Udana, PTS layout

Udana
Based on the edition by Paul Steinthal,
London : Pali Text Society 1885
(Reprinted 1948, 1982)

Input by the Dhammakaya Foundation, Thailand, 1989-1996
[GRETIL-Version vom 10.2.2015]

NOTICE
This file is (C) Copyright the Pali Text Society and the Dhammakaya Foundation, 2015.
This work is licensed under a Creative Commons Attribution-ShareAlike 4.0 International License.

These files are provided by courtesy of the Pali Text Society for
scholarly purposes only.
In principle they represent a digital edition (without revision or
correction) of the printed editions of the complete set of Pali
canonical texts published by the PTS. While they have been subject to a
process of checking, it should not be assumed that there is no
divergence from the printed editions and it is strongly recommended that
they are checked against the printed editions before quoting.

ANNOTATED VERSION IN PTS LAYOUT

THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.

Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)

description:	multibyte sequence:
long a	ā
long A	Ā
long i	ī
long I	Ī
long u	ū
long U	Ū
vocalic r	ṛ
vocalic R	Ṛ
long vocalic r	ṝ
vocalic l	ḷ
vocalic L	Ḷ
long vocalic l	ḹ
velar n	ṅ
velar N	Ṅ
palatal n	ñ
palatal N	Ñ
retroflex t	ṭ
retroflex T	Ṭ
retroflex d	ḍ
retroflex D	Ḍ
retroflex n	ṇ
retroflex N	Ṇ
palatal s	ś
palatal S	Ś
retroflex s	ṣ
retroflex S	Ṣ
anusvara	ṃ
visarga	ḥ
long e	ē
long o	ō
l underbar	ḻ
r underbar	ṟ
n underbar	ṉ
k underbar	ḵ
t underbar	ṯ

Unless indicated otherwise, accents have been dropped in order
to facilitate word search.

For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf

For further information see:
http://gretil.sub.uni-goettingen.de/gretil.htm

[page 001]
1
UDĀNAṂ.
Namo tassa bhagavato arahato sammāsambuddhassa.
VAGGA I. BODHIVAGGO.
Evam me sutam. ekaṃ samayaṃ bhagavā Uruvelāyaṃ
viharati najjā Nerañjarāya tīre bodhirukkhamūle pa-
ṭhamābhisambuddho.¹ tena kho pana samayena bhagavā sattā-
haṃ ekapallaṅkena nisinno hoti vimuttisukhaṃ paṭisaṃvedī.²
atha kho bhagavā tassa sattāhassa accayena tamhā samā-
dhimhā vuṭṭhahitvā rattiyā paṭhamaṃ yāmaṃ paṭicca-
samuppādaṃ anulomaṃ sādhukaṃ manas'; ākāsi iti: imasmiṃ
sati idaṃ hoti, imass'; uppādā idaṃ uppajjati, yadidaṃ: avijjā-
paccayā saṅkhārā, saṅkhārapaccayā viññāṇaṃ, viññāṇapaccayā
nāmarūpaṃ, {nāmarūpapaccayā} saḷāyatanaṃ, saḷāyatanapaccayā
phasso, phassapaccayā vedanā, vedanāpaccayā taṇhā, taṇhā-
paccayā upādānaṃ upādānapaccayā bhavo, bhavapaccayā
jāti, jātipaccayā jarāmaraṇaṃ sokaparidevadukkhadomanassu-
pāyāsā sambhavanti. evam etassa dukkhakkhandhassa sam-
udayo hotīti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
yadā have pātubhavanti dhammā ātāpino jhāyato brāhmaṇassa,
ath'; assa kaṅkhā vapayanti sabbā yato pajānāti sahetu-
dhamman ti. ||1||

--------------------------------------------------------------------------
VARIOUS READINGS AND EXTRACTS FROM THE COMMENTARY.
I. 1. Compare Mahāvagga, I. 1. 1-3.
1 A mostly path-.
2 B sukhap-.

[page 002]
2 UDĀNAṂ [I. 2].
evam me sutaṃ. ekaṃ samayaṃ bhagavā Uruvelāyaṃ
viharati najjā Nerañjarāya tīre bodhirukkhamūle
paṭhamābhisambuddho. tena kho pana samayena bhagavā
sattāhaṃ ekapallaṅkena nisinno hoti vimuttisukhaṃ paṭisaṃ-
vedī.¹ atha kho bhagavā tassa satthāhassa accayena tamhā
samādhimhā vuṭṭhahitvā rattiyā majjhimaṃ yāmaṃ paṭicca-
samuppādaṃ paṭilomaṃ sādhukaṃ manas'; ākāsi iti: imasmiṃ
asati idaṃ na hoti, imassa nirodhā idaṃ nirujjhati yadidaṃ:
avijjānirodhā saṅkhāranirodho, saṅkhāranirodhā viññāṇani-
rodho, viññāṇanirodhā nāmarūpanirodho, nāmarūpanirodhā
saḷāyatananirodho, saḷāyatananirodhā phassanirodho, phassa-
nirodhā vedanānirodho, vedanānirodhā taṇhānirodho, taṇhā-
nirodhā upādānanirodho, upādānanirodhā bhavanirodho, bha-
vanirodhā jātinirodho, jātinirodhā jarāmaraṇaṃ sokaparideva-
dukkhadomanassupāyāsā nirujjhanti. evam etassa dukkha-
kkhandhassa nirodho hotīti. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
yadā have pātubhavanti dhammā ātāpino jhāyato brāhmaṇassa
ath'; assa kaṅkhā vapayanti sabbā yato khayaṃ paccayānaṃ
avedī ti. ||2||
evam me sutaṃ. ekaṃ samayaṃ bhagavā Uruvelāyaṃ
viharati najjā Nerañjarāya tīre bodhirukkhamūle
paṭhamābhisambuddho. tena kho pana samayena bhagavā
sattāhaṃ ekapallaṅkena nisinno hoti vimuttisukhaṃ {paṭi-
saṃvedī}.¹ atha kho bhagavā tassa sattāhassa accayena
tamhā samādhimhā vuṭṭhahitvā rattiyā pacchimaṃ yāmaṃ
paticcasamuppādaṃ anulomaṃ paṭilomaṃ sādhukaṃ manas'
ākāsi iti. imasmiṃ sati idaṃ hoti, imass'; uppādā idaṃ
uppajjati; imasmiṃ asati idaṃ na hoti, imassa nirodhā idaṃ
nirujjhati, yadidaṃ: avijjāpaccayā . . . (= I,1) dukkha-
kkhandhassa samudayo hoti. avijjāya tv eva asesavirāgani-
rodhā saṅkhāranirodho . . . (= I,2) dukkhakkhandhassa

--------------------------------------------------------------------------
I. 2. Comp. Mahāvagga, I.1. 3-5.
1 B sukhap-.
I. 3. Comp. Mahāvagga, I.1. 6-7.
1 B sukhap-.

[page 003]
BODHI-VAGGA [I. 5]. 3
nirodho hotīti. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
yadā have pātubhavanti dhammā ātāpino jhāyato brāhmaṇassa,
vidhūpayaṃ tiṭṭhati Mārasenaṃ {suriyo 'va} obhāsayam anta-
likkhan ti. ||3||
evam me sutaṃ. ekaṃ samayaṃ bhagavā Uruvelāyaṃ
viharati najjā Nerañjarāya tīre Ajapālanigrodhe
paṭhamābhisambuddho. tena kho pana samayena bhagavā
sattāhaṃ ekapallaṅkena nisinno hoti vimuttisukhaṃ paṭisaṃ-
vedī.¹ atha kho bhagavā tassa sattāhassa accayena tamhā samā-
dhimhā vuṭṭhāsi. atha kho aññataro huhuṅkajātiko,²
brāhmaṇo yena bhagavā ten'; upasaṅkami, upasaṅkamitvā
bhagavatā saddhiṃ sammodi, sammodanīyaṃ kathaṃ sārā-
ṇīyaṃ vītisāretvā ekamantaṃ aṭṭhāsi, ekamantaṃ ṭhito kho
so brāhmaṇo bhagavantaṃ etad avoca: {kittāvatā} nu kho bho
Gotama brāhmaṇo hoti katame ca pana brāhmaṇakārakā
dhammā³ 'ti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
yo brāhmano bāhitapāpadhammo nīhuhuṅko nikkasāvo yatatto
vedantagū vusitabrahmacariyo, dhammena so brāhmaṇo brah-
mavādaṃ vadeyya,
yass'; ussadā n'; atthi kuhiñci loke 'ti. ||4||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikass'; ārāme. tena kho
pana samayena āyasmā ca Sāriputto āyasmā ca Mahāmoggal-
lāno āyasmā ca Mahākassapo āyasmā ca Mahākaccāyano
āyasmā ca Mahākoṭṭhito āyasmā ca Mahākappino {āyasmā ca}
Mahācundo āyasmā ca Anuruddho āyasmā ca Revato āyasmā
ca Devadatto āyasmā ca Ānando yena bhagavā, ten'; upa-

--------------------------------------------------------------------------
I. 4. Comp. Mahāvagga, I. 2. 1-3.
1 B sukhap-.
2 A huṃhuṃka-.
3 BD brāhmaṇakaraṇadhamma, the Mahāvagga reads also
brāhmaṇakaraṇā dhammā.

[page 004]
4 UDĀNAṂ [I. 5].
saṅkamiṃsu. addasā kho bhagavā te āyasmante dūrato 'va
āgacchante, disvāna bhikkhū āmantesi: ete bhikkhave brāh-
maṇā āgacchanti, ete bhikkhave brāhmaṇā āgacchantīti.
evaṃ vutte aññataro brāhmaṇajātiko bhikkhu bhagavantaṃ
etad avoca: kittāvatā nu kho bhante brāhmaṇo hoti katame
ca pana brāhmaṇakārakā¹ dhammā 'ti. atha kho bhagavā
etam atthaṃ viditvā tāyam velāyaṃ imaṃ udānaṃ udānesi:
bāhitvā pāpake dhamme ye caranti sadā satā
khīṇasaṃyojanā² buddhā, te ve³ lokasmiṃ brāhmaṇā 'ti. ||5||
evam me sutaṃ. ekaṃ samayaṃ bhagavā Rājagahe vi-
harati Veḷuvane Kalandakanivāpe. tena kho pana sama-
yena āyasmā Mahākassapo Pipphaliguhāyaṃ viha-
rati, ābādhiko hoti dukkhito bāḷhagilāno. atha kho āyasmā
Mahākassapo aparena samayena tamhā ābādhā vuṭṭhāsi. atha
kho āyasmato Mahākassapassa tamhā ābādhā vuṭṭhitassa etad
ahosi: yannūnāhaṃ Rājagahaṃ piṇḍāya paviseyyan ti. tena
kho pana samayena pañcamattāni devatāsatāni ussukkaṃ
āpannāni honti āyasmato Mahākassapassa piṇḍapātapaṭilā-
bhāya. atha kho āyasmā Mahākassapo tāni pañcamattāni
devatāsatāni paṭikkhipitvā pubbaṇhasamayaṃ nivāsetvā pat-
tacīvaram ādāya Rājagahaṃ piṇḍāya pāvisi yena dalidda-
visikhā kapaṇavisikhā pesakāravisikhā. addasā kho bhagavā
āyasmantaṃ Mahākassapaṃ Rājagahaṃ piṇḍāya carantaṃ
yena daliddavisikhā⁴ kapaṇavisikhā pesakāravisikhā. atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
anaññaposiṃ aññātaṃ dantaṃ sāre patiṭṭhitaṃ
khīṇāsavaṃ vantadosaṃ tam ahaṃ brūmi brāhmaṇan ti. ||6||
evam me sutaṃ. ekaṃ samayaṃ bhagavā Pāṭaliyaṃ⁵
viharati Ajakalāpake cetiye Ajakalāpakassa yakkhassa
bhavane. tena kho pana samayena bhagavā rattandhakāra-

--------------------------------------------------------------------------
1 BD -karaṇā.
2 ABD khīṇā-.
3 A ca; C ce.
4 B daḷahidda-.
5 C {Pāvāyaṃ}; B Thārāya. Our text follows AD and the resuming
verse at the end of this vagga.

[page 005]
BODHI-VAGGA [I. 8]. 5
timisāyaṃ abbhokāse nisinno hoti, devo ca ekamekaṃ phusā-
yati. atha kho Ajakalāpako yakkho bhagavato bhayaṃ
chambhitattaṃ lomahaṃsaṃ uppādetukamo yena bhagavā
ten'; upasaṅkami, upasaṅkamitvā bhagavato avidūre tikkha-
ttuṃ akkulopakkulo¹ ti akkulapakkulikaṃ² akāsi: eso³
te samaṇa pisāco 'ti. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
yadā sakesu dhammesu pāragū hoti brāhmano,
atha etam pisācañ ca bakkulañ c'; ātivattatī 'ti.⁴||7||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho
pana samayena āyasmā Saṅgāmaji Sāvatthiṃ anuppatto hoti
bhagavantaṃ dassanāya. assosi kho āyasmato Saṅgamajissa
purāṇadutiyikā: ayyo Saṅgāmaji Sāvatthiṃ anuppatto 'ti.
sā dārakam ādāya Jetavanam⁵ agamāsi.⁶ tena kho pana
samayena āyasmā Saṅgāmaji aññatarasmiṃ rukkhamūle di-
vāvihāraṃ nisinno hoti. atha kho āyasmato Saṅgāmajissa
purāṇadutiyikā yena āyasmā Saṅgāmaji ten'; upasaṅkami,
upasaṅkamitvā āyasmantaṃ Saṅgāmajiṃ etad avoca: Khudda-
{putt'amhi,} samaṇa posa man ti. evaṃ vutte āyasmā Saṅgā-
maji tuṇhī⁷ ahosi dutiyam pi kho āyasmato Saṅgāmajissa
purāṇadutiyikā āyasmantaṃ Saṅgāmajiṃ etad avoca: Khud-
daputtaṃ hi samaṇa posa man ti. dutiyam pi kho āyasmā
Saṅgāmaji tuṇhī⁷ ahosi. tatiyam pi kho āyasmato Saṅgā-
majissa purāṇadutiyikā āyasmantaṃ Saṅgāmajiṃ etad avoca:
khuddaputtaṃ hi samaṇa posa man ti. tatiyam pi kho
āyasmā Saṅgāmaji tuṇhī⁷ ahosi. atha kho āyasmato Saṅgā-
majissa purāṇadutiyikā taṃ dārakaṃ āyasmato Saṅgāmajissa
purato nikkhipitvā pakkāmi: eso te samaṇa putto, posa nan
ti. atha kho āyasmā Saṅgāmaji taṃ dārakaṃ neva olokesi
nāpi ālapi. atha kho āyasmato Saṅgāmajissa purāṇaduti-

--------------------------------------------------------------------------
1 A akkulobakkulo.
2 A akkulavakkulikaṃ; B and D are corrupt.
3 B esa.
4 In B and D the last pūda is corrupt, and ends in: samativattati,
A ca vītivattati. We follow the reading of C.
5 A -e.
6 A āg-.
7 A mostly -i.
I. 9. Comp. Mahūvagga I. 20, 15.

[page 006]
6 UDĀNAṂ [I. 8].
yikā avidūre gantvā apalokentī addas'; āyasmantaṃ Saṅgā-
majiṃ taṃ dārakaṃ neva olokentaṃ nāpi ālapantaṃ, disvān
'assā etad ahosi: na c'; āyaṃ samaṇo puttena pi atthiko 'ti
tato patinivattitvā dārakaṃ ādāya pakkāmi. addasā kho bha-
gavā dibbena cakkhunā visuddhena atikkantamānusakena
āyasmato Saṅgāmajissa purāṇadutiyikāya evarūpaṃ vippa-
kāraṃ. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
āyantiṃ nābhinandati, pakkāmantiṃ na socati,
saṅgā Saṅgāmajiṃ muttaṃ tam ahaṃ brūmi brāhmaṇan ti. ||8||
evam me sutaṃ. ekaṃ samayaṃ bhagavā Gayāyaṃ viha-
rati Gayāsīse. tena kho pana samayena sambahulā jaṭilā
sītāsu hemantikāsu rattīsu antaraṭṭhake himapātasamaye
Gayāyaṃ ummujjanti pi nimujjanti pi ummujjanimujjaṃ
pi karonti osiñcanti pi aggiṃ pi juhanti, iminā suddhīti.
addasā kho bhagavā te sambahule jaṭile sītāsu hemantikāsu
rattīsu antaraṭṭhake himapātasamaye Gayāyaṃ ummujjante
pi nimujjante pi ummujjanimujjaṃ karonte pi osiñcante pi
aggiṃ pi juhante iminā suddhīti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
na udakena suci hoti, bahv ettha nhāyatī¹ jano,
yamhi saccañ ca dhammo ca, so suci so ca brāhmano 'ti. ||9||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikass'; ārāme. tena kho pana
samayena Bāhiyo Dārucīriyo² Suppārake³ paṭivasati
samuddatīre, sakkato hoti garukato hoti mānito pūjito apa-
cito lābhī cīvarapiṇḍapātasenāsanagilānapaccayabhesajjapari-
kkhārānaṃ. atha kho Bāhiyassa Dārucīriyassa {rahogatassa paṭisallīnassa} evaṃ cetaso
parivitakko udapādi: ye nu kho keci loke arahanto vā ara-
hattamaggaṃ vā samāpannā ahaṃ tesaṃ aññataro 'ti. atha

--------------------------------------------------------------------------
1 BD nāyati. Read nhāyatī metri causa.
2 AD -ciriyo throughout.
3 AD Supā-.

[page 007]
BODHI-VAGGA [I. 10] 7
kho Bāhiyassa Dārucīriyassa purāṇasālohitā devatā anukam-
pikā atthakāmā Bāhiyassa Dārucīriyassa cetasā cetoparivi-
takkam aññāya yena Bāhiyo Dārucīriyo ten'; upasaṅkami,
upasaṅkamitvā Bāhiyaṃ Dārucīriyaṃ etad avoca: neva kho
tvaṃ Bāhiya arahā nāpi arahattamaggaṃ vā samāpanno, sā
pi te paṭipadā n'; atthi, yāya tvaṃ arahā vā assa arahatta-
maggaṃ vā samāpanno¹ 'ti. {atha ke²} carahi sadevake
loke arahanto vā arahattamaggaṃ vā samāpannā³ 'ti. atthi
Bāhiya uttaresu janapadesu Sāvatthī nāma nagaraṃ. tattha
so bhagavā etarahi viharati arahaṃ sammāsambuddho. so
hi Bāhiya bhagavā arahā ceva arahattāya ca dhammaṃ
desetīti. atha kho Bāhiyo Dārucīriyo tāya devatāya
saṃvejito tāvad eva Suppārakasmā⁴ pakkāmi, sabbattha
ekarattiparivāsena yena bhagavā Sāvatthiyaṃ viharati Jeta-
vane Anāthapiṇḍikass'; ārāme ten'; upasaṅkami. tena kho
pana samayena sambahulā bhikkhū abbhokāse caṅkamanti.
atha kho Bāhiyo Dārucīriyo yena te bhikkhū ten'; upasaṅka-
mi, upasaṅkamitvā te bhikkhū etad avoca: kahan nu
kho bhante etarahi bhagavā viharati arahaṃ sammāsam-
buddho, dassanakām'; amhā mayaṃ taṃ bhagavantaṃ ara-
hantaṃ sammāsambuddhan ti. Antaragharaṃ paviṭṭho kho
Bāhiya bhagavā piṇḍāyā 'ti. atha kho Bāhiyo Dārucīriyo
taramānarūpo Jetavanā nikkhamitvā Sāvatthiṃ pavisitvā
addasa bhagavantaṃ Sāvatthiyaṃ piṇḍāya carantaṃ pāsādi-
kaṃ dassanīyaṃ {yatindriyaṃ} santamānasaṃ uttamadamatha-
samatham anuppattaṃ dantaṃ guttaṃ santindriyaṃ⁵ nāgaṃ,
disvā yena bhagavā ten'; upasaṅkami, upasaṅkamitvā bhaga-
vato pāde sirasā nipatitvā bhagavantaṃ etad avoca: desetu
me bhante bhagavā dhammaṃ, desetu sugato dhammaṃ,
yaṃ mama assa dīgharattaṃ hitāya sukhāyā 'ti. evaṃ vutte
bhagavā Bāhiyaṃ Dārucīriyaṃ etad avoca: akālo kho tāva
Bāhiya, pavitth'; amhā piṇḍāyā 'ti. dutiyam pi kho Bāhiyo
Dārucīriyo bhagavantaṃ etad avoca: dujjānaṃ kho pan'; etaṃ
bhante bhagavato vā jīvitantarāyānaṃ mayhaṃ vā jīvitanta-

--------------------------------------------------------------------------
1 A sammā- throughout.
2 AB ko; not in C.
3 AB -o.
4 A Supā-; B Supārakamhā.
5 B -a.

[page 008]
8 UDĀNAṂ [I. 10].
rāyānaṃ, desetu me bhante . . . sukhāyā 'ti. dutiyam pi
kho bhagavā Bāhiyaṃ Dārucīriyaṃ etad avoca: akālo . . .
piṇḍāyā 'ti. tatiyam pi kho Bāhiyo Dārucīriyo bhagavantaṃ
etad avoca: dujjānaṃ . . . desetu . . . sukhāyā 'ti. tasmāt
iha te Bāhiya evaṃ sikkhitabbaṃ: diṭṭhe diṭṭhamattaṃ bha-
vissati, sute sutamattam bhavissati, mute mutamattaṃ bhavi-
ssati, viññāte viññātamattaṃ bhavissatīti. evañ hi te Bāhiya
sikkhitabbaṃ: yato kho te Bāhiya diṭṭhe diṭṭhamattaṃ bha-
vissati . . . viññāte viññātamattaṃ bhavissati, tato tvaṃ Bāhi-
ya na tattha, yato tvaṃ Bāhiya nev 'attha,¹ tato tvaṃ Bāhiya
nev'; idha na huraṃ na ubhayamantarena, es'; ev'; anto dukkh-
assā 'ti. atha kho Bāhiyassa Dārucīriyassa bhagavato imāya
saṃkhittāya dhammadesanāya tāvad eva anupādāya āsavehi
cittaṃ vimucci. atha kho bhagavā Bāhiyaṃ Dārucīriyaṃ
iminā saṃkhittena ovādena ovaditvā pakkāmi. atha kho
acirapakkantassa bhagavato Bāhiyaṃ Dārucīriyaṃ gāvī
taruṇavacchā adhipātetvā² jīvitā voropesi. atha kho bha-
gavā Sāvatthiyaṃ piṇḍāya caritvā pacchābhattaṃ piṇḍapāta-
paṭikkanto sambahulehi bhikkhūhi saddhiṃ nagaramhā
nikkhamitvā addasa Bāhiyaṃ Dārucīriyaṃ kālaṅkataṃ,
disvāna bhikkhū āmantesi: gaṇhatha bhikkhave Bāhiyassa
Dārucīriyassa sarīrakaṃ, mañcakaṃ āropetvā nīharitvā
jhāpetha thūpañ c'; assa karotha, sabrahmacārī vo bhikkhave
kālaṅkato 'ti. evaṃ bhante 'ti kho te bhikkhū bhagavato
paṭisuṇitvā Bāhiyassa Dārucīriyassa sarīrakaṃ {gaṇhitvā} mañcakaṃ
āropetvā nīharitvā jhāpetvā thūpañ c'; assa karitvā yena
bhagavā ten'; upasaṅkamiṃsu, upasaṅkamitvā bhagavantaṃ
abhivādetvā ekamantaṃ nisīdiṃsu, ekamantaṃ nisinnā kho
te bhikkhū bhagavantaṃ etad avocuṃ; daḍḍhaṃ bhante
Bāhiyassa Dārucīriyassa sarīraṃ thūpo c'; assa kato. tassa kā
gati ko abhisamparāyo 'ti. paṇḍito bhikkhave Bāhiyo
Dārucīriyo paccapādi³ dhammass'; ānudhammaṃ, na ca maṃ

--------------------------------------------------------------------------
1 So in A; B na nattha, then: tato tvaṃ Bāhiya na tattha, yato tvaṃ
Bāhiya ti (!) tattha tato . . . D: yattattha, then: tato tvaṃ
Bāhiya yattattha, yato tvaṃ Bāhiya nev'; attha, tato . . .
The commentary is deficient and unintelligible.
2 AB adhipātitvā; D avibāditvā.
3 AC saccavādi, paraphrased in C by paṭipajji; B saccapādi.

[page 009]
BODHI-VAGGA [I. 10]. 9
dhammādhikaraṇaṃ viheseti, parinibbuto bhikkhave Bāhiyo
Dārucīriyo 'ti. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
yattha āpo ca paṭhavī¹ tejo vāyo na gādhati,²
na tattha sukkā jotanti ādicco na ppakāsati,
na tattha candimā bhāti tamo tattha na vijjati.
yadā ca {attanā vedi} muni monena brāhmaṇo,
atha rūpā arūpā ca sukhadukkhā pamuccatīti. ||10||
ayam pi udāno vutto bhagavatā iti me sutan ti.
Bodhivaggo paṭhamo.³
tatra uddānaṃ bhavati:
tayo ca bodhi, nigrodho te therā Kassapena ca
Pāṭalī⁴ Saṅgāmaji jaṭilā Bāhiyena te dasā⁵ 'ti. ||

--------------------------------------------------------------------------
1 A path-.
2 This verse recurs in the Saṃyutta, I. 3. 7.
3 A path-.
4 B Vāya (!).
5 A te rasā.

[page 010]
10
VAGGA II. MUCALINDAVAGGO.
evam me sutaṃ. ekaṃ samayaṃ bhagavā Uruvelāyaṃ
viharati najjā Nerañjarāya tīre Mucalindamūle¹ paṭha-
mābhisambuddho. tena kho pana samayena bhagavā sattāhaṃ
ekapallaṅkena nisinno hoti vimuttisukhaṃ {paṭisaṃvedī}. tena
kho pana samayena mahāakālamegho udapādi, sattāhavadda-
likā² sītavātā³ duddinī. atha kho Mucalindo¹ nāgarājā saka-
bhavanā nikkhamitvā bhagavato kāyaṃ sattakkhattuṃ bho-
gehi parikkhipitvā upari muddhani mahantaṃ phaṇaṃ
vihacca aṭṭhāsi: mā bhagavantaṃ sītaṃ. mā bhagavantaṃ
uṇhaṃ, mā bhagavantaṃ {ḍaṃsamakasavātātapasiriṃsapasam-
phass}o⁴ 'ti. atha kho bhagavā tassa sattāhassa accayena
tamhā samādhimhā vuṭṭhāsi. atha kho Mucalindo¹ nāgarājā
viddhaṃ vigatavalāhakaṃ devaṃ viditvā bhagavato kāyā
bhoge viniveṭhetvā sakavaṇṇaṃ paṭisaṃharitvā mānavaka-
vaṇṇaṃ abhinimminitvā bhagavato purato aṭṭhāsi pañjaliko
bhagavantaṃ namassamāno. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
sukho viveko tuṭṭhassa sutadhammassa passato,
avyāpajjhaṃ⁵ sukhaṃ loke pāṇabhūtesu saṃyamo.
sukhā virāgatā loke kāmānaṃ samatikkamo,
asmimānassa yo vinayo etaṃ ve paramaṃ sukhan ti. ||1||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena sambahulānaṃ bhikkhūnaṃ pacchābhattaṃ piṇḍa-

--------------------------------------------------------------------------
II. 2. Comp. Mahāvagga, I. 3. 1-4.
1 A Muñc-.
2 A vaṭṭ-.
3 C and Mahāvagga -a.
4 A sarisapa-.
5 So read D and Mahāvagga; AB -jjaṃ.

[page 011]
MUCALINDA-VAGGA [II. 3]. 11
pātapaṭikkantānaṃ upaṭṭhānasālāyaṃ sannisinnānam sanni-
patitānaṃ ayam antarākathā¹ udapādi: ko nu kho āvuso
imesaṃ dvinnaṃ rājūnaṃ mahaddhanataro vā mahābhoga-
taro vā mahākosataro vā mahāvijitataro vā mahavāhanataro
vā mahabbalataro vā mahiddhikataro vā mahānubhāvataro
vā rājā vā Māgadho Seniyo Bimbisāro rājā vā Pase-
nadi Kosalo 'ti. ayañ carahi tesaṃ bhikkhūnaṃ antarā-
kathā hoti vippakatā.¹ atha kho bhagavā sāyaṇhasamayaṃ
patisallānā vuṭṭhito yen'; upaṭṭhānasālā ten'; upasaṅkami, upa-
saṅkamitvā paññatte āsane nisīdi, nisajja kho bhagavā bhik-
khū āmantesi: kāyā nu 'ttha bhikkhave etarahi kathāya
sannisinnā sannipatitā kā ca pana vo antarākathā vippakatā²
'ti. idha bhante amhākam pi pacchābhattaṃ . . . udapādi
. . . Pasenadi Kosalo 'ti. ayaṃ kho no bhante antarākathā
vippakatā.³ atha kho bhagavā anuppatto 'ti. na khv etaṃ
bhikkhave tumhākaṃ paṭirūpaṃ kulaputtānaṃ saddhāya⁴
agārasmā anagāriyaṃ pabbajitānaṃ, yaṃ tumhe evarūpiṃ
kathaṃ katheyyātha; sannipatitānaṃ vo bhikkhave dvayaṃ
karaṇīyaṃ dhammikathā⁵ ariyo vā tuṇhībhāvo⁶ 'ti. atha
kho bhagavā etaṃ atthaṃ viditvā tāyaṃ velāyaṃ imaṃ
udānaṃ udānesi:
yaṃ ca kāmasukhaṃ loke yaṃ c'; idaṃ diviyaṃ sukhaṃ
taṇhakkhayasukhassa te kalaṃ⁷ n'; agghanti soḷasin ti. ||2||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikass'; ārāme. tena kho pana
samayena sambahulā kumārakā antarā ca Sāvatthiṃ antarā
ca Jetavanaṃ ahiṃ daṇḍena hananti. atha kho bhagavā
pubbaṇhasamayaṃ nivāsetvā pattacīvaram ādāya Sāvatthiṃ
piṇḍāya pāvisi. addasā kho bhagavā sambahule kumārake
antarā ca Savatthiṃ antarā ca Jetavanaṃ ahiṃ daṇḍena

--------------------------------------------------------------------------
1 MSS. read sometimes antarakathā.
2 All MSS. -thā for -tā; C -thā corrected to -tā.
3 This phrase is amended from III.
8 and III. 9.
4 AD saddhānaṃ; B saddhā; amended from III.
8 and III. 9.
5 B dhammikā kathā.
6 AD tuṇhibhāvo.
7 B -ḷaṃ.

[page 012]
12 UDĀNAṂ [II. 3].
hanante. atha kho bhagavā etaṃ atthaṃ viditvā tayaṃ
velāyaṃ imaṃ udānaṃ udānesi:
{sukhakāmāni bhūtāni} yo daṇḍena vihiṃsati
attano sukham esāno, pecca so na labhate sukhaṃ.
sukhakāmāni bhūtāni yo daṇḍena na hiṃsati
attano sukham esāno, pecca¹ so labhate sukhan ti. ||3||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena bhagavā sakkato hoti garukato hoti mānito pūjito
apacito lābhī cīvarapiṇḍapātasenāsanagilānapaccayabhesajja-
parikkhārānaṃ [compare I.10], bhikkhusaṃgho pi sakkato
hoti . . . pe . . . parikkhārānaṃ; aññatitthiyā pana
{paribbājakā} asakkatā honti agarukatā amānitā apū-
jitā na apacitā na lābhino cīvarapiṇḍapātasenāsanagilāna-
paccayabhesajjaparikkhārānaṃ. atha kho te aññatitthiyā
paribbājakā bhagavato sakkāraṃ asahamānā bhikkhusaṃ-
ghassa ca gāme ca araññe ca bhikkhū disvā asabbhāhi pha-
rusāhi vācāhi akkosanti paribhāsanti {rosenti} {vihesenti}. atha
kho sambahulā bhikkhū yena bhagavā ten'; upasaṅkamiṃsu,
upasaṅkamitvā bhagavantaṃ abhivādetvā ekamantaṃ nisī-
diṃsu, ekamantaṃ nisinnā kho te bhikkhū bhagavantaṃ
etad avocuṃ: etarahi bhante bhagavā sakkato garukato . . .
pe . . . parikkhārānaṃ, bhikkhusaṃgho pi sakkato garu-
kato . . . pe . . . parikkhārānaṃ, aññatitthiyā pana pa-
ribbājakā asakkatā agarukatā . . . pe . . . parikkhārānaṃ.
atha kho te bhante aññatitthiyā paribbājakā bhagavato sak-
kāraṃ . . . pe . . . {vihesentīti}. atha kho bhagavā etam
atthaṃ viditva tāyaṃ velāyaṃ imaṃ udānaṃ udānesi:
gāme araññe sukhadukkhaphuṭṭho
nev'; attato no parato dahetha,²
phusanti phassā upadhiṃ³ paṭicca,
{nirūpadhiṃ} kena phuseyyuṃ phassā 'ti. ||4||

--------------------------------------------------------------------------
1 A pacca.
2 B dasātha (?); C nev'; attato no parato rahethā (?) 'ti.
ahaṃ sukhito c'; āhaṃ dukkhito . . . paren'; idaṃ mayhaṃ
sukhadukkhaṃ uppāditan ti ca neva attato no [is omitted]
parato taṃ sukhadukkhaṃ ṭhapetha (?). Are we to read:
dahetha, potentialis of dahati? AD upadhi.
3 MSS. -i.

[page 013]
MUCALINDA-VAGGA [II. 6]. 13
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena aññataro Icchānaṅgalako¹ upāsako Sāvatthiṃ
anuppatto hoti kenacid eva karaṇīyena. atha kho so upā-
sako Sāvatthiyaṃ taṃ karaṇīyaṃ tīretvā yena bhagavā ten'
upasaṅkami, upasaṅkamitvā bhagavantaṃ abhivādetvā eka-
mantaṃ nisīdi, ekamantaṃ nisinnaṃ kho taṃ upāsakaṃ
bhagavā etad avoca: cirassaṃ kho tvaṃ upāsaka imaṃ pari-
yāyaṃ akāsi, yadidam idh'; āgamanāyā 'ti. cirapaṭikāhaṃ²
bhante bhagavantaṃ dassanāya upasaṅkamitukāmo api
c'; āhaṃ kehici kiccakaraṇīyehi vyāvaṭo³ ev'; āhaṃ n'; āsakkhiṃ
bhagavantaṃ dassanāya upasaṅkamitun ti. atha kho bha-
gavā etam atthaṃ viditvā tāyaṃ velāyaṃ imaṃ udānaṃ
udānesi:
sukhaṃ vata tassa na hoti kiñci
saṅkhātadhammassa bahussutassa,
sakiñcanaṃ passa vihaññamānaṃ,
jano janamhi paṭibandharūpo.⁴ ||5||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena aññatarassa paribbājakassa daharā māṇavikā pajā-
patī hoti gabbhinī upavijaññā. atha kho sā paribbājikā taṃ
paribbājakaṃ etad avoca: gaccha tvaṃ brāhmaṇa telaṃ
āhara, yaṃ me vijātāya bhavissatīti. evaṃ vutte so paribbā-
jako taṃ paribbājikaṃ etad avoca: kuto pan'; āhaṃ bhotiyā
telaṃ āharāmīti. dutiyam pi kho sā paribbājikā taṃ pa-
ribbājakaṃ etad avoca: gaccha tvaṃ brāhmaṇa, telaṃ āhara
yaṃ me vijātāya bhavissatīti. dutiyam pi kho so paribbā-
jako taṃ paribbājikaṃ etad avoca: kuto pan'; āhaṃ bhotiyā
telaṃ āharāmīti. tatiyam pi kho sā paribbājikā taṃ pa-
ribbājakaṃ etad avoca: gaccha tvaṃ brāhmaṇa telaṃ āhara,
yaṃ me vijātāya bhavissatīti. tena kho pana samayena

--------------------------------------------------------------------------
1 C Icchānaṇgalanāmako Kosalesu eko brāhmaṇagāmo taṃ nivāsitāya (?)
tattha vā jāto bhavo 'ti vā Icchānaṇgalako upāsako 'ti.
2 A ciraṃ p-; C comments: cirapaṭiko ahaṃ cirakālato paṭṭhāya ahaṃ.
3 A vyāvaṭo; D byāvaṭo.
4 Sic MSS. here and below II. 6 for baddha.

