta! . adhikṣepe, a pacasi tvaṃ jālma! . upasargasvaravibhaktipratirūpakāśceti svarādigaṇasūtre a iti siddhāntakaumudyāmudāhṛtaṃ manoramāyāñca a saṃbodhane adhikṣepe niṣedhe ceti vyākhyātam . abhāve nahyanona ityamaraṭīkāyāṃ nañādeśo'yamityuktam . sa ca ādeśaḥ nakhanamucyādibhinnaśabdaghaṭake uttarapadasthe halādau śabde pare bhavati . sa tu nañarthe eva sthānitulyārthakatvādādeśasya . nañarthāśca tatsādṛśyamabhāvaśca tadanyatvaṃ tadalpatā . aprāśastyaṃ virodhaśca nañarthāḥ ṣaṭ prakīrtitāḥ .. ityukteḥ ṣaḍvidhāḥ . tatra abrāhmaṇaityādau brāhmaṇasādṛśyavattvena kṣattriyādīnāṃ bodhakatā, aghaṭamityādau ghaṭābhāvasya, apaṭaityādau paṭabhinnasya, anudarā kanyetyādau alpodaratvasya, apaśavo vai anye go'śvebhyaityādau gavāśvabhinnapaśūnāmaprāśastyasya, asuraḥ asitaityādau ca surasita virodhasya bodhakatā . tatrāyaṃ viśeṣaḥ nañaḥ sarvatra abhāve bhede ca śaktiḥ sādṛśyodau tu nirūḍhalakṣaṇā . tatra aghaṭamityādau avyayībhāve, adhana ityādau bahuvrīhau bhāva kṛdantottarapadake abhedaḥ ajñānamityādau nañtatpuruṣe ca abhāvabodhakatā . bhāvakṛdantabhinnottarapadanañtatpuruṣe tu aghaṭa ityādau bhinnatvabodhakateti . atredaṃ bodhyam . samāse haladau uttarapade nañaḥ sthāne a ityādeśavidhānena samāsaevāsya nañarthakasya aityasya prayogaḥ nānyathā, sambodhanādyarthakasya tu pṛthakprayogaḥ kintu nañonalopastiṅi kṣepe iti vārtikena tiṅantapade pare'pi nañādeśasya vidhānāt tasyaiva pṛthakprayogaḥ . adhikaṃ nañśabdārthāvasare vakṣyate . ajīvanirityādau adhikṣepārthakatā ajasramityādau upa° sa° . tasya ca kriyāyogāt pratiyedhārthakatā .

aṛṇin tri° na ṛṇī nañ ta° ṛkārasyātra haltvābhyupagamāt na nuṭ nalopamātram . ṛṇibhinne, ṛṇaśūnye, . divasyāṣṭame bhāge śākaṃ pacati yo naraḥ . aṛṇī cāpravāsī ca sa vāricara! modate iti bhāratam haltvānāśrayaṇe nuṭi anṛṇītyapi tatraivārthe .

aṃśa vibhājane ada° cu° ubha° . aṃśayati te āṃśiśat ta . aṅkāpayatītivat āpuki aṃśāpayatītyeke . ac aṃśaḥ u--aṃśuḥ ṇini aṃśī kta aṃśitaḥ .

aṃśa pu° aṃśa--bhāve'c . vibhāge sakṛdaṃśo nipatati sakṛtkanyā pradīyate . sakṛdāha dadānīti trīṇyetāni sakṛt sakṛditi smṛtiḥ . karmaṇi ac . vibhājye dvāvaṃśau pratipadyeta vibhajannātmanaḥ piteti dvyaṃśaharo'rdhaharo vā putravittārjanāt piteti ca smṛtiḥ . saṃkhyāsūcakāṅkavibhājye tathāṅke, ca anyonyahārābhihatau harāṃśāviti aṃśāhatiśchedabadhena bhakteti bhajecchido'śairatha tairvimiśrairiti ca līlā° . karaṇe ac . avayave aṃśuraṃśuṣṭe deva! somāpyāyasveti yaju° . aṃśuraṃśuḥ sarvopyavayava iti vedadīpaḥ . aṃśinaḥ svāṃśagātyantābhāvaṃ prati mṛṣātmateti vedāntapari° . aṃśo nānāvyapadeśāditi śārīraka sūtram, jīvasya niravayavabrahmāvayavatvābhāvamāśaṅkya bhāṣyakṛtā aṃśa iveti vyākhyātam . tatsamānārthakaṃ mamaivāṃśo jīvaloke jīvabhūtaḥ sanātana iti gītāvākyam . caturdaśyaṣṭamāṃśe ca kṣīṇo bhavati candramāḥ amāvāsyāṣṭamāṃśe ca tataḥ kila bhavedaṇuriti, smṛtiḥ . viśeṣāvayave, rāśicakrasya ṣaṣṭyuttaraśatatrayadhā vibhājake bhāge, rāśestriṃśaddhā vibhājake avayave, akṣasyāśāḥ samākhyātāḥ ṣaṣṭyuttaraśatatrayamiti kṣetraṃ horā ca drekvāṇaṃ navāṃśodvādaśāṃśakaḥ . triṃśāśaśceti vijñeyaḥ ṣaḍvarga iti ca jyotiṣam navamito'ṃśaḥ (rāśetriṃśabhāgaḥ) navāṃśaḥ evaṃ dvādaśāṃśādayaḥ . sa ca aṃśaḥ ṣaṣṭikalātmakaḥ kalā tu ṣaṣṭivikalātmikā . navamirvibhakte rāśeḥ triṃśātmake navāṃśe ca . dvibhartṛkā meṣanavāṃśake syāt ityupakramya niḥsvā mṛgāṃśe iti, viguṇā ghaṭāṃśe iti ca vyavahāracamatkāraḥ . 6, 1, 203 pā° sū° vṛṣādiṣu pāṭhāt asya ādyudāttatvam .

aṃśaka tri° aṃśa--ṇvul . vibhājake . striyām aṃśikā . jñātau dāyāde pu° aṃśa + svārthe kan . aṃśaśabdārthe triṃśāṃśakastathā rāśe rbhāga ityabhidhīyate iti jyotiṣam navamite rāśitriṃśabhāgātmake navāṃśe, dvibhartṛkā meṣanavāṃśake syāt ityupakramya vṛṣāṃśake sā paśuśīlayukteti siṃhāṃśake sā pitṛvāsasaṃsthiteti, ca jyo° sauradine na° .

aṃśala tri° aṃśa + balopādhike matvarthe lac . balavati . aṃśaṃ lāti lā + ka . aṃśagrāhake tri° .

aṃśasavarṇana na° samānovarṇaḥ yogaviyogayogyatā savarṇaḥ tataḥ karaṇārthe ṇici bhāve lyuṭ savarṇanam aṃśayoḥ atulyacchedayoḥ rāśyoḥ samacchedakaraṇam 6 ta° . līlāvatyukte atulyacchedarāśyoḥ yogaviyogayogyatāsampādake samacchedasādhane kriyāviśeṣe, tatrādāvaṃśasavarṇanamityuktamya anyonyahārābhihatau harāṃśau rāśyoḥ samacchedavidhānamevamiti līlāvatyāmuktam .

aṃśahara tri° aṃśaṃ harati hṛ--ac . aṃśahārake dvyaṃśaharo'rdhaharo vā putravittārjanāt piteti smṛtiḥ . anudyamane eva hṛño'c iti niyamāt anyatra aṇ . bhārahāraḥ .

aṃśāvataraṇa na° 6 ta° . bhārate ā° pa° 64 a° ukte devānāṃ svasvabhāgaviśeṣeṇa vāsudevaādirūpeṇa pṛthivyāmāvirbhāvena naradehagrahaṇarūpe avataraṇe .

aṃśin tri° aṃśa--ṇini . aṃśakārake punarvibhāgakaraṇe sarve vā syuḥ samāṃśina iti smṛtiḥ aṃśa + matvarthe ini . avayavini . aṃśinaḥ svāṃśagātyantābhāva prati mṛṣātmateti vedāntaparibhāṣā .

aṃśu pu° aṃśa--mṛga° ku . kiraṇe sūtre sūkṣmāṃśe prakāśe prabhāyāṃ vege ca aṃśavo'tra patitā raveḥ kimu? ityudbhaṭaḥ sūryāṃśubhirbhinnamivāravindamiti kumā° . tatra svaparaprakāśakasya tejaḥpadārthasya samantāt prasṛtaḥ sparśayogyaḥ kiñcinniviḍaḥ sūkṣmāṃśaviśeṣaḥ kiraṇaḥ, sa ca prāyaśaḥ sūryasya, tasya tejasā pradīptacandrādeśca . tadapekṣayā alpasthānaprasārī kiñcidviralaḥ sparśāyogyaḥ tejaḥsūkṣmāṃśaḥ prabhā, sā ca ratnādivastunaḥ . candrādestu anyāpekṣayā'dhikaprasṛtatvāt kiraṇasambhavaḥ ataeva tatra śītāṃśuḥ sitakiraṇa ityādiprayogaḥ . sparśayogyaḥ tejaḥpadārthasya kiraṇādapi niviḍaḥ sūkṣmāṃśaḥ ātapaḥ, kiraṇāpekṣayā ativiralaprasārī sparśāyogyaḥ paraprakāśasādhanamatisūkṣmāṃśaviśeṣaḥ ālokaḥ . prabhāyām āloke vā na sparśo'nubhūyate . tatra aṃśuśabdasya kiraṇavācitve sahasrāṃśuḥ uṣṇāṃśuḥ śītāṃśurityādayaḥ . prabhāparatve ratnāṃśuḥ nakhāṃśurityādayaḥ . ajasramāśrāvitavallakīguṇakṣatojjvalāṅguṣṭhanakhāṃśubhinnayeti dvijāvalībālaniśākarāṃśubhiriti ca māghaḥ . sūtrāṃśaparatve aṃśukaṃ paṭṭāṃśukaṃ cīnāśukamityādayaḥ . prakāśaparatve upāṃśu upahṛtaprakāśatvāccāsya guptatvaṃ pratīyate taccārthikam . sūkṣmavibhāgaparatve prāṃśuḥ pronnatāvayavatvā ccāsya dīrghatvaṃ pratīyate taccārthikam iti .

aṃśuka na° aṃśavaḥ sūtrāṇi viṣayo'sya aṃśu + ṛśyādi° ka . vastre . yatrāṃśukākṣepavilajjitānāmiti kumāraḥ . sūkṣmavastre uttarīyavastre patre (teja pāta) śuklavastre ca . aṃśu + svārthe kan . aṃśuśabdārthe pu° .

aṃśudhara pu° dhṛ--ac 6 ta° . sūrye aṃśubhṛdādayo'pyatra kiraṇādidhārake vegadhārake ca tri° .

aṃśupaṭṭa na° aṃśunā sūkṣmasūtreṇa yuktaṃ paṭṭam . sūkṣmasūtra ghaṭitapaṭṭavastre . śrīphalairaṃśupaṭṭānāmiti viṣṇu° .

aṃśupati pu° 6 ta° . sūrye, tasya sarvatejasvināṃ kiraṇādhāyakatvāt candrādigrahādau tejodāyakatvāccāsya tathātvam ataevoktaṃ vṛhatsahitāyām salilamaye śaśini ravedīrdhitaya iti mūrtitve parikalpitaḥ śaśibhṛta iti vṛhajjātake ca . ambiṃ vāvādityaḥ sāyaṃ praviśatīti udyantaṃ vāvādityamagniranusamārohatīti ca śrutau agnau sūryāṃśupraveśābhidhānam . ata eva māghe tasya tviṣāṃ patitvena tasyāstamaye tāsāmanumaraṇārthaṃ jvalanapraveśa uktaḥ . yathā rucidhāmni bhartari bhṛśaṃ vimalāḥ paralokamabhyupagate viviśuḥ . jvalanaṃ tviṣa iti . evaṃ aṃśusvāmī tviṭpatiprabhṛtayo'pyatra .

aṃśumat pu° aṃśu + astyarthe matup . sūrye, aṃśuśālyādayopyatra . sūryavaṃśye asamañjaḥputre dilīpajanake rājabhede tatkathā rā° ā° 43 a° . aṃśumati padārthamātre tri° .

aṃśumatī strī° aṃśu sūkṣmaṃpatramasyāḥ aṃśu + matup + ṅīp . śālaparṇyām (śālapān) .

aṃśumatphalā strī° aśumāniva raktaṃ phalaṃ mocakaṃ yasyāḥ jātivācakatve'pi phalāntatayā na ṅīṣ ajā° ṭāp, aṃśumāniva samantāt prasṛtaṃ phalatīti phala--ac vā . kadalīvṛkṣe .

aṃśumālin pu° aṃśubhirmalate saṃbadhnāti mala--ṇini 3 ta0, aṃśavaḥ māleva tataḥ astyarthe ini vā . sūrye, dvādaśa saṃkhyāyāñca . kiraṇādijālavati tri° striyāṃ ṅīp .

aṃśula pu° aṃśuṃprabhāṃ buddhipratibhāṃ lāti lā--ka . cāṇakye munau, munimātre ca . aṃśugrāhake tri° .

aṃśuhasta pu° aṃśuḥ kiraṇohasta iva jalādyākarṣaṇasādhanaṃ yasya . sūrye . śarairusrairivodīcyān uddhariṣyan rasāniveti raghau sūryakiraṇānāṃ rasākarṣakatvasya dṛṣṭāntavidhayoktatvādasya kiraṇasya rasākarṣakatvāddhastatvam . tasya ca sahasrāṃśūnāṃ rasākarṣakatvamagre sahasrāṃśuśabde vakṣyate .

aṃśvādi pu° . ba° . svaraviśeṣārthaṃ pāṇinigaṇapāṭhokte śabdasamūhe, prateraṃśvādayastatpuruṣe (6, 3, 193 pā0) sa ca gaṇaḥ aṃśu jana, rājan, uṣṭra, kheṭaka, ajira, ārdrā śravaṇa, kṛttikā ardhapura .

aṃsa vibhājane ada° cu° ubha° aṃsayati te āṃsisat ta . āpuki aṃsāpayatītyeke . vi + viśleṣakaraṇe pracyāvane ca vyaṃsayāmāsa tat sainyamiti bhāratam . ac aṃsaḥ .

aṃsa puṃ aṃsa--karmabhāvādau ac . aṃśaśabdārthe, skandhe ca . aṃsaniṣaktabāhuḥ aṃsāropicāpeneti śānto'pi skandhe .

aṃsatra na° aṃsaṃ skandhaṃ trāyate trai--ka . skandhāvarake kavacabhede .

aṃsakūṭa puṃna° aṃsaḥ kūṭa iva vṛhattvāt . vṛhatskandhe rājanyoccāṃsakūṭakrathanapaṭuraṭadghoradhāraḥ kuṭhāra iti prabodha0

aṃsa(se)bhāra pu° aṃse dhṛtaḥ bhāraḥ śā° ta° vā aluk . skandhadhṛtabhāre .

aṃsa(se)bhārika tri° aṃsa(se) bhāreṇa harati bhastrā° ṣṭhan . skandhabhārahārake, striyāṃ ṅīṣ .

aṃsala tri° aṃsa + balopādhike astyarthe lac . balavati .

aṃsya tri° aṃse bhavaḥ aṃsa + yat . skandhabhave, ye aṃsyā ye aṅgyāḥ sūcikā iti vedaḥ . aṃsa--karmaṇi yat . vibhājye tri° .

[Page 37b]
aṃha bhāsane ada° ubha° . aṃhayati te āñjihat ta .

aṃhati strī° hanti duritamanayā hana--ati, aṃhādeśaḥ . dāne .

aṃhas na° amati gacchati prāyaścittena ama--asun huk ca . pāpe muñcantvaṃhasa iti vedaḥ svadharmatyāge lobho'nṛtaṃ cauryamanāryamaṃho jyeṣṭhā ca māyā kalahaśca daṇḍa iti bhāgavate kaliṃ prati parīkṣidvākyam aṃhaḥ svadharmatyāgaḥ iti śrīdharasvāmiraghunandanādayaḥ .

aṃhiti strī° ahi--ktin grahāditvāt iṭ . dāne .

aṃhu tri° ahi--mṛga° ku . pāpakāriṇi . ā vo'rvācī sumatirvavṛtyādaṃhościdyā iti (ya° 8, 7) aṃhoḥ pāpakāriṇaḥ hananaśīlasyeti vedadīpaḥ .

aṃhura tri° ahi--madgurādi° urac . gatiyukte sapta maryādāḥ kavayastatakṣustāsāmekāmidamabhyaṃhuro gāt iti vedaḥ .

aṃhri pu° aṃhati gacchatyanena ahi--vaṅkryādi° krin . pāde vṛkṣādīnāṃ mūle, tena aṃhripo vṛkṣaḥ . catuḥsaṃkhyāyāñca .

aṃhripa pu° aṃhriṇā mūlena pibati siktatoyam pā--ka . vṛkṣamātre .

aṃhriskandha pu° ahreḥ skandhaiva . gulphe aṅguṣṭhāṅgulimadhyabhāgasya uparibhāge ca .

aka vakragatau bhvā° pa° ghaṭādi . akati ākīt . akayati .

aka na° na kam sukham guṇavacanasya nañyoge virodhyarthābhidhāyitā na° ta° . duḥkhe . nāsti kaṃ sukhaṃ yasmāt . pāpe . nākaśabde akaṃ duḥkhaṃ pāpaṃ vā .

akaca pu° akāya duḥkhāya cāyate cāya--ḍa . ketugrahe tasya codayena lokopaplavasya śāstraprasiddhiḥ ketuśabde vistaraḥ . upaplavāya lokānāṃ dhūmaketurivotthita iti kumā° . nāsti kacoyasya . keśaśūnye (ṭākarogayukta) tri° .

akaḍama na° a, ka, ḍa, ma, ityādikrameṇa ādyakoṣṭhādau varṇasamudāyo'styatra ac . grāhyagopālamantrasya śugāśubhavicāropayogini cakrabhede . tatsvarūpaṃ yathā rudrayāmale--rekhādvayaṃ pūrbapare madhye rekhādvayaṃ likhet . catuṣkoṇe catūrekhā'kaḍamaṃ cakramaṇḍalam . bhrāmayitvā mahāvṛttaṃ nirmāya varṇamālikhet . akārādikṣakārāntān klīvahīnān likhettataḥ . ekaikakramato lekhyānmeṣādikavṛṣāntakān . vāmāvartena gaṇayet kramaśo vīravallabha! . dakṣamārgeṇa gaṇayennāmādivarṇakādikān . meṣāditohi nāmāntaṃ kramaśaḥ mantrapaṇḍitaḥ . siddhasādhyasusiddhārīn punaḥ siddhādikān punaḥ . navaikapañcame siddhaḥ sādhyaḥ ṣaḍdaśayugmake . susiddhastrimunau rudre vedāṣṭadvādaśe ripuḥ iti . (klīvavarṇāḥ ṛ ṝ ḷ ḹ varṇāḥ) gopāle'kaḍamaṃ smṛtamiti tatraivoktam . etacca gopālamantraviṣaye siddhādicakratvena vyavahriyate .

akathaha na° a, ka, tha, ha, ityādivarṇasaṃghakrameṇa varṇasamudāyo'styasmin ac . tantroktamantragrahaṇārthaṃ tattanmantrāṇāṃ śubhāśubhavicāropayogini cakrabhede tatsvarūpaṃ yathā rudrayāmale . vakṣye'kathahacakrākhyaṃ sarvacakrottamottamam . yasya vicāramātreṇa kāmarūpī bhavennaraḥ .. tatprakāraṃ vīranātha . kramaśaḥ kramaśaḥ śṛṇu . caturasre likhet varṇan catuḥkoṣṭhasamanvite .. catuḥkoṣṭha--catukoṣṭhacaturgṛhasamanvitam . mandiraṃ ṣoḍaśaṃ proktaṃ sarvakarmārthasiddhidam .. caturasraṃ likhet koṣṭhaṃ catuṣkoṣṭhasamanvitam . punaścatuṣkaṃ tatrāpi likheddhīmān krameṇa tu .. sarveṣu gṛhamadhyeṣu prādakṣiṇya krameṇa tu . akārādikṣakārāntān likhitvā gaṇayettataḥ .. candramagniṃ rudravarṇaṃ navamaṃ yugalantathā .. vedamaṅkaṃ daśa rasaṃ vasuṃ ṣoḍaśameva ca . caturdaśaṃ bhāskaraṃ ca sapta pañcadaśeti ca .. vahnīndu koṣṭhagaṃ varṇapañcāśaikaṃ mayoditam . etadaṅkasthitān varṇān gaṇayet tadanantaram .. nāmādyakṣaramārabhya yāvat mantrādimākṣaram . caturbhiḥ koṣṭhairekaikamiti koṣṭhacatuṣṭayam .. punaḥ koṣṭhagakoṣṭheṣu savyato nāmakāditaḥ . siddhaḥ sādhyaḥ susiddho'riḥ kramaśo gaṇayet vaśī .. siddhaḥ sidhyati kālena sādhyastu japahomataḥ . susiddho grahaṇājjñānī śatrurhanti cirāyuṣam . siddhastu bāndhavaḥ proktaḥ sādhyaḥ sevaka ucyate . susiddhaḥ poṣakaḥ proktaḥ śatmurghātaka ucyate . siddhakoṣṭhasthitā varṇā bāndhavāḥ sarvakāmadāḥ . japena bandhuḥ siddhaḥ syāt sevako'dhikasevanāt .. puṣṇāti poṣako'bhīṣṭaṃ ghātako nāśayet dhruvam . siddho yathoktakālena dviguṇāt siddhasādhyakaḥ .. tatsusiddho'rdhajapyena siddhārirhanti bāndhavān . sādhyasiddho dviguṇataḥ sādhyasādhyo nirarthakaḥ .. tatsusiddho dvighnajapāt sādhyārirhanti gotrajān . susiddhasiddho'rdhajapāt tat sādhyo dviguṇādhikāt . tatsusiddho grahādeva susiddhāriḥ sagotrahā .. arisiddhaḥ sutān hanyāt arisādhyastu kanyakāḥ . tatsusiddhastu patnīghnastadarirhanti sādhakamiti .. etacca sarbamantreṣu siddhādicakratvena vyavahriyate .

akaniṣṭha pu° ake vedanindārūpe pāpe niṣṭhā'sya . buddhe . na° ta° . kaniṣṭhabhinne jyeṣṭhe madhyamādau ca tri° .

akaniṣṭhapa pu° akaniṣṭhān buddhān pātīti pā--ka . buddhādhipabhede . na° ta° . kaniṣṭhabhinnapālake tri° .

[Page 38b]
akampita pu° kampitaṃ buddhivṛtteścālanaṃ tannāsti yasya . buddhabhede . kapi--kartari kta na° ta° . saṅkalpitavastubhyo'nuparate dṛḍhādhyavasāye tri° . bhāve kta na° va° . kampanaśūnye tri° .

akaraṇa na° kṛ--bhāve lyuṭ arthābhāve na° ta° . karaṇābhāve nivṛttau akaraṇe pratyavāyānubandhitvaṃ nityatvamiti mīmāṃsakādayaḥ . akaraṇāt mandakaraṇaṃ śreya iti smārtāḥ akaraṇañca nyāyādimate karaṇābhāvaḥ, mīmāṃsakavedāntimate nivṛttiḥ . ata eva aṣṭasyāṃ māṃsaṃ nāśnīyādityādau sarvatra niṣedhasamabhivyāhṛtakriyāviṣayakanivṛttāveva vidhyarthānvayaḥ ityuktaṃ mīmāṃsakaiḥ . śaṅkarācāryeṇa ca nāsato vidyate bhāvonābhāvo vidyate sata iti gītā ślokabhāṣye mahatā prabandhena satpadārthādabhāvotpatti nirasyatā niṣedhasya nivṛttirūpatvamurarīkṛtam . nivṛttiśca pravṛttivirodhī bhāvarūpodharmaviśeṣaḥ . nāsti karaṇaṃ dehendriyādikamasya . sarvakaraṇaśūnye parātmani pu° . apāṇipādojavanograhītetyādi śrutau tasya sarvakaraṇaśūnyatvamuktam .

akaraṇi strī° nañ + kṛ--ākrośe ani . karaṇaṃ mā bhūdityākrośātmake śāpe . tasyākaraṇirevāstu iti .

akarā strī° akaṃ duḥkhaṃ sevanāt lokānāṃ rāti gṛhṇāti nāśayatīti rā--ka . āmalakyām . nāsti karo'sya . karaśūnye tri° . na karoti kṛ--ac na° ta° . kārakabhinne karaṇaśīlabhinne nivṛttipare ca tri° .

akaruṇa tri° nāsti karuṇā yasya yatra vā . dayāśūnye dainyaśūnye ca .

akarkaśa tri° na karkaśaḥ . kārkaśyavirodhimṛdutvavati komale

akarṇa tri° nāsti karṇo'sya . śravaṇendriyaśūnye paśyatyakarṇa iti śrutiḥ . sarpe pu° tasya cakṣuṣaiva śravaṇāttadindriyaśūnyatvam . rādheyaḥ karṇaḥ tachūnye tri° . anarjuna makarṇaṃ vā jagadadyeti niścitamiti bhāratam .

akartana tri° uccasthaṃ phalaṃ kartituṃ śīlamasya kṛta--yuc na° ta° . uccavirodhihrasvatvavati svarve . kṛta--bhāve lyuṭ na° ba° . chedanākartari tri° .

akartavya tri° kṛ--karmādau tavya na° ta° . karaṇānarhe niṣiddhe padārthe . bhāve kta na° ba° . kriyāśūnye kūṭasthe caitanye na° . na me pārthāsti kartavyaṃ triṣu lokeṣu kiñcaneti gītāyāmīśvarasya sarvakriyāniṣedhāt tathātvam .

akartṛ tri° kartṛ + na° ta° . kartṛbhinne kartṛsadaśe kārake akartari ca kārake pā° . kartṛbhinne, kriyāśūnye ca puruṣo'kartā bhoktā ceti sāṃkhyamatam .

akarmaka tri° nāsti karma yasya ba° kap . vyākaraṇokte karmaśūnye dhātau, laḥ karmaṇi ca bhāve cākarmakebhya iti pā° . phalavyāpārayorekaniṣṭhatāyāmakarmaka iti hariḥ . striyāṃ ṭāpi kāpi ataittvam akarmikā . prasiddheravivakṣātaḥ karmaṇo'karmikā kriyeti hariḥ .

akarmaṇya tri° na karmane prabhavati karman + yat na° ta° . karmānarhe akarmaṇyaṃ tithimalaṃ vidyādekādaśīṃ vineti ti° ta° .

akarman anupalambhādivat arthābhāve na° ta° . karmābhāve karmaṇohyapi boddhavya bodhyavyañca vikarmaṇaḥ . akarmaṇaśca boddhavyaṃ gahanā karmaṇogatiriti gītā akarmaṇaḥ akriyāyā iti tadbhāṣyam . duṣṭaṃ karma aprāśastye na° ta° . duṣṭakārye akarmādāvabhirata iti smṛtiḥ . na° ba° . kāryaśūnye tri° akarmā dasyurabhita iti vedaḥ .

akala pu° nāsti kalā'vayavo'sya . niraṃśe paramātmani cinmayasyādvitīyasya niṣkalasye tyuktestasya tathātvam . gītādikalāśūnye, avayavaśūnye ca tri° .

akalkana tri° kalkanaṃ dambhaḥ na° ba° . dambharahite akalkano nirārambhaḥ iti gītā . vaidyakoktauṣadhapākaviśeṣaḥ kalkanaṃ, tacchūnye ca . nāsti kalko'sya ba° kap . akalkako'pyatra . ata eva gītāyāmakalkaka ityapi kvacit pāṭhaḥ .

akalkā strī° na kalkaḥ maloyasya na° ba° . nirmalatvena śubhrāyāṃ jyosnāyām . malādiśūnye tri° .

akalya tri° kalāsu sādhuḥ kalā + yat kalyaḥ nirāmayaḥ na° ta° . asvāsthyavati . kalyate iti kala--yat kalyaṃ kalpanīyaṃ mithyābhūtaṃ na° ta° . satye api tvanīnayadapanītāśeṣaśalyamakalyasandha iti daśaku° . akalyasandhaḥ satyasandha ityarthaḥ .

akavā tri° na kavyate varṇyate kava--ā na° ta° . avarṇanīye pra prajāyante akavā mahobhiriti vedaḥ .

akasmāt avya° na kasmāt kiñcitkāraṇādhīnatvaṃ yatra aluk sa° . kāraṇānadhīne atarkitopanate . kathamayamakasmādgaganacāriṇāmākāśe karuṇadhvaniḥ śrūyate iti nāṭakam sāmānyalakṣaṇā kasmādakasmāt parilupyate iti pakṣadharaḥ . akasmāt nagaropānte kathaṃ dhūmāyate citeti hāsyā° . pā° cārvādigaṇe tathā pāṭhācca na pañcamyā luk tena āpatitabhavādyarthe ṭhañi ṭilope ākasmika iti .

akāṇḍa tri° na° ta° . anavasare anucitakāle tātastamakāṇḍe eva prāṇaharapratīkāramupaplavamiti kāda° . asya ni° etadantatvamiti kecit . ba° . skandhaśūnye vṛkṣe pu° .

akāma tri° na kāmayate kāma--ṇiṅ--ac . icchāśūnye nākāmo dātumarhatīti smṛtiḥ . kāmanāviṣayaphalānanusandhāyini . akāmo viṣṇukāmoveti smṛtiḥ smaravikāraśūnye ca . bhayādakāmā'pihi dṛṣṭivibhramamiti śaku° .

akāmatas a° akāma + pañcamyāstasil . anicchāta ityarthe akāmataḥ kāmacāre cauravaddaṇḍamarhatīti smṛtiḥ .

akāya pu° nāsti kāyo'sya . kāyaśūnye rāhau tasya cāmṛtāharaṇakāle viṣṇunā cchinnamastakatve'pi amṛtaprāśanena amaraṇamityanusandheyam . amṛtāsvādanaviśeṣācchinnamapi śiraḥ kilāsurasyedam . prāṇairaparityaktaṃ grahatāṃ yātaṃ vadantyeke iti vṛhatsa° . dehaśūnye tri° . paramātmani pu° . niṣkalasyāśarīriṇaityuktestasya tathātvam .

akāra pu° a + svarūpārthe kāra . asvarūpe varṇe evamikārādayo'pi tattadvarṇasvarūpeṣu . kāraḥ karaṇaṃna° ba° . kriyārahite tri° .

akāraṇa tri° nāsti kāraṇaṃ heturuddeśyaṃ vā yasya . heturahite uddeśyarahite ca kimakāraṇameva darśanaṃ vilapantyairataye na dīyate iti kumā° tato'kāraṇavairī naḥ kāraṇādapare pare iti naiṣadham . niṣprayojane ca . na° ta° . kāraṇabhinne akāraṇaguṇotpannā iti bhāṣā° .

akārin tri° kṛ--ṇini na° ta° . kartṛbhinne, karaṇānnivṛtte ca .

akārpaṇya tri° nāsti kārparṇyaṃ yasya . dainyaśūnye, kṛpaṇatāśūnye ca .

akārya na° apraśastaṃ kāryam aprāśastyye na° ta° . kutsitakārye niṣiddhakārye ca . akāryamiva paśyāmi svamāṃsamiva bhojane . kimakāryaṃ kadaryāṇāmiti hito° . kartavyabhinne tri° .

akāla pu° aprāśastye na° ta° . apraśastakāle vihitakarmasu paryudastayā'bhihite guruśukrādyastakālādau, sa ca malamāsa, guruśukrabālyavṛddhatvāstamaya, siṃhamakarānyataragurusthiti, pūrbarāśyanāgatāticārigurukavatsara, pūrbarāśisaṃkramiṣyamāṇāti cārigurukapakṣatraya, vakragurukāṣṭāviṃśatidivasa, bhūmikampādyadbhutasaptāha, siṃhāditya, gurvāditya, pauṣamāsacatuṣṭayānyatamaikadvitritadadhikānyatamadinavṛttyākālikavṛṣṭyuttaraikatrisaptāhānyatamadinādi, rūpo malamāsatattvādyuktaḥ tattadvihitakarmasu paryudastatayā'bhihitaḥ kālaḥ etatpramāṇāni saprati prasavaṃ malamāsatattvamuhūrtacintāmaṇyādau draṣṭavyāni akāle vīkṣito viṣṇurhanti puṇyaṃ purākṛtamiti pu° . aprāptaḥ anucitaḥ kālaḥ śā° ta° . aprāptakāle nākāle mriyate kaścit prāpte kāle na jīvatīti purāṇam . akālajaladodaya iti raghuḥ . akālamṛtyuharaṇa miti tantram . vartyādhārasnehayogāt yathā dīpasya saṃsthitiḥ . vikriyāpi hi dṛṣṭaivamakāle prāṇasaṃkṣaya iti yājña° . akālajantu virasaṃ na dhānyaṃ guṇavat smṛta miti, vaidya° . nākālavṛṣṭau kurvīta vratabandhaśubhrakriyāmiti smṛtiḥ anucitakāle vṛṣṭāviti tadarthaḥ . varamekāhutiḥ kāle nākāle lakṣakoṭayaḥ iti ti° ta° . nāsti kālopādhijanyajātamatra . janyaśūnye pralaye . akālakālameghamedureti kāda° . aprāptaḥ kālo yasya prādibhyaḥ dhātujasyeti ba° antyalopaśca . aprāptakāle anucitakāle padārthe tri° . kālaḥ kṛṣṇaḥ na° ta° . kṛṣṇaviruddhaśubhravarṇe pu° . kṛṣṇavirodhiśubhratvavati tri° .

akiñcana tri° nāsti kiñcana yasya mayūra° ta° . nirdhane, akiñcanaḥ san prabhavaḥ sa sampadā miti kumā° . daridre, akiñcane kiñcananāyikāṅgake kimārakūṭābharaṇena na śriya iti naiṣadham .

akiñcanatā strī° akiñcanasya bhāvaḥ tal . saṃnyāsāṅge sarvadravyatyāgarūpe yamaviśeṣe vrataṃ dānaṃ parivrajyā tapasyā niyamasthitiḥ . ahiṃsā'sūyatāsteyabrahmākiñcanatā yama iti smṛtiḥ brahma vedamantraḥ īśvaramananaṃ vetyarthaḥ . nirdhanatve ca . bhāve tva . tatraivārthe na° . sthāne bhavānekanarādhipaḥ mannakiñcanatvaṃ makhajaṃ vyanaktīti raghuḥ .

akiñcijjña tri° na kiñcit jānāti jñā--ka aśrāddhabhojītivat asamarthasa° . kiñcidanabhijñe, kiñcidjñānaśūnye, alpajñāne, jñānaśūnye ca .

akiñcitkara tri° na kiñcit karoti kṛ--ac asamartha sa° . kiñcidakārake kriyāśūnye, niṣprayojane ca .

akuṇṭha tri° nāsti kuṇṭhā yasya . pratibandhaśūnye, karma dakṣe ca .

akutobhaya tri° nāsti kuto'pi bhayaṃ yasya mayū° sa° . kutaścidapi bhayaśanye .

[Page 40b]
akupya na° gupyate nisvatāvyañjakatayā--lajjākaratvāt gupa--kyap ni° kasya paḥ kupyaṃ raityādi na° ta° . svarṇe, rūpye ca .

akumāra tri° na kumāraḥ . atītakaumārāvasthe taruṇe .

akula tri° apraśastaṃ kulamasya na° ba° . apraśastakule kulānyakulatāṃ yātīti manuḥ .

akuśala tri° na kuśalaṃ maṅgalamasya . maṅgalavirodhyamaṅgalayukte . na° ta° . kuśalavirodhini abhadre na° . dakṣabhinne tri° .

akūpāra pu° na kūpamṛcchati ṛ--aṇ . vṛhatkacchape . na ku pṛthvīṃ pipūrti pṛ--pālanapūraṇayoḥ aṇ bā° dīrghaḥ, na kutsitaṃ pāraṃ gantavyadeśo yasya vā, pṛ° dīrghaḥ . mahāpāre samudre, dūragāmini sūrye ca pu° . pṛ° . akūvāro'pyatra .

akṛta tri° kṛ--karmaṇi kta na° ta° . kṛtabhinne anyathākṛte . kṛtākṛtāvekṣaṇādau brahmā ṛtvik niyujyate iti yājñikaprasiddhiḥ . akṛtavyūhāḥ pāṇinīyā iti paribhāṣā . na kṛto vyūhaḥ viśeṣeṇa ūhoyaiḥ vināśonmukhaṃ dṛṣṭvā kṛtamapi kāryaṃ nāśayantīti tadarthaḥ si° kau° . balapūrbakṛte ṛṇalekhyapatrādau ca sarvān balakṛtānarthānakṛtān manurabravīditi manuḥ . balāt kuruta pāpāni santu tānyakṛtāni vaḥ . sarvān balakṛtānarthānakṛtān manurabravīditi naiṣadham . putrikātvena akalpitāyāṃ duhitari strī . akṛtā vā kṛtā vāpi yaṃ vindet sadṛśāt sutamiti smṛtiḥ . bhāve kta abhāvārthe na° ta° . karaṇābhāve nivṛttau naiva tasya kṛtenārtho nākṛteneha kaścaneti gītā .

akṛtajña tri° na kṛtaṃ jānāti jñā--ka asama° sa° . kṛtopakārāsmārake, kṛtaghne, ātmārāmāḥ pūrṇakāmāḥ akṛtajñā gurudruha iti bhāgavatam .

akṛtin tri° kṛtamanena kṛta + ini na° ta° . kāryākṣame kriyāsu pāṭavarahite .

akṛtya na° kṛ--kyap aprāśastye na° ta° . duṣṭakārye cauryādikaraṇe . na kṛtyamasya na° ba° . karmarahite tri° .

akṛtrima tri° na kṛtrimaḥ na° ta° . kṛtrimabhinne svabhāvasiddhe . kṛtrimākṛtrimayormadhye kṛtrime kāryasaṃpratyaya iti paribhāṣā akṛtrimasneharasānuviddhamiti .

akṛtvā a° na kṛtvā na + kṛ--ktvā . karaṇānantarye akṛtvā kulasantatimiti manuḥ .

akṛṣṭapacya tri° akṛṣṭe kṣetre pacyate paca--kyap 7 ta° . halādyakṛṣṭakṣetre pacyamāne nīvārādau śasye .

[Page 41a]
akṛṣṇa pu° nāsti kṛṣṇaḥ malo yasya . niṣkalaṅke candre candramā vai brahmā'kṛṣṇa iti śrutiḥ . na° ta° . kṛṣṇatvavirodhiśubhratve pu° . tadvati, śuddhe ca tri° .

akṛṣṇakarman tri° na kṛṣṇaṃ śuddhaṃ karma yasya . śuddhakarmakāriṇi puṇyaśīle .

aketu pu° nāsti ketuścihnaṃ yasya . cihnarahite ajñāne, ketuṃ kṛṇvannaketave iti vedaḥ ya° (29, 37) aketave ajñānāyeti vedadīpaḥ . cihnadhvajābhyāṃ rahite tri° .

akauśala tri° na--kuśalaḥ akuśalastato bhavādau aṇ ādyaco vā na vṛddhiḥ . akuśalabhavādau . ādyaco vā vṛddhau ākauśalo'pyatra . kuśalasya bhāvaḥ aṇ + na° ta° . asauṣṭhave na° .

akkā strī aka--ka, acyate ityak anva--kvip gatiḥ tasyai kāyati kai ka vā . mātari jananyām .

akta tri° ajyate anja--karmaṇi kta . kṛtāñjane, aktaṃ rihāraṇāṃ vyantu vaya iti aktāḥ śarkarā upadadhā tīti ca śrutiḥ parimite, vyāpte, saṅkule ca .

aktu pu° anja--tu ni° . rātrau, tadupalakṣite tamasi ca rudraṃ divā vardhayā rudramaktau itivedaḥ .

aktra na° anja--bā° ktra . varmaṇi .

akra tri° ancu gatau rak . sthire . udu svarurnavajā nākraḥ itivedaḥ .

akrama tri° nāsti kramaḥ paripāṭī pādaḥ kramaṇaṃ vā'sya . paripāṭīśūnye tyaktakrame ekakāle . taccārthakriyācāritvaṃ kramākramābhyāṃ vyāptaṃ na ca kramākramābhyāmanyaḥ prakāraḥ samastīti sarvada° pādaśūnye ākramaṇaśūnye ca . kramabhāve ghañ abhāvārthe na° ta° . kramaṇābhāve pu° . avyayībhāvaḥ . kramābhāve avya° .

akrāntā strī na kramyate sma kaṇṭakāvṛtatvāt krama--kta na° ta° . vṛhatyām . krāntabhinne viṣṇunā krānte ca tri° .

akratu tri° nāsti kraturyajñaḥ saṃkalpovā yasya . yajñarahite saṃkalparahite ca paramātmani pu° nyakratūnyarthino mṛdhravāca iti vedaḥ .

akriyā strī° abhāvārthe na° ta° . kriyābhāve pradhānasyākriyā yatra sāṅgaṃ tat kriyate punaḥ . tadaṅgasyākriyāyāntu nāvṛttirna ca tatkriyeti akriyā trividhā prokteti ca smṛtiḥ . na° ba° . karmaśūnye guṇādau ca tri° . sarvakarmaśūnye paramātmani pu° .

akrūra tri° na krūraḥ . krūrabhinne sarale, svanāmaprasiddhe vṛṣṇivaṃśye kṣattriyabhede pu° .

akrodha pu° na krodhaḥ abhāvārthe na° ta° . krodhābhāve yamabhede ahiṃsā kṣāntirakrodhaḥ satyāsteyāparigrahā iti purāṇam . akrodhaṃ śikṣayantyanye krodhanā ye tapīdhanā iti naiṣa° na° ba° . krodhaśūnye tri° .

aklama pu° na klamaḥ abhāvārthe na° ta° . śramābhāve . na° ba° . śramaśūnye tri° .

akliṣṭa kliśa--bhāve ktana° 7 ba° . kleśarahite karmādau . kliśakartari kta na° ta° . śrāntabhinne tri° .

akleśa pu° abhāvārthe na° ta° . kleśābhāve . na° ba° . kleśaśūnye tri° .

akṣa vyāptau saṃhatau ca bhvā° pa° veṭ . akṣati akṣṇoti ākṣīt āṣṭām ākṣiṣṭām ānakṣe . kta aṣṭaḥ ktin aṣṭiḥ śatṛ akṣṇuvan i akṣi--kanin akṣa .

akṣa na° aśnute vyāpnoti viṣayān svavṛttyā saṃyogena vā aśa--sa . indriye, akṣāṇi paṇḍitajanā vidurindriyāṇi u° netre, adhokṣaja iti . tutthe (tuṃte) sauvarcale ca . jyotiṣokte rāśicakrāvayavabhede . śaṅkurnaronā kathitaḥ saeva svārdhādraveryā viṣuvaddinārdhe . natiḥ palo'kṣaśca saeva tajjñaistatronnatiryāsya saeva lamba iti siddhāntaśiromaṇigaṇitādhyāyokte viṣuvaddinārdhe khārdhāpekṣayā natirūpe palāṃśabhede pu° . etadvivaraṇam bhāskarācāryeṇa pramitākṣarāyāṃ svayameva kṛtam . yathā nirakṣadeśe (laṅkāvibhāge) yadeva viṣuvanmaṇḍalaṃ tadeva samamaṇḍalaṃ tataḥ kṣitijādanyadunmaṇḍalaṃ nāma valayaṃ nāsti tatra dhruvau ca kṣitijasaṃjñe, atha nirakṣadeśāt draṣṭā yathā yathā uttarato gacchati tathā tathā udakdhruvamunnataṃ paśyati tathā yairbhāgai rdhruvaunnatastaireva bhāgaiḥ akṣasaṃjñaiḥ svasvastikāt dakṣiṇatoviṣuvanmaṇḍalaṃ nataṃ paśyatīti . candrāśvi 12 nighnā palabhārdhitā ca laṅkāvadhiḥ syādiha dakṣiṇo'kṣa iti bhāsvatī . udagdiśaṃ yāti yathā yathā narastathā tathā syānnatamṛkṣamaṇḍalam . udagdhruvaṃ paśyati connataṃ kṣitestadantare yojanajāḥ palāṃśakā iti siddhānta śi° golādhyāyaḥ yadi bhūparidhi (4967) yojanaiścakrāṃśāḥ (360) labhyante tadāpasārayojanaiḥ kimiti, yadyṛkṣaparidhinā (360) bhūparidhiḥ (4967) labhyate tadā akṣāṃśaiḥ kimiti, trairāśikena phalaṃ nirakṣadeśalaṅkāsvadeśayorantarayojanāni syuriti, suyameva pramitākṣarāyāṃ vyākhyātam, tathaiva golādhyāyoktaṃ darśitam . yojanasaṃkhyā bhāṃśai (360) rguṇitā svaparidhi (4967) hṛtā bhavantyaṃśāḥ (akṣāṃśāḥ) . akṣāṃśebhyo bhūmau kakṣāyāṃ (ṛkṣa 360 kakṣāyām) vā yojanāni ca vyastamiti . vyastamiti bhūparidhiguṇitā bhāṃśahṛtā akṣasaṃkhyā (yojanasaṃkhyā) bhavatīti . nirakṣadeśāt kṣiticatuthāṃśe kila merustatra navatiḥ palāṃśāḥ (akṣāṃśāḥ) iti ca tatraivoktam . pāśake karṣaparimāṇe ca na° vibhītakavṛkṣe (vayaḍā) tuṣe, ātmani rudrākṣe sarpe jātāndhe garuḍe ca pu° . tatra rudrākṣe akṣamālā . karṣe anubhavati dhārābhirakṣamātrābhiriti, vibhītake yathā vai dve āmalake, dve vā kaule dvau vākṣau iti śrutiḥ . vyavahāre akṣadarśakaḥ . rāvaṇasutabhede pu° . tatkathā rāmā° su° 43 a° .

akṣaka pu° akṣaiva kāyāti kai--ka . tiniśavṛkṣe . svārthekan . akṣaśabdārthe prakṛtiliṅgam .

akṣakūṭa pu° akṣasya cakṣuṣaḥ kūṭaiva . netratārāyāṃ, svārthe kan . tatraiva .

akṣakṣetra na° akṣanimittaṃ kṣetram śā° ta° . jyotiṣokteṣu akṣasādhanārthaṃ kṣetratayā kalpiteṣu akṣapraveṣu aṣṭasu kṣetreṣu . tāni ca siddhāntaśiromaṇau gaṇitādhyāye darśitāni yathā . bhujo'kṣabhā koṭirināṅgulonā karṇo'kṣakarṇaḥ 1 khalumūlametat kṣetrāṇi yānyakṣabhavāni teṣāṃ vidyeva mānārthayaśaḥsukhānām .. lambajyakā koṭirathākṣajīvā bhujo'tra karṇastribhuje 2 tribhajyā . kujyā bhujaḥ koṭirapakramajyā karṇo'grakā ca tribhujaṃ tathedam3 .. tathaiva koṭiḥ samavṛttaśaṅkuragrā bhujastaddhṛtiratra karṇaḥ 4 . bhujo'pamajyā samanā cakarṇaḥ kujyonitā taddhṛtiratra koṭiḥ 5 .. agrādikhaṇḍaṃ kathitā ca koṭirudvṛttanā doḥ śravaṇo'pamajyā 6 . udvṛttanā koṭirathāgrakāgrakhaṇḍaṃ bhujastacchravaṇaḥ kṣitijyā 7 .. khaṇḍaṃ yadūrdhvaṃ samavṛttaśaṅko ryattaddhūtestāvatha koṭikarṇau . agrādikhaṇḍaṃ bhuja 8 evamaṣṭau kṣetrāṇyamūnyakṣabhavāni tāvat .. kṣetrāṇi darśayet, tatra dakṣiṇottaramaṇḍale viṣuvadvṛttasampātādadho yāvāṃllambaḥ kṣitijasamasūtraparyantaḥ sā tatra koṭiḥ, lambanipātakumadhyayorantaraṃ sā'kṣajyā tatra bhujaḥ, bhūmadhyāllambāgragāmisūtraṃ trijyā sā tatra karṇaḥ, idamapyakṣakṣetram, iṣṭāhorātravṛtta yatra kṣitije lagnaṃ tasya prāk svastikasya cāntaramagrā (cāpāṃśāḥ) teṣāṃ jyā'grā tāvatī ca pratyakkṣitije agrāgrayornivaddhaṃ sūtramudayāstasūtram ahorātravṛttonmaṇḍalasampātasya prācyaparasūtrasya ca yadantaraṃ sā krāntijyā, sā tatra koṭiḥ, agrā karṇaḥ, tadagrayorantaraṃ sā kujyā sa bhujaḥ idamakṣakṣetraṃ, tathāhorātravṛttasamamaṇḍalasampātādadhovalambaḥ, samavṛttaśaṅkuḥ sā koṭiḥ, agrā bhujaḥ, ahorātravṛtte jyākhaṇḍakaṃ taddhṛtiḥ karṇaḥ, idamakṣakṣetraṃ, tathā kṛjyonitā taddhṛtirahorātravṛtte jyārdvaṃ sā koṭiḥ, unmaṇḍale krāntijyā sa bhujaḥ, samavṛttaśaṅguḥ karṇaḥ, idamakṣakṣetram, tathāhorātronmaṇḍalayoḥ sampātādavalamba unmaṇḍalaśaṅguḥ sa bhujaḥ, unmaṇḍalavṛtte krāntijyā karṇaḥ, unmaṇḍalaśaṅka mūlasya prācyaparasūtrasya ca yadantaraṃ tadagrādikhaṇḍaṃ sā tatra koṭiḥ, idamakṣakṣetraṃ, tathonmaṇḍalaśaṅkaḥ koṭiḥ, śaṅkumūlodayāstasūtradorantaramagrāgrakhaṇḍaṃ sa bhujhaḥ, koṭibhujāgrayorantarasūtraṃ sā kujyā sa tatra karṇaḥ, idamakṣakṣetraṃ, tathonmaṇḍalaśaṅkanā hīnaḥ samaśaṅkustatsamaśaṅkorūrdhvaṃ khaṇḍaṃ sā koṭiḥ, kujyonā taddhṛtistaddhṛterūrdhvakhaṇḍaṃ sa karṇaḥ, agrādikhaṇḍaṃ sa bhujaḥ, idamakṣakṣetram etānyaṣṭau tāvatkathitāni evamanyānyapi bhavanti .

akṣaja na° akṣāt indriyasannikarṣāt jāyate jana--ḍa . indriyaviṣayasannikarṣotpanne pratyakṣajñāne vajre asthirūpāyavajātatvāttasya tannāmatvam . prāguktākṣārthajāte tri° . jyotiṣokte akṣabhave kṣetrādau ca .

akṣaṇika tri° na kṣaṇikaṃ na° . sthire niścale ca . harivīkṣaṇākṣaṇikacakṣuṣeti māghaḥ . akṣaṇikacakṣuṣā sthiradṛṣṭyā stimitanetrayetyarthaḥ iti mallināthaḥ .

akṣaṇvat tri° akṣaasyāsti matup masya vaḥ . netrayukte paśyadakṣaṇvānna viveda iti akṣaṇvantaḥkarmavantaḥ samarthā iti ca vedaḥ .

akṣata pu° ba° na kṣatāḥ . akṣatāśca yavāḥ proktā iti kā° smṛtyukte yave . napuṃsakamiti kecit dūrvākṣatāni ceti purāṇam . taṇḍule, akṣatairnārcayedviṣṇuṃ na tulasyā vināyakamiti tantram . śasyamātre na° . kṣayayuktabhinne utkarṣānvite avidārite ca tri° . akṣatā vā kṣatā vā pīti manuḥ . kṣaṇa--bhāve kta na° ta° . kṣayābhāve na° . akṣatañcāriṣṭaṃ cā stu iti śrāddhaviprasamīpe kṛtakarmaṇo'kṣayaprārthanā .

akṣadarśaka pu° akṣāṇāmṛṇādānādivyavahārāṇāṃ darśakaḥ dṛśa--ṇvul 6 ta° . vivādanirṇetari dharmādhikaraṇādhyakṣe . dyatadarśake tri° .

akṣadṛś pu° akṣān vyavahārān paśyati dṛśa--kvin kutvam . akṣadarśakaśabdārthe . akṣārthadraṣṭari tri° .

akṣadevin tri° akṣairdīvyati diva--ṇini 3 ta° . pāśakādidyūtakrīḍākārake .

akṣadya tri° akṣairdīvyati diva--kvip ūṭh . pāśakādidyūtakārake .

[Page 43a]
akṣadyūta na° akṣairdyūtam 3 ta° . pāśakādikrīḍāyām .

akṣadyūtādi pu° ba° . nirvṛtte'kṣadyūtādibhya iti pāṇinyukte ṭhakpratyayanimitte śabdasamūhe . akṣadyūta, jānuprahṛtajaṅghāprahṛta jaṅghāprahata, pādasvedana, kaṇṭakamardana, gatānugata, gatāgata--yātopayāta, anugata iti . akṣadyūtena rnivṛttam ākṣadyūtikaṃ vairamityādi .

akṣadhara pu° akṣaṃ cakraṃ rathāvayavaṃ tatkīlakamiva kaṇṭakaṃ vā dharati dhṛ--ac 6 ta° . viṣṇau cakre śākhoṭakavṛkṣe ca cakradhārakamātre tri° .

akṣadhur strī° akṣasya cakrasya dhūragraṃ bhārovā 6 ta° na a samā° . cakrāgre cakrabhāre ca .

akṣadhūrta tri° akṣe taddevane dhūrtaḥ . dyūtakuśale dyūtakāriṇi ca (juyāri) .

akṣadhūrtila pu° akṣasya śakaṭasya dhūrtiṃ bhāraṃ lāti lā--ka . śakaṭavāhanakartari vṛṣe .

akṣan na° akṣa--bāhu° kanin . netre dakṣiṇe'kṣan iti vṛha° upa° bhadraṃ karṇebhiḥ śṛṇavāma devā bhadraṃ paśyemākṣabhiryajatrā iti vedaḥ .

akṣa(kṣi)paṭala na° akṣṇaḥ netrasya paṭalamivācchādakatvāt . netrasyāvarake kośabhede netrarogabhede (chāni) ca . paṭalastharogabhedādi śuśrute uktaṃ yathā masūradalamātrāntu pañcabhūtaprasādajām . khadyotavisphuliṅgābhāṃ siddhāṃ tejobhiravyayaiḥ .. āvṛtāṃ paṭalenākṣṇorvāhyena vivarākṛtim . śītasātmyāṃ nṛṇṇāṃ dṛṣṭimāhurnayana cintakāḥ .. rogāṃstadāśrayān ghorān ṣaṭ ca ṣaṭ ca pracakṣmahe . paṭalānupraviṣṭasya timirasya ca lakṣaṇam .. śirābhirabhisamprāpya viguṇo'bhyantare bhṛśam . prathame paṭale doṣo yasya dṛṣṭau vyavasthitaḥ .. avyaktāni sa rūpāṇi sarvāṇyeva prapaśyati . dṛṣṭirbhṛśaṃ vihvalati dvitīyaṃ paṭalaṃ gate . makṣikāḥ maśakān keśān jālakāni ca paśyati . maṇḍalāni patākāśca marīcīḥ kuṇḍalāni ca .. pariplavāṃśca vividhān varṣamabhraṃ tamāṃsi vā . dūrasthānyapi rūpāṇi manyate ca samīpataḥ .. samīpasthāni dūre ca dṛṣṭergocaravibhramāt . yatnavānapi cātyarthaṃ sūcīpāśaṃ na paśyati .. ūrdhaṃ paśyati nādhastāttṛtīyaṃ paṭalaṃ gate . mahāntyapi ca rūpāṇi cchāditānīva vāsasā .. karṇanāsākṣiyuktāni viparītāni vīkṣate .. yathādoṣañca rajyeta dṛṣṭirdoṣe balīyasi .. adhaḥsthite samīpasthaṃ dūrasthañcoparisthite . pārśvasthite tathā doṣe 'pārśvasthānīva paśyati .. samantataḥ sthite doṣe saṅkulānīva paśyati . dṛṣṭimadhyagate doṣe sa ekaṃ manyate dvidhā .. dvidhāsthite tridhā paśyedbahudhā cānavasthite . timirākhyaḥ sa vai doṣaścaturthapaṭalaṅgataḥ .. ruṇaddhi sarvato dṛṣṭiṃ liṅganāśaḥ sa ucyate . tasminnapi tamobhūte nātirūḍhe mahāgade .. candrādityau sanakṣatrāvantarikṣe ca vidyutaḥ . nirmalāni ca tejāṃsi bhrājiṣṇūni ca paśyati .. sa eva liṅganāśastu nīlikākācasaṃjñitaḥ iti . akṣāṇāṃ vyavahārāṇāṃ paṭalamastyasya ac 6 ta° . akṣadarśake dharmādhyakṣe pu° .

akṣapari avya° akṣeṇa pāśakena viparītaṃ vṛttam . akṣaśalāketyādinā pariṇā avya° . pāśakakrīḍāyāṃ yathā guṭikāpāte jayobhavati tadviparītapātane .

akṣapāṭaka pu° akṣe vyavahāre pāṭayati dīpyate paṭa dīptauṇvul . vyavahāranirṇetari dharmādhyakṣe .

akṣapāda pu° akṣaṃ netraṃ darśanasādhanatayā jātaḥ pādo'sya . nyāyasūtrakārake gautame munau, sa hi svamatadūṣakasya vyāsasya mukhadarśanaṃ cakṣuṣā na kartavyamiti pratijñāya paścāt vyāsena prasāditaḥ pāde netraṃ prakāśya taṃ dṛṣṭavāniti paurāṇikī kathā . akṣapādapraṇīte ca kāṇāde sāṃkhyayogayoḥ . tyājyaḥ śrutiviruddho'rtha iti padmapurāṇam .

akṣapīḍā strī° akṣamindriyaṃ rasanārūpaṃ pīḍayati āsvādanāt pīḍa--ac . yavatiktālatāyām . pīḍa--bhāve aṅ + 6 ta° . indriyapīḍāyām .

akṣama tri° na kṣamate kṣama--ac na° ta° . asamarthe . kṣama--bhāve aṅ abhāvārthe na° ta° . kṣamābhāve īrṣyāyām strī . akṣamā bhavataḥ keyamiti bhāratam . na° ba° . kṣamārahite tri° .

akṣamālā strī akṣāṇāṃ rudrākṣāṇāṃ mālā . rudrākṣa vījagrathitamālāyām . akārādikṣakārāntaḥ akṣa statkṛtā tatpratinidhībhūtā vā mālā śā° ta° . ekapañcāśadvarṇamālāyām tatpratinidhībhūtāyāṃ sphaṭikādigrathitāyām vāhyamālāyāñca śoṣyamāṇapuṣkaravījaṃ grathyamanākṣa mālamiti kāda° . vibhāntamacchasphaṭikākṣamālayeti māghaḥ . tadvivaraṇam . kramotkramagate mālā mātṛkārṇe kṣameruke . lāvasānaiḥ sāṣṭavargairantaryajanakarmaṇīti sanatkumārīye . padmavījādibhirmālā vahiryāge śṛṇuṣva tāḥ . rudrākṣaśaṅkhapadmākṣaputrajīvakamauktikaiḥ . sphāṭikairmaṇiratnaiśca suvarṇai rvidrumaistathā . rajataiḥ kuśamūlaiśca gṛhasthasyākṣamāliketi tantrasāre etatvistārastataevāgantavyaḥ . akṣasya nakṣatracakrasya māleva bhūṣaṇatvāt . arundhatyāṃ, sā hi uttarasyāṃ diśi gagane saptarṣimaṇḍalacakre vasiṣṭhasamīpemālārūpeṇa vartate sarvebhyaśca ujvalatvāttasyā mālārūpeṇa sthitatvācca nakṣatracakrabhūṣaṇatvam .

akṣaya tri° nāsti kṣayo'sya . kṣayarahite sarvadā vartamāne gayāyāmakṣayavaṭe pitṝṇāṃ dattamakṣayamiti vāyupurāṇam abhijidrohiṇodaye yadatra dīyate jantostadakṣayamudāhṛtamiti smṛtiḥ . paramātmani pu° . kṣayovāsaḥ, tacchūnye aniketane saṃnyāsini, daridre ca . akṣayaṃ puṇyamatrāsti ac . akṣayapuṇyasādhane tithibhede ca amā vai somavāreṇa ravivāreṇa saptamī . caturthī bhaumavāreṇa akṣayādapi cākṣayeti bhaviṣyapurāṇam .

akṣayatṛtīyā strī karma° . vaiśākhaśuklapakṣatṛtīyāyām . vaiśākhe māsi rājendra! śuklapakṣe tṛtīyikā . akṣayā sā tithiḥ proktā kṛttikārohiṇīyutā . tasyāṃ dānādikaṃ sarvamakṣayaṃ samudāhṛtamiti . yā śuklā kuruśārdala! vaiśākhe māsi vai tithiḥ . tṛtīyā sākṣayā loke tridaśairabhivanditeti ca bhaviṣyapurāṇam . vaiśākhasya site pakṣe tṛtīyā'kṣayasaṃjñiteti skandapurāṇam .

akṣayya tri° kṣetuṃ śakyaṃ kṣi--yat ni° na° ta° . kṣayānarhe . akṣaye ca teṣāṃ piṇḍo mayā dattohyakṣayyamupatiṣṭhatāmiti vāyu0

akṣayyodaka na° nakṣayya makṣayya mudakaṃ yatra śrāddhe piṇḍadānānantaraṃ deye madhutilamiśrite udake . akṣayyodaka dānantu arghyadānavadiṣyate . ṣaṣṭhyaiva nityaṃ tat kuryāt na caturthyā kadācaneti chandogapa° .

akṣara na° na kṣaratīti kṣara--calane ac na° ta° . paramabrahmaṇi kūṭasthe caitanye akṣaraṃ paramaṃ brahmeti gītā . kriyāśūnye tri° jīve paramātmani ca pu° . kṣaraḥ sarvāṇi bhūtāni kūṭasyo'kṣara ucyate iti yasmāt kṣaramatīto'hamakṣarādapi cottamaḥ . ato'smi loke vede ca prathitaḥ puruṣottama iti ca gītā . kṣaraṇaśūnye sthire tri° . aśrute vyāpnoti vedādiśāstrāṇi aśa--saran . akārādivarṇe na° akṣarāṇāmakāro'smi dvandvaḥsāmāsikasya ceti gītā . varṇasmārakalipisanniveśe, akṣaraṃ varṇanirmāṇaṃ varṇamapyakṣaraṃ viduḥ . akṣaraṃ na kṣaraṃ vidyādaśnotervā sare'kṣaramiti ujjvala° . udake mokṣe ca na° .

akṣaracaṇa tri° akṣareṇa varṇavinyāsalipyā vittaḥ akṣara + caṇap . lekhanājīvake .

[Page 44b]
akṣara(cu)cañcu tri° akṣareṇa varṇavinyāsalipyā vittaḥ akṣara + cu(ca)ñcup . lekhanājīvake .

akṣaracchandas na° akṣareṇa varṇasaṃkhyayā kṛtaṃ chandaḥ . varṇavṛtte chandastu dvividhaṃ proktaṃ vṛttaṃ jātiriti dvidhā vṛttamakṣarasaṃkhyātaṃ jātirmātrākṛtā bhavediti chandoma° tasya ca tatkṛtatvāttathātvam . akṣaraṃ niścalaṃ chando'bhiprāyo'sya ba° . parameśvare pu° dṛḍhādhyavasāye tri° .

akṣarajananī strī akṣarāṇāṃ jananīva . lekhanyām (kalam) .

akṣarajīvaka tri° akṣareṇa tallipilekhanena jīvati jīvaṇvul 3 ta° . akṣaralekhanopajīvake .

akṣaratūlikā strī akṣarāṇāṃ tallipilekhānāṃ tūlikeva sādhanatvāt . lekhanyām (kalam) .

akṣaranyāsa pu° akṣarāṇi tatsmārakākāraviśeṣā nyasyante atra + ni + asa--ādhāre ghañ 6 ta° . lipyām, patrikāyām . bhāve ghañ 6 ta° . akṣarasmārakarekhādyākāraviśeṣalekhane, hṛdayādyādhārasparśapūrbakaṃ tattadakṣarāṇāṃ smaraṇoccāraṇarūpe tantraprasiddhe varṇanyāse, savindūn vā nyasedetān nirvindūn vā yathākramamiti tantram . vistāraḥ mātṛkāśabdārthe draṣṭavyaḥ . akṣaravinyāso'pyuktārtheṣu .

akṣarajīvika tri° akṣaraṃ tallipilekhanaṃ jīvikā vartanopayo'sya . lipilekhanopajīvini .

akṣarajīvin tri° akṣareṇa tallipilekhanena jīvati jīvaṇini 3 ta° . akṣaralekhanena vṛttinirvāhakārake . striyāṃ ṅīp .

akṣaramukha tri° akṣarāṇi tanmayāni śāstrāṇi vā mukhe yasya . śāstrābhijñe akṣarābhijñe ca 6 ta° . akārarūpe varṇena0

akṣaraśas avya° akṣaramakṣaramiti vīpsātha kārake śas . pratyakṣaramityarthe, paccha akṣaraśaḥ iti gṛhyam .

akṣarasaṃsthāna na° akṣarāṇāṃ tatsmārakarekhāviśeṣāṇāṃ saṃsthānamatra ba° . varṇasmāraka--rekhāviśeṣayukta--lipyām . likhitākṣarasaṃsthānamityamaraḥ .

akṣarāṅga na° akṣarāṇāmaṅgaṃ tatsmārakarekhāviśeṣāṇāmavayavaḥ 6 ta° . lipyām, lekhanasādhanadravye ca .

akṣarāja pu° akṣeṇa tatkrīḍayā rājeva . dyūtāsakte .

akṣarī strī aśnute gaganābhogaṃ meghaiḥ aśa--saran gau° ṅīṣ . varṣāyām

akṣavatī strī akṣā pāśakāḥ sādhanatvena vidyante'tra akṣa + matup masya vaḥ ṅīp . dyūtakrīḍāyām .

akṣavāṭa pu° akṣāṇāṃ pāśakakrīḍānāṃ vāṭaḥ vāsasthānam . dyūtasthāne, pāśakādhāre phalake ca . akṣasya rathacakra kṣuṇṇasthānasyeva vāṭaḥ . mallabhūmau tatra hi rathacakrakṣuṇṇapāṃśusadṛśapāṃśumattvāt tatsadṛśatvam .

akṣavid tri° akṣaṃ pāśakakrīḍāṃ vyavahāraṃ vā vetti vidakvip . akṣavidyābhijñe vyavahārābhijñe ca akṣavettrādayo 'pyatra . striyām akṣavettrī .

akṣavidyā strī 6 ta° . pāśakādidyūtavidyāyām .

akṣavṛtta na° akṣaṃ rāśicakrarūpaṃ vṛttaṃ veṣṭanākāraṃ koṇa śūnyaṃ kṣetram . rāśicakrarūpe vṛttakṣetre . akṣe pāśaka krīḍāyāṃ vṛttaḥ vyāpṛtaḥ 7 ta° . pāśakakrīḍāsakte yadakṣavṛttamanu dattaṃ na etaditi śrutiḥ .

akṣaśauṇḍa pu° akṣeṣu tatkrīḍāyāṃ śauṇḍaḥ pravīṇaḥ 7 ta° . dyūtakrīḍākuśale .

akṣasūtra na° akṣasya japamālāyāḥ sūtram . japamālāśraya sādhane sūtre sākṣasūtrakamaṇḍaluriti purāṇam .

akṣāgrakīlaka na° akṣasya rathanābhikṣetrasyāgranaddhaṃ kīlakam . 6 ta° . cakranābhikṣetrāgraprote kīlake .

akṣānah na° akṣe cakre ānahyate badhyate ā + nahakvip . cakrasaṃbaddhe kāṣṭhabhede . akṣānaho nahyatanota saumyā iti vedaḥ .

akṣānti strī° kṣama--ktin virodhyarthe na° ta° . īrṣyāyāṃ, krodhe ca . na° ba° . kṣamāśūnye tri° .

akṣāralavaṇa tri° kṣāreṇa uṣaramṛttikayā nirvṛttaṃ aṇ kṣāraṃ kṛttimaṃ lavaṇaṃ na° ta° . akṛtrimalavaṇe munyannāni payaḥ somomāṃsaṃ yaccānupākṛtam . akṣāralavaṇañcaiveti manuḥ . caturthakālamaśnīyādakṣāralavaṇaṃ tatheti manuḥ akṣāralavaṇamakṛtrimalavaṇamitiprāya° raghu° . kṣāralavaṇabhinne saindhavalavaṇe na° . naitasyāṃ rātrāvannaṃ paceyustrirātramakṣāralavaṇānnāśinaḥ syurdvādaśarātraṃ mahāguruṣviti, āśvanāyanagṛhyam . akṣāralakṣaṇaṃ kṣāramṛttikādi--kṛtalavaṇabhinnaṃ saindhavaṃ sambhāri ceti śu° raghu° . gokṣīraṃ goghṛtañcaiva dhānyamudgāstilāyavāḥ . sāmudraṃ saindhavañcaiva akṣāralavaṇaṃ smṛtam iti smṛtyukte goghṛtādidravyagaṇe ca .

akṣāvapana na° akṣān pāśakān āvapati kṣipatyasmin ā + vapa--ādhāre lyuṭ 6 ta° . pāśakapātanādhāre phalake .

akṣāvalī strī 60 ta° . japasādhana--rudrākṣavījāvalau japamālāyām rakṣāvalīmivākṣāvalīṃ kaṇṭhenodvahantī tikāda° .

akṣāvāpa tri° akṣān pāśakān āvapati kṣipati ā + vapa--aṇ upa° sa° . dyūtakārake, tadadhyakṣe ca .

[Page 45b]
akṣi na° aśnute viṣayān aśa--ksi . netre, indriyamadhye tasyaiva viṣayadeśaṃ prāpya viṣayagrāhakatvaṃ sarvavādisasmatamanyeṣāntu sarvamate na tathātvamato'sya viṣayavyāpakatā . etadanta bahuvrīheḥ svāṅgaparatve ṣajantatā padmākṣaḥ padmākṣī, asvāṅgaparatve ajantatā dīrghākṣā veṇuyaṣṭiḥ, avyayībhāve ajantatā pratyakṣaṃ samakṣamityādi tatpuruṣe 'svāṅgaparatve'jantatā gavākṣaḥ . idañca śabdādiṣu vāhyendriyagrāhyaviśeṣaguṇeṣu madhye rūpasyaiva grāhakatayā taijasaṃ netragolake'dhiṣṭhitaṃ kiñcit vastu . taijasatvāccāsya sūryādikiraṇavadāśudūraparyantānudhāvanamāgamanañca . tacca paramāṇutulyamiti naiyāyidayaḥ tadapekṣayā sthūlamiti sāṃkhyādayaḥ . ubhayamate'pi na tasya pratyakṣayogyatā . tadādhāragolake dve vāhye āntaraṇi ca catvāri kośavat paṭalāni, māṃsādayaḥ pañcāṃśāḥ, pakṣmādīni pañca maṇḍalāni ṣaṭ sandhayaśca santi . tadviraṇaṃ yathā vidyāddvyaṅkulabāhulyaṃ svādbhuṣṭhodarasammitam . dvyaṅkulaṃ sarvataḥ sārdhvaṃ bhiṣagnayanavudbudam .. suvṛttaṃ gostanākāraṃ sarbabhūtaguṇodbhavam . palaṃ bhuvo, 'gnito, raktaṃ, vātāt kṛṣṇaṃ, sitaṃ jalāt .. ākāśādaśrumārgāśca jāyante netravudbude . dṛṣṭiñcātra tathā vakṣye yathāvādīdviśāradaḥ .. netrāyāmatribhāgantu kṛṣṇamaṇḍalamucyate . kṛṣṇāt saptamamicchanti dṛṣṭiṃ dṛṣṭiviśāradāḥ .. maṇḍalāni ca sandhīrśca paṭalāni ca locane . yathākramaṃ vijānīyāt pañca ṣaṭ ca ṣaḍeva ca .. pakṣmavartmaśvetakṛṣṇadṛṣṭīnāṃ (5) maṇḍalāni tu . anupūrbantu tanmadhyāścatvāro'nye yathottaram .. pakṣmavartmagataḥ sandhirvartma śuklagato'paraḥ . śuklakṛṣṇagatastvanyaḥ kṛṣṇadṛṣṭigato'paraḥ .. tataḥ kanīnakagataḥ ṣaṣṭhaścāpāṅgagaḥ smṛtaḥ . dve vartmapaṭale vidyāccatvāryanyāni cākṣaṇi . jāyate timiraṃ yeṣu vyādhiḥ paramadāruṇaḥ . tejojalāśritaṃ vāhyaṃ teṣvanyat piśitāśritam .. medastṛtīyaṃ paṭalamāśritantvakṣi cāparam . pañcamāṃśasamaṃ dṛṣṭesteṣāṃ bāhulyamiṣyate iti śuśrute ..

akṣika pu° akṣāya cakrāvayavāya hitam ṭhan . rañjanadrume (ātaica) .

akṣikūṭaka na° akṣṇaḥ kūṭa iva kan . netragolake netratārāyāñca .

akṣigata tri° akṣṇi gataḥ sarvadābhāvanāvaśādakṣyasannikṛṣṭo'pi upasthita iva . dveṣye śatrau netragocare ca . tvayi kilākṣigate nayanaistribhiriti nai° .

akṣitara na° akṣīva tarati tṝ--ac . jale nirmalatvānnetra tulyatvam .

akṣibhū strī akṣṇaḥ bhūrviṣayaḥ . cakṣurgocare pratyakṣe, satye netradṛṣṭavastuna eva satyatāsaṃvāditayā tasya satyatvam . satyasyākṣibhuvo yathā, iti śrutiḥ .

akṣibheṣaja na° 6 ta° netrarogaviśeṣanivārake paṭṭikālodhravṛkṣe .

akṣibhruva na° bhruvau ca akṣiṇī ca samā° dva° . rājadantādi° akṣiśabdasya bahvackatve'pi pūrbani° acsamā° . bhrūnetrasaṃghāte saumitrirakṣibhruvamujjihāna iti bhaṭṭiḥ .

akṣiva pu° akṣi vātiṃ prīṇāti añjanena vā--ka . (sajanā) śobhāñjanavṛkṣe sāmudralavaṇe ca .

akṣivikūṇita na° akṣṇaḥ vikūṇitaṃ lajjādinā samyak prasārābhāvāt saṅkocoya tra . apāṅgadarśane kaṭākṣa pāte

akṣīva na° na kṣīvate mādyati kṣīva--ka, kta vā na° ta° . śobhāñjane (sajanā) sāmudralavaṇe ca . mattabhinne tri° . bāntoyamityanye .

akṣu na° akṣa--u . śīghre . jūrṇo makṣuvāhaṃsoyajatrā iti vedaḥ .

akṣudhya tri° akṣudhe hitam akṣudh + yat . kṣudhābhāvasādhane dravye . akṣudhyā atṛṣyāste gṛhāmāsmadbibhītaneti vedaḥ .

akṣetra na° apraśastaṃ kṣetraṃ na° ta° . śasyānutpādake kṣetre upadeśānarhe śiṣye, apātre ca . akṣetre vījasutsṛṣṭamantaraiva vinaśyatīti purā° .

akṣetravid tri° kṣetraṃ dehatattvaṃ tattvato na jānāti vida--kvip asa° sa° . kṣetratattvānabhijñe ātmatvena dehābhimānini jīve . akṣetravid kṣetramidaṃ hyaprāṭ praiti kṣetravidānuśiṣṭa iti vedaḥ .

akṣetrin pu° kṣetraṃ śasyotpattisthānaṃ kalatraṃ vā matvarthe ini na° ta° . kṣetrasvāmibhinne . ye'kṣetriṇo vījavantaḥ parakṣetre pravāpina iti smṛtiḥ .

akṣoṭa pu° akṣa--oṭ akṣasyavibhītakasyeva uṭāni parṇānyasya vā . parvatīyapīlubhede (āsvaroṭa) svārthe kan tatraiva .

akṣoḍa pu° akṣa--oḍa akṣaḥ vibhītaka iva oḍati patraiḥ saṃhanyate uḍa--ac vā . parvatīyapīluvṛkṣe (ākharoṭa) svārthe kan tatraiva .

akṣobhya tri° kṣobhyate vicālyate kṣubha--ṇic karmaṇi yat na° ta° . bhramayitumaśakye ikṣvākubalamakṣobhyamiti purā° . tantrokte dvitīyavidyāmantrīpāsake taddevatāyāḥ śirasi nāgarūpeṇa sthite ṛṣibhede pu° . akṣobhyo'syāṛṣiḥ prokta, iti tantram .

akṣobhyakavaca na° akṣobhāya hitamakṣobhyaṃ karma° . tantrokte kavacabhede tacca tantrasāre draṣṭavyam .

[Page 46b]
akṣauhiṇī strī ūhaḥ samūhaḥ saṃvikalpakajñānaṃ vā so'syāmasti ini, akṣāṇāṃ rathānāṃ sarveṣāmindriyāṇām vā ūhinī ṇatvaṃ vṛddhiśca . rathagajaturaṅgapadāti--saṃkhyāviśeṣānvite senāsamūhe . akṣauhiṇyāmityadhikaiḥ saptatyā cāṣṭabhiḥ śataiḥ . saṃyuktāni sahasrāṇi gajānāmekaviṃśatiḥ . evameva rathānāntu saṃkhyānaṃ kīrtitaṃ budhaiḥ . pañcaṣaṣṭiḥ sahasrāṇi ṣaṭ śatāni daśaiva tu . saṃkhyātāsturagāstajjñairvinā rathyaturaṅgamaiḥ . nṝṇāṃ śatasahasraṃ tu sahasrāṇi na vaivatu . śatāni trīṇicānyāni pañcāśacca padātaya iti . rathāḥ 21870 . gajāḥ 21870 . rathavāhakāśvabhinnāḥ aśvāḥ 65610 . padātayaḥ 109350 .

akṣṇa tri° aśnute vyāpnoti aśa--ksna . vyāpake akhaṇḍe kāle na° akṣṇayā dakṣiṇe'ṃse śreṇyāṃ śreṇyāmaṃse, iti vedaḥ .

akhaṭṭa pu° khaṭṭa--ac na° ta° . piyālavṛkṣe (piyāsāla)

akhaṭṭi strī khaṭṭa--i na° ta° vā ṅīp . aśiṣṭvyavahāre .

akhaṇḍa tri° khaḍi--ghañ na° ta° . saṃpūrṇe, sakale akhaṇḍasāmrājyapatitatvametīti jātakam khaṇḍabhinne pu° na° .

akhaṇḍana pu° na khaṇḍyate niravayavatvāt khaḍi--lyuṭ na° ta° khaṇḍanānarhe paramātmani, pūrṇa tri° .

akhaṇḍita tri° khaḍi--kta na° ta° . sampūrṇe, khaṇḍitabhinne ca .

akhaṇḍitartu pu° akhaṇḍitaḥ ṛtuḥ tatsampat puṣpādiprasavarūpā yatra puṣpādi--sarvasampadyukte ṛtukāle .

akhalīkāra pu° na khalaḥ akhalastasya kāraḥ akhala + cvi--kṛ--ghañ . saprayojanatāvidhāne akhalānyathāsampādane .

akheṭika pu° na kheṭatyasmāt khiṭa--bhaye ṣikan . vṛkṣamātre .

akhāta pu° na° khana--kta na° ta° . devakhāte, manuṣyādyakhāte ca . khātabhinne tri° . khātamakhātamuta saktamiti vedaḥ .

akhādya tri° khākha--arhārthe ṇyat na° ta° . bhojanānarhe gomāṃsādau, bhakṣyabhinne ca .

akhidra tri° khida--rak na° ta° . khedarahite marutoyātemakhi drayāmabhiriti vedaḥ .

akhinna tri° khida--bhāve kta ta° ba° . kleśarahite anāyāsasādhye karmaṇi khedarahite kartari ca . kartari kta na° ta° . akliṣṭe .

akhila tri° na khilyate na kaṇaśaādīyate khila--ka na° ta° . samagre . khilābhinne kṛṣṭabhūmyādau strī . nāsti khilamavaśiṣṭaṃ yasya śeṣaśūnye vedo'khilodharmamūlaṃ smṛtiśīle ca tadvidāmiti manuḥ . tena siṃhāsaṃ paitryamakhilaṃ cārimaṇḍalamiti raghuḥ . na niśākhilayāpi vāpikā prasasāda grahileva māninīti nai° .

aga idit gatau bhvādi° para° . aṅgati . āṅgīt . lyuṭ aṅganam asun aṅgaḥ .

aga vakragatau bhvādi° para° ghaṭādi . agati āgīt . agayati .

aga pu° na gacchatīti gama--ḍa na° ta° . vṛkṣe, parvate, ca . gamanākartari śūdrādau tri° . na gacchati vakragatyā paścimam . sūrye tasya hi vakragatyabhāvaḥ jyotiṣaprasiddhaḥ . vakraśīghragatiścaiva bhavet bhaumādipañcake ityukteḥ āryabhaṭṭa mate tu pṛthivyāeva gatimattvena dinarātrisambhavāt sūryasya na gatimattvam . saptasaṃkhyāyāñca kulācalānāṃ saptatvena teṣāñca prādhānyāt pradhānena vyapadeśābhavantīti nyāyāt tathātvam .

agaccha pu° gama--bā° śa na° ta° . vṛkṣe .

agaja na° agāt parvataśilāto jāyate jana--ḍa . śilājatudravye . parvatajātamātre tri° .

agaṇya tri° gaṇayitumaśakyam gaṇa--śakyārthe yat na° ta° . gaṇayitumaśakye asaṃkhye . guṇairagaṇyairatiśīlaśālibhiriti . arhe yat na° ta° . gaṇanānarhe, akiñcitkare tri° .

agati strī gama--ktin na° ta° . upāyābhāve . bahu° . gatiśūnye, upāyaśūnye ca tri° . svārthe kan, śeṣādvā kap tatraivārthe tri° māmagatikamiti śaṅkarācāryaḥ .

agada pu° nāsti gadī rogī yasmāt 5 ba° . auṣadhe 6 ba° . auṣadhānyagadovidyā daivī ca vividhā sthitiḥ . tapasaiva prasidhyantīti purāṇam . rogaśūnye tri° . gada--bhāṣaṇe ac--na° ta° . akathake tri° .

agada nīrogatve kaṇḍvā° para° . agadyati āgadyīt--āgadīt .

agadaṅkāra pu° agadaṃ karoti agada + kṛ--aṇ mum ca . vaidye .

agama pu° na gacchatīti gama--ac na° ta° . vṛkṣe . agantari tri° .

agamya tri° na--gantumarhati gama--yat na° ta° . gamanānarhe agamyā sā bhavattatra yatrābhūt sa mahāraṇa iti caṇḍī . antyajātistriyāṃ strī . agamyāṃ ca striyaṃ gatveti agamyāgamanañcaiva jātibhraṃśakarāṇi ṣaḍiti ca smṛtiḥ durbodhye yogināmapyagamyo'sāviti purāṇam .

agarī strī nāsti garo viṣaṃ yasyāḥ 5 ba° gau° ṅīṣ . mūṣikaviṣahāriṇi devatāḍavṛkṣe . viṣahāriṇi dravyamātre tri° .

agaru na° na girati gṝ--u na° ta° . svanāmaprasiddhe agurucandane . kausumasrajametāñca candanāgarucarcitāmiti durgāpūjāmantraḥ candanāguru iti pāṭhāntaram .

agarhita tri° na° ta° . ninditabhinne śuddhe, yatkiñcitsnehasaṃyuktaṃ bhakṣyaṃ bhojyamagarhitamiti smṛtiḥ .

agasti pu° agaṃ vindhyācalam asyati as--ktic śakandhvādi° . agastyanāmake munau . agastyasyāpatyāni bahuṣu yañoluk . tadgotrāpatyeṣu ba° va° . tatsambandhitvāt dakṣiṇyāṃ diśi . agastyajanmakathā ca . tayorādityayoḥ satre dṛṣṭvāpsarasamurvaśīm retaścaskanda tat kumbhe nyapatadvāśatīvare tenaiva tu mūhūrtena vīryavantau tapasvinau, agastyaśca vaśiṣṭhaśca tāvṛṣī saṃbabhūvatuḥ . bahudhā patitaṃ retaḥ kalase ca jale sthale . sthale vaśiṣṭhastu muniḥ saṃbhūvarṣisattamaḥ . kumbhetvagastyaḥ sambhūtaḥ jale matsyo mahādyutiḥ . udiyāya tato'gastyaḥ kṣaṇamātre mahātapāḥ iti purāṇam . tasya ca vindhyācalastambhanakathā kāśīkhaṇḍe'nusandheyā . vṛhatsahiṃtāyāmasya gaganamaṇḍale dakṣiṇasyāṃ tārārūpeṇa sthitiruktā tacca agastyacāraśabde draṣṭavyam .

agastidru pu° agastipriyaḥ drurvṛkṣaḥ śāka° ta° . vakavṛkṣe . agastivṛkṣādayopyatra .

agastya pu° agaṃ vindhyācalaṃ styāyati stabhrāti styai--ka . agastyanāmake munau . agastyacaritāmāśāṃ pratasthe digjigīṣayeti raghuḥ . yaskā° yañ . āgastyastadapatye .

agastyagītā strī agastyena gītā vidyābhedaḥ . bhārate śāntiparvaṇi prasiddhe vidyābhede .

agastyacāra pu° agastyasya nakṣatrarūpeṇa dakṣiṇasthasya cāraḥ śubhāśubhasūcakagatyādi . varāhasaṃhitokte agastyanāmakanakṣatrasya udayādau . yathā vindhyamastambhayadyaśca tasyodayaḥ śrūyatām ityupakramya . udaye ca puneragastyanāmnaḥ ku--samāyogamalapradūṣitāni . hṛdayāni satāmiva svabhāvāt punarambūni bhavanti nirmalāni .. pārśvadvayādhiṣṭhitacakravākāmāpuṣṇatī sasvanahaṃsapaṅktim . tāmbūlaraktotkaṣitāgradantī vibhāti yoṣeva saritsahāsā .. indīvarāsannasitotpalānvitā saridbhūmatṣaṭpadapaṅktibhūṣitā . sabhrūlatākṣepakaṭākṣavīkṣaṇā vidagdhayoṣeva vibhāti sasmarā .. indroḥ payodavigamopahitāṃ vibhūtim draṣṭuṃ taraṅgavalayā kumudaṃ niśāsu . unmīlayatyalinilīnadalaṃ supakṣma vāpī vilocanamivāsitatārakāntam .. nānāvicitrāmbujahaṃsakokakāraṇḍavāpūrṇataḍāgahastā . ratnaiḥ prabhūtaiḥ kusumaiḥ phalaiśca bhūryacchatī vāghamagastyanāmne .. salilamamarapājñayoñjhitaṃ yadghanapariveṣṭitamūrtibhirbhujaṅgaiḥ . phaṇijanitaviṣāgnisampraduṣṭaṃ bhavati śivaṃ tadagastyadarśanena .. smaraṇādapi pāpamapākurute kimuta? stutibhirvaruṇāṅgaruhaḥ . munibhiḥ kathito'sya yathārghavidhiḥ kathayāmi tathaiva narendrahitam .. saṃkhyāvidhānāt pratideśamasya vijñāya sandarśanamādiśejjñaḥ . taccojjayinyāmagatasya kanyāṃ bhāgaiḥ svarākhyaiḥ sphuṭabhāskarasya .. īṣatprabhinne'ruṇaraśmijāṃlairnaiśe'ndhakāre diśi dakṣiṇasyām . sāṃvatmarāveditadigvibhāge bhūpo'rghamurvyāṃ prayataḥ prayacchet .. ityuktvānte upasahṛtaṃ yathā dṛśyate sa kila hastagate'rke rohiṇīmupagate'stamupetīti .

agastyasaṃhitā strī agastyanirmitā saṃhitā . rāmacandraviṣṇuvāmanādipūjetikartavyatābodhake śāstrabhede .

agastyodaya pu° agastyasya nakṣatrarūpeṇa dakṣiṇasthasya udayaḥ . agastyanakṣatrodaye tasya ca nakṣatrasya dakṣiṇasthitatvena uttaradigvāsināṃ sarvadā darśanayogyatā nāsti, tasyodayaśca bhādraśeṣe bhavati yastu bhādrapade māsi udite kalasodbhave iti purāṇam . tadvivaraṇam agastyacāraśabde darśitam .. tasyodayejalādīnāṃ prasannatvaṃ prasasādodayādambhaḥ kumbhayonermahaujasaḥ iti rathāvuktam .

agādha tri° gādha--pratiṣṭhāyām ghañ--na° ba° . atigabhīre . chidre na° . gādhaḥ nimnasīmā sa nāsti yasyeti . nīcasīmārahite sāsmyagādhe bhaye magneti purā° durbodhe ca . agādhasyānaghāguṇā ityamaraḥ .

agādhajala pu° agādhaṃ jalamatra . atigabhīrajale hrade .

agāra na° agam na gacchantamṛcchati prāpnoti aga + ṛaṇ . gṛhe . tatrāgāraṃ dhanapatigṛhāniti megha° .

agira pu° na gīryate duḥkhena gṝ--bā° ka na° ta° . svarge .

agiraukas pu° agiraḥ svarga okovāsasthānaṃ yasya . deve .

agu pu° na gauḥ kiraṇo'sya . rāhugrahe sūryālokābhāve tamasi . gośūnye tri° .

aguṇa pu° na° ta° . guṇavirodhini doṣe . tadvaḥ sarvaṃ pravakṣyāmi prasave ca guṇāguṇamiti smṛtiḥ na° ba° . guṇarahite tri° bhaktiprītipraṇayasahitaṃ mānadambhādyapetaṃ ceto'smākaṃ guṇavadaguṇaṃ goduhāṃ dehametat ityuddhavadūtaḥ .

aguru na° na gururyasmāt . svanāmaprasiddhe, agurucandane dhūpaiścāgurugandhibhiriti śiṃśapā vṛkṣe (śiśu) ca . gurubhinne, upadeśakaśūnye tri° . guruvarṇabhinne laghuvarṇe pu° agurucaguṣkaṃ bhavati gurū dvau ghanakucayugme, śaśivadanāsāviti śrutabodhaḥ . gauravarahite gauravaviparītalāghavavati tri° .

aguruśiṃśapā strī aguruḥsāro yasyāḥ tādṛśī śiṃśapā madhyapadalopita° . (śiśu) iti prasiddhe śiṃśapāvṛkṣe .

agūḍhagandha na° na gūḍho gandho yasya 6 ba° . hiṅgudravye . tanniryāsasyotkaṭagandhatvāttathā . aguhyasaurabhe dravyamātre tri° .

agṛbhīta tri° na gṛhītam chāndasatvāt hasya bhaḥ . agṛhīte, jayajaya jahyajāmagṛbhītaguṇāmiti, bhāga° śru° .

agaukas pu° agaḥ parvata okaḥ sthānaṃ yasya . śarabhe paśau parvatavāsini tri° .

agnāmarut pu° dvi° dva° ānaṅ . ekahaviruddeśyayo stannāmnordevayoḥ . tau devate asya aṇ . āgnimārutaṃ haviḥ .

agnāviṣṇu pu° dvi° dva° ānaṅ . ekahavirbhoktrostannāmakayordevayoḥ .

agnāyī strī agni + aiṅ--ṅīṣ . agneryoṣiti svāhā khyāyām . varuṇānī nacāgnāyī tasyāḥ simantinī samevi bhaṭṭiḥ . sā ca dakṣakanyā tasyāścāgnipriyatākathā mahābhārate dakṣasyāhaṃ priyā kanyā svāhā nāma mahābhuja! .. bālyād prabhṛti nityañca jātakāmā hutāśane sa na mekāmanāṃ puttra! samyag jānāti pāvakaḥ . icchāmi śāśvataṃ vāsaṃ vastuṃ puttra! sahāgninā . skanda uvāca . havyaṃ kavyañca yat kiñciddvijā° nāmātha saṃskṛtam . hoṣyantyagnau sadā devi! svāhetyuktvā samuddhṛtam . adya prabhṛti dāsyanti suvṛttāḥ satpathe sthitāḥ . evamagnistvayā sārdhaṃ sadā vatsyati śobhane! vana° mārka° pa° .

agni pu° aṅgati ūrdhvaṃ gacchati agi--ni nalopaḥ . agnau svanāmaprasiddhe tejobhede, tejasi ākāśādvāyurvāyoragniragnerāpodbhyaḥ pṛthivī, iti śrutiḥ . tatra tejaḥpadārthastāvaddvividhaḥ sūkṣmaḥ sthūlaśca . sūkṣmavāyusaṃbhūtaḥ sūkṣmavāyusaṃbhūtaḥ sūkṣmaḥ pañcīkṛtastu sthūlaḥ tāsāṃ trivṛtaṃ trivṛtamekaikāṃ karotīti śrutau trivṛtkaraṇasya pañcīkaraṇasyāpyulakṣaṇatvam . pañcīkaraṇaprakāraśca pañcīkaraṇaśabde vakṣyate . tathā ca bhūtāntarāṣṭamabhāgamiśritena svasvārdhabhāgena utpannaḥ pañcīkṛtaḥ . tasya ca pañcātmakatve'pi vaiśeṣyāttadvāda iti śārīrakokteḥ bhūyastvāt taijasatvavyavahāraḥ . so'yaṃ sthūlo vahniḥ prakārāntareṇa trividhaḥ bhaumaḥ divyaḥ jāṭharaśceti bhedāt . tatra pārthivakāṣṭhādi prabhavaḥ bhaumaḥ mahānasādyagniḥ, jalavāyvādibhavaḥ divyaḥ vidyudulkāvajrādiḥ . ubhāvapi ūrdhvajvalanasvabhāvaḥ . udare bhavastṛtīyaḥ . trayo'pyamī svasaṃyuktapākadāhaprakāśana samarthāḥ . sarve'pyamī loke śāstre ca vahnyādiśabdena vyavahniyante teṣāṃ viśeṣaguṇāḥ śabdasparśarūpāṇi yoyoyāvatithaścaiṣāṃ sa sa tāvadguṇaḥ smṛtaḥ iti manunā bhūtamadhye tṛtīyasya tejasaḥ triguṇatvamuktaṃ vyaktamuktaṃ mahābhārate śabdaḥ sparśaśca rūpañca tejaso'tha guṇāstrayaiti ata eva vahnau bhṛgabhugadhvaniriti pañcadaśyāmuktam vahneśca tejojalabhūmyātmakatvena lohitaśuklarūpatvam ata eva chāndogye trivṛtkaraṇānantaram vahnestrirūpatvamuktaṃ yathā yadagneḥ rohitaṃ rūpaṃ tejasastadrūpaṃ, yacchuklaṃ tadapāṃ, yat kṛṣṇa tadannasyeti vivṛtañcaitadbhāṣyakṛtā yattaddevatānāṃ trivṛtkaraṇamuktaṃ tasyaivodāharaṇamucyate . udāharaṇaṃ nāmaikadeśaprasiddhyāśeṣaprasiddhyarthamudāhriyata iti . tadetadāha yadagneḥ trivṛtkṛtasya rohitaṃ rūpaṃ prasiddhaṃ loke tadatrivṛtkṛtasya tejaso rūpamiti viddhi . tathā yacchuklaṃ rūpamagneḥ tadapāmatrivṛtkṛtānāmeva yat kṛṣṇaṃ tasyaivāgneḥ rūpaṃ tadannasya pṛthivyā atrivṛtkṛtāyā iti viddhīti . ata eva tattacchāstrakāvyādiṣu vahneraruṇarūpatayā varṇanaṃ dṛśyate . agnimūrtidhyāne ca aruṇarūpatvamanupadaṃ darśayiṣyate . loke cāruṇatvenaiva pratyakṣeṇāsāvupalabhyate evañca naiyāyikoktaṃ tejasaḥ śuklabhāsvararūpatvaṃ pratyakṣavedaviruddhatvādupekṣyameva . tatra bhaumadivyayoḥ prāyaśolokasiddhatvena divyasyāgre divyaśabde vakṣyamāṇatvācca jāṭhare vahnau viśeṣo'bhidhīyate . nābherurdhaṃ hṛdayādadhastādāmāśayamācakṣate tadgataṃ sauraṃ tejaḥ pittamityācakṣate iti bhāṣyavivaraṇe ānandagiriḥ vaidyakavacanatvenovāca . ata eva tasya kaukṣeya iti saṃjñā . chāndogye ca ya hṛdayasya nāḍyastāḥ piṅgalāścāṇimnastiṣṭhanti śuklasya nīlasya pītasya lohitasye tyasau vā ādityaḥ piṅgalaḥ eṣa śukla eṣa nīla eṣa pīta eṣa lohita iti . vyākhyātañcaitat bhāṣyakṛtā . atha yā etā vakṣyamāṇā hṛdayasya puṇḍarīkākārasya brahmopāsanasthānasya sambandhinyo nāḍyo hṛdayamāṃsapiṇḍātsarvato viniḥsṛtā ādityamaṇḍalādiraśmayastāścaitāḥ piṅgalasya varṇaviśeṣaviśiṣṭasyāṇimnaḥ sūkṣmarasasya rasena pūrṇāstadākārā eva tiṣṭhanti vartanta ityarthaḥ . tathā śuklasya nīlasya pītasya lohitasya ca rasasya pūrṇā iti sarvatrādhyāhāryam . saireṇa tejasā pittākhyena pākābhinirvṛttena kaphenālpena samparkāpiṅgalaṃ bhavati, sauraṃ tejaḥ pittākhyam . tadeva vātabhūyastvānnīlaṃ bhavati . tadeva ca kaphabhūyastvācchuklaṃ, kaphena samatāyāṃ pittam, śoṇitabāhulyena lohitam . vaidyakādvā varṇaviśeṣā anveṣṭavyāḥ . kathaṃ bhavatīti? śrutistvāhādityasambandhādeva, tattejaso nāḍīṣvanugatasyaite varṇa viśeṣā iti . kathamasau vā'dityaḥ piṅgalo? varṇata eṣa ādityaḥ śuklo'pyeṣa nīla eṣa pīta eṣa lohita āditya eva, tasya cānnarasasya dhātvantarasamparkavaśāt varṇaviśeṣa ityānandagiriḥ . asyaivajāṭharasya pipāsāhetutvaṃ chāndogye uktaṃ yathā atha yatraitat puruṣaḥ pipāsati nāma teja evaitat pītaṃ nayate iti . vyākhyātañca bhāṣyakṛtā dravakṛtasyāśitasyānnasya netryaḥ āpo'nnaśuṅgaṃ dehaṃ kledayantyaḥ śithilīkuryuḥ abbāhulyāt, yadi tejasā na śoṣyeta . nitarāñca tejasā śoṣyamāṇāsvapsu dehabhāvena pariṇamamānāsupātumicchā pipāsā puruṣasya jāyate tadā puruṣaḥ pipāsati nāma, tadetadāha teja eva tattadā pītamabādi śoṣayat dehalohitādibhāvena nayate pariṇamayatīti . tasya rasapākaprakāramāha yogārṇave . āyuṣyaṃ bhuktamāhāraṃ sa vāyuḥ kurute dvidhā saṃpraviśyānnamadhyantu, pṛthak kiṭṭaṃ pṛthag jalam (kiṭṭam annamalabhedam) . agnerūrdhvaṃ ca saṃsthāpya tadannaṃ ca jalopari . jalasyādhaḥ svayaṃ prāṇaḥ sthitvāgniṃ dhamate śanaiḥ (dhamate saṃdhukṣayati) vāyunā dhmāyamāno'gniratyuṣṇaṃ kurute jalam . annaṃ taduṣṇatoyena samantāt pacyate punaḥ . dvidhā bhavati tat pakvaṃ pṛthak kiṭṭaṃ pṛthag rasam . rasena tena tā nāḍīḥ prāṇaḥ pūrayate punaḥ . pratyarpayanti sampūrṇārasāni tāḥ samantata iti . evaṃ rasapākottaraṃ dhātupāko'bhihitaḥ padārthādarśe . yathā tvagasṛgmāsamedo'sthimajjaśukrāṇi dhātavaḥ . sapta syustatra coktā tvak raktajodaravahninā . pakkādbhavedannarasādevaṃ raktādibhistathā . svasvakośāgninā pākāt prajāyante tvagādaya iti . etammūlameva tasya ṣoḍhā śarīrāṇi ṣaṭ tvaco dhārayanti ceti yājñavalkyavacanavyākhyāyāṃ mitākṣarākṛtā spaṣṭamuktam yathā tasyātmanoyāni jarāyujāṇḍajādīni śarīrāṇi tāni pratyekaṃ ṣaṭprakārāṇi raktādiṣaḍdhātuparipākahetubhūtaṣaḍagnisthānayogitvena . tathāhi annarasojāṭharavahninā pacyamānī raktatāṃ pratipadyate, raktaḥ svakośasthāgninā pacyamānaṃ māṃsatvam, māṃsañca svakośasthānalaparipakkaṃ medastvam, medo'pi svakośavahninā pakkamasthitām, asthyāpi svakośaśikhiparipakkaṃ majjatvam, majjāpi svakośapāvakaparipacyamānaṃ caramadhātutayā pariṇamate iti jāṭharasya prakārāntareṇa pācanādidaśavidhakarmakāritvāt daśavidhatvamuktaṃ padārthādarśe yathā bhrājakorañjakaścaiva kledakaḥ snehakastathā dhārako bandhakasyaiva drāvakākhyaśca saptamaḥ . vyāpakaḥ pācakaścaiva śleṣmako daśadhā mata iti . vaidyakecāsya caturvidhakāryaviśeṣakāritvāccāturvidhyamuktam . viṣamaśca samastīkṣṇo mandaśceti caturvidhaḥ . kaphapittāna lādhikyāt tatsāmyājjāṭharo'nalaḥ . viṣamo vātajān rogān, tīkṣṇaḥ pittasamudbhavān, karotyagnistathāmagdo vikārān kaphasambhavān . samāḥ samo'gniraśitamātrāḥ samyak pacatyasau iti .. agneratitīkṣṇatve bhasmakasaṃjñā sa hi samyagāhārābhāve śoṇitādidhātūnapi pācayitvā āśu dehaṃ nāśayatīti rakṣitaḥ āhasma . aghikaṃ kāyaśabde vakṣyate . vāhyasya bhaumasyāgneḥ karmaviśeṣe nāmānyuktāni vidhānapārijāte . yathā laukike pāvakohyagniḥ prathamaḥ parikīrtitaḥ . agnistumāruto nāma garbhādhāne prakīrtitaḥ .. puṃsave camaso nāma śobhanaḥ śubhakarmasu . (śuṅgakarmaṇīti raghu0) . tacca sīmantāntargatakarmabhedaḥ . sīmante hyanalo nāma pragalmo jātakarmaṇi .. pārthivo nāmakaraṇe prāśane'nnasya vai śuciḥ . sabhyanāmā tu cūḍāyāṃ bratādeśe samudbhavaḥ .. godāne sūryanāmā syāt keśānte yājakaḥ smṛtaḥ . vaiśvānaro visarge syādvivāhe valadaḥ smṛtaḥ .. caturthīkarmaṇi śikhī dhṛtiragnistathā'pare . (apare karmaṇi) āvasathyastathādhāne vaiśvadeve tu pāvakaḥ . brahmāgnirgāhapatye syāddakṣiṇāgniratheśvaraḥ . viṣṇurāhavanīye syādagnihotre trayomatāḥ lakṣahome'bhīṣṭadaḥ syāt koṭihome mahāśanaḥ . eke ghṛtārciṣāṃ prāhuragnidhyānaparāyaṇāḥ .. rudrādau tu mṛḍo nāma śāntike śubhakṛttathā . ādiśabdāt laghurudraśatarudrātirudrālakṣyante . (pūrṇāhutyāṃ mṛḍo nāmeti raghu0) . pauṣṭike varadaścaiva krodhāgniścābhicārake . vaśyārthe vaśakṛt prokto vanadāhe tu poṣakaḥ . udare jaṭharī nāma kravyādaḥ śavabhakṣaṇe . samudre vāḍavo hyagnirlaye saṃvartakastathā .. saptaviṃśatisakhyātā agnayaḥ karmasu smṛtāḥ . taṃ tamāhūya hotavyaṃ yo yatra vihito'nalaḥ .. anyathā viphalaṃ karma sarvaṃ tadrākṣasambhavet . ādityādigrahāṇāṃ ca sāmprataṃ hyagnirucyate .. āditye kapilo nāma piṅgalaḥ soma ucyate . dhūmaketu stathā bhaume jaṭharo'gnirbudhe smṛtaḥ .. vṛhampatau śikhī nāma śukre bhavati hāṭakaḥ . śanaiścare mahātejā rāhau ketau hutāśanaḥ iti .. yajñādau tu pañca bhedāḥ āvasathyāhavanīyau dakṣiṇāgnistathaiva ca . anvāhāryo gārhapatya ityete pañca vahnayaḥ iti śā° rāgha° . pañcāgnayo ye ca triṇāciketā iti śrutiḥ . agnerdhyeyarūpaṃ yathā rudratejaḥsamudbhūtaṃ dvimūrdhānaṃ dvināsikam . ṣaṇnetraṃ ca catuḥśrotraṃ tripādaṃ saptahastakam . yāmyabhāge caturhrastaṃ savyabhāge trihastakam . sruvaṃ srucañca śaktiṃ ca akṣamālāṃ ca dakṣiṇe . tomaraṃ vyajanaṃ caiva ghṛtapātrantu vāmake . bibhrataṃ saptabhirhastairdvimukhaṃ saptajihvakam . dakṣiṇañca caturjihvaṃ trijihvamuttaraṃ mukham . dvadaśakoṭimūrtyākhyaṃ dvipañcāśatkalāyutam . svāhāsvadhāvaṣaṭkārairaṅkitaṃ meṣavāhanam . raktamālyāmbaradharaṃ raktaṃ padmāsanasthitam .. raudraṃ tu vahnināmānaṃ vahnimāvāhayāmyaham . iti rudrakalpaḥ . agnerbhautikatve'pi karmāṅgahomasādhanatayā evaṃ dhyātavyatā . agnyabhimānini cetanādhiṣṭhite śarīrādāvaśi upacārāt agniśabdaprayogaḥ . agnyadhiṣṭhātari devabhede agniṃ dūtaṃ vṛṇīmahe hotāraṃ viśvavedasa mityādau vede tasyaiva āhvānapūrvakopāsyatvamuktam . tadadhiṣṭhitadehabhede'pi, sa eva viśvanarājjanmāsādya agnilokādhipatyaṃ cakāreti kāśīkhaṇḍe uktaṃ tatkathā vaiśvānaraśabde vakṣyate . agnidevatāke kṛttikānakṣatre aśviyamadahane tyādinā jyotiṣe kṛttikānakṣatrasya tatsvāmikatvokteḥ taddevatāke pratipattithau vahnestadādhipatyaṃ tithiśabde vakṣyate . tasya bahutve'pi vedatrayabhedena dakṣiṇāgnigārhapatyāhavanīyanāmatayā prādhānyena tritvāt pradhānena vyapadeśā bhavantīti nyāyāt tatsaṃkhyāsadṛśasaṃkhyāke tritvasaṃkhyānvite, svodayāt svāgnilabdhaṃ (30) yadbhuktaṃ bhogyaṃ ravestyajediti nīlakaṇṭhaḥ . citrakavṛkṣe (cite) svarṇe tasya tattejojātatvāttathā tat kathā agniretaḥśabde vakṣyate bhallātakavṛkṣe (bhelā) nimbuka vṛkṣe (nevu) pitte dhātau tasya tadutpannatvāttathā yathā ca tasya tadutpannatvaṃ tathoktaṃ prāk . tatsvāmike agnikoṇe ca . evamagnivācakāḥ sarve'pi śabdāḥ kṛttikānakṣatrādau vartante . vittaṃ brahmaṇi kāryasiddhiratulā śakre hutāśe bhayamiti tithita° . hutāśe agnikoṇe analavidhuśatākhyeti jyotiṣam . (analaḥ kṛttikā) evaṃ yathāyathamudāhāryam . agnyabhimāninaśca devāḥ kuta utpannāḥ? kasmin kasmin . karmaṇi? vā teṣāmadhiṣṭhātṛtvaṃ taduktaṃ bhārate .
     aṅgirā uvāca kuru puṇyaṃ prajāsargaṃ bhavāgnistimirāpahaḥ . māñca deva! kṛruṣvāgne! prathamaṃ puttramañjasā .. tacchrutvā'ṅgiraso vākyaṃ jātavedāstadā'karot . rājan! . vṛhaspatirnāma tasyāpyaṅgirasaḥ sutaḥ . jñātvā prathamajaṃ tantu vahnerāṅgirasaṃ sutam . upetya devā papracchuḥ kāraṇaṃ tatra bhārata . sa tu pṛṣṭastadā devaistataḥ kāraṇamabravīt . pratyagṛhṇaṃstu devāśca tadvaco'ṅgirasastadā . tatra nānāvidhānagnīn pravakṣyāmi mahāprabhān . karmabhirbahubhiḥ khyātānnānārthān brāhmaṇeṣviha . va° mārka° sa° 216 adhyā° brahnaṇo yastṛtīyastu puttraḥ kurukulodvaha! . tasyābhavat śubhā bhāryā prajāstasyāñca me śṛṇu . vṛhatkīrtirvṛhajjyotirvṛhadbrahmā vṛhanmanāḥ . vṛhanmantro vṛhadbhāsastathā rājan! vṛhaspatiḥ . prajāsu tāsu sarvāsu rūpeṇāpratimā'bhavat . deva! bhānumatī nāma prathamā'ṅgirasaḥ sutā . bhūtānāmiva sarveṣāṃ tasyāṃ rāgastadā'bhavat . rāgādrāgeti yāmāhurdvitīyā'ṅgirasaḥ sutā . yāṃ kapardisutāmāhurdṛśyādṛśyeti dehinaḥ . tanutvāt sā sinībālī tṛtīyā'ṅgirasaḥ sutā . paśyatyarciṣmatī bhābhirhavirbhiśca haviṣmatī . mahāmakheṣvāṅgirasī doptimatsu mahāmate! . mahāyatīti vikhyātā saptamī kathyate sutā . yāntu dṛṣṭvā bhagavartī janaḥ kuhukuhāyate . ekānaṃśeti tāmāhuḥ kuhūmaṅgirasaḥ sutām . 317 a° vṛhaspateścāndramasī bhāryā'bhūdyā yaśasvinī . agnīn sā'janayat putrān ṣaḍekāñcāpi puttrikām . āhutiṣveva yasyāgnerhaviṣājyaṃ vidhīyate . so'gnirvṛhaspateḥ puttraḥ śaṃyurnāma mahāvrataḥ . cāturmāsyeṣu yasyeṣṭyāmaśvamedhe'grajaḥ paśuḥ . dīpto jvālairanekābhairagnireṣo'tha vīryavān . śaṃyīrapratimā bhāryā satyā'satyā'tha dharmaja! .. agnistasya suto dīptastisraḥ kanyāśca suvratāḥ prathamenājyabhāgena pūjyate yo'gniradhvare . agnistasya bharadvājaḥ prathamaḥ puttra ucyate paurṇamāsyeṣu sarveṣu haviṣājyaṃ srucodyatam . bharato nāmataḥ so'gnirdvitīyaḥ śaṃyutaḥ sutaḥ . tisraḥ kanyā bhavantyanyā yāsāṃ sa bharataḥ patiḥ . maratastu sutastasya bharatyekā ca puttrikā . bharato bharatasyāgneḥ pāvakastu prajāpateḥ . mahānatyarthamahitastathā bharatasattamaḥ . bharadvājasya bhāryā tu vīrā vīrasya piṇḍadā . prāhurājyena tasyejyāṃ somasyeva dvijāḥ śanaiḥ . haviṣā yo dvitīyena somena saha yujyate . rathaprabhūrathādhvānaḥ kumbharetāḥ sa ucyate . saraṃyvāṃ janayan siddhiṃ bhānu bhābhiḥ samāvṛṇot . āgneyaṃ mānayannityamādhāne hyeṣa ṣūyate . yastu na cyavate nityaṃ yaśasā varcasā śriyā . agnirniścyavano nāma pṛthivīṃ stauti kevalam . vipāpmā kaluṣairmukto viśuddhaścārciṣā jvalan . vipāpo'gniḥ sutastasya satyaḥ samayadharmakṛt . akrośatāṃ hi bhūtānāṃ yaḥ karīti hi niṣkṛtim . agniḥ sa niṣkṛtirnāma śobhayatyabhisevitaḥ . anukūjanti yeneha vedanārtāḥ svayaṃ janāḥ . tasya puttraḥ svano nāma pāvakaḥ sa rujaskaraḥ . yastu viśvasya jagato buddhimākramya tiṣṭhati . taṃ prāhuradhyātmavido viśvajinnāmapāvakam . antaragniḥ smṛto yastu bhuktaṃ pacati dehinām . sa jajñe viśvabhuṅnāma sarvalokeṣu bhārata! . brahmacārī yatātmā ca satataṃ vipulavratāḥ . brāhmaṇāḥ pūjayantyenaṃ pākayajñeṣu pāvakam . pavitrā gotamī nāma nadī yasyā'bhavat priyā . tasmin karmāṇi sarvāṇi kriyante dharmakartṛbhiḥ . vaḍavāgniḥ pibatyambho yo'sau paramadāruṇaḥ . ūrdhvabhāgūrdhvabhāṅ nāma kaviḥ prāṇāśritastu yaḥ . udagdhāraṃ haviryasya gṛhe nityaṃ pradīyate . tataḥ sviṣṭaṃ bhavedājyaṃ sviṣṭakṛt paramaḥ smṛtaḥ . yaḥ praśānteṣu bhūteṣu manyurbhavati pāvakaḥ . kruddhasya tarasā jajñe manyantī cātha puttrikā . svāheti dāruṇā krūrā sarvabhūteṣu tiṣṭhati . tridive yasya sadṛśo nāsti rūpeṇa kaśvana atulyatvāt kṛto devairnābhrā kāmastu pāvakaḥ . saṃharṣāddhārayan krodhaṃ dhanvī sragvī rathe sthitaḥ samaye nāśayecchatrū namogho nāma pāvakaḥ . uktho nāma mahābhāga . tribhirukthairabhiṣṭutaḥ . mahāvācantvajanayat samāśvāsaṃ hi yaṃ viduḥ . 218 a° kāśyapo hyatha vāśiṣṭhaḥ prāṇaśca prāṇaputtrakaḥ . agnirāṅgirasaścaiva cyavanastrisuvarcakaḥ . acarat sa tapastīvraṃ puttrārthe bahuvārṣikam . puttraṃ labheyaṃ dharmiṣṭhaṃ yaśasā brahmaṇā samam . mahāvyāhṛtibhirdhyātaḥ pañcabhistaistadā tvatha . jajñe tejo mahārciṣmān pañcavarṇaḥ prabhāvanaḥ . samiddho'gniḥ śirastasya bāhū sūryanibhau tathā . tvaṅnetre ca suvarṇābhe kṛṣṇe jaddhve ca bhārata! . pañcavarṇaḥ sa tapasā kṛtastaiḥ pañcabhirjanaiḥ . pāñcajanyaḥ śruto devaḥ pañcavaṃśakarastu saḥ . daśa varṣasahasrāṇi tapastatvā mahātapāḥ . janayat pāvakaṃ ghoraṃ pitṝṇāṃ sa prajāḥ sṛjat . vṛhadrathantaraṃ mūrdhno vaktrādvā tarasā harau . śivaṃ nābhyāṃ balādindraṃ vāyvagnī prāṇato'sṛjat . bāhubhyāmanudāttau ca viśvābhūtāni caiva ha . etān dṛṣṭvā tataḥ pañca pitṝṇāmasṛjat sutān . vṛhadrathasya praṇidhiḥ kaśyapasya mahattaraḥ . bhānuraṅgiraso dhīraḥ putro varcasya saubharaḥ . prāṇasya cānudāttastu vyākhyātāḥ pañcaviṃśatiḥ . devān yajñamuṣaścānyān sṛjat pañcadaśottarān . sumīmamatibhīmañca bhīmaṃ bhīmabalābalam . etān yajñamuṣaḥ pañca devānāṃ hyasṛjattapaḥ . sumitraṃ mitravantañca mitrajñaṃ mitravardhanam mitradharmāṇamityetān devānabhyasṛjattapaḥ . surapravīraṃ vīrañca sureśaṃ suravarcasam . surāṇāmapi hantāraṃ pañcaitāna sṛjattapaḥ . trividhaṃ saṃsritā hyete pañca pañca pṛthak pṛthak . muṣṇantyatra śritā hyete svargato yajñayājinaḥ . teṣāmiṣṭaṃ harantyete nighnanti ca mahaddhaviḥ . spardhayā havyavāhānāṃ nighnantyete haranti ca . dyāṃ vahirvai tadādānaṃ kuśalaiḥ saṃpravartitam . tadete nopasarpanti yatra cāgniḥ sthito bhavet . citāgnerudvahannājyaṃ pakṣābhyāṃ tat pravartitam . mantraiḥ praśamitā hyete naṣṭaṃ muṣṇanti yajñiyam . vṛhadukathastapasaiva puttro bhūmimupāśritaḥ . agnihotre hūyamāne pṛthivyāṃ sadbhirijyate . rathantaraśca tapasaḥ puttro'gniḥ paripaṭhyate . mitravindāya vai tasmai haviradhvaryavo viduḥ . mumude paramaprītaḥ saha puttrairmahāyaśāḥ . 219 a° gurubhirniyamairjāto bharato nāma pāvakaḥ . agniḥ puṣṭimatirnāma tuṣṭaḥ puṣṭiṃ prayacchati . bharatyeṣa prajāḥ sarvāstato bharata ucyate . agniryaśca śivo nāma śaktipūjāparaśca saḥ . duḥkhārtānāñca sarveṣāṃ śivakṛt satataṃ śivaḥ . tapasastu phalaṃ dṛṣṭvā sampravṛddhaṃ tapo mahat . uddhartukāmo matimān puttro jajñe purandaraḥ . ūṣmā caivoṣmaṇo jajñe so'gnirbhūteṣu lakṣyate . agmiścāpi manurnāma prājāpatyamakārayat . śambhumagnimatha prāhurbrāhmaṇā vedapāragāḥ . āvasathyaṃ dvijāḥ prāhurdīptamagniṃ mahāprabham . ūrjaskarān havyavāhān suvarṇasadṛśaprabhān . tatastapo hyajanayat pañca yajñasutāniha . praśānto'gnirmahābhāga . pariśrānto gavāmpatiḥ . asurān janayan ghorānmartyāṃścaiva pṛthakhidhān . tapasaśca manuṃ puttraṃ bhānuñcāpyaṅgirāḥ sṛjat . vṛhadbhānuntu taṃ prāhurbrāhmaṇā vedapāragāḥ . bhānorbhāryā suprajā tu vṛhadbhāsā tu sūryajā . asṛjetāntu ṣaṭ puttrān śṛṇu teṣāṃ prajāvidhim . durbalānāntu bhūtānāmasūn yaḥ samprayacchati . tamagniṃ baladaṃ prāhuḥ prathamaṃ bhānutaḥ sutam . yaḥ praśānteṣu bhūteṣu manyurbhavati dāruṇaḥ . agniḥ sa manyumānnāma dvitīyo bhānutaḥ sutaḥ . darśe ca paurṇamāse ca yasyeha havirucyate . viṣṇurnāmeha yo'gnistu dhṛtimān nāma so'ṅgirāḥ . indreṇa sahitaṃ yasya havirāgrayaṇaṃ smṛtam . agnirāgrayaṇo nāma bhānorevānvayastu saḥ . cāturmāsyeṣu nityānāṃ haviṣāṃ yo niragrahaḥ . caturbhiḥ sahitaḥ puttrairbhānorevānvayastu saḥ . niśā tvajanayat kanyāmagnīṣomāvubhau tathāṃ . bhānorevābhavadbhāryā suṣuve pañca pāvakān . pūjyate haviṣāgreṇa cāturmāsyeṣu pāvakaḥ . parjanyasahitaḥ śrīmānagnirvaiśvānarastu saḥ . asya lokasya sarvasya yaḥ prabhuḥ paripaṭhyate . so'gnirviśvapatirnāma dvitīyo vai manoḥ sutaḥ . tataḥ sviṣṭaṃ bhavedājyaṃ sviṣṭakṛt paramastu saḥ . kanyā sā rohiṇī nāma hiraṇyakaśipoḥ sutā . karmaṇā'sau babhau bhāryā sa vahniḥ sa prajāpatiḥ . prāṇānāśritya yo dehaṃ pravarta yati dehinām . tasya sannihito nāma śabdarūpasya sādhanaḥ . śuklakṛṣṇagatirdevo yo bibharti hutāśanam . akalbhaṣaḥ kalmaṣāṇāṃ kartā krodhāśritastu saḥ . kapilaṃ paramarṣiñca yamprāhuryatayaḥ sadā . agniḥ sa kapilo nāma sāṅkhyayogapravartakaḥ . agraṃ yacchanti bhūtānāṃ yena bhūtāni nityadā . karmasviha vicitreṣu so'graṇīrvahnirucyate . imānanyān samasṛjat pāvakān prathitān bhuvi . agnihotrasya duṣṭasya prāyaścittārthamulvaṇān . saṃspṛśeyuryadā'nyo'nyaṃ kathaścidvāyunā'gnayaḥ . iṣṭiraṣṭākapālena kāryā vai śucaye'gnaye . dakṣiṇāgniryadā dvābhyāṃ saṃsṛjeta tadā kila . iṣṭiraṣṭākapālena kāryā vai vītaye'gnaye . yadyagnayo hi spṛśyeyurniveśasthā davāgninā . iṣṭiraṣṭākapālena kāryā tu śucaye'gnaye . agniṃ rajasvalā vai strī saṃspṛśedagnihotrikam . iṣṭiraṣṭākapālena kāryā dasyumate'gnaye . mṛtaḥ śrūyeta yo jīvaḥ pareyuḥ paśavo yadā . iṣṭiraṣṭākapālena kāryā suramate'gnaye . ārto na juhuyādagniṃ trirātraṃ yastu brāhmaṇaḥ . iṣṭiraṣṭākapālena kāryā syāduttarāgnaye . darśañca paurṇamāsañca yasya tiṣṭhet pratiṣṭhitam . iṣṭiraṣṭākapālena kāryā ratikṛte'gnaye . sūtikā'gniryadā cāgniṃ saṃspṛśedagnihotrikam . iṣṭiraṣṭākapālena kāryā cāgnimate'gnaye . 220 adhyā° āpasya duhitā bhāryā sahasya paramā priyā . bhūpatirbhuvabhartā cājanayat pāvakaṃ param! bhūtānāñcāpi sarveṣāṃ yaṃ prāhuḥ pāvakaṃ patim . ātmā bhuvanabharteti sānvayeṣu dvijātiṣu . mahatāñcaiva bhūtānāṃ sarveṣāmiha yaḥ patiḥ . bhagavān sa mahātejā nityaṃ carati pāvakaḥ . agnirgṛhapatirnāma nityaṃ yajñeṣu pūjyate . hutaṃ vahati yo havyamasya lokasya pāvakaḥ . apāṃ garbho mahābhāgaḥ sattvabhugyo mahādbhutaḥ . bhūpatirbhuvabhartā ca mahataḥ patirucyate . dahanmṛtāni bhūtāni tasyāgnirbharato'bhavat . agniṣṭome ca niyataḥ kratuśreṣṭho bharasya tu . sa vahniḥ prathamo nityaṃ devairanviṣyate prabhuḥ . āyāntaṃ niyataṃ dṛṣṭvā praviveśārṇavaṃ bhayāt . devāstatrāṃdhigacchanti mārgamāṇā yathādiśam . dṛṣṭvā tvagniratharvāṇaṃ tato vacanamabravīt . devānāṃ vaha havyaṃ, tvamahaṃ vīra! sudurbalaḥ . atha tvaṃ gaccha madhvakṣaṃ priyametat kuruṣva me . preṣya cāgniratharvāṇamanyaṃ deśaṃ tato'gamat . matsyāstasya samācakhyuḥ kruddhastānagnirabravīt . bhakṣyā vai vivadhairbhāvairbhaviṣyatha śarīriṇām . atharvāṇaṃ tathā cāpi havyavāho'bravīdvacaḥ . anunīyamāno hi bhṛśaṃ devavākyāddhi tena saḥ . naicchadvoḍhuṃ haviḥ sarvaṃ śarīrañcāpi so'tyajat . sa taccharīraṃ santyajya praviveśa dharāntadā . bhūmiṃ spṛṣṭā'sṛjaddhātūn pṛthak pṛthagatīva hi . pūyāt sa gandhaṃ tejaśca asthibhyo devadāru ca . śleṣmaṇaḥ sphaṭikaṃ tasya pittānmārakataṃ tathā . yakṛt kṛṣṇāyasaṃ tasya tribhireṣa prabhuḥ prajāḥ . nakhāstasyābhrapaṭalaṃ śirājālāni vidrumam . śarīrādvividhāścānye dhātavo'syābhavannṛpa! . evaṃ tyaktvā śarīrañca parame tapasi sthitaḥ . bhṛgvaṅgirādibhirbhūyastapasotthāpitastadā . bhṛśaṃ jajjvāla tejasvī tapasāpyāyitaḥ śikhī . dṛṣṭvā ṛṣiṃ bhayāccāpi praviveśa mahārṇavam tasminnaṣṭe jagadbhītamatharvāṇamathāśritam .. arcayā māsurevainamatharvāṇaṃ surādayaḥ . atharvā tvasṛjallokānātmanālokya pāvakam . miṣatāṃ sarvabhūtānāmunmamātha mahārṇavam . evamagnirbhagavatā naṣṭaḥ pūrbamatharvaṇā . āhūtaḥ sarvabhūtānāṃ havyaṃ vahati sarvadā . evaṃ tvajanayaddhiṣṇyān vedīktān vividhān bahūn . vicaran vividhān deśān bhramamāṇastu tatra vai . sindhuṃ nadaṃ pañcanadaṃ devikā'tha sarasvatī . gaṅgā ca śatakumbhā ca sarayūrgaṇḍasāhvayā carmaṇvatī satī caiva bhedhyā medhātithistadā . tāmrāvatī vetravatī nadyastrisro'tha kauśikī . tamasā narmadā caiva nadī godāvarī tathā . veṇṇīpaveṇṇā bhīmā ca vaddhavā caiva bhārata .. bhāratī suprayogā ca kāverī murmurā tathā . tuṅgaveṇā kṛṣṇaveṇā kapilā śoṇa eva ca . etā nadyastu dhiṣṇyānāṃ mātaro yāḥ prakīrtitāḥ . adbhutasya priyā bhāryā tasya puttrī vibhūrasiḥ . yāvantaḥ pāvakāḥ proktā somāstāvanta eva tu .. atreścāpyanvaye jātā brahmaṇo mānasāḥ prajāḥ . atriḥ puttrān sraṣṭukāmāṃstānevātmanyadhārayat . tasya tadvrahmaṇaḥ kāyānnirharanti hutāśanāḥ evamete mahātmānaḥ kīrtitāste'gnayo mayā .. aprameyā yathotpannāḥ śrīmantastimirāpahāḥ . adbhutasya tu māhātmyaṃ yathā vedeṣu kīrtitam . tādṛśaṃ viddhi sarveṣāmeko hyeṣa hutāśanaḥ . eka evaiṣa bhagavān vijñeyaḥ prathamo'ṅgirāḥ . bahudhā niḥsṛtaḥ kāyāt jyotiṣṭomakaturyathā . ityeṣa vaṃśaḥ sumahānagnīnāṃ kīrtitomayā . yo'rcito vividhairmantrairhavyaṃ vahati dehinām . bhā° va° mārka° 221 adhyā° . sāsya devateti--ḍhak āgneyamagnidevatāke havirādau tri° . agninā dṛṣṭaṃ māma ḍhak . āgneyaṃ sāma . āgneyī ṛk tri° . agnaye hitaṃ ḍhak . āgneyamauṣadham tri° . laukikaprayogānusāreṇa aṅgernalopaśceti auṇādikasūtreṇa agniśabdasya vyutpattirdarśitā vaidikaprayoge tu agniśabdasya pravṛttinimittabhedopayoginyo yāskena bahvyo vyutpattayodarśitāḥ . yathā athāto'nuktamiṣyāmo'gniḥ pṛthivīsthānastaṃ prathamaṃ vyākhyāsyāmo'gniḥ kasmādagraṇīrbhavatyagraṃ yajñeṣu praṇīyate'ṅgaṃ nayati saṃnamamāno'knopano bhavatīti sthaulāṣṭhīvirna knopayati na snehayati tribhya ākhyātebhyo jāyata iti śākapūṇiritādaktāddagdhādvā nītātsa khalveterakāramādatte gakāramanaktervā dahatervā nīḥ parastasyaiṣā bhavatīti agnimīle iti . asyāyamarthaḥ . sāmānyena sarvadevatānāṃ lakṣaṇasyābhihitatvādanantaraṃ thataḥ pratipadaṃ viśeṣeṇa vaktavyatvamākāṅkṣitamato'nukrameṇa vakṣyāmaḥ . tatra pṛthivīloke sthito'gniḥ prathamaṃ vyākhyāsyaṃte . kasmātpravṛttinimittādagniśabdena devatābhidhīyata? iti praśnasyāgraṇīrityādikamuttaram . devasenāmagre svayaṃ nayatītyagraṇīḥ . etadekamagniśabdasya pravṛttinimittam . tathā ca brāhmaṇāntaram . agnirvai devānāṃ senānīriti . etadevābhipretya bahvṛcā mantrabrāhmaṇe āmananti . agnirmukhaṃ prathamo devatānāmiti mantraḥ . agnirvai devānāmavama iti brāhmaṇam . tayā taitrirīyāścāmananti . agniragre prathamo devatānāmiti mantraḥ . agniravamo devatānāmiti ca . vājamanoyinastvevamāmananti . sa vā eṣo'gre devatānāmajāyata tasmādagnirnāmeti . yajñeṣvagnihotreṣṭipaśusomarūpeṣvagraṃ pūrbadigvartyāhavanīyadeśaṃ prati gārhapatyātpraṇīyata iti dvitīyaṃ pravṛttinimittam . sannamamānaḥ samyak svayameva prahvībhagavannaṅgaṃ svakīyaṃ śarīraṃ nayati kāṣṭhadāhe haviḥpāke ca prerayatīti tṛtīyaṃ pravṛttinimittam . sthūlāṣṭhīvināmakasya maharṣeḥ putro niruktakāraḥ kaścidaknopana ityagniśabdaṃ nirvakti . tatra na knopayatītyukte na snehayati kintu kāṣṭhādikaṃ rūkṣayatītyuktaṃ bhavati . śākapūṇināmako nirūktakāro dhātutrayādagniśabdaniṣpattiṃ manyate . itaḥ iṇ gatau iti dhātuḥ . akto'nju vyaktimnakṣaṇagatiṣu iti dhātuḥ . dagdho daha bhasmīkaraṇe iti dhātuḥ . nīto ṇīñ prāpaṇe iti dhātuḥ . agniśabdo hyakāragakāraniśabdānapekṣamāṇa etidhātorutpannādayanaśabdādakāramādatte . anaktidhātugatasya kakārasya gakārādeśaṃ kṛtvā tamādatte . yadvā dahati dhātujanyāddagdhaśabdādgakāramādatte . nīriti nayatidhātuḥ sa ca hrasvo bhūtvā paro bhavati . tato dhātutrayaṃ militvāgniśabdo bhavati . yajñabhūmiṃ gatvā svakīyamaṅgaṃ nayati kāṣṭhadāhe haviḥpāke ca prerayatīti samudāyārthaḥ . tasyā gniśabdārthasya devatāviśeṣasya prādhānyena stutidarśanāyaiṣāgnimīle ityṛgabhatīti ṛgvedabhāṣye mādhavācāryaḥ etasya vaiśyanarādiśabdapravṛttinimittadarśanenānekāstutayo yāskena darśitāstāśca tattacchabdāvasare darśayiṣyante .

agnika pu° agnivat kāyati makāśate kai--ka . indragopakīṭe .

agnikaṇa pu° agneḥ kaṇaḥ 6 ta° . agnicyutakṣudrāṃśe .

agnikarman na° agnau karma 7 ta° . home agnihotrādau agnikarma tataḥ kṛtveti smṛtiḥ agnikāryādayo'pyatraṃ na° .

agnikalā strī 6 ta° agneravayavabhede . sā ca daśavidhā tāsāñca yādilāntavarṇadevatātvaṃ yathoktaṃ śāradātilake . dhūmrārcirūṣmā jvalinī jvālinī visphuliṅginī . suśrīḥ surūpā kapilā havyakavyavahe api . yādīnāṃ daśavarṇānāṃ kalā dharma pradā amūḥ iti .

agnikārikā strī agniṃ karoti āṣatte karaṇe kartṛtvopacārāt kartari ṇvul . agnyādhānasādhaneagnīdhrāyāmṛci . sā ca agniṃ dūtaṃ purodadhe, ityādyā yajurvede evamanyavede'pyanusandheyā .

agnikāṣṭha na° agneḥ uddīpanaṃ kāṣṭham śā° ta° . agurukāṣṭhe .

agnikukkuṭa pu° agneḥ kukkuṭaiva raktavarṇasphuliṅgavattvāt . jvaladagnivyāptatṛṇapuñje (nuḍā) iti khyāte .

agnikuṇḍa na° agnerādhānārthaṃ kuṇḍam . agnyādhānārthe sthānabhede tatsthānavivaraṇaṃ kuṇḍaśabde'nusandheyam .

agnikumāra pu° 6 ta° . kārtikeye tasyāgniretojātatvamuktaṃ mahābhārate vanaparvaṇi 223 adhyāye saptarṣipatnīrūpadarśanāt jātasmaravikārasyāgnesteṣāṃ gārhapatya--praveśena aniśaṃ taddarśanena jātādhikavikāra tayānirvedapūrbakaṃ vanagamanamupakramya, svāhā taṃ dakṣaduhitā prathamaṃ kāmayattadā .. sā tasya chidra manvaicchaccirāt prabhṛti bhāvinī . apramattasya devasya na cāpaśyadaninditā .. sā taṃ jñātvā yathāvattu vahniṃ vanamupā gatam . tattvataḥ kāmasantaptaṃ cintayāmāsa bhāvinī .. ahaṃ saptarṣipatnīnāṃ kṛtvā rūpāṇi pāvakam . kāmayiṣyāmi kāmārtā tāsāṃ rūpeṇa mohitam .. evaṅkṛte prīti rasya kāmāvāptiśca me bhavet .. 223 adhyā° mārkaṇḍeya uvāca . śivā bhāryā tvaṅgirasaḥ śīlarūpaguṇānvitā . tasyāḥ sā prathamaṃ rūpaṃ kṛtvā devī janādhipa . jagāma pāpakābhyāsaṃ tañcovāca varāṅganā .. māmagne! kāmasantaptāṃ tvaṃ kāmayitumarhasi . kariṣyasi na cedevaṃ mṛtāṃ māmupadhāraya .. ahamaṅgiraso bhāryā śivā nāma hutāśana! . śiṣṭābhiḥ prahitā prāptā mantrayitvā viniścayam .. agniruvāca . kathaṃ māṃ tvaṃ vijānīṣe kāmārtamitarāḥ katham . yāstvayā kīrtitāḥ sarvāḥ saptarṣīṇāṃ priyāḥ striyaḥ .. śivovāca . asmākaṃ tvaṃ priyo nityaṃ bibhīmastu vayaṃ tava . tvaccittamiṅgitairjñātvā preṣitāsmi tavāntikam .. maithunāyeha saṃprāptā kāmaṃ prāptuṃ drutaṃ cara . yātaro māṃ pratīkṣante gamiṣyāmi hutāśana! .. mārkaṇḍeya uvāca . tato'gnirupayeme tāṃ śivāṃ prītimudāyutaḥ . prītyā devī samāyuktā śukraṃ jagrāha pāṇinā .. vyacintayanmamedaṃ ye rūpaṃ drakṣyanti kānane . te brāhmaṇīnāmanṛtaṃ doṣaṃ vakṣyanti pāvake .. tasmādetadrakṣamāṇā garuḍī saṃbhavāmyaham . vanānnirgamanañcaiva sukhaṃ mama bhaviṣyati .. mārkaṇḍeya uvāca . suparṇī sā tadā bhūtvā nirjagāma mahāvanāt . apaśyat parvataṃ śvetaṃ śarastambaiḥ susaṃvṛtam .. dṛṣṭiviṣaiḥ saptaśīrṣairguptaṃ bhogibhiradbhutaiḥ . rakṣobhiśca piśācaiśca raudrairbhūtagaṇaistathā rākṣasībhiśca saṃpūrṇamanekaiśca mṛgadvijaiḥ .. sā tatra sahasā gatvā śailapṛṣṭhaṃ sudurgamam . prākṣipat kāñcane kuṇḍe śukraṃ sā tvaritā śubhā .. śiṣṭānāmapi sā devī saptarṣīṇāṃ mahātmanām . patnīsvarūpakaṃ kṛtvā kāmayāmāsa pāvakam .. divyaṃ rūpamarundhatyāḥ kartuṃ na śakitaṃ tayā . tasyāstapaḥ prabhāvena bhartṛśuśrūṣaṇena ca .. ṣaṭkṛtvastatra nikṣiptamagneretaḥ kurūttama! . tasmin kuṇḍe pratipadi kāminyā svāhayā tadā .. tat skannaṃ tejasā tatra saṃvṛtaṃ janayat sutam . ṛṣibhiḥ pūjitaṃ skannamanayat skandatāṃ tataḥ . ṣaṭśirā dviguṇaśrotro dvādaśākṣibhujakramaḥ . ekagrīvaikajaṭharaḥ kumāraḥ samapadyata .. vana° mā° sa° 223 adhyāyaḥ agnikumāratve'pi tasya rudrakumāratvaṃ tadapyuktaṃ tatraiva tato brahmā sahāsenaṃ prajāpatirathābravīt . abhigaccha mahādevaṃ pitaraṃ tripurārdanam .. rudreṇāgniṃ samāviśya svāhāmāviśya comayā . hitārthaṃ sarvalokānāṃ jātastvama parājita! .. ubhāyīnyāñca rudreṇa śukraṃ siktaṃ mahātmanā asmin girau nipatitaṃ miñjikāmiñcikaṃ tataḥ .. sambhūtaṃ lohitode tu śukraśeṣamavāpatat . sūryaraśmiṣu cāpyanya danyaccaivāpatadbhuvi . āsaktamanyadvṛkṣeṣu tadevaṃ pañcadhāpatat .. iti 224 adhyāye . agnitanayāgnisutādayo'pyatra .

agniketu pu° agneḥ keturiva . dhūme tasyāgniprabhavatvena taccihnībhūtatvam gagane uddhūyamānatvāt tatpatākatvañca .

agnikoṇa pu° agneḥ agnidevatākaḥ koṇaḥ antarāladik 6 ta° . agnidaivatye pūrbadakṣiṇayormadhye digbhāge . indrovahniḥ pitṛpatirnairṝtovaruṇomarut . kuveraīśaḥ patayaḥ pūrbādīnāṃ diśāṃ kramāt ityukteḥ tasya pūrbadakṣiṇadiśormadhyadikpatitvam . upacārāt tatsvāmino'gnervācakā api atraiva . pratipat navamī pūrbe rāmarudrau ca pāvake iti jyotiṣe śakre hutāśe bhayamiti ca agnikoṇaparatayā pāvakādiśabdaḥ prayuktaḥ .

agnigarbha pu° agniriva jārako garbho'sya . agnijāravṛkṣe . agnirgarbhe'sya . sūryakāntamaṇau (ātasi) tasya sūryakiraṇasamparkāt agnyutthāpakatvāttathātvam . agnimanthana kāṣṭharūpāraṇau ca . agniḥ sthito garbhe'syāḥ . śamīlatāyām strī . agnigarbhāṃ śamīmiveti raghuḥ . śamyā garbhe'gnisthitikathā bhā° ānuśā° pa° 85 adhyāye rudrasya retaḥprasphannamagnau nipatitañca yat tattejo'gnirmahadbhūtaṃ dvitīyamamiva pāvakam . badhārthaṃ devaśatrūṇāṃ gaṅgāyāṃ janayiṣyatīti brahmavākyānantaraṃ kārtikeyotpattyarthamanvimāṇasya kutaścit kāraṇena guptasyāgneḥ naṣṭamātmani saṃlīnaṃ nādhijagmurhutāśanamityanena devaistasyānāsādane ukte nānāsthāne'nveṣaṇāt pariśeṣe śamīgarbhe prāptiruktā, yathā aśvatthānnirgatovahniḥ śamīgarbhamupāviśaditi . śamīgarbhecāsya sthitiṃ kathayataḥ śukasya jihvāparivṛttirūpaśāpadānamuktvā devaistasmai varān dattvā śamīgarbhe bahniralakṣya ta ityuktvā ca ityuktvā taṃ śamīgarbhe bahnimālakṣya devatāḥ tade vāyatanaṃ cakruḥ puṇyaṃ sarvakriyāsvapi . tataḥ prabhṛti cāgniḥ sa śamīgarbheṣu dṛśyate . utpādane tathopāyamadhijagmuśca mānavā iti . agneḥ sakāśāt garbho'syāḥ pṛthivyāṃ strī . vahninā gaṅgāyāmāsiktagarbhasya dhārayitumaśakyasya pṛthivyāṃ sumerau gaṅgayā nikṣepaṇamuktaṃ tatraiva . sā vahninā vāryamāṇā devairapi saridvarā . samutsarja taṃ garbhaṃ merau girivare tadeti, uktvā tejasā tasya garbhasya bhāskarasyeva raśmibhiḥ yaddravyaṃ parisaṃsṛṣṭaṃ pṛthivyāṃ parvateṣu ca tat sarvaṃ kāñcanī bhūtaṃ samantāt pratyadṛśyata . pṛthivī ca tadā devī khyātā vasumatīti ca sa tu garbho mahātejāḥ gāṅgeyaḥ pāvakodbhavaḥ divyaṃ śaravaṇaṃ prāpya vavṛdhe'dbhutadarśana iti bhā° ānu° 85 a° . ataeva śrutau yathāgnigarbhā pṛthivī yathā dyaurindreṇa garbhiṇī ityuktam . agniriva garbhomadhyabhāgo'syāḥ . agnidīptāyāṃ mahājyotiṣmatīlatāyām strī .

agnigṛha na° agnikāryārthaṃ gṛhaṃ śā° ta° . homārthe gṛhe 6 ta° . śrautasmārtāgnikṛtyādhāre gṛhe na . agnyagārādayo'pyatra . vasaṃścaturtho'gnirivagnyagāre iti raghuḥ .

agnigrantha pu° agnipratipādakaḥ granthaḥ śā° ta° . agni homādi--pratipādake śāstre agnigranthaparyantamadhīte si° kau° agnigranthaḥ agnipratipādakaḥ grantha iti tattvabo° . evameva matkṛtasaralāyāmuktam .

agnighṛta na° agnyuddīpanaṃ ghṛtaṃ śā° ta° . vaidyakokte ghṛtabhede yathā cakradattaḥ . pippalīpipalīmūlaṃ citrako hastipippalī . hiṅgucavyā'jamodā ca pañcaiva lavaṇāni ca .. dvau kṣārau havuṣā caiva dadyādardhapalonmitān . dadhikāñjikaśuktāni snehamātrāsamāni ca . ārdrakaṃ sarasaṃ prasthaṃ ghṛtaprasthaṃ vipācayediti . etadagnighṛtaṃ nāma mandāgnīnāṃ praśasyate iti .. bhallātakasahasrārdhaṃ jaladroṇe vipācayet . aṣṭabhāgāvaśeṣañca kaṣāyamavatārayet . ghṛtaprasthaṃ samādāya kalkānīmāni dāpayet . vyūṣaṇaṃ pippalīmūlaṃ citrako hastipiplī .. hiṅgucavyājamodā ca pañcaiva lavaṇāni ca . dvau kṣārau havuṣā caiva dadyādardhaṣalīnmitān .. dadhikāñcikaśuktāni snehamātrāsamāni ca . ārdrakaṃ sarasañcaiva śobhāñjanarasantathā .. tat sarvamekataḥ kṛtvā śanairmṛdvagninā pacet . etadagnighṛtaṃ nāma mandāgnīnāṃ praśasyate iti ca .

agnicayana pu° agniścīyate ādhīyate anena ci--karaṇe lyuṭ 6 ta° . agnyādhānasādhane mantrabhede, bhāve lyuṭ 6 ta° . agnyādhāne na° .

agnicit tri° agniṃ citavān ci--bhūtārthe kvip . mantrapūrbakakṛtavahnisthāpane agnihotriṇi . bhāve kvip . agnyādhāne .

agnicityā strī agneścityā ci--bhāve kyap ni° strītvam . agnicayane agnyādhāne upaviśedagnipucchasya sāgnicityāyāmiti gṛhyam . cityāgnicitye ceti pā° .

agnicitvat tri° agnicit agnicayanamastyasmin matup masya vaḥ tāntatvān na padatvam . agnicayanayukteṣu yajñeṣu adhvareṣvagnicitvatsviti bhaṭṭiḥ striyāṃ ṅīp .

agnija pu° agnaye agnyuddīpanāya jāyate sevanāt prabhavati jana--ḍa 4 ta° . agnijāravṛkṣe . agnerjāyate jana--ḍa 5 ta° . svarṇe na° . kārtikeye pu° . tatkathā'gnikumāraśabde draṣṭavyā . agnijātamātre tri° agnijāauṣadhijā sahīnāmiti śruti agnīśvarasya bhaktānāṃ na bhayaṃ vidyudagnijamiti kāśīkhaṇḍaḥ .

agnijanman pu° agnerjanmā'sya 5 ta° . kārtikeye tadvivaraṇam agnikumāraśabde'nusandheyam . svarṇe na° .

agnijāra pu° jārayati jṛ--ṇic--kartari aṇ agniriva jāraḥ . svanāmakhyāte vṛkṣe, auṣadhabhede ca . rasya latve agnijālopyatra .

agnijihva tri° agnirjihvāsvādasādhanaṃ yasya . agnimukhe deve ye agnijihvā uta vā yajatrā śrutiḥ agnireva jihvā'sya . varāhamūrtidhāraṇakāle viṣṇorvarāharūpe agnijihvo darbharometi varāharūpavarṇane viṣṇuḥ . 6 ta° . agnijihvāyāṃ strī sā ca saptavidhā tāsāṃ nāmāni yathā karālī ghūminī śvetā lohitā nīlalohitā suvarṇā padmarāgā ca jihvāḥ sapta vibhāvasoriti kathaṃ tāsāmagnimukhe sthitistacca agniśabde taddhyāne darśitam agnerjihveva śikhā'syāḥ ba° . lāṅgalīvṛkṣe strī .

agnijvālā strī agnerjvāleva śikhā'syāḥ . gajapippalīvṛkṣe . (viṣalāṅgalā) 6 ta° . agniśikhāyām .

agnitap tri° agninā tapyate tapa--kvip . agninā tapasyākārake parāvīrāsa etanamaryāsa bhadrajānayaḥ . agnitapo yathā satheti, śrutiḥ .

agnitapas tri° agnibhiḥ sammukhasthasūryasahitacaturdikstha pāvakaistapyate tapa--asun 3 ta° . grīṣme pañcāgnimadhyastha iti smṛtyuktatīvratapasyākārake . tapatīti tapāḥ agniriva tapāḥ . agnisadṛśoṣṇasparśavati . yadā balamyapīyatojasuṃbhedvṛhaspatiragnitapobhirarkairiti śrutiḥ .

agnitejas tri° agneriba tejo'sya . agnitulyatejaske padārthe agniloke'gnitejasa, iti kāśī° . viṣṇoḥ kramo'si sapatnahā pṛthivīsaṃśrito agnitejā iti śrutiḥ . 6 ta° . agnestejasi na° .

agnitraya na° tryavayavaṃ trayaṃ tri + ayaṭ 6 ta° . yathāvidhānena kṛtādhāne agnitritaye . pitrādīnyapakramya etaeva trayolokā etaeva trayo'gnayaḥ . pitā gārhapatyāgnirmātā dakṣiṇāgniḥ, ācārya āvahanīya iti viṣṇūkte gārhapatyadakṣiṇāgnyāvahavanīyavahnitrayarūpe pitrādau ca . asya vā strītve ṅīp agnitrayītyapyatra .

agnida tri° agniṃ gṛhādauṃ dāhārthaṃ dadāti dā--ka . gṛhādau dāhārthaṃ vahnidāyake ātatāyibhede agnidogaradaścaiva śastrapāṇirdhanāpahaḥ . kṣetradārāpahārī ca ṣaḍete ātatāyina iti smṛtiḥ .

agnidagdha tri° agninā agnyeṣṭividhānena dagdhaḥ dahakarmaṇi kta . śāstravidhānena saṃskṛtāgninā kṛtadāhe agnidagdhāśca ye jīvā ye'pyadagdhāḥ kule mameti, vāyu pu° . agninā kṛtadāhe padārthamātre tri° . agnidagdhāvimaupakṣāviti rāmā° .

agnidamanī strī agnirdamyate anayā dama--ṇic--karaṇe lyuṭ 6 ta° ṅīp . kaṇṭakārikātaḥ kṣudre--kaṇṭakāvṛte gucchasthakṣudraphalavati (gaṇiyārī) iti khyāte kṣupabhede .

agnidātṛ strī° agniṃ vidhānena dadāti dā--tṛc . antyeṣṭividhānena dāhakārake yaścāgnidātā pretasya piṇḍaṃ dadyāt saeva hi iti smṛtiḥ . striyāṃ ṅīp .

[Page 57a]
agnidīpana tri° agni jaṭharasthānalaṃ dīpayati dīpa--ṇiclyu 6 ta° . jaṭharānaloddīpake padārthamātre auṣadhabhede na° .

agnidīptā strī agnirjaṭharānalodīptaḥ sevanāt yasyāḥ . jyotiṣmatīlatāyām .

agnidūta pu° agnirdūta iva yasmin yasya vā'vāhakatvāt . agnyādhānānantaramāhūtadevake yajñādau, yamaṃ ha yajño gacchatyagnidūto araṃ kṛta iti vedaḥ tatrāhūte deve ca ataeva yajñe agnerdūtatvamagnisthāpane mantre agniṃ dūtaṃ purodadhe iti agniṃ dūtaṃ vṛṇīmahe iti ca śrutāvuktam .

agnidevā strī agnirdevo'syāḥ . kṛttikātārāyām aśviyamadahanaśaśikamalajaśūlabhṛdaditijīvaphaṇipitara iti jyotiṣe aśvinyādīnāṃ kramaśo'śvyādidevatātvakathanāt tatkramāt kṛttikāyā agnidaivatyam .

agnidh pu° agniṃ dadhāti mantravidhinā sthāpayati dhā--kvip ni° ālopaḥ 6 ta° . agnyādhānakartari . adhvaryuṃ vā madhupāṇiṃ suhastamagnidhaṃ vā dhṛtadakṣaṃ damūnasamiti vedaḥ .

agnidhāna na° agnirvidhinā dhīyate'smin dhā--ādhāre lyuṭ 6 ta° . agnihotragṛhe padaṃ kṛṇute agnidhāne iti vedaḥ .

agninakṣatra na° 6 ta° . agnidaivatye kṛtrikānakṣatre agnitārāvahnitārakādayo'pyatra .

agninayana na° agnernayanaṃ mantravidhinā saṃskāraḥ nī--bhāve lyuṭ 6 ta° . agnisaṃskārarūpe vidhinā agnipraṇayane 6 ta° . agninetre na° .

agniniryāsa agneḥ jaṭharānalasyeva dīpako niryāso'sya . agnijāravṛkṣe .

agninetra pu° agnirnetā hutahaviḥprāpayitā yasya ac samā° . devatāmātre . havyaṃ vahati devānāmiti śrutau hi tasya devebhyo havyavāhakatvamuktam . 6 ta° . vahninayate na° .

agnipada na° 6 ta° . agnyādhānasthāne agnibodhakaśabde ca . tatra dīyate ityarthe vyuṣṭāditvāt aṇi āgnipadam .

agniparikriyā strī agneḥ parikriyā paricaryā pari + kṛbhāve śa 6 ta° . agnicaryāyāṃ homādikaraṇe .

agniparvata pu° agnisādhanaṃ parvataḥ . svataḥ agnisampādake parvatabhede .

agnipuccha pu° na° agneragnyādhānasthānasya puccha iva . āhitāgnisthānāt pṛṣṭhabhāge . dakṣiṇata āvahanīyasyopaviśedagnipucchasya sāgnicityāyāmiti gṛhyam .

agnipurāṇa na° agninā proktaṃ purāṇam . vedavyāsa praṇīteṣu aṣṭādaśasu mahāpurāṇeṣu madhye'ṣṭame vahninokte purāṇabhede tadvivaraṇaṃ yathā . āgneyamaṣṭamaṃ smṛtamiti bhāgavate . paramagnipurāṇañca ruciraṃ parikīrtitam . caturdaśa sahasrāṇi paraṃ pañcaśatādhikam iti brahmavaivarte . tatrābhidheyasaṃkṣepaḥ . bhagavato'vatāraḥ, sṛṣtiprakāraḥ, viṣṇupūjā, agnipūjā, mudrādilakṣaṇam, dīkṣā, abhiṣekaḥ, maṇḍapalakṣaṇam kuśamārjanāvidhiḥ, pavitrāropaḥ, devatāyatanādinirmāṇaprakāraḥ, śālagrāmalakṣaṇa--pūje, devapratiṣṭhāniyāmakadīkṣā, devapratiṣṭhāvidhiḥ, vrahmāṇḍasvarūpaṃ, gaṅgāditīrthamāhātmyaṃ, dvīpavarṇanam ūrdhādholokavarṇanā, jyotiścakrasvarūpam . yuddhajayopāyaṣaṭkarmavidhānam, yantramantrauṣadhaprakāraḥ kubjikārcanāvidhiḥ, koṭihomacidhānam, brahmacaryadharmaḥ, śrāddhakalpaḥ grahayajñaḥ, vaidikasmārtakarmaṇī, prāyaścittam, tithibhede vratabhedaḥ, vāravratanakṣatravrate, māsavratam, dīpadānavidhiḥ, nūtanavyūhā rambhādi, narakanirūpaṇam, dānabratam, nāḍīcakram, sandhyāvidhiḥ, gāyatryarthaḥ, śivastotraṃ, rājyābhiṣekaḥ, rājadharmaḥ, rājādhyeyaśāstram, śubhāśubhaśakunādi, maṇḍalādi, raṇadīkṣāvidhiḥ, śrīrāmanatiḥ, ratnalakṣaṇam, dhanurvidyā, vyavahāravidhiḥ, devāsurayoryuddham, āyurvedaḥ, gajādicikitsā, pūjāprakāraḥ . śāntividhiḥ, chandaḥśāstram, sāhityaṃ, śiṣṭānuśāsanam, sṛṣṭyādipralayavarṇane, śārīrakarūpaṃ, narakavarṇanam, yogaḥ, vrahmajñānam, purāṇamāhātmyañca .. ete viṣayāḥ saṃkṣepeṇa darśitā vistarastastraiva draṣṭavyaḥ ..

agnipraṇayana na° agneḥ praṇayanaṃ mantrapūrbakaṃ saṃskāraḥ pra + nī--bhāve lyuṭ 6 ta° . śāstroktavidhānena vahnisaṃskārabhede dakṣiṇata āharanīye'vasthitasyāgneḥ saumikāyāmuttaravedyāṃ nayanaṃ yadasti tadetadagnipraṇayanamiti gṛhyam .

agnipraskandana na° 6 ta° . yathāvidhānamagnikāryarūpahomākaraṇe prajāśca yauvanaṃ prāpya vinaśiṣyantyano! tava . agnipraskandanaparastvañcāpyevaṃ bhaviṣyasīti, svaputramanuṃ prati yayātivākyam bhāra° ādi pa° .

agniprastara pu° agniṃ prastṛṇāti stṛ--ac agnervā prastaraḥ . (cakmakīti) khyāte vahyutthāpake prastarakhaṇḍe .

agnibāhu pu° agnerbāhuriva dīrghaśikhatvāt . dhūme .

agnibha na° agniriva bhāti bhā--ka . svarṇe agnitulyavarṇatvāttasya tathātvam . vahnitulyavarṇapadārthe tri° . bha° nakṣatraṃ 6 ta° . agnidaivatye kṛtrikānakṣatre na° .

agnibhū pu° agnerbhavati bhū--kvip . kārtikeye agnikumāra śabde tadudbhavakathā . agnisambhave tri° . svarṇe na° hṛsvāntaḥ . agnibhavādayo'pyatra .

agnibhūti pu° agniriva bhūtiḥ tejasvitvādaiśvaryamasya . baudvabhede 6 ta° . pāvakavibhūtyāṃ tadvīrye ca strī . 6 ba° . vahnisambhave tri° .

agnibhrājas tri° agniriva bhrājate bhrāja--asun . vahnitulyadīptiyukte . agnibhrājasovidyuto garbhastya iti vedaḥ .

agnimaṇi pu° agnerutthāpakomaṇiḥ śā° ta° . sūryāditaijasadravyasamparkāt agnyutthāpake sūryakāntābhidhe maṇau (ātasī) (cakmakīti) khyāte prastare ca .

agnimat pu° agnirādhānādastyasya matup . yathāvidhānenāhitāgnike sāgnike dvije dārāsvagniṃ viniḥkṣipya pravasedanagnimān dvijaḥ iti smṛtiḥ .

agnimath pu° agniṃ mathnāti araṇidvayagharṣaṇena niṣpādayati mantha--kvip nalopaḥ . agnyādhānārthamaraṇidvayagharṣaṇena vahnisampādake yājñike . karaṇe kvip . agnimanthasādhane mantre, araṇikāṣṭhe ca tri° .

agnimantha pu° agnirmathyate'nena mantha--karaṇa ghañ . gaṇikārīvṛkṣe (gaṇiyāri) tatkāṣṭhayorgharṣaṇe hi āśu bahnirudbhāvyate . tanmanthanasādhane mantre ca . karaṇe lyuṭ 6 ta° . agnimanthano'pyuktārthe tri° striyāṃ ṅīp .

agnimāndya na° agnerjaṭharānalasya māndyaṃ pācanakuṇṭhatā . dhātuvaiṣamyeṇa jaṭharānalasya pācanaśaktirāhitye agnīśvarasya bhaktānāṃ na vidyudagnijaṃ bhayam agnimāndyabhayaṃ naiveti kāśīkhaṇḍaḥ . agnimāndye'jīrṇatā syāt tatrālpabhojanaṃ kāryaṃ yathā . muhurmuhurajīrṇe'pi bhojyamasyopakalpayet iti cakra° . tatkāraṇamuktam . snehapītasya vāntasya viriktasya srutāsṛjaḥ . nirūḍhasya ca kāyāgnirmando bhavati dehinaḥ .. so'nnairatyarthagurubhirupayuktaiḥ praśāmyati . alpomahadbhirbahubhiśchādito'gnirivendhanaiḥ .. sacālpairlaghubhiścānnairupayuktairvivardhate . kāṣṭhairaṇubhiralpaiśca sandhukṣita ivānalaḥ .. hṛtadoṣapramāṇena sadāhāravidhiḥsmṛtaṃ iti suśrute .

agnimāruti agniśca marucca tayorapatya vāhvāderākṛti gaṇatvādiñ tato vṛddhiḥ devatādvandve ca ānaṅaṃ bādhitvā idvṛddhāviti iti devatādvandve ca iti dvipadavṛddhau pṛ° pūrbapadasya husvaḥ . agastye munau tasya ca kalpāntare tābhyāmutpattiranusandheyā .

[Page 58b]
agnimukha pu° agnirmukhamiva yasya . deve . hutadravyaṃ hi devairagnirūpamukhadvāreṇaivāśyate . havyaṃ vahati devānāmiti śrutestatraiva tātparyāt . agnimukhā vai devā iti agnirmukhaṃ prathamaṃ devatānāyiti ca śrutiḥ . agnirmukhe'gre'sya . deve, agniragre prathamaṃ devānāmiti śrutau vahne reva devānāmagrotpattestathātvam . yathā cāgnerdevamukhatvaṃ tadāditvañca tathā'gniśabde niruktavyākhyāne ṛgvedabhāṣye prāk darśitam agnidhikamagnihotraśabde vakṣyate . agnirmukhaṃ pradhānamupāsyo yasya . agnihotriṇi dvije . agniḥ dāhakatvāt śāpāgnirmukhe yasya . vipre vāgvajrā vaiviprā iti śrutau teṣāṃ vāgvajratvakathanāt agnimukhatvam . agniriva sparśāt duḥkhadāyakaṃ mukhamagramasya . bhallātakavṛkṣe (bhelā) citrakavṛkṣe ca . tanniryāsasparśena hi dehe kṣatotpattestayostathātvam . agneḥ jaṭharānalasya mukhaṃ dvāram . vaidyakokte cūrṇabhede na° yathā hiṅgubhāgo bhavedeko vacā ca dviguṇā bhavet . pippalī triguṇā caiva śṛṅgaveraṃ caturguṇam .. yamānikā pañcaguṇā ṣaḍguṇā ca harītakī . citrakaṃ saptaguṇitaṃ kuṣṭhañcāṣṭaguṇaṃ bhavet .. etadvātaharaṃ cūrṇaṃ pītamātraṃ prasannakṛt . pibeddadhnā mastunā vā surayā koṣṇavāriṇā .. sodāvartamajīrṇañca plīhānamudarantathā aṅgāni yasya śīryante viṣaṃ vā yena bhakṣitam .. arśoharaṃ dīpanañca śleṣmaghnaṃ gulmanāśanam . kāṃsaṃ śvāsaṃ nihantyāśu tathaiva yakṣmanāśanam .. cūrṇamagnimukhaṃ nāma na kvacit pratihanyate iti cakradattaḥ .

agnimukhī strī agniriva mukhamagraṃ yasyāḥ gaurāditvāt ṅīṣ . (bhelā) bhallātakavṛkṣe, lāṅgalikāvṛkṣe (viṣalāṅgalā) agnireva mukhaṃ mukhatvena kalpitaṃ yasyāḥ gaurā° . gāyatrīmantre . kadācidapi no vidvān gāyatrīmudake japet . gāyatryagnimukhī yasmāttasmādutthāya tāṃ japediti gobhilaḥ . tasyāśca so'kāmayataṃ yajñaṃ sṛjeyeti sa mukhataeva trivṛtamasṛjata taṃ gāyatrī chando'nyasṛjyatāgnirdevatā brāhmaṇomanuṣyovasantaṛtustasmāt trivṛt stomānāṃ mukhaṃ, gāyatrī cchandasāmagnirdevānamiti śrutau . agninā samaṃprajāpatimukhajātatvāt tathātvam . asmiśca pakṣe . agneriva mukhaṃ prajāpatimukhaṃ mukhamutpattidvāramasyā iti vigrahaḥ gaurā° . gāyatrīmantraśca gāyatrīśabde vakṣyate . vipre tu pu° . agniriva uttapta mukhaṃ yasyāḥ gau° ṅīṣ . pākaśālāyām strī agnirmukhamādyo yasya agniprabhṛtau deve tri° .

