DHARMAKIRTI: PRAMANAVARTTIKAKARIKA, CHAPTERS 2-4
(without the Svarthanumana-chapter)
Input by Motoi Ono
Text used:
Y. MIYASAKA, Pramanavarttika-Karika (Sanskrit and Tibetan). Acta Indologica 2,
1971/72, 1-206.
[The chapters II, III of our ordering correspond to the chapters I, II
of Miyasaka's edition]
THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.
Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)
| description: | multibyte sequence: |
| long a | ā |
| long A | Ā |
| long i | ī |
| long I | Ī |
| long u | ū |
| long U | Ū |
| vocalic r | ṛ |
| vocalic R | Ṛ |
| long vocalic r | ṝ |
| vocalic l | ḷ |
| vocalic L | Ḷ |
| long vocalic l | ḹ |
| velar n | ṅ |
| velar N | Ṅ |
| palatal n | ñ |
| palatal N | Ñ |
| retroflex t | ṭ |
| retroflex T | Ṭ |
| retroflex d | ḍ |
| retroflex D | Ḍ |
| retroflex n | ṇ |
| retroflex N | Ṇ |
| palatal s | ś |
| palatal S | Ś |
| retroflex s | ṣ |
| retroflex S | Ṣ |
| anusvara | ṃ |
| visarga | ḥ |
| long e | ē |
| long o | ō |
| l underbar | ḻ |
| r underbar | ṟ |
| n underbar | ṉ |
| k underbar | ḵ |
| t underbar | ṯ |
Unless indicated otherwise, accents have been dropped in order
to facilitate word search.
For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf
For further information see:
http://gretil.sub.uni-goettingen.de/gretil.htm
Explanatory Remarks
A number of five figures at the left side indicates the location of the key word
in the basic texts. In the case of the SV, the HB and the VN, the first three figures
indicate the page number, and the last two indicate the line number (for example,
SV16026=SV 160,26; HB02314=HB 23,14; VN06110=VN 61,10). In the case of the
PV and the NB, the second figure indicates the chapter number and the last three
figures indicate the karika or sutra number (for example, PV02232=PV, the
Pramanasiddhi-chapter v.232; NB03015=NB, the Pararthanumana-chapter sutra 15.
In the case of the SP, the last two figures indicate the karika number (for example,
SP00015=SP, v.15).
3. In this database, sentences are artificially divided into word-units, although they
involve a phonetic fusion or union in the basic texts. Further, compound words are
divided into their shortest constitutive elements (we use a hyphen to indicate that
hyphenated elements originally form a compound word) with the following
exceptions:
3.1. The prefixes a-, dur-, nih- remain undivided, irrespective of attachment to
words or compound words.
3.2. Suffixes making an adverb, for example -vat, -vasa, are divided. But suffixes
making a possessive adjective, for example -vat, -mat, remain undivided, and terms
such as a numeral+ -dha/-vidha/-prakara remain also undivided.
3.3. Compound words with the suffixes -ta/-tva or -bhava/-bhuta fundamentally
remain undivided. For example: karyakaranabhava/-bhuta/-ta.
3.4. Compound words with evam-, tat-, tatha-, para-, yatha-, su-, sva- in the
wordhead fundamentally remain undivided. For example: evamjatiya, tadutpatti,
tathakrta, paratantra, yathartha, yathasvam, sujnanatva, svabhava.
3.5. Some compound words which are regarded as terminology remain also
undivided. For example: agnihotra, ayogavyavaccheda, arthapatti, padartha,
paramartha, prasajyapratisedha, viruddhavyabhicarin, samanantarapratyaya,
samtanaparinama, samanyalaksana, svabhavapratibandha.
4. Those terms whose wordhead is subject to the Sandhi rules (for example, -d
dhetu-) are cited in their original form (for example, -d *hetu-) for the sake of
using this database to make an KWIC index.
1. August. 1997 / Tsukuba
Motoi ONO
Note:
This database is quite a tentative one, and I must admit that there are a lot of
errors and defects in this version. I would appreciate it very much if the user would
point out any errors in this version so that we can make a better new version in the
future.
E-mail: ono@logos.tsukuba.ac.jp
*************************************************************************
02001 pramāṇam avisaṃvādi jñānam arthakriyā-sthitiḥ
02001 avisaṃvādanaṃ śabde apy abhiprāya-nivedanād
02002 vaktṛ-vyāpāra-viṣayo yo artho buddhau prakāśate
02002 prāmāṇyaṃ tatra śabdasya na artha-tattva-nibandhanam
02003 gṛhīta-grahaṇān na iṣṭaṃ sāṃvṛtaṃ dhī-pramāṇatā
02003 pravṛttes tat-pradhānatvād heya-upādeya-vastuni
02004 viṣaya-ākāra-bhedāc ca dhiyo adhigama-bhedataḥ
02004 bhāvād eva asya tad-bhāve svarūpasya svato gatiḥ
02005 prāmāṇyaṃ vyavahāreṇa śāstraṃ moha-nivartanam
02005 ajñāta-artha-prakāśo vā svarūpa-adhigateḥ paraṃ
02006 prāptaṃ sāmānya-vijñānam avijñāte svalakṣaṇe
02006 yaj jñānam ity abhiprāyāt svalakṣaṇa-vicārataḥ
02007 tadvat pramāṇaṃ bhagavān abhūta-vinivṛttaye
02007 bhūta-uktiḥ sādhana-apekṣā tato yuktā pramāṇatā
02008 nityaṃ pramāṇaṃ na eva asti prāmāṇyād vastu-saṃgateḥ
02008 jñeya-anityatayā tasyā adhrauvyāt krama-janmanaḥ
02009 nityād utpatti-viśleṣād apekṣāyā ayogataḥ
02009 kathaṃcin na upakāryatvād anitye apy apramāṇatā
02010 sthitvāpravṛtti-saṃsthāna-viśeṣa-arthakriyā-ādiṣu
02010 iṣṭasiddhir asiddhir vā dṛṣṭānte saṃśayo athavā
02011 siddhaṃ yādṛg adhiṣṭhātṛ-bhāva-abhāva-anuvṛttimat
02011 saṃniveśa-ādi tad yuktaṃ asmād yad anumīyate
02012 vastu-bhede prasiddhasya śabda-sāmānyād abhedinaḥ
02012 na yuktā anumitiḥ pāṇḍu-dravyād iva hutāśane
02013 anyathā kumbhakāreṇa mṛd-vikārasya kasyacid
02013 ghaṭa-ādeḥ karaṇāt sidhyed valmīkasya api tat-kṛtiḥ
02014 sādhyena anugamāt kārye sāmānyena api sādhane
02014 sambandhi-bhedād bheda-ukti-doṣaḥ kāryasamo mataḥ
02015 jāty-antare prasiddhasya śabda-sāmānya-darśanāt
02015 na yuktaṃ sādhanaṃ gotvāc śabda-ādīnāṃ viṣāṇi-vat
02016 vivakṣā-paratantratvān na śabdāḥ santi kutra vā
02016 tad-bhāvād artha-siddhau tu sarvaṃ sarvasya sidhyai
02017 etena kāpila-ādīnām acaitanya-ādi cintitam
02017 anitya-ādeś ca caitanyam maraṇāt tvag-apohataḥ
02018 vastu-svarūpe asiddhe ayaṃ nyāyaḥ siddhe viśeṣaṇam
02018 abādhakam asiddhāv apy ākāśa-āśraya-vad dhvaneḥ
02019 asiddhāv api śabdasya siddhe vastuni sidhyati
02019 aulūkyasya yathā bauddhena uktaṃ mūrtya-ādi-sādhanam
02020 tasya eva vyabhicāra-ādau śabde apy avyabhicāriṇī
02020 doṣa-vat sādhanaṃ jñeyaṃ vastuno vastu-siddhitaḥ
02021 yathā tat kāraṇaṃ vastu tathā eva tad-akāraṇam
02021 yadā ta kāraṇaṃ kena mataṃ na iṣṭam akāraṇam
02022 śāstra-oṣadha-abhisambandhāc caitrasya vraṇa-rohaṇe
02022 asambaddhasya kiṃ sthāṇoḥ kāraṇatvaṃ na kalpyate
02023 svabhāva-bhedena vinā vyāpāro api na yujyate
02023 nityasya avyatirekitvāt sāmarthyaṃ ca duranvayam
02024 yeṣu satsu bhavaty eva yat tebhyo anyasya kalpane
02024 tad-hetutvena sarvatra hetūnām anavasthitiḥ
02025 svabhāva-pariṇāmena hetur aṅkura-janmani
02025 bhūmy-ādis tasya saṃskāre tad-viśeṣasya darśanāt
02026 yathā viśeṣeṇa vinā viṣaya-indriya-saṃhatiḥ
02026 buddher hetus tathā idaṃ cen na tatra api viśeṣataḥ
02027 pṛthak pṛthag aśaktānāṃ svabhāva-atiśaye asati
02027 saṃhatāv apy asāmarthyaṃ syāt siddho atiśayas tataḥ
02028 tasmāt pṛthag aśakteṣu yeṣu sambhāvyate guṇaḥ
02028 saṃhatau hetutā teṣāṃ na īśvara-āder abhedataḥ
02029 prāmāṇyaṃ ca parokṣa-artha-jñānaṃ tat sādhanasya ca
02029 abhāvān na asty anuṣṭhānam iti kecit pracakṣate
02030 jñānavān mṛgyate kaścit tad-ukta-pratipattaye
02030 ajñā-upadeśa-karaṇe vipralambhana-śaṅkibhiḥ
02031 tasmād anuṣṭheya-gataṃ jñānam asya vicāryatām
02031 kīṭa-saṃkhyā-parijñānaṃ tasya naḥ kva upayujyate
02032 heya-upādeya-tattvasya hāny-upāyasya vedakaḥ
02032 yaḥ pramāṇam asāv iṣṭo na tu sarvasya vedakaḥ
02033 dūraṃ paśyatu vā mā vā tattvam iṣṭaṃ tu paśyatu
02033 pramāṇaṃ dūra-darśī ced eta gṛdhrān upāsmahe
02034 sādhanaṃ karuṇā-abhyāsāt sa buddher deha-saṃśrayāt
02034 asiddho abhyāsa iti cen na āśraya-pratiṣedhataḥ
02035 prāṇa-apāna-indriya-dhiyāṃ dehād eva na kevalāt
02035 sva-jāti-nirapekṣāṇāṃ janma janma-parigrahe
02036 atiprasaṅgād yad dṛṣṭaṃ pratisandhāna-śaktimat
02036 kim āsīt tasya yan na asti paścād yena na sandhimat
02037 na sa kaścit pṛthivy-āder aṃśo yatra na jantavaḥ
02037 saṃsvedaja-ādyā jāyante sarvaṃ bīja-ātmakaṃ tataḥ
02038 tat sva-jāty-anapekṣāṇām akṣa-ādīnāṃ samudbhave
02038 pariṇāmo yathā ekasya syāt sarvasya aviśeṣataḥ
02039 pratyekam upadhāte api na indriyāṇāṃ mano mateḥ
02039 upaghāto asti bhaṅge asyās teṣāṃ bhaṅgaś ca dṛśyate
02040 tasmāt sthity-āśrayo buddher buddhim eva samāśritaḥ
02040 kaścin nimittam akṣāṇāṃ tasmād akṣāṇi buddhitaḥ
02041 yādṛśy-ākṣepikā sā āsīt paścād apy astu tādṛśī
02041 taj-jñānair upakāryatvād uktaṃ kāya-āśritaṃ manaḥ
02042 yady apy akṣair vinā buddhir na tāny api tayā vinā
02042 tathā apy anyonya-hetutvaṃ tato apy anyonya-hetuke
02043 na akramāt kramiṇo bhāvo na apy apekṣā aviśeṣiṇaḥ
02043 kramād bhāvantī dhīḥ kāyāt kramaṃ tasya api śaṃsati
02044 pratikṣaṇam apūrvasya pūrvaḥ pūrvaḥ kṣaṇo bhavet
02044 tasya hetur ato hetur dṛṣṭa eva astu sarvadā
02045 citta-antarasya sandhāne ko virodho antya-cetasaḥ
02045 tadvad apy arthataś cittam asandhānaṃ kuto matam
02046 asiddha-arthaḥ pramāṇena kiṃ siddhānto anugamyate
02046 hetor vaikalyatas tac cet kiṃ tad eva atra na uditam
02047 tad-dhī-vad grahaṇa-prāpter mano-jñānaṃ na sa indriyāt
02047 jñāna-utpādana-sāmarthya-bhedān na sakalād api
02048 acetanatvān na anyasmād hetv-abhedāt sahasthitiḥ
02048 akṣa-vad rūpa-rasa-vad artha-dvāreṇa vikriyā
02049 sattā-upakāriṇī yasya nityaṃ tad-anubandhataḥ
02049 sa hetuḥ saptamī tasmād utpādād iti ca ucyate
02050 astu upakārako vā api kadācic citta-santateḥ
02050 vahny-ādi-vad ghaṭa-ādīnāṃ vinivṛttir na tāvatā
02051 anivṛtti-prasaṅgaś ca dehe tiṣṭhati cetasaḥ
02051 tad-bhāve bhāvād vaśyatvāt prāṇa-apānau tato na tat
02052 preraṇa-ākarṣaṇe vāyoḥ prayatnena vinā kutaḥ
02052 nirhrāsa-atiśaya-āpattir nirhrāsa-atiśayāt tayoḥ
02053 tulyaḥ prasaṅgo api tayor na tulyaṃ citta-kāraṇe
02053 sthity-āvedhakam anyac ca yataḥ kāraṇam iṣyate
02054 na doṣair viguṇo deho hetur varty-ādi-vad yadi
02054 mṛte śamīkṛte doṣe punar ujjīvanaṃ bhavet
02055 nivṛtte apy anale kāṣṭha-vikāra-avinivṛtti-vat
02055 tasya anivṛttir iti cen na cikitsā-prayogataḥ
02056 apunarbhāvataḥ kiṃcid vikāra-jananaṃ kvacit
02056 kiṃcit viparyayād agnir yathā kāṣṭha-suvarṇayoḥ
02057 ādyasya anyo apy asaṃhāryaḥ pratyāneyas tu yat kṛtaḥ
02057 vikāraḥ syāt punarbhāvaḥ tasya hemni kharatva-vat
02058 durlabhatvāt samādhātur asādhyaṃ kiṃcid īritam
02058 āyuḥ kṣayād vā doṣe tu kevale na asty asādhyatā
02059 mṛte viṣa-ādi-saṃhārāt tad daṃśac chedato api vā
02059 vikāra-hetor vigame sa na ucchvasiti kiṃ punaḥ
02060 upādāna-avikāreṇa na upādeyasya vikriyā
02060 kartuṃ śakya-avikāreṇa mṛdaḥ kuṇḍa-ādino yathā
02061 avikṛtya hi yad vastu yaḥ padārtho vikāryate
02061 upādānaṃ na tat tasya yuktaṃ go-gavaya-ādivat
02062 cetaḥ-śarīrayor evaṃ tad-hetoḥ kārya-janmanaḥ
02062 sahakārāt sahasthānam agni-tāmra-dravatva-vat
02063 anāśrayāt sad-asator na āśrayaḥ sthiti-kāraṇam
02063 sataś ced āśrayo na asyāḥ sthātur avyatirekataḥ
02064 vyatireke api tad-hetus tena bhāvasya kiṃ kṛtam
02064 avināśa-prasaṅgaḥ sa nāśa-hetor mato yadi
02065 tulyaḥ prasaṅgas tatra api kiṃ punaḥ sthiti-hetunā
02065 ānāśaka-āgamāt sthānaṃ tataś ced vastu-dharmatā
02066 nāśasya satya-bādho asāv iti kiṃ sthiti-hetunā
02066 yathā jala-āder ādhāra iti cet tulyam atra ca
02067 pratikṣaṇa-vināśe hi bhāvānāṃ bhāva-santateḥ
02067 tathā utpatteḥ sahetutvād āśrayo ayuktam anyathā
02068 syād ādhāro jala-ādīnāṃ gamana-pratibandhataḥ
02068 agatīnāṃ kim ādhārair guṇa-sāmānya-karmaṇām
02069 etena samavāyaś ca samavāyī ca kāraṇam
02069 vyavasthitatvaṃ jāty-ādern nirastam anapāśrayāt
02070 parato bhāva-nāśaś cet tasya kiṃ sthiti-hetunā
02070 sa vinaśyed vinā apy anyairn na śaktāḥ sthiti-hetavaḥ
02071 sthitimān sāśrayaḥ sarvaḥ sarva-utpattau ca sāśrayaḥ
02071 tasmāt sarvasya bhāvasya na vināśaḥ kadācana
02072 svayaṃ vinaśvara-ātmā cet tasya kaḥ sthāpakaḥ paraḥ
02072 svayaṃ na naśvara-ātmā cet tasya kaḥ sthāpakaḥ paraḥ
02073 buddhi-vyāpāra-bhedena nirhrāsa-atiśayāv api
02073 prajñā-āder bhavato deha-nirhrāsa-atiśayau vinā
02074 idaṃ dīpa-prabhā-ādīnām āśritānāṃ na vidyate
02074 syāt tato api viśeṣo asya na citte anupakāriṇi
02075 rāga-ādi-vṛddhiḥ puṣṭy-ādeḥ kadācit sukha-duḥkhajā
02075 tayoś ca dhātu-sāmya-āder antararthasya saṃnidheḥ
02076 etena saṃnipāta-ādeḥ smṛti-bhraṃśa-ādayo gatāḥ
02076 vikārayati dhīr eva abhyantarartha-viśeṣajā
02077 śārdūla-śoṇita-ādīnāṃ santāna-atiśaye kvacit
02077 moha-ādayaḥ sambhavanti śravaṇa-īkṣaṇato yathā
02078 tasmāt svasya eva saṃskāraṃ niyamena anuvartate
02079 yathā śruta-ādi-saṃskāraḥ kṛtaś cetasi cetasi
02079 kālena vyajyate abhedāt syād dehe api tato guṇaḥ
02080 ananya-sattva-neyasya hīna-sthāna-parigrahaḥ
02080 ātma-snehavato duḥkha-sukha-tyāga-āpti-vāñchayā
02081 duḥkhe viparyāsa-matis tṛṣṇā ca ābandha-kāraṇam
02081 janmino yasya te na sto na sa janma adhigacchati
02082 gaty-āgatī na dṛṣṭe ced indriyāṇām apāṭavāt
02082 adṛṣṭir manda-netrasya tanu-dhūma-āgatir yathā
02083 tanutvān mūrtam api tu kiṃcit kvacid aśaktimat
02083 jala-vat sūta-vad hemni na adṛṣṭer asad eva vā
02084 pāṇy-ādi-kampe sarvasya kampa-prāpter virodhinaḥ
02084 ekasmin karmaṇo ayogāt syāt pṛthak siddhir anyathā
02085 ekasya ca āvṛttau sarvasya āvṛttiḥ syād anāvṛttau
02085 dṛśyeta rakte ca ekasmin rāgo araktasya vā gatiḥ
02086 na asty eka-samudāyo asmād anekatve api pūrvavat
02086 aviśeṣād aṇutvāc ca na gatiś cen na sidhyati
02087 aviśeṣo viśiṣṭānām aindriyatvam ato anaṇuḥ
02087 etena āvaraṇa-ādīnām abhāvaś ca nirākṛtaḥ
02088 kathaṃ vā sūta-hema-ādi-miśraṃ tapta-upala-ādi vā
02088 dṛśyaṃ pṛthag aśaktānām akṣa-ādīnāṃ gatiḥ katham
02089 saṃyogāc cet samāno atra prasaṅgo hema-sūtayoḥ
02089 dṛśyaḥ saṃyoga iti cet kuto adṛṣṭa-āśraye gatiḥ
02090 rasa-rūpa-ādi-yogaś ca viruddha upacārataḥ
02090 iṣṭas/ ced buddhi-bhedo astu paṅktir dīrghā iti vā katham
02091 saṃkhyā-saṃyoga-karma-āder api tadvat svarūpataḥ
02091 abhilāpāc ca bhedena rūpaṃ buddhau na bhāsate
02092 śabda-jñāne vikalpena vastu-bheda-anusāriṇā
