Moksopaya (also known as "Yogavasistha"),
with Bhaskarakantha's Tika
4. Sthitiprakarana 4,1.1 - 4,24.19, 4,25.12 - 4,33.26
(NOTE: the part between 4,24.19 and 4,25.12 is missing in the codex unicus)


[Revised version of an uncorrected preprint of the edition published by Walter Slaje in 1995]
(26.5.2014)



STRUCTURE OF REFERENCES:
Mo_n,nn.nn = Mokṣopāya_prakaraṇa,sarga.verse
MoṬ_n,nn.nn = Mokṣopāya-Ṭīkā_...

{#n} = NOTE number in TEXT (moved to the end of the verse line / sentence, where it interferes with word search)
#n = NOTE number in NOTE



BOLD for mūla text





THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.

Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)

description:multibyte sequence:
long a ā
long A Ā
long i ī
long I Ī
long u ū
long U Ū
vocalic r
vocalic R
long vocalic r
vocalic l
vocalic L
long vocalic l
velar n
velar N
palatal n ñ
palatal N Ñ
retroflex t
retroflex T
retroflex d
retroflex D
retroflex n
retroflex N
palatal s ś
palatal S Ś
retroflex s
retroflex S
anusvara
visarga
long e ē
long o ō
l underbar
r underbar
n underbar
k underbar
t underbar

Unless indicated otherwise, accents have been dropped in order
to facilitate word search.

For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf

For further information see:
http://gretil.sub.uni-goettingen.de/gretil.htm







{#1} oṃ atha sthitiprakaraṇaṃ vyākhyāyate | oṃ

pratyakjyotiḥ kim api paramam bhāvayitvātha devaṃ dhyātvā citte bhavabhayaharaṃ śrīgaṇeśaṃ vibhuṃ ca /
maulau kṛtvā gurucaraṇayor dhūlipuñjaṃ ca ṭīkā sthityākhye 'smin prakaraṇavare tanyate bhāskareṇa // Mo_4,1.0 //


evam utpattiprakaraṇe 'nutpattirūpāṃ jagadutpattim pratipādya tacchravaṇena ca tatra śrīrāmam pratītibhājaṃ nirvarṇya tadanantaraṃ yogyaṃ sthitiprakaraṇārambhaṃ karoti

athotpattiprakaraṇād anantaram idaṃ śṛṇu /
sthitiprakaraṇaṃ rāma jñātaṃ nirvāṇakāri yat // Mo_4,1.1 //


athaśabdo maṅgalamātraprayojanaḥ | idaṃ vakṣyamāṇam | sthitiprakaraṇaṃ kim | yat jñātaṃ śravaṇamanananidadhyāsanaviṣaye kṛtaṃ sat {#2} | nirvāṇam brahmaṇi ātyantikaṃ layaṃ karotīti tādṛśam | bhavati || MoṬ_4,1.1 ||


***NOTES:
#1 Schreibersprüche N17, Ś6: oṃ namaḥ śivāya saccidānandasvarūpāya. N17: oṃ namo namaḥ oṃ namo gurave oṃ namo vighnahartre oṃ namaḥ sarasvatyai ||
#2 N17, Ś6: -nidadhyā-; so auch MṬ (II) ad 18,35 (p. 144).
---------------------------------------------------------


sthitiprakaraṇam eva kathayati

evaṃ tāvad idaṃ viddhi dṛśyaṃ jagad iti sthitam /
ahaṃ cetyādy anākāram bhrāntimātram asanmayam // Mo_4,1.2 //


tāvat tvam evaṃ viddhi | anyat svayam eva jñāsyasīti bhāvaḥ | evaṃ katham ity apekṣāyām āha idam iti | jagad iti | jagad iti nāmadheyena sthitam | idaṃ dṛśyam puraḥsphurat | dṛśikriyāviṣayo bhāvajātam | aham ityādi ca bhavati | kathambhūtam | anākāram bhrāntimātram asanmayaṃ ca || MoṬ_4,1.2 ||



akartṛkam anaṅgaṃ ca gagane citram utthitam {#3} /
adraṣṭṛkaṃ sānubhavam anidraṃ svapnadarśanam {#4} // Mo_4,1.3 //


gagane cidākāśe | citram ālekhyam iva {#5} | uditam prādurbhūtam | kīdṛk citram | akartṛkam kartṛrahitam | anaṅgam niḥsvarūpam | punaḥ kim | svapnadarśanam svapnadarśanasvarūpam | svapnadarśanam kathambhūtam | adraṣṭṛkam draṣṭṛrahitam {#6} | sānubhavam draṣṭranubhavaviṣayatāṃ gatam {#7} | anidram nidrādoṣādṛṣṭam {#8} | atrālaukikatvakathanena vismayakāritve eva bharaḥ kṛtaḥ {#9} || MoṬ_4,1.3 ||


***NOTES:
#3 N17, Ś6: cittam
#4 Ś6: adraṣṭṛkaṃ; N17: adraṣṭya-
#5 N17: ālekhyam; Ś6: ālekham
#6 Ś6: adraṣṭṛkam draṣṭṛrahitam; N17: adraṣṭya- draṣṭya-
#7 N17: -ṣṭanu-; Ś6: -ṣṭānu-
#8 Ś6: -doṣādṛṣṭam; N17: -doṣṭā-
#9 N17, Ś6: -ālaukitva-
---------------------------------------------------------


bhaviṣyatpuranirmāṇaṃ citrasaṃstham ivoditam /
markaṭānalatāpābham ambvāvartavad āsthitam {#10}{#11} // Mo_4,1.4 //


bhaviṣyatpurasya ca nakiñcidrūpatvaṃ sphuṭam eva | markaṭasyānalatvenābhāsamānaḥ analaḥ markaṭānalaḥ | tasya yaḥ tāpaḥ | tasyābhā yasya | tat | markaṭo hi kam api phalaviśeṣam agnibhrameṇa gṛhṇāti | āsthitam sthitiyuktam || MoṬ_4,1.4 ||


***NOTES:
#10 Ś6: -tāpābham; N17: -tāmābham
#11 Ś6: -āvartavad; N17: -āvartāvad
---------------------------------------------------------


sadrūpam api niḥśūnyaṃ tejaḥ sauram ivāmbare {#12} /
ratnābhājālam iva khe dṛśyamānam abhittimat // Mo_4,1.5 //


sadrūpam cinmātrasāratvāt | niḥśūnyam nakiñcittvāt | ambare hi sauraṃ tejaḥ sadrūpam api niḥśūnyam iva bhātīti tasyopamānatvena grahaṇam {#13} || MoṬ_4,1.5 ||


***NOTES:
#12 N17: -pam (i)a(ṣ)pi
#13 Ś6: api; N17: ipi
---------------------------------------------------------


saṅkalpapuravat prauḍham anubhūtam asanmayam /
kathārthapratibhānātma na kvacit sthitam asti ca {#14} // Mo_4,1.6 //


kathāyāḥ anena kathyamānāyāḥ kathāyāḥ | yaḥ arthaḥ | tasya yat pratibhānam sphuraṇam | tadātma tatsvarūpam | kathāḥ śravaṇakāle hi śrotuḥ tadarthaḥ puraḥ iva pratibhāti {#15} | na kvacit sthitam vicārāsahatvāt | asti ca pratibhāsamānatvāt || MoṬ_4,1.6 ||


***NOTES:
#14 N17: -bhānātma; Ś6: -bhātā-
#15 Von Verbalhandlung śru- (in śravaṇa-) abhängiger Akkusativ Plural?
---------------------------------------------------------


niḥsāram apy atīvāntaḥsāraṃ svapnācalopamam {#16} /
bhūtākāśam ivākārabhāsuraṃ śūnyamātrakam {#17} // Mo_4,1.7 //


niḥsāram piṇḍagrahābhāvāt | atīvātiśayenāntaḥsāram cinmātrasāratvāt | ākārabhāsuram nīlarūpayuktākārabhāsvaram {#18} || MoṬ_4,1.7 ||


***NOTES:
#16 N17: ap(i)y
#17 N17; Ś6: śūra-
#18 N17: -bhāsuram; Ś6: -bhāsvaram
---------------------------------------------------------


śaradabhram ivāgrastham alakṣyakṣayam ākṣayi /
varṇo vyomatalasyeva dṛśyamānam avastukam // Mo_4,1.8 //


spaṣṭam || MoṬ_4,1.8 ||



svapnāṅganāratākāram arthaniṣṭham anarthakam /
citrodyānam ivotphullam arasaṃ sarasākṛti {#19}{#20} // Mo_4,1.9 //


arthaniṣṭham retaḥsravākhyārthakriyāratam | anarthakam prabhāte 'dṛśyamānatvāt vṛthābhātam | punaḥ kathambhūtam | arasam āsvādarahitam api | sarasākṛti sarasā ivākṛtiḥ yasya | tat | kim iva | utphullaṃ citrodyānam ālekhyodyānam | iva | tasyāpi arasatve 'pi sarasākṛtitvam prasiddham {#21} || MoṬ_4,1.9 ||


***NOTES:
#19 N17: -phullam; Ś6: -phulam
#20 N17, Ś6: -ākṛtiḥ
#21 N17: tasyā-; Ś6: tathā-
---------------------------------------------------------


prakāśam iva nistejaś citrārkānalavat sthitam /
anubhūtam manorājyam ivāsatyam avāstavam // Mo_4,1.10 //


spaṣṭam || MoṬ_4,1.10 ||



citrapadmākara iva sārasaugandhyavarjitam {#22} /
śūnye prakacitaṃ nānāvarṇam ākāritātmakam // Mo_4,1.11 //


śūnye acetyacinmātrākhyāyāṃ śūnyabhittau {#23} | ākāritaḥ ākārayuktaḥ {#24} | ātmā yasya | tādṛśam || MoṬ_4,1.11 ||


***NOTES:
#22 N17: -dmā(ta)*ka*ra. Silbe -ra als Śāradā-Zeichen.
#23 N17: acety(i)a-
#24 N17, Ś6: akāritaḥ akāra-
---------------------------------------------------------


paramārthena śuṣyadbhir bhūtapelavapallavaiḥ {#25} /
tataṃ jaḍam asārātma kadalīstambhabhāsuram {#26}{#27} // Mo_4,1.12 //


tataṃ vyāptam || MoṬ_4,1.12 ||


***NOTES:
#25 N17: bhūtapelava-; Ś6: bhūtale lava-
#26 Ś6: jaḍasamārāma; N17: jajum asārā-
#27 Ś6: -stambha-; N17: -stambhā*bhā*su-
---------------------------------------------------------


sphāritekṣaṇadṛśyāndhakāracakrakavat tatam {#28} /
atyantam abhavadrūpam api pratyakṣavat sthitam // Mo_4,1.13 //


sphāritekṣaṇasya dṛśyāni yāni andhakāracakrakāṇi | tadvat tatam | abhinayagamyaś cāyam arthaḥ || MoṬ_4,1.13 ||


***NOTES:
#28 Ś6: -vat tatam; N17: -varttitaṃ
---------------------------------------------------------


vār budbuda ivābhogi śūnyam antaḥ sphuradvapuḥ /
rasātmakaṃ satyarasam avicchinnakṣayodayam // Mo_4,1.14 //


rasātmakam icchāsvarūpaṃ jalasvarūpaṃ ca | satyarasaṃ | satyasya cinmātratattvasya | rasaḥ yasya {#29} | tat | cinmātratattvenaiva puṣṭiṃ gatam ity arthaḥ {#30} || MoṬ_4,1.14 ||


***NOTES:
#29 N17: -saḥ; Ś6: -sa
#30 N17: -mātratattve-; Ś6: -mātratve-
---------------------------------------------------------


nīhāra iva vistāri gṛhītaṃ san na kiñcana /
jaḍaṃ śūnyāspadaṃ śūnyaṃ keṣāñcit paramāṇuvat // Mo_4,1.15 //


keṣāñcit sthūlabuddhīnāṃ tārkikāṇām || MoṬ_4,1.15 ||



kiñcid bhūtamayo 'stīti sthitaṃ śūnyam abhūtakam /
gṛhyamāṇam asadrūpaṃ niśātama ivotthitam // Mo_4,1.16 //


ayaṃ saṃsāraḥ kiñcit bhūtamayaḥ astīti sthitam bhāsamānam | etair viśeṣaṇaiḥ samastaḥ sthitiprakaraṇārthaḥ saṅgṛhyoktaḥ {#31} | sthitiprakaraṇe evaṃrūpāyā jagatsthiter vaktum iṣṭatvāt {#32} || MoṬ_4,1.16 ||


***NOTES:
#31 N17: -gṛhy(e)*o*ktaḥ
#32 N17: iṣṭatvāt; Ś6: iṣṭuvān
---------------------------------------------------------


śrīrāmaḥ pṛcchati {#33}

mahākalpakṣaye dṛśyam āste bīja ivāṅkuram {#34}{#35} /
pare bhūya udety etat tata eveti kiṃ vada // Mo_4,1.17 //


iti kim etad eva kim asti atha vā neti | vada kathaya || MoṬ_4,1.17 ||


***NOTES:
#33 N17: -rāmaḥ pṛcchati; Ś6: -rāma uvāca
#34 Ś1, Ś3: dṛśyam āste; Ś6: dṛśyam āpte; N17: dṛṣṭ(i)yam āpte
#35 N17, Ś1, Ś3, Ś6: aṅkuram (neutr.)
---------------------------------------------------------


evambodhāḥ kim ajñāḥ syur uta tajjñā iti sphuṭam {#36} /
yathāvad bhagavan brūhi sarvasaṃśayaśāntaye // Mo_4,1.18 //


evam pūrvaślokoktarūpaḥ | bodhaḥ yeṣāṃ | te | tādṛśāḥ || MoṬ_4,1.18 ||


***NOTES:
#36 N17: ajñāḥ; Ś6: ajñā
---------------------------------------------------------


śrīvasiṣṭha uttaram āha {#37}

idam bīje 'ṅkura iva dṛśyam āste mahākṣaye /
brūte yaḥ param ajñatvam {#39} etat tasyātiśaiśavāt {#38} // Mo_4,1.19 //


atiśaiśavāt atimaurkhyāt || MoṬ_4,1.19 ||


***NOTES:
#37 N17: uttaram āha; Ś6: uvāca
#38 N17: brūte; Ś6: bhūte
#39 Ś6: ajñatvam; N17: a(j)atvam
---------------------------------------------------------


hetukathanam avaśyopadeśyatvenāha {#40}

sparśe kiṃ tad asambaddhaṃ katham etad avāstavam /
viparīto bodha eṣa vaktuḥ śrotuś ca maurkhyakṛt {#41} // Mo_4,1.20 //


asambaddhaṃ tat kim bhavati | na kiñcid apīty arthaḥ | etat avāstavam asambaddhaṃ | katham bhavati | sparśe āmukhe ity {#42} | eṣa viparītaḥ bodhaḥ vaktuḥ śrotuś ca maurkhyakṛt bhavati | etat anena hetunā asambaddham bhavati iti vaktuḥ vaktavyam | anena hetunā etat avāstavaṃ na bhavatīti śrotuḥ paryanuyogaḥ kāryaḥ | anyathā tayoḥ maurkhyam eveti bhāvaḥ || MoṬ_4,1.20 ||


***NOTES:
#40 N17: -deśya-; Ś6: -deśa-
#41 N17: -parīto; Ś6: -pareto
#42 N17, Ś6: āsukhe
---------------------------------------------------------


phalitam āha

bījakāle 'ṅkura iva jagad āste itīha yā {#43} /
buddhiḥ sāsatpralāpārthā mūḍhā śṛṇu kathaṃ kila {#44} // Mo_4,1.21 //


ata ity adhyāhāryam | asatpralāpārthā asatpralāpasyevārthaḥ yasyāḥ {#45} | sā | asatpralāparūpeti yāvat | mūḍhā jaḍā | kathaṃ kena hetunā | hetvakathane mamāpi maurkhyāpātaḥ syād iti bhāvaḥ || MoṬ_4,1.21 ||

***NOTES:
#43 N17, Ś3 a.c., Ś6: āste
#44 N17: -pralā*pā*rthā
#45 N17, Ś6: yasyā
---------------------------------------------------------


bījam bhavet svayaṃ dṛśyaṃ cittādīndriyagocaraḥ {#46} /
vaṭadhānādi dhānyādi yuktam atrāṅkurodbhavaḥ // Mo_4,1.22 //


cittādīndriyagocaraḥ {#47} | ata eva dṛśyam vaṭadhānādi tathā dhānyādi bījam bhavet | atra dhānādirūpe tathā dhānyādirūpe bīje | aṅkurodbhavaḥ yuktam bhavati || MoṬ_4,1.22 ||


***NOTES:
#46 N17: -īn*dr*iya-
#47 N17: -īn*dr*iya-
---------------------------------------------------------


manaḥṣaṣṭhendriyātītaṃ yaḥ khād atitarām api {#48} /
bījaṃ tad bhavituṃ śaktaṃ svayambhūr jagataḥ katham {#49} // Mo_4,1.23 //


manaḥ ṣaṣṭhaṃ yeṣām | tāni manaḥṣaṣṭhāni | tādṛśāni ca tānīndriyāṇi | tāny atītam | svayambhūḥ cinmātram || MoṬ_4,1.23 ||


***NOTES:
#48 N17: ya(ḥ)*t*; Ś1: yaḥ; Ś3: yah; Ś6: yad
#49 N17: jagataḥ; Ś6: jana-
---------------------------------------------------------


ākāśād api sūkṣmasya parasya paramātmanaḥ {#50} /
sarvākṣānupalabhyasya kīdṛśī bījatā katham // Mo_4,1.24 //


spaṣṭam || MoṬ_4,1.24 ||


***NOTES:
#50 N17: -kṣma*sya*
---------------------------------------------------------


sat sūkṣmam asadābhāsam asad eva hy ataddṛśām /
kīdṛśī bījatā tatra bījābhāve kuto 'ṅkuraḥ // Mo_4,1.25 //


sat api yat cinmātrākhyaṃ vastu | ataddṛśām na tasmin dṛk yeṣām | te | tādṛśām | cinmātrajñānarahitānām iti yāvat | asad eva bhavati | atra hetum āha | asadābhāsam iti | asadvat ābhāsaḥ yasya | tat | tādṛśam | atrāpi hetutvena viśeṣaṇam āha sūkṣmam iti | sūkṣmatvād asadābhāsatvam {#51} | asadābhāsatvād asattvam ity arthaḥ | tatra tasmin cinmātrākhye vastuni | bījatā kīdṛśī bhavati | na bhavati | sthūlasyaiva bījatvayogād ity arthaḥ | bījābhāve aṅkuraḥ jagadākhyaḥ aṅkuraḥ | kutaḥ bhavati | naiva yukta ity arthaḥ || MoṬ_4,1.25 ||


***NOTES:
#51 N17: -satva(sa)m
---------------------------------------------------------


gaganāṅgād api svacche śūnye tatra pare pade /
kathaṃ santi jaganmerusamudragaganādayaḥ // Mo_4,1.26 //


gaganāṅgāt svacchatvaṃ jāḍyākhyamālinyarahitatvāt jñeyam || MoṬ_4,1.26 ||



nakiñcid yat kathaṃ kiñcit tatrāste vastv avastuni /
asti cet tat kathaṃ tatra vidyamānaṃ na dṛśyate // Mo_4,1.27 //


yat cinmātram | bāhyāntaḥkaraṇātītatvāt nakiñcid bhavati | tatra tasmin | avastuni nakiñcidrūpe cinmātre | indriyagamyatvena kiñcidrūpaṃ vastu jagadākhyaṃ vastu {#52} | katham āste | tathāpi cet asti tatra vidyamānaṃ kathaṃ na dṛśyate | tarhi vidyamānatvam evāsya yuktaṃ syād iti bhāvaḥ | nanu jagataḥ vidyamānatvaṃ kathaṃ nāsti iti cet | vicārāsahatvān nāstīti brūmaḥ | yo hi vicāraṃ sahate tasyaiva vidyamānatvam | yathā rajjusarpāpekṣayā rajjoḥ || MoṬ_4,1.27 ||


***NOTES:
#52 N17: -tve*na*
---------------------------------------------------------


nakiñcidātmanaḥ kiñcit katham eti kuto 'tha vā /
śūnyarūpād ghaṭākāśāj jāto 'driḥ kva kutaḥ kadā {#53} // Mo_4,1.28 //


pūrvaślokavyākhyayaiva gatārtho 'yaṃ ślokaḥ {#54} || MoṬ_4,1.28 ||


***NOTES:
#53 N17: *ka*dā
#54 Ś6 om.: pūrva- --> ślokaḥ
---------------------------------------------------------


pratipakṣe kathaṃ kiñcid āste chāyātape yathā /
katham āste tamo bhānau katham āste hime 'nalaḥ {#55} // Mo_4,1.29 //


kiñcit kim api | pratipakṣe katham āste | pratipakṣe avasthānaṃ kasyāpi na yuktam iti bhāvaḥ | viśeṣeṇaitad eva darśayati cchāyetyādi || MoṬ_4,1.29 ||


***NOTES:
#55 N17: *hi*me
---------------------------------------------------------


merur āste katham aṇau kutaḥ kiñcid anākṛtau /
tadatadrūpayor aikyaṃ kva cchāyātapayor iva // Mo_4,1.30 //


dṛṣṭāntāni viśeṣatayoktvā dārṣṭāntikam api tattayaiva kathayati kutaḥ kiñcid iti | kiñcit indriyagamyatvāt kiñcidrūpaṃ jagat | anākṛtau indriyāgamyatvenākārarahite cinmātre | kutaḥ na yuktam etad iti bhāvaḥ | nanv ekatve na bījāṅkuratvam anayor astīty atrāha tadatad iti | tadatadrūpayoḥ atyantabhinnayoḥ || MoṬ_4,1.30 ||



sākāre vaṭadhānādāv aṅkuro 'stīti yuktimat /
anākāre mahākāraṃ jagad astīty ayuktimat // Mo_4,1.31 //


spaṣṭam || MoṬ_4,1.31 ||


deśāntare yac ca narāntare ca buddhyādisarvendriyaśaktyadṛśyam /
nāsty eva tattadvidhabuddhibodhe nakiñcid ity eva tad ucyate ca // Mo_4,1.32 //


deśāntare ca asmin deśe anyasmin deśe ca | narāntare ca tvayi anyeṣu nareṣu ca | kālasyāpy etad upalakṣaṇam | tena kālāntare cety api jñeyaṃ {#56} | tenāyam arthaḥ | buddhyādīnāṃ sarvendriyaśaktīnāṃ cādṛśyaṃ yat vastu | deśāntare narāntare ca tattadvidhabuddhibodhe | tattadvidhāḥ tattatprakārāḥ | yāḥ buddhayaḥ {#57} | tāsāṃ yaḥ bodhaḥ {#58} | tatra | nāsti {#59} | tadviṣayo nāstīti yāvat | paṇḍitaiḥ tat nakiñcid ity eva ucyate kathyate {#60} || MoṬ_4,1.32 ||


***NOTES:
#56 N17: *tvayi --> ce*ty
#57 N17: -y(ā)aḥ
#58 N17: yaḥ; Ś6: ye
#59 N17, Ś6: narāsti
#60 N17: p(i)aṇ-
---------------------------------------------------------


tataḥ kim ity atrāha

kāryasya tat kāraṇatām prayātam vaktīti yas tasya vimūḍhabodhaḥ /
kair nāma tatkāryam udeti tasmāt svaiḥ kāraṇaughaiḥ sahakārirūpaiḥ // Mo_4,1.33 //


tat nakiñcid iti nāmārhaṃ vastu | kāryasya kāraṇatām prayātam bhavati {#61} | iti yaḥ vakti | tasya vimūḍhabodhaḥ bhavati | nāsau tajjña iti bhāvaḥ | sahakārikāraṇābhāvena tasya kāraṇatāṃ nivārayati tatkāryam iti {#62} | svaiḥ nijaiḥ | sarvasya nakiñcidrūpacinmātrasvarūpatvena sahakārikāraṇasattā nāstīti bhāvaḥ {#63} || MoṬ_4,1.33 ||


***NOTES:
#61 N17: -ṇ(āṃ)*atāṃ*
#62 N17: -ṇ*ā*bhā-
#63 N17: -rūpa*ci*nm*ā*trasva-
---------------------------------------------------------


etena siddhaṃ siddhāntaṃ sargāntaślokena kathayati

durbuddhibhiḥ kāraṇakāryabhāvaṃ saṅkalpitaṃ dūratare vyudasya /
yad eva tat satyam anādimadhyaṃ jagat tad eva sthitam ity avehi // Mo_4,1.34 //


{#64}
durbuddhibhiḥ kubuddhiyuktaiḥ | saṅkalpitaṃ svasaṅkalpenollikhitam | na tu paramārthasantaṃ kāryakāraṇabhāvaṃ jagadbrahmaviṣayaṃ kāryakāraṇabhāvam | vyudasya parityajya | tvam iti avehi satyatayā niścinu iti | kim iti | anādimadhyam ādimadhyayor api sākṣitvena sthitatvāt ādimadhyarahitam | yat eva | tat prasiddham | satyam satyabhūtam cinmātrākhyaṃ vastu asti {#65} | tad eva na tu tatkāryam {#66} | jagat asti | iti śivam {#67} || MoṬ_4,1.34 ||


***NOTES:
#64 Kolophon Mūla (Ś6): sthitiprakaraṇe janyajanakanirākaraṇaṃ nāma sargaḥ ||1||
#65 Ś6: asti; N17: (saṃ)sti
#66 Ś6: -kāryam; N17: -kar-
#67 Ś6 om.: iti śivam
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ janyajanakanirākaraṇaṃ sthitiprakaraṇe prathamaḥ sargaḥ {#68} ||1||



***NOTES:
#68 N17, Ś6: -mokṣopāyaviracitāyāṃ
---------------------------------------------------------


*********************************************************************



vasiṣṭha uvāca {#1}

athaitadabhyupagame vacmi vedyavidāṃ vara /
samastakalanātīte mahācidvyomni nirmale // Mo_4,2.1 //


jagadādyaṅkuras tatra yady asti tad asau tadā /
kair ivodeti kathaya kāraṇaiḥ sahakāribhiḥ // Mo_4,2.2 //


he vedyavidāṃ vara {#2} | athāham etat bījatvam | aṅgīkṛtya | vacmi kathayāmi | kiṃ vakṣīty apekṣāyām āha samasteti | samastakalanātīte sarvakāryakāraṇabhāvādikalanātīte | nirmale cetyākhyamalādūṣite | sahakāribhiḥ kāraṇaiḥ sahakārikāraṇaiḥ | yugmam || MoṬ_4,1-2 ||


***NOTES:
#1 Ś6: śrīva-
#2 Ś6: oṃ he
---------------------------------------------------------


sahakārikāraṇānām abhāve vāṅkurodgatiḥ /
vandhyākanyā ca dṛṣṭeha na kadācana kenacit // Mo_4,2.3 //


vāśabdaḥ pādapūraṇārthaḥ | caśabdaḥ samuccaye || MoṬ_4,1.3 ||



sahakārikāraṇānām abhāve yac ca voditam {#3} /
mūlakāraṇam evātmā tat svabhāve sthitaṃ tathā // Mo_4,2.4 //


yat ca jagadākhyaṃ kāryam | sahakārikāraṇānām abhāve uditam kāraṇāt anyatayā prādurbhūtam bhavati | tat tathā tena prakāreṇa | svabhāve svasvarūpe | sthitam | mūlakāraṇam ātmā mūlakāraṇabhūta ātmaiva bhavati | na kāryam | sahakārikāraṇasambhava eva kāryatvadarśanāt {#4} || MoṬ_4,1.4 ||


***NOTES:
#3 N17: v(e)*o*di-
#4 N17: -rya*tva*dar-
---------------------------------------------------------


sargādau sargarūpeṇa brahmaivātmani tiṣṭhati {#5} /
yathāsthitam anākāraṃ kva janyajanakakramaḥ // Mo_4,2.5 //


sargādau cetyonmukhatāsamaye || MoṬ_4,1.5 ||


***NOTES:
#5 Ś6: -ṣṭha-; N17: -ṣṭa-
---------------------------------------------------------


atha pṛthvyādayo 'nye vā kuto 'py āgatya kurvate /
sahakārikāraṇatvaṃ tat pūrvaivātra dūṣaṇā // Mo_4,2.6 //


pūrvā dūṣaṇeti | sargāgame yā dūṣaṇā asti sā eva sahakāryabhimatapṛthvyādyāgame 'py astīty arthaḥ {#6} || MoṬ_4,1.6 ||


***NOTES:
#6 Ś6: sahakāryibhi-
---------------------------------------------------------

phalitam āha

tasmāt pare jagac chāntam āste tat sahakāraṇaiḥ /
vinā prasaratīty uktir bālasya na vipaścitaḥ // Mo_4,2.7 //


tasmāt tato hetoḥ {#7} | jagat pare śāntam bījatvena sthitam asti | sahakāraṇaiḥ sahakārikāraṇaiḥ vinā | tat prasarati ity uktiḥ bālasya mūrkhasya | bhavati | vipaścitaḥ paṇḍitasya | na bhavati || MoṬ_4,1.7 ||


***NOTES:
#7 N17, Ś6: -to
---------------------------------------------------------


paramaphalitaṃ kathayati

tasmād rāma jagan nāsīn na cāsti na bhaviṣyati /
cetanākāśam evācchaṃ kacatīttham ivātmani // Mo_4,2.8 //


he rāma | tasmāt jagat nāsīt na cāsti na ca bhaviṣyati sahakārikāraṇābhāvāt | punaḥ kim etat sphuratīty | atrāha cetaneti | accham cetyarahitaṃ | cetanākāśam cinmātrākāśam | ātmani ittham jagadrūpeṇa | sphurati iva kacati iva || MoṬ_4,1.8 ||



atyantābhāva evāsya jagato vidyate yadā /
tadā brahmedam akhilam iti sad rāma nānyathā // Mo_4,2.9 //


anyathā asat || MoṬ_4,1.9 ||



nanu prāgabhāvādir eva kathaṃ nātrāsti | kim atyantābhāvenety | atrāha

pūrvapradhvaṃsanānyo'nyābhāvair yad upaśāmyati {#8} /
aśāntam eva tac citte na śāmyaty eva tad yataḥ // Mo_4,2.10 //


pūrvapradhvaṃsanānyo'nyābhāvaiḥ prāgabhāvena pradhvaṃsābhāvena anyo'nyābhāvena ca {#9} | yat śāmyati tat aśāntam eva bhavati | yataḥ tat vastu | citte manasi | na śāmyati saṃskāratvena sthitatvāt | tasmād atyantābhāva evātra yukta iti bhāvaḥ || MoṬ_4,1.10 ||


***NOTES:
#8 N17, Ś6: -pradhvaṃsinā-
#9 N17, Ś6: -pradhvesanā-
---------------------------------------------------------


atyantābhāvam evāto jagaddṛśyasya sarvadā /
varjayitvetarā yuktir nāsty evānarthasaṅkṣaye {#10} // Mo_4,2.11 //


jagaddṛśyasyātyantābhāva eva jagadrūpasyānarthasya kṣaye yuktiḥ nānyat kiñcid iti piṇḍārthaḥ || MoṬ_4,1.11 ||


***NOTES:
#10 Ś6: nāsty evā-; N17: nāste vā-
---------------------------------------------------------


cidākāśasya bodho 'yaṃ jagadādīti yat sthitam /
ayaṃ so 'ham idaṃ rūpālokacittakalādy api // Mo_4,2.12 //


idaṃ jagadādīti yat sthitam asti | ayam cidākāśasya bodha eva bhavati | nānyat | ādiśabdena pralayasya grahaṇam | jagadādīti viśeṣeṇa kathayati ayaṃ so 'ham ityādi {#11} | cittakalā manaskāraḥ || MoṬ_4,1.12 ||


***NOTES:
#11 N17: viśeṣeṇa; Ś6: viṣeṣaṇaṃ
---------------------------------------------------------


idam arkādi pṛthvyādi tathedaṃ vatsarādi ca /
ayaṃ kalpaḥ kṣaṇaś cāyam ime maraṇajanmane {#12} // Mo_4,2.13 //


spaṣṭam || MoṬ_4,1.13 ||


***NOTES:
#12 Ś1, Ś3: kalpaḥ kṣaṇaś; N17, Ś6: kalpakṣaṇaś
---------------------------------------------------------


ayaṃ kalpāntasaṃrambho mahākalpānta eṣa saḥ /
ayaṃ sa sargaprārambho bhāvābhāvakramas tv asau // Mo_4,2.14 //


spaṣṭam || MoṬ_4,1.14 ||



lakṣāṇīmāni kalpānām imā brahmāṇḍakoṭayaḥ {#13} /
ime brahmendranicayā imā viṣṇvādiśaktayaḥ // Mo_4,2.15 //


viṣṇvādirūpāḥ śaktayaḥ viṣṇvādiśaktayaḥ || MoṬ_4,1.15 ||


***NOTES:
#13 Ś1: -koṭayaḥ; N17, Ś3, Ś6: -keṭayaḥ
---------------------------------------------------------


ete ceme pariṇatā ime bhūya upāgatāḥ /
imāni dhiṣṇyajālāni deśakālakalā imāḥ {#14} // Mo_4,2.16 //


ete ime pariṇatāḥ mṛtāḥ || MoṬ_4,1.16 ||


***NOTES:
#14 Ś6: imā
---------------------------------------------------------


upasaṃhāraṃ karoti

mahācitparamākāśam anāvṛttam anantakam /
yathā pūrvaṃ sthitaṃ śāntam ity evaṃ kacati svayam // Mo_4,2.17 //


anāvṛttam āvṛttirahitam | anantakam antarahitam | śāntam svasmin svarūpe eva sarvadā nilīnam | mahācitparamākāśam | iti anena prakāreṇa | evam jagadrūpeṇa | kacati sphurati || MoṬ_4,1.17 ||



paramāṇusahasrāṃśabhāsa etā mahāciteḥ /
svabhāvabhūtā evāntaḥsthitā nāyānti yānti no // Mo_4,2.18 //


mahāciteḥ antaḥsthitāḥ {#15} | ata eva svabhāvabhūtāḥ | paramāṇoḥ yaḥ sahasrāṃśaḥ | tatparimāṇāḥ bhāsaḥ dīptayaḥ | etāḥ sargaparamparāḥ {#16} | na āyānti no yānti sadā sthitatvāt || MoṬ_4,1.18 ||


***NOTES:
#15 N17, Ś6: antasthitaḥ
#16 Ś6: -paraparamparāḥ
---------------------------------------------------------


svayam antaś camatkāro yas samudgīryate citā /
tat sargabhānam bhātīdam bhārūpaṃ na ca bhittimat // Mo_4,2.19 //


citā cinmātreṇa | antaḥsthitaḥ yaḥ camatkāraḥ svarūpaparāmarśarūpaḥ āsvādaḥ {#17} | bahiḥ samudgīryate samyak udgīryate | tat idaṃ samudgiraṇaṃ {#18} | sargabhānam bhāti | idaṃ kathambhūtam | bhārūpam jñānasvarūpam | na bhittimat bhittirahitam || MoṬ_4,1.19 ||


***NOTES:
#17 N17, Ś6: antasthitaḥ
#18 N17: *tat*
---------------------------------------------------------


nodyanti na ca naśyanti nāyānti na ca yānti ca /
mahāśilāntarlekhānāṃ sanniveśa ivācalāḥ // Mo_4,2.20 //


sargā iti śeṣaḥ {#19}{#20} || MoṬ_4,1.20 ||


***NOTES:
#19 Ś6: sarga
#20 N17: -ṣ(ā)aḥ
---------------------------------------------------------


ime sargāḥ prasphuranti svataḥ svātmani nirmale /
nabhasīva nabhobhāgā nirākārā nirākṛtau // Mo_4,2.21 //


svataḥ svabhāvena || MoṬ_4,1.21 ||



dravatvānīva toyasya spandā iva sadāgateḥ /
āvartā iva vāmbhodher guṇino vāthavā guṇāḥ // Mo_4,2.22 //


pūrvaślokadṛṣṭāntatvenaiva yojyam || MoṬ_4,1.22 ||



{#21}vijñānaghana evaikam idam ittham iva sthitam /
sodayāstamayārambham anantaṃ śāntam ātatam // Mo_4,2.23 //


vijñānaghane jñānaikasvarūpe cinmātratattve | idam jagat || MoṬ_4,1.23 ||


***NOTES:
#21 Vgl. BĀU II 4,12
---------------------------------------------------------


sahakāryādihetūnām abhāve śūnyatā jagat /
svayambhūr jāyate ceti kilonmattakaphūtkṛtam // Mo_4,2.24 //


unmattakaphūtkṛtam unmattapralāpaḥ || MoṬ_4,1.24 ||



sargāntaślokena phalitaṃ kathayati

praśāntasarvārthakalākalaṅko nirastaniḥśeṣavikalpatalpaḥ /
cirāya vidrāvitadīrghanidro bhavābhayo bhūṣitabhūḥ prabuddhaḥ {#22} // Mo_4,2.25 //

{#23}
tasmād ity adhyāhāryam | tasmāt tvam bhava | kīdṛśa ity apekṣāyāṃ viśeṣaṇāny āha praśānta ityādi | praśāntaḥ brahmaikatāvijñānena prakarṣeṇa śāntaḥ | sarvārtharūpaḥ kalaṅkaḥ yasya {#24} | saḥ | nirastā niḥśeṣavikalpā eva talpam yena | saḥ | vidrāvitā dīrghanidrā avidyārūpā dīrghanidrā yena | saḥ | ata eva prabuddhaḥ samyagjñānayuktaḥ | ataḥ abhayaḥ bhayarahitaḥ | iti śivam {#25} || MoṬ_4,1.25 ||


***NOTES:
#22 N17, Ś6: nidrāvita-
#23 Kolophon Mūla (Ś6): iti śrīmokṣopāye sthitiprakaraṇe dvitīyaḥ sargaḥ ||2||
#24 N17: -rvā*rtha*rū-
#25 Ś6 om.: iti śivam
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe dvitīyaḥ sargaḥ ||2|| {#26}


***NOTES:
#26 Ś6: iti śrībhāskaraviracitāyāṃ sthitiprakaraṇe sargaḥ ||2||
---------------------------------------------------------


*********************************************************************



śrīrāmaḥ pṛcchati {#1}

mahāpralayasargādau prathamo 'sau prajāpatiḥ /
smṛtyātmā jāyate sarge smṛtyātmaiva tato jagat // Mo_4,3.1 //


{#2}prathamaḥ prajāpatiḥ śuddhamanorūpaḥ brahmā | smṛtyātma smṛtirūpam || MoṬ_4,3.1 ||


***NOTES:
#1 Ś6: oṃ śrīrāma uvāca
#2 Ś6: oṃ pra-
---------------------------------------------------------


śrīvasiṣṭhaḥ uttaraṃ kathayati {#3}

mahāpralayasargādāv evam etad raghūdvaha /
smṛtyātmaiva bhavaty ādau prathamo 'sau prajāpatiḥ // Mo_4,3.2 //


evam etat etat satyam evety arthaḥ || MoṬ_4,3.2 ||


***NOTES:
#3 Ś6 om.: uttaraṃ kathayati
---------------------------------------------------------


tatsaṅkalpātma ca jagat smṛtyātmaivam idaṃ tataḥ {#4} /
iti saṅkalpanagaraṃ sthitam pūrvaprajāpateḥ // Mo_4,3.3 //


tatsaṅkalpātma smṛtisvarūpaprajāpatisvarūpam {#5} || MoṬ_4,3.3 ||


***NOTES:
#4 Ś6: -ātmavam
#5 N17: (pra)smṛti-
---------------------------------------------------------


iti sthite 'pi sā rāma tasya pūrvaprajāpateḥ {#6} /
sthitir na sambhavaty eva nabhasīva mahādrumaḥ {#7} // Mo_4,3.4 //


sā smṛtirūpā || MoṬ_4,3.4 ||


***NOTES:
#6 N17, Ś6: -pate
#7 Ś1, Ś3: nabhasīva; N17, Ś6: nabhasy eva
---------------------------------------------------------


śrīrāmaḥ pṛcchati {#8}

na sambhavati kim brahman sargādau prāktanī smṛtiḥ /
mahāpralayasammohair naśyati prāksmṛtiḥ katham {#9} // Mo_4,3.5 //

mahāpralayasammohaiḥ mahāpralayakṛtābhiḥ mūrcchābhiḥ || MoṬ_4,3.5 ||


***NOTES:
#8 Ś6 om.: pṛcchati
#9 N17: -pr(ya)alaya-
---------------------------------------------------------


śrīvasiṣṭha uttaraṃ kathayati {#10}

prāṅmahāpralaye prājña pūrve brahmādayaḥ purā /
kila nirvāṇam āyātās te 'vaśyam brahmatāṃ gatāḥ // Mo_4,3.6 //


nirvāṇam muktim {#11} || MoṬ_4,3.6 ||


***NOTES:
#10 Ś6 om.: uttaraṃ kathayati
#11 Ś6: nirvāṇa
---------------------------------------------------------


prāktanyāḥ kaḥ smṛtes smartā tasmāt kathaya suvrata /
smṛtir nirmūlatāṃ yātā smartur muktatayā yataḥ // Mo_4,3.7 //


spaṣṭam {#12} || MoṬ_4,3.7 ||


***NOTES:
#12 Ś3: smṛtir; N17, Ś1, Ś6: smṛti-
---------------------------------------------------------


ataḥ smartur abhāve sā smṛtiḥ kodetu kiṃ katham /
avaśyaṃ hi mahākalpe sarve mokṣaikabhāginaḥ // Mo_4,3.8 //


spaṣṭam {#13} || MoṬ_4,3.8 ||


***NOTES:
#13 Ś6 om.: spaṣṭam
---------------------------------------------------------


nānubhūte 'nubhūte ca svataś cidvyomni yā smṛtiḥ /
sā jagacchrīr iti prauḍhā dṛśyābhāve hi citprabhā // Mo_4,3.9 //


svataḥ na tu prajāpatirūpagrahāt | nānubhūte pūrvānanubhūte viṣaye | anubhūte pūrvam anubhūte viṣaye | cidvyomni yā smṛtiḥ bhavati | sā jagacchrīr iti prauḍhā bhavati | na prajāpatismṛtir iti bhāvaḥ {#14} | kuta etad ity | atrāha dṛśyeti | hi yasmāt | dṛśyābhāve smṛtirūpadṛśyābhāve | citprabhā eva bhavati | na prajāpatiprabhā || MoṬ_4,3.9 ||


***NOTES:
#14 N17: -tir i*ti*
---------------------------------------------------------


athavālam anayā smṛtikalpanayā | yataḥ citprabhaiva jagad astīty abhiprāyenāha

bhāti saṃvitprabhaivāccham anādyantāvabhāsinī /
yat tad etaj jagad iti svayambhūr iti ca sthitam // Mo_4,3.10 //


anādyantāvabhāsinī sadā bhātatvenādyantāvabhāsarahitā | saṃvitprabhā eva acchaṃ yat bhāti tat etat jagad iti sthitam bhavati {#15} | svayambhūr iti ca sthitam bhavati | ataḥ smṛteḥ svayambhuvaś ca na kāpi sattāstīti bhāvaḥ || MoṬ_4,3.10 ||


***NOTES:
#15 N17: *yat*
---------------------------------------------------------


anādikālasaṃsiddhaṃ yad bhānam brahmaṇo nijam /
sa ātivāhiko deho virājo jagadākṛtiḥ // Mo_4,3.11 //


anādikālasaṃsiddham satatasiddham | brahmaṇaḥ cinmātratattvasya | yat nijaṃ svasambandhi | bhānam bhavati | saḥ virājaḥ virāḍrūpasya prajāpateḥ | ātivāhikaḥ dehaḥ bhavati | kathambhūtaḥ | jagadākṛtiḥ samastajagatsvarūpaḥ {#16} || MoṬ_4,3.11 ||


***NOTES:
#16 N17, Ś6: -ākṛti
---------------------------------------------------------


paramāṇāv idam bhāti jagat sabhuvanatrayam /
deśakālakriyādravyadinarātrikramānvitam // Mo_4,3.12 //


dravyam kriyāviṣayaḥ padārthaḥ | paramāṇvantas tribhuvanābhānam indrasya nirvāṇaprakaraṇe vakṣyati {#18}{#17} || MoṬ_4,3.12 ||


***NOTES:
#17 Ś6: -bhuvanam in-
#18 Vgl. YV VII 13-14; MŚ VI 170-171
---------------------------------------------------------


paramāṇum prati tatas tasyāntas tādṛg eva ca {#19} /
bhāti bhāsvaritākāraṃ tādṛggirikulāvṛtam {#20}{#21} // Mo_4,3.13 //


tataḥ tato hetoḥ | tasya paramāṇvantarvartinaḥ tribhuvanasya | prati paramāṇum antaḥ pratiparamāṇumadhye | tādṛk eva na tv anyarūpam | bhāsvaritākāraṃ tādṛggirikulāvṛtam tādṛśaparvatasamūhākulam {#22}{#23} | arthāt tribhuvanam bhāti || MoṬ_4,3.13 ||


***NOTES:
#19 Ś6: tasyāṃtasyāntas
#20 Ś1, Ś3, Ś6: bhāsvaritā-; N17: bhāsuritā-
#21 N17, Ś1, Ś3, Ś6: -kulam punaḥ
#22 Ś6: bhāsvaritā-; N17: bhāsuritā-
#23 Ś6: -parvata-; N17: -pacata-
---------------------------------------------------------


tatrāpi tādṛgākāram evam praty aṇum ātatam /
dṛśyam ābhāti bhārūpam etad aṅga na vāstavam // Mo_4,3.14 //


tatrāpi pratyaṇuvartini tribhuvane 'pi {#24} | bhārūpam jñānasvarūpam | phalitam āha etad iti | he aṅga | ataḥ etat tribhuvanam | vāstavam paramārthasat | na bhavati | svapnavad bhārūpatvāt || MoṬ_4,3.14 ||


***NOTES:
#24 N17: -tri(pu)bhu-
---------------------------------------------------------


ity asty anto na saddṛṣṭer asaddṛṣṭeś ca vā kvacit /
asyās tv abhyuditam buddham abuddham prati vānagha // Mo_4,3.15 //


iti anena prakāreṇa | saddṛṣṭeḥ cinmātradṛṣṭeḥ | asaddṛṣṭeḥ cetyadṛṣṭeḥ vā | anto 'vasānam | nāsti | asyāḥ saddṛṣṭer asaddṛṣṭeś ca | abhyuditam abhyudayaḥ | prādurbhāva iti yāvat | buddham prati abuddham prati vā bhavati | buddham prati saddṛṣṭeḥ abhyudayaḥ asaddṛṣṭeḥ abuddham pratīti kramo jñeyaḥ {#25} || MoṬ_4,3.15 ||


***NOTES:
#25 N17: -dṛṣṭeḥ abhyudayaḥ; Ś6: -dṛṣṭer anto nāsti
---------------------------------------------------------


nanu ekā eva bhāsamānā jagadākhyā dṛṣṭir asti | tat katham uktam buddham prati saddṛṣṭer anto nāsti asaddṛṣṭer abuddham pratīty | āha

buddham pratīdam brahmaiva kevalaṃ śāntam avyayam /
abuddham prati tu dvaitam bhāsuram bhuvanānvitam {#26} // Mo_4,3.16 //


idam eva jagat | buddhasya saddṛṣṭyā bhāti | abuddhasyāsaddṛṣṭyā | yathā ekaḥ rajjuḥ buddham prati rajjutayā bhāti | abuddham prati sarpatayeti bhāvaḥ || MoṬ_4,3.16 ||


***NOTES:
#26 N17: bhāsuram; Ś6: bhāsvaram
---------------------------------------------------------


yathedam bhāsuram bhāti jagad aṇḍakajṛmbhitam /
tathā koṭisahasrāṇi bhānty anyāny apy aṇāv aṇau {#27} // Mo_4,3.17 //


spaṣṭam || MoṬ_4,3.17 ||


***NOTES:
#27 N17: -any*ā*-
---------------------------------------------------------


yathā stambhe putrikāntas tasyāś cāṅgeṣu putrikā /
tasyāś ca putrikāsty aṅge tathā trailokyaputrikā // Mo_4,3.18 //


trailokyākhyā putrikā trailokyaputrikā {#28} || MoṬ_4,3.18 ||


***NOTES:
#28 N17, Ś6: trailokā-
---------------------------------------------------------


na bhinnā na ca saṅkhyeyā yathādrau paramāṇavaḥ /
tathā brahmabṛhanmerau trailokyaparamāṇavaḥ // Mo_4,3.19 //


spaṣṭam || MoṬ_4,3.19 ||



sūryaughāṃśuṣv asaṅkhyātuṃ śakyante laghavo 'ṇavaḥ {#29} /
nānādyantāś cidāditye trailokyaparamāṇavaḥ {#30} // Mo_4,3.20 //


spaṣṭam || MoṬ_4,3.20 ||


***NOTES:
#29 N17: l(ā)agha-
#30 Ś6: -āditye; N17: -ādityo
---------------------------------------------------------


yathāṇavo vahanty arkadīptiṣv apsu rajaḥsu ca /
tathā vahante cidvyomni trailokyaparamāṇavaḥ // Mo_4,3.21 //


spaṣṭam || MoṬ_4,3.21 ||



śūnyānubhavamātrātma bhūtākāśam idaṃ yathā {#31} /
sargānubhavamātrātma cidākāśam idaṃ tathā {#32} // Mo_4,3.22 //


śūnyasya yaḥ anubhavaḥ {#33} | tanmātram ātmā svarūpaṃ yasya | tat || MoṬ_4,3.22 ||


***NOTES:
#31 N17: -ānubh(ā)ava-
#32 N17: sargānu-; Ś6: sarvānu-
#33 N17: śūnyasya; Ś6: anyasya
---------------------------------------------------------


sargas tu sargaśabdārthatayā buddho nayaty adhaḥ /
sa brahmaśabdārthatayā buddhaḥ śreyo bhavaty alam // Mo_4,3.23 //


śreyaḥ mokṣarūpam || MoṬ_4,3.23 ||



sargāntaślokenāpy etad eva kathayati {#34}

vijñānātmā śāsitā viśvabījam brahmaivādyaṃ svaṃ cidākāśamātraṃ /
tasmāj jātaṃ yat tad eveti vedyaṃ viddhi svāntar bodhasambodhamātram {#35} // Mo_4,3.24 //


{#36}
vijñānātmā jñānaikasvarūpaḥ {#37} | śāsitā prerakaḥ | svam sarveṣām ātmatvena sthitam | cidākāśamātram ādyam brahmaiva viśvabījaṃ viśvasya bījam iva bījam | na tu sākṣād bījam | tasya samanantaram eva nirākṛtatvāt | bhavati | tasmāt tādṛśāt brahmaṇaḥ {#38} | yat jātam bhavati | tat tad eva bhavati | iti ato hetoḥ | tvam vedyam vidikriyāviṣayam bhāvajātam | svāntaḥ svamanasi | bodhasya yaḥ sambodhaḥ svaparāmarśaḥ | tanmātraṃ viddhi jānīhi {#39} | liṅgasaṅkaro 'liṅgatvadyotanārthaḥ | iti śivam {#40} || MoṬ_4,3.24 ||


***NOTES:
#34 Ś6 om.: sargāntaślokenāpy
#35 Ś6: -sambodha-; N17: -sambhodha-
#36 Kolophon Mūla (Ś6): iti sthitiprakaraṇe sargaḥ ||3||
#37 N17: jñānaika-; Ś6: jñāneka-
#38 N17: -ma*ṇaḥ*
#39 Ś6: viddhi; N17: viddhir
#40 Ś6 om.: iti śivam
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe tṛtīyaḥ sargaḥ ||3|| {#41}


***NOTES:
#41 Ś6: bhāskarakaṇṭhaviracitāyāṃ sargaḥ ||3||
---------------------------------------------------------



*********************************************************************



{#1}

indriyagrāmasaṅgrāmasetunā bhavasāgaraḥ /
tīryate netareṇeha kenacin nāma karmaṇā // Mo_4,4.1 //


{#2}indriyagrāmeṇendriyasamūhena | yaḥ saṅgrāmaḥ | sa eva setuḥ | tena || MoṬ_4,4.1 ||


***NOTES:
#1 Ś6: śrīvasiṣṭhaḥ
#2 Ś6: oṃ in-
---------------------------------------------------------


śāstrasatsaṅgamābhyāsaiḥ saviveko jitendriyaḥ /
atyantābhāvam evāsya dṛśyaughasyāvagacchati // Mo_4,4.2 //


avagacchati jānāti || MoṬ_4,4.2 ||



etat te kathitaṃ sarvaṃ svarūpaṃ rūpiṇāṃ vara /
saṃsārasāgaraśreṇyo yathāyānti prayānti ca // Mo_4,4.3 //


he rūpiṇāṃ vara | mayā te | arthāt saṃsārasāgaraśreṇīnāṃ sarvam svarūpam | kathitam | tathā saṃsārasāgaraśreṇyāḥ yathāyānti prayānti ca | tad api kathitam || MoṬ_4,4.3 ||



bahunātra kim uktena manaḥ karmadrumāṅkuram {#3} /
tasmiṃś chinne jagacchākhaś chinnaḥ karmatarur bhavet // Mo_4,4.4 //


karmataruḥ kathambhūtaḥ | jaganty eva śākhāḥ yasya | saḥ | tādṛśaḥ || MoṬ_4,4.4 ||


***NOTES:
#3 N17, Ś1, Ś3, Ś6: -āṅkuraḥ
---------------------------------------------------------


manaḥ sarvam idaṃ rāma tasminn antaś cikitsite /
cikitsito 'yaṃ sakalo janmajālamayo bhavaḥ // Mo_4,4.5 //


spaṣṭam || MoṬ_4,4.5 ||



tad etaj jāyate loke mano malalavākulam /
manaso vyatirekeṇa dehaḥ kva kila dṛśyate // Mo_4,4.6 //


jāyate jagattayā utpadyate | malalavākulam saṅkalpākhyamalaleśākulam {#4} || MoṬ_4,4.6 ||


***NOTES:
#4 N17: *saṅkalpā- --> -kulam*
---------------------------------------------------------


dṛśyātyantāsambhavanam ṛte nānyena hetunā /
manaḥpiśācaḥ praśamaṃ yāti kalpaśatair api {#5} // Mo_4,4.7 //


dṛśyātyantāsambhavanaṃ dṛśyātyantābhāvam || MoṬ_4,4.7 ||


***NOTES:
#5 Ś6: -śācaḥ; N17: -śāca
---------------------------------------------------------

etac ca sambhavaty eva manovyādhicikitsane /
dṛśyātyantāsambhavātma paramauṣadham uttamam // Mo_4,4.8 //


manovyādhicikitsane kārye {#6} | sambhavaty eva prabhavaty eva || MoṬ_4,4.8 ||


***NOTES:
#6 Ś6: -dhi(vi)cikit-
---------------------------------------------------------


mano moham upādatte mriyate jāyate punaḥ /
kasyacit tu prasādena badhyate mucyate punaḥ // Mo_4,4.9 //


kasyacid anākhyasya cinmātrasya || MoṬ_4,4.9 ||



sphuratītthaṃ jagat sarvaṃ citte mananamanthare /
śūnya evāmbare sphāre gandharvāṇām puraṃ yathā // Mo_4,4.10 //


mananamanthare mananabharite || MoṬ_4,4.10 ||



manasīdaṃ jagat kṛtsnaṃ sphāraṃ sphurati cāsti ca /
puṣpaguccha ivāmodas tatsthas tasmād ivetaraḥ // Mo_4,4.11 //


sphāram vistīrṇam || MoṬ_4,4.11 ||



yathā tilakaṇe tailaṃ guṇo guṇini vā yathā /
yathā dharmiṇi vā dharmas tathedam manasi sthitam // Mo_4,4.12 //


spaṣṭam || MoṬ_4,4.12 ||



yathāmbhasi taraṅgaugha indau dvīndubhramo yathā /
mṛgatṛṣṇā yathā tāpe saṃsāraś cittake tathā // Mo_4,4.13 //


spaṣṭam || MoṬ_4,4.13 ||



raśmijālaṃ yathā sūrye yathālokaś ca tejasi {#7} /
yathauṣṇyaṃ citrabhānau ca manasīdaṃ tathā jagat {#8} // Mo_4,4.14 //


spaṣṭam || MoṬ_4,4.14 ||


***NOTES:
#7 N17: -āl(e)*o*-
#8 N17: -aurṣṇyaṃ -(m)*bh*ānau
---------------------------------------------------------


śaityaṃ yathaiva tuhine yathā nabhasi śūnyatā /
yathā cañcalatā vāyau manasīdaṃ tathā jagat // Mo_4,4.15 //


spaṣṭam || MoṬ_4,4.15 ||



sargāntaślokenāpy etad eva kathayati {#9}

mano jagaj jagad akhilaṃ tathā manaḥ parasparaṃ tv avirahitaṃ sadaiva hi /
tayor dvayor manasi nirantaraṃ kṣate kṣataṃ jagan na tu jagati kṣate manaḥ // Mo_4,4.16 //


{#10}
nirantaram atiśayena | tayoḥ dvayor iti nirdhāraṇe ṣaṣṭhī | tasmān mana eva samyagjñānādyupāyena nāśanīyam iti bhāvaḥ | iti śivam || MoṬ_4,4.16 ||


***NOTES:
#9 Ś6 om.: sargāntaślokenāpy
#10 Kolophon Mūla (Ś6): sthitiprakaraṇe sargaḥ ||4||
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe caturthaḥ sargaḥ ||4|| {#11}


***NOTES:
#11 Ś1 (p. 325): samāptaś cāyaṃ utpattiprakaraṇaṃ ||124||
---------------------------------------------------------



*********************************************************************



śrīrāmaḥ pṛcchati {#1}

bhagavan sarvadharmajña pūrvāparavidāṃ vara /
ayam manasi saṃsāraḥ sphāraḥ katham iva sthitaḥ // Mo_4,5.1 //


manasi paramāṇurūpe manasi | sphāraḥ vistīrṇaḥ || MoṬ_4,5.1 ||


***NOTES:
#1 Ś6: oṃ śrīrāma uvāca
---------------------------------------------------------


yathāyam manasi sphāra ārambhaḥ sphurati sphuṭam {#2} /
dṛṣṭāntadṛṣṭyā sphuṭayā tathā kathaya me 'nagha // Mo_4,5.2 //


ārambhaḥ jagadākhya ārambhaḥ || MoṬ_4,5.2 ||


***NOTES:
#2 Ś6: sphāra; N17: -raḥ
---------------------------------------------------------


śrīvasiṣṭha uttaraṃ kathayati {#3}

yathaindavānāṃ viprāṇāṃ jaganty avapuṣām api {#4} /
sthitāni jātadārḍhyāni manasīdaṃ tathā sthitam // Mo_4,5.3 //


avapuṣām mṛtatvena śarīrarahitānām || MoṬ_4,5.3 ||


***NOTES:
#3 Ś6 om.: uttaraṃ kathayati
#4 Vgl. YV III 85-88
---------------------------------------------------------


lavaṇasya yathā rājñaś cendrajālākulākṛteḥ {#5} /
caṇḍālatvam anuprāptaṃ tathedam manasi sthitam // Mo_4,5.4 //


indrajālena aindrajālikaprayuktenendrajālenākulā ākṛtir yasya | saḥ || MoṬ_4,5.4 ||


***NOTES:
#5 Vgl. YV III 104-109
---------------------------------------------------------


bhārgavasya ciraṃ kālaṃ svargabhogabubhukṣayā /
bhogeśvaratvaṃ ca yathā tathedam manasi sthitam // Mo_4,5.5 //


bhārgavasya śukrasya || MoṬ_4,5.5 ||



śrīrāmaḥ pṛcchati {#6}

bhagavan bhṛguputrasya svargabhogabubhukṣayā /
katham bhogādhināthatvaṃ saṃsāritvam babhūva ca // Mo_4,5.6 //


bhogādhināthatvaṃ kiṃ saṃsāritvaṃ saṃsārabhāvaḥ || MoṬ_4,5.6 ||


***NOTES:
#6 Ś6 om.: pṛcchati
---------------------------------------------------------


śrīvasiṣṭhaḥ uttaram āha {#7}

śṛṇu rāma purā vṛttaṃ saṃvādam bhṛgukālayoḥ /
sānau mandaraśailasya tamālaviṭapākule // Mo_4,5.7 //


spaṣṭam || MoṬ_4,5.7 ||


***NOTES:
#7 Ś6 om.: uttaram āha
---------------------------------------------------------


purā mandaraśailasya sānau kusumasaṅkule /
atapyata tapo ghoraṃ kasmiṃścid bhagavān bhṛguḥ // Mo_4,5.8 //


spaṣṭam || MoṬ_4,5.8 ||



tam upāste sma tejasvī bālaḥ putro mahāmatiḥ /
śukraḥ sakalacandrābhaḥ prakāśa iva bhāskaram // Mo_4,5.9 //


spaṣṭam || MoṬ_4,5.9 ||



bhṛgur varavane tasmin samādhāv eva saṃsthitaḥ /
sarvakālaṃ samutkīrṇo vanopalatalād iva // Mo_4,5.10 //


āsīd ity adhyāhāryam || MoṬ_4,5.10 ||



śukraḥ kusumaśayyāsu kaladhautābjinīṣu ca /
mandāratarudolāsu bālo 'ramata līlayā // Mo_4,5.11 //


ramaṇe hetum āha bāla iti || MoṬ_4,5.11 ||



vidyāvidyādṛśor madhye śukro prāptamahāpadaḥ /
triśaṅkur iva rodo'ntar avartata tadā kila // Mo_4,5.12 //


rodo'ntaḥ rodasyoḥ dvyāvāpṛthivyor | antaḥ madhye || MoṬ_4,5.12 ||



nirvikalpasamādhisthe sa kadācit pitary atha {#8} /
avyagro 'bhavad ekānte jitārir iva bhūmipaḥ // Mo_4,5.13 //


spaṣṭam || MoṬ_4,5.13 ||


***NOTES:
#8 N17: ath(ā)a
---------------------------------------------------------

dadarśāpsarasaṃ tatra gacchantīṃ nabhasaḥ pathā /
kṣīrodamadhyalulitāṃ lakṣmīm iva janārdanaḥ // Mo_4,5.14 //


apsarasaṃ viśinaṣṭi

mandāramālyavalitām mandānilacalālakām /
hārijhāṅkārigamanāṃ sugandhitanabho'nilām {#9} // Mo_4,5.15 //


spaṣṭam || MoṬ_4,5.15 ||


***NOTES:
#9 N17: namo'nilām; Ś6: nabho'lilām
---------------------------------------------------------


lāvaṇyapādapalatām madaghūrṇitalocanām /
amṛtīkṛtataddeśāṃ dehendūdayakāntibhiḥ {#10} // Mo_4,5.16 //


spaṣṭam || MoṬ_4,5.16 ||


***NOTES:
#10 Ś1, Ś3: amṛtī-; N17, Ś6: amṛte
---------------------------------------------------------


kāntām ālokya tasyābhūd ullāsataralam manaḥ /
dṛṣṭe nirmalapūrṇendau vapur ambunidher iva // Mo_4,5.17 //


spaṣṭam || MoṬ_4,5.17 ||



sargāntaślokena suravadhūtvam asya kathayati {#11}{#12}

manasijeṣuśatāhatam āśaye sa parirudhya manas tadanūśanāḥ {#13} /
vigalitetaravṛttitayātmanā suravadhūmaya eva babhūva saḥ // Mo_4,5.18 //


āśaye hṛddeśe | parirudhya anyābhyaḥ vṛttibhyaḥ baddhvā | iti śivam || MoṬ_4,5.18 ||


***NOTES:
#11 N17: -dhū*tvam*
#12 Ś6: Mūla und Kommentar von hier an nicht mehr weiter ausgeführt.
#13 N17, Ś3: -ūśanāḥ; Ś1: -ūśanaḥ. Nominativ uśanāḥ auch IV 6,1d; IV 8,21a.
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcamaḥ sargaḥ ||5||




*********************************************************************



atha tām manasā dhyāyaṃs tatraivāmīlitekṣaṇaḥ /
ārabdhavān manorājyam idam ekaḥ kilośanāḥ {#1} // Mo_4,6.1 //


uśanāḥ śukraḥ {#2} || MoṬ_4,6.1 ||


***NOTES:
#1 N17, Ś3: -ośanāḥ; Ś1: -ośan*ā*ḥ.
#2 N17: uśanāḥ; Ś6: oṃ uśanāḥ
---------------------------------------------------------


eṣā hi lalanā vyomni sahasranayanālaye {#3} /
samprāpto 'yam ahaṃ svargam ālolasurasundaram // Mo_4,6.2 //


sahasranayanālaye svarge || MoṬ_4,6.2 ||


***NOTES:
#3 N17: vy(e)*o*mni
---------------------------------------------------------


ime te mṛdumandārakusumottaṃsasundarāḥ {#4} /
dravatkanakaniḥṣyandavilāsivapuṣaḥ surāḥ // Mo_4,6.3 //


spaṣṭam || MoṬ_4,6.3 ||


***NOTES:
#4 N17: -su*mo*ttaṃ-
---------------------------------------------------------


imās tā locanollāsasṛṣṭanīlābjavṛṣṭayaḥ {#5} /
mugdhā hāsavilāsinyaḥ kāntā hariṇadṛṣṭayaḥ // Mo_4,6.4 //


spaṣṭam || MoṬ_4,6.4 ||


***NOTES:
#5 Ś3: -sṛṣṭanīlābjavṛṣṭayaḥ-; Ś1: -(sṛ)*vṛ*ṣṭanīlābjavṛṣṭayaḥ-; N17: -vṛṣṭanīlābjasṛṣṭayaḥ-
---------------------------------------------------------


ime te kaustubhoddyotā anyo'nyapratibimbitāḥ /
viśvarūpopamākārā maruto mattakāśinaḥ // Mo_4,6.5 //


viśvarūpasya viṣṇoḥ | samaḥ ākāraḥ yeṣāṃ | te | maruto devaviśeṣāḥ {#6} || MoṬ_4,6.5 ||


***NOTES:
#6 N17, Ś6: -viśeṣaḥ
---------------------------------------------------------


airāvaṇakaṭāmodaviraktamadhupaśrutāḥ /
imās tāḥ kākalīgītā gīrvāṇagaṇagītayaḥ // Mo_4,6.6 //


kākalīgītāḥ kākalīgītākhyāḥ || MoṬ_4,6.6 ||



iyaṃ sā kanakāmbhojacaradvairiñcasārasā /
mandākinītaṭodyānaviśrāntasuranāyikā // Mo_4,6.7 //


spaṣṭam || MoṬ_4,6.7 ||



ete te yamacandrendrasūryānilajalānalāḥ /
lokapālās tanūddyotakīrṇadīptojjvalārciṣaḥ // Mo_4,6.8 //


spaṣṭam || MoṬ_4,6.8 ||



ayaṃ sa suravikrāntahetikaṇḍūyitānanaḥ /
airāvaṇo raṇaddantaprotadaityendramaṇḍalaḥ // Mo_4,6.9 //


suraiḥ devaiḥ | vikrāntahetibhiḥ kaṇḍūyitam ānanam yasya {#7} | saḥ || MoṬ_4,6.9 ||


***NOTES:
#7 N17: -vikrānta-; Ś6: -vikrānti-
---------------------------------------------------------


ime te bhūtalasthānā vyomatārakatāṃ gatāḥ /
vaimānikāś calaccāruhāracāmarakuṇḍalāḥ // Mo_4,6.10 //


bhūtale sthānaṃ yeṣām | te bhūtalasthānāḥ || MoṬ_4,6.10 ||



imās tā vividhodyānamaṇimandiramaṇḍitāḥ /
vimānapaṅktayaś cārucāmīkaramayātapāḥ // Mo_4,6.11 //


cārucāmīkaramayaḥ ātapaḥ uddyotaḥ yāsām | tāḥ || MoṬ_4,6.11 ||



merūpalatalāsphālaśīkarākīrṇadevatāḥ /
etās tāḥ kīrṇamandārā gaṅgāsalilavīcayaḥ // Mo_4,6.12 //


merūpalataleṣu yaḥ āsphālaḥ vighaṭṭanam {#8} | tena ye śīkarāḥ | taiḥ ākīrṇāḥ devatāḥ yābhis | tāḥ {#9} || MoṬ_4,6.12 ||


***NOTES:
#8 N17: -ghaṭ*ṭa*nam
#9 Ś6: yābhis tāḥ; N17: yābhitāḥ
---------------------------------------------------------


etāḥ prasṛtamandāramañjarīpuñjapiñjarāḥ /
dolālolāpsaraḥśreṇyaḥ śakropavanavīthayaḥ // Mo_4,6.13 //


spaṣṭam || MoṬ_4,6.13 ||



ime te kundamandāramakarandasugandhayaḥ /
candrāṃśunikarākārāḥ pārijātasamīraṇāḥ {#10} // Mo_4,6.14 //


spaṣṭam || MoṬ_4,6.14 ||


***NOTES:
#10 N17: -ā[ṃ]śu-
---------------------------------------------------------


puṣpakesaranīhārapaṭavāseraṇotsukaiḥ /
latāṅganāgaṇair vyāptam idaṃ tan nandanaṃ vanam // Mo_4,6.15 //


puṣpakesaram eva nīhāraḥ {#11} | sa eva paṭavāsaḥ | tasya yat īraṇam cālanam | tatrautsukaiḥ || MoṬ_4,6.15 ||


***NOTES:
#11 Ś6: Ende der Abschrift.
---------------------------------------------------------


kāntagītaravānandapranartitasurāṅganau {#12} /
imau tau vallakīsnigdhasvarau nāradatumburū // Mo_4,6.16 //


spaṣṭam || MoṬ_4,6.16 ||


***NOTES:
#12 N17: -prana<ṃ>rtita-
---------------------------------------------------------


ime te puṇyakartāro bhūribhūṣanabhūṣitāḥ /
vyomany uḍḍayamāneṣu vimāneṣu sukhaṃ sthitāḥ // Mo_4,6.17 //


spaṣṭam {#13} || MoṬ_4,6.17 ||


***NOTES:
#13 N17: *spaṣṭam*
---------------------------------------------------------


madamanmathamattāṅgya imās tāḥ surayoṣitaḥ /
deveśvaraṃ niṣevante vanaṃ vanalatā iva // Mo_4,6.18 //


spaṣṭam || MoṬ_4,6.18 ||



candrāṃśujālakusumāś cintāmaṇigulucchakāḥ {#14} /
kalpavṛkṣa ime pakvaratnastavakadanturāḥ {#15} // Mo_4,6.19 //


spaṣṭam || MoṬ_4,6.19 ||


***NOTES:
#14 N17: -gul<ū>[u]ccha-
#15 N17: -ratnās tavaka-
---------------------------------------------------------


iha tāvad imaṃ śakram aham āsanasaṃsthitam /
dvitīyam iva deveśam pūjayaivābhivādaye // Mo_4,6.20 //


deveśam mahādevam || MoṬ_4,6.20 ||



iti sañcintya śukreṇa manasaiva śacīpatiḥ /
tenābhivāditas tatra dvitīya iva vai bhṛguḥ // Mo_4,6.21 //


manasā eva na tu kāyena || MoṬ_4,6.21 ||



atha sādaram utthāya śukraḥ śakreṇa pūjitaḥ /
gṛhītahastam ānīya samīpa upaveśitaḥ // Mo_4,6.22 //


spaṣṭam || MoṬ_4,6.22 ||



dhanyas tvadāgamenādya svargo 'yaṃ śukra śobhate {#16} /
uṣyatāṃ ciram eveha śakra ittham uvāca tam // Mo_4,6.23 //

spaṣṭam || MoṬ_4,6.23 ||


***NOTES:
#16 Ś1, Ś3: dhanyas tvadāgamenādya svargo 'yaṃ (N17 vom Schreiber ausgespart)
---------------------------------------------------------


atha tatropaviśyāsau bhārgavaḥ śobhitānanaḥ {#17} /
śriyaṃ jahāra śaśinaḥ sakalasyāmalasya ca // Mo_4,6.24 //


spaṣṭam || MoṬ_4,6.24 ||


***NOTES:
#17 Ś1, Ś3: śobhitā-; N17: ś- -tā-
---------------------------------------------------------


sargāntaślokenāsya naratvatyāgaṃ kathayati {#18}

sakalasuragaṇābhivandito 'sau bhṛgutanayaḥ śatamanyupārśvasaṃsthaḥ /
cirataram atulām avāpa tuṣṭiṃ naramatim ujjhitavān alam babhūva {#19} // Mo_4,6.25 //


asau śukraḥ | naramatim naro 'ham iti buddhim | alam atiśayena | ujjhitavān babhūva sampannaḥ | devatvam eva svasmin jñātavān iti bhāvaḥ | iti śivam || MoṬ_4,6.25 ||


***NOTES:
#18 N17: sa[r]gānta-
#19 Ś1, Ś3: -taram; N17: -talam
---------------------------------------------------------


iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ṣaṣṭhaḥ sargaḥ ||6||



*********************************************************************



iti śukraḥ puram prāpya vaibudhaṃ svena cetasā /
visasmāra nijam bhāvam prāktanaṃ vyasanaṃ vinā // Mo_4,7.1 //


iti evam | śukraḥ svena cetasā vaibudham puram prāpya | vyasanam apsaroviṣayām āsaktiṃ | vinā | sarvaṃ nijam prāktanam bhāvam visasmāra | vyasanasyāpi mānuṣabhāve evodbhūtatvāt prāktanatvaṃ jñeyam || MoṬ_4,7.1 ||



muhūrtam atha viśramya tasya pārśve śacīpateḥ {#1} /
svargaṃ vihartum uttasthau svarvāsiparicoditaḥ // Mo_4,7.2 //


svarvāsiparicoditaḥ amaracoditaḥ || MoṬ_4,7.2 ||


***NOTES:
#1 N17: -pat(i)*e*ḥ
---------------------------------------------------------


svargaśriyaṃ samālokya lolalocanalāñchitam /
straiṇaṃ draṣṭuṃ jagāmāsau nalinīm iva sārasaḥ {#2} // Mo_4,7.3 //


straiṇam strīsamūham || MoṬ_4,7.3 ||


***NOTES:
#2 N17: *straiṇaṃ --> sārasaḥ*
---------------------------------------------------------


tatra tām mṛgaśāvākṣīṃ kāntām adhyāgatām asau /
dadarśa vipināntaḥsthām bhṛṅgaś cūtalatām iva // Mo_4,7.4 //


tām pūrvam manuṣyaloke 'nubhūtām || MoṬ_4,7.4 ||



tām ālokya lasallolavilāsavalitākṛtim /
āsīd vilīyamānāṅgo jyotsnayendumaṇir yathā // Mo_4,7.5 //


spaṣṭam || MoṬ_4,7.5 ||



vilīyamānasarvāṅgas tām avaikṣata kāminīm /
candrakānta iva jyotsnāṃ śītalāṃ khe vilāsinīm // Mo_4,7.6 //


spaṣṭam || MoṬ_4,7.6 ||



tenāvalokitā sāpi tatparāyaṇatāṃ gatā /
niśānte cakravākena kāntena parikūjitā {#3} // Mo_4,7.7 //


spaṣṭam || MoṬ_4,7.7 ||


***NOTES:
#3 N17: *pari*kū-
---------------------------------------------------------


rasād vikasator nūnam anyo'nyam anuraktayoḥ {#4} /
prātar arkanalinyor yā śobhā saiva tayor abhūt // Mo_4,7.8 //


tayoḥ śukrāpsarasoḥ || MoṬ_4,7.8 ||


***NOTES:
#4 N17: vikas(i)ato*r*
---------------------------------------------------------


saṅkalpitārthadāyitvād deśasya madanena sā /
sarvāṅgaṃ vivaśīkṛtya śukrāyaiva samarpitā // Mo_4,7.9 //


deśasya svargadeśasya | saṅkalpitārthadāyitvāt | madanena asau apsarāḥ | sarvāṅgaṃ sarveṣu aṅgeṣu | vivaśīkṛtya | śukrāya samarpitā dattā | sarvasaṅkalpadāyinaḥ svargadeśasyaiva māhātmyam etat | yan madanenāsau vivaśīkṛtya śukrāya samarpiteti bhāvaḥ {#5} || MoṬ_4,7.9 ||


***NOTES:
#5 N17: *dattā --> samarpite*ti
---------------------------------------------------------


petuḥ smaraśarās tasyā mṛduṣv aṅgeṣu bhūriśaḥ /
palāśeṣv iva padminyā dhārā navapayomucaḥ {#6} // Mo_4,7.10 //


spaṣṭam || MoṬ_4,7.10 ||


***NOTES:
#6 (vana)*nava*pa<th>[y]omu-
---------------------------------------------------------


sā babhūva smarādhūtā lolālivalayālakā /
mandavātavinunnāyā mañjaryāḥ sahadharmiṇī // Mo_4,7.11 //


spaṣṭam || MoṬ_4,7.11 ||



nīlanīrajanetrāṃ tāṃ haṃsavāraṇagāminīm /
madanaḥ kṣobhayām āsa pūraḥ kamalinīm iva // Mo_4,7.12 //


pūraḥ jalapūraḥ || MoṬ_4,7.12 ||



atha tāṃ tādṛśīṃ dṛṣṭvā śukraḥ saṅkalpitārthabhāk /
tamaḥ saṅkalpayām āsa saṃhāram iva bhūtakṛt // Mo_4,7.13 //


saṅkalpayām āsa saṅkalpenotpāditavān || MoṬ_4,7.13 ||



triviṣṭapasya deśo 'sau babhūva timirākulaḥ /
bhūlokasyāndhatamaso lokālokataṭo yathā // Mo_4,7.14 //


spaṣṭam || MoṬ_4,7.14 ||



lajjāndhakāratīkṣṇāṃśau tasmiṃs timiramaṇḍale /
pratiṣṭhām āgate tasya mithunasyeva manmathe // Mo_4,7.15 //


teṣu sarveṣu bhūteṣu gateṣv abhimatāṃ diśam /
tasmāt pradeśād bhūlokaṃ dinānte vihageṣv iva // Mo_4,7.16 //


sā dīrghadhavalāpāṅgā pravṛddhamadanā tathā /
ājagāma bhṛgoḥ putram mayūrī vāridaṃ yathā // Mo_4,7.17 //


timiramaṇḍale kasmin | lajjā evāndhakāraḥ {#7} | tasya | tīkṣṇāṃśau sūrye | nāśakatvāt || MoṬ_4,7.15-17||


***NOTES:
#7 lajj<a>[ā]
---------------------------------------------------------


dhavalāgāramadhyasthe paryaṅke parikalpite /
viveśa bhārgavas tatra kṣīroda iva mādhavaḥ // Mo_4,7.18 //


spaṣṭam || MoṬ_4,7.18 ||



sā pādāv avalambyāsya vivaśeva varānanā {#8} /
rarāja ca surebhasya pādalagneva padminī // Mo_4,7.19 //


vivaśā parāyattaḥ || MoṬ_4,7.19 ||


***NOTES:
#8 N17: -ś(o)eva
---------------------------------------------------------


uvāca cedaṃ lalitaṃ lasatsnehotkayā girā /
vaco madhuram ānandi vilāsi valitākṣaram // Mo_4,7.20 //


spaṣṭam || MoṬ_4,7.20 ||



paśyāmalenduvadana maṇḍalīkṛtakārmukaḥ /
abalām anubadhnāti mām eṣa kimanaṅgakaḥ // Mo_4,7.21 //


kutsitaḥ anaṅgaḥ kimanaṅgakaḥ {#9} || MoṬ_4,7.21 ||


***NOTES:
#9 [kim]anaṅ-
---------------------------------------------------------


pāhi mām abalāṃ nātha dīnāṃ tvaccharaṇām iha /
kṛpaṇāśvāsanaṃ sādho viddhi saccaritavratam // Mo_4,7.22 //


spaṣṭam || MoṬ_4,7.22 ||



snehadṛṣṭim ajānadbhir mūḍhair eva mahāmate /
praṇayā avagaṇyante na rasajñaiḥ kadācana // Mo_4,7.23 //


praṇayāḥ lakṣaṇayā praṇayayuktāḥ {#10} | avagaṇyante avamanyante || MoṬ_4,7.23 ||