[Page 59a]
agnirakṣaṇa na° agniḥ rakṣyate'nenātra vā rakṣa--lyuṭ . rākṣasādibhyo'gnirakṣākārake mantrabhede, agnihotre, agnihotragṛhe ca . bhāve lyuṭ . agnyādhāne .

agnirajas pu° agniriva rajyate dīpyate ranj asun nalopaḥ . raktavarṇe indragopanāmakakīṭe . 6 ta° . agnivīrye, svarṇe ca na° .

agnirahasya tri° gneḥ rahasyaṃ tadupāsanādyaṅgajātamatra . analopasanābodhake śāstre agnikalpe .

agniruhā strī agniriva rohati ruha--ka . māṃsādanyāṃ tadaṅkurasya vahnitulyavarṇatayotpannatvāt tathātvamasyāḥ .

agnirūpa tri° agneriva rūpaṃ varṇo'sya, agniriva rūpyate 'sau rūpa--karmaṇi ac vā . vahnitulyavarṇe agnisadṛśamānye ca 6 ta° . agnervarṇe agniśabdokte vahnerdhyeyarūpe ca na° .

agniretas na° 6 ta° . agniśukre, tajjātatvāt suvarṇe ca tatkathā ca praskannarudraśukrasya agnisaṃkrāntasyāgninā devatā prārthanayā gaṅgayāmāhitasya tayā ca voḍhumasamarthayā samutsasarja taṃ garbhaṃ merau girivare tadetyanena merau pātane kṛte tasya tejasaiva merusthaṃ sarvaṃ vastu suvarṇīkṛtaṃ yathoktamānuśāsanike pa° bhā° . tejasā tasya garbhasya bhāskarasyeva raśmibhiḥ yaddravyaṃ parisaṃsṛṣṭaṃ pṛthivyāṃ parvateṣu ca . tat sarvaṃ kāñcanībhūtaṃ samantāt pratyadṛśyata iti . ante ca tasmāt suvarṇaṃ māṅgalyaṃ ratnānāmuttamottamam . sahajaṃ kārtikeyasya vahnestejaḥ paraṃ matamiti 86 adhyāye .

agniloka pu° 6 ta° . agnyadhiṣṭhite meruśṛṅgādhaḥsthe bhuvanabhede . sa ca . sadratnakāñcanamayaṃ śikharatrayaṃ ca merormurārikapurāripurāṇi teṣu . teṣāmadhaḥśatamakhajvalanāntakānāṃ rakṣo 'mbupānilaśaśīśapurāṇi cāṣṭau iti si° śi° golādhyāye darśitaḥ . ayameva pakṣaḥ yuktiyuktaḥ . purāṇe tu antarīkṣaeva tasya sthitiruktā . kāśīkhaṇḍe, vimānayānena gacchatā śivaśarmaṇā pṛṣṭābhyāṃ viṣṇudūtābhyāṃ sūryalokādūrdhaṃ śakrapurīvarṇanottaraṃ taddakṣiṇasyām agniloko varṇitaḥ yathā etasyā dakṣiṇe bhāge yeyaṃ pūrdṛśyate śubhā . imāmarciṣmatīṃ paśya vītihotrapurīṃ śubhām . jātavedasi ye bhaktā ste vasantyatra suvratāḥ . agnipraveśaṃ kuryurye dṛḍhasatvā jitendriyāḥ . striyo vā satvasampannāste sarvatrāgnitejasaḥ . agnihotraratāviprāstathāgnibrahmacāriṇaḥ . pañcāgnivratino yevai te'gneloke'gnitejasaḥ . śīte śītāpanuttyai yastvighmabhārān prayacchati . kuryādagnīṣṭikāṃ vāpi sa vasedagnisannidhau . anāthasyāgnisaṃskāraṃ yaḥ kuryādvā dayānvitaḥ . aśaktaḥ prerayedanyān so'gniloke mahīyate . jaṭharāgnivivṛddhvyai yodadyādāgneyamauṣadham . mandāgnaye sa puṇyātmā vahniloke vasecciram . yajñopaskaravastūni yajñārthaṃ draviṇantu vā . yathāśakti pradadyādyo hyarciṣmatyāṃ vaset sa vai . agnireko dvijātīnāṃ niḥśreyasakaraḥ paraḥ . gururdevo vrataṃ tīrthaṃ sarvamagnerviniścitam . apāvanāni sarvāṇi vahnisaṃsargataḥ kvacit . pāvanāni bhavantyeva tasmāt sa pāvakaḥ smṛtaḥ . api vedaṃ viditvā yastyaktvā vai jātavedasam . anyatra badhnāti ratiṃ brāhmaṇo na sa vedavit . antarātmā hyayaṃ sākṣānniścito hyāśuśukṣaṇiḥ . māṃsagrāsān pacet kukṣau strīṇāṃ no māṃsapeśikām . taijasī śāmbhavī mūrtiḥ pratyakṣā dahanātmikā . kartrī hantrī pālayatnī vinaināṃ kiṃ vilokyate . citrabhānu rayaṃ sākṣānnetraṃ tribhuvaneśituḥ . andhantamomaye loke vinainaṅkaḥ prakāśakaḥ . dhūpapradīpanaivedyapayodadhighṛtaikṣavam . etadbhuktaṃ niṣevante sarve divi divaukasaḥ iti .

agnivat tri° agnirastyasya agni + matup vede masya vaḥ . sāgnike vipre, yapuryayastu caruragnivāṃ iva iti vedaḥ . tulyārthe vati . agnitulyakriyāyādau avya° .

agnivadhū strī 6 ta° . svāhāyām dakṣakanyāyām . agnāyīśabde vivaraṇaṃ draṣṭavyam .

agnivarcas tri° agnervarca iva barco dīptirasya . agnitulyadīptimati, syandanenāgnivarcasā iti bhāra° . 6 ta° . agnitejasi na° .

agnivardhaka tri° agnerjaṭharānalasya vardhakaḥ vṛdha + ṇic-- ṇvul . jaṭharāgnyuddīpake auṣadhabhede, pathyāhāre ca .

agnivarṇa tri° agnervarṇa iva varṇo rūpaṃ yasya . agnitulyavarṇe, brāhmaṇastu surāṃ pītvā agnivarṇāṃ surāṃ pibediti spṛtiḥ . sūryavaṃśye nṛpatibhede pu° tatkathā raghau 19 sa° . 6 ta° . agneḥ rūpe pu° .

agnivallabha pu° agnervallabhaḥ sukhena dāhyatvāt . sālavṛkṣe . agnipriye tri° .

agnivāsas na° agniriva śuddhaṃ vāso vastram . agnitulyaśuddhe vastre . 6 ba° . tādṛgvastravati tri° .

agnivāha pu° agniṃ vāhayati gamayati anupnāpayati vā vāheḥ aṇ . chāge, dhūme ca . vahnivāhakamātre tri° .

[Page 60a]
agnivāhana na° 6 ta° . chāge, raktaṃ jaṭādharaṃ vahniṃ kārayeddhūmravāsasam . jvālāmālākulaṃ saumyaṃ trinetraṃ śmaśrudhāriṇam . caturvāhuṃ caturdantaṃ deveśaṃ vāyusārathim . caturbhiśchagalairyukte vāyucihne rathe sthitam iti purāṇe chāgavāhanatvamuktam .

agnivid pu° agniṃ vindate vinda--kvip . agnihotriṇi sāgnike . agnirahasyaṃ vettīti vida--kvip . agnirahasyaśāstrābhijñe pu° .

agnivindu pu° agnervinduriva . visphuliṅge agnikaṇe .

agnivīja na° 6 ta° . agnervīje tadretojātatvāt upacārāt svarṇe . rudratejaḥsamudbhūtaṃ hema vījaṃ vibhāvasoriti svarṇadānamantraḥ . tatkathā agniretaḥśabde draṣṭavyā . tantrīkte rakāravarṇe agnivījaṃ samuddhṛtya mukhavṛttasamanvitamiti tantram .

agnivīrya na° ānervīryam . vahniretasi, tatparākrame ca . tadvīryajātatvādupacārāt svarṇe . ba° . agnitulyaparakramavati tri0

agniśaraṇa na° 6 ta° . agnyādhānagṛhe agnihotragṛhe .

agniśarman tri° agniriva śṛṇāti tīvrakopatvāt śṝ--manin . tīvrakopānvite . ṛṣibhede pu° . vāhvādi° iñi āgniśarmiḥ tadapatye . naḍādi° phak . āgniśarmāyaṇaḥ tadgotrāpatye .

agniśālā strī agnīnāṃ śālā gṛham . agnyādhānasthāne asyā vā napuṃsakatvam . havirdhānamagniśālaṃ patnīnāṃ sadanam iti vedaḥ .

agniśikha pu° agneriva agniriva vā śikhā yasya . kuṅkumavṛkṣe, kusumbhavṛkṣe, agnitulyaśikhe--jāṅgalīvṛkṣe ca . agnitulyajaṭāvati tri° . agniśikheva śikhā'gramasya . lāṅgalikāvṛkṣe strī (viṣalāṅgalā) agnitulyāgrabhāge tri° vāṇairagniśikhairiveti purā° . svarṇe kusumbhapuṣpe ca na° . 6 ta° . agnijvālāyāṃ strī śarairagniśikhopamai riti, bhāra° .

agniśuśrūṣā strī 6 ta° . vahneḥ vidhānena sevopayogini home .

agniśekhara pu° agniriva śekharamagraṃ yasya . kuṅkumavṛkṣe, kusumavṛkṣe, jāṅgalīvṛkṣe ca . agnitulyāgravati tri° .

agniṣṭut pu° agniḥstūyate'tra stu--ādhāre kvip ṣatvam . agniṣṭomasya vikṛtibhūte ekāhasādhye yāgabhede . sāmasahitābhāṣye saṃśayapūrvakaṃ tacca karmāntaramiti sāyaṇākṣāryeṇa nirṇītam yathā . uktvāgniṣṭutametasya vāravantīya--sāma hi . revatīṣvṛkṣu kṛtveti śrutaṃ paśuphalāptaye . revatyādirguṇaḥ karma pṛthagvā pūrbavad guṇaḥ . revatī--vāravantīya--sambandhākhyaḥ paśu--pradaḥ . sāmno'tra phala--karmabhyāṃ sambandhe vākya--bhinnatā . tenīktaguṇa--saṃyuktamanyat karmocyate phale .. trivṛdagniṣṭomastasya vāyavyāsu ṛkṣu ekaviṃśāgniṣṭoma--sāma kṛtvā brahmavarcasa--kāmo yajeta--ityasya sannidhau śrūyate--etasyaiva revatīṣu vāravantīyamagniṣṭomasāma kṛtvā paśu--kāmohyetena yajeta iti . asyāyamarthaḥ . prakṛtau tṛtīyasavane arbhiva--pavamānasyopari yajñāyajñīyaṃ sāma gīyate, tena ca sāmnā agniṣṭomayāgasya samāpyamānatvādagniṣṭhoma sāmetyucyate, tacca prakṛtau yajñāyajñīyo vā agnaye ityādyāgneyīṣvṛkṣu gīyate asmiṃstvagniṣṭuti brahmavarcasakāmena vāyavyāsvṛkṣu tat sāma gātavyam, tacca prakṛtāvivaika viṃśa--stoma--yuktam . paśukāmasya tu revatīrnaḥ sadhamāde ityādiṣu revatīṣvṛkṣu vāravantīyaṃ sāma gāyediti, tatra revatīnāmṛcāṃ vāravantīyanāmakena sāsrā yaḥ sambandhaḥ so'yaṃ paśu--phalāyāgniṣṭuti vidhīyate, etasyaiveti prakṛtaparāmarśakenaitacchabdenānya--vyāvartakenaivakāreṇa cāgniṣṭutaḥ samarpyamāṇatvāt yathā pūrbādhikaraṇe indriyaphalāya prakṛtāgnihotre dadhi--guṇovihitaḥ tadvat, iti prāpte, brūmaḥviṣamo dṛṣṭāntaḥ, dadhnohoma--janakatvaṃ na śāstreṇa bodhanīyaṃ tasya lokato'vagantuṃ śakyatvāt . phala--sambandhaḥ ekaeva śāstrabodhyaḥ iti na tatra vākyabhedaḥ, iha tu revatyṛgādhārakavāravantīya--sāmro'gniṣṭut--karma--sādhanatvaṃ phala sādhanatvaṃ cetyubhayasya śāstraika--bodhyatvād durvārovākya--bhedaḥ tena paśuphalakaṃ yathoktaguṇa--viśiṣṭa--karmāntaramatra vidhīyate . etacchadbaḥ evakāraśca vidhīyamāna--karmāntara--viṣayatayā yojanīyau iti . yajeta vāśvamedhena svarjitā gosavena vā . abhijidviśvajidbhyāṃ vā trivṛtāgniṣṭutāpi vā iti smṛtiḥ .

agniṣṭubh pu° agnistubhyate'tra kvip ṣatvam . yajñabhede .

agniṣṭoma pu° agneḥ stomaḥ stutisādhanaṃ tṛcasamudāyo'vasāne'tra . yāgaviśeṣe sa ca yāgaḥ tāṇḍyamahābrāhmaṇe ṣaṣṭhādhyāye prajāpatirakāmayata bahu syāṃ prajāyeyeti saetamagniṣṭomamasṛjata ityupakramya eṣa vāva yajñoyadagniṣṭoma iti ekasmā anyo yajñaḥ kāmāyāhriyate sarvebhyo'gniṣṭoma iti cāgniṣṭomaṃ stutvā dvādaśa stotrāṇyagniṣṭoma ityādinā saprapañcaṃ darśitaḥ . agniṣṭoma śabdasya vyutpattirbhāṣyakṛtā sāyaṇācāryeṇa darśitā yathā yajñāyajñīya ityasyāmāgneyyāmutpannena agneṣṭomasāmnā samāpte ragniṣṭoma iti nāma sampannamiti . tadvidhānaparipāṭī ca vaudhāyanīye keśavasvāminā darśitā tata eva sā'vagantavyā . tāṇḍye ṣaṣṭhādhyāye ca agniṣṭome dvādaśa stotrāṇi dvādaśa śastrāṇī tyuktvā aṣṭamādhyāyaparyantaṃ yāni stotrāṇi śastrāṇi vā prayojyāni tānyabhihitāni tāni ca tata evāvagantavyāni teṣāṃ svarūpādi tattacchabdārthe vakṣyate tatra apragītamantrasādhyā stutiḥ śastraṃ pragītamantrasādhyā tu stotramiti tayerbhedaḥ . ekāhasādhye agniṣṭunnāmake yajñe ca tat pramāṇam agniṣṭucchabde . agniṣtomasya vyākhyānaḥ kalpaḥ ṭhak . āgniṣṭomikaḥ agniṣṭomabodhakakalpe .

agniṣṭomasāma na° agniṣṭome avasāne vihitaṃ sāma gānaviśeṣaḥ . agniṣṭomayajñasamāpake tṛtīyasavane vihite yajñāyajñīya ityasyāmāgnyeyyāmṛci gīyamāne sāmavede prakṛtau (agniṣṭome) tṛtīyasavane ārbhavapavamānasyopari yajñāyajñīyaṃ sāma gīyate tena ca sāmnā agniṣṭomasya samāpyamānatvādagniṣṭomasāmetyucyate iti sā° bhā° . brahmaṇo vā eṣa raso yadyajñājñīyaṃ stuvanti brahmaṇaeva rase yajñaṃ pratiṣṭhāpayantīti tāṇḍyabrāhmaṇam tacca sāma yajñāyajñīyaśabde vakṣyate .

agniṣṭha pu° agnau sthātumarhati sthā--ka ṣatvam . vahnau sthiti yogye lauhamaye kaṭāhādipātre .

agnisaṃskāra pu° agninā saṃskāraḥ mantrapūrbakadāhaḥ . vidhānena agnikṛtadāhe . anāthasyāgnisaṃskāraṃ yaḥ kuryādvā dayānvitaḥ iti kāśī° .

agnisaṅkāśa tri° agniriva saṅkāśate kāśa--dīptau ac . agnitulyavarṇe tattu lyatejaske ca .

agnisambhava pu° agniriva sambhavati sam + bhū--ac . araṇyakusumbhe . 5 ta° svarṇe na° . agnisambhūtamātre tri° .

agnisahāya pu° agninā saha ayate aya--ac 3 ta° . vāyau, dhūme ca . agnisahāyadhūmavadvarṇavattvāt śīghragatitvācca vanakopate ca .

agnisākṣika tri° agniḥsākṣī yatra kap . vahniṃ sākṣīkṛtya kṛte karmaṇi . sakhyaṃ kṛtvāgnisākṣikamiti rāmā° .

agnisāra na° agnau sāro yasya atyantānalottāpane'pi sārāṃśādahanāt . rasāñjane 6 ta° . vahnisāre tu astrī .

[Page 61b]
agnistambha pu° agniḥ dāhaśaktau nirudhyate anena . agnidāhanaśaktinirodhake mantre, oṣadhe ca . 6 ta° . agnerdāhaśaktipratirodhe pu° .

agniṣvā(sva)tta pu° ba° va° agnitaḥ (śrāddhīyaviprakararūpānalāt suṣṭhu āttaṃ grahaṇaṃ yeṣāṃ ā--dā--kta ṣatvamiti bahavaḥ . marīciputre pitṛgaṇaviśeṣe . agniṣvā(svā)ttāḥ varhiṣadaḥ ūṣmapā ājyapāstatheti manuḥ . taittirīyabrāhmaṇe tu anyathā niruktaṃ yathā agniṣvāttānṛtumato havāmahe . narāśaṃse somapīthaṃ ya āśuḥ . te no arvantaḥ suhavā bhavantu . śanno bhavantu dvipade śaṃ catuṣpade iti agniṣvāttā agniṣvāttanāmakāḥ pitaraḥ pitṛviśeṣāḥ . te ca cāturmāsyagatapitṛyajñabrāhmaṇe spaṣṭamabhihitāḥ, ye vā ayajvāno gṛhamedhina sve pitaro'gniṣyāttā iti . manuṣyajanmanyagniṣṭomādiyāgamakṛtvā smārtakarmaniṣṭhāḥ santo mṛtvā ca pitṛtvaṃ gatāḥ . tānagniṣvāttān iti tadbhāṣye mādhavācāryaḥ .

agnihut pu° agniṃ hutavān hu--kvip 6 ta° . kṛtāgnihavane agnihotriṇi .

agnihotra na° agnaye hūyate'tra hu--tra 4 ta° . mantrakaraṇavahnisthāpanapūrbataduddeśyakahome . agnihotrasambandhitvāt haviṣi, vahnau pu° . kāñcidākhyāyikāmupakramya agnihotraśabdaniruktividhānādyuktaṃ taittirīyabrāhmaṇe so'gnirabibhet āhutibhirvaitamāpnotīti sa prajāpatiṃ punaḥ prāviśat taṃ prajāpatirabravīt jāyasveti so'bravīt kiṃ bhāgadheyamabhijaniṣya iti tubhyamevedaṃ hūyātā ityabravīt saetadbhāgadheyamabhyajāyata . yadagnihotram iti purā prajāpatestāpaṃ dṛṣṭvā palāyanāduparato'gniḥ prajāpatestvapakramyāgata eva, tataḥ prajāpatistasminnagnau pūrboktaṃ ghṛtaṃ svāhākāreṇa yāmāhutiṃ prathamamajuhot . tadāhutisāmarthyena puruṣamasṛjata . tathā dvitīyādyāhutibhiḥ aśvādīnasṛjata . tataḥ prajānāṃ punarutpatteḥ svasya prajāpatitvaṃ susyitam . tadānīmagnirbhīto'bhūt . tasyāyamabhiprāyaḥ . prajāpatiḥ punaḥ punarāhutibhireva māṃ prāpnoti na tu bhāgaṃ prayacchati . tāstvāhutīrdevā eva gṛhṇanti . tasmādbhāgarahitaḥ sevituṃ na śaknomīti vicārya pūrbavat palāyanamakṛtvā tasmin prajāpatāveva praviṣṭaḥ . sa ca prajāyasveti punaḥ punaragnimabravīt sacāgnistadudara eva sthitvā bhāgarahito'haṃ kṣudhitaḥ sevituṃ na śaknomi bhāgo me'pekṣitaḥ . kiṃ bhāgamabhilakṣyāhamutpatsya ityuktam . agninā uktaḥ prajāpatiridamagnihotragataṃ havistubhyameva hūyātā iti bhāgaṃ dattavān . tato'gnihotrahaviḥsvarūpaṃ bhāgadheyamabhilakṣyāgnirutpannaḥ . tasmādagnaye hotraṃ homo'smin karmaṇīti bahuvrīhivyutpattyā agnihotramiti karmanāma . agnaye hotramiti tatpuruṣavyutpattyā havirnāma iti tadbhāṣyam . tatkālaśca tatraivoktaḥ taddhūyamānamādityī'bravīt . mā hauṣīḥ . ubhayorvai nāvetaditi so'gnirabravīt . kathaṃ nau hoṣyantīti . sāyameva tubhyaṃ juhavan prātarmahyamityabravīt . tasmādagnaye sāyaṃ hūyate sūryāya prātaḥ iti . taddhaviragnyarthaṃ prajāpatinā hūyamānaṃ dṛṣṭvā mā hauṣīrityevamādityo nivāra yāmāsa . hetuñcaivamavīcat . yo'yamagniryaścāhaṃ tayorubhayorāvayoretaddhaviḥ, na tvekasyāgneḥ iti . tadānīmubhayorbhāgavyavasthā jātā . agminā pṛṣṭā yā kālabhedena vyavasthā tāmuvāca . tasmādagnaye sāyaṃ juhuyāt, sūryāya prātarjuhuyāt iti tadbhāṣyam . tacca nityaṃ kāmyañca yāvajjīmagnihotraṃjuhotīti śrutyā nityasya upasadbhiścaritvā māsamekamagnihotraṃ juhotīti śrutyā ca kāmyasya vidhānamuktam . asya yajurvedoktatve'pi sarvavedibhiḥ kartavyatā yannāmnātaṃ svaśākhāyāṃ pārakyamavirodhi ca vidvadbhistadanuṣṭheyamagnihotrādi karmavaditi chandoga° pa° kātyā° . agnihotraṃ trayovedā stridaṇḍo bhasmadhāraṇam . buddhipauruṣahīnānāṃ jīviketi vṛhaspatiriti cārvākamatam .

agnihotrahavanī strī agnihotro'gniḥ havirvā hūyate'nayā hukaraṇe lyuṭ 6 ta° . agnihotrahavirgrahaṇyāmṛci .

agnihotrahut pu° agnihotramagniṃ juhoti smahu--kvipa 6 ta° . kṛtāgnihotre yatra suhṛdā sukṛtāmagnihotra hutāṃ yatra loka iti, śrutiḥ .

agnihotrin pu° agnihotra + matvarthe ini . agnisthāpanapūrbakaṃ prātarādikāle agnihotrahomakartari sāgnike .

agnīdh pu° idhyate indha--bhāve kvip 6 ta° . agnyuddīpane agnīdhaḥ śaraṇe raṇ bhañceti kātyā° vā° . śaraṇārthe raṇi āgnīdhraḥ . kartari kvip . agnyādhānakartari .

agnīdhra pu° agnim ādadhāti dhṛ--ka dīrghaḥ . vahnyādhānakārake brahmāparaparyāye ṛtvigbhede . agniṃ dhārayatyasmai sampradāne ghañarthe ka dīrghaḥ . agnikṛtye homādau pu° .

[Page 62b]
agnīndra pu° dvi° dvandva° indraparatvānnāt . etannāmakayo rekahavirbhoktrordevayoḥ .

agnīndhana tri° agniridhyate'nena indha--lyuṭ 6 ta° . mantrabhede . striyāṃ ṭittvāt ṅīp . bhāve lyuṭi . agni kṛtye na° .

agnīya tri° agneradūrabhavaṃ sthānādi--utkarā° cha . vahnisannikṛṣṭasthāne .

agnīvaruṇa pu° dvi° dvandva° īt . etayorekahavirbhoktrordevayoḥ .

agnīṣoma pu° dvi° dvandva° īt ṣatvañca . etannāmakayoreka havirbhoktrordevayoḥ . agnīṣomīyaṃ paśumālabheteti śrutiḥ .

agnīṣomapraṇayanī strī agnīṣomau praṇīyete saṃskriyete anayā atra vā pra + nī--karaṇe ādhāre vā lyuṭ ṅīp . tayoḥ saṃskārikāyāmṛci pātryāñca . bhāve lyuṭ . tayoḥ saṃskāre na° .

agnīṣomīya tri° agnīṣomau devate asya cha . taddevatāke paśvādau kapālarūpapātrādisaṃskṛte havirbhede ca agniṣomīyamekādaśakapālaṃ nirvapatīti yo'gnīṣomīmayasya paśoraśnātīti ca śrutiḥ .

agnyagāra na° agneḥ agnihotrasaṃbandhivahneragāraṃ 6 ta° . agnihotragṛhe vasaṃścaturtho'gnirivāgnyagāre iti raghuḥ . agnigṛhādayopyatra .

agnyādhāna na° agnerādhānam ā--dhāñ--lyuṭ 6 ta° . vedamantradvārā vahnisthāpane . 7 bahu° . agnihotrayāge .

agnyādheya pu° agnirādheyo yena . agnihotriṇi sāgnike dvije tatprakāraśca puṇyamevādadhītāgnimityupakramya kātyāyanasaṃhitāyāṃ darśitaḥ kalpagranthe ca vistarī draṣṭavyaḥ .

agnyālaya pu° agnerālayaḥ ā + lī--ādhāre ac 6 ta° . vedamantradvārā vahnisthāpanayogye gṛhe, tadādhāre--kuṇḍe, sthaṇḍile ca .

agnyāhita pu° agnirāhito yena ā + dhāñ--karmaṇi kta, vā paranipātaḥ . agnihotriṇi sāgnike dvije .

agnyutpāta pu° agninā divyānalena kṛta utpātaḥ (aniṣṭasūcakopadravaḥ) ud + pata--ghañ 3 ta° . ākāśasthānala vikārasūcitopadrave, ulkāpātādāvaśubhasūcake, dhūmaketukṛtavikāre ca . sa ca nābhasa utpātaḥ ulkādirūpaḥ pañca vidhaḥ dhiṣṇyolkāśanividyuttārābhedāt . teṣāṃ lakṣaṇādikaṃ phalasahitam vṛhatsaṃhitāyāmuktaṃ 33 a° yathā divi bhuktaśubhaphalānāṃ patatāṃ rūpāṇi yāni tānyulkāḥ . dhiṣṇyolkāśanividyuttārā iti pañcadhā bhinnāḥ .. ulkā pakṣeṇa phalaṃ tadvaddhiṣṇyāśanistribhiḥ pakṣaiḥ . vidyudahobhiḥ ṣaḍbhistadvattārā vipācayati .. tārā phalapādakarī phalārdhadātrī prakīrtitā dhiṣṇyā . tisraḥ sampūrṇaphalā vidyudayolkāśaniśceti .. aśaniḥ svanena mahātā nṛgajāśvamṛgāśmaveśmatarupaśuṣu . nipatati vidārayantī dharātalaṃ cakrasaṃsthānā .. vidyutsatvatrāsaṃ janayantī taṭataṭasvanā sahasā . kuṭilaviśālā nipatati jīvendhanarāśiṣu jvalitā .. dhiṣṇyā kṛśālpapucchā dhanūṃṣi daśa dṛśyate'ntarābhyadhikam . jvalitāṅgāranikāśā dvau hastau sā pramāṇena .. tārā hastaṃ dīrghā śuklā tāmrābjatanturūpā vā . tiryagadhaścordhvaṃ vā yāti viyatyuhyamāneva . ulkā śirasi viśālā nipatantī vardhate pratanupucchā . dīrghā bhavati ca puruṣā bhedā bahavo bhavantyasyāḥ . pretapraharaṇakharakarabhanakrakapidaṃṣṭrilāṅgalamṛgābhāḥ . godhāhidhūmarūpāḥ pāpā yā cobhayaśiraskā .. dhvajajhaṣakarigirikamalenduturagasantaptarajatahaṃsābhāḥ . śrīvatsavajraśaṅkhasvastikarūpāḥ śivasubhikṣāḥ .. ambaramadhyādbahvyo nipatantyo rājarāṣṭranāśāya . bambhramatī gaganopari vibhramamākhyāti lokasya .. saṃspṛśatī candrārkau tadvisṛtā vā sabhūprakampā ca . paracakrāgamanṛpabadha--durbhikṣāvṛṣṭibhayajananī pauretaraghnamulkāpasavyakaraṇaṃ divākarahimāṃśvoḥ . ulkā śubhadā purato divākaraviniḥsṛtā yātuḥ .. śuklā ratkā pītā kṛṣṇā colkā dvijādivarṇābhā . kramaśaścaitān hanyurmūrdhoraḥpārśvapucchasthāḥ .. uttaradigādipatitā viprādīnāmaniṣṭadā rūkṣā . ṛjvī snigdhākhaṇḍā nīcopagatā ca tadvṛddhyai .. śyāmā vāruṇanīlā'sṛgdahanāsitabhasmanibhā rūkṣā . sandhyādinajā vakrādalitā ca parāgamabhayāya .. nakṣatragrahadhāte tadbhaktīnāṃ kṣayāya nirdiṣṭā . udaye ghnatī ravīndū pauretaramṛtyave'ste vā .. bhāgyādityadhaniṣṭhāmūleṣūlkāhateṣu yuvatīnām . viprakṣatriyapīḍā puṣyānilaviṣṇu deveṣu .. dhruvasaumyeṣu nṛpāṇāmugreṣu sadāruṇeṣu caurāṇām . kṣipreṣu kalāviduṣāṃ pīḍā sādhāraṇe ca hate .. kurvantyetāḥ patitā devapratimāsu rājarāṣṭrabhayam . śakropari nṛpatīnāṃ gṛheṣu tatsvāmināṃ pīḍām .. āśāgrahopaghāte taddeśyānāṃ khale kṛṣiratānām . caityatarau sampatitā satkṛtipīḍāṃ karotyulkā .. dvāri purasya purakṣayamathendrakīle jana kṣayo'bhihitaḥ . brahmāyatane viprān vinihanyādgomino goṣṭhe .. kṣveḍāsphoṭitavāditagītītkruṣṭasvanā bhavanti yadā . ulkā nipātasamaye bhayāya rāṣṭrasya sanṛpasya .. yasyāñciraṃ tiṣṭhati khe'nuṣaṅgo daṇḍākṛtiḥ sā nṛpaterbhayāya . yā cohyate tantudhṛteva khasthā yā vā mahendradhvajatulyarūpā .. śreṣṭhinaḥ pratīpagā tiryagā nṛpāṅganāḥ . hantyadhomukhī nṛpān brāhmaṇānathordhṛgā .. varhipuccharūpiṇī lokasaṅkṣayā vahā . sarpavat prasarpiṇī yoṣitāmaniṣṭadā .. hanti maṇḍalā puraṃ chatravat purohitam . vaṃśagulmavat sthitā rāṣṭradoṣakāriṇī .. vyālasūkaropamā visphuliṅgamālinī . khaṇḍaśo'tha vā gatā sasvanā ca pāpadā .. surapaticāpapratimā rājyaṃ nabhasi vilīnā jaladān hanti . pavanavilomā kuṭilaṃ yātā na bhavati śastā vinivṛttā vā .. abhibhavati yataḥ puraṃ balaṃ vā bhavati bhayaṃ tata eva pārthivasya . nipatati ca yathā diśā pradīptā jayati ripūnacirāttayā prayātaḥ .. tatkāraṇamuktaṃ gargasaṃhitāyām atilobhādasatyādvā nāstikyādvāpyadharmataḥ . narāpacārānniyatamupasargaḥ pravartate . tato'parādhānniyatamapavarjanti devatāḥ . tāḥ sṛjantyadbhutāṃstāṃstu divyanābhasabhūmijān . ta eva trividhā loke utpātā devanirmitāḥ . vicaranti vināśāya rūpaiḥ saṃbodhayanti ca iti . aniṣṭasūcakarūpabhedāśca vṛhatsaṃhitāvākye prāk darśitāḥ . tallakṣaṇaṃ kāśyapena sāmānyata uktam vṛhacchikhā ca sūkṣmāgrā raktanīlaśikhojjvalā . pauruṣeya pramāṇena ulkā nānāvidhā smṛteti .

agnyuddhāra pu° agneḥādhanārthamuddhāraḥ araṇimanthanena utthāpanam . araṇidvayagharṣaṇenānalotpādane . tatprakārastu aśvattho yaḥ śamīgarbhaḥ praśastīrvīsamudbhavaḥ . tasya yā prāṅmukhī śākhā vodīcī vordhagāpi vā .. araṇistanmayī proktā tanmayyevottarāraṇiḥ . sāravaddāravañcatramovilī ca praśasyate .. saṃsaktamūlo yaḥ śamyāḥ sa śamīgarbha ucyate . alābhe tvaśamīgarbhāduddharedavilambitaḥ .. caturviṃśatiraṅguṣṭhadairvyaṃ ṣaḍapi pārthivam . catvāra ucchraye mānamaraṇyoḥ parikīrtitam .. aṣṭāṅgulaḥ pramanthaḥ syāccatraṃ syāddvādaśāṅgulam . ovilī dvādaśaiva syādetanmanthanayantrakam .. aṅguṣṭhāṅgulamānantu yatra yatropadiśyate . tatra tatra vṛhatparvagranthibhirminuyāt sadā .. gobālaiḥ śaṇasaṃmiśraistrivṛttamamalātmakam . vyāmapramāṇaṃ netraṃ syāt pramayyastena pāvakaḥ .. mūrdhākṣikarṇavaktrāṇi kandharā cāpi pañcamī . aṅguṣṭhamātrāṇyetāni dvyaṅguṣṭhaṃ vakṣa ucyate .. aṅguṣṭhamātraṃ hṛdayaṃ tryaṅguṣṭhamudaraṃ smṛtam . ekāṅguṣṭhā kaṭirjñeyā dvau vastirdvau ca guhyakam .. ūrū jaṅghe ca pādau ca catustryekai ryathākramam . araṇyavayavāhyete yājñikaiḥ parikīrtitāḥ .. yattadguhyamiti proktaṃ devayonistu socyate . asyāṃ yo jāyate vahniḥ sa kalyāṇakṛducyate .. anyeṣu ye tu mathnanti te rogabhayamāpnuyuḥ . prathame manthane tveṣa niyamo nottareṣu ca .. uttarāraṇiniṣpannaḥ pramanthaḥ sarbadā bhavet . yonisaṅkaradoṣeṇa yujyate hyanyamanthakṛt .. ārdrā saśuṣirā caiva ghūrṇāṅgī pāṭitā tathā . na hitā yajamānānāmaraṇiścottarāraṇiḥ .. paridhāyā'hataṃ vāsaḥ prāvṛtya ca yathāvidhi . bibhṛyāt prāṅmukho yantramāvṛtā vakṣyamāṇayā .. catravradhnapramanthāgraṃ gāḍhaṃ kṛtvā vicakṣaṇaḥ . kṛtvottarāgrā maraṇiṃ tadvradhnamupari nyaset .. catrādhaḥ kīlakāgrasthāmovilīmudagagrakām . viṣṭambhāddhārayed yantraṃ niṣkampaṃ prayataḥ śuciḥ iti kātyā° sa° ..

agnyupasthāna na° agnirupasthīyate'nena upa + sthā lyuṭ 6 ta° . vahnerupāsanamantre . striyāṃ ṅīp . bhāve lyuṭ 6 ta° . vahnerupāsane na° .

agra na° aṅga--rak nalopaḥ . uparibhāge, śeṣabhāge, ālambane pūrbabhāge, utkarṣe samūhe ca . pradhāne, adhike, prathame ca tri° . tatra pūrbabhāge agrakāyaḥ athāgrahaste mukulīkṛtāṅgulāviti kumā° . ūrdhve śṛṅgāṇi yasyāgrasaroruhāṇi iti ku° . ālambane, manumekāgramāsīnamiti manuḥ pradhāne athāgramahiṣī rājña iti prathame agrahāyaṇeṣṭiriti . puro'rthe, agrasaraḥ . śeṣabhāge, harmyāgrarūḍheṣu tṛṇāṅkureṣviti raghuḥ . sūcyagreṇa na dātavyaṃ vinā yuddhena keśaveti bālāgraśatabhāgasya śatadhā kalpitasya ceti ārāgramātrohyaparo'pi dṛṣṭaḥ iti ca śrutiḥ . adhike athāgrarayaśālineti . śṛṅge, kailāsāgrasamāsīnamiti tantram utkarṣe, agrādagraṃ rohatīti tā° brā° agramutkarṣamiti mādhavācāryaḥ adhike sāgraṃ varṣaśatamiti rāmā° akṣarūpapalaparimāṇe (jyotiṣoktasya akṣarūpapalasya parimāṇārthe'ṃśabhede) ca . akṣakṣetrasādhanārthāyāṃ siddhāntaśiromaṇyuktāyām akṣakṣetrakarṇena guṇitāyāṃ svakoṭyā hṛtāyāṃ krāntijyāyāṃ strī . krāntijyake karṇaguṇe vibhakte koṭyā bhujenāptamitāgrakā syāt iti si° śi° . krāntijyā akṣaśrutikarṇena guṇitā dviḥ sthāpyā ekatra svakoṭyā bhaktā satī agrā bhavatīti pramitā° . rekhā prācyaparā sādhyā viṣuvadbhāgragā tathā . iṣṭacchāyāviṣuvatīrmadhyamagrābhidhīyate iti sūryasiddhāntapāribhāṣite'rthe ca strī . vivṛtañcaitat raṅganāthena yathā athāgrājñānārthamāha . tasmiṃścaturasre pūrvāpararekhāta uttarabhāge viṣuvadbhāgragākṣabhāgapradeśasthākṣabhāṅgulāntaritetyarthaḥ . prācyaparā rekhā pūrbāpararekhānukārā rekhā tathā sarvatastulyāntareṇa yatheṣṭacchāyākṣarekhābhujāntareṇa kāryā . anantaramiṣṭacchāyāviṣuvatīriṣṭacchāyākṣarekhākṣabhāgrarekhayorityarthaḥ . madhyaṃ caturasre'ṅgulātmakamantarālaṃ sarvatastulyam . agrā karṇavṛttāgrocyate . atropapattiḥ . bhujasya karṇavṛttāgrā palabhāsaṃskāreṇāgrā uktā taddakṣiṇagole palabhādhikottarabhujasadbhāvena palabhonī bhujo'greti, prācyaparasūtrāduttarabhāge'kṣabhāgrarekhā bhujamadhye bhavatīti dvayo rekhayorantaramagrā palabhonabhujarūpā . evamuttaragola uttarabhujasya palabhālpatvādbhujonapalabhāgreti palabhārekhā prācyaparasūtrāduttarabhāgasthā bhujarekhāto'pyagrāntareṇottaradiśīti dvayo rekhayorantaraṃ bhujonapalabhārūpaṃ karṇavṛttāgrā . evaṃ dakṣiṇabhujasya palabhonāgrātvāt palabhāyuto'greti prācyaparasūtrādbhujāgrāpalabhāgrārekhayoḥ krameṇa yāmyottaratvāt tayorantarālaṃ palabhābhujaikyarūpamagrā palabhāyāḥ śaṅkutalānukalpatvāt sadottaratvaṃ chāyāsambandhādyuktam iti . agraśabdasyāvayavarūpaikadeśaparatve hastāgraṃ tadvatparatve agrahasta iti yathoktam vāmanena, hastāgrāgrahastayorguṇaguṇinorbhedāditi . agra + bhavādyarthe yat . agryaḥ . gha agriyam . kuśāgramiva cha . kuśāgrīyaḥ . ivārthe śākhādi° ya agryaḥ .. agraḥ ṛṣibhedastadgotrāpatye naḍādi° phak . āgrāyaṇaḥ . tattadartheṣu .

agrakāya pu° agraḥ kāyaḥ avayavāvayavinorabhedāt agrahastavat karma° . dehapūrbabhāge .

agraga tri° agre gacchatīti gasa--ḍa 7 ta° . purogāmini .

agragaṇya tri° agre gaṇyate gaṇa--yat 7 ta° . agragaṇanīye, pradhāne ca .

agragāmin tri° agre gacchati gama--ṇini 7 ta° . purogāmini . praṣṭho'gragāminīti pā° . atrāṇatvanirdeśāt agragāminetyādau na ṇatvam . striyāṃ ṅīp .

agraja pu° agre purastāt jāyate jana--ḍa . agrajāte jyeṣṭhabhrātari jagādāgre gajāgrajam iti māghaḥ . jyeṣṭhabhaginyāṃ strī . varṇeṣu madhye agrajātatvāt vipre .

agrajaṅghā strī agrā jaṅghā avayavāvayavinorabhedāt ka° sa° . jaṅghāgrabhāge .

agrajanman pu° agre janma yasya jana--manin vyadhi° bahu° . jyeṣṭhabhrātari, vipre ca . agrajātamātre tri° . agrāt pradhānāṅgāt mukhāt janmāsya vya° ba° . brahmaṇomukhotpanne vipre, tasya tanmukhotpattiśca tāṇḍyamahābrāhmaṇe uktā yathā so'kāmayata yajñaṃ sṛjeyeti sa mukhata eva trivṛtamasṛjata taṃ gāyatrīcchando'nvasṛjyatāgnirdevatā brāhmaṇomanuṣyo vasanta ṛtustasmāttrivṛt stomānāṃ mukhaṃ, gāyatrī cchandasām, agnirdevatānāṃ, brāhmaṇo manuṣyāṇāṃ, vasanta ṛtūnāṃ, tasmādbrāhmaṇo mukhena vīryaṅkaroti mukhatī hi sṛṣṭaḥ iti . vyākhyātañcaitat bhāṣye saḥ prajāpatirakāmayat kimiti? sarvasādhakaṃ yajñaṃ sṛje yeti sa etamagniṣṭomamapaśyat tamāharadityuktasyaivedaṃ vivaraṇaṃ saḥ prajāpatiḥ mukhata ātmano mukhādeva trivṛtamāvṛttitrayasādhyametannāmakaṃstomamasṛjata taṃ trivṛtamanu paścādgāyatrīchandaḥ gāyatraṃ nāma chando'sṛjyata tadanu agnirdevatā'sṛjyata tamanu manuṣyī brāhmaṇo'sṛjyata tathā tamanu vasantākhyaśca ṛturasṛjyata yasmādyadete mukhataeva sṛṣṭāḥ tasmādete trivṛdāduyaḥ svasvajātīyānāṃ madhye mukhyā abhavan trivṛdādīnāṃ mukhyānāṃ madhye brāhmaṇasya mukhyatvaprayuktaṃ vīryaṃ lokasiddhaṃ darśayati tasmānmukhasṛṣṭatvena mukhyatvāt brāhmaṇo mukhenedānīmapi vīryaṃ svādhyāyapravacanādijanyaṃ sāmarthyaṅkaroti tasmādityuktaṃ vivṛṇoti hi yasmādbrāhmaṇo mukhataḥ sṛṣṭastasmādityarthaḥ .. evamuktamarthaṃ yo veda so'pi mukhena vīryaṃṅkaroti mukhasādhyena svādhyāyapravacanādinaivābhīṣṭaṃ sādhayati ityarthaḥ iti . brāhmaṇo'sya mukhamāsīti puruṣasūktam ata eva viprasya mukhajātatvena mukhasādhyasvādhyāyābhyasane eva vīryaṃ bhavatītyapyuktam ataeva manunā vedameva sadābhyasye dityuktam hārītasaṃhitāyāṃ tu ṣaṭ karmāṇi, nijānyāhurbrāhmaṇasya mahātmanaḥ . taireva satataṃ yastu vartayet sukhamedhate adhyāpanaṃ cādhyayanaṃ yājanaṃ yajanaṃ tathā . dānaṃ prati grahaśceti ṣaṭ karmāṇīti cocyate iti vedañcaiva sadābhyasyet śucau deśe samāhitaḥ dharmaśāstraṃ tathā pāṭhyaṃ brāhmaṇaiḥ śuddhamānasaiḥ vedavat paṭhitavyañca śrotavyañca divāniśi śrutihīnāya viprāya smṛtihīne tathaiva ca dānaṃ bhojana sanyacca datta kulavināśanam . tasmāt sarvaprayatnena veda śāstraṃ paṭhet dvija iti ca . sattvapradhānā vaprāḥ syuriti bhāratokteḥ viprasya satvapradhānatayā brāhmaṇakṣattriyaviśāṃ śūdrāṇāñca parantapa! . karmāṇi pravibhaktāni svabhāvaprabhavairguṇaiḥ . śamodamastapaḥ śaucaṃ kṣāntirārjavameva ca . jñānaṃ vijñānamāstikyaṃ brahmakarma svabhāvajamiti gītāyāṃ sātvikadharmāevāsya svābhāvikā ityuktam . vivṛtañcaitat śrīdhara svāminā tatra brāhmaṇasya svābhāvikāni karmāṇyāha śama iti, śamaścittoparamaḥ (vāhyaviṣayānnivartanam) damovāhyendriyoparamaḥ (svasvaviṣayānnivartanam) tapaḥ pūrboktaṃ (saguṇabrahmopāsanādi) śaucaṃ vāhyamābhyantarañca . kṣāntiḥ (śītoṣṇādidvandvasahiṣṇutā) ārjavam avakratā (vāhyābhyantarayoḥ kāpaṭhyābhāvaḥ) jñānaṃ śāstrīyaṃ vijñānamanubhavaḥ āstikyam asti paraloka iti niścayaḥ . etat śamādi brāhmaṇasya svabhāvāt jātaṃ karmeti . mukhajātādayopyatra agre prathamaṃ janma yasya . caturmukhe brahmaṇi, yo vai brahmāṇaṃ vidadhāti pūrbaṃ yaścāsmai prahiṇoti vedamiti hiraṇya garbhaḥ samavartatāgre iti ca śrutau parabrahmasakāśāt tasya prathamotpattiruktā, tadutapattiprakārastu manunā so'bhidhyāya śarīrāt svāt sisṛkṣurbahudhā prajāḥ . apa eva sasarjādau tāsu vījamavāsṛjat . tadaṇḍamabhavaddhaimaṃ sahasrāṃśusamapramam tasmin jajñe svayaṃ brahmā sarvalokapitāmaha ityanenoktaḥ .

agrajāta pu° agre jātaḥ jana--kta 7 ta° . jyeṣṭhamrātari, vipre ca . jyeṣṭhabhaginyāṃ strī . pūrvajātamātre tri° .

agrajāti pu° agrā śreṣṭhā jātiryasya, jana--ktin karma° . vipre .

agrajihvā strī agrā jihvā agrahastavat ka° . jihvāgrabhāge .

agraṇī tri° agre nīyate'sau ṇī--kvip 7 ta° ṇatvam . prabhau śreṣṭheca . agraṃ nayati devebhya iti . vahnau pu° yathācāsyāgraṇītvaṃ tathāgniśabde niruktavyākhyāyāmuktam .

agratas avya° agre agrādvā agra + tasil . pūrvavṛttau, pūrvabhāgāvadhike ca .

agrataḥsara tri° agrataḥ sarati gacchati sṛ--ṭa 7 ta° . agragāmini . striyāṃ ṅīp .

agradānin pu° agredānaṃ uddeśyatvekāstyasya agradāna + ini pretoddeśena yaddānaṃ dīyate tatpratigrāhiṇi agradānīti khyāte vipre . lobhī viprasya śūdrāṇāmagre dānaṃ gṛhītavān . grahaṇāttiladānānāmagradānī babhūva sa iti purā° .

agradānīya pu° agre dānamarhati cha . agradānivipre .

agranakha pu° agro nakhaḥ agrahastavat ka° . nakhāgre .

[Page 66a]
agranāsikā strī agrā nāsikā agrahastavat ka° . nāsikāgrabhāge .

agranthika pu° nāsti granthirvastragranthiḥ sasārabandhagranthirvā'sya . nirgranthike muktakacche jainabhede ātmajñe ca bhidyate hṛdayagranthi rityanena tasya saṃsāragranthiśūnyatvoktestathātvam . granthiśūnye tri° .

agraparṇī strī agre parṇaṃ yasyāḥ jātitvāt ṅīp . (ālkuśīti) khyāte vṛkṣe .

agrapūjā strī agre pūjā . prāthamikapūjāyām . agrepūjāmiha sthitvā gṛhāṇemāmiti purā° .

agrabhāga pu° bhajyate iti bhāgaḥ ekadeśaḥ bhaja--ghañ agraḥ pūrbaḥ bhāgaḥ karma° . śrāddhādau prathamamuddhṛtya deye dravye avayavinaḥ śeṣabhāge ca . yathā śarāgrabhāgaḥ .

agrabhuk tri° agre devapitrādibhyo'dattvā bhuṅkte bhujakvip 7 ta° . audarike .

agrabhū pu° agre bhavati utpadyate bhū--kvip 7 ta° . pūrbajāte jyeṣṭhabhrātari vipre ca jyeṣṭhabhaginyāṃ strī . pūrbajāte tri° .

agramahiṣī strī karma° . pradhānastriyām . athāgramahiṣī rājña iti .

agramāṃsa na° agraṃ pradhānaṃ bhakṣyatvena manyate man--sa, dīrghaḥ karma° . hṛdayasthe padmākāre (phulakā) iti nāmake māṃse . kecit vyukvāgramāṃsamekaṃ nāmetyāhuḥ . (agramāsa) iti prasiddhe rogabhede ca .

agramukha na° agraṃ mukham agrahastavat karma° . mukhāgre .

agrayaṇa na° agramayanāt uttarāyaṇāt ṇatvam śaka° tatvidhā nakālo'sya ac . mārge māsi sāgnikakartavyenavaśasyeṣṭirūpe yajñabhede . niragnikartavye navānnaśrāddhe ca . akṛtāgrayaṇañcaiva dhānyajātaṃ dvijottameti varjyānne smṛtiḥ . akṛtāgrayaṇamakṛtanavaśasyeṣṭiśrāddhaṃ yathāyogyaṃ sāgnikaniragniparamiti śrāddhatattve raghunandanaḥ .

agrayāna na° agre yānaṃ yasya yā--lyuṭ saṃjñātve'pyaṇatvam . purogāmini sainye . agragāmimātre tri° .

agrayāyin tri° agre yāsyati yā--ṇini 7 ta° . purogāmini puttraśca te raṇaśirasyayamagrayāyīti śreṣṭheca .

agrayīdhin pu° agre sthitvā yudhyati yudha--ṇini 7 ta° . mainyānāmagre sthitvā yoddhari .

agralohitā strī agramuparibhāgaḥ lohitaṃ yasyāḥ ba° . cilloti prasiddhe śākabhede .

agravoja pu° agraṃ śākhāgraṃ vījamutpādakaṃ yasya . chinnāgratarukhaṇḍarūḍhe (kalama) itiprasiddhe kāṇḍajāte kuraṇṭakādivṛkṣe .

agrasandhānī strī agre phalotpatteḥ prāka sandhīyate jñāyate'bayā kāryaṃ sam + dhā--karaṇe lyuṭ ṅīp . yamapañjikāyām . yatra hi prāṇivargasya prāgbhavīyakarmānusāreṇa śubhāśubhasūcakaṃ sarvaṃ likhyate sā yamapañjikā, . kaiścit yamapaṭṭiketi sāṃ kathyate . agrasandhānakāriṇi tri° .

agrasandhyā strī agraṃ sandhyāyāḥ, sarvo'pyekadeśaḥ kālavācinā samasyate, ityukteḥ eka° ta° . sandhyāpūrbasamaye . agrā pūrbā sandhyā iti karma° . prātaḥsandhyāyām karkandhūnāmupari tuhinaṃ rañjayatyagrasandhyeti śakuntalā .

agrasara tri° agre sarati gacchati sṛ--ṭa 7 ta° . agragāmini . yuddhāyāgrasaro'bhavaditi striyāṃ ṅīp .

agrasārā strī agraṃ śīrṣamātraṃ sāro'syāḥ . phalaśūnyaśikhāyāṃ mañjaryām . agāt agamārabhya sāro'sya . vaṃśādau pu° .

agraha pu° grahaḥ parigrahaḥ na° ta° . parigrahābhāve . bahu° . parigrahaśūnye sanyāsiprabhṛtau, jñānaśūnye tri° .

agrahara tri° agre hriyate dīyate'sau agra--hṛ--ac . agradeye vastuni, bhāgāgre pu° agra--hṛ--kartari ac . agrahāriṇi tri° prāgraharaḥ kumāra iti .

agrahasta pu° agraścāsau hastaśceti guṇaguṇinorabhedāt karma° . hastasyāgrabhāge athāgrahaste mukulīkṛtāṅgulāviti ku° .

agrahāyaṇa pu° agraḥ śreṣṭhaḥ hāyanovrīhiratra ṇatvam . mārgaśīrṣe māsi . tasya ca māsānāṃ mārgaśīrṣo'smīti gītāyāṃ bhagabadvibhūtirūpatvokteḥ śreṣṭhadhānyavattvācca tathātvam .

agrahāyaṇeṣṭi strī agrā prāthamikī hāyananimittā iṣṭiḥ . navaśasyeṣṭau yāgabhede .

agrahāra pu° agraṃ prathamaṃ hriyate utpannaśasyāduddhṛtya sthāpyate hṛ--karmaṇi ghañ . kṣetrotpannaśasyāduddhṛtya brāhmaṇī ddeśena sthāpye dhānyādau gurukulādāvṛttavrahmacāriṇe deye kṣetrādau, grāmabhede ca sa kasmiścidagrahāre kāloṃ nāmaikasyeti daśaku° . agraṃ harati--aṇ . agrahārake tri° .

agrākṣi na° agrañca tadakṣi netraṃ ceti guṇaguṇinorabhedāt karma° svāṅgaparatvāt nācsamā° . netrāgre apāṅge agrākṣṇā vīkṣamāṇastu tiryagbhrātaramabravīditi rāmā° .

agrāṇīka na° agrañca tadanīkaṃ ceti guṇaguṇinorabhedāt karma° ṇatvam . agnayāyisainye . agrāṇīkaṃ raghuvyāghrau rākṣasānāṃ babhañjatuḥ iti rāmā° .

agrāyaṇīya na° agraṃ śreṣṭhamayanaṃ jñānaṃ tatra sādhu cha . bauddhāgamasiddhe pravādabhede utpādapūrbamagrāyaṇīyamatha vīryatā pravādaḥ syāt iti hemacandraḥ .

agrāvalehita na° agraṃ prathamabhāga uddhatyāvalehitamāsvāditaṃ yasya . śrāddhādyarthaprastutānnādagrabhāgamuddhatyāsvādanena śrāddhaṃ dānādyanarhatāprayījakadoṣaduṣṭe annādau dviḥsvinnaṃ paridandhañca tathaivāgrāvalehitamiti śrāddhavarjye brahmapurāṇam agrāvalehitaṃ śrāddhārthopakalpitaṃ sakṛdupabhuktāgrabhāgamiti raghu° .

agrāsana na° agramarghādidānāt pūrbaṃ kalpitamāsanam . śrāddhānnabhojanārthe arghadānādito'gre kalpite viprasyopaveśanārthe āsane māmagrāsanato'vakṛṣṭamavaśamiti mudrā° .

agrāhya tri° graha--ṇyat--na° ta° . grahaṇāyogye śivanirmālyādau pratigrahāyogye tilāśvādau ca . agrāhyaṃ śivanirmālyaṃ patraṃ puṣpaṃ phalaṃ jalamiti purā° . brāhmaṇaḥ pratigṛhṇīyādvṛttyarthaṃ sādhutastathā . avyaśvamapi mātaṅgatilalauhāṃśca varjayet . kṛṣṇājinahayagrāhī na bhūyaḥ puruṣobhavet . śayyālaṅkāravastrādi pratigṛhya mṛtasya ca . narakānna nivartante dhenuṃ tilamayīṃ tathā . tathā brahmahatyā surāpānamapi steyaṃ tariṣyati . āturādyadgṛhītantu tat kathaṃ? vai tariṣyati . etadādidravyādānaṃ gahīturdoṣajanakam iti raghu° . ayācitāhṛtaṃ grāhyamapi duṣkṛtakarmaṇaḥ . anyatra kulaṭāṣaṇḍapatite yo dviṣastatheti manuḥ . tena kulaṭādidravyam agrāham . śaucādau karmaṇi anupādeyamṛttikāyām strī . antarjale devagṛhe valmīke mūṣikasthale . kṛtaśaucāvaśiṣṭe ca agrāhyāḥ pañca mṛttikā iti smṛtiḥ . avicāraṇīye tri° agrāhyastvanivedita iti smṛtiḥ . āvedanakāle'niveditaḥ paścāt nivedito'pi vyabahāre na vicāraṇīyaḥ iti tadarthaḥ .

agrima pu° agre bhavaḥ agra + ḍimac . jyeṣṭhabhrātari . śreṣṭhe, uttame ca tri° . vīrāṇāmagrimo bhūtvā yuyudhe pārthivaiḥ saheti purā° .

agriya pu° agre bhavaḥ agra + gha . jyeṣṭhabhrātari . śreṣṭhe, uttame, agrajātamātre ca tri° . sandhyā agriyā bhavantīti tā° bā° .

[Page 67b]
agrīya pu° agre bhavaḥ agra + cha . jyeṣṭhabhrātari . śreṣṭhe, utte ca tri° . agrīyabhāgaṃ dadate'sya daityā iti vedaḥ .

agru(grū) strī agi--kru nalopaḥ vā ūṅ . nadyāmaṅgulyāñca . nirukte tannāmnoretasyā uktestadarthatvam . janīyantonyagruva iti vedaḥ .

agrega tri° agre gacchatīti gama--ḍa aluk sa° . purogantari .

agregā tri° agre gacchati gama--viṭ aluk sa° . purogantari .

agrega tri° agre gacchatīti gama--ḍū aluk sa° . purogāmini sevake .

agrediṣiṣu(ṣū) pu° didhiṃ dhairyaṃ syati nirasyati, so--kū ṣatvam didhiṣūḥ dvirūḍhā punarbhūyoṣit agre gaṇanīyā didhiṣūryasya aluk sa° kababhāvaḥ pṛ° vā hrasvaḥ . punarbhūvivāhakāriṇi . prāganūḍhajyeṣṭhabhaginyāḥ prāgūḍhakaniṣṭhabhaginyāṃ strī . jyeṣṭhāyāṃ yadyanūḍhāyāṃ kanyāyāmuhyate'nujā . sā cāgredidhiṣūrjñeyā pūrvā tu didhiṣūḥ smṛteti, manuḥ etatpakṣe ca agre jyeṣṭhāvivāhāt pūrbaṃ didhiṣūḥ jyeṣṭhāvivāhakālā sahanarūpadhairyalopakāriṇīti vigrahaḥ . dīrghānta evāyam .

agrediṣiṣūpati pu° 6 ta° . anūḍhajyeṣṭhāyāṃ bhaginyām satyāṃ kaniṣthāyābhaginyā voḍhari yaścāgredidhiṣūpatiriti smṛtiḥ .

agrepā tri° agre sthitvā pāti pā--kvip aluk sa° . purato bhūtvā pālake agrepā ṛbhavo mandasānā iti vedaḥ .

agrepū tri° agre kṛtvā pūyate pū--kvip aluk sa° . puraḥ pavitrakārake somasya rājño bhakṣayanti tenāgrepuva iti vedaḥ .

agrevaṇa vanasyāgraṃ--rāja° pūrba° . aluk sa° ṇatvam, ni° edantatvam . vanāgrabhāge .

agresara tri° agre sarati sṛ--ṭa--aluk sa° . purogāmini . striyāṃ ṅīp .

agresarika tri° sṛ--bhāve--ap aluk sa° agre sare agra gatau prasṛtaḥ ṭhan . purogāmi--sevake .

agropaharaṇīya tri° agramupahriyate yasmai upa + hṛ--sampradāne anīyar . śrāddhādyarthamupakalpitasyānnāderagre dānoddeśye vāstudevādau . agre upahriyate karmaṇi anīyar . prathamadānārhe dravye .

agrya pu° agrejātaḥ yat . jyeṣṭhe bhrātari . śreṣṭhe tri° dṛśyate tvagryayā buddhyeti gītā .

agha idit gatau bhvādi° ātma° saka° seṭ . aṅghate . āṅghiṣṭa . kri--āṅghiḥ asun aṅghaḥ .

agha pāpakaraṇe adantacurā° ubhaya° aka° . aghayati--te . ājighat ta . ac--agham aghaḥ .

[Page 68a]
agha na° curā° agha--bhāve ac . pāpe haratyaghaṃ samprati heturaiṣyata iti māghaḥ . kartari ac . pāpakārake tri° aghāyurindriyārāmo moghaṃ pārtha! sa jīvatīti gītā aghaṃ hetutvenāstyasya arśā° ac . vyasane duḥkhe ca na° tayoḥ pāpajanyatvāttattvam . tatra vyasane kaccit mṛgīṇāmanaghā prasṛtiriti raghu . anaghā avyasaneti mallināthaḥ . na vardhayedaghāhānīti aghāheṣu nivṛtteṣu susnātāḥ kṛtamaṅgalā iti ca smṛtiḥ aghasya vyasanasya iṣṭaviyogarūpasya tajjanyaduḥkhasya vā ahāni aghāhāiti tadarthaḥ . duḥkhe, upaplutamaghau ghena nātmānamavabudhyate iti duḥkhaughenetyarthaḥ dayālumanaghaspṛṣṭaṃ purāṇamajaraṃ viduriti māghaḥ . paraduḥkhena duḥkhitve eva tatpraharaṇāya dayāloricchā, īśvasya tu dayālutve'pi na duḥkhasparśaḥ ānandasvarūpatvāditi, tattātparyārthaḥ svayaśāṃsi vikramavatāmavatāṃ na badhūṣvaghāni iti bhā° . aghāni vyasanānītyarthaḥ . pūtanāvakāsurayorbhrātari asurabhede pu° . kṛṣṇacaritamivāghanāśana miti śleṣaḥ . etatkathā cāghanāśanaśabde dṛśyā .

aghakṛt tri° aghaṃ pāpaṃ satataṃ karoti kṛ--kartari tācchīlādiṣu vākvip 6 ta° . pāpakāriṇi, satatapāpaśīle ca .

aghana tri° na° ta° . niviḍatāviruddhaśaithilyayukte .

aghanāśana tri° aghaṃ nāśayati naśa--ṇic--lyu . pāpanāśake japyadānādau japet sarvāghanāśanamiti smṛtiḥ . striyāṃ ṅīp . aghasyāsurabhedasya nāśanaḥ . śrīkṛṣṇe, sa hi ajagararūpeṇa jighāṃsantaṃ taṃ hatavān tatkathā bhāgavate athāghanāmābhyapatanmahāsurasteṣāṃ sukhakrīḍanavīkṣaṇākṣamaḥ . nityaṃ yadantanijajīvitepsubhiḥ pītāmṛtairapyamaraiḥ pratīkṣyate .. dṛṣṭvārbhakān kṛṣṇamukhānaghāsuraḥ kaṃsānuśiṣṭaḥ sa vakīvakānujaḥ . ayantu me sodaranāśakṛttayordvayorghnamenaṃ savalaṃ haniṣye . ete yadasmatsuhṛdostilāpāḥ kṛtāstadā naṣṭasamā vrajaukasaḥ . prāṇe gate varṣmasu kānucintā prajāsavaḥ prāṇabhṛtohi saṃyate .. iti vyavasyājagaraṃ vṛhadvapuḥ sa yojanāyāmamahādripīvaram . dhṛtvādbhutaṃ vyāptaguhānanaṃ tadā pathi vyaśeta grasanāśayā khalaḥ .. ittham aghanāmake'sure sthite tadudare govatsavatsapāleṣu gateṣu svayamapi hariḥ praviśya atyantaṃ svadehavardhanena taṃ hatavān ityapyuktam . tacchrutvābhagavān kṛṣṇastvavyayaḥ sārbhavatsakam . cūrṇīcikīrṣorātmānaṃ tarasā vavṛdhe gale .. tato'tikāyasya niruddhamārgiṇīhyadīrṇadṛṣṭerbhramatastvitastataḥ . pūrṇontaraṅge pavanoniruddhomūrdhvanvinirbhidya vinirgato vahiḥ iti .. kṛṣṇacaritamivāghanāśanamiti śleṣaḥ .

aghabhojin tri° aghaṃ pāpaphalakaṃ bhuṅkte bhuja--ṇini 6 ta° . devapitratithyuddeśāmāvena svārthapācake . aghaṃ sa kevalaṃ bhuṅkte yaḥ pacatyātmakāraṇāt iti viṣṇuḥ . bhuñjate te tvaghaṃ pāpā ye pacantyātmakāraṇāt iti gītā .

aghamarṣaṇa na° aghaṃ pāpaṃ mṛṣyate utpannatve'pi nāśanena karmākṣamatvāt sahyate'nena mṛṣa--lyuṭ 6 ta° . utpannapāṣanāśārthaṃ japye mantrabhede tacca drupadādivetyādi, ṛtañca satyañcetyādi āpohiṣṭhetyādi sūktañca . tacca antarjale japyam tatphalañcoktaṃ brāhmaṇasarvasve . yathā baudhāyanaḥ ṛtañca satyañcādyaghamarṣaṇam trirantarjale japan sarvasmāt pāpāt pramucyate . yogiyājñavalkyaḥ hatvā lokānimāṃstrīn hi triḥ paṭhedaghamarṣaṇam . yathāśvamedhābabhṛthamevaṃ tanmanurabravīt iti . hārītaḥ pātakopapātakamahāpātakānāmekatamasannipāte'ghamarṣaṇameva japet iti . vṛhadviṣṇuḥ yathāśvamedhaḥ kraturāṭ sarvapāpāpanodanaḥ . tathāghamarṣaṇaṃ sūktaṃ sarvapāpapraṇāśanam iti . yogiyājñavalkyaḥ snānamabdaivatairmantrairmārjanaṃ prāṇasaṃyamaḥ . aghamarṣaṇasūktena aśvamedhāvabhṛtsamam iti . śaṅkhaḥ jalanimagnaḥ prāṇān saṃyamya trirāvṛttāghamarṣaṇasūktena snāyāt nāstyaghamarṣaṇāt paramantarjale iti . gautamaḥ antarjale'ghamarṣaṇaṃ trirāvartayan sarvapāpebhyo mucyate iti . atriḥ api cāpasu nimajjitvā triḥ paṭhedaghamarṣaṇam . yathāśvamedhāvabhṛthaṃ tathaitanmanurabravīt iti . vaśiṣṭhaḥ api cāpsu nimajjānaḥ triḥ paṭhedaghamarṣaṇam . yathāśvamedhāvabhṛthaṃ tādṛśaṃ manurabravīt iti . āpastambaḥ api cāpsu nimajjitvā triḥ paṭhedaghamarṣaṇam . yathāśvamedhayajño hi manustādṛśamāha nat iti . baudhāyanaḥ trirātraṃ cāpyupavasan trirahnābhyupayannapaḥ . prāṇānambuni saṃyamya triḥ paṭhedaghamarṣaṇam . yathāśvamedhābabhṛthamevaṃ tanmanurabravīt iti . yogiyājñavalkyaḥ tryahaṃ copavased yastu trirahnābhyupayannapaḥ . mucyate pātakaiḥ sarvaiḥ jatvā triraghamarṣaṇam iti . rahasye vṛhanmanuḥ mātaraṃ bhaginīṃ gatvā mātṛsvasāraṃ snuṣāṃ sakhīṃ sanābhyāñca agamyāgamanaṃ kṛtvā aghamarṣaṇam antarjale trirāvartya etasmāt pāpāt pūto bhavatīti . tathā gurutalpagamanaṃ kṛtvā adhamarṣaṇamantarjale trirāvartya etasmāt pāpāt pūto bhavatīti . atra pāpagauravamākalayya saṃyatena māsyekaṃ yāvat jalamavagāhyāghamarṣaṇasūktaṃ trirāvartya snātavyam . tathā ca laghuyamaḥ mahāpātakakartāraścatvāraśca viśeṣataḥ . agniṃ praviśya śuddhyanti snātvā vāgha iti kratau . rahasyakaraṇe caiva māsamabhyasya pauruṣam . aghamarṣaṇañca vā sūktaṃ śudhyeccāntarjalesthitaḥ iti . vṛhadyamaḥ atha brahmahatyāṃ kṛtvā prācīṃ vā udīcīṃ vā diśamupaniṣkramya prabhūtenendhanenāgniṃ prajvālyāghamarṣaṇaṃ cāṣṭasahasramāvartya juhuyāt tasmāt prāpāt pūto bhavatīti . hārītaśca antarjale trirāvartya mucyate brahmahatyayeti . vṛddhāpastambaḥ akāryakaraṇe caiva abhakṣyasya ca bhakṣaṇe . aghamarṣaṇasūktena pītvāpaḥ śudhyate naraḥ . vaśiṣṭhaḥ manasā pāpaṃ kṛtvā aghamarṣaṇaṃ japet iti . vṛddhāpastambaḥ kṣatriyāgamane vaiśyāgamane caiva tāpasīm . trirāvartya viśuddhaḥ syāt śūdrāgāmyaghamarṣaṇam iti . tāpasīmiti tāpasīm ṛcamityarthaḥ śaṅkhalikhitau brahmahā trirātripoṣito'ntarjale'dhamarṣaṇaṃ trirāvartayet iti . yājñavalkyaḥ trirātropoṣitojaptvā brahmahā tvaghamarṣaṇam . antarjale viśuddhyettu dattvā gāntu payasvinīm iti . prakāśaviṣaye ṣaudhāyanaḥ tīrthaṃ gatvā tataḥ śucirātmā udakānte sthaṇḍile uddhṛtya sakṛcchinnavāsasā sakṛt pūrṇena pāṇinā ādityābhimukhaḥ aghamarṣaṇamadhyāyamadhīyīta iti . ṣaḍaṅganyāsaṃ kṛtvā vāmahaste jalaṃ nidhāya dakṣiṇahastena jalamācchādya ha yaṃ raṃ laṃ vaṃ iti trirabhimantrya mūlamuccaran galitodakavindu bhistatvamudrayā saptadhā mūrdhānamabhyukṣya śeṣajalaṃ dakṣiṇahaste samādāya tojorūpaṃ dhyātvā iḍayākṛṣya dehāntaḥpāpaṃ prakṣālya kṛṣṇavarṇaṃ tajjalaṃ dhyātvā piṅgalayā virecya puraḥ kalpitavajraśilāyāṃ phaḍiti mantreṇa pāpapuruṣasvarūpaṃ tajjalaṃ niḥkṣipedityagharṣaṇam iti tantrasāre tāntrikāghamarṣaṇamuktam tatpramāṇaṃ tu tatraivāvagamyam .

aghamāra tri° aghaṃ mārayati mṛ--ṇic--aṇ upa° . pāpanāśake devādau, yamomṛtyuraghamāro nirṛta iti vedaḥ .

agharuda tri° aghaṃ roditi svakarmākṣamatayā yasmāt rudaapādāne kvip 6 ta° . pāpāpanodanahetau, pāpanāśane mantre . mā tvāgharudorudan iti vedaḥ . aghe vyasane roditi na tu tatpratīkārāya ghaṭata ruda + kartari kvip . rodanenaiva vyasanottārake tatpratīkārārthamanudyate tri° .

[Page 69b]
agharma pu° na° ta° . uṣmavirodhiśīte tadvati tri° . agharma kāla iti kāda° .

aghala tri° aghaṃ lāti gṛhṇāti nāśayatīti lā--ka . pāpāpanodake . ṛtyorye aghalādūtā iti vedaḥ .

aghavat tri° aghamastyasya matup masya vaḥ . pāpavati sambodhane aghoḥ--aghavan . aghoyajeti mugdhabodham .

aghaviṣa pu° aghaṃ vyasanakāri--viṣaṃ yasya . sarpe .

aghaśaṃsa pu° aghamaniṣṭaṃ śaṃsati icchati śaṃsa--aṇ upasa° . aniṣṭasaṃpādake caure apāghaśaṃsaṃnudatāmarāti miti vedaḥ . bhāve ac 6 ta° . vyasanasūcane pu° .

aghaśaṃsin tri° aghaṃ śaṃsati sūcayati śaṃsa--ṇini 6 ta° . vyasanasūcake vyasanāśaṃsākartari vacaḥ krūraṃ mayoktamaghaśaṃsineti . striyāṃ ṅīp .

aghāyu tri° aghaṃ pāpaṃ paravyasanaṃ vā kartumicchati agha + kyac--u . pāpācaraṇecchāvati, paravyasanacikīrṣake ca . tvā vṛkā adhāyavovidan iti yaju° . parasyāghaṃ kartumicchantīti vedadīpaḥ . aghamāyāti ā + yā u 6 ta° . hiṃsānirate . badho'ghāyūnāmiti tā° brā° .

aghāyus tri° aghaṃ pāpasādhanasāyurasya . sarvāvasthāsu pāpakārake aghāyurindriyārāmomoghaṃ pārtheti gītā .

aghārin tri° aghaṃ vyasanamṛcchati ṛ--ṇini . vyasanayukte striyāṃ ṅīp . aghāriṇīvikeśyorudatya iti vedaḥ .

aghāsura pu° karma° . asurabhede aghanāśanaśabde tatkathā .

aghāha pu° aghastha vyasanasyāhaḥ acasamā° . vyasanadine aśaucadine aghāhaṃ naiva vardhayediti aghāheṣu nivṛtteṣu susnātāḥ kṛtamaṅgalāḥ . āśaucyādvipramucyanta iti ca smṛtiḥ .

aghora tri° na ghoraḥ bhayānakaḥ . bhayānakabhinne saumyarūpe yā te rudra! śivā tanūraghorā pāpakāsinī iti vedaḥ . aghorā saumyā ata eva pāpakāsinī śivā ca iti vedadīpaḥ . nāsti ghoro yasmāt . atibhayānake tri° . rudramūrtibhede pu° . īśānāghoranāmānau, vāmadevastataḥ param . sadyojāta iti proktaḥ kramaśo'rcanakarmaṇīti purā° . aghoraḥ śiva upāsyatvenāstyasyām aghora + ac . bhādrakṛṣṇacaturdaśyāṃ strī . bhādre māsyasite pakṣe hyaghorākhyā caturdaśī . tasyāmārādhitaḥ sthāṇurnayecchivapuraṃ dhruvamiti purā° .

aghoṣa pu° nāsti ghoṣo'syātra vā . varṇotpādanārthe vāhya prayatnabhede tatprayatnayukteṣu varṇeṣu ca . te ca varṇāḥ khayāṃ yamāḥ khayaḥ + kaṃpau visargaḥ śara eva ca . ete śvāsānupradānā aghoṣāścetyuktāḥ veditavyāḥ . vivaraṇaṃ matkṛtaśabdārtharatne sūcīpatre draṣṭavyam . śabdaśūnye tri° .

aghoṣavat tri° aghoṣaḥ varṇoccāraṇavāhyaprayatnaḥ astyasya matup masya vaḥ . khayāṃ yamāḥ--svaya + kaṃpau visargaḥ śaraecetyukteṣu varṇeṣu .

aghnya pu° na hanti sṛṣṭikartṛtvāt na + hana--yak nipātanāt sādhu . prajāpatau . na hanyate strīhatyāyāḥ, abaṣyāñca striyaṃ prāhustiryagyonigatāmapīti niṣiddhatvāt karmaṇi ni° . hananakarmatāśūnyāyāṃ striyāṃ gavi strī . aghnyā gavāṃ patiraghnya iti vedaḥ . patiṃ vo aghnyānāmiti vedaḥ gāvaḥ prāśnantyaghnyā iti ca vedaḥ .

aghreya tri° na ghrātuṃ śakyaḥ arhaḥ vā ghrā--śakyādyarthe yat na° ta° . ghrāṇānarhe durgandhe vastumātre, madye na° . madirāghrāṇamātreṇa brāhmaṇyādeva hīyate iti smṛtau madyasya ghrāṇaniṣedhāt tasya tathātvam .

aṅka(nka) saṃkhyākaraṇe cihrayuktakaraṇe adantacurādi° ubha° saka° seṭ . aṅkaya--ti te āñcika--t--ta . aṅkāpayati te iti kecit . preyāṃsamāṅkayadasau na vidhau kalaṅka ityudbhaṭaḥ . puk cetyaṅkāpayatyapīti kāmadhenuḥ . ac aṅkaḥ . kta aṅkitaḥ lyuṭ aṅkanam asun aṅkaḥ .

aṅka pu° na° aṅka--karaṇe, kartari vā ac . cihne rativalayapadāṅke cāpamāsajya kaṇṭhe iti kumā° . kalaṅke, eko hi doṣo guṇasannipāte nimajjatīndoḥ kiraṇeṣvivāṅka iti kumā° . dṛśyakāvyāṅgabhede tallakṣaṇaṃ yathā pratyakṣanetṛcarito rasabhāvasamujjvalaḥ . bhavedagūḍhaśabdārthaḥ kṣudracūrṇakasaṃyutaḥ .. vicchinnāvāntaraikārthaḥ kiñcitsaṃlagnavindukaḥ . yukto na bahubhiḥ kāryairvījasaṃhṛtimān na ca .. nānāvidhānasaṃyukto nātipracurapadyavān . āvaśyakānāṃ kāryāṇāmavirodhādvinirmitaḥ .. nānekadinanirvartyakathayā samprayojitaḥ . āsannanāyakaḥ pātrairyutastricaturaistathā .. dūrāhvānaṃ badho yuddhaṃ rājyadeśādiviplavaḥ . vivāho bhojanaṃ śāpotsargau mṛtyūratantathā .. dantacchedyaṃ nakhachedyamanyad vrīḍākarañca yat . śayanādharapānādi nagarādyuparīdhanam .. snānānulepane caibhirvarjito nātivistaraḥ . devīparijanādīnāmamātyabaṇijāmapi .. pratyakṣacitracaritairyukto bhāvarasodbhavaiḥ . antaniṣkāntanikhilapātro'ṅka iti kīrtitaḥ iti sā° .. dṛśyakāvya rūpakabhede ca pu° . yathā nāṭakamatha prakaraṇaṃ bhāṇavyāyogasamavakāraḍimāḥ . īhāmṛgāṅkavīthyaḥ prahasanamiti rūpakāṇi daśa iti vibhajya utsṛṣṭikā'ṅka ekāṅkonetāraḥ vyāpṛtā narāḥ . raso'tra karuṇaḥ sthāyī bahustrīparidevitam .. prākhyātamitivṛttañca kavirbuddhyā prapañcayet . bhāṇavat sandhivṛttāṅgānyasmin jayaparājayau .. yuddhañca vācā kartavyaṃ nirvedavacanaṃ bahu . iti lakṣitam imañca kecit nāṭakādyantaḥpātyaṅkaparicchedārtham utsṛṣṭikāṅkanāmānam āhuḥ . anye tu utkrāntā vilomarūpā sṛṣṭiryatreti utsṛṣṭikāṅkaḥ iti sā° . parvate, samīpe, yuddhabhūṣaṇe, dehe, aparādhe, sthāne, citrayuddhe paramparāsambaddhe cihne ca pu° . kroḍe pu° na° ananyanārīkanīyamaṅkamiti kumā° . aṅke nidhāya taṃ bālaṃ punaḥ saṃskāramarhatīti smṛtiḥ . punaraṅkāśrayaṇī bhavāmi te iti kumā° . premṇopakaṇṭhaṃ muhuraṅkabhājo ratnāvalīrambudhirābabandheti māghaḥ . aṅkaḥ samīpam utsaṅgaśca iti mallināthaḥ . ekatvādisaṃkhyābodhakarekhāsanniveśeaṅkayutiḥ kila saṅkalitākhyeti līlā° . navasaṃkhyāyāñca pu° .

aṅkatantra na° aṅkānāmekādiparārdhāntasaṃkhyābodhakarekhāviśeṣāṇāṃ pratipādakam tantraṃ śāstram . aṅkaśāstre vyaktāvyaktarūpe, pāṭīgaṇitavījagaṇitādau .

aṅkati pu° anca--gatauṃ ati kutvam . vāte . pūjanārthāt karmaṇi ati . brahmaṇi, agnau, agnihotriṇi ca . gantari tri° striyām vā ṅīp aṅkatī ca .

aṅkadhāraṇa na° 6 ta° . cihnadhāraṇe taptamudrādivaiṣṇavacihnadhāraṇe ca . dhṛ--ṇic bhāve yuc . aṅkadhāraṇāpyatra strī .

aṅkana na° aṅka--karaṇe lyuṭ . aṅkanasādhanadravye gadā (ganīti) prasiddhe . bhāve lyuṭ . cihnakaraṇamātre na° . anyatrāṅkanalakṣmabhyāṃ vāhanirmocane iti smṛtiḥ . aṅkanaṃ triśūlādicihnakaraṇamiti prā° raghu° . bhāve yuc . aṅkanāṣyatra strī .

aṅkapādavrata na° bratabhede .

aṅkapāli strī pā--ali 6 ta° vā ṅīp . kroḍaprānte . aṅkena pālayatīti pāli--i 3 ta° . upamātari (dhāimā) iti prasiddhāyām . aṅkasya pāliriva . āliṅgane .

aṅkapālī strī aṅkapāli + ṅīp . aṅkapāliśabdārthe vedikākhyagandhadravye ca .

[Page 71a]
aṅkapāśa pu° aṅkaḥ pāśa iva bandhaneneva pātanaheturatra . līlāvatyukte ekādyaṅkānāṃ sthānavinimayena saṃkhyābhedabodhake, tadaikyasaṃkhyāsaṅkalanopayogini ca prakriyābhede sthānāntamekādicayāvaghātaḥ saṃkhyāvibhedo niyataiḥ syuraṅkaiḥ . bhakto'ṅkamityāṅkasamāsanighnaḥ sthāneṣu yuktomitisaṃyutiḥ syāditi . yathā 1, 2, etayoraṅkayoḥ sthānadvaye, sthitiḥ tayāḥ sthānavinimaye kati bhedā, bhedabhinnānāñca saṃkhyaikyamitiḥ keti 1 ca pṛṣṭe anenaiva prakaraṇena 12, 22, etau dvau bhedau aikyāṅkamitiḥ 33 ityuttaraṃ taccānenaiva bhavati . na guṇo na haro na katirna ghanaḥ pṛṣṭastathāpi duṣṭānām . garvitagaṇakabahūnā syāt pāto'vaśyamaṅkapāśe'sminniti līlāvatī .

aṅkapūraṇa na° aṅkayostatsaṃkhyayoḥ pūraṇaṃ guṇanam . aṅkayorguṇane .

aṅkabandha pu° aṅkasya bandhaḥ . kroḍabandhe . yathā paryaṅkabandhaḥ . parito'ṅkasya bandhanam .

aṅkaloḍya pu° aṅkena loḍyate'sau loḍa--ṇyat 7 ta° . ciñcoḍavṛkṣe .

aṅkalopa pu° aṅkasya viyojyasaṃkhyāyā iṣṭasaṃkhyāto lopaḥ viyojanam . iṣṭasaṃkhyātaḥ kasyāścit saṃkhyāyā viyojane yathā navāṅkasaṃkhyātaḥ pañcāṅkasaṃkhyāyā viyojane catuḥsaṃkhyā'vaśiṣyate . evam anyatrāpi .

aṅkas na° anca--asun kutvam . cihne, śarīre ca . pathāmaṅkāṃsyanvāpanīphaladiti vedaḥ .

aṅkasa na° aṅko'sminnasti ac . cihnayukte . śyenasyeva dhrajato'ṅkasaṃ parīti yajuḥ . aṅkasaṃ vastramāprapadikamiti .

aṅkāṅka na° aṅke madhye aṅkāḥśatapatrādicihnāni yasya . jale āpo vai aṅkāṅkāḥ chanda iti, aṅkāṅkaṃ chanda iti ca śrutiḥ .

aṅkita tri° aṅka--kta . cihnayuktīkṛte, svāhāsvadhāvaṣaṭkārairaṅkitaṃ meṣavāhanamiti vahnidhyānam .

aṅkin tri° aṅkaḥ āliṅganasthānatvena asyāsti aṅka + ini . aṅkenāliṅkya vādanīye mṛdaṅgādivādyabhede, krīḍaviśiṣṭe ca . ṣāśāyāmaṅgino ye carantīti vedaḥ .

aṅkinī strī aṅkānāṃ cihnānāṃ samūhaḥ khalādi° ini ṅīp . cihnasaṃghāte . astyarthe ini ṅīp . aṅkayuktastriyām .

aṅkura astrī° aṅka--urac . vījādabhinavotpanne, mṛttikāmudbhidya jāte tṛṇavṛkṣādau harmyāgrarūḍheṣu tṛṇāṅkureṣvit raghuḥ . jale, śīghrotpattisādharmyāt rudhire, lomni ca mukule ca cūtāṅkurāsvādakaṣāyakaṇṭha iti kumā° .

[Page 71b]
aṅkuraka pu° aṅkyate tṛṇādinā sañcīyate'sau anca--ghurac tataḥ ka . paśvādīnāṃ vāsasthāne (vāsā iti) khyāte .

aṅkurita tri° aṅkuraḥ jāto'sya tā° itac . jātāṅkure .

aṅkuśa astrī° aṅka--uśac . hasticālanopayogini vakrāgre lauhāstrabhede (ḍāṅaśa) iti khyāte . tirogataṃ sāṅkuśamudvahan śira iti māghaḥ . sanniveśya kuśāvatyāṃ ripunāgāṅkuśaṃ kuśamiti raghuḥ . pratibandhe ca niraṅkuśāḥ kavaya iti mallināthaḥ pakṣā° phak . āṅkuśāyanaḥ aṅkuśannikṛṣṭasthāne tri° .

aṅkuśagraha pu° gṛhṇātīti graha--ac 6 ta° . aṅkuśadhāriṇi niṣādini . anvetukāmo'vamatāṅkuśagraha iti māghaḥ .

aṅkuśadurdhara pu° duḥkhena dhāryate vyavasthāpyate dur--dhāri--khal hrasvaḥ aṅkuśena--durdharaḥ 3 ta° . durdāntahastini .

aṅkuśadhārin pu° aṅkuśaṃ dhārayati dhāri--ṇini . hastipālake .

aṅkuśamudrā strī aṅkuśākārā mudrā . ṛjvīñca madhyamāṃ kṛtvā tammadhyaparvamūlataḥ . tarjanīṃ kiñcidākuñcet sā mudrā'ṅkuśasaṃjñiteti tantrokte tīrthāvāhanādyarthaṃ kalpite aṅkulisanniveśa rūpemudrābhede .

aṅkuśī strī aṅkuśaḥ cittanāgarodhanopāyaḥ vivekaḥ astyasyāḥ ac gau° . jainīyadevībhede .

aṅkūra pu° aṅka--kharjūrāditvāt ūrac . abhinavotpanne tṛṇavṛkṣādau .

aṅkūṣa astrī° aṅka--ūṣac . hastitrālanopayogini vakrāgre lauhamaye'strabhede (ḍāṅaśa) .

aṅkoṭa(ṭha) (la) pu° aṅkyate lakṣyate kīlākārakaṇṭaiḥ . aṅkaoṭa (oṭha) (ola) vā . pītavarṇasāre gandhayuktapuṣpe dīrghakaṇṭakayukte raktavarṇaphale (ākoḍa) iti khyāte vṛkṣe .

aṅkīlaka pu° aṅkola + svārthe--ka . ākoḍa iti khyāte vṛkṣe .

aṅkolikā strī vala--ac ni° saṃprasāraṇe--ulaḥ aṅkāya taddānāya ulaḥ svārthe ka . āliṅganakriyāyām .

aṅkolasāra pu° aṅkolasya sāraḥ 6 ta° . aṅkoṭavṛkṣajāte viṣabhede .

aṅkollikā strī . pṛ° sādhuḥ . aṅkoṭhavṛkṣe .

aṅkya pu° aṅke kroḍe sthāpayitvā vādyate'sau yat, aṅke sādhuḥ aṅka + ya vā . sārdhatālatrayāyāmaḥ caturdaśāṅgulānanaḥ . harītakyākṛtiryaḥ syādaṅkyo'ṅke sa hi vādyate ityukte kroḍesthāpanapūrbakaṃ vādanīye mṛdaṅgādau . aṅkanīye tri° .

aṅga cihnayuktakaraṇe adantacurādi ubhaya° sakarmakaḥ seṭ . aṅgaya--ti te āñjiga--t ta . matāntare aṅgāpayati te .

[Page 72a]
aṅga na° asa--gatyādī vā° gan . citte (aṅgajaḥ kāmaḥ) hiraṇyagarbhāṅgabhuvamiti dehe hastenasparśa tadaṅgamindra iti kumā° . aṅgaśabdasya ceṣṭāvadantyāvayavirūpāvayavivācitve'pi tadavayave'pi hastapādādau vyavahāraḥ avayavatvasāmyāt teṣāñca pratyaṅgaśabdenāpi vyavahāraḥ . tatrāṅgaśabdasya dehārthatve tadīyasvarūpaṃ tadavayavabhedāśca suśrute darśitāḥ . yathā śukraśoṇitaṃ garbhāśayasthamātmaprakṛtivikārasaṃmūrchitaṃ garbha ityucyate tañca cetanāvasthitaṃ vāyurvibhajati, teja enaṃ pacati, āpaḥ kledayanti, pṛthivī saṃhantyākāśaṃ vivardhayati . evaṃ vivardhitaḥ sa yadā hastapādajihvāghrāṇakarṇanitambādibhiraṅgairupetastadā śarīramiti saṃjñāṃ labhate tacca ṣaḍaṅgaṃ śākhāścatasro, madhyaṃ pañcamaṃ, paṣṭhaṃ śira iti . ataḥparaṃ pratyaṅgāni vakṣyante . mastakodarapṛṣṭhanābhilalāṭanāsācivukavastigrīvā ityetā ekaikāḥ . karṇanetranāsābhrūśaṅkhāṃsagaṇḍakakṣastanavṛṣapārśva sphigajānu--bāhūruprabhṛtayo dve dve, viṃśatiraṅgulayaḥ . srotāṃsi ca vakṣyamāṇāni . eṣa pratyaṅgavibhāga uktaḥ .. tasya punaḥsaṅkhyānam . tvacaḥ kalā dhātavo malā doṣā yakṛtplīhānau phupphusa uṇḍuko hṛdayamāśayā antrāṇi vukkau srotāṃsi kaṇḍarā jālāni kūrcā rajjavaḥ sevanyaḥsaṅghātāḥ simantā asthīni sandhayaḥ snāyavaḥ peśyo marmāṇi śirā dhamanyo yogavahāni srotāṃsi ca .. tvacaḥ sapta . kalāḥ sapta . āśayāḥ sapta . dhātavaḥ sapta . sapta śirāśatāni . pañca peśīśatāni . nava snāyuśatāni . trīṇyasthiśatāni . dve daśottare sandhiśate . saptottaraṃ marmaśatam . caturviṃśatirdhamanyaḥ . trayo dīṣā, trayo malāḥ . nava srotāṃsīti samāsaḥ iti ..
     avayave śeṣāṅganirmāṇavidhau vidhāturiti kumā° . apāṅga iti . upāye, sarvakāryaśarīreṣu muktvāṅgaskandhapañcakamiti mantro yodhaivādhīraḥ sarvāṅgaiḥ saṃvṛtairapīti ca māghaḥ . pradhānopayogini upakaraṇe, phalavatsannidhāvaphalaṃ nadaṅgamiti mīmāṃsā . pradhānasyākriyā yatra sāṅgaṃ tat kriyate punaḥ tadaṅgasyākriyāyāntviti smṛtiḥ . hastyaśvarathapādātaṃ senāṅgaṃ syāccatuṣṭayamiti sambodhane avya° . tvamaṅga yasyāḥ patiruñjhi takrama iti naiṣadham . aṅgamastyasya ac . aṅgavati yenāṅgavikāra iti pā° aṅgasyāṅgina ityarthaḥ antike ca tri° . janmādilagne na° aṅgādhīśaḥ svagehe budhagurukavibhiḥ saṃyuto vīkṣito veti jātakam . deśabhede pu° . tasya vivaraṇam aṅgādhipaśabde . aṅgeṣu vaṅgeṣu khaseṣu yojyā iti aṅgavaṅgakhaseṣveveti ca jyotiṣam aṅgānāṃ rājā āṅgaḥ bahvarthe aṅgāḥ . aṅgadeśe bhavaḥ aṇ . āṅgaḥ . bahvarthe aṅgāḥ . aṅgena dehena nirvṛttaḥ ṭhak . āṅgikaḥ . aṅgadeśastadrājāno vā bhaktirasya aṇ āṅgaḥ . aṅgasyedam aṅgīyaḥ . yasmāt pratyayavidhistadādi pratyaye'ṅgamiti pāṇiniparibhāṣite pratyayāvadhibhūte śabdabhede, iṇaḥ ṣīdhvaṃ luṅliṭāṃ dho'ṅgāditi pā° . aṅgādāgatam aṇ . āṅgaḥ aṅganimitte kārye varṇādāṅgaṃ balīya iti paribhā° . upakāraṇāni ca yathā yathamuhyāni diṅmātramatrocyate . tatra svāmyamātyasuhṛt koṣo rāṣṭraṃ durgaṃ balāni ca rājyāṅgānītyuktāni svāmyamātyau puraṃ rāṣṭraṃ koṣadaṇḍau suhṛttathā . sapta prakṛtayo hyetāḥ saptāṅgaṃ rājyamucyate ityuktāni rājyāṅgāni . darśādau ca prayājādīni, vaidikakarmaṇāñca tattatkriyākalāpāḥ tattaddravyāṇi cāṅgāni sāṅgāddhi vaidikakarmaṇaḥ phalāvaśyambhāva iti mīmā° . vedasya vyākaraṇādīni aṅgāni, śikṣā kalpo vyākaraṇaṃ niruktaṃ chandasāñcitiḥ . jyotiṣāmayanañcaiva vedāṅgāni ṣaḍeva tu iti . eteṣāñca lakṣaṇādikamagre vakṣyate . eteṣāṃ vedārthajñānopayogitvādaṅgatvam ataeva śrutau brāhmaṇena niṣkāraṇaḥ ṣaḍaṅgaḥ sarahasyovedodhyetavya ityuktam śikṣāyāṃ teṣāṃ vedārthajñanopayogitvā daṅgatvaṃ darśitam yathā chandaḥ pādau tu vedasya hastau kalpo'tha paṭhyate . jyotiṣāmayanaṃ cakṣurniruktaṃ śrotramucyate . śikṣā ghrāṇaṃ tu vedasyaṃ mukhaṃ vyākaraṇaṃ smṛtaṃ tasmād sāṅgamadhītyaiva brahmaloke mahīyate iti ato vedārthajñānopayogitayā eteṣāṃ granthānāṃ vedāṅgatvam . dve vidye veditavye ityupakramya parācāparā ca tatrāparā ṛgvedo yajurvedaḥ sāmavedo'tharvavedaḥ śikṣā kalpī vyākaraṇaṃ niruktaṃ chandojyotiṣamiti sā parā yayākṣaramadhigamyate iti śrutau vyākaraṇādīnāmaparavidyātvena kīrtanaṃ teṣāñca sādhanabhūtadharmahetutvāt ṣaḍaṅgasahitānāṃ dharmasādhanatvenāparavidyātvamiti bhāṣye uktam . āyurvedādīnāmupavedatvaṃ nyāyādīnāmupāṅgatvaṃ yathā ca teṣāṃ tathātvaṃ tathā tattacchabde darśayiṣyate .
     tathā jyotiṣasyāṅgāni nānāvidhāni tatra prādhānyāt trividhāni yathoktaṃ varāhasahitāyām . jyotiḥśāstramanekabhedaviṣayaṃ skandhatrayādhiṣṭhitam tatkātrsnyopanayasya nāma munibhiḥ saṅkīrtyate saṃhitā . skandhe'smin gaṇitena yā grahagatistantrābhidhānantvasauṃ horānyo'ṅgaviniścayaśca kathitaḥ skandhastṛtīyo'paraḥ iti .
     narapatijayacaryāyāntu ṣaḍvidhānyāṅgāni samāsenoktvā teṣāṃ vistāro darśito yathā svaracakrāṇi cakrāṇi bhūbalāni balāni ca . jyotiṣaṃ śakunañcaiva ṣaḍaṅgānyatra vacmyaham .. yāmaleṣu ca sarveṣu yānyuktāni svarodaye . viṃśatiḥsvaracakrāṇi tannāmāni vadāmyaham . mātrāvarṇo grahojīvo rāśirbhaṃ piṇḍayogakau . dvādaśābdodbhavañcakraṃ varṣāyanartumāsakam .. pakṣāha nāḍikaṃ cakrantithivārarkṣayogakam . tatkālenduphalaṅkāṣṭhāsvarandehodbhavantathā .. (iti svaracakranāmāni) . pūrbamukteṣu śāstreṣu mayā jñātāni yāni ca caturaśītiścakrāṇi teṣāṃ nāmāni vacmyaham .. ekāśītipadañcakraṃ śatapatraṃ navāṃśakam . chatraṃ siṃhāsanaṃ cakraṃ kūrmaṃpañcavidhātmakam .. bhūrdeśaṃ nagaraṃ kṣetraṃ gṛhakūrmañca pañcakam . padmacakraṃ phaṇī śākhyaṃ rāhukālānalantridhā .. sūryakālānalaṃ cakraṃ candrakālānalantathā . ghorakālānalaṃ proktaṃ gūḍhakālānalaṃ balam .. rāśisūryasamāyoge cakraṃ kālānalaṃ matam . saṃghaṭṭakaṃ sapta jñeyaṃ sapta kālānalāni ca .. tithivārañca nakṣatraṃ tridhā caiva kulākulam . kumbhacakvaṃ dvidhā proktaṃ rāśinakṣatrasambhavam .. prastārañcakravedhākhyaiḥ prabhedaistu carandvidhā . bhūcaraṃ svecaraṃ, pānyaṃ nāḍīcakraṃ tridhā matam .. kālacakraṃ phaṇidvandvaṃ sūryākhyaṃ candrajantathā . kavicakraṃ dvidhā proktaṃ sthānasvāmyṛkṣapūrbakam .. khalakākhyaṃ dvidhā caiva kṛttikāsthāna bhādikam . koṭacakrāṣṭakaṃ proktañcaturasnādibhedataḥ .. gajamaśvaṃ rathaṃ vyūhaṃ kuntaṃ khaḍgaṃ churīndhunuḥ . sauriṃ sevāṃ naraṇḍimbhampakṣimārgāyavṛścikam .. saptarekhodbhavañcakraṃ pañcarekhendubhāskaram . trividha mātrikācakraṃ vijayaṃ śyenatoraṇam .. ahilāṅgalavījoptivarṣākhyaṃ saptanāḍikam . cakraṃ sāṃvatsarañcaiva sthānacakraṃ tathaiva ca .. etāni sarvacakrāṇi jñātvā yuddhaṃ samācaret . jayediha na sandeho śakratulpe'pi bhūbhuji .. (iti cakranāmāni) . svarodayaiśca cakraiśca śatruryatra samī'dhikaḥ . tatra yuddhe balaṃ jñeyaṃ bhūbalairvijayārthinām .. teṣāṃ nāmānyahaṃ vakṣye khyātānāṃ brahmayāmale caturaśītisaṃkhyānāṃ yadbalena jayī raṇe .. uḍḍī jālandharī pūrṇā kāmakīlaikavīrakā . śilindhrī ca mahāmārī kṣetrapālī ca vaṃśajā .. rudrakālānalā kālī kālarekhā nirāmayā . jayalakṣmīrmahālakṣmīrjayā vijayabhairavī .. bālī yogeśvarī caṇḍī jānubandhakakartarī . śārdūlī siṃhalī tanvī mahāmāyā maheśvarī .. devakoṭī śivā śaktī dhūmravāṇā varāṭikā . trimuṇḍā matsarī dharmā'mṛtāghṛṣṭā'kṣayā jayā .. durmatī pravarā gaurīkālī naraharī balā . khecarī bhūcarī guhyā dvādaśī viṣṭikevalā .. trailokyavijayā śaurī karālī vaḍavāparā . raudrī ca śiśumātaṅgī abhedyā dahanī matā .. bahubalā bargabhūmī kapālī cānilānalā . candrārkabimbabhūmī ca grahabhūrāśilagnagā .. rāhukālā nalībhūmī svarabhūmi rdvidhā matā . rudrastrimāsikaścaiva rāhucāṣṭavidhastathā .. candraḥ saptavidhaḥ sūryaścaturdhā yoginī tridhā . kālabalantribhedañca tithinakṣatravārajam .. imāni bhūbalānyatra jñātvā yaḥ praviśedraṇe . arayastasya naśyanti meghā vātahatā yathā .. (iti bhūbalāni) . śatroḥ samādhike nāmni svaraiścakraiśca bhūbalaiḥ . sthānasenādhike śatraubalavijñānasaṃyute .. abhaṅge cāpyabhede ca duḥsādhyedurjayeripau . jayopāyamahaṃ vakṣye mantrayantrādikaṃ balam .. raṇābhiṣecanaṃ dīkṣā raṇārcā raṇakaṅkaṇam . bīrapaṭṭaṃ raṇepaṭṭaṃ jayapaṭṭasya bandhanam .. mekhalākavaca nyāsaṃ mudrārakṣāṃ ca kaṅkaṇam . auṣadhantilakaṃ ghaṇṭhāguṭikāṃ ca kapardikām .. yogeghaṭitaśastrāṇi śastrarakṣāya mohanam . śastralepāṃśca vividhān vāṇānāmpicchabandhanam .. śambalaṅkāhalaṇḍhakkāṃ murujambhasvadhāraṇam . māraṇaṃ mohanaṃ stambhavidveṣoccāṭanaṃ vaśam .. patākāpicchakaṃ yantrātparavidyāvināśam . śāntikaṃ nijasainyasya sarvopadravanāśanam .. balānyetāni yojñātvā saṃgrāmaṃ kurute nṛpaḥ . asādhyastasya naivāsti śatruḥko pi mahītale .. (balābalanāmāni) . gaṇitaṃ vyavahārañca horājñānaṃ parisphuṭam . triskandhaṃ jyotiṣaṃ vakṣye jayacaryāṃ svarodaye .. khecarānayanaṃ spaṣṭaṃ pañcāṅgaṃ tithisādhanam . udayāstamanañcakrakrāntiṃ vakṣye yathāmati .. natonmatapramāṇañcabhāvasandhiprasādhanam . grahāṇāṃ ṣaḍbalaṃ vakṣye rāśibhāvabalānvitam .. rāśisaṃjñāprabhedañca khecarāṇāṃ tathaiva ca . nṝṇāṃ janmaphalaṃ vakṣye ṛkṣarāśyaṃśalagnajam .. phalañcadrārkayogānāṃ grahāṇāṃ svoccanīcakam . āyurdāyaṃ daśāścaiva tāsāṅkālapraveśanam .. tasmāllagnaṃ grahānspaṣṭāndaśāntardaśayoḥ phalam . grahavargāṣṭakaṃ spaṣṭaṃ tasmāddinaphalaṃ vadet .. tājikājjanmalagnasya sādhanañca parisphuṭam . varṣamāsadivālagnantaddaśāntatphalantataḥ .. chāyotpattiṃ tridhā vakṣye viṣumadhye dineṣṭakam . dinamānaṃ dinaṃ bhuktamudayabhaṃ ghaṭīṣu ca siddhacchāyātriṣaṣṭiñca duṣṭamāsaptaviṃśati . lagnodayānsvadeśīyān tebhyolagnasya sādhanam .. lagnamānantathā horādreṣkāṇaṃ saptamāṃśakam . navāṃśaṃ dvādaśaṃ triṃśam udaye saptasādhanam .. titheḥ prakaraṇaṃ vakṣye vāranakṣatrayogajam . yogākhyaṃ karaṇākhyañca muhūrtān saṃkramodbhavam .. candratārābalañcaiva pakṣabhedena saṃyutam . śubhāśubhāṃśca yogāṃśca tithivārarkṣayogajān .. siddhaṃ saṃvartakañcaiva tathā vāraśubhāśubham . avamantridinaṃ vakṣye tato yogantripuṣkaram .. yamaghaṇṭaṃ yamadaṃṣṭrāṃ krakacārgalapātakān . kumārantaruṇaṃ vṛddhaṃ śūlātiśūlayoginīm .. vāraśūlantathā kālaṃ kālavelāṃ parisphuṭam . kālahorārdhayāmañca kulikaṅkaṇṭakadvayam .. phalaṃ grahasya dhiṣṇyasya vatsabhārgavayoḥ phalam . daśāṃ cāntardaśāṃ sthūlāṃ vakrāticārayoḥ phalam .. pīḍāsthānāni kheṭānāṃ grahāvasthāṃ tathaivaca . bhāvaphalaṃ sandhiphalaṃ latāvedhamupagrahān .. śīghravakragrahoddeśaṅgocaraṃ gocaravyadham . vivāhañca pratiṣṭhāñca dīkṣāyātrāpraveśanam .. vāstudīpordhavinyāsaṃ kālaviṃśopakāṃstathā . jalayogārthakāṇḍañca varṣamāsadinārdhakṛt .. tithyādipañcakaṃ kheṭañcandrantatkāla sambhavam . avasthānnaṣṭamuṣṭiñca lokacintāṃ vadāmyaham .. aṅgaspandādi sarvāṇi kālacihnāni yāni ca . duṣṭariṣṭānyahaṃ vakṣye tathā teṣāñca śāntikam .. jyotiraṅgamidaṃ sarvaṃ ye jānanti manīṣiṇaḥ . dīpavattānvijānīyānmohāndhakāranāśane iti ..
     gargasaṃhitāyāṃ tu catuviṃśatisaṃkhyāni aṅgāni upāṅgāni catvāriṃśaditi jyotiraṅgāni catuḥṣaṣṭividhānyuktāni yathā yathaiva vedasyāṅgāni ṣaḍuktāni manīṣibhiḥ . catuḥṣaṣṭistathāṅgāni jyotiṣasya vidurbudhā ityupakramya gaṇitajñānapūrbakaṃ tajjñānamāvaśyakamityuktvā tadvibhāgā darśitā yathā tasmāt kṛtsnamadhītyāgre vedāṅgaṃ kālasādhanam . jyotiṣāmayanāṅgāni catuḥṣaṣṭintataḥ paṭhet . yeṣāmagre karmaguṇau candralagne tvanantaram . nakṣatrakendrabhe caiva dvivargaḥ prathamaḥ smṛtaḥ . rāhau vṛhaspatau śukre, dhūmraketau śanaiścare . aṅgārake budhe'rke ca cārānaṣṭau tataḥ paṭhet . cakreṣvanantaraṃ cakraṃ mṛgacavraṃ tathaiva ca . śvacakraṃ vātacakraṃ ca cakrāṅgeṣu catuṣṭayam . vāstuvidyāṅgavidyā ca vāyasānāṃ tathaiva ca . jñeyāstisrastu vidyaitā vṛddhagargamatāḥ śubhāḥ . svātīyogaṃ tathāṣāḍhārohiṇyāyogameva vā . etān kṛtsnān vijānoyāt bhayogān vai viśeṣataḥ . rahasyaṃ cetīhāṅgāni caturviṃśatirīritāḥ . ataūrdhvaṃ pravakṣyāmi upāṅgānīha nāmataḥ . anupūrvādvivānena catvāriṃśaddhi nāmataḥ . grahakośo grahayuddhaṃ grahaśṛṅgāṭakaṃ tathā . kṛtsnaṃ graheśvarāṇāñca grahapākāstathaiva ca . vipathāścāgnivarṣāśca senāvyūhastathaiva ca . mayūracitropaniṣadupahārapraśāntayaḥ . tatrāntike tulākośodbhavantatropadhārayet . sarvabhūtahitāṃcaiva tathā puṣpalatāṃ viduḥ . upānahostathā cchedovastracchedastathaiva ca . kṛtsnobhuvanakośaśca garbhādhānādikaṃ tathā nirghāto bhūmikampaśca pariveṣāstathaiva ca . ṛtusvabhāvāḥ santyevaṃ tatholkāścopadhārayet . sāṃvasarastathā yuktaḥ śāstrāṇāṃ deśakobhavet . balābalaṃ tu vijñeyaṃ bahu yatra balaṃ vadet . catuḥṣaṣṭyaṅgametattu saṃvatsaramudāhṛtamiti . evañca gaṇitāditrayaṃ pradhānāṅgatvāt skandhasaṃjñam anyāni tu apradhānānyaṅgānīti kvacit saṃkṣepata uktāni, kvacicca vistarata iti viśeṣaḥ . gargoktavibhāgābhiprāyeṇaiva mudrārākṣase kṛtapariśramo'smi catuḥṣaṣṭyaṅge jyotiṣe iti sūtradhāravākyam . vṛhatsaṃhitāyāṃ tu gargoktānyeva prāyaśo'ṅgāni pradarśitāni teṣāṃ svarūpādikaṃ tattacchabdevakṣyate .
     dṛśyakāvye mukhapratigarbhavimarṣopasaṃhṛtirūpasandhipañcakasya catuḥṣaṣṭiraṅgāni yathoktaṃ sāhityadarpaṇe upakṣepaḥ parikaraḥ parinyāso vilobhanaṃ . yuktiḥ prāptiḥ samādhānaṃ vidhānaṃ paribhāvanā .. udbhedaḥ karaṇaṃ bhedaḥ etānyaṅgāni vai mukhe (iti mukhasya 12) vilāsaḥ parisarpaśca vidhṛtaṃ tāpasaṃ tathā . narma narmadyutiścaiva tathā praśamanaṃ punaḥ .. virodhaśca pratimukhe tathā syāt paryupāsanam . puṣpaṃ vajramupanyāso varṇasaṃhāra ityapi (iti pratimukhasya 13) .. abhūtāharaṇaṃ mārgo rūpodāharaṇaṃ kramaḥ . saṃgrahaścānumānañca prārthanākṣiptireva ca .. troṭakādhibalodvegā garbhe syurvidravastathā (iti garbhasya 12) . apavādo'tha sampheṭo vyavasāyo dravo dyutiḥ . śaktiḥ prasaṅgaḥ khedaśca pratiṣedho virodhanam .. prarocanā vimarṣe syādādānaṃ chādanaṃ tathā (iti vimarṣasya 13) . sandhirvibodho grathanaṃ nirṇayaḥ paribhāṣaṇam . kṛtiḥ pramāda ānandaḥ samayo'pyupagūhanam .. bhāṣaṇaṃ pūrbavākyañca kāvyasaṃhāra eva ca . praśastiriti saṃhāre jñeyānyaṅgāni nāmataḥ (upasaṃhārasya 14) .. catuḥṣaṣṭividhaṃ hyetadaṅgaṃ proktaṃ manīṣibhiḥ . kuryādaniyate tasya sandhāvapi niveśanam . rasānuguṇatāṃ vīkṣya rasasyaiva hi mukhyatā . 6 paricchede

aṅgakarman na° aṅgasya karma mardanānulepanādi parikarma . mardanādidehasaṃskāre vyāpāre .

aṅgagraha pu° aṅgasya rogādinā grahaḥ 6 ta° . dehavedanāyām .

aṅgaja pu° aṅgāt jāyate jana--ḍa . puttre duhitari strī . aṅgādaṅgaṃ sambhavati puttravadduhitā nṛṇāmiti smṛtiḥ . dehajātamātre tri° . rudhire na° . roge pu° . lomni na° . tavottarīyaṃ karicarma sāṅgajamiti bhāra° . aṅgajanmādayo'pyuktārthe . aṅgaṃ manaḥ tasmāt jāte kāme pu° .

aṅgajvara pu° aṅgamaṅgam adhikṛtya jvaraḥ . rājayakṣmaroge . niravocamahaṃ yakṣma aṅgajvaramiti vaidyakam .

aṅgaṇa(na) na° agi--gatau aṅgyate gṛhānniḥsṛtya gamyate atra lyuṭ pṛ° vā ṇatvam . ajire, catvare, (uṭhāna) iti khyāte sthāne ajani paṅgurapāṅganijāṅgaṇabhramikaṇe'pīti naiṣadham . dantyanāntatvamapi . prakaṭāṅganopabhogāpyakhaṇḍitacaritreti kāda° . aṅganaṃ catvaramaṅganā strī ceti tadathaḥ . karaṇe lyuṭ . yāne .

aṅgati pu° aṅgati yātyanena agi--karaṇe ati . vāhane strītvamapītyeke vā ṅīp . aṅgyate gamyate sevādinā karmaṇi ati . brahmaṇi, agnau ca . kartari ati . agnihotriṇi pu° .

aṅgada na° aṅgaṃ dāyati śodhayati dai--ka . (tāḍa, vāju) iti prasiddhe bāhubhūṣaṇe . bāliputtre--vānare pu° . saca kiskindhyādhipasya vānararājasya bālinastārāgarbhajaḥ puttrastaccaritaṃ rāmāyaṇe sundaralaṅkākāṇḍayorvistīrṇam . aṅgadānakartari tri° . dakṣiṇadiggajakariṇyāṃ strītyeke . aṅgaṃ dadāti samarpayati dā--ka . aṅgadānakartari tri° yoṣiti strī .

aṅganā strī praśastamaṅgamasti asyāḥ aṅga + na . aṅgasauṭhavavatyāṃ yoṣiti, yoṣinmātre ca, aṅganā vāmanasya syāt iti haimokteḥ vāmanadiggajayoṣiti ca .

aṅganāpriya pu° prī--ka 6 ta° . aśokavṛkṣe tatpuṣpeṇa hi striyaḥ svāṅgaṃ bhūṣayantīti lokasiddham . yoṣitpriyamātre tu tri° . dakṣiṇadiggaje vāmane pu° .

aṅgadanirvyūha aṅgadasya keyūrasya niryūha iva . keyūraśīrṣasthe cūḍākāre'grabhāge .

[Page 75b]
aṅganyāsa pu° aṅgeṣu hṛdayādiṣu mantrabhedasya nyāsaḥ . mantraviśeṣasya uccāraṇapūrbakaṃ karasparśena kartavye tantrokte nyāsabhede aṅganyāsaṃ karanyāsaṃ vījanyāsantathaiva ceti tantram .

aṅgapāli strī aṅgaṃ pālyate sambadhyate'tra aṅga--pāla--i . āliṅgane .

aṅgapālikā strī aṅgaṃ dehaṃ pālayatīti pāli--ṇvul 6 ta° . (dhāi mā) iti khyātāyām upamātari . aṅgapālanakārake tri° .

aṅgaprāyaścitta na° aṅgasya dehasya śuddhyarthaṃ prāyaścittam . aśauceṣu pañcaśūnājanyaduritakṣayārthaṃ kārye daśāhāttu paraṃ samyak vipro'dhīyītaṃ dharmavat . dānañca vidhivaddeya maśubhāttārakaṃ hi taditi smṛtyukte dānarūpe prāyaścitte .

aṅgabhū pu° aṅgāt dehāt manaso vā bhavati bhū--kvip . puttre, manoje kāme ca dehamanījātamātre tri° . hiraṇyagarbhāṅgabhuvaṃ muniṃ hariḥ iti māghaḥ . nāradasya tanmanojātatvāt brahmāṅgabhūtvam . aṅgānāmaṅgamantrāṇāṃ bhūḥ . kṛtāṅganyāse tri° . brahmāṅgabhūrbrahmaṇi yojitātmeti kumā° .

aṅgamantra pu° aṅgeṣu hṛdayādiṣu ṣaṭsu nyāsyo mantraḥ . tantrokte ṣaḍadīrghabhāji mantrabhede .

aṅgamarda pu° aṅgaṃ mardayati saṃvāhayati mṛda--ṇic ac 6 ta° . dehasaṃvāhake--sevake . aṅgamardanakārake tri° . bhāve ghañ . dehamardane pu° .

aṅgamardaka pu° aṅgaṃ mardayati mṛda--ṇic--ṇvul 6 ta° . dehasaṃvāhake--sevake . dehamardanakārake tri° .

aṅgamardin pu° aṅgaṃ mardayati mṛda--ṇic--ṇini 6 ta° . aṅgamardake sevake . aṅgamardanakārake tri° striyāṃ ṅīp .

aṅgayajña pu° aṅgībhūtaḥ pradhānayajñopakaraṇībhūtaḥ yajñaḥ . navagrahamakhaṃ kṛtvā tataḥ karma samācaredi tyukte karmamātrāṅge grahayāgādau, darśādyaṅge samidyāgādau ca te ca samidho yajati, tanūnapātaṃ yajati, iḍo yajati, varhiryajati, svāhākāraṃ yajati, ityevaṃ pañcavidhāḥ . eteṣāñca sakṛdanuṣṭhānenaiva tantranyāyena pradhānayāgānāmāgneyādīnāmupakāriteti mīmāṃsā . aṅgayāgādayo'pyatra . aṅgānyayākṣīdabhitaḥ pradhānamiti bhaṭṭiḥ .

aṅgarakta na° yu° aṅge'vayave raktaḥ ranja--kta 7 ta° . kampilyadeśajāte raktavarṇacūrṇavati (guḍārocanā) iti vāṇijeṣu vaidyeṣu ca prasiddhe vṛkṣabhede . 6 ba° raktāṅgamātre tri° .

aṅgarakṣaṇī aṅgaṃ rakṣyate'nayā rakṣa--karaṇe lyuṭ 6 ta° ṅīp . lauhajālamaye aṅgarakṣaṇasādhane varmabhede aṅgarakṣaṇasādhanamātre tri° . bhāve lyuṭ . dehatrāṇe na° .

aṅgarāga pu° aṅgaṃ rajyate'nena ranja--karaṇe ghañ . aṅgalepane kuṅkamādau . bhāve ghañ . aṅgasya vilepane pu° .

aṅgarāja pu° aṅgānāṃ janapadānāṃ rājā ac samā° . aṅgadeśādhipe, karṇe ca tatkathā aṅgādhipaśabde dṛśyā . aṅganṛpādayo'pyatra .

aṅgarāj pu° aṅgeṣu tannāmakadeśeṣu rājate rāja--kvip 7 ta° . aṅgadeśādhipe karṇe, taddeśarājamātre ca .

aṅgaruha na° aṅge rohati ruha--kvip 7 ta° . dehaje lomakeśādau . vihaṅgarājāṅgaruhairivāyatairiti māghaḥ .

aṅgalepa pu° aṅgaṃ lipyate'nena lipa--karaṇe ghañ 6 ta° . aṅgarāgadravye . bhāve ghañ 7 ta° . dehe candanādyanulepane .

aṅgava na° aṅge svāvayave vāti antarbhavati atiśoṣaṇāt saṅkucitāṅgamiva bhavati vā--ḍa 7 ta° . śuṣkaphale .

aṅgavikala tri° aṅgena vikalaḥ . dehavyākulatāyukte .

aṅgavikṛti pu° vi--kṛ--ktin aṅgasya vikṛtiścālanādiryasmāt 5 ta° . (mṛgīnāḍā) iti khyāte apasmāraroge . 6 ta° . aṅgasya vikāre strī .

aṅgavikṣepa pu° vi--kṣipa--ghañ aṅgasya vikṣepaḥ cālanaṃ yatra ba° . aṅgulyādivinyāsabhedena dehacālanarūpe nṛtye . tadbhedādi yathā . deharucyā pratīto yastālamānasamāśrayaḥ . savilāso'ṅgavikṣepīnṛtyamityabhidhīyate . tāṇḍavañca tathā lāsyaṃ dvividhaṃ nṛtyamucyate . pebalirbahurūpañca tāṇḍavaṃ dvividhaṃ matam . aṅgavikṣepa bāhulyaṃ tathābhinayaśūnyatā . yatra sā pevalistasyā deśīti nāma lokataḥ . chedanaṃ bhedanaṃ yatra bahurūpā mukhābalī . tāṇḍavaṃ bahurūpantat dāruṇāt galamūrdhataḥ .churitaṃ yovatañceti lāsyaṃ dvividhamucyate . yatrābhinayabhāvādye rasairāśleṣacumbanaiḥ . nāyikānāyakau raṅge nṛtyataśchuritaṃ hi tat . madhuraṃ baddhalīlābhirnaṭhībhiryatra nṛtyate vaśīkaraṇavidyābhaṃ tallāsyaṃ yauvataṃ matam . geyāduttiṣṭhate vādyaṃ vādyāduttiṣṭhate layaḥ . layatālasamārabdhaṃ tatonṛtyaṃpravartate iti saṅgītadāmodaraḥ . bhāve ghañ . aṅgacālane .

aṅgavidyā strī aṅgarūpā vyākaraṇādiśāstrarūpā vidyā jñānasādhanam . jñānasampādake vyākaraṇādiśāstre . praśnakāle aṅgānāṃ dehāvayavānāṃ ceṣṭādinā śubhāśubhabodhake jyotiraṅge śāstre ca . sā ca vidyā vṛhatsaṃhitāyāṃ darśitā yathā athāṅgānyūrvoṣṭhastanavṛṣaṇapādaṃ ca daśanā bhujau hastau gaṇḍau kacagalanakhāṅguṣṭhamapi yat . saśaṅkhaṃ kakṣāṃsaśravaṇagudasandhīti puruṣe, striyāṃ bhrūnāsāsphigvalikaṭisulekhāṅgulicayam .. jihvā grīvā piṇḍike pārṣṇiyugmaṃ jaṅghe nābhiḥ karṇapālī kṛkāṭī . vaktraṃ pṛṣṭhaṃ jatrujānvasthipārśvaṃ hṛttālvakṣī mehanorastrikaṃ ca .. napuṃsakākhyaṃ ca śiro lalāṭam āśvādyasaṃjñairaparaiścireṇa . siddhirbhavejjātu napuṃsakairno rūkṣakṣatairbhagnakṛtaiśca pūrbaiḥ .. spaṣṭe vā cālite vāpi pādāṅguṣṭhe'kṣirug bhavet . aṅgulyāṃ duhituḥ śokaṃ śirodhatte nṛpādbhayam .. viprayogamurasi svagātrataḥ karpaṭā hṛtiranarthadā bhavet . syātpriyāptirabhigṛhya karpaṭaṃ pṛcchataścaraṇapādayojituḥ .. pādāṅguṣṭhena vilikhedbhūmiṃ kṣetrotthacintayā . hastena pādau kaṇḍūyettasya dāsīmayā ca sā .. tālabhūrjapaṭadarśane'ṃśukaṃ cintayetkacatuṣāsthibhasmagam . vyādhirāśrayati rajjujālakaṃ valkalaṃ ca samavekṣya bandhanam .. pippalīmaricaśuṇṭhivāridairlodhrakuṣthavasanāmbu jīrakaiḥ . gandhamāṃsiśatapuṣpayā vadet pṛcchatastagarakeṇa cintanam . strīpuruṣadoṣapīḍitasarvādhvasutārthadhānyatanayānām . dvicatuḥṣaṭpadakṣitīnāṃ vināśataḥ kīrtitairdṛṣṭaiḥ .. nyagrodhamadhūkatindu kajambūplakṣāmrabadarijātiphalaiḥ . dhanakanakapuruṣalohāṃśukarūpyodumbarāptirapi karagaiḥ .. dhānyaparipūrṇapātraṃ kumbhaḥ pūrṇaḥ kuṭumbavṛddhvikarau . gajagośunāṃ purīṣaṃ dhanayuvatisuhṛdvināśakaram .. paśuhastimahiṣapaṅkajarajatavyāghrairlabheta sandṛṣṭaiḥ . avidhananivasanamalayaja kauśeyābharaṇamaṅghātam .. pṛcchā vṛddhaśrāvakasuparivrāḍ darśane nṛbhirvihitā . mitradyūtārthabhavā gaṇikānṛpasūtikārthakṛtā .. śākyopādhyāyārhatanirgranthinimittanigamakaivartaiḥ . cauracamūpatibaṇijāṃ dāsayodhāpaṇasthabadhyānām .. tāpase śauṇḍike dṛṣṭe proṣitaḥ paśupālanam . hṛdgataṃ pṛcchakasya syāduñchavṛttau vipannatā .. icchāmi praṣṭuṃ bhaṇa paśyatvāryaḥ samādiśetyukte . saṃyogakuṭumbotyā lābhaiśvaryodgatā cintā .. nirdiśeti gadite jayādhvagā, pratyavekṣya mama cintitaṃ vada . āśu sarvajanamadhyaga tvayā dṛśyatāmiti ca bandhucaurajā .. antaḥsthe'ṅge svajana udito vāhyaje bāhya evaṃ pādāṅguṣṭhāṅgalikalanayā dāsadāsījanaḥ syāt . jaṅghe preṣyo bhavati bhaginī nābhito hṛtsvabhāryā pāṇyaṅguṣṭhāṅgulicayakṛtasparśane putrakanye .. mātara jaṭhare, mūrdhni guruṃ, dakṣiṇavāmakau . bāhū bhrātātha tatpatnī spṛṣṭvaivaṃ cauramādiśet .. antaraṅgamavamucya vāhyagasparśanaṃ yadi karoti pṛcchakaḥ . śleṣmamūtraśakṛtastyajannadhaḥ pātayetkaratalasthavastu cet .. bhṛśamavanāmitāṅgaparimoṭanatī'pyathavā, janadhṛtariktabhāṇḍamavalokya ca caurajanam . hṛtapatitakṣatāsmṛtavinaṣṭavibhagnagatonmuṣitamṛtādyaniṣṭaravato labhate na hṛtam .. nigaditamidaṃ yattat sarvaṃ tuṣāsthiviṣādikaiḥ saha mṛtikaraṃ pīḍārtānāṃ samaṃ ruditakṣutaiḥ . avayavamapi spṛṣṭāntaḥsthaṃ dṛḍhaṃ marudāhared atibahu tadā bhuktvānnaṃ saṃsthitaḥ suhito vadet .. lalāṭasparśanācchūkadarśanācchālijaudanam . uraḥsparśāt ṣaṣṭikānnaṃ grīvāsparśe ca yāvakam .. kukṣikucajaṭharajānusparśe māṣāḥ payastilayavāgvaḥ . āsvādayataścauṣṭhau lihato madhuraṃ rasaṃ jñeyam .. vispṛkke sphoṭayejjihvāmamle vaktraṃ vikūṇayet . kaṭutiktakaṣāyoṣṇairhikket, ṣṭhīvecca saindhave .. śleṣmatyāge śuṣkatiktaṃ tadalpaṃ, śrutvā kravyādaṃ prekṣya vā māṃsamiśram . bhrūgaṇḍauṣṭhasparśane śākunaṃ tad bhuktaṃ tenetyuktametannimittam .. mūrdhagalakeśahanuśaṅkhakarṇajaṅghaṃ vastiṃ ca spṛṣṭvā . gajamahiṣameṣaśūkaragośaśamṛgamāṃsasayugbhuktam .. dṛṣṭe śrute'pyaśakune godhāmatsyāmiṣaṃ vadedbhuktam . garbhiṇyāgarbhasya ca nipatanamevaṃ prakalpayetpraśne .. puṃstrīnapuṃsakākhye dṛṣṭe'numite puraḥsthite spṛṣṭe! tajjanma bhavati pānānnapuṣpaphaladarśane ca śubham .. aṅguṣṭhena bhrūdaraṃ vāṅguliṃ vā spṛṣṭvā pṛcchedgarbhacintā tadā syāt . madhvājyādyairhemaratnaprabālairagrasthairvā mātṛdhātnyātmajaiśca .. garbhayutā jaṭhare karage syād duṣṭanimittavaśāttadudāsaḥ . karṣati tajjaṭharaṃ yadi pīṭho tpīḍanataḥ karage ca kare'pi . ghrāṇāyā dakṣiṇedvāre spṛṣṭe māsottaraṃ vadet . vāme dvau karṇa evaṃ mā dvicaturghnaḥ śrutistane .. veṇīmūle trīn sutān kanyake dve karṇe putrān pañca haste trayaṃ ca . aṅguṣṭhānte pañcakaṃ cāmupūrvyā pādāṅguṣṭhe pārṣṇiyugne'pi kanyām .. savyāsavyorusaṃsparśe sūte kanyāsutadvayam . spṛṣṭe lalāṭamadhyānte catustritanayān vadet .. śirolalāṭabhrūkarṇagaṇḍahanuradā galam . savyāpasavyaskandhaśca hastau cibukanālakam .. uraḥ kucaṃ dakṣiṇamapyasavyaṃ hṛt pārśvamebaṃ jaṭhara kaṭiśca . sphik pāyusandhyū ruyugaṃ ca jānū jaṅghe ca padāviti kṛttikādau .. iti nigaditametadgātrasaṃsparśalakṣma prakaṭamabhimatāptyai vīkṣya śāstrāṇi samyak . vipulamatirudāro vetti yaḥ sarvametannarapatijanatābhiḥ pūjyate'sau sadaiva .. iti vṛhatsaṃhitāyāmaṅgavidyā prakaraṇam . vāstuvidyāṅgavidyā ceti gargaḥ . aṅgavidyāyā vyākhyāno granthaḥ ṛgayanā° aṇ . āṅgavidyastadvyākhyānagranthe .

aṅgavidhi pu° aṅgasya pradhānopakāriṇaḥ vidhiḥ vidhānam . guṇavidhyaparaparyāye vidhibhede . tathāhi iṣṭasādhanatākāryatvādibodhakavākyaṃ vidhiḥ . sa ca pramāṇāntarairaprāptasyaiva bodhakatayotpattividhiḥ vidhiratyantamaprāptau ityukteḥ . tathā ca pramāṇāntarāprāptakarmaṇi iṣṭasādhanatākāryatādibodhakaṃ vākyaṃ prāthamikapravṛttijanakapratītijanakatvāt utpattividhiḥ . yatra tu prāptasyaiva karmaṇī'nuvādena tasya dravyadevatādau iṣṭasādhanatādikaṃ bodhyate so'yamaṅgavidhiḥ saca svaviṣaye prāthamikapravṛttijanakapratītijanakatvāt vidhireva . kintu pradhānavidhividheyakarmaṇī'ṅgabodhakatayā aṅgavidhirityeva viśeṣaḥ yathā, agnihotraṃ jṛhotītyutpattividhivākyena prāptasyāgnihotrasya guṇavidhānāya pravṛttaṃ dadhnā juhotīti vākyaṃ prāptāgnihotrānuvādena dadhikaraṇatvamātraṃ bodhayat dadhni iṣṭa sādhanatābodhanena tatra pravartayatīti dadhnā juhotīti vākyaṃ guṇavidhiraṅgavidhiriti ca ucyate . evamanyānyudāhāryāṇi . taccāṅgaṃ kvacit kālaḥ kvacit dravyaṃ kvacit devatādi iti nānāvidham ataevoktaṃ kārmāsannihitaṃ naiva buddhau viparivartate . śabdāttu tadupasthānamupādeye guṇobhavediti bhaṭṭaiḥ . vivṛtañcaitat raghunandanena pramāṇāntarāsannihitaṃ karma prathamaṃ buddhau na viṣayībhavati prāthamikī śabdādeva tasya karmaṇa upasthitiriti upādeye vidheye karmaṇi tithyādirguṇa iti .

aṅgavaikṛta na° vikṛtasya bhāvaḥ vikṛta + aṇ aṅgena aṅgaceṣṭayā vaikṛtaṃ hṛdayabhāvo jñāpyate yatra bahu° . ākāra iti khyātāyām--hṛdayagatabhāvāvedekaceṣṭāyām . 6 ta° . aṅgasya vikāre na° .

aṅgavaiguṇya na° aṅgasya pradhānopakāriṇaḥ vaiguṇyamanyathākaraṇam . pradhānakarmāṅgībhūtadravyāderanyathākaraṇe yaddoṣanivāraṇārthaṃ viṣṇusmaraṇaṃ kartavyatayā vihitaṃ yadamāṅgaṃ kṛtaṃ karma jānatā vāpyajānatā sāṅgaṃ bhavatu tat sarvaṃ harernāmānukīrtanāditi smṛtiḥ . ataeva śrāddhādipaddhatau karmānte yat kiñcidaṅgavaiguṇyaṃ jātaṃ taddoṣapraśamanāya viṣṇusmaraṇamahaṃ kariṣye ityabhilāpavākyam .

[Page 78a]
aṅgaśuddhi strī śuddhyate'nayā iti śudha--karaṇe ktin 6 ta° . snānādau dehasaṃskārasādhane . bhāve ktin . dehaśodhane .

aṅgas na° anaja--asun kutvañca . pakṣiṇi ityujjvaladattaḥ .

aṅgasaṃskāra pu° aṅgaṃ saṃskriyate'nena sam--kṛ + karaṇe ghañ suṭ . dehasaṃśodhanādisaṃskārakāraṇe snāne godhūmacūrṇādināṅgamardane ca . bhāve ghañ 6 ta° . aṅgasya saṃskāre vilepanādau . aṅgaṃ saskaroti sam + kṛ--kartari aṇ 6 ta° . dehasaṃskārake naramātre tri° .

aṅgasaṃskriyā strī 6 ta° . aṅgasaṃskāre .

aṅgasparśa pu° aṅgasya aśaucidehasya itaraiḥ sparśastadyogatā . itarakartṛkasparśayogyatāyām . aśaucinām dehasparśaniṣedhe caturthe'hani kartavyamasthisañcayanaṃ dvijaiḥ . tataḥ sañcayanādūrdhvamaṅgasparśo vidhīyate iti dakṣasmṛtau caturthadivase aśaucidehasya sparśayogyatābhidhānāt caturthadivase dehasparśayogyatā . etacca yāvadgotramasaṃspṛśya mityādyuktavyatiriktaviṣayaṃ mahāgurunipāte putrādibhinnaviṣayañca taccāṅgāspṛśyatvaśabde vakṣyate .

aṅgahāra pu° aṅgaṃ hriyate cālyate'tra hṛ--ādhāre ghañ 6 ta° . aṅgulyādivinyāsabhedena nṛtye . taccāṅgavikṣepaśabde darśitam . bhāve ghañ 6 ta° . aṅgasya haraṇamātre pu° .

aṅgahāni strī aṅgasya pradhānopakāriṇaḥ karmaṇaḥ hāniḥ pradhānakarmopayoginaḥ guṇāderanyathā sampādane'sampādane ca . daivād bhramāt pramādāccedaṅgahāniḥ prajāyate . smaraṇādeva tadviṣṇoḥ saṃpūrṇaṃ syāditi śrutiriti purā° .

aṅgahāri pu° aṅgāni hriyante atra hṛ--bā° ṇi . aṅgahārārthe sthale raṅgabhūmau .

aṅgahīna tri° aṅgena hīnam . sādhanībhūtadravyakālādyaṅgakaraṇaśūnye karmaṇi aṅgahīnaṃ kriyāhīnaṃ vidhihīnañca yad bhavet . sat sarvaṃ pūrṇatāmetu bhāskarasya prasādataḥ iti smṛtiḥ . aṅgahīno dahedrāṣṭraṃ mantrahīnastu ṛtvijam . yajamānamadakṣiṇyo nāsti yajñasamo ripuḥ iti purā° . vikale, chinnadehe ca tri° . aṅgena dehena hīnaḥ rahitaḥ . kāme pu° . tasyānaṅgatvāttattvam . aṅgaṃ hīnaṃ yathocitapramāṇādalpaṃ yasya . hastapādādyavavayavasya yathocitaparimāṇābhāvayukte tri° . dhānyacauro'ṅgahīnatvamātirekyañca miśraka iti manuḥ . vā paranipāte'hīnāṅgo'pyatrārthe . aṅgasya hīnatāyāṃ kāraṇamuktaṃ suśrute . dvihṛdayāñca nārīṃ dauhṛdinīmācakṣate . dauhṛdavimānanāt kubjaṃ kuṇiṃ khañjaṃ jaḍaṃ vāmanaṃ vikṛtākṣamanakṣaṃ vā nārī sutaṃ janayati . tasmāt sā yadyadicchettattasyai dāpayet . labdhadauhṛdā hi vīryavantaṃ cirāyuṣañca puttraṃ najayati .. bhavanti cātra .. indriyārthāṃstu yānyān sā bhoktumicchati garbhiṇī . garbhābādhabhayāttāṃstān bhiṣagāhṛtya dāpayet . sā prāptadauhṛdā puttraṃ janayeta guṇānthitam . alabdhadauhṛdā garbhe labhetātmani vā bhayam .. yeṣu yeṣvindriyārtheṣu dauhṛde vai vimānanā . jāyeta tat sutasyārtistasmiṃstasmiṃstathendriye iti ..

aṅgāṅgibhāvaḥ pu° aṅgasya aṅginaśca bhāvaḥ . gauṇamukhyabhāve upakāryopakārakabhāve ca yathā darśādīn prati prayājādīnāmaṅgatvaṃ, prayājadīṃśca prati darśādīnāmaṅgitvam . aṅgāṅgibhāvamajñātvā kathaṃ sāmarthyamanvaya iti ca mīmā° .

aṅgādhipa pu° aṅgasya deśabhedasya adhipaḥ . aṅgadeśādhipe prasiddhatayā karṇe tasya tadrājyaprāptiḥ bhārate ā° . yadyayaṃ phālguno yuddhe nārājñā yoddhumicchati . tasmādeṣo'ṅgaviṣaye mayā rājye'bhiṣicyate .. vaiśampāyana uvāca . tatastasmin kṣaṇe karṇaḥ salājakusumairghaṭaiḥ . kāñcanaiḥ kāñcane pīṭhe mantravidbhirmahārathaḥ . abhiṣikto'ṅgarājye sa śriyā yukto mahābala iti saca deśaḥ magadhadeśasthagiribrajāt sannikṛṣṭaḥ pūrbasyāṃ diśi sthitaḥ . sabhāparvaṇi magadhadeśavarṇane girivrajamupavarṇya aṅgavaṅgādayaścaiva rājānaśca mahābalāḥ . gautamāśramamabhyetya ramantesma purārjuneti aṅgavaṅganṛpāṇāṃ sannikṛṣṭatvamuktam . bhīmaprācyadigvijaye ca vijitya yudhi kaunteyo māgadhānabhyayādbalī .. daṇḍañca daṇḍadhārañca vijitya pṛthivīpatīn . taireva sahitaḥ sarvairgiribrajamupādravat . jārāsandhiṃ sāntvayitvā kare ca viniveśya ha . taireva sahitaḥ sarvaiḥ karṇamabhyadravadbalī .. sa kampayanniva mahīṃ balena caturaṅgiṇā . yuyudhe pāṇḍavaśreṣṭhaḥ karṇenāmitraghātinā .. sa karṇaṃ yudhi nirjitya vaśe kṛtvā ca bhārata . tato vijigye balavān rājñaḥ parvatavāsinaḥ .. atha modāgirau caiva rājānaṃ balavattaram . pāṇḍavo vāhuvīryeṇa nijaghāna mahāmṛdhe iti .. evañca girivrajāt pūrbaṃ modāgireḥ paścāt sa deśaḥ . vṛhatsaṃhitāyāntu tasya bhāratavarṣe āgneyyāṃ sthitiruktā . yathā agneyyāṃ diśi kośala kaliṅgavaṅgopavaṅgajaṭharāṅgā iti . aṅgasya jyotiḥśāstroktalagnasya adhipaḥ . lagnādhipe pu° . aṅgādhipe balani sarvavibhūtisampaditi jyoti° .

[Page 79a]
aṅgādhīśa pu° 6 ta° . aṅgadeśādhipe karṇe lagnādhipe ca aṅgādhīśaḥ svagehe budhagurukavibhiḥ saṃyuta iti jātakam . aṅgādhīśvarādayo'pyatra .

aṅgāra astrī° aṅga--āran . ardhadagdhe--agnisaṃkrānte agniśūnye vā (āṅāra) iti prasiddhe kāṣṭhakhaṇḍe . ghṛtakumbhasamā nārī taptāṅgārasamaḥ pumāniti jvaladaṅgārasannibhamiti aṅgāre śatadhaute'pi mālinyaṃ naiva gacchatīti . uṣṇo dahati cāṅgāraḥ śītaḥ kṛṣṇāyate karamiti ca purā° . asau vāvādityo'gnirdiśo'ṅgārā iti chā0brā° . vyaṅgāre bhuktavajjane iti smṛtiḥ . aṅgirā aṅgāra iti yaju° . ye'syāṅgārā āsaṃste'ṅgiraso'bhavanniti aita° brā° . bhaumagrahe pu° raktavarṇe na° tadvati tri° . pāśā° yat aṅgāryā strī tatsaṅghe .

aṅgāraka astrī aṅgāra + svārthe kan . aṅgāre aṅgārakastvavantyāñceti purā° . aṣṭāvaṅgārake tatheti jyotiṣam . aṅgārake kumārañcabudhe nārāyaṇaṃ tatheti purā° . asya cāro yathā yadyudayarkṣādvakraṃ karoti navamāṣṭamasaptamarkṣeṣu . tadvakramuṣṇamudaye pīḍākaramagnivārtānām .. dvādaśadaśamaikādaśanakṣatrādvakritaḥ kujo'śrumukham . dūṣayati rasānudaye karoti rogānavṛṣṭiṃ ca .. vyālaṃ trayodaśarkṣāccaturdaśādvā vipacyate 'stamaye . daṃṣṭrivyālamṛgebhyaḥ karoti pīḍāṃ subhikṣaṃ ca .. rudhirānanamiti vakraṃ pañcadaśāt ṣoḍaśācca vinivṛtte tatkālaṃ mukharogaṃ sabhayaṃ ca subhikṣamāvahati .. asimuśalaṃ saptadaśādaṣṭādaśato'pi vā tadanu vakre . dasyugaṇebhyaḥ pīḍāṃ karotyavṛṣṭiṃ saśastrabhayam .. bhāgyāryamodito yadi nivartate vaiśvadaivate bhaumaḥ . prājāpatye'stamitastrīnapi lokānnipīḍayati .. śravaṇoditasya vakraṃ puṣye mūrdhābhiṣiktapīḍākṛt . yasminnṛkṣe'bhyuditastaddigvyūhān janān hanti .. madhyena yadi maghānāṃ gatāgataṃ lohitaḥ karoti tataḥ . pāṇḍyo napo vinaśyati śastrodyogādbhayamavṛṣṭiḥ .. bhittvā maghāṃ viśākhāṃ bhindan bhaumaḥ karoti durbhikṣam . marakaṃ karoti ghoraṃ yadi bhittvā rohiṇīṃ yāti .. dakṣiṇato rohiṇyāścaran mahījo'rghavṛṣṭinigrahakṛt . dhūmāyan saśikho vā vinihanyāt pāriyātrasthān .. prājāpatye śravaṇe mūle tisṛṣūttarāsu śākre ca . vicaran ghananivahānāmupaghātakaraḥ kṣamātanayaḥ .. cārodayāḥ praśastāḥ śravaṇamaghādityamūlahasteṣu . ekapadāśviviśākhāprājāpatyeṣu ca kujasya .. vipulavimalamūrtiḥ kiṃśukāśoka varṇaḥ sphuṭaruciramayūkhastaptatāmraprabhābhaḥ . vicarati yadi mārgaṃ cottaraṃ medinījaḥ śubhakṛdavanipānāṃ hārtidaśca prajānām .. iti vṛhatsaṃhitā . tasya bhaktideśādi grahabhaktyadhyāye tatraivoktaṃ yathā
     śoṇasya narmadāyā bhīmarathāyāśca paścimārdhasthāḥ . nirvindhyā vetravatī siprā godāvarī veṇā .. mandākinī payoṣṇī mahānadī sindhumālatīpārāḥ . uttara pāṇḍyamahendrādrivindhyamalayopagāścolāḥ .. draviḍavidehā ndhrāśmakabhāsāpurakauṅkaṇāḥ samantriśakāḥ . kuntalakeraladaṇḍakakāntipuramlecchasaṅkarajāḥ .. nāsikyabhogavardhanavirāṭavindhyādripārśagā deśāḥ . ye ca pibanti sutoyāṃ tāpīṃ ye cāpi gomatīsalilam .. nāgarakṛṣikarapāratahutāśanājīviśastravārtānām . āṭavikadurgakarvaṭabadhakanṛśaṃsāvaliptānām .. narapatikumārakuñjaradāmbhikaḍimbhābhighātapaśupānām . raktaphalakusumavidru macamūpaguḍamadyatīkṣṇānām .. kośabhavanāgnihotrikadhātvākaraśākyabhikṣucaurāṇām . śaṭhadīrghavairabahvāśināṃ ca vasudhāsuto'dhipatiḥ iti . aṅgāramiva ivārthekan . raktavarṇatvāt kuraṇṭakavṛkṣe, (bhīmarāja) iti khyāte--bhṛṅgarājavṛkṣe ca pu° . alpārthe kan . visphuliṅga iti vikhyāte--aṅgārakṣudrāṃśe na° . dūrvā lākṣā haridre dve mañjiṣṭhā sendravāruṇī . vṛhatī saindhavaṃ kuṣṭhaṃ rāsnā māṃsī śatāvarī . āranālāḍhakenaiva tailaprasthaṃ vipācayet . tailamaṅgārakaṃ nāma sarvajvaravināśanamiti cakradattavaidyakokte tailabhede na° .

aṅgārakārin tri° aṅgāraṃ karoti kṛ--ṇini . kāṣṭhaṃ dugdhvā vikrayārthamaṅgārakārake .

aṅgārakamaṇi pu° aṅgārakasyapriyaḥ maṇiḥ . prabāle tasya ca raktavarṇatvāt tatpriyatvaṃ māṇikyaṃ bhāskare deyaṃ candre muktāṃ pradāpayet prabālañca kuje dadyā dityādinā tatkṛtāśubhapratīkārāya prabāladānokteḥ tatpriyatvam .

aṅgārakuṣṭhaka pu° aṅgāravarṇaṃ kuṣṭhamiva kan . hitāvalīnāmakauṣadhibhede .

aṅgāradhānī strī aṅgārāṇi dhīyante'syām dhā--ādhāre lyuṭ ṅīp . (āṅaṭhā) iti khyāte aṅgārādhānapātryām svārthe kan . aṅgāradhānikāpyatraiva .

aṅgāraparipācita na° aṅgāreṇa (jvaladagnivyāptakāṣṭhakhaṇḍena) paripācyate pari + paca--svārthe ṇic--kta 3 ta° . (kavāva) iti prasiddhe--pakvamāṃsādau .

[Page 80a]
aṅgāraparṇa na° aṅgāramiva parṇamasya . vanabhede . astyarthe ac . tatsvāmini citrarathagandharve pu° . bhārate caitrarathe pa° . citrarathagandharvasya arjunādīn prati uktiḥ . ārāttiṣṭhata mā mahyaṃ samīpamupasarpata . kasmānmāṃ nābhijānīta prāptaṃ bhāgīrathījalam . aṅgāraparṇaṃ gandharvaṃ vitta māṃ svavanāśrayam . ahaṃ mānī tatherṣuśca kuverasya priyaḥ sakhā . aṅgāraparṇamityevaṃ khyātaṃ cedaṃ vanaṃ mameti .

aṅgārapātrī strī 6 ta° aṅgāradhānyām (āṅṭā) iti khyātapātre .

aṅgārapuṣpa pu° aṅgāramiva lohitavarṇaṃ puṣpaṃ yasya ba° . (jiṃyāputi) iti khyāte iṅgudīvṛkṣe .

aṅgāramañjarī strī aṅgārā raktavarṇā mañjarī ba° samāsāntakababhāvāhrasvatve saṃjñātvāt . (karamcā) iti khyāte raktakarañjavṛkṣe .

aṅgāravallī strī aṅgārā iva raktaphalatvāt raktāvallī karma° . raktavarṇaphalayatyām (kuṃca) iti prasiddhāyām guñjālatāyāṃ karañjavṛkṣe ca . svārthe kan . aṅgāravallikā tatraiva .

aṅgāraveṇu pu° aṅgāravarṇoveṇuḥ . vaṃśabhede . tajjāte ṭhak anuśatādi° dvipadavṛddhiḥ . āṅgāravaiṇukaṃ, tajjāte tri° .

aṅgāraśakaṭī strī śaknoti voḍhuṃ śakaṭam, alpaṃ śakaṭaṃ, śakaṭī, ghaṣṭyādivat alpārthe ṅīp aṅgārasya śakaṭī 6 ta° . (āṅṭā) (dhunācīti) ca prasiddhe aṅgārādhāre pātrabhede .

aṅgārāvakṣepaṇa na° aṅgāramavakṣipyate'nena karaṇe lyuṭ . aṅgārakṣepaṇasādhane pātre . bhāve lyuṭ . aṅgārakṣepaṇe .

aṅgāri strī aṅgāra + matvarthe ṭhan pṛṣodarāditvāt kalopaḥ . aṅgārādhāre (āṅṭā) iti prasiddhe pātrabhede .

aṅgārikā strī aṅgāra vidyate'syāḥ aṅgāra + matvarthe ṭhan ṭāp . (āṅṭā) iti khyāte aṅgārapātre .

aṅgāriṇī strī° aṅgāra + matvarthe ini . aṅgāradhānikāyām (āṅṭā iti) khyāte pātre . aṅgāravati tri° .

aṅgārita pu° aṅgāramivācaratīti aṅgāra + kvip tataḥ kartari kta . palāśakalikāyām . aṅgāraṃ karotītyarthe ṇici karmaṇi kta, aṅgāra + tārakā° itac vā . dagdhaprāye kāṣṭhādau tri° .

aṅgārīya tri° aṅgārebhya etāni prakṛtirūpārthe aṅgāra + cha . aṅgāraprakṛtibhūte kāṣṭhādau .

aṅgikā strī aṅgam ācchādayati aṅga + ini--svārthe kan striyāṃ ṭāp . (āṅrākhā) iti prasiddhe kañcukavastre .

aṅgin tri° aṅga + ini . avayavaviśiṣṭe, dehavati ca . yenāṅgavikāra iti sūtrasya yenāṅgena vikṛtenāṅginovikāra iti vṛttiḥ . aṅginaṃ nāṅgabādhena hanyādapi kadācaneti mīmā° . pradhāne, ekaeva bhavedaṅgī śṛṅgāro vīra eva veti ye rasasyāṅgino dharmāḥ śauryādaya ivātmana iti ca sāhi° .

aṅgiras pu° aṅgati agi--gatau asi iruṭ . brahmaṇomānasaputre svanāmakhyāte munibhede . bhārate vana° mārka° brahmaṇo mānasāḥ puttrā viditāḥ ṣaṇmaharṣayaḥ marīciratryaṅgisau pulastyaḥ pulahaḥ kratuḥ iti tvamagne prathamo'ṅgirā ṛṣirdevānāmiti śrutau agneraṅgirastvamuktaṃ tatkathā bhārate vana° mārka° . yadā krudvo hutavahastapastaptuṃ vanaṃ gataḥ .. tadā ca bhagavānagniḥ svayamevāṅgirābhavat . santāpayaṃśca prabhayā nāśayaṃ stimirāṇi ca .. purāṅgirā mahāvāho! cacāra tapa uttamam . āśramastho mahābhāgo havyavāhaṃ viśeṣayan . tathā sa bhūtvā tu tadā jagat sarvaṃ vyakāśayat .. tapaścaraṃstu hutabhuk santaptastasya tejasā . bhṛśaṃ glānaśca tejasvī na sa kiñcit prajajñivān .. atha sañcintayāmāsa bhagavān havyavāhanaḥ . anyo'gniriha lokānāṃ brahmaṇā saṃprakalpitaḥ .. agnitva vipranaṣṭa hi tampamānasya me tapaḥ . kathamagniḥ punarahaṃ bhaveyamiti cintya saḥ . apaśyadagnivallokāṃstāpayanta mahāmunim .. so'pāsarpacchanairbhītastamuvāca tadāṅgirāḥ . śīghrameva bhavasyāgnistvaṃ punarlokabhāvanaḥ . vijñātaścāsi lokeṣu triṣu saṃsthānacāriṣu .. tvamagniḥ prathamaṃ sṛṣṭo brahmaṇā timirāpahaḥ . svasthānaṃ pratipadyasva śīghrameva tamonuda! .. agniruvāca . naṣṭakīrtirahaṃ loke bhavān jāto hutāśanaḥ . bhavantameva jñāsyanti pāvakaṃ na tu māṃ janāḥ .. nikṣipāmyahamagnitvaṃ tvamagniḥ prathamo bhava . bhaviṣyāmi dvitīyo'haṃ prajāpatyaka eva ca .. aṅgirā uvāca . kuru puṇyaṃ prajāsargaṃ bhavāgnistimirāpahaḥ . māñca deva! kuruṣvāgne! prathamaṃ puttramañjasā .. mārkaṇḍeya uvāca . tacchutvāṅgiraso vākyaṃ jātavedāstathākarot . rājan vṛhaspatirnāma tasyāpyaṅgirasaḥ sutaḥ iti .. tasya ca yathā agniputtratvaṃ yena yena rūpeṇa ca āvirbhāvastathoktamagniśabde . agnau ca . śivo bhava prājāpatyo mānuṣībhyāmaṅgiraḥ iti ya° aṅgiromiḥ ṛṣibhiḥ sampāditatvāt aṅgasauṣṭhavādvā aṅgirā agnirūpaḥ he aṅgiraḥ! agnirūpeti vedadīpaḥ . aṅgirasaḥ gotrāpatyam śivā° aṇ . āṅgirasaḥ bahuṣu luk . aṅgirasastadgotrāpatye ba° va° . sarve sāntā adantāḥ syuḥ ityukteḥ pṛ° salope aṅgiraśabdo'pyatra, yenānavagve aṅgire iti vedaḥ . manvatriviṣṇuhārīta yājñavalkyośano'ṅgirā iti yājñya° evaṃ tyaktvā śarīraṃ tu parame tapasi sthitaḥ . bhṛgvaṅgirādibhirbhūyastapasāpyāyitastadeti bhāra° .

aṅgirasvat pu° aṅgirā agniḥ sahāyatvena vidyate'sya matup masya vaḥ sāntatvāt na padatvam . vāyau yamāya tvāṅgirasvate pitṛmāte svāheti yajuḥ . aṅgiroyuktāya vātāyeti vedadīpaḥ .

aṅgīkāra pu° anaṅgam asvopakaraṇaṃ asvakīyam aṅgaṃ kriyate aṅga + cvi + kṛ--ghañ . svīkāre abhyupagame . aṅgīkuru dṛśorbhaṅgīmaṅgībhavatu manmatha iti navāṅgī kuraṅgīdṛgaṅgīkarotviti jagannāthaḥ . aṅgīkurvan svamāhātmyaṃ bhṛśaṃ jajvāla pāvaka iti purā° .

aṅgīkṛta tri° aṅgīti cvyantaṃ tatpūrbakāt kṛñaḥ kta . svīkṛte aṅgīkṛtaṃ sukṛtinaḥ paripālayantī ticaurapañcāśikā . nāṅgīkṛtamutsṛjantīti nītisā° .

aṅgu pu° agi--un . pāṇau haste aṅguṣṭhaḥ .

aṅguri(rī) strī aṅga--uli--ralayorekatra smaraṇāt ratvam . (āṅgula) iti prasiddhāyām hastapādaśākhāyām vā ṅīp . atraivārthe aṅgurīvoragakṣateti raghuḥ .

aṅgurīya na° aṅgurau bhavam aṅguri + cha bālamūlāditvāt vā latvābhāvaḥ . aṅgulibhūṣaṇe (āṅguṭīti) prasiddhe .

aṅgurīyaka na° aṅgurīya + svārthe kan . aṅgulibhūṣaṇe (āṅguṭīti) khyāte bhūṣaṇabhede .

aṅgula pu° aṅga--ula . hastapadaśāsvāyām (āṃgula) iti khyātāyām . vātsyāyanamunau ca . yavodarairaṅgulamaṣṭasaṃkhyairiti bhāskarācāryokte aṣṭayavodaraparimāṇetu na° . aṅgau pāṇau līyate vā ḍa . aṅguṣṭhe na° . samantādaṅgulotsedhaṃ hastamātraṃ tu sthaṇḍilamiti purā° .

aṅguli strī aṅga--uli . hastapadaśākhāyām (āṅgula) iti khyātāyām . aṅguliṃ granthibhedasya chedayet prathame grahe iti smṛtiḥ (hāta śuḍā) iti khyāte gajakarṇikāvṛkṣe, gajaśuṇḍāgre ca . puṃstvamapi saṃvṛtādharoṣṭhamaṅgulineti śaku° .

[Page 81b]
aṅgulitoraṇa na° aṅguleḥ toraṇamiva kṛtam . candanādidvārā kṛte lalāṭasthārdhacandrākṛtitilake .

aṅgulitra na° aṅguliṃ trāyate trai--ka 6 ta° . (cāmāṭīti) prasiddhe jyākarṣaṇakṛtakhedavāraṇārtham aṅgulibaddhe carmaṇi baddhagodhāṅgulitre iti bhaṭṭiḥ .

aṅgulitrāṇa aṅgulistrāyate'nena trai--ka 6 ta° . (cāmāṭīti) prasiddhe jyākaṣaṇakṛtasvedanivāraṇārtham aṅgulibaddhe carmaṇi .

aṅgulimudrā strī aṅguleḥ mudaṃ rāti rā--ka 6 ta° . dhārayiturnāmākṣaramudrāsahite (āṅguṭīti) prasiddhe aṅgulībhūṣaṇe . upahitasmṛtiraṅgulimudrayeti śaku° .

aṅgulimoṭana na° aṅgulyormoṭanaṃ mardanaṃ yatra ba° . aṅguli dvayamardanajāte (tuḍi) iti prasiddhe śabde .

aṅguliṣaṅgā strī aṅgulau saṅgo yasyāḥ ṣatvam 7 ba° . (yāu) iti prasiddhe aṅgulisaṃlepakārake yavāgūdravye .

aṅgulisaṃjñā strī aṅgulyā saṃjñā saṃṅketajñāpanad . aṅguliceṣṭābhedena abhīṣṭakarmaṇi deye saṅketaviśeṣe mukhārpitaikāṅgulisaṃjñayaiveti kumā° .

aṅgulisandeśa pu° aṅgulyā aṅgulidhvaninā sandiśyate sam + diśa--bhāve ghañ . aṅgulidhvanidvārā saṃjñādāne .

aṅgulisphoṭana na° aṅgulyoḥ sphoṭanaṃ tāḍanaṃ yatra 7 ba° . (tuḍi) iti prasiddhe aṅgulidvayamardanajāte śabde 6 ta° . aṅgulisphoṭanamātre ca .

aṅgulī strī aṅguli + vā ṅīp . aṅguliśabdārthe cyutamapi labdhapadaṃ yadaṅgulīṣviti śaku° tarjayannaṅgulībhiriti .

aṅgulīpañcaka na° aṅgulīnāṃ pañcakam pañcasaṃkhyā . hastasthānāmaṅgulīnāṃ samudāye tāśca aṅguṣṭhatarjanīmadhyamānāmikā kaniṣṭhāḥ .

aṅgulīya na° aṅgurīyakavat vā ratvābhāvaḥ . (āṃguṭīti) prasiddhe aṅgulibhūṣaṇe . tava sucaritamaṅgulīya! nūnamiti śaku° . ivārthe kan . tattulyapariṇāhavattvāttatraiva na° .

aṅgulīsambhūta pu° aṅgulyāṃ sambhūtaḥ 7 ta° . nakhe . aṅgulīsambhūtamātre tri° .

aṅgulyādi pu° 6 ta° . pāṇinyukte ivārthe vihitakanpratyayanimitte śabdagaṇasamūhe . saca gaṇaḥ aṅguli bharuja babhru valgu maṇḍara maṇḍala śaṣkulī hari kapi muniruha khala udaśvit goṇī uras kuliśa iti . aṅgulīva + kan aṅgulīyakamityādiḥ .

aṅguṣṭha pu° aṅgau pāṇau prādhānyena tiṣṭhati sthā--ka 7 ta° ṣatvam . vṛddhāṅgulau . ambāmbeti sūtre'ṅguśabdaprayogāt aṅguśabdaḥ hastavācītijñāpitam . aṅguṣṭhodaramadhye tu yavo yasya virājate iti sāmu° .

aṅguṣṭhamātra tri° aṅguṣṭha + parimāṇārthe mātrac . aṅguṣṭhamadhyaparvaparimite . aṅguṣṭhamātrohyavaro'pi dṛṣṭa iti śrutiḥ . aṅguṣṭhamātraṃ puruṣaṃ niścakarṣa balādyama iti bhāratam . aṅguṣṭhāṅgulamānantu yatra yatropadiśyate . tatra tatra vṛhatparvagranthabhirminuyāt sadeti kātyā° .

aṅgūṣa pu° agi--ūṣan . nakule vāṇe ca .

aṅghas na° aṅghate narakamanena aghi--gatau asun . pāpe yuṣmacchāsanalaṅganāṅghasi mayā magnena nāma sthitamiti veṇī° .

aṅghāri pu° ṛ--iṇ 6 ta° pṛ° . dīptiśīle . kavirasi aṅghārirasīti yaju° . aṅghārirdīptiśīla iti vedadīpaḥ .

aṅghi pu° aghigatau--in . pāde, vṛkṣamūle ca .

aṅghri pu° aghi--gatau karaṇe krin . caraṇe, vṛkṣamūle, adhāri padmeṣu tadaṅghriṇā ghṛṇeti nai° . aṅghripaḥ (pādapaḥ) chandasāṃ caturthabhāge ca . prathamāṅghrisamoyasyeti vṛtta° .

aṅghripa pu° aṅghriṇā mūlena pibati siktajalam pā--ka 3 ta° . vṛkṣamātre .

aṅghriparṇikā strī aṅghrau mūle tadārabhya vā parṇamasyāḥ jātau ṅīp svārthe kan . siṃhapucchākārapuṣpavati (cākuliyā) iti khyāte vṛkṣe . kābhāve aṅghriparṇītyapi tatraiva .

aṅghrivallikā strī aṅghrerārabhya vallīva parṇavattvena, tataḥ svārthe ke hrasve ṭāp . siṃhapucchākārapuṣpavatiṃ (cākuliyā) iti prasiddhe vṛkṣe . kābhāve .. aṅghrivallītyapi tatraiva .

aca avispaṣṭakathane gatau ca ubhaya° bhvādi° saka° seṭ ktvā veṭ . acati te . ācīt āciṣṭa . kta aktaḥ ktvā acitvā--aktvā svāhāyajñamityaṅgulī acate iti kātyā° . acatesaṅkocayati iti vedadīpaḥ .

aca(ancu) gatau pūjāyāñca pa° saka° seṭ . tatra aca idit ñodicca (ancu) avyaktaśabde ca . añcati āñcīt ancu--gatau acyāt pūjāyāmañcyāt . kta aktaḥ pūjāyāmubhayoḥ añcitaḥ aci--vartamāne kta añcitaḥ . ancu--ktvā añcitvā--aktvā aci--añcitvā . ayamañcati pañcaśarānucara iti sā° ṭī° . pra + prakarṣe pūrbadikkālavṛttau ca prāñcati prāṅ(pūrbakālaḥ) prācī (pūrbā dik) parā + pratigatau, ābhimukhyābhāve, paścādbhāve, vahirbhāve ca parāñcati (parāgacchati) parāṅ (vāhyaḥ) . apa + apasaraṇe apāñcati . sam + sundaragamane, yathocitagamane ca samañcati samyaṅ . anu + paścādgatau . anvañcati anvaṅ . ud + ūrdhvagamane, uttaradigvṛttau ca udañcati (udgacchati) udañcadromāñcamiti udaṅ deśaḥ udīcī (uttarā dik) . pari + samantādgatau . paryañcati . prati + pratīpagatau, paścādgatau, paścādvartitve ca pratyañcati (pratīpaṃ gacchati) . pratyaṅ, pratīcī (paścimā dik) . ātmani vyāptyarthakapratinā yogāt pratyakśabdaḥ tasya sarvaviṣayavyāpakatvāt pratyaktvam . ni + nyūnībhāve nyañcati nyaṅ nyagbhāvaḥ nyakkāraḥ . ava + adhogatau, dakṣiṇadigvṛttau ca . avāñcati avāṅ (aghomukhaḥ) avācī (dakṣiṇā dik) yathā ca uttaradakṣiṇayoḥ ūrdhāghobhāvastayā avākśabde vakṣyate .

aca gatau pūjāyām idit ubha° saka° seṭh ktvā veṭ . añcati te āñcīt āñciṣṭa . ktvā aṅktvā--añcitvā . upasargāt ancuvat . nyañcate pratyahaṃ moho yasmānnyañcanti cāraya iti kavira° .

acakṣus tri° na° ba° . mandanetre, netrahīne ca . sacakṣuracakṣuriva sakarṇo'karṇa iveti śrutiḥ . na° ta° . cakṣurbhinne na° .

acatura tri° na santi catvāri yatra ni° acsamā° . catuḥsaṃkhyāśūnye . caturonipuṇaḥ na° ta° . dakṣabhinne apaṭau tri° .

acapala tri° na capalaḥ . cāpalyavirodhisthairyayukte .

acara tri° na carati calati--cara--ac na° ta° . caratvavirodhisthairyavati sthāvare sthitiśīle pṛthivyādau carāṇāmannamacaramiti manuḥ . calanaśūnye tri° . jyotiṣokte meṣakarkaṭatulāmakararāśirūpacararāśibhinneṣu sthirarāśiṣu vṛṣasiṃhavṛścikakumbharāśiṣu na° .

acarama tri° na° ta° . antimatvavirodhimadhyatvādyavasthāvati vayasyacarame iti pā° . acaramaṃ vayaḥ kaumārādi .

acala pu° na calaḥ .. (goṃja) iti khyāte śaṅkau . parvate, acalāḥ sāgarāḥ grāmāḥ prāsādadhavalā gṛhāḥ dhāritaṃ ca tvayāsarvamiti pṛthivīprārthanāmantraḥ . acalaeṣa bhavāniva rājate iti māghaḥ . pṛthivyāṃ strī . bhūmeracalatvādikamuktaṃ si° śi° go° bhūmeḥ piṇḍaḥ śaśāṅkajñakaviravikujejyārkinakṣatrakakṣāvṛttairvṛtto vṛtaḥ san mṛdanilasalilavyomatejomayo'yam . nānyāghāraḥ svaśaktyaiva viyati niyataṃ tiṣṭhatīhāsya pṛṣṭhe niṣṭhaṃ viśvaṃ ca śaśvatsadanujamanujādityadaityaṃ samantāt . sarvataḥ parvatārāmagrāmacaityacayaiścitaḥ . kadambakusumagranthiḥ kesaraprakarairiva . yathoṣṇatārkānalayośca, śītatā vidhau, drutiḥ ke, kaṭhinatvamaśmani . maruccalī bhūracalā svabhāvato yato vicitrā vata vastuśaktayaḥ . ākṛṣṭaśaktiśca mahī tayā yat khasthaṃ guru svābhimukhaṃ svaśaktyā . ākṛṣyate tatpatatīva bhāti same samantāt kva? patatviyaṃ khe iti . āryabhaṭṭamate tu asyāścalatve'pi acalāḥ parvatāḥ santyatra astyarthe'ci . acalavattvāt svakakṣāto vahirgamanābhāvādvā acalatvam . tena ca tasyāścalatvaṃ dṛṣṭāntavidhayoktaṃ tacca vistarato bhūgolaśabde vakṣyate . calanaśūnye tri° tasmāttvamacalobhaveti kalasasthāpanamantraḥ . tasmānmama gṛhe nityaṃ lakṣmi! tvamacalā bhaveti purā° . samādhāvacalā buddhiriti, gītā, acalā bhaktirīśvare iti purā° . na calati svabhāvāt . śive pu° tasya sthāṇutvāt tathātvam . brahmaṇi na° . niṣkalaṃ niṣkriyaṃ śāntamiti śrutyā asya sarvakriyāśūnyatvokteracalatvam . ātmani pu° nityaḥ sarvagataḥ sthāṇuracalo'yaṃ sanātana iti gītā .

acalakanyā strī acalasya himācalasya kanyā . pārvatyāṃ, sā hi himācalena menāyāmutpāditā . tatkathā ca prasūtirabhavattasya menāyāḥ kanyakā suteti śivapurāṇe prapañcena darśitā . tanmūlaṃ kumāre coktam athāvamānena pituḥ prayuktā dakṣasya kanyā bhavapūrbapatnī . satī satī yogavisṛṣṭadehā tāṃ janmane śailabadhūṃ prapede . sā bhūdharāṇāmadhipena tasyāṃ samādhimatyāmudapādi bhavyeti iti acalasutādayopyatra .

acalakīlā strī acalāḥ kīlā iva yasyāḥ . pṛthivyām . acalasya sumeroḥ kīla iva, acalaḥ kīlaivāvaṣṭambhakatvādvā . kiṣkambhaparvateṣu mandarādiṣu pu° . te ca sumerumupavarṇya, viṣkambhaśailāḥ khalu mandaro'sya sugandhaśailo vipulaḥ supārśva iti si° śi° go° darśitāsteṣāṃ svarūpādi tattacchabde vakṣyate .

acalajā strī acalāt himālayāt jāyate jana--ḍa 5 ta° . pārvatyāṃ, tatkathā pūrbaśabde uktā . parvatajātamātre tri° acalajātādayo'pyatra .

acalatviṣ pu° acalā bahuprakṣālanenāpi mālinyānapagamāt sthirā tviṭ kāntiryasya . kokile . sthirakāntimati tri° . karmadhā° . sthirāyāṃ kāntau strī .

acaladviṣ pu° acalebhyaḥ dveṣṭi dviṣa--kvip 4 ta° . indre tasyācalapakṣacchedakatvāttathātvaṃ tatkathā gotrabhicchabde vakṣyate . acalaripvādayo'pyatra pu° . parvatajāte tri° .

acalapati pu° 6 ta° . himācale . yathā tasya tatpatitvaṃ tathācalarājaśabde vakṣyate .

acalabhrātṛ pu° bauddhabhede .

acalarāja pu° acalānāṃ rājā ac samā° . himācale śailānāṃ himavantaṃ ca nadīnāñcaiva sāgaram . gandharvāṇāmadhipatiṃ cakre citrarathaṃ vidhiriti brahmapurāṇe tasyācalarājatvamuktam acalādhipādayopyatra .

acāpala na° capalasya bhāvaḥ aṇ na° ta° . cāñcalyaviroghisthiratāyām . ba° . cāñcalyaśūnye sthire tri° .

acāpalya na° capalasya bhāvaḥ ṣyañ na° ta° . cāñcalya virodhisthiratāyām va° . ba° . cāñcalyaśūnye tri° .

acikkaṇa tri° na cikkaṇaḥ . cikkaṇatāvirodhirūkṣatvavati .

acitta tri° nāsti cittaṃ yasya . cittaśūnye cetanā rahite acittahastidhenoṣṭhagiti acittādadeśakālā ṭṭhagiti ca pā° . sthāvarādīnāntu na cittaśūnyatvaṃ kintu viśiṣṭacetanārāhityameveti acetanaśabde vakṣyate .

acintanīya tri° cintayituṃ anumāpakahetvabhāvena tarkayitumaśakyaḥ citi--śakyārthe karmaṇi anīyar na° ta° . anumāpakahetvabhāvena tarkayitumaśakye . acintanīya stu tava prabhāva iti raghu° . tadarthe yat . acintyo'pyuktārthe tri° acintyāvyaktarūpāya nirguṇāya guṇātmane samastajagadādhāramūrtaye brahmaṇe namaḥ iti sūrya° .

acintita tri° na cintitaḥ . pūrbarūpādikāraṇānusāndhānādikamantareṇa atarkite vidherniyogādetanme acintitamupasthitamiti purā° .

acira na° na ciram . alpakāle, alpakālasthāyini vastumātre tri° . acireṇaiva kālena vaṃśanāśo bhaveddhruvamiti purā° . acirāṃśuḥ aciraprabhā aciradyutiḥ .

aciratviṣ strī acirā alpakālasthāyinī tviṭ kāntirasyāḥ . vidyuti . alpakālakāntiyukte tri° .

aciradyutiḥ strī acirā alpakālasthāyinī dyutiryasyāḥ . vidyuti . alpakālasthāyidyutimati tri° . karma° . alpakālasyāyinyāṃ kāntau strī .