02092 guṇa-ādiṣv iva kalpya-arthe naṣṭa-ajāteṣu vā yathā
02093 mato yady upacāro atra sa iṣṭo yan nibandhanaḥ
02093 sa eva sarva-bhāveṣu hetuḥ kiṃ na iṣyate tayoḥ
02094 upacāro na sarvatra yadi bhinna-viśeṣaṇam
02094 mukhyam ity eva ca kuto abhinne bhinna-arthatā iti cet
02095 anartha-antara-hetutve apy aparyāyaḥ sita-ādiṣu
02095 saṃkhyā-ādi-yoginaḥ śabdās tatra apy artha-antaraṃ yadi
02096 guṇa-dravya-aviśeṣaḥ syād bhinno vyāvṛtti-bhedataḥ
02096 syād anartha-antara-arthatve apy akarma-adravya-śabda-vat
02097 vyatirekī iva yac ca api sūcyate bhāva-vācibhiḥ
02097 saṃkhyā-ādi-tadvataḥ śabdais tad-dharma-antara-bhedakam
02098 śrutis tan-mātra-jijñāsor na vā kṣipta-akhilā parā
02098 bhinnaṃ dharmam iva ācaṣṭe yogo aṅgulyā iti kvacit
02099 yuktā aṅgulī iti sarveṣām ākṣepād dharmi-vācinī
02099 khyāta-eka-artha-abhidhāne api tathā vihita-saṃsthitiḥ
02100 rūpa-ādi-śakti-bhedānām anākṣepeṇa vartate
02100 tat-samāna-phalā ahetu-vyavacchede ghaṭa-śrutiḥ
02101 ato na rūpaṃ ghaṭa ity eka-adhikaraṇā śrutiḥ
02101 bhedo ayam īdṛśo jāti-samudāya-abhidāyinoḥ
02102 rūpa-ādayo ghaṭasya iti tat-sāmānya-upasarjanāḥ
02102 tac-śakti-bhedāḥ khyāpyante vācyo anyo apy anayā diśā
02103 hetutve ca samastānām eka-aṅga-vikale api na
02103 pratyekam api sāmarthye yugapad bahu-sambhavaḥ
02104 na anekatvasya tulyatvāt prāṇa-apānau niyāmakau
02104 ekatve api bahu-vyaktis tad-hetor nitya-saṃnidheḥ
02105 na aneka-hetur iti cen na aviśeṣāt kramād api
02105 na eka-prāṇe apy aneka-artha-grahaṇān niyamas tataḥ
02106 ekayā aneka-vijñāne buddhyā astu sakṛd eva tat
02106 avirodhāt krameṇa api mā bhūt tad-aviśeṣataḥ
02107 bahavaḥ kṣaṇikāḥ prāṇā asvajātīyakāḥ kila
02107 tādṛśām eva cittānāṃ kalpyante yadi kāraṇam
02108 kramavantaḥ kathaṃ te syuḥ krama-vad hetunā vinā
02108 pūrva-sva-jāti-hetutve na syād ādyasya sambhavaḥ
02109 tad hetus tādṛśo na asti sati vā anekatā dhruvam
02109 prāṇānāṃ bhinna-deśatvāt sakṛj janma dhiyāmataḥ
02110 yady eka-kāliko aneko apy eka-caitanya-kāraṇam
02110 ekasya api na vaikalye syān manda-śvasita-ādiṣu
02111 atha hetur yathābhāvaṃ jñāne api syād viśiṣṭatā
02111 na hi tat tasya kāryaṃ yady asya bhedān na bhidyate
02112 vijñānaṃ śakti-niyamād ekam ekasya kāraṇam
02112 anya-artha-asakti-viguṇe jñāne anartha-antara-grahāt
02113 śarīrāt sakṛd utpannā dhīḥ sva-jātyā niyamyate
02113 parataś cet samarthasya dehasya viratiḥ kutaḥ
02114 anāśrayān nivṛtte syāc śarīre cetasaḥ sthitiḥ
02114 kevalasya iti cec citta-santānaṃ sthiti-kāraṇam
02115 tad-hetu-vṛtti-lābhāya na aṅgatāṃ yadi gacchati
02115 hetur deha-antara-utpattau pañca-āyatanam aihikam
02116 tad-aṅga-bhāva-hetutva-niṣedhe anupalambhanam
02116 aniścayakaraṃ proktam indriya-ādy api śeṣavat
02117 dṛṣṭā ca śaktiḥ pūrveṣām indriyāṇāṃ sva-jātiṣu
02117 vikāra-darśanāt siddham aparāpara-janma ca
02118 śarīrād yadi taj-janma prasaṅgaḥ pūrvavad bhavet
02118 cittāc cet tata eva astu janma deha-antarasya ca
02119 tasmān na hetu-vaikalyāt sarveṣām antya-cetasām
02119 asandhir īdṛśaṃ tena śeṣavat sādhanaṃ matam
02120 abhyāsena viśeṣe api laṅghana-udaka-tāpa-vat
02120 svabhāva-atikramo mā bhūd iti ced āhitaḥ sa cet
02121 punar yatnam apekṣeta yadi syāt asthira-āśrayaḥ
02121 viśeṣo na eva bardheta svabhāvaś ca na tādṛśaḥ
02122 tatra upayukta-śaktīnāṃ viśeṣa-anuttarān prati
02122 sādhanānām asāmarthyān nityaṃ ca anāśraya-sthiteḥ
02123 viśeṣasya asvabhāvatvād vṛddhāv apy āhito yadā
02123 na apekṣeta punar yatnaṃ yatno anyaḥ syād viśeṣa-kṛt
02124 kāṣṭha-pārada-hema-āder agny-āder iva cetasi
02124 abhyāsajāḥ pravartante sva-rasena kṛpā-ādayaḥ
02125 tasmāt sa teṣām utpannaḥ svabhāvo jāyate guṇaḥ
02125 tad-uttarottaro yatno viśeṣasya vidhāyakaḥ
02126 yasmāc ca tulya-jātīya-pūrva-bīja-pravṛddhayaḥ
02126 kṛpā-ādi-buddhayas tāsāṃ saty abhyāse kutaḥ sthitiḥ
02127 na ca evaṃ laṅghanād eva laṅghanaṃ bala-yatnayoḥ
02127 tad-hetvoḥ sthita-śaktitvāl laṅghanasya sthita-ātmatā
02128 tasya ādau deha-vaiguṇyāt paścād-vad avilaṅghanaṃ
02128 śanair yatnena vaiguṇye niraste sva-bale sthitiḥ
02129 kṛpā sva-bīja-prabhavā sva-bīja-prabhavair na cet
02129 vipakṣair bādhyate cet te prayāty atyanta-sātmatām
02130 tathā hi mūlam abhyāsaḥ pūrvaḥ pūrvaḥ parasya tu
02130 kṛpā-vairāgya-bodha-ādeś citta-dharmasya pāṭave
02131 kṛpā-ātmakatvam abhyāsād ghṛṇā-vairāgya-rāga-vat
02131 niṣpanna-karuṇā-utkarṣa-para-duḥkha-kṣamer itaḥ
02132 dayāvān duḥkha-hāna-artham upāyeṣv abhiyujyate
02132 parokṣa-upeya-tad-hetos tad-ākhyānaṃ hi duṣkaram
02133 yukty-āgamābhyāṃ vimṛśan duḥkha-hetuṃ parīkṣate
02133 tasya anitya-ādi-rūpāṃ ca duḥkhasya eva viśeṣaṇaiḥ
02134 yatas tathā sthite hetau nivṛttir na iti paśyati
02134 phalasya hetor hāna-arthaṃ tad-vipakṣaṃ parīkṣate
02135 sādhyate tad-vipakṣo api heto rūpa-avabodhataḥ
02135 ātma-ātmīya-graha-kṛtaḥ snehaḥ saṃskāra-gocaraḥ
02136 hetur virodhī nairātmya-darśanaṃ tasya bādhakam
02136 bahuśo bahudhā upāyaṃ kālena bahunā asya ca
02137 gacchanty abhyasyatas tatra guṇa-doṣāḥ prakāśatām
02137 buddheś ca pāṭavād hetor vāsanātaḥ prahīyate
02138 padārtha-vṛtteḥ khaṅga-āder viśeṣo ayaṃ mahā-muneḥ
02138 upāya-abhyāsa eva ayaṃ tādarthyāc śāsanaṃ matam
02139 niṣpatteḥ prathamaṃ bhāvād hetur uktam idaṃ dvayam
02139 hetoḥ prahāṇaṃ tri-guṇaṃ sugatatvam aniśrayāt
02140 duḥkhasya śastaṃ nairātmya-dṛṣṭes tad yuktito api vā
02140 punar āvṛttir ity uktau janma-doṣa-samudbhavau
02141 ātma-darśana-bījasya hānād apunarāgamaḥ
02141 tad-bhūta-bhinna-ātmatayā aśeṣam akleśa-nirjaram
02142 kāya-vāg-buddhi-vaiguṇyaṃ mārga-ukty-apaṭutā api vā
02142 aśeṣa-hānam abhyāsād ukty-āder doṣa-saṃkṣayaḥ
02143 na ity eke vyatireko asya sandigdha-avyabhicāry ataḥ
02143 akṣayitvaṃ ca doṣāṇāṃ nityatvād anupāyataḥ
02144 upāyasya aparijñānād iti vā parikalpayet
02144 hetumattvād viruddhasya hetor abhyāsataḥ kṣayāt
02145 hetu-svabhāva-jñānena taj-jñānam api sādhyate
02145 tāyaḥ sva-dṛṣṭa-mārga-uktir vaiphalyād vakti na anṛtam
02146 dayālutvāt parārthaṃ ca sarva-ārambha-abhiyogataḥ
02146 tataḥ pramāṇaṃ tāyo vā catuḥsatya-prakāśanam
02147 duḥkhaṃ saṃsāriṇaḥ skandhā rāga-ādeḥ pāṭava-īkṣaṇāt
02147 abhyāsān na yadṛcchāto ahetor janma-virodhataḥ
02148 vyabhicārān na vāta-ādi-dharmaḥ prakṛti-saṃkarāt
02148 adoṣaś cet tad-anyo api dharmaḥ kiṃ tasya na īkṣyate
02149 na sarva-dharmaḥ sarveṣāṃ sama-rāga-prasaṅgataḥ
02149 rūpa-ādi-vad adoṣaś cet tulyaṃ tatra api codanam
02150 ādhipatyaṃ viśiṣṭānāṃ yadi tatra na karmaṇām
02150 viśeṣe api ca doṣānām aviśeṣād asiddhatā
02151 na vikārād vikāreṇa sarveṣāṃ na ca sarvajāḥ
02151 kāraṇe vardhamāne ca kārya-hānirn na yujyate
02152 tāpa-ādiṣv iva rāga-āder vikāro api sukha-ādi-jaḥ
02152 vaiṣamyajena duḥkhena rāgasya anudbhavo yadi
02153 vācyaṃ kena udbhavaḥ sāmyān mada-vṛddhiḥ smaras tataḥ
02153 rāgī viṣam adoṣo api dṛṣṭaḥ sāmye api na aparaḥ
02154 kṣayād asṛk-sruto apy anye na eka-strī-niyato madaḥ
02154 te na ekasyāṃ na tīvraḥ syāt aṅga-rūpa-ādy api iti cet
02155 na sarveṣām anekāntān na ca apy aniyato bhavet
02155 aguṇa-grāhiṇo api syād aṅgaṃ so api guṇa-grahaḥ
02156 yadi sarvā guṇa-grāhī syād hetor aviśeṣataḥ
02156 yad avastho mato rāgī na dveṣī syāc ca tādṛśaḥ
02157 tayor asamarūpatvān niyamaś ca atra na īkṣyate
02157 sajāti-vāsanā-bheda-pratibaddha-pravṛttayaḥ
02158 yasya rāga-ādayas tasya na ete doṣāḥ prasaṅginaḥ
02158 etena bhūta-dharmatvaṃ niṣiddhaṃ niśrayasya ca
02159 niṣedhān na pṛthivy-ādi-niśritā dhavalā-ādayaḥ
02159 tad-upādāya śabdaś ca hetv-arthaḥ svāśrayeṇa ca
02160 avinirbhāga-vartitvād āśrayā ayuktam anyathā
02160 mada-ādi-śakter iva ced vinirbhāgo na vastunaḥ
02161 śaktir artha-antaraṃ vastu naśyen na āśritam āśraye
02161 tiṣṭhaty avikale yāti tat-tulyaṃ cen na bhedataḥ
02162 bhūta-cetanayor bhinna-pratibhāsa-avabodhataḥ
02162 āvikāraṃ ca kāyasya tulya-rūpaṃ bhaven manaḥ
02163 rūpa-ādi-vad vikalpasya kā eva artha-paratantratā
02163 anapekṣya yadā kāyaṃ vāsanā-bodha-kāraṇam
02164 jñānaṃ syāt kasyacit kiṃcit kadācit tena kiṃcana
02164 avijñānasya vijñāna-anupādānāc ca sidhyati
02165 vijñāna-śakti-sambandhād iṣṭaś cet sarva-vastunaḥ
02165 etat sāṃkhya-paśoḥ ko anyaḥ salajjo vaktum īhate
02166 adṛṣṭa-pūrvam asti iti tṛṇa-agre kariṇāṃ śatam
02166 yad rūpaṃ dṛśyatāṃ yātaṃ tad rūpaṃ prāṅ na dṛśyate
02167 śatadhā viprakīrṇe api hetau tad vidyate katham
02167 rāga-ādy-aniyamo apūrva-prādurbhāve prasajyate
02168 bhūta-ātmatā-anatikrānteḥ sarvo rāga-ādimān yadi
02168 sarvaḥ samāna-rāgaḥ syād bhūta-atiśayato na cet
02169 bhūtānāṃ prāṇitā-bhede apy ayaṃ bhedo yad āśrayaḥ
02169 tan nirhrāsa-atiśaya-vat tad-bhāvāt tāni hāpayet
02170 na ced bhede api rāga-ādi-hetu-tulya-ātmatā-akṣayaḥ
02170 sarvatra rāgaḥ sadṛśaḥ syād hetoḥ sadṛśā-ātmanaḥ
02171 na hi go-pratyayasya asti samāna-artha-bhuvaḥ kvacit
02171 tāratamyaṃ pṛthivy-ādau prāṇitā-āder iha api vā
02172 auṣṇyasya tāratamye api na anuṣṇo agniḥ kadācana
02172 tathā iha api iti cen na agner auṣṇyād bheda-niṣedhataḥ
02173 tāratamya-anubhavino yasya anyasya sato guṇāḥ
02173 te kvacit pratihanyante tad-bhede dhavalā-ādi-vat
02174 rūpa-ādi-van na niyamas teṣāṃ bhūta-avibhāgataḥ
02174 tat-tulyaṃ cen na rāga-ādeḥ saha-utpatti-prasaṅgataḥ
02175 vikalpya-viṣayatvāc ca viṣayā na niyāmakāḥ
02175 sabhāga-hetu-virahād rāga-āder niyamo na vā
02176 sarvadā sarva-buddhīnāṃ janma vā hetu-saṃnidheḥ
02176 kadācid upalambhāt tad adhruvaṃ doṣa-niśrayāt
02177 duḥkhaṃ hetu-vaśatvāc ca na ca ātmā na apy adhiṣṭhitam
02177 na akāraṇam adhiṣṭhātā nityaṃ vā janakaṃ katham
02178 tasmād anekam ekasmād bhinna-kālaṃ na jāyate
02178 kārya-anutpādato anyeṣu saṃgateṣv api hetuṣu
02179 hetv-antara-anumānaṃ syān na etan nityeṣu vidyate
02179 kādācitkatayā siddhā duḥkhasya asya sahetutā
02180 nityaṃ sattvam asattvaṃ vā ahetor anya-anapekṣaṇāt
02180 taikṣṇya-ādīnāṃ yathā na asti kāraṇaṃ kaṇḍaka-ādiṣu
02181 tathā akāraṇam etat syād iti kecit pracakṣate
02181 saty eva yasmin yaj janma vikāre vā api vikriyā
02182 tat tasya kāraṇaṃ prāhus tat teṣām api vidyate
02182 sparśasya rūpa-hetutvād darśane asti nimittatā
02183 nityānāṃ pratiṣedhena na īśvara-ādeś ca sambhavaḥ
02183 asāmarthyād ato hetur bhava-vāñchā-parigrahaḥ
02184 yasmād deśa-viśeṣasya tat prāpty-āśākṛto nṛṇām
02184 sā bhava-icchā āpty-anāpti-icchoḥ pravṛttiḥ sukha-duḥkhayoḥ
02185 yato api prāṇinaḥ kāma-vibhava-icche ca te mate
02185 sarvatra ca ātma-snehasya hetutvāt sampravartate
02186 asukhe sukha-saṃjñasya tasmāt tṛṣṇā bhava-āśrayaḥ
02186 virakta-janma-adṛṣṭer ity ācāryāḥ sampracakṣate
02187 adeha-rāga-adṛṣṭeś ca dehād rāga-samudbhavaḥ
02187 nimitta-upagamād iṣṭam upādānaṃ tu vāryate
02188 imān tu yuktiman vicchan bādhate sva-mataṃ svayam
02188 janmanā sahabhāvaś cet jātānāṃ rāga-darśanāt
02189 sabhāga-jāteḥ prāk siddhiḥ kāraṇatve api na uditam
02189 ajñānam uktā tṛṣṇā eva santāna-preraṇād bhave
02190 ānantaryān na karma api sati tasminn asambhavāt
02190 tad anātyantikaṃ hetoḥ pratibandha-ādi-sambhavāt
02191 saṃsāritvād anirmokṣo na iṣṭatvād aprasiddhitaḥ
02191 yāvad ātmani na premṇo hāniḥ sa paritasyati
02192 tāvad duḥkhitam āropya na ca svastho avatiṣṭhate
02192 mithyā-adhyāropa-hāna-arthaṃ yatno asaty api moktari
02193 avasthā-vīta-rāgāṇāṃ dayayā karmaṇā api vā
02193 ākṣipte avinivṛtti-iṣṭeḥ sahakāri-kṣayād alam
02194 na ākṣeptum aparaṃ karma bhava-tṛṣṇā-vilaṅghinām
02194 duḥkha-jñāne aviruddhasya pūrva-saṃskāra-vāhinī
02195 vastu-dharma-udaya-utpattir na sā sattva-anurodhinī
02195 ātma-antara-samāropād rāgo dharme atad-ātmake
02196 duḥkha-santāna-saṃsparśa-mātreṇa eva dayā-udayaḥ
02196 mohaś ca mūlaṃ doṣāṇāṃ sa ca sattva-graho vinā
02197 tena ādya-hetau na dveṣo na doṣo ataḥ kṛpā matā
02197 na amuktiḥ pūrva-saṃskāra-kṣaye anya-apratisandhitaḥ
02198 akṣīṇa-śaktiḥ saṃskāro yeṣāṃ tiṣṭhanti te anaghāḥ
02198 mandatvāt karuṇāyāś ca na yatnaḥ sthāpane mahān
02199 tiṣṭhanty eva para-adhīnāḥ yeṣāṃ tu mahatī kṛpā
02199 satkāyadṛṣṭer vigamād ādya eva abhavo bhavet
02200 mārge cet sahaja-ahāner na hānau vā bhavaḥ kutaḥ
02200 sukhī bhave ayaṃ duḥkhī vā mā bhūvam iti tṛṣyataḥ
02201 yā eva aham iti dhīḥ sā eva sahajaṃ sattva-darśanam
02201 na hy apaśyann aham iti snihyaty ātmani kaścana
02202 na ca ātmani vinā premṇā sukha-kāmo abhidhāvati
02202 duḥkha-utpādasya hetutvaṃ bandho nityasya tat kutaḥ
02203 aduḥkha-utpāda-hetutvaṃ mokṣo nityasya tat kutaḥ
02203 anityatvena yo avācyaḥ sa heturn na hi kasyacit
02204 bandha-mokṣāv avācye api na vidyete kathaṃ ca na
02204 nityaṃ tam āhur vidvāṃso yaḥ svabhāvo na naśyati
02205 tyaktvā imāṃ hrepaṇīṃ dṛṣṭim ato nityaḥ sa ucyatām
02205 ukto mārgasya tad abhyāsād āśrayaḥ parivartate
02206 sātmye api doṣa-bhāvaś cen mārgavan na avibhutvataḥ
02206 viṣaya-grahaṇaṃ dharmo vijñānasya yathā asti saḥ
02207 gṛhyate so asya janako vidyamāna-ātmanā iti ca
02207 eṣā prakṛtir asyās tan nimitta-antarataḥ skhalat
02208 vyāvṛttau pratyaya-apekṣam adṛḍhaṃ sarpa-buddhi-vat
02208 prabhāsvaram idaṃ cittaṃ prakṛtyā āgantavo malāḥ
02209 tat-prāg apy asamarthānāṃ paścāc śaktiḥ kva tanmaye
02209 na alaṃ praroḍhum atyantaṃ syandinyām agni-vad bhuvi
02210 bādhaka-utpatti-sāmarthya-garbhe śakto api vastuni
02210 nirupadrava-bhūta-artha-svabhāvasya viparyayaiḥ
02211 na bādhā yatnavattve api buddhes tat pakṣa-pātataḥ
02211 ātma-graha-eka-yonitvāt kāryakāraṇabhāvataḥ
02212 rāga-pratighayor bādhā bhede api na parasparam
02212 moha-avirodhān maitry-āder na atyantaṃ doṣa-nigrahaḥ
02213 tan-mūlāś ca malāḥ sarve sa ca satkāyadarśanam
02213 vidyāyāḥ pratipakṣatvāc caittatvena upalabdhitaḥ
02214 mithyā-upalabdhir ajñāna-yuktes ca anyad ayuktimat
02214 vyākhyeyo atra virodho yas tad-virodhāc ca tanmayaiḥ
02215 virodhaḥ śūnyatā-dṛṣṭeḥ sarva-doṣaiḥ prasidhyati
02215 na akṣayaḥ prāṇi-dharmatvād rūpa-ādi-vad asiddhitaḥ
02216 sambandhe pratipakṣasya tyāga-saṃsarjanād api
02216 na kāṭhinya-vad utpattiḥ punar doṣa-virodhinaḥ
02217 sa ātmatvena anapāyatvād anekāntāc ca bhasma-vat
02217 yaḥ paśyaty ātmānaṃ tatra aham iti śāśvataḥ snehaḥ
02218 snehāt sukheṣu tṛṣyati tṛṣṇā doṣāṃs tiraskurute