[page 014]
14 UDĀNAṂ [II. 6].
rañño Pasenadissa Kosalassa koṭṭhāgāre samaṇassa vā {brāh-
maṇassa} vā sappissa¹ vā telassa vā yāvadatthaṃ pātuṃ dīyati
no nīharituṃ. atha kho tassa paribbājakassa etad ahosi:
rañño kho pana Pasenadissa² . . . nīharituṃ. yannūn'
āhaṃ rañño Pasenadissa² Kosalassa koṭṭhāgāraṃ gantvā {te-
lassa} yāvadatthaṃ pivitvā gharaṃ āgantvā³ uggiritvāna
dadeyyaṃ, yaṃ imissā vijātāya bhavissatīti. atha kho so
paribbājako rañño Pasenadissa Kosalassa koṭṭhāgāraṃ gan-
tvā telassa yāvadatthaṃ pivitv'; āgāraṃ gantvā n'; eva sakkoti
uddhaṃ kātuṃ na pana adho. so dukkhāhi tibbāhi kharāhi
kaṭukāhi vedanāhi phuṭṭho āvaṭṭati parivaṭṭati ca. atha kho
bhagavā pubbaṇhasamayaṃ nivāsetvā pattacīvaram ādāya
Sāvatthim piṇḍāya pāvisi. addasā kho bhagavā taṃ pa-
ribbājakaṃ dukkhāhi tibbāhi kharāhi kaṭukāhi vedanāhi
phuṭṭhaṃ āvaṭṭamānaṃ parivaṭṭamānaṃ. atha kho bhagavā
etam atthaṃ viditvā tāyam velāyaṃ imaṃ udānaṃ udānesi:
sukhino vata ye akiñcanā, vedaguno hi janā akiñcanā,
sakiñcanaṃ passa vihaññamānaṃ, jano janamhi⁴ paṭibandhacitto. ||6||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena aññatarassa upāsakassa ekaputtako piyo manāpo
kālaṅkato hoti. atha kho sambahulā upāsakā allavatthā
allakesā divādivassa⁵ yena bhagavā ten'; upasaṅkamiṃsu,
upasaṅkamitvā bhagavantaṃ abhivādetvā ekamantaṃ nisī-
diṃsu, ekamantaṃ nisinne kho te upāsake bhagavā etad
avoca: kin nu tumhe upāsakā allavatthā allakesā idh'
upasaṅkamantā divādivassā 'ti. evaṃ vutte so upāsako bha-
gavantaṃ etad avoca: mayhaṃ kho bhante ekaputtako piyo
manāpo kālaṅkato, tena mayaṃ allavatthā allakesā idh'
upasaṅkamantā divādivassā 'ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:

--------------------------------------------------------------------------
1 A sabbissa throughout.
2 B Pasenadikosalassa.
3 A gaṃtvā.
4 B janasmiṃ.
5 C divādivassā 'ti divasassa pi divā majjhantike kāle 'ti attho.

[page 015]
MUCALINDA-VAGGA [II 8]. 15
{piyarūpāsātagathitāse}¹ ve devakāyā puthumanusā ca
aghāvino parijunnā maccurājassa vasaṃ gacchanti
ye ve divā ca ratto ca appamattā jahanti piyarūpaṃ,
te ve khaṇanti aghamūlaṃ maccuno āmisaṃ durativattan ti. ||7||
evam me sutaṃ. ekaṃ samayaṃ bhagavā Kuṇḍiyāyaṃ²
viharati Kuṇḍiṭṭhānavane.³ tena kho pana samayena
Suppavāsā⁴ Koliyadhītā⁵ satta vassāni gabbhaṃ dhāreti
sattāhaṃ mūḷhagabbhā. sā dukkhāhi tibbāhi kharāhi kaṭu-
kāhi vedanāhi phuṭṭhā tīhi vitakkehi adhivāseti: sammāsam-
buddho vata bho bhagavā, yo imassa evarūpassa dukkhassa
pahānāya dhammaṃ deseti, suppaṭipanno⁶ vata tassa bhaga-
vato sāvakasaṃgho, yo imassa evarūpassa dukkhassa pahānāya
paṭipanno,⁶ susukhaṃ vata nibbānaṃ yadidaṃ evarūpaṃ
dukkhaṃ na saṃvijjatī 'ti. atha kho Suppavāsā Koliyadhītā
sāmikaṃ āmantesi: ehi tvaṃ ayyaputta, yena bhagavā
ten'; upasaṅkama, upasaṅkamitvā mama vacanena bhagavato
pāde sirasā vandāhi, appābādhaṃ appātaṅkaṃ lahuṭṭhānaṃ
balaṃ phāsuvihāraṃ puccha: Suppavāsā bhante Koliyadhītā
bhagavato pāde sirasā vandati, appābādhaṃ appātaṅkaṃ
lahuṭṭhānaṃ balaṃ phāsuvihāraṃ pucchatī 'ti. evañ ca
vadehi: Suppavāsā bhante Koliyadhītā satta vassāni . . .
pe . . . mūḷhagabbhā. sā dukkhāhi . . . pe . . . adhivā-
seti: sammāsambuddho vata bho bhagavā . . . pe . . .
saṃvijjatī 'ti. paraman ti so Koliyaputto Suppavāsāya
Koliyadhītāya paṭissutvā yena bhagavā ten'; upasaṅkami,
upasaṅkamitvā bhagavantaṃ abhivādetvā ekamantaṃ aṭṭhāsi,
ekamantaṃ ṭhito kho Koliyaputto bhagavantaṃ etad avoca:
Suppavāsā bhante Koliyadhītā bhagavato pāde sirasā vandati,
appābādhaṃ . . . phāsuvihāraṃ pucchati evañ ca vadati:
Suppavāsā bhante Koliyadhītā satta vassāni . . . pe . . .

--------------------------------------------------------------------------
1 AC piyarūpāsāta-; B piyarūpasāgatade; D piyarūpasātagavidhitā:
C explains: ye . . . piyarūpesu assādena giddhā te . . .
piyarūpāsātagadhitā (?).
2 C Kuṇḍikāyaṃ; D Kuṇṭikāyaṃ.
3 So AB Kuṇdikānavane; C. Kuṇḍadhānavane; D Kuṇṭānavane.
4 AD sometimes Suppavāsā.
5 A mostly Koliya-; BCD {Koliya}-; C Koliyadhītā 'ti Koliyarājadhītā.
6 A -ppanno.

[page 016]
16 UDĀNAM [II. 8].
mūḷhagabbhā. sā . . . pe . . . adhivāseti. . . . pe . . .
saṃvijjatī 'ti. sukhinī hotu Suppavāsā Koliyadhītā arogā
arogaṃ puttaṃ vijāyatū 'ti. saha vacanā ca pana bhagavato
Suppavāsā Koliyadhītā sukhinī arogā arogaṃ puttaṃ vijāyi.
evaṃ bhante 'ti kho so Koliyaputto bhagavato bhāsitaṃ
abhinanditvā anumoditvā uṭṭhāy'; āsanā bhagavantaṃ abhi-
vādetvā padakkhiṇaṃ katvā yena sakaṃ gharaṃ tena
paccāyāsi. addasā kho Koliyaputto Suppavāsaṃ Koliyadhī-
taraṃ sukhiniṃ arogaṃ arogaṃ puttaṃ vijātaṃ, disvān'; assa
etad ahosi: acchariyaṃ vata bho, abbhutaṃ vata bho tathā-
gatassa mahiddhikatā mahānubhāvatā, yatra hi nām'; ayaṃ
Suppavāsā Koliyadhītā saha vacanā pana bhagavato sukhinī
arogā arogaṃ puttaṃ vijāyatī 'ti attamano pamudito pītisoma-
nassajāto ahosi. atha kho Suppavāsā Koliyadhītā sāmikaṃ
āmantesi: ehi tvaṃ ayyaputta, yena bhagavā ten'; upasaṅkama,
upasaṅkamitvā mama vacanena bhagavato pāde sirasā vadāhi:
Suppavāsā bhante Koliyadhītā bhagavato pāde sirasā vandatī
'ti. evañ ca vadehi: Suppavāsā bhante Koliyadhītā satta
vassāni gabbhaṃ dhāresi sattāhaṃ mūḷhagabbhā. sā etarahi
sukhinī arogā arogaṃ puttaṃ vijātā, sā sattāhaṃ bhikkhu-
saṃghaṃ bhattena nimanteti. adhivāsetu kira bhante bha-
gavā Suppavāsāya Koliyadhītāya satta bhattāni saddhiṃ
bhikkhusaṃghenā 'ti. paraman ti kho so Koliyaputto Suppa-
vāsāya Koliyadhītāya paṭissutvā yena bhagavā ten'; upasaṅ-
kami, upasaṅkamitvā bhagavantaṃ abhivādetvā ekamantaṃ
nisīdi, ekamantaṃ nisinno kho so Koliyaputto bhagavantaṃ
etad avoca: Suppavāsā bhante Koliyadhītā bhagavato pāde
sirasā vandati evañ ca vadeti: Suppavāsā . . . pe . . .
mūḷhagabhā. sā etarahi sukhinī . . . pe . . . bhikkhu-
saṃghenā 'ti.
tena kho pana samayena aññatarena upāsakena buddha-
pamukho bhikkhusaṃgho svātanāya bhattena nimantito hoti.
so ca upāsako āyasmato Mahāmoggallānassa¹ upaṭṭhāko
hoti. atha kho bhagavā āyasmantaṃ Mahāmoggallānaṃ
āmantesi: ehi tvaṃ Moggallāna, yena so upāsako ten'; upa-

--------------------------------------------------------------------------
1 A Mahāmoggalānassa throughout.

[page 017]
MUCALINDA-VAGGA [II. 8]. 17
saṅkama, upasaṅkamitvā taṃ upāsakaṃ evaṃ vadehi: Suppa-
vāsā āvuso Koliyadhītā . . . pe . . . mūḷhagabbhā. sā
etarahi . . . pe . . . nimantesī 'ti karotu Suppavāsā Koli-
yadhītā satta bhattāni, pacchā so karissati tuyh'; eso¹ upaṭṭhā-
ko 'ti. evaṃ bhante 'ti kho āyasmā Mahāmoggallāno bha-
gavato paṭissutvā² yena so upāsako ten'; upasaṅkami, upa-
saṅkamitvā taṃ upāsakaṃ etad avoca: Suppavāsā āvuso
. . . pe . . . nimantesī 'ti. Karotu . . . pe . . . bhattāni,
pacchā tvaṃ karissasī 'ti. sace me bhante ayyo Mahā-
moggallāno tiṇṇaṃ dhammānaṃ pāṭibhogo³ bhogānañ ca
jīvitassa ca saddhāya ca, karotu Suppavāsā Koliyadhītā satta
bhattāni, pacchā 'haṃ karissāmī 'ti. dvinnaṃ kho tesaṃ
āvuso dhammānaṃ pāṭibhogo³ bhogānañ ca jīvitassa ca,
saddhāya pana tvaṃ yeva pāṭibhogo³ 'ti. sace me bhante
ayyo Mahāmoggallāno dvinnaṃ dhammānaṃ pāṭibhogo bho-
gānañ ca jīvitassa ca, karotu . . . karissāmī 'ti. atho kho
āyasmā Mahāmoggallāno taṃ upāsakaṃ saññāpetvā⁴ yena
bhagavā ten'; upasaṅkami, upasaṅkamitvā bhagavantaṃ etad
avoca: saññatto bhante so upāsako mayā, karotu Suppa-
vāsā {Koliyadhītā} satta bhattāni pacchā so karissatī 'ti.
atha kho Suppavāsā Koliyadhītā sattāhaṃ buddhapa-
mukhaṃ bhikkhusaṃghaṃ paṇītena khādaniyena bhojaniye-
na sahatthā santappesi sampavāresi, taṃ ca dārakaṃ bhaga-
vantaṃ vandāpesi sabbañ ca bhikkhusaṃghaṃ. atha kho
āyasmā Sāriputto taṃ dārakaṃ etad avoca: kacci te dāraka
khamanīyaṃ, kacci yāpanīyaṃ, kacci na kiñci dukkhan ti.
kuto me bhante Sāriputta khamanīyaṃ, kuto yāpanīyaṃ.
satta vassāni me lohitakumbhiyā⁵ vuṭṭhānī 'ti. atha kho
Suppavāsā Koliyadhītā: putto me Dhammasenāpatinā sadd-
hiṃ mantetī 'ti attamanā pamuditā pītisomanassajātā ahosi.
atha kho bhagavā Suppavāsaṃ Koliyadhītaraṃ etad avoca:
iccheyyāsi tvaṃ Suppavāse aññaṃ pi evarūpam puttan ti.
iccheyyām'; āhaṃ⁶ bhagavā aññāni pi evarūpāni satta puttānī

--------------------------------------------------------------------------
1 A tumh'; eso [= tumhaṃ eso]; BC tuyh'; eso [= tuyhaṃ eso].
2 A paṭisutvā; B paṭissunitvā.
3 AB sometimes pātibhogo.
4 A inserts(?) saññāpehīti; omitted in BCD.
5 CD -yaṃ; A -kubbhiyā; C lohitakumbhiyaṃ vuṭṭhānī 'ti
mātukucchiyaṃ attano gabbhāvāsadukkhaṃ sandhāya vadati.
6 D ahaṃ; B iccheyy'; āhaṃ.

[page 018]
18 UDĀNAṂ [II. 8].
'ti. atha kho bhagavā etam atthaṃ viditvā tāyaṃ velāyaṃ
imaṃ udānaṃ udānesi:
asātaṃ sātarūpena piyarūpena appiyaṃ
dukkhaṃ sukhassa rūpena pamattam ativattatī¹ 'ti. ||8||
evam me sutaṃ. ekaṃ samayaṃ bhagavā Sāvatthiyaṃ
viharati Pubbārāme Migāramātu pāsāde. tena kho
pana samayena Visākhāya Migāramātuyā kocid eva attho
raññe Pasenadimhi² Kosale paṭibandho³ hoti. taṃ rājā
Pasenadi Kosalo na yathādhippāyaṃ tīreti. atha kho Visā-
khā Migāramātā divādivase yeva yena bhagavā ten'; upa-
saṅkami, upasaṅkamitvā bhagavantaṃ abhivādetvā eka-
mantaṃ nisīdi, ekamantaṃ nisinnaṃ kho Visākhaṃ Migā-
ramātaraṃ bhagavā etad avoca: handa kuto nu tvaṃ Visākhe
āgacchasi divādivassā 'ti. idha me bhante kocid eva attho
. . . pe . . . tīreti. atha kho bhagavā etam atthaṃ viditvā
tāyaṃ velāyaṃ {imaṃ} udānaṃ udānesi:
sabbaṃ paravasaṃ dukkhaṃ, sabbaṃ issariyaṃ sukhaṃ,
sādhāraṇe⁴ vihaññanti, yogā hi duratikkamā 'ti. ||9||
evam me sutaṃ. ekaṃ samayaṃ bhagavā Anupiyāyaṃ
viharati Ambavane. tena kho pana {samayena} āyasmā
Bhaddiyo Kāligodhāya⁵ putto araññagato pi rukkha-
mūlagato pi suññāgāragato pi abhikkhaṇaṃ udānaṃ udānesi:
aho sukhaṃ aho sukhan ti. assosuṃ kho sambahulā bhikkhū
āyasmato Bhaddiyassa Kāligodhāya⁵ puttassa araññagatassa
pi rukkhamūlagatassa pi suññāgāragatassa pi abhikkhanaṃ
udānam udānentassa: aho sukhaṃ aho sukhan ti. sutvāna
tesaṃ etad ahosi: nissaṃsayaṃ kho āvuso āyasmā Bhaddiyo
Kāligodhāya⁵ putto anabhirato brahmacariyaṃ carati {yaṃ'sa}
pubbe agārikabhūtassa⁶ rajjasukhaṃ.⁷ so tam anussaramāno

--------------------------------------------------------------------------
1 C explains: ativattati abhibhavati.
2 B Pasenadikosale
3 B -buddho . . . paṭibandha=paṭibaddha, cf. E. Muller, P. L. p. 22;
D afterwards -baddho; A Cb -bandho.
4 C comments: sādhāraṇe payojāne sādhetabbe sati.
II. 10. Compare Cullavagga, VII. 1, 5. and Jātaka, No. 10.
5 A sometimes Kāḷi-. BCD Kāli- throughout.
6 C yaṃ so pubbe agāriyabhūto samāno 'ti pāliṃ vatvā anubhavī 'ti
vacanasesena keci atthaṃ vaṇṇenti, apare saṃghā nipaṭhanti:
yaṃ sa pubbe agāriyabhūtassā 'ti. tattha yaṃ sā 'ti yaṃ
assa (!) . . . B yaṃ pubbe agāriya-, afterwards sayaṃ pubbe;
A afterwards yaṃ pubbe.
7 A rajjaṃ s-.

[page 019]
MUCALINDA-VAGGA [II. 10]. 19
araññagato pi . . . abhikkhaṇaṃ udānam udānesi: aho su-
khaṃ aho sukhan ti. atha kho sambahulā bhikkhū yena
bhagavā ten'; {upasaṅkamiṃsu}, upasaṅkamitvā bhagavantaṃ
abhivādetvā ekamantaṃ nisīdiṃsu, ekamantaṃ nisinnā kho
te bhikkhū bhagavantaṃ etad avocuṃ: āyasmā bhante
Bhaddiyo Kāḷigodhāya putto araññagato pi . . . udānesi:
aho sukhaṃ aho sukhan ti. nissaṃsayaṃ kho Bhaddiyo
Kāḷigodhāya putto anabhirato . . . pe . . . aho sukhan ti.
atha kho bhagavā aññataraṃ bhikkhuṃ āmantesi: ehi tvaṃ
bhikkhu, mama vacanena Bhaddiyaṃ bhikkhuṃ āmantehi:
satthā taṃ āvuso Bhaddiya āmantetī 'ti. evaṃ bhante 'ti
kho so bhikkhu bhagavato paṭissutvā yen'; āyasmā Bhaddiyo
Kāḷigodhāya putto ten'; upasaṅkami, upasaṅkamitvā āyas-
mantaṃ Bhaddiyaṃ Kāḷigodhāya puttaṃ etad avoca: satthā
taṃ āvuso Bhaddiya āmantetī¹ 'ti. evaṃ āvuso 'ti kho
āyasmā Bhaddiyo Kāḷigodhāya putto tassa bhikkhuno paṭi-
ssutvā yena bhagavā ten'; upasaṅkami, upasaṅkamitvā bhaga-
vantaṃ abhivādetvā ekamantaṃ nisīdi, ekamantaṃ nisinnaṃ
kho āyasmantaṃ Bhaddiyaṃ Kāḷigodhāya puttaṃ bhagavā
etad avoca: saccaṃ kira tvaṃ Bhaddiya araññagato pi . . .
sukhan ti. evaṃ bhante 'ti. kaṃ pana tvaṃ Bhaddiya
atthavasaṃ sampassamāno araññagato . . . sukhan ti. pubbe
me bhante agārikabhūtassa rajjasukhaṃ karontassa² anto pi
antepure rakkhā susaṃvihitā ahosi bahi pi antepure rakkhā
susaṃvihitā ahosi. anto pi nagare rakkhā susaṃvihitā ahosi
bahi pi nagare rakkhā susaṃvihitā ahosi. anto pi janapade
rakkhā susaṃvihitā ahosi bahi pi janapade rakkhā susaṃvi-
hitā ahosi. so kho ahaṃ bhante evaṃ rakkhito gopito santo
bhīto ubbiggo ussaṅkī utrasto vihāsiṃ etarahi kho pan'; āhaṃ
bhante araññagato pi rukkhamūlagato pi suññāgāragato pi
ekako abhīto anubbiggo anussaṅkī anutrasto {appossukko}
pannalomo paradavutto³ migabhūtena cetasā viharāmi.
imaṃ⁴ kho ahaṃ bhante atthavasaṃ sampassamāno arañña-

--------------------------------------------------------------------------
1 A -sī.
2 A rajjasukhaṃ karentassa; D -karontassa; B rajjaṃ kārentassa.
3 AC paravutto; B caradavutto; D yadavutto; C explains: parehi
dinnena civarādinā vattamāno. [Cullavagga reads: paradattavutto].
4 A idaṃ.

[page 020]
20 UDĀNAṂ [II. 10].
gato . . . pe . . . udānesiṃ: . . . sukhan ti. atha kho bha-
gavā etam atthaṃ viditvā tāyaṃ velāyaṃ imaṃ udānaṃ
udānesi:
yass'; antarato na santi kopā, itibhavābhavatañ ca vītivatto,
taṃ vigatabhayaṃ sukhiṃ asokaṃ devā n'; ānubhavanti das-
sanāyā 'ti. ||10||
Mucalindavaggo¹ dutiyo. tass'; uddānam:
Mucalindo,² rājā, daṇḍena, sakkāro upāsakena ca
gabbhinī, ekaputto ca, Suppavāsā, Visākhā ca
Kāḷigodhāya Bhaddiyo³ 'ti.

--------------------------------------------------------------------------
1 A Muñc-.
2 ABD -ā.
3 A -an; BD -ā.

[page 021]
21
VAGGA III. NANDAVAGGO.
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena aññataro bhikkhu bhagavato avidūre nisinno hoti
pallaṅkaṃ ābhujitvā ujuṃ kāyaṃ paṇidhāya purāṇakamma-
vipākajaṃ dukkhaṃ tippaṃ¹ kharaṃ kaṭukaṃ vedanaṃ
adhivāsento sato sampajāno avihaññamāno. addasā kho bha-
gavā taṃ bhikkhuṃ avidūre nisinnaṃ pallaṅkaṃ ābhujitvā
. . . pe . . . vedanaṃ adhivāsentaṃ sataṃ {sampajānaṃ}
avihaññāmānaṃ. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
sabbakammajahassa² bhikkhuno dhunamānassa purekataṃ
rajaṃ
amamassa ṭhitassa³ tādino attho n'; atthi janaṃ lapetave
'ti. ||1||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Nando bhagavato bhātā mātucchāputto
sambahulānaṃ bhikkhūnaṃ evam āroceti: anabhirato ahaṃ
āvuso brahmacariyaṃ carāmi, na sakkomi brahmacariyaṃ
sandhāretuṃ,⁴ sikkhaṃ paccakkhāya hīnāy'; āvattissāmī⁵ 'ti.
atha kho aññataro bhikkhu yena bhagavā ten'; upasaṅkami,
upasaṅkamitvā bhagavantaṃ abhivādetvā ekamantaṃ nisīdi,
ekamantaṃ nisinno kho so bhikkhu bhagavantaṃ etad avoca:
āyasmā bhante Nando bhagavato bhātā mātucchāputto sam-
bahulānaṃ bhikkhūnaṃ evam āroceti: anabhirato . . . pe

--------------------------------------------------------------------------
1 Cf. E. Muller, P. L. p. 38.
2 A kammahassa.
3 AB thi-.
4 C explains: sandhāretun ti pavattetuṃ.
5 C hīnāyā 'ti gihibhāvāya āvattissāmī 'ti nivattissāmi.

[page 022]
22 UDĀNAṂ [III. 2].
. . . āvattissāmī 'ti. atha kho bhagavā aññataraṃ bhikkhuṃ
āmantesi: ehi tvaṃ bhikkhu mama vacanena Nandaṃ bhi-
kkhuṃ āmantehi: satthā taṃ āvuso Nanda āmantetī 'ti.
evam bhante 'ti kho so bhikkhu bhagavato paṭissutvā yen'
āyasmā Nando ten'; upasaṅkami, upasaṅkamitvā āyasmantaṃ
Nandaṃ etad avoca: satthā taṃ āvuso Nanda āmantetī 'ti.
evam āvuso 'ti kho āyasmā Nando tassa bhikkhuno paṭissutvā
yena bhagavā ten'; upasaṅkami, upasaṅkamitvā bhagavantaṃ
abhivādetvā ekamantaṃ nisīdi, ekamantaṃ nisinnaṃ kho
āyasmantaṃ Nandaṃ bhagavā etad avoca: saccaṃ kira tvaṃ
Nanda sambahulānaṃ bhikkūnaṃ evam ārocesi: anabhirato
. . . pe . . . āvattissāmī 'ti. evaṃ bhante 'ti. kissa pana
tvaṃ Nanda anabhirato brahmacariyaṃ carasi, na sakkosi
brahmacariyaṃ sandhāretuṃ, sikkhaṃ paccakkhāya hīnāy'
āvattissasī 'ti. Sākiyānī¹ (maṃ)² bhante janapadakalyāṇī
gharā nikkhamantaṃ upaḍḍhullikhitehi³ kesehi apaloketvā
maṃ etad avoca; tuvaṭaṃ kho ayyaputta āgaccheyyāsī 'ti.
so kho ahaṃ bhante tam anussaramāno anabhirato brahma-
cariyaṃ carāmi, na sakkomi brahmacariyaṃ sandhāretuṃ
. . . āvattisāmī 'ti. atha kho bhagavā āyasmantaṃ Nandaṃ
bāhāya gahetvā seyyathā pi nāma balavā puriso sammiñjitaṃ⁴
vā bāhaṃ pasāreyya pasāritaṃ vā bāhaṃ sammiñjeyya,⁴ evam-
evaṃ Jetavane antarahito devesu tāvatiṃsesu pātur āhosi.
tena kho pana samayena pañcamattāni accharāsatāni
Sakkassa devānam indassa upaṭṭhānaṃ āgatāni honti
Kakuṭapādinī⁵ 'ti. tena kho bhagavā āyasmantaṃ Nan-
daṃ āmantesi: passasi no tvaṃ Nanda imāni pañca accharā-
satāni Kakuṭapādinī 'ti. evaṃ bhante 'ti. kim maññasi
Nanda katamā nu kho abhirūpatarā vā dassanīyatarā vā
pāsādikatarā vā Sākiyānī¹ vā janapadakalyāṇī imāni vā pañca
accharāsatāni Kakuṭapādinī⁵ 'ti. seyyathā pi bhante pa-
luṭṭhamakkatī⁶ kaṇṇanāsacchinnā, evameva kho bhante
Sākiyānī janapadakalyāṇī imesaṃ pañcannaṃ accharāsatā-

--------------------------------------------------------------------------
1 A Sākiniyā; C Sākiyānī 'ti Sakyarājadhītā.
2 Not in B.
3 C upaḍḍhulikhitehi . . . aḍḍhulikhitehi pi pathanti;
A upalikhitehi; D upaḍḍhalikhitehi.
4 A samiñc-.
5 C Kakuṭapādinī 'ti . . . pārāpatasadisapādini (-ī ?);
ABD Kukkuṭa-.
6 C paluṭṭhamakkatī 'ti jhāmaṅgamakkaṭī; A paluddha;
D paludda; B pasuddha.

[page 023]
NANDA-VAGGA [III. 2]. 23
naṃ upanidhāya saṅkhyaṃ¹ pi na upeti {kalabhāgaṃ} pi na
upeti {upanidhiṃ} pi na upeti. atha kho imāni pañca accharā-
satāni abhirūpatarāni c'; eva dassanīyatarāni ca pāsādikatarāṇi
cā 'ti. abhirama Nanda abhirama Nanda, ahan te pāṭibhogo
pañcannaṃ accharāsatānaṃ paṭilābhāya Kakuṭapādinīnan² ti.
sace me bhante bhagavā pāṭibhogo pañcannaṃ accharāsatānaṃ
paṭilābhāya Kakuṭapādinīnan ti, abhiramissām'; ahaṃ bhante
bhagavā brahmacariye 'ti. atha kho bhagavā āyasmantaṃ
Nandaṃ bāhāya gahetva seyyathā . . . pe . . . sammiñjeyya,
evamevaṃ devesu tāvatiṃsesu antarahito Jetavane pātur
ahosi. assosuṃ kho bhikkhū: āyasmā kira Nanda bhagavato
bhātā mātucchāputto accharānaṃ hetu brahmacariyaṃ carati,
bhagavā kir'; assa pāṭibhogo pañcannaṃ accharāsatānaṃ paṭi-
lābhāya Kakuṭapādinīnan ti. atha kho āyasmato Nandassa
sahāyakā bhikkhū āyasmantaṃ Nandaṃ bhatakavādena ca
upakkitakavādena² ca samudācaranti: bhatako kir'; āyasmā
Nando, upakkitako kir'; āyasmā Nando accharānaṃ hetu
brahmacariyaṃ carati. bhagavā kir'; assa pāṭibhogo pañcan-
naṃ accharāsatānaṃ paṭilābhāya Kakuṭapādinīnan ti. atha
kho āyasmā Nando sahāyakānaṃ bhatakavādena ca upakkita-
kavādena ca aṭṭiyamāno harāyamāno jigucchiyamāno eko vūpa-
kaṭṭho appamatto ātāpī pahitatto visārado nacirass 'eva yass'
atthāya kulaputto sammad eva agārasmā anāgāriyaṃ pabbajati,
tad anuttaraṃ brahmacariyapariyosānaṃ diṭṭh'; eva dhamme
sayaṃ abhiññā sacchikatvā upasampajja vihāsi: khīṇā jāti,
vusitaṃ brahmacariyaṃ, kataṃ karaṇīyaṃ, n'; āparam
itthattāyā 'ti abbhaññāsi. aññataro kho pan'; āyasmā Nando
arahataṃ³ ahosi. atha kho aññatarā devatā atikkantāya
rattiyā abhikkantavannā kevalakappaṃ Jetavanaṃ obhāsetvā
yena bhagavā ten'; {upasaṅkami}, upasaṅkamitvā bhagavantaṃ
abhivādetvā ekamantaṃ aṭṭhāsi, ekamantaṃ ṭhitā kho sā
devatā bhagavantaṃ etad avoca: āyasmā bhante Nando
bhagavato bhātā mātucchāputto āsavānaṃ khayā anāsavaṃ
cetovimuttiṃ paññāvimuttiṃ diṭṭh'; eva dhamme sayaṃ

--------------------------------------------------------------------------
1 BC saṃkhaṃ.
2 C explains: upakkitakavādenā 'ti yo kahāpanādīhi kiñci kināti
so upakkitako 'ti vuccati; A usa-.
3 ABC arahattaṃ.

[page 024]
24 UDĀNAṂ [III. 2].
abhiññā sacchikatvā upasampajja viharatī 'ti. bhagavato pi
ñāṇaṃ udapādi: Nando āsavānaṃ khayā . . . viharatī 'ti.
atha kho āyasmā Nando tassā rattiyā accayena yena bhagavā
ten'; upasaṅkami, upasaṅkamitvā bhagavantaṃ abhivādetvā
ekamantaṃ nisīdi, ekamantaṃ nisinno kho āyasmā Nando
bhagavantaṃ etad avoca: yaṃ me bhante bhagavā pāṭibhogo
pañcannaṃ accharāsatānaṃ paṭilābhāya Kakuṭapādinīnaṃ,
muñcām'; āhaṃ¹ bhante bhagavantaṃ etasmā paṭissavā 'ti.
mayā pi kho te Nanda cetasā ceto paricca vidito Nando,
āsavānaṃ khayā . . . viharatī 'ti. devat'; āpi² me etam
atthaṃ ārocesi: āyasmā bhante Nando bhagavato bhātā
mātucchāputto āsavānaṃ khayā . . . viharatī 'ti. yad eva
kho te Nanda anupādāya āsavehi cittaṃ vimuttaṃ, ath'
āhaṃ³ mutto etasmā paṭissavā 'ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
yassa nittiṇṇo paṅko, maddito kāmakaṇṭako,
mohakkhayaṃ anuppatto sukhadukkhesu na vedhati sa
bhikkhū 'ti. ||2||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena Yasojapamukhāni pañcamattāni bhikkhusatāni
Sāvatthiṃ anuppattāni honti bhagavantaṃ dassanāya. te ca
āgantukā bhikkhū nevāsikehi bhikkhūhi saddhiṃ paṭisam-
modamānā senāsanāni paññāpayamānā pattacīvarāni paṭisā-
mayamānā uccāsaddā⁴ mahāsaddā ahesum. atha kho bhaga-
vā āyasmantaṃ Ānandaṃ āmantesi: ke pan'; ete Ānanda
uccāsaddā⁴ mahāsaddā kevaṭṭā maññe {maccha-vilope 'ti}.
etāni bhante Yasojapamukhāni pañcamattāni bhikkhusatāni
Sāvatthiṃ anuppattāni bhagavantaṃ dassanāya. te ca
āgantukā . . . pe . . . paṭisāmayamānā uccāsaddā⁴ mahā-
saddā 'ti. tena h'; Ānanda mama vacanena te bhikkhū
āmantehi: satthā āyasmante āmantetī⁵ 'ti. evaṃ bhante 'ti
kho āyasmā Ānando bhagavato paṭissutvā yena te bhikkhū

--------------------------------------------------------------------------
1 A muccām'; āhaṃ; D muñcāhaṃ.
2 Amended for dev'; āpi, the reading of A and B.
3 AD assāhaṃ; BC athāhaṃ.
4 A -a.
5 A -sī.

[page 025]
NANDA-VAGGA [III. 3] 25
ten'; upasaṅkami, upasaṅkamitvā te bhikkhū etad avoca:
satthā āyasmante āmantetī 'ti. evam āvuso 'ti kho te bhi-
kkhū āyasmato Ānandassa paṭissutvā yena bhagavā ten'; upa-
saṅkamiṃsu, upasaṅkamitvā bhagavantaṃ abhivādetvā ekam-
antaṃ nisīdiṃsu, ekamantaṃ nisinne kho te bhikkhū bha-
gavā etad avoca: kin nu tumhe bhikkhave uccāsaddā¹ ma-
hāsaddā kevaṭṭā maññe {maccha-vilope 'ti}. evaṃ vutte
āyasmā Yasojo bhagavantaṃ etad avoca: imāni bhante pañ-
camattāni bhikkhusatāni Sāvatthiṃ anuppattāni bhagavan-
taṃ dassanāya. te 'me āgantukā bhikkhū . . . pe . . . pa-
ṭisāmayamānā uccāsaddā¹ mahāsaddā 'ti. gacchatha bhi-
kkhave, vo paṇāmemi, na vo mama santike vattabban ti.
evaṃ bhante 'ti kho te bhikkhū bhagavato paṭissutvā uṭṭhāy'
āsanā bhagavantaṃ abhivādetvā padakkhiṇaṃ katvā, senā-
sanaṃ paṭisāmetvā pattacīvaram ādāya yena Vajjī tena
cārikaṃ pakkamiṃsu,¹ Vajjīsu anupubbena cārikañ caramānā
yena Vaggumudā² nadī, ten'; upasaṅkamiṃsu,³ upasaṅka-
mitvā Vaggumudāya nadiyā tīre paṇṇakutiyo karitvā vassaṃ
upagacchiṃsu.⁴ atha kho āyasmā Yasojo vassupagato bhi-
kkhū āmantesi: bhagavatā mayaṃ āvuso paṇāmitā attha-
kāmena hitesinā anukampakena anukampaṃ upādāya.
handa mayaṃ āvuso tathā vihāraṃ kappema, yathā no vi-
harataṃ bhagavā⁵ attamano assā 'ti. evam āvuso 'ti kho
bhikkhū āyasmato paccassosuṃ. atha kho te bhikkhū vūpa-
kaṭṭhā appamattā ātāpino pahitattā viharanto ten'; ev'; antara-
vassena sabb'; eva tisso vijjā sacchākaṃsu.⁶ atha kho bhagavā
Sāvatthiyaṃ yathābhirantaṃ viharitvā yena Vesālī tena
cārikaṃ pakkami,⁷ anupubbena cārikam caramāno yena
Vesālī tad avasari. tatra sudaṃ bhagavā Vesāliyaṃ viharati
Mahāvane kūṭāgārasālāyaṃ. atha kho bhagavā Vaggumu-
dātīriyānaṃ bhikkhūnaṃ cetasā ceto paricca manasikaritvā
āyasmantaṃ Ānandaṃ āmantesi: ālokajātā viya me Ānanda
esā disā,⁸ obhāsajātā viya me Ānanda esā disā⁸ yassaṃ disā-
yaṃ⁹ Vaggumudātīriyā bhikkhū viharanti gantuṃ¹⁰ appa-

--------------------------------------------------------------------------
1 B pakkāmisu.
2 B Vaggamudā throughout.
3 MSS. -i for -iṃsu.
4 B -gacchisuṃ.
5 AD bhagavato.
6 B sacchākāsuṃ; C sacchikariṃsu.
7 B -āmi.
8 A etādisā.
9 AD read for yassaṃ disāyaṃ āyāma.
10 Not in C; B bhante.