[Page 84a]
aciraprabhā strī acirā acirasthāyinī prabhā yasyāḥ . vidyuti . cyutā divaḥ sthāsnurivāciraprabheti bhaṭṭiḥ . alpakālasthāyiprabhāvati tri° . karma° . acirāyāṃ dīptau strī .

acirabhās strī acirā alpakālasthāyinī bhāḥ yasyāḥ . vidyuti . alpakālasthāyidīptimati tri° .

acirarocis strī aciraṃ rociryasyāḥ . vidyuti . acirakāntimati tri° . karma° . acirakāntau na° .

acirasya avya° cirasyetyavyayena na° ta° . svalpakāle .

acirāṃśu strī acirā aṃśavo'syāḥ . vidyuti . acirāṃśusamaprabheti purā° . alpakālasthāyikiraṇavati tri° . karma° . acirakiraṇe pu° .

acirāt avya° aciram atatīti kvip . śīghre, avilambe ca .

acirābhā strī acirā ābhā yasyāḥ . vidyuti .

acirāya avya° na cirāya . svalpakāle śīghre ca .

acireṇa avya° cireṇetyavyayasya na° ta° . alpakāle śīghre ca .

aciṣṇu(ṣṭu) tri° aca--gatau bā° iṣṇu(ṣṭu)c . gamanaśīle . tvaṣṭā dadhacchuyamindrāya vṛṣṇe'pāko'ciṣṇu(ṣṭu)riti yaju° aci(ṣṭu)ṣṇuḥ sarvagata iti vedadīpaḥ .

acetana tri° cetanā jñānam na° ba° . cetanāśūnye . citalyu na° ta° . jñānaviśiṣṭabhinne . jñānañca dvividhaṃ viṣayākāramanovṛttirūpaṃ tatphalitacaitanyarūpañca tatra vṛttirūpaṃ jñānaṃ cittasyaiva dharmaḥ kāmaḥ saṃkalpo vicikitsā śraddhā'śraddhā dhṛtiradhṛtirhrīrdhīrbhīrityetat sarvaṃ mana eveti śrutau tasya cittadharmatvāvagamāt . dvitīyaṃ tadujjvalitacaitanyamātmadharmaḥ . prakāśarūpacaitanyasya sarvadā sthitāvapi vṛttisahakāreṇaiva tadgatājñānanivāraṇe caitanyaṃ samujjvalati nānyathā ataeva buddhivṛtticidābhāsau dvāvetau vyāpnuto ghaṭam . tatrājñānaṃ dhiyā naśyedābhāsāttu ghaṭaḥ sphuret ityuktamiti vedāntinaḥ . sāṃkhyāstu viṣayoparaktā vṛttiścitau prativimbati tenaiva viṣayāvabhāsaḥ tasmiṃściddarpaṇe sphāre samastā vastudṛṣṭayaḥ . imāstāḥ prativimbanti sarasīva taṭadrumā iti manyante . naiyāyikāstu sāṃkhyavedāntimatasiddhaṃ yat vṛttirūpaṃ jñānaṃ tatsthānīyamātmanaścaitanyamurarīcakruḥ . tādṛśavṛttau tatsthānīyajñāne ca ātmamanaḥsaṃyogādayaḥ kāraṇāni . ābhyantarasukhādiviṣayagrahaṇe manaḥkaraṇam, indriyāṇi tu svasvagrāhyavipayagrahaṇe karaṇāni, indriyārthasannikarṣotpanna jñāna pratyakṣamiti gautamasūtre prativiṣayādhyavasāya iti sāṃkhyasūtre ca tathaiva svasvaviṣayeṣvindriyāṇāṃ grāhakatā uktā . tacca tattacchabdāvasare darśayiṣyate . evañca ābhyantare sukhādau mana iva, vāhyeṣu śabdādiṣu śrotrādīni asādhāraṇakāraṇāni . manastu vāhyeṣu sarvatra sādhāraṇakāraṇamiti bhedaḥ . evañca jñānakāraṇendriyaśūnye evācetanaśabdasya pravṛttiḥ . ataevoktaṃ sendriyaṃ cetanaṃ dravyaṃ nirindriyamacetanamiti . evañca vṛkṣādīnāmapi antaḥkaraṇādimattvamastyeva . anyathā sukhaduḥkhānubhavo na syāt . teṣāṃ hi khakarmānusāriduḥkhabhogārthameva pāpenaiva sthāvaratvaprāptiḥ . ataeva mahāpātakajān ghorān narakān prāpya dāruṇān . karmakṣayāt prajāyante mahāpātakinastviha ityupakramya tṛṇagulmalatātvañca kramaśo gurutalpagaḥ iti yājñavalkyena cetanasyaiva pāpāvaśeṣabhogārthaṃ tṛṇādirūpeṇa janmoktam śarīrajaiḥ karmadoṣairyātisthāvaratāṃ nara iti ca sāmānyataḥ śārīrikapāpāt vṛkṣādirūpasthāvarajanma tenaivoktamatasteṣāṃ duḥkhabhogarthameva vṛkṣādirūpatvaprāptau indriyābhāve kathaṅkāraṃ te duḥkhamanubhaveyurityavaśyaṃ teṣu indriyādimattvamastyeva . ataeva padmaṃ saro'ntara gacchati, śākhā cchinnāpi cetanasaṃyogāt punaḥ prarohatītyupalabhyate . ataeva ca śrutau atha jīvo yāṃ jahāti sā śuṣyatī tyuktam . tena teṣāṃ jīvasaṃbandho'styeva kintu viśiṣṭacetanāśūnyatvādeva teṣu acetanatvavyavahāra iti bhedaḥ . padārthādarśe dehaścaturvidho jñeyo jantorutpattibhedataḥ . udbhijja ūṣmajo'ṇḍotthaścaturthastu jarāyuja iti sthāvarāṇāṃ dehasambandha uktaḥ . cetanādhiṣṭhite bhogāyatananirmāṇamanyathā pūtibhāvaprasaṅga iti sāṃṅkhye ca cetanasambandhe eva bhogāyatanarūpadehotpattiruktā . teṣāñca bhogāyatanadehavattve'pi sarvendriyasthānagolakāderabhāvāt na darśanādi kintu tvācapratyakṣa ghrāṇajapratyakṣa ca bhavatyeva ataeva agnyādikharatarakiraṇasparśe teṣāṃ śuṣkatā, oṣadhiviśeṣajadhūmādisamparke ca tadghrāṇāt puṣpaphalotpattiḥ . ata eva teṣāṃ dvīndriyatvena vyavahāraḥ yathoktam pañcendriyā manuṣyādyāḥ sarpādyāścaturindriyāḥ . trīndriyāḥ kṛmikīṭādyā dvīndriyā vṛkṣajātaya iti . manaso vidyamānatve'pi hṛdayarūpaviśiṣṭasthānābhāvāt na spaṣṭamavabodhaḥ . suśrute hi hṛdayasthānamupavarṇya taddhṛdayaṃ viśiṣṭacetanāśrayamityuktam tena teṣāṃ viśiṣṭacetanāśrayahṛdayasthānaśūnyatvāt viśiṣṭacetanāvattvaṃ nāsti sukhaduḥkhānubhavamātraṃ tu teṣāṃ jāyate eveti viśeṣaḥ tenaiva svasvakarmaphalānurūpaduḥkhānubhavāt svasvakarmaphalabhāktvam iti susthitam . cetanāśūnye padārthamātre tri° . acetanaṃ cetanāvadiva liṅgamiti sā° kā° . tattadviśeṣajñānaśūnye ca . tantu duḥkhābhisantaptaṃ vilapantamacetanamiti purā° . atra duḥkhānutaptatvena tadanubhavasyokteḥ tathābhūte'pi cetane acetanatvoktiḥ vivekajñānaśūnyatvaparatvenaiva, evamanyatrāpi . ahaṅkāralaye suptau bhaveddeho'pyacetana ityuktistu dehasya caitanyaprakāśāvacchedakatayā, jāgare svapne ca caitanyamupacarya suṣuptau avacchedyāhaṅkārarūpamanaso layāt kathamavacchedakatvaṃ? syādityatī'cetanatvamityevaṃparā . anyathā śarīrasya na caitanyaṃ mṛteṣu vyabhicārataḥ ityukteḥ dehe sadā caitanyābhāvasya siddhatvāt suṣuptau tathātvakathananarthakaṃ syāt . suṣuptāvapi indriyāṇāṃ manasaśca viśiṣṭavyāpārarāhityena layatvopacāraḥ kintu ātmani tadāpi caitanyamastyeva . ānandabhuk cetomukhaḥ prājña iti śruteḥ sukhamahamasvāpsaṃ na kiñcidavediṣamiti suptotthitasya parāmarśācca ānandānubhavasya tatrāpi sattvāt sutarāṃ dehasya tadanubhavajñānāvacchedakatvamastyeveti viśeṣaḥ . vistarastu suṣuptiśabde vakṣyate .

acetas tri° na cetati cita--asun na° ta° . cetanāśūnye acetane ghaṭādau, tattadviṣayajñānarahite ca . gatasaṃjñamacetasamiti purā° . nāsti ceto'sya . cittarahite tri° .

acetāna tri° cita--śānac vede na muk na° ta° . caitanyarahite acetānasya mā patho vi drukṣaḥ iti vedaḥ .

aceṣṭa tri° nāsti ceṣṭā yasya . ceṣṭārahite . ceṣṭā ca ātmajanyā bhavedicchā--icchā janyā bhavet kṛtiḥ . kṛtijanyā bhavecceṣṭā ceṣṭājanyā bhavetkriyā ityukteḥ yatnasādhyā kriyājanakavyāpārarūpā . cetanādhiṣṭhitadeheṣveva karmaviśeṣaḥ na tadanadhiṣṭhite tathā ca yasmin dehe ātmano yatno bhavati taddehāvacchedenaiva ceṣṭā jāyate nānyasmin sā ca udyamarūpaiva . manovāyubhinnadravyasya na svataḥkriyā sambhavati kintu gurudravyādyāghātanodanādinaiva kriyā bhavati nā yathā . tathā ca hastādicālanadarśanāt tatkāraṇībhūtanodanādikamanumīyate tacca nīdanam ātmakartṛkameva anyasyānupalabdheḥ . adhikaṃ ceṣṭāśabde vakṣyate .

aceṣṭatā strī aceṣṭasya bhāvaḥ . ceṣṭārāhitye .

[Page 85b]
acaitanya tri° nāsti caitanyaṃ cetanā yasya . caitanyaśūnye . acaitanyamidaṃ viśvaṃ daivaṃ caitanyameva yaditi . na° ta° . caitanyabhinne na° .

accha avya° na cchyati dṛṣṭiṃ sammukhatvāt cho--ka na° ta° . ābhimukhye . acchā nṛcakṣā asarat pavitre iti vedaḥ . accha gatyarthavadeṣviti sūtre acchagatya acchodya ityudāhṛtya abhimukhaṃ gatvā abhimukhamuktveti vyākṛtam si° kau° .

accha tri° na chyati dṛṣṭim, cho--ka na° ta° . svacche nirmale . nirmale hi vastuni dṛṣṭiḥ prasarati na tu samale ābhyantaraparyantaṃ dhāvatīti nirmalasyaiva tadapratibandhakatvāttathātvam . svacchandocchaladacchakacchakuhareti kāvyapra° . sphaṭike pu° . na chāti bhakṣayati nāśitasattvaṃ chā--bhakṣaṇe ka na° ta° . bhallūke pu° . acchabhallukaityekaṃ nāmetyanye .

acchandas tri° nāsti adhyeyatvena chandovedo'sya tuk . vedādhyayanaśūnye anupanīte bālake, sarvathā tacchūnye śūdrādau ca . nāsti chando vṛttānusārī, parimitamātrākṣarādisanniveśaviśeṣo yatra 7 va° tuk . chandaḥśūnye gadyātmake, cūrṇake vā śabdasamūhe . nāsti chandobhiprāyo yasya ba° tuk . abhiprāyaśūnye . vā kapi . acchandasko'pyuktārtheṣu .

acchāvāka pu° acchaṃ nirmalam accha ābhimukhyena vā vakti śaṃsati vaca--kartari saṃjñāyāṃ ghañ (nipātasya ceti) dīrghaḥ . śaṃsanakartari hotṛsahakāriṇi somayāgasambandhini ṛtvigbhede . sa ca āśvalāyanena darśitaḥ . prāgapi somenaike, ityupakramya, tasyartvijaḥ, catvārastripuruṣāḥ, tasya tasyottare trayaḥ, hotā, maitrāvaruṇo'cchāvākogrāvastut, adhvaryuḥ, pratiprasthitā neṣṭonnetā, brahmā, brāhmaṇācchaṃsyāgnīdhraḥ potā, udgānā, prastotā pratihartā subrahmaṇya iti, ete'hīnaikāhairyājayanti, eta evāhitāgnaya iṣṭaprathamayajñā gṛhapatisaptadaśā dīkṣitvā samāpyāgnīṃstanmukhāḥ satrāṇyāsate iti . asyāyamarthaḥ, darśapūrṇamāsābhyāmiṣṭvā paścādvā tadyajamānaḥ purastādvā somena yajeta tasya somayāgasya hotādhvaryurbrahmodgāteti catvāraḥ ṛtvijo mukhyāḥ te ca pratyekaṃ tribhiḥ tribhiḥ puruṣairupetā atastasya tasya ekaikasyottare trayaḥ puruṣā bhavanti, ta ete hotrādināmakāḥ ṣoḍaśartvijo dvirātrādibhirahīnasaṃjñakairagniṣṭomādibhirekāhasaṃjñakairyājayanti . etaeva hotrādayaḥ ṣoḍaśartvijaḥ svayamapyāhitāgnayaḥ prathamayajñenāgnomeneṣṭvā gṛhapatisaṃjñakena saptadaśasaṃkhyāpūrakeṇa sahitā dvādaśāhādisatrārthaṃ dīkṣitvā svasvasambandhino'gnīnekatra sthāpayitvā tatpradhānāḥ satrāṇyupatiṣṭheyuḥ iti māṣyam . yadacchāvākamanusantiṣṭhate iti tā° brā° . acchāvākaśabdo'styatra cha . acchāvākīyam taccabdayukte sūktabhede, tacca sūktam acchāvāka! vadasvetyukto'cchā vo agnimavasa iti tṛcamanvāhetyādinā darśitam . acchāvākasyeyam yat . acchāvākyā . acchāvākartvik--pāṭhyāyāmṛci . eṣā hotrā yadacchāvākyā iti tā° brā° . acchāvākyā acchāvākasambandhinī hotrāśaṃsanarūpā kriyeti tadbhāṣyam .

acchāvākasāman na° acchāvākena geyaṃ sāma . ya eka idvidayata iti tṛce geye sāmabhede etasyaiva nāmāntaramudvaṃśīya miti traikakubhaṃ codvaṃśīyañcāntataḥ pratiṣṭhāpye iti tāṇḍya° brā° . traikakubhaṃ brahmasāma bhavati, udvaṃśīyamacchāvākasāmeti, ya eka idvidayate iti tṛce geyaṃ sāma udvaṃśīyamete sāmanī iti tadbhāṣyam .

acchāvākīya na° acchāvākasya ṛtvigbhedasya karma bhāvo vā hotrābhya iti cha . śaṃsanarūpe acchāvākakarmaṇi, tadbhāve ca .

acchidra tri° na chidraṃ tattatkāryeṣu pramādādinā skhalanaṃ, randhraṃ vā yatra . pramādādinā skhalanarahite . acchidreṇa vicetavyā deśāḥ sagirikandarā iti rā° . yajñacchidraṃ tapaśchidraṃ yacchidraṃ pūjane mama acchidramastu tatsarvamiti acchidraṃ tu bhavatvetat sarveṣāñca śivāya naḥ iti ca purā° . tattathā kriyatāṃ rājan yathā'cchidraḥ kraturbhavediti bhāra° . randhrarahite ca .

acchinna tri° chida--bhāve kta na° ba° . khaṇḍanarahite, chedana rahite, santate ca vasudhārāṃ prakurvīta acchinna ghṛtadhārayeti purā° . karmaṇi kta na° ta° . chinnabhinne tri° .

acchinnapatra pu° acchinnaṃ santataṃ patramasya . śākhoṭakavṛkṣe santatapatrayuktavṛkṣamātre ca . acchinnaparṇādayo'pyatra .

acchedika tri° chedanaṃ nārhati ṭhan . chedanānarhe .

acchedya tri° na chettumarhati chida--arhārthe karmaṇi yat . chedanānarhe . ātmani pu° acchedyo'yanadāhyo'yamakledyo'śoṣya eva ceti gītā . ātmanaśca avayavābhāvāt avayavadvaidhīkaraṇarūpacchedanānarhatvāt tathātvam .

acchoda na° acchaṃ nirmalamudakaṃ yasya udādeśaḥ . himālaya pradeśasthe kādambarī prasiddhe sarovarabhede . āhlādanaṃ dṛṣṭeḥ, acchodaṃ nāma saro dṛṣṭavāniti kāda° . nadībhede strī . agniṣvāttādīn prakramya, eteṣāṃ mānasī kanyā acchodā nāma nimnagā iti purā° .

acyuta pu° kharūpasāmarthyānna cyuto na cyavate na cyaviṣyate vā cyu--kālasāmānye kartari kta na° ta° . parameśvare śāsvataṃ śivamacyutamiti śrutiḥ . yasmānna cyutapūrbī'hamacyutastena karmaṇeti bhagadvākyam . tena cyutyabhāva rūpapravṛttimittene tyānandagiriḥ . tadavatārabhede vāsudeve iyamacyutalīlāḍhyā sadvṛttā jātiśālinīti chandomañjarī acyutasya līlā acyutā abhraṣṭā līlā ca . ṣaḍbhāvavikārarahite ca acyutaḥ prathitaḥ prāṇa iti sahasra nāmabhāṣye tathaiva vyākhyātam . nārāyaṇe ca garuḍamūrtirivācyutasthitiramaṇīyeti kāda° . acyutasya viṣṇoḥ sthitiḥ acyutā acañcalā ca sthitiriti tadarthaḥ . calanarahite abhraṣṭe sthire tri° . akṣitamasi acyutamasīti vedaḥ . dvādaśasargayukte kāvyabhede pu° hemacandraḥ . na cyotati kṣarati cyuta--ka na° ta° . kṣaraṇaśūnye tri° .

acyutāgraja pu° acyutasya vāsudevasya upendrasya vā agrajaḥ 6 ta° . baladeve . vasudevājjanmakāle baladevasya tato'grajananāt tathātvam . indre . kaśyapājjanmakāle ca adityāmagrotpannatvāt tasya tathātvamiti bhedaḥ . tayośca tadagrajatvaṃ saṅkarṣaṇaśabde indrāvarajaśabde ca valyate .

acyutāṅgaja pu° acyutasya vāsudevasya aṅgajaḥ . kṛṣṇaputtre prādhānyāt kāmadeve .

acyutātmaja pu° 6 ta° kāmadeve . sa hi rukmiṇyāṃ kṛṣṇāt jāta iti bhā° 10 skandhe .

acyutāvāsa pu° acyutena oṣyate'tra ā--vasa--ādhāre ghañ 6 ta° . aśvatthavṛkṣe . aśvatthaḥ sarvavṛkṣāṇāmi tyuktestasya tatropasyatvāttadāvāsatvam .

acyuti strī cyu--ktin na° ta° . kṣaraṇābhāve . bahu° . cyutiśūnye tri° .

aja ṣatau kṣepaṇe ca bhvādi° para° saka° seṭ . ajati . avaiṣīt--ājīt . tṛc ajitā--vetā . ghañ . ājaḥ . ajanti vahniṃ sadanānyaccha iti vedaḥ .

aja dīptau idit curādi° ubhaya° seṭ aka° . añjayati te . āñjijat ta .

aja pu° na jāyate jana ḍa na° ta° . īśvare, na jāto na janiṣyate iti śruteḥ na hi jātī na jāye'ha na janiṣye kadācana . kṣetrajñaḥ savabhūtānāṃ tasmādahasajaḥsmṛtaḥ iti bhāra° . jīve ca ajonityaḥ śāśvato'yaṃ purāṇo na hanyate hanyamāne śarīre iti gītā . jahātyenāṃ bhuktabhogāmajo'nya iti śrutiḥ . sa hi svīpādhibhūta buddhiniṣṭhakarmabhirārabdhadehamadhiṣṭhāya buddhiniṣṭhakartṛtvādikamātmanyabhimanyamānaḥ jīva iti vyavahriyate na jāyate mriyate vā kathañcit nāyaṃ bhūtvā bhavitā vā na bhūya iti gītāyāṃ tasya janmādiśūnyatvamuktaṃ tacca jāyate asti vardhate vipariṇamate apakṣīyate naśyatīti yāskoktaṣaḍbhāvavikārāṇāmupalakṣaṇamādyantayoḥ janmanāśarūpavikārayo rabhāvakathanena tadantaḥpātināmapi sandaṃśapatitanyāyena grahaṇāvaśyambhāvāt . sa ca brahmābhinna eveti vedāntimatam buddhirūpopādhīnāṃ nānātvāt na sarvavyavahārasāṅkaryam . bahava iti sāṅkhyādayaḥ janmādivyavasthātaḥ puruṣabahutvamiti puruṣasyopādhibhūtabuddhibhede'pi upādhirbhidyate na tu tadvāniti sūtreṇa upādhibhede'pi upahitasyaikatvena na bhedaḥ, viśiṣṭasyānatiriktatayā na janmādivyavastheti puruṣabahutvamaṅgīcakruḥ kartṛtvādikaṃ buddhigatamapi svopāhitacaitanye eva prativimbati tena tadaviviktacaitanye tadavabhāsāt puruṣasya bhogaḥ, cidavasānobhoga iti sūtre tathaiva pratipādanāt evañca yāvatyaḥ buddhivyaktayastāvanta eva puruṣāḥ svasvopādhikṛtaṃ karmādikaṃ svakartṛkatayā abhimanyamānāstatprayuktaṃ sukhaduḥkhādikamātmīyatvena abhimanyamānāḥ bhoktāraiti vyavahriyante ataevoktam buddherbhoga ivātmanīti . kāmaḥ saṃkalpo cikitsā śraddhā'śraddhā dhṛtiradhṛtirhrīrdhīrbhīrityetat sarvaṃ mana eveti śruteḥ jñānādivṛttīnāṃ manojanyatvāt manodharmatvam sāṃkhyavedāntinostulyam jīvasya vibhutvāṅgīkāre'pi svopādhibuddhyadhiṣṭhānadeha eva viśeṣasaṃyogāt tatraiva ātmatvābhimānaḥ nānyadeheṣu, teṣāṃ svabhogārthaṃ svopādhibuddhikṛtakarmārabdhatvābhāvāt . evaṃ sukhaduḥkhānusandhānamapi svopādhikṛtakarmaviśeṣādeveti tattadbhedavyavastheti . jñānakāraṇamanasāñca puruṣabhedena bhinnatvāt na parānusandhānenāparasyānusandhānaprasaṅga iti sāṃkhyabhedāntayostulyam . viśiṣṭasyātiriktatvānatirikta eva tayorvisaṃvādaḥ . naiyāyikavaiśeṣikādayastu jñānādayo jīvadharmāḥ jīvāśca vahavaḥ nityā vibhavaśca kartṛtvaṃ bhoktṛtvañca jīvānāmeva dharmaḥ, teṣāṃ vibhutve'pi svādṛṣṭārabdhadeheṣveva saṃyogaviśeṣaḥ saeva janma, tadviyogaśca saraṇamityeva viśeṣaḥ na tu svato janmanāśāviti svīcakruḥ . tena tanmate'pi na ajatvavyāghātaḥ . evaṃ sarvadarśanāṅgīkṛtasaraṇāvajatvam . mādhvāstu jīvasyāṇutvamīśvarādutthitatvañca etasyaiva visphuliṅgāvyuccarantīti śrutestatraiva tātparyāt bālā graśatadhārasya śatadhā kalpitasya ca . bhāgo jīvaḥ sa vijñeya ityukteśca jīvasyāṇutvam aṇutve'pi teṣāṃ sarvadehagatasukhādyanusandhānaṃ guṇadvāraiva, yathā gṛhaikadeśasthitaṃ kastūrīprabhṛtisugandhi dravyaṃ saurabheṇa sarvaṃ gṛhamāmodayati evaṃ hṛdayasthaṃ visphuliṅgarūpaṃ caitanyaṃ sarvadehagataṃ prakāśaṃ kurvat śabdādīn viṣayāṃścāvabhāsayat sarvavyāpītyucyate na tu svarūpataḥ aṇoraṇīyān mahato mahīyāniti śruteḥ svarūpaguṇābhyāṃ aṇutvamahattvayoḥ sambhavaparatāyāmeva tātparyāt . ajatvavyapadeśastu bhūtārabdhatvābhāvakṛtaṃ gauṇamato'tra ajaśabdo bhākta eva ityurarīcakruḥ . cārvākamate tu ātmano nājatvaṃ dehākārapariṇatabhūtacatuṣṭayasyaiva teṣāṃ mate jīvatvāt tadvivaraṇaṃ cetanaśabde vakṣyate . saugatādimate tu jīvānāṃ saṃvidanatiriktatayā sarvasaṃvidanusyūtatvāt janmāntarabhāvinaḥ apavargarūpaphalādeḥ svīkārācca nityatva, nityatvācca ajatvamiti bhedaḥ . satvaṃ rajastama iti prakṛte rguṇāstairyuktaḥ paraḥ puruṣa eka ihāsya dhatte . sthityādaye hariviriñcihareti saṃjñā mityukteśca īśvarasyaiva khopādhimāyāgatasatvarajaādyupādhibhiḥ janmasthitināśanarūpakāryakaraṇārthamāyāvirbhāvāt ajasvarūpānanatirekāt teṣāmajatvaṃ tena brahmaṇi, viṣṇau, hare ca pu° . na jāyate ityajā . sāṃkhyamatasiddhapradhānāparaparyāye sāmyāvasthāpannasatvarajastamorūpaguṇatrayātmake strī . ajāmekāṃ lohitaśuklakṛṣṇavarṇāḥ sarūpāḥ bahvīḥ prajāḥ sṛjamānāmiti śrutiḥ . satvādiguṇānusāreṇa śvetādirūpayuktabahukāryasraṣṭṛtvācca tasyāḥ nānāvarṇatvamiti sāṃkhyāḥ . vedāntinastu etāṃ śrutiṃ tejo'bannarūpaparatayā vyācakruḥ . tathā hi hantāhamimāstisro devatā anena jīvenātmanānupraviśya nāmarūpe vyākaravāṇīti tejo'bannābhimāninīstisro devatā anupraviśyetyukteḥ prakrāntatejo'bannānāmeva bhautikasṛṣṭyupādānatvāvagamāt tāsāmeva prakṛtitvena ajatvam, tāsāñca lohitādirūpāṇi tatprakaraṇaśeṣe uktāni yallohitaṃ rūpaṃ tattejaso rūpaṃ, yacchuklaṃ tadapāṃ, tat kṛṣṇaṃ tadannasyeti . evañcoktaśrutyuktalohitādirūpāṇāmeveha śrutau praptvabhijñānāt ajāśabdena tejo'bannarūpaprakṛtergrahaṇamiti tena ajāmityādiśrutau ajāśabdena tādṛśaprakṛtireva bodhyate . tathā ca tādṛśyāṃ tejobannābhimānidevatāyāṃ strī . ajāśaṃbdīktā nānāguṇāḥ santyasya ac . chāge tasya nānāvarṇatvāttathātvam . chāgyāṃ strī jātitve'pi ajāditvāt ṭāp . ajāgalastanacchāyeti jyotiṣam . dvādaśadhā vibhaktasya rāśicakrasya meṣarūpe prathame rāśau jīvārkibhānujejyanāṃ kṣetrāṇi syurajādayaiti jyotiṣam tasya meṣarūpatve'pi meṣasya ajatulyājādhiṣṭhitarūpābhyāṃ tattvam . meṣe ca ajena brahmaṇā dakṣayajñabhaṅgasamaye meṣarūpadhāraṇena palāyamānatvāt ajādhiṣṭhitarūpavattvāt meṣasya upacārāt ajatvam . mākṣikadhātau pu° . jananaśūnye gaganādau tri° . āt viṣṇorjāyate iti . candre kāme, ca pu° . candramā manaso jāta iti śrutau viṣṇormanījanyatvāccandrasya ajatvam .. kāmasya vāsudevāt rukmiṇyāṃ jātatvaṃ bhāgavate prasiddham daśarathapitari raghurājaputtre rāmacandrasya pitāmahe sūryavaṃśye nṛpabhede ca . tasyājatvañca ajarūpabrahmaṇo mūhūrtajātatvāt yathoktaṃ raghau brāhmye mūhūrte kila tasya devī kumārakalpaṃ suṣuve kumāram . ataḥ pitā brahmaṇa eva nāmnā tamātmajanmānamajaṃ cakāreti taccaritañca tatraiva pañcamādyaṣṭamasargānte draṣṭavyam . chāgatulyākāravattvāt auṣadhiviśeṣe strī . tallakṣaṇaṃ ajāstanābhakandā tu sakṣīrā kṣuparūpiṇī . ajā mahauṣadhī jñeyā śaṅkhakundendupāṇḍareti vaidyakam . ṛṣibhede pu° . gargā° yañ . ājyaḥ tadapatye . bahuṣu luk . ajāḥ . naḍā° phak . ājāyanaḥ tadgotrāpatye . upamānatayā pūrvanirdeśe tadantapādasya nāntyalopaḥ . ajapādaḥ striyāntu kumbhapa° ṅīp antyalopaḥ padādeśaśca . ajapadīti bhedaḥ . ekādaśarudramadhye prathame rudre pu° . tadvivaraṇam ajaikapādaśabde daśyam .

ajakaṇa pu° ajasya karṇa iva parṇaṃ yasya! chāgatulya lambāyamānapatrayukte (sāla) iti khyāte vṛkṣe maricavṛkṣe ca . 6 ta° chāgakarṇe .

ajakarṇaka pu° ajakarṇa iva kāyati patradvārā prakāśate kai--ka . (sāla) iti khyāte vṛkṣe .

ajakava astrī° ajī viṣṇuḥ ko brahmā tau vāti tripurāsurabadhadvārānena vā + karaṇe ka 6 ta° . śivadhanuṣi . śivo hi anenaiva dhanuṣā tripurāsurasya badhena viṣṇuṃ brahmāṇaṃ ca prīṇitavān iti tasya dhanuṣo'jakavatvam ajakau avatīti . ajakāvamapyatra . dhanuṣyajagavaṃ yugyamajakāvamajīkavamiti śabdārṇavaḥ . ajakaṃ chāgaṃ vāti prīṇāti vā--ka . (vāvui iti) khyāte varvarīvṛkṣe pu° . tadbhakṣaṇe tasya prītyādhikyāttathātvam .

ajakā strī ajasya vikāraḥ avayavaḥ galastanaḥ purīṣaṃ vā kan . ajāgalasthe stanākāre māṃsakhaṇḍe, tatpurīṣe ca .

ajakājāta pu° 5 ta° . ajakeva jātaḥ . ajāpurīṣapratimo rujāvān salohito lohitapicchilāsraḥ . vidārya kṛṣṇaṃ pracayo'bhyupaiti taṃ cājakājātamiti vyavasyediti vaidyakokte rogabhede .

ajakāva na° ajakā ajāgalastanaiva vāti prakāśate vā--ka . ajāgalastanākārakāṣṭhāvayavayukte maitrāvaruṇe yajñīyapātrabhede, ajakāvaṃ durdṛśīkaṃ tirodadhe iti vedaḥ . ajaiva ajakā tatpurīṣaṃ vā tadvat vāti prakāśate vā--ka . ajakājātākhye rogabhede pu° . śivadhanuṣi na° .

ajakṣīra na° ajāyāḥ kṣīraṃ 6 ta° puṃvadbhāvaḥ . chāgīstanyadugdhe ajakṣīreṇa pācayediti vaidyakam .

ajaga na° ajaṃ viṣṇuṃ gacchati śaratvena gama--ta . śivadhanuṣi . ajena brahmaṇā gamyate gīyate vā karmaṇi gama--ḍa--gai--ka vā . viṣṇau pu° . ajena gacchati, ajaṃ chāgaṃ yajñāṅgatvena vā gacchati gama--ḍa . vahnau pu° . prajñā° svārthe aṇ ājagamapi śivadhanuṣi sthāṇordhanuṣyājagamityamaramālā .

ajagandhā strī ajasya gandha iva gandho'syāḥ . (vanajoyāna) iti khyātāyāṃ vanayāmānyām ajamodāyām .

ajagandhikā strī ajasya gandha iva gandho yasyāḥ ba° kap, kāpi ata ittvam, ajasya gandha iva gandhaḥ astyasya ṭhan vā . (vāvui iti) prasiddhe varvarīśāke .

ajagandhinī strī ajasya meṣasya gandhī leśaḥ ekadeśaḥ śṛṅgamiti yāvat so'syāḥ phalākāreṇāstīti ajagandha + ini ṅīp . (gāḍaraśiṅgā) iti prasiddhe ajaśṛṅgīvṛkṣe .

ajagara pu° ajaṃ chāgaṃ girati galati gṝ--ac . vṛhatsarpe . ajagaraṃ agastyaśāpāt vṛhatsarpabhāvāpannaṃ nahuṣamadhikṛtya kṛto granthaḥ aṇ . ājagarama ajagarakathāyām na° . tacca vanaparvaṇi ājagaropākhyānarūpam .

ajagava pu° ajago viṣṇuḥ śaratvena tripurāsurabadhakāle'syāsti ajaga + astyarthe va . śivadhanuṣi śivo'pyajagavaṃ cāpaṃ vidhunvan tarasā raṇe iti purā° .

ajagāva pu° ajagaṃ viṣṇumavati ava--aṇ upa° sa° . śivadhanupi .

ajaghanya tri° na jaghanyaḥ adhamaḥ na° ta° . adhamabhinne śreṣṭhe ca . tvaṣṭā ca dvādaśoviṣṇurajaghanyojaghanyaja iti bhāra° .

ajajīvika tri° ajaeva krayavikrayādibhyāṃ pālanādinā vā jīvikā jīvanopāyo'sya . chāgakrayavikrayādinā jīvikāvati .

ajaṭā strī nāsti jaṭā śiphā yasyāḥ . (bhuṃiāmalā) iti prasiddhe śiphārahite vṛkṣabhede . pṛ° . ajaḍāpyatra

ajaḍā strī ajaḍayati sparśamātrādaṅgamardanārthaṃ cālayati ajaḍa + ṇic--tataḥ ac . (ālkuśīti) prasiddhe vṛkṣejaḍabhinne jāḍyavirodhicāñcalyavati tri° .

ajathyā strī ajānāṃ samūhaḥ aja + thyan strītvāt ṭāp . ajasamūhe . tadvannānāvarṇatvāt svarṇayūthikāyāñca .

ajadaṇḍī strī ajasya brahmaṇodaṇḍo'syāḥ 5 ba° gaurā° ṅīṣ . brahmadaṇḍīvṛkṣe brahmaṇo yajñārthadaṇḍasya tadīyakāṣṭhena karaṇāttathātvam .

ajadevatā pu° 6 ta° . chāgādhideve vahnau raudrī dhenurvinirdiṣṭā chāga āgneya ucyate iti śu° viṣṇudha° .

ajanani strī na + jana--ākrośe ani . ākruśyamāne janmābhāve . tasyājananirevāstu jananīkleśakāriṇīti māghaḥ . vā ṅīp ajananītyapyatra . arthābhāve avyayī° . jananyāabhāve avya° .

ajanman pu° nāsti janma yatra . janmanivṛttau mokṣe tasmāt sayogādadhigasya yogamajanmane'kalpata janmanīru riti raghuḥ . 6 ta° . janmarahite tri° .

ajanya strī laukikahetubhirna janyate jana--ṇic--yat na° ta° . śubhāśubhasūcakedaivakṛte bhūkampādāvutpāte . janyabhinne tri° .

ajapa pu° aspaṣṭaṃ japati nindārthe nañ, japa--ac . kupāṭhake ajaṃ pāti rakṣati pā--ka 6 ta° . chāgapālake tri° .

ajapati pu° 6 ta° . chāgaśreṣṭhe, meṣarāśipatau maṅgale ca .

ajapatha pu° ajasya taccaraṇayogyaḥ panthāḥ ajena brahmaṇā nirmitaḥ panthā vā apsamā° . chāgacaraṇayogyapathe gaganasthe pathākāre setau ca (yamanālā) chāyāpathe .

ajapathya tri° ajapatha iva devapathā° ivārthe yat . saṅkīrṇapathe naganasetutulye ca .

ajapada pu° ajasyeva padaṃ caraṇo'sya . ajaikapānnāmake rudrabhede .

ajapā strī prayatnena na japyā aprayatnoccāritatvāt japakarmaṇi ac . śvāsapraśvāsayoḥ vahirgamanāgamanābhyām akṣaraniṣpādanarūpejape, sa ca haṃsaḥ, sohamityākārasyaiva, tadākāramantre ca . ucchvāsaireva niśvāsairhaṃsa ityakṣaradvayam tasmāt prāṇaśca haṃsākhya ātmākāreṇa saṃsthitaḥ . nābherucchvasya niśvāsāt hṛdayāgre vyavasthitaḥ . ṣaṣṭiśvāsai rbhavet prāṇaḥ ṣaṭ prāṇānāḍikā matā . ṣaṣṭirnāḍyastvahorātram japasaṃkhyākramomataḥ . ekaviṃśatisāhasraṃ ṣaṭśatādhikamīśvari! . japati pratyahaṃ prāṇī sāndrānandamayīṃ parām . vinā japena deveśi! japo bhavati mantriṇaḥ . ajapeyaṃ tataḥ proktā bhavapāśanikṛntanīti tantram .

ajapāda pu° ajasya pāda iva pādo'sya hastyā° na antyākāralopaḥ . rudrabhede taddevatākatvāt pūrbabhādrapadanakṣatre ca . pācchabdena tu samāse ajapādapi uktārthe pu° .

ajapāla tri° ajān chāgān pālayati pā + ṇic--aṇ 6 ta° . chāgapālake .

ajabandhu pu° ajasya bandhuriva mūrkhatvāt . ajatulyamandabuddhau . silācī nāma kānīnā ajabandhuḥ pitā taveti .

ajabhakṣa pu° ajairbhakṣyate'sau bhakṣa--karmaṇi ghañ 6 ta° . (vāvui iti) prasiddhe varvarīghṛkṣe tatpatraṃ hi ajairatiprītito bhakṣyate .

ajamāra pu° ajaṃ mārayati vikrayārthaṃ mṛ--ṇic--aṇ upa° . (kaṣāi) iti ajamāṃsavikrayopajīve, tatpradhānadeśe ca . bhavādau kurvā° ṇya . ājamāryastadbhavādau tri° .

ajamīḍha pu° ajomīḍhaḥ yajñe siktaḥ yatra ba° . (ājamīra) prasiddhe deśe . rājani aṇ . ājamīḍhaḥ taddeśādhipe prasiddhatayā yudhiṣṭhire .

ajamukha pu° ajasya meṣasya mukhameva mukhatvena kalpitamasya . dakṣe prajāpatau, tasya hi śivadveṣe mukhena śivanindākaraṇāt dakṣayajñe śivājñayā vīrabhadreṇa tasyotpāṭane kṛte paścāt śivaprasādane punarutpādanāya vīrabhadre niyojite ajamukhenaiva tanmukhaṃ kalpitaṃ tacca kāśīkhaṇḍe vivṛtaṃ yathā . vīrabhadro'pi tat sarvaṃ sarvājñāṃ pratipadya ca . vinā dakṣasya vadanaṃ yathāpūrbamakalpapayat . īśvaraṃ ye hi nindanti te mūkāḥ paśavo dhruvam tato meṣamukhaṃ dakṣaṃ vīrabhadro'vyakalpa yaditi .

ajamodā strī ajasya moda iva modo gandho yasyāḥ ajaṃ modayati ānandayati modi--aṇ vā . ajagandhavatyāṃ, vanayamānyām yamānīmātre ca .

ajambha pu° nāsti jambho danto'sya ba° . bheke sūrye ca . dantaśūnye tri° . ajātadante avasthābhede ca .

[Page 90a]
ajaya pu° vīrabhūminagarasannidhāne (ajaya) iti nāmake nadaviśeṣe iti kalpadrumaḥ . tanmūlaṃ mṛgyaṃ saṃskṛtaśāstre tannadasya kutrāpyanullekhāt . ajena chāgena yāti yā--ka 3 ta° . chāgavāhane agnau pu° . ji--ac na° ta° . jayābhāve lābhālābhī jayā jayāviti gītā . ba° . jayaśūnye tri° . avyayī° . jayābhāve avya° . nāsti jayo mādakatvenāsyām . (siddhi, bhāṅga) iti ca prasiddhanāmikāyām vijayāyām strī .

ajayya tri° ji--śakyārthe yat na° ta° . jetumaśakye durjaye śatrau paṇe ca . daivairajayyān ditijān vijigye iti bhāra° . tatrājayyaṃ jigāya tān iti mugdha° .

ajarā tri° nāsti jarā'syāḥ . (ghṛtakumārī) iti prasiddhe vṛkṣe tasya jarābhāvāttattvam . avyayībhāve ac samā° ajarasam jarābhāve avya° . nāsti jarā yasya, deve . teṣāṃ ṣaḍbhāvavikāramadhye jāyate'sti vardhate iti tisṛṇāmeva daśānāṃ sadbhāvāt taduttaravartinīnāṃ vipariṇamate apakṣīyate naśyatīti tisṛṇāmabhāvādajaratvam . jarāśūnye tri° . ajarāmaravat prājño vidyāmarthāṃśca cintayediti nīti° . brāhmaṇajātau strī . sā satyā sā'jarāmareti purā° . na jīryati kṣīyate jṝ--ac na° ta° . parabrahmaṇi na° . vṛddhadārakanāmavṛkṣabhede pu° . gṛhagodhikāyām strī .

ajarya na° na jīryati na + jṝ--kartari yat . sauhārde tena saṅgatamaryeṇa rāmājaryaṃ kuru drutamiti bhaṭṭiḥ .

ajalambana na° aja iva lambyate gṛhyate kṛṣṇavarṇatvāt karmaṇi lyuṭ . sroto'ñjane .

ajaloman pu° ajasya lomeva loma (mañjarī) yasya ba° . (śūkaśimbo) iti khyāte ajalomavanmañjarīviśiṣṭe vṛkṣabhede . vā ḍāp vā ṅīp ca . ajalomā--ajalomī cetyapyatra strī .

ajavas pu° ju--asun na° ta° . vegaśūnye . ajavaso javinībhirvivṛścan iti vedaḥ .

ajavasti strī ajasya bastiriva vastirasya . ṛṣibhede . gṛṣṭyā° apatyārthe ḍhañ . ājavasteyaḥ tadapatye pu° strī . striyām ājavasteyī . yaskādipāṭhāt bahuṣu luki . ajavastayaḥ tadapatyeṣu .

ajavāha pu° ajaṃ vāhayati yatra ādhāre ghañ 6 ta° . deśabhede . kacchādi° bhavādyarthe aṇ . ājavāhaḥ taddeśa jātādai tri° .

ajavīthī strī ajena brahmaṇā nirmitā vīthī padaṃ śā° ta° . gaganaseturūpe (yamanālā) iti khyāte chāyāpathe . yāmārabhya agastyasthānaparyantaṃ pitṛyānapathaḥ . pitṛyāno'javīthyāśca yadagastyasya cāntaramiti purā° .

ajaśṛṅgī strī ajasya meṣasya śṛṅgamiva phalamasyāḥ va° . (gāḍalaśiṅgā) iti prasiddhe meṣaśṛṅgatulyaphalavatyāṃ meṣaśṛṅgyām .

ajastunda na° ajasya tundamiva tundamasmin tannagaravāsināmityarthāt suṭ . nagarabhede . ajastundaṃ nāma nagaramiti si° kau° .

ajasra na° na + jasa ra . santate vicchedarahite . tathābhūtakālasthāyini vastumātre tri° . ajasramāśrāvitavallakīguṇeti māghaḥ ajasradīkṣāprayatasya madguroriti raghuḥ .

ajahatsvārthā strī na jahat svārthoyām hā--śatṛ na° ba° . svārthāparityāgena parārthāvabodhikāyāṃ lakṣaṇāyām . yathā śveto dhāvatītyādau śvetaguṇāparityāgena tadvati lakṣaṇā . jahatsvārthājahatsvārthe dve vṛttīṃ te punastridhā iti hariḥ .

ajahalliṅga pu° na jahat liṅgaṃ yam hā--śatṛ na° va° . niyataliṅgake viśeṣyasyānyaliṅgakatve'pi svaliṅgātyāgena svaliṅgapare viśeṣaṇaśabde . tathā cānyatra viśeṣaṇasya viśeṣyānusāriliṅgatvaniyame'pi asya na tathā niyamaḥ . yathā vedaḥ śrutirvā pramāṇam .

ajahā strī na jahāti śūkān . hā--śa na° ta° . (ālkuśīti) khyāte vṛkṣe .

ajāgara pu° jāgarayati jāgaraḥ na jāgaro yasmāt 5 ba° . sevanena nidrārāhityakārake yadapekṣayā'nyasmin jāgaraṇakartṛtva nāsti tādṛśe (bhīmarāja) iti khyāte bhṛṅgarāje . bhṛṅgarājaḥ sujāgara iti rabhasavākyāt tasyātyantanidrārāhityakāritvam .

ajāji(jī) strī ajena chāgena vīyate gandhotkaṭatvāt tyajyate aja--in vībhāvābhāvaḥ 6 ta° . sarvabhakṣeṇāpi chāgena gandhotkaṭatayā tyajyamāne, (jīrā) iti prasiddhe jīrake vṛkṣe . kākodumbarikāvṛkṣe ca (peyārā) ..

ajājīva pu° ajena tadrakṣaṇapoṣaṇādinā tatkrayavikrayādinā vā ājīvati ā + jīva--ac 3 ta° . chāga pālake tatkrayavikrayābhyāmājīvini ca .

ajātakakud pu° na jātaṃ kakudamaṃsakūṭaṃ yasya na--ba° kakudaśabdasyāntyākāralopaḥ . apūrṇakakudi alpavayaske gavādivatse .

[Page 91a]
ajātadanta tri° na jāto danto'sya, yasmin vayasi vā . dantajananaśūnye, avasthābhede ca . ajātadantā ye kecid ye ca garbhe prapīḍitā iti vāyupurā° . ajātadantamaraṇe pitrorekāhamiṣyate iti śu° kūrmapurā° . tatkālaśca nṛṇāṃ ṣaṇmāsābhyantaramiti śuddhitattve sapañcaṃ nirūpitam . paśvādīnāntu pradhānadantotpattyabhāve evājātadantatvavyavahāraḥ (ādāṃtā) ityādi loke prasiddhiḥ . sa ca prāyeṇa dvivarṣottarakālaparyanttaḥ .

ajātapakṣa tri° na jātau uḍḍayanasāmarthyayuktau pakṣāvasya . anudbhinnapakṣake pakṣiṇi . ajātapakṣāḥ śakunā ivābabhuridi bhāra° .

ajātaśatru pu° jātasya jantumātrasya na śatruḥ aśrāddhabhojītyādivat naño vya vahitena śatruśabdenānvayāt asamarthasamāsaḥ, na jātaḥ śatrurasya vā . yudhiṣṭhire rājani . na dveṣṭi yajjanamatastvamajātaśatruḥ, iti veṇī° . evamajātārirapi tatraiva . hanta jātamajātāreḥ prathamena tvayāriṇeti māghaḥ .

ajāti strī jana--ktin na° ta° . anutpattau . ba° . jātiśūnye, nyāyokte--jātyādau, nitye ca tri° .

ajādanī strī ajaistṛptyādyate'sau anyena duḥkhasparśatve'pi ajai--rādyate iti ada--karmaṇi lyuṭ 6 ta° . durālabhā iti (viciti) iti ca prasiddhe sparśena duḥkhadāyake vṛkṣabhede .

ajādi pu° 6 ta° . ṅībbādhakaṭābnimitte pāṇinyukte śabdasamūhe sa ca gaṇaḥ . eḍakā, kokilā, caṭakā, aśvā mūṣikā, bālā, hoḍā, vatsā, pākā, mandā vilātā, pūrbāpahāṇā, aparāpahāṇā (sambhastrājinaśaṇapiṇḍebhyaḥ phalāt) . (sadackāṇḍaprāntaśataikebhyaḥ puṣpāt) . (mūlānnañaḥ) (śūdrā cāmahat--pūrvā jātiḥ) jyeṣṭhā kaniṣṭhā madhyamā (puṃyoge'pi) kruñcā uṣṇihā devaviśā daṃṣṭrā .

ajāni pu° nāsti jāyā yasya ba° jāyāyā niṅādeśaḥ jāyārahite .

ajānika tri° ajena tadvikrayapālanādinā āno jīvanam astyasya ṭhan . ajājīvini . tasya karma bhāvo vā purohitā° yak . ājānikyam tatkarmaṇi tadbhāve ca na° .

ajāneya pu° aje'pi vikṣepe'pi āneyo yathāsthānaṃ prāpaṇīya ārohī yena aja--vikṣepe ap vībhāvābhāvaḥ ā + nī--karmāṇa yat tataḥ 3 ba° . bahuśastraprahārapratirodhe'pi nirbhayena yathāsthānamārohiṇaḥ prāpake aśve, uttamāśve ca nirbhaye tri° .

ajāntrī strī ajasyāntramiva antraṃ tadākāravatī mañjarī asyāḥgau° ṅīṣ . nīlavuhnāyām (nīlavonā) .

ajāpakka na° chāgaśakṛdrasamūtrakṣīrairdadhnā ca sādhitaṃ sarpiḥ . sakṣāraṃ yakṣmaharaṃ kāśaśvāsopaśāntaye paramamiti cakradattokte ghṛtabhede na° .

ajāpālaka tri° ajān āpālayati ā + pā--ṇic ṇvul upa° . ajapālake, tenājīvake ca .

aji tri° ajati aja--in vyabhāvaḥ . gatiśīle . padājiḥ . bhāve in . gatau, kṣepe ca striyāṃ vā ṅīp .

ajita tri° na° ta° . jitabhinne parājitabhinne . jidhātordvikarmakatvāt anirjitaśatrau, aparājitadeśādau cāsya pravṛttiḥ ekasya karmaṇo'vivakṣāyāmanyasya vivakṣāyāṃ tatraiva karmaṇi ktaḥ . bhūriprayogastu anirjitaśatrāveva tathā ca gauṇe karmaṇi duhyāde rityukteḥ gauṇakarmaṇaevābhidhānaniyamāt tasyaiva jayakarmatāyāṃ ktenābhidhātuṃ yogyatvam . na ca te'styajitaṃ kiñciditi purā0, nāstyeṣāmajito deśa ityādau gauṇakarmaṇo'vivakṣayaiva jayaprāpta deśādau jitaśabdaprayogāt tatogañsamāsa iti bhedaḥ . rāgādibhirjitatvābhāvāt śive, viṣṇau, buddhe, ca pu° .

ajina na° ajati kṣipati rajaādi, āvaraṇena aja--inac na vyādeśaḥ . carmaṇi, carmāvṛtatvādeva rajaādīnāṃ na dehapraveśa ityataścarmaṇorajovikṣepasādhanatvāttathātvam . celājinakuśottaramiti smṛtiḥ . aiṇenājinena brāhmaṇamiti gṛhyam . gajājinaṃ śoṇitavinduvarṣi ceti athājināṣāḍhadhara iti ca kumā° . adūrabhavādāvarthe kṛśā° chaṇ . ājinīyaḥ tadadūrabhavādau tri° .

ajinapatrā(trī) (trikā) strī ajinaṃ carmeva suśliṣṭaṃ patraṃ pakṣo yasyāḥ ba° . (cāmcikā) iti prasiddhe pakṣibhede gau° ṅīṣ (trī) tatrārthe . tataḥ syārthe ke hrasve yāpipatrikāpi tatrārthe .

ajinaphalā strī ajinaṃ carmavikāratvāt bhastrā iva phalaṃ yasyāḥ ajinapūrbakatvena jātilakṣaṇaṃ ṅīpaṃ bādhitvā ajā° ṭāp . (ṭepārī) iti prasiddhe, bhastrākāraphale vṛkṣabhede .

ajira na° aja--kiran vībhāvābhāvaḥ . (uṭāna) iti khyāte catvare . śīghragantari tri° . śyenā ajirā iti tā° brā° ajirāḥ kṣipragamanaśīlā iti bhāṣyam ata eva kṣipranāmni nirukte ajiramiti paṭhitam śīghravegavattvāt nadyāṃ strī . nirukte ca ajireti nadī nāmnipaṭhitam ṛṣibhede pu° tadapatyam śubhrā° ḍhak . ājireyaḥ tadapatya pu° strī . utkarā° cha . ajirīyaḥ tatsambandhini tri° .

ajirādi ba° pāṇininā saṃjñāyāṃ matupi dīrghavighau paryudaste śabdasamūhe saca gaṇaḥ ajira, svadira, pulina, haṃsa, kāraṇḍava, cakravāka iti . ajiravatī . tadbhinne tu amarāvatīti .

ajihma tri° hā--man dvitvālopau tataḥ na° ta° . sarale ajihmāmaśaṭhāṃ śuddhāṃ jīvedbrāhmaṇajīvikāmiti purā° .

ajihmaga pu° ajihmaṃ saralaṃ gacchati gabha--ḍa . vāṇe . vegavadbhirajihmagairiti . saralagāmini tri° . vrajeddiśamajihmaga iti .

ajihva pu° ji--van huk ca jihvā rasanā sā nāsti yasya ba° . bheke . teṣāṃ jihvāśūnyatvamuktaṃ bhārate ānu° . uvāca devān maṇḍūko rasātalatalotthitaḥ . rasātalatale devā! vasatyagniriti prabho! . santāpādiha samprāptaḥ pāvaka prabhavādaham . sa saṃsupto jale devā! bhagavān havyavāhanaḥ . apaḥ saṃ sṛjya tejobhistena santāpitā vayam . tasya darśanamiṣṭaṃ vo yadi devā! bibhāvasoḥ . tatrainamadhigacchadhvaṃ kāryaṃ vo yadi vahninā . gamyatāṃ sādhayiṣyāmo vayaṃ hyagnibhayāt surāḥ! . etāvaduktvā maṇḍūkastvarito jalamāviśat . hutāśanastu bubudhe maṇḍūkasya ca paiśunam . śaśāpa sa tamāsādya na rasān vetsyasīti vai . taṃ vai saṃyujya śāpena maṇḍūkaṃ tvarito yayau . anyatra vāsāya vibhurna cātmānamadarśayat . devāstvanugrahañcakrurmaṇḍūkānāṃ bhṛgūttama! . yattacchṛṇu mahābāho! gadato mama sarvaśaḥ . agniśāpādajihvāpi rasajñānavahiṣkṛtāḥ . sarasvatīṃ bahuvidhāṃ yūyañcīccārayiṣyatha . vilavāsagatāṃścaiva nirāhārānacetasaḥ . gatāsūnapi saṃśuṣkān bhūmiḥ sandhārayiṣyati . tamoghanāyāmapi vai niśāyāṃ vicariṣyatha iti . jihvāśūnye tri° .

ajīkava ajyā śarakṣepaṇena kaṃ brahmāṇaṃ vāti prīṇāti vā--ka . śivadhanuṣi .

ajīgarta ajyai gamanāya gartamasya . sarpe . vāhvā° iñ . ājīgartastadapatye puṃstrī .

ajīrla na° jṝ--bhāve kta na° ta° . jaṭharānalamāndyena bhuktānnāderapāke, na° 7 ba° . rogabhede . bhavedajīrṇaṃ prati yasya śaṅkā snigdhasya jantorbalino'nnakāle . pūrbaṃ saśuṇṭhīmabhayāsaśaṅkaḥ saṃprāśya bhuñjīta hitaṃ hi pathyamiti cakra° . ajīrṇe bheṣajaṃ vāri jīrṇe bāri balapradamiti vaidyakam . kartari kta jīrṇovṛddhaḥ . tadbhinne tri° .

ajīva tri° nāsti jīvo jīvanaṃ vā yasya . jīvarahite ghaṭādau, mṛte, jantumātre ca .

ajīvani strī na + jīva--ani . ākruśyamāne jīvanābhāve ninditajovane ca ajīvanistava bhūyāt iti mugdha° . tasya bhūyādajīvaniriti .

ajura tri° aja--kurac vyabhāvaḥ . vegaśīle balavati avakrakṣiṇaṃ vṛṣabhaṃ yathājuramiti vedaḥ .

ajeya tri° jetumaśakye ji--yat na° ta° . jayāyogye . ajeyākhye ghṛte na° . pivedghṛtamajeyākhyamiti vaidyakam .

ajaikapāda(d) pu° ajasya chāgasya ekaḥ pāda iva pādo yasya upamā° ba° na pādasyantyākāralopaḥ . rudraviśeṣe, taddevatāke pūrbabhādrapadanakṣatre ca . pācchabdena samāse ajaikapādapi tatrārthe . vīrabhadraśca 1 śambhuśca 2 girīśaśca 3 mahāyaśāḥ . ajaikapāda (4) hirbudhnaḥ 5 pinākī 7 cāparājitaḥ 7 . bhuvanādhīśvaraścaiva 8 kapālī ca 9 viśāmpate! sthāṇu 10 rbhargaśca 11 bhagavān rudrāstvekādaśa smṛtā ityukteṣu ekādaśasu rudreṣu madhye caturthe rudre . anyatra tu ajaikapādarhirbudhnā 3 virūpākṣaśca 4 revataḥ 5 . haraśca 6 bahurūpaśca 7! tryambakaśca 8 sureśvaraḥ 9 . rudrā ekādaśa proktā jayanta 10 ścāparājitaḥ 11 ityevaṃ tadbhedāḥ . eteṣāmeva dhyānāni vakṣyante . tena aja iti nāmāntaraṃ ekapāditi ca nāmāntaramiti draṣṭavyam . tena ajanāmā mahārudram ityādi ajasya dhyānam . ekapādābhidho vipretyādi ekapādasya dhyānamiti vakṣyate

ajjūkā strī arjayati yā sā arji--ūka, pṛ° rakārasya jatvam . veśyāyām . nāṭya evāsya prayogaḥ nānyatra .

ajjhaṭā strī ajati doṣaṃ kṣipati aj--kvip jhaṭati saṃhanyate jhaṭa--ac tataḥ karma° pṛ° kutvavībhāvābhāvaḥ . (bhuṃi āmalā) iti prasiddhe vṛkṣe .

ajjhala na° añcati kvip ak halati vilikhati hala--ac karma° pṛ° na kutvam . carmādimaye pratiyodhāyudhapratirodhake (ḍhāla) iti khyāte phalake .

ajña tri° na jānāti jñā--ka na° ta° . jñānaśūnye caitanyaśūnye, viśeṣajñānaśūnye, mūrkhe, vedāntimatasiddhājñānarūpapadārthavati ca . taihi ahamajña ityanubhavasya ajñānaviṣayatvaṃ svīkriyate ajñānañca na jñānābhāvaḥ kintu padārthāntaraṃ taccājñānaśabde vistareṇa vakṣyate . prājñaḥ prakarṣeṇājñaḥ suṣu ptyavasthāpanne jīve tadānīṃ viśeṣajñānābhāvāt prājñatvam . acetane, jaḍe, vatsavivṛddhinimittaṃ kṣīrasya yathā pravṛttirajñasyeti sāṃkhyakā° . alpajñe, kiñcijjñe ca .

ajñāta tri° na jñātaḥ . jñānāviṣayībhūte padārthe . ajñātakulaśīlasya vāsodeyo na kasyacit iti hitopa° .

ajñāna na° na jñānam . jñānābhāve, jñānavirodhini tadabhāve tatrājñānaṃ dhiyā naśyediti vedāntimatasiddhe padārthāntare ca ajñānenāvṛtaṃ jñānaṃ tena muhyanti jantava iti gītā . ajñānatimirāndhasya jñānāñjanaśalākayeti, gurunatiḥ . ajñānañca jñānābhāva iti naiyāyikāḥ . padārthāntaramiti vedāntinaḥ . tathāhi ahaṃ na jānāmi ahamajña ityādiviśiṣṭānubhavaḥ sārvalaukikaḥ sa ca jñānābhavaviṣaya iti naiyāyikairyaduktaṃ tanna yuktaṃ viśiṣṭabuddhau viśeṣaṇa jñānasya hetutāyāḥ sarvavādisiddhatayā ātmadhirmikajñānābhāvaprakārakajñāne janayitavye tadviśiṣṭajñānābhāvaghaṭakajñānarūpasya viśeṣaṇasya jñānaṃ pūrbamapekṣitam ātmani tādṛśe jñāne ca tadānīṃ sati kathaṅkāraṃ jñānābhāvaviśiṣṭa buddhiḥ syāt yasmin dharmiṇi jñānamasti tatra jñānābhāvajñānasya bādhitatvameva abhāvabuddheḥ pratiyogijñānarodhitāyāḥ sarvamasmatatvāt . kiñca jñānābhāvaḥ kiṃ jñānasāmānyābhāva uta tatprāgabhāvaḥ atha taddhvaṃso vā tatra viṣayo bhavati, nādyaḥ pūrboktayuktyā jñānābhāvānubhavāsambhavena pratyākhyātatvāt . na dvitīyaḥ prāgabhāvasya sāmānyadharmānavacchinnapratiyogitākatayā tattajjñānaprāgabhāvasyaiva viṣayatā vācyā sā ca na sambhavati sāmānyākāreṇa jñānābhāvasyaiva pratīyamānatvāt anyathā jñānavatyapi puruṣe tādṛśapratītiḥ syāt agre janiṣyamānānantajñānaprāgabhāvānāmātmani sattve'pi teṣāñca tattajjñānapratiyogikatvena jñānasāmānyaviśiṣṭabuddhau virodhitābhāvāt . nāntyaḥ prāgabhāvarītyā tasyāpi pratyākhyātatvāt . atastādṛśānubhavasya viṣayarakṣārthaṃ jñānābhāvātiriktamajñānaṃ kalpanīyam . taccānumānenaiva . anumānañcetthamuktaṃ prameyavivaraṇopanyāse . vivādādhyāsitaṃ jñānaṃ svaprāgabhāvātiriktasvaviṣayāvaraka saviṣayakavastupūrbakaṃ bhavitumarhati prakāśatvāt andhakāre prathamotpannapradīpaprabhāvaditi . yathā andhakāre prathamotpannā pradīpaprabhā svaviṣayasya ghaṭāderāvarakatamorūpapadārthapūrbikā evaṃ jñānamapi prakāśatvasāmyāt svaviṣayasya ghaṭāderāvarakaṃ kañcit padārthaṃ samānaviṣayakaṃ niyatam pūrbamapekṣate . utpanne ca jñāne pradīpyaprabhayā tama iva tannivartate jñānaprāgabhāvena siddhasādhanatāvāraṇāya svaprāgabhāvātirikteti viśeṣaṇam . tacca ajñānaṃ jñānavirodhi sattvāsattvābhyāmanirvacanīyam . tacca śuktikādyajñānaṃ śuktau rajatādikamiva brahmaṇi prapañcamutpādayati . ataeva tadbhāvarūpaṃ bhāvasyaiva bhāvapadārthopadānatvasambhavāt . abhāvasya tu adhikaraṇasvarūpatvāṅgīkārāt na bhāvasyābhāvopādānatvavyāghātaḥ . tasya bhāvarūpatve'pi na traikālikābādhyatvarūpam sattvaṃ tattvajñānena bādhyatvāt nāpi prātītikarajatādivadasattvam vyavahārayogyatvāt . ataḥ sadasadbhyāmanirvacanīyaṃ vyavahārikasattvavat yat kiñcit bhāvarūpaṃ padārthāntaramevājñānamiti susthitam . asya cājñānasya dve śaktī āvaraṇaṃ vikṣepaśca tatra yā kadācit svaviṣayamāvṛṇoti (viṣayatvasaṃprāptyanarhaṃ karoti) sā āvaraṇaśaktiḥ yā tu svakāryabuddhivṛttyā indriyādidvārā viṣayadeśaṃ prāpya viṣayagataṃ svakāraṇaniṣṭhavaraṇaśaktiṃ nāśayati sā vikṣepaśaktiḥ yathoktaṃ buddhivṛtticidābhāsau dvāvetau vyāpnuto ghaṭam . tatrājñānaṃ dhiyā naśyet ābhāsāttu ghaṭaḥ sphurediti . yathā ca śuktiviṣayājñānaṃ svaviṣayaśukti māvṛtya svaśaktyaiva tatra utpāditaṃ rajataṃ viṣayīkṛtya tadgatamāvaraṇaśaktiṃ nāśayati evaṃ brahmaviṣayakājñānaṃ svaśaktyaiva brahmaṇi utpāditaṃ prapañcaṃ viṣayīkṛtya tattadākārabuddhivṛttirūpā vikṣepaśaktiḥ tadgatāvaraṇaśaktiṃ nivārayatīti dṛṣṭānusāriṇīyaṃ kalpanā . adhikamākare draṣṭavyam . nāstiviśiṣṭajñānamasya . viśiṣṭajñānābhāvavati ajñe tri° .

ajman strī ajati gacchati svargaṃ dānenānayā ajakaraṇe manin na vībhāvaḥ . gavi, iti niruktakāraḥ .

añcati pu° na° anca--gatau kartari ati . vāyau, gantari tri° .

añcala pu° añcati prāntam anca--alac . vastraprānte kṣīṇāñcalamiva pīnastanajaghanāyāḥ kulīnāyāḥ iti bhūmau dattvā padamiha samādhehi celāñcale'sminniti ca udbhaṭṭaḥ . prāntabhāge dṛgañcalaiḥ paśyati kevalaṃ manāgiti udbhaṭṭaḥ .

añcita tri° anca--kta . pūjite, ākuñcite ca . apikhañjanamañjanāñcitamiti naiṣa° . añcitasavyapāda iti bhaṭṭiḥ . añcitaḥ śūlapāṇiriti purā° . grathite ca ardhāñcitā satvaramutyitāyā iti raghuḥ .

[Page 94a]
añjana na° ajyate'nena anja--karaṇe lyuṭ . kajjale . api khañjanamañjanamañjanāñcitamiti naiṣa° . maitraṃ prasādhanaṃ snānaṃ dantadhāvanamañjanam . pūrbāhṇaeva kurvīteti smṛtiḥ . vilocanaṃ dakṣiṇamañjanena saṃbhāvyeti raghuḥ . añjanaviśeṣāśca suśrute darśitā yathā catvāra ete yogāḥ syurubhayorañjane hitāḥ . kubjakāśokaśālāmrapriyaṅgunalinotpalaiḥ .. puṣpairhareṇukṛṣṇāhvāpathyāmalakasaṃyutaiḥ . sarpirmadhuyutaiścūṇai rveṇunāḍyāmavasthitaiḥ .. añjayed dvāvapi bhiṣak pittaśleṣmavibhāvitau . āmrajambūdbhava puṣpa tadrasena hareṇukām .. piṣṭvā kṣaudrājyasaṃyuktāṃ prayojyamatha vāñjanam . nalinotpalakiñjalkagairikai rgośakṛdrasaiḥ .. guḍikāñjanametadvā dinarātryandhayorhitam . rasāñjanarasakṣaudratālīśasvarṇagairikam .. gośakṛdrasamaṃyuktaṃ pittopahatadṛṣṭaye . śītaṃ sauvīrakaṃ vāpi piṣṭvātha rasabhāvitam .. kūrmapittena matimān bhāvayedrauhitena vā . cūrṇāñjanamidaṃ nityaṃ prayojyaṃ pittaśāntaye .. kāśmarīpuṣpamadhukadārvīlodhrasāñjanaiḥ . sakṣaudramañjanantadvaddhitaṃ netrāmaye sadā .. srotojaṃ saindhavaṃ kṛṣṇāṃ reṇukāñcāpi peṣayet . ajamūtreṇa tā vattyaḥkṣaṇadāndhyāñjane hitāḥ .. kālānusārivāṃ kṛṣṇāṃ nāgaraṃ madhukaṃ tathā . tālīśapatraṃ kṣaṇade gāṅgeyañca śakṛdrase .. kṛtāstā vartayaḥ piṣṭvāchāyāśuṣkāḥ sukhāvahāḥ . manaḥśilābhayāvyoṣabalākālānusārivāḥ .. saphenā vartayaḥ piṣṭāśchāgakṣīrasamanvitāḥ . gomūtrapittamadirāśakṛddhātrīrase pacet .. kṣudrāñjanaṃ rase cānyadyakṛtastraiphale'pi vā . gomūtrājyāṇavamalapippalīkṣaudrakaṭphalam .. saindhavopahitaṃ yuñjyānnihitaṃ veṇugahvare . medoyakṛdghṛtañchāgaṃ pippalyaḥ saindhavaṃ madhu .. rasamāmalakañcāpi pakkaṃ samyaṅnidhāpayet . kośe khadiranirmāṇe tadvatkṣudrāñjanaṃ hitam .. hareṇumagadhājāsthimajjailāyakṛdanvitam . śakṛdrasenāñjanaṃ vā śleṣmaprahatadṛṣṭaye .. vipācya godhāyakṛdardhapāṭitaṃ supūritaṃ māgadhikābhiragninā . niṣevitaṃ tatsakṛdañjanena nihanti naktāndhyamasaṃśayaṃ khalu .. tathā yakṛcchāgabhavaṃ hutāśane vipācya samyagmagadhāsamanvitam . prayojitaṃ pūrbavadāśvasaṃśayaṃ jayet kṣapāndhyaṃ sakṛdañjanannṛṇām .. plīhā yakṛccāpyapabhakṣite ubhe prakalpya śūlye ghṛtatailasaṃyutam . te sārṣapasnehasamāyute'ñjanaṃ naktāndhyamāśveva hataḥ prayojite . nadījaśimbīkaṭukānyathāñjanammanaḥśilā dve ca niśe yakṛdrase . sa candaneyaṃ guṭikātha vāñjanaṃ praśasyate vai divaseṣvapaśyatām iti .. sauvīre, rasāñjane ca . añjanavarṇo'styasya . arśa° ac . jyeṣṭhadiggaje pu° uttaradiggajayoṣiti keśariyoṣiti vānaryāñca strī . añjanāgarbhasambhūto vāyuputtro mahābala iti tantram . bhāve lyuṭ . miśrīkaraṇe, lepane vyaktikaraṇe mālinye ca na° nirañjanaṃ divyamupaiti sāmyamiti niravadyaṃ nirañjanamiti ca śrutiḥ . añjaṇic--yuc . śakyalakṣyārthātiriktārthabodhake ālaṅkārikokte vyañjanāvṛttirūpe śabdaśaktibhede strī° anyārthadhīkṛt vyāpṛtirañjaneti kāvyaprakāśaḥ . tata eva bhāve lyuṭ tatravārthe na° .

añjanakeśo strī añjanamiva keśo yasyāḥ 5 ta° . keśasaṃskārake haṭṭavilāsinīnāmake grandhadravye . yatsaṃyogāt keśasyātīva kṛṣṇatā syāt .

añjanaśalākā strī añjanasādhanaṃ śalākā . añjana dānātha śālākāyām jñānāñjanaśalākayeti gurunatiḥ .

añjanāgiri pu° añjanavarṇo giriḥ kiṃśukā° dīrghaḥ . nīlaparvate tadvivaraṇaṃ nīlagiriśabde .

añjanādri pu° añjanamiva kṛṣṇaḥ adriḥ . nīlaparvate añjanādrinibhāṃ śyāmāmiti kālīdhyānam .

añjanādhikā strī añjanādadhikā kṛṣṇatvāt 5 ta° . (ājanāi) iti khyāte kīṭabhede .

añjanāvatī strī añjanaṃ vidyate'syāḥ adhikakṛṣṇavaṇatvāt añjana + matup vatvaṃ dīrghaḥ . īśānakīṇasya hastinyām . kālāñjanavṛkṣe pu° .

añjanikā strī añjanavarṇo'styasyāḥ ṭhan kāpi pūrbākārasya ittvam . (ājanāi) iti prasiddhe añjanākhye kīṭabhede . añjanā svārthe kan . pratīkadiggajastriyām . purohi° yak . āñjanikyam tadbhāve na° .

añjanī strī ajyate candanakuṅkumādibhirasau anaja--karmaṇi lyuṭ ṅīp . kuṅkumādyanuliptāyām striyām . karaṇe lyuṭ . kaṭukāvṛkṣe, kālāñja navṛkṣe ca . añjanīdārukāṣṭhamayastambhaḥ maitrāvaruṇaḥ iti yājñikāḥ nyāyyāyāṃ striyāñca .

añjali pu° anja--ali . saṃyutakarapuṭe, śravaṇañjalipuṭapeyamiti veṇī° . nyāyaprasūnāñjaliriti udayanaḥ kuḍavaparimāṇe ca añjaliparimitadravyeca prakīrṇaḥ puṣpāṇāṃ haricaraṇayorañjalirayamiti veṇī° .

añjalikā strī añjaliriva kāyati prakāśate kai--ka ṭāp . bālamūṣikāyām .

[Page 95a]
añjas na° anakti gacchati miśrayati vā'nena anju--gatau miśraṇe ca asun . vege, bale, aucitye ca . añjasa upasaṃkhyānamiti vārtikāt tṛtīyāyāḥ aluk . añjasākṛtam . añjaḥ samudramapajagmurāpa iti vedaḥ .

añjasa tri° anja--asac . sarale abakre .

añjasā avya° anja--bhāve ac añjaṃ gatiṃ vilambaṃ vā syati so--bā° kā . vilambākṣame, śaighrye, yāthārthye ca . raso'ñjasā śāsatā raja iti vedaḥ .

añji pu° ajyate'nena anja--karaṇe in . tilakādau cihne agnaye'nīkavate rohitāñjiranaḍvāniti ya° rohito rakto'ñjistilako'syeti vedadīpaḥ . tasmai dantāñjaye iti bhavadeve vedamantraḥ .

añjiṣṭha(ṣṇu) pu° anakti svabhābhirviśvas . anja--iṣṭha--(ṣṇu)ca . sūrye .

añjī strī° añji + vā ṅīp . peṣaṇayantre, maṅgale ca .

añjīra pu° anja--bā° īran (peyārā) iti khyāte vṛkṣe .

aṭa gatau bhvādi° saka° para° seṭ . aṭati āṭīt . bho vaṭī bhikṣāmaṭeti si° kau . pari + parito bhramaṇe paryaṭan .

aṭa gagau idit bhvā° ātma° saka° seṭ . āṇṭate āṇṭiṣṭa .

aṭani(nī) strī aṭati maurvīm aṭa--ani vā ṅīp . dhanuragre guṇāropaṇasthāne .

aṭaru(rū)ṣa pu° aṭati bhramati aṭa--ac taṃ roṣati hinasti ruṣa--ka, aṭaiḥ aṭadbhirvā rūṣyate na yujyate rūṣa--ka vā . (vāsaka) iti khyāte vṛkṣe .

aṭavi(vī) strī aṭanti carame vayasi yatra aṭa--avi vā ṅīp . vane . vindhyāṭavīti kā° vindhyagirisannikṛṣṭa prasiddhavanam . kāntārapradeśeṣvaṭavīṣu ceti rāmā° .

aṭā strī aṭa--bā° aṅ . paryaṭane .

aṭāṭyā strī aṭa--yaṅ--bhāve a strītvāt ṭāp . paribhramaṇe, vṛthāgamane ca . yaṅluki . aṭāṭāpyatra .

aṭṭa atikrame badhe ca bhvādi° ātma° saka° seṭ . aṭṭate . āṭṭiṣṭa . dopadho'yaṃ tena aṭṭiṭiṣate āṭṭiṭat . kvipi at . ṭopadhasya tu āṭiṭṭiṣate aṭiṭṭat kvip aṭ .

aṭṭa anādare curādi° ubhaya° saka° seṭ . aṭṭayati te! āṭiṭṭat .

aṭṭa pu° aṭṭayati anādriyate'nyadyatra aṭṭa--ādhāre ghañ . prāsādasyoparigṛhe, prācīroparisthasainyagṛhe, ca yatra sthitā hi narā anyān hīnatayā nādriyante, yasmin vasataśca anyotkarṣe'nādaraḥ . ucce bhṛśe ca tri° anne aṭṭaśūlā janapadāḥ śivaśūlāścatuṣpathā iti bhāra° aṭṭamannaṃ śūla vikreyaṃ yeṣāmiti nīlakaṇṭhaḥ śuṣke ca na° . kṣaumavastre prāsāde ca pu° sudhādhavalāṭṭahāseti kāda° . dadṛśe nagarī laṅkā sāṭṭaprākāratoraṇeti rāmā° . gṛhaśabde prāsādalakṣaṇādi vakṣyate .

aṭṭaṭṭa avya° aṭṭo'nādaraḥ aṭṭaprakāraḥ aṭṭasya guṇavācitayā prakāre dvitvam śakandhvādi° pararūpam . atyucce, aṭṭaṭṭa hāsamaśivaṃ śivadūtī cakāra heti caṇḍī

aṭṭana na° aṭṭyate'nādriyate ripuranena aṭṭa--karaṇe lyuṭ . cakrākāraphalakāstre . bhāve lyuṭ . anādare na° .

aṭṭasthalī strī aṭṭapradhānā sthalī śā° ta° . prāsādapradhāne deśabhede dhūmā° buñ . āṭṭasthalakaḥ taddeśabhave tri° .

aṭṭahāsa pu° aṭṭenātiśayena hāsaḥ hasa--ghañ 3 ta° . uccahāse .

aṭṭahāsaka pu° aṭṭahāsa iva kāyati kai--ka . kundavṛkṣe tasya śubhrapuṣpatvāt uccahāsatulyatvam .

aṭṭahāsin pu° aṭṭamuccairhasati hasa--ṇini . śive . uccahāsini tri° .

aṭṭāṭṭa pu° aṭṭaṭṭavat na pararūpam . atyucce sarvotkarṣe anādarādhikye .

aṭṭālaka pu° aṭṭa iva prāsādagṛhamiva alati paryāpto bhavati ala--ac . prāsādoparisthe gṛhe . svārthe kan . tatrārthe gopurāṭṭālakavatīṃ harmyaprākāraśobhanāmiti rā° .

aṭṭālikā strī aṭṭāla + syārthe kan . iṣṭakādinirmite rājagṛhe .

aṭṭālikākāra pu° aṭṭālikāṃ karoti racayati kṛ--aṇ upa° . (rāja) prāsādakārake kulaṭāyāṃ ca śūdrāyāṃ citrakārasya vīryataḥ . bhavedaṭṭālikākāraḥ patito jāradoṣata ityukte saṅkīrṇajātibhede .

aṭha gatau bhvādi° para° saka° seṭ . aṭhati . āṭhīt .

aṭha gatau idit ā° bhvādi° saka° seṭ . aṇṭhate . āṇṭhiṣṭa .

aḍa adyame bhvādi° para° saka° seṭ . aḍati āḍīt .

aḍa vyāptau svādi° para° aka° seṭ . yeda evāsya prayogaḥ . aḍṇoti . āḍīt .

aḍḍa abhiyoge, samādhāne ca bhvādi° para° saka° seṭ . aḍḍati . āḍḍīt . dodhapadho'yam aḍḍiḍiṣati āḍḍiḍat . kvip at . ḍopadhasya tu āḍiḍḍiṣati āḍiḍḍat aṭ

[Page 96a]
aṇa śabde bhvādi° para° aka° seṭ . aṇati . āṇīt .

aṇa jīvane divā° ātma° aka° seṭ . aṇyate āṇiṣṭa .

aṇa(na)ka tri° aṇati yatheccham nadati aṇa--ac tataḥ kutsāyām ka . adhame, nindite ca . pāpāṇake kutsitairiti pā0 . aṇaka kulālaḥ si° kau° . dantyamadhyaścāyamityanye .

aṇavya tri° aṇoḥ sūkṣmaśasya cīnādikasya bhavanaṃ kṣetram aṇu + yat . cīnakādisamutpattiyogye (sunābhūbhi) kṣetre .

aṇi pu° strī aṇati śabdāyate aṇa--in . (ārā) iti khyāte rathacakrāgrasthite kīlake, sūcyādyagrabhāge ca . strītve vā ṅīp . atra āderdīrghatāpīṣyate . tena āṇiḥ āṇī .

aṇiman pu° aṇorbhāvaḥ aṇu + imanic . sūkṣmatve sūkṣmaparimāṇe, aiśvaryabhede ca yadvaśāt sūkṣmībhūya sarvatra gantuṃ śaknoti . aiśvaryāṇi ca . aṇimā laghimā prāptiḥ prākāmyaṃ mahimā tathā . īśitvaṃ ca vaśitvañca tathā kāmāvasāyitā ityuktāni . eteṣāṃ svarūpāṇi aiśvaryapadārthanirūpaṇe vakṣyante . yathā keśaḥ sahasradhā bhinnastāvatāṇimneti vedaḥ .

aṇiṣṭha tri° atiśayena aṇu--iṣṭhan . aṇutare atisūkṣme . annamaśitaṃ tredhā vidhīyate tasya yaḥ sthaviṣṭho dhātustatpurīṣaṃ, yanmadhyastanmāsaṃ, yo'ṇiṣṭhastanmana iti chā° u° .

aṇīmāṇḍavya pu° aṇī śūlāgraṃ taccihnitaḥ māṇḍavyaḥ . tannāmake munibhede . tasya tatprotatvakathā bhāra° ā° pa° . babhūva brāhmaṇaḥ kaścinmāṇḍavya iti viśrutaḥ . dhṛtimān sarvadharmajñaḥ satye tapasi ca sthitaḥ .. sa āśramapadadvāri vṛkṣamūle mahātapāḥ . ūrdhvabāhurmahāyogī tasthau maunabratānvitaḥ .. tasya kālena mahatā tasmiṃstapasi vartataḥ . tamāśramapadaṃ prāprā dasyavo loptrahāriṇaḥ .. anusāryamāṇā bahubhī rakṣibhirbharatarṣabha! . te tasyāvasathe loptraṃ dasyavaḥ kurusattama! . nidhāya ca bhayāllīnāstatraivānāgate bale .. teṣu līneṣvatho śīghraṃ tatastadrakṣiṇāṃ balam . ājagāma tato'paśyaṃstamṛṣiṃ taskarānugāḥ . tamapṛcchaṃ svato rājaṃstathāvṛttaṃ tapodhanam . katamena pathā yātā dasyavo dvijasattama! . tena gacchāmahe brahman! pathā śīghrataraṃ vayam .. tathā tu rakṣiṇāṃ teṣāṃ bruvatāṃ sa tapodhanaḥ . na kiñcidvacanaṃ rājannabravīt sādhvasādhu vā .. tataste rājapuruṣā vicinvānāstamāśramam . dadṛśustatra līnāstāṃścaurāṃ staddra vyameva ca .. tataḥ śaṅkā samabhavadnakṣiṇāṃ taṃ muniṃ prati . saṃyamyainaṃ tato rājñe dasyūṃścaiva nyavedayan .. taṃ rājā saha taiścaurairanvaśādbadhyatāmiti . sa rakṣibhistairajñātaḥ śūle proto mahāyaśāḥ .. tataste śūla āropya taṃ muniṃ rakṣiṇa stadā . pratijagmurmahīpālaṃ dhanānyādāya tānyatha .. śūlasthaḥ sa tu dharmātmā kālena mahatā tataḥ . nirāhāro 'pi viprarṣirmaraṇaṃ nābhyapadyata . dhārayāmāsa ca prāṇānṛṣīṃśca samupānayat .. śūlāgre tapyamānena tapastena mahātmanā . santāpaṃ paramaṃ jagmurmunayastapasānvitāḥ .. te rātrau śakunā bhūtvā sannipatya tu bhārata! . darśayanto yathāśakti tamapṛcchan dvijottamam .. śrotumicchāmahe brahman! kiṃ pāpaṃ kṛtavānasi . yeneha samanuprāptaṃ śūle duḥkhabhayaṃ mahat .. vaiśampāyan uvāca . tataḥ sa muniśārdūlastānuvāca tapodhanān . dopataḥ kaṃ gamiṣyāmi na hi me'nyo'parādhyati .. taṃ dṛṣṭvā rakṣiṇastatra tathā bahutithe'hani . nyavedayaṃstathā rājñe yathāvṛttaṃ narādhipa! .. śrutvā ca vacanaṃ teṣāṃ niścitya saha bandhubhiḥ . prasādayāmāsa tadā śūlasthamṛṣisattamam .. rājovāca . yanmayāpakṛtaṃ mohādajñānādṛṣisattama! . prasādaye tvāṃ tatrāhaṃ na me tvaṃ kroddhumarhasi .. evamuktastato rājñā prasādamakaronmuniḥ . kṛtaprasādaṃ rājā taṃ tataḥ samavatārayat .. avatārya ca śūlāgrāttacchūlaṃ niścakarṣa ha . aśannuvaṃśca niṣkraṣṭuṃ śūlaṃ mūle sa cicchide .. sa tathāntargatenaiva śūlena vyacaranmuniḥ . tenātitapasā lokān vijigye durlabhān paraiḥ . aṇīmāṇḍavya iti ca tato lokeṣu gīyate iti ..

aṇīyas tri° atiśayena aṇuḥ aṇu + īyasun . aṇutare atisūkṣme aṇīraṇīyān mahato mahīyān iti śrutiḥ . striyāṃ ṅīp .

aṇu tri° aṇa--un . kṣudre, sūkṣmaparimāṇavati, dravye, leśe ca . (cinā, kāṅanī, śyāmā) prabhṛti sūkṣmadhānye pu° . anaṇuṣu daśamāṃśo'ṇuṣvathaikādaśāṃśa iti līlā° . aṇuśabdohi parimāṇaviśeṣavācī . tatra parimāṇasya catasrovidhā sthṛlasūkṣmadīrghahrasvatvarūpāḥ athādeśonetineti ityupakramya asthūlamanaṇvahrasvamadīrghamityādi śrutyā caturvidhaparimāṇasyaiva brahmaṇi niṣedhena parimāṇacāturvidhyalābhaḥ etanmūlakameva śārīrakabhāṣye, vaiśeṣikasūtre, nyāyakadalyāñca uktabhedamādāyaiva parimāṇacāturvidhyamuktam . tatrārambhakadravyabhūyastvābhūyastvābhyāṃ sthūlasūkṣmatve hrasvadīrghatve tu tattacchabde vakṣyete . evañca sūkṣmapadārthe ārambhakālpatvāt aṇutva yatra cārambhakadravyāntaraṃ nāsti sa tādṛśaparimāṇavattvāt paramāṇurityucyate . evañca aṇuśabdasya śuklādiśabdavat aṇutvaparimāṇaviśiṣṭadravyavācakatvam . aṇutvañca sūkṣmatvam atisūkṣmatvañca . tatra sūkṣmaparatvena sarṣapacīnakādidravyāṇāmārambhakadravyālpatvāt tatra pravṛttiḥ . tadabhiprāyeṇaiva anaṇuṣu daśamāṃśo'ṇuṣyathaikādaśāṃśa iti līlā° . śrutau ca aṇoraṇīyāniti nirdeśaḥ . atisūkṣmaparatve ca nityā syādaṇu lakṣaṇeti bhāṣā° tasya nityatvañca ārambhakāvayavā bhāvāt anityā ca bhavedanyā saivāvayavayoginīti bhāṣāparicchede'vayavayogenaivānityatvakathanāt paramāṇostadabhāvenaiva nityatvaṃ bhaṅkyoktamiti naiyāyikāḥ . vedāntinastu sūkṣmabhūtānāmapi brahmaṇa utpattimurarīcakruḥ . yathā ca etanmatayīḥ yuktāyuktatve tathā ārambhavādaśabde vakṣyate . sūkṣmārthagrāhitvena aṇubuddhirityādau, aṇurjīva ityādau ca durjñeyatvena tatraitasya bhāktatvam . evañca aṇutvaparimāṇarūpaguṇamādāya tadvatyevāsya pravṛttiḥ tena tatra tri° striyāntu guṇavacanatayā vā ṅīp . aṇvī . aṇvyomātrāvināśinyo daśārdhānāñca yaḥ smṛtā iti manuḥ . asthūlamanaṇu ityādi śrutiḥ atra nañtatpuruṣa samāsaniṣpannasya anaṇuśabdasya paravalliṅgaṃ dvandvatatpuruṣayoriti pāṇinyukteḥ paravalliṅgatvena aṇuśabdasyāpi napuṃsakatva mityavasīyate . adhikaṃ paramāṇuśabde vakṣyate .

aṇuka tri° aṇuprakāraḥ aṇu--sthūlā° kan . aṇuprakāre svārthe kan . aṇuśabdārthe cīnakādidhānye pu° .

aṇutva na° aṇorbhāvaḥ . aṇuparimāṇe .

aṇudharma pu° aṇuḥ sūkṣmo durvijñeyo dharmaḥ . durbodhe dharme nahi subodhīpyaṇureṣa dharma iti purā° .

aṇubhā strī aṇvī sūkṣmā bhā dīptiryasyāḥ ba° . vidyuti .

aṇumātra tri° aṇuḥ parimāṇamasya aṇu + mātrac . alpaparimāṇe sa aṇumātreṇa na saṃbadhyate iti śārīrakabhā° .

aṇurevatī strī aṇuḥ sūkṣmā revatī tāreva . dantivṛkṣe .

aṇuvīkṣaṇa na° aṇuḥ sūkṣmo vīkṣyate'nena karaṇe lyuṭ . sūkṣmapadārthadarśanasādhane yantrabhede, bhāve lyuṭ . sūkṣmapadārthālocane na° .

aṇuvrīhi pu° karma° . sūkṣmadhānye śyāmādau cīnakādau ca .

aṇḍa na° amanti saṃprayogaṃ yānti anena ama--ḍa ṭavargāditve'pi ḍasya nettvam . puṃso'vayavabhede muṣke, pakṣiḍimbe, tadaṇḍamabhavaddhaimaṃ sahasrāṃśusamaprabhamiti manuḥ . brahmāṇḍabhāṇḍodarabhrāmyaditi vīra° . vīrye ca . svārthe kan . tatraiva . asmin kukkuṭyādīnāṃ puṃvat . kukkuṭāṇḍam .

aṇḍakaṭāha na° aṇḍaṃ brahmāṇḍaṃ kaṭāhamiva prāṇijātakṛtakarmapākasādhanatvāt . śubhāśubhakarmapākasādhane brahmāṇḍa golake . tadbrahmāṇḍakaṭāhasaṃpuṭataṭe iti si° śi° go° .

aṇḍakoṭarapuṣpī strī° aṇḍamiva koṭare madhye puṣpaṃ yasyāḥ jātitvāt ṅīp . nīlavuhnāvṛkṣe .

aṇḍakoṣa(śa) pu° aṇḍasya muṣkasya koṣa(śaḥ) ivāvarakatvāt . aṇḍākāre carmāvṛte puṃcihnabhede .

aṇḍaja pu° aṇḍāt ḍimbāt jāyate jana--ḍa . aṇḍajāte pakṣiṇi, sarpe, matsye, (kāṃkalāsa) iti khyāte kṛkalāse ca . aṇḍajātamātre tri° . mṛganābhikastūryāntu strī aṇḍajāstu pakṣiṇaḥ sarpā nakrā matsyāḥ kacchapā ityādayaḥ sarva evāṇḍajātatvāt aṇḍajāḥ . teṣāmutpattiprakāraḥ padārthādarśe darśito yathā aṇḍato vartulībhūtācchukraśoṇitasaṃyutāt kālena bhinnāt pūrṇātmā nirgacchan prakramiṣyatīti . aṇḍajātādayo'pyatra .

aṇḍālu pu° aṇḍaḥ astyasya aṇḍa + āluc . ḍimbaviśiṣṭe matsye .

aṇḍira pu° aṇḍaḥ pumavayavabhedaḥ asyāstīti aṇḍa--īran . viśiṣṭasāmārthyavati puruṣe, samarthe ca .

ata vandhane idit bhvā° para° saka° seṭ . antati . āntīt samantati kapota iva gatadhimiti vedaḥ .

ata bandhane bhvādi° para° saka° seṭ . atati . ātīt .

ata prāpaṇe, sātatye, gatau ca bhvādi° para° saka° seṭ . atati . ātīt . kta atitaḥ . in (padātiḥ) atithirabhyatati gṛhān prati iti vedaḥ .

at avya° ata--kvip . āścarye . ūryādi° . adbhutam .

ataka pu° atati satataṃ gacchati ata--kan . pathike .

ataṭa pu° taṭyate āhanyate'mbhasā iti taṭaṃ jalādhātasthānaṃ tannāsti yasya ba° . (āḍarīri) prasiddhe ālambanasthānaśūnye, manorathānāmataṭaprapātāḥ iti . parvatādyuccasthāne, bhūmeradhobhāge ca .

atathocita tri° na tathārūpamucitaṃ yasya . yasya yadrūpamucitaṃ tadvirodhirūpāpanne .

atadguṇa pu° tadrū pānanuhārastu hetau satyapyatadguṇa iti darpaṇokte arthālaṅkārabhede, hanta sāndreṇa rāgeṇa bhṛte'pi hṛdaye mama . guṇagaura! niṣaṇṇo'pi kathaṃ? nāma na rajyasīti . atrātiraktahṛdayasaṃbandhāt ucitamapi raktatvaṃ na niṣpannamiti hetusadbhāve'pi tadrūpānanuharaṇāttathātvam .

atadguṇasaṃvijñāna pu° na tasya guṇībhūtasya samyak jñānaṃ yatra . śābdikokte bahuvrīhibhede . yathā labdhakarṇamādāyetyādau guṇībhūtakarṇāderapi dharmidvārā ānayane'nvayastathā dṛṣṭasamudramānayetyādau guṇībhūtasya samudrasya nānayane'nvayaḥ ityataḥ lambakarṇaityādistadguṇasaṃvijñānaḥ dṛṣṭasamudra ityādiśca atadguṇasaṃvijñānaḥ bahuvrīhiriti bhedaḥ . evamudāharaṇāntarāṇi jñeyāni .

atantra tri° na tantraṃ kāraṇaṃ tadadhīnā vivakṣā vā yasya . kāraṇānadhīne vivakṣāśūnye ca . hrasvagrahaṇamatantramiti siddhāntakau° .

atandra tri° nāsti tandrā nidrā, tatsadṛśam ālasyaṃ vā yasya . nidrārahite, analase ca .

atandrita tri° tandrā jātā'sya tāra° itac na° ta° . ajātanidre analase ca atandritā sā svayameva vṛkṣakān iti kumā° .

ataptatanu(nū) tri° na taptā payovratādinā tanurasya . payovratādinā dehakārśyakārake . dīrghāntapāṭhopyatraiva viśvato'taptatanūrna tadāma iti tā° brā° . na taptā taptamudrayā tanurasya . taptamudrayā akṛtacihne tri° nātaptatanuriti śruti statparatayaiva vaiṣṇavairvyākhyātā .

atarka tri° tarkyate'nena tarkastarkahetuḥ sa nāsti yasya . nirhetuke, tarkahīne ca .

atarkita tri° na tarkitam . tarkahetuvyāpārānusandhānena haṭhādāgate, anumitabhinne ca . atarkitamupasthitamiti purā° .

atala na° asya bhūkhaṇḍasya talaṃ pṛṣo° idamo'ttvam . maptapātālamadhye prathamakhaṇḍe bhūmeradhobhāge . tallokāśca sapta, atala, vitala, sutala, talātala, mahātala, rasātala, pātālasaṃjñakā adhodhastiṣṭhanti teṣāṃ niveśasthānañca svādūdakāntarvaḍayānalo'sau pātālalokāḥ pṛṭhivīpuṭānīti si° śi go° uktam . viśeṣastattacchabde vakṣyate . talaśūnye tri° nāsti talaḥ pratiṣṭhā yasya . apratiṣṭhe tri° .

atalasparśa tri° na talasyāghobhāgasya sparśo yatra va° . atigabhīre .

atalaspṛś tri° na tale spṛśyate karmaṇi kvin . agādhe .

atas avya° idam + tasil . etaddhetukārthe athāto brahma jijñāseti sūtre ataḥśabdo hetvartha iti bhāṣyam . athāto dharmajijñāseti jai° . ataścarācaraṃ viśvamiti kubhā° .

[Page 98b]
atasa pu° ata--gatau asac . vāte . sātatyārthakāt ataḥ asac, ātmani . gaurāditvāt ṅīṣi atasī . (tisi, masinā) iti khyāte vṛkṣe strī . tasyātasīsūnasamānabhāsa iti māghaḥ . atasīpuṣpavarṇābheti durgādhyāne atasī śaṇa iti smārtokteḥ śaṇavṛkṣe ca . tatsūtrajāte kṣaumavastre na° .

ati avya° ata--i . pūjāyām, utkarṣe, atikramaṇe, ca . svabhāvohyatiricyate teṣu hārdī tathāpyatīti caṇḍī° . tatpuruṣapūrbapadasthaḥ atikrāntārthe atyādayaḥ krāntādyarthe dvitīyayeti vā° . atirājī atiśvī . utkarṣārthe kugatiprādayaśceti samāse atidhanamatibalamiti . vikramātikramābuddhibhṛśārthātiśayeṣvatīti gaṇaratnokteśca vikramādiṣu tatra, vikrame atirathaḥ, (rathādhikavikramavān) atikrame, atimati (buddhyatikramaḥ) abuddhau atigahanam (buddheraviṣayaḥ) bhṛśe atitaptam (bhṛśataptam) atiśaye ativegaḥ (atiśayito vegaḥ) evamanyānyapyudāhāryāṇi . asya kriyāyoge upasargatā atikrame pūjāyāñca karmapravacanīyasaṃjñā tena tadyoge dvitīyādi tatrātikrame rājānamati, pūjāyām atistutamityādau upasargatvabādhānna ṣatvam .

atikatha tri° atikrāntaḥ kathām . kathanāyogye, aśraddheye, naṣṭe ca .

atikathā strī atyutkaṭā kathā . atyutkaṭavarṇane, vyarthabhāṣaṇe ca .

atikandaka pu° atiriktaḥ kandaḥ yasya kap . hastikandanāmake vṛkṣe .

atikarṣaṇa tri° atyantaṃ karṣati kṛṣa--lyu . atyantatāpadāyake, atyantākarṣake ca .

atikaśa tri° atikrāntaḥ kaśām tatprahāramanādṛtya svecchānusāreṇa pravṛttatvāt atyā° ta° . kaśāprakāramullaṅghya yathecchavyāpṛte durdānte aśve .

atikāya tri° atyutkaṭaḥ kāyo'sya . vikaṭadehe, rāvaṇaputre rākṣasabhede pu° tatkathā laṅkākāṇḍe cukopa sa mahātejā brahmadattavaro vibhuḥ atikāyo mahāvīrya ityupakramya āca cakṣe mahātejā rāmāya rāvaṇānujaḥ . daśagrīvo mahātejāḥ rājā vaiśravaṇātmajaḥ . tasya putrī hyasau vīro rāvaṇapratimoraṇe iti tasya sāmarthye vibhīṣaṇena nivedite lakṣṇaṇena saha tasya yuddhamāsīt tena ca tasya śiraścicchide iti tadātikāyasya śiro jahāreti rāmā° laṅkā° .

atikulva tri° ati + kula--va--kicca . atilomaśe .

atikṛcchra na° atikrāntaṃ kṛcchraṃ prajāpatyaṃ tadadhikaduḥkhasādhyatvāt atyādayaḥ krāntādyarthe dvitīyayeti sa° . dvādaśarātrasādhye prāyaścittarūpe vratabhede ekaikaṃ grāsamaśnīyāt tryahāṇi trīṇi pūrbavat . tryahañcopavasedantya matikṛcchraṃ caran dvijaḥ iti manuḥ . tryahāṇi trīṇi navāhāni pūrbavat prātaḥsāyamayācitaiḥ prājāpatyavaditi raghunandanaḥ . prajāpatye hi tryahaṃ prātastryahaṃ sāyaṃ, tryahamadyādayācitamiti manunaiva prātaḥkālādau bhakṣaṇamuktaṃ pūrbavadityanena taddharmātideśaḥ . asya puṃliṅgatvamapi atikṛcchraḥ parṇakṛcchraḥ saumyaḥ kṛcchrātikṛcchaka iti viśvāmitravacane puṃstvanirdeśāt . avagurya caret kṛcchramatikṛcchraṃ nipātane iti manuḥ . atiśayitaṃ kṛcchraṃ prā° sa° . atikaṣṭe . tadvati tri° .

atikṛta tri° maryādātikrameṇa kṛtam . maryādātikrameṇa kṛte padārthe sarvatrātikṛtaṃ loke vyasanāyopakalpate iti purā° .

atikṛti strī ati + kṛ--ktin . maryātikrameṇa karaṇe . atyā° sa° . vṛttaratnākarokte tathātikṛtirutkṛtiriti pañcaviṃśatyakṣarapādake varṇavṛttabhede .

atikeśara pu° atiriktāni keśarāṇyasya ba° . kubjakavṛkṣe .

atikrama pu° ati--krama--ghañ hrasvaḥ . ullaṅghane . atikrāntaḥ kramamiti atyā° sa° . laṅghitakrame tri° . dur + ati + krama--karmaṇi khal . duḥkhenātikramaṇīye tri° . kālo hi duratikrama iti svabhāvo duratikrama iti ca purā° . bhāve lyuṭ . atikramaṇam atraiva na° . bhāve ktin . atikrāntiratrārthe strī .

atikruddha pu° prā° sa° . aṣṭāviṃśatyakṣaroya ekatriṃśadathāpi vā . atikruddhaḥ sa vijñeyo ninditaḥ sarvakarmasu iti tantroktamantrabhede . atikopānvite tri° .

atikrūra pu° prā° sa° . krūrā vakrā atikrūrā iti jyotiṣaparibhāṣite vakragatyāpanne bhaumaśanirūpakrūragrahe . atyantakrūre tri° . triṃśadakṣarako mantrastrayastrindaśadathāpi vā . atikrṛraḥ sa vijñeyo ninditaḥ sarvakarmasu iti tantroktemantrabhede pu° .

atigaṇḍa pu° atyā° sa° atigaṇḍaḥ sukarmā ceti jyotiṣaparibhāṣite viṣkumbhāvadhi ṣaṣṭheyoge . gaṇḍātigaṇḍayornāḍīpañcakaṃ parivarjayediti jyo° ativṛddhogaṇḍogalaḥ . vṛddhagaṇḍe pu° . prā° ba° . ativṛddhagaṇḍavati tri° .

atigandha pu° atiśayito gandho yasya ba° . campakavṛkṣe . atiśayitagandhavati tri° .

atigandhālu pu° atigandha + matvarthe āluc . puttradātṛlatā yām rājanigha° .

atigarvita tri° atyantaṃ garvitaḥ . atyantagarvayukte atyabhimānini garvaśca ātmani asato guṇāderutkarṣābhimānaḥ tasyātyantatvamanyasmin apakarṣajñānapūrbakatvam .

atigava tri° atikrānto gāṃ buddhyā ṣacsamā° . atyantamūrkhe atikrāntaḥ gāṃ vācam . vākpathātīte avarṇanīye ca tri° .

atigahvara tri° atikrānto gahvaraṃ durbodhatvena praveśāyogyatvāt atyā° sa° . durbodhe atigahane .

atiguṇa pu° atiśayito guṇaḥ . atiśayavinayadākṣiṇyādau . atikrānto guṇam . guṇahīne tri° . atiśayitī guṇī'sya prā° ba° . utkṛṣṭaguṇavati tri° .

atiguru pu° atiśayito guruḥ pūjyatamatvāt prā° sa° . trayaḥ puruṣasyātiguravo bhavanti pitā mātācāryaśceti viṣṇūkte pitrādau . atyantagurutvavati pāradādau dravye tri° . striyāṃ vā ṅīp . atigurvī .

atiguhā strī atikrānto guhāṃ madhyāvakāśena . pṛśniparṇyām .

atigraha tri° atiśayitaḥ graho jñānaṃ, svasvakāryasya grahaṇaṃ vā yeṣām . svasvaviṣayagrāhakeṣu netrādiṣu jñānendriyeṣu, ādānādisvasvakāryakārakeṣu vāgādiṣu karmentriyeṣu ca . atikrānto graham . atyantadurbodhe tri° . atiśayito graho jñānam . sarvathā samyagjñāne pu° . atigrahaṇādayo'pyuktārtheṣu .

atighnī strī atiśayena hanti duḥkhaṃ hana--ṭak . duḥkhāsambhinne sukhāvasthābhede .

aticarā strī atikramya svasthānaṃ saro'ntaraṃ carati gacchati cara--ac . padminyām, tattulyākāravattvāt sthalapadminyāṃ, padmacāriṇyāṃ latāyāñca . atikramaṇakāriṇi tri° .

aticāraḥ pu° atikramya svasvabhogakālamullaṅghya cāraḥ rāśyantaragamanam . jyotiṣokte bhaumādipañcakasya svasvākrāntarāśiṣu bhogakālamullaṅghya rāśyantaragamane . aticāraśca grahagatiśabde vakṣyamāṇena ravirmāsaṃ niśānāthaḥ sapādadivasadvaya mityādinoktabhogakālabhedollaṅghanena grahāṇāṃ atiśīghragatayā alpakālenaiva ākrāntarāśimupabhujya rāśyantaragamanam . tacca vistareṇa grahagatiśabde vakṣyate . yadāticāraṃ surarājamantrīti aticāraṃ gate jīve iti go'jālikumbhetarago'ticārama iti ca jyotiṣam . guroraticāre kālāśuddhiśca akālaśabde darśitā . atikramya gamane ca .

[Page 100a]
aticārin tri° ati + cara--ṇini . pūrboktāticāravati grahe . aticārī yadā jīva iti jyotiṣam . atikramya atiśayena vā gantṛmātre tri° .

aticchatra pu° atikrāntaśchatram tulyākāreṇa atyā° sa° . (chātiyā) iti prasiddhe sthalatṛṇaviśeṣe, (tālamākhanā) iti prasiddhe jalatṛṇabhede ca . svārthe kan . aticchatrako'pyatrārthe, chatrākārapatrapuṣpavati (sūlphā) iti prasiddhe śākabhede tu strī . kṣīrasvāmimate chatrā ityeva nāma . chatrātikramakāriṇi tri° . atikrame'vyayī° . chatrātikrame avya° .

aticchandas na° atikrāntaḥ chandaḥ vṛttānusārivarṇavinyāsabhedam atyā° sa° . ukthādichando'tikrameṇa vinyaste'kṣaravinyāsabhede prājāpatyā acchandasa iti acchandasaḥ śaṃsatīti ca vedaḥ . chando vedo'bhiprāyo vā . tadatikrāntari vedoktakarmahīne, atikrāntābhiprāye ca tri° .

atijagatī strī atikrāntā jagatīṃ dvādaśākṣarapādāmekākṣarādhikyāt atyā° sa° . trayodaśākṣarapādake chandobhede . jagatīṃ bhuvanamatikrāntavati tri° . puṃsi klīve ca hrasvāttaḥ .

atijava tri° atiśayito javoyasya ba° . ativegavati drutagāmini ca . prā° sa° . atiśayitavege pu° . sagarasantatisantaraṇecchayā pracalitātijayena ityudbhaṭaḥ .

atijāgara pu° atiśayito jāgaro nidrārāhityaṃ yasya ba° . nīlavake pakṣiṇi tasya sarvadā jāgarūkatvāttattvam . nidrārāhityavati tri° .

atiḍīna na° atikrāntaṃ ḍīnaṃ gatibhedaṃ atyā° sa° . pakṣiṇām atidīrghagamane .

atita(mā)rām avya° ati + tara(ma)p āmu . atyante vegavānatitarāmāyāti cenmāruta ityudbhaṭaḥ .

atitāra tri° atiśayitastāraḥ . muktāderatiśayaśuddhau atitārahāreti kādamba° . atyuccaśabde pu° tadvati tri° .

atitīkṣṇa tri° atiśayena tīkṣṇaḥ kaṭuraso yasya ba° . marīcādau (sajanā) iti prasiddhe śobhāñjane pu° . atitigme pu° . tadvati tri° .

atithi pu° atati gacchati na tiṣṭhati ata--ithin . adhvayogena āgantuke gṛhāgate, ekarātraṃ hi nivasan hyatithirbrāhmaṇaḥ smṛtaḥ . anityāsya sthitiryasmāttasmādatithirucyate . naikagrāmīṇamatithiṃ vipraṃ sāṅgatikaṃ tatheti viṣṇu sa° . tasya ca vaiśvadevabaleḥ prāgeva pūjyatā paratra āhāradānamātraṃ yathoktaṃ manunā vaiśvadeve tu nirvṛtte yadyanyo'tithirāvrajet tasmā annaṃ yathāśakti pradadyāditi kintu tasyāpyatithitvameva yathoktaṃ priyo vā yadi dveṣyo mūrkhaḥ paṇḍita eva vā . saṃprāpto vaiśvadevānte vipraḥ so'tithiriṣyate iti smṛtyā . atithipratīkṣaṇañca muhūrtāṣṭamabhāgaparyantam . ācamya ca tataḥ kuryāt prājño dvārāvalokanam mūhūrtasyāṣṭamaṃ bhāgamudvīkṣyohyatithirbhavet iti mārka° . viṣaye ca tasya indriyeṣu saṃsargamātrakāle eva cetasi sthitirnottarakālamiti gatiranumīyate . prathamaṃ pathi locanātithimiti naiṣa° .

atithipūjā strī 6 ta° . gṛhasthakartavyapañcayajñāntargate nṛyajñarūpe'tithipūjane atithisatkārādayo'pyatra .

atidāna na° atiśayitaṃ dānam prā° sa° . atyutkaṭadāne atidāne balirbaddha iti nīti° .

atidiṣṭa tri° ati + diśa--kta . atideśaviṣaye yathā prakṛtivat vikṛtiḥ kartavyeti vākyena prakṛtībhūtadarśayāgāderaṅgakāryāṇi prayājādīni vikṛtau paśvādiyāge'tidiśyante . atideśonāma itaradharmasya itarasmin prayogāya ādeśaḥ iti mībhāṃsāyāṃ sthitam .

atidīpya pu° atiśayena dīpyate ati + dīpa--chartari yat . raktacitrake (lālacitā) iti khyāte vṛkṣe .

atideva pu° atikrāntodevān atyā° sa° . sarvadevaśreṣṭhe rudre drāvaṇāccātideva iti vedaḥ .

atideśaḥ pu° atikramya svaviṣayamullaṅghya anyatra viṣaye deśa upadeśaḥ atidiśyate vā karaṇe karmaṇi vā ghañ . anyatraiva praṇītāyāḥ kṛtsnāyā dharmasaṃhateḥ . anyatra kāryataḥ--prāptiratideśaḥ sa ucyate . prākṛtāt karmaṇo yasmāttat--samāneṣu karmasu . dharmapraveśo yena syādatideśaḥ sa ucyate ityadhikaraṇamālādhṛtābhiyuktavākyokte anyatraprāpte'nyadharme tatprāpake śāstrabhedeca . yathā prakṛtivat vikṛtiḥ kartavyetyādiḥ sa cātideśaḥ pañcavidhaḥ śāstrātideśaḥ, kāryātideśaḥ, nimittātideśaḥ, vyapadeśātideśaḥ, rūpātideśaśca . etasya udāharaṇādikamākare jñeyam . atideśaśca prāyeṇa ivavadādisādṛśyavācakaśabdena yathā prakṛtivat vikṛtirityādi ayañca vaidikakarmaṇīva vyākaraṇādiśāstre, laukike vyavahāre ca vidyate yathā iṇvadika, ityatra vyākaraṇe rūpātideśaḥ karmaṇā karmavattulyakriya ityādau, puṃvadityādau ca kāryātideśaḥ, ṇidvadityādau nimittātideśaḥ, vyapadeśivadbhāvaityādau saṃjñātideśa ityevaṃ prakārā atideśāḥsanti .. loke ca gosadṛśogavayaityādau rūpātideśaityādi . ataevopamānarūpapramāṇe asyātideśavākyasya karaṇatvaṃ sahakāribhāvovetyādi tattacchāstrakārairaṅgīkṛtam atideśena nirvṛttam ṭhak . ātideśikaṃ tri° . ātideśikavidhiranitya iti paribhāṣā .

atidhanvan pu° atyutkṛṣṭaṃ dhanuryasya prā° ba° dhanuṣo'naṅ . utkuṣṭadhanuryukte yodhe . dhanvā maruḥ atyā° sa° . marusthalātikramakāriṇi tri° .

atidhṛti strī atikrāntā dhṛtim aṣṭādaśākṣarapādikāṃ vṛttimekākṣarādhikyāt atyā° sa° . ūnaviṃśatyakṣarapādake chandobhede . dhṛtirdheryaṃ santoṣo vā . tadatikramakāriṇi tri° .

atinu(nau) tri° atikrāntonāvam atyā° sa° klīve hrasvaḥ . naukātikramakāriṇi . puṃsi striyāṃ ca atinauḥ .

atinidra avya° nidrā samprati na yujyate avyayī° . nidrāyā ayogyakāle . atikrānto nidrām atyā° sa° . atikrāntanidre nidrārahite tri° . atiśayitā nidrā'sya . dīrghanidre tri° . prā° sa° . dīrghanidrāyāṃ strī .

atipatti strī ati + pata--ktin . atipatane, atikrame . kālātipattau dviguṇāmiti smṛtiḥ . padaktin pattirniṣpattiḥ atyā° sa° . aniṣpattau strī . liṅnimitte ḷṅ kriyātipattāviti pā° . kriyātipattiḥ kriyāyā aniṣpattiriti vṛttiḥ . pattiṃ senāmatikrānte tri° .

atipatra pu° atiriktaṃ vṛhatpatramasya . hastikandavṛkṣe .

atipa(tha)thin pu° atiśayitaḥ sundaraḥ panthāḥ prā° sa° ateḥ pūjārthatvāt na samā° . satpathe . atītapathe tu samā° .

atipada tri° atikrāntaḥ padaṃ caraṇam . varṇavṛttānusāripādātikrānte atipadā gāyatrī atipadā jagatīti .

atipanna tri° ati + pada--kta . atikrānte . tathātipannaśiśusaṃskārāśceti muhūrtaci° .

atiparokṣa tri° atikrāntam parokṣam . pratyakṣe, tadviṣaye ca .

atipāta pu° atikramya pātaḥ gatiḥ ati + pata--ghañ . atikrame na cet kāryātipātaḥ iti śaku° .

atipātaka na° atikrānto'tyantaduṣṭatvenānyat pātakaṃ atyā° sa° . puṃsāṃ mātṛsnuṣāduhitṛgamanajanye, strīṇāñca puttrapitṛśvaśuragamanajanye pātakaviśeṣe . mātṛgamanaṃ, duhitṛgamanaṃ, snuṣāgamanañcetyatipātakānīti atipātakinastvete praviśeyurhutāśanamiti eteṣvakṛtaprāyaścittā atipātakinaḥ paryāyeṇa kalpaṃ pacyante iti ca viṣṇu sa° . sadyo'gnipraveśanatipātakina iti hārītaḥ . atha narakānubhūtaduḥkhānāṃ tiryaktvamuttīrṇānāṃ mānuṣye lakṣaṇāni kuṣṭhyatipātakīti viṣṇusa° . pātakamatikrāntavati puṇyaśīle tri° .

atiprage avya° atipragīyate'smin kāle ati + pra + gai--ke . atyantaprātaḥkāle . nātiprage nātisāyaṃ na niśīthe na coṣasīti smṛtiḥ .

atipramāṇa tri° atikrāntaḥ pramāṇam atyā° sa° . pramāṇātikrānte yasya yatpramāṇamucitaṃ tato'dhikapramāṇavati . prā° sa° . atyantapramāṇe vṛhatpramāṇe na° .

atipravṛddha tri° atyantaṃ pramāṇātirekeṇa pravṛddham . pramāṇavatirekeṇa vṛddhimati . atipravṛddhiśca nadyāderjalasya tīrādyatikrameṇa, kṣattriyādeḥ svakartavyatāmūḍhatayā maryādādyatikrameṇa vīryādhikyena vā vṛddhiḥ tasyātipravṛddhasya brāhmaṇān prati anādara iti . atipravṛddhaṃ prahitāstravṛṣṭibhiriti raghuḥ .

atipraśna pu° atikramya maryādāṃ praśnaḥ . maryādātikrameṇa praśne saduttare jāte'pi punarjijñāsāyām . yathā vṛhadāraṇyake yājñavalkyaṃ prati vālākyatipraśnaḥ tatra brahmamīmāṃsāyām tena kṛtāyāmapi vṛthātipraśnakaraṇāt tasya muṇḍapatanaṃ sūryavarāt jātamiti vṛhadāraṇyake'nusandheyam .

atiprasakti strī ati + pra + sanja--ktin . atyantāsaktau, pramaṅgamatikramyānyatra sambandhe atiprasaṅge ca . lakṣyelakṣaṇasambandhaḥ prasaṅgaḥ, alakṣye tatsambandho'tiprasaṅgaḥ . atiprasaktyanāpādaketi jagadīśaḥ .

atiprasaṅga pu° ati + pra + sanja ghañ . atiprasaktipadārthe . prasaṅgamatikrāntavati tri° .

atiprasiddha tri° ati + pra + sidha--kta . ativikhyāte subhūṣite ca .

atiprauḍhā strī prakarṣeṇa uhyate'tra prauḍhaḥ vivāhakālaḥ prā° ba° atiśayitā vā prauḍhā vṛddhiyuktā . vivāhayogyakālāyām atiśayavṛddhiyuktāyāñca striyām strīṇantu daśavarṣātītakāla eva atiprauḍhakālaḥ . atiprauḍhā ca yā nārīti smṛtiḥ atipravṛddhe tri° .

atibala tri° atiśayitaṃ balaṃ yasyāḥ 5 ba° . atyantabalādhāyi kāyāṃ pītavarṇāyāṃ (veḍiyālā) iti khyātāyāṃ latāyāṃ, viśvāmitreṇa rāmāya datte astravidyābhede ca strī . yathā gṛhāṇa dve ime vidye balāmatibalāṃ tathā . na te śramo jarā vābhyāṃ bhavitā nāṅgavaikṛtam .. na ca suptaṃ pramattaṃ vā dharṣayiṣyanti nairṛtāḥ . na ca te sadṛśo rāma! vīryeṇānyo bhaviṣyati . sadevanaranāgeṣu lokeṣviha pumāṃstriṣu . na saubhāgye, na dākṣiṇye, na buddhiśru tipauruṣe .. nottare pratipattavye tvattulyo vā bhaviṣyati . etadvidyādvayaṃ prāpya yaśaścāvyayamāpsyasi .. balāmativalāṃ caiva jñānavijñānamātarau . kṣutpipāse ca te rāma . nātyarthaṃ pīḍayiṣyataḥ .. jayaśca durgakāntārapradeśeṣvaṭavīṣu ca . sāratāṃ triṣu lokeṣu gamiṣyasi ca rāghava! .. pitāmahasute hyete vidye cāyurbalāvahe . pātraṃ tvamasi kākutstha! vidyayorgrahaṇe'nayoḥ .. svabhāvajairguṇairdivyaiḥ karmajairbahulairvṛtaḥ . bhūyastava guṇotkarṣamete vidye kariṣyataḥ .. tato rāmo jalaṃ spṛṣṭvā prāñjaliḥ praṇataḥ sthitaḥ . pratijagrāha te vidye viśvāmitrāt tapodhanāditi . atiśayitaṃ balam prā° sa° . atyante bale, sāmarthye, sainye ca na° . atiriktaṃ balamasya . atyantabalayukte tri° jayatyatibalo rāmo lakṣmaṇaśca mahābala iti rāmā° . atirathe ca bhārate atirathaviṣayaeva, eṣa hyatibalomata iti bhīṣmeṇa bhūriśaḥ prayuktatvāt balakāryatvācca tasya tathātvam .

atibālā strī atikrānto bālaṃ bālyāvasthām . dvivarṣavayaskāyām varṣamātrā tu bālā syādatibālā dvivārṣikīti smṛtyuktāyām gavi ativṛddhāmatikṛśāmatibālāṃ ca rogiṇām hatvā carediti smṛtiḥ . atyantabāle tri° .

atibrahmacarya pu° atikrānto brahmacaryam atyā° sa° . strīsaṅgamakāriṇi brahmacaryatyāgini .

atibhāraḥ pu° atyantobhāraḥ gurutvam svakāryakaraṇe kṣamatāviśeṣo vā . atyantagaurave atyantabhāre, na cātibhāraḥ samarthānāmiti . atiśaye sā muktakaṇṭhaṃ vyasanātibhārāt cakranda vignā kurarīva bhūya iti raghuḥ . vege ca .

atibhāraga pu° atibhāreṇa vegena gacchati gama--ḍa 3 ta° . khare aśvatare gardabhādvaḍavājāte aśvabhede .

atibhī strī atibibhetyasyāḥ darśanāt ati + bhī--kvip . vajrajvālāyām . taddarśane hi lokānāmatibhītirlokasiddhā .

atibhūmi strī atiśayitā bhūmirmaryādā prā° sa° . atimaryādāyām, ādhikye ca . prāpya manmathamadādatibhūmiṃ duḥsahastanabharāḥ suratasyeti māghaḥ . atikrame'ghyayī° . maryādātikrame'vya° . bhūmiṃ maryādāṃ vā'tikrānte tri° .

atibhojana na° atyantaṃ maryādāmatikramya bhojanam . yasya yāvat bhojanamucitaṃ tadatikrameṇa bhojane .

[Page 102b]
atimaṅgalya pu° atimaṅgalāya hitam atimaṅgala + yat . vilvavṛkṣe . prā° ba° . atimaṅgalahite tri° .

atimaryāda avya° . atikrame avyayī° . maryādātikrame . atikrānto maryādām atyā° sa° . maryādāmatikrāntavati . yasya vastunaḥ yāvatī sīmā tadatikrānte nirmaryāde tri° .

atimātra tri° atikrānto mātrāmalpaṃ atyā° sa° . atiśayite, mātrātikramakartari ca . atiśayitā mātrā pramāṇamasya . bhṛśārthe tri° . munivrataistāmatimātrakarṣitāmiti kumā° . atikrāntomātrāṃ pramāṇam atyā° sa° . vṛhatpramāṇe tri° .

atimātraśas avya° atimātra + śas . atipramāṇakārakavṛttivīpsārthe .

atimāna pu° atyantaḥ mānaḥ abhimānaḥ . anucitābhimāne atimāne ca kaurava iti cāṇakyaḥ . atikrāntomānaṃ pramaṇām atyā° sa° . pramāṇādhike tri° .

atimānuṣa tri° atikrānto mānuṣacaritram atyā° sa° . manuṣyāyogye divye karmādau . karma tasyātimānuṣamiti purā° . tathābhūte rūpādau ca .

atimitra na° atyantaṃ paramaṃ mitram . atyantabāndhave janmasampad vipat kṣemaṃ pratyariḥ sādhakobadhaḥ mitraṃ paramamitrañceti jyotiṣokte nṛṇāṃ janmatārāvadhi navamāṣṭādaśasaptaviṃśātmake paramamitratārake ca .

atimukta tri° atiśayena muktaḥ videhakaivalyaṃ gataḥ ati + muca--kartari kta . nirvāṇamuktimati . atikrānto muktāṃ śaubhryāt atyā° sa° . mādhavīlatāyāṃ, tiniśavṛkṣe ca pu° .

atimuktaka tri° atimukta + svārthe kan . nirvāṇamuktimati atiśayitamukte ca . mucā bhāve kta atiśayena muktaṃ banghahīnatā yasya kap . tindukavṛkṣe, tālavṛkṣe ca pu° .

atimukti strī atyantā muktiḥ . videhakaivalye tattvajñānānantaram tasya tāvadeva ciraṃ yāvat vimokṣye iti śrutidarśite śarīratyāge, atimokṣādayopyatrārthe pu° .

atimṛtyu pu° atikrānto mṛtyum atyā° sa° . mokṣe tameva viditvā'timṛtyumeti nānyaḥpanthā vidyate iti śrutiḥ . svādṛṣṭādibhiḥ śarīrasaṃbandhohi janma, tadviyogaśca maraṇam tadabhimāninojīvasya . sati ca jñāne tanmūlājñāne nivṛtte taddhetukaśarīrasaṃbanvādikaṃ tantudāhe paṭadāhavat svayaṃ nivartate ata eva jñānavato dehādisaṃbandhaṃ śrutirnirāsa aśarīraṃ bāva santaṃ priyāpriye na smṛśata iti . tathā ca dehasaṃbandhābhāve kathaṃ maraṇasambhavaḥ . na jāyate mriyate vā kathañciditi gītāvākyena tasya maraṇaniṣedhāt . na tasya pāṇāhyutkrāmanti ihaiva samavalīyante iti śrutyā tattvajñāninaḥ prāṇotkrabhaṇarūpamaraṇaniṣedhena jñānino na mṛtyuriti vedāntisiddhāntaḥ . anyamate tu etaddehāt prāṇotkrāntāvapi na punardehasambandhottaraṃ punarmaraṇamiti tadrāhityameva mokṣa iti bhedaḥ . ataevoktaṃ śrutyā mṛtyumukhāt pramucyate iti tena punarmṛtyukāraṇībhūtādṛṣṭakṣaya eva jñānena janyate jñānāgniḥ sarvakarmāṇīti śāstreṇa prārabdhakarmāriktakarmakṣayasyaiva jñānena sādhyatāyāḥ sarvasammatatvāt viduṣaśca etaddehārambhakādṛṣṭavat etaddehavigamādṛṣṭasyāpi prārabdhaphalakatayā na tasya nāśa iti . adhikamākare draṣṭavyam .

atimaithuna na° atyantaṃ svaśaktimatikramya maithunaṃ strīsaṅgamaḥ . svaśaktyatikrameṇa strīsaṅgame . atimaithunādamaithunādveti

atimodā strī atiśayito modogandhaḥ yasyāḥ na° . navamallikāyām . atyantāmodavati tri° .

atirakta tri° atyantaḥ raktaḥ raktavarṇaḥ anurāgayukto vā . atilohitavarṇe, atyantānurakte ca . atyantaraktavarṇe pu° .

atiratha pu° atikrānto rathaṃ rathinam atyā° sa° . amitān yodhayedyastu saṃprokto'tirathastu sa ityuktalakṣaṇe yodhaviśeṣe . ye rathāḥ pṛthivīpāla! tathaivātirathāśca ye ityupakramya kṛtavarmā hyatiratha iti madrarājo maheṣvāsaḥ śalyo me'tiratho mata ityādinā bahavo'tirathā bhā° udyo° rathātirathāsaṃkhyāne darśitāḥ . rathātikramakārake tri° .

atirasā strī atiśayito raso yasyāḥ ba° . (rāsnā) iti khyātāyāṃ mūrvālatāyām .

atirāja tri° atikrānto rājānam ṭac samā° . atikrāntanṛpe . striyāṃ ṅīp .

atirājan pu° atiśayitaḥ pūjito rājā na pūjanāditi niṣedhāt na ṭac . pūjyanṛpatau .

atirātra pu° atiśayitā rātriḥ tataḥ astyarthe ac . ekarātrasādhye yāgabhede . sa ca gavāmayane prathamasaṃsthaḥ yathoktaṃ tāṇḍyabrāhmaṇe . prajāpatirvā idamagra āsīt so'kāmayata bahu syāṃ prajāyeyeti saetamatirātramapaśyattamāharattenāhorātre prājanayaditi gavāmamayanasatramupakramya, athāsya satrasya pūrboktānyahāgi krameṇa vidhāsyan atirātrasaṃstham prathamaṃ vidhātumāheti bhāṣye avataraṇikāṃ dattvā vyākhyātaṃ yathā sa evaṃ kāmayamānaḥ prajāpatiḥ sṛṣṭyupāyatvena etaṃ gavāmayanasyādyamatirātramapaśyaditi . tañca stutipūrbakaṃ vidhitsannāha . yadeṣo'trirātro sa evāhorātre eva prajanayantīti eṣa prajāpatinā dṛṣṭo'tirātraḥ gavāmayanasya prathamamaharbhavatīti yat tena satrānanutiṣṭhanto yajamānā ahorātre eva prajanayanti utpādayanti svāvīne kurvantīti bhāṣyam . itthamupakramya caturthādhyāyaprathamakhaṇḍaparyante tatra vihitāni stotraśastrādīnyuktāni . atirātre ṣoḍaśinaṃ gṛhṇāti, nātirātre ṣoḍaśinaṃ gṛhṇātīti śrutyantaram . ṣoḍaśī pātrabhedaḥ .

atiri na° atikrāntaṃ rāyaṃ klīvatvāt hrasvaḥ . dhanātikrānte kulādau . tṛtīyādyaci tu atiriṇā atiriṇe ityevamekaikameva rūpaṃ, na puṃvadbhāvaḥ tasya igantāṅgatvābhāvāt . puṃsi, striyāñca atirāḥ atirāyāvityādi .

atirikta tri° ati + ric--kta . atiśayite, śreṣṭhe, bhinne, śūnye ca . bhāve kta . atiśaye, ādhikye ca na° . tatra bhede atiriktamathāpi yadbhavediti bhāṣā° na vṛkṣavṛtti vyatirikteti kumā° . yasya yāvatpramāṇaṃ yuktaṃ tato'dhikatve hīnāṅgīmatiriktāṅgīmiti smṛtiḥ .

atiruc pu° rocate iti ruk strīṇāmūrudeśaḥ atikrānto rucam atyā° sa° . jānudeśe . atikrāntakāntike tri° . prā° sa° . atiśayitakāntau strī .

atirūkṣa tri° atiśayitaḥ rūkṣaḥ prā° sa° . atyantarūkṣe snehaśūnye ca . tathābhūte kaṅgukodavādidhānye pu° . atikrāntorūkṣam . atiśayasnigdhe tri° .

atirūpa pu° atikrānto rūpam . rūpavarjite parameśvare . aśabdamasparśamarūpamavyayamiti śrutyā tasya rūpahīnatāpratipādanāttathātvam . śuklādirūpahīne vāyvādau tri° . atiśayitaṃ rūpam prā° sa° . sundararūpe na° . atirūpavatī kanyā .

atireka pu° ati + ric--ghañ . atiśaye, bhede, prādhānye, ādhikye ca . saṃpūrṇametayorjñeyamatireke pare'hanīti tithita° .

atiroga pu° atiśayito rogaḥ prā° sa° . kṣayaroge prā° ba° . atyantarogayukte tri° .

atirodhāna na° na tirodhānam . prakāśe, vyavadhānābhāve ca .

atiromaśa pu° atiśayitaṃ roma atiroman + astyarthe śa . vanajāte chāge, vṛhadvānare ca . atyantaromāḍhye tri° .

atirohita tri° na tirohitaḥ . prakāśite sphuṭe'rthe atirohitārthamanyaditi pramitā° . avyavahite ca .

[Page 104a]
atilomaśa pu° atiromavat . vanajāte chāge vṛhadvānare ca . atilomayukte tri° . nīlavuhnāyāṃ strī .

ativaktṛ tri° ati + vaca--tṛc . vāvadūke, vācoyuktidakṣe ca .

ativakra pu° prā° sa° ativakrā nagāṣṭake iti jyotiṣokte sūryasya saptamāṣṭamasthitivaśāt pūrbagativiparītapaścādgatiśālini bhaumādigrahapañcake . atyantakuṭile tri° .

ativayas tri° atikrānto vayaḥ kālakṛtāvasthāṃ, vayasaṃ pakṣiṇaṃ vā . prāptavārdhake, atikrāntapakṣiṇi ca .

ativarṇāśramin pu° atikrānto varṇānāśramiṇaśca atyā° sa° . brāhmaṇādivarṇabhinne brahmacaryādyāśramibhinne ca yo vedāntamahāvākyaśravaṇenaiva kevalam ātmānamīśvaraṃ veda so'tivarṇāśramī bhave dityādyuktalakṣaṇe ekyātmajñānini

ativartana na° ati + vṛta--lyuṭ . atireke . atikramya daṇḍaṃ vartante kartari lyu . yānasārathyādeḥ, daṇḍābhāvaprayojake chinnanasyādidaśake manunā yānasya caiva yātuśca yānasvāmina eva ca daśātivartanānyāhurityupaknamya, chinnanasye bhagnayuge tiryakpratimukhāgate akṣabhakṣe ca yānasya cakrabhaṅge tathaiva ca . chedane caiva yantrāṇāṃ yantraraśmyostathaiva ca . ākrośe cāpyapaihīti na daṇḍaṃ manuravrīditi daṇḍābhāvakāraṇāni daśa darśitāni jñeyāni . atyā° sa° . atītajīvanopāye tri° .

ativartin tri° atītya vartate ati + vṛta--ṇini . atiśayini, agrage ca .

ativartula pu° atiśayitaḥ vartulaḥ . (vāṭulākalāi) iti khyāte vartulākārake kalāye . atyantavartule tri° .

ativāda pu° ati + vāda--ghañ . atyuktau, ativādaratā ye ca iti purāṇam . ativādaṃ śaṃsatyativādena iti vedaḥ . kaṭhoravākye, apriyavākye ca .

ativādin tri° sarvānatītya vadatīti ati + vada--ṇini . sarvānatikramya vadanaśīle, sarvamatakhaṇḍanena khamatavyavasthāpake ca . vijānan vidvān bhavate nātivādīti śrutiḥ .

ativāha pu° atītya dehamanyadehe vāhaḥ prāpaṇam 7 ta° . aihikabhogasādhanādṛṣṭakṣaye sūkṣmabhūtamātrāsahitasūkṣmaśarīrāvacchinnajīvasya dehāntarādisaṃyogāya nayane, atiyāpane ca . ativāhe niyuktaḥ ṭhak . ātivāhikaḥ tatraniyukte tri° .

ativāhaka pu° atītyaitaṃ dehaṃ vāhayati dehāntaraṃ prāpayati ati + vaha--ṇvul . īśvaraniyojite arcirādyabhimānidevabhede . tathāhi arciṣohaḥ, ahna āpūryamāṇapakṣam, āpūryamāṇapakṣāt yān ṣaṇmāsān udaṅṅeti tān māsān, māsebhyaḥ saṃvatsaraṃ, saṃvatsarādādityamādityāccandramam candramaso vidyutaṃ, tatpuruṣo'mānavaḥ saenaṃ brahma gamayatīti śrutau vākyaśeṣe amānavapuruṣasya brahmalokaprāpakatvaśruteḥ tatpūrvāṇāmapi arcirādīnāṃ cetanatvamiti ātivāhikāstalliṅgāditi sūtre nirṇītam . agnirjyotirahaḥ śuklaḥ ṣaṇmāsā uttarāyaṇamiti gītāvyākhyāyāñca arcirādayastadabhimāninyo devatā iti śrīdharasvāmibhirapyuktam yuktañca avṛtrikendriyādikasūkṣmaśarīrasya sthānāntaranayanaṃ cetanakartṛkaṃ vinā'nupannamityatastadānoṃ tasya sthānāntaragamanasiddhaye kalpitacetanānāmeva prerakatvamiti . anyacca, pañcaprāṇamanobuddhidaśendriyasamanvitam apañcīkṛtabhūtotthaṃ sūkṣmāṅgaṃ bhogasādhana mityuktasya bhogasādhanasya niśceṣṭasya sūkṣmaśarīrasya tadavacchinnajīvasya ca sthānāntaranayanamāśrayabhūtena vinā na sambhavatīti tadāśrayabhūtaṃ bhūtapañcakaṃ ca kalpyate yathoktaṃ manunā aṇvyomātrāvināśinyo daśārdhānāntu yāḥ smṛtāḥ . tābhiḥ sārdham ityuktam śārīrakasutre ca tadantarapratipattau raṃhati sampariṣvakta iti bhūtamātropaṣṭabdhasyaiva saṃsaraṇamuktaṃ sāṃkhye va citraṃ yathāśrayamṛte sthāṇvādibhyo vinā yathā cchāyā . tadvadvinā viśeṣairna tiṣṭhati nirāśrayaṃ liṅgamiti, saṃsarati nirupabhogaṃ bhāvairativāsitaṃ liṅgamiti coktam . ativāhaprakārastu utkramaṇaśabde viśeṣeṇa vakṣyate . ati + vaha--ṇic ṇvul ativāhakārake, atiyāpake ca tri° .

ativāhika tri° ativāhaḥ astyasya ṭhan . ativāhayogye ativāhaśabdokte sūkṣmaśarīre .

ativāhita tri° ati + vaha--ṇic--kta . yāpite, atikramite ca .

ativāhya tri° ati + vaha--ṇic karmaṇi--yat . ativāha yogye kālādau .

ativikaṭa pu° atiśayena vikaṭaḥ . duṣṭahastini . atikarāle tri° .

ativiṣā strī atikrāntā viṣam atyā° sa° . (ātaic) iti khyātāyām latāyām . trividhā'tiviṣā jñeyā śuklā kṛṣṇā tathā'ruṇā . rasavīrya vipākeṣu nirviṣeva guṇādhiketi vaidyakam . viṣātikramakārake tri° .

ativṛtta tri° atikramya vartate vṛta--kta . atiśayite, atikrānte tadyuddhamativṛttamiti nāṭa° .

[Page 105a]
ativṛtti strī ati + vṛta--ktin . atikrame . vṛttirjīvikā tāmatikrānte tri° .

ativṛddha tri° atyantaṃ vṛddhaḥ . atyantavṛddhiyukte, atijarati ca . tṛṇādicarvaṇāsamarthāyāṃ gavi strī . ativṛddhāmatikṛśāmiti smṛtiḥ ativṛddhām tṛṇacchedanāsamarthāmiti raghu° . catuḥśataṃ samārabhya yāvadvarṇasahasrakam . ativṛddhaḥ sa mantrastu sarvaśāstreṣu varjita iti tantrokte mantrabhede pu° .

ativṛṣṭi strī ati + vṛṣa--ktin . atyantavṛṣṭau śasyopaghātakopadravarūpe ativṛṣṭiranāvṛṣṭiḥ śalabhāḥ mūṣikāḥ svagāityādyukte ītibhede nirītibhāvaṃ gamite'tivṛṣṭaya iti naiṣa° .

ativedha pu° atyantoyedhaḥ samparkaḥ . aruṇodayavedhaḥ syāt sārdhantu ghaṭikādvayam . ativedhodvighaṭikā prabhāsandarśanā dṛveḥ itismṛtyukte ekādaśyāḥ daśamīsamparkarbhede, yātudhānaṃ vrataṃ yoge, mahāvedhe tu rākṣasam . jambhāsurasyātivedhaḥ iti brahmavai° jambhāsurasya phaladāyakaṃ na tu kartuḥ phaladam tena nindāśravaṇāt sā ekādaśī naivopāsyeti .

ativegita tri° ativego jāto'sya tārā° itac . jātādhikavege bhaumādayo'lpamūrtitvācchīghramandoccasaṃjñakaiḥ devatairapakṛṣyante sudūramativegitāḥ iti sūrya° .

ativela tri° atikrānto velāṃ maryādām kūlaṃ vā atyā° sa° . atiśayite, nirmayyāde, samudrādikūlātikramakārake ca . atikrame avyayī° . velātikrame avya° .

ativoḍhṛ tri° ati + vaha--tṛc . ativahanakartari prāpake agnirvai patho'tivoḍhā sa etānativahatīti śrutiḥ . striyāṃ ṅīp .

ativyathana na° ati + vyatha--ṇic--lyuṭ ghaṭā° hrasvaḥ . atyantapīḍane, sapatraniṣpatrādativyathane iti pā° .

ativyathā strī atyantā vyathā . atyantapīḍāyām .

ativyaya tri° atiśayitovyayaḥ . aparimitavyaye yasyayāvān vyayaucitastato'dhikavyaye vyayaniyamaśca, pādena tasya pārakyaṃ kuryāt sañcayamātmavān . ardhena cātmabharaṇaṃ nityanaimittikaṃ tathā pādārdhārdhena sarvasya mūlabhūtaṃ vivardhayet evamārabhataḥ puṃsāmarthaḥ sāphalyamṛcchatīti mārka° purā° . ativyayāt svalpakālāt kliśyedarthaparikṣayāditi nīti° .

ativyāpti strī atiśayena lakṣyamalakṣyañcāviśiṣya vyāptiḥ vyāpanam . atiśayavyāpane (lakṣyasyevālakṣyasyāpi vyāpane) . tathā ca yatra yasya sthitirucitā tato'nyatrāpi tasya sambandhe prasakte ativyāptiḥ . yathā pṛthivyāḥ gandhī lakṣaṇaṃ tatraiva tasya sthitirucitā tasya vāyvādau sattvaprasaṅge ativyāptiḥ . yathā vā dhūme vahnervyāpakatā na tu jale, tatra prasaktau ativyāptiḥ . evañca pṛthivyā rūpavattvaṃ lakṣaṇam jalādāvativyāptam . parigaṇanaṃ kartavyamavyāptyativyāptidoṣavāraṇāyeti siddhā° kau° .

atiśakkarī pu° atikrāntā śakkarīmekākṣarādhikyāt . pañcadaśākṣarapādake vṛttabhede śakkarī sātipūrbā syāditi, vṛtta° .

atiśakti strī atiśayitā śaktiḥ karmasāghanaṃ sāmarthyam dehajaṃ balam vā prā° sa° . atiśayite sāmarthye, adhikavorye ca sa vīryamatiśaktibhāgi tyamaraḥ . atikrāntaḥ śaktim atyā° sa° . sāmarthyātikramakārake tri° . atiśayitā śaktiryasya ba° . atiśayabalavati tri° . atikrame'vyayī° . śaktyatikrame avya° .

atiśaya pu° ati + śīṅ--ac . ādhikye, atireke ca . atikrāntaḥ śayaṃ hastam atyā° sa° . hastātikramakārake tri° . atiśaya + astyarthe ac . atiśayavati . atiśayarayaśālineti kāda° . dvāre vyāpāre ca ciradhvastaṃ phalāyālaṃ na karmātiśayaṃ vile tyudayanaḥ .

atiśayana na° ati + śī--bhāve lyuṭ . atireke atiśayārthe . atikrāntaṃ śayanam atyā° sa° .

atiśayita tri° ati + śīṅ--kta . adhike, atikrānte ca .

atiśayin tri° ati + śī--ini . atiśayānvite striyāṃ ṅīp . idamuttamamatiśayini vyaṅgye vācyāditi kāvyapra° .

atiśayokti strī atiśayena uktirnirdeśaḥ yatra . alaṅkāraśāstraprasiddhe (sā° 10 pari0) siddhatve'dhyavasāyasyātiśayoktirnigadyate bhede'pyabhedaḥ sambandhe'sambandhastadviparyayau . paurvāparyātyayaḥ kāryahetvoḥ sā pañcadhā mate tyuktalakṣaṇe arthālaṅkārabhede yathā viśleṣaduḥkhādiva baddhamauna mityatra cetanagataṃ maunitvamanyat, acetanagatañcānyaditi dvayorbhede'pi abhedaḥ . anyadevāṅgalāvaṇyamanyāḥ saurabhasampada ityatra lāvaṇyāderabhede'pi anyaśabdena bheedaḥ iti asyāḥ sargavidhau prajāpatirabhūccandro nu? kāntiprada ityādau śloke vedābhyāsajaḍaṃ kathaṃ nu? viṣayavyāvṛttakautūhalo nirmātuṃ prabhave dityādinā vidhātuḥ sraṣṭṛtvasambandhe'pi tadasambandhaḥ . yadi syānmaṇḍale saktamindorindīvaradvayam tadopamīyate tasyā vadanaṃ cārulocanamiti yadi śabdabalādāhṛtasambhāvanāyaiva sambandhāt tadviparyayaḥ . samameva samākrāntaṃ dvayaṃ dviradagāminā tena siṃhāsanaṃ pitramakhilañcārimaṇḍala mityatra kāryakāraṇayoḥ paurbāparyābhāvaḥ .

atiśāyana na° ati--śīṅ lyuṭ atiśāyane iṣṭha nityādisūtranirdeśāt ni° dīrghaḥ . ādhikye, prakarṣe ca . bhūmanindāpraśaṃsāyāṃ nityayoge'tiśāyane iti kārikā .

atiśīta na° atiśayitaṃ śītam prā° sa° . atyantaśītalasparśe . tadviśiṣṭe tri° .

atiśeṣa pu° atiśiṣyate karmaṇi ghañ . svalpāvaśiṣṭe, sa hi khāditvātiśeṣān jāyāyā ājahāreti .

atiśobhana tri° ati + śubha--lyu . atyantaśobhānvite, śreṣṭhe ca .

atiśva tri° atikrāntaḥ śvānaṃ valena ṣac samā° . varā hādau . sevāyāṃ strī, sevāyāḥ kukkuravat parādhīnavṛttitvāt tathātvam . ataeva manunā na śvavṛttyā kadācaneti sevāyāḥ kukkuravṛttitvena niṣeṣaḥ kṛtaḥ .

atiśvan pu° atiśayitaḥ sundaraḥ śvā ateḥ pūjārthatvāt na samā° . uttamakakkure tadadūradeśādau pakṣā° phak . ātiśvāyanaḥ tadadūradeśādau tri° .

atiṣṭhā tri° atītya sarvān tiṣṭhati sthā--kvip--ṣatvam . sarvātīte . atiṣṭhā vā eṣā chandasāṃ yadaticchandā atiṣṭhā aśvamedho yajñānāmiti vṛ° u° .

atisañcaya pu° atītya āvaśyakakṛtyaṃ sañcayaḥ . madhumakṣikādīnāmiva svaparavañcanenātimātrasañcaye .

atisandha tri° atikrāntaḥ sandhāṃ sandhānaṃ maryādāṃ vā atyā° sa° . sandhānavarjite, atikrāntamaryāde ca .

atisandheya tri° atikaṣṭena sandheyaḥ anusandheyaḥ saṃyojyovā . kaṣṭānusandheye, kaṣṭena saṃyojanīye ca .

atisandhyā strī atyāsannā sandhyā yasyāḥ ba° sa° . pūrbadivasīyarātriśeṣadaṇḍādiparadinasūryodayaparyantaḥ, sūryāstāt pūrbottaradaṇḍātmakaśca kālaḥ sandhyā . tasyāḥ āsanne kāle . nātisandhyāsamīpata iti smṛtiḥ .

atisara tri° atītya svagatimullaṅghya sarati ati + sṛ--ac . aticāriṇi, agrasare ca yāṃ asāvatisarāṃścakāreti

atisarga pu° ati + sṛja--ghañ . dāne . sraṣṭurvarātisargāttu mayā tasya durātmanaḥ iti raghuḥ . sargaṃ sṛṣṭimati krāntari, nitye, mukte ca tri° . atisṛjyate yatheṣṭaṃ karma kriyatai'nena . kāmacārānujñāyām yathecchaṃ kriyatābhityādyabhilāparūpāyām vidhinimantraṇāmantraṇādhīṣṭapraiṣyātisargeti pā° . atisargaḥ kāmacārānujñeti vṛttiḥ .

atisarjana na° ati + sṛja--lyuṭ . dāne, badhe, vipralambhe, atiśayadāne ca . jvalanātisarjanāditi kumā° .

atisarva tri° atikrāntaḥ sarvān atyā° sa° gauṇatvānna sarvanāmatā . sarvātige sarvātīte . atisarvāya sarvāyeti mugdha° .

atisāntapana na° atikrāntaṃ sāntapanamadhikadinasādhyatvāt atyā° sa° . gomūtragomayakṣīradadhisarpiḥkuśodakānyekāhaṃ dvitīyamupavasettat sāntapanam, tryahābhyastaiścātisāntapanamiti viṣṇūkte vratabhede .

atisāmyā strī atyantaṃ sāmyaṃ madhunā'syāḥ . madhuyaṣṭilatāyām . prā° sa° . atyantasādṛśye na° .

atisāyam avya° atyāsannaṃ sāyam yasya ba° sa° . sāyaṃkālasamīpe kāle nātiprage nātisāyamiti smṛtiḥ .

ati(tī)sāra pu° atisārayati malam dravīkṛtya ati + sṛ--ṇic--ac vā ateḥ dīrghaḥ . rogabhede udārāmaye . tasya nidānādi suśrute uktaṃ yathā gurvatisnigdharūkṣoṣṇadravasthūlātiśītalaiḥ . viruddhādhyaśanājīrṇairviṣamaiścāpi bhojanaiḥ . snehādyairatiyuktaiśca mithyāyuktairviṣairbhayaiḥ . śīkādduṣṭāmbumadyātipānaiḥ sātnyartuparyayaiḥ . jalābhiramaṇairvegavighātaiḥ kṛmidoṣataḥ . nṛṇāṃ bhavatyatīsāro lakṣaṇaṃ tasya vakṣyate . (tasya saṃprāptiḥ) saṃśāmyāpāṃ dhāturagniṃ pravṛddhaḥ śakṛnmiśro vāyunādhaḥ praṇunnaḥ . saratyatīvātisāraṃ tamāhurvyādhiṃ ghoraṃ ṣaḍvidhaṃ taṃ vadanti . ekaikaśaḥ, 3 sarvaśaścāpi 4 doṣaiḥ śokenānyaḥ 5 ṣaṣṭha āmena 6 coktaḥ .. (tasya pūrbarūpam) hṛnnābhipāyūdarakukṣitoda--gātrāvasādānilasannirodhāḥ . viṭsaṅga ādhmānamathā'vipāko bhaviṣyatastasya puraḥsarāṇi . (vāyujaḥ) śūlāviṣṭaḥ saktamūtro'ntrakūjī srastāpānaḥ sannakaṭyūrujaṅghaḥ . varcomuñcatyalpamalpaṃ saphenaṃ rūkṣaṃ śyāvaṃ sānilaṃ mārutena . (pittajaḥ) durgandhyuṣṇaṃ vegavanmāṃsatoyaprakhyaṃ bhinnaṃ svinnadeho'titīkṣṇam . pittātpītaṃ nīlamālohitaṃ vā tṛṣṇā mūrchā dāhapākajvarārtyoḥ (kaphajaḥ) tandrānidrāgauravotkleśasādī vegāśaṅkī sṛṣṭaviṭko'pi bhūyaḥ . śuklaṃ sāndraṃ śleṣmaṇā śleṣmayukta bhaktadveṣī nisvanaṃ sṛṣṭaromā .. (tridoṣajaḥ) tandrāyukte mohamādāsyaśoṣī varcaḥ kuryānnaikavarṇaṃ tṛṣārtaḥ . sarvodbhūtaḥ sarvaliṅgopapattiḥ kṛcchraścāyaṃ bālavṛddheṣvasādhyaḥ .. (śokajaḥ) taistairbhāvaiḥ śocato'lpāśanasya vāṣpo vegaḥ paktimāvidhyajantoḥ . koṣṭhaṃ gatvā kṣobhayan yasya raktaṃ taccādhastātkākanantīprakāśam .. varcomiśraṃ niḥ purīṣaṃ sagandhaṃ nirgandhaṃ vā sāryate tena koṣṭhāt . śokotpanno duścikitsyo'timātraṃ rogo vaidyaiḥ kaṣṭa eṣa pradiṣtaḥ .. (āmajaḥ) āmājīrṇaiḥ pradrutāḥ kṣobhayantaḥ koṣṭhaṃ doṣāḥ sampraduṣṭāḥ sabhaktam . nānāvarṇaṃ naikaśaḥ sārayanti kṛcchrājjantoḥ ṣaṣṭhamenaṃ vadanti ..

ati(tī)sārakin tri° atisāro rogo'syāsti atisāra + ini--kuk--c . atisārarogavati .

atisārin pu° atyantaṃ sārayati malam ati + sṛ--ṇini . atisāraroge .

atisṛjya tri° ati + sṛja--kyap . tyājye, sarjanīye ca .

atisṛṣṭa tri° ati + sṛja--kta . datte, prerite ca .

atisaurabha pu° atiśayitaṃ saurabhamasya ba° . atyantāmodavati āmre . saurabhānvite vastumātre tri° . prā° sa° . atyantasurabhigandhe na° .

atisauhitya na° prā° sa° . atyantatṛptau nātisauhityamācararediti smṛtiḥ .

atistuti strī ati + stu--ktin ateḥ pūjārthatvādupasargatva bādhānna ṣatvam . avidyamānaguṇānukīrtane .

atisparśa tri° atikrāntaḥ sparśaṃ varṇoccāraṇaprayatnabhe daṃ dānaṃ vā . jihvāgrādeḥ sampūrṇasparśābhāvena īṣatsparśamātreṇa ucārye yavaralātmake varṇe svaravarṇe ca aco'spṛṣṭā ya ṇaṇtvīṣannemaspṛṣṭāḥ śalastatheti śikṣāyāṃ teṣāmuccāraṇe'sparśe ṣatsparśayoruktestathātvam . dānahīne kṛpaṇe adhame ca . atisparśo varvaratā tta rephe iti . prā° sa° . atyantasparśe .

atisphira tri° prā° sa° . atyantasphūrtiśālini, ativṛddhe ca .

atihasita na° ati + hasa--kta . uccahāse . ghañ . atihāso'pyatra pu° .

atihasti jāmadhātuḥ hasto nirasyati hastinā'tikrāmati vā ati + hasta + ṇi--atihastayati .

atīkṣṇa tri° na° ta° . tīkṣṇatvavirodhimṛdutvavati . viṣayuddhalauharūpatīkṣṇaśabdārthabhinne na° .

atīta tri° ati + iṇa--kta . atikrānte, bhūtakāle ca . tadvṛttau ārabdhaparisamāpte padārthamātre tri° . atītaśca vartamānadhvaṃsapratiyogī . bhavati ca apacadityādau pākādervartamānadhvaṃsapatiyogitvam . sa ca kālo dvividhaḥ adyatanaḥ anadyatanaśca adyatanastu atītāyāḥ rātreḥ paścārdhena, āgāminyāḥ pūrbārdhena ca sahitaḥ kālaḥ . tatra vṛttidhvaṃ sa pratiyogī adyatanātītaḥ tadariktaḥ anadyatanaḥ . tatrānadyatane bhūte laṅ (apacat) anadyatane laṅiti sūtrāt tasyaiva vakturapārokṣyavivakṣāyāṃ liṭ (papāca) parokṣānadyatane liḍiti sūtrāt . bhūtasāmānye luṅ . apākṣīt . smaśabdādiyoge laṭo'pi bhūtatvamarthaḥ . kālastu kriyānvayī sarvatra, kriyābhedāya kālastviti haryukteḥ . atītatvādikantu sarvatra prayogakālamādāyaiva vyavahriyate ityādikamākare dṛśyam . atītakāle, śīte'tīte vasanamaśanamiti kālātītā vṛthā sandhyeti saṃvatsare vyatīte tu punarāgamanāya ceti tatkālavṛttau alamatītavārtayetyādi .

atīndra pu° atikrānta indram guṇaiḥ atyā° . indraguṇātige viṣṇau indrātigasātre tri° atīndramatirudraṃ ca bhavataścaritaṃ paramiti purā° .

atīndriya tri° atikrāntamindriyaṃ tadaviṣayatvāt atyā° sa° . indriyāyogye apratyakṣe, netraśrotranāsikārasanātvakcetāṃsīndriyāṇi tairjñātumaśakye viṣaye . jñānaṃ yannirvikalpākhyaṃ tadatīndriyamiṣyate bhāṣā° yattat sūkṣmamatīndriyamiti gītā . īśvare ca tasya tathātvam vāhyendriyāyogyatvenaiva anyathā manasaivānudraṣṭavya iti śrutau jñānaviṣayatvamuktaṃ virudhyeta . yanmanasā na manute ityādikaṃ tu aśuddhamanaso'viṣayatvaparam . ata eva viśuddhacetasā gamyamiti vākyāntaram . kiñca vedāntimate jñānaṃ dvividhaṃ vṛttirūpaṃ tadavacchinnamanovṛttiprativimbitacaitanyarūpañca tatra vāhyendriyāṇāṃ rūpādiṣveva grāhakatvamīśvarasya rūpāderabhāvena vāhyendriyayogyatvābhāve'pi manovṛttiviṣayatvamastyeva atisūkṣmatvācca nāśuddhamanoviṣayatvamityeva bhedaḥ . kintu manovṛttiviṣayatve'pi tadavacchinnacaitanyāviṣayatvāttasya mānasāviṣayatvam ataevoktamabhiyuktaiḥ phalavyāpyatvamevāsya śāstrakṛdbhirnirākṛtam . brahmaṇyajñānanāśāya vṛttivyāptirapekṣiteti . anyathā viṣayagatājñānanivṛttiṃ prati svaviṣayakamanovṛtteḥ kāraṇatayā tadabhāve kathaṃkāraṃ? tadgatājñānanivṛttiḥ syāt etatpakṣe'pyatīndriyatvaṃ tajjanyavṛttyavacchinnacaitanyāviṣayatvena draṣṭavyam .

atīva avya° atyeva--ivaḥ avadhāraṇe prā° sa° . avadhṛtātiśaye'tyantātiśaye ca . atīva vivyathe iti bhāra° . atīva sukumārāṅgīti . uccaiḥśirasāmatīveti ku° .

atula pu° nāsti tulā śubhrapuṣpatāyāmasyāḥ . tilakavṛkṣe tulārahite tri° . rāmastvatulavikrama iti rāmā° .