***NOTES:
#10 N17 : -ya[yu]ktāḥ
---------------------------------------------------------


aśaṅkitopasampannaḥ praṇayo 'nyo'nyaraktayoḥ /
adhaḥkaroti niṣyandaṃ cāndram āsvāditam priya // Mo_4,7.24 //


cāndraṃ niṣyandam amṛtam || MoṬ_4,7.24 ||



na tathā sukhayaty eṣā cetas tribhuvaneśatā /
yathā parasparānandī snehaḥ prathamaraktayoḥ // Mo_4,7.25 //


spaṣṭam || MoṬ_4,7.25 ||



tvatpādasparśaneneyaṃ samāśvastāsmi mānada /
candrapādaparāmṛṣṭā yathā niśi kumudvatī // Mo_4,7.26 //


spaṣṭam || MoṬ_4,7.26 ||



saṃsparśāmṛtapānena tava jīvāmi sundara /
candrāṃśurasapānena cakorī capalā yathā // Mo_4,7.27 //


spaṣṭam || MoṬ_4,7.27 ||



mām imāṃ caraṇālīnām bhramarīṃ karapallavaiḥ /
āliṅgyāmṛtasampūrṇe satpadmahṛdaye kuru {#11} // Mo_4,7.28 //


caraṇayoḥ ā samantāt | līnām caraṇālīnām || MoṬ_4,7.28 ||
***NOTES:
#11 N17: -hṛ*da*ye
---------------------------------------------------------


ity uktvā puṣpamṛdvaṅgī sā tasya patitorasi /
vyāghūrṇitālinayanā sutarāv iva mañjarī // Mo_4,7.29 //


spaṣṭam || MoṬ_4,7.29 ||



sargāntaślokena kathayati

tau dampatī tatra vilāsakāntau vilesatus tāsu vanasthalīṣu {#12} /
kiñjalkagaurānilaghūrṇitāsu mattau dvirephāv iva padminīṣu {#13} // Mo_4,7.30 //


spaṣṭam | iti śivam {#14} || MoṬ_4,7.30 ||


***NOTES:
#12 N17: -l*ī*ṣu
#13 N17: -rṇi*tā*su
#14 N17: *iti śivam*
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptamaḥ sargaḥ ||7|| {#15}


***NOTES:
#15 N17: <iti śivam>
---------------------------------------------------------



*********************************************************************



iti cittavilāsena ciram utprekṣitaiḥ priyaiḥ /
praṇayair bhārgavasyāsīt tuṣṭaye sasamāgamaḥ {#1} // Mo_4,8.1 //


sasamāgamaḥ tayā apsarasā saha samāgamaḥ || MoṬ_4,8.1 ||


***NOTES:
#1 Mit Ś1, Ś3. N17: praṇa<v>[y]air
---------------------------------------------------------


mandāradāmākulayā vaibudhāsavamattayā /
tadā tena tayā sārdhaṃ dvitīyenāmalendunā // Mo_4,8.2 //

{#2}

vihṛtam mattahaṃsāsu hemapaṅkajinīṣu ca /
taṭeṣv amaravāhinyāḥ saha kinnaracāraṇaiḥ {#3} // Mo_4,8.3 //


vaibudhāsavaḥ amṛtam || MoṬ_4,8.2-3 ||


***NOTES:
#2 N17: (spaṣṭam)
#3 N17: -hinyā[ḥ]
---------------------------------------------------------


pītam indudalasyandi devaiḥ saha rasāyanam /
pārijātalatājālanilayeṣu vilāsinā // Mo_4,8.4 //


spaṣṭam || MoṬ_4,8.4 ||



cārucaitrarathodyānalatādolāsu līlayā {#4} /
ciraṃ vilasitaṃ vyagraiḥ saha vidyādharīgaṇaiḥ // Mo_4,8.5 //


spaṣṭam || MoṬ_4,8.5 ||


***NOTES:
#4 N17: -(ra)*la*tādolāsu
---------------------------------------------------------


nandanopavanābhogo mandareṇeva vāridhiḥ /
bhṛśam ullolatāṃ nītaḥ pramathaiḥ saha śāmbhavaiḥ // Mo_4,8.6 //


śukreṇa śāmbhavaiḥ śambhusambandhibhiḥ | pramathaiḥ rudragaṇaiḥ | saha | nandanopavanābhogaḥ bhṛśam ullolatām nītaḥ || MoṬ_4,8.6 ||



bālahemalatājālajaṭilāsu darīṣu ca /
bhrāntam unmattarāgeṇa mairavīṣv abjinīṣu ca // Mo_4,8.7 //


śukreṇa kartrā bhrāntam bhramaḥ kṛtaḥ | śukreṇa kathambhūtena | unmattarāgeṇa udriktarāgeṇa || MoṬ_4,8.7 ||



kailāsavanakuñjeṣu tayā saha vilāsinā /
hārendudhavalā rātriḥ kṣapitā gaṇagītibhiḥ // Mo_4,8.8 //


gaṇagītibhiḥ gandharvādigītakṛtaiḥ vinodair ity arthaḥ || MoṬ_4,8.8 ||



gandhamādanaśailasya viśramyopari sānuṣu /
sā tena kanakāmbhojair āpādam abhimaṇḍitā // Mo_4,8.9 //


āpādam pādaparyantam || MoṬ_4,8.9 ||



lokālokataṭānteṣu vicitrāścaryahāriṣu /
krīḍitaṃ kṛtahāsena rāma tena tayā saha {#5} // Mo_4,8.10 //


spaṣṭam || MoṬ_4,8.10 ||


***NOTES:
#5 N17: (rāyā)[rā]ma
---------------------------------------------------------


mandarāntarakaccheṣu sārdhaṃ hariṇaśāvakaiḥ /
avasat sa samāḥ ṣaṣṭiṃ kalpitāmaramandiraḥ // Mo_4,8.11 //


kalpitam kalpanayā sampāditam | amaramandiram devagṛham | yena | saḥ || MoṬ_4,8.11 ||



kṣīrārṇavataṭeṣv asya vanitāsahacāriṇaḥ {#6} /
kṣīṇaṃ kṛtayugād ardhaṃ śvetadvīpajanaiḥ saha // Mo_4,8.12 //


spaṣṭam || MoṬ_4,8.12 ||


***NOTES:
#6 N17: -taṭ<ī>[e]ṣv
---------------------------------------------------------


gandharvanagarodyānalīlāviracanair asau /
sṛṣṭānantajagatsṛṣṭeḥ kālasyānukṛtiṃ gataḥ // Mo_4,8.13 //


spaṣṭam || MoṬ_4,8.13 ||



athāvasad asau śukraḥ purandarapure punaḥ /
sukhaṃ caturyugāny aṣṭau hariṇekṣaṇayā saha // Mo_4,8.14 //


spaṣṭam || MoṬ_4,8.14 ||



puṇyakṣayānusandhānāt tataś cāvanimaṇḍale /
tayaiva saha māninyā papātāpahṛtākṛtiḥ // Mo_4,8.15 //


spaṣṭam || MoṬ_4,8.15 ||



parālūnasamastāṅgo hṛtasyandananandanaḥ /
cintāparavaśo dhvastaḥ samitīvāhato bhaṭaḥ // Mo_4,8.16 //


hṛte syandananandane rathanandanopavane yasya | saḥ | bhaṭapakṣe hṛtaḥ syandananandanaḥ praśastarathaḥ yasya | saḥ || MoṬ_4,8.16 ||



patitasyāvanau tasya cintayā saha dīrghayā /
śarīraṃ śatadhā yātaṃ śilāpātīva nirjharaḥ // Mo_4,8.17 //


spaṣṭam || MoṬ_4,8.17 ||



saṃśīrṇayor dehakayoś citte te vāsanāvṛte /
viceratus tayor vyomni nirnīḍau vihagau yathā // Mo_4,8.18 //


spaṣṭam || MoṬ_4,8.18 ||



tatrāviviśatuś cāndraṃ te citte raśmijālakam /
prāleyatām upetyāśu śālitām atha jagmatuḥ // Mo_4,8.19 //


prāleyatām avaśyāyabhāvam || MoṬ_4,8.19 ||



śālīṃs tān bhuktavān pakvān daśārṇeṣu dvijottamaḥ /
śaukrāñ śukrāṅganāgarbhān mālaveṣu ca bhūpatiḥ // Mo_4,8.20 //


śaukrān śukrasambandhinaḥ | tadupādānabījanimittānīti yāvat | śukrāṅganā garbhe yeṣām | tān || MoṬ_4,8.20 ||



ajāyatośanāḥ pūrvaṃ daśārṇeṣu dvijottamāt {#7} /
nṛpād uttamasaubhāgyān mālaveṣu tadaṅganā // Mo_4,8.21 //


tadaṅganā śukrāṅganā | apsarāḥ iti yāvat || MoṬ_4,8.21 ||


***NOTES:
#7 Ś1, Ś3: -nāḥ; N17: -nā*ḥ*. Vgl. auch IV 5,18b; IV 6,1d.
---------------------------------------------------------


sa tatra vavṛdhe bālaḥ sā tatra vavṛdhe 'ṅganā /
tau pūrvadampatī jātau svarbhraṣṭāv iva bhūtale // Mo_4,8.22 //


spaṣṭam || MoṬ_4,8.22 ||



atha ṣoḍaśavarṣo 'bhūc chukraḥ sāraṅganāmabhṛt /
pitur gṛhe yauvanavāñ śrīmān viprakumārakaḥ // Mo_4,8.23 //


{#8}sāraṅgeti nāma bibhartīti sāraṅganāmabhṛt {#9} || MoṬ_4,8.23 ||


***NOTES:
#8 N17: (spaṣṭam)
#9 N17: sāraṅg<ā>[a]-
---------------------------------------------------------


mālānāmasurastrī sā kumārī rājasadmani /
bhṛṅgekṣaṇā gatā vṛddhiṃ latā varavane yathā // Mo_4,8.24 //


spaṣṭam || MoṬ_4,8.24 ||



rājaputrī tato mālā pūjayām āsa śaṅkaram /
labheyam prāktanaṃ siddham patim ity aniśaṃ śubhā // Mo_4,8.25 //


spaṣṭam || MoṬ_4,8.25 ||



atha mālavabhūpasya yajñe dvijasabhāgatam /
mālā dadarśa sāraṅgam pitrā saha samāgatam // Mo_4,8.26 //


spaṣṭam || MoṬ_4,8.26 ||



taṃ dṛṣṭvā sānavadyāṅgī prāktanasnehabhāvitā /
dṛṣṭacandrendumaṇivat snehasvinnāṅgikā babhau // Mo_4,8.27 //


prāktanasnehena pūrvajanmasnehena | bhāvitā vāsitā || MoṬ_4,8.27 ||



tato yajñasabhāmadhye dāśārṇadvijadārakam /
bhartṛtve varayām āsa sā mālā mālavātmajā {#10} // Mo_4,8.28 //


spaṣṭam || MoṬ_4,8.28 ||


***NOTES:
#10 N17: -r- aus bhartṛtve als Superskript gemäß Śāradā.
---------------------------------------------------------
kramāt kṛtavivāhāya tasmai vārdhakajarjaraḥ /
mālaveśo 'khilaṃ rājyam pratipādya vanaṃ yayau // Mo_4,8.29 //


vārdhakajarjaraḥ jarājarjaraḥ | pratipādya dattvā || MoṬ_4,8.29 ||



sa sāraṅgas tayā sārdhaṃ tasmin mālavamaṇḍape /
cakārātisukhī rājyaṃ śakravac charadāṃ śatam // Mo_4,8.30 //


spaṣṭam || MoṬ_4,8.30 ||



atha kālena mahatā cañcalatvāc ca cetasaḥ /
apriyatvam mitho yātau dampatī tau vidher vaśāt // Mo_4,8.31 //


spaṣṭam || MoṬ_4,8.31 ||



sāraṅgas tu jarājīrṇaḥ pātasajjakalevaraḥ /
dadhre śvasanaśaithilyāj jīrṇaparṇasavarṇatām // Mo_4,8.32 //


śvasanaśaithilyāt vātaśaithilyāt || MoṬ_4,8.32 ||



jāyājanavirāgeṇa vārdhakātiśayena ca {#11} /
maraṇam mandamandeho nirīho 'bhinananda saḥ {#12} // Mo_4,8.33 //


spaṣṭam || MoṬ_4,8.33 ||


***NOTES:
#11 N17: j*ā*yā-
#12 Mit Ś1, Ś3. N17: manda<s>[m]andeho ni<n>[r]īho
---------------------------------------------------------


atha nīrasarājyasya duḥkhātiśayaśaṃsinaḥ /
araṇya iva vetālo moho 'tighanatāṃ gataḥ // Mo_4,8.34 //


spaṣṭam || MoṬ_4,8.34 ||



mohāndhakūpapatitam bhogāsaṅgād anāratam /
avivekinam ajñānam asajjanaparāyaṇam // Mo_4,8.35 //


spaṣṭam || MoṬ_4,8.35 ||



jahārainaṃ tato mṛtyus tṛṣṇākavalitāśayam /
pataṅgam iva maṇḍūkaḥ kṛtākrandam akiñcanam // Mo_4,8.36 //


akiñcanam asamartham || MoṬ_4,8.36 ||



tataḥ karmaphalam bhuktvā svam paratra śubhāśubham /
aṅgeṣu dhīvaro jātaḥ sa durbhāvavaśāt tadā // Mo_4,8.37 //


durbhāvavaśāt durvāsanāvaśāt || MoṬ_4,8.37 ||



tatra dhīvarakarmāṇi kurvan sa śaradāṃ śatam /
duḥkhajarjaracetastvād vairāgyaṃ samupāyayau // Mo_4,8.38 //


spaṣṭam || MoṬ_4,8.38 ||



duḥkhaṃ saṃsāra ity evaṃ cintayan bhāskaraṃ tataḥ /
sampataṃs tena sañjātaḥ sūryavaṃśe mahānṛpaḥ {#13} // Mo_4,8.39 //


sampatan śaraṇaṃ gacchan || MoṬ_4,8.39 ||


***NOTES:
#13 N17: samp<ṛ>[a]taṃs
---------------------------------------------------------


śubhabhāvavaśāt so 'tha kiñcij jñānam avāptavān /
jajñe nṛpatanuṃ tyaktvā guruḥ sarvopadeśakaḥ {#14} // Mo_4,8.40 //


spaṣṭam || MoṬ_4,8.40 ||


***NOTES:
#14 N17: sarv(e)*o*pa-
---------------------------------------------------------


mantrāsādhitasiddhir hi so 'tha vidyādharo 'bhavat /
kalpam ekaṃ tu bubhuje tato vaidyādharīm purīm // Mo_4,8.41 //


spaṣṭam || MoṬ_4,8.41 ||



kalpāvasānasamayaṃ nītvā pavanarūpayā /
tanvā sṛṣṭau pravṛttāyām bhūyo jāto muneḥ sutaḥ // Mo_4,8.42 //


spaṣṭam || MoṬ_4,8.42 ||



tato munīnāṃ samparkāt tapasy ugre vyavasthitaḥ /
avasan merugahane manvantaram aninditaḥ // Mo_4,8.43 //


spaṣṭam || MoṬ_4,8.43 ||



tatra tasya samutpanno mṛgyāḥ putro narākṛtiḥ /
tatsnehena param moham punar abhyāyayau kṣaṇāt // Mo_4,8.44 //


mṛgyāḥ mṛgīsakāśāt || MoṬ_4,8.44 ||



putrasyāsya dhanam me 'stu guṇāś cāyuś ca śāśvatam /
ity anāratacintābhir jahau satyām avasthitim {#15} // Mo_4,8.45 //


satyām avasthitim satyabhūtaṃ dharmaparatvam || MoṬ_4,8.45 ||


***NOTES:
#15 N17: saty(a)*ā*m
---------------------------------------------------------


dharmacintāparibhraṃśāt putrārtham bhogacintanāt /
kṣīṇāyuṣaṃ tam aharan mṛtyuḥ sarpa ivānilam // Mo_4,8.46 //


spaṣṭam || MoṬ_4,8.46 ||



bhogaikacintayā sārdhaṃ sa samutkrāntacetanaḥ /
prāpya madreśaputratvam āsīn madramahīpatiḥ // Mo_4,8.47 //


madreśaputratvam madradeśabhūpasutatvam || MoṬ_4,8.47 ||



madradeśe ciraṃ kṛtvā rājyam ucchinnaśātravaḥ /
jarām abhyājagāmātra himāśanim ivāmbujaḥ {#16} // Mo_4,8.48 //


spaṣṭam || MoṬ_4,8.48 ||


***NOTES:
#16 N17: -ja<m>[ḥ]
---------------------------------------------------------


madrarājatanuṃ taṃ tu tapovāsanayā saha /
tatyāja tena jāto 'sau tapasvī tāpasātmajaḥ // Mo_4,8.49 //


saḥ madrarājatanuṃ tatyājeti sambandhaḥ | tena tanutyāgena || MoṬ_4,8.49 ||



samaṅgāyā mahānadyās taṭam āsādya tāpasaḥ /
tapas tepe mahābuddhiḥ sa rāma vigatajvaraḥ // Mo_4,8.50 //


samaṅgā nadībhedaḥ || MoṬ_4,8.50 ||



sargāntaślokena śukrasya sukhāvasthānaṃ kathayati

vividhajanmadaśāvivaśāśayaḥ samanusṛtya śarīraparamparām /
sukham atiṣṭhad asau bhṛgunandano varanadīsutaṭe dṛḍhavṛkṣavat // Mo_4,8.51 //


varanadīsutaṭe samaṅgākhyāyāḥ utkṛṣṭāyāḥ nadyāḥ śobhane tīre | iti śivam || MoṬ_4,8.51 ||




iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe aṣṭamaḥ sargaḥ ||8||




*********************************************************************



iti cintayatas tasya śukrasya pitur agrataḥ /
jagāmātitarāṃ kālo bahusaṃvatsarātmakaḥ // Mo_4,9.1 //


spaṣṭam || MoṬ_4,9.1 ||



atha kālena mahatā pavanātapajarjaraḥ /
kāyas tasya papātorvyāṃ chinnamūla iva drumaḥ // Mo_4,9.2 //


spaṣṭam || MoṬ_4,9.2 ||



manas tu cañcalābhogaṃ tāsu tāsu daśāsu ca /
babhrāmātivicitrāsu vanarājiṣv ivaiṇakaḥ // Mo_4,9.3 //


spaṣṭam || MoṬ_4,9.3 ||



bhrāntam udbhrāntam abhitaś cakrārpitam ivākulam /
manas tasya viśaśrāma samaṅgāsaritas taṭe // Mo_4,9.4 //


cakrārpito hi udbhramati || MoṬ_4,9.4 ||



anantavṛttāntaghanām pelavāṃ sudṛḍhām api /
tāṃ saṃsṛtidaśāṃ śukro videho 'nubhavan sthitaḥ // Mo_4,9.5 //


tāṃ saṃsṛtidaśām samaṅgātaṭatāpasasambandhinīṃ saṃsāradaśām | videhaḥ sthūladeharahitaḥ || MoṬ_4,9.5 ||



mandarācalasānusthā sā tanus tasya dhīmataḥ /
tāpaprasarasaṃśuṣkā carmaśeṣā babhūva ha // Mo_4,9.6 //


spaṣṭam || MoṬ_4,9.6 ||



śārīrarandhrapravahadvātaśītkārarūpayā /
ceṣṭāduḥkhakṣayānandāt kākalyeva sma gāyati // Mo_4,9.7 //


tasya sā tanuḥ | ceṣṭāyā yat duḥkham pīḍā | tasya kṣayāt ya ānandaḥ | tataḥ hetoḥ | kākalyā kalasūkṣmayā gānavācā | gāyati sma iva | kathambhūtayā | śārīrarandhreṣu pravahan yaḥ vātaḥ | tena śītkāraḥ dhvaniviśeṣaḥ | sa eva rūpaṃ yasyāḥ | tādṛśyā || MoṬ_4,9.7 ||



prāṇānusmaraṇocchvāsam iva vāṣpaṃ sma muñcati {#1}/
caṇḍānilavilāsena lulitvā vanabhūmiṣu // Mo_4,9.8 //


vāṣpam kathambhūtam | prāṇāṇām pūrvaṃ sthitānām yad anusmaraṇam anukṣaṇaṃ smaraṇam | tena ucchvāsaḥ vṛddhiḥ yasya | tat | vāṣpatvaṃ cātrāvaśyāyasya jñeyam || MoṬ_4,9.8 ||


***NOTES:
#1 N17: s(a)*ma*
---------------------------------------------------------


tanum eva viśinaṣṭi

manovarākam avaṭe luṭhitam bhavabhūmiṣu /
hasantīvātiśubhrābhrasitayā dantamālayā // Mo_4,9.9 //


bhavabhūmiṣu sthite avaṭe apsarorūpe avaṭe || MoṬ_4,9.9 ||



darśayantī svakaṃ śūnyaṃ vapur akṣṇor akṛtrimam {#2}{#3} /
mukhāraṇyajaratkūparūpayā gartaśobhayā // Mo_4,9.10 //

punaḥ kathambhūtā | akṣṇoḥ svasyākṣiyugalasya {#4} | mukham evāraṇyam | tasya jaratkūpatayā gartaśobhayā | tadvyājeneti yāvat | svaṃ vapuḥ śūnyaṃ darśayantī | śūnyā evāham asmīti darśayantīti yāvat | mṛtaśarīrasya ca mukhe māṃsaśeṣāt garto jāyate || MoṬ_4,9.10 ||

***NOTES:
#2 N17: (rū)*śū*nyaṃ
#3 N17: akṣṇ(e)*o*r
#4 N17: akṣṇ(e)*o*ḥ
---------------------------------------------------------


tāpopataptā saṃsiktā varṣājalabhareṇa sā /
pāṃsunā pavanotthena duṣkṛteneva rūṣitā // Mo_4,9.11 //


sā iti tanūparāmarśaḥ {#5} || MoṬ_4,9.11 ||


***NOTES:
#5 N17: tan<o>[ū]parā-
---------------------------------------------------------


śuṣkakāṣṭhavad ālolā pāteṣu kṛtajhāṅkṛtā {#6} /
dhārānikarapātena vinunnā jaladāgame // Mo_4,9.12 //


vinunnā preritā | cāliteti yāvat || MoṬ_4,9.12 ||


***NOTES:
#6 N17: -kāṣṭ[h]a-
---------------------------------------------------------


prāvṛḍnirjharapūreṇa plutā girinadītaṭe {#7} /
tāramārutaśītkārā vanopala iva sthitā {#8} // Mo_4,9.13 //


tāraḥ mārutaśītkāraḥ yasyāṃ sā | vanopala iva vanopalavat | sthitā || MoṬ_4,9.13 ||


***NOTES:
#7 N17: -vṛ<ṭa>[ḍ]nir-
#8 N17: -t<aḥ>[ā]
---------------------------------------------------------


vakrā śuṣkāntratantrī ca pūtā jhāṅkārakāriṇī {#9} /
araṇyalakṣmīvīṇeva śūnyacarmamayodarī // Mo_4,9.14 //


araṇyalakṣmyāḥ vīṇā araṇyalakṣmīvīṇā | sā iva || MoṬ_4,9.14 ||


***NOTES:
#9 N17: -ān<d>[t]ra-
---------------------------------------------------------


nanu tādṛśī tasya tanuḥ vanahiṃsraiḥ kathaṃ na bhuktety | atrāha

rāgadveṣavihīnatvāt tasya puṇyāśramasya tu /
mahātapastvāc ca bhṛgor na bhuktā mṛgapakṣibhiḥ // Mo_4,9.15 //


puṇyāśramasya ca rāgadveṣavihīnatvam tatrasthaprā--ṇirāgadveṣavihīnatvena jñeyam {#10} || MoṬ_4,9.15 ||


***NOTES:
#10 N17: tatra*stha*prā [Raum für 2 akṣaras ausgespart] ṇirā-
---------------------------------------------------------


sargāntaślokenāpy etad eva kathayati

yamaniyamakṛśīkṛtāṅgayaṣṭeś carati tapaḥ sma bhṛgūdvahasya cetaḥ /
tanur atha pavanāpanītaraktā ciram aluṭhan mahatīṣu sā śilāsu // Mo_4,9.16 //


yamaniyamakṛśīkṛtāṅgayaṣṭeḥ bhṛgūdvahasya śukrasya | cetaḥ tapaḥ carati sma | atha sā tanuḥ pavanāpanītaraktā satī mahatīṣu śilāsu aluṭhat luṭhitavatī {#11} | iti śivam || MoṬ_4,9.16 ||


***NOTES:
#11 N17: luṭhi[ta]vatī
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe navamaḥ sargaḥ ||9||




*********************************************************************



atha varṣasahasreṇa divyena parameśvaraḥ /
bhṛguḥ paramasambodhād virarāma samādhitaḥ // Mo_4,10.1 //


samādhitaḥ kathambhūtāt | paramasambodhāt jñeyamālinyādūṣitajñānarūpāt | na tu mūrcchārūpāt || MoṬ_4,10.1 ||



nāpaśyad agre tanayaṃ taṃ nayāvanatānanam /
sīmāntaṃ guṇasīmāyāḥ puṇyam mūrtam iva sthitam {#1} // Mo_4,10.2 //


spaṣṭam || MoṬ_4,10.2 ||


***NOTES:
#1 N17: -s<e>[ī]māyāḥ
---------------------------------------------------------


apaśyat kevalaṃ kālaṃ kaṅkālam purato mahat /
dehayuktam ivābhāgyaṃ dāridryam iva mūrtimat // Mo_4,10.3 //


kālam kṛṣṇam | kaṅkālam karaṅkam | abhāgyam bhāgyaviparyayaḥ || MoṬ_4,10.3 ||



kaṅkālaṃ viśinaṣṭi

tāpaśuṣkavapuḥ kṛttirandhrasphuritatittiri /
saṃśuṣkāntrodaraguhāchāyāviśrāntadarduram {#2} // Mo_4,10.4 //


tittirayaḥ kīṭaviśeṣāḥ || MoṬ_4,10.4 ||


***NOTES:
#2 N17: -guhā<ś> chāyāviśrāntad<u>[a]rduram
---------------------------------------------------------


netragartakasaṃsuptaprasūnavanakīṭakam /
makṣikāpañjaraprotakośakārikrimivrajam // Mo_4,10.5 //


makṣikāpañjareṣu pañjarākāreṇopaviṣṭeṣu makṣikāsamūheṣu | protaḥ kośakārakrimivrajaḥ yasmin | tat || MoṬ_4,10.5 ||



prāktanīm upabhogehām iṣṭāniṣṭaphalapradām {#3} /
dhārādhautāntayā tanvā hasac chuṣkāsthimālayā {#4} // Mo_4,10.6 //


hasat hasad ivety arthaḥ || MoṬ_4,10.6 ||


***NOTES:
#3 N17: -pha*la*pra-
#4 N17: -ā<r>[n]tayā
---------------------------------------------------------


śiroghaṭena śubhreṇa sampannenenduvarcasā /
viḍambayac ca karpūraplutaliṅgaśiraḥśriyam {#5} // Mo_4,10.7 //


induvarcasā candramahasā | liṅgam śivaliṅgam || MoṬ_4,10.7 ||


***NOTES:
#5 N17: -pl<a>[u]ta-
---------------------------------------------------------


ṛjvā saṃśuṣkasitayā svāsthimātrāvaśeṣayā /
grīvayātmānusṛtayā dīrghīkurvad ivākṛtim // Mo_4,10.8 //


ātmānusṛtayā | ātmanā svena | anusṛtayā sambaddhayā || MoṬ_4,10.8 ||



mṛṇālikāpāṇḍurayā dhārāvadhutamāṃsayā /
nāsāsthilatayā vaktraṃ kṛtasīmākramaṃ dadhat // Mo_4,10.9 //


kṛtasīmākramam kṛtamaryādākramam || MoṬ_4,10.9 ||



dīrghakandharayā nūnam uttānīkṛtavaktrayā /
prekṣamāṇam iva prāṇān utkrāntān ambarodare // Mo_4,10.10 //


nūnam vitarke || MoṬ_4,10.10 ||



jaṅghorujānudordaṇḍair dviguṇaṃ dīrghatāṃ gataiḥ /
pramimāṇam ivāśāntaṃ dīrghādhvaśramabhītitaḥ // Mo_4,10.11 //


āśāntam digantam || MoṬ_4,10.11 ||



udareṇātinimnena carmaśeṣeṇa śoṣiṇā /
pradarśayad ivājñasya hṛdayasyātiśūnyatām // Mo_4,10.12 //


spaṣṭam || MoṬ_4,10.12 ||



prekṣya tac chuṣkakaṅkālam ālānam iva dantinaḥ /
pūrvāparaparāmarśam akurvan bhṛgur utthitaḥ // Mo_4,10.13 //


bhṛguḥ kiṃ kurvan | putrasnehena pūrvāparaparāmarśam akurvan {#6} | yoginām api hi kadācit prakṛtivaśāt dehapātaṃ tāvat pūrvāparaparāmarśahīnatvaṃ jāyate | kiṃ tu teṣāṃ tat kṣaṇikam eveti | utthitaḥ svātmatattvaparāmarśāt uccalitaḥ || MoṬ_4,10.13 ||


***NOTES:
#6 N17: pūrvā*para*parā-
---------------------------------------------------------


ālokasamakālaṃ hi pratibhātaṃ tato bhṛgoḥ /
ciram utkrāntajīvaḥ kim matputro 'yam iti kṣaṇāt // Mo_4,10.14 //


tataḥ utthānānantaram | ālokasamakālam putrakaṅkāladarśanasamakālam {#7} | bhṛgoḥ iti pratibhātam sphuritam iti | kim iti | ayam matputraḥ ciram bahukālād ārabhya | utkrāntajīvaḥ kim katham | sampanna ity arthaḥ || MoṬ_4,10.14 ||


***NOTES:
#7 N17: -k*ā*lam
---------------------------------------------------------


acintayata evāsya bhaviṣyattābalaṃ tataḥ /
kālam prati babhūvāśu kopaḥ paramadāruṇaḥ // Mo_4,10.15 //


atha bhaviṣyattābalam bhavitavyatābalam | acintayataḥ tatkṣaṇotthapūrvāparavimarśarāhityenāvimṛśataḥ | asya bhṛgoḥ | kālam prati cinmātrasthakriyāvaicitryarūpe kāle | paramadāruṇaḥ kopaḥ babhūva || MoṬ_4,10.15 ||



akāla eva matputro nītaḥ kim iti kopitaḥ /
kālāya śāpam utsraṣṭum bhagavān upacakrame // Mo_4,10.16 //


akāle tadyuganiyatamanuṣyāyurasamāptirūpe kālābhāve | idam atra tātparyam | nirvikalpasamādhinā śuddhacinmātratāṃ yātaḥ asau bhṛguḥ | tasmāt samādheḥ utthitaḥ | tataḥ bāhyasparśena kiñcinmātraṃ sphaṭikavad āsraṣṭum ārabdhaḥ {#8} | tatra prathamam akāle putram mṛtaṃ dṛṣṭvā vivaśībhūtaḥ | samanantarakālānubhūtena cinmātrarūpeṇa svena kṛtaṃ kriyāvaicitryarūpaṃ kālaṃ nāśayitum aicchat | yaś ca kālāgamaḥ sa kathaṃ svayaṃ kṛtaṃ svabhāvasahacaram etaṃ nāśayāmīti vivekāgama eva jñeyaḥ | ity āstāṃ rahasyodghāṭanena || MoṬ_4,10.16 ||


***NOTES:
#8 N17: -ka*va*d
---------------------------------------------------------


athākalitarūpo 'sau kālaḥ kavalitaprajaḥ /
ādhibhautikam āsthāya vapur munim upāyayau // Mo_4,10.17 //


akalitarūpaḥ | akalitam paramātmagatatvena sthitatvāt prameyatām agatam | rūpaṃ yasya | saḥ | ādhibhautiko dehaḥ paramārthataḥ vicārarūpaḥ eva jñeyaḥ | bāhyān prati tu devatārūpaḥ {#9} || MoṬ_4,10.17 ||


***NOTES:
#9 N17: -hy<a>[ā]n
---------------------------------------------------------


kīdṛśaḥ upāyayāv ity apekṣāyām bāhyadevatārūpatvam bāhyadṛṣṭīn prati kathayati

khaḍgapāśadharaḥ śrīmān kuṇḍalī kavacānvitaḥ /
ṣaḍbhujaḥ ṣaṇmukho bahvyā vṛtaḥ kiṅkarasenayā {#10} // Mo_4,10.18 //


spaṣṭam || MoṬ_4,10.18 ||


***NOTES:
#10 Ś1, Ś3: ṣaḍbhujaḥ ṣaṇmukho; N17: ṣaṇmukho ṣaṭbhujaḥ
---------------------------------------------------------


yaccharīrasamutthena jvālājālena valgatā /
phullakiṃśukavṛkṣasya babhārādreḥ śriyaṃ nabhaḥ // Mo_4,10.19 //


spaṣṭam || MoṬ_4,10.19 ||


yatkarasthatriśūlāgraniṣṭhyūtair agnimaṇḍalaiḥ /
virejur uditair āśāḥ kānakair iva kuṇḍalaiḥ // Mo_4,10.20 //

spaṣṭam || MoṬ_4,10.20 ||


yatpāśaśvasanāyastaśikharā medinībhṛtaḥ /
dolām iva samārūḍhāś celuḥ petuś ca ghūrṇitāḥ // Mo_4,10.21 //


āyastaśikharā ākṛṣṭaśikharāḥ || MoṬ_4,10.21 ||



yatkhaḍgamaṇḍaloddyotaśyāmam bimbaṃ vivasvataḥ /
kalpadagdhajagaddhūmaparyākulam ivābabhau {#11} // Mo_4,10.22 //


spaṣṭam || MoṬ_4,10.22 ||


***NOTES:
#11 Ś1, Ś3: -paryākulam; N17: -pa(-)*yī*kulam
---------------------------------------------------------


sa upetya mahābāhuḥ kupitaṃ tam mahāmunim /
kalpakṣubdhābdhigambhīraṃ sāntvapūrvam uvāca ha // Mo_4,10.23 //


saḥ kālaḥ || MoṬ_4,10.23 ||



vijñātalokasthitayo mune dṛṣṭaparāvarāḥ /
hetunāpi na muhyanti kim u hetum vinottamāḥ // Mo_4,10.24 //


dṛṣṭaḥ svarūpatvenānubhūtaḥ | parāvaraḥ parāvararūpeṇa sthitaṃ cinmātratattvam | yaiḥ | te || MoṬ_4,10.24 ||



tvam anantatapā vipro vayaṃ niyatipālakāḥ /
tena sampūjyase pūjya sādho netarayecchayā // Mo_4,10.25 //


anantatapāḥ aparimitatapāḥ | tena anantatapastvena {#12} || MoṬ_4,10.25 ||


***NOTES:
#12 N17: [a]nantatapas-
---------------------------------------------------------


mā tapaḥ kṣapaya kṣubdhaiḥ kalpakālamahānalaiḥ /
yo na dagdho 'smi me tasya kiṃ tvaṃ śāpena dhakṣyasi // Mo_4,10.26 //


yo 'smi yo 'ham | cinmātrakriyāvaicitryarūpasya kālasya kadāpi dāhāsambhavāt iti bhāvaḥ {#13} | dhakṣyasīti | daha bhasmīkaraṇa ity asya lṛḍantasya prayogaḥ {#14} || MoṬ_4,10.26 ||


***NOTES:
#13 N17: ka(rya)dā-
#14 DhP I 1040
---------------------------------------------------------


saṃsārāvalayo grastā nigīrṇā rudrakoṭayaḥ /
bhuktāni viṣṇuvṛndāni kena śāptā vayam mune {#15} // Mo_4,10.27 //


spaṣṭam || MoṬ_4,10.27 ||


***NOTES:
#15 Ś1,Ś3: vayam; N17: varam
---------------------------------------------------------


bhoktāro hi vayam brahman bhojanaṃ yuṣmadādayaḥ /
svayaṃ niyatir eṣā hi nāvayor etad īhitam // Mo_4,10.28 //


āvayoḥ yuṣmākam asmākam ca | īhitam kāṅkṣitam || MoṬ_4,10.28 ||


svayam ūrdhvam prayāty agniḥ svayaṃ yānti payāṃsy adhaḥ /
bhoktāram bhojanaṃ yāti sṛṣṭiś cāpy antakaṃ svayam // Mo_4,10.29 //


antakam kālam || MoṬ_4,10.29 ||



idam ittham mune rūpam asyeha paramātmanaḥ {#16} /
svātmani svayam evātmā svata eva vijṛmbhate // Mo_4,10.30 //


vijṛmbhate vicitrābhiḥ kriyābhiḥ vilasati || MoṬ_4,10.30 ||


***NOTES:
#16 N17: -pa<na>[ra]mā-
---------------------------------------------------------


neha kartā na bhoktāsti dṛṣṭyā naṣṭakalaṅkayā /
bahavaś ceha kartāro dṛṣṭyānaṣṭakalaṅkayā // Mo_4,10.31 //


naṣṭakalaṅkayā dṛṣṭyā samyagdṛṣṭyā | anaṣṭakalaṅkayā dṛṣṭyā asamyagdṛṣṭyā || MoṬ_4,10.31 ||



kartṛtākartṛte brahman kevalam parikalpite /
asamyagdarśanenaiva na samyagdarśanena vaḥ // Mo_4,10.32 //


spaṣṭam || MoṬ_4,10.32 ||



puṣpāṇi taruṣaṇḍeṣu bhūtāni bhuvaneṣu ca /
svayam āyānti yāntīha kalpyate hetutā vidheḥ // Mo_4,10.33 //


mūḍhaiḥ iha vidheḥ hetutā kalpyate kalpanayā bhāvyate | na tu paramārthataḥ hetutā kasyāpy asti | kevalasya śuddhacinmātrasyaiva sthitatvāt || MoṬ_4,10.33 ||



abbimbitasya candrasya calane kartrakartṛte /
na satye nānṛte yadvat tadvat kālasya sṛṣṭiṣu {#17} // Mo_4,10.34 //


kālasya kriyāvaicitryarūpasya mama || MoṬ_4,10.34 ||


***NOTES:
#17 N17: ta*dva*t
---------------------------------------------------------


mano mithyābhramāl loke kartṛtākartṛtāmayam /
karoti kalanāṃ rajjvām bhrāntekṣaṇa ivāhitām // Mo_4,10.35 //


spaṣṭam || MoṬ_4,10.35 ||



phalitam āha

tena mā gā mune kopam āpadām īdṛśaḥ kramaḥ {#18} /
yad yathā tat tathaivāstu satyam ālokayākulaḥ // Mo_4,10.36 //


āpadām kramaḥ īdṛśa eva bhavati | etāḥ sarveṣām evāyāntīti bhāvaḥ | yat yathā asti | tat tathaivāstu | ākulaḥ ākulībhūtaḥ tvam | satyam ālokaya | pravāhāyāte śubhāśubhajāle mā kṣobhaṃ gaccheti bhāvaḥ || MoṬ_4,10.36 ||


***NOTES:
#18 Ś1,Ś3: gā; N17: ga
---------------------------------------------------------


na vayam prabhutārthena nābhimānavaśīkṛtāḥ /
svato hevākavaśataḥ kevalaṃ niyatau sthitāḥ // Mo_4,10.37 //


vayam prabhutārthena prabhutāprayojanena | niyatau bhagavatkṛte niyamane | na sthitāḥ {#19} | na cābhimānavaśīkṛtāḥ santaḥ sthitāḥ | kiṃ tu svataḥ svabhāvataḥ utthitāt | hevākavaśataḥ niyatau kevalaṃ sthitāḥ | kiñcid apy atrāsmāsv adhīnaṃ nāstīti bhāvaḥ || MoṬ_4,10.37 ||


***NOTES:
#19 N17: om.: na
---------------------------------------------------------


prakṛtavyavahārehāṃ niyatāṃ niyater vaśāt /
prājñaḥ samanuvarteta nābhimānamahātamāḥ // Mo_4,10.38 //


niyatām śāstraniyatām | prājñaḥ kathambhūtaḥ | na abhimāna evāhaṅkartety abhimāna eva tamaḥ yasya | tādṛśaḥ || MoṬ_4,10.38 ||



kartavyam eva kriyate kevalaṃ kāryakovidaiḥ /
sauṣuptīṃ vṛttim āśritya kayācid api nāśayā // Mo_4,10.39 //


prājñaiḥ sarvaṃ phalānusandhānarahitam eva kriyate iti bhāvaḥ || MoṬ_4,10.39 ||



kva sā jñānamayī dṛṣṭiḥ kva mahattvaṃ kva dhīratā /
mārge sarvaprasiddhe hi kim andha iva muhyasi // Mo_4,10.40 //


sā samanantaram evānubhūtā | sarvaprasiddhe laukike || MoṬ_4,10.40 ||



trikālāmaladarśitvaṃ dhārayann api cetasi /
avicārya jagadyātrāṃ kim mūrkha iva muhyasi // Mo_4,10.41 //


trikālāmaladarśitvam pūrvāparavimarśabhājanatvam {#20} || MoṬ_4,10.41 ||


***NOTES:
#20 N17: -darśi<ta>tvam
---------------------------------------------------------


svakarmaphalapākotthām avicārya daśāṃ sute /
kim mūrkha iva sarvajña mudhā māṃ śaptum arhasi // Mo_4,10.42 //


spaṣṭam || MoṬ_4,10.42 ||



dehinām iha sarveṣāṃ śarīraṃ dvividham mune /
kiṃ na jānāsi vā deham ekam anyan mano'bhidham // Mo_4,10.43 //


deham sthūladeham | anyat dvitīyam || MoṬ_4,10.43 ||



tatra deho jaḍo 'tyarthaṃ vināśaikaparāyaṇaḥ /
manas tūtthānaniyataṃ kadarthāt kṣīyate na vā // Mo_4,10.44 //


utthāne saṅkalparūpe udyoge | niyataṃ manaḥ | kadarthāt kleśāt | kṣīyate | atha vā tenāpi | na kṣīyate || MoṬ_4,10.44 ||



catureṇa yathā sādho rathaḥ sārathinohyate /
kurvatā kiñcana svehāṃ deho 'yam manasā tathā // Mo_4,10.45 //


uhyate svābhimataṃ deśam prati nīyate || MoṬ_4,10.45 ||



asat saṅkalpya kriyate sac charīraṃ vināśyate /
kṣaṇena manasā paṅkapuruṣaḥ śiśunā yathā // Mo_4,10.46 //


asat avidyamānam | sat vidyamānam || MoṬ_4,10.46 ||



cittam eveha puruṣas tatkṛtaṃ kṛtam ucyate /
tad baddhaṃ kalanāhetoḥ kalanāstaṃ vimucyate // Mo_4,10.47 //


kalanāhetoḥ saṅkalpākhyāt kāraṇāt | kalanāstam astakalanam || MoṬ_4,10.47 ||



ayaṃ deha idaṃ netram idam aṅgam idaṃ śiraḥ /
idaṃ sphāravikāraṃ tan mana evābhidhīyate // Mo_4,10.48 //


manaḥ kathambhūtam | idaṃ sphāravikāram | idam iti sphāraḥ sphuraṇaśīlaḥ | vikāraḥ yasya | tādṛśam | manaḥ paṇḍitais tad abhidhīyate | tat kim | ayaṃ dehaḥ idaṃ netram idam aṅgam idam śiraḥ iti yad bhavati || MoṬ_4,10.48 ||



mano hi jīvaj jīvākhyaṃ niścāyakatayā tu dhīḥ /
ahaṅkāro 'bhimānitvān nānātvaṃ tv idam eti hi // Mo_4,10.49 //


jīvat jīvanakriyākartṛtām bhajat | niścāyakatayā niścayakartṛtvena | abhimānitvāt deho 'ham ity abhimānakartṛtvena | nānātvajīvādirūpaṃ nānātvam || MoṬ_4,10.49 ||



dehavāsanayā cetas tv anyāni svāni ceddhayā /
pārthivāni śarīrāṇi santīva paripaśyati {#21} // Mo_4,10.50 //


cetaḥ iddhayā dehavāsanayā deho 'ham iti vāsanayā | anyāni parakīyāni | svāni svakīyāni | pārthivāni śarīrāṇi santi iva paśyati anubhavati || MoṬ_4,10.50 ||


***NOTES:
#21 N17: -vā<ṇ>[n]i
---------------------------------------------------------


ālokayati cet satyaṃ tad asatyamayīm manaḥ /
śarīrabhāvanāṃ tyaktvā paramāṃ yāti nirvṛtim // Mo_4,10.51 //


manaḥ satyam samyak | cet ālokayati | tat tadā | asatyamayīm asatyasvarūpām | śarīrabhāvanāṃ tyaktvā | paramāṃ nirvṛtim cinmātramayatārūpam ānandam | yāti || MoṬ_4,10.51 ||


phalitam āha

tan manas tava putrasya samādhau tvayi saṃsthite /
svamanorathamārgeṇa durād dūrataraṃ gatam // Mo_4,10.52 //

yataḥ mana eva sarvatra kartṛ asti tat tato hetoḥ || MoṬ_4,10.52 ||


idam auśanasaṃ tyaktvā deham mandarakandare /
prayātaṃ vaibudhaṃ sadma nīḍoḍḍīnaḥ khago yathā // Mo_4,10.53 //


auśanasam śukrasambandhi || MoṬ_4,10.53 ||



tatra mandārakuñjeṣu pārijātagṛheṣu ca /
nandanodyānaṣaṇḍeṣu lokapālapurīṣu ca // Mo_4,10.54 //


spaṣṭam || MoṬ_4,10.54 ||



mune caturyugāny aṣṭau viśvācīṃ devasundarīm /
asevata mahātejāḥ ṣaṭpadaḥ padminīm iva // Mo_4,10.55 //


spaṣṭam || MoṬ_4,10.55 ||



tīvrasaṃvegasampannasvasaṅkalpopakalpite /
atha puṇyakṣaye jāte nīhāra iva śārvare // Mo_4,10.56 //


spaṣṭam || MoṬ_4,10.56 ||



pramlānakusumottaṃsaḥ svinnāṅgāvalayālasaḥ {#22} /
sa papāta tayā sākaṃ kālapakvam phalaṃ yathā {#23} // Mo_4,10.57 //


vaibudhaṃ tat parityajya nabhasy eva śarīrakam /
bhūtākāśam athāsādya vasudhāyām ajāyata // Mo_4,10.58 //


spaṣṭam || Mo_4,10.57-58 ||

āsīd dvijo daśārṇeṣu kosaleṣu mahīpatiḥ /
dhīvaro 'ṅgamahāṭavyāṃ haṃsas tripathagātaṭe // Mo_4,10.59 //


spaṣṭam || MoṬ_4,10.59 ||


***NOTES:
#22 N17: svin[n]āṅgā-; Ś3: svinnāṅgā-; Ś1: svinnāṅga-. Svinnāṅgā = substantiviertes Bahuvrīhi, Bezug auf devasundarī in 55 b. Vgl. auch (IV) 8,15.
#23 N17: (spaṣṭam)
---------------------------------------------------------


sūryavaṃśī nṛpaḥ pauṇḍre sauraḥ sālveṣu daiśikaḥ /
kalpaṃ vidyādharaḥ śrīmān dhīmān atha muneḥ sutaḥ // Mo_4,10.60 //


pauṇḍre deśe | sūryavaṃśī nṛpaḥ jātaḥ | sālveṣu sauraḥ sūryakulotpannaḥ | daiśikaḥ guruḥ | utpannaḥ || MoṬ_4,10.60 ||



madreṣv atha mahīpālas tatas tāpasabālakaḥ {#24} /
vāsudeva iti khyātaḥ samaṅgāyās taṭe sthitaḥ // Mo_4,10.61 //


spaṣṭam || MoṬ_4,10.61 ||


***NOTES:
#24 N17: madr<ī>[e]ṣv
---------------------------------------------------------


anyāsv api vicitrāsu vāsanāvaśataḥ svayam /
viṣamāsv eva putras te cacārānantayoniṣu // Mo_4,10.62 //


spaṣṭam || MoṬ_4,10.62 ||



anyapadavyākhyāṃ kurvan samaṅgātaṭatāpasajanmanaḥ pūrvabhāvīni janmāntarāṇy asya kathayati

abhūd vindhyavane gopaḥ kirataḥ kekayeṣu ca /
sauvīreṣu ca sāmantas traigartaś caiva daiśikaḥ // Mo_4,10.63 //


traigartaḥ trigartadeśasambandhī || MoṬ_4,10.63 ||



vaṃśagulmaḥ kirāteṣu hariṇaś cīrajaṅgale /
sarīsṛpas tālatale tamāle vanakukkuṭaḥ // Mo_4,10.64 //


spaṣṭam || MoṬ_4,10.64 ||



ayaṃ sa putro bhavato bhūtvā mantravidāṃ varaḥ {#25} /
prajajāpa purā vidyāṃ vidyādharapadapradām // Mo_4,10.65 //


prajajāpa japitavān | vidyām mantram || MoṬ_4,10.65 ||


***NOTES:
#25 N17: vara[ḥ]
---------------------------------------------------------


tenāsau bhagavan brahman vyomni vidyādharo mahān {#26} /
hārakuṇḍalakeyūrī līlānicayalāsakaḥ // Mo_4,10.66 //


bhagavan brahman | asau te putraḥ | tena japena | vidyādharaḥ abhūt | kīdṛśo vidyādharaḥ abhūd ity apekṣāyāṃ viśeṣaṇāṇy āha hāreti || MoṬ_4,10.66 ||


***NOTES:
#26 N17: ten*ā*sau
---------------------------------------------------------


nāyikānalinībhānuḥ puṣpacāpa ivāparaḥ /
vidyādharīṇāṃ dayito gandharvapurabhūṣaṇam // Mo_4,10.67 //


spaṣṭam || MoṬ_4,10.67 ||



sa kalpāvadhim āsādya dvādaśādityadhāmani {#27} /
jagāma bhasmaśeṣatvaṃ śalabhaḥ pāvake yathā // Mo_4,10.68 //


spaṣṭam {#28} || MoṬ_4,10.68 ||


***NOTES:
#27 N17: sa<ṅ>kalpā-; vgl. 73a.
#28 N17: *spaṣṭam*
---------------------------------------------------------


jagannirmāṇarahite sphāre nabhasi sā tataḥ /
vāsanā tasya babhrāma nirnīḍā vihagī yathā // Mo_4,10.69 //


spaṣṭam || MoṬ_4,10.69 ||



atha kālena sañjāte vicitrārambhakāriṇi /
saṃsārāḍambarārambhe brāhmī rātriviparyaye // Mo_4,10.70 //


sā manovāsanā tasya vātavyāvalitā satī /
kṛte brāhmaṇatām etya jātādya vasudhātale // Mo_4,10.71 //


kṛte kṛtayuge | yugmam || MoṬ_4,10.70-71 ||



vāsudevābhidhāno 'sau mune viprakumārakaḥ /
jāto matimatām madhye samadhītākhilaśrutiḥ // Mo_4,10.72 //


spaṣṭam || MoṬ_4,10.72 ||



kalpaṃ vidyādharo bhūtvā nadyā adya mahāmune /
tapaś carati te putraḥ samaṅgāyās taṭe sthitaḥ // Mo_4,10.73 //


spaṣṭam || MoṬ_4,10.73 ||



sargāntaślokena jaraḍhayonigamanaṃ kathayati {#29}

vividhaviṣamavāsanānuvṛttyā khadirakarañjakarālakoṭarāsu /
jagati jaraḍhayoniṣu prayāto gahanatarāsu ca kānanasthalīṣu {#30}{#31} // Mo_4,10.74 //


jaraḍhayonipakṣe khadirakarañjakarālāsu nānāvidhaduḥkhasaṅkaṭāsu | iti śivam {#32} || MoṬ_4,10.74 ||


***NOTES:
#29 N17: -ḍha*yoni*ga-. Zur Orthographie (jaraḍha) vgl. MṬ (I) p. 9.
#30 N17: jara<ḍa>[ḍha]yo-
#31 N17: -hana<na>[ta]rā-
#32 N17 om.: iti śivam
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe daśamaḥ sargaḥ ||10||




*********************************************************************



adyoddāmataraṅgaughajhāṅkāraraṇitānile /
tīre varataraṅgiṇyāḥ tapas tapati te sutaḥ // Mo_4,11.1 //


varataraṅgiṇyāḥ samaṅgāyāḥ | tapati carati || MoṬ_4,11.1 ||



jaṭāvān akṣavalayī jitasarvendriyabhramaḥ {#1} /
tatra varṣaśatāny aṣṭau saṃsthitas tapasi sthire // Mo_4,11.2 //


spaṣṭam || MoṬ_4,11.2 ||


***NOTES:
#1 N17: (e)akṣa-
---------------------------------------------------------


yadīcchasi mune draṣṭuṃ taṃ svaputramanobhramam /
tat samunmīlya vijñānanetram āśu vilokaya // Mo_4,11.3 //


svaputrākāram manobhramam svaputramanobhramam | svaputram iti yāvat || MoṬ_4,11.3 ||



ity ukte jagadīśena kālena samadṛṣṭinā {#2} /
muniḥ sañcintayām āsa jñānākṣṇā tanayehitam // Mo_4,11.4 //


spaṣṭam || MoṬ_4,11.4 ||


***NOTES:
#2 N17: -gad<e>[ī]śe-
---------------------------------------------------------


dadarśa ca muhūrtena pratibhāsavaśād asau {#3} /
putrodantam aśeṣeṇa buddhidarpaṇabimbitam // Mo_4,11.5 //


dadarśa jñānadṛṣṭyā dṛṣṭavān || MoṬ_4,11.5 ||


***NOTES:
#3 N17: (prati)prati-
---------------------------------------------------------


punar mandarasānusthāṃ kāle kālāgrasaṃsthitām /
samaṅgāyās taṭād etya viveśa svatanum bhṛguḥ // Mo_4,11.6 //


kāle svalpakāle | kālāgrasaṃsthitām kālapurovartinīm || MoṬ_4,11.6 ||



vismayasmerayā dṛṣṭyā kālam ālokya kāntayā /
vītarāgam uvācedaṃ vītarāgo munir vacaḥ {#4} // Mo_4,11.7 //


kālasya samavartitvāt vītarāgitvam || MoṬ_4,11.7 ||


***NOTES:
#4 N17: v<e>[ī]ta-
---------------------------------------------------------


bhṛguḥ kathayati

bhagavan bhūtabhavyeśa bālā vayam anābilā /
tvādṛśām eva dhīr deva trikālāmaladarśinī // Mo_4,11.8 //


bālāḥ mūrkhāḥ | anāvilety asya uttarārdhena sambandhaḥ || MoṬ_4,11.8 ||



nānākāraṃ vikārāḍhyā satyevāsatyarūpiṇī /
vibhramaṃ janayaty eṣā dhīrasyāpi jagadgatiḥ // Mo_4,11.9 //


jagadgatiḥ jagadracanā || MoṬ_4,11.9 ||


tvam eva deva jānāsi tvadabhyantaravarti yat /
rūpam asyā manovṛtter indrajālavidhāyakam // Mo_4,11.10 //


tvadabhyantaravarti tvanmadhyavarti || MoṬ_4,11.10 ||



matputrasyāsya bhagavan mṛtyuḥ kila na vidyate /
tenemam mṛtam ālokya jātaḥ sambhramavān aham {#5} // Mo_4,11.11 //


śukrasya cirajīvitvāt || MoṬ_4,11.11 ||


***NOTES:
#5 N17: -vān(n)
---------------------------------------------------------


akṣīṇajīvitam putraṃ kālo me nītavān iti /
niyater vaśato deva tvacchāpecchā mamoditā // Mo_4,11.12 //


niyater iti | mama yā tvacchāpecchā jātā sāpi niyatir eva | ato mama na ko 'pi doṣa iti bhāvaḥ || MoṬ_4,11.12 ||



na tu vijñātasaṃsāragatayo vayam āpadam /
sampadaṃ vāpi gacchāmo harṣāmarṣavaśaṃ kila // Mo_4,11.13 //


prāpyeti śeṣaḥ | āpadam prāpya | sampadaṃ vā prāpyeti || MoṬ_4,11.13 ||



ayuktakāriṇi krodhaḥ prasādo yuktakāriṇi /
kartavya iti rūḍheyaṃ sāṃsārī bhagavan sthitiḥ // Mo_4,11.14 //


ataḥ tvayy ayuktakāritvam āśaṅkya mayā krodhaḥ kṛta iti bhāvaḥ {#6} || MoṬ_4,11.14 ||


***NOTES:
#6 N17: ā<kā>śaṅkya
---------------------------------------------------------


idaṃ kāryam idaṃ neti yāvajjīvaṃ jagatkramaḥ /
yāvad agniḥ sthitā tāvad auṣṇyadāhādidṛṣṭayaḥ // Mo_4,11.15 //


spaṣṭam || MoṬ_4,11.15 ||



idaṃ kāryam idaṃ neti heyā yasya jagatsthitiḥ {#7} /
tasyaitatsamparityāgo heya eva jagadguro {#8} // Mo_4,11.16 //


yasya | idaṃ kāryam idaṃ na kāryam | iti evaṃrūpā {#9} | jagatsthitiḥ heyā bhavati | tasya tatsamparityāgo 'pi heya eva | tattyāgasyāpi jagatsthitirūpatvāt | ato mayā pūrvasthitiḥ na tyakteti bhāvaḥ {#10} || MoṬ_4,11.16 ||


***NOTES:
#7 N17: -ga*t*sthi-
#8 N17: -guro<ḥ>
#9 N17: -pā(ṃ)
#10 N17: -sthi*tiḥ*
---------------------------------------------------------


kevalaṃ tānayīṃ cintām anālokya yadā vayam /
bhagavan bhavate kṣubdhā yātāḥ smas tena vācyatām {#11} // Mo_4,11.17 //


tānayīṃ tanayasambandhinīm | vācyatām tvatkrodhakāritvarūpanindāyogyatām || MoṬ_4,11.17 ||


***NOTES:
#11 N17: yātā[ḥ] sma[s]
---------------------------------------------------------


tvayedānīm ahaṃ deva smāritas tanayehitam /
samaṅgāyās taṭe tena dṛṣṭo 'yaṃ tanayo mayā // Mo_4,11.18 //


spaṣṭam || MoṬ_4,11.18 ||



manye jagati bhūtānāṃ dve śarīre na sarvaga {#12} /
mana eva śarīraṃ hi yenedam bhāvyate jagat {#13} // Mo_4,11.19 //


he sarvaga | aham manye | ihaloke bhūtānāṃ dve śarīre na bhavataḥ {#14} | hi yasmāt | mana eva śarīram bhavati | yena manasā | idaṃ jagat bhāvyate bhāvanayā prakaṭīkriyate || MoṬ_4,11.19 ||

***NOTES:
#12 N17: -re(ṇa) *na*
#13 N17: -v(i)*ya*te
#14 N17: -re(ṇa) *na*
---------------------------------------------------------


kāla āha

samyag uktaṃ tvayā brahmañ śarīram mana eva naḥ /
karoti dehaṃ saṅkalpya kumbhakāro ghaṭaṃ yathā // Mo_4,11.20 //


spaṣṭam || MoṬ_4,11.20 ||



karoty akṛtam ākāraṃ kṛtaṃ nāśayati kṣaṇāt /
saṅkalpena mano mohād bālo vetālakaṃ yathā // Mo_4,11.21 //


mohāt ajñānāt || MoṬ_4,11.21 ||



tathā ca sambhrame svapnamithyājñānādibhāsvarāḥ /
gandharvanagarākārā dṛṣṭā manasi śaktayaḥ // Mo_4,11.22 //


spaṣṭam {#15} || MoṬ_4,11.22 ||


***NOTES:
#15 N17: spaṣṭa(ṣṭa)m
---------------------------------------------------------


sthūladṛṣṭidṛśaṃ tv etām avalambya mahāmune {#17}{#16} /
puṃso manaḥ śarīraṃ ca kāyau dvāv iti kathyate {#18} // Mo_4,11.23 //


sthūladṛṣṭirūpā dṛk sthūladṛṣṭidṛk | tām || MoṬ_4,11.23 ||


***NOTES:
#16 N17: -dṛś<y>aṃ
#17 N17: -mune<ḥ>
#18 Ś1,Ś3: kāyau dvāv; N17: kāyo dvā
---------------------------------------------------------


manomanananirmāṇamātram etaj jagattrayam /
na san nāsad iva sphāram uditaṃ netaran mune {#20}{#19} // Mo_4,11.24 //


etat jagat | manasaḥ yat mananam mananākhyo dharmaḥ | tanmātram eva bhavati | kathambhūtam | na sat nāsat anirvacanīyam ity arthaḥ | punaḥ kathambhūtam | sphāram ivoditam sphuraṇaśīlam iva prādurbhūtam | paramārthatas tu noditam itīvaśabdopādānam | mātraśabdasyārthaṃ svakaṇṭhena kathayati netarad iti || MoṬ_4,11.24 ||


***NOTES:
#19 N17: <a>[i]va(-)*sphā*ram
#20 N17: mune<ḥ>
---------------------------------------------------------


cittadehāṅgalatayā bhedavāsanayeddhayā /
dvicandratvam ivājñānān nānāteyaṃ samutthitā // Mo_4,11.25 //


cittākhyasya dehasyāṅgalatayā aṅgalatārūpayā | bhedavāsanayā dvaitavāsanayā | iddhayā puṣṭayā satyā | iyaṃ jagadrūpā {#21} | nānātā samutthitā prādurbhūtā | kim iva | dvicandratvam iva | yathā dvicandratvam ajñānāt samuttiṣṭhati | tathety arthaḥ || MoṬ_4,11.25 ||


***NOTES:
#21 N17: -pā(nāṃ)
---------------------------------------------------------


bhedavāsanayā bahvyā padārthanicayam manaḥ /
bhinnam paśyati sarvatra ghaṭāvaṭapaṭādikam // Mo_4,11.26 //


bahvyā vistīrṇayā | sarvatra sarveṣu deśeṣu kāleṣu ca || MoṬ_4,11.26 ||



kṛśo 'tiduḥkhī mūḍho 'ham etāś cānyāś ca bhāvanāḥ /
bhāvayat svavikalpotthā yāti saṃsāratām manaḥ // Mo_4,11.27 //


saṃsāratām saṃsārabhāvam || MoṬ_4,11.27 ||



mananaṃ kṛtrimaṃ rūpam mamaitan na patāmy aham /
iti tattyāgataḥ śāntaṃ ceto brahma sanātanam // Mo_4,11.28 //


tattyāgataḥ mananatyāgataḥ | sanātanam anādi || MoṬ_4,11.28 ||



yathetyādiṃ nirāmayā ityantam ekaṃ dṛṣṭāntaṃ vistareṇa kathayati {#22}

yathā pravitate 'mbodhau tate 'nekataraṅgiṇi /
somyaspandamayānekakallolāvaliśālini {#23} // Mo_4,11.29 //


vāryātmani same svacche śuddhe svāduni śītale {#24} /
avināśini vistīrṇe mahāmahimani sphuṭe {#25} // Mo_4,11.30 //


tryaśras taraṅgaḥ svaṃ rūpam bhāvayan sa svabhāvataḥ {#26} /
tryaśro 'smīti vikalpena karoti svena kalpanām {#27} // Mo_4,11.31 //


bhraśyaṃś caiva paribhraṣṭarūpo 'smīti talātalam /
bhāvayan bhūtalaṃ yāti tādṛgbhāvanayā tayā // Mo_4,11.32 //


utthitaṃ ca balād ūrdhvam utthito 'smīti bhāvitaḥ /
tais tair vikalpais tadbhāvaṃ vikalpayati sābhidham {#28} // Mo_4,11.33 //


sasūryapratibimbas tu prakāśo 'smīti bhāvitaḥ /
sarajaḥpuñjapātas tu malino 'smīti bhāvitaḥ // Mo_4,11.34 //


saratnaraśmijālas tu śobhate dīptayā śriyā /
tuṣārabharaviddhas tu śītalo 'smīti vindati // Mo_4,11.35 //


sataṭācaladāvāgnipratibimbojjvaladvapuḥ /
bibheti vata dagdho 'smīty āttamīnaś ca kampate // Mo_4,11.36 //


pratibimbitavelādritaṭapakṣivanadrumaḥ /
mahān ārambhasaṃrambhasaṃyuto 'smīti rājate // Mo_4,11.37 //


vimalollasanotpannadhvastalolaśarīrakaḥ /
khaṇḍaśaḥ pariyāto 'smīty āttākranda ivāravī {#29} // Mo_4,11.38 //


na cormayas te jaladher vyatiriktāḥ payorasāt /
na caikaṃ rūpam eteṣāṃ kiñcit sann apy asanmayam {#30} // Mo_4,11.39 //


na ca te nyūnadairghyādyā guṇās teṣu ca teṣu ca /
normayaḥ saṃsthitā abdhau na ca tatra na saṃsthitāḥ {#31} // Mo_4,11.40 //


kevalaṃ svasvabhāvasthasaṅkalpavikalīkṛtāḥ /
naṣṭānaṣṭāḥ punar jātā jātājātāḥ punaḥ kṣatāḥ {#32} // Mo_4,11.41 //


parasparaparāmarśān nānātām upayānty alam /
ekarūpāmbusāmānyamayā eva nirāmayāḥ // Mo_4,11.42 //


anekataraṅgiṇi anekataraṅgayukte | somyaspandamayyaḥ somyajalaspandarūpāḥ | anekakallolāvalayaḥ | tābhiḥ śālini {#33} | etādṛśe vāryātmani | yathā saḥ prasiddhaḥ tryaśraḥ tryaśrākāraḥ taraṅgaḥ | svaṃ rūpam tryaśrarūpam svaṃ rūpam | bhāvayan pramātāram prati prakaṭīkurvan | svabhāvataḥ utthitena svena svasmād | avyatiriktena tryaśro 'smīti vikalpena kalpanām tryaśrākārakalpanām | karoti | na kevalam etām eva karoti | kiṃ tv anyā api kriyāḥ karoti ity āha bhraśyaṃś cetyādi {#34} | saḥ tryaśraḥ taraṅgaḥ paribhraṣṭo 'smīti bhāvayan | ata eva bhraśyan {#35} | tataḥ talātalam talātalākhyam | bhūtalam | tayā tādṛgbhāvanayā | yāti gacchati | utthitam iti | saḥ tryaśraḥ taraṅgaḥ ūrdhvam utthito 'smīti bhāvitaḥ | ata eva utthitaś ca taiḥ taiḥ vikalpaiḥ utthānavikalpaiḥ | sābhidham abhidhāsahitam | tadbhāvam utthānabhāvam | vikalpayati vikalpena sampādayati | sasūryeti spaṣṭam | saratneti spaṣṭam | sataṭeti | āttamīnaḥ | mīnaiḥ ātta āttamīnaḥ | pratibimbiteti spaṣṭam {#36} | vimala iti | vimalaṃ yat ullasanam {#37} | tena utpannaṃ yat dhvastaṃ dhvaṃsaḥ | tena lolaṃ śarīraṃ yasya {#38} | saḥ | na cormaya iti {#39} | te pūrvoktāḥ | pūrvam ekavacanaṃ jātyapekṣayā jñeyam | teneha bahuvacanaprayogaḥ | na ceti | te ca ūrmayaḥ | teṣu guṇeṣu | na bhavanti | kevalam iti | svasvabhāvasthaḥ svasvarūpasthaḥ | yaḥ vikalpaḥ taraṅgatāsādanarūpaḥ vikalpaḥ | tena vikalīkṛtāḥ payasaḥ ucchinnāḥ kṛtāḥ | paraspareti {#40} | parasparam anyo'nyam | yaḥ parāmarśaḥ nikaṭe avasthitiḥ | tasmāt | nānātām upayānti | kathambhūtāḥ | ekaṃ rūpam yat ambusāmānyam | tanmayāḥ eva | ata eva nirāmayāḥ nāśotpādākhyarogarahitāḥ || MoṬ_4,11.29-42||


***NOTES:
#22 N17: -ādi[ṃ]
#23 N17: -kal[l]olā-
#24 N17: śuddh<a>[e], vgl. 43b.
#25 N17: -him(i)ani
#26 N17: -raṅga[ḥ]
#27 N17: *vi*kalpe*na*
#28 N17: (vika)vikalpa-
#29 N17: ā<*r*>[t]tā-
#30 Ś1, N17: sann apy; Ś3: san n*ā*py; N/Ed: san nāpy
#31 Ś1,Ś3: tatra; N17: tava
#32 N17: jātā<ḥ> jātāḥ
#33 N17: -li(ri)ni
#34 N17: bhraś[y]aṃś
#35 N17: bhraś[y]an
#36 N17: (sa)pratibimbi-
#37 N17: -sa*nam*
#38 N17: lo*laṃ*
#39 N17: co<n>[r]maya
#40 N17: -pare(sye)ti
---------------------------------------------------------


dṛṣṭāntam uktvā dārṣṭāntikaṃ kathayati dvābhyām

tathaivāsmin pravitate site śuddhe nirāmaye /
brahmamātraikavapuṣi brahmaṇi sphārarūpiṇi {#41} // Mo_4,11.43 //


sarvaśaktāv anādyante pṛthagvad apṛthakkṛtāḥ /
saṃsthitāḥ śaktayaś citrā vicitrācāracañcalāḥ // Mo_4,11.44 //


sitapadasyārthaṃ svakaṇṭhena kathayati śuddhe iti | nirāmaye cetyākhyād āmayāt niṣkrānte | brahmamātram ekam kevalam | vapuḥ svarūpaṃ yasya | tādṛśe | sphāram sphuraṇaśīlam | vapur asyāstīti | tādṛśe | etādṛśe brahmaṇi | apṛthakkṛtāḥ śaktayaḥ | tathaiva taraṅgavat | pṛthagvat saṃsthitāḥ bhavanti | yugmam || MoṬ_4,11.43-44||


***NOTES:
#41 N17: (kulakam)
---------------------------------------------------------


nānāśakti hi nānātvam eti svavapuṣi sthitam /
bṛṃhitam brahmaṇi brahma payasīvormimaṇḍalam // Mo_4,11.45 //


brahma śuddhaṃ cinmātratattvam | brahmaṇi svavapuṣi brahmākhye svasvarūpe | bṛṃhitam jagadrūpayā bṛṃhitatayā yuktaṃ sat {#42} | nānātvam nānābhāvam | eti gacchati | kathambhūtam | nānāśakti | anyathā nānātvagamanaṃ yuktaṃ na syād iti bhāvaḥ | brahma kim iva bṛṃhitam | payasi ūrmimaṇḍalam iva || MoṬ_4,11.45 ||


***NOTES:
#42 N17: bṛṃhita[ta]yā
---------------------------------------------------------


nanu yadi paṭādirūpeṇa brahmaiva bṛṃhitam asti tarhi padārthānām pratyekaṃ niyataṃ rūpaṃ katham astīty | atrāha

nānārūpakarūpatvād vairūpyaśatakāriṇī /
niyatir niyatākārā padārtham adhitiṣṭhati {#43} // Mo_4,11.46 //


nānārūpakam yat rūpam | tadyuktatvāt vairūpyaśatakāriṇī padārthānām prati niyatarūpākhyavirūpatāśatakāriṇī | niyatiḥ niyatyākhyā śaktiḥ | padārtham adhitiṣṭhati svavaśaṃ karoti {#44} | brahmaṇaḥ utpannayā niyatiśaktyā eva padārthānām pratyekaṃ niyataṃ rūpam astīti bhāvaḥ || MoṬ_4,11.46 ||


***NOTES:
#43 N17: *nānārūpaka- --> -tiṣṭhati*
#44 N17: (padā)padā-
---------------------------------------------------------


sāmānyenoktvā stokaṃ viśeṣeṇa kathayati

jaḍā jāḍyam upādatte cittvam āyāti cinmayī {#45} /
vāsanārūpiṇī śaktiḥ svasvarūpasthitātmanaḥ // Mo_4,11.47 //


vāsanārūpiṇī vāsanārūpeṇa sthitā | svasvarūpasthitaḥ yaḥ ātmā | tasya | śaktiḥ niyatiśaktiḥ | jaḍā jāḍyavāsanārūpiṇī bhūtvā | jāḍyam upādatte gṛhṇāti | yena sthāvaraṃ rūpam prakaṭīkaroti | cinmayī cetanatvavāsanārūpiṇī bhūtvā {#46} | cittvam āyāti | yena jaṅgamaṃ rūpam prakaṭīkaroti || MoṬ_4,11.47 ||


***NOTES:
#45 N17: -may<e>[ī]
#46 N17: -tana*tva*vā-
---------------------------------------------------------


phalitam āha

brahmaivānagha tenedaṃ sphārākāraṃ vijṛmbhate /
nānārūpaiḥ parispandaiḥ paripūrṇa ivārṇavaḥ // Mo_4,11.48 //


he anagha | tena tataḥ hetoḥ {#47} | idaṃ sphārākāram jagat | brahmaiva vijṛmbhate vilasati | ka iva | paripūrṇaḥ arṇavaḥ iva {#48} | yathā saḥ nānārūpaiḥ parispandaiḥ taraṅgākhyaiḥ parispandaiḥ | vijṛmbhate | tathety arthaḥ || MoṬ_4,11.48 ||


***NOTES:
#47 N17: -to[ḥ]
#48 N17: a(varṇa)*rṇava*ḥ
---------------------------------------------------------


nānātāṃ svayam ādatte nānākāravihārataḥ /
ātmaivātmany ātmanaiva samudrāmbha ivāmbhasi // Mo_4,11.49 //


nānākārārtham nānākāragrahaṇārtham | yaḥ vihāraḥ krīḍā | tasmāt || MoṬ_4,11.49 ||



vyatiriktā na payaso vicitrā vīcayo yathā /
vyatiriktā na sarveśāt samagrāḥ kalanās tathā // Mo_4,11.50 //


sarveśāt sarvaniyāmakatvena sthitāt cinmātratattvāt | kalanāḥ jagadrūpāḥ kalanāḥ || MoṬ_4,11.50 ||



stambhapuṣpalatāpattraphalakorakayuktayaḥ /
yathaikasmiṃ sthitā bīje tathā brahmaṇi śaktayaḥ // Mo_4,11.51 //


śaktayaḥ jagadrūpāḥ śaktayaḥ || MoṬ_4,11.51 ||



nānākartṛtayā nānāśaktitā puruṣe yathā /
tathaivātmani sarvajñe sarvadā sarvaśaktitā // Mo_4,11.52 //


sarvaśaktitāyām hetum āha sarvajña iti | yadi hi sarvaśaktiḥ na syāt tarhi sarvajñaḥ na syāt | sarvajñatvam cātra sarvakartṛtāyāṃ viśrāntam | na hi yaḥ sarvaṃ na jānāti saḥ sarvaṃ karoti | kulālādau ghaṭādijñānasya niyatatvena darśanāt || MoṬ_4,11.52 ||



vicitravarṇatā yadvad dṛśyate kaṭhinātape /
vicitraśaktitā tadvad deveśe sadasanmayī // Mo_4,11.53 //


spaṣṭam || MoṬ_4,11.53 ||



vicitrarūpodetīyam avicitrāt sthitiḥ śivāt /
ekavarṇāt payovāhāc chakracāpalatā yathā // Mo_4,11.54 //


spaṣṭam || MoṬ_4,11.54 ||



ajaḍāj jaḍatodeti jāḍyabhāvanahetukā /
ūrṇanābhād yathā tantur yathā puṃsaḥ suṣuptatā // Mo_4,11.55 //


jāḍyasya jaḍatvasya | yat bhāvanam saṅkalpanam | tad eva hetuḥ yasyāḥ | tādṛśī || MoṬ_4,11.55 ||



acittaś caitasīṃ śaktiṃ svabandhāyecchayā śivaḥ /
tanoti tāntavaṃ kośaṃ kośakārakrimir yathā {#49} // Mo_4,11.56 //


acittaḥ atyantaśuddhatvena cittarahitaḥ | tāntavaṃ tantusambandhi {#50} || MoṬ_4,11.56 ||


***NOTES:
#49 N17: <śokaṃ> [kośaṃ]
#50 N17: tān[t]avaṃ
---------------------------------------------------------


svecchayātmātmano brahman bhāvayitvā svakaṃ vapuḥ /
saṃsārān mokṣam āyāti svālānād iva vāraṇaḥ // Mo_4,11.57 //


ātmā ātmanaḥ | ātmasambandhinyā svecchayā | svakam nijam | vapuḥ cinmātrākhyaṃ svarūpam | bhāvayitvā svasvarūpatvena bhāvanāviṣayatāṃ nītvā | saṃsārāt deho 'ham iti bhāvanārūpāt saṃsārāt | mokṣam muktim {#51} | āyati | ka iva | vāraṇaḥ iva | yathāsau svālānāt mokṣam āyāti {#52} | tathety arthaḥ | svecchāśabdo 'tra icchāmātravācakaḥ || MoṬ_4,11.57 ||


***NOTES:
#51 N17: (ā)mukt(ā)im
#52 N17: [iva |] *yathāsau*
---------------------------------------------------------


yad eva bhāvayaty ātmā satatam bhāvitaḥ svayam /
tayaivāpūryate śaktyā śīghram eva mahān api // Mo_4,11.58 //


yad eva yām eva śaktim | satatam bhāvitaḥ sadā vāsitaḥ | mahān api vyāpako 'pi san || MoṬ_4,11.58 ||



bhāvitā śaktir ātmānam ātmatāṃ nayati kṣaṇāt /
anantam api kham prāvṛṇmihikā mahatī yathā // Mo_4,11.59 //


bhāvitā bhāvanāviṣayīkṛtā | ātmatām | śaktirūpaḥ yaḥ ātmā | tattām | mihikāpakṣe ātmatām mihikātvam || MoṬ_4,11.59 ||



yā śaktir uditā śīghraṃ yāti tanmayatām ajaḥ /
yām eva tu sthitiṃ yātas tanmayo bhavati drumaḥ {#53} // Mo_4,11.60 //


ajaḥ janmarahitaḥ śuddhaṃ cinmātratattvam | sthitim ādhārarūpam bhūmim | drumasya ādhārabhūtabhūmyanurūpatvenārohaṇāt || MoṬ_4,11.60 ||


***NOTES:
#53 N17: -m(ā)aḥ
---------------------------------------------------------


na mokṣo mokṣa īśasya na bandho bandha ātmanaḥ /
bandhamokṣadṛśau loke na jāne protthite kutaḥ // Mo_4,11.61 //


īśasyātmanaḥ | ātmanaḥ īśasya | tarhi bandhamokṣau kasya bhavata ity | atrāha bandheti {#54} | bandhamokṣayor utthānam eva paramārthato nāstīti kā tadādhāracinteti bhāvaḥ || MoṬ_4,11.61 ||


***NOTES:
#54 N17: atrā*ha*
---------------------------------------------------------


nāsya bandho na mokso 'sti tanmayaś caiva lakṣyate /
grastaṃ nityam asatyena māyāmayam aho jagat {#55} // Mo_4,11.62 //


asyātmanaḥ | paramārthataḥ bandhaḥ nāsti {#56} | mokṣo 'pi nāsti {#57} | kiṃ tu āmukhataḥ tanmayaḥ bandhamokṣamayaḥ | lakṣyate | nanu tarhi jagati bandhamokṣakalanā katham astīty | atrāha {#58} | jagacchabdenātra jagadgatāḥ pramātāraḥ lakṣyante | aho āścarye | jagat jagadgatāḥ pramātāraḥ | asatyena asatyabhūtena bandhamokṣākhyena kenāpi | grastam svakalanāviṣṭaṃ kṛtam | atra hetuṃ viśeṣaṇadvāreṇāha māyāmayam iti {#59} | māyāmayatvād evāsatyena grastatvam iti bhāvaḥ {#60} || MoṬ_4,11.62 ||


***NOTES:
#55 N17: a<ni>[sa]tyena
#56 N17: -ra*mā*rtha-
#57 N17: *pi*
#58 N17: *katham --> -āha*
#59 N17: -ā<s>[m]ayam
#60 N17: *asatyabhūtena bandha- --> evāsatyena*
---------------------------------------------------------


nanu katham ātmā bandhamokṣādikalanāgrasta iva sampanna ity | atrāha

yadaiva cittaṃ kalitam akalena kilātmanā {#61} /
kośakīṭavad ātmāyam anenāvalitas tadā // Mo_4,11.63 //


akalena akhaṇḍatvāt kalārahitena | anenātmanā yadaiva cittaṃ kalitam kalanayā prakaṭīkṛtam | tadānenātmanā kośakīṭavat kośakārakrimivat | ātmā svasvarūpam | āvṛtaḥ | bandhamokṣādikalanārūpeṇa kośenāvṛtaḥ || MoṬ_4,11.63 ||


