San Hyan Tattvajnana Based on the edition by Sudarshana Devi Singhal: Tattwajnana and Mahajnana (two Kawi philosophical texts). Delhi: International Academy of Indian Culture, 1962. (Satapitaka Series, 23; Dvipantara-Pitaka, 6) Input by Andrea Acri (2006-2007) CHARACTER REPLACEMENTS (for better searchability): - Old Javanese þ has been converted to h and - Small Letter Eng ("ng"-digraph; Unicode: ŋ) has been converted to ï This electronic text has NOT BEEN PROOFREAD. Please send corrections to a.acri@let.leidenuniv.nl #<...># = BOLD ___________________________________________________________________ THIS TEXT FILE IS FOR REFERENCE PURPOSES ONLY! COPYRIGHT AND TERMS OF USAGE AS FOR SOURCE FILE. Text converted to Classical Sanskrit Extended (CSX) encoding with additional characters for Old Javanese: description character =ASCII long a à 224 long A â 226 long i ã 227 long I ä 228 long u å 229 long U æ 230 vocalic r ç 231 vocalic R è 232 long vocalic r é 233 vocalic l ë 235 long vocalic l í 237 velar n ï 239 velar N ð 240 palatal n ¤ 164 palatal N ¥ 165 retroflex t ñ 241 retroflex T ò 242 retroflex d ó 243 retroflex D ô 244 retroflex n õ 245 retroflex N ö 246 palatal s ÷ 247 palatal S ø 248 retroflex s ù 249 retroflex S ú 250 anusvara ü 252 capital anusvara ý 253 visarga þ 254 e breve Õ 213 o dieresis ” 148 Other characters of the CSX encoding table are not included. Unless indicated otherwise, accents have been dropped in order to facilitate word search. For a comprehensive list of CSX and other GRETIL encodings and formats see: www.sub.uni-goettingen.de/ebene_1/fiindolo/gretil/gretdiac.pdf and www.sub.uni-goettingen.de/ebene_1/fiindolo/gretil/gretdias.pdf ___________________________________________________________________ Saï Hyaï Tattvaj¤àna // o // Oü avighnam astu // namaþ siddham // o // Nihan kayatnàkna de saï sevakadharmma saï mahyun luputeï janmasaüsàra / hana saï hyaï tattvaj¤àna ïaranira / ya tika kavruhaknanta rumuhun lavanika devatànya / enak pva vruh ta riï saï hyaï tattvaj¤àna / niyata sira tumon janmasaïsàra mvaï mantuka ri saïkanya // aparanika sinaïgah saï hyaï tattvaj¤àna ïaranira / sugyan maïkana liïa saï para, anam pih saï hyaï tattvaj¤àna ïaranira anuï pinakabuïkah niï tattva kabeh / ndya lvirnya nihan // 1 cetana acetana / cetana ïaranya j¤àna vruh meïÕt riï tutur tan pabalik lupa / acetana ïaranya ikaï lupa vyàmoha tan kahanan tutur // ikaï cetana lavan acetana yeka sinaïguh ÷ivatattva lavan màyàtattva / ikaï cetana yeka ÷ivatattva / ikaï acetana yeka màyàtattva / paóa litnya mvaï såkùmanya / kunaï kasor nikaï màyàtattva de niï ÷ivatattva / tan pacetana tan paj¤àna ikaï màyàtattva / kevala lupa tan kahanan tutur taya pinakàvaknya / avaïvaï uvuïuvuï tan pagamoïan lupa viparãta svabhàva nikaï màyàtattva // tutur prakà÷a pva svabhàva nikaï ÷ivatattva / ikaï sinaïguh ÷ivatattva tiga prabhedanya / lvirnya // parama÷ivatattva sadà÷ivatattva àtmikatattva // 2 parama÷ivatattva ïaranya kasthityan bhañàra riï niùkala / tan polah tan limbak tan laku tan hili tan pasaïkan tan paparan tan pavitan tan pavkasan / kevala sthiti umiïÕï humnÕï laïgÕï juga sira / ibÕk taï ràt kabeh de nira / kakasut kahma kavyàpaka kabeh kaï saptabhuvana de nira / saptapàtàla suõóul vuntu / sasÕk pnuh lyab kaï jagat de nira / tan kavnaï linoïan tan kavnaï tinambÕhan / niùkàryya niùprayojana juga sira / tan para vyàpàra riï halahayu / nirhuniïa ta sira ika kabeh / mvaï tan hana ï tãtànàgatavarttamàna ri sira / tan kahhlÕtan sira de niï kàla / rahina sadà juga sira / tanpa kahilaïan lanà juga sira / nahan lakùaõa bhañàra parama÷ivatattva / yeka kasthityan bhañàra riï niùkala ika / sira ta bhañàra parama÷ivatattva ïaranira // 3 nihan sadà÷ivatattva ïaranira / vyàpàra ta bhañàra sadà÷ivatattva / vyàpàra ïaranya kinahanan sira de niï sarvvaj¤a mvaï sarvvakàryyakarttà sira / sarvvaj¤a sarvvakàryyakarttà ïaranya / anam pih / hana padmàsana paluïgahan bhañàra cadu÷akti ïaranya / lvirnya // j¤àna÷akti vibhu÷akti prabhu÷akti kriyà÷akti / nahan taï sinaïgah cadu÷akti ïaranya // j¤àna÷akti ïaranya tiga prabhedanya / lvirnya / dårada[÷a]r÷ana dåra÷ravaõa dåràtmaka // dårada[÷a]r÷ana ïaranya tumon iï adoha paçk (?) / nahan ta ï sinaïguh j¤àna÷akti ïaranya // vibhu÷akti ïaranya tan hana katunanira irikaï ràt kabeh // prabhu÷akti ïaranya tan kalaïghanan ri sakecchà nira // kriyà÷akti ïaranya sira humanak ikaï ràt kabeh ïuni veh ikaï vatÕk devatà kabeh / kady aïgan iï brahmà viùõu ã÷vara pa¤caçùi saptaçùi devaçùi indra yama varuõa kubera vai÷ravaõa vidyàdhara gandharvva dànava daitya ràkùasa bhåta yakùa bhåta dÕïÕn bhåtakàla bhåtapi÷àca / ïuni veh ikaï bhuvana pçthivã àpah teja vàyu àkà÷a candra àditya tàràgaõa / yeka gave bhañàra sadà÷ivatattva riï niùkala ika kabeh // kunaï gave bhañàra sadà÷ivatattva riï sakala / saï hyaï ÷àstra àgama aji vaidya tarkka vyàkaraõa gaõita yatika gave bhañàra sadà÷ivatattva / an sira pramàõa irikaï ràt kabeh sira makadçvya irikaï sakala niùkala / sira ta bhañàra àdipramàõa ïaranira / sira ta bhañàra jagannàtha ïaranira / sira ta bhañàra makàraõa ïaranira / sira ta bhañàra parame÷vara ïaranira / sira ta bhañàra guru ïaranira / sira ta bhañàra mahulun ïaranira / sira ta maïaran bhañàra va÷ava÷itva / ika ta kabeh / siràgave tan ginave / sira ta vnaï maïhanàkÕn vnaï maïhilaïakÕn / tan hana lumvihana kai÷varyyanira / sira ta bhañàra guru niï guru / nahan ta lakùaõa bhañàra sadà÷ivatattva // 4 nihan taï sinaïguh àtmikatattva ïaranya / bhañàra sadà÷ivatattva kunaï lakùaõahanira / åtaprota / åta ïaranya kadyaïgan iï puy hana riïÕsÕyÕn / såkùma juga kaïpuy hana riï kayu priï / maïkana ta bhañàra sadà÷ivatattva an vyàpaka riï màyàtattva / tan katon tan kinavruhan / sira vibhu hunibÕki ï màyàtattva / prota ïaranya kadyaïgan iï maõik sphañika àhrhnaï (?) hamàyamàya trusalilaï tan kàvaraõan / raktàkna irikaï varõõa / dadi masalin varõõa ikaï maõik sinaput de nikaï varõõa rakta riï màyàtattva / tan katon tan kinavruhan / sira sira vibhu humibÕki ï màyàtattva sinaput de nikaï varõõa raktanya jugekaï maõik / makanimitta pasahakna ikaï maõik lavan varõõa / ndan irika mulih råpa nikàãïhna (?) / ikaï varõõa raktanya ïåni hana ri kàvaknya jugeka vkasan // kadi maïkana ta bhañàra sadà÷ivatattva an vyàpaka cumetanekaï màyàtattva / mala pva svabhàva nikaï màyàtattva / ya ta sinaïguh kopaçïga karaktan mala ïaranya / mataïnyan kadi hilaï kahióÕpanya ÷akti bhañàra vkasan / kintu taha / apan sphañikopama ktaï bhañàra sadà÷ivatattva tan vnaï cinampuran / tuhun cetana nira juga karaktan mala / kopaçïgan sinaput de nikaï màyàtattva / kavkas taï cetana lïÕlïÕ (?) / mari sarvvaj¤a mari sarvvakàryyakarttà / tuhun makàvak tuturmmàtra / juga kaï cetana vkasan / ndan sira ta sinaïgah ta àtmikatattva ïaranira / sira ta saï hyaï àtmà vi÷eùa ïaranira / sira ta bhañàra dharmma ïaranira / sira ta humibÕki ï ràt kabeh / sira ta pinakahuripi ï ràt kabeh sarvvajanma kabeh / nahan papaóanira kady aïgan ira saï hyaï àditya / tuïgal sira tka vyàpàra riï abhyantara / tuhun teja nira juga lumrà mahasiï da÷ade÷a / humibÕki ï ràt kabeh tumeja niï halahayu abo lavanavaïi / ikaï teja tumeja niï halahayu abo lavanavaïi / ikaï teja tumeja niï halahayu akveh gave niï teja saï hyaï àditya / hana mariï hala hana mariï hayu hana mariï abo hana mariï avaïi hana mariï råpavarõõa / tlas karuhun saï hyaï àditya / sarvvecchà saï hyaï àditya juga sira hana riï abhyantara // maïkana ta bhañàra dharmma tuhun hana riï niùkala juga sira makàvak ikaï turyyapada / tuhun cetana nira juga lumrà humibeki ï ràt kabeh / matmahan saü÷aya gaõal pinakahurip niï sarvvajanma kabeh / màyà ta sinaïguh cetana ma¤etana ïaranya // 5 nihan praùñavan bhañàra dharmma anuï mçddhyakÕn cetana nira / bhañàra mahulun sira mahyun manon vastu sakala / ya ta mataïnyan inicchà nira ta saï hyaï àtmà pinatÕmvakÕn ira lavan pradhànatattva / pradhànatattva ïaranya anak niï màyàtattva / ya ta mataïnyan lupa viparãta svabhàva nikaï pradhànatattva / turu ïaranya riï mànuùa / lupa pvàvak niï pradhànatattva / tutur prakà÷a pvàvak saï hyaï àtmà / ikaï tutur matmu lavan lupa ya ta sinaïguh pradhànapuruùa ïaranya / ri pamaïgih ikaï pradhàna lavan puruùa ika ta yan pànak citta lavan guõa / citta ïaranya gaõal niï puruùa / guõa ïaranya dadi niï pradhànatattva / an kacetana de niï puruùa / ikaï guõa tiga prabhedanya / mapalenan lvirnya / sattva rajah tamah / yeka sinaïguh triguõa ïaranya / ya ta pinakaguõa de niï citta / nahan taï citta sattva citta rajah citta tamah // 6 citta ïaranya cetana saï puruùa karaktan kopaçïga de niï triguõa / citta ïaranya vkasan / lakùaõanya keïÕtakna // yan sattva prakà÷a rumakÕt irikaï citta yeka pràj¤a vidagdha vruh ri yogya lavan tan yogya akamulyan denyàmavàmbÕk ahadyan tïÕn / tan guragaóa tan babakujar / bhakti tonan dugaduga asih ta ya riï kasyasih anumoda riï hãnadãna tuneï suïsut satyabhakti arumpatiï halanya / saumya vacananya atÕn ta ya ïucap ÷àstra kamuni vacananya / utsàhàïusiï guõa païvruh kasamyagj¤ànan / tan pamali ïhela tan kneï suïmut / kevala buóah patiïhananya / sapolahnya maïdadyakÕn harùa riï saï tumiïhal / ÷abdanya maïdadyakÕn karõõamanohara riï saï maïraï” / maharddhika pahambÕkanya maïdadyakÕn tçpti parituùña riï citta niï para / masor ta ya riï abhipràya / maïgà kocivahà / tan keponumahàr sukhàmbÕk niï para / tatan ahaïkàra tan moha denyàmava pravçtti / kevala buóah ÷àntàlilaü ahniï niràvaraõa tan patalutuh / atah pinakaj¤ànanya a÷rã patiïhalanya / yeka vyakti nikaï citta sattva / nihan lakùaõa nikaï citta sattva an rumakÕt irikaï citta // 7 nihan lakùaõa nikaï citta rajah an rumakÕt irikaï citta / ca¤cala adçs molah a÷ãghra panasbhàran / aglis baïga ãrùyà salahhàsa sàhasa capala vavaï tka sàhasa tuneïasih tuneï vlasih kumalvihakÕn avak guõa g”ï hati krodhanya g”ï gÕ suïsut ahaïkàra lobha dambha kråra tar atakut kabhinava sapolahnya maïdadyakÕn kçs niï tumiïhal / ÷abdanya maïdadyakÕn karõõa÷åla riï saï maïrÕï” / alaïghya ruhur pàmbÕkanya maïdadyakÕn heva niï citta niï para / tan aïga korurvà tan aïga sor riï abhipràya / yeka vyakti nikaï citta rajah an rumakÕt irikaï citta // 8 nihan lakùaõa niï citta tamah an rumakÕt irikaï citta / abÕyÕt almÕh guhya simpnÕh kaluùa amaïna tan aïhel atãs arip bot turu gÕï måóha gÕï ràga gÕïelik gÕï hyun gÕï viùaya dçóha ta ya ÷ukla÷oõita mapulaï maturu lavananak rabinya / maïkana vyakti nikaï citta tamah / nahan lakùaõa niï citta tamah an rumakÕt irikaï citta // 9 ikaï sattva rajah tamah rumakÕt irikaï citta yeka nimitta niïàtmà na patmah tmahan // nihan kramanya keïÕtakna / yan sattva kevala prakà÷a g”ï irikaï citta yeka nimitta niï àtmà mamaïgih kamokùan / apan ikaï sattva gumavayakÕn rasa niï àgama / sa utsahàha prayatna lumkasakÕn krama niï kasamyagj¤ànan // yan patmu ikaï sattva lavan rajah prakà÷a g”ï irikaï citta / yeka nimitta niï àtmà para riï svargga / apa nikaï sattva mahyun magavaya hayu / ikaï rajah maïlakvakÕn sumiddhàkÕn saprayojana niï sattva / nahan yukti nikaï rajah / milvavakaï svargga keõóit de niï sattva // ya pva nikaï sattva patmu lavan rajah tamah prakà÷a g”ï irikaï citta yeka nimitta niï àtmà maïdadi mànuùa / apa nikaï sattva rajah tamah tan patåt kirakiranya / tàgave hayu tàïanakÕn dharmma puõya yaj¤a / liï nikaï sattva // krodhàglç aïaku / liï nikaï rajah // guhya lmÕh / tàmaïan haturu juga / liï nikaï tamah // maïkana kirakira nikaï sattva rajah tamah / tan patut mapalaï païan ya ta mataïnyan tan hana kriyà halahayu kadadi denya salah saviji / nahan yukti nikaï maïdadi mànuùa ika saï hyaï àtmà / maïkana lakùaõa nikaï triguõa rumakÕt irikaï citta / ri pamaïguh niï triguõa lavan citta mtu taï buddhi / lakaùaõa niï buddhi / buddhi tan pahiïÕp / ikaï buddhi ndan ahiïÕp ya / kadi tan vruh ikaï buddhi / ndan vruh ya kadi tanpa cetanekaï buddhi / ndan cetana ya saïkùepanya lïÕlïÕ sthita humidÕï lçmÕï / meïÕt riï halahayu jugekaï buddhi / apa kari sinaïguh buddhi ïaranya / e nihan pih / gaõal niï triguõa kacetana de niï citta / yeka sinaïguh buddhi ïaranya / saïka niï buddhi mtu taïahaïkàra / ahaïkàra ïaranya gaõal niï citta / ya ta sinaïguh cetana ma¤etana ïaranya / apa dumeh yan maïkana / apa nikaï cetana saï÷aya gaõal svabhàvanya / ya ta mataïnyan akveh prabheda niï tutur / agaõal alit svabhava niï tutur // 10 nihan kramanya keïÕtakna / bhañàra mahulun makacetana saï hyaï àtmà / saï hyaï àtmà makacetana ikaï citta / ika citta makacetana ikaï ahaïkàra / ya ta inave÷a de niï kriyà÷akti bhañàra mapramàõa / ya ta sinaïguh hurip ni hurip ïaranya kriyà÷akti bhañàra pramàõa mvaï pinakahurip niï ahaïkàra pinakahurip niï buddhi / ya ta mataïnyan pramàõa ïaranika ahaïkàra vaneh / apan maïku mamastuni riï hana lavan nahan / maïlakasakÕn kàryya halahayu juga guõa nikaï ahaïkàra mvaï maïku sarvvadçbya / liïnya dçbyaïku bayuïku ÷abdaïku iïÕtku ÷arãraïku / maïkana liï nikaï ahaïkàra / ikaï ahaïkàra lavan buddhi ya pramàõa vi÷eùa ïaranya / apa dumeh ikaï ahaïkàra lavan buddhi sinaïguh vi÷eùa ri denya sthiti humióÕï tan polah / tuhun tutrmmàtra lmÕï meïÕt riï halahayu jugekaï buddhi / tuhun pinakaparanti jugeka hananya de niï ahaïkàra tri bhedanya / lvirnya / si vaikçta si taijasa si bhåtàdi / nahan ya ahaïkàra // ahaïkàra si vaikçta yeka buddhi sattva / ahaïkàra si taijasa yeka buddhi rajah / ahaïkàra si bhåtàdi yeka buddhi tamah // 11 gavenya yeki vuvusÕn / ahaïkàra si vaikçta yeka magave manah mvaï da÷endriya / lvirnya / cakùu ÷rotra ghràõa jihvà tvak / nahan taï sinaïgah pa¤cendriya ïaranya / vàk pàõi pàda upastha pàyu yeka sinaïgah pa¤cakarmendriya ïaranya / papiõóa nikaï pa¤cendriya lavan pa¤cakarmmendriya yeka sinaïgah da÷endriya ïaranya / kasavlas manah / nahan gave nikaï si vaikçta ahaïkàra // kunaï ikaï ahaïkàra si bhåtàdi yekàgave pa¤catanmàtra / lvirnya / ÷abdatanmàtra spar÷÷atanmàtra råpatanmàtra rasatanmàtra gandhatanmàtra // ÷abdatanmàtra ïaranya tutupi taliïanta kalih / hana ÷abda kaçï” / lit nikaï ÷abda yeka ÷abdatanmàtra ïaranya // spar÷÷atanmàtra ïaranya hana vàyu madçs barat prahàra kunaï / maçn pvekaï vàyu / lit nikaï sumilirumÕrs”ï pakulit yeka spar÷÷atanmàtra ïaranya // råpatanmàtra ïaranya duvÕgi kàlasndhyà sumurup saï hyaï àditya kulvan / hana ta tejanira kavkas màtramàtra / lit nikaï teja yeka råpatanmàtra ïaranya // rasatanmàtra ïaranya / kadyaïga niï amaïan ùaórasa / tlas pvàmaïan hana ta ya ÷eùanya màtra kavkas riï lióah / lit nikaï rasa yeka rasatanmàtra ïaranya // gandhatanmàtra ïaranya kadyaïga niï ambuï vaïivaïi candanàgaru kunaï / luïhu taï vàsa kveh rika hana ta ya ÷eùa nikaï gandha riï iruï ya ta hinambuï rinasan / lit nikaï gandha yeka gandhatanmàtra ïaranya // 12 saïka riï pa¤catanmàtra mtu ta ï pa¤camahàbhåta / àkà÷a mtu sakiï ÷abdatanmàtra / havaïavaï huvuïuvuï tan pagamoïan mveh avan lakùaõanya ÷abda pinakaguõanya // vàyu mtu sakiï spar÷÷atanmàtra / ri vut pata barat prahàra aïulahakÕn lakùaõanya spar÷÷a pinakaguõanya // teja mtu sakariï råpatanmàtra / prakà÷a paóa apanas pinakalakùaõanya råpa pinakaguõanya // àpah mtu sakariï rasatanmàtra / amlçs lakùaõanya ùaórasa pinakaguõanya // pçthivã mtu sakiï gandhatanmàtra / àkà÷a gaõal lakùaõanya gandha pinakaguõanya / ikaï gandha tiga prabhedanya / ## / surabhi ïa avaïi / asurabhi ïa abo / sa ca gandhasàdhàraõah ikaï tan avaïi tan abo ïa / nahan ta lakùaõa nikaï pçthivã / yeka pamkas niï tattva ganal / ikaï pçthivã àpah teja vàyu àkà÷a ya ta ginave bhuvana de bhañàra / arddha ruhur sumiõóuhur matumpaïtumpaïan lakùaõanya / ikaï tattva i ruhur pinakaguõa de niï tattva i sor // nihan lakùaõanya / ikaï àkà÷a muïviï ruhur / tumåt ta ï vàyu /ya ta mataïnyan ro guõa niï vàyu ÷abda spar÷÷a // àkà÷a vàyu teja / ya ta mataïnyan tiga guõa niï teja ÷abda spar÷÷a råpa // àkà÷a vàyu teja àpah / ya ta mataïnyan pàt guõa niï àpah ÷abda spar÷÷a råpa ùaórasa // àkà÷a vàyu teja àpah pçthivã / ya ta mataïnyan lima guõa niï pçthivã ÷abda spar÷a råpa ùaórasa gandha // 13 nahan laksaõa nikaï pa¤camahàbhåta an pavor guõa / ginave aõóabhuvana de bhañàra / lvirnya / saptaloka pamkas muïvaï i ruhur / tumåt ta ï saptapàtàla muïguh i sor / bhuvana÷arãra ïaranya / satyaloka muïgv iï ruhur / i sornya mahàloka / i sornya janaloka / i sornya tapoloka / i sornya svarlloka / i sornya bhuvarlloka / i sornya bhårlloka // ndan ikaï bhårlloka patimbuna niï tattva kabeh / ïka ri bhårlloka saptaparvvata saptàrõõava saptadvãpa da÷avàyu da÷endriya / ïkàna pva samoha ïke bhårlloka ika kabeh // ikaï saptaparvvata pçthivã rakÕtnya ïke bhuvanàntara // ikaï saptàrõõava àpah rakÕtnya ïke bhuvanàntara // ikaï saptadvãpa teja rakÕtnya ïke bhuvanàntara // ykaï da÷avàyu vàyu rakÕtnya ïke bhuvanàntara // ikaï da÷endriya àkà÷a rakÕtnya ïke bhuvanàntara // nahan lakùaõa nikaï sarvvatattva pasamoha riï bhårlloka // nihan ta ï saptapàtàla ïaranya / pàtàla vaitala nitala mahàtala sutala talàtala rasàtala / i sor niï saptapàtàla balagarddabha mahànaraka / i sor nni mahànaraka ïkàna ta ïgvan saï kàlàgnirudra apvi dumilah sadàkàla / satusivu yojana dilahnya maïaladalad saï hyaï kàlàgnirudra apuy pinakaïasa niï saptapàtàla / maïkana lakùaõa niï aõóabhuvana / kapva matumpaïtumpaïan kadi tala niï tavvan ikaï tattva gaõal / samaïkana kvehya gave nikaï ahaïkàra si bhåtàdi måla nika // 14 kunaï lakùaõa nikaï ahaïkàra si taijasa / yeka kadi vayuh lakùaõanya / tumuluï si vaikçta lavan si bhåtàdi milu magave ekàda÷endriya lavan pa¤catanmàtra // kunaï ikaï ahaïkàra tiga lakùaõanya mtu sakariï buddhi ya ta umupagama irikaï sattva rajah tamah / syapa karika maïupagama / saï hyaï pramàõa ïaranira gaõal saï hyaï àtmà hana riï tåryyapada / sira saï sinaïgah saï hyaï pramàõa ïaranira sira ta maïaku mamastvani lumkasakÕn kriyà halahayu / kunaï ikaï buddhi manah ahaïkàra sóÕï pinakasàdhana saï hyaï pramàõa maïaku maïlkasakÕn kriyà kàryya halahayu // maïkana lakùaõa saï hyaï pramàõa makasàdhana ikaï buddhi manah ahaïkàra // mapa kari bheda niï pramàõa lavan vi÷eùa / nda nihan ro bhedanya / paóa àtmà sira kalih kunaï rva bhedanya / kasor saï hyaï pramàõa deniï vi÷eùa / vyàpàra riï halahayu saï hyaï pramàõa / kunaï saï hyaï vi÷eùa tan vyàpàra niùkàryya niùprayojana nihuïniïa sira riï halahayu / kevala sthiti humióÕï tan polah tan limbak tan laku tan hili / maïkana lakùaõa saï hyaï pramàõa vi÷eùa magaõalalitika / maïkana kaï sinaïgah pramàõa tahampih / paóàtmà sira kalih / ikaï pada juga maprabheda / saü÷aya gaõal pinakiïgvan saï hyaï àtmà / ya ta tinut nikaï àtmà / magaõalalit svabhàva niï àtmà / ikaï àtmà hana riï tåryyapada ya yatah pramàõa vi÷eùa kojaranira / muïguh pva hyaï àtmà riï jàgrapada ya yatah pramàõa kojaranira muïgah pva saï hyaï àtmà riï suptapada / nahan vastunya ïaran saï hyaï àtmà sthiti humióÕï ika ta sinaïgah vi÷eùa ïaranya / saï hyaï àtmà vyàpàra mamastvani ika ta ï sinaïguh pramàõa ïaranira / maïkana lakùaõa saï hyaï àtmà riï sapadapada pramàõa vi÷eùa juga sira / mapa kari dumeh ikaï ahaïkàra sinaïgah pramàõa / ri denya n pinakasàdhana riï maïku mamastvani juga sira / kunaï nimitta niï kadi sapatiga arakva lvir nikaï buddhi / ikaï ahaïkàra tiga prabhedanya maparanti rikaï buddhi / ya tiga vçddhi mànak limaï puluh / limaï puluh vçddhi mànak sàtus / sàtus