[Page 108a]
atulya tri° na tulyaḥ . asadṛśe asamāne atulyamahasāsārdhaṃ rāmeṇa mama vigraha iti bhaṭṭiḥ .

atuṣa tri° nāsti tuṣo'sya . avaghātādinā nistuṣīkṛte dhānyādau atuṣāniva yavān kṛtveti .

atuhinaraśmi pu° na tuhinaḥ ahima uṣṇo raśmirasya . uṣṇaraśmau sūrye . na° ta° . uṣṇaraśmau pu° .

atūtuji pu° na + tuja--ki dvitvadīrghe . adātari . atūtujiṃ cit tūtujiraśiśnaditi ṛ° tūtujirdāteti bhā° .

atūrta tri° na tūrpyate turī hiṃsāyām kta īdittvādiṭ na . ahiṃsite . atūrtoḥ rājā śrava icchasāna iti ṛ° . atūrtaḥ ahiṃsita iti bhā° .

atṛṇāda tri° na tṛṇamatti ada--aṇ--upa° na° ta° . tṛṇābhakṣake dugdhamātrapoṣye gavādivatse . atha vatsaṃ jātamāhuratṛṇādamiti vedaḥ .

atṛdila pu° na tṛdyate badhyate tṛda--kilac na° ta° . hantumanarhe parvate .

atṛpti strī tṛptiḥ santoṣaḥ abhāvārthe--na° ta° . tṛptyabhāve ba° . tṛptirahite, asantoṣiṇi, lolupe ca tri° .

atejas na° na tejaḥ virodhe na° ta° . tejovirodhini tamasi chāyāyām . nāsti tejo'sya vā na kamp . tejorahite tri° kapi . atitejasko'pyatra tri° .

atka pu° atati satataṃ vikṛtim ata--kana kittvam . śarīrāvayave starīrnātkaṃ vyutaṃ vasāneti śrutiḥ . atati satataṃ gacchati . pānthe tri° .

attave avya° ada--tumarthe taveṅ . attumityarthe haviṣe'ttave iti yaju° . attave havirbhakṣitumiti vedadīpaḥ .

attā strī atati satataṃsambadhnāti ata--tak iḍabhāvaḥ . mātari, striyāḥ--śvaśrvāñca . svārtheke kāpi ata ittve . attikāpyatra .

atti tri° atyate sarvadā sambadhyate kargmaṇi ktin . mātari, jyeṣṭhabhaginyāṃ, striyāḥ--śvaśrvāñca . svārthe kan . tatraivārthe .

attṛ pu° ad--tṛc . parameśvare, attā carācaragrahaṇāditi śārīrakasūtram tasya attṛtvañca yasya brahma ca kṣātrañcobhe mavata odano mṛtyuryasyopasecanamiti śrutau sarvabhakṣakatvenokteḥ . adhikamaditiśabde vakṣyate bhakṣaṇakartṛmātre tri° striyāṃ ṅīp . arakṣitāramattāraṃ nṛpaṃ vidyādadhogatimiti bhāra° .

atna na° atati jayaparājayāvatra ata--na . yuddhe . niru0

atnu pu° ata--nu . vāyau . satatagantari . pathike tri° . uṇā0

atya tri° atati śīghraṃ gacchati kartari yat . śīghrage'śve, aśvo'syatyo'si mayosīti tā° brā° . aśumatyaṃ na vājinamiti vedaḥ .

atyagniṣṭoma pu° atikrānto'gniṣṭomamadhikaphaladatvāt atyā° sa° . agniṣṭomo'tyagniṣṭoma ukthaḥ ṣoḍaśī rājapeyo'tirātro'ptoryāma iti gavāmayanasaṃsthayajñabhede .

atyaṅkuśa pu° atikrānto'ṅkuśaṃ tatpīḍanamanādṛtya yatheṣṭaṃ pravṛttatvāt atyā° sa° . aṅkuśāghātānādareṇa yathecchaṃ pravṛtte utkaṭe durdānte gaje .

atyaṅgala tri° atikrānto'ṅguliṃ tatparimāṇam ac samā° . aṅguliparimāṇadhike .

atyadhva tri° atikrānto'dhvānam atyā° sa° ac samā° . atikrāntapathe prā° sa° . ataḥ pūjanārthatvānna samā° . atyadhvan . supathi pu° .

atyanta na° atikrānto'ntaṃ sīmām atyā° sa° . atiśaye . tadyukte sarvaparicchedātikrānte tri° . atikrame'vyayī° . paricchedātikrame nāśātikrame ca avya° . kiṃ vā tavātyantaviyogaduḥkhe iti raghu° atyantahimottarānilā iti kumā° . susvamatyantamaśnute iti gītā . śarīrasya guṇānāñca dūramatyantamantaramiti ca purā° . atyante bhavaḥ ṭhak ātyantikaḥ . atyantabhave vastuni tri° . nāśātikrānte tri° atyantaṃ nirjagadyometi pañcadaśī .

atyantakīpana tri° atyantaṃ bhṛśaṃ kupyati ati + kupa--lyu . bhṛśakopānvite atikopayukte .

atyantagāmin tri° atyantam antātyayaṃ ati + antaatyaye avyayībhāvaḥ tadgacchati gama--kartari ṇini . ātyantike atiśayagamanaśīle ca . striyāmatyantagāminī .

atyantanivṛtti strī atyantā nivṛttiḥ . svapratiyogijātīyaprāgabhāvāsamānādhikaraṇe dhvaṃse . yasyāṃ satyāṃ svapratiyogijātīyasyānyasya punaratpattirna bhavet tādṛśī nivṛttiratyantanivṛttiḥ atha trividhaduḥkhātyantanivṛttiratyantapuruṣātha iti sāṃkhyasūtram . sā ca mokṣāvasthāyāmeva, mokṣe hi vivekenāvidyānivṛttau tatkāryasya duḥsvādeḥ sutarāṃ samūlamuccheda iti tatra na punardukhotpādaḥ atastatra duḥkhātyantanivṛttiḥ .

atyantasaṃyoga pu° atyantena sākalyena saṃyogaḥ saṃbandhaḥ vyāptiriti yāvat antamavasānamatikrāntaḥ saṃyogo vā . santatasambandhe, vyāptau ca . kālādhvanoratyantasaṃyoga iti pā° .

atyantasukumāra pu° atyanta sukumāra iti . (kāṅnī) kaṅganī vṛkṣe rājani° .

[Page 109a]
atyantābhāva pu° atyantaḥ antamatikrāntaḥ nityaḥ abhāvaḥ karma° . nāstīti vākyābhilapyamāne nāśaprāgabhāvabhinne saṃsargābhāve . yathā nyāyamate bhūtale ghaṭābhāvaḥ pratīyate sa ca bhūtale ghaṭonāsti iti vākyena abhilapyate so'yamabhāvaḥ, na nāśaḥ, nāpi prāgabhāvaḥ tayoḥ samavāyi deśavṛttitvaniyamāt bhūtalādeśca tadabhāvāt . nāśaprāgabhāvayostu na atyantatā pratiyogikāle tayorasattvāt . nāpi tayornityatā prāgabhāyasya prayogināśyatvāt dhvaṃsasya ca pratiyogijanyatvāt . bhedasya nityatve'pi saṃsargābhāvatvābhāvāt na tathātvam . atyantābhāvasya nityatve'pi pratiyogisattvakāle na tatpratītiḥ abhāvapratyakṣe yogyānupalabdherhetutayā yogyasya ghaṭādirūpapratiyogina upalabdhau tadanupalabdherabhāvāt . nāpi ekasmin māvābhāvayoḥ sattvaṃ viruddham ekasminnapi vṛkṣe kapisaṃyogatadbhāvayoravacchedabhedena sattvadarśanāt tathā ca ekasminnapi bhūtale'vacchedabhedena tayoḥ sattvaṃ na virudhyate . dravyādau guṇatadabhāvayoḥ kālarūpāvavacchadabhedena sthitirapi na viruddhā . tathā ca pratiyogisattvakāle dravye guṇātyantābhāvabuddhiḥ pratibandhakasadbhāvena paraṃ nodeti ityeva virodhamātram . adhikamabhāvaśabde vakṣyate . prāgabhāvastathādhvaṃso'pyatyāntābhāva eva ceti bhāṣā° .

atyantika tri° atyantaṃ gacchati atyanta + ṭhan . atiśayitagamanakāriṇi . atiśayitamantikaṃ nikaṭaṃ prā° sa° . atinikaṭe na° . tadvṛttau tri° . nāhaivātyantike nodūre tat sthāpayediti . atyā° sa° . atikrāntasāmopye dūre na° . tadvṛttau tri° .

atyantīna tri° antasyātyayaḥ atyantam atyaye vyayī° atyantaṃ gāmī atyanta + kha . atiśayitagatiśīle . lakṣmīṃ paramparīṇāṃ tvamatyantīnatvamunnayeti bhaṭṭiḥ .

atyamla pu° atiśayito'mlorasaḥ phalapatrādau yasya ba° . (tetula) iti prasiddhe tintiḍīvṛkṣe . atyantāmlarasavati vastumātre tri° . vanavījapūre (ṭāvādevu) iti prasiddhe vṛkṣe strī . amlarasasya lakṣaṇādyuktaṃ suśrute yathā yo dantaharṣamutpādayati mukhasrāvaṃ janayati śraddhāñcotpādayati so'mla iti amlo jaraṇaḥ pācanaḥ pavananigrahaṇo'nulomanaḥ koṣṭhavidāhī vahiḥśītaḥ kledanaḥprāyaśo hṛdyaśceti sa evaṃ guṇo'pyeka evātyarthamupasevyamāno dantaharṣanayanasaṃmīlanaromasaṃvejanakaphavilayanaśarīraśaithilyānyāpādayati tathā kṣatābhihatadagdhadaṣṭabhagnaśūlarugṇapracyutā'vamūtritavisarpitacchinnabhinnaviddhotpiṣṭādīni pācayatyāgneyasvabhāvāt paridahati kaṇṭhamuro hṛdayañceti . amladravyāṇi ca tatra kānicit prādhānyena darśitāni yathā . dāḍimāmalakamātuluṅgāmrātaka--kapitthakaramardavarakolaprāconāmalakatintiḍīkakośāmrabhavyapārāvatavetraphalalakucāmlavetasadantaśaṭhadadhitakrasurāśuktasauvīrakatuṣodakadhānyāmlaprabhṛtīni samāsenāmlavarga iti .

atyamlaparṇī strī atyaslaṃ parṇaṃ yasyāḥ jātitvāt ṅīp . atyamlapatrayukte vanavījapūre (ṭāvālevu) iti khyāte vṛkṣe .

atyaya pu° ati + iṇa--ac . atikrame, abhāve, vināśe, doṣe, kṛcchre, atikramya gamane, kāryasyāvaśyambhāvābhāve ca . prāṇātyaye ca saṃprāpte yo'nnamatti yatastataḥ . na sa pāpena lipyeta padmapatramivāmbhaseti smṛtiḥ . kṣurasya dhārā niśitā duratyayeti purā° atyayaṃ kālātikramaṃ na sahate ṭhak ātyayikaḥ . vilambākṣame kārye tri° . ātyayikeṣu kāryeṣu sadya evādhivāsayediti purāṇam .

atyartha na° atikrāntamarthamanurūpasvarūpaṃ atyā° sa° . atiśaye . tadvati tri° . atyaye avyayī° . arthābhāve avya° .

atyalpa tri° atiśayito'lpaḥ prā° sa° . atyantālpe aṇutare ca .

atyaśana na° atiśayitamaśanam . atibhojane nacaivātyaśanaṃ kuryāditi .

atyaṣṭi strī atikrāntā aṣṭiṃ ṣoḍaśākṣarapādikāṃ vṛttimekākṣarādhikyāt atyā° sa° . saptadaśākṣarapādake chandobhede .

atyākāra pu° atiśayena ākāraḥ tirakhyāraḥ ati + ā + kṝ--ghañ . tiraskāre . ślāghātyākāratadaveteṣviti pā° atiśayita ākāro mūrtiḥ prā° sa° . vṛhaddehe pu° . atiśayita ākāro yasya ba° . tadviśiṣṭe tri° .

atyāga pu° na tyāgaḥ abhāvārthe na° ta° . tyāgābhāve upetyātikrame doṣaśruteratyāgadarśanāditi smṛtiḥ .

atyāgin tri° tyaja--ghiṇun mandārthe nañ ta° . karmaphalānanusandhānena karmānuṣṭhāyini, tyāgibhinne ca .

atyācāra pu° atyutkaṭa ācāraḥ prā° sa° . anucitācaraṇe . atikrame avyayī° . acārātikrame avya° .

atyājya na° na tyaktuṃ śakyam śakyārthe ṇyat na kutvam . tyāgāśakye tyāgānarhe ca .

atyādāna tri° atikrā tam ādānam . ādānātikrānte atiśayitasādānam prā° sa° . bhṛśādāne .

[Page 110a]
atyādhāna na° ati + ā + dhā--lyuṭ . atikramaṇe, sambandhamātre, uparisthāpane ca . atyaye avyayī° . āgnyādhānātikrame avya° . atikramya jyeṣṭhamādhānam . jyeṣṭhātikrameṇa agnyādhāne na° .

atyāya pu° ati + aya--ghañ . atikrame, prajāha tisro atyāyamīyuriti śrutiḥ . atikrāntalābhe tri° . prā° sa° . atiśayite lābhe pu° .

atyāyu na° ati + ā + yā--ku . yajñiyapātrabhede . mūrdhāsyatyāyu pātramasīti tā° atyāyunāmnābhidheyamiti bhāṣyam .

atyārūḍhi strī ati + ā + ruha--ktin . ārohaṇātiśaye . vikhyātyatiśaye atiprasiddhau ca .

atyāla pu° atiśayena samantāt alati paryāpnoti ati + ā + ala--ac . (lālacitā) iti khyāte raktacitrakavṛkṣe, tasya atyalpakālena samantāt vyāpanāt tattvam .

atyāśā strī prā° sa° . apūraṇīyadhanāditṛṣṇāyām . atyā° sa° . āśātakrānte tri° .

atyāśrama tri° atikrānta āśramān tadvihitadharmān atyā° sa° . sarvāśramatyāgini pañcamāśramiṇi saṃnyāsini . atrātyāśramin ityapyatra . atiśayita āśramaḥ prā° sa° . uttamāśrame saṃnyāse pu° .

atyāhiṃta na° atyantamādhīyate tannivāraṇārthaṃ mano dīyate'smin ā + dhā--ādhāre kta . atyantabhītau, prāṇahāniśaṅkākare anarthe ca . kimatrātyāhitamiti nāṭakam .

atyukti strī atiśayena anaucityena vā uktiḥ ati + vacaktin . atiśayoktau, anyāyyoktau, nirguṇasya jaḍasya vā āropitaguṇena stavane . atyuktau na yadi prakupyasi mṛṣāvādañca no manyase ityudbhaṭaḥ .

atyuktā(kthā) strī uktā(kyā) ekākṣarapādikā vṛttiḥ tām atikrāntā atyā° sa° . dvyakṣarapādake chandobhede . atyukthastu ukthanāmakasāmabhedātikrāntari tri° .

atyucchrita tri° atyantamucchritaḥ . atyantonnate unnateḥ paramasīmāpanne .

atyutkaṭa tri° atyanta uktaṭaḥ . atyantogre . atyutkaṭaiḥ pāpapuṇyairihaiva phalamaśnute iti purā° .

atyutkṛṣṭa tri° atyantamutkṛṣṭaḥ . parasīmāpannotkarṣayute .

atyūmaśā avya° ūryādigaṇokte anukaraṇaśabde hiṃsāyādyotako'yamityanye atyūmaśākṛtya . gaṇaratne tu ayaṃ na dṛśyate gaṇapāṭhe tu dṛśyate iti vivecyam .

[Page 110b]
atyūha pu° atiśayena ūhate śabdāyate ati + ūha--ac . kālakaṇṭhe (ḍeo) iti prasiddhe dātyūhe pakṣiṇi . atiśayena ūhastarkaḥ prā° sa° . atiśayitavitarke . (nīla) iti khyātauṣadhau nīlikāyāṃ strī . atyaye'vyayī° . vitarkābhāve avya° .

atra avya° asmin etasmin vā idam + etad--vā saptamyāstral prakṛteraśbhāvaśca . asmin etasmin vetyarthe . ko'tra bhūmibalaye janān mudheti māghaḥ . na trāyate kenāpi trai--bā° karmaṇi ka . anyatrāṇāyogye kṣatriye prāṇaḥ kṣaṇitoḥ prakṣatramatramāpnotīti yacca na trāyate kenacidatraṃ kṣatraṃ prāpnītyarthaḥ .

atrapa tri° nāsti trapā yasya . nirlajje .

atrabhavat tri° ayamityarthe atra anyebhyo'pīti prathamārthe tral tataḥ karma° . pūjye, jayamatrabhavānnūnamarātiṣvabhilāṣuka iti bhāra° .

atrasta tri° na trastaḥ . trāsarahite trāsopādhirahite ca jugogātmānamatrasta iti raghuḥ . trāsopādhimantareṇetyarthaḥ mallināthaḥ .

atrāsa pu° na trāsaḥ abhāvārthe naṃ° ta° . trāsābhāve na° ba° . trāsaśūnye tri° .

atri(ttri) pu° ada--trin marīciratryaṅgirasau pulastyaḥ pulahaḥ kratuḥ . brahmaṇomānasāḥ putrā śiṣṭhaśceti sapta te ityukte saptarṣimadhye munibhede . agniratriṃ gharma uruṣṭhadanta iti śrutiḥ . atra pakṣe vā talope atrirityapi . tribhinne tri° bahuvacanāntaḥ . asya uttaradiśi tārārūpeṇāpi sthitiḥ vṛhatsaṃhitāyāmuktā yathā ekāvalova rājati sasitotpalamālinī sahāseva . nāthavatīva ca divyaiḥ kauverī saptabhirmunibhiḥ .. dhruvanāyakopadeśānnarīnartīvottarā bhramadbhiśca . yaiścāramahaṃ teṣāṃ kathayiṣye vṛddhagargamatāt .. āsanmaghāsu munayaḥ śāsati pṛthvīṃ yudhiṣṭhire nṛpatau . ṣaḍdvikapañcadviyutaḥ śakakālastasya rājñaśca .. ekaikasminnṛkṣe śataṃ śataṃ te caranti varṣāṇām . prāguttarataścaite sadodayante sasādhvīkāḥ .. pūrve bhāge bhagavān marīcirapare sthito vaśiṣṭho'smāt . tasyāṅgirāstato'tristasyāsannaḥ pulastyaśca .. pulahaḥ kraturiti bhagavānāsannānukrameṇa pūrbādyāḥ . tatra vaśiṣṭhaṃ munivaramupāśritārundhatī sādhvī .. ulkāśanidhūmādyairhatā vivarṇā viraśmayo hrasvāḥ . hanyuḥ svaṃ svaṃ vargaṃ vipulāḥ snigdhāśca tadvṛddhyai iti .. atrervargāśca tatraivoktā yathā atreḥ kāntārabhavā iti . adhikaṃ saptarṣi śabdedṛśyam . ada--trini . atrītyapyatra uṇādi° .

atrijāta pu° atrernetrāt jātaḥ jana--kta 5 ta° . candre, candro hi prajāsargārthaṃ tapasya to'trernetrāt jātoyathā . pitā somasya vai rājan jajñe'trirbhagavānṛṣiḥ . brahmaṇo mānasāt pūrbaṃ prajāsargaṃ vidhitsataḥ . tatrātriḥ sarvabhūtānāṃ tasthau svatanayairvṛtaḥ . karmaṇā manasā vācā śubhānyeva cacāra saḥ . ahiṃsraḥ sarvabhūteṣu dharmātmā śaṃsitavrataḥ . kāṣṭhakuḍyaśilābhūta ūrdhvabāhurmahādyutiḥ . anuttaraṃ nāma tapo yena taptaṃ mahat purā . trīṇi varṣasahasrāṇi divyānīti ha naḥ śrutam . tatrordhvaretasastasya sthitasyānimiṣasya ha . somatvaṃ tanurāpede mahāsattvasya bhārata . ūrdhvamācakrame tasya somatvaṃ bhāvitātmanaḥ . netrābhyāṃ vāri susrāva daśadhā dyotayan diśaḥ . taṃ garbhavidhinā hṛṣṭā daśa devyo dadhustadā . sametya dhārayāmāsurna ca tāḥ samaśaknuvan . sa tābhyaḥ sahasaivātha digbhyo garbhaḥ prabhānvitaḥ . papāta bhāsayan lokān śītāṃśuḥ sarvabhāvanaḥ . yadā na dhāraṇe śaktāstasya garbhasya tā diśaḥ . tatastābhiḥ sahaivāśu nipatāta vasundharām . patitaṃ somamālokya brahmā lokapitāmahaḥ . rathamāropayāmāsa lokānāṃ hitakāmyayā . sa hi vedamayastāta! dharmātmā satyasaṅgaraḥ . yukto vājisahasreṇa siteneti hi naḥ śrutam . tasminnipatite devāḥ puttre'treḥ paramātmani . tuṣṭuvurbrahmaṇaḥ puttrā mānasāḥ sapta ye śrutāḥ iti harivaṃśe .

atridṛgja pu° atrerdṛśonetrājjāyate jana--ḍa 5 ta° . candre atrinetrajādayo'pyatra . tadvivṛtiratrijaśabde dṛśyam .

atribhāradvājikā strī atribhāradvājavaṃśayoḥ maithunam dvandvādvun vairamaithunayoriti vun vairamaithunakādivu nnityamarokteḥ strītvam . tadvaṃśajātayoḥ strīpuṃsayormaithune .

atrisaṃhitā strī atreḥ saṃhitā smṛtiḥ . varṇāśramācārādibodhake atripraṇīte dharmaśāstrabhede .

atvarā strī na tvarā śīghram abhāvārthe na° ta° . tvarābhāve trīṇi śrāddhe praśaṃsanti śaucamakrodhamatvarāmiti smṛtiḥ .

atsaruka pu° nāsti tsaruriva muṣtibandhanasthānaṃ yasya . muṣṭibandhanasthānaśūnye khaḍgākāre yajñiyapātrabhede camase .

atha avya° cu0--artha--ḍa pṛṣo° ralopaḥ . saṃśaye, ārambhe ānantarye, praśne, vikalpe, prakaraṇe, samuccaye pakṣāntare ca . maṅgalaṃ tu nāsyārthaḥ kintu arthāntaraprayukto'pyayaṃ śrutyā maṅgalasādhanaṃ bhavati . oṅkāraścāthaśabdaśca dvāvetau brahmaṇaḥ purā . kaṇṭhaṃ bhittvā viniryātau tena māṅgalikāvubhā vityukte stasya śravaṇena maṅgalasādhanatvam ataeva śārīrakabhāṣye arthāntaraprayukto'thaśabdaḥ śrutyā maṅgalamāracayatī tyuktam . tatra athāto brahmajijñāsetyādau sādhanacatuṣṭayānantaryārthe atha prajānāmadhipa ityādau cānantarye, atha yogānuśāsana mityatra adhikārarūpārambhe śabdonityaḥ athā nitya ityādau saṃśaye, saṃśayaśca ekadharmikaṃ koṭidvayajñānaṃ tatra koṭyupasthāpanasya saṃśayahetutvāt prakṛte tasyaiva saṃśayaśabdārthatā vikalpaśca saṃśayaviśeṣa eva . atha śaknoṣi bhoktumityādau praśne, atha śabdānuśāsanamityatra maṅgalārthatayopādānamarthastu adhikāra eva atha saraṇamavaśyameva jantoriti veṇyām, atha cettvamimaṃ dharmyaṃ saṃgrāmaṃ na kariṣyasītyādau gītāyāṃ ca pakṣāntare, athātodharmaṃ vyākhyāsyāma ityādau kātrsnye, bhīmo'thārjuna ityādau samuccaye, svarādipāṭhādasyāvyayatvam .

athakim avya° atha + kāyateḥ kavatervā bā° ḍimi . svīkāre . svīkāraśceha nādānaṃ, kintu anyoktapadārthasya vaktuḥ tathātvenābhyupabhātmakajñānam, tatra dyotakatvamasya śabdasya, yathā kasyacit itthaṃ vṛttamiti praśne athakimityādinā pṛṣṭavastunaḥ yathāvṛttatvābhyupagamaḥ sa ca vaktureva .

atharvaṇa pu° atharvā taduktavidyā'styasya jñātṛtvāt ac pṛ° na ṭilopaḥ . śive, trikāṇḍa° .

atharvaṇi pu° atharvaṇi taduktaśāntyādau kuśalaḥ bā° is sittvena bhatvābhāvāt na ṭilopaḥ . atharvavedoktakarmābhijñe brāhmaṇe purohite ca mediniḥ .

atharvan pu° atha + ṛ--vanip śaka° . atharvanāmakamuniviśeṣe, sa ca kalpabhede brahmaṇo jyeṣṭhaḥ putraḥ yathoktaṃ muṇḍake . brahmā devānāṃ prathamaṃ saṃbabhūve tyupakramya brahmavidyāṃ sarvavidyāpratiṣṭhāmatharvāya jyeṣṭhaputrāya prāhetyuktam anekeṣu brahmaṇaḥ sṛṣṭiprakāreṣu anyatamasya sṛṣṭiprakārasya mukhe ayamatharvā sṛṣṭa iti bhāṣyam . atharvaṇe yāṃ pravadeta brahmātharvā purovācāṅgire iti atharvāyetyukteḥ athava śabdo'danto'pi sarve nāntā adantāḥ syurityukteḥ pṛṣo° nalopaḥ . atharvaṇā'dhītatvāt vedavede pu° . tataḥ tadvedādhīte vā ṭhak ātharvaṇikaḥ, atharvaṇā dṛṣṭaṃ sāma aṇ ātharvaṇam . tena proktam adhīyate kṛtaṭhako luk . atharvāṇaḥ . tatproktādhyāyiprabhṛtiṣvartheṣu .

[Page 112a]
atharvavid pu° atharvavedaṃ taduktaṃ karma vā vetti vida--kvip . atharvavedasya śanno devīrabhīṣṭaya ityādikasya, tadvihitābhicārādikarmaṇaśca vettari vaśiṣṭhādau . guruṇā'tharvavidākṛtakriya iti raghuḥ .

atharvaveda pu° karma° . vedabhede tadvivṛtiḥ atharvasya nava śākhāḥ, paippalādā śaunakī dāmodā auptā brahmadā paśaśaunakī devadarśīcāraṇavidyā ceti teṣāmadhyayanaṃ dvādaśaiva sahasrāṇi tasya pañca kalpā bhavanti kalpe kalpe pañca śatāni bhavanti nakṣatrakalpo, vidhānakalpaḥ saṃhitābidhikalpaḥ, abhicārakalpaḥ, śāntikalpaśceti caraṇavyūhoktā . tasyādhyayanapracārabhedādi viṣṇupurāṇe'bhihitaṃ yathā atharvāṇāmatho vakṣye saṃhitānāṃ samuccayam . atharvavedaṃ sa muniḥ sumanturamitadyutiḥ .. śiṣyamadhyāpayāmāsa kabandhaṃ so'pi tad dvidhā . kṛtvā tu devadarśāya tathā pathyāya dattavān .. devadarśasya śiṣyāstu maudgo brahmabalistathā . śauktāyaniḥ pippalādastathānyo munisattama! .. pathyasyāpi trayaḥ śiṣyāḥ kṛtā yairdvija! saṃhitāḥ . jājaliḥ kumudādiśca tṛtīyaḥ śaunako dvijaḥ .. śaunakastu dvidhā kṛtvā dadāvekāntu babhrave . dvitīyāṃ saṃhitāṃ prādāt saindhavāyanasaṃjñine .. saindhavamuñjakeśābhyāṃ bhinnā vedā dvidhā punaḥ . nakṣatrakalpo vedānāṃ saṃhitānāṃ tathaiva ca .. caturthaḥ syādāṅgirasaḥ śāntikalpaśca pañcamaḥ . śreṣṭhāstvatharvaṇāmete saṃhitānāṃ hi kalpakāḥ iti .. etasya upaniṣadaḥ ekatriṃśat tāsāṃ nāmāni yathā praśnaḥ 1 muṇḍakaṃ 2 māṇḍūkyam 3 atharvaśiraḥ 4 atharvaśikhā 5 vṛhajjāvāliḥ 6 nṛsiṃhatāpanī 7 nāradaparivrājakaḥ 8 sītā 9 śarabhaḥ 10 nārāyaṇaḥ 11 rāmarahasyam 12 rāmatāpanī 13 śāṇḍilyaḥ 14 paramahaṃsaparivrājakaḥ 15 annapūrṇā 16 sūryātyā 17 pāśupatam 18 parabrahma 19 tripurātāpanī 20 devī 21 bhāvanā 22 bhasma 23 jāvāliḥ 24 gaṇapatiḥ 25 mahāvākyam 26 gopālatāpanī 27 kṛṣṇatāpanī 28 hayagrīvaḥ 29 dattātreyaḥ 30 garuḍaḥ 31 etāśca prāyaśaḥ brahmavidyātadaṅgopāsanāpratipādikāḥ muktiko° .

atharvaśikhā strī atharvaṇaḥ vedasya śikheva brahmavidyāpratipādakatvena śreṣṭhatvāt . tadvedīye brahmapratipādake tannāmake upaniṣadbhede .

atharvaśiras na° atharvaṇaḥ śiraiva brahmavidyāpratipādakatayā areṣṭhatvāt svanāmakhyāte atharvopaniṣadbhede .

[Page 112b]
atharvāṅgirasa pu° atharvā cāṅgirāśca ni° ac . etayomunyoḥ . upacārāt taddṛṣṭamantrādibhede ca atharvāṅgirasaṃ nīlarudra devyaparājiteti tacca . atharvāṇaṃ pitaraṃ devabandhuṃ mātṛgarbhaṃ pituramuṃ yuvānam .. yaimaṃ yajñaṃ manasā ciketa praṇo vocastamiheha bruvaḥ iti . aṅgirasonaḥ pitaro navagvā atharvāṇo bhṛgavaḥ saumyāsaḥ . teṣāṃ vayaṃ sumatau yajñiyānāmapi bhadre saumanase syāma .. aṅgirobhiryajñiyairāgahīha yama vairūpairiha mādayasva . vivasvantaṃ huve yaḥ pitā te'smin varhiṣyā niṣadya .. imaṃ yama prastaramā hi rohāṅgirobhiḥ saṃvidānaḥ . ā tvā mantrāḥ kaviśastā vahantvenā rājan haviṣo mādayasva .. itaeta udāruhan divaspṛṣṭānyāruhan . prabhurjayo yathā pathā dyāmaṅgiraso yayuriti sūktañca .. atha° 18, 1, 58, 61,

atharvādhipa pu° 6 ta° . sāmavedādhipo bhaumaḥ śaśijo'tharvavedarāḍityukte budhe .

atharvī strī na + thurva ac pṛ° ulopaḥ gau° ṅīṣ . ahiṃsikāyām yābhirviśyalāṃ dhanasāmatharvyamiti vedaḥ .

athavā avya° atheti vāyate atha + vā--kā . pakṣāntare atha vā kṛtavāgdvāre iti athavā mṛdu vastu hiṃsitumiti ca raghuḥ . atha vā hetumānniṣṭhavirahāpratiyogineti bhāṣā° .

atho avya° artha--ḍo pṛṣo° ralopaḥ . athaśabdārthe ārambhādau . athātho saṃśaye syātāmadhikāre ca maṅgale vikalpānantara praśnakātrsnyārambhasamuccaye ityukte athaśabdārthe .

ada bandhane bhvā° para° idit saka° seṭ . andati āndīt .

ada bhakṣaṇe ca adā° para° saka° aniṭ . atti avasat jaghāsa attā atsyati . sani jighatsati . kta--odanārthe annam anyatra jagdham ghañ ghasaḥ--ādaḥ ktin jagdhiḥ . yo'nnamatti yatastata iti smṛtiḥ . attā carācaragrahaṇāditi śā° sū° . kimadanti bhṛṅgā iti .

adaṃṣṭra pu° nāsti daṃṣṭrā daśanasādhanadantaviśeṣaḥ yasya . bhagnāśīdante sarpe . pradhānadantarahite tri° .

adakṣa tri° virodhārthe na° ta° . dakṣatvavirodhimāndyavati .

adakṣiṇa tri° dakṣiṇo'nukūlaḥ kuśalaśca virodhārthe na° ta° . dakṣiṇatvaviruddhanaipuṇyapratikūlatvavati, vāmāṅge ca . nāsti dakṣiṇā karmasamāptau deyā yatra . dakṣiṇāśūnye yajñādau . dakṣiṇādānasya nityatvaṃ dakṣiṇāśabde vakṣyate hatayajñamadakṣiṇamiti .

adagdha tri° śāstravidhināgninā na dagdhaḥ . śāstravidhinā'kṛtāgnisaṃskāre . agnidagdhāśca ye jīvā ye'pyadagdhāḥ kule mameti śrāddhamantraḥ . dagdhabhinne tri° .

adaṇḍya tri° na daṇḍamarhati yat . daṇḍānarhe adaṇḍyān daṇḍayan rājā daṇḍyāṃścaivāpyadaṇḍayanniti yājña° . api bhrātā suto'rghyo vā śvaśuromātulo'pi vā nādaṇḍyo nāma rājño'sti dharmāt pracalitaḥ svakāditi manuḥ . smṛtyādau karmaviśeṣe daṇḍaḥ tadabhāvaśca ukto'nusandheyaḥ tatra kecidadaṇḍyāḥ saṃgṛhyante . anirdaśāhāṃ gāṃ sūtāṃ vṛṣān devapaśūṃstathā . sapālān vā vipālān na daṇḍyān manuravravīt . yānavāhakadaṇḍābhāve prayojakamuktam ati vartanaśabde, kṣetre deyaprāvaraṇaviśeṣamuktvā tadakaraṇe daṇḍābhāvo manunoktaḥ yathā tatrāparivṛtaṃ dhānyaṃ vihiṃsyuḥ paśavo yadi na tatra praṇayeddaṇḍaṃ nṛpatiḥ paśurakṣiṇāmiti mahokṣotsṛṣṭapaśavaḥ sūtikāgantukādayaḥ pāloyeṣāñca te mocyā daivarājapariplutā iti adaṇḍyā hastino'śvāśca prajāpālā hi te smṛtāḥ . adaṇḍyāḥ kāṇakuṇṭhāśca vṛṣabhaḥ kṛtalakṣaṇa iti smṛtiḥ .

adattā strī dā--kta na° ta° . pariṇayārthamadattāyāṃ striyām . adattāyāṃ mṛtāyāntu tryahācchudhyanti bāndhavā iti smṛtiḥ adattamātre tri° . aprāśastye na° ta° . adattantu bhayakrodhetyādyabhihitalakṣaṇe dānābhāsenārpite dattvāpi pratyāhartuṃ yogye tri° . taccoktaṃ nāradena yathā adattantu bhayakrodhaśokavegarujānvitaiḥ . tathotkoca parīhāsavyatyāsacchalayogataḥ .. bālamūḍhāsvatantrārtamattonmattāpavajitam . kartā mamedaṅkarmeti pratilābhecchayā ca yat . apātre pātramityukte kārye vā dharmasaṃhite . yaddattaṃ syādavijñānādadattamiti tat smṛtamiti . asyārthaḥ bhayena vandigrāhādibhyo dattam . krodhena śatrvādivairaniryātanāyānyasmai dattam . puttrāvihonatādinimittaśokāviṣṭena dattam . utkocena kāryapratibandhanirāsārthamadhikṛtebhyo dattam . parihāsenopahāsena dattam . ekaḥ svadravyamanyasmai dadātyanyo'pi tasmai dadādīti dānavyātyāsaḥ . chalayogataḥ śatadānamabhisandhāya sahasramiti paribhāṣya dadāti . bālenāprāptaṣoḍaśavayaskena mūḍhena, lokavedānabhijñena asvatantreṇa puttradāsādinā, ārtena rogābhibhūtena, mattena madanīyapramattena, unmattena, vātikādyunmādagrastena vā apavarjitaṃ dattam . tathā'yaṃ madīyamidaṃ karma kariṣyatīti pratilābhecchayā dattam . acaturvedāya caturvedo'hamityuktavate dattam . yajñaṃ kariṣyāmīti dhanaṃ labdhvā dyūtādau viniyuñjānāya dattamityevaṃ ṣoḍaśaprakāramapi dattamadattamityucyate pratyāharaṇīyatvāt . ārtadattasyādattatvaṃ dharmakāryavyatiriktaviṣayam . svasthenārtena vā dattaṃ śrāvitaṃ dharmakāraṇāt . adattvā tu mṛte dāpyastatsuto nātra saṃśaya iti kātyāyanasmaraṇāt . tathedamaparaṃ saṃkṣiptārthavacanaṃ sarvavivādasādhāraṇam . yogādhamanavikrītaṃ yogadānapratigraham . yasya vāpyupadhiṃ paśyet tat sarvaṃ vinivartayet iti . yoga upādhiḥ . yogenopādhiviśeṣeṇādhivikrayadānapratigrahāḥ kṛtāstadupādhivigame tān vikrayādīn vinivartayediti . yaḥ punaḥ ṣoḍaśaprakāramapyadattaṃ gṛhṇāti, yaścādeyaṃ prayacchati, tayordaṇḍo nāradenoktaḥ . gṛhṇātyadattaṃ yo lobhāt yaścādeyaṃ prayacchati . adeyadāyako daṇḍyastathā'dattapratīccha ka iti . mitākṣarā° .

adattādāyin tri° adattamādatte ā + dā--ṇini 6 ta° . adattasya grāhake adattādāyino hastāt lipseta brāhmaṇo dhanam yājanādhyāpanenāpi yathā stenastathaiva sa iti smṛtiḥ .

adatra tri° ada--bā° atran . adanīye adatrayā dayate vāryāṇīti ṛ° 5, 49, 3, adatrayā, adanīyānīti bhā° .

adadryañc tri° amumañcati adas + anca--kvip adryāgamaḥ . adogate, striyām adadrīcī asarvanāmasthānādyaci tu adadrīcaḥ ityādi . asya dasya vā matvottve amudryaṅ amumuyaṅ ityādayo'pyatra .

adanta pu° nāsti danto'sya . pūṣarūpe ādityabhede vā kap tatraiva . yadyapyadantakaḥ pūṣā paiṣṭamatti sadā carumiti chandogapa° . tasyādantatā ca dakṣayajñabhaṅgasamaye vīrabhadreṇa kṛtā yathā bhāgavate 4 skandhe . pūṣṇo hyapātayaddantān kāliṅgasya yathā balaḥ . śapyamāne garimaṇi yo'hasaddarśayan data iti . ataeva tasyādantatayā piṣṭavarubhuktvaṃ tadapi tatraivoktam prahmaprasāditena śivena paścāt dakṣādi varadānasamaye pūṣā tu yajamānasya dadbhirjakṣitu piṣṭabhugiti śrutāvapi prapiṣṭabhāgo'dantako hi taṃ devā adhyagāmiti adantakatvena piṣṭakabhāgitvamuktam . dantahīne, ajātadante ca tri° . ye'pyadantāḥ kule mameti vāyu° . nṛṇāṃ dantajananakālastu ṣaṇmāsa eva śuddhitattve nirṇītaḥ paśūnāntu varṣamātrā tu bālā syādatibālā dvivārṣikī . ataḥ parantu sā gauḥ syāttaruṇī dantajanmanīti aṅgirovacane dvivarṣottarakāle gavāṃ dantajanmakathanaṃ paśumātropalakṣaṇam atraiva kāle (ādāṃtā) iti loke prasiddhiḥ sā ca gavāmiva mahiṣāśvādīnāmapi tathaiva . at ante yasya ba° . akārāntaśabde pu° .

adabdha danbha--kta na° ta° . ahiṃsite adabdhebhiḥ pāyubhiḥ pāhyasmāniti ṛ° 1, 959, adabdhairahiṃsitairiti bhā° . adabdāsurbhrājamānohyeva iti vedaḥ .

adabdhāyu pu° adabdhena ahiṃsanena āyauti ā--yā--ku3 ta° . ahiṃsāyukte agne'dabdhāyo aśītatameti yaju° adabdhāyo . ahiṃsita! yajamāna iti vedadīpaḥ .

adabha tri° na dabhyate karmaṇi bā° ka . ahiṃsye tāvṛdhantāvanu dyūnmartāya devāvadabhā iti ṛ° 5, 86, 5 adabhau ahiṃsyau iti bhā° .

adabhra tri° danbha--rak dabhramalpaṃ na° ta° . analpe adabhradarbhāmadhiśapya sa sthalīmiti bhāraviḥ .

adambha pu° abhāvārthe na° ta° . dambhābhāve . nāstidambho yasya . dambharahite tri° . adambhaṃ śaṭhatāṃ hīnaṃ karma kuryādalolupa itipurā° .

adamya tri° na damyate'sau . adamanīye . gavāmekavarṣaparyanta kāle'damyatā pādaścāprāptake deya iti smṛtiḥ aprāptakaḥ aprāptadamyāvastha iti raghu° tena ekavarṣe gavi hate kṛcchrapādo vidhīyate ityekavākyatayā ekavarṣakālaparyantakāla eva vatsānāmadamyatvaṃ pratīyate .

adarśana na° na darśanam abhāvārthe na° ta° . darśanābhāve lope, vināśe ca lopo'darśanamiti pā° . nāsti darśanaṃ yasyāḥ ba° . darśanāviṣaye dṛṣṭiśūnye ca tri° .

adala pu° dalyate bhidyate iti dalaṃ patraṃ dala--karmaṇi ghañ na° ba° . dalaśūnye (hijala) iti khyāte vṛkṣe . patraśūnye vṛkṣamātre tri° . ghṛtakumāryāṃ strī . dalaḥ khaṇḍaḥ . tacchūnye tri° .

adas tri° na dasyate utkṣipyate'ṅguliryatra idantayā nirdhāraṇāya purovartinyevāṅgulinirdeśaḥ sambhavati nāpurovartini . na + das--kvip . apurovattini parokṣe jñāte vastuni . sarvanāmatā . amuṣya vidyā rasanāgranartakīti naiṣadham . paraloke nacāmutra phalaprada iti purā° . idamastu sannikṛṣṭaṃ samīpataravarti caitadorūpam . adasastu viprakṛṣṭaṃ taditi parokṣe vijānīyādityukte viprakṛṣṭe evāsya prayogaḥ . yacchabdākāṅkṣitatacchabdāprayoge'sya tadarthabodhakatā . yathā ānandayati te netre yo'dhunāsau samāgata ityādau . ataevoktaṃ kāvyaprakāśe idaṃśabdavadadaḥśabdastacchabdārthamabhidhatte ityuktam yacchabdasya tu nikaṭasthitatve tacchabdasyāpi prasiddhaparāmarṣiteti vadatā ca tena tacchabdasyeva idamadaḥśabdayorapi prasiddhārthakatā tatraivoktā . yathā karabālakarāladoḥsahāyo yudhi yo'sau vijayārjunaikamallaḥ . yadi bhūpatinā sa tatra kārye ityādau prasiddhārthakatā . anyathā sa ityanena punaruktatvāpatteḥ ataeva darpaṇakṛtā ānandayati te netre yo'sau subhru! samāgata iti padye yacchabdasya sannikṛṣṭatayā tacchārthāvācakatvamāśaṅkya ānandayati te netre yo'dhunāsau samāgata ityevaṃ pāṭhaḥparivartitaḥ . yacchabdenānākāṅkṣitatvetu na tacchabdārthābhidhāyitvaṃ kintu prasiddhādyabhidhāyakatā yathā asau maruccumbitacārukeśara ityādau nātra tacchabdārthapratītiriti kāvya prakāśe uktam . tathā ca yacchabdenākāṅkṣāsthale eva yacchabdasyāsannikṛṣṭatayopāttasyādaḥśabdasya tacchabdārthakatā nānyatheti susthitam . ado'nupadeśe iti sūtranirdeśāt anupadeśe adasaḥ gatisaṃjñā tena adaḥ kṛtyādaḥ kṛtamityādau gatitvena samāse lyap . varaṃ prati upadeśe tu adaḥ kṛtvā adaḥ kuru ityādau na gatitvam . asya gatisaṃjñātve nāvyayatvamapi . tenāvyayapūrbakatayā lyap arthastu adaḥśabdasyeva .

adātṛ tri° na° ta° . dātṛbhinne adātā vaṃśadoṣeṇeti purā° . adātā puruṣastyāgī dhanaṃ saṃtyajya gacchatīti nīti° . striyāṃ ṅīp .

adāna na° na dānamabhāvārthe na° ta° . dānābhāve . nāstidānaṃ tyāgomadajalaṃ vā yasya . dānaśūnye tri° . madajalaśanye gaje pu° . sadā dānapārakṣīṇaḥ śastaeva karīśvaraḥ . adānaḥ pīnakāyastu nindyataeva gardabha iti .

adānta tri° na° ta° . indriyadamanākārake avinīte ca adāntoviṣayāsakta iti purā° .

adābhya tri° dambha ṇyat nalopopadhāvṛddhī na° ta° . ahiṃsye . yatte somādābhyaṃ nāma jāgṛvīti ya° 7, 2, he soma! te tvadīyamahisitaṃ jāgṛvi jāgaraṇaśīlamiti vedadīpaḥ .

adāya tri° nāsti dāyo yeṣām . dāyānarhepatitajñātyādau . adāyāśca striyomatā iti smṛtiḥ .

[Page 115a]
adāyāda tri° dāyaṃ pitrādidhanaṃ sambandhitayā adanti bhuñjate ada--aṇ 6 ta° na° ta° . sambandhidhanāgrāhake patitādi sapiṇḍabhede adāyādāśca parigaṇitamātrādibhinnāḥ striyaḥ, adāyāśca striyomatāḥ iti smṛteḥ . dvādaśavidhān putrānuktvā kānīnaśca sahoḍhaśca krītaḥ paunarbhavastathā . svayaṃdattaśca śaudraśca ṣaḍadāyādabāndhavā iti manūktāḥ kānīnādayaśca veditavyāḥ tathā vibhāgānārhā api klīvādayo'dāyādā ityavasare vācyam . sapiṇḍabhinne ca .

adāyika tri° dāyamarhanti dāya + ṭhak--na° ba° . dāyādaśūnye adāyikaṃ rājagāmīti smṛtiḥ dāyagrāhakaputrādiśūnyaṃ tadarthaḥ .

adāhya tri° na dagdhumarhati daha--arhārthe ṇyat na° ta° . śāstroktavidhinā agnisaṃskārānarhe patitādau te ca smṛtau darśitā yathā . śṛṅgidaṃṣṭrinakhivyālaviṣavahnistriyā jalaiḥ . ādarāt parihartavyaḥ kurvan krīḍāṃ mṛtastu yaḥ . nāgānāṃ vipriyaṃ kurvan dagdhaścāpyatha vidyutā . nigṛhītaḥ svayaṃ rājñā cauryadoṣeṇa kutracit . paradārān ramantaśca dveṣāttatpatibhirhatāḥ . asamānaiśca saṃkīrṇaiścāṇḍālādyaiśca vigraham . kṛtvā tairnihatā ye tu cāṇḍālādīn samāśritāḥ . garāgniviṣadāścaiva pāṣaṇḍāḥ krūrabuddhayaḥ . krodhāt prāyaṃ viṣaṃ vahniṃ śastramudvandhanaṃ jalam . girivṛkṣapraprātañca ye kurvanti narādhamāḥ . kuśilpajīvinaścaiva sūnālaṅkārakāriṇaḥ . mukhebhagāśca ye kecit klīvaprāyā napuṃsakāḥ . brahmadaṇḍahatā ye ca ye ca vai brāhmaṇairhatāḥ . mahāpātakinoye ca patitāste prakīrtitāḥ . patitānāṃ na dāhaḥ syānnāntyethirnāsthisañcayaḥ . nacāśrupātaḥ piṇḍaṃ vā kārthyaṃ śrāddhādikaṃ kvacit . etāni patitānāñca yaḥ karoti vimohitaḥ . taptakṛcchradvayenaiva tasya śuddhirnacānyathā iti . dagdhumaśakye nirayavatvāt paramātmani . nainaṃ chindanti śastrāṇi nainaṃ dahati pāvaka ityupakramya acchedyo'yamadāhyo'yamakledyo'śoṣyaeva ceti gotāyāṃ tasyādāhyatvoktestathātvam .

aditi strī na dīyate khaṇḍyate vṛhattvāt do--ktic na° ta° . dātuṃ chettuṃ na yogyāyāṃ pṛthivyām cakṣuraditāvasanamiti tā° brā° aditau pṛthivyāmiti bhāṣyam . vāci nirukta° . ditirdanujamātā virodhārthe na° ta° . tadvirodhinyāṃ devamātari prajajñire mahābhāgā dakṣakanyāstrayodaśa . aditiditirdanuḥkālā danāyuḥ siṃhikā tathā . krodhā prādhā ca viśvā ca vinatā kapilā muniḥ . kadruśca manujavyāghra! dakṣakanyaiva bhārateti bhāratam ādipa° . etā eva kaśyapāya dakṣeṇa dattā yathoktaṃ tatraiva dakṣastvajāyatāṅguṣṭhāddakṣiṇādbhagavānṛṣiḥ brahmaṇaḥ pṛthivīpāla! śāntātmā sumahātapāḥ . vāmādajāyatāṅguṣṭhādbhāryā tasya mahātmanaḥ . tasyāṃ pañcāśataṃ kanyāḥ sa evājanayat prabhuḥ . dadau sa daśa dharmāya saptaviṃśatimindave . divyena vidhinā deva! kaśyapāya trayodaśeti aditiradīnādevamāteti niru° . taddevatāke punarvasunakṣatre . atti prāṇijātam ada--itic . sarvanāśake mṛtyau, pamameśvare ca pu° . sa yadyadevāsṛjata tattadattumadhriyata sarvaṃ vā attīti tadaditeradititvam, sarvasyaitasyāttā bhavati sarvamasyānnaṃ bhavati ya evametadaditeradititvaṃ vede ti bṛ° u° ditiḥ khaṇḍanam . tacchūnye akhaṇḍe . kṣatriyāsi yajñiyāsyaditirasīti yaju° aditirakhaṇḍiteti vedadīpaḥ .

aditija pu° aditerjāyate jana--ḍa . deve . dvādaśaivāditeḥ puttrāḥ śakramukhyāḥ narādhipa! . teṣāmavarajo viṣṇuryatra lokāḥ pratiṣṭhitā iti bhāratam dvādaśa ādityāḥ śakrādayaḥ śakramukhyāśca devāścetyarthaḥ .

aditinandana pu° 6 ta° . deve aditisutādayo'pyatra .

adīna tri° dī--kta na° ta° . akātare kātaryarahite .

aduṣṭa tri° na° ta° . smṛtyuktaduradṛṣṭasādhanatārūpadoṣarahite . aduṣṭā santatā dhārā iti smṛtiḥ duṣṭāni ca duṣṭaśabde vakṣayante .

adūra na° na° ta° . dūratvavirodhisāmīpye adūre jagadambāyāḥ śāradīyo mahotsava iti purā° . tadvati tri° . parasparākṣisādṛśyamadūroñjhitavartmasviti raghuḥ .

adūṣita tri° na° ta° . dūṣitabhinne smṛtyukte doṣānarhe dravyabhede ca . dūṣitañca aspṛśyasparśavattvena, paryuṣitatvena, virasatvena, doṣajanakādṛṣṭaviśeṣahetutvena ca smṛtyādau duṣṭatvena kīrtitam tasyaiva kvacidviṣaye pratiprasavaḥ smṛtāvuktastādṛśapadārthaevādūṣitam . dūṣitavivaraṇaṃ duṣṭaśabde vakṣyate .

adṛś tri° nāsti dṛk dṛṣṭirasya . andhe cakṣurindriyaśūnye . na paśyati dṛśa--kartari kvip na° ta° . adarśake tri° .

adṛśya tri° na° ta° . dṛśyabhinne . na draṣṭumarhati . darśanānarhe, parameśvare ca . yattadadṛśyamavijñeyamagrāhyamiti śrutiḥ .

adṛṣṭa na° dṛśa--kta na° ta° . puṇyāpuṇyarūpe bhāgye indriyāyogyatvāt tasyādṛṣṭatvam . adṛṣṭasattve pramāṇañca . sāpekṣatvādanāditvāt vaicitryāt viśvavṛttitaḥ . pratyātmaniyamāt bhukterasti heturalaukika iti ciradhvastaṃ phalāyālaṃ na karmātiśaya vineti ceti kusu° . asyābhiprāyaḥ . iha hi jagati uccāvaca vicitrāḥ sukhaduḥkhānubhavarūpā bhogāḥ pratyātmavedanīyāḥ, te ca na nityā utpattivināśaśālitvāt ataeva na sadātanāḥ kintu kādācitkā eva, sati ca teṣāṃ kādācitkatve hetusāpekṣatvameva tathā hi vimatā bhogavyaktayaḥ hetusāpekṣāḥ kādācitkatvāt ghaṭavat . yadyat kādācitkaṃ tattat hetusāpekṣaṃ yathā ghaṭaḥ bhavanti ca bhogavyaktayaḥ kādācitkāḥ tasmāt hetusāpekṣā iti pañcāvayavanyāyena bhogānāṃ hetusāpekṣatvasiddhiḥ sa ca hetuḥ na laukikapratyakṣādiviṣayaḥ kaścit sambhavati tadanvayavyatirekābhāvāt na ca kālasyaiva taddhetutvenārthāntarāpātaḥ . kālasya sādhāraṇakāraṇatayā civitrabhogaṃ pratyaniyāmakatvāt anyathā kālasyaikarūpatayā sarbadā sarvabhogaprasaṅgaḥ . etena tattatkālatvena kāraṇatākalpane'pi na nistāraḥ tattatkālavyaktīnāṃ puruṣamātrasādhāraṇyena pratyātmavicitrabhogopapādakatvānupapatteḥ . ato vicitrabhogānyathānupapattyā tadādhāyakamalaukikaṃ kāraṇaṃ yat kalpanīyaṃ, tadevādṛṣṭam . evamanumānena āgamaprāmāṇyānabhyupagantṝn prati alaukikādṛṣṭasādhanam . āgamena tu tatsiddhirevamabhiyuktairabhyupetā svargakāmo yajeteti vākye samabhivyāhṛtasvargasādhanatvaṃ yāge vidhipratyayena bodhyate tacca na sambhavati, svargādeḥ kālāntarabhāvitayā āśuvināśino yāgādestadānīmasattvena kāraṇatvāsambhavāt ato vidhibodhitaṃ yāgāderiṣṭasādhanatva phalakālaparyantasthāyisvajanyavyāpāraṃ vinānupapannamityanupapattijñānena dvārībhūtamapūrbaṃ kalpyate . tadamiprāyeṇaiva ciradhvastamityādyuktam . ataeva pauruṣaṃ daivasampattyā kāle phalati pārthiva! . trayametanmanuṣyasya piṇḍitaṃ syāt phalāvahamiti śāstrāntare kāryajananasāmagryāṃ daivapadābhidheyāpūrbasya kīrtanam . taccādṛṣṭaṃ dvividhaṃ puṇyaṃ pāpañca vihitānuṣṭhānajanyaṃ puṇyaṃ, niṣiddhānuṣṭhānajanya pāpam, tadubhayamapi trividhaṃ, prārabdhaṃ phaladānonmukhaṃ sañcita ñceti . dehādyārambhakamadṛṣṭaṃ prārabdhaṃ, bahūnāmadṛṣṭānāṃ cirasañcitānāṃ madhye phalavipākāya unmukhaṃ phaladānonmukhaṃ, tadbhinnaṃ sañcitam . tatra ye samarthā jagatyasmin sṛṣṭisaṃhārakārakāḥ . te'pi kālena līyante iti śāstrāt kalanāt sarvabhūtānāṃ kāla ityabhidhīyate ityukteśca kālasya sarvanāśakatve'pi nādṛṣṭanāśakatvam nābhuktaṃ kṣīyate karma kalpakoṭiśatairapīti śāstrāntarāt kintu bhogādeva kṣayaḥ . tathā puṇyasya karmanāśājalasparśādito'pi nāśaḥ, pāpasya prāyaścittādinā nāśaḥ . prārabdhātiriktapuṇyāpuṇyakarmaṇāṃ tattvajñānāt nāśaḥ . jñānāgniḥ sarvakarmāṇi bhasmasāt kurute'rjuneti gītādiśāstrāt . idamadṛṣṭaṃ vedāntibhirnānumanyate tairhi karmaṇaḥ sūkṣmāvasthāpannasaṃskāraviśeṣa evādṛṣṭasthānīyatayāṅgīkriyate iti bhedaḥ . taccānuśayaśabde vistarato vācyam . taccādṛṣṭamātmadharma iti naiyāyikā vaiśeṣikādayaścābhyupagacchanti . vedāntisāṅkhyapātañcalāstu buddhidharma iti bhedaḥ . teṣāṃ mate hi kartṛtvasya buddhidharmatayā śāstradeśitaṃ phalamanuṣṭhātaroti nyāyāṃt tatraivādṛṣṭotpatterucitatvam anyakṛtakarmaṇā anyasyādṛṣṭotpattau atiprasaṅgāt kṛtahānākṛtābhyāgamaprasaṅgaśceti sūtreṇa ca tathaiva pratipāditatvādadhikamākare draṣṭavyam . asya ca adṛṣṭaśabdavācyatve pratyakṣamanimittaṃ vidyamānopalambhanatvāditi jaiminisṛtraṃ mānam . tasyāyamabhiprāyaḥ nodanālakṣaṇo'rthodharma iti dharme vedaikasamadhigamyatvamupakṣiptaṃ tasya draḍhīkaraṇārthamidaṃ sūtraṃ pravṛttam . anuṣṭhānādūrdhvamutpadyamānasya dharmasya pūrbamavidyamānatvāt na pratyakṣayogyatāsti uttarakāle'pi rūpādirāhityānnendriyairavagamyatā . ataevādṛṣṭamiti sarvairabhidhīyate iti ṛ° bhāṣyam . sūtrārthastu pratyakṣaṃ cakṣurādi na tadgrahaṇe nimittaṃ teṣāṃ vidyamānopalambhahetutvāt dharmasya ca prāk avidyamānatvāt . liṅgarāhityācca nānumānaviṣayatvamapyasti . sukhaduḥkhayostadgamakatvena liṅgatvasambhave'pi tayorliṅgatvajñānamapi vedaikagamyaṃ, kasya karmaṇaḥ? kiṃ phala? mityadhyavasāyasya vedaikasamadhigamyatvāt sukhaduḥkhābhyāṃ sāmānyena dharmādharmamātrānumāne'pi tadviśeṣapratipattau vedasyaiva sādhanatvāditi pratijñātaṃ dharmasya nodanāmātapramāprakatvaṃ susthitamiti . dṛṣṭabhinne tri° sarvamadṛṣṭaṃ śucīti smṛtyantaram . adṛṣṭamapyarthamadṛṣṭavaibhavāt karoti suptirjanadarśanātithimiti naiṣa° . ajñātamātre tri° . adṛṣṭavirahavyathamiti . hito° . adṛṣṭamadbhirnirṇiktamiti smṛtiḥ adṛṣṭamupaghātaśaṅkābhirajñātamiti raghu° . adṛṣṭahetuke bhayādau ca . daivikāgnibhayāderadṛṣṭasādhyatvādadṛṣṭatvam .

[Page 117a]
adṛṣṭapūrva tri° na pūrvaṃ dṛṣṭaḥ saha supeti sa° parani° . pūrbamadṛṣṭe . adṛṣṭapūrvaṃ hṛṣito'smi dṛṣṭveti gītā .

adṛṣṭi strī viruddhā dṛṣṭiḥ virodhārthe abhāvārthe vā na° ta° . krūradṛṣṭau, saroṣavakradṛṣṭau, darśanābhāve ca . ba° . dṛṣṭiśūnye tri° .

adeya tri° na° ta° . deyabhinne dānāyogye ca . dānāyogyañca puttrādi--svaṃ kuṭumbāviroghena deyaṃ dārasutādṛte nānvaye sati sarvasvaṃ yaccānyasmai pratiśrutamiti yājña° anvāhitaṃ yācitakamādhiḥ sādhāraṇañca yat . nikṣepaḥ putradārāśca sarvasvañcānvaye sati . āpatkhapi ca kaṣṭāsu vartamānena dehinā . adeyānyāhurācāryā yaccānyasmai pratiśrutam ityevaṃ smṛtiniṣiddhadāne vastuni yo'dattaṃ pratigṛhṇāti yaścādeyaṃ prayacchatīti tadādānamapi smṛtau niṣiddham . madyamadeyamapeyamagrāhyamiti smṛtiḥ .

adevatra tri° na devān trāyate prīṇāti anena trai--karaṇe ka . devaprīṇanāsādhane annādau adevatrādarādhasa śrutiḥ .

adevamātṛka pu° na° ta° . devamātṛkadeśabhinne nadīvṛṣṭyambu sampannavrīhipālitadeśe . vitanvati kṣemamadevamātṛkā iti bhāra° .

adevayu tri° na deva yāti prāpnoti yā--ku . devāprāpake . ayajvānamadevayumiti ṛ° 5, 9, 11 .

adeśa pu° na° ta° . garhitadeśe ayogyadeśe ca . nādeśe tarpaṇaṃ kuryāt na sandhyāṃ nāpi pūjanamiti smṛtiḥ . striyaṃ spṛśedadeśeya iti smṛtiḥ . garhitadeśāśca smṛtau darśitāḥ kecit saṃgṛhyante . cāturvarṇyavyavasthā tu yasmin deśe na vartate . taṃ mlecchadeśaṃ jānīyādāryāvartaṃ tataḥparam iti viṣṇu° . ānartakāṅgamagadhāḥ surāṣṭrāḥ dakṣiṇāpathaḥ . tapā ca sindhuḥ sauvīrā ete saṅkīrṇayonaya iti padbhyāṃ sa kurute pāpaṃ yaḥ kaliṅgān prapadyate . ṛṣayo niṣkṛtistasya prāhurvaiśvānaraṃ haviriti baudhā° . aṅgavaṅgakaliṅgāṃśca tīrthayātrāṃ vinā vrajan . prāyaścittaṃ prakurvīteti smṛtiḥ . iṣṭadeśe'pi kecit śrāddhatarpaṇādau viśeṣatovarjyāḥ yathā rūkṣaṃ kṛmiyutaṃ klinnaṃ saṅkīrṇāniṣṭagandhikam . deśaṃ tvaniṣṭaśabdañca varjayet śrāddhakarmaṇīti . na mlecchaviṣaye śrāddhaṃ kuryānmlecchettutaṃ tathā neṣṭakācarite pitṝn tarpayediti śaṅkhalikhitau . parakīyagṛhe yastu pitṝn saṃtarpayedyadi . tadbhūmisvāminastasya haranti ṣitaro balāditi evamanye'pi garhyatvayojakāḥ smṛtyādyuktā veditavyāḥ . adeśakāle yaddānaṃ--taddānaṃ tāmasaṃ vidu riti sītā .

[Page 117b]
adaiva na° daivaṃ vaiśvadevikaśrāddhaṃ tannāsti yatra . vaiśvadevikaśrāddhaśūnye nityaśrāddhe . tasya pārvaṇetikartavyatayā vaiśvadeva śrāddhaprāptau adaivikantu tat kāryamiti smṛtau paryudāsā nnātra vaiśvadaivikam dhikaṃ nityaśrāddhaśabde vakṣyate . adaivikamapyatra . daivaṃ bhāgyam . tacchūnye, durbhāgyavati ca tri° .

adoṣa pu° doṣaḥ smṛtyuktaduradṛṣṭasādhanatvam abhāvārthe na° ta° . smṛtyuktaduradṛṣtasādhanatvadoṣābhāve . na° ba° . doṣaśūnye tri° . alaṅkāroktadoṣaśūnyayoḥ śabdārthayoḥ tadadoṣau śabdārthau saguṇāvanalaṃkṛtī punaḥ kvāpīti kāvyapra° . adoṣaṃ guṇavat kāvyamiti sarasvatīka° .

adga na° adyate devaiḥ ada--karmaṇi gan . puroḍāśe ujjvalada° .

addhvā avya° atyate at taṃ santataṃ gamanaṃ jñānaṃ vā dadhāti kvip . yāthārthye, sākṣātkāre, sphuṭe, avadhāraṇe, atiśaye ca . addhā śriyaṃ pālitasaṅgārāyeti raghuḥ . yasya syādaddhā na vicikitsyāstīti śrutiḥ . ayaṃ svarādiḥ, cādiśca tenobhayasvaratā . sākṣādādiṣu pāṭhāt addhākṛtyetyādau samāse lyap .

adbhuta na° atatītyat avyayamākasmikārthe tathā bhāti bhā--ḍu tac . ākasmike ulkāpātādau, ālaṅkārikaprasiddhe navarasāntargatavismayasthāyibhāvake rasabhede yathoktam adbhuto vismayasthāyibhāvo gandharvadaivataḥ .. pītavarṇo vastu lokātigamālambanaṃ matam . guṇānāṃ tasya mahimā bhaveduddīpanaṃ punaḥ .. stammaḥ svedo'tha romāñcagadgadasvarasambhramāḥ . tathā netravikāsādyā anubhāvāḥ prakīrtitāḥ .. vitarkāvegasambhāntiharṣādyā vyabhicāriṇaḥ iti . yathā dordaṇḍāñcitacandraśekharadhanurdaṇḍāvabhaṅgodyataṣṭaṅkāradhvanirāryabālacaritaprastāvanāḍiṇḍimaḥ . drākparyastakapālasaṃpuṭamiladbrahmāṇḍabhāṇḍodaramrāmyatpiṇḍitacaṇḍimā kathamaho? nādyāpi viśrāmyati iti .. tadvati tri° . kampādyadbhutasaptāhe iti jyoti° . adbhutasvarūpavibhāgādi prakṛtiviruddhamadbhutavacanan prakṛtiviruddhamadbhutamāpadaḥ prāk prabodhāya devāḥ sṛjantīti jyotiṣatattve ārthavaṇa vākye . āpajjñānāya bhūmyādīnāṃ pūrbaṃ svabhāvapracyāvaḥ devakartṛko'dbhuta iti raghu° . teṣāṃ traividhyādi agnyutpāta śabde uktam . udayati sma tadadbhutamālibhiriti naiṣa° . tamamadbhutaṃ bālakamambujekṣaṇamiti bhāga° .

adbhutasvana pu° adbhutaḥ svano yasya ba° . mahādeve . karma° . āścaryaśabde . ba° . tathā bhūtaśabdavati tri° .

[Page 118a]
admani pu° atti sarvān ada--manin . agnau .

admara tri° ada--kartari kmarac . bhakṣaṇaśīle .

adya avya° asminnahani idamśabdasya nipātaḥ saptamyarthe . asmin divase . kṛṣṇa! tvadīyapadapaṅkajapiñjarānte adyaiva me viśatu mānasarājahaṃsa ityudbhaṭaḥ . adyatve ityādibhāṣyaprayogāt tadvṛttāvapi asya bodhakatā . tenādhārārthatve'pi asya samāsāntaravaṭakatā adyadina mārabhya iti adyaprabhṛtyavanatāṅgoti kumāraḥ . evañca vartamāne kāle vartamānakālavṛttau ca vṛttiḥ adyāvadhi bhavadbhyo bhinno'hamiti veṇī° .

adyatana tri° adya bhavaḥ adya + ṭyu tuḍāgamaśca . adyabhave vastumātre . striyāmadyatanī . adyatanaśca atīto bhaviṣyacceti dvidhā . tatra adyatanabhūte luṅ apākṣīt . adyatanabhaviṣyati ḷṭ . pakṣyati . anadyatanabhūte tu laṅ--apacat anadyatane bhaviṣyati luṭ paktvā .

adyatva na° adya tadvṛtterbhāvaḥ adya + tva . etaddina vasavṛttitve vartamānatve .

adyaśvīnā strī adya śvaḥ paradine vā prasoṣyate adya--śvas + kha ṭilopaḥ . āsannaprasavāyāṃ prauḍhagavrbhiṇyām . adyaśvīnāvaṣṭabdhe iti pā° .

adrava pu° abhāvārthe na° ta° . dravābhāve . na° ba° . dravaśūnye tri° adravaṃ mūrtimat svāṅgaṃ prāṇisthamavikārajamiti mahābhāṣya° .

adravya na° aprāśastye na° ta° . apraśastadravye ayogyapadārthe nādravye nihitā kācit kriyā phalavatī bhavediti

adri pu° ada--krin . parvate, tadavayave prastare grāvaṇi . vṛkṣe, sūrye, meghe, parimāṇabhede ca tadbhedaśca parimāṇaśabde vakṣyate tatra grāvaṇi, adriṣutaḥ, meghe adrimātā, parvate, duhitaramanukampyāmadrirādāya dorbhyāmiti kumā° .

adrikarṇī strī adriḥ adrināmikā girirbālamūṣikā tasyāḥ karṇaḥ karṇatulyaṃ puṣpāntaḥsthaṃ patraṃ yasyāḥ gaurāditvāt ṅīṣ . bālamūṣikākarṇatulyapuṣpābhyantarapatrāyāṃ aparājitāyām .

adrikīlā strī adrayaḥ kulācalāḥ parvatāḥ kīlāḥ śaṅkava iva yasyāḥ ba° . pṛthivyām . adreḥ sumeroḥ kola iva vā . viṣkumbhaparvate pu° . tadvivaraṇaṃ acalakīlāśabde dṛśyam .

adrija na° adrau jāyate jana--ḍa 7 ta° . (śilājatu) iti svanāmaprasiddhe gandhadravye . (geri) iti prasiddhe upadhātāviti kecit . pārvatyāṃ strī . parvatabhavamātre tri° . saiṃhalīvṛkṣe strī rājani° . adrijātādayo'pyuktārtheṣu parvatajāte davānale, sūryaje haṃse, rūpe ātmani ca pu° .

adritanayā strī 6 ta° . pārvatyāṃ tadvivṛtiḥ acalakanyā śabde draṣṭavyā adrisutādayo'pyatra . adrisutāsamāgamotka iti kumā° .

adridviṣ pu° adribhyaḥ dveṣṭi dviṣa--kvip . indre . tasya taddveṣṭṛtraṃ gotrabhicchabde dṛśyam .

adridugdha pu° adribhirgrāvabhirdugdhaḥ abhiṣutaḥ 3 ta° . grāvābhiṣute some, tiro roma pavate adridugdha iti ṛ° . 9, 97, 11, adridugdhaḥ grāvābhiṣuta iti bhā° .

adridroṇi strī adrerdroṇiriva . parvatabhavanadyām adridroṇīranapasāramārgā iti daśa° .

adripati pu° 6 ta° . himācale tadvivaraṇam acalarājaśabda .

adribarhas tri° adrerbarha iva barho'sya . adrisāre atikaṭhine pīdūṣaṃ dyauraditiradrivarhā iti ṛ° 10, 63, 3 .

adribudhna pu° upamā° ba° . atikaṭhine . ayaṃ nidhiḥ sarame adribudhna iti ṛ° 10, 108, 7, .

adribhid pu° adriṃ bhinatti bhida--kvip 6 ta° . indre . gotrabhicchabde tadbhedena vivaraṇam .

adribhū strī adrāvapi bhavati bhū--kkip 7 ta° . aparājitā latāyām tasyāḥ parvate'pyatikaṭhorabhūmike jāyamānatvāttathātvam . pārvatyāṃ strī . parvatajātamātre tri° .

adrimātṛ pu° adrirmeghastajjalaṃ mimīte mā--tṛc . meghajalanirmātari svarvit kośaṃ divo adrimātaramiti ṛ° 9, 86, 3 .

adrirāja pu° adrīṇāṃ rājā ṭacsamā° . himācale . adriṣu rājatekvip adrirāḍapi atraiva pu° . vivaṇamacalarājaśabde .

adriṣuta pu° adribhiḥ grāvabhiḥ sutaḥ abhiṣutaḥ 3 ta° ṣatvam . grāvābhiṣute some . nṛdhūto adriṣutovarhiṣīti ṛ° 9, 72, 4 adriṣutaḥ grāvabhirabhiṣuta iti bhāṣyam .

adrisahata pu° adribhiḥ saṃhatam abhiṣutam . grāvābhiṣute some svasāro adrisaṃhatāviti ṛ° 9, 98, 6, adririva saṃhataḥ kaṭhinaḥ . atikaṭhine tri° .

adrisāra pu° adreḥ sāra iva . lauhe . adreriva sāro'sya atikaṭhine tri° .

adrisāramaya tri° adrisārātmakaḥ . atyantakaṭhine .

[Page 119a]
adrīśa pu° adrīṇām adrervā īśaḥ 6 ta° . himācale, śive ca .

adruhvan tri° druha--kvanip na° ta° . drohākartari--tā vāṃ samyagadruhvāṇeṣamiti ṛ° 5, 70, 2, he adruhvāṇā adrogdhārāviti bhāṣyam .

adrogha tri° druha--ghañ vede ghatvam na° ba° . droharahite tvaṃ dehi sahasriṇaṃ rayiṃ no'drogheṇeti ṛ° 3, 32, 6, adro ṣeṇa droharahiteneti bhā° . na° ta° . drohābhāve pu° .

adroghāvita tri° adroghaḥ avito yena . adroharakṣake . kṛṇuta dhūmaṃ vṛṣaṇa sakhāyo'droghāvitā iti vedaḥ .

adroha pu° abhāvārthe na° ta° . drohābhāve adrohonābhimāniteti adrohaḥ sarvabhūtānāmiti ca purā° .

advaya na° na dvayam . dvitvābhāve . nāsti dvayaṃ dvitvaṃ tajjñānaṃ vā yasya . sarvātmatayā ātmajñe brahmātmaikyajñe, abhede ca . arthato'pyadvayānandamatītadvaitabhānata iti ve° sā° . brahmādvayaṃ paśyata iti advayaṃ vijñānābhedaḥ padārthānāmastyasya vādakatvena astyarthe ac . bauddhabhede te hi sahopālambhaniyamādabhedo nīlataddhiyorityanena padārthānāṃ saṃvidabhinnatvaṃ vadanti vivaraṇaṃ bauddhaśabde dṛśyam .

advayavādin pu° advayaṃ vadati sarvameva vastu citkhaṃrūpaṃ nānyadato dvitīyamastīti vadatīti vada--ṇini . advaitavādini vaidāntike, vāhyarthābhāvena jñānātmakaṃ sarvaṃ vastu svīkurvati bauddhe ca .

advayas tri° nāsti dvayaṃ dvitvamasya ba° yīgavibhāgāt asic samā° . dvitvarahite . sakhā suśevo advayā iti ṛ° 1, 187, 3, advayā dvayarahita iti bhāṣyam .

advayānanda pu° nāsti dvayaṃ dvitvaṃ bhedaḥ tajjñānaṃ vā yasya yatra vā tādṛśa ānandaḥ . brahmarūpānande advaitānande . arthato'pyadvayānandamatītadvaitabhāvata iti ve° sā° .

advayāvin tri° advayamastyarthe vini chandasi dīrghaḥ devapitṛyānarūpamārgadvayarahite . putrasya pāthaḥ padamadvayāvina iti ṛ° 1, 4 159, 3, advayāvinaḥ mārgadvayarahitasyeti bhāṣyam .

advayu tri° dvayaṃ dviprakāro'styasya bā° u na° ta° . dviprakārarūpakāpaṭyaśūnye antarvāhyaikarūpe upa dvayuñcādvayuñca vasava iti ṛ° 8, 18, 15 .

advāra na° ninditaṃ dvāram . praveśānarhe guptadvāre advāreṇa praveśanamiti advāreṇa na cātīyādgrāmaṃ vā veśma vā puramiti ca purā° . nāsti dvāramasya ba° . praveśāyogye duṣpraveśe, agamye anupāye ca tri° .

advitīya tri° dvidhā itaṃ bhedaṃ gatam dvītam tasya bhāvaḥ dvaitaṃ tannāsti yasya ba° . sajātīyādibhedaśūnye kevale paramātmani . vastvadvitīyamiti mā° ekamevādvitīyaṃ brahmeti śrutiḥ . atra ekam, eva, advitīyamiti padatrayeṇa brahmaṇi bhedatrayarāhityamuktam . tathāhi bhedastāvat tridhā svagatabhedaḥ sajātīyabhedaḥ vijātīyabhedaśceti . vṛkṣādīnāṃ svāvayavaśākhādibhyo bhedaḥ svagatabhedaḥ, ghaṭāt ghaṭāntarasya bhedaḥ sajātīyabhedaḥ, ghaṭasya paṭādito bhedaḥ vijātīyabhedaḥ . brahmaṇaśca tadananyatvamārambhaṇaśabdādibhya iti sūtreṇa svakāryāt ghaṭādito'nanyatvāt na svagatabhedaḥ . ghaṭādervyavahārikasattvavattvena pāramārthikasattvavato brahmaṇaḥ vijātīyatve'pi tato'bhedaeva tadbhinnasyābhāvāt sarvaṃ khalvidaṃ brahmeti śrutyantarāt tatsajātīyavastvantarābhāvādeva tadbhedaḥ siddhaevetyādikamākare dṛśyam . dvitīyaśūnye, asahacare tri° .

adviṣeṇya tri° dveṣṭuṃ śīlamasya, dviṣa--eṇyan--kicca na° ta° . priyarūpe, mayobhuradviṣeṇyaḥ sakheti ṛ° 1, 187, 3, adveṣiṇyaḥ adveṣyarasaḥ priyarasa iti bhāṣyam .

adveṣa pu° na dveṣaḥ abhāvārthe na° ta° . dveṣābhāve . ba° . dveṣarahite tri° . adveṣo hastayordadhe iti ṛ° 1, 24, 4, adveṣaḥ dveṣarahitaḥ nāsti dveṣo'syeti bhāṣyam . etena adveṣaḥśabde etanmantrasyodāharaṇatvenopanyāsaḥ keṣāñcit bhāṣyādarśanamūlakaḥ .

adveṣas tri° dviṣa--asun na° ta° . dveṣānāśraye dveṣākartari adveṣo maruto gātumetaneti ṛ0, 5, 87, 8, adveṣaḥ adveṣasa iti bhāṣyam .

advaita na° dvidhā itam dvītaṃ tasya bhāvaḥ dvaitaṃ bhedaḥ abhāvārthe na° ta° . abhede, advaitaṃ sukhaduḥkhayoranuguṇaṃ sarvāsvavasthāsu yaditi uttaracaritam . nāsti dvaitaṃ bhedo yatra . bhedarahite tri° brahmaṇi na° . advaitatattva iva satyatare'pi loka iti naiṣadham .

advaitasiddhi pu° advaitasya jagato brahmābhedasya siddhiratra . svanāmakhyāte vedāntaprakaraṇabhede 6 ta° . tatsiddhau strī .

adha avya° atha vede supāṃsulugityādinā varṇavyatyayaḥ . athaśabdārthe adhā nibaddha uttara iti ṛ° 4, 18, 9, adhā athānantaramiti bhā° . adhāpīṣasya poṣeṇeti ya° 12, 8, adheti avyayam athārthe nipātasya ceti pā° dīrṣa iti vedadīpaḥ .

[Page 120a]
adhaḥkāya pu° adhaḥ adharaṃ kāyasya ekadeśisa° . nābheradhaḥpradeśe netyanuvṛttau keśānnīvimadhaḥkāyaṃ saṃspṛśan dharaṇīmapīti smṛtiḥ . adhaḥkāyaṃ nīveradhaḥpradeśamiti raghu° .

adhaḥkāra pu° adharamityarthe adhaḥ tasya kāraḥ . nyūnīkaraṇe, tiraskāre, adharīkaraṇe ca .

adhaḥkṣipta tri° adhomukhena kṣiptam kṣipa--kta śāka° ta° . adhomukhatayā sthāpite nyañcite nyubjīkṛte, 'dhastānnihite ca .

adhaḥpuṣpī strī adhomukhaṃ puṣpaṃ yasyāḥ (anantamūla) gojihvāyām avākpuṣpyām (bhāṭui) iti khyāte vṛkṣe ityanye .

adhaḥ(dhaśśa)śayyā strī adhovartinī śayyā vā satvam . khaṭvāvarjanena bhūmiśayyāyām agnīndhanaṃ brahmacaryamadhaḥśayyāṃ gurorhitam . ā samāvartanāt kuryāditi manu° .

adhana tri° nāsti dhanamasya . dhanahīne daridre svātantryarahite ca . adhano hi dhanaṃ labbdhā tṛṇavat manyate jagaditi nīti° . bhāryā putraśca dāsaśca traya evādhanāḥ smṛtāḥ . yatte samadhigacchanti yasyaite tasya taddhanamiti manuḥ . svātantryarāhityaparamiti dāyabhāgaḥ .

adhama tri° ava--ama--dhādeśaḥ . kutsite, hīne ca . sarvatra trividhā bhedā uttamādhamamadhyamā iti . adhamasamavariṣṭhā nyarkakendrādisaṃsthe śaśini vinayavittajñānadhīnaipuṇānāmiti jyotiṣokte nṝṇāṃ vittajñānādiṣu adhamatvasūcake ravicandrayoḥ sthitiviśeṣarūpe yogabhede .

adhamabhṛtaka pu° karma° . uttamastvāyudhīyo'tra madhyamastu kṛṣīvalaḥ . adhamo bhāravāhī syādityevaṃ trividho bhṛta iti smṛtyukte, pañcavidhaśuśrūṣakamadhye bhṛtakarbhede .

adhamarṇa tri° ṛṇaṃ avaśyadeyam tat adhamaṃ śodhyaṃ yasya ba° . avaśyadeyarṇaśodhake (khātaka) iti prasiddhe ṛṇagrahītari .

adhamarṇika tri° adhamamṛṇamavaśyadeyaṃ dātṛtvenāstyasya ṭhan . adhamarṇaśabdārthe . grahītā ca kramāddāpyo dhanināmadhamarṇika iti yājña° yairyairupāyairarthaṃ svaṃ prāpnuyāduttamarṇikaḥ . taistairupāyaiḥ saṃgṛhya dāpayedadhamarṇikamiti manuḥ . astyarthe ini . adhamarṇītyapyatraiva tri° striyāṃ ṅīp .

adhamāṅga na° adhamam aṅgam karma° . caraṇe . tasya sarvāṅgāpekṣayā adharasthatvāt adhamatvam .

adhamārdha na° adhamamardham . nābheradhobhāge . tataḥ bhavādau yat . adharmāddhyam tadbhavādau, tatsambandhini ca tri° .

adhara pu° na dhriyate dhṛṅa--ac na° ta° . (ṭhoṭa) iti khyāte ūrdhva, nīce vā oṣṭhe . pibasi ratisarvasvamadharamiti śaku° . nirmṛṣṭarāgo'dhara iti sā° darpa° . umāmuhe vimbaphalādhoroṣṭhe iti kumā° . adharaṃ khalu vimbanāmakaṃ phalamābhyāmiti bhavyamanvayam . labhate'dharavimbaityadaḥ padamasyā radanacchade vadaditi naiṣa° . dharaṇaṃ dharaḥ ba° . tatsambandharahite hīne, 5 ba° . tale nīce ca smaramandire strīcihnabhede pu° na° . hīnavādini tri° . aghaṃ sarvanāmakāryabhāk . tatrāyaṃ viśeṣaḥ pūrvaparāvaradakṣiṇottarāparāgharāṇi vyavasthāyāmasaṃjñāyāmiti (pā° ga0) . ityukteḥ vyavasthāyāmevāsya sarvanāmatāvyavasthā ca svābhidheyāpekṣo'vadhiniyamaḥ . avadhitvañca daiśikaṃ kālikañca tatra pūrbāparādiśabdsānāṃ keṣāñcit pravibhāgataḥ . sāmānyenābhivāne'pi pravṛttirdeśakālayoritya bhiyuktokteḥ keṣāñcideva ubhayāvadhitvaniyamaḥ na sarveṣām, tathāhi pūrbāparāvaraparottaraśabdā mukhyavṛttyā dikkālayorvartante tadavacchinnadeśagrāmādau ca . tatra pūrbasyaṃ diśi vasati, pūrbasyādiśa āgataḥ pūrbadiksambandhāt pūrbā vāpī . evaṃ pūrbasmin māse vasati pūrvasmāt māsānnivṛttaḥ . tatkālasambandhāt pūrbo guruḥ pūrbasmin gurorāgataḥ pūrbasmāt prāsādādāgata ityādi . evam aparāvaraparaśabdatrayasyāpi te ca vināpi dikkālasambandhaṃ deśavṛttimantaḥ iti bhedaḥ . aparadeśasambandhādaparo grāmaḥ avaro vā . aparasmin avarasmin vā parvate vasati . sannikarṣe viprakarṣe ca sarvāsu dikṣu tulyo'yaṃ vyapadeśaḥ . na tu te diggatasambandhena tattadartha bodhakāḥ ekasyāmeva diśi sthitayornikaṭānikaṭayoḥ parāvarādivyapadeśapravṛtteḥ . etacchabdāpekṣayā mukhyavṛttyā vakṣyamāṇakārikāyāṃ deśagrahaṇam sārthakaṃ anyasya tu svato deśavṛttitvam . sannikarṣāsannikarṣayordeśavat kālo'pyāśrayaḥ . tena paraḥ aparaḥ avaro vā kālaḥ . ataeva parakālasambandhāt paraḥpāṇiniḥ aparakālasaṃbandhādaparaḥ kaiyaṭādiriti . dakṣiṇādharaśabdau tu diśi digavacchinne parvatādau ca vartete na tu kāle, nāpi kālāvacchinne iti bhedaḥ . dakṣiṇasyāṃ vasati, dakṣiṇe parvate vā vasati, avarasyāṃ diśi vasati adharadiksambandhāt adharaprāsāde vā vasati iti . tena svastvajñātidhane'nāmni kāladigdeśavṛttayaḥ . pūrbāparāvaradharāparāśca dakṣiṇottarau iti gaṇaratne sarveṣāṃ kālādivṛttitvoktāvapi dakṣiṇādharayostu na kālavṛttitvamiti tenaiva svakṛtavyākhyānarūpe gaṇaratnamahodadhau sthirīkṛtam . dakṣiṇasyāṃ diśi strī° dakṣiṇadiśaśca bhūgole yathādharatvaṃ tathā udakśabde vakṣyate . sarvanāmnāṃ vṛttau puṃvadbhāvāt adharasyāṃ bhavaḥ adharatana ityādi adharasyāṃ vartate adharavṛttiḥ adharā adharasyāḥ adharasyāmityarthe adharata ityādi .

adharatas avya° adhara--tasil . prathamāpañcamīsaptamyarthavṛttau adhobhāge ityarthe .

adharattāt avya° adhara + astāti pṛ° . adharata ityarthe . purastāt savitottarattādadharattāditi ṛ° 10, 36, 14,

adharamadhu na° adharasya madhviva āsvādātiśayāt . adhararase .

adharastāt avya° adhara + saptapyādyarthe astāti . adharataityarthe

adharāc tri° adharāṃ dakṣiṇāṃ diśamañcati kvip . dakṣiṇa diggantari . prāṅ vā udaṅ vā'dharāṅ vā pradhmāyītābhinaddhākṣa iti chā° u° . striyāmadharācīti . sā ca dakṣiṇasyāṃ diśi ca .

adharācīna tri° adharāci bhavaḥ adharāc + kha . adhaḥpradeśabhave . adharācīnamakṛṇodapāmapa iti ṛ° 2, 17, 5,

adharācya tri° adharacyāṃ bhavaḥ yat . dakṣiṇadigbhave adhodigbhave ca . arasaṃ prācyaṃ viṣamarasaṃ yadudīcyam athaikamadharācyamiti vedaḥ .

adharāt avya° adhara + astyarthe āti . adharataityasyārthe . paścādottarādadharādāpurastāditi ṛ° 6, 9, 9, adharāt dakṣiṇata ityarthaḥ .

adharīṇa tri° adhare bhavaḥ adhara + kha . adharabhave .

adhareṇa avya° adharasmin deśe, diśi vā adhara + enap . prathamāsaptamīvṛttau āsanne nīce deśādau, sannikṛṣṭadakṣiṇadiśi ca .

adharedyus avya° adhare dine adhara + edyus . kālavṛttitvamupacārāt . adharadivase .

adharottara na° adharañca uttarañca samā° dva° . nyūnādhikyavati nimnonnate . adyāt kākaḥ puroḍāśaṃśvāvalihyāddhavistathā svāmyaṃ ca na syāt kasmiṃścit pravartetāvarottaramiti manuḥ .

adharma pu° dhriyate'nena dhṛ--manin virodhe na° ta° . dharmavirodhini vedādiniṣiddhakarmajanye pāpe, taddhetubhūtaprāṇihiṃsādau ca . nodanālakṣaṇo'rthodharma iti sūtrakāreṇa niṣedhalakṣaṇo'nartho'dharma iti tallakṣaṇaṃ sūcitam tatra vedapratipādyo'rthogharmaḥ, tanniṣedhapratipādyo'narthaḥ adharmaḥ . sa ca niṣiddhakarmādhīnaḥ pāpanāmā adṛṣṭabhedaḥ . anarthaśca aniṣṭasādhanam . tatsattvayuktistu vihitasyānanuṣṭhānānninditasya ca sevanāt anigrahāccendriyāṇām naraḥ patanamṛcchatīti . śarīrajaiḥ karmadoṣairyāti sthā caratāṃ nara ityādinā śāstreṇa karmaṇāmāśuvināśināṃ kālāntarabhāvinarakādijanmaviśeṣān prati hetutvoktāvapi tathātvaṃ madhyasthadvārībhūtamadṛṣṭaṃ vinā na sambhavatīti tat kalpyate ataḥ ciradhvastaṃ phalāyālamityādinā adṛṣṭaśabde darśitayukteśca pāpasattvasādhanam . adharmeṇadhate tāvat tato bhadrāṇi paśyati . tataḥ sapatnān jayati samūlastu vinaśyatīti manuḥ . abhyutthānamadharmasya tadātmānaṃ sṛjāmyahamiti gītā . adharmabhedātgativiśeṣokteścādharmasattvam yathā karmabhirniyatairbaddho janturduḥkhānyupāśnute . yena yena tu bhāvena karmaṇā puruṣo gatim . prayāti paruṣāṃ ghorāṃ tatte vakṣyāmyataḥ param . adhītya caturo vedān dvijo mohasamanvitaḥ . patitāt pratigṛhyātha kharayonau prajāyate . kharo jīvati varṣāṇi daśa pañca ca bhārata! . kharo mṛto balīvardaḥ sapta varṣāṇi jīvati . balīvardo mṛtaścāpi jāyate brahmarākṣasaḥ . brahmarakṣaśca māsāṃstrīṃstato jāyeta brāhmaṇaḥ . patitaṃ yājayitvā tu kṛmiyonau prajāyate . tatra jīvati varṣāṇi daśa pañca ca bhārata! . kṛmibhāvādvimuktastu tato jāyeta gardabhaḥ . gardabhaḥ pañca varṣāṇi pañca varṣāṇi śūkaraḥ . kukkuṭaḥ pañca varṣāṇi pañca varṣāṇi jambukaḥ . śvā varṣamekaṃ bhavati tato jāyeta mānavaḥ . upādhyāyasya yaḥ pāpaṃ śiṣyaḥ kuryādabuddhimān . sa jīva iha saṃsārāṃstrīnāpnoti na saṃśayaḥ . prāk śvā bhavati rājendra! tataḥ kravyāttataḥ kharaḥ . tataḥ pretaḥ parikliṣṭaḥ paścājjāyeta brāhmaṇaḥ . manasā'pi gurorbhāryāṃ yaḥ śiṣyo yāti pāpakṛt . sa ugrān praiti saṃsārānadharmeṇeha cetasā . śvayonau tu sa sambhūtastrīṇi varṣāṇi jīvati . tatrāpi nidhanaṃ prāptaḥ kṛmiyonau prajāyate . kṛmibhāvamanuprāpto varṣamekantu jīvati . tatastu nidhanaṃ prāpto brahmayonau prajāyate . yadi puttrasamaṃ śiṣyaṃ gururhanyādakāraṇe . ātmanaḥ kāmakāreṇa so'pi hiṃsraḥ prajāyate . pitaraṃ mātarañcaiva yastu puttro'vamanyate . so'pi rājan! mṛto jantuḥ pūrbaṃ jāyeta gardabhaḥ . gardabhatvantu samprāpya daśa varṣāṇi jīvati . saṃvatsarantu kummīrastato jāyeta mānavaḥ . puttrasya mātāpitarau yasya ruṣṭāvubhāvapi . gurvapadhyānataḥ so'pi mṛto jāyeta gardabhaḥ . kharo jīvati māsāṃstu daśa śvā ca caturdaśa . viḍālaḥ sapta māsāṃstu tato jāyeta mānavaḥ . mātāpitarāvākruśya sārikaḥ samprajāyate . tāḍayitvā tu tāveya jāyate kacchapo nṛpa! . kacchapo daśavarṣāṇi trīṇi varvāṇi śallakaḥ . vyālo bhatvā ca ṣaṇmāsāṃstato jāyeta mānuṣaḥ . bhartṛpiṇḍamupāśnan yo rājadviṣṭāni sevate . so'pi mohasamāpanno mṛto jāyeta vānaraḥ . vānaro daśa varṣāṇi pañca varṣāṇi mūṣikaḥ . śvā'tha bhūtvā'tha ṣaṇmāsāṃstato jāyeta mānuṣaḥ . nyāsāpahartā tu naro yamasya viṣayaṃ gataḥ . saṃsārāṇāṃ śataṃ gatvā kṛmiyonau prajāyate . tatra jīvati varṣāṇi daśa pañca ca bhārata! . duṣkṛtasya kṣayaṃ kṛtvā tato jāyeta mānuṣaḥ . asūyako naraścāpi mṛto jāyeta śārṅgakaḥ . viśvāsahartā ca naro mīno jāyeta durmatiḥ . bhūtvā mīno'ṣṭa varṣāṇi mṛgo jāyeta bhārata . mṛgastu caturo māsāṃstataśchāgaḥ prajāyate . chāgastu nidhanaṃ prāpya pūrṇe saṃvatsare tataḥ . kīṭaḥ prajāyate jantustato jāyeta mānuṣaḥ . dhānyān yavāṃstilān māṣān kulatthān sarṣapāṃścaṇān . kalāyānatha mudgāṃśca godhū mānatasīstathā . śasyasyānyasya hartā ca mohājjanturacetanaḥ . sa jāyate mahārāja! mūṣiko nirapatrapaḥ . tatra pretyamahārāja! mṛgo jāyeta śūkaraḥ . śūkaro jātamātrastu rogeṇa mriyate nṛpa! . śvā tato jāyate mṛḍhaḥ karmaṇā tena pārthiva! . bhūtvā śvā pañca varṣāṇi tato jāyeta mānavaḥ . paradārābhimarṣantu kṛtvā jāyeta vai vṛkaḥ . śvā śṛgālastato gṛdhro vyālaḥ kaṅko vakastathā . bhrāturbhāryāntu pāpātmā yo dharṣayati mohitaḥ . puṃskokilatvamāpnoti so'pi saṃvatsaraṃ nṛpa! . sakhibhāryāṃ gurorbhāryāṃ rājabhāryāntathaiva ca . dharṣayitvā tu kāmāya mṛto jāyeta śūkaraḥ . śūkaraḥ pañca varṣāṇi daśa varṣāṇi ve vṛkaḥ . viḍālaḥ pañca varṣāṇi daśa varṣāṇi kukkuṭaḥ . pipīlakastu māsāṃstrīn kīṭaḥ syānmāsameva tu . etānāsādya sasārān kṛmiyonau prajāyate . tatra jīvati māsāṃstu kṛmiyonau caturdaśa . tato'dharmakṣayaṃ kṛtvā punarjā mānavaḥ . upasthite vivāhe tu yajñe dāne'thavā vibho! . mohātkaroti yo vighna sa mṛto jāyate kṛmiḥ . kṛmirjīvati varṣāṇi daśa pañca ca bhārata! . adharmasya kṣayaṃ kṛtvā tato jāyeta mānavaḥ . pūrbaṃ dattvā tu yaḥ kanyāṃ dvinīye dātumicchati . so'pi rājana . mṛto jantuḥ kṛmiyonau prajāyate . tatra jīvati varṣāṇi trayodaśa yudhiṣṭhira! . adharmasaṅkhaye muktastato jāyeta mānuṣaḥ . devakāryamakṛtvā tu pitṛkāryamathāpi vā . anirvāpya samaśnan vai mṛto jāyeta vāyasaḥ . vāyasaḥ śatavarṣāṇi tato jāyeta kukkuṭaḥ . jāyate vyālakaścāpi māsaṃ tasmāttu mānuṣaḥ . jyeṣṭhaṃ pitṛsamañcāpi bhrātaraṃ yo'vamanyate . so'pi mṛtyumupāgamya krauñcayonau prajāyate . krauñco jīvati māsāṃstu daśa dbau sapta pañca ca . tato nidhanamāpanno mānuṣatvamupāśnute . vṛṣalo brahmaṇīṃ gatvā kṛmiyonau prajāyate . tataḥ samprāpya nidhanaṃ jāyate śūkaraḥ punaḥ . śūkaro jātamātrastu rogeṇa mriyate ṇṛpa! . śvā tato jāyate mūḍhaḥ karmaṇā tena pārthiva! . śvā bhūtvā kṛtakarmā'sau jāyate mānuṣastataḥ . tatrāpatyaṃ samutpādya mṛto jāyeta mūṣikaḥ . kṛtaghnastu mṛto rājan! yamasya viṣayaṃ gataḥ . yamasya puruṣaiḥ kruddhairbadhaṃ prāpnoti dāruṇam . daṇḍaṃ samudgaraṃ śūlamagnikumbhañca dāruṇam . asipatravanaṃ ghoraṃ bālukāṃ kūṭaśālmalīm . etāścānyāśca vahvīḥ sa yamasya viṣayaṃ gataḥ . yātanāḥ prāpya tatrogrāstato badhyati bhārata! . tato hataḥ kṛtaghnaḥ sa tatrograirbharatarṣabha! . saṃsāracakramāsādya kṛmiyonau prajāyate . kṛbhirbhavati varṣāṇi daśa pañca ca bhārata! . tato garbhaṃ samāsādya atraiva mriyate śiśuḥ . tato garbhaśatai rjanturbahubhiḥ samprapadyate . saṃsārāṃśca bahūn gatvā tatastiryak prajāyate . tato duḥkhamanuprāpya bahuvarṣagaṇāniha . apunarbhavasaṃyuktastataḥ kūrmaḥ prajāyate . dadhi hṛtvā vakaścāpi plavo matsyānasaṃskṛtān . corayitvā tu durbuddhirmadhudaṃśaḥ prajāyate . phalaṃ vā mūlakaṃ hṛtvā apūpaṃ vā pipīlikāḥ . corayitvā tu niṣpāvaṃ jāyate halagolakaḥ . pāyasaṃ corayitvā tu tittiritvamavāpyate . hṛtvā piṣṭamayaṃ pūpaṃ kumbholūkaḥ prajāyate . ayo hṛtvā tu durbuddhirvāyaso jāyate naraḥ . kāṃsyaṃ hṛtvā tu durbuddhirhārīto jāyate naraḥ . rājataṃ bhājanaṃ hṛtvā kapotaḥ saṃprajāyate . hṛtvā tu kāñcanaṃ bhāṇḍaṃ kṛmiyonau prajāyate . patrorṇaṃ corayitvā tu krakaratvaṃ sa gacchati . kauśikantu tato hṛtvā naro jāyeta vartakaḥ . aṃśukaṃ corayitvā tu śuko jāyeta mānavaḥ . corayitvā dukūlantu mṛto haṃsaḥ prajāyate . krauñcaḥ kārpāsikaṃ hṛtvā mṛto jāyeta mānavaḥ . corayitvā naraḥ paṭṭaṃ tvāvikañcaiva bhārata! . kṣaumañca vastramādāya śaśo jantuḥ prajāyate sarṇān hṛtvā tu puruṣo mṛto jāyeta varhiṇaḥ . hṛtvā raktāni vastrāṇi jāyate jīvajīvakaḥ . varṇakādīṃstathā gandhāṃścorayitveha mānavaḥ . chucchundaritvamāpnoti rājan! lobhaparāyaṇaḥ . tatra jīvati varṣāṇi tato daśa ca pañca ca . adharmasya kṣayaṃ kṛtvā tato jāyeta mānavaḥ . corayitvā payaścāpi balākā samprajāyate . yastu corayate tailaṃ naro mohasamanvitaḥ . so'pi rājan! mṛto jantustailapāyī prajāyate . aśastraṃ puruṣaṃ hatvā saśastraḥ puruṣādhamaḥ . arthārthī yadi vā vairī sa mṛto jāyate kharaḥ . kharo jīvati varṣe dve tataḥ śastreṇa badhyate . sa mṛto mṛgayonau tu nityodvigno'bhijābata . mṛgo badhyati śastreṇa gate saṃvatsare tu saḥ . hato mṛgastato mīnaḥ so'pi jālena badhyate . māse caturthe samprāpte śvāpadaḥ samprajāyate . śvāpado daśa varṣāṇi dvīpī varṣāṇi pañca ca . tatastu nidhanaṃ prāpya kālaparyāyanīditaḥ . adharmasya kṣayaṃ kṛtvā tato jāyeta mānuṣaḥ . striyaṃ hatvā tu durbuddhiryamasya viṣayaṃ gataḥ . bahukleśān samāsādya saṃsārāṃścaiva viṃśatim . tataḥ paścānmahārāja! kṛmiyīnau prajāyate . kṛmirviṃśativarṣāṇi bhūtvā jāyeta mānuṣaḥ . bhojanaṃ corayitvā tu makṣikā jāyate naraḥ . makṣikāsaṅghavaśago bahūn māsān bhavatyuta . tataḥ pāpakṣayaṃ kṛtvā mānuṣatvamavāpnute . dhānyaṃ hṛtvā tu puruṣo lomaśaḥ samprajāyate . tathā piṇyākasaṃmiśramaśanaṃ corayannaraḥ . sa jāyate vastusamo dāruṇo mūṣiko mahān . daśan vai mānuṣaṃ nityaṃ pāpātmā sa prajāyate . ghṛtaṃ hṛtvā tu durbuddhiḥ kākamadguḥ prajāyate . matsyamāṃṇmatho hṛtvā kāko jāyeta durmatiḥ . lavaṇaṃ corayitvā tu caurikākaḥ prajāyate . viśvāsena tu nikṣiptaṃ yo vai nihnauti mānavaḥ . sa gatāyurnarastādṛk matsyayonau prajāyate . matsyayonimanuprāpya mṛto jāyeta mānavaḥ . mānuṣatvamanuprāpya kṣīṇāyurupapadyate . pāpāni tu naraḥ kṛtvā tiryag jāyeta bhārata! . na cātmanaḥ pramāṇante dharmaṃ jānanti kiñcana . ye pāpāni narāḥ kṛtvā nirasyanti vrataiḥ sadā . sukhaduḥkhasamāyuktā vyādhitāste bhavantyuta . asaṃvāsāḥ prajāyante mlecchā api na saṃśayaḥ . narāḥ pāpasamācārā lobhamohasamanvitāḥ . varjayanti ca pāpāni janmaprabhṛti ye narāḥ . arogā rūpavantaśca dhaninaśca bhavantyuta . striyo'pyetena kalpena kṛtvā pāpamavāpnuyuḥ . eteṣāmeva jantūnāṃ bhāryātvamupayānti tāḥ . parasvaharaṇe doṣāḥ sarva eva prakīrtitāḥ . etadvai leśamātreṇa kathita te mayā'nagha! . aparān malkathāyoge bhūyaḥ śroṣyasi bhārata! . etanmayā mahārāja! brahmaṇo vadataḥ purā . surarṣīṇāṃ śrutaṃ madhyepṛṣṭaścāpi yathātatham . mayā'pi tacca kātrsnyena yathāvadanuvarṇitam . etacchrutvā mahārāja! dharme kuru manaḥ sadā ha° vaṃ° . mahāpātakajān ghorānnarakān prāpya dāruṇān . karmakṣayāt prajāyante mahāpātakinastviha . mṛgaśvaśūkaroṣṭrāṇāṃ brahmahā yonimṛcchati . kharapukkasaveṇānāṃ surāpo nātra saṃśayaḥ . kṛmikīṭapataṅgatvaṃ svarṇahārī saspnuyāt . tṛṇagulmalatātvañca kramaśogurutalpaga iti . śvaśūkarakharoṣṭrāṇāṃ go'jāvimṛgapakṣiṇām . caṇḍālapukkasānāñca brahmahā yonimṛcchati . kṛmikīṭapataṅgānāṃ viḍbhujāñcaiva pakṣiṇām . hiṃsrāṇāñcaiva satvānāṃ surāpī brāhmaṇo vrajet . lūtāhisaraṭānāñca tiraścāṃ cāmbu cāriṇām . hiṃsrāṇāñca piśācānāṃ stenovipraḥsahasraśaḥ . tṛṇagulmalatānāṃ ca kravyādāṃ daṃṣṭriṇāmapi . krūrakarmakṛtāñcaiva śataśogurutalpaga iti . brahmahā kṣayayogī syāt surāpaḥ śyāvadantakaḥ . hemahārī ca kunakhī duścarmā gurutalpagaḥ . yo yena saṃvasatyeṣāṃ sa talliṅgo'bhijāyate . annahartāmayāvo syānmūkovāgapahārakaḥ . dhānyamiśro'tiriktāṅgaḥ piśunaḥ pūtināsikaḥ . tailahṛttailapāyī syāt pūtivaktrastu sūcakaḥ . yadvā tadvā paradravyamapahṛtya balānnaraḥ . avaśyaṃ yāti tiryaktvañjagdhvā caivāhutaṃ haviriti . parasya yoṣitaṃ hṛtvā brahmasvamapahṛtya ca . araṇye nirjale deśe bhavati brahmarākṣasaḥ . hīnajātau prajāyeta pararatnāpahārakaḥ . patraśākaṃ śikhī hṛtvā, gandhān chucchundariḥ śubhān . maṇimuktāprabālāni hṛtvā lobhena mānavaḥ . vividhāni ca ratnāni jāyate hemakartṛṣviti . mūṣiko dhānyahārī, syādyānamuṣṭraḥ, kapiḥ phalam . jalaṃ plavaḥ, payaḥ kāko, gṛhakārī hyapaskaram . madhu daṃśaḥ, palaṃ gṛdhro, gā ṅgodhā, 'gniṃvakastathā . śvitrī vastraṃ, śvā rasantu, cīrī lavaṇahārakaḥ . pradarśanārthametattu mayoktaṃ steyakarmaṇi . dravyaprakārāhi yathā tathaiva prāṇijātayaḥ iti . dravyasyāpahriyamāṇasya yādṛśāḥ prakārāstādṛśā eva prāṇijātayaḥ steyakarmaṇyapahartāro bhavanti yathā kāṃsyahārī haṃsa iti . athavā yatphalasādhanandravyamapaharati tatsādhanavikalo yathā paṅgatāmaśvahāraka iti mitā° . brahmahā kuṣṭhī, taijasāpahārī maṇḍalī, devabrāhmaṇākrośakaḥ khalati, rgaradāgnidāvunmattau, gurupratihantāpasmārī, godhnaścāndho, dharmapatnīṃ muktvānyatra pravṛttaḥ śabdavedhī prāṇiviśeṣaḥ, kuṇḍāśī bhagabhakṣo, deva--brāhmaṇa--svāpahārī pāṇḍurogī, nyāsāpāro ca kāṇaḥ, strīpaṇyopajīvī ṣaṇḍhaḥ, kaumāradāratyāgī durbhago, miṣṭaikāśī vātagulmī, abhakṣyabhakṣakogaṇḍamālī, brāhmaṇīgāmī nirvījī, krūrakarmā vāmano, vastrāpahārī pataṅgaḥ, śayyāpahārī kṣapaṇakaḥ, śaṅkhaśuktyapahārī, kapālī dīpāpahārī kauśiko, mitradhruk kṣayī, mātāpitrorākrośakaḥ khañjana iti anṛtavāgulvaṇo, muhurmuhuḥsaṃlagnavāk jalodarī, dāratyāgau kūṭasākṣīślīpadī, ucchūnajaṅghācaraṇo, vivāhavighnakartā chinnoṣṭhaḥ, avaguraṇaḥ chinnahasto, mātṛghno'ndhaḥ, snuṣāgāmī, vātavṛṣaṇaḥ, catuṣpathe viṇmūtravisarjane mūtrakṛcchrī, kanyādūṣakaḥ ṣaṇḍhaḥ, īrṣyālurmaśakaḥ, pitrorvivadamāno'pasmārī, nyāsāpahāryanapatyo, ratnāpahāryatyantadaridrovidyāvikrayī puruṣamṛgaḥ, vedavikrayī dvīpī, bahuyājakojalaplavaḥ, ayājyayājakovarāhaḥ, animantritabhojī vāyasaḥ, miṣṭaikabhojī bānaraḥ, yatastato'śnanmārjāraḥ, kakṣavanadahanātskhadyotaḥ, dārakācāryomukhavigandhiḥ, paryuṣitabhojī kṛbhiḥ, adattādāyī balīvardo, matsarī bhramaraḥ, agnyutsādī maṇḍalakuṣṭhī, śūdrācāryaḥśvapākaḥ, gohartā saprpaḥ, snehāpahārī kṣayī, annāpahāryajīrṇī, jñānāpahārī mūrkhaḥ, caṇḍālīpukvasīgamane'jagaraḥ, pravrajitāgamane marupiśācaḥ, śūdrāgamane dīrghakīṭaḥ, savarṇābhigāmī daridraḥ, jalahārī matsyaḥ, kṣīrahārī valākā, vārdhuṣiko'ṅgapīnaḥ, avikreyavikrayī gṛdhraḥ, rājamahiṣīgāmī napuṃsakaḥ, rājākrośakogardabhaḥ, gogāmī maṇḍūkaḥ, anadhyāyādhyayane śṛgālaḥ, paradravyāpahārī parapreṣyaḥ, matsyabadhegarbhavāsī ityevaṃ nānāsmṛti vacanaiḥ gativiśeṣo mitākṣarāyāṃ darśitastena tatkālaparyantasthāyitā'dharmasyeti gamyate . ba° anicsamā° adharmā . puṇyarūpadhammaśūnye tri° . nāsti nivṛttaḥ dharmo yasya° anicsamā° adharmā . kṣīṇapuṇye tri° . tārakāvarṣamivādharmavināśapiśunamiti kāda° . guṇādyaparaparyāyaḥ adharmastaduhite brahmaṇi na° .

adharmacārin tri° na dharmaṃ carati anutiṣṭhati cara + ṇini 6 ta° na° ta° . dharmakṛtyānanuṣṭhāyini, pāpānuṣṭhāyini ca striyāṃ ṅīp .

[Page 124b]
adharmamaya tri° adharmeṇa pracuraḥ prācuryārthe mayaṭ . pāpapracure . striyāṃ ṅīp .

adharmātman tri° adharmapradhānaḥ ātmā yasya . prādhānyena pāpācāriṇi .

adharmāstikāya pu° ārhatamatasiddheṣu jīvādipañcakāstikāyeṣu madhye sthitisvabhāvake padārthabhede vivaraṇamarhacchabde dṛśyam .

adharmin tri° adharmaḥ pāpamastyasya ini . pāpavati striyāṃ ṅīp .

adharmiṣṭha tri° atiśayena adharmī iṣṭhan bhatvāṭṭilopaḥ . bhṛśapāpayukte .

adharmya tri° na dharmāya hitaṃ yat . pāpāpādake, pañcānāṃ tu trayo dharmyā dvāvādharmyau smṛtāviheti manuḥ .

adhavā strī na vidyamāno dhavo bhartā yasyāḥ . mṛtabhartṛkāyāṃ vidhavāyām striyām .

adhaścara pu° adhaḥkhanitvā carati ac . caure, adhobhāgagantari tri° .

adhaścaura pu° adhobhāge khanitvā corayati cura--ac svārthe aṇ . sandhiṃ kṛtvā cauryakārake . (sindhiyāla) .

adhaśśiras na° adhovarti śiraḥ sasya śatvam vā . avāṅmastake .

adhas avya° adhara + asi adharaśabdasthāne adhādeśaśca . pātāle, adhasthānamātre ca . tatrāpi arthavaśāt prathamāpañcamīsaptamyarthā unneyāḥ . tatra prathamārthe adhoramyaṃ, pañcamyarthe adhovṛkṣāt patati, saptamyarthe adhogṛhe śete ityādi . adhaḥ kathañciddhṛtabhūmibhāgamiti kumā° . patatyadhodhāma visāri sarvataḥ, iti māghaḥ .

adhastana tri° adhobhavaḥ adhas + ṭyu tuṭ ca . adhobhave striyāṃ ṅīp . evamāgāmiyāgīyamukhyakālādadhastanaḥ khakālāduttaro gauṇaḥ kālaḥ pūrbasya karmaṇa iti smṛtiḥ . adhastanaḥ pūrvatanaḥ dṛkṣavacchāstreṣu vyavahāra iti nyāyāditi raghunandanokteḥ pūrbatane'rpi .

adhastarā(mā)m avya° atiśayena adhaḥ, tara(ma)p āmu . atyantādhare . dravye tu nāmu . adhastarodeśaityādi .

adhastāt avya° adhara + astāti adhādeśaḥ . adhaḥśabdārthe . ayañca prathabhāpañcamīsaptyamyarthe eva dharmeṇa gamanamūrdhaṃ gamanamadhastād bhavatyadharmeṇeti 44 sāṅkhyakā° .

adhaspadam na° adhovṛtti padaṃ vā satvam . nimnapade .

adhāmārgava pu° na dhīyate adhāḥ tādṛśaṃ mārgaṃ vāti vā--ka . apāmārge iti kṣīrasvāmī .

adhārmika tri° dharmaṃ carati āsevate ṭhak virodhārthe na° ta° . adharme--svārasikapravṛttimati adharmācceti vaktavyamiti ṭhaki tu ādharmika ityapyatra tri° .

adhi avya° na + dhā--ki . adhikāre, aiśvarye, svatve, adhikṛtyetyarthe, upari, ādhikye, atiśaye ca . asya aiśvarye, svatve ca karmapravacanīyatvena tadyoge saptamo, adhi rāme bhūḥ, adhi bhuvi rāma iti . adhiḥ adhyayanaiśvaryavaśitvasmaraṇādhikeṣu iti gaṇaratne uktam tatropādhyāyādadhīte ityādāvadhyayane, iṅo'dhyayanārthakatvasya adhirdyotakaḥ . aiśvarye adhipatiḥ, vaśitve adhīnaḥ, adhigataminam atyā° sa° . smaraṇe māturadhyeti ikaḥ smaraṇārthatvamadhirdotayati . adhike, adhikamiti adhi + kan . adhiparī anarthakāviti pā° ukteḥ ānarthakye gatitvābhāvāt nopasargatvaṃ tena adhyāgacchati ityādau gatisaṃjñābādhāt gatirgatāviti pā° nighāto na . ataeva asya dhātvarthatvamātradyotakatve'pi viśiṣṭakriyādyotakatvābhāvāt anarthakatvavyavahāraḥ viśiṣṭakriyāyogābhāvācca nopasargatvam tena tasminnātmavaturbhāge prāṅnākamadhitasthuṣīti raghau na ṣatvam sati ca kriyāviśeṣadyotakatve adhitaṣṭhāvityādāviva upasargatvena ṣatvamiti bhedaḥ . mugdhabodhe tu nātrārcāyāṃ svato nātikrame'tiḥ paryadhī gatāviti gatyarthadyotakatve nopasargatvamityuktam tena nākamadhitasthuṣītyasya gatavatītyarthakatayopasargatvābhāvānna ṣatvamiti vivekaḥ . tathā adhike, ito vā sātimīmahe divo vā pārthivādadhi iti ṛ° 1, 6, 10 adhīmahe ādhikyena yācāmahe iti bhāṣyam . upari ye nākasyādhi rocane divīti ṛ° 1, 19, 6, nākasya duḥkharahitasya sūryasya uparīti bhāṣyam, adhikāre yadatra sāmadhikariṣyatīti si° kau° . vibhāṣā kṛñīti pā° . vā gatitvamatra viniyokturīśvaratvaṃ gamyate adhikārī viniyogaḥ . ādhikye adhigatya jagatyadhīśvarāditi naiṣa° adhigatyetyādau gamerviśiṣṭajñānārthatvadyotakatvāt upasargatvam dhātvarthaṃ bādhate kaścit kaścittamanuvartate, tameva viśinaṣṭyanya upasargagatistridhe tyukteḥ viśiṣṭajñānārthatā, tena gatisamāse lyap . adhigataṃ vidhivad yadapālayadityādau dāyatvena labdhamityarthaḥ . evamanyatrāpi viśeṣārthadyotakatā vijñeyā . ādhīyate duḥkhamaneneti ā + dhā--ki vā pṛ° hrasvaḥ . manaḥpīḍāyām pu° .

adhika tri° adhyārūḍha eva svārthe kan uttarapadalopaśca . pradhāne atirikte, ūnaṃ na satveṣvadhiko babādhe iti raghuḥ . ādhikyaṃ ca yogyaparimāṇātikramaḥ atiśayavṛddhiśca . tatrānurūpātikrame akālaprasavā nārya ityupakramya hīnāṅgīmadhikāṅgīñca jāyante yadi vā traya ityariṣṭamuktamudāhāryam . hīnāṅgamadhikāṅgañca śrāddhabhojye vivarjayediti smṛtiḥ . iyamadhikamanojñā valkalenāpi tanvīti śaku° . adhikaṃ phalamaśnute iti purā° . asādharaṇe ca . brāhmaṇasyādhikaṃ labdhaṃ, kṣatriyasya vijitaṃ, nirviṣṭaṃ vaiśyaśūdrayoriti gautamaḥ brāhmaṇasyādhikaṃ labdhamiti brāhmaṇasya pratigrahādinā yallabdhaṃ tadadhikamasādhāraṇam . kṣattriyasya vijitamityatrādhikamityanuvartate kṣattriyasya vijayadaṇḍādilabdhamasādhāraṇam . nirviṣṭaṃ vaiśyaśūdrayoriti . atrāpyadhikamityanuvartate vaiśyasya kṛṣigorakṣādilabdhannirviṣṭantadasādhāraṇaṃ, śūdrasya dvijaśuśrūṣādinā bhṛtirūpeṇa yallabdhantadasādhāraṇam . evamanulomajānāatilomajānāñca lokaprasiddheṣu svatvahetuṣu yadyadasādhāraṇamuktaṃ sūtānāmaśvasārathyamityādi tattat sarvaṃ nirviṣṭaśabdenocyate sarvasyāpi bhṛtirūpatvāt nirveśo bhṛtibhogayoriti trikāṇḍīsmaraṇāt . tattadasādhāraṇaṃ veditavyam iti mitākṣarā . darpaṇokte arthālaṅkārabhede yathā darpaṇe āśrayāśrayiṇorekasyādhikye'dhikamucyate . kimadhikamasya vrūmo mahimānaṃ vāridherhariryatra . ajñāta eva śete kukṣau nikṣipya bhuvanāni ityatrāśrayasya . yugāntakālapratisaṃhṛtātmano jaganti yasyāṃ savikāśamāsata . tanau mamustatra na kaiṭabhadviṣastapodhanābhyāgamasambhavā mudaḥ iti māghe tu āśritasvādhikyam . bhāvārthe ṣyañ--ādhikyam . ucita pramāṇātireke na° .

adhikatara tri° adhika + tarap . dvayormadhye utkṛṣṭe ekasmin, atyantotkṛṣṭe ca .

adhikatama tri° adhika + tamap . bahūnāṃ madhye ekasmin utkṛṣṭe, atyantokṛṣṭe ca .

adhikamāsa pu° karma° . malamāse tadviraṇamaghimāsaśabde .

adhikaraṇa na° adhi + kṛ--lyuṭ . ādhāre, vyākaraṇaśāstre kartṛkarmavyavahitāmasākṣāddhārayat kriyām . upakurvat kriyāsiddhau śāstre'dhiraṇaṃ smṛtamiti hariparibhāṣite adhikaraṇasaṃjñake kartṛkarmadvārā kriyāśraye kārake, yathā gehesthālyāmannaṃ pacatītyādau gṛhasya kartṛdvārā, sthālyāśca karmadvārā, paramparayā pākakriyāśrayatvāt, gṛhādeḥ . ādhāro'dhikaraṇamiti saptamyadhikaraṇe iti pā° . adhikaraṇaṃ ca yasya guṇādeyā dharmī sa eva . yathā guṇakarmajātīnāṃ dravyam, dravyasya ca saṃyogādisambandhena dravyāntaraṃ, tatrādhikasyaivādhikaraṇatvaṃ yathā kuṇḍādervadarādīnāmadhikaraṇatvam gṛhāderghaṭādīnāṃ, na tu vaiparītye . dravyādiṣu guṇādereva, samavāyena tādātmyena vā matabhedena adhikaraṇatvaṃ natu guṇādīnāṃ dravyādhikaraṇatvamityeva mantavyam . kriyate nirṇayārthaṃ vicāro'smin . pūrbottaramīmāṃsāśāstraprasiddhe ekārthapratipādake viṣayasaṃśayapūrbapakṣasiddhānta nirṇayātmakapañcāṅgabodhakavākyasamudāye nyāye . tathā hi viṣayoviśayaścaiva pūrbapakṣastathottaraṃ nirṇayaśceti siddhāntaḥ śāstre'dhikaraṇaṃ smṛtamiti mīmāṃsā . tatra vicārārhaṃ vākyaṃ viṣayaḥ, tasyārthaviṣaye viśayaḥ idamitthaṃ na veti vikalpaḥ . tatra sandihyamānayoḥ pakṣayoḥ asatpakṣe yuktipradarśanavākyaṃ pūrbapakṣavākyaṃ, pūrbapakṣoktāṃ yuktiṃ khaṇḍa yitvā satpakṣe yuktipradarśanavākyam siddhāntaḥ . tataścetyādyabhilāpena siddhāntasiddhārthopasaṃhārakaṃ vākyaṃ nirṇāyakavākyamiti yathā svādhyāyo'dhyetavya ityādivākyaṃ vicārārthatvena viṣayaḥ . atrādhyayanamakṣaragrahaṇamātram? arthagrahaṇaparyantādhyayanaṃ? veti saṃśayaḥ . tatra akṣaragrahaṇamātramadhyayanamiti pūrbapakṣaḥ . arthajñānasahitākṣaragrahaṇamiti siddhāntaḥ . tena vidhivākyasya sārthavedādhyayanameva phalito'rtha iti nirṇaya itthaṃ tat pratipādakāvayavapañcātmakīnyāyo'trāvasīyate . evamanyadapyudāhāryam . uttaramīmāṃsāyāmapi etāni yathāyathaṃ yojyāni viśeṣastvayaṃ vedānte pañcāvayavā anvavidhā yathoktaṃ mādhavācāryeṇa . tatraikaikamadhikaraṇaṃ pañcāvayavaṃ viṣayaḥ sandehaḥ saṅgatiḥ pūrbapakṣaḥ siddhāntaśceti pañcāvayavā iti saṅgatiśca śāstre'dhyāye tathā pāde nyāyasaṅgatayastridhā . śastrādiviṣaye jñāte tattatsaṅgatirūhyatā sityanena saṅgatitraividhyaṃ tenaiva darśitaṃ tadvivaraṇaṃ saṅatiśabde vakṣyate . tatra vedāntādhikaraṇaṃ yathā athāto brahmajijñāseti prathamādhikaraṇam avicāryaṃ vicāryaṃ vā brahmādhyāsānirūpaṇāt . asandehāphalatvābhyāṃ na vicāraṃ tadarhati . adhyāso'haṃbuddhisiddho'saṅgaṃ brahma śrutīritam sandehānmuktabhāvācca vicāryaṃ brahma vedata iti mādhavaḥ . vyākhyātañcaitat svenaiva yathā ātmā vā are draṣṭavyaḥ śrotavya ityatra ātmadarśanaṃ phalamuddiśya tatsādhanatvena śravaṇaṃ vidhīyate . śravaṇaṃ nāma vedāntavākyānāṃ brahmaṇi tātparyaṃ nirṇetumanukūlonyāyavicāraḥ tadetadvicāravidhāyakaṃ vākya viṣayaḥ . na cāya viṣayaḥ ślokayorna saṃgṛhītaḥ, sandehasaṃgraheṇaivārthāt tat saṃgrahapratīteḥ brahmavicārātmakanyāyanirṇayātmakaśāstramanārambhaṇīyamārambhaṇīyaṃ veti sandehaḥ . pūrbottarapakṣayuktidvaya sarvatra sandehavījamunneyam . tatrānārabhyamiti tāvatprāptaṃ viṣayaprayojanayorabhāvāt . saṃdigdhaṃ hi vicāraviṣayobhavati brahmā tvasandigdhaṃ tathā hi tat kiṃ brahmākāreṇa sandihyeta? ātmākāreṇa? vā, nādyaḥ satyaṃ jñānamanantaṃbrahmeti vākyena brahmākārasya niścayāt . na dvitīyaḥ ahaṃpratyayenātmākārasya niścayāt . adhyāsātmaviṣayatvena mrānto'yaṃ pratyaya iti cet na adhyāsānirūpa ṇāt tamaḥprakāśavadviruddhasvabhāvayorjaḍājaḍayordehātmanoḥ śuktirajatavadanyonyatādātmyādhyāsona nirūpayituṃ śakyate . tasmādabhrāntābhyāṃ śrutyahaṃpratyayābhyāṃ niścitasyāsaṃdigdhatvānna vicārasya viṣayo'sti . nāpi prayojanaṃ paśyāmaḥ . uktaprakāreṇa brahmātmaniścaye'pi muktyadarśanāt tasmādbrahma na vicāramarhati ataḥ śāstramanārambhaṇīyamiti pūrbapakṣaḥ . atrocyate . śāstramārambhaṇīyaṃ viṣayaprayojanasadbhāvāt śrutyahaṃpratyayayoḥ sandigdhaṃ brahmātmavastu . ayamātmā brahmeti śrutirasaṅgaṃ brahmātmatvenopadiśati . ahaṃmanuṣyaityādyaha buddhirdehāditādātmyādhyāsenātmānaṃ gṛhṇāti, adhyāsasyadurnirūpatvamalaṅkārāya, tasmāt saṃdigdhaṃ vastu viṣayaḥ tanniścayena muktilakṣaṇaṃ prayojanaṃ śrutyā, vidvadanubhavena ca siddham . tasmādvedāntavākyavicāramukhena brahmaṇo vicārārhatvācchāstramārambhaṇīyamiti siddham iti . abhedānvayipadārthabodhakatulyavibhaktikaśabde dha . samānādhikaraṇastatpuruṣaḥ karmadhāraya iti pā° . samānādhikaraṇaḥ abhedānvayipadārthabodhakatulyavibhaktikapadaghaṭitastatpuruṣaḥ karmadhāraya ityarthaḥ tādṛśapadaghaṭitatvenānyapadārthatve samānādhikaraṇabahuvrīhiḥ pītamambaraṃ yasyeti vākye pītāmbara ityādi . abhedānvayipadārthabodhakabhinnapadaghaṭitatve vyadhikaraṇabahuvrīhiriti yathā padmaṃ nābhau yasyeti vākye padmanābhaḥ . suśrutokteṣu dvātriṃśattantrayuktiṣu tattrayuktibhede ca tantrayuktiśabde tadvivaraṇam .

adhikaraṇavicāla pu° adhikaraṇasya vicālaḥ anyathākaraṇaṃ vi--cala ghañ 6 ta° . dravyasya avasthāntarakaraṇena saṃkhyāntarakaraṇe, vicālo nāma yadekamanekaṃ kriyate anekaṃ vaikaṃ kriyate iti . ekasya rāśeḥ pañcadhā vibhāge, pañcā tmakasya vā ekadhā vibhāge ca adhikaraṇasya saṃkhyāyā vicālaḥ . adhikaraṇavicāle ceti pā° .

[Page 127a]
adhikaraṇika pu° adhikaraṇam dharmādhikaraṇam āśrayatayā'styasya ṭhan . vicārakaraṇāya dharmādhikaraṇamaṇḍape niyukte prāḍvivākādau . tatra niyuktaḥ ṭhak . ādhikaraṇiko'pyatra pu° .

adhikarma(n) avya° karmaṇi vibhaktyarthe'vyayī° vā acsamā° . karmādhikṛtyetyarthe . adhikaṃ karma prā° sa° . adhikakarmaṇi . na° ba° . adhikakarmayukte tri° .

adhikarmakara tri° adhikaṃ karma tatkaroti kṛ--ānulomyādau ṭa . śuśrūṣakabhede dāsabhede . kvip adhikarmakṛdapyatra tri° .

adhikarmakṛta tri° adhikaṃ karma adhikarma tat kṛtaṃ yena niṣṭhāntasya parani° . sarveṣvadhikṛto yaḥ syāt kuṭumbasya tathopari . so'dhikarmakṛto jñeya iti smṛtyukte śuśrūṣakabhede .

adhikarmika pu° adhikṛtya haṭṭaṃ karmaṇe'lam adhikarma--ṭhan . haṭṭādhyakṣe, haṭṭasthabaṇigbhyaḥ śulkādānakarmaṇi niyukta .

adhikāṅga na° adhiko'ṅgāt . varmadharairyodhairhṛdayamadhye varmadārṭyārthaṃ baddhapaṭṭikādau . ba° . adhikāṅgavati tri° . ajāvighātane caiva adhikāṅgaḥ prajāyate iti śātā° .

adhikāra pu° adhi + kṛ--ghaña . ārambhe, yatheṣṭaṃ krayavikrayā dikartṛtvasampādake svāmitve, adhikāraḥ phale svāmyamadhikārī prabhurbhavediti mīmāṃsokte vihitakarmaphalasvāmitve, viniyojyapuruṣasya sambandhe, yathā yājanādikarmaṇi brāhmaṇādeḥ, rājñāṃ prajāpālanādau, vaiśyasya kṛṣyādau, śūdrasya dvijasevāyām, naimittiko'yaṃ prāyaścittādhikāra iti mitākṣarā . svāmitve--sarve syuradhikāraṇa iti smṛtiḥ . tatra ca vaidikādikarmasu kartavyatājñānādhīnapravṛttiheturadhikāraḥ . yayā yājanādau brāhmaṇasyetyādi . śūdrasya nādhyayanādiṣvadhikāraḥ yathoktaṃ niṣekādiśmaśānānto yasya vedodito vidhiḥ . tasya śāstre'dhikāro'sminnānyasyaiva kadācaneti manunā . na kevalam adhyayane śūdrāṇāmadhikāraḥ yāgādāvapyanadhikāraḥ yathoktaṃ jaibhinīyasūtrabhāṣyādau . cāturvarṇyamaviśeṣāt ityāśaṅkya nirdeśādvā trayāṇāṃ syādagnyādheye hyasambandhaḥ kratuṣu brāhmaṇaśrutirityātreya iti . vāśabdaḥ pakṣaṃ vyāvartayati, trayāṇām adhikāraḥ syāt kutaḥ? agnyādheye nirdeśāt agnyādheye trayāṇāṃ nirdeśo bhavati, vasante brāhmaṇo'gnimādadhīta, grīṣme rājanyaḥ, śaradi vaiśyaḥ iti śūdrasya ādhāne śrutirnāsti ityanagniḥ śūdraḥ asamartho'gnihotrādi nirvattayitum . tasmāt agnihotraṃ juhuyāt svargakāmaḥ ityevamādiṣu śūdrasya prāṣikā śrutirnāsti . brāhmaṇādīn evādhikṛtya sā pravartate, te hi samarthā agnimattvāt, āhavanīyādayo na śṛdrasya, avidhānāt, saṃskāraśabdatvācca āhavanīyādīnām . tasmāt anadhikṛto'gnihotrādiṣu śūdraḥ ityātreyaḥ manyate sma iti bhā° . tathā karmapratipādaka sarvaśāstra vihitakarmasu manuṣyāṇāmevādhikāraḥ na tiraścāṃ na vā devādīnāṃ yathoktaṃ tatraiva phalārthatvāt karmaṇaḥ śāstraṃ sarvādhikāraṃ syāt ityāśaṅkya karturvā śrutisaṃyogādvidhiḥ kātsnyerna gamyate iti sū° vāśabdaḥ pakṣaṃ vyāvartayati . na caitadasti tiryagādīnāmapi adhikāraḥ iti . kasya tarhi? . yaḥ samarthaḥ kṛtsnaṃ karma abhinirvartayitum . na caite, śaknavanti tiryāgādayaḥ kṛtsnaṃ karmābhinirvartayitum, tasmāt eṣāṃ na sukhasyābhyupāyaḥ karma, kathaṃ yo na śakyate kartum, so'bhyupāyaḥ syāt? iti . na devānāṃ, devatāntarābhāvāt na hi ātmānam udiśya tyāgaḥ sambhavati, tyāga evāsau na syāt, na ṛṣīṇām, ārṣeyābhāvāt na bhṛgvādayo bhṛgvādibhiḥ sagotrā bhavanti, na caiṣāṃ sāmarthyaṃ pratyakṣam . api ca tiryañco na kālāntaraphalena arthinaḥ, āsannaṃ hi kāmayante . nanu ca uktaṃ, kālāntaraphalārthinaḥ tiraścaḥ paśyāmaḥ, śunaḥ śyenāṃścaturdaśyām aṣṭamamyāṃ ca upavasataḥḥ iti ucyate na janmāntaraphalārthina upavasanti . kathaṃ avagamyate? vedādhyayanābhāvāt, ye vedamadhīyate te etadviduḥ, idaṃ karma kṛtvā, idaṃ phalamamutra prāpnoti iti na caite vedamadhīyate, nāpi smṛtiśāstrāṇi, nāpyanyebhyaḥ avagacchanti, tasmāt na vidanti dharmam . avidvāṃsaḥ katham anutiṣṭheyuḥ, tasmāt na dharmāya upavasanti iti . kimarthaśca tarhyeṣām upavāsaḥ? . ucyate, rogāt arucireṣām . kathaṃ punarniyate kāle rogo bhavati? . ucyate niyatakālā api rogā bhavanti yathā tṛtīyakāścāturthakāśceti . tasmāt manuṣyāṇām adhikāraḥ iti . na ca tiraścāṃ dravyaparigrahaḥ, na hi ete dravyaṃ svecchayā upayuñjanā dṛśyante, tasmāt anīśānā dhanasya . yattu, devagrāmo hastigrāmaḥ iti, upacāramātnaṃ tat . tasmāt api na tiraścām adhikāraḥ iti . yāni punarliṅgāni, devā vai satramāsata ityevamādīni, arthabādāḥ te vidhiprarocanārthāḥ . vidyate hi vidhiranyaḥ teṣu sarveṣu, na ca vidherviṣinaikyavākyabhāvo bhavati, vacanavyaktibhedāt . stutistu sā, itthaṃ nāma satrāṇi āsitavyāni, yat kṛtakṛtyā api āsate devāḥ, āsannacetanā api tiryañcaḥ, acetanā api vanaspatayaḥ, kimaṅga punarvidvāṃso manuṣyā iti bhā° . brahmavidyāyāntu sarveṣāṃ devādīnāmadhikāra iti taduparyapi vādarāyaṇaḥ sambhavāt iti śā° sūtreṇa vyavasthāpitaṃ, vyākhyātañcaitat śāṅkarācāryeṇa yathā vāḍhaṃ manuṣyānadhikārotu śāstraṃ na tu manuṣyānevetīha brahmavijñāne niyamo'sti teṣāṃ manuṣyāṇāmupariṣṭāt ye devādayastānapyadhikaroti śāstramiti vādarāyaṇa ācāryo manyate kasmāt? sambhavāt . sambhavati hi teṣāmapyarthitatvādyadhikārakāraṇam . tatrārthitvaṃ tāvat mokṣaviṣayaṃ devādīnāmapi, sambhavati vikāraviṣayavibhūtyanityatālocanādinimittam . tathā sāmarthyamapi teṣāṃ sambhavati mantrārthavādetihāsapurāṇalokebhyo vigrahavattvādyavagamāt . naca teṣāṃ kaścit pratiṣedho'sti . nacopanayanādiśāstreṇaiṣāmadhikāro nivartitaḥ upanayanasya vedādhyayanārtha tvāt teṣāñca svayaṃpratibhātavedatvāt . api caiṣāṃ vidyāgrahaṇārthaṃ brahmacaryādi darśayati ekaśataṃ ha vai varṣāṇi maghavān prajāpatau brahmacaryamuvāsa bhṛgurvai vāruṇirvaruṇaṃ pitaramupasasāda adhīhi bhagavo! brahmetyādi . yadapi karmasvanadhikārakāraṇamuktam, na devānāṃ, devatāntarābhāvāt . na ṛṣīṇāmārṣeyāntarābhāvāditi . na tadvidyākhasti na hīndrādīnāṃ vidyāsvadhikriyamāṇānāmindrādyuddeśena kiñcit kṛtyamasti na ca bhṛgvādīnāṃ bhṛgvādisagotratayā . tasmāddevādīnāmapi vidyāsvadhikāraḥ kena vāryeta? iti . tataśca vidvattva karmaphalārthitva--tattatkarmakaraṇasamarthatvāparyudastatvāni adhikāraprayojakānīti siddham tatrāpi vidhānena sarvakarmatyāgarūpe sannyāse viprasyaivādhikāra iti sarvavādisammatam dvijamātrāṇāmadhikāra iti keṣāñcinmatam . adhikamākare dṛśyam . kvaciccādhikṛtasyādhikāraḥ . yathā darśādyadhikṛtasya prayājādiṣvadhikāraḥ pradhānādhikāro aṅgādhikārī bhavatīti nyāyāt . tāmbūlādhikāro datta iti hito° . hṛtādhikārāṃ malināmiti smṛtiḥ . karmaṇi ghañ . kartavye svādhikāre pramatta iti megha° . prakaraṇe, vyākaraṇaśāstre pūrbasūtropāttapadāderuttaratra sūtreṣu anuvartane . adhikāro'yam ā pañcamādhyāyasamāpteriti si° kau° . tatrādhikāraśca pratyayādikarmādyarthamuttarottarasūtreṣu pūrvasūtropāttaśabdasyānuvartanam . yathā pratyayaḥ, paraśca iti sūtropāttapratyayaparaśabdayoḥ ā pañcamādhyāyasamāpteḥ sarvatra sūtreṣu anuvartanam . sa cādhikāraḥ trividhaḥ siṃhāvalokitaṃ caiva maṇḍūkaplutameva ca . gaṅgāpravāhavaccāpi adhikārastridhā mata ityuktabhedatrayāt . tadudāharaṇantu vyākaraṇe'vagamyam . niyojyatayā viṣayīkaraṇe, sarvādhikāraṃ śāstramiti jai° sū° . tadabhiprāyeṇa vāḍhaṃ manuṣyānadhikārotu śāstra miti manuṣyādhikāra tvācchāstrasyeti ca śa° bhā° . sarvamadhikaroti karmaṇyupapade aṇ evameva manuṣyādhikāratvādityatrāpi

adhikāravidhi pu° adhikāre phalasvāmye vidhirvidhānam . mīmāṃsakokte vidhibhede karmajanyaphalabhoktṛtājñāpake vidhau yathā svargakāmo yajeta ityanena yāgajanyaphalabhoktā svargakāmīti jñāpyate . tatra niyojyapravartanāvidhiḥ adhikāraḥ yathā rājā rājasūyena yajeteti tatra rājasūye rājña eva niyojyatayā tatra pravartanāttasya tathātvam svasvakarmaṇi niyoge ca .

adhikāritā strī adhikāriṇo bhāvaḥ tal . vidvattvaphalārthitvakarmakaraṇaśaktimattvāparyudastatvaprayojye adhikāre bhāryāputravihīnasya--nāsti yajñe'dhikāriteti smṛtiḥ . bhāvārthe tva . adhikāritvam atraivārthe na° .

adhikārin tri° adhikaroti adhi + kṛ--ṇini . svāmini vihitakarmaphalabhoktari, śāstreṇa kartavyatīṃpadeśena niyojite, kāmanāviṣayaphala--tadupāyopadeśena pravartite ca striyāṃ ṅīp . vedāntamatasiddhe anubandhacatuṣṭayamadhye anubandhabhede vedāntasāre vedāntaśāstrālocanahetubhūtānubandhacatuṣṭayanirūpaṇāya adhikārī tu vidhivadadhītavedavedāṅgatvenāpātato'dhigatākhilavedārthaḥ iha janmani janmāntare vā kāmyaniṣiddhavarjanapurasmaraṃ nityanaimittikaprāyaścittopāsanānuṣṭhānena nirgatanikhilakalmaṣatayā nitāntanirmalasvāntaḥ sādhanacatuṣṭayasampannaḥ pramāte tyuktam . sa cādhikārī uttamamadhyamādhamabhedena trividhaḥ adhikāritraividhyānna niyama iti adhikāribhedānna miyama iti ca sāṃkhyasūtrabhyāṃ tathokteḥ . tatra uttamādhikāriṇaḥ vidhānena vihitasarvakarmatyāgapūrbakaṃ nirākārabrahmajñāne'dhikāraḥ madhyamādhikāriṇaḥ vihitavarṇāśramādi karmakaraṇapūrbakaṃ sopādhibrahmopāsane, adhamasya tu varṇāśramavihitakarmavidhānapūrbakaṃ sākārabrahmopāsane ye mandāste tu sajjante brahmaṇorūpakalpane ityukteḥ . ataevoktam praśāntacittāya jitendriyāya prakṣīṇadoṣāya yathoktakāriṇe--pradeyametat satataṃ mumukṣave iti . atra yathoktakāriṇeityanena prāk jñānotpatteḥ varṇāśramavihitaṃ karmānuṣṭheyamevetyuktaṃ śā° sūtrakṛtā'pi vihitatvādāśrama karmāpi ityuktam gītāyāmapi ārurukṣormuneryogaḥ karma kāraṇamucyate . yogārūḍhasya tasyaiva śamaḥ kāraṇamucyate ityanena ārurukṣoḥ yathoktakarmādhikāraḥ uktaḥ kaṣāye karmabhiḥ pakve tatojñānaṃ prajāyate ityanena kaṣāyaśabdavācyacittadoṣakṣayārthaṃ karmāvaśyakatetyuktam . dve brahmaṇī veditavye parañcāparameva ceti śrutāvapyadhikāribhedāt nirākarasopādhikayoḥ dvayorvrahmaṇorvedyatoktā . gītāyāmapi loke'smin dvividhā niṣṭhā purā proktā mayānagha! jñānayogena sāṃṅkhyānāṃ, karmayogena yogināmiti adhikāribhedāt jñānakarmaṇoradhikāra ityuktam . samyak saṃsādhanaṃ karma kartavyamadhikāriṇā . niṣkāmeṇa sadā pārtha! kāmyaṃ kāmānvitena ceti bhavi° pu° . adhikāriṇā'rthinā viduṣā samartheneti raghu° tena vidvattvaṃ tattatkarmajanyaphalārthitvam tattatkarmakaraṇayogyatvam aparyudastatvañca adhikāritāprayojakam . tatra phalārthitvañca sati kāme eva, mumukṣutve tu na phalārthitvāvaśyakateti bhedaḥ . mārkaṇḍeyapurāṇe rucivākyena pitṝnnamasye divi ye ca mūrtāḥ svadhābhujaḥ kāmyaphalābhisandhau . pradānaśaktāḥ sakalepsitānāṃ vimuktidā ye'nabhisaṃhiteṣviti anena phalārthinaṃ prati tattatphaladātṛtvaṃ, tadanarthinaṃ mumukṣuṃ prati muktidātṛtvamiti spaṣṭamuktam evaṃ devatānāmapyadhikāribhedena phaladātṛtvam . anabhisaṃhitesu anuddiṣṭeṣu phaleṣvityarthaḥ . adhikāro'styasya ini . svāmitvavati sarve syuradhikāriṇa iti smṛtiḥ striyāṃ ṅīp . kṛtātra devī vacanādhikāriṇīti naiṣa° .

adhikārthavacana na° adhikārthasya stutinindābhyāmāropitasya vastudharmādatiṃriktasya guṇasya vacanam . stutyarthavāde, nindārthavāde ca . yathā vātacchedyaṃ tṛṇamityatra durbalatvena nindā, kākapeyā nadītyatra ca pūrṇajalatvena stutiḥ gamyate kṛtyairadhikārthavacane iti pā° .

adhikāma pu° adhikaḥ kāmaḥ . atyantābhilāṣe . ba° . tadvati tri° . kāme vibhaktyarthe avya° . kāmamadhikṛtyetyarthe avya° .

adhikṛcchra pu° adhikaṃ kṛcchraṃ kaṣṭaṃ sādhanatayā'styasya ac . vilvairāmalakairvāpi kapitthairathavā śubhaiḥ . māsena loke'dhikṛcchraḥ kathyate dvijasattamaiḥ iti (śaṅkhasa0) ukte māsasādhye vratabhede . prā° sa° . adhikakaṣṭe na° . tadvati tri° .

adhikṛta pu° adhi + kṛ--kta . āyavyāyādyavekṣake, adhyakṣe karmajanyaphalasambandhini niyukte, svāmitvavati ca tri° . mahīpatīnāṃ pṛthagarhaṇārthaṃ samādideśādhikṛtānadhiśrīriti raghuḥ .

adhikṛti strī adhi + kṛ--ktin . adhikāre .

adhikrama pu° adhi + krama--bhāve ghañ amantatvānna vṛddhiḥ . ārohaṇe .

adhikṣit tri° adhi + bhāve kartari vā kvip--tuk ca . parikṣaye, tatkāriṇi ca . viśāmāsāmabhayānāmadhikṣitam ṛ° 10, 92, 24 .

adhikṣipta tri° adhi + kṣipa--kta . sthāpite, nindite, kṛtādhikṣepe, prerite, tiraskṛte ca .

adhikṣepa pu° adhi + kṣipa--bhāve ghañ . tiraskāre, sthāpane, preraṇe ca .

adhigata tri° adhi + gama karmaṇi--kta . prāpte, jñāte ca . adhigataṃ vidhivat yadapālayaditi raghuḥ adhigatasakalakalākalāpakamiti kāda° . adhigatākhilavedārtha iti ve° sā° .

adhigama pu° adhi + gama--ghañ . jñāne, prāptau, svīkāre ca . adhyātmayogādhigameneti gītā . nidhyādeḥ prāptau ca . svāmī ṛkthakrayasaṃvibhāgaparigrahādhigameṣviti gauta° . adhigamo nidhyādeḥ prāptiriti mitā° .

adhigava avya° gavi vibhaktyarthe avyayo° vede ac samā° . gavītyarthe svādīyo yadadhigavaṃ kṣīramiti vedaḥ .

adhiguṇa pu° adhiko guṇaḥ prā° sa° . atiśathitavinayodaguṇe . ba° . tadvati tri° . yācñā moghā varamadhiguṇe nādhame labdhakāmā iti nīti° . guṇe--vibhaktyarthe avyayī° . guṇamadhikṛtyetyarthe avya° . adhigato guṇo yena . jyādhirūḍhe dhanuṣi na° .

adhijihva pu° adhikā jihvā yasya . dvijihve sarpe tasya dvijihvatvañca amṛtāsvādāśayā kuśavilehanāt . yathoktaṃ bhā° ā° pa° . yatraitadamṛtañcāpi sthāpitaṃ kuśamaṃstare . tadvijñāya hṛtaṃ sarpāḥ pratimāyākṛtañca tat . somasthānamidañceti darbhāṃste lilihustadā . tato dvidhā kṛtā jihvā sarpāṇāṃ tena karmaṇā . amavaṃścāmṛtasparśāddarbhāste'tha pavitriṇaḥ . evaṃ tadamṛtaṃ tena hṛtamāhṛtameva ca . dvijihvāśca kṛtāḥ sarpā garuḍena sahātmanā iti .

[Page 130a]
adhijihvikā strī jihveva ivārthe kan adhirūḍhā jihvikā vā . (āljibha) upajihvāyām .

adhijya na° adhyārūḍhā jyā yatra prā° ba0, adhigataṃ jyāṃ vā atyā° sa° . āropitaguṇake dhanuṣi tvayi cādhijyakārmuke iti śaku° .

adhijyotiṣa avya° jyotiṣi vibhaktyarthe avyayī° ac samā° . sūryatārakādijyotīṃṣyadhikṛtyerthe .

adhityakā strī adhi + tyakan . parvatasyoparibhūmau . ārūḍhaṃ sthalamadhityaketi si° kau° . sthāṇuṃ tapasyantamadhityakāyāmiti kumā° . adhityakāyāmiva dhātumayyāmiti raghuḥ .

adhidanta pu° adhyārūḍho dantam atyā° sa° . dantopari jātadante (gajaṃdāta) . prā° ba° . tadvati tri° . dante vibhaktyarthe avyayī° . dantamadhikṛtyetyarthe avya° .

adhideva pu° adhikṛtodevaḥ yena guṇātiśayāt prā° ba° . sarvadevādhipe parameśvare . deve vibhaktyarthe avyayī° . devamadhikṛtyetyarthe avya° . adhidevaṃ bhavaḥ ṭhañ . anuśatikā° dvipadavṛddhiḥ . ādhidaivikaṃ devebhyo jāte duḥkhādau tri° .

adhidevatā strī adhiṣṭhātrī devatā śā° ta° . adhiṣṭhātryāṃ devatāyām . devatānām adhiṣṭhātṛtvañca sannidhānamātreṇa tattatpadārthānāṃ tattatkarmasu niyantṛtvarūpam . tacca sākṣāt parameśvarasyaiva yathoktam vṛ° u° antaryāmi brāhmaṇe . yaḥ pṛthivyāṃ tiṣṭhan pṛthivyā antaro, yaṃ pṛthivī na veda, yasya pṛthivī śarīraṃ, yaḥ pṛthivīmantaro yamayatyeṣa ta ātmāntaryāmyamṛtaḥ .. yo'psu tiṣṭhannadbhyo'ntaro, yamāpo na viduryasyāpaḥ śarīraṃ, yo'po'ntaro yamayatyeṣa ta ātmāntaryāmyamṛtaḥ . yo'gnau tiṣṭhannagnerantaro yamagnirna veda, yasyāgniḥ śarīraṃ, yo'gnimantaro yamayatyepa ta ātmāntaryāmyamṛtaḥ . yo'ntarikṣe tiṣṭhannantarikṣādantaro, yamantarikṣaṃ na veda yasyāntarikṣaṃ śarīraṃ yo'ntarikṣamantaro yamayatyeṣa ta ātmāntaryāmyamṛtaḥ . yo vāyau tiṣṭhanvāyorantaro, yaṃ vāyurna veda, yasya vāyuḥ śarīraṃ, yo vāyumantaro yamayatyeṣa ta ātmāntaryāmyamṛtaḥ . yo divi tiṣṭhandivo'ntaro, yaṃ dyaurna veda, yasya dyauḥ śarīraṃ, yo divamantaro yamayatyeṣa ta ātmāntaryāmyamṛtaḥ . ya āditye tiṣṭhannādityādantaro, yamādityo na veda, yasyādityaḥ śarīraṃ, ya ādityamantaro, yamayatyeṣa ta ātmāntaryāmyamṛtaḥ . yo dikṣu tiṣṭhandigbhyo'ntaro yaṃ diśo na viduryasya diśaḥ śarīraṃ, yo diśo'ntaro yamayatyeṣa ta ātmāntaryāmyamṛtaḥ . yaścandratārake tiṣṭhaṃścandratārakādantaro, yañcandratārakaṃ na veda, yasya candratārakaṃ śarīraṃ, yaścandratārakamantaro yamayatyeṣa ta ātmāntaryāmyamṛtaḥ . ya ākāśe tiṣṭhannākāśādantaro, yamākāśo na veda, yasyākāśaḥ śarīraṃ, ya ākāśamantaro yamayatyeṣa ta ātmāntaryāmyamṛtaḥ . yastamasi tiṣṭhaṃstamaso'ntaro, yaṃ tamo na veda, yasya tamaḥśarīraṃ, yastamo'ntaro yamayatyeṣa ta ātmāntaryāmyamṛtaḥ . yastejasi tiṣṭhaṃstejaso'ntaro, yaṃ tejo na veda, yasya tejaḥ śarīraṃ, yastejo'ntaro yamayatyeṣa ta ātmāntaryāmyamṛta ityadhidaivatam . athādhibhūtam yaḥ sarveṣu bhūteṣu tiṣṭhansarvebhyo bhūtebhyo'ntaro, yaṃ sarvāṇi bhūtāni na viduryasya sarvāṇi bhūtāni śarīraṃ, yaḥ sarvāṇi bhūtānyantaro yamayatyeṣa ta ātmāntaryāmyamṛta ityadhibhūtam . athādhyātmam yaḥ prāṇe tiṣṭhanprāṇādantaro, yaṃ, prāṇo na veda, yasya prāṇaḥ śarīraṃ, yaḥ prāṇamantaro yamayatyeṣa ta ātmantaryāmyamṛtaḥ . yo vāci tiṣṭhanvāco'ntaro, yaṃ vāṅna veda, yasya vāk śarīraṃ, yo vācamantaro yamayatyeṣa ta ātmāntaryāmyamṛtaḥ . yaścakṣuṣi tiṣṭhaṃścakṣuṣo'ntaro, yaṃ cakṣurna veda, yasya cakṣuḥśarīraṃ, yaścakṣurantaro yamayatyeṣa ta ātmāntaryāmyamṛtaḥ . yaḥ śrotre tiṣṭhañchotrādantaro, yaṃ śrotraṃ na veda, yasya śrotraṃ śarīraṃ, yaḥśrotramantaro yamayatyeṣa ta ātmāntaryāmyamṛtaḥ . yo manasi tiṣṭhanmanaso'ntaro, yaṃ mano na veda, yasya manaḥ śarīra yo mano'ntaro yamayatyeṣa ta ātmāntaryāmyamṛtaḥ . yastvaci tiṣṭhaṃstvaco'ntaro, yaṃ tvaṅna veda, yasya tvak śarīraṃ, yastvacamantaro yamayatyeṣa ta ātmāntaryāmyamṛtaḥ . yo vijñāne tiṣṭhanvijñānādantaro, yaṃ vijñānaṃ na veda, yasya vijñānaṃ śarīraṃ, yo vijñānamantaro yamayatyeṣa ta ātmāntaryāmyamṛtaḥ . yo retasi niṣṭhanretaso'ntaro, yaṃ reto na veda, yasya retaḥ śarīraṃ, yo reto'ntaro yamayatyeṣa ta ātmāntaryāmyamṛto'dṛṣṭo draṣṭā,'śrutaḥ śrotā, 'mato mantā, 'vijñāto vijñātā, nānyo'to'sti draṣṭā, nānyato'sti śrotā, nānyato'sti mantā, nānyato'sti vijñātaiṣa ta ātmāntaryāmyamṛto'to'nyadārtam iti . tasyaivāṃśaṃviśeṣeṇāvirbhūtānāṃ digādyabhimānidevānāmindriyādhiṣṭhātṛtvaṃ yathā vaikārikādahaṅkārāddevā vaikārikā daśa . digvātārkapraceto'śvivahnīndropendramitrakā iti śāra° . śaktisāmarthyādvikṛtaparameśvarādutpannatvenā'haṅkārasya tadutpannadevānāñca vaikārikatvamiti rāghavabhaṭṭena vyākhyātam . vaikārikā digādyāśca candreṇaikādaśa smṛtāḥ . indriyāṇāmadhiṣṭhātṛdevāste parikīrtitā iti taddhṛtābhiyuktoktiḥ . tathā ca śrotrasya dik, tvaco vātaḥ, netrasya arkaḥ, rasanāyāḥ varuṇaḥ, ghrāṇasya aśvinau, vāgindriyasya vahniḥ, hastasya indraḥ, pādasya upendraḥ, pāyoḥ mitraḥ, upasthasya (kaḥ) prajāpatiḥ, manasaḥ candraḥ, ityete ekādaśendriyāṇāmadhiṣṭhātṛdevāḥ . īśvaraṃ bhāskare vidyādumāṃ vidyānniśākare . skandamaṅgārake vidyādbudhe nārāyaṇaṃ viduḥ . gurau vedanighiṃ vidyāt śukre śakro vidhīyate . śanaiścare yamaṃ vidyādrāhoḥ kālaṃ tathaiva ca . citragupto'dhipaḥ ketorityete grahadevatāḥ iti (matsyapurā0) uktā grahāṇamadhidevāḥ . eteṣāṃ punaradhiṣṭhātṛdevāśca pratyadhidevatātvena vyavahriyante te ca pratyadhidevatāśabde darśayiṣyante . adhidevatāpyatraiva . ādityābhimukhāḥ sarve sādhipratyadhidevatā iti matsyapu° . śaśāṅkamūrteradhidevatākṛtiriti bhaṭṭiḥ . candrādhidevatā umā .

adhidaivata na° adhiṣṭhātṛ daivatam prā° sa° . adhidevatāśabdārthe śivādhidaivataṃ dhyāyet vahnipratyadhidaivatamiti vicintyo mādhidaivata miti ca viṣṇudha° pu° . daivate vibhaktyarthe avyayībhāvaḥ . daivatamadhikṛtyetyarthe avya° . athādhidaivatam ādityo vā iti chando° u° ityadhidaivatamiti vṛ° u0 . adhidaivamapyatra avya° . adhidaivaṃ kimucyate iti gītā .

adhinātha pu° adhiko nāthaḥ prā° sa° . adhīśvare . tatrādhināthamadhikṛtya divastathāsāviti naiṣa° .

adhināya pu° adhinīyate vāyunā gandhādhārasūkṣmāṃśanayanadvārā tattatsthānaṃ hriyate'sau aghi + nī--ghañ . gandhe .

adhipa pu° adhipāti adhi + pā--ka . prabhau īśvare . atha prajānāmadhipaḥ prabhāte iti raghuḥ . śriyaḥ kurūṇāmadhipasyeti bhāra° .

adhipati pu° adhikaḥ patiḥ, adhi + pā--ḍati vā . īśvare svāmini sa vā eṣa sarveṣāṃ bhūtānāmadhipatiriti śrutiḥ . sarvasyādhipatirhi sa iti manuḥ . tato bhujaṅgādhipateḥ phaṇāgrairiti kumā° . patyantatvāt bhāvādau yak ādhipatyam . atyantaiśvarye na° . śailāthipatyaṃ svayamanvatiṣṭhaditi kumā° . sapūrbapadakatvāt striyāṃ ṅīṣ naścāntādeśaḥ . viṣṭambhinīṃ diśāmadhipatnīmiti yaju° 14, 5, adhipatnīṃ svāminīmiti dīpaḥ .

adhipā tri° adhipāti adhi + pā kvip adhipatau, adhipālake ca svaryadaśmannadhipā u andho'bhi ṛ° 7, 88, 2 .

adhipu(pū)ruṣa pu° adhikaḥ uttamaḥ pu(pū)ruṣaḥ prā° sa° . paraṃmeśvare . pu(pū)ruṣe vibha° avyayī° . pu(pū)ruṣamadhikṛtyetyarthe avya° .

adhipraja tri° adhikā prajā yasya . bahuprajāyukte . prā° sa° . bahuprajāyāṃ strī .

adhibhū pu° abhibhavati svāmībhavati svāmyarthe'trādhiḥ adhi + bhū--kvip . prabhau .

adhibhūta avya° bhūteṣu vibha° avyayī° . bhūtānyadhikṛtyetyarthe adhibhūtaṃ kimucyata ityarjunapraśne adhibhūtaṃ kṣarobhāva iti bhagavaduttaram iti gītā . bhūtaṃ prāṇimātramadhikṛtya bhavatītyadhibhūtamucyate iti śrīdharaḥ . adhibhūtaṃ bhavaḥ anuśatikā° dvipadavṛddhiḥ ādhibhautikam . bhūtānyadhikṛtya jāte duḥkhādau tri° .

adhibhojana na° adhikamatyantaṃ bhojanam prā° sa° . atyantabhojane . bhojanaṃ nirukte dhananāmasu paṭhitam adhikaṃ dhanaṃ mūlyaṃ yasya . atimūlyalabhye vastuni tri° . daśa vasrādhibhojanā iti ṛ° 6, 47, 23 adhibhojanā adhikaṃ dhanaṃ mūlyaṃ yeṣāṃ tādṛśāni daśa vastrāṇīti bhāṣyam .

adhimantha pu° adhikaṃ mathyate'nena adhi + mantha--karaṇe ghañ . utpāṭyata ivātyarthaṃ netraṃ nirmathyate tathā . śiraso'rdhaṃ tu taṃ vidyādadhimanthaṃ svalakṣaṇaiḥ ityukte araṇikāṣṭhamanthanāvayavabhede .

adhimāṃsa na° adhikaṃ māṃsamatra . vistīrṇaṃ mṛdu bahulaṃ yakṛtprakāraṃ śyāvaṃ vā tadadhimāṃsajārma vidyāditi vaidyakokte rogabhede .

adhimāṃsaka pu° adhiko māṃso yatra ba° kap . hanūsthe paścime dante mahāśotho mahārujaḥ . kālāsnāyī kaphakṛto vijñeyaḥ so'dhimāṃsaka iti vaidyakokte dantarogaviśeṣe .

adhimātra tri° adhikā mātrā yasya, adhikaṃ pramāṇamasya mātrac vā . adhikapramāṇe .

adhimāsa pu° adhiko ravimāsādatiriktaḥ śuklapratipadādidarśāntaścāndro māsaḥ prā° sa° . malamāse asaṃkrāntamāso'dhimāso nirukta itismṛtyukto ravisaṃkrāntivarjito māso'ghimāsaḥ . tathā hi mīnādistho raviryeṣāmārambhaḥ prathame kṣaṇe . te caitrādyā ityuktadiśā mīnasthe ravau yasya cāndramāsasyārambhaḥ sa caitraḥ evaṃ meṣastharavārabdho vaiśākha ivyevaṃ sthite yasmin cāndramāse raveḥ rāśyantarasaṃkramo na jātaḥ, tasya taduttarasya ca cāndramāsasya ubhayormeṣasthe ravau svārambhāt ubhayorapi vaiśākhatā, tatrādyo'dhimāsaḥ saṃkrāntihīnatvāt dvitīyaḥ śuddhaḥ iti smṛtau prasiddham . yathā malamāsatattve laghuhārītaḥ .. indrāgnī yatra hūyate ityuktvā tamatikramya tu raviryadā gacchet kathañcana . ādyomalimlucojñeyodvitīyaḥ prakṛtaḥ smṛtaḥ . tasmiṃstu prakṛte māsikuryāt śrāddhaṃ yathāvidhi . tathaivābhyudayaṃ kāryaṃ nityamekaṃ tu marvadā . yadā taṃ darśāntamāsamatikramya tatpūbbamāsāntyakṣaṇavṛttirāśisthaḥ san sūryo'tivāhya gacchet māsāntare rāśyantarasaṃyogaṃ gacchettadādyo'tikrāntomāsomalimlucojñeyaḥ . jyotiṣe . amāvāsyādvayaṃ yatra ravisaṃkrāntivarjitam malamāsaḥ sa viṃjñeyoviṣṇuḥ svapiti karkaṭe . amāvāsyādvayaṃ amāvāsyāntyakṣaṇadvayaṃ ravisaṃkrāntibhyāṃ kriyotpattirūpottarasaṃyogarūpābhyāṃ yathākramaṃ varjitaṃ tena darśāntyakṣaṇadvayayoreva kriyotpattyuttarasaṃyogābhyāṃ yathākramaṃ saṃyogenādhimāsaḥ . saṃkrānterekakṣaṇe kriyotpattiraparakṣaṇe pūrbasaṃyoganāśaḥ uttarasaṃyogotpattiśceti kṣaṇadvayavṛttitvamiti mīmāṃsakasiddhāntāt . gṛhyapariśiṣṭajyotiḥparāśarau . raviṇā laṅghitomāsaścāndraḥ khyātomalicaḥ . tatra yadvihitaṃ karma uttare māsi kārayet parāśaraḥ . pakṣadvaye'pi saṃkrāntiryadi na syāt sitāsite . tadā tanmāsavihitamuttare māsi kārayet . atra laṅghanamasaṃkramaṇañca ravestadā bhavati yadā tanmāsa tatpūrbamāsāntyakṣaṇayorekarāśyavasthitasya tanmāsānantarasaṃyogaḥ, na tvekarāśisthitasya māsavyāpanamātraṃ tathātve caturdaśyāmekarāśau saṃkrāntasya pratipatprathamakṣaṇe'pararāśau, tatpararāśau ca dvitīyāyāṃ pratipadi vā raveḥ saṃyoge'parasyāpi malamāsatā syāt . ataeva jyotiṣe amāvāsyāparicchinnaṃ ravisaṃkrāntivarjitam . malamāsaṃ vijānīyādgarhitaṃ sarvakarmasu . tasyārkodarśakaścaikarāśau darśadvayātigaḥ . atraikarāśisthārkasya darśadvayātigatvamuktam . etacca pūrbopadaśitayormāsayoḥ pūrbasyaiva sammavati na parasya . malamāsakāraṇantu jyotiṣe . divasasya haratyarkaḥ ṣaṣṭibhāgamṛtau sadā . karotyekamahaśchedaṃ tathaivaikañca candramāḥ . evamardhatṛtīyānāmabdānāmadhimāsakam . grīṣme janayataḥ pūrbaṃ pañcābdānte tu paścimama . tena divasasya titheḥ ṣaṣṭibhāgaṃ daṇḍamekaṃ ravirharati chedayati uttare chedamityabhidhānāt . tataśca ṛtau māsadvaye ṣaṣṭināḍīcchedādahnastitheśchedamākarghaṇaṃ karoti . evaṃ candro'pi . evamityuktakrameṇa varṣe dvādaśa tithyātmakakālākarṣādardhatṛtīyānāmante ardhaṃ tṛtīyaṃ yeṣāṃ te tathā . grīṣme mādhavādiṣu ṣaṭkeṣu pūrbaṃ mādhavāditrikapatitaṃ, pañcābdānte tu paścimaṃ śrāvaṇāditrikapatitaṃ malamāsañcandrārkau janayataḥ . mihiraḥ . mādhavādiṣu ṣaṭkeṣu māsi darśadvayaṃ yadā . dvirāṣāḍhaḥ sa vijñeyaḥ śete tu śrāvaṇe'cyutaḥ . mithunopagato bhānuramāvāsyādvayaṃ spṛśet . dvirāṣāḍhaḥ sa vijñeyoviṣṇuḥ svapiti karkaṭe . amāvāsyādvayaṃ tadantyakṣaṇadvayaṃ spṛśet saṃyujyāt na tanmadhye rāśyantarasaṃyoga ityarthaḥ . kanyāsiṃhakulīreṣu yadā darśadvayaṃ bhavet . āgāmini tadā varṣe kulīre mādhavaḥ svapet . yadyapi yāṃ tithiṃ samanuprāpya tulāṃ gacchati bhāskaraḥ . tayaiva sarvasaṃkrāntiryāvanmeṣaṃ na gacchati iti rājamārtaṇḍavacanāttulādiṣaṇmāse tithivṛddhyabhāvādvarṣe dvādaśavṛddhiranupapannā tathāpi madhye viṣuvatorbhānuryānyahāni tu vardhayet . taiḥ sambhūyādhikomāsaḥ patatyeva trayodaśaḥ iti gṛhyapariśiṣṭavākye viṣuvatormeṣatulāsaṃkrāntyormadhye meṣādiṣaṇmāsa eva tithivṛddhiruktā ahargaṇane meṣādiṣaṇmāse mandabhuktyā saptadinavṛddhistulādau śīghrabhuktyā dinadvayahrāsaḥ iti tathā ca jyotiḥśāstram meṣādīnāmaharvṛndaṃ ṣaṇṇāṃ saptāṣṭacandrakam (187) . tulādīnāmaṣṭasaptacandrakantu (178) likhet pṛthak . candra ekaḥ aṅkasya vāmā gatiḥ ityaṅkavidāṃ samayāt vyutkrameṇāṅkā bodhyāḥ . tena dinavṛddhi 5 kramasañcayābhyāṃ 6 meṣādiṣaṭke eva ekādaśatithivṛddhiḥ . evañca gate'bdadvitaye sārdhe pañcapakṣe dinadvaye . divasasyāṣṭame bhāge patatyeko'dhimāsakaḥ . iti rājamārtaṇḍoktaḥ saptadaśadinādhikāṣṭamāsādhikavarṣadvaye'dhimāsaḥ . sa ca saure māsi saptadaśadinottaraṃ cāndramāsalaṅghanāsambhavāt sāvanamānena jñeyaḥ iti . siddhāntaśiromaṇau tu 4320000000 kalpapramāṇavarṣeṣu 1593300000 etanmitā adhimāsābhavantītyuktam yathā lakṣāhatā devanaveṣucandrāḥ kalpe'dhimāsāḥ kathitāḥ sudhībhiriti . atropapattiḥ prakṛtāstāvadravimāsāstebhyaścāndramāsā yāvadbhiradhikāstāvanto'dhimāsā iti . tadevāha . raveḥ koṭinighnāḥ kṛtā'ṣṭenduvāṇāḥ 51840000000 surāgnyabdhirāmeṣavo lakṣanighnāḥ 53433300000 . śāśāṅkasya māsāḥ pṛthak sūryamāsairvihīnāstu kalpe'thavā te'dhimāsāḥ iti .. iṣṭavarṣeadhimāsānayanaṃ tatraivoktaṃ yathā kathitakalpagatārkasamāgaṇo raviguṇo gatamāsasamanvitaḥ . khadahanai (30) rguṇitastithisaṃyutaḥ pṛthagato'dhikamāsasamāhatāt (1593300000) .. ravidinā (1555200000000) ptagatādhikamāsakaiḥ kṛtadinaiḥ sahito dyugaṇo vidhoḥ iti . atra vāsanā kalpagatābdā dvādaśaguṇitā ravimāsā jātāste caitrādigatacāndratulyaiḥ sauraireva yutāstriṃśadguṇā iṣṭamāsapratipadādigatatithitulyaiḥ sauraireva dinairyutāḥ evante saurā jātāstebhyaḥ pṛthak sthitebhyo'dhimāsānayanaṃ trairāśikena, yadi kalpasauradinaiḥ kalpādhimāsā labhyante tadaibhiḥ kimiti phalam gatādhimāsāḥ . tai rdinīkṛtaiḥ pṛthak sthitaḥ saurāhargaṇasahitaścāndro bhavati yataḥ sauracāndrāntaramadhimāsadinānyeva iti . sūryasiddhānte'pyuktam . bhavanti śaśino māsāḥ sūryendu bhagaṇāntaram . ravimāsonitāste tu śeṣāḥ syuradhimāsakāḥ iti .. sūryacandrabhagaṇayorantaraṃ candrasya māsaḥ bhavanti te cāndramāsā ravimāso nitāḥ santaḥ śeṣā avaśiṣṭā ye cāndramāsāste'dhikamāsā eva bhavanti nānye . anena cāndratvamaghimāsānāṃ spaṣṭīkṛtam . atropapattiḥ . triṃśattithyātmakasya ravīnduyutikālarūpadarśāntāvadheścāgdrasya, dvādaśarāśimitena sūryendvantareṇaiva siddhiḥ kathamanyathā darśānte jātasya mandaśīghrayoḥ sūryendvoryogasya punardarśānte sambhavaḥ . dvādaśarāśyantaraṃ tvekaṃ bhagaṇāntaramato bhagaṇāntareṇa cāndro māsaḥ siddhaḥ . sauramāsāpekṣayā yadantareṇa cāndramāsānāmadhikatvaṃ ta evādhimāsā iti .

adhiyajñaḥ pu° adhikṛtoyajño yasmāt prā° ba° . parameśvare . adhiyajñaḥ kathaṃ? ko'tre tyarjuna praśne . adhiyajño'hame vātra dehe dehabhṛtāṃ vara! iti bhagavaduttaram gītāyām . atrāsmin dehe'ntaryāmitve na sthito'hamadhiyajñaḥ yajñādikarmapravartakastatphaladātā ceti śrīdharaḥ . yathā ca tasya sarvāntaryāmitvaṃ tathā adhidevatāśabde'ntaryāmibrāhmaṇe purastāddarśitam . yajñe vibha° avyayī° . yajñamadhikṛtyetyarthe avya° . adhiyajñaṃ brahma japediti manuḥ, yāge vibha° avyayī° . adhiyāgamapyuktārthe avya° . adhikaḥ adhikāṅgayāgaḥ prā° sa° . adhikāṅge yāge pu° .

adhiyoga pu° adhikoyogaḥ prā° sa° . jyotiṣaprasiddha yātrikaśubhayoge . sa ca gamanasamayalagne--tasmādvā caturthe, pañcame, saptame, navame, daśame, vā atyatamasyāne budhajīvabhārgavāṇāṃ madhye dvayoḥ sthitau satyāṃ bhavati . yoge kṣemamathādhiyogamane kṣemaṃ vipūṇāṃ badha iti muhū° .

adhiyodha pu° ādhikyena yudhyati adhi + yudha--ac . atiyoddhari . vibha° avyayī° . yodhe ityarthe avya° .

adhiratha adhyārūḍhaḥ rathaṃ rathinam atyā° sa° . atirathe . karṇapitari pu° . viveśādhirathoraṅgaṃ yaṣṭiprāṇo hvayanniveti bhā° ādi° . tasyāpatyam iñ . ādhirathiḥ karṇe pu° . karṇaparvaṇi bhūriprayogo'sya .

adhirāj pu° adhirājate adhi + rāja--kkip . sāmrājyavati, nṛpe, sampannanṛpe ca prāyopaviṣṭo gaṅgāyāmanādṛtyādhirāṭ śriyamiti bhāga° . adhikaśobhānvite tri° .

adhirāja pu° adhiko rājā ṭac samā° . adhīśvare sāmrā jyavati, nṛpe ca . śailādhirājatanayā na yayau na tasthāviti himālayonāma nagādhirāja iti ca kumā° .

adhirājya na° adhikaṃ rājyaṃ prā° sa° . sāmrājye . atyanyān pṛthivīpālān pṛthivyāmadhirājyabhāgiti .

adhirāṣṭra na° adhikṛtaṃ rāṣṭramatra prā° ba° . rājye . vibha° avyayī° . rāṣṭramadhikṛtyetyarthe avya° .

adhirukma tri° adhigataṃ rukmamābharaṇaṃ yena prā° ba° . adhi gatasuvarṇābharaṇe mānave . adhirukmā vinīyate iti ṛ° 8, 46, 33, adhirukmā adhikarukmābharaṇeti bhāṣyam .

adhirūḍha tri° adhi + ruha--kartari--kta . uparibhāge ārohaṇakartari, ativṛddhimati ca .

adhiropita tri° adhi + ruha--ṇic--puk karmaṇi kta . atiśayenāropite .

adhirohaṇa na° adhi + ruha bhāve--lyuṭ . uparyārohaṇe . ghañ . adhiroho'pyatra pu° .

adhirohaṇī strī adhiruhyate'nayā adhi + ruha--karaṇe lyuṭ . (mai) iti, (siḍi) iti ca prasiddhe kāṣṭhavaṃśādinirmite uccasthānārohaṇasādhane sopānavṛnde . adhirohaḥ sādhanatvenākhyasyāḥ ini . adhirohiṇītyapyatra iti śabdakalpadrumaḥ tanmūlaṃ mṛgyam . rāyamukuṭādibhiḥ lyuṭaivatatpadasādhanānnāsya inyantyatā .

adhiloka avya° loke vibha° avyayī° . loke ityarthe .

adhivaktṛ tri° adhi + vaca--tṛc . pakṣapātena vaktari . viśvāhendro adhivaktā iti ṛ° 1, 100, 10, adhivaktā pakṣapātena vacanayukta iti bhā° . striyāṃ ṅīp .

adhivacana na° adhi + vaca--lyuṭ . pakṣapātena kathane . adhikavacanaṃ pakṣapātena vacana miti mādhavācāryaḥ .