***NOTES:
#61 N17: -taṃ <s>aka-
---------------------------------------------------------


nanv etenātmanā kalitam manaḥ kasmād upādānān nirgatam ity | atrāha

ananyarūpās tv anyatvavikalpitaśarīrakāḥ /
manaḥśaktaya etasmād imā niryānti koṭiśaḥ // Mo_4,11.64 //


ananyarūpāḥ abhinnāḥ | imāḥ pṛthaktvena vartamānāḥ || MoṬ_4,11.64 ||



tatsthās tajjāḥ pṛthagrūpāḥ samudrād iva vīcayaḥ /
tatsthās tajjāḥ pṛthaksthāś ca candrād iva marīcayaḥ {#62} // Mo_4,11.65 //


tatsthāḥ tasmin paramātmani sthitāḥ | tajjāḥ tasmāt paramātmanaḥ jātāḥ | etāḥ manaḥśaktayaḥ pṛthagrūpāḥ bhavanti | kā iva | vīcaya iva | yathā vīcayaḥ samudrāt pṛthagrūpāḥ bhavanti | tathety arthaḥ | dvitīyaṃ dṛṣṭāntaṃ kathayati tatsthā iti || MoṬ_4,11.65 ||


***NOTES:
#62 N17: *ma*<v>[r]īca-
---------------------------------------------------------


asmin spandamaye sphāre paramātmamahāmbudhau /
cijjale vitatābhoge cinmātrarasaśālini // Mo_4,11.66 //


kāścit sthitā haribrahmarudracidvalanādhikāḥ {#63} /
laharyaḥ prasphuranty etāḥ svabhāvodbhāvitātmikāḥ // Mo_4,11.67 //


spandamaye ahaṃvimarśamaye | ahaṃvimarśasyaivātra spandatvāt | sphāre vistīrṇe | cit cetyonmukhā cit {#64} | sā eva jalam yasmin | tādṛśe | cinmātram cetyānunmukhā cit | sā eva rasaḥ yasmin | tādṛśe | rasaḥ jalasya sārabhūtaḥ āsvādākhyo guṇaḥ jñeyaḥ | etādṛśe paramātmamahāmbudhau | kāścit etāḥ laharyaḥ cillaharyaḥ {#65} | prasphuranti | laharyaḥ kathambhūtāḥ sthitāḥ | haribrahmarudrarūpāḥ yāḥ cidvalanā citspandāḥ {#66} | tāḥ adhikam yāsām {#67} | tādṛśyaḥ sthitāḥ | punaḥ kathambhūtāḥ | svabhāvāt udbhāvitaḥ prakaṭībhāvaṃ gataḥ | ātmā yāsām | tāḥ | kāścil laharyaḥ haribrahmarudrarūpatayā sphurantīti bhāvaḥ {#68} || MoṬ_4,11.66-67 ||


***NOTES:
#63 N17: -ci<t>[d]va-
#64 N17: cety(e)*o*nmu-
#65 N17: kā<ḥ>[ś]ci(d)*t*
#66 N17: -ru(dra)dra-
#67 N17: y*ā*sāṃ
#68 N17: -v(ā)aḥ
---------------------------------------------------------


kāścid yamamahendrārkavahnivaiśravaṇādikāḥ /
ghnanti kurvanti tiṣṭhanti laharyaś capalaiṣaṇāḥ // Mo_4,11.68 //


capalāḥ eṣaṇāḥ icchāḥ | yāsām {#69} | tāḥ || MoṬ_4,11.68 ||


***NOTES:
#69 N17: y*ā*sāṃ
---------------------------------------------------------


kāścit kinnaragandharvavidyādharasurādikāḥ /
utpatanti patanty ugrā laharyaḥ parivalgitāḥ // Mo_4,11.69 //


parivalgitāḥ spanditāh || MoṬ_4,11.69 ||



kāścit kiñcitsthitākārā yathā kamalajādikāḥ {#70} /
kāścid utpannavidhvastā yathā suranarādikāḥ // Mo_4,11.70 //


kiñcit kālaṃ sthitaḥ ākāraḥ yāsām | tāḥ kiñcitsthitākārāḥ || MoṬ_4,11.70 ||


***NOTES:
#70 N17: -ā<rākā>[kārā]
---------------------------------------------------------


krimikīṭapataṅgādigonāsājagarādikāḥ /
kāścit tasmin mahāmbhodhau sphuranty eteṣu binduvat // Mo_4,11.71 //


eteṣv iti bahuvacanam pādapūraṇārtham | tenaitasmin mahāmbhodhāv iti yojyam || MoṬ_4,11.71 ||



kāścic calānanamṛgagṛdhravañjulakādayaḥ /
sphuranti girikuñjeṣu velāvanataṭeṣv iva // Mo_4,11.72 //


spaṣṭam || MoṬ_4,11.72 ||



sudīrghajīvitāḥ kāścit kāścid atyalpajīvitāḥ /
svatucchabhāvanāt tucchāt kāścit tucchaśarīrikāḥ {#71} // Mo_4,11.73 //


kāścit tucchāt asatyāt {#72} | svatucchabhāvanāt svaviṣayāt tucchavikalpanāt {#73} | tucchaśarīrikāḥ bhavanti || MoṬ_4,11.73 ||


***NOTES:
#71 N17: -nā[t]
#72 N17: kā<ḥ>[ś]cit
#73 N17: tuccha<tu>vikalp[an]āt
---------------------------------------------------------


saṃsārasvapnasaṃrambhe kāścit sthairyeṇa bhāvitāḥ /
svavikalpahatāḥ kāścic chaṅkante susthiraṃ jagat // Mo_4,11.74 //


sthairyeṇa sthiratayā | bhāvitāḥ sthiro 'yaṃ saṃsāra iti vāsanāyuktāḥ kṛtāḥ || MoṬ_4,11.74 ||



alpālpabhāvanāḥ kāścid dainyadoṣavaśīkṛtāḥ /
kṛśo 'tiduḥkhī mūḍho 'ham iti duḥkhair dṛḍhīkṛtāḥ {#74} // Mo_4,11.75 //


atra bhāvanāyāḥ alpālpatvam atimauḍhyena jñeyam || MoṬ_4,11.75 ||


***NOTES:
#74 N17: -ḍho (ya)ham
---------------------------------------------------------


kāścit sthāvaratāṃ yātāḥ kāścid devatvam āgatāḥ /
kāścit puruṣatām prāptāḥ kāścid dānavatāṃ gatāḥ // Mo_4,11.76 //


spaṣṭam || MoṬ_4,11.76 ||



sargāntaślokena pūrvoktam evārthaṃ saṅkṣipya kathayati

kāścit sthitā jagati kalpaśatāny analpāḥ kāścid vrajanti paramam puruṣaṃ suśuddhāḥ {#75} /
brahmārṇavāt samuditā laharīvilolāś citsaṃvido hi mananāparanāmavatyaḥ {#76} // Mo_4,11.77 //



***NOTES:
#75 N17: su(śru)śu-
#76 N17: -vaty(ā)aḥ
---------------------------------------------------------


iti śrībhāskarakaṇṭhaviracitāyāṃ śrīmokṣopāyaṭīkāyām ekādaśaḥ sargaḥ ||11||




*********************************************************************



surāsuranarākārā imā yāḥ saṃvido mune /
brahmārṇavād abhinnās te satyam etan mṛṣetarat // Mo_4,12.1 //


etat | surāsuranarākārā yāḥ saṃvidaḥ | brahmārṇavād abhinnatvam | itarat bhinnatvam | surāsuranarāṇām prādhānyāt grahaṇam || MoṬ_4,12.1 ||



surāsuranarākārāḥ saṃvidaḥ viśinaṣṭi

mithyābhāvanayā brahman svavikalpakalaṅkitāḥ /
na brahma vayam ity antarniścayena hy adhogatāḥ // Mo_4,12.2 //


kalaṅkitatve uttarārdhena hetuṃ kathayati na brahmeti | hiśabdaḥ yasmādarthe || MoṬ_4,12.2 ||



brahmaṇo vyatiriktatvam brahmārṇavagatā api /
bhāvayantyo vimuhyanti bhīmāsu bhavabhūmiṣu // Mo_4,12.3 //


bhīmāsu duḥkhadāyitvenātyantabhayānakāsu || MoṬ_4,12.3 ||



yā etāḥ saṃvido brāhmyo mune naikakalaṅkitāḥ /
etat tat karmaṇām bījam atha karmaiva viddhi vā {#1} // Mo_4,12.4 //


etāḥ surāsuranarākāratvena pūrvam uktāḥ | saṃvidaḥ parāmarśāḥ | brāhmyaḥ brahmasambandhinyaḥ | naikakalaṅkitāḥ na ekena prakāreṇa kalaṅkitāḥ | bahuprakāreṇa kalaṅkitā ity arthaḥ | tat etat tā etāḥ brāhmīḥ saṃvidaḥ | karmaṇām bījam kāraṇam | viddhi | atha vā karmaiva viddhi {#2} | karmatveneṣṭasya bāhyakarmaṇaḥ etadanu praṇītatvāt {#3} | na hi saṃvitparāmarśam antareṇa bāhyakarmaṇaḥ utthānaṃ dṛṣṭaṃ yuktaṃ vā || MoṬ_4,12.4 ||


***NOTES:
#1 N17: karma<jam>[ṇām]
#2 N17: *atha --> viddhi*
#3 N17: pr<āṇi>[aṇī]ta-
---------------------------------------------------------


etāsām eva samastajagannimittatvaṃ kathayati

saṅkalparūpayaivāntar mune kalanayaitayā /
karmajālakarañjānām bījamuṣṭyā karālayā // Mo_4,12.5 //


imā jagati vistīrṇe śarīropalapaṅktayaḥ /
tiṣṭhanti parivalganti rudanti ca hasanti ca // Mo_4,12.6 //


ābrahmastambhaparyantaṃ spandanaiḥ pavano yathā /
ullasanti niyacchanti mlāyanti vihasanti ca // Mo_4,12.7 //


he mune | saṅkalparūpayā saṅkalpasvarūpayā | karmajālakarañjānām bījamuṣṭyā karmajālakāraṇabhūtayeti yāvat | ata eva vikarālayā bhayānakayā | etayā kalanayā saṃvidrūpayā kalanayā | vistīrṇe jagati ābrahmastambhaparyantaṃ śarīropalapaṅktayaḥ śarīrapāṣāṇapaṅktayaḥ | tiṣṭhanti parivalganti rudanti ca hasanti ullasanti niyacchanti mlāyanti vihasanti ca upalakṣaṇaṃ caitat {#4}{#5} | sarvāḥ kriyāḥ kurvantīty arthaḥ | mṛtaśarīreṣu pūrvoktakriyāṇām adarśanāt | ko yathā | pavano yathā | yathā pavanaḥ svāntaḥsthaiḥ spandanaiḥ nānāvidhāḥ kriyāḥ karoti {#6} | tathety arthaḥ || MoṬ_4,12.7 ||

***NOTES:
#4 N17: -ṣṭha[n]ti
#5 N17: *ulla- --> ca* <ca>
#6 N17: -vidhā[ḥ]
---------------------------------------------------------


tā etāḥ kāścid atyacchā yathā hariharādayaḥ /
kāścid alpavimohasthā yathoraganarāmarā // Mo_4,12.8 //


spaṣṭam || MoṬ_4,12.8 ||



kāścid atyantamohasthā yathā tarutṛṇādayaḥ /
kāścid ajñānasammūḍhāḥ krimikīṭatvam āgatāḥ {#7} // Mo_4,12.9 //


spaṣṭam || MoṬ_4,12.9 ||


***NOTES:
#7 N17: -t<a>[ā]ḥ
---------------------------------------------------------


kāścit tṛṇavad uhyante dūre brahmamahodadheḥ /
aprāptabhūmikā etā yathoraganarādayaḥ // Mo_4,12.10 //


aprāptabhūmikāḥ aprāptapārāḥ {#8} || MoṬ_4,12.10 ||


***NOTES:
#8 N17: -pār<a>[ā]ḥ
---------------------------------------------------------


taṭamātraṃ samālokya kāścit khedam upāgatāḥ /
jātājātā nikhanyante kṛtāntajaradākhunā // Mo_4,12.11 //


taṭamātraṃ samālokya na tv āsādya | tadāsādane hi punaḥ punaḥ kṛtāntanikhananaṃ na yuktaṃ syāt | taṭaś cātra cinmātraviśrāntirūpo jñeyaḥ || MoṬ_4,12.11 ||



kāścid antaram āsādya brahmatattvamahāmbudheḥ /
gatās tattām aśokāya haribrahmaharādikāḥ // Mo_4,12.12 //


tattām brahmatām | aśokāya śokābhāvāya || MoṬ_4,12.12 ||



alpamohānvitāḥ kāścit tam eva brahmavāridhim /
adṛṣṭarāgarogaugham avalambya vyavasthitāḥ {#9} // Mo_4,12.13 //


avalambya svātmatvenāśritya | kāścit jīvanmuktarūpā ity arthaḥ || MoṬ_4,12.13 ||


***NOTES:
#9 Ś1,Ś3: adṛṣṭarāgarogau-; N17: adṛṣṭaṃ nāgarogau-
---------------------------------------------------------


kāścid bhoktavyajanmaughā bhuktajanmaughakoṭayaḥ {#10} /
vandhyāḥ prakāśatāmasyaḥ saṃsthitā bhūtajātayaḥ {#11} // Mo_4,12.14 //


prakāśatāmasyaḥ prakṛṣṭatamaso gūṇayuktaḥ {#12}{#13} | ata eva vandhyā samyagjñānākhyaphalarahitāḥ || MoṬ_4,12.14 ||


***NOTES:
#10 N17: -ṭa(kaḥ)*yaḥ*
#11 N17: pra<kāmatvam asyaḥ>[kāśatāmasyaḥ]
#12 N17: pra<kāmatām asyāḥ>[kāśatāmasyaḥ]
#13 N17: -ta[ma]so
---------------------------------------------------------


kāścid ūrdhvād adho yānti tathādhastān mahat padam /
ūrdhvād ūrdhvataraṃ kāścid adhastāt kāścid apy adhaḥ // Mo_4,12.15 //


adhaḥ paśuyoniṃ narakaṃ vā | mahat padam mānuṣyaṃ svargaṃ vā {#14} || MoṬ_4,12.15 ||


***NOTES:
#14 N17: -dam (mahatpadam)
---------------------------------------------------------


sargāntaślokena siddhāntaṃ kathayati

bahusukhaduḥkhakasaṅkaṭā kriyeyam paramapadāsmaraṇāt samāgateha /
paramapadāvagamāt prayāti nāśaṃ vihagapatismaraṇād viṣavyatheva // Mo_4,12.16 //


vihagapateḥ gāruḍikamantradevatārūpasya garuḍasyeti śivam {#15} || MoṬ_4,12.16 ||


***NOTES:
#15 N17: *vihaga- --> śivam*
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe dvādaśaḥ sargaḥ {#16} ||12||


***NOTES:
#16 N17: -daś<ā>[aḥ]
---------------------------------------------------------



*********************************************************************

oṃ

etāsām bhūtajātīnām ūrmīṇām iva sāgare /
vividhānāṃ vicitrāṇāṃ latānām iva mādhave // Mo_4,13.1 //


madhyāj jitamanomohā dṛṣṭalokaparāvarāḥ {#1} /
jīvanmuktā bhramantīha yakṣagandharvakinnarāḥ // Mo_4,13.2 //


dṛṣṭalokaparāvarāḥ dṛṣṭasaṃsārobhayapārāḥ {#2} | yakṣagandharvakinnarā ity upalakṣaṇam |
yugmam || MoṬ_4,13.1-2)

***NOTES:
#1 -parā(pa)*va*rāḥ
#2 N17: -r<a>[ā]ḥ
---------------------------------------------------------

anye tu kāṣṭhakuḍyābhā mūḍhāḥ sthāvaratāṃ gatāḥ /
aparikṣīṇamohās te kiṃ teṣām pravicāryate // Mo_4,13.3 //


anye jīvanmuktetare | teṣām vicāra eva na yukta iti bhāvaḥ || MoṬ_4,13.3 ||


loke prabudhyamānānām bhūtānām ātmasiddhaye /
viharantīha śāstrāṇi kalpitāny ucitātmabhiḥ {#3} // Mo_4,13.4 //


viharanti vilasanti | ucitātmabhiḥ śāstrakalpane yogyaiḥ paṇḍitair ity arthaḥ || MoṬ_4,13.4 ||


***NOTES:
#3 N17: vi(ra)ha-
---------------------------------------------------------


nanu jñāninām api kadācic chāstram upakaroti na vety | atrāha

samprabuddhāśayā ye tu duṣkṛtānām parikṣaye /
teṣāṃ śāstravicāreṣu nirmalā dhīḥ pravartate // Mo_4,13.5 //


samprabuddhāśayāḥ savivekamanasaḥ || MoṬ_4,13.5)


vilīyate manomohaḥ sacchāstrapravicāraṇāt /
nabhoviharaṇād bhānoḥ śārvaraṃ timiraṃ yathā // Mo_4,13.6 //


spaṣṭam || MoṬ_4,13.6 ||


akṣīyamāṇaṃ hi mano mohāyaiva na siddhaye /
nīhāra iva sañchādya vetāla iva valgati // Mo_4,13.7 //


spaṣṭam || MoṬ_4,13.7 ||


sarveṣām eva bhūtānāṃ sukhaduḥkhārthabhājanam /
śarīram mana eveha na tu māṃsamayam mune // Mo_4,13.8 //


spaṣṭam || MoṬ_4,13.8 ||


yo 'yam māṃsāsthisaṅghāto dṛśyate cādhibhautikaḥ /
manovikalpitaṃ viddhi na dehaḥ pāramārthikaḥ {#4} // Mo_4,13.9 //


dehaḥ māṃsadehaḥ || MoṬ_4,13.9 ||


***NOTES:
#4 N17: p<a>[ā]ramārthik(e)*aḥ*
---------------------------------------------------------


manasaḥ śarīratvakathanaphalam āha

manaḥśarīreṇa tava putro yat kṛtavān mune /
tad eva prāptavān āśu vayaṃ nātrāparādhinaḥ // Mo_4,13.10 //


spaṣṭam || MoṬ_4,13.10 ||

na kevalaṃ tvatputrasyaiva mano'nurūpā phalaprāptir api tu sarveṣām ity abhiprāyeṇāha

svayā vāsanayā loko yad yat karma karoti yaḥ /
sa tathaiva tad āpnoti netarasyātra kartṛtā // Mo_4,13.11 //


spaṣṭam || MoṬ_4,13.11 ||


nānusaṃhitam antar yan manovāsanayā svayā /
ko nāma bhuvane so 'sti tat kartuṃ yasya śaktatā // Mo_4,13.12 //


anusaṃhitam anusandhānaviṣayīkṛtam | manovāsanayā manorūpayā vāsanayā || MoṬ_4,13.12 ||


ye svarganarakābhogā yāḥ svarganarakaiṣaṇāḥ /
svamanomananendoḥ sa niṣyando māndyaduḥkhadaḥ {#5} // Mo_4,13.13 //


niṣyandaḥ pravāhaḥ {#6} | māndyaduḥkhadaḥ jāḍyaduḥkhadaḥ || MoṬ_4,13.13 ||


***NOTES:
#5 N17: niṣ<ṣ>ya-
#6 N17: ni<*ḥ*>ṣya-
---------------------------------------------------------


bahunātra kim uktena śabdasandarbhakāriṇā /
uttiṣṭha bhagavan yāmo yatra te tanayaḥ sthitaḥ // Mo_4,13.14 //


spaṣṭam || MoṬ_4,13.14 ||


sarvaṃ cittaśarīreṇa bhuktvā śukraḥ kṣaṇād iva /
adyenduraśmisaṅghaṭṭāt samaṅgātāpasaḥ sthitaḥ // Mo_4,13.15 //


induraśmisaṅghaṭṭāt indukiraṇaiḥ sahamelanāt || MoṬ_4,13.15 ||


nanv induraśmisaṅghaṭṭāt katham asau tāpasaḥ sthita ity | atrāha

tatprāṇapavanaś cittvayukta indvaṃśugaḥ phalam /
avaśyāyatayā bhūtvā vīryatvena naraḥ sthitaḥ // Mo_4,13.16 //


cittvayuktaḥ caitanyayuktaḥ | indvaṃśugaḥ candrāṃśumilitaḥ | tatprāṇapavanaḥ
tvatputraprāṇapavanaḥ | avaśyāyatayā tuṣārabhāvāsādanena | phalam phalarūpam | bhūtvā |
tataḥ vīryatvena retobhāvena | naraḥ manuṣyarūpaḥ | sthitaḥ || MoṬ_4,13.16 ||

śrīvasiṣṭhaḥ śrīrāmam prati kathayati

ity uktvā bhagavān kālo hasann iva jagadgatīḥ /
hastād hastena jagrāha bhṛgum indum ivāṃśumān // Mo_4,13.17 //


spaṣṭam || MoṬ_4,13.17||


aho nu citrā niyater vyavastheti vadañ śanaiḥ {#7} /
bhagavān bhṛgur uttasthāv udayādrer yathā raviḥ {#8} // Mo_4,13.18 //


spaṣṭam || MoṬ_4,13.18 ||


***NOTES:
#7 N17: -trā n<u>*i*yate[r]
#8 N17: -sth<au>[ā]v
---------------------------------------------------------


tejonidhī susamasaṅgasamutthitau tau bhātas tadā varavane satamālajāle {#9} /
tulyodayāv iva nabhasy amale vihartum abhyudyatāv ajaladau sakalendusūryau {#10} // Mo_4,13.19 //


spaṣṭam || MoṬ_4,13.19 ||


***NOTES:
#9 Konj. Ś1: -dhī svasamaṅgasamut-; Ś3: -dhī susamaṅgasamut-; N|Ed: -dhī ha samam aṅga;
N17: -nidhe si samam aṅga samut-
#10 N17: -u(ā)dya-
---------------------------------------------------------

sargāntaślokena śrīvālmīkiḥ bhāradvājam praty āha

ity uktavaty atha munau divaso jagāma sāyantanāya vidhaye 'stam ino jagāma /
snātuṃ sabhā kṛtanamaskaraṇā jagāma śyāmākṣaye ravikaraiś ca sahājagāma {#11} // Mo_4,13.20 //


gatārtho 'yaṃ ślokaḥ | iti śivam || MoṬ_4,13.20 ||


***NOTES:
#11 N17: -jag[ā]ma
---------------------------------------------------------

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe trayodaśaḥ sargaḥ ||13||



*********************************************************************


atha kālabhṛgū devau mandarācalakandarāt /
gantum pravṛttāv avanau samaṅgāsaritas taṭam // Mo_4,14.1 //


spaṣṭam || MoṬ_4,14.1 ||


tau śailād avarohantau dṛṣṭavantau mahādyutī /
navahemalatājālakuñjasuptān nabhaścarān // Mo_4,14.2 //


dṛṣṭavantau dadṛśatuḥ || MoṬ_4,14.2 ||

anyat kiṃ dṛṣṭavantāv ity apekṣāyām āha

vallīvalayadolābhiḥ krīḍantīr gaganāṅganāḥ {#1} /
hariṇīmugdhamugdhākṣiprekṣitasmāritotpalāḥ // Mo_4,14.3 //


gaganāṅganāḥ apsarasaḥ || MoṬ_4,14.3 ||


***NOTES:
#1 N17: -ntī[r]
---------------------------------------------------------


siṃhān adhyāsitottuṅgaśilāśakalaviṣṭarā {#2} /
dhṛtākārān ivotsāhān helādṛṣṭajagattrayān {#3} // Mo_4,14.4 //


siṃhān dṛṣṭavantāv iti sambandhaḥ | siṃhān kān iva | dhṛtākārān mūrtimataḥ | utsāhān udyogān | iva || MoṬ_4,14.4 ||


***NOTES:
#2 N17: -tot[t]uṅga-
#3 N17: -rāni<l>[v]otsā-
---------------------------------------------------------


tālottālalatānyastahastān hastighaṭāpatīn /
madāvalepanidrālūn madān mūrtim ivāsthitān // Mo_4,14.5 //


spaṣṭam || MoṬ_4,14.5 ||


puṣpakesararaktāṅgapavanāruṇavāladhīn /
cañcalāṃś camarāṃś cāru bhūbhṛnmaṅgalacālitān {#4} // Mo_4,14.6 //


cāru samyak | bhūbhṛdbhiḥ maṅgalārthaṃ cālitān bhūbhṛnmaṅgalacālitān || MoṬ_4,14.6 ||


***NOTES:
#4 N17: c<ā>[a]ma-
---------------------------------------------------------


kṛtājasrapatatpuṣpadhārāsāranimajjanān /
bhramarān sarjakharjūraśākhāśaraṇatāṃ gatān {#5} // Mo_4,14.7 //


sarjā vṛkṣaviśeṣāḥ || MoṬ_4,14.7 ||


***NOTES:
#5 N17: sa<jra(ṃ)>[rja]-
---------------------------------------------------------


parasparaphalāghātakṣveḍāvijitakīcakān /
dhātupāṭalasadvaktrān markaṭān aṭanotkaṭān // Mo_4,14.8 //


parasparam phalaiḥ yaḥ āghātaḥ tāḍanam | tena yāḥ kṣveḍāḥ siṃhanādāḥ {#6} | tābhiḥ vijitāḥ | kīcakāḥ saśabdaveṇavaḥ | yaiḥ | tān | aṭanenotplavanenotkaṭān || MoṬ_4,14.8 ||


***NOTES:
#6 N17: kṣve(gā)*ḍā*ḥ
---------------------------------------------------------


latāvitānasañchannasānūpavanamandirān /
siddhān amaranārībhir mandārakusumāhatān {#7} // Mo_4,14.9 //


vitānam samūhaḥ || MoṬ_4,14.9 ||


***NOTES:
#7 N17: ama*ra*nā-
---------------------------------------------------------


dhātupāṭalanirvāripayodapaṭasaṃvṛtān {#8} /
taṭān ajanasaṃsargān bauddhān pravrājitān iva // Mo_4,14.10 //


dhātupāṭalāḥ ca te nirvārayaś ca | tādṛśāś ca te payodāḥ | te eva paṭāḥ | taiḥ saṃvṛtān | taṭān giritaṭān | pravrājitān pravrajyām āśritān | viraktān ity arthaḥ | pravrājitāḥ bauddhāḥ hi pāṭalapaṭāvṛtāḥ janasaṃsargarahitāś ca bhavanti || MoṬ_4,14.10 ||


***NOTES:
#8 N17: -nirvā(pa)ri-
---------------------------------------------------------


saritaḥ kundamandārapinaddhalaharīghaṭāḥ /
sāgarotkatayevāttamadhumāsaprasādhanāḥ {#9} // Mo_4,14.11 //


āttam gṛhītam | madhumāsasya prasādhanam kundādirūpam bhūṣaṇam | yābhis | tāḥ | patyau utkaṇṭhitā strī hi prasādhanaṃ gṛhṇāti || MoṬ_4,14.11 ||


***NOTES:
#9 N17: -vā(ttu)*tta*ma-
---------------------------------------------------------


puṣpabhārapinaddhāṅgān vṛkṣān pavanakampitān /
kṣīvān iva madhuprāptau ghūrṇanmadhukarekṣaṇān // Mo_4,14.12 //


ghūrṇantaḥ madhukarā eva īkṣaṇāni yeṣām / tān || MoṬ_4,14.12 ||


śailarājaśriyaṃ sphītām paśyantau tāv itas tataḥ /
prāptavantau vasumatīm purapattanamaṇḍitām // Mo_4,14.13 //


spaṣṭam || MoṬ_4,14.13 ||


kṣaṇād avāpatus tatra puṣpalolataraṅgiṇīm /
samaṅgāṃ saritaṃ sādhū sarvapuṣpamayīm iva // Mo_4,14.14 //


sādhū sādhutvayuktau || MoṬ_4,14.14 ||


dadarśātha taṭe tasyāḥ kasmiṃścit tanayam bhṛguḥ /
dehāntaraparāvṛttam bhāvam anyam upāgatam // Mo_4,14.15 //


dehāntare anyasmin dehe | parāvṛttam parāvṛttyā viniścayena sthitam {#10} | ata eva anyam bhāvam
anyat svarūpam | upāgatam || MoṬ_4,14.15 ||

***NOTES:
#10 N17: -ni<->[śca]ye-
---------------------------------------------------------


śāntendriyaṃ samādhistham acañcalamanomṛgam {#11} /
sucirād iva viśrāntaṃ suciraṃ śramaśāntaye // Mo_4,14.16 //


spaṣṭam || MoṬ_4,14.16 ||


***NOTES:
#11 N17: śā[n]ten-
---------------------------------------------------------


cintayantam ivānantāś cirabhuktāś cirojjhitāḥ /
saṃsārasāgaragatīr harṣaśokanirantarāḥ {#12} // Mo_4,14.17 //


harṣaśokanirantarāḥ harṣaśokabhāritāḥ || MoṬ_4,14.17 ||


***NOTES:
#12 N17: -gatī[r]
---------------------------------------------------------


nūnaṃ niścalatāṃ yātam atibhramitacakravat {#13} /
anantajagadāvartavivartātiśayād iva // Mo_4,14.18 //


tanayaṃ kathambhūtam | anantā ye jagadrūpā āvartavivartāḥ āvartapariṇāmāḥ | teṣāṃ yaḥ atiśayaḥ | tasmād dhetubhūtāt | atibhramitacakravat niścalatāṃ yātam iva gatam iva | tadantaḥsthamanasaḥ vegabāhulyād iyam uktiḥ {#14}{#15} | atibhramitasya cakrasya cañcalyarahitābhāsaḥ sarvapratyakṣa eva
|| MoṬ_4,14.18 ||


***NOTES:
#13 N17: -ca<ndra>[kra]vat
#14 N17: -anta[ḥ]stha-
#15 N17: -bāh<valpād>[ulyād]
---------------------------------------------------------


ekāntasaṃsthitaṃ kāntaṃ kāntyaikākinam āśritam /
upaśāntehitaṃ tyaktacittasambhramasaṅgamam // Mo_4,14.19 //


kāntyā ekākinam ekakam evāśritam | tādṛśī kāntiḥ dvitīyasya nāsīd ity arthaḥ | īhitam bāhyaceṣṭā {#16}
|| MoṬ_4,14.19 ||


***NOTES:
#16 N17: -bā(hva)*hya*-
---------------------------------------------------------


nirvikalpasamādhisthaṃ virataṃ dvandvavṛttitaḥ /
hasantam akhilā lokagatīḥ śītalayā dhiyā // Mo_4,14.20 //


spaṣṭam || MoṬ_4,14.20 ||


viditākhilavṛttāntaṃ vigatāśeṣakautukam /
nirastakalpanājālam ālambitamahāpadam {#17} // Mo_4,14.21 //


spaṣṭam || MoṬ_4,14.21 ||


***NOTES:
#17 N17: -lam<bh>[b]ita-
---------------------------------------------------------


anantaviśrāntitate pade viśrāntam ātmani /
pratibimbam agṛhṇantaṃ sitam maṇim iva sthitam // Mo_4,14.22 //


anantyaviśrāntyā tate vyāpte | ātmani ātmākhye | pratibimbam sukhaduḥkhādirūpam pratibimbam
|| MoṬ_4,14.22 ||


heyopādeyasaṅkalpavikalpābhyāṃ samujjhitam /
suprabuddhamatiṃ dhīraṃ dadarśa tanayam bhṛguḥ // Mo_4,14.23 //


{#18} heyopādeyasaṅkalpavikalpābhyāṃ samujjhitam sarvatropekṣā param eveti bhāvaḥ | atra hetum āha suprabuddham iti | suprabuddhatvād eva heyopādeyatvasaṅkalpavikalpābhyāṃ samujjhitam ity arthaḥ || MoṬ_4,14.23 ||


***NOTES:
#18 N17: (tam ālokya bhṛgoḥ putraṃ kālo bhṛgum uvāca ha)
---------------------------------------------------------


tam ālokya bhṛgoḥ putraṃ kālo bhṛgum uvāca ha /
vākyam abdhidhvaninibhaṃ tava putras tv asāv iti // Mo_4,14.24 //


spaṣṭam {#19} || MoṬ_4,14.24 ||


***NOTES:
#19 N17: -ṣṭa[m]
---------------------------------------------------------


vibudhyatām iti girā samādher virarāma saḥ /
bhārgavo 'mbhodaghoṣeṇa śanair iva śikhaṇḍabhṛt {#20} // Mo_4,14.25 //


vibudhyatām iti girā kāloktayā vibudhyatām iti girā || MoṬ_4,14.25 ||


***NOTES:
#20 N17: 'm<b>[bh]oda-
---------------------------------------------------------


unmīlya netre so 'paśyad agre kālabhṛgū prabhū {#21} /
samodayāv ivāyātau devau śaśidivākarau // Mo_4,14.26 //


spaṣṭam || MoṬ_4,14.26 ||


***NOTES:
#21 N17: prabh<u>[ū]
---------------------------------------------------------


kadambalatikāpīṭhād athotthāya nanāma tau /
samaṃ samāgatau kāntau viprau hariharāv iva // Mo_4,14.27 //


kālasyāpi viprarūpadhāritvād viprāv ity uktiḥ || MoṬ_4,14.27 ||


mithaḥ kṛtasamācārāḥ śilāyāṃ samupāviśan /
merupṛṣṭhe jagatpūjyā brahmaviṣṇuharā iva // Mo_4,14.28 //


te traya iti śeṣaḥ || MoṬ_4,14.28 ||


atha śāntatapā nāma sa samaṅgātaṭe dvijaḥ /
tāv uvāca vacaḥ śāntam amṛtasyandasundaram // Mo_4,14.29 //


spaṣṭam || MoṬ_4,14.29 ||


bhavator darśanenāham adya nirvṛtim āgataḥ {#22}{#23} /
samam āgatayor lokaṃ śītaloṣṇarucor iva {#24} // Mo_4,14.30 //


spaṣṭam || MoṬ_4,14.30 ||


***NOTES:
#22 N17: -to[r]
#23 N17: -v<i>[ṛ]tim
#24 N17: lo<rlā>kaṃ
---------------------------------------------------------


yo na śāstrair na tapasā na jñānena na vidyayā /
vinaṣṭo me manomohaḥ kṣīṇo 'sau darśanena vām {#25} // Mo_4,14.31 //


spaṣṭam || MoṬ_4,14.31||


***NOTES:
#25 N17: -ha[ḥ]
---------------------------------------------------------

na tathā sukhayanty antar nirmalāmṛtavṛṣṭayaḥ /
yathā praharṣayanty etā mahatām eva dṛṣṭayaḥ // Mo_4,14.32 //


dṛṣṭayaḥ dṛṣṭipātāḥ || MoṬ_4,14.32 ||


caraṇābhyām imaṃ deśam bhavantau bhūritejasau {#26} /
kau pavitritavantau naḥ śaśāṅkārkāv ivāmbaram // Mo_4,14.33 //


spaṣṭam || MoṬ_4,14.33 ||


***NOTES:
#26 N17: -va[n]tau
---------------------------------------------------------


ity uktavantam provāca bhṛgur janmāntarātmajam /
smarātmānam prabuddho 'si nājño 'sīti raghūdvaha // Mo_4,14.34 //


ajñasya janmāntarasmṛtir na yukteti nājño 'sīti kathanam || MoṬ_4,14.34||


prabodhito 'sau bhṛguṇā janmāntaradaśā nijāḥ /
muhūrtamātraṃ sasmāra dhyānonmīlitalocanaḥ // Mo_4,14.35 //


spaṣṭam || MoṬ_4,14.35 ||


athāsau vismayasmeramukho muditamānasaḥ /
vitarkamantharāṃ vācam uvāca vadatāṃ varaḥ // Mo_4,14.36 //


vitarkamantharām vitarkabharitām || MoṬ_4,14.36 ||


jayaty aviratārambhā niyatiḥ paramātmanaḥ /
yadvaśād idam ābhogi jagaccakraṃ vivartate // Mo_4,14.37 //


vivartate pariṇamate || MoṬ_4,14.37 ||


mamānantāny atītāni janmāny aviditāni ha /
tāni tāntadaśāḍhyāni saṃsmṛtāny ucitāni ca // Mo_4,14.38 //


tāntadaśāḍhyāni glānidaśāyuktāni || MoṬ_4,14.38 ||


bhuktāni bahukāryāṇi vicitravibhavāny ati /
daśāphalāny anantāni kalpāntakalitāni ca // Mo_4,14.39 //


kalpāntakalitāni pralayayuktāni || MoṬ_4,14.39 ||


dṛṣṭāḥ kaṭhinasaṃrambhā vibhavopārjanabhramāḥ {#27} /
vihṛtaṃ vītaśokāsu ciram merusthalīṣu ca // Mo_4,14.40 //


spaṣṭam || MoṬ_4,14.40 ||


***NOTES:
#27 Ś1,Ś3: -opārjana-; N17: -opālana-
---------------------------------------------------------


pītam āmodi mandārakusumāruṇitam payaḥ {#28} /
mandākinyāḥ sakalhāraṃ taṭeṣv amarabhūbhṛtaḥ // Mo_4,14.41 //


amarabhūbhṛtaḥ sumeroḥ || MoṬ_4,14.41 ||


***NOTES:
#28 N17: -ku(su)mā-
---------------------------------------------------------


bhrāntaṃ santānakuñjeṣu phullahemalatāliṣu /
merau kalpatarucchāyāpuṣpasundarasānuṣu // Mo_4,14.42 //


spaṣṭam || MoṬ_4,14.42 ||


na tad asti na yad bhuktaṃ na tad asti na yat kṛtam /
na tad asti na yad dṛṣṭam iṣṭāniṣṭāsu dṛṣṭiṣu // Mo_4,14.43 //


dṛṣṭiṣu saṃsāradṛṣṭiṣu || MoṬ_4,14.43 ||


jñātaṃ jñātavyam adhunā dṛṣṭaṃ draṣṭavyam akṣatam /
viśrānto (smi ciraśrānto gato me sakalo bhramaḥ // Mo_4,14.44 //


spaṣṭam || MoṬ_4,14.44 ||

uttiṣṭha tāta gacchāmaḥ paśyāmo mandarasthitām {#29} /
tāṃ tanuṃ tāvad āśuṣkāṃ śuṣkāṃ vanalatām iva // Mo_4,14.45 //


spaṣṭam || MoṬ_4,14.45 ||


***NOTES:
#29 N17: -tiṣṭh(e)a t(i)ā-
---------------------------------------------------------


nāsamīhitam astīha na samīhitam asti me /
niyate racanāṃ draṣṭuṃ kevalaṃ viharāmy aham // Mo_4,14.46 //


kṛtakṛtyatvād iti bhāvaḥ || MoṬ_4,14.46 ||

sargāntaślokena svavākyaṃ samāpayati

kim iti subhagam āryasevitaṃ tat sthiram anuyāmi madekabhāvabuddhyā /
tad alam abhimatāmatair mamāstu prakṛtam imaṃ vyavahāram ācarāmi // Mo_4,14.47 //


subhagam ramyam | ata evāryasevitam mahātmabhiḥ juṣṭam | sthiraṃ tat vastu | kim iti na kiñcid
bhavatīty arthaḥ | tat kim | yat aham madekabhāvabuddhyā mamedam ity ekabhāvayuktayā buddhyā | anuyāmi tadāsakto bhavāmīti yāvat | tat tato hetoḥ | mama abhimatāmataiḥ iṣṭāniṣṭaiḥ vastubhiḥ | alam | naite mamopādeyatvena heyatvena vā sthitā iti bhāvaḥ | ataḥ etat astu | eteṣām āsādanena mama kā hānir iti bhāvaḥ | punaḥ tvaṃ kiṃ karoṣīty | atrāha prakṛtam iti | aham amum pravāhāgatam prakṛtam pūrvadehagamanākhyaṃ | vyavahāram ācarāmi | tathā ca na mama kartṛtvākartṛtvākhyadoṣāpāta iti bhāvaḥ || iti śivam {#30}{#31} || MoṬ_4,14.47 ||


***NOTES:
#30 N17: ka<t>[r]tṛtvā-
#31 N17: (iti bhāvaḥ) [iti śivam]
---------------------------------------------------------


iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe caturdaśaḥ sargaḥ ||14||









*********************************************************************



oṃ | śrīvasiṣṭhaḥ śrīrāmam praty āha

vicārayantas tattvajñā iti te jāgatīr gatīḥ /
samaṅgāyās taṭāt tasmāt praceluś cañcalāṃśavaḥ // Mo_4,15.1 //


jāgatīḥ jagatsambandhinīḥ | gatīḥ racanāḥ || MoṬ_4,15.1 ||



kramād ākāśam ākramya nirgatyāmbudakoṭaraiḥ /
samprāpuḥ siddhamārgeṇa mandaraṃ hemakandaram // Mo_4,15.2 //


koṭarair iti | koṭarebhyaḥ ity asyārthe || MoṬ_4,15.2 ||


adhityakāyāṃ tasyādrer ārdraparṇāvaguṇṭhitām /
dadarśa bhārgavaḥ śuṣkām pūrvajanmodbhavāṃ tanum // Mo_4,15.3 //


spaṣṭam || MoṬ_4,15.3 ||



uvāca cedaṃ he tāta tanvī tanur iyaṃ hi sā /
yā tvayā sukhasambhogaiḥ purā samabhilālitā // Mo_4,15.4 //


spaṣṭam || MoṬ_4,15.4 ||



iyaṃ sā mattanur yasyā mandārakusumotkaraiḥ /
racitāḥ śītalāḥ śayyā merūpavanabhūmiṣu // Mo_4,15.5 //


sā iti | na tv anyā || MoṬ_4,15.5 ||



iyaṃ sā mattanur mattadevastrīgaṇalālitā /
sarīsṛpamukhakṣuṇṇā paśya śete dharātale // Mo_4,15.6 //


spaṣṭam || MoṬ_4,15.6 ||



nandanodyānaṣaṇḍeṣu mama tanvā yayānayā /
ciraṃ vilasitaṃ seyaṃ śuṣkakaṅkālatāṃ gatā // Mo_4,15.7 //


vilasitam iti bhāve ktaḥ || MoṬ_4,15.7 ||



surāṅganāṅgasaṃsaṅgād uttuṅgānaṅgaraṅgayā {#1} /
cetovṛttyā rahitayā tanveha mama śuṣyate // Mo_4,15.8 //


śuṣyate bhāve lakāraḥ || MoṬ_4,15.8 ||


***NOTES:
#1 Ś1,Ś3: uttuṅgā-; N17: uṅgā-
---------------------------------------------------------


teṣu teṣu vilāseṣu tāsu tāsu daśāsu ca /
tathā tā bhāvanā baddhvā kathaṃ svastho 'si dehaka // Mo_4,15.9 //


tāḥ bhāvanāḥ surastrīviṣayāḥ | svastho 'si cañcalatārahitatvāt | anukampito dehaḥ dehakaḥ | tasyāmantraṇaṃ dehaketi || MoṬ_4,15.9 ||



hā tano kvāvabhagnāsi tāpasaṃśoṣam āgatā /
karaṅkatām prayātāsi mām bhāvayasi durbhage // Mo_4,15.10 //


karaṅkatām kaṅkalatām | he durbhage tano | tvam mām bhāvayasi kiṃ smarasi | atisnehākulatvād iyam uktiḥ || MoṬ_4,15.10 ||



dehenāhaṃ vilāseṣu yenaiva mudito 'bhavam /
kaṅkalatām upagatāt tasmād eva bibhemy aham // Mo_4,15.11 //


yena dehenāhaṃ vilāseṣu muditaḥ abhavam | kaṅkalatām upagatāt tasmād eva dehāt | aham bibhemi || MoṬ_4,15.11 ||



tārājālasamākāro yatra hāro 'bhavat purā /
mamorasi nilīyante paśya tatra pipīlakāḥ {#2} // Mo_4,15.12 //


nilīyante laganti {#3} || MoṬ_4,15.12 ||


***NOTES:
#2 N17: -ya<t>[n]te
#3 N17: -yaṃnt(ī)*e* (gala)*laga*-
---------------------------------------------------------


dravatkāñcanakāntena lobhaṃ nītā varāṅganāḥ /
yena madvapuṣā tena paśya kaṅkalatohyate // Mo_4,15.13 //


uhyate dhāryate || MoṬ_4,15.13 ||



paśya me vitatāsyena tāpasaṃśuṣkakṛttinā {#4} /
matkaṅkālakuvaktreṇa vitrāsyante vane mṛgāḥ // Mo_4,15.14 //


vitrāsyante vikārayuktatvena trāsayuktāḥ kriyante || MoṬ_4,15.14 ||


***NOTES:
#4 N17: -śy<e>[a]
---------------------------------------------------------


paśyātisaṃśuṣkatayā śavodaradarī mama /
prakāśārkāṃśujālena vivekeneva śobhate // Mo_4,15.15 //


śavodaram mṛtaśarīrodaram eva darī || MoṬ_4,15.15 ||



mattanuḥ pariśuṣkeyaṃ sthitottānā vanāvanau /
vairāgyaṃ nayatīvātmatucchatvenāmbarasthitān // Mo_4,15.16 //


ambarasthitān devān || MoṬ_4,15.16 ||



śabdarūparasasparśagandhalobhavimuktayā /
nirvikalpasamādhyeva mama tanvoṣyate girau // Mo_4,15.17 //


mama tanvā kathambhūtayā | nirvikalpe vikalpaniṣkrānte cinmātre | samādhiḥ yasyāḥ | sā | tādṛśyā || MoṬ_4,15.17 ||



saṃśānte cittavetāle yām ānandakalāṃ tanuḥ /
yāti tām api rājyena jāgatena na gacchati // Mo_4,15.18 //


jāgatena jagatsambandhinā || MoṬ_4,15.18 ||



paśya viśrāntasarvehaṃ vigatāśeṣakautukam /
nirastakalpanājālaṃ sukhaṃ śete kalevaram // Mo_4,15.19 //


spaṣṭam || MoṬ_4,15.19 ||



cittamarkaṭasaṃrambhasaṅkṣubdhaḥ kāyapādapaḥ /
tathā vegena calati yathā mūlāni kṛntati // Mo_4,15.20 //


mūlakṛntanam vyāvahārikakṣobharūpaṃ jñeyam || MoṬ_4,15.20 ||



cittānarthavimukto 'sau gajābhraharivibhramam /
nāyam paśyati me dehaḥ parānanda iva sthitaḥ // Mo_4,15.21 //


gajābhraharīṇām gajameghasiṃhānām {#5} | vibhramam vilāsam | cāñcalyam iti yāvat | na paśyati nānubhavati || MoṬ_4,15.21 ||


***NOTES:
#5 N17: -gha<m>[s]iṃhā-
---------------------------------------------------------


sarvāśājvarasammohamihikāśaradāgamam /
acittatvaṃ vinā nānyac chreyaḥ paśyāmi jantuṣu {#6} // Mo_4,15.22 //


spaṣṭam || MoṬ_4,15.22 ||


***NOTES:
#6 N17: aci<n>[t]ta-
---------------------------------------------------------


ta eva sukhasambhogasīmāntaṃ samupāgatāḥ /
mahādhiyaḥ śāntadhiyo ye yātā vimanaskatām // Mo_4,15.23 //


spaṣṭam || MoṬ_4,15.23 ||



sarvaduḥkhadaśāmuktāṃ saṃśāntāṃ vigatajvarām /
diṣṭyā paśyāmy amananāṃ vane tanum imām aham // Mo_4,15.24 //


spaṣṭam || MoṬ_4,15.24 ||



atra śrīrāmaḥ pṛcchati

bhagavan sarvadharmajña bhārgaveṇa tadā kila /
subahūny upabhuktāni śarīrāṇi punaḥ punaḥ // Mo_4,15.25 //


bhṛguṇotpādite kāye tat tasmiṃs tasya kim mune /
mahān atiśayo jātaḥ paridevanam eva vā // Mo_4,15.26 //


atiśayaḥ atiśayajñānam || MoṬ_4,15.25-26 ||



śrīvasiṣṭha uttaraṃ kathayati

śukrasya kalanā rāma yāsau jīvadaśāṃ gatā /
karmātmikā samutpannā bhṛgor bhārgavarūpiṇī {#7} // Mo_4,15.27 //


kalanā śukrajīvaprādurbhāvakārī samvidākhyaḥ spandaḥ | śukrasya jīvadaśām śukrasambandhijīvāvasthām | bhṛgor iti pañcamī | seti śeṣaḥ || MoṬ_4,15.27 ||


***NOTES:
#7 N17: -go[r]
---------------------------------------------------------


sā hīdamprathamatvena sametya paramāt padāt /
bhūtākāśapadam prāpya vātavyāvalitā satī // Mo_4,15.28 //


prāṇāpānapravāheṇa praviśya hṛdayam bhṛgoḥ /
krameṇa vīryatām etya sampannauśanasī tanuḥ // Mo_4,15.29 //


idamprathamatvena tatpūrvatvena | sametya samyak utthāya | auśanasī tanuḥ śukraśarīrarūpā | yugmam || MoṬ_4,15.28-29||



vihitabrāhmasaṃskārā tataḥ sā pitur agragā /
kālena mahatā prāptā śuṣkakaṅkālarūpatām // Mo_4,15.30 //

spaṣṭam || MoṬ_4,15.30 ||



idamprathamam āyātā yadā sā brahmaṇas {#9} tanuḥ {#8} /
atas tām prati śukreṇa tadā tat paridevitam // Mo_4,15.31 //

idamprathamam tatpūrvam {#10} | tat paridevitam tādṛśam paridevanaṃ kṛtam {#11} || MoṬ_4,15.31 ||


***NOTES:
#8 N17: -ma<ṃ>m
#9 Ś1,Ś3: brahma-; N17: brāhma-
#10 N17: -[r]vam
#11 N17: (vī)tā-
---------------------------------------------------------


vītarāgo 'py aniccho 'pi samaṅgāviprarūpavān /
svāṃ śuśoca tanuṃ śukraḥ svabhāvo hy eṣa dehajaḥ // Mo_4,15.32 //


spaṣṭam || MoṬ_4,15.32 ||



kiṃ tu pradarśitaṃ tena śokavyājena dhīmatām /
vairāgyapratipattyai tat pṛthaktvaṃ dehadehinoḥ {#12} // Mo_4,15.33 //


kiṃ tv iti pakṣāntare | tathā ca paropakārārtham eva śukreṇa paridevanaṃ kṛtam iti bhāvaḥ {#13} || MoṬ_4,15.33 ||


***NOTES:
#12 N17: ta[t]
#13 N17: pari<veda>[deva]-
---------------------------------------------------------


jñasyājñasya ca dehasya yāvajjīvam ayaṃ kramaḥ /
lokavad vyavahāro yat saktyāsaktyātha vā sadā // Mo_4,15.34 //


atha vā pakṣāntare | dehasya vyavahāraḥ iti sambandhaḥ | yad vā lakṣaṇayā | dehasya dehina ity arthaḥ | tathā ca jñasya dehasyājñasya vā dehasyety arthaḥ | jñasyāsaktyā ajñasya saktyeti kramo jñeyaḥ || MoṬ_4,15.34 ||



ye parijñātagatayo ye cājñāḥ paśudharmiṇaḥ /
lokasaṃvyavahāreṣu te sthitā vanajālavat // Mo_4,15.35 //


vanajālam sthitatvamātre upamānaṃ jñeyam || MoṬ_4,15.35 ||



vyavahārī yathaivājñas tathaiva kila paṇḍitaḥ /
vāsanāmātrabhedo 'tra kāraṇam bandhamokṣayoḥ // Mo_4,15.36 //


vāsanāmātrabhedaḥ śuddhatvāśuddhatvena jñeyaḥ || MoṬ_4,15.36 ||



yāvac charīraṃ tāvad dhi duḥkhe duḥkhaṃ sukhe sukham /
asaṃsaktadhiyo dhīrā darśayanty aprabuddhavat // Mo_4,15.37 //


darśayanti anyān prati darśayanti | na tu svayam paśyanti || MoṬ_4,15.37 ||



sukheṣu sukhitā nityaṃ duḥkhitā duḥkhavṛttiṣu {#14} /
mahātmāno hi dṛśyante nūnam antas tu śītalāḥ // Mo_4,15.38 //


śītalāḥ sukhaduḥkhakṛtakṣobharahitāḥ || MoṬ_4,15.38 ||


***NOTES:
#14 Ś1,Ś3: sukhi-; N17: sukha-
---------------------------------------------------------


stambhasya pratibimbāni kṣubhyanti na vapuḥ sthiram {#15} /
jñasya karmendriyāṇy eva kṣubhyanti na manaḥ sthiram // Mo_4,15.39 //


sthiraṃ vapuḥ dṛḍhaṃ stambhākhyaṃ svarūpam | kṣubhyantīty antargataṇic | kau prayogau | te na kṣobhayantīty arthaḥ {#16} | karmendriyāṇy upalabdhyākhyakarmakārīṇi jñānendriyāṇīty arthaḥ || MoṬ_4,15.39 ||


***NOTES:
#15 N17: [s]tambha-
#16 N17: -ya[n]tī-
---------------------------------------------------------


calācalatayā tajjño lokavṛttiṣu tiṣṭhati {#17} /
adhaḥsthitir iva svaccham pratibimbeṣu {#19} bhāskaraḥ {#18} // Mo_4,15.40 //


calācalatayā atyantacāñcalyena | bhāskaraḥ kathambhūtaḥ | adhaḥ adhodeśe | sthitiḥ avasthānaṃ yasya | saḥ || MoṬ_4,15.40 ||


***NOTES:
#17 N17: ta[j]jño
#18 N17: adha[ḥ]-
#19 Ś1: svaccham pra-; Ś3,N17: svacchapra-
---------------------------------------------------------


santyaktalokakarmāpi baddha evāprabuddhadhīḥ /
atyaktamohalīlo 'pi mukta eva prabuddhadhīḥ // Mo_4,15.41 //


prabuddhadhītvāprabuddhadhītvayor evātra bandhamokṣau prati kāraṇatvam iti bhāvaḥ || MoṬ_4,15.41 ||



muktabuddhīndriyo mukto baddhakarmendriyo 'pi hi /
baddhabuddhīndriyo baddho muktakarmendriyo 'pi hi {#20} // Mo_4,15.42 //


hiśabdaḥ prasiddhau || MoṬ_4,15.42 ||


***NOTES:
#20 N17: b<u>[a]ddhabuddhī-
---------------------------------------------------------


sukhaduḥkhadṛśor loke bandhamokṣadṛśos tathā /
hetur buddhīndriyāṇy eva tejāṃsīva prakāśane // Mo_4,15.43 //


prakāśane arthaprakaṭatākaraṇe || MoṬ_4,15.43 ||



bahir lokocitācāras tv antar ācāravarjitaḥ /
samo 'sann iva tiṣṭha tvaṃ saṃśāntasakalaiṣaṇaḥ // Mo_4,15.44 //


antaḥ manasi || MoṬ_4,15.44 ||



sarvaiṣaṇāvimuktena svātmanātmani tiṣṭhatā /
kuru karmāṇi kāryāṇi nūnaṃ sāmanasi sthitiḥ // Mo_4,15.45 //


he rāma | tvam | sarvaiṣaṇāvimuktena | ata eva ātmani na tu anātmarūpeṣu viṣayeṣu | tiṣṭhatā ātmanā manasā | kāryāṇi niyatāni | karmāṇi kuru | nūnaṃ niścayena | sā amanasi sthitiḥ manasi sthitiḥ na bhavati || MoṬ_4,15.45 ||



ādhivyādhimahāvarte garte saṃsāravartmani /
mamatogrāndhakūpe 'smin mā patātapadāyini // Mo_4,15.46 //


mamatogrāndhakūpe kathambhūte | saṃsāravartmani saṃsārarūpe mārge | garte gartatayā sthite || MoṬ_4,15.46 ||



na tvam bhāveṣu no bhāvās tvayi tāmarasekṣaṇa /
śuddhabuddhasvabhāvas tvam ātmasaṃsthaḥ sthiro bhava // Mo_4,15.47 //


tvam sākṣibhūtaśuddhacinmātrarūpaḥ tvam | ātmasaṃsthaḥ śuddhabuddhasvabhāvasvātmaparaḥ {#21} | na tu dehādiparaḥ || MoṬ_4,15.47 ||


***NOTES:
#21 N17: -r(ā)aḥ
---------------------------------------------------------


sargāntaślokenottaraṃ samāpayati

vyapagatamamatāmahāndhakāram padam amalaṃ vigataiṣaṇaṃ sametya /
prabhavasi yadi cetaso mahātmaṃs tad atidhiye mahate sate namas te // Mo_4,15.48 //


vyapagatam mamatārūpam mahāndhakāram yasya | tat | tādṛśam | ata evāmalam vigataiṣaṇam tṛptatayā samastākāṅkṣārahitam | padam cinmātrākhyam padam | sametya svātmatvena vibhāvya | yadi cetasaḥ prabhavasi cetaḥ jetuṃ samartho bhavasi | he mahātman | tat tadā | te tubhyam | namaḥ astu | kathambhūtāya | atidhiye utkṛṣṭabuddhaye | mahate mahattvayuktāya | sate sanmātrasvarūpāya | iti śivam || MoṬ_4,15.48 ||




iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcadaśaḥ sargaḥ {#22} ||15||


***NOTES:
#22 N17: -ñca*da*<ṣṭā>[śa]ḥ
---------------------------------------------------------



*********************************************************************



athākṣipya vacas tasya tanayasya tadā bhṛgoḥ /
uvāca bhagavān kālo vaco gambhīraniḥsvanam // Mo_4,16.1 //


ākṣipya ākṣepaviṣayaṃ kṛtvā {#1} | bhṛgoḥ tanayasya śukrasya || MoṬ_4,16.1 ||


***NOTES:
#1 N17: <a>[ā]kṣip-
---------------------------------------------------------


kālaḥ kathayati

samaṅgātāpasīm etāṃ tanuṃ santyaja bhārgava {#2} /
praviśemāṃ tanuṃ sādho nagarīm iva pārthivaḥ // Mo_4,16.2 //


samaṅgātāpasīm samaṅgātāpasasambandhinīm || MoṬ_4,16.2 ||


***NOTES:
#2 N17: -t*ā*pa-
---------------------------------------------------------


kāle pūrvajayā tanvā tapaḥ kṛtvānayā punaḥ /
gurutvam asurendrāṇāṃ kartavyam bhavatānagha // Mo_4,16.3 //


spaṣṭam || MoṬ_4,16.3 ||



mahākalpānta āyāte bhavatā bhārgavī tanuḥ /
apunargrahaṇāyaiṣā tyājyā pramlānapuṣpavat // Mo_4,16.4 //


spaṣṭam || MoṬ_4,16.4 ||



jīvanmuktapadam prāptas tanvā prāktanarūpayā /
mahāsurendragurutāṃ kurvaṃs tiṣṭha mahāmate // Mo_4,16.5 //


prāktanarūpayā śukrākhyayā || MoṬ_4,16.5 ||



kalyāṇam astu vāṃ yāmo vayaṃ tv abhimatāṃ diśam /
na kiñcid api tac cittaṃ yasya nābhimatam bhavet // Mo_4,16.6 //


nanu kathaṃ tavāpy abhimatam astīty | atrāha na kiñcid iti | tat kiñcid api na bhavati | yasya cittasyābhimatam nāsti | ato mamāpi sacittatvād abhimatam astīti bhāvaḥ || MoṬ_4,16.6 ||



ity uktvā muñcatoḥ puṣpaṃ tayoḥ so 'ntaradhīyata {#3} /
taptāṃśur iva rodasyoḥ samam aṃśubhir aṃśumān // Mo_4,16.7 //


taptāṃśuḥ sūryaḥ | rodasyoḥ dyāvāpṛthivyoḥ || MoṬ_4,16.7 ||


***NOTES:
#3 N17: -to[ḥ]
---------------------------------------------------------


gate tasmin bhagavati tām uktvā bhavitavyatām /
vicārya bhārgavo 'bhedyāṃ niyatāṃ niyater gatim // Mo_4,16.8 //


kālakāraṇasaṃśuṣkām bhāvipuṣpaśubhodayām /
viveśa tāṃ tanum bālāṃ sulatām iva mādhavaḥ // Mo_4,16.9 //


abhedyām bhettum aśakyām | kālākhyaṃ yat kāraṇam | tena śuṣkām | mādhavaḥ vasantaḥ | lakṣaṇayā vāsantikaḥ rasaḥ | bhāvī puṣpavat śubhaḥ udayaḥ yasyāḥ | tām || MoṬ_4,16.8-9||



sā brāhmaṇatanur bhūmau vivarṇavad anaṅgikā /
papāta kampitā tūrṇam chinnamūlā latā yathā // Mo_4,16.10 //


brāhmaṇatanuḥ samaṅgātāpasatanuḥ || MoṬ_4,16.10 ||


tasyām praviṣṭajīvāyām putratanvām mahāmuniḥ /
cakārāpyāyanam mantraiḥ sakamaṇḍaluvāribhiḥ {#4} // Mo_4,16.11 //


āpyāyanam pūraṇam || MoṬ_4,16.11 ||


***NOTES:
#4 N17: -ṇḍa*lu*vā-
---------------------------------------------------------


sarvanāḍyaḥ tatas tanvyās tasyāḥ {#6} pūrṇā virejire {#5} /
saritaḥ prāvṛṣīvāmbupūrapūritakoṭarāḥ // Mo_4,16.12 //

spaṣṭam || MoṬ_4,16.12 ||


***NOTES:
#5 -ḍya(ta)s
#6 -sy*ā*ḥ
---------------------------------------------------------


nalinī prāvṛṣīvāsau madhāv iva navā latā /
yadā pūrṇā tadā tasyāḥ prāṇāḥ pallavitā babhuḥ {#7} // Mo_4,16.13 //


asau bhārgavatanuḥ | pūrṇā prāṇapūrṇā | tasyāḥ tanvāḥ {#8} | pallavitāḥ apānādirūpeṇocchūnāḥ || MoṬ_4,16.13 ||


***NOTES:
#7 N17: -ṇā[ḥ]
#8 N17: -nvā[ḥ]
---------------------------------------------------------


atha śukraḥ samuttasthau vahatprāṇasamīraṇaḥ /
rasamārutasaṃyogād āmūlam iva vāridaḥ // Mo_4,16.14 //


āmūlam mūlād ārabhya || MoṬ_4,16.14 ||



puro 'bhivādayām āsa pitaram pāvanākṛtiḥ /
prathamollāsito meghaḥ staniteneva parvatam // Mo_4,16.15 //


spaṣṭam || MoṬ_4,16.15 ||



pitātha prāktanīṃ tasyāpy āliliṅga tanuṃ tataḥ /
snehārdravṛttir jaladaś cirād giritaṭīm iva // Mo_4,16.16 //


spaṣṭam || MoṬ_4,16.16 ||



bhṛgur dadarśa sasneham prāktanīṃ tānayīṃ tanum /
matto jāto 'yam ity āsthā haraty api mahāmatim // Mo_4,16.17 //


tānayīm tanayasambandhinīm | nanu tādṛgjñānayuktena tena kathaṃ tānayī tanuḥ sasnehaṃ dṛṣṭety | atrāha matta iti || MoṬ_4,16.17 ||



matputro 'yam iti sneho bhṛgum apy aharat tadā /
paratātmīyatā ceyaṃ yāvadākṛti bhāvinī // Mo_4,16.18 //


paratā parabhāvaḥ | ātmīyatā ātmīyabhāvaḥ | yāvadākṛti yāvaccharīram | bhāvinī aparihāryā || MoṬ_4,16.18 ||



babhūvatuḥ pitāputrau tāv athānyo'nyaśobhitau /
niśāvasānamuditāv arkapadmākarāv iva // Mo_4,16.19 //


niśāvasāne prabhāte | muditau {#9} || MoṬ_4,16.19 ||


***NOTES:
#9 N17: -t<o>[au]
---------------------------------------------------------


atraivānyadṛṣṭāntadvayaṃ kathayati

cirasaṅgamasambaddhāv iva cakrāhvadampatī /
ghanāgamaghanasnehau mayūrajaladāv iva // Mo_4,16.20 //


cirakāladṛḍhotkaṇṭhayogyayā kathayā tayā /
sthitvā tatra muhūrtaṃ tāv athotthāya mahāmatī // Mo_4,16.21 //


samaṅgādvijadehaṃ tam bhasmasāt tatra cakratuḥ /
ko hi nāma jagajjāta ācāraṃ nānutiṣṭhati // Mo_4,16.22 //


ācāram lokācāram {#10} || MoṬ_4,16.20-22 ||


***NOTES:
#10 N17: (yugmam)
---------------------------------------------------------


evaṃ tau kānane tasmin pāvane bhṛgubhārgavau /
saṃsthitau tapasā dīptau divīva śaśibhāskarau {#11} // Mo_4,16.23 //


spaṣṭam || MoṬ_4,16.23 ||


***NOTES:
#11 N17: -v<e>[ī]va
---------------------------------------------------------


ceratur jñātavijñeyau jīvanmuktau jagadgurū /
deśakāladaśaugheṣu suśamaṃ susthiraṃ tapaḥ // Mo_4,16.24 //


tapaḥ kathambhūtam | śobhanaḥ śamaḥ yasmin | tat | tādṛśam || MoṬ_4,16.24 ||



athāsuragurutvaṃ sa śukraḥ kālena labdhavān /
bhṛgur apy ātmano yogye pade 'tiṣṭhad anāmaye // Mo_4,16.25 //


ātmanaḥ yogye pade videhamuktyākhye pade || MoṬ_4,16.25 ||



sargāntaślokena śukravṛttāntaṃ saṅkṣipya kathayati śukro 'sāv iti |
śukro 'sau prathamam iti krameṇa jāta etasmāt paramapadād udārakīrtiḥ /
svenāśu smṛtipadavibhrameṇa paścād evaṃ ca pravilulito daśāntareṣu // Mo_4,16.26 //


{#12}

etasmāt sarveṣām ātmatvena puro vartamānāt {#13} | paramapadāt cinmātrākhyāt uttamāt sthānāt | daśāntareṣu samaṅgātāpasatvaparyanteṣv avasthāviśeṣeṣu {#14} | iti śivam || MoṬ_4,16.26 ||


***NOTES:
#12 N17 om.: Vers 26. Text gemäß Ś1, Ś3.
#13 N17: et(ā)a-
#14 N17: -śe[ṣe]ṣu
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ṣoḍaśaḥ sargaḥ {#15} ||16||


***NOTES:
#15 N17 om.: sthitiprakaraṇe
---------------------------------------------------------



*********************************************************************



oṃ | śrīrāmaḥ pṛcchati

bhagavan bhṛguputrasya pratibhā sānubhūtitaḥ /
yathāsya saphalā jātā tathānyasya na kim bhavet // Mo_4,17.1 //


he bhagavan | asya samanantaroktena vṛttāntena varṇitasya {#1} | bhṛguputrasya | sā pratibhā tat nānāyonigamanarūpam pratibhānam | anubhūtitaḥ anubhavāt hetoḥ | saphalā arthakriyākhyaphalayuktā | jātā | anyathā hi bhṛgusambandhī svasambandhī vā samaṅgātāpasaviṣayo 'nubhavaḥ na yuktaḥ syāt iti bhāvaḥ | tathā tadvat | anyasya śukravyatiriktasya puruṣasya | sā pratibhā saphalā kim katham | na bhavet | na hi svapne pratibhātaṃ svasmin gajāditvam pratyakṣam anubhūyate || MoṬ_4,17.1 ||


***NOTES:
#1 N17: vṛt[t]ā-
---------------------------------------------------------


śrīvasiṣṭho 'trottaraṃ kathayati

idamprathamam utpannā sā tadā brahmaṇaḥ padāt /
śuddhā matir bhārgavasya nānyajanmakalaṅkitā // Mo_4,17.2 //


idamprathamam tatpūrvam | yataḥ bhārgavasya śukrasya | brahmaṇaḥ padāt sadyaḥ utthitatvāt {#2} | sā nānāyonipratibhānaviṣayā | buddhiḥ | śuddhā pūrvajanmavāsanānicayākaluṣitā | āsīt | tataḥ tasya sā nānāyonigamanarūpā pratibhā saphalā jātā | anye tu pūrvatamam utpannatvāt madhye nānājanmāntarotthavāsanājālakalaṅkitāḥ santaḥ na svapratibhānam pratyakṣam anubhavantīti bhāvaḥ {#3} || MoṬ_4,17.2 ||


***NOTES:
#2 N17: -tvā[t]
#3 N17: -tarot<->[tha]vā-
---------------------------------------------------------


nanv asyāḥ śuddhāyāḥ mateḥ svarūpaṃ kīdṛg astīty | atrāha sarvaiṣaṇānām iti {#4} |

sarvaiṣaṇānāṃ saṃśāntau śuddhā cittasya yā sthitiḥ /
tat sattvam ucyate saiṣā vimalā cid udāhṛtā // Mo_4,17.3 //

{#5}

sarvaiṣaṇānām nānābhogyajālaviṣayāṇāṃ samastānām icchānām {#6} | śāntau suṣuptyādiprabhāvena samyagjñānādinā vā śamane sati | cittasya manasaḥ | yā sthitiḥ yat avasthānam | asti | paṇḍitaiḥ tat sattvam ucyate | sā eva vimalā cit vimalā matiḥ | udāhṛtā | kiṃ ca iyam eva śuddhā matiḥ idamprathamam utpannasya ca bhavati jīvanmuktasya ca bhavati | idamprathamam utpannasya bāhyonmukhā | jīvanmuktasya tu tyajyamānabāhyeti viśeṣaḥ || MoṬ_4,17.3 ||


***NOTES:
#4 N17: sarv<e>[ai]-
#5 N17 om.: Vers 3. Text gemäß Ś1, Ś3 und pratīkas.
#6 N17: sarv<e>[ai]-
---------------------------------------------------------


viśeṣaṇenoktvā sāmānyena kathayati

mano nirmalasattvātma yad bhāvayati yādṛśam /
tat tathāśu bhavaty eva yathāvarto 'rṇave 'mbhasaḥ // Mo_4,17.4 //


nirmalasattvātma pūrvaślokoktanirmalasattvasvarūpam | manaḥ | yat yādṛśam yena prakāreṇa yuktam | bhāvayati anusandhānaviṣayatāṃ nayati | tat vastu | āśu tathā tena prakāreṇa yuktam | bhavati | tat vastu ka iva | āvartaḥ iva | yathā arṇave sthitaḥ ambhasaḥ āvartaḥ sadyaḥ anyaprakārayukto bhavati | tathety arthaḥ || MoṬ_4,17.4 ||



anena vṛttāntena siddhaṃ svamanīṣitaṃ kathayati

yathā bhṛgusutasyaiṣa vibhramaḥ proditaḥ svayam /
pratyekam apy evam eva dṛṣṭānto 'tra bhṛgoḥ sutaḥ // Mo_4,17.5 //

{#7}

yathā bhṛgusutasya eṣaḥ samanantaroktaḥ | vibhramaḥ nānāyonipratibhāsarūpo vibhramaḥ | svayam svabhāvena | proditaḥ prādurbhūtaḥ | evam eva tathaiva | pratyekam pratipuruṣam | udeti | sarve eva svamanaḥpratibhāsarūpam eva jagat paśyantīti bhāvaḥ | asyārthasya dṛḍhīkaraṇārtham punar api śukrasya dṛṣṭāntatvaṃ kathayati dṛṣṭānto 'treti || MoṬ_4,17.5 ||


***NOTES:
#7 N17: om. 5cd. Text gemäß Ś1, Ś3 und pratīkas.
---------------------------------------------------------

etad eva nānādṛṣṭāntaiḥ sugamaṃ karoti

bījasyāṅkurapattrādi svaṃ camatkurute yathā /
sarveṣām bhūtasaṅghānām bhramaṣaṇḍas tathaiva hi // Mo_4,17.6 //


yathā bījasya svam na tv anyabījasādhāraṇam | aṅkurapattrādi | camatkurute ucchūnatārūpam ānandaṃ karoti | hi niścaye | sarveṣām bhūtasaṅghānām bhūtasamūhānām | svaḥ ananyasādhāraṇaḥ bhramaṣaṇḍaḥ jagadrūpaḥ bhramaṣaṇḍaḥ | tathaiva camatkurute nānāsvādasaukhyaṃ karoti | sādhāraṇatvena bhāsamāno 'py ayaṃ saṃsāraḥ pratyekam bhinna eveti bhāvaḥ || MoṬ_4,17.6 ||



yad idaṃ dṛśyate viśvam evam evākhilaṃ hi tat /
pratyekam uditam mithyā mithyaivāstam upaiti ca // Mo_4,17.7 //


asmābhiḥ yad idaṃ viśvam saṃsāraḥ | dṛśyate anubhūyate | hi niścaye | evam evānena prakāreṇa | sthitam eva tat | akhilaṃ viśvam | mithyā pratyekam uditam udeti | vartamāne ktaḥ {#8} | mithyā evāstam upaiti ca paracitsvarūpatvena sarvadaiva tathaiva sthitatvāt | satyabhūtodayāstamayaviṣayatvāyogād iti bhāvaḥ {#9} || MoṬ_4,17.7 ||


***NOTES:
#8 Pāṇ 2.3.67: ktasya ca vartamāne
#9 N17: -ṣa*ya*tvā-
---------------------------------------------------------


nāstam eti na codeti jagat kiñcana kasyacit /
bhrāntimātram idam māyā mudhaiva parijṛmbhate // Mo_4,17.8 //


idam jagat | māyā māyārūpam || MoṬ_4,17.8 ||



yathāsmatpratibhāsasthaḥ so 'yaṃ saṃsāraṣaṇḍakaḥ /
tathā teṣāṃ sahasrāṇi mitho 'dṛṣṭāni santi hi // Mo_4,17.9 //


yathā asmatpratibhāsasthaḥ saḥ ayam sarvendriyātītacinmātrarūpatvenendriyātīto 'pi san idantayā sphuritaḥ saṃsāraṣaṇḍaḥ asti | tathā teṣām saṃsāraṣaṇḍānām | sahasrāṇi santi | nanu kathaṃ tāni na dṛśyante ity apekṣāyāṃ viśeṣaṇam āha mitho 'dṛṣṭānīti | mithaḥ anyo'nyam | adṛṣṭāni darśanaviṣayatāṃ na nītāni || MoṬ_4,17.9 ||



mitho'darśanadṛṣṭāntaṃ kathayati {#10}

svapnasaṅkalpanagaravyavahārāḥ parasparam /
pṛthag yathā na dṛśyante tathaite saṃsṛtibhramāḥ // Mo_4,17.10 //


yathā anyasya svapnādi anyo nānubhavati tathānyasya saṃsāram anyo nānubhavatīti {#12} piṇḍārthaḥ {#11} | nanu kathaṃ sargānām pratipuruṣam bhedaḥ iti cet | na | ekasminn eva vastuni puruṣabhedena heyatvopādeyatvadarśanāt {#13} || MoṬ_4,17.10 ||


***NOTES:
#10 N17: -rśana<ṃ*ta*>dṛ-
#11 N17: an<t>yo
#12 N17: -anyo<nyānu> [nānu]bha-
#13 N17: -tvopā(ye)deya-
---------------------------------------------------------


upasaṃhāraṃ karoti
evaṃ nagaravṛndāni nabhaḥsaṅkalparūpiṇām {#14} /
santi tāni na dṛśyante mitho jñānadṛśaṃ vinā // Mo_4,17.11 //


evaṃ sati | nabhasi yaḥ saṅkalpaḥ purādisaṅkalpaḥ | tadvat rūpaṃ yeṣām | tādṛśānāṃ nagarāṇāṃ vṛndāni samūhāḥ | santi | samāse upasarjanībhūtasya nagarapadasya viśeṣaṇadānam ārṣam {#15} | taiḥ nagaravṛndaiḥ tāni nagaravṛndāni | jñānadṛśaṃ vinā cinmātrajñānākhyāṃ dṛṣṭiṃ vinā {#16} | mithaḥ anyo'nyam | na dṛśyante nānubhūyante | jñānadṛśā tu dṛśyante eva | ata evāhaṃ tān paśyāmi tvaṃ na paśyasīti bhāvaḥ || MoṬ_4,17.11 ||


***NOTES:
#14 N17: -bha(sa)*ḥ*saṅ-
#15 N17: vi(ṣe)śe-
#16 N17: -nā(na)
---------------------------------------------------------


sarvaprasiddhānām piśācādīnām apy etadrūpatvaṃ kathayati

piśācayakṣarakṣāṃsi santy evaṃrūpakāṇi hi /
saṅkalpamātradehāni sukhaduḥkhamayāni ca // Mo_4,17.12 //


spaṣṭam || MoṬ_4,17.12 ||



svasminn apy etadrūpatvam evātidiśati

evam eva vayaṃ ceme sampannā raghunandana {#17} /
svasaṅkalpātmakākārā mithyāsatyatvabhāvitāḥ {#18} // Mo_4,17.13 //


mithyāsatyatve svasatyatāyām | bhāvitāḥ bhāvanāyuktāḥ || MoṬ_4,17.13 ||


***NOTES:
#17 N17: vay<o>[aṃ]
#18 N17: mith[y]ā-
---------------------------------------------------------


evaṃ stokaṃ viśeṣeṇoktvā punar api sāmānyena kathayati

evaṃrūpaiva hi pare vartate sargasaṃsṛtiḥ /
na vāstavī vastutas tu saṃsthiteyam avastuni {#19} // Mo_4,17.14 //


evaṃrūpā pratibhāsarūpā | pare uttīrṇe cinmātre | sargeti nāmadheyā saṃsṛtiḥ sargasaṃsṛtiḥ | na vāstavī asatyarūpā | tu pakṣāntare | vastutaḥ paramārthataḥ | iyaṃ sargasaṃsṛtiḥ | avastuni śūnye | sthitā bhavati | vastutvena sthite cinmātre avastubhūtasargādhāratvāyogāt || MoṬ_4,17.14 ||


***NOTES:
#19 N17: -sthit<aiv>[ey]am
---------------------------------------------------------


pūrvoktanyāyena siddhasya svābhīṣṭasyopasaṃhāraṃ karoti

pratyekam uditaṃ viśvam evam eva mudhaiva hi /
navagulmakarūpeṇa vāsantikaraso yathā {#20} // Mo_4,17.15 //


evam pūrvoktaprakāreṇa | vāsantikarasaḥ vasantasambandhī rasaḥ || MoṬ_4,17.15 ||


***NOTES:
#20 N17: v*ā*sa-
---------------------------------------------------------


prathamo 'yaṃ svasaṅkalpaḥ suprathām āgatas tathā /
yathātipāramārthyena dṛḍhenetthaṃ vibhāvyate // Mo_4,17.16 //


ayam prathamaḥ brahmaṇaḥ tatpūrvatvenotthitaḥ | svasaṅkalpa eva | tathā tena prakāreṇa | suprathām atirūḍhim | gataḥ | yathā ittham anena prakāreṇa | dṛḍhenāvicalatā | atipāramārthyenātiparamārthabhāvena | vibhāvyate niścīyate | janair iti śeṣaḥ || MoṬ_4,17.16 ||



pratyekam uditaṃ cittaṃ svasvabhāvodarasthitam /
idam itthaṃsamārambhaṃ jagat paśyad vinaśyati {#21} // Mo_4,17.17 //


svaḥ ātmīyaḥ | svabhāvaḥ cinmātrākhyaṃ svarūpam | tasyodare udara ivodare {#22} | na tu sākṣād udare | sthitam vartamānam | pratyekam ekasmin ekasmin pratyekam | uditam utpannam | cittam | itthaṃsamārambham dṛśyamānārambhayuktam | idaṃ jagat paśyat anubhavat | vinaśyati svarūpaparāmarśāt bhraśyatīty arthaḥ || MoṬ_4,17.17 ||