vçddhi mànak sevu / sevu vçddhi mànak tan kinavruhan vilaïnya / yeka nimitta niï àtmà patmahtmahan // 15 mapa kari yukti nikaï sattva rajah tamah / an patmahtmahan maputÕra riï svargga naraka mànuùa triyak [tiryak] // sugyan maïkana liïa saï para / ndan nahan pih / ikaï ahaïkàra tiga prabhedanya / maparanti rikaï buddhi / hana buddhi sattva hana buddhi rajah hana buddhi tamah / ya ta tumutakÕn sakàpti niï yoninya pinakajanmanya / vruh pva saï nipuõatattva an maïkana kramanya / ya ta mataïnyan kavruhan ikaï ikaï yoni maïdadyakÕn kamokùan lavan svargga ïuni veh ikaï janma valuyvaluy / nihan kramanya keïatakna // yapvan ana buddhi sattva tãbra ri kaliïa niï kapraj¤àn muïsiï ÷àstra molahakÕn kasamyagj¤ànan / saï hyaï tripuruùa yoni niï sattva yan maïkana // yapvan ana buddhi sattva tãbra ri kaliïa niï brata tapa yoga samàdhi / pa¤caçùi yoni niï sattva yan maïkana // yapvan ana buddhi sattva tãbra ri kaliïa niï påjàrccaõa japa mantra mvaï kastutyan bhañàra / saptaçùi yoni niï sattva yan maïkana // yapvan ana buddhi sattva tan païiv” halahayu / asih ta ya riï sarvvapràõa / devaçùi yoni niï sattva yan maïkana // yapvan ana buddhi sattva tãbra ri kaliïa niï kavanin kadhãran ka÷åran / tan maliï bhaya jãvita parityàga riï huripnya maïga umatya humalahakÕn ÷arãranya makanimittàsihnya bhaktinya / rasika tan vyàmoha denyamava pravçtti / kevala ÷àntacitta alilaï juga manahnya / yan gaveyakÕn kadhãran kavanin / vidyàdhara yoni niï sattva yan maïkana // yapvan ana buddhi sattva tãbra ri kaliïa niï kalaï”n harùa ta yaï çï” hunyahunyan maïdadyakÕn karõõamanohara laï”dçóha ta ya riï higÕl kiduï dçha ta yàcaïkrama asiï ramya maï” pinaranya harùa ta ya manon skar vaïivaïi / gandharvva yoni niï sattva yan maïkana // yatika tan pakabhåminÕn de niï samyagj¤àna yan païusir kamokùapadan / kunaï ikaï yogya pakabhåminÕn de niï kasamyagj¤ànan / kapaïgihan iï kamokùan de saï çùi devaçùi saptaçùi pa¤caçùi makàdi saï hyaï tripuruùa / nahan ta ï buddhi sattva kaniùñha madhyamottama // 16 buddhi rajah yekà vuvusÕn / hana buddhi rajah vineh ÷abda tan yogya / hanekaï krodha kunaï tapvan vnaï maïrÕt / tan kavtu niï vijil henya / makanimitta hana kaliïa niï para ya ta mataïnyan mvaï juga / humikÕl sva÷arãranya / sakariï sÕknya ri hatinya / drava ta ya mijil matmahan taïis / dànava yoni niï rajah yan maïkana / hana buddhi rajah vineh ÷abda tan yogya / hanekaï krodha kunaï tapvan humnÕï juga ya mne ta ya riï kadohan / ujar ta ya / liïnya / adhikàra denanu vnaïaveh ÷abda tan yogya iryyaku kady aïavaïavÕdya sakàrÕpnya kunaï tapvan lmÕh riï vàda jugaku ahataku riï ayuïku / daitya yoni niï rajah yan maïkana // hana buddhi rajah vineh ÷abda tan yogyakabahan kumtÕr ÷arãranya vavaïaparàga / vàkcapala hastacapala pàdacapala maïrik masiïhanàda mujarakÕn samenakeriya tan païgalçï liïa niï para / ràkùasa yoni niï rajah yan maïkana // nihan tattvanya ràkùasa pinakahyaï niï khadga gamangaman saï prabhu / salvir niï khadga varttamàna païalap hurip ràkùasa pinakadevatànya // daitya pinakahyaï niï khadga pinakagamangaman vvaï tani kadyaïga niï luke pçkul / salvir niï khadga pinakasàdhana niï amijilakÕn kamopajãva daitya devatànya // dànava pinakahyaï niï khadga pinakagamangaman saï viku kadyaïga niï pamiso kartrã karayu dànava devatànya // nahan taï buddhi rajah kaniùñha madhyamottama // 17 buddhi tamah yeki vuvusÕn / hana buddhi tamah tan harohara riï pinaïan varÕg de niï gaïan saktÕs sgÕ savpÕl tvak satahapan parituùña manahnya de nika / bhåta yakùa yoni niï yan maïkana / de÷anya muïgviï no / pinakahyaï niï dhàtu muïgviï liïa pratimà liïgir pamåjamåjàn // yapvanan buddhi tamah hapilih riï pinaïan / tan samàs ri kaharÕpnya / hadidiï tan dÕlanya iraïiraïan tan dçpa tan saïgraha manahnya / yan amaïgih bhoga atãs ta ya manahnya / bhåta dÕïÕn yoni niï tamah yan maïkana / de÷anya muïïgvi vaïlu karameyan / pinakadeva niï kayu banaspati // yapvanan buddhi tamah ràmpadan ya ta riï pinaïan / tan apilih ri sakàrÕpnya // salvi niï màïsa sinaïgah campur pinaïanya ika kabeh lamun varÕg juga liïnya / bhåta kàla yoni niï tamah yan maïkana / de÷anya muïviï sma vatÕs pamaïgahan catuùpatha // yanan buddhi tamah tan aïgàmaïan tan enak / ya ta nimittanya haruhara vkasan / kabarat katimur / tan pamaliïhel vruh ta ya paracchidra ri dçbya niï len / makanimitta yàlmÕh maïela hana dudå kalmah / dçpa ta ya riï ta¤jakan / aïupiï juga taliïnya an païrÕï” bhoga / bhåta pi÷àca yoni niï tamah yan maïkana / de÷anyàïambara / alakulaku ta polah / yeka sinaïguh sasabàvuh / liï niï loka // nahan taï buddhi tamah kaniùñha madhyamottama // ikaï sattva rajah tamah nimitta niïàtmà patmahtmahan / nahan kramanya keïÕtakna // 18 yan patmu ikaï bhåtayakùa lavan deva devaçùi saptaçùi pa¤caçùi tripuruùa prakà÷a g”ï irikaï buddhi / yeka nimitta niï àtmà mamaïgih kamokùan // kunaï ikaï bhåtadÕïÕn daityamàtra patmu lavan daitya vidhyàdhara devatà prakà÷a g”ï irikaï buddhi / ya nimitta niï àtmà mamaïgih svarggà // kunaï irikaï bhåtakàla patmu lavan ràkùasa gandharvva prakà÷a g”ï irikaï buddhi / yeka nimitta niï àtmà dadya mànuùa // kunaï ikaï bhåtapi÷àca matmu lavan ràkùasa prakà÷a g”ï irikaï buddhi / yeka nimitta niï àtmà tibeï naraka // kunaï ikaï yan bhåtapi÷àca kevala prakà÷a g”ï irikaï buddhi / yeka nimitta niï àtmà dadya triyak // nihan keïÕtakna vyaïga muvah nimitta niï saï hyaï àtmà mapalenan / saï÷aya gaõal saï hyaï tripuruùa / tripuruùa ïaranya bhañàra brahmà viùõu ã÷vara / sira ta pinakàdisattva / ika taï àdisattva yan pramàda kuraï yoga pa¤caçùi tmahanya / pa¤caçùi kuraï yoga saptaçùi tmahanya / saptaçùi kuraï yoga devaçùi tmahanya / devaçùi kuraï yoga devatà tmahanya / devatà kuraï yoga vidyàdhara tmahanya / vidyàdhara kuraï yoga gandharvva tmahanya / gandharvva kuraï yoga dànava tmahanya / dànava kuraï yoga daitya tmahanya / daitya kuraï yoga ràkùasa tmahanya / ràkùasa kuraï yoga bhåtayakùa tmahanya / bhåtayakùa kuraï yoga bhåtadÕïÕn tmahanya / bhåtadÕïÕn kuraï yoga bhåtakàla tmahanya / bhåtakàla kuraï yoga bhåtapi÷àca tmahanya / bhåtapi÷àca kuraï yoga mànuùa tmahanya / ikaï mànuùa tan kinahanan de niï j¤àna÷akti apan patimbunan iï halahayu / hamaóa devatà riï mànuùa÷akti limpad kaliïan jugekaï vatÕk devatà / mànuùa kuraï yoga triyak tmahanya / kalima prakàra niï triyak / pà÷u ya dadi riï vanva / mçga ya dadi riï alas / pakùã ya dadi riï sarvvamÕr / mãna ya dadi riï ba¤u / pipãlikà ïaraniï sattva maïlakulaku óaóanya / tani kinavruhan ïaranya vaneh / yeka ikaï sinaïguh sarvva kumilip ïaranya / sarãsçpa kaï lumakvi óaóanya / sthàvara ïaranya molah riï uïvan / lumaku kaï ïlurumur / nahan tmahan saï hyaï àtmà yan mànuùa pramàda kuraï yoga // 19 sasharah / tan pahiïan kaùña kàsyasih saï hyaï àtmà / tÕhÕr lÕlÕb hilaï tan valuy riï jàtinya / kadi tan pahióÕpan saï hyaï àtmà / paóa nira / kady aïga niï viji niï java saviji / sÕsÕban ta ya para sevunÕn / lbokana riï samudra / atyanta juga kavaïgihanya riï jàtinya java / maïkana ta saï hyaï àtmà / yan sàmpun dadi triyak / lÕhÕïan ya ikaï dadi pa÷u / apan ya vnaï pinakasàdhana niï maïave hayu / ikaï dadi pipÕlikà / kady aïga niï tÕtÕk lintah / vidat / varayaï / hirispoh / salvira niï kinelikan de mànuùa / pisaniïu yan kolahan / lavan ta vaneh / ikaï triyak / hana kinavedyan / hana kinelikan / mapa ta kaliïanya / ikaï karmma hala / kaniùñha / madhyamottama / hatiïkah / apa ta kaniùñha niï magave hala / ikaï voï kaluputan deniï krodhanya / dadi sàhasa / capala / maïkana ta vyaïamuktya pagavenya hala / ya ta tibà niï naraka / hÕntasnya saïkerika / yeka vineh dadi mànuùa de saï yamabala / tan paóa råpanya lavan saï sàdhu / yeka vikàrajanma ïaranya / kahanan cheda / salvir niï cheda / makaphala niï kaniùñha deniï gavenyàla // 20 nihan ikaï vvaï / madhya denyàgave hala makanimitta deniï kàsyasihnya / tanana païanÕnya saõóaïÕnya / maïkana kàraõanyàgave hala / lumaku maliï parachidra niï drÕbya saï sàdhu / sakàraõanya maïana / pjah pva ya masuruï ulahnya maïkana / dumunuï ta ya riï naraka / hÕntasanya saïke naraka / vineh ta ya dadi triyak de saï yamabala / ndan ikaï triyak kaï vnaï pinaïan / vnaï pinaïan pinakasàdhana niï agave yaj¤a tavur / vineh maïkana vàsanànya / nahan madhya niï phala niï gavenya hala // 21 nihan uttama niï gavenya hala / nda makanimittan deniï ahaïkàranya / deniï lobhanya / deniï mohanya / deniï dambhanya mvaï hiriùyaj¤à[nya dvng] / tan pavanÕhan tuhu lÕtuh niï j¤ànanya / porapuri denya magave hala / hamraï voï tan padoùa / haïiva tadol voï tan padoùa / maveh laràmbÕk iï para / amaïan paóa ne voï haranya / ika ta janma maïkana kramanya / sakàla juga kinelikan / kinariùyan / kinavÕdyan deniï samanya mànuùa / saparanya hasiï sakahananya juga pinalÕhinaïluh / pjah pva vvaï maïkana / kramanya tan doh dumunuï mari naraka / hÕntasnya saïke ïkàna / vineh ta ya dadi triyak / de saï yamabala / nda nahan tmahanya / salvira niï triyak kinelikelikan / kinariùyan / kinavÕdyan deniï mànuùa / yekà pinakajanmanya / nahan phala nika uttama niï gavenya hala / lÕvih viparãtanya / tan pasiï kajanmanya saï hyaï àtmà / pisaniïu vruha niï kaliïa niï dadinya / yapvan hana gamanya vnaï tumakvanakna kaliïan iï adhamanya riï saï paõóita // apa kari nimitta niï pa¤catriyak / satiïkah niï mànuùa magave hala tiya / mataïnyan pagave ya para riï mànuùa / pagave ya hirikaï triyak // yan maïkana liïa saï para / nda nihan pih parÕï mijil ikaï bhuvana / ikaï pa¤catriyak / tan ucapÕn ikaï svargga naraka / ïuniveh ikaï sarvvajanma halahayu / an pinakasaji niï bhuvana gatinya / ikaï svargga phala niï magave hayu / ikaï naraka phala niï magave hala / hÕntasnya saïkerika / irika ta yan païjanma triyak / apan ulihnyàgave hala / saïkùepanya / saji niï bhuvana jugekaï halahayu / umaïkana mara kami ïke triloka / maïhióÕp sukhaduhkha / laràlapa / panastãs / tuhapati / saji niï janma maïkana / nohan vogan / ya ta mataïnyan tan hana kasaï÷aya mami / apan saji niï bhuvana kami de bhañàra / màti maïjanma mvah / jàtinya maïkana // 22 ndah ya tiki dona saï hyaï tattvaj¤àna / apan pinintonakÕn ri kita kamuï para / ya ta mataïnyan / ya ta màryya makajàtinya maïkanekaï ràt / yan vruha kita rumase / rumÕï” / rasa saï hyaï tattvaj¤àna / yapvan enakatamvanira saï hyaï tattvaj¤àna / de nikaï ràt / yeka saïka niï tuturnya / gumavayakna rasa niï prayogasandhi / makasuluh taï samyagj¤ànan / makabhåmyabrata / tapa / yoga / samàdhi / yeka tambà niï àtmasaïsara // 23 ikaï àtmà / ndya maïhióÕp saïsàra / kepvan ïvÕï rumase saï hyaï tattvaj¤àna / arah / apan sinaïgu sthiti saï hyaï àtmà hana riï tåryyapada / tlas karuhun bhañara mahulun / sinaïguh vyàpã sira hana riï niùkala / kriyà÷akti bhañara / umàve÷a ikaï ahaïkàra / ikaï ahaïkàra umàve÷a ikaï vàyu / ikaï vàyu ya ta sumusuki ï nàóã / ikaï nàóã ya ta såkùma riï ÷arãra / ikaï ÷arãra ya ta maïhióÕpa¤càgati saïsàra / niyatanya juge bhañara / ikaï maïhióÕp saïsàra / yan maïkana / milu dadi triyak // sugyan maïkana liïa saï para / ndan taham pih / nahan dçùñopama kady aïga niï apaõóe vusi / vusi ginavenya / ikaï prabotaneka lvirnya / paran / palu / supit / kikir / asiï vusi juga katuïgalanya / maïkana taï vusi kati / ginave khaóga de saï paõóe / ikaï khaóga makveh lvirnya / ana khaóga pinakagamangaman saï prabhu / ana khaóga pinakagamangaman iï voï tani / ana khaóga pinakagamangaman saï paõóita / ya yatah khaóga juga kasaïj¤ànya kabeh / yàvat vusi malaõóÕp / tàvat khaóga juga kasaïj¤anya / tuhun gavenya juga dudå / ikaï khaóga haneï saï prabhu / kady aïga niï curik / malalya ÷aïkuh / pinakasàdhana niï apraï maïalap huripaknanya / ikaï khaóga hana riï voï tani / kady aïga niï luke / prÕkul / pinakasàdhana niï amijilakÕn karmmopajãva paknanya / ikaï khaóga hana riï saï paõóita / kady aïga niï pakisi / kartrã / karayu / pinakasàdhana niï amiso / païri paknanya / ndan khaóga juga tumampuh riï halahayu / kunaï ikaï prabvat pih / tan milu ika tumampuh riï halahayu / tuhun pinakapagave juga hananya / tlas karuhun saï paõóe / vyapã vyàpaka juge saï paõóe / icchà niï manah saï paõóe juga / gumave ikaï vusi kati / saï paõóe juga vruhi tmahan ikaï vusi kati / an makasàdhana hióÕp nira / makapagave ikaï prabvat / ikaï prabvat ta yan pagave saï paõóe mohalaknekaï prabot / yan humnÕï maràryyan saï paõóe umnÕï ikaï prabvat / sthiti hana ri pakÕkÕsanya // 24 alihakna pva taliïa païrÕï” / maïkana ta bhañara mahulun / hana vyàpaka juga sira / cetananira juga / gumavaya kaï sarvvajanma kaïeh / an makasàdhanekaï kriyà÷akti bhañara / makapagave ikaï àtmà hana riï tåryyapada / lavan ikaï àtmà hana riï jàgrapada / an gumavayekaï àtmà hana riï suptapada / vinehnira maïhióÕpa pa¤cagati saïsàra / sukhaduhkha / laralapa / panastãs / tuhapàti / saïkùepanya / àtmekaï ginave saïsàra de bhañara // nihan kramanya keïÕtakna / bhañara mahulun maharÕpanon / vastu sakala / ya ta mataïnyan inicchà nirekaï àtmà / tuïgal / apan aparo lvirnya saï hyaï àtmà / ri kàlanira inicchà de bhañara / an kinon sira ma¤etaneï pradhàntattva / ndan irika ta saï hyaï maparo vkasan / hana vyàpàra / lavan tan vyàpàra / àtmà vyàpàra ïaranya / ri kàlanira kinon ma¤etana riï pradhànatattva de bhañara / ma¤etana ïaranya umyàparakÕn tutur sira / maïhióÕp maïanàïÕn yeka sinaïguh ma¤etana ïaranya // 25 àtmà tan vyàpàra ïaranya / bhañara mahulun maràryyan humnaï / mari sira makon ma¤etana / humnaï ikaï àtmà mari ma¤etana / kadi lavan ikaï dçÕùña ïåni / prabot saï paõóe / humnaï ikaï prabot / maïkana lakùaõa saï hyaï àtmà / mari sira kinon ma¤etana de bhañara / humnaï saï hyaï àtmà mari ma¤etana / kaivalya sthiti humióÕï tan polah / tan limbak / sira ta sinaïguh àtmàvi÷eùa ïaranya / sira ta bhañara dharmma ïaranira vaneh / kunaï kàlanira vyàpàra ma¤etana / irika ta sira pramàõa ïaranira vaneh / ikaï àtmà sinaïguh saï hyaï pramàõa / lavan saï hyaï àtmàvi÷eùa / kevala sthiti hana riï tåryyapada / kunaï ikaï àtmà hana riï jàgrapada / ya yatah tuïgalakùaõanira / kadi lakùaõa niï àtmà hana riï tåryyapada / kunaï rva bhedanya / agaõal alit ika / àtmà hana riï jàgrapada / apan cetana svabhàvanya / cetana ïaranya / gaõal niï àtmà hana riï tåryyapada / ikaï iïaranan citta / ikaï karaktan deniï triguõa / citta ïaranya / tutur vyàpàra tan vruhiï halahayu / ika taï tutur lavan citta / tuïgal svabhàvanya / citta ïaranya vyàpàra / tutur ïaranya ri kàlanya sthiti humióÕï tan polah / ikaï àtmà hana riï jàgrapada / tuïgal tutur vyàpàra / lavan tan vyàpàra / bhedanya / ya yatah àtmà juga kasaïj¤ànya / ikaï àtmà pva ginave / vineh maïióÕp saïsàra sukhaduhkha / ikaï àtmà inaranan ahaïkàra / ya tika ginave de bhañara / vineh matmahan saï÷aya gaõal / makaprabot ikaï àtmà hana riï jàgrapada / lavan ikaï àtmà hana riï tåryyapada / yeka pagave de bhañara / nahan kramanya keïÕtakna / ikaï àtmà inaranan ahaïkàra saï vaikrÕta / yeka ginave de bhañara / lavan da÷endriya / kunaï ikaï àtmà inaranan ahaïkàra saï bhåtàdi / yeka kinon de bhañara maïaveya pa¤catanmàtra / lavan pa¤camahàbhåta / kunaï ikaï manah / manah ïaran hióÕp / ikaï hióÕp ya ta vinimbana muvah / an matmahan ya tàtmà lavÕlav” / àtmà lavÕlav” ïaranika àtmaparivàra / àtmaparivàra ïaranya / nihan lvirnya / àtmà / paràtmà / niràtmà / antaràtmà / såkùmàtmà / yeka pa¤càtmà ïaranya / hióÕp katuïgalanya / yeka sinaïguh pamkas iï àtmà gaõal / yeka tumampuh riï halahayu gatinya / tan pahusan tmÕn // 26 #<÷akañopamaü pradhànaü puruùo vçùabhopamah /># #<ã÷asàrathisaüyuktaü jagat bhramitacakravat // 27># ikaï pradhànatattva yàïkÕn ÷akaña / ikaï àtmà yàïkÕn vçùabha / i÷ah / bhañara ã÷vara sira kàïkÕn sàrathya / humrÕgikaï àtmà maïhirid gritan / jagat bhramitacakravat / ikaï jagat kàïkÕn cakra niï giliïan gumuluïa putÕran riï devatà / mànuùa / triyak / makanimitta deniï karmma halahayu / maïkana vkasan iï àtmà gaõal / yeka khaóga kàïkÕn gave saï paõóe / kunaï ikaï àtmà vyàpàra hana riï tåryyapada / yeka kàïkÕn supit saï paõóe / kunaï ikaï àtmà tan vyàpàra ya ta kna parÕõa saï paõóe / ikaï àtmà hana riï jàgrapada / lavan ikaï àtmà hana riï tåryyapada / tan milu tumampuh riï halahayu / tlas karuhun bhañara mahulun / vyàpã vyàpaka juga sira / icchà niï manah rata juga / gumavay ikaï sarvvajanma / ndya tikaï àtmà sinaïguh maïhióÕp saïsàra / ya ta liïa saï para / sinaïguh ta yàtmà maïhióÕp saïsàra / ndan ikaï àtmà inaranan ahaïkàra saï vaikçta / yeka buddhi sattva / yeka maïhióÕp lara // ikaï àtmà inaranan ahaïkàra saï taijasa / yeka buddhi rajah / yeka maïlare / ikaï àtmà kinaranan ahaïkàra saï bhåtàdi / yeka buddhi tamah / yeka pinakalara // 28 nihan ta prabhedanyàtmà maïhióÕp / lavan ikaï àtmà tan païhióÕp / apa pva ya mataïnyan bhañara dharmma / an sira pinakahurip niï sarvvajanma kabeh / tlas karuhun bhañara mahulun / an sira rakva tumut maïjanma / pinakahurip niï hurip // siïgih bhañara hana pinakahurip niï voï kabeh / ndan åtaprota lakùaõanira / åta ïaranya / kady aïga niï apuy hana ri ïÕsÕyÕn / priïampyal kayu / kunaï tan kinavruhan / tan katon juga hananya / vyakta tan vyakta juga hananya / apa kaliïanya / ya ta ïara ïÕsÕyÕï vaïi rikaï priïampyal kayu / niyatanyan tan pamijilaknapuy / kaï yogya mijilaknapuy / apanegÕh kaï kinahanan de niï apuy // 29 alihakna taliïa païraï” / kadi maïkana ta bhañara / an hanerikaï sarvvajanma / vyakta tan vyakta / juga hana nira hana riï ràt kabeh / nahan païhiïgan ri vyakta sira lavan tan vyakta sira / hana ri vvaï kabeh / hayvinucap ikaï janma kabeh / samanya / ikaï tan ana tuturnya / mvaï tan ana kapraj¤àniriya / ika saï kinahanan deniï tutur lavan kapraj¤àn / sira caritàkÕn rumuhun / saï sàmpun vruh ri kaliïa niï prayogasandhi / ïuniveh sira saï lumkasakÕn tapa / brata / yoga / samàdhi / apa kapo mataïnyan mevÕh ika saï vnaï manuvuhakÕn j¤àna / lavan vnaï tumamva yogavi÷eùa / kenakanya / sabarinya / vruha riï yoga / samàdhi / lumkasakÕn tapa / brata / yoga / samàdhi / vnaï sira sakàmakàma / vnaïa ta sira juga lumkasakÕn prayojana sira / sakveh nikaï lumkasaknikaï prayogasandhi / tan kevÕhana juga sira / apan paóa kinahanan ïaranya / sira deniï àtmàvi÷eùa / mevÕh ikaï saï ïinandÕlan deniï bhañara // prota kapva païhiïgananta / kady aïgan iï teja niï maõik / maïekade÷a hananya / ndah maïkana bhañara / ikoïgvan sira maïekade÷a / àdhyàtmika juga saï hinandÕlan tekiï bhañara / ndàtan padonikaï brata / tapa / yoga / samàdhi / gavayakna / apan tanana ïaranika / ikaï inaçpaçp yan maïkana / apan mevÕh sira saï kinahanan deniï àtmàvi÷eùa / mevÕh sira saï hinandÕlan deniï bhañara / liï niï àgama // sugyan maïkana liï saï para / taham pih / gavayakna hikaï brata / tapa / yoga / samàdhi / apa nikaï samàdhi / ã÷varapraõidhàna / yeka kàrddhanan saï hyaï àtmàvi÷eùa / ïuniveh kàrddhanan bhañara / yapvan siï lot humabhyasa / ikaï samàdhi / ã÷varapraõidhàna / tan païucapàlavas / masÕïkÕra hurip sira humabhyàsa ikaï samàdhi / ri janmanira sohah [sovah] / matutur juga sira humabhyàsa ikaï samàdhi / ndah maïkana ta tuturan pih bhañara / hinandÕlan sira deniï bhañara / saïkùepanya / inarddhana sinamàdhi tka bhañara / an hana sira irikaï voï / ya tan hinarddhana / tan sinamàdhi / sira tan hana irikaï voï / nihan taï pa¤catriyak / an sinaïguh mari pàvak bhañàra dharmma / apa pva mataïnyan viparãta tanana tuturnya / kenakanya / matutura ta