[page 026]
26 UDĀNAṂ [III. 3].
ṭikkūl'; āsi me¹ manasikātuṃ. pahiṇeyyāsi tvaṃ Ānanda
Vaggumudātīriyānaṃ bhikkhūnaṃ santike dūtaṃ: satthā
āyasmante āmanteti,² satthā āyasmantānaṃ dassanakāmo
'ti. evaṃ bhante 'ti kho āyasmā Ānando bhagavato paṭis-
sutvā yena aññataro bhikkhu ten'; upasaṅkami, upasaṅka-
mitvā taṃ bhikkhuṃ etad avoca: ehi tvaṃ āvuso, yena
Vaggumudātīriyā bhikkhū ten'; upasaṅkama, upasaṅkamitvā
Vaggumudātīriye bhikkhū evaṃ vadehi: satthā āyasmante
āmanteti, satthā āyasmantānaṃ dassanakāmo 'ti. evam
āvuso 'ti kho so bhikkhu āyasmato Ānandassa paṭissutvā
seyyathā pi nāma balavā puriso sammiñjitaṃ vā bāhaṃ pasā-
reyya pasāritaṃ vā bāhaṃ sammiñjeyya, evameva Mahāvane
kūṭāgārasālāyam antarahito Vaggumudāya nadiyā tīre tesaṃ
bhikkhūnaṃ purato pātur ahosi. atha kho so bhikkhu
Vaggamudātīriye bhikkhū etad avoca: satthā āyasmante
āmantesi, satthā āyasmantānaṃ dassanakāmo 'ti. evam
āvuso 'ti kho te bhikkhū tassa bhikkhuno paṭissutvā senāsa-
naṃ paṭisāmetvā pattacīvaram ādāya seyyathā . . . pe . . .
sammiñjeyya, evamevaṃ Vaggumudāya nadiyā tīre antara-
hitā Mahāvane kūṭāgārasālāyaṃ bhagavato sammukhe pātur
ahesuṃ. tena kho pana samayena bhagavā ānañjena³ samā-
dhinā nisinno hoti. atha kho tesaṃ bhikkhūnaṃ etad
ahosi: katamena nu kho bhagavā vihārena etarahi viharatī
'ti. atha kho tesaṃ bhikkhūnaṃ etad ahosi: ānañjena⁴ kho
bhagavā vihārena etarahi viharatī 'ti sabb'; eva ānañjena
samādhinā nisīdiṃsu. atha kho āyasmā Ānando abhikkantā-
ya rattiyā nikkhante paṭhame yāme uṭṭhāy'; āsanā ekaṃsaṃ
cīvaraṃ karitvā yena bhagavā ten'; añjalim⁵ paṇāmetvā bha-
gavantaṃ etad avoca: abhikkantā bhante ratti, nikkhanto
paṭhamo yāmo, ciranisinnā āgantukā bhikkhū. paṭisammo-
datu bhante bhagavā āgantukehi bhikkhūhī 'ti. evaṃ vutte
bhagavā tuṇhī⁶ ahosi: dutiyam pi kho āyasmā Ānando abhi-
kkantāya rattiyā nikkhante majjhime yāme uṭṭhāy'; āsanā
ekaṃsaṃ cīvaraṃ karitvā yena bhagavā ten'; añjalim⁵ paṇā-

--------------------------------------------------------------------------
1 Appaṭikkūl 'āsi me not in D.
2 A -si.
3 A ānañcena; C ānañjasamādhinā . . . ānañjena -pi pāṭho.
Compare E. Muller, The Pāli Language, p. 8.
4 A ānañc-.
5 A añcali; B añjalī.
6 A -i.

[page 027]
NANDA-VAGGA [III. 4]. 27
metvā bhagavantaṃ etad avoca: abhikkantā bhante ratti,
nikkhanto majjhimo yāmo, ciranisinnā āgantukā bhikkhū,
paṭisammodatu bhante bhagavā āgantukehi bhikkhūhī 'ti.
dutiyam pi kho bhagavā tuṇhī ahosi. tatiyam pi kho
āyasmā Ānando abhikkantāya rattiyā nikkhante pacchime
yāme uddhate¹ aruṇe nandimukhiyā rattiyā uṭṭhāy'; āsanā
ekaṃsaṃ cīvaraṃ karitvā yena bhagavā ten'; añjalim paṇā-
metvā bhagavantaṃ etad avoca: abhikkantā bhante ratti,
nikkhanto pacchimo yāmo, uddhato¹ aruṇo, nandimukhī
ratti, ciranisinnā āgantukā bhikkhū, paṭisammodatu bhagavā
āgantukehi bhikkhūhī 'ti. atha kho bhagavā tamhā samā-
dhimhā vuṭṭhahitvā āyasmantaṃ Ānandaṃ āmantesi: sace
kho tvaṃ Ānanda jāneyyāsi, ettakam pi² te na paṭibhāseyya:³
ahañ c'; Ānanda imāni ca pañca bhikkhusatāni sabb'; eva
ānañjasamādhinā⁴ nisīdimhā 'ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
yassa jito kāmakaṇṭako⁵ akkoso ca vadho ca bandhanañ ca
pabbato viya so ṭhito anejo sukhadukkhesu na vedhati sa
bhikkhū 'ti. ||3||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Sāriputto bhagavato avidūre nisinno
hoti pallaṅkaṃ ābhujitvā⁶ ujuṃ kāyaṃ paṇidhāya parimu-
khaṃ satiṃ upaṭṭhapetvā.⁷ addasā kho bhagavā āyasmantaṃ
Sāriputtaṃ avidūre nisinnaṃ pallaṅkaṃ ābhujitvā⁶ ujuṃ
kāyaṃ paṇidhāya parimukhaṃ satiṃ upaṭṭhapetvā.⁷ atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
yathā pi pabbato selo acalo suppatiṭṭhito
evaṃ mohakkhayā bhikkhu pabbato va na vedhatī 'ti. ||4||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana

--------------------------------------------------------------------------
1 D uggate; A uddhaste; A uddhasto.
Cf. V. 5 and Cullavagga, IX. 1, 1.
2 A ettakaṃsi; B ettakaṃ mi.
3 A sampaṭibhāseyya; D ppaṭibhāseyyaṃ
4 A ānañca-.
5 AB -kaṇḍako.
6 A ābhuñcitvā.
7 A -āpetvā.

[page 028]
28 UDĀNAṂ [III. 5].
samayena āyasmā Mahāmoggallāno¹ bhagavato avidūre
nisinno hoti, pallaṅkaṃ ābhujitvā ujuṃ kāyaṃ paṇidhāya
kāyagatāya satiyā ajjhattaṃ supatiṭṭhitāya. addasā kho
bhagavā āyasmantaṃ Mahāmoggallānaṃ avidūre nisinnaṃ
pallaṅkaṃ . . . pe . . . supatiṭṭhitāya. atha kho bhagavā
etam atthaṃ viditvā tāyaṃ velāyaṃ imaṃ {udānaṃ} udānesi:
sati kāyagatā upaṭṭhitā, chasu phassāyatanesu saṃvuto
satataṃ bhikkhu samāhito jaññā nibbānam attano 'ti. ||5||
evam me sutaṃ. ekaṃ samayaṃ bhagavā Rājagahe
viharati Veḷuvane Kalandakanivāpe. tena kho pana sama-
yena āyasmā Pilindavaccho² bhikkhū vasalavādena sam-
udācarati. atha kho sambahulā bhikkhū yena bhagavā ten'
upasaṅkamiṃsu,³ upasaṅkamitvā bhagavantaṃ abhivādetvā
ekamantaṃ nisīdiṃsu, ekamantaṃ nisinnā kho te bhikkhū
bhagavantaṃ etad avocuṃ: āyasmā bhante Pilindavaccho
bhikkhū vasalavādena samudācaratī 'ti. atha kho bhagavā
aññataraṃ bhikkhuṃ āmantesi: ehi tvaṃ bhikkhu, mama
vacanena Pilindavacchaṃ bhikkhuṃ āmantehi: satthā taṃ
āvuso Pilindavaccha āmantetī 'ti. evam bhante 'ti kho so
bhikkhu bhagavato paṭissutvā yen'; āyasmā Pilindavaccho
ten'; upasaṅkami, upasaṅkamitvā Pilindavacchaṃ etad avoca:
satthā taṃ āvuso āmantetī 'ti. evam āvuso 'ti kho āyasmā
Pilindavaccho tassa bhikkhuno paṭissutvā yena bhagavā
ten'; upasaṅkami, upasaṅkamitvā bhagavantaṃ abhivādetvā
ekamantaṃ nisīdi, ekamantaṃ nisinno kho āyasmantaṃ
Pilindavacchaṃ bhagavā etad avoca: saccaṃ kira tvaṃ
Vaccha bhikkhū vasalavādena samudācarasī 'ti. evam
bhante 'ti. atha kho bhagavā Pilindavacchassa pubbeni-
vāsaṃ manasikaritvā bhikkhū āmantesi: mā kho tumhe
bhikkhave Vacchassa bhikkhuno ujjhāyittha. na bhikkhave
Vaccho dosantaro bhikkhū vasalavādena samudācarati.
Vacchassa bhikkhave bhikkhuno pañca jātisatāni abbo-
kiṇṇāni⁴ brāhmaṇakule paccājātāni: so tassa vasalavādo

--------------------------------------------------------------------------
1 A -ggalāno throughout.
2 B Pilivandivaccho and Pilindivaccho; D Piliṇdivaccho.
The name occurs also in Mahāvagga. VI. 13.
3 ABD -i for iṃsu.
4 A abbho-; B inserts (from the commentary) khattiyādijātiantarehi
avomissāni.

[page 029]
NANDA-VAGGA [III. 7]. 29
dīgharattaṃ ajjhāciṇṇo.¹ ten'; āyaṃ Vaccho bhikkhū vasala-
vādena samudācaratī 'ti. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
yamhi na māyā vattati na māno, yo khīṇalobho amamo nirāso
paṇunnakodho² abhinibbutatto, so brāhmaṇo so samaṇo sa
bhikkhū 'ti. ||6||
evam me sutaṃ. ekaṃ samayaṃ bhagavā Rājagahe viha-
rati Veḷuvane Kalandakanivāpe. tena kho pana samayena
āyasmā Mahākassapo Pipphaliguhāyaṃ viharati,
sattāhaṃ ekapallaṅkena nisinno hoti aññataraṃ samādhiṃ
samāpajjitvā. atha kho āyasmā Mahākassapo tassa sattāhassa
accayena tamhā samādhimhā vuṭṭhāsi. atha kho āyasmato
Mahākassapassa tamhā samādhimhā vuṭṭhitassa etad ahosi:
yannūn'; āhaṃ Rājagahaṃ piṇḍāya paviseyyan ti. tena kho
pana samayena pañcamattāni devatāsatāni ussukkam āpannāni
honti āyasmato Mahākassapassa piṇḍapātapaṭilābhāya. atha
kho āyasmā Mahākassapo tāni pañcamattāni devatāsatāni paṭi-
kkhipitvā pubbaṇhasamayaṃ nivāsetvā pattacīvaram ādāya
Rājagahaṃ piṇḍāya pāvisi. tena kho pana samayena Sakko
devānam indo āyasmato Mahākassapassa piṇḍapātaṃ dātu-
kāmo hoti pesakārivaṇṇaṃ³ abhinimminitvā⁴ tantaṃ vināti,⁵
Sujātā {asurakaññā} {tasaraṃ} (?)⁶ pūreti. atha kho āyasmā
Mahākassapo Rājagahe sapadānaṃ piṇḍāya caramāno yena
Sakkassa devānam indassa nivesanaṃ ten'; {upasaṅkami}.
addasā kho Sakko devānam indo āyasmantaṃ Mahākassa-
paṃ dūrato 'va āgacchantaṃ, disvāna gharā nikkhamitvā
paccuggantvā hatthato pattaṃ gahetvā gharaṃ pavisitvā⁷
ghaṭiyā odanam uddharitvā pattaṃ pūretvā āyasmato Mahā-
kassapassa padāsi.⁸ so ahosi piṇḍapāto anekasūpo aneka-
byañjano⁹ anekasūparasabyañjano.⁹ atha kho āyasmato
Mahākassapassa etad ahosi: ko nu kho ayaṃ satto, yass'

--------------------------------------------------------------------------
1 C udācinno . . . ajjhācinno 'ti pi paṭhanti.
2 D panulla-.
3 BD pesakāra-.
5 A -netvā.
6 A vinati; B vinnāti; comp. E. Muller, Pāli Language, p. 102.
6 A taṃ saraṃ; B ṇaṃ saraṃ; CD vāsaraṃ.
7 A -etvā.
8 B pādāsi.
9 A -byañcano.

[page 030]
30 UDĀNAṂ [III. 7].
āyaṃ evarūpo iddhānubhāvo 'ti. atha kho āyasmato Mahā-
kassapassa etad ahosi: Sakko nu kho devānam indo 'ti. iti
viditvā Sakkaṃ devānam indaṃ etad avoca: kataṃ kho te
idaṃ Kosiya, mā puna pi evarūpam akāsī 'ti. amhākam
pi bhante kassapa puññena attho, amhākam pi puññena
karaṇīyan ti. atha kho Sakko devānam indo āyasmantaṃ
Mahākassapaṃ abhivādetvā padakkhiṇaṃ katvā vehāsaṃ
abbhuggantvā ākāse antalikkhe tikkhattuṃ udānaṃ udānesi:
aho dānaṃ paramaṃ dānaṃ Kassape supatiṭṭhitaṃ. aho
. . . supatiṭṭhitan ti. assosi kho bhagavā dibbāya sotadhā-
tuyā visuddhāya atikkantamānusikāya Sakkassa devānam
indassa vehāsaṃ . . . udānaṃ udānentassa: aho . . . supa-
tiṭṭhitaṃ. aho . . . supatiṭṭhitan ti. atha kho bhagavā
etam atthaṃ viditvā tāyaṃ velāyaṃ imaṃ udānaṃ udānesi:
piṇḍapātikassa bhikkhuno attabharassa anaññaposino
devā pihayanti tādino upasantassa sadā satīmato¹ 'ti. ||7||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena sambahulānaṃ bhikkhūnaṃ pacchābhattaṃ piṇḍa-
pātapaṭikkantānaṃ karerimaṇḍalamāle sannisinnānaṃ sanni-
patitānaṃ ayam antarākathā² udapādi: piṇḍapātiko āvuso
bhikkhu piṇḍāya caranto labhati kālena kālaṃ manāpike
cakkhunā rūpe passituṃ, labhati kālena kālaṃ manāpike
sotena sadde sotuṃ, labhati kālena kālaṃ manāpike ghānena
gandhe ghāyituṃ, labhati kālena kālaṃ manāpike jivhāya
rase sāyituṃ, labhati kālena kālaṃ manāpike kāyena
phoṭṭhabbe phusituṃ. piṇḍapātiko āvuso bhikkhu sakkato
garukato mānito pūjito apacito piṇḍāya carati. handa āvuso
mayaṃ pi piṇḍapātikā homa, mayaṃ pi lacchāma kālena
kālaṃ manāpike cakkhunā rūpe passituṃ, mayaṃ pi
lacchāma kālena kālaṃ manāpike sotena sadde sotuṃ,
mayaṃ pi lacchāma kālena kālaṃ manāpike ghānena
gandhe ghāyituṃ, mayaṃ pi lacchāma manāpike jivhāya
rase sāyituṃ, mayaṃ pi lacchāma manāpike kāyena pho-

--------------------------------------------------------------------------
1 D satimassā.
2 III. 8. Comp. for this Sutta II.
2 and III. 9. A antarā- antara-.

[page 031]
NANDA-VAGGA [III. 9]. 31
ṭṭhabbe phusituṃ; mayaṃ pi sakkatā garukatā mānitā pūjitā
apacitā piṇḍāya carissāmā 'ti. ayañ carahi tesaṃ bhikkhū-
naṃ antarākathā hoti vippakatā.¹ atha kho bhagavā sāyaṇha-
samayaṃ paṭisallānā vuṭṭhito yena karerimaṇḍalamālo ten'
upasaṅkami, upasaṅkamitvā paññatte āsane nisīdi, nisajja
kho bhagavā bhikkhū āmantesi: kāya² nu 'ttha bhikkhave
etarahi kathāya sannisinnā kā ca pana vo antarākathā vippa-
katā¹ 'ti. idha bhante amhākaṃ pacchābhattaṃ piṇḍapāta-
paṭikkantānaṃ karerimaṇḍalamāle³ sannisinnānaṃ sannipa-
titānaṃ ayam antarākathā udapādi: piṇḍapātiko . . . pe
. . . piṇḍāya carissāmā 'ti. ayaṃ kho no bhante antarākathā
vippakatā. atha kho bhagavā anuppatto 'ti. na khv etaṃ
bhikkhave tumhākaṃ paṭirūpaṃ kulaputtānaṃ saddhāya
agārasmā anagāriyaṃ pabbajitānaṃ, yaṃ tumhe evarūpiṃ
kathaṃ katheyyātha. sannisinnānaṃ sannipatitānaṃ vo
bhikkhave dvayaṃ karaṇīyaṃ: dhammiyā vā kathā ariyo vā
tuṇhibhāvo 'ti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
piṇḍapātikassa bhikkhuno attabharassa anaññaposino
devā pihayanti tādino, no ce saddasilokanissito⁴ 'ti. ||8||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena sambahulānaṃ bhikkhūnaṃ . . . (compare the
last Sutta) antarākathā udapādi: ko nu kho āvuso sippaṃ⁵
jānāti, ko kiṃ sippaṃ sikkhī,⁶ kataraṃ {sippaṃ} sippānaṃ aggan ti.
tatth'; ekacce evam āhaṃsu: hatthisippaṃ sippānaṃ aggan ti.
ekacce evam āhaṃsu: assasippaṃ sippānaṃ aggan ti. ekacce
evam āhaṃsu: rathasippaṃ sippānaṃ aggan ti. ekacce
evam āhaṃsu: dhanusippaṃ sippānaṃ aggan ti. ekacce
evam āhaṃsu: tharusippaṃ sippānaṃ aggan ti. ekacce evam
āhaṃsu: muddāsippaṃ sippānaṃ aggan ti. ekacce evam
āhaṃsu: gaṇanasippaṃ sippānaṃ aggan ti. ekacce evam

--------------------------------------------------------------------------
1 All MSS. read -thā, cf II. 2.
2 B kāyā.
3 A -ḷe.
4 A no ce tassa sīlokanissito; D ce tassa silokanissito.
We choose the reading. of C, but shorten the ī in "sīloka."
5 A sibb- throughout.
6 All MSS. sikkhi.

[page 032]
32 UDĀNAṂ [III. 9].
āhaṃsu: saṅkhānasippaṃ sippānaṃ aggan ti. ekacce evam
āhaṃsu: lekhāsippaṃ sippānaṃ aggan ti. ekacce evam
āhaṃsu: kāveyyasippaṃ sippānaṃ aggan ti. ekacce evam
āhaṃsu: lokāyatasippaṃ sippānaṃ aggan ti. ekacce evam
āhaṃsu: khettavijjāsippaṃ sippānaṃ aggan ti. ayañ cara-
hi tesaṃ bhikkhūnaṃ antarākathā vippakatā.¹ atha kho
bhagavā sāyaṇhasamayam . . . pe . . . (comp. III.8) vippa-
katā 'ti. idha bhante . . . pe . . . (as before) udapādi: ko
nu kho āvuso sippaṃ jānāti . . . pe . . . khettavijjāsippaṃ
sippānaṃ aggan ti. ayaṃ kho no bhante antarākathā vippa-
katā. atha kho bhagavā anuppatto 'ti. na khv etaṃ . . .
. . . pe . . . (comp. III.8) tuṇhibhāvo 'ti. atha kho bha-
gavā etaṃ atthaṃ viditvā tāyaṃ velāyaṃ imaṃ udānaṃ
udānesu:
asippajīvī lahu atthakāmo yatindriyo sabbadhivippamutto
anokasārī amamo nirāso hatvā {mānaṃ} ekacaro sa bhikkhū
'ti. ||9||
evam me sutaṃ. ekaṃ samayaṃ bhagavā Uruvelāyaṃ
viharati najjā Nerañjarāya tīre bodhirukkhamūle paṭhamā-
bhisambuddho. tena kho pana samayena bhagavā sattāhaṃ
ekapallaṅkena nisinno hoti vimuttisukhaṃ² paṭisaṃvedī.
atha kho bhagavā tassa sattāhassa accayena tamhā samā-
dhimhā vuṭṭhahitvā buddhacakkhunā lokaṃ volokesi.³ adda-
sā kho bhagavā buddhacakkhunā lokaṃ volokento⁴ satte
anekehi santāpehi santappamāne anekehi ca pariḷāhehi⁵ pari-
ḍayhamāne rāgajehi⁶ pi dosajehi⁷ pi mohajehi⁸ pī 'ti. atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
ayam loko santāpajāto phassapareto rogaṃ vadati attato,⁹
yena {yena} hi maññati-tato taṃ hoti aññathā.
aññathābhāvī bhavappatto¹⁰ loko bhavapareto bhavam ev'
ābhinandati.

--------------------------------------------------------------------------
1 Cf. III. 8, note 2.
2 B sukha.
3 B olokesi.
4 B ol-.
5 CD -lāh-.
6 A rāgarajehi.
7 A dosarajehi.
8 A moharajehi.
9 C atthato . . . attato 'ti pi paṭhanti; D atthato.
10 C bhāvappatto; A bhavasatto; D savasatto. The words aññathābhāvī
to the end of the Sutta are omitted in B.

[page 033]
NANDA-VAGGA [III. 10]. 33
yadā 'bhinandati, taṃ bhayaṃ; yassa bhāyati, taṃ dukkhaṃ.
bhavavippahānāya kho pan'; idaṃ brahmacariyaṃ vussatī 'ti.
ye hi keci samaṇā vā brāhmaṇā vā bhavena bhavassa vi-
ppamokkham āhaṃsu, sabb'; ete avippamuttā bhavasmā 'ti
vadāmi.
ye vā pana keci samaṇā vā brāhmaṇā vā vibhavena bha-
vassa nissaraṇam āhaṃsu, sabb'; ete anissaṭā bhavasmā 'ti
vadāmi.
na upadhī¹ hi² paṭicca dukkhaṃ idaṃ sambhoti,³ sabbūpa-
dānakkhayā n'; atthi dukkhassa sambhavo.
lokam imaṃ passa puthu, avijjāya paretā bhūtā bhūtaratā
vā aparimuttā.
ye hi keci bhavā sabbadhi sabbatthatāya,⁴ sabb'; ete bhavā
aniccā dukkhā vipariṇāmadhammā 'ti. ||10||
evam etaṃ⁵ yathābhūtaṃ sammappaññāya passato
bhavataṇhā pahīyati, vibhavataṇhā 'bhinandati.
sabbato taṇhānaṃ khayā asesavirāganirodho nibbānaṃ,
tassa nibbutassa bhikkhuno anupādā punabbhavo na hoti.
abhibhūto māro⁶ vijitasaṅgāmo,⁷ upaccagā⁸ sabbabhavāni
tādī⁹ 'ti.
Nandavaggo tatiyo. uddānaṃ:
kammaṃ¹⁰ Nando Yasojo ca Sāriputto ca Kolito
Pilindo¹¹ Kassapo piṇḍo sippaṃ lokena te dasā¹² 'ti.

--------------------------------------------------------------------------
1 AD upadhi.
2 Not in A.
3 So C; A papposampotiti; D pappotiti.
4 D muttatāya.
5 AD evaṃ me sutaṃ
6 A mano; D māno.
7 B vijito s-.
8 D upagā; AC upajjhagā; B upaccatā.
9 A tā; D tādi.
10 MSS. kamma.
11 AB -a; D -i.
12 AD rasā.

[page 034]
34
VAGGA IV. MEGHIYAVAGGO.
evam me sutaṃ. ekaṃ samayaṃ bhagavā Cālikāyaṃ
viharati, Cālike pabbate. tena kho pana samayena āyasmā
Meghiyo bhagavato upaṭṭhāko hoti. atha kho āyasmā
Meghiyo yena bhagavā ten'; upasaṅkami, upasaṅkamitvā bha-
gavantaṃ abhivādetvā ekamantaṃ aṭṭhāsi, ekamantaṃ ṭhito
kho āyasmā Meghiyo bhagavantaṃ etad avoca: icchām'
ahaṃ bhante Jantugāmaṃ¹ piṇḍāya pavisitun ti. yassa
dāni tvaṃ Meghiya kālaṃ maññasī 'ti. atha kho āyasmā
Meghiyo pubbaṇhasamayan nivāsetvā pattacīvaram ādāya
Jantugāmaṃ piṇḍāya pāvisi, Jantugāme piṇḍāya caritvā
pacchābhattaṃ piṇḍapātapaṭikkanto yena Kimikālāya²
nadiyā tīraṃ, ten'; upasaṅkami, upasaṅkamitvā Kimikālāya²
nadiyā tīre jaṅghavihāraṃ³ anucaṅkamāno anuvicaramāno
addasā kho ambavanaṃ pāsādikaṃ ramaṇiyaṃ, disvān 'assa
etad ahosi: pāsādikaṃ vat'; idaṃ ambavanaṃ ramaṇīyaṃ.
alaṃ vat'; idaṃ kulaputtassa padhānatthikassa padhānāya⁴.
sace maṃ bhagavā anujāneyya, āgaccheyy'; āhaṃ imaṃ
ambavanaṃ padhānāyā 'ti. atha {kho} āyasmā Meghiyo yena
bhagavā ten'; upasaṅkami, upasaṅkamitvā bhagavantaṃ abhi-
vādetvā ekamantaṃ nisīdi, ekamantaṃ nisinno kho āyasmā
Meghiyo bhagavantaṃ etad avoca: idh'; āhaṃ bhante pu-
bbaṇhasamayaṃ nivāsetvā pattacīvaram ādāya Jantugāmaṃ
piṇḍāya pāvisiṃ, Jantugāme piṇḍāya caritvā pacchābhattaṃ
piṇḍapātapaṭikkanto yena Kimikālāya nadiyā tīraṃ, ten'
upasaṅkamiṃ, upasaṅkamitvā Kimikālāya nadiyā tīre jaṅ-
ghavihāraṃ anucaṅkamāno anuvicaramāno addasaṃ ambava-
naṃ pāsādikaṃ ramaṇīyaṃ, disvāna me etad ahosi: pāsādi-
kaṃ vat'; idaṃ ambavanaṃ ramaṇīyaṃ, alaṃ vat'; idaṃ kula-
puttassa padhānatthikassa padhānāya. sace maṃ bhagavā
anujāneyya, āgaccheyy'; āhaṃ idaṃ ambavanaṃ padhānāyā
'ti. sace maṃ bhante bhagavā anujānāti, gaccheyy'; āhaṃ

--------------------------------------------------------------------------
1 BD -me; C -maṃ and -me.
2 A sometimes -kāḷ-.
3 BD -jaṅghā-.
4 C explains: padhānāyā 'ti samaṇadhammakaraṇāya.

[page 035]
MEGHIYA-VAGGA [IV. 1]. 35
taṃ ambavanaṃ padhānāyā 'ti. evaṃ vutte bhagavā āyas-
mantaṃ Meghiyaṃ etad avoca: āgamehi tāva Meghiya,
ekak'; amhā tāva, yāva añño pi koci bhikkhu āgacchatī 'ti¹.
dutiyam pi kho āyasma {Meghiyo} bhagavantaṃ etad avoca:
bhagavato bhante n'; atthi kiñci uttariṃ karaṇīyaṃ n'; atthi
katassa vā paticayo,² mayhaṃ kho pana bhante atthi uttariṃ
karaṇīyaṃ, atthi katassa paticayo.² sace maṃ bhante
bhagavā anujānāti, gaccheyy'; āhaṃ taṃ ambavanaṃ padhā-
nāyā 'ti. dutiyam pi kho bhagavā āyasmantaṃ Meghiyaṃ
etad avoca: āgamehi . . . āgacchatī 'ti. tatiyam pi kho
āyasmā Meghiyo bhagavantaṃ etad avoca: bhagavato bhante
n'; atthi . . . padhānāyā 'ti. padhānan ti kho Meghiya va-
damānaṃ kinti vadeyyāma.³ yassa dāni tvaṃ Meghiya
kālaṃ maññasī 'ti. atha kho āyasmā Meghiyo uṭṭhāy'; āsamā
bhagavantaṃ abhivādetvā padakkhiṇaṃ katvā yena taṃ
ambavanaṃ ten'; upasaṅkami, upasaṅkamitvā taṃ ambava-
naṃ ajjhogahetvā⁴ aññatarasmiṃ rukkhamūle divāvihāraṃ
nisīdi. atha kho āyasmato Meghiyassa tasmiṃ ambavane
viharantassa yebhuyyena tayo pāpakā akusalā vitakkā samu-
dācaranti, seyyath'; īdaṃ: kāmavitakko byāpādavitakko vi-
hiṃsāvitakko 'ti. atha kho āyasmato Meghiyassa etad ahosi:
acchariyaṃ vata bho, abbhutaṃ vata bho, saddhāya ca vat'
amhi agārasmā anagāriyaṃ pabbajito, atha ca pan'; imehi tīhi
pāpakehi akusalehi vitakkehi anvāsanno,⁵ seyyath'; īdaṃ:
kāmavitakkena byāpādavitakkena vihiṃsāvitakkenā 'ti. atha
kho āyasmā Meghiyo sāyaṇhasamayaṃ paṭisallānā vuṭṭhito
yena bhagavā ten'; upasaṅkami, upasaṅkamitvā bhagavantaṃ
abhivādetvā ekamantaṃ nisīdi, ekamantaṃ nisinno kho
āyasmā Meghiyo bhagavantaṃ etad avoca: idha mayhaṃ
bhante tasmiṃ ambavane viharantassa yebhuyyena tāyo pa-
pakā akusalā vitakkā samudācaranti . . . pe . . . vihiṃsā-

--------------------------------------------------------------------------
1 C koci bhikkhu dissatī 'ti pi pāṭho. āgacchatū 'ti pi paṭhanti,
tathā dissatū 'ti.
2 ABD paticayo; C paticayo corrected to paricayo.
3 A caramānaṃ kiñci careyyāma; C explains: . . . samaṇadhammaṃ karomī
'ti taṃ avadamānaṃ [read vad-] mayaṃ aññaṃ kin tāva vadeyyāma.
4 A -gāho.
5 A ajjhāpanno, for the second time anvāsavanti. The readings of
the Siṅhalese MSS. are difficult to point out, because t and n
are often here confounded. C ananvāsannā 'ti anuladdhā vokinnā . . .
{anvasatto} {(or -sattā)} ti pi pāṭho. B reads anāvasannā (both times),
D annāsanno and anvāsanni.

[page 036]
36 UDĀNAṂ [IV. 1].
vitakko 'ti. {tassa} mayhaṃ bhante etad ahosi: acchariyaṃ . . . pe
. . . vihiṃsāvitakkenā 'ti.
aparipakkāya Meghiya cetovimuttiyā pañca dhammā
paripākāya saṃvattanti. katame pañca.¹. idha Meghiya
bhikkhu kalyāṇamitto hoti kalyāṇasaṃpavaṅko. aparipākāya
Meghiya cetovimuttiyā ayaṃ paṭhamo dhammo paripākāya
saṃvattati. ². puna ca paraṃ Meghiya bhikkhu sīlavā hoti,
pātimokkhasaṃvarasaṃvuto viharati, ācāragocarasampanno
{aṇumattesu} vajjesu bhayadassāvī samādāya sikkhati sikkhā-
padesu. aparipākāya Meghiya cetovimuttiyā ayaṃ dutiyo
dhammo paripākāya saṃvattati. ³. puna ca paraṃ Meghiya
bhikkhu yā 'yaṃ kathā abhisallekhikā¹ cetovivaraṇasappāyā²
ekantanibbidāya virāgāya nirodhāya upasamāya abhiññāya
sambodhāya nibbānāya saṃvattati, seyyath'; īdaṃ: appiccha-
kathā santuṭṭhikathā pavivekakathā asaṃsaggakathā viriyā-
rambhakathā sīlakathā samādhikathā paññākathā vimutti-
kathā vimuttiñāṇadassanakathā, evarūpiyā kathāya nikāma-
lābhī hoti akicchalābhī³ akasiralābhī. aparipākāya Meghiya
cetovimuttiyā ayaṃ tatiyo dhammo paripākāya saṃvattati.
4. puna ca paraṃ {Meghiya} bhikkhu āraddhaviriyo viharati
akusalānaṃ dhammānaṃ pahānāya kusalānaṃ dhammānaṃ
upasampadāya thāmavā daḷhaparakkamo anikkhittadhuro
kusalesu dhammesu. aparipākāya Meghiya cetovimuttiyā
ayaṃ catuttho dhammo paripākāya saṃvattati. ⁵. puna ca
paraṃ Meghiya bhikkhu paññavā hoti udayatthagāminiyā
paññāya samannāgato ariyāya nibbedhikāya sammādukkha-
kkhayagāminiyā. aparipākāya Meghiya cetovimuttiyā ayaṃ
pañcamo dhammo paripākāya saṃvattati. aparipākāya
Meghiya cetovimuttiyā ime pañca dhammā paripākāya
saṃvattanti.
kalyāṇamittass'; etaṃ Meghiya bhikkhuno pāṭikaṅkhaṃ⁴
kalyāṇasahāyassa kalyāṇasampavaṅkassa, yaṃ sīlavā bha-
vissati, {pātimokkhasaṃvarasaṃvuto} viharissati, {ācāragocara-
sampanno} {aṇumattesu} vajjesu bhayadassāvī sikkhati sikkhā-
padesu. kalyāṇamittass'; etaṃ . . . kalyāṇasampavaṅkassa,

--------------------------------------------------------------------------
1 AB -tā.; C -sallekhikā.
2 A -sabbāyā.
3 AB akiñca-; afterwards A akiñca-.
4 ABD -ā and -aṃ.