***NOTES:
#21 N17: <dra>[i]daṃ
#22 N17: -dare(ṇa)
---------------------------------------------------------


pratibhāsavaśād asti nāsti vastvavalokanāt /
dīrghaḥ svapno jagajjālam ālānaṃ cittadantinaḥ // Mo_4,17.18 //


pratibhāsavaśāt | na hi asataḥ pratibhāsaḥ yukta iti bhāvaḥ | vastvavalokanāt paramārthāvalokanāt | na hi samyagjñānena jagat tiṣṭhati | jagajjālam kaḥ | dīrghaḥ svapnaḥ || MoṬ_4,17.18 ||



cittasattaiva hi jagaj jagatsattaiva cittakam /
ekābhāve dvayor nāśas tac ca satyavicāraṇāt // Mo_4,17.19 //


tat ekābhāvaḥ | satyavicāraṇāt satyavicārāt || MoṬ_4,17.19 ||



śrīrāmakṛtasya praśnasyottaram anusmarati

śuddhasya pratibhāso hi satyo bhavati cetasaḥ /
niṣkalaṅke hi lagati paṭe kuṅkumarañjanā // Mo_4,17.20 //


atra dṛṣṭāntam āha niṣkalaṅka iti | niṣkalaṅke malarahite || MoṬ_4,17.20 ||



anyenānāhṛtasyānyo guṇo 'vaśyaṃ vivardhate /
anākrāntasya saṅkalpaiḥ pratibhodeti cetasaḥ // Mo_4,17.21 //


anāhṛtasya anākrāntasya | dṛṣṭāntam uktvā dārṣṭāntikaṃ kathayati anākrāntasyeti | pratibhā pratibhāsaḥ | udeti saphalatvena prādurbhavati || MoṬ_4,17.21 ||



suvarṇo na sthitiṃ yāti malavaty aṃśuke yathā /
ekā dṛṣṭiḥ sthitiṃ yāti na mlāne cittake tathā // Mo_4,17.22 //


suvarṇaḥ śobhanaḥ śuklādivarṇaḥ | mlāne saṅkalparūṣite || MoṬ_4,17.22 ||



pramārjanād iva maṇes tāmrasyeva ca yuktitaḥ {#23} /
ciram ekadṛḍhābhyāsāc chuddhir bhavati cetasaḥ // Mo_4,17.23 //


ekasmin samyagjñānādau | yaḥ dṛḍhābhyāsaḥ nairantaryeṇa taccintanam | tasmāt || MoṬ_4,17.23 ||


***NOTES:
#23 N17: maṇe[s]
---------------------------------------------------------


śrīrāmaḥ pṛcchati

pratibhāsātmani jagaty ete kālakriyākramāḥ /
sodayāstamayā jātāḥ kathaṃ śukrasya cetasaḥ // Mo_4,17.24 //


pratibhāsātmani jagati sphuritānāṃ kālakriyākramāṇāṃ sodayāstamayatvam na yuktam {#24} | tac ca śukracetasaḥ kathaṃ jātam iti bhāvaḥ {#25} || MoṬ_4,17.24 ||


***NOTES:
#24 N17: -kramā<n>[ṇ]āṃ
#25 N17: śukra<ṃ>ce-
---------------------------------------------------------


śrīvasiṣṭhaḥ uttaram āha

yādṛg jagad idaṃ dṛṣṭaṃ śukreṇa pitṛmātṛtaḥ {#26} /
tādṛk tasya sthitaṃ citte mayūrāṇḍe mayūravat // Mo_4,17.25 //


pitṛmātṛtaḥ utpannena śukreṇa yādṛk idaṃ jagat dṛṣṭam | tat tasya śukrasya | citte tādṛk sthitam āsīt | katham | mayūravat | yathā mayūrāṇḍe mayūraḥ asti | tathety arthaḥ || MoṬ_4,17.25 ||


***NOTES:
#26 N17: j(īv)*ag*ad
---------------------------------------------------------


svabhāvakośāt svaditaṃ tad anena kramoditam /
bījenāṅkurapattrādilatāpuṣpaphalaṃ yathā // Mo_4,17.26 //


tataḥ anena śukreṇa | tat cittasthaṃ jagat | svabhāvakośāt cittarūpaḥ yaḥ svabhāvaḥ | tadrūpāt kośāt | kramoditam sat svaditam āsvādaviṣayīkṛtam | atra dṛṣṭāntam āha bījeneti || MoṬ_4,17.26 ||



jīvo yadvāsanāsāras tad evāntaḥ prapaśyati /
svapna evātra dṛṣṭānto dīrghasvapnas tv idaṃ jagat // Mo_4,17.27 //


nanu katham atra svapnaḥ dṛṣṭāntaḥ astīty | atrāha dīrghasvapna eveti | dīrghatvam cātra cirapratibhāsavaśāj jñeyam || MoṬ_4,17.27 ||



pratyekam udito rāma nanu saṃsāraṣaṇḍakaḥ /
rātrau sainyanarasvapnajālavat svātmani sphuṭaḥ {#27} // Mo_4,17.28 //


rātrau hi sainyanarasvarūpaṃ svapnajālam pratyekam pṛthag | udeti || MoṬ_4,17.28 ||


***NOTES:
#27 N17: -na*ra*sva-
---------------------------------------------------------


śrīrāmaḥ pṛcchati

eṣa saṃsṛtiṣaṇḍaugho mithaḥ sammilati svayam {#28} /
no vāpi yadi tan me tvaṃ yathāvad vaktum arhasi // Mo_4,17.29 //


eṣaḥ saṃsṛtiṣaṇḍaughaḥ svayam svabhāvena | mithaḥ anyo'nyam | yadi milati yadi vā no milati api | tvam etat yathāvat samyak | vaktum arhasi samyak kathayeti yāvat || MoṬ_4,17.29 ||


***NOTES:
#28 N17: eṣ(ā)a
---------------------------------------------------------


śrīvasiṣṭha uttaram āha

malinaṃ hi mano 'vīryaṃ na mithaḥ śleṣam arhati /
ayo 'yasīvāsantapte śuddhe tapte tu līyate // Mo_4,17.30 //


hi niścaye | malinam rāgādimaladūṣitam | ata evāvīryam | manaḥ mithaḥ anyo'nyam | śleṣam melanam | nārhati | kim iva | aya iva | yathāyaḥ asantapte ayasi śleṣaṃ nārhati | tathety arthaḥ | tu pakṣāntare | manaḥ | śuddhe manasi | līyate milati | ayaś ca santapte 'yasi līyate || MoṬ_4,17.30 ||



cittatattvāni śuddhāni sammilanti parasparam /
ekarūpāṇi toyāni yānty aikyaṃ nābilāni hi // Mo_4,17.31 //


spaṣṭam || MoṬ_4,17.31 ||



sargāntaślokenāpy etad eva kathayati

śuddhir hi cittasya vivāsanatvam abhūtasaṃvedanarūpam ekam /
tasyāḥ suṣuptātmapadāt prabudhya tanmātrayuktyā parasaṅgam eti // Mo_4,17.32 //


hi niścaye | abhūtasaṃvedanātma asiddhapadārthasaṃvedanasvarūpam | vivāsanatvam padārthaviṣayabhāvanākhyasaṃskārarāhityam | ekam kevalam | cittasya śuddhiḥ bhavati | tat cittam | suṣuptātma suṣuptasvarūpam | yat padam sthānam | tasmāt | tasyāḥ śuddheḥ hetoḥ | prabudhya turyākhyam bodham prāpya | tanmātrayuktyā sūkṣmabhūtayogena | parasaṅgam anyaiḥ saha śleṣam | eti gacchati | tanmātrayuktyā melanaṃ ca svena saha sarvasyaikopādānatvajñānam eva jñeyam {#29} | iti śivam || MoṬ_4,17.32 ||


***NOTES:
#29 N17: (t)me(ta)lan(e)aṃ ca sven<e>[a]
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptādaśaḥ sargaḥ {#30} ||17||


***NOTES:
#30 N17: [śrī]bhāska[ra]kaṇṭha[vi]raci[tā]yāṃ śrī[mo]kṣopā[ya]ṭīkāyāṃ sthi[tipra]kara[ṇe] saptā[da]ś<ā>[aḥ]
---------------------------------------------------------




*********************************************************************



oṃ | nanu kathaṃ tanmātrayuktyā cetaḥ anyaiḥ saha milatīty | atrāha

sarvasaṃsṛtiṣaṇḍeṣu bījarūpakalātmanaḥ /
tanmātrapratibhāsasya pratibhāse na bhinnatā // Mo_4,18.1 //


bījarūpā bījasvarūpā {#1} | yā kalā | tadātmanaḥ tatsvarūpasya | sthūlabhūtabījarūpasyeti yāvat | tanmātrapratibhāsasya pañcatanmātrākārasya pratibhāsasya | sarvasaṃsṛtiṣaṇḍeṣu samasteṣu sargarūpeṣu ṣaṇḍeṣu {#2} | pratibhāse sphuraṇe | bhinnatā nāsti | mṛda iva ghaṭādiṣu sphuraṇe | ataḥ tanmātrayuktyā cittasyānyamelanaṃ yuktam eveti bhāvaḥ | tanmātrāṇi ca sthūlabhūtabījabhūtāni saṃskāramātraśarīrāṇi ākāśādibhyo {#4} buddhyā pṛthakkṛtāni pañca śabdādīni jñeyāni {#3} || MoṬ_4,18.1 ||


***NOTES:
#1 N17: -*sva*rū-
#2 N17: -[rū]peṣu
#3 N17: -bīj(ā)abhū-
#4 N17: (ākāśādi)ākā-
---------------------------------------------------------


na kevalaṃ sargaiḥ saha melanam eva tanmātrayuktyā bhavati kiṃ tu brahmaṇi melanam api tayaivety abhiprāyeṇāha

pravṛttir vā nivṛttir vā tanmātrāpattipūrvakam /
sarvasya jīvajātasya suṣuptatvād anantaram // Mo_4,18.2 //

sarvasya jīvajātasya jīvasamūhasya | suṣuptatvāt suṣuptabhāvāt | anantaram paścāt | pravṛttiḥ vā anyasargaiḥ saha melanaṃ vā | nivṛttir vā sargebhyaḥ nivṛttirūpam brahmaṇi melanaṃ vā {#5} | tanmātrāpattipūrvakam tanmātrayogapūrvakam eva | bhavati | suṣuptau sargāṇām bījatvenāvasthānāt nivṛttyasambhavaḥ sargāṇām prākaṭyenānavasthānāt pravṛttyasambhava iti suṣuptatvād anantaram ity uktam | anantaram iti kathanena ca suṣupter atrāvaśyambhāvaḥ sūcitaḥ | brahmasargayoḥ setutvena sthitāyāḥ suṣupter avaśyambhāvasya suspaṣṭatvāt | atra ca pravṛttiḥ jīvanmuktānāṃ nivṛttiḥ videhamuktānām iti viṣayavibhāgo draṣṭavyaḥ | itareṣām pravṛttis tu ajñānamūlatvena neha vaktuṃ yuktā {#6} || MoṬ_4,18.2 ||


***NOTES:
#5 N17: -naṃ(m api)
#6 N17: *pravṛttiḥ --> itareṣām*
---------------------------------------------------------

prakṛtatvāt pravṛtteḥ tanmātrāpattipūrvakatvam pṛthak kathayati

pravṛttibhājo ye jīvās te tanmātrapadaṃ gatāḥ {#7} /
tanmātraikatayā sargān mithaḥ paśyanti kalpitān {#8} // Mo_4,18.3 //


ye jīvāḥ jīvanmuktasvabhāvāḥ jīvāḥ | pravṛttibhājaḥ sattvaśeṣatayā pravṛttiyuktāḥ bhavanti | te tanmātraikatayā tanmātrayuktyā | kalpitān paramārthatayā kalpitasvarūpān | sargān | mithaḥ anyo'nyam | paśyanti | jīvanmuktānām manāṃsy anyo'nyam milantīty atra paramaṃ rahasyam || MoṬ_4,18.3 ||


***NOTES:
#7 N17: -tti(va)bhā-
#8 N17: -ka(pa)ta-
---------------------------------------------------------


tanmātraikyapraṇālena citrāḥ sargajalāśayāḥ /
parasparaṃ sammilanti ghanatāṃ yānti cābhitaḥ // Mo_4,18.4 //


tanmātrāṇām pañcatanmātrāṇām | yad aikyam | tad eva praṇālaḥ jalapravāhamārgaḥ | tena | ghanatām ghanībhāvam {#9} || MoṬ_4,18.4 ||


***NOTES:
#9 N17: -<nānā>[natā]m
---------------------------------------------------------


nanu sarve sargaughāḥ tanmātraikyapraṇālena milanty atha vā katipaye evety {#10} | atrāha

kecit pṛthak sthitim itāḥ pṛthag eva layaṃ gatāḥ /
kecin mithaḥ sammilitā jagatṣaṇḍāḥ sthitāḥ kṛtāḥ // Mo_4,18.5 //


kecid aśuddhamatayaḥ | uttarārdhe kecit śuddhamatayaḥ | kṛtāḥ kalpitāḥ | na tu sahajāḥ || MoṬ_4,18.5 ||


***NOTES:
#10 N17: -r(mai)*gau*-
---------------------------------------------------------


nanv etādṛśāḥ sargaughāḥ kasminn ādhāre sthitāḥ bhavantīty | atrāha

jagatṣaṇḍasahasrāṇi yatrāsaṅkhyāny aṇāv aṇau /
aparasparalagnāni kānanam brahma nāma tat // Mo_4,18.6 //


aparasparalagnāni anyo'nyam asaṅkīrṇāni | aṇau aṇau pratyaṃśam || MoṬ_4,18.6 ||



mithaḥ sa melanaṃ naiti ghanatāṃ samupāgataḥ {#11} /
yad yad yatra yathā rūḍhaṃ tat tat paśyati netarat // Mo_4,18.7 //


ghanatām ghanībhāvam | gataḥ sargaḥ | mithaḥ sa melanaṃ naiti na gacchati | yataḥ saḥ sargaḥ | lakṣaṇayā tatrasthaḥ pramātā {#12} | yat yat yatra rūḍham paricitam | tat tat tatra paśyati | na itarat | atra pramātur aśuddhamatitvaṃ hetutvena bahuśaḥ uktam || MoṬ_4,18.7 ||


***NOTES:
#11 N17: sa<ṃ> melanaṃ
#12 N17: -sth(ā)aḥ
---------------------------------------------------------


vartamānamanorājyavaśāj jīvaparamparāḥ /
parasparaṃ sammilitāḥ sargāṇāṃ rūḍhibhāvanāḥ // Mo_4,18.8 //


vartamānam yat manorājyam saṅkalpaḥ | tadvaśāt | jīvaparamparāḥ parasparaṃ sammilitāḥ bhavanti | samānamanorājyatvāj jīvāḥ parasparam milantīti bhāvaḥ | jīvaparamparāḥ kathambhūtāḥ | sargāṇāṃ rūḍhau satyatāyām | bhāvanāḥ yāsām | tāḥ | ayam bhāvaḥ {#13} | śuddhamatīnāṃ sargāḥ tanmātraikyapraṇālena sarvadā milanti {#14} | aśuddhamatīnāṃ tu kadācid ekasaṅkalpatveneti || MoṬ_4,18.8 ||


***NOTES:
#13 N17: *jīvaparamparāḥ katham- --> bhāvaḥ*
#14 N17: -aik[y]a-
---------------------------------------------------------


nanu katham iyaṃ dehasattā prākaṭyaṃ gatā yadvaśoditasaṅkalpākhyamalāvṛtabuddhīnāṃ tanmātraikyapraṇālenānyasargaiḥ saha melanaṃ na bhavatīty | atrāha

dehasattā bhṛśaṃ rūḍhā dehābhāvas tu vismṛtaḥ {#15} /
dehatvaparirūḍhatvāc cidvyomnā vismṛtātmanā // Mo_4,18.9 //


cidvyomnā dehatvaparirūḍhatvāt cidvyomakartṛkāt dehabhāve parirūḍhatvāt | cidvyomnā svātmatvena bhāvitāt dehabhāvāt iti yāvat | dehasattā rūḍhā prarohaṃ gatā | tu pakṣāntare {#16} | dehābhāvaḥ paramārthasan dehapratiyogikas traikāliko 'bhāvaḥ | cidvyomnā kathambhūtena | vismṛtātmanā vismṛtasvarūpeṇa | vismṛtaḥ vismṛtiṃ nītaḥ || MoṬ_4,18.9 ||


***NOTES:
#15 N17: -t(ā)aḥ
#16 N17: tu pakṣāntare prarohaṃ gatā
---------------------------------------------------------


athānyena dṛṣṭāntenānyasargaiḥ sammelanaṃ kathayati {#17}

yathā śuddhaprāṇamarut paraprāṇābhivedhanāt /
vetti vedhyamanorājyaṃ tathā sargān narāśrayī // Mo_4,18.10 //


yathā śuddhaprāṇamarut prāṇāyāmādinā śuddhaprāṇaḥ {#18} | prāṇayogīti yāvat | paraprāṇābhivedhanāt | paraprāṇeṣu yat abhivedhanam abhivyāptiḥ | tasmāt | parapurapraveśād iti yāvat | vedhyamanorājyam | vedhyasya abhivyāpyasya puruṣasya | manorājyaṃ vetti | tathā tadvat | narāśrayī tanmātrapraṇālenānyapuruṣāviṣṭaḥ jīvanmuktaḥ puruṣaḥ brahmaṇaḥ prathamam utthitaḥ puruṣo vā {#19} | sargān āśritapuruṣasargān {#20} | vetti || MoṬ_4,18.10 ||


***NOTES:
#17 N17: sa[m]me-
#18 N17: śu*ddha*prāṇa-
#19 N17: (brahma)pu-
#20 N17: -rgā*n*
---------------------------------------------------------


evaṃ śrīrāmakṛte praśne uttaraṃ samyag uktvā pūrvatra yatra tatroktāni viśīrṇāni upadeśavākyāni kathayati {#21}

sarveṣāṃ jīvarāśīnām ātmāvasthātrayaṃ śritaḥ {#22} /
jagratsvapnasuṣuptākhyam atra deho na kāraṇam {#23} // Mo_4,18.11 //


atra avasthātrayāśrayaṇe || MoṬ_4,18.11 ||


***NOTES:
#21 N17: sa<s>[m]-
#22 N17: -śīnā[m ā]tmā-
#23 N17: -s<va>[u]ṣu-
---------------------------------------------------------


evam ātmani jīvatvam anyāvasthātrayātmani /
tāpāmbhasīva vīcitvam asmin kacati dehatā // Mo_4,18.12 //


anyāvasthātrayātmani | anyat svavyatiriktatvena bhāsamānam | yat avasthātrayam jāgradādyavasthātrayam | tat | ātmā svarūpaṃ yasya | tādṛśe | asmin jīvatvāvacchinne {#24} | ātmani || MoṬ_4,18.12 ||


***NOTES:
#24 N17: a*smin*
---------------------------------------------------------


citkalāpadam āsādya suṣuptāntapade sthitam /
buddho nivartate jīvo mūḍhaḥ sarge pravartate {#25} // Mo_4,18.13 //


citkalāpadam turyākhyam padam | buddhaḥ citkalāvimarśanasamarthaḥ | nivartate punaḥ viṣayeṣv āsaktiṃ na bhajate | pravartate viṣayāsaktim bhajate {#26} || MoṬ_4,18.13 ||


***NOTES:
#25 N17: -rtat<o>[e]
#26 N17: *pravartate*
---------------------------------------------------------


svabhāvaśuddhir hi yadā tadā maitrī pravartate /
dvayor ekatvarūpaiva susauhārdanidarśanā // Mo_4,18.14 //


maitrī kathambhūtā eva | dvayoḥ ekatvarūpā eva | dvayor ekatvam eva hi maitrīśabdārthaḥ | punaḥ kathambhūtā | susauhārdanidarśanā | susauhārdam praśastamitrabhāvaḥ {#27} | nidarśanam dṛṣṭāntaḥ yasyāḥ | sā | susauhārde hi dvayor ekatvam eva bhavati || MoṬ_4,18.14 ||


***NOTES:
#27 N17: su<m>[s]au-
---------------------------------------------------------


ajñaḥ suṣuptāt sambuddho jīvaḥ kaścit svasargabhāk /
sarvagatvāc citaḥ kaścit parasargeṇa nīyate {#29}{#28} // Mo_4,18.15 //


svasargabhāk suṣuptāvasthāyāḥ pūrvaṃ yādṛksvabhāva āsīt | tādṛksvabhāva evety arthaḥ | parasargeṇa nayanam svabhāvaparivṛttiḥ jñeyā | śukrādisargadṛṣṭāntena vā parasarganayanaṃ yojyam || MoṬ_4,18.15 ||


***NOTES:
#28 N17: -tvā<ś>[c]
#29 N17: -ya[te]
---------------------------------------------------------


nanu tasmin sarge 'nyaḥ sargaḥ kutrāsti yenāsau nīyata ity | atrāha

sarge sarge pṛthagrūpaṃ santi sargāntarāṇy api {#30} /
teṣv apy antaḥsthasargaughāḥ kadalīdalapīṭhavat // Mo_4,18.16 //


yathā kadalīdaleṣv antar anyāni dalāni santi teṣv antar apy anyāni tathā sargeṣv api sargāntarāṇi santi | teṣv antar apy anyāni santīti piṇḍārthaḥ || MoṬ_4,18.16 ||


***NOTES:
#30 N17: pṛth(i)ag-
---------------------------------------------------------


sarge sargāntarāpūrapattrapīvaravṛttimān /
svabhāvaśītalo brahmakadalīdalamaṇḍapaḥ // Mo_4,18.17 //


sarge ekasmin sarge | yaḥ sargāntarāpūraḥ anyasargasamūhaḥ | sa eva pattrāṇi {#31} | taiḥ pīvarā bṛṃhaṇarūpā | vṛttiḥ sthitiḥ yasya | saḥ | tādṛśaḥ || MoṬ_4,18.17 ||


***NOTES:
#31 N17: *unleserliche Silbe* [sa]
---------------------------------------------------------


kadalyām anyatā nāsti yathā pattraśateṣv api /
brahmatattve 'nyatā nāsti tathā sargaśateṣv api // Mo_4,18.18 //


spaṣṭam || MoṬ_4,18.18 ||



bījāt phalaṃ rasād bhūtvā yathā bījam punar bhavet /
tathā brahma mano bhūtvā bodhād brahma punar bhavet // Mo_4,18.19 //


yathā phalam bījāt upādānabhūtāt bījāt {#32} | bhūtvā prādurbhūya | rasāt hetoḥ | punaḥ bījam bhavet | tathā brahma mano bhūtvā bodhāt | punaḥ brahma bhavet || MoṬ_4,18.19 ||


***NOTES:
#32 N17: <a>[u]pādā-
---------------------------------------------------------


rasakāraṇakam bījam phalabhāvena jṛmbhate /
brahmakāraṇako jīvo jagadrūpeṇa jṛmbhate // Mo_4,18.20 //


spaṣṭam {#33} || MoṬ_4,18.20 ||


***NOTES:
#33 N17: -ṣṭam (yujyata)
---------------------------------------------------------


rasasya kāraṇaṃ kiṃ syād iti vaktuṃ na yujyate /
svabhāvo nirviśeṣatvāt paraṃ vaktuṃ na yujyate // Mo_4,18.21 //


kathaṃ na yujyata ity | atrāha svabhāva iti | svabhāvaḥ param kevalam | nirviśeṣatvāt | vaktum abhiyogaviṣayatāṃ netum | na yujyate | svabhāvasyābhiyoge kriyamāṇe aviśeṣāt sarveṣu svabhāveṣv abhiyogaḥ prāpnotīti nirviśeṣatvād iti padasyābhiprāyaḥ || MoṬ_4,18.21 ||



na cāsattā sarvamaye vaktuṃ kvacana śakyate /
nākāraṇe kāraṇādi pare vāsty ādikāraṇe // Mo_4,18.22 //


asataḥ sarvamayatvāyogāt iti bhāvaḥ | nākāraṇa iti | akāraṇe na vidyate kāraṇaṃ yasya | tādṛśe | ādikāraṇe pare utkṛṣṭe cinmātre | kāraṇādi na asti | ādikāraṇatvāpāyād iti bhāvaḥ {#34} || MoṬ_4,18.22 ||


***NOTES:
#34 N17: -ṇa*tvā*pā-
---------------------------------------------------------

bījaṃ jahan nijavapuḥ phalībhūtaṃ vilokyate {#35} /
brahmājahan nijavapuḥ phalam bījaṃ ca saṃsthitam // Mo_4,18.23 //


brahmaṇaḥ bījatvāvasthāne nijavapuṣaḥ ahānam eva hetuḥ || MoṬ_4,18.23 ||


***NOTES:
#35 N17: phal(aṃ bījaṃ ca saṃsthitaṃ) *ībhūtaṃ vilokyate* <bījasyākṛtimat sarvaṃ tenānākṛti tatpadam>
---------------------------------------------------------


bījasyākṛtimat sarvaṃ tenānākṛti tatpadam /
na yujyate samīkartuṃ tasmān nāsty upamā śive // Mo_4,18.24 //


sarvam samastam svarūpam | bījasyākṛtimat bhavati | tena tato hetoḥ | śive śuddhacinmātratattve | upamā nāsti || MoṬ_4,18.24 ||



kham eva jāyate khābhān na ca taj jāyate 'nyadṛk /
ato na jātaṃ vā jātaṃ viddhi brahmanabho jagat // Mo_4,18.25 //


khābhāt atyantanairmalyenākāśatulyāt brahmaṇaḥ | kham eva jāyate | nanu katham etad ity āha | na ceti | caśabdo hetau | yataḥ tat jagannāma kham | anyadṛk brahmetaradṛgrūpam | na jāyate notpadyate | phalitaṃ kathayati ata iti | ataḥ paramārthato | na jātam | ābhāsataḥ jātaṃ vā {#36} | jagat brahmanabhaḥ brahmākāśam {#37} | viddhi || MoṬ_4,18.25 ||


***NOTES:
#36 N17: <a>[ā]bhāsa-
#37 N17: -(ga)gat
---------------------------------------------------------


dṛśyam paśyan svam ātmānaṃ na draṣṭā samprapaśyati /
prapañcākrāntasaṃvitteḥ kasyodeti nijā sthitiḥ // Mo_4,18.26 //


draṣṭā dṛśyam dṛśikriyāviṣayībhūtam bhāvajātam | paśyan | svam ātmānam draṣṭṛrūpam nijam ātmānam {#38}{#39} | na paśyati nānubhavati | prapañcenākrāntā svonmukhatāṃ nītā | saṃvittiḥ yasya | tādṛśasya | kasya puruṣasya | nijā sthitiḥ svaṃ svarūpam {#40} | udeti sphurati | na kasyāpīty arthaḥ || MoṬ_4,18.26 ||

***NOTES:
#38 N17: ā(tmā)tmā-
#39 N17: -ṣṭ(ā)*ṛ*rū-
#40 N17: -ti[ḥ]
---------------------------------------------------------


mṛgatṛṣṇājalabhrāntau satyāṃ keva vidagdhatā /
vidagdhatāyāṃ satyāṃ tu kevāsau mṛgatṛṣṇikā // Mo_4,18.27 //


ato vidagdhatā eva satsaṅgamādinā poṣaṇīyeti bhāvaḥ || MoṬ_4,18.27 ||



ākāśaviśado draṣṭā sarvago 'pi na paśyati /
netraṃ nijam ivātmānaṃ dṛśībhūtam aho bhramaḥ // Mo_4,18.28 //


ākāśavad viśadaḥ śuddhacinmātrarūpatvenātyantanirmalaḥ {#41} | draṣṭā | dṛśībhūtam dṛśyabhāvaṃ gatam | ātmānam draṣṭākhyam ātmānam | na paśyati | kim iva | netram iva | yathā netraṃ nijam ātmānaṃ na paśyati {#42} | tathety arthaḥ | aho bhramaḥ bhavati || MoṬ_4,18.28 ||


***NOTES:
#41 N17: vi<ṣ>[ś]a-
#42 N17: -śy<e>[a]ti
---------------------------------------------------------


ākāśaviśadam brahma yatnenāpi na labhyate /
dṛśye dṛśyatayādṛṣṭe tv asya lābhaḥ sudūrataḥ // Mo_4,18.29 //


kuto na labhyate ity {#43} | atrāha dṛśya iti | tena dṛśye dṛśyatvādarśanam eva brahmalabdhir iti bhāvaḥ || MoṬ_4,18.29 ||


***NOTES:
#43 N17: -to<ṃ>
---------------------------------------------------------


tvādṛksthūlo 'vadhānena vinā yatra na dṛśyate /
tatrātidūrodastaiva draṣṭuḥ sūkṣmasya dṛśyatā // Mo_4,18.30 //


yatra yasmin viṣaye | avadhānena vinā tvādṛksthūlaḥ na dṛśyate | tatra tasmin viṣaye | sūkṣmasya draṣṭuḥ dṛśyatā atidūrodastā eva bhavati | tvādṛg iti dehābhiprāyeṇoktiḥ || MoṬ_4,18.30 ||



draṣṭā draṣṭaiva bhavati na tu spṛśati dṛśyatām /
dṛśyaṃ ca dṛśyate tena draṣṭā rāma na dṛśyate // Mo_4,18.31 //


draṣṭā dṛśikriyākartā | draṣṭā eva bhavati | asau draṣṭā dṛśyatām dṛśyabhāvam | na spṛśati | he rāma | tena draṣṭrā | dṛśyaṃ dṛśyate yena | dṛśyasya dṛśyatvam astīti bhāvaḥ | tena draṣṭrā | draṣṭā draṣṭṛrūpaḥ svātmā | na dṛśyate | atisūkṣmatvād iti bhāvaḥ {#44} || MoṬ_4,18.31 ||


***NOTES:
#44 N17: i*ti*
---------------------------------------------------------


draṣṭaiva sambhavaty eko na tu dṛśyam ihāsti hi /
draṣṭā sarvātmako dṛśyaṃ sthitaś cet keva dṛśyatā // Mo_4,18.32 //


sambhavatīti | tasyaiva vicārasahatvād iti bhāvaḥ | sarvātmakaḥ draṣṭā dṛśyaṃ sthitaḥ dṛśyatayā sthitaḥ | cet bhavati | tadā dṛśyatā kā iva bhavati | avaśyaṃ ca svapnanyāyena draṣṭuḥ dṛśyatayāvasthānam aṅgīkartavyam || MoṬ_4,18.32 ||



nanu kathaṃ draṣṭā dṛśyatvena tiṣṭhatīty āśaṅkya dṛṣṭāntaṃ kathayati {#45}

sarvaśaktimatā rājñā yat yat sampādyate yathā /
tat tat tathā bhavaty āśu sa evodeti tattayā // Mo_4,18.33 //


yathā sarvaśaktimatā samrāṭtvena sarvaśaktiyuktena | rājñā | yat yat vastu | yathā sampādyate sampādanakriyāviṣayatāṃ nīyate | tat tat vastu | āśu tathā bhavati sampadyate | vicāre kriyamāṇe sa eva rājā eva | tattayā tattadvasturūpeṇa | udeti sphurati | ayam bhāvaḥ | yathā sarvaśaktimān rājā svāvyatiriktajñānadvāreṇa jñānavivartabhūtasampadyamānavastutayā sphurati | tathā draṣṭā svāvyatiriktadṛśikriyādvāreṇa dṛśikriyāvivartabhūtadṛśyamānapadārthatayā sphuratīti {#46} || MoṬ_4,18.33 ||


***NOTES:
#45 N17: d<ṛ>[ra]ṣṭā
#46 N17: *svāvyatirikt<ā>[a]jñānadvāreṇa jñā[na]vivarta- --> draṣṭā*
---------------------------------------------------------


yathā madhurasollāsaḥ ṣaṇḍo bhavati bhāsuraḥ /
rasatām ajahac caiva phalapuṣpadalonnataḥ {#47} // Mo_4,18.34 //


cidullāsas tathā jīvo bhūtvā bhavati dehakaḥ /
cinmātratāṃ tām ajahad eva darśanadṛṅmayaḥ {#48} // Mo_4,18.35 //


darśanadṛṅmayaḥ karmasādhano 'yaṃ darśanaśabdaḥ | tena dṛśyadṛṅmayaḥ ity arthaḥ {#49} | yugmam || MoṬ_4,18.34-35 ||


***NOTES:
#47 N17: -ha<ś>[c]
#48 N17: -dṛ<ṃ>[ṅ]ma-
#49 N17: -dṛ<ṃ>[ṅ]ma-
---------------------------------------------------------


nānāṣaṇḍasahasraughair advitīyair nijātmanaḥ /
yathodeti raso bhaumaś cit tathodety ahambhramaiḥ // Mo_4,18.36 //


bhaumaḥ bhūmisambandhī || MoṬ_4,18.36 ||



cidrasollāsavṛkṣāṇāṃ kacatām ātmanātmani /
dṛśyaśākhāśatāḍhyānām iha nānto 'vagamyate // Mo_4,18.37 //


cid eva rasaḥ | tasya yaḥ ullāsaḥ | tasya vṛkṣāṇām jagatām iti yāvat || MoṬ_4,18.37 ||



ṣaṇḍaḥ pratyekam evāntar yathā rasacamatkṛtim /
svādayaty evam eṣā cit pṛthak paśyati saṃsṛtīḥ // Mo_4,18.38 //


rasena kṛtām ucchūnatārūpāṃ camatkṛtim rasacamatkṛtim || MoṬ_4,18.38 ||



yā yodeti yathā yasyā jīvaśakteḥ svasaṃsṛtiḥ {#50} /
tām tāṃ tathaiti sā svāntaś cid bhūtabhuvanasthitim {#51} // Mo_4,18.39 //


udeti sphurati | cit citsvarūpā {#52} | sā jīvaśaktiḥ | svāntaḥ svamadhye | tāṃ tām bhūtabhuvanasthitim | bhūtānāṃ tadādhārabhūtānām | bhuvanānāṃ ca saṃsthitim saṃsthām | eti prāpnoti || MoṬ_4,18.39 ||


***NOTES:
#50 N17: yod<ai>[e]-
#51 N17: sā <m>[s]vā-
#52 N17: *cit cit*sva<m>[r]ū-
---------------------------------------------------------


jīvasaṃsṛtayaḥ kāścit pramilanti parasparam {#53} /
svayaṃ vihṛtya saṃsāre śāmyanti cirakālataḥ // Mo_4,18.40 //


kāścit śuddhamatiyuktāḥ | cirakālataḥ dehapātānantaram || MoṬ_4,18.40 ||


***NOTES:
#53 -y(ā)aḥ
---------------------------------------------------------


sūkṣmayā parayā dṛṣṭyā svam paśyasy anayā tathā /
jagajjālasahasrāṇi paramāṇvantareṣv api // Mo_4,18.41 //


tvam | svam cinmātrākhyaṃ svātmānam | anayā asmin prakaraṇe proktayā | parayā utkṛṣṭayā | sūkṣmayā sūkṣmavastuviṣayatvena sūkṣmarūpayā | dṛṣṭyā samyagjñānena | paśyasi anubhavasi {#54}{#55} | tathāśabdaḥ samuccaye | tathā paramāṇvantareṣv api jagajjālasahasrāṇi paśyasi | apiśabdaḥ paramāṇvantareṣu jagajjālasahasradarśanāsambhavadyotakaḥ || MoṬ_4,18.41 ||


***NOTES:
#54 N17: -<m>[s]i
#55 N17: -(m)*s*i
---------------------------------------------------------


bhittau nabhasi pāṣāṇe jvālāyām anile jale /
santi saṃsāralakṣyāṇi tile tailam ivākhile // Mo_4,18.42 //


jagadbījabhūtacinmātrasāratveneti bhāvaḥ || MoṬ_4,18.42 ||



śuddham eti yadā cetas tadā jīvo bhavec citiḥ {#56} /
śuddhā ca sā sarvagatā tena sammelanam mithaḥ // Mo_4,18.43 //


sā cit | tena ś MoṬ_4,18.uddhatvena ||


***NOTES:
#56 N17: tadā<s tadā>
---------------------------------------------------------

43||

sarveṣām padmajādīnāṃ svasattābhramapūrakaḥ /
jagaddīrghamahāsvapnaḥ svayam antaḥ samutthitaḥ // Mo_4,18.44 //


svasattābhramapūrakaḥ svasattābhramakārīty arthaḥ {#57} || MoṬ_4,18.44 ||


***NOTES:
#57 N17: sva<m>[s]at-
---------------------------------------------------------


svapnāt svapnāntaraṃ yānti kāścid bhūtaparamparāḥ /
tenopalambhaḥ kuḍyādāv āsāṃ dṛḍhataraḥ sthitaḥ // Mo_4,18.45 //


kāścid bhūtaparamparāḥ bhūtapaṅktayaḥ | svapnāt ekasmāt saṃsṛtirūpāt svapnāt | svapnāntaram anyasaṃsṛtirūpaṃ svapnam | yānti | tena tataḥ hetoḥ | āsām svapnāt svapnāntaraṃ gatānām bhūtapaṅktīnām | kuḍyādau dṛḍhataraḥ upalambhaḥ sthitaḥ asti {#58} | idaṃ kuḍyam ityādirūpaṃ jñānam asti || MoṬ_4,18.45 ||


***NOTES:
#58 N17: -ḍha(sthitaḥ)ta-
---------------------------------------------------------


yad yatra cid bhāvayati tat tatrāśu bhavaty alam /
tayā svapne 'pi yad dṛṣṭaṃ tatkāle satyam eva tat // Mo_4,18.46 //


tayā citā || MoṬ_4,18.46 ||



cidaṇor antare santi samastānubhavāṇavaḥ /
yathā bījāntare pattralatāpuṣpaphalāṇavaḥ // Mo_4,18.47 //


samastāḥ samastaghaṭapaṭādyākārāḥ | anubhavāṇavaḥ anubhavaleśāḥ {#59} || MoṬ_4,18.47 ||


***NOTES:
#59 N17: -ś*ā*ḥ
---------------------------------------------------------


paramāṇuṃ jagad antar dhatte citparamāṇukaḥ {#60} /
līnam ākāśam ākāśe dvaitaikyabhramam utsṛja // Mo_4,18.48 //


citparamāṇukaḥ cidrūpaḥ paramāṇuḥ | jagat paramāṇum jagadrūpam paramāṇum | antaḥ svātmabhittau | dhatte dhārayati | phalitam āha līnam iti | ataḥ ākāśam jagadākhyam ākāśam | ākāśe cidākhya ākāśe | līnam bhavati | etasya phalaṃ kathayati dvaitaikyam iti | ataḥ tvam dvaitaikyabhramam utsṛja tyaja | ekatayāpi vaktum aśakyasya kevalasya cinmātrasya sthitatvāt || MoṬ_4,18.48 ||


***NOTES:
#60 Unmetrisch. Ś1: jaga*n*ty antar; Ś3: jaganty antar
---------------------------------------------------------


deśakālakriyādyākhyaiḥ svair evāṇubhir eva cit /
aṇūn anubhavaty antar itarāṇor asambhavāt // Mo_4,18.49 //


svair eva svarūpabhūtair eva | aṇūn nānābhūtarūpān aṇūn | antaḥ svasmin | itarāṇoḥ deśādirūpasya cidvyatiriktasyāṇoḥ || MoṬ_4,18.49 ||



svayaṃ sarvasya kacitaḥ svacchaś cidaṇuṣaṇḍakaḥ /
brahmādeḥ kīṭaniṣṭhasya dehadṛṣṭyānubhāvitaḥ // Mo_4,18.50 //


dehadṛṣṭyā anubhāvitaḥ anubhavaviṣayatāṃ nītaḥ | kīṭaniṣṭhasya kīṭāvasānasya | anubhāvita ity atra svārthe ṇic ārṣaḥ || MoṬ_4,18.50 ||



kacitaṃ kiñcid eveha vastutas tu na kiñcana /
svayaṃ svatvaṃ svādayante dvaitaṃ citparamāṇavaḥ // Mo_4,18.51 //


punaḥ kim etat sphuratīty | atrāha svayam iti | citparamāṇavaḥ cilleśāḥ | dvaitam ghaṭapaṭādirūpadvaitasvarūpam | svatvam svabhāvam | svādayante camatkāraviṣayatāṃ nayanti || MoṬ_4,18.51 ||


svayam prakacati sphāradehaś cidaṇuṣaṇḍakaḥ /
netrādikusumadvāraiḥ saṃvidāmodam udgiran // Mo_4,18.52 //


sphāradehaḥ sphārasvarūpaḥ | saṃvidāmodam ghaṭapaṭādijñānarūpam āmodam {#61} || MoṬ_4,18.52 ||


***NOTES:
#61 N17: -*jñāna*-
---------------------------------------------------------


sampaśyatītarān kaścid bahīrūpeṇa cidghanān /
sarvagatvād anāśatvād dṛśyabījasya vai citeḥ // Mo_4,18.53 //


kaścit puruṣaḥ | jāgradavasthāviṣṭa iti yāvat | citeḥ dṛśyabījasya cidākhyasya dṛśyabījasya | sarvagatvāt tathā anāśatvāt | cidghanān citsvarūpatvena cidbharitān | itarān svato bhinnatvena bhātān padārthān | bahīrūpeṇa paśyati bāhyā ete iti anubhavati || MoṬ_4,18.53 ||


antar evākhilaṃ kaścit paśyaty avikalaṃ jagat /
tatrātikālaṃ kalanād unmajjati nimajjati {#62} // Mo_4,18.54 //


kaścit svapnāvasthāviṣṭa iti yāvat | antar eva svasminn eva | na tu bāhye || MoṬ_4,18.54 ||


***NOTES:
#62 N17: -ti (nimajjati)
---------------------------------------------------------

svapnāt svapnāntaraṃ tatra tathā paśyan punaḥ punaḥ /
mithyāvaṭeṣu luṭhitaḥ śileva śikharacyutā // Mo_4,18.55 //


kaścit kiṃ kurvan | svapnāt svapnāntaram punaḥ punaḥ paśyan iti pūrveṇaiva sambandhaḥ | kaścit kathambhūtaḥ | mithyā vyartham | avaṭeṣu bhāvābhāvākhyeṣv avaṭeṣu | luṭhitaḥ | kā iva | śikharacyutā śilā iva || MoṬ_4,18.55 ||



kecit sammīlitāḥ kecid ātmany eva bhrame sthitāḥ /
magnāḥ svasaṃvidrasataḥ sphuranto dehiṣaṇḍakāḥ {#63} // Mo_4,18.56 //


kecit suṣuptyavasthāviṣṭāḥ | sammīlitāḥ nidrāgrastāḥ | ātmani ajñānavalite svātmani | dehiṣaṇḍakāḥ jīvasamūhāḥ || MoṬ_4,18.56 ||


***NOTES:
#63 Ś1,Ś3: sphuranto; N17: sphurato
---------------------------------------------------------


turyāvasthāviṣṭān kathayati {#64}

svayam antaḥ prapaśyanti ye jagajjīvasambhramam /
taiḥ kaiścit tat tathā dṛśyam asatsvapnavad āśritam // Mo_4,18.57 //


ye jīvanmuktāḥ jīvāḥ | jagajjīvasambhramam jagadākhyaṃ jīvasambhramam | antaḥ manasi | paśyanti | na tu bahiḥ {#65} | taiḥ kaiścit tat dṛśyaṃ tathā āśritam antastvenaivāśritam | katham | asatsvapnavat {#66} | turyāvasthāviṣṭā jīvanmuktā hi bāhyam api jagat svapnavad antaḥstham evānubhavanti bhramasvarūpatvadarśanāt || MoṬ_4,18.57 ||


***NOTES:
#64 N17: *tur- --> -ti*
#65 N17: bahi[ḥ]
#66 N17: -va*t*
---------------------------------------------------------


sarvātmatvāt svabhāvasya tad dṛśyaṃ satyam ātmani /
sarvago vidyate yatra tatra sarvam udeti hi // Mo_4,18.58 //


tat dṛśyam ātmani svasmin svarūpe | satyam bhavati | kutaḥ | svabhāvasya cinmātrākhyasya svabhāvasya | sarvātmatvāt sarvarūpeṇa vartamānatvāt | ayam bhāvaḥ | dṛśyaṃ draṣṭrapekṣayā siddhena dṛśyatvenāsatyam api sat | sarvarūpatvāvasthitacinmātrāparaparyāyasvabhāvasāratvena svasvarūpe satyam eveti | nanu katham etad ity | atrāha sarvaga iti | hi yasmāt | sarvagaḥ sarvavyāpakaṃ svabhāvāparaparyāyam cinmātratvam {#67} | yatra vidyate | tatra sarvam dṛśyam | udeti prādurbhavati | ataḥ svabhāvabhūtacinmātravat tatsattāvinābhāvi dṛśyam api satyam eveti bhāvaḥ || MoṬ_4,18.58 ||


***NOTES:
#67 N17: -tv<e>[am]
---------------------------------------------------------


jīvāntaḥ pratibhāsasya sargasya punar antare /
jīvaṣaṇḍa udety uccais tasyāntar itaro 'pi ca // Mo_4,18.59 //


spaṣṭam || MoṬ_4,18.59 ||



jīvāntar jāyate jīvas tasyāntar api jīvakaḥ /
sarvatra rambhādalavaj jīvabījam prajīvati // Mo_4,18.60 //


prajīvati prakṛṣṭāyāḥ jīvanakriyāyāḥ kartṛtvam bhajati || MoṬ_4,18.60 ||



dṛśyabuddhiparāvṛddhi samam etad anantakam /
hemnīva kaṭakāditvam parijñaptyaiva naśyati // Mo_4,18.61 //


anantakam antarahitatvena bhāsamānam | etat dṛśyam | parijñaptyaiva cinmātram evedam iti jñānenaiva | na tv anyena kenāpi hetunā | samam yugapat | na tu krameṇa | naśyati adarśanaṃ yāti | cinmātrarūpatvenānubhūyamānatvasiddher ity arthaḥ | etat kathambhūtam | dṛśyabuddhyā dṛśyam idam iti buddhyā | parā utkṛṣṭā | ā samantāt | vṛddhiḥ yasya | tat | etat kim iva | kaṭakāditvam iva | yathā hemni sthitaṃ kaṭakāditvam parijñaptyā hemaivedam iti jñānena naśyati | tathety arthaḥ || MoṬ_4,18.61 ||



vicāro yasya nodeti ko 'haṃ kim idam ity alam /
tasyādyantāvimukto 'sau dīrgho jīvajvarabhramaḥ {#68} // Mo_4,18.62 //


ādyantāvimuktaḥ avicchinnapravāhaḥ {#69} | jīvo 'ham iti jvararūpaḥ bhramaḥ jīvajvarabhramaḥ || MoṬ_4,18.62 ||


***NOTES:
#68 N17: -ādya<t>[n]tāvimukto <m>['s]au
#69 N17: <adyaṃtā>[ādyantā]-
---------------------------------------------------------


vicāraḥ phalitas tasya vijñeyo yasya sanmateḥ /
dinānudinam āyāti tānavam bhogagṛdhnutā // Mo_4,18.63 //


vijñeya ity | atra paṇḍitair iti śeṣaḥ | bhogagṛdhnutā bhogākāṅkṣā || MoṬ_4,18.63 ||



yathā dehopayuktaṃ hi karoty ārogyam auṣadham /
tathendriyajaye nyasto vivekaḥ phalito bhavet // Mo_4,18.64 //


dehopayuktam dehe prayuktam | phalitaḥ mokṣākhyavyavahite phalayuktaḥ | indriyajayasyaiva mokṣam prati sākṣād upāyatvād iti bhāvaḥ || MoṬ_4,18.64 ||



viveko 'sti vacasy eva citre 'gnir iva bhāsvaraḥ /
yasya tena parityaktā duḥkhāyaiva vivekitā // Mo_4,18.65 //


yasyety asya pūrvārdhena sambandhaḥ | parityakteti cittābhiprāyeṇoktam {#70} || MoṬ_4,18.65 ||


***NOTES:
#70 N17: -ty(o)akte-
---------------------------------------------------------


yathā sparśena pavanaḥ sattām āyāti no girā /
tathecchātānavenaiva viveko 'syeti budhyate // Mo_4,18.66 //


spaṣṭam || MoṬ_4,18.66 ||



citrāmṛtaṃ nāmṛtam eva viddhi citrānalaṃ nānalam eva viddhi /
citre 'ṅganā nūnam anaṅganaiva vācā vivekas tv aviveka eva // Mo_4,18.67 //


yathā citrasthasyāmṛtādeḥ tṛptyādyarthakriyākāritvābhāvāt anamṛtādirūpatvam eva | tathā kevalaṃ vācaiva kathyamānasya | ata eva indriyajayāsādhakasya vivekasya mokṣākhyārthakriyākāritvābhāvād avivekatvam eveti bhāvaḥ {#71} || MoṬ_4,18.67 ||


***NOTES:
#71 N17: -ābhā(va)vād
---------------------------------------------------------


punaḥ kīdṛk puruṣo vivekī asty {#72} | atra sargāntaślokenāha

pūrvaṃ vivekena tanutvam eti rāgo 'tha vairaṃ ca samūlam eva /
paścāt parikṣīyata eva yatra sa pāvanas tatra vivekitāsti // Mo_4,18.68 //


yatra yasmin puruṣe | rāgaḥ atha vairaṃ ca dveṣaḥ | vivekena vicāreṇa | pūrvam prathamam | tanutvam tānavam | eti gacchati | paścāt tanutvānantaram | kṣīyate eva naśyaty eva {#73} | saḥ puruṣaḥ | pāvanaḥ asti | tatra tasmin puruṣe | vivekitā vicārayuktatvam | asti | na tu vākyamātreṇa sadasannirṇāyake ity arthaḥ | iti śivam || MoṬ_4,18.68 ||


***NOTES:
#72 N17: -k*ī*(na)
#73 N17: -yat<y>[e]
---------------------------------------------------------



iti śrībhāskarakaṇṭhaviracitāyāṃ śrīmoksopāyaṭīkāyāṃ sthitiprakaraṇe 'ṣṭādaśaḥ sargaḥ {#74} ||18||


***NOTES:
#74 N17: śrī[mo]kṣo[pā]ya[ṭī]kā[yāṃ] sthi[ti]pra[ka]ra[ṇe ']ṣṭā[da]śaḥ [sar]gaḥ
---------------------------------------------------------



*********************************************************************



atidurbodhatvena punar api pūrvoktam evārthaṃ kathayati

jīvabījam param brahma sarvatra kham iva sthitam /
tena jīvodarajagaty api jīvo 'sty anekadhā {#1} // Mo_4,19.1 //


jīvānām bījam prādurbhavasthānam | param brahma kham ivākāśavat | sarvatra dṛśyatayābhimate samaste jagajjāle | sthitam svarūpasāratayā sthitam bhavati | tena tato hetoḥ | jīvasya yat udaram madhyapradeśaḥ | tatrasthitaṃ yat jagat svapnādirūpaṃ jagat | tasmin api anekadhā nānāvidhasthāvarajaṅgamātmakaprakāreṇa nānāprakāro | jīvo 'sti || MoṬ_4,19.1 ||


***NOTES:
#1 N17: -(dā)*dhā*
---------------------------------------------------------


tataḥ kim ity apekṣāyām āha

cidghanaikaghanātmatvāj jīvāntar jīvajātayaḥ /
kadalīdalavat santi kīṭā iva narodare // Mo_4,19.2 //


ataḥ cidghanena ekam kevalam {#2} | ghanaḥ ātmā yasya | saḥ | tasya bhāvaḥ cidghanaikātmatvam | tasmāt hetoḥ | jīvāntaḥ jīvānām madhye | jīvajātayaḥ kadalīdalavat santi | kadalīdaleṣu hy antar anyāni dalāni santi | jīvajātayaḥ ke iva {#3} | kīṭā iva | yathā narodare kīṭāḥ santi | tathety arthaḥ || MoṬ_4,19.2 ||


***NOTES:
#2 N17: a(ṃ)taḥ
#3 N17: *kadalīdalavat --> -jātayaḥ*
---------------------------------------------------------


nanu jīvaḥ kuta utpadyate ity | atrāha

yo yo rāma yathā grīṣme kalkasvedād bhavet krimiḥ /
tattannāma tathā cittvāt khaṃ jīvībhavati svataḥ // Mo_4,19.3 //


he rāma | grīṣme grīṣmakāle | kalkasvedāt {#4} | kalko malam | sa ca svedaś ca | tat kalkasvedam | tasmāt | yaḥ yaḥ krimiḥ yathā yena rūpeṇa | bhavet jāyate | kham ākāśam | cittvāt tathā tena rūpeṇa {#5} | svataḥ jīvībhavati | kham kathambhūtam | tattannāma tasya tasya krimer nāma yasya | tat | ayam bhāvaḥ | grīṣme tāvat nānāvidhāḥ krimayaḥ kalkasvedāt jāyante | teṣāṃ śarīraṃ tāvat kalkasvedamayam bhavatu | taccālakas tu jīvaḥ jīvatvānyathānupapattyā cittvayuktam ākāśam eva | kalkasvedasya śarīramātrasampādane parisamāptatvāt tadanyasyāsannidhānāc ca {#6} | atas sarve jīvāḥ ākāśārūpā eveti || MoṬ_4,19.3 ||


***NOTES:
#4 N17: kalk<ā>[a]-
#5 N17 cit[t]vāt
#6 N17: -nā<ś>[c]
---------------------------------------------------------


yathā yathā yatante te jīvakāḥ svātmasiddhaye /
tathā tathā bhavanty āśu vicitropāsanakramaiḥ // Mo_4,19.4 //


te ākāśamayāḥ | jīvakāḥ | svātmasiddhaye yathā yathā yatante vicitropāsanākramaiḥ yatanarūpaiḥ nānāvidhair upāsanākramaiḥ {#7} | tathā tathā bhavanti {#8} || MoṬ_4,19.4 ||


***NOTES:
#7 N17: <yathā yathā> svātma-
#8 N17: -va[n]ti
---------------------------------------------------------


sāmānyenoktvā viśeṣeṇa kathayati

devān devayajo yakṣayajo yakṣān vrajanti hi /
brahma brahmayajo yānti yad atucchaṃ tad āśrayet // Mo_4,19.5 //


phalitam āha yad iti | ata ity adhyāhāraḥ | ataḥ puruṣaḥ yat atuccham bhavati | tat āśrayet {#9} || MoṬ_4,19.5 ||


***NOTES:
#9 N17: *atuc- --> -yet*
---------------------------------------------------------


nanu tarhi śukraḥ kathaṃ svayatanaṃ vinā nānārūpatāṃ gata ity | atrāha

sa śukro bhṛguputro hi nirmalatvāt svasaṃvidaḥ /
baddhaḥ prathamadṛṣṭena dṛśyenāśu svabhāvataḥ // Mo_4,19.6 //


saḥ pūrvaprakaraṇoktaḥ | bhṛguputraḥ śukraḥ | hi niścaye | idamprathamatāvaroheṇa svasaṃvidaḥ nirmalatvāt prathamadṛṣṭena dṛśyena svabhāvataḥ prayatanaṃ vināśu baddhaḥ svonmukhaḥ kṛtaḥ {#10} | ato na virodha iti bhāvaḥ || MoṬ_4,19.6 ||


***NOTES:
#10 N17: -ā*śu*
---------------------------------------------------------


abhijātāparimlānā bālā yat prathamam puraḥ /
saṃvit prāpnoti tadrūpā bhavaty anyā na kācana // Mo_4,19.7 //


abhijātā śuddhā | ata evāparimlānā tāvat kāluṣyam agatā {#11} | bālā brahmaṇaḥ sadyaḥ utthitā | saṃvit | prathamam ādau | yat puraḥ paśyati | tadrūpā bhavati | anyā brahmaṇaḥ pūrvataram utthitā | kācana saṃvit | na bhavati yatnaṃ vinā na bhavati | yatnena tu bhavaty eva | anyathā mokṣābhāvaprasaṅgāt {#12} || MoṬ_4,19.7 ||


***NOTES:
#11 N17: kāl<baṣpa>[uṣya]m
#12 N17: -*thā*
---------------------------------------------------------

pūrvaṃ sphuritam praśnaṃ śrīrāmaḥ asmin samaye pṛcchati {#13}{#14}

jāgratsvapnadaśābhedam bhagavan vaktum arhasi /
kathaṃ ca jāgraj jāgrat syāt svapno 'jāgrat katham bhavet // Mo_4,19.8 //


kiṃ kathayāmīty apekṣāyām āha katham iti | jāgrat jāgrat kathaṃ syāt | svapnaḥ ajāgrat svapnaḥ | katham bhavet | etad eva kathaya me iti bhāvaḥ {#15} || MoṬ_4,19.8 ||


***NOTES:
#13 N17: -rvaṃ (pū) [s]phu-
#14 N17: <m>[s]ama-
#15 N17: -thaya<t> [m]e [i]ti
---------------------------------------------------------


śrīvasiṣṭha uttaraṃ kathayati

sthirapratyayayuktaṃ yat taj jāgrad iti kathyate /
asthirapratyayaṃ yat syāt sa svapnaḥ samudāhṛtaḥ {#16} // Mo_4,19.9 //


sthirapratyayena sa evāyam ity evaṃrūpapratyabhijñāyāṃ kṣameṇa sthirajñānena {#17} | yuktaṃ yat bhavati | paṇḍitaiḥ taj jāgrad iti kathyate | yat asthirapratyayam pratyabhijñākṣamāsthirajñānayuktam | syāt | paṇḍitaiḥ saḥ svapnaḥ samudāhṛtaḥ kathitaḥ || MoṬ_4,19.9 ||


***NOTES:
#16 N17: -ra(ṃ)pra-
#17 N17: -rūpa(ṃ)pra-
---------------------------------------------------------


jāgratsvapnayoḥ kadācitsambhavayuktaṃ svapnajāgrattvaṃ kathayati {#18}

jāgrac cet kṣaṇadṛṣṭaḥ {#20} syāt svapnaḥ kālāntarasthitaḥ {#19} /
taj jāgrat svapnatām eti svapno jāgrattvam ṛcchati // Mo_4,19.10 //


jāgral lakṣaṇayā jāgrajjñānaviṣayībhūtaṃ vastu {#21} | cet yadi | kṣaṇadṛṣṭaḥ kṣaṇam eva dṛṣṭaḥ | syāt | arthāt tataḥ naṣṭaḥ | tathā svapnaḥ svapnajñānaviṣayībhūtaṃ vastu | kālāntarasthitaḥ svapnakālād anyasmin kāle 'pi sthitaḥ | cet syāt | kadācid dhi svapnadṛṣṭam api vastu prabhāte pratyakṣaṃ dṛśyate | tat tadā | jāgrat jāgradvastugrāhakaṃ jñānam | svapnatām eti asthirapratyayatvāt | svapnaḥ svapnavastugrāhakaṃ jñānam | jāgrattvam ṛcchati sthirapratyayatvāt || MoṬ_4,19.10 ||


***NOTES:
#18 N17: -grat[t]vaṃ
#19 N17: -gra<ś>[c]
#20 N17: -ṣṭa<ṃ>[ḥ]
#21 N17: -yā(t)
---------------------------------------------------------


nanu katham etad ity | atrāha

jāgratsvapnadaśābhedo na sthirāsthiratāṃ vinā /
samaḥ sadaiva sarvatra samastānubhavo 'nayoḥ // Mo_4,19.11 //


yataḥ jāgratsvapnadaśābhedaḥ sthiratāsthiratāṃ vinā na bhavati | ataḥ kṣaṇikajāgrataḥ svapnatvaṃ sthirasvapnasya jāgrattvaṃ yuktam eveti bhāvaḥ | atra samastānubhavam pramāṇatvena kathayati sama iti | anayoḥ jāgratsvapnayoḥ | samasteṣu sthitaḥ anubhavaḥ samastānubhavaḥ | sadā sarveṣu kāleṣu | sarvatra sarveṣu deśeṣu | samaḥ eva bhavati | sthirāsthiratāṃ vineti atrāpi sambandhanīyam {#22} || MoṬ_4,19.11 ||


***NOTES:
#22 N17: *atrāpi*
---------------------------------------------------------


phalitam āha

yad eva sthiratām eti taj jāgrad iti kathyate /
kṣaṇabhaṅgātmakaḥ svapno yathā bhavati tac chṛṇu // Mo_4,19.12 //


ataḥ yad eva sthiratām eti paṇḍitaiḥ tat svapno 'pi san jāgrad iti kathyate | yaḥ kṣaṇabhaṅgātmakaḥ saḥ jāgrad api san svapnaḥ bhavati {#23} | yathaitad bhavati tvam tat śṛṇu | yathā jāgratsvapnayoḥ sthiratvāsthiratvam asti tathā śṛṇv ity arthaḥ || MoṬ_4,19.12 ||


***NOTES:
#23 N17: sa<t>[n]
---------------------------------------------------------


tad eva kathayati

jīvadhātuḥ śarīre 'ntar vidyate yena jīvyate /
tejo vīryaṃ jīvadhātur ityādyabhidham aṅga tat // Mo_4,19.13 //


jīvākhyaḥ dhātuḥ jīvadhātuḥ | śarīre 'ntaḥ vidyate | yena jīvadhātunā | śarīraṃ jīvyate prāṇadhāraṇakriyāṃ kāryate | jīvyata iti ṇicantaḥ prayogaḥ | he aṅga | tat saḥ jīvadhātuḥ | tejo vīryaṃ jīvadhātur ityādyabhidham bhavati | atra ca dhātuśabdaḥ majjādivat śarīrāntaś cāritvasādṛśyāt upacāreṇa prayuktaḥ || MoṬ_4,19.13 ||



vyavahārī yadā kāyo manasā karmaṇā girā /
bhavet tadā sa sampanno jīvadhātuḥ prasarpati // Mo_4,19.14 //


yadā yasmin kāle | kāyaḥ | manasā karmaṇā svāśritayā kriyayā | girā ca | vyavahārī vyavahārayukto | bhavet | tadā saḥ jīvadhātuḥ sampannaḥ sampūrṇaḥ san | prasarpati sarvasmiñ śarīre sañcāraṃ karotīty arthaḥ || MoṬ_4,19.14 ||



tataḥ kim ity | āha

tasmin prasarpaty aṅgeṣu sparśāt saṃvid udeti hi /
puṣṭatvāt saiti cittākhyām antarlīnajagadbhramā // Mo_4,19.15 //


tasmin saṃvinmaye jīvadhātau | prasarpati sati | aṅgeṣu sparśāt jīvadhātusparśāt | hi niścaye | saṃvit jīvadhātuspandabhūtā śītoṣṇādisañcetanarūpā saṃvit | udeti prādurbhavati | sā saṃvit | antarlīnajagadbhramā satī | puṣṭatvāt jīvadhātuprasarpaṇena puṣṭatvāt | cittākhyām eti | nanu antarlīnajagadbhramatvaṃ saṃvidaḥ katham iti cet | satyam | saṃvit tāvat jīvadhātoḥ utpadyate | jīvadhātuś ca pitṛjīvadhātoḥ utthānasamaye jagadbhramayukta eva uttiṣṭhati | pitṛjīvadhātor antarlīnajagadbhramatvāt | ataḥ saṃvido 'py antarlīnajagadbhramatvaṃ siddham || MoṬ_4,19.15 ||



sekṣaṇādiṣu randhreṣu prasarpantī bahirmayam /
nānākāravikārāḍhyaṃ rūpam ātmani paśyati {#24} // Mo_4,19.16 //


sā saṃvit | īkṣaṇādirandhreṣu prasarpantī satī {#25} | bahirmayam bahiḥsvarūpam | nānākāravikāraiḥ ghaṭapaṭādirūpaiḥ ākāravikāraiḥ | āḍhyaṃ rūpam | ātmani paśyati vimṛśati | antar iva saṅkalpasiddhaghaṭapaṭāditām | na caitat katham iti vācyam | svapne dṛṣṭatvāt | yathā svapne saṃvid eva nānārūpair bhāti | tathā bahir apīti na virodhaḥ || MoṬ_4,19.16 ||


***NOTES:
#24 N17: -rā*ḍhy*(ā)aṃ
#25 <ro>[ī]kṣa-
---------------------------------------------------------


tat sthiratvāt tayaivātha jāgrad ity avagamyate /
jāgratkrama iti proktaḥ suṣuptādikramaṃ śṛṇu // Mo_4,19.17 //


tayā eva saṃvidā eva | na tv anyena dehādinā jaḍena | tat nānākāravikārāḍhyaṃ nijaṃ svarūpam | sthiratvāt kam api kālam tathaiva sthitatvāt | jāgrad ity avagamyate jñāyate | jāgratprakriyopasaṃhārapūrvaṃ suṣuptādiprakriyāṃ vaktum pratijānīte jāgratkrama iti || MoṬ_4,19.17 ||



suṣuptādikramam eva kathayati

manasā karmaṇā vācā yadā kṣubhyati no vapuḥ {#26} /
śānta ātiṣṭhati svaccho jīvadhātus tadā tv asau // Mo_4,19.18 //


na kṣubhyati śrāntatvāt | vyavahāraṃ na karotīty arthaḥ | tadā tasmin kāle | jīvadhātuḥ svacchaḥ suptaprasarpaṇākhyamalaḥ | ata eva śāntaḥ kṣobharahitaḥ | ā samantāt | tiṣṭhati | tuśabdo niścaye | yady api suṣuptaviṣayaḥ śrīrāmakṛtaḥ praśno nāsti tathāpi jāgratsvapnayor avaśyam madhyavartitvāt suṣuptinirṇayaḥ | na hi jāgrataḥ nirgatya suṣuptim agatvā svapnagamanam puruṣasya yuktam | setuvat sarvatra maryādātvena suṣupteḥ sthitatvāt | yady api śuddhacid api sarvatra madhye setutvena vartata eva tathāpi vidyuddyotaratnavat sthūladṛṣṭyaviṣayatvāt tasyāḥ setutvākathanam {#27} | sūkṣmadṛṣṭīn prati tv anupayogāt kathanaṃ na yuktam || MoṬ_4,19.18 ||


***NOTES:
#26 N17: kṣubh<i>[ya]ti
#27 N17: -dyot(i)aratna-
---------------------------------------------------------


tadā kiṃ sampatsyate ity | atrāha

samatām āgatair vātaiḥ kṣobhyate {#29} na hṛdantare {#28} /
nirvātasadane dīpo yathālokaikakārakaḥ {#30} // Mo_4,19.19 //


samatām manaḥkṛtakṣobhābhāvāt samavāhitvam | āgataiḥ vātaiḥ prāṇaiḥ | asau jīvadhātuḥ hṛdantare na kṣobhyate kṣobhayukto na kriyate | anena manonāśena prāṇarodhaḥ prāṇarodhena ca manonāśaḥ sampatsyate iti sūcitam | tatrāpi keṣāñcit prāṇarodhena manonāśaḥ mataḥ | asmākaṃ tu samyagjñānasādhitena manonāśenaiva prāṇarodhaḥ | sa cet tatra sahakārī tan na doṣaḥ | tataḥ sarvathā manonāśaḥ prāṇarodhena | manonāśas tu madirādiprayuktamanonāśavan nātyantika iti matam | atra pratibhānvitā eva pramāṇam ity alam bahunā | jīvadhātuḥ ka iva {#31} | dīpa iva | yathā nirvātasadane vātaiḥ ālokaikakārakaḥ dīpo na kṣobhyate | tathety arthaḥ || MoṬ_4,19.19 ||


***NOTES:
#28 N17: -tai<ḥ>[r]
#29 N17: kṣ(e)*o*bh-
#30 N17: -p(e)*o*
#31 N17: -tu[ḥ]
---------------------------------------------------------


tataḥ kiṃ sampadyata ity | atrāha

tataḥ sarati nāṅgeṣu saṃvit kṣubhyati tena no /
na cekṣaṇādīny āyāti randhrāṇy āyāti no bahiḥ // Mo_4,19.20 //


tataḥ sa jīvadhātuḥ | aṅgeṣu na sarati sañcāraṃ na karoti | tena jīvadhātusaraṇena | saṃvit jīvadhātuspandarūpā saṃvit | no kṣubhyati na udeti | sā saṃvit īkṣaṇādīni randhrāṇi na cāyāti bahiḥ no āyāti || MoṬ_4,19.20 ||



tadāsau kutra tiṣṭhatīty apekṣāyām āha

jīve 'ntar eva sphurati tailasaṃvid yathā tile /
śītasaṃvid dhima iva snehasaṃvid yathā ghṛte // Mo_4,19.21 //


asau saṃvit jīve 'ntaḥ svadharmibhūtajīvamadhye eva | sphurati | kā iva | tailasaṃvid iva tailākārā saṃvit | tailasaṃvit tailam iti yāvat {#32} | yathā sā tile sphurati | tathety arthaḥ | evam anyasmin dṛṣṭāntadvaye 'pi yojyam || MoṬ_4,19.21 ||


***NOTES:
#32 N17: taila*saṃ- --> yāvat*
---------------------------------------------------------


nanu tadā jīvaḥ kiṃ karotīty | atrāha {#33}

jīvaḥ kālakalāṃ kāñcit tiṣṭhan śāntatayātmani {#34} /
daśām āyāti sauṣuptīṃ saumyavātāṃ vicetanām // Mo_4,19.22 //


tadā jīvaḥ kāñcit atisūkṣmatayā vaktum aśakyām | kālakalāṃ kālaleśaṃ tāvat | śāntatayā ātmani jñānātmani svarūpe | tiṣṭhan prathamaṃ tiṣṭhan | tataḥ vicetanām ajñānamayīm {#35} | saumyavātām samavāhiprāṇām {#36} | sauṣuptīṃ daśām āyāti | anena jāgratsuṣuptayor madhye sūkṣmadṛṣṭibhiḥ vedyaḥ madhyadhāmapraveśaḥ uktaḥ | anenaiva cābhiprāyeṇa nidrādau jāgarasyānta ityādy uktam | ity alaṃ rahasyodghāṭanena || MoṬ_4,19.22 ||


***NOTES:
#33 N17: a(tranya)trā-
#34 N17: -ṣṭha<ṃ>[n]
#35 N17: -nā[m]
#36 N17: sau<s>[m]ya-
---------------------------------------------------------


nanu suṣupta eva jīvaḥ kṣobharāhityāt kathaṃ na turyavān astīty apekṣāyām āha

jñātvā cetasy uparate śāmyan vyavaharann api /
jāgratsvapnasuṣupteṣu prabuddhas turyavān smṛtaḥ // Mo_4,19.23 //


jñātvā śuddhacinmātrarūpaṃ svātmānaṃ samyag jñātvā | cetasi vikalpasvarūpe manasi | uparate līne sati | vyavaharann api śarīrayātrānimittaṃ vyavahāraṃ kurvann api | śāmyan vyavahārakṛtaṃ kṣobham atyantanaipuṇyāt agacchan | tathā jāgratsvapnasuṣupteṣu prabuddhaḥ kīdṛgrūpāṇy etānīti samyagjñānayuktaḥ | na tu jaḍaḥ | paṇḍitaiḥ turyavān smṛtaḥ | suṣuptas tu naitādṛśo 'stīti nāsau turyavān iti bhāvaḥ || MoṬ_4,19.23 ||



svapnaṃ nirūpayitum prastauti

sauṣuptāt somyatāṃ yātaiḥ prāṇaiḥ sañcālyate yadā /
sa jīvadhātus sā saṃvit tataś cittatayoditā // Mo_4,19.24 //


suṣuptam eva sauṣuptam | tasmāt | somyatāṃ yātaiḥ vātaiḥ | yadā suṣuptapariṇāmakāle | sa jīvadhātuḥ cālyate | tataḥ tadā | sā saṃvit jīvadhātuspandarūpā saṃvit | cittatayā cittabhāvena | uditā prādurbhūtā {#37} | bhavati || MoṬ_4,19.24 ||


***NOTES:
#37 N17: -du[r]bhū-
---------------------------------------------------------


cittatayā uditya kiṃ karotīty {#38} | atrāha

svāntaḥsaṃsthaṃ jagajjālam bhāgabhāgaiḥ kramabhramaiḥ /
paśyati svāntar evāśu sphāram bījam iva drumam // Mo_4,19.25 //


tataḥ sā cittarūpā saṃvit svāntaḥsaṃstham saṃskārarūpeṇa svātmani sthitam | jagajjālaṃ svāntar eva na tu bāhye | āśu kramabhramaiḥ na tu sahajakramayuktaiḥ {#39} | bhāgabhāgaiḥ padārtharūpaiḥ leśaleśaiḥ | paśyati anubhavati {#40} | kim iva | bījam iva | yathā sphāram aṅkuronmukham {#41} | bījam | drumam svāntaḥ paśyati | anyathā tannirgamānupapatteḥ | tathety arthaḥ || MoṬ_4,19.25 ||


***NOTES:
#38 N17: ud<e>[i]-
#39 N17: ā*śu*
#40 N17: (śu)pa-
#41 N17: -onmu<ṇ>[kh]am
---------------------------------------------------------


tad eva viśeṣataḥ kathayati

jīvadhātur yadā vātaiḥ kiñcit saṅkṣobhyate bhṛśam /
tadohyate 'mbara iva paśyaty ātmani khe gatim // Mo_4,19.26 //


vātabāhulyasvabhāva evāyaṃ yat puruṣaḥ svapne khe gatim paśyatīti vākyārthaḥ || MoṬ_4,19.26 ||



yadāmbhasā plāvyate 'sau tadā vāryādisambhramam /
antar evānubhavati svāmodaṃ kusumaṃ yathā // Mo_4,19.27 //


asau jīvadhātuḥ | ambhasā kapharūpeṇa jalena | plāvyate pūryate | vāryādisambhramam udakaplavādirūpaṃ sambhramam || MoṬ_4,19.27 ||



yadā pittādinākrāntas tadāgnyauṣṇyādisambhramam /
antar evānubhavati sphāram bahir ivākhilam // Mo_4,19.28 //


paramārthatas tu na bahiḥ sphāram iti ivaśabdopādanam {#42} || MoṬ_4,19.28 ||


***NOTES:
#42 N17: -ārtha*ta*s
---------------------------------------------------------


raktāpūrṇo raktavarṇān deśakālān bahir yadā /
paśyaty anubhavātmatvāt tatraiva ca nimajjati // Mo_4,19.29 //


yadā raktāpūrṇaḥ raktapūritaḥ | syāt | tadā bahiḥ raktavarṇān deśakālān paśyati | na kevalam paśyati | tatraiva ca nimajjati || MoṬ_4,19.29 ||



nanu nānāvyavahārān katham paśyatīty | atrāha

sevate vāsanāṃ yāṃ tāṃ so 'ntaḥ paśyati nidritaḥ /
pavanakṣobhitai randhrair bahir akṣādibhir yathā // Mo_4,19.30 //


saḥ jīvadhātuḥ | yām śubhāśubharūpām | vāsanāṃ sevate nidritaḥ san | tām antaḥ paśyati | kathaṃ tathā | tathā katham pavanakṣobhitaḥ akṣādibhiḥ randhraiḥ netrādidvāraiḥ | yathā bahiḥ paśyati || MoṬ_4,19.30 ||



saṅgṛhya svapnalakṣaṇaṃ kathayati

anākrantendriyacchidro yad akṣubdho 'ntar eva saḥ /
saṃvidānubhavaty āśu sa svapna iti kathyate // Mo_4,19.31 //


saḥ jīvadhātuḥ | anākrantendriyacchidraḥ antar eva akṣubdhaḥ bāhyakṣobharahitaḥ san | saṃvidā saṃvidākhyena dharmeṇa {#43} | svapne yat anubhavati jagadviṣayam anubhavaṃ karoti | paṇḍitaiḥ sa svapna iti kathyate || MoṬ_4,19.31 ||


***NOTES:
#43 N17: <dh-r-e>[dharme]ṇa. Vgl. MṬ ad (IV) 19,21a.
---------------------------------------------------------


jāgrallakṣaṇaṃ kathayati

samākrantendriyacchidro yat kṣubdho bāhyasaṃvidā /
paripaśyati taj jāgrad ity āhur matimattamāḥ // Mo_4,19.32 //

atiśayena matimantaḥ matimattamāḥ | jāgratsvapnayor eva pṛṣṭatvāt tayor evehopasaṃhāre saṅgraheṇa lakṣaṇābhidhānam {#44} | na suṣupteḥ || MoṬ_4,19.32 ||


***NOTES:
#44 N17: ev<ai>[e]ho-
---------------------------------------------------------


sargāntaślokenaitad upasaṃharati

iti viditavatā tvayādhunāntaḥ prathitamahāmatineha satyatāsthā /
asati jagati naiva bhāvanīyā mṛtihṛtisaṃsṛtidoṣabhāvanīyā // Mo_4,19.33 //


iti evam | viditavatā jñātavatā | ata eva prathitā visṛtiṃ gatā | mahāmatiḥ yasya | tādṛśena tvayā | asati jagati adhunā antaḥ manasi | satyatāsthā satyam idam ity evaṃrūpā āsthā | na bhāvanīyā bhāvanāviṣayatāṃ na neyā | satyatāsthā kā | yā | mṛtiś ca hṛtiś ca saṃsṛtiś ca tāḥ mṛtihṛtisaṃsṛtayaḥ | tā eva doṣāḥ | tān bhāvayati sampādayatīti tādṛśī | bhavati | saṃsārasatyatāsthāyāṃ hi tadgatāḥ mṛtyādidoṣāḥ bādhante | tadasatyatāsthāyāṃ tu tā api asatyabhūtā eva kām bādhāṃ kartuṃ śaknuvanti | na hi vandhyāputraḥ kañcid bādhate | iti śivam || MoṬ_4,19.33 ||




iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ekonaviṃśaḥ sargaḥ {#45} ||19||

***NOTES:
#45 N17: -vira[ci]tā[yāṃ] śrī[mo]kṣo[pā]ya[ṭī]kā[yāṃ] sthiti[pra]ka[ra]ṇe [e]ko[na]viṃ[śaḥ] sar[gaḥ]
---------------------------------------------------------



*********************************************************************



oṃ | evaṃ śrīrāmeṇa madhye pṛṣṭaṃ jāgradādisvarūpaṃ nirṇīya prakṛtam evānusandadhāti

etat te kathitaṃ sarvam manorūpanirūpaṇe /
mayā rāghava nānyena kenacin nāma hetunā // Mo_4,20.1 //


etat sarvam yo yathā yatate saḥ tathā bhavatīty etat samastam | mayā | he rāghava | manorūpanirūpaṇe manonirūpaṇanimittam | te kathitam | anyena hetunā na kathitam vyarthatvāt || MoṬ_4,20.1 ||



manonirūpaṇam eva karoti {#1}

dṛḍhaniścayavac ceto yad bhāvayati bhūriśaḥ /
tattāṃ yāty analāśleṣād ayaḥpiṇḍo 'gnitām iva // Mo_4,20.2 //


bhūriśaḥ abhyāsena || MoṬ_4,20.2 ||


***NOTES:
#1 N17: (ka)ka-
---------------------------------------------------------


bhāvābhāvagrahotsargadṛśaś cittena kalpitāḥ /
nāsatyā nāpi satyās tā manaścāpalakāraṇāḥ {#2} // Mo_4,20.3 //


manaścāpalam eva kāraṇaṃ yāsām | tāḥ manaścāpalakāraṇāḥ | manaścāpalakāraṇaṃ hi rajjusarpādikam arthakriyākāritvābhāvena na satyam bhavati | bhāsamānatvenāsatyaṃ ca na bhavati || MoṬ_4,20.3 ||


***NOTES:
#2 N17: sa(stya)tyās
---------------------------------------------------------


mano hi hetuḥ kartṛ syāt kāraṇaṃ ca jagatsthiteḥ /
viśvarūpatayaivedaṃ tanoti malinam manaḥ // Mo_4,20.4 //


hi niścaye | manaḥ jagatsthiteḥ hetuḥ nimittakāraṇaṃ kartṛ | kartṛ kārakaḥ | kāraṇam samavāyikāraṇam asamavāyikāraṇaṃ ca | bhavati | yataḥ idam manaḥ malinam vāsanāmaladūṣitaṃ sat | viśvarūpatayā idam jagat | tanoti | nātrānyaḥ kaścit kārakatvaṃ yātīti bhāvaḥ | svapnasya cātra dṛṣṭāntatvaṃ sphuṭam eva || MoṬ_4,20.4 ||



mano hi puruṣo rāma tan niyojyaṃ śubhe pathi /
tajjayaikāntasādhyā hi sarvā jagati bhūtayaḥ // Mo_4,20.5 //


niyojyam preraṇīyam | śubhe pathi vivekasvarūpe | hi yasmāt | jagati sarvāḥ vibhūtayaḥ bhogamokṣarūpāṇy aiśvaryāṇi | tasya manasaḥ | yaḥ jayaḥ śubhe pathi niyojanam | tena sādhyāḥ bhavanti || MoṬ_4,20.5 ||



nanu śarīrasya puruṣatvena sthitatvāt kathaṃ cakṣuṣālabhyamānasya manasaḥ puruṣatvaṃ kathayasīty | atrāha