02218 guṇa-darśī paritṛṣyan mama iti tat sādhanāny upādatte
02219 tena ātma-abhiniveśo yāvat tāvat sa saṃsāre
02219 ātmani sati para-saṃjñā sva-para-vibhāgāt parigraha-dveṣau
02220 anayoḥ sampratibaddhāḥ sarve doṣāḥ prajāyante
02220 niyamena ātmani snihyaṃs tadīye na virajyate
02221 na ca asty ātmani nirdoṣe sneha-apagama-kāraṇam
02221 snehaḥ sadoṣa iti cet tataḥ kiṃ tasya varjanam
02222 adūṣite asya viṣaye na śakyaṃ tasya varjanam
02222 prahāṇir icchā-dveṣa-āder guṇa-doṣa-anubandhinaḥ
02223 tayor adṛṣṭir viṣaye na tu bāhyeṣu yaḥ kramaḥ
02223 na hi sneha-guṇāt snehaḥ kiṃ tv artha-guṇa-darśanāt
02224 kāraṇe avikale tasmin kāryaṃ kena nivāryate
02224 kā vā sadoṣatā dṛṣṭā snehe duḥkha-samāśrayaḥ
02225 tathā api na virāgo atra svatva-dṛṣṭer yathā ātmani
02225 na tair vinā duḥkha-hetur ātmā cet te api tādṛśāḥ
02226 nirdoṣaṃ dvayam apy evaṃ vairāgyaṃ na dvayos tataḥ
02226 duḥkha-bhāvanayā asyāc ced ahi-daṣṭa-aṅga-hāni-vat
02227 ātmīya-buddhi-hānyā atra tyāgo na tu viparyaye
02227 upabhoga-āśrayatvena gṛhīteṣv indriya-ādiṣu
02228 svatva-dhīḥ kena vāryeta vairāgyaṃ tatra tat kutaḥ
02228 pratyakṣam eva sarvasya keśa-ādiṣu kalevarāt
02229 cyuteṣu sā ghṛṇā buddhir jāyate anyatra saspṛhā
02229 samavāya-ādi-sambandha-janitā tatra hi sva-dhīḥ
02230 sambandhaḥ sa tathā eva iti dṛṣṭāv api na hīyate
02230 samavāya-ādy-abhāve api sarvatra asty upakāritā
02231 duḥkha-upakārān na bhaved aṅgulyām iva cet sva-dhīḥ
02231 na hy ekāntena tad duḥkhaṃ bhūyasā saviṣa-anna-vat
02232 viśiṣṭa-sukha-saṃgāt syāt tad-viruddhe virāgitā
02232 kiṃcit parityajet saukhyaṃ viśiṣṭa-sukha-tṛṣṇayā
02233 nairātmye tu yathālābham ātma-snehāt pravartate
02233 alābhe mattakāśinyā dṛṣṭā tiryakṣu kāmitā
02234 yasya ātmā vallabhaḥ tasya sa nāśaṃ katham icchati
02234 nivṛtta-sarva-anubhava-vyavahāra-guṇa-āśrayam
02235 icchet prema kathaṃ premṇaḥ prakṛtir na hi tādṛśī
02235 sarvathā ātma-grahaḥ sneham ātmani draḍhayaty alam
02236 ātmīya-sneha-bījaṃ tat tad-avasthaṃ vyavasthitam
02236 yatne apy ātmīya-vairāgyaṃ guṇa-leśa-samāśrayāt
02237 vṛttimān pratibadhnāti tad doṣān saṃvṛnoti ca
02237 ātmany api virāgaś cet na idānīṃ yo virajyate
02238 tyajaty asau yathā ātmānaṃ vyarthā ato duḥkha-bhāvanā
02238 duḥkha-bhāvanayā apy eṣa duḥkham eva vibhāvayet
02239 pratyakṣaṃ pūrvam api tat tathā api na virāgavān
02239 yady apy ekatra doṣeṇa tat kṣaṇaṃ calitā matiḥ
02240 viraktau na eva tatra api kāmi iva vanita-antare
02240 tyājya-upādeya-bhede hi saktir yā eva eka-bhāvinī
02241 sā bījaṃ sarva-saktīnāṃ paryāyeṇa samudbhave
02241 nirdoṣa-viṣayaḥ sneho nirdoṣaḥ sādhanāni ca
02242 etāvad eva ca jagat kva idānīṃ sa virajyate
02242 sadoṣatā api cet tatra tasya tatra ātmany api sā samā
02243 tatra aviraktas tad-doṣe kva idānīṃ sa virajyate
02243 guṇa-darśana-sambhūtaṃ snehaṃ bādhita-doṣa-dṛk
02244 sa ca indriya-ādau na tv evaṃ bāla-āder api darśanāt
02244 doṣavaty api sadbhāvāt svabhāvād guṇavaty api
02245 anyatra ātmīyatāyāṃ vā vyatīta-ādau vihānitaḥ
02245 tata eva ca na ātmīya-buddher api guṇa-īkṣaṇam
02246 kāraṇaṃ hīyate sa api tasmān na aguṇa-darśanāt
02246 api ca asad guṇa-āropaḥ snehāt tatra hi dṛśyate
02247 tasmāt ta kāraṇā bādhī vidhis taṃ bādhate katham
02247 parāpara-prārthanā ato vināśa-utpatti-buddhitaḥ
02248 indriya-ādeḥ pṛthag bhūtam ātmānaṃ vetty ayaṃ janaḥ
02248 tasmān na ekatva-dṛṣṭyā api snehaḥ snihyan sa ātmani
02249 upalambha-antaraṅgeṣu prakṛtyā eva anurajyate
02249 pratyutpannā tu yo duḥkhān nirvedo dveṣa īdṛśaḥ
02250 na vairāgyaṃ tadā apy asya sneho avasthā-antar eṣaṇāt
02250 dveṣasya duḥkha-yonitvāt sa tāvan mātra-saṃsthitiḥ
02251 tasminn nivṛtte prakṛtiṃ svām eva bhajate punaḥ
02251 audāsīnyaṃ tu sarvatra hāna-upādāna-hānitaḥ
02252 vāsī-candana-kalpānāṃ vairāgyaṃ nāma kathyate
02252 saṃskāra-duḥkhatāṃ matvā kathitā duḥkha-bhāvanā
02253 sā ca naḥ pratyaya-utpattiḥ sā nairātmya-dṛg-āśrayaḥ
02253 yuktis tu śūnyatā-dṛṣṭes tad-arthāḥ śeṣa-bhāvanāḥ
02254 anityāt prāha tena eva duḥkhaṃ duḥkhān nirātmatām
02254 aviraktaś ca tṛṣṇāvān sarva-ārambha-samāśritaḥ
02255 so amuktaḥ kleśa-karmabhyāṃ saṃsārī nāma tādṛśaḥ
02255 ātmīyam eva yo na icched bhoktā apy asya na vidyate
02256 ātmā api na tadā tasya kriyā-bhogau hi lakṣaṇam
02256 tasmād anādi-santāna-tulya-jātīya-bījikām
02257 utkhāta-mūlāṃ kuruta sattva-dṛṣṭiṃ mumukṣavaḥ
02257 āgamasya tathā bhāva-nibandhanam apaśyatām
02258 muktim āgama-mātreṇa vadan na paritoṣakṛt
02258 na alaṃ bīja-ādi-saṃsiddho vidhiḥ puṃsām ajanmane
02259 taila-abhyaṅga-agni-dāha-āder api mukti-prasaṅgataḥ
02259 prāg guror lāghavāt paścān na pāpa-haraṇaṃ kṛtam
02260 mā bhūt gauravam eva asya na pāpaṃ gurv-amūrtitaḥ
02260 mithyā-jñāna-tad-udbhūta-tarṣa-saṃcetanā-vaśāt
02261 hīna-sthāna-gatir janma tena tacchin na jāyate
02261 tayor eva hi sāmarthyaṃ jātau tan-mātra-bhavataḥ
02262 te cetane svayaṃ karma ity akhaṇḍaṃ janma-kāraṇam
02262 gati-pratītyoḥ kāraṇa-anya-āśrayas tāny adṛṣṭataḥ
02263 adṛṣṭa-nāśād agatis tat saṃskāro na cetanā
02263 sāmarthyaṃ karaṇa-utpatter bhāva-abhāva-anuvṛttitaḥ
02264 dṛṣṭaṃ buddhern na ca anyasya tāni santi na santi kim
02264 dhāraṇa-preraṇa-kṣobha-nirodhāś cetanā-vaśāḥ
02265 na syus teṣām asāmarthye tasya dīkṣā-ādy-anantaram
02265 atha buddhes tadā abhāvān na syuḥ sandhīyate malaiḥ
02266 buddhes teṣām asāmarthye jīvato api syur akṣamāḥ
02266 nirhrāsa-atiśayāt puṣṭau pratipakṣa-sva-pakṣayoḥ
02267 doṣāḥ sva-bīja-santānā dīkṣite apy anivāritāḥ
02267 nityasya nirapekṣatvāt krama-utpattir virudhyate
02268 kriyāyām akriyāyāṃ ca kriyā ca sadṛśa-ātmanaḥ
02268 aikyaṃ ca hetu-phalayor vyatireke tatas tayoḥ
02269 kartṛ-bhoktṛtva-hāniḥ syāt sāmarthyaṃ ca na sidhyati
02269 anya-smaraṇa-bhoga-ādi-prasaṅgāś ca na sidhyati
02270 asmṛteḥ kasyacit tena hy anubhūteḥ smṛta-udbhavaḥ
02270 sthiraṃ sukhaṃ mama ahaṃ ca ity ādi satya-catuṣṭaye
02271 abhūtān ṣoḍaśa-ākārān āropya paritṛṣyati
02271 tatra eva tad-viruddha-ātma-tattva-ākāra-anurodhinī
02272 hanti sā anucarāṃ tṛṣṇāṃ samyag-dṛṣṭiḥ subhāvitā
02272 tri-hetorn na udbhavaḥ karma-dehayoḥ sthitayor api
02273 eka-abhāvād vinā bījaṃ na aṅkurasya iva janmanaḥ
02273 asambhavād vipakṣasya na hāniḥ karma-dehayoḥ
02274 aśakyatvāc ca tṛṣṇāyāṃ sthitāyāṃ punar udbhavāt
02274 dvaya-kṣaya-arthaṃ yatne ca vyarthaḥ karma-kṣaye śramaḥ
02275 phala-vaicitrya-dṛṣṭeś ca śakti-bhedo anumīyate
02275 karmaṇāṃ tāpa-saṃkleśāt na eka-rūpāt tataḥ kṣayaḥ
02276 phalaṃ kathaṃcit taj-janyam alpaṃ syān na vijātimat
02276 atha api tapasaḥ śaktyā śakti-saṃkara-saṃkṣayaiḥ
02277 kleśāt kutaścid dhīyeta aśeṣam akleśa-leśataḥ
02277 yadi iṣṭam aparaṃ kleśāt tat tapaḥ kleśa eva cet
02278 tat karma-phalam ity asmān na śakteḥ saṃkara-ādikam
02278 utpitsu-doṣa-nirghāta-ādye api doṣa-virodhinaḥ
02279 tajje karmaṇi śaktāḥ syuḥ kṛta-hāniḥ kathaṃ bhavet
02279 doṣā na karmaṇo duṣṭaḥ karoti na viparyayāt
02280 mithyā-vikalpena vinā na abhilāṣaḥ sukhād api
02280 tāyāt tattva-sthira-aśeṣa-viśeṣa-jñāna-sādhanam
02281 bodha-arthatvād gamer bāhya-śaikṣa-aśaikṣa-adhikas tataḥ
02281 parārtha-jñāna-ghaṭanaṃ tasmāt tac śāsanaṃ dayā
02282 tataḥ parārtha-tantratvaṃ siddha-arthasya avirāmataḥ
02282 dayayā śreya ācaṣṭe jñānāt satyaṃ sasādhanam
02283 tac ca abhiyogavān vaktuṃ yatas tasmāt pramāṇatā
02283 upadeśa-tathābhāva-stutis tad upadeśataḥ
02284 pramāṇa-tattva-siddhy-artham anumāne apy avāraṇāt
02284 prayoga-darśanād vā asya yat kiṃcid udaya-ātmakam
02285 nirodha-dharmakaṃ sarvaṃ tad ity ādāv anekadhā
02285 anumāna-āśrayo liṅgam avinābhāva-lakṣaṇam
02285 vyāpti-pradarśanād hetoḥ sādhyena uktaṃ ca tat sphuṭam
03001 mānaṃ dvividhaṃ meya-dvaividhyāt śakty-aśaktitaḥ
03001 arthakriyāyāṃ keśa-ādirn na artho anartha-adhimokṣataḥ
03002 sadṛśa-asadṛśatvāc ca viṣaya-aviṣayatvataḥ
03002 śabdasya anya-nimittānāṃ bhāve dhīḥ sad-asattvataḥ
03003 arthakriyāsamarthaṃ yat tad atra paramārthasat
03003 anyat saṃvṛtisat proktaṃ te sva-sāmānya-lakṣaṇe
03004 aśaktaṃ sarvam iti ced bīja-āder aṅkura-ādiṣu
03004 dṛṣṭā śaktiḥ matā sā cet saṃvṛtyā astu yathā tathā
03005 sā asti sarvatra ced buddher na anvaya-vyatirekayoḥ
03005 sāmānyalakṣaṇe adṛṣṭeś cakṣū-rūpa-ādi-buddhi-vat
03006 etena samaya-ābhoga-ādy-antaraṅga-anurodhataḥ
03006 ghaṭa-utkṣepaṇa-sāmānyaṃ saṃkhyā-ādiṣu dhiyo gatāḥ
03007 keśa-ādayo na sāmānyam artha-anabhiniveśataḥ
03007 jñeyatvena grahād doṣo na abhāveṣu prasajyate
03008 teṣām api tathābhāve apratiṣedhāt sphuṭa-ābhatā
03008 jñāna-rūpatayā arthatvāt keśa-ādi iti matiḥ punaḥ
03009 sāmānya-viṣayā keśa-pratibhāsam anarthakam
03009 jñāna-rūpatayā arthatve sāmānye cet prasajyate
03010 tathā-iṣṭatvād adoṣo artha-rūpatvena samānatā
03010 sarvatra sama-rūpatvāt tad-vyāvṛtti-samāśrayāt
03011 tad avastv-abhidheyatvāt sāphalyād akṣa-saṃhateḥ
03011 nāma-ādi-vacane vaktṛ-śrotṛ-vācya-anubandhini
03012 asambandhini nāma-ādāv arthe syād apravartanam
03012 sārūpyād bhrāntito vṛttir arthe cet syān na sarvadā
03013 deśa-bhrāntiś ca na jñāne tulyam utpattito dhiyaḥ
03013 tathāvidhāyāḥ anyatra tatra anupagamād dhiyaḥ
03014 bāhya-artha-pratibhāsāyā upāye vā apramāṇatā
03014 vijñāna-vyatiriktasya vyatireka-aprasiddhitaḥ
03015 sarva-jñāna-arthavattvāc cet svapna-ādāv anyathā īkṣaṇāt
03015 ayuktaṃ na ca saṃskārān nīla-ādi-pratibhāsataḥ
03016 nīla-ādy-apratighātān na jñānaṃ tad-yogya-deśakaiḥ
03016 ajñātasya svayaṃ jñānān nāma-ādy etena varṇitaḥ
03017 sā eva iṣṭa-arthavatī kena cakṣur-ādi-matir matā
03017 artha-sāmarthya-dṛṣṭeś ced anyat prāptam anarthakam
03018 apravṛttir asambandhe apy artha-sambandha-vad yadi
03018 atīta-anāgataṃ vācyaṃ na syād arthena tat kṣayāt
03019 sāmānya-grahaṇāc śabdād aprasaṅgo mato yadi
03019 tan na kevala-sāmānya-agrahaṇād grahaṇe api vā
03020 atat-samānatā avyaktī tena nitya-upalambhanam
03020 nityatvāc ca yadi vyaktir vyakteḥ pratyakṣatāṃ prati
03021 ātmani jñāna-janane yac śaktaṃ śaktam eva tat
03021 atha aśaktaṃ kadācic ced aśaktaṃ sarvadā eva tat
03022 tasya śaktir aśaktir vā yā svabhāvena saṃsthitā
03022 nityatvād acikitsyasya kas tāṃ kṣapayituṃ kṣamaḥ
03023 tac ca sāmānya-vijñānam anubandhan vibhāvyate
03023 nīla-ādy-ākāra-leśo yaḥ sa tasmin kena nirmitaḥ
03024 pratyakṣa-pratyaya-arthatvān na akṣāṇāṃ vyarthatā iti cet
03024 sā eva eka-rūpāc śabda-āder bhinna-ābhāsā matiḥ kutaḥ
03025 na jātir jātimad vyakti-rūpaṃ yena apara-āśrayam
03025 siddhaṃ pṛthak cet kāryatvaṃ hy apekṣā ity abhidhīyate
03026 niṣpatter apara-adhīnam api kāryaṃ sva-hetutaḥ
03026 sambadhyate kalpanayā kim akāryaṃ kathaṃcana
03027 anyatve tad asambaddhaṃ siddhā ato niḥsvabhāvatā
03027 jāti-prasaṅgo abhāvasya na apekṣā abhāvatas tayoḥ
03028 tasmād arūpā rūpāṇām āśrayeṇa upakalpitā
03028 tad-viśeṣa-avagāha-arthair jātiḥ śabdaiḥ prakāśyate
03029 tasyāṃ rūpa-avabhāso yas tattvena arthasya vā grahaḥ
03029 bhrāntiḥ sā anādi-kālīna-darśana-abhyāsa-nirmitā
03030 arthānāṃ yac ca sāmānyam anya-vyāvṛtti-lakṣaṇam
03030 yan niṣṭhās ta ime śabdā na rūpaṃ tasya kiṃcana
03031 sāmānya-buddhau sāmānyena arūpāyām api īkṣaṇāt
03031 artha-bhrāntir api iṣyeta sāmānyaṃ sā apy abhiplavāt
03032 artha-rūpatayā tattvena abhāvāc ca na rūpiṇī
03032 niḥsvabhāvatayā avācyaṃ kutaścid vacanān matam
03033 yadi vastu na vastūnām avācyatvaṃ kathaṃcana
03033 na eva vācyam upādāna-bhedād bheda-upacārataḥ
03034 atīta-anāgate apy arthe sāmānya-vinibandhanāḥ
03034 śrutayo niviśante sad-asad-dharmaḥ kathaṃ bhavet
03035 upacārāt tad iṣṭaṃ ced vartamāna-ghaṭasya kā
03035 pratyāsattir abhāvena yā paṭa-ādau na vidyate
03036 buddher askhalitā vṛttir mukhya-āropitayoḥ sadā
03036 siṃhe māṇavake tadvad ghoṣaṇā apy asti laukikī
03037 yatra rūḍhyā asad-artho api janaiḥ śabdo niveśitaḥ
03037 sa mukhyas tatra tat-sāmyād gauṇo anyatra skhalad gatiḥ
03038 yathābhāve apy abhāva-ākhyāṃ yathā-kalpanam eva vā
03038 kuryād aśakte śakte vā pradhāna-ādi-śrutiṃ janaḥ
03039 śabdebhyo yādṛśī buddhir naṣṭe anaṣṭe api dṛśyate
03039 tādṛśy eva sad-arthānāṃ na etac śrotṛ-ādi-cetasām
03040 sāmānya-mātra-grahaṇāt sāmānyaṃ cetasor dvayoḥ
03040 tasya api kevalasya prāg grahaṇaṃ vinivāritam
03041 paraspara-viśiṣṭānām aviśiṣṭaṃ kathaṃ bhavet
03041 rūpaṃ dvirūpatāyāṃ vā tad-vastv ekaṃ kathaṃ bhavet
03042 tābhyāṃ tad-anyad eva syād yadi rūpaṃ samaṃ tayoḥ
03042 tayor iti na sambandho vyāvṛttis tu na duṣyate
03043 tasmāt samānatā eva asmin sāmānye avastu-lakṣaṇam
03043 kāryaṃ ca tad anekaṃ syān naśvaraṃ ca tan-matam
03044 vastu-sattā-anubandhitvād vināśasya na nityatā
03044 asambandhaś ca jātīnām akāryatvād arūpatā
03045 yac ca vastu-balāj jñānaṃ jāyate tad apekṣyate
03045 na saṃketaṃ na sāmānya-buddhiṣv etad vibhāvyate
03046 yā apy abheda-anugā buddhiḥ kācid vastu-dvaye kṣaṇe
03046 saṃketena vinā sā artha-pratyāsatti-nibandhanā
03047 pratyāsattir vinā jātyā yatheṣṭā cakṣur-ādiṣu
03047 jñāna-kāryeṣu jātir vā yayā anveti vibhāgataḥ
03048 kathaṃcid api vijñāne tad-rūpa-anavabhāsataḥ
03048 yadi nāma indriyāṇāṃ syād draṣṭā bhāseta tad-vapuḥ
03049 rūpavattvāt na jātīnāṃ kevalānām adarśanāt
03049 vyakti-grahe ca tac śabda-rūpād anyan na dṛśyate
03050 jñāna-mātra-artha-karaṇe apy ayogya-matā eva tat
03050 tad ayogyatayā arūpaṃ tad hy avastuṣu lakṣaṇam
03051 yathokta-viparītaṃ yat tat svalakṣaṇam iṣyate
03051 sāmānyaṃ trividhaṃ tac ca bhāva-abhāva-ubhaya-āśrayāt
03052 yadi bhāva-āśrayaṃ jñānaṃ bhāve bhāva-anubandhataḥ
03052 na ukta-uttaratvād dṛṣṭatvād atīta-ādiṣu ca anyathā
03053 bhāva-dharmatva-hāniś ced bhāva-grahaṇa-pūrvakam
03053 taj-jñānam ity adoṣo ayaṃ meyaṃ tv ekaṃ svalakṣaṇam
03054 tasmād arthakriyā-siddheḥ sad-asattā-vicāraṇāt
03054 tasya sva-pararūpābhyāṃ gater meya-dvayaṃ matam
03055 ayathābhiniveśena dvitīyā bhrāntir iṣyate
03055 gatiś cet pararūpeṇa na ca bhrānteḥ pramāṇatā
03056 abhiprāya-avisaṃvādād api bhrānteḥ pramāṇatā
03056 gatir apy anyathā dṛṣṭā pakṣaś ca ayaṃ kṛta-uttaraḥ
03057 maṇi-pradīpa-prabhayor maṇi-buddhyā abhidhāvataḥ
03057 mithyā-jñāna-aviśeṣe api viśeṣo arthakriyāṃ prati
03058 yathā tathā ayathārthatve apy anumāna-tad-ābhayoḥ