[page 037]
MEGHIYA-VAGGA [IV. 2]. 37
yaṃ sīlavā bhavissati pātimokkhasaṃvarasaṃvuto (?), yā
'yaṃ kathā abhisallekhikā cetovivaraṇasappāyā ekantanibbi-
dāya virāgāya nirodhāya upasamāya abhiññāya sambodhāya
nibbānāya saṃvattissati, seyyath'; īdaṃ: appicchakathā {santuṭṭhikathā
pavivekakathā} {asaṃsaggakathā} viriyārambhakathā sīlakathā samādhikathā
paññakathā vimuttikathā vimuttiñāṇadassanakathā {evarūpāya}
kathāya nikāmalābhī hoti akicchalābhī¹ akasiralābhī. kalyā-
namittass'; . . . kalyāṇasampavaṅkassa, yaṃ āraddhaviriyo
bhavissati akusalānaṃ dhammānaṃ pahānāya kusalānaṃ
dhammānaṃ upasampadāya thāmavā daḷhaparakkamo ani-
kkhittadhuro kusalesu dhammesu. kalyāṇamittass'; . . .
sampavaṅkassa, yaṃ paññavā bhavissati udayatthagāminiyā
paññāya samannāgato ariyāya nibbedhikāya sammādukkha-
kkhayagāminiyā. tena ca pana Meghiya bhikkhunā imesu
pañcasu dhammesu patiṭṭhāya cattāro dhammā uttari bhā-
vetabbā, asubhā bhāvetabbā rāgassa pahānāya, mettā bhāve-
tabbā byāpādassa pahānāya, ānāpānasati² bhāvetabbā
vitakkupacchedāya, aniccasaññā bhāvetabbā asmimānasa-
mugghātāya. aniccasaññino hi Meghiya anattasaññā saṇṭhā-
ti, anattasaññī asmimānasamugghātaṃ pāpunāti diṭṭhe 'va
dhamme nibbānan ti. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
khuddā vitakkā sukhumā vitakkā anugatā manaso ubbilāpā,³
ete avidvā manaso vitakke hurāhuraṃ dhāvati bhantacitto.
ete ca⁴ vidvā manaso vitakke ātāpiyo saṃvarati satīmā,⁵
anugate⁶ manaso ubbilāpe asesam ete⁷ pajahāsi buddho 'ti. ||1||
evam me sutaṃ. ekaṃ samayaṃ bhagavā Kusinārā-
yaṃ viharati Upavattane⁸ Mallānaṃ sālavane. tena
kho pana samayena sambahulā bhikkhū bhagavato avidūre
araññakuṭikāyaṃ viharanti, uddhatā honti unnalā capalā
mukharā vikiṇṇavācā muṭṭhassatino asampajānā asamāhitā
vibbhantacittā pākatindriyā. addasā kho bhagavā te samba-

--------------------------------------------------------------------------
1 AB akiñca-; afterwards A akiñca-.
2 A āṇāpāṇa-.
3 C uppīlāpā; A ubbilāvā.
4 C ete na ca, D te na ca.
5 ī lengthened metri causa, as often.
6 A anuggate; B anuttabo; C anuggate 'ti dulladdhavasena
anuppanne. anugate 'ti paṭhanti.
7 A asesamāne; B asesamane; D asevamāṇe (?); C explains:
asesaṃ . . . ete.
8 Omitted in B and D.

[page 038]
38 UDĀNAṂ [IV. 2].
hule bhikkhū avidūre araññakuṭikāyaṃ viharante uddhate
unnale capale mukhare vikiṇṇavāce muṭṭhassatino asampa-
jāne asamāhite vibbhantacitte pākatindriye. atha kho bha-
gavā etam atthaṃ viditvā tāyaṃ velāyaṃ imaṃ udānaṃ
udānesi:
arakkhitena kāyena micchādiṭṭhigatena¹ ca
thīnamiddhābhibhūtena vasaṃ Mārassa gacchati.
tasmā rakkhitacitt'; assa {sammāsaṅkappagocaro}
sammādiṭṭhipurekkhāro ñatvāna udayabbayaṃ
thīnamiddhābhibhū bhikkhu sabbā duggatiyo jahe² 'ti. ||2||
evam me sutaṃ. ekaṃ samayaṃ bhagavā Kosalesu
cārikaṃ carati mahatā bhikkhusaṅghena saddhiṃ. atha kho
bhagavā maggā okkamma yena aññataraṃ rukkhamūlaṃ
ten'; upasaṅkami, upasaṅkamitvā paññatte āsane nisīdi. atha
kho aññataro gopālako yena bhagavā ten'; upasaṅkami, upa-
saṅkamitvā bhagavantaṃ abhivādetvā ekamantaṃ nisīdi,
ekamantaṃ nisinnaṃ kho taṃ gopālakaṃ bhagavā dhammiyā
kathāya sandassesi samādapesi samuttejesi saṃpahaṃsesi.
atha kho so gopālako bhagavatā dhammiyā kathāya san-
dassito samādapito samuttejito saṃpahaṃsito bhagavantaṃ
etad avoca: adhivāsetu me bhante bhagavā svātanāya bhattaṃ
saddhiṃ bhikkhusaṃghenā 'ti. adhivāsesi bhagavā tuṇhī-
bhāvena. atha kho so gopālako bhagavato adhivāsanaṃ
viditvā uṭṭhāy'; āsanā bhagavantaṃ abhivādetvā padakkhiṇaṃ
katvā pakkāmi. atha kho so gopālako tassā rattiyā accayena
sake nivesane pahūtaṃ appodakapāyāsaṃ paṭiyādāpetvā navañ
ca {sappiṃ} bhagavato kālaṃ arocesi: kālo bhante niṭṭhitaṃ
bhattan ti. atha kho bhagavā pubbaṇhasamayaṃ nivāsetvā
pattacīvaram ādāya saddhiṃ bhikkhusaṃghena yena tassa
gopālakassa nivesanaṃ ten'; upasaṅkami, upasaṅkamitvā
paññatte āsane nisīdi. atha kho so gopālako buddha-
pamukhaṃ bhikkhusaṃghaṃ appodakapāyāsena ca navena
ca {sappinā} sahatthā santappesi saṃpavāresi. atha kho so gopā-
lako bhagavantaṃ bhuttāviṃ onītapattapāṇiṃ³ aññataraṃ

--------------------------------------------------------------------------
1 A -pātena; B -tatena.
2 B paho; D jahā.
3 dhotahatthapānin (?) [for dhotapattapānin] ti pi pāṭho
dhotapattahatthan ti attho.

[page 039]
MEGHIYA-VAGGA [IV. 4]. 39
nīcaṃ āsanaṃ gahetvā ekamantaṃ nisīdi, ekamantaṃ nisin-
naṃ kho taṃ gopālakaṃ bhagavā dhammiyā kathāya san-
dassetvā samādapetvā samuttejetvā sampahaṃsetvā uṭṭhāy'
āsanā pakkāmi. atha kho acirapakkantassa bhagavato taṃ
gopālakaṃ aññataro puriso sīmantarikāya¹ jīvitā voropesi.
atha kho sambahulā bhikkhū yena bhagavā ten'; upasaṅka-
miṃsu, upasaṅkamitvā bhagavantaṃ abhivādetvā ekamantaṃ
nisīdiṃsu, ekamantaṃ nisinnā kho te bhikkhū bhagavantaṃ
etad avocuṃ: yena bhante gopālakena ajja buddhapamukho
bhikkhusaṃgho appodakapāyāsena navena ca sappinā sa-
hatthā santappito sampavārito, so kira bhante gopālako
aññatarena purisena sīmantarikāya¹ jīvitā voropito 'ti. atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
diso disaṃ yan taṃ kayirā {veri vā} pana verinaṃ,
micchāpaṇihitaṃ cittaṃ pāpiyo naṃ tato kare² 'ti. ||3||
evam me sutaṃ. ekaṃ samayaṃ bhagavā Rājagahe
viharati Veḷuvane Kalandakanivāpe. tena kho pana
samayena āyasmā ca Sāriputto āyasmā ca Mahāmoggal-
lāno Kapotakandarāyaṃ³ viharanti. tena kho pana
samayena āyasmā Sāriputto juṇhāya rattiyā navoropitehi
kesehi abbhokāse nisinno hoti aññataraṃ samādhiṃ samā-
pajjitvā. tena kho pana samayena dve yakkhā sahāyakā
uttarāya disāya dakkhiṇaṃ disaṃ gacchanti kena cid eva
karaṇīyena. addasaṃsu kho te yakkhā āyasmantaṃ Sāri-
puttaṃ juṇhāya rattiyā navoropitehi kesehi abbhokāse
nisinnaṃ, disvā eko yakkho dutiyaṃ yakkhaṃ etad avoca:
paṭibhāti maṃ samma imassa samaṇassa sīse pahāraṃ dātun
ti. evaṃ vutte so yakkho tam yakkhaṃ etad avoca: alaṃ
samma, mā samaṇaṃ āsādesi.⁴ uḷāro so samma samaṇo
mahiddhiko mahānubhāvo 'ti. dutiyam pi kho so yakkho
taṃ yakkhaṃ etad avoca: paṭibhāti maṃ samma imassa

--------------------------------------------------------------------------
1 ABCD si-.
2 See Dhammapadaṃ, v. 42.
3 C Kapotakandarāyan ti evaṃnāmake vihāre.
4 C mā āsādesī 'ti corrected to āpādesi mā ghātesi mā pahāraṃ
dehī 'ti vuttaṃ hoti; AD āsāresi; B āsādesi; for the second
time ABD āsāresi. See Cullavagga, VII. 3, 12.

[page 040]
40 UDĀNAṂ [IV. 4].
samaṇassa sīse pahāraṃ dātun ti. dutiyam pi kho so
yakkho taṃ yakkhaṃ etad avoca: alaṃ samma . . . mahā-
nubhāvo 'ti. tatiyam pi kho so yakkho taṃ yakkhaṃ etad
avoca: paṭibhāti . . . dātun ti. tatiyam pi kho so yakkho
taṃ yakkhaṃ etad avoca: alaṃ samma . . . mahānubhāvo
'ti. atha kho so yakkho taṃ yakkhaṃ anādiyitvā āyasmato
Sāriputtatherassa sīse pahāraṃ adāsi. api tena pahāreṇa
sattaratanaṃ vā aḍḍhaṭṭharatanaṃ¹ vā nāgaṃ osādeyya²
mahantaṃ vā pabbatakūṭaṃ padāleyya. atha ca pana so
yakkho ḍayhāmi ḍayhāmī 'ti vatvā tatth'; eva mahānirayaṃ
{avaṭṭhāsi}. addasā kho āyasmā Mahāmoggallāno dibbena
cakkhunā visuddhena atikkantamānusakena tena yakkhena
āyasmato Sāriputtassa sīse pahāraṃ dīyamānaṃ, disvāna yena
āyasmā Sāriputto ten'; upasaṅkami, upasaṅkamitvā āyasman-
taṃ Sāriputtaṃ etad avoca: kacci te āvuso khamanīyaṃ
kacci yāpanīyaṃ kacci na kiñci dukkhan ti. khamanīyaṃ
me āvuso Moggallāna yāpanīyaṃ me āvuso Moggallāna, api
ca me sīse thokam dukkhan³ ti. acchariyaṃ āvuso Sāriputta,
abbhutaṃ āvuso Sāriputta, yaṃ tvaṃ mahiddhiko āyasmā
Sāriputto mahānubhāvo. idha te āvuso Sāriputta aññataro
yakkho sīse pahāraṃ adāsi, tāva mahāpahāro ahosi. api tena
pahārena sattaratanaṃ . . . padāleyyā 'ti. atha ca pan'
āyasmā Sāriputto evam āha: khamanīyaṃ me āvuso
Moggallāna, yāpanīyaṃ me āvuso Moggallāna, api ca me
sīse thokaṃ dukkhan ti. acchariyaṃ āvuso Moggallāna,
abbhutaṃ āvuso Moggallāna, yāva mahiddhiko āyasmā Ma-
hāmoggallāno mahānubhāvo, yatra hi nāma yakkham pi
passissati; mayaṃ pan'; etarahi Paṃsupisācakam pi na
passāmā 'ti. assosi kho bhagavā dibbāya sotadhātuyā
visuddhāya atikkantamānusikāya tesaṃ ubhinnaṃ mahānā-
gānaṃ imaṃ evarūpaṃ kathāsallāpaṃ. atha kho bhagavā
etam atthaṃ viditvā tāyaṃ velāyaṃ imaṃ udānaṃ udā-
nesi⁴:

--------------------------------------------------------------------------
1 A adhaṭṭhamara-; BD aḍḍhaṭṭharatanaṃ.
2 C osādeyyā 'ti paṭhaviyaṃ osīdāpeyya nimujjāpeyya, osāreyyā
'ti pi pāṭho cunnavicunnaṃ kareyyā 'ti attho; AD osāreyya;
B osādeyya.
3 C api ca me sīsaṃ thokaṃ dukkhan ti pi pāṭho.
4 Comp. Theragāthā, v. 191.

[page 041]
MEGHIYA-VAGGA [IV. 5]. 41
yassa selūpamaṃ cittaṃ ṭhitaṃ n'; ānupakampati
virattaṃ rajanīyesu kopaneyye na kuppati,
yass'; evaṃ¹ bhāvitaṃ cittaṃ, kuto taṃ dukkham essatī 'ti. ||4||
evam me sutaṃ. ekaṃ samayaṃ bhagavā Kosambiyaṃ
viharati Ghositārāme. tena kho pana samayena bhagavā
ākiṇṇo viharati bhikkhūhi bhikkhunīhi upāsakehi upāsikāhi
rājūhi rājamahāmattehi titthiyehi titthiyasāvakehi ākiṇṇo
dukkhaṃ na phāsu viharati. atha kho bhagavato etad ahosi:
ahaṃ kho etarahi ākiṇṇo viharāmi bhikkhūhi . . . titthiya-
sāvakehi ākiṇṇo dukkhaṃ na phāsu viharāmi, yannūn'; āhaṃ
eko gaṇasmā vūpakaṭṭho vihareyyan ti. atha kho bhagavā
pubbhaṇhasamayaṃ nivāsetvā pattacīvaram ādāya Kosambiṃ
piṇḍāya pāvisi, Kosambiyaṃ piṇḍāya caritvā pacchābhattaṃ
piṇḍapātapaṭikkanto sāmaṃ² senāsanaṃ saṃsāmetvā pattacī-
varam ādāya anāmantetvā upaṭṭhākaṃ anapaloketvā bhi-
kkhusaṃghaṃ eko adutiyo yena Pālileyyakaṃ³ tena cari-
kaṃ pakkāmi, anupubbena cārikañ caramāno yena Pālileyya-
kaṃ³ tad avasari. tatra sudaṃ bhagavā Pālileyyake³ viha-
rati Rakkhitavanasaṇḍe Bhaddasālamūle. aññataro pi kho
hatthināgo ākiṇṇo viharati hatthīhi hatthinīhi {hatthikalabhehi}⁴
{hatthicchāpehi}⁵ chinnaggāni c'; eva tiṇāni khādati, obhaggo-
bhaggañ c'; assa sākhābhaṅgaṃ khādanti, āvilāni ca pāniyāni⁶
pivati ogāhā⁷ c'; assa uttiṇṇassa hatthiniyo kāyaṃ upanighaṃ-
santiyo gacchanti, ākiṇṇo dukkhaṃ na phāsu viharati. atha
kho tassa hatthināgassa etad ahosi: ahaṃ kho etarahi ākiṇṇo
viharāmi hatthīhi hatthinīhi {hatthikalabhehi}⁴ hatthicchāpehi,
chinnaggāni c'; eva tiṇāni khādāmi obhaggobhaggañ ca me
sākhābhaṅgaṃ khādanti, āvilāni ca pāniyāni pivāmi, ogāhā⁸
ca me uttiṇṇassa hatthiniyo kāyaṃ upanighaṃsantiyo
gacchanti, ākiṇṇo dukkhaṃ na phāsu viharāmi. yannūn'
āhaṃ eko gaṇasmā vūpakaṭṭho vihareyyan ti. atha kho
so hatthināgo yūthā apakkamma yena Pālileyyakaṃ⁹

--------------------------------------------------------------------------
1 AD tass 'evaṃ; B yass'; evaṃ; C tass'; etaṃ . . . glossed by yass';
evaṃ (!).
IV. 5. Comp. Mahavāgga, X. 4.
2 C sāman ti sayaṃ.
3 B Pāri- [as Mahāvagga].
4 CD -kalārehi; C explains: -potakehi.
5 C -chāpehī ti khīrapakehi.
6 BC -nī-.
7 D ogāhassa; C ogāhā 'ti titthato, ogāhan ti pi pāli.
8 AD ogāhassa.
9 D Pāri-.

[page 042]
42 UDĀNAṂ [IV. 5].
Rakkhitavanasasaṇḍo¹ Bhaddasālamūlaṃ yena bhagavā
ten'; upasaṅkami, upasaṅkamitvā tatra sudaṃ so hatthināgo
yasmiṃ padese bhagavā viharati taṃ padesaṃ {appaharitañ}²
ca karoti soṇḍāya bhagavato pāṇiyaṃ³ paribhojanīyaṃ
paṭṭhapeti. atha kho bhagavato rahogatassa paṭisallīnassa
evaṃ cetaso parivitakko udapādi: ahaṃ kho pubbe ākiṇṇo
vihāsiṃ bhikkhūhi . . . titthiyasāvakehi ākiṇṇo dukkhaṃ
na phāsu vihāsiṃ. so 'mhi etarahi anākiṇṇo viharāmi
bhikkhūhi . . . titthiyasāvakehi anākiṇṇo sukhaṃ phāsu
viharāmī 'ti. tassa pi kho hatthināgassa evaṃ cetaso parivi-
takko udapādi: ahaṃ kho pubbe ākiṇṇo vihāsiṃ hatthīhi
hatthinīhi {hatthikalabhehi} {hatthicchāpehi}, chinnaggāni
c'; eva tiṇāni khādiṃ obhaggobhaggañ ca me sākhābhaṅgaṃ
khādiṃsu, āvilāni ca pāniyāni pivāsiṃ ogāhā⁴ ca me uttiṇṇ-
assa hatthiniyo kāyaṃ upanighaṃsantiyo agamaṃsu, ākiṇṇo
dukkhaṃ na phāsu vihāsiṃ, so 'mhi etarahi anākiṇṇo viha-
rāmi hatthīhi hatthinīhi hatthikalabhehi hatthicchāpehi,
acchinnaggāni c'; eva tiṇāni khādāmi obhaggobhaggañ ca me
sākhābhaṅgaṃ na khādanti, anāvilāni ca pāniyāni pivāmi
ogāhā⁵ ca me uttiṇṇassa hatthiniyo na kāyaṃ upanighaṃ-
santiyo gacchanti, anākiṇṇo sukhaṃ phāsu viharāmī 'ti.
atha kho bhagavā attano ca pavivekaṃ viditvā tassa ca
hatthināgassa cetasā cetoparivitakkam aññāya tāyaṃ velā-
yaṃ imaṃ udānaṃ udānesi:
etaṃ⁶ nāgassa nāgena īsādantassa hatthino
sameti cittaṃ cittena yaṃ eko ramatī vane 'ti. ||5||
evaṃ me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Piṇḍolabhāradvājo bhagavato avidūre
nisinno hoti pallaṅkaṃ ābhujitvā⁷ ujuṃ kāyaṃ paṇidhāya
araññako piṇḍapātiko paṃsukūliko tecīvariko appiccho
santuṭṭho pavivitto asaṃsaṭṭho āraddhaviriyo dhutavādo
adhicittaṃ anuyutto. addasā kho bhagavā āyasmantaṃ

--------------------------------------------------------------------------
1 D -aṃ.
2 D -ha-.
3 B -nī-.
4 AD ogāhassa.
5 D ogāhañ.
6 D evaṃ; AC etaṃ; B e.
7 A ābhuñcitvā.

[page 043]
MEGHIYA-VAGGA [IV. 8]. 43
Piṇḍolabhāradvājaṃ avidūre nisinnaṃ pallaṅkaṃ ābhujitvā
ujuṃ kāyaṃ paṇidhāya araññakaṃ piṇḍapātikaṃ paṃsukū-
likaṃ tecīvarikaṃ appicchaṃ santuṭṭhaṃ pavivittaṃ asaṃ-
saṭṭhaṃ āraddhaviriyam dhutavādaṃ adhicittaṃ anuyuttaṃ.
atha kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
anupavādo anupaghāto pātimokkhe ca saṃvaro
mattaññutā ca bhattasmiṃ {panthañ}¹ ca sayanāsanaṃ
adhicitte ca āyogo etaṃ buddhāna² sāsanan ti.³||6||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Sāriputto bhagavato avidūre nisinno hoti
pallaṅkaṃ ābhujitvā⁴ ujuṃ kāyaṃ paṇidhāya appiccho
santuṭṭho pavivitto asaṃsaṭṭho āraddhaviriyo adhicittam anu-
yutto. addasā kho bhagavā āyasmantaṃ Sāriputtaṃ avidūre
nisinnaṃ pallaṅkaṃ ābhujitvā⁵ ujuṃ kāyaṃ paṇidhāya
appicchaṃ santuṭṭhaṃ pavivittaṃ asaṃsaṭṭhaṃ āraddhaviri-
yaṃ adhicittam anuyuttaṃ. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
adhicetaso appamajjato munino monapathesu sikkhato
sokā na bhavanti tādino upasantassa sadā satīmato 'ti. ||7||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena bhagavā sakkato hoti garukato hoti mānito
pūjito apacito lābhī {cīvarapiṇḍapātasenāsanagilānapacca-
yabhesajjaparikkhārānaṃ}, bhikkhusaṃgho pi sakkato hoti
. . . pe . . . parikkhārānaṃ. aññatitthiyā pana
paribbājakā asakkatā honti (comp. II.4) . . . pe . . .
parikkhārānaṃ. atha kho te aññatitthiyā {paribbājakā}
bhagavato sakkāraṃ asahamānā bhikkhusaṃghassa ca
yena Sundarī paribbājikā ten'; upasaṅkamiṃsu, upasaṅ-

--------------------------------------------------------------------------
1 A pantañ; C santañ ca corrected to patthañ ca.
2 BC -nu.
3 See Dhammap. v. 185.
4 A ābhuñjitvā.
5 A ābhuṅcitvā.

[page 044]
44 UDĀNAṂ [IV. 8].
kamitvā Sundariṃ paribbājikaṃ etad avocuṃ: ussahasi
bhagini nātīnam atthaṃ kātun ti. kyāhaṃ ayyā karomi,
kiṃ mayā sakkā kātuṃ? jīvitam pi me pariccattaṃ ñātī-
naṃ atthāyā 'ti. tena hi bhagini abhikkhanaṃ Jetavanaṃ
gacchāhī 'ti. evam ayyā 'ti kho Sundarī paribbājikā tesaṃ
aññatitthiyānaṃ¹ paribbājakānaṃ paṭissutvā abhikkhanaṃ
Jetavanam agamāsi. yadā aññiṃsu te aññatitthiyā paribbā-
jakā: {vodiṭṭhā} kho Sundarī paribbājikā bahujanena² abhi-
kkhaṇaṃ Jetavanaṃ āgacchatī 'ti, atha naṃ jīvitā voropetvā
tatth'; eva Jetavanassa parikhāya³ kūpe nikhaṇitvā yena rājā
Pasenadi Kosalo ten'; upasaṅkamiṃsu,⁴ upasaṅkamitvā rājā-
naṃ Pasenadiṃ Kosalaṃ etad avocuṃ: yā sā mahārāja
Sundarī paribbājikā sā no na dassatī 'ti. kattha pana tumhe
āsaṅkathā 'ti. Jetavane mahārājā 'ti. tena hi Jetavanaṃ
vicinathā 'ti. atha kho te aññatitthiyā paribbājakā Jetava-
naṃ vicinitvā yathānikkhittaṃ parikhākūpā⁵ uddharitvā
mañcakaṃ āropetvā Sāvatthiṃ pavesetvā rathiyāya⁶ rathi-
yaṃ siṅghāṭakena siṅghāṭakaṃ upasaṅkamitvā manusse
ujjhāpesuṃ: passath'; ayyā Sakyaputtiyānaṃ kammaṃ,
alajjino ime samaṇā Sakyaputtiyā dussīlā pāpadhammā
musāvādino abrahmacārino. ime hi nāma dhammacārino
samacārino brahmacārino saccavādino sīlavanto kalyāṇa-
dhammā paṭijānissanti. n'; atthi imesaṃ sāmaññaṃ, n'; atthi
imesaṃ brāhmaññaṃ, naṭṭhaṃ imesaṃ sāmaññaṃ, naṭṭhaṃ
imesaṃ brāhmaññaṃ, kuto imesaṃ sāmaññaṃ, kuto imesaṃ
brāhmaññaṃ, apagatā ime sāmaññā, apagatā ime brāhmaññā.
kathañ hi nāma puriso purisakiccaṃ karitvā itthiṃ jīvitā
voropessatī 'ti. tena kho pana samayena Sāvatthiyaṃ
manussā bhikkhū disvā asabbhāhi pharusāhi vācāhi akkosanti
paribhāsanti {rosenti} {vihesenti}: alajjino . . . pe . . . voro-
pessatī 'ti. atha kho sambahulā bhikkhū pubbaṇhasamayaṃ
nivāsetvā pattacīvaram ādāya Sāvatthiṃ piṇḍāya pāvisiṃsu,

--------------------------------------------------------------------------
1 C yadā tesaṃ (!) aññatitthiyā paribbājakā: te (?) diṭṭhā kho
Sundarī 'ti, tattha aññiṃsū 'ti jāniṃsu, te diṭṭhā (?) ti
padiṭṭhā Jetavanaṃ āgacchanti [for ī] ca visesato diṭṭhā
bahulaṃ diṭṭhā bahulā diṭṭhā 'ti attho; A yadā aññe aññatitthiyā,
etc.; B yathā te aññāsu aññatitthiyā, D yadā tesaṃ (!)
aññatitthiyānaṃ. The passage seems to be very corrupt.
2 D -jano.
3 A -kkhāya; C -ā.
4 ABD -mi.
5 A -kkhā-.
6 AD rathiyā.

[page 045]
MEGHIYA-VAGGA [IV. 9]. 45
Sāvatthiyaṃ piṇḍāya caritvā pacchābhattaṃ piṇḍapātapaṭi-
kkantā yena bhagavā ten'; upasaṅkamiṃsu, upasaṅkamitvā
bhagavantaṃ abhivādetvā ekamantaṃ nisīdiṃsu, ekamantaṃ
nisinnā kho te bhikkhū bhagavantaṃ etad avocuṃ: etarahi
Sāvatthiyaṃ manussā bhikkhū disvā . . . pe . . . voro-
pessatī 'ti. n'; eso bhikkhave saddo ciraṃ bhavissati sattāhaṃ
eva bhavissati sattāhassa accayena antaradhāyissati. tena hi
bhikkhave ye manussā bhikkhū disvā . . . pe . . . vihe-
santi, te tumhe imāya gāthāya paṭicodetha:
abhūtavādī nirayaṃ upeti yo c'; āpi katvā na karomī 'ti c'; āha
ubho pi te pecca¹ samā bhavanti nihīnakammā manujā paratthā 'ti.
atha kho te bhikkhū bhagavato santike imaṃ gāthaṃ
pariyāpuṇitvā ye manussā bhikkhū disvā . . . {vihesenti}, te
imāya gāthāya paṭicodenti:² abhūtavādī . . . pe . . .
paratthā 'ti. manussānaṃ etad ahosi: akārakā³ ime samaṇā
Sakyaputtiyā, na yimehi⁴ kataṃ sapant'⁵ ime samaṇā Sakya-
puttiyā 'ti. n'; eva so saddo ciraṃ ahosi, sattāham eva saddo
ahosi, sattāhassa accayena antaradhāyi. atha kho sambahulā
bhikkhū yena bhagavā ten'; upasaṅkamiṃsu, upasaṅkamitvā
bhagavantaṃ abhivādetvā ekamantaṃ nisīdiṃsu, ekamantaṃ
nisinnā kho te bhikkhū bhagavantaṃ etad avocuṃ: acchari-
yaṃ bhante abbhutaṃ bhante, yāva subhāsitaṃ kho c'; idaṃ
bhante bhagavatā: n'; eso bhikkhave saddo ciraṃ bhavissati,
sattāhassa accayena antaradhāyissatī 'ti. antarahito so bhante
saddo 'ti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
tudanti vācāya janā asaññatā parehi saṅgāmagataṃ va kuñjaraṃ,
sutvāna vākyaṃ pharusaṃ udīritaṃ adhivāsaye bhikkhu
aduṭṭhacitto 'ti. ||8||
evam me sutaṃ. ekaṃ samayaṃ bhagavā Rājagahe
viharati Veḷuvane {Kalandakanivāpe}. atha kho āyasmato

--------------------------------------------------------------------------
1 ACD pacca.
2 A -anti.
3 AC akāraṇā; D akā.
4 AD nissamehi.
5 AD samant'; ; B sabbant'.

[page 046]
46 UDĀNAṂ [IV. 9].
Upasenassa Vaṅgantaputtassa¹ rahogatassa paṭisallī-
nassa evaṃ cetaso parivitakko udapādi: lābhā vata me,
suladdhaṃ vata me satthā ca me bhagavā arahaṃ sammā-
sambuddho, svākhyāte c'; amhi dhammavinaye agārasmā
anagāriyaṃ pabbajito, sabrahmacāriyo ca me sīlavanto kalyā-
ṇadhammā, sīlesu c'; amhi paripūrakārī, samāhito c'; amhi,
ekaggacitto arahā c'; amhi khīṇāsavo, mahiddhiko c'; amhi
mahānubhāvo, bhaddakaṃ me jīvitaṃ bhaddakaṃ maraṇan
ti. atha kho bhagavā āyasmato Upasenassa Vaṅganta-
puttassa¹ cetasā cetoparivitakkam aññāya tāyaṃ velāyaṃ
imaṃ udānaṃ udānesi:
yaṃ jīvitaṃ na tapati, maraṇante² na socati,
{sa've} diṭṭhapado dhīro, sokamajjhe na socati.
ucchinnabhavataṇhassa³ santacittassa bhikkhuno
vikkhīṇo⁴ jātisaṃsāro, n'; atthi tassa punabbhavo 'ti. ||9||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Sāriputto bhagavato avidūre nisinno hoti
pallaṅkaṃ ābhujitvā ujuṃ kāyaṃ paṇidhāya attano upasa-
maṃ paccavekkhamāno. addasā kho bhagavā āyasmantaṃ
Sāriputtaṃ avidūre nisinnaṃ pallaṅkaṃ ābhujitvā ujuṃ
kāyaṃ paṇidhāya attano upasamaṃ paccavekkhamānaṃ.
atha kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
upasantasantacittassa⁵ netticchinnassa⁶ bhikkhuno
vikkhīṇo⁷ jātisaṃsāro, mutto so Mārabandhanā 'ti. ||10||
Meghiyavaggo catuttho. uddānam:
Meghiyo⁸ uddhatā⁹ gopālo⁸ juṇhā⁸ nāgena pañcamaṃ,
Piṇḍolo Sāriputto ca Sundarī¹⁰ bhavati aṭṭhamaṃ,
Upaseno Vaṅgantaputto Sāriputto ca te dasā 'ti.

--------------------------------------------------------------------------
1 D Vaṃkanta-.
2 AB maraṇaṃte; C maraṇanle maraṇasaṇkhāte ante . . .
maraṇasamīpe vā.
3 ACD -taṇhāya.
4 BD vikkhito; A vikkhino.
5 AD upasantaṃ-.
6 AD natthicchinnasa; B netti-; C netticchinnassā 'ti netti
vuccati bhavataṇhā saṃsārassa nayanato.
7 ABD vikkhino.
8 ABD -a.
9 B uddhita; A uṭṭhita; D ujhita.
10 ABD -i.

[page 047]
47
VAGGA V. SONATHERASSA VAGGO.
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena rājā Pasenadi Kosalo Mallikāya deviyā
saddhiṃ uparipāsādavaragato hoti. atha kho rājā Pasenadi
Kosalo Mallikaṃ deviṃ etad avoca: atthi nu kho te Mallike
koc'; añño attanā piyataro 'ti. n'; atthi kho me mahārāja
koc'; añño attanā piyataro. tuyhaṃ pana mahārāja atth'; añño
koci attanā piyataro 'ti. mayham pi kho Mallike n'; atth'
añño koci attanā piyataro 'ti. atha kho rājā Pasenadi Kosalo
pāsādā orohitvā yena bhagavā ten'; upasaṅkami, upasaṅka-
mitvā bhagavantaṃ abhivādetvā ekamantaṃ nisīdi, ekam-
antaṃ nisinno kho rājā Pasenadi Kosalo bhagavantaṃ etad
avoca: idh'; āhaṃ bhante Mallikāya deviyā uparipāsādavara-
gato Mallikaṃ deviṃ etad avocaṃ:¹ atthi . . . pe . . .
piyataro 'ti. evaṃ vutte Mallikā devī maṃ etad avoca:
n'; atthi . . . pe . . . piyataro 'ti. evaṃ vutto 'haṃ bhante
Mallikaṃ deviṃ etad avocaṃ:¹ mayham . . . pe . . . piya-
taro 'ti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
sabbā disā anuparigamma² cetasā nev'; ajjhagā³ piyataram
attanā kvaci,
evam {piyo} puthu⁴ attā paresaṃ, tasmā na hiṃse {param}
attakāmo. ||1||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. atha kho āyasmā

--------------------------------------------------------------------------
1 ABD -a.
2 BD -kamma.
3 A ajjagā.
4 C explains puthu by visuṃ visuṃ.

[page 048]
48 UDĀNAṂ [V. 2].
Ānando sāyaṇhasamayaṃ paṭisallānā vuṭṭhito yena bhagavā
ten'; upasaṅkami, upasaṅkamitvā bhagavantaṃ abhivādetvā
ekamantaṃ nisīdi, ekamantaṃ nisinno kho āyasmā Ānando
bhagavantaṃ etad avoca: acchariyaṃ bhante, abbhutaṃ
bhante, yāvad appāyukā hi bhante bhagavato mātā ahosi,
sattāhajāte bhagavati bhagavato mātā kālam akāsi Tusitakā-
yaṃ¹ upapajjatī 'ti. evam etaṃ² Ānanda. appāyukā hi
bodhisattamātaro honti, sattāhajātesu bodhisattesu bodhisatta-
mātaro kālaṅkaronti, Tusitakāyaṃ¹ upapajjantī 'ti. atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
ye keci bhūtā bhavissanti {te vāpi} sabbe gamissanti pahāya
dehaṃ,
taṃ sabbaṃ jāniṃ³ kusalo viditvā ātāpiyo brahmacariyaṃ
careyyā 'ti. ||2||
evam me sutaṃ. ekaṃ samayaṃ bhagavā Rājagahe
viharati Veḷuvane Kalandakanivāpe. tena kho pana sama-
yena Rājagahe Suppabuddho nāma kuṭṭhī manussadaliddo
ahosi manussakapaṇo manussavarāko. tena kho pana sama-
yena bhagavā mahatiyā parisāya parivuto dhammaṃ desento
nisinno hoti. addasā kho Suppabuddho kuṭṭhī taṃ mahāja-
nakāyaṃ dūrato 'va sannipatitaṃ, disvān'; assa etad ahosi:
nissaṃsayaṃ kho ettha kiñci khādaniyaṃ vā bhojaniyaṃ vā
bhājiyati. yannūn'; āhaṃ yena so mahājanakāyo ten'; upa-
{saṅkameyyaṃ}. appeva nām'; ettha kiñci khādaniyaṃ vā
bhojaniyaṃ vā labheyyan ti. atha kho Suppabuddho kuṭṭhī
yena so mahājanakāyo ten'; upasaṅkami. addasā kho Suppa-
buddho kuṭṭhī bhagavantaṃ mahatiyā parisāya parivutaṃ
dhammaṃ desentaṃ nisinnaṃ, disvān'; assa etad ahosi: na
{khvettha kiñci} khādaniyaṃ vā bhojaniyaṃ vā bhājiyati⁴.
samaṇo ayaṃ Gotamo parisatiṃ⁵ dhammaṃ deseti. yannūn'
āham pi dhammaṃ suṇeyyan ti tatth'; eva ekamantaṃ nisīdi:
aham pi dhammaṃ sossāmī 'ti. atha kho bhagavā sabbā-

--------------------------------------------------------------------------
1 BC Tusitaṃ kāyaṃ.
2 A eyam eva.
3 AC jānituṃ.
4 A bhājissati.
5 ABD -i.