śarīraṃ cet śarīraṃ syāt kathaṃ śukro mahāmatiḥ /
agamad vividham bhedam bahudehasamudbhavam // Mo_4,20.6 //


śarīram sthūlaśrīram | śarīram lakṣaṇayā puruṣaḥ {#3} | cet syāt | tadā saḥ śukraḥ | bahudehebhyaḥ samudbhavaḥ yasya | tādṛśam vividham bhedam | katham agamat | śarīrasyaikenaiva rūpeṇa sthitatvāt || MoṬ_4,20.6 ||


***NOTES:
#3 N17: [śarīram] lakṣa-
---------------------------------------------------------


phalitaṃ kathayati

tasmāc cittaṃ hi puruṣaḥ puruṣaś cittam eva hi {#4} /
yanmayaṃ ca bhavaty etat tad avāpnoty asaṃśayam // Mo_4,20.7 //


hi niścaye | etat cittam | yanmayam yadviṣayānusandhānamayam || MoṬ_4,20.7 ||


***NOTES:
#4 Ś1,Ś3: hi puruṣaḥ; N17: puruṣo hi (unmetrisch)
---------------------------------------------------------


paramaphalitam āha

yad atuccham anāyāsam anupādhi gatabhramam /
yatnāt tadanusandhānaṃ kuru tattāṃ ca yāsyasi // Mo_4,20.8 //


ataḥ yat vastu | atuccham anāyāsam āyāsasādhyatārahitam | anupādhi tathā gatabhramam | bhavati | tvam tadanusandhānaṃ kuru | tataḥ tattām atucchatvādidharmarahitavastubhāvam | yāsyasi || MoṬ_4,20.8 ||



sargāntaślokenāpy etad eva kathayati {#5}

abhipatati manaḥsthitiṃ śarīraṃ na tu vapurācaritam manaḥ prayāti {#6} /
abhipatatu tavātra tena satyaṃ subhaga manaḥ prajahātv asatyam anyat // Mo_4,20.9 //


spaṣṭam | iti śivam || MoṬ_4,20.9 ||


***NOTES:
#5 N17: -ya*ti*
#6 N17: <si>[ma]naḥ-
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe viṃśaḥ sargaḥ {#7} ||20||


***NOTES:
#7 N17: i[ti] śrī[bhā]ska[ra]kaṇṭha[vi]ra[ci]tā[yāṃ] śrī[mo]kṣo[pā]ya[ṭī]kā[yāṃ] sthi[tipra]ka[ra]ṇe [viṃ]śa[ḥ] sar[gaḥ]
---------------------------------------------------------



*********************************************************************



atra śrīrāmaḥ pṛcchati

bhagavan sarvadharmajña saṃśayo me mahān ayam /
hṛdi vyāvartate lolaḥ kallola iva sāgare // Mo_4,21.1 //


vyāvartate sphurati || MoṬ_4,21.1 ||



dikkālādyanavacchinne tate nitye nirāmaye /
mlānā saṃvin manonāmnī kutaḥ keyam upasthitā // Mo_4,21.2 //


dikkālādibhiḥ aparicchinne svaparicchedakasya paricchedaṃ kartum aśakyatvāt | ādiśabdena vastvādeḥ grahaṇam | tate vyāpake | nitye prākpradhvaṃsātyantābhāvarahite | nirāmaye kalanākhyarogarahite {#1} | mlānā saṅkalpavikalparūpatvena malinā | manonamnī | iyaṃ saṃvit saṃvidākhyaḥ spandaḥ | kutaḥ upasthitā | naitasyā upasthānam atra yuktam iti bhāvaḥ || MoṬ_4,21.2 ||


***NOTES:
#1 N17: -hi*te*
---------------------------------------------------------


yasmād anyan na nāmāsti na bhūtaṃ na bhaviṣyati /
kutaḥ kīdṛk kathaṃ tasya kalaṅkaḥ kutra vidyate // Mo_4,21.3 //


yasmāt śuddhacinmātratattvāt | anyat bhinnaṃ vastu | nāma niścaye | nāsti na bhūtaṃ na bhaviṣyati | tasya kalaṅkaḥ manorūpaḥ kalaṅkaḥ | kutaḥ vidyate kīdṛk vidyate kathaṃ vidyate | kutra vidyate sarvathā sambhavānupapatteḥ na vidyate ity arthaḥ || MoṬ_4,21.3 ||



śrīvasiṣṭhaḥ uttaraṃ kathayati

sādhu rāma tvayā proktaṃ jñātā te mokṣabhāginī /
matir uttamaniḥṣyandā nandanasyeva mañjarī // Mo_4,21.4 //


uttamaniḥṣyandā śreṣṭhapravāhā || MoṬ_4,21.4 ||



pūrvāparavicārārthatatpareyam matis tava /
samprāpsyati padam proccair yat prāptaṃ śaṅkarādibhiḥ {#2} // Mo_4,21.5 //


pūrvāparavicārarūpaḥ yaḥ arthaḥ | tatra parā | proccaiḥ padam mokṣākhyaṃ śreṣṭhaṃ sthānam || MoṬ_4,21.5 ||


***NOTES:
#2 Ś1,Ś3: samprāpsyati; N17: samprāśyati
---------------------------------------------------------


tarhi matpraśnasyottaraṃ kathayety | atrāha

praśnasyāsya tu he rāma na kālas tava samprati {#3} /
siddhāntaḥ kathyate yatra tatrāyam praśna ucyate // Mo_4,21.6 //


mayāyam praśna ucyate kṛtottaraḥ sampādyate iti sambandhaḥ || MoṬ_4,21.6 ||


***NOTES:
#3 N17: (t)*h*e
---------------------------------------------------------


nanu yadi siddhāntakāle 'sau praśnaḥ tava smṛtipathaṃ nāyāsyati tadā kiṃ kāryam ity | atrāha

siddhāntakāle bhavatā praṣṭavyo 'ham idam padam /
karāmalakavat tena siddhāntas te bhaviṣyati {#4} // Mo_4,21.7 //


karāmalakavat prayatnarahitam || MoṬ_4,21.7 ||


***NOTES:
#4 N17: -va<r>[t] tena
---------------------------------------------------------


nanv asmin samaya eva kathaṃ na kathayasīty | atrāha

siddhāntakāle praśnoktir eṣā tava virājate /
prāvṛṣy eva hi kekoktir yuktā śaradi haṃsagīḥ // Mo_4,21.8 //


spaṣṭam || MoṬ_4,21.8 ||



sahajo nīlimā vyomni śobhate prāvṛṣaḥ kṣaye /
prāvṛṣi tu danūdagrapayodapaṭalotthitaḥ {#5} // Mo_4,21.9 //


prāvṛṣaḥ kṣaye śaradi | tu pakṣāntare | prāvṛṣi nīlimā śobhate | kathambhūtaḥ | danuvat dānavamātṛvat {#6} | udagraṃ yat payodapaṭalam | tasmād utthitaḥ jātaḥ || MoṬ_4,21.9 ||


***NOTES:
#5 N17: Pāda c) ummetrisch; Pāda d): -lo<s>[t]thitaḥ
#6 N17: dā<vana>[nava]-
---------------------------------------------------------


etad upasaṃhṛtya prakṛtam evānusarati

ayam prakṛta ārabdho manonirṇaya uttamaḥ /
yadvaśāj janatājanma tad ākarṇaya suvrata // Mo_4,21.10 //


ayam uttamaḥ manonirṇayaḥ asmābhiḥ ārabdhaḥ {#7} | kathambhūtaḥ | prakṛtaḥ prakaraṇavaśena prāptaḥ | enam eva śṛṇv iti bhāvaḥ | he suvrata | yadvaśāt janatājanma janasamūhajanma bhavati | tvam tad ākarṇaya śṛṇu | manonirṇayāṅgabhūtatvād iti bhāvaḥ || MoṬ_4,21.10 ||


***NOTES:
#7 N17: ārabdho manonirṇa*ya uttamaḥ r̥̄́ --> manonirṇa*yaḥ asmābhiḥ
---------------------------------------------------------


tad eva kathayati

evam prakṛtir eveyam manomananadharmiṇī /
karmeti rāma nirṇītaṃ sarvair eva mumukṣubhiḥ // Mo_4,21.11 //


he rāma | evaṃ sati | pūrvasargokte niścaye paramārthatayā sthite sati | manasaḥ yat mananam anusandhānākhyo vyāpāraḥ | taddharmiṇī tatsvarūpiṇī | iyam prakṛtiḥ eva jagadupādānarūpā mūlaprakṛtir eva | sarvaiḥ mumukṣubhiḥ karmeti nirṇītam | manomananam eva karmeti piṇḍārthaḥ || MoṬ_4,21.11 ||



śṛṇu lakṣaṇabhedena tan nānāmatatāṃ katham /
vāgmināṃ vadatāṃ yātaṃ citrābhiḥ śāstradṛṣṭibhiḥ // Mo_4,21.12 //


tvaṃ śṛṇu | tat manomananarūpaṃ karma | lakṣaṇabhedena | vāgminām vādinām | nānāmatatām | kathaṃ yātam | tad eva kathayāmīti bhāvaḥ | vāgminām kathambhūtānām | citrābhiḥ nānāvidhābhiḥ | śāstradṛṣṭibhiḥ śāstrarūpābhiḥ dṛṣṭibhiḥ | vadatāṃ vivādaṃ kurvatām | anyathā matabhedo na syāt {#8} || MoṬ_4,21.12 ||


***NOTES:
#8 N17: -d(e)*o*
---------------------------------------------------------

tad eva kathayati

yaṃ yam bhāvam upādatte mano mananacañcalam /
taṃ tam eti ghanāmodamadhyasthaḥ pavano yathā // Mo_4,21.13 //


mananena mananākhyena dharmeṇa | cañcalam nānāpadārthayāyi | manaḥ | yaṃ yam bhāvam śubham aśubhaṃ vā padārthamananodbhūtaṃ vāsanāviśeṣam | upādatte gṛhṇāti | taṃ tam eti tattadanusandhānamayo bhavatīty arthaḥ | ko yathā | pavanaḥ yathā | yathā ghanāmodamadhyasthaḥ pavanaḥ āmodam eti | tathety arthaḥ {#9} || MoṬ_4,21.13 ||


***NOTES:
#9 N17: *ko yathā --> arthaḥ*
---------------------------------------------------------

tatas tam eva nirṇīya tam eva ca vikalpayan /
antas tayā rañjanayā rañjayan svām ahaṅkṛtim {#10} // Mo_4,21.14 //


tanniścayam upādāya tatraiva rasam ṛcchati /
tanmayatvaṃ śarīre tu tato buddhīndriyeṣv api // Mo_4,21.15 //


tataḥ tat manaḥ {#11} | tam eva bhāvam | nirṇīyānusandhāya | tathā niścitya | tam eva ca na tv anyat | vikalpayan punaḥ punaḥ parāmṛśan {#12} | tayā tadbhāvarūpayā | rañjanayā rāgadravyeṇa | svām ahaṅkṛtim nijām ahaṅkāravṛttim | rañjayan uparaktāṃ kurvan | mama kadā etat syāt iti parāmṛśann iti yāvat | tataḥ tanniścayam tasya bhāvasya niścayam | camatkārakāri idam ity evaṃrūpaṃ niścayam | upādāya | tatraiva tasmin śubhe aśubhe vā vāsanāviśeṣe eva | rasam āsvādam | āsaktim iti yāvat | ṛcchati gacchati | tataḥ tadanantaram | tu niścaye | śarīre tanmayatvam bhavati {#13} | anyathā tatsvarūpe bāhye padārthe pravṛttiparihārarūpāyāḥ ceṣṭāyā asambhavāt na kevalaṃ śarīre eva kiṃ tu buddhīndriyeṣv api tanmayatvam bhavati | anyathā teṣām api tatra punaḥ punaḥ svakriyākāritvāyogāt | karmendriyāṇāṃ tu śarīreṇaiva grahaṇam | tathā hi | bāhye puruṣaḥ prathamaṃ kapitthādikam bhuṅkte | tataḥ tasya manaḥ tasya phalasya vāsanām antaḥ dhārayati | tataḥ vāsanārūpasya tasyaivānusandhānam punaḥ punaḥ karoti | tataḥ vāsanārūpeṇa tena svām ahaṅkṛtiṃ rañjayati {#14} | tataḥ tadāśritāni buddhīndriyāṇy api tad eva pratisammukhāni bhavanti | tataḥ tadāśrayaṃ śarīraṃ tat praty eva ceṣṭāṃ karotīti | yugmam || MoṬ_4,21.14-15||

***NOTES:
#10 N17: -jaya<ṃ>[n]
#11 Keine Genus-Kongruenz mit den Partizipien.
#12 N17: -mṛś<y>an
#13 N17: -rī*re*
#14 N17: -ti[ṃ]
---------------------------------------------------------


nanu kutaḥ etad ity {#15} | atrāha

yanmayaṃ hi mano rāma dehas tadanu tadvaśāt /
tattām āyāti gandhāntaḥ pavano gandhatām iva {#16} // Mo_4,21.16 //


yanmayam yadbhāvamayam | tattām tanmayatām || MoṬ_4,21.16 ||


***NOTES:
#15 N17: (eva) etad
#16 Ś1,Ś3: gandhāntaḥ; N17: gacchantaḥ
---------------------------------------------------------


buddhīndriyeṣu valgatsu karmendriyagaṇas tataḥ /
sphurati svata evorvīrajo lola ivānile // Mo_4,21.17 //


sphurati svāṃ kriyām prati sammukhībhavati | svata eva preraṇāṃ vinā | karmendriyagaṇaḥ kim iva | urvīraja iva | yathā urvīrajaḥ anile lole sati | svata eva sphurati | tathety arthaḥ || MoṬ_4,21.17 ||



karmendriyagaṇe kṣubdhe svaśaktim prathayaty alam /
karma niṣpadyate sphāram pāṃsujālam ivānilāt // Mo_4,21.18 //


svaśaktim svakāryam prati nijaṃ sāmarthyam | prathayati vistārayati | karma viṣayādānarūpaṃ karma | niṣpadyate sampadyate || MoṬ_4,21.18 ||



phalitaṃ kathayati

evaṃ hi manasaḥ karma karmabījam manaḥ smṛtam /
abhinnaiva tayoḥ sattā yathā kusumagandhayoḥ // Mo_4,21.19 //


evaṃ hi sati | manasaḥ manaḥsakāśāt | karma utpadyate iti śeṣaḥ | paṇḍitaiḥ | manaḥ | karmaiva bījam yasya | tat | tādṛśam | smṛtam | karmaṇaḥ manaḥ utpadyate iti bhāvaḥ | phalitam āhābhinneti | ataḥ etayoḥ karmamanasoḥ | sattā abhinnaiva bhavati | kayoḥ yathā | kusumagandhayoḥ yathā | na hi mano'nuvṛttiṃ vinā śarīrāśrayam bāhyam api karma sampadyate | na ca hi karmasādhitavāsanāmātrarūpatāṃ vinā mano nāma kiñcid astīti bhāvaḥ || MoṬ_4,21.19 ||



yādṛśam bhāvam ādatte dṛḍhābhyāsavaśān manaḥ /
tathā spando 'sya karmākhyas tathā śākhā vimuñcati // Mo_4,21.20 //


yādṛśam śubham aśubhaṃ vā | śākhāḥ saṅkalparūpāḥ || MoṬ_4,21.20 ||



tathā kriyāṃ tatphaladāṃ niṣpādayati cādarāt /
tatas tad eva cāsvādam anubhūyāśu badhyate // Mo_4,21.21 //


śarīradvāreṇeti śeṣaḥ | tad eva bhāvaviṣayīkṛtaṃ vastv eva | badhyate ghanataraṃ tadvāsanāviṣṭo bhavatīty arthaḥ || MoṬ_4,21.21 ||



punar apy etad eva kathayati

yaṃ yam bhāvam upādatte tat tad vastv iti vindati /
tac chreyo 'nyat tu nāstīti niścayo 'sya prajāyate // Mo_4,21.22 //


vastu satyabhūtam || MoṬ_4,21.22 ||



dharmārthakāmamokṣārtham prayatante sadaiva hi /
manāṃsi dṛḍhabhāvāni pratipattyā svayaiva hi // Mo_4,21.23 //


svayā pratipattyā na tu parapreraṇayā || MoṬ_4,21.23 ||



yadartham iyam prakriyā kṛtā tad eva kathayati

manobhiḥ kāpilānāṃ tu pratipattiṃ nijām alam /
urarīkṛtya nirṇīya kalpitāḥ śāstradṛṣṭayaḥ {#17} // Mo_4,21.24 //


kāpilānām kapilānusāriṇām | sāṅkhyānām iti yāvat | manobhiḥ {#18} | nijām pratipattim niścayam | urarīkṛtya {#19} |śāstradṛṣṭayaḥ prakṛtipuruṣapratipādikāḥ śāstradṛṣṭayaḥ | kalpitāḥ || MoṬ_4,21.24 ||


***NOTES:
#17 N17: u<tt>[r]arī-
#18 N17 :*ma*no-
#19 N17: -kṛt[y]a
---------------------------------------------------------


kāpilān eva viśinaṣṭi

mokṣe tu nānyathā prāptir iti bhāvitacetasaḥ /
svāṃ dṛṣṭim pravivṛṇvantaḥ sthitāḥ svaniyamabhramaiḥ {#20} // Mo_4,21.25 //


bhāvitam bhāvanāyuktam | cetaḥ yeṣām | te | svena kṛtā ye niyamabhramāḥ | taiḥ {#21} | eṣām api manovaśād eva matabhedo 'stīti bhāvaḥ || MoṬ_4,21.25 ||


***NOTES:
#20 N17: -nt(ā)aḥ
#21 N17: tai[ḥ]
---------------------------------------------------------


vedāntavādino buddhyā brahmedam iti dṛḍhayā /
yuktiṃ śamadamopetāṃ nirṇīya parikalpya ca {#22} // Mo_4,21.26 //


muktau tu nānyathā prāptir iti bhāvitacetasaḥ /
svāṃ dṛṣṭim pravivṛṇvantaḥ sthitāḥ svaniyamabhramaiḥ // Mo_4,21.27 //


yuktim śravaṇādirūpam upāyam || MoṬ_4,21.26-27 ||


***NOTES:
#22 Vgl. Brahmasūtra III 4,27: śamadamādyupetaḥ syāt ...
---------------------------------------------------------


vijñānavādino buddhyā sphuratsvabhramarūpayā /
svāṃ dṛṣṭim pravivṛṇvanti svair eva niyamabhramaiḥ // Mo_4,21.28 //


vijñānavādinaḥ vijñānādvaitavādinaḥ bauddhāḥ | svāṃ dṛṣṭim vijñānam evedam itirūpām | pravivṛṇvanti prakaṭīkurvanti || MoṬ_4,21.28 ||



ārhatādibhir anyaiś ca svayābhimatayecchayā {#23} /
citrāś citrasamācārāḥ kalpitāḥ śāstradṛṣṭayaḥ // Mo_4,21.29 //


ādiśabdena cārvākādīnāṃ grahaṇam || MoṬ_4,21.29 ||


***NOTES:
#23 N17: (a)*ā*rhatā-
---------------------------------------------------------


nirnimittotthasaumyāmbubudbudaughair ivotthitaiḥ /
svaniścayair iti prauḍhā nānākārā hi rītayaḥ // Mo_4,21.30 //


nirnimittotthāḥ ye saumyāmbubudbudaughāḥ {#24} | tair iva akasmād | utthitair | ity arthaḥ | rītayaḥ śāstrarītayaḥ || MoṬ_4,21.30 ||


***NOTES:
#24 N17: -nimit[t]o-
---------------------------------------------------------


sarvāsām eva caitāsāṃ rītīnām eka ākaraḥ /
mano nāma mahābāho maṇīnām iva sāgaraḥ // Mo_4,21.31 //


sarvāsām sāṅkhyādipraṇītānām | ākaraḥ utpattisthānam || MoṬ_4,21.31 ||



na nimbekṣū kaṭusvādū śītoṣṇau nendupāvakau /
yad yathā manasābhyastam upalabdhaṃ tathaiva tat // Mo_4,21.32 //


kaṭusvādū tiktamadhurau | anyathā cittavṛttibhedena heyopādeyatvaṃ na syāt | yad eva hi yasya heyatvena sthitaṃ tad evānyasyopādeyatayā || MoṬ_4,21.32 ||



phalitaṃ kathayati

yas tv akṛtrima ānandas tadartham prayateta na vai /
manas tanmayatāṃ neyaṃ tenāsau samavāpyate // Mo_4,21.33 //


ata ity adhyāhāryam | yataḥ kasmiṃścid api bāhye vastuni svabhāvena svādutā nāsti | ataḥ yaḥ akṛtrimaḥ bhogādiviṣayanirapekṣatvena sthitatvāt svābhāvikaḥ | ānandaḥ svātmarūpaḥ ānandaḥ | bhavati | puruṣaḥ tadartham | vai niścaye | yateta {#25} | nanu kena yatnenāsau prāpyate ity | atrāha mana iti | puruṣeṇa manaḥ saṅkalpātmakaṃ cittam {#26}{#27} | tanmayatām svātmabhūtānandarūpatām | neyam | adhyātmaśāstropadiṣṭamārgeṇa tatparāmarśaikapravaṇaṃ kāryam ity arthaḥ | tena manasaḥ tanmayatvanayanamātreṇa yatnenāsau akṛtrimaḥ ānandaḥ | prāpyate || MoṬ_4,21.33 ||


***NOTES:
#25 N17: -tet<e>[a]
#26 N17: -ṣe(a)ṇa
#27 N17: saṅk<e>[a]lpā-
---------------------------------------------------------


nanu sukhaduḥkhavaśīkṛtam manaḥ kathaṃ tanmayatāṃ neyam ity | atrāha

dṛśyaṃ saṃsāraḍimbasthaṃ tuccham parijahan manaḥ /
tajjābhyāṃ sukhaduḥkhābhyāṃ nāvaśaḥ parikṛṣyate // Mo_4,21.34 //


saṃsāra eva ḍimbaḥ bālaḥ | tatra tiṣṭhatīti tādṛśam | dṛśyam dṛśikriyāviṣayam bhāvajātam | jahat svaunmukhyāviṣayatāṃ nayat | manaḥ | tajjābhyām dṛśyotpannābhyām | sukhaduḥkhābhyām | nāvaśaḥ parikṛṣyate na balātkāreṇāsvādhīnīkriyate {#28} | avaśa iti āviṣṭaliṅgam || MoṬ_4,21.34 ||


***NOTES:
#28 N17: balā*t*kāreṇ<a>[ā]svādhīnī-
---------------------------------------------------------


nanu dṛśye ko doṣo 'stīty | atrāha

apavitram asadrūpam mohanam bhayakāraṇam {#29} /
dṛśyam ābhāsam ābhogi bandham mā bhāvayānagha {#30} // Mo_4,21.35 //


anagha | dṛśyabhāvanānarhatvaṃ dṛśyam mā bhāvaya mano'nusandhānaviṣayam mā kuru | kimarthaṃ na bhāvayāmīty apekṣāyāṃ viśeṣaṇāny āha apavitram ityādi | apavitram rāgādirūpapāpotpādakatvāt pavitratārahitam | asadrūpam kiṃrūpam iti vicārāsahatvāt pāramārthikasattārahitam | mohanam anātmany ātmatvarūpamohotpādakam | bhayakāraṇam mṛtyādyupādānabhayahetum | ābhāsam ābhāsamātrasvarūpam | na tu vastutayā sthitam | ābhogi vistārayuktam | bandham ātmajñānam prati rodhakatvāt bandhasvarūpam || MoṬ_4,21.35 ||


***NOTES:
#29 N17: bha<v>[y]a-
#30 N17: -va(na)yā-
---------------------------------------------------------


māyaiṣā sā hy avidyaiṣā bhāvanaiṣā bhayāvahā {#31} /
saṃvidas tanmayatvaṃ yat tat karmeti vidur budhāḥ // Mo_4,21.36 //


eṣā dṛśyabhāvanā | sā svasiddhā | māyā bhavati | eṣā avidyā bhavati | eṣā bhayāvahā bhāvanā vāsanā | bhavati | nanu tarhi karma kiṃrūpam astīty | atrāha saṃvida iti | saṃvidaḥ manorūpāyāḥ saṃvidaḥ {#32} | tanmayatvam dṛśyamayatvam | yad bhavati | budhāḥ tat karmeti viduḥ | karmāpi eṣaiveti bhāvaḥ || MoṬ_4,21.36 ||


***NOTES:
#31 N17: m(a)[ā]yai-
#32 N17: -rūp*ā*-
---------------------------------------------------------


nanu manaḥ kiṃrūpam asti yena kṛtā dṛśyabhāvanā māyādināmatvenoktety | atrāha

draṣṭur dṛśyaikatānatvaṃ viddhi tvam mohanam manaḥ /
bhramāyaiva ca tan mithyā mahīmakkolakarmavat // Mo_4,21.37 //


draṣṭuḥ dṛśikriyākartuḥ | dṛśyaikatānatvam dṛśyam prati sammukhatām | mohanam mohakāri | mano viddhi | tat bhramāya bhramotpādāya sat | mithyā bhavati | ābhāsamātratvena vastusat na bhavatīty arthaḥ | katham | mahyām mṛttikāyām | makkolakarma sudhālepaḥ | tadvat | yathā mṛttikāyāṃ kṛtasudhālepaḥ vastutaḥ san nāsti {#33} | mṛttikāyāḥ eva tathā sthitatvāt sudhāyāḥ lepatayaiva bhāvāt | tathā cinmātre bhāsamānam manaḥ vastutaḥ nāsti cinmātrasyaiva tathā sthitatvāt ity arthaḥ || MoṬ_4,21.37 ||


***NOTES:
#33 N17: -kā*yāṃ*
---------------------------------------------------------


nanu kathaṃ draṣṭṛdṛśyaikatānatārūpam manaḥ mithyārūpam astīty {#34} | atrāha

dṛśyatanmayatā yaiṣā svabhāvasyānubhūyate /
saṃsāramadirā seyam avidyety ucyate budhaiḥ {#35} // Mo_4,21.38 //


asmābhiḥ | svabhāvasya draṣṭṛrūpasya svabhāvasya | yā dṛśyatanmayatā dṛśyaikatānatā | dṛśyate | budhaiḥ sā iyam bhramotpādakatvāt saṃsāramadirārūpā avidyeti ucyate | ato manaḥ avidyārūpam evāvastubhūtam ity arthaḥ || MoṬ_4,21.38 ||


***NOTES:
#34 N17: d<ṛ>[ra]ṣṭṛ-
#35 dṛśy(e)at(i)a*nmayatā --> budhaiḥ*
---------------------------------------------------------


ko 'narthaḥ anayāvidyayā kriyate ity | atrāha
anayopahato lokaḥ kalyāṇaṃ nādhigacchati /
bhāsvaraṃ tapanālokam paṭalāndhekṣaṇo yathā // Mo_4,21.39 //


anayā draṣṭuḥ dṛśyatanmayatārūpayā | avidyayā | kalyāṇam svātmani viśrāntirūpam | paṭalam netrarogaviśeṣaḥ || MoṬ_4,21.39 ||



nanu sā kuta utpadyata ity | atrāha

svayam utpadyate sā ca saṅkalpād vyomavṛkṣavat /
asaṅkalpanamātreṇa svayam eva vinaśyati // Mo_4,21.40 //

utpadyate prādurbhavati | nanu sā kathaṃ naśyati ity | atrāhāsaṅkalpanamātreti | asaṅkalpanamātreṇa saṅkalpākaraṇamātreṇa | ata evāha svayam iti | na hi asaṅkalpanaṃ yatnaḥ {#36} | api tu saṅkalpanam eva || MoṬ_4,21.40 ||


***NOTES:
#36 N17 *a*saṅ-
---------------------------------------------------------


nanv avidyānāśena kiṃ sampadyate ity | atrāha

asaṅkalpanamātreṇa bhāvanāyām mahāmate /
kṣīṇāyāṃ svaprasādena vimarśena vilāsinā {#37} // Mo_4,21.41 //


asaṃsaṅge padārtheṣu sarveṣu sthiratāṃ gate /
satyadṛṣṭau prasannāyām asatye kṣayam āgate // Mo_4,21.42 //


nirvikalpacid acchātmā sa ātmā samavāpyate /
nāsattā yasya no sattā na sukhaṃ nāpi duḥkhitā // Mo_4,21.43 //


bhāvanāyām avidyāyām | vimarśena svātmavicāreṇa | kathambhūtena | svaprasādena svātmaprasādenotpanneneti śeṣaḥ | punaḥ kathambhūtena | vilāsinā vistārayuktena | asaṃsaṅge anāsaktau | satyaviṣayā dṛṣṭiḥ satyadṛṣṭiḥ | tasyām prasannāyām | siddhāyām iti yāvat | asatye asatyabhūte dṛśye ity arthaḥ {#38} | ātmā kathambhūtaḥ | nirvikalpaḥ dṛśyaviṣayavikalpaniṣkrāntā yā cit tadrūpaḥ | acchaḥ ātmā svarūpaṃ yasya | tādṛśaḥ | na tu acidrūpadehādisvarūpa ity arthaḥ | ato nāvidyānāśasya vaiphalyam iti bhāvaḥ | kīdṛśo 'sāv ātmety apekṣāyām āha nāsatteti | yasya ātmanaḥ | asattā na bhavati | sarveṣām ātmatvena sphuraṇāt | na hi kaścin nāham asmīti bravīti | bruvāṇaś copahāsapātram eva | tathā sattā no bhavati {#39} | bāhyāntaḥkaraṇāviṣayatvāt śaśaśṛṅgavat {#40} | sukham lakṣaṇayā sukhitā | na bhavati | sukhāder antaḥkaraṇādhikaraṇatvād | anyathā suṣuptādāv api bhānaprasaṅgāt {#41} | duḥkhitā duḥkhādhikaraṇatvam | na bhavati | proktahetoḥ || MoṬ_4,21.41-43 ||


***NOTES:
#37 N17: -sin(i)*ā*
#38 N17: *i*ty
#39 N17: *tathā*
#40 N17: -tvā*t* śaś<i>[a]-
#41 N17: -g*ā*t
---------------------------------------------------------


punaḥ kiṃ tatrāsti ity | atrāha

kevalaṃ kevalībhāvo yasyāntar upalabhyate /
abhavyayā bhāvanayā na cittendriyadṛṣṭibhiḥ // Mo_4,21.44 //


samyagjñānayuktena puruṣeṇa | yasyātmanaḥ | antaḥ svabhittau | kevalībhāvaḥ śuddhacinmātratāṃ vinā samastābhāvaḥ | kevalaṃ labhyate | upacārāl labhyate ity uktiḥ | labdhaikarūpasya labhyatāyogāt {#42} | paramārthas tu labhyānapekṣam {#43} | labdhṛtvam api tatra na yuktam ity alam vikalpāpādikayā vācā | tanmuvraṇayā vā abhavyayā bhāvanayā na labhyate {#44} | cittendriyadṛṣṭibhiś ca na labhyate {#45} || MoṬ_4,21.44 ||


***NOTES:
#42 N17: labdh<e>[ai]ka-
#43 N17: *labhyā<unleserlich>[na?]pekṣaṃ*
#44 N17: tanmuvraṇayā (sic)
#45 N17 : <la>[na] labh-
---------------------------------------------------------


ātmano 'nanyabhūtābhir api yaḥ parivarjitaḥ /
vāsanābhir anantābhir vyomeva vanarājibhiḥ {#46} // Mo_4,21.45 //


yaḥ ātmā | ātmanaḥ ananyabhūtābhir api svasvarūpabhūtābhir api | vāsanābhiḥ parivarjitaḥ bhavati | śuddhacinmātrasvarūpatvāt | vāsanānāṃ cātmarūpatvaṃ tadviṣayatvaṃ vināsiddhabhāvaprayuktam eva jñeyam | na hi cinmātrāviṣayīkṛtā vāsanā vāsanā bhavati | viṣayīkṛtiś ca svasambandhina eva yuktā | sambandhaś ca vicāritaḥ san ekatāyāṃ viśrāmyati | dvitve tu virodhalabdhasiddheḥ dvitvād eva sambandhānupapatteḥ | na hi viruddhayoḥ tamaḥprakāśayoḥ sambandhaḥ yukta ity alam bahunā | yaḥ kim iva | vyoma iva | yathā vyoma vanarājibhiḥ parivarjitaḥ bhavati | tathety arthaḥ || MoṬ_4,21.45 ||


***NOTES:
#46 Ś1,Ś3,N17: ghana-; MṬ: vana-
---------------------------------------------------------


nanu yadi kevalaḥ sa evātmāsti tarhi dṛśyarūpaḥ bandhaḥ kuta āgata ity | atrāha

sandigdhāyāṃ yathā rajjvāṃ sarpatvaṃ tadvad eva hi /
cidākāśātmanā bandhas tv abaddhenaiva kalpitaḥ // Mo_4,21.46 //


yathā puruṣeṇa sandigdhāyāṃ rajjvāṃ sarpatvam kalpyate | hi niścaye | tadvad eva cidākāśātmanā cidākāśasvarūpeṇātmanā | abaddhenaiva satā | bandhaḥ dṛśyākhyo bandhaḥ | kalpitaḥ kalpanayā sampāditaḥ || MoṬ_4,21.46 ||



nanu kalpita eṣa bandhaḥ kathaṃ naśyatīty | atrāha

kalpitaṃ kalpitaṃ vastu pratikalpanayānyayā /
tad evānyatvam ādatte kham ahorātrayor iva // Mo_4,21.47 //


kalpitaṃ kalpitaṃ vastu sarvaṃ kalpitavastu | anyayā svasmād bhinnayā {#47} | pratikalpanayā | tad eva sat | anyatām ādatte | kim iva | kham iva | yathā kham ahorātrayoḥ tad eva sat anyatām ādatte | tathety arthaḥ | ataḥ pratikalpanayaiva kalpitasya nāśa iti bhāvaḥ || MoṬ_4,21.47 ||


***NOTES:
#47 N17: -sm*ā*d
---------------------------------------------------------


nanv atucchatvādiguṇaviśiṣṭaḥ kalpito nāstīti kathaṃ saḥ kalpyate yena tucchatvādiguṇaviśiṣṭasaṃsārakalpanā naśyati | na ca kalpanāṃ vinā kalpanāyāḥ nāśaḥ śakyakriyaḥ ayasaḥ ivāyo vinety | atrāha

yad atuccham anāyāsam anupādhi gatabhramam /
tat tatkalpanayā tādṛk tat sukhāyaiva kalpate // Mo_4,21.48 //


yat vastu | atuccham tucchaguṇarahitam {#48} | anāyāsam āyāsasādhyatvarahitam | anupādhi upādhitvenābhimatasyāpi tattāvyabhicārāt upādhirahitam | gatabhramam śuddhasatyabodhasvarūpatvāt bhramasparśarahitam | bhavati | tat tad vastu | tatkalpanayā tasyātucchatvādeḥ kalpanayā eva | tādṛk atucchādirūpam | bhavati | śuddhe svarūpe tucchatvātucchatvādisāpekṣaśabdāvakāśābhāvāt | nanu tarhi tad api heyam evety | atrāha tat sukhāyaiveti | tat atucchatvādiguṇakaṃ vastu kalpitam api | sukhāyaiva tucchatvātucchatvarahitaśuddhasvarūpaviśrāntaya eva {#49} | bhavati | tathā cātucchatvādiguṇakakalpanayā pratipakṣabhūtayā tucchatvādiguṇakakalpanā nāśayituṃ śākyeti bhāvaḥ || MoṬ_4,21.48 ||


***NOTES:
#48 N17: tuccha<tū>gu-
#49 N17: tucchatvātuccha[tva]ra-
---------------------------------------------------------


nanu satyabhūtasya dṛśyarūpasya bandhasya kathaṃ kalpanāmātreṇa nāśaḥ śakyakriyaḥ ity | atrāha

śūnya eva kusūle 'ntaḥ siṃho 'stīti bhayaṃ yathā /
śūnya eva śarīre 'ntar baddho 'smīti bhayaṃ tathā // Mo_4,21.49 //


kusūlaḥ siṃhabandhanārthaṃ yantrarūpaṃ koṣṭhakam | dṛśyarūpo bandhaḥ satyo 'pi bhavatu {#50} | tathāpi paramārthataḥ śuddhacidrūpasya bhavataḥ saḥ bandhakārī na bhavati | na hy ambaraṃ rajjubhiḥ badhyate iti bhāvaḥ || MoṬ_4,21.49 ||


***NOTES:
#50 N17: *pi*
---------------------------------------------------------


yathā śūnye kusūle 'ntaḥ prekṣya siṃho na labhyate /
tathā saṃsārabandhārhaḥ prekṣitaḥ san na labhyate // Mo_4,21.50 //


spaṣṭam || MoṬ_4,21.50 ||



nanu tarhi idaṃ jagat ayam aham ity evam bandhabadhyarūpā pratītiḥ katham astīty | atrāha

idaṃ jagad ayaṃ cāham itīyam bhrāntir utthitā /
bālānāṃ śyāmale kāle chāyā vaitālikī yathā {#51} // Mo_4,21.51 //


śyāmale kāle rātrau {#52} | idaṃ jagat ayam aham ity evaṃrūpā pratītiḥ | bhrāntir evotthitā bhavati iti piṇḍārthaḥ || MoṬ_4,21.51 ||


***NOTES:
#51 N17: <dh>[ś]yāma-
#52 N17: <dh>[ś]yāma-
---------------------------------------------------------


nanu etādṛśī bhrāntiḥ katham utthitety | atrāha

kalpanāvaśato jantor bhāvābhāvāḥ śubhāśubhāḥ {#53} /
kṣaṇād asattām āyānti sattām api punaḥ punaḥ // Mo_4,21.52 //


kalpanāvaśataḥ svavikalpavaśataḥ || MoṬ_4,21.52 ||


***NOTES:
#53 Ś1,Ś3: bhāvā-; N17: bhābhā-
---------------------------------------------------------


etad eva viśeṣataḥ kathayati

mātaiva gṛhiṇībhāvagṛhītā kaṇṭhalambinī /
karoti gṛhiṇīkāryaṃ suratānandadāyinī {#54} // Mo_4,21.53 //


bhrameṇeti śeṣaḥ || MoṬ_4,21.53 ||


***NOTES:
#54 N17: -ṇī(bhā)kā-
---------------------------------------------------------


kāntaiva mātṛbhāvena gṛhītākaṇṭhalambinī /
dūraṃ vismārayaty eva manmathonmādabhāvanām // Mo_4,21.54 //


ihāpi bhrameṇeti śeṣaḥ | iyaṃ cāvasthā madhyamapāpiprabhṛtīnāṃ jñeyā {#55} | mahāpāpināṃ tu atrāpi ratir eva jāyate || MoṬ_4,21.54 ||


***NOTES:
#55 N17: <s>[m]adhyamapāpi<2 Silben unleserlich>[prabhṛ?]tīnāṃ jñeyā<ḥ>
---------------------------------------------------------


phalitam āha

bhāvānusāriphaladam padārthaugham avekṣya ca /
na jñeneha padārtheṣu rūpam ekam udīryate // Mo_4,21.55 //


jñena padārthatattvajñena puruṣeṇa {#56} | padārthaugham bhāvānusāriphalaṃ dadātīti tādṛśam | avekṣya | iha loke | padārtheṣv ekaṃ rūpaṃ na udīryate na kathyate || MoṬ_4,21.55 ||


***NOTES:
#56 N17: padā[rtha]ta-
---------------------------------------------------------


dṛḍhabhāvanayā ceto yad yathā bhāvayaty alam /
tat tatphalaṃ tadākāraṃ tāvatkālam prapaśyati // Mo_4,21.56 //


cetaḥ | yat vastu | dṛḍhabhāvanayā yathā bhāvayati anusandhatte | tatphalam bhāvanāphalabhūtam | tat | tadākāram | tāvatkālam tasmin samaye | prapaśyati | svapnaś cātra dṛṣṭāntatvena jñeyaḥ || MoṬ_4,21.56 ||



siddhāntaṃ kathayati

na tad asti na yat satyaṃ na tad asti na yan mṛṣā /
yad yathā yena nirṇītaṃ tat tathā tena lakṣyate // Mo_4,21.57 //


nirṇīṭam bhāvitam | anyathā ekam eva vastu ekasya harṣadam anyasya duḥkhadaṃ na syād iti bhāvaḥ || MoṬ_4,21.57 ||



bhāvitākāśamātaṅgaṃ vyomahastitayā manaḥ /
vyomakānanamātaṅgīṃ vyomasthām anudhāvati // Mo_4,21.58 //


bhāvitākāśamātaṅgam sat | manaḥ | vyomahastitayā vyomahastibhāvena | vyomahastī bhūtveti yāvat {#57} | vyomakānanamātaṅgīm anudhāvati | kathambhūtām | kānanādhārabhūte vyomni tiṣṭhatīti tādṛśīm || MoṬ_4,21.58 ||


***NOTES:
#57 N17: bhū<y>[tv]eti yā[va]t
---------------------------------------------------------


paramaphalitam āha

tasmāt saṅkalpam eva tvaṃ sarvabhāvamayātmakam /
tyaja rāghava susvasthaḥ svātmanaiva bhavātmani // Mo_4,21.59 //


sarvabhāvamayaḥ sarvapadārthasvarūpaḥ | ātmā yasya | tat | saṅkalpa eva hi bahiḥ nānākāraiḥ sphurati | tyaja mā prādurbhāvaya | prādurbhūte 'pi upekṣām eva kurv ity arthaḥ | na hi sarvathā tyāgaḥ videhamuktiṃ yāvat śakyakriyaḥ || MoṬ_4,21.59 ||



nanu katham āgacchantaṃ saṅkalpaṃ tyajāmīty | atrāha

maṇir hi pratibimbānām pratiṣedhakriyām prati /
aśakto jaḍabhāvena na tu rāma bhavādṛśaḥ // Mo_4,21.60 //


jaḍabhāvena jaḍatayā | bhavādṛśaḥ tvādṛkcetanaḥ | saṅkalpatyāgo hi saṃvedanasādhyaḥ | tac ca tavāsty eveti bhāvaḥ || MoṬ_4,21.60 ||



tyāgopāyaṃ kathayati

yad yan manomaṇau rāma taveha pratibimbati /
tad avastv iti nirṇīya mā tenāgaccha rañjanām // Mo_4,21.61 //


rañjanām uparaktatvam || MoṬ_4,21.61 ||



upāyāntaraṃ kathayati

tad eva satyam iti vāpy abhinnam paramātmanaḥ /
manvānas tvam anādyantam bhāvayātmānam ātmanā // Mo_4,21.62 //


sarvasya paramātmanaḥ abhinnatvabhāvanena hi anādyantātmabhāvanam eva sampadyate || MoṬ_4,21.62 ||



cetasi pratibimbanti ye bhāvās tava rāghava /
rañjayantv anyasaktātman mā te tvāṃ sphaṭikaṃ yathā // Mo_4,21.63 //


he rāghava | kathambhūta | anyasmin bhāvebhyaḥ bhinnasvarūpe paramātmani | saktaḥ ātmā manaḥ yasya | tādṛśa | anyathā pratibimbitabhāvarañjanābhāvo na yukta iti bhāvaḥ | tvām kaṃ yathā | sphaṭikaṃ yathā | yathā anyarāgayuktaṃ sphaṭikam anyarāgakṛtā rañjanā na rañjayati {#58} | tathety arthaḥ || MoṬ_4,21.63 ||


***NOTES:
#58 N17:*yathā*
---------------------------------------------------------


nanu kathaṃ rañjanābhāvo dehaṃ tāvat śakya ity | atra sargāntaślokena kathayati {#59}

sphaṭikam apamalaṃ yathā viśanti prakaṭatayā navarañjanā vicitrāḥ /
iha hi vimananaṃ tathā viśantu prakaṭatayā bhuvaṇaiṣaṇā bhavantam // Mo_4,21.64 //


vimananam mananākhyamanodharmarahitam | yathā nirmalaṃ sphaṭikaṃ vicitrāḥ rañjanā viśanti | tathā mananāparaparyāyānusandhānarāhityena śuddham bhavantam api padārthasaṅkalpanārūpāḥ rañjanā viśantv iti piṇḍārthaḥ | lepākāriṇī rañjanā yady āyāti tadā na kācid dhānir iti bhāvaḥ | iti śivam || MoṬ_4,21.64 ||


***NOTES:
#59 N17: sa<-->[rgān]ta-
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ekaviṃśaḥ sargaḥ {#60} ||21||


***NOTES:
#60 N17: i[ti] śrī[bhā]ska[ra]ka[ṇṭha]vi[ra]ci[tā]yāṃ śrī[mo]kṣo[pā]ya[ṭī]kāyāṃ [sthi]ti[pra]ka[ra]ṇe e[ka]<k>[]viṃ[śa]<ti>ḥ [sa]rgaḥ
---------------------------------------------------------



*********************************************************************


pūrvoktam evārthaṃ sthitiprakaraṇavācyatayā sthitatvāt punar api kathayati

jantoḥ kṛtavicārasya vigaladvṛtticetasaḥ /
mananaṃ tyajato jñatvāt kiñcit parigatātmanaḥ // Mo_4,22.1 //


dṛśyaṃ santyajato heyam upādeyam upeyuṣaḥ /
draṣṭāram paśyato dṛśyam adraṣṭāram apaśyataḥ // Mo_4,22.2 //


asuptasya pare tattve jāgarūkasya jīvataḥ /
suptasya ghanasammohamaye saṃsāravartmani // Mo_4,22.3 //


paryantātyantavairasyād araseṣu raseṣv api /
bhogeṣv ābhogaramyeṣu nīrasasya nirāśiṣaḥ {#1} // Mo_4,22.4 //


vrajaty ātmāmbhasaikatvaṃ jīrṇajāḍye manasy alam /
galaty apagatāsaṅge himapūra ivātape // Mo_4,22.5 //


taraṅgitāsu kallolajālalolāntarāsu ca /
śāmyantīṣv atha tṛṣṇāsu nadīṣv iva ghanātyaye // Mo_4,22.6 //


saṃsāravāsanājāle khagajāla ivākhunā /
troṭite cādṛḍhagranthiśleṣe vairasyaraṃhasā // Mo_4,22.7 //


katakam phalam āsādya yathā vāri prasīdati /
tathā vijñānavaśataḥ svabhāvaḥ samprasīdati // Mo_4,22.8 //


jantoḥ puruṣasya | vijñānavaśataḥ śuddhātmajñānavaśena | svabhāvaḥ svasvarūpam | tathā prasīdati nirmalībhavati | tathā katham | yathā katakam phalam āsādya vāri prasīdati | keṣu satsu prasīdatīty apekṣāyām āha vrajaty ātmetyādi | apagatāsaṅge naṣṭāsaktyākhyadoṣe | jīrṇajāḍye jāḍyanirgate | ata eva galati galanonmukhe | manasi | ātmāmbhasā paramātmākhyajalena saha | ekatvaṃ vrajati sati | kasminn iva {#2} | ātape tāpadeśe | sthite himapūre iva | punaḥ kāsu satīṣu | atha tadanantaram | tṛṣṇāsu śāmyantīṣu satīṣu | kathambhūtāsu | taraṅgitāsu vṛddhiyuktāsu | kallolajālaiḥ vikalpasvarūpaiḥ kallolasamūhaiḥ {#3} | lolam antaram yāsām | tāḥ | tādṛśīṣu | kāsv iva | nadīṣv iva | yathā tāḥ ghanātyaye śaradi | śāmyanti | tathety arthaḥ | punaḥ kasmin sati | saṃsāravāsanājāle vairasyaraṃhasā ākhunā iva khagajāle troṭite sati | kathambhūte | adṛḍhaḥ | granthīnām kāmādirūpāṇāṃ granthīnām | śleṣaḥ sambandhaḥ yasya | tādṛśe | jantoḥ kathambhūtasya {#4} | kṛtaḥ vicāraḥ ko 'haṃ kasya saṃsāra ity evaṃrūpaḥ vivekaḥ yena | tādṛśasya | vigaladvṛtticetaḥ yasya | tādṛśasya | jñasyaiva hi mananatyāge śaktir astīti jñatvād ity uktam | kiñcit parokṣatayā | na tv aparokṣatayety arthaḥ {#5} | upādeyam arthāt śuddhadraṣṭṛrūpam | dṛśyam | draṣṭāram draṣṭṛrūpam | paśyataḥ | adraṣṭāram draṣṭṛvyatiriktam | apaśyataḥ | raseṣv api suptasyeti yojyam | nirāśiṣaḥ āśārahitasya | kulakam || MoṬ_4,22.1-8||


***NOTES:
#1 N17: nīra[sa]sya
#2 N17: (e)ka-
#3 N17: -<m>[s]amūhaiḥ
#4 N17: ja[n]toḥ
#5 N17: -kṣa*ta*ye-
---------------------------------------------------------


anyat kiṃ tasya sampatsyate ity | atrāha

nīrāgaṃ nirupāsaṅgaṃ nirdvandvaṃ nirupāśrayam /
viniryāti mano mohād vihagaḥ pañjarād iva // Mo_4,22.9 //


nirupāsaṅgam āsaktirahitam | nirupāśrayam nirapekṣam | mohāt anātmany ātmābhimānarūpād avicārāt || MoṬ_4,22.9 ||



śāntasandehadaurātmyaṃ gatakautukavibhramam /
paripūrṇāntaraṃ cetaḥ pūrṇendur iva rājate // Mo_4,22.10 //


kautukam atra padārthaviṣayaṃ jñeyam | paripūrṇam sahajānandanirbharam | antaram yasya | tādṛśam || MoṬ_4,22.10 ||



janitottamasaundaryā dūrodastanatonnatā /
samatodeti sarvatra śāntavāta ivārṇave // Mo_4,22.11 //


janitam uttamaṃ saundaryam yayā | sā | samatayā hi puruṣaḥ sadaiva prasannavadano bhavati | dūrodastā natonnatā bhāvapradhāno nirdeśaḥ | natonnatatā | yasyām | sā || MoṬ_4,22.11 ||



andhakāramayī mūḍhā jāḍyajarjaritāntarā /
tanutām eti saṃsāravāsaneva prage kṣapā // Mo_4,22.12 //


ivaśabdaḥ kṣapety anena sambadhyate || MoṬ_4,22.12 ||



dṛṣṭacidbhāskarā prajñāpadminī puṇyapallavā /
vikasaty amaloddyotā prātar dyaur iva rūpiṇī // Mo_4,22.13 //


spaṣṭam || MoṬ_4,22.13 ||



prajñā hṛdayahāriṇyo bhuvanāhlādanakṣamāḥ {#6} /
sattvalakṣmyaḥ pravartante sakalendor ivāṃśavaḥ // Mo_4,22.14 //


sattvalakṣmyaḥ sattvaguṇasampadaḥ || MoṬ_4,22.14 ||


***NOTES:
#6 N17: praj[ñ]ā
---------------------------------------------------------


upasaṃhāraṃ karoti

bahunātra kim uktena jñātajñeyo mahāmatiḥ /
nodeti naiva yāty astam abhūtākāśakośavat // Mo_4,22.15 //


na udeti astaṃ nāyāti cinmātrākhyāt svasvarūpān na cyavata ity arthaḥ | abhūtākāśakośavat paramākāśamadhyavat {#7} || MoṬ_4,22.15 ||


***NOTES:
#7 -*kośa*vat
---------------------------------------------------------


vicāraṇāparijñātasvabhāvasyoditātmanaḥ /
anukampyā bhavanty ete brahmaviṣṇvindraśaṅkarāḥ // Mo_4,22.16 //


vicāraṇayā parijñātaḥ svabhāvaḥ svasvarūpaṃ yena | tādṛśasya | anukampyāḥ teṣv api sṛṣṭinirmāṇādikṣobhadarśanāt asya dayā jāyate ity arthaḥ || MoṬ_4,22.16 ||



prakaṭākāram apy antar nirahaṅkāracetasam /
nāpnuvanti vikalpās tam mṛgatṛṣṇāmbv ivaiṇakāḥ {#8} // Mo_4,22.17 //


nāpnuvanti svavaśaṃ na kurvanti | prakaṭākārasya cāhaṅkārarāhityam āścaryakāry eva || MoṬ_4,22.17 ||


***NOTES:
#8 N17: -āmb[v] ivai-
---------------------------------------------------------


taraṅgavad amī lokāḥ prayānty āyānti cābhitaḥ /
kroḍīkuruta ātmotthe na jñam maraṇajanmanī // Mo_4,22.18 //


kroḍīkurutaḥ vaśīkurutaḥ | dehābhimānābhāvena tatsthamṛtijanmābhimānābhāvāt || MoṬ_4,22.18 ||



āvirbhāvatirobhāvau saṃsāro netaraḥ kramaḥ /
iti tābhyāṃ samāloke ramate na sa khidyate // Mo_4,22.19 //


iti evaṃrūpābhyām | tābhyām āvirbhāvatirobhāvābhyām {#9} | saḥ | samāloke tattattvaprakāśe sati | ramate | na khidyate | jñātavastutattvo hi vastubhiḥ ramata eva na khidyate | ajñātatattvasyaiva rajjvādiṣu sarpādibhayakṛtakhedadarśanāt {#10} || MoṬ_4,22.19 ||


***NOTES:
#9 N17: <a>[ā]vir-
#10 N17: -sy<e>[ai]va
---------------------------------------------------------


na jāyate na mriyate kumbhe kumbhanabho yathā /
bhūṣite dūṣite vāpi dehe tadvad ihātmavān // Mo_4,22.20 //


dehābhimānābhāvād iti bhāvaḥ || MoṬ_4,22.20 ||



viveka udite śīte mithyābhramabharoditā /
kṣīyate vāsanā sābhre mṛgatṛṣṇā marāv iva // Mo_4,22.21 //


mithyārūpaḥ yaḥ bhramabharaḥ | tenoditā | sābhre hi marau mṛgatṛṣṇā kṣīyata eva | tāpa eva tasyā utthānāt || MoṬ_4,22.21 ||



ko 'haṃ katham idaṃ veti yāvan na pravicāritam /
saṃsārāḍambaraṃ tāvad andhakāropamaṃ sthitam // Mo_4,22.22 //


andhakāro 'pi kiṃrūpo 'yam iti vicāraḥ {#11} | tāvad eva tiṣṭhati || MoṬ_4,22.22 ||


***NOTES:
#11 N17: -cāra<ṃ>[ḥ]
---------------------------------------------------------


mithyābhramabharodbhūtaṃ śarīram padam āpadām /
ātmabhāvanayā nedaṃ yaḥ paśyati sa paśyati // Mo_4,22.23 //


yaḥ idaṃ deham | ātmabhāvanayā na paśyati | saḥ paśyati samyak paśyati iti piṇḍārthaḥ || MoṬ_4,22.23 ||



deśakālavaśotthāni na mameti gatabhramam /
śarīrasukhaduḥkhāni yaḥ paśyati sa paśyati // Mo_4,22.24 //


mama śuddhacinmātrasya mama || MoṬ_4,22.24 ||



ātmānam itarac caiva dṛśā nityāvibhinnayā {#12} /
sarvaṃ cijjyotir eveti yaḥ paśyati sa paśyati // Mo_4,22.25 //


cijjyotiḥ śuddhacitprakāśarūpam || MoṬ_4,22.25 ||


***NOTES:
#12 N17: -ra<ś>[c]
---------------------------------------------------------


apāraparyantanabhodikkālādi kriyānvitam /
aham eveti sarvatra yaḥ paśyati sa paśyati // Mo_4,22.26 //


nabhaś ca dik ca kālaś ca {#13} | te ādiḥ yasya jagataḥ | tat nabhodikkālādi apāraparyantam pāraparyantarahitaṃ ca tat | nabhodikkālādirūpaṃ jagat aham evāsmi | ahantāsārasya cinmātratattvasyaiva sarvamayatvena sthitatvāt | anyathāham iti sarvatra na sphuret | jaḍeṣv adarśane 'pi cetanavat sattābhāktvāviśeṣāt | tatrāpi tatsphuraṇānumānasya śakyatvāt na sarvatrety asyānupapatteḥ {#14} | kathambhūtaṃ tat | kriyānvitam | ādiśabdākṣiptāyā api kriyāyāḥ pṛthak nirdeśaḥ prādhānyakhyāpanārthaḥ | iti evam | sarvatra sarveṣu deśeṣu kāleṣu ca | yaḥ paśyati saḥ paśyati | nānya ity arthaḥ || MoṬ_4,22.26 ||


***NOTES:
#13 *kā*laś
#14 N17: -sphuraṇānu<p>[m]ānasya śak<ṛ>[ya]tvāt
---------------------------------------------------------


vālāgralakṣabhāgāt tu koṭiśaḥ parikalpitaḥ /
ahaṃ sūkṣma iti vyāpī yaḥ paśyati sa paśyati // Mo_4,22.27 //


sūkṣmasya vyāpitvam āścaryāvaham | sūkṣmatvaṃ cātra bāhyāntaḥkaraṇātītatvena draṣṭavyam || MoṬ_4,22.27 ||



sarvaśaktir anantātmā sarvabhāvāntarasthitaḥ /
advitīyaś cid ity antar yaḥ paśyati sa paśyati // Mo_4,22.28 //


cit cidātmā | bhavati | kathambhūtaḥ | sarvaśaktiḥ anyathā nānārūpaṃ jagat na prādurbhavet | anantātmā antasyāpi tasminn eva nigīrṇatvāt tadrahitaḥ {#15} | na hi nigīrṇa eva nigarituḥ rūpam ācchādayituṃ śaktaḥ | sarveṣām bhāvānām antare sthitaḥ sarvabhāvāntarasthitaḥ | anyathāham iti na sphuret | advitīyaḥ dvitīyatvena matasyāpi tadrūpatvānapāyāt dvitīyarahitaḥ | iti evam | antaḥ manasi | na tu cakṣuṣā | yaḥ paśyati sa paśyatīti || MoṬ_4,22.28 ||


***NOTES:
#15 N17: ta<v>[d]ra-
---------------------------------------------------------


ādhivyādhibhayodvigno jarāmaraṇajanmavān /
deho nāham iti prājño yaḥ paśyati sa paśyati // Mo_4,22.29 //


prājñaḥ śuddhacinmātratattve ātmatvaniścayavān || MoṬ_4,22.29 ||



tiryag ūrdhvam adhastāc ca vyāpako mahimā mama /
na dvitīyo mamāstīti yaḥ paśyati sa paśyati // Mo_4,22.30 //


mama śuddhacinmātrarūpasya mama | na tu dehādirūpasya || MoṬ_4,22.30 ||



mayi sarvam idam protaṃ sūtre maṇigaṇā iva /
cittantur aham eveti yaḥ paśyati sa paśyati // Mo_4,22.31 //


kathaṃ tvayi sarvam protam ity | atrāha cittantur iti | tantau hi muktā protāḥ bhavanti | tantutvaṃ ca citaḥ vyāpakatayā sūkṣmatayā ca jñeyam || MoṬ_4,22.31 ||



nāhaṃ na cānyad astīha brahmaivāsti na cāsti tat /
itthaṃ sadasator madhyaṃ yaḥ paśyati sa paśyati // Mo_4,22.32 //


iha loke | aham paricchinnadehādirūpaḥ aham | nāsmi | anyat matto bhinnatvena sthitaṃ jagat | na cāsti | suṣuptau adarśanāt | brahma vyāpakaṃ cinmātratattvam {#16} | evāsti paramārthataḥ sattām bhajate | sarvathābhāvasya vaktum aśakyatvāt | na hi nirādiṣṭo no bhramaḥ sambhavati {#17} | tat brahma | nāsti ca | bāhyāntaḥkaraṇātītatvāt | ittham evam | sadasatoḥ madhyam sandhibhūtaṃ śuddhacinmātrākhyaṃ vastu {#18} | yaḥ paśyati sa paśyati || MoṬ_4,22.32 ||

***NOTES:
#16 N17: -ta[t]tvam
#17 N17: <niradiṣṭā> [nirādiṣṭo]
#18 N17: -mā[trā]khyaṃ
---------------------------------------------------------


yan nāma kiñcit trailokyaṃ sa eko 'vayavo mama /
taraṅgo 'bdhāv ivety antar yaḥ paśyati sa paśyati // Mo_4,22.33 //


mama śuddhacinmātrarūpasya mama | svapne hi cinmātrāvayavabhūtaṃ jagat sarvo 'nubhavati || MoṬ_4,22.33 ||


śocyā pālyā mayaiveyaṃ svaseyam me kanīyasī /
trilokī pelavety uccair yaḥ paśyati sa paśyati // Mo_4,22.34 //


pelavā nāśabhīruḥ | kanīyasī svasā cedṛśy eva bhavati || MoṬ_4,22.34 ||



ātmatāparate tvattāmatte yasya mahātmanaḥ {#19} /
bhāvād uparate nūnaṃ sa paśyati sulocanaḥ // Mo_4,22.35 //

bhāvāt manasaḥ | sarvatra cinmātratvadarśanād iti bhāvaḥ || MoṬ_4,22.35 ||


***NOTES:
#19 N17: -<s>[m]atte
---------------------------------------------------------


cetyānupātarahitaṃ cidbhairavamayaṃ vapuḥ /
āpūritajagajjālaṃ yaḥ paśyati sa paśyati // Mo_4,22.36 //


cetyānupātarahitaḥ yaḥ cidbhairavaḥ sarvagrāsakatvāt cidākhyaḥ bhairavaḥ | tanmayaṃ vapuḥ svarūpam || MoṬ_4,22.36 ||



sukhaṃ duḥkham bhavo 'bhāvo vivekakalanāś ca yāḥ /
ahaṃ na veti nūnaṃ vā paśyan na parihīyate // Mo_4,22.37 //


sukhaṃ duḥkhaṃ bhavaḥ abhāvaḥ vivekakalanāś cāham asmi iti paśyan | etan na vāsmi iti vā paśyan | na parihīyate na hānim prāpnoti | ubhayathāpi śuddhacinmātrasvarūpatvāpteḥ | na hi śuddhacinmātraṃ vinā kaścid vyāpakaḥ uttīrṇo vā bhavati || MoṬ_4,22.37 ||



svātmasattāparāpūrṇe jagaty anyena varjite /
kim me heyaṃ kim ādeyam iti paśyan sadṛg naraḥ {#20} // Mo_4,22.38 //


svātmanaḥ śuddhacinmātrarūpasya svātmanaḥ | yā sattā sphūrtirūpā sattā | tayā parāpūrṇe sāratvena sthitatvāt nirbharite | anyathāham iti sphuraṇāyogāt | tathā anyena cinmātravyatiriktena | varjite jagati | kiṃ heyam bhavati | svātmanaḥ heyatvāyogāt na kiñcid apīty arthaḥ | kim ādeyam bhavati | svātmanaḥ sarvadā prāptatvāt na kiñcid apīty arthaḥ | iti evam | paśyan anubhavan | naraḥ | sadṛk dṛṣṭisahito | bhavati | anye 'ndhā ity arthaḥ || MoṬ_4,22.38 ||


***NOTES:
#20 N17: -dṛ<k>[g]
---------------------------------------------------------

apratarkyam anābhāsaṃ sanmātram idam ity alam /
heyopādeyakalanā yasya kṣīṇā namāmi tam // Mo_4,22.39 //


idam jagat | apratarkyam tarkitum aśakyam | anābhāsam śānte svasvarūpe sthitatvād ābhāsarahitam | sanmātram evāsti | iti anena niścayena {#21} | yasya puruṣasya | heyopādeyakalanā kṣīṇā | ahaṃ tam puruṣam | namāmi | sa eva sarvebhya utkṛṣṭa iti bhāvaḥ || MoṬ_4,22.39 ||


***NOTES:
#21 N17: -ne[na]
---------------------------------------------------------


ya ākāśavad ekātmā sarvabhāvagato 'pi san {#22} /
na bhāvarañjanām eti sa mahātmā maheśvaraḥ // Mo_4,22.40 //


yaḥ puruṣaḥ | ākāśavat ekātmā sarvavyāpakātmā | sarvabhāvagataḥ api san śarīrayātrānimitteṣu sarveṣu padārtheṣu vyavahārayukto 'pi san {#23} | bhāvarañjanām | bhāve manasi | rañjanām harṣāmarṣarūpāṃ rañjanām | na eti | saḥ mahātmā mahāpuruṣaḥ | maheśvaraḥ bhavati mahāśaktiyuktatvāt || MoṬ_4,22.40 ||


***NOTES:
#22 N17: -bhā<gava>[vaga]to
#23 N17: -bhā(gava)*vaga*to
---------------------------------------------------------


tamaḥprakāśakalanāmuktaḥ kālātmatāṃ gataḥ /
yaḥ somyaḥ susamaḥ svasthas taṃ naumi padam āgatam // Mo_4,22.41 //


yaḥ | tamaḥprakāśayoḥ jāḍyacittvayoḥ | yā kalanā | tayā muktaḥ | kālasya kriyāvaicitryarūpasya kālasya | ātmatām sattādāyakatvena svarūpatām | gataḥ | somyaḥ śītalaḥ | svasthaḥ svasvarūpe eva sthitaḥ | bhavati | tam padam āgataṃ naumi | apūrvaś cātra sūrya uktaḥ || MoṬ_4,22.41 ||



sargāntaślokenāpy etad eva kathayati

yasyodayāstamayasaṅkalanākalāsu citrāsu cāruvibhavāsu jagadgatāsu /
vṛttiḥ samaiva sakalaikagater anantā tasmai namaḥ paramabodhavate śivāya // Mo_4,22.42 //


sakalaikagateḥ samastaikaśaraṇasya | cāruvibhavāsu praśastasāmarthyayuktāsu | citrāsu nānāvidhāsu | udayāstamayayoḥ yāḥ saṅkalanāḥ ghaṭṭanāḥ | tadrūpāsu jagadgatāsu kalāsu | anantā nāśarahitā | vṛttiḥ manovṛttiḥ | samaiva bhavati | anantatvaṃ cātra darḍhyatāpekṣam uktam {#24} | tasmai paramabodhavate parātmatattvabodhayuktāya | śivāya śivībhūtāya puruṣāya {#25} | namaḥ astu | śivaś ca samavṛttiḥ sakalaikagatiḥ paramabodharūpaś ca bhavatīti śivam || MoṬ_4,22.42 ||


***NOTES:
#24 N17: ukt(i)am
#25 N17: -vā*ya*
---------------------------------------------------------



iti śrībhāskarakaṇṭhaviracitāyāṃ mokṣopāyaṭīkāyāṃ sthitiprakaraṇe dvāviṃśaḥ sargaḥ {#26} ||22||


***NOTES:
#26 N17: i[ti] śrī[bhā]ska[ra]ka[ṇṭha]vi[ra]ci[tā]yāṃ mo[kṣo]pā[ya]ṭī[kā]yāṃ [sthi]ti[pra]ka[ra]ṇe [dvā]viṃ<tiḥ>[śaḥ sa]rgaḥ
---------------------------------------------------------



*********************************************************************



oṃ | punar api vivekina eva māhātmyaṃ kathayati

sa uttamapadālambī cakrabhramavad āsthitaḥ /
śarīranagare rājyaṃ kurvann api na lipyate // Mo_4,23.1 //


uttamam padam cinmātrākhyaṃ śreṣṭhaṃ sthānam | ālambata ity uttamapadālambī | cakrabhramavat āsthitaḥ samantāt sthitaḥ | niranusandhānaṃ ceṣṭāyāṃ sthita iti yāvat | saḥ jīvanmuktaḥ | śarīranagare rājyaṃ kurvann api na lipyate | tajjaiḥ sukhaduḥkhaiḥ na gṛhyate ity arthaḥ | rājāpi uttamapadālambī sarvatra bhraman nagare rājyaṃ kurvan bhavati || MoṬ_4,23.1 ||



tasyeyam bhogamokṣārthaṃ tajjñasyopavanopamā {#1} /
sukhāyaiva na duḥkhāya svaśarīramahāpurī // Mo_4,23.2 //


sukhāyaiva ātyantikamokṣarūpasukhasādhanatvāt | na duḥkhāya duḥkhalepābhāvāt || MoṬ_4,23.2 ||


***NOTES:
#1 N17: ta[j]jña-
---------------------------------------------------------


atra śrīrāmaḥ pṛcchati

nagarītvaṃ śarīrasya kathaṃ nāma mahāmune /
etāṃ cādhivasan yogī kathaṃ rājyasukhaikabhāk {#2} // Mo_4,23.3 //


spaṣṭam || MoṬ_4,23.3 ||


***NOTES:
#2 N17: -va*sa*n
---------------------------------------------------------


śrīvasiṣṭha uttaram āha

ramyeyaṃ dehanagarī rāma sarvaguṇānvitā /
jñasyānantavilāsāḍhyā svālokārkaprakāśitā // Mo_4,23.4 //


svālokaḥ ātmaprakāśaḥ | sa evārkaḥ | tena prakāśitā parāmarśadvāreṇa svam prati prākaṭyaṃ nītā || MoṬ_4,23.4 ||



sarvaguṇatvam eva kathayati

netravātāyanoddyotaprakāśabhuvanāntarā {#3} /
karapratolīvistāraprāptapādopajaṅgalā {#4} // Mo_4,23.5 //


netre eva vātāyane | tayoḥ yaḥ uddyotaḥ prakāśaḥ | tena prakāśāni prakaṭāni | bhuvanāntarāṇi bhuvanamadhyāni yasyām | sā | nagaryām api nagaradvāranirmitaiḥ vātāyanaiḥ bhuvanāntarāṇi dṛśyāni bhavanti | karau eva pratolyau viśikhe | tābhyām prāptau pādāv eva upajaṅgalau jaṅgalasamīpadeśau yasyāḥ | sā | nagaryaś ca upajaṅgalaṃ tāvat pratolī bhavati || MoṬ_4,23.5 ||


***NOTES:
#3 N17: -no(ddya)ddyota-
#4 N17: -vist*ā*raprāpt<ā>apāda-
---------------------------------------------------------


romarājilatāgulmā tvagaṭṭālakamālitā {#6}{#5} /
gulphagulguluviśrāntajaṅghorustambhamaṇḍalā // Mo_4,23.6 //


tvag evāṭṭālakam prākāraḥ | tena bhūṣitā | gulguluḥ stambhādhārabhūtā śilā {#7} || MoṬ_4,23.6 ||


***NOTES:
#5 N17: -(lā)*rā*ji-
#6 N17: a<ṭū>[ṭṭā]la-
#7 N17: -bhūtālitā. Akṣara bhū in Śāradā-Schrift. Text gemäß MṬ (I) 17,25.
---------------------------------------------------------


rekhāvibhaktapādograśilāprathamanirmitā /
carmamarmasirāsārasandhisīmā manoramā // Mo_4,23.7 //


rekhābhyāṃ vibhakte ye | pādau evograśile | tayoḥ prathamaṃ nirmitā | prathamanirmāṇe hi kṛtavibhāgāḥ śilāḥ sthāpyante {#8} | carmamarmasirāsāraḥ carmamarmasirāsamūha eva | sandhisīmāḥ sandhimaryādāḥ yasyāḥ | sā || MoṬ_4,23.7 ||


***NOTES:
#8 N17: -lā[ḥ]
---------------------------------------------------------


ūrudvayakavāṭāgranirmitopasthanirgamā {#9} /
kacatkacāvalīkācadalapracchādanāvṛtā // Mo_4,23.8 //


ūrudvayam eva kavāṭe | tayoḥ ye agre | tābhyāṃ nirmitaḥ kavāṭaracanāyuktaḥ kṛtaḥ | upastha eva gudasthānam eva | nirgamaḥ dvāradeśaḥ yasyāḥ | sā | kacantī yā kacāvalī {#10} | sā eva kācadalaiḥ nirmitam pracchādanam | tenāvṛtā || MoṬ_4,23.8 ||


***NOTES:
#9 N17: <rū>[ū]ru-
#10 N17: (cakāva)*kacāva*lī
---------------------------------------------------------


bhrūlalāṭāsyasacchāyavadanodyānaśobhitā /
dṛṣṭipātotpalākīrṇakapolavipulasthalā // Mo_4,23.9 //


bhrūlalāṭāsyaiḥ sacchāyam yat vadanam | tad evodyānam | tena śobhitā || MoṬ_4,23.9 ||



vakṣaḥsthalasaraḥsyūtakucapaṅkajakorakā {#11} /
ghanaromāvalicchannaskandhakrīḍāśiloccayā {#12} // Mo_4,23.10 //


ghanaromāvalicchannā cāsau skandhakrīḍāśiloccayā {#14} ca {#13} || MoṬ_4,23.10 ||


***NOTES:
#11 N17: -(ku)kuca-
#12 Ś1,Ś3: -channa-; N17: -romāva*li*chattra-
#13 N17: -romāvali<ḥ chattrā>[cchannā]
#14 N17: skan<d>[dh]a-
---------------------------------------------------------


udaraśvabhranikṣiptasvanneṣṭabhakṣyakarparā {#15} /
dīrghakaṇṭhabilodgīrṇavātasaṃrambhaśabditā // Mo_4,23.11 //


udaraśvabhre udaragarte | nikṣiptāni yāni svannāni śobhanānnāni | taiḥ | tadvyājeneti yāvat | iṣṭabhakṣyakarparā iṣṭabhakṣyabhagnapātram yasyāḥ | sā | rājanagaryām api iṣṭabhakṣyapātrāṇi bhavanti | dīrgham yat kaṇṭhabilam | tasmin | udgīrṇaḥ sañcārī | yaḥ vātaḥ | tasya yaḥ saṃrambhaḥ | tena śabditā śabdayuktā kṛtā | nagaryām api bileṣu vātaśabdo bhavati || MoṬ_4,23.11 ||


***NOTES:
#15 N17: -svan[n]eṣṭa-
---------------------------------------------------------


hṛdayāpaṇanirṇītayathāprāptārthabhūṣitā /
anārataṃ navadvārapravahatprāṇanāgarā // Mo_4,23.12 //


hṛdayam evāpaṇaḥ niṣadyā {#16} | tasmin nirṇītā upādeyatvena niścitāḥ | ye yathāprāptārthāḥ svapravāhāgatārthāḥ {#17} | taiḥ bhūṣitā | nagaryā api āpaṇeṣu arthā nirṇīyante || MoṬ_4,23.12 ||


***NOTES:
#16 N17: niṣ<i>[a]dyā
#17 N17: -rth*ā*ḥ
---------------------------------------------------------


āsyasphārakhadādṛṣṭadantāsthiśakalākulā /
mukhakhadābhramajjihvācillācarvitabhojanā // Mo_4,23.13 //


nagaryām api khadāsu māṃsabhakṣakaiḥ tyaktāni asthiśakalāni bhavanti | cillā pakṣiviśeṣaḥ || MoṬ_4,23.13 ||



romaśaṣpabharacchannakarṇakoṭarakūpakā /
sphikśṛṅkhalāñcitopāntapṛṣṭavistīrṇajaṅgalā // Mo_4,23.14 //


sphijau eva śṛṅkhale | tābhyām añcitopāntam ramyopāntam {#18} | pṛṣṭam eva vistīrṇajaṅgalam yasyāḥ | sā {#19} | nagaryā api jaṅgalasandhiṣu caurādipratibandhārthaṃ śṛṅgalāḥ bhavanti || MoṬ_4,23.14 ||


***NOTES:
#18 N17: -top*ā*ntam
#19 N17: sā<ḥ>
---------------------------------------------------------


gudocchinnāraghaṭṭāntaruddhṛtānantakardamā /
cittodyānamahīvalgadātmacintāvarāṅganā // Mo_4,23.15 //


guda evocchinnāraghaṭṭaḥ troṭitāraghaṭṭayantraḥ | tenāntaḥ antaḥpradeśāt | uddhṛtaḥ niṣkāsitaḥ | anantaḥ kardamaḥ | arthāt śakṛdrūpaḥ kardamaḥ yasyāḥ | sā | nagaryā api kardamam uddharanti | cittodyāneti {#20} | jñacitte hi rātrindinam ātmacintā eva sphurati || MoṬ_4,23.15 ||


***NOTES:
#20 N17: citt<e>[o]dyā-
---------------------------------------------------------

dhīvaratrādṛḍhābaddhacapalendriyamarkaṭā /
vadanodyānahasanapuṣpodgamamanoramā // Mo_4,23.16 //


jño hi dhīrajjvā capalendriyāṇi badhnāti | vadanodyāneti | udyāne ca puṣpodgamo yukta eva || MoṬ_4,23.16 ||



svaśarīrapurī jñasya sarvasaubhāgyasundarī /
sukhāyaiva na duḥkhāya paramāya hitāya ca // Mo_4,23.17 //


svaśarīrapurī proktasarvapurīguṇā nijaśarīranagarī | paramāya hitāya mokṣarūpāyety arthaḥ || MoṬ_4,23.17 ||


ajñasyeyaṃ sukhadāsty atha vā nety {#21} | atrāha

ajñasyeyam anantānāṃ duḥkhānāṃ kośamālikā {#22} /
jñasya tv iyam anantānāṃ sukhānāṃ kośamālikā // Mo_4,23.18 //


kośamālikā bhāṇḍāgāramālā | anantaduḥkhotpādikety arthaḥ | ajñātaśuddhatattvasya tasyaitadarthaṃ rātrindinaṃ santāpabhāktvāt iti bhāvaḥ | nanu tarhi jñasyāpi īdṛśy eva syād ity | atrāha jñasya tv iti | tuśabdaḥ vyatirekadyotakaḥ | jñātaśuddhātmatattvasya tasyaitadarthaṃ santāpabhāktvābhāvāt | na hy anyārtham anyaḥ santāpabhāg bhavatīti bhāvaḥ || MoṬ_4,23.18 ||


***NOTES:
#21 N17: -sty a*tha*
#22 N17: anant<a>[ā]nāṃ
---------------------------------------------------------


nanu tarhi nāśakāle iyaṃ jñasya duḥkhadā bhaviṣyatīty | atrāha

na kiñcid asyāṃ naṣṭāyāṃ jñasya naṣṭam arindama /
sthitāyāṃ saṃsthitaṃ sarvaṃ teneyaṃ jñasukhāvahā // Mo_4,23.19 //


etadvyatiriktaśuddhacinmātrasvarūpatvād iti bhāvaḥ | nanu tarhi sthitikāle 'py asyānayā na kiñcit prayojanam ity | atrāha sthitāyām iti | sarvaṃ saṃsthitam samastajīvanmuktyupayogikāryasādhakatvād iti bhāvaḥ {#23} | upasaṃhāraṃ karoti teneyam iti {#24} || MoṬ_4,23.19 ||


***NOTES:
#23 N17: *saṃ*sthi[ta]m
#24 N17: upa<ṃmā>[saṃ]hāraṃ
---------------------------------------------------------


nanv asyāḥ kaiścid rathatvam apy uktam ity | atrāha

yad enāṃ jñaḥ samāruhya saṃsāre viharaty alam /
aśeṣabhogamokṣārthaṃ teneyaṃ jñarathaḥ smṛtaḥ // Mo_4,23.20 //


enām śarīrapurīm || MoṬ_4,23.20 ||



śabdarūparasasparśagandhabandhuśriyo yataḥ {#25} /
anayaiva hi labhyante teneyaṃ jñasya lābhadā // Mo_4,23.21 //


nanu śabdādilābhena jñasya ko lābho 'stīti cen | na | śabdādidvāreṇa paramātmatattvaśaktinicayajñānarūpasya lābhasya sthitatvāt || MoṬ_4,23.21 ||