ya riï prayojana kabeh / yan tuhu ya kinahanan deniï bhañara dharmma / apa pva gavenya tan maïkana / yeka païhiïanan païanumànan / an lalis bhañàreriya / kevala tan kinahanan juga / gatinya deniï àtmàvi÷eùa / ikaï àtmà ndya pva hana ïkàna / ikaï àtmà lavÕlav” juga / ika pamkas niï àtmà gaõal / ikaï hinaranan hióÕp / ya ta mataïnyan ikaï vàyu / ÷abda / hióÕp juga hana ïkàna / vàyu pinakahuripnya / ikaï hióÕp inanàïÕnaïÕnya / ikaï ÷abda pinakasvaranya / ya ta mataïnyan tan pavastu ÷abda niï triyak / apan tan kinahanan deniï àtmàvi÷eùa / kunaï ikaï vàyu / ÷abda / hióÕp juga larih vratta / ika riï triyak mag”ï admit / tka riï sthàvara / jaïgama / tçõa / taru / latà / gulma / tanana katunan vàyu / ÷abda / hióÕp / ikaï sattva tumuvuh / kunaï ikaï saï hyaï àtmàvi÷eùa / kevala juga sira tan hana ïkàna / ndan lupa lakùaõànya riï janma samaïkana // 30 ikaï vàyu / ÷abda / hióÕp juga larih vartta / hana riï janmamànuùa / mvaï kaniùñha / madhyamottama / tanana katunan vàyu / ÷abda / hióÕp / kunaï saï hyaï àtmàvi÷eùa / àdhyàtmika juga sira / saï kinahanan àtmàvi÷eùa / tlas karuhun bhañara mahulun / maïarccaneriya / ikaï janmamànuùa kabeh / tan paóa lavan rovaïnya / hana tutur / hana lupa / hana praj¤àn / hana puïguh / apa ta liïanya / saï kinahanan deniï àtmàvi÷eùa / praj¤àn atutur / apa nikaï atutur ïaranya / yeka païavak saï hyaï vi÷eùa / maïke riï mànuùa ika ta saï praj¤àn / lavan saï matutur kaniùñha / madhyamottama / ika lvirnya / apa dumeh yan maïkana / apa kaniùñha / madhyamottama / lakùaõa saï hyaï àtmà / saï kumalalan riï mànuùajanma / ya ta mataïnyan kaniùñha / madhyamottama / lvir nikaï saï matutur lavan praj¤àn / kunaï saï apuïguï lavan saï malupa / akóik tuturnya / kaniùñha niï kaniùñha / ikaï àtmà ïaranika yan maïkana / nahan yukti nikaï janma kaniùñha / madhyamottama / denyàmaïgihakÕn kapraj¤àn lavan tutur / apa nikaï àtmà kaniùñha / madhyamottama / lakùaõanya hana riï jàgrapada / lavan hana riï tåryyapada / yan àtmà uttama / hana rikaï vvaï / uttama nikaï vvaï / umaïguhakÕn kapraj¤àn lavan tutur / yan madhyekaï àtmà / hana rikaï vvaï / madhya denyàmaïgihakÕn kapraj¤ànanya / lavan tutur / kunaï yan kaniùñha niï àtmà / hana rikaï vvaï / kaniùñha denyàmàïgihakÕn kapraj¤àn lavan tutur / kunaï yan kaniùñha niï kaniùñha ikaï àtmà / hana rikaï vvaï / tan hanekaï kapraj¤àn lavan tutur / yan maïkana / tuhun tuturmàtra juga / hana rikaï vvaï / yan maïkana / kunaï saï kinahanan deniï àtmàvi÷eùa / uttama / sira ta mevÕh àtmà uttama / àtmàvi÷eùa ïaranira // ndan taham pih / ade ikaï paóa taï vaaï kinahanan deniï àtmàvi÷eùa / tanana katunan vi÷eùa ika ïaranya / ikaï ràt kabeh / kunaï sor lÕvih lavan rovaïnya vaneh / ikaï ÷ubhà÷ubhakarmma dumadyakÕn ika / yeka nimitta niï janma kaniùñha / madhya / uttama / lvirnya // 31 maïkana liïanta saï para / siïgih ÷abda saï para / ikaï sukhaduhkha ïaranika / ndan ikaï ÷ubhà÷ubha ïaranira / ikaï praj¤àn lavan puïguï / ikaï tutur lavan lupa / yeki carita gumulun / apa pva nimittanya / hana praj¤àn kinahanan deniï tutur / ndan kàsyasih juga ya / tan kinahanan deniï vibhava / ïuniveh yan vikàràkàra kunaï / ikaï janma maïkana / ndan tutur lavan kapraj¤àn / tan sah juga sakeriya / yeka pinakadçbyanya / pinakamàsmanikõya / hana ta ya janma salisuh amaïgiha vibhava t(Õ)hÕr / tan hana tuturnya / tan kinahanan deniï kapraj¤àn / apan dumadyakÕn ika / ade ika sÕïguhan ÷ubhakarmma dumadyakÕnika / saïkùepanya / laraïan juga saï kinahanan deniï àtmàvi÷eùa / saï praj¤àn / saï matutur / saï kinahanan deniï àtmàvi÷eùa / nihan païlaïganerikaï ràt kabeh / tanana vehana puïguïa lavan ikaï lupa / kevala tutur / kapraj¤àn lvirnya kabeh / ikaï janma kaniùñha / madhya / uttama / tan hana lupa lavan puïguï / matutura praj¤àn juga kenakanya kabeh / apan paóa hinakdÕlan / paóa kinahanan deniï àtmàvi÷eùa / liïanta kamuï para / apa pva gavenya tan maïkana / nahan païhiïgana maïanumànan / an mevÕh ika saï kinahanan deniï àtmàvi÷eùa / saï hyaï àtmàvi÷eùa ïaranira / praj¤àn makàvak tutur prakà÷a juga / nahan païanumànan / ikaï janma lupa lavan puïguï / tan kinahanan deniï tutur lavan praj¤àn / tan kinahanan juga gatinya deniï àtmàvi÷eùa // ikaï àtmà ndya pva hana ïkàna yan maïkana / ikaï àtmà vyàpàra / kaï hana riï jàgrapada juga / ikaï iranan dita / sinaïguh maïaku / mamastvani tan kavastvan / manon tan katon / yeka hana ïkana / ya ta mataïnyan vruh mamastvani riï hana lavan tan hana / nahan kalÕvihnya saïkeï triyak / tuhun tan vruh ta ya riï vi÷eùa / tan vruh ta ya riï ÷àstràgama / ya ta sinaïguh janma ivÕïiv” ïaranya / katmu juga saï tutur denya / kahaóaïaóaï [kahaóaïanan Ed] juga kaï hayu denya / apan tan pasuluh ÷àstràgama // kunaï yan hana janma katon praj¤àn / vidagdha vruh maïaji / ndan kaniùñha denyàmaïgihakÕn kapraj¤àn lavan tutur / ya taya ta [ya yatah Ed] juga tan kinahanan deniï àtmàvi÷eùa / atmÕha ndya pva hana ïkàna / ikaï àtmà vyàpàra hana riï tåryyapada / sira hana ïkàna // 32 kunaï yan hana janma katon praj¤àn / vidagdha vruh maïaji tan hana kolih nira riï guõa kabeh / samyagj¤àna kunaï sira / uttama deniï àtmàvi÷eùa kapraj¤àn / ndan irika ta yan àtmàvi÷eùa / hana ïkàna ya maïkana / àtmàvi÷eùa ïaranira / bhañara dharmma / bhañara dharmma ïaranira ikaï àtmà tan vyàpàra hana riï tåryyapada / ikaï sinaïguh praj¤àn / pinakatutur prakà÷a / sira ta hana ïkàna yan maïkana // kunaï yan hana janma katon limpad / denya umaïguhakÕn sakeï uttama nira / ikaï ptaj¤àn lavan tutur / limpad sakeï uttama ïaranira / vnaï sira vyàpiï vyàpaka riï sakala / vnaï ta mamintonakÕn païanumànan / makadçbya kàùñai÷varyyan / mvaï manÕmvanÕn yogavi÷eùa / uttama de nira umaïguhakÕn kayogã÷varan / ndàtan vnaï rinatvan / bhañaràdipramàõa hane ïkàna maïkana / bhañaràdipramàõa ïaranira bhañara sadà÷ivatattva / ïuniveh bhañara dharmma / sira ika hana ïkàna yan maïkana // 33 nahan prabheda niï àtmà / an kaniùñha / madhya / uttama / saï kumahanekaï janma tutur lavan praj¤àn // ika puhun ïvaï rumaseï ikaï tattva harah / ikaï sinaïguh àtmà lavÕlav” / juga dumampuhiï halahayu / liï niï àtmà / kunaï ikaï àtmà hana riï jàgrapada / lavan ikaï àtmà hana riï tåryyapada / yeka tan milu tumampuh riï halahayu / liï niï tattva tambeyan / maïke pva ya sira pinakàtmà / sama kaniùñha / madhya uttama / de nira umaïguhakÕn tutur lavan kapraj¤àn / ïuniveh ikaï puïguï lavan lupa / tlas karuhun de nira umaïguhakÕn limpad / sakeï uttama / ikaï tutur lavan praj¤àn / niyata ma÷arãra juga bhañara yan maïkana / ïuniveh ikaï àtmà hana riï jàgrapada / lavan ikaï àtmàhana riï tåryyapada / niyatanyan ma÷arãra juga yan maïkana / yàvat ma÷arãra / tàvat milu ika tumampuh ri halahayu yan maïkana // sugyan maïkana liï saï para / ndan taham pih / nihan dçùñopama / kady aïga niï maõik sphañika / sàmpun kinani÷caya nikaï maõik sphañika / an kevala ÷uddha putih nirmmala / niràvaraõa tan patalutuh / juga varõõa nikaï maõik / tathàpinyan maïkana / raktakna ta ya irikaï varõõa / yan abaï / yan akuniï / ika ta yan masalin varõõa ikaï maõik / an makavarõõa uïgvanikaï rumakÕt uga kavkasan / yeka sinaïguh karaktan lavan kopaçïgan ïaranya / kadi hilaï varõõa nikaï maõik kahióÕpnya / tlar juga varõõa nikaï maõikaï tan patalutuh / makanimitta pasahakna ikaï maõik lavan ikaï varõõa / ndan irika ta yan katon ÷uddha putih nirmmala / ikaï maõik vkasan / muvah ri jàtinya ïåni / ikaï varõõa raktanya ïåni / hanekàvakanya jugeka vkasan // 34 alihakna taliïa païrÕï” / iva maïkana ta saï hyaï àtmà hana riï jàgrapada / lavan saï hyaï àtmà hana riï tåryyapada / an pinakàtmà niï ràt kabeh / ndan alit acintya såkùma juga sira / nirmmala / ÷uddha putih / niràvaraõa / tan patalutuh / makàvak sphañikaj¤àna juga sira / ya ta mataïnyan tan kna sira riï halahayu / katunu sira tan gsÕï / kaëbu riï ba¤u sira tan tÕlÕs / apan alit såkùma juga sira / acintyàïandÕlitan kandÕlan juga sira riï j¤àna / manon tan katon / maïaku tan kàku / mamastvani tan kavastvan juga sira riï vàyu / ÷abda / hióÕp / tuhun sira kopaçïa juga sira de nikaï inuïvanira / saråpa nikaï inuïvanira pinakaråpa nira / ya ta mataïnyan kadi milu kahióÕpanira / tumampuh riï halahayu / kintu taha / ikaï àtmà hana riï såptapada / lavan ikaï àtmà hana riï svapnapada / juga maïhióep saïsàra / aputÕran riï devatà / mànuùa / triyak / tumampuh riï halahayu / suptapada ïaranya ikaï lupa / yeka nimitta niï àtmà maturu / svapnapada ïaranya para niï àtmà maïipi / ikaï àtmà hana riï suptapada lavan ikaï àtmà hana riï svapnapada / yeka sinaïguh àtmasaïsàra ïaranya / kintu tuïgal saï hyaï àtmà / ika juga paóa maprabheda saï÷aya gaõal / àtmà mahët ikaï sarvvatattva / an matumpaïtumpaïan / kadi tala niï tavvan lakùaõa saï hyaï àtmà / hana riï sapadapada / àtmà ya ta inaranan hanak niï tavon / umuïguh irikaï pada / nihan lakùaõa saï hyaï àtmà keïÕtakna / yan umuïguh sira riï svapnapada lïÕlï” hivÕïiv”ï juga lakùaõanya / hanan tuturarddha vuràvutan vaspada / kadi lakùaõa niï maïilo riï vvai juga tumon iï vastu hana lavan tan hana // muïguh kapo sira riï suptapada / alupa viparãta tan kahanan tutur / kadi hilaï juga saï hyaï àtmà luïha tka / apan sinaputih kàlanidrà // muïguh kapo sira riï jàgrapada / avas pratyakùa saï hyaï àtmà tumon ikaï vastu hana lavan tan hana / apan prakà÷a nirmmalekaï pada / teja nira varõõàkà÷a / ahniï anilànila / maïkana lakùaõa saï hyaï àtmà hana riï jàgrapada // suptapada / svapnapada kakasut kahmu juga deniï pradhànatattva / sahiïan iï pradhànàmaïku / kahasan kalaïlaïan kaparacakra juga deniï manah maïalpana / kalaïkahan ya deniï rahina vïi / kunaï prabhedanya / ikaï satahun riï mànuùa / yeka pinakavïi riï