[Page 134a]
adhivastra tri° adhyāvṛtaṃ vastraṃ yena prā° ba° . uparinihita vastre . yajñebhirāvṛto'dhivastrā badhūriveti ṛ° 8, 2 6, 13, adhivastrā uparinihitavastreti bhā° .

adhivāka pu° adhi--vaca--ghañ . pakṣapātena vacane . tamindhaneṣu hiteṣvadhivākāya harati iti ṛ° 8, 15, 5, adhivākāya pakṣapātavacanāyeti bhā° .

adhivāsa pu° adhi + vasa nivāse--ghañ . nivāse śrīḥ kaiṭabhārihṛdayaikakṛtādhivāseti devīmā° . adhi + vāsa surabhīkaraṇe bhāve ghañ . saurabhe kakudmikanyāvaktrāntarvāsalabdhādhivāsayeti māghaḥ adhivāsaspṛhayeva māruta iti raghuḥ . adhivāsayati devatā anena adhi + vasa--ṇic karaṇe ghañ . yajñārambhapūrbadivase devatāsthāpanādikarmaṇi . adhivāsaḥ pare'hanīti smṛtiḥ madhyarātre'dhivāsayediti smṛtyuktestasya pūrbedyurmadhyarātre kartavyatā . ātyayikeṣu kāryeṣu sadyaevādhivāsaye dityukte ryāgadine'pi kvacit kartavyatā . gandhamālyādyaiḥ saṃskāre ca .

adhivāsana na° adhivāsayati sthāpayati devatā anena adhi + vasa--ṇic lyuṭ . yāgapūrbadine devatādyāvāhanapūrbakapūjanādikarmabhede . adhivāsyate surabhīkriyate adhi + vāsa surabhīkaraṇī bhāve lyuṭ . gandhamālyādibhiḥ surabhīkaraṇarūpasaṃskārabhede taddravyāṇi ca mahī gandhaḥ śilā dhānyaṃ dūrvā puṣpaṃ phalaṃ dadhi . ghṛtaṃ svastikasindūraṃ śaṅkhakajjalarocanāḥ . siddhārthaṃ kāñcanaṃ ropyaṃ tāmracāmaradarpaṇam . dīpaḥ praśastipātrañca vijñeyamadhivāsane iti smṛtyuktāni vedyāni . sāyaṃ ṣaṣṭhyāntu kartavyaṃ pārvatyā adhivāsanamiti purā° .

adhivāsita tri° adhi + vāsa--surabhīkaraṇe karmaṇi kta . surabhīkṛte gandhamālyādibhiḥ kṛtasaṃskāre . adhi + vāsanivāse ṇic karmaṇi kta . kṛtādhivāsane devādau .

adhivāhana na° adhi + vaha--ṇic--lyuṭ . upari prāpaṇe vāhane, ca . vibha° avyayo° . vāhanaṃ yānamadhikṛtyetyartheavya° .

adhivikartana na° adhi + vi + kṛta--chedane lyuṭ . atyantacchedane āśāsanaṃ viśāsanamatho adhivikartanamiti ṛ° 10, 85, 35 .

adhividya avya° vidyāyāṃ vibhaktya° avyayī° . vidyāmadhikṛtyetyarthe . adhividyaṃ prakāśate iti vākyapadīyam .

adhivinnā strī adhi + vida--lābhe karmaṇi kta . kṛtādhivedanāyāṃ yasyā upari vivāhāntaraṃ kṛtaṃ tasyāṃ striyām adhivinnā tu yā nārī nirgacchedruṣitā gṛhāditi manuḥ . adhivinnastriyai deyamādhivedinakaṃ samamiti yājña° .

adhivettṛ pu° adhi + vida--lābhe kartari tṛc . vivāhottaraṃ vivāhāntarakartari .

adhiveda avya° vede--vibhaktya° avyayī° . vedamadhikṛtyetyarthe . adhi + vida--bhāve ghañ . vivāhottaraṃ vivāhāntarakaraṇe pu0

adhivedana na° adhi + vida--lābhe bhāve lyuṭ . vivāhoparivivāhāntarakaraṇe . tatra niyuktādi ṭhak . ādhivedanikam adhivedanaviṣayaniyukte tatralabdhe ca dhanādau tri° . adhivinnastriyai deyamādhivedanikaṃ samamiti yājña° . ādhivedanikādyaṃ ca strīdhanaṃ parikīrtitamiti smṛtiḥ . adhivedanakālanimitte tu matkṛtabahuvivāhavāde vistarata ukte tataevāvaseye .

adhivedanīya strī adhi + vida--lābhe karmaṇi--anīyar . yadvivāhopari vivāhāntarakaraṇayogyaṃ tādṛśyāṃ striyām . karmaṇi yat . adhivedyāpyatra strī . bandhyāṣṭame'dhivedyābde iti manuḥ .

adhiśrapaṇa na° adhi + śrā--pāke ṇic--puk hrasvaśca bhāve lyuṭ . pācane .

adhiśraya pu° adhi + śrī--pāke bhāve ac . cūllyāmuparisthāpanarūpe viklittihetubhūte vyāpāre, pāke .

adhiśrayaṇa na° adhi upari śrayaṇaṃ pākārthaṃ sthāpanaṃ śrīñbhāve lyuṭ . cūllyā upari sthāpane, tatpūrbakapāke ca . adhiśrīyate pacyate'tra, ādhāre lyuṭ ṅīp . cūllyām (ākā) iti, (cūlā), iti ca khyātāyām strī .

adhiśrayaṇīya tri° adhiśrayaṇāya pākāya hitam cha . pākasādhanapātre . adhiśrayitumarhati adhi + śrī--pāke arhārthe karmaṇi anīyar . pākārhe vastuni tri° .

adhiśrayitavai avya° adhi + śrī--pāke vede kṛtyārthe tavai . pacanīye gaureva dugdhamadhiśrayitavai brūyāditi vedaḥ .

adhiśrī tri° adhikā śrīryasya . adhikaśobhānvite adhikasampattimati ca iyaṃ mahendraprabhṛtīnadhiśriya iti kumā° samādideśādhikṛtānadhiśrīriti raghuḥ .

adhiṣavaṇa na° adhiṣūyate somaḥ yatra adhi + ṣū abhiṣave ādhāre lyuṭ . somābhiṣavasādhanacarmādipātre . aṃśūniva grāvābhiṣavaṇe iti vedaḥ . bhāve lyuṭ . abhiṣave .

adhiṣavaṇyā tri° adhiṣavaṇāya hitam yat . abhiṣavasāṣane phalake . yatra dvāviva jaghanādhiṣavaṇyā kṛtā iti ṛ° 1, 28, 2 adhiṣavaṇyā ubhe adhiṣavaṇaphalake iti bhā° .

[Page 135a]
adhiṣṭhātṛ tri° adhi + sthā--tṛc ṣatvam . adhyakṣe, niyamitakāryaviśeṣākaraṇena kṛtākṛtāvekṣake, niyantari ca . ātmendriyādyadhiṣṭhāteti bhāṣā° . adhideve ca . indriyāṇāmadhiṣṭhātṛdevāste parikīrtitā iti purā° . te ca adhidevatāśabde darśitāḥ sarvādhiṣṭhātā tu parameśvara eva tadapi tatraivāntaryāmibrāhmaṇena darśitam . tatsānnidhyādadhiṣṭhātṛtvaṃ maṇivaditi sāṃkhyasū° . yathāyaskāntamaṇeḥ sānnidhyamātreṇa śalyaniṣkarṣakatvaṃ na saṅkalpādinā tathaivādipuruṣasya saṃyogamātreṇa prakṛtermahattattvarūpeṇa pariṇamanam . idameva ca sopādhisraṣṭṛtvamityarthaḥ . tathācoktam . niricche saṃsthite ratne yathā lohaḥ pravartate . sattāmātreṇa devasya tathā ceyaṃ jagajjaniḥ . ata ātmani kartṛtvamakartṛtvaṃ ca saṃsthitam . niricchatvādakartāsau kartā sannidhimātrataḥ iti sāṃ° bhā° . striyāṃ ṅīp .

adhiṣṭhāna na° adhi + sthā--lyuṭ . niyamitakāryaviśeṣākaraṇena sānnidhyamātreṇa niyamanāya, sthitau, vedāntaśāstraprasiddhe āropādhikaraṇe ca . vedāntināñca adhyāsasyāṅgamadhiṣṭhānaṃ yathā tathā'dhyāsaśabde vakṣyate . adhikaraṇe lyuṭi . pure ādhāramātre, āśraye ca . tadadhiṣṭhānāśrayadehe tadvāda iti sāṃ° sū° . tasya liṅgasya yadadhiṣṭhānamāśrayo vakṣyamāṇabhūtapañcakaṃ tasyāśraye ṣāṭkauśike dehe iti bhāṣyat . karaṇe lyuṭi . cakre, prabhāve ca cakreṇa, prabhāvena ca hi pravṛttayuddhakṛtyādisambhavaḥ . adhiṣṭhānañca niyantṛtvaṃ yathoktaṃ sāṃkhye . saṃhataparārthatvāt triguṇādiviparyayādadhiṣṭhānāditi itaśca puruṣo'sti adhiṣṭhānāt triguṇātmakānāmadhiṣṭhīyamānatvāt yadyat sukhaduḥkhamohātmakaṃ tat sarvaṃ pareṇādhiṣṭhīyamānaṃ dṛṣṭaṃ yathā rathādi yantrādibhiḥ, sukhaduḥkhamohātmakañcedaṃbuddhyādi, tasmādetadapi pareṇādhiṣṭhātavyam . sa ca parastraiguṇyādanya ātmeti sā° kau° . bhāve lyuṭ . sannidhimātre . atrādhiṣṭhānaṃ kurviti āvāhanamantraḥ . bhokturadhiṣṭhānādbhogāyatananirmāṇamanyathā pūtibhāvaprasaṅgāt iti sāṃkhyasū° bhoktuḥ prāṇasyādhiṣṭhānāt vyāpārādeva bhogāyatanasya śarīrasya nirmāṇaṃ bhavati . anyathā prāṇavyāpārābhāve śukraśoṇitayoḥ pūtibhāvaprasaṅgāt mṛtadehavadityarthaḥ . tathāca rasasañcārādivyāpāraviśeṣaiḥ prāṇo dehasya nimittakāraṇaṃ dhārakatvāditi bhāva iti bhā° . nanu prāṇinaḥ nirvyāpārasyādhiṣṭhāne prayojanābhāva iti tatrāha . bhṛtyadvārā svāmyādhiṣṭhitirnaikāntyāt iti sā° sū° . dehanirmāṇe vyāpārarūpamadhiṣṭhānaṃ svāminaścetanasyaikāntyāt apekṣā nāsti kintu prāṇarūpabhṛtyadvārā yathā rājñaḥ puranirmāṇa ityarthaḥ . tathā ca prāṇasyādhiṣṭhātṛtvaṃ sākṣāt, puruṣasyādhiṣṭhātṛtvaṃ prāṇasaṃyogamātreṇeti siddham . kulālādīnāṃ ghaṭādinirmāṇeṣvapyevam . viśeṣastvayaṃ tatra cetanasya buddhyādeścāpyupayogo'sti buddhipūrbakaṃ sraṣṭṛtvāditi . yadyapi prāṇādhiṣṭhānādeva dehanirmāṇaṃ tathāpi prāṇadvārā prāṇisaṃyogo'pyapekṣyate puruṣārthameva prāṇena dehanirmāṇādityāśayena bhokturadhiṣṭhānādityuktam iti bhā° . adhiṣṭhīyate karmaṇi lyuṭ . adhiṣṭhite runnidhimātreṇa niyantrite . indriyāṇi mano buddhirasyādhiṣṭhānamucyate iti gītā .

adhiṣṭhita tri° adhi--sthā--karmaṇi kta . adhyuṣite vilokya vṛddhokṣamadhiṣṭhitaṃ tvayeti kumā° . sannivimātreṇa niyojite īśvarādhiṣṭhitāḥ sarve svaṃ svaṃ kāryaṃ hi kurvate iti purā° .

adhihari avya° harau, vibha° avyayī° . harimadhikṛtyetyarthe

adhīkāra pu° adhi + kṛ--ghañ upasargasya dīrghatvam . adhikāraśabdārthe sarvākareṣvadhīkāro mahāyantrapravartanam ityupapātakagaṇanāyāṃ manuḥ . svāgataṃ svānadhīkārāniti kumā° .

adhīta na° adhi + iṅa--bhāve kta . adhyayane, karmaṇi kta . kṛtādhyayane abhyaste ca tri° īṣadīṣadanadhītavidyayeti kusu° . adhītavedavedāṅgatveneti ve° sā° .

adhīti strī adhi + iṅ adhyayane ktin . adhyayane adhītibodhācaraṇapracāraṇairiti naiṣa° . adhi + ika--smaraṇe ktin . smaraṇe nū te pūrbasya vaso adhītau tṛtīye iti ṛ° 2, 4, 8, adhītau smaraṇe iti bhāpyam .

adhītin tri° adhītamanena adhīta + ini . kṛtādhyayane . tvaguttarāsaṅgavatīmadhītinīmiti kumā° . etadinyantayoge ca karmaṇi saptamī vede'dhītītyādi kintu karmāvivakṣayā prathamaṃ bhāve eva ktaḥ paścāt karmaṇā yogaḥ kṛtapūrbī kaṭamityatraṃva . yathoktaṃ hariṇā . akarmakatve satyeva ktānte bhāvābhidhāyini . paścāt kriyāvatā kartrā yogo bhavati karmaṇeti . vistaraḥ satkṛtasaralāyāṃ draṣṭavyaḥ .

adhīna tri° adhigataminaṃ prabhum atyā° sa° . āyatte . vittādhīna ityādau tu vitte avi--iti vākye samāse adhyuttarapadāt kha . kva nu māṃ tvadadhīnajīvitāmiti kumā° . dārādhīnastathā svargaḥ pitṝṇāmātmanaśca ha iti manuḥ . ikṣvākūṇāṃ durāpe'rthe tvadadhīnā hi siddhayaḥ iti raghuḥ .

adhīra tri° dhīraḥ dhairyānvitaḥ na° ta° . cañcale, kāntasyā dharamaṇim adhīramācucumbeti daśaku° . kātare, rogādinākulacitte ca . vidyuti, nāyikābhede ca strī . tallakṣaṇaṃ nāyikāśabde vakṣyate

adhīvāsa adhi + vasa ācchādane karaṇe ghañ . sarvata āvarake mahākañcuke vastrabhede . adhīvāsaṃ parimucyoṣṇīṣaṃ saṃveṣṭya nivīte iti kātyā° 15, 5, 13, upari sarvataḥ saṃchādyate'nenetyadhīvāsaḥ mahākañcuka iti tadvyākhyā . adhīvāsena pracchādayatīti kātyā° 20, 6, 15, upariṣṭādāvarakaṃ vāso'dhīvāsa iti vedadīpaḥ .

adhīśa tri° adhika īśaḥ prā° sa° . sārvabhaume adhipatau ca . aṅgādhīśaḥ svagehe budhagurukavibhiḥ saṃyuta iti jāta° .

adhīśvara tri° adhika īśvaraḥ prā° sa° . striyāṃ ṅīṣ . rājani adhigatya jagatyadhīśvarāditi naiṣa° . prabhau ca .

adhīṣṭa na° adhi + divā° iṣa--bhāve kta . satkārapūrvakaniyoge, vidhinimantraṇāmantraṇādhīṣṭasaṃpraśnaprārthaneṣu liṅiti pā° adhīṣṭaṃ satkārapūrbakavyāpāra iti si° kau° . karmaṇi kta . satkārapūrvakaṃ niyojite tri° .

adhunā avya° asmin kāle idamśabdasya na° . saṃpratītyarthe pramadānāmadhunā viḍambaneti kumā° . adhunā bhavārthe ṭhañ . ādhunikaḥ idānīntane tri° .

adhunātana tri° adhunā + bhavārtheḍyul tuṭca . idānīmbhave striyāṃ ṅīp .

adhura nāsti dhūḥ cintā bhāro vā yasya acsamā° . bhāraśūnye cintāśūnye ca, na° ta° . adhūḥ--abhāre acinte ca . akṣe tu nācsamā° . adhūrakṣaḥ iti .

adhūmaka pu° nāsti dhūmo yatra kap . dhūmaśūnye jvaladagnau .

adhṛta pu° na dhṛtaḥ . sarveṣāṃ dhārakatvena kenāpi na dhṛte paramaśvare, śrutau sa bhavagavaḥ! kasminnu pratiṣṭhitaḥ? iti praśne sve mahimnī tyuttaram tenānyādhṛtatvāt svapratiṣṭhatvācca tasya tathātvam . adhṛtaḥ svadhṛtaḥ svāsya iti viṣṇu sahasra° .

adhṛti strī dhṛtirdhāraṇaṃ dhairyaṃ vā abhāvārthe na° ta° . dhāraṇābhāve, dhairyābhāve, ca .

adhṛṣṭa tri° dhṛṣa--nirlajjatve kta na° ta° . lajjāśīle . dhṛṣa--abhibhave kta na° ta° . anabhibhūte yantaṃ nomitrāvaruṇāvadhṛṣṭamiti ṛ° 6, 67, 2, adhṛṣṭamanabhibhūtamiti bhā° . ahiṃsite ca . dūtāsovasavo'dhṛṣṭā iti ṛ° 6, 50, 4, adhṛṣṭā ahiṃsitā iti bhā° .

adhṛṣya tri° na dhṛṣyaḥ na° ta° . anabhibhavanīye adhṛṣyaścābhigamyaśca yādoratnairivārṇava iti rathuḥ . dhṛṣa--nirlajjatve bhāve kyap tannāsti yasya . apragalbhe, lajjāśīle ca tri° .

adhenu strī na° ta° . dohanaśūnyāyāṃ gavi . adhenuṃ dasrā staryamiti ṛ° 1, 117, 20, adhenum adrogdhrīmiti bhā° .

adhairya na° abhāvārthe na° ta° . ghairyābhāve . ba° . dhairyaśūnye tri° .

adhoakṣa tri° adhaḥ akṣasya, adhastāt akṣati aśnute vā akṣa--ac, aśa--sa vā vede atolopābhāvaḥ . adharastād vyāpake . adhoakṣāḥ sindhavaḥ srotyābhiriti ṛ° 3 63, 9, yadāpaḥ akṣasyādhastādbhavanti tadā rathādīni netuṃ śakyante iti bhā° .

adho'ṃśuka na° adharamaṃśukam adhara + prathamārthe asi adharasya adhādeśaśca . paridhānavastre .

adho'kṣa na° adharamakṣaṃ yatra mārge adhara + prathamārthe asi ba° . havirdhānākṣādhomārge . dakṣiṇasyākṣaṃ prāñco niṣkrāmatīti kā° 12, 4, 14, dakṣiṇahavirdhānākṣādhogārgeṇa prāṅmukhā niḥsarantīti vedadīpaḥ .

adho'kṣaja pu° akṣāt indriyāt jāyate jana--ḍa 5 ta° . akṣajaṃ pratyakṣajñānam adharaṃ grāhakatvābhāvāddhīnaṃ yasya adhara--prathamārthe asi adhādeśaśca . indriyāyogye, adho na kṣīṃyate jātu yasmāttasmādadho'kṣaja ityuktalakṣaṇe, vā viṣṇau . vyāptī vāyuragho'kṣaja iti viṣṇusaha° . dyaurakṣaṃ pṛthivī cādhastayoryasmādajāyata . madhye vairājarūpeṇa tato'dhokṣajaiṣyate iti bhāṣye tathā ca aṇḍakapāladvayamadhye virāḍrūpeṇa jātatvādasya tathātvam . adhobhūte svasvaviṣayebhyo nivartanena pratyakpravāṃhite akṣagaṇe jāyate prakāśate iti adhokṣaja iti vā . tatraivārthe .

adhogati strī adharasmin adhastāt narakādau gatiḥ narakādigamane sādhakānāṃ tvadhogatiriti tantra° . narakasya ca pāpaphalatvena puṇyādadharatvāt adharatvam aurve ca sarve narakāḥ sadaityā iti (si° śiro0) aurvasthāne eva narakasthitiruktā aurvasthiti śca . svādūdakāntarbaḍavānalo'sau pātālalokāḥ pṛthivīpuṭānī tyanena pātālasannikṛṣṭe tatraivoktā . ato narakānāmadhaḥsthatvam, bhūgolaśabde vivaraṇaṃ dṛśyam . jaghanyaguṇavṛttāstu adhogacchanti tāmasā ityukteḥ tāmasānāmadhogatitvam . adhogatitvañca pāpādeva . adhaḥpradeśamātre gamane ca mūlānāmadhogatiriti kāda° . adho'dhastāt gatiryasya ba° . narakagāmini tri° anapekṣitamaryādaṃ nāstikaṃ vipraluptakam arakṣitāramattāraṃ nṛpaṃ vidyādadhogatimiti manuḥ 8, 39, 41, adhogatiṃ narakagāminamiti kullūkabhaṭṭaḥ .

adhogāmin tri° adharasmin adhaḥ gacchati gama--ṇini . narakagāmini, adhobhāge--gantari ca . striyāṃ ṅīp .

adhoghaṇṭā strī adharāt adhastādārabhya ghaṇṭeva tadākāraphalavattvāt . apāmārge ratnamālā .

adhojānu na° adharaṃ jānunaḥ prathamārthe asi . jānuno'dhare brāhmaṇādīnāṃ pramāṇaviśeṣamabhidhāya sarveṣāṃ vādhojānu iti kā° 21, 4, 18, vā vilpārthe sarveṣāṃ jānunoradhastāt adhojānviti tadvyākhyā .

adhojihvikā strī alpā jihvā jihvikā alpārthe kan adho'dharā jihvikā karma° . (ālajibha) iti khyātāyām tālusthajihvikāyām .

adhodāru na° adharaṃ dāru adhara + prathamārthe asi . kāṣṭhamayadvārasyādharakāṣṭhe (govarāṭ) .

adhodiś strī adharā diś adhara + prathamārthe asi karma° . dakṣiṇasyāṃ diśi . asyā adharatvañcodakśabde vakṣyate .

adhodṛṣṭi tri° adharasmin adhaḥ dṛṣṭirasya . yogābhyāsasamaye nāsikāgramātradarśanayukte, tatprakārastu kiñcit prakāśastimitogratārairbhrūvikriyāyāṃ virataprasaṅgaiḥ . netrairavispanditapakṣmamālairlakṣyīkṛtaghrāṇamadhomayūkhairiti kumāre karaṇānyavahiṣkṛtya sthāṇuvanniścalātmakaḥ . ātmānaṃ hṛdaye dhyāyennāsāgranyastalocana iti yogasāre gītāyāmapi sampaśyan nāsikāgraṃ svamityādinā darśitaḥ . adhodarśanayuktamātre tri° . adhodṛṣṭirnaikṛtika iti manuḥ 4, 196 . karma° . adhasthadṛṣṭau strī .

adho'dhas adhas + adhastāt sāmīpye dvitvam . samīpādhodeśe navānadhodhovṛhataḥ payodharāniti māghaḥ .

adhopahāsa pu° adhaḥ adhobhāgasya smaramandirasya upahāsaḥ sandhiśchāndasaḥ . strīṇāmadhobhāgasyopahasane . yaevaṃ vidvānadhopahāsaṃ caratyāsāṃ, strīṇāṃ sukṛtaṃ vṛṅkta iti vṛ° upa° . vṛṅkte āvarjayatīti bhāṣyam .

adhobhakta na° adharaṃ bhaktaṃ yasmāt adhara + prathamārthe asi 5 ta° . bhaktabhojanānte pīyamānajale .

adhobhāga adharobhāgaḥ adhara + prathamārthe asi karma° . adharabhāge pūrbabhāgo guruḥ puṃsāmadhobhāgastu yoṣitāmiti .

[Page 137b]
adhobhuvana na° adharamadhaḥ bhuvanam lokaḥ . saptasu pātāleṣu . tatsthānañca bhūmerardhaṃ kṣārasindhorudaksthaṃ jambudvīpaṃ prāhurācāryavaryāḥ ardhe'nyasmin dvīpaṣaṭkasya yāmye kṣārakṣīrādyambudhīnāṃ niveśaḥ .. lavaṇajaladhirādau dugdhasindhuśva tasmādamṛtamamṛtaraśmiḥ śrīśva yasmādbamūva . mahitacaraṇapadmaḥ padmajanmādidevairvasati sakalavāso vāsudevaśca yatra .. dadhno ghṛtasyekṣurasasya tasmānmadyasya ca svādujalasya cāntyaḥ . svādūdakāntarbaḍavānalo'sau pātālalokāḥ pṛthivīpuṭānīti si° śi° .. adhikaṃ bhūgolaśabde vakṣyate .

adhomukha tri° adho mukhaṃ yasya ba° . jyotiṣaśāstre prasiddheṣu nakṣatrabhedeṣu . yathā mūlāśleṣā kṛttikā ca viśākhā bharaṇī tathā . maghā pūrbātrayaṃ caiva adhomukhagaṇaḥ smṛta iti . gojihvākhyavṛkṣe (anantamūla) avāṅmukhe striyāṃ vā ṅīṣ . stabdhadṛṣṭiradhomukha iti adhomukhairūrdhamukhaisya patribhiḥ iti raghuḥ . mudrābhede ca tatsvarūpaṃ mudrāśabde vakṣyate .

adhorāma pu° adhobhāge adhastādbhāge rāmaḥ śuklaḥ dṛṣṭitarpakatvāt tasya rāmatvam . adhobhāge śuklavarṇe āśvināvadhorāmāviti ya° 24, 1, adhorāmau adhobhāge śuklavarṇāvajāviti vedadīpaḥ .

adholoka pu° adho'dharo lokaḥ karma° . bhūmeradhaḥsthapātāle . adhobhuvanaśabde vivaraṇam .

adhovarcas tri° adhogāmi varca jyotiryasya . avācīnajyotiṣke tatte vidvān varuṇa! prabranīmyadhovarcasa iti vedaḥ .

adhovāyu pu° adhogāmī vāyuḥ śā° ta° . apānavāyau pardaśabdakārake vāte adhovāyusamutsarge prahāse'nṛtabhāṣaṇe ityupakramya karma kurvannupaspṛśe dityuktaṃ smṛtau .

adhyakṣa tri° adhigato'kṣaṃ vyavahāram atyā° sa° . nṛpasya chatradhāraṇādivyavahāreṣvadhikṛte . adhyakṣṇoti vyāpnoti adhi + akṣa--ac . vyāpake . adhigataṃ mūlatayā akṣamindriyam atyā° sa° . pratyakṣajñāne . arśa āditvāt aci . tadviṣaye tri° . dravyādhyakṣe tvacoyogo manasā jñānakāraṇamiti bhāṣā° . senāpatibalādhyakṣāviti manuḥ . adhiṣṭhātari sannidhimātreṇa niyantari ca mayādhyakṣeṇa prakṛtiḥ sūyate sacarācaramiti gītā yadadhyakṣeṇa jagatā vayamāropitāstvayeti kumā° kṣīrikāvṛkṣe pu° śabdārṇavaḥ .

adhyakṣara avya° akṣare--vibha° avyayī° . akṣaramadhikṛtyetyarthe .

adhyagni avya° agnau agnisamīpe vā vibhaktyarthe sāmīpye'rthe vā avyayī° . agnau agnisamīpe vetyarthe . tatra sthāne vivāhādau strībhyo datte dhanādau na° . smṛtiśāstre cāsminnarthe pāribhāṣāsya kṛtā yathā vivāhakāle yat strībhyo dīyate hyagnisannidhau . tadadhyagni kṛtaṃ sadbhiḥ strīdhanaṃ parikīrtitamiti kātyā° . adhyagnyadhyāvāhānikaṃdattaṃ ca prītikarmaṇi bhrātṛmātṛpitṛprāptaṃ ṣaḍvidhaṃ strīdhanaṃ smṛtamiti manuḥ . pitṛmātṛpatibhrātṛdattamadhyagnyupāgatam . ādhivedanikādyañca strīdhanaṃ parikīrtitamiti yājña° . vivāhakāle'gnāvadhikṛtya mātulādidattamiti mitākṣarā . adhyagnikṛtamityekaṃ padaṃ dattamadhyagnyupāgatamityekavākyatvāt kṛtaṃ dattamityarthaḥ ityeke .

adhyac tri° adhi + ancu--kvip . adhigantari .

adhyaṇḍā strī adhikamaṇḍamiva vījaṃ yasyāḥ 6 ta° . adhika vījavatyām (bhuṃi āmalā) iti khyātāyām bhūmyāmalakyām .

adhyadhikṣepa pu° adhiko'dhikṣepaḥ prā° sa° . atyantanindāyāmatiśayatiraskāre ca gurūṇāmadhyadhikṣepa iti .

adhyadhīna tri° ādhikyena adhīnaḥ . atyantādhīne garbhadāse tasya janmāvadhi dāsatvāt krayavikrayārhatvācca tathātvam .

adhyaya pu° adhi--iṅ--ik vā bhāve ac . adhyayane smaraṇe ca .

adhyayana na° adhi + iṅa--lyuṭ . paṭhane, gurumukhoccāraṇānusāriṇi uccāraṇe ca . adhyayanañcākṣaramātrapāṭha iti vaidikāḥ sārthākṣaragrahaṇamiti mīmāṃsakāḥ . ijyādhyayanadānāni tapaḥ satyaṃ kṣamā damaḥ . alobha iti mārgo'yaṃ dharmasyāṣṭividhaḥ smṛta iti abrāhmaṇādadhyayanamāpatkāle vidhīyate iti śrutādhyayanasampanna iti ca smṛtiḥ adhyayanaṃ ca vedādhyayanaṃ tatra ca traivarṇikānāmadhikāraḥ yathoktaṃ manunā . adhyāpanamadhyayanaṃ yajanaṃ yājanaṃ tathā, dānaṃ pratigrahañcaiva vrāhmaṇānāmakalpayat .. prajānāṃ rakṣaṇaṃ dānamijyādhyayanameva ca . viṣayeṣvaprasaktiñca kṣattriyasya samāsataḥ . paśūnāṃ rakṣaṇaṃ dānamijyādhyayanameva ca . baṇikpathaṃ kusīdañca vaiśyasya kṛṣimeva ca iti manuḥ . vedādhyayanañca brahmayajñatvenābhidhīyate tacca brahmayajñaśabde vakṣyate tacca sārthādhyayanameva praśastaṃ yathoktaṃ brāhmaṇasarvasve kūrmapurāṇe . na vedapāṭhamātreṇa santoṣaṃ kārayedguruḥ . pāṭhamātrāvasanastu paṅke gauriva sīdati . yo'dhītya vidhivadviprovedārthaṃ na vicārayet sa sānvayaḥ śūdrasamaḥ pātratāṃ na prapadyate . vyāsaḥ vedasyādhyayanaṃ kāryaṃ dharmaśāstrasyacāpi yat . ajānatārthaṃ tat sarvaṃ tuṣāṇāṃ kaṇḍanaṃ yathā tathā yathā paśurbhāravāhī na tasya bhajate phalam . dvijastathārthānabhijño na vedaphalamaśnute . tathā pāṭhamātraratānnityaṃ dvijātīṃścārthavarjitān . paśūniva ca tān prājñovāṅmātreṇāpi nārcayet . śrutahīnamadhītaṃ yanneha nāmutra tadbhavet . śrutantu kevalamapi samuddhārāya kalpate . sthāṇurayaṃ bhārahāraḥ kilābhūdadhītya vedaṃ na vijānāti yo'rtham . arthavit sakalaṃ bhadramaśrute nākameti jñānavidhūta pāṣmyā . vyāsaḥ . yo'dhīte nārthatattvajñastasya taddhāraṇaṃ vṛthā . bhāravāhīva bhṛtakaḥ kevalaṃ kleśabhāgbhavet . tasmādarthaparijñāne yatnaḥ kāryovijānatā . vyāsaḥ . jñānaṃ karma ca saṃyuktaṃ muktyarthaṃ kathitaṃ yathā . adhītaṃ śrutasaṃyuktaṃ tathā śreṣṭhaṃ na kevalam vyāsaḥ . adhītya yatkiñcidapi vedārthādhigame rataḥ . svargalokamavāpnoti dharmānuṣṭhānaviddvijaḥ . manuḥ vedaśāstrārthatattvajño yatra tatrāśrame vasan . ihaiva loke tiṣṭhan sa brahmabhūyāya kalpate . vyāsaḥ . samuccitaṃ stokamapi śrutādhītaṃ viśiṣyate . caturṇāmapi vedānā kevalādhyayanāt dvijāt . vṛhadvyāsaḥ anūcānāgranthinaḥ śreṣṭhā granthibhyo dhāriṇovarāḥ . dhāribhyaścārthatattvajñāstepyo'pyadhyātmacintakāḥ iti .. etacca syādhyeyo'dhyetavya iti śrutau mīmāṃsakaiḥ vistarato vyavasthāpitam .

adhyardha tri° adhikamardhaṃ yasya ba° . svārdhena sahite vastumātre . ekādhikaṃ harejjyeṣṭhaḥ putro'dhyardhaṃ tato'nuja iti manuḥ . ekādhikamaṃśaṃ dvāvaṃśāviti yāvat jyeṣṭhaputtro gṛhṇīyāt adhikarmaddhaṃ yatrāṃśe sārdhamaṃśaṃ iti kullū° . ardhaśabdaḥ rūpakārdherūḍhaḥ tena sārdharūpake ca . adhyardhapūrbāt krītādyarthe adhyardhapūrbadvigorlugasaṃjñāyāmiti pā° adhyardhapūrbāt dvigoścārhīyasya ṭaño luk . adhyardhakaṃsam . viṃśatikātkha iti ṣā° . khavidhānna luk . adhyardhaviṃśatikīnaṃ khāryāīkan pā° . ardhyardhakhārīkam paṇapādamāṣaśatādyat pā° . adhyardhapaṇyaṃ adhyardhapādyam adhyardhamāṣyam adhyardhaśatyam śāṇādveti pā° yat ṭhañ tasya lukca veti adhyardhaśāṇyam adhyardhaśāṇam . ityādayaḥ śabdāḥ tatkrītārthe tri° . adhyṛdhnoti yatra adhi + ṛdha--ādhāre ghañ . vāyau . katyeva devā yājñavalka! iti yājñavalkyaṃ prati śākalyapraśne tatra yājñavalkyena adhyardha ityuttaraṃ (vṛ° u0) dattam tasya viśeṣajñānāya katamo'dhyardha? iti punaḥ śākalyapraśne, yo'yaṃ pavata ityuktaṃ tatra pavata ityanena vāyurukaḥ . tadāhuryadayamekaeṣa pavate atha kathamadhyardha? iti . vāyorekatvena adhyardhaśabdārthasya sārdhatvasyāsambhave punarākṣipte yadasmin idaṃ sarvamadhyārdhnot tenādhyardha ityuttaram tena adhikavṛddhihetutvāt vāyoradhyardhatvāt tathātvam adhi + ṛdha--laṅ adhyārdhnot .

adhyavasāya pu° adhi + ava--so--ghañ . idamevameveti viṣayaparicchede niścaye . sa cātmadharma iti naiyāyikāḥ buddhidharma iti sāṃkhyādayaḥ . upāttaviṣayāṇāmindriyāṇāṃ vṛttau satyāṃ buddheḥ rajastamo'bhibhave sati yaḥ sattvasamudrekaḥ so'yamadhyavasāya iti vṛttiriti cākhyāyate iti sāṃkhyatattvakaumudīparibhāṣitalakṣaṇaḥ, kartavyamiti yo'yaṃ niścayaḥ citsānnidhyāt prāptacaitanyāyā buddheḥ pariṇāmaḥ so'yamadhyavasāya ityuktalakṣaṇo vā niścayaḥ . prativiṣayādhyavasāyo dṛṣṭamiti sāṃ° kā° . utsāhe ca . utsāhaśca karmasu sukaratvena jñānāt udyamabhedaḥ .

adhyavasāyita tri° adhyavasāyo jāto'sya tārā° itac . jātādhyavasāye .

adhyavasāyin tri° adhi + ava--so--ṇini . utsāhānvite niścayavati ca .

adhyavahanana na° adhi--upari avahananam . pūrbāvaghātena vituṣīkaraṇe'pi punaravaghāte . tena ca vrīhīnavahantīti niyamapālanam .

adhyaśana na° adhikamaśanam . sājīrṇe bhujyate yattu tadadhyaśanamucyate iti suśrutokte ajīrṇe'pi aghikāśane . yathoktaiḥ prakopaṇairviruddhādhyaśanastrīprasaṅgetyādi suśrutam .

adhyasta tri° adhi + asa--karmaṇi kta . kṛtādhyāse āropite, adhyāsaścāgre vakṣyate tadviṣaye mithyābhūte padārthe . śuktau rajatamadhyastam brahmaṇi jagadadhyastamityādi .

adhyātma avya° ātmānaṃ dehamindriyādikaṃ kṣetrajñaṃ brahma vā'dhikṛtya ṭac samā° . dehamindriyādikam ātmānaṃ brahma vādhikṛtyetyarthe . tatra dehādhikāre adhyātmamiti vṛ° u° adhidevatāśabde dṛśyam, tatra prāṇādyadhikāreṇa antaryā- . mitvamuktam . kṣetrajñādhikāre adhyātmayogādhigameneti . adhyatmaratirāsīno nirākāṅkṣo nirāmiṣa iti manuḥ . ātmānaṃ brahmādhikṛtyeti kullū° . jarāmaraṇamokṣāya māmāśritya yatanti ye . te brahma tadviduḥ kṛtsnamadhyātmaṃ karma cākhilamiti gītā . te janāḥ paraṃ brahma kṛtsnamadhyātmañca viduḥ . ye tat prāptavyaṃ dehādivyatiriktaṃ śuddhamātmānañca jānantīti śrīdha° . akṣaraṃ paramaṃ brahma svabhāvo'dhyātmamucyate iti gītā . svasyaiva brahmaṇa evāṃśatayā jīvasvarūpeṇa bhāvobhavanaṃ sa evātmānaṃ dehamadhikṛtya bhoktṛtvena vartamāno'dhyātmaśabdenocyate iti śrīdharaḥ . tena dehādhikāreṇa bhoktṛtayā brahmaṇo'ṃśasya jīvabhavane'sya pāribhāṣikatvaṃ sūcitam adhyātmavidyā vidyānāṃ vādaḥ pravadatāmahamiti gītā sā ca vidyā nyāya vaiśeṣikamate dehabhinnatvena, sāṃkhyādimate prakṛtibhinnatvena ātmanaḥ svarūpādipratipādikā . vedāntimate tu brahmābhinnatveneti bhedaḥ . sarveṣāṃ mate'pyātmatattvajñānarūpatvāttasyā adhyātmavidyātvam . tatra naiyāyikavaiśeṣikamate ātmā dvividhaḥ jīvātmā paramātmā ca . tatra jīvātmānamadhikṛtya udayanācāryeṇa ātmatattvavivekarūpaprakaraṇaṃ, paramātmānamadhikṛtya ca kusumāñjalināmakamaparaṃ prakaraṇaṃ niramāyi . sāṃkhye īśvarānabhyupamena puruṣasya prakṛtyādibhyo vivekajñānāya ṣaḍadhyāyīrūpaṃ kapilamuninā, tanmūlakamīśvarakṛṣṇena ca sāṃkhyakārikāḥ saptatiḥ niramāyiṣata, vācaspatinā ca tā vyākhyātāḥ tataeva vistaro'vaseyaḥ . pātañjale tu jīvānāmīśvarasya ca bhedasvīkāre'pi īśvarapraṇidhānena puruṣasya prakṛtyādibhyo bhedasākṣātkāra iti bhedaḥ . adhikaṃ tattacchabde vakṣyate . mayi karmāṇi sarvāṇi saṃnyasyādhyātmacetaseti gītā . adhyātmacetasā vivekabuddhyā . adhyātmaṃ jātaḥ ṭhañ . anuśatikā° dvipadavṛddhiḥ . ādhyātmikaṃ daihike mānasike ca duḥkhādau tri° .

adhyātmadṛś tri° adhyātmaṃ paśyati ddṛśa--kvin . ātmajñe viṣayatyāgenātmamātradarśake .

adhyātmayoga pu° ātmānaṃ kṣetrajñamadhikṛtya yogaḥ . viṣayebhyaḥ pratisaṃhṛtya cetasaātmani samavadhāne . adhyātma yogādhigameneti .

adhyātmarāmāyaṇa na° ātmānamadhikṛtya kṛtaṃ rāmasyāyanaṃ yatra . vālmīkipraṇīte adhyātmajñānapratipādake prasaṅgato rāmacaritajñāpake svanāmakhyāte granthabhede .

adhyātmaśāstra na° adhyātma pratipādakaṃ śāstram . ātmasvarūpādi pratipādakagranthe .

adhyāpaka pu° adhyāpayati adhi + iṅ ṇic--ṇvul . adhyayanakārayitari, upādhyāye ca . bhṛtakādhyāpakoyastu bhṛtakādhyāpitastatheti manuḥ . asya akāntatve'pi yājakādigaṇe pāṭhāt ṣaṣṭhīsamāsaḥ tena vedādhyāpakaḥ nyāyādhyāpaka iti . adhyāpakaśca dvividhaḥ ācārya upādhyāyaśca yathoktaṃ viṣṇunā yastūpanīya vratādeśaṃ kṛtvā vedamadhyāpayettamācāryaṃ vidyāt . yastvenaṃ mūlyenādhyāpayedakadeśaṃ vā tamupādhyāyamiti .

adhyāpana na° adhi + iṅ--ṇic--bhāve lyuṭ . pāṭhanāyām . yājanādhyāpanaṃ tatheti manuḥ . adhyāpanañca trividhaṃ dharmārthamṛkthakāraṇam śuśrūṣākāraṇañceti trividhaṃ parikīrtitamiti hārītasaṃhitoktestrividhamadhyāpanam adhyāpanaprakārādi yathā nāparīkṣitaṃ yājayet nādhyāpayet nopanayeta .. yo'dharmeṇāha yaścādharmeṇa pṛcchati tayoranyataraḥ praiti, vidveṣaṃ vādhigacchati .. dharmārtho yatra na syātāṃ śuśrūṣā vāpi tadvidhā . tatra vidyā na vaptavyā śubhaṃ vījamivoṣare . vidyāha vai brāhmaṇamājagāma gopāya māṃ śevadhiste'hamasmi . asūyakāyānṛjave'yatāya na māṃ brūyāvīryavatī tathā syām .. yameva vidyāḥ śucimapramattaṃ medhāvinaṃ brahmacaryopapannam . yaste na druhyet katamāṃśca nāha tasmai māṃ brūyā vidhipāya brahman iti .. yuci tu strītvāt ṭāpi, adhyāpanā tasminnevārthe strī .

adhyāpita tri° adhi--iṅ--ṇic karmaṇi kta . pāṭhite adhyāpitasyośanāsāpi nītimiti kumā° .

adhyāpya tri° adhi iṅ--ṇic--karmaṇi yat . pāṭhanīye adhyāpayitumarhe chātre brahmāñjalikṛto'dhyāpyo laghuvāsā jitendriya iti manunādhyapanīyārhatā darśitā .

adhyāya pu° adhi + iṅ--ghañ . adhyayane, karmaṇi ghaña . vedādiśāstrasya ekārthakaviṣayasamāptidyotake viśrāmasthāne aṃśaviśeṣe, sargovargaḥ paricchedodghātādhyāyāṅkasaṃgrahāḥ . ucchāsaḥ parivartaśva paṭalaḥ kāṇḍameva ca . sthānaṃ prakaraṇañcaiva parvollāsāhnikāni ca . purāṇādau paricchedā aneke parikīrtitā ityuktānyatamaprakāre ca saṃkalpite stotrapāṭhe saṃkhyāṃ kṛtvā paṭhet sudhīḥ adhyāya prāpya viramenna tu madhye kadācana . kṛte virāme madhye tu adhyāyādiṃ punaḥ paṭhediti ma° sū° svādhyāyo'dhyetavya iti śrutiḥ .

adhyārūḍha tri° adhi + ā + ruha karmaṇi kartari vā kta . ākrānte, adhyārohaṇakartari upariṣṭāt arohaṇakartari, samārūḍhe, adhike ca .

adhyāropa pu° adhi + ā--ruha--ṇic--pāntādeśaḥ ghañ atasmin tadbuddhirāropaḥ mithyājñānam kiñcidadhiṣṭhānamadhikṛtya tādṛśāropaḥ adhyāropaḥ yathā asarpabhūtāṃ rajjumadhikṛtya sarpāropaḥ tathaiva ajagadrūpe brahmaṇi jagadrūpāropaḥ . tādṛśe mithyājñāne . sa eṣa vījāṅkurādivadavidyākṛtaḥ saṃsāra ātmani kriyākārakaphalādhyāropalakṣaṇo'nādirananta iti vṛ° upa° bhāṣyam .

adhyāropaṇa na° adhi + ruha--ṇic pāntādeśaḥ lyuṭ . atiśayenāropaṇe dhānyādervapane .

adhyāvāpa pu° adhi + ā + vapa--ṣañ . adhivapane sasyānāmāvāpe . ādhāre ghañ . tadādhārakṣetre .

adhyāvāhanika na° adhyāvāhanaṃ pitṛgṛhāt bhartṛgṛhāgamanaṃ tatkāle labdham adhi + ā + vaha--lyuṭ tataḥ labdhārthe ṭhan . yat punarlabhate nārī nīyamānā hi paitṛkāt . adhyāvāhanikaṃ nāma strīdhanaṃ parikīrtitamiti smṛtyuktalakṣaṇe pitṛkulāt bhartṛkulagamanakāle tebhyaḥ prāpte strīdhane . adhyagnyadhyāvāhanika strīdhanaṃ ṣaddhvidhaṃ smṛtamiti smṛtiḥ .

adhyāsa pu° adhi + asa--kṣepe ghañ . mithyājñāne āha ko'yamadhyāso? nāmeti praśne smṛtirūpaḥ paratra pūrbadṛṣṭāvabhāsa iti śā° bhāṣyam . smṛteḥ rūpamiva rūpamasya saṃskāraprabhavatvāt . paratra anyasmin svabhinne svābhāvavati ca pūrbadṛṣṭasya pūrbānubhūtasyāvabhāso jñānam . yathā śuktau rajatabhinnāyāṃ pūrbadṛṣṭasya rajatasyābhedajñānam, svābhāvavati ca sphaṭike pūrbānubhūtasya lohitarūpasya vā jñānam . tathābhūte mithyābhūtajñāne . tatra cādhyāse adhiṣṭhānaśuktyādau indriyasaṃprayoge satyapi tasya viśeṣarūpeṇājñānāt sāmānyākāreṇa idantvādirūpeṇa jñānaṃ, sādṛśyajñānam, āropyamāṇasya saṃskāraśceti kāraṇatrayaṃ sati ca tasmin cākacakyādidoṣaviśeṣāt adhiṣṭhānaviśeṣajñānaṃ pratirudhya, rajatādisaṃskāre codbodhite tatrānirvacanīyaṃ rajatādikaṃ śuktyādyajñānenotpādyate tadākāravṛttiśca janyate tatra āvidyikarajatādyanutpattau idaṃ rajataṃ paśyāmītyādyanubhavānupapattiḥ naca smaraṇena tasyopapattiḥ smaraṇasya viṣayāpravartakatvāt taduttaraṃ pravartate ca tattadgrahaṇāya sarvaḥ . nāpi alaukikapratyakṣarūpatā sākṣātkaromītyanubhavasya sākṣātkāraviṣayatvāt anyathānumānādīnāmapi alaukikapratyakṣatvāpatteḥ tatpūrbaṃ niyataṃ tattajjñānasyāvaśyambhāvena viśiṣṭālaukikapratyakṣāpatterdunaivāratvāt ataḥ tattadgrahaṇāya pravartakasya tattajjñānasya pratyakṣatvasamarthanāya anirvacanīyaṃ rajatādikam adhiṣṭhānājñānena tatrādhiṣṭhāne utpadyate iti kalpyaṃ pratyakṣe hi viṣayasannikarṣaḥ kāraṇetvena kḷptaḥ deśāntarastharajatādikaṃ tu na indriyasannikṛṣṭamityagatyā tathā kalapyate . ataeva śrutau yatra dvaitamiva bhavati taditara itarat paśyatīti atha rathān rathayogān pathaḥ sṛjate iti ca jāgare dvaitasya ivaśabdena mithyātvaṃ sūcitam . svapna ca rathādeḥ spaṣṭaṃ sṛṣṭiruktā . tathāca brahmaṇi jagadāderanirvacanīyasya tadajñānenotpattiḥ . iyāṃstu viśeṣaḥ rajatādeḥ svapnarathādeśca pratītisamakālatvaṃ, viyadādestu vyavahārikatvam . dehātmapratyayo yadvat pramāṇatvena kalpitaḥ laukikaṃ tadvadevedaṃ pramāṇaṃ tvātmaniścayādityukteḥ vyavahārakāle viyadādiprameyāṇāṃ satyatvaṃ, paramārthadṛṣṭyā tu mithyātvamiti anyadārtamityādi śrutyā ca brahmabhinnānāṃ mithyātvāvagamāt . adhikamākare dṛśyam .

adhyāsana na° adhi + āsa--upaveśe lyuṭ . nivāse . vibha° avyayī° . āsane ityarthe avya° .

adhyāsita tri° adhi + āsa ādhārasya karmasaṃjñāyāṃ karmaṇi kta . adhiṣṭhite . dhenvā tadadhyāsitakātarākṣyeti raghuḥ .

adhyāhāra pu° adhyāruhyate jñānāyānusandhīyate adhi + ā + hṛ--ghañ . ākāṅkṣāviṣayapadānusandhāne, ūhe, tarke, apūrbotprekṣaṇe ca . ūhasvarūpamūhaśabde tarkasvarūpaṃ ca tarkaśabde vakṣyate .

adhyuṣita tri° adhi + vasa--ādhārasya karmasaṃjñayā karmaṇi kta . adhiṣṭhite sthānādau .

adhyuṣṭra tri° adhigatamuṣṭraṃ vāhanatvena atyā° sa° . uṣṭravāhanayukte śakaṭādau . (uṭhagāḍi) .

adhyūḍha tri° adhi upari ūḍhaḥ . avalambanatvena uparibhāveṇa avalambite . tasmādṛcyadhyūḍhaṃ sāma gīyate iti chā° upa° . ṛcamavalambyaiva sāmno gīyamānatayā ṛcyadhyūḍhatvam . adhikavṛddhiyukte, samṛddhe ca . kṛtasāpatnikāyāṃ prathamāyāṃ yasyā upari vivāhāntaraṃ kṛtaṃ tādṛśyāṃ striyām strī .

adhyūdhnī strī adhikamūdhoyasyāḥ anṅ ṅīp ca . samṛddhāpīnāyāṃ dhenvām adhyūdhnīṃ hotre prayacchatīti śrutiḥ ūbadhādhyūdhnīvaniṣṇuṣu samuccaya iti kā° 1, 8, 81 .

adhyetavya tri° adhi--iṅa karmaṇi kta . pāṭhye svādhyāyo'dhyetava iti śrutiḥ . arhārthe tavya . adhyetumarhe śrotavyamiha śūdreṇa nādhyetavyaṃ kadācaneti smṛtiḥ .

adhyeṣaṇa na° adhi--iṣa--preraṇe lyuṭ . satkārapūrbakamācāryādeḥ preraṇe, pravartanamātre ca . yuci ṭāp tasminnevārthe strī . adhikā eṣaṇā prārthanā . adhikaprārthane strī .

[Page 141b]
adhri tri° na--ghṛ--ki . adhṛte . na + dhṛṣa--ḍri, adhṛṣye .

adhrigū tri° adhri + gama--kū--ḍicca ūṅādeśo vā . adhṛtagamane . yadadhrigāvo'dhrigū idācidahno aśvinā iti ṛ° 8, 22, 11, adhrigāvo'dhṛtagamanā adhrigūadhṛtagamanāviti bhā° .

adhrija tri° adhrimadhṛtamadhṛṣyaṃ vā janayati jana--antarbhūtaṇyarthe, ḍa . adhṛtajanake adhṛṣyajanake ca . iti cinmanyumadhrija iti ṛ° 5, 7, 10 adhrijaḥ adhṛtamanyaiḥ agnivyatiriktaiḥ adhṛṣyaṃ vā janayitā iti bhā° .

adhruva tri° na° ta° . aniścite, cañcale, asthire ca . yodhruvāṇi parityajya adhruvāṇi niṣevate . dhruvāṇi tasya naśyanti adhruvaṃ naṣṭameva hi iti hito° .

adhruṣa pu° śothaḥ sthūlastodadāhaprakāśī raktājjñeyaḥ so'dhruṣo rugjvarāḍhya iti suśrutokte vikṛtaraktādije jvarakārake śotharogabhede .

adhvaga pu° adhvat + gama--ḍa . pathike adhvagamanaprakāraśca viṣṇusaṃhitāyāmuktaḥ . yathā naiko'dhvānaṃ prapadyeta nādhārmikaiḥ sārdham, na vṛṣalaiḥ, na dviṣadbhiḥ, nātipratyūṣam, nātisāyam, na sandhyayoḥ, na madhyāhne, na sannihitapānīyam, nātitūrṇam, na rātrau, na santata vyādhitārtairvāhanaiḥ, na hīnāṅgaiḥ, na rogibhiḥ, na dīnaiḥ, na gobhiḥ, nādāntaiḥ, yavasodakairvāhanānāmadattvātmanaḥ kṣuttṛṣṇāpanodane na kuryāt . na catuṣpathamadhitiṣṭhet, na rātrau vṛkṣamūlam, na śūnyālayaṃ, na tṛṇam, na paśūnāṃ bandhanāgāram, na keśatuṣakapālāsthibhasmāṅgārān, na kārpāsāsthi . catuṣpathaṃ pradakṣiṇīkuryāt devatāñca . prajñātāṃśca vanaspatīn, agnibrāhmaṇagaṇikāpūrṇakumbhādarśacchatradhvajapatākāśrī vṛkṣavardhamānanandyāvartāṃśca, tāladantacāmarāgnigajājagodadhikṣīramadhusiddhārthakāṃśca, vīṇācandanāyudhārdra gomayapuṣpaśākagorīcanādūrvāprarohāṃśca, uṣṇīṣālaṅkāramaṇikanakarajatavastrāsanayānāmiṣāṃśca, bhṛṅgāroddhṛtorvarārajjubaddhapaśukumārīmīnāṃśca dṛṣṭvā prāyāditi . mattonmattavyaṅgān dṛṣṭvā nivarteta vāntaviviktamuṇḍamalinavasanajaṭilavāmanāṃśca, kaṣāyipravrajitamalināṃśca, tailaguḍaśuṣkagomayendhanatṛṇakuśapalāśabhasmāṅgārāṃśca, labaṇaklīvāsavanapuṃsakakārpāsarajjunigaḍamuktakeśāṃśca, vīṇācandanārdrakāśoṣṇīṣālaṅkaraṇakumārīḥ prasthānakāle'bhivandayediti . devabrāhmaṇagurudīkṣitānāṃ chāyāṃ nākrāmet, niṣṭhyūtavāntarudhiraviṇmutrasnānodakāni vā . na vatsatantrīṃ rlaṅghayet . pravarṣati na dhāvan, na vṛthā nadīṃ taret . na devatābhyaḥ pitṛbhyaśca kāmaṃ pradāya, na bāhubhyām, na bhinnayā nāvā . na kacchamadhitiṣṭhet . na kūpamavalokayet, na laṅghayet . vṛddhabhārinṛpasnātastrīrogivaracakriṇām panthādeyo nṛpasteṣāṃ mānyaḥ snātaśca bhūpateriti . santānakatarucchāyasuptavidyādharādhvagamiti kumā° . sūrye, uṣṭre, ca . pathigāmukamātre tri° . gaṅgāyāṃ strī aśvatare pu° .

adhvagat tri° adhvānaṃ gacchati kvip . pathike .

adhvagabhogya pu° adhvagena atisaulabhyāt ayatnalabhyaphalatvācca bhogyaḥ 3 ta° . (āmaḍā) iti prasiddhe āmrātakavṛkṣe . anāyāsena tatphalasya bhogyatvāttasya tathātvam .

adhvajā strī adhvani jāyate jana--ḍa 7 ta° . (sonā) iti khyāte svarṇapuṣpīvṛkṣe .

adhvan pu° atti balam ada--kvanip dhādeśaḥ . pathi, api laṅghitamadhvānaṃ bubudhe na budhopamaḥ iti raghuḥ . adhvānamadhvāntavikāralaṅghya iti ku° . naiko'dhvānaṃ gacchediti viṣṇu sa° . ākāśe pu° niruktakāraḥ . adhikadurārohaṇe ca . sarvabhakṣakatvāt kāle, hiṃsreca . adyate khaṇḍaśo bhakṣyate'neneti karaṇe kvanip . avayave . prā° sa° . upasargapūrvādacsamā° . vyadhvaḥduradhvaḥ (kupathaḥ) prā° ba° . kadādeśaḥ kadadhvā . avayavaśca vedasya śākhā'pi yathā evaṃviśatyadhvayuktamṛgvedamṛṣayo viduḥ . sahasrādhvā sāmavedo yajurekaśatādhvakamiti .

adhvanīna tri° adhvānamalaṃ gacchati adhvan + kha . pathike . pathigamanakṣame .

adhvanya tri° adhvānamalaṃ gacchati adhvan + yat . pathike . pathi kṣipragabhanakṣame śīghragāmini . kṣipraṃ tato'dhvanyaturaṅgayāyīti bhaṭṭiḥ .

adhvapati tri° 7 ta° . mārgapālake . sūrye pu° divaiva pathikānāṃ gamanāt rātrau ca na rātrāviti viṣṇunā gamananiṣedhāt sūryasya tatpālakatvam adhvanāmadhvapate! prasā tira svasti me'smin devayāne pathīti yaju° . adhvapate! mārgapālakarave iti vedadīśaḥ .

adhvara pu° adhvānaṃ satpathaṃ rāti rā + ka . yajñe . adhvareṣviṣṭināṃ pāteti bhaṭṭiḥ . tamadhvare viśvajiti kṣitīśamiti raghuḥ . ākāśe niruktakāraḥ . aṣṭavasumadhye dvitīyavasau ca . nadhvarati kuṭilā na bhavati dhvṛ--ac na° ta° . akuṭile ca . daivyā hotārā urdhamadhvaraṃ na iti 27, 18 imaṃ yajñamavatāmadhvaraṃ na iti yaju° . 27, 17 adhvaraṃ akuṭilaṃ śāstroktamiti vedadīpaḥ . sāvadhāne tri° naḍā° phak . ādhvarāyaṇaḥ .

adhvarakarman na° adhvaraeva karma . yajñarūpakarmaṇi .

adhvaramīmāṃsā strī adhvarasya yajñasya kartavyatājñānāya mīmāṃsā vicāraḥ . jaiminīyaprokte athāto dharmajijñāsetyādi dharmamīmāṃsākhye śāstre .

adhvaratha pu° adhvaivaṃratho yasya ba° . pathiprajñe dūte . adhvane hitaḥ paryāpto ratho yasya ba° . pathigamanopayukte rathe . cakraviśiṣṭorathastāvat krīḍārthaḥ, devayānārthaḥ vinayārthaḥ pathigamanārthaḥ gantrīrathaceti bhedāt pañcavidhaḥ . iti hemacandraḥ .

adhvaryu pu° adhvaramicchati adhvara + kyac--yuc tato'ntyākāralopaḥ . yajurvedajñe homakāriṇi ṛtviji . nirmimīte kriyāsaṅghairadhvaryuryajñiyaṃ vapu riti sā° bhā° . somayāge ṣoḍaśasu dhvatvikṣu caturṣu pradhāneṣu madhye ṛtvidbhede tadvivaraṇam acchāvākaśabde dṛśyam . hotā prathamaṃ śaṃsati tamadhvaryuḥ protsāhayatīti si° kau° . tvamadhvaryuruta hotāsi pūrbāḥ praśāstāpotā januṣā purohita iti ṛ° 1, 94, 6 . yopadhatvāt striyāṃ na ṅīp . adhvaryorbhāvaḥ karma udgā° aṇ ādhvaryavam tadbhāvādau na° .

adhvaśalya pu° adhvani śalyamivācaratīti kvip + ac . pathikānāṃ pādavastrādau śalyavadvedhakārake (āpāṅ) iti khyāte apāmārgavṛkṣe .

adhvasman tri° dhvansa--manin kicca na° ta° . dhvaṃsarahite adhvasmabhiḥ pathibhiḥ bhrājadṛṣṭaya iti ṛ° 2, 24, 5, adhvasmabhiḥ dhvaṃsarahitairiti bhā° adhvasmānodiviṣviti ṛ° 13040 .

adhvāti pu° adhvānamatati ata i 6 ta° . pathike . addhā niścayamatati addheti dopado dhāntaḥ . medhāvini nirukta° .

adhvāntaśātrava pu° adhvāntasya mārgasīmāyāḥ śātrava iva . śconākavṛkṣe . 6 ta° . mārgasīmāripau pu° .

adhvāyana na° adhvani ayanaṃ gatiḥ . yātrāyām adhyāyanañca grahacārakarma saureṇa mānena sadādhyavasye diti viṣṇudha° purā° . adhvāyanamadhvagamanaṃ yātreti yāvaditi raghu° .

[Page 143a]
ana jīvane adā° para° aka° seṭ . aniti ānīt . ghañ ānaḥ, acnaḥ, lyuṭ ananam . ānayati aniniṣati . kvip at sarvaṃ khalvidaṃ brahma tajjalāniti viśve canedanā ṛ° 430, 3, anā prāṇeneti bhā° chā° upa° yadyeṣa ākāśa ānando na syāt kohyevānyāt? kaḥ prāṇyāt? iti śrutiḥ prāṇivastava mānārthamiti bhaṭṭiḥ . prādyupasargatoviśeṣagatyarthatā . pra + prāggatau, prāṇaḥ apa + adhogatau apānaḥ, ud + urdhvagatau udānaḥ, vi + ā + viṣvaggatau vyānaḥ, sam + samantādgatau samānaḥ . yadvai prāṇiti sa prāṇaḥ yadapāniti so'pānaḥ iti śrutiḥ . jīvanaṃ ca prāṇadhāraṇaṃ tena dhātvarthagṛhītakarmakatvādakarmakaḥ yasya saṃyogāt dehanirmāṇamityuktamadhiṣṭhānaśabde . upasarganimittāt halantatve'pyasya ṇatvaṃ prāṇ .

ana jīvane divā° ātma° aka° seṭ . anyate āniṣṭa .

ana pu° ā + nī--bā° ḍa pṛ° āṅī hrasvaḥ ana--bā° ac vā . ānayane prāṇane ca prāṇo'pāno vyāna udānaḥ samāno'na ityetatsarvaṃ prāṇa iti vṛ° upa° . atha prāṇa ucyate . prāṇo mukhanāsikasañcāryāhṛdayavṛttiḥ . praṇayanāt prāṇaḥ . apanayanānmutrapurīṣāderapāno'dhovṛttiḥ ānābhisthānaḥ . vyāno vyānayanakarmā, vyānaḥ prāṇāpānayoḥ sandhirvīryavatkarmahetuśca . udāna utkarṣordhvagamanādiheturāpādatalamastakasthāna ūrdhvavṛttiḥ . samānaḥ samaṃ nayanādbhuktasya pītasya ca koṣṭhasthāno'nnapaktā . ana ityeṣāṃ vṛttiviśeṣāṇāṃ sāmānyabhūtā sāmānyadehaceṣṭāsagvandhinī vṛttirevaṃ yathoktaṃ praṇādivṛttijātametat sarvaṃ prāṇa eveti bhā° . prāṇe ca sa hovāca kiṃ me'nnaṃ bhaviṣyatīti yatkiñcididamā śvabhya ā śakunibhya iti hocustaddhā etadanasyānnamano ha vai nāma pratyakṣamiti chā° u° sa hovāca mukhyaḥ prāṇaḥ, kiṃ me'nnaṃ bhaviṣyatīti mukhyaprāṇaṃ praṣṭāramiva kalpayitvā vāgādīn prativaktṝniva kalpayantī śrutirāha . yadidaṃ loke'nnajātaṃ sarvaprasiddhamā śvabhya ā śvabhiḥ saha, ā śakunibhyaḥ saha śakunibhiḥ sarvaṃ prāṇināṃ yadannaṃ tattavānnamiti hocurvāgādaya iti . prāṇasya sarvamannaṃ prāṇo'ttā sarvasyānnasyetyevaṃpratipattaye kalpitākhyāyikārūpādvyāvṛtya svena śrutirūpeṇāha . tadvai etadyatkiñcilloke prāṇibhirannamadyate anasya prāṇasya tadannam bhā0

anaṃśa tri° nāsti aṃśodāyagrahaṇādhikāro'sya . aṃśānadhikāriṇi smṛtyukte klīvapatitādau . te ca sarve hi dharmayuktā bhāgino dravyamarhanti yastvadharmeṇa dravyāṇi pratipādayati jyeṣṭho'pi tamabhāgaṃ kurvīteti āpa° . savarṇājopyaguṇavānnārhaḥ syāt paitṛke dhane . tatpiṇḍadāḥ śrotriyā ye teṣāṃ tadabhidhīyate . uttamarṇādhamarṇebhyaḥ pitaraṃ trāyate sutaḥ . atastadviparītena nāsti tena prayojanam . tayā gavā kiṃ kriyate yā na dhenurna garbhiṇī . ko'rthaḥ putreṇa jātena yo na vidvān na dhārmikaḥ . śāstraśauryārtharahitastapovijñānavarjitaḥ . ācārahīnaḥ puttrastu mūtroccārasamastu sa iti vṛha° śrāddhādeḥ puttrakartṛkatayā mahāphalaśrutestatkarmavetanaṃ dhanasambandhitvaṃ atastadakurvataḥ kuto vetana? miti dā° bhā° . ataevāha manuḥ . sarvaeva vikarmasthā nārhanti bhrātaro dhanam . tathā anaṃśau klīvapatitī jātyandhabadhirau tathā . unmattajaḍamūkāśca ye ca kecinnirindriyāḥ iti . patitastatsutaḥ klīvaḥ paṅgarunmattako jaḍaḥ . andho'cikitsyarogārto bhartavyāste niraṃśakā iti kātyā° . devalaḥ mṛte pitari na klīvakuṣṭhyunmattajaḍāndhakāḥ . patitaḥ patitāpatyaṃ liṅgī dāyāṃśabhāginaḥ . teṣāṃ patitavarjebhyo bhaktavastraṃ pradīyate . tatsutāḥ pitṛdāyāṃśaṃ labheran doṣavarjitā iti . baudhāyanaḥ . atītavyavahārān grāsācchādanairbibhṛyuḥ, andhajaḍaklīvavyasanivyādhitādīṃścākarmiṇaḥ patitatajjātavarjam iti . pitṛdviṭ patitaḥ paṇḍo yaśca syādaupapātikaḥ . aurasā api naite'ṃśaṃ labheran kṣetrajāḥ kutaḥ? . iti nāra° akramoḍhāsutaścaiva sagotrādyastu jāyate . pravrajyāvasitaścaiva na rikthaṃ teṣu cārhati . akramoḍhāsutastvṛkthī savarṇaśca yadā pituḥ . asavarṇaprasūtaśca kramoḍhāyāśca yo bhavet . pratilomaprasūtoyastasyāḥ puttro na rikathabhāk . grāsācchādanamātraṃ tu deyaṃ tadbandhubhirmatam bandhūnāmapyabhāve tu pitryaṃ dravyaṃ tadāpnuyāt . svapitryaṃ taddhanaṃ prāptaṃ dāpanīyā na bāndhavā iti kātyā° . evaṃ darśitāḥ . aṃśaḥ avayavaḥ . tacchūnye nirayave ākāśādau, parameśvare ca .

anaṃśumatphalā strī na aṃśumat mocakābhyantarasthatvāt phalaṃ yasyāḥ . kadalyām jaṭādharaḥ .

anaka pu° aṇakavat . adhame, kutsite ca .

anakṣ tri° na akṣṇoti vyāpnoti viṣayamindriyeṇa akṣa--kvip na° ta° . andhe cakṣurindriyaśūnye . pratiśroṇaḥ sthā vyanagacaṣṭeti ṛ° 2, 15, 7, pūrbamandhaḥ adhunā cakṣurlābhāt vyacaṣṭeti bhā° .

anakṣa tri° nāsti akṣaṃ cakraṃnetrādikamindriyaṃ vā yasya ba° . cakraśūnye, cakṣurādīndriyaśūnye ca . apānakṣāso badhirā ahāsata iti ṛ° 9, 73, 6, anakṣāsaścakṣurvarjitāḥ iti bhā° vede saumyāsa iti vat anakṣāsa iti . rūpasiddhiḥ .

anakṣara na° apraśastānyakṣarāṇi yatra ba° . sadguṇasyākṣepake doṣodghoṣakavākye, avācye nindāvacane, (gāli) iti pramiddhe duṣṭavacane ca . na santi akṣarāṇi jñeyatvenāsya . akṣarajñānaśūnye mūrkhe tri° .

anakṣi pu° apraśastaṃ mandamakṣi na° ta° . mandanetre . ba° . ṣacsamāsāntaḥ . tatra anakṣa ityeva . tadvati . striyāṃ ṅīṣ .

anagāra tri° nāsti agāramasya . gṛhaśūnye . aniketane . pravrajite, munyādau ca pu° .

anagna tri° na nagnaḥ . adigambare ācchadanavati ca yahvonavasanā anagnā iti ṛ° 3, 1, 6, . sa hovāca kiṃ me vāso bhaviṣyatītyāpa iti hocustasmādvā etadaśiṣyantaḥ purastāccopariṣṭāccādbhiḥ paridavati lambhuko yathā vāso bhavatyanagno ha bhavatīti chā° u° . tasmātprāṇasya vāsa āpastasmādvā etadaśiṣyanto bhokṣyamāṇā bhuktavantaśca brāhmaṇā vidvāṃsa etatkurvanti . kiṃ adbhirvāsasthānīyābhiḥ purastādbhojanātpūrbamupariṣṭācca bhojanādūrdhvañca paridadhati paridhānaṃ kurvanti mukhyasya prāṇasya lambhuko lammanaśīlo vāsobhavati . vāsaso labdhaiva bhavatītyarthaḥ . anagno bhavati . vāsaso lambhukatvenārthasiddhaivānagnatā ityanagno ha bhavatītyu ttarīyavān bhavatītyetat iti bhāṣyam .

anagni pu° nāsti agniḥ śrautaḥ smārto vā'sya . śrotena smārtena vā vidhinā anāhitāgnau gṛhasthabhede, sarvathā agniśūnye, pravrajite ca . anagniraniketaśca munirmūlaphalāśana ini manuḥ . na° ta° . agnibhinne pu° . anagnāviva śuṣkaidho na tajjvalati karhiciditi smṛtiḥ . 7 ba° . agnicayanarahite yajñe ca . anagnāvuttaravedim, kātyā° 26, 7, 11, anagnau agnirahite anagnicitye yajñe, uttaravediṃ pratigacchatīti tadvākhyā .

anagnitrā na agniṃ trāyate rakṣati asama° sa° . agnirakṣaṇākare pāpiṣṭhe anagnitrā abhyamanta kṛṣṭīḥ ṛ° 1, 189, 3, anagnitrāḥ pāpinyaḥ kṛṣṭayaḥ prajā iti bhā° .

anagnidagdha tri° na agninā dagdhaḥ asa° sa° . śmaśānakarmaṇi agnisaṃskārahīne ye agnidagdhā ye anagnidagdhā madhye diva iti ṛ° 10, 15 24, anagnidagdhāḥ śmaśānakarma na prāptā iti bhā° . viprāṇāṃ pitṛbhede agnidagdhānagnidagdhān kāvyān varhiṣadastathā agniṣvattāṃśca saumyāṃśca viprāṇāmeva nirdeśediti manuḥ . vahninā adagdhe ca .

anagha tri° nāsti aghaṃ pāpaṃ duḥkhaṃ vyamanaṃ kāluṣyaṃ vā yasya . pāpaśūnye, duḥkhahīne, vyasanaśūnye, malaśūnye, svacche ca . viṣṇau pu° anagho vijayo jeteti vi° saha° . sa ātmā'pahatapāpmetyādi śrutau tasya pāparāhityoktestathātvam . tatra duḥkhaśūnye, dayālumanaghaspṛṣṭamiti māghaḥ . doṣarahite agādhasyānaghā guṇā ityamaraḥ . vyasanarahite kaccit mṛgīnāmanaghā prasūtiḥ? iti raghuḥ .

anaṅga na° nāsti aṅgamākāro yasya . ākāśe, citte ca . kandarpe pu° . aṅgaśūnyamātre tri° . tatrākāśasya niravayavatvāt, nyāyavaiśeṣikanaye cittasyāṇutvena ca nirayavatvāttathātvam . kāmasya haranetreṇa dagdhāṅgatvāt anaṅgatvam . tatkathā ca śivapurāṇe kāmodhanuṣi saṃyojya puṣpavāṇaṃ tadā mune! pārvatīsambhukhe sthāṇau moktukāmo vyavasthitaḥ . harastu dhairyamālambā kimetaditi cintayan . dadarśa pṛṣṭhataḥ kāmaṃ puṣpavāṇadhanurdharam . vivṛddhamanyostasyātha tṛtīyanayanān mune! . sphurannudarciragnistu papāta madanopari . krodhaṃ saṃhara he deva! iti yāvat vadanti khe . indrādisakalā devāstāvadbhasmīcakāra tam iti .. tvamanaṅgaḥ kathamakṣatā ratiriti tanutāṃ duḥkhamanaṅga! mokṣyatīti ca kumā° . aṅgamupakaraṇaṃ na° ta° . aṅgabhinne . na° ba° . tacchūnye tri° .

anaṅgakrīḍā strī anaṅgena krīḍā . kāmahetukakrīḍāyām . aṣṭāvardhe gā dvyabhyastā yasyāḥ sānaṅgakrīḍetyukteti (vṛtta0) ukte mātrāvṛttabhede ca .

anaṅgalekha pu° anaṅgasya tadvyañjako lekhaḥ . kāmavyañjakalekhe . anaṅgalekhakriyayopayogamiti kumā° .

anaṅgaśekhara pu° krameṇa laghuguruniveśavati daṇḍakabhede, chandoviśeṣe . yathā laghurguruḥ krameṇa yatra badhyate sudhībhiricchayā sa daṇḍakastvanaṅgaśekharaḥ smṛtaḥ iti chando° .

anaṅgāsuhṛt pu° 6 ta° . śive tasya taddehabhasmīkaraṇāttattvam .

anaccha tri° na acchaḥ nirmalaḥ na° ta° . kaluṣe, aprasanne ca .

anañjana na° na ajyate lipyate anja--karmaṇi lyuṭ na° ta° . niḥsabandhe, ākāśe, parabrahmaṇi ca . nirañjanaṃ sāmyamupati divyamiti śrutyā tasya sambandharāhityoktestathātvam . añjanaṃ doṣastadrahite nārāyaṇe pu° . tathābhūtavantumātre tri° . kajjalaśūnye tri° . netre dūramanañjane pulakiteti sā° da° .

anaḍujjihvā strī anaḍuhojihveva . gojihvāyām (anantamūla) . tasyā gojihvākṛtipatratvāttathātvam .

anaḍuh pu° anaḥ śakaṭaṃ vahatīti ni° . (eḍe) iti prasiddhe gavi . striyāṃ gavi ṅīpi anaḍuhī, anaḍvāhīti ca . ṛśyādi° ka . anuḍutkaḥ anaḍudāsannadeśādau tri° . ṛṣibhede . tadgotrāpatye gargā° yañ . ānuḍuhyaḥ tadapatye pu° strī .

anaṇu pu° na aṇuḥ . sthūladhānye anaṇuṣu daśamāṃśo'ṇuṣvathaikādaśāṃśaḥ līlā° . aṇubhinne sthūle tri° striyāṃ ṅīp .

anatikrama na° na° ta° . atikramābhāve .

anatikramaṇīya tri° na° ta° . atikramaṇīyabhinne anullaṅghanīye .

anatidbhuta tri° sarvāṇi atikramya na bhavati ati--bhū--ḍutac na° ta° pṛ° . sarvātikrameṇābhūte yathārthabhūte . brahmā ta indra! girvaṇaḥ kriyante anatidbhutā iti ṛ° 8, 91, 3, anatidbhutā sarvānatikramya na bhavanti indraguṇavyāpakāni yathārthabhūtānīti bhā° .

anatipraśnya tri° atipraśnamarhati yat na° ta° . atipraśnānarhe vastuni . sahīvāca gārgi! mātiprākṣīḥ mā te mūrdhā vyapaptadanatipraśnyāṃ vai devatāmatipṛcchasīti vṛ° u0

anatirikta tri° na° . adhike . nyāyokte svānadhikaraṇavṛttibhinne ca anatiriktavṛttitvamavacchedakatvamiti gadā° .

anativilambitā strī na ativilambitā abhāvārthe na° ta° . ativilambābhāve vāgguṇabhede ca . vāgguṇāśca hemacandre darśitāḥ yathā saṃskāravattvamaudāryamupacāra parītatā . meghagāmbhīyyanirghoṣapratinādavidhāyitā dakṣiṇatvamupanītarāgatvaṃ ca mahārthatā . avyāhatatvaṃ śliṣṭatvaṃ saṃśayānāmasambhavaḥ . nirākṛtānyottaratvaṃ hṛdayaṅgamitā'pi ca . mithaḥ sākāṅkṣatā prastāvaucityaṃ tattvaniṣṭhatā . aprakīrṇaprasṛtatvamasaṃślāghyānyaninditā . ābhijātyamatisnigdhamadhuratvaṃ praśasyatā . amarmavedhi taudāryaṃ dharmārthapratividdhatā . kārakādyaviparyāsovibhramādiviyuktatā citrakṛttvamadbhutatvaṃ tathānativilambitā anekajātivaicitryamāropitaviśeṣatā . satvapradhānatā varṇapadavākyaviviktatā . avyutthitirakheditvampañcatriśacca vāgguṇāḥ iti .

anaddhā avya° na addhā . aniścave anaddhā vaitadyadimāllokānatīti vedaḥ . naha--kta na° ta° . aparibaddhe tri° .

anaddhāpuruṣa na addhā svakārye niścayo yasya tādṛśaḥ puruṣaḥ . devapitṛkāryavimukhe . anaddhāpuruṣamīkṣate iti kā° 16, 3, 13, anadvāpuruṣaṃ devapitṛkārye vimukhamadhyaryumiti vedadīpaḥ .

anadya pu° na adyaṃ bhakṣyam aprāśastye na° ta° . gauraśarṣape rājanigha° . bhakṣyabhinne tri° .

anadyatana pu° na adyatanaḥ . adyatanabhinne bhūte bhaviṣyati ca kāle anadyatane laṅi ti anadyatane luṅiti ca pā° . anadyatane bhūte laṅa apacat, anadyatane bhaviṣyati luṭ pakteti parokṣānadyatane liḍiti pā° papāca . tatkālavṛttau tri° . adyatanaśca atītāyārātreḥ paścārdhena, āgāminyāḥ rātreḥ pūrbārdhena sahitodivaso'dyatana iti si° kau° tadbhinnaḥ kālaḥ .

anadhikāra pu° na adhikāraḥ abhāvārthe na° ta° . adhikārābhāve . ba° . adhikāraśūnye .

anadhikāracarcā strī anadhikārasya carcā cintā . yatra yasyādhikāro nāsti tasya tadviṣaye cintāyām .

anadhikārin tri° na adhikārī . adhikāribhinne .

anadhikṛta tri° na adhikṛtaḥ . adhikṛtabhinne .

anadhigata tri° na° ta° . gatabhinne, prāptabhinne, jñātabhinne ca anadhigatābādhitārthajñānatvena pramāṇatamiti ve° pa° .

anadhiṣṭhita tri° na adhiṣṭhitaḥ . adhiṣṭhitabhinne .

anadhīna tri° na adhīnaḥ parasya . svādhīne . saṃjñāyām kan . auṭatakṣe . sa hi kuṭyāṃ vasan na kasyacit adhīnaḥ

anadhyakṣa na° adhyakṣam abhāve na° ta° . pratyakṣābhāve mano'pi na tathā jñānādyanadhyakṣaṃ tadā bhavet iti bhāṣā° dravyavatyakṣaṃ prati āśrayamahattvasya kāraṇatvena manasaśca ayaugapadyājjñānānāṃ tasyāṇutvamiheṣyate ityukteḥ aṇutvena jñānādiprakārakaṃ ahamjānāmotyādyākāraṃ jñānaṃ pratyakṣaṃ na syāt jñānāśrayatvena abhimatasya manaso mahattvābhāvāditi tadāśayaḥ . ba° . adhyakṣarahite tri° .

anadhyāya pu° adhyāyo'dhyayanamabhāvārthe na° ta° . adhyayanābhāve . na adhīyate'smin kāle iti adhikaraṇe ghañ . adhyayanāya niṣiddhe cāturmāsyadvitīyādau smṛtiṣūktānadhyāyakāle aṣṭakāsu ca saṃkrāntau śayane bodhane hareḥ . anadhyāyaṃ prakurvī tetyādukte kāle, nirghāte bhūmicalane ityādyākālikānadhyāyakāle ca . anadhyāyakālāśca smṛtau darśitāḥ yathā prekocacā dvitīyāstāḥ pretapakṣe gate tu yā . yā tu kojāgare yāte caitrāvalyāḥ pare'pi yā . cāturmāsye samāpte ca dvitīyā yā bhavettithiḥ . parāsvetāsvanadhyāyaḥ purāṇaiḥ parikārtita iti rājamārtaṇḍaḥ . caitrakṛṣṇadditīyāyāṃ tisṛṣvevāṣṭakāsu ca mārge ca phālgune caiva āṣāḍhe kārtike tathā . pakṣayormāghamāsasya dvitīyāṃ parivarjayediti bhujabalaḥ . manvādau ca yugādau ca śiṣyānnādhyāpayedbudhaḥ . nirṇayāmṛte rātrau yāmadvayādarvāk saptamī ca trayodaśī . pradoṣaḥ sa tu vijñeyo vedādhyayanagarhitaḥ .. rātrau navasu nāḍīṣu caturthī yadi dṛśyate . pradoṣaḥ sa tu vijñeyovedādhyayanagarhita iti .. nirṇayasindhau prajāpatiḥ . ṣaṣṭhī ca dvādaśī caiva ardharātronanāḍikā . pradoṣe tvanadhīyīta tṛtīyā navanāḍikā .. vṛddhagargaḥ . smṛtiṣūktānanadhyāyān saptamīñca trayodaśīm . pakṣayormāghamāsasya dvitoyāṃ parivarjayet iti . anadhyāyāstu dvividhā nityā naimittikāśceti tatra nityāḥ . āṣāḍhephālgune jyeṣṭhe yā dvitīṣā vidhukṣaye . cāturmāsyadvitīyāstāḥ pravadanti maharṣayaḥ .. gargo'pi .. kṛṣṇapakṣe dvitīyāyāṃ phālgunāṣāḍhakārtike . śuklāśvayugdvitīyāyāṃ naivādhyayanamācaret iti .. etāyugādayaḥ proktāḥ svādhyāyaṃ varjayedbudha iti uśa° . gautamaḥ . cāturmāsyadvitīyāsu, manvādiṣu yugādiṣu . aṣṭakāsu ca saṃkrāntau śayane bodhane hareḥ . anadhyāyaṃ prakurvīta tathā sopapadāsu ceti . sopapadāstu . sitā jyaiṣṭhe dvitīyā ca āśvine daśamī tathā . caturthī dvādaśī mādhe etāḥ sopapadāḥ smṛtā iti gargoktāḥ . vṛhanmanuḥ pakṣadvaye caturdaśyoraṣṭamīdvitīye tathā . pakṣādāvapi pakṣānte brahma nādhīyate naraiḥ .. aṣṭamī hantyupādhyāyaṃ śiṣyaṃ hanti caturdaśī . amāvasyobhayaṃ hanti pratipat pāṭhamātrata iti . manuḥ naimittikānadhyāyānāha sma . sandhyāgarjitanirghātabhūkampolkānipātane . vratabandhaṃ na kurvīta iti .. tathāpastambaḥ .. ulkāyāmagnyutpāte ca sarvāsāṃ vidyānāmākālikamiti .. smṛtyantare .. vidyudgarjitavṛṣṭīnāṃ sannipātoyadā bhavet . anadhyāyaṃ prakurvītetyādi . vrate'hni pūrbasandhyāyāṃ vārido yadi garjati . taddinaṃ syādanadhyāyaṃ vrataṃ tatra vivarjayet .. sāyaṃ sandhyāstanite, prātaḥsandhyāstanite ahorātrau, vidyutyapararātrāvadhi vidyuti, naktañcāpararātrāditi gauta° . smṛtiratnāvalyām kālavṛṣṭau ca tatkālamakāle ca trirātrakam . atimātrāthavā vṛṣṭirnādhīyīta dinatrayam . anurādharkṣamārabhya ṣoḍaśarkṣeṣu bhāskaraḥ . yāvaccarati caitāvadakālaṃ munayo viduḥ .. tathā ca varāhaḥ . mārgānmāsāt prabhṛti munayovyāsavālmīkigargāścaitraṃ yāvat pravarṣaṇavidhau netikālaṃ vadanti . nāḍījaṅghaḥ suragurumuniḥ prāha vṛṣṭerakālau māsāvetāvaśubhaphaladau pauṣamāghau na śeṣāḥ . tatrākālavṛṣṭau paśumartyacaraṇāṅkitāyāmeva doṣonānyathā uktañca muhūrtacintāmaṇau yadi māssu caturṣu pauṣamāsādiṣu bhavedakālavṛṣṭiḥ . paśumartyacaraṇāṅkitāyāṃ yāvadvasudhā nahi tāvadadoṣa iti . tatra dinasaṃkhyāpyuktā tatraiva . ekainaikamahaḥ proktaṃ dvitīyena trirātrakam . tṛtīyena tu saptāhaṃ daśarātramataḥ paramiti, pauṣe dinatrayaṃ varjyaṃ māghe caiva dinadvayam . phāglune dinamekantu caitretu ghaṭikādvaya mityāvaśyakakāryaviṣayam . anadhyāyasya pūrbedyustasya caivāpare'hani . vratabandhaṃ visargañca vidyārambhaṃ na kārayet, iti naimittikānadhyāyaḥ . manurapi nityādyanadhyāyamāha sma . imānnityānadhyāyānadhīyāno vivarjayet . adhyāpanañca kurvāṇaḥ śiṣyāṇāṃ vidhipūrbakam .. karṇaśrave'nile rātrau divā pāṃśusamūhane . etau varṣāsvanadhyāyāvadhyayajñāḥ pracakṣate . vidyutstanitavarṣeṣu maholkānāñca saṃplave . ākālikamanadhyāyameteṣu manurabravīt . etāṃstvabhyuditān vidyāt yadā prāduṣkṛtāgniṣu . tadā vidyādanadhyāyamanṛtau cābhradarśane . nirghāte bhūmicalane jyotiṣāñcopasarjane . etānākālikān vidyādanadhyāyānṛtāvapi . prāduṣkṛteṣvagniṣu tu vidyutstanitanisvane . sajyotiḥ syādanadhyāyaḥ śeṣe rātrau yathā divā . nityānadhyāyaeva syādgrāmeṣu nagareṣu ca . dharmanaipuṇyakāmānāṃ pūtigandhe ca sarvadā . antargataśave grāme vṛṣalasya ca sannidhau . anadhyāyo rudyamāne samavāye janasya ca . udake madhyarātre ca viṇmūtrasya visarjane . ucchiṣṭaḥ śrāddhabhuk caiva manasāpi na cintayet . pratigṛhya dvijo vidvānekoddiṣṭasya ketanam . tryahaṃ na kīrtayedbrahma rājño rāhośca sūtake . yāvadekānuddiṣṭasya gandho lepaśca tiṣṭhati . viprasya viduṣo dehe tāvadbrahma na kīrtayet . śayānaḥ prauḍhapādaśca kṛtvā caivāvaśakthikām . nādhīyītāmiṣaṃ jagdhvā sūtakānnādyameva ca . nīhāre vāṇaśabde ca sandhyayoreva cobhayoḥ . amāvāsyācaturdaśyoḥ paurṇamāsyaṣṭakāsu ca . amāvāsyā guruṃ hanti śiṣyaṃ hanti caturdaśī . brahmāṣṭakāpaurṇamāsyau tasmāttāḥ parivarjayet . pāṃśuvarṣe diśāṃ dāhe gomāyuvirute tathā . śvakharoṣṭre ca ruvati paṅktau ca na paṭhed dvijaḥ . nādhīyīta śmaśānānte grāmānte govraje'pi vā . vasitvā maithunaṃ vāsaḥ śrāddhikaṃ pratigṛhya ca . prāṇi vā yadi vā prāṇi yatkiñcicchrāddhikaṃ bhavet . tadālabhyāpyanadhyāyaḥ pāṇyāsyo hi dvijaḥ smṛtaḥ . caurairupaplute grāme saṃbhrame cāgnikārite . ākālikamanadhyāyaṃ vidyāt sarvādbhuteṣu ca . upākarmaṇi cotsarge trirātraṃ kṣapaṇaṃ smṛtam . aṣṭakāsu tvahorātramṛtvantāsu ca rātriṣu . nādhīyītāśvamārūḍho na vṛkṣaṃ, na ca hastinam . na nāvaṃ, na kharaṃ, noṣṭraṃ, neriṇastho, na yānagaḥ . na vivāde, na kalahe, na senāyāṃ, na saṅgare . na bhuktamātre, nājīrṇe, na vamitvā, na sūktake . atithiñcānanujñāpya, mārute vāta vā bhṛśam . rudhire ca srute gātrācchastreṇa ca parikṣate . sāmadhvanāvṛgyajuṣī nādhīyīta kadācana . vedasyādhītya vāpyantamāraṇyakamadhītya ca iti . yājñavalkyastu . tryahaṃ preteṣvanadhyāyaḥ śiṣyartviggurubandhuṣu . upākarmaṇi, cotsarge, svaśākhaśrotriye mṛte . sandhyāgarjitanirghāta bhūkampolkānipātane . samāpya vedaṃ dyuniśamāraṇyakamadhītya ca . pañcadaśyāṃ caturdaśyāmaṣṭamyāṃ rāhusūtake . ṛtusandhiṣu bhuktvā vā śrāddhikaṃ pratigṛhya ca . paśumaṇḍūkanakulamārjāraśvāhimūṣikaiḥ . kṛte'ntare tvahorātraṃ, śakrapāte, tathocchraye . śvakroṣṭugardabholūkasāmavāṇārtanisvane . amedhyaśavaśūdrāntyaśmaśānapatitāntike . deśe'śucāvātmani ca vidyutstanitasaṃplave . bhuktvārdrapāṇirambho'ntarardharātre'timārute . pāṃśuvarṣe diśāṃ dāhe sandhyānīhārabhītiṣu . dhāvataḥ pūtigandhe ca śiṣṭe ca gṛhamāgate . kharoṣṭrayānahastyaśvanauvṛkṣeriṇarohaṇe . saptatriṃśadanadhyāyānetāṃstātkālikān viduḥ iti . vaśiṣṭhaḥ . tasyānadhyāyāḥ sandhyāstamite syustatra śave divākortau nagareṣu kāma gomayaparyuṣite parilikhite vā śmaśānānte śayānasā śrāddhikasya . mānavañcātra ślokamudāharanti . phalāgvāpastilān bhakṣyamathānyacchrāddhikaṃ bhavet . pratigṛhyāpyanadhyāyaḥ pāṇyāsyā, brāhmaṇāḥ smṛtā iti .. dhāvataḥ pūtigandhiprasṛteriṇavṛkṣamārūḍhasya, nāvi, senāyāñca, bhuktvā cārdhaghrāṇe, vāṇaśabde, caturdaśyāmamāvāsyāyāmaṣṭamyāmaṣṭakāsu prasāritapādopasthasyopāśritasya gurusamīpe mithunavyapetāyāṃ vāsasā mithunavyapetenānirmukte na grāmāntecharditasya, mūtritasyoccaritasya, yajuṣāñca sāyaṃśabde, vājīrṇe nirghātabhūmau ca na candrasūryoparāgeṣu, diṅnādaparvatanādakamprayāteṣūpalarudhirapāṃśuvarṣeṣvākālikam . ulkāvidyutsajyotipamapartvākālikaṃ vā . ācārye ca prete trirātrarmācāryaputraśiṣyabhāryāsvahorātram . ṛtvigyonisambandheṣu ca iti . śaṅkhyo'pyāha . anavyāyeṣvavyayanaṃ varjayecca prayatnataḥ . caturdaśīṃ pañcadaśīmaṣṭamīṃ rāhusūtakam . ulkāpātaṃ mahīkampamaśaucaṃ grāmaviplavam . indraprayāgaṃ surataṃ ghanasaṃghātanisvanam . vādyakolāhalaṃ yuddhamanadhyāyaṃ vivarjayet . nādhīyītābhiyukto'pi prayatnānna ca vegata iti . yaddinamahaḥ kriyate taddinamanadhyāya ityukteḥ devotsavādidine'pi anadhyāya iti kecit tena sārasvatotsaveśrīpañcamīdivase rathayātrosavādau cānadhyāyaḥ . mahānavamyāṃ dvādaśyāṃ bharaṇyāmapi parvasu . tathākṣayatṛtīyāyāṃ śiṣyānnādhyāpayedbudhaḥ . māghamāse tu saptamyāṃ rathākhyāyāñca varjayediti hārītaḥ . evaṃ nānāsmṛtyukteṣveṣu ca yena sarvasaṃgrahastathācaraṇīyam .

anana na° ana--bhāve lyuṭ . jīvane, gatau ca prāgananavān prāṇa ityādi ve° sā° .

ananugata tri° na anugataḥ . anugatabhinne anugataśca tulyākārapratītiprayojako dharmabhedaḥ yathā ṣaṭa iti vuddhau ghaṭatvam evaṃ paṭatvam tasya sarvatra ekarūpeṇa pratīyamānatvāt . ananugatañca tattadyaktitvādikaṃ tasya sarvatra pratītyabhāvāt . apaścādgate, anadhīne ca .

ananugama pu° na anugamaḥ abhāvārthe na° ta° . anugamābhāve anugamaśca tulyapratītiprayojakadharmānusaraṇam etasya nyāyādidarśaneṣu bhūriprayogaḥ .

ananta pu° nāsti antaḥ guṇānāṃ yasya ba° . gandharvāpsarasaḥ siddhāḥ kinnaroragacāraṇāḥ . nāntaṃ guṇānāṃ jānanti tenānanto'yamucyate ityuktalakṣaṇe viṣṇau, ananta! saṃsāramahāsamudre magnān samabhyuddhara vāsudeva! iti bhaviṣyapurā° . viṣṇurvīro'nanta iti viṣṇusa° . meghe . bahuśīrṣa katvādaparicchinne śeṣanāge, tadavatāre balabhadre ca . antaḥ paricchedaḥ deśataḥ kālataḥ vastutaśca nāsti yasya . tasmin parabrahmaṇi na° satyaṃ jñānamanantaṃ brahmeti śrutiḥ . na vyāpitvāddeśato'nto nityatvānnāpi kālataḥ . na vastuto'pi sarvātmyādānantyaṃ brahmaṇi tridhā . deśakālānyavastūnāṃ kalpitatvācca māyayā . na deśādikṛto'ntī'sti brahmānantaṃ tataḥ sphuṭamiti pañcadaśī . ākāśe ca . bahuvistāravati sinduvāravṛkṣe pu° . avadhiśūnye, iyattāśūnye vastumātre, sakale ca tri° anantaratnaprabhavasya yasyeti kumā° . jinabhede pu° .

anantacaturdaśī strī anantasya viṣṇorādhānārthā caturdaśī . bhādrapadaśuklacaturdaśyām .

anantajit anantāni bhūtāni jitavān ji--kvip . sarvabhūtajayini vāsudeve . sahasrajidanantajiditi viṣṇusaha° . anantān cittadoṣān jayati . jinadevabhede pu° .

anantatīrthaklat pu° anantāni anekāni tīrthāni śāstrāṇi karoti kṛ--kvip . jainabhede . bahutīrthagantari tri° .

anantatṛtīyā strī nabhasye vātha vaiśākhe mārgaśīrṣe'thavā punaḥ . śuklapakṣatṛtīyāyā mityupakramya padmapurāṇe tattadanyatamatithiṣuvrataviśeṣamabhidhāya uktānantatṛtīyaiṣā sutānandaphalapradā ityanena paribhāṣitāyāṃ bhādramārgavaiśākhānyatamamāsīyaśuklatṛtītāyām hemā° vrata° .

anantadṛṣṭi pu° anantā dṛṣṭayo netrāṇi yasya . indre parameśvare ca .

anantadeva pu° ananto deva iva . śeṣanāge, anante śeṣanāge dīvyati diva--ac . śeṣaśāyini nārāyaṇe .

anantamūla pu° anantāni mūlānyasya . svanāmakhyāte mūlapradhāne vṛkṣabhede .

anantara tri° nāsti antaraṃ vyavadhānaṃ yatra . avyavahite, vyavadhānañca dvividhaṃ daiśikaṃ kālikañca . tatra daiśike viṣayānantaro rājā śatru rityamaraḥ . eṣa brahmarṣideśo vai āryāvartādanantara iti manuḥ . kālike . tadida kriyatāmanantaraṃ bhavatā bandhajanaprayojanamiti kumā° . pituranantaramuttarakośalāmiti raghuḥ . kālikamapi dvividhaṃ pūrbāparakālakṛtavyavadhānabhedāt uttarakālakṛtamuktodāraṇe anantarodīritalakṣmabhājāvityatra pūrbakālāvadhikṛtam . madhyaśūnye, avakāśaśūnye, avadhiśūnye ca . tadetadbrahmāpūrbamanaparamanantaramavāhyamiti sa yathā saindhavaghano'nantaro'vāhya iti ca vṛ° u° . avyavahitakāle . purāṇapatrāpagamādanantaraṃ--lateva sannaddhamanojñapallavā iti raghuḥ . tatra vyāptau dvitīyā . tatkālavṛttisaṃnahanakriyāviśeṣaṇatayā klīvatvādi . evamanyatra evañca etasya klīvoktirarvācīnānāṃ prāmādikī . etena anantarasyābhāvaḥ abhā vārthe'vyayībhāva ityāśayena māntatvakalpanamapi tattadudāharaṇeṣu ananvayādupekṣyameva . uktodāharaṇeṣu athāsya godānavidheranantaramiti anantaraṃ bharturupasthitodayeti ca raghau yogācchāntiranantaramityādau ca vyavadhānābhāvārthakatve samabhivyāhṛtapadārthānāṃ hi nānvayaḥ tasya deśakālādibodhakatvābhāvena vyāptyarthe dvitīyāyā apyasa mbhavaḥ . ataḥ bahuvrīhibalāt kālabodhakatayā uktodāharaṇādiṣu vyāptyarthe dvitīyeti bodhyam . na° ta° . antarabhinne tri° tasya apuri sarvanāmatā . anantare bhavaḥ gahā° cha . anantarīyaḥ avilambabhave tri° .

anantaraja pu° strī anantarasyāḥ anantaravarṇāyāḥ jāyate jana--ḍa puṃvadbhāvaḥ . kramoḍhāje putrādau . anantaraṃ jātaḥ . jyeṣṭhe kaniṣṭhe ca bhrātari . tathābhūtabhaginyāṃ strī .

anantaraya pu° antarayati dūrīkaroti antara + kṛtyarthe ṇi bhāve ac antarayaḥ dūrīkaraṇam abhāvārthe na° ta° . aparityāge . yaduktho yajñakratoranantarayāyeti ṛ° 4, 1, 6, anantarayāya aparityāgāyeti bhā° .

anantarāya tri° nāsti antarāyaḥ pratibandhako yasya . niṣpratibandhake nirvighne tāetānavānantarāyamanvāheti vṛ° u° .

anantarāśi pu° anantasya ākāśarūpaśūnyasya rāśiḥ . vījagaṇitokte śūnyabhāgahārādyarthaṃ parikalpite rāśau .

anantarūpa pu° anantāni rūpāṇyasya . parameśvare viṣṇau anantarūpo'nantaśrīriti vi° sa° . indromāthābhipururūpaīyata iti śrutyā tasya bahurūpratvapratipādanāttattvam .

anantargabhin antargarbho'sya astyarthe ini na° ta° . antargarbhaśūnye pavitrārthe kuśe . anantargarbhiṇaṃ sāgraṃ kauśaṃ dvidalameva ceti ā° tattve chando° pa° . anantargarbhiṇamantargarbhaśūnya miti raghunandanaḥ .

anantavijaya pu° anantān vijayate'nena dhvanidvārā . yudhiṣṭhiraśaṅkhe anantavijayaṃ nāma kuntīputtroyudhiṣṭhiraḥ iti gītā .

anantavīrya pu° . ba° . jainabhede .

anantavrata na° anantasya vratamupāsanārtham 6 ta° . bhādraśuklacaturdaśyāṃ kartavye svanāmakhyāte vrate . anantavratametaddhi sarvapāpaharaṃ śubham ityupakramya tathā śuklacaturdaśyāṃ māsi bhādrapade bhavediti bhavi° purā° .

anantaśakti pu° anantā aparicchedā śaktirasya . parameśvare parāsya śaktirvividhaiva śrūyate iti śrutau tasya bahuśaktiśravaṇāt tathātvam .

anantaśīrṣā strī anantāni bahūni śīrṣāṇi yasyāḥ . vāsukipatnyām . vāsuko parameśvare ca pu° sahasraśorṣā puruṣa iti śrutyā tasya bahuśīrṣatvoktestathātvam .

anantaśrī pu° anantā aparimitā śrīḥ parā śaktirasya . parameśvare parāsya śaktirvividhaiva śrūyate iti śrutyā tasya bahuśaktipratipādanāttathātvam .

anantā strī nāsti anto'syāḥ ba° . viśalyāyāmoṣadhau (anantamūla) iti khyāte mūlabhede, pāvatyām, pṛthivyām, durālabhāyāṃ, dūrvāyāṃ, haritakyāṃ, āmalakyām, guḍūcyām, agnimanthavṛkṣe, agniśikhāvṛkṣe, śyāmalatāyām, pipapalyāṃ, nīladūrvāyām, śvetadūrvāyāṃ, śārivoṣadhau ca .

anantya na° anantasyedam yat . hiraṇyagarbhapade .

ananda tri° na nandayati nanda--ṇic--ac na° ta° . ānandayitṛbhinne anandā, nāma te lokā iti kaṭha° va° .

ananna na° na° ta° . adanīyabhinne . na kiñcidanannaṃ bhavati ā śvabhyaḥ ā śakunibhya iti chā° u° .

ananya tri° na anyaḥ sarvanā° . anyabhinne svammin ananyaratirāsīna iti manuḥ ananyasmin svasmin ratiranurāgo'syeti tadarthaḥ . nāsti anyo yasya upāsyatvena viṣayatvena vā . anyāsevake ananyāścintayantomāmiti ananyaviṣaye ca . puruṣaḥ sa paraḥ pārtha! bhaktyā labhyastvananyayeti ca gītā . asya naña uttaratra padāntarasattve asamarthasamāsāśrayaṇāt tadarthenaivānvayaḥ . yathā ananyadṛṣṭiḥ savitāramaikṣatetyādau anyatra dṛṣṭyabhāvasya, ananyacetā ityādau anyatra ceto'bhāvasya, ananyakāma ityādau anyatra kāmābhāvasya ca bodhanamevamanyatra .

ananyagatika tri° nāsti anyā gatirasya kap . anyopāyarahite tanmātrāśraye ca . atanyagatike jane vigatapātake cātake ityudbhaṭaḥ .

ananyaja pu° nāsti anyadyasmāt sarvavastubhedānāṃ tadātmakatvāt ananyo viṣṇuḥ tasmāt jāyate jana--ḍa 5 ta° . kāmadeve . tasya kṛṣṇāt rukmiṇyāṃ janmeti bhāga° 10 maska° tasyāñca tādṛśīmavasthāṃ gatāyāṃ janasyānanyajeneti daśaku° .

ananyadeva pu° na anyadyasmāt sarvātmakatvāt tādṛśodevaḥ . parameśvare viṣṇau sarvadevamayoharirityuktestathātvam .

ananyapūrvā strī na anyaḥ pūrbo yasyāḥ sā anyapūrbā na bhavati . anyābhuktāyāṃ striyām manuprabhṛtibhirmānyairbhuktā yadyapi rājabhiḥ . tathāpyananyapūrbaiva tasminnāsīdvasundhareti raghuḥ .

ananyabhāj tri° na anyam anyāṃ vā bhajate bhaja--ṇvi asa° sa° puṃvadbhāvaḥ . anyasyānyasyā vā sevanākāriṇi . bhajate māmananyabhāgiti gītāḥ ananyabhājaṃ patimāpnuhīti kumā° .

ananyavṛtti tri° na anyā vibhinnā ekarūpā vṛttirmanovṛttirasya . ekatānacitte . na anyā vṛttirjīvanopāyo'sya . ekamātrajīvane tri° .

ananyasādhāraṇa tri° na anyasyānyadharmasya sādhāraṇaḥ sadṛśaḥ . anyadharmāsadṛśe ananyasādhāraṇameva karmeti kumā° .

ananvaya tri nāsti anvayo yatra ba° . anvayaśūnye . śābdabodhe parasparaṃ saṃsargaśūnye anvayaścānvayaśabde vakṣyate arthālaṅkārabhede pu° . tallakṣaṇaṃ yathā upamānopameyatve ekasyaiva tvananvaya iti sā° da° . rājīvamiva rājīvaṃ jalaṃ jalamivājanī tyādau ca ananvayāt tadalaṅkāratvaṃ tathā hi upamānopameyabhāve sādṛśyajñānāvāśyakatvena tasya bodhane niyate tadbhinnatve sati tadgatabhūyodharmavattva rūpasādṛśyasya bhedagarbhitatayā svapratiyogikabhedasya svasminnasambhavenāpātato'nanvaya eva tātparyeṇa tu itarasādṛśyābhāvaparatvalakṣaṇayānvayastathā ca rājīvaṃ rājīvetarāsadṛśamiti bodhāttasyotkarṣo vyajyate . evaṃ rāmarāvaṇayoryuddhaṃ rāmarāvaṇayorive tyatrāpi .

anapa tri° na santi ādhikyenāpo yatra nañpūrbakatve'pi bahuvrīhau acsamā° . svalpajale pallalādau .

anapakarman na° apakarma apākaraṇaṃ abhāvārthe na° ta° . tyāgābhāvopalakṣite dattasya ādāne dattasyānapakarma ceti manuḥ apakarma apātre pātrabuddhyā krodhādinā vā dattasyānapakarma, punargrahaṇam . ṛṇasyāpakarma ceti smṛtiḥ . anapakarma apākaraṇābhāvaḥ aśodhanamityarthaḥ . anapakriyāpyatra strī . apākaraṇābhāve . ṛṇānāmanapakriyeti smṛtiḥ .

anapacyuta tri° apa + cyu--bhāve kta na° ba° . vināśarahite svaryaṃ suvajramanapacyutamiti ṛ° 4, 17, 4, anapacyutaṃ vināśarahitamiti bhā° .

anapatya tri° nāsti apatyaṃ yasya . apatyaśūnye . na hitamapatyānāmiti, patāya patanāya hitaṃ pata + yat vā na° ta° tataḥ na° ta° . apatyāhite, patanakāraṇe ca yuyota no anapatyānīti ṛ° 3, 54, 18, anapatyāni apatyānāṃ puttrāṇāmahitāni, patanakāraṇaṃ na bhavatyapatyaṃ tadanyāni patanakāraṇānīti bhāṣyam .

[Page 150a]
anapatrapa tri° nāsti apatrapā anyahetukā lajjā yasya . anyahetukalajjāhīne .

anapabhraṃśa pu° na apabhraṃśaḥ na° ta° . apabhraṃśabhinne vyākaraṇapratipādyasaṃskāravati sādhuśabde anabhraṃśatānādiryadvābhyudayonyatā . vyākriyāvyañjanīyā vā jātiḥ kāpīha sādhuteti hariḥ .

anapākarman na° apākarma apākaraṇam abhāvārthe na° ta° . apākaraṇābhāve ṛṇāderaśodhane .

anapāyin tri° na apaiti apa--iṇa--ṇini na° ta° . niścale sthire anapāyini saṃśrayadrume gajabhagne iti kumā° .

anapāvṛt tri° apāvartanamapāvṛt apa + ā + vṛta--bhāve kvip na° ba° . punarāvṛttiśūnye . itthā sṛjānāha anapāvṛdarthamiti ṛ° 6, 3, 5, anapāvṛt apāvṛt apāvartanam punarāgamanaṃ na bhavatīti bhā° .

anapihita tri° na apihitamāvaraṇaṃ bhāve kta tannāsti yasya . āvaraṇaśūnye . eṣa vānapihitastasyaiva tadapidhānaṃ yacchikheti brā° anapihita āvaraṇaśūnya iti raghu° .

anapekṣa tri° na apekṣate anurudhyate ac na° ta° . apekṣāśūnye ananurovini . utsṛjya pramadāmetāmanapekṣo yathāmakhamiti rāmā° .

anapeta tri° na apetaḥ vahirgataḥ apagato vā . avahirgate apetabhinne anugate . dharmapathyarthanyāyādanapete iti pā° dharmādanapetam dharmyamityādi si° kau° .

anapta tri° na āptaḥ vede pṛ° hrasvaḥ . āptabhinne . anaptamapsu duṣṭaramiti ṛ° 8, 16, 3, anaptaṃ śatrubhiranāptamiti bhā° .

anapnam tri° nāsti apno rūpaṃ yasya . rūpahīne jammāyā anapnasa iti ṛ° 2, 3, 9, anapnasaḥ karmahīnā iti bhāṣyokteḥ karmahīne ca .

anaphā pu° (candrāt) ravivarjaṃ dvādaśagairanapheti dīpikokteḥ yogabhede sacchīlaṃ sukhānvitaṃ prabhuṃ khyātiyuktamanaphāyāmiti dīpikā .

anabhijña tri° na abhijānāti . ajñe jñānaśūnye .

anabhidheya na° na abhidheyaḥ . avācye .

anabhibhava pu° na abhibhavaḥ abhāvārthe na° ta° . abhibhavābhāve parājayābhāve .

anabhibhavanīya tri° na abhibhavanīyaḥ . aparājeye .

anabhibhūta tri° na abhibhūtaḥ . aparābhūte .

[Page 150b]
anabhimata tri° na abhimataḥ . asammate, vimate ca .

anabhimlātavarṇa tri° abhi + mlā--tan na abhimlātaḥ kṣīṇovarṇo yasya . dīpyamāne . so apāṃ napādanabhimlātavarṇa iti ṛ° 2, 35, 13 anabhimlātavarṇaḥ dīpyamāna iti bhā° . śivā° aṇ . ānabhimlātaḥ tadapatye pu° strī .

anabhilāṣa pu° na abhilāṣaḥ abhāve na° ta° . abhilāṣābhāve . na° ba° . abhilāṣaśūnye tri° .

anabhivyakta tri° na abhivyaktaḥ na° ta° . aparisphuṭe .

anabhiśasta tri° abhi + śansa--kta na° ta° . anindite . parāsyānabhiśastā divyā iti ṛ° 9, 88, 7, anabhiśastā aninditā iti bhā° . parivādāgraste ca .

anabhiśastya tri° abhiśastiṃ nindāmarhati abhiśastyaḥ na° ta° . anindanīye praśasye niruktakāraḥ .

anabhisaṃhita tri° na abhisaṃhitaḥ na° ta° . abhisandhinā phaloddeśena akṛte vimuktidā ye'nabhiṃsaṃhiteṣviti ruci° .

anabhihita tri° na abhihitaḥ . anukte pratyayādinā uktārthabhinne anabhihite iti pā° asya upakādigaṇe pāṭhāt tatkāryam .

anabhīṣṭa tri° na abhīṣṭaḥ . abhīṣṭabhinne anabhīṣṭadakṣiṇavātamṛgagamanāmiti kā° da° .

anabhyāvṛtti strī na abhyāvṛttiḥ abhyāsaḥ abhāvārthe na° ta° . abhyāsābhāve . manāganabhyāvṛttyā vā kāmaṃ kṣāmyatu yaḥ kṣamīti māghaḥ .

anabhyāsamitya tri° na abhyāse nikaṭe ityaḥ iṇa--karmaṇi kyap mum . dūrataḥ parihartavye si° kau° .

anamitra tri° nāsti amitro'sya . śatruśūnye indroyāṃ cakre ātmane anamitrāṃ śacīpatiriti artha° 12, 1, nṛpabhede pu° .

anamīva tri° amīvaḥ rogaḥ na° ba° . rogahone anamīvā iṣaskaraditi ṛ° 3, 162, 14, anamīvā rogavarjitāni iṣo'nnānīti bhā° pradānamīvasya śuṣmiṇya iti tā° brā° . arogo'mīvastadrahitasyeti bhā° .

anambara pu° nāsti ambaraṃ kacchasahitaṃ yasya . bauddhabhede'sya muktakacchatayā tathātvam digambaraśabde'sya vivaraṇam . nagne tri° .

anaya pu° ayaḥ śubhāvaho vidhistadanyaḥ na° ta° . aśubhadaive . nayodyūte dakṣiṇāvartena śārāṇāmiṣṭasthānanayanaṃ virodhe na° ta° . (dugaḍīti) khyāte dyūtabhede śārāṇā vāmāvartenābhīṣṭasthānanayane pu° . nayonītiḥ nī--ac na° ta° . nayābhāve anītau durnaye, duṣṭe, karmaṇi ca . vijānato'pi hyanayasya raudrateti bhāra° . na° 7 ba° . āpadi jīvedetena rājanyaḥ sarveṣāmanayaṃ gata iti manuḥ . sarvataḥ pratigṛhṇīyāt brāhmaṇastvanayaṃ gataḥ iti manuḥ anayamāpadamiti kulḷ° . 6 ba° . nayahīne tri° .

anaraṇya pu° sūryavaṃśye nṛpabhede tatkathā rāmā° uttarākāṇḍe sa rāvaṇena paribhūto mṛtaḥ .

anarkābhyudita pu° na īṣat, arko'bhyudito yasmin . īṣadarkodayakāle . anarkābhyudite kāle māghe kṛṣṇacaturdaśīiti yamaḥ māghe māsi raṭantyāpaḥ kiñcidabhyudite ravau ityanenaikavākyatvāt naña īṣadarthatā .

anargala tri° nāsti argalaṃ pratibandhakaṃ yasya . apratibandhake pratibandhakaśūnye turaṅgamutsṛṣṭamanargalaṃ punariti raghuḥ .

anargha tri° argho mūlyaṃ na° ba° . amūlye .

anargharāghava na° rāghavacaritakhyāpake murārimiśraracite nāṭakabhede .

anarghya tri° na arghyaḥ pūjyo yasya, yasmādvā . anyapūjyaśūnye atyantapūjanīye ca anarghyamargheṇa tamadinātha iti kumā° .

anartha pu° arthaḥ prayojanaṃ virodhe na° ta° . aniṣṭe . ekaikamapyanarthāya kimu tatra catuṣṭayamiti hito° . nodanālakṣaṇo'rtho dharma iti sūtre niṣedhalakṣaṇo'nartho'dharma iti bhaṅgyā sūcite narakādisādhanatvādaniṣṭahetāvadharme ca . dāturbhavatyanarthāya paratrādātureva ceti manuḥ . ba° . abhīṣṭarahite viṣṇau pu° āptakāmatvāttattvam . artho'bhidheyaḥ prayojanaṃ vā nāsti yasya ba° kap . artharahitamātre tri° .

anarthaka na° artho'bhidheyo'prāśastye na° ba° kapsamā° . samudāyārthaśūnye pralāpe, asambaddhe vākye ca . vyarthe tri° . dhigidaṃ jīvitaṃ loke kimu? sārthamanarthakamiti .

anarthalupta tri° dṛṣṭenārthena aluptaḥ asama° sa° . dṛṣṭārthenālupte anarthaluptā iti kātyā° 6, 10, 20, .

anarthāntara ta° anyo'rthaḥ arthāntaraṃ mayūra° ta° tataḥ na° ta° . abhede, ekārthe .

anarva tri° ṛ--va arvaḥ gatiḥ śaithilyaṃ sa nāsti yasya . aśithile trinābhi cakramajaramanarvamiti ṛ° 1, 164, 2, anarvamaśithilamiti bhā° .

anarvan tri° arva--hiṃsāyāṃ kanin arvā bhrātṛvya iti śruteḥ arlā sapatnaḥ na° ta° . śatrubhinne . jano'narvāṇaṃ ta parita iti ṛ° 1, 136, 5, anarvāṇamadveṣyamiti bhā° . arvā aśvaḥ . tacchūnye tri° . na trādeśaḥ .

anarviś tri° anasā śakaṭena viśati prāpnoti viśakvip 3 ta° aharā° ruḥ, ṛ--karmaṇi vic araṃ gantavyaṃ prati viśati viśa--kvip vā na° ta° . śakaṭena kāṣṭhādyāharaṇāya vanapraveśini, gantavyaṃ sthalaṃ gantumaśakte ca . anū dyūnamanarviśe paściṣe turāyeti ṛ° 1, 121, 7,

anarśarāti tri° anarśāya apāpiṣṭhāya rātirdānaṃ yasya . apāpiṣṭhe dātari anarśarātiṃ vasudāmupastuhīti ṛ° 8, 99, 4, anarśarātimanaślīladānamaślīlaṃ pāpamiti nirukta0

anarha na arhaḥ . ayogye . tān havyakavyayorviprānanarhān manurabravīditi manuḥ .

anala pu° nāsti alaḥ paryāptiryasya bahudāhyadahane'pi tṛpterabhāvāt na° ba° . vahnau, vyabhicacāra na tāpakaro'nala iti naiṣadham analaḥ nalābhāvovahniśca anupalambhavadabhāvārthe na° ta° . avyayībhāvasiddhatve klīvatā syāt . ūce nalo'yamiti taṃ prati cittamekaṃ brūte'sya cānyadanalo'yamitīdamīyamiti āvarjanaṃ tamanu te nanu sādhu nāmagrāhaṃ mayānalamudīritametadatra iti saiṣānalaṃ sahajarāgabharāditi ca naiṣadham vayobhiḥ khādayantyanye prakṣipantyanale'psu veti smṛtiḥ . jaṭharānalasya pittajātatvāt dehasthe pittadhātau ca . aṣṭavasumadhye pañcame vasau, mediniḥ tacca dharodhruvaḥ somanāmā tathā'po'pyanilonala iti vasubhedabodhakavacane nalaityatnānalaityakārapraśleṣabhrāntyaivoktaṃ kintu vasūnāṃ svarūpakhyāpake viṣṇudharmottaravacane sruvākṣamālike dakṣe vāme śaktikapālabhṛt savyordhādikramādyo'sau nalākhyastu vasuḥ smṛta iti nalanāmatvasyaiva pratīternalaeva vasubheda ityavadheyam . analadaivatatvāt kṛttikānakṣatre analavidhiśatākhyeti jyoti° . (citā) iti khyāte citrake vṛkṣe, pu° . tasya sarvataḥ paryāptatve'pi paryāpteḥ sīmābhāvāttattvam, (bhelā) iti khyāte bhallātake vṛkṣe ca . ana--kalac . ṣaṣṭivarṣamadhye pañcāśatsaṃkhyāte varṣe ṣaṣṭivarṣagaṇananāmabhedādi varṣaśabde vakṣyate . pitṛdevabhede kavyavālo'nalaḥ somaḥ yamaścaivāryamā tathā agniṣvāttāḥ varhiṣadaḥ somapāḥ pitṛdevatā iti vāyu purā° . anān prāṇān lāti ātmatvena analaḥ jīvaḥ . tadrūpeṇa sarvāntaryāmitayā sthite viṣṇau ṇala--gandhe bandhe vā na nalati na badhyate vā ac . gandhaśūnye parameśvare viṣṇau agandhanasya śarma rasa iti tathā rasaṃ nityamagandhavacceti ca śrutestasya gandhaśūnyatvāt tathātvam . ala paryāptau ac na° ta° . aparyāpte aparimite parameśvare pavanaḥpāvano'nala iti vi° saha° . bhāṣyakṛtā ca uktavyutpattiḥ viṣṇuviṣayatve darśitā .

analadīpana tri° analaṃ jaṭharānalaṃ pittadhātuvardhanena dīpayati vardhayati dīpa--ṇic--lyu . jaṭharānaloddīpake madhuro madhuraḥ pāke dīṣaghno'naladīpana iti saugandhyāt pūtikoṣṭhaghnaḥ saukṣmyāccānaladīpana iti ca suśrutokte dravyabhede .

analaprabhā strī analasya prabheva prabhā yasya ba° . jyotiṣmatīnāmikāyāṃ latāyām .

analapriyā strī 6 ta° . svāhākhyāyāṃ dakṣakanyāyām vahnipatnyām .

anali pu° aniti ana--ac anaḥ aliryatra ba° śaka° . vakavṛkṣe tatpuṣpasya bahumadhumattvena tanmadhubhirbhramarāṇāṃ jīvanadhāraṇāttathātvam .

analpa tri° na alpaḥ . pracure bhūyiṣṭhe .

anavakāśa pu° na° ta° . avakāśābhāve . ba° . avakāśa śūnye tri° .

anavagīta tri° ava + gai--kta na° ta° . anindite .

anavagraha tri° nāsti avagraho yasya . pratibandhaśūnye avaśyabhavyeṣvanavagrahagraheti naiṣa° . na° ta° . vṛṣṭipratibandhābhāve .

anavadya tri° na avadyaṃ nindyam . nindyabhinne doṣaśūnye ca anavadyatṛṇārdino mṛgāniti naiṣa° . anavadyavidyoddyoteneti dāyabhā° . anavadyoriśādā iti ṛ° 9, 69, 10, anavadyogarhārahita iti bhā° . agniḥ śardhamanavadyaṃ yuvānamiti ṛ° 1, 71, 8 .

anavadhāna na° na avadhīyate manaḥ saṃyujyate kartavyakarmaṇi yathāvasthitaṃ pravartyate'nena ava + dhā--karaṇe lyuṭ avadhānam cittavṛttibhedaḥ abhāve na° ta° . avadhānābhāve manaḥsaṃyogaviśeṣābhāve pramāde, na° ba° . tadvati tri° .

anavadhānatā strī avadhānaṃ nāsti yasya tasya bhāvaḥ . pramāde . kartavye'kartavyatābodhena tatonivṛttiḥ, akartavye kartavyatābodhena tatra pravṛttiśca pramādaḥ . kartavyākaraṇaṃ yatrākartavyasyāthavā kriyā . ucyate dvitayaṃ tatra pramādo'navadhānateti .

anavapṛgṇa tri° ava + pṛc saṃparke kta iḍabhāvādi chāndasam na° ta° . asampṛkte . anavapṛgṇā vitatā vasānamiti ṛ° 1, 152, 4 .

[Page 152b]
anavabrava pu° ava + brū--ac na vacādeśaḥ na° ta° . apavādavarjite vijeṣa kṛdindra ivānavavravo'smākamiti ṛ° 10, 84, 5 .

anavabhra tri° na bhraṃśate bā° ḍa . avabhraṃśaśūnye praskambhadeṣṇā anavabhrarādhasa iti ṛ° 1, 166, 7 . anavabhrarādhasaḥ anavabhraṣṭahavirādidhanā iti bhā° .

anavama tri° na avamaḥ . nyūnatāhīne śreṣṭhe sudharmānavamāṃ sabhāmiti raghuḥ .

anavara tri° na avaraḥ . avarabhinne śreṣṭhe ajaghanye so'yamindrādanavaro vāsudevaśca bhārateti bhāra° .

anavarata tri° ava + rama + bhāve kta avaratam virāmaḥ tannāsti yasya ba° . nirantare viśrāmaśūnye .

anavarārdhya tri° avarasmin ardhe bhavaḥ yat na° ta° . utkṛṣṭe śreṣṭhe ca śīrṣabhāge sthāpanīyatayāsya tattvam .

anavalamba tri° nāsti avalambo yatra . ālambanahīne . na paraṃ pathi pakṣapātitā'nalambe kimu? mādṛśe'pi seti naiṣa° .

anavalobhana na avalupyate pumān yena ava + lupa--lyuṭ pṛ° pasya bhaḥ . garbhasaṃskārabhede . upaniṣadi garbhalambanam puṃsavanamanavalobhanañceti ā° gṛ° .

anavasa tri° ava--prīṇanādau asac avasaḥ bhojanaṃ prīti karatvāt na° ba° . pathyāśanahīne anavaso anabhīśu iti ṛ° 6, 66, 7, anavasaḥ ṣathyāśanarahita iti bhā° .

anavasara tri° avasaraḥ ucitaḥ kālaḥ nāsti yamya ba° . ucitakālavihīne . atarkyaiśyarye tvayyanavasaraduḥsthāhatadhiya iti mahi° sto° . na° ta° . avasarābhāve .

anavasita tri° avasitaḥ samāpto niścito vā na° ta° . aniścite asamāpte ca . anavasitānyau bhgau gururanteiti (vṛtta0) ukte chandobhede strī .

anavaskara tri° avaskriyate śodhyate ava--kṝ--ap suḍāgamaḥ avaskaro malaḥ sa nāsti yasya ba° . malahīne .

anavasthā strī ava + sthā--aṅ avasthitiḥ na° ta° . avasthābhāve, tarkadoṣaviśeṣe upapādyasya samarthanāya upapādakasyānusaraṇaṃ tarkaḥ yatra tarke upapādyopapādakayorviśrānti rnāsti tādṛśatarkasyānavasthādoṣaḥ tatra sa tarko na grāhyaḥ . adhikaṃ tarkaśabde vakṣyate prāmāṇikī anavasthā na doṣāyeti jaga° . nāsti avasthā yasya . avasthitiśūnye tri° . aśarīraṃ śarīreṣu anavastheṣvavasthitasiti

[Page 153a]
anavasthāna na° ava + sthā--lyuṭ na° ta° . avasthānābhāve . va° . vāyau pu° . cañcalamātre tri° .

anavasthita tri° na avasthitaḥ . cañcale, asthire dayitāsvanavasthitaṃ nṛṇāmiti kumā° . vyabhicāravati ca . caturṇāmapi varṇānāṃ nārīrhatvānavasthitā iti manuḥ anavasthitāvyabhicāriṇīriti kullū° . vyabhicāriṇyāśca patyau nitāntāvasthānābhāvāt tathātvam . avasthātu makṣame ca prasthitaṃ tamanavasthitaṃ priyā iti raghuḥ anavasthitam avasthātumakṣamamiti malli° .

anavasthiti na° na avasthitiḥ . abhāvārthe na° ta° . avasthānābhāve .

anavahvara tri° ava + hvṛ--kauṭilye ac na° ta° . akuṭile sarale sacete anavahvaramiti ṛ° 2, 41, 6 . anavahvaramakuṭilamiti bhā° .

anavāpta tri° na avāptaḥ . aprāpte nānavāptamamāptavyaṃ triṣu lokeṣu kiñcaneti gītā .

anavāya tri° ava + iṇ vañ avāyaḥ avayavaḥ na° ba° . niravayane anavāyaṃ kimīdine iti ṛ° 7, 104, 2 .

anavekṣaka tri° na avekṣakaḥ na° ta° . paryālocanā hīne sadasadvivekahīne .

anavekṣā strī na avekṣā apekṣā abhāvārthe na° na° . apekṣābhāve .

anaśana aśa--lyuṭ na° ta° . bhakṣaṇābhāve, upavāse, sa ca bhojanaviṣayanivṛttirūpaḥ vratabhedaḥ ahorātrabhojanābhāva eva tasya prayogopādhitā . tena yatkiñcitkṣaṇe abhojane'pi na upavāsapadaprayīgaḥ . trirātrādipadasamabhivyahāre tu bhojanābhāvamātraparateti bhedaḥ . na° ba° . bhojanaśūnye tri° .

anaśvara tri° na naśvaraḥ . naśvarabhinne, sthāyini, nitye ca .

anas na° aniti śabdāyate ana--asun . śakaṭe dūrādanasā rathena ṛ° 3, 33, 10 . aniti jīvatyanena karaṇe lyuṭ . odane, odanasthāne, ṣitari ca mātari strī . uttarapadasyaḥ avyayī° śaradā° ṭacsamā° . adhyanasam tatpuruṣe'pi saṃjñāyāṃ jātau ca ṭacsamā° . upānasaṃ mahānasam ano'tra bhaktasthānam . apoṣā anasa iti ṛ° 4, 30, 10 .

anasūya tri° nāsti asūyā yasya . paraguṇeṣu doṣāropaśūnye śraddhāvānanasūyaśceti gītā śraddhadhāno'nasūyaśceti manuḥ .

anasūyaka na asūyakaḥ . asūyāśūnye yathā tathā hi saddhṛttamātiṣṭhatyanasūyaka iti manuḥ .

[Page 153b]
anasūyā strī asu--kaṇḍvāditvāt yak--bhāve aṅ asūyā guṇeṣu doṣāropaḥ abhāvārthe na° ta° . na guṇān guṇinohanti stauti cānyaguṇānapi . na haseccānyadoṣāṃśca sā'nasūyā prakīrtite tyuktalakṣaṇe asūyābhāve . ekameva tu śūdrasya prabhuḥ karma samādiśat . eteṣāmeva varṇānāṃ śuśrūṣāmanasūyayeti yatkiñcidapi dātavyaṃ yācitenānasūyayeti ca manuḥ . atrimunipatnyāṃ ca śakuntalāsahacarībhede śaku° .

anasūyu tri° asu--upatāpe kaṇṣṭvā° yak u na° ta° . asūyāśūnye idantu te guhyatamaṃ pravakṣyāsyamanasūyave itigītā .

anastamita tri° na astamitaḥ gataḥ asama° sa° . astamaprāpte .

anastha pu° nāsti asthi yasya bā° acsamā° . asthivarjite avayave purastādanasya jarūravaraṃvamāṇa iti ṛ° 8, 1, 34, asthi avayavaḥ . tacchūnye niravayave sāṃkhyaprasiddhe pradhāne, īśvaramāyāyāñca yadanasthā bibharti ṛ° 1, 164, 4, anasthā niravayavā prakṛtirīśvarāyattamāyāveti bhā° . samāsāntābhāve anasthi . asthiśūnye tri° .

anasvat tri° anaḥ śakaṭamastyasya matup masya vaḥ sāntatvānna padatvam . śakaṭayukte anasvantaḥ śrava aiṣanta pajvāḥ ṛ° 1, 126, 5 .

anahaṅkāra pu° na ahaṅkāraḥ abhāvārthe na° ta° . ahaṅkārābhāve . ba° . tacchūnye tri° ahaṅkāraścāhaṅkāraśabde vakṣyate .

anahaṅkārin tri° . ahamiti garvaṃ karoti aham + kṛ ṇini . na° ta° . garvaśūnye .

anahaṃkṛta tri° ahamiti kṛtamahaṅkāraḥ, bhāve kta na° ba° . ahaṅkāraśūnye mudu vāpyanahaṅkṛta iti manuḥ .

anahaṅkṛti strī ahamiti kriyate bhāve ktin na° ta° . ahaṅkārābhāve na° ba° . ahaṅkāraśūnye tri° .

anahaṃvādin tri° ahamiti garveṇa na vadati vada--ṇini, garvarahite muktasaṅgo'nahaṃvādīti gītā .

anākāra tri° nāsti ākāro'sya . avayavahīne ākāśādau, īśvare ca .

anākāla pu° ā samyak annādisaspannaḥkālaḥ ākālaḥ na° ta° . śaśyādisaspannakālabhinne durbhikṣe kāle .

anākula tri° na ākulaḥ na° ta° . avyagre, ekāgre, sthire, asaṅkīrṇavākye ca .

anākṛta na° netyanena kṛtaḥ nākṛtaḥ nirākṛtaḥ na° ta° . anivārite na vakkā jaraṇā anākṛta iti ṛ° 1, 141, 7, anākṛtaḥ anivārita iti bhā° .

anākrāntā strī ākramitumayogyā sarvataḥkaṇṭhakāvṛtatvāt ā + krama--kta na° ta° . kaṇṭakārivṛkṣe . ākrāntabhinne tri° .

anākṣārita na° na ākṣāritaḥ apakṛtaḥ . anapakṛte . anākṣāritapūrboya iti kātyāsaṃ° . anākṣārito'napakṛta iti prā° vivekaḥ .

anāga tri° na ā samyaggacchati svargamanena nāgaḥ adharmaḥ na° ba° . pāparahite mitrono atrāditiranāgān ṛ° 10, 12, 9, anāgān apāpān iti bhā° .

anāgata tri° na āgataḥ . bhaviṣyatkālavṛttau, heyaṃ duḥkhamanāgatamiti pā° sū° āgatabhinne ca anāgatārtave tyamaraḥ tāvadbhayasya bhetavyaṃ yāvadbhayamanāgatamiti hito° anāgatādiliṅgena na syādanumitistadeti bhāṣā° .

anāgatavidhātṛ tri° anāgatasya bhaviṣyataḥ aniṣṭasya vidhātā pratividhānakartā . āgāmiduḥkhasya liṅgadvārānumānena tannivāraṇopāyānuṣṭhātari anāgatavidhātā ca pratyutpannamatistathā . dvāvetau sukhamedhete yadbhaviṣyovinaśyatīti hito° .

anāgatābādha anāgataḥ ābādhaḥ duḥkham . bhāvidaihikādiduḥkhe . yadācaraṇena bhāviduḥkhānutpādastādṛśā upāyāḥ suśrute darśitā yathā athāto'nāgatābādhapratiṣedhanīyaṃ vyākhyāsyāma tyupakramya . utthāyotthāya satataṃ svasthenārogyamicchatā . dhīmatā yadanuṣṭheyaṃ tat sarvaṃ sampravakṣyate .. tatrādau dantapavanaṃ dvādaśāṅgulamāyatam . kaniṣṭhikāpariṇāhamṛjvagrathitamavraṇam . ayugmagranthi yaccāpi pratyagraṃ śastabhūmijam . avekṣyartuñca doṣañca rasaṃ vīryañca yojayet .. kapāyaṃ madhuraṃ tiktaṃ kaṭukaṃ prātarutthitaḥ . nimbaśca tiktake śreṣṭhaḥ, kaṣāye khadirastayā .. madhūko madhure śreṣṭhaḥ, karañjaḥ kaṭuke tathā . kṣaudravyoṣatrivargāktaṃ satailaṃ saindhavena ca .. cūrṇena tejovatyāśca dantānnityaṃ viśodhayet, . ekaikaṃ gharṣayeddantaṃ mṛdunā kūrcakena ca .. dantaśodhanacūrṇena dantamāṃsānyabādhayan .. taddaurgandhyopadehau tu śleṣmāṇaṃ cāpakarṣati . vaiśadyamannābhiruciṃ maumanasyaṃ karoti ca .. na khādedgalatālvoṣṭhajihvārogamamudbhave . athāsyapāke śvāse ca kāsahikkāvamīṣu ca .. durbalo jīrṇabhaktaśca mūrchārto madapīḍitaḥ . śirorugārtastṛṣitaḥ śrāntaḥ pānaklamānvitaḥ .. arditī karṇaśūlī ca dantarogī ca mānavaḥ, . jihvānirlekhanaṃ raupyaṃ sauvarṇaṃ vārkṣameva ca .. tanmalāpaharaṃ śastaṃ mṛdu ślakṣṇaṃ daśāṅgulam . mukhavairasyadaurgandhyaśophajāḍyaharaṃ sukham, .. dantadārḍhyakaraṃ rucyaṃ snehagaṇḍūṣadhāraṇam . kṣīravṛkṣakaṣāyairvā kṣīreṇa ca vimiśritaiḥ .. bhillodakakaṣāyeṇa tathaivāmalakasya vā . prakṣālayenmukhaṃ netre khasthaḥ śītodakena vā .. nilīkāṃ mukhaśoṣañca piḍakāṃ vyaṅgameva ca . raktapittakṛtān rogān sadya eva vināśayet, .. mukhaṃ laghu nirīkṣeta dṛḍhaṃ paśyati cakṣuṣā, . mataṃ sroto'ñjanaṃ śreṣṭhaṃ viśuddhaṃ sindhusambhavam .. dāhakaṇḍūmalaghnañca dṛṣṭikledarujāpaham, . akṣṇorūpāvahañcaiva sahate mārutātapau .. na netrarogā jāyante tasmādañjanamācaret . bhuktavān śirasā snātaḥ śrāntaśchardanavāhanaiḥ .. rātrau jāgaritaścāpi nāñjyājjvarita eva ca, . karpūrajātikakkolalavaṅgakaṭukāhvayaiḥ .. sacūrṇapūgaiḥ sahitaṃ patraṃ tāmbūlajaṃ śubham . mukhavaiśadyasaugandhyakāntisauṣṭhavakārakam .. hanudantasvaramalajihvendriyaviśodhanam . prasekaśamanaṃ hṛdyaṃ galāmayavināśanam . pathyaṃ suptotthite bhukte snāte vānte ca mānave . raktapittakṣatakṣīṇatṛṣṇāmūrchāparītinām .. rukṣadurvalamartyānāṃ na hitaṃ cāsyaśoṣiṇām, . śirogatāṃstathā rogān śiro'bhyaṅgo'pakarṣati .. keśānāṃ mārdavaṃ dairghyaṃ bahutvaṃ snigdhakṛṣṇatām . karoti śirasastṛptiṃsutvakkamapi cānanam .. santarpaṇaṃ cendriyāṇāṃ śirasaḥ pratipūraṇam . madhūkaṃ kṣīraśuklā ca saralaṃ devadāru ca . kṣṛdrakaṃ pañcanāmānaṃ samabhāgāni saṃharet . teṣāṃ kalkakaṣāyābhyāṃ cakratailaṃ vipācayet .. sadaiva śītalaṃ jantormūrdhni tailaṃ pradāpayet, . keśaprasādhanī keśyā rajojantumalāpahā, .. hanumanyāśiraḥkarṇaśūlaghnaṃ karṇapūraṇam, . abhyaṅgo mārdavakaraḥ kaphavātanirodhanaḥ .. dhātūnāṃ puṣṭijanano mṛjāvarṇabalapradaḥ, . sekaḥ śramaghno'nilanudbhagnasandhiprasādhakaḥ .. kṣatāgnidagdhābhihatavidhṛṣṭānāṃ rujāpahaḥ . jalasiktasya vardhante yathā mūle'ṅkurāstaroḥ .. tathā dhātu vivṛddhirhi snehasiktasya jāyate . śirāmukhairomakūpairdhamanībhiśca tarpayan .. śarīrabalamādhatte yuktaḥ sneho'vagāhane . tatra prakṛtisātmyartudeśadoṣavikāravit .. tailaṃ ghṛtaṃ vā matimān yuñjyādabhyaṅgasekayoḥ . kevalaṃ sāmadoṣeṣu na kathañcana yojayet .. taruṇajvaryajīrṇī ca nābhyaktavyau kathañcana . tathāvirikto vāntaśca nirūḍho yaśca mānavaḥ .. pūrbayoḥ kṛcchratā vyādhyorasādhyatvamathāpivā . śeṣāṇāṃ tadahaḥ proktā agnimāndyādayogadāḥ .. santarpaṇasamutthānāṃ rogāṇāṃ naiva kārayet, . śarīrāyāsajananaṃ karma vyāyāmasaṃjñitam .. tat kṛtvā tu sukhaṃ dehaṃ vimṛdnīyāt samantataḥ . śarīropacayaḥ kāntirgātrāṇāṃ suvibhaktatā .. dīptāgnitvamanālasyaṃ sthiratvaṃ lāghavaṃ mṛjā . śramakumapipāsoṣṇaśītādīnāṃ sahiṣṇutā .. ārogyaṃ cāpi paramaṃ vyāyāmādupajāyate . na cāsti sadṛśaṃ tena kiñcit sthaulyāpakarṣaṇam .. na ca vyāyāminaṃ martyamardayantyarayo bhayāt . nacaina sahasākramya jarā samadhirohati .. sthirībhavati māṃsañca vyāyāmābhiratasya ca . vyāyāmakṣuṇṇagātrasya padbhyāsudvartitasya ca .. vyādhayo nopasarpanti siṃhaṃ kṣudramṛgā iva . vayorūpaguṇairhīnamapi kuryāt sudarśanam .. vyāyāma kurvato nityaṃ viruddhamapi bhojanam . vidagdhamavidagdhaṃ vā nirdoṣaṃ paripacyate .. vyāyāmo hi sadāpathyobalināṃ snigdhabhojinām . sa ca śīte vasante ca teṣāṃ pathyatamaḥ smṛtaḥ .. sarveṣvṛtuṣvaharahaḥ pumbhirātmahitaipibhiḥ . balasyārdhena kartavyo vyāyāmo hantyato'nyathā .. hṛdi sthānasthito vāyuryadā vaktraṃ prapadyate . vyāyāmaṃ kurvato jantostadbalārdhasya lakṣaṇam .. vayobalaśarīrāṇi deśakālāśanāni ca . samīkṣya kuryāt vyāyāmamanyathā rogamāpnuyāt .. kṣayastṛṣṇārucicchardiraktapittabhramaklamāḥ . kāsaśoṣajvaraśvāsā ativyāyāmasambhavāḥ .. raktapittī kṛśaḥ śoṣī śvāsakāsakṣatāturaḥ . bhuktavān strīṣu ca kṣīṇo bhramārtaśca vivarjayet .. udvartanaṃ vātaharaṃ kaphamedovilāpanam . sthirīkaraṇamaṅgānāṃ tvakprasādakaraṃ param .. śirāmukhaviviktatvaṃ tvaksthasyāgneśca tejanam . uddharṣaṇotsādanābhyāṃ jāyeyātāmasaṃśayam, .. utsādanādbhavet strīṇāṃ viśeṣāt kāntimadvapuḥ . praharṣasaubhāgyamṛjālāghavādiguṇānvitam, .. udgharṣaṇantu vijñeyaṃ kaṇḍūkīṭānilāpaham . ūrvoḥ sañjanayatyāśu phenakaḥ sthairyalāghave kaṇḍūkīṭānilastambhamalarogāpahaśca saḥ . tejanaṃ tvaggatasyāgneḥ śirāmukhavirecanam .. uddharṣaṇantviṣṭikayā kaṇḍūkīṭavināśanam . nidrādāhaśramaharaṃ svedakaṇḍūtṛṣāpaham .. hṛdyaṃ malaharaṃ śreṣṭhaṃ sarvendriyaviśāghanam . tandrāpāpopaśamanaṃ tuṣṭidaṃ puṃstvavardhanam, .. raktaprasādanaṃ cāpi snānamagneśca dīpanam . uṣṇena śirasaḥ snānamahitañcakṣuṣaḥ sadā .. śītena śirasaḥ snānaṃ cakṣuṣyamiti nirdiśet . śleṣmamārutakope tu jñātvā vyādhibalābalam .. kāmamuṣṇaṃ śiraḥsnānaṃ bhaiṣarjyārthaṃ samācaret . atiśītāmbuśīte ca śleṣmamārutakopanam .. atyuṣṇamuṣṇakāle ca pittaśoṇitavardhanam . taccātisārajvaritakarṇaślānilārtiṣu .. ādhmānārocakājīrṇabhuktavatsu ca garhitam, . saubhāgyadaṃ varṇakaraṃ prītyojobalavardhanam .. svedadaurgandhyavaivarṇyaśramaghnamanulepanam . snānaṃ yeṣāṃ niṣiddhantu teṣāmapyanulepanam . rajoghnamatha caujasyaṃ saubhāgyakaramuttam, . sumano'mbararatnānāṃ dhāraṇaṃ prītivardhanam .. mukhālepāddaḍhaṃ cakṣuḥpīnagaṇḍaṃ tathānanam . avyaṅgapiḍakaṃ kāntaṃ bhavatyambujasannibham, .. pakṣmalaṃ viśadaṃ kāntamamalojjvalamaṇḍalam . netramañjanasaṃyogādbhaveccāmalatārakam, . yaśasyaṃ svargyamāyuṣyaṃ dhanadhānyavivardhanam . devatātithiviprāṇāṃ pūjanaṃ gotravardhanam, .. āhāraḥ prīṇanaḥ sadyobalakṛddehadhārakaḥ . āyustejaḥsamutsāhasmṛtyojo'gnivivardhanaḥ, .. pādaprakṣālanaṃ pādamalarogaśramāpaham . cakṣuḥprasādanaṃ vṛṣyaṃ rajoghnaṃ prītivardhanam .. nidrākaro dehasukhaścakṣuṣyaḥ śramasuptinut, . pādatvaṅmṛdukārī ca pādābhyaṅgaḥ sadā hitaḥ .. pādarogaharaṃ vṛṣyaṃ rajoghnaṃ prītivardhanam, . sukhapracāramaujasyaṃ sadā pādatradhāraṇam .. anārogyamanāyuṣyaṃ cakṣuṣorupaghātakṛt . pādābhyāmanupānadbhyāṃ sadā caṃkramaṇaṃ nṛṇām, .. pāpopaśamanaṃ keśanakharomāpamārjanam . harṣalāghavasaubhāgyakaramutsāhavardhanam .. vāṇavāraṃ mṛjāvarṇatejobalavivardhanam, . pavitraṃ keśyamuṣṇīṣaṃ vātātaparajo'paham .. varṣānilarajogharmahimādīnāṃ nivāraṇam .. varṇyaṃ cakṣuṣyamaujasyaṃ śaṅkaraṃ chatradhāraṇam .. śunaḥ sarīsṛpavyālaviṣāṇibhyo bhayāpaham, . śramaskhalanadoṣaghnaṃ sthavire ca praśasyate .. satvotsāhabalasthairyadhairyavīrya vivardhanam . avaṣṭambhakarañcāpi bhayaghnaṃ daṇḍadhāraṇam, .. āsthā varṇakaphasthaulyasaukumāryakarī sukhā, . adhvā varṇakaphasthaulyasaukumāryavināśanaḥ, . atyadhvā viparīto'smājjarādaurbalyakṛcca saḥ .. yattu caṃkramaṇaṃ nātidehapīḍākaraṃ bhavet, . tadāyurbalameghāgnipradamindriyabodhanam .. śramānilaharaṃ vṛṣyaṃ puṣṭinidrādhṛtipradam . susvaṃ śayyāsanaṃ duḥkhaṃ viparītaguṇaṃ matam, .. vyālavyajanamaujasyaṃ makṣikādīnapohati . śoṣadāhaśramasvedamūrchāghno vyajanānilaḥ, .. protinidrākaraṃ vṛṣyaṃ kaphavātaśramāpaham . saṃvāhanaṃ māṃsaraktatvakprasādakaraṃ kham, . pravātaṃ rokṣyavaivarṇyastambhakṛddāhapaktinut . svedamūrchāpipāsāghnamapravātamato'nyathā, .. sukhaṃ vātaṃ praseveta grīṣmeśaradi mānavaḥ . nivātaṃ hyāyuṣe sevyamārogyāya ca sarvadā, . ātapaḥ pittatṛṣṇāgnisvedamūrchābhramāsrakṛt, . dāhavaivarṇyakārī ca chāyā caitānapohati, . agnirvātakaphastambhaśītavepathunāśanaḥ . āmābhiṣyandajaraṇo raktapittapradūṣaṇaḥ, . puṣṭivarṇabalotsāhamagnidīptimatantritām . karoti dhātusāmyañca nidrākāle niṣevitā, .
     tatrādita eva nīcanakharomṇā śucinā śuklavāsasā laghūṣṇīṣacchatropānatkena daṇḍapāṇinā kāle hitamitamadhurapūrbābhibhāṣiṇā bandhubhūtena bhūtānāntu, guruvṛddhānumatena susahāyenānanyamanasā khalūpacaritavyaṃ, tadapi na rātrau na keśāsthikaṇṭakāśmatuṣabhasmotkarakapālāṅgārāmedhyasthānabalibhūmiṣu, na viṣamendrakīlacatuṣpathaśvabhrāṇāmupariṣṭāt, . na rājadviṣṭaparudhapaiśunyānṛtāni vadet na devabrāhmaṇapitṛparivādāṃśca . na narendradviṣṭonmattapatitakṣudranīcācārānupāsīta . vṛkṣaparvataprapātaviṣamavalmīkaduṣṭavājikuñjarādyadhirohaṇāni pariharet pūrṇanadīsamudrāviditapalvalaśvabhrakūpāvataraṇāni, bhinnaśūnyāgāraśmaśānavijanāraṇyavāsāgnisaṃbhramavyālabhujaṅga--kīṭasevāgrāmāghātakalahaśastrasannipātāgnisaṃbhramavyālasarīsṛpaśṛṅgisannirkaṣāṃśca .. nāgnigogurubrāhmaṇapreṅkhādampatyantareṇābhiyāyāt . na śavamanuyāyāt . devagobrāhmaṇacaityadhvajarogipatitapāpakāriṇāñca chāyāṃ nākramet . nāstaṃ gacchantamudyantaṃ vādityaṃ vīkṣeta . gāndhayantīṃ paraśasyaṃ vā carantīṃ parasmai na kasmaicidācakṣīta, na colkāpātendradhanūṃṣi . nāgniṃ mukhenopadhamet . nāpo bhūmiṃ vā pāṇipādenābhihanyāt .. na vegān ghārayet . na vahirvergān grāmanagaradevatāyatanaśmaśāna catuṣpathasalilāśayapathisannikṛṣṭānutsṛjannaprakāśaṃ na vāyvagnisalilasomārkagogurupratimukham .. na bhūmiṃ vilikhet . nāsaṃvṛtamukhaḥ sadasi jṛmbhodgāraśvāsakṣavathanutsṛjet . na paryastikāvaṣṭambhapādaprasāraṇāni gurusannidhau kuryāt . na bālakarṇanāsāsrotodaśanavivarāṇyabhikuṣṇīyāt . na vījayet keśamukhanakharavastragātrāṇi . na gātranakhavaktravāditraṃ kuryāt . na kāṣṭhaloṣṭatṛṇādīnabhihanyādbhindyādvā . na prativātātapaṃseveta . na bhuktamātro'gnimupāsīta, notkaṭukastiṣṭhet . nālpakāṣṭhāsanamadhyāsīta . na grovāṃ viṣamaṃ ṣārayet . na viṣamakāyaḥ kriyāṃ bhajet bhuñjīta vā . na pratatamīkṣeta viśeṣājjyotirbhāskarasūkṣmacalabhrāntāni . na bhāraṃ śirasā vahet . na svapnajāgaraṇaśayanāsanacaṅkamaṇayānavāhanapradhānavanalaṅghanaplavanaprata raṇahāsyabhāṣyavyavāyavyāyāmādīnucitānapyatiseveta .. u citādapyahitāt kramaśo viramet hitamanucitamapyāseveta kramaśo na caikāntataḥ pādahīnāt .. nāvākśirāḥ śayīta . na bhinnapātre nāñjalipuṭenāpaḥ pibet . kāle hitamitasnigdhamadhuraprāyamāhāraṃ vaidyapratyavekṣitamaśnīyāt . grāmagaṇagaṇikāpaṇikaśatruśaṭhapatitabhojanāni pariharet śeṣāṇyapi cāniṣṭarūparasagandhasparśaśabdamānasānyanyānyevaṃguṇānyapi vā saṃbhūya dattāni tānyapi makṣikābālopahatāni, . nāprakṣālitapāṇipādo bhuñjīta mūtroccārapīḍito na sagdhyayornāpāśrito nātītakālaṃ hīnamatimātrañceti na bhuñjītoddhṛtasneham .. nodake paśyedātmānaṃ, na nagnaḥ praviśejjalam . na naktaṃ dadhi bhuñjīta na vāpyaghṛtaśarkaram .. nāmudgayūṣaṃ nākṣaudraṃ noṣṇairnāmalakairvinā . anyathā kṛṣṭhavīsarpādiṃ janayet . dyūtamadyātisevāpratibhūsākṣitvasamāhvānagoṣṭhīvāditrāṇi na seveta . srajañchatropānahau kanakamatītavāsāṃsi na cānyairdhṛtāni dhārayet . brāhmaṇamagniṃ gāñca nocchiṣṭaḥ spṛśet .. bhavanti cātra .. sukhamātraṃ samāsena sadvṛttasyaitadīritam . ārogyamāyurartho vā nāsadbhiḥ prāpyate nṛbhiḥ .. yasmin yasminnṛtau ye ye doṣāḥ kupyanti dehinām . teṣu teṣu pradātavyā rasāste te vijānatā .. varṣāsu na pibettoyaṃ pibeccharadi mātrayā . varṣāsu caturo māsānmātrāvadudakaṃ pibet .. uṣṇaṃ haime vasante ca kāmaṃ grīṣme tu śītalam . hemante ca vasante ca sīdhvariṣṭau pibennaraḥ .. śṛtaśītaṃ pibet grīṣme prāvṛṭkāle rasaṃ pibet . yūṣaṃ yarṣati tasyānte prapibecchītalaṃ jalam .. svasya evamato'nyastu doṣāhāramatānugaḥ . snehaṃ saindhavacūrṇena pippalībhiśca saṃyutam .. pibedagnivivṛddhyarthaṃ na ca vegānvidhārayet . agnidīptikaraṃ nṝṇāṃ rogāṇāṃ śamanaṃ prati .. prāvṛṭśaradvasanteṣu samyak snehādimācaret . kaphe pracchardanaṃ, pitte vireko, vastirīraṇe .. śasyate triṣvapi sadā vyāyāmo doṣanāśanaḥ . bhuktaṃ viruddhamapyannaṃ vyāyāmānna prakupyati .. utsargamaithunāhāraśodhane syāttu tanmanāḥ . necchedrogabhayātprājñaḥ pīḍāṃ vā kāyamānasīm .. atistrīsaṃprayogācca rakṣedātmānamātmavān . śūlakāsajvaraśvāsakārśyapāṇḍvāmayakṣayāḥ .. ativyavāyājjāyante rogāścākṣepakādayaḥ . āyuṣmanto mandajarā vapurvarṇabalānvitāḥ .. sthiropacitamāṃsāśca bhavanti strīṣu saṃyatāḥ . tribhistribhirahobhirhi samīyāt pramadāṃ naraḥ .. sarveṣvṛtuṣu dharmeṣu pakṣātpakṣād vrajet budhaḥ . rajasvalāmakāmāñca malināmapriyāṃ tathā .. varṇavṛddhāṃ vayovṛddhāṃ tathā vyādhiprapīḍitām . hīnāṅgīṃ garbhiṇīṃ dveṣyāṃ yonidoṣasaganvitām .. sagotrāṃ gurupatnīñca tathā pravajitāmapi . sagdhyāparvasvagamyāñca nopeyāt pramadāṃ naraḥ .. gosarge cārdharātre ca tathāmadhyandineṣu ca . lajjāsamāvahe deśe vivṛte'śuddha eva ca .. kṣudhito vyādhitaścaiva kṣubdhacittaśca mānavaḥ . vātaviṇmūtravegī ca pipāsuratidurbalaḥ .. tiryagyonāvayonau ca prāptaśukravidhāraṇam . duṣṭayonau visargantu balavānapi varjayet .. retasaścātimātrantu mūrdhvāvaraṇameva ca . sthitāvuttānaśayane viśeṣeṇaiva garhitam .. krīḍāyāmapi medhāvī hitārthī parivarjayet . rajasvalāṃ prāptavato narasyāniyatātmanaḥ .. dṛṣṭyāyustejasāṃ hāniradharmaśca tato bhavet . liṅginīṃ gurupatnīñca sagotrāmatha parvasu .. vṛddhāñca sandhyayoścāpi gacchato jīvitakṣayaḥ . garbhiṇyāṃ garbhapīḍā syādvyādhitāyāṃ balakṣayaḥ .. hīnāṅgīṃ malināṃ dveṣyāṃ kāmaṃ bandhyāmasaṃvṛte . deśe'śuddhe ca śukrasya manasaśca kṣayo bhavet .. kṣudhitaḥ kṣubdhacittaśca madhyāhne tṛṣito'balaḥ . sthitasya hāniṃ śukrasya vāyoḥ kopañca vindati .. atiprasaṅgādbhavati śopaḥ śukrakṣayāvahaḥ . vyādhitasya rujā plīhā mṛtyurmūcchā ca jāyate . pratyūṣasyardharātre ca vātapitte prakupyataḥ .. tiryagyonāvayonau ca duṣṭayonau tathaiva ca . upadaṃśastathā vāyoḥ kopaḥ śukrasya ca kṣayaḥ .. uccārite mūtrite ca retasaśca vidhāraṇe . uttāne ca bhavecchīghraṃ śukrāśmaryāstu sambhavaḥ .. sarvaṃ pariharettasmādetallokadvaye hitam . śukraṃ copasthitaṃ mohānna sandhāryaṃ kathañcana .. vayorūpaguṇopetāṃ tulyaśīlāṃ guṇānvitām . abhikāmo'bhikāmāntu hṛṣṭo hṛṣṭāmalaṃkṛtām .. seveta pramadāṃ yuktyā vājīkaraṇavṛṃhitaḥ . bhakṣyāḥ saśarkarāḥ kṣīraṃ sasitaṃ, rasa eva ca .. snānaṃ savyajanaṃ svapno vyavāyānte hitāni tu iti . eteṣāmanyathācaraṇe yathāyathaṃ duḥsrānyutpadyante .

anāgatārtavā strī strīpuṣpavikāśanam ārtavam na āgatamārtavaṃ yasyāḥ . strīdharmaśūnyāyāṃ nagnikāyāṃ kanyāyām .

anāgandhiva tri° na āgandhitaḥ āghrātaḥ . anāghrāte, sarvadoṣānāgandhitaṃ prativacanamāheti vṛ° u° bhā° .