[page 049]
SONATHERASSA-VAGGA [V. 3]. 49
vantaṃ parisaṃ cetasā ceto paricca manas'; ākāsi: ko nu kho
idha bhabbo dhammaṃ viññātun ti. addasā kho bhagavā
Suppabuddhaṃ kuṭṭhiṃ tassaṃ parisāyaṃ nisinnaṃ, disvān'
assa etad ahosi: ayaṃ kho idha bhabbo dhammaṃ viññātun
ti. Suppabuddhaṃ kuṭṭhiṃ ārabbha anupubbikathaṃ kathesi
seyyath'; īdaṃ: dānakathaṃ sīlakathaṃ saggakathaṃ kāmā-
naṃ ādīnavaṃ okāraṃ saṃkilesaṃ nikkhame ca ānisaṃsaṃ
pakāsesi. yadā bhagavā aññāsi Suppabuddhaṃ kuṭṭhiṃ
kallacittaṃ muducittaṃ vinīvaraṇacittaṃ udaggacittaṃ
pasannacittaṃ, atha yā¹ buddhānaṃ sāmukkaṃsikā dham-
madesanā taṃ pakāsesi dukkhaṃ samudayaṃ nirodhaṃ
maggaṃ. seyyath'; āpi nāma suddhaṃ vatthaṃ apagata-
kālakaṃ sammad eva rajanaṃ paṭigaṇheyya, evam eva
Suppabuddhassa kuṭṭhissa tasmiṃ yeva āsane virajaṃ vīta-
malaṃ dhammacakkhuṃ udapādi: yaṃ kiñci samudaya-
dhammaṃ, sabban taṃ nirodhadhamman ti. atha kho
Suppabuddho kuṭṭhī diṭṭhadhammo pattadhammo vidita-
dhammo pariyogāḷhadhammo tiṇṇavicikiccho vigatakathaṃ-
katho vesārajjappatto aparappaccayo² satthu sāsane uṭṭhāy'
āsanā yena bhagavā ten'; upasaṅkami, upasaṅkamitvā bhaga-
vantaṃ abhivādetvā ekamantaṃ nisīdi, ekamantaṃ nisinno
kho Suppabuddho kuṭṭhī bhagavantaṃ etad avoca: abhi-
kkantaṃ bhante, abhikkantaṃ bhante. seyyath'; āpi bhante
nikkujjitaṃ vā ukkujjeyya paṭicchannaṃ vā vivareyya
mūḷhassa vā maggaṃ ācikkheyya andhakāre vā telapajjotaṃ
dhāreyya cakkhumanto rūpāni dakkhantī-'ti, evam eva bha-
gavatā anekapariyāyena dhammo pakāsito, es'; āhaṃ bhante
bhagavantaṃ saraṇaṃ gacchāmi dhammañ ca bhikkhu-
saṃghañ ca, upāsakaṃ maṃ bhagavā dhāretu ajjatagge
pāṇupetaṃ saraṇaṃ gatan ti. atha kho Suppabuddho kuṭṭhī
bhagavatā dhammiyā kathāya sandassito samādapito samutte-
jito sampahaṃsito bhagavato bhāsitaṃ abhinanditvā anumo-
ditvā uṭṭhāy'; āsanā bhagavantaṃ abhivādetvā padakkhiṇaṃ
katvā pakkāmi. atha kho Suppabuddhaṃ kuṭṭhiṃ gāvī
taruṇavacchā adhipātetvā³ jīvitā voropesi. atha kho samba-

--------------------------------------------------------------------------
1 AB sā; D ssa.
2 = a + parapaccayo.
3 See I. 10; AB -itvā; omitted in D.

[page 050]
50 UDĀNAṂ [V. 3].
hulā bhikkhū yena bhagavā ten'; upasaṅkamiṃsu, upasaṅ-
kamitvā bhagavantaṃ abhivādetvā ekamantaṃ nisīdiṃsu,
ekamantaṃ nisinnā kho te bhikkhū bhagavantaṃ etad
avocuṃ: yo so bhante Suppabuddho nāma kuṭṭhī bhagavatā
dhammiyā kathāya sandassito samādapito samuttejito sampa-
haṃsito, so kālaṅkato, tassa kā gati ko abhisamparāyo 'ti.
paṇḍito bhikkhave Suppabuddho kuṭṭhī paccapādi¹ dham-
mass'; ānudhammaṃ, na ca maṃ dhammādhikaraṇaṃ vihe-
sesi,² Suppabuddho bhikkhave kuṭṭhī tiṇṇaṃ saṃyojanānaṃ
parikkhayā sotāpanno avinipātadhammo niyato sambodhi-
parāyano 'ti. evaṃ vutte aññataro bhikkhu bhagavantaṃ
etad avoca: ko nu kho bhante hetu, ko paccayo, yena Suppa-
buddho kuṭṭhī manussadaliddo ahosi manussakapaṇo manussa-
varāko 'ti. bhūtapubbaṃ bhikkhave Suppabuddho kuṭṭhī
imasmiṃ yeva Rājagahe seṭṭhiputto ahosi. so uyyānabhū-
miṃ niyyanto addasā Tagarasikhiṃ³ paccekabuddhaṃ
nagaraṃ piṇḍāya pavisantaṃ, disvān'; assa etad ahosi: kv'; āyaṃ
kuṭṭhī vicaratī 'ti niṭṭhubhitvā⁴ {apasavyaṃ}(?)⁵ karitvā
pakkāmi. so tassa kammassa vipākena bahūni vassāni bahūni
vassasatāni bahūni vassasahassāni bahūni vassasatasahassāni
niraye {paccittha}. tass'; eva kammassa vipākāvasesena imasmiṃ
yeva Rājagahe manussadaliddo ahosi manussakapaṇo manussa-
varāko. so tathāgatappaveditaṃ dhammavinayaṃ āgamma
saddhaṃ samādiyi, sīlaṃ samādiyi, sutaṃ samādiyi, cāgaṃ
samādiyi, paññaṃ samādiyi. so tathāgatappaveditaṃ dham-
mavinayaṃ āgamma saddhaṃ samādiyitvā sīlaṃ samādiyitvā
sutaṃ samādiyitvā cāgaṃ samādiyitvā paññaṃ samādiyitvā
kāyassa bhedā param maraṇā sugatiṃ⁶ saggaṃ lokaṃ
upapanno devānaṃ tāvatiṃsānaṃ sahabyataṃ. so tattha
aññe deve atirocati vaṇṇena c'; eva yasasā cā 'ti. atha kho
bhagavā etam atthaṃ viditvā tāyaṃ velāyaṃ imaṃ udānaṃ
udānesi:
cakkhumā visamānī 'va vijjamāne parakkame
paṇḍito jīvalokasmiṃ pāpāni parivajjaye 'ti. ||3||

--------------------------------------------------------------------------
1 AD saccavādi. Right in B.
2 A -ti.
3 ABD -i.
4 A niṭṭhuhitvā.
5 C apasabyāmato karitvā 'ti . . . apasabyaṃ katvā; A abyāmato;
D abhyāmato; B apabhyāmāto.
6 A -i.

[page 051]
SONATHERASSA-VAGGA [V. 5]. 51
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena sambahulā kumārakā antarā ca Sāvatthiṃ antarā
ca Jetavanaṃ macchake bādhenti. atha kho bhagavā
pubbaṇhasamayaṃ nivāsetvā pattacīvaram ādāya Sāvatthiṃ
piṇḍāya pāvisi. addasā kho bhagavā te sambahule kumārake
antarā ca Sāvatthiṃ antarā ca Jetavanaṃ macchake bādhente,
disvāna yena te kumārakā ten'; upasaṅkami, upasaṅkamitvā
te kumārake etad avoca: bhāyatha vo tumhe kumārakā
dukkhassa, appiyaṃ vo dukkhan ti. evaṃ bhante bhāyāma
mayaṃ bhante dukkhassa, appiyaṃ no dukkhan ti. atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
{Sace bhāyatha dukkhassa} sace vo {dukkham} appiyam,
mā kattha pāpakaṃ kammaṃ āvi vā yadivā raho
sace 'va¹ pāpakaṃ kammaṃ karissatha² karotha vā
na vo³ dukkhā mutty⁴ atthi upeccāpi⁵ palāyatan⁶ ti. ||4||
evam me sutaṃ. ekaṃ samayaṃ bhagavā Sāvatthiyaṃ
viharati Pubbārāme Migāramātu pāsāde. tena kho pana
samayena bhagavā tadah'; uposathe bhikkhusaṃghaparivuto
nisinno hoti. atha kho āyasmā Ānando abhikkantāya rattiyā
nikkhante paṭhame yāme uṭṭhāy'; āsanā ekaṃsaṃ cīvaraṃ
katvā yena bhagavā ten'; añjalim panāmetvā bhagavantaṃ
etad avoca: abhikkantā bhante ratti, nikkhanto paṭhamo
yāmo, ciranisinno bhikkhusaṃgho, uddisatu⁷ bhante bhagavā
bhikkhūnaṃ pātimokkhan⁸ ti. evaṃ vutte bhagavā tuṇhī
ahosi. dutiyam pi kho āyasmā Ānando abhikkantāya rattiyā
nikkhante majjhime yāme uṭṭhāy'; āsanā ekaṃsaṃ cīvaraṃ
katvā yena bhagavā ten'; añjalim panāmetvā bhagavantaṃ
etad avoca: abhikkantā bhante ratti, nikkhanto majjhimo
yāmo, ciranisinno bhikkhusaṃgho, uddisatu⁷ bhante bhagavā
bhikkhūnaṃ pātimokkhan⁸ ti. dutiyam pi kho bhagavā

--------------------------------------------------------------------------
1 V. 4.
1 Only in D, inserted metri causa.
2 A kariyātha.
3 D te.
4 AB muty; D pamutty; C mutty.
5 C upecca sañcicca; A upaccā pi; B upadhāya. D upaddava.
6 C palāyante 'ti pi paṭhanti (!).
V. 5. Comp. Cullavagga, IX. 1.
7 A -sātu.
8 AB pāṭi-.

[page 052]
52 UDĀNAṂ [V. 5].
tuṇhī ahosi. tatiyam pi kho āyasmā Ānando abhikkantāya
rattiyā nikkhante pacchime yāme uddhate¹ aruṇe nāndimu-
khiyā rattiyā uṭṭhāy'; āsanā ekaṃsaṃ cīvaraṃ katvā yena
bhagavā ten'; añjalim panāmetvā bhagavantaṃ etad avoca:
abhikkantā bhante ratti, nikkhanto pacchimo yāmo, uddhato²
aruṇo, nandimukhī ratti, ciranisinno bhikkhusaṃgho, uddi-
satu² bhante bhagavā bhikkhūnaṃ pātimokkhan³ ti. apari-
suddhā Ānanda parisā 'ti. atha kho āyasmato Mahā-
moggallānassa etad ahosi: kaṃ⁴ nu kho bhagavā puggalaṃ
sandhāya evam āha: aparisuddhā Ānanda parisā 'ti. atha
kho āyasmā Mahāmoggallāno sabbāvantaṃ bhikkhusaṃ-
ghaṃ cetasā ceto paricca manas'; ākāsi. addasā kho āyasmā
Mahāmoggallāno taṃ puggalaṃ dussīlaṃ pāpadhammaṃ
asucisaṅkassarasamācāraṃ paṭicchannakammantaṃ assama-
ṇaṃ samaṇapaṭiññaṃ abrahmacāriṃ brahmacāripaṭiññaṃ
antopūtiṃ avassutaṃ kasambujātaṃ⁵ majjhe bhikkhu-
saṃghassa nisinnaṃ, disvāna uṭṭhāy'; āsanā yena so puggalo
ten'; upasaṅkami, upasaṅkamitvā taṃ puggalaṃ etad avoca:
uṭṭhehi⁶ āvuso, diṭṭho 'si bhagavatā, n'; atthi te bhikkhūhi
saddhiṃ saṃvāso 'ti. atha kho so puggalo tuṇhī ahosi.
dutiyam pi kho āyasmā Mahāmoggallāno taṃ puggalaṃ etad
avoca: uṭṭhehi⁷ āvuso, diṭṭho 'si bhagavatā, n'; atthi te bhi-
kkhūhi saddhiṃ saṃvāso 'ti. dutiyam pi kho so puggalo
tuṇhī ahosi. tatiyam pi kho āyasmā . . . pe . . . saṃvāso
'ti. tatiyam pi kho so puggalo tuṇhī ahosi. atha kho
āyasmā Mahāmoggallāno taṃ puggalaṃ bāhāyaṃ gahetvā
bahi dvārakoṭṭhakā nikkhāmetvā⁸ sūcighaṭikaṃ datvā⁹ yena
bhagavā ten'; upasaṅkami, upasaṅkamitvā bhagavantaṃ etad
avoca: nikkhāmito¹⁰ bhante so puggalo mayā, parisuddhā
parisā, uddisatu² bhante bhagavā bhikkhūnaṃ pātimokkhan³
ti. acchariyaṃ Moggallāna, abbhutaṃ Moggallāna, yāva
bāhāgahaṇā¹¹ pi nāma so moghapuriso āgamissatī 'ti. atha

--------------------------------------------------------------------------
1 D uggate.
2 A -sātu.
3 AB pāṭi.-
4 A kaṃ; B kin; D kiṃ.
5 A kasammukajātaṃ.
6 A uṭṭheh'; D uṭṭhāha.
7 D uṭṭhahā.
8 A nikkhametvā; BD nikkhamitvā.
9 C sucighaṭikaṃ datvā 'ti aggalasuciñ ca [read ū for u]
uparighaṭikañ ca ādiṃ katvā suṭṭhu kavāṭaṃ thaketvā
'ti attho; D ghaṃṭikaṃ-.
10 B -amito; D nikkhipito.
11 CD bāhāyagahaṇā.

[page 053]
SONATHERASSA-VAGGA [V. 5]. 53
kho bhagavā bhikkhū āmantesi:¹ na dān'; āhaṃ² bhikkhave
ito paraṃ uposathaṃ karissāmi, pātimokkhaṃ uddisissāmi.
tumh'; eva dāni ito paraṃ uposathaṃ kareyyātha, pāti-
mokkhaṃ³ uddiseyyātha. aṭṭhānam etaṃ bhikkhave anava-
kāso, yaṃ tathāgato aparisuddhāya parisāya uposathaṃ
kareyya, pātimokkhaṃ³ uddiseyya. aṭṭh'; ime bhikkhave
mahāsamudde acchariyā abbhutā⁴ dhammā, ye disvā-disvā
asurā mahāsamudde abhiramanti. katame aṭṭha.
1. mahāsamuddo bhikkhave anupubbaninno anupubbapoṇo
anupubbapabbhāro, n'; āyataken'; eva papāto. yaṃ pi bhi-
kkhave mahāsamuddo anupubbaninno . . . papāto, ayam pi
bhikkhave mahāsamudde paṭhamo acchariyo abbhuto dhammo,
yaṃ disvā-disvā asurā mahāsamudde abhiramanti.
2. puna ca paraṃ bhikkhave mahāsamuddo ṭhitadhammo
velaṃ n'; ātivatti. yaṃ pi bhikkhave mahāsamuddo ṭhita-
dhammo velaṃ n'; ātivattati, ayaṃ pi bhikkhave mahā-
samudde dutiyo acchariyo abbhuto dhammo, yaṃ disvā-disvā
asurā mahāsamudde abhiramanti.
3. puna ca paraṃ bhikkhave mahāsamuddo na matena
kuṇapena saṃvasati, yaṃ hoti mahāsamudde mataṃ kuṇapaṃ
taṃ khippaṃ yeva tīraṃ vāheti⁵ thale ussāreti.⁶ yaṃ pi
bhikkhave mahāsamuddo na matena . . . thalaṃ ussāreti,⁶
ayam pi bhikkhave mahāsamudde tatiyo acchariyo abbhuta-
dhammo, yaṃ disvā-disvā asurā mahāsamudde abhiramanti.
4. puna ca paraṃ bhikkhave yā kāci mahānadiyo seyyath'
īdaṃ: Gaṅgā Yamunā Aciravatī {Sarabhū} Mahī, tā mahā-
samuddaṃ pattā jahanti purimāni nāmagottāni, mahā-
samuddo tv eva saṅkhaṃ gacchanti. yaṃ pi bhikkhave yā
kāci . . . pe . . . gacchanti, ayam pi bhikkhave mahā-
samudde catuttho acchariyo abbhuto dhammo, yaṃ disvā-
disvā asurā mahāsamudde abhiramanti.
5. puna ca paraṃ yā ca loke savantiyo mahāsamuddaṃ
appenti, yā ca antalikkhā ḍhārā papatanti, na tena mahā-
samuddassa ūnattaṃ vā pūrattaṃ vā paññāyati. yaṃ pi

--------------------------------------------------------------------------
1 Comp. Cullav. IX. 2.
2 AD na cāhaṃ.
3 D -a.
4 C pāpāheti apaneti; D pāpeti.
5 ACD ussāreti; B ussādeti (in three places).

[page 054]
54 UDĀNAṂ [V. 5].
bhikkhave yā ca loke . . . pe . . . paññāyati, ayam pi
bhikkhave mahāsamudde pañcamo acchariyo . . . pe . . .
abhiramanti.
6. puna ca paraṃ bhikkhave mahāsamuddo ekaraso loṇa-
raso. yaṃ bhikkhave mahāsamuddo ekaraso loṇaraso, ayaṃ
pi bhikkhave mahāsamudde chaṭṭho acchariyo . . . pe . . .
abhiramanti.
7. puna ca paraṃ bhikkhave mahāsamuddo bahuratano
anekaratano, tatr'; imāni ratanāni seyyath'; īdaṃ: muttā maṇi
veḷuriyo saṅkho silā pavālaṃ rajataṃ jātarūpaṃ lohitaṅko
masāragallo. yaṃ pi bhikkhave mahāsamuddo bahuratano
. . . masāragallo, ayam pi bhikkhave mahāsamudde sattamo
acchariyo . . . pe . . . abhiramanti.
8. puna ca paraṃ bhikkhave mahāsamuddo mahataṃ
bhūtānaṃ āvāso, tatr'; ime bhūtā: timi timiṅgalo timi-
rapiṅgalo¹ asurā nāgā gandhabbā, santi mahāsamudde yoja-
nasatikā pi attabhāvā, dviyojanasatikā pi attabhāvā, tiyojana-
satikā pi attabhāvā, catuyojanasatikā pi attabhāvā, pañcayoja-
nasatikā pi attabhāvā. yaṃ pi bhikkhave mahāsamuddo
mahataṃ . . . pe . . . attabhāvā, ayaṃ pi bhikkhave
mahāsamudde aṭṭhamo acchariyo . . . pe . . . abhiramanti.
ime kho bhikkhave mahāsamudde aṭṭha acchariyā . . . pe . . .
abhiramanti.
evam eva kho bhikkhave imasmiṃ dhammavinaye aṭṭha
acchariyā abbhutā dhammā, ye disvā-disvā bhikkhū imasmiṃ
dhammavinaye abhiramanti. katame aṭṭha.
1. seyyathā pi bhikkhave mahāsamuddo anupubbaninno
anupubbapoṇo anupubbapabbhāro n'; āyataken'; eva papāto,
evam eva kho bhikkhave imasmiṃ dhammavinaye anupubba-
sikkhā anupubbakiriyā anupubbapaṭipadā n'; āyataken'; eva
aññāpaṭivedho. yaṃ pi bhikkhave imasmiṃ dhammavinaye
. . . pe . . . aññāpaṭivedho, ayam pi bhikkhave imasmiṃ
dhammavinaye paṭhamo acchariyo abbhutadhammo, yaṃ
disvā-disvā bhikkhū imasmiṃ dhammavinaye abhiramanti.

--------------------------------------------------------------------------
1 BD timirapiṅgalo (in three places); A has timipiṅgalo,
timiṅgalo and timipiṅgalo; C (and Cullavagga) timitimiṅgalo.

[page 055]
SONATHERASSA-VAGGA [V. 5]. 55
2. seyyathā pi bhikkhave mahāsamuddo ṭhitadhammo
velaṃ n'; ātivattati, evam eva kho bhikkhave yaṃ mayā
sāvakānaṃ sikkhāpadaṃ paññattaṃ taṃ mama sāvakā jīvi-
tahetu pi n'; ātikkamanti. yaṃ pi bhikkhave mayā . . . pe . . .
n'; ātikkamanti, ayam pi bhikkhave imasmiṃ dhammavinaye
dutiyo acchariyo . . . pe . . . abhiramanti.
3. seyyathā pi bhikkhave mahāsamuddo na matena kuṇa-
pena saṃvasati, yaṃ hoti mahāsamudde mataṃ kuṇapaṃ,
taṃ khippaṃ yeva tīraṃ vāheti,¹ thale ussāreti, evam eva
kho bhikkhave yo so puggalo dussīlo pāpadhammo asuci-
saṅkassarasamācāro paṭicchannakammanto assamaṇo samaṇa-
patiñño abrahmacārī brahmacāripaṭiñño antopūti avassuto
kasambujāto,² na tena saṃgho saṃvasati, atha kho naṃ khippam
eva sannipatitvā ukkhipati. kiñcāpi so hoti majjhe bhikkhu-
{saṃghassa} nisinno, atha kho so ārakā 'va saṃghamhā saṃgho
ca tena. yaṃ pi bhikkhave yo so puggalo . . . pe . . .
saṃgho ca tena, ayam pi bhikkhave imasmiṃ dhammavinaye
tatiyo acchariyo . . . pe . . . abhiramanti.
4. seyyathā pi bhikkhave yā kāci mahānadiyo seyyath'
īdaṃ: {Gaṅgā} Yamunā Aciravatī Sarabhū Mahī tā mahā-
samuddaṃ pattā pajahanti purimāni nāmagottāni, mahā-
samuddo tv eva saṅkhaṃ gatāni, evam eva kho bhikkhave
cattāro vaṇṇā: khattiyā brāhmaṇā vessā suddā, te tathāga-
tappavedite dhammavinaye agārasmā anagāriyaṃ pabba-
jitvā jahanti purimāni nāmagottāni, samanā Sakyaputtiyā
tv eva saṅkhaṃ gacchanti. yam pi bhikkhave cattāro
. . . pe . . . gacchanti, ayam pi bhikkhave imasmiṃ dham-
mavinaye catuttho acchariyo . . . pe . . . abhiramanti.
5. seyyathā pi bhikkhave yā ca loke savantiyo mahā-
samuddaṃ appenti yā ca antalikkhā dhārā papatanti, na tena
mahāsamuddassa ūnattaṃ vā pūrattaṃ vā paññāyati, evam
eva kho bhikkhave bahū ce pi bhikkhū anupādisesāya nibbā-
ṇadhātuyā parinibbāyanti, na tena nibbānadhātuyā ūnattaṃ
vā pūrattaṃ vā paññāyati. yaṃ pi bhikkhave bahū ce pi
. . . pe . . . paññāyati, ayam pi bhikkhave imasmiṃ dham-
mavinaye pañcamo acchariyo . . . pe . . . abhiramanti.

--------------------------------------------------------------------------
1 C pāpāheti apaneti; D pāpeti.
2 A kasambuka-.

[page 056]
56 UDĀNAṂ [V. 5].
6. seyyathā pi bhikkhave mahāsamuddo ekaraso loṇaraso,
evam eva kho bhikkhave ayaṃ dhammo ekaraso vimutti-
raso. yaṃ pi bhikkhave ayaṃ dhammo ekaraso vimuttiraso,
ayam pi bhikkhave imasmiṃ dhammavinaye chaṭṭho accha-
riyo . . . pe . . . abhiramanti.
7. seyyathā pi bhikkhave mahāsamuddo bahuratano aneka-
ratano, tatr'; imāni ratanāni seyyath'; īdaṃ: muttā maṇi
veḷuriyo saṅkho silā pavālaṃ rajataṃ jātarūpaṃ lohitaṅgo
masāragallaṃ, evam eva kho bhikkhave ayaṃ dhammo
bahuratano anekaratano, seyyath'; īdaṃ: cattāro satipaṭṭhānā
{cattāro} sammappadhānā cattāro iddhipādā pañc'; indriyāni pañca
balāni satta bojjhaṅgāni ariyo aṭṭhaṅgiko maggo. yaṃ pi
{bhikkhave} ayaṃ dhammo . . . pe . . . maggo, ayaṃ
pi bhikkhave imasmiṃ dhammavinaye sattamo acchariyo
. . . pe . . . abhiramanti.
8. seyyathā pi bhikkhave mahāsamuddo mahataṃ bhūtā-
naṃ āvāso, tatr'; ime bhūtā: timi timiṅgalo timirapiṅgalo
asurā nāgā gandhabbā, santi mahāsamudde yojanasatikā pi
attabhāvā, dviyojanasatikā pi attabhāvā, tiyojanasatikā pi
attabhāvā, catuyojanasatikā pi attabhāvā, pañcayojanasatikā
pi attabhāvā, evam eva kho bhikkhave ayaṃ dhammavinayo
mahataṃ bhūtānaṃ āvāso, tatr'; ime bhūtā: sotāpanno sotā-
pattiphalasacchikiriyāya paṭipanno, sakadāgāmī sakadāgāmi-
phalasacchikiriyāya paṭipanno, anāgāmī anāgāmiphalasacchi-
kiriyāya paṭipanno, arahā arahattāya paṭipanno. yaṃ pi
bhikkhave ayaṃ dhammavinayo mahataṃ . . . pe . . .
arahattāya paṭipanno, ayam pi bhikkhave imasmiṃ dham-
mavinaye aṭṭhamo acchariyo . . . pe . . . abhiramanti.
ime kho bhikkhave imasmiṃ dhammavinaye aṭṭha accha-
riyā abbhutā dhammā, ye disvā-disvā bhikkhū imasmiṃ
dhammavinaye abhiramanti. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
channam ativassati vivaṭaṃ n'; ātivassati,
tasmā channaṃ vivaretha, evaṃ taṃ n'; ātivassatī 'ti. ||5||

--------------------------------------------------------------------------

[page 057]
SONATHERASSA-VAGGA [V. 6]. 57
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Mahākaccāno Avantīsu viharati
Kuraraghare¹ Pavatte² pabbate. tena kho pana
samayena Soṇo upāsako Koṭikaṇṇo³ āyasmato Mahā-
kaccānassa upaṭṭhāko hoti. atha kho Soṇassa upāsakassa
koṭikaṇṇassa rahogatassa paṭisallīnassa evaṃ cetaso parivi-
takko udapādi: yathā-yathā kho ayyo Mahākaccāno dham-
maṃ deseti, na yidaṃ sukaraṃ agāraṃ ajjhāvasatā ekanta-
paripuṇṇaṃ ekantaparisuddhaṃ saṅkhalikhitaṃ brahmacari-
yaṃ carituṃ. yannūn'; āhaṃ kesamassuṃ ohāretvā kāsāyāni
vatthāni acchādetvā agārasmā anagāriyaṃ pabbajeyyan ti.
atha kho Soṇo upāsako Koṭikaṇṇo yen'; āyasmā Mahākaccāno
ten'; upasaṅkami, upasaṅkamitvā āyasmantaṃ Mahākaccānaṃ
abhivādetvā ekamantaṃ nisīdi, ekamantaṃ nisinno kho Soṇo
upāsako Koṭikaṇṇo āyasmantaṃ Mahākaccānaṃ etad avoca:
idha mayhaṃ bhante rahogatassa . . . pe . . . pabbajeyyan
ti. pabbājetu maṃ bhante ayyo Mahākaccāno 'ti. evaṃ
vutte āyasmā Mahākaccāno Soṇaṃ upāsakaṃ Koṭikaṇṇaṃ
etad avoca: dukkaraṃ kho Soṇa yāvajīvaṃ ekabhattaṃ
ekaseyyaṃ brahmacariyaṃ, iṅgha tvaṃ Soṇa tatth'; eva
agārikabhūto samāno buddhānaṃ sāsanaṃ anuyuñja kāla-
yuttaṃ ekabhattaṃ ekaseyyaṃ brahmacariyan ti. atha kho
Soṇassa upāsakassa Koṭikaṇṇassa yo ahosi pabbajjābhisaṅ-
khāro, so paṭippassambhi. dutiyam pi kho Soṇassa upāsa-
kassa Koṭikaṇṇassa rahogatassa . . . pe . . . pabbajeyyan
ti. dutiyam pi kho Soṇo upāsako Koṭikaṇṇo yen'; āyasmā
. . . avoca: idha . . . pabbājetu maṃ bhante ayyo Mahā-
kaccāno 'ti. dutiyaṃ pi kho āyasmā Mahākaccāno Soṇaṃ
upāsakaṃ Koṭikaṇṇaṃ etad avoca: dukkaraṃ . . . pe . . .
brahmacariyan ti. dutiyam pi kho Soṇassa . . . pe . . .
paṭippassambhi. tatiyam pi kho Soṇassa upāsakassa Koti-
kaṇṇassa rahogatassa . . . pe . . . pabbajeyyan ti. tatiyam
pi kho Soṇo upāsako Koṭikaṇṇo yen'; āyasmā . . . pe . . .

--------------------------------------------------------------------------
V. 6. Comp. Mahāvagga, V. 13. 1-10.
1 So B and Mahāvagga; AD Kusānagare; C Kulaghare.
2 AC Pavatte nāma.
3 B Kuṭikaṇṇo; C Kuṭikaṇṇo and Koṭikaṇṇo.

[page 058]
58 UDĀNAṂ [V. 6].
avoca: idha . . . pe . . . pabbājetu maṃ bhante ayyo
Mahākaccāno 'ti. atha kho āyasmā Mahākaccāno Soṇaṃ
upāsakam Koṭikaṇṇaṃ pabbājesi. tena kho pana samayena
Avantisudakkhiṇāpatho¹ appabhikkhuko hoti. atha kho
āyasmā Mahākaccāno tiṇṇaṃ vassānaṃ accayena kicchena
kasirena tato-tato dasavaggaṃ bhikkhusaṃghaṃ sannipā-
tetvā āyasmantaṃ Soṇaṃ upasampādesi.² atha kho āyasmato
Soṇassa vassaṃ vutthassa³ rahogatassa paṭisallīnassa evañ
cetaso parivitakko udapādi: na kho me so bhagavā sam-
mukhā diṭṭho api ca suto yeva me so bhagavā īdiso īdiso cā
'ti. sace maṃ upajjhāyo anujāneyya,⁴ gacchey'; āhaṃ bhaga-
vantaṃ dassanāya arahantaṃ sammāsambuddhan ti. atha
kho āyasmā Soṇo sāyaṇhasamayaṃ paṭisallānā vuṭṭhito
yen'; āyasmā Mahākaccāno ten'; upasaṅkami, upasaṅkamitvā
āyasmantaṃ Mahākaccānaṃ abhivādetvā ekamantaṃ nisīdi,
ekamantaṃ nisinno kho āyasmā Soṇo āyasmantaṃ Mahā-
kaccānaṃ etad avoca: idha mayhaṃ bhante rahogatassa
. . . pe . . . īdiso cā 'ti. sace maṃ {upajjāyo} anujāneyya,
gaccheyy'; āhaṃ bhagavantaṃ dassanāya arahantaṃ sammā-
sambuddhan ti. sādhu sādhu Soṇa, gaccha tvaṃ Soṇa taṃ
bhagavantaṃ dassanāya arahantaṃ sammāsambuddhan ti.
dakkhissasi tvaṃ Soṇa taṃ bhagavantaṃ pāsādikaṃ pāsā-
danīyaṃ santindriyaṃ santamānasaṃ uttamaṃ samathada-
matham anuppattaṃ dantaṃ guttaṃ yatindriyaṃ⁵ nāgaṃ,
disvāna mama vacanena bhagavato pāde sirasā vandāhi,
appābādhaṃ appātaṅkaṃ lahuṭṭhānaṃ balaṃ phāsuvihāraṃ
puccha: upajjhāyo me bhante āyasmā Mahākaccāno bhaga-
vato pāde sirasā vandati, appābādhaṃ . . . pe . . . phāsuvi-
hāraṃ pucchatī 'ti. evam bhante 'ti kho āyasmā Soṇo āyas-
mato Mahākaccānassa bhāsitaṃ abhinanditvā anumoditvā
uṭṭhāy'; āsanā āyasmantaṃ Mahākaccānaṃ abhivādetvā {pada-
kkhiṇaṃ} katvā senāsanaṃ saṃsāmetvā pattacīvaram ādāya
yena Sāvatthī tena cārikaṃ pakkāmi, anupubbena cārikaṃ
caramāno yena Sāvatthī Jetavanaṃ Anāthapiṇḍikass'; ārāmo,

--------------------------------------------------------------------------
1 D Avantidakkhiṇāpaṭho.
2 A sampādeti; D upasampādeti.
3 C vassaṃ vutthassa, omitted in A and D; B vassav-.
4 C anujānātī 'ti pi pāṭho.
5 Comp. notes of Mahāvagga; AB santindriyaṃ; D satindriyaṃ.

[page 059]
SONATHERASSA-VAGGA [V. 6]. 59
yena bhagavā ten'; upasaṅkami, upasaṅkamitvā bhagavantaṃ
abhivādetvā ekamantaṃ nisīdi, ekamantaṃ nisinno kho
āyasmā Soṇo bhagavantaṃ etad avoca: upajjhāyo me
. . . pe . . . pucchatī 'ti. kacci bhikkhu khamanīyaṃ,
kacci yāpanīyaṃ, kacci pi¹ appakilamathena addhānaṃ
āgato, na ca piṇḍakena² kilanto³ sī 'ti. khamanīyaṃ
bhagavā, yāpanīyaṃ bhagavā, appakilamathena c'; āhaṃ
bhante addhānaṃ āgato, na ca piṇḍakena² kilanto³ mhī 'ti.
atha kho bhagavā āyasmantaṃ Ānandaṃ āmantesi: imass'
Ānanda āgantukassa bhikkhuno senāsanaṃ paññāpehī 'ti.
atha kho āyasmato Ānandassa etad ahosi: yassa kho maṃ
bhagavā ānāpeti: imass'; Ananda āgantukassa bhikkhuno
senāsanaṃ paññāpehī 'ti icchati bhagavā tena bhikkhunā
saddhiṃ ekavihāre vatthuṃ, icchati bhagavā āyasmatā
Soṇena saddhiṃ ekavihāre vatthun ti yasmiṃ vihāre bha-
gavā viharati, tasmiṃ vihāre āyasmato Soṇassa senāsanaṃ
paṇṇāpesi. atha kho bhagavā bahud eva rattiṃ abbhokāse
nisajjāya vītināmetvā pāde pakkhāletvā vihāraṃ pāvisi,
āyasmā pi kho Soṇo bahud . . . pe . . . pāvisi. atha kho
bhagavā rattiyā paccūsasamayaṃ paccuṭṭhāya āyasmantaṃ
Soṇaṃ ajjhesi: {patibhātu} {taṃ, bhikkhu} dhammaṃ bhāsitun
ti. evaṃ bhante 'ti kho āyasmā Soṇo bhagavato paṭissutvā
soḷasa aṭṭhakavaggikāni sabbān'; eva sarena abhaṇi. atha
kho bhagavā āyasmato Soṇassa sarabhaññapariyosāne abbha-
numodi: sādhu sādhu bhikkhu, suggahitāni bhikkhu soḷasa
aṭṭhakavaggikāni sumanasikatāni sūpadhāritāni; kalyā-
niyā si⁴ vācāya samannāgato vissaṭṭhāya {aneḷagalāya}⁵ atthassa
viññāpaniyā. kativasso si tvaṃ bhikkhū 'ti. ekavasso ahaṃ
bhagavā 'ti. kissa pana tvaṃ bhikkhu evaṃ ciraṃ akāsī 'ti.
ciraṃ diṭṭho me bhante kāmesu ādīnavo api ca sambādho
gharāvāso bahukicco bahukaraṇīyo 'ti. atha kho bhagavā
etam atthaṃ viditvā tāyaṃ velāyaṃ imaṃ udānaṃ udānesi:
disvā ādīnavaṃ loke ñatvā dhammaṃ {nirūpadhiṃ}
ariyo na ramati pāpe, pāpe na ramati sucī 'ti. ||6||

--------------------------------------------------------------------------
1 B -si; omitted in D.
2 AB piṇḍikena, omitted in C.
3 A kilamanto.
4 Omitted in AD; C -ya.
5 B (and Mahāvagga) anelagalāya; C anelāya.