jàgrapada / ikaï rovlas tahun riï mànuùa / yeka pinakalek riï jàgrapada / ikaï sayuga riï mànuùa / yeka pinakatahun riï jàgrapada / ikaï caturyyuga riï mànuùa / yeka satapa riï jàgrapada / nahan lakùaõa saï hyaï àtmà hana riï jàgrapada // umuïguh kapo sira riï tåryyapada / enak tmÕn vaspada saï hyaï àtmà tumon riï sarvvavastu / hana lavan tan hana / enak enak de nira kumavruh irikaï atãtànàgatavarttamàna apan praj¤àn makàvak tutur prakà÷a sira / teja sira ÷uddha putih / kadi varõõa niï maõik sphañika / alilaï ahniï tan patalutuh / tmÕnityakàla juga / rahina sadà tan kahëtan tikiï rahina vïi / ïuniveh tan katkan deniï manah maïalpana / kunaï ikaï jàgrapadam pih / kedÕran kaparacakra deniï manah maïalpana / nahan kasor nikaï jàgrapada deniï tåryyapada / apan alit ikiï tåryyapada / kevala juga tatan katnan deniï hióÕp / tlas karuhun ikaï tåryyapada / apan uïgvan bhañara mahulun ikaï tåryyàntapada / teja nira prakà÷a dumilah / kadi teja niï àditya sevu / tuhun tan apanas bhedanya / nivala prakà÷a paóaï juga / rahina sadà nityakàla/ tan kahëtan deniï rahina vïi / kinahanan sira deniï arvvaj¤à sarvvakàryyakarttà / j¤àna÷akti / vibhu÷akti / prabhu÷akti / kriyà÷akti / nahan kasor nikaï tåryyapada / deniï tåryyàntapada / kintu paóàlitnya / mvaï såkùmanya / ya ta mataïnyan kevala juga tan katkan deniï hióÕp / saïkùepanya / saï manÕmvakÕn yogavi÷eùa juga tka ïkàna // 35 apa pva mataïnyan tan vanaï inucapakÕn ri hana niï tåryyapada mvaï tåryyàntapada / apan tan katkan deniï hióÕp / apan ikaï hióÕp ïaranya / yeka pinakasàdhana niï maïavruhi / vastu hana lavan tan hana / sugyan maïkana liïa saï para // ya ta don ikaï pramàõa tlu / pinakasuluh mata kita kasamyagj¤àna / pramàõa tlu ïaranya / pratyakùapramàõa / anumànapramàõa / àgamapramàõa / ika taï vastu gaõal / sakaton sakaçï” / sakagamÕl deniï taïan / yeka kavnaï deniï pratyakùapramàõa // kunaï ikaï såkùma kadi lakùaõa niï tåryyapada / yeka kavnaï deniï anumànapramàõa // kunaï ikaï paramasåkùma kadi lakùaõa nikaï tåryyantapada / yeka kavnaï deniï àgamapramàõa // nahan lakùaõa nikaï pada / magaõal alit / ya ta tinåt ikaï àtmà / magaõal alit svabhàva niï àtmà // ikaï àtmà hana riï jàgrapada / yeka kuminnin kempÕniï àtmà hana riï suptapada / lavan ikaï àtmà hana riï svapnapada / yapvan enak papisa nika mara riï jàgrapada / mulih ta sira mariï tåryyapada / enak pvàndÕl nira riï tåryyapada / mulih ta sira mariï tåryyapada / nahan lakùaõa saï hyaï àtmà hana riï såkùma ika kabeh // 36 utpatyakna pva sira / riï janma samaïkana / saï hyaï àtmà riï pçthivã / umandÕli riï bhuvana÷arãra / vyàpaka pva sira riï ùaórasa / sàri niï pa¤camahàbhåta / pçthivã / àpah / teja / vàyu / àkà÷a / yeka mamijilakÕn ùaórasa / nahan lvirnya / amla / kaùàya / tikta / kañuka / lavaõa / madhura // amla ïa asÕm / kaùàya ïa sÕpÕt / tikta ïa pahit / kañuka ïa apóÕs / lavaõa ïa asin / madhura ïa manis // nahan sinaïguh ùaórasa ïaranya / yeka ïaraniï pårvva niï amuvuh ÷arãra / kapiïrva niï amuvuh ÷arãra / ikaï ùaórasa pinaïaniïinum deniï lakilaki / hanakbi / sàri nikaï pinaïaniïinum / yeka matmahan rah dagiï gajih / kapiïtiga niï amuvuh ÷arãra / sàri nikaï rah dagiï gajih / ya tika matmahan kàmaratih / yeka pinakapaïgihakÕn deniï ràga / yeka maïdadi muvah / yekàkveh ikaï kàma sakeï ratih / yeka dadi lanaï / yan akveh ikaï ratih sakeï kàma / yeka dadi vadon / yapvan samàkveh ikaï kàma lavan ratih / yeka dadi kói / valavadi kunaï / kunaï ikaï kàma / yeka dadi tahulan / hotot / puhun vulu / ikaï ratih / yeka matmahan rah dagiï gajih / nahan vyakti nikaï pa¤camahàbhåta / måla niï ÷arãra samaïke / vyaktinya / pçthivã pinakakulit / àpah pinakarah / teja pinakadagiï / vàyu pinakatahulan / àkà÷a pinakasumsum // ikaï pa¤catanmàtra / tmahanya / ÷abdatanmàtra dadi taliïa / sparùùatanmàtra maïdadi kulit / råpatanmàtra maïdadi mata / rasatanmàtra maïdadi lióah / gandhatanmàtra maïdadi iruï / yeka sinaïguh pa¤cagolaka ïaranya / tumambÕh taï aõóabhuvana / saptapàtàla / saptabhuvana // saptabhuvana ïaranya / bhårlloka vtaï bhuvarlloka hati / svarlloka óaóa / tapoloka gulu / janarlloka ilat / maharlloka iruï / satyaloka mata / nahan sinaïguh saptabhuvana ïaranya // saptapàtàla ïaranya / pàtàla silit / vaitala pupu / nitala tur / mahàtala vtis / sutala paglaïglaïan iï [Ed paglaïakiï] suku / talàtala vahakaïiï talampakan / rasàtala ëpaëpanya i sor / nahan taï sinaïguh saptapàtàla ïaranya // 37 nahan taï sinaïguh aõóabhuvana ïaranya riï ÷arãra / ikaï janma samaïke / mandÕl taï saptaparvvata / gumulak lumimbak saï saptàrõõava / ëmÕï sumnÕï taï saptadvãpa / umiri taï da÷avàyu riï nàóã // saptaparvvata ïaranya / vuïsilan gunuï màlyavàn / palitalitan gunuï niùedha limpa gunuï gandhamàdana / paruparu gunuï malayamahãdhara / ampru gunuï tri÷çïga / hati gunuï vindhya / pusuhpusuh gunuï mahàmeru / nahan sinaïguh saptaparvvata ïaranya / saptàrõõava ïaranya / måtra tasik tok / rah tasik kilaï / ariïÕt tasik asin / gajih tasik mi¤Õk / idu tasik madhu / sumsum tasik susu / utÕk hasik vahan / nahan sinaïguh saptàrõõava ïaranya // saptadvãpa ïaranya / tahulan jambudvãpa / hotot ku÷advãpa / dagiï ÷aïkhadvãpa / kulit ÷àlmalidvãpa / gulu gomedhadvãpa / kukus puùkaradvãpa / untu / krau¤cadvãpa // nàóã ïaranya / lyaï niï hotot / buïkahnya / i sorr iï nàbhi / miõóuhur ta ya tkeï pusar / hana ta païumalaï kvehnya sevu vituï vuluh ro / ana ta ya nàóã vi÷eùa kvehnya sapuluh / lvirnya / ióà / piïgalà / suùumnà / gàndhàrã / hasti / jihvà / påùà / alambuùà / kuhåh / ÷aïkhinã // ióà ïaranya ikaï nàóã tïÕn / avan iï skul vruh sma luïlaïan tkeï ët / piïgalà ïaranya ikaï nàóã kiva / avan iï vvay vruh sma luïlaïan tkeï huyuhuyuhan / suùumnà ïaranya ikaï tïah / havan iï vàyu amatlu / gàndhàrã ïaranya pasimpaïan iï nàóã / havan iï vàyumariï tutuk / mariï mata / mariï iruï / mariï taliïa / mari vunvunan / hasti ïaranya pasimpaïan iï nàóã / havan iï vàyu tkeï sarvvasandhi / vruh sma luïlaïan tkeï kulit / puhun vulu / jihvà ïaranya pasimpaïan iï nàóã / havan iï vàyu tkeï pusuhpusuh / påùà ïaranya pasimpaïan iï nàóã / havan iï vàyu tkeï paruparu / alambuùà ïaranya pasimpaïan iï nàóã / havan iï vàyu tkeï hati / lavan ampruh / kuhåh ïaranya pasimpaïan iï nàóã / havan iï vàyu tkeï limpa / ÷aïkhinã ïaranya pasimpaïan iï nàóã / havan iï vàyu tkeï vuïsilan mvaï tkeï palitalitan / nahan taï sinaïguh da÷anàóã ïaranya // 38 kunaïaraniï vàyu vuvusÕn / lvirnya / pràõa apàna samàna udàna vyàna // vàyu si pràõa haneï pusuhpusuh i óaóa hiïanya / umadi maïlakvan vàyu kabeh / pinakajãva / pinako÷vàsa paknanya // apàna ïaranya / ikaï vàyu haneï huyuhuyuhan / umavasàri niï pinaïaniïinum / matmahan kàma ratih / ampasnya dadi tahi huyuh / sàri niï inambuï / matmahan çhakumbÕl // udàna ïaranya / ikaï vàyu haneï vunvunan / aïulahakÕn mata / lavan tutuk paknanya // vyàna ïaranya / ikaï vàyu haneï sarvvasandhi / aïulahakÕn ÷arãra mvaï humavas tuha pati paknanya // samàna ïaranya / ikaï vàyu haneï hati / uumavasàri niï pinaïaniïinum / matmahan ràh dagiï hampru / yeka sinaïguh pa¤cavàyu ïaranya // sapuluhnya nihan / lvirnya / nàga / kårmma / kçkara / devadatta / dhana¤jaya / vàyu si nàga / magave mat”b [Ed vatÕb] / ikaï vàyu si kårmma / magave ktÕr / klut iï ÷arãra / ikaï vàyu si devadatta / magave ïob paknanya / ikaï vàyu si kçkara / magave vahin paknanya / ikaï vàyu si dhana¤jaya pinaka÷abda paknanya // nihan sinaïguh da÷avàyu / kintu savlas kveh nikaï vàyu / gavenya juga sapuluh / yeka nimittanya sinaïguh da÷avàyu // 39 tlas maïkana / humandÕl taï àtmà lavÕlav” / lvirnya / àtmà / paràtmà / antaràtmà / såkùmàtmà / niràtmà // àtmà ikaï hióÕp muïgv iï hati / pinakapaïaïÕnaïÕn paknanya // paràtmà ikaï hióÕp muïgv iï mata / pinakapanon paknanya // antaràtmà ikaï hióÕp muïgv iï vunvunan / pinakapàntara niï taïhi lavan turu paknanya // såkùmàtmà ikaï hióÕp muïgv iï taliïa / pinakapaïrÕï” paknanya // niràtmà ikaï hióÕp muïgv iï kulit / pinakapaïióÕp paknanya // nahan yaï sinaïguh pa¤càtmà ïaranya / ióÕp katuïgalanya / tumambÕh taï da÷endriya / lvirnya / ÷rotrendriya haneï karõõa / ya kàraõa niï àtmà païrÕï” ÷abda halahayu // tvagindriya haneï kulit / ya kàraõa niï àtmà maïhióÕp panastãs / maïrasa ni sinaõóaï hana saëmbut // cakùurindriya haneï mata / ya kàraõa niï àtmà manon råpavarõõa // jihvendriya haneï lióah / ya nimitta niï àtmà maïrasa ùaórasa // ghràõendriya haneï iruï / ya kàraõa niï àtmà maïmbuï gandha / abo lavan avaïi // vàgindriya haneï tutuk / ya kàraõa niï àtmà panabda / amastvani hana lavan tan hana // pàõindriya haneï taïan / ya kàraõa niï àtmà maïgamal // pàdendriya haneï suku / ya kàraõa niï àtmà lumaku // pàyvãndriya haneï ët / ya kàraõa niï àtmà maïintut / maïisiï // upasthendriya haneï naga purus / ya kàraõa niï àtmà ma÷ukla÷vanita // nahan rakÕt nikaï da÷endriya riï bhuvana÷arãra / tumambÕh taï buddhi manah ahaïkàra / ikaï buddhi / ya pinakasàdhana niï àtmà païÕnaïÕn // ikaï manah yeka pinakasàdhana niï àtmà pamikalpa / maïråpaka // ikaï ahaïkàra / ya pinakasàdhana niï àtmà païaku dçbya / mvaï pinakasàdhana niï àtmà paëkasakÕn kriyà halahayu // ikaï buddhi manah ahaïkàra lavan da÷endriya / ya sinaïguh trayoda÷akaraõa ïaranya / tumambÕh taï triguõa / sattva rajah / tamah // 40 saï hyaï tripuruùa / pårvva niï umandÕl / brahmà riï hati / viùõu riï ampru / ã÷vara riï pusuhpusuh // andÕl niï pa¤caçùi nihan / saï ku÷ika riï kulit puhun vulu / saï gargga hana riï rah dagiï / saï maitrã riï vuduk / riï hotot / saï kuruùya riï tahulan / riï sumsum / saï pçta¤jala [Ed. em. vçtta¤jaya, sic] riï tumpuk niï ÷arãra // andÕl niï devaçùi nihan / saï hyaï mahe÷vara