03058 arthakriyā-anurodhena pramāṇatvaṃ vyavasthitam
03059 buddhir yatra artha-sāmarthyād anvaya-vyatirekiṇī
03059 tasya svatantraṃ grahaṇam ato anyad vastv atīndriyam
03060 tasya adṛṣṭa-ātma-rūpasya gater anyo artha-āśrayaḥ
03060 tad-āśrayeṇa sambandhī yadi syād gamakas tadā
03061 gamaka-anuga-sāmānya-rūpeṇa eva tadā gatiḥ
03061 tasmāt sarvaḥ parokṣo artho viśeṣeṇa na gamyate
03062 yā ca sambandhino dharmād gatir dharmiṇi jāyate
03062 sā anumānaṃ parokṣāṇām ekaṃ tena eva sādhanam
03063 na pratyakṣa-parokṣābhyāṃ meyasya anyasya sambhavaḥ
03063 tasmāt prameya-dvitvena pramāṇa-dvitvam iṣyate
03064 try-eka-saṃkhyā-nirāso vā prameya-dvaya-darśanāt
03064 ekam eva aprameyatvād asataś cen mataṃ ca naḥ
03065 anekānto aprameyatve asad-bhāvasya api niścayāt
03065 tan niścaya-pramāṇaṃ vā dvitīyaṃ na akṣajā matiḥ
03066 abhāve artha-balāj jāte artha-śakty-anapekṣaṇe
03066 vyavadhāna-ādi-bhāve api jāyeta indriyajā matiḥ
03067 abhāve vinivṛttiś cet pratyakṣasya eva niścayaḥ
03067 viruddhaṃ sā eva vā liṅgam anvaya-vyatirekiṇī
03068 siddhaṃ ca para-caitanya-pratipatteḥ pramā-dvayam
03068 vyavahāra-ādau pravṛtteś ca siddhas tadbhāva-niścayaḥ
03069 pramāṇam avisaṃvādāt ta kvacid vyabhicārataḥ
03069 na āśvāsa iti cel liṅgaṃ durdṛṣṭer atad īdṛśam
03070 yataḥ kadācit siddhā asya pratītir vastunaḥ kvacit
03070 tad avaśyaṃ tato jātaṃ tat svabhāvo api vā bhavet
03071 sva-nimittaṃ svabhāvaṃ vā vinā na arthasya sambhavaḥ
03071 yac ca rūpaṃ tayor dṛṣṭaṃ tad eva anyatra lakṣaṇam
03072 svabhāve sva-nimitte vā dṛśye darśana-hetuṣu
03072 anyeṣu satsv adṛśye ca sattā vā tadvataḥ katham
03073 aprāmāṇye ca sāmānya-buddhes tal-lopa āgataḥ
03073 pretya-bhāva-vad akṣaiś cet paryāyeṇa pratīyate
03074 tac ca na indriya-śakty-ādāv akṣa-buddher asambhavāt
03074 abhāva-pratipattau syād buddhi-janma-animittakam
03075 svalakṣaṇe ca pratyakṣam avikalpatayā vinā
03075 vikalpena na sāmānya-grahas tasmiṃs tato anumā
03076 prameya-niyame varṇa-anityatā na pratīyate
03076 pramāṇam anyat tad buddhir vinā liṅgena sambhavāt
03077 viśeṣa-dṛṣṭe liṅgasya sambandhasya aprasiddhitaḥ
03077 tat pramāṇa-antaraṃ meya-bahutvād bahutā api vā
03078 pramāṇānām anekasya vṛtter ekatra vā yathā
03078 viśeṣa-dṛṣṭer eka-tri-saṃkhyā-apoho na vā bhavet
03079 viṣaya-aniyamād anya-prameyasya ca sambhavāt
03079 yojanād varṇa-sāmānye na ayaṃ doṣaḥ prasajyeta
03080 na avastu rūpaṃ tasya eva tathā siddhe prasādhanāt
03080 anyatra na anya-siddhiś cen na tasya eva prasiddhitaḥ
03081 yo hi bhāvo yathābhūto sa tādṛg liṅga-cetasaḥ
03081 hetus tajjā tathābhūte tasmād vastuni liṅgi-dhīḥ
03082 liṅga-liṅgi-dhiyor evaṃ pāraṃparyeṇa vastuni
03082 pratibandhāt tad-ābhāsa-śūnyayor apy avañcanam
03083 tad-rūpa-adhyavasāyāc ca tayos tad-rūpa-śūnyayoḥ
03083 tad-rūpa-avañcakatve api kṛtā bhrānti-vyavasthitiḥ
03084 tasmād vastuni boddhavye vyāpakaṃ vyāpya-cetasaḥ
03084 nimittaṃ tat svabhāvo vā kāraṇaṃ tac ca tad dhiyaḥ
03085 pratiṣedhas tu sarvatra sādhyate anupalambhataḥ
03085 siddhiṃ pramāṇair vadatām arthād eva viparyayāt
03086 dṛṣṭā viruddha-dharma-uktis tasya tat-kāraṇasya vā
03086 niṣedhe yā api tasya eva sā apramāṇatva-sūcanā
03087 anyathā ekasya bhāvasya sadbhāva-uktyā parasya tat
03087 na astitvaṃ kena gamyeta virodhāc ced asāv api
03088 siddhaḥ kena asahasthānād iti cet tat kuto matam
03088 dṛśyasya darśana-abhāvād iti cet sā apramāṇatā
03089 tasmāt sva-śabdena uktā api sā abhāvasya prasādhikā
03089 yasyā pramāṇaṃ sā avācyo niṣedhas tena sarvathā
03090 etena tad-viruddha-artha-kārya-uktir upavarṇitā
03090 prayogaḥ kevalaṃ bhinnaḥ sarvatra artho na bhidyate
03091 viruddhaṃ tac ca sā upāyam avidhāyā api dhāya ca
03091 pramāṇa-uktir niṣedhe yā na sā nyāyānusāriṇī
03092 ukty-ādeḥ sarvavit pretya-bhāva-ādi-pratiṣedha-vat
03092 atīndriyāṇām arthānāṃ virodhasya aprasiddhitaḥ
03093 bādhyabādhakabhāvaḥ kaḥ syātāṃ yad yukti-saṃvidau
03093 tādṛśo anupalabdheś ced ucyatāṃ sā eva sādhanam
03094 aniścayakaraṃ proktam īdṛk kva anupalambhanam
03094 tatra atyantaparokṣeṣu sadasattā-viniścayau
03095 bhinno abhinno api vā dharmaḥ sa viruddhaḥ prayujyate
03095 yathā agnir ahime sādhye sattā vā janma-bādhanī
03096 yathā vastv eva vastūnāṃ sādhane sādhanaṃ matam
03096 tathā vastv eva vastūnāṃ sva-nivṛttau nivartakam
03097 etena kalpanā-nyasto yatra kvacana sambhavād
03097 dharmaḥ pakṣasapakṣānyataratva-ādir apoditaḥ
03098 tatra api vyāpako dharmo nivṛtter gamako mataḥ
03098 vyāpyasya sva-nivṛttiś cet paricchinnā kathaṃcana
03099 yad apramāṇatā abhāve liṅgaṃ tasya eva kathyate
03099 tad atyanta-vimūḍha-artham āgopālam asaṃvṛtteḥ
03100 etāvan niścaya-phalam abhāve anupalambhanam
03100 tac ca hetau svabhāve vā adṛśye dṛśyatayā mate
03101 anumānād anitya-āder grahaṇe ayaṃ kramo mataḥ
03101 prāmāṇyam eva na anyatra gṛhīta-grahaṇān matam
03102 na anyās yā anityatā bhāvāt pūrva-siddhaḥ sa ca indriyāt
03102 na aneka-rūpo vācyo asau vācyo dharmo vikalpajaḥ
03103 sāmānya-āśraya-saṃsiddhau sāmānyaṃ siddham eva tat
03103 tad-asiddhau tathā asya eva hy anumānaṃ pravartate
03104 kvacit tad aparijñānaṃ sadṛśa-apara-sambhavāt
03104 bhrānter apaśyato bhedaṃ māyā-golaka-bheda-vat
03105 tathā hy aliṅgam ābālam asaṃśliṣṭa-uttara-udayam
03105 paśyan paricchinatty eva dīpa-ādi-nāśinaṃ janaḥ
03106 bhāva-svabhāva-bhūtāyām api śaktau phale adṛśaḥ
03106 anānantaryato moho viniścetur apāṭavāt
03107 tasya eva vinivṛtty-artham anumāna-upavarṇanam
03107 vyayasyanti īkṣaṇād eva sarva-ākārān mahā-dhiyaḥ
03108 vyāvṛtteḥ sarvatas tasmin vyāvṛtti-vinibandhanāḥ
03108 buddhayo arthe pravartante abhinne bhinna-āśrayā iva
03109 yathā-codanam ākhyāś ca so asati bhrānti-kāraṇe
03109 pratibhāḥ pratisandhatte sva-anurūpāḥ svabhāvataḥ
03110 siddho atra apy athavā dhvaṃso liṅgād anupalambhanāt
03110 prāg bhūtvā hy abhavad bhāvo anitya ity abhidhīyate
03111 yasya ubhaya-anta-vyavadhi-sattā sambandha-vācinī
03111 anityatā śrutis tena tāvantāv iti kau smṛtau
03112 prāk paścād apy abhāvaś cet sa eva anityatā na kim
03112 ṣaṣṭhy-ādy-ayogād iti ced antayoḥ sa kathaṃ bhavet
03113 sattā-sambandhayor dhrauvyād antābhyāṃ na viśeṣaṇam
03113 aviśeṣaṇam eva syād antau cet kārya-kāraṇe
03114 asambandhān na bhāvasya prāg-abhāvaṃ sa vāñchati
03114 tad-upādhi-samākhyāne te apy asya ca na sidhyataḥ
03115 sattā sva-kāraṇa-aśleṣa-karaṇāt kāraṇaṃ kila
03115 sā sattā sa ca sambandho nityau kāryam atha iha kim
03116 yasya abhāvaḥ kriyeta asau na bhāvaḥ prāg-abhāvavān
03116 sambandha-anabhyupagamān nityaṃ viśvam idaṃ tataḥ
03117 tasmād anarthās kandinyo abhinna-artha-abhimateṣv api
03117 śabdeṣu vācya-bhedinyo vyatirekās padaṃ dhiyaḥ
03118 viśeṣa-pratyabhijñānaṃ na pratikṣaṇa-bhedataḥ
03118 na vā viśeṣa-viṣayaṃ dṛṣṭa-sāmyena tad-grahāt
03119 nidarśanaṃ tad eva iti sāmānya-agrahaṇaṃ yadi
03119 nidarśanatvāt siddhasya pramāṇena asya kiṃ punaḥ
03120 vismṛtatvād adoṣaś cet tad eva anidarśanam
03120 dṛṣṭe tadbhāva-siddhiś cet pramāṇād anya-vastuni
03121 tattva-ārope viparyāsas tat siddher apramāṇatā
03121 pratyakṣa-itarayor aikyād eka-siddhir dvayor api
03122 sandhīyamānaṃ ca anyena vyavasāyaṃ smṛtiṃ viduḥ
03122 tal-liṅga-apekṣaṇān no cet smṛtir na vyabhicārataḥ
03123 pratyakṣaṃ kalpanā-apoḍhaṃ pratyakṣeṇa eva sidhyati
03123 pratyātmavedyaḥ sarveṣāṃ vikalpo nāma-saṃśrayaḥ
03124 saṃhṛtya sarvataś cintāṃ stimitena antara-ātmanā
03124 sthito api cakṣuṣā rūpam īkṣate sā akṣajā matiḥ
03125 punar vikalpayan kiṃcid āsīn me kalpanā īdṛśī
03125 icchā ca iti na pūrva-ukta-avasthāyām indriyād gatau
03126 ekatra dṛṣṭo bhedo hi kvacin na anyatra dṛśyate
03126 na tasmāt bhinnam asty anyat sāmānyaṃ buddhy-abhedataḥ
03127 tasmād viśeṣa-viṣayā sarvā eva indriyajā matiḥ
03127 na viśeṣeṣu śabdānāṃ saṃketasya apravṛttitaḥ
03128 ananvayād viśeṣāṇāṃ saṃketasya apravṛttitaḥ
03128 viṣayo yaś ca śabdānāṃ saṃyojyeta sa eva taiḥ
03129 asya idam iti sambandhe yāv arthau pratibhāsinau
03129 tayor eva hi sambandho na tadā indriya-gocaraḥ
03130 viśada-pratibhāsasya tadā arthasya avibhāvanāt
03130 vijñāna-ābhāsa-bhedaś ca padārthānāṃ viśeṣakaḥ
03131 cakṣuṣo artha-avabhāse api yaṃ paro asya iti śaṃsati
03131 sa eva yojyate śabdairn na khalv indriya-gocaraḥ
03132 avyāvṛta-indriyasya anya-vāṅ mātreṇa avibhāvanāt
03132 na ca anudita-sambandhaḥ svayaṃ jñāna-prasaṅgataḥ
03133 manasor yugapad vṛtteḥ savikalpa-avikalpayoḥ
03133 vimūḍho laghuvṛtter vā tayor aikyaṃ vyayasyati
03134 vikalpa-vyavadhānena vicchinnaṃ darśanaṃ bhavet
03134 iti ced bhinna-jātīya-vikalpe anyasya vā katham
03135 alāta-dṛṣṭi-vad bhāva-pakṣaś ced balavān mataḥ
03135 anyatra api samānaṃ tad varṇayor vā sakṛc śrutiḥ
03136 sakṛt saṃgata-sarva-artheṣv indriyeṣv iha satsv api
03136 pañcabhir vyavadhāne api bhāty avyavahita iva yā
03137 sā matir nāma paryanta-kṣaṇika-jñāna-miśraṇāt
03137 vicchinna-ābhā iti tac citraṃ tasmāt santu sakṛd dhiyaḥ
03138 pratibhāsa-aviśeṣaś ca sā antara-anantare katham
03138 śuddhe mano-vikalpe ca na krama-grahaṇam bhavet
03139 yo agrahaḥ saṃgate apy arthe kvacid āsakta-cetasaḥ
03139 saktyā anya-utpatti-vaiguṇyāc codyaṃ vā etad dvayor api
03140 śīghra-vṛtter alāta-āder anvaya-pratighātinī
03140 cakra-bhrāntiṃ dṛśā dhatte na dṛśāṃ ghaṭanena sā
03141 kecid indriyajatva-āder bāla-dhī-vad akalpanām
03141 āhur bālā vikalpe ca hetuṃ saṃketa-mandatām
03142 teṣāṃ pratyakṣam eva syād bālānām avikalpanāt
03142 saṃketa-upāya-vigamāt paścād api bhaven na saḥ
03143 mano avyutpanna-saṃketam asti tena sa cen mataḥ
03143 evam indriyaje api syād śeṣavac ca idam īdṛśam
03144 yad eva sādhanaṃ bāle tad eva atra api kathyatām
03144 sāmyād akṣa-dhiyām uktam anena anubhava-ādikam
03145 viśeṣaṇaṃ viśeṣyaṃ ca sambandhaṃ laukikīṃ sthitim
03145 gṛhītvā saṃkalayya etat tathā pratyeti na anyathā
03146 yathā daṇḍini jāty-āder vivekena anirūpaṇāt
03146 tadvatā yojanā na asti kalpanā apy atra na asty ataḥ
03147 yady apy anvayi vijñānaṃ śabda-vyakty-avabhāsi tat
03147 varṇa-ākṛty-akṣara-ākāra-śūnyaṃ gotvaṃ hi varṇyate
03148 samānatve api tasya eva na īkṣaṇaṃ netra-gocaram
03148 pratibhāsa-dvaya-abhāvād buddher bhedaś ca durlabhaḥ
03149 samavāya-agrahād akṣaiḥ sambandha-adarśanaṃ sthitam
03149 paṭas tantuṣv iha ity ādi-śabdāś ca ime svayaṃ kṛtāḥ
03150 śṛṅgaṅ gavi iti loke syāc śṛṅge gaur ity alaukikam
03150 gava-ākhya-pariśiṣṭa-aṅga-viccheda-anupalambhanāt
03151 tais tantubhir iyaṃ śāṭi ity uttaraṃ kāryam ucyate
03151 tantu-saṃskāra-sambhūtaṃ na eka-kālaṃ kathaṃcana
03152 kāraṇa-āropataḥ kaścid eka-apodhārato api vā
03152 tantv-ākhyāṃ vartayet kārye darśayan na āśrayaṃ śruteḥ
03153 upakāryopakāritvaṃ vicchedād dṛṣṭir eva vā
03153 mukhyaṃ yad askhalaj jñānam ādi-saṃketa-gocaraḥ
03154 anumānaṃ ca jāty-ādau vastuno na asti bhedini
03154 sarvatra vyapadeśo hi daṇḍa-āder api sāṃvṛtāt
03155 vastu-prāsāda-mālā-ādi-śabdāś ca anya-anapekṣiṇaḥ
03155 geho yady api saṃyogas tan mālā kiṃ nu tad bhavet
03156 jātiś ced geha eko api mālā ity ucyeta vṛkṣa-vat
03156 mālā-bahutve tac śabdaḥ kathaṃ jāter ajātitaḥ
03157 mālā-ādau ca mahattva-ādir iṣṭo yaś ca aupacārikaḥ
03157 mukhya-aviśiṣṭa-vijñāna-grāhyatvān na aupacārikaḥ
03158 ananyahetutā tulyā sā mukhya-abhimateṣv api
03158 padārtha-śabdaḥ kaṃ hetum anyaṃ ṣaṭkaṃ samīkṣate
03159 yo yathā rūḍhitaḥ siddhas tat-sāmya-ādyas tathā ucyate
03159 mukhyo gauṇaś ca bhāveṣv apy abhāvasya upacārataḥ
03160 saṃketa-anvayinī rūḍhir vaktur icchā anvayī ca saḥ
03160 kriyate vyavahāra-arthaṃ chandaḥ śabda-aṃśa-nāma-vat
03161 vastu-dharmatayā eva arthās tādṛg vijñāna-kāraṇam
03161 bhede api yatra taj-jñānāt tat tathā pratipadyate
03162 jñānāny api tathā bhede abheda-pratyavamarśane
03162 ity etat kārya-viśleṣasya anvayo na eka-vastunaḥ
03163 vastūnāṃ vidyate tasmāt tan niṣṭhā vastuni śrutiḥ
03163 bāhya-śakti-vyavaccheda-niṣṭhā abhāve api tac-śrutiḥ
03164 vikalpa-pratibimbeṣu tan niṣṭheṣu nibadhyate
03164 tato anyāpoha-niṣṭhatvād uktā anyāpoha-kṛc śrutiḥ
03165 vyatirekī iva yaj jñāne bhāty artha-pratibimbakam
03165 śabdāt tad api na artha-ātmā bhrāntiḥ sā vāsanā-udbhavā
03166 tasya abhidhāne śrutibhir arthe ko aṃśo avagamyate
03166 tasya agatau ca saṃketa-kriyā vyarthā tad arthikā
03167 śabdo artha-aṃśakam āha iti tatra anyāpoha ucyate
03167 ākāraḥ sa ca na arthe asti tam vadann artha-bhāk katham
03168 śabdasya anvayinaḥ kāryam arthena anvayinā sa ca
03168 ananvayī dhiyo abhedād darśana-abhyāsa-nirmitaḥ
03169 tad-rūpa-āropa-gatyā anyavyāvṛtta-adhigateḥ punaḥ
03169 śabda-artho arthaḥ sa eva iti vacanena virudhyate
03170 mithyā-avabhāsino vā ete pratyayāḥ śabda-nirmitāḥ
03170 anuyānti imam artha-aṃśam iti vā apoha-kṛc śrutiḥ
03171 tasmāt saṃketa-kāle api nirdiṣṭa-arthena saṃyutaḥ
03171 sva-pratīti-phalena anyāpohaḥ sambandhyate śrutau
03172 anyatra adṛṣṭy-apekṣatvāt kvacit tad-dṛṣṭy-apekṣaṇāt
03172 śrutau sambadhyate apoho na etad vastuni yujyate
03173 tasmāj jāty-ādi-tad-yogā na arthe teṣu ca na śrutiḥ
03173 saṃyojyate anyavyāvṛttau śabdānām eva yojanāt
03174 saṃketa-smaraṇa-upāyaṃ dṛṣṭa-saṃkalana-ātmakam
03174 pūrva-apara-parāmarśa-śūnye tac cākṣuṣe katham
03175 anyatra gata-citto api cakṣuṣā rūpam īkṣate
03175 tat saṃketa-agrahas tatra spaṣṭas tajjā ca kalpanā
03176 jāyante kalpanās tatra yatra śabdo niveśitaḥ
03176 tena icchātaḥ pravarteran na īkṣeran bāhyam akṣajāḥ
03177 rūpaṃ rūpam iti īkṣeta tad dhiyaṃ kim iti īkṣate
03177 asti ca anubhavas tasyāḥ so avikalpaḥ kathaṃ bhavet
03178 tasya eva anubhave dṛṣṭaṃ na vikalpa-dvayaṃ sakṛt
03178 etena tulya-kāla-anya-vijñāna-anubhavo gataḥ
03179 smṛtir bhaved atīte ca sā agṛhīte kathaṃ bhavet
03179 syāc ca anya-dhī-paricchedā abhinna-rūpā sva-buddhi-dhīḥ
03180 atītam apadṛṣṭāntam aliṅgaṃ ca artha-darśanam
03180 siddhaṃ tat kena tasmin hi na pratyakṣaṃ na laiṅgikam
03181 tat svarūpa-avabhāsinyā buddhyā anantarayā yadi
03181 rūpa-ādir iva gṛhyeta na syāt tat pūrva-dhī-grahaḥ
03182 so avikalpaḥ sva-viṣayo vijñāna-anubhavo yathā
03182 aśakya-samayaṃ tadvad anyad apy avikalpakaḥ
03183 sāmānya-vācinaḥ śabdās tad eka-arthā ca kalpanā