[page 060]
60 UDĀNAṂ [V. 7].
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Kaṅkhārevato bhagavato avidūre
nisinno hoti pallaṅkaṃ ābhujitvā ujuṃ kāyaṃ paṇidhāya
attano kaṅkhāvitaraṇavisuddhiṃ paccavekkhamāno. addasā
kho bhagavā āyasmantaṃ Kaṅkhārevataṃ avidūre nisin-
naṃ pallaṅkaṃ ābhujitvā ujuṃ kāyaṃ paṇidhāya attano
kaṅkhāvitaranavisuddhiṃ paccavekkhamānaṃ. atha kho
bhagavā etam atthaṃ viditvā tāyaṃ velāyaṃ imaṃ udānaṃ
udānesi:
yā kāci kaṅkhā idha vā huraṃ vā sakavediyā vā paravediyā vā
jhāyino tā pajahanti sabbā ātāpino brahmacariyaṃ carantā
'ti. ||7||
evam me sutaṃ. ekaṃ samayaṃ bhagavā Rājagahe
viharati Veḷuvane Kalandakanivāpe. tena kho pana sama-
yena āyasmā Ānando tadah'; uposathe pubbaṇhasamayaṃ
nivāsetvā pattacīvaram ādāya Rājagahaṃ piṇḍāya pāvisi.
addasā kho Devadatto āyasmantaṃ Ānandaṃ Rājagahe
piṇḍāya carantaṃ, disvāna yena āyasmā Ānando ten'; upa-
saṅkami, upasaṅkamitvā āyasmantaṃ Ānandaṃ etad avoca:
ajjatagge dān'; āhaṃ āvuso Ānanda aññatr'; eva bhagavatā
aññatra bhikkhusaṃghā uposathaṃ karissāmi saṅghakammāni
cā 'ti. atha kho āyasmā Ānando Rājagahe piṇḍāya caritvā
pacchābhattaṃ piṇḍapātapaṭikkanto yena bhagavā ten'; upa-
saṅkami, upasaṅkamitvā bhagavantaṃ abhivādetvā eka-
mantaṃ nisīdi, ekamantaṃ nisinno kho āyasmā Ānando
bhagavantaṃ etad avoca: idh'; āhaṃ bhante pubbaṇhasama-
yaṃ nivāsetvā pattacīvaram ādāya Rājagahaṃ piṇḍāya
pāvisiṃ. addasā kho maṃ bhante Devadatto Rājagahe
piṇḍāya carantaṃ, disvāna yen'; āhaṃ ten'; upasaṅkami,
upasaṅkamitvā maṃ etad avoca: ajjatagge . . . cā 'ti.
ajja bhante Devadatto saṅghaṃ bhindissati uposathañ ca
karissati saṅghakammāni cā 'ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:

--------------------------------------------------------------------------
V. 8. Comp. Cullavagga, VII. 3, 17.

[page 061]
SONATHERASSA-VAGGA [V. 10]. 61
sukaraṃ sādhunā sādhu, sādhu pāpena dukkaraṃ,
pāpaṃ pāpena sukaraṃ, pāpam ariyebhi dukkaran ti. ||8||
evam me sutaṃ. ekaṃ samayaṃ bhagavā Kosalesu cāri-
kaṃ carati mahatā bhikkhusaṅghena saddhiṃ. tena kho
pana samayena sambahulā māṇavakā bhagavato avidūre
saddāyamānarūpā¹ atikkamanti. addasā kho bhagavā sam-
bahule māṇavake avidūre saddāyamānarūpe² atikkamante.
atha kho bhagavā etam atthaṃ viditvā tāyaṃ velāyaṃ imaṃ
udānaṃ udānesi³:
parimuṭṭhā {paṇḍitābhāsā} vācāgocarabhāṇino
yāv'; icchanti mukhāyāmaṃ, yena nītā na taṃ vidū 'ti. ||9||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Cūlapanthako⁴ bhagavato avidūre
nisinno hoti pallaṅkaṃ ābhujitvā ujuṃ kāyaṃ paṇidhāya
parimukhaṃ satiṃ upaṭṭhapetvā. addasā kho bhagavā
āyasmantaṃ Cūlapanthakaṃ⁵ avidūre nisinnaṃ pallaṅkaṃ
ābhujitvā ujuṃ kāyaṃ paṇidhāya parimukhaṃ satiṃ
upaṭṭhapetvā. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
ṭhitena kāyena ṭhitena cetasā tiṭṭhaṃ nisinno uda vā sayāno
etaṃ satiṃ bhikkhu adhiṭṭhahāno labhetha pubbāpariyaṃ
visesaṃ;
laddhāna pubbāpariyaṃ visesaṃ adassanaṃ Maccurājassa
gacche 'ti. ||10||
tatra uddānaṃ:
rājā appāyukā kuṭṭhī kumārakā ca uposatho
Soṇo ca Revato Nando saddāyamānā (?)⁶ Panthakena cā ti'
Soṇassa therassa⁷ vaggo pañcamo.

--------------------------------------------------------------------------
1 V. 9. A padhāyamānarūpā; D padhāyamanurūpā; B saddhāyamānarūpā;
C padhāyamānarūpa 'ti uppīḷanajātikā (?) . . . paṭhanañ ca te taṃ
ācikkhantī 'ti paṭhayamānā 'ti vattabbe dīghaṃ katvā pāṭhāyamānā
'ti vuttaṃ. athavā: viheṭhe vadhe viya attānaṃ ācarantī 'ti
vadhāyamānā . . . saddāyamānā 'ti pi pāṭho uccāsaddamahāsaddaṃ
karonto 'ti attho.
2 See n1.
3 Comp. the verse M. No. 128 Mahāvagga, X. 3, and ib. the notes,
p. 395.
4 V. 10. A Cūḷabaṇṭhako.
5 A Cūḷabaṇthakaṃ.
6 Table of contents. A pathāya; B saddhāya ca; D padhāya.
7 AD Soṇattherassa; C at last Mahāvaggavaṇṇanā.

[page 062]
62
VAGGA VI. JACCANDHAVAGGO.
evam me sutaṃ. ekaṃ samayaṃ bhagavā Vesāliyaṃ
viharati Mahāvane Kūṭāgārasālāyaṃ. atha kho bhagavā
pubbaṇhasamayaṃ nivāsetvā pattacīvaram ādāya Vesāliṃ
piṇḍāya pāvisi, Vesāliyaṃ piṇḍāya caritvā pacchābhattaṃ
piṇḍapātapaṭikkanto āyasmantaṃ Ānandaṃ āmantesi: gaṇ-
hāhi Ānanda nisīdanaṃ, yena Cāpālaṃ cetiyaṃ ten'
upasaṅkamissāmi divāvihārāyā 'ti. evaṃ bhante 'ti kho
pana āyasmā Ānando bhagavato paṭissutvā nisīdanam ādāya
bhagavantaṃ piṭṭhito piṭṭhito anubandhi. atha kho bhagavā
yena Cāpālacetiyaṃ ten'; upasaṅkami, upasaṅkamitvā paññatte
āsane nisīdi, nisajja kho bhagavā āyasmantaṃ Ānandaṃ
āmantesi: ramaṇīyā Ānanda Vesālī, ramaṇīyaṃ Udenaṃ
cetiyaṃ, ramaṇīyaṃ Gotamakaṃ cetiyaṃ, ramaṇīyaṃ
Sattambaṃ cetiyaṃ,¹ ramaṇīyaṃ Bahuputtaṃ ceti-
yaṃ, ramaṇīyaṃ Sārandadaṃ cetiyaṃ,² ramaṇīyaṃ
Cāpālaṃ cetiyaṃ. yassa kassaci Ānanda cattāro iddhi-
pādā bhāvitā bahulīkatā yānikatā vatthukatā anuṭṭhitā
paricitā susamāraddhā, so ākaṅkhamāno kappaṃ vā tiṭṭheyya
kappāvasesaṃ vā 'ti. tathāgatassa kho Ānanda cattāro iddhi-
pādā . . . susamāraddhā, ākaṅkhamāno Ānanda tathāgato
kappaṃ vā tiṭṭheyya kappāvasesaṃ vā 'ti. evam pi kho
āyasmā Ānando bhagavatā oḷārike nimitte kayiramāne oḷārike
obhāse kayiramāne n'; āsakkhi paṭivijjhituṃ, na bhagavantaṃ
yāci: tiṭṭhatu bhante bhagavā kappaṃ, tiṭṭhatu sugato
kappaṃ bahujanahitāya bahujanasukhāya lokānukampāya
atthāya hitāya sukhāya devamanussānan ti yathā taṃ Mārena

--------------------------------------------------------------------------
VI. 1. Comp. Mahāparinibbānasuttaṃ, p. 23-26 and Rhys Davids's
Buddhist Suttas, p. 40-44.
1 ABD Sattabbaṃ; Mahāp. l. c. Sattambakaṃ.
2 ADC Ānandacetiyaṃ [in three places]; B Sāraddaṃ, Sāraññaṃ,
Sārandadacetiyaṃ.

[page 063]
JACCANDHA-VAGGA [VI. 1]. 63
pariyuṭṭhitacitto. dutiyam pi kho bhagavā āyasmantaṃ
Ānandaṃ āmantesi: ramaṇīyā . . . pe . . . tathāgato
kappaṃ vā tiṭṭheyya kappāvasesaṃ vā 'ti. evam pi kho
āyasmā Ānando . . . pe . . . pariyuṭṭhitacitto. tatiyam pi
kho bhagavā āyasmantaṃ Ānandaṃ āmantesi: ramaṇīyā
. . . pe . . . tathāgato kappaṃ vā tiṭṭheyya kappāvasesaṃ
vā 'ti. evam pi kho āyasmā Ānando . . . pe . . . pari-
yuṭṭhitacitto. atha kho bhagavā āyasmantaṃ Ānandaṃ
āmantesi: gaccha tvaṃ Ānanda, yassa dāni kālaṃ maññasī 'ti.
evaṃ bhante 'ti kho āyasmā Ānando bhagavato paṭissutvā
uṭṭhāy'; āsanā bhagavantaṃ abhivādetvā padakkhiṇaṃ katvā
avidūre aññatarasmiṃ rukkhamūle nisīdi.
atha kho Māro pāpimā acirapakkante āyasmante Ānande
yena bhagavā ten'; upasaṅkami upasaṅkamitvā ekamantaṃ
aṭṭhāsi, ekamantaṃ ṭhito kho Māro pāpimā bhagavantaṃ
etad avoca: parinibbātu dāni bhante bhagavā, parinibbātu
sugato, parinibbānakālo dāni bhante bhagavato, bhāsitā kho
pan'; esā bhante bhagavatā vācā: na tāv'; āhaṃ pāpima pari-
nibbāyissāmi, yāva me bhikkhū na sāvakā bhavissanti viyattā
vinītā {visāradā pattayogakkhemā} bahussutā dhammadharā
dhammānudhammapaṭipannā sāmīcipaṭipannā anudhamma-
cārino sakaṃ ācariyakaṃ uggahetvā ācikkhissanti desissanti¹
paññapessanti paṭṭhapessanti vivarissanti vibhajissanti uttāni-
karissanti, uppannaṃ parappavādaṃ saha dhammena sunigga-
hitan niggahetvā² sappāṭihāriyaṃ dhammaṃ desissantī 'ti.
santi kho pana bhante etarahi bhikkhū bhagavato sāvakā
viyattā . . . uggahetvā ācikkhanti desenti paññapenti
paṭṭhapenti vivaranti vibhajanti uttānikaronti uppannaṃ
parappavādaṃ saha dhammena suniggahitan niggahetvā
sappāṭihāriyaṃ dhammaṃ desenti. parinibbātu dāni bhante
bhagavā, parinibbātu sugato, parinibbānakālo dāni bhante
bhagavato, bhāsitā kho pan'; esā bhagavatā vācā: na tāv'
āhaṃ pāpima parinibbāyissāmi, yāva me bhikkhuniyo sāvikā
bhavissanti viyattā . . . pe . . . anudhammacāriniyo . . . pe . . .
sappāṭihāriyaṃ dhammaṃ desissantī 'ti. santi kho pana

--------------------------------------------------------------------------
1 Mahāp. desessanti.
2 AB niggahetvā and niggahitvā.

[page 064]
64 UDĀNAṂ [VI. 1].
bhante etarahi bhikkhuniyo bhagavato sāvikā . . . pe . . .
sappāṭihāriyaṃ dhammaṃ desenti. parinibbātu . . . pe . . .
vācā na tāv'; āhaṃ pāpima parinibbāyissāmi, yāva me upāsakā
na sāvakā bhavissanti viyattā . . . pe . . . sappāṭihāriyaṃ
dhammaṃ desissantī 'ti. etarahi kho pana bhante upāsakā
bhagavato sāvakā viyattā . . . pe . . . sappāṭihāriyaṃ
dhammaṃ desenti. parinibbātu . . . pe . . . vācā: na tāv'
āhaṃ pāpima parinibbāyissāmi, yāva me upāsikā na sāvikā
bhavissanti viyattā . . . pe . . . anudhammacāriniyo . . . pe . . .
sappāṭihāriyam dhammaṃ desissantī 'ti. etarahi kho pana
bhante upāsikā bhagavato sāvikā viyattā . . . pe . . . anu-
dhammacāriniyo . . . pe . . . sappāṭihāriyaṃ dhammaṃ
desenti. parinibbātu . . . pe . . . vācā: na tāv'; āhaṃ
pāpima parinibbāyissāmi, yāva me idaṃ brahmacariyaṃ na
iddhaṃ ca bhavissati phītaṃ ca vitthārikaṃ bahujaññaṃ
puthubhūtaṃ {yāva-d-eva manussehi}¹ suppakāsitan ti. etarahi
kho pana bhante bhagavato brahmacariyaṃ iddhaṃ ca phī-
taṃ ca vitthārikaṃ bahujaññaṃ² puthubhūtaṃ yavad eva
manussehi suppakāsitan ti parinibbātu dāni bhante bhagavā
parinibbātu sugato, parinibbānakālo dāni bhante bhagavato 'ti.ḥ
evaṃ vutte bhagavā Māraṃ pāpimantaṃ³ etad avoca: appo-
sukko tvaṃ pāpima hohi.⁴ na ciraṃ tathāgatassa parinibbā-
naṃ bhavissati, ito tiṇṇaṃ māsānaṃ accayena tathāgato pari-
nibbāyissatī 'ti. atha kho bhagavā Cāpāle cetiye sato sampa-
jāno āyusaṅkhāraṃ ossajji, ossaṭṭhe ca bhagavatā āyusaṅkhāre
mahābhūmicālo ahosi bhiṃsanako lomahaṃso devadundu-
bhiyo ca phaliṃsu. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
tulam atulaṃ ca sambhavaṃ bhavasaṅkhāram {avassajī} muni,
ajjhattarato samāhito abhindi⁵ kavacam iv'; attasambhavan
ti. ||1||
evam me sutaṃ. ekaṃ samayaṃ bhagavā Sāvatthiyaṃ
viharati Pubbārāme Migāramātu pāsāde. tena kho pana

--------------------------------------------------------------------------
1 This is the interpretation of C. Mahāp. has yāvad eva manussehi.
2 So all MSS. Mahāp. has bāhujaññaṃ.
3 A pāpimaṃ.
4 A hosi; B hotihi; D hoti.
5 A abhinda; D abhidhi.

[page 065]
JACCANDHA-VAGGA [VI. 2]. 65
samayena bhagavā sāyaṇhasamayaṃ paṭisallānā vuṭṭhito
bahi dvārakoṭṭhake nisinno hoti. atha kho rājā Pasenadi
Kosalo yena bhagavā ten'; upasaṅkami, upasaṅkamitvā bhaga-
vantaṃ abhivādetvā ekamantaṃ nisīdi. tena kho pana
samayena satta ca jaṭilā satta ca nigaṇṭhā satta ca acelā
satta ca {ekasāṭakā} satta ca paribbājakā parūḷhakacchana-
khalomā khārivividham ādāya¹ bhagavato avidūre atikka-
manti. addasā kho rājā Pasenadi Kosalo te satta ca jaṭile
satta ca nigaṇṭhe satta ca acele satta ca {ekasāṭake} satta ca
paribbājake parūḷhakacchanakhalome khārivividham ādāya
bhagavato avidūre atikkamante, disvāna uṭṭhāy'; āsanā ekaṃ-
saṃ uttarāsaṅgaṃ karitvā dakkhiṇaṃ jāṇumaṇḍalaṃ paṭha-
viyaṃ nihantvā yena te satta ca jaṭilā satta ca nigaṇṭhā satta
ca acelā satta ca ekasāṭā satta ca paribbājakā, ten'; añjalim
panāmetvā tikkhattuṃ nāmaṃ sāvesi:² rāj'; āhaṃ bhante
Pasenadi Kosalo rāj'; āhaṃ bhante Pasenadi Kosalo 'ti. atha
kho rājā Pasenadi Kosalo acirapakkantesu tesu sattasu ca jaṭi-
lesu sattasu ca nigaṇṭhesu sattasu ca acelesu sattasu ca ekasā-
ṭesu sattasu ca paribbājakesu yena bhagavā ten'; upasaṅkami,
upasaṅkamitvā bhagavantaṃ abhivādetvā ekamantaṃ nisīdi,
ekamantaṃ nisinno kho rājā Pasenadi Kosalo bhagavantaṃ
etad avoca: ye nu ke ci kho³ bhante loke arahanto vā ara-
hattamaggaṃ vā samāpannā, etesaṃ aññataro 'ti. dujjānaṃ
kho etaṃ mahārāja tayā gihinā {kāmabhogino} puttasambādha-
sayanaṃ ajjhāvasantena kāsikacandanaṃ paccanubhontena
mālāgandhavilepanaṃ dhārayantena jātarūparajataṃ sādi-
yantena: ime vā arahanto ime vā arahattamaggaṃ samā-
pannā 'ti. saṃvāsena kho mahārāja sīlaṃ veditabbaṃ tañ
ca kho dīghena addhunā na ittaraṃ manasikarotā no amana-
sikārā 'paññavatā no duppaññena; sabbyohārena⁴ kho mahā-
rāja soceyyaṃ veditabbaṃ tañ ca kho dīghena . . . pe . . .
duppaññena; āpadāsu kho mahārāja thāmo veditabbo, so ca
kho dīghena . . . pe . . . duppaññena; sākacchāya kho
mahārāja paññā veditabbā, sā ca kho dīghena . . . pe . . .

--------------------------------------------------------------------------
1 VI. 2. C khārivividham ādāyā 'ti vividhakhāriṃ [ṃ omitted]
nānappakāraṃ pabbajitaparikkhārabhaṇḍabhaṇḍikaṃ gahetvā.
2 B pavedesi.
3 AD ye ca kho; B ye na keci. Comp. 1. 10.
4 A sabbohārena; C saṃvohāreṇā 'ti kathanena.

[page 066]
66 UDĀNAṂ [VI. 2].
duppaññenā 'ti. acchariyaṃ bhante, abbhutam bhante, yāva
subhāsitaṃ c'; idaṃ¹ bhagavatā: dujjānaṃ kho . . . pe . . .
arahattamaggaṃ samāpannā 'ti. saṃvāsena . . . pe . . .
paññā veditabbā, sā ca kho dīghena . . . pe . . . duppa-
ññenā 'ti. ete bhante mama purisā² corā ocarakā³ janapa-
daṃ ocaritvā⁴ āgacchanti. tehi paṭhamaṃ otiṇṇaṃ, ahaṃ
pacchā {osāpayissāmi} (?).⁵ idāni te⁶ bhante taṃ rajojallaṃ
pavāhetvā sunhātā⁷ suvilittā kappitakesamassū odātavattha-
vasanā pañcahi kāmaguṇehi samappitā samaṅgibhūtā paricā-
rissantī 'ti.⁸ atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
na vāyameyya sabbattha n'; āññassa puriso siyā,
n'; āññaṃ nissāya jīveyya, {dhamme na vāṇijjaṃ} care⁹ ti. ||2||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena bhagavā attano aneke pāpake akusale dhamme
pahīne paccavekkhamāno nisinno hoti aneke ca kusale
dhamme bhāvanāya pāripūrikate. atha kho bhagavā attano
aneke pāpake akusale dhamme pahīne viditvā aneke ca
kusale dhamme bhāvanāya pāripūrikate tāyaṃ velāyaṃ
imaṃ udānaṃ udānesi:¹⁰
ahu pubbe tadā n'; āhu, n'; āhu pubbe tadā ahu,
na c'; āhu na ca bhavissati na c'; etarahi vijjatī 'ti. ||3||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena sambahulā nānātitthiyā samaṇabrāhmaṇā paribbā-

--------------------------------------------------------------------------
1 AD ciraṃ.
2 ABD parisā; C purisā.
3 C corā 'ti appabajitā 'va pabbajitarūpena raṭṭhapiṇḍaṃ bhuñjantā
paṭicchannakammantā, ocarakā 'ti heṭṭhācarakā . . . athavā:
ocarakā 'ti carapurisā.
4 C ocaritvā 'ti avacaritvā vīmaṃsitvā.
5 BD obhāyissāmi; A otāyissāmi; C osāyissāmī 'ti paṭipajjissāmi
karissāmī 'ti attho.
6 AD te na.
7 A sunhātā; B suṇhātā; D sunātā.
8 C paricarissantī 'ti indriyāni samantato cārissanti vā kilissanti vā.
9 A vaniṃ care; B dhani care; D vanī care; C dhammena na [omitted]
vānijaṃ karo (!) 'ti dhanādiatthāya dhammaṃ na katheyya.
VI. 3. This Sutta is omitted in D.
10 Comp. Theragāthā, v. 180.

[page 067]
JACCANDHA-VAGGA [VI. 4]. 67
jakā Sāvatthiṃ piṇḍāya pavisanti nānādiṭṭhikā nānākhantikā
nānārucikā nānādiṭṭhinissayanissitā. sant'; eke samaṇabrāh-
maṇā evaṃvādino evaṃdiṭṭhino: sassato loko, idam eva saccaṃ,
mogham aññan ti. santi pan'; eke samaṇabrāhmaṇā evaṃvā-
dino evaṃdiṭṭhino: asassato loko, idam eva saccaṃ, mogham
aññan ti. sant'; eke samaṇabrāhmaṇā evaṃvādino evaṃ-
diṭṭhino: antavā loko, idam eva saccaṃ, mogham aññan ti.
santi pan'; eke samaṇabrāhmaṇā evaṃvādino evaṃdiṭṭhino:
anantavā loko, idam eva saccaṃ, mogham aññan ti. sant'
eke samaṇabrāhmaṇā evaṃvādino evaṃdiṭṭhino: taṃ jīvaṃ
taṃ sarīraṃ, idam eva saccaṃ, mogham aññan ti. santi pan'; eke
samaṇabrāhmaṇā evaṃvādino evaṃdiṭṭhino: aññaṃ jīvaṃ
aññaṃ sarīraṃ, idam eva saccaṃ, mogham aññan ti. sant'; eke
samaṇabrāhmaṇā evaṃvādino evaṃdiṭṭhino: hoti tathāgato
param maraṇā, idam eva saccaṃ, mogham aññan ti. santi
pan'; eke samaṇabrāhmaṇā evaṃvādino evaṃdiṭṭhino: na
hoti tathāgato param maraṇā, idam eva saccaṃ, mogham
aññan ti. sant'; eke samaṇabrāhmaṇā evaṃvādino evaṃ-
diṭṭhino: hoti ca na ca hoti tathāgato param maraṇā, idam
eva saccaṃ, mogham aññan ti. santi pan'; eke samaṇabrāh-
manā: n'; eva hoti na na hoti tathāgato param maraṇā, idam
eva saccaṃ, mogham aññan ti. te bhaṇḍanajātā kalahajātā
vivādāpannā aññamaññaṃ mukhasattīhi vitudantā viharanti:
ediso dhammo,¹ n'; ediso dhammo, n'; ediso dhammo ediso
dhammo 'ti. atha kho sambahulā bhikkhū pubbaṇhasama-
yaṃ nivāsetvā pattacīvaraṃ ādāya Sāvatthiṃ piṇḍāya
pāvisiṃsu, Sāvatthiyaṃ piṇḍāya caritvā pacchābhattaṃ
piṇḍapātapaṭikkantā yena bhagavā ten'; upasaṅkamiṃsu,
upasaṅkamitvā bhagavantaṃ abhivādetvā ekamantaṃ nisī-
diṃsu, ekamantaṃ nisinnā kho te bhikkhū bhagavantaṃ
etad avocuṃ: idha bhante sambahulā nānātitthiyā samaṇa-
brāhmaṇā paribbājakā Sāvatthiyaṃ paṭivasanti nānādiṭṭhikā
. . . pe . . . nissitā. sant'; eke . . . pe . . . ediso dhammo
'ti. aññatitthiyā bhikkhave paribbājakā andhā acakkhukā
atthaṃ na jānanti, anatthaṃ na jānanti, dhammaṃ na jānanti,

--------------------------------------------------------------------------
1 VI. 4. AD te ediso dhammo in the first place.

[page 068]
68 UDĀNAṂ [VI. 4].
adhammaṃ na jānanti. te atthaṃ ajānantā anatthaṃ ajā-
nantā dhammaṃ ajānantā adhammaṃ ajānantā bhaṇḍana-
jātā . . . pe . . . ediso dhammo 'ti. bhūtapubbaṃ bhi-
kkhave imissāy'; eva Sāvatthiyaṃ aññataro rājā ahosi. atha
kho bhikkhave so rājā aññataraṃ purisaṃ āmantesi: ehi
tvaṃ ambho purisa yāvatikā Sāvatthiyaṃ jaccandhā, te sabbe
ekajjhaṃ sannipātehī 'ti. evaṃ devā 'ti kho bhikkhave so
puriso tassa rañño paṭissutvā yāvatikā Sāvatthiyaṃ {jaccandhā},
te sabbe gahetvā yena so rājā ten'; upasaṅkami, upasaṅka-
mitvā taṃ rājānaṃ etad avoca: sannipātitā kho te deva
yāvatikā Sāvatthiyaṃ jaccandhā 'ti. tena hi bhaṇe jaccand-
hānaṃ hatthiṃ dassehī 'ti. evaṃ devā 'ti kho bhikkhave so
puriso tassa rañño paṭissutvā jaccandhānaṃ hatthiṃ dassesi:
ediso jaccandhā hatthī 'ti. ekaccānaṃ jaccandhānaṃ hatthissa
sīsaṃ dassesi: ediso jaccandhā hatthī 'ti, ekaccānaṃ jaccan-
dhānaṃ hatthissa kaṇṇaṃ dassesi: ediso jaccandhā hatthī 'ti,
ekaccānaṃ jaccandhānaṃ hatthissa dantaṃ dassesi: ediso
jaccandhā hatthī 'ti, ekaccānaṃ jaccandhānaṃ hatthissa
soṇḍaṃ dassesi: ediso jaccandhā hatthī 'ti, ekaccānaṃ
jaccandhānaṃ hatthissa kāyaṃ dassesi: ediso jaccandhā
hatthī 'ti, ekaccānaṃ . . . pādaṃ dassesi . . .'ti, ekaccānaṃ
. . . piṭṭhiṃ¹ dassesi . . .'ti, ekaccānaṃ . . . naṅguṭṭhaṃ
dassesi . . .'ti, ekaccānaṃ . . . vāladhiṃ dassesi . . .'ti.
atha kho bhikkhave so puriso jaccandhānaṃ hatthiṃ
dassetvā yena so rājā ten'; upasaṅkami, upasaṅkamitvā taṃ
rājānaṃ etad avoca: diṭṭho kho tehi deva jaccandehi hatthī,
yassa dāni kālaṃ maññasī 'ti. atha kho bhikkhave so rājā
yena te jaccandhā ten'; upasaṅkami, upasaṅkamitvā te
jaccandhe etad avoca: diṭṭho vo jaccandhā hatthī 'ti. evaṃ
deva diṭṭho no hatthī 'ti. vadetha jaccandhā, kīdiso hatthī 'ti.
yehi bhikkhave jaccandhehi hatthissa sīsaṃ diṭṭhaṃ ahosi,
te evam āhaṃsu: ediso deva hatthī, seyyathā pi kumbho 'ti.
yehi bhikkhave jaccandhehi hatthissa kaṇṇo diṭṭho ahosi, te
evam āhaṃsu: ediso deva hatthī, seyyathā pi suppo 'ti.
yehi bhikkhave jaccandhehi hatthissa danto diṭṭho ahosi, te

--------------------------------------------------------------------------
1 A saṭthi; B pitti; D piṭṭhi.

[page 069]
JACCANDHA-VAGGA [VI. 5]. 69
evam āhaṃsu: ediso . . . pe . . . pi phālo 'ti. yehi . . .
soṇḍo . . . āhaṃsu: ediso . . . pi naṅgalīsā 'ti. yehi . . .
kāyo . . . āhaṃsu: ediso . . . pi koṭṭho 'ti. yehi . . .
pādo . . . āhaṃsu: ediso . . . pi thūṇo 'ti. yehi . . .
piṭṭhī¹ diṭṭhā² . . . āhaṃsu: ediso . . . pi udukkhalo 'ti.
yehi . . . naṅguṭṭhaṃ diṭṭhaṃ ahosi, te evam āhaṃsu: ediso
. . . pi musalo 'ti. yehi . . . vāladhi . . . āhaṃsu: ediso
. . . sammajjanī 'ti. te ediso hatthī, n'; ediso hatthī, n'; ediso
hatthī, ediso hatthī 'ti aññamaññaṃ muṭṭhīhi {saṃsubhiṃsu}.
tena ca pana bhikkhave so rājā attamano ahosi, evam eva
kho bhikkhave aññatitthiyā paribbājakā andhā acakkhukā
. . . pe . . . ediso dhammo 'ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
imesu kira sajjanti eke samaṇabrāhmaṇā,
viggayha naṃ³ vivadanti janā ekaṅgadassino 'ti. ||4||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena sambahulā nānātitthiyā samaṇabrāhmaṇā paribbā-
jakā Sāvatthiyaṃ paṭivasanti nānādiṭṭhikā nānākhantikā
nānārucikā nānādiṭṭhinissayanissitā. sant'; eke samaṇabrāh-
maṇā evaṃvādino evaṃdiṭṭhino: sassato attā ca loko ca,
idam eva saccaṃ, mogham aññan ti. santi pan'; eke . . .
asassato attā ca loko ca . . .: ti [comp. VI.4]. sant'
eke . . .: sassato asassato attā ca loko ca . . . ti. santi
pan'; eke . . .: n'; eva sassato n'; āsassato attā ca loko ca
. . . ti. sant'; eke . . .: sayaṃkato attā ca loko ca . . . ti.
santi pan'; eke . . .: paraṃkato attā ca loko ca . . . ti.
sant'; eke . . .: sayaṃkato ca paraṃkato ca attā ca loko ca
. . . ti. santi pan'; eke . . .: asayaṃkāro ca aparaṃkāro ca
adhiccasamuppanno attā ca loko ca . . . ti. sant'; eke . . .:
sassataṃ sukhadukkhaṃ attā ca loko ca . . . ti. santi pan'
eke . . .: asassataṃ sukhadukkhaṃ attā ca loko ca . . . ti.

--------------------------------------------------------------------------
1 A saṭṭhi; D piṭṭhi.
2 AD diṭṭho.
3 B vigayha naṃ; D viggayhu naṃ; C nan ti c'; ettha nipātamattaṃ . . .
athavā . . . naṃ ti naṃ diṭṭhiṃ nissāya . . .

[page 070]
70 UDĀNAṂ [VI. 5].
sant'; eke . . .: sassatañ ca asassatañ ca sukhadukkhaṃ attā
ca loko ca . . . ti. santi pan'; eke . . .: n'; eva sassataṃ
n'; āsassataṃ sukhadukkhaṃ attā ca loko ca . . . ti. sant'
eke . . .: sayaṃkataṃ sukhaṃ dukkhaṃ attā ca loko ca
. . . ti. santi pan'; eke . . .: paraṃkataṃ sukhadukkhaṃ
attā ca loko ca . . . ti. sant'; eke . . .: sayaṃkatañ ca
paraṃkatañ ca sukhadukkhaṃ attā ca loko ca . . . ti. santi
pan'; eke: asayaṃkāraṃ aparaṃkāraṃ adhiccasamuppannaṃ
sukhadukkhaṃ attā ca loko ca . . . ti te bhaṇḍanajātā . . .
(comp. VI.4) . . . ediso dhammo 'ti. atha kho sambahulā
bhikkhū pubbaṇhasamayaṃ (comp. VI.4) . . . bhagavantaṃ
etad avocuṃ: idha bhante sambahulā . . . nānādiṭṭhinissa-
yanissitā. sant'; eke . . . pe . . . ediso dhammo 'ti. añña-
titthiyā bhikkhave paribbājakā andhā acakkhukā atthaṃ na
jānanti anatthaṃ na jānanti, dhammaṃ na jānanti, adham-
maṃ na jānanti. te atthaṃ ajānantā anatthaṃ ajānantā
dhammaṃ ajānantā adhammaṃ ajānantā bhaṇḍanajātā . . .
ediso dhammo 'ti. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
imesu kira sajjanti eke samaṇabrāhmaṇā,
{antarā'va} visīdanti¹ apatvā² 'va tam ogadhan³ ti. ||5||
VI. 6 = VI. 5, but with the following ending: [atha kho
bhagavā etam atthaṃ viditvā tāyaṃ velāyaṃ imaṃ udānaṃ
udānesi:]
ahaṅkārapasutā ayaṃ pajā paraṃkārūpasañhitā, etad eke
n'; ābhaññaṃsu,⁴ na naṃ sallan ti addaṃsu. etaṃ ca sallaṃ
{paṭikacca} (?)⁵ passato ahañ karomī 'ti na tassa hoti, paro
karotī 'ti na tassa hoti.
mānupetā ayam pajā mānaganthā⁶ mānavinibaddhā⁷
diṭṭhīsu {sārambhakatā} (!)⁸ saṃsāraṃ n'; ātivattatī 'ti. ||6||

--------------------------------------------------------------------------
1 VI. 5. AD andhābha visīdanti.
2 B appatvā.
3 C ogadhasaṃkhātaṃ nibbāṇaṃ.
4 VI. 6. AD evamvādakenābbhaññaṃsu; B etad ake nābbhaddhāsu;
C etar eke n'; abbhaññaṃsū 'ti etaṃ diṭṭhidvayaṃ ete samaṇā
tattha dosadassino hutvā n'; ānujāniṃsu.
5 AC paṭigaccha; B paticca; D paṭipajja.
6 AD mānathaddhā.
7 AC vinibandhā; BD vinibaddhā.
8 C sārambhakathā . . . sārambhakatavirodhā . . . ABD -kathā.