riï vuïsilan / saï hyaï rudra riï dalÕman / saï hyaï ÷aïkara riï limpa / saï hyaï ÷ambhu riï huõóuhuõóuhan / saï hyaï sadà÷iva riï huyuhuyuhan / saï hyaï parama÷iva riï óaóa // andÕl niï saptaçùi nihan / àditya riï mata tïÕn / soma riï mata kiva / aïgàra riï taliïa tïÕn / budha riï taliïa kiva / vçhaspati riï iruï tïÕn / ÷ukra riï iruï kiva / ÷ani÷cara riï tutuk // andÕl niï devatà nihan / hyaï indra riï óaóa / hyaï yama riï taïan tïÕn / hyaï varuõa riï valakaï / hyaï kubera riï taïan kiva / hyaï vai÷ravaõa riï madhya // andÕl niï vidyàdhara / gandharvva nihan / citrasena pinakakavanin / citràïgada pinakaka÷åran / citraraùa pinakakadhãran / gandharvva pinaka÷ànta / pinakatçpti / pinakaramya / pinakahar÷÷a pinakavijah / pinakakalaï”n / nahan andÕl niï sattva // O // andÕl niï rajah nihan / dànava pinakakrora / pinakàglis / pinakapanasdàran // daitya pinakakrodha / pinakaglÕï / pinakasuïsut // ràkùasa pinakamoha / pinakadambha / pinakãrùyà / pinakacapala / pinakasàhasa // nahan andÕl niï rajah // O // =andÕl niï tamah nihan / bhåtayakùa pinakalapa / pinakàïlih / pinakavaçg / pinakamtah / pinakavÕç // bhåtapi÷àca pinakaluhya / pinakalmÕh / pinakakalu÷a / pinakàrip / pinakaturu / pinakapuïguï / nahan andÕl niï tamah // handÕl pada nihan / ikaï jàgrapada / yeka nimitta niï àtmà mataïi matutura maïke riï mànuùa // ikaï suptapada / yeka nimitta niï àtmà maturu // ikaï svapnapada / yeka nimitta niï àtmà maïipi / maïampÕlu maïke riï mànuùa // nahan andÕl niï pada // 41 kunaï pradhànatattva / yeka pinakàvak saï hyaï àtmà / ambÕk ïaranya / maïke riï mànuùa / ikaï ambÕk / yeka pinakàvak saï hyaï àtmà / maïke riï mànuùa / pinakàtmà hana riï ÷arãra samaïke / aïga pva ïaraniï ÷arãra / ambÕk pva ïaraniï pradhànatattva / ikaï ambÕk lavan ÷arãra / yeka sinaïguh aïgapradhàna ïaranya maïke riï mànuùa / ya kàraõa niï ambÕk pasaümoha niï halahayu / mtu akeï ambÕk juga halahayu / sukhaduhkha bhinukti deniï mànuùa / mijil saïkeï ambÕk juga yan pamiùaya / makasàdhana da÷endriya / makadvàra ikaï da÷amàrgga / mahasta ya riï aõóabhuvana mamiùaya / meïÕt pva ya saï nipuõatattva [triguõatattva?] / maïkana kramanya / ya ta mataïnyan ikaï da÷endriya vatÕkÕn saviùayanya / ulihakna mariï ambÕk / ikaï ambÕk valuyakna pramàõa / saï hyaï pramàõa / muvahadharmmavi÷eùa / dharmmavi÷eùa / muvaha antavi÷eùa / antavi÷eùa / valuyakna anantavi÷eùa / umapa deniï umaluyakna sira riï anantavi÷eùa / ya donikaï prayogasandhi / ni kavruhan de saï yogã÷vara / ika taï prayogasandhi / tan vnaï ya tan pakasuluh samyagj¤àna / para ta deniï kumavruhakna prayogasandhi / ya tan pakanimitta samyag¤àna / tan vnaï ika ya tan pakabhåmi brata / tapa / yoga / samàdhi / saïkùepanya / makabhåmi brata / tapa / yoga / samàdhi / makasuluh samyagj¤àna / makasàdhana prayogasandhi / sira juga saï vnaï tumkani kavi÷eùan bhañara / kady aïgan iï hru pinanahakÕn / sàmpun iï laras / abnÕra juga tampuhnya / hana pva voï amanahkÕn hru tanhiï bhañara / tan abnÕra lakunya / ana saraïuntit laku nikaï hru yan maïkana / luputinujunya / kaliïanya / hana sira saï amaïgihakÕn ikaï brata / tapa / yoga samàdhi / lumkasakÕn ikaï prayogasandhi / an maïkana luputiï kasamyagj¤àna / ri sóÕïnya tãkùna de nira gumavayakÕn ikaï samàdhi / tãbra mvaï sàdhananya / an maïkana sira kepvan tan vruh ri tampuha niï j¤àna nira / apan sira tan vruhiï hattyaj¤àna / tan pasuluh samyagj¤àna / niyata saraïuntit / salah vara juga samàdhi saï yogã÷vara yan maïkana / phala niï brata juga manuntunakÕn / aminta bhinukti / amnÕr mara riï svargga juga saï hyaï àtmà yan maïkana / phala niï samàdhi / yeka rumakùa phala niï brata / tlas pva phala niï brata bhinukti deniï àtmà riï svargga / tumurun ta saï hyaï àtmà muvah / maïjanma ta sira riï mànuùaloka / yeka dadi ratu / mvaï sugih / kçtapuõya janma sira / svabhàva niï mànuùa pva ya / kinahanan deniï tutur mvaï lupa / ri kàlanya tka tutur / kadadi pvekaï ÷ãla rahayu deniï janma / ri kàlanya tka lupa / kadadi tekaï ÷ãla mahala deniï janma / irika ta yan maputÕran / riï svargga naraka / mànuùa triyak vkasan // maïkana vàsanà niï vvaï lumisin / tapvan ya tan samyagj¤àna // 42 kunaï sira saï vyàpàraj¤àna nira rumuhun / ndan makaputusaniï masimpÕn vàsanànya / yeka saï amrih maïusira kasamyagj¤àna juga / ya yatah sira makabhåmi brata / tapa / yoga / samàdhi / an tan vnaï samyagj¤àna / yan tan makanimitta samàdhi / apa kaliïanya / nihan kramanya / ikaï sattva / rajah / tamah / tan aïga patåta / tàgave hayu / tàïÕnakÕn dharmma puõya / maïkana liï nikaï sattva // krodhàglÕï aku liï nikaï rajah // almÕh / luhya / tamaïaniïinum / aturu juga / liï nikaï tamah // maïkana kirakira niï sattva / rajah / tamah / mapalaïan tan patåt / ikaï rajah tamah / apuïguï svabhàvanya / ikaï sattva prakà÷a / praj¤àn vidagdha / pinakasvabhàvanya / meïÕt pva saï triguõatattva [Ed. niguõatattva] maïkana kramanya / mataïnyan ikaï rajah tamah / tinÕóuhakÕnira riï samàdhi / makasàdhana pràõàyàma / makasahàya citta buddhi manah / ÷àntàlilaï ahniï / niràvaraõa / tan patalutuh / ikaï j¤àna laïg” nirmmala / enak pvàtmà nikaï rajah / tamah / mapagÕh manåt mariï sattva / prakà÷a irikaï sattva / nahan yukti nikaï praj¤àn mtu sakiï samàdhi / yàvat kapaïgih ikaï praj¤àn / arivàriva ikaï samyagj¤ànan / katmu deniï kayogã÷varan / ikaï samyagj¤ànan / kumavruhi prayogasandhi / makabhåmi brata / tapa / yoga / samàdhi / siràmnÕrakÕn dumunuï deniï àmaïgihakÕn yogavi÷eùa / an makasuluh samyagj¤àna / makasàdhana prayogasandhi / makabhåmi brata / tapa / yoga / samàdhi / ikaï prayogasandhi / kàïkÕn hru malaõóÕp maluïid / ikaï samyagj¤àna / kàïkÕn hÕlarnya / ikaï brata / tapa / yoga / samàdhi / kàïkÕnikaï daõóacàpa / lumpasakÕn ikaï prayogasandhi / makahlar ikaï samyagj¤àna / makalaras ikaï brata / tapa / yoga / samàdhi //0// 43 nihan saï prayogasandhi / keïÕtakna / prayogasandhi ïaranya / upàya lvirnya / àsana / pràõàyàma / pratyàhàra / dhàraõa / dhyàna / tarkka / samàdhi / manàpusàpus ika kabeh / sandhi ïaranya / ikaï cetana juga vehÕn prakà÷a maïekatva / tan parorva ïadÕg / hÕmÕï tan paóÕm / màvak iï caturdhyàna / caturdhyàna ïaranya / lvirnya / tiùñhan / bhojan / gacchan / suptan / tiùñhan / bhañara maluïguh / bhojan / bhañara maïan / gacchan / bhañara lumaku / svaptan / bhañara maturu / saïkùepanya / bhañara juga katuturakna / sapolah bhàva niï vvaï / apan ikaï tutur ïaranya / yeka pa÷arãran bhañara maïke riï sakala // muvah hana tàsana ïaranya / lvirnya / padmàsana / vajràsana / paryyaïkàsana / svastikàsana / vidyàsana / daõóàsana // nahan ikaï àsana / nÕm prabhedanya / tuïgal avaknya / ya ta pilihana paluïguhana / saï maïabhyàsa prayogasandhi / tlas pva sira maluïguh / ya ta sira umimpÕnakÕn saï hyaï urip / petÕn riï ekacitta / tlas kempÕnan saï hyaï urip / mapràõàyàma ta sira / hana vàyu pamasÕh ïaranya / lvirnya / recaka / påraka / kumbhaka / recaka ïaranya / vÕtvaknekaï vàyu rumuhun saïkeï tutuk / hÕntekna / muvah tïÕn ku¤cãnÕn / patguhÕn / sakla riï aïu¤ci / muvah ispÕn ikaï vàyu / yeka påraka ïaranya / kumbhaka ïaranya / ri tlasnyàïisp ikaï vàyu / pgÕïÕn / ku¤cãnÕn patguhÕn / sahulihiï aïu¤ci / vijilakna riï netradvàra / yapvan tan abhyàsa / vijilakna riï iruï / mahalona hayeki [G: iritirita yeki] numbÕk / piï pitu divasa niï aïu¤ci / yan aïhÕl taharràyyana / tuhun ikaï ku¤cã hayva tumular / don ikaï pràõàyàma / ginavayakÕn riï tduhaniï rajah / tamah / ri prakà÷a niï sattva / ïuniveh hayva niï ÷arãra tovi // muvah hana ta ku¤cã lyan sakerika / tan pamÕtvakÕn vàyu / saïkùepanya / humnaï juga / nlan gugusika recaka / kumbhaka / ika rumuhun / yatanyan gavayakna ikaï ku¤cã rahasya / saïkùepanya / ikaï cetana juga velÕn prakà÷a / andÕlakna riï kadalãpuùpa / ya pvanenakanóÕl nira ïkàna / karÕï” tikaï hati sahÕnÕb / vrustakeï riï antahkaraõa / ndah yatika sinaïguh mamåjàkÕn pràõasandhi la jàti / ïaranya / yeka påjàjàti ïaranya / sÕmbah hyaï alit / yapvan maïkana tãkùõa deniï asamàdhi / vyakta hilaï ikaï vàyu gaõal / màti lãna ri saïkanya / apan ta¤cinetana deniï àtmà / nahan màrgga ku¤cã rahasya ïaranya // 44 muvah hana ta pratyàhàrayoga ïaranya / ikaï indriya kabeh vatÕkÕn sakeï viùayanya / kinÕmpeliï citta buddhi manah / tan vineh maparanparana kinÕmpÕliï cittàlila / yeka pratyàhàrayoga ïaranya // ikaï j¤àna tan parorva / tan pavikàra / enak tikaï hnaïhniïnya / umióÕï tan kàvaraõan / yeka dhyànayoga ïaranya // tutup ikaï dvàra kabeh / iruï tutuk / taliïa / vàyu rumuhun isÕpÕn / vÕtvÕn ikaï vunvunan / kunaï tan pabhyàsa ikaï vàyu vinehadalana ïkàna / dadi adalaneï iruï / halon vtu niï vàyu / yeka pràõàyàmayoga ïaranya // hana oükàra ÷abda muïguh riï hati / yateka dhàraõàn / ya païilaï ikaï kaçï” / ri kàla niï yoga / ya teka ÷ånya ïaranya / ÷ivàtmàvak bhañara ÷iva yan maïkana / yatika dhàraõayoga ïaranya / ndàkà÷a rakva saï hyaï paramàrtha / ndan palenanira sakeï àtmà / tan hana ÷abda ri sira / ya ta kaliïan iï paramàrtha / palenanira sakeï avaïavaï / paóa nirekaïalilaï / yeka tarkkayoga ïaranya // ikaï j¤àna tan païupekùa / tan païalupa / tan ana kahaçp nira / tan ana sinàdhya nira / malilaï tan kahilaïan [prob: kalilaïan] / tan kàvaraõan / tan pavastu ikaï cetana / apan mari humióÕp ikaï ÷arãra / luput sakeï caturkalpanà / kinavruhan / maïavruhi / maïdevruh / ikaï caturkalpanà ïaranya / ika ta kabeh / tan hana ri saï yogã÷vara / yapvan enak paluïguh nikaï citta hniï / yeka sinaïguh mulih riï ambÕk ïaranya / yeka pårvva niï cetana pinratiùñha / linuïguhakÕn iï ambÕk ïaranika yan maïkana / kapiïro niï tutur pinahayu / kumva pva liïnya / ikaï ambÕk ya ta valuyakna pramàõa / umapa deniï umaluyakna kaï