***NOTES:
#25 N17: -bandh<ū>[u]-
---------------------------------------------------------


sukhaduḥkhakriyājālaṃ yadaiṣodvahati svayam /
tadaiṣā rāma sarvatra sarvavastubharakṣamā // Mo_4,23.22 //


eṣā dehanagarī | jño hi sukhādikaṃ śarīrasyaiva jānāti na svasya || MoṬ_4,23.22 ||



tasyāṃ śarīrapuryāṃ hi rājyaṃ kurvan gatabhramaḥ /
jñas tiṣṭhati gatavyagraṃ svapuryām iva vāsavaḥ // Mo_4,23.23 //


gatabhramaḥ etām prati ahamabhimānarahitaḥ | gatavyagram nirākulam || MoṬ_4,23.23 ||



na kṣipaty avaṭāṭope manomattaturaṅgamam /
na lobhadvandvarūpāya prajñāputrīm prayacchati // Mo_4,23.24 //


avaṭāṭope viṣayarūpe śvabhrāḍambare {#26} | lobhākhyo yaḥ dvandvarūpaḥ {#27} | tasmai | prajñāputrīṃ na prayacchati | lobhagrastām prajñāṃ na karotīti bhāvaḥ || MoṬ_4,23.24 ||


***NOTES:
#26 N17: -bhrā(ta)*ḍa*ṃ<bha>[ba]re
#27 N17: -ākhy<ā>[o]
---------------------------------------------------------


ajñānapararāṣṭraṃ ca na randhraṃ tv asya paśyati /
saṃsārāribhayasyāntarmūlāny eṣa nikṛntati // Mo_4,23.25 //


ajñānam eva pararāṣṭram lakṣaṇayā ripubhūto rājā {#28} | na paśyati | gamanasya tu kā kathā | asya ajñānarājñaḥ | randhram | tu evaśabdārthe | na paśyati | jitatvāt {#29} || MoṬ_4,23.25 ||


***NOTES:
#28 N17: -kṣa<la>[ṇa]yā
#29 N17: *jitatvāt*
---------------------------------------------------------


tṛṣṇāsāraparāvarte kāmasaṅkṣobhadurgrahe /
na nimajjanti paryastasukhaduḥkhākṣadevane // Mo_4,23.26 //


tṛṣṇāsārasya parāvartaḥ āvṛttiḥ yasmin | tādṛśe | kāmasya yaḥ saṅkṣobhaḥ | tena durgrahe | paryastau preritau | yau sukhaduḥkhākṣau sukhaduḥkhe evākṣau | tayoḥ yat devanam krīḍanam | dyūtam iti yāvat | tatra na nimajjanti | rājño hi dyūtamajjanaṃ doṣa eva | akṣadevanam api tṛṣṇākāmavalitam eva bhavati {#31}{#30} || MoṬ_4,23.26 ||


***NOTES:
#30 N17: -d<i>[e]vanam
#31 N17: *rājño --> bhavati*
---------------------------------------------------------


karoty avirataṃ snānam bahir antar api kṣaṇāt /
saritsaṅgamatīrtheṣu manorathagatiḥ kramāt // Mo_4,23.27 //


bahiḥ bāhye | antaḥ manasi | mana eva svādhīnatvāt rathaḥ | tena gatiḥ yasya | saḥ | antaḥ snānaṃ tu ciddhradanimajjanam eva jñeyam || MoṬ_4,23.27 ||



sakalākṣijanādṛśyaḥ puraprekṣāparāṅmukhaḥ /
dhyānanāmni sukhaṃ nityaṃ tiṣṭhaty antaḥpurāntare // Mo_4,23.28 //


purasya śarīrasya | nagarasya ca rājāpi sakalajanādṛśyaḥ puraprekṣāparāṅmukhaś caran pure tiṣṭhati | dhyānaṃ cātra svātmabhūtaśuddhacinmātratattvaparāmarśa eva jñeyaḥ || MoṬ_4,23.28 ||



sukhāvahaiṣā nagarī nityam pramuditātmanaḥ /
bhogamokṣapradā divyā śakrasyevāmarāvatī // Mo_4,23.29 //


jñasyeti śeṣaḥ || MoṬ_4,23.29 ||



sthitayā saṃsthitaṃ sarvaṃ kiñcin naṣṭaṃ na naṣṭayā /
yayā puryā mahīpasya sā kathaṃ na sukhāvahā // Mo_4,23.30 //


spaṣṭam || MoṬ_4,23.30 ||



vinaṣṭe dehanagare jñasya naṣṭaṃ na kiñcana /
ākrāntakumbhakośasya khasya kumbhakṣaye yathā // Mo_4,23.31 //


spaṣṭam || MoṬ_4,23.31 ||



vidyamānaṃ ghaṭaṃ vāyuḥ kila spṛśati nāsthitam /
yathā tathaiva dehī svāṃ śarīranagarīm imām // Mo_4,23.32 //


asthitam naṣṭam | dehī dehād vyatiriktam ātmānaṃ jānānaḥ tajjñaḥ {#32} || MoṬ_4,23.32 ||


***NOTES:
#32 N17: ta[j]jñaḥ
---------------------------------------------------------


atrastha eṣa bhagavān ātmā sarvagato 'pi san /
svavikalpakṛtām bhuktvā puṃstām adhigatātmadṛk // Mo_4,23.33 //


kurvann api na kurvāṇaḥ samyak sarvakriyonmukhaḥ /
kadācit prakṛtān sarvān kāryārthān adhitiṣṭhati // Mo_4,23.34 //


atrasthaḥ dehasthaḥ | apiśabdaḥ sarvagatasya puṃstābhoge virodhaṃ dyotayati {#33} | adhigatātmadṛk tajjñaḥ | na tu mūrkhaḥ | tasyaivaṃvidhatvāsambhavāt | kurvan śarīrādidvāreṇa kurvan | na kurvāṇaḥ nāhaṃ karteti niścayāt | kāryārthān karaṇīyāni prayojanāni | adhitiṣṭhati kartavyatvena niścinoti | prakṛtān pravāhāgatān | na tu svavimarśena kalpitān || MoṬ_4,23.33-34 ||


***NOTES:
#33 N17: -ta*ya*ti
---------------------------------------------------------


nanu yadi kadācid etat karoti tarhi anyadā kiṃ karotīty | atrāha

kadācil līlayālolaṃ vimānam adhirohati /
anāhatagatiṃ kāntaṃ vihartum amalam manaḥ // Mo_4,23.35 //


kadācid asau tajjñaḥ ātmalīlayā manaḥ vimānam manorūpaṃ vimānam {#34} | adhirohati | kiṃ kartum | vihartum āntaraṃ vihāraṃ kartum | manovimānaṃ kathambhūtam | alolam cañcalatārahitam | punaḥ kathambhūtam | anāhatā kvacid apratihatā | gatiḥ yasya | saḥ | tam | vimānaśabdāpekṣayā puṃstvam | amalam rāgādimalarahitam | ata eva kāntam || MoṬ_4,23.35 ||


***NOTES:
#34 N17: ta[j]jñaḥ
---------------------------------------------------------


nanu tatra kiṃ karotīty | atrāha

tatrastho lokasundaryā satataṃ śītalāṅgayā /
ramate nāma yo maitryā nityaṃ hṛdayasaṃsthayā // Mo_4,23.36 //


saḥ tajjñaḥ tatrasthaḥ manovimānasthaḥ | lokasundaryā lokapriyayā {#35} | nityaṃ hṛdayasthayā satataṃ śītalāṅgayā maitryā maitryākhyayā striyā | ramate | kadācid antarmukhaḥ san maitrīmaya eva bhavatīti bhāvaḥ || MoṬ_4,23.36 ||


***NOTES:
#35 N17: -da[r]yā
---------------------------------------------------------


na kevalam maitry eva tasya kāntāsti yāvad anye dve apīty āha

dve kānte tiṣṭhatas tasya pārśvayoḥ satyataikate /
indor iva viśākhe dve samāhlāditacetasī // Mo_4,23.37 //


spaṣṭam || MoṬ_4,23.37 ||



jña imān akhilāṃl lokān duḥkhakrakacadāritān /
vālmīkān iva pīṭhasthaḥ pṛṣṭhād arka ivekṣate {#36} // Mo_4,23.38 //


lokān kathambhūtān | duḥkham eva krakacaḥ | tena dāritān pīḍitān | vālmīkān pipīlikāḥ | pṛṣṭhād pṛṣṭham āruhyety arthaḥ || MoṬ_4,23.38 ||


***NOTES:
#36 N17: iv<i>[a]
---------------------------------------------------------


ciram pūritasarvāśaḥ sarvasampattisundaraḥ /
apunaḥkhaṇḍanāyenduḥ pūrṇāṅga iva rājate // Mo_4,23.39 //


sarvasampattyā sarvasampadā | sundaraḥ || MoṬ_4,23.39 ||



sevyamāno 'pi bhogaugho na khedāyāsya jāyate /
kālakūṭaḥ kileśasya kaṇṭhe pratyuta rājate {#37} // Mo_4,23.40 //


khedāya nāśadvāreṇeti bhāvaḥ || MoṬ_4,23.40 ||


***NOTES:
#37 N17: *bhogaugho --> rājate*
---------------------------------------------------------


nanu kathaṃ nāsāv asya khedāya bhavatīty | atrāha

parijñāyopabhukto hi bhogo bhavati tuṣṭaye /
vijñāyāśvāsito maitrīm eti cauro na śatrutām {#38} // Mo_4,23.41 //


parijñāya samyak niścityātmarūpatvena jñātvety arthaḥ | ātmarūpatvena hi jñāto bhogaḥ naṣṭo 'pi khedaṃ na dadāti svātmarūpatayā sthitatvāt {#39} | na cātmano nāśaḥ yuktaḥ | nāśe 'pi nāśasākṣitayā sthitatvāt || MoṬ_4,23.41 ||


***NOTES:
#38 Ś1,Ś3: -śvāsito; N17: -svāmito
#39 N17: -tayā (savadāsthidā) sthi-
---------------------------------------------------------


naranārīnaṭaughānāṃ kalahe dūragāminā /
jñena yātreva subhagā bhogaśrīr avalokyate // Mo_4,23.42 //


anyo 'pi nipuṇaḥ naṭaughānāṃ kalahe dūraṃ gacchati | yātrām tadārabdhaṃ nāṭyaṃ ca paśyati || MoṬ_4,23.42 ||



aśaṅkitopasamprāptā grāmayātrā yathādhvagaiḥ /
prekṣyate tadvad evājñair vyavahāramayī kriyā // Mo_4,23.43 //


niranusandhānam eva prekṣata iti bhāvaḥ || MoṬ_4,23.43 ||



ayatnopanateṣv akṣi digdravyeṣu yathā puraḥ /
nīrāgam eva patati tadvat kāryeṣu dhīradhīḥ // Mo_4,23.44 //


ayatnopanateṣu digdravyeṣu yathā akṣi netram | nīrāgam rāgarahitam | patati | dhīradhīḥ tajjñabuddhiḥ | kāryeṣu tadvat patati | rāgarahitam evāsau kāryāṇi karotīti bhāvaḥ || MoṬ_4,23.44 ||



indriyāṇāṃ na harati prāptam arthaṃ kadācana /
na dadāti tathā prāptaṃ sampūrṇo jño 'vatiṣṭhate {#40} // Mo_4,23.45 //


sampūrṇatvaṃ hy etad eva yat prāptasya grahaṇam aprāptasyāvāñchanam iti || MoṬ_4,23.45 ||


***NOTES:
#40 N17: -t(i)*e*
---------------------------------------------------------


aprāptacintāḥ samprāptasamupekṣāś ca sanmatim {#41} /
nākalpayanti taralā piñchaghātā ivācalam // Mo_4,23.46 //


na ākalpayanti na cañcalīkurvanti || MoṬ_4,23.46 ||


***NOTES:
#41 N17: -cintā[ḥ]
---------------------------------------------------------


saṃśāntasarvasandeho galitākhilakautukaḥ /
saṅkṣīṇakalpanājālo jñaḥ saṃrāḍ iva śobhate // Mo_4,23.47 //


spaṣṭam || MoṬ_4,23.47 ||



ātmany eva na māty antaḥ svātmanātmani jṛmbhate /
sampūrṇāpāraparyantaḥ kṣīrārṇava ivātmavān // Mo_4,23.48 //


na māti | ānandanirbharatvāt svātmanātmani jṛmbhate | nāntaḥ kañcid anyam paśyatīti bhāvaḥ {#42} | sampūrṇaś cāsau apāraparyantaś ca sampūrṇāpāraparyantaḥ || MoṬ_4,23.48 ||


***NOTES:
#42 N17: nān<yaṃ>[taḥ]
---------------------------------------------------------


bhogecchākṛpaṇāñ jantūn dīnān dīnendriyāṇi ca /
anunmattamanāḥ śānto hasaty unmattakān iva // Mo_4,23.49 //


tadāsaktau tu kā katheti bhāvaḥ {#43} || MoṬ_4,23.49 ||


***NOTES:
#43 N17: tadā<s(e)aktait(i)ukā(ṃ)>[saktau tu kā]
---------------------------------------------------------


icchato 'nyanijāṃ jāyāṃ yathaivānyena hasyate /
indriyasyecchato bhogaṃ tathaiva jñena hasyate // Mo_4,23.50 //


yathā anyasya nijām anyanijām {#44} | tādṛśīm bhāvinīm bhāryām icchataḥ | anyārtham bhāryām icchata iti yāvat | puruṣasya | yathā anyena hasyate hāsaḥ kriyate | tathaiva indriyasya bhogam icchataḥ ajñasya | jñena hasyate || MoṬ_4,23.50 ||


***NOTES:
#44 N17: a*nya*ni-
---------------------------------------------------------


tyajantaṃ svasukhaṃ sāmyam mano viṣayavidrutam /
aṅkuśeneva nāgendraṃ vicāreṇa vaśaṃ nayet // Mo_4,23.51 //


sāmyaṃ svasukham sāmyākhyam ātmānandam | vicāreṇa kiṃsārā ime bhogā ity evaṃrūpeṇa || MoṬ_4,23.51 ||



bhogeṣu prasaro yasyā manovṛtteḥ pradīyate /
sāpy ādāv eva hantavyā viṣasyevāṅkurodgatiḥ {#45} // Mo_4,23.52 //


sā manovṛttiḥ | ādau prasaradānāt prāk | yasyāḥ tu na dīyate tasyāḥ kā kathety apiśabdābhiprāyaḥ || MoṬ_4,23.52 ||


***NOTES:
#45 N17: sā<m>[p]y ā-
---------------------------------------------------------


nanu prathamaṃ hatāyāḥ paścāt prasaradāne kim phalam ity | atrāha

tāḍitasya hi yaḥ paścāt sammānaḥ so 'py {#47} anantakaḥ {#46} /
śāler grīṣmopataptasya kuseko 'py amṛtāyate // Mo_4,23.53 //


sammānaḥ ādaraḥ | prasaradānam iti yāvat || MoṬ_4,23.53 ||


***NOTES:
#46 N17: -ḍi<->[ta]-
#47 N17: so <hy> ['py]
---------------------------------------------------------


nanu katham etad ity | atrāha

anārtena hi sammāno bahumāno na budhyate /
pūrṇānāṃ saritām prāvṛṭpūraḥ svalpaṃ virājate {#48} // Mo_4,23.54 //


hi yasmāt | anārtenādṛṣṭapīḍanena | sammānaḥ bahumānaḥ na budhyate na jñāyate | etad dṛṣṭāntena samarthayati pūrṇānām iti {#49} | pūrṇānāṃ saritām prāvṛṭpūraḥ svalpam tokam | virājate | janamanaāhlādakāritvābhāvād ity arthaḥ | janamano hi kṣīṇānāṃ nadīnām prāvṛṭpūradarśanena sānandam bhavati || MoṬ_4,23.54 ||


***NOTES:
#48 N17: pū[r]ṇā-
#49 N17: pū[r]ṇā-
---------------------------------------------------------


pūrṇas tūpakṛto 'py anyat punar apy abhivāñchati /
jagatpūraṇayāpy ambu gṛhṇāty ekārṇavo 'khilam // Mo_4,23.55 //


jagatpūraṇayā yukto 'pīti śeṣaḥ || MoṬ_4,23.55 ||



manaso nigṛhītasya yā paścād bhāgamaṇḍanā /
tām evālabdhavistāralabdhatvād bahu manyate // Mo_4,23.56 //


bhāgamaṇḍanā leśena pūraṇā | tām eva bhāgamaṇḍanām eva | alabdhavistāraś cāsau labdhaś ca alabdhavistāralabdhaḥ | tasya bhāvaḥ tattvam | tasmāt | alabdhavistāraḥ labdhaḥ hi svalpam api bahu manyate || MoṬ_4,23.56 ||



baddhamukto mahīpālo grāmamātreṇa tuṣyati /
parair abaddho nākrānto rājyenāpi na tuṣyati // Mo_4,23.57 //


ādau baddhaḥ paścān muktaḥ baddhamuktaḥ | tathā nigṛhītam manaḥ bhogaleśenaiva tuṣyatīti bhāvaḥ || MoṬ_4,23.57 ||



indriyanigrahadvāreṇa manonigrahasya sādhyatvād indriyanigraham eva kathayati

hastaṃ hastena sampīḍya dantair dantān vicūrṇya ca {#50} /
aṅgāny aṅgair ivākramya jaya svendriyaśātravān // Mo_4,23.58 //


viṣayeṣu pravṛttāni indriyāṇi samyagjñānabalena pratyāharaṇīyānīti bhāvaḥ || MoṬ_4,23.58 ||


***NOTES:
#50 N17: -ntā<r>[n]
---------------------------------------------------------


jetum anyaṃ kṛtotsāhaiḥ puruṣair udbubhūṣubhiḥ {#51} /
pūrvaṃ hṛdayaśatrutvāj jñātavyānīndriyāṇy alam // Mo_4,23.59 //


anyam rājādirūpam | udbhavitum icchubhiḥ udbubhūṣubhiḥ {#52} | jñātavyāni śatrutveneti śeṣaḥ | hṛdayaśatrutvam cendriyāṇām bhogān praty ākarṣaṇakāritvena jñeyam || MoṬ_4,23.59 ||


***NOTES:
#51 N17: -bhūṣ(i)u-
#52 N17: -bubhūṣ<i>ubhiḥ
---------------------------------------------------------


manojayayuktānām praśaṃsāṃ karoti

etāvati dharaṇitale subhagās te sādhucetanāḥ puruṣāḥ {#53} /
puruṣakathāsu ca gaṇyā na jitā ye na cetasā svena {#54} // Mo_4,23.60 //


spaṣṭam {#55} || MoṬ_4,23.60 ||


***NOTES:
#53 Ś1,Ś3: subhagās; N17: su--
#54 Ś1,Ś3: gaṇyā; N17: --
#55 N17: *spaṣṭam*
---------------------------------------------------------


sargāntaślokenāpy etad eva kathayati

hṛdayabile kṛtakuṇḍala ulbaṇakalanāviṣo manobhujagaḥ /
yasyopaśāntim āgata uditaṃ tam arindamaṃ vande {#56} // Mo_4,23.61 //


sa eva sarvotkṛṣṭa iti bhāvaḥ | iti śivam || MoṬ_4,23.61 ||


***NOTES:
#56 Ś1,Ś3: arindamaṃ; N17: arin--
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe trayoviṃśaḥ sargaḥ {#57} ||23||


***NOTES:
#57 N17: iti śrī[bhā]ska[ra]kaṇ[ṭha]vi[ra]ci[tā]yā[ṃ śrī]mo[kṣo]pā[ya]ṭī[kā]yāṃ [sthitiprakaraṇe tra]yo[viṃ]śa[ḥ] sa[rgaḥ]
---------------------------------------------------------



*********************************************************************



nanu tarhīndriyajaye kaḥ kleśa ity | atrāha

mahānarakasamrājo mattaduṣkṛtavāraṇāḥ /
āśāśaraśalākāḍhyā durjayā hīndriyārayaḥ // Mo_4,24.1 //


mattaduṣkṛtāny eva vāraṇā yeṣām | te | āśā eva śaraśalākāḥ yeṣām | tādṛśāḥ | samrājaḥ api vāraṇayuktāḥ śarayuktāś ca bhavanti || MoṬ_4,24.1 ||



svāśrayam prathamaṃ dehaṃ kṛtaghnā nāśayanti ye /
te kukāryamahākośā durjayāḥ svendriyārayaḥ // Mo_4,24.2 //


nāśayanti asambhavino bhogān prati ceṣṭāṃ kārayanti || MoṬ_4,24.2 ||



kalevarālayam prāpya viṣayāmiṣagardhataḥ {#1} /
akṣagṛdhrā vivalganti kāryākāryograpakṣiṇaḥ {#2} // Mo_4,24.3 //


kāryākārye eva ugrau pakṣau yeṣām {#3} | te | tādṛśāḥ || MoṬ_4,24.3 ||


***NOTES:
#1 N17: ka(re)le-
#2 N17: -gṛ<d>dhrā
#3 N17: -ry(e)[e]
---------------------------------------------------------


vivekatantujālena gṛhītā yena te śaṭhāḥ /
tasyāṅgāni na lumpanti pāṣāṇakavalaṃ yathā // Mo_4,24.4 //


te akṣagṛdhrāḥ | gṛdhrā hi pāṣāṇakavalaṃ na lumpanti {#4} || MoṬ_4,24.4 ||


***NOTES:
#4 N17: -gṛ<d>dhrāḥ | gṛ<d>dhrā
---------------------------------------------------------


āpātaramaṇīyeṣu ramante viṣayeṣu ye /
atyantavirasānteṣu patanti narakeṣu te // Mo_4,24.5 //


atyantaṃ virasaḥ antaḥ yeṣām {#5} | teṣu | viṣayeṣv ity asya viśeṣaṇam etat || MoṬ_4,24.5 ||


***NOTES:
#5 N17: -rasa(ṃ)*ḥ*
---------------------------------------------------------

vivekadhanavān asmin kukalevarapattane /
indriyāribhir antaḥsthair avaśo nābhibhūyate // Mo_4,24.6 //


asmin anubhūyamāne | kukalevare nindite śarīre | balavān hi aribhiḥ nāvaśo 'bhibhūyate || MoṬ_4,24.6 ||



na tathā sukhitā bhūyo mṛṇmayograpurījuṣaḥ /
yathā svādhīnamanasaḥ svaśarīrapurīśvarāḥ // Mo_4,24.7 //


mṛṇmayograpurījuṣaḥ bāhyanagarīrājānaḥ | svādhīnamanasa iti viśeṣaṇadvāreṇa hetuḥ || MoṬ_4,24.7 ||



svākrāntendriyabhṛtyasya sugṛhītamanoripoḥ /
vasanta iva mañjaryo vardhante buddhabuddhayaḥ // Mo_4,24.8 //


buddhānām jñāninām | buddhayaḥ | buddhabuddhayaḥ || MoṬ_4,24.8 ||



prakṣīṇacittadarpasya nigṛhītendriyadviṣaḥ /
padminya iva hemante {#7} kṣīyante bhogavāsanāḥ {#6} // Mo_4,24.9 //


bhogavāsanāḥ bhogasaṃskārāḥ || MoṬ_4,24.9 ||


***NOTES:
#6 N17: -mi<ṇ>[n]ya
#7 N17: -ma[n]te
---------------------------------------------------------


tāvan niśīva vetālyo valganti hṛdi vāsanāḥ /
ekatattvadṛḍhābhyāsād yāvan na vijitam manaḥ {#8} // Mo_4,24.10 //


vijite tu manasi na valgantīti bhāvaḥ | ekatattvam sarvavyāpakaṃ śuddhacinmātratattvam || MoṬ_4,24.10 ||


***NOTES:
#8 N17: -bhyā[sā]d
---------------------------------------------------------


bhṛtyo 'bhimatakartṛtvān mantrī satkāryakāraṇāt /
sāmantaḥ svendriyākrānter mano manye vivekinaḥ // Mo_4,24.11 //


sāmantaḥ śatrujaye adhikṛtaḥ || MoṬ_4,24.11 ||



lālanāt snigdhalalanā pālanāt pāvanaḥ pitā /
suhṛd uttamaviśvāsān mano manye manīṣiṇām {#9} // Mo_4,24.12 //


lālanāt lālanākāritvāt | snigdhalalanā snehayuktā cāsau | lalanā strī || MoṬ_4,24.12 ||


***NOTES:
#9 N17: -viśvāsā<t>[n] mano
---------------------------------------------------------


svālokitaṃ śāstradṛśā sudhyātaṃ svanunāthitam /
prayacchati parāṃ siddhiṃ tyaktvātmānam manaḥpitā // Mo_4,24.13 //


suṣṭhur anunāthitam yācitam | ātmānaṃ tyaktvā nāśayitvā | mano hi svātmānaṃ nāśayitvaiva hitaṃ sampādayati | pitāpi putrasya svaprāṇatyāgena hitaṃ karotīti tasyopamānatvam || MoṬ_4,24.13 ||



sughṛṣṭaḥ suparāmṛṣṭaḥ sudhṛtaḥ svanubodhitaḥ /
suguṇāyojito bhāti hṛdi hṛdyo manomaṇiḥ // Mo_4,24.14 //


maṇipakṣe svanubodhitaḥ samyakparīkṣitaḥ | suguṇeṣu praśasteṣu guṇeṣu tantuṣu ca | ā samantāt | yojitaḥ || MoṬ_4,24.14 ||


janmavṛkṣakuṭhārāṇi tathodarkodayāni ca /
diśaty eṣa manomantrī karmāṇi śubhakarmaṇaḥ // Mo_4,24.15 //


udarkaḥ uttaraphalabhūtaḥ | udayaḥ yeṣām | tāni | śubhakarmaṇaḥ śubhakarmakāriṇaḥ puruṣasya || MoṬ_4,24.15 ||



phalitam āha

evam manomaṇiṃ rāma bahupaṅkakalaṅkitam /
vivekavāriṇā siddhyai prakṣālyālokavān bhava // Mo_4,24.16 //


siddhyai cinmātrasvarūpaparamātmatattvalābhākhyāyai siddhyai {#10} | ālokavān prakāśavān | maṇiprakṣālako 'pi tamasi ālokavān bhavati | ratnālokasya vidyamānatvāt || MoṬ_4,24.16 ||


***NOTES:
#10 N17: cinm*ā*tra-
---------------------------------------------------------


bhavabhūmiṣu bhīmāsu vivekavitato 'pi san /
mā patotpātapūrṇāsu vivaśaḥ prākṛto yathā // Mo_4,24.17 //


bhīmāsu bhayapradāsu | mā pata mā gaccha | vivekavān apy ahaṃ yadi gacchāmy api | kim mama setsyatīti niścaye 'pi mā gaccheti dyotayitum apiśabdaḥ {#11}{#12}{#13} | prākṛtaḥ vivekarahitaḥ | patane tu tvam api vivekavān nāsīti bhāvaḥ || MoṬ_4,24.17 ||


***NOTES:
#11 N17: kim mama <kim mama>
#12 N17: bhayapradāsu *mā pata --> 'pi mā*
#13 N17: -tay<a>[i]tum
---------------------------------------------------------


saṃsāramāyām uditām anarthaśatasaṅkulām /
mā mahāmohamihikām imāṃ tvam avadhīraya // Mo_4,24.18 //


māvadhīraya kim mām iyaṃ karotīty avagaṇanāviṣayam mā kuru || MoṬ_4,24.18 ||



vivekam param āśritya buddhyā satyam avekṣya ca /
indriyārīn alaṃ jitvā tīrṇo bhava bhavā[rṇavāt] {#14}{#15} // Mo_4,24.19 //



***NOTES:
#14 N17: indr[i]yā-
#15 N17: ergänzt nach Ś1,Ś3. Bl. 50 (Originalzählung) fehlt.
---------------------------------------------------------



                             ***




*********************************************************************



                             ***


viśeṣaṇadvaye 'pi hetutvena jñeyam || MoṬ_4,25.12 ||



ratnayantramayānantadaityanirjitavāsavaḥ /
himaśītānalajvālānirmitodyānamaṇḍapaḥ {#1} // Mo_4,25.13 //


ratnayantramayāḥ māyodbhāvitāḥ ratnayantrasvarūpāḥ | ye 'nantā daityāḥ {#2} | taiḥ nirjitaḥ vāsavaḥ | yena | saḥ || MoṬ_4,25.13 ||


***NOTES:
#1 N17: hima*śī*<hī>tā-
#2 N17: [']na<na>ntā
---------------------------------------------------------


sarvartukusumodyānajitanandanacandanaḥ {#3} /
māyāsarpahṛtavyālamalayācalacandanaḥ // Mo_4,25.14 //


māyāsarpaiḥ hṛtavyālāni dūrīkṛtasahajasarpāṇi {#4}{#5} | malayācalacandanāni yasya | saḥ || MoṬ_4,25.14 ||


***NOTES:
#3 N17: sarva<t>[r]tu-
#4 N17: m*ā*yā-
#5 N17: -pā<n>[ṇ]i
---------------------------------------------------------


hemastrīlokalāvaṇyajihmitāntaḥpurāṅganaḥ /
krīḍārthaspardhayeśānahatacakragadādharaḥ // Mo_4,25.15 //


hemastrīlokena māyodbhāvitena suvarṇāṅganālokena | lāvaṇyena jihmitāḥ jitāḥ | antaḥpurāṅganāḥ yasya | saḥ | krīḍārtham māyayā udbhāvitā spardhā krīḍārthaspardhā | tayā | īśānena mahārudreṇa | hataḥ cakragadādharaḥ viṣṇuḥ yasya | saḥ || MoṬ_4,25.15 ||



ajasroḍḍīnaratnaughatārāḍhyasvapurāmbaraḥ /
nānākusumasambhārajānudaghnakṛtāṅganaḥ // Mo_4,25.16 //


spaṣṭam || MoṬ_4,25.16 ||



niśāsv akhilapātālaśatacandranabhastalaḥ /
svasālabhañjikālokagītigītaguṇotkaraḥ // Mo_4,25.17 //


spaṣṭam || MoṬ_4,25.17 ||



māyairāvaṇanāgendravidrutāmaravāraṇaḥ /
trailokyavibhavotkarṣapūritāntaḥpurāntaraḥ // Mo_4,25.18 //


spaṣṭam || MoṬ_4,25.18 ||



sarvasampattisubhagaḥ sarvaiśvaryasamanvitaḥ /
samastadaityasāmantavanditāgryānuśāsanaḥ // Mo_4,25.19 //


spaṣṭam || MoṬ_4,25.19 ||



mahābhujavanacchāyāviśrāntāsuramaṇḍalaḥ /
sarvāmbudhiguhāsāraratnakuṇḍalamaṇḍitaḥ // Mo_4,25.20 //


sarvāmbudhayaḥ eva guhāḥ | tāsāṃ sārāṇi yāni ratnāni | teṣāṃ kuṇḍalāni | tair maṇḍitaḥ || MoṬ_4,25.20 ||



tasyotsāditadevasya kaṭhinoḍḍāmarākṛteḥ /
babhūva vipulaṃ sainyam āsuraṃ suranāśanam // Mo_4,25.21 //


utsāditāḥ khedaṃ nītāḥ devāḥ yena | tādṛśasya || MoṬ_4,25.21 ||



tasmin māyābale supte deśāntaragate tathā /
tatsainyāntaram ājagmuś chidram prāpya kilāmarāḥ {#6} // Mo_4,25.22 //


tasya śambarasya {#7} | yat sainyam | tasyāntaram madhyam | chidram avasaram | prāpya | anyathā teṣāṃ śaktir nābhūd iti bhāvaḥ || MoṬ_4,25.22 ||


***NOTES:
#6 N17: -gmu[ś]
#7 N17: śa[m]ba-
---------------------------------------------------------


atha śambaradaityena dudrikahvadrumādayaḥ /
rakṣārtham mattasāmantāḥ svasenāsu niyojitāḥ // Mo_4,25.23 //


niyojitāḥ preritāḥ || MoṬ_4,25.23 ||



tān apy antaram āsādya jaghnur gīrvāṇanāyakāḥ {#8} /
vyomāntaracarāḥ śyenāḥ kalaviṅkān ivākulān // Mo_4,25.24 //


tān api dudrikahvadrumādīn api | antaram āsādyāvakāśaṃ labdhvā | jaghnuḥ ghnanti sma {#9} || MoṬ_4,25.24 ||


***NOTES:
#8 N17: ja(gmu)*ghnu*r
#9 N17: -ghn<a>[u]ḥ
---------------------------------------------------------


senāpatīn punaś cānyāṃś cakārāsurasattamaḥ {#10} /
capalān udbhaṭārāvāṃs taraṅgān iva sāgaraḥ {#11}{#12} // Mo_4,25.25 //


spaṣṭam || MoṬ_4,25.25 ||


***NOTES:
#10 N17: cā<s>[n]yāṃś
#11 N17: udbhaṭ<a>[ā]rā-
#12 N17: -ga<v>[r]aḥ
---------------------------------------------------------


devās tān api tasyāśu jaghnus tena sa kopavān {#13} /
jagāmāmaranāśāya paripūrṇas triviṣṭapam // Mo_4,25.26 //


paripūrṇaḥ mahāsainyayuktaḥ {#14} || MoṬ_4,25.26 ||


***NOTES:
#13 Ś1,Ś3: sa kopavān; N17: sakopakān
#14 N17: -<m>[s]ainya-
---------------------------------------------------------


tatrāsya māyābhītās te surā antardhim āyayuḥ /
merukānanakuñjeṣu mṛgā gaurīguror iva // Mo_4,25.27 //


kuñjeṣv iti niṣkṛṣya gaurīguror ity anena sambandhanīyam {#15} || MoṬ_4,25.27 ||


***NOTES:
#15 N17: -k<ra>[ṛ]ṣya
---------------------------------------------------------


krandatkṣudrāmaragaṇaṃ vāṣpaklinnasurīmukham {#16}{#17} /
śūnyaṃ dadarśa sa svargaṃ kalpakṣīṇajagatsamam // Mo_4,25.28 //


saḥ śambaraḥ || MoṬ_4,25.28 ||


***NOTES:
#16 Ś1,Ś3: krandatkṣu-; N17: krandan kṣu-
#17 N17: <vā>vāṣpa-
---------------------------------------------------------

vihṛtya kupitas tatra labdham āhṛtya śambaraḥ /
lokapālapurīr dagdhvā jagāmātmīyam ālayam // Mo_4,25.29 //


labdham hastāgataṃ ratnajātam || MoṬ_4,25.29 ||



evaṃ dṛḍhatarībhūte dveṣe dānavadevayoḥ /
devāḥ svargam parityajya dikṣu jagmur adarśanam // Mo_4,25.30 //


dveṣe vaire || MoṬ_4,25.30 ||



atha śambaradaityena ye ye senādhināyakāḥ /
kriyante yatnatas tāṃs tāñ jaghnur yatnaparāḥ surāḥ // Mo_4,25.31 //


spaṣṭam || MoṬ_4,25.31 ||



yāvad udvegam āpannaḥ śambaraḥ kopavān bhṛśam /
tārṇo 'bhi vātam anala iva jajvāla cocchvasan // Mo_4,25.32 //


ka iva jajvāla | tārṇaḥ tṛṇodbhūtaḥ | anala iva | yathā saḥ vātam abhi jvalati | tathety arthaḥ || MoṬ_4,25.32 ||



trailokyam api cānviṣya na devāṃl labdhavān atha /
pareṇāpi prayatnena sukṛtānīva duṣkṛtī // Mo_4,25.33 //


spaṣṭam || MoṬ_4,25.33 ||



sasarja māyayā ghorān asurāṃs trīn mahābalān /
balarakṣārtham uditān kālān mūrtim ivāsthitān // Mo_4,25.34 //


kālān yamān || MoṬ_4,25.34 ||



nirmitā māyayā bhīmāḥ kalpapādapabāhavaḥ /
udagus te mahākāyāḥ pakṣakṣubdhā ivādrayaḥ // Mo_4,25.35 //


udaguḥ utthitāḥ || MoṬ_4,25.35 ||



dāmo vyālaḥ kaṭaś ceti nāmabhiḥ parilāñchitāḥ /
yathāprāptaikakartāraś cetanāmātradharmiṇaḥ // Mo_4,25.36 //


yathāprāptaikakartāraḥ niranusandhānā ity arthaḥ || MoṬ_4,25.36 ||



tān eva viśinaṣṭi

abhāvāt karmaṇāṃ te ca prāktanānām avāsanāḥ /
nirvikalpakacinmātraparispandaikakarmiṇaḥ // Mo_4,25.37 //


te ca traya āsan kathambhūtāḥ | sadyaḥ utthitatvena prāktanānāṃ karmaṇām abhāvāt avāsanāḥ vāsanārahitāḥ | punaḥ kathambhūtāḥ | nirvikalpakam vikalparahitam | yat cinmātram | tasya yaḥ parispandaḥ | tadrūpam ekam karma eṣām astīti tādṛśāḥ | nirvikalpaceṣṭā ity arthaḥ || MoṬ_4,25.37 ||



karmabījaṃ kalāṃ tanvīṃ dadhānā mananābhidhām {#18} /
apuṣṭāṃ kṛtrimām antar ādāyodayam āgatāḥ // Mo_4,25.38 //


punaḥ kathambhūtāḥ | karmabījam karmabījabhūtām | tanvīm alpām | mananābhidhām kalāṃ dadhānāḥ | ata eva apuṣṭāṃ kṛtrimām āhāryām | tām mananābhidhāṃ kalām ādāya | udayam prādurbhāvam | āgatāḥ | anyathā brahmaṇaḥ utthānaṃ na syād iti bhāvaḥ || MoṬ_4,25.38 ||


***NOTES:
#18 N17: --[dadhā]nā
---------------------------------------------------------


pāramparyeṇa te hy atra kākatālīyavad bhaṭāḥ /
prakṛtām anuvartante kriyām ujjhitavāsanāḥ // Mo_4,25.39 //


pāramparyeṇa paramparāpekṣayā | na tu prayojanam anusandhāya || MoṬ_4,25.39 ||



ardhasuptā yathā bālāḥ svāṅgair iṅganti kevalam /
vāsanātmābhimānābhyāṃ hīnās te tadvad eva hi // Mo_4,25.40 //


vāsanā cātmābhimānam ca | tābhyām || MoṬ_4,25.40 ||



nābhipātaṃ na cāpātaṃ vidus te na palāyanam /
na jīvitaṃ na maraṇaṃ na raṇaṃ ca jayājayau // Mo_4,25.41 //


abhimukham pātaḥ abhipātaḥ | tam | āpatanam āpātaḥ || MoṬ_4,25.41 ||



kevalaṃ sainikān agre dṛṣṭvābhihananodyatān /
abhijaghnuḥ parān ājau prahāradalitādrayaḥ // Mo_4,25.42 //


parān śatrubhūtān || MoṬ_4,25.42 ||



śambaraś cintayām āsa parituṣṭamanāḥ pure {#19} /
vijeṣyate hi matsenā māyāsurasurakṣitā // Mo_4,25.43 //


kiṃ cintayām āsety | atrāha vijeṣyate iti | māyayā utpāditāḥ asurāḥ māyāsurāḥ | taiḥ surakṣitā matsenā | hi niścaye | vijeṣyate vijayam prāpsyati || MoṬ_4,25.43 ||


***NOTES:
#19 N17: -ra[ś]
---------------------------------------------------------


iṣṭāniṣṭābhir ete hi vāsanābhiḥ samujjhitāḥ /
tato raṇe bibhyati no vidravanti ca na sthirāḥ // Mo_4,25.44 //


iṣṭāniṣṭavāsanāyukta eva hi śatrum balayuktaṃ jñātvā bibheti vidravati ceti bhāvaḥ || MoṬ_4,25.44 ||



yad ete na palāyante devair abhihatā api /
tad eṣātibalā senā mamedānīṃ vyavasthitā // Mo_4,25.45 //


viśeṣeṇāvasthitā vyavasthitā || MoṬ_4,25.45 ||



sargāntaślokena śambaracintāṃ samāpayati

atibalāsuradordrumapālitā mama camūḥ sthiratām alam eṣyati {#20} /
amaravāraṇadantavighaṭṭaneṣv amaraparvatahemamahī yathā // Mo_4,25.46 //


amaraparvatasya sumeroḥ | hemamahī suvarṇabhūmiḥ | iti śivam || MoṬ_4,25.46 ||


***NOTES:
#20 N17: -mū[ḥ]
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcaviṃśaḥ sargaḥ {#21} ||25||


***NOTES:
#21 N17: i[ti] śrī[bhā]ska[ra]kaṇ[ṭha]vi[ra]ci[tā]yāṃ [śrī]mo[kṣo]pā[ya]ṭī[kā]yāṃ [sthi]ti[pra]ka[ra]ṇe [pañ]ca[viṃ]śaḥ [sa]rgaḥ
---------------------------------------------------------



*********************************************************************



śambaracintām upasaṃharati

iti nirṇīya daityendro dāmavyālakaṭānvitām /
senāṃ sampreṣayām āsa bhūtalaṃ devanāśinīm // Mo_4,26.1 //


spaṣṭam || MoṬ_4,26.1 ||



daityāḥ sāgarakuñjebhyaḥ kandarebhyaḥ surācalāt /
udagur bhīmanirhrādāḥ sapakṣagirilīlayā // Mo_4,26.2 //


udaguḥ utthitāḥ | sapakṣāḥ pakṣayuktāḥ | ye girayaḥ | teṣāṃ yā līlā | tayā || MoṬ_4,26.2 ||



rodasīkoṭaraṃ hastaprahārahatabhāskaram /
dānavāḥ pūrayām āsur dāmavyālakaṭeritāḥ // Mo_4,26.3 //


dāmavyālakaṭeritāḥ dāmavyālakaṭapreritāḥ || MoṬ_4,26.3 ||



athottasthur nikuñjebhyaḥ kandarebhyaḥ surācalāt /
pralayānta ivākṣubdhā bhītāḥ svarvāsināṃ gaṇāḥ // Mo_4,26.4 //


ā samantāt kṣubdhāḥ ākṣubdhāḥ | svarvāsinām devānām || MoṬ_4,26.4 ||



devāsurapatākinyos tad yuddham abhavat tayoḥ /
akālolbaṇakalpāntabhīṣaṇam bhuvanāntare {#1} // Mo_4,26.5 //


tat prasiddham || MoṬ_4,26.5 ||


***NOTES:
#1 N17: -ol<l>baṇa-
---------------------------------------------------------


petuḥ pralayaparyastasacandrārkādrivad divaḥ /
śirāṃsi kuṇḍalodvāntatejaḥpītatamāṃsy adhaḥ // Mo_4,26.6 //


pralaye paryastāḥ vāteritāḥ | ye sacandrārkāḥ adrayaḥ | tadvat | śirāṃsi divaḥ ākāśāt | adhaḥ bhūmau | petuḥ | śirāṃsi kathambhūtāni | kuṇḍalaiḥ udvāntam udvamitam | yat tejaḥ | tena pītaṃ tamaḥ | yaiḥ | tāni || MoṬ_4,26.6 ||



jughūrṇur bhaṭanirmuktasiṃhanādavirāvitāḥ /
pralayānilasampūraiḥ sāṭṭahāsā ivādrayaḥ {#2} // Mo_4,26.7 //


aṭṭahāsayuktā api ghūrṇanti || MoṬ_4,26.7 ||


***NOTES:
#2 N17: -hā[sā] mit Ś1;Ś3.
---------------------------------------------------------


rejur ātmaśilātulyahetipātārtavṛttayaḥ {#3} /
kulācalataṭā bhītavibhrāntaharimaṇḍalāḥ // Mo_4,26.8 //


kulācalataṭāḥ rejuḥ {#4} | kathambhūtāḥ | ātmanaḥ ātmasambandhinyaḥ | yā śilāḥ | tābhiḥ tulyāḥ | yā hetayaḥ | tāsāṃ yaḥ pātaḥ | tenārtā dīnā | vṛttiḥ sthitiḥ yeṣām | tādṛśāḥ {#5} | punaḥ kathambhūtāḥ | bhītāni ata eva vibhrāntāni harimaṇḍalāni siṃhamaṇḍalāni yeṣām | te || MoṬ_4,26.8 ||


***NOTES:
#3 N17: -tā<n>[r]tavṛ-
#4 N17: -lā<ta>[ca]la-
#5 N17: yeṣām <taiḥ> tādṛśāḥ
---------------------------------------------------------


ceruḥ parasparāghātahatahetisamutthitāḥ {#6} /
lolānalakaṇāḥ kalpaviśīrṇā iva tārakāḥ // Mo_4,26.9 //


spaṣṭam || MoṬ_4,26.9 ||


***NOTES:
#6 N17: -ra(ṃ)*s*parā-
---------------------------------------------------------

vilesū raktamāṃsaughapūrṇaikārṇavatīragāḥ /
kalpatālatanūttālā vetālās tāratālinaḥ // Mo_4,26.10 //


vilesuḥ vilasanti sma | vetālāḥ bhūtaviśeṣāḥ | tāratālinaḥ udbhaṭavādyayuktāḥ || MoṬ_4,26.10 ||



prasphuradrudhirāsāraśāntapāṃsupayodhare /
vyomni hetihatakṣuṇṇamaulikuṇḍalakoṭayaḥ // Mo_4,26.11 //


hetihatānāṃ yodhānām | kṣuṇṇā nipatitāni | yāni maulikuṇḍalāni | teṣāṃ koṭayaḥ vyomni | vilesur iti pūrveṇa sambandhaḥ || MoṬ_4,26.11 ||


babhūvur bhāskarākāraiḥ kalpabhūruhabāhubhiḥ /
prahāradalitādrīndrair daityair nirvivarā diśaḥ {#7} // Mo_4,26.12 //


nirvivarāḥ nīrandhrāḥ || MoṬ_4,26.12 ||


***NOTES:
#7 N17: -ā<n>drīn-
---------------------------------------------------------


jagmur jvaladasivrātapātapātitabhittayaḥ /
kaṇaprakaratāṃ śailāḥ kalpāgnivalitā iva // Mo_4,26.13 //


kalpāgnivalitāḥ kalpāgnibhramitāḥ || MoṬ_4,26.13 ||



devāḥ tejaḥ samājagmur aśvamedhaidhitā iva /
asurān anusasrus tāñ jaladān iva vāyavaḥ // Mo_4,26.14 //


spaṣṭam || MoṬ_4,26.14 ||



jagṛhus tān athākramya jaradākhūn ivotavaḥ {#8} /
rejuḥ surāsurāḥ phullavanalolādrivad divi {#9} // Mo_4,26.15 //


devāḥ tān asurān | jagṛhuḥ iti sambandhaḥ | otavaḥ viḍālāḥ || MoṬ_4,26.15 ||


***NOTES:
#8 N17: iv(au)*o*ta-
#9 N17: -sur(ā)[ā]ḥ
---------------------------------------------------------


te 'nyo'nyam pūrayām āsuḥ śastrapūrair diśo daśa /
vanāni kusumavrātaiḥ sumeror iva mārutāḥ // Mo_4,26.16 //


spaṣṭam || MoṬ_4,26.16 ||



ghoraṃ samabhavad yuddhaṃ devadānavasainyayoḥ /
rodorandhroḍumbarāntar mahāmaṣakasaṅghayoḥ {#10} // Mo_4,26.17 //


rodorandhra eva dyāvāpṛthivīrandhra eva uḍumbarāntaḥ uḍumbaraphalamadhyam {#11}{#12} | tatra mahāmaṣakasaṅghayoḥ mahāmaṣakasamūhayoḥ | uḍumbarāntaḥ hi maṣakāḥ bhavanti {#13} || MoṬ_4,26.17 ||


***NOTES:
#10 N17: ro<dh>[d]orandhroḍ<a>[u]mbarā-
#11 N17: ro<dh>[d]o-
#12 N17: <uḍambha>[uḍumba]rāntaḥ <uḍambha>[uḍumba]raphala-
#13 N17: <uḍambha>[uḍumba]rā-
---------------------------------------------------------


athodapatad ullāsair lokapālebhamaṇḍalaiḥ {#14} /
kalpābhraiḥ pūritākāro dāruṇaḥ samarāravaḥ // Mo_4,26.18 //


ullāsaiḥ ūrdhvagatahastaiḥ {#15} | kalpābhraiḥ kalpābhratulyaiḥ | udapatat utthitaḥ || MoṬ_4,26.18 ||


***NOTES:
#14 N17: u<nn>[ll]āsair mit Ś1; Ś3: uttālair.
#15 N17: u<nn>[ll]āsair
---------------------------------------------------------

samarāravaṃ vistareṇa viśinaṣṭi

piṇḍagraheṇa nabhasi bhūbhāga {#17} iva kuṭṭimam {#16} /
muṣṭigrāhyo mahāmeghamantharodarapīvaraḥ // Mo_4,26.19 //


samarāravaḥ kathambhūtaḥ | nabhasi piṇḍagraheṇa muṣṭigrāhyaḥ | kim iva | kuṭṭimam iva | yathā kuṭṭimam bhūbhāge piṇḍagraheṇa muṣṭigrāhyam bhavati | tathety arthaḥ || MoṬ_4,26.19 ||


***NOTES:
#16 N17: na(ra)*bha*si
#17 N17: bhū<t>[bh]āga
---------------------------------------------------------


prathamāpātasampiṣṭaśastraśailaraṭattaṭaḥ /
sphuṭaddhṛdayaniḥsattvakarkaśākrandaghargharaḥ // Mo_4,26.20 //


prathamāpāta eva sampiṣṭāḥ ye śastrabhūtāḥ śailāḥ | taiḥ raṭantaḥ taṭāḥ yasya | saḥ | sphuṭaddhṛdayāḥ ye niḥsattvāḥ dhairyarahitāḥ | teṣāṃ yaḥ karkaśākrandaḥ | tena ghargharaḥ ghargharaśabdayuktaḥ || MoṬ_4,26.20 ||



pralayapratyayollāsikalpābhrāravabṛṃhaṇaḥ /
dvādaśādityasaṅghaṭṭadravatkāñcanasannibhaḥ {#18} // Mo_4,26.21 //


pralayapratyaye pralayasamaye | ullāsī yaḥ kalpābhrāravaḥ | tadvat bṛṃhaṇaṃ yasya | saḥ | dvādaśādityānāṃ yaḥ saṅghaṭṭaḥ kalpānte anyo'nyaṃ saṅghaṭṭanam | tena dravat yat kāñcanam | tena sannibhaḥ | avicchinnapravāhatvena tulya ity arthaḥ || MoṬ_4,26.21 ||


***NOTES:
#18 N17: -āditya(ānāṃ yaḥ)saṅghaṭ<ṭh>[ṭ]a-
---------------------------------------------------------


brahmāṇḍakuḍyasaṅghaṭṭāt parāvṛtyāvaniṃ gataḥ {#19} /
mahāsrotaḥpayaḥpūraḥ setvāhata ivākaram // Mo_4,26.22 //


punaḥ kathambhūtaḥ | brahmāṇḍakuḍyasaṅghaṭṭāt parāvṛtya avaniṃ gataḥ {#20}{#21} | ka iva | mahāsrotaḥpayaḥpūra iva | yathā saḥ setvāhataḥ san ākaram utpattisthānaṃ gacchati | tathety arthaḥ || MoṬ_4,26.22 ||


***NOTES:
#19 N17: -vṛt<t>yā-
#20 N17: -ghaṭ[ṭ]āt
#21 N17: -vṛt<t>ya
---------------------------------------------------------


calatsapakṣaśailendrapakṣavātabaladhvaniḥ /
kaṭhināpūraṇoḍḍīnasphuṭaśailendrakandharaḥ {#22} // Mo_4,26.23 //


calantaḥ ye sapakṣāḥ śailendrāḥ {#23} | teṣāṃ yaḥ pakṣavātaḥ | tena yaḥ baladhvaniḥ balayuktaḥ śabdaḥ | tadrūpaḥ | kaṭhinaiḥ kāṭhinyayuktair āyudhair | āpūraṇena uḍḍīnāḥ sphuṭaṃ śailendrakandharāḥ yasya {#24} | saḥ || MoṬ_4,26.23 ||


***NOTES:
#22 N17: -kan<d>[dh]araḥ. Vgl. Schmidt, Nachtr. sowie MṬ (IV) 26,48d.
#23 N17: sa*pa*-
#24 N17: -n<a>[ā]ḥ
---------------------------------------------------------


mandaroddhūtadugdhābdhisaṅkṣobhasadṛśāṃśakaḥ /
pratiśrudghuṅghumāsphoṭaghaṭitadvīpajantubhūḥ {#25} // Mo_4,26.24 //


mandaroddhūtaś cāsau dugdhābdhiḥ ca {#26} | tasya yaḥ saṅkṣobhaḥ | tena sadṛśāḥ aṃśāḥ bhāgāḥ yasya {#27} | saḥ | pratiśrudrūpo yaḥ ghuṅghumaśabdānuvedhaḥ | tena ghaṭitāḥ melitāḥ | dvīpāś ca jantubhuvaś ca | yena | saḥ || MoṬ_4,26.24 ||


***NOTES:
#25 N17: -ghaṭ<ṭ>ita-
#26 N17: -ābdhiḥ [ca]
#27 N17: <m>[s]adṛśāḥ
---------------------------------------------------------


senayoḥ kruddhayor āsīd yuddham uddhatadānavam /
niṣpiṣṭanagaragrāmagirikānanamānavam // Mo_4,26.25 //


tayoḥ senayoḥ yuddham āsīt | kathambhūtam ity apekṣāyāṃ yuddhaṃ vistareṇa viśinaṣṭi uddhatetyādi || MoṬ_4,26.25 ||



mahāhetiśatacchinnadānavācalapūrṇadik /
anyo'nyahatahetyadricūrṇapūrṇāmbarodaram // Mo_4,26.26 //


mahāhetīnāṃ yāni śatāni | taiḥ chinnāḥ ye dānavācalāḥ | taiḥ pūrṇāḥ diśaḥ yasya | tat || MoṬ_4,26.26 ||



bhusuṇḍīmaṇḍalāsphoṭasphuṭanmeruśiraḥśatam /
śaramārutanirlūnadaityadevāsurāmbujam // Mo_4,26.27 //


āsphoṭaḥ tāḍanam | śareti | mārutena ca ambujāni lūyante || MoṬ_4,26.27 ||



cakrāvartaśatabhrāntadevadaityajarattṛṇam /
senāpravāhakallolavalanāvalitāmbaram // Mo_4,26.28 //


cakrāṇām āyudhaviśeṣāṇām | ye āvartāḥ bhramaṇāni | teṣāṃ yāni śatāni | teṣu bhrāntāḥ cakrabhramayuktāḥ | devadaityā eva jarattṛṇaṃ yatra | tat | senāpravāhānāṃ ye kallolāḥ vyūharūpāḥ kallolāḥ | teṣāṃ yā valanāḥ valganāḥ | tābhiḥ valitaṃ vṛttam | ambaraṃ yasya | tat || MoṬ_4,26.28 ||



hetyadripātaniṣpiṣṭapatadvaimānikavrajam /
hastānītābdhivāryoghaplāvitavyomapattanam {#28} // Mo_4,26.29 //


plāvitam īritam || MoṬ_4,26.29 ||


***NOTES:
#28 N17: -vāry(e)*o*gha-
---------------------------------------------------------


vahanmahāstrāvartāsiśūlaśaktinadīśatam /
śailapakṣodbhaṭāsphoṭajaḍabrahmāṇḍamaṇḍalam // Mo_4,26.30 //


mahāstrāṇy eva cakrāṇy evāvartāḥ yeṣām | tāni mahāstrāvartāni | vahanti mahāstrāvartāni asiśūlaśaktinadīśatāni yasmin | tat | āsphoṭaḥ saśabdaṃ tāḍanam | tena jaḍam śabdaśravaṇaśaktirahitam || MoṬ_4,26.30 ||



daityapārṣṇiprahāraughapatallokeśapattanam {#29} /
nārīhalahalārāvaravatkanakamandiram // Mo_4,26.31 //


halahaleti śabdānukaraṇam || MoṬ_4,26.31 ||


***NOTES:
#29 N17: -pat[t]anam mit Ś1;Ś3
---------------------------------------------------------


luṭhaddaityācaloddhūtamattārṇavajalādribhiḥ /
dhautaraktanabho yodhamuktanādadravadvrajam // Mo_4,26.32 //


luṭhantaḥ patantaḥ | ye daityā evācalāḥ | tair uddhūtāḥ ye mattārṇavāḥ | teṣāṃ ye jalādrayaḥ mahormayaḥ | taiḥ kṛtvā dhautaṃ raktanabhaḥ raktayuktaṃ nabhaḥ yasya | tat | yodhaiḥ muktaḥ yaḥ mahānādaḥ siṃhanādaḥ | tena dravantaḥ dhāvantaḥ | vrajāḥ arthāt dīnasamūhāḥ yatra | tat || MoṬ_4,26.32 ||



lokapānekapāmbhodacchannacchannāryamānvitam /
punaḥ surāsuroddyotair dṛṣṭasainyakulākulam // Mo_4,26.33 //


lokapānām lokeśānām | ye anekapāḥ hastinaḥ | te evāmbhodāḥ meghāḥ | taiḥ channacchannaḥ atiśayenāvṛtaḥ | yaḥ aryamā sūryaḥ | tenānvitam | tarhi tatra tair anyo'nyaṃ kathaṃ dṛṣṭam ity | atrāha punar iti | punaḥ pakṣāntare | surāsurāṇāṃ ye uddyotāḥ śarīraprakāśāḥ | taiḥ kṛtvā dṛṣṭaṃ yat sainyakulam sainyasamūhaḥ | tenākulam nirbharam || MoṬ_4,26.33 ||



sapakṣaparvatākāradānavādrigamāgamaiḥ /
vahatpacapacāśabdabhūribhākkarabhīṣaṇam {#30} // Mo_4,26.34 //


pacapaceti śabdānukaraṇam | bhākkareti ca || MoṬ_4,26.34 ||


***NOTES:
#30 N17: -bhā<ṅ(k)k*ā*ra>[bhākkara]-, mit MṬ. Ś1;Ś3: bhāṅkāra-
---------------------------------------------------------


āyudhādrivibhinnogradaityaparvatanirjharaiḥ /
raktair aruṇitāśeṣavasudhārṇavaparvatam // Mo_4,26.35 //


spaṣṭam || MoṬ_4,26.35 ||



utsannarāṣṭranagaravipinagrāmagahvaraiḥ /
dhṛtāsaṅkhyāsurebhāśvamanuṣyarathaparvatam // Mo_4,26.36 //


utsannāḥ vinaṣṭāḥ | ye rāṣṭranagaravipinagrāmāḥ {#31} | teṣāṃ gahvaraiḥ randhrarūpaiḥ madhyabhāgaiḥ | dhṛtāḥ asaṅkhyāḥ asurebhāśvamanuṣyarathaparvatāḥ yasya | tat || MoṬ_4,26.36 ||


***NOTES:
#31 N17: rāṣṭ[r]a-
---------------------------------------------------------


sutālottālanārācarājirecitacāraṇam /
muṣṭiprahārapiṣṭāṃsamattairāvaṇavāraṇam // Mo_4,26.37 //


sutālavat uttālāḥ ye nārācāḥ | teṣāṃ yā rājiḥ | tayā recitāḥ rahitāḥ | cāraṇāḥ devaviśeṣāḥ yasya | tat || MoṬ_4,26.37 ||



kalpābhrapaṭalāsāradhārādalitaparvatam {#32} /
mahāśaniviniṣpeṣapiṣṭoḍḍīnakulācalam // Mo_4,26.38 //


āsāraḥ śilāmayo 'tra jñeyaḥ || MoṬ_4,26.38 ||

***NOTES:
#32 N17: kal[p]ā- mit Ś1;Ś3
---------------------------------------------------------


kupitāgnijvalajjvālājālair jvalitadānavam /
ekāñjalipuṭānītasamudrotsāditānalam // Mo_4,26.39 //


utsāditaḥ nirvāpitaḥ || MoṬ_4,26.39 ||



cāndraśaityādisambhāraśilīkṛtamahājalam /
vanavyūhendhanāgnyarcirdrāvitāmbuśiloccayam // Mo_4,26.40 //

śītena hi jalam pāṣāṇībhavati | vaneti parvatāḥ api vigalanti smety arthaḥ || MoṬ_4,26.40 ||



astranirmitadurvāratamaḥkalpāntarātrikam /
māyāsūryagaṇoddyotapītātanutamaḥpaṭam // Mo_4,26.41 //


spaṣṭam || MoṬ_4,26.41 ||



māyāgnivarṣanipatatkalpāntagaṇavarṣaṇam {#33} /
saśīkārāgnipavanaśastrasaṅghaṭṭakarṣaṇam // Mo_4,26.42 //


māyāgnivarṣeṇa nipatatkalpāntagaṇavat varṣaṇam yatra | tat | saśīkārau śīkāraśabdayuktau | agnipavanau yatra | tat | tādṛśaḥ yaḥ śastrasaṅghaṭṭaḥ | tena karṣaṇam devāsurakarṣaṇam yatra | tat || MoṬ_4,26.42 ||


***NOTES:
#33 N17: -rṣa(mava)nipa-
---------------------------------------------------------


vajravarṣavinirdhūtaśailavarṣāstrasambhavam /
nidrābodhāstrayuddhāḍhyaṃ savarṣāvagrahāstrakam // Mo_4,26.43 //


vajravarṣeṇa vinirdhūtaḥ śailavarṣarūpāṇām astrāṇāṃ sambhavaḥ yatra | tat | nidrābodhakārīṇi astrāṇi nidrābodhāstrāṇi | taiḥ yad yuddham | tenāḍhyam | varṣāvagrahakārīṇi astrāṇi varṣāvagrahāstrāṇi {#34} | saha taiḥ vartate iti tādṛśam || MoṬ_4,26.43 ||


***NOTES:
#34 N17: -hā*strā*ṇi
---------------------------------------------------------


vahatkrakacavṛkṣāstraṃ jalāgnyastraraṇānvitam /
brahmāstrayuddhaviṣamaṃ tamastejo'straśāritam // Mo_4,26.44 //


śāritam citrīkṛtam || MoṬ_4,26.44 ||



astrodgīrṇāyudhānekanīrandhrasakalāmbaram /
śilāvarṣāstravalitaṃ vahnivarṣāstrabhāsuram // Mo_4,26.45 //


astrārtham brahmāstrādyartham | udgīrṇāni tyaktāni | yāni āyudhānekāni āyudhasamūhāḥ | taiḥ nīrandhraṃ sakalāmbaraṃ yat | tat || MoṬ_4,26.45 ||



patākāmṛṣṭaśaśakaiś cakracītkāragarjitaiḥ /
muhūrtena rathair laṅghitodayāstamayācalam // Mo_4,26.46 //


patākābhiḥ mṛṣṭaḥ śaśakaḥ arthāt candraśaśaḥ yais | taiḥ || MoṬ_4,26.46 ||



vajraprahārāviratamriyamāṇamahāsuram /
śukrāmaramahāvidyājāyamānāparāsuram // Mo_4,26.47 //


amaramahāvidyā sañjīvinī vidyā | devānāṃ tu svayam eva maraṇaṃ nāsti | amaratvāt iti teṣām maraṇaṃ vyathā eva jñeyam || MoṬ_4,26.47 ||



śubhagrahamahāketupālitānām itas tataḥ /
utpātamaṅgalaughānāṃ yuddhair uddhatakandharam // Mo_4,26.48 //


śubhagrahāḥ maṅgalāni pālayanti | ketuḥ upalakṣaṇam pāpagrahāṇām | pāpagrahāḥ hi utpātān pālayanti || MoṬ_4,26.48 ||



sādrikhorvīsamudradyu jagad rudhiravāribhiḥ /
phullaikakiṃśukavanaṃ kurvad durvāravairataḥ // Mo_4,26.49 //


punaḥ kathambhūtam | durvāravairataḥ jagat rudhiravāribhiḥ kṛtvā phullaikakiṃśukavanaṃ kurvat {#35} | jagat kathambhūtam | sādrikhorvīsamudradyu parvatākāśabhūmisamudrasvargasahitam || MoṬ_4,26.49 ||


***NOTES:
#35 N17: ku[r]-
---------------------------------------------------------


parvatapratimāsaṅkhyaśavapūrṇamahārṇavam /
samagrataruśākhāṃsalambalolamahāśavam // Mo_4,26.50 //


mahārṇavā atra raktasya jñeyāḥ {#36} || MoṬ_4,26.50 ||


***NOTES:
#36 N17: -vā *a*tra
---------------------------------------------------------


nīyamānaiḥ svavātāktaiḥ pakṣapuṣpalasatphalaiḥ {#37} /
tālottālaiḥ śaravrātavanair vyāptanabhastalam {#38} // Mo_4,26.51 //


vātenāktaiḥ preritaiḥ | pakṣapuṣpāṇi ca tāni lasatphalāni ca {#39}{#40} | phalam atra śalyaṃ jñeyam || MoṬ_4,26.51 ||


***NOTES:
#37 N17: -ā<ṃ>ktaiḥ
#38 N17: -va<t>[n]air
#39 N17: -pā<n>[ṇ]i
#40 N17: (sa)lasat-
---------------------------------------------------------


parvatapratimāsaṅkhyakabandhavanabāhubhiḥ /
nṛtyadbhiḥ patitāmbhodavimānasuratārakam // Mo_4,26.52 //


patitāḥ ambhodavimānasuratārakāḥ yasya | tat || MoṬ_4,26.52 ||



śaraśaktigadāprāsapaṭṭisaprotaparvatam /
lokasaptakavibhraṣṭakuḍyakhaṇḍācitāmbaram // Mo_4,26.53 //


lokasaptakasya kuḍyāny apatann iti bhāvaḥ || MoṬ_4,26.53 ||



anāratarasanmattakalpābhradṛḍhadundubhi /
pṛṣṭhaśabdaśravonnādapātālatalavāraṇam {#41} // Mo_4,26.54 //


pṛṣṭhaśabdasya yaḥ śravaḥ śravaṇam {#42} | tenonnādāḥ pātālatalavāraṇāḥ yatra | tat || MoṬ_4,26.54 ||


***NOTES:
#41 N17: pṛṣ<ṭ>[ṭh]a-
#42 N17: pṛṣ<ṭ>[ṭh]a-
---------------------------------------------------------


vināyakakarākṛṣṭadīrghadānavaparvatam /
ekadiktaṭaniḥspandasiddhasādhyamarudgaṇam // Mo_4,26.55 //


spaṣṭam || MoṬ_4,26.55 ||



palāyamānagandharvakinnarāmaracāraṇam /
śavībhūtakṣatakṣīṇapatadgandharvanāyakam // Mo_4,26.56 //


spaṣṭam || MoṬ_4,26.56 ||



kiñcillabdhajayaprāyadaityadānavamaṇḍalam /
dūyamānasurānīkam ekāntodvignavāsavam {#43} // Mo_4,26.57 //


spaṣṭam || MoṬ_4,26.57 ||


***NOTES:
#43 N17: -rā*nī*kam
---------------------------------------------------------


uttarāśāmiladvahniraktahetivṛhatprabham /
pratikṣaṇaṃ lasaddāhaprakāśatimirolbaṇam {#44} // Mo_4,26.58 //


uttarāśayā uttaradiśā | milan yaḥ vahniḥ | tena raktā hetīnāṃ vṛhatyaḥ prabhāḥ yatra | tat | devamandiradāhottho 'tra vahnir jñeyaḥ | pratikṣaṇam kṣaṇe kṣaṇe | lasan yaḥ dāhaḥ gṛhadāhaḥ | tena ye prakāśatimire | tābhyām ulbaṇam {#45} | timiram atra dhūmakṛtaṃ jñeyam || MoṬ_4,26.58 ||


***NOTES:
#44 N17: -ol<l>ba-
#45 N17: *lasan --> u<llv>[lb]aṇam*
---------------------------------------------------------


sargāntaślokena samīracalanaṃ kathayati

vavur aśaninipātapiṇḍitāṅgā dalitaśilāśakalā diśām mukheṣu /
pralayasamayasūcakāḥ surāṇām urutaraghargharaghasmarāḥ samīrāḥ // Mo_4,26.59 //


samīrāḥ vātāḥ | diśām mukheṣu vavuḥ vānti sma | kathambhūtāḥ | aśanīnāṃ yaḥ nipātaḥ | tena piṇḍitāny aṅgāni yeṣām {#46} | tādṛśāḥ | aśaninipātenaikatra militā ity arthaḥ | ata eva dalitāḥ śilāśakalāḥ yaiḥ | te tādṛśāḥ | urutaraḥ yaḥ ghargharaḥ ghargharaśabdaḥ | tena ghasmarāḥ śabdāntaragrāsakāriṇa ity arthaḥ {#47} | iti śivam || MoṬ_4,26.59 ||


***NOTES:
#46 N17: piṇḍ<a>[i]tā-
#47 N17: -r*ā*ḥ
---------------------------------------------------------



iti bhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ṣaḍviṃśaḥ sargaḥ {#48} ||26||


***NOTES:
#48 N17: -viṃśa<ti>ḥ
---------------------------------------------------------



*********************************************************************



tataḥ kiṃ sampannam ity | atrāha

tasmiṃs tadā vartamāne ghore samarasambhrame /
devāsuraśarīreṣu patatsv adridaleṣv iva // Mo_4,27.1 //


vahatsv abhrapravāheṣu gaṅgāpūreṣv ivāmbarāt /
dāmni veṣṭitadevaughe muktakṣveḍāghanārave // Mo_4,27.2 //


vyāle nijakarākṛṣṭipiṣṭasarvasurālaye /
kaṭe kaṭhinasaṃrambhasaṅgarācchāditāmare // Mo_4,27.3 //


airāvaṇe kṣīṇamade palāyanaparāyaṇe /
pravṛddhe dānavānīke madhyāhna iva bhāskare // Mo_4,27.4 //


pātitāṅgāyudhārdhāni prasravadrudhirāṇi ca /
payāṃsīva visetūni devasainyāni dudruvuḥ // Mo_4,27.5 //


pātitāni arthāt asuraiḥ bhūmau pātitāni | aṅgānām āyudhānāṃ cārdhāni yeṣām | tāni cchinnāṅgāni cchinnāyudhāni ceti yāvat | ata eva prasravat rudhiraṃ yeṣām | tānīti tādṛśāni devasainyāni dudruvuḥ bhayena drutāni | kānīva | visetūni payāṃsīva | kasmin sati | tasminn ityādi | dāmni dāmākhye mahāsure | kaṭhinasaṃrambhaṃ yat saṅgaram saṅgrāmaḥ | tatra ācchāditāḥ amarāḥ yena | tādṛśe sati | kulakam || MoṬ_4,27.1-5||



dāmavyālakaṭās tāni ciram antarhitāny api /
anujagmur lasannādam indhanānīva pāvakāḥ // Mo_4,27.6 //


tāni devasainyāni | anujagmuḥ paścād dhāvanti sma | antarhitānām anugamanaṃ na yuktam ity apiśabdo dyotayati {#1} || MoṬ_4,27.6 ||


***NOTES:
#1 N17: a[n]tar-
---------------------------------------------------------


anviṣṭān api yatnena nālabhantāsurāḥ surān {#2} /
ghanajālavanoḍḍīnān siṃhā hariṇakān iva {#3} // Mo_4,27.7 //


spaṣṭam || MoṬ_4,27.7 ||


***NOTES:
#2 N17: -ntā*surāḥ*
#3 N17: -oḍḍīnā<s>[n]
---------------------------------------------------------


alabdheṣv amaraugheṣu dāmavyālakaṭās tadā /
jagmuḥ pātālakośasthaṃ prabhum pramuditāśayāḥ // Mo_4,27.8 //


prabhuṃ śambaram || MoṬ_4,27.8 ||



atha devā viṣaṇṇās te kṣaṇam āśvasya vai yayuḥ /
jayopāyāya vijitā brahmāṇam amitaujasam // Mo_4,27.9 //


viṣaṇṇāḥ mūrchitāḥ | āśvasya cetanāṃ labdhvā || MoṬ_4,27.9 ||


teṣām āvirabhūd brahmā raktaraktānanaśriyām {#4}{#5} /
sāyaṃ raktīkṛtāmbūnām abdhīnām iva candramāḥ // Mo_4,27.10 //


raktena rudhireṇa | raktam ānanaṃ yeṣām | te | tādṛśānām | sāyam sāyaṃsandhyayety arthaḥ | candramaso vā raktīkaraṇe kartṛtvaṃ jñeyam | udayakāle tasya raktatvāt | tadā sāyam sāyaṃsamaya ity arthaḥ || MoṬ_4,27.10 ||


***NOTES:
#4 N17: *ā*vir-
#5 N17: *rakta*raktā-
---------------------------------------------------------


praṇamya te surās tasmai tam arthaṃ śambareritam /
samyak prakathayām āsur dāmavyālakaṭakramam // Mo_4,27.11 //

te surāḥ śambareritam śambaraprādurbhāvitam | tam dāmavyālakaṭakramam artham dāmādikramākhyaṃ vastu | praṇamya tasmai {#6} | samyak prakathayām āsuḥ || MoṬ_4,27.11 ||


***NOTES:
#6 N17: *tasmai*
---------------------------------------------------------


tam ākarṇyākhilam brahmā vicārya ca vicāravit /
uvācedaṃ surānīkam āśvāsanakaraṃ vacaḥ // Mo_4,27.12 //


tam dāmavyālakaṭakramam | surānīkam devasainyam || MoṬ_4,27.12 ||


brahmā kathayati

hanta varṣasahasrānte śambareṇa hareḥ kramāt /
martavyam amareśasya tāvat kālam pratīkṣyatām // Mo_4,27.13 //


hanta kaṣṭe | śambareṇa kartrā | varṣasahasrānte amareśasya hareḥ viṣṇoḥ | kramāt yuddhākhyāt kramāt | martavyam maraṇīyam | tāvat kālam asau na mariṣyatīti bhāvaḥ | yuṣmābhiḥ tāvat kālam pratīkṣyatām || MoṬ_4,27.13 ||



nanu tarhi tāvat kālam bādhāṃ kurvataḥ dāmādīn kiṃ kurma ity | atrāha

dāmavyālakaṭān etān adya tv amarasattamāḥ /
yodhayantaḥ palāyadhvam māyāyuddhena dānavān // Mo_4,27.14 //


he amarasattamāḥ | yūyam etān dāmavyālakaṭān dānavān māyāyuddhena yodhayantaḥ yuddhaṃ kārayantaḥ santaḥ | palāyadhvam || MoṬ_4,27.14 ||



nanu asmatpalāyanena kim eṣāṃ setsyatīty | atrāha

yuddhābhyāsavaśād eṣām makurāṇām ivāśaye /
ahaṅkāracamatkāraḥ pratibimbam upaiṣyati // Mo_4,27.15 //


eṣām dāmādīnām | ahaṅkāracamatkāraḥ vayaṃ yuddhe jayinaḥ smaḥ ity evaṃrūpo 'hambhāvāsvādaḥ | āśaye manasi | pratibimbam upaiṣyati || MoṬ_4,27.15 ||



nanu tato 'pi kiṃ setsyatīty | atrāha

gṛhītavāsanās tv ete dāmavyālakaṭāḥ surāḥ {#7} /
sujayā vo bhaviṣyanti jālalagnāḥ khagā iva // Mo_4,27.16 //


vāsanāyā eva vakṣyamānanayena vaivaśyakāritvāt || MoṬ_4,27.16 ||


***NOTES:
#7 Ś1 gloss.: he
---------------------------------------------------------


nanv adya kathaṃ na jetuṃ śakyā ete ity | atrāha

adya tv avāsanā ete sukhaduḥkhavivarjitāḥ /
dhairyeṇārīn vinighnanto devadurjayatāṃ gatāḥ {#8} // Mo_4,27.17 //


tu pakṣāntare | adya avāsanāḥ ahaṃvāsanārahitāḥ {#9} | ata eva sukhaduḥkhavivarjitāḥ | ata eva dhairyeṇa arīn vinighnantaḥ | devadurjayatām yuṣmaddurjayatām iti yāvat | gatāḥ | sukhādirahito hi bhītirahitatvād durjayo bhavati || MoṬ_4,27.17 ||


***NOTES:
#8 N17: -rī<r>[n]
#9 N17: *adya*
---------------------------------------------------------


nanu vāsanayā katham ete vaśyā bhaviṣyantīty {#10} | atrāha

vāsanātantubaddhā ye āśāpāśavaśīkṛtāḥ /
vaśyatāṃ yānti te loke rajjubaddhāḥ khagā iva // Mo_4,27.18 //


ye vāsanātantubaddhā ahaṃvāsanātantubaddhāḥ | bhavanti | te āśāpāśavaśīkṛtāḥ santaḥ | loke vaśyā bhavanti | te ke iva | rajjubaddhāḥ khagā iva | ayam bhāvaḥ | puruṣaḥ antaḥsthitayāhaṃvāsanayā mamedam bhavatv etan mā bhavatv ity evaṃrūpayāśayāviṣṭo bhavati | tayā ca dainyaṃ gacchati | tena parasya vaśyo bhavatīti || MoṬ_4,27.18 ||


***NOTES:
#10 N17: -n(ā)a*yā*
---------------------------------------------------------


nanu vāsanārahitāḥ kathaṃ durjayā bhavantīty | atrāha

ye hi nirvāsanā dhīrāḥ sarvatrāsaktabuddhayaḥ /
na hṛṣyanti na kupyanti durjayās te mahādhiyaḥ {#11} // Mo_4,27.19 //


sarvatra heye upādeye vā | asaktā rāgadveṣarūpayā āsaktyā rahitā | buddhiḥ yeṣām | tādṛśāḥ | upādeyarāgena heyadveṣeṇaiva ca puruṣaḥ jeyo bhavati | anyathā viditanayāḥ rājānaḥ dravyadānena śatrūn jetuṃ na yateran | tadabhāve tu svaśarīre 'pi rāgarahitaḥ puruṣaḥ na kenāpi jetuṃ śakyate iti bhāvaḥ | dveṣasyāsaktitvam āsaktyutpādakatvena jñeyam | dveṣeṇa hi heyān nivṛttaḥ puruṣaḥ upādeye dṛḍhataraṃ rāgāparaparyāyāsaktiyukto bhavati || MoṬ_4,27.19 ||


***NOTES:
#11 N17: h<yā>[ṛ]ṣ-
---------------------------------------------------------


yasyāntarvāsanārajjvā granthibandhaḥ śarīriṇaḥ {#12} /
mahān api bahujño 'pi sa bālenāpi jīyate // Mo_4,27.20 //


anyathā bāleṣv api dhanāḍhyeṣu vidyāvayovṛddhāḥ praṇāmaṃ na kuryur iti bhāvaḥ || MoṬ_4,27.20 ||


***NOTES:
#12 N17: gra<ṅkti>[nthi]-; Ś1, Ś3: granthi-
---------------------------------------------------------


ayaṃ so 'ham idaṃ me tad ity ākalitakalpanaḥ /
āpadām pātratām eti payasām iva sāgaraḥ // Mo_4,27.21 //


ākalitā ā samantāt dhṛtā {#13} | kalpanā saṅkalpaḥ yena | saḥ | āpadām mamaitad bhavatv etan mā bhavatv ity evaṃrūpāṇām || MoṬ_4,27.21 ||


***NOTES:
#13 N17: -tā [ā] sam-
---------------------------------------------------------


iyanmātraparicchinno yenātmā bhavya bhāvitaḥ /
sa sarvajño 'pi sarvatra parāṃ kṛpaṇatāṃ gataḥ // Mo_4,27.22 //


he bhavya he indra | yena ātmā svasvarūpam | iyanmātraparicchinnaḥ | iyanmātraṃ cāsau dehādimātrarūpaś cāsau | ata eva paricchinnaś ceti tādṛśaḥ | bhāvitaḥ bhāvanāviṣayīkṛtaḥ | saḥ puruṣaḥ | sarvajñaḥ api sarvatra parāṃ niratiśayām | kṛpaṇatām dīnatām | gataḥ gacchatīty arthaḥ | dehaniṣṭho hi dehahitam icchann avaśyam eva kṛpaṇatām eti || MoṬ_4,27.22 ||



anantasyāprameyasya yeneyattā prakalpitā /
ātmatattvasya tenātmā svātmanaivāvaśīkṛtaḥ {#14} // Mo_4,27.23 //


anantasyāntasākṣitvena sthitatvāt tadrahitasya | aprameyasya kevalam pramātṛrūpeṇa sthitatvāt prameyatām aspṛśamānasya {#15} | ātmatattvasya | yena iyattā dehāvacchinnatvākhyam iyanmātratvam | prakalpitā kalpanayā bhāvitā | tenājñāninā | svātmanaiva ātmāvaśīkṛtaḥ {#16} | avaśyambhāvi hi dehāvacchinnasya bhogavaivaśyam || MoṬ_4,27.23 ||