[page 071]
JACCANDHA-VAGGA [VI. 8]. 71
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Subhūti bhagavato avidūre nisinno hoti
pallaṅkaṃ ābhujitvā ujuṃ kāyaṃ panidhāya avitakkaṃ
samādhiṃ samāpajjitvā. addasā kho bhagavā āyasmantaṃ
Subhūtiṃ avidūre nisinnaṃ pallaṅkaṃ ābhujitvā ujuṃ kāyaṃ
paṇidhāya avitakkaṃ samādhiṃ samāpannaṃ. atha kho bha-
gavā etam atthaṃ viditvā tāyaṃ velāyaṃ imaṃ udānaṃ
udānesi:
yassa vitakkā {vidhūpitā}¹ ajjhattaṃ suvikappitā asesā, taṃ
saṅgam aticca² arūpasaññī catuyogātigato na {jātu-m-etī}³
'ti. ||7||
evam me sutaṃ. ekaṃ samayaṃ bhagavā Rājagahe viha-
rati Veḷuvane Kalandakanivāpe. tena kho pana samayena
Rājagahe dve pūgā aññatarissā gaṇikāya sārattā honti paṭi-
baddhacittā⁴ bhaṇḍanajātā kalahajātā vivādāpannā añña-
maññaṃ pāṇīhi pi upakkamanti leḍḍūhi pi upakkamanti
daṇḍehi pi upakkamanti satthehi pi upakkamanti. te tattha
maraṇam pi nigacchanti maraṇamattam pi dukkhaṃ. atha
kho sambahulā bhikkhū pubbaṇhasamayaṃ nivāsetvā patta-
cīvaram ādāya Rājagahaṃ piṇḍāya pāvisiṃsu, Rājagahe
piṇḍāya caritvā pacchābhattaṃ piṇḍapātapaṭikkantā yena
bhagavā ten'; upasaṅkamiṃsu, upasaṅkamitvā bhagavantaṃ
abhivādetvā ekamantaṃ nisīdiṃsu, ekamantaṃ nisinnā kho
te bhikkhū bhagavantaṃ etad avocuṃ: idha bhante Rājagahe
dve pūgā . . . pe . . . dukkhan ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
yañ ca pattaṃ yañ ca pattabbaṃ, ubhayam etaṃ rajānu-
kiṇṇaṃ āturass'; {anusikkhato}⁵ yeva sikkhāsārā. sīlabbataṃ
jīvitaṃ brahmacariyaṃ {upaṭṭhānaṃ sārā},⁶ ayam eko anto {ye ca}
{evaṃvādino} evaṃdiṭṭhino. n'; atthi kāmesu doso 'ti ayaṃ dutiyo anto.

--------------------------------------------------------------------------
1 VI. 7. AD vidūsitā; BC vidūpitā, glossed by samucchinnā.
2 A saṅkamati arūpañ ca; D sakamati arūpañ ca; B saṅgam ati;
C saṅgam . . . aticcha (!) atikkamitvā.
3 ABD na jātu-m-eti; C explains: makāro padasandhikaro, jātu
ekaṃsen'; eva punabbhavāya na eti. na jātim eti 'ti pi
paṭhanti, so ev'; attho.
4 VI. 8. AB paṭibandhacittā.
5 A ānusikkhato.
6 AD -sāro.

[page 072]
72 UDĀNAṂ [VI. 8].
icc'; ete ubho antā kaṭasivaḍḍhanā, kaṭasiyo diṭṭhī vaḍḍhenti.
ete te ubho ante anabhiññāya olīyanti¹ eke, atidhāvanti eke;
ye ca kho te² abhiññāya tatra ca n'; āhesuṃ te na ca amañ-
ñiṃsu, vaṭṭaṃ tesaṃ n'; atthi paññāpanāyā 'ti. ||8||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena bhagavā rattandhakāratimisāyaṃ³ abbhokāse
nisinno hoti, telappadīpesu jhāyamānesu. tena kho pana
samayena sambahulā adhipātakā⁴ tesu telappadīpesu āpāta-
paripātaṃ anayaṃ āpajjanti, byasanaṃ āpajjanti, anayabya-
sanaṃ āpajjanti. addasā kho bhagavā te sambahule adhipā-
take⁴ tesu telappadīpesu āpātaparipātaṃ anayaṃ āpajjante
byasanaṃ āpajjante anayabyasanaṃ āpajjante. atha kho
bhagavā etam atthaṃ viditvā tāyaṃ velāyaṃ imaṃ udānaṃ
udānesi:
upātidhāvanti na sāram enti, navaṃ navaṃ bandhanaṃ brūhayanti,
patanti pajjotam iv'; ādhipātā,⁵ diṭṭhe sute iti h'; eke⁶ niviṭṭhā
'ti. ||9||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. atha kho āyasmā
Ānando yena bhagavā ten'; upasaṅkami, upasaṅkamitvā bha-
gavantaṃ abhivādetvā ekamantaṃ nisīdi, ekamantaṃ nisinno
kho āyasmā Ānando bhagavantaṃ etad avoca: yāva kīvañ
ca bhante tathāgatā loke n'; uppajjanti arahanto sammāsam-
buddhā, tāva aññatitthiyā paribbājakā sakkatā honti garukatā
mānitā pūjitā apacitā lābhī cīvarapiṇḍapātasenāsanagilāna-
paccayabhesajjaparikkhārānaṃ, yato ca kho bhante tathāgatā
loke uppajjanti arahanto sammāsambuddhā, atha kho añña-
titthiyā paribbājakā asakkatā honti agarukatā amānitā apū-
jitā na apacitā na lābhī . . . pe . . . parikkhārānaṃ, bha-

--------------------------------------------------------------------------
1 ABD oliyanti
2 Omitted in BD.
3 VI. 9. BD -timisāya.
4 A adhipātakā ti paṭahapātakā (!) ye salabhā 'ti pi vuccanti;
AD atipātakā and atipātake.
5 A ābhipātā.
6 ACD iti soke; B iti h'; eko; C explains: eke samaṇabrāhmaṇā.
The reading of ACD is a mistake.

[page 073]
JACCANDHA-VAGGA [VI. 10]. 73
gavā yeva dāni bhante sakkato mānito pūjito apacito lābhī
. . . pe . . . parikkhārānaṃ bhikkhusaṅgho cā 'ti. evam
etaṃ Ānanda, yāva kīvañ ca Ānanda tathāgatā loke n'; uppa-
jjanti . . . pe . . . parikkhārānaṃ. yato ca kho Ānanda
tathāgatā loke uppajjanti . . . pe . . . parikkhārānaṃ.
tathāgato 'va dāni sakkato garukato . . . pe . . . bhikkhu-
saṅgho cā 'ti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
obhāsati tāva so kimi, yāva na unnamati¹ pabhaṅkaro.
virocanamhi uggate, hatappabho hoti na c'; āpi bhāsati.²
evaṃ obhāsitam³ eva titthiyānaṃ: yāva sammāsambuddhā
loke n'; uppajjanti,⁴ na takkikā sujjhanti na c'; āpi sāvakā,
duddiṭṭhī⁵ na dukkhā pamuccare⁶ 'ti. ||10||
tatr'; uddānam ahu:
āyusam⁷ osajjanaṃ⁸ patisallā (?)⁹ āhu tañ ca kira titthā (?)¹⁰
sattamam āha Subhūtiṃ,¹¹ gaṇikā, upāti navamo,
uppajjanti ca te dasā 'ti.
Jaccandhavaggo chaṭṭho.

--------------------------------------------------------------------------
1 VI. 10. AD naṃ uṇṇamati; BC na unnamati.
2 A na c'; ādhibhāsati; D na ca abhibhāsati.
3 AD subhāsitaṃ.
4 A na samuppajjanti.
5 C duddiṭṭhino micchābhiniviṭṭhadiṭṭhikā.
6 BD pamuñcare.
7 A āyussam.
8 D ossajanañ ca.
9 B patilā; D tiṇa.
10 D titthiyā.
11 A sattamakom āha Subhuto; D sattamako sā pi Subodhi.

[page 074]
74
VAGGA VII. CŪLAVAGGO.1
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Sāriputto āyasmantaṃ Lakuṇṭhaka-
bhaddiyaṃ¹ anekapariyāyena dhammiyā kathāya sanda-
sseti samādapeti samuttejeti sampahaṃseti. atha kho āyas-
mato Lakuṇṭhakabhaddiyassa¹ āyasmatā Sāriputtena aneka-
pariyāyena dhammiyā kathāya sandassiyamānassa samādapi-
yamānassa samuttejiyamānassa sampahaṃsiyamānassa, anupā-
dāya āsavehi cittaṃ vimucci. addasā kho bhagavā āyasmantaṃ
Lakuṇṭhakabhaddiyaṃ² āyasmatā Sāriputtena anekapariyā-
yena dhammiyā kathāya sandassiyamānaṃ samādapiyamā-
naṃ samuttejiyamānaṃ sampahaṃsiyamānaṃ, anupādāya
āsavehi cittaṃ vimuttaṃ. atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
uddhaṃ adho ca sabbadhi vippamutto ayam aham asmī 'ti
anānupassī,
evaṃ vimutto udatāri oghaṃ atiṇṇapubbaṃ apunabbhavāyā
'ti. ||1||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. atha kho āyasmā
Sāriputto āyasmantaṃ Lakuṇṭhakabhaddiyaṃ³ sekho 'ti
{maññamāno} bhiyyosomattāya anekapariyāyena dhammiyā
kathāya sandasseti samādapeti samuttejeti sampahaṃseti.
addasā kho bhagavā āyasmantaṃ Sāriputtaṃ āyasmantaṃ
Lakuṇṭhakabhaddiyaṃ sekho 'ti {maññamāno} bhiyyoso-

--------------------------------------------------------------------------
VII.
1 A Cūḷavaggo.
VII. 1.
2 A Lakuṇḍaka-; BD (and Childers) Lakuṇṭaka-; C Lakuṇṭhaka-.
VII. 2.
3 See the last note.

[page 075]
CŪLA-VAGGA [VII. 3]. 75
mattāya anekapariyāyena dhammiyā kathāya sandassentaṃ
samādapentaṃ samuttejentaṃ sampahaṃsentaṃ. atha kho
bhagavā etam atthaṃ viditvā tāyaṃ velāyaṃ imaṃ udānaṃ
udānesi:
{acchejji} vaṭṭaṃ {vyagā}¹ nirāsaṃ, visukkhā saritā na sandati,
chinnaṃ vaṭṭaṃ na vattati, es'; ev'; anto dukkhassā 'ti. ||2||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena Sāvatthiyaṃ manussā yebhuyyena kāmesu ativelaṃ
sattā honti rattā giddhā gadhitā mucchitā ajjhopannā² sam-
mattakajātā (?)³ kāmesu viharanti. atha kho sambahulā bhi-
kkhū pubbaṇhasamayaṃ nivāsetvā pattacīvaram ādāya Sā-
vatthiṃ piṇḍāya pāvisiṃsu, Sāvatthiyaṃ piṇḍāya caritvā
pacchābhattaṃ piṇḍapātapaṭikkantā yena bhagavā ten'; upa-
saṅkamiṃsu, upasaṅkamitvā bhagavantaṃ abhivādetvā eka-
mantaṃ nisīdiṃsu, ekamantaṃ nisinnā kho bhagavantaṃ
etad avocuṃ: idha bhante Sāvatthiyaṃ manussā . . . pe . . .
viharantīti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
kāmesu sattā⁴ kāmasaṅgāsattā saṃyojane vajjam apassamānā
na hi jātu saṃyojanasaṅgasattā oghan tareyyuṃ vipulaṃ
mahantan ti ||3||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena Sāvatthiyaṃ manussā yebhuyyena kāmesu sattā
honti rattā giddhā gadhitā mucchitā ajjhopannā⁵ andhikatā
{sammattakajātā}⁶ kāmesu viharanti. atha kho bhagavā
pubbaṇhasamayaṃ nivāsetvā pattacīvaram ādāya Sāvatthim
piṇḍāya pāvisi. addasā kho bhagavā Sāvatthiyaṃ te manusse

--------------------------------------------------------------------------
1 A byāsā; B byagā; D byabhā; C visesena agā 'dhigato vibyāgā . . . (?)
VII. 3.
2 AD ajjhosannā; C ajjhāpannā; B ajjhopannā; B inserts andhikatā.
3 C sammattakajātā ti kāmesu pātabyataṃ āpajjantā appasukhavedanāya
sampattakā suṭṭhu pattā jātā, samparāyikajātā 'ti pi pāṭho
jātasamparāyikā uppannāpahāsā (?) 'ti attho; A sabbattakajātā;
D sapattakajātā; B sammattakajātā.
{4} C sattā, corrected to rattā. VII. 4.
5 AB ajjhopannā, afterwards -e; D ajjhosannā and -e.
6 See VII. 3, note 3.

[page 076]
76 UDĀNAṂ [VII. 5].
yebhuyyena kāmesu satte ratte giddhe gadhite mucchite
ajjhopanne¹ andhikate {sammattakajāte}² kāmesu viharante.
atha kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
kāmandhā jālasañchannā³ taṇhāchadanachāditā
pamattabandhunā {baddhā}⁴ macchā va kumināmukhe
jarāmaraṇaṃ gacchanti vaccho khīrapako⁵ va mātaran
ti. ||4||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Lakuṇṭakabhaddiyo⁶ sambahulānaṃ bhi-
kkhūnaṃ piṭṭhito piṭṭhito yena bhagavā ten'; upasaṅkami.
addasā kho bhagavā āyasmantaṃ Lakuṇṭakabhaddiyaṃ⁶
dūrato 'va sambahulānaṃ bhikkhūnaṃ piṭṭhito piṭṭhito
āgacchantaṃ dubbaṇṇaṃ duddassikaṃ okoṭimakaṃ⁷ yebhu-
yyena bhikkhūnaṃ paribhūtarūpaṃ, disvāna bhikkhū āman-
tesi: passatha no tumhe bhikkhave etaṃ bhikkhuṃ dūrato
'va . . . pe . . . paribhūtarūpan ti. evam bhante 'ti. eso
bhikkhave bhikkhu mahiddhiko mahānubhāvo, na ca sā⁸
samāpatti sulabharūpā, yā⁹ tena bhikkhunā asamāpannapubbā,
yassa c'; atthāya kulaputtā sammad eva agārasmā anagāriyaṃ
pabbajanti, tad anuttaraṃ brahmacariyapariyosānaṃ diṭṭh'
eva dhamme sayaṃ abhiññā sacchikatvā upasampajja viha-
ratī 'ti. atha kho bhagavā etam atthaṃ viditvā tāyaṃ velā-
yaṃ imaṃ udānaṃ udānesi:
nelaggo¹⁰ setapacchādo ekāro vattatī ratho,
anīghaṃ passa āyantaṃ¹¹ chinnasotaṃ abandhanan ti. ||5||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana

--------------------------------------------------------------------------
VII. 4.
1 AB ajjhopannā, afterwards -e; D ajjhosannā and -e.
2 See VII. 3, note 3.
3 AD -sacchannā.
4 C pamattabandhunā bandhā . . . pamattabandhanena bandho,
[read bandhā (!)] ti pi paṭhanti . . . bandhā 'ti niyamitā;
ABD -bandhanābandhā.
5 A khirūpago.
VII. 5.
6 A Lakuṇḍaka-.
7 C okoṭimakan ti yaṃ iminā ārohasampattiyā abhāvan dasseti;
cf. skt. kuṭi; D okoṭimakoṭikaṃ.
8 AC te na ca sā; D te n'; eva.
9 BD omit yā.
10 AD nelaṅgo; B nelako; C nelaggo. nelaṃ padhānabhūtaṃ . . . aggaṃ.
11 BD āyasmantaṃ.

[page 077]
CŪLA-VAGGA [VII. 6]. 77
samayena āyasmā Aññātakoṇḍañño bhagavato avidūre
nisinno hoti pallaṅkaṃ ābhujitvā ujuṃ kāyaṃ paṇidhāya
taṇhāsaṅkhayavimuttiṃ¹ paccavekkhamāno. addasā kho
bhagavā āyasmantaṃ Aññātakoṇḍaññaṃ avidūre nisinnaṃ
pallaṅkaṃ ābhujitvā ujuṃ kāyaṃ paṇidhāya taṇhāsaṅkhaya-
vimuttiṃ¹ paccavekkhamānaṃ. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
yassa mūlaṃ² chamā n'; atthi paṇṇā n'; atthi, kuto latā?
taṃ dhīraṃ bandhanā muttaṃ, ko taṃ ninditum arahati? ³
devā pi naṃ pasaṃsanti, Brahmuṇā pi pasaṃsito 'ti. ||6||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena bhagavā attano papañcasaññāsaṅkhāpahānaṃ⁴
paccavekkhamāno nisinno hoti. atha kho bhagavā attano
papañcasaññāsaṅkhāpahānaṃ⁵ viditvā tāyaṃ velāyaṃ imaṃ
udānaṃ udānesi:
yassa papañcā ṭhiti⁶ ca n'; atthi, {sandānaṃ}⁷ palighañ ca
vītivatto,
taṃ⁸ nittaṇhaṃ muniṃ carantaṃ n'; āvajānāti sadevako
pi loko. ||7||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena āyasmā Mahākaccāno bhagavato avidūre nisinno
hoti pallaṅkaṃ ābhujitvā ujuṃ kāyaṃ paṇidhāya kāyaga-
tāya satiyā ajjhattaṃ parimukhaṃ supatiṭṭhitāya. addasā
kho bhagavā āyasmantaṃ Mahākaccānaṃ avidūre nisinnaṃ
pallaṅkaṃ ābhujitvā ujuṃ kāyaṃ paṇidhāya kāyagatāya
satiyā ajjhattaṃ parimukhaṃ supatiṭṭhitāya. atha kho
bhagavā etam atthaṃ viditvā tāyaṃ velāyaṃ imaṃ udānaṃ
udānesi:

--------------------------------------------------------------------------
VII. 6.
1 A taṇhāsaṅkāya vimuttiṃ; D taṇhāsaṅkhāyavimuttiṃ.
2 ABD mūlā; C mūlaṃ.
3 Speak arhati for arahati metri causa. See Fausboll, Dhammapadaṃ,
p. 116.
VII. 7.
4 B -pahīnaṃ.
5 AD pahinaṃ; B pahīnaṃ.
6 AB dhiti; C papañcaṭhitī 'ti ca pāṭho.
7 AB sandhānaṃ; D panānaṃ; C bandhāna . . . bandhanasadisattā
bandhānan (!) ti laddhanāmā taṇhādiṭṭhiyo.
8 B taṃ tam. na not in D.

[page 078]
78 UDĀNAṂ [VII. 8].
yassa siyā sabbadā sati satataṃ kāyagatā upaṭṭhitā:
no c'; assa¹ no ca me siyā na bhavissati na ca me bhavissati,
anupubbavihārī tattha so kālen'; eva tare visattikan ti. ||8||
evam me sutaṃ. ekaṃ samayaṃ bhagavā Mallesu cārikaṃ
caramāno mahatā bhikkhusaṃghena saddhiṃ yena Thūnaṃ
nāma Mallānaṃ brāhmaṇagāmo tad avasari. assosuṃ kho
Thūneyyakā brāhmaṇagahapatikā: samaṇo khalu bho
Gotamo Sakyakulā pabbajito Mallesu cārikaṃ caramāno
mahatā bhikkhusaṅghena saddhiṃ Thūnaṃ anuppatto 'ti
udapānaṃ tiṇassa ca bhusassa ca yāva mukhato pūresuṃ: mā
te muṇḍakā samaṇakā² pānīyaṃ adaṃsū³ ti. atha kho
bhagavā maggā okkamma⁴ yena annataraṃ rukkhamūlam
ten'; upasaṅkami, upasaṅkamitvā paññatte āsane nisīdi,
nisajja kho bhagavā āyasmantaṃ Ānandaṃ āmantesi: {iṅgha}
me tvaṃ Ānanda etamhā udapānā pānīyaṃ āharā 'ti. evaṃ
vutte āyasmā Ānando bhagavantaṃ etad avoca: idāni so
bhante udapāno Thūneyyakehi brāhmaṇagahapatikehi tiṇassa
ca bhusassa ca yāva mukhato pūrito: mā te muṇḍakā sama-
ṇakā² pānīyaṃ adaṃsū³ 'ti. dutiyam pi kho bhagavā
āyasmantaṃ Ānandaṃ āmantesi: iṅgha . . . āharā 'ti.
dutiyam pi kho āyasmā Ānando bhagavantaṃ etad avoca:
idāni so bhante udapāno . . . pe . . . adaṃsū³ 'ti. tatiyam
pi kho bhagavā āyasmantaṃ Ānandaṃ āmantesi: iṅgha
. . . pe . . . āharā 'ti. evaṃ bhante ti kho āyasmā Ānando
bhagavato patissutvā pattaṃ gahetvā yena so udapāno ten'
upasaṅkami. atha kho udapāno āyasmante Ānande upasaṅ-
kamante sabbaṃ taṃ tiṇaṃ ca bhusaṃ ca mukhato ovamitvā
acchassa udakassa anāvilassa vippasannassa yāva mukhato
pūrito vissandanto⁵ maññe aṭṭhāsi. atha kho āyasmato
Ānandassa etad ahosi: acchariyaṃ vata bho, abbhutaṃ vata
bho tathāgatassa mahiddhikatā mahānubhāvatā, ayañ hi so
udapāno mayi upasaṅkamante sabban taṃ tiṇañ ca bhusañ ca
mukhato ovamitvā . . . aṭṭhāsī⁶ 'ti⁷ pattena pānīyaṃ ādāya

--------------------------------------------------------------------------
VII. 8.
1 The words: no c'; assa are omitted in A and D; B passa pe.
VII. 9.
2 AD samaṇā; B samanakā.
3 B apassū and apaṃsū.
4 B ukkamma.
5 AD vissando; B vissandanto.
6 BD ṭhito.
7 Omitted in all MSS.

[page 079]
CŪLA-VAGGA [VII. 9]. 79
yena bhagavā ten'; upasaṅkami, upasaṅkamitvā bhagavantaṃ
etad avoca: acchariyaṃ . . . aṭṭhāsi. pivatu bhagavā pānī-
yaṃ, pivatu sugato pānīyan ti. atha kho bhagavā etam
atthaṃ viditvā tāyaṃ velāyaṃ imaṃ udānaṃ udānesi:
kiṃ kayirā udapānena, āpā¹ ce sabbadā siyuṃ?
taṇhāya mūlato chetvā kissa pariyesanañ care 'ti. ||9||
evam me sutaṃ. ekaṃ samayaṃ bhagavā Kosambiyaṃ
viharati Ghositārāme. tena kho pana samayena rañño
Udenassa uyyānagatassa antepuraṃ daḍḍhaṃ hoti, pañca
itthisatāni kālaṅkatāni honti Sāmāvatipamukhāni. atha
kho sambahulā bhikkhū pubbaṇhasamayaṃ nivāsetvā patta-
cīvaraṃ ādāya Kosambiṃ piṇḍāya pāvisiṃsu, Kosambiyaṃ
piṇḍāya caritvā pacchābhattaṃ piṇḍapātapaṭikkantā yena
bhagavā ten'; upasaṅkamiṃsu, upasaṅkamitvā bhagavantaṃ
abhivādetvā ekamantaṃ nisīdiṃsu, ekamantaṃ nisinnā kho
te bhikkhū bhagavantaṃ etad avocuṃ: idha bhante rañño
Udenassa uyyānagatassa antepuraṃ daḍḍhaṃ, pañca itthi-
satāni kālaṅkatāni Sāmāvatipamukhāni. tāsaṃ bhante upā-
sikānaṃ kā gati ko abhisamparāyo 'ti. sant'; ettha bhikkhave
upāsikāyo sotāpannā, santi sakadāgāminiyo, santi anāgāmi-
niyo. sabbā tā bhikkhave upāsikāyo anipphalāni kālaṅka-
tānī 'ti. atha kho bhagavā etam atthaṃ viditvā tāyaṃ
velāyaṃ imaṃ udānaṃ udānesi:
mohasambandhano loko bhabbarūpo 'va dissati,²
upadhibandhano bālo tamasā parivārito
{sassa-r-iva}³ khāyati, passato n'; atthi kiñcanan ti. ||10||
Uddānam:
honti duve tathā Bhaddiyā (?)⁴ honti duve kāmesu sattā,
Lakuṇṭo,⁵ taṇhākhayo ca, {papañcakhayo} ca, Kaccāno
udapānaṃ Udeno 'ti.
Cūlavaggo6 sattamo.

--------------------------------------------------------------------------
1 A āsā.
2 VII. 10. D apparūpo-; C abhabbarūpo ca dissatī 'ti . . .
bhabbarūpo ca dissatī 'ti pāṭho.
3 A sasīr iva; B sassi; D sassar i; C sassar iva sassato . . .
viya, asassar iva khāyatī 'ti pi pāṭho . . . rakāro hi
pasandhikāro. Table of contents.
4 The first pāda not in D; A Bhaddiyatā; B Bhaṇḍiya.
5 A Lakuṇḍa; D Lakuṇṭaka.
6 A Cūḷavaggo.

[page 080]
80
VAGGA VIII. PĀṬALIGĀMIYAVAGGO.
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tena kho pana
samayena bhagavā bhikkhū nibbānapaṭisaññuttāya dham-
miyā kathāya sandasseti samādapeti samuttejeti sampahaṃ-
seti, te ca bhikkhū aṭṭhikatvā¹ manasikatvā sabbañ cetaso
samannāharitvā ohitasotā dhammaṃ suṇanti. atha kho
bhagavā etam atthaṃ viditvā tāyaṃ velāyaṃ imaṃ udā-
naṃ udānesi:
atthi bhikkhave tad āyatanaṃ, yattha n'; eva paṭhavī na
āpo na tejo na vāyo na ākāsānañcāyatanaṃ na viññāṇānañcā-
yatanaṃ na ākiñcaññāyatanaṃ na nevasaññānāsaññāyatanaṃ
n'; āyaṃ loko na paraloko {no} ubho {candimasuriyā}, {tatra} {p'āhaṃ}²
bhikkhave n'; eva āgatiṃ vadāmi na gatiṃ na ṭhitiṃ na
cutiṃ na upapattiṃ, appatiṭṭhaṃ appavattaṃ anārammaṇam
eva taṃ, es'; ev'; anto dukkhassā 'ti. ||1||
VIII.2 = VIII.1. etam atthaṃ viditvā tāyaṃ velāyaṃ
imaṃ udānaṃ udānesi:
duddasaṃ anattaṃ³ nāma,⁴ na hi saccaṃ sudassanaṃ,
paṭividdhā taṇhā jānato, passato⁵ n'; atthi kiñcanan ti. ||2||
VIII.3 = VIII.1 and 2. etam atthaṃ viditvā tāyaṃ
velāyaṃ imaṃ udānaṃ udānesi:
atthi bhikkhave ajātaṃ abhūtaṃ akataṃ asaṃkhataṃ, no
ce taṃ bhikkhave abhavissa ajātaṃ abhūtaṃ akataṃ asaṅ-
khataṃ, na yidha jātassa bhūtassa katassa saṅkhatassa nissa-

--------------------------------------------------------------------------
VIII. 1. 3. 4. Comp. Oldenberg, Buddha, p. 289 and p. 446.
1 AD aṭṭhikatvā; C atthikatvā ti adhikicca, ayam no attho
adhigantabbo evaṃ sallakkhetvā tāya desanāya atthikā hutvā.
2 Atam ahaṃ; B tad avhaṃ; D tad amhaṃ. VIII. 2.
3 A anataṃ; B anattaṃ; D attaṃ [instead of anattaṃ]; C anataṃ (?) . . .
nibbānan ti attho. anattan ti pi paṭhanti, attavirahitaṃ . . .
keci pana anattan ti padassa appamānan ti atthaṃ vadanti.
4 BD nāma; AC nāmaṃ
5 A sassato.

[page 081]
PĀṬALIGĀMIYA-VAGGA [VIII. 5]. 81
raṇaṃ paññāyetha. yasmā ca kho bhikkhave atthi ajātaṃ
abhūtaṃ akataṃ asaṅkhataṃ, tasmā jātassa bhūtassa katassa
saṅkhatassa nissaraṇaṃ paññāyatī 'ti. ||3||
VIII.4 = VIII.1.2.3. etam atthaṃ viditvā tāyaṃ velā-
naṃ imaṃ udānaṃ udānesi:
nissitassa ca calitaṃ, anissitassa calitaṃ n'; atthi, calite
asati passaddhi, passaddhiyā sati rati na hoti, ratiyā asati
āgatigati na hoti, āgatigatiyā asati cutūpapāto na hoti, cutū-
papāte asati n'; ev'; idha na huraṃ na ubhayamantare, es'; ev'
anto dukkhassā 'ti. ||4||
evam me sutam. ekaṃ samayaṃ bhagavā Mallesu cārikaṃ
caramāno mahatā bhikkhusaṃghena saddhiṃ yena Pāvā
tad avasari. tatra sudaṃ bhagavā Pāvāyaṃ viharati
Cundassa Kammāraputtassa ambavane. assosi kho
Cundo Kammāraputto: bhagavā kira Mallesu cārikañ cara-
māno mahatā bhikkhusaṃghena saddhiṃ Pāvāyaṃ anuppatto
Pāvāyaṃ viharati mayhaṃ ambavane 'ti. atha kho Cundo
Kammāraputto yena bhagavā ten'; upasaṅkami, upasaṅka-
mitvā bhagavantaṃ abhivādetvā ekamantaṃ nisīdi, ekaman-
taṃ nisinnaṃ kho Cundaṃ Kammāraputtaṃ bhagavā dham-
miyā kathāya sandassesi samādapesi samuttejesi sampahaṃ-
sesi. atha kho Cundo Kammāraputto bhagavatā {dhammiyā kathāya} sandassito
samādapito samuttejito sampahaṃsito bhagavantaṃ etad
avoca: adhivāsetu me bhante bhagavā svātanāya bhattaṃ
saddhiṃ bhikkhusaṃghenā 'ti. adhivāsesi bhagavā tuṇhī-
bhāvena. atha kho Cundo Kammāraputto bhagavato adhi-
vāsanaṃ viditvā uṭṭhāy'; āsanā bhagavantaṃ abhivādetvā
padakkhiṇaṃ katvā pakkāmi. atha kho Cundo Kammāra-
putto tassā rattiyā accayena sake nivesane paṇītaṃ khādani-
yaṃ bhojaniyaṃ paṭiyādāpetvā pahūtaṃ ca sūkaramaddavaṃ¹
bhagavato kālaṃ ārocāpesi: kālo bhante, niṭṭhitaṃ bhattan ti.

--------------------------------------------------------------------------
VIII. 5. See Mahāparinibbānasuttaṃ, p. 41-43 and p. 47-48.
Rhys Davids, Buddhist Suttas, p. 70-75 and p. 82-84.
1 C sūkaramaddavan ti sūkarassa mudusiniddhaṃ pavattamaṃsan ti
Mahāatthakathāyaṃ vuttaṃ. keci pana sūkaramaddavan ti na
sūkaramaṃsaṃ sūkarehi madditavaṃsakalīro ti vadanti, aññe
sūkarehi madditapadese ahicchattakan ti, apare pana
sūkaramaddavaṃ nāma ekaṃ rasāyatanaṃ ti gaṇhiṃsu.

[page 082]
82 UDĀNAṂ [VIII. 5].
atha kho bhagavā pubbaṇhasamayaṃ nivāsetvā pattacīvaraṃ
ādāya saddhiṃ bhikkhusaṃghena yena Cundassa Kammāra-
puttassa nivesanaṃ ten'; upasaṅkami, upasaṅkamitvā paññatte
āsane nisīdi, nisajja kho bhagavā Cundaṃ Kammāraputtaṃ
āmantesi: yan te Cunda sūkaramaddavaṃ paṭiyattaṃ, tena
maṃ parivisa, yaṃ pan'; aññaṃ khādaniyaṃ bhojaniyaṃ
paṭiyattaṃ, tena bhikkhusaṃghaṃ parivisā 'ti. evaṃ bhante
'ti kho Cundo Kammāraputto bhagavato paṭissutvā yaṃ
ahosi sūkaramaddavaṃ paṭiyattaṃ tena bhagavantaṃ pari-
visi, yaṃ pan'; aññaṃ khādaniyaṃ bhojaniyaṃ paṭiyattaṃ
tena bhikkhusaṃghaṃ parivisati. atha kho bhagavā Cundaṃ
Kammāraputtaṃ āmantesi: yan te Cunda sūkaramaddavaṃ
avasiṭṭhaṃ, taṃ sobbhe nikhaṇāhi, n'; āhan taṃ Cunda
passāmi sadevake loke samārake sabrahmake sassamaṇa-
brāhmaṇiyā pajāya sadevamanussāya, yassa taṃ paribhuttaṃ
sammāpariṇāmaṃ gaccheyya aññatra tathāgatassā 'ti. evaṃ
bhante 'ti kho Cundo Kammāraputto bhagavato paṭissutvā
yaṃ ahosi sūkaramaddavaṃ avasiṭṭhaṃ, taṃ sobbhe nikha-
ṇitvā yena bhagavā ten'; upasaṅkami, upasaṅkamitvā bhaga-
vantaṃ abhivādetvā ekamantaṃ nisīdi, ekamantaṃ nisinnaṃ
kho Cundaṃ Kammāraputtaṃ bhagavā dhammiyā kathāya
sandassetvā samādapetvā samuttejetvā sampahaṃsetvā uṭṭhāy'
āsanā pakkāmi. atha kho bhagavato Cundassa Kammāra-
puttassa bhattaṃ bhuttāvissa kharo ābādho uppajji lohita-
pakkhandikā bāḷhā¹ vedanā vattanti māraṇantikā. tatra
sudaṃ bhagavā sato sampajāno adhivāsesi avihaññamāno.
atha kho bhagavā āyasmantaṃ Ānandaṃ āmantesi: āyām'
Ānanda yena Kusinārā² ten'; upasaṅkamissāmā 'ti. evaṃ
bhante 'ti kho āyasmā Ānando bhagavato paccassosi.
Cundassa bhattaṃ bhuñjitvā Kammārassā 'ti me sutaṃ
ābādhaṃ samphusī dhīro pabāḷhaṃ³ māraṇantikaṃ,
bhuttassa ca sūkaramaddavena byādhi pabāḷho⁴ udapādi
satthuno,
viriccamāno⁵ bhagavā avoca: gacchām'; ahaṃ Kusināraṃ
nagaran ti.

--------------------------------------------------------------------------
1 D bālhā.
2 A Kusinārāmo; B Kusinārāme.
3 A sabāḷhaṃ.
4 A sabāḷho.
5 AD viviccamāno; B viraccamāno; C virecamāno.

[page 083]
PĀṬALIGĀMIYA-VAGGA [VIII. 5]. 83
atha kho bhagavā maggā okkamma¹ yen'; aññataraṃ
rukkhamūlaṃ ten'; upasaṅkami, upasaṅkamitvā āyasmantaṃ
Ānandaṃ āmantesi: iṅgha me tvaṃ Ānanda catugguṇaṃ
saṅghāṭiṃ paññāpehi, kilanto 'smi⁴ nisīdissāmī 'ti. evam
bhante 'ti kho Ānando bhagavato paṭissutvā catugguṇaṃ
saṃghāṭiṃ paññāpesi. nisīdi bhagavā paññatte āsane,
nisajja kho bhagavā āyasmantaṃ Ānandaṃ āmantesi: iṅgha
me tvaṃ Ānanda pānīyaṃ³ āhara, pipāsito 'smi² Ānanda
pivissāmī 'ti. evaṃ vutte āyasmā Ānando bhagavantaṃ
etad avoca: idāni bhante pañcamattāni sakaṭasatāni atikkan-
tāni, taṃ cakkacchinnaṃ udakaṃ parittaṃ luḷitaṃ⁵ āvilaṃ
sandati. ayaṃ bhante Kukuṭṭhā⁶ nadī avidūre acchodakā⁷
sātodakā⁸ sītodakā⁸ setodakā⁸ supatitthā (?)⁹ ramaṇīyā, ettha
bhagavā pānīyañ³ ca pivissati gattāni ca sītaṃkarissatī 'ti.
dutiyam pi kho bhagavā āyasmantaṃ Ānandaṃ āmantesi:
iṅgha me tvaṃ Ānanda pānīyaṃ³ āhara, pipāsito 'smi
Ānanda pivissāmī 'ti. dutiyam pi kho āyasmā Ānando
bhagavantaṃ etad avoca: idāni . . . pe . . . sītaṃkarissatī 'ti.
tatiyam pi kho bhagavā āyasmantaṃ Ānandaṃ āmantesi:
iṅgha . . . pe . . . pivissāmī 'ti. evam bhante 'ti kho
āyasmā Ānando bhagavato paṭissutvā pattaṃ gahetvā
yena sā nadī ten'; upasaṅkami. atha kho sā nadī
cakkacchinnā parittā lulitā āvilā sandamānā āyasmante
Ānande upasaṅkamante acchā vippasannā anāvilā sandati.
atha kho āyasmato Ānandassa etad ahosi: acchariyaṃ
vata bho abbhutaṃ vata bho tathāgatassa mahiddhikatā
mahānubhāvatā. ayañ hi sā nadī cakkacchinnā parittā
lulitā¹⁰ āvilā sandamānā mayi upasaṅkamante acchā
vippasannā anāvilā sandatī 'ti pattena pānīyaṃ ādāya
yena bhagavā ten'; upasaṅkami, upasaṅkamitvā bhaga-
vantaṃ etad avoca: acchariyaṃ bhante abbhutaṃ bhante
tathāgatassa . . . anāvilā sandati. pivatu bhagavā pānī-

--------------------------------------------------------------------------
1 AB ukk-.
2 AD 'smiṃ.
3 A pāṇiyaṃ; D pāniyaṃ.
4 A 'mhi; D 'smiṃ.
5 A luḷhitaṃ; BD ḷulitaṃ; C lulitaṃ.
6 B Kukuṭā; D Kukkuṭṭhā; AC Kukuṭṭhā.
7 B acchodikā at the second occurrence.
8 B -dikā both times.
9 C supatitthā 'ti sundaratitthā.
10 A luḷitā; BD ḷulitā.