03183 abhāve nirvikalpasya viśeṣa-adhigamaḥ katham
03184 asti cen nirvikalpaṃ ca kiṃcit tat-tulya-hetukam
03184 sarvan tathā eva hetor hi bhedād bhedaḥ phala-ātmanām
03185 anapekṣita-bāhya-artha-yojanā samaya-smṛteḥ
03185 tathā anapekṣya samayaṃ vastu-śaktyā eva netra-dhīḥ
03186 saṃketa-smaraṇa-apekṣaṃ rūpaṃ yady akṣa-cetasi
03186 anapekṣya na cec śakyaṃ syāt smṛtāv eva liṅga-vat
03187 tasyās tat-saṃgama-utpatter akṣa-dhīḥ syāt smṛter na vā
03187 tataḥ kāla-antare api syāt kvacid vyākṣepa-sambhavāt
03188 krameṇa ubhaya-hetuś cet prāg eva syād abhedataḥ
03188 anyo akṣa-buddhi-hetuś cet smṛtis tatra apy anarthikā
03189 yathā samita-siddhy-artham iṣyate samaya-smṛtiḥ
03189 bhedaś ca asamito grāhyaḥ smṛtis tatra kim arthikā
03190 sāmānya-mātra-grahaṇe bheda-apekṣā na yujyate
03190 tasmāc cakṣuś ca rūpāṃ ca pratītya udeti netra-dhīḥ
03191 sākṣāc cet jñāna-janane samartho viṣayo akṣa-vat
03191 atha kasmād dvaya-adhīna-janma tat tena na ucyate
03192 samīkṣya gamakatvaṃ hi vyapadeśo na gṛhyate
03192 tac ca akṣa-vyapadeśe asti tad-dharmaś ca niyojyatām
03193 tato liṅga-svabhāvo atra vyapadeśe niyojyatām
03193 nivartate avyāpakasya svabhāvasya nivṛttitaḥ
03194 saṃcitaḥ samudāyaḥ sāmānyaṃ tatra ca akṣa-dhīḥ
03194 sāmānya-buddhiś ca avaśyaṃ vikalpena anubudhyate
03195 artha-antara-abhisambandhāj jāyante ye aṇavo apare
03195 uktās te saṃcitās te hi nimittāṃ jñāna-janmanaḥ
03196 aṇūnāṃ sa viśeṣaś ca na antareṇa aparān aṇūn
03196 tad eka-aniyamāj jñānam uktaṃ sāmānya-gocaram
03197 atha eka-āyatanatve api na anekaṃ dṛśyate sakṛt
03197 sakṛd graha-avabhāsaḥ kiṃ viyukteṣu tila-ādiṣu
03198 pratyuktaṃ lāghavaṃ ca atra teṣv eva krama-pātiṣu
03198 kim na akrama-grahas tulya-kālāḥ sarvāś ca buddhayaḥ
03199 kāścit tāsv akrama-ābhāsāḥ kramavatyo aparāś ca kim
03199 sarva-artha-grahaṇe tasmād akramo ayaṃ prasajyate
03200 na ekaṃ citra-pataṃga-ādi rūpaṃ vā dṛśyate katham
03200 citraṃ tad ekam iti ced idaṃ citrataraṃ tataḥ
03201 na ekaṃ svabhāvaṃ citraṃ hi maṇi-rūpaṃ yathā eva tat
03201 nīla-ādi-pratibhāsaś ca tulyaś citra-paṭa-ādiṣu
03202 tatra avayava-rūpaṃ cet kevalaṃ dṛśyate tathā
03202 nīla-ādīni nirasya anyac citraṃ citraṃ yad īkṣase
03203 tulya-artha-ākāra-kālatve na upalakṣitayor dhiyoḥ
03203 nānā-arthā kramavatyā ekā kim eka-arthā akramā aparā
03204 vaiśvarūpyād dhiyām eva bhāvānāṃ viśvarūpatā
03204 tac ced anaṅgaṃ kena iyaṃ siddhā bheda-vyavasthitiḥ
03205 vijātīnām anārambhān na ālekhya-ādau vicitra-dhīḥ
03205 arūpatvān na saṃyogaś citro bhakteś ca na āśrayaḥ
03206 pratyekam avicitratvād gṛhīteṣu krameṇa ca
03206 na citra-dhī-saṃkalanam anekasya ekayā agrahāt
03207 nānā-arthā ekā bhavet tasmāt siddhānto apy avikalpikā
03207 vikalpayann apy eka-arthaṃ yato anyad api paśyati
03208 citra-avabhāseṣv artheṣu yady ekatvaṃ na yujyate
03208 sā eva tāvat kathaṃ buddhir ekā citra-avabhāsinī
03209 idaṃ vastu-bala-āyātaṃ yad vadanti vipaścitaḥ
03209 yathā yathārthāś cintyante viśīryante tathā tathā
03210 kiṃ syāt sā citratā ekasyāṃ na syāt tasyāṃ matāv api
03210 yadi idaṃ svayam arthānāṃ rocate tatra ke vayaṃ
03211 tasmān na artheṣu na jñāne sthūla-bhāsas tadātmanaḥ
03211 ekatra pratiṣiddhatvād bahuṣv api na sambhavaḥ
03212 paricchedo antar anyo ayaṃ bhāgo bahir iva sthitaḥ
03212 jñānasya abhedino bheda-pratibhāso hy upaplavaḥ
03213 tatra ekasya apy abhāvena dvayam apy avahīyate
03213 tasmāt tad eva tasya api tattvaṃ yā dvaya-śūnyatā
03214 tad-bheda-āśrayiṇī ca iyaṃ bhāvānāṃ bheda-saṃsthitiḥ
03214 tad-upaplava-bhāve ca teṣāṃ bhedo apy upaplavaḥ
03215 na grāhya-grāhaka-ākāra-bāhyam asti ca lakṣaṇam
03215 ato lakṣaṇa-śūnyatvān niḥsvabhāvāḥ prakāśitāḥ
03216 vyāpāra-upādhikaṃ sarvaṃ skandha-ādīnāṃ viśeṣataḥ
03216 lakṣaṇaṃ sa ca tattvaṃ na tena apy ete vilakṣaṇāḥ
03217 yathā sva-pratyaya-apekṣād avidyā-upapluta-ātmanām
03217 vijñaptir vitatha-ākārā jāyate timira-ādi-vat
03218 asaṃvidita-tattvā ca sā sarva-apara-darśanaiḥ
03218 asambhavād vinā teṣāṃ grāhya-grāhaka-viplavaiḥ
03219 tad-upekṣita-tattva-arthaiḥ kṛtvā gaja-nimīlanam
03219 kevalaṃ loka-buddhyā eva bāhya-cintā pratanyate
03220 nīla-ādiś citra-vijñāne jñāna-upādhir ananyabhāk
03220 aśakya-darśanas taṃ hi pataty arthe vivecayan
03221 yad yathā bhāsate jñānaṃ tat tathā eva prakāśate
03221 iti nāma eka-bhāvaḥ syāc citra-ākārasya cetasi
03222 paṭa-ādi-rūpasya ekatve tathā syād avivekitā
03222 vivekī na vivakṣā anyad avivekī ca na īkṣate
03223 ko vā virodho bahavaḥ saṃjāta-atiśayāḥ pṛthak
03223 bhaveyuḥ kāraṇaṃ buddher yadi na ātma-indriya-ādi-vat
03224 hetu-bhāvād ṛte na anyā grāhyatā nāma kācana
03224 tatra buddhir yad ābhāsā tasyās tad-grāhyam ucyate
03225 kathaṃ vā avayavī grāhyaḥ sakṛt sva-avayavaiḥ saha
03225 na hi go-pratyayo dṛṣṭaḥ sāsnā-ādīnām adarśane
03226 guṇa-pradhāna-adhigamaḥ saha apy abhimato yadi
03226 sampūrṇa-aṅgo na gṛhyeta sakṛn na api guṇa-ādimān
03227 vivakṣā-paratantratvād viśeṣaṇa-viśeṣyayoḥ
03227 yad aṅga-bhāvena upāttan tat tena eva hi gṛhyate
03228 svato vastv-antara-abhedād guṇa-āder bhedakasya ca
03228 agrahād bheda-buddhiḥ syāt paśyato apy aparāparam
03229 guṇa-ādi-bheda-grahaṇān nānātva-pratipad yadi
03229 astu nāma tathā apy eṣāṃ bhavet sambandhi-saṃkaraḥ
03230 śabda-ādīnām anekatvāt siddho aneka-grahaḥ sakṛt
03230 saṃniveśa-graha-ayogād agrahe saṃniveśinām
03231 sarvato vinivṛttasya vinivṛttir yato yataḥ
03231 tad-bheda-unnīta-bhedo asau dharmiṇo aneka-rūpatā
03232 te kalpitā rūpa-bhedā nirvikalpasya cetasaḥ
03232 na vicitrasya citra-ābhāḥ kādācitkasya gocaraḥ
03233 yady apy asti sitatva-ādir yādṛg indriya-gocaraḥ
03233 na so abhidhīyate śabdair jñānayo rūpa-bhedataḥ
03234 eka-arthatve api buddhīnāṃ nānā-āśrayatā sa cet
03234 śrotṛ-ādi-cittāni idānīṃ bhinna-arthāni iti tat kutaḥ
03235 jāto nāma āśrayo anyonyaḥ cetasāṃ tasya vastunaḥ
03235 ekasya eva kuto rūpaṃ bhinna-ākāra-avabhāsi tat
03236 vṛtter dṛśya-aparāmarśena abhidhāna-vikalpayoḥ
03236 darśanāt pratyabhijñānaṃ gava-ādīnāṃ nivāritam
03237 anvayāc ca anumānaṃ yad abhidhāna-vikalpayoḥ
03237 dṛśye gava-ādau jāty-ādes tad apy etena dūṣitam
03238 darśanāny eva bhinnāny apy ekāṃ kurvanti kalpanām
03238 pratyabhijñāna-saṃkhyātāṃ svabhāvena iti varṇitam
03239 pūrva-anubhūta-grahaṇe mānasasya apramāṇatā
03239 adṛṣṭa-grahaṇe andha-āder api syād artha-darśanam
03240 kṣaṇikatvād atītasya darśane ca na sambhavaḥ
03240 vācyam akṣaṇikatve syāl lakṣaṇaṃ sa-viśeṣaṇam
03241 niṣpādita-kriye kaṃcid viśeṣam asamādadhat
03241 karmaṇy aindriyam anyad vā sādhanaṃ kim iti iṣyate
03242 sakṛd bhāvaś ca sarvāsāṃ dhiyāṃ tadbhāva-janmanām
03242 anyair akārya-bhedasya tad-apekṣa-avirodhataḥ
03243 tasmād indriya-vijñāna-anantara-pratyaya-udbhavaḥ
03243 mano anyam eva gṛhṇāti viṣayaṃ na andhadṛk tataḥ
03244 svārtha-anvaya-artha-apekṣā eva hetur indriyajā matiḥ
03244 tato anya-grahaṇe apy asya niyata-grāhyatā matā
03245 tad atulya-kriyā-kālaḥ katham sva-jñāna-kālikaḥ
03245 sahakāri bhaved artha iti ced akṣa-cetasaḥ
03246 asataḥ prāg asāmarthyāt paścāc ca anupayogataḥ
03246 prāgbhāvaḥ sarva-hetūnāṃ na ato arthaḥ sva-dhiyā saha
03247 bhinna-kālaṃ kathaṃ grāhyam iti ced grāhyatāṃ viduḥ
03247 hetutvam eva yuktijñā jñāna-ākāra-arpaṇa-kṣamam
03248 kāryaṃ hy aneka-hetutve apy anukurvad udeti yat
03248 tat tena arpita-tad-rūpaṃ gṛhītam iti ca ucyate
03249 aśakya-samayo hy ātmā rāga-ādīnām ananyabhāk
03249 teṣām ataḥ svasaṃvittir na abhijalpa-anuṣaṅgiṇī
03250 avedakāḥ parasya api te svarūpaṃ kathaṃ viduḥ
03250 eka-artha-āśrayiṇā vedyā vijñānena iti kecana
03251 tad-atad-rūpiṇo bhāvās tad-atad-rūpa-hetujāḥ
03251 tat-sukha-ādi kim ajñānaṃ vijñāna-abhinna-hetujam
03252 sā arthe sati indriye yogye yathāsvam api cetasi
03252 dṛṣṭaṃ janma sukha-ādīnāṃ tat-tulyaṃ manasām api
03253 asatsu satsu ca eteṣu na janma-ajanma vā kvacit
03253 dṛṣṭaṃ sukha-āder buddher vā ta tato na anyataś ca te
03254 sukha-duḥkha-ādi-bhedaś ca teṣām eva viśeṣataḥ
03254 tasyā eva yathā buddher māndya-pāṭava-saṃśrayāḥ
03255 yasya arthasya nipātena te jātā dhī-sukha-ādayaḥ
03255 taṃ muktvā pratipadyeta sukha-ādīn eva sā katham
03256 avicchinnā na bhāseta tat-saṃvittiḥ krama-grahe
03256 tal-lāghavāc cet tat-tulyam ity asaṃvedanaṃ na kim
03257 na ca ekayā dvaya-jñānaṃ niyamād akṣa-cetasaḥ
03257 sukha-ādy-abhāve apy arthāc ca jāteḥ tac śakty-asiddhitaḥ
03258 pṛthak pṛthak ca sāmarthye dvayor nīla-ādi-vat sukham
03258 gṛhyeta kevalaṃ tasya tad-hetv-artham agṛhṇataḥ
03259 na hi saṃvedanaṃ yuktam arthena eva saha-grahe
03259 kiṃ sāmarthyaṃ sukha-ādīnāṃ na iṣṭā dhīr yat tad udbhavā
03260 vinā arthena sukha-ādīnāṃ vedane cakṣur-ādibhiḥ
03260 rūpa-ādiḥ stry-ādi-bhedo akṣaṇā na gṛhyeta kadācana
03261 na hi saty antaraṅge arthe śakter dhīr bāhya-darśanī
03261 artha-grahe sukha-ādīnāṃ taj-jānāṃ syād avedanam
03262 dhiyor yugapad utpattau tat-tad-viṣaya-sambhavāt
03262 sukha-duḥkha-vidau syātāṃ sakṛd arthasya sambhave
03263 saty āntare apy upādāne jñāne duḥkha-ādi-sambhavaḥ
03263 na upādānaṃ viruddhasya tac ca ekam iti cen matam
03264 avijñānasya vijñānaṃ kena upādāna-kāraṇam
03264 ādhipatyaṃ tu kurvīta tad-viruddhe api dṛśyate
03265 akṣṇor yathā eka āloko naktaṃcara-tad-anyayoḥ
03265 rūpa-darśana-vaiguṇya-avaiguṇye kurute sakṛt
03266 tasmāt sukha-ādayo arthānāṃ sva-saṃkrānta-avabhāsinām
03266 vedakāḥ svātmanaś ca eṣām arthebhyo janma kevalam
03267 artha-ātmā svātmabhūto hi teṣāṃ tair anubhūyate
03267 tena artha-anubhava-khyātir ālambas tu tad-ābhatā
03268 kaścid bahiḥ sthitān eva sukha-ādīn apracetanān
03268 grāhyān āha na tasya api sakṛd yukto dvaya-grahaḥ
03269 sukha-ādy-abhinna-rūpatvān nīla-ādeś cet sakṛd grahaḥ
03269 bhinna-avabhāsinor grāhyaṃ cetasos tad abhedi kim
03270 tasya aviśeṣe bāhyasya bhāvanā-tāratamyataḥ
03270 tāratamyaṃ ca buddhau syān na prīti-paritāpayoḥ
03271 sukha-ādy-ātmatayā buddher api yady avirodhitā
03271 sa idānīṃ kathaṃ bāhyaḥ sukha-ādy-ātmā iti gamyate
03272 agrāhya-grāhakatvāc ced bhinna-jātīyayoḥ
03272 agrāhakaḥ syāt sarvasya tato hīyeta bhoktṛtā
03273 kāryakāraṇatā anena pratyukta-akāryakāraṇe
03273 grāhyagrāhakatā-abhāvād bhāve anyatra api sā bhavet
03274 tasmāt ta āntarā eva saṃvedyatvāc ca cetanāḥ
03274 saṃvedanaṃ na yad rūpaṃ na hi tat tasya vedanam
03275 atat-svabhāvo anubhavo bauddhāṃs tān samavaiti cet
03275 muktvā adhyakṣa-smṛta-ākārāṃ saṃvittiṃ buddhir atra kā
03276 tāṃs tān artha-anupādāya sukha-duḥkha-ādi-vedanam
03276 ekam āvirbhavad dṛṣṭaṃ na dṛṣṭaṃ tv anyad antarā
03277 saṃsargād avibhāgaś ced ayo-golaka-vahni-vat
03277 bheda-abheda-vyavasthā evam ucchinnā sarva-vastuṣu
03278 abhinna-vedanasya aikye yan na evaṃ tad-vibheda-vat
03278 sidhyed asādhanatve asya na siddhaṃ bheda-sādhanam
03279 bhinna-ābhaḥ sita-duḥkha-ādir abhinno buddhi-vedane
03279 abhinna-ābhe vibhinne ced bheda-abhedau kim āśrayau
03280 tiraskṛtānāṃ paṭunā apy ekadā bheda-darśanāt
03280 pravāhe vitti-bhedānāṃ siddhā bheda-vyavasthitiḥ
03281 prāguktaṃ yogināṃ jñānaṃ teṣāṃ tad bhāvanām ayam
03281 vidhūta-kalpanā-jālaṃ spaṣṭam eva avabhāsate
03282 kāma-śoka-bhaya-unmāda-caura-svapna-ādy-upaplutāḥ
03282 abhūtān api paśyanti purato avasthitān iva
03283 na vikalpa-anubaddhasya spaṣṭa-artha-pratibhāsitā
03283 svapne api smaryate smārtaṃ ca tat tādṛg arthavat
03284 aśubhā pṛthivī kṛtsna-ādy-abhūtam api varṇyate
03284 spaṣṭa-ābhaṃ nirvikalpaṃ ca bhāvanā-bala-nirmitam
03285 tasmād bhūtam abhūtaṃ vā yad yad eva abhibhāvyate
03285 bhāvanā-pariniṣpattau tat sphuṭa-akalpa-dhī-phalam
03286 tatra pramāṇaṃ saṃvādi yat prāṅ nirṇīta-vastu-vat
03286 tad-bhāvanājaṃ pratyakṣam iṣṭaṃ śeṣā upaplavāḥ
03287 śabda-artha-grāhi yad yatra taj-jñānaṃ tatra kalpanā
03287 svarūpaṃ ca na śabda-arthas tatra adhyakṣam ato akhilam
03288 trividhaṃ kalpanā-jñānam āśraya-upaplava-udbhavam
03288 avikalpakam ekaṃ ca pratyakṣa-ābhaṃ caturvidham
03289 anakṣajatva-siddhy-artham ukte dve bhrānti-darśanāt
03289 siddha-anumā-ādi-vacanaṃ sādhanāya eva pūrvayoḥ
03290 saṃketa-saṃśraya-anya-artha-samāropa-vikalpane
03290 pratyakṣa-asan nivṛttitvāt kadācid bhrānti-kāraṇam
03291 yathā eva iyaṃ parokṣa-artha-kalpanā smaraṇa-ādikā
03291 samaya-apekṣiṇī na arthaṃ pratyakṣaṃ pratyavasyati
03292 tathā anubhūta-smaraṇam antareṇa ghaṭa-ādiṣu
03292 na pratyayo anuyaṃs tac ca pratyakṣāt parihīyate
03293 apavādaś caturtho atra tena uktam upaghātajam
03293 kevalaṃ tatra timiram upaghāta-upalakṣaṇam
03294 mānasaṃ tad api ity eke teṣāṃ grantho virudhyate
03294 nīla-dvi-candra-ādi-dhiyāṃ hetur akṣāṇy api ity ayam
03295 pāraṃparyeṇa hetuś ced indriya-jñāna-gocare
03295 vicāryamāṇe prastāvo mānasasya iha kīdṛśaḥ
03296 kiṃ vā aindriyaṃ yad akṣāṇāṃ bhāva-abhāva-anurodhi cet
03296 tat-tulyaṃ vikriyā-vac cet sā iva iyaṃ kiṃ niṣidhyate
03297 sarpa-ādi-bhrānti-vac ca asyāḥ syād akṣa-vikṛtāv api
03297 nivṛttir na nivarteta nivṛtte apy akṣa-viplave
03298 kadācid anya-santāne tathā eva apy eta vācakaiḥ
03298 dṛṣṭa-smṛtim apekṣeta na bhāseta parisphuṭam
03299 suptasya jāgrato vā api yā eva dhīḥ sphuṭa-bhāsinī
03299 sā nirvikalpa-ubhayathā apy anyathā eva vikalpikā
03300 tasmāt tasya avikalpe api prāmāṇyaṃ pratiṣidhyate
03300 visaṃvādāt tad-arthaṃ ca pratyakṣa-ābhaṃ dvidhā uditam
03301 kriyā-sādhanam ity eva sarvaṃ sarvasya karmaṇaḥ
03301 sādhanaṃ na hi tat tasyāḥ sādhanaṃ yā kriyā yataḥ
03302 tatra anubhava-mātreṇa jñānasya sadṛśa-ātmanaḥ
03302 bhāvyaṃ tena ātmanā yena pratikarma vibhajyate
03303 anātmabhūto bhedo asya vidyamāno api hetuṣu
03303 bhinne karmaṇy abhinnasya na bhedena niyāmakaḥ
03304 tasmād yato asya ātma-bhedo asya adhigatir ity ayam
03304 kriyāyāḥ karma-niyamaḥ siddhā sā tat-prasādhanā
03305 arthena ghaṭayaty enāṃ na hi muktvā artha-rūpatām
03305 anyaḥ sva-bhedāj jñānasya bhedako api kathaṃcana
03306 tasmāt prameya-adhigateḥ sādhanaṃ meya-rūpatā
03306 sādhane anyatra tat-karma-sambandho na prasidhyati
03307 sā ca tasya ātmabhūtā eva tena na artha-antaraṃ phalam
03307 dadhānaṃ tac ca tām ātmany artha-adhigamana-ātmanā
03308 savyāpāram iva ābhāti vyāpāreṇa sva-karmaṇi