***NOTES:
#14 N17: -t<ā>[a]ḥ
#15 Sic!
#16 N17: -t(ā)aḥ
---------------------------------------------------------


nanu katham etad astīty | atrāha

ātmano vyatiriktaṃ yat kiñcid asti jagattraye /
tatropādeyabhāvena baddhā bhavati bhāvanā // Mo_4,27.24 //


{#17}ātmanaḥ paricchinnatvena bhāvitasyātmanaḥ | yat kiñcit vyatiriktam {#18} | bhāvitam iti śeṣaḥ | bhāvitam asti {#19} | tatra aprāptatvābhimānena utpannena upādeyabhāvena upādeyatayā | bhāvanā baddhā bhavati | bhāvanābandhasyaiva ca vaivaśyam iti nāmeti bhāvaḥ || MoṬ_4,27.24 ||


***NOTES:
#17 N17: (bhayata iti śeṣaḥ yataḥ) ātmanaḥ
#18 N17: [vya]ti-
#19 N17: bhāvita<p>[m]
---------------------------------------------------------


bhāvanābandhasya vaivaśyeti nāmayuktatākāri duḥkhakāraṇatvaṃ kathayati

āsthāmātram anantānāṃ duḥkhānāṃ kāraṇaṃ viduḥ /
anāsthāmātram abhitaḥ sukhānāṃ kāraṇaṃ viduḥ {#20} // Mo_4,27.25 //


āsthāmātram bhāvanābandhamātram || MoṬ_4,27.25 ||


***NOTES:
#20 N17: *anā- --> viduḥ*
---------------------------------------------------------


sāmānyena samarthanaṃ kṛtvā viśeṣaṃ smarati

dāmavyālakaṭā yāvad anāsthā bhāvasaṃsthitau /
tāvan na nāma jeyā vo maṣakāṇām ivānilāḥ // Mo_4,27.26 //


anāsthāḥ āsthārahitāḥ | bhāvasaṃsthitau dehādipadārthasaṃsthitau || MoṬ_4,27.26 ||



antarvāsanayā jantur dīnatām anuyātayā /
jito bhavaty anyathā tu maṣako 'py amarācalaḥ // Mo_4,27.27 //


anyathā vāsanārāhitye || MoṬ_4,27.27 ||



vidyate vāsanā yatra tatra cāyāti dīnatā /
guṇāguṇānuviddhatvaṃ sato dṛṣṭaṃ hi nāsataḥ // Mo_4,27.28 //


yatra ca vāsanā vidyate tatra dīnatā āyāti | pādapūraṇārthaḥ caśabdaḥ | hi yasmāt | guṇāguṇānuviddhatvam dīnatāpādakaṃ hitāhitānubandhitvam | sataḥ vāsanayāhitadehasattākasya | dṛṣṭam | asataḥ vāsanārāhityena śuddhacinmātrarūpatayāsatkalpasya | na dṛṣṭam || MoṬ_4,27.28 ||



phalitam āha

ayaṃ so 'ham mamedaṃ cety evam antaḥ svavāsanām /
yathā dāmādayaḥ śakra bhāvayanti tathā kuru // Mo_4,27.29 //


ata iti śeṣaḥ | he śakra | yathā dāmādayaḥ ayaṃ so 'ham mamedaṃ cety evaṃrūpāṃ svavāsanām ahaṅkāravāsanām | antaḥ manasi | bhāvayanti vikalpayanti | tathā kuru | tataḥ jeyā bhaviṣyantīti bhāvaḥ || MoṬ_4,27.29 ||



nanu kathaṃ na te mama jeyā bhaviṣyantīty | atrāha

yā yā janasya vipado bhāvābhāvadaśāś ca yāḥ /
tṛṣṇākarañjavallyās tā mañjaryaḥ kaṭukomalāḥ {#21}{#22} // Mo_4,27.30 //


tṛṣṇā eva duḥkhakāritvāt kaṇṭakavallī {#23} | tasyāḥ || MoṬ_4,27.30 ||


***NOTES:
#21 N17: -lly<a>[ā]s
#22 N17: -rya[ḥ]
#23 N17: kaṇ<ṭha>[ṭa]ka-
---------------------------------------------------------


vāsanātantubaddho 'yaṃ loko viparivartate {#24} /
sā suvṛddhātiduḥkhāya sukhāyocchedam āgatā // Mo_4,27.31 //


viparivartate vaiparītyam bhajati | sā vāsanā | ucchedam nāśam || MoṬ_4,27.31 ||


***NOTES:
#24 N17: lok<e>[o]; Ś1, Ś3: loko
---------------------------------------------------------


dhīro 'py atibahujño 'pi kulajo 'pi mahān api /
tṛṣṇayā badhyate jantuḥ siṃhaḥ śṛṅkhalayā yathā // Mo_4,27.32 //


badhyate vivaśaḥ kriyate | tṛṣṇāgrasto hi sphuṭam eva vivaśo bhavati || MoṬ_4,27.32 ||



dehapādapasaṃsthasya hṛdayālayaśāyinaḥ /
tṛṣṇācittakhagasyāsya vāgurā parikalpitā // Mo_4,27.33 //


spaṣṭam || MoṬ_4,27.33 ||



dīno vāsanayā lokaḥ kṛtāntenāpakṛṣyate /
rajjveva bālena khago vivaśo 'niśam ucchvasan // Mo_4,27.34 //


kṛtāntena mamatārūpeṇa yamena | mamatāyā eva śrīvyāsena kṛtāntatvābhidhānāt {#25}{#26} || MoṬ_4,27.34 ||


***NOTES:
#25 N17: mamatāyā<yā>
#26 Vgl. MBh XIV 13,3-7. Vgl. auch MŚV I 130 [Hanneder 1998: 80f; 183].
---------------------------------------------------------


alam āyudhabhāreṇa saṅgarabhramaṇena ca /
vāsanāṃ saviparyāsāṃ yuktyaiva tvaṃ ripoḥ kuru // Mo_4,27.35 //


saviparyāsām viparyāsayuktām | ripoḥ dāmāditrayarūpasya | āyudhādibhiḥ tava na kiñcid api setsyatīti bhāvaḥ || MoṬ_4,27.35 ||



antar akṣubhite dhairye ripor amaranāyakāḥ /
na śastrāṇi na śāstrāṇi na cāstrāṇi jayanti vaḥ // Mo_4,27.36 //


akṣubhite vāsanārāhityena kṣobharahite sati || MoṬ_4,27.36 ||



dāmavyālakaṭās tv ete yuddhābhyāsavaśena ca /
ahaṅkāramayīm antas te grahīṣyanti vāsanām // Mo_4,27.37 //


ahaṅkāramayīm vayaṃ yotsyāma ity evaṃrūpām || MoṬ_4,27.37 ||



yadi te yantrapuruṣāḥ śambareṇa vinirmitāḥ /
vāsanāṃ nāśrayiṣyanti yāsyanti tad ajayyatām {#27} // Mo_4,27.38 //


yantrapuruṣāḥ anusandhānarahitā iti yāvat || MoṬ_4,27.38 ||


***NOTES:
#27 N17: -ja(y)*yy*a-
---------------------------------------------------------


tat tāvad yuktiyuddhena tān prabodhayatāmarāḥ /
yāvad abhyāsavaśato bhaviṣyanti savāsanāḥ // Mo_4,27.39 //


prabodhayata vāsanāyuktān kuruta || MoṬ_4,27.39 ||



tato vadhyā bhaviṣyanti bhavatām baddhabhāvanāḥ /
tṛṣṇāprotāśayā loke na kecana napelavāḥ {#28} // Mo_4,27.40 //


nanu yadi kadācit tato 'pi vadhyā na bhaviṣyanti tataḥ kiṃ kāryam ity | atrāha tṛṣṇeti | tṛṣṇāprotāśayāḥ tṛṣṇānuviddhamanasaḥ | pelavāḥ dīnāḥ {#29} | tṛṣṇāgrastāḥ sarve eva pelavā bhavanti | ataḥ te 'pi bhaviṣyanty eveti bhāvaḥ || MoṬ_4,27.40 ||


***NOTES:
#28 N17: lok<o>[e] na kecana [na]pelavāḥ; Ś1, Ś3: loke na kecana napelavāḥ. Zu anderweitigem Gebrauch von na-Samāsas vgl. auch MṬ (I) 30,7.
#29 N17: pe<valāḥ>[lavāḥ]
---------------------------------------------------------


sargāntaślokena brahmavākyaṃ samāpayati

samaviṣamam idaṃ jagat samagraṃ samupagataṃ sthiratāṃ svavāsanātaḥ /
calati ca laharībharo yathābdhāv ata iha saiva cikitsyatām prayātā // Mo_4,27.41 //


samaviṣamam sukhaduḥkhamayam | idam anubhūyamānam | samagraṃ jagat | svavāsanātaḥ ahaṅkāravāsanātaḥ | sthiratāṃ samupāgatam | sā vāsanā | iha loke | calati ca sphulati ca | ka iva | laharībhara iva | yathā laharībharaḥ abdhau samudre | calati | tathety arthaḥ | ataḥ sā vāsanā eva | cikitsyatām cikitsāyogyatām | prayātā bhavatīti śivam || MoṬ_4,27.41 ||




iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptaviṃśaḥ sargaḥ ||27||



*********************************************************************



brahmaṇaḥ antardhānaṃ kathayati

ity uktvā bhagavān devas tatraivāntardhim āyayau /
velāvanataṭe śabdaṃ kṛtvevāmbutaraṅgakaḥ // Mo_4,28.1 //


tatraiva tasmin sthāna eva | na tv anyatra gatvā | antardhim vyavadhānam || MoṬ_4,28.1 ||



surās tv ākarṇya tadvākyaṃ jagmuḥ svām abhito diśam /
kamalāmodam ādāya vanamālām ivānilāḥ // Mo_4,28.2 //


spaṣṭam || MoṬ_4,28.2 ||



dināni katicit sveṣu kānteṣu sthirakāntiṣu /
dvirephā iva padmeṣu mandireṣu viśaśramuḥ {#1} // Mo_4,28.3 //


spaṣṭam || MoṬ_4,28.3 ||


***NOTES:
#1 N17: -ph*ā*
---------------------------------------------------------


kañcit kālaṃ samāsādya svātmodayakaraṃ śubham /
cakrur dundubhinirghoṣam pralayābhraravopamam // Mo_4,28.4 //


spaṣṭam || MoṬ_4,28.4 ||



atha daityaiḥ saha vyomni taiḥ pātālatalotthitaiḥ /
kālakṣepakaraṃ ghoram punar yuddham avartata {#2} // Mo_4,28.5 //


kālakṣepakaram na tu śambaravadhakāri | tanmaraṇasya varṣasahasrānte brahmaṇā proktatvāt ity arthaḥ {#3} | devānām iti śeṣaḥ {#4} | samavartata samabhavat || MoṬ_4,28.5 ||


***NOTES:
#2 N17: y[u]d-
#3 N17: -kṣepaka*ram --> ity arthaḥ*
#4 N17: i*ti*
---------------------------------------------------------


vavur asiśaraśaktimudgaraughā musulagadāparaśūgracakrasaṅghāḥ /
aśanigiriśilāhutāśavṛkṣā ahigaruḍādimukhāni cāyudhāni {#5} // Mo_4,28.6 //


kīdṛśaṃ yuddhaṃ samavartatety apekṣāyām āha vavur iti | vavuḥ vānti sma | devadaityavisṛṣṭā iti śeṣaḥ || MoṬ_4,28.6 ||


***NOTES:
#5 N17: -dhāni (ca)
---------------------------------------------------------


māyākṛtāyudhamahāmbughanapravāhā kṣipram prati pratidiśam parinirjagāma /
pāṣāṇaparvatamahītaṭavṛkṣalakṣakṣubdhāmbupūraghanaghoṣavatī nadī drāk // Mo_4,28.7 //


māyākṛtaḥ rākṣasaiḥ māyayā sampāditaḥ {#6} | āyudhamahāmbunaḥ āyudhayuktasya mahājalasya {#7} | ghanaḥ pravāhaḥ yasyāḥ | sā | tathā pāṣāṇaparvataṃ kṣipram prati kṣipraṃ kṣipram {#8} | mahītaṭavṛkṣāṇāṃ lakṣeṣu kṣubdhaḥ sañcaraṇaśīlaḥ | yaḥ ambupūraḥ āyudhayuktaḥ ambupūraḥ {#9}{#10} | tena ghanaḥ ghoṣaḥ vidyate yasyāḥ | sā | tādṛśī nadī āyudhamayī nadī | drāk śīghram | pratidiśaṃ nirjagāma nirgatā {#11} || MoṬ_4,28.7 ||


***NOTES:
#6 N17: -kṛta[ḥ]
#7 N17: āyu(dha)dha-
#8 N17: -parv[at]aṃ. Konstruktion unklar.
#9 N17: <j>ambu-
#10 N17: āyu*dha*-
#11 N17: -śaṃ (śīghram)
---------------------------------------------------------


kena pratidiśaṃ nirjagāmeti karaṇāpekṣāyāṃ saviśeṣaṇam āha

madhyapravāhavahadulmukaśūlaśailaprāsāsikuntaśaratomaramudgareṇa {#12} /
gaṅgopamāmbuvalitāmaramandireṇa sarvāsu dikṣv aśanivarṣaṇakarṣaṇena // Mo_4,28.8 //


aśaniyuktaṃ varṣaṇam aśanivarṣaṇam | tena yat karṣaṇam diśaḥ prati nayanam | tena kṛtvā nirjagāmeti pūrveṇa sambandhaḥ | varṣeṇa hi nadyaḥ diśaḥ vyāpnuvanti | aśanivarṣaṇakarṣaṇena kathambhūtena | madhye pravāheṇa vahanti ulmukaśūlaśailaprāsāsikuntaśaratomaramudgarāṇi yatra | tat | tādṛśena | punaḥ kathambhūtena | sarvāsu dikṣu gaṅgopamaṃ yat ambu {#13} | tena valitāni amaramandirāṇi yena | tat | tādṛśena || MoṬ_4,28.8 ||


***NOTES:
#12 N17: -āsi<ktaṃ>[kun]ta-
#13 N17: -kṣ<va>[ṣu]
---------------------------------------------------------


{#14}

pṛthvyādidāruṇaśarīramayī prahāradānagrahe gaganaraśmiśarīrikaiva /
yā yopaśāmyati surāsurasiddhasenā māyākṛtā punar udeti rasena saiva // Mo_4,28.9 //


yā yā | prahārāṇāṃ dānagrahe pṛthvyādivat dāruṇaṃ yat śarīram | tanmayī api | prahārāṇāṃ dāne grahaṇe ca samarthāpīti yāvat | paramārthataḥ māyārūpatvāt gaganasya yā raśmiḥ | śūnyam iti yāvat | tadrūpaṃ śarīram yasyāḥ | sā | tādṛśī eva satī | upaśāmyati mriyate | sā surāsurasiddhasenā punaḥ udeti eva | kathambhūtā | rasena icchayā | māyākṛtā māyayā kṛteti tādṛśī | arthāt indraśambarābhyām || MoṬ_4,28.9 ||


***NOTES:
#14 N17: (prahārāṇāṃ dāne grahaṇe ca samarthāpīti yāvat) pṛthvyādi-
---------------------------------------------------------


śailopamāyudhavighaṭṭitabhūdharāṇi raktāmbupūraparipūrṇamahārṇavāni {#15} /
devāsurendrasuraśailavirūḍhakuntatālīvanāni kakubhāṃ vadanāny athāsan // Mo_4,28.10 //


devāsurendrā eva suraśailāḥ sumeravaḥ | teṣu rūḍhāni | kuntā eva tālīvanāni | yeṣām | tāni || MoṬ_4,28.10 ||


***NOTES:
#15 N17: -yu<ddh>[dh]a-; mit Ś1, Ś3.
---------------------------------------------------------


udgīrṇakuntaśaraśaktigadāsicakrā helānigīrṇasuradānavamuktaśailā /
kāṣakvaṇatkrakacadantanakhogramālā jīvānvitāpatad athāyasasiṃhavṛṣṭiḥ {#16} // Mo_4,28.11 //


atha āyasasiṃhavṛṣṭiḥ ayomayānāṃ siṃhānāṃ varṣaṇam | apatat | kathambhūtā | udgīrṇam sahapatitam | kuntaśaraśaktigadāsicakram yasyāḥ {#17}{#18} | sā | punaḥ kathambhūtā | helayā nigīrṇāḥ grastāḥ | suradānavaiḥ muktāḥ praharaṇabhūtāḥ | śailāḥ yayā | sā | kāṣe kāṣapāṣāṇe | kvaṇan gharṣaṇavaśena śabdāyamānaḥ | yaḥ krakacaḥ | tadvat ye dantanakhāḥ | teṣām ugrā mālā yasyāḥ | sā | tathā jīvānvitā jīvayuktā || MoṬ_4,28.11 ||


***NOTES:
#16 N17: -siṃh(ā)a-
#17 N17: -śakti<ḥ>ga-
#18 N17: -syā[ḥ]
---------------------------------------------------------


ujjvālalocanaviṣajvalanātapodyaddigdāhadarśitayugāntadineśasenā /
uḍḍīyamānaparidīrghamahīmahīdhrā mattābdhivad viṣadharāvalir ullalāsa // Mo_4,28.12 //


viṣadharāṇām sarpāṇām | āvaliḥ paṅktiḥ | mattābdhivat mattasamudravat | ullalāsa ullasati sma | kathambhūtā | ujjvālaḥ udgatajvālaḥ | yaḥ locanaviṣajvalanaḥ | tasya yaḥ ātapaḥ | tenodyan | yaḥ digdāhaḥ | tena darśitā yugāntadineśānām kalpāntasūryāṇām | senā paṅktiḥ {#19} | yayā | sā | uḍḍīyamānāḥ uḍḍayanaśīlāḥ {#20} | paridīrghāḥ | mahyāḥ sambandhinaḥ mahīdhrāḥ parvatāḥ | yasyāḥ {#21} | sā || MoṬ_4,28.12 ||


***NOTES:
#19 N17: <m>[s]e-
#20 N17: -l*ā*ḥ
#21 N17: yasyā[ḥ]
---------------------------------------------------------


unnādavajramakarotkarakarkarāntarikṣābdhivīcivalayair valitācalendraiḥ /
āsīj jagat sakalam eva susaṅkaṭāṅgam āvartibhir vividhahetinadīpravāhaiḥ // Mo_4,28.13 //


unnādāni yāni vajrāṇi | tāny eva makarāḥ | teṣāṃ ya utkaraḥ | tena karkaraḥ karkarākhyaḥ śabdaviśeṣaḥ yasya | tat | tādṛśaṃ yat antarikṣam | tad evābdhiḥ samudraḥ | tasya vīcivalayaiḥ vīcimaṇḍalarūpaiḥ | tathā valitāḥ āvṛtāḥ | acalendrāḥ yaiḥ | te | tādṛśaiḥ | tathā āvartibhiḥ bhramayuktaiḥ | vividhahetayaḥ eva nadīpravāhāḥ | taiḥ | susaṅkaṭāṅgam atyantapūrṇasvarūpam | sakalam eva jagat āsīt || MoṬ_4,28.13 ||



śailāstraśastragaruḍācalamālitoccanāgāṅganāsuragaṇāṅganam antarikṣam {#22} /
āsīt kṣaṇaṃ jaladhibhiḥ kṣaṇam agnipūraiḥ pūrṇaṃ kṣaṇaṃ dinakaraiḥ kṣaṇam andhakāraiḥ // Mo_4,28.14 //


kṣaṇaṃ kṣaṇam ity anena jaladhyādīnām māyākṛtatvam uktam {#23} | antarikṣam kathambhūtam | śailarūpāṇi astraśastrāṇi śailāstraśastrāṇi | teṣām madhye ye garuḍācalāḥ māṇikyaparvatāḥ | taiḥ mālitāḥ dhṛtāḥ | uccā nāgāṅganāś cāsuragaṇāṅganāś ca yena {#24} | tat | surāṅganānāṃ tu sākṣād evākāśe sthitir iti tāsām akathanam | garuḍeti gakārasya dīrghābhāvaḥ ārṣaḥ | mantrodbhāvitās tu śailāḥ astrarūpāḥ sākṣāt prahitāḥ śastrarūpāḥ || MoṬ_4,28.14 ||


***NOTES:
#22 N17: -to<ś>[c]anā-
#23 N17: m*ā*yā-
#24 N17: -ganā[ś] *cāsuragaṇāṅganāś*
---------------------------------------------------------


garuḍaguḍaguḍākulāntarikṣapravisṛtahetihutāśaparvataughaiḥ /
jagad abhavad asahyakalpakālajvalitasurālayabhūtalāntarālam // Mo_4,28.15 //


garuḍānām yaḥ guḍaguḍaḥ guḍaguḍāśabdaḥ | tenākulam yad antarikṣam | tatra pravisṛtāḥ ye hetihutāśaparvataughāḥ | taiḥ kṛtvā | jagat | asahyaḥ yaḥ kalpakālaḥ pralayakālaḥ | tatraiva jvalitāni surālayabhūtalāntarāṇi yasya {#25} | tat | tādṛśam abhavat || MoṬ_4,28.15 ||


***NOTES:
#25 N17: -tr<e>[ai]va
---------------------------------------------------------


udapatan vasudhātalato 'surā gaganam adritaṭād iva pakṣiṇaḥ /
atibalād apatan vibudhā bhuvi pralayacālitaśailaśilā iva // Mo_4,28.16 //


atibalād ity asya pūrvārdhena sambandhaḥ || MoṬ_4,28.16 ||



śarīrarūḍhonnatahetivṛkṣavanāvalīlagnamahāgnidāhāḥ /
surāsurāḥ prāpur athāmbarāntaḥ kalpānilāndolitaśailaśobhām // Mo_4,28.17 //


atha surāsurāḥ ambarāntaḥ ākāśamadhye | kalpānilenāndolitāḥ ye śailāḥ | teṣāṃ śobhām prāpuḥ | kathambhūtāḥ | śarīrarūḍhāḥ yāḥ unnatahetayaḥ {#26} | tā eva vṛkṣavanāvalī | tasyāṃ lagnāḥ | mahāgneḥ tatsaṅghaṭṭotthasya mahataḥ agneḥ | dāhaḥ yeṣām | te | tādṛśāḥ || MoṬ_4,28.17 ||


***NOTES:
#26 N17: y*ā*ḥ
---------------------------------------------------------


surāsurādrīndraśarīramuktai raktapravāhair abhito bhramadbhiḥ /
babhāra pūrṇam parito 'mbarābdhiḥ sandhyāruṇodyacchatagaṅgam aṅgam // Mo_4,28.18 //


surāsurā evādrīndrāḥ | teṣāṃ yāni śarīrāṇi | tebhyaḥ muktaiḥ | ata evābhitaḥ bhramadbhiḥ raktapravāhaiḥ kṛtvā | ambarābdhiḥ ākāśākhyaḥ samudraḥ | sandhyāruṇāḥ udyatyaḥ śataṃ gaṅgā yasya | tādṛśam aṅgam pūrṇam samyak | babhāra || MoṬ_4,28.18 ||



girivarṣaṇam ambuvarṣaṇaṃ vividhogrāyudhavarṣaṇaṃ tathā /
viṣamāśanivarṣaṇaṃ ca te śamam anyo'nyam athāgnivarṣaṇam // Mo_4,28.19 //


anayan nayamārgakovidā dalitāśeṣagirīndrabhittayaḥ /
sasṛjuś ca samaṃ samantataḥ kakubaṅgeṣv iva puṣpavarṣaṇam // Mo_4,28.20 //


atha naye astraśāntiśāstre {#27} | kovidāḥ nipuṇāḥ | te devāsurāḥ | etāni varṣaṇāni samantataḥ śamam anayan | etāni kāni | girivarṣaṇam ityādi | na kevalaṃ śamam anayan | kiṃ tu kakubaṅgeṣu sasṛjuś ca | kim iva | puṣpavarṣaṇam iva | te kathambhūtāḥ | dalitā aśeṣagirīndrāṇām bhittayaḥ yaiḥ | te | tādṛśāḥ | yugmam || MoṬ_4,28.19-20 ||


***NOTES:
#27 N17: (samāyaḥ śāstraṃ) astra-
---------------------------------------------------------


devāsurāḥ sarasasaṅgarasambhramārtā anyo'nyam aṅgadalanākulahetihastāḥ {#29} /
dāmendraḍimbadahanāḥ pṛthupīṭhapīṭhaiḥ kīrṇāsṛjo nabhasi babhramur ākṣipantaḥ // Mo_4,28.21 //


devāsurāḥ nabhasi babhramuḥ | kathambhūtāḥ | sarasam vīrarasasahitam | yat saṅgaram saṅgrāmaḥ | tatra yaḥ saṃrambhaḥ udyogaḥ | tenārtāḥ vyākulāḥ | anyo'nyam aṅgadalanārtham ākulahetayaḥ hastāḥ yeṣām | te | tādṛśāḥ | dāmendrayoḥ ḍimbadahanāḥ manaḥsantāpakāritvāt cañcalāgnayaḥ {#30} | tatrāpi dāmnaḥ devāḥ indrasyāsurāḥ iti vibhāgaḥ | pṛthupīṭhāḥ pṛthusaṃsthānāḥ | ye pīṭhāḥ aṃsādipīṭhāḥ | taiḥ kīrṇāsṛjaḥ vikṣiptarudhirāḥ | tathā ākṣipantaḥ anyo'nyam ākṣepaṃ kurvantaḥ {#31} || MoṬ_4,28.21 ||


***NOTES:
#28 N17: devā<s> su-
#29 Gemäß MṬ: sarasa-saṅgara-saṃrambha-ārtā (unmetrisch).
#30 N17:<b>[ḍ]imba-
#31 N17: -vant<e>[a]ḥ
---------------------------------------------------------


chinnaiḥ śiraḥkarabhujorubharair bhramadbhir ākāśakośaśalabhair aśivais tadānīm {#32} /
āsīj jagajjaṭharam abhravarair ivograir ābhāskaraṃ sthagitadiktaṭaśailajālam {#33} // Mo_4,28.22 //


chinnaiḥ | ata eva bhramadbhiḥ | ata eva ca ākāśe śalabhaiḥ śalabharūpaiḥ | aśivaiḥ amaṅgalakāribhiḥ | śiraḥkarabhujorubharaiḥ | jagajjaṭharam ābhāskaram sūryaṃ tāvat | sthagitāni diktaṭāni śailajālāni ca yasya | tat | tādṛśam āsīt | taiḥ kair iva | abhravarair iva uttamameghair iva || MoṬ_4,28.22 ||


***NOTES:
#32 N17: -bharai<ḥ>[r]
#33 N17: ābhā<m>[s]karaṃ
---------------------------------------------------------


mattānalaṃ kṣubdhajalānilārkaṃ daladvanaṃ śīrṇasurāsuraugham {#34} /
brahmāṇḍam ākhaṇḍitakuḍyakoṇam akālakalpāntakarālam āsīt // Mo_4,28.23 //


ā samantāt | khaṇḍitāḥ kuḍyakoṇāḥ yasya | tat | tādṛśam || MoṬ_4,28.23 ||


***NOTES:
#34 N17: -ān<a>[i]lā-; mit Ś1, Ś3.
---------------------------------------------------------


bhrāntam bhṛśam bhramitadiktaṭam adrikūṭair ātmapramāṇaghanahetihatai raṇadbhiḥ /
kūjadbhir ārtibhir ivāgraguhaughavātaiḥ krandadbhir āpatitasiṃharavair adabhraiḥ // Mo_4,28.24 //


adrikūṭaiḥ kartṛbhiḥ | bhṛśam bhrāntam bhramayuktaiḥ jñātam | katham bhrāntam | bhramitāni bhramayuktāni kṛtāni | diktaṭāni yatra | tat | adrikūṭaiḥ kathambhūtaiḥ | ātmapramāṇā adrikūṭapramāṇāḥ | yāḥ ghanahetayaḥ | tābhiḥ hatāḥ | taiḥ | ata eva raṇadbhiḥ | punaḥ kathambhūtaiḥ | guhaughāgrāṇāṃ vātāḥ agraguhaughavātāḥ | taiḥ | tadvyājeneti yāvat | ārtibhir iva kūjadbhiḥ | ārtyā yukto hi kūjati | punaḥ kathambhūtaiḥ | āpatitāḥ ye siṃhāḥ | teṣāṃ ye ravāḥ | taiḥ | tadvyājeneti yāvat | krandadbhiḥ ravaiḥ kathambhūtaiḥ | adabhraiḥ utkaṭaiḥ || MoṬ_4,28.24 ||



māyānadījaladhiyodhaghanāgnidāhair vṛkṣaiḥ surāsuraśavair acalaiḥ śilaughaiḥ /
bhrāntaṃ śirastraśaraśaktigadāstravarṣair vātāvakīrṇavanaparṇavad ambarāntaḥ // Mo_4,28.25 //


ambarāntaḥ ākāśamadhyam | vātenāvakīrṇam valitam {#35} | yat vanaparṇam | tadvat | bhrāntam bhramayuktam āsīt | kaiḥ bhrāntam āsīt | na hi ambaramadhyasya bhramo yukta ity apekṣāyām āha māyānadītyādi | ambarāntaś cāriṇām māyānadyādīnām eva bhramaḥ ambarāntaḥ bhramatvenāropitaḥ || MoṬ_4,28.25 ||


***NOTES:
#35 N17: t(e)[e]nā-
---------------------------------------------------------


adrīndrapakṣaparimāṇagamāgamaikadurvārahastataladāruṇatāḍanair drāk {#36} /
āsīt patadbhaṭaśarīragirīndraghātavibhraṣṭadevapurapūrṇajalārṇavaughaḥ // Mo_4,28.26 //


adrīndrapakṣaparimāṇāś ca te gamāgamaikadurvārāś ca | tādṛśāḥ ye hastāḥ | teṣāṃ yāni talāni | taiḥ yāni tāḍanāni | taiḥ kṛtvā | drāk śīghram | patantaḥ ye bhaṭaśarīrāṇy eva girīndrāḥ | teṣāṃ ye ghātāḥ | taiḥ bhraṣṭāni yāni devapurāṇi | taiḥ pūrṇajalaś cāsau arṇavaughaḥ samudrasaptakam | saḥ | āsīt jāta ity arthaḥ || MoṬ_4,28.26 ||


***NOTES:
#36 N17: <ḍ>[dr]āk
---------------------------------------------------------


ghanaghuṅghumapūritāntarikṣā kṣatajākṣālitabhūdharāntarālā /
rudhirahradavṛttivartinī vā bhuvanābhogaguhā tadākulābhūt // Mo_4,28.27 //


bhuvanābhogaḥ bhuvanavistāraḥ | sa eva guhā | tadā tasmin samaye | ākulā abhūt | kathambhūtā {#37} | ghanaḥ yaḥ ghuṅghumaḥ yuddhakolāhalaḥ | tenāpūritam antarikṣam yasyāḥ | sā | tādṛśī | kṣatajaiḥ rudhiraiḥ | ā samantāt | kṣālitāni bhūdharāntarālāni yasyāḥ | sā | rudhirahradarūpā yā vṛttiḥ sthānam | tatra vartata iti tādṛśī | sthitau sthitimatītivat prayogaḥ | guhā ca maṣakaghuṅghumapūritāntarikṣā vṛṣṭikṣālitabhūdharāntarālā hradavartinī ca bhavati || MoṬ_4,28.27 ||


***NOTES:
#37 N17: -bhūt<aḥ>[ā]
---------------------------------------------------------


sargāntaślokena asya raṇasya saṃsārasāmyaṃ kathayati

anantadikprasaravikārakāriṇī kṣayodayonmukhasukhaduḥkhadāyinī /
raṇakriyāsurasurasaṅghasaṅkaṭā tadābhavat khalu sadṛśīha saṃsṛteḥ // Mo_4,28.28 //


khalu niścaye | sā raṇakriyā iha samsṛtisadṛśī abhavat {#38} | kathambhūtā | anantadikṣu yaḥ prasaraḥ | tena vikāram hiṃsākhyaṃ vikāram | karotīti tādṛśī | kṣayodayonmukhe ye sukhaduḥkhe | te dadātīti tādṛśī | asurasurasaṅghena saṅkaṭā sambādhā | saṃsṛtir api prasareṇa bandhākhyaṃ vikāraṃ karoti | sukhaduḥkhadāyinī nānāpadārthasaṅkaṭā ca bhavati {#39}{#40} | iti śivam || MoṬ_4,28.28 ||


***NOTES:
#38 N17: -sṛt<ī>[i]sa-
#39 N17: -duḥ[kha]dā-
#40 N17: -saṅ<gh>[k]aṭā
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe aṣṭāviṃśaḥ sargaḥ ||28||



*********************************************************************



yuddham upasaṃharati

evamprāyākulārambhair asurair asuhāribhiḥ /
mahāsāhasasaṃrabdhair ārabdhamaraṇai raṇaiḥ // Mo_4,29.1 //


māyayātha vivādena sandhinā vigraheṇa ca /
palāyanena dhairyeṇa cchadmanopāyanena ca // Mo_4,29.2 //


kārpaṇyenāstrayuddhena svāntardhānaiś ca bhūriśaḥ {#1} /
kṛtaḥ sa samaro devais triṃśad varṣāṇi pañca ca {#2} // Mo_4,29.3 //


devaiḥ triṃśat pañca ca varṣāṇi pañcatriṃśadvarṣāṇi | asuraiḥ saha | saḥ samaraḥ kṛtaḥ | kena kena prakāreṇa kṛta ity apekṣāyām māyayetyādi {#3} | upāyanena samīpagamanena {#4} | kārpaṇyena dīnatayā | svāntardhānaiḥ māyodbhāvitaiḥ nijagopanaiḥ | asuraiḥ kathambhūtaiḥ | evamprāyaḥ bāhulyenaitādṛśaḥ | samārambhaḥ yeṣām | taiḥ | asuhāribhiḥ jīvahāribhiḥ | mahāsāhase saṃrabdhāḥ saṃrambhayuktāḥ | taiḥ | punaḥ kathambhūtaiḥ | raṇaiḥ kṛtvā ārabdham maraṇam yaiḥ | te | tādṛśaiḥ | tilakam || MoṬ_4,29.1-3 ||


***NOTES:
#1 N17: -āstr<e>[a]yu-; mit Ś1,Ś3.
#2 N17: <m>[s]am-
#3 N17: mā<m>[y]a-
#4 samīpagamanena = i.m. glossiert Ś1.
---------------------------------------------------------


varṣāṇi divasān māsān daśāṣṭau pañca sapta ca /
varṣāṇi petur vṛkṣāgnihetyambvaśanibhūbhṛtām // Mo_4,29.4 //


vṛkṣāgnihetyambvaśanibhūbhṛtām varṣāṇi vṛṣṭayaḥ | petuḥ | kiyantaṃ kālam | daśa varṣāṇi | aṣṭau māsān | pañca sapta ca dvādaśeti yāvat | divasān | arthāt anyasmin kāle sandhyādir evābhūt iti jñeyam || MoṬ_4,29.4 ||



etāvatā tu kālena dṛḍhābhyāsād ahaṅkṛteḥ {#5} /
dāmādayo 'ham ity āsthāṃ jagṛhur grastacetasaḥ // Mo_4,29.5 //


ahaṅkṛteḥ vayaṃ yotsyāma ity evaṃrūpasyāhaṅkārasya | grastam ahaṅkāragrastam | cetaḥ yeṣām | te | tādṛśāḥ || MoṬ_4,29.5 ||


***NOTES:
#5 N17: -ḍh<a>[ā]bhyās<y>ād
---------------------------------------------------------


naikaṭyātiśayād yadvad darpaṇam bimbavad bhavet /
abhyāsātiśayāt tadvat te 'py ahaṅkāritāṃ gatāḥ // Mo_4,29.6 //


naikaṭyātiśayāt sānnidhyodrekāt | bimbavat pratibimbayuktam || MoṬ_4,29.6 ||



yadvad dūrataraṃ vastu nādarśe pratibimbate /
padārthavāsanā tadvad anabhyāsān na jāyate // Mo_4,29.7 //


dūrataram bahudūrāt | padārtheṣu yuddhādibhāveṣu | vāsanā mayedaṃ kṛtam ity evaṃrūpaḥ saṃskāraḥ || MoṬ_4,29.7 ||



yadā dāmādayo jātā jātāhaṅkāravāsanāḥ /
tadā me jīvitam me 'rtha iti dainyam upāgaman {#6}{#7} // Mo_4,29.8 //


yadā dāmādayaḥ dāmavyālakaṭāḥ | jātā utpannā | ahaṅkāravāsanā yeṣām | te | tādṛśāḥ {#8} | jātāḥ sampannāḥ | tadā me jīvitam me artha iti evaṃrūpam | dainyam dīnatām | upāgaman upāgatāḥ | ahaṅkārābhāve hi bhittirahitam mamatārūpaṃ dainyaṃ na syāt eva | tatsattāyāṃ tu prāptādhāratvena tad durnivāram eveti bhāvaḥ || MoṬ_4,29.8 ||


***NOTES:
#6 N17: m(o)*e*
#7 N17 m<o>[e]
#8 N17: -śā[ḥ]
---------------------------------------------------------


bhayavāsanayā grastā mohavāsanayā hatāḥ /
āśāpāśanibaddhās te tataḥ kṛpaṇatāṃ gatāḥ // Mo_4,29.9 //


tataḥ dainyopāgamanānantaram | te dāmādayaḥ | bhayasya dehanāśaśaṅkādyutpannāyā bhīteḥ | yā vāsanā saṃskāraḥ | tayā grastāḥ vaśīkṛtāḥ | tathā mohasya anātmani śarīrādau ātmatvabhāvanārūpasyājñānasya | yā vāsanā | tayā hatāḥ bādhitāḥ | āśāpāśaiḥ svātmatvābhimānaviṣayīkṛtaśarīrādyarthaṃ dhanādiviṣayaiḥ āśāpāśaiḥ | nibaddhāḥ svādhinīkṛtāḥ | kṛpaṇatām dainyasya parāṃ kāṣṭhām {#9} | gatāḥ || MoṬ_4,29.9 ||


***NOTES:
#9 N17: kāṣṭ[h]ām
---------------------------------------------------------


nanu tataḥ kiṃ teṣāṃ sampannam ity | atrāha

mudhaiva hy anahaṅkārair mamatvam upakalpitam {#10} /
rajjvām bhujaṅgatvam iva dāmavyālakaṭais tataḥ {#11} // Mo_4,29.10 //


hi niścaye | anahaṅkāraiḥ ahaṅkārarahitaiḥ | dāmavyālakaṭaiḥ | tataḥ ahaṅkāravaśena dainyagamanānantaram | mamatvam mamatā | mudhā eva vyartham eva | upakalpitam kalpanayā dṛḍhīkṛtam | kim iva | rajjvām bhujaṅgatvam iva | atyantam mithyābhūtam ity arthaḥ || MoṬ_4,29.10 ||


***NOTES:
#10 N17: (na) hy
#11 N17: -jjvā<ṃ tu>[m bhu]jaṅ-
---------------------------------------------------------


mamatvam eva kathayati

āpādamastakaṃ dehalateyam bhavatu sthirā /
mameti tṛṣṇākṛpaṇā dīnatāṃ te samāyayuḥ // Mo_4,29.11 //


spaṣṭam || MoṬ_4,29.11 ||



sthirībhavatu me dehaḥ sukhāyāstu dhanam mama /
iti baddhadhiyāṃ teṣāṃ dhairyam antardhim āyayau // Mo_4,29.12 //


spaṣṭam || MoṬ_4,29.12 ||



avāsanatvād vapuṣām anāsthatvāt suradviṣām /
yābhūt prahāraparatā mārjitaivāśu sābhavat // Mo_4,29.13 //


suradviṣām dāmavyālakaṭānām | avāsanatvāt vāsanārāhityāt | tathā vapuṣām anāsthatvāt śarīrāsthārahitatvāt {#12} | yā prahāraparatā abhūt pūrvam āsīt | sā āśu mārjitā naṣṭā {#13} | abhavat | ahaṅkāraprabhāvena dehanāśādibhayotpādāt ity arthaḥ || MoṬ_4,29.13 ||


***NOTES:
#12 N17: śarīr*ā*sthā-
#13 N17: m*ā*rji-
---------------------------------------------------------


kathaṃ sthirā jagaty asmin bhavema iti cintayā {#14} /
vedhitā dīnatāṃ jagmuḥ padmā iva nirambhasaḥ // Mo_4,29.14 //


vedhitāḥ vyāptāḥ || MoṬ_4,29.14 ||


***NOTES:
#14 Ś1: bhavemeti ca; Ś3: bhavāma iti
---------------------------------------------------------


teṣāṃ tv arthānnapāneṣu svāhaṅkṛtimatāṃ ratiḥ /
babhūva bhavabhāvasthā bhīṣaṇā bhavabhāginī // Mo_4,29.15 //


svā ahaṅkṛtir dehaviṣayaḥ ahaṅkāraḥ vidyate yeṣām | te | tādṛśāḥ | teṣāṃ ratiḥ āsaktiḥ | rāga iti yāvat | bhavabhāvasthā saṃsārikapadārthaviṣayā | bhavabhāginī saṃsārapradā || MoṬ_4,29.15 ||



atha tasmin raṇe bhītyā sāpekṣatvam upāyayuḥ /
mattebhagaṇasaṃrabdhā vane hariṇakā iva // Mo_4,29.16 //


sāpekṣatvam mā mariṣyāma ity evaṃrūpāpekṣāsahitatvam | bhītyā maraṇabhayena | hariṇakāḥ kathambhūtāḥ | mattebhānām yaḥ gaṇaḥ | tena saṃrabdhāḥ kṣobhayuktāḥ kṛtāḥ || MoṬ_4,29.16 ||



sāpekṣatvam eva spaṣṭayati

mariṣyāmo mariṣyāma iti cintāhatāśayāḥ /
mandam mandaṃ kila bhremuḥ kupitairāvaṇe raṇe {#15} // Mo_4,29.17 //


bhremuḥ bhramanti sma || MoṬ_4,29.17 ||


***NOTES:
#15 N17: k<l>ila
---------------------------------------------------------


śarīraikārthināṃ teṣām bhītānām maraṇād iti /
alpasattvatayā mūrdhni kṛtam āpatpradam padam // Mo_4,29.18 //


śarīram ekam kevalam | arthayante iti tādṛśānām | tathā maraṇād bhītānām | teṣām mūrdhni | iti pūrvoktaprakāreṇa | alpasattvatayā kartryā | padaṃ kṛtam | alpasattvās te jātā iti bhāvaḥ {#16} | padaṃ kathambhūtam | āpatpradam vipatpradam ity arthaḥ {#17} || MoṬ_4,29.18 ||


***NOTES:
#16 N17: jā[tā]
#17 N17: āpatp[r]adam vipatp[r]adam
---------------------------------------------------------


atha pramlānasattvās te hantum agragatam bhaṭam /
na śekur indhanakṣīṇā havir dagdhum ivāgnayaḥ // Mo_4,29.19 //


pramlānasattvāḥ naṣṭadhairyāḥ | na śekuḥ na samarthāḥ jātāḥ | kṣīṇam indhanaṃ yeṣām | te indhanakṣīṇāḥ || MoṬ_4,29.19 ||



vibudhānām praharatāṃ sudamyatām upāgatāḥ {#18} /
kṣatavikṣatasarvāṅgās tasthuḥ sāmānyavad bhaṭāḥ // Mo_4,29.20 //


vibudhānām devānām | sudamyatām sunigrāhyatām || MoṬ_4,29.20 ||


***NOTES:
#18 sudamyatām = ra-gaṇa! Ś1: sudasyutvaṃ, korr. i.m.: sudasyutām; Ś3: sudamyatvaṃ
---------------------------------------------------------

bahunātra kim uktena maraṇād bhītacetasaḥ /
daityā deveṣu valgatsu dudruvuḥ samarājirāt {#19} // Mo_4,29.21 //


spaṣṭam || MoṬ_4,29.21 ||


***NOTES:
#19 N17: d<r>udru-
---------------------------------------------------------


teṣu dravatsu sarveṣu sarvato dānavādriṣu /
dāmavyālakaṭākhyeṣu vikhyāteṣv asurālaye // Mo_4,29.22 //


taddaityasainyam apatat khād vidrutam itas tataḥ /
kalpāntapavanādhūtaṃ tārājālam ivābhitaḥ // Mo_4,29.23 //


spaṣṭam || MoṬ_4,29.22-23 ||



kutrāpatad ity apekṣāyām āha

amarācalakuñjeṣu śikharāṇāṃ śilāsu ca /
taṭeṣu vārirāśīnām payodapaṭaleṣu ca // Mo_4,29.24 //


spaṣṭam || MoṬ_4,29.24 ||



sāgarāvartagarteṣu śvabhreṣv atha saritsu ca /
jaṅgaleṣu diganteṣu jvalatsu vipineṣu ca // Mo_4,29.25 //


spaṣṭam || MoṬ_4,29.25 ||



tadraṇotsannakośeṣu grāmeṣu nagareṣu ca {#20} /
aṭavīṣūgrayakṣāsu maruṣūdyaddavāgniṣu // Mo_4,29.26 //


teṣām asurāṇām | raṇena utsannaḥ viśīrṇaḥ | kośaḥ madhyaṃ yeṣām | teṣu || MoṬ_4,29.26 ||


***NOTES:
#20 N17: -raṇ*o*tsa-
---------------------------------------------------------


lokālokācalānteṣu parvateṣu hradeṣu ca /
andhradramiḍakāśmīrapārasīkapureṣu ca {#21} // Mo_4,29.27 //


spaṣṭam || MoṬ_4,29.27 ||


***NOTES:
#21 N17: -<ḍ>[dr]amiḍa-
---------------------------------------------------------


nānāmbhodhitaraṅgāsu gaṅgājalaghaṭāsu ca /
dvīpāntareṣu dūreṣu jambuṣaṇḍalatāsu ca // Mo_4,29.28 //


dūreṣu dūravartiṣu || MoṬ_4,29.28 ||


sarvataḥ parvatākārāḥ patitās te 'surālayaḥ {#21} /
visphoṭitāṅgacaraṇā vibhinnakarabāhavaḥ // Mo_4,29.29 //


spaṣṭam || MoṬ_4,29.29 ||

***NOTES:
#22 N17: surā(l)*r*ay(ā)aḥ; Ś1 'surālayaḥ; Ś3: surārayaḥ
---------------------------------------------------------


śākhālagnāntratantrīkā muktaraktavahacchaṭāḥ /
vyastāṅgakhuramūrdhāno niṣkrāntakupitekṣaṇāḥ // Mo_4,29.30 //


niṣkrānte bhūmau patite | kupite īkṣaṇe yeṣām | te || MoṬ_4,29.30 ||

svāyudhā valanāvegacchinnakaṅkaṭahetayaḥ /
dūrāpātaviparyastapatannānāvidhāṃśukāḥ // Mo_4,29.31 //


dūrāt yaḥ āpātaḥ | tena viparyastāni viparyāsaṃ gatāni | ata eva patanti aṃśukāni yeṣām | te | tādṛśāḥ || MoṬ_4,29.31 ||

kaṇṭhalagnaśirastrāṇakhaṭatkārograbhītayaḥ /
śilāśitaśikhāprotadehabhāgāvalambinaḥ // Mo_4,29.32 //


kaṇṭhalagnāni yāni śirastrāṇāni {#23} | teṣāṃ yaḥ khaṭatkāraḥ śabdaviśeṣaḥ | tataḥ ugrā bhītiḥ yeṣām {#24} | te | tādṛśāḥ || MoṬ_4,29.32 ||

***NOTES:
#23 N17: -ṇā*ni*
#24 N17: -ti[ḥ]
---------------------------------------------------------


śalmalyagradṛḍhāpātaprotakaṅkaṭaśaṅkavaḥ /
suśilāphalakāsphālaśatadhāśīrṇamastakāḥ // Mo_4,29.33 //


śalmalyagreṣu vṛkṣaviśeṣāgreṣu | yaḥ dṛḍhaḥ | ā samantāt | pātaḥ | tena protaḥ kaṅkaṭaśaṅkavaḥ kavacakīlakāḥ yeṣām | te | tādṛśāḥ || MoṬ_4,29.33 ||

sargāntaślokena samāptiṃ karoti

sarva eva sakalāsu saśastrāḥ pātamātrasamanantaram eva /
dikṣu nāśam agamann asurendrāḥ pāṃsavo 'mbudhigatāḥ payasīva // Mo_4,29.34 //


spaṣṭam || MoṬ_4,29.34 ||

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇa ekonatriṃśaḥ sargaḥ {#25} ||29||

***NOTES:
#25 N17: -raṇe --- [ekonatriṃśaḥ]
---------------------------------------------------------


*********************************************************************



oṃ | tadā dāmādayaḥ kīdṛśāḥ sampannā ity | atrāha

iti tuṣṭeṣu deveṣu dānaveṣu hateṣu ca /
dāmavyālakaṭā dīnā babhūvur bhayavihvalāḥ // Mo_4,30.1 //


spaṣṭam || MoṬ_4,30.1 ||

nanu śambaraḥ kiṃ kṛtavān ity {#26} | atrāha

jajvāla kupitaḥ kopī kalpāntāgnir iva jvalan /
śambaraḥ śamitānīko dāmavyālakaṭān prati {#27} // Mo_4,30.2 //


dāmādīn prati śambaraḥ kupito 'bhūd iti piṇḍārthaḥ || MoṬ_4,30.2 ||

***NOTES:
#26 N17: -vāṅ<n>
#27 N17: -ān<eke>[īko]
---------------------------------------------------------


śambarasya bhayād gatvā pātālam atha saptamam /
dāmavyālakaṭās tasthus tyaktvā dānavamaṇḍalam // Mo_4,30.3 //


spaṣṭam || MoṬ_4,30.3 ||

yamasya kiṅkarās tatra vetālatrāsanakṣamāḥ /
kukuhā nāma tiṣṭhanti narakārṇavapālakāḥ // Mo_4,30.4 //


spaṣṭam || MoṬ_4,30.4 ||

taiḥ sārdhaṃ nītavantas te tatra dāmādayo 'vadhim /
daśavarṣasahasrāntām āttānantakuvāsanāḥ // Mo_4,30.5 //


taiḥ kukuhaiḥ | sārdham | daśavarṣasahasrāntām daśavarṣasahasrasaṅkhyāparyantām | avadhim kālāvadhim | te dāmādayaḥ nītavantaḥ nayanti sma | te kathambhūtāḥ | āttāḥ dhāritāḥ | kuvāsanāḥ dhanādiviṣayāḥ ninditāḥ saṃskārāḥ | yaiḥ| tādṛśāḥ || MoṬ_4,30.5 ||

iyam me vanitā ramyā mameyam prabhuteti ca /
kukuhasnehabaddhānāṃ kālas teṣāṃ vyavartata // Mo_4,30.6 //


vyavartata pariṇato 'bhūt || MoṬ_4,30.6 ||

dharmarājo 'tha taṃ deśaṃ kadācit samupāyayau /
mahānarakakāryāṇāṃ vicārārthaṃ yadṛcchayā // Mo_4,30.7 //


spaṣṭam || MoṬ_4,30.7 ||

aparijñātam enaṃ te dharmarājaṃ trayo 'surāḥ /
na praṇemur vināśāya sāmānyam iva kiṅkaram // Mo_4,30.8 //


aparijñātam iti viśeṣaṇadvāreṇa hetuḥ || MoṬ_4,30.8 ||

atha vaivasvatenaite jvalitaśvabhrabhūmiṣu /
vihitabhrūparispandam ādeśena niveśitāḥ // Mo_4,30.9 //


spaṣṭam || MoṬ_4,30.9 ||

tatra te karuṇākrandāḥ sasuhṛddārabāndhavāḥ /
dagdhāḥ saparṇaviṭapā vṛkṣā iva davānalaiḥ // Mo_4,30.10 //


spaṣṭam || MoṬ_4,30.10 ||

svayā vāsanayā jātās tayaiva krūrayā punaḥ {#28} /
vadhakarmakarākārāḥ kairātā rājakiṅkarāḥ // Mo_4,30.11 //


vadhakarma kurvantīti vadhakarmakarāḥ | tadvat ākāraḥ yeṣām | te | tādṛśāḥ | atyantahiṃsakā ity arthaḥ || MoṬ_4,30.11 ||

***NOTES:
#28 N17: k[r]ūrayā
---------------------------------------------------------

tajjanmātha parityajya jātāḥ suhmeṣu vāyasāḥ /
tadante gṛdhratāṃ yātās tato 'pi bakatāṃ gatāḥ {#29} // Mo_4,30.12 //


tajjanma rājakiṅkarajanma | suhmeṣu janapadaviśeṣeṣu {#30} || MoṬ_4,30.12 ||

***NOTES:
#29 N17: gṛ<d>dhra
#30 N17: -śe[ṣe]ṣu
---------------------------------------------------------


śavaratvaṃ trigarteṣu meṣatvam barbareṣu ca /
magadheṣv atha kīṭatvaṃ cakrus te vakrabuddhayaḥ // Mo_4,30.13 //


vakrabuddhayaḥ iti viśeṣaṇadvāreṇa hetuḥ || MoṬ_4,30.13 ||

anubhūyetarām atra citrāṃ yoniparamparām /
adya matsyāḥ sthitā rāma kaśmīrāraṇyapalvale {#31} // Mo_4,30.14 //


atra pūrvokteṣu deśeṣu | itarām yoniṃ śavaratvādibhinnām || MoṬ_4,30.14 ||


***NOTES:
#31 N17: -pa<l>lva-
---------------------------------------------------------

kathambhūtāḥ te tatra sthitā ity | atrāha

dāvāgnikvathitālpālpapaṅkakalkānupāyinaḥ {#32} /
na mriyante na jīvanti jarajjambālajarjarāḥ // Mo_4,30.15 //


kalkam malam || MoṬ_4,30.15 ||

***NOTES:
#32 N17: -kva<p>[th]itālpālpapaṅkakalkānu<y>[p]āyinaḥ mit Ś1,Ś3
---------------------------------------------------------


saṅgṛhya pūrvoktayonikleśaṃ kathayati {#33}

vicitrayonisaṃrambham anubhūya punaḥ punaḥ /
bhūtvā bhūtvā punar naṣṭās taraṅgā jaladhāv iva // Mo_4,30.16 //


proktanyāyeneti bhāvaḥ || MoṬ_4,30.16 ||
***NOTES:
#33 N17: -*gṛ*hya
---------------------------------------------------------


sargāntaślokena dāmādivṛttāntaṃ tāvat sthāpayati

bhavajaladhigatās te vāsanāvātanunnās tṛṇam iva ciram ūḍhā deharūpais taraṅgaiḥ /
upaśamam anuyātā rāma nādyāpy anantam parikalaya mahattvaṃ dāruṇaṃ vāsanāyāḥ // Mo_4,30.17 //


ūḍhāḥ īritāḥ | upaśamam vāsanārāhityam | phalitaṃ kathayati anantam iti | ata iti śeṣaḥ | he rāma | yataḥ dāmādibhiḥ vāsanāvaśata evaṃvidhā yātanā prāptā ataḥ tvaṃ vāsanāyāḥ ahaṃmametirūpāyā vāsanāyāḥ | anantam antarahitam | dāruṇam kaṭhinam | mahattvam parikalaya niścinu | iti śivam || MoṬ_4,30.17 ||

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe triṃśaḥ sargaḥ ||30||



*********************************************************************


oṃ | pūrvoktam anusmārayati

ataḥ prabodhāya tava vacmi rāma mahāmate /
dāmavyālakaṭanyāyo mā te 'stv iti na līlayā // Mo_4,31.1 //


prabodhāya vāsanāvaśyaṃ tyājyety evaṃrūpāya prakṛṣṭabodhāya {#34} | na līlayeti | līlayā parihāsena | parihāsārtham iti yāvat | na | vacmi | avañcakatvād iti bhāvaḥ || MoṬ_4,31.1 ||

***NOTES:
#34 N17: -tyājy[ety] evam-
---------------------------------------------------------

dāmādivṛttāntāvaṣṭambhena nānāvidham upadeśam prastauti

avivekānusandhānāc cittam āpadam īdṛśīm {#35} /
anantataraduḥkhāya parigṛhṇāti helayā // Mo_4,31.2 //


avivekasya anātmani dehādāv ātmābhimānarūpasyāvicārasya | anusandhānāt sphuraṇāt | cittam kartṛ | īdṛśīm dāmādyanubhūtāpatsadṛśīm {#36} | āpadam karmabhūtām | anantataraduḥkhāya anantataraduḥkhārtham | helayā prayatnaṃ vinā | parigṛhṇāti anubhavati | ato 'viveka eva tyājya iti bhāvaḥ || MoṬ_4,31.2 ||

***NOTES:
#35 N17: -nā<ś>[c]
#36 N17: śī[m]
---------------------------------------------------------


vāsanātyāgam prati uttejanāya dāmādibhir anubhūtāṃ vipadaṃ kathayati

kva kilāmaravidhvaṃsiśambarānīkanāthatā /
kva tāpataptajambālajalajarjaramīnatā // Mo_4,31.3 //


uttarārdhe kaśmīreṣv iti śeṣaḥ || MoṬ_4,31.3 ||

kva dhairyam amarānīkavidrāvaṇakaram mahat /
kva kirātamahīpālakṣudrakiṅkararūpatā // Mo_4,31.4 //


spaṣṭam || MoṬ_4,31.4 ||

kva nāma nirahaṅkāracitsattvodāradhīratā {#37} /
kva mithyāvāsanāveśād ahaṅkārakukalpanā // Mo_4,31.5 //


nirahaṅkāram deho 'ham iti sthūlāhaṅkārarahitam | yat cit cidrūpam | sattvam sattvākhyam manaḥ | tena yā udāradhīratā maraṇādibhayarāhityena udārabhāvaḥ dhīrabhāvaś ca | sā kva nāma bhavati | mithyābhūtā yā vāsanā saṃskāraḥ | tasyā āveśāt āveśena utpannā | ahaṅkārakukalpanā deho 'ham ity evaṃrūpāhaṅkārarūpā ninditā kalpanā | kva bhavati | anayor antaraṃ svayam eva paśyeti bhāvaḥ || MoṬ_4,31.5 ||

***NOTES:
#37 N17: -kāra<ṃ> cit-
---------------------------------------------------------


śākhāpratānagahanā saṃsāraviṣamañjarī /
ahaṅkārāṅkurād eva samudetīyam ātatā // Mo_4,31.6 //


iyam puraḥsphurantī | ātatā vistīrṇā | śākhāpratānaiḥ nānāpadārtharūpaiḥ śākhāsamūhaiḥ | gahanā durgamā | saṃsāra eva viṣamañjarī viṣalatā kartrī | ahaṅkāra evāṅkuraḥ bījam | tasmāt udeti prādurbhavati | ahaṅkārābhāve kasya kiṃrūpaḥ saṃsāraḥ syāt | suṣuptau hi ahaṅkāravilaye sarve saṃsāraṃ nānubhavantīti bhāvaḥ || MoṬ_4,31.6 ||

phalitaṃ kathayati

ahaṅkāram ato rāma mārjayāntaḥ prayatnataḥ /
ahaṃ na kaścid eveti mārjayitvā sukhī bhava // Mo_4,31.7 //


he rāma | yasmāt ahaṅkāra evāpad asti ataḥ tvam ahaṅkāram deho 'ham ityādirūpaṃ sthūlam ahaṅkāram | antaḥ manasi | prayatnataḥ samyagjñānākhyaprayatnena | mārjaya utpuṃsaya | tataḥ kim mama setsyatīty | atrāha aham iti | aham sthūladehādirūpaḥ aham | naiva kaścit asmi | śuddhacinmātratattvasyaiva sattābhāktvayogāt {#38} | iti evam | arthāt ahaṅkāram mārjayitvā tvam sukhī dehādinairapekṣyakṛtamahāsukhayuktaḥ {#39}{#40} | bhava | dehādyapekṣāvaśād eva hi puruṣaḥ duḥkhī bhavati {#41} | nanu dehaṃ tāvat dehāpekṣā kva gacchatīti cen | na gacchati | kiṃ tu tadviṣayāhambhāvahīnatayā tadbhāvābhāvacintāḥ na vyākulīkurvanti | tadyātrāmātranimittaṃ kṛtasya pravāhāgatasya prayatnasya tu na tādṛśī duḥkhakāritāstīty alam || MoṬ_4,31.7 ||

***NOTES:
#38 N17: -bhā<t>[k]tva-
#39 N17: śu*ddha- --> ahaṅkā*ram
#40 N17: -su*kha*yu-
#41 N17: dehādy(i)ape-
---------------------------------------------------------


nanv ahaṅkāreṇa ko doṣa utpādyate yena puruṣo duḥkhī bhavatīty | atrāha

ahaṅkārāmbudacchannam paramārthendumaṇḍalam /
rasāyanamayaṃ śītam adṛśyatvam upāgatam // Mo_4,31.8 //


paramārthaḥ paramopādeyabhūtaḥ paramātmā | sa evāhlādakāritvāt induḥ | tasya maṇḍalam sarvavyāpakaṃ svarūpam | ahaṅkāra eva deho 'ham ity evaṃrūpaḥ ahaṅkāraḥ eva | ambudaḥ meghaḥ | tena channam āvṛtaṃ sat | adṛśyatvam ahamparāmarśaviṣayatvāyogyatām | upāgatam | dehābhimānāviṣṭo hi puruṣaḥ paramārthataḥ svarūpabhūtam api cinmātratattvaṃ nāhantayā parāmṛśati | tat kathambhūtam | rasāyanamayam mahānairapekṣyādhāratvenāmṛtasvarūpam | ata eva śītam apekṣāsvarūpasantāparahitam | ataś ca sukhasvarūpaparamātmācchādakatvena yuktam evāhaṅkārasya santāpakāridoṣotpādakatvam iti bhāvaḥ || MoṬ_4,31.8 ||

ahaṅkāraprabhāvenaiva tvam prādurbhūto 'sīty abhiprāyeṇāha

ahaṅkārapiśācāttā dāmavyālakaṭās trayaḥ /
gatāḥ sattām asanto 'pi māyāmāhātmyadānavāḥ // Mo_4,31.9 //


māyāyāḥ śambarāmbaraprayuktāyāḥ māyāyāḥ | māhātmyena prabhāvena | dānavāḥ dānavarūpatāṃ yātāḥ | ata evāsantaḥ api trayaḥ damavyālakaṭāḥ {#42} | ahaṅkāra eva piśācaḥ {#43} | tenāttāḥ gṛhītāḥ santaḥ | sattām vayaṃ dāmādaya ity evaṃrūpāṃ sattām | gatāḥ | evaṃ tvam api māyāmāhātmyena manuṣyarūpatāṃ yātaḥ | ata evāsan api svāhaṅkāravaśād eva svasattām anubhavasīti bhāvaḥ || MoṬ_4,31.9 ||


***NOTES:
#42 N17: -āsa<t>[n]taḥ
#43 N17: -c<ā>[a]ḥ
---------------------------------------------------------

nanu te dāmādayaḥ kaśmīreṣu kasmin palvale santīty | atrāha

kaśmīreṣu mahāpadmasarasītīrapalvale {#44} /
adya matsyāḥ sthitā rāma śevālalavalālasāḥ // Mo_4,31.10 //


spaṣṭam || MoṬ_4,31.10 ||


***NOTES:
#44 N17: -pa<l>lva-; zu Mahāpadmasaras ("ancient name of Volur lake") vgl. RT IV 593 (nebst Anm.) sowie Stein 1900, vol. 2: 423f. Vgl. (IV) 32,5ab.
---------------------------------------------------------

atra śrīrāmaḥ pṛcchati

nāsato vidyate bhāvo nābhāvo vidyate sataḥ {#45} /
te hy asantaḥ kathaṃ santaḥ sampannā iti me vada // Mo_4,31.11 //


hi yasmāt | asataḥ sattākartṛtvam abhajataḥ | bhāvaḥ sattā | nāsti | śaśiśṛṅgādāv
adarśanāt | sataḥ sattākartṛtām bhajataḥ | abhāvaḥ asattā | nāsti | paṅkanikṣipte
bīje adarśanāt | ataḥ asantaḥ śambaramāyodbhāvitatvena sattākartṛtvam abhajanto 'pi | te dāmādayaḥ | santaḥ sattāyuktāḥ | kathaṃ sampannāḥ | iti evam | me vada kathayety arthaḥ {#46} || MoṬ_4,31.11 ||


***NOTES:
#45 BhG II 16ab
#46 N17: (e)ar-
---------------------------------------------------------

śrīvasiṣṭha uttaraṃ kathayati

evam etan mahābāho nāsad bhavati hi kvacit /
kadācit kiñcid apy etad bṛhad bhavati vā tanu // Mo_4,31.12 //


etat tvayoktaṃ vastu | evam bhavati | hi yasmāt | asat vastu | kvacit kutrāpi
deśe kāle vā | sat na bhavati sattāṃ na bhajati | arthāt sad asad veti jñeyam | nanu tarhi katham indriyāgocaratvenāsatām paramāṇūnām indriyalabhyatvena satsvarūpasya ghaṭasya bhāvaḥ dṛśyate sataḥ ghaṭasya kālavaśataḥ asatsvarūpaparamāṇutā cety | atrāha kadācid iti | kiñcit api paramārthataḥ anirvacanīyasanmātrarūpatvenāvasthitam api | etat pratyakṣeṇānumānena ca puraḥsphurat sattvāsattvābhyāṃ jñātaṃ ghaṭaparamāṇvādirūpaṃ vastu | bṛhat bhavati tanu vā bhavati | tathā ca nātra sato 'sattvam asato vā sattvam iti bhāvaḥ || MoṬ_4,31.12 ||

tathā ca dāmādiṣu ko nyāya ity | atrāha

kim asat sat sthitam brūhi kiṃ tat sad vāpy asat sthitam {#47} /
nidarśanenānenaiva kariṣye tvadvibodhanam // Mo_4,31.13 //


tvam prathamam brūhi | kim bravīmīty apekṣāyām āha kim itīti | kim vastu | sad api bhavat | asat sthitam asadrūpaṃ sampannam | kiṃ vāsat api bhavat | sat
sthitam sadrūpaṃ sampannam | nanu matkathanena kiṃ setsyatīty | atrāha nidarśaneneti | tataḥ aham anena nidarśanena tvaduktena dṛṣṭāntena | tvadvibodhanaṃ kariṣye | anyathā tvaṃ na śroṣyasīti bhāvaḥ || MoṬ_4,31.13 ||


***NOTES:
#47 N17: sat<t>[d]
---------------------------------------------------------

śrīrāmaḥ kathayati

santa eva sthitāḥ santo brahman vayam amī kila /
dāmādayas tv asanto 'pi vacmi santaḥ sthitā iti // Mo_4,31.14 //


kila niścaye | he brahman | amī pratyakṣaṃ sphurantaḥ | vayam | santaḥ eva
santaḥsthitāḥ bhavāmaḥ | na hi asmākam asattvaṃ kenāpi prakāreṇa yuktam parasparam ālāpādyarthakriyāsambhavāt | tu pakṣāntare | dāmādayaḥ asantaḥ api śambaramāyodbhāvitatvenāsanto 'pi santaḥ {#48} | santaḥ sthitāḥ bhavanti | aham iti evam | vacmi bravīmi || MoṬ_4,31.14 ||


***NOTES:
#48 N17: -vita<t>tve
---------------------------------------------------------

śrīvasiṣṭhaḥ anena nidarśanena śrīrāmasya bodhanaṃ karoti

yathā dāmādayo rāma sthitā māyāmayā iha /
asatyā eva satyābhā mṛgatṛṣṇāmbupūravat // Mo_4,31.15 //


tathaiveme vayam api sasurāsuradānavāḥ /
asatyā eva valgāmo yāma āyāma eva ca // Mo_4,31.16 //


māyāmayāḥ māyāsvarūpāḥ | iha asmin saṃsāre | dṛṣṭāntam uktvā dārṣṭāntikaṃ
kathayati tathaiveme vayam iti | ime parasparam ālāpaṃ kurvantaḥ | yāmaḥ āyāmaḥ iti sarvāsāṃ kriyāṇām upalakṣaṇam | sarvaṃ kurma ity arthaḥ || MoṬ_4,31.15-16 ||

nanu vayaṃ kathaṃ dāmādivad asadrūpā ity | atrāha

alīkam eva tvadbhāvo madbhāvo 'līkam eva ca /
anubhūto 'py asadrūpaḥ svapne svamaraṇaṃ yathā // Mo_4,31.17 //


tvadbhāvaḥ rāmeti nāmnaḥ tava sattā | alīkam eva asatyam eva bhavati | madbhāvaḥ vasiṣṭheti nāmadheyasya mama sattā ca | alīkam eva bhavati | kathambhūtaḥ tvanmadbhāvaḥ | anubhūtaḥ api asmin samaye anubhūyamāno 'pi | asadrūpaḥ | atra viśvāsotpādakaṃ dṛṣṭāntaṃ kathayati svapna iti | ayam bhāvaḥ | yathā puruṣaḥ svapne svamaraṇam asatyam eva paśyati | anyathā svapnadraṣṭur abhāvena kaḥ svamaraṇam paśyet | tathā tvadbhāvamadbhāvāv api āvām paśyāvaḥ | anyathā tvayi tvattāyām eva mayi mattāyām eva niṣṭhitāyāṃ tvam mām prati tvam iti na paśyeḥ {#49} | svam praty aham iti tvayi tvattvasya mayi mattvasya niṣṭhitatvāt iti | anubhūta iti vartamāne niṣṭhāprayogaḥ || MoṬ_4,31.17 ||


***NOTES:
#49 N17: <s>[m]at-
---------------------------------------------------------

etad eva dṛṣṭāntāntareṇa kathayati {#50}

mṛto bandhur yathā svapne 'py anubhūto 'py asanmayaḥ /
mṛto 'yam iti ca jñaptir bhaved evam idaṃ jagat // Mo_4,31.18 //


yathā mṛtaḥ bandhuḥ svapne anubhūtaḥ api asanmayaḥ asatya eva | bhavati | caḥ hetvarthe | ca yataḥ | mṛto 'yam iti jñaptiḥ jāgratkālīnaḥ bodhaḥ yataḥ asti | evam anena prakāreṇa | anubhūtam api jagat asad bhavati | jñānināṃ nāstīty atadviṣayo bodho bhavati | ajñānāṃ tu suṣuptikālīnaḥ | anyathā nāsīd iti jāgratkālīnaparāmarśāsambhavād iti bhāvaḥ {#51} || MoṬ_4,31.18 ||


***NOTES:
#50 N17: -ṣṭan*tā*nta-
#51 N17: i*ti*
---------------------------------------------------------

nanu tarhi sarveṣāṃ kathaṃ na maduktānuguṇyenaiva bodho 'stīty {#52} | atrāha

eṣā hi mūḍhaviṣayā noktir eva virājate /
abhyāsena vinodeti nānubhūter apahnavaḥ // Mo_4,31.19 //


hi niścaye | mūḍhaviṣayā eva | na tu tajjñaviṣayā | eṣā uktiḥ taveti śeṣaḥ | tava na virājate na śobhate | tajjñatvād iti bhāvaḥ {#53} | nanu tarhi tvanmadbhāvānubhūteḥ kiṃ karomīty {#54} | atrāha abhyāseneti | abhyāsena viruddhānubhavābhyāsena | vinā | anubhūteḥ pūrvasyāḥ anubhūteḥ | apahnavaḥ nodeti | ataḥ tvam api tvadbhāvasadbhāvāsatyatānubhavam eva kuru yena tvadbhāvasadbhāvānubhūtiḥ na syād iti bhāvaḥ {#55} || MoṬ_4,31.19 ||


***NOTES:
#52 N17: *na*
#53 N17: -jñ<ā>[a]-
#54 N17: -ro*mī*ty
#55 N17: syā*d i*ti

---------------------------------------------------------

nanv abhyāsena vinā katham anubhūter apahnavaḥ na sampadyate ity | atrāha

niścayo 'ntaḥ prarūḍho yaḥ sa yatnābhyasanaṃ vinā {#56} /
nāśam āyāti loke 'smin na kadācana kasyacit // Mo_4,31.20 //


niścayaḥ anubhavaḥ | antar manasi | prarūḍhaḥ dṛḍhībhūtaḥ | svabhāva evāyam
iti bhāvaḥ || MoṬ_4,31.20 ||


***NOTES:
#56 N17: niśc<i>[a]-
---------------------------------------------------------

nanu tarhi karuṇākrāntāḥ tajjñāḥ sarveṣāṃ kathaṃ naitad evopadiśantīty {#57} |
atrāha

idaṃ jagad asad brahma satyam ity eva vakti yaḥ /
tam unmattam ivonmattā vimūḍhā vihasanty alam {#58} // Mo_4,31.21 //


idam puraḥ sphurat | jagat asat bhavati | brahma bāhyāntaḥkaraṇāviṣayaṃ saccinmātrarūpam brahmākhyaṃ vastu {#59} | sat bhavati | iti evam | yaḥ vakti kathayati | tam tajjñam | unmattāḥ svārthāparijñānena unmattarūpāḥ | vimūḍhāḥ ajñāḥ | unmattam iva vihasanti | tadupadeśaśravaṇasya tu kā kathety | ato 'sau na vaktīti bhāvaḥ || MoṬ_4,31.21 ||


***NOTES:
#57 N17: -nt*ā*ḥ
#58 N17: -ma<k>[t]ā
#59 N17: -ya<ḥ>[ṃ]
---------------------------------------------------------

nanu kimarthaṃ te taṃ hasantīty | atrāha

akṣībakṣībayor aikyaṃ kva kilehājñatajjñayoḥ {#28} /
āndhyaprakāśayor bodhe syāc chāyātapayor iva // Mo_4,31.22 //


akṣībakṣībayoḥ svātmānandākhyamadhupānena tadapānena ca saṃsāram prati vismaraṇāvismaraṇaśīlayoḥ | tajjñājñayor bodhe anubhave | aikyam parasparasammatirūpam aikyam | kva syāt | na syād ity arthaḥ | na hi kṣībākṣībayor iha bodhe sammatiḥ dṛśyata iti bhāvaḥ | ataḥ ete hasantīty āśayaḥ | tayoḥ kayor iva | chāyātapayor iva | yathā āndhyaprakāśarūpayoḥ chāyātapayoḥ bodhe padārthaprakaṭanākhye bodhe {#30}{#29} | aikyaṃ nāsti | tathety arthaḥ || MoṬ_4,31.22 ||


***NOTES:
#28 N17: <e>[ai]k-
#29 N17: b*o*dhe
#30 N17: bodh<y>e
---------------------------------------------------------


nanu kimarthaṃ tayoḥ bodhe aikyaṃ nāstīty | atrāha

yatnenāpy anubhūte 'rthe satye kartum apahnavam /
tajjño 'jñaś ca na śaknoti śava ākramaṇaṃ yathā // Mo_4,31.23 //

anubhūte | ata eva satye satyatayā jñāte | arthe cinmātrākhye jagadākhye ca vastuni | tajjñaḥ ajñaḥ ca yatnenāpi apahnavaṃ kartuṃ na śaknoti | puraḥsphurattvāt | na hi puraḥ sphurat vastu kaścid apahnotuṃ śaknoti | ata eva tayoḥ bodhe aikyaṃ nāstīti bhāvaḥ | kaḥ yathā na śaknoti | śavo yathā {#31} | yathā śavaḥ ākramaṇam padārthākramaṇam | na śaknoti | tathety arthaḥ || MoṬ_4,31.23 ||


***NOTES:
#31 N17: ś(e)avo
---------------------------------------------------------


nanu tarhi ajño 'py etad eva kathayatv ity | atrāha

brahma sarvaṃ jagad iti vaktuṃ tajjñasya yujyate /
yato 'vidyānanubhave sa tad evānubhūtavān // Mo_4,31.24 //


sarvaṃ jagad brahma bhavati | iti evam | vaktum tajjñasya cinmātrākhyabrahmasvarūpajñasya {#32} | yujyate | yataḥ sa eva tajjñaḥ eva | tat brahma | anubhūtavān dṛṣṭavān | kasmin sati | avidyāyāḥ ananubhave jagatpadārtharūpaiḥ bhāvābhāvaiḥ upalakṣitāyāḥ avidyāyāḥ adarśane sati || MoṬ_4,31.24 ||


***NOTES:
#32 N17: -pa*jña*sya
---------------------------------------------------------


punar api etad eva kathayati

prabuddhaviṣaye hy eṣā rāma vāk pravirājate /
buddhasyāsmīti rūpeṇa kila nāsty eva kiñcana // Mo_4,31.25 //


he rāma | eṣā vāk sarvam brahmeti vāk | prabuddhākhyo yaḥ viṣayaḥ yogyo deśaḥ | tatra pravirājate | arthāt abuddhaviṣaye na rājate iti jñeyam | nanu kathaṃ tatraiva rājate ity | atrāha buddhasyeti | yataḥ iti śeṣaḥ | yataḥ buddhasya kiñcana kiñcid api śarīrādikam | asmīti rūpeṇa nāsti asmīti jñānaviṣayaṃ nāsti | ayam bhāvaḥ | ajñaḥ deho 'ham iti niścitaḥ tadupayogīni vastūny api satyānīti jānāti | anyathā tadarthaṃ rātrindinam prayatnaparatvāyogāt | jñas tu dehābhimānābhāvāt tadupayogiṣu satyatāṃ na jānāti | anyathā tadviṣayāyā upekṣāyā ayogāt | iti tajjñasyaiva sarvam brahmeti vaktuṃ yuktaṃ nājñasyeti {#33} || MoṬ_4,31.25 ||


***NOTES:
#33 N17: -sy<a>[e]ti
---------------------------------------------------------


nanu tajjñasyāsyā anubhūteḥ kadācid apahnavo 'sti na vety | atrāha

brahmaivedam paraṃ śāntam ity evānubhavan sudhīḥ /
apahnavaḥ svānubhūteḥ kartuṃ tasya na yujyate // Mo_4,31.26 //


sudhīḥ jñaḥ | idam jagat | śāntam param brahmaiva bhavati | ity eva evam eva | anubhavan bhavati | ataḥ tasya jñasya | asyāḥ svānubhūteḥ apahnavaḥ kartuṃ na yujyate yukto na bhavati || MoṬ_4,31.26 ||



nanu tarhi tvaṃ kathaṃ śrīvasiṣṭha iti nāmayogyo 'sīty | atrāha

parasmād vyatirekeṇa nāham ātmani kiñcana /
hemanīvormikāditvaṃ na mayy asti vasiṣṭhatā {#34} // Mo_4,31.27 //


aham vasiṣṭhākhyaḥ aham | ātmani svasmin | parasmāt uttīrṇāt cinmātrāt | vyatirekeṇa nāsmi | tvaṃ tu yat paśyasi tat paśyeti bhāvaḥ | ato mayi vasiṣṭhatā vasiṣṭheti nāmayogyatā {#35} | nāsti | kim iva | ūrmikāditvam iva | yathā ūrmikāditvaṃ hemani nāsti | tathety arthaḥ | ato 'ham api vasiṣṭho nāsmīti bhāvaḥ || MoṬ_4,31.27 ||


***NOTES:
#34 N17: va<m>[s]iṣṭha-
#35 N17: va<m>[s]iṣṭha-
---------------------------------------------------------


nanu yadi tvaṃ svātmanīdṛśo 'si tarhi mūḍhaḥ kīdṛśo 'stīty | atrāha

bhūtatvavyatirekeṇa mūḍho nātmani kiñcana /
ūrmyādibuddhau hemeva nājñe 'sti paramārthatā // Mo_4,31.28 //


mūḍhaḥ cinmātrasvarūpaparamātmajñānahīnaḥ | ātmani | bhūtatvavyatirekeṇa dehabhāvād ṛte {#36} | kiñcana kiñcid api | nāsti | tajjñas tu taṃ yadrūpam paśyati tadrūpam paśyatv iti bhāvaḥ | yataḥ ajñe paramārthatā paramārthabhūtacinmātrabhāvaḥ | nāsti | sa hi svaṃ cinmātrarūpaṃ na paśyati | kim iva | hemeva | yathā ūrmyādibuddhau ūrmikādibuddhau sati | hema nāsti | tathety arthaḥ || MoṬ_4,31.28 ||