ambÕk pramàõa / nihan ikaï citta buddhi manah / juga vatkÕn vehan makàvakaï tutur prakà÷a / sphañikopama / kadi maõik sphañika / yapvan enak tãkùõanya / yeka sinaïguh sphañikaj¤àna ïaranya / yapvan enak prakà÷a dilah saï hyaï sphañikaj¤àna / gsÕïÕnira ikaï sarvvatattva / lavan ÷ubhà÷ubhakarmma / apa deniï gumsÕïan ÷ubhà÷ubhakarmma / mvaï sarvvatattva / nihan pih / saï hyaï sphañikaj¤àna juga luïuhakna riï brahmasthàna / yapvan enak andÕl nira ïkàna / gsÕï bhasmãbhåta kahióÕpan ikaï sarvvatattva mvaï ÷ubhà÷ubhakarmma / yatika sinaïguh mamåjà / mahoma riï kuõóajàti ïaranya / umÕntyakÕn ikaï sarvvakle÷a kabeh / yeka sinaïguh dhàraõayoga ïaranya // 45 kapiïtiga niï cetana pinratiùñha / kumva pva liïnya / ikaï oükàra praõava hana riï hçdaya / yata lãnàkna riï ÷ivatattva / kaliïanya / ikaï citta pih / luputakna saïka riï aïgapradhàna / vehÕn maïekacitta riï ÷åkùma juga / makàvaka ï tåryyapada n don meïÕt vruh sira vi÷eùa / lmÕï dumliï tan paóÕm / kadi lakùaõa niï pa¤jut haneï jro niï dyun / tan polah / tan kóÕk / lmÕï maïadÕg / juga maïekacitta lvira j¤ànanta / makàvak ëïaï niï tutur / ri tlÕï niï sandhij¤ànanya / nda turuïa taya tapvan turu / apan sóÕï makàvakaï jàgrapada ïaranya / mapaïgih pva kaï jàgrapada / lavan tåryyapada / ëyÕp taï vatÕk devatà / ami÷ra riï dhyàna / nda kaùà [prob: ndàkà÷a] lyan tutur hióÕp saï hyaï pradhàna / msut saïka riï aïgapradhàna / ya sinaïguh abhisandhi ïaranya / papasah niï pradhàna / lavan puruùa / aïanti riï patajya niï tutur mvaï lupa / saï hyaï àtmà yan maïkana / ya ta sinaïguh muvah dharmmavi÷eùa ïaranya / makàvak vàsanà nikaï saptàïga / saptàmçta / inandÕlan ta sira deniï saptàgni // saptàïga ïaranya / puruùa / sattva / rajah / yamah / buddhi / manah / ahaïkàra // saptàmçta ïaranya / ÷abda / spar÷÷a / råpa / rasa / gandha / kinavruhan / sinaïkalpa // saptàgni ïaranya / manon / maïçï” / maïrasa / maïambuï / maïaku / mamastvani / mamikalpa // yan kavruhan ikaï saptàïga / an pinakàvak de saï yogã÷vara / yeka nimitta ni ràsana paripårõõa ÷arãra nira / tan kneï vighna / tan kneï jaràmaraõa // yan kavruhan ikaï saptàmçta / an pinakahurip nira / yeka nimitta nira saï yogã÷vara yauvana / tan paóàyuùa nira lavan janma samanya // yan kavruhan ikaï saptàgni / umndÕli sira / yeka nimitta nira saï yogã÷vara / vnaï sira vyàpi / vyàpaka / vnaï sira sakàmakàma / maïke ri sakala / apan bhañara mahulun makaïaran saptàgni / ya ta mataïnyan saï hyaï saptàgni païgsÕï nikaï saptàïga / saptàmçta / apan ika maïdadyakÕn upasargga / upasargga ïaranya / vàsanà nikaï triguõa / rumakt iï ÷arãra niï àtmà / nihan dçùñopama / kady aïgan ikaï dyun vavan hiïgu / alavana hiïgunya saïkerikaï dyun / vasÕhanekaï dyun pahalilaïÕn / ya yatah mambÕk juga kaï liïgu irikaï dyun // iva maïkana ta vàsanà niï triguõa / rumakt iï ÷arãra niï àtmà / an tar vavaï hulaï deniï samàdhi / tambayan / ya ta gsÕïan de saï yogã÷vara / ndya kari lvir nikaï upasargga nihan // 46 yapvan hana katon kadi gandharvva / hana kadi vidyàdhara / ya ta manuïsuï ri saï yogã÷vara ri kàla niï yoga / muvah hana ta maråpa devatà / manuïsuïi siïhàsana màs / manon maluïguha ri saï yogã÷vara muvah hanona çùi óañÕï / mamåjà riï puùpavarùùa / athavi umava harttha niï aji / ndan ahajara kunaï saï yogã÷vara ri kàla niï yoga / sattvopasargga kapaïgih de saï yogã÷vara yan maïkana // kunaï yan katon / kadãnuntitakÕn / kadãnayun / kadãnulahulah / hana kadi binoïboï / hana kadi maïlayaï riï àkà÷a / kunaï avak saï yogã÷vara ri kàla niï yoga / atava don dànava / kunaï daitya / ràkùasa / umalaïi samàdhi saï yogã÷vara / rajopasargga ika yan maïkana // kunaï yan abyÕt avak saï yogã÷vara ri kàla niï yoga / atava kagyatahumaras kumtuga / gÕgÕïÕn rumabmuririï / hana kadi pintÕkÕn riï hatÕn / hanan malupa viparãta / kadi hilaï ikaï cetana / ri kàla niï yoga / prayatna turu saïhulun / tamah ika kapaïgih de saï yogã÷vara yan maïkana / ïuniveh yan matmu ri yanta niï yoga / kunaï ikaï upasargga / bhaya n kita yan maïkana / hana gave hala ta pva n bhinukti / phalanya kaliïanika / ata prihÕn gsÕïana de saï yogã÷vara / vaïunÕnirekaï samàdhi / muvah saï hyaï saptàgni / igapi nira / vehÕn prakà÷a ikaï samàdhi / makàvakaï tutur sarvvaj¤à / sarvvakàryyakarttà / yapvanenak dilah saï hyaï saptàgni rikaï samàdhi / gsÕï bhasmãbhåta kahióÕpan ikaï upasargga / kavkas tàvak saï hyaï saptàgni rikaï samàdhi / gsÕï bhasmãbhåta kahióÕpan ikaï upasargga / kavkas tàvak saï yogã÷vara / alilaï ahniï niràvaraõa tan patalutuh / kadi lilaï niï àkà÷a / yeka sinaïguh tarkkayoga ïaranya // 47 valuya riï antavi÷eùa / ika saï hyaï àtmà yan maïkana / valuya sayodya lavan bhatara sadà÷ivatattva / muvah sarvvaj¤à / sarvvakàryyakarttà / j¤àna÷akti / vibhu÷akti / prabhu÷akti / kriyà÷akti / luput saïkeï karmmavipàkà÷aya / ikaï sadà÷ivatattva / karmmavipàkà÷aya ïaranya / karmma ïaraniï gave halahayu / vipàka ïaranya / ratÕï phalanya bhinukti riï ÷arãra / à÷aya ïaranya / ÷eùanya bhinukti / ya teka rumakÕt iï àtmà mamaïun karmma muvah / ya ta sinaïguh vàsanà ïaranya / yan ahala vàsanà nikaï karmma ïåni / mogha mahaçp magaveha hala ikaï vvaï denya / yan ahayu vàsanà nikaï karmma ïåni / mogha mahaçp magaveha hayu ikaï vvaï denya / tan hana pveka kabeh / rumakÕt iï àtmà / yeka luput saïkeï karmmavipàkà÷aya ïaranya / sinaïguh riya / alivat saïkeï halahayu / ikaï sadà÷ivatattva / nahan kapiïpataï cetana pinratiùñha linuïguhakÕn // kapiïlima niï cetana pinakahayu / kumapva liïnya / saï hyaï vi÷eùa / maluyaknàntavi÷eùa / mapa deniï umaluyakna sira riï anantavi÷eùa / nihanta tåryyantapada / juga pinakàvak deniï samàdhi / tåryyàntapada ïaranya / luput saïkeï rva / rva ïaranya / tan hana / tan taya / kaliïanya / achedyàchedya / alit sakariï alit / såkùma sakariï såkùma / luput sakariï para vyàpàra / mari sarvvaj¤à sarvvakàryyakarttà / kevala niùprayojana juga tan laku / tan hili / tan limbak / tan polah / asthiti umióÕï juga / yeka sinaïguh samàdhiyoga ïaranya / apan samàdhi ïaranya pinakàpusapus niï sàdhana kabeh / nahan kasthityan bhañara sadà÷ivatattva / yeka sinaïguh maluya riï antavi÷eùa ïaranya // 48 yapvan maïkana lvir nikaï samàdhi / kapaïguh de saï yogã÷vara / vyakta sira makadçbya kàùñai÷varyyan maïke riï sakala / mapa sinaïguh kàùñai÷varyyan ïaranya / manuïguï sàmpun manÕmvakÕn yogavi÷eùa / hana kasiddhyan ïaranya / lvirnya nihan / aõimà / laghimà / mahimà / pràpti / pràkàmya / ã÷itva / va÷itva / yatrakàmàvasàyitva / aõimà ïaranya / ikàvak saï yogã÷vara / gaõal tambayan / vkasan alit / såkùma / ya ta mataïnyan saï yogã÷vara vnaï saparanira / tan katahan sira deniï gunuï vatu / vnaï ta siràsilurup iï lmah / tan hana maóana kai÷varyyanira / yeka sinaïguh aõimà ïaranya // laghimà ïaranya / ikàvak saï yogã÷vara / abyÕtambayan / vkasan aóaïan kadi kapuk / ya ta mataïnyan saï yogã÷vara ambara màrgga / anampak gagana / majalàntara / vnaï manampak vvai / yeka kaghimà ïaranya // mahimà ïaranya / mara sira riï de÷àntara / pinåjà sinÕmbah sira kinabhaktyan sira / saparanira tan ginulaïulaï / yaika sinaïguh mahimà ïaranya // pràpti ïaranya // nda sakahyunirekaï vastu / tan ulihi ïaïhel / yeka pràpti ïaranya // pràkàmya ïaranya / vnaï ta siràgave råpa nira dady anom / dady atuha / dady alanaï / dady avadon / vnaï ta siràmasuki ï j¤àna / irikaï ràt kabeh / yeka sinaïguh pràkàmya ïaranya // ã÷itva ïaranya / mara sira mariï svargga kahyaïan / pinåjà inarccana sira deniï vatÕk devatà kabeh / atavi vnaï sira umadÕh ikaï vatÕk devatà / ri kahyaïanira / tan hana devatà sumikareï sira / apan bhañara mahulun hana riï avak saï yogã÷vara / yeka sinaïguh ã÷itva ïaranya // va÷itva ïaranya / tan hana vnaï laïghana savuvus nira / tan kahalaïan sira riï sakecchà nira / yeka sinaïguh va÷itva ïaranya // yatrakàmàvasàyitva ïaranya / vnaï ta sira tumimbah ikaï vatÕk devatà / ã÷a tmahanya / tan hana vnaï laïghana savuvus nira / tan kahalaïan / savalen vnaï ta sira sumapa devatà / maïdadya mànuùa / yan laïghyàna ri sira / yeka sinaïguh yatrakàmàvasàyitva ïaranya // 49 nahan taï sinaïguh kàùñai÷varyyan ïaranya / cihna saï sàmpun manÕmvakÕn yogavi÷eùa / apan tan hÕëm ïaranya / ri tka niï pàti / kaï sinaïguh kalpasÕn ïaranya / maïke juga katona cihna nira / saï amaïgih kalpasÕn ïaranya / apan tan kavnaï siniliïakÕn saï sàmpun cihna / manÕmvakÕn yogavi÷eùa // apa dumeh saï yogã÷vara / tan vavaï lpas / apan sàmpun ïaranika sira mamaïguhakÕn yogavi÷eùa / atavi lyan vnaï ta sira vyàpã vyàpaka maïke ri sakala / vnaï ta sira tumiïgala urip nira / tumiïgalakna aïgapradhàna / tan hana kapva karmma rumakÕt ri saï yogã÷vara / apan tlas ginsÕï nira ika kabeh ri kàla niï yogapada / ya ta mataïnyan tan hana karmma rumakÕt ri saï yogã÷vara // sugyan maïkana liïa saï para / nda vàsanà nikaï rajah tamah ïaranika / tlas ginsÕï nira ïåni ri kàla niï yogapada / vàsanà niï sattva yeka maïave÷a ri saï yogã÷vara / apan jàtinya n rakva maïkana / apan phala nikaï buddhi sattva rakva païilaï saï yogã÷vara / ri phala niï buddhi rajah / maës ta phala niï buddhi sattva / pinakàvak de saï yogã÷vara / vkasan ya ta bhinukti de saï yogã÷vara / inÕntyakÕnira pÕpÕdanya / vinimba jaya pinavolunira / vineh nira makàvakaï kàùñai÷varyyan / yapvan hÕntya vàsanà nikaï sattva bhinukti de saï yogã÷vara / irika ta yan mapasah ikaï pa¤camahàbhåta / mulih ry asthiti nira sovaïsovaï / maïkana saï yogã÷vara / meïÕt matutur juga sira / mulih sayodya ÷arãra / lavan bhañara parama÷ãvatattva / makasàdhana ï prayogasandhi / makabhåmi brata / tapa / yoga / samàdhi // 50 // iti saï hyaï tattvaj¤àna / saï hyaï prayogasandhi / parisamàpta // o // makasuluh samyagj¤àna // o //