03308 tad-vaśāt tad-vyavasthānād akārakam api svayam
03309 yathā phalasya hetūnāṃ sadṛśa-ātmatayā udbhavāt
03309 hetu-rūpa-graho loke kriyāvattve api kathyate
03310 ālocanā-akṣa-sambandha-viśeṣaṇa-dhiyāmataḥ
03310 na iṣṭaṃ prāmāṇyam eteṣāṃ vyavadhānāt kriyāṃ prati
03311 sarveṣām upayoge api kārakāṇāṃ kriyāṃ prati
03311 yad antyaṃ bhedakaṃ tasyās tat-sādhakatamaṃ matam
03312 sarva-sāmānya-hetutvād akṣāṇām asti na īdṛśam
03312 tad-bhede api hy abhinnasya tasya idam iti tat kutaḥ
03313 etena śeṣaṃ vyākhyātaṃ viśeṣaṇa-dhiyāṃ punaḥ
03313 atādrūpye na bhedo api tadvad anya-dhiyo api vā
03314 na iṣṭo viṣaya-bhedo api kriyā-sādhanayor dvayoḥ
03314 eka-arthatve dvayaṃ vyarthaṃ na ca syāt krama-bhāvitā
03315 sādhyasādhanatābhāvaḥ sakṛd-bhāve dhiyo aṃśayoḥ
03315 tad-vyavasthā-āśrayatvena sādhya-sādhana-saṃsthitiḥ
03316 sarva-ātmanā api sambaddhaṃ kaiścid eva avagamyate
03316 dharmaiḥ sa niyamo na syāt sambandhasya aviśeṣataḥ
03317 tad abhede api bhedo ayaṃ yasmāt tasya pramāṇatā
03317 saṃskārāc ced atādrūpye na tasya apy avyavasthiteḥ
03318 kriyā-karaṇayor aikya-virodha iti ced asat
03318 dharma-bheda-abhyupagamād vastv-abhinnam iti iṣyate
03319 evaṃprakārā sarvā eva kriyā-kāraka-saṃsthitiḥ
03319 bhāve hy abhinna-abhimateṣv adhyāropeṇa vṛttitaḥ
03320 kā artha saṃvid yad eva idaṃ pratyakṣaṃ prativedanam
03320 tad-artha-vedanaṃ kena tādrūpyād vyabhicāri tat
03321 atha so anubhavaḥ kva asya tad eva idaṃ vicāryate
03321 sarūpavanti tat kena sthūla-ābhāsaś ca te aṇavaḥ
03322 tan na artha-rūpatā tasya satya-artha-avyabhicāriṇī
03322 tat saṃvedana-bhāvasya na samarthā prasādhane
03323 tat sārūpya-tadutpattī yadi saṃvedya-lakṣaṇam
03323 saṃvedyaṃ syāt samāna-arthaṃ vijñānaṃ samanantaram
03324 idaṃ dṛṣṭaṃ śrutaṃ vedam iti yatra avasāya-dhīḥ
03324 sa tasya anubhavaḥ sā eva pratyāsattir vicāryate
03325 dṛśya-darśanayor yena tasya tat-sādhanaṃ matam
03325 tayoḥ sambandham āśritya draṣṭur eṣa viniścayaḥ
03326 ātmā sa tasya anubhavaḥ sa ca na anyasya kasyacit
03326 pratyakṣa-prativedyatvam api tasya tadātmatā
03327 na anyo anubhāvyas tena asti tasya na anubhavo paraḥ
03327 tasya api tulya-codyatvāt svayaṃ sā eva prakāśate
03328 nīla-ādi-rūpas tasya asau svabhāvo anubhavaś ca saḥ
03328 nīla-ādy-anubhavaḥ khyātaḥ svarūpa-anubhavo api san
03329 prakāśamānas tādātmyāt svarūpasya prakāśakaḥ
03329 yathā prakāśo abhimatas tathā dhīr ātma-vedinī
03330 tasyāś ca artha-antare vedye durghaṭau vedya-vedakau
03330 avedya-vedaka-ākārā yathā bhrāntair nirīkṣyate
03331 vibhakta-lakṣaṇa-grāhya-grāhaka-ākāra-viplavā
03331 tathā akṛta-vyavasthā iyaṃ keśa-ādi-jñāna-bheda-vat
03332 yadā tadā na saṃcodya-grāhya-grāhaka-lakṣaṇā
03332 tadā anya-saṃvido abhāvāt svasaṃvit phalam iṣyate
03333 yadi bāhyo anubhūyeta ko doṣo na eva kaścana
03333 idam eva kim uktaṃ syāt sa bāhyo artho anubhūyeta
03334 yadi buddhis tad-ākārā sā asty ākāra-niveśinī
03334 sā bāhyād anyato vā iti vicāram idam arhati
03335 darśana-upādhi-rahitasya agrahāt tad-grahe grahāt
03335 darśanaṃ nīla-nirbhāsaṃ na artho bāhyo asti kevalaḥ
03336 kasyacit kiṃcid eva antarvāsanāyāḥ prabodhakam
03336 tato dhiyāṃ viniyamo na bāhya-artha-vyapekṣayā
03337 tasmād dvi-rūpam asty ekaṃ yad evam anubhūyate
03337 smaryate ca ubhaya-ākārasya asya saṃvedanaṃ phalam
03338 yadā niṣpanna-tadbhāva iṣṭo aniṣṭo api vā paraḥ
03338 vijñapti-hetur viṣayas tasyāś ca anubhavas tathā
03339 yadā saviṣayaṃ jñānaṃ jñāna-aṃśe artha-vyavasthiteḥ
03339 tadā ya ātma-anubhavaḥ sa eva artha-viniścayaḥ
03340 yadi iṣṭa-ākāra ātmā syād anyathā vā anubhūyate
03340 iṣṭo aniṣṭo api vā tena bhavaty arthaḥ praveditaḥ
03341 vidyamāne api bāhya-arthe yathānubhavam eva saḥ
03341 niścita-ātmā svarūpeṇa na aneka-ātmatva-doṣataḥ
03342 yadi bāhyaṃ na vidyeta kasya saṃvedanaṃ bhavet
03342 yady agatyā svarūpasya bāhyasya eva na kiṃ matam
03343 abhyupāye api bhedena na syād anubhavo dvayoḥ
03343 adṛṣṭa-āvaraṇān no cen na nāma-artha-vaśā gatiḥ
03344 tam aneka-ātmakaṃ bhāvam eka-ātmatvena darśayet
03344 tad adṛṣṭaṃ kathaṃ nāma bhaved arthasya vedakam
03345 iṣṭa-aniṣṭa-avabhāsinyaḥ kalpanā na akṣa-dhīr yadi
03345 aniṣṭa-ādāv asandhānaṃ dṛṣṭaṃ tatra api cetasām
03346 tasmāt prameye bāhye api yuktaṃ sva-anubhavaḥ phalam
03346 yataḥ svabhāvo asya yathā tathā eva artha-viniścayaḥ
03347 tadā artha-ābhāsatā eva asya pramāṇaṃ na tu sann api
03347 grāhaka-ātmā aparārthatvād bāhyeṣv artheṣv apekṣyate
03348 yasmād yathā niviṣṭo asāv artha-ātmā pratyaye tathā
03348 niścīyate niviṣṭo asāv evam ity ātma-saṃvidaḥ
03349 ity artha-saṃvit sā eva iṣṭā yato artha-ātmā na dṛśyate
03349 tasyā buddhi-niveśya-arthaḥ sādhanaṃ tasya sā kriyā
03350 yathā niviśate so arthaḥ tathā hi sa prakāśate
03350 artha-sthites tadātmatvāt svavid apy arthavin matā
03351 tasmād viṣaya-bhedo api na svasaṃvedanaṃ phalam
03351 uktaṃ svabhāva-cintāyāṃ tādātmyād artha-saṃvidaḥ
03352 tathā avabhāsamānasya tādṛśo anya-adṛśo api vā
03352 jñānasya hetur artho api ity arthasya iṣṭā prameyatā
03353 yathā kathaṃcin na asya artha-rūpaṃ yuktyā avabhāsinaḥ
03354 avibhāgo api buddhy-ātma-viparyāsita-darśanaiḥ
03354 grāhya-grāhaka-saṃvitti-bhedavān iva lakṣyate
03355 mantra-ādy-upapluta-akṣāṇāṃ yathā mṛcchakala-ādayaḥ
03355 anyathā eva avabhāsante tad-rūpa-rahitā api
03356 tathā eva adarśanāt teṣām anupapluta-cakṣuṣām
03356 dūre yathā vā maruṣu mahān alpo api dṛśyate
03357 yathā anudarśanaṃ ca iyaṃ meya-māna-phala-sthitiḥ
03357 kriyate avidyamānā api grāhya-grāhaka-saṃvidām
03358 anyathā ekasya bhāvasya nānā-rūpa-avabhāsinaḥ
03358 satyaṃ kathaṃ syur ākārās tad ekatvasya hānitaḥ
03359 anyasya anyatva-hāneś ca na abhedo arūpa-darśanāt
03359 rūpa-abhedaṃ hi paśyantī dhīr abhedaṃ vyavasyati
03360 bhāvā yena nirūpyante tad-rūpaṃ na asti tattvataḥ
03360 yasmād ekam anekaṃ vā rūpaṃ teṣāṃ na vidyate
03361 sādharmya-darśanāl loke bhrāntirn nāma upajāyate
03361 atadātmani tādātmya-vyavasāyena na iha tat
03362 adarśanāj jagat yasminn ekasya api tadātmanaḥ
03362 asti iyam api yā tv antar upaplava-samudbhavā
03363 doṣa-udbhavā prakṛtyā sā vitatha-pratibhāsinī
03363 anapekṣita-sādharmya-dṛg-ādis taimira-ādi-vat
03364 tatra buddheḥ paricchedo grāhaka-ākāra-sammataḥ
03364 tādātmyād ātmavit tasya sa tasyā sādhanaṃ tataḥ
03365 tatra ātma-viṣaye māne yathā rāga-ādi-vedanam
03365 iyaṃ sarvatra saṃyojyā māna-meya-phala-sthitiḥ
03366 tatra apy anubhava-ātmatvāt te yogyāḥ svātmasaṃvidi
03366 iti sā yogyatā mānam ātmā meyaḥ phalaṃ svavit
03367 grāhaka-ākāra-saṃkhyātā pariccheda-ātmatā ātmani
03367 sā yogyatā iti ca proktaṃ pramāṇaṃ svātmavedanam
03368 sarvam eva hi vijñānaṃ viṣayebhyaḥ samudbhavat
03368 tad-anyasya api hetutve kathaṃ syād viṣaya-ākṛtiḥ
03369 yathā eva āhāra-kāla-āder hetutve apatya-janmani
03369 pitros tad ekasya ākāraṃ dhatte na anyasya kasyacit
03370 tad-hetutvena tulye api tad-anya-viṣayaṃ matam
03370 viṣayatvaṃ tad-aṅgena tad-abhāve na tad bhavet
03371 anartha-ākāra-śaṅkā syād apy arthavati cetasi
03371 atīta-artha-grahe siddhe dvirūpatva-ātma-vedane
03372 nīla-ādy-ābhāsa-bheditvān na artho jātir atadvatī
03372 sā vā anityā na jātiḥ syān nityā vā janikā katham
03373 nāma-ādikaṃ niṣiddhaṃ prāṅ na ayam arthavatāṃ kramaḥ
03373 icchā-mātra-anubandhitvād artha-śaktirn na sidhyati
03374 smṛtiś ca īdṛgvidhaṃ jñānaṃ tasyāś ca anubhavād bhavaḥ
03374 sa ca artha-ākāra-rahitaḥ sā idānīṃ tadvatī katham
03375 na arthād bhāvas tadā abhāvāt syāt tathā anubhave api saḥ
03375 ākāraḥ sa ca na arthasya spaṣṭa-ākāra-vivekataḥ
03376 vyatiriktaṃ tam ākāraṃ pratīyād aparas tathā
03376 nityam ātmani sambandhe pratīyāt kathitaṃ ca na
03377 ekā ekena abhisambandhe pratisandhir na yujyate
03377 eka-artha-abhiniveśa-ātmā pravaktṛ-śrotṛ-cetasoḥ
03378 tad eka-vyavahāraś cet sādṛśyād atadābhayoḥ
03378 bhinna-ātma-arthaḥ kathaṃ grāhyas tadā syād dhīr anarthikā
03379 tac ca anubhava-vijñānam ubhaya-aṅga-avalambinā
03379 eka-ākāra-viśeṣeṇa taj-jñānena anubadhyate
03380 anyathā hy atad-ākāraṃ kathaṃ jñāne adhirohati
03380 eka-ākāra-uttaraṃ jñānaṃ tathā hy uttaram uttaram
03381 tasya artha-rūpeṇa ākārāv ātma-ākāraś ca kaścana
03381 dvitīyasya tṛtīyena jñānena hi vivicyate
03382 artha-kāryatayā jñāna-smṛtāv artha-smṛter yadi
03382 bhrāntyā saṅkalanaṃ jyotir manaskāre ca sā bhavet
03383 sarveṣām api kāryāṇāṃ kāraṇaiḥ syāt tathā grahaḥ
03383 kulāla-ādi-vivekena na smaryeta ghaṭas tataḥ
03384 yasmād atiśayāj jñānam artha-saṃsarga-bhājanam
03384 sārūpyāt tat kim anyat syād dṛṣṭeś ca yamala-ādiṣu
03385 ādyā anubhaya-rūpatve hy eka-rūpe vyavasthitam
03385 dvitīyaṃ vyatiricyeta na parāmarśa-cetasā
03386 artha-saṃkalana-aśleṣā dhīr dvitīya-avalambate
03386 nīla-ādi-rūpeṇa dhiyaṃ bhāsamānāṃ puras tataḥ
03387 anyathā hy ādyam eva ekaṃ saṃyojyeta artha-sambhavāt
03387 jñānaṃ na adṛṣṭa-sambandhaṃ pūrva-arthena uttarottaram
03388 sakṛt-saṃvedyamānasya niyamena dhiyā saha
03388 viṣayasya tato anyatvaṃ kena ākāreṇa sidhyati
03389 bhedaś ca bhrānti-vijñānair dṛśyeta indāv iva advaye
03389 saṃvitti-niyamo na asti bhinnayor nīla-pītayoḥ
03390 na artho asaṃvedanaḥ kaścid anarthasya api vedanam
03390 dṛṣṭaṃ saṃvedyamānaṃ tat tayor na asti vivekitā
03391 tasmād arthasya durvāraṃ jñāna-kāla-avabhāsinaḥ
03391 jñānād avyatirekitvaṃ hetu-bheda-anumā bhavet
03392 abhāvād akṣa-buddhīnāṃ satsv apy anyeṣu hetuṣu
03392 niyamaṃ yadi na brūyāt pratyayāt samanantarāt
03393 bījād aṅkura-janma-agner dhūmāt siddhir atīdṛśī
03393 bāhya-artha-āśrayiṇī yā api kāraka-jñāpaka-sthitiḥ
03394 sā api tad-rūpa-nirbhāsās tathā niyata-saṃgamāḥ
03394 buddhir āśritya kalpyeta yadi kiṃ vā virudhyate
03395 anagni-janyo dhūmaḥ syāt tat-kāryāt kāraṇe agatiḥ
03395 na syāt kāraṇatāyāṃ vā kuta ekāntato gatiḥ
03396 tatra api dhūma-ābhāsā dhīḥ prabodha-paṭu-vāsanām
03396 gamayed agni-nirbhāsāṃ dhiyam eva na pāvakam
03397 tad-yogya-vāsanā-garbha eva dhūma-avabhāsinīm
03397 vyanakti citta-santāno dhiyaṃ dhūmo agnitas tataḥ
03398 asty eṣa viduṣāṃ vādo bāhyaṃ tv āśritya varṇyate
03398 dvairūpyaṃ saha-saṃvitti-niyamāt tac ca sidhyate
03399 jñānam indriya-bhedena paṭu-manda-āvila-ādikām
03399 pratibhāsa-bhidām arthe bibhrad ekatra dṛśyate
03400 arthasya abhinna-rūpatvād eka-rūpaṃ bhaven manaḥ
03400 sarvaṃ tad-artham arthāc cet tasya na asti tad-ābhatā
03401 artha-āśrayeṇa udbhavatas tad-rūpam anukruvataḥ
03401 tasya kenacid aṃśena parato api bhidā bhavet
03402 tathā hy āśritya pitaraṃ tad-rūpo api sutaḥ pituḥ
03402 bhedaṃ kenacid aṃśena kutaścid avalambate
03403 mayūra-candraka-ākāraṃ nīla-lohita-bhāsvaram
03403 sampaśyanti pradīpa-āder maṇḍalaṃ manda-cakṣuṣaḥ
03404 tasya tad-bāhya-rūpatve kā prasanna-īkṣaṇe akṣamā
03404 bhūtaṃ paśyaṃś ca tad-darśī kathaṃ ca upahata-indriyaḥ
03405 śodhitaṃ timireṇa asya vyaktaṃ cakṣur atīndriyam
03405 paśyato anya-akṣa-dṛśye arthe tad-avyaktaṃ kathaṃ punaḥ
03406 āloka-akṣa-manaskārād anyasya ekasya gamyate
03406 śaktir hetus tato na anyo ahetuś ca viṣayaḥ katham
03407 sa eva yadi dhī-hetuḥ kiṃ pradīpam apekṣate
03407 dīpa-mātreṇa sadbhāvād ubhayaṃ na api kāraṇam
03408 dūra-āsanna-ādi-bhedena vyakta-avyaktaṃ na yujyate
03408 tat syād āloka-bhedāc cet tat pidhāna-apidhānayoḥ
03409 tulyā dṛṣṭir adṛṣṭir vā sūkṣmo aṃśas tasya kaścana
03409 ālokena na mandena dṛśyate ato bhidā yadi
03410 ekatve arthasya bāhyasya dṛśya-adṛśya-bhidā kutaḥ
03410 anekatve aṇuśo bhinno dṛśya-adṛśya-bhidā kutaḥ
03411 māndya-pāṭāv abhedena bhāso buddhi-bhidā yadi
03411 bhinne anyasminn abhinnasya kuto bhedena bhāsanam
03412 mandaṃ tad api tejaḥ kim āvṛtter iha sā na kim
03412 tanutvāt tejaso apy etad asty anyatra apy atānavam
03413 atyāsanne ca suvyaktaṃ tejas tat syād atisphuṭam
03413 tatra apy adṛṣṭam āśritya bhaved rūpa-antaraṃ yadi
03414 anyonya-āvaraṇāt teṣāṃ syāt tejo vihatis tataḥ
03414 tatra ekam eva dṛśyeta tasya anāvaraṇe sakṛt
03415 paśyet sphuṭa-asphuṭaṃ rūpam eko adṛṣṭena vāraṇe
03415 artha-anarthau na yena stas tad-adṛṣṭaṃ karoti kim
03416 tasmāt saṃvid yathāhetu jāyamāna-artha-saṃśrayāt
03416 pratibhāsa-bhidāṃ dhatte śeṣāḥ kumati-durnayāḥ
03417 jñāna-śabda-pradīpānāṃ pratyakṣasya itarasya vā
03417 janakatvena pūrveṣāṃ kṣaṇikānāṃ vināśataḥ
03418 vyaktiḥ kuto asatāṃ jñānād anyasya anupakāriṇaḥ
03418 vyaktau vyajyeta sarvo arthas tad-hetor niyamo yadi
03419 na eṣā api kalpanā jñāne jñānaṃ tv artha-avabhāsataḥ
03419 taṃ vyanakti iti kathyeta tad-abhāve api tat-kṛtam
03420 na ākārayati ca anyo artho anupakārāt saha-uditaḥ
03420 vyakto na ākārayan jñānaṃ sva-ākāreṇa kathaṃ bhavet
03421 vajra-upala-ādir apy arthaḥ sthiraḥ so anya-anapekṣaṇāt
03421 sakṛt sarvasya janayej jñānāni jagataḥ samam
03422 kramād bhavanti tāny asya sahakāry-upakārataḥ
03422 āhuḥ pratikṣaṇaṃ bhedaṃ sa doṣo atra api pūrvavat
03423 saṃvedanasya tādātmye na vivādo asti kasyacit
03423 tasya artha-rūpatā siddhā sā api sidhyati saṃsmṛteḥ
03424 bhedena ananubhūtes bhinna-vibhakte sva-gocaraiḥ
03424 evam etan na khalv evam iti sā syān na bhedinī
03425 na ca anubhava-mātreṇa kaścid bhedo vivecakaḥ
03425 vivekinī na ca aspaṣṭa-bhede dhīr yamala-ādi-vat
03426 dvairūpya-sādhanena api prāyaḥ siddhaṃ svavedanam
03426 svarūpabhūta-ābhāsasya tadā saṃvedana-īkṣaṇāt
03427 dhiyā atadrūpayā jñāne niruddhe anubhavaḥ kutaḥ
03427 svaṃ ca rūpaṃ na sā vetti ity utsanno anubhavo arthinaḥ
03428 bahir mukhaṃ ca taj-jñānaṃ bhāty artha-pratibhāsa-vat
03428 buddheś ca grāhikā buddhir nityam antarmukhā-ātmani
03429 yo yasya viṣaya-ābhāsas taṃ vetti na tad ity api
03429 prāptā kā saṃvid anyā asti tādrūpyād iti cen matam
03430 prāptaṃ saṃvedanaṃ sarva-sadṛśānāṃ parasparam
03430 buddhiḥ sarūpā tad-vic cet na idānīṃ vit-sarūpikā
03431 svayaṃ so anubhavas tasyā na sa sārūpya-kāraṇaḥ
03431 kriyā-karma-vyavasthāyās tal-loke syān nibandhanam
03432 svabhāvabhūta-tad-rūpa-saṃvid āropa-viplavāt
03432 nīla-āder anubhūta-ākhyā na anubhūteḥ para-ātmanoḥ
03433 dhiyo nīla-ādi-rūpatve bāhyo arthaḥ kiṃ pramāṇakaḥ
03433 dhiyo anīla-ādi-rūpatve sa tasya anubhavaḥ katham
03434 yadā saṃvedana-ātmatvaṃ na sārūpya-nibandhanam