***NOTES:
#36 N17: -ta<t>tva-
---------------------------------------------------------


saṅgṛhya kathayati

mithyāhantāmayo mūḍhaḥ satyaikātmamayaḥ sudhīḥ /
yujyate na kvacin nāma svabhāvāpahnavo 'nayoḥ // Mo_4,31.29 //


mūḍhaḥ ajñaḥ | mithyābhūtā yā ahantā dehaviṣayaḥ ahaṅkāraḥ | tanmayaḥ bhavati | sudhīḥ tajjñaḥ | satyaḥ satyabhūtaḥ | yaḥ ekātmā sarvavyāpakaḥ paramātmā | tanmayaḥ bhavati | nāma niścaye | anayoḥ mūḍhasudhiyoḥ | svabhāvasya mithyāhaṅkārākhyasya paramārthākhyasya ca svarūpasya | apahnavaḥ apalāpaḥ | kvacit na yujyate | na hi puraḥ sphurat svasvarūpaṃ kaścid apahnotuṃ śaknoti || MoṬ_4,31.29 ||



etad eva sadṛṣṭāntam āha

yo yanmayas tasya tasmin yujyate 'pahnavaḥ katham /
puruṣasya ghaṭo 'smīti vākyam unmattataiva hi {#37} // Mo_4,31.30 //


yaḥ puruṣaḥ | yanmayaḥ niścayadvāreṇa yatsvarūpaḥ syāt | tasya puruṣasya | tasmin svarūpe | apahnavaḥ katham syāt | hi yasmāt | puruṣasya ghaṭo 'smīti vākyam unmattatā eva bhavati {#38} | ataḥ brahmātmatve niścitasya jñasya sthūladehātmatve niścitasyājñasya ca svānubhūter apahnavaḥ na yukta iti bhāvaḥ || MoṬ_4,31.30 ||


***NOTES:
#37 N17: -t<e>[ai]va
#38 N17: -ṭ<e>[o]
---------------------------------------------------------


prakṛtam phalitatvenānusmarati {#39}

tasmān neme vayaṃ satyā na ca dāmādayaḥ kvacit /
asatyās te vayaṃ ceme nāsti naḥ khalu sambhavaḥ // Mo_4,31.31 //


yataḥ svapratītisiddham evāsmākaṃ dāmādīnāṃ ca svarūpaṃ tasmāt tato hetoḥ | ime vayaṃ satyāḥ na bhavāmaḥ | dāmādayaś ca satyāḥ na bhavanti | pratyuta te dāmādayaḥ | asatyāḥ bhavanti | ime vayaṃ cāsatyā bhavāmaḥ | yataḥ naḥ sthūlarūpāṇām asmākam | sambhavaḥ sattāyogyatā | nāsti | na hi pratītimātreṇāsad vastu sad bhavitum arhati | śaśaśṛṅgāder api sattvaprasaṅgād iti bhāvaḥ || MoṬ_4,31.31 ||


***NOTES:
#39 N17: -ta<t>tve-
---------------------------------------------------------


nanu tarhi tajjñasyāpi cinmātrākhyaṃ svarūpam asmadādivat pratītisiddham evāstīti so 'pi asad eva syād ity {#40} | atrāha

satyasaṃvedanaṃ śuddham bodhālāśaṃ nirañjanam /
satyaṃ sarvagataṃ śāntam asty anastamitodayam // Mo_4,31.32 //


satyam yat saṃvedanam | tadrūpaṃ ghaṭādisaṃvedyādūṣitasaṃvedanarūpam iti yāvat | na hi ghaṭādisaṃvedyopahitasya saṃvedanasya satyatvaṃ yuktam | saṃvedyanāśena tasyāpi naṣṭakalpatvāt | nāpi saṃvedyasya satyatvaṃ yuktam {#41} | pratītimātrasāratvāt | śuddham cetyākhyamalādūṣitam {#42} | ata eva nirañjanam nirlepam | satyam sarvasāratvena sthitatvāt satyaṃ rūpaṃ | sarvagatam sākṣitayā sāratvena ca sthitatvāt sarvavyāpakam | śāntam svasvarūpe viśrāntam | anastamitodayam bodhākāśam cinmātrākāśam {#43} | asti paramārthataḥ sattām bhajati | ataḥ pratītimātrasiddhatvābhāvāt paramārthasati cinmātrasvarūpe svatayā niścitasya jñasya nāsatyatvam iti bhāvaḥ {#44} || MoṬ_4,31.32 ||


***NOTES:
#40 N17: -pa*m a*smad-
#41 N17: *saṃvedanasya --> saṃvedyasya<sa>*
#42 N17: -ā<r>[d]ū-
#43 N17: -y<ā>[a]m
#44 N17: i[ti]
---------------------------------------------------------


cidātmānam eva punaḥ punaḥ viśinaṣṭi

sarvaṃ sat tac ca niḥśūnyaṃ nakiñcid iva saṃsthitam {#45} /
tatra vyomni vibhāntīmā nijā bhāso 'ṅga dṛṣṭayaḥ // Mo_4,31.33 //


sat sarvopādanatvena sthitatvāt satsvarūpam | na hi asat upādānībhavitum arhati | ata eva niḥśūnyam śūnyetarasvarūpam | tathāpi nakiñcit iva sthitam bāhyāntaḥkaraṇāgocaratvāt śūnyavat tiṣṭhat | tat cinmātrākhyaṃ vastu | sarvam samastaṃ jagat | bhavati | atra hetutvenottarārdhaṃ kathayati tatreti | yata iti śeṣaḥ | yataḥ tatra vyomni cinmātrākāśe | imāḥ puraḥ sphurantyaḥ | dṛṣṭayaḥ jagadrūpāḥ pratītayaḥ | vibhānti sphuranti | dṛṣṭayaḥ kāḥ | nijāḥ bhāsaḥ nijāni kacakāni {#46} | na tu svavyatiriktā ity arthaḥ | sarvasaṃvitsākṣikeṇa svapnadṛṣṭānte etat svasiddham eveti nātrāyastam || MoṬ_4,31.33 ||


***NOTES:
#45 N17: ta<ś>[c]
#46 Konjektur für N17: kavavāni.
---------------------------------------------------------


etad eva sadṛṣṭāntaṃ kathayati {#47}

yathā taimirikākṣasya sahajā eva dṛṣṭayaḥ /
keśoṇḍukādivad bhānti tathemās tatra sṛṣṭayaḥ // Mo_4,31.34 //


yathā taimirikākṣasya timirarogopahatanetrasya puruṣasya | sahajāḥ eva | na tv āgantukāḥ | dṛṣṭayaḥ netraraśmayaḥ | keśoṇḍukādivat keśakūrcādivat | bhānti sphuranti | tathā tatra cinmātrākhya ākāśe {#48} | imāḥ sṛṣṭayaḥ bhānti | etā api cinmātraraśmirūpā eveti bhāvaḥ | ādiśabdena dvicandrādeḥ grahaṇam || MoṬ_4,31.34 ||


***NOTES:
#47 N17: -ya<n>ti
#48 N17: -khy(e)a [ā]kā-
---------------------------------------------------------


nanu kena yatnena nijaraśmirūpaṃ jagad asau karotīty {#49} | atrāha

sa ātmānaṃ yathā vetti tathānubhavati kṣaṇāt /
cidākāśas tato 'satyam api satyaṃ tadīkṣaṇāt // Mo_4,31.35 //


saḥ cidākāśaḥ | ātmānam svasvarūpam | yathā yena prakāreṇa yuktam | vetti jānāti | tathā tena prakāreṇa yuktam {#50} | anubhavati sākṣāt paśyati | ataḥ asatyam api jagat | tadīkṣaṇāt cidākāśasya vīkṣaṇāt | satyam bhavati | svapnajagad iva svapnadraṣṭrā vīkṣaṇāt {#51} | ato yatnarahitam evāsau etat karotīti bhāvaḥ || MoṬ_4,31.35 ||


***NOTES:
#49 N17: ni*ja*ra-
#50 N17: *pra*kā-
#51 N17: -draṣṭ<y>[r]ā
---------------------------------------------------------


phalitaṃ siddhāntaṃ kathayati

na satyam asti nāsatyam iha tasmāj jagattraye /
yad yathā vetti cidrūpaṃ tat tathodety asaṃśayam // Mo_4,31.36 //


tasmāt tato hetoḥ | iha jagattraye kiñcit na satyam asti nāpi asatyam asti | cidrūpam cidātma | yat vastu | yathā vetti | tat tathā asaṃśayam udeti | svapnavad iti śeṣaḥ || MoṬ_4,31.36 ||



anena phalitaṃ dāmādisāmyaṃ svasya kathayati

yathā dāmādayas tadvad eveme 'bhyuditā vayam /
satyāsatyāḥ kim atrāṅga tān praty api vikalpanā // Mo_4,31.37 //


ata iti śeṣaḥ | ataḥ yathā dāmādayaḥ satyāsatyāḥ bhāsamānatvena satyāḥ paramārthatas tv asatyāḥ | abhyuditāḥ prādurbhūtāḥ bhavanti | ime vayaṃ tadvad eva satyāsatyāḥ abhyuditāḥ bhavāmaḥ {#52} | tulyanyāyāt iti bhāvaḥ {#53} | he aṅga | ataḥ atra ihaloke | tān praty api tān praty eva | vikalpanā satyatvakalpanā | kim asti | yadi svasatyaṃ kalpayasi tarhi tān api kurv iti bhāvaḥ || MoṬ_4,31.37 ||


***NOTES:
#52 N17: -va(ya)d
#53 N17: -nyāy<y>āt
---------------------------------------------------------


nanu kathaṃ dāmādīnām asmākaṃ ca parasparaṃ sāmyam astīty {#54} | atrāha

asyānantasya cidvyomnaḥ sarvagasya nirākṛteḥ {#55}{#56} /
cid udeti yathā yāntas tathā sā tatra bhāty alam // Mo_4,31.38 //


asyātmatvena sphurataḥ | anantasya antasākṣitvenāpi sthitatvād antarahitasya | sarvagasya sarvavyāpakasya | nirākṛteḥ paricchinnākārarahitasya | cidvyomnaḥ cidākāśasya | sambandhinī yā cit cidākhyaḥ spandaḥ | antaḥ svabhittau | yathā yena rūpeṇa | udeti sphurati | sā cit | tatra tasyāṃ cinmātrabhittau | tathā tena rūpeṇa | bhāti kacati | svapnavat iti śeṣaḥ || MoṬ_4,31.38 ||


***NOTES:
#54 N17: -smā*kaṃ*
#55 N17: cid*vyo*mnaḥ
#56 N17: -te[ḥ]
---------------------------------------------------------


nanu tathāpi kim prakṛte āyātam ity | atrāha

yatra dāmādirūpeṇa saṃvit prakacate svayam {#57} /
tathāsau tatra sampannā tathākārānubhūtitaḥ // Mo_4,31.39 //


tathākārasya dāmādyākārasya yānubhūtiḥ | tataḥ || MoṬ_4,31.39 ||


***NOTES:
#57 N17: -t<ī>[e]; mit Ś1.
---------------------------------------------------------


asmadādisvarūpeṇa saṃvid yatroditā svayam /
tathāsau tatra sampannā tathākārānubhūtitaḥ // Mo_4,31.40 //


tathākārasyāsmadādyākārasya | yā anubhūtiḥ | tataḥ | tathā ca dāmādibhiḥ sahāsmākaṃ sāmyam eveti bhāvaḥ || MoṬ_4,31.40 ||



svasvapnapratibhāsasya jagad ity abhidhā kṛtā /
cidvyomno vyomavapuṣas tāpasyeva mṛgāmbutā // Mo_4,31.41 //


vyomavapuṣaḥ atyantaśuddhatvād vyomasvarūpasya | cidvyomnaḥ sambandhinaḥ | svaḥ yaḥ svapnapratibhāsaḥ | tasya jagad iti abhidhā jagad iti nāma | kṛtā | cidvyomneti bhāvaḥ | kā iva | mṛgāmbutā iva | yathā tāpasya mṛgāmbutāmbu iti nāma kriyate | tathety arthaḥ || MoṬ_4,31.41 ||



nanu tarhi sarvaṃ cidvyoma jaganmayam eva kim astīty | atrāha

yatra prabuddhaṃ cidvyoma tatra dṛśyābhidhā kṛtā /
yatra suptaṃ tu tenaiva tatra mokṣābhidhā kṛtā // Mo_4,31.42 //


cidvyoma yatra yasminn aṃśe | prabuddham jagadrūpasvaparāmarśayuktam | bhavati | tatra tenaiva cidvyomnaiva | dṛśyābhidhā kṛtā | yatra yasmin bhāge | suptam jagadrūpasvarūpāmarśarahitam | bhavati | tatra tenaiva mokṣābhidhā kṛtā | tathā ca na sarvaṃ cidvyoma jagatsamayevāstīti bhāvaḥ || MoṬ_4,31.42 ||



nanu tarhi cidvyomnaḥ sāṃśatvam āgatam ity | atrāha

na ca tat kvacid āsuptaṃ na prabuddhaṃ kadācana /
cidvyoma kevalaṃ dṛśyaṃ jagad ity avagamyatām // Mo_4,31.43 //


paramārthavicāre kriyamāṇe tat cidvyoma | kvacit kutrāpy aṃśe | kadācana jātu | āsuptaṃ na bhavati | prabuddhaṃ ca na bhavati | tatsākṣikayoḥ svāpaprabodhayoḥ tadvyatirekeṇa sattāyā ayogāt | na ca tad eva tasya viśeṣakam bhavati {#58} | ghaṭasyāpi ghaṭaviśeṣakatvaprasaṅgāt {#59} | ataḥ paramārthavicārayuktena tvayā dṛśyaṃ jagat kevalam svāpabodhādidharmarahitam | cidvyometi avagamyatām jñāyatām | proktanyāyena mokṣajagattvāpādakayoḥ cinmātrāśrayayoḥ svāpabodhayor asambhavāt || MoṬ_4,31.43 ||


***NOTES:
#58 N17: [bha]va-
#59 N17: *na ca --> -prasaṅgāt*
---------------------------------------------------------


atyantarahasyatvāt punaḥ pūrvaślokapūrvārdhoktam evārthaṃ kathayati

nirvāṇam eva sargaśrīḥ sargaśrīr eva nirvṛtiḥ /
nānayoḥ śabdayor arthabhedaḥ paryāyayor iva // Mo_4,31.44 //


nirvāṇam acetyacinmātram | nirvṛtiḥ nirvāṇam | yathā taraṅgajalayoḥ bhedo na yuktaḥ | tathā sarganirvāṇayor api bhedo na yukta iti bhāvaḥ || MoṬ_4,31.44 ||



nanu tarhi jagad iti śabdajñānayoḥ kā gatir ity | atrāha

paramārthe jagad iti rūpaṃ vetti svayaṃ svakam /
yathā taimirikaṃ cakṣuḥ keśoṇḍukam ivekṣitam // Mo_4,31.45 //


asau acetyacidātmā paramārthe paramārthabhūte svasvarūpe {#60} | svayaṃ jagad iti rūpaṃ vetti | jagadrūpatām paśyatīti yāvat | kim iva | cakṣur iva | yathā taimirikam taimirikasambandhi cakṣuḥ svakam raśmirūpaṃ svātmānam | keśoṇḍukam iva vetti | tathety arthaḥ | svakaṃ kathambhūtam | īkṣitam svasmād bahiḥprasaraṇena dṛṣṭam | anyathā atīndriyatvahāneḥ | atīndriyaṃ hi indriyaṃ sarvair uktam || MoṬ_4,31.45 ||


***NOTES:
#60 N17: -rthe (paramārthe)
---------------------------------------------------------


nanu tarhi keśoṇḍukavat bhāsamānatvāt jagat kiñcid asti | tat katham asya nirvāṇarūpatvam uktam ity | atrāha

na tat keśoṇḍukaṃ kiñcit sā hi dṛṣṭis tathā sthitā {#61} /
naivaṃ dṛśyam idaṃ kiñcid itthaṃ cidvyoma saṃsthitam // Mo_4,31.46 //


tat bhāsamānam | keśoṇḍukaṃ kiñcid api na bhavati | hi yasmāt | sā dṛṣṭiḥ taimirikadṛṣṭiḥ {#62} | tathā keśoṇḍukarūpeṇa | sthitā bhavati | yataḥ sahasraśaḥ anviṣyamāṇam api keśoṇḍukaṃ hastagrāhyaṃ na bhavati | na cānyat tatra tadadhiṣṭhānatvayogyaṃ vastv asti | ato jñāyate dṛṣṭir eva tathātvena bhāsate iti bhāvaḥ {#63} | proktaṃ nyāyam prakṛte 'pi saṅghaṭayati naivam iti | evam idam jagat | kiñcit na bhavati | cidvyoma cidākāśam | ittham jagadrūpeṇa | saṃsthitam bhavati | svapne hi cidvyomnaḥ jagadrūpeṇa saṃsthitir dṛṣṭā | ato na virodha iti bhāvaḥ || MoṬ_4,31.46 ||


***NOTES:
#61 N17: <c>[k]iñ-
#62 N17: -ka(sya)dṛ-
#63 N17: *i*ti
---------------------------------------------------------


siddhāntaṃ kathayati

sarvatra sarvam idam asti yathānubhūtaṃ no kiñcana kvacid ihāsti ca nānubhūtam /
śāntaṃ sad ekam idam ātatam ittham āste santyaktaśaṅkam apabhedam atas tvam āssva {#64} // Mo_4,31.47 //


yathānubhūtam evam eva nānātvenānubhūtam | idam sarvam sarvatrāsti | bhāsamānatvāt | nānubhūtam anubhavaviṣayatām agataṃ sat | kvacit kutracid api deśe | kiñcit leśenāpi | no asti | abhāsamānatvāt | anubhūtatvam ananubhūtatvaṃ ca jagataḥ jāgradādau suṣuptādau ca sarveṣāṃ svapratītisākṣikam eveti {#65} | nātrāyāso yuktaḥ {#66} | nanu tarhi sarvadā sat kim astīty | atrāha śāntam iti | śāntam anubhavitṛtvena sthitatvāt anubhūtatvānanubhūtatvākhyavikārarahitam {#67} | ekam advitīyam | ātatam samantāt vyāpakam | idam ātmatvena puraḥ sphurat | ittham anubhūtatvānanubhūtatvavikāragrastajagadrūpatvena sphurad iti śeṣaḥ | sat sanmātrākhyaṃ vastu | āste sarvadā tiṣṭhati {#68} | ananubhūtatvāvasthāyām api svānanubhūtyanubhavitṛtvena sthitatvāt {#69} | phalitaṃ kathayati santyakteti | ataḥ tvam santyaktaśaṅkam jagatsatyatvaśaṅkārahitam | abhedam bhedabuddhirahitam {#70} | āssva tiṣṭha || MoṬ_4,31.47 ||


***NOTES:
#64 N17: āssva<ḥ>
#65 N17: -ti(ti)
#66 N17: nā<yā>trā*yā*so
#67 N17: -bhūta*tvānanubhūta*tvā-
#68 N17: ā<sa>ste
#69 N17: -bhav<a>[i]tṛ-
#70 Sic! a[pa]bhedam ?
---------------------------------------------------------


sargāntaślokenāpy etad eva kathayati {#71}

śilodarākāraghanam praśāntam mahācito rūpam idaṃ kham accham {#72} /
naivāsti nāstīti dṛśau kvacit sto yac cāsti tat sādhu tad eva bhāti {#73} // Mo_4,31.48 //


idam accham kham nakiñcidrūpatvāt nirmalaṃ jagadākhyam ākāśam | mahācitaḥ rūpam svarūpam | bhavati | mahācitaḥ rūpaṃ kathambhūtam | śilodarasya yaḥ ākāraḥ | tadvad ghanam | cidghanam ity arthaḥ | ata eva praśāntam cetyākhyakṣobharahitam {#74} | svapnajagataḥ sphuṭaṃ cinmātrarūpatvadarśanād iti bhāvaḥ | nanu tarhi bhāvābhāvabuddhiḥ katham astīty | atrāha naivāstīti | asti nāstīti dṛśau bhāvābhāvabuddhī | kvacit naiva staḥ | ābhāsamātrarūpatvād ity arthaḥ | nanu tathāpi katham bhāsamānayoḥ bhāvābhāvayoḥ apahnavaḥ kartuṃ śakyata ity {#75} | atrāha yac cāstīti {#76} | yac ca bhāvābhāvarūpaṃ kiñcit tvaddṛṣṭyā asti | tat sādhu samyak | tad eva mahācidrūpam eva | asti | tad vinā sākṣirahitasya tasyāsatkalpatvāt {#77} | tatpratītisiddhatve tu svapnapadārthavat tattvānapāyāc ceti śivam {#78} || MoṬ_4,31.48 ||


***NOTES:
#71 N17: e(ta)tad
#72 N17: (ā)accham
#73 N17: ya<ś>[c]
#74 N17: -khya*ra*hi-
#75 N17: *dṛśau --> tathāpi*
#76 N17: -īti (ca)
#77 N17: -hita*sya ta*syā-
#78 N17: -yā<ś>[c]
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇa ekatriṃśaḥ sargaḥ {#79} ||31||


***NOTES:
#79 N17: -karaṇ<e --->[a eka-]
---------------------------------------------------------


*********************************************************************



oṃ | śrīrāmaḥ pṛcchati

satām apy asatām eva bālayakṣapiśācavat {#1} /
dāmavyālakaṭādīnāṃ duḥkhasyāntaḥ katham bhavet // Mo_4,32.1 //


duḥkhasya nānāyonibhramaṇarūpasya || MoṬ_4,32.1 ||


***NOTES:
#1 N17: -la(kṣa)yakṣa-
---------------------------------------------------------


śrīvasiṣṭha uttaraṃ kathayati

dāmavyālakaṭārthaṃ tais tadaiva yamakiṅkaraiḥ /
prārthitena yamenoktam idaṃ śṛṇu raghūdvaha // Mo_4,32.2 //


spaṣṭam || MoṬ_4,32.2 ||



yamavākyaṃ kathayati

yadā viyogam eṣyanti śroṣyanti ca nijāṃ kathām /
dāmādayas tadā muktā bhaviṣyantīty asaṃśayam // Mo_4,32.3 //


itiśabdaḥ yamavākyasamāptau || MoṬ_4,32.3 ||



atra śrīrāmaḥ pṛcchati

svavṛttāntam imaṃ kutra kadā kathaya te katham /
śroṣyanti bhagavan kena varṇyamānaṃ yathākramam // Mo_4,32.4 //


he bhagavan | tvaṃ yathākramaṃ kathaya | te dāmādayaḥ | imaṃ svavṛttāntaṃ kutra deśe | kadā kāle | kena varṇyamāṇam | katham kena prakāreṇa | śroṣyanti || MoṬ_4,32.4 ||



śrīvasiṣṭha uttaraṃ kathayati

kaśmīreṣu mahāpadmasarasītīrapalvale {#2} /
bhūyo bhūyo 'nubhūyaite matsyayoniparamparām {#3} // Mo_4,32.5 //


ālānitāśayā lolāḥ kālena layam āgatāḥ /
tatraiva padmasarasi te bhaviṣyanti sārasāḥ // Mo_4,32.6 //


ālānitāśayāḥ baddhamanasaḥ ||5-6||

tatra kalhāramālāsu sarojapaṭalīṣu ca /
śevālavaravallīṣu taraṅgavalanāsu ca // Mo_4,32.7 //


lalatkumudadolāsu nīlotpalalatāsu ca /
śīkaraughābhralekhāsu śītalāvartavṛttiṣu // Mo_4,32.8 //


saraḥsārasasambhogān bhuktvā bhuvanabhūṣaṇāḥ /
vihṛtya suciraṃ kālam alam āgataśuddhayaḥ // Mo_4,32.9 //


te viyuktā bhaviṣyanti muktaye labdhayuktayaḥ /
rajaḥsattvatamāṃsīva bhedaprāptyā yadṛcchayā // Mo_4,32.10 //


taraṅgarūpāḥ yāḥ valanāḥ dolāviśeṣāḥ | tāsu | saraḥsārasānāṃ sambhogāḥ | tān | sārasocitān bhogān ity arthaḥ | āgataśuddhayaḥ prāptakāṣāyapākāḥ | ata eva bhuvanabhūṣaṇāḥ ārṣam puṃstvam | labdhā yuktiḥ viyogarūpā yuktiḥ yaiḥ | te | tādṛśāḥ | yadṛcchayā na tu prayatnena | te kānīva | rajaḥsattvatamāṃsīva | yathā tāni yadṛcchayā siddhayā | bhedaprāptyā viyuktāni bhaviṣyanti | tathety arthaḥ || MoṬ_4,32.7-10 ||


***NOTES:
#2 Vgl. (IV) 31.10
#3 N17: -ni(ṃ)pa-
---------------------------------------------------------


kaśmīramaṇḍalasyāntar nagaraṃ nagaśobhitam /
nāmnādhiṣṭhānam ity etac chrīmat tatra bhaviṣyati {#4} // Mo_4,32.11 //


spaṣṭam || MoṬ_4,32.11 ||


***NOTES:
#4 Zu Namen und Topographie der alten Haupstadt Kaschmirs vgl. Stein 1900, vol. 2: S. 362; 439ff. RT III 99 (nebst Anm.).
---------------------------------------------------------


pradyumnaśikharaṃ nāma tasya madhye bhaviṣyati {#5} /
śṛṅgaṃ laghu sarojasya kośacakram ivodare // Mo_4,32.12 //


kośacakram karṇikā || MoṬ_4,32.12 ||


***NOTES:
#5 Hāraparvat in Śrīnagar, vgl. Stein loc. cit. S. 443f; RT III 460 sowie Anm. ad RT III 339-349.
---------------------------------------------------------


tasya mūrdhni girer gehaṃ ko 'pi rājā kariṣyati {#6} /
abhraṅkaṣamahāsālaṃ śṛṅge śṛṅgam ivāparam // Mo_4,32.13 //


spaṣṭam || MoṬ_4,32.13 ||


***NOTES:
#6 N17: g<o>[e]haṃ
---------------------------------------------------------


gṛhasyeśānakoṇādriśirobhittivraṇodare /
tasyāniśam aviśrāntavātoddhūtatṛṇāṅkite // Mo_4,32.14 //


ālaye dānavo vyālaḥ kalaviṅko bhaviṣyati {#7} /
prathamālpaśrutacchāttra ivārtharahitāraṭiḥ // Mo_4,32.15 //


kalaviṅkaḥ kathambhūtaḥ | artharahitam āraṭati kūjatīti artharahitāraṭiḥ | ka iva | prathamam alpaśrutaḥ chāttraḥ prathamālpaśrutacchāttraḥ | sa iva | alpaśrutaḥ chāttro hi artharahitam eva raṭati | tataḥ kālena tu sārtham api raṭatīti prathamagrahaṇam || MoṬ_4,32.14-15 ||


***NOTES:
#7 N17: d(i)āna-
---------------------------------------------------------


tasminn eva tadā kāle tatra rājā bhaviṣyati /
śrīyaśaskaradevākhyaḥ śakraḥ svarga ivāparaḥ {#8} // Mo_4,32.16 //


spaṣṭam || MoṬ_4,32.16 ||


***NOTES:
#8 Reg. 939-948 A.D., vgl. Stein 1900, vol. 1: 103f; RT V 469 - VI 114.
---------------------------------------------------------


dānavo dāmanāmā tu maṣakas tasya sadmani /
bhaviṣyati bṛhatstambhapṛṣṭhacchidre mṛdudhvaniḥ {#9} // Mo_4,32.17 //


spaṣṭam || MoṬ_4,32.17 ||


***NOTES:
#9 N17: -stam*bha*pṛ-
---------------------------------------------------------


kaṭāvasthām prastauti {#10}

adhiṣṭhānābhidhe tasminn evogranagare tadā /
ratnāvalīvihārākhyo vihāro 'pi bhaviṣyati {#11} // Mo_4,32.18 //


vihāraḥ krīḍāpradeśaḥ || MoṬ_4,32.18 ||


***NOTES:
#10 N17: kaṭ*ā*va- -st<o>[au]ti
#11 Vgl. RT III 476.
---------------------------------------------------------


tasmiṃs tadbhūmipāmātyo narasiṃha iti śrutaḥ /
karāmalakavad dṛṣṭabandhamokṣo bhaviṣyati // Mo_4,32.19 //


tasmin tatra vihāre | tasya bhūmipasyāmātyaḥ tadbhūmipāmātyaḥ || MoṬ_4,32.19 ||



bhaviṣyati gṛhe tasya krīḍanakrakaraḥ khagaḥ /
kaṭo māyāsuro nāma kṛtahiñjīrapañjaraḥ // Mo_4,32.20 //


kṛtaḥ hiñjīrapañjaraḥ lohapañjaraḥ yasya | tādṛśaḥ || MoṬ_4,32.20 ||



sa nṛsiṃho nṛpāmātyaḥ ślokair viracitām imām {#12} /
dāmavyālakaṭādīnāṃ kathayiṣyati saṅkathām // Mo_4,32.21 //


nṛsiṃhaḥ narasiṃhaḥ | dāmavyālakaṭādīnām sambandhinīṃ kathām | ādiśabdena śambarādīnāṃ grahaṇam || MoṬ_4,32.21 ||


***NOTES:
#12 N17: -mā(dya)tyaḥ
---------------------------------------------------------


sa kaṭaḥ krakaraḥ śrutvā tāṃ kathāṃ saṃsmṛtātmabhūḥ /
śāntamithyāhamaṃśo 'ntaḥ paraṃ nirvāṇam eṣyati {#13} // Mo_4,32.22 //


krakaraḥ pakṣaviśeṣarūpaḥ | sa kaṭaḥ tām svasambandhinīṃ kathāṃ śrutvā | saṃsmṛtā ātmabhūḥ svotpattiḥ yena | tādṛśaḥ | ata eva śāntaḥ mithyārūpaḥ ahamaṃśaḥ yasya | tādṛśaḥ san | param utkṛṣṭam | nirvāṇam brahmaṇy ātyantikaṃ layam | eṣyati gamiṣyati || MoṬ_4,32.22 ||


***NOTES:
#13 N17: -ha<s>[m]aṃ-
---------------------------------------------------------

pradyumnaśikharaprāntavāstavyaḥ kalaviṅkakaḥ /
tathaiva svakathāṃ śrutvā paraṃ nirvāṇam eṣyati // Mo_4,32.23 //


tathaiva kaṭavat eva || MoṬ_4,32.23 ||



rājamandiradārvantar vraṇavāstavyatāṃ gataḥ /
maṣako 'pi prasaṅgena śrutvā śāntim upaiṣyati // Mo_4,32.24 //


prasaṅgena kathāprasaṅgena || MoṬ_4,32.24 ||



saṅgṛhya kathayati

pradyumnaśṛṅgāc caṭako maṣako rājamandirāt {#14} /
vihārāt krakaraś ceti mokṣam eṣyanti rāghava // Mo_4,32.25 //

spaṣṭam || MoṬ_4,32.25 ||


***NOTES:
#14 N17: -gā<ś>[c]
---------------------------------------------------------


upasaṃhāraṃ karoti

eṣa te kathitaḥ sarvo dāmavyālakaṭakramaḥ {#15} /
māyeyam eva sāṃsārī śūnyaivātyantabhāsurā {#16} // Mo_4,32.26 //


bhramayaty aparijñātā mṛgatṛṣṇāmbudhīr iva {#17} /
saṃśāmyati parijñātā mṛgatṛṣṇāmbudhīr iva // Mo_4,32.27 //


evam dāmādivat | aparijñātā kiṃrūpeyam ity avicāritā || MoṬ_4,32.26-27 ||


***NOTES:
#15 n17: -rv*o*
#16 N17: saṃ<m>[s]ā-
#17 N17: -y(ā)aty
---------------------------------------------------------


mahato 'pi padād evaṃ rāmājñānavaśād adhaḥ /
patanti mohitā mūḍhā dāmavyālakaṭā iva // Mo_4,32.28 //


evam dāmādivat || MoṬ_4,32.28 ||



padād adhaḥpātam eva kathayati

kva bhrūkṣepaviniṣpiṣṭamerumandarasahyatā /
kva rājagṛhadārvantar vraṇe maṣakarūpatā {#18} // Mo_4,32.29 //


spaṣṭam || MoṬ_4,32.29 ||


***NOTES:
#18 N17: -a[n]tar
---------------------------------------------------------


kva capeṭacchaṭāmātrapātitārkendubimbatā /
kva pradyumnagirau gehe bhittivraṇavihaṅgatā {#19} // Mo_4,32.30 //


spaṣṭam || MoṬ_4,32.30 ||


***NOTES:
#19 N17: -h<ar>[e]
---------------------------------------------------------


kva puṣpalīlayālolakaratolitamerutā /
kvārṣyaśṛṅge nṛsiṃhasya gṛhe krakarapotatā {#20} // Mo_4,32.31 //


arṣyaśṛṅge pradyumnaśṛṅge {#21} || MoṬ_4,32.31 ||


***NOTES:
#20 N17: kv*ā*r-
#21 N17: -śṛṅ[ge]
---------------------------------------------------------


nanu katham āpatataḥ satyabhūtasyādhaḥpātasya nivṛttiḥ śakyakriyety | atrāha {#22}

cidākāśo hi mithyaiva rajasārañjitaprabhaḥ /
svarūpam atyajann eva virūpam iva budhyate {#23} // Mo_4,32.32 //


hi yasmāt | cidākāśaḥ mithyā rajasā rajoguṇākhyadūlyā | ārañjitaprabhaḥ rūṣitaprakāśaḥ | svarūpam cittvākhyaṃ svarūpam | atyajann eva | virūpam iva | bhāvapradhāne nirdeśaḥ | virūpatvam iva | svarūpaviruddhaṃ jaḍatvam iva | budhyate anubhavati {#24} | paramārthatas tu na budhyate itīvaśabdopādānam {#25} | ataḥ rajjusarpāpātavat virūpatvāparaparyāyādhaḥcyutyāpātaḥ na durvāra iti bhāvaḥ || MoṬ_4,32.32 ||


***NOTES:
#22 N17: (e)atrā-
#23 N17: -<d>[dh]ya-
#24 N17: -<d>dhya-
#25 N17: -<d>dhya-
---------------------------------------------------------


punar apy etad eva kathayati

svayaiva vāsanābhrāntyā satyayevāpy asatyayā {#26} /
mṛgatṛṣṇāmbubuddhyeva yāti jantur avāntaram // Mo_4,32.33 //


jantuḥ cidekasāraḥ dehābhimānī jīvaḥ | svayā svāvyatiriktayā | vāsanābhrāntyā śarīre ātmatvavāsanārūpeṇa bhrameṇa | avāntaram viśrāntipradeśād bhinnaṃ śarīrāhambhāvākhyam avāntaram pradeśaṃ | yāti | kathambhūtayā | paramārthataḥ asatyayāpi bhāsamānatvāt satyayā | ayam bhāvaḥ | yathā puruṣaḥ kañcid deśaṃ gantukāmaḥ taddeśavāsanākṛtayā bhrāntyāvāntarapradeśān yāti | tathā jīvaḥ citsvarūpaṃ svātmānaṃ gantukāmaḥ tadvāsanākṛtayā bhrāntyā deharūpe ātmani tiṣṭhatīti | ataḥ vāsanākṛta evādhaḥpāto 'stīti | vāsanayā kayeva | mṛgatṛṣṇāmbubuddhyā iva | yathā mṛgaḥ viśrāntisthānabhūtaṃ jaladeśaṃ gantukāmaḥ mṛgatṛṣṇāmbubuddhyā marudeśe tiṣṭhati | tathety arthaḥ || MoṬ_4,32.33 ||


***NOTES:
#26 N17: satya<m>[y]evā-
---------------------------------------------------------


nanu kenopāyenādhaḥpāto nivartate ity | atrāha

taranti te bhavāmbhodhiṃ svapravāhadhiyaiva ye /
śāstreṇāsad idaṃ dṛśyam iti nirvāsanaṃ sthitāḥ {#27} // Mo_4,32.34 //


te puruṣāḥ | svapravāhabuddhyā eva svapravāhena sthitāḥ | na tu gurvādipreritā yā buddhiḥ | tayā eva | bhavāmbhodhim taranti te | ke ye | śāstreṇopāyabhūtenādhyātmaśāstreṇa iti | nirvāsanam dṛśyasaṃskārarahitam | sthitā iti | kim iti | idam anubhūyamānam {#28} | dṛśyam | asat sattārahitam | bhavati | pratītimātrasāratvāt ity arthaḥ | ataḥ śāstrasyaivātra mukhyam upāyatvam iti bhāvaḥ {#29} || MoṬ_4,32.34 ||


***NOTES:
#27 N17: -vā(ma)sa-
#28 N17: -māna[m]
#29 N17: i*ti*
---------------------------------------------------------


śuṣkatarkāṇām etadupāyatvaṃ nirvārayati

tārārāvavikārīṇi śuṣkatarkamatāni ye /
yānti śvabhrajalāny āśu nāśubhaṃ nāśayanti te {#30} // Mo_4,32.35 //


ye puruṣāḥ | tāraḥ udbhaṭaḥ | yaḥ ārāvaḥ kathanam | sa eva vikāraḥ | tadyuktāni tārārāvavikārīṇi | śuṣkāḥ paramātmatattvanirṇayākhyarasarāhityena mukhaśoṣakārighaṭapaṭādinirṇayākhyapāruṣyeṇa ca śuṣkatulyāḥ | ye tarkāḥ tarkābhāsāḥ | tadyuktāni matāni śuṣkatarkamatāni | yānti | tāny evopāyatvenāśrayam | te puruṣāḥ {#31} | aśubham saṃsārākhyam anartham | na nāśayanti | api tu nānāvikalpagrastatvād vardhayanty eveti bhāvaḥ | śuṣkatarkamatāni kāni | śvabhrajalāni śvabhrajalatulyānīti yāvat {#32} | śvabhrajalāny api tārārāvavikārīṇi śuṣkāni duṣprāpatvāt malānāśakāni ca bhavanti || MoṬ_4,32.35 ||


***NOTES:
#30 N17: ś<u>[va]bhra-
#31 N17: te (te)
#32 N17: ś<u>[va]bhra-
---------------------------------------------------------


nanu tarhi keṣām aśubhanāśaḥ sampadyata ity | atrāha

svānubhūtiprasiddhena mārgeṇāgamagāminā /
na vināśo bhavaty aṅga gacchatām patatām iva // Mo_4,32.36 //


he aṅga | svā nijā | yā anubhūtiḥ anubhavaḥ | tena prasiddhena svānubhavasiddheneti yāvat | tathā āgamam sacchāstram | anugacchatīti tādṛśena mārgeṇa gacchatām vināśaḥ aśubhanāśarūpaḥ vināśaḥ {#33} | na bhavati | teṣām aśubhaṃ na naśyatīty arthaḥ {#34} | teṣāṃ keṣām iva | patatām iva | yathā patatām kumārgaluṭhitānām | vināśo bhavati | tathaiṣāṃ na bhavatīti vyatirekadṛṣṭāntaḥ | svamataviruddhanivartanāya svānubhūtiprasiddhenety uktam [...] {#35} || MoṬ_4,32.36 ||


***NOTES:
#33 N17: aśubh(ā)anāśa-
#34 N17: [na]
#35 N17: *[ ]* Ergänzung nicht ausgeführt.
---------------------------------------------------------


nanu yadi tarkamatāśrayaṇenānarthaprāptiḥ syāt tarhi tadapekṣayā sāṃsāriko vyavahāra eva śreyān ity {#36} | atrāha

idam me syād idam me syād iti buddhimatām matiḥ /
svena daurbhāgyadainyena na bhasmāpy upatiṣṭhate // Mo_4,32.37 //


idam vastu | me mama | syāt bhavatu | idam me syād iti evam | buddhimatām buddhiyuktānām | matiḥ buddhiḥ | svena daurbhāgyadainyena nijena mamatākhyadāridryakṛtena dīnatvena | bhasmāpi nopatiṣṭhate na prāpnoti | anekārthatvāt dhātūnām upapūrvaḥ tiṣṭhatir atra prāptyarthe vartate {#37} | āśāmayasya sāṃsārikavyavahārasyātmaprāptyupāyatve nāmāpi grahītuṃ na yogyam iti {#38} | kā kathā śuṣkatarkāt śraiṣṭhyasyeti bhāvaḥ || MoṬ_4,32.37 ||


***NOTES:
#36 N17: vya*va*hā-
#37 N17: -rva*ḥ*
#38 N17: -gya*m i*ti
---------------------------------------------------------


proktasāṃsārikavyavahārarahitasya śubhaprāptiṃ kathayati

vetti nityam udārātmā trailokyam api yas tṛṇam /
taṃ tyajanty āpadaḥ sarvā rasateva jarattṛṇam // Mo_4,32.38 //


yaḥ udārātmā mamatākhyadāridryarahitaḥ | nityam na tu abhimatavastuprāptikāla eva {#39} | trailokyam api tṛṇaṃ vetti | tam puruṣam | sarvāḥ āpadaḥ tyajanti | atṛpter evāpacchabdapravṛttinimittatvāt | āpadaḥ kā iva | rasatā iva | pādapūraṇārtho bhāvapratyayaḥ | rasaḥ iva | yathā rasaḥ jarattṛṇaṃ tyajati | tathety arthaḥ || MoṬ_4,32.38 ||


***NOTES:
#39 N17: -mat<t>a-
---------------------------------------------------------


nanu sarvaṃ tyajataḥ kathaṃ śarīrayātrā sidhyatīty {#40} | atrāha

parisphurati yasyāntar nityaṃ sattvacamatkṛtiḥ /
brāhmam aṇḍam ivākhaṇḍaṃ lokeśāḥ pālayanti tam // Mo_4,32.39 //


yasya puruṣasya | sattvacamatkṛtiḥ | sattvasya sarvatyāgarūpasya dhairyasya | camatkṛtiḥ camatkāraḥ | antaḥ manasi | sphurati | na tu dambhālasyādinā vacanamātre eva sphurati | taṃ lokeśāḥ akhaṇḍam samyak | pālayanti | kim iva | brahmāṇḍam iva | atyantanirlobhasya kāryam brahmāṇḍakāryam iva svayam eva sampadyata iti bhāvaḥ || MoṬ_4,32.39 ||


***NOTES:
#40 N17: si<d>dhya-
---------------------------------------------------------


nanu yadi kadācit tasya durantā vipat syāt tadā kiṃ kāryam ity | atrāha

apy āpadi durantāyāṃ naiva rantavyam akrame /
rāhur apy akrameṇaiva pibann apy amṛtam mṛtaḥ // Mo_4,32.40 //


durantāyām api antarahitāyām {#41} | bahvyām apīti yāvat | āpadi vicārayuktena puruṣeṇa | akrame śāstrādiviruddhe krame | na rantavyam na laganīyam | arthāt svapravāhāgate krame rantavyam iti jñeyam [...] {#42} | ataḥ krama eva kārya iti bhāvaḥ || MoṬ_4,32.40 ||


***NOTES:
#41 N17: -yāṃ(m a)
#42 N17: *[ ]* Ergänzung nicht ausgeführt.
---------------------------------------------------------


kramapradarśakaṃ sacchāstrādikam praśaṃsati {#43}

sacchāstrasādhusamparkam arkam ugraprakāśadam /
ye śrayanti na te yānti mohāndhyasya punar vaśam // Mo_4,32.41 //


mohāndhyasyākramarūpasyety arthaḥ || MoṬ_4,32.41 ||


***NOTES:
#43 N17: -str*ā*di-
---------------------------------------------------------


sacchāstrādisevanād utpannān maitryādiguṇān praśaṃsati

avaśyā vaśyam āyānti yānti sarvāpadaḥ kṣayam {#44} /
avaśyam bhavati śreyaḥ kreyaṃ yasya guṇair yaśaḥ // Mo_4,32.42 //


avaśyāḥ śatravaḥ | śreyaḥ mokṣākhyam paramakalyāṇam | kreyam grāhyam | utpādyam iti yāvat | guṇaiḥ sacchāstrādisevanotpāditaiḥ maitryādiguṇaiḥ | tasmāt yaśaütpādakān guṇān evāśrayed iti bhāvaḥ || MoṬ_4,32.42 ||


***NOTES:
#44 N17 -d(ā)aḥ
---------------------------------------------------------


guṇalubdhatvam praśaṃsati

yeṣāṃ guṇeṣv asantoṣo rāgo yeṣāṃ śrutam prati /
satye vyasanino ye ca te narāḥ paśavo 'pare // Mo_4,32.43 //


asantoṣaḥ apūrṇatā {#45} | śrutam adhyātmaśāstram | apare etebhyaḥ vyatiriktāḥ || MoṬ_4,32.43 ||


***NOTES:
#45 N17: -ṣ(ā)aḥ
---------------------------------------------------------


guṇotpāditaṃ yaśaḥ praśaṃsati

yaśaścandrikayā yeṣām bhāsitaṃ janahṛnnabhaḥ /
teṣāṃ kṣīrasamudrāṇāṃ nūnam mūrtau sthito hariḥ // Mo_4,32.44 //


yeṣām puruṣāṇām | sambandhinyā yaśaścandrikayā maitryādiguṇotpāditayā yaśaścandrikayā | janahṛnnabhaḥ janahṛdayaḥ ākāśaḥ {#46} | bhāsitam | teṣāṃ kṣīrasamudrāṇām candrikotpādakatvasāmyāt kṣīrasamudratulyānām | nūnam niścayena | mūrtau hariḥ śrīnārāyaṇaḥ | sthitaḥ bhavati | teṣām manasi bhagavān satatam eva sphuratīti bhāvaḥ | yuktaṃ ca kṣīrasamudramūrtau śrīharyavasthānam || MoṬ_4,32.44 ||

***NOTES:
#46 N17: [ā]kā-
---------------------------------------------------------

bhuktam bhoktavyam akhilaṃ dṛṣṭā draṣṭavyadṛṣṭayaḥ /
kim anyad bhavabhaṅgāya bhūyo bhogeṣv alubdhatā // Mo_4,32.45 //


yuṣmābhiḥ akhilam bhoktavyam bhuktam {#47} | kiñcidbhogadvāreṇa tatsamānayogakṣemāḥ sarve bhogā bhuktā ity arthaḥ | draṣṭavyāḥ darśanīyāḥ | dṛṣṭayaḥ dṛṣṭāḥ | atrāpi pūrvavat eva yojyam | bhūyaḥ punaḥ | anyat itarat bhoktavyaṃ draṣṭavyaṃ vā | kim asti | kiñcid api nāstīty arthaḥ | ataḥ bhavabhaṅgāya saṃsāranāśāya | alubdhatā lobharāhityam | dhāryatām iti śeṣaḥ || MoṬ_4,32.45 ||


***NOTES:
#47 N17: *bhuktam*
---------------------------------------------------------


yathākramaṃ yathāśāstraṃ yathācāraṃ yathāsthiti /
sthīyatām mucyatām antar bhogagārdhyam avāstavam // Mo_4,32.46 //


yathācāram svācārasadṛśam | na tv ācārāntaraniṣṭhatayā | tattve hi ayuktaṃ kāritvaṃ syāt {#48} | yathāsthiti | na tu gṛhasthaḥ san vanasthatayā vanastho vā san gṛhasthatayety arthaḥ | antaḥ manasi | bhogagārdhyam bhogeṣu gardhaḥ lobhaḥ yasya | saḥ bhogagardhaḥ | tasya bhāvaḥ | tat || MoṬ_4,32.46 ||


***NOTES:
#48 N17: -kta[ṃ]
---------------------------------------------------------


saṃstavaḥ kriyatāṃ kīrtyā guṇair gaganagāmibhiḥ /
trāyante mṛtyunopetaṃ na kadācana bhogakāḥ // Mo_4,32.47 //


yuṣmābhiḥ | gaganagāmibhiḥ guṇaiḥ maitryādiguṇaiḥ | utpannayā kīrtyā saha {#49} | saṃstavaḥ paricayaḥ | kriyatām | nanu bhogaiḥ saha saṃstavaṃ tyaktvā kīrtyā saha kimarthaṃ kurma ity | atrāha trāyanta iti | ye tādṛśyām maraṇāvasthāyāṃ nopayujyante kiṃ taiḥ saha saṃstaveneti bhāvaḥ || MoṬ_4,32.47 ||


***NOTES:
#49 N17: utp<ā>[a]nna-
---------------------------------------------------------


guṇotpāditayaśoyuktān praśaṃsati
gāyanti siddhasundaryo yeṣām indusitaṃ yaśaḥ /
gītibhir gaganābhoge te jīvanti mṛtāḥ pare // Mo_4,32.48 //


pare proktayaśorahitāḥ || MoṬ_4,32.48 ||



nanu yadi proktaguṇārjanenāpi na kiñcit setsyati tadā kiṃ kāryam ity | atrāha

paramam pauruṣaṃ yatnam āsthāyādāya sūdyamam /
yathāśāstram anudvegam ācārāt ko na siddhibhāk {#50} // Mo_4,32.49 //


ācārāt guṇārjanarūpāt ācārāt || MoṬ_4,32.49 ||


***NOTES:
#50 N17: anud<yo>[ve]gam; zu (an)udyoga vgl. MṬ (II) 5,12 sowie MṬ ad (IV) 32,57. Ś1, Ś3, N/Ed: anudvegam.
---------------------------------------------------------


nanu yadā kadācin mayā guṇārjane yatnaḥ kṛta eva kiṃ tena sampannam ity | atrāha

yathāśāstraṃ viharatā tvarā kāryā na siddhiṣu {#51} /
cirakālaparāpakvā siddhiḥ puṣṭaphalā bhavet // Mo_4,32.50 //


spaṣṭam || MoṬ_4,32.50 ||


***NOTES:
#51 N17: -tā<s>
---------------------------------------------------------


phalitaṃ kathayati

vītaśokabhayāyāsam agardham apayantraṇam /
vyavahāro yathāśāstraṃ kriyatām mā vinaśyatām // Mo_4,32.51 //


agardham lobharahitam | apayantraṇam bandhanarahitam || MoṬ_4,32.51 ||



jīvo jīrṇāndhakūpeṣu bhaveṣv antardhim āgataḥ /
bhavatām bhūribhaṅgānām adhunoddhriyatām ataḥ // Mo_4,32.52 //


bhūribhaṅgānām bahunāśayuktānām | bhavatām | jīvaḥ jīrṇāndhakūpeṣu duḥkhadatvena jīrṇāndhakūparūpeṣu {#52} | bhaveṣu | antardhim gataḥ | kṣīṇa iti yāvat {#53} | bhavati | ataḥ yuṣmābhiḥ adhunā saḥ jīvaḥ uddhriyatām | andhakūpamagnasya hi uddharaṇam avaśyam eva kāryam iti bhāvaḥ || MoṬ_4,32.52 ||


***NOTES:
#52 N17: -<r>[k]ūparūpeṣu
#53 N17: kṣī<n>[ṇ]a
---------------------------------------------------------


itaḥ prabhṛti mā bhūyo gamyatām adharād adhaḥ /
idaṃ nirdhāryatāṃ śāstram astram āpannivāraṇe {#54} // Mo_4,32.53 //


yuṣmābhiḥ {#55} | itaḥ prabhṛti asmān madupadeśāt prabhṛti | bhūyaḥ punaḥ | adharād adhaḥsthānād | adhaḥ mā gamyatām | yuṣmābhiḥ | idam maduktam | etac chāstram | nirdhāryatām niścīyatām | idam kim | āpannivāraṇe astram astrabhūtam āpannivārakam ity arthaḥ {#56} || MoṬ_4,32.53 ||


***NOTES:
#54 N17: ni[r]dhā- mit Ś1, Ś3.
#55 N17: -ṣm<a>[ā]-
#56 N17: i(ta)*ty*
---------------------------------------------------------


raṇe rabhasanirlūnavāraṇe prāṇam ujjhatām /
kim arthamātrayā kāryam āryāḥ śāstram avekṣyatām {#57} // Mo_4,32.54 //


arthamātrayā dhanaleśena arthamātrārtham {#58} | raṇādikāryaṃ tyaktvā idam eva śāstram avekṣyatām iti piṇḍārthaḥ || MoṬ_4,32.54 ||


***NOTES:
#57 N17: ś(r)āstram
#58 N17: -<śele>[leśe]na; als Randglosse in Ś1; Randglosse Ś3: dhanalavena.
---------------------------------------------------------


idam bimbam idaṃ nimbam iti matyā vicāryatām /
svayā parapreraṇayā yāta mā paśavo yathā // Mo_4,32.55 //


idam bimbam bimbaphalam bhavati | idaṃ nimbam nimbaphalam bhavati | iti evam | svayā matyā buddhyā | vicāryatām | parapreraṇayā mā yāta mā gacchata | ke yathā | paśavo yathā | yathā paśavaḥ parapreraṇayā yānti tathā yūyam mā yātety arthaḥ {#59} || MoṬ_4,32.55 ||


***NOTES:
#59 N17: [yathā]
---------------------------------------------------------


daurbhāgyadāyinī dīnā śubhahīnāvicāraṇā /
ghanadīrghamahānidrā tyajyatāṃ samprabudhyatām // Mo_4,32.56 //


yuṣmābhiḥ {#60} | avicāraṇā avicārākhyā ghanadīrghā cāsau mahānidrā | sā tyajyatām | kathambhūtā sā | daurbhāgyadāyinī āśārūpadāridryadāyinī | tāṃ tyaktvā samprabudhyatām | yuktaś ca nidrātyāgānantaram prabodhaḥ || MoṬ_4,32.56 ||


***NOTES:
#60 N17: -ṣm<a>[ā]-
---------------------------------------------------------


suptaiḥ mā sthīyatāṃ vṛddhamandakacchapavac chanaiḥ /
utthānam aṅgīkriyatāṃ jarāmaraṇaśāntaye // Mo_4,32.57 //


yuṣmābhiḥ | vṛddhamandakacchapavat suptaiḥ svātmavicāre vimukhaiḥ | mā sthīyatām | vṛddhamandakacchapo hi suptaḥ tiṣṭhati {#61} | śanaiḥ krameṇa | jarāmaraṇaśāntaye mokṣāya | utthānam udyogaḥ | aṅgīkriyatām nirvāṇamukhyopāyabhūtaṃ sacchāstravicārādi kriyatām ity arthaḥ || MoṬ_4,32.57 ||


***NOTES:
#61 N17: -ṣṭhat*i*<ḥ>
---------------------------------------------------------


nanu sukhasādhanadhanādyarjanam apahāya kimartham anyat kurma ity {#62} | atrāha

anarthāyārthasampattir bhogaugho bhavarogadaḥ /
āpade sampadaḥ sarvāḥ sarvatrānādaro jayaḥ {#63} // Mo_4,32.58 //


arthasampattiḥ anarthāya duḥkhāya bhavati | arjanādau kleśahetutvāt | bhogaughaḥ bhavarogadaḥ bhavati | rāgādyutpādakatvāt | sampadaḥ śriyaḥ | āpade bhavanti | tāpakāridarpādidoṣotpādakatvāt | sarvatra samaste dhanādau bhāvajāte | anādaraḥ tyāgādānavyatiriktasvarūpā upekṣā | jayaḥ bhavati || MoṬ_4,32.58 ||


***NOTES:
#62 N17: -a[r]tham
#63 N17: -de<ḥ>
---------------------------------------------------------


lokatantrānusāreṇa vicārād vyavahāriṇām /
śāstrācārāviruddhena karmaṇā śarma sidhyati {#64} // Mo_4,32.59 //


lokatantrānusāreṇa lokācārānusāreṇa {#65} | vicārāt iti lyaplope pañcamī | tena vicāraṃ kṛtvety arthaḥ || MoṬ_4,32.59 ||


***NOTES:
#64 N17: *vicārād --> -ddhe<ṣu>[na]*; mit Ś1, Ś3.
#65 N17: -ta[n]trā-
---------------------------------------------------------


sargāntaślokenāpy etad eva kathayati

svācāracārucaritasya viviktavṛtteḥ saṃsāraduḥkhalavasaukhyadaśāsv agṛdhnoḥ /
āyur yaśāṃsi ca guṇāś ca sahaiva lakṣmyā phullanti mādhavalatā iva satphalāya // Mo_4,32.60 //


svācāreṇa śobhanācāreṇa | cārucaritam yasya | saḥ | tādṛśasya | viviktā viśiṣṭā | vṛttiḥ vyāpāro yasya {#66} | saḥ | tādṛśasya | tathā duḥkhalavarūpāḥ ca tāḥ saukhyadaśāḥ duḥkhalavasaukhyadaśāḥ | saṃsārasya yāḥ duḥkhalavasaukhyadaśāḥ | tāsu agṛdhnoḥ lobharahitasya puruṣasya | āyuḥ yaśāṃsi guṇāś cety etāni vastūni | lakṣmyā sahaiva satphalāya mokṣākhyāya śobhanāya phalāya | phullanti vikasanti | mokṣam utpādayantīty arthaḥ | etāni vastūni kā iva | mādhavalatāḥ iva | yathā mādhavalatāḥ vasantalatāḥ | satphalāya phullanti | tathety arthaḥ | iti śivam || MoṬ_4,32.60 ||


***NOTES:
#66 N17: -r(o)[o]
---------------------------------------------------------



iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe dvātriṃśaḥ sargaḥ {#67} ||32||


***NOTES:
#67 N17: <---> [dvātriṃśaḥ sargaḥ]
---------------------------------------------------------


*********************************************************************



punar api pūrvoktam evārthaṃ kathayati

sarvātiśayasāphalyāt sarvaṃ sarvatra sarvadā /
sambhavaty eva tasmāt svaṃ śubhodyogaṃ na santyajet // Mo_4,33.1 //


sarveṣām atiśayānām yat sāphalyam saphalatā | tato hetoḥ | sarvatra sarveṣu deśeṣu | sarvadā sarveṣu kāleṣu | sarvaṃ sambhavaty eva {#1} | yataḥ atiśayaprayuktānāṃ sarveṣāṃ yatnānāṃ sāphalyam asti {#2} | ataḥ sarvatra sarvadā sarvaṃ sambhavaty eveti yāvat | phalitaṃ kathayati tasmād iti | tasmāt tato hetoḥ | puruṣaḥ svaṃ śubhodyogaṃ na santyajet || MoṬ_4,33.1 ||


***NOTES:
#1 N17: eva (bhedaḥ yenaivaṃ kathayasīty atrāha)
#2 N17: -ya*pra*yu-
---------------------------------------------------------


viśeṣeṇa udyogasya sāphalyaṃ kathayati

mitrasvajanabandhūnāṃ nandinānandadāyinā {#3} /
sarasīśvaram ārādhya mṛtyur apy upanirjitaḥ // Mo_4,33.2 //

{#4}

nandinā nandirudreṇa || MoṬ_4,33.2 ||


***NOTES:
#3 N17: -da(nā)dāyi-
#4 Vgl. MBh ***
---------------------------------------------------------


sarvotkarṣeṇa vartante devā api vimarditāḥ /
dānavair dānavāryāḍhyair gajaiḥ padmākarā iva // Mo_4,33.3 //

{#5}

gajaiḥ kathambhūtaiḥ {#6} | dānavāriṇā madajalenāḍhyaiḥ yuktaiḥ || MoṬ_4,33.3 ||


***NOTES:
#5 Vgl. MBh ***
#6 N17: (ga)ga-
---------------------------------------------------------


maruttanṛpater yajñe saṃvartena maharṣiṇā /
brahmaṇevāparaḥ sargo racitaḥ sasurāsuraḥ // Mo_4,33.4 //

{#7}

spaṣṭam || MoṬ_4,33.4 ||


***NOTES:
#7 Vgl. MBh XIV 3-10
---------------------------------------------------------


mahātiśayayuktena viśvāmitreṇa vipratā /
bhūyo bhūyaḥ prayuktena duṣprāpā tapasārjitā // Mo_4,33.5 //

{#8}

spaṣṭam || MoṬ_4,33.5 ||


***NOTES:
#8 Vgl. MBh IX 40,12 [CHECK]
---------------------------------------------------------


piṣṭātakāmbu duṣprāpaṃ rasāyanam ivāśnatā /
durbhagenedṛśenāptaḥ kṣīroda upamanyunā // Mo_4,33.6 //

{#9}

piṣṭātakāmbu | piṣṭamiśritaṃ jalam {#10} | īdṛśena durbhagena etādṛśena daridreṇa | āptaḥ | īśvarārādhanayeti śeṣaḥ || MoṬ_4,33.6 ||


***NOTES:
#9 Vgl. MBh XIII 14,77ff
#10 N17: -ṣṭ(i)a-
---------------------------------------------------------


trailokyamallāṃs tṛṇavan nighnan viṣṇvabjajādikān /
yuktyātiśayadārḍhyena kālaḥ śvetena {#12} kālitaḥ {#11} // Mo_4,33.7 //

{#13}

yuktyā īśvarārādhanarūpeṇopāyena | śvetena rājaviśeṣeṇa | kathambhūtena | atiśaye yatnātiśaye | dārḍhyam dṛḍhatā yasya | tādṛśena || MoṬ_4,33.7 ||

***NOTES:
#11 N17: -dā[r]ḍhye-
#12 N17: -te<m>[n]a
#13 Vgl. MBh ***
---------------------------------------------------------


praṇayena yamaṃ jitvā kṛtvā vacanasaṅgaram /
paralokād upānītaḥ sāvitryā satyavān patiḥ // Mo_4,33.8 //

{#14}

praṇayena snehena | upānīta ity anena sambandhaḥ | vacanasaṅgaram vacanasaṅgrāmam || MoṬ_4,33.8 ||


***NOTES:
#14 Vgl. MBh III 277-283
---------------------------------------------------------

viśeṣeṇoktvā sāmānyena kathayati

na so 'sty atiśayo loke yasyāsti na phalaṃ sphuṭam {#15} /
bhavitavyaṃ vicāryātaḥ sarvātiśayaśālinā // Mo_4,33.9 //


atiśayaḥ yatnātiśayaḥ | phalitaṃ kathayati bhavitavyam iti | ataḥ sarvebhyaḥ yaḥ atiśayaḥ udyogākhyaḥ | tena śālatīti tādṛśena puruṣeṇa | vicārya bhavitavyam | aśubhaphalasampādakatvād aśubho yatnaḥ na kārya iti bhāvaḥ || MoṬ_4,33.9 ||


***NOTES:
#15 N17: -ā(ti)sti
---------------------------------------------------------


nanu ko yatnaḥ śubho 'sti | yatnātiśayavān bhavāmīty apekṣāyām āha

ātmajñānam aśeṣāṇāṃ sukhaduḥkhadaśādṛśām {#16} /
mūlaṃ kaṣakaraṃ tasmād bhāvyaṃ tatrātiśāyinā // Mo_4,33.10 //


ātmajñānam ko 'ham ity evam ātmavicāraḥ | aśeṣāṇām samastānām | sukhaduḥkhadaśādṛśām | mūlaṃ kaṣakaraṃ mūlataḥ nāśakaram | bhavati | ātmavicāreṇa hi cidātmani ātmatvena prāpte śarīrānāsthāyāṃ ca jātāyāṃ śarīrānubaddhasukhaduḥkhādisparśo na bhavati | tasmāt tato hetoḥ | puruṣeṇa | tatra ātmajñāne | atiśayinā atiśayayuktena | bhāvyam || MoṬ_4,33.10 ||


***NOTES:
#16 N17: a(ṣe)śe-
---------------------------------------------------------


nanu dṛśyakṛtaṃ sukhaṃ tyaktvā kimartham atyantabhogatyāgasādhye ātmajñāne puruṣo lagatīty | atrāha

nānayopahatārthinyā dṛśyadṛṣṭyātiduṣṭayā /
duḥkhād ṛte nirābādhaṃ sukhaṃ kiñcid avāpyate // Mo_4,33.11 //


upahataḥ naṣṭaḥ | arthaḥ puruṣārthaḥ | asyām astīti tādṛśyā | ata evātiduṣṭayā dṛśyarūpayā dṛṣṭyā dṛśyadṛṣṭyā | dṛśyeneti yāvat | duḥkhād ṛte duḥkhāmiśram | ata eva nirābādham bādharahitam | kiñcit sukhaṃ na avāpyate | yadi kiñcit prāpyate 'pi duḥkhamiśram evety arthaḥ || MoṬ_4,33.11 ||



nanu sarvasya brahmamayatvāt dṛśyadṛṣṭirūpasyāśamasya tannāśarūpasya śamasya ca ko bhedaḥ yenaivaṃ kathayasīty {#17} | atrāha

aśamaḥ paramam brahma śamaś ca paramam padam /
yady apy evaṃ tathāpy enam praśamaṃ viddhi śaṅkaram // Mo_4,33.12 //


yady apy evam bhavati | evam katham | aśamaḥ dṛśyakṣobhaḥ | paramam brahma bhavati | śamaś ca dṛśyanāśaś ca | paramam padam bhavati | tatsāratvāt | tathāpi tvam enam praśamam dṛśyanāśam {#18} | śaṅkaram kalyāṇakāriṇam | viddhi | śamāśamarūpabrahmaprāptim praty upāyatvāt | nanv aśamasya brahmatvaṃ na sidhyati {#19} | satyam | brahmatvaṃ tvayā kiṃ jñātam | sukhakāritvam iti cen | na | sukhaduḥkhakāritvavyatiriktasya brahmatvayogāt {#20} | ataḥ sukhakārivat duḥkhakāriṇo 'pi svarūpamātraprādhānyena brahmatvānapāyān na tvaccodyāvakāśaḥ {#21} | nanu tarhi ānandaikarūpatvaṃ katham brahmaṇaḥ kathayantīti cet | tatratya ānandaḥ na tvadanubhūta[ ]ttirūpānandarūpo bhavati {#22} | kiṃ tu apekṣārāhityamātrarūpa evāsau | sarvam brahmeti jñānena hi sarvatra heyopādeyatāvyatiriktā mahānandarūpā tṛptyaparaparyāyā upekṣā jāyate {#23} | sā ca sarvatra sambhavatīti alaṃ codyena || MoṬ_4,33.12 ||


***NOTES:
#17 N17: t<-->[annā]śa-
#18 N17: *tathāpi*
#19 N17: -(ddha)*dhya*ti
#20 N17: -g<a>[ā]t
#21 N17: -pāyā<->[n]
#22 N17: -bhūta<->[ ]tti-
#23 N17: -tir<e>[i]ktā
---------------------------------------------------------


kartavyam upadiśati

abhimānam parityajya śamam āśritya śāśvatam /
vicārya prajñayāryatvaṃ kuryāt sajjanasevanam // Mo_4,33.13 //


abhimānam mayedṛśaḥ śamaḥ kṛta ity evaṃrūpaṃ darpam | śamam dṛśyakṣobharāhityam | āryatvam sādhutvam | vicārya kenedaṃ sidhyatīti vicāraviṣayaṃ kṛtvā || MoṬ_4,33.13 ||



nanu āryatvasādhanam prasiddhaṃ tapastīrthādikaṃ tyaktvā kim ity aprasiddhaṃ sajjanasevanaṃ kartavyatvenopadiśasīty | atrāha

na tapāṃsi na tīrthāni na śāstrāṇi jayanti vaḥ /
saṃsārasāgarottāre sajjanāsevanaṃ yathā // Mo_4,33.14 //


saṃsārasāgarāt yaḥ āryatvakaraṇadvāreṇa uttāraḥ | tasmin na jayanti na prabhavanti || MoṬ_4,33.14 ||



nanu kiṃlakṣaṇo 'sau sajjanaḥ yasya sevanaṃ kartavyatvenopadiśasīty | atrāha

lobhamoharuṣāṃ yasya tanutānudinam bhavet /
yathāśāstraṃ viharataḥ svakarmasu sa sajjanaḥ {#24} // Mo_4,33.15 //


yathāśāstraṃ svakarmasu śarīrayātrānimitteṣu nijeṣu karmasu {#26}{#25} | viharataḥ krīḍayā yatnaṃ kurvataḥ | yasya puruṣasya | anudinam lobhamoharuṣāṃ tanutā bhavet {#27} | saḥ sajjanaḥ bhavati {#28} || MoṬ_4,33.15 ||


***NOTES:
#24 N17: -mas[u] sa sa<->[jja]naḥ
#25 N17: -mit[t]eṣu
#26 N17: ka[rma]su
#27 N17: -ṣa[s]yā<-->[nudi]nam
#28 N17: -va<->[ti]
---------------------------------------------------------


nanu mūrkhaśrotriyā api lobhāditānavayuktā dṛśyante {#29} | teṣāṃ saṅgenāpi kiñcit setsyaty atha vā nety {#30} | atrāha

adhyātmaviduṣaḥ saṅgāt tasya sā dhīḥ pravartate {#31} /
atyantābhāva evāsya yayā dṛśyasya dṛśyate {#32} // Mo_4,33.16 //


adhyātmaviduṣaḥ adhyātmaśāstrajñasya {#33} | tasya lobhāditānavavataḥ sajjanasya | saṅgāt | puruṣasya sā dhīḥ pravartate | sā kā | yayā dhiyā kāraṇabhūtayā | puruṣeṇa | asya puraḥsphurataḥ | dṛśyasyātyantābhāvaḥ traikālikaḥ abhāvaḥ {#34} | dṛśyate | ata indriyāsāmarthyādinā lobhāditānavavato 'pi mūrkhasya saṅgān na kiñcid api setsyatīti bhāvaḥ || MoṬ_4,33.16 ||


***NOTES:
#29 N17: dṛ<->[śyan]te
#30 N17: -ci*t se*tsya-
#31 N17: adhyā<->[tma]-
#32 N17: -ā<->[s]ya
#33 N17: -ṣ<ā>[a]ḥ
#34 N17: abhā<->[vaḥ]
---------------------------------------------------------


nanu dṛśyātyantābhāvadarśanena kiṃ setsyatīty | atrāha

dṛśyātyantābhāvatas tu param evāvaśiṣyate /
anyābhāvavaśād āśu jīvas tatraiva līyate {#35} // Mo_4,33.17 //


tu niścaye | dṛśyātyantābhāvataḥ lakṣaṇayā dṛśyātyantābhāvadarśanād dhetoḥ | param dṛśyādhiṣṭhānatvān muktam uttīrṇaṃ cinmātrākhyaṃ vastu {#36} | eva | avaśiṣyate avaśeṣatvena dṛśyate | nanu tato 'pi kiṃ syād ity | atrāhānyābhāveti | tataḥ anyasya paravastuvyatiriktasya {#37} | abhāvāt | jīvaḥ draṣṭṛtvena sthitaḥ jīvaḥ | tatraiva parasmin vastuny eva | līyate | so 'pi tadrūpatvena dṛśyate iti yāvat {#38} | jīvanmuktābhiprāyeṇaivamarthaḥ kṛtaḥ | videhamuktābhiprāyeṇa tu dṛśyātyantābhāvaḥ jīvalayaḥ ca[ ]śenopādhimukta eva jñeyaḥ {#39} || MoṬ_4,33.17 ||


***NOTES:
#35 N17: jī<->[vas]
#36 N17: mu<->[ktam]
#37 N17: a<->[nya]sya
#38 N17: -pa<-->[tvena]
#39 N17: ca<-->[ ]śenopā-
---------------------------------------------------------


atyantābhāvasvarūpaṃ kathayati

na cotpannaṃ na caivāsīd dṛśyaṃ na ca bhaviṣyati /
vartamāne 'pi naivāsti param evāsty aveditam {#41}{#40} // Mo_4,33.18 //


vartamāne vartamānakāle | nanu yadi dṛśyaṃ nāsīt nāsti na bhaviṣyati tarhi kim asti | na hi abhāvasya etādṛk prapañcādhiṣṭhānatvaṃ yuktam ity | atrāha param eveti | param sākṣitvena sthitatvāt sarvottīrṇaṃ cinmātram {#42} | eva | asti | svapne tasyaiva prapañcādhiṣṭhānatvena dṛṣṭatvāt | tat kathambhūtam | aveditam vedyarahitam | aveditam iti karmaṇi ktaḥ {#43} || MoṬ_4,33.18 ||


***NOTES:
#40 N17: p<a>[i]
#41 N17: -st[y] ave-
#42 N17: -m<->[ā]tram
#43 N17: <-> [ktaḥ]
---------------------------------------------------------


nanu katham etad astīty | atrāha

etad yuktisahasreṇa darśitaṃ darśyate 'pi ca {#44} /
sarvair evānubhūtaṃ hi darśayiṣyāmi cādhunā {#45} // Mo_4,33.19 //


etat dṛśyaṃ nāsīt nāsti na bhaviṣyatīty etat | nanu katham aprasiddham etat darśitam darśyate darśayiṣyasi cety {#46} | atrāha sarvair iti | hi yasmāt | etat sarvair anubhūtam vartamāne ktaḥ | anubhūyate ity arthaḥ | suṣuptāv iti śeṣaḥ | suṣuptau hi sarve dṛśyātyantābhāvam anubhavanti || MoṬ_4,33.19 ||


***NOTES:
#44 N17: darś[y]a-
#45 N17: (o)evā-
#46 N17: da[r]śi-
---------------------------------------------------------


abhyāsārtham punaḥ etad eva kathayati

yathedam akhilaṃ śāntaṃ trijagat saṃvidambaram /
idaṃ tattvaṃ tv asattvādi kuto 'tra syāt kathañcana // Mo_4,33.20 //


idam anubhūyamānam | akhilaṃ trijagat | śāntam saṃvedyākhyakṣobharahitam | saṃvidambaram cidākāśam bhavatīti yathā iti yat bhavati | idam tat | tattvam paramārthaḥ bhavati | tu vyatireke | atra saṃvidākāśarūpe jagati | asattvādi | asattvam acinmayatvaṃ cety evamādi | kathañcana kutaḥ syāt kathañcanāpi na syād ity arthaḥ | dṛṣṭaṃ ca svapnajagataḥ saṃvidākāśātmakatvam {#48} iti na virodhaḥ {#47} || MoṬ_4,33.20 ||


***NOTES:
#47 N17: -pna(ṃ)ja-
#48 N17: -śāt<s>[m]a-
---------------------------------------------------------


nanu tarhi jagad iti śabdapratyayau kathaṃ rūḍhiṃ gatāv ity | atrāha

cic camatkurute cāru cañcalācañcalātmani /
yat tayaiva tad evedaṃ jagad ity avabudhyate // Mo_4,33.21 //


cañcalā bāhyonmukhatve spandānuviddhā | cit | acañcalātmani paramārthataḥ tathāsthitatvāt acañcale svasvarūpe | cāru samyak | yat camatkurute svarūpāmarśarūpam āsvādaṃ karoti | tayā eva na tv anyena | tad eva camatkaraṇam eva | jagad iti avabudhyate jñāyate | na jagannāma kiñcid aparaṃ vastu asti | cidāśrayaviṣayasya svātmaparāmarśasyaiva jagattvād iti bhāvaḥ || MoṬ_4,33.21 ||



nanu tathāpi katham bheda iva dṛśyata ity | atrāha

trailokyarūpo 'nubhavaś cidādityāṃśumaṇḍalam {#49} /
kva vendvaṃśumator bhedo nirvikatthana kathyatām // Mo_4,33.22 //


trailokyarūpaḥ trailokyākāraḥ | anubhavaḥ | trailokyam iti yāvat | cid evādityaḥ | tasyāṃśumaṇḍalam | bhavati | he nirvikatthana he amṛṣāvādin | tvayā kathyatām | kim ity apekṣāyām āha | kveti | indvaṃśumatoḥ jalamaṇḍalapratibimbitasūryāṃśumaṇḍalarūpasya indoḥ sūryasya ca | bhedaḥ kva bhavati | kasmin kāle deśe vā bhavati | yathā jalapratibimbitasūryāṃśumaṇḍalarūpasya candrasya sūryasya ca bhāsamāno 'pi bhedaḥ paramārthataḥ nāsti | tathā bāhyāntaḥkaraṇapratibimbitacidādityāṃśumaṇḍalarūpasya jagataḥ cidādityasya ca bhāsamāno 'pi bhedaḥ nāsty evety arthaḥ {#51}{#50} || MoṬ_4,33.22 ||


***NOTES:
#49 N17: -va<c>[ś]
#50 N17: *paramārthataḥ --> bhedaḥ*
#51 N17: ar<->[thaḥ]
---------------------------------------------------------


sarvathā bhedābhāvaṃ kathayati

svabhāvato 'syāś ciddṛṣṭer ye unmeṣanimeṣaṇe {#52} /
jagadrūpānubhūtes tāv etāv astamayodayau {#53} // Mo_4,33.23 //


svabhāvataḥ yatnarahitam | asyāḥ ātmatvena puraḥsthāyāḥ {#54} | ciddṛṣṭeḥ cidākhyāyāḥ dṛṣṭeḥ | ye unmeṣaṇanimeṣaṇe svavyatiriktaparāmarśarūpam unmeṣaṇaṃ svamātraparāmarśarūpaṃ nimeṣaṇaṃ ca bhavataḥ {#55} | tau eva unmeṣanimeṣau eva | jagadrūpā yā anubhūtiḥ | jagad iti yāvat | tasyāḥ astamayodayau bhavataḥ | nimeṣaṇam astamayaḥ | unmeṣaṇam udayaḥ | atha vā unmeṣaṇam svarūpaprasāraḥ | nimeṣaṇam svarūpasaṅkocaḥ | iti kṛtvā unmeṣaṇam astamayaḥ | nimeṣaṇam udaya iti yojyam | tathā ca bhedagandho 'pi nāsti | na hi unmeṣanimeṣavataḥ unmeṣanimeṣau bhinnau iti bhāvaḥ {#56} | etac ca svapne suṣuptau ca sarvapratītisākṣikam eveti nātrāyastam || MoṬ_4,33.23 ||


***NOTES:
#52 N17: asyā<c>[ś]
#53 Vgl. Spandakārikā 1.1.
#54 N17: -ra[ḥ]sthā-
#55 N17: -ṣa*ṇanime*ṣaṇe
#56 N17: -va<n>taḥ
---------------------------------------------------------


kāraṇatvena samastajagatpradhānabhūtāhaṅkāravarṇanam prastauti

ahamartho 'parijñātaḥ paramārthāmbare malaḥ /
parijñāto 'hamarthas tu paramārthāmbaram bhavet // Mo_4,33.24 //


ahamarthaḥ aham iti śabdābhidheyaṃ vastu | aparijñātaḥ paramārthataḥ kiṃrūpo 'yam ity ajñātaḥ san | paramārthāmbare cinmātrākāśe | malaḥ bhavati | deharūpatayāvasthānena tadācchādakatvāt {#58}{#57} | ācchādakatvam eva hi malasya svarūpam | tu vyatireke | parijñātaḥ paramārthataḥ evaṃrūpo 'sāv iti jñātaḥ san | paramārthāmbaram cinmātrākāśa eva bhavati {#59} | tadrūpatāyām eva viśrāmāt || MoṬ_4,33.24 ||


***NOTES:
#57 N17: <->[de]ha-
#58 N17: -cch*ā*da-
#59 N17: -tr<a>[ā]kā-
---------------------------------------------------------


abhyāsārtham punaḥ punaḥ etad eva kathayati

ahambhāvaḥ parijñāto nāhambhāve bhavaty alam {#60} /
ekatām ambunevāmbu yāti cinnabhasātmanā // Mo_4,33.25 //


parijñātaḥ paramārthataḥ kiṃniṣṭho 'yam iti jñātaḥ | ahambhāvaḥ ahaṅkāraḥ | ahambhāve nimittasaptamī | sthūlāhambhāvanimittaṃ na bhavati | kuta etad ity | atrāhaikatām iti | yataḥ saḥ ahambhāvaḥ cinnabhasā cidākāśarūpeṇa | ātmanā ekatāṃ yāti {#61} | kim iva | ambu iva | yathāmbu ambunā ekatāṃ yāti | tathety arthaḥ | paramārthataḥ kiṃniṣṭho 'yam iti ahaṅkāraparamārthasvarūpe jñāte sati ahaṅkāraḥ paramātmaniṣṭho bhavati | tataḥ śarīraniṣṭhatārūpām parimitatāṃ nāyātīti bhāvaḥ || MoṬ_4,33.25 ||


***NOTES:
#60 N17: -v(e)<*o*>[e]
#61 N17: ātman*ā*
---------------------------------------------------------


nanu katham parijñātaḥ ahambhāvaḥ cidātmanā ekatvaṃ yāti ity | atrāha

ahamādijagaddṛśyaṃ kila nāsty eva vastutaḥ /
avaśyam eva tat kasmāc chiṣyate 'haṃvicāriṇaḥ // Mo_4,33.26 //


kila niścaye | ahamādi


                             ****