[page 084]
84 UDĀNAṂ [VIII. 5].
yaṃ, pivatu sugato pānīyan ti. atha kho bhagavā pānī-
yaṃ apāsi¹.
atha kho bhagavā mahatā bhikkhusaṃghena saddhiṃ yena
Kukuṭṭhā nadī ten'; upasaṅkami, upasaṅkamitvā Kukuṭṭhaṃ
nadiṃ ajjhogāhetvā² nahātvā ca pivitvā ca paccuttaritvā yena
ambavanaṃ ten'; upasaṅkami, upasaṅkamitvā āyasmantaṃ
Cundakaṃ āmantesi: iṅgha me tvaṃ Cundaka catugguṇaṃ
saṅghāṭiṃ paññāpehi, kilanto 'smi Cundaka nipajjissāmī 'ti.
evam bhante 'ti kho āyasmā Cundako bhagavato paṭissutvā
catugguṇaṃ saṅghāṭiṃ paññāpesi. atha kho bhagavā dakkhi-
ṇena passena sīhaseyyaṃ kappesi pāde pādaṃ accādhāya sato
sampajāno uṭṭhānasaññaṃ manasikaritvā. āyasmā pana Cun-
dako tatth'; eva bhagavato purato nisīdi.
gantvāna buddho nadiyaṃ Kukuṭṭhaṃ acchodakaṃ³ sātoda-
kaṃ³ vippasannaṃ
ogāhi satthā sukilantarūpo tathāgato appaṭimo 'dhaloke⁴
nahātvā ca pivitvā ca⁵ udatāri⁶ satthā purakkhato bhikkhu-
gaṇassa majjhe.
satthā pavattā bhagavā idha⁷ dhamme upāgami ambavanaṃ mahesi.
āmantayi Cundakaṃ nāma bhikkhuṃ: catugguṇaṃ patthara
me nipajjaṃ.⁸
so codito bhāvitattena Cundo catugguṇaṃ patthari khippam eva,
{nipajji} satthā sukilantarūpo, Cundo pi tattha⁹ pamukhe¹⁰
nisīdī 'ti.
atha kho bhagavā āyasmantaṃ Ānandaṃ āmantesi: siyā
kho pan'; Ānanda, Cundassa Kammāraputtassa koci vippaṭi-
sāraṃ upādaheyya:¹¹ tassa te āvuso Cunda alābhā, tassa te
āvuso Cunda dulladdhaṃ, yassa te tathāgato pacchimaṃ
piṇḍapātaṃ paribhuñjitvā parinibbuto 'ti. Cundassa Ānanda

--------------------------------------------------------------------------
1 B apāsi; D apāyi; omitted in A.
2 D -gahetvā.
3 B -dikaṃ.
4 A 'dhaloke; B dadhaloke; D ca loke;
C explains: imasmiṃ sadevake loke.
5 A nhatvā cipitvā; B nahatvā pivitvā; D nahāyitvā ca pivitvā ca.
6 A uttari; B udakāni; D udakoni (!).
7 A ime; BD idha.
8 AD nisajjaṃ.
9 A tassa.
10 AD sammukhe.
11 BD uppādaheyya; C uppādaheyya uppādeyya.

[page 085]
PĀṬALIGĀMIYA-VAGGA [VIII. 6]. 85
Kammāraputtassa evaṃ vippaṭisāro paṭivinodetabbo: tassa
te āvuso Cunda lābhā, tassa te suladdhaṃ, yassa te tathāgato
pacchimaṃ piṇḍapātaṃ paribhuñjitvā parinibbuto. sam-
mukhā me taṃ āvuso Cunda bhagavato sutaṃ sammukhā
paṭiggahītaṃ, dve 'me piṇḍapātā {samasamapphalā}¹ {sama-}
samavipākā ativiya aññehi piṇḍapātehi mahapphalatarā ca
mahānisaṃsatarā cā 'ti. katame dve. yañ ca piṇḍapātaṃ
paribhuñjitvā tathāgato anuttaraṃ sambodhiṃ abhisam-
bujjhati yañ ca piṇḍapātaṃ paribhuñjitvā anupādisesāya
nibbānadhātuyā parinibbāyati, ime dve piṇḍapātā samā-
samapphalā¹ samāsamavipākā ativiya aññehi piṇḍapātehi
mahapphalatarā ca mahānisaṃsatarā ca. āyusaṃvattanikaṃ
āyasmatā Cundena Kammāraputtena kammaṃ upacitaṃ,
vaṇṇasaṃvattanikaṃ āyasmatā . . . upacitaṃ, sukhasaṃ-
vattanikaṃ āyasmatā . . . upacitaṃ, saggasaṃvattanikaṃ
āyasmatā . . . upacitaṃ, yasasaṃvattanikaṃ āyasmatā . . .
upacitaṃ, adhipateyyasaṃvattanikaṃ āyasmatā . . . upacitan
ti Cundassa Ānanda Kammāraputtassa evaṃ vippaṭisāro
paṭivinodetabbo 'ti. atha kho bhagavā etam atthaṃ viditvā
tāyaṃ velāyaṃ imaṃ udānaṃ udānesi:
dadato puññaṃ pavaḍḍhati, saṃyamato veraṃ na cīyati,²
kusalo ca jahāti pāpakaṃ rāgadosamohakkhayā parinibbuto
'ti. ||5||
evam me sutaṃ. ekaṃ samayaṃ bhagavā Magadhesu
cārikañ caramāno mahatā bhikkhusaṃghena saddhiṃ yena
Pāṭaligāmo tad avasari. assosuṃ kho Pāṭaligāmiyā
upāsakā: bhagavā kira Magadhesu cārikañ caramāno mahatā
bhikkhusaṃghena saddhiṃ Pāṭaligāmaṃ anuppatto 'ti. atha
kho Pāṭaligāmiyā upāsakā yena bhagavā ten'; upasaṅkamisuṃ,
upasaṅkamitvā bhagavantaṃ abhivādetvā ekamantaṃ nisī-
diṃsu, ekamantaṃ nisinnā kho Pāṭaligāmiyā upāsakā bha-

--------------------------------------------------------------------------
1 A samāsamamahapphalā.
2 Comp. Mahāp., p. 48. AD saṃyamato [saññamato] cetanaṃ ciyati;
C vedanā cīyati; B ceraṃ na bhavissati.
VIII. 6. See Mahāp., p. 10-15; Mahāvagga, VI. 28. See the translation
in Rhys Davids'; Buddhist Suttas, p. 15-22.

[page 086]
86 UDĀNAṂ [VIII. 6].
gavantaṃ etad avocuṃ: adhivāsetu no bhante bhagavā
āvasathāgāran ti. adhivāsesi bhagavā tuṇhībhāvena. atha
kho Pāṭaligāmiyā upāsakā bhagavato adhivāsanaṃ viditvā
uṭṭhāy'; āsanā bhagavantaṃ abhivādetvā padakkhiṇaṃ katvā
yena āvasathāgāraṃ ten'; upasaṅkamiṃsu, upasaṅkamitvā
sabbasanthariṃ āvasathāgāraṃ santharitvā āsanāni paññā-
petvā udakamaṇikaṃ patiṭṭhāpetvā telappadīpaṃ āropetvā
yena bhagavā ten'; upasaṅkamiṃsu, upasaṅkamitvā bhaga-
vantaṃ abhivādetvā ekamantaṃ aṭṭhaṃsu, ekamantaṃ ṭhitā
kho Pāṭaligāmiyā upāsakā bhagavantaṃ etad avocuṃ: sabba-
santhariṃ santhataṃ bhante āvasathāgāraṃ, āsanāni pañ-
ñattāni, udakamaṇiko patiṭṭhāpito, telappadīpo āropito. yassa
dāni bhagavā kālaṃ maññatī 'ti. atha kho bhagavā pubbaṇ-
hasamayaṃ nivāsetvā pattacīvaraṃ ādāya saddhiṃ bhikkhu-
saṃghena yena āvasathāgāraṃ ten'; upasaṅkami, upasaṅka-
mitvā pāde pakkhāletvā āvasathāgāraṃ pavisitvā majjhi-
maṃ thambhaṃ nissāya puratthābhimukho nisīdi, bhikkhu-
saṃgho pi kho pāde pakkhāletvā āvasathāgāraṃ pavisitvā
majjhimaṃ bhittiṃ nissāya puratthābhimukho nisīdi bhaga-
vantaṃ yeva {purakkhatvā},¹ Pāṭaligāmiyā pi kho upāsakā
pāde pakkhāletvā āvasathāgāraṃ pavisitvā puratthimaṃ
bhittiṃ nissāya pacchābhimukhā nisīdiṃsu bhagavantaṃ
yeva purakkhitvā.
atha kho bhagavā Pāṭaligāmiye upāsake āmantesi: pañc'
ime gahapatayo ādīnavā dussīlassa sīlavipattiyā. katame
pañca. 1. idha gahapatayo dussīlo sīlavipanno {pamādā-
dhikaraṇaṃ} mahatiṃ bhogajāniṃ nigacchati. ayaṃ
paṭhamo ādīnavo dussīlassa sīlavipattiyā. 2. puna ca
paraṃ gahapatayo dussīlassa sīlavipannassa pāpako kitti-
saddo abbhuggato. ayaṃ dutiyo ādīnavo dussīlassa sīlavi-
pattiyā. 3. puna ca paraṃ gahapatayo dussīlo sīlavipanno
yaṃ yad² eva parisaṃ upasaṅkamati yadi khattiyaparisam
yadi brāhmaṇaparisaṃ yadi gahapatiparisaṃ yadi samaṇa-
parisaṃ avisārado upasaṅkamati maṅkubhūto. ayaṃ tatiyo

--------------------------------------------------------------------------
1 B purakkhetvā.
2 BD yaṃñad.

[page 087]
PĀṬALIGĀMIYA-VAGGA [VIII. 6]. 87
ādīnavo dussīlassa sīlavipattiyā. 4. puna ca paraṃ gahapa-
tayo dussīlo sīlavipanno sammūḷho kālaṃ karoti. ayaṃ
catuttho ādīnavo dussīlassa sīlavipattiyā. 5. puna ca paraṃ
gahapatayo dussīlo sīlavipanno kāyassa bhedā param maraṇā
apāyaṃ duggatiṃ vinipātaṃ nirayaṃ upapajjati. ayaṃ
pañcamo ādīnavo dussīlassa sīlavipattiyā. ime kho gahapa-
tayo pañca ādīnavā dussīlassa sīlavipattiyā.
pañc'; ime gahapatayo ānisaṃsā sīlavato sīlasampadāya.
katame pañca. 1. idha sīlavā sīlasampanno appamādā-
dhikaraṇaṃ mahantaṃ bhogakkhandhaṃ adhigacchati. ayaṃ
paṭhamo ānisaṃso sīlavato sīlasampadāya. 2. puna ca paraṃ
gahapatayo sīlavato sīlasampannassa kalyāṇo kittisaddo
abbhuggacchati. ayaṃ dutiyo ānisaṃso sīlavato sīlasampa-
dāya. 3. puna ca paraṃ gahapatayo sīlavā sīlasampanno
yaññad eva parisaṃ upasaṅkamati yadi khattiyaparisaṃ yadi
brāhmaṇaparisaṃ yadi gahapatiparisaṃ yadi samaṇaparisaṃ
visārado upasaṅkamati amaṅkubhūto. ayaṃ tatiyo ānisaṃso
sīlavato sīlasampadāya. 4. puna ca paraṃ gahapatayo sīlavā
sīlasampanno asammūḷho {kālaṅkaroti}. ayaṃ catuttho āni-
saṃso sīlavato sīlasampadāya. 5. puna ca paraṃ gahapatayo
sīlavā sīlasampanno kāyassa bhedā param maraṇā sugatiṃ
saggaṃ lokaṃ upapajjati. ayaṃ pañcamo ānisaṃso sīlavato
sīlasampadāya. ime kho gahapatayo pañca ānisaṃsā sīlavato
sīlasampadāyā 'ti.
atha kho bhagavā Pāṭaligāmiye upāsake bahud eva rattiṃ
dhammiyā kathāya sandassetvā samādapetvā samuttejetvā
sampahaṃsetvā uyyojesi: abhikkantā kho gahapatayo ratti,
yassa dāni kālaṃ maññathā 'ti. atha kho Pāṭaligāmiyā
upāsakā bhagavato bhāsitaṃ abhinanditvā anumoditvā
uṭṭhāy'; āsanā bhagavantaṃ abhivādetvā padakkhiṇaṃ katvā
pakkāmiṃsu¹.
atha kho bhagavā acirapakkantesu Pāṭaligāmiyesu upāsa-
kesu suññāgāraṃ pāvisi. tena kho pana samayena Sunī-
dhavassakārā² Magadhamahāmattā Pāṭaligāme nagaraṃ

--------------------------------------------------------------------------
1 D pakkamiṃsu.
2 AD Sunidha-; BC Sunīdha-.

[page 088]
88 UDĀNAṂ [VIII. 6].
māpenti Vajjīnaṃ paṭibāhāya. tena kho pana samayena
sambahulā devatāyo sahassass'¹ eva Pāṭaligāme vatthūni
pariggaṇhanti. yasmiṃ padese mahesakkhā devatā vatthūni
pariggaṇhanti, mahesakkhānaṃ tattha raññaṃ rājamahā-
mattānaṃ cittāni namanti nivesanāni māpetuṃ. yasmiṃ
padese majjhimā devatā vatthūni pariggaṇhanti, majjhi-
mānaṃ tattha raññaṃ rājamahāmattānaṃ cittāni namanti
nivesanāni māpetuṃ. yasmiṃ padese nīcā devatā vatthūni
pariggaṇhanti, nīcānaṃ tattha raññaṃ rājamahāmattānaṃ
cittāni namanti nivesanāni māpetuṃ. addasā kho bhagavā
dibbena cakkhunā visuddhena atikkantamānussakena tā
devatāyo sahassass'¹ eva Pāṭaligāme vatthūni pariggaṇhantiyo.
yasmiṃ padese mahesakkhā . . . māpetuṃ. yasmiṃ padese
majjhimā . . . māpetuṃ. yasmiṃ padese nīcā . . . māpetuṃ.
atha kho bhagavā tassā {rattiyā} paccūsasamaye paccuṭṭhāya
āyasmantaṃ Ānandaṃ āmantesi: ko nu kho Ānanda Pāṭali-
gāme nagaraṃ māpetī² 'ti. Sunīdhavassakārā bhante Maga-
dhamahāmattā Pāṭaligāme nagaraṃ māpenti Vajjīnaṃ paṭibā-
hāyā 'ti. seyyathā pi Ānanda devehi tāvatiṃsehi saddhiṃ
mantetvā evam eva kho Ānanda Sunīdhavassakārā Magadha-
mahāmattā Pāṭaligāme nagaraṃ māpenti Vajjīnaṃ paṭibā-
hāya. idh'; āhaṃ Ānanda addasaṃ dibbena cakkhunā
visuddhena atikkantamānussakena sambahulā devatāyo
sahassass'¹ eva Pāṭaligāme vatthūni pariggaṇhantiyo. yas-
miṃ . . . māpetuṃ. [Thrice]. yāvatā Ānanda ariyaṃ³
āyatanaṃ, yāvatā vaṇippatho,⁴ idaṃ agganagaraṃ⁵ bhavissati
puṭabhedanaṃ.⁶ Pāṭaliputtassa kho Ānanda tayo anta-
rāyā bhavissanti aggito vā udakato vā mithubhedato vā 'ti.
atha kho Sunīdhavassakārā Magadhamahāmattā yena bha-
gavā ten'; upasaṅkamiṃsu upasaṅkamitvā bhagavatā saddhiṃ
sammodiṃsu, sammodanīyaṃ kathaṃ sārāṇīyaṃ vītisāretvā
ekamantaṃ aṭṭhaṃsu, ekamantaṃ ṭhitā kho Sunīdhavassa-

--------------------------------------------------------------------------
1 ABD sahass'; eva (!).
2 A māpentī [Mahāvagga: ke-māpentīti].
3 AB ariya-.
4 A vaṇīnipphatho; BD vanippatho.
5 A aggaṃ nagaraṃ.
6 C explains: puṭabhedanaṭṭhānan ti bhaṇḍapuṭabhedanaṭṭhānaṃ
bhaṇḍakānaṃ mocanaṭṭhānan ti vuttaṃ hoti (?). All MSS.
omit the word: Pāṭaliputtaṃ behind: bhavissati. See Mahāv.
and Mahāp.

[page 089]
PĀṬALIGĀMIYA-VAGGA [VIII. 6]. 89
kārā Magadhamahāmattā bhagavantaṃ etad avocuṃ: adhi-
vāsetu no bhavaṃ Gotamo ajjatanāya bhattaṃ saddhiṃ
bhikkhusaṃghenā 'ti. adhivāsesi bhagavā tuṇhibhāvena.
atha kho Sunīdhavassakārā Magadhamahāmattā bhagavato
adhivāsanaṃ viditvā yena sako āvasatho ten'; upasaṅkamiṃsu,
upasaṅkamitvā sake āvasathe paṇītaṃ khādaniyaṃ bhojani-
yaṃ paṭiyādāpetvā bhagavato kālam ārocesuṃ: kālo bho
Gotama niṭṭhitaṃ bhattan ti. atha kho bhagavā pubbaṇha-
samayaṃ nivāsetvā pattacīvaram ādāya saddhiṃ bhikkhu-
saṃghena yena Sunīdhavassakārānaṃ Magadhamahāmattā-
naṃ āvasatho ten'; upasaṅkami, upasaṅkamitvā paññatte
āsane nisīdi. atha kho Sunīdhavassakārā Magadhamahā-
mattā buddhapamukhaṃ bhikkhusaṃghaṃ paṇītena khā-
daniyena bhojaniyena sahatthā santappetvā sampavāresuṃ.
atha kho Sunīdhavassakārā Magadhamahāmattā bhaga-
vantaṃ bhuttāviṃ onītapattapāṇiṃ¹ aññataraṃ nīcaṃ
āsanaṃ gahetvā ekamantaṃ nisīdiṃsu, ekamantaṃ nisinne
kho Sunīdhavassakāre Magadhamahāmatte bhagavā imāhi
gāthāhi anumodi:
yasmiṃ padese kappeti vāsaṃ paṇḍitajātiyo
sīlavant'; ettha bhojetvā saññate brahmacariye
yā tattha devatā āsuṃ² tāsaṃ dakkhiṇam ādise,
tā pūjitā pūjayanti mānitā mānayanti naṃ.
tato naṃ anukampanti³ mātā puttaṃ va orasaṃ,
devatānukampito poso sadā bhadrāni passatī 'ti.
atha kho bhagavā Sunīdhavassakārānaṃ Magadhamahā-
mattānaṃ imāhi gāthāhi anumoditvā uṭṭhāy'; āsanā pakkāmi.
tena kho pana samayena Sunīdhavassakārā Magadhamahā-
mattā bhagavantaṃ piṭṭhito-piṭṭhito anubaddhā⁴ honti:
yen'; ajja samaṇo Gotamo dvāreṇa nikkhamissati taṃ Gota-
madvāraṃ nāma bhavissati, yena titthena Gaṅgaṃ⁵
nadiṃ tarissati taṃ Gotamatitthaṃ nāma bhavissatī 'ti.
atha kho bhagavā yena dvāreṇa nikkhami, taṃ Gotamadvā-

--------------------------------------------------------------------------
1 A oṇita-; B onīta-; D onita-.
2 According to Prof. Oldenberg's opinion we ought to prefer
the reading of the Mahāpar. assuṃ.
3 A -enti.
4 AB -bandhā; D -baddhā.
5 BD Gaṅgā.

[page 090]
90 UDĀNAṂ [VIII. 6].
raṃ¹ nāma ahosi. atha kho bhagavā yena Gaṅgā nadī ten'
upasaṅkami. tenā kho pana samayena Gaṅgā nadī pūrā
hoti samatittikā¹ kākapeyyā. app ekacce manussā nāvaṃ
pariyesanti, app ekacce uḷumpaṃ pariyesanti, app ekacce
kullaṃ bandhanti apārā pāraṃ² gantukāmā. atha kho bha-
gavā seyyathā pi balavā puriso sammiñjitaṃ vā bāham
pasāreyya, pasāritaṃ vā bāhaṃ sammiñjeyya, evam eva
Gaṅgāya nadiyā orimatīrā antarahito pārimatīre paccuṭṭhāsi
saddhiṃ bhikkhusaṃghena. addasā kho bhagavā te manusse
app ekacce nāvaṃ pariyesante, app ekacce uḷumpaṃ pari-
yesante, app ekacce kullaṃ bandhante apārā pāraṃ gantu-
kāme. atha kho bhagavā . . . etam atthaṃ viditvā tāyaṃ
velāyaṃ imaṃ udānaṃ udānesi:
ye taranti aṇṇavaṃ saraṃ setuṃ katvāna visajja pallalāni
kullañ hi jano bandhati³ tiṇṇā medhāvino janā 'ti. ||6||
evam me sutaṃ. ekaṃ samayaṃ bhagavā Kosalesu addhā-
namaggapaṭipanno hoti āyasmatā Nāgasamālena pacchā-
samaṇena. addasā kho āyasmā Nāgasamālo antarāmagge
dvidhāpathaṃ,⁴ disvāna bhagavantaṃ etad avoca: ayaṃ
bhante bhagavā pantho, iminā gacchāmā 'ti. evaṃ vutte
bhagavā āyasmantaṃ Nāgasamālaṃ etad avoca: ayaṃ Nāga-
samāla pantho, iminā gacchāmā 'ti. ||la||⁵ [This abbreviation
signifies the repetition of speech and reply]. tatiyam
pi kho āyasmā Nāgasamālo bhagavantaṃ etad avoca: ayaṃ
bhante bhagavā pantho, iminā gacchāmā 'ti. tatiyam pi kho
bhagavā āyasmantaṃ Nāgasamālaṃ etad avoca: ayaṃ Nāga-
samāla pantho, iminā gacchāmā 'ti. atha kho āyasmā Nāga-
samālo bhagavato pattacīvaraṃ tatth'; eva chamāya nikkhi-
pitvā pakkāmi: idha bhante bhagavā pattacīvaran ti. atha
kho āyasmato Nāgasamālassa tena panthena gacchantassa
antarāmagge corā nikkhamitvā hatthehi vā pādehi vā ākote-
suṃ pattañ ca bhindiṃsu saṅghāṭiñ ca vipphālesuṃ.⁶ atha

--------------------------------------------------------------------------
1 ABD samatitthikā; C samatittikā. See Rhys Davids's note in his
Buddhist Suttas, p. 178.
2 B [and Mahāpar.] aparāparaṃ.
3 A va bhandati; D pabandhati.
4 VIII. 7. C dvedhāpathan ti . . . dvidhāpathan ti pi paṭhanti.
5 D pe.
6 D vipphāresuṃ

[page 091]
PĀṬALIGĀMIYA-VAGGA [VIII. 8]. 91
kho āyasmā Nāgasamālo bhinnena pattena vipphālitāya
saṅghāṭiyā yena bhagavā ten'; upasaṅkami, upasaṅkamitvā
bhagavantaṃ abhivādetvā ekamantaṃ nisīdi, ekamantaṃ
nisinno kho āyasmā Nāgasamālo bhagavantaṃ etad avoca:
ida¹ mayhaṃ bhante tena panthena gacchantassa antarā-
magge corā nikkhamitvā hatthehi ca pādehi ca koṭesuṃ
pattaṃ ca² bhindiṃsu saṅghāṭiṃ ca vipphālesun ti. atha
kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
saddhiṃcaraṃ ekato vasaṃ misso³ aññajanena vedagū
vidvā pajahāti pāpakaṃ koñco khīrapako⁴ va ninnagan ti. ||7||
evam me sutaṃ. ekaṃ samayaṃ bhagavā Sāvatthiyaṃ
viharati Pubbārāme Migāramātu pāsāde. tena kho
pana samayena Visākhāya Migāramātuyā nattā kālaṅ-
katā hoti piyā manāpā. atha kho Visākhā Migāramātā alla-
vatthā allakesā divādivassa yena bhagavā ten'; upasaṅkami,
upasaṅkamitvā bhagavantaṃ abhivādetvā ekamantaṃ nisīdi,
ekamantaṃ nisinnaṃ kho Visākhaṃ Migāramātaraṃ bhagavā
etad avoca: handa kuto nu tvaṃ Visākhe āgacchasi alla-
vatthā allakesā idh'; upasaṅkantā divādivassā 'ti. nattā me
bhante piyā manāpā kālaṅkatā, ten'; āhaṃ allavatthā allakesā
idh'; upasaṅkantā divādivassā 'ti. iccheyyāsi tvaṃ Visākhe
yāvatikā Sāvatthiyā manussā tāvatike putte ca nattāro cā 'ti.
iccheyy'; āhaṃ bhagavā yāvatikā manussā tāvatike putte ca
nattāro cā 'ti. kīva bahukā pana Visākhe Sāvatthiyā
manussā devasikaṃ kālaṅkarontīti dasa pi bhante Sāvatthiyā
manussā devasikaṃ kālaṅkaronti, nava pi . . . kālaṅkaronti,
aṭṭha pi . . ., satta pi . . ., cha pi . . ., pañca pi..,
cattāri pi . . ., tīṇi pi . . ., dve pi . . ., eko pi bhante
Sāvatthiyā manusso devasikaṃ kālaṅkaroti. avivittā⁵ Sāvatthī
pi bhante Sāvatthiyā manussehi kālaṅkarontehī 'ti.
taṃ kiṃ maññasi Visākhe. api nu tvaṃ kadāci karahaci
anallavatthā vā bhaveyyāsi anallakesā vā 'ti. no h'; etaṃ

--------------------------------------------------------------------------
1 D idha.
2 A pattaṃ; BD patte ca.
3 A miso; D miyo.
4 A khirapago.
5 VIII. 8. C avivittā ti asuññā.

[page 092]
92 UDĀNAM [VIII. 8].
bhante. alaṃ me bhante tāva bahukehi puttehi ca
nattārehi cā 'ti. yesaṃ kho Visākhe sataṃ piyāni sataṃ tesaṃ
dukkhāni, yesaṃ navuti piyāni navuti tesaṃ dukkhāni, yesaṃ
asīti piyāni asīti tesaṃ dukkhāni, yesaṃ sattati piyāni sattati
tesaṃ dukkhāni, yesaṃ saṭṭhi piyāni saṭṭhi tesaṃ dukkhāni,
yesaṃ paññāsaṃ piyāni paññāsaṃ tesaṃ dukkhāni, yesaṃ
cattārīsaṃ¹ piyāni cattārīsaṃ tesaṃ dukkhāni, yesaṃ tīsaṃ
piyāni tīsaṃ tesaṃ dukkhāni, yesaṃ vīsati piyāni vīsati
tesaṃ dukkhāni, yesaṃ dasa piyāni dasa tesaṃ dukkhāni,
yesaṃ nava piyāni nava tesaṃ dukkhāni, yesaṃ aṭṭha piyāni
aṭṭha tesaṃ dukkhāni, yesaṃ satta piyāni satta tesaṃ
dukkhāni, yesaṃ cha piyāni cha tesaṃ dukkhāni, yesaṃ
pañca piyāni pañca tesaṃ dukkhāni, yesaṃ cattāri piyāni
cattāri tesaṃ dukkhāni, yesaṃ tīṇi piyāni tīṇi tesaṃ duk-
khāni, yesaṃ dve piyāni dve tesaṃ dukkhāni, yesaṃ ekaṃ
piyaṃ ekaṃ tesaṃ dukkhaṃ, yesaṃ n'; atthi piyaṃ n'; atthi
tesaṃ dukkhaṃ. asokā te virajā anupāyāsā 'ti vadāmī 'ti.
ye keci sokā paridevitā vā dukkhā ca lokasmiṃ anekarūpā
piyaṃ paṭicca² bhavanti ete, piye asante na bhavanti ete.
tasmā hi te sukhino vītasokā yesaṃ piyaṃ n'; atthi kuhiñci
loke,
tasmā asokaṃ virajaṃ patthayāno piyaṃ na kayirātha³
kuhiñci loke 'ti. ||8||
evam me sutaṃ. ekaṃ samayaṃ bhagavā Rājagahe
viharati Veḷuvane Kalandakanivāpe. atha kho āyasmā
Dabbo Mallaputto yena bhagavā ten'; upasaṅkami, upa-
saṅkamitvā bhagavantaṃ abhivādetvā ekamantaṃ nisīdi,
ekamantaṃ nisinno kho āyasmā Dabbo Mallaputto bhaga-
vantaṃ etad avoca: parinibbānakālo me dāni sugatā 'ti.
yassa dāni tvaṃ Dabba kālaṃ maññasī 'ti. atha kho āyasmā
Dabbo Mallaputto uṭṭhāy'; āsanā bhagavantaṃ abhivādetvā
padakkhiṇaṃ katvā vehāsaṃ {abbhuggantvā} ākāse antalikkhe
pallaṅkena nisīditvā tejodhātuṃ samāpajjitvā vuṭṭhahitvā
parinibbāyi. atha kho āyasmato Dabbassa Mallaputtassa

--------------------------------------------------------------------------
1 AD cattārisaṃ; B cattālīsaṃ.
2 B paṭicceva; AD paṭicca.
3 A kariyātha.

[page 093]
PĀṬALIGĀMIYA-VAGGA [VIII. 10]. 93
vehāsaṃ abbhuggantvā ākāse antalikkhe pallaṅkena nisīditvā
tejodhātuṃ samāpajjitvā vuṭṭhahitvā parinibbutassa sarīrassa
jhāyamānassa ḍayhamānassa n'; eva chārikā paññāyittha na
masi.¹ seyyathā pi nāma sappissa vā telassa vā jhāyamānassa
ḍayhamānassa n'; eva chārikā paññāyati na masi, evam eva
kho āyasmato Dabbassa Mallaputtassa vehāsaṃ abbhuggantvā
ākāse antalikkhe pallaṅkena nisīditvā tejodhātuṃ samāpa-
jjitvā uṭṭhahitvā parinibbutassa sarīrassa jhāyamānassa
ḍayhamānassa n'; eva chārikā paññāyittha na masī¹ 'ti.
atha kho bhagavā etam atthaṃ viditvā tāyaṃ velāyaṃ imaṃ
udānaṃ udānesi:
abhedi kāyo, nirodhi² saññā, vedanā pi 'tidahaṃsu sabbā,³
vūpasamiṃsu saṅkhārā, viññāṇam attham agamā 'ti.⁴||9||
evam me sutaṃ. ekaṃ samayaṃ bhagavā Sāvatthiyaṃ
viharati Jetavane Anāthapiṇḍikassa ārāme. tatra kho bha-
gavā bhikkhū āmantesi: bhikkhavo 'ti. bhaddante 'ti te
bhikkhū bhagavato paccassosuṃ. bhagavā etad avoca:
Dabbassa bhikkhave Mallaputtassa vehāsaṃ abbhuggantvā
. . . na masi⁵ (= VIII.9). seyyathā pi nāma sappissa . . .
na masi,⁵ evaṃ kho bhikkhave Dabbassa Mallaputtassa vehā-
saṃ . . . na masī 'ti⁶ (ib.). atha kho bhagavā etam atthaṃ
viditvā tāyaṃ velāyaṃ imaṃ udānaṃ udānesi:
ayoghanahatass'; eva jalato jātavedasso
anupubbūpasantassa⁷ yathā na ñāyate⁸ gati,
evaṃ sammāvimuttānaṃ kāmabandhoghatārinaṃ⁹
paññāpetuṃ gati n'; atthi pattānaṃ acalaṃ sukhan ti. ||10||
Pāṭaligāmiyavaggo¹⁰ aṭṭhamo.

--------------------------------------------------------------------------
1 VIII. 9. A maṃsi; BD masi.
2 ABD nirodha; C explains sabbā pi saññā . . . nirujjhi.
3 A vedanā pi tidahaṃsu sabbā; B vedanā sītirahasu sabbā;
D vedanā vī tirahiṃsu sabbā; C vedanā pi dahaṃsu sabbā ti . . .
sabbā pi vedanā . . . nirodhaṃ gatā. pi taṃ dasahiṃsū (?)
'ti pi paṭhanti . . . niruddhā ahesun ti attho.
pi 'tidahaṃsu = pi + aorist of atidhā?
4 So A. B viññāṇa atthagamāsīti; D viṃñāṇa attu pagamā 'ti.
VIII. 10.
5 A maṃsi.
6 A maṃsī 'ti.
7 AB anupubbapasantassa.
8 AD yathā paññāyate; B yathā na ññāyate; C yathā na ñāyate.
9 A tādinaṃ; B tāninaṃ; D ādinaṃ; C glosses oghaṃ taritvā.
10 ABD Pāṭaligāmivaggo.

[page 094]
94 UDĀNAṂ [VIII. 10].
tatr'; uddānaṃ bhavati:
nibbānā caturo vuttā Cundo Pāṭaligāmiyā,
dvidhāpatho Visākhā ca Dabbena ca saha te dasā¹ 'ti.
vaggam idaṃ pathamaṃ varabodhi, vaggam idaṃ dutiyo
Mucalindo,
Nandakavaggavaro tatiyo, Meghiyavaggavaro catuttho.
pañcamavaggavaran ti Soṇo,² chaṭṭhamavaggavaraṃ ti
jaccandho,³
sattamavaggavaran ti ca Cūḷo,⁴ Pāṭaligāmiyavar'; aṭṭha-
mavaggo.
asītianūnakasuttavaraṃ vaggam id'; aṭṭhamaṃ suvibhattaṃ
dassitaṃ⁵ cakkhumatā vimalena saddhā hi taṃ⁶ udānan
t'; idam āhu.
udānam samattaṃ.

--------------------------------------------------------------------------
Table of Contents of Vagga VIII.
1 BD Dabbena te dasā. Table of Contents of the whole Udāna.
2 A pañcamavaggaṃ vadanti Soṇam; BD pañcamavaggavaran ti Soṇa.
3 A chaṭṭhamavaggavaraṃ tu tipanto; B -varan tu tamaddho;
D -varan tu tamanto?
4 A ti Cūndo; B ti paccaddho; D ti Cundo.
5 A dassitā; B dassikā; D dassita.
6 A santā hi taṃ; B saddhā hi hi taṃ; D addhā hi taṃ.