03434 siddhaṃ tat svata eva asya kim arthena upanīyate
03435 sarvātmanā hi sārūpye jñānam ajñānatāṃ vrajet
03435 sāmye kenacid aṅgena syāt sarvaṃ sarva-vedanam
03436 yathā nīla-ādi-rūpatvān nīla-ādy-anubhavo mataḥ
03436 tathā anubhava-rūpatvāt tasya apy anubhavo bhavet
03437 na anubhūto anubhava ity artha-vat tad-viniścayaḥ
03437 tasmād adoṣa iti cet na arthe apy asty eṣa sarvadā
03438 kasmād vā anubhave na asti sati sattā-nibandhane
03438 api ca idaṃ yad ābhāti dṛśyamāne sita-ādike
03439 puṃsāṃ sita-ādy-abhivyakti-rūpaṃ saṃvedanaṃ sphuṭam
03439 tat kiṃ sita-ādy-abhivyakteḥ pararūpam atha ātmanaḥ
03440 pararūpe aprakāśāyāṃ vyaktau vyaktaṃ kathaṃ sitam
03440 jñānaṃ vyaktir na sā vyaktā ity avyaktam akhilaṃ jagat
03441 vyakter vyakty-antara-vyaktāv api doṣa-prasaṅgataḥ
03441 dṛṣṭyā ca ajñāta-sambandhaṃ viśinaṣṭi tayā katham
03442 yasmād dvayor eka-gatau na dvitīyasya darśanam
03442 dvayoḥ saṃsṛṣṭayor dṛṣṭau syād dṛṣṭam iti niścayaḥ
03443 sarūpaṃ darśanaṃ yasya dṛśyate anyena cetasā
03443 dṛṣṭa-ākhyā tatra cet siddhaṃ sārūpye asya svavedanam
03444 atha ātma-rūpan no vetti pararūpasya vit katham
03444 sārūpyād vedanā-ākhyā ca prāg eva pratipāditā
03445 dṛṣṭayor eva sārūpya-graho arthaṃ ca na dṛṣṭavān
03445 prāk kathaṃ darśanena asya sārūpyaṃ so adhyavasyati
03446 sārūpyam api na icched yaḥ tasya na ubhaya-darśanam
03446 tadā artho jñānam iti ca jñāte ca iti gatā kathā
03447 atha svarūpaṃ sā tarhi svayam eva prakāśate
03447 yat tasyām aprakāśāyām arthaḥ syād aprakāśitaḥ
03448 etena anātmavit pakṣe sarva-artha-adarśanena ye
03448 apratyakṣāṃ dhiyaṃ prāhus te api nirvarṇita-uttarāḥ
03449 āśraya-ālambana-abhyāsa-bhedād bhinna-pravṛttayaḥ
03449 sukha-duḥkha-abhilāṣa-ādi-bhedā buddhaya eva tāḥ
03450 pratyakṣās tad-viviktaṃ ca na anyat kiṃcid vibhāvyate
03450 yat taj-jñānam paro apy enāṃ bhuñjīta anyena vid yadi
03451 tajjā tat pratibhāsā vā yadi dhīr vetti na aparā
03451 ālambamānasya anyasya apy asty avaśyam idaṃ dvayam
03452 atha na utpadyate tasmān na ca tat pratibhāsinī
03452 sā dhīrn nirviṣayā prāptā sāmānyaṃ ca tad-agrahe
03453 na gṛhyata iti proktaṃ na ca tad-vastu kiṃcana
03453 tasmād artha-avabhāso asau na anyas tasyā dhiyas tataḥ
03454 siddhe pratyakṣa-bhāva-ātmavidau gṛhṇāti tat punaḥ
03454 na adhyakṣam iti ced eṣa kuto bhedaḥ samarthayoḥ
03455 adṛṣṭa-eka-artha-yoga-ādeḥ saṃvido niyamo yadi
03455 sarvathā anyo na gṛhṇīyāt saṃvid bhedo apy apoditaḥ
03456 yeṣāṃ ca yogino anyasya pratyakṣeṇa sukha-ādikam
03456 vidanti tulya-anubhavās tadvat te api syur āturāḥ
03457 viṣaya-indriya-sampāta-abhāvāt teṣāṃ tad-udbhavam
03457 na udeti duḥkham iti cet na vai duḥkha-samudbhavaḥ
03458 duḥkha-asaṃvedanaṃ kiṃ tu duḥkha-jñāna-samudbhavaḥ
03458 na hi duḥkha-ādy-asaṃvedyaṃ pīḍā-anugraha-kāraṇam
03459 bhāsamānaṃ svarūpeṇa pīḍā duḥkhaṃ svayaṃ yadā
03459 na tad-ālambanaṃ jñānaṃ na tadā evaṃ prayujyate
03460 bhinne jñānasya sarvasya tena ālambana-vedane
03460 artha-sārūpyam ālamba ātmā vittiḥ svayaṃ sphuṭaḥ
03461 api ca adhyakṣatā abhāve dhiyaḥ syāl liṅgato gatiḥ
03461 tac ca akṣam artho dhīḥ pūrvo manaskāro api vā bhavet
03462 kārya-kāraṇa-sāmagryām asyāṃ sambandhinā aparam
03462 sāmarthya-adarśanāt tatra na indriyaṃ vyabhicārataḥ
03463 tathā artho dhī-manaskārau jñānaṃ tau ca na sidhyataḥ
03463 na aprasiddhasya liṅgatvaṃ vyaktir arthasya cen matā
03464 liṅgaṃ sā eva nanu jñānaṃ vyakto artho anena varṇitaḥ
03464 vyaktāv ananubhūtāyāṃ tad-vyaktatva-aviniścayāt
03465 atha arthasya eva kaścit sa viśeṣo vyaktir iṣyate
03465 na anutpāda-vyayavato viśeṣo arthasya kaścana
03466 tad iṣṭau vā pratijñānaṃ kṣaṇabhaṅgaḥ prasajyate
03466 sa ca jñāto athavā ajñāto bhavej jñātasya liṅgatā
03467 yadi jñāte aparicchinne jñāto asāv iti tat kutaḥ
03467 jñātatvena aparicchinnam api tad gamakaṃ katham
03468 adṛṣṭa-dṛṣṭayo anyena draṣṭā dṛṣṭā na hi kvacit
03468 viśeṣaḥ so anya-dṛṣṭāv apy asti iti syāt sva-dhī-gatiḥ
03469 tasmād anumitir buddheḥ sva-dharma-nirapekṣiṇaḥ
03469 kevalān na artha-dharmāt kaḥ sva-dharmaḥ sva-dhiyo paraḥ
03470 yaḥ pratyakṣo dhiyo hetuḥ tulya-kāraṇa-janmanaḥ
03470 tasya bhedaḥ kuto buddher vyabhicāry-anyajaś ca saḥ
03471 rūpa-ādīn pañca viṣayāni indriyāṇy upalambhanam
03471 muktvā na kāryam aparaṃ tasyāḥ samupalabhyate
03472 tatra atyakṣaṃ dvayaṃ pañcasv artheṣv eko api na īkṣyate
03472 rūpa-darśanato jāto yo anyathā vyasta-sambhavaḥ
03473 yad evam apratītaṃ tal liṅgam ity apy alaukikam
03473 vidyamāne api liṅge tāṃ tena sārdham apaśyataḥ
03474 kathaṃ pratīti-liṅgaṃ hi na adṛṣṭasya prakāśakam
03474 tata eva asya liṅgāt prāk prasiddher upavarṇane
03475 dṛṣṭānta-antara-sādhyatvaṃ tasya api ity anavasthitiḥ
03475 ity arthasya dhiyaḥ siddhiḥ na arthāt tasyāḥ kathaṃcana
03476 tad-aprasiddhāv arthasya svayam eva aprasiddhitaḥ
03476 pratyakṣāṃ ca dhiyaṃ dṛṣṭvā tasyāś ca iṣṭa-abhidhā-ādikam
03477 para-citta-anumānaṃ ca na syād ātmany adarśanāt
03477 sambandhasya mano-buddhāv artha-liṅga-aprasiddhitaḥ
03478 prakāśitā kathaṃ vā syāt buddhir buddhy-antareṇa vaḥ
03478 aprakāśa-ātmanoḥ sā syād vyaṅgyavyañjakatā kutaḥ
03479 viṣayasya kathaṃ vyaktiḥ prakāśe rūpa-saṃkramāt
03479 sa ca prakāśas tad-rūpaḥ svayam eva prakāśate
03480 tathā abhyupagame buddheḥ buddhau buddhiḥ svavedikā
03480 siddhā anyathā tulya-dharmā viṣayo api dhiyā saha
03481 iti prakāśa-rūpā naḥ svayaṃ dhīḥ samprakāśate
03481 anyo asyāṃ rūpa-saṃkrāntyā prakāśaḥ samprakāśate
03482 sādṛśye api hi dhīr anyā prakāśyā na tayā matā
03482 svayaṃ prakāśanād arthas tad-rūpeṇa prakāśate
03483 yathā pradīpayor dīpa-ghaṭayoś ca tad-āśrayaḥ
03483 vyaṅgyavyañjakabhāvena vyavahāraḥ pratanyate
03484 viṣaya-indriya-mātreṇa na dṛṣṭam iti niścayaḥ
03484 tasmād yato ayaṃ tasya api vācyam anyasya darśanam
03485 smṛter apy ātmavit siddhā jñānasya anyena vedane
03485 dīrgha-ādi-grahaṇaṃ na syād bahu-mātra-anavasthiteḥ
03486 avasthitāv akramāyāṃ sakṛd ābhāsanān matau
03486 varṇaḥ syād akramo dīrghaḥ kramavān akramāṃ katham
03487 upakuryād asaṃśliṣyan varṇa-bhāgaḥ parasparam
03487 akrameṇa grahād anta-krama-vad dhīś ca no bhavet
03488 āntyaṃ pūrva-sthitād ūrdhvaṃ vardhamāno dhvanir bhavet
03489 sthāne svayaṃ na naśyet sā paścād apy aviśeṣataḥ
03489 doṣo ayaṃ sakṛd utpanna-akrama-varṇa-sthitāv api
03490 sakṛd yatna-udbhavād vyarthaḥ syād yatnaś ca uttarottaraḥ
03490 vyaktāv apy eṣa varṇānāṃ doṣaḥ samanuṣajyate
03491 anekayā tad-grahaṇe yā antyā dhīḥ sā anubhūyate
03491 na dīrgha-grāhikā sā ca tan na syād dīrgha-dhī-smṛtiḥ
03492 pṛthak pṛthak ca buddhīnāṃ saṃvittau tad-dhvaniḥ śruteḥ
03492 avicchinna-ābhatā na syād ghaṭanaṃ ca nirākṛtam
03493 vicchinnaṃ śṛṇvato apy asya yady avicchinna-vibhramaḥ
03493 hrasva-dvayoc cāraṇe api syād avicchinna-vibhramaḥ
03494 vicchinne darśane ca akṣād avicchinna-adhiropaṇam
03494 na akṣāt sarva-akṣa-buddhīnāṃ vitathatva-prasaṅgataḥ
03495 sarva-antyo api hi varṇa-ātmā nimeṣa-tulita-sthitiḥ
03495 sa ca kramād aneka-aṇu-sambandhena nitiṣṭhati
03496 eka-aṇv-atyaya-kālaś ca kālo alpīyān kṣaṇo mataḥ
03496 buddhiś ca kṣaṇikā tasmāt kramād varṇān prapadyate
03497 iti varṇeṣu rūpa-ādāv avicchinna-avabhāsinī
03497 vicchinnā apy anyayā buddhiḥ sarvā syād vitatha-arthikā
03498 ghaṭanaṃ yac ca bhāvānām anyatra indriya-vibhramāt
03498 bheda-alakṣaṇa-vibhrāntaṃ smaraṇaṃ tad-vikalpakam
03499 tasya spaṣṭa-avabhāsitvaṃ jalpa-saṃsargiṇaḥ kutaḥ
03499 na akṣa-grāhye asti śabdānāṃ yojanā iti vivecitam
03500 vicchinnaṃ paśyato apy akṣair ghaṭayed yadi kalpanā
03500 arthasya tat saṃvitteś ca satataṃ bhāsamānayoḥ
03501 bādhake asati san nyāye vicchinna iti tat kutaḥ
03501 buddhīnāṃ śakti-niyamād iti cet sa kuto mataḥ
03502 yugapad buddhy-adṛṣṭeś cet tad eva idaṃ vicāryate
03502 tāsāṃ samāna-jātīye sāmarthya-niyamo bhavet
03503 tathā hi samyak lakṣyante vikalpāḥ krama-bhāvinaḥ
03503 etena yaḥ samakṣe arthe pratyabhijñāna-kalpanām
03504 spaṣṭa-avabhāsāaṃ pratyakṣāṃ kalpayet so api vāritaḥ
03504 keśa-golaka-dīpa-ādāv api spaṣṭa-avabhāsanāt
03505 pratīta-bhede apy adhyakṣā dhīḥ kathaṃ tādṛśī bhavet
03505 tasmān na pratyabhijñānād varṇa-ādy-ekatva-niścayaḥ
03506 pūrva-anubhūta-smaraṇāt tad-dharma-āropaṇād vinā
03506 sa eva ayam iti jñānaṃ na asti tac ca akṣaje kutaḥ
03507 na ca artha-jñāna-saṃvittyor yugapat sambhavo yataḥ
03507 lakṣyate pratibhāsau dvau na artha-artha-jñānayoḥ pṛthak
03508 na hy artha-ābhāsi ca jñānam artho bāhyaś ca kevalaḥ
03508 eka-ākāram atigrāhye bheda-abhāva-prasaṅgataḥ
03509 sūpalakṣyeṇa bhedena yau saṃvittau na lakṣitau
03509 artha-artha-pratyayau paścāt smaryete tau pṛthak katham
03510 krameṇa anubhava-utpāde apy artha-artha-manasor ayam
03510 pratibhāsasya nānātva-codya-doṣo duruddharaḥ
03511 artha-saṃvedanaṃ tāvat tato artha-ābhāsa-vedanam
03511 na hi saṃvedanaṃ śuddhaṃ bhaved arthasya vedanam
03512 tathā hi nīla-ādy-ākāra eka ekaṃ ca vedanam
03512 lakṣyate na tu nīla-ābhe vedane vedanaṃ param
03513 jñāna-antareṇa anubhavo bhavet tatra api ca smṛtiḥ
03513 dṛṣṭā tad-vedanaṃ kena tasya apy anyena ced imām
03514 mālāṃ jñāna-vidāṃ ko ayaṃ janayaty anubandhinīm
03514 pūrvā dhīḥ sā eva cen na syāt saṃcāro viṣaya-antare
03515 tāṃ grāhya-lakṣaṇa-prāptām āsannāṃ janikāṃ dhiyam
03515 agṛhītvā uttaraṃ jñānaṃ gṛhṇīyād aparaṃ katham
03516 ātmani jñāna-janane svabhāve niyatāṃ ca tām
03516 ko nāma anyo vibadhnīyād bahir-aṅge antaraṅgikām
03517 bāhyaḥ saṃnihito apy arthaḥ tāṃ vibandhuṃ hi na prabhuḥ
03517 dhiyaṃ na anubhavet kaścid anyathā arthasya saṃnidhau
03518 na ca saṃnihita-arthā asti daśā kācid ato dhiyaḥ
03518 utsanna-mūlā smṛtir apy utsannā ity ujjvalaṃ matam
03519 atīta-ādi-vikalpānāṃ yeṣāṃ na arthasya saṃnidhiḥ
03519 saṃcāra-kāraṇa-abhāvād utsīded artha-cintanam
03520 ātmani jñāna-janane śakti-saṃkṣayataḥ śanaiḥ
03520 viṣaya-antara-saṃcāro yadi sā eva artha-dhīḥ kutaḥ
03521 śakti-kṣaye pūrva-dhiyaḥ na hi dhīḥ prāg dhiyā vinā
03521 anya-artha-asakti-viguṇe jñāne jñāna-udaya-agateḥ
03522 sakṛd vijātīya-jātāv apy ekena paṭīyasā
03522 cittena āhita-vaiguṇyād ālayān na anya-sambhavaḥ
03523 na apekṣeta anyathā sāmyaṃ mano-vṛtter mano antaram
03523 mano-jñāna-krama-utpattir apy apekṣā prasādhanī
03524 ekatvān manaso anyasmin saktasya anya-agater yadi
03524 jñāna-antarasya anudayo na kadācit sahodayāt
03525 samavṛttau ca tulyatvāt sarvadā anya-agatir bhavet
03525 janma ca ātma-mano yoga-mātrajānāṃ sakṛd bhavet
03526 ekā eva cet kriyā ekaḥ syāt kiṃ dīpo aneka-darśanaḥ
03526 krameṇa api na śaktaṃ syāt paścād apy aviśeṣataḥ
03527 anena deha puruṣāv uktau saṃskārato yadi
03527 niyamaḥ sa kutaḥ paścād buddheś ced astu sammatam
03528 na grāhyatā anyā jananāj jananaṃ grāhya-lakṣaṇam
03528 agrāhyaṃ na hi tejo asti na ca saukṣmya-ādy-anaṃśake
03529 grāhyatā-śakti-hāniḥ syān na anyasya janana-ātmanaḥ
03529 grāhyatāyā na khalv anyaj jananaṃ grāhya-lakṣaṇe
03530 sākṣān na hy anyathā buddhe rūpa-ādir upakārakaḥ
03530 grāhyatā-lakṣaṇād anyas tadbhāva-niyamo asya kaḥ
03531 buddher api tad asti iti sā api tattve vyavasthitā
03531 grāhya-upādāna-saṃvittī cetaso grāhya-lakṣaṇam
03532 rūpa-ādeś cetasaś ca evam aviśuddha-dhiyaṃ prati
03532 grāhya-lakṣaṇa-cintā iyam acintyā yogināṃ gatiḥ
03533 tatra sūkṣma-ādi-bhāvena grāhyam agrāhyatāṃ vrajet
03533 rūpa-ādi-buddheḥ kiṃ jātaṃ paścād yat prāṅ na vidyate
03534 sati sva-dhī-grahe tasmāt sā eva anantara-hetutā
03534 cetaso grāhyatā sā eva tato na artha-antarā gatiḥ
03535 nānā-eka-śakty-abhāve api bhāvo nānā-eka-kāryakṛt
03535 prakṛtyā eva iti gaditaṃ nānā-ekasmān na ced bhavet
03536 na kiṃcid ekam ekasmāt sāmagryāḥ sarva-sambhavaḥ
03536 ekaṃ syād api sāmagrayor ity uktaṃ tad anekakṛt
03537 arthaṃ pūrvaṃ ca vijñānaṃ gṛhṇīyād yadi dhīḥ parā
03537 pūrva-apara-artha-bhāsitvāc cintā-ādāv eka-cetasi
03538 abhilāpa-dvayaṃ nityaṃ syād dṛṣṭa-kramam akramam
03538 dvir dvir ekaṃ ca bhāseta bhāsanād ātma-tad-vidoḥ
03539 viṣaya-antara-saṃcāre yady antyaṃ na anubhūyate
03539 para-anubhūtivat sarvān anubhūtiḥ prasajyate
03540 ātma-anubhūtaṃ pratyakṣaṃ na anubhūtaṃ parair yadi
03540 ātma-anubhūtiḥ sā siddhā kṛto yena evam ucyate
03541 vyakti-hetv-aprasiddhiḥ syān na vyakter vyaktam icchataḥ
03541 vyakty-asiddhāv api vyaktaṃ yadi vyaktam idaṃ jagat
04001 parasya pratipādyatvād adṛṣṭo api svayaṃ paraiḥ
04001 dṛṣṭaḥ sādhanam ity eke tat-kṣepāya ātma-dṛg-vacaḥ
04002 anumā-viṣaye na iṣṭaṃ parīkṣita-parigrahāt
04002 vācaḥ prāmāṇyam asmin hi na anumānaṃ pravartate
04003 bādhanāya āgamasya ukteḥ sādhanasya paraṃ prati
04003 so apramāṇaṃ tadā asiddhaṃ tat-siddham akhilaṃ tataḥ
04004 tad-āgamavataḥ siddhaṃ yadi kasya ka āgamaḥ
04004 bādhyamānaḥ pramāṇena sa siddhaḥ katham āgamaḥ
04005 tad-viruddha-abhyupagamas tena eva ca kathaṃ bhavet
04005 tad-anya-upagame tasya tyāga-aṅgasya apramāṇatā
04006 tat kasmāt sādhanaṃ na uktaṃ sva-pratītir yad udbhavā
04006 yuktyā yayā āgamo grāhyo grāhikā asya api sā na kim
04007 prākṛtasya sataḥ prāg yaiḥ pratipatty-akṣa-sambhavau
04007 sādhanaiḥ sādhanāny artha-śakti-jñāne asya tāny alam
04008 vicchinna-anugamā ye ca sāmānyena apy agocarāḥ
04008 sādhya-sādhana-cintā asti na teṣv artheṣu kācana
04009 puṃsām abhiprāya-vaśāt tattva-atattva-vyavasthitau
04009 luptau hetu-tad-ābhāsau tasya vastv-asamāśrayāt
04010 sann artho jñāna-sāpekṣo na asan jñānena sādhakaḥ
04010 sato api vastv-asaṃśliṣṭā asaṃgatyā sadṛśī gatiḥ
04011 liṅgaṃ svabhāvaḥ kāryaṃ vā dṛśya-adarśanam eva vā
04011 sambaddhaṃ vastutaḥ siddhaṃ tad asiddhaṃ kim ātmanaḥ
04012 pareṇa apy anyato gantum ayuktaṃ para-kalpitaiḥ
04012 prasaṅgo dvaya-sambandhād eka-abhāve anya-hānaye
04013 tad-artha-grahaṇaṃ śabda-kalpanā-āropita-ātmanām
04013 aliṅgatva-prasiddhy-artham arthād artha-prasiddhitaḥ
04014 kalpanā-āgamayoḥ kartur icchā-mātra-anurodhataḥ
04014 vastunaś ca anyathā abhāvāt kalpitā vyabhicāriṇaḥ
04015 arthād artha-gateḥ śaktiḥ pakṣa-hetv-abhidhānayoḥ
04015 na arthe tena tayorn na asti svataḥ sādhana-saṃsthitiḥ
04016 tat pakṣa-vacanaṃ vaktur abhiprāya-nivedane
04016 pramāṇaṃ saṃśaya-utpatteḥ tataḥ sākṣān na sādhanam