[Page 157b]
anāgama pu° nāsti āgamaḥ svatvahetuḥ krayādiryatra . svatvahetukrayādiśūnye anāgamaṃ tu yo bhuṅkte bahūnyabdaśatānyapīti smṛtiḥ adhikamāgamaśabde vakṣyate .

anāgas tri° nāsti āgo'parādhaḥ pāpaṃ vā yasya . aparādhaśūnye pāpaśūnye ca ārtatrāṇāya vaḥ śastraṃ na prahartumanāgasīti śaku° . anāgame śaṃsati bālacāpalamiti naiṣa° . anāgasaḥ tamaditiḥ kṛṇotu ṛ° 4, 39, 3, anāgasaṃ pāparahitamiti bhā° . tavānāgaso aditaye syāma ṛ° 1, 24, 25, anāgasaḥ aparādharahitāḥ syāmeti bhā° .

anācāra pu° aprāśastye'bhāve vā na° ta° . kadācāre, ācārābhāve ca . sarvadeśeṣvanācāraḥ pathi tāmbūlacarvaṇamiti smṛtiḥ . anācārodvividhaḥ vihitasyānuṣṭhānābhāvaḥ niṣiddhasyācaraṇañca . tatra ācāraśabde vakṣyamāṇā bhāvābhāvarūpāḥ śāstre kartavyatayā ye vihitāsteṣāmananuṣṭhānam anācāraḥ . niṣiddhaśabde vakṣyamāṇāni varjanīyatayā śāstre yāni uktāni teṣāmanuṣṭhānamapyanācāraḥ . tatrāyaṃ viśeṣaḥ yatra deśe parabhparāprasiddhaḥ yo'nācāraḥ sa, alpadoṣādhāyakaḥ yathoktaṃ mādhavīye baudhāyanena pañcadhā vipratipattirdakṣiṇata urṇāvikrayo, anupanītena bhāryayā ca saha bhojanam, paryuṣitabhojanam, mātulapitṛṣvasṛduhitṛpariṇayanam, tathottarataḥ sīdhupānamubhayatodadbhirvyavahāra ityādikamabhidhāya itara itarasmin kurvan duṣyati deśaprāmāṇyāditi . itarodākṣiṇātya itarasmin uttaradeśe mātulasutādisambandhaṃ kurvan duṣyati na svadeśe, tathā itara udīcya itarasmin dakṣiṇe deśe sīdhupānādikaṃ kurvan duṣyati na svadeśe kutaḥ deśaprāmāṇyāt deśanibandhanatvādācārapramāṇyasyeti mādhavaḥ . devalaḥ yasmin deśe ga āvāraḥ nyāyadṛṣṭaḥ sukalpitaḥ . sa tasminneva kartavyo na tu deśāntare smṛtaḥ iti . yasmin deśe pure grāme trividhe nagare'pi vā . yo yatra vihito dharmastaṃ dharmaṃ na vicālayediti . deśānuśiṣṭaṃ kuladharmamagryaṃ svajātidharmaṃ na hi saṃtyajecceti smṛtyantaraṃ vṛhaspatirapi paramparāsiddhānānācārān deśaviśeṣeṣvāha sma . uduhyate dākṣiṇātyairmātulasya sutā dvijaiḥ . matsyādāśca narāḥ pūrbe vyabhicāraratāḥ striyaḥ . uttare madyapāścaiva spṛśyā nṝṇāṃ rajasvalā iti evamanyepyanācārā deśabhede paramparāgatāḥ tattatspṛtiṣūktā vedyāḥ . ba° . ācārahīne tri° .

anājñāta tri° na ājñātaḥ . samyagjñānāviṣayībhūte ājñātaṃ yadānājñātaṃ yajñasya kriyate mitha iti yaju° .

anātapa pu° ā + tapa--ac na° ta° . ātapasya rodrasyābhāve, chāyāyāṃ ca . anātapaviśoṣitamiti vaidyakam chāyāśuṣkamiti tadarthaḥ . ba° . ātapaśūnye tri° .

anātura tri° na āturaḥ . āturabhinne svasthe aroge ca yaddevāḥ śarma śaraṇaṃ yadbhadraṃ yadanāturamiti ṛ° 8, 47, 10, bheje dharmamanātura iti raghuḥ .

anātmaka tri° nāsti ātmā sthiraḥ yatra kap . kṣiṇika vijñānamate, sthirātmaśūnye jagati ca . nairātmyavāde hi cetayitā sthira ātmā na svīkriyate kintu kṣaṇikavijñānenaiva sarvavyavahārasiddhirityataḥ parābhimatātmaśūnyatvam jagataḥ . vistaraḥ kṣastiktavijñānaśabde dṛśyaḥ .

anātmajña tri° ātmānaṃ yathākharūpaṃ na jānāti jñā--ka jata° sa° . ātmasvarūpānabhijñe ātmaceṣṭitānabhijñe khaparavivecanāśūnthe ca .

anātman pu° na ātmā aprāśastye bhedārthe ca na° ta° . aprāptaḥ prāpyate yo'yamatyantaṃ tyajyate'thavā . jānīyāttamanātmānaṃ buddhyanta vapurādikam itthevaṃ pratipādite ātmabhinne apakṛṣṭātmani dehādau anātmani dehādau ātmeti bā buddhiḥ sā'vidyeti ve° pra° . devāśca asurāśca ubhayaevānātmāna iti śrutiḥ anātmanyātmabuddhiryā sā'vidyā parikīrtiteti purā .

anātmavat tri° ātmā'bdhaḥkaraṇaṃ vaśyatvenāstyasya matup masya vaḥ na° ta° . ajitendriye . anātmavantaḥpaśuvadbhuñjate ye 'pramāṇata iti suśrutam .

anātmya na° ātmana idaṃ ātman + yat ātmyam śarīraṃ na° ba° . aśarīre etasminnadṛśye'nātmye'nirukte iti tai° brā° anātmye aśarīre iti bhā° .

anātha tri° nāsti nāthaḥ prabhurasya . prabhuhīne kiṃ bhrātā sadyadanāthamiti ṛ° 10, 10, 11, . vilapantamanāthavaditi bhāra° .

anādara pu° āduraḥ goravahetukā sammānanā virodhe na° ta° . parimave, tiraskāre, avajñāyām ca teṣāmādaravirodhiptvyāttathāta . guṇepu rāgo vyasaneṣvanādaraḥ nīti° . ba° . ādaraśūnye tri° .

[Page 158b]
anādi pu° ādiḥ kāraṇam pūrbakālo vā sa nāsti ya sya parameśvare . nāsti ādiḥ prāthamikoyasmāt 5 ba° . hiraṇyagarbhe pu° tasya ca hiraṇyagarbhaḥ samavartatāgre iti śrutau sṛṣṭeḥ pragutpattyuktestathātvam . ādiśūnye tri° . jagadādiranādistvamiti kumā° . anādinidhanaṃ brahma śabdatattvaṃ pracakṣate iti hariḥ . anādinidhanā devī vāgutsṛṣṭā svayambhuveti purā° . anādibhūrbhuva iti viṣṇu sa° . anāditvāt nirguṇatvāditi gītā .

anādimat ādimat kāryaṃ tadbhinnaḥ . kāryabhinne .

anādiṣṭa tri° na ādiṣṭaḥ viśeṣarūpeṇa upadiṣṭaḥ . viśeṣarūpeṇākathite asya pāpasya, idaṃ prāyaścitta mityādirūpeṇa viśeṣato'nirdiṣṭe prāyaścitte upapātakayuktānāmanādiṣṭeṣu caiva hi . prakāśe ca rahasye ca iti viśvāmitraḥ .

anādṛta na° ādṛtam ādaraḥ bhāve kta abhāvārthe na° ta° . ādarāmāve avajñāyām . karmaṇi kta na° ta° . ādṛtabhinne avajñāte tiraskṛte ca tri° .

anādeya na° na ādeyaḥ . smṛtyādiṣu niṣiddhatayā ādānānarhe vastuni anādeyasya cādānādādeyasya ca varjanāditi manuḥ . apratigrāhye ca apratigrāhyadravyāṇi ca apratigrāhyaśabde vakṣyante .

anādeśa pu° na ādeśaḥ abhāve na° ta° . upadeśābhāve . mantrānādeśe gāyatrīti smṛtiḥ .

anādya tri° na ādyaṃ bhakṣyam . abhakṣye smṛtiniṣiddhatayā bhakṣaṇānarhe . eṣo'nādyādanasyokto vratānāṃ vividhovidhiriti jñānājñānakṛtaṃ kṛtsnaṃ śṛṇutānādyabhakṣaṇe iti ca manuḥ . anādyāni ca abhakṣyaśabde darśayiṣyante . ādyaśūtye anādau tri° .

anādhāra tri° nāsti āvāro yasya . āśrayaśūnye ayatra nityadravyebhya āśritatvamiheṣyate (bhāṣā0) ukteḥ nyāyamate nityadravyamātre, āśrayaśūnyatvācca yuktamanādhāratvam amba rāntadhṛte rityādi śā° sūtreṇa ambaraparyāntāmāṃ sarveṣāmādhāratvamīśvarasyeti nāmbarādau anāvāratvaṃ kintu brahmaṇa eveti vedāntinaḥ .

anādhṛṣ tri° ā + dhṛṣa--kta na° ta° . anabhibhūta ādharṣaṇarahite revatīranādhṛṣaḥ siṣāsava iti ṇarva° 6, 2, 2 .

anādhṛṣṭa tri° na ādhṛṣṭaḥ parābhūtaḥ . aparibhūte mahī na āyasyanādhṛṣṭa iti ṛ° 7, 15, 14, . vāryamanādhṛṣṭaṃ rakṣakhinā, ṛ° 8, 22, 18 .

[Page 159a]
anādhṛṣya tri° ā + dhṛṣa--karmaṇi kyap na ādhṛṣyaḥ na° ta° . anabhibhavanīye anādhṛṣyaṃ vṛṣabhaṃ tumramindramiti ṛ° 4, 18, 10, tava devairanādhṛṣyamiti rāmā° .

anānuda tri° anudadāti anu + dā--ka na° ta° pṛ° dīrghaḥ . samānadātṛśūnye atulyadātari . anānudo vṛṣabhododhata iti ṛ° 2, 21, 4, pramūtadhanadānena anyaḥ samāno dātā nāstīti bhā° .

anāpi tri° āpyate āpa--karmaṇi in āpirāpto bandhuśca na° ba° . āptaśūnye . anāpirajñā asajātyāmatiriti ṛ° 10, 39, 6, anāpirabandhuriti bhā° amrātṛvyo anā tvamanāpirindra iti ṛ° 8, 21, 13 .

anāpta tri° āpto bandhuḥ yathārthajñānavān, prāptaśca, na° ta° . bandhubhinne, aprāpte, yasyānāptaḥ sūryasyeva ṛ° 1, 100, 2, anāptaḥ parairaprāptaḥ iti bhā° . yathārthaniścayavadbhinne yugyasthāḥ prājake'nāpte sarve daṇḍyāḥ śataṃ śatamiti manuḥ .

anābhayin tri° ābibheti ā + bhī--uṇā° ini na° ta° . samyagbhītabhinne . anābhayinnarimā te ṛ° 8, 2, 1, .

anābhū tri° ābhimukhyena bhavati ābhūḥ stotā na° ta° . stotṛbhinne ābhimukhyāprāpte ca . indraḥśnathayannanābhuva iti ṛ° 1, 51, 9, .

anāman na° ananamanaḥ anaṃ jīvanam amayati rujati ama-- kanin . arśoroge . nāsti nāmāsya nāmaśūnye malamāse pu° tasya vaidikakarmānarhatayā'nāmatvāttattvam . nāmaśūnye tri° anāmikāyāmapi pu° śabdaratnā° . svārthe kan . tatrārthe .

anāmaya pu° ama--ghañ āmaṃ tāpaṃ yātyanena yā--ka āmayo rogaḥ na° ta° . rogābhāve ārogye . brāhmaṇaṃ kuśalaṃ pṛcchet kṣātrabandhumanāmayamiti manuḥ . na° 5 ba° . vāhyābhyantarapīḍānivārake viṣṇau pu° puṇyakīrtiranāmaya iti viṣṇu sa° . rogaśūnye tri° . janmabandhavinirmuktāḥ padaṃ gacchantyanāmayamiti gītā .

anāmayitna, ama--ṇic--bā° itnuc na° ta° . vyathakabhinne hastābhyāmanāmayitnubhyāmiti ṛ° 10, 137, 7, .

anāmā strī brahmaṇaḥ śiraśchedanasādhanatayā grahaṇāyogyatvāt nāsti nāma grahaṇayogyaṃ yasyāḥ, nāsti aṅguṣṭhatarjanyādivat viśeṣanāmāsya vā manantatvāt ḍāp . svanāmaprasiddhāyāṃ madhyamākaniṣṭhayoḥ madhyagāyāmaṅgulyām . svārthe kan . anāmikāpyatra . tayā hi śivena brahmaśiracchinnamiti purāṇe prasiddhvam tena tasyā apavitrajātīyatā ataeva tasyāḥ pavitrīkaraṇārthaṃ yajñādau pavitranāmakakuśadhāraṇaṃ tatra kriyate . anāmikādhṛtā darbhā hyekānāmikayāpi vā, dvābhyāmanāmikābhyāṃ tu dhārye darbhapavitrake iti chando° pa° .

anāmṛṇa tri° āmṛṇāti hinasti ā + mṛṇa--ka na° ba° . hiṃsakarahite . anāmṛṇaḥ kuvidādasya ṛ° 1, 331, .

anāyatta tri° na āyattaḥ . avaśe anadhīne . etāvajjanmasākalyaṃ yadanāyattavṛttiteti hito° .

anāyana na° na āyanaṃ cālanam yatra . ekānte hema° ekāntānāyanamityekaṃ nāmeti kecit .

anāyāsa pu° ā--yasa ghañ alpārthe na° ta° . prayatnābhāve, alpaprayāse, akleśe ca . śarīraṃ pīḍyate yena śubhenāpyaśubhena vā . atyantaṃ tanna kurvīta anāyāsaḥ sa ucyate atri° . ba° . prayatnaśūnye tri° . mamāpye'kasminnanāyāse karmaṇi sahāyena bhavatā bhavitavyamiti śaku° .

anāyāsakṛta na° anāyāsena alpaprayatnena kṛtaṃ na° ta° . alpāyāsena sādhye phāṇṭe kvāthe .

anāyuṣya na° āyuṣe hitam āyus + yat na° ta° . āyurahitakare atibhojanādau . anārogyamanāyuṣyamasvargyañcātibhojanam iti nahīdṛśamanāyuṣyaṃ loke kiñcana vidyate yādṛśaṃ puruṣasyaiva paradāropasevanamiti ca manuḥ . tatra prathamadivase ṛtumatyāṃ maithunagamanamanāyuṣyaṃ puṃsāmiti suśrutam evamanyānyapi bahūni anāyuṣyāṇi tatra sthāne sthāne darśitāni . tata eva tāni bodhyāni .

anārata na° ā + rama--kta ārataṃ viratiḥ atyantābhāve na° ta° . santate, avirāme avicchede ca . anārataṃ tena padeṣu lambhitā iti bhāra° . ba° . tadvati tri° .

anārabhya avya° ā + rabha--lyap na ārabhya . kiñcidanadhikṛtyetyarthe . anārabhyādhītatvāditi mīmāṃsā . na ārabhyaḥ na° ta° . ārabhyabhinne tri° . anārabhyatvāditi kā° 1, 8, 3, naivāyamārambhaṇī'rtha iti vyākhyā . anārabhyatvācceti iti kātyā° 20, 8, 29, . tasmādanārabhyo'yamartha iti vyākhyā .

anārabhyādhīta tri° na ārabhya kiñcit adhītaḥ . kiñcidanadhikṛtya adhīte, yeṣāṃ mantrāṇāṃ karmaviśeṣe viniyogo noktasteṣāṃ mantrāṇāmanārābhyādhītatvāt brahmayajñe eva viniyoga iti mīmāṃsāyāṃ sthirīkṛtam . sāmānyena tu viniyogo yadyapi brahmayajñaviśeṣa iti ṛ° bhā° mādhavaḥ .

[Page 160a]
anārambhaḥ pu° na ārambhaḥ amāvārthe na° ta° . ārambhābhāve anuṣṭhānābhāve . na karmaṇāsanārambhānnaiṣkarmyaṃ puruṣo'śnute iti gītā .

anārogya na° na ārogyam . ārogyābhāve . nāsti ārogyaṃ yasmāt 5 ba° . ārogyāsādhane anārogyamanāyuṣyamasvargyaṃ cātibhojanamiti manuḥ .

anārjava pu° ṛjorbhāva ārjavaṃ saralatā svācchandyaṃ vā na° 7 ba° . roge . abhāvārthe avyayī° . ṛjutvābhāve avya° . 6 ba° . kuṭile tri° .

anārtava tri° ṛturasya prāptaḥ ṛtu + aṇ na° ta° . svakāla rūpe--ṛtau--anutpanne kumumādau . ṛtoḥ strīkusumasyedam vikāśanam ārtavaṃ tannāsti yasyāḥ . adṛṣṭarajaskāyāṃ striyāṃ strī .

anārya pu° na āryaḥ na° ta° . āryabhinne asaccarite . anārya iti māmāryā iti rāmā° . na° 7 ba° . āryānāśnaye deśe .

anāryaka na° . na āryo yatra deśe tatra āryāvartādibhinne dvīpāntarādau bhavaḥ anārya + kan . agarukāṣṭhe .

anāryaja na° . anārye deśe jāyate jana--ḍa . anāryadeśajāte agarukāṣṭhe . taddeśajātamātre tri° .

anāryatikta pu° anāryapriyastiktaḥ śāka° ta° . (cirātā) iti khyāte bhūnimbe vṛkṣe .

anārṣa tri° ṛṣijuṣṭatvādṛṣirvedastatroktaḥ ārṣaḥ na° ta° . avaidike vedāprayukte . saṃbuddhau śākalyasyetāvanārṣe iti pā° . anārṣe avaidike iti si° kau° . ṛṣiṇā dṛṣṭam aṇ ārṣam na° ta° . ṛṣiṇā'dṛṣṭe . aṇiñoranārṣayorgurūpottamayoriti pā° . anārṣayo kiṃ? vāśiṣṭhīti si° kau° .

anāloci(ḍi)ta tri° na āloci (ḍi) taḥ . avivecite . anālocitakāryasya vāgjālaṃ vāgmino vṛtheti māghaḥ anirlociteti vā pāṭhaḥ .

anāvila tri° na āvilaḥ . prasanne svacche kāluṣyarahite .

anāviddha tri° na āviddhaḥ . avādhite . anāviddhayā tanvā tvājaya ṛ° 6, 75, 1 .

anāvṛtta tri° na āvṛttaḥ abhyastaḥ . apunargate prathamagate ca . malamāse'pyanāvṛttāṃ tīrthayātrāṃ vivarjayediti smṛtiḥ .

anāvṛtti strī na āvṛttiḥ punargamanam . abhyāsābhāve, āgamanābhāve ca anāvṛttiḥ śabdāditi śā° sū° . tatra prāptavivekasyānāvṛttīti sāṃ° sū° . ba° . tadvati tri° .

anāvṛṣṭi strī ā + vṛṣa--ktin abhāvārthe na° ta° . ativṛṣṭiranāvṛṣṭiḥ śalabhāmūṣikāḥ svagāḥ . pratyāsannāśca rājānaḥ ṣaḍete ītayaḥ smṛtā ityukte ītibhede dvādaśavārṣikyāmanāvṛṣṭyāmiti hito° .

anāśaka pu° ā samyak yatheccham āśaḥ aśanam ā + aśa ghañ na° ba° kap naśyati naśa--ṇvul na° ta° vā . yathecchabhogaśūnye, anaśvare ca tametaṃ brāhmaṇā vividivanti vedānuvacanena yajñena tapasā'nāśakeneti śrutiḥ . phalakāmanāśūnyatvena, bhogāya phalājanakatvāt tādṛśakarmaṇaśca bhogena kṣayābhāvācca tathātvam .

anāśakāyana na naśyati anāśaka ātmā tasyāyanaṃ prāptyupāyaḥ . ātmajñānasādhane brahmacaryabhede, atha yadanāśakāyanamityācakṣate brahmacaryameva tadeṣa hyātmā na naśyati yaṃ brahmacaryeṇānuvindate iti chā° u° .

anāśasta tri° ā + śantu stutau--kta na° ta° . astute . anāśasta ivāsmasi ṛ° 1, 29, 1, .

anāśin tri° na naśyati naśa--ṇini, karmaphalamaśnute aśa--ṇini vā na° ta° . anaśvare ātmani, īśvare ca, anāśino'prameyasyeti gītā anyo'naśnannabhicākaśīti śruterīśvarasya phalabhoktṛtvābhāvāttathātvam . nāśarahite tri° naśyato vinipātenāvinipāte tvanāśinau manuḥ .

anāśu tri° naśa--uṇ--aśa--vyāptau karmaṇi uṇ vā na° ta° . vināśarahite, avyāpne ca . dhanvan vidye anāśava iti ṛ° 1, 135, 9, anāśavaḥ vināśarahitāḥ avyāptā vā iti bhā° . na āśuḥ śīghraḥ na° ta° . kṣiprabhinne . avipre cidvayodaṣadanāśuneti ṛ° 6, 45, 2, anāśunā akṣipragamaneneti bhā° .

anāśramin pu° na āśramī na° ta° . gṛhasthādyāśramaśūnye anāśramī na tiṣṭhettu kṣaṇamekamapi dvija iti smṛtiḥ .

anāśraya tri° nāsti āśrayo yasya . ālambanarahite .

anāśvas tri° aśa--bhojane kvasu ni° . gogaśūnye upeyinanāśvānanūcānaśceti pā° dhṛtajayadhṛteranāśuṣa iti bhāraviḥ .

anāśvāsa pu° abhāvārthe na° ta° . āsthābhāve viśvāsābhāve pratyakṣapūrbakatvādanumānasya sarvatrānāśvāsaprasaṅgāditi vṛ° u° bhā° .

[Page 161a]
anās tri° āsyate nirāsyate ṣṭhīvanamanena ā + asa--kṣepe karaṇe kvip āḥ mukhaṃ nāsti tat sādhanatvenāsya . āsyavyāpāraśabdarahite . anāsodasyūṃramṛṇa iti ṛ° 5, 29, 10, anāsaḥ āsyarahitāni tadvyāpāraśūnyānīti bhā° .

anāsika tri° nāsti nāsikā'sya . bhagnanāsike vikṛta nāsike ca .

anāsthā strī ā + sthā--aṅ āsthā ādaraḥ abhāvārthe na° ta° . anādare . strī pumānityanāsthaiṣā vṛttaṃ hi mahitaṃ satāmiti kumā° anāsthayā sūnakaraprasāriṇīmiti naiṣa° . na° ba° . ādararahite tri° .

anāsthāna tri° āsthīyate'smin ā + sthā--ādhāre lyuṭ āsthānobhūpradeśaḥ na° ta° . āsthānāyogye jalādau . anārambhaṇe tadavīrayethāmanāsthāne iti ṛ° 1, 116, 5 . āsthānaṃ sabhā . tacchūnye ca .

anāsrāva ā + sru--vede ghañ na° ba° . kleśarahite . loke tu ap anāsrava iti . teṣāmasi tvamuttamamanāsrāvamarogaṇamiti atha° 2, 3, 2 .

anāha pu° naha--ghañ na° ta° . malādibandhābhāvopalakṣitegrahaṇīroge .

anāhata na° ā--hana--bhāve kta āhataṃ chedo bhogo vā na° ba° . chedabhogādirahite navīne vastre . tantraśāstre prasiddhe hṛdayasthite suṣumṇāmadhyasthe dvādaśadalapadme śabdo brahmamayaḥ, śabdo'nāhato yatra dṛśyate anāhatākhyaṃ tat padmaṃ munibhiḥ parikīrtitamityuktalakṣaṇe . nābhisthaṃ maṇipūraṃ cakraṃ varṇayitvā tadūrdhve'nāhataṃ padmamudyadādityasannibham . kādiṭhāntākṣarairarkapatraiśca samadhiṣṭhitam . tanmadhye vāṇaliṅgantu sūryāyutasamaprabham . ānandasadanaṃ tattu puruṣādhiṣṭhitaṃ paramiti tantrasāre uktam . asmin pakṣe ca āhatamāghātaḥ kaṇṭhatālvādyabhighātaḥ tannāsti sādhanatvenāsya tādṛśaḥ śabdaḥ asyāsti arśa āditvāt ac . anāhataśabdena ca parā, paśyantī, madhyamā, vaikharītiprasidvānāṃ vāgvṛttīnāṃ madhye madhyamā vāk kathyate tasyāśca hṛdayapadme kaṇṭhādisthānamanāhatyaivotpannatvādanāhatatvam, adhikaṃ madhyamāśabde vakṣyate . ba° . āghātarahite vastumātre tri° .

anāhāra pu° na āhāraḥ abhāvārthe na° ta° . bhojanābhāve anāhāreṇātmānaṃ tava dvāri vyāpādayiṣyāmīti hito° . anāhāreṇa dehina iti purā° .

[Page 161b]
anāhārya tri° āhāryaḥ kṛtrimaḥ āharaṇīyaśca na° ta° . akṛtrime svābhāvike, āharaṇīyabhinne ca .

anāhitāgni pu° na āhitaḥ agniryena . vidhinā akṛtāgnyādhāne niragnau dvijabhede . yo'nāhitāgniḥ śatagurayajvā tu sahasragu riti manuḥ . anāhitāgniśruteśceti kātyā° 4, 1, 29, anāhitāgnerapi piṇḍapitṛyajñaḥ śrūyate iti tadvyākhyā sā ca śrutistatraiva darśitā apyanāhitāgninā kārya iti yadi sa darśāṅgaṃ syāt anāhitāgne rdarśapaurṇamāsābhāvānna śrūyeteti tadyākhyā .

aniketa pu° nāsti niketaḥ niyamena nivāso yasya ba° . niyatanivāsaśūnye parivrājake . anagniraniketaḥ syānmuni rmūlaphalāśana iti anagniraniketaḥ syādgrāmamannārtha māśrayediti ca manuḥ aniketaḥ sthiramatiritiḥ gītā aniketano'pyuktārthe .

anikṣu na° na ikṣuḥ sādṛśye, aprāśastye vā na° ta° . ikṣusadṛśe guḍahetau (naṭā) iti khyāte kāśabhede .

anigīrṇa tri° na nigīrṇaḥ . anapahnutabhede, viṣayasyānigīrṇasyānyatādātmyapratītikṛt sāropā syāditi sā° da° . (anigīrṇasya) anapahnutabhedasya (viṣayasya) āropaviṣayasya āropyamāṇasya, (anyasya) āropāśrayasya tādātmyamabhedastatpratītikṛt tadbodhasādhanaṃ vṛttiḥ sāropā lakṣaṇeti tadarthaḥ yathā aśvaḥ śveto dhāvatītyādau śvetaguṇavānaśvo'napahnutabhedaḥ san svasamavetaśvetaguṇatādātmyena pratīyate ityatastatra sāropā lakṣaṇā .

anicchā strī na icchā abhāvārthe na° ta° . icchābhāve sphuṭāmanicchāṃ vivarītumutsukāmiti naiṣa° . caret sāntapanaṃ kṛcchraṃ prājāpatyamanicchayeti manuḥ .

anitya tri° na nityaḥ . naśvare, janye ca . nityā'nityā ca ca sā dvedhā nityā syādaṇulakṣaṇā . anityā tu tadanyāsyāditi bhāṣā° . yadi nityamanityena nirmalaṃ malavāhinā . yaśaḥ kāyena labhyeteti hito° rajasvalamanityañca bhūtāvāsamimaṃ tyajediti manuḥ . asthire anityovijayo yasmāt dṛśyate yudhyamānayoḥ . parājayaśca saṃgrāme tasmādyuddhaṃ vivarjayediti manuḥ . kṛtākṛtaprasaṅgi nityaṃ virodhe na° ta° . kṛtākṛtaprasaṅgaśūnyevaikalpike, samāsāntavidheranityatvamiti pā° bhā° . yāvadāśrayamavasthānāyogye, varṇe cānitye iti pā° . avyavasthite, (yāvadāśrayamadanavasthite) iha khalu dravyaṃ vyavasthitaṃ na rasādayaḥ, yathā āme phale, ye rasādayaste pakve na santi, nityatvācca nityaṃ dravyam anityā guṇā yathā kalkādipravibhāgaḥ, saeva samprannarasagandho vyāpannarasagandho vā bhavatīti suśrutam ataeva satve niviśate'paiti pṛthagjātiṣu dṛśyate . ādheyaścākriyājaścaso'satvaprakṛtirguṇa iti guṇalakṣaṇe guṇānāmutpyadavināśoktiḥ . sadātanabhinne kāle ca . anityaṃ hi sthiti ryasmāttasmādatithirucyate iti manuḥ . anityamityatra vyāptau, kālādhikaraṇe vā dvitīyā na māntāvyayatvamasya tathātve pramāṇābhāvāt . sadākālavṛttiparatve'pi dhātūpasthāpyasādhyakriyāviśeṣaṇatvena sañcāroratimandirāvadhītyādivat dvitīyeti bodhyam . nityam māntamavyayam na° ta° . kecit .

anidrā strī na nidrā abhāvārthe na° ta° . nidrābhāve hṛdgrahalaulyamanidrā stambha iti suśrutam . nidrārāhitye ca rogaviśeṣa eva kāraṇam . nāsti nidrā yasya . nidrārahite ālasyarahite tri° anidrau ṣaḍahorātraṃ tapovanamarakṣatāmiti prajā nityamanidreṇa yathāśaktyabhirakṣitā iti ca rāmā° . anidreṇa analaseneti tadarthaḥ .

anindita tri° na ninditaḥ . nindārahite praśaste aninditaiḥ strīvivāhairanindyā bhavati prajeti manuḥ .

anindra tri° na indroyājyoyasya . indropāsanāśūnye māmanindrāḥ kṛṇavannanukthāḥ ṛ° 5, 2, 3, anindrā indramayajanta iti bhāṣyam .

anibaddha tri° na nibaddhaḥ . anāyatte, anāyato anibaddha iti ṛ° 4, 13, 5 . grathitabhinne ca .

anibādha tri° nāsti nibādhaḥ saṃbādhā yasya . saṃbādharahite urau mahāṃ anibādhe vavardha iti ṛ° 3, 1, 11, anibādhe asaṃbādhe iti bhā° .

anibhṛta tri° nibhṛtaḥ na° ta° . cañcale bhuvamanibhṛtaveleti bhā° . velāścañcalā iti malli° .

anibhṛṣṭa tri° ni + bhranśa kta ni° na° ta° . abādhite . anibhṛṣṭataviṣirhantyojasā ṛ° 2, 25, 4, anibhṛṣṭataviṣiḥ avādhitabala iti bhā° .

animaka pu° ana--jīvane śabde ca bhāve bā° iman animaḥ jīvanaṃ tena kāyati prakāśate kai--ka . bheke . tasya maraṇe'pi punarujjīvanāttathātvam . kokile, bhramare ca tayīḥ madhuraśabdena prakāśamānatvāttathātvam . animāya jīvanāya kaṃ jalaṃ yasya . padmakeśare . animāya kaṃ sukhaṃ yasmāt . madhūke (maula) vṛkṣe mediniḥ .

[Page 162b]
animāna tri° ni + mā--bhāve lyuṭ na° ba° . paricchedarahite sa no mahāṃ animāno dhūmaketuḥ ṛ° 1, 27, 11 animānaḥ aparicchinna iti bhā° .

animitta na° na nimittam . nimittābhāve kāraṇābhāve anāturaḥ svāni khāni na spṛśedanimittata iti manuḥ na° va° . kāraṇaśūnye tri° .

animiṣ tri° ni + miṣa--bhāve kvip sa nāsti yatra . spandaśūnye darśane ime divo animiṣā iti ṛ° 7, 60, 7, mitraḥ kṛṣṇīranimiṣā iti ṛ° 3, 59, 1, animiṣā nimiṣarahiteneti bhā° .

animi(me)ṣa pu° nāsti nimi(me)ṣaḥ cakṣuḥspandanaṃ yasya miṣa ghañ kuṭādi° na guṇaḥ, miṣa--bhvādi ghañ--vā, . cakṣuḥspandanaśūnye deve sureṣu nāpaśyadavaikṣatākṣṇornṛpe nimeṣaṃ nijasammukhe seti naiṣadhe surāṇāṃ nimeṣaśūnyatvamuktam asvapnajo animiṣā iti 2, 27, 9 saṃkrandano animiṣa ekavīra iti ca ṛ° 10103, 1 . matsye ca . nimiṣo dṛṣṭipratibandhastacchūnye viṣṇau ca . naimiśa'nimiṣakṣetre iti bhāga° animiṣaḥ viṣṇuḥ aluptadṛṣṭitvāt tasya kṣetre iti śrīdharaḥ . na nimiṣati calatīti ni + miṣa --ka na° ta° . mahākāle . kriyāśūnye vastumātre tri° . spandanaśūnye tri° . śataistamakṣṇāmanimeṣavṛttibhiriti raghuḥ .

aniyata tri° na niyataḥ . niyamenaikarūpaśūnye, anitye asthāyini ratyādayo'pyaniyate rase syurvyabhicāriṇa iti sā° da° . niyatakāraṇādyanapekṣe ca riṣṭaṃ trividhaṃ munayīniyatamaniyataṃ yogajañceti jyoti° . aniyantrite ca .

aniyantrita tri° ni + yantra cu° kta na° ta° . aniyamite ucchṛṅkhale ca .

aniyama pu° na niyamaḥ abhāvārthe na° ta° . niyamā bhāve . pañcamaṃ laghu sarvatra saptamaṃ dvicaturthayoḥ . ṣaṣṭhe pāde guru jñeyaṃ śeṣeṣvaniyamomata iti chando° .

anirā strī nāsti irā annaṃ yasyāḥ 5 ba° . ativṛṣṭyādau ītau . vyasyan viśvā anirā iti yaju° 11, 47, anirāḥ ativṛṣṭyādyā iti vedadīpaḥ . na īrayituṃ śakyate īra--ka pṛ° hrasvaḥ na° ta° . prerayitumaśakye . apatyā asthuranirā iti ṛ° 8, 48, 11, anirā prerayitumaśakyā iti bhā° . 7 ba° . annarahite dāridrye ca yuyutamasmadanirāmamīvāmiti ṛ° 7, 71, 2, anirāmannadāridryamiti bhā° .

[Page 163a]
anirākaraṇa na nirākaraṇamabhāvārthe na° ta° . nivāraṇābhāve anirākaraṇāt kartustyāgāṅgakarmaṇepsitamiti hariḥ .

anirukta tri° niṣkrāntaṃ uktamavayavārthaṃ nirbaddhamuktamavayavārtho yena vā niruktaṃ nirvacanam na° ta° . viśeṣarūpeṇa nirvacanaśūnye etasminnadṛśye'nātmye'nirukte iti aita° . nirvacanañca nirukte yāskena darśitaṃ yathā atha nirvacanam tadeṣu padeṣu svarasaṃskārau samarthau, prādeśikena guṇenānvitau syātāṃ, tathā tāni nirbrūyādathānanvite'rthe'prādeśike vikāre'rthanityaḥ parīkṣyeta kenacidvṛttisāmānyenāvidyamāne sāmānye'pyakṣaravarṇasāmānyānnirbrūyāt natvena na nirbrūyānna saṃskāramādriyeta viṣayavatyo hi vṛttayo bhavanti . yathārthaṃ vibhaktīḥ saṃnamayetprattamavattamiti dhātvādī eva śiṣyete . athāpyasternivṛttisthāneṣvādilop bhavati staḥ santīti, athāpyantalopo bhavati gatvā gatamiti, athāpyupadhālopo bhavati jagmaturjagnuriti, athāpyupadhāvikāro bhavati rājā daṇḍīti, athāpi varṇalopī bhavati tattvā yāmīti athāpi dvivarṇalopaḥ tṛca iti, atha pyādiviparyayo bhavati jyotirdhano vindurvādya iti athāpyādyantaviparyayo bhavati stoko rajjuḥ sikatāstarku iti athāpyantavyāpattirbhavati iti .. tathā prakṛtipratyayānapekṣayaiva samudāyena viśiṣṭārthabodhakamapi niruktaṃ yathoktam ṛ° bhā° mādhavena yathā prakṛtipratyayārthamanapekṣya viśiṣṭaikārthabodhakaṃ padaṃ niruktamiti . anirdiṣṭe aniruktaprātaḥsavanaḥ prathama iti kātyā° 22, 5, 7, aniruktaṃ prātaḥsavanaṃ yasyāsau prathama iti tadvyākhyā .

aniruddha pu° na kenāpi yuddhena niruddhaḥ ni + rudha--kta na° ta° . kāmadevaputre, uṣāpatau, vāsudevasaṅkarṣaṇapradyubhnāniruddhākhyacaturvyūhasya parameścarasya kathamapyaniṣedhyasya atyantacalasya cetaso'dhiṣṭhātari aniruddhākhye aṃśe ca aniruddhaḥ surānanda iti viṣṇu° sa° . na kenāpi prādurbhāveṣu nirudhyate iti bhā° aniruddho'pratiratha iti viṣṇu saha° . caturṣu vyūheṣvaniruddha iti bhā° saṃkarṣaṇovāsudevaḥ pradyumnaścāniruddhakaḥ . vyūhaścaturvidho jñeyaḥ sūkṣmaṃ sampūrṇaṣaḍguṇamiti rāmā° darśa° . vivaraṇaṃ rāmānujaśabde vakṣyate . apratiruddhe tri° .

aniruddhapatha na° na niruddhaḥ panthā yatra ba° . ākāśe tatra hi kasyāpi gatirodhanābhāvaḥ . ruddhavartsabhinne tri° .

[Page 163b]
aniruddhabhāvinī strī 6 ta° . uṣāyāṃ vāṇakanyāyāṃ tasyāstatpatnībhavanakathā ca uṣāpatiśabde dṛśyā .

anirjñāta tri° na nirjñātaḥ niścito prāpto vā . aprāpte aniścite ca kriyā hi anirjñātakālādikriyāyāḥ paricchedakatvāt lakṣaṇaṃ bhavatīti prau° mano° . anirjñātaprāptyarthaṃ pratīkṣaṇaṃ pratīkṣeti kaṭha° u° bhā° . prāptaṃ hi yathā svarūpaṃ jñātuṃ śakyate nāptāptamityato'prāptasyānirjñātatvam .

anirṇaya na nirṇayaḥ abhāve na° ta° . niścayābhāve avadhāraṇābhāve .

anirdaśa tri° na nirgatāni daśa dināni yasya ḍacsamā° . anapagatadaśāhe . ugrānnaṃ sūtikānnañca paryācāntamanirdaśamiti anirdaśañca pretānnamiti, tāvat syādaśucirvipro yāvattat syādanirdaśamiti vigataṃ tu videśasthaṃ śṛṇuyādyo hyanirdaśamiti anirdaśāyāḥ goḥkṣīramauṣṭramekaśaphaṃ tatheti ca manuḥ . anirdaśāhamapyatra tri° . anirdaśāhāṃ gāṃ sūtāmiti manuḥ .

anirdeśya tri° na nirdeśyaṃ jātiguṇakriyāsaṃjñābhirnirdeṣṭumaśakyam nir + diś--śakyārthe ṇyat na° ta° . nirviśeṣe nirdharmake paramātmani tasya jātiguṇādyabhāvena idaṃ taditi nirdeśāyogyatvāttattvam . yattat sūkṣmamanirdeśyamiti śrutiḥ . brahman! brahmaṇyanirdeśye nirguṇe guṇavṛttaya iti bhāga° 10 ma śrutya° . anirdeśyavapuḥ śrīmāniti viṣṇu sa° . idaṃ taditi nirdeṣṭuṃ yanna śakyate parasmai, svayaṃ vedyatvāditi bhāṣyam .

anirdhārita tri° na nirdhāritaḥ . avaghāritabhinne aniścite .

anirmālyā strī nir--mala--ṇyat na° ta° . pṛkkānnāmako ṣadhau śabdaratnā° .

anirvacanīya pu° nirvacanaṃ niruktiḥ lakṣaṇādinā jñāpanam . ebaṃrūpatayā nirvaktumaśakye paramātmani . sattvāsattvābhyāmekatararūpeṇa nirvaktumaśakye vedāntimate jagati, ajñāne ca na° . ajñānañca sadasadbhyāmanirvacanīyaṃ triguṇātmajaṃ jñānavirodhi bhāvarūpaṃ yatkiñciditi ve° sā° .

anirvacanīyasarvasva na° anirvacanīyaṃ sarvasvaṃ yasya . śrīharṣapraṇīte khaṇḍanakhaṇḍakhādyāparaparyāye granthabhede tatra hi sarveṣāṃ padārthānāmidantayā nirvaktumaśakyatā vyavasthitā .

anirvṛti strī na nirvṛtiḥ svācchandyamabhāvārthe na° ta° . svācchandyābhāve tadrūpopalakṣite dāridrye ca anirvṛtiniśācarī mama gṛhāntarālaṃ gate tyudbhaṭaḥ . ba° . tadvati tri° .

anirveda pu° na nirvedaḥ abhāvārthe na° ta° . nirvedābhāve vairāgyābhāve avairāgye, asantoṣe ca anirvedaḥ śriyomūlamanirvedamayaṃ sukham anirvedo hi satataṃ sarvārtheṣvanuvartate iti rāmā° .

anila pu° anityanena ana--ilac . vāyau, tenaiva sarveṣāṃ prāṇadhāraṇāttattvam . taptakṛcchraṃ caran vipro jalakṣīraghṛtānilān iti somāgnyarkānilendrāṇāṃ vittāppatyoryamasya ceti manuḥ . sa sakhā dīpa ivānilāhata iti kumā° . anilaśca māyāsahakṛtena brahmaṇā viyadutpādya tadrūpāviṣṭena tatodaśāṃśata utpāditaḥ dravyabhedaḥ tasmādetasmādvā ātmana ākāśaḥ saṃbhūtaḥ ākāśāt vāyuḥ vāyoragnirityādiśrutiḥ, sa ca svābhāvikaśoṣasparśagativegākhyaguṇavān viyata utpannatvāt śabdaguṇavāṃśca . yathoktaṃ pañcadaśyāṃ māyā satyekadeśasthā yathā tatraikadeśagam . viyat, tatrāpyekadeśagato vāyuḥ prakalpitaḥ . śoṣasparśogatirvego vāyudharmā ime matāḥ . trayaḥ svabhāvāt sanmāyāvyobhrāṃ ye te'pi vāyugāḥ . vāyurastīti sadbhāvaḥ, satovāyau pṛthakkṛte . nistatvarūpo māyāyāḥ svabhāvo viyatodhvaniriti purāṇoktaṃ tāratamyaṃ daśāṃśe bhūtapañcake iti ca . tadāviṣṭenaiva brahmaṇā vahnirutpādita iti vedāntimatam sāṃkhyamate satu sparśatanmātrādutpannaḥ . vaiśeṣikanaye tu sparśa, saṃkhyā, parimāṇa, pṛthaktvasaṃyogavibhāgaparatvāparatvavegaguṇako'nilaḥ īśvarādeva adṛṣṭavaśādutpadyate iti bhedaḥ sa ca sthūlaḥ sūkṣmaśca . tatra sthūlaḥ saptavidhaḥ saptaskandhāśritaḥ yathoktaṃ siddhāntaśiramaṇau bhūvāyurāvaha iha pravahastadūrdhvaḥ syādudvahastadanu saṃvahasaṃjñakaśca . anyastato'pi suvahaḥ paripūrvako'smādvāhyaḥ parāvaha ime pavanāḥ prasiddhāḥ . bhūmervahirdvādaśayojanāni bhūvāyuratrāmbudavidyudādyam . tadūrdhvago yaḥ pravahaḥ sa nityaṃ pratyaggatistasya tu madhyasaṃsthā . nakṣatrakakṣā khacaraiḥ sameto yasmādatastena samāhato'yam . bhapañjaraḥ khecaracakrayukto bhramatyajasra pravahānilena iti . bhūvāyau vidyudādaya utpadyante ityuktam teṣāṃ svarūpādi taṭṭīkāyāmuktaṃ śrīpativākyena . nirghātolkāghanasuradhanurvidyudantaḥ kuvāyoḥ saṃdṛśyante khanagarapurīveṣapūrbaṃ tathānyat iti . tatra vidyutaḥ . sujalajaladhimadhye vāḍavo'gniḥ sthito'smāt salilabharanimagnādutthitā dhūmamālāḥ . viyati pavananotāḥ sarvatastā dravanti dyumaṇikiraṇataptā vidyutastatsphuliṅgāḥ . karakāḥ .. uddhūtaiḥ pāṃsubhirbhūmeḥ pracaṇḍapavanoccayāt . meghamaṇḍalamānītairmālinyaparivarjitaiḥ . miśraṇājjalavindūnāṃ piṇḍabhāvo bhavediha . dṛṣadvannipatantyete dravante ca punaḥ kṣitau . vidyutpātasaṃbhavastu . akasmādvaidyutaṃ tejaḥ pārthivāṃśakamiśritam . vātyāvadbhramadāghāte pratikūlānukūlayoḥ . vāyvostat patati prāyo hyakālaṃ prāpya varṣaṇe . yataḥ prāvṛṣi naivete pāṃsavaḥ prasaranti hi . tat tredhā pārthivaṃ cāpyaṃ taijasaṃ, tattadutthitaḥ . gato nirjharadāhaiśca bhūmisthairanubhūyate . indradhanuḥ . sūryasya vividhavarṇāḥ pavanena vidhaṭṭitāḥ karāḥ sābhre . viyati dhanuḥsaṃsthānā ye dṛśyante tadindradhanuḥ, . pariveṣaḥ . saṃmūrchitā ravīndvoḥ kiraṇāḥ pavanena maṇḍalībhūtāḥ . nānāvarṇākṛtayastanvabhre vyobhri pariveṣaḥ . ulkā . yāsāṃ gatirdivi bhavedgaṇitena gamyāstāstārakāḥ sakalakhecarato'tidūre . tiṣṭhanti yā aniyatodgatayaśca tārāścandrādadho hi nivasanti tadāśritāstāḥ . śītāṃśuvajjalamayāstapanāt sphuranti tāścāvahapravahamārutasaṃdhisaṃsthāḥ . pūrbānilaistimitabhāvamupāgate'smiṃstārāḥ patanti kuhacidgurutāvaśena . atha rajaḥsaṃhatiḥ . varṣānte nirjalā meghā vāyunā viralīkṛtāḥ . īṣadbāṣpāvaśeṣāstu patanti vasudhātale . dhūmāvayavarūpaistaiśchādyante girayo drumāḥ . rāmārāmādayaste tu punararkāṃśuśobhitāḥ . bhūvāyunā viśīrṇāstu vilīyante nabhastale . tadrajaḥsaṃhatirdhenumahiṣīkṣīranāśakṛt . saṃdhyārāgaḥ . bhūmyutthitai rajīdhūmairdigantavyomni saṃsthitaiḥ . sūryālpakiraṇairmiśrairāruṇyamavabhāsate . viralāvayavaṃ vastu yaddṛṣṭervyavadhāyakam . tenābhramaruṇībhūtaṃ dṛśyate śakracāpavat . saṃdhyārāgaḥ sa vijñeyo dinādau ca dinātyaye . rākāyāṃ tu niśāvaktre tathaivendukarodyame iti . tadadhiṣṭhātṛdehotpattirmanvantarabhedena vāmanapurāṇādau darśitā yathā pulastya uvāca . praviśya jaṭharaṃ śuddhodaityamātuḥ purandaraḥ . dadarśordhvamuhaṃ vālaṃ kaṭinyastakaraṃ mahat .. tenaiva garbhaṃ ditijaṃ vajjeṇaṃ śataparvaṇā . ciccheda saptadhā brahman! sa ruroda suvisvaram . śakro'pi prāha mā mūḍha! rudasveti saghargharam . ityevamuktvā caikaikaṃ bhūyaściccheda saptadhā .. te jātā maruto nāma devādityāḥ śatakratoḥ . māturevāpacāreṇa balavīryapuraskṛtāḥ iti .. yadamī bhavatā proktā marutoditi sambhavāḥ . tat kena pūrbamāsan vai marunmārgeṇa kathyatāmiti nāradpraśne pulastyoktiḥ . śrūyatām pūrbamarutāmutpattiṃ kathayāmi te . svāyambmubaṃ samārabhya yāvanmanvantaraṃ tvidam .. svāvambhuvasya putro'bhūnmanornāma priyavrataḥ . tasyāsīt savano nāma putrastrailokyapūjitaḥ .. khamutpapātātha sa kāmacārī samaṃ mahiṣyā vasumānaputryā . rarāma tanvyā saha kāmacārī tato'mbarāt prācyavatāsya śukram .. patibhiḥ samanujñātāḥ papuḥ puskarasaṃsthitam . taṃ śukraṃ pārthivendrasya manyamānāstadāmṛtam .. pītamātreṇa śukreṇa pārthivendrobhadbhavena ca . brahmatejovihīnāstā jātāḥ patnyastapasvinām .. suṣuvuḥ sapta tanayāṃste rudanto'tha bhairavam . teṣāṃ ruditaśabdena sarvamāpūritaṃ jagat .. athājagāma bhagavān brahmalokāt pitāmahaḥ . samabhyetyābravīdbālān mā rudadhvaṃ mahābalāḥ! .. maruto nāma yūyaṃ vai bhaviṣyadhvaṃ viyaccarāḥ . ityevamuktvā deveśo brahmā lokapitāmahaḥ .. tānādāya viyaccārī mārutānādideśa ha . te cāsan marutaścādyā manoḥ svāyambhuvāntare .. svārociṣe tu maruto vakṣyāmi śṛṇu nārada! . svārociṣasya putraśca śrīmānāsīt kratudhvajaḥ .. tasya putrābhavan sapta saptārciḥpratimā mune! . tapo'rthaṃ te gatāḥ śailaṃ mahāmeruṃ nabhaścarāḥ .. ārādhayanto brāhmaṇaṃ padamaindramathepsavaḥ . tato vipaścinnāmā sa sahasrākṣo bhayāturaḥ .. pṛtanāmapsaromukhyāṃ prāha nārada! vākyavit . yathā hi tapaso vighnaṃ teṣāṃ bhavati sundari! .. tathā kuruṣva mā teṣu, siddhirbhavatu vai yathā . ityevamuktā śakreṇa pṛtanā rūpaśālinī .. tatrājagāma tvaritā yatra tapyanti te tapaḥ . āśramasyāvidūre tu nadīmandodavāhinī .. tasyāṃ snātuṃ samāyātāḥ sarvaeva sahodarāḥ . sā tu snātuṃ sucārbaṅgī tvavatīrṇā mahānadīm .. dadṛśuste nṛpāḥ snātuṃ tataścakṣubhire mune! . teṣāñca prācyavat śukraṃ, tat papau jalacāriṇī .. śaṅkhinī grāhamukhyasya mahāśaṅkhasya vallabhā . te vai viniṣṭatapaso jagmū rājyantu paitṛkam .. atho bahutithe kāle sā grāhī śaṅkharūpiṇī . samuddhṛtā mahājālairmatsyabandhena mānino .. sa tāṃ dṛṣṭvā mahāśaṅkhi sthalasthāṃ matsyajīvanaḥ . nivedayāmāsa tadā kratudhvajasuteṣu vai .. tathābhyetya mahātmāno yogino yogadhāriṇaḥ . nītvā svamandiraṃ sarve puravyāpyāṃ samutsṛjan .. tataḥ kramācchaṅkṣinīsā suṣuve sapta vai śiśūn . jātamātreṣu putreṣu mokṣabhāvamagācca sā .. amātṛpitṛkā bālā jalamadhya vicāriṇaḥ . stanyārthino vai rurudurathābhyāgāt pitāmahaḥ .. mā rudadhvamiti prāha maruto nāma puttrakāḥ! . yūyaṃ devā bhaviṣyadhvaṃ vāyavo'mbaracāriṇaḥ .. ityevamuktvāthādāya sarvāṃstān daivatān prati . niyojya ca marunmārge vairājabhavanaṃ gataḥ .. evamāsaṃśca maruto manoḥ svārociṣāntare . auttame maruto ye ca tān śṛṇuṣva tapodhana! .. auttamasyānvavāye ca rājāsīnniṣadhādhipaḥ . vapuṣmāniti vikhyāto vapuṣā bhāskaropamaḥ .. tasya puttro gaṇaśreṣṭho jyotiṣmān dhārmiko'bhavat . sa puttrārthī tapastepe nadīṃ mandākinīmanu .. tasya bhāryā ca suśroṇī devācāryasutā śubhā . tapaścaraṇayuktasya babhūva paricārikā .. tejoyuktā sucārvaṅgī dṛṣṭā saptarṣibhirvane . tāṃ tathā cāru sarvāṅgīṃ dṛṣṭvātha tapasā kṛśām . papracchustapaso hetuntasyāstadbhartureva ca . sā'bravīttanayārthāya āvābhyāṃ vai tapaḥ kriyā .. te cāsyai varadā brahman! jātāḥ sapta maharṣayaḥ . vrajadhvaṃ tanayāḥ sapta bhaviṣyanti na saṃśayaḥ .. yuvayo rguṇasaṃyuktā maharṣīṇāṃ prasādataḥ . ityevamuktvā jagmuste sarva eva maharṣayaḥ .. so'pi rājarṣiragamat sabhāryo nagaraṃ nijam . tato vahutithe kāle sā rājño mahiṣī priyā .. avāpa garbhaṃ tanvaṅgī tasmāt nṛpatisattamāt . gurviṇyāmatha bhāryāyāṃ mamārāsau narādhipaḥ .. sā cāpyāroḍhumicchantī bhartāraṃ vai pativratā . nivāritā tadāmātyairna tathāpi vyatiṣṭhata .. taṃ samāliṅgya bhartāraṃ citāyāmāruroha sā . tato'gnimadhyāt salile māṃsapeśyapatanmune! .. sāmbhasā sukhaśītena saṃsiktā saptadhā'bhavat . te'jāyantātha maruta auttamasyāntare manoḥ .. tāmasasyāntare ye ca maruto'pyabhavan purā . tānahaṃ kīrtayiṣyāmi gītanṛtyakalipriya! .. tāmasasya manoḥ puttra ṛtadhvaja iti śrutaḥ . sa puttrārthī juhāvāgnau svamāṃsaṃ rudhiraṃ tathā .. asthīni roma keśāṃśca snāyumajjāyakṛdvraṇam . śukraṃ ca vitraso rājā sutārthī ceti naḥ śrutam .. saptārcirmadhyācca tataḥ śukrapātādanantaram . mā mā kṣipasvetyasarat śabdaḥ so'pi nṛpo mṛtaḥ .. tatastasmāddhutavahāt sapta tattejasopamāḥ . śiśavaḥ samajāyanta te rudantaśca tanmune! .. teṣāntu dhvanimākarṇya bhagavān padmasambhavaḥ . samāgamya nivāryātha sa cakre marutaḥ sutān .. te tvāsanmaruto brahmaṃ stāmase devatāgaṇāḥ . ye'bhavanraivate tāṃśca śṛṇuṣva tvaṃ tapodhana! .. revatasyānvavāye tu rājāsīdiṣujidbalī . ripujinnāma sa khyāto na tasyāsīt sutaḥ kila .. sa samārādhya tapasā bhāskaraṃ tejasāṃ nidhim . avāpa kanyāṃ suratiṃ tāṃ pragṛhya gṛhaṃ yayau .. tasyāṃ pitṛgṛhe brahman! vasatyāñca pitā mṛtaḥ . sāpi duḥkhaparītāṅgī svāṃ tanuṃ tyaktumudyatā .. tatastāṃ vārayāmāsurṛṣayaḥ sapta mānasāḥ . tasyāmāsaktacittāstu sarva eva tapodhanāḥ .. apārayantī tadduḥkhaṃ prajjvālyāgniṃ viveśa ha . te cāpaśyanta ṛṣayastaccittā bhāvitāstathā .. tāṃ mṛtāṃ ṛṣayo dṛṣṭvā kaṣṭaṃ kaṣṭeti vādinaḥ . prajagmurjvalanāccāpi saptājāyanta dārakāḥ .. te ca mātrā vinā bhūtā rurudustān pitāmahaḥ . nivārayitvā kṛtavān lokanātho marudgaṇān .. revatasyāntare jātā maruto'mī tapodhana! . śṛṇuṣva kīrtayiṣyāmi cākṣuṣasyāntare manoḥ .. āsīnmāṅkīti vikhyāto tapasvī satyavāk śuciḥ . saptasārasvate tīrthe so'tapyata mahattapaḥ .. vighnārthaṃ tasya tapaso devāḥ sampraiṣayan badhūm . sā cābhyetya nadītīraṃ kṣobhayāmāsa bhāvinī .. tato'sya prācyavacchukraṃ saptasārasvate jale . tāṃ caivāpyaśapanmūḍhāṃ munirmāṅkaniko badhūm .. gacchālajje'timūḍhe! tvaṃ pāpasyāsya phalaṃ mahat . vidhvaṃsayiṣyati hayo bhavatīṃ yajñasaṃsadi .. evaṃ śaptvā ṛṣiḥ śrīmān jagāmātha svamāśramam . svarasvatībhyaḥ saptabhyaḥ sapta vai maruto'bhavan . ete tavoktā marutaḥ purā yathā jātā viyadvyāptikarā maharṣe! . yeṣāṃ śrute janmani pāpahānirbhavecca dharmābhyudayo mahānvai .. ataḥparaṃ pravakṣyāmi maruto'gnīn pitṝn grahān . āvaho nivahaścaiva udvahaḥ saṃvahastathā .. vivahaḥ pravahaścaiva parivāhastathaiva ca . antarīkṣe ca vāhye te pṛthaṅmārgavicāriṇaḥ .. mahendrapravibhaktāṅgā marutaḥ sapta kīrtitāḥ . sūryāgniśca śucirnāmā vaidyutaḥ pāvakaḥ smṛtaḥ .. nirmathya pacamāno'gnistrayaḥ proktā ime'gnayaḥ . agnīnāṃ puttrapauttrāśca catvāriṃśannavaiva tu . marutāmapi sarveṣāṃ bijñeyāḥ sapta saptakā iti .. teṣāṃ nāmānyuktāni vahnipurāṇe yathā
     ekajyotiśca dvijyotistrijyotirjyotireva ca . ekaśakro dviśakraśca triśakraśca mahābalaḥ .. indraśca gatyadṛśyaśca tataḥ patisakṛtparaḥ . mitaśca sammitaścaiva sumitaśca mahābalaḥ .. ṛtajit satyajiccaiva suṣeṇaḥ senajittathā . antimitro'namitraśca purumitro'parājitaḥ .. ṛtaśca ṛtavāhaśca dhartā ca dharuṇo dhruvaḥ . vidhāraṇo nāma tathā devadevo mahābalaḥ .. īdṛkṣaścāpyadṛkṣaśca ete daśa mitāśinaḥ . vratinaḥ prasadṛkṣaśca sabharaśca mahāyaśāḥ .. dhātā durgodhitirbhīmastvabhiyuktastvapāt sahaḥ . ghutirghapuranāyyo'tha vāsaḥ kāmo jayo virāṭ .. ityekonāśca pañcāśanmarutaḥ pūrvamambhavāḥ iti .. evañca anilasya ūnapañcāśadbhedavattvena saptabhedavattvena ca gaṇadevatātvam ayañcānilādhiṣṭhātā dikpālabhedaḥ tasya ca gandhavatīnāmikā purī meroḥ śṛṅgevaruṇakuverapurayormadhye'sti . tasya pūrbādidigbhedena vahanabhedena ca śubhāśubhasūcakatvamuktaṃ pūrbaḥ pūrvasamudravīciśikharaprasphālanāghūrṇitaścandrārkāṃśusaṭābhighātakalito vāyuryadākāśataḥ . naikāntasthitanīlameghapaṭalāṃ śāradyasaṃvardhitāṃ vāsantotkaṭasasyamaṇḍitatalāṃ vidyāttadā medinīm .. yadāgneyo vāyurmalayaśikharāsphālanapaṭuḥ plavatyasminyoge bhagavati pataṅge pravasati . tadā nityoddīptā jvalanaśikharāliṅgitatalā svagātroṣmocchāsairvamati vasudhā bhasmanikaram .. tālīpatralatāvitānatarubhiḥ śāsvāmṛgānnartayan yoge'smin plavati dhvanan suparuṣo vāyuryadā dākṣiṇaḥ . sarvodyogasamunnatāśca gajavattālāṅkuśairghaṭṭitāḥ kīnāśā iva mandavārikaṇikānmuñcanti meghāstadā .. sūkṣmailālavalīlavaṅganicayān vyāghūrṇayat sāgare bhānorastamaye plavatyavirato vāyuryadā nairṛtaḥ . kṣuttuṣṇābhṛtamānuṣāsthiśakalaprastārabhāracchadā mattā pretavadhūrivogracapalā bhūmistadā lakṣyate .. yadā reṇūtpātaiḥ pravikaṭasaṭāṭopacapalaḥ pravātaḥ paścārdhe dinakarakarāpātasamaye . tadā sasyopetā pravaranṛvarābaddhasamarā dharā sthāne sthāneṣvaviratavasāmāṃsarudhirā .. āṣāḍhīparvakāle yadi kiraṇapaterastakālopapattau vāyavyo vṛddhavegaḥ plavati ghanaripuḥ pannagādānukārī . jānīṃyādvāridhārāpramuditamuditāṃ muktamaṇḍūkakaṇṭhāṃ sasyodbhāsaikacihnāṃ sukhabahulatayā bhāgyasenāmivorvīm . merugrastamarīcimaṇḍalatale grīṣmāvasāne ravau vātyāmīdikadambagandhasurabhirvāyuryadā cottaraḥ . vidyudbhrāntisamastakāntikalanāmattāstadā toyadā unmattā iva naṣṭacandrakiraṇāṃ gāṃ pūrayantyambubhiḥ .. aiśāno yadi śītalo'maragaṇaiḥ saṃsevyamāno bhavet punnāgāgurupārijātasurabhirvāyuḥ pracaṇḍadhvaniḥ . āpūrṇodakayauvanā vasumatī sampannasasyākulā dharmiṣṭhāḥ praṇatārayo nṛpatayo rakṣanti varṇāṃstadā iti vṛhatsaṃhitāyām .. atha vedyakoktā digbhavavāyuguṇāḥ . prāgvāto madhuraḥ kṣāro vahnimāndyakaro guruḥ . verasya gauravauṣṇāni karotyapsvoṣadhīṣu ca .. bhagnotpiṣṭakṣatādyeṣu rāgaśvayathudāhakṛt . sannipātajvaraśvāsatvagdoṣārśoviṣakramīn .. kopayedāmavātañca ghanasaṃghātakāraṇam, .. dākṣiṇo mārutobalyaścakṣuṣyaḥ śasyaghātakaḥ . madhuraścāmladāhī ca kaṣāyānuraso laghuḥ .. raktapittapraśamanī na ca mārutakopanaḥ . gaṇḍūpadādikīṭānāṃ janakaḥ prāṇakārakaḥ, .. pāścimo'gnivapurvarṇabalārogyavivardhanaḥ . kaṣāyaḥ śoṣaṇaḥ svaryo rocano viśado laghuḥ .. apāṃ laghutvavaiśadyaśaityavaimalyakārakaḥ . sarvadravyeṣvabhivyaktaprabhāvarasavīryakṛt .. vraṇasaṃropaṇastvacyo dāhaśothatṛṣāpahaḥ, .. auttaro mārutaḥ snigdho mṛdurmadhura eva ca . kaṣāyānurasaḥ śītaḥ sarvadoṣaprakopa(ṇaḥ)naḥ .. kṣīṇakṣata viṣārtānāṃ hitodāhatṛṣāpahaḥ . śītādhikaḥ sanīhāraḥ sa vidyutstanayitnumān, .. viṣvagvāyuranāyuṣyaḥ prāṇināṃ naikadoṣakṛt . sarvartunindako hantā kṛtyotpātapuraḥsaraḥ iti .. tālādivyajanavāyuguṇāḥ . mūrchādāhatṛṣāsvedaśramaghno vyajanānilaḥ . tālavṛntamayo vātastridoṣaśamano laghuḥ . vaṃśavyajanajo vāto rūkṣoṣṇo vātapittadaḥ . bālavyajanamaujasyaṃ makṣikādīn vyapohati .. māyūrā vastrajā vaitrā vātā doṣatrayāpahā iti .
     sūkṣmastu vāyuḥ śarīrasthaḥ prāṇādibhedena daśavidhaḥ daśavidhakārya karaṇāt . yathoktam vaidyake prāṇo'pānaḥ samānaścodānavyānau ca vāyavaḥ . nāgaḥ kūrmaśca kṛkaro devadatto dhanañjayaḥ .. prāṇastu prathamo vāyurnarāṇāmadhipaḥ prabhuḥ . nityamāvāpayet sarvān prāṇināmurasi sthitaḥ .. niḥśvāsocchvāsakaścaiva prāṇo jīvaṃ samāśritaḥ . prasārākuñcano vāyuḥ prakāśo dhāraṇastathā .. prāṇastvevaṃvidhaṃ kuryāt prāṇināṃ prāṇadhārakaḥ . prāṇanaṃ kurute yasmāt tasmāt prāṇaḥ prakīrtitaḥ . prāṇo hi bhagavān īśaḥ prāṇo viṣṇuḥ pitāmahaḥ . prāṇena dhāryate lokaḥ sarvaṃ prāṇamayaṃ jagat .. indriyāṇi pravartante yāvat prāṇānilo hṛdi . naṣṭe na dṛśyate sarvaṃ tasmāt prāṇantu rakṣayet, .. rajjubaddho vathā śyeno gato'pyākṛṣyate punaḥ . guṇavaddhastathā jīvaḥ prāṇāpānena kṛṣyate, .. apānayaṃstathāhāraṃ manujānāṃ yato'dhamaḥ . śukramūtravraje vāyurapānastena kīrtitaḥ, .. pītaṃ bhakṣitamāghrāta raktaṃ pittakaphānilān . samaṃ nayati gātreṣu samāno nāma mārutaḥ .. samāno'gnisamīpasthaḥ koṣṭhe ca vāti sarvataḥ . annaṃ gṛhṇāti pacati virecayati muñcati .. spandayatyadharaṃ vaktraṃ netragātraprakopa(naḥ)ṇaḥ, . udvejayati marmāṇi udāno nāma mārutaḥ .. vyānovināmayatyaṅgaṃ vyāno vyādhiprakopa(naḥ)ṇaḥ . prītervināśakaścāyaṃ vārdhakotpādakastridhā iti ..
     prāṇādīnāṃ sthānāni . śiraso nāsikāgrāntamudānasthānamucyate . nābheḥ pādatalaṃ yāvadapānasya prakīrtitam .. śarīravyāpako vyānaḥ prāṇaḥ sakalanāyakaḥ . udgāre nāga ityuktaḥ kūrmaśconmīlane sthitaḥ .. kṛkaraḥ kṣudhite caiva devadatto vijṛmbhite . dhanañjayasthito meḍhre mṛtasyāpi na mañcati .. bhūtāvāptistatastasyājāyatendriyagocarāt .. utsāhocchvāsaniḥśvāsaceṣṭā dhātugatiḥ samā . samo mokṣe gatimatāṃ vāyoḥ karmāvikārajam iti sukhabodhaḥ .. prāṇādayaśca pañcasūkṣmabhūtarajoguṇebhyaḥ samastebhya utpadyante iti vedāntimatam sakalendriyāṇāṃ vyāpāra eva prāṇo na padārthāntaramiti sāṃkhyamataṃ vivaraṇaṃ prāṇaśabde dṛśyam .
     udānādīnāṃ karmaviśeṣā uktā yathā udāno nāma yaṃstūrdhvamupaiti pavanottamaḥ . tena bhāṣitagītādipravṛttikupitastu saḥ .. ūrdhvajatrugatān rīgān vidadhāti viśeṣataḥ .. yo vāyuḥ prāṇanāmāsau sukhaṃ gacchati dehaghṛk .. so'nnaṃ praveśayatyantaḥ prāṇāṃścāpyavalambate . prāyaśaḥ kurute duṣṭo hikkāśvāsādikān gadān .. āmapakkāśayacaraḥ samāno vahnisaṃgataḥ . so'nnaṃ pacati tajjāṃśca viśeṣān vivinakti hi .. sa duṣṭo vahnimāndyātisāragulmān karoti hi . pakvāśayālayo'pānaḥ kāle karṣati cāpyayam .. samīraṇaḥ śakṛnmūtraśukragarbhārtavānyadhaḥ . kruddhastu kurute rogān ghorān vastigudāśrayān .. śukradoṣapramehāṃśca vyānāpānaprakopajān . kṛtsnadehacaro vyāno rasasaṃvyūhano yataḥ .. svedāsṛksrāvaṇañcāpi pañcadhā ceṣṭayatyapi . gatyapakṣepaṇotkṣepanimeṣonmeṣaṇādikāḥ .. prāyaḥ sarvāḥ kriyāstasmin pratibaddhāḥ śarīriṇām . prasyandanaṃ codvahanaṃ pūraṇañca virecanam .. dhāraṇañceti pañcaitāśceṣṭāḥ proktā nabhasvataḥ . kruddhaḥ sa kurute rogān prāyaśaḥ sarvadehagān .. yugapat kupitā ete dehaṃ bhindyurasaṃśayam iti ca vaidyake uktam .
     tatra dehasthasya vāyorvikārahetulakṣaṇādikamuktaṃ vaidyake vyāyāmādapatarpaṇāt prapatanādbhaṅgāt kṣayājjāgarāt vegānāñca vidhāraṇādatiśucaḥ śaityādatitrāsataḥ . rūkṣakṣā rakaṣāyatiktakakukairobhiḥ prakopaṃ vrajet vāyurvāridharāgame pariṇate cānne'parāhṇe'pi ca .. vikṛtavāyulakṣaṇam . ādhmānastambharaukṣyasphuṭanavimathanakṣobhakampapratodāḥ kaṇṭhadhvaṃsāvasādau śramakavilapanaṃ śraṃsaśūlaprabhedāḥ . pāruṣyaṃ karṇanādo viṣamapariṇatibhraṃsadṛṣṭipramohā vispandodghaṭṭanādiglapanamanaśanaṃ tāḍanaṃ pīḍanañca .. nāmonnāmau viṣādo bhramapariṣadanaṃ jṛmbhaṇaṃ romaharṣo vikṣepākṣepaśoṣagrahaṇaśuṣiratā chedanaṃ veṣṭanañca . varṇaḥ śyāvo'ruṇo vā tṛḍapi ca mahatī svāpaviśleṣasaṅgā vidyāt karmāṇyamūni prakupitapavane syāt kaṣāyo rasaśca .. kiñca vadanavirasatā syādvarcasaḥ karkaśatvaṃ bhavati vapuṣi kārśyaṃ rātrinidrānivṛttiḥ . tvaci ca paruṣatā syāt syācca vaiṣamyamagneriti pavanavikāre lakṣaṇaṃ proktametat .. tatpraśamanakāraṇam yathā . rūkṣaḥ śīto laghuḥ sūkṣmaścalo'tha viśadaḥ kharaḥ . viparītaguṇairdravyairmārutaḥ saṃpraśāmyati .. snigdhoṣṇasthiravṛṣyabalyalavaṇasvādvamlatailātapasnānābhyañjanavastimāṃsamadirāsaṃvāhanonmardanaiḥ . snigdhasvedanirūhaṇopaśamanaḥ snehopanāhādikaṃ pānāhāravihārabheṣajamidaṃ vātaṃ praśāntaṃ nayet .. ṛtubhedena vihārādinā ca tasya prakopapracayapraśamādyuktaṃ yathā grīṣme sañcīyate vāyuḥ prāvṛṭkāle prakupyati . prāyeṇopaśamaṃ yāti svayameva sabhīraṇaḥ .. śaratkāle vasante ca pittaṃ prāvṛḍṛtau kaphaḥ . cayakopaśamāndoṣān vihārāhāra sevanaiḥ .. samānairyāntyakāle'pi viparītairviparyayaḥ iti .. narapatijayacaryoktamanilacakrantu cakraśabde vakṣyate . anāhatacakrasthavāyumaṇḍaṃlavivaraṇaṃ tantroktaṃ ṣaṭcakraśabde dṛśyam . taddevatāke svātinakṣatre, aṣṭavasumadhye pañcame vasau ca . yarodhruvaḥ somanāmā tathāpo'pyanilo nalaḥ . pratyūṣaśca prabhāsaśca vasavo'ṣṭau prakīrtitā iti viṣṇudharmo° purā° . viṣṇau, tasya prāṇātmanā sarvadehadhāraṇāt tathātvam ahaḥ saṃvartako vahniranilo dharaṇīdhara iti viṣṇu° sa° . śarīrasthe dhātubhede ca . tasya vivaraṇamuktaprāyam . pittaṃ paṅguḥ kaphaḥ paṅguḥ paṅgavo maladhātavaḥ . vāyunā yatra nīyante tatra varṣanti meghavat .. vāyurāyurbalaṃ vāyurvāyurdhātā śarīriṇām . vāyurviśvamidaṃ sarvaṃ prabhurvāyuḥ prakīrtitaḥ .. vāhyamaṇḍalacakreṣu yathā rājā praśasyate . tathā śarīramadhye'pi vāyurekaḥ paro vibhuriti vaidyakam .. doṣadhātumalādīnāṃ netā śīghraḥ samīraṇaḥ .. rajoguṇabhayaḥ sūkṣmo rūkṣaśīto laghuścalaḥ .. utsāhocchāsaniḥśvāsaceṣṭāvegapravartanaiḥ . samyaggatyā ca dhātūnāmindriyāṇāñca pāṭavaiḥ .. anugṛhṇātyavikṛto hṛdayendiyacittadhṛk . svaro mṛduryogavāhī saṃyogādubhayārthakṛt . dāhahṛttejasā yuktaḥ śītakṛt somasaṃśrayāt .. vibhāgakaraṇādvāyuḥ pradhānaṃ doṣasaṃgrahaiḥ . pakkāśayakaṭīsakthiśrotrāsthisparśanendriyam .. sthānaṃ vātasya tatrāpi pakvādhānaṃ viśeṣataḥ iti .

anilaghnaka pu° anilaṃ vātarogaṃ hanti han + ka tataḥ saṃjñāyāṃ kan . (vayaḍā) iti khyāte vṛkṣe tatphalasya hi vātanāśakatvam .

anilasakha pu° anilasya vāyoḥ sakhā ṭac . vahnau . anila bagdhvādayo'pyatra maghā viśākhānilabagdhviti jyoti° .

anilāntaka pu° anilo vātarogastasyāntakaḥ antaṃ karotīti anta + ṇic--ṇvul . (jīyāputi) iti khyāte vṛkṣe .

anilāmaya pu° anilakṛta āmayaḥ śāka° ta° . vātaroge .

anivartin tri° na nivartate ni--vṛta--ṇini na° ta° . kāryāntamagatvā anivṛtte . saṃgrāmeṣvanivartināmiti rāmā° na nivartate kutaścet aluptaśaktikatvāt īśvare, viṣṇau ca pu° saṃgrāmādanivartitvāttathātvam anivartī nivṛttātmeti viṣṇusahasranāma .

aniviśamāna tri° na niviśamānaḥ . niveśanarūpasthitiśūnye sarvadā gantari, punānā yat mantrāniviśamānā iti ṛ° 7, 49, 1, aniviśamānāḥ sarvadā gacchantya iti bhāṣyam .

aniśa tri° niśā taddhetukatvenopacārāt ceṣṭāvināśaḥ sā nāsti yasya ba° . avirate, nirantare, sadābhaye vastuni, rātrivarjite ca . tadubhayoraniśaṃ hi virodhitā kathamaho samatā mama tāpane ityudbhaṭaḥ .

aniśam na niśete'tra ni + śī--bā° ḍamu na° ta° . sātatye svarāderākṛtigaṇatvena tasya tatra pāṭha iti prau° ma° .

aniśśasta tri° nir + śansu--kta na° ta° . anindite na vo'tītṛṣāmāniḥśastā iti ṛ° 4, 34, 11, aniśastā aninditā iti bhā° .

aniṣṭa tri° iṣa--kta virodhe na° ta° . iṣṭasya susvādervirodhini pratikūlavedanīye duḥkhe, tatsādhane--pāpe, viṣādau, apakāre° ca . iṣṭanāśādaniṣṭāpteḥ karuṇākhyo rasobhavediti sā° da° . dhyāyatyaniṣṭaṃ tatsarvaṃ pāṇigrāhasya cetaseti evaṃ yadyapyaniṣṭeṣu vartante iti aniṣṭaṃ vā pyāniṣṭeṣu taṃ dharmaṃ na vicālayediti manasāniṣṭacintanamiti ca manuḥ . nāgabalāyāṃ strī . yaja--kta na° ta° . akṛtayāge devādau .

aniṣṭin tri° na iṣṭamanena yaja--bhāve kta tataḥ ini na° ta° . kṛtayāgabhinne . aniṣṭinovājapeyena iti kātyā° 151, 2 .

aniṣpatra na° niḥsṛtaṃ patraṃ pakṣo'tra tādṛśaṃ na bhavati . anisṛtapakṣakaśareṇa vedhanādau . viśākhyāṃ vā stīrṇamucchritaṃ vā vidhyantyaniṣpatramiti kātyā° 13, 3, 12, aniṣpatramityaniḥsṛtapatrakaṃ vidhyanti kṣatriyā iti tadvyākhyā .

anīka pu° na° anityanena ana--īkan ardharcādi . saitye, tasya hi jīvanarakṣakatvam . na nīyate apasāryate'smāt . nī--kvip ba° kap hrasvābhāvaḥ . yuddhe, tatohi prāyomaraṇānnapunarāvṛttiḥ . ratheṣuvo'nīkeṣvadhiśriya iti ṛ° 8, 20, 12 anīkeṣu senāmukheṣviti bhā° . dṛṣṭvā tu pāṇḍavānīkaṃ vyūḍhaṃ duryodhanastadeti gītā mukhe, tasya prāṇavāyuniḥsāraṇadvāratvāt tathātvam agneranīkamapaāviveśāpāmiti yaju° 8, 24, anīkaṃ mukhamiti vedadīpaḥ .

anīkastha tri° anīke yuddhe tiṣṭhati sthā--ka . yuddhagate sainye .

anīkinī strī anīkānāṃ saṃghaḥ anīkaṃ yuddhaṃ prayojanatayā astyasyāḥ vā anīka + ini . senāsaṃghe hastyādisaṃkhyāviśeṣavatyāṃ senāyāñca tatsaṃkhyā coktā bhārate eko ratho gajaścaiko narāḥ pañca padātayaḥ . trayaśca turagāstajjñaiḥ pattirityabhidhīyate .. pattintu triguṇāmetāmāhuḥ senāmukhaṃ budhāḥ . trīṇi senāmusvānyeko gulma ityabhidhīyate .. trayo gulmā gaṇo nāma vāhinī tu gaṇāstrayaḥ . smṛtāstisrastu vāhinyaḥ pṛtaneti vicakṣaṇaiḥ .. camūstu pṛtanāstisrastisraścamvastvanīkinīti . tataśca hastinaḥ 2187 . rathāḥ 2187 . aśvāḥ 6561 . padātayaḥ 10935 samuditāḥ 21870 .

anīśa pu° nāsti īśo niyantā yasya ba° . sarvaniyantari viṣṇau, svāmiśūnye tri° . na° ta° . īśvarabhinne bhajeran mātṛkaṃ rikathamanīśāste hi jīvatoriti manuḥ . asvatantre, ekohyanīśaḥ sarvatreti vyāsa smṛtiḥ . īśa--bhāve aṅ na° ta° . dīnabhāve strī nimṛgo'nīśayā śocatīti mu° u° . donabhāvo'nīśeti bhā° .

anīśvara na° na īśvaraḥ niyantā yatra . niyantṛśūnye savaṃkhyādimate jagati jagadāhuranīśvaramiti gītā īśvarasya na bhavati asama° sa° . īśvarasambandhibhinne dhyānenānīśvarān guṇāniti manuḥ . niyantṛśūnye, svāmiśūnye ca .

anīha tri° īha--bhāve aṅ na° ba° . spṛhāśūnye, niśceṣṭe ca .

anu avya° ana--u . anu vedādhyayanānuṣṭhānasāmīpyapaścādbhāvānubandhasāmyābhimukhavisargalakṣaṇeṣviti gaṇaratnokteṣu artheṣu tatra vede anuvāka iti . adhyayane anvadhīte, anuṣṭhāne, anutiṣṭhati, sāmīpye anumeghaṃ varṣati, paścādbhāve tadanu, anubandhane, anuśete anuśayaḥ, sāmye, anukaroti, ābhimukhye anumātaraṃ vatsodhāvati, hīne anu hariṃ surāḥ visarge (pravṛttyapratibandhe) anujānīte, lakṣaṇe, anu vanamaśanirgataḥ . anurlakṣaṇe iti tṛtīyārthe iti (sahārthe) hīne iti, lakṣaṇetthambhūtākhyānabhāga vīpsāsu pratiparyanava iti, ca (pā0) ukteṣu artheṣu, tatra lakṣaṇe, japamanuprāvarṣat . hetubhūtajapopalakṣitam varṣaṇam si° kau° sahārthe, nadīmanu avasitā senā, nadyā saha saṃbaḍvā senā si° kau° hīne, harimanu surāḥ harerhīnā ityarthaḥ, lakṣaṇe vṛkṣamanu vidyotate vidyut, tatra ca vṛkṣaprakāśena vidyudvidyotadeśajñāpanāt vṛkṣo lakṣaṇamiti prau° mano° . (itthambhūtaḥ) kañcit prakāraṃ prāptaḥ ākhyāyate anena, itthambhūtākhyānaṃ prakāraviśeṣanirūpakaṃ tasminnarthe, yathā bhaktoharimanu, hareritthambhūtaḥ, bhaktiviśeṣayukta ityarthaḥ . bhāge bhāgo'syāsti arśaādyac bhāgasvāmini, harimanu lakṣmīḥ, harisvāmikabhāgavatītyarthaḥ . vīpsāyāṃ viṣayabhūtāyāṃ, vṛkṣaṃ vṛkṣamanu siñcati, yāvadvṛkṣavyāpakaḥ sekaḥ . iyāṃstu bhedaḥ anyatrānuśabdaḥ tattadarthasya dyotakaḥ atra tu dvivacanenaiva vyāptibodhanāt anostadviṣayatvamātram . pāṇinyukteṣveṣvevārtheṣvasya karmapravacanīyasaṃjñā tena tadyoge dvitīyā evaṃ karmapravacanīyasaṃjñayā gatyupasargasaṃjñayorbādhanāt na ṣatvādi na vā anuvyacaladityādau gatirgatāvityādinā nighātaḥ . anuryat samayā iti yasya cāyāma iti ca (pā0) ukte sāmīpye, anuvanamaśanirgata iti vanasamīpaṃ gata ityarthaḥ āyāme, anugaṅgaṃ vārāṇasī, gaṅgādairghyasadṛśadairghyopalakṣitā vārāṇasītyarthaḥ nityasamāsaḥ yogyatve ca . anurūpam . rūpādiyogyamiti si° kau0, anukramam . kramānatikrame atrāpi nityasamāsaḥ eteṣāmudāraharaṇāni śāstrāntareṣu dṛśyāni digmātramudāhriyate . tatra paścādarthe tadanu nanu kayāsau brūhi yāto'dhvavṛḍyeti līlā° . tadanu jvalanaṃ madarpitamiti kumā° asau kumārastamajo'nujāta iti raghuḥ . ratyā ca sāśaṅkamanuprayāta iti kumā° anuṣṭhāne, śailādhipatyaṃ svayamanvatiṣṭhaditi kumā° sādṛśye, anugarjitasandigdhā iti kumā° . anugarjitaṃ garjanasadṛśaṃ pratirūpagarjitamityarthaḥ . anugatādyarthe nityasamāsaḥ . tathaiva so'bhūdanvartho rājā prakṛtirañcanāditi raghuḥ . tatra anvarthaḥ anugato'rtho yasyeti prā° ba° vā anityasamāsa uttarapadalopo vā iti tatra anugatārthopīti bhedaḥ . evameva anūpa ityādāvapi . upāsane ca anvāsitamarundhatyeti raghuḥ paścādupaveśanapūrbakasevāyāṃ dhātorlakṣaṇāyāmunurdyotakaḥ . evam etadyoge vasateḥ ādhārasya karmatā anuvasati grāmaṃ devadattaḥ mathurāmanūṣyeti mu° bo° kriyāsamabhivyāhṛtasyānuśabdasya tattatkriyāsadṛśatattatkriyāyāṃ lakṣaṇādyotakatvaṃ tatra ādyakriyāśrayasya karmatvam yathā mātaramanuroditītyādau mātūrodanasadṛśarodanasya bodhanena prathamarodanāśrayasya mātuḥ karmatvamevamanyatra . karmaṇi tiṅādyukte tu prathamā .

anuka tri° anukāmayate anu + kāmataryarthe kan . kāmuke anukābhikābhīkāḥ kamayiteti pā° vācamanukāmātmano'kuruteti kau° brā° .

anukam avya° anukāmayate anu--kama--kvip . vitarke . cāderādikṛtigaṇatvāt asya cādigaṇe pāṭhaḥ iti prau° mano° .

anukampaka tri° anukampate dayate anu--kampa--ṇvul . dayākārake . sarvabhūtānukampaka iti manuḥ .

anukampana tri° anu + kampa--yuc . dayāśīle . sarvabhūtānukampana iti rāmā° . bhāve lyuṭ . dayāyāṃ na° .

anukampā strī anu + kampa--aṅ . dayāyām, dayayā hi duḥkhahetukānyakampaṃ dṛṣṭvā tatsadṛśakampakaraṇāt dayāyāstathātvam ataevānukampadhātoranurodanavat sakarmakatvam . dayā ca paraduḥkhapraharaṇecchā anupūrbakakampatestadarthaparatvamityeke dhātvarthagṛhītakarmakatvena tatrākarmakatvamiti bhedaḥ . teṣāmevānukampārthaṃ pradeyaṃ prītipūrvakamiti smṛtiḥ . bhūtānukampā tava cediyaṃ gauriti raghuḥ . kiñciccalane ca .

anukampya tri° anukampamarhati anukampa + yat . tarasvini vegavati . anukampyate arhārthe yat . dayārhe tri° . duhitaramanukampyāmadrirādāya dorbhyāmiti kumā° .

anukaraṇa na° sāvṛśye anu + kṛ--lyuṭ . sadṛśakriyādikaraṇe . tacca guṇakriyāvayavādibhiḥ sadṛśīkaraṇam . anukriyate'neneti karaṇe lyuṭ . sadṛśīkaraṇasādhane . yathā paṭatsāṃprabhṛtiśabdāḥ avyaktaśabdānukaraṇāni . avyaktasyānu karaṇasyāta itau iti pā° .

anukarṣa(ṇa) pu° anukṛṣyate svasaṃbaddhena cakreṇa anu + kṛṣa--ghañ . rathādhaḥsthite cakropari baddhe kāṣṭhe . kartari lyu . nānto'pyuktārthe . bhāve lyuṭ . pūrvavākyopāttapadāderuttaratrānvayārthamākarṣaṇe, ākarṣaṇamātre ca na° .

anukalpa pu° kalpyate vidhīyate iti kṛpa--ṇic--ac kalpo vihitaḥ hīnaḥ kalpo mukhyakalpādadhamaḥ prā° sa° . gauṇakalpe, pratinidhau . eṣa vai prathamaḥ kalpaḥ pradāne havyakavyayoḥ . anukalpastvayaṃ jñeya iti . prabhuḥ prathamakalpasya yo'nukalpena vartate iti ca manuḥ samarthaḥ prathame kalpe yo'nukalpe pravartate iti smṛtiḥ . bhāryāḥ kāryāḥ sajātīyāḥ sarveṣāṃ śreyasyaḥsyuritimukhyaḥ kalpastato'nukalpastu catasrobrāhmaṇasyetyādi paiṭhīnasi smṛtiḥ . anukalpaśca mukhyadravyadyābhāve susadṛśadavyāntarādi pratinidhirūpam . yathā yavādyabhāve godhūmāḥ madhvādyabhāve guḍādayaḥ . evaṃ upavāsāsāmarthye naktaṃ haviṣyānnādi smṛtiṣūktaṃ veditavyam . anugataṃ kalpaṃ vedāṅgabhedam atyā° sa° . kalpānugate granthe anukalpapratipādakagranthe ca tadvettari ukthādi° ṭhak .. ānukalpikaḥ anukalpagranthavettari tri° .

anukāma pu° anurūpaḥ kāmaḥ prā° sa° . yogyābhilāṣe . sadṛśaṃ kāmasya sādṛśyārthe kāmamanatikramya yāthārthye vā avyayī° . kāmasādṛśye yathākāme ca avya° . anukāmaṃ tarpayethāmiti ṛ° 1, 17, 3, anukāmaṃ parā dā iti ṛ° 8, 48, 8, anukāmaṃ yathākāmamiti bhā° . anukāmayate anu + kāma--ac . atikāmuke tri° .

anukāmīna tri° kāmasya abhilāṣasya sadṛśamanukāmaṃ sādṛśye'vyayī° tataḥ gacchatītyarthe kha . yatheṣṭagamanaśīle . anukāmīnatāṃ tyajeti bhaṭṭiḥ .

anukāra pu° anu--kṛ--ghañ . guṇakriyādibhiḥ sadṛśīkaraṇe . vivaraṇamanukaraṇaśabde dṛśyam

anukārin tri° anukaroti anu + kṛ--ṇini striyāṃ ṅīp . guṇakriyādibhiḥ sadṛśīkārake . anukāriṇi pūrbeṣāṃ yuktarūpamidaṃ tava iti rāmā° .

anukārya anukriyate'sau anu + kṛ--karmaṇi arhārthe bā ṇyat . anukaraṇīye sadṛśīkaraṇārhe paścātkaraṇīye ca . yaḥ paścāt pūrbakāryāṇi kuryādaiśvaryamohitaḥ pūrbaṃ caivānukāryāṇīti rāmā° .

anukāla avya° kālasya yomyam yāthārthye avyayī° . kālayogyatve . bhojanācchādanaṃ dadyādanukālaṃ viśeṣata iti .

anukīrtana na° anu + kṛta--ṇic--lyuṭ kīrtādeśaḥ . kathane sāṅgaṃ bhavati tat sarvaṃ harernāmānukīrtanāditi smṛtiḥ .

anukūla tri° kūlamāvaraṇaṃ snehenānubandha iti yāvat anugatastam atyā° sa° . sahacare, sahāye, svapakṣapātini, nārīṇāmanukūlamācarasi cejjānāsīti kā° pra° . anukūlayatīndro'pi svargadrumavibhūṣaṇairiti kumā° anukūlayati anukūlaṃ karotīti nāmadhātuḥ . dantīvṛkṣe strī rājani° . alaṅkāraśāstraprasiddhe anukūla ekarati rityukte nāyakabhede ekasyāmeva nāyikāyāmāsakto'nukūlanāyaka iti tadarthaḥ yathā asmākaṃ sakhi! vāsasī na rucire, graiveyakaṃ nojjvalaṃ, no vakrā gatiruddhataṃ, na hasitaṃ, naivāsti kaścinmadaḥ . kintvathe'pi janā vadanti subhago'pyasyāḥ priyo nyānyato dṛṣṭiṃ nikṣipatīti viśvamiyatā manyāmahe duḥsthitam iti .. anukūlaṃ prātikūlyamānukūlyānubandhi cet iti (sā° da0) ityukte'rthālaṅkārabhede na° . yathā kupitāsi yadā tanvi! nidhāya karajakṣatam . badhāna bhujapāśābhyāṃ kaṇṭhamasya dṛḍhaṃ tadā .. sarveṣāmātmatvenānukūle parameśvare pu° anukūlaḥ śatāvartaiti viṣṇusa° . sarveṣāmātmatvādanukūlaḥ na hi svasmin pratikūlaṃ svayamācaratīti bhā° .

anukṛti strī anu + kṛ--ktin . anukaraṇe . omityetadanukṛtirhasma vā iti śrutiḥ .

anukṛṣṭa anu + kṛṣa--karmaṇi kta . kṛtākaṣeṇe, anuvartite ca .

anukta tri° na uktaḥ . anabhihite akathite uktiśca prāyeṇa tiṅkṛttaddhitasamāsaiḥ tatra tiṅā hariḥ sevyate, kṛtā caitreṇa gataḥ, taddhitena, śatena krītaḥ yat . śatyaḥ, samāsena, ārūḍho vānaroyamiti vākye ārūḍhavānaro vṛkṣaḥ sarvatra karmaṇa uktatvāt prātipādikārthe prathamā . tairuktabhinne tu grāmaṃ gacchati, grāmaṃ gata, vede'dhītī, ityādau anabhihite iti dvitīyādyeva evamanyakārake'pyudāhāryam anuktasamuccayaścakāra iti raghu° aniyojite ca asāvanukto'pi sahāya eva iti kumā° .

anuktha tri° nāsti ukthaṃ stotraṃ yasya . stotraśūnye kiṃ yāmanindrāḥ kṛṇavannanukthā iti ṛ° 5, 2, 3, anukthāḥ astutaya iti bhā° .

anukrama tri° anugataḥ kramam atyā° sa° . anugatakrame kramānullaṅghite, anukramaśca yasyottaraṃ yasya pāṭhaḥ karaṇaṃ vā ucitaṃ tadanatikrameṇa tasyānuṣṭhānarūpā parapāṭī . pracakrame vaktumanukramajñā iti raghuḥ . kramaśca sthānaṃ tatsvarūpādi kramaśabde vakṣyate . kramamanatikramya yathārthe avyayī° . kramānatikrame avya° .

anukramaṇikā strī anukramyate yathottaraṃ paripāṭyā ārabhyate'nayā anu + krama--karaṇe lyuṭ strītvāt ṅīp svārthe kani hrasvaḥ . anukramajñāpake, granthādyaṃśabhede uktasya vaktavyasya vārthasaṅghasya granthaśeṣe, kvacidādau vā saṃgrāhake purāṇāderaṃśaviśeṣe . svārthe kābhāve'nukramaṇītyapi, tatraiva . tatra ādo yathā bhāratasyetihāsasya śrūyatāṃ parvasaṃgrahaḥparbānukramaṇī pūrbaṃ dvitīyaḥ parvasaṃgraha bhāra° ādi° . ante yathā anukramaṇikādhyāyaṃ tathā māhātmyamuttamamiti kāśīkha° . evamanyatra dṛśyam .

anukrī pu° anukriyate anu--kṛ--uṇā° bā° ī kicca . sādyaskrakratubhede, ṣaṭ sādyaskrā ityupakramya hīnasyānukrīḥ iti kātyā° 22, 2, 19, uktam anukrīrnāma sādyaskraḥ kratuḥ sa hīnasya bhavatīti tadvyākhyā .

anukrīśa pu° anukrośatyanena anu + kruśa--āhvāne rodane ca ghañ . dayāyām . paraduḥkha praharaṇecchārūpadayayā hi parakrośaṃ dṛṣṭvā tadanu rodanaṃ kriyate iti tasyāstathātvam . anugataḥ krośaṃ gatisa° . prāptakrośādhvake tri° .

anukṣaṇa na° vīpsāyām avyayī° . pratikṣaṇe anavarate, anugataṃ kṣaṇam atyā° sa° . ajasravṛttau tri° .

anuga tri° anugacchati anu + gama--ḍa . paścādgāmini, gotrarikthānugaḥ piṇḍaḥ vyapaiti dadataḥ svadheti chidraṃ nivārayet sarvaṃ śvaśūkaramukhānugamiti pramadāhyutpathaṃ netuṃ kāmakrodhavaśānugamiti ca manuḥ . sahacare, ānulomyaṃ gate, sevake ca . tadbhūtanāthānuga! nārhasi tvamiti raghuḥ .

anugaṅga avya° gaṅgāyām vibhaktyarthe avyayī° . gaṅgāyāmityarthe . parimukhā° ñya . ānugaṅgyam anugaṅgambhave tri° .

anugata tri° anu + gama--kta . paścādgate, sahagate, ānulomyaṃ gate, sāmānyadharmagrahaṇena saṃgṛhīte'khile viśeṣe, adhīne ca . āgacchadyatra kākutsthaḥ svargāya samupasthitaḥ vimānavarakoṭībhirdevairanugatastadeti rāmā° .

anugati strī anu + gama--ktin . anugamane, paścādgatau, balasya caturaṅgasya nāyakānugatirnaya iti gatānugatikanyāyaḥ .

anugama pu° anu + gama--ghañ vṛddhyabhāvaḥ . paścādgamane, vṛhaterdhātorarthānugamāditi śā° bhā° . sahāyībhavane, sāmānyadharmeṇa sarveṣāṃ viśeṣarūpāṇāṃ saṃgrahe ca . sambandhasyānanugamo na doṣāyeti dāya° śrīkṛṣṇaḥ . ānulomyakaraṇe, kalau tvanugamānvite iti smṛtiḥ .

anugamana na° anu + gama--bhāve lyuṭ . paścādgamane . śavānugamanāśaucaṃ snānamātreṇa śudhyatīti smṛtiḥ bhartṛśarīrānugamanamahaṃ kariṣyāmīti śu° ta° raghu° .

anugava na° goḥsadṛśa āyāmaḥ yasya cāyāma iti samāse ni° ac . gavāyāmatulyāyāmayukte śakaṭādau .

anugavīna tri° goḥ paścāt paryāptaṃ vā gacchati anugu--kha . goḥ paścādgāmini gopāle . anugvalaṃgāmīti (pā0) ukteḥ paryāptagantari ca .

anugādin tri° anugadati anu + gada--ṇini . anuvādake striyāṃ ṅīp . anugādyeva svārthe, anugādinaṣṭhak ca pā° ṭhak ānugādikaḥ tadarthe .

anugāmin tri° anugacchati anu + gama--ṇini . paścādgantari, sahacare ca . striyāṃ ṅīp . dṛṣṭvā striyamivāyāntīṃ brāhmaṇīmanugāminīmiti rāmā° .

anuguṇa tri° anukūlo guṇo yasya . anukūle, anugate, anu rūpe ca . advaitaṃ sukhaduḥkhayoranuguṇaṃ sarvāsvavasthāsu yaditi uttaraca° . anurūpaḥ guṇa upakaraṇam . yogyopakaraṇe rasānuguṇatāmetīti sā° da° . sadṛśaguṇayukte tri° . kāntāratāpasāvikṣū vaṃśakānuguṇau matāviti suśrutam . anugataḥ guṇaṃ tantrīsūtraṃ vā guṇānurakte tri° tantrīyuktavīṇāyāṃ strī utkaṇṭhitasya hṛdayānuguṇā vayasyeti anuguṇā vīṇeti tadarthaḥ . guṇe vibhaktyarthe, guṇamanatikramya vā avyayī° . guṇe ityarthe, guṇānatikrame ca . tadbodhakagranthamadhīte vasantādi° ṭhak . ānuguṇikastadadhyetari, tadvettari ca tri° .

anugupta tri° anu + gup--kta . ācchādite . anuguptā apa āhṛtyeti gobhilaḥ anuguptā ācchāditā iti raghu° .

anugṛhīta tri° anugraha--kta . kṛtānugrahe .

anugra tri° na ugraḥ . śāntasvabhāve asamarthe, anuddhate ca . bhagamanugro adhayāti ratnamiti ṛ° 7, 38, 6, anugraḥ asamartha iti bhā° anugrāsaśca vṛtrahan ṛ° 8, 1, 14, anugrā anudgūrṇā iti (bhā0) ukteḥ anudgūrṇeca .

anugraha pu° anu + graha--ap . abhīṣṭasampādanecchārūpe prasāde, ānukūlye, aniṣṭanivāraṇapūrbakeṣṭasādhanecchārūpāyāmabhyupanto, virūponmattaniḥsvāsānāsakutsāpūrvakaṃ hi yat . pūraṇaṃ dānamānābhyāmanugraha udāhṛta ityuktalakṣaṇe daridrādipoṣaṇe ca . nigrahānugrahe śaktaḥ prabhurityabhidhīyate iti tantram . anugrahaṃ saṃsmaraṇapravṛttamiti kumā° . pādārpaṇānugrahapūtapṛṣṭhamiti raghuḥ . graho grahaṇaṃ sūryādigraho vā anugatastam gati sa° . grahānugate sūryādigrahānuge ca tri° .

anugrāhya tri° anu + graha--ṇyat . anugrahārhe yadi te'hamanugrāhyo yadi smarasi me guṇāniti sarvathānugrāhyo devatānāmasaṃśaya iti ca rāmā° .

anucara tri° anucarati anu + cara--ṭa striyāṃ ṅīp ac vā striyāṃ ṭāp . sahacare, paścādgāmini, dāsādau, vratāya tenānucareṇa dhenoriti anyedyurātmānucarasya bhāvamiti ca raghuḥ . anugataścaraṃ dūtaṃ gatisa° . dūtānuge tri° . sevake ca, gandharvā guhyakāyakṣā vibudhānucarāśca ye iti manuḥ catvāri ca śatānyanucaraṇāmiti kau° brā° apsaraso mahendrānucarā daśeti saumitrisītānucarasyeti bhaṭṭiḥ . pālāgalī sānucaryaḥ śatena śatena iti kātyā° 20, 1, 12, etadvyākhyāyāṃ bahuśaḥ anucarīśabdaprayogastatra draṣṭavyaḥ pālāgalī dāsaputrī .

anucāraka tri° anucarati anu + cara--ṇvul . anugantari, sevake ca . tasya dharmyam aṇ . ānucārikam sevakadharmye kārye tri° .

anucita tri° na--ucitaḥ . aparicite, ayukte ca .

anucintana na° anu + cinti--lyuṭ . anusmaraṇe satatacintāyām dvādaśe mṛtyubhāve ca vaiparītyānucintanamiti jyoti° .

anucintā strī anu + cinti--a . satatacintāyām .

anucca tri° na uccaḥ virodhe na° ta° . ucca tāvirodhinimnatvavati . jyotiṣokte grahāṇāṃ nīcasthāne ca . tāni sthānāni uccaśabde vakṣyante .

anucchiṣṭa tri° ud + śiṣa--kta na° ta° . ucchiṣṭabhinne āhāryadravyasya bhuktāvaśiṣṭamucchiṣṭaṃ tadbhinne .

anuja tri° anu paścāt jāyate anu + jana--ḍa . paścājjāte sahodare bhrātari . tādṛśyāṃ bhaginyāṃ strī . ekādhikaṃ harejjyeṣṭhaḥ putro'dhyardhaṃ tato'nuja iti manuḥ . cacāra sānujaḥ śānta iti raghuḥ parivettānuje'nūḍhe iti manuḥ .

anujanman pu° anu janma yasya . sahodare kaniṣṭabhrātari . jananātha! tavānujanmanāmiti bhāraviḥ .

[Page 173a]
anujāta tri° anu + jana--kta . paścājjātamātre, dantajātenujāte ca kṛtacūḍe ca saṃsthite iti mamuḥ . anujāte dantajanmānantaraṃ saṃsthita iti kullū° bhrātastavānujātā'haṃ bhuṅkṣva bhaktamidaṃ śubham iti smṛtiḥ . asau kumārastamajonujāta iti raghuḥ . anantarajātatvāt puttrasya tathātvam .

anujāvara tri° anujādapyavaraḥ . atyantanikṛṣṭe . etāmevānujāvarāya kuryāditi tā° brā° . anu paścājjāyate ityanujaḥ kanīyān sahi nikṛṣṭaḥ tasmādapyavaro nikṛṣṭa iti bhā° vede na smaibhāvaḥ loke tu anujāvarasmai .

anujīvin tri° anujīvitumāśrayituṃ śīlamasya anu + jīvaṇini . sevake, āśrite ca .

anujīvya tri° anujīvyate'sau anu + jīva--ṇyat . āśraṇīye sevye .

anujñā strī anu + jñā--aṅ . svayaṃpravṛttasyānyasya pravṛttyavighātakaraṇena pravartanārūpāyāmanumatau . guroranujñāmadhigamya mātaḥ! iti raghuḥ . tadvā etadanujñākṣaraṃ yaddhikiñcanānujānātyomityeva tadāheti śrutiḥ .

anujñāta tri° anu + jñā--kta . kṛtānujñe yasmai karaṇāyānujñā kṛtā tasmin jane .

anujyeṣṭha tri° anugato jyeṣṭham prā° sa° . jyeṣṭhānugate . jyeṣṭhamanatikragya yāthārthye avyayī° . jyeṣṭhānurūpe jyeṣṭhānatikrame ca avya° .

anutara na° anutīryate'nena anu--tṝ--karaṇe ap . nadīpārārthaṃ deye śuklādau, ātare .

anutarṣa na° anutṛṣyate'nenedaṃ vā karaṇe karmaṇi vā ghañ . surāpānapātre, madye ca . bhāve ghañ . madyapāne, abhilāṣe, pānecchāyāñca . sopacāramupaśāntavicāraṃ sānutarṣamanutarṣapadeneti māghaḥ .

anutāpa pu° anu + tapa--ghañ . idamanucitaṃ kṛtamiti svakṛtavastuno duḥkhajanakatayā jñānena paścāttāpe . khyāpanenānutāpena iti manuḥ . tasyāḥ kariṣyāmi dṛḍhānutāpamiti kumā° .

anutila tri° anugatastilam atyā° sa° . tilānugate kṣetrādau, tilai vibhaktyarthe avyayī° tatra bhavaḥ parimukhādi° ñya . ānutilyaḥ tilabhave tri° .

anutūlana na° tūlenānukuṣṇāti tṛṇādyagraṃ tūlenānuvaṭṭayati anu + tūla + anukoṣaṇe ṇic--bhāve lyuṭ . tūlena tṛṇāgrāderanughaṭṭane .

anutka tri° na° ta° . utkaṇṭhitabhinne svasthe .

[Page 173b]
anutkarṣa pu° na utkarṣaḥ abhāve na° ta° . uktarṣābhāve ba° . utkarṣaśūnye tri° .

anutta tri° na + unda--kta nasattaniṣattānuttetyādinā ni° . aklinne indra! tubhyamidadrivo'nuttamiti ṛ° 1, 80, 7, nuda--kta na° ta° . anunne aprerite . anuttamāte maghavanniti ṛ° 1, 165, 9, anuttamapreritamiti bhā° .

anuttama na° na uttamoyasmāt . atyutkṛṣṭe . kāṅkṣan gatimanuttamāmiti, iha kīrtimavāpnoti pretya cānuttamaṃ sukhamiti yaśo'smin loke prāpnoti pretya cānuttamaṃ sukhamiti ca manuḥ .

anuttara tri° uttarauttamaḥ na° 5 ba° . atyantaśreṣṭhe . 6 ba° . uttaravākyarahite bhavatyavajñā ca bhavatyanuttarāditi naiṣa° . na° ta° . uttaradigbhinnāyāṃ tadvirodhinyāṃ dakṣiṇasyāṃ diśi, strī . uttamabhinne apakṛṣṭe tri° . na uttarati calati ud + tṝ--ac na° ta° . sthire tri° .

anuttāna tri° na uttānaḥ virodhe na° ta° . uttānabhinne avatāne avāṅmukhe .

anuttaraṅga tri° udgatastaraṅgo vīciścāñcalyaṃ vā yasmāt prā° ba° na° ta° . anudgatataraṅge acañcale ca apāmivādhāramanuttaraṅgamiti kumā° śivapakṣe acañcalamityarthaḥ .

anutpatti strī na utpattiḥ abhāve na° ta° . utpattyabhāve kṣayaṃ kecidupāttasya duritasya pracakṣate . anutpattiṃ tathā cānye pratyavāyasya manvate smṛtiḥ .

anutpattika tri° nāsti utpattiryasya kap . utpādaśūnye .

anutpanna tri° na utpanna na° ta° . utpannabhinne ajanye .

anutpāda pu° na utpāda utpattiḥ abhāvārthe na° ta° . utttyabhāve . ba° . utpattiśūnye tri° .

anutsāda pu° na utsādaḥ avasādanam bhāve na° ta° . ava sādābhāve ucchedābhāve . na° ba° . ucchedaśūnye tri° .

anutsāha pu° na utsāhaḥ amāve na° ta° . utsāhābhāve ba° . utsāhaśūnye tri° .

anutsikta tri° na utsiktaḥ garvitaḥ . agarvite garvaśūnye .

anutsuka tri° na° ta° . utsuka--bhinne utkaṇṭhāśūnye .

anutsūtra tri° utkrāntaḥ sūtram atyā° sa° na° ta° . sūtrānugate anutsūtrapadanyāsā sadvṛttiḥ sannibandhaneti māghaḥ . sūtraṃ pāṇinīyasūtraṃ nītiśāstrañceti vivekaḥ .

anuda tri° na nudati nuda--ka na° ta° . prerakabhinne anudadāti tulyaṃ dadāti anu + dā ka . tulyarūpadātari etasya udāharaṇam prāguktre anānudaśabde dṛśyam .

anudaka tri° nāsti udakaṃ yatra . udakaśūnye marudeśādau alpārthe na° ta° . alpajale palvalādau udvanvatīranudakāśca yā iti ṛ° 7, 51, 4, udakadānaviśeṣaśūnye śrāddhabhede puroḍāśamātrā anudakā iti kātyā° 10, 5, 11, . anudakāḥ pratyavanejanapariṣecanādi varjitā iti tadvyakhyā .

anudagra na udgatamagramasya . mṛdau atīkṣṇe unnatāgrabhinne ca nāsti udagroyasmāt 5 ba° . atyunnate tri° .

anudara tri° na udaraṃ yasyālpārthe na° ba° . alpodaraśālini kṛśodare, anudarā kanyeti si° kau° striyāṃ ṭāp .

anudarśana anu + dṛśa--lyuṭ . anucintane, janmamṛtyujarāvyādhi duḥkhadoṣānudarśana miti gītā .

anudātta na° na udāttaḥ virodhe na° ta° . udāttasvarabhinne nīcairuccārite svarabhede . svarāhi trividhāḥ udāttaḥ anudāttaḥ svarita iti bhedāt tatra uccairudāttaḥ nīcairanudāttaḥ samāhāraḥ svarita iti ca pā° . tālvādiṣu, sabhāgeṣu syāneṣūrdhvabhāge niṣpannojudāttaḥ, tatraiva nīcabhāge niṣpanno'c anudāttaḥ . tasyādita udāttamardhahasvamiti pā° . yasyādito'rdhasudāttamantyamanudāttaṃ tādṛśaḥ svaraḥ svaritaḥ iti anudāttaṃ padamekavarjamiti asyaiva nighāta nīcādi saṃjñā udāttānudāttatvādikaṃ svaravarṇasyaiva na tu vyañjanānāṃ, yathoktam śikṣāyām udāttaścānudāttaśca svaritaśca svarāstrayaḥ hṛsvodīrghaḥ plutaśceti kālatoniyamastvacīti . prayatnapreritovāyuryadordhvabhāge pratihato'caṃ niṣpādayati sa udāttaḥ . evamadhoniṣpannojanudātta iti śabdendu° . udāttānudāttasvaritānāṃ sannikarṣa aika śrutyam iti āśva° gṛhyam .

anudāra na° na udāraḥ . atidātṛbhinne, amahati ca . nāsti udāro yasmāt 5 ba° . atimātra dātari, ati mahati ca . anugato dārān atyā° sa° . dārānugate . yasmin prasīdasi punaḥ sa bhavatyudāro'nudāraśceti kā° pra° . udāratvānudāratvayorāpātato virodhaḥ . udāratvānugatadāratvābhyāṃ tatparihāraḥ .

anudita pu° ud + iṇ + kta īṣadarthe na° 7 ba° . kiraṇamātreṇa . īṣaduditasūrye praviralatārake kāle . udite'nudite caiveti manuḥ na° ta° . uditabhinne tri° . vrada--kta na° ta° . akathite tri° .

[Page 174b]
anudina avya° vīpsārthe avyayī° . pratidine pārāvataḥ khalu śilākaṇamātrabhogī kāmī bhavedanudinaṃ vada ko'tra hetu rityudbhaṭaḥ . anudivasādayopyatra .

anudṛṣṭi strī anugatā anukūlā vā dṛṣṭiḥ prā° sa° . anugatadṛṣṭau, anukūladṛṣṭau ca . ba° . tathādṛṣṭimati tri° . tathābhūtastriyāḥ apatyaṃ kalyāṇyā° ḍhak inaṅ ca . ānudṛṣṭineyaḥ tadapatye puṃstrī° . anudṛṣṭeḥ puṃso'patyam śubhrā° ḍhak . ānudṛṣṭeyaḥ tadapatye puṃstrī° .

anudeśa pu° anu + diśa--ghañ . yathākramoccāraṇe, upadeśe ca yathāsaṃkhyamanudeśaḥ samānāmiti pā° . anudiśyate karmaṇi ghañ . upadeśye anudeśādyāḥ puroḍāśetyādi kātyā° 18, 6, 15 .

anuddeśa pu° na uddeśaḥ abhāvārthe na° ta° . uddeśābhāve .

anuddhata tri° na uddhataḥ virodhe na° ta° . vinayayukte .

anuddharaṇa na° na uddharaṇam abhāvārthe na° ta° . uddhārābhāve

anuddhāra pu° na uddhāraḥ abhāvārthe na° ta° . uddhārābhāve . na uddhāraḥ vibhājyaviśeṣasyotthāpanaṃ yatra . viṃśoddhāraśūnye vibhāge tri° . anuddhārovibhāgaḥ syāditi smṛtiḥ .

anuddhṛta tri° na uddhṛtamutthāpitam . anutthāpite payo'nuddhṛtasārañceti haviṣyaviṣaye smṛtiḥ .

anudbhaṭa tri° na udbhaṭaḥ virodhe na° ta° . apralbhe mṛdau .

anudyama pu° na udyamaḥ abhāve na° ta° . udyamābhāve . na° ba° . udyamaśūnye tri° .

anudyūta na° anu + diva--kta . dyūtasya paścāt purnadyūte . tadadhikṛtya kṛtagranthatayoktamanudyūtaparva sabhāparvaṇi dṛśyam .

anudyoga pu° na udyogaḥ abhāve, na° ta° . udyogābhāve ba° . udyamaśūnye tri° .

anudruta tri° anu + dru--kta . anugate dhanurdharai rājasutairanudrutamiti raghuḥ anudrutaḥ saṃyati yena kevalaṃ balasya śatruḥ praśaśaṃsa śīghratāmiti māghaḥ . ardhamātraṃ drutaṃ jñeyaṃ drutārdhañcāpyanudrutamityukte mātrācaturthabhāgakāle tālabhede na° .

anudvāha pu° na udvāhaḥ abhāvārthe na° ta° . vivāhābhāve na° ta° . tacchūnye tri° .

anudvigna tri° na udvignaḥ virodhe na° ta° . udvignabhinne avyākulacitte .

anudvega pu° na udvegaḥ abhāvārthe na° ta° . udvegābhāve na° ba° . tacchūnye tri° anudvegakaraṃ vākyaṃ satāṃ svābhāvikaṃ matamiti nīti° .

[Page 175a]
anudhāvana na° anu + dhāva--lyuṭ . paścādgamane, tattvaniścayāyānusaraṇe, anusandhāne ca .

anudhyā strī anu + dhyai--aṅ . śubhānucintane, anugrahe, āsaktau ca .

anudhyāna na° anu + dhyai--lyuṭ . anukṣaṇacintane yā naḥ prītirvirūpākṣa! tvadanudhyānasambhaveti kumā° .

anudhyāya pu° anu + dhyai--kartari ghañ . anucintake śubhānucintake . bālasyāśaktasya vā tadanudhyāyamanaseti prā° ta° smṛtiḥ .

anudhyeya tri° anu + dhyai--karmaṇi yat . anugrāhye yadīyaśubhānucintanaṃ kriyate tasmin . anudadhyuranudhyeyaṃ sānnidhyaiḥ pratimāgatairiti raghuḥ .

anunaya pu° anu + nī + ac . vinaye, praṇipāte, prārthane, sāntvane ca . kathaṃ nu? śakyo'nunayomaharṣerviśrāṇanādanyapayasvinīnāmiti raghuḥ .

anunāda pu° anurūpoḥnādaḥ prā° sa° . pratidhvanau pratiśabde anurūpaśabde .

anunādin tri° anu + nadati anu + nada--ṇini . pratirūpa śabdakārake gambhīreṇānunādineti rāmā° .

anunāyikā strī anugatā nāyikām . nāyikānugatāyām sakhī prabrajitā dāsī preṣyā dhātreyikā tathā . anyāśca śilpakāriṇyo vijñeyā hyanunāyikā ityuktadāsyādo .

anunāśa pu° anu + naśa--ghañ . anumaraṇe . adūradeśādāvarthe saṅkāśādi° ṇya ānunāśyaḥ tadadūradeśādau tri° .

anunāsika tri° anugato nāsikām atyā° sa° . nāsikayā saha svasvasthānenoccāryamāṇeṣu varṇabhedeṣa . te ca amo'nunāsikā na hrau iti śikṣāyāṃ darśitāḥ hakārarakārabhinnāḥ ampratyaharāntargatāḥ varṇāḥ . mukhanāsikāvacano'nunāsika iti pāṇinyuktesteṣāṃ tattatsthānasahitanāsikayoccāryamāṇatvāttattvam upadeśe'janunāsika iti pā° . ampratyāhāramadhye rabhinnā yabalāḥ niranunāsikāḥ sānunāsikāśca tatrānunāsikasthāne utpannayavalāmeva sānunāsikatvam yalodvidhā'ro niranunāsikaḥ sānunāsikaḥ . ñamo'nunāsikastena tatsthāne sānunāsika ityabhiyuktokteḥ yathā yayyaṃmyate vidvālliṃkhati, sarvatsaraḥ anye niranunāsikāḥ . vetyanuvṛttau aṇo'pragṛhyasyānunāsika iti pāṇityukterapragṛhyā evāṇo'nunāsikāḥ .

anunīta tri° anu + nī--kta . kṛtānunaye yasya sāntvanārthaṃ vinayādikaṃ kriyate tasmin . sa cānunīto'pi bhṛśaṃ cukopeti bhāratam .

[Page 175b]
anuneya tri° anu + nī--karmaṇi yat . anunayakaraṇārhe, anunetuṃ yogye ca .

anupakāra pu° na upakāraḥ abhāvārthe na° ta° . upakārābhāve virodhe na° ta° . apakāre .

anupakārin tri° na upakārī virodhe na° ta° . apakāriṇi striyāṃ ṅīp .

anupakṣita tri° upa + kṣi--kta vede niṣṭhātasya na natvam na° ta° . anupakṣīṇe . suvīryaṃ varṣiṣṭhamanupakṣitam ṛ° 3, 13, 7 anupakṣitam anupakṣīṇamiti bhā° . loke tu anupakṣīṇaḥ tri° .

anupaṭhita na° anu + paṭha--bhāve kta . gurumukhapāṭhānusāripāṭhe anupaṭhitamanena iṣṭādi° ini . anupaṭhitī kṛtānupāṭhe tri° striyāṃ ṅīp .

anupatana na° anu + pata--lyuṭ . anukūlapatane, anurūpapatane ca .

anupati avya° patyuḥ sāmīpyam avyayī° . patisamīpe . anupati patnīruttara uttara iti kātyā° 12, 2, 16, dīkṣākartā patisamīpe tatpatnīḥ dīkṣayatīti tadvyākhyā .

anupatha pu° anukūlaḥ panthāḥ ac samā° . anukūlamārge antaspathā anupathā iti ṛ° 5, 52, 10, anupathāḥ anukūlamārgā iti bhā° . pathaḥsamīpe pathi vā avyayī° . pathisamīpe pathītyarthe vā avya° . parimukhā° ñya . ānupathyam pathibhavādau tri° .

anupada na° anurūpaṃ padam prā° samā° . anakūlapade anurūpasthāne āśiṣāmanupadamiti arghānupadamāśiṣa iti ca raghuḥ . padasya paścāt avyayī° . padasya paścādityarthe paścādgamane ca . bhavādau parimukhā° ñya ānupadyaḥ tatra bhavādau tri° . suptiṅantaṃ padaṃ tatsadṛśaṃ granthamadhīte vetti vā ukthā° ṭhak . ānupadikaḥ tadadhyetari tadvettari ca tri° .

anupad na° anupadyate pratidinaṃ labhyate anu + pada--kvip . pratidinalabhye'nne . anupadasyānupade tvā ya° 15, 8, pratidinamanupadyate'nupadannamiti vedadīpaḥ .

anupadika tri° anupadamastyasya gantṛtvena ṭhan . paścādgate

anupadin anupadamanveṣṭā anupada + ini . anupadam anveṣṭari (anveṣaṇakartari) anupadyanveṣṭeti pā° mṛgasyānupadī rāmo jagāma gajavikrama iti bhaṭṭiḥ .

anupadiṣṭa tri° upa + diśa--kta na° ta° . upadeśākarmaṇi .

anupadīnā strī anu, padasya āyāmatulyāyāmaḥ āyāme'vyayī° anupadaṃ baddhetyarthe kha . pādatulyāyāmavatyāṃ pādabaddhāyāṃ pādukāyām (mojā) ityādi khyātāyām .

[Page 176a]
anupadhi tri° nāsti upadhiśchalaṃ yatra . niṣkapaṭe saralavyavahāre .

anupanīta pu° na upanītaḥ na° ta° . akṛtopanayanasaṃskāre jñānalakṣaṇādhīnajñānāviṣayībhūte tri° .

anupanyāsa tri° na upanyāsaḥ abhāve na° ta° . upanyāsābhāve kathanābhāve . na° ba° . kathanaśūnyevāgārambhaśūnye tri° .

anupapatti strī upa + pada--ktin upapattiryuktiḥ na° ta° . yuktyabhāve, asaṅgatau ca . tātparyānupapattita iti bhāṣā° . upapattiśca nyāyādimate vyatirekavyāptijñānādhīnānumitiḥ āpādakajñānādhīnā āpādyaniścayarūpā 'nubhūtirvā . yathā pīnodevadatto divā na bhuṅkte ityukte divā'bhojinaḥ pīnatvaṃ rātribhojanaṃ vinānupapannamiti abhoktuḥ pīnatvāsambhavena rātribhojanaṃ niścīyate tathā hi pīnatvasya bhojanavyāpyatayā pīnatvābhāvasya ca rātribhojitvābhāvavyāpyatāniścayena pīnatvena rātribhojanamanumīyate sā cānumitiḥ arthāpattitvena vyavahriyate iti naiyāyikāḥ . mīmāṃsakavedāntibhistu kalpayāmi arthāpayāmīti vilakṣaṇānubhavāt anumitibhinnaiva seti svīkriyate . adhikamarthāpapattiśabde vakṣyate .

anupapanna tri° upa + pada--kta na° ta° . upapattiśūnye .

anupabādha tri° nāsti upabādhā pratibandho'sya . pratibandhaśūnye .

anupama tri° nāsti upamā yasya . atulye anyasādṛśyarahite atyutkṛṣṭe . balaṃ pramāṇaṃ śaktiśca parairanupamaṃ mameti rā° . kumudadiggajayoṣiti strītyamaraḥ . supratīkadiggajastriyāṃ strīti mediniḥ .

anupameya tri° kenāpi na upamīyate'sau upa + mi--karmaṇi yat na° ta° . anyairatulye, anyasāddṛśyarahite .

anupayukta na upayuktam ucitaṃ bhuktaṃ vā na° ta° . samucitabhinne ananurūpe bhuktabhinne ca .

anupayoga pu° na upayogaḥ ānukūlyaṃ bhojanaṃ vā na° ta° . ānukūlyābhāve, bhojanābhāve ca . na° ba° . ānukūlyaśūnye, bhojanaśūnye ca tri° .

anuparata tri° uparataḥ nivṛttaḥ na° ta° . anivṛtte viṣayarāganivṛttiśūnye .

anuparati strī na uparatiḥ viṣayarāgaḥ abhāve na° ta° . viṣayarāgābhāve .

anupalakṣita tri° na upalakṣitaḥ viśeṣeṇa jñātaḥ . viśeṣeṇājñāte atarkite .

anupalabdhi strī na upalabdhiḥ abhāve na° ta° . lābhābhāve pratyakṣādyabhāve ca . tatra anupalabdhiśca na kevalaṃ indriyādisannikarṣābhāvamātreṇa, kintu tatsannikarṣe'pi kāraṇāntarādapi bhavati yathoktaṃ sāṃkhyasūtre . saukṣmyāttadanupalabdhiriti . tadeva kārikāyāṃ vivṛtam atidūrāt sāmīpyādindriyaghātānmano'navasthānāt . saukṣmyādvyavadhānādabhibhavāt samānābhihārāditi nāsti ghaṭo'nupalabdheriti . yogyapadārthasyānupalabdhiśca abhāvajñānasāmagrī . tadvivaraṇaṃ yogyānupalabdhiśabde dṛśyam .

anupavīta pu° na upavītaṃ yajñasūtraṃ vidhinā jātamasya . anupanīte mānavake . upavītarūpayajñasūtraśūnye ca .

anupaśama pu° na upaśamaḥ śāntiḥ nivṛttirvā abhāve ta° ta° . śāntyabhāve, nivṛttyabhāve ca .

anupasaṃhārin pu° nyāyamate paribhāṣite duṣṭahetuviśeṣe . sa ca anvaye vyatireke ca dṛṣṭāntarahitatvena duṣṭohetuḥ . yathā sarvamanityaṃ prameyatvādityanumāne sarvasyāpi pakṣatvena anvaye dṛṣṭānto nāsti nāpi vyatireke dṛṣṭāntaḥ, sarvasyāpi prameyatayā tadabhāvasya kutrāpyasiddheḥ . tathaivānupasaṃhārī kevalānvayipakṣaka iti . ādyaḥ sādhāraṇastu syādanyo'sādhāraṇo mataḥ . tathaivānupasaṃhārī tridhā naikāntiko mata iti ca bhāṣā° muktāvalyāntu sarvamabhidheyaṃ prameyatvādityādikaṃ tadudāharaṇatvenopanyastaṃ kevalānvayipakṣaka ityasya ca kevalānvayisādhyaka ityetat paratayā vyākhyātañca . yathā kevalānvayidharmāvacchinnapakṣaka ityarthaḥ . sarbamabhidheyaṃ prameyatvādityādau sarvasyaiva pakṣatvāt sāmānyādhikaraṇyagrahasthalāntarābhāvānnānumitiḥ idantu na samyak . pakṣaikadeśe ghaṭasahacārāgrahe'pi kṣaterabhāvāt astu vā sahacāragrahastāvatāpi pakṣe ajñānarūpāsiddhireva na tuhetvābhāsatvaṃ tasya, tathāpi kevalānvayisādhyakatvaṃ tattvamityuktam . upasaṃhārākārake tri° .

anupasecana tri° nāsti upasecanaṃ vyañjanaṃ yatra . dadhyādivyañjanaśūnye anne sa yattadannasya mahimānaṃ vidyādi tyupakramya nālpa iti brūyānnānupasecana iti uktam, atha° 11, 3, 4 .

anupaskṛta tri° upa + kṛ--pratiyatne kta suṭ na° ta° . akṛtapākādisaṃskāre avikṛte ca munyannāni payaḥ somo māṃsaṃ yaccānupaskṛtamiti manuḥ anupaskṛtaṃ pākopaskārarahitamiti raghu° . avikṛtamiti kullū° . apariṣkṛte abjamaśmamayañcaiva rājatañcānupaskṛtamiti manuḥ . dṛṣṭaprayojanānapekṣe, vrāhmaṇārthe gavārthe vā dehatyāgo'nupaskṛta iti manuḥ dṛṣṭaprayojanānapekṣa iti kullū° . anindite ca eṣo'nupaskṛtaḥ prokta iti manuḥ anupaskṛtaḥ avirhita iti kullū° .

anupasthāna na° na upasthānam abhāve na° ta° . upasthānābhāve na° ba° . tacchūnye tri° .

anupasthāpya tri° na upasthāpyaḥ . asmaraṇīye . prathamāntapadānupasthāpyatvāditi jaga° .

anupasthiti strī na upasthitiḥ abhāve na° ta° . upasthityabhāve, smṛtyabhāve ca .

anupahata na° na upahataḥ bhogacchedādinā . sadaśe nave abhukte vastre anupahatamatidhavalamiti kāda° . upaghāta śūnye tri° .

anupākṛta tri° upa--ā--kṛ--kta na° ta° . mantrairyajñe paśorarcanādisaṃskāra upākaraṇaṃ tadrahite .

anupāta pu° anurūpaḥ trairāśikena pātaḥ . pāṭīgaṇitoktena trairāśikena yuktasaṃkhyāpāte . purāntaraṃ cedidamuttaraṃ syāt tadakṣaviśleṣalavaistadā kim? . cakrāṃśakairityanupātayuktyā yuktaṃ niruktaṃ paridheḥ pramāṇam si° śi° .. nirakṣadeśaḥ svadeśādyathā yathā dakṣiṇato bhavati tathā tathā khasvastikādviṣuvadvṛttaṃ natam tayorantare'kṣāṃśāḥ . te ca nirakṣadeśajāpasārayojanairanupātenotpadyante . ataḥ kasmiṃścit pure'kṣāṃśān jñātvā tasmāt purāduttarato'nyasmin pure jñeyāḥ . tatasteṣāmantarāṃśaiḥ purāntarayojanaiścānupātaḥ . yadyantarāṃśaiḥ purāntarayojanāni labhyante tadā cakrāṃśaiḥ 360 kimiti phalaṃ bhūparidhiyojanāni iti prami° . tadānayanañca pramāṇamicchā ca samānajātī ādyantayoḥ staḥ, phalamanyajāti madhye, tadicchāhatamādyahṛt syā dityukta trairāśikarītyā antarayojanasaṃkhyāṅkena rāśicakrasaṃkhyā360 'ṅke guṇite purāntarayojanāṅkena vibhakte labdhaṃ paridhimānasaṃkhyā . paścātpatane ca . anugataḥ pātaṃ rāhuṃrūpagrahabhedam . pātagrahānugate . anu + pata--ṇic ṇamul . paścādpātayitvetyarthe avya° . kintu karmopapadena saha amaivāvyayeneti pā° nityasamāsaḥ latānupātaṃ kusumānyagṛhṇāditi bhaṭṭiḥ .

anupātaka na° anupātayati narakaṃ gamayati pata--ṇicṇvul pātakaṃ brahmahatyādi tatsadṛśam prā° sa° . brahmahatyādimahāpātakasadṛśe vedanindādijanye pāpaviśeṣe tāni ca pañcatriṃśatprakārahetūdbhavatvena tāvatsaṃkhyātāni anuratra sādṛśye tena patanahetumahāpātakatulyatvādasya anupātakatvamiti prā° vi° . tāni ca viṣṇunā darśitāni yathā yāgasthasya kṣattriyasya vaiśyasya ca, rajasvalāyāścārntarvatnyāścātrigotrāyāścāvijñātasya garbhasya śaraṇāgatasya ca ghātanaṃ brahmahatyasamānīti, kauṭasākṣyaṃ suhṛdbadha etau surāpānasamau . brāhmaṇasya bhūmyapaharaṇaṃ nikṣepāpaharaṇaṃ suvarṇasteyasamam . pitṛvyamātāmahamātulaśvaśuranṛpapatnyabhigamanaṃ gurudāragamanasamam . pitṛṣvasṛmātṛṣvasṛsvasṛgamanañca śrotriyartvigupādhyāyamitrapatnyabhigamanañca svasuḥ sakhyāḥ sagotrāyā uttamavarṇāyāḥ kumāryā antyajāyā rajasvalāyāḥ śaraṇāgatāyāḥ pravrajitāyā nikṣiptāyāśca .. anupātakinastvete mahāpātakino yathā aśvamedhena śuddhyanti tīrthānusarṇena vā iti .. narakāṇyabhidhāya eteṣvakṛtaprāyaścittā atipātakinaḥ parthāyeṇa kalpaṃ pacyante, manvantaraṃ tu mahāpātakinaḥ, anupātakinaśca, upapātakinaścaturyugamiti viṣṇu° sa° . tathā ca mahāpātaka sadṛśānyetāni pātakāni . anyānyapi manunā saṃkṣipya darśitāni yathā anṛtañca samutkarṣe rājagāmi ca paiśunam . guroścālīkanirbandhaḥ samāni brahmahatyayā .. brahmojjhatā vedanindā kauṭasākṣyaṃ suhṛdbadhaḥ . garhitānādyayorjagdhiḥ surāpānasamāni ṣaṭ .. nikṣepasyāpaharaṇaṃ narāśvarajatasya ca . bhūmivajramaṇīnāñca rukmasteyasamaṃ smṛtam .. retaḥsekaḥ khayonīṣu kumārīṣvantyajāsu ca . sakhyuḥ putrasya ca strīṣu gurutalpasamaṃ viduriti ..

anupātakin tri° anupātakamastyasya ini striyāṃ ṅīp . anupātakayukte anupātakinastvete mahāpātakinastathā smṛ° .

anupātin tri° anupatati anugacchati anu + gama--ṇini anugāmini .

anupāna na° anu bheṣajena saha paścādvā pīyate karmaṇi lyuṭ . auṣadhena saha, tatpaścādvā peye madhuguḍādau . pānasya jalasya samīpe avyayī° . jalasāmīpye avya° .

anupāvṛtta tri° na upāvṛttaḥ . aparāvṛttaṃ .

anupuṣpa pu° anugataṃ puṣpaṃ tadvikāśam atyā° sa° . śaravṛkṣe tasya puṣpeṇaiva prakāśāttathātvam .

anupūrva tri° anugataṃ pūrbaṃ paripāṭīṃ gatisa° . yathākramaprāpte yathāhānyanupūrbaṃ bhavati ṛ° 10, 18, 5 yathāvadanupūrvaśa iti varṇānāmanupūrbaśa iti ca manuḥ . anupūrba + śas . anupūrbaśaḥ . vṛttānupūrbe ca na cātidīrghe iti kumā° tato'nupūrbāyatavṛttabāhuriti bhāraviḥ pūrvamanugatau gīpucchākārāviti malli° anugataḥ pūrbam . paścādgāmini tri° . āgneyaḥ prathamo gacchatyanvārabdho'nupūrbā itare, kātyā° 8, 8, 29 itare daśa paśavaḥ ananvāravdhā eva anupūrbāḥ anugāmino bhaveyuriti vyā° nikṛṣṭapramāṇe ca anupūrbāitare kātyā° 8, 8, 20, anupūrbāṃḥ nikṛṣṭā hyanugacchanti atra ca pramāṇena nikṛṣṭatvam . ataśca dakṣiṇasya varsiṣṭhatvamuktaṃ tata uttarasya tadapekṣayā hīnapramāṇatvaṃ tadapekṣayā tata uttarasya, tadapekṣayā taduttarasyetyevamekādaśo yūpaḥ sarvato nikṛṣṭo yathā bhavati tathā kartavyamiti vyākhyā . anupūrba + bhāvādau ṣyañ . ānupūrbyaṃ tadbhāve ṣittvāt cāturīvat vā strī sājatyañca samānānupūrbīkatveneti jaga° . vede pṛ° pūrbapadahrasvaḥ . anupūrbī ānupūrbye stro . varṣiṣṭharaśanaḥ puruṣo'nupūrbyā itareṣāmiti kātyā° 16, 1, 9, anupūrbyā dvivyāmayā raśanayā iti vyākhyā .

anupṛṣṭhya tri° anupṛṣṭhaṃ badhyate anupṛṣṭha + yat . pṛṣṭhamadhye badhyapāśādau anupṛṣṭhyāmāyamya pāśayoriti kātyā° 16, 8, 5 .

anupeta tri° na upetaḥ . upagatabhinne . upagamanañca upanayanārthaṃ gurusamīpagamanam, tacchūnye ca . na strī juhuyānnānupeta iti smṛtiḥ anupetaḥ anupanotaḥ iti raghu° . yaṃ pravrajantamanupetamapetakṛtyamiti bhāga° atrāpi śukasya vidvattvena kṛtyasāmānyābhāvena anupanītatayaiva pravrajyoktiḥ .

anupradāna na° anupradīyate varṇaviśeṣarūpatā ādhīyate anena ana + pra + dā--karaṇe lyuṭ . varṇotpādanavāhyaprayatnabhede ete śvāsānupradānā aghoṣāśca vivṛṇvate iti si° kau° . śvāsaḥ anupradānaṃ vāhyaprayatno yeṣāmiti tattvabo° . anupradānāt saṃsargāt sthānāt karaṇavinyayāt . jāyate varṇavaiśeṣyaṃ parimāṇācca pañcamāditi śikṣā .

anupravacana na° anurūpaṃ gurumukhoccāritānurūpaṃ pravacanam . gurūccāritānuvacane . tatprayojanamasya cha . anupravacanīyaḥ tathābhūta dhyayanaprayojanayukte tri° .

anupravacanādi pu° 6 ta° . pāṇinyukte tadasya prayojanamityarthe vihitapratyayanimitte prakṛtibhūte śabdasamūhe . anupravacana, utthāpana, upasthāpana, saṃveśana, anupraveśana, anuvādana, anuvacana, anuvācana, anvārohaṇa, prārambhaṇa, ārambhaṇa, ārohaṇa .

anupraveśa pu° anu + pra + viśa + bhāve ghañ . anurūpapraveśe pupoṣa dṛddhiṃ haridaśvadīdhiteranupraveśādiva bālacandramā iti raghuḥ . amāvāsyāyāñcandrārkayoḥ ekarāśyavasthitatvena sūryamaṇḍalādadhaḥ sthitatvāccārkāccandrasyāntaragatau sūryaraśmerindau praveśaḥ taduttarañca kramaśaḥ praveśādhikyam salilamaye śaśiti raverdīdhitayomūrchitāstamonaiśam . kṣapayanti darpaṇodaranihitā iva mandirasyāntariti vṛhatsa° . yathā ca tasyādhasthaḥtvaṃ tathā induśabde vakṣyate . tathāhi yāvadyāvacca sūryāt candramāḥ pūrbaṃ gacchati tāvattāvadeva vyavadhānānurūpeṇa sūryaraśmestatra kramaśaḥpraveśaḥ .

anuprāsaḥ pu° anugataḥ rasādyanuguṇaṃ prakṛṣṭamāsaṃ varṇanyāsaṃ samavarṇaracanāṃ samavarṇoccāraṇaṃ vā gatasa° . alaṅkāraprasiddhe svaravaiṣamye'pi samavarṇānāṃ tulyaracanārūpe anuprāsaḥ śabdasāmyaṃ vaiṣasye'pi svarasya yat (sā° da0) ukte śabdālaṅkārabhede . sa ca pañcadhā te ca sodāharaṇamuktā darpaṇe yathā cheko vyañjanasaṅghasya sakṛt sāgyamanekadhā . chekaśchekānuprāsaḥ . anekadheti svarūpataḥ kramataśca . rasaḥ sara ityādikramabhedena sādṛśyaṃ nāsyālaṅkārasya viṣayaḥ . yathā ādāya vakulagandhānandhīkurvan pade pade bhramarān . ayameti mandamandaṃ kāverīvāripāvanaḥ pavanaḥ .. atra gandhānandhīti saṃyuktayoḥ, kāverīvārītyasaṃyuktayoḥ . pāvanaḥ pavana iti bahūnāṃ vyañjanānāṃ sakṛdāvṛttiḥ . cheko vidagdhaḥ tatprayojyatvādeṣa chekānuprāsaḥ . anekasyaikadhā sāmyamasakṛdvāpyanekadhā . ekasya sakṛdapyeṣa vṛttryanuprāsa ucyate .. ekadhā svarūpata eva na tu kramato'pi . anekadhā svarūpataḥ kramataśca . sakṛdapītyapiśabdādasakṛdapi . yathā unmīlanmudhagandhalubdhamadhupavyādhūtacūtāṅkurakrīḍatkokilakākalīkalakalairudgorṇakarṇajvarāḥ . nīyante pathikaiḥ kathaṃ kathamapi dhyānāvadhānakṣaṇaprāptaprāṇasamāsamāgamarasollāsairamī vāsarāḥ . atra rasollāsairamī iti rasayorekadhaiva sāgyam . na tu tenaiva krameṇāpi . dvitīye pāde tu kalayorasakṛt tenaiva krameṇa ca . prathame ekasya takārasya sakṛt . rasaviṣayavyāpāravatī varṇaracanā vṛttistadanugatatvena prakarṣeṇa vyasanāddhattyanuprāsaḥ . uccāryatvādyadaikatra sthāne tāluradādike . sādṛśyaṃ vyañjanasyaiva śrutyanuprāsa ucyate .. yathā dṛśā dagdhaṃ manasijaṃ jīvayanti dṛśaiva yāḥ . virūpākṣasya jayinīstāḥ stumo vāmalocanāḥ .. atra jīvayantīti yā iti jayinīriti atra jakārayakārayorekatra sthāne tālau uccāryatvāt sādṛśyam . eva dantyakaṇṭhyānānapyudāhāryam . eṣa ca sahṛdayānāmatīva śrutisukhāvahatvācchrutyanuprāsaḥ . vyañjanaṃ cedyathāvasthaṃ sahādyena svareṇa tu . āvartyate'ntyayojyatvādantyānuprāsa eva tat .. yathāvasthamiti yathā sambhavamanusvāravisargasvarasaṃyuktākṣaraviśiṣṭam . eṣa ca prāyeṇa pādasya padasya cānte prayojyaḥ . pādāntago yathā keśaḥ kāśastavakavikāsaḥ kāyaḥ prakaṭitakarabhavilāsaḥ . cakṣurdagdhavarāṭakakalpaṃ tyajati na cetaḥ kāmamanalpam .. padāntago yathā . mandaṃ hasantaḥ pulakaṃ vahanta ityādi . śabdārthayoḥ paunaruktyaṃ bhede tātparyamātrataḥ . lāṭānuprāsa ityukto'nuprāsaḥ pañcadhā tataḥ iti . yathā smerarājīvanayane! nayane kiṃ nimīlite? . paśya nirjitakandarpaṃ kandarpavaśagaṃ priyam .. atra vibhaktyarthasyāpaunaruktye'pi mukhyatarasya prātipadikāṃśadyītyadharmirūpasyābhinnārthatvāllāṭānuprāsatvameva . nayane tasyaiva nayane atra dvitīya nayanaśabdo bhāgyavattādiguṇaviśiṣṭatvarūpatātparyamātreṇa bhinnārthaḥ . yathā vā . yasya na savidhe dayitā davadahanastuhinadīdhitistasya . yasya ca savidhe dayitā davadahanastuhinadīdhitistasya .. atrānekapadānāṃ paunarukyam . eṣa ca prāyeṇa lāṭajanapriyatvāllāṭānuprāsa iti .

anuplava pu° anu--plu--ac . sahāye, anucare, dāse ca . sānuplavaḥ prabhurapi kṣaṇadācarāṇāmiti raghuḥ .

anubandha pu° anu + bandha--yathāyathaṃ bhāvādau ghañ . bandhane, icchāpūrvakadoṣaviśeṣābhyāse, anubandhādikaṃ dṛṣṭvā sarvaṃ kāryaṃ yathākramamiti smṛtiḥ . anubandhaḥ paunaḥpunyenābhiniveśa iti raghu° . śāstrasyādau vaktavyeṣu adhikāriviṣayaprayojasambandheṣu, anubandhonāmaviṣayaprayojanādhikārisambandha iti asya vedāntaprakaraṇatvāttadīyairevānubandhaistadvattāsiddheriti ca vedā° sā° jñātārthaṃ jñātasambandhaṃ śrotuṃ śrotā pravartate . granthādau tena vaktavyaḥ sambandhaḥ sa prayojana ityukteḥ viṣayaprayojanādīnāmārambhaprayojakatvāt taddhetutvam . asmin pakṣe ca anubadhyate aneneti karaṇe ghañ . mukhyānuyāyini apradhāne, bālakādau prakṛtasyānuvartane, saṃbandhe, vātapittādidoṣāṇāmaprādhānye, prakṛtipratyayāgamādeśānāṃ vikaraṇāgamaguṇavṛddhyādikāryaviśeṣārthamanubandhanīye pariniṣpannapadakāleṣu aśrūyamāṇatayā naśvare itsaṃjñatayā kṛtalope varṇādau, padāniḍviḍvikaraṇādyanubandhagaṇoditam karmoccāraṇamātreṇa spaṣṭamatrānubandhata iti kavikalpadrumaḥ . phalasādhane punaḥpunaranuṣṭhānābhyāse, anubandhaṃ parijñāya deśakālau ca tattvataḥ . sattvāparādho cālokya daṇḍaṃ daṇḍyeṣu pātayediti manuḥ . vandhe'pi mediniḥ . ārambhe, śabdaratnā° . anusaraṇe śāntajvaro'pi śodhyaḥ svādanubandhabhayānnara iti suśrutam . santatasambandhe (avicchede) sānubandhāḥ katha na syuḥ sampado me nirāpada iti raghuḥ . anuvadhyate anurudhyate karmaṇi ghañ . paścādbhāvini śubhāśume . anubandhaṃ kṣayaṃ hiṃsāmanapekṣya ca pauruṣam iti gītā paścātsambandheca . yadagre cānubandhe ca sukhaṃ mohunamātmana iti gītā .

anubandhin tri° anubaghnagāta anu + bandha--ṇini . mahacare anugate, anurodhini, vyāpake ca . striyāṃ ṅīp . guṇā guṇānubandhitvāttasya saprasavā iva iti ravuḥ . adhaśca mūlānyanusantatāni karmānubandhīni manuṣyaloke iti gītā . sūkṣmānubandhī sūkṣmaśca sugandhī rocako mṛduriti medaḥkaṣāyaiḥ khalu roga eṣa sudustaro varṣagaṇānubandhī iti ca suśrutam .

anubandhī strī anubadhyate'tiśvāsena vyāpriyate'nayā anu-- bandha--ghañ gaurā° ṅīṣ . hikkāroge, tṛṣṇāyāñca .

anubandhya tri° badhārthaṃ bandho'nubandhaḥ anu + bandha--karmaṇi ṇṭhat . badhārthaṃ badhye gavādau . nānubandhyābavā'pi vā . tathoddhāravibhāgaśca naiva saṃprati vartate iti smṛtiḥ .

anubodha pu° anu + vudha--ṇic--ghañ . pūrvaliptacandanādergandhoddīpanārthaṃ punarmardanādau, paścādbodhe ca .

anubrāhmaṇa na° brāhmaṇaṃ mantretaravedabhāgastatsadṛśam . brāhmaṇa sadṛśe granthe . tadadhīte veda vā ini . anubrāhmaṇī brāhmaṇasadṛśagranthādhyāyini, tadvettari ca tri° striyāṃ ṅīp .

anubhava pu° anu + bhū--ap . smṛtibhinne jñāne . viṣayānurūpabhavanācca vuddhivṛtteranubhavatvam . vṛttisārūpyamitaratra pāta° sūtre, viṣayānurūpatvaṃ cittavṛtterabhihitam . tathāhi yathā payaḥ praṇālyā kṣetrādikaṃ prāpya caturasrādyā kāreṇa pariṇamate evameva indriyādipraṇālyā'ntaḥkaraṇaṃ vahirnisṛtya viṣayākāreṇa pariṇamate tādṛśapariṇāmarūpavṛttyā ca viṣayagatamajñānaṃ nivārayatīti antaḥkaraṇasya viṣayarūpānurūpabhavanāt anubhavatvam . smṛtau tu viṣayasannikarṣābhāvāt na viṣayākāratāprāptiriti tadbhinne jñāne evāsya prayogopādhitā iti sāṃkhyabedāntimatam . anubhavasya pratyakṣāṇumānopamāśābdabhedena catasro vidhāḥ iti naiyāyikādayaḥ . vedāntino mīmāṃsakāśca arthāpattyanupalabdhirūpamadhikaṃ tadbhedadvayamurarīcakruḥ . vaiśeṣikāḥ saugatāśca pratyakṣānumārūpameva anubhavadvayaṃ svīcakruḥ anyeṣāṃ sarveṣāmanayorantarbhāvāt . sāṃkhyādayaḥ pratyakṣānumāśābdā eveti bhedatrayīmaṅgīcakruḥ . cārvākāḥ pratyakṣamātramiti bhedaḥ . anubhavaṃ vacasā sakhi lumpasīti naiṣa° .

anubhāva pu° anubhāvayati udbodhayatyanena anu + bhū--ṇickaraṇe--ghañ . koṣadaṇḍādijāte rājñāṃ tejoviśeṣe . sāmarthye ca . kartari ac . alaṅkāraśāstraprasiddhe rasavyañjake bhāvaṃ manogataṃ sākṣāt svagataṃ vyañjayanti ye . te'nubhāvā iti khyātāḥ, ityuktalakṣaṇe bhrūbhaṅgādau . vibhāvenānubhāvena vyaktaḥ sañcāriṇā tatheti sā° da° . anubhāvasya lakṣaṇabhedādikamuktvā darpaṇe . udbuddhaṃ kāraṇaiḥ svaiḥsvairvahirbhāvaṃ prakāśayan . loke yaḥ kāryarūpaḥ so'nubhāvaḥ kāvyanāṭyayoḥ .. yaḥ khalu loke sītādivandrādibhiḥ svaiḥsvairālambanoddopanakāraṇairāmāderantarudbuddhaṃ ratyādikaṃ vahiḥ prakāśayan kārya mityucyate sa kāvyanāṭyayoḥ punaranubhāvaḥ . kaḥ punarasāvityāha . uktāḥ strīṇāmalaṅkārā aṅgajāśca svabhāvajāḥ . tadrūpāḥ sāttvikā bhāvāstathā ceṣṭāḥ parā api .. tadrūpā anubhāvasvarūpāḥ . tatra ca yo yasya rasasyānubhāvaḥ sa tatsvarūpavarṇane tatra tatra darśitaḥ . tatra sāttvikāḥ . vikārāḥ sattvasambhūtāḥ sāttvikāḥ parikīrtitāḥ . sattvaṃ nāma svātmaviśrāmaprakāśakārī kaścanā''ntaro dharmaḥ . sattvamātrodbhavatvātte bhinnā apyanubhāvataḥ .. gobalīvardanyāyena iti śeṣaḥ . ke te ityāha . stambhaḥ svedo'tha romāñcaḥ svarabhaṅgo'tha vepathuḥ . vaivarṇyamaśru pralaya ityaṣṭau sāttvikāḥ smṛtāḥ .. tatra . stambhaśceṣṭāpratīghāto bhayaharṣāmayādibhiḥ . vapurjalodgamaḥ svedo ratigharmaśvamādibhiḥ .. harpādbhutabhayādibhyo romāñco romavikriyā . madasaṃmadapīḍādyairvaisvaryaṃ gadgadaṃ viduḥ .. rāgadveṣaśramādibhyaḥ kampo gātrasya vepathuḥ . viṣādamadaropādyairvarṇānyatvaṃ vivarṇatā .. aśru netrodbhavaṃ vāri krodhaduḥkhapraharṣajam . pralayaḥ sukhaduḥkhābhyāṃ ceṣṭājñānanirākṛtiḥ iti .. anubhāvaviśeṣāttu senāparigatairiva raghuḥ . tejasi ca . gurubhirabhiniviṣṭaṃ lokapālānubhāvairiti raghuḥ . māhātmye, jāme vo rakṣasākrāntāvanubhāvaparākramau iti raghuḥ .

anubhāvaka tri° anubhāvayati bodhayati anu--bhū--ṇicṇvul . bodhake yatpadena vinā yasyānanubhāvakatā bhavet ākāṅkṣeti bhāṣā° . yana padena vinā yatpadasyānvayānanubhāvakatvaṃ tena saha tasyākāṅkṣeti siddhāntamuktāvalī .

anubhāvin tri° anubhavati anu + bhū--ṇini . sākṣātkārādikārake . anubhāvī tu yaḥ kaścit kuryāt sākṣyaṃ vivādināmiti manuḥ . manupaścāt bhavati . paścājjāte kaniṣṭādau . anubhāvināṃ parivāpanamiti āpa° smṛtiḥ . anupaścādbhavanoti anubhāvinaḥ kaniṣṭhā iti ratnākaraḥ svāśaucamanubhavantīti anubhavakārakā iti śu° ta° raghu° .

anubhāṣaṇa na° anu sahitaṃ bhāṣaṇam . sahabhāṣaṇe .

anubhū strī anu + bhū--kvip . anubhavarūpe jñānabhede ayamātmā sarvānubhūriti vṛ° upa° . satyaṃ jñānamanantaṃ brahmeti śrutyā brahmaṇojñānarūpatvāt sarvajñānarūpatvam .

anubhūta tri° anu + bhū--karmaṇi kta . anubhavaviṣayībhūte padārthe anu + bhū--kartari kta . paścājjāte tri° .

anubhūti strī anu + bhū--ktin . anubhave tadvivaraṇamanubhavaśabde dṛśyam . anubhūtiścaturvidhā pratyakṣamapyanumitistathopamitiśābdaje iti bhāṣā° .

anubhūtiprakāśa pu° anubhūteranubhavasya vedāntaśravaṇajanyasya prakāśārthaṃ mādhavācāryapraṇīte upaniṣattātparyajñāpake prakaraṇabhede

anumata tri° anu + mana--kta . svayaṃpravṛtte idaṃ kriyatāmiti protsāhanārthamanujñāte . anumodite ca kṛtamanumataṃ dṛṣṭaṃ vā yairidaṃ guru pātakamiti veṇī° . guruṇānumataḥ snātvā samāvṛtto yathāvidhi iti manuḥ . sagyagvinīyānumato gṛhāyeti ca raghuḥ . ubhayānumataḥ sākṣīti smṛtiḥ .

anumati strī anu + mana--ktin . anujñāyām . anumatyā vyapeyāditi smṛtiḥ . anumanyate kalāhīnatve'pi pṛrṇimāvihitayāgādikaraṇāyānujñāyate 'syām adhikaraṇe ktin . kalāhonacandravatyāṃ śuklacaturdaśīyutapūrṇimātithau . anumato rāketi devapatnyāviti nairuktāḥ paurṇamāsyāviti yājñikā yā pūrvā paurṇamāsī sānumatiryottarā sā rāketi vijñāyate .. anumatiranumananāt . anumatirākāsinībālīvu hūbhyaścarava iti kā° 18, 6, 21, kuhvai caivānumatyai ca prajāpataya eva ceti manuḥ .

anumantṛ tri° anu + mana--tṛc . svayamudāsīne kāryādau pravṛttasyānyasyītsāhavardhanārthamanujñākartari . anumantā viśasitā niyantā krayavikrayīti manuḥ upadraṣṭānumantā ca bhartā bhoktā maheśvara iti gītā . anumantā anumodayitaiva sannidhimātreṇānugrāhaka iti śrīdharaḥ .

anumantraṇa pu° anu mantroccāraṇāt paścāt mantraṇam mantreṇa saṃskārādikaraṇam . mantroccārapūrvake yāgādiṣu saṃskārabhede prayājānumantraṇamiti kātyā° 3, 3, 2 .

anumaraṇa na° anu + mṛ--lyuṭ . bhartari mṛte taddehāprāptau tatpādukādigrahaṇena pṛthakcitārohaṇena strīṇāṃ dehatyāge . bhartrānumaraṇaṃ kāle yāḥ kurvanti tathāvidhāḥ . kāmāt krodhāt bhayādvāpi sarvāḥ pūtāḥ bhavanti tāḥ iti smṛtiḥ anupūrbakamaraṇasya maraṇasadṛśamaraṇārthakatvena sakarmakatvam ataeva bhavatā nānumṛtāpi labhyate iti raghau karmaṇi ktaprayogaḥ . anumaraṇaṃ ca bhartuḥ deśāntarādimaraṇe dehādyalābhe eva deśāntare mṛte patyau sādhvī tatpādukādvayam . nidhāyorasi saṃśuddhā praviśejjātavedasamiti smṛtiḥ . tatra kṣatriyādīnāmevādhikāro na viprāyāḥ, yathoktam . pṛthakcitāṃ samāruhya na viprā gantumarhatīti śu° ta° smṛtau .

anumā strī anu + mā--aṅ . parāmarśajñānādhīne (vyāptadhūmādiliṅgaviśiṣṭajñānādhīne) jñānabhede yathā parvato vahnimānityādi tathāhi dhūmādihetau mahānasādau prāk bhūyaḥsahacāradarśanāt dhūmatvavahnitvasāmānyadharmeṇa sakalavahnidhūmādivyāptiniścayaḥ anantaraṃ deśāntaraṃ gatavato vahnyarthinaḥ parvatādau dhūmadarśane sati tatra vahnivyāptismṛtirjāyate ekasambandhijñānasyāparasambandhismārakatāyā niyamena, dhūmadarśanāt dhūmagatāyā vahnervyāpteḥ smaraṇasambhavāt . tatastādṛśadhūmavān ayaṃ parvata iti niścayarūpaparāmarśena tatra vahnimānayamiti niścinoti so'yaṃ niścayaḥ anumitirūpaḥ anubhavabheda iti . tatra ca dhūmādiliṅgajñānameva karaṇaṃ natu jñāyamānaliṅgaṃ karaṇamiti navyanaiyāyikasiddhāntaḥ prācīnamate jñāyamānaliṅgameveti bhedaḥ anumāyāṃ jñāyamānaṃ liṅgaṃ tu karaṇaṃ na hīti bhāṣā° . so'yaṃ niyantritārthatvānna pratyakṣaṃ na cānumeti śa° śa° pra° .

anumātṛ tri° anu + mā--tṛc . anumānakartari nahi kariṇi dṛṣṭe cītkāreṇa tamanumimate'numātāra iti vācaspatiḥ .

anumāna na° anu--mi--mā--vā bhāvādau lyuṭ . vyāpyasya jñānena vyāpakasya niścaye, yathā vahnirdhūmasya vyāpaka iti dhūmastasya vyāpta ityevaṃ tayoḥ bhūyaḥ sahacāraṃ pākasthānādau dṛṣṭvā paścāt parvatādau uddhūyamānaśikhasya dhūmasya darśane tatra vahnirastīti niścīyate . karaṇe lyuṭi . taddhetubhūte dhūmādau . taccānubhānaṃ trividhamiti cittāmaṇiḥ . śrutereca svataḥ prāmāṇyaṃ, yatra śrutiḥ sākṣāt na śrūyate tatra smṛtivākyāt śrutivākyamanubhīyate iti śrutyanumāpakaṃ smṛtivākyamapyanumānapadenābhidhīyate iti mīmāṃsakāḥ . virodhe tvanapekṣamasati hyanumānamiti jai° mū° . iyaṃ smṛtiḥ vedamūlikā āptavākyatvādityevamanumānākāraḥ iti . dṛṣṭamanumānamāptavacanañca sarvapramāṇasiddhatvāditi sā° kā° . atīndriyasya siddhiranumānāditi sāṃkhya° sū° pratyakṣaparikalitamapyarthamanumānena vubhutsante iti vāca° pratyakṣamanumānaṃ ca śāstrañca vividhāgamamiti manuḥ . evamanumāne nirūpite tasmāt puruṣadhaureyasiddhiriti cintā° nānumānaṃ rasādīnāmiti sā° da° saparikara manumānaṃ nirūpyeti cintāmaṇidīdhitiḥ .

anumānacintāmaṇi pu° gaṅgeśopādhyāyakṛte nyāyaśāstrasyānumānatattvajñāpake prakaraṇabhede . tatra ca ādau anumitisvarūpādinirūpaṇaṃ tatastatkāraṇavyāptijñānārthaṃ vyāptinirūpaṇam tatovyāptigrahopāyanirūpaṇam tato vyāptigrahānukūlatarkanirūpaṇam, uktāsu bahvīṣu vyāptiṣu kathaṅkāraṃ tāsāmanugamastannirūpaṇam tataḥ vyāptijñānopāyatayā sāmānyalakṣaṇānirūpaṇam tato hetoḥ pariśuḍvijñānārthamupādhinirūpaṇam . tato'numityaṅgapakṣatānirūpaṇam parārthānumānasya pañcāvayavanyāyasādhyatayā tannirūpaṇam . anumitau parāmarśasya (sādhyavyāptimaddhetuviśiṣṭajñānātmakasya) svarūpādinirūpaṇam .. tatohetutraividhyasya (kevalānvayi kevalavyatirekyanvayavyatirekitvarūpasya) nirūpaṇam tato varjanīyatayā hetordoṣāṇāṃ (hetvābhāsānām) nirūpaṇam tatrādau sāsānyatohetvābhāsalakṣaṇam tataḥ savyabhicārasya, sādhāraṇasya, asādhāraṇasya, anurūpasaṃhāriṇaḥ, asiddheśca kramaśaḥ, tato bādhasya nirūpaṇam ityetatparyantaṃ saparikaramanumānaṃ heyatayā taddoṣāṃśca nirūpya tādṛśānumānena īśvarasya siddhirdarśitā tasyārādhanasahakṛtena ṣoḍaśapadārtha tattvajñānenātyantikaduḥkhanivṛttirūpāpavargasiddhirityete padārthāḥ tatratyā avadheyāḥ .

anumānadīdhiti strī anumānarūpacintāmaṇerdīdhitiriva . raghunāthaśiromaṇikṛtāyāmanumānacintāmaṇivyākhyāyām .

anumārga avya° mārge vibhaktyarthe yāthārthye, paścādarthe vā avyayī° . mārge ityarthe, mārgānurūpe, mārgasya paścādarthe ca . anumārgāgatāyāñceti kāda° .

anumāṣa avya° māṣe vibhaktyarthe avyayī° . māṣe ityarthe . parimukhā° ñya . ānumāṣyaḥ tadbhavādau tri° .

anumāsaṃ avya° vīpsārthe avyayī° . pratimāse, anumāse bhavaḥ ṭhañ . ānumāsikaḥ pratimāsabhave piṇḍānvāhāryakaṃ śrāddhaṃ kuryānmāsānumāsikam iti manuḥ .

anumita tri° anu + mi--karmaṇi kta . kṛtānumāne anumānaviṣayībhūte . anumito'pi hi vāṣpanirīkṣaṇād vyabhicacāra na tāpakaro'nala iti naiṣa° .

anumiti strī anu--mā--ktin . anumāne vyāptiviśiṣṭasya pakṣadharmatājñānādhīne anubhavabhede sa pakṣastatra vṛttitvajñānādanumitirbhavediti bhāṣā° . anumitiśca dvividhā svārthā parārthā ca tatra hetau vyāptiniścaye sati tasya ca pakṣe vṛttitvajñānāt upādeyapadārthagrahaṇāya pravartikā yānumitiḥ sā svārthā . vivadamānaṃ prati kañcitpadārthaṃ sādhayituṃ madhyasthādyavalambanena pratijñāhetūdāharaṇopanayananigamanarūpapañcāvayavanyāyasādhyā parārthā .

anumitsā strī anu + mi--san--bhāve a . anumātumicchāyām siṣādhayiṣāyām . anumitsāyāṃ hi siddhisattvepyanumitirudeti tadabhāve sādhyavattāniścayayarūpasiddhi sattve nānumitiḥ . tatrāyaṃ viśeṣaḥ sāmāthikaraṇyena siddhisattve'pi avacchedāvacchedenānumitirbhavatyeva na tatrānumitsāpekṣā tathā ca avacchedāvacchedena siddhireva avacchedāvacchedena sāmānādhikaraṇyena cānumitiṃ prativadhnāti evañca tatraiva icchāpekṣeti . ataeva vācaspatinā pratyakṣaparikalpitamapyarthamanumānena bubhtsante tarkarasikā ityuktam .

anumṛta tri° anu paścāt śokādinā mṛtaḥ . śokādinā mṛtasya paścāt mṛte . anu + mṛ--karmaṇi kta . yasya paścāt mniyate tasmin bhavatā nānumṛtā'pi labhyate iti raghuḥ .

anumeya tri° anumīyate'sau anu + mi--karmaṇi yat . anumityarhe, anumātuṃ yogye etāvatā nanvanumeyaśobhīti kumā° . phalānumeyāḥ prārambhāḥ saṃskārāḥ prāktanā iva iti raghuḥ .

anumoda pu° anu + muda--ṇic--ghañ . prakṛtakarmaṇi pravṛttivighātāklaraṇenānyavotsāhānukūlavyāpāre . tvayā yat kṛtaṃ tanmonumatamityādyabhilāpavyaṅgye . bhāvelyuṭ . tatraivārthe na° .

anumodita tri° anu + nuda--ṇic--karmaṇi kta . kṛtānumodane svānumatatvajñāpanena protsāhite bhavatā yadvyavasitaṃ tanmesādhvasumoditam . prārthyamāno'rthinā yatra hyartho naiva vighātitaḥ . dānakāle'thavā tūṣṇīṃ sthitaḥ, so'rtho'numodita iti (prā° vi0) ukte'rthe ca .

anuyava avya° yave vibhaktyarthe avyayī° . yave ityarthe . parimukhā° bhavādau ñya . ānuyavyam tatrabhave padārthe tri° .

anuyāja pu° anu + yaja--ghañ yajñāṅgatvāt kutvābhāvaḥ . darśapaurṇamāsāṅgeṣu prayājādiṣu pañcasu yāgeṣu . yajatiṣu ye yajāmahe nānuyājeṣu iti śrutiḥ . prayājānme anuyājāṃśca kevalāniti ṛ° 10, 51, 9, anuyājānumantraṇam kā° 3, 5, 14 .

anuyāta tri° anu yā--kartari ktaḥ . paścādgantari, ruhagantari ca karmaṇi° ktayasya paścādgamyate tādṛśe jane .

anuyātra avya° yātrāyāṃ vibhaktyarthe paścādarthe vā avyayī° . yātrāyāmityarthe, yātrāyāḥ paścādbhāve ca . anugatā anurūpīkṛtā yātrā yena prā° ba° . anuyāyivarge . tyaktabhogasya me rājan! vane vanyena jīvataḥ . kiṃ kārya manuyātreṇeti rāmā° anugatā yātrā prā° sa° . paścādyātrāyāṃ strī . tatprayojanamasyetyarthe ṭhak . ānuyātrikaḥ anucare sevake tri° .

anuyātrika tri° anuyātrā paścād yātrā anugamanamastyasya ṭhan . paścādgantari anucare sarvānevānuyātrikavargān tvayā saheti śaku° .

anuyāyin tri° anuyāti paścāt gacchati anu + yā--ṇini striyāṃ ṅīp . paścādgantari, sevake, anucare nyaṣedhi śeṣo'pyanuyāyivargaḥ iti raghuḥ sadṛśe, mukhyasyānugantari śiśau ca .

anuyukta tri° anu + yuja--kta . jijñāsite padārthe . kṛtapraśne, yaṃ prati kasyacit padārthasya jijñāsārthaṃ praśnaḥ kriyate tasmiṃśca . sa cānuyukto vyācaṣṭāmiti khaṇḍanakhādyam .

anuyuga avya° yuge vibha° avyayī° . yuga ityarthe . tatra bhavaḥ parimukhā° ñya . ānuvugyaḥ anuyugabhave tri° .

anuyūpa avya° yūpe vibha° avyayī° . yūpa ityarthe . tatra bhavaḥ parimukhā° ñya . ānuyūpyaḥ yūpabhave tri° .

anuyoktṛ tri° anu + yuja--tṛc striyāṃ ṅīp . praśnakārake . bhṛtakādhyāpake ca .

anuyoga pu° anuyujyate kathanāya niyujyate anu + yujaghañ . praśne . sati hi praśne, pṛṣṭaḥ kathanāya pravartate . nigṛhyānuyoge ceti pā° . anupūrbāt yujeḥ praśnārthakatā . tena tvayā kiyadveti tamanvayuṅkta iti raghau praśnārthakatayā nirdeśaḥ .

anuyogakṛt pu° anuyogaṃ praśnaviṣayasaṃśayaṃ kṛntati kṛta chedane kvip . ācārye . kṛ--kvip . pṛcchake tri° .

[Page 183a]
anuyogin tri° anuyuṅkte anu + yuja--ghinuṇ . praśnakārake .

anuyojya tri° anuyujyate niyujyate anu + yuja--śakyārthe āvaśyakārthe vā ṇyat . praśnārhe avaśyaniyojye, tvayā kathamitthaṃ kṛtamityākṣepeṇa kṛtapraśne, ājñākārake, dāsādau ca vāsavānuyojyo duṣmantaḥ praṇamati śaku° .

anurakta tri° anu + ranja kta . anurāgayukte, anugataḥ raktaṃ rāgam atyā° sa° . prāptaraktavarṇe .

anurakti strī anu + ranja--ktin . anurāge .

anurañjaka tri° anurañjayati anuraktaṃ karoti anu + ranjaṇic--ṇvul . anurāgayuktakārake .

anurañjana na° anu + ranja--ṇic--bhāve lyuṭ . anurāgayukta karaṇe viśveṣāmanurañjanena janayannānandamiti rāmā° . kartari lyu . anurañjake tri° .

anurañjita tri° anu + ranja--ṇic--karmaṇi kta . yasya anurāgaḥ kṛtaḥ tasmin, anuraktīkṛte jane .

anuraṇana anu + raṇa--lyuṭ . ghaṇṭādiśabdaja pratidhvanyātmake śabdasantāne vyañjanarūpaśabdaśaktibhede, dhvanibhede ca .

anurata tri° anu + rama--kartari kta . anurakte, abhirate ca .

anurati strī anu + rama--bhāve ktin . anurāge .

anurasa tri° anugato rasam . mādhuryādirasānugate bhūmijaṃ guru nātivātalaṃ bhūmitaścāsyānurasa iti madhurānurasaṃ rūkṣaṃ lavaṇānarasaṃ laghu . nāryāstu madhuraṃ stanyaṃ kaṣayānurasaṃ himamiti ca suśrutam .

anurahasa tri° anugataṃ rahaḥ atyā° sa° acsamā° . nirjanadeśānugate .

anurāga pu° anu + ranja + ghañ . atyantaprītau, snehe ca . anurūpo rāgaḥ prā° sa° . anurūparāge . anurāgavantamapi locanayoriti māghaḥ praṇādastu śabdaḥ syādanurāgaja ityamaraḥ . priyānurāgasya manaḥsamunnateriti raghuḥ . anugato raḥgaṃ gatisa° . prāptalauhityavarṇe tri° .

anurāgin tri° anu + ranja--ghinuṇ kutvam . anurāgayukte striyāṃ ṅīp . veśyāñcānanurāgiṇīmiti sā° da0

anurātra avya° rātrau vibha° avyayī° acsamā° . rātrāvityarthe, pratirātre ca . tasmāt stryanurātraṃ patyāvicchate iti śrutiḥ . anugato rātrim . rātryanugate tri° .

anurādhā strī° anugatā rādhāṃ viśākhām atyā° sa° . saptaviṃśatidhāvibhaktasya rāśicakrasya saptadaśabhāgātmake nakṣatrabhede revatyuttararohiṇīmṛgaśiromūlānurādhāmagheti jyoti° . rādhe viśākhesuhavānurādhājyeṣṭhāsu nakṣatreṣviti śrutiḥ . śikhiguṇarasendriyānalaśaśiviṣayaguṇartupañcavasupakṣāḥ . viṣayaikacandrabhūtārṇavāgnirudrāśvivasudahanāḥ . bhūtaśatapakṣavasavo dvātriṃśacceti tārakāmānam . kramaśo'śvinyādīnāṃ kālastārāpramāṇena . nakṣatrajamudvāhe phalamabdaintārakāmitaiḥ sadasat . divasairjvarasya nāśo vyādheranyasya vā vācyaḥ iti vṛ° uktestasyāḥ catustārātmakatvam . aśviyamadahanakamalajaśaśiśūlabhṛdaditijīvaphaṇipitaraḥ . yonya ryamadinakṛttvaṣṭṛpavanaśakrāgnimitrāśca . śakro nirṛtistoyaṃ viśve devā harirvasurvaruṇaḥ . ajapādo'hirbudhnyaḥ pūṣā cetīśvarā bhānām iti vṛhatsaṃhitoktestasyā mitradevatākatvam . tasya ca yogatārā jyeṣṭhāśravaṇamaitrāṇāṃ vārhampatyasya madhyamā iti sūryasi° uktermadhyamā tārā . tatra bhavaḥ aṇo luk luktaddhitalukīti pā° strīpratyayasya luk . anurādhastajjāte tri° . nakṣatreṇa yuktaḥ kāla ityaṇastu lup lupi yuktavadvyaktivacanamiti pā° anurādhā anurādhānakṣatrayuktakāle tataḥ saptamyarthe tṛtīyeti bhedaḥ . pṛ° dīrghaḥ . anūrādhāpyatra .

anuruddha-- tri anu + rudha--karmaṇi kta . apekṣite .

anurudh tri° anu + rudha--kvip . anuroddhari apekṣake . karmaṇi kvipi vede upasargadīrghaḥ . anuruddhe . ākṣitpūrvāsvaparā anūrud ṛ° 3, 55, 5, anūrud anuruddhamiti bhā° .

anurūpa avya° rūpasya sādṛśye yogyatve vā avyayī° . rūpasya sādṛśye, yogyatāyāñca . arśa ādyaci . tadvati tri° . athānurūpābhiniveśatoṣiṇeti kumā° . satvānurūpā sarvasya śraddhā bhavati bhārata gītā . dvādaśāhasādhye yāge vahiṣyavamānagatānāṃ trayāṇāṃ tṛcānāṃ madhye madhyame tṛce . stotriyānurūpau tṛcau bhavataḥ vṛṣaṇvantastṛcā bhavanti tatra uttamaḥ paryāsa iti tā° brā° . prākṛtānāṃ vahiṣpavamānagatānāṃ trayāṇāṃ tṛcānāṃ stotriyaḥ, anurūpaḥ, paryāsaśceti trīṇi nāmānīti bhā° .

anurodha pu° anu + rudha--ghañ . anusaraṇe, ārādhyāderiṣṭasampādanecchāyāñca . mivasyānurodhena dvividhaṃ smṛtamāsanamiti nānurodho'styanadhyāye iti ca manuḥ .

anurodhin tri° anu + rudha--ṇini . apekṣake . striyāṃ ṅīp . pativratānāṃ samayānuroṣinīti rāmā° .

anulāpa pu° anurvīpsāyāṃ vāraṃvāraṃ lapyate lapa--vañ . muhurbhāṣaṇe .

anulipta tri° anu + lipa--kta . gandhādinā kṛtānulepe vandanāgurukarpūrakuṅkumośīrapatrakaiḥ anulipto narairbhaktyā haririṣṭaṃ pramacchatīti purā° .

anulepa pu° anu + lipa--bhāve ghañ . candanādimardane . karaṇe ghañ . anulepasādhāne candanādau .

anulepaka tri° anulimpati anu + lipa--ṇvul . candanādibhiḥ svadehadevārcādyanulepakārake . striyāṃ ṭāp . tasyāḥ dharmyaṃ mahiṣyā° aṇ . ānulepikam taddharmye tri° .

anulepana na° anu + lipa--bhāve lyuṭ . candanādimardane dhātrīphalaṃ tathā dadyādanulepanakāraṇāditi purā° . karaṇe lyuṭ . anulepasādhane candanādau dravye .

anulepita tri° anu + lipa--ṇic--karmaṇi kta . anuliptīkṛte

anulepin tri° anulimpati anu + lipa--ṇini . anulepake

anuloma pu° yathākrame avyayī° acsamā° . yathākrame . anulomavilomābhyāṃ mātṛkārṇān japedbudha iti tantra° tatra pratilomamālimpennānulomamiti suśrutam anugataḥ loma ānurūpyam roma vā prā° sa° . ānurūpyaprāpte, yathākramaprāpte ca tri° savarṇāsu putrāḥ savarṇā bhavanti anulomajā mātṛvarṇā iti viṣṇusa° anulomaṃ kṛṣṭaṃ kṣetraṃ pratilolaṃ karṣati si° kau° . anugatarome ca . anulomāḥ sulomāśca rucirā romarājaya iti .

anulomaja pu° strī° anulomena yathākrameṇa jātaḥ jana--ḍa . pariṇītakṣatriyādistrīṣu viprādibhya utkṛṣṭebhyo varṇebhyo jāte mūrdhāvasiktādau saṅkīrṇavarṇe . anulomajāśca viprānmūrdhāvasikto hi kṣatriyāyāṃ, viśaḥstriyām . ambaṣṭhaḥ, śūdryāṃ niṣādajātiḥ pāraśavo'pi vā vaiśyāśūdryostu rājanyāt, māhiṣyograu nutau smṛtau, vaiśyāttu karaṇaḥ śūdryāṃ, vinnāsveṣa vidhiḥ smṛta iti ca yājña° sa° .

anulomajanman pu° strī° anulomaṃ pitṛvarṇānukrameṇa janma yasya . anulomajāte mūrdhāvasiktādau . striyāṃ ḍāp . anye'nulomajanmānaḥ pratilomabhavā apīti kāśī° .

anuvaṃśa avya° vaṃśe vibhaktyarthe avyayī° . vaṃśe ityarthe tatra bhavaḥ parimukhā° ñya . ānuvaśyastatra bhave tri° .

anuvaktṛ tri° anuvakti gurumukhāt śrutvā tadanurūpaṃ vadati anu + vaca--tṛc . gurumukhoccāritānurūpapāṭhake . striyāṃ ṅīp .

anuvakra tri° anukrameṇa vakraḥ . ativakre yasya vakrānuvakrāgrahā iti muśrutam ativakratvañca grahāṇām ativakrā nagāṣṭaga iti sūryākrāntarāśyapekṣayā saptāṣṭamasthānasthitau bhavati .

[Page 184b]
anuvacana na° anurūpaṃ vacanam prā° sa° . anurūpakathane tametaṃ brāhmaṇāvividiṣanti vedānuvacanena iti triśaṅkorvedānuvacanamiti ca śrutiḥ .

anuvatsara pu° anukūlo vatsaro dānādiviśeṣāya . śakāṅkṣāt pañcabhiḥ śeṣāt mamādyādiṣu vatsarāḥ . samparīdānupūrbāśca tathodāpūrbakā matā ityukte vatsarabhede . saṃvatsare tathā dānaṃ tilasya tu mahāphalam . paripūrbe tathā dānaṃ yavānāñca dvijottama! . idāpūrbe ca vastrāṇāṃ dhānyānāñcānupūrbake udāsaṃvatsare dānaṃ rajatasya mahāphalamiti viṣṇu° dha° vurā° . anuvarṣādayopyatra .

anuvartana na° anu + vṛta--lyuṭ . anugamane, anusaraṇe, vyākaraṇādau pūrbasūtraśrutaśabdasyottarasūtre'nvayārthamanusaraṇe ca .

anuvartin tri° anu + vṛta--ṇini . pāścadgāmini anuyāyini ca striryā ṅīp . saśarīrā gatā svargaṃ bhartāramanuvartinī iti rāmā° .

anuvāka pu° anūcyate anu + vaca--ghañ kutvam . gānaśūnye ṛgviśeṣe, ṛgyajuḥsamūhe, śastranāmnā khyāte vedāṃśe . agnirekākṣareṇetyanuvākaṃ dvādaśavat kṛtveti kātyā° 14, 5, 26, catuḥkaṇḍikātmakamanuvākaṃ dvādaśavaditi vedadīpaḥ . adhyāyānuvākayorluk pā° vimuktaśabdo'styasya aṇ tasya vā luk . vaimukto vimukto vā adhyāyaḥ anuvāko vā .

anuvākyā strī anu + vaca--ṇyat kutvam . ṛtvigbhedaḥ praśāstā tatpāṭhyāyāṃ devatāhvānasādhane ṛci . puro'nuvākyā yājyā veti yaju° dve ṛcau surāgrahāṇārthe thājyānuvākye prathamānuvākyā, sutamiveti yājyeti vedadīpaḥ . puro'nuvākyā yājyā ca śasyaiveti vṛ° upa° . puro'nuvākyā prākprayogakālād yāḥ prayujyante ṛcaḥ sā ṛgjātiḥ puro'nuvākyetyucyate iti bhā° .

anuvāc pu° anuvācayati anu + vaca--ṇic--kvip . anuvācake adhyāpake .

anuvācana na° anu + vaca--ṇic--lyuṭ . adhyāpane . tatprayojanamasya anuprava° cha . anuvācanīyaḥ adhyāpake tri° .

anuvāta pu° anugato vātaḥ śiṣyādideśāt gurvādideśagantari vāyau prativāte'nuvāte ca nāsīta guruṇā saheti manuḥ .

anuvāda pu° anu + vada--ghañ . vidhiprāptasya vākyāntareṇa kathane yathā agnihotraṃ juhotīti vākyena prāptasya homasyu dadhnā juhotīti vākyena punaranuvādena dadhikaraṇakatvamātraṃ tatra vidheyam . tatra homasyānuvādaḥ evamanyatrāpyūhyam anuvādaḥ pūrbasyeti kā° 4, 3, 18, ya iṣṭyetyanena vākyena paurṇamāsyāmamāvasyāyāṃ vā vikṛtīnāmanuṣṭhānamucyate tacca prakṛtitaḥ prāptameva ataḥ kāraṇāt ya iṣṭyetyanuvāda iti tadvyā° . anuvādaśca trividha bhūtārthānuvādaḥ stutyarthānuvādaḥ guṇānuvādaśceti . tatra sadeva saumyedamagra āsīdityādau bhūtārthānuvādaḥ . vāyurvaikṣipiṣṭhā devatetyādau, stutyarthānuvādaḥ . vāyavyaṃ śvetaṃ chāganālabhatetyādau, prāptāyā vāyudevatāyāḥ stutyaryatvāt tasya stunyaryānuvādatvam . agnihotraṃ juhotīti prāptasyāgnihotrahomasya guṇavidhānārthaṃ pravṛttaṃ dadhnā juhotītyādi guṇānuvādaḥ . evasanyānyapyudāhāryāṇi . anukṣaṇakathane . ka uttamaḥ ślokaguṇānuvādāt pumān virajyeta vinā puśughnāditi bhāga° siddhopadeśe ca anuvāde caraṇānāmiti pā° . siddhopadeśe iti si° kau° .

anuvādaka tri° anuvadati anu + vada--ṇvul . anuvādakārake anuvadanaśīle ca .

anuvādin tri° anuvadati anu + vada--ṇini . anuvādakārake, anuvadanaśīle, yuktagītānuvādini ca striyāṃ ṅīp .

anuvādya tri° anu + vada--ṇyat . uddeśye prāptāvapi kiñcidvidhānārthamanukīrtanīye . anuvādyamanuktvaiva na vidheyamudīrayediti vṛddhāḥ tathā ca . parvato vahnimānityeva prayoktavyaṃ va vaiparītyena, tathā prayoge tu ālaṅkārikaiḥ vākyagatavidheyā vimarśadoṣo bhavatoti pratipāditam yathā nyakkāro hyayameva me yadarayaḥ iti vākye ayameva nyakkāra iti prayoktavye tadvaiparītyena prayogāttathātvam . ataeva vṛddhirādaic iti pā° sūtre ādaic vṛddhisaṃjñaḥ syādityarthake vṛddhervidheyatvena pūrbanirveśāvaśyambhāve'pi vṛddhiśabdasya maṅgalārthatvena prākprayogo bhāṣyādau samarthitaḥ yathā pūrboccāritaḥ saṃjñī paroccāritaḥ saṃjñetyākṣipya etadekamācāryasya maṅgalārthaṃ mṛṣyatām . māṅgalika ācāryo mahataḥ śāstraughasya maṅgalārthaṃ vṛddhiśabdamāditaḥ prayuṅkte . maṅgalādīni hi śāstrāṇi prathante vīrapuruṣakāṇi ca bhavantyāyuṣmatpuruṣāṇi ca adhyetāraśca vṛddhiyuktā yathā syurityantena . māṅgaliko maṅgalaprayojanaḥ . mahato'rthataḥ ekaikaṃ sūtraṃ śāstramiti śāstraudhasyetyuktam . maṅgalādīnītyādinā svaprayojanaṃ śrotṛprayojanañcoktam . prathante vistṛtāni bhavanti tena samāptirarthākṣipteti bhā° udyo° .

[Page 185b]
anuvāsana na° anu + vāsa--sorabhye lyuṭ . dhūpādibhiḥ surabhīkaraṇe, vaidyaukokte snehādyaiḥ vastikarmaṇi ca . dvidhāvastiḥ parijñeyo niruhaścānuvāsanam . kaṣāyādyairniruhaḥ syāt snehādyairanuvāsanam iti vaidyakam . anuvasati, anuvāsaraṃ dīyate vā pṛ° . suśrutokte anuvāsanadravye pu° . tatra yathāpramāṇaguṇavihitaḥ snehavastivikalpo'nuvāsanaḥ pādāvakṛṣṭaḥ . anuvasannapi na duṣyatyanudivasaṃ vā dīyata ityanuvāsanaḥ . tasyāpi vikalpo'rdhārdhamātrāvakṛṣṭo'parihāryo mātrāvastiriti . niruhaḥ śodhano lekhī snehano vṛṃhaṇo mataḥ . niruhaśodhitān mārgān samyak sneho'nugacchati . apetasarvadoṣāsu nāḍīṣviva vahañjalam . sarvadoṣaharaścāsau śarīrasya ca jīvanaḥ . tasmāddhi śuddhadehasya snehavastirvidhīyate iti . tatronmādabhayaśokapipāsārocakājīrṇāśapāṇḍurogabhramamadamūrchā cchardi--kuṣṭha--mehodara--sthaulyaśvāsakāsakaṇṭhaśoṣaśokoṣasṛṣṭakṣatakṣīṇacatustrimāsagarbhiṇī durbalāgnyutsahā bālavṛddhau ca vātarogāddhate kṣīṇā nānuvāsyā nāsthāpayitavyā udarī ca pramehī ca kuṣṭhī sthūlaśca mānavaḥ . asādhyatā vikārāṇāṃ syādeṣāmanuvāsanāt iti ca suśrutam . ajādivasticarmadhanavastrādinirmitena (pickārīti) prasiddhayantreṇa dhātuvaiṣamyadoṣanāśāya liṅgadvāreṇa yonidvāreṇa vā dīyamānaṃ snehādidravyamanuvāsana iti vaidyakaprasiddhiḥ . adhikaṃ vastikarmaśabde vakṣyate . anuvāsanaṃ prayojanamasya anupravaca° cha . anuvāsanīyaḥ anuvāsanahetau tri° .

anuvāsita tri° anu--vāsa--kta . surabhīkṛte, vastikarmaṇā cikitsite ca .

anuvāsya tri° anu + varu--karmaṇi yat . surabhīkārye vastikarmaṇā cikitsye ca . avaśyaṃ sthāpanīyāśca nānuvāsyā kathañcaneti suśrutam .

anuvidhāyin tri° anu + vidhatte anu + vi + dhā--ṇini . paścādvidhāyini, anugate ca . guṇānāṃ tadanvayavyatirekānuvidhāyitvamiti sā° da° .

anuviddha tri° anu + vyadha--kta . saṃsṛṣṭe . na so'sti pratyayo loke yaḥ śabdānugamādṛte . anuviddha ivārtho hi sarvaḥ śabdena bhāsate iti vākyapa° . kīṭānuviddhvaratnādisādhāraṇyena kāvyatā . duṣṭeṣvapi matā yatra rasādyanugamaḥ sphuṭa iti sā° da° .

anuvindhya pu° avantideśīye nṛpatibhede vindhyānuvindhyāvāvantyāviti bhā° bhī° pa° .

[Page 186a]
anuvṛt tri° anu paścāt vartate anu + vṛta--kvip . paścādvartini paścādbhāvini anugate ca anuvṛdasyanuvṛte iti tā° brā° .

anuvṛtta tri° anu + vṛta--kta . anugate, pūrvasūtrādaparasūtre ākāṅkṣāpūraṇārtham anvite padādau, anukrameṇa vṛttatāprāpte kramaśaḥ vartulākāre . anugato vṛttaṃ śīlam atyā° sa° . śīlānugate tri° .

anuvṛtti strī anu + vṛta--ktin . anusaraṇe, sevane, pūrbasūtrāduttarasūtre ākāṅkṣāpūraṇārthamanusaraṇe ca . kuśī dakṛṣibāṇijyaśulkaśālānuvṛttibhiḥ kṛtopakārādāptañca rājasaṃ samudāhṛtamiti nāradaḥ . anuvṛttiḥ seveti raṣu° . anuvṛttiṃ dhruvaṃ te'dvya kurvantyanyamahīmṛtāmiti devī° tatsattve tatsattvarūpe anvaye, samanvaye ca . evaṃ vyāvṛttyanuvṛttibhyāmannamayatvaṃ manasaḥ siddhamiti chā° upa° bhā° . janmādyasya yato'nyayāditi bhāgava° . anvaśabdenānuvṛttiriti śrīgharaḥ nahyavabuddhasvabhāvā bhiṣajaḥ svasthānuvṛttiṃ roganigrahaṇañca kartuṃ samarthā iti suśrutam yāsāṃ satyapi sadguṇānusaraṇe doṣānuvṛttiḥ pareti sā° da° . doṣaḥ doṣā ca tadanuvṛttiḥ mevā anusaraṇañceti tadarthaḥ .

anuvedha pu° anu + vidha--ghañ . saṃsarge . nahi kīṭānuvedhādayo ratnasya ratnatyaṃ vyāhantumīśā iti sā° da° .

anuvela na° vīpsārthe avyayī° . pratisamaye anukṣaṇe iti sma pṛcchatyanuvelamādṛta iti raghuḥ . arśaādi° astyarthe ac . tadvṛttau tri° .

anuvellita na° anu + vella--kta . suśrutokte braṇalepanabandhabhede . bandhācca kośadāmasvastikānuveślitapratolīmaṇḍalasthagikā yamakasvaṭṭācīnavibandhavitānagopaṇā pañcāṅgī ceti caturdaśa bandhaviśeṣāḥ teṣā nāmabhirevākṛtayaḥ prāyeṇa vyākhyātā iti suśrutoktāḥ veditavyāḥ . tatra anuvellitaṃ tu śākhāsu iti vaidyakaprasiddhiḥ .

anuveśa pu° anu + viśa--ghañ . jyeṣṭhātikrameṇa kaniṣṭhasya vivāhe yavīyaso'nuveśo hi jyeṣṭhasya vidhilopaka iti bhāra° .

anuveśya tri° anukrameṇa veśamahati yat . prativeśyānantaravāsini . prātiveśyānuveśyau ca kalyāṇe viṃśatidvije iti manuḥ . anuveśyaḥ prātiveśyānantaragṛhavāsīti kullū° .

anuvya tri° anuvyayati anugacchati anu + vye--ka . anugate tato devā anuvyamivāsuḥ kā° 1, 2, 5, anuvyam anugamanaṃ nyagbhūtiṃ prāptā iva babhūvuriti tadvyā° .

anuvyākhyāna ta° anurūpaṃ vyākhyānam prā° sa° . mantrādīnāmanurūpārthaprakāśake vyākhyāne .

anuvyāhāra pu° anu + vi + ā + hṛ--ghañ . anuvāde, sahakathane ca .

anuvrajana na° anu + vraja + bhāve lyuṭ . anugamane anuvrajanaṃ ca gacchato'tisnigdhādeḥ jalasamīpaparyantānudhāvanam tathaivopamāvidhayā varṇitaṃ naiṣadhe vanāntaparyantamupetya saspṛhaṃ krameṇa tasminnatha tīrṇadṛkpathe . nyavartidṛṣṭiprakaraiḥ puraukasāmanuvrajadbandhusamājabandhubhiriti .

anuvrajyā strī anu + vraja--kyap . anusaraṇādirūpe sevane . abrāhmaṇādadhyayanamāpatkāle vidhīyate . anuvrajyā ca śuśrūṣā yāvadadhyayanaṃ guroriti manuḥ .

anuvrata tri° anukūlaṃ vrataṃ karma yasya . anukūlakarmayukte . anuvratāya randhayannapavratāyeti ṛ° 1, 5, 9, anuvratāya anukūlakarmyaṇe iti bhā° . vaiśyāḥ kṣatramanuvratāḥ rāmā0

anuśatikādi na° 6 ba° pāṇinīyagaṇapāṭhokte ñiti ṇiti kiti ca taddhite pare dvipadayorādyacovṛddhinimittībhūte śabdasamūhe, saca gaṇaḥ . anuśatika, anuhoḍa, anusaṃvaraṇa, anusaṃvatsara, aṅgāraveṇu, asihatya, asyahatya, asyaheti, badhyoga, puṣkarasad, anuharat, kurukata, kurupañcāla, udakaśuddha, ihaloka, paraloka, sarvaloka, sarvapuruṣa, sarvabhūti, prayoga, parastrī, (rājapuruṣāt ṣyañi) sūtranaḍa, ākṛtigaṇoyam . tenābhigama, adhibhūta, adhideva, caturvidyā, ityādayo'nye'pi .

anuśaya pu° anu + śīṅ--ac . atyantadveṣe, paścāttāpe, pūrbavaire ca . anugataḥ śayaṃ hastaṃ gatisa° hastānugate tri° . tatra krītādipadārthaviśeṣeṇānuśayasvarūpādi nāradenoktam . krītvā mūlyena yaḥ paṇyaṃ kretā na bahu manyate . krītānuśaya ityetaddhivādapadamucyate . tatra ca yasminnahani paṇyaṃ krītantasminnevāhni tadavikṛtaṃ pratyarpaṇīyamiti tenaivoktam . krītvā mūlyena yat paṇyaṃ duḥkrītaṃ manyate krayī . vikretuḥ pratideyantattasminnevāhnyavikṣatamiti . dvitīyādidine tu pratyarpaṇe viśeṣastenaivoktaḥ . dvitīye'hni dadat kretā mūlyāttriṃśāṃśamāharet . dviguṇantu tṛtīye'hni parataḥ kretureva taditi . parato'nuśayo na kartavya ityarthaḥ . etacca vījādivyatiriktopabhogādivinaśvaravastuviṣayam . vījādikraye punaranya eva pratyarpaṇe'vadhirityāha . daśaikapañcasaptāhamāsatryahārdhamāsikam . vījāyovāhyaratnastrī dohyapuṃsāṃ parīkṣaṇam . vījaṃ vrīhyādivījam . ayo lauham . vāhyo balīvardādiḥ . ratnaṃ muktāprabālādi . strīṃdāsī . dohyaṃ mahiṣyādi . pumān dāsaḥ . eṣāṃ vījādīnāṃ yathākrameṇa daśāhādekaḥ parīkṣākālo vijñeyaḥ . parīkṣyamāṇe ca vījādau yadyasamyagbuddhyā'nuśayo bhavati tadā daśāhābhyantara eva krayanivṛkṣiḥ . na punarūrdhvamityupadeśaprayojanam . yattu manuvacanam . krītvā vikrīya vā kiñcit yasyehānuśayo bhavet . so'ntardaśāhāt taddravyaṃ dadyāccaivādadīta veti . taduktalohādivyatiriktopabhogādivinaśvaragṛhakṣetrayānaśayanāsanādiviṣayam . sarvañcaitadaparīkṣitakrītaviṣayam . yat punaḥ parīkṣitanna punaḥ pratyarpaṇīyamiti samayaṃ kṛtvā krītaṃ taddiketre na pratyarpaṇīyam taduktam . kretā paṇyaṃ parīkṣeta prāk svayaṃ guṇadoṣataḥ . parīkṣyābhimataṃ krītaṃ vikreturna bhavet punariti mitā° . tataśca krītasya, vikrītasya, anyathā vā kṛtasya vastunaḥ, asamīcīnatvabuddhyā yaḥ paścāttāpaḥ so'nuśaya iti bodhyam . bhuktakarmaṇo'vaśeṣe ca kṛtātyaye'nuśayavān dṛṣṭasmṛtibhyāṃ yathetamanevamiti śā° sū° svargārthakarmaṇo bhuktaphalasyāvaśeṣaḥ kaścidanuśayo nāma bhāṇḍānusārisnehavat yathā hi snehabhāṇḍaṃ viricyamānaṃ na sarvātmanā viricyate bhāṇḍānusāryeva kaścit snehaśeṣo'vatiṣṭhate tathānuśayo'pīti bhā° . tatra dṛṣṭaṃ pratyakṣaṃ śrutiḥ sā hi sānuśayānāmevāvarohaṃ darśayati yathā tadya iha ramaṇī caraṇā abhyāsoha yatte ramaṇīyāṃ yonimāpadyeran brāhmaṇayoniṃ vā kṣatiyayoniṃ vā vaiśyayoniṃ vā atha ya iha kapūyacaraṇā abhyāsoha yatte kapūyāṃ yonimāpadyeran śvayoniṃ vā śūkarayoniṃ cāṇḍālayoniṃ veti . caraṇaśabde nānuśayaḥ (śeṣaḥ) sūcyate . dṛṣṭaścāyaṃ janmanaiva prāṇyuccāvacarūpaupabhogaḥ gavibhajyamāna ākasmikatvāsambhavāt anuśayasaḍāyaṃ sūcayati abhyudayapratyavāyayoḥ sukṛtadupkṛtahetukatvasya sāmānyataḥ śāstreṇāvagamitatvāditi ca śā° bhā° .

anuśayānā strī anu + śīṅa--śānatt . parakīyanāyikābhede . tadvivaraṇaṃ nāyikāśabde dṛśyam . anutāpakartari tri° .

anuśayin pu° anu + śīṅ--ini . yāvatkarmakṣayaṃ candraloke sthitvā sāvaśeṣe eva karmaṇi paścāttāpānvitatayā bhūmiloke janmagrahaṇāyāgantuṃ pravṛtte jīve . yo yī hyannamatti anuśayibhiḥ tadaṃśena bhāvitatvāt saṃskṛtatvācca saṃśliṣṭaretaḥsigiti chā° bhā° . tasya retaḥsigākṛtyāḥ pūrbasammūtatvāt tadrūpeṇa garbhāśayamanupraviṣṭo'nuśayī retaḥsigākṛtirbhavatīti ānanda° . paścāttāpayute tri° . puṇṣasya anuśayata eva bhuktabhogāyāḥ prakṛtestyāgaḥ śrutāvapyuktaḥ . ajāmekāṃ lohitaśaklakṛṣṇāṃ bahvīḥ prajāḥ sṛjamānāṃ svarūpāḥ . ajohyeko juṣamāṇo'nuśete jarātyenāṃ bhuktabhogāmajo'nya iti yaṃ saṃpadya jahātyajāmanuśayī suptaḥ kulāyaṃ yatheti bhāga° .

anuśayī strī anuśayyate paścāttapyate'syām . anu + śīṅadhikaraṇe ac gaurā° ṅīṣ . pādarogabhede, haredanuśayīṃ vaidyaḥ kriyayā śleṣmavidradheriti bhāvaprakāśaḥ .

anuśara pu° anuśṛṇāti anu + śṝ--kartari--ac . rākṣase .

anuśāsana na° anuśiṣyate yāthārthyena nirūpyate anu + śāsa-- bhāve lyuṭ . yāthārthyajñāpane, nirūpaṇe, kartavyopadeśe ca . ṛṇe deye pratijñāte pañcakaṃ śatamarhati . apahnute taddviguṇaṃ tanmanoranuśāsanamiti manuḥ anuśāsanavirodhāditi vṛddhāḥ . karaṇe lyuṭ . tatpratipādake śāstre yathā atha śabdānuśāsanam . anuśiṣyante'sādhuśabdebhyo vivicya bodhyante'neneti karaṇalyuḍantatayā śāstrapadena sāmānādhikaraṇyamiti bhāṣyapradīpoddyotaḥ . athaśabdānuśāsanaṃ nāma śāstramadhikṛtaṃ veditavyamiti bhāṣyam . atha yoganuśāsātamiti pātañjalasūtram yogo'nuśiṣyate'nena tādṛśaṃ śāstramadhikṛtamiti tadarthaḥ ubhayatra athaśabdasyādhikārārthaṃ tvāttathātvam nāmaliṅgānuśāsanamityamaraḥ anuśāsanaṃ dhamānarūpaṇaṃ prayojanamasya ṭhak ānuśāsanikam . mahābhāratāntargatānuśāsanaparvaṇi .

anuśāsitṛ tri° anuśāsti yāthārthyena kartavyamupadiśati anu + śāsa--tṛc . kartavyopadeśake . striyāṃ ṅīp . auṇā° tṛn . anuśāstāpi tatrārthe tri° striyāṃ ṅīp .

anuśāsin tri° anu + śāsa--ṇini . kartavyopadeśake daṇḍa yitari ca eṣastenānuśāsī rājeti vikra° .

anuśiṣṭa tri° anu + śāsa--karmaṇi kta . kṛtānuśāsane, yasya hitopadeśaḥ kriyate tasmin, daṇḍite ca .

anuśīta avya° śīte vibha° avyayī° . śīte ityarthe, pāramukhā° bhavādau ñya . ānuśītyaḥ tadbhavādau tri° .

anuśīlana na° anukṣaṇaṃ śīlanaṃ prā° sa° . satatābhyāsaṃ anukṣaṇācaraṇe ānukūlyena kṛṣṇānuśīlanaṃ bhaktirutta seti bhaktirasā° kṛṣṇasyatadguṇakīrtanasyānuśīlanaṃ tadarthaḥ

[Page 188a]
anuśoka pu° anu + śuca--ghañ . paścācchoke anuśocane .

anuśocana na° ana + śuca--lyuṭ . anuśoke . iṣṭaṃ dattamadhītaṃ vā vinaśyatyanukīrtanāt . ślāghānuśocanābhyāṃ ca bhagnatejo vibhidyate iti śu° ta° devalaḥ . anuśocanaṃ dhanavyayena paścāttāpa iti raghunandanaḥ . svārthe ṇici yuc . anuśocanā tatraivārthe strī .

anuśocanīya tri° anuśucyate anu + śuca--karmaṇi anīyar . anuśocanārhe yamuddiśya śoka kriyate tasmin .

anuśo(śu)cita na° anu + śuca--bhāve kta udupadhatvāt vā na kittvam . anuśocane . anuśocitumārabdhaḥ ārambhārthe kta vā guṇaḥ . kṛtaśocanārambhe tri° .

anuśloka na° anuślokyate gīyate anu + śloka--karmaṇi ac . mahāvrate geye sāmabhede, ślokena stuvate purastāt sadasaḥ, anuślokena paścāditi tā° brā° . tacca vegānagranthe 112 prapā° ādyam sāsa .

anuṣakta tri° anu + sanja--kta . saṃlagne . ye'tra nakārānuṣaktā iti si° kau° .

anuṣaṅga pu° anu + sanja--ghañ . dayāyāṃ dayayā hi anyaduḥkhenānyaduḥkhasambandhāttathātvam . prasaṅge, prasaṅgaśca anyoddeśena pravṛttasya tannāntarīyakavidhayānyasiddhiḥ yathā viprabadhaprāyaścittena tannāntarīyakavidhayā avagoradaṇḍanipātanaprāyaścittasiddhiḥ . kṣayaṃ kecidupāttasya duritasya pracakṣate . anutpattiṃ tathācānye pratyavāyasya manvate . nityakriyāṃ tathācānye hyanuṣaṅgaphalāṃ śrutimiti prā° ta° āpa° smṛ° . anuṣaṅgeṇa phalaṃ yasyā iti tadarthaḥ . ekatra vākye śrutasya śabdasyānyatra vākye'nvayārthamākarṣaṇe . yathā nityakriyāṃ tathā cānye iti vākye pūrvavākyopāttasya manvate iti kriyāpadasyānvayārthamākarṣaṇam . tathā pañcāvayavanyāyavākyeṣu upanayavākyasthasya ayamiti padasya nigamanakākye'nvayārthamākarṣaṇam . yathā vahnivyāpyo dhūmo dhamāvāṃścāyamiti upanayavākyasthasya ayamiti śabdasya tasmādvahnimāniti vākye'nvayena ayaṃ vahnimāniti bodhaḥ . ataeva śāstrakāraiḥ pūrbatra śrutaśabdasyottaratrānukarṣaṇaboghanāya etatpadamanuṣañjanīyamityuktam .

anuṣaṅgin tri° anukṣaṇaṃ sajate anu + sanja ghinuṇ . anukṣaṇaṃ prasakte . saptakasyāsya vargasya sarvatraivānuṣaṅgiṇaḥ . parbaṃ pūrbaṃ gurutaraṃ vidyādvyasanamātmana iti manuḥ . anuṣaṅgiṇaḥ prāyeṇāvasthitasyeti kullū° . vyāpake ca . vibhutānuṣaṅgi bhayameti jana iti kirā° vibhutāyāḥ prabhutvasyānuṣaṅgi vyāpakamiti taṭṭīkāyāṃ mallināthaḥ .

anuṣaj avya° anu + sanja--kvip . ānupūrbo . svarāderākṛtigaṇatvādaya tadgaṇīyaḥ iti mano° . pṛ° dīrghaḥ . ānuṣagapyatrārthe avya° .

anuṣikta tri° anu + sica--kta . satatasikte paścātsikte ca .

anuṣecana na° anu + sica--bhāve lyuṭ . anukṣaṇasecane paścātsecane ca .

anuṣṭuti strī anu + stu--ktin . anukrameṇa stutau yaḥ pūrbyamanuṣṭhutimīśe iti ṛ° 8, 68, anuṣṭutim anukrameṇa kriyamāṇāṃ stutimiti bhāṣyam .

anuṣṭubgarbhā strī 6 ba° . ādyaḥ pañcākṣaraḥ pādaḥ uttare'ṣṭākṣarāstrayaḥ anuṣṭubgarbhaiva soṣṇiksetyuktalakṣaṇe chandobhede . adyaḥ pañcakastrayo'ṣṭakā anuṣṭubgarbhā iti kā° sarvā0

anuṣaṇḍa avya° ṣaṇḍaḥ padmasamūhastatra vibha° avyayī° . ṣaṇḍe ityarthe . tatra jātādi kacchādi° aṇ . ānuṣaṇḍastajjāte tri° .

anuṣṭubh strī anu + stunbha--kvip ṣatvam . sarasvatyām, aṣṭākṣarapādake, chandobhede vāci ca . anuṣṭupchanda iti ya° 15, 5, anu nirantaraṃ stubhyate'nayā anuṣṭup vāk vāgeva saṃstup chandaḥ vāganuṣṭup chanda iti śruteriti vedadī° . anuṣṭobhanādanuṣṭubiti brāhmaṇe niruktiḥ . gāyatryuṣṇiganuṣṭup ceti vṛtta° . anuṣṭup ca dvividhā yathā kathañcidaaṣṭākṣarapādikā jātiḥ, viśeṣasanniveśayuktākṣaraṃ chandaśca . tatra jāteḥ 256 bhedāḥ . pañcamaṃ laghu sarvatra saptamaṃ dvicaturthayoḥ . guru ṣaṣṭhañca pādānāṃ śeṣerṣvaniyamo mata iti chandomañjaryuktalakṣaṇaṃ dvitīyam . tasya ca pañcamalaghutvaṃ vyabhicarati ca yiyakṣamāṇenāhūta iti māghaḥ . tasya ca mātrāvṛttarūpatvaṃ yathā prayoge prāyikaṃ prāhuḥ ke'pyetadvaktalakṣaṇam . loke'nuṣṭubiti khyātam tasyāṣṭākṣaratā kṛteti chandoma° . ataeva vṛttaratākare vaktraṃ nādyānnasau syā mabderyo'nuṣṭubhi khyātamiti vaktranāmatoktā . varṇavṛttasya tu vitānamiti nāma yathoktaṃ vṛttaratnākare vitānamābhyāṃ yadanyaditi . ābhyāṃ samānikāpramāṇikābhyāmanyat sarvamityarthaḥ . atha chandāṃsi gāyatryuṣṇiganuṣṭubvṛhatīpaṅktitriṣṭu bityādyupakramya caturviśatyakṣarādīni caturuttarāṇi, ūnādhikenaikena nicṛdbhūrijau, dvābhyāṃ virāṭsvarājau, pādapūraṇārthaṃ tu kṣiprasaṃyogaikākṣarībhāvāt vyūhediti anādeśe'ṣṭākṣarāḥ pādāścatuṣpadāścarca iti tṛtīyamanuṣṭubiti ca kātyā° sarvānukra° śucimanuṣṇihā prāṇamanuṣṭubheti yaju° .

anuṣṭha tri° anukrameṇa tiṣṭhati anu + sthā--ka ṣatvam . anukrameṇa sthātari hitā viśvā anuṣṭhā pravaṇeṣu jighnate iti ṛ° 1, 54, 10, anuṣṭhāḥ anukrameṇa tiṣṭhantīriti bhāṣyam . bhāve aṅ ṭāp . anuṣṭhāne strī .

anuṣṭhātṛ tri° anu + sthā--tṛc striyāṃ ṅīp . vidhānakartari śāstradeśitaṃ phalamanuṣṭhātarīti nyāyavākyam .

anuṣṭhāna na° anu + sthā--bhāve lyuṭ ṣatvam . vihitakarmādikaraṇe . alabdhalābhādikamabhidhāya etaccaturvidhaṃ vidyāt puruṣārthaprayojanam . asya nityamanuṣṭhānaṃ samyak kuryādatantrita iti manurāha sma uparudhyate tapo'nuṣṭhānam śaku° .

anuṣṭhita tri° anu + sthā--karmaṇi kta . vidhānena kṛte dharmakāryādo asmābhiryadanuṣṭheyaṃ gandharvaistadanuṣṭhitamiti bhā° va° pa° .

anuṣṭhu avya° anu + sthā--ku . samyagityarthe pāṃrthivānāmṛtūn prāsāsadvidadhāvanuṣṭhu iti ṛ° 1, 95, 3, anuṣṭhu ityetadavyayaṃ samyakasamānārthaṃ suṣṭhu yatheti bhā° .

anuṣṭheya tri° anu + sthā--karmaṇi yat . vidheye . asmābhiryanuṣṭheyaṃ bhandharvaistadanuṣṭhitamiti bhā° va° pa° .

anuṣṇa tri° na uṣṇaḥ na° ta° . uṣṇabhinne śītapadārthe anuṣṇābhiraphenābhiradbhistīrthena dharbhaviditi manuḥ . na uṣṇaḥ virodhe na° ta° . alase . alaso hi śītabādhābhāve'pi śītabādhāmabhinayan kartavyakarnmaṇi jaḍa iva bhavati dakṣastu śīte'pi tadagaṇayitvā kartavyakaraṇāva ajaḍa iva san vyāptiyate iti tayoruṣṇānuṣṇatā . atra kāriṇyarthe kani anuṣṇako'pi . utpale na° . uṣṇabhinne śītale sparśe pu° anuṣṇāṣṇītapākaja iti bhāṣā° . anuṣṇaḥ sparśaśca pṛthivīsamīraṇayoḥ, tayorauṣṇyopalabdhistu tejaḥsaṃyogaviśeṣāditi bodhyam .

anuṣṇagu pu° anuṣṇāḥ śītalā gāvaḥ kiraṇāḥ asya . candre anuṣṇakiraṇādayo'pyatra pu° .

anuṣṇavallikā strī anuṣṇā śītalā vallīva ivārthe kani ṭāpi ata ittvam . nīladūrvāyām .

anusaṃvatsara avya° saṃvatsare vibhakta° vīṣmāyāṃ vā avyayo° . vatsare ityarthe, prativarṣe ca . tatra bhavādau ṭhañ, anuśatikā° ubhayapadavṛddhiḥ . ānusāvatasarikaḥ prativarṣabhave tri° .

anusaṃvaraṇa na° anu + sam + vṛ--lyuṭ . anukrameṇa gopane . anusaṃvaraṇāya hitam ṭhaṇ anuśatikā° dvipadavṛddhiḥ . ānusāṃvaraṇikaḥ tadbhavādo tri° .

anusaṃhita tri° anu + sam + dhā--karmaṇi kta . kṛtānusandhāne yasya jñānārthamanveṣaṇādikam kriyate tasmin . saṃhitāyāṃ vibha° avyayī° . saṃhitāyāmityarthe . athaike prāhuranusaṃhitamiti ṛgvedaprātiṇākhyam .

anusantati strī anukrameṇa santatiḥ . avicchedadhārāyām anusantipātinaḥ paṭutvabhiti māghaḥ .

anusandhāna na° anu + sam + ghāñ--lyuṭa . agneṣaṇe, cintane ca

anusandheya tri° anu + sam + dhā karmaṇi ahādyarthe vā yat . ansandhātuṃ yogye, anusandhātavye ca .

anusara tri° anusarati paścād gacchati . anu + sṛ--ṭa striyāṃ ṅīp . anucare sahagantari ca .

anusaraṇa na° anu + sṛ--lyuṭ . anugamane, sadṛśīkaraṇe ca .

anusavana avya° savanasya paścāt avyayī° . savanasya (snānasya) paścāt savane, anusavanamenamālabheranniti kā° 25, 13, 26, enaṃ jvarāchabhibhūtaṃ dīkṣitaṃ sarve ṛtvijaḥ savanānteṣu spuśeyuriti tadavyākhyā .

anusāya avya° sāye vibha° avyayī° . sāyāhne ityarthe tatrabhavaḥ pārimukhā° ñya . ānusāyyaḥ tatrabhave tri° .

anusāra pu° anu + sṛ--ghañ . anusaraṇe, dharmaśāstrānusāreṇa krodhalobhavivarjitaḥ iti yā° smṛtiḥ . kṛtānusārādadhikā vyātāraktā na sidhyatīti manuḥ .

anusāraṇā strī anu + sṛ + ṇic--yuc sāraṇā anugatya sāraṇā cālanā . anudhāvane, apasāraṇāyām, bhītihetoranudhāvane hi bhītasya cālanā bhavatīti tasya saraṇāhetutvam tasmāt palāyamānānāṃ kuryānnātyanu sāraṇām bhā° śā° pa° .

anusārin tri° anusarati paścād gacchati anu + ṛ--ṇini . anugalari . kṛṣṇasāre dadaccakṣustvayi cādhijyakārmuke . mṛgānusāriṇaṃ sākṣāt paśyāmīva pinākina miti śaku° . yadā yadā satāṃ hānirvedamārgānusāriṇāmiti purā° .

anusūyā strī anusūyate anu + sū--kyap . śakuntalāsahacarībhede śaku° . anusūyetyeke .

anusṛti strī anu + sṛ--ktin . anusaraṇe . anusarati vulāntaraṃ karcāri saṃjñāyāṃ ktic . kulaṭāyāṃ striyāṃ, strī . tasyāḥ apatyaṃ matāntare kalyāṇyādi° ḍhak inaṅ ca . ānusṛtineyaḥ tadapatye pu° strī° .

anusṛṣṭi strī anu + sṛja--ktin . anusarjane . kartari saṃjñāyāṃ ktic . pratyutpannamatau striyāṃ strī . tasyāḥ apatyam kalyāṇyādi° ḍhak inaṅ ca . ānusṛṣṭineyaḥ tadapatye pu° strī° .

anusevin tri° anukṣaṇaṃ saivate anu + seva--ṇini striyāṃ ṅīp . satatasevini krūrakarmānusevinīmiti rāmā° .

anustaraṇa tri° anustīrtyate anu + stṝ--kvaraṇe lyuṭ . ācchādane carmādau striyāṃ ṅīp . anustaraṇyā vapāmutkhidya śiromukhaṃ pracchādayediti tā° brā° . tatsādhane strīgavyāṃ strī . anustaraṇīṃ gāmajāṃ vaikavarṇāṃ kṛṣṇāmeke savye vāhau baddhveti śrutiḥ . seyaṃ gauḥ stṛtaṃ dīkṣitamanustṛtatvāddhiṃsitatvāccānustaraṇītyucyate iti tanniruktabrāhmaṇam . anutīryate vaitaraṇī nadī anayā anu + tṝ--karaṇe lyuṭ pṛ° suṭ . vaitaraṇīnadyuttārikāyāṃ gavi strī . tasmāt puruṣāya puruṣānuttaraṇī kriyate iti śrutiḥ .

anusmṛti strī anu + smṛ--ktin . anu rūpacintane ālambanasadṛśatayā cintane anusmṛtervādaririti śā° sū° . prādeśamātratvena ayam (parameśvaraḥ) aprādeśamātro'pyanusmaraṇīyaḥ prādeśamātrapratyayavattvāya . evamanusmṛtinimittā parameśvare prādeśamātraśrutiriti vādarirācāryomanyate iti bhā° . prādeśamātro'hyaparo'pi dṛṣṭa ityādau śrutyau prādeśamātraśravaṇamanusmṛtyarthamityatra tattātparyam .

anusyūta tri° anu + siva--kta ūṭ . grathite, satatasaṃbandhe ca . sraksūtravat sarvānusyūteti ti° ta° raghunandanaḥ .

anusamāhāra pu° anu + sam + ā + hṛ--ghañ . anusandhāne anusamāharatītyasyānusandhatte iti bhāṣye vyākhyānāttathāttam .

anusvāra pu° svṛ--ap udāttādisvaravattvāt svarāḥ svaravarṇāeva svārāḥ anugataḥ svārān atyā° sa° . svarāśrayeṇa uccāryamāṇe vindarekhayā vyajyamāne'nunāsike varṇabhede . anusvāro visargaśceṃtyupakrasya āśrayasthānabhāgina ityuktestasya tayātvam . sānusvāro visargī ca dīrghaścaiva gururbhavet chandoma° . anusvāro visargaśca + kaṃpau cāpi parāśritau . ayogavāhā vijñeyā āśraya thānamāgina iti śikṣā .

anuharaṇa na° anu + hṛ--lyuṭ . deśabhāṣāceṣṭādinā sadṛśīkaraṇe, sādṛśyadharmāviṣkaraṇe ca .

anuhāra pu° anu + hṛ--ṣañ . anukaraṇe paścāddharaṇe ca .

anuhārya tri° anu + hṛ--ṇyat . sadṛśīkārye .

[Page 190b]
anuhṛta tri° anu + hṛ--ka . anakṛte sadṛśīkṛte .

anuhoḍa tri° hoḍe vibhaktya° avyayī° . hāḍe ityarthe . tatra bhavādau ṭhak anuśatikā° dvipadavṛddhiḥ . ānuhoḍikaḥ . hoḍabhave tri° .

anūka pu° anu + uca--samavāye ka ni° kutvam . gatajanmani . suśīle na° . vaṅkryādhāre pṛṣṭhāsthibhede pu° . yanna śīrṣṇo'vadyati nāṃsayornānūkasya nāparasakthayoriti śata° 3, 8, 3, 27, bhāṣyakṛtā tathaiva vyākhyātama . cayanasādhane yajñiye iṣṭakopadhāyakapātrabhede na° . ayugmāgaṇamadhyamānūke iti kātyā° 16, 7, 22 . ayugmo ya iṣṭakā gaṇaḥ tāsāṃ madhyamā'nūke upadheyā iti . ekā ca kātyā° 16, 7, 23 . yāṃcaikeṣṭakā sāpyanūka eva . abhito yugmāḥ 24, anūkamabhito yugmā ardhārdhikayā iti tadvyā° . sādhyamanūkaṃ vaktrāditi vṛhatsaṃhitoktepuruṣalakṣaṇabhede na° .

anūkāśa pu° anu + kāśa--ghañ upa° dīrghaḥ . adhastanadehādiprakāśe prakāśenāntaramanūkāśena kahapraniti ya° 25, 2 anṛkāśenādhastanadehakāntye ta vedadīpaḥ .

anūcāna pu° anu + vaca--kāna ni° . śikṣādiṣaḍaṅgasahitavedādhyayanakāriṇi, vedārthānuvacanasamarthe ca . idamūcuranucānāḥ prītikaṇṭakitatvaca iti kumā° saha dvādaśavarṣa upetya caturviṃśativarṣaḥ sarvān vedānadhītya mahāmanā anūcānamānī stabdha eyāya chā° upa° . bālākirhānūcānamanā āseti chā° u° .

anūcya tri° anūcyate anu + vaca--kyap . anuvācyete pāṭhye paścādaraṇye'nūcyamiti vimukhenāraṇye'nūcyamiti ca kā° 18, 4, 20, 24 .

anūḍha tri° anu + vaha--kta . avivāhite . parivettānujo'nūḍhe jyeṣṭhe dāraparigrahā dityamaraḥ . striyāṃ ṅīp .

anūta strī ve--ktin abhāve na° ta° . gamanābhāve . astūtī anūtī hiriśipraḥsatvā iti ṛ° 6, 29, 6 . anūtyā anāgamaneneti bhā° .

anūdita tri° anu + vada--kta . yasya tulyārthakamāṣāntareṇānuvādaḥ kṛtaḥ, tasmin padārthe anuvādaviṣaye ca .

anūdya avya° anu + vada--lyap . anuvādaṃ kṛtvetyarthe . anu + vada--kyap . anūcye anuvādārhe .

anūna tri° na ūna ḥ na° ta° . paripūrṇe, samagre, ahīne ca . anūparājasya guṇairanūnāmiti raghuḥ . nūnaṃ niścitaṃ na° ta° . aniścite . svārthe kan tatraivārthe .

[Page 191a]
anūpa tri° anugatā āpo yatra 7 ba° acmāsa° atautvam . jalaptāye sthāne . śakaṭaḥ śākinī gāvo jālamaspandanaṃ vanam . anūpaṃ paśavo rājā durbhikṣe nava vṛttaya iti āhni° ta° chāgaleyaḥ . tatsthale sarvadāvāsini mahiṣe pu° . bahvamburbahuvṛkṣaśca vātaśleṣmāmayānvitaḥ . deśo'nūpa iti khyāta ityukte anūpasara iti prasiddhe deśabhede pu° . anūparājasya guṇairanūnāmiti raghuḥ .

anūpaja na° anūpe jalaprāye deśe jāyate jana--ḍa 7 ta° . (ādā) iti khyāte ārdrake, tasya jalaprāyīdbhavatvāttathāam . tatsthānajātamātre tri° .

anūpya tri° anūpadeśe bhavaḥ yat . anugatajaladeśabhave śanna āpo dhanvanyāḥ śamanaḥ santvabūpyā iti snānamātraḥ .

anūbandhya tri° anu + bandha--ṇyat upasa° dīrghaḥ . badhārthaṃ bandhanīye yajñiye paśau, vaśāmagabandhyāmālabheta iti śata° 2, 4, 4, 14, anubandhyavedeti āśva° .

anūyāja pu° anu + yaja ghañ upasargasya vā dīrghaḥ . anuyājārthe .

anūru pu° na sta ūrū yasya ba° . sūryasārathau vinatājyeṣṭhaputre aruṇe . tasya apūrṇe eva garbhe mātrā aṇḍasya sthoṭanādūruprabhṛtṛdbhāvakalatvam gatkathā bhā° ādipa° . yathā tataḥ putrārthinī devī vrīḍitā ca tapasvinī . aṇḍaṃ bibheda vinatā tatra putramapaśyata . pūrbārdhakāyasampannabhitareṇāprakāśatā . sa putraḥ krodhasaṃrabdhaḥ śaśāpaināmiti śrutiḥ . yo'hamevaṃ kṛto mātastayā lobhaparītayā . śarīreṇāsamagreṇa taṣmāddāsī bhaviṣyasi . pañcavarṣaśatānyasyā yayā viṣpardhase saha . eṣa ca tvāṃ suto mātardāsītvānmocayiṣyati . yadyenamapi mātastvaṃ māmivāṇḍavibhedanāt . na kariṣyasyanaṅgaṃ vā vyaṅgaṃ vāpi yaśasvinam . pratipālayitavyaste janmakālo'sya dhīrayā . viśiṣṭaṃ balamīpsantyā pañcavarṣaśatātparaḥ . evaṃ śaptvā tataḥ putro vinatāmantarīkṣagaḥ . aruṇo dṛśyate brahman prabhātasamaye sadā . ādityarathamadhyāste sārathyaṃ mamakalpayaditi . gataṃ tiraścīnamanūrusāratheriti māghaḥ .

anūrusārathi pu° anūruḥ sārathiḥ rathaniyantā yasya . sūrye tatkathā'nupadamuktā .

anūrādha tri° anu + rādha--ṣañ upasa° dī° . anurādhanīye indraṃ vayamanūrādhaṃ havāmahe iti atha° 19, 15, 2 .

anṛca pu° nāsti abhyastatayā ṛk yasya ac samāsāntaḥ . ṛkthūnye anupanīte bālake . anṛcabahvacāvadhyetarye veti si° kau° . yathā cājñe'phalaṃ dānaṃ tathā vipro'nṛco 'phalaḥ manuḥ . anṛcaḥ anadhīyāna iti kullū° . anṛco māṇavaka rati mugdhabodham . samāsāntavidheranityatvāt kvacit na ac . tena sahasraṃ hi sahasrāṇāmanṛcāṃ yatra bhuñjate iti tathānṛce havirdattvā na dātā labhate phalamiti ca manuḥ . samāsāntapakṣe anṛce iti vivakṣayā saptamī, tadabhāvapakṣe caturthīti bhedaḥ . adhyetarītyukteḥ anṛk sāmeti si° kau° . ajabhāvapakṣe vibhāṣayā kap . anṛkkaḥ ṛkśūnye tri° .

anṛju tri° na ṛjuḥ . śaṭhe vakre kuṭile ca . na pāṇipāda capalo na netracapalo'nṛjuḥ rati manuḥ . yā bhrāturagre anṛjorṛṇamiti ṛ° 4, 3, 13 . lagnāt pāpāvṛjvanṛjū vyayārthasthau yadā tadā . kartarī nāma sā jñeyā mṛtyudāridryaśokadeti muhūrtaci° . ṛjurmārgagāmī pūrbagatiḥ, anṛjuḥ vakrī paścādgatiriti tadarthaḥ .

anṛṇa tri° na ṛṇaṃ yasya . ṛṇaśūnye . ṛṇañca avaśyadeyam tacca uttamarṇāya dātavyatvena svīkṛtaṃ dhanam . taccāvaśyaṃ śodhyaṃ tadaśodhane ṛṇānāmanapakriyetyukterupapātakaṃ bhavati . avaśyaśodhyatvena tatsadṛśam vedādhyayanādikamapi ṛṇaśabdena vyavahriyate jāyamāno rva puruṣastribhirṛṇairṛṇī bhavati svādhyāyena ṛṣibhyaḥ, yajñena devebhyaḥ prajayā pitṛbhya iti śrutiḥ evañca vedādhyayanādinā ṛṣyādīnāmṛṇaśodhane anṛṇo bhavatīti smṛtyādau prasiddham . evañca ṛṇāni trīṇyapākṛtya mano mokṣe niveśayediti ṛṇaśūnyasyaiva mokṣādhikāraḥ . ataeva manunā daśalakṣaṇakaṃ dharmamanutiṣṭhan samāhitaḥ . vedāntaṃ vidhivacchrutvā saṃnyasedanṛṇī dvija iti anṛṇasyaiva saṃnyāso'bhihitaḥ . jyeṣṭhena jātamātreṇa putrī bhavati mānavaḥ . pitṝṇāmanṛṇaścaiva sa tasmāt sarvamarhatīti manuḥ . eṣa vā anṛṇaḥ yaḥ putrīti śrutiḥ . kṛtopakārasya pratyupakāro'pi ṛṇatvena svīkriyate . tadabhiprāyeṇaiva prāṇairdaśarathaprīteranṛṇaṃ kaṇṭavartibhiriti raghau varṇitam .

anṛṇin tri° na ṛṇī striyāṃ ṅīp . ṛṇibhinne divasyāṣṭame bhāge śākaṃ pacati yo naraḥ . anṛṇī cāpravāsī ca sa vāricara! modate, iti bhā° va° pa° . ekamapyakṣaraṃ yastu guruḥ śiṣye nivedayet . pṛthivyāṃ nāsti taddravyaṃ yaddattvā so'nṛṇī bhavediti pu° .

anṛta na° na ṛtam . satyabhinne mithyābhūte . yadvāhamabhidudroha yadvā śepa utānṛtamiti ṛ° 1, 23, 22 . priyañca nānṛtaṃ brūyādeṣa dharmaḥ sanātana iti manunā mithyābhūtaṃ priyavākyamapi niṣiddhaṃ tatra sākṣyanṛtabhāṣaṇasyātīvanindyatā yathā yāvato bāndhavān yasmin hanti sākṣye'nṛtaṃ vadanniti eṣāmanyatame sthāne yaḥ sākṣyamanṛtaṃ vadediti ca manuḥ . ye ca pāṣakṛtāṃ lokā mahāpātakināṃ tathā . agnidānāñca ye lokāḥ ye ca strībāladhātinām . sa tān sarvānavāpnoti yaḥ sākṣyamanṛtaṃ vadediti yā° . brūhi sākṣit! yayātattvaṃ lambante pitarastava . tava vākyamudīkṣyaivamutpatanti patanti ca .. bhagno muṇḍaḥ kapālī ca bhikṣārthaṃ kṣutpipāsitaḥ . andhaśatrukale gacched yastu sākṣyanṛtaṃ vadet .. pañca kanyānṛte hanti daśa hanti gavānṛte . śatamaśvānṛ hanti, sahasraṃ puruṣānṛte .. vaśi° sa° . kvacidvipaye tadapavādaḥ . varṇināṃ hi badho yatra tatra sākṣyanṛtaṃ vadediti yā° . prāṇātyaye sarvadhanāpahāre viprasya cārthe hyanṛtaṃ vadecca . vivāhakāle ratisaṃprayoge pañcānṛtānyāhurapātakāni bhā° ka° pa° . kṛṣikarmaṇi na° me° .

anṛtaka tri° anate prasṛtaḥ kan . asatyakayanarate lubdhā anṛtakāścaiva tiṣye jāyanti bhārata! bhā° bhī° pa° .

anṛtavādin tri° anṛtaṃ vadati vada--ṇini . mithyāvādini

anṛtu pu° na ṛtuḥ varṣādikālaḥ . svasvayogyavarṣartubhinne kāle tadā vidyādanadhyāyamanṛtau cābhradarśane iti manuḥ . nāsti ṛtuḥ strīpuṣpavikāśo yasmin kāle . strīpuṣpavikāśaśūnye kāle pu° . anṛtāvṛtukāle ca mantrasaṃskārakṛt patiriti manuḥ .

anṛśaṃsa tri° na nṛśaṃsaḥ virodhe na° ta° . ahiṃsre dayālau . tasya bhāvaḥ yuvādi° aṇnṛśaṃsam, brāhmaṇā° ṣyañ ānṛśaṃsyañca dayāyām .

aneka tri° na ekaḥ ekabhinnatayā utsargataḥ bahuvacanāntatā . bahusaṃkhyakeṣu . anekāni sahasrāṇi kaumārabrahmacāriṇā miti manuḥ . patantyaneke jaladherivormayaḥ iti māghaḥ aneke sevante bhavadadhikagīrvāṇanivahāniti śyāmāstrotram . ekaśabdasya sarvanāmatvena nañtatpuruṣe tadbhinnavācakatayā gauṇatve'pi atacchabdavat sarvanāmakāryaṃ tena aneke iti, anekeṣāmiti, anekatretyādi . evañca ekaśabdasya samāhāradvigutvaniṣedhādanekaśabdasya bahusaṃkhyāvācakatve'pi na samāhāraḥ . tena anekarājanyarathāśvasaṅkulamiti kirā° samāhāre anekarājanyarathāśvīti syāt . yatrānekavidhamāntaryaṃ tatra sthānata āntaryaṃ balīya iti paribhā° si° kau° . anekapitṛkānāntu pitṛto bhāgakalpaneti yājña° . anekabāhūdaravaktranetramiti anekajanmasaṃsiddhastato yāti parāṃ gatimiti ca gītā nāsti ekaḥ dvyekayordvivacanaikavacane itivat ekatvaṃ yatreti bahuvrīhau anekaśabdasya ekavacanāntatāpīṣyate . anekamanyapadārthe iti pā° sū° . ākāśamekaṃ hi yathā ghaṭādiṣu pṛthagbhavet tathātmaiko'pyanekaśceti yājña° . anekamāśritaṃ liṅgamiti sā° kā° . eko'nyārthe pradhāne ca prathame kevale tathā . sādhāraṇe maṅgale'lpe saṃkhyāyāñca prayujyate ityukteṣvartheṣu ekaśabdasya vṛtteḥ taduktārthabhinne tri° . tatra ca saṃkhyānyarthe eva bahuvacanāntatānyatra yatheṣṭateti mano° . utkarādi° bhavārthe cha . anekīyaḥ tadbhave tri° . bhāve vrā° . ṣyañ . anaikyaṃ bahutve na° .

anekaja pu° anekavāraṃ jāyate jana--ḍa vṛttau saṃkhyāvācakasya sujarthatā . dvivāraṃ jāte pakṣiṇi, tasya garbhāṇḍābhyāṃ jātatvena dvivārajātatayā dvijatvādanekajatvam . 5 ta° . bahubhyo jāte tri° .

anekadhā avya° aneka + prakāre dhāc . bahuprakāre anekadhā kṛtāḥ putrā ṛṣibhirye purātanairiti smṛtiḥ . tatraikasthaṃ jagat kṛtsnaṃ pravibhaktamanekadheti gītā .

anekapa pu° anekābhyāṃ mukhaśuṇḍābhyāṃ pibati pā--ka . dvipe hastini . mālavanātho'pyanekānekapayūthasanāthaḥ da° ku° .

anekamūrti pu° anekā lokānāmanugrahāya avatāreṣu nānāvidhā mūrtayo'sya . parameśvare anekamūrtiravyakta iti viṣṇusaha° .

anekarūpa pu° anekāni rūpāṇyasya . bahurūpe parameśvare rūpaṃ rūpaṃ pratirūpo babhūveti śrutau tasya bahurūpatvoktestathātvam . nānāvidharūpayuktamātre paṭādau tri° .

anekalocana pu° anekāni locanāni yasya . indre, parameśvare ca sahasrākṣaḥ sahasrapāditi śrutau anekavā hūdaravaktranetramiti gītāyāñca tasya anekanetratvoktestathātvam

anekavarṇasamīkaraṇa na° anekavarṇāḥ ajñātaviśeṣasaṃkhyakānekarāśayaḥ samīkriyante jñātasaṃkhyakasamatayā kriyante yatra . vījabhede yathoktaṃ bhāskaravījagaṇite athānekavarṇasamīkaraṇaṃ vījam . tatra sūtraṃ sārdhavṛttatrayam . ādyaṃ varṇaṃ śodhayedanyapakṣādanyān rūpāṇyanyataścādyabhakte . pakṣe'nyasminnādyavarṇonmitiḥ syādvarṇasyaikasyonmitīnāṃ bahutve .. samīkṛtacchedagame tu tābhyastadanyavarṇonmitayaḥ prasādhyāḥ . antyonmitau kuṭṭavidherguṇāptī te bhājyatadbhājakavarṇamāne .. anye'pi bhājye yadi santi varṇāstanmānamiṣṭaṃ parikalpya sādhyam . vilomalotthāpanato'nyavarṇamānāni bhinnaṃ yadi mānamevam .. bhūyaḥ kāryaḥ kuṭṭako 'trāntyavarṇaṃ tenotthāpyotthāpayedvyastamānāt . idamanekavarṇasamīkaraṇaṃ vījaṃ yatrodāharaṇe dvitryādayo'vyaktarāśayo bhavanti teṣāṃ yāvattāvadādayo varṇāḥ māneṣu kalpyāstatra pūrbācāryaiḥ kalpitāḥ yāvattāvat, kālaka, nīlaka, pītaka, lohitaka, śvetaka, citraka, kapilaka, piṅgalaka, dhūmraka, pāṭalaka, śavalaka, śyāmalaka, mecakā, ityādi . atha vā kādīnyakṣarāṇi avyaktānāṃ saṃjñāḥ asaṅkarārthaṃ kalpyāḥ . ataḥ prāgvaduddeśakālāpavadvighiṃ kurvatā gaṇakena pakṣau samau kāryau pakṣā vā samāḥ kāryāḥ . tataḥ sūtrāvatāro'yaṃ tayoḥ samayoranekasmāt pakṣāditarapakṣasyādyaṃ varṇaṃ śodhayettadanyavarṇān rūpāṇi ca itarapakṣācchodhayettataḥ ādyavarṇaśeṣeṇetarapakṣe bhakte bhājakavarṇonmitiḥ . bahuṣu pakṣeṣu yayoryayoḥ sāgyamasti tayorevaṃ kṛte sati anyā unmitayaḥ syuḥ . tatastāsūnmitiṣu ekavarṇonmitayo yadyanekadhā bhavanti tatastāsāṃ madhye dvayordvayoḥ samī kṛtacchedagamenādyaṃ varṇaṃ śodhayedityādinānyavarṇonmitayaḥ syuḥ . evaṃ yāvatsambhavastato'ntyonmitau bhājyavarṇe yo'ṅkaḥ sa bhājyarāśiḥ, yo bhājake sa bhājakaḥ, rūpāṇi kṣepaḥ, ataḥ kuṭṭakavidhinā yo guṇa utpadyate tadbhājyavarṇamānaṃ, yā labdhistadbhājakavarṇamānaṃ, tayormānayordaḍhabhājakabhājyāviṣṭena varṇena guṇitau kṣepakau kalpyau . tataḥ svasvamānena sakṣepeṇa pūrbavarṇonmitau varṇāvutthāpya svacchedena haraṇe yallabhyate tat pūrbavarṇasya mānam . evaṃ vilomakotthāpanato'nyavarṇamānāni bhavanti . yadi tu anyonmitau dvyādayī varṇā bhavanti tadā teṣāmiṣṭāni mānāni kṛtvā svasvamānaistānutthāpya rūpeṣu prakṣipya kuṭṭakaḥ kāryaḥ . atha yadi vilomakotthāpane kriyamāṇe pūrbavarṇonmitau tanmitirbhinnā labhyate tadā kuṭṭakavidhinā yo guṇa utpadyate sa kṣepaḥ sa bhājyavarṇamānaṃ tenānyavarṇamāneṣu taṃ varṇamutthāpya pūrbonmitiṣu vilomakotthāpanaprakāreṇānyavarṇamānāni sādhyāni . iha yasya varṇasya yanmānamāgataṃ vyaktamavyaktaṃ, vyaktāvyaktaṃ vā tasya mānasya vyaktāṅkena guṇane kṛte tadvarṇākṣarasya nirasanamutthāpanamucyate tadvyākhyā . udāharaṇaṃ tatraiva dṛśyam .

anekavidha tri° anekā vidhā prakārā yatra . bahuprakāre yatrānekavidhamāntaryaṃ tatra sthānata āntaryaṃ balīya iti pari° .

anekaśas avya° aneka + vīpsārthe kārake śas . anekavārārthe anekaśo nirjitarājakastvabhiti bhaṭṭiḥ .

anekāgra tri° na ekāgraḥ . śūnyahṛdaye ekāgratāśūnye

anekānta tri° na ekānto niyamo avyabhicāro yatra . aniyame, aniścitaphalake ca . vyabhicāravati duṣṭahetau pu° . anekānto viruddhaścāpyasiddhaḥ pratipakṣitaḥ . kālātyayāpadiṣṭaśca hetvābhāsāśca pañcadheti bhāṣā° . saca trividhaḥ ādyaḥ sādhāraṇastu syādanyo'sādhāraṇo mataḥ . tathaivānupasaṃhārī tridhā'naikāntiko mata iti bhāṣā° . ekānto'styasya prajñā° ṇa . aikāntaḥ na° ta° anaikāntopyatra kvacit bhāṣāyām anaikānto viruddha ścetyeva pāṭhaḥ . tathā ca sādhāraṇāditritayānyānyatvamanekāntatvam .

anekāntavādin pu° asti nāsti vetyekāntaṃ na vadati vada--ṇini 6 ta° . bauddhabhede . tasya astināstikāyavāditvena tathātvaṃ vivaraṇamarhacchabde dṛśyam .

anekārtha tri° aneke arthā abhidheyā yasya . nānārthe śabde . yathā gavādaya akṣādayaśca . anekārthasya śabdasya saṃyogādyairniyantrite . ekatrārthe'nyadhīheturvyañjanā sābhidhā śrayeti sā° da° . ayamāśayaḥ saṃyogaśca vibhāgaśca sāhacaryaṃ virodhitā . arthaḥ prakaraṇaṃ liṅgaṃ śabdasyānyasya sannidhiḥ . sāmarthyamaucitī deśaḥ kākvādyuktiḥ svavācakaḥ . śabdārthasyānavacchede viśeṣasmṛtihetava iti haryukteranekārthaśabdānāṃ sarvatra śaktau samānāyāṃ satyāṃ, saṃyogādyairitarārthabodhapratirodhanena viśeṣārtha eva smāryate . tadbhinnārthasya tu vyañjanayā bodhaḥ ityalaṅkārikāṇāṃ matam . tathāca saṃyogādayaḥ śaktyā anyārthopasthitau pratibandhakāḥ . vyañjanā vṛttyā tadupasthāpane tu na . anekārthaśabdebhyaḥsarveṣāmarthānāmaviśeṣeṇopasthitau satyāmapi saṃyogādayaḥ anyaśakyaviṣayaśābdabodhamātraṃ pratibadhnanti natu vyaṅgyaviṣayamiti rasagaṅgādharaḥ . naiyāyikādayastu anekārthaśabdānāṃ śakyatācchedakalāghavalābhe tatraiva śaktiranyatra lakṣaṇā tatra saṃyogādayaḥ anyārthabodhanaṃ naiva prativaghnanti . tathā ca saṃyogādayaḥ sati tātparye, tadviṣayībhūtārthaviṣayasmṛtiṃ tajjanyānvayabuddhiṃ vā na prativadhnanti kintu tātparyamātronnāyakā ityalaṃ vyañjanāvṛttyeti svīcakruriti bhedaḥ . aneke arthāḥ prayojanāni yatra yasya vā . anekaprayojanavati tri° anekārthābhiyoge ca yāvatsaṃsādhayeddhanī iti smṛtiḥ . karma° . vahuprayojane pu° ba° va° .

anekāśrita pu° anekeṣu āśritaḥ 7 ta° . vaiśeṣikanaye saṃyogādiṣu, sāmānyeṣu ca . saṃyogaśca vibhāgaśca saṃkhyā dvitvādikāstathā . dvipṛthaktvādayastadvadete'nekāśritā guṇā iti bhāṣā° nityatve sati anekasavavetatvaṃ jātitvamiti muktā° . ekasyā eva vyakternānāvyaktiniṣṭhatve'sya prayogopādhitā . bhavanti ca saṃyogādayaḥ sāmānyaṃ ca tathā . rūpādernānāvyaktiṣu sattve'pi naikavyakteriti na tasya tathātvamiti bhedaḥ .

anejat na° na ejat . sarbdhadaikarūpe brahmaṇi . anejadekaṃ manaso javīya iti īśopa° . ejanaṃ kampanaṃ svabhāvapracyutistadvivarjitaṃ sarvadā ekarūpamiti bhā° . kampanaśūnye tri° striyāṃ ṅīp .

aneḍamūka tri° eḍo badhiro mūko vākśaktirahitaśca nāsti yasmāt 5 ba° . (kālā, vovā) iti khyāte śravaṇavacanaśaktirahite, śaṭhe ca .

anedya tri° nidi kutsane kyap ni° nalopaguṇau na° ta° . praśaste pradhāne niruktakāraḥ .

anenas tri° nāsti vyasanamadharmo vā yasya . vyasanapāpādirahite rājā bhavatyanenāstu mucyante ca sabhāsadaḥ iti vyava° ta° manvādismṛ° . aneno vomaruto yāma iti ṛ° 6, 66, 7 . anenaḥ pāparahitaṃ yathā bhavatīti bhāṣyam tvānenā namasā tura iti 7, 86, 4 . anenā apāpa iti bhāṣyam .

anemā pu° nī--manin na° ta° . praśasye niruktakāraḥ .

anehas pu° na hanyate hana--asi prakṛterehādeśaḥ . kāle . sau anaṅ . anehā kāloddiṣṭo'pyanehāpī tyamaraḥ . na hanyate karmaṇi asi . ahiṃsanīye tri° . śambhuvaṃ mantraṃ devā anehasamiti ṛ° 1, 40, 6 . anehasaṃ kenāpyāhiṃsyāmiti bhā° . pāpinovayam yajāmahe supratūrtimanehasam ṛ° 1, 40, 4 . yathā no'sme kṣayāya dhiṣaṇe anehaḥ ṛ° 6, 503 .

anaikāgrya na° ekāgrasya bhāvaḥ ṣyañ abhāve na° ta° . aikāgryābhāve . na° ba° . aikāgryaśūnye tri° . ācārāṇāmanaikāgryaṃ sarveṣāmupalakṣaṇāditi bhāga° .

anaikānta pu° anekāntaśabdārthe . tatraiva vyutpattirdarśitā anaikānto viruddhaśceti bhāṣā° pāṭhāntaram .

[Page 194b]
anaikāntika pu° ekāntaṃ niyataṃ vyāpnoti ekānta + ṭhak ekānto niyamo vyāptirastyasya ṭhan svārthe aṇ vā na° ta° . anekāntaśabdārthe anekāntaśabde'dhikaṃ dṛśyam trighā'naikāntiko mata bhāṣā° . aikāntiko niścitarūpastadbhinne tri0

anaikya na° na aikyam abhāve na° ta° . aikyābhāve .

anaitihya tri° na aitihyaṃ yatra . paramparāśravaṇarūpaitihya pramāṇaśūnye . anāgatamanaitihyaṃ kathaṃ brahmādhigacchati? bhā° śā° pa° .

a(ā)naipuṇa na° anipuṇasya bhāvaḥ aṇ ādyaco vā vṛddhiḥ . anipuṇatve . ṣyañ a(ā)naipuṇyamapyatra na° .

a(ā)naiśvarya na° anīśvarasya bhāvaḥ ādyaco vā vṛddhiḥ . anīśvaratve adhīnatve . nāsti aiśvaryaṃ yasya . anaiśvaryaḥ aiśvaryaśūnye tri° .

ano avya° na + nī--ḍo . abhāvārthe . abhāve, nahyano nāpī tyamare ano ityekaṃ nāmeti nīlakaṇṭhaḥ . anye tu a iti, no iti, ca chittvā nāmadvayamityāhuḥ .

anokaha pu° anasaḥ śakaṭasyākaṃ gatiṃ hanti pratirodhaṃ karoti hana--ḍa 6 ta° . vṛkṣe . vṛntācchlathaṃ harati puṣpamanokahānāmiti anokahākampitapuṣpagandhīti ca raghuḥ . udyantamuddrutamanokahajālamadhye iti māghaḥ .

anodana tri° nāsti odanarūpaṃ bhakṣyaṃ yatra . annavarjanayukte vrate . naktaṃ haviṣyānnamanodanaṃ vā iti smṛtiḥ .

anoṅkṛta tri° na oṅkāramuccārya kṛtaḥ om + kṛ--kta na° ta° . oṅkāroccāraṇābhāvena kṛte . brāhmaṇaḥ praṇavaṃ kuryādādāvante ca sarvadā . sravatyanoṅkṛtaṃ pūrbaṃ parastācca viśīryati manuḥ . omiti svīkāre tathā kṛtam . aṅgīkṛte tri° .

anca vya ktau cu° ubha° saka° seṭ . añcayati--te āñcicatta karmaṇi añcyate . ṇijabhāve acyate iti bhedaḥ pūrṇāt pūrṇamudacyate iti śrutiḥ .

ancu gatau acivat 82 pṛ° dṛśyam .

anja gatau kāntau mrakṣaṇe vyaktau ca rudhā° vartamāne kta ūdit veṭ para° . anakti . sici parasmaipade nityamiṭ . āñjīt--ānañja . añjitā--aṅktā . añjiṣyati--ṅkṣyati . kta aktaḥ . ktin aktiḥ . ktvā--aktvā añjitvā . vi + prakāśane . vyanakti vyajyate vyanakti kālatritaye'pi yogyatāmiti māghaḥ . ghañ vyaṅgaḥ . ṇyat vyaṅgyaḥ . savyaṅgyamuttamaṃ kāvyamiti . ṇic . vyañjayati lyuṭ . vyañjanam . anyārthadhīkṛt vyāpṛtirañjanam kā° pra° . kartari lyu . vyañjanā ekatrārthe'nyadhīheturvyañjanā sābhidhāśrayeti sā° da° .

anta na° ama--tan . svarūpe, svabhāve ca . śeṣe pu° na° . nāśe, sīmāyāṃ, niścaye, śeṣāvayave ca pu° . nikaṭe, manohare ca tri° . tatra svarūpe mṛdulatāntalatāntamalokayaditi māghaḥ . nāśe patatyavirataṃ vāri nṛtyanti śikhino mudā . adya kāntaḥ kṛtānto vā duḥkhasyāntaṃ kariṣyatīti udbhaṭaḥ . vairasyāntaṃ kariṣyati rāmā° . sīmāyāṃ vanāntaparyantamupetya saspṛhamiti naiṣa° . odakāntāt snigdho'nugantavya iti śrutiḥ . sīmā'vadhiḥ sa ca daiśikaḥ kālikaśca . tatra daiśika uktodāharaṇe kālikastu . pakṣānte niṣphalā yātrā māsānte maraṇaṃ dhruvamiti jyoti° . daśāhānte punaḥ kriyeti smṛtiḥ śeṣasīmāyām amuṃ vanāntādvanitavahāriṇamiti māghaḥ . digante śrūyante madamalinagaṇḍāḥ karaṭina iti bhāminī° . gaṅgāprapātāntavirūḍhaśaṣpasiti raghuḥ . śeṣāvayave netrāntamudvīkṣate iti vedānta ityādi . niścaye . ubhayorapi dṛṣṭo'ntastvanayostattvadarśibhiriti gītā . ubhayoḥ sadasatorityarthaḥ . nikaṭe antapālaḥ . smabhāve śuddhāntaḥ . śeṣe niśāntaḥ .

antaḥkaraṇa na° kṛ--karaṇe lyuṭ antarabhyantarasthaṃ karaṇaṃ, karma0, tadvṛttipadārthānāṃ sukhādīnāṃ karaṇaṃ jñānasādhanaṃ 6 ta° vā . jñānasukhādisādhane ābhyantare manobuddhicittādipadābhilapyamāne indriye . taccāntaḥkaraṇam vedāntimate caturvidham . mano buddhirahaṅkāraścittaṃ karaṇamāntaram . saṃśayo niścayo garvaḥ smaraṇaṃ viṣayā ime ityuktakāryabhedāt . anyatra vyaktamuktam yadā tu saṃkalpavikalpakṛtyaṃ tadā bhavettanmana ityabhikhyam . syādbuddhi saṃjñaṃ ca yadā tu vetti suniścitaṃ saṃśayarūpahīnam . anusandhānarūpaṃ taccittañca parikīrtitam . ahaṃkṛtyātmavṛttyā tu tadahaṅkāratāṃ gatamiti . etadanusāreṇaiva śārādāyāmuktam antaḥkaraṇamātmanaḥ . manobuddhirahaṅkāraścittañceti prakīrtitamiti . tasya ca jñānādipratyakṣakaraṇatvādantaḥkaraṇatvam . tatsādhakamanumānañcettham jñānasukhādipratyakṣaṃ svagrāhakendriyasāpekṣaṃ pratyakṣatvāt rūpādipratyakṣavat . naca cakṣurādīnāṃ tatkaraṇatvaṃ sambhavati rūpāditvābhāvādityantaḥkaraṇasiddhiriti naiyāyikādayaḥ . sāṃkhyādayastu mahattattvāparaparyāyamevāntaḥkaraṇamaṅgīcakruḥ . pañcatanmātrebhyo bhūtebhyaścāhaṅkārarūpadravyasiddhimuktvā tenā'ntaḥkaraṇasyeti sāṃ° sū° tatsiddhiruktā tadanumāne ca bhāṣye evaṃ prayogādikaṃ darśitam . ahaṅkāradravyaṃ niścayavṛttimaddravyopādānakaṃ niścayakāryadravyatvāt yannaivaṃ tannaivaṃ yathā puruṣādiriti . atrāpyayaṃ tarkaḥ, sarvo'pi lokaḥ padārthamādau svarūpato niścitya paścādabhimanyate ayamahaṃ, mayedaṃ kartavyamityādirūpeṇeti, tāvat siddhameva . tatrāhaṅkāradravyakāraṇākāṅkṣāyāṃ vṛttyoḥ kāryakāraṇabhāvena tadāśrayayoreva kāryakāraṇabhāvo lāghavāt kalpyate kāreṇasya vṛttilābhena kāryavṛttilābhasyautsargikatvāditi . yadyapi antaḥkaraṇamekaṃ tathāpi vaṃśaparvasvivāntarabhedamāśrityāntaḥkaraṇatraye kramaḥ, kāryakāraṇabhāvaścoktaḥ yogopayogiśrutismṛtiparibhāṣānusārāditi mantavyam . taduktaṃ vāśiṣṭhe . ahamarthodayo yo'yaṃ cittātmā vedanātmakaḥ . etaccittadrumasyāsya vījaṃ viddhi mahāmate! .. etasmāt prathamodbhinnādaṅkuro'bhinavākṛtiḥ . niścayātmā nirākāro buddhirityabhidhīyate .. asya buddhyabhidhānasya yāṅkurasya prapīnatā . saṅkalparūpiṇī tasyāścittacetomanobhidhā iti . ahamartho'gtaḥkaraṇasāmānyam . atra vākye bījāṅkuranyāyenaikasyaivāntaḥkaraṇavṛkṣasya vṛttimātrarūpeṇa cittādyavasthābhedāḥ kramikāstrividhāḥ pariṇāmā uktā iti . sāṅkhyaśāstre ca cintanāvṛttikasya cittasya buddhāvevāntarbhāvaḥ . ahaṅkārasya cātra vākye buddhāvantarbhāvaḥ iti .. kārikāyāmapi antaḥkaraṇaṃ trividhaṃ daśadhā vāhyaṃ trayasya viṣayākhyamiti traividhyamuktvā sāntaḥkaraṇā buddhiḥ sarvaṃ viṣayamavagāhate yasmāt, tasmāttribidhaṃ karaṇaṃdvāri, dvārāṇi śeṣāṇīti tattrayasyaiva prādhānyamuktam . evañca puruṣasya sannidhimātrādadhiṣṭhātṛtvaṃ gauṇaṃ mukhyamadhiṣṭhātṛtvantu antaḥkaraṇasyaiva yathoktam antaḥkaraṇasya tadujjvalitatvāllauhavadadhiṣṭhātṛtvam sāṃ° sū° .. antaḥkaraṇasyānupacaritamadhiṣṭhātṛtvaṃ saṅkalpādidvārakaṃ pratyetavyam . nanvadhiṣṭhātṛtvaṃ ghaṭādivadacetanasya na yuktaṃ tatrāha . lauhavat tadujjvalitatvāditi . antaḥkaraṇaṃ hi taptalauhavaccetanojjva litaṃ bhavati . atastasya cetanāṃyamānatayādhiṣṭhātṛtvaṃ ghaṭādivyāvṛttamupapadyata ityarthaḥ . nanvevaṃ caitanyenāntaḥkaraṇasyojjva lane citeḥ saṅgitvamagnivadeva syāditi cenna nityojjvalacaitanyasaṃyogaviśeṣamātrasya saṃyogaviśeṣa janyacaitanyaprativimbasya vāntaḥkaraṇojjvalanarūpatvāt . na tu caitanyamantaḥkaraṇe saṃkrāmati yena saṅgitā syāt .. agnerapi hi prakāśādikaṃ na lauhe saṃkrāmati, kintvagnisaṃyogaviśeṣa eva lauhasyojjvalanamiti . nanvevamapi saṃyogena pariṇāmitvamiti cenna sāmānyaguṇātiriktadharmotpattāveva pariṇāmavyavahārāditi . ayaṃ ca saṃyogaviśeṣo'ntaḥkaraṇasyaiva sattvodrekarūpāt pariṇāmādbhavatīti phalabalāt kalpyate puruṣasyāpariṇāmitvena saṃyoge tannimittakaviśeṣāsambhavāditi . ayameva ca saṃyogaviśeśo buddhyātmanoranyo'nyaprativimbane heturiti sā° pra° bhā° . antaḥkaraṇasya ca vṛttayastridhā śāntāghorāstathāmūḍhā manaso vṛttayastridhā . vairāgyaṃ kṣantiraudāryamityādyāḥ śāntavṛttayaḥ . tṛṣṇā snehorāgalobhāvityādyā ghoravṛttayaḥ . sammohobhayamityādyā kathitā mūḍhavṛttayaḥ iti tāsveva vṛttiṣu jñānatvopacārāt tatsādhanatvamindriyāṇām antaḥkaraṇavṛttau jñānatvopacārāditi pañcapādikāvivaraṇam . śāntādīnāmeva sātvikyādirūpeṇa vyavahāraḥ . tāśca vṛttayaḥ kramaśo'kramaśaśca vṛttaya iti sāṃ° sū° ukteḥ yugapadapi bhavantīti sāṃkhyādayaḥ . naiyāyikādayastu ayaupadyājjñānānā mityukteḥ kramikatvamevāṅgīcakruḥ . taccāntaḥkaraṇamaṇuparimāṇamiti naiyāyikādayaḥ . yāvaddehakārya kāritvāt jalāvagāhe ekadaiva sarvadehagataśaityādyupalabdhermadhyaparimāṇamiti sāṃkhyādayaḥ . teṣāṃ ca caturṇāṃ candracaturmukhaśaṅkarācyutā adhiṣṭhātārodevā iti .

antaḥkuṭila pu° antarmadhye kuṭilaḥ . vakrākāramadhyāvayavavati śaṅkhe . vakrāntaḥkaraṇe tri° .

antaḥkṛmi pu° antarabhyantare kṛmiryasya . (guṭi) iti khyāte kṛmikoṣaphale . madhyasthakṛmiyukte phalādau tri° .

antaḥkoṭarapuṣpī strī antaḥkoṭare abhyantare puṣpaṃ yasyāḥ jātitvāt ṅīp . antaḥkoṭarapuṣpavatyāṃ nīlavuhnāyām .

antaḥpadavī strī 7 ta° . suṣumṇāmadhyagate pathi .

antaḥpaśu pu° antaḥgrāmamadhye paśavo yatra . grāmamadhye paśusthitikāle prāhṇe, sāyāhne ca antaḥpaśau paśukāmasya sāyaṃ prātaḥ kātyā° 4, 15, 14 . antaḥpaśau kāle grāmamadhye paśavo yasmin kāle, sāyaṃ paśuṣu grāmamadhyeṣu āgateṣu, prātaśca grāmādaniḥsṛteṣviti tadvyā° .

antaḥpāta pu° antarmadhye patatīti pata--kartari ṇa . sandhisthāne . bhāve ghañ . madhyapatane .

[Page 196b]
antaḥpātin tri° antaḥpatati pata--ṇini 6 ta° . madhyapraviṣṭe . striyāṃ ṅīp .

antaḥpātya pu° antarmadhye pātyate pata--ṇic--ādhāre yat . madhye pātanādhāre deśe antaḥpūrbeṇa yūpaṃ parītyāntaḥpātyadeśe sthāpayatīti kātyā° 15, 6, 22, sthāpitagavānāṃ pataye svabhrātre dravyaṃ śatamadhikaṃ vā dattvā yūpāt pūrbadiśi parītyāntaḥpātyadeśe sthāpayediti vedadīpaḥ .

antaḥpura na° antarabhyantaraṃ puraṃ gṛhaṃ karma° . (andara) iti prasiddhe rājñāṃ strīṇāṃ sthānayogye gṛhe . tritayamidamapūrbaṃ dṛṣṭamantaḥpure te ityudbhaṭaḥ vyāyamyāplutya madhyāhne bhoktumantaḥpuraṃ viśet iti bhuktavān vihareccaiva strīṃbhirantaḥpure saheti . antaḥpurapracārañca praṇidhīnāñca ceṣṭitamiti ca manuḥ . tatra sthitatvāt rājamahilāyāmapi . dākṣinyenadadāti vācamucitāmantaḥpurebhyo yadeti śaku° . purśabdasamāse aci strītvāt ṅīp . antaḥpurītyapi strī .

antaḥpuracara pu° antaḥpure carati cara--ṭa 7 ta° . rājantaḥpuracāriṇi kañcukyādau . antaḥpurasthastriyām strī ṅīp .

antaḥpurasahāya pu° antaḥpure sahāyaḥ . rājñāmantaḥpurasahacare vidūṣakādau .

antaḥpurādhyakṣa pu° 6 ta° . vṛddhaḥ kulodgataḥ śaktaḥ pitṛpaitāmahaḥ śuciḥ . rājñāmantaḥpurādhyakṣo vinītaśca tatheṣyate iti narapatyuktalakṣaṇe'ntaḥpurādhivṛte . anye'pi pañca tathā, pañcāpare vāmanako jaghanyaḥ kubjo'paro maṇḍalako'tha sāmī . pūrboktabhūpānucarā bhavanti saṅkīrṇasaṃjñāḥ śṛṇulakṣaṇaistān .. sampūrṇāṅgo vāmano (1) bhagnapṛṣṭhaḥ kiñciccorurmadhyakakṣāntareṣu . khyāto rājño hyeṣa bhadrānujīvī sphīto dātā vāsudevasya bhaktaḥ .. mālavyasevī tu jaghanyanāmā khaṇḍendutulyaśravaṇaḥ susandhiḥ . śukreṇa sāraḥ piśunaḥ kaviśca rūkṣacchaviḥ sthūlakarāṅgulīkaḥ .. krūro dhanī sthūlamatiḥ pratītastāmracchaviḥ syāt parihāsaśīlaḥ . uro'ṃhrihasteṣvasiśaktipāśaparaśvadhāṅkaśca jaghanthanāmā (2) .. kubjo (3) nāmnāyaḥ sa śuddho hyadhastāt kṣīṇaḥ kiñcitpūrvakāye nataśca . haṃsāsevī nāstiko'rthairupeto vidvān śūraḥ sūcakaḥ syāt kṛtajñaḥ .. kalāsvabhijñaḥ kalahapriyaśca prabhūtabhṛtaḥ pramadājitaśca . sampūjya lokaṃ prajahātyakasmāt kubjo'yamuktaḥ satatodyataśca .. maṇḍalakanāmadheyo 4 rucakānucaro'bhicāravit kuśalaḥ . kṛtyāvaitālādiṣu karmasu vidyāsu cānurataḥ .. vṛddhākāraḥ khararūkṣamūrdhajaḥ śatrunāśane kuśalaḥ . dvijadevayajñayogaprasaktadhīḥ strījito matimān .. sāmīti (5) yaḥ so'tivirūpadehaḥ śaśānugāmī khalu durbhagaśca . dātā mahārambhasamāptakāryo guṇaiḥ śaśasyaiva bhavet samānaḥ vṛhatsaṃhitoktalakṣaṇādibhedapañcakāt .

antaḥpurika tri° antaḥpure niyuktaḥ ṭhak saṃjñāpūrbakavidheranityatvānnavṛddhiḥ . antaḥpurādhyakṣe kañcukyādau asmatprārthanāmantaḥpurikābhyo nivedayeti caṇḍakau° .

antaḥpuṣpa na° antargataṃ puṣpaṃ strīrajaḥ . dvādaśavarṣādūrdhamabhyantarajāte strīṇāṃ rajasi . varṣadvādaśakādūrdhvaṃ yadi puṣpaṃ vahirnahi . antaḥpuṣpaṃ bhavatyeva paṇasoḍumbarādivat . iti kāśyapasaṃhitā .

antaḥprakṛti strī antarvartinī prakṛtiḥ rājyāṅgam . rājñāṃ sannikṛṣṭaprakṛtau amātyādau . antaḥprakṛtikopanaṃ hi rājñāṃ mahadvyasanamiti nīti° .

antaḥprajña tri° antaḥsthā pratyaktattvaviṣayiṇī prajñā yasya . ātmānusandhānapare .

antaḥpraviṣṭa tri° antaḥkaraṇe, madhye vā praviṣṭaḥ . hṛdayagate, abhyantaragate ca . antaḥpraviṣṭakarṇapallavaprativimbeneti kāda° ..

antaḥśarīra na° antaḥ sthūladehamadhyasthaṃ śarīram . sthūladehamadhyavartini vedāntamatasiddhe sūkṣmaśarīre . tacca pañcaprāṇamanobuddhidaśendriyasamanvitam . apañcīkṛtabhūtotthaṃ sūkṣmāṅgaṃ bhogasādhana mityuktaṃ saptadaśāvayavaṃ bhogasādhanaṃ sūkṣmamaṅgam . śarīrasya madhye avyayī° . dehamadhye ityarthe avya° . antardehādayo'pyuktārthayoḥ . antareva dehaḥ . manorūpadehe na° .

antaḥśalya na° antaḥkaraṇasya śalyamiva pīḍakatvāt . manaso duḥkhadāyake .

antaḥsaṃjña tri° antaḥ abhyantaravartinī kathanāyogyatvāt aprakāśyā saṃjñā cetanā yasya . vṛkṣādau . te ca manunā darśitā yathā udbhijjā sthāvarāḥ sarve vījakāṇḍaprarohiṇaḥ . oṣadhyaḥ phalapākāntāḥ bahupuṣpaphalopagāḥ . apuṣpāḥ phalavantoye te vanaspatayaḥ smṛtāḥ . puṣpiṇaḥ phalinaścaiva vṛkṣāstūbhayataḥ smṛtāḥ . gucchagulmaṃ tu vividhaṃ tathaiva tṛṇajātaya, . vījakāṇḍaruhāṇyeva pratānāḥ vallya eva ca . tamasā bahurūpeṇa veṣṭitāḥ karmahetunā . antaḥsaṃjñābhavantyote sukhaduḥkhasamanvitā iti .

antaḥsattvā strī antarabhyantare garbhe sattvaṃ prāṇi sāro vā yasyāḥ yasya vā 6 ba° . garbhiṇyāṃ striyām . antaḥsāre tri° .

[Page 197b]
antaḥsukha tri° antarātmani tadanusandhāne eva sukhaṃ yasya . ātmānusandhānamātrasukhe vāhyasukhaśūnye . yo'ntaḥsukho'ntarārāma iti gītā .

antaḥsveda pu° antaḥsvedo madasyandanaṃ madajalaṃ yasya 6 ba° . madasrāviṇi hastini .

antaka pu° antayati antaṃ karoti anta + ṇic--ṇvul . mṛtyau vyājenāpi kṛtā rājan no darśayati sāntakamiti nāra° pu° . dehināṃ svasvakarmānusāreṇa vināśanāya īśvaraniyukte yamākhye devabhede ṛṣiprabhāvānmayi nāntakī'pi prabhuḥ prahartuṃ kimutānyahiṃsrā iti raghuḥ . vināśakamātre tri° krodhāndhastasya tasya svayamiha jagatāmantakasyāntako'hamiti veṇī° . parameśvare pu° tasya sarvabhūtānāṃ pralaye saṃhartṛtvāttathātvam, mahīdadhiśayo'ntaka iti viṣṇusaha° .

antakara tri° antaṃ nāśaṃ karoti kṛ--ṭa upa° sa° . nāśakārake . ahamantakaro nūnaṃ dhvāntasyeva divākara iti bhaṭṭiḥ . striyāṃ ṅīp .

antakaraṇa tri° antaṃ karoti nandyā° lyu . nāśakārake . dyūtaṃ samāhvayañcaiva rājā rāṣṭrādvivāsayet . rājyāntakaraṇāvetau dvau doṣau pṛthivīkṣitāmiti manuḥ . bhāve lyuṭ . nāśane na° .

antakarman na° antasya nāśasya paricchedasya vā karma utpādanam . nāśane . ṣo antakarmaṇi iti pā° dhātu° . syaternāśanārthatvāt sakarmakatvam tena rāghava! sya śarairghorairghoraṃ rāvaṇamāhave ityādau vāraṇasya karmatā syeti syaterlīṭo madhyamaikavacanāntarūpam . paricchedakaraṇe avāsāsīcca vaiyāsakīmityādi .

antakārin tri° antaṃ karoti kṛ--ṇini 6 ta° . antakārake vināśake . striyāṃ ṅīp . ṇvul . antaṃkārako'pyuktārthe tri° .

antakāla pu° 6 ta° . mṛtyukāle, sthitvā'syāmantakāle'pi brahma nirvāṇamṛcchatīti gītā .

antakṛt tri° antaṃ karoti kṛ--kvip 6 ta° . vināśake .

antaga tri° antaṃ gacchati gama--ḍa upa° sa° . kāryāntagāmini, niravaśeṣakāryakārake, pāragāmini, ca yatnena bhojayecchrāddhe bahvṛcaṃ vedapāragam . śākhāntagamathādhvaryaṃ chandogaṃ ca samāptikamiti manuḥ .

antacara tri° ante śeṣāvadhau carati cara--ṭa . kāryādiśeṣagāmini .

antatas avya° anta + sārvavibhaktikastasi . antena ante antādityādyarthe . tatra tṛtīyārthe . vaiśyo'dbhiḥ prāsitābhistu śūdraḥ spṛṣṭābhirantata iti manuḥ . śudhyeta strī ca śūdraścasakṛtspṛṣṭābhirantata iti yā° . saptamyarthe saha dyāvāpṛthivyośca tathā sviṣṭakṛte'ntata iti manuḥ . antataḥ upaspṛśya śuciriti gobhi° . antataḥ antāvacchede ityarthaḥ tāmantato'pakramyetyādau tu pañcamyarthe . apekṣāyāṃ, sambhāvanāyāñca . avayave, śāsane ca viśva° .

antama tri° antika + tamap tādeśceti vede tikaśabdalopaḥ . antikatame atyantunikaṭasthite . śikṣā antumasyeti ṛ° 1, 27, 5, tanū'pā antamo bhaveti ṛ° 6, 46, 10, . bhāṣyakṛtoktārthatayaiva vyākhyātam .

antapāla tri° pu° antaṃ samīpadeśaṃ dvāraṃ pālayati . dvāraprāle . sudyumnastvantapālebhyaḥ śrutvā likhitamāgatamiti bhā° śā° pa° .

antar avya° ama--aran tuḍāgamaśca . madhye, antaḥśāktā vahiḥśaivāḥ sabhāyāṃ vaiṣṇavā matā iti tantram . antarviśvāni bheṣajā ṛ° 1, 23, 20 apsvantaramṛtamapsu iti ṛ° 1, 23, 19, na śmaśruṇi gatānyāsyānna dantāntaradhiṣṭhitamiti manuḥ pratibalajaladheranturaurvāyamāṇa iti antarjvālāvalīḍheti ca veṇī° . sarvamadhyasthe parameśvare dehamadhyasthe jīve ca antaḥprajñaḥ antarjyotirityādi . citte antargatā madanavahniśikhāvalī yetyudbhaṭaḥ antargataṃ prāṇabhṛtāṃ hi vedeti raghuḥ . prāpte, svīkāre ca . asya ca madhyārthe'vyayībhāvaḥ . antarjaladhi anturgṛhamityatyādi avya° .

antara na° antaṃ rāti dadāti rā--ka . avakāśe, avadhau, paridhānāṃśuke antardhāne, bhede, parasparavailakṣyaṇyarūpe viśeṣe, tādarthye, chidre, ātmīye, vinārthe, vahirarthe, vyavadhāne, madhye, sadṛśe ca . āsanne tri° . kṛṣvāyujaścidantaram ṛ° 1, 10, 9, antaraṃ kṛṣva āsannaṃ kuru bhā° pāyurantaro niṣaṅgāya ṛ° 1, 31, 13, antaraḥ samīpavartīti bhā° na yatparo nāntara iti ṛ° 2, 41, 8, antaraḥ samīpavartīti bhā° nikaṭasthe yajñohīlo vo antara iti 8, 18, 19, antaraḥ antike vartamāna iti bhā° . antarayati dūrīkaroti antara--ṇic + ac . apasāraṇe . antargate tri° . hrado astvantaram ṛ° 7, 101, 5 anturamantargatamiti bhā° . vṛ° upa° antaryāmibrāhmaṇe antargate bahuśaḥ prayuktaḥ tacca (130) pṛṣṭhe dṛśyam . yo anturomitramaho vanuṣyāt ṛ° 6, 5, 4, antaraḥ abhyanturavartīti bhā° . purohito'ntaroyāsidūtyam ṛ° 1, 44, 12, antaraḥ devayajanamadhye vartamāna iti bhā° . avakāśe, mṛṇālasūtrānturamapyalabhyam kumā° . tatrāntare jaghnuramuṃ kaṭākṣaiḥ māghaḥ . madhye, dilīpasūnoḥ sa vṛhadbhujāntaramiti raghuḥ . āvayorantare jātāḥ parvatāḥ sarito drumā iti rāmā° . vyavadhāne girirvā vyavadhāyakaḥ . mahānadyantaraṃ yatra taddeśāntaramucyate vṛ° manuḥ . nirantarābhyantaravātavṛṣṭiṣu kumā° nirantaramavyavadhānam ityarthaḥ . ekānture ānulomyāditi manuḥ . bhede saiva viśinaṣṭi punaḥpradhānapuruṣāntaraṃ sūkṣmamiti sā° kā° . śarīrasya guṇānāñca dūramatyantamantaramiti hito° . yadantaraṃ sarṣapaśailarājayoryadantaraṃ vāyasavainateyayoriti rāmā° . vyasane . praharedantare ripum . vahiryoge antare ca purāt cāṇḍālāvāsā iti . upasaṃvyāne (uttarīyavastre,) antaraṃ paridadhāti . sadṛśe, sthāne'ntaratama iti pā° antaraśabdasya purībhinne eva viśeṣye sarvanāmakāryam sumedhasāmantarasmai iti si° kau0, mu° bo° . puryāntu na, antarāyai nagaryai . tatrāpi vahiryoge upasaṃvyāne eva sarvanāmatā . mayūravyaṃsāditvāt nañādeśāntaraśabdasya svajātīyabhinne vṛttiḥ śabdasvābhāvāt rājāntaraṃ rājasutāṃ nināyeti raghuḥ . anyo rājā mayū° rājāntaramiti mallinā° deśāntaramṛte patyau sādhvī tatpādukādvayamiti smṛtiḥ svameva mūrtyantaramaṣṭamūrtiriti artho'yamarthāntarabhāvya eva iti ca kumā° . antarasya bhāvaḥ brāhmā° ṣyañ . āntaryaṃsādṛśye na° yatrānekavidhamāntaryaṃ tatra sthānata āntaryaṃ balīya iti pari° si° kau° . antare bhavaḥ aṇ āntaraḥ tadbhave tri° . kaścana āntaro bhāva iti sā° da° . antaḥkaraṇamāntaramiti vedā° vyavakalane (viyojane) kuryād yathā sthānanakamantaraṃ veti līlā° .

antaragni pu° antarvartī agniḥ . jaṭharānale dīptāntaragniḥ pariśuddhakoṣṭha iti śāmyanti cāyaṃ ciramantaragneriti icchābhighātabhayaśokahate'ntaragnau iti ca suśrutam . agnermadhye avya° . agnimadhye avya° .

antaraṅga pu° antaraṃ sadṛśamaṅgaṃ yasya . atyantapriye, samīpago'ntaraṅgaḥpriyo bhavatīti chā° upa° bhā° . caramagirikuraṅgīśṛṅgakaṇḍūyanena svapiti sukhamidānīmantaraṅgaḥ kuraṅgaḥ iti . vahiraṅgaśāstrīyanimittasamudāyamadhye antabhūtāni aṅgāni nimittāni yasya . vyākaraṇokte paranityavahiraṅgabādhake naimittikakāryabhede, tadbodhakaśāstre ca . yathā grāmaṇinī kule ityādau iko'cīti pā° nityaprāpta numaṃ bādhitvā hrasvo napuṃsake iti pā° hrasvaḥ . pūrbaṃ kṛte tu numi ajantatvābhāvāt hrasvo na syāt . tataśca numrūpakāryaṃ pratyayasthājrūpaṃ nimittamapekṣateiti tadvahiraṅga, hrasvastu prakṛtimātrasāpekṣatvāt antaraṅga iti tasya vahiraṅganimittakakāryabādhakatve vījam . paranityāntaraṅgāpavādānāmuttarottaraṃ baloya iti asiddhaṃ vahiraṅgamantaraṅga iti ca pari° si° ko° . etanmūlikaiva vahiraṅgavidhibhyastu antaraṅgavidhirbalīti kārikā . antaḥ āsannamaṅgaṃ karma° . ārādupakārake na° yathā brahmasākṣātkāre śravaṇamanana nididhyāsanāni, saṃprajñātasamāghau ca dhāraṇādīni trīṇi antaraṅgāṇi . yamādayastu pañca vahiraṅgāṇi . tathā hi yamaniyamāsanaprāṇāyāmapratyāhāradhāraṇādhyānasamādhayaityaṣṭau saṃprajñātasamādheraṅgāni tatra yamādayaḥ vahiraṅgāṇi, pratibandhakasya cittakāyaprāṇendriyamalasya nivartanena paramparayā upakārakatvāt, dhāraṇādayastu saṃprajñātasamādheḥ samānaviṣayatayā sākṣātsvarūpopakārakatvādantaraṅgāṇīti ata eva dhāraṇāditrayamabhidhāya trayamantaraṅgaṃ pūrbebhya iti pāta° sūtre dhāraṇāditrayasyāntaraṅgatvamuktam . dhāraṇādisvarūpādi tattacchabde vakṣyate . asaṃprajñātasamādhau tu sarvāṇyeva vahiraṅkāṇi asamānaviṣayatvāditi bodhyam .

antaracakra na° antaraṃ madhyavarti cakram . tantrokteṣu dehasthasuṣumṇāmadhyastheṣu mūlādhārādiṣu ṣaṭsu padmākāracakreṣu . vivaraṇa ṣaṭcakraśabde dṛśyam . 6 ta° . ātmīyasamūhe na° .

antarajña tri° antaraṃ bhedaṃ viśeṣaṃ jānāti jñā--ka 6 ta° . viśeṣajñe nāntarajñāḥ śriyo jātu priyairāsāṃ na bhūyate iti kirā° .

antaraṇa na° antaraṃ vyavahitaṃ karoti antara + ṇic--bhāve lyuṭ . antaritakaraṇe vyavadhāpane, havirantaraṇe prāk pradhānejyāyā iti kātyā° 25, 5, 15, yadi nāma havirantaritaṃ na gṛhītameva, prāk pravānejyāyāḥ smṛtvā anvāharet hariṣo'ntaraṇaṃ bahūnāṃ madhye ekasyāgrahaṇamiti tadvyā° .

antaratama tri° atiśayena antaraḥ sadṛśaḥ, atyantasadṛśe sthāne'ntaratama iti pā° . sādṛśyañca tulyāsyaprayatnamiti pā° sūtropātta sthānādisāmyam, yathā kakā rādīnāṃ ṅakārādiṣu tulyasthānaprayatnavattvena sāmyam evaṃ sakārasya thakāre . ātmīyatame ca .

antaratas avya° saptamyarthe tasi . madhye ityādyarthe . tṛṇamantarataḥkṛtvā rāvaṇaṃ vākyamabravīt iti rāmā° .

antaradṛś pu° antare dṛg yasya . antarajñe paramātmānusandhā yini . antaraṃbhedaṃ paśyati dṛśa--kvip 6 ta° . vibhedajñe tri° .

antaradeśa pu° karma° . madhyadeśe tadvivaraṇaṃ madhyadeśaśabde dṛśyam

antarapu(pū)ruṣa pu° antaraḥ madhyavartī puruṣaḥ vā dīrghaḥ . antayāmini parameśvare . manyante ca pāpakṛto na kaścit paśyatīti naḥ . tāṃstu devāḥ prapaśyanti svasyaivāntarapūruṣa iti manuḥ .

antarapūjā strī 7 ta° tantrokte manaḥkalpitopacāreṇa pūjāyām tatprakārastu antaryāgaśabde vakṣyate .

antaraprabhava pu° antarebhyo bhinnavarṇamātṛpitṛbhyaḥ prabhavati pra + bhū--ac 5 ta° . saṅkīrṇavarṇe mūrdhāvasiktādau . antaraprabhavāśca dvividhāḥ anulomajāḥ, pratilomajāśca tatrotkṛṣṭavarṇāt apakṛṣṭavarṇāyāṃ striyāṃ jātāḥ mūrdhāvasiktādayaḥ anulomajāḥ, apakṛṣṭavarṇāt utkṛṣṭavarṇāyāṃ striyāṃ jātāḥ pratilomajāḥ sūtādayaḥ . bhagavan! sarvavarṇānāṃ yathāvadanupūrbaśaḥ . antaraprabhavānāñca dharmānno vaktumarhasīti manuḥ . eteṣāṃ bhinnavarṇajātatvāt antaranāmatvamapi manunā hi anulomajān pratilomajāṃśca uktvā tānantaranāmnastu mātṛdoṣāt pracakṣate ityuktam . adhikaṃ varṇasaṅkaraśabde vakṣyate .

antaraya pu° antarmadhye ayaḥ gamanam iṇ--ac . madhyagatau vyavadhāne . lyuḍantamapyatra na° . antaraṃ yāti yā--ka . dehamadhyasthacittagate tri° .

antaraśāyin pu° antare śete śī + ṇini . cittasthe jīve . tasya tatra prativimbarūpeṇa sthitatvāttathātvam .

antarastha pu° antare dehamadhye tiṣṭhati sthā--ka 7 ta° . dehamadhyasthacittasthe jīve .

antarā avya° antareti iṇ--ḍā . nikaṭe, madhye, vinārthe ca . tatra madhye antarā patite piṇḍe sandehe vā punarharediti yā° . antarā mṛtasūtake iti smṛtiḥ . paśumaṇḍūkamārjāraśvasarpanakulādibhiḥ antarā gamane, vidyādanadhyāyamaharniśamiti manuḥ . saumitrerniśitairvāṇairantarā śakalīkṛtā iti raghuḥ . akṣetre vījamutsṛṣṭamantaraiva vinaśyati iti manuḥ . dvayormadhye ansarāntareṇa yukte pā° ukteḥ etatsambandhipadāt dvitīyā . antarā tvāṃ māṃ haririti si° kau° . varjane nikaṭe ca mediniḥ .

antarātman pu° karma° . jīvātmani . tadapi na hariṇākṣīṃ vismaratyantarātmeti sā° da° .

antarāpatyā strī antare garbhamadhye'patyaṃ yasyāḥ . garbhavatyāṃ striyām .

antarāya tri° antaraṃ vyavadhānamayate aya--ac . vyavadhānakārake . asya te vāṇapātapathavartinaḥ kṛṣṇasārasyāntarāyau tapasvinau saṃvṛttau śaku° . vighne ca tvamantarāyo bhavasi cyuto vidhiriti raghuḥ . vairī na ced vepathurantarāya iti sā° da° samādhyantarā yāśca layādayaḥ vedāntasāre darśitāḥ yathā . asyāṅginonirvikalpakasya layavikṣepakaṣāyarasāsvādalakṣaṇāścatvārovighnāḥ sambhavanti . layastāvadakhaṇḍavastvanavalambanena cittavṛtternidrā . akhaṇḍavastvanavalambanena cittavṛtteranyāvalambanaṃ vikṣepaḥ . layavikṣepaṇābhāve'pi cittavṛtte rāgādivāsanayā stabdhīmāvādakhaṇḍavastvanavalambanaṃ kaṣāyaḥ . akhaṇḍavastvanavalambanenāpi cittavṛtteḥ savikalpānandāsvādanaṃ rasāsāsvādaḥ, samādhyārambhasamaye savikalpānandāsvādanaṃ vā . anena vighnacatuṣṭayena rahitaṃ cittaṃ nirvātadīpavadacalaṃ sadakhaṇḍacaitanyamātramavatiṣṭhate yadā, tadā nirvikalpakasamādhirityucyate . taduktam . laye saṃbovayet cittaṃ vikṣiptaṃ śamayetpunaḥ . sakaṣāyaṃ vijānīyāt śamaprāptaṃ na cālayet . nāsvādayedrasaṃ tatra niḥsaṅgaḥ prajñayā bhavet iti . yogaśāstroktāḥ pradhānapuruṣasākṣātkārāt prāmbhavāḥ prātibhādayaḥ siddhayaḥ vivekasākṣātkārasyopasargāparaparyāyā antarāyāḥ yathoktaṃ pātañjalasūtre tataḥ prātibhaśrāvaṇavedanādarśāsvādavārtā jāyante ityanena prātibhādisiddhīruktvā te samādhāvupasargā vyutthāne siddhaya iti ayamarthaḥ . yogajaśukladharmānugṛhītena manomātreṇa sarvagocarajñānaṃ prātibhasiddhiḥ . divyānāṃ śabdasparśarūparasagandhānāṃ grahaṇe yogajadharmānugṛhītāni śravaṇādīni yathākramaṃ samarthāni yadā bhavanti tadā śrāvaṇavedanādarśāsvādavārtākhyāḥ siddhayaḥ . tathā ca divyaśabdagrahaṇe yadā yoginaḥ śravaṇaṃ samarthaṃ bhavati tadā śrāvaṇamiti saṃjñā evaṃ divyasparśagrahaṇasamarthā tvak vedanāsaṃjñā, divyarūpagrahaṇe samarthaṃ netraṃ darśasaṃjñam . divyarasāsvāde samarthā rasanā āsvādasaṃjñā, divyagandhagrahaṇe samarthaṃ ghrāṇaṃ vārtāsaṃjñā . te prātibhādayaḥ niḥśreyasaphale samādhau tasya yoginaḥ vyutthānasamaye yogavirāmakāle jāyamānāḥ upasargā bhavanti . ato mokṣārthī tānupekṣeteti upadeśaprayojanam nahyātmasākṣātkāraṃ vinā siddhikoṭyāpi kṛtakṛtyatā bhavatīti .

antarārāma pu° antare sarvābhyantare'tisūkṣmatvāt ātmani āramate krīḍati ā + rama kartari ghañ . ātmābhirate . yo'ntaḥsukho'ntarārāma iti gītā .

antarāla na° antaraṃ vyavadhānasīmāmārāti gṛhṇāti ā + rāka rasya latvam . madhye abhyantare . tutoṣa paśyan vitṛṇāntarālā iti bhaṭṭiḥ . vadhūpraveśo'ṣṭidināntarāla iti muhū° diṅnāmānyantarāle pā° . saṅkīrṇavarṇe ca . varṇānāṃ sāntarālānāṃ sa sadācāra ucyate manuḥ . tadvartini tri° svārthe aṇi āntarālamapyatra na° .

antarāladik strī antarālā dik . diśo madhyāyāṃ vidiśi aiśānyādau koṇe .

antarāvedi(dī) strī antarā madhyasthā vediḥ vā ṅīp . gajayoryu vyamānayormadhyasthāyāṃ mṛṇmayavedyām . jayanśrīrantarāvedī mattavāraṇayoriva raghuḥ . antareti pṛthakpadamiti malli° . samūhe cāntarāvedyāmiti trikā° .

antarikṣa na° antaḥ svargapṛthivyormadhye īkṣyate īkṣa--karmaṇi ghañ, antaḥ ṛkṣāṇi asya vā pṛṣo° pakṣe hrasvaḥ ṛkārasya ritvaṃ vā . pakṣimeghasañcārayogye bhūlokasvargamadhyavartini ākāśapradeśe . pṛthivī hiṅkāro'ntarikṣaṃ prastāva iti chā° upa° . antarikṣagatāṃścaiva munīn devāṃśca iti manuḥ . tiryak cāntarikṣaṃ vyapohitamiti atha° . aditirdyauraditirantarikṣamiti ṛ° 1, 89, 10 . aditiradīṃnā akhaṇḍanīyā vā pṛthivī devamātā vā saiva dyaurdyotanaśīlo nākaḥ tataśca saivāntarikṣam antarā dyāvāpṛthivyormadhye īkṣyamāṇaṃ vyometi bhā° . viśvamāprā antarikṣamiti ṛ° 1, 52, 13 . antarikṣamantarikṣāntaṃ dyāvāpṛthivyormadhye vartamānamākāśaṃ viśvaṃ sarvamiti bhā° . divañca pṛthivīṃ cāntarikṣamatho svariti sandhyāmantraḥ . tataśca dyāvāpṛthivīmadhyasthākāśasyaiva bhuvarlokarūpasyāntarikṣatvam . sādayāmyantarikṣasya dhartrīmiti ya° 14, 5 . antarikṣasya bhuvarlokasya dhartrīmiti vedadīpaḥ . atra antarīkṣamapi . asyacāntarīkṣaniruktiḥ śrutau . yo'nvare nākāśa āsīdantarīkṣamabhavadīkṣaṃ hi tannāma tataḥ purāntarā vā idānīmīkṣamabhūditi tasmādantarīkṣamiti .

antarikṣaprā tri° antarikṣaṃ prāti pūrayati prā--pūraṇe vic . antarikṣapūrake antarikṣaprāṃ taviṣībhirāvṛtamiti ṛ° 1, 15, 2 . antarikṣaṃ dyulokaṃ svatejasā prāti prayatīti vic, bhā° .

antarikṣaprut tri° antarikṣaṃ pravate pruṅgatau kvip . antarikṣacare antarikṣaprudbhirapodakābhiriti ṛ° 1, 116, 3 .

antarikṣasad tri° antarikṣe sīdati sañcarati sada--gatau kvip . ākāśacāriṇi . haṃsaḥ śuciṣadvasusadantarikṣasaditi ṛ° 4, 40, 5 . antarikṣasada antarikṣasañcārīti bhā° .

antarikṣasadya tri° antarikṣe sadyam sadanaṃ sada--bhāve yat . arikṣasadane . upari sadyaṃ vā eṣa jayati yo jayatyantarikṣasadyamiti kau° brāhma° .

antarikṣya tri° antarikṣe bhavaḥ yat . antarikṣabhave . pavatāmantarikṣyā iti ṛ° 9, 36, 5 .

antarita tri° antar--iṇa--kartari kta 2 ta° . antargate antaraṃ vyavadhānaṃ karotīti ṇici karmaṇi kta . vyavaghānī gate, vyavadhāpite, tiraskṛte ācchādite, dvirephavṛndāntaritaiḥ saroruhairiti kirā° . apasārite, kuryāt yathāsthānakamantaraṃ veti līlāvatyāmantaraśabdasya viyojane prayogāt tatprakṛtikatayā viyojite ca .

antarindriya na° karma° . antaḥkaraṇe .

antarīkṣa na° antarikṣavatsarvam .

antarīkṣajala na° antarīkṣāt patitaṃjalam śā° ta° . divyodake ākāśātpatitajale

antarīpa pu° antarmadhye gatā āpo'sya ba° ac samā° ātaīttvam . dvīpabhede . dvīpasya hi jalamadhyasthatvāt antargatajalatvāttathātvam iyāṃstu bhedaḥ caturdikṣu jalasattve tasya antarīpatvam dvayordiśorjalasattve dvīpatvamityanayorbhedaḥ . kākākṣigolakanyāyāt dvīpo'striyāmantarīpamityatrāpi astriyāmityasya anvaya iti tenāyaṃ puṃstrī° iti kecit .

anta rīya na° antare bhavaṃ gahāditvāt cha . nābhau dhṛtañca yadvastramācchādayati jānunī . antarīyaṃ praśastaṃ tadacchinnamubhayāntayo rityevaṃlakṣaṇe paridhāne vastre . bhavādyarthe dhūmā° vuñ . āntarīyakaḥ tadbhave tri° .

[Page 201b]
antare avya° antareti iṇ--vic . madhye . ānande'thāntare'ntarā, antareṇa ca madhye syurityamaraḥ .

antareṇa avya° antareti iṇ--ṇa ṭavargāditve'pi ṇasya nettvam . vinārthe, madhyārthe ca . tatra vinārthe antareṇāñjaliṃ baddhvā lakṣmaṇasya prasādanamiti rāmāyaṇam . madhye antareṇa vai yoniṃ garbhaḥ sañcarati kau° brā° . antareṇāpāṃ guṇam iti smṛtiḥ . tatra vinārthe, dvitīyātṛtīye paryāyeṇa, śrīrneśena vinā śambhunāntareṇācyutaṃ sukhamiti mu° bo° . ubhayormadhye'rthe dvitīyā antareṇāhavanīyaṃ gārhapatyañceti kau° brā° .

antargaḍu tri° antarmadhye gaḍuriva nirarthakaḥ . grīvāpradeśe jātasya galamāṃsapiṇḍasya gaḍoryathā nirarthakatvam tadvannirarthake . kimanenāntargaḍuneti sarvadarśana saṃ° . antargaḍu nirarthakamiti mediniḥ .

antargata tri° antaḥantakaraṇe gataḥ . antaḥkaraṇasthe dehasthe ca antargataṃ prāṇabhṛtāṃ hi veda iti raghuḥ . yeṣāmantargataṃ pāpaṃ janānāṃ puṇyakarmaṇāmiti purā° antargatā madanavahniśikhāvalī yā sā bādhyate kimiha candanacarciteneti udbhaṭaḥ . abhyantarasthe ca antargataśave grāme vṛṣalasya ca sannidhāviti . netravaktravikāreṇa gṛhyate'ntargataṃ manaḥ iti ca manuḥ . antargataphalārambhāḥ śasyānāmiva sampadaḥ iti raghuḥ .

antargarbha tri° antarabhyantarastho garbho'sya . abhyantarasthagarbhayukte . kuśau samāvapraśīrṇāgrāvanantargarbhāviti kātyā° 2, 3, 31 . garbhasya madhyam avyayī° . garbhamadhye avya° .

antargarbhin tri° antarmadhye garbho'styasya ini . madhyasthagarbhayukte . anantargarbhiṇaṃ sāgraṃ kauśaṃ dvidalameva ceti pavitralakṣaṇe kātyāyana smṛtiḥ .

antargṛha na° antaḥsthaṃ gṛham . vārāṇasīsthe saptāvaraṇavati sthānaviśeṣe anyasthāne kṛtaṃ pāpaṃ vārāṇasyāṃ vinaśyati . vārāṇasyāṃ kṛtaṃ pāpaṃ pañcakrośyāṃ vinaśyati . pañcakrośyāṃ kṛtaṃ pāpamantargṛhe vinaśyati .. kāśīmā° antargehamapyatra anyatra yatkṛtaṃ pāpaṃ tatkāśyāṃ pariṇaśyati vārāṇasyāṃ kṛtaṃ pāpa mantargehe vinaśyati antargehe kṛtaṃ pāpaṃ paiśācyanarakāvahamiti devo virajasaḥ pīṭhādantargehaṃ viveśa heti ca kāśī° . madhyasthagṛhe ca . gṛhasya madhyam avyayī° gṛhasya madhye avya° .

antarghaṇa pu° antarhanyate kroḍībhavatyasmin antar + hana--ap ni° ghādeśaḥ ṇatvam . dvāramatikramya sthite sāvakāśe deśe tasminnantarghaṇe paśyan praghaṇe saudhasadmanaḥ iti bhaṭṭiḥ .

antarjaṭhara avya° jaṭharasya madhyam avyayī° . jaṭharasya madhye, upacārāt tatsthakoṣṭhe na° .

antarjāta tri° antardehamadhye jātaḥ . dehābhyantarajāte .

antarjānu avya° jānunormadhyam avyayī° . jānunormadhye antarjānu śucau deśa upaviṣṭa udaṅmukhaḥ . prāṅ vā brāhmeṇa tīrthena dvijo nityamupaspṛśediti yā° jānunormadhye hastau kṛtveti raghu° .

antarjyotis na° antargataṃ jyotiḥprakāśakatvāt caitanyam . sarvāntaryāmini parabrahmarūpacaitanye tasya sarvāntaryāmitvāttathātvam .

antarjvalana na° antaḥ dehāntarasya jvalanam . rogakṛte dehāntardāhe . antaḥstho jvalanaḥ . jaṭharānale pu° .

antardadhana na° antardadhyate ādhīyate mādakatā'nena dadhakaraṇe lyaṭ . kiṇuprabhṛtau madyavīje .

antardaśā strī antargatā daśā ādhipatyakālaḥ . jyotiṣokte mahādaśāntargate grahāṇāṃ svādhipatyayuktakālabhede . daśā ca nānāvidhā tāśca daśāśabde vakṣyante . tatrāṣṭottarīyadaśāyāmantardaśā'bhidhīyate vaṅge ca tasyā eva pracalitatvam . ṣaṭsūryasya daśā jñeyāḥ śaśinodaśa pañca ca . aṣṭāvaṅgārake jñeyā budhe saptadaśa smṛtāḥ . śanaiścare daśa proktā gurorekonaviṃśatiḥ . rāhordvādaśa varṣāṇi bhṛgorapyekaviṃśati rityupakramya satyācāryaḥ kṛttikāditraye sūryaḥ somo raudracatuṣṭaye . maghāditritaye bhaumo budho hastacatuṣṭaye .. anurādhātraye saurirguruḥpūrbācatuṣṭaye . dhaniṣṭhātritaye rāhuḥ śeṣe śukraḥprakīrtitaḥ .. sūryopaplavabhaumārkidaśātikaṣṭadā nṛṇām . gurujñacandraśukrāṇāṃ yathepsitaphalapradā .. antardaśājñānaṃ yathā . svadaśābhirdaśāṃ hatvā navabhirbhāgamāharet . labdhā māsāstu taccheṣaṃ pūrayitvā tu triṃśatā .. aṅkairhṛtvā dinaṃ labhyaṃ taccheṣe vaṣṭipūrite . navabhiśca hṛte labdhā jñeyā daṇḍāstadantare .. raveḥ ṣaḍvarṣamadhye tu vedā 4 māsā ravernijāḥ . candrasya daśa māsāśca digdinaṃ pañcamāsakāḥ . kujasya, jñasya rudrāstu māsā digdivasāḥ, śaneḥ . ṛtumāsādyu viṃśaśca gurorvarṣodyuviṃśatiḥ . rāhormāsāṣṭakaṃ jñeyaṃ bhṛgorvarṣastu māsakau evaṃ grahāṇāmanyeṣāmūhyāścaivāntarādayaḥ . yadgrahasyāntare yastu yatsaṃkhyakālamāptavān . tatsaṃkhyaṃ svāntare tasmai sa dadyāditi niścayaḥ . svāntare grahaṇe svāṃśaṃ svāṃśena pūrayet sadā iti jyo° ta° . viṃśottarīye tu . ācaṃ kurājīśabukeśupūrbā vahnyādito bhātkramaśastrivāram . mānaṃ rasāśānagadanticandrakalāṅkacandrādrirasādriviṃśā ityukteḥ kṛttikādikrameṇa ravyādīnāṃ trivāraṃ rasādimitā varṣā mahādaśā . yathā kṛttikāyāṃ jātau raveḥ ṣaṭvarṣāḥ, rohiṇyāṃ jātau candrasya 10 varṣāḥ, mṛge, kujasya 7 varṣāḥ, ārdrāyāṃ rāhoḥ 18 varṣāḥ, punarvasau jīvasya 16 varṣāḥ, puṣye jātau śaneḥ 19 varṣāḥ, aśleṣāyāṃ budhasya 17 varṣāḥ, maghāyāṃ ketoḥ 7 varṣāḥ, pūrbaphālmunyāṃ jātasya śukrasya 20 varṣāḥ, evamuttaraphālganyādiṣu navasu uttarāṣāḍhādiṣu navasu ca ravyādīnāṃ yathākramaṃ ṣaḍādivarṣāḥ . tadantardaśā tu svadaśābhirdaśāṃ hatvā vasubhirbhāgamāharediti viśeṣaḥ . tataśca ubhayordaśayoranupātenāntardaśāmānamunneyam yathā yadi 108 varṣaiḥ 6 varṣāḥ tadā 6 varṣaiḥ kimiti ityādikrameṇa trairāśikena tattanmānam evaṃ 120 varṣaiḥ yadi 6 varṣāḥ tadā 6 varṣaiḥ kimityādikrameṇa trairāśikena tattanmānasiddhiḥ . evaṃ yoginyādidaśāyāmapi antardaśāmānamunneyam .

antardaśāha avya° daśāhasya madhyam avyayī° . daśāhābhyantare antardaśāhe syātāñcet punarmaraṇajanmanī iti manuḥ daśāhapadaṃ svasvajātyuktāśaucadinaparamu .

antardahana na° antarabhyantare dahanam . rogakṛte dehābhyantaradāhe . antaḥsthaḥ dahanaḥ . jaṭharānale pu° .

antardāha pu° antarmadhye dāhaḥ . dehābhyarasantāpe .

antarduṣṭa tri° antaḥ antaḥkaraṇe duṣṭaḥ . duṣṭāntaḥkaraṇe .

antardvāra na° antargataṃ dvāram . gṛhamadhyasthe guptadvāre . jāladvāre kṣīrasvāmī (khiḍkī) dvāre śavaraḥ .

antardhā strī antar + dhā striyāṃ bhāve'ṅ . antardhāne tirodhāne antardhāmupayayurutpalāvalīṣu iti māghaḥ .

antardhāna na° antar + dhā--lyuṭ . tirodhāne dṛśyapadārthasya darśanāyogyasthāne sthitau, munyādīnāṃ śarīratyāge ca . antardhānaṃ gate rāmeiti rāmāyaṇam .

antardhi pu° antar + dhā--ki . ācchādane, vyavadhāne, antardhāne ca antardhau yenādarśanamicchati pā° .

antarnagara na° nagarasya madhyam avyayī° . nagaramadhye antaḥsthaṃ nagaram karma° . antaḥpure . daśānanāntarnagaraṃ dadarśeti rāmā° .

[Page 203a]
antarbhāva pu° antarmadhye bhāvaḥ praveśaḥ . madhyapraveśe samudāyamadhyapāte . ātmānamātmanā bibhradastoti vyavadiśyate antarbhāvācca tenāsau karmaṇā na sakarmaka iti harikā° svaviṣayakajñānaviṣayatve ca bhavati ca vahnimahnodhaviṣayatvādvahnervahnimadantarbhāvaḥ . antaḥsthobhāvaḥ . cittavṛttibhede .

antarbhāvanā strī antaḥsthā vyañjakaceṣṭākārādirahitā bhāvanā . vyañjakaceṣṭādiśūnye cintane .

antarbhāvita tri° antar + bhū--ṇic--kta . madhyapraveśite samudāyāntarbhūtīkṛte . antarbhāvitasattvaṃ cet kāraṇaṃ tadasattvataḥ . nāntarbhāvitasattvaṃ cet kāraṇaṃ tadasattvata iti khaṇḍanakhaṇḍakhādyam . avyavahitapūrbavartitayā kāraṇasya yat sattvasurarīkriyate tasya sattvamasti na vā tasya sattvasvīkāre punastatsattvasya sattvasvīkāre'navasthāpātaḥ tataśca uttaratra ekasya sattvamanaṅgīkṛtyaiva anavasthā vāraṇīyā tathāca kāraṇasattve'pi kutaḥ tathā nāṅgīkriyate . evaṃ ca vināpi sattvaṃ, tadaṅgīkṛtya kāraṇatāsvīkāre na ko'pi doṣo'sti iti tadāśayaḥ .

antarbhūta tri° antarmadhye bhūtaḥ bhū + kta . madhyasthite, antargate ca . kālabhāvādhvadeśānāmantarbhūtakriyāntaraiḥ . sarvairakarmakairyoge karmatvamupajāyate iti harikā° eṣa vai bhagavān viṣṇurantarbhūtaḥ sanātana iti purā° .

antarmanas tri° antargataṃ vāhyavyāpāraśūnyatayā antareva sthitaṃ mano yasya . vyākulacitte, samāhitamanaske ca . duḥkhitasya hi vāhyetaditaravyāpāraśūnyatayā tatpratī kāracintanāyāntareva manasaḥ sthitatvāt tathātvam samādhisthasya tu vāhyaviṣayaparihāreṇa dhyeyātmamātragīcaramanaskatayā tathātvamiti bhedaḥ .

antarmukha tri° antaḥparamātmā mukhaṃ praveśadvāraṃ yasya . vāhyavastuparihāreṇa paramātmaviṣayakatayā praveśayukte cittādau . antarabhyantare mukhaṃ yasya . suśrutokte vraṇasrāvaṇasādhane śastra bhede na° . sūcīkuśapatrācīmukhaśarārīmukhāntarmusvatrikūrcakāni visrāvaṇe iti suśrutam . antaḥkaraṇaṃ avidyāvṛttirūpaṃ dvāraṃ sukhānubhave yasya . svarūpasukhānubhavahetunā avidyāvṛttirūpāntaḥkaraṇena suṣuptau ānandānubhavakārake prājñākhye jīvabhede ānandabhuk cetomukhaḥ prājñaḥ iti śrutau prājñasya ānandabhoge cetomusvatvoktyā tathātvam . mukhasya madhyam avyayī° . mukhasya madhye ityarthe avya° .

antarmātṛkā strī antaḥsthā ṣaṭcakrasthā mātṛkā akārādivarṇāḥ . tantrokteṣu ṣaṭpadmastheṣu akārādiṣu varṇeṣu . te ca varṇā antarmātṛkānyāsaśabde'nupadaṃ vakṣyante .

antarmātṛkānyāsa pu° antaḥsthāyā mātṛkāyā nyāsaḥ uccāraṇapūrbakaṃ tattatsthāneṣu nyāsaḥ . antasthamātṛkāvarṇānāṃ smaraṇapūrbakaṃ tattatsthāneṣu nyāse . yathā nyāso'yamāntara ityupakramya dvyaṣṭapatrāmbuje kaṇṭhe svarān ṣoḍaśa vinyaset . dvādaśacchadahṛtpadme kādīn dvādaśa vinyaset . daśapatrāmbuje nābhau ḍakārādīnnyaseddaśa . ṣaṭpatramadhye liṅgasthe bakārādīnnyasecca ṣaṭa . ādhāre caturovarṇān nyasedvādīn caturdale . hakṣau bhrūmadhyage padme dvidale vinyaset priye! . tanmadhye paravinduñca sṛṣṭisthitilayātmakam . evaṃ samāhitamanā dhyāyennyāsoyamāntaraḥ iti tantrasāraḥ .

antarmṛta pu° strī antargarbhāśaye mṛtaḥ . garbhāśaye mṛte bālakādau bhavatyucchāsapūtiñca śūlaṃ cāntarmṛte śiśau iti suśrutam .

antarya tri° antare bhavaḥ digā° ya . madhyabhave .

antaryāga pu° antarantaḥkaraṇena manasā kalpitopacārairyāgaḥ pūjā homaśca . tantrokte mānasopacāraiḥ pūjane, homabhede ca . arcayan viṣayaiḥ puṣpaistatkṣaṇāt tanmayo bhavet . nyāsaistanmayatābuddhiḥ sohaṃbhāvena pūjayet . tanmayeti tadekatvajñānaṃ sohamiti, mantrākṣarāṇi tacchaktau protāni paribhāvayet . tāmeva paramavyomni paramānandavṛṃhite . darśayatyātmasadbhāvaṃ pūjā homādibhirvineti . viṣayapuṣpāṇi yathā . amāyāmanahaṅkāramarāgamagadaṃ tathā . amohakamadambhañca anindā'kṣobhakau tathā . amātsaryamalobhañca daśapuṣpaṃ vidurbudhāḥ . ahiṃsā paramaṃ puṣpaṃ puṣpamindriyanigrahaḥ . dayā puṣpaṃkṣamā puṣpaṃ jñānaṃ puṣpañca pañcamam . ityaṣṭasaptabhiḥ 15 puṣpaiḥ pūjayet paradevatām . atha homaḥ . ātmānamaparicchinnaṃ vibhāvyātmānamantarā paramātmajñānamekasvarūpaṃ saṃvibhāvya ca . caturasraṃ tu citkuṇḍamānandamekhalāyutam . ardhamātrākṛtiryonistayā caiva vibhūṣitam . nābhau dhyātvā tanmayasthajñānāgnau juhuyāt yathā . mūlānte nābhicaitanyarūpāgnau haviṣā srucā . jñānapradīpite nityamakṣavṛttīrjuhomyaham . (svāhā iti prathamāhutiḥ, mūlānte) gharmādharmahavirdīpte ātmāgnau manasā srucā . suṣumṇāvartmanā nityamakṣavṛttīrjuhīmmaham . (svāheti dvitīyāhutiḥ, mūlānte) prakāśākāśahastābhyāṃ avalambanmanaḥsrucā . dharmādharmakalāsnehapūrṇamagnaujuhomyaham . (svāheti tṛtīyāhutiṃ juhuyāt . tato mūlānte) . antarnirantaranirindhanaedhamāne māyāndhakāraparipanthini saṃvidagnau . kasmiṃścidadbhutamarīcivikāśamūmau viśvaṃ juhomi vasughādiśivāsanāntam . ityantaryajanaṃ kṛtvā sākṣādbrahmamayo bhavet . na tasya pāpapuṇyāni jīvanmuktobhaveddhruvam . ayamantaryāgojñānināmeva . athāntaḥpañcamakārayajanaprakāraḥ .. taduktaṃ kulārṇave antaryajane . surā śaktiḥ śivomāṃsaṃ tadbhoktā bhairavaḥsvayam . tayoraikyasamutpanne ānandomokṣa ucyate . ānandaṃ brahmaṇorūpaṃ tacca havye vyavasthitam . tasyābhivyañjakaṃ dravyaṃ yīgibhistena pīyate . liṅgatrayaviśeṣajñaḥ ṣaṭcakrapadmabhedataḥ . pīṭhasthānāni cāgamya mahā padmavanaṃ vrajet . āmūlādhāramābrahmarandhaṃ gatvā punaḥ punaḥ . ciccandrakuṇḍalīśaktisāmaramyamahodayaḥ . vyomapaṅkajaniṣyandasudhāpānarato naraḥ . madhupānamidaṃ devi! cetaranmadyapānakam . puṇyāpuṇyaṃ paśuṃ hatvā jñānakhaḍgena yogavit . pare layaṃ nayeccittaṃ palāśīti nigadyate . mānasādindriyagaṇaṃ saṃyamyātmani yojayet . māṃsāśī sa bhaveddevi! itare prāṇighātakāḥ . śivaśaktyātmamithunasaṃyogānandanirbharāḥ . muktāste saithunaṃ tatsyāditare strīniṣevakāḥ iti ta° sā° antaḥpūjāṃ vidhāyaiva vāhyapūjāṃ samācarediti tantram .

antaryāma pu° antaryāmo yasmāt . graharūpe sāmāparākhye pātrabhede . triṣṭubhaḥ svāraṃ svārādantaryāmaḥ antaryāmāt pañcadaśa iti yaju° 13, 55 svārāt sābhno'ntaryāmaṃ grahaṃ niramimīteti śruteriti vedadīpaḥ . tacca yajñiyaṃ pātrabhedaḥ . suhavā sūryāyāntaryāmamanumantrayediti śrutiḥ unnetuḥ pātrayojanamityupakramya kharottarapūrbārdhe upāṃśvantaryāmayoḥ kātyā° 9, 1, 2, kharasya uttarapūrbārdheīśānakoṇe, upāṃśvantaryāmayoḥ pātrayo ryojayati sādayatīti vā tadvyā° .

antaryāmin pu° antarmadhye'nupraviśya yamayati svasvakarmaṇi indriyādīni jīvaṃ vā vyāpārayati yama + ṇic--ṇini . antarāviśya bhūtāni yo bibhartyātmaketubhiḥ . antaryāmīśvaraḥ tākṣāt bhave dityukte īśvare antareṣa yamayatītyādi vṛhadāraṇyakāntaryāmibrāhmaṇoktestasya tathātvam . ātmaketubhiḥ nijavyāpāraiḥ prāṇādivṛttibhirityarthaḥ . vāyau ca tasya sarvaprāṇiṣu adhyātmavāyurūpeṇa sthitatvāttathātvam . antargatavastujñātari tri° .

antaryāmivrāhmaṇa na° antaryāmina īśvarasya jñāpakam brāhmaṇaṃ mantretaravedabhāgaḥ . vṛhadāṇyakāntargate antaryāminaḥ īśvarasya jñāpake brāhmaṇe . tacca 130 pṛṣṭe darśitam .

antarloma na° antargatamācchādyaṃ loma ac samā° . ācchādye lomni .

antarvaṃśika tri° antarvaṃśe rājñāmābhyantaragṛhe niyuktaḥ niyuktārthe ṭhak saṃjñāpūrbakavidheranityatvānna vṛddhiḥ, antarvaṃśaḥ niyojyatayā'styasya ṭhan vā . rājñāmantaḥpure rakṣaṇārthaṃ niyukte kubjavāmanādau .

antarvaṇa avya° vanasya madhyam ṇatvam . vanasadhye ityarthe .

antarvatnī antarastyasya garbha iti vākye antarvatpativatornugiti pā° antaḥśabdasyādhikaraṇaśaktipradhānatayā'stisāmānādhikaraṇyābhāvāt aprāptau matup adupapatve masya vaḥ nuk ca . garbhavatyām striyām . tasyāmevāsya yāminyāmantarvatnī prajāvatī sutāvasūta sampannāviti raghuḥ . antaḥśabdasya tatsthalakṣaṇayā astyarthe matup masya vaḥ . antaḥsthapadārthavati tri° . pumānantarvāṃ sthaviraḥ payasvāniti atha° 9, 4, 3, .

antarvami pu° antaḥsthita eva vāṇayati udgāraśabdaṃ kārayati vaṇa--śabde in ṇasya matvam . (ḍhekura) itikhyātasyodgāraśabdasya kārake ajīrṇanāmake rogabhede .

antarvartin tri° antaḥ madhye vartate vṛta--ṇini . madhyavartini . antarvartinīṃ vibhaktimāśrityeti si° kau° .

antarvā tri° antaḥ antaraṅgabhāvam antaḥkaraṇaṃvā vāti gacchati snigdhatvena vā--gatigandhanayoḥ vic . putrapaśvādiṣu .

antarvāṇi tri° antargatā antaḥkaraṇe sthitā śāstravākyātmikā vāṇī yasya ba° samāsāntavidheranityatvānna kap hrasvaśca . bahuśāstravākyābhijñe paṇḍite .

antarvāvat tri° antarvāḥ putrādirastyasmin matup masya vaḥ . putrādimati antarvāvat kṣayaṃ dadhe iti ṛ° 1, 40, 7, antarvāvat antaḥsthitaputrādimattvāt bahuguṇopetaṃ kṣayaṃ gṛhamiti bhā° .

antarvāṣpa tri° antargataṃ vāṣpam . vāhyāprakāśite kaṇṭhapathāprāpte rodanajanyajalakaṇe . ba° . tadyuktapadārthe tri° . antarvāṣpavilocane iti .

antarvigāha pu° antarbhūtvā vigāhaḥ . madhyapraveśaṃ . lyuṭ . antarvigāhanamapyatra na° hema° .

antarvedi pu° antargatā vediryatra deśe . brahmāvartadeśe, sa ca deśaḥ ā prayāgāt harirdvāraparyanto gaṅgāyamunayormadhyadeśaḥ . vedyā madhyam avyayī° . vedimadhye avya° . śrapaṇasya paścādupaviśatyantarvedi vā kātyā° 2, 5, 11, antarvedi vedyāḥ kariṣyamāṇāyāḥ pradeśo lakṣyate tasya deśasyābhyantare upaviśatīti tadvyā° anyadantarvedi kātyā° 13, 3, 3 . antarvedi vihitaṃ karnma ṭhan . antarvedikam antarvedivihite iṣṭyādau karmaṇi nityamaiṣṭikapaurtikamiti manubacane aiṣṭikamantarvedikamiti kūllū° .

antarvedī strī pṛthivyā madhyasthitatvādantarvedīva . haridvārāvadhiprayāgaparyante śaśasthalīti brahmāvarta iti ca khyāte deśe

antarveśika tri° antarveśe antaḥpure niyuktaḥ ṭhak saṃjñā pūrbakavidheranityatvāt na vṛddhiḥ . antaḥpurarakṣaṇāya niyukte kañcukyādau . antarveśmikādayo'pyatra .

antarhatya avya° antar + hana--lyap . madhye hatvetyarthe antaraparigrahe pā° aparigraha evāsya gatitvena samāsaḥ parigrahe tu na, antarhatvā gataḥ hataṃ parigṛhyeti si° kau° .

antarhāsa pu° antaraprakāśo hāsaḥ . gūḍhahāsye, 6 ta° . tadvati tri° .

antarhita tri° antar + dhā--kta . gupte, tirohite ca . antarhitaṇyartha iti si° kau° .

antavat tri° anto nāśaḥ paricchedo vā'sya matup masya vaḥ . avaśyanaśvare antavanta ime dehā nityasyoktāḥ śarīriṇa iti gītā . paricchedayukte sīmāvati ca . sa haitānantavata upāste'ntavataḥ sa lokān jayatīti vṛ° u° . antavataḥ paricchinnāniti bhā° . striyāṃ ṅīp .

anta(nte)vāsin pu° ante samīpe vastuṃ śīlamasya vasa--ṇini saptamyā vā aluk . śiṣye . striyāṃ ṅīp . samīpasthite tri° .

antavelā strī antasthā velā'vadhiḥ kālo vā 6 ta° . śeṣasīmāyām, nāśasamaye ca .

antaśayyā strī śayanaṃ śayyā śīṅ--bhāve kyap antasya nāśārthaṃ śayyā caturthyarthe 6 ta° . maraṇārthaṃ bhūmiśayyāyām, taddhetutvāt śmaśāne ca . anta eva śayyā nirvyāpāratvasādṛśyāt karma° . maraṇe .

antasad pu° ante nikaṭe sīdati sada--kvip . antevāsini śiṣye . tamupāsate gurumivāntasada iti kirā° . samīpage tri° .

antassalila na° antaraprakāśaṃ salilam . bhūmimadhyasthe jale gaṅgāyā antassalilavāhitvānna doṣa iti raghu° . satvābhāvapakṣe antaḥsalilamapyatra . antargataṃ salilaṃ yasyāḥ . aprakāśitajalāyāṃ sarakhatīnadyāṃ strī . salilasya madhyam avyayī° . jalamadhye avya° . antaḥsalilamavagāheteti smṛtiḥ .

antastāpa pu° antaḥsthitaḥ tāpaḥ . cittatāpe, dehamadhyatāpe ca .

anta(nte)sthā pu° antaḥ sparśoṣmaṇorvarṇayormadhye tiṣṭhatīti sthākvip . yaralavākhyeṣu varṇeṣu te hi kādimāvamānasparśānāṃ śaṣasaharūpoṣyaṇaścamadhyasthāḥ . vā visargalope'ntasthā api . hakāraṃ pañcamairyuktamantasthābhiśca saṃyutam . aurasyaṃ taṃ vijānīyāt kaṇṭhyamāhurasaṃyutamiti pā° śi° . sthā--ka . antaḥstho'pyatra madhyasthitamātre tri° . bhavādau gahā° cha . antaḥsthīyaḥ madhyasthabhave tri° .

antādi tri° ādiśca antaśca dva° rāja° vā paranipātaḥ . ādyantayoḥ . antādivacceti pā° .

antānala pu° antasya pralayasyānalovahniḥ . pralayānale, antyeṣṭikarmāṅgavahnau ca .

antāra pu° antaṃ vanaparyantadeśamṛcchati ṛ--aṇ upa° . aghiṣṭhātāramantāraṃ paśūnāṃ puruṣaṃ viduriti bhāratokte paśupālake .

antāvaśāyin pu° ante paryantadeśe'vaśete ava + śī--ṇini . cāṇḍālādau tasya grāmāntasthatvāttathātvam .

antāvasāyin pu° nakhakeśānāmantamavasātuṃ chettuṃ śīlamasya ava + so--ṇini yuk ca . nāpite . ante vṛddhe vayasi avasyati niścinoti tattvam . munibhede . antāya svatoṣārthaṃ jantunāśāya avasyati . prāṇihiṃsake cāṇḍālādau .

anti (kā) strī antyate saṃbadhyate anta--i . naṭābhinayanakāle taduktau jyeṣṭhabhaginyām . svārtheke ṭāpi antiketyapi . sāmīpyārthe avya° mugdhaprabhītavadupeyaturanti mātroriti bhāga° yo no agne'bhidāsatyanti dūre padīṣṭa sa iti ṛ° 1, 79, 11, anti antike bhā° . nahī nu vo maruto antyasme ṛ° 1, 167, 9 . asya sāmīpyārthatvāt padāntareṇa avyayībhāve . tattadarthasāmīpye vṛṣaṇāvantidevagiti ṛ° 1, 180, 7 .

antika tri° antyate saṃbadhyate sāmīpyena, anta--ghañ sosyāstīti matvarthīyaḥ ṭhan . sāmīpyavati . viprāntike pitṝn dhyāyanniti śanaiḥ piṇḍāntike punariti vaseyuśca gṛhāntike iti ca manuḥ . tāmantikanthastabalipradīpāmiti raghuḥ . svārthe ṭhani sāmīpye na° . cūllyāma na° . oṣadhibhede strī . antaṃ śeṣasīmāṃ vyāpnoti anta + kan . paryantavyāpake tri° . keśāntiko brāhmaṇasya daṇḍaḥ kāryaḥ pramāṇataḥ . lalāṭasasmito rājñaḥ syāttu nāsāntiko viśa iti ṣaṭtriṃśadābdikaṃ caryaṃ gurau traivedikaṃ vratam . tadardhikaṃ pādikaṃ vā grahaṇāntikameva veti ca manuḥ . janānte syājjanāntikamiti sā° da° .

antikatama tri° atiśayenāntikaḥ atiśāyane tamap . atyāsanne vede tu tādeśceti tikalope antamo'pyuktārthe .

antikāśraya pu° antikaṃ samīpam āśrayate ā + śrī--ac . nikaṭasthe, avalambanasthāne ca .

antitas avya° antika + tasil kalopaḥ antiśabdādvā tasil . antike ityarthe nakiṣṭaṃ ghnantyantitonadūrāditi ṛ° 2, 27, 13, antitaḥ antikāditi bhā° .

antima tri° ante bhavaḥ anta + ḍimac . antabhave, carame ca . ajātamṛtamūrkhānāṃ varamādyau nacāntimaḥ . sakṛddoṣakarāvādyāvantimaśca pade pade hito° .

antivāma tri° anti antike vāmaṃ vananīyaṃ dhanamasya . nikaṭasthadhane antivāmā dūre iti ṛ° 7, 77, 4 . anti asmadantike vāmaṃ dhanaṃ yasyāḥ sāntivāmeti bhā° .

antevasat pu° ante nikaṭe bidyāgrahaṇāya vasati vasa--śatṛ 7 ta° aluksamā° . śiṣye anteśabdasya pṛthaksthitāvapi tatsabhabhivyāhāramātreṇa tadarthatā . basannivānte vinayena jiṣṇuḥ kirā° .

antevāsin pu° ante nikaṭe vidyāgrahaṇāya vasati vasaṇini 7 ta° aluksamā° . śiṣye yājyāntevāsinorvāpi na tvanyata iti sthitiriti manuḥ kalāpivaiśampāyanāntevāsibhyaśceti ācāryopasarjanāntaścāntevāsīti ca pā° . vāmadevāntevāsī tadāśramavāsīti daśaku° . grāmāderantevāsini cāṇḍālādau tri° .

antodātta na° ante udāttaḥ svaro yasya . antodāttasvarayukte pade pathimathoḥ sarvanāmasthāne pā° sūtre sarvanāmasthāne kim? jyotiṣmataḥ patho rakṣeti udāttanivṛttisvareṇāntodāttaṃ padamiti si° kau° . ante antā vayave udāttaḥ . yādṛśasamudāyasya anta udāttaḥ tādṛśe samudāye karṣātvato ghaño'nta udātta ityadhikāre vihite antodāttasvare, kārṣaḥpāka ityādi . dhātoḥ pā° antodāttaḥ . gopāyatanna iti si° kau° . phiṣo'nta udātta ityadhikāre śāntanavācāryapraṇītasūtraiḥ prātipadikasyānta udāttaḥ . tāni ca sūtrāṇi si° kau° uttarārdhe 551, pṛṣṭhādau upāttāni . tādṛśasūtrotpāttānāṃ prātipādikānāmantodāttatā bodhyā .

antya tri° ante paryante vasatīti anta + yat . cāṇḍāle . antyādapi varaṃ dharmaṃ strīratnaṃ duṣkulādapīti manuḥ antyaścaṇḍāla iti kullū° . bhlecche, caṇḍāṃlāntyastriyo gatvā bhuktvā ca pratigṛhya ca patatyajñānato vipro jñānāt sāmyaṃ tu gacchati narkṣavṛkṣanadīnābhnīṃ nāntyaparvatanāmikāmiti nāntyo na vikalendriya iti ca manuḥ . antyaścaṇḍālādiriti nakṣatravṛkṣanadīmlecchaparvatanāmikāmiti ca kullū° . mlecchānāṃ sarvāpakarṣāntabhavatvāttathātvam . avasānabhave, jāyāyai pūrvamāriṇyai dattvāgnīnantyakarmaṇīti manuḥ nānāvījeṣvantya eva sāmarthyāt kātyā° 2, 4, 10, asahyapīḍaṃ bhagavan! ṛṇamantyamavehi me iti visasarjatadantyamaṇḍanamiti ca raghuḥ kriyatāṃ kathamantyamaṇḍanamiti kumā° . avasānañca daiśikaṃ kālikañca uktodāharaṇe yathāyathaṃ bodhyam antāya paricchedāya hitaḥ yat . paricchedakārake vaiśiṣikokte viśeṣapadārthe antyo nityadravyavṛttirviśeṣaḥ parikīrtita iti bhāṣā° pralaye paramāṇūnāṃ gaganādīnāñca anyasya viśeṣakārakasyābhāvāt viśeṣasyaiva paricchedakaratvamiti tasyāntyatvam . sustāyām strī . antime vastuni tri° . yathā nakṣatrāṇāṃ madhye revatī, rāśīnāṃ madhye mīnaḥ, varṇānāṃ madhye hakāra ityādi . saṃkhyābhede na° jaladhiścāntyaṃ madhyaṃ parārdhamiti daśaguṇottarā saṃkhye ti bhāskṛrācāryokte parārdhaśatabhāge . gaṇitaśāstrokte sarvasya vāmasthitāṅke sthāpyo'ntyavargo dviguṇāntyanighna iti līlā° . lagnāvaghidvādaśarāśau pu° ṣaṣṭhe'ṣṭame'ntye bhuvicenthiheśa iti nīla° tā° . trikoṇāṣṭakayūkāntyagrahāyadvat phalaṃ tathā iti jyoti° . antebhavaḥ digā° yat . siddhāntaśiromaṇyuktāyāṃ carajīvayā yutonāyāṃ trijyāyām strī . yathā kṣitijyayaivaṃ dyuguṇaśca sā hṛtiścarajyayaivaṃ triguṇo'pi sāntyakā . dyujyaiva kṣitijyayottaragole yutā, yāmye rahitā hṛtirbhavati . evaṃ trijyā carajīvayā yutonāntyā syāt . atropapattiḥ . atra gole'horātravṛttakṣitijasaṃpātayorbaddha yat tadudayāstasūtram . evamunmaṇḍalasaṃpātayorbaddhaṃ tadahorātravṛttavyāsasūtram . tadudayāstasūtrayorantaraṃ sarvatra kujyā . atha yāmyottaravṛttasaṃpātayorbaddhaṃ tat tanmitaṃ tasya vyāsasūtram . tayorvyāsasūtrayoryaḥ saṃpātastasmāduparitanaṃ khaṇḍaṃ dyujyā . so'ttaragole'dhaḥsthayā kujyayā yutā yāvat kriyate tāvaddinārdhorkodayāstasūtrayorantaraṃ syāt . dakṣiṇe tu kujyayā hīnā . yatastatrodayāstasūtrādadhaḥ kujyā . yadarkodayāstasūtrayorantaraṃ sā ca hṛtirucyate . evamantyāpi . atrāhorātravṛttavyāsārdhaṃ trijyātulyairaṅkairaṅkyate tāvat trijyātulyaṃ bhavati . tairaṅkairyāvat kujyā gaṇyate tāvaccarajyātulyā bhavati . atha carajyayā trijyā yutonā'ntyāsaṃjñā bhavati . nahyantyāhṛtyoḥ kṣetrasaṃsthānabhedaḥ . kintvaṅkānāṃ gurulaghutvāt kevalaṃ sakhyākṛto bheda ityupapannam pramitā° .

antyakamman na° ante nāśe bhavaṃ karma . antyeṣṭikriyāyām . jāyāyai pūrvamāriṇyai dattvāgnīnantyakarbhaṇi vrātyānāṃ yājanaṃ kṛtvā pareṣāmantyakarma ca abhicāramahīṃnañca tribhiḥ kṛcchrairvyapohati iti jātakarmāntyakarmāṇi navaśrāddhaṃ tathaiva ceti ca manuḥ . tamenaṃ mṛtamito'smādgrāmāt agnaye iti chā° upa° agnaye'gnyarthamṛtvijoharanti puttrā vāntyakarmaṇi iti chā° upa° bhā° .

antyaja pu° strī° antyaḥ san jāyate jana--ḍa . śūdre tastha varṇamadhye śeṣabhavatvāttathātvam . yena kenacidaṅgena hiṃsyāccecchreṣṭhamantyaja iti manuḥ . antyajaḥ śūdraḥ iti kullū° . śeṣajātamātre tri° . antyaścāṇḍāla iva jāyate janaḍa . rajakādiṣu saptaṣu jātiṣu pu° strī° rajakaścarmakāraśca naṭo varuḍa ca . kaivartamedabhillāśca saptaite antyajāḥ smṛtāḥ atrisaṃhitā . na śūdrarājye nivasedityadhikṛtya nopasṛṣṭe'ntyajairnṛbhiriti sahasraṃ tvantyajastriyāmiti ca manuḥ .

antyajanman pu° strī° antyaṃ janma yasya . śūdre, pratigrahastu kriyate śūdrādapyantyajanmana iti manuḥ . śeṣajātamātre tri° .

antyajāti pu° strī° antyā jātiryasya . śūdre . śarīrajaiḥ karmadoṣairyāti sthāvaratāṃ naraḥ . vācikaiḥ pakṣimṛgatāṃ mānasairantyajātitāmiti manuḥ . caṇḍālādau ca . antyajātiravijñāto niveśaścāsya veśmanīti āpa° .

antyabha na° karma° . mīnarāśau, revatīnakṣatre ca tayīḥ rāśi cakrasyānte sthitatvāttathātvam .

antyayoni pu° strī° antyā yonirutpattiryasya . śūdre, caṇḍālādau ca śūdrāśca santaḥ śūdrāṇāmantyānāmantyayonaya iti manuḥ .

[Page 207b]
antyavarṇa pu° strī° karma° . śūdre . padavākyāderavasānasthitākṣare pu° .

antyānuprāsa pu° karma° . śabdālaṅkārarūpe anuprāsabhede (178) pṛṣṭhe'sya vivaraṇam .

antyāvasāyin pu° strī° niṣādastrī tu caṇḍālāt puttramantyāvasāyinam . śmaśānagocaraṃ sūte iti manūkte niṣādastriyāṃ caṇḍālajāte (muradāpharāsa) iti khyāte saṅkīrṇavarṇe striyāṃ ṅīp . caṇḍālaḥ śvapacaḥkṣattā sūto vaidehakastathā . māgaghāyogavau caiva saptaite'ntyāvasāyinaḥ ityaṅgirasoktacāṇḍādiṣu ca . antyāvasāyināmannamaśnīyādyastu kāmata iti aṅgiraḥsmṛtiḥ .

antyāśrama puṃna° karma° . caturthāśrame bhikṣurūpaśeṣāśrame .

antyāśramin pu° antyāśramo'styasya ini . caturthāśramayukte .

antyāhuti strī karma° . antyeṣṭau sāgnikasya mṛtasya dehasaṃskārake yajñabhede antyāhutiṃ hāvayituṃ saviprā iti bhaṭṭiḥ .

antyūti strī anti antikasya vā ūtiḥ rakṣaṇam ava--kvip kalopaḥ . āsannarakṣaṇe ahamantyūtimayobhuvamiti ṛ° 1, 138, 1 .

antyeṣṭi strī antebhavā iṣṭiḥ . sāgnikasya mṛtasya dehasaṃskārārthamiṣṭibhede tatsamatvāt niragnerdāhamātrasaṃskāre ca . patitānāṃ na dāhaḥsyāt nāntyeṣṭirnāsthisañcaya iti śu° ta° smṛtiḥ .

antra na° antyate deho badhyate'nena ati--bandhane karaṇe ṣṭran . dehabaṃndhane--uktāḥ sārdhāstrayo vyāmāḥ puṃsāmantrāṇi sūribhiḥ ardhavyāmena hīnāni strīṇāmantrāṇi nirdeśet . iti vaidyakoktaparimāṇavati nāḍībhede . sārdhatri vyāmānyantrāṇi puṃsaḥ strīṇāmardhavyāmahīnāni suśrutam . niryadantravibhūṣitamiti durgādhyānam yasyāntramannairupalepibhiriti suśrutam .

antrakūja pu° antrasya kūjaḥ śabdabhedaḥ . antravikūjane pakvāśayastho'ntrakūjaṃ śūlaṃ nābhau karoti veti suśrutam .

antrapācaka antrasthaṃ doṣaṃ pācayati . tvacisāre niryāsaviṣe auṣadhibhede sthāvarañjaṅgamañcaiva dvividhaṃ viṣamucyate ityupakramya . daśādhiṣṭhānamādyantu dvitīyaṃ ṣoḍaśāśrayamityabhidhāya mūlaṃ putraṃ phalaṃ puṣpaṃ tvak kṣīraṃ sāra eva ca niryāsāḥ dhātavaścaiva kandaśca daśamaḥ smṛta iti viśeṣataḥ sthāvarasya sthānamuktvā antrapācakakartrarīyasaurīyakakaraghāṭaka rambhanandanavarāṭakāni sapta tvaksāraniryāsaviṣāṇāñceti 252 pṛ° suśrute uktam . vivaraṇaṃ viṣaśabde dṛśyam .

antramāṃsa na° āntrikaṃ chidramārgeṇa dhautaṃ nirmaladhāriṇā . tasya khaṇḍān saṃvidhāya vesavāra (vesama) yutān pacet . niḥsāraṃ virasodgāramantramāṃsamudāhatamiti vaidyakokte pakvamāṃsabhede āntrike .

antravṛddhi pu° antranimittā vṛddhiḥ . suśrutokte rogabhede sa ca rogaḥ mu° 289 pṛ° suśrute darśito yathā vātapittaśleṣmaśoṇitamedomūtrāntranimittāḥ sapta vṛddhayaḥ . tāsāṃ mūtrāntranimitte vṛddhī vātasamutthe kevalamutpattiheturanyatamaḥ .. adhaḥprakupito'nyatamo hi doṣaḥ phalakośavāhinīrabhiprapadya dhamanīḥ phalakośayorvṛddhiṃ janayati tāṃ vṛddhimityācakṣate .. tāsāṃ bhaviṣyantīnāṃ pūrbarūpāṇi bastikaṭīmuṣkameḍhreṣu vedanā mārutanigrahaḥ phalakośaśophaśceti tatrānilaparipūrṇāṃ vastimivātatāṃ paruṣāmanimittānilarujaṃ vātavṛddhimācakṣate, pakvoḍumbarasaṅkāśāṃ jvaradāhoṣmavatīṃ cāśu samutthānapākāṃ pittavṛddhiṃ, kaṭhināmalpavedanāṃ śītāṃ kaṇḍūmatīṃ śleṣmavṛddhiṃ, kṛṣṇasphoṭāvṛtāṃ pittavṛddhiliṅgāṃ, raktavṛddhiṃ mṛdusnigdhāṃ kaṇḍūmatīmalpavedanāṃ tālaphalaprakāśāṃ medovṛddhim .. mūtrasandhāraṇaśīlasya mūtravṛddhirbhavati sā gacchato'mbupūrṇā dṛtiriva kṣubhyati mūtrakṛccha vedanāṃ vṛṣaṇayoḥ śvayathuṃ kośayoścāpādayati tāṃ mūtravṛddhiṃ vidyāt .. bhāraharaṇabalavadvigrahavṛkṣaprapatanādibhirāyāsaviśeṣairvāyuratipravṛddhaḥ prakupitaśca sthūlāntrasyetarasya caikadeśaṃ dviguṇamādāyādhogatvā vaṅkṣaṇasandhimupetya granthirūpeṇa sthitvā'pratikriyamāṇe ca kālāntareṇa phalakośaṃ praviśya muṣkaśophamāpādayatyādhmāto vastirivātataḥ pradīrghaḥ śopho bhavati saśabdamavapīḍitaścoddhvamupaiti . vimuktaśca punarāthamati tāmantravṛddhimasādhyāmityācakṣate iti . ṣaṇmāsānupayujyaitamantravṛddhiṃ vyapohati suśrutam .

andikā strī adi + bandhane ṇvul . nāṭyoktau jyeṣṭhabhaginyāmityamaraṭīkāyāṃ nīlakaṇṭhaḥ .

andū strī andyate badhyate'nena adi + kū . nigaḍe strīpādabhūṣaṇabhede ca . svārthe kan ke'ṇa iti hrasvaḥ . anduko'pyatra svārthikapratyayasya prakṛtito liṅgavacanātikramasya devatāśabdādau darśanāt puṃstvam .

a(ā)ndola dolane ada° cu° ubha° saka° seṭ . a(ā)ndosayati te āndudolat--ta . lyuṭ . a(ā)ndolanam kintvāsāmaravindasundaradṛśāṃ drākcāmarāndolanādi tyudbhaṭaḥ . a(ā)ndolitaḥ . curāderākṛtigaṇatvanāyamutprekṣitaḥ sa ca dīrghādiḥ . āndolat ka dolane iti kavikalpadrumokteḥ hrasvānta ityanye tanmūlaṃ mṛgyam .

andha dṛṣṭivighāte ada° cu° ubha° dhātvarthagṛhītakarmakatvādakarmakaḥ seṭ . andhayati--te āndidhat--ta . andhayan andhitaḥ . kanakamṛgatṛṣṇāndhitadhiyeti sā° da° . dṛṣṭiratra netrendriyajaṃ pratyakṣaṃ vivekajñānañca tadvighātāśrayasya kartṛtvam .

andha tri° andha--ac . netradvayaśūnye ekacakṣurhīne tu nāsya prayogaḥ anupahatanetrāntareṇa tasya darśanasambhavāt . andhaśca dvividhaḥ janmāndhaḥ, utpattau netradvayavānapi rogādinā upahatanetradvayaśca ubhayatraiva tatprayogāt . jaḍamūkāndhabadhirāniti unmatto'ndhaśca varjyāḥ syuriti ca manuḥ . ihaivāste tu sā loke gaurandhevaikaveśmanīti anaṃśau klīvapatitau jātyandhabadhirau tatheti smṛtyantaram andhogaganaṃ na paśyatīti vyu° gadā° vṛddho'ndhaḥ patireṣa mañcakagata iti sā° da° . cakṣuḥsattve'pi ālokādi sahakārikāraṇāntarābhāvena dṛṣṭirāhitye'pi asya prayogaḥ . yathā divāndhāḥ prāṇinaḥ kecidrātrāvandhāstathā pare . keciddivā tathā rātrau prāṇinastulyadṛṣṭaya iti devī° . tatra pecakānāṃ darśane ālokābhāvasyaiva sahakāritayā teṣāṃ divāndhatvam . kapotādīnāṃ tu sūryālokābhāve'pi dīpādyālokāntarasadbhāve rātrāvandhatā . manuṣyāṇāntu divā sūryālokāt, rātrau dīpādyālokāt ubhayatra dṛṣṭimattvānnāndhatvam . vivekajñānaśūnye krodhāndhastasya tasya svayamiha bhaviteti veṇo° naivānyatra madāndhasindūraghaṭeti gaṅgāstotram . smarāndhā gāḍhatāruṇyā samastaratakovideti sā° da° ajñānatimirāndhasyeti gurunatiḥ . parivrājakabhede, tasya sacakṣuracakṣuriva sakarṇaḥ akarṇa ive tyādi śrutyā vāhyavastudarśanaśūnyacakṣuḥśūnyatvokterandhatvam ataeva tiṣṭhatovrajatovāpi yasya cakṣurna dūragam . catuṣpadāṃ bhuvaṃ muktvā, parivrāḍandha ucyate ityanena tasyāndhatvaṃ paribhāṣitam . naṣṭadravalābhālābhopayogitayā jyotiṣaparibhāṣite rāśibhede ca . meṣo vṛṣo mṛgendraśca divāndhāḥ parikīrtitāḥ . nṛyukkarkaṭakanyāśca rātrāvandhāḥ prakīrtitā iti tathā ca meṣādiṣu divā naṣṭadravyasya lābhaḥ tatra grahītuścaurasya divāndhatvāt . mithunādiṣu tu rātrau naṣṭadravyasya lābhaḥ tatra grahītuścaurasya rātrāvandhatvāt anyatra naṣṭasya na lābha ityetatparatayā tatrāndhatvam bhāktam . andhayatītyandham andha--cu° preraṇe ṇic--ac, andha--karaṇe ac vā . tamasi andhakāre andhaṃ tamaste praviśanti ye ke cātmahanojanā iti śrutiḥ . yathārtha jñānāvarake vedāntimatasiddhe ajñāne ca āsīdidaṃ tamobhūtamiti manau tamasāvṛtatattveneti tamasai vāvṛtaṃ tattvaṃ nānupaśyati mūḍhaghīriti ca purāṇe tamaḥśabdenājñānasyaivābhidhānāttathātvam . jale na° medi° . tasya manuṣyāṇāmandhakāritvāttathātvam teṣāṃ hi jalamadhye unmīlitanetrāṇāmapi na darśanamityanubhavasiddham .

andhaka pu° andha--ṇvul . daityabhede sa ca daityaḥ ditau kaśyapādutpannaḥ tasya vareṇa mahādevairabadhyatāmāpede yathoktaṃ harivaṃśe 145 a° ditiruvāca hataputtrā'smi bhagavan! devairdharmabhṛtāmbara! . abadhyaṃ puttramicchāmi devairamitavikramam . kaśyapa uvāca . abadhyaste sutī devi! dākṣāyaṇi! bhavediti . devānāṃ saṃśayo nātra kaścit kamalalocane! . devadevamṛte rudraṃ tasya na prabhavāmyaham . ātmā tataste puttreṇa rakṣitavyo hi sarvathā . anvālabhata tāṃ devīṃ kaśyapaḥ satyavāgatha . aṅgulyodaradeśe tu sā putraṃ suṣuve tataḥ . sahasrabāhuṃ kauravya! sahasraśirasaṃ tathā . dvisahasrekṣaṇañcaiva tāvaccaraṇameva ca . sa vrajatyandhavadyasmādanandho'pi hi bhārata! . tamandhako'yaṃ nāmneti procustatra nivāsinaḥ . abadhyo'smīti lokān sa sarvān bādhati bhārata! . haratyapi ca ratnāni sarvāṇyātmabalāśrayāt . vāsayatyātmavīryeṇa nigṛhyāpsarasāṃ gaṇān . svaveśmanyūrjito'tyarthaṃ sarvalokabhayaṅkaraḥ . paradārāpaharaṇaṃ pararatnavilopanam . cakāra satataṃ mohādandhakaḥ pāpaniścayaḥ iti niśitatriśūladīritāndhakamahāsura iti kāda° . andha eva andhakaḥ svārthe kan . munibhede sa ca vṛhaspatijyeṣṭhabhrātuḥ utathyāt mamatāyāmutpannaḥ vṛhaspatiśāpādandhatvamāpede . tasya jātyandhatvāt dīrghatamā iti nāmāntaraṃ tatkathā bhā° ā° pa° 104 a° utathyasya yavīyāṃstu purodhāstridivaukasām . vṛhaspatirvṛhattejā mamatāmanvapadyata .. uvāca mamatā tantu devaraṃ vadatāmbaram .. antarvatnī tvahaṃ bhrātrā jyeṣṭhenāramyatāmiti . ayañca me mahābhāga! kukṣāveva vṛhaspate! . autathyo vedamatrāpi ṣaḍaṅgaṃ pratyadhīyata .. amodharetāstvañcāpi dvayornāstyatra sambhavaḥ . tasmādevaṃ gate'dya tvamupāramitumarhasi .. evamuktastayā samyak vṛhaspatirudāradhīḥ . kāmātmānaṃ tadātmānaṃ na śaśāka niyantritum .. sa babhūva tataḥ kāmī tayā sārdhamakāmayā . utsṛjantaṃ tu taṃ retaḥ sa garbhastho'bhyabhāṣata .. bhostāta! mā gamaḥ kāmaṃ dvayornāstīha sambhavaḥ . alpāvakāśo bhagavan! pūrbañcāhamihāgataḥ . amogharetāśca bhavānna pīḍāṃ kartumarhasi .. aśrutvaiva tu tadvākyaṃ garbhasthasya vṛhaspatiḥ . jagāma maithunāyaiva mamatāṃ cārulocanām .. śukrotsargaṃ tato buddhvā tasyā garbhagato muniḥ . padbhyāmarīdhayanmārgaṃ śukrasya ca vṛhaspateḥ .. sthānamaprāptamatha tadretaḥ pratihatantadā . papāta sahasā bhūmau tataḥ kruddho vṛhaspatiḥ .. tadṛṣṭvā patitaṃ śukraṃ śaśāpa saruṣānvitaḥ . utathyaputraṃ garbhasthaṃ nirbhatsya bhagavānṛṣiḥ .. yanmāṃ tvamīdṛśe kāle sarvabhūtepsite sati . evamātya vacastasmāttamo dīrghaṃ pravekṣyasi .. sa vai dīrghatamā nāma śāpādṛṣirajāyata . vṛhaspatervṛhatkīrtervṛhaspatirivaujasā .. jātyandhovedavit prājñaḥ patnīṃ lebhe sa vidyayā . taruṇīṃ rūpasampannāṃ pradveṣīṃ nāma brāhmaṇīm .. sa putrān jana yāmāsa gautamādīn mahāyaśāḥ iti . yādavabhede ca sāttvatān sattvasampannāt kauśalyā suṣuve sutān . bhajinaṃ bhajamānañca divyaṃ devāvṛdhaṃ nṛpam . andhakañca mahābāhuṃ vṛṣṇiñca yadunandanam . teṣāṃ visargāścatvāro vistareṇeha tān śṛṇu . andhakāt kāśyaduhitā caturo'labhmatātmajān . kukuraṃ bhajamānañca śabhaṃ kambalavarhiṣam . iti harivaṃśe 38 a° . dūtaṃ saṃpreṣayāmāsa vṛṣṇyandhakaniveśanam, tato vṛṣṇyandhakāḥ kṛṣṇamiti harivaṃśaḥ .

andhakaripu pu° 6 ta° . mahādeve tasya tannāśakatvāttathātvam yathā harivaṃśe 146 a° mumoca bhagavāñchūlaṃ pradīptāgnisamaprabham . tata papāta harotsṛṣṭamandhakorasi durdharam . bhasmasāccākarodraudramandhakaṃ sādhukaṇṭhakamiti . andhakahantrādayo'pyatra . andhakasyāndhakārasya ripurapasārakatvāt . sūrye; candre, vahnau, ca pu° .

andhakavarta pu° andhaka iva vartate vṛta--ac . parvatabhede gahā° cha . andhakavartīyastadbhave tri° .

andhakāra puṃna° andhaṃ karīti kṛ--aṇ upa° sa° . tamasi tacca tejodravyasāmānyābhāvarūpamiti naiyāyikāḥ . nīlaṃ tamodhāvatīti prayogāt nīlarūpavat dhāvanādikriyāvacca dravyāntaram, ālokasya anyatra cākṣuṣapratyakṣe sahakāritve'pi tatpratyakṣe pecakapratyakṣaiva na sahakāritā vastusvābhāvyāditi bheda iti mīmāṃsakādayaḥ . divākarādrakṣati yo guhāsu līnaṃ divābhītamivāndhakāramiti kumā° sukhaṃ hi duḥkhānyanubhūya śobhate ghanāndhakāreṣviva dīpadarśanamiti mṛccha° athāndhakāraṃ girigahvarāṇāmiti raghuḥ . andhakārasya dṛṣṭivighātakatvaṃ manuṣyāṇāmeva teṣāmevālokasahakāreṇa darśanodayāt undurādīnāntu tadabhāve'pi dṛṣṭerudayāt . tataśca ālokarūpasahakārivighaṭanenāsya dṛṣṭirodhakatvamavaseyam . yathārthajñānavirodhini vedāntimatasiddhe ajñāne ca .

andhakāramaya tri° andhakāra + prācurye mayaṭ . pracurāndhakāre .

andhakāri pu° andhakaḥ tadākhyasyāsurasyāriḥ 6 ta° . śive andhakaripuśabde'sya vivṛtiḥ .

andhakāsuhṛt pu° andhakasya asūn harati hṛ--kvip tuk ca, andhakasyāsurasya asuhṛt ripurvā 6 ta° . mahādeve .

andhakūpa pu° andhayatītyandhaḥ sa cāsau kūpaḥ . sāndhakāre kūpe . andhaḥ kūpo yatra 7 ba° . narakabhede yathā yastviha vai bhūtānāmīśvarakalpitavṛttīnāmaviviktaparavyathānāṃ svayaṃ puruṣopakalpitavṛttirviviktaparavyathovyathāmācarati sa paratrāndhakūpe tadabhidroheṇa nipatati .. tatrahyasau taistairjantubhiḥ paśumṛgapaṃkṣisarīsṛpairmaśakayūkamatkuṇamakṣikādibhiḥ, ye ke cābhidrugdhāstaiśca sarvato'bhidruhyamāṇastamasi vihatanidrānirvṛtiralabdhāvasthānaḥ parikrāmati yathā kuśarīre jīvaḥ īti bhāga° 5 ska° . andhasya dṛṣṭyabhāvasya kūpa iva . mohe . sahi sarvadṛṣṭyabhāvasyākaraḥ iti tasya tathātvam .

andhaṅkaraṇa na° andhaḥkriyate'nena cvyarthe kṛ--karaṇe khyun . andhakaraṇasādhane .

andhatamasa na° andhayati andha + ac tāmyati aneneti tama--karaṇe--asi karma° ac samāsāntaḥ . niviḍāndhakāre, tadyukte narakabhede ca .

andhatāmasa na° tama eva tāmasaṃ prajñā° svārtheaṇ andhayatoti andhaṃ karma° . niviḍāndhakāre .

andhatāmisra na° tamisrā tamastatiḥ tamisraiva tāmisram andhavatītyandham karma° . niviḍāndhakāre . andham andhakārakaṃ tāmisraṃ yatra 7 ba° . narakaviśeṣe pu° na° . tāmisramandhatāmisraṃ mahārauravarauravau narakaṃ kālasūtrañca nahānarakamevacetyādinā manunā gaṇiteṣu ekaviṃśatinarakabhedeṣu dvitīye narale tatsvarūpam . yastu paravittāpatyakalatrāṇyaśaharati sa hi kālapāśabaddho yamapuruṣairatibhayānakai stāmisre narake balānnipātyate .. anaśanānipānadaṇḍatāḍanasantarjanādibhiryātanābhiryātyamāno janturyatra kaśmalamāsāditaekadaika mūrchāmupayāti tāsisraprāye .. evameva andhatāmisre . yastu vañcitvā puruṣaṃ dārādīnupayuṅkte yatra śarīrī nipātyamāno yātanāstho vedanayā naṣṭamatirnaṣṭadṛṣṭiśca bhavati yathā vanaspatirvṛścyamārnamūlastasmādandhatāmisraṃ tamupadiśanti iti bhāga° 5 ska° .. sāṃkhyaśāstra prasiddhe bhayaviśeṣaviṣayake'bhiniveśe pu° . tāmisro'ṣṭādaśadhā tathā bhavatyandhatāmisraḥ iti sā° kā° . abhiniveśastrāsaḥ divyādivyaśabdaviṣayatvena daśaviṣayakatvāt aṇimādyaṣṭavidhaiśvaryaviṣayatvāccāṣṭādaśadhā . tathā hi devāḥ khalvaṇimādikamaṣṭavidhamaiśvaryamāmādya daśa śabdādīn bhuñjānāḥ śabdādayo bhogyāstadupāyāścāṇimādayo'smākaṃ asurādibhi rmāsma upaghāniṣateti bibhyati tadidaṃ bhayamabhiniveśo'ndhatāmisro'ṣṭādaśaviṣayatvādaṣṭādaśadheti sā° kau° . vedāntimatasiddhe dehe neṣṭe ahameva naṣṭo'smītyevaṃ rūpe ajñāne ca .

andhatva na° andhasya bhāvaḥ . netraghāte cakṣuṣaḥ svagrāhyāsāmarthye ekādaśendriyabadhā ityādi sā° kā° (49) vyākhyāne kaumudyām bādhiryaṃ kuṣṭhitāndhatvajaḍatā'jighratā tathā . mūkatā kauṇyapaṅgutvaklaivyodāvartamandatā ityādinā śrītrādīnāṃ krameṇa indriyāṇāṃ ghātodarśitaḥ .

andhapūtanā strī 384 suśrutokte bālagrahabhede skandagrahaśca prathamaḥ skandāpasmāra eva ca śakunā revatī caiva pūtanā cāndhapūtane tyuddiśya . yodveṣṭi stanamatisārakāsahikkāchardībhirjvarasahitābhirardyamānaḥ durvarṇaḥ satatamadhaḥśayo'mlagandhistaṃ brūyurvararbhiṣajo'ndhapūtanārtamiti tallakṣaṇamuktam .

andhamūṣikā strī andhaṃ dṛṣṭyabhāvaṃ muṣṇāti muṣa--ṇvul dīrghaḥ . devatāḍavṛkṣe tatsevane hi cakṣuṣmattā bhavatīti vaidyakaprasiddham .

andhambhaviṣṇu tri° anandho'ndhobhavati bhū--cvyarthe sviṣṇuc . andhībhavitari .

andhambhāvuka tri° andha cvyarthe bhū--khukañ . andhībhavitari

andham na° adyate ada--asun num dhaśca . odane . amṛtāndhasodevāḥ . dvijātiśeṣeṇa yadetadandhasā kirā° vipānaṃ śukramandhasa iti yaju° 19, 75 .

andhāhi pu° andho'hiriva . (kuciyā) iti prasiddhe matsye .

andhavartman pu° andhaṃ sūryaprakāśarahitatvādaprakāśaṃ vartma yatra . vāyoḥ saptame skandhe . marudindraḥ sarabhasaḥ sāmajñomānuṣītipāḥ devīviśo'ndhavartmā ca skandhaḥ saptama ā dhruvāditi purā° .

andhātamasa na° karma° anyebhyo'pīti dīrghaḥ . niviḍāndhakāre . rajanyāntu strī .

andhikā strī andhayati andha--preraṇe ṇic ṇvul . dyūtakrīḍāyām tayā hi janaḥ andhaiva vivekaśūnyaḥ kriyate . sarṣapyāñca tasyāścātyantasevanāt dṛṣṭikṣayaḥ vaidyakaprasiddhaḥ .

andhu pu° andha--ku . kūpe . kūpatulyacchidravattvāt puṃcihne ca . vākpāṇipādapāyvandhusaṃjñānyāhurmanīṣiṇa iti śā° ti° . andhurliṅgamiti śabdā° ci° .

andhula pu° andha--ulac . śirīṣavṛkṣe . tatpuṣpadarśanāt viyogināmandhatvāttathātvam .

andha pu° andha--ran . deśabhede sa ca deśaḥ . jagannāthādūrdhabhāgādarvāk śrībhramarātmakāt tāvadandhrābhidhodeśa ityuktaḥ .. vaidehena kārāvarasya striyāmutpādite antyajabhede ca . vyādhabhede iti kāśyapaḥ .

anna na° anityanena ana--nan, adyate iti ada--kta vā annāṇṇa iti pā° nirdeśāt annārthatayā na jagdhiḥ . odane, svinnānne, śasyaṃ kṣetragataṃ proktaṃ satuṣaṃ dhānyanucyate . āmaṃ tu vituṣaṃ jñeyaṃ svinnamannamudāhṛtam iti vasi° smṛ° . annamūlaṃ hi jīvanamityukteḥ teṣāṃ prāṇahetutvāttathātvam . tatrāmānne'pi annaśabdaprayogaḥ āmānnaṃ haraye dattvā pakvaṃ kṛtvātha khādayet . ṣaṣṭirvarṣasahasrāṇi viṣṭhāyāṃ jāyate kṛmiriti purāṇe cāṇḍālānnaṃ bhuktvā trirātra mupavaset siddhaṃ bhuktvā parāka iti viṣṇusūtre, ādityājjāyate vṛṣṭirvṛṣṭerannaṃ tataḥ prajā iti mānave ca tatra prayogāt svinnamannamudāhṛtamiti vaśiṣṭhoktistu paribhāṣārthā na tu tanmātrasyaivānnatābodhanārthā . ataeva annamāśritya pāpāni tiṣṭhanti harivāsare ityādiniṣeghe āmānnabhakṣaṇasyāpi grahaṇam annāni ca vividhāni annāni vividhānīha bhavanti girisambhave! ityupakramya aṣṭādaśavidhāni dhānyānyabhidhāya annavarjabrate devi! etānyeva vivarjaye dityanena padmapurāṇe annabarjanavrate teṣāṃ varjanīyatvābhidhānāt aṣṭādaśa dhānyāni ca dhānyaśabde vakṣyante annamaśitaṃ trevā vidhīyate tasya yaḥsthaviṣṭhodhātustatpurīṣaṃ yanmadhyamastanmāṃsaṃ yo'ṇiṣṭhastanmana iti śrutyā annamayaṃ hi somya mana iti śrutyantaroktaṃ manaso'nnamayatvaṃ yat samarthitaṃ tat sarvaprakārānnavikāratvenaiva . tataśca rājānnaṃ teja ādatte ityādau niṣiddhatāpi sarveṣābheva . śūdreṣu dāsagopālakulamitārdhasīriṇaḥ . bhojyānnāḥ nāpitaścaiva yaścātmānaṃ nivedaye dityādāvapi dāsāderbhojyānnatāpratiprasavaḥ aṣṭādaśānnaviṣayaeva dāsādayaśca saṃkīrṇajātibhedāḥ parāśaroktā veditavyāste ca tattacchabde darśayiṣyante . gorasaṃ tilasaktūṃśca tilapiṇyākameva ca . apūpān bhakṣayet śūdrādyaccānyat payasākṛtamiti saṃvartavacanantu āpadi śūdrānnanivṛttānāmapi bhakṣyatārtham . kandupakvaṃ tailapakvaṃ pāyasaṃ daghi saktavaḥ . etānyaśūdrānnabhujāṃ bhojyāni manuravravīditi hārītavacane aśūdrānnabhujāmiti viśeṣaṇāttathāvagateḥ evameva prā° vi° . annaṃ hi bhūtānāṃ śreṣṭhaṃ tasmāt sarvauṣadhamucyate iti śrutau annasya sarvauṣadhirūpatvokteḥ sarveṣāṃvrīhyādyoṣadhīnāmannatvaṃ vyaktamuktaṃ pṛthivyā oṣadhaya oṣathibhyo'nnamiti śrutau ca oṣadhijamātrasya annatvamuktam adyate'danti ca bhūtāni tasmādannamityucyate iti tanniruktirapi śrutau darśitā . pṛthivyāṃ, tasyāśca annahetutvādannaśabdavācyatā . adbhyo'nnamiti śruteḥ yat kṛṣṇaṃ rūpaṃ tadannasyeti chā° upa° śruteśca . ata eva bhāṣyakṛtā hantāhamimāstisrī devatā iti śrutau idamā tejobannātmikāyā devatāyāḥ parāmarśaḥ ityuktam . udake ca nirukta° tasya ca vṛṣṭerannaṃ tataḥ prajā iti manunā annahetutvoktestathātvam . tathā'niti prāṇityaneneti vyutpatteḥ udakasya prāṇahetutvādannatvam āpomayaḥ prāṇa ityuktvā tatsamarthanāya āpaḥ pītāstredhā vidhīyante tāsāṃ yaḥsthaviṣṭhodhātustanmūtraṃ yomadhyamaḥ tallohitaṃ yo'ṇiṣṭhaḥ sa prāṇa iti chāndogye'pāṃ prāṇahetutvamuktam . tathā ṣoḍaśakalo vā asau puruṣaḥ ityupakragya pañcadaśāhāni māśīḥ kāmamapaḥ pibāpomayaḥ prāṇo na pibito vicchetsyate iti tatraiva jalapānābhāve prāṇaviccheda uktaḥ . prāṇānandahetutvādvā annasya tathātvam yathā āpo vā annādbhūyasyastasmādyadā suvṛṣṭirna bhavati vyādhīyatte prāṇāḥ annaṃ kaṇīyo bhaviṣyatīti atha yadā susuṣṭirbhavati ānandinaḥ prāṇāḥ bhavanti annaṃ bahu bhaviṣyatīti chā° upa° . sūrye pu° si° kau° tasya annahetuvṛṣṭihetvāttathātvam ādityājjāyate vṛṣṭirvṛṣṭerannaṃ tataḥ prajā iti manunā taddhetutvoktestathātvam bhogasādhane upakaraṇe, na° striyo'nnaṃ paśavo'nnañca viśo'nnañca mahīkṣitāmiti manuḥ . bhakṣyadravye ca prāṇasyānnamidaṃ sarvaṃ prajāpatirakalpayat . sthāvara jaṅgamañcaiva sarvaṃ prāṇasya bhojanamiti manunā jaṅgamasyāpyannatvokteḥ .

annakiṭṭa na° 6 ta° . annapākaśabde vakṣyamāṇe annamalabhede .

annakoṣṭha pu° annasya brīhyādeḥ svalpaṃ koṣṭhamiva alpārthe kan . (kuṭī) iti khyāte dhānyādeḥ sthāpanasthāne .

annada tri° annaṃ dadāti dā--ka . annadātari vāridastṛptimāptoti sukhamakṣayyamannada iti manuḥ . annapūrṇākhyadevībhede strī tatpūjādi annadākalpagranthe dṛśyam .

annadāsa pu° annena pālito dāsaḥ . annamātralābhena prāptadāsatve bhaktadāse (peṭabhātā) annasya dāsamātre ca, annasya puruṣo dāsa iti bhārate puruṣasya annahetunaiva dāṃsatvokteḥ .

annadoṣa pu° annasya bhojanapratigrahādikṛtaḥ doṣaḥ pāpaviśeṣaḥ dhātuvaiṣamyaṃ vā . abhakṣyānnabhakṣaṇajanite agrāhyā nnapatigrahajanite ca pāpahetau apathyabhojanajadhātuvaiṣamyakṛte ca doṣabhede ālasyādannadoṣācca mṛtyurviprān jighāṃsati manuḥ . abhakṣyāṇyannāni dvividhāni smṛtyādau niṣiddhatayā uktāni, tāni ca abhakṣyaśabde vakṣyante . vaidyake roganidānatayā uktāni ca, tāni dhātuvaiṣamyasampādanadvārā roganidānatayā vaidyake prasiddhāni yathā mandāgneḥ gurvannādīni .

annapāka pu° 6 ta° . annasya brīhyāderlaukikadahanena viklittyanukūlavyāpārarūpe pacane, bhuktānnasya jaṭharānalena rasaraktādirūpālarāpādane ca tatra laukikapākaḥ cūllyuparisthāpanapūrbādhaḥsantāpanādirlokasiddhaḥ . jāṭharapāko yathā padārthādarśe yogārṇave . āyuṣyaṃ bhuktamāhāraṃ sa vāyuḥ kurute dvidhā saṃpraviśyānnamadhyantu pṛthak kiṭṭaṃ pṛthagjalam . agnerūrdhvaṃ jalaṃ sthāpya tadannaṃ ca jalopari . jalasyādhaḥ svayaṃ prāṇaḥ sthitvāgniṃ dhamate śanaiḥ . vāyunā dhmāyamāno'gniratyuṣṇaṃ kurute jalam . annaṃ taduṣṇatoyena samantāt pacyate punaḥ . dvidhā bhavati tat pakvaṃ pṛthak kiṭṭaṃ pṛthagjalam . rasena tena tā nāḍīḥ prāṇaḥ pūrayate punaḥ . pratarpayanti sampūrṇāstāśca dehaṃ samantataḥ . rasaḥ sa nāḍīmadhyasthaḥ śarīre coṣmaṇā bhṛśam . pacyate pacyamānastu bhavet pākadvayaṃ punaḥ . carmāveṣṭya samantācca rudhirañca prajāyate iti tvagādidhātupākastu 49 pṛṣṭhe uktaḥ .

annapāna na° annasya abhyavahāryamātrasya pānamugabhogaḥ . yāvadadanīyādibhakṣaṇe, athāto'nnapānavividhādhyāyaṃ vyākhyāsyāma iti pratijñāya tasyāśitapītalīḍhasvāditasya nānādravyātmakasyeti suśrute uktatvāt sarveṣāmannapānatvam .

annapūrṇā annaṃ pūrṇaṃ yayā . devībhede annapūrṇe! sadāpūrṇe! śaḍkara prāṇaballame! . jñānavairāgyasirdhyathaṃ bhikṣāṃ me dehi pārvatīti, śaṅkarācāryaḥ . eṣā ca kāśīśvaragṛhiṇī kāśīkhaṇḍe etasyābhūriśo varṇanam .

annapūrṇeśvarī strī bhairavībhede, tantrasāre'syā vivaraṇam . annapūrṇāyāmapi bhikṣāṃ dehi kṛpāvalokanakarī mātānnapūrṇeśvarīti śaṅkarācāryaḥ .

annaprāśana na° prakṛṣṭaṃ vidhānena prathamamāśanaṃ prāśanaṃ 6 ta° . ṣaṣṭhāṣṭamamāsādau vālakādervidhānena prathamamannabhojane . ṣaṣṭhe'nnaprāśanaṃ māsi yadveṣṭaṃ maṅgalaṃ kule iti manuḥ . tato'nnaprāśanaṃ ṣaṣṭhe māsi kāryaṃ yathāvidhi . aṣṭame vāsya kartavyaṃ yadveṣṭaṃ maṅgalaṃ kule iti smṛtyantaram . ṣaṣṭha iti mukhyakalpa iti raghu° . tatrāyaṃ viśeṣaḥ kṛtyacintāmaṇau . annasya prāśanaṃ kāryaṃ māsi ṣaṣṭhe'ṣṭame budhaiḥ strīṇāntu pañcame māsi saptame prajagau muniḥ . tatra vihitatithyādi yathā paṣṭhe māsi niśākare śubhakare riktetare vā tithau saumyādityasitendujīvadivase pakṣe ca kṛṣṇetare . prājeśāditi pauṣṇavaiṣṇavayugairhastādiṣaṭkottarairāgneyāppatipaitryabhaiśca nitarāmannādibhakṣaḥ śubha iti, bhuja° bhī° . prājeśādayaśca rohiṇyādayaḥ 4, 5, 7, 8, 27, 1, 22, 23, 13, 14, 15, 16, 17, 18, 12, 21, 26, 3, 20, 10, . tathācaitanmitāni nakṣatrāṇi tatra . vihitāni . tatra varjyāni . dvādaśīsaptamīnandāriktāṣu pañcaparvasu . balamāyuryaśohanyāt śiśūnāmannabhakṣaṇam . kṛtyaci° . vedhaṃ sarvatra varjaye dityukternakṣatravedhasyāpi tatra varjyatā .

annabhakta tri° annārthaṃ bhaktaḥ dāsaḥ . annamātradānena pratipādite dāsabhede bhaktadāse vivṛtirasya dāsaśabde dṛśyā .

annamaya pu° annasya vikāraḥ anna + vikarārthe mayaṭ . sthūlaśarīre . sthūlaśarīrasya annavikāratvādannamayatvam ataevoktam, pitṛbhuktānnajādvīryājjāto'nnenaiva vardhate, dehaḥ so'nnamayonātmā prāk cordhaṃ tadabhāvata iti vṛddhoktiḥ savā eṣa puruṣo'nnarasa iti śrutau annarasatvoktestasya annamayatvam . annādretaḥ retasaḥ puruṣaḥ iti śrutau ca dehasyānnaṣayatve prakārodarśitaḥ .. annavikṛtimātre tri° . annamayaṃ hi saumya! mana iti śrutiḥ vivaraṇaṃ kośaśabde . annaprakṛtamucyate'smin tat kṛtavacane pā° mayaṭ . annapracure yajñādau annamayoyajña iti si° kau° .

annamala na° pu° annasya malaḥ kiṭṭaḥ . nissāritarasabhāgabhedeṃ (siṭi) iti khyāte'nnakiṭṭe varcaskaḥ mala iti si° kau° . surāyāñca surā vai malamannānāṃ purīṣaṃ malamucyate . tasmāt brāhmaṇarājanyau vaiśyaśca na surāṃ pibediti prā° vi° smṛtiḥ .

annarasa pu° annasya rasaḥ sārāṃśaḥ svādo vā . bhuktasya annasya sārāṃśe savā ayaṃ puruṣo'nnarasa iti śrutiḥ apathyaiḥ saha saṃbhuṅkte vyādhirannarase yatheti vai° . rasastu jaṭharānalenānnasya paripākāt kaścit sārāṃśaḥ . annapākaśabde tadvivaraṇam . annasyāsvāde ca .

annavikāra pu° annasya vikāraḥ . śoṇitādiṣu saptasu dhātuṣu pradhānena vyapadeśābhavantīti nyāyāt caramadhātāvevāsya prayogopādhitvāt carame dhātau śukre rā° ni° . śukrotpattyaryameva hi kramaśaḥśoṇitādipākāttasya prādhānyam . ata eva annādreta iti śrutau annato retasa utpattirdarśitā sā ca paramparayaiva .

annāda tri° annamattuṃ śaknoti ada--aṇ upa° . annabhojanasāmarthyavati dīptāgnau . annavānannādobhavati ya evaṃ vidvāniti chā° upa° . annādaḥ dīptāgniriti śā° bhā° . tviṣimānapacitimān yaśasvī brahmavarcasyannāda iti kātyā° 3, 3, 5 . annabhakṣake tri° ṭiḍḍhāṇañityādi pā° sūtre ādyantayostaddhitasāhacaryāt taddhitāṇantādeva ṅīp anyatona, tenātaḥ striyāṃ ṭāp .

annādin tri° annamatti ada--ṇini 6 ta° . annabhakṣake . bhaikṣeṇa vartayennityaṃ naikānnādī bhavedvratīti manuḥ striyāṃ ṅīp .

annādya na° annarūpamādyaṃ bhakṣyam . annarūpabhakṣye . agnimannādamannādyāyādadhe ya° 3, 5, . annamādyaṃ yasya . annaprabhṛtau tri° annādyāya vyūhadhvaṃ somorājā yamāgamaditi dantadhāvanamantraḥ . annādyenodakena vā iti manuḥ .

annāyus tri° annamāyurjīvanasādhanamasya . annajīvane sa eṣo'nnasya grahoyadvāyurannāyurvā eṣa yadvāyuriti ai° upa° . annāyurannanibandhanāyurannajīvana ityarthaḥ .

annāvṛdha tri° annaṃ vardhate'nena vṛdha--karaṇe kvip 6 ta° pūrbapadadīrghaḥ . annavardhake . ata utvā pitubhṛtojanitrīrannāvṛghaṃ praticarantyannairiti ṛ° 10, 1, 4, .

[Page 213b]
annāśana na° annasya vidhānena āśanam . annaprāśanārthe .

anya tri° ana--aghnyādi° ya . bhinne, sadṛśe ca . utthitaṃ dṛdṛśe'nyacca kabandhebhyo na kiñcaneti raghuḥ . śarīreṇa samaṃ nāśaṃ sarvamanyaddhi gacchati hito° . anyaducchṛṅkhalaṃ satvamanyacchāstraniyantitamiti māghaḥ dhanyāstāguṇaratnarohaṇabhuvodhanyāmṛdanyaiva seti sā° da° sadṛśe anyoktiḥ mukhyatve'sya sarvanāmatā . nānvaye sati sarvasvaṃ yaccānyasmai pratiśrutamiti yā° . vyāptiḥ sādhyavadanyasminniti bhāṣā° . vṛtrahannanyeṣāṃ yā śatakratoriti ṛ° 8, 33, 14, atyasmit yūpe, nidadhāti . reta iti ṛ° 3, 55, 17 . dvandve'ntyasya na tatkāryam, sādhvanyānāṃ sakhidviṣe iti mu° bo° jasi tu vā sādhyanye--sādhvanyāḥ . tasyedamityarthe cha duk . anyadīyaḥ .

anyakāruka pra° anyat karoti kṛ--uṇ svārthe kan kārukaḥ . purīṣakiṭṭe hārā° . anyasya kārake tri° .

anyacitta na° anyadiva svavyāparākṣamaṃ cittaṃ karma° . viṣayālocanāsamarthe citte . 6 ta° . anyamanaske tri° .

anyat avya° . ana--bā° yati . anyārthe . devadattogacchati anyacca yajñadatta iti gaṇa° maho° svarādipāṭhādavyayatvam .

anyatama tri° anya + ḍatamaiti, mugdhabodham . bahūnāṃ madhye nirdhārite ekasmin . nyāyamate anekabhedāvacchinnapratiyogitākabhedavati tacca tadbhinnatve sati tadbhinnatve sati tadbhinnabhinnatvam . yathā dhaṭapaṭagṛhānyatama ityādau ghaṭādibhedatrayabhedo ghaṭapaṭagṛheṣveva, tadbhinneṣu sarvatra tattrayabhedasattvāt . anekatvañca apekṣābodhaviṣayatvaṃ tathā ca yāvantaḥ padārthāḥ anyatamaghaṭakaprathamabhedapratiyogitayā vivakṣitāstāvantaeva bhedā grāhyāstathā ca tāvatpadārthabhinnabhedavattvamevānyatamaśabdārthaḥ . anyatarānyatamaśabdau avyutpanno prātipadike iti kaiyaṭaḥ . tenānyatamasya na sarvanāmakāryam kiṃyattadonirdhāraṇe iti pā° kiṃyattadbhyo'nyatra ḍatarādividhānābhāvānna ḍatamāntatvam ato'vyutpannatvam . iti bhā° pra° u° . ataeva sarvanāmasaṃjñāsūtre ḍataraḍatamāntayoruktatve'pi anyataraśabdasya pṛthaggrahaṇam . karmādiṣaṭkānyatamatvaṃ kārakatvamiti sāramañjarī adhaḥprakupito'nyatamo hi doṣa iti suśrutam .

anyatara tri° anya + ḍatara mu° bo° . dvayormadhye nirdhārite ekasmin . nyāyamate medadvayādicchannapratiyogitākabhedavati tacca tadbhinnatve sati tadbhinnabhinnatvamadhikamanyatamaśabde dṛśyam avyutpannatve'pi asya svaśabdenopāttatvāt sarvanāmakaryam . kiṃyattadbhyo'nyatra ḍatarādyabhāvāt avyutpannatvamiti bhāṣya° pra° udyota° . śubhrādi° apatye ṭhak . ānyatareyastadapatye puṃstrī° .

anyataredyus avya° anyatarasminnahani edyus . anyataradivase .

anyatas avya° anya + saptamyādyarthe tasil . anyatra anyaṃsmādityādyarthe . tatra saptamyarthe naiva na priyatamobhayathāso yadyamuṃna vṛṇute vṛṇute vā . ekatastu dhigamūmaguṇajñāmanyataḥ kathamadaḥpratilambhaḥ iti nai° ekatastu sakalāni nimitta nyanyato manasaḥ pratittiriti nīti° guro ryatra parīvādonindā vāpi pravartate . karṇau tatra pidhātavyau gantavyaṃ vā tato'nyata iti manuḥ . pañcamyarthe tu yā niyuktānyataḥ putraṃ devarādvāpyavāpnuyāditi manuḥ .

anyatastya tri° anyato'nyasmin svetarapakṣe bhavaḥ anyatas + tyap . sapatne . sa ya etamupāste jiṣṇurhāparājiṣṇurbhavatyanyatastyajāyīti śrutiḥ .

anyatkāraka tri° anyasya kārakaḥ 6 ta° duk ca . anyasyakārake .

anyatra avya° anyasmin + anya + tral . anyasminnityarthe . anyatra nidradravyebhya āśritatvamiheṣyate iti bhāṣā° na cānumānagamyaṃ śāstraprāmāṇyaṃ yenānyatra dṛṣṭaṃ nidarśanamapekṣate iti anyatra prajāpativratādibhyaḥ iti ca śārī° bhā° . prakaraṇabalācca kālo deśo vā viśeṣyaḥ tatra kālaḥ . anyatra nidhanāt patyuḥ patnī keśānna vāpayedityādau nidhanakālabhinne kāle ityarthaḥ . uktodāharaṇe tu deśa iti . itarābhyo'pi dṛśyante iti pā° ukteḥ tatrabhavānityādivat prathamārthe tral . prathamārthe devā anyatrāśvibhyāṃ satvaṃ niṣeduriti kau° brā° . anyatra anye ityarthaḥ anyatra dharmādanyatrādharmādanyatra kṛtākṛtāt anyatra bhūtādbhavyācceti kaṭha° upa° . dharmādanyaityarthaḥ .

anyathā avya° anya + prakārārthethāc . anyaprakāre yadabhāvi na tadbhāvi bhāvi cenna tadanyatheti hito° . avāpyate vā kathamanyathā dvayamiti kumā° . niṣkāraṇe medi° abhāvārthe ca anyathānupapattiriti .

anyathākāram avya° anyathā + kṛ + ṇamul . anyaprakāreṇa kṛtvetyarthe yasya yathākaraṇamucitaṃ tatonyarūpeṇa kṛtvetyarthe .

anyathākhyāti strī anyathā anyarūpeṇa khyātirjñānam . yasya yaddharmavattvena jñānamucitaṃ tasya tadbhinnadharmeṇa jñāne . yathā hrado vahnimānityādijñānam tacca bhramātmakaṃ tadabhāva vati tatprakārakatvāt . tacca viśiṣṭamekaṃ jñānaṃ tasyaiva pravartakatvāt tathā ca śuktau rajatatvabhramāt rajatārthinastadgrahaṇe pravṛttirupajāyate iti naiyāyikādayaḥ . mīmāṃsakādayastu tatra jñānadvayam vahnijñānaṃ hradajñānañca asaṃsargāgrahavaśācca tayoḥ viśiṣṭajñānakāryakāritā sati ca hrade vahnerasaṃsargajñāne tatra na pravṛttirityato'saṃsargāgraha eva tat pravartakaḥ apravṛttistu tadabhāve ityāhuḥ . vedāntinastu dharmiṇo'sannikuṣṭasthale nānyathākhyātiḥ kintu alaukikapadārthāntarotpattyā tasya laukikaṃ pratyakṣaṃ jāyate yathā idaṃ rajatamiti jñānaṃ tadvivaraṇamadhyāsaśabde 140 pṛṣṭhe uktam . ato'sata eva tatra khyātirityasatkhyātiḥ dharmisannikarṣasthale tu japāsannikṛṣṭasphaṭikādau anyathā khyātiriti bheda ityaṅgīcakruḥ .

anyathānupapatti strī anyathā abhāve na upapattiḥasambhavaḥ svābhāvaprayojyāsambhave, arthāpapattipramāṇe ca tathā hi pīno devadatto divā na bhuṅkte ityādau divā'bhokturdevadattasya pīnatvaṃ rātribhojanaṃ vinā'nupapannam (asambhavi) iti jñānāt rātribhojanākartṛvṛttipīnatvena rātribhojanaṃ kalapyate tathā ca bhojanasya pīnatvavyāpakatayā vyāpakābhāvasya ca vyāpyā bhāvavyāpyatayā sādhyābhāvavyāpakībhūtābhāvapratiyogitvarūpavyatirekavyāptijñānāt anumitirūpārthāpattirudeti . seyamarthāpattiḥ mīmāṃsakamate pramāṇāntaraṃ naiyāyikānāṃ mate vyatirekavyaptijñānahetukānumitiriti bhedaḥ .

anyathābhāva pu° anyathā anyarūpeṇa bhāvaḥ . yasya yathārūpamucitaṃ tasya tato'nyathārūpeṇa bhavane . anyarūpāśaye ca . ato mayyanyathābhāvī na kartavya iti chā° upa° bhau° jñāte'pi viṣaye tavānuktirityevaṃ rūpo bhāva ityarthaḥ .

anyathābhūta tri° anyathā anyaprakāreṇa bhūtaḥ . prakārāntaratāṃ prāpte . anyathābhūtakhiriti mu° bo° .

anyathāvṛtti strī anyathā'nyarūpeṇa vṛttiḥ . cittādeḥ anyaprakāreṇa vṛttau, (pariṇāme) anyathāsthitau ca .

anyathāsiddha tri° anyathā anyaprakāreṇa siddhaḥ . anyaprakāreṇa siddhe padārthe, nyāyādimate anyathāsiddhirūpāṇāṃ kāraṇatāpratibandhakānāṃ doṣāṇāmāśraye vastuni ca . anyathāsiddhāni ca pañca tatra ghaṭādau daṇḍatvādikamādyam daṇḍādirūpaṃ dvitīyaṃ, kulālajanakaḥ tṛtīyaḥ, gaganādi caturtham rāsabhādi pañcamam, yathoktaṃ bhāṣāyām yena saha pūrbabhāvaḥ kāraṇamādāya vā yasya . anyaṃ prati pūrbabhāve jñāte yatpūrbabhāvavijñānam .. janakaṃ prati pūrbavartitāmaparijñāya na yasya gṛhyate . atiriktamathāpi yadbhavenniyatāvaśyakapṛrbabhāvinaḥ .. ete pañcānyathāsiddhā daṇḍatvādikamādimam . ghaṭādau, daṇḍarūpādi dvitīyamapi darśitam .. tṛtīyantu bhaved vyoma kulālajanako'paraḥ . pañcamo rāsabhādiḥ syādeteṣvāvaśyakastvasau iti ..

anyathāsiddhi strī anyathā anyaprakāreṇa siddhiḥ . anyaprakāreṇa siddhau nyāyādyuktakāraṇatāpratibandhakarūpe pañcavidhe doṣe ca .

anyadartha pu° anyo'rthaḥ karma° duk . bhinnārthe . 6 ta° 3 ta° vā anyārthaḥ anyasyānyena vā'rthe pu° . anyaḥ arthoyasya anyārthaḥ bhinnārthake tri° . anyārtha upanyāsa iti

anyadā avya° anyasmin kāle dā . anyasmin kāle ityarthe anyadā bhūṣaṇaṃ puṃsāṃ kṣamā lajjeva yoṣitāmiti māghaḥ

anyadāśā strī anyā āśā duk . bhinnaprārthane . anyasvāśā 6 ta° . anyasya vāñchāyām anyalābhāśaye .

anyadāśis strī anyā āśīḥ duk . anyāśīrvāde anyasya anyena vāśīriti 6 ta° 3 ta° vā . anyāśīrityeva . anyasya anyena vā'śāsyaprārthane .

anyadāsthā strī anyasmin āsthā duk . anyasminnāsthāyām anyasyāsthā 6 ta° . anyāsthetyeva anyasyāsthāyām .

anyadāsthita tri° anyamāsthitaḥ duk . anyarūpāsthite 3 ta° . anyāsthita ityeva anyenāsthite .

anyadīya tri° anyasyāyam gahā° cha duk ca . anyasambandhini

anyadutsuka tri° anyasmin utsukaḥ duk . anyaviṣayotkaṇṭhite . anyena utsukaḥ 3 ta° . anyotsuka ityeva tatraivārthe tri° .

anyadūti strī anyā ūtiḥ duk . anyarakṣaṇe . anyasya ūtiḥ 6 ta° . anyotirityeva anyasya rakṣaṇe .

anyadrāga pu° anyasmin rāgaḥ duk . anyaviṣayarāge . anyena anyasya vā rāgaḥ 3 ta° 6 ta° vā . anyarāga ityeva anyakaraṇake anyasambandhini ca rāge .

anyapuṣṭa puṃstrī° anyayā nātṛbhinnayā puṣṭaḥ sarvanāmno vṛttau puṃvadbhāvaḥ . kokile apyanyapuṣṭāḥ pratikūlaśabdāḥ śroturvitantrīriva tāḍyamāneti kumā° . balipuṣṭakulādivānyapuṣṭairiti māghaḥ .

anyapūrvā strī anyaḥ pūrvo yasyāḥ . pūrvapatimaraṇādau paścāt kṛtatadbhinnapatikāyāṃ punarbhūstriyām . anyapūrvā ca saptavidhāḥ yathoktaṃ nāradena parapūrbāḥ striyastvanyāḥ sapta proktā yathākramam . punarbhūstribidhā tāsāṃ khairiṇī tu caturvidhā . kanyaivākṣatayoniryā pāṇigrahaṇadūṣitā . punarbhūḥ prathamā proktā punaḥsaṃskārakarmaṇā . deśadharmānavekṣya strī gurubhiryā pradīyate . utpannasāhasānyasmai sā dvitīyā prakīrtitā . (utpannasāhasā utpannavyabhicārā) . asatsu devareṣu strī bāndhavairyā pradīyate . savarṇāya sapiṇḍāya sā tṛtīyā prakīrtitā . strī prasūtā'prasūtā vā patyāveva tu jīvati . kāmārthamāśrayedanyamprathamā svairiṇī tu sā . kaumārampatimutsṛjya yā tvanyaṃ puruṣaṃ śritā . punaḥ patyurgṛhaṃ yāyātsā dvitīyā prakīrtitā . mṛte bhartari tu prāptān devarādīnapāsya yā . upagacchetparaṃ kāmātsā tṛtīyā prakīrtitā . prāptā deśāddhanakrītā kṣutpipāsāturā tu yā . tavāhamityupagatā sā caturthī prakīrtitā iti . anyā api saptavidhāḥ kātyāyanena darśitā yathā sapta paunarbhavāḥ kanyā varjanīyāḥ kulādhamāḥ . vācā dattā manodattā kṛtakautukamaṅgalā . udakasparśitā yā ca yā ca pāṇigṛhītikā . agniṃ parigatā yā ca punarbhūprabhavā ca yā . ityetāḥ kāśyapenoktā dahanti kulamagnivat iti . anyapūrbāvedanañca yugāntaraviṣayamiti mādhavācāryādayaḥ naṣṭe mṛte pravrajite klīve vā patite patau . pañcasvāpatsu nārīṇāṃ patiranyovidhīyate parāśaravākyasya tena yugāntaraviṣayakatvasya vyavasthāpranāt . kaliyuge'pi tatkartavyateti ādhunikāmanyante tatra balābale tattadgranthe evāvagantavye . anyasvāmikamātre'pi manuprabhṛtibhirmānyairbhuktā yadyapi rājabhiḥ . tathāpyananyapūrbeva tasminnāsīt vasundhareti raghuḥ . tataḥ arśaāditvādac, anyā pūrvā yasya vā . tatpariṇetari punarbhūpatau pu° .

anyabhāva pu° anyarūpo bhāvaḥ . anyarūpabhavane anyarūpacittabhāve ca . brā° ṣyañ . ānyabhāvyaṃ tadbhāve na° .

anyabhṛt puṃstrī° anyayā bhriyate bhṛ--karmaṇi kvip . kokile .

anyabhṛta puṃstrī° anyayā bhṛtaḥ puṣṭaḥ . kokile . kalamanyabhṛtāsu bhāṣitamiti raghuḥ . anyapuṣṭamātre tri° .

anyamanas tri° anyasmin manoyasya . svagrāhyaviṣayaparihāreṇa utkaṇṭhayā vyākulībhāvena anyatrāsaktacitte . vā kap . anyamanasko'pyatra tri° .

anyamātṛja pu° anyasyā māturjāyate jana ḍa 5 ta° puṃvad . sāpatne bhrātari asaṃsṛṣṭyapi cādadyāt saṃsṛṣṭonānyamātṛja iti yājña° tādṛśabhaginyāṃ strī .

anyaliṅga pu° anyasya svaviśeṣyasya liṅgamiva liṅgamasya . viśeṣyaliṅgānusāriliṅgake śabde . vā kap . anyaliṅgako'pyuktārthe jñeyāḥ saptānyaliṅgakā ityamaraḥ .

anyavarṇa puṃstrī anyo varṇaḥ yasya . savijātīyavarṇe yathā brāhmaṇasya kṣatriyaḥ kṣatriyasya vaiśyajātirityādi .

anyavādin pu° anyathā pratijñātārthādanyathā vadati vadaṇini . hīnapratijñe vādini--prativādini ca . anyavādī kriyādveṣī nopasthāyī nirutaraḥ . āhūtaḥ prapalāyī ca hīnaḥ pañcavidhaḥ smṛta iti nāradasaṃhitā .

anyavivardhita puṃstrī° anyayā svamātṛbhinnayā vivardhitaḥ puṃvat . kokile . paravardhitamātre tri° .

anyavrata tri° anyat vaidikādbhinnaṃ vrataṃ karma yasya . śrutismṛti--vihitavyatiriktakarmakārake asurādau yatheṣṭācārimānuṣe ca . apadveṣo apahvaro'nyavratasya ṛ° 5, 202, akarmā dasyurabhi no amanturanyavrato'mānuṣaḥ ṛ° 10, 22, 8, .

anyaśākha pu° anyā svādhyāyabhinnā śākhā vedabhāgabhedo yasya . svādhvāyavedaśākhābhinnaśākhādhyāyini anyaśākhodbhavodatto gṛhītaścopanāyita iti dattaka° ca° smṛtiḥ . vā--kap . anyaśākhako'pyuktārthe . svaśākhāmutsṛjya anyaśākhāmadhyetari ca . svārthe kan . śākhāraṇḍe .

anyasādhāraṇa tri° anyena sādhāraṇaḥ . anyena sadṛśe, apyaprasiddhaṃ yaśase hi puṃsāmananyasādhāraṇameva karmeti ku° anyasya sādhāraṇyavati svaparasvatvāspadībhūte sādhāraṇe vittādau .

anyādṛkṣa tri° anya iva paśyati anya + dṛśa--kartari kṛt pā° ukteḥ karmakartari ksa, karmaṇi sak iti mu° bo° . anyādṛśe . kvin . anyādṛgapyatra striyāṃ ṅīp . kañ . anyādṛśastatrārthe ime nūnamīdṛśā anyādṛśā iti chā° upa° . striyāṃ ṅīp .

anyāya pu° nyāyo vicāraḥ, saṅgatiḥaucityaṃ, pratijñādipañcakapratipādakavākyañca abhāvārthe na° ta° . vicārābhāve, saṅgatyamāve, anaucitye, pañcāṅganyāyābhāve ca nyāyaśabdārthe tvadhikaṃ vakṣyate . na° ba° . vicāraśūnye, aucityaśūnye, asaṅgate, pratijñādipañcakavākyaśūnye ca tri° . anyāyenāpi taṃ yāntaṃ ye'nuyānti sabhāsada iti smṛtiḥ . anyāyenāpi yadbhuktaṃ bahūnyabdaśatāni ceti nāradasa° .

anyāyya tri° na nyāyyaḥ . nyāyādanapetabhinne anucite .

anyārtha pu° anyo'rthaḥ vā dugabhāvaḥ . bhinnārthe . anyorthaḥabhidheyaṃ prayojanaṃ tāsya . bhinnābhidheyavācake śabde bhinnaprayojanake padārthe ca tri° .

anyūna tri° na nyūnam . hīnabhinne vyāpyabhinne ca . anyūnānatiriktavṛttitvamavacchedakatvamiti nyāyaprakaraṇam .

anyūnādhika tri° na nyūnaṃ nāpyadhikam . samānabhāvaprāpte nyūnādhikatārahite .

anyūnānatirikta tri° anyūnaḥ ahīnaḥ anatiriktaḥ nādhikaḥ viśeṣaṇayīrapyekasya viśeṣyatāvivakṣayā ka° . samāne . anyūnātatiriktāṅgīṃ yoṣitaṃ saumyadarśanāmiti smṛtiḥ . anyūnānatiriktavṛttitvamiti nyā° pra° .

anyedyuṣka tri° anyedyuḥ anyasminnahani bhavaḥ kan udu padhatvāt ṣatvam . anyadivasabhave . anyedyuṣkamahorātrādekakālaṃ pravartate iti suśrutam .

anyedyus avya° anyasminnahani anya + edyus . anyadivase ityarthe paredyavyada . pūrbedyurunyedyuścāpi cintayanniti bhaṭṭiḥ anyedyurātmānucarasya bhāvamiti raghuḥ .

anyoḍhā strī anyena uḍhā . parakīyanāyikāyām yātrādiniratā'nyoḍhā kulaṭā galitatrapeti sā° da° .

anyodarya pu° anyasmin svamātṛbhinne udare garme bhavaḥ udara + yat . ekapitṛke bhinnamātṛke vaimātreye bhrātari . anyodaryastu saṃsṛṣṭo nānyodaryīdhanaṃ hareriti yājña° smṛtiḥ . tathābhagigyāṃ strī . anyodarajātamatre tri° ataeva dāyabhāge dvicanavyākhyāne bhrātṛputtrādīnāmapi atyodaryapadārthatayā dāyādhikāra uktaḥ .

anyonya tri° anya + karmavyatihāre (ekajātīyakriyākaraṇe) dvitvam pūrbapade suśca . parasparārthe . anyonyamutpīḍaya dutpalākṣyāḥ stanadvayaṃ pāṇḍu tathā pravṛddhamiti anyonya saṃsaktasahastriyāmam anyonyasaṃsparśanimīlitākṣau iti anyonyalolāni vilocanāninīti ca kumā° kṛtadvitvasyāpi sarvanāmatā tenānyo'nyasmai ityādi . anyonyasminnanyonyātmakatāmadhyasyeti śārī° bhā° . tāvetāvanyonyasmin pratiṣṭhitau iti vṛ° u° anyonyasyā evaitacchriyā pratiṣṭhamānāya iti kau° vrā° anyonyamubhayorekakriyāyāḥ karaṇaṃ matami tyuktalakṣaṇe arthālaṅkārabhede na° . tvayā sā śomate tanvī tayā tvamapi śobhase . rajanyā śobhate candraścandreṇāpi ca yāminī sā° da° .

anyonyādhyāsa pu° anyonyasmin anyonyatādātmasyādhyāsaḥ āropaḥ . vedāntimatasiddhe parasparatādātmārope yathā antaḥkaraṇe cetanādhyāsaḥ, cetane vā antaḥkaraṇa tādātmādhyāsaḥ jalavyomnā ghaṭākāśo yathā sarvastirohitaḥ . tathā jīve ca kūṭasthaḥ so'nyonyādhyāsa ucyate iti vṛddhāḥ .

anyo'nyābhāva pu° anyonyasmin anyo'nyasya abhāvaḥ . bhede . bhedo hi yathā ghaṭe paṭasya, tathā paṭe ghaṭasya sadā'sti, saṃsargābhāvastu naivaṃ, ghaṭe bhūtalasyābhāce'pi bhūtale ghaṭasya kadācit sattvasaṃbhavena sadābhāvābhāvāt . abhāvastu dvidhā saṃsargānyo'nyābhāvabhedata iti bhāṣā° tādātmyasaṃbandhāvacchinnapratiyogitākābhāvatvam anyonyābhāvatvamiti muktā° . tacca akhaṇḍopādhiriti nānyonyāśrayaḥ iti tu navyāḥ .

anyonyāśraya tri° anyonyamāśrayatīti ā + śri--ac . parasparasāpekṣe . nyāyamate tarkaviśeṣe pu° . sa ca ekasya jñānādijananāya yathā'nyajñānādyapekṣā tathātasya jñānādi jananāyetarasya jñānāpedyakṣeti svāpekṣāpekṣitvanimittako'niṣṭaḥ prasaṅgaḥ . apekṣā ca jñaptau, utpattau, sthitau ca grāhyā tatra jñaptau ghaṭo'yam yadyetadghaṭajñānajanyajñānaviṣayaḥ syāt tadaitadghaṭabhinnaḥ syāt tatra svajñānasya svajñānajanyatvenāniṣṭaṃ prasajyeta svāpekṣāpekṣijñānatvāt svāpekṣitghaṭajñānarūpaviṣayasya tajjanakajñānaviṣayādbhedarūpamaniṣṭañca sajyeta atoghaṭasya ghaṭabhedaprasaṅgo'niṣṭaḥ . utpattau yathā ghaṭo'yaṃ yadyetadghaṭajanyajanyaḥ syāt tadaitadghaṭabhinnaḥ syādityādi . etadghaṭasya utpattau etadghaṭajanyasāpekṣatve kāraṇasya kāryādbhedaniyatayā etadghaṭasya etadghaṭabhedarūpo'niṣṭaḥprasaṅgaḥ . sthitau yathā ghaṭo'yaṃ yadyetadghaṭavṛttivṛttiḥ syāt tadā tathātvenopalabhyeta na ca tathā upalabhyate tathātve ca ghaṭasya ghaṭavṛttitvāpakṣiraniṣṭā prasajyeta . eteṣu jñaptivipayatayaiva prāyaśo'niṣṭaprasaṅgaḥ . sarvatra tanmūlakameva svagrahasāpekṣagraha sāpekṣagrahakatvamanyonyāśrayatvaṃ tatra tatra vyavahriyate . ataeva parasparajñānasāpekṣajñānāśrayo'nyonyāśraya iti smārtairuktam . evañca anyonyapadasya tajjñāne, tadutpattau, ttasthitau ca lakṣaṇā tadāśrayaḥ anyonyāśraya iti tritayasādhāraṇaḥ vigrahaḥ .

[Page 217b]
anvakṣa tri° anugatamakṣamindriyaṃ gatisa° . pratyakṣe, anupade, anugate ca . akṣṇaḥ mamīpam avyayī° ṭacsamā° . cakṣurnikaṭe avya° .

anvagbhāva pu° anūcobhāvaḥ . paścādgantṛtve, ānugatye .

anvac tri° anu + anca--kvin . anugāmini, striyāṃ ṅīp . samānabandhū amṛte anūcī ṛ° 1, 113, 2, anūcī anvañcantyāviti bhā° . tasmādime anvañcaśca tīryañcaśca śa° brā° . paśuścānvak kātyā° 6, 5, 6 . anu paścādañcatīti tadvyā° . anupade na° avya° amaraḥ . anvagyayau madhyamalokapālaiti raghuḥ anupadaṃ yathāvityarthaḥ svarāderākṛtigaṇatvena tadgaṇīyaḥ anumāne avya° pro° mano° .

anvan tri° ana--vanip . anugantari . anvāsi rātryaitveti tā° brā° striyāṃ ṅīp . bhāṣyakṛtā tu anupūrbādvāteretadrūpamityuktam . tena anu + vā--ka pṛ° rūpasiddhiḥ . striyāṃ ṭāp .

anvaya pu° anu + iṇ--bhāve ac . santatau, anugatau, janmādyasya yato'nvayāditi bhāga° . vṛttau, ānukūlye, kārye--kāraṇasyānusaraṇe, kāryasattāpādakasvasattākasya kāraṇasya kārye sthitau, svasattāniyatasattāvatkāryasaṃbandhe, ca . kartari ac . vaṃśe tasya pūrbapuruṣadehāvayavānugamanāttathātvam . tadanvaye śuddhimati prasūtaḥ śuddhimattara iti raghūṇāmanvayaṃ vakṣye iti tasyānvaye bhūpatireṣa jāta iti atha stute vandibhiranvayajñairiti ca raghuḥ padānāṃ, svopasthāpyapadārthānāṃ vā parasparasaṃbandhe . tātparyākhyāṃ vṛttimāhuḥ padārthānvayabodhane iti sā° da° parasparanirapekṣāṇāmekasminnanvayaḥ samuccaya iti si° kau° . mukhyārthasyetarākṣepo vākyārthānvayasiddhaye iti sā° da° . tatsattve tatsattvarūpe guṇānāṃ tadanvayavyatirekānuvidhāyitvāditi sā° da° . anveti indriyam kartari ac . pratyakṣe, syāt sāhasaṃ tvanvayavat prasabhaṃ karma yat kṛtam . niranvayaṃ bhavet steyamiti manuḥ . anugatamātre tri° . kā tvamekākinī bhīru! niranvayajane vane iti bhaṭṭiḥ anugatajanaśūnye ityarthaḥ .

anvayabodha pu° ekapadārthe dharmiṇi aparapadārthasya anvayaṃ sambandhaṃ bodhayati ākāṅkṣādinā, budha--ṇic--aṇ upa° sa° . śabdajñānajanye śābdabodharūpānubhavabhede . sa ca bodhaḥ na pratyakṣaṃ nāpyanumeti naiyāyikāḥ . kintu tatovilakṣaṇakāraṇakatvādbhinna iti yathoktaṃ prakāśikāyām . śabdo yadi svārthasyānubhave bhaveddhetustarhi prātyakṣikaevaupanāyike, tatra nākāṅkṣādyupayogaḥ, tadbhinne cedānumānika eva na ca tatra sadyaḥ, sākāṅkṣatvādidhīmātreṇa, vyāptibodhasyāpyadhikasyāpekṣaṇādityāśaṅkāmamanetumanvayavodhanāmakamanubhavātaraṃ darśayati . sākāṅkṣaśabdairyobodhastadarthānvaya gocaraḥ . so'yaṃ niyantritārthatvānna pratyakṣaṃ na cānusā . śābdadhiyaḥ pratyakṣatvābhyupagame pratyakṣādisāmānyaṃ prati śābdasāmagryāḥ pratibandhakatvāsambhavāt, śābdānyapratyakṣatvādyavacchinnaṃ prati tasyāstathātvamapekṣya śābdadhiyaḥ pratyakṣādbhinnatvakalpanāyāmeva lāghavācca . liṅgajanyatvenānvayabuddheranumititvasiddhāvanāyattyā śābdānyānumityāṃ tatsāmagryāḥ pratibandhakatvaṃ vācyamato liṅgajatvameva śābdadhiyaḥ khaṇḍayati . yogyatārthagatā''kāṅkṣā śabdaniṣṭhā'nubhāvikā . pratyekaṃ vā militvā vā naite liṅgamasiddhitaḥ . gavādāvastitvāderanubhavārthaṃ na tāvadastitvabādhaviraharūpaṃ liṅgaṃ bādhaniścayābhāvenānyathāsiddhasya yogyatāniścayasyānāvaśyakatvāt yogyatāmātraliṅgakasaṃsargānumānasyānvaya buddhitve ghaṭaḥ karmatvamityādisthalīyasyāpi tasya tathātvāpātācca . yogyatāyāḥ saṃśayasthale'pyagvayabuddherānubhavikatvāt . gavādāvastitvāderanvayabodhānukūlānupūrbīparyavasitā tvākāṅkṣā khayamasiddhā kathamastitvādyanvayabodhaṃ sādhayet tatra gavāstitvāderyogyatāviśiṣṭamapyākāḍkṣāvattvaṃ na tadanvayasya numāpakaprasiddherityādi .

anvayin tri° anveti anu--iṇa--ṇini . śābdabodhopayogi saṃbandhavati anugate ca anvayaḥ vaṃśādiḥ astyasya ini . prāguktānvayavati striyāṃ ṅīp . nyāyanaye anvayavyāptiyukte hetau pu° kevalānvayī .

anvarthā tri° anugato'rtham atyā° sa° . arthānugate vyutpattiyukte śabde tathaiva so'bhūdanvarthaḥ rājā prakṛtirañjanāditi raghuḥ .

anvavasarga pu° anu + ava + sṛja--ghañ anugato'vasargamicchānurūpapracāram, atyā° sa0, anurūpaṃ svecchānurūpatayā avasṛjyate na pratirudhyate anena iti vā anu + ava + sṛja--ghañ . yarthaṣṭa kriyatāmityevaṃ rūpāyāmanujñāyām kāmācārānujñāne, apiḥ padārthasaṃbhāvanānvavasargagarhāsamuccayeṣu pā° api siñca api stuhi ityādau yatheṣṭaṃ kuryā ityādyartho'pinā dyotyate na tu kutrāpi anujñayā pratirodhaḥ kriyate iti tasya tathātvam .

anvavāya pu° anvavāyyate utpattyānusaṃbadhyate anu + ava + aya--ghañ, iṇ--ac vā anunvaveti anugacchati dehāvayavam anu + ava + iṇ--kartari ac vā . vaṃśe, santāne ca .

anvayavyatirekin tri° anvayavyatirekau sto'sya° ini . sādhyasādhake hetuviśeṣe, yathā vahnisādhane dhūmaḥ . sa hi vahnimati mahānasādau, vahnyabhāvavati jalādau ca bhāvābhāvābhyāṃ vahneraranvayavyāpteḥ vyatirekavyāpteśca tatheti nyāyamate prasiddham . anvayo'nvayavyāptirvyatireko vyatirekavyāptistau vidyete asya ini . anvayavyāptimati vyatirekavyāptimati ca hetau . yathā vahnau sādhye dhūmasya anvayavyatirekavyāptikatvam . tatra ca dhūmasattve vahni sattvarūpānvayavyāptiḥ vahnivyatireke ca dhūmābhāvaḥ vyatirekavyāptirityubhayavyāptisattvāttathātvam .

anvayavyāpti strī anvayena vyāptirvyāpanaṃ niyatatayā sthitiḥ 3 ta° . yatra dhūmastatra vahnirityevaṃ rūpāyāṃ vyāptau . anvayena tasya sattvena vyāptiḥ itarānvayasya sādhyasyānvayaḥ vyāpakatā . yathā dhūmasattvena vahnisattā ityatodhūmasattvena vahnervyāpakatā . sā ca sādhyasāmānādhikaraṇyarūpā .

anvayāgata tri° anvayāt vaṃśaparamparāyāḥ āgataḥ . dāyaprāpte dhanādau śrutaṃ śauryaṃ tapaḥkanyāśiṣyayājyānvayāgatam dhanaṃ saptavidhaṃ śuddhamiti nārasa° .

anvavekṣā strī anu + ava + īkṣa--aṅ . apekṣāyāmanurodhe .

anvaṣṭakā strī anugato'ṣṭakām . śrāddhakālabhede sa ca agrahāyaṇyā ūrdhvaṃ tisraḥ kṛṣṇāṣṭamyaḥ aṣṭakāḥ, taduttaravartinyastisraḥ kṛṣṇanavamyaḥ tadrūpaḥ . tāśca sāgnikasya mātrādiśrāddhakālaḥ . tathāhi aṣṭakā yordhvamāgrahāyaṇyāstamisrāṣṭamīti gobhi° . pitṛdānāya mūle syuraṣṭakāstisra eva ca kṛṣṇapakṣe variṣṭhāśceti brahmapu° . āśvalāyanagṛhye tu tāścatasra ityuktam yathā . hemantaśiśirayoścaturṇāmaparapakṣāṇāmaṣṭamīṣvaṣṭakā iti . ekasyāṃ catusṛṣu veti vikalpaśraṃvaṇāt sāmarthyabhedena ekasyāṃ tisṛṣu caturṣu vā aṣṭakāśrāddham anvaṣṭakāśrāddhaṃ ca kāryamiti gamyate . tatra paśukalpasthālīpākādyaṅgajātamuktvā aparedyurānvakakyamiti sūtreṇa taduttaravartikṛṣṇanavamīsu tadvihitam tacca mātrādibhyo'pi deyam pitṛbhyaśca hutvā manthavarjamustrībhyaśca surācāmamiti tatraivokteḥ manunā'pi pitṝṃścaivāṣṭakāsvarcennityamanvaṣṭakāsu cetyuktam atra pitṛpadamaṣṭakāpakṣe svaparam, anvakāpakṣe striyā puṃvat ityekaśeṣeṇa mātṛpitāmahīprapitāmahīsahitapitrādiparam . evañca āśvalāyanagṛhye manuvacane ca pitrāderapi devatātvaśravaṇāt mātrādimātradaivatyaṃ raghunandanoktaṃ cintyaṃ vastutaḥ śākhibhedena sapatnīkapitṛśrāddhaṃ mātrādidevatākaṃ vā tacchāddhamiti vyavasthā . pitrāditrikapatnīṣu bhojyā mātṝḥ prati dvijāḥ . strīṇāmeva tu tadyasmānmātṛśrāddhamihocyate śaṅkhavacanantu tāsāṃ vṛthakśrāddhavidhānārtham . etacca anvaṣṭakāśrāddhaṃ sāgnikamātreṇa kartavyam . tathā ca viṣṇuḥ . anvaṣṭakāṣvaṣṭakāvadagnau hutvā mātre pitāmahyai prapitāmahyai pūrbavadbrāhmaṇān bhojayitvā iti . atra homatvadevāgniprāpteragnigrahaṇaṃ tanniyamārtham . na cāgnaukaraṇahome viprapāṇyāde rvidhānādatrāpi tatheti vācyam prakṛtibhūtaśrāddhavidhyuktasyādhārāntarasya vikṛtībhūtaśrāddhe viśeṣavihitādhāreṇa bādhāt . na vā laukikāgnau homaḥ na paitryayajñiyo homolaukikāgnau vidhīyate iti manuvacanena niṣedhāt . śrāddhacintāmaṇāvapyevam . śrā° ta° raghunandanaḥ .

anvaṣṭamadiśa avya° aṣṭamīṃ diśamanulakṣyīkṛtya avyayī° acsamā° . paścimottarayordiśoraṣṭamābhimukhīkṛtadigbhāge . sa ca vāyukoṇaḥ tasya ca paścimottarayorvāmāvartadakṣiṇāvartābhyāmaṣṭamabhāgatvāttathātvam araṇye samitpāṇiḥ sandhyāmupāste nityaṃ vāgyata uttarābhimukho'nvaṣṭamadiśamānakṣatradarśanāditi ā° ta° sāṃkhyā° gṛ° . anvaṣṭamadiśamiti ubhayadigaṣṭamabhāgamiti raghu° .

anvaha avya° ahri ahri vīpsārthe'vyayī° ac samā° . pratyahamityarthe .

anvākhyāna na° anu + ā + khyā--lyuṭ . tātparyāvadhārāṇārthaṃ vyākhyāne tatpratipādane ca vastvanvākhyānaṃ kriyānvākhyānaṃ ceti ātmasvarūpānvāthyānapareṣviti ca vṛ° u° bhā0

anvācaya pu° pradhānasya paścādanyaḥ ācīyate bodhyate yatna anu + ā + ci + ac . uddeśyasiddhyānuddeśyasiddhyarthopadeśe . yathā bhikṣāṃ gaccha yadi gāṃ paśyestāñcānaya, atra bhikṣāyāmeva uddeśaḥ na gavānavane, tatsiddhyumuraṃ gavānayanamanuddiṣṭamapi sādhyatayā nirdiṣṭam . cānvācaye samāhāre ityamaraḥ . cārthe dvandva iti pā° sūtre samuccayānvācayetaretarayogasamāhārāścārthā iti si° kau° .

anvāje avya° anu--ājayatyanena anu + ā + ji--ḍe . durbalasya balādhāne . balasya hi jayahetutvaṃ prasiddham . saptamyantapratirūpako'yam . upāje anvāje iti pā° vā upapadasamāse anvājekṛtyetyādau lyap . pakṣe anvājekṛtvā .

anvādeśa pu° anu + ā + diśa--ghañ . pūrbopāttasya kiñcitkāryāntaraṃ vidhātuṃ punarupadeśe . yathā anena vyākaraṇamadhītaṃ nyāyamenaṃ prapāṭhayeti nyāyapāṭanārthaṃ punarupadeśaḥ . kathitakathate, anuvādārthe ca . idamo'nvādeśe'śanudātta iti pā° .

anvādhāna na° vahnisthāpanasya paścāt ādhānam . āhita vahnau--dvayoḥ tisṛṇāṃ vā samidhāmādhāne . sthaṇḍilādikaraṇānantaram tadabhyukṣyāgniṃ pratiṇāyyānvādhāya parisamuhyeti ā° gṛ° sūtre hi agnyādhānottaraṃ tadādhānamuktam . agnyanvādhānamadhvaryuryajamāno veti kātyā° 2, 1, 2 .

anvādhi pu° paścāt ādhīyate anu + ā + dhā--ki . svasamīpe āhitasya vastunaḥ svāmine dānāya paratrādhāne tadviṣaye dhane ca arthamārgaṇakāryeṣu anyasmin vacanānmama . dadyāstvamiti yodattaḥ sa ihānvādhirucyate iti kātyā° sa° . santata āviḥ . santatamānasavyāthāyām .

anvādheya na° vivāhasya paścāt ādheyam dattam . anu + ā + dhā--yat . vivāhāt param pitrādibhiḥ strībhyo dattadhane strīdhanabhede vivāhāt paratoyattu labdhaṃ bhartṛkulāt striyā anvādheyaṃ taduktaṃ tu labdhaṃ bandhukulāttatheti nā° sa° . bandhudattaṃ tathā śuklamanvādheyakameva ca . aprajāyāmatītāyāṃ bāndhavāstadavāpnuyuriti yā° .

anvāyatana avya° āyatanasya madhyam avya° . gṛhamadhye ityarthe anugatamāyatanam atyā° sa° . gṛhānugate tri° .

anvāyatta tri° anu + yata--kta . anugate prastotaḥ! yā devatā prastāvamanvāyattā tāñcedavidvāniti vasavo'nvāyattā iti ca chā° upa° .

anvārabdha tri° anu + ā + labha--kartari kta lasya raḥ . kṛtasparśe viṣṇoḥ karmāṇīti vācayati yūpamanvārabdhamiti kā° 6, 3, 12, anvārabdhaṃ spṛṣṭavantamiti vedadopaḥ . karmaṇi kta . paścādbhāge--spṛṣṭe, paścāllagne ca . anvārabdhena savyena pāṇinā dakṣiṇena tu iti ā° ta° yā° . anvārabdhena paścāllagneneti raghu° . dvābhyāṃ patnībhyāmanvārabdha iti bau° sū° .

anvārabhya tri° saha ālabhyaḥ lasya raḥ . sahaspṛśye .

anvārambha na° paścāt ālambhaḥ lasya raḥ . sparśe anupūrbakalabherhi sparśārthatvam . anaḍvāhamanvārabhāmahe iti yaju° 35, 13 sparśārthe prayogāt . anaḍvāhamanvā rabhāmahe ālabhāmahe spṛśāma iti vedadīpaḥ .

anvārūḍha tri° anu + ā + ruha--kta . adhirūḍhe . paścādārūḍhe ca .

anvārohaṇa na° paścāt ārohaṇam . paścādabhartari mṛte paścāt saha vā striyāścitārohaṇetacca brahmacaryaṃ tadanvārohaṇaṃ veti vi° sūtre vihitam vivṛtamanumaraṇaśabde .

anvāsana na° anu + āsa--lyaṭ . anūpaveśanena sevane .

anvāsita tri° anu + āsa--karmaṇi kta . paścādupaveśanādinā sevite anvāsitamarundhatyeti raghuḥ .

anvāhārya na° māsi māsi āhriyate anu + ā + hṛ-- karmaṇi ṇyat . yacchrāddhaṃ karmaṇāmādau yā cānte dakṣiṇā bhavet . āmāvāsyaṃ dvitīyaṃ syādanvāhāryaṃ vidurbudhā iti kātyāyanaparibhāṣite nāndīmukhaśrāddhe, amāvāsyāyāṃ māsi māsi kartavye śrāddhe, dakṣiṇāyāñca pitṛṇāṃ māsikaṃ śrāddhamanvāhāryaṃ vidurbudhā iti manuḥ . sarvāṇyevānvāhāryavanti gobhi° . anvāhāryaṃ nāndīmukhaśrāddham dakṣiṇā ca tadubhayavanti . svārthe kan tatraiva . piṇḍānvāhāryakaṃ śrāddhaṃ kuryānmāsānumāsikamiti manuḥ māsimāsikartavyaśrāddhasyānumāsamāhriyamāṇatvāt nāndīmukhasya saṃskārādau āhriyamāṇatvāt, dakṣiṇāyāḥ karmaṇāṃ paścāt āhriyamāṇatvācca tathātvam .

anvāhāryapacana pu° anvāhāryaṃ tadarthānnaṃ pacyate'nena paca + lyuṭ . dakṣiṇāgnau ṛgvedavidhinā sthāpite'gnau . atha hainamanvāhāryapacano'nuśaśāsāpo diśo nakṣatrāṇi candramā iti chā° upa° . anvāhāryapacano dakṣiṇāgnirāpo diśo nakṣatrāṇi candramā ityetamomama catasrastanavastaturdhā ahamanvāhāryapacanaḥ vibhajya ātmānaṃ sthitaḥ iti bhā° . prasiddhaṃ hi darśapaurṇamāsayoranvāhāryapacane haviḥ śrapayantīti āna° gi° . yasminnagnāvṛcā vā sāmnā vā yajuṣā vā samidhaṃ vābhyādadhyādāhutiṃ vā juhuyādante dakṣiṇāṃ vā hareyuranu vā gamayeyurdakṣiṇā vāhyena harantyānvāhāryapacanobhaviṣyatīti anu vā gamayanti iti śata° brā° tasya niruktirdarśitā .

anvāhita tri° anu + ā + dhā--kta . kṛtānvādhāne, vahnauprakṣiptasamidviśeṣe anvāropite ādheḥsvāminodānārthamaparasya haste nikṣipte ca . anvāhitaṃ yācitakamityādi yā° .

anvicchā strī anu + iṣa--a ni° . anveṣaṇe .

[Page 220b]
anvita tri° anu + iṇa + kta . anugate, yukte, sahasambaddhe, śābdabodhe viśeṣyatāprāpte ca prakṛtyarthānvitasvārthabodhakatvaṃ pratyayānāmiti nyāyaḥ .

anviṣṭa tri° anu + iṣ--kta . anveṣite kṛtānveṣaṇe . yadvāyuranviṣṭamṛgaiḥ kirātai riti kumā° . kṛtānusandhāne ca anviṣṭaḥ syāt pramātaiva pāpmadoṣādivarjita iti śā° bhā° .

anviti tri° iṇa--ktin namaskāreṇa anukūlā itiḥ yasya . natyā anukūlatāprāpte anvitirasi dive tveti tā° brā° . anvitiḥ anukūlanatiyukto'sīti bhā° .

anvīkṣā strī paścāt īkṣā paryālocanā prā° sa° . vedavākyaśravaṇasya paścāt tadarthaniścayārthaṃ tadarthaparyālocane, anvīkṣāyai hitā ṭhak . ānvīkṣikī tarkavidyā . ānvīkṣikī kauśalānāmiti gītā . lyuṭ . anvīkṣaṇamapyatra na° .

anvīta tri° anu + ī--gatau kartari kta . anugate anvitaśabdārthe

anvīpa tri° anugatā āpo yatra sthānādau acsamā° aci āta īt . anugatajale sthāne, deśe vācye tu ūdanordeśe iti pā° ūt, anūpodeśaḥ .

anvṛca avya° ṛci vibha° avyayī° ac samā° . ṛcītyarthe . triṣṭhubhaścānvāha tāsāyukto bandhuruktaṃ vevāmanvṛcamiti śata° brā° .

anveṣa pu° anu + iṣa--bhāve ghañ . anveṣaṇe anusandhāne gaveṣaṇe vayaṃ tattvānveṣānmadhukara! hatāstvaṃ khalu kṛtīti śaku° .

anveṣaṇa na° anu + iṣa--bhāve lyuṭ . anusandhāne gaveṣaṇe naṣṭadravyasya darśanāya lābhāya vā vyāpārabhede . randhrānveṣaṇadakṣāṇāṃ dviṣāmāmiṣatāṃ yayau raghuḥ .

anveṣaṇā strī anugatā eṣaṇā iṣeranicchārthakasyeti pā° yuc ṭāp . tattvānusandhāne tarkādinā jñātapadārthasya śuddhyarthaṃ yuktyādinā samarthane gaveṣaṇe ca .

anveṣita tri° anu + eṣṛ--gatau--iṣa--svārthe ṇic--karmaṇi vā kta . gaveṣite, kṛtānusandhāne ca .

anveṣin anu + iṣa--ṇini . gaveṣaṇakartari tau sītānveṣiṇau gṛdhraṃ lūnapakṣamapaśyatāmiti raghuḥ . striyāṃ ṅīp .

anveṣṭavya tri° anu + iṣa--karmaṇi tavya . anusandheye so'nveṣṭa vyaḥ sa vijijñāsitavya iti śrutiḥ anveṣṭavyātmavijñānāt prākpramātṛtvamātmana iti śā° bhā° .

anveṣṭṛ tri° anu + iṣa--śīlārthe tṛc vā iḍabhāvaḥ . gaveṣaṇa śīle tatkartari ca anupadamanveṣṭā pā° . iṭpakṣe anveṣitāpyatra . ubhayayataḥ striyāṃ ṅīp .

ap strī ba° va° . āpa--kvip hrasvaśca . jale . prattaṃ jalaṃ dvyañjalamantike'pām bhaṭṭiḥ . adbhireva pārayitvā naityikānte bhujikriyeti smṛtiḥ agnerāpaḥ, adbhyonnamiti śrutiḥ apaeva sasarjādau tāsu vījamavāsṛjaditi manuḥ . samāsānte ac samāsāntaḥ . bahvapāni taḍāni sārasāḥ samupāsate ityudbhaṭaḥ . kṛtasamāsāntasya upasarga dvyantaḥparasya ātaīttvam . samīpaṃprepam dvīpaḥ antarīpam . anupūrbāttu deśe vācye ūt . anūpodeśaḥ anyatra anvīpogrāma ityādi . pūjārthakasupūrbāt na ac . svāmpi nagarāṇi . apāṃ vikāraḥ mayaṭ . ammayaḥ vā ṣyañ . āpyam . svārthe cātu° ṣyañ . āpyaṃ jale na° .

apa avya° na pāti pā--ḍa . viyoge vikṛtau, viparīte, nidarśane, ānande, varjane, caurye ca . apa--viyoga vikṛti--viparīta--nidarśanānanda--varjana--caurya--vāraṇeṣu iti ga° ma° . viyoge apayāti satve niviśate'paitīti pā° bhā° . bhītyā rāmādapāsarat? . vikṛtau, apakṛtaḥ apacayaḥ viparīte, apaśabdaḥ taeva śaktivaikalyapramādālasatādibhiḥ . anyathoccāritāḥ śabdā apaśabdā itīritā iti haryukteḥ sādhuśabdānāṃ vaiparītyenīccāraṇaevāpaśabdatvasya paribhāṣitatvādasya viparītaśabdatvam . nidarśane nideśe apadiśati . ānande apahasati, varjane apaparī varjane iti pā° ukteḥ karmapravacanīyasaṃjñā tadyoge pañcamī . apa trigartāt vṛṣṭodevaḥ . caurye apaharati . vāraṇeapavartayati samena kenāpavartyeti līlā° . apakarṣe apakarma . adhaḥ pradeśe, ca apāṅa apānaḥ . adhogatimānityarthaḥ .

apakarman na° apakṛṣṭaṃ karma prā° sa° . duṣṭācaraṇe . apākaraṇe ca ṛṇasyānapakarma ceti dattasyānapakarma ceti smṛtiḥ prā° va° . duṣṭācaraṇavati tri° . striyāṃ vā ṅīp .

apakartṛ tri° apa + kṛ--tṛc striyāṃ ṅīp . apakārakārake .

apakarṣa pu° apa + kṛṣa--bhāve ghañ . ucitadharmāpekṣāto hīnatāyāṃ, tatra pṛthivyādīnāmanyonyānupraveśakṛtaḥ salilabhavaraso'tyutkarṣāpakarṣeṇa ceti yathā hi varṇānāṃ pañcānāmutkarṣāpakarṣakṛtena saṃyogaviśeṣeṇeti ca suśrutaḥ utkarṣañcāpakarṣañja manuṣyeṣviha janmata iti manuḥ . utkarṣāpakarṣavihīnomadhyaḥ si° kau° . svakartavyakālāt pūrbakālakaraṇe, parasūtrapadānāmanvayārthaṃ pūrbasūtre ākarṣaṇe ākarṣaṇamātre ca . apakṛṣyate karmaṇi ghañ . svakālataḥ pūrbaṃ kartavye yathā apakarṣasasiṇḍanam . tathā ca mukhyaṃ śrāddhaṃ māsimāsi aparyāptāvṛtuṃ prati . dvādaśāhena vā kuryādekāhe dvādaśāthaveti smṛtau maraṇottaraṃ mṛtāhe māsi māsi kartavyānāṃ mṛhāhanimittakamāsikādīnāṃ dvādaśāheṣu ekāheṣu ca kartavyatvokteḥ sarvāpakarṣaḥ . tathā'pakarṣe ca hetava ekaputratvādayaḥ . ānantyāt kuladharmāṇāṃ putrasya cāyuṣaḥ kṣayāt . asthiteśca śarīrasya dvādaśāhe praśasyate iti smṛtyuktāḥ . tatra pāścāttyānāṃ kuladharmāt dvādaśāha eva kartavyatāyāḥ kulaparamparācāraḥ . vaṅgīyānāntu ekaputrasyaiva āyuṣaḥkṣayasambhāvanāyāmiti bhedaḥ . ayameva sarvāpakarṣaḥ, āvaśyakavṛddhyārambhakāle tu na sarvāpakarṣaḥ . kintu paścādbhāvināmevāpakarṣa iti bhedaḥ . evaṃ navamamāsādiṣvapyapakarṣaṇe na sarvāprakarṣa iti bodhyam .

apakarṣaka tri° apakarṣati apa + kṛṣa--kartari ṇvul . apakarṣakārake rasasyānapakarṣakatve teṣāṃ doṣatvamapi nāṅgīkriyate iti doṣāstasyāpakarṣakā iti ca sā° da° .

apakarṣaṇa tri° apakarṣati apaharati kartari lyu . apahārake nacāsti sadṛśaṃ tena kiñcitsthaulyāpakarṣaṇamiti varṣāyāṃ baddhavinmūtrārūkṣāḥ śleṣāpakarṣaṇā iti suśru° bhāve lyuṭ . ākarṣaṇe na° . saśalyaḥ kliśyate prāṇairviśalyovinaśiṣyati . iti māmāviśaccintā tasya śalyāpakarṣaṇe rāmā° .

apakāma tri° apagataḥ kāmo yasya yatra yasmādvā prā° ba° . apagatakāme vā uttarapadalopābhāve apagatakāmo'pyuktārthe apakāmaṃ syandamānā avīvarata vohitamiti atha° 313, 3, . kābhasyātyayaḥ atyaye avyayī° . kāmātyave avya° śatrorakāmaṃ kṛṇoti dhanvaneti ṛ° 6, 75, 2, apakāmaṃ kāmasyāpāyamiti bhā° .

apakāra pu° apa + kṛ--bhāve ghañ . aniṣṭasampādane taddhetau drohe ca droho'pakāra iti si° kau° . upakartrāriṇā sandhirna mitreṇāpakāriṇā . upakārāpakārau hi lakṣyaṃ lakṣaṇametayoriti māghaḥ . apakāro'niṣṭacinte tyukteraniṣṭaṃ bhūyāditi cintane ca tato jātāstvimā dhorā nānārūpā mahāviṣāḥ apakārāya bartante iti suśrutaḥ .

apakāragira strī apakāreṇa dveṣeṇa gīryate gṝ--kvip . bhartsanavākye . bhartsanaṃ tvapakāragīḥ ityamaraḥ .

apakārin tri° apa + kṛ--kartari ṇini . apakārakārake, aniṣṭacintake drogdhari ca . upakartrāriṇā sandhirna mitreṇāpakāriṇeti māghaḥ svavīryeṇaiva tān śiṣyānmānavānapakāriṇa iti manuḥ .

apakṛta tri° apa + kṛ--karmaṇi kta . yasyāniṣṭaṃ kṛtaṃ tasmin kṛtadrohe kiṃ mayāpakṛtaṃ tasyeti . bhāve kta . apakāre na° . mitrasya caivāpakṛte dvividhovigrahaḥ smṛta iti manuḥ .

apakṛti strī apa + kṛ--bhāve ktin . apakāre, aniṣṭacintane, drohe ca .

apakṛtya na° apakṛṣṭaṃ kṛtyam prā° sa° . apakṛṣṭakarmaṇi . apa + kṛ--bhāve kyap . apakāre na° . bhāve striyāṃ kyap . apakṛtyā apakāre strī .

apakṛṣṭa tri° apa + kṛṣa--kta . adhame, hīne, svakālāt pūrvakāle kṛte, parasūtrādanvaṣārthaṃ pūrbasūtre ākṛṣṭe, ākṛṣṭamātre ca svoccāpakṛṣṭā bhagaṇaiḥ prāṅmukhaṃyānti madgrahā iti sūryasiddhāntaḥ .

apakti strī na paktiḥ abhāvārthe na° ta° . pākābhāve .

apakrama pu° apa + krama--bhāve ghañ . apayāne . apakramāduhaivaiṣāmetadbibhayāñcakāra śata° brā° 4, 3, 3, 11 . apakramyate yasmāt apādāne ghañ . apayānāvadhisthāne vikṣipatyeṣa vikṣepaṃ candrādīnāmapakramāditi sū° si° . apakramāt krāntivṛttasthaspaṣṭagrahabhogasthānāditi raṅganāthaḥ . apagataḥ kramaḥparipāṭī yasmāt prā° sa° . kramavihīne akrame tri° vā uttarapadalopābhāve apagatakramo'pyuktārthe tri° . kramasyātyayaḥ avyayī° . kramātyaye avya° . ktvi veṭkatvāt vā vṛddhiḥ . apakrāmo'pyuktārthe . yasyasyābhikrāntyā'pakrāmāya iti ai° vrā° .

apakramaṇa tri° apa + krama--bhāve lyuṭ . apayāne palāyane ca . apakramaṇamevākha sarvakāmairahaṃ vṛṇe iti rāmā° . purastānnāpakramaṇamastyatraivānvicchateti śata° vrā° .

apakramin tri° apa + krama--kartari ṇini veṭkāmantatvāt vā hrasvaḥ . apayānakartari tānevaitadanapakramiṇo'kuruta śata° brā° vṛddhau apakrāmītyapi striyāṃ ṅīp .

apakriyā strī apa + kṛ--māve striyāṃ śa . drohe, apakāre ca . caturthopāyasādhye tu ripau sāntvamapakriyeti māghaḥ . janmaveṣatapasāṃ virodhinīṃ mā kṛthāḥ punaramūmapakriyāmiti kirā° .

apakrośa pu° apa + kruśa--ghañ . nindane . upakrośo'pyatra . bhāve lyuṭ . apakrośanamapyatra na° .

[Page 222b]
apakva tri° na pakvaḥ . apariṇate apakvayogī apariṇatayogī yathā yogābhyāsa ucitaḥ tathābhyāsaśūnyaḥ ityarthaḥ . āme taṇḍulaphalādau ca . apakvena vartitavyaṃ phalamūlādināpi veti smṛtiḥ .

apakṣa tri° nāsti pakṣo garut yasya . pakṣaśūnye uḍḍayanaśaktiśūnye ca . pakṣaḥ sahāyaḥ . tacchūnye .

apakṣapāta pu° pakṣe sahāyatāyāṃ pātaḥ ānukūlyam abhāvārthe na° ta° . pakṣapātābhāve sahāyatā'karaṇe . apakṣapātāt vaktavyaṃ sabhāyāmiti niścaya iti nīti° .

apakṣapātin tri° pakṣe sahāyatāyāṃ patati pata--ṇini 70 ta° tataḥ na° ta° . pakṣapātiminne yathārthavādini .

apakṣepaṇa na° apa--kṣipa--lyuṭ . adhaḥsthānasaṃyogahetau kriyāviśeṣe, adhaḥpātane ca . avakṣepaṇamamyatrārthe . utkṣepaṇaṃ tathāpakṣepaṇamākuñcanaṃ tathā prasāraṇañca gamanaṃ karmāṇyetāni pañca ceti bhāṣā° avakṣepaṇamiti vā pāṭhaḥ .

apagaṇḍa pu° gaṇḍovṛddho vaiparītyārthakenāpaśabdena prā° sa° . atibāle apogaṇḍa iti haima° . apogaṇḍaśabde vivaraṇaṃ dṛśyam .

apagata tri° apa + gama--kartari kta . apayāte palāyite ca . bhāve ghañ . tatrārthe pu° .

apagama pu° apa + gama--bhāve ghañ na vṛddhiḥ . apayāne apasaraṇe . nidrāpagamahetubhyo vibodhaścetanāgama iti sā° da° purāṇapatrāpagamādanantaraṃ lateva sannandhamanojñapallaveti raghuḥ .

apagara pu° apa + nindārthe gṝ--bhāve ap . nindane . anyadantarvedītyupakramya abhigarāpagarau kātyā° 13, 3, 3, apagaronindeti tadvyā° .

apagā strī apagacchati niṣyandate apa + gama--ḍa . āpagāyām nadyām . apayānakartari tri° .

apagā(go)ram avya° apa + gurī--udyamane ṇamul eca ācca vā . udyamyetyarthe asyapagāram asyavagoraṃ veti si° kau° .

apagoha pu° apa + guha--ghañ . tarodhāne gopane ca . sa vidvānapagohaṃ kaṇīnāmāvirbhavanniti ṛ° 2, 15, 7, apagohaṃ tirobhāvamiti bhāṣyam .

apaghana pu° apahanyate saṃhatya karma kṛtvā viyujyate apa + hanaap ghanādeśaḥ . śarīre, hastādyavayave ca . śarīrādi hi puruṣopabhogāya prathamaṃ saṃhatya tattatkarma niṣpādya bhogādṛṣṭakṣaye punarviyujyate iti tasya tathātvam . dehādeḥ saṃhatya kāritvaṃ ca pātañjalādau darśitaṃ yathā . parārthaṃ saṃhatya kāritvāditi pāta° . itarasāhityenārthakriyākāritvaṃ saṃhatyakāritā, saṃhananañca ārambhakasaṃyogabhedaḥ . tathā ca dehādikaṃ parārthaṃ (svetarasya bhogāpavargaphalakam,) saṃhatatvāt śayyāsanādivadityanumānaprayogaḥ . ataeva sāṃkhyasūtre saṃhataparārthatvāditi saṃhantṛsiddhiruktā . saṃhatānāṃ dehā dīnāṃ svetarasya bhogādiphalakatvāt saṃghātātiriktaḥ puruṣo'numīyate nahi acetanānāṃ dehādīnāṃ svataḥ saṃghātaḥ sambhavati ataḥ saṃghātasiddhaye puruṣasiddhiriti samuditārthaḥ . saṃyogāśca vibhāgāntā ityukteḥ saṃyogabhedarūpasaṃhananasyāvaśyaṃ viyogāntatvāt dehādīnāṃ tadavayavānāñca krameṇārambhakasaṃyoganāśena parasparaviyoga ityato'ṅgāderavaśyaviyogavattvāt tathātvam ataeva antavanta ime dehā nityasyoktāḥ śarīriṇa iti gītāyāmārambhakasaṃyoganāśapūrbakaparasparaviyogena nāśa uktaḥ . lauhodghanaghanaskandhā lalitāpaghanāṃ striyamiti bhaṭṭiḥ . apagatoghanomegho yasmāt prā° ba° vā gatalopaḥ . meghāvaraṇaśūnye tri° vā gatalopābhāve apagataghano'pyuktārthe .

apaghāta pu° apa--hana--bhāve ghañ . apakṛṣṭahanane duṣṭahetukamaraṇe ca .

apaghātaka pu° apahanti apa + hana--ṇvul . vināśake . jijñāsā tadarapaghātake hetau sā° kā° pāṭhāntaram .

apaghātin tri° apa + hana--kartari ṇini . apahananakartari striyāṃ ṅīp .

apaca pu° na paktuṃ śaktaḥ paca--ackāvaśaktāviti pā° . ac . paktumaśakte . apacaḥ paktumaśakta iti si° kau° .

apacaya pu° apa + ci bhāve ac . hānau, apaharaṇe, vyaye ca .

apacarita na° apakṛṣṭaṃ caritaṃ prā° sa° . apakṛṣṭacarite sadoṣācaraṇe, āhosvit prasavo mamāpacaritairviṣṭambhito vīrudhāmiti śaku° .

apacāra pu° apa + cara--bhāve ghañ . ahitācaraṇe apathyasevane kṛtāpacāro'pi parairanāviṣkṛtavikriyaḥ . asādhyaṃ kurute kopaṃ prāpte kāle gadoṃ yatheti māghaḥ . apacāraḥ apakāraḥ apathyañceti malli° . yonipradoṣācca bhavanti śiśne pañcopadaṃśā vividhāpacārairiti vaidya° . vaiparītyādihetukadoṣe nāpacāramagaman kvacit kriyā iti māghaḥ . apacāraṃ lopaviṣayaviparyāsādidoṣamiti malli° . vināśe ca mahādhvare vidhyapacāradoṣa iti kirā° . apacāraḥ karmalopadoṣa iti malli° . mudgāpacāre māṣapratinidhāviti mīmāṃsā . apakarmaṇi ca gūhamānā'pacāraṃ sā bandhupakṣabhayāttadā bhā° ā° pa° 111 a° .

apacārin tri° apa + cara--tacchīlārthe kartari ghinuṇ . apakarmakaraṇaśīle striyāṃ ṅīp . patyau bhāryāpacāriṇīti manuḥ . bhāryā apacāriṇī vyabhicāriṇī jārapatiṃ kṣamamāṇe bhartari pāpaṃ saṃśleṣayatīti kullūkabhaṭṭaḥ .

apacikīrṣā strī apakartumicchā apa + kṛ--san--bhāve striyām a . apakartumicchāyām .

apacikīrṣu tri° apakartumicchuḥ apa + kṛ--san--u . apakārakaraṇecchāvati .

apacit tri° apa + ci--kvip . apacayakārake . itastāḥ sarvānaśyantu bādhakā apacitāmiva atha° 6, 25, 1 .

apacita tri° apacāyyate ānandena pūjyate cāya--pūjanādau kta cāyateściḥ apaśabdasyānandapūrbakatvam . ānandena pūjite . pūjito hi ānandapūrbakaṃ pūjyate . apa + cikta . jātāpacaye avayavādyapacayayukte, hīne, vyayite ca . tatrāpacitavalāḥ prāṇinobhavanti suśrutaḥ .

apaciti strī° apa + cāya--ktin cāyateściḥ . pūjāyām vihitāpacitirmahībhṛtā iti māghaḥ . apa + ci--ktin . apacaye hīnatāyām, apakṣayarūpabhāvavikārabhede ca .

apacī strī apakṛṣṭaṃ pacyate'sau paca--karmakartari ac aprāśantye na° ta° gau° ṅīṣ . gaṇḍamāloparijāte rogabhede athāto'granthyapacyarvudagaṇḍamālānāṃ nidānaṃ vyākhyāsyāma ityupakramya ananyavarṇairupacīyamānaṃ cayaprakarṣādapacīṃvadanti kaṇḍūyanānte'lparujāḥ prabhinnāḥ sravanti naśyanti bhavanti cānye iti suśrute tallakṣaṇamuktam . te granthayo kecidanāptapākāḥ sravanti naśyanti bhavanti cānye . kālānubandhaṃ ciramādaghāti saivāpacīti pravadanti keciditi vai° nāḍīṃ kaphānilakṛtāmapacīṃ vraṇāṃśceti apacīṃ gaṇḍamālāṃ ca grahaṇīṃ śothameva veti casuśrutaḥ .

apacīyamāna tri° apa + ci--karmakartari śānac . apakṣīyamāṇe .

apacchāya pu° apagatā dehacchāyā kāntirvāsya prā° ba° vā gatalopaśca . deve dehacchāyāśūnyatvātteṣāmapacchāyatvam . ataeva bhajantu rūpaṃ kiyadasya devāśchāyā nalasyāsti tathāpi naiṣām . itīrayantīva tathā niraikṣi sā (chāyā) naiṣadhe natvamareṣu teṣu iti naiṣadhe devānāṃ chāyārāhityaṃ lakṣaṇatvena varṇitam . apagatakāntau tri° .

apacyava pu° apa + cyuṅ--gatau bhāve ap . apasaraṇe nirgamane yatra nāryapacyavamupacyavañca śikṣate iti ṛ° 1, 28, 3 apacyavyaṃ śālāyānirgamamiti bhā° . apa--cyu--kṣaraṇe, ap . apakṣaraṇe .

apacyuta tri° apa + cyu--kartari kta . apakṣayaprāpte naṣṭaprāyekṣarite ca .

apajargurāṇa tri° apa + gṝ--yaṅ lak--tācchīlye cānaś . ācchādanādimocana śīle jigartimindro apajargurāṇa iti ṛ° 5, 29, 4, .

apañcīkṛta tri° apañcātmakaḥ pañcātmakaḥ kṛtaḥ na° ta° . pañcātmakatāmanāsādite sūkṣmabhūte, pañcīkāraprakārastu pañcīkaraṇaśabde vakṣyate pañcaprāṇamanobuddhidaśendriyasamanvitam apañcīkṛtabhūtotthaṃ sūkṣmāṅgaṃ bhogasādhanamiti vedā° pa° .

apajaya pu° apa + ji--bhāve ac . parājaye .

apaṭāntara tri° paṭena tiraskariṇyā antaramatra na° ta° . avyavahite, āsanne, saṃsakte ca . apadāntaramityapyatraivārthe .

apaṭī strī alpaḥ paṭaḥ paṭī na° ta° . (kānāt) iti khyāte kāṇḍapaṭe vastraprāvaraṇe sa ca dūṣyādholambivāyusañcārārthaḥ paṭhabheda iti mallināthaḥ .

apaṭīka tri° nāsti paṭī yasya kap . prāvaraśapaṭaśūnye, apagatā ṭīkāvyākhyāgranthoyasya . ṭīkājñānaśūnye apaṭīkojaḍomāghe bhṛśaṃ jāḍyena tāḍyate ityudbhaṭaḥ .

apaṭīkṣepa pu° apaṭyāḥ kāṇḍapaṭasya kṣepaḥ . prāvaraṇapaṭakṣepe . nāṭyai hi prāvaraṇapaṭe anyairākṣipte eva pātrapraveśo'bhinayasampradāyastamullaṅghya pātreṇa yatra kāṇḍapaṭaṃ svayaṃ kṣiptvā praviśyate tena cākasmikatvaṃ tatpraveśasya gamyate . etatprayogaśca bhariśo nāṭakeṣu .

apaṭu tri° paṭurdakṣaḥ na° ta° . rogiṇi, dakṣatārahite, kāryākṣame, dakṣatāviroghimandatve ca . bhāve tva apaṭutvam . apāṭave . tal . apaṭutāpyatraiva tvāntaṃ na° talantaṃ strī . guṇavacanatvāt imanic . apaṭimā tatraiva pu° .

apaṇya tri° na paṇyaḥ vikreyaḥ aprāśastye na° ta° . smṛtyādiniṣiddhavikraye padārthe . prāyaścittasahitāni apaṇyāni ca prāyaścittaviveke darśitāni yathā viṣṇuḥ . kṛṣṇavastraraṅgaratnaguḍagandhamadhurasorṇāvikrayī trirātramupavaset . raṅgaḥ sindūrakusumbhādi . etat sakṛdvikraye paiṭhīnasiḥ . tathā'vikreyāṇi brāhmaṇasya lavaṇaṃ pakvānnaṃ madhurakṣīraṃ dadhi ghṛtamudakaṃ sarvagandhīlākṣāraktavāso guḍastailaṃ grāgyaraśūnāmekaśāphāḥ keśinaḥ . sarve cāraṇyāḥ paśabovidyāpūrtamiṣṭaṃ gāvaḥ śaṅkhaścorṇā ceti vikrayeṇa teṣāmekaikasmin prājāpatyañcaret . tathācyavanaḥ daghimadhūcchipiṣṭasarpiḥpakvānnatilatakrakṣīrarasaviṣatilāśvanīlīkauṣaiyavāsolākṣārasalavaṇavikraye prājāpatyañcaret . etaccābhyāsaviṣayaṃ tatra dhenurekā dātavyā . hārītaḥ . lākṣālavaṇamāṃsatailakṣīradadhighṛtatakragandhacarmaraktavāsasāmekatamavikraye cāndrāyaṇam tathā śātātapaḥ . āmamāṃsa surāsomalākṣālavaṇasarpirṣām . vikraye sarvapaṇyānāṃ dvijaścāndrāyaṇañcaret . aitaccātyantābhyāse cāndrāyaṇe cāṣṭadhenavaḥ . bhaviṣyapurāṇe . guḍaṃ tilāṃstathā nīlīṃ keśagodhūmakanyakāḥ . vikraye brāhmaṇo'pāñca kṛcchraṃ sāntapanañcaret . etadvāratrayābhyāse sāntapane dhenudvayam . hārītaḥ athorṇikeśikeśariṇāñca dhenvanaḍudaśmaśastravistavikraye taptacchrahṛvidhiḥ . hiṅguguggulurasasarjarasaharitālamanaḥśilāñjana gairikakṣāralavaṇamaṇimauktikaprabāladantanakhaśuktiśaṅkhaveṇuvaiṇavamṛṇmayavikraye ca . ārāmataḍāgodapānapuṣkariṇīpūrtasuhṛdvikrayeṣu triṣavaṇasnāyyadhaḥśāyī caturthakālabhuk saṃvatsareṇa pūtobhavatīti . ārāmādinikhilavikraye hyotaditidharmapradīpaḥ . tathā hīnonmānamāpanasaṅkara saṅkīrṇavikraye ca . atra ca kāmākāmasakṛdabhyāsāpekṣayāvaiṣamyadoṣaḥ samarthanīyaḥ . hīnamānonmānamāpanaṃ tulādīnāṅkarasaṅkīrṇatvaṃ dravyasyādravyeṇa . viṣṇuḥ prāṇibhūpuṇyasoma vikrayī taptahracchraṃ kuryāt . annauṣadhipuṣpamūlacarmabidalatuṣakārpāsakeśabhasmāsthigorasapiṇyākatilatailavikrayī prājāpatyam . vidalaḥ pācitavaṃśādinirmitaḥ . tathā śleṣma jatumadhūcchviṣṭaśaṅgaśruktitrapuśīśakakṛṣṇalohoḍumbarakhaḍgapātravikrayī mahāsāntapanam . śleṣmā carmavikāraḥ varuḍeti yasya paryāyaḥ . mahāsāntapane dhenudvayam, sumantuḥ devarṣisomacaitryānnāpatyakūpodapānadārātmanāṃ vikraye kṛcchradvayam . ghṛtatilatailaraktavastrapakvānnānāṃ prājāpatyaṃcaret . govikrayanindāmāha yamaḥ . gavāṃ vikrayakārī ca gavi romāṇi yāni tu . tāvadvarṣasahasrāṇi gavāṃ goṣṭhe kramirbhavet .. yacca manunoktaṃ sadyaḥ patati māṃsena lākṣayā lavaṇena ca . tryaheṇa śūdrībhavati brāhmaṇaḥ kṣīravikrayīti, tannindātiśayārtham . gautamaḥ . paśavaḥ hiṃsāyoge asyārthaḥ yatra vikrītāḥ santaḥ paśavohiṃsyante tatra teṣāmapyapaṇyatvam . yāni cānyāni gurutaraprāyaścittabodhakavacanāni tāni vahutarakālābhyāse samūhyāni śūdrasya tvatyantāpadi doṣābhāvamāha parāśaraḥ . lavaṇaṃ madhu madyaṃ vā dadhi takraṃ ghṛtaṃ payaḥ . na duṣyet śūdrajātīnāṃ kuryāt sarveṣu vikrayam .. kālikāpurāṇe . vikrayaṃ sarvavastūnāṃ kurvan śūdro na doṣabhāk .. madhucarmasurāṃ lākṣāṃ tyaktvā māṃsañca pañcamam . etadapyāpadi, doṣāpavādamāha gautamaḥ . vinimayastu rasānāṃ rasaiḥ paśūnāñca labaṇakṛtānnayostilānāñca samenāmena pakvasya saṃyatyarthe . paśūnāṃ samānajātīyairasamānajātīyairvā paśubhireva parivarto na tu dravyāntareṇa . pakvānnasya cāmena taṇḍulādinā tāvatparimitenetyarthaḥ . atra samaśabdādatyadravyaparivarte na niyamaḥ . manuḥ rasārasairvimātavyā natve va lavaṇaṃ rasaiḥ . ghṛtānnañcāhṛtānnena tiladhānyena tatsamāḥ .. vaśiṣṭhaḥ rasārasaiḥ samatohīnato vā vimātavyā natveva lavaṇaṃ rasaiḥ tilataṇḍulapakvānnavidyāmanuṣyāśca vihitāḥ parivartakena . nāradaḥ . aśaktau bheṣajasyārthe yajñahetostathaiva ca . yadyavaśyantu vikreyāstilā dhānyena tatsamāḥ .. etena kāmamutpādya kṛṣyāttu svayameva kṛṣībalaḥ . vikrīṇīta tilān śuddhān dharmārthamacirasthitāniti manuvacanam tilavinimayaparam ..

apatantraka pu° apagataṃ tantraṃ bhiṣajāmadhīnatā yatra kap . vātarogabhede vāyurūrdhvaṃ vrajet sthānāt kupito hṛdayaṃ śiraḥ . sandhau ca pīḍayatyaṅgānyākṣipennamayecca saḥ . nimīlitākṣo niśceṣṭastabdhākṣo vāpi kūjati . nirucchvāso'tha vā kṛcchrāducchvasya naṣṭacetanaḥ . svasthaḥ svāddhṛdaye mukte āvṛte ca pramuhyati . kaphānvitena vātena jñeya eṣo'patantraka iti suśrute 255 pṛ° tallakṣaṇamuktam . apatantrakāturaṃ nāpatarpayediti suśrutaḥ .

apatarpaṇa na° apa + tṛpa--bhāve lyuṭ . rogādau--upavāse, tṛptyabhāve ca . apagataṃ tarpaṇaṃ yasya vā gatalopaḥ tapaṇaśūnye tri° kriyābhiścikitset sthūlamapatarpaṇaṃ yuktābhiriti suśrutaḥ .

apatānaka pu° apakramya antarāntarā tanute tana kartari--ṇvul . vātarogabhede yadā tu ghamanīḥ sarvāḥ kupito'bhyeti mārutaḥ . tadākṣipatyāśumuhurmuhṛrdehaṃ muhuścaraḥ . muhurmuhustadākṣepādākṣepaka iti smṛtaḥ . so'patānakasaṃjñoyaḥ pātayatyantāntareti muśrute ākṣepakavātarogasyaivāntarāntarāpatane apatānakasaṃjñā mu° 254 pṛ° kṛtā abhighātanimittaśca śoṇitābhisvavācca yaḥ . garbhapātanimittaśca na sidhyatyapatānaka iti tatraiva tasyāsādhyatoktā abhuktavatā pītamamladadhimaricavacāyuktamanatānakaṃ hanti tailasarpirvasākṣaudrāṇi ceti suśru° .

[Page 225b]
apatnī strī nāsti patiryasyāḥ vibhāṣā sapūrbasyeti pā° vā na ṅīp ca . patirahitāyāṃ striyām . pakṣe apatirityapi kapi tu apatikeceva tatraivārthe .

apatnīka pu° nāsti sannikarṣe karmayogyā, mṛtyā vā patnī yasya kap . asannikṛṣṭapatnīke, karmāyogyapatnīke, mṛtapatnīke ca . apatnīkasyāhavanīye tacchrāpiṇaḥ kātyā° 2, 5, 18 . apatnīkasya rajodoṣaprasavapravāsādinā asannihitapatrīkasya tacchrāpiṇa āhavanīyaśrāpiṇaḥ āhavanīye haviḥśrapaṇaṃ kurbato yajamānasya āhavanīye ājyamadhiśrayatī tyukteḥ . āhavanoyaśrāpiṇo'pi sannihitāyāṃ patnyāṃ gārhapatya evājyamadhiśrayati, śākhāntare caivaṃ śrūyate yasya vratye'hani patnyanālaṃbhuktī (rajasvalā) syāttāmanaparudhya yajeteti . kecit apatnīko mṛtapatnīka ityāhuḥ tasyāpyekākina evāghānaṃ śrūyate āśvalāyanabrāhmaṇe, patnyāṃ mṛtāyāmagnibhirdagdhāyāṃ punarvivāhāsambhave ātmārthamagnyādhānamāhāpastambaḥ darśapaurṇamāsāgrayarṇārthaṃ, śeṣāṇi karmāṇi na bhavantīti tathā trikāṇḍe maṇḍanaḥ tasmānnagnyaikadeśena dagdhavyā pūrvamāriṇī patnī jyeṣṭhetarā vāpi yajñapārśve nirūpitam .. kātyāyanaḥ (karmapradīpe) mṛtāyāmapi bhāryāyāṃ vaidikāgnīnnahi tyajet . upādhināpi tatkarma yāvajjīvaṃ samāpayediti . tadvyā° (upādhinā svarṇāditatpratimūrtyā) . nāsti patnīsahitā yasya kap . patnīsyahityarahite . pitṛyajñamupakramya . apatnīkaḥ kātyā° 5, 7, 5 . pitṛyajño bhavati kebalasyaikākino yajamānasyaivādhikāro na tu patnīsahitasya . ato'tra patnyāḥ pratiṣedhāt patnīṃ samuhyeti praiṣasyābhāvaḥ . ājyāvekṣaṇaṃ tvājyasaṃskāratvādadhvaryuḥ karotīti tadvyā° .

apatya na° na patanti pitaro'nena pata--vā karaṇe yat na° ta° . putraduhitṛrūpe saṃtāne . nāputrasya loko'stīti śruteḥ putrābhāve svargādilokānutpatteḥ putreṇa lokān jayati pautreṇānantyamaśnute atha putrasya pautreṇa vradhnasyāpnoti piṣṭapamiti yā° smṛteśca tadutpādene svargalokalābhokteḥ punnāmno narakādyasmāt pitaraṃ trāyate sutaḥ . tasmāt putra iti smṛtyā narakanistārakatvasya śruteśca sutādīnāṃ patanāhetutvāt tathātvam pautrādīnāmapi patanāhetutvāt apatyatvam . ataeva apatyaṃ pautraprabhṛti gotrabhiti pā° sūtre pautrādīnāmapyapatyaśabdapācyatoktā . pautrādīnāṃ tugotrasaṃjñāpīti viśeṣaḥ . apatyaṃ pitureva syāt tataḥ prācāmapīti ceti si° kau° kā° . apatyairiva nīvārabhāgagheyocitairmṛgairiti raghuḥ . so'patyaṃbhrāturutpādyeti apatyalābhāt yā tu strīti, apatyaṃ dharmaśuśrūṣeti ca manuḥ .

apatyadā strī° apatyaṃ taddhetuṃ garbhaṃ dadāti . sevanena garbhadāyake oṣadhiviśeṣe garbhadāyividyādau ca . apatyadāyimātre mantrādau tri° .

apatyapatha pu° apatyasya garbhāt tannisāraṇasya tadutpatteśca panthāḥ ac samā° . putraniḥsāraṇadvāre strīṇāṃ guhyasthānabhede sa yadā viguṇānilalapīḍo'patyapathamanekadhāpratipadyate iti strīṇāntu viṃśatiradhikā, daśa tāsāṃ stanayoraikakasmin pañca pañca, yauvane tāsāṃ parivṛddhiḥ . apatyapathe catasra iti . tiryagāmatasya parighasyeva tiraścīnasya pārśvādūrdhamūrdhamutkṣipya garbhamapatyapartha pratyārjavamānīyāpaharet pārśvāpavṛttaśirasamasaṃprapīḍya ūrdhamutkṣipya śiro'patyapadhamānīyāpaharediti ca suśrutaḥ .

apatyaśatru strī apatyaṃ śatrurgarbhabhedanena nāśakaṃ yasyāḥ . karkaṭyām sā hi garbhe'patyajanane tanniḥsāraṇasamaye garbhasphoṭanānmiyate iti lokaprasiddheḥ svanāśāya karkaṭī garbhaṃ dhatta ityukteśca tathātvam! 6 ta° . apatyanāśake, karkaṭe sarpe ca .

apatyasāc puṃstrī° apatyaiḥ sacate saṃbadhyate saca--vede--ṇvi . apatyasamavete . apatyasācaṃ śrutyaṃ rarāthām ṛ° 1, 117, 23 .

apatra pu° nāsti patraṃ dalaṃ pakṣovāsya . vaṃśakarīre (koḍha) aṅkure ca tadavasthāyāṃ tayoḥ patraśūnyatayotpattestathātvam . galitapatre vṛkṣe, galitapakṣe vihage ca .

apatrapa tri° apagatā trapā lajjā yasmāt prā° ba° vā gatalopaḥ . lajjāhīne lopābhāve apagatatrapī'pyuktārthe .

apatrapā strī aparam apekṣya trapā, apa + trapa--bhāve striyām a vā . anyahetukalajjāyām lajjāmātre ca . apatrapā cetasi ca nyaṣedhaditi naiṣadham .

apatrapiṣṇu tri° apa + trapa--śīlārthe iṣṇuc . svabhāvato lajjāśīle .

apatha na° na panthāḥ aprāśastye na° ta° . apathaṃ pu° na° pā° . vibhāṣeti pā° vā ac samā° . apakṛṣṭapathe ninditapathe kupathe . ghanāgame rājapathe hi picchile kvacidbudhairapyapathena gamyate iti nai° . ko vā na padamaprathe'kāryata mayā iti prabodha° . athaitadapathamivaiti yadetāṃdiśamiti śata° brā° . nāsti panthāḥ sundaramārgo yatra ba° ac samā° . sundarapathaśūnye grāmādau tri° . patho'bhāvaḥ avyayī° ac samā° . mārgābhāve avya° .

apathin pu° na panthāḥ aprāśastye na° ta° vā ajabhāvaḥ . apakṛṣṭapathe .

apathya na° pathye vaidyakoktabhojanādiniyamāya nītyuktācārāya vā hitam yat na° ta° . vaidyakoktimullaṅghya, aniṣṭe mojanādau ahitācāre ca akāryaṃ kāryasaṅkāśamapathyaṃ pathyamasmetam rāmā° . saṃtāpayanti kimapathyabhujaṃ na rogā iti vai° . pathyāpathye ca suśrute darśite yathā athāto hitāhitīyamadhyāyaṃ vyākhyāsyāmaḥ . yadvāyoḥ pathyaṃ tatpittasyāpathyamityanena hetunā na kiñciddravyamekāntena hitamahitaṃ vāstīti kecidācāryā bruvate tattu na samyak . iha khalu yasmād dravyāṇi svabhāvataḥ saṃyogataścaikāntahitānyekāntāhitāni hitāhitāni ca bhavanti . tatraikāntahitāni jātisātmyāt salilaghṛtadugdhaudanaprabhṛtīni . ekāntāhitāni dahanapacanamāraṇādiṣu pravṛttānyagnikṣāraviṣādīni . saṃyogādaparāṇi viṣatulyāni bhavanti . hitā'hitāni tu yadvāyoḥ pathyaṃ tatpittasyāpathyamityataḥ sarvaprāṇināmayamāhārārthaṃ varga upadiśyate . tadyathā raktaśāliṣaṣṭikakaṅgukamukundakapāṇḍukapītakapramodakakālakāśanakapuṣpakakardamakaśakunāhṛtasugandhakakalamanīvārakodravoddālakaśyāmākagodhūmaveṇuyavādayaḥ . eṇahariṇakuraṅgamṛgamātṛkāśvadaṃṣṭrākarālakrakarakapotalāvatittirikapiñjalavartīravartikādīnāṃ māṃsāni . mudgavanamudgamakuṣṭhakalāyamasūramaṅgalyacaṇakahareṇvāḍhakīsatīnāḥ . cillīvāstūkasuniṣaṇṇakajīvantītaṇḍulīyakamaṇḍūkaparṇyaḥ . gavyaṃ ghṛtaṃ saindhavadāḍimāmalakamityeṣa vargaḥ sarvaprāṇināṃ sāmānyataḥ pathyatamaḥ . tathā brahmacaryā-nivātaśayanoṣṇodakaniśāsvapnavyāyāmāścaikāntataḥ pathyatamāḥ . ekāntahitānyekāntāhitāni prāgupadiṣṭāni .. hitāhitāni tu yadvāyoḥ pathyaṃ tatpittasyāpathyamiti .. saṃyogatastvaparāṇi viṣatulyāni bhavanti . tadyathā . vallīphalakavakakarīrāmlaphalalavaṇakulatthapiṇyākadadhitailavirohipiṣṭaśuṣka śākājāvikamāṃsamadyajāmbavacilicimamatsyagodhāvarāhāṃśca naikadhyamaśnīyāt payasā .
     rogaṃ sātmyañca deśañca kālaṃ dehañcabuddhimān . avekṣyāgnyādikān bhāvān rogavṛtteḥ prayojayet . avasthāntarabāhulyādrogādīnāṃ vyavasthitam . dravyaṃ necchanti bhiṣaja icchanti svastharakṣaṇe . dvayoranyatarādāne vadanti viṣadugdhayoḥ . dugdhasyaikāntahitatāṃ viṣamekāntato'hitam .. evaṃ yuktarasādyeṣu dravyeṣu salilādiṣu . ekāntahitatāṃ viddhi vatsa! suśruta! nānyathā ..
     ato'nyānyapi saṃyogādahitāni vakṣyāmaḥ .. na ca virūḍhadhānyairvasāmadhupayoguḍamāṣairvā grāmyānūpodakapiśitādīni cābhyavaharet . na payomadhubhyāṃ rohiṇīśākaṃ jātu śākaṃ vāśnīyāt . balākāṃ vāruṇīkulmāṣābhyām . kākamācīṃ pippalīmaricābhyāṃ, nāḍībhaṅgaśākakukkuṭadadhīni ca naikadhyam . madhu coṣṇodakānupānaṃ pittena vā māṃsāni . surākṛśarapāyasāṃśca naikadhyam . sauvīrakeṇa saha tilaśaṣkulīm . matsyeḥ sahekṣuvikārān .. guḍena kākamācīṃ, madhunā mūlakaṃ, guḍena vārāhaṃ, madhunā ca saha viruddham . kṣīreṇa mūlakam . āmrajāmbavaśvāvicchūkarasagodhāśca sarvāṃścamatsyānviśeṣeṇa cilicimaṃ payasā . kadalīphalaṃ tālaphalena, payasā, dadhnā, takreṇa vā . lakucaphalaṃ payasā, dadhnā, māṣasūpena vā madhunā, ghṛtena ca prāk payasaḥ payaso'nte vā .
     ataḥ karmaviruddhān vakṣyāmaḥ .. kapotān sarṣapatailabhṛṣṭānnādyāt . kapiñjalamayūralāvatittirigodhāścairaṇḍadārvagnisiddhā eraṇḍatailasiddhā vā nādyāt . kāṃsyabhājane daśarātraparyuṣitaṃ sarpirmadhu coṣṇairuṣṇe vā . matsyaparipacane śṛṅgaveraparipacane vā siddhāṃ kākamācīm . tilakalkasiddhamupodikāśākam . nārikelena varāhavasāparibhṛṣṭāṃ balākām . bhāsamaṅgāraśūlyaṃ nāśnīyāditi ..
     ato mānaviruddhān vakṣyāmaḥ .. madhvambunī madhusarpiṣī mānatastulye nāśnoyāt . snehau madhusnehau jalasnehau vā viśeṣādāntarīkṣodakānupānau . ata ūrdhvaṃrasadvandvāni rasato vīryato vipākataśca viruddhāni vakṣyāmaḥ . tatra madhurāmlau rasavīryaṃviruddhau madhuralavaṇau ca madhurakaṭukauca sarvataḥ . madhuratiktau rasavipākābhyāṃ madhurakaṣāyau cāmlalavaṇauṃ rasataḥ . amlakaṭukau rasavipākābhyāmamlatiktāvamlakaṣāyau ca sarvataḥ . lavaṇakaṭukau rasavipākāmyāṃ lavaṇatiktau lavaṇakaṣāyau ca sarvataḥ . kaṭutiktau rasavīryābhyāṃ kaṭukaṣāyau tiktakaṣāyau ca rasataḥ . taratamayogayuktāṃśca bhāvānatirukṣānatisnigdhānatyuṣṇānatiśītānityevamādīn vivarjayet . bhavanti cātra .. viruddhānyevamādīni rasavīryavipākataḥ . tānyekāntāhitānyeva śeṣaṃ vidyāddhitāhitam .. vyādhimindriyadaurbalyaṃ maraṇañcādhigacchati . viruddharasavīryādīn bhuñjāno'nātmavānnaraḥ .. yatkiñciddoṣamutkleśya bhuktaṃ kāyānna nirharet . rasādiṣvayathārthaṃ vā tadvikārāya kalpate .. viruddhāśanajān rogān pratihanti virecanam . vamanaṃ śamanaṃ vāpi pūrbaṃ vā hitasevanam .. sātmyato'lpatayā vāpi dīptāgnestaruṇasya ca . snigdhavyāyāmabalināṃ viruddhaṃ vitathaṃ bhavet .. vyāyāmaśolo balavān śiśuśca snigdho'gnimāṃścāpi mahāśanaśca . āpnoti rogānna viruddhajātānabhyāsato vā'lpatayā ca jantuḥ . atha vātaguṇān vakṣyāmaḥ ..
     pūrbaḥ samadhuraḥ snigdho lavaṇaścaiva mārutaḥ . guruvidāhajanano raktapittābhivardhaṃnaḥ .. kṣatānāṃ viṣajuṣṭānāṃ balinaḥ śleṣmalāśca ye . teṣāmeva viśeṣeṇa sadā rogavivardhanaḥ .. vātalānāṃ praśastaśca śrāntānāṃ kaphaśoṣiṇām . teṣāmeva viśeṣeṇa vraṇakledavivardhanaḥ .. madhuraścāvidāhī ca kaṣāyānurasolaghuḥ . dakṣiṇo mārutaḥ śreṣṭhaścakṣuṣyo balavardhanaḥ . raktapittapraśamano na ca vātaprakopaṇaḥ .. viṣado rūkṣaparuṣaḥ svaraḥ snehabalāpahaḥ . paścimo mārutastīkṣṇaḥ kaphamedoviśoṣaṇaḥ . sadyaḥ prāṇakṣayakaraḥ śoṣaṇastu śarīriṇām .. uttaro mārutaḥ snigdho mṛdurmadhura eva ca . kaṣāyānurasaḥ śīto doṣāṇāmaprakopaṇaḥ .. tasmācca prakṛtisthānāṃ kledano balavardhanaḥ . kṣīṇakṣayaviṣārtānāṃ viśeṣeṇatu pūjitaḥ iti pṛ° 1, 20 .

apad tri° na padyate jñāyate pada--karmaṇi kvip na° ta° . ajñeye . gāyatryasyekapadī dvipadī tripadī catuṣpadyapadasi na padyase iti śata° brā° 14, 8, 15, 10 . nāsti pādo'syāḥ pādo'ntyalopaḥ kumbha° ṅīp pādaḥ pacca . pādaśūnyāyāṃstriyām . puṃsi tu antyalopo na ṅīp . apād . āpādaśīrṣā gūhamāna iti ṛ° 4 1, 11 . apādahasto'pṛtan yadindramiti ṛ° 1, 32, 7 . atha yadapāt samabhavattasmādahiriti śata° brā° . apādapāṇirjavanograhīteti śrutiḥ .

apada na° na padam aprāśastye na° ta° . aprakṛṣṭasthāne suptiṅantabhinne ca nāpadaṃ śāstre prayuñjīteti vṛddhāḥ .

apadāna na° apadāyati pariśudhyati yena karmaṇā apa + daipaśodhane karaṇe lyuṭ . pariśuddhācaraṇe yena karmaṇā sarvaiḥ pariśuddhatvena jñāyate tasmin karmaṇi .

apadāntara tri° na padāntaraṃ vyavadhānaṃ yatra . avyavahite sannikṛṣṭe, saṃsakte ca .

[Page 228a]
apadiśa avya° diśayormadhye apa + diśā + avyayī° . diśomadhye vidik iti koṇa iti ca khyāte . dikśabdena samāse tu śaradā° ṭac iti bhedaḥ .

apadiṣṭa tri° apa + diśa--karmaṇi kta . kathite prayukte . kālātyayāpadiṣṭaśca hetvābhāsāśca pañcadheti bhāṣā° .

apadeśa pu° apa + diśa--ghañ . lakṣye, svarūpācchādanarūpe, chale, nimitte sthāne ca . rakṣāpadeśānmunihomadheno riti raghuḥ . na dharmasyāpadeśena pāpaṃ kṛtvā vrataṃ carediti . bhakṣyabhojyāpadeśaiśca brāhmaṇānāṃ ca darśanaiḥ . śauryakarmāpadeśeneti sākṣyabhāve praṇidhibhirvayorūpasamanvitaiḥ . apadeśaiśca saṃnyasya hiraṇyaṃ tasya tattvata iti ca manuḥ . upadeśe ca . dīkṣāyā apadeśāt kātyā° 22, 122 . apadeśa upadeśa ityarthaḥ . apakṛṣṭodeśaḥ prā° ba° vā kṛṣṭapadalopaḥ . apakṛṣṭadeśe, anucitasthāne ca .

apadeśya tri° apa + diśa--karmaṇi yat . chalena kathanīye . apadeśe anucitasthāne bhavaḥ digā° yat . anucitasthānabhave tri° . apadiśyāpadeśyañca punaryastvapadhāvatīti manuḥ . yatra yasya dānamucitaṃ tato'nyatra sthāne dānasyānucitatvāt tathātvam .

apadravya na° apakṛṣṭaṃ dravyam prā° ba° vā kṛṣṭabhāgalopaḥ . apakṛṣṭadravye adūṣitānāṃ dravyāṇāṃ dūṣaṇe bhedane tatheti mānava vyākhyāyām apadravyapradānena dūṣaṇe iti kullakaḥ .

apadvāra na° apakṛṣṭaṃ dvāraṃ prā° ba° vā kṛṣṭalopaḥ . apakṛṣṭadvāre niryiyāsurapadvārairiti suśrutaḥ .

apadhā strī apa + vāraṇe dhā--bhāve striyām aṅ . vāraṇārthaṃ nirodhe, gā udājadapadhā balasya iti ṛ° 2, 12, 3 . apadhāapadhāyāḥ nirodhāditi bhā° .

apadhyāna na° apakṛṣṭaṃ dhyānam prā° sa° . aniṣṭacintane . vaiparotyacintane ca .

apadhvaṃsa pu° apa + dhvansa--bhāve ghañ . nāśe, yasya yathārūpamucitaṃ tataḥ pracyave ca . pathāmapadhvaṃsenaitvindra iti atha° 1, 3, 5 .

apadhvaṃsaja puṃstrī apadhvasyate'nena apadhvaṃsaḥ varṇānāṃ bhinnarūpatāsaṃmādakaḥ saṅkarastasmājjāyate jana--ḍa 5 ta° . bhinnavarṇasaṅgamajāte karaṇādau saṅkīrṇavarṇe . śūdrāṇāṃ tu sadharmāṇaḥ sarve'padhvaṃsajāḥ smṛtā iti manuḥ ye dvijānāmapasadā ye cāpadhvaṃsajāḥ smṛtā iti ca manuḥ . teṣāṃ pitrīḥ samavarṇatvāprāpteḥ svarūpapracyavena jātatvāt tathātvam .

[Page 228b]
apadhvaṃsin tri° apadhvaṃsayati apa + dhvansa--ṇic--ṇini . nāśake . sarvainasāmapadhvaṃsi japyaṃ syādadhamarṣaṇamiti manuḥ

apadhvasta tri° apa + dhvansa--kta . nindite, parityakte avacūrṇite ca .

apadhvānta na° apakṛṣṭaṃ dhvāntaṃ dhvanitam dhvana--kta vede ni° svanārthe'pi iḍabhāvaḥ . bhinnakāṃsyasvarasame śabde vṛhaspaterapadhvāntamiti chā° upa° . vārhaspatyaṃ tadapadhvānta bhinnakāṃsyasvarasamamiti bhā° .

apanaya pu° apa + nī--ac . dūrīkaraṇe sthānāntaranayane ca . apanayo vā'dṛṣṭatvāditi kātyā° 25, 9, 2 . tasya taṇḍulāpanayo vacanāditi kātyā° 25, 44, 3 . apanayaterdūrīkaraṇārthatvāttathātvam ataeva avinayamapanaya viṣṇo! iti śaṅkarācāryeṇa dūrīkaraṇārthatayā prayuktam . apakṛṣṭo nayo vaiparītye prā° sa° vā . ninditanītau duṣṭanītau ca . apakāre tataḥ sapatnāpanayasmaraṇānuśayasphureti māghaḥ .

apanayana na° apa + nī--lyuṭ . dūrīkaraṇe, khaṇḍane ca . apanīyate'nena apa + nī--karaṇe lyuṭ . apakārasādhane . apagataṃ nayanaṃ yasya . netrahīne tri° .

apanasa tri° apagatā nāsikā yasya prā° ba° nasādeśaśca . apagatanāsike . asiṃ kaukṣeyamudyamya cakārāpanasaṃ mukhamiti bhaṭṭiḥ .

apanīta tri° apa + nī--kta . khaṇḍite, dūrīkṛte, apasārite ca .

apanutti strī apa + nuda--ktin . svaṇḍane dūrīkaraṇe . parijanaśramāpanuttyai iti chā° upa° . pāpānāmapanuttaye iti gurutalpāpanuttaye iti ca manuḥ .

apanuda tri° apa + nuda--ka . dūrīkārake, khaṇḍake, śodhake ca .

apanoda pu° apa + nuda--bhāve ghañ . svaṇḍane, dūrīkaraṇe, apasāraṇe ca . tasyāpanodāya phalapravṛttāviti raghuḥ . brahmahatyāpanodāya mitabhuṅniyatendriya iti manuḥ .

apanodana na° apa + nuda--lyuṭ . apasāraṇe khaṇḍane ca enasā sthūlasūkṣmāṇāṃ cikīrṣannapanodanamiti manuḥ . kartari lyu . dūrīkārake tri° . yathāśvamedhaḥ kraturāṭ sarvapāpāpanodanaḥ . tathā'ghamarṣaṇaṃ japyaṃ sarvapāpāpanodanam iti . parākonāma kṛcchro'yaṃ sarvapāpāpanodana iti ca manuḥ .

apanna tri° pata--kta ni° ba° ta° . apatite . āśavo'pannagṛhasyeti yaju° 6, 24 . na pannaṃ patitaṃ gṛhaṃ yasyeti vedadoṣaḥ . pannaga ityatra hi pannaśabdasya patitārthakatvaṃ dṛṣṭam ..

[Page 229a]
apapāṭha pu° apakṛṣṭaḥ pāṭhaḥ . yathā yasya pāṭhaḥ samucitaḥ tato'nyathā pāṭhe apakṛṣṭapāṭhe dvādaśāpapāṭhā asya jātā iti si° kau° .

apapātra tri° apakṛṣṭaṃ pātraṃ bhojanapātraṃ yasya . caṇḍālau teṣāṃ hi bhojane pātrāṇāmaprakṛṣṭatvaṃ tatrānyairbhojanānarhatvātteṣāṃ tathātvam caṇḍālaśvapacānāntu bahirgrāmān pratiśrayaḥ apapātrāśca kartavyā iti manuḥ .

apabarhis tri° apagataṃ barhiryatra prā° ba° vā gatalopaḥ . barhirhomarahite so'pabarhiṣau dvāvanuyājau iti śrutiḥ . apabarhiṣaścaturaḥ prayājān yajati . śata° vrā° . apabarhiṣa iti pṛthakpadamityeke .

apabhaya tri° apagataṃ bhayaṃ yasya prā° ba° vā gatalopaḥ . gatabhaye bhotiśūnye . lopābhāve apagatabhayo'pyuktārthe tri° .

apabhartṛ pu° apakṛṣṭobhartā prā° sa° . apakṛṣṭabhartari

apabhī tri° apagatā bhīrasya prā° ba° vā gatalopaḥ . bhītiśanye apabhītirapyatra strī .

apabhūti strī apakṛṣṭā bhūtiḥ prā° sa° . apavṛṣṭavibhūtau yamamī purodadhire brahmāṇamapabhūtaye iti śrutiḥ .

apabhraśa pu° apa + bhranśa--ghañ . apakṣaraṇe adhaḥpatane atyārūḍhirbhavati mahatāmapyapabhraṃśaniṣṭhā śaka° . apabhraṃśati svabhāvāt pracyavate apa + bhranśa--kartari ac . sādhuśabdasya śaktivephalyapayuktānyathāccāraṇayukte apaśabde . ta eva śaktivaikalyapramādālasatādibhiḥ . anyathoccāritāḥ śabdā apaśabdā itīritā iti hariṇā sādhuśabdānāmevānyathoccāraṇe'paśabdatokteḥ tasya svabhāvato bhraṃśāt tathātvam . anapabhraṃśatānādiryadābhyudayayogyateti hariḥ . ābhīrādigiraḥ kāvyeṣvapabhraṃśagiraḥ smṛtāḥ . śāstreṣu saṃsmṛtādanyadapabhraṃśatathoditamiti daṇḍī .

apama tri° apakṛṣṭaṃ mīyate apa + mā--bā° ka . apakṛṣṭatayā jñāte bhago'nāśościdavitā'pamasya cit . ṛ° 10, 39, 3 . apamasya jātyātinikṛṣṭasya bhā° . apakṛṣyabhūgolādupari mīyate . bhūgīlānācchāditāntarikṣamāge jyotiṣaparibhāṣitāyāṃ sūryādigatyarthatiryagrekhāyām krāntau yathā . nāḍikāmaṇḍalāt tiryagatrāpamaḥ, krāntivṛttāvadhiḥ krāntivṛttāccharaḥ . vikṣepavṛttāvadhistiryagevaṃ sphuṭo nāḍikāvṛttakheṭāntarāle'pama iti si° śi° . krāntivṛtte yat sphuṭagrahasthānaṃ tasya nāḍīvṛttāt tiryagantaram apamaḥ krāntiḥ . atha vimaṇḍale yat grahasthānaṃ tasya krāntivṛttāt yat tiryagantaraṃ sa vikṣepaḥ atha vimaṇḍalasya prāk ca nāḍīvṛttāt yat tiryagantaram saḥ apamaḥ sphuṭā krāntiḥ grahasya uttarato yāmyadiśaṃ yāmyāntāt tadanu saumyadigbhāgam . prami° parisaratāṃ gaganasadāṃ calanaṃ kiñcidbhavedapamaḥ iti . si° śi° .

apamajyā strī apamasya dhanurākṛtikṣetrasya jyeva . krāntivṛttākhyajīvāyām . vivaraṇam krāntijyāśabde dṛśyam .

apamaṇḍala na° apakrāntaṃ maṇḍalāt bhūmaṇḍalāt nirā° ta° . siddhāntaśiromaṇyukte krāntivṛtte . yathā grahasya gole kathitā'pamaṇḍalaṃ prakalpya kakṣābalayaṃ yathoditamiti krāntivṛttaṃ kakṣāmaṇḍalaṃ prakalpyeti pramitā° . eṣa bhagolaḥ kathitaḥ khecaragolo'yameva vijñeyaḥ . atrāpasaṇḍale vā sūtrādhāraiva yasya tasyaiveti si° śi° .

apamarda pu° apa + mṛda--ghañ . vimardane hayahastikarīṣābhyāmapamardaḥ kṛtomahāniti rāmā° .

apamāna pu° apakṛṣṭaṃ mīyate'nena apa + mā--karaṇe lyuṭh . anādare apamānaṃ puraskṛtya svakāryaṃ sādhayennara iti nītiḥ . mānāpamānayostulyastulyo mitrāripakṣayo riti gītā . vedasya brāhmaṇānāñca apamānādadhogatiḥ purā° apakṛṣṭo māno yasmāt apa + mana--karaṇe ghañ vā . anādare pu° . nāpamānaḥ prayoktavyaḥ kāmakrodhakṛtaḥ kvaciditi rāmā° . athāpamānena pituḥprayukteti kumā° .

apamānita tri° apamānaṃ jātamasya tāra° itac . yasyāpamānaṃ kṛtaṃ tasmin kṛtāpamāne anādṛte .

apamārga pu° apakṛṣṭo mārgaḥ prā° sa° vā kṛṣṭalopaḥ . kutsitavartmani .

apamārjana na° apa + mṛja--bhāve lyuṭ vṛddhiḥ . saṃśodhane . kāṃsyāpamārjanamasīmadhuraṃ saindhavaṃ natamiti suśrutaḥ adhastānmārjane ca . apamārjanaprokṣitābhyāmapamṛṣṭa iti kātyā° 9, 10, 4 . apamārjanaṃgrahapātramukhādārabhyādhastādapamārjanamiti tadvyā° .

apamita tri° apa--mā--kta . avajñāte anādṛte .

apamityaka na° apamitya apamānamaṅgīkṛtya gṛhyate kan . ṛṇe

apamukha na° apagataṃ parābhūtaṃ mukham prā° ta° . parāvṛtte vadane prā° ba° gatalopaḥ . parāvṛttavadanavati padārthe tri° .

apamūrdha tri° apagato mūrdhā yasya . śiraḥśūnye kabandhe .

apamṛtyu pu° apakṛṣṭaḥ duṣṭahetujanyatvena mṛtyurmaraṇam . viṣodbandhanādihetuke mṛtyau . apamṛtyuhetavaśca śuddhipattve kaurme darśitā yathā śṛṅgidaṃṣṭrinakhivyālaviṣavahnistriyā jalaiḥ . ādarāt parihartavyaḥ kurvan krīḍāṃ mṛtastu yaḥ . nāgānāṃ vipriyaṃ kurvan dagdhaścāpyatha vidyutā . nigṛhītaḥ svayaṃrājñā cauryadoṣeṇa kutracit . paradārān ramantaśca dveṣāttatpatibhirhatāḥ . asamānaiśca saṅkīrṇaiścāṇḍālādyaiśca vigraham . kṛtvā tairnihatāstāṃstu cāṇḍālādīn samāśritāḥ . gavāgniviṣadāścaiva pāṣaṇḍāḥ krūrabuddhayaḥ . krodhāt prāyaṃ viṣaṃ vahniṃ śastramudbandhanaṃ jalam . girivṛkṣaprapātañca ye kurvanti narādhamā iti .

apamṛṣita tri° na° apa + mṛṣa--kta vākye vācye ni° . kṣānte vākye . anyatra apamṛṣṭamityeva soḍhe kṣānte parāmṛṣṭe ca .

apayaśas na° apakṛṣṭaṃ yaśaḥ . yaśoviparītāyāmakīrtau apayaśo yasyāsti kiṃ mṛtyunā itinītiḥ . apagataṃ yaśo yasya . kīrtiśūnye tri° .

apayaśaskara tri° na yaśaskaraḥ kṛ--hetau ṭa virodhe na° . akīrtihetau .

apayāna na° apa + yā--bhāve lyuṭ . apakramya palāyane apayāne'pi na bhavān samartho laghuvikraya iti rāmā° .

apara na° na pūryate yataḥ pṛ--apādāne, ap . gajasya paścādbhāge . baddhāparāṇi parito nigaḍānyalāvoditi māghaḥ . parito baddhaḥ aparaḥ paścimagrādoyairiti malli° . na pṛṇāti santoṣayati pṛ--ac . śatrau, bhinne tri° . anye kṛtayuge dharmāstretāyāṃ dvāpare'pare iti manuḥ tamā samudrādapare pare nṛpāḥ naiṣa° paścimāyāṃ diśi strī aparadiggaṇiketi māghaḥ parakālavṛttau tri° . pūrbāṃ sandhyāṃ japan tiṣṭhet svakāle cāparāṃ ciramiti manuḥ . paścādvṛttau tri° pūrbāparau toyanidhī vagāhya kumā° . ṛgvedādividyāyāṃ strī . dvevidye viditavye iti hasma brahmavido vadanti parā caivāparā ca tatrāparā ṛgvedo yajurvedaḥ sāmavedo'tharvavedaḥ śikṣā kalpo vyākaraṇaṃ niruktaṃ chando jyotiṣamiti ṛ° bhā° dhṛnā śrutiḥ . asya ca kāladeśādiniyame sarvanāmakāryam . tatra pūrbādibhyo navabhyo vā iti pā° vā tatkarma . aparatvañca daiśikaṃ kālikaṃ ca dvividhaṃ, tatra svāpekṣayā udayācalaviprakṛṣṭatvam daiśikamaparatvam svāpekṣayādhikasūryaspandanavattvaṃ kālikam . uktodāhṛtau daiśikam kālikantu . aparaṃ bhavato janma paraṃ janma vivasvata iti gītā . alpadeśavṛttirūpe vyāpye tri° sāmānyaṃ dvividhaṃ proktaṃ parañcāparameva ca . vyāpakatvāt parāpi syāt vyāpyatvādaparāpi ca bhāṣā° . dravyatvādeḥ ghaṭatvādyapekṣayā adhikadeśavṛttitvāt paratvaṃ sattāpekṣayāalpadeśavṛttitvāt aparatvamiti muktā° . dravyatvādika jātistu parāparatayocyate iti bhāṣā° . svāyambhuvasya ca mano ṣaḍvaṃśyā manavo'pare iti aparakālikā bhinnā vā ityarthaḥ . nikṛṣṭe . bhūmirāpo'nalo vāyuḥ svaṃ manobuddhireva ca ahaṅkāra itīyaṃ me bhinnā prakṛtiraṣṭadhā aparevamitastvanyāṃ prakṛtiṃ viddhi me parāmiti gītā . tatra bhūmyādīnāmitarapadārthyakṛtitve'pi jaḍatvāt saṃhatya kāritvāt svayamasamarthatvena jīvasya bhogādyarthameva pravṛttimattvācca nikṛṣṭatvam . jīvasya tu tadapekṣayā paratvam ..
     uttarakālikatvāt taddhikāralakṣaṇe kārye tadetadbrahmā'pūrbamanaparamanantamiti vṛha° upa° . nāsti aparaṃ kāryaṃ yasyeti bhā° . vastutaḥ svarūpapracyavābhāvena kūṭasthasya na kāryakāritvamata eva na kartṛtvaṃ na karmāṇi lokasya sṛjati prabhuḥ ajñānenāvṛtaṃ jñānaṃ tena muhyanti jantava iti gītāyām tasyākartṛtvamuktaṃ kartṛtvantu ajñānopahiteśvarasyeti na virodhaḥ . samudāyinaḥ śeṣabhāge apararātraḥ aparāhṇaḥ ekadeśi sa° . asya pūrbapadasthasya paścādeśaḥ paścārdham na° śeṣārdhe . aparasmin bhavaḥ ḍimac paścimaḥ śeṣabhave . prathamāpañcamyādideśakālavṛtte raparaśabdāt prathamādyarthe ati . paścāt . adhikamadhaḥśabde dṛśyam . asya digvācakatvāt tena samāse deśavācinaḥ ṇidādi taddhite uttarapadasyaiva vṛddhiḥ aparapāñcālaka ityādi .

aparakta tri° apagato raktaḥ śoṇito yasmāt . apagataraktavarṇe apa + ragja--kta . virakte anurāgaśūnye ca tri° .

aparaja pu° aparasmin kāle jāyate jana--ḍa 7 ta° . rudrabhede namaḥ pūrbajāya cāparajāya ceti yaju° 16, 32 .

aparati strī apa + rama--bhāve ktin . aviratau .

aparatra avya° aparasmin kālādau . aparasmin deśe . kāle vā .

aparatva na° aparasya bhāvaḥ tva . aparabhāve tacca vaiśeṣikokto guṇabhedaḥ . tadapi dvividhaṃ daiśikaṃ kālikañca tatsvarūpamaparaśabde uktam . tatra ca kāraṇamapekṣābuddhiviśeṣaḥ tasya nāśācca paratvāparatvayornāśaḥ . saṃyogaśca vibhāgaśca paratvañcāparatvakamiti parāparatvadhīheturekā nityā digucyate iti ca bhāṣā° . tatra daiśikāparatvaṃ alpasūryasaṃyogajñānajanyaṃ, kālikaṃ tu alpasūryaparispandajñānajanyabhiti bhedaḥ . kālike kālohetuḥ daiśike tu digiti bhedaḥ . paratvañcāparatvañca dvividhaṃ parikīrtitam . daiśikaṃ kālikañcāpi mūrta eva tu daiśikam .. paratvaṃ sūryasaṃyogabhayastvajñānato bhavet . aparatvaṃ tadalpatvabuddhitaḥ syāditīritam .. tayorasamāvāyo nu diksaṃyogasvadāśraye . divākaraparispandapūrbotpannatvabuddhitaḥ .. paratvamaparatvantu tadanantarabuddhitaḥ . atra tvasāmavāyī syāt saṃyogaḥ kālapiṇḍayoḥ .. apekṣābuddhināśena nāśastveṣāmudāhṛta iti bhāṣā° .

aparadakṣiṇa avya° aparā ca dak