04017 sādhyasya eva abhidhānena pāraṃparyeṇa na apy alam
04017 śaktasya sūcakaṃ hetu-vaco aśaktam api svayam
04018 hetv-artha-viṣayatvena tad-aśakta-uktir īritā
04018 śaktis tasya api ced hetu-vacanasya pravartanāt
04019 tat-saṃśayena jijñāsor bhavet prakaraṇa-āśrayaḥ
04019 vipakṣa-upagame apy etat tulyam ity anavasthitiḥ
04020 antaraṅgaṃ tu sāmarthyaṃ triṣu rūpeṣu saṃsthitam
04020 tatra smṛti-samādhānaṃ tad-vacasya iva saṃsthitam
04021 akhyāpite hi viṣaye hetu-vṛtter asambhavāt
04021 viṣaya-khyāpanād eva siddhau cet tasya śaktatā
04022 vyāpti-pūrve vinā apy asmāt kṛtakaḥ śabda īdṛśaḥ
04022 sarve anityā iti prokte apy arthāt tan nāśa-dhīr bhavet
04023 anuktāv api pakṣasya siddher apratibandhataḥ
04023 triṣv anyatam arūpasya eva anuktir nyūnatā uditā
04024 sādhya-uktiṃ vā pratijñāṃ sa vadan doṣair na yujyate
04024 sādhana-adhikṛter eva hetvābhāsa-prasaṅgataḥ
04025 aviśeṣa-uktir apy eka-jātīye saṃśaya-avahā
04025 anyathā sarva-sādhya-ukteḥ pratijñātvaṃ prasajyate
04026 siddha-ukteḥ sādhanatvāc cet parasya api na duṣyate
04026 idānīṃ sādhya-nirdeśaḥ sādhana-avayavaḥ katham
04027 sābhāsa-ukty-ādy-upakṣepa-parihāra-viḍambanā
04027 asambaddhā tathā hy eṣa na nyāya iti sūcitam
04028 gamya-arthatve api sādhya-ukter asammohāya lakṣaṇam
04028 tac catur-lakṣaṇaṃ rūpa-nipāta-iṣṭa-svayam-padaiḥ
04029 asiddha-asādhana-artha-ukta-vādy-abhyupagama-grahaḥ
04029 anukto api icchayā vyāptaḥ sādhya ātma-artha-van mataḥ
04030 sarva-anya-iṣṭa-nivṛttāv apy āśaṅkā-sthāna-vāraṇam
04030 vṛttau svayaṃ śruteḥ prāha kṛtā ca eṣā tad-arthikā
04031 viśeṣas tad-vyapekṣātaḥ kathito dharma-dharmiṇoḥ
04031 anuktāv api vāñchāyā bhavet prakaraṇād gatiḥ
04032 ananvayo api dṛṣṭānte doṣas tasya yathoditaḥ
04032 ātmā paraś cet so asiddha iti tatra iṣṭa-ghātakṛt
04033 sādhanaṃ yad vivāde na nyastaṃ tac cen na sādhyate
04033 kiṃ sādhyam anyathā aniṣṭaṃ bhaved vaiphalyam eva vā
04034 sadvitīya-prayogeṣu niranvaya-viruddhate
04034 etena kathite sādhyaṃ sāmānyena atha sammatam
04035 tad eva artha-antara-abhāvād deha-anāptau na sidhyate
04035 vācyaṃ śūnyaṃ pralapatāṃ tad etaj jāḍya-cintitam
04036 tulyaṃ nāśe api cec śabda-ghaṭa-bhedena kalpane
04036 na siddhena vināśena tadvataḥ sādhanād dhvaneḥ
04037 tathā artha-antara-bhāve syāt tadvān kumbho apy anityatā
04037 viśiṣṭā dhvaninā anveti no cen na ayoga-vāraṇāt
04038 dvividho hi vyavacchedo viyoga-apara-yogayoḥ
04038 vyavacchedād ayoge tu na anyena ananvaya-āgamaḥ
04039 sāmānyam eva tat sādhyaṃ na ca siddha-prasādhanam
04039 viśiṣṭaṃ dharmiṇā tac ca na niranvaya-doṣavat
04040 etena dharmi-dharmābhyāṃ viśiṣṭau dharma-dharmiṇau
04040 pratyākhyātau nirākurvan dharmiṇy evam asādhanāt
04041 samudāya-apavādo hi na dharmiṇi virudhyate
04041 sādhyaṃ yatas tathā na iṣṭaṃ sādhyo dharmo atra kevalaḥ
04042 ekasya dharmiṇaḥ śāstre nānā-dharma-sthitāv api
04042 sādhyaḥ syād ātmanā eva iṣṭa ity upāttā svayaṃ-śrutiḥ
04043 śāstra-abhyupagamād eva sarva-ādānāt prabādhane
04043 tatra ekasya api doṣaḥ syād yadi hetu-pratijñayoḥ
04044 śabda-nāśe prasādhye syād gandhe bhū-guṇatā-kṣateḥ
04044 hetur viruddho aprakṛter no ced anyatra sā samā
04045 atha atra dharmī prakṛtas tatra śāstra-artha-bādhanam
04045 atha vādi-iṣṭatāṃ brūyād dharmi-dharma-ādi-sādhanaiḥ
04046 kaiścit prakaraṇair icchā bhavet sā gamyate ca taiḥ
04046 balāt tava icchā iyam iti vyaktam īśvara-ceṣṭitam
04047 vadan na kārya-liṅgāṃ tāṃ vyabhicāreṇa bādhyate
04047 anāntarīyake ca arthe bādhite anyasya kā kṣatiḥ
04048 uktaṃ ca na āgama-apekṣam anumānaṃ sva-gocare
04048 siddhaṃ tena susiddhaṃ tan na tadā śāstram īkṣyate
04049 vāda-tyāgas tadā syāc cen na tadā anabhyupāyataḥ
04049 upāyo hy abhyupāye ayam anaṅgaṃ sa tadā api san
04050 tathā viśuddhe viṣaya-dvaye śāstra-parigraham
04050 cikīrṣoḥ sa hi kālaḥ syāt tadā śāstreṇa bādhanam
04051 tad-virodhena cintāyās tat siddha-artheṣv ayogataḥ
04051 tṛtīya-sthāna-saṃkrāntau nyāyaḥ śāstra-parigrahaḥ
04052 tatra api sādhya-dharmasya sambaddhasya eva bādhanam
04052 parihāryaṃ na ca anyeṣām anavasthā-prasaṅgataḥ
04053 kena iyaṃ sarva-cintāsu śāstraṃ grāhyam iti sthitiḥ
04053 kṛtā idānīm asiddhāntair grāhyo dhūmena na analaḥ
04054 riktasya jantoj jātasya guṇa-doṣam apaśyataḥ
04054 vilabdhā bata kena amī siddhānta-viṣam agrahāḥ
04055 yadi sādhana ekatra sarvaṃ śāstraṃ nidarśane
04055 darśayet sādhanaṃ syād ity eṣā lokottarā sthitiḥ
04056 asambaddhasya dharmasya kim asiddhau na sidhyati
04056 hetus tat-sādhanāya uktaḥ kiṃ duṣṭas tatra sidhyati
04057 dharmān anupanīya eva dṛṣṭānte dharmiṇo akhilān
04057 vāg-dhūma-āder jano anveti caitanya-dahana-ādikam
04058 svabhāvaṃ kāraṇaṃ vā artho avyabhicāreṇa sādhayan
04058 kasyacid vāda-bādhāyāṃ svabhāvān na nivartate
04059 prapadyamānaś ca anyas taṃ nāntarīyakam īpsitaiḥ
04059 sādhya-arthair hetunā tena katham apratipāditaḥ
04060 ukto anukto api ced hetur virodho vādino atra kim
04060 na hi tasya ukti-doṣeṇa sa jātaḥ śāstra-bādhanam
04061 bādhakasya abhidhānāc ced doṣo yadi vaden na saḥ
04061 kiṃ na bādheta so akurvan na yuktaṃ kena duṣyati
04062 anyeṣu hetvābhāseṣu sva-iṣṭasya eva aprasādhanāt
04062 duṣyed vyartha-abhidhānena na atra tasya prasādhanāt
04063 yadi kiṃcit kvacic śāstre na yuktaṃ pratiṣidhyate
04063 bruvāṇo yuktam apy anyad iti rājakula-sthitiḥ
04064 sarvān arthān samīkṛtya vaktuṃ śakyaṃ na sādhanam
04064 sarvatra tena utsanne ayaṃ sādhya-sādhana-saṃsthitiḥ
04065 viruddhayor eka-dharmiṇy ayogād astu bādhanam
04065 viruddha-ekāntikena atra tadvad asti virodhitā
04066 abādhyabādhakatve api tayoḥ śāstra-artha-viplavāt
04066 asambandhe api bādhā cet syāt sarvaṃ sarva-bādhakam
04067 sambandhas tena tatra eva bādhanād asti ced asat
04067 hetoḥ sarvasya cintyatvāt sva-sādhye guṇa-doṣayoḥ
04068 nāntarīyakatā-sādhye sambandhaḥ sā iha na īkṣyate
04068 kevalaṃ śāstra-pīḍā iha doṣaḥ sā anyakṛte samā
04069 śāstra-abhyupagamāt sādhyaḥ śāstra-dṛṣṭo khilo yadi
04069 pratijñā asiddha-dṛṣṭānta-hetu-vādaḥ prasajyate
04070 uktayoḥ sādhanatvena no ced īpsita-vādataḥ
04070 nyāya-prāptaṃ na sādhyatvaṃ vacanād vinivartate
04071 anīpsitam asādhyaṃ ced vādinā anyo apy anīpsitaḥ
04071 dharmo asādhyas tadā asādhyaṃ bādhamānaṃ virodhi kim
04072 pakṣa-lakṣaṇa-bāhya-arthaḥ svayaṃ śabdo apy anarthakaḥ
04072 śāstreṣv icchā-pravṛtty-artho yadi śaṅkā kuto anviyam
04073 so aniṣiddhaḥ pramāṇena gṛhṇan kena nivāryate
04073 niṣiddhaś cet pramāṇena vācā kena pravartyate
04074 pūrvam apy eṣa siddhāntaṃ sva-icchayā eva gṛhītavān
04074 kathaṃcid anyaṃ sa punar grahītuṃ labhate na kim
04075 dṛṣṭer vipratipattīnām atra akarṣīt svayaṃ śrutim
04075 iṣṭa-akṣatim asādhyatvam anavasthāṃ ca darśayan
04076 samaya-āhita-bhedasya parihāreṇa dharmiṇaḥ
04076 prasiddhasya gṛhīty-arthaṃ jagāda anyaḥ svayaṃ-śrutim
04077 vicāra-prastuter eva prasiddhaḥ siddha āśrayaḥ
04077 sva-icchā-kalpita-bhedeṣu padārtheṣv avivādataḥ
04078 asādhyatām atha prāha siddha-ādeśena dharmiṇaḥ
04078 svarūpeṇa eva nirdeśya iti anena eva tad gatam
04079 siddha-sādhana-rūpeṇa nirdeśasya hi sambhave
04079 sādhyatvena eva nirdeśya iti idaṃ phala-vad bhavet
04080 anumānasya sāmānya-viṣayavaṃ ca varṇitam
04080 iha evaṃ na hy anukte api kiṃcit pakṣe virudhyate
04081 kuryāc ced dharmiṇaṃ sādhyaṃ tataḥ kiṃ tan na śakyate
04081 kasmād hetv-anvaya-abhāvān na ca doṣas tayor ayam
04082 uttara-avayava-apekṣo na doṣaḥ pakṣa iṣyate
04082 tathā hetv-ādi-doṣo api pakṣa-doṣaḥ prasajyate
04083 sarvaiḥ pakṣasya bādhātas tasmāt tan-mātra-liṅginaḥ
04083 pakṣa-doṣā matā na anye pratyakṣa-ādi-virodha-vat
04084 hetv-ādi-lakṣaṇair bādhyaṃ muktvā pakṣasya lakṣaṇam
04084 ucyate parihāra-artham avyāpti-vyatirekayoḥ
04085 svayaṃ nipāta-rūpa-ākhyā vyatirekasya bādhikāḥ
04085 saha anirākṛtena iṣṭa-śrutir avyāpti-bādhanī
04086 sādhya-abhyupagamaḥ pakṣa-lakṣaṇaṃ teṣv apakṣatā
04086 nirākṛte bādhanataḥ śeṣe alakṣaṇa-vṛttitaḥ
04087 svayam iṣṭa-abhidhānena gata-arthe apy avadhāraṇe
04087 kṛtya-antena abhisambandhād uktaṃ kāla-antara-cchide
04088 iha anaṅgam iṣern niṣṭhā tena īpsita-pade punaḥ
04088 aṅgam eva tathā asiddha-hetv-ādi pratiṣidhyate
04089 avācakatvāc ca ayuktaṃ tena iṣṭaṃ svayam ātmanā
04089 anapekṣya akhilaṃ śāstraṃ tad abhīṣṭasya sādhyatā
04090 tena anabhīṣṭa-saṃsṛṣṭasya iṣṭasya api hi bādhane
04090 yathā sādhyam abādhātaḥ pakṣa-hetū na duṣyataḥ
04091 aniṣiddhaḥ pramāṇābhyāṃ sa ca upagama iṣyate
04091 sandigdhe hetu-vacanād vyasto hetor anāśrayaḥ
04092 anumānasya bhedena sā bādhā uktā caturvidhā
04092 tatra abhyupāyaḥ kārya-aṅgaṃ svabhāva-aṅgaṃ jagat sthitiḥ
04093 ātma-aparodha-abhimato bhūta-niścaya-yukta-vāk
04093 āptaḥ sva-vacanaṃ śāstraṃ ca evam uktaṃ samatvataḥ
04094 yathā ātmano apramāṇatve vacanaṃ na pravartate
04094 śāstra-dṛṣṭe tathā na arthe vicāras tad anāśraye
04095 tat prastāva-āśrayatve hi śāstraṃ bādhakam ity amum
04095 vaktum arthaṃ sva-vācā asya sahoktiḥ sāmya-dṛṣṭaye
04096 udāharaṇam apy atra sadṛśaṃ tena varṇitam
04096 pramāṇānām abhāve hi śāstra-vācor ayogataḥ
04097 sva-vāg-virodhe vispaṣṭam udāharaṇam āgame
04097 diṅmātra-darśanaṃ tatra pretya-dharmo sukha-pradaḥ
04098 śāstriṇo apy atadālambe viruddha-uktau tu vastuni
04098 na bādhā pratibandhaḥ syāt tulya-kakṣyatayā dvayoḥ
04099 yathā sva-vāci tac ca asyā tadā sva-vacana-ātmakam
04099 tayoḥ pramāṇaṃ yasya asti tat syād anyasya bādhakam
04100 pratijñām anumānaṃ vā pratijñā-apeta-yuktikā
04100 tulya-kakṣyā yathārthaṃ vā bādheta katham anyathā
04101 prāmāṇyam āgamānāṃ ca prāg eva vinivāritam
04101 abhyupāya-vicāreṣu tasmād doṣo ayam iṣyate
04102 tasmād viṣaya-bhedasya darśanāya pṛthak kṛtaḥ
04102 anumāna-abahirbhūto apy abhyupāyaḥ prabādhanāt
04103 anyathā atiprasaṅgaḥ syād vyarthatā vā pṛthak kṛteḥ
04103 bhedo vāṅ-mātra-vacane pratibandhaḥ sva-vācy api
04104 tena abhyupagamāc śāstraṃ pramāṇam sarva-vastuṣu
04104 bādhakaṃ yadi na icchet sa bādhakaṃ kiṃ punar bhavet
04105 sva-vāg-virodho abhedaḥ syāt sva-vāk-śāstra-virodhayoḥ
04105 puruṣa-icchā kṛtā ca asya paripūrṇā pramāṇatā
04106 tasmāt prasiddheṣv artheṣu śāstra-tyāge api na kṣatiḥ
04106 parokṣeṣv āgama-aniṣṭau na cintā eva pravartate
04107 virodha-udbhāvana-prāyā parīkṣā apy atra tad-yathā
04107 adharma-mūlaṃ rāga-ādi snānaṃ ca adharma-śodhanam
04108 śāstraṃ yat siddhayā yuktyā sva-vācā ca na bādhyate
04108 dṛṣṭe adṛṣṭe api tad grāhyam iti cintā pravartate
04109 artheṣv apratiṣiddhatvāt puruṣa-icchā-anurodhinaḥ
04109 iṣṭa-śabda-abhidheyatvasya āpto atra akṣata-vāg janaḥ
04110 uktaḥ prasiddha-śabdena dharmas tad vyavahārajaḥ
04110 pratyakṣa-ādim iti māna-śruty-āropeṇa sūcitaḥ
04111 tad-āśraya-bhuvām icchā-vartitvād aniṣedhinām
04111 kṛtānām akṛtānāṃ vā yogyaṃ viśvaṃ svabhāvataḥ
04112 artha-mātra-anurodhinyā bhāvinyā bhūtayā api vā
04112 bādhyate pratirundhānaḥ śabda-yogyatayā tayā
04113 tad-yogyatā-balād eva vastuto ghaṭito dhvaniḥ
04113 sarvo asyām apratīte api tasmiṃs tat-siddhatā tataḥ
04114 asādhāraṇatā na syāt bādhā-hetor iha anyathā
04114 tan niṣedho anumānāt syāc śabda-arthe anakṣa-vṛttitaḥ
04115 asādhāraṇatā tatra hetūnāṃ yatra na anvayi
04115 sattvam ity abhyudāhāro hetor evaṃ phalo mataḥ
04116 saṃketa-saṃśrayāḥ śabdāḥ sa ca icchā-mātra-saṃśrayaḥ
04116 na asiddhiḥ śabda-siddhānām iti śabda-prasiddha-vāk
04117 anumāna-prasādhyeṣu viruddhāvyabhicāriṇaḥ
04117 abhāvaṃ darśayaty evaṃ pratīter anumā tv ataḥ
04118 athavā bruvato lokasya anumā abhāva ucyate
04118 kiṃ tena bhinna-viṣayā pratītir anumānataḥ
04119 tena anumānād vastūnāṃ sad-asattā-anurodhinaḥ
04119 bhinnasya atad-vaśād vṛttis tad icchājā iti sūcitam
04120 candratāṃ śaśino anicchan kāṃ pratītiṃ sa vāñchati
04120 iti taṃ praty adṛṣṭāntaṃ tad-asādhāraṇaṃ matam
04121 na udāharaṇam eva idam adhikṛtya idam ucyate
04121 lakṣaṇatvāt tathā avṛkṣo dhātrī ity uktau ca bādhanāt
04122 atra api loke dṛṣṭatvāt karpūra-rajata-ādiṣu
04122 samayād vartamānasya kā asādhāraṇatā abhidhā
04123 yadi tasya kvacit sidhyet siddhaṃ vastu-balena tat
04123 pratīti-siddha-upagame aśaśiny apy anivāraṇam
04124 tasya vastuni siddhasya śaśiny apy anivāraṇam
04124 tad-vastv-abhāve śaśini vāraṇe api na duṣyati
04125 tasmād avastu-niyata-saṃketa-dhvani-bhāvinām
04125 yogyāḥ padārthā dharmāṇām icchāyā anirodhanāt
04126 tāṃ yogyatāṃ nirundhānaṃ saṃketa-apratiṣedhajā
04126 pratihanti pratīta-ākhyā yogyatā viṣayā anumā
04127 śabdānām artha-niyamaḥ saṃketa-anuvidhāyinām
04127 na ity anena uktam atra eṣāṃ pratiṣedho virudhyate
04128 naimittikyāḥ śruter artham arthaṃ vā pāramārthikam
04128 śabdānāṃ pratirundhāno na bādhyas tena varṇitaḥ
04129 tasmād viṣaya-bhedasya darśanāya pṛthakkṛtā
04129 anumāna-abahirbhūtā pratītir api pūrvavat
04130 siddhayoḥ pṛthag-ākhyāne darśayaṃś ca prayojanam
04130 ete sahetuke prāha na anumā-adhyakṣa-bādhane
04131 tatra apy adhyakṣa-bādhāyāṃ nānā-rūpatayā dhvanau
04131 prasiddhasya śrutau rūpaṃ yad eva pratibhāsate
04132 advayaṃ śabala-ābhāsasya adṛṣṭer buddhi-janmanaḥ
04132 tad-artha-artha-uktir asya eva kṣepe adhyakṣeṇa bādhanam
04133 tad eva rūpaṃ tatra arthaḥ śeṣaṃ vyāvṛtti-lakṣaṇam
04133 avastu-rūpaṃ sāmānyam atas tan na akṣa-gocaraḥ
04134 tena sāmānya-dharmāṇāṃ apratyakṣatva-siddhitaḥ
04134 pratikṣepe apy abādhā iti śrāvaṇa-uktyā prakāśitam
04135 sarvathā avācya-rūpatvāt siddhyā tasya samāśrayāt
04135 bādhanāt tad-balena uktaḥ śravaṇena akṣa-gocaraḥ
04136 sarvatra vādino dharmo yaḥ sva-sādhyatayā īpsitaḥ
04136 tad dharmavati bādhā syān na anya-dharmeṇa dharmiṇi
04137 anyathā asya uparodhaḥ ko bādhite anyatra dharmiṇi
04137 gata-arthe lakṣaṇe na asmin sva-dharmi-vacanaṃ punaḥ
04138 bādhāyāṃ dharmiṇo api syāt bādhā ity asya prasiddhaye
04138 āśrayasya virodhena tad-āśrita-virodhanāt
04139 anyathā evaṃvidho dharmaḥ sādhya ity abhidhānataḥ
04139 tad bādhām eva manyeta sva-dharmi-vacanaṃ tataḥ
04140 nanv etad apy artha-siddhaṃ satyaṃ kecit tu dharmiṇaḥ
04140 kevalasya uparodhe api doṣavat tām upāgatāḥ
04141 yathā parair anutpādyā pūrva-rūpan na kha-ādikam
04141 sakṛc śabda-ādy-ahetutvād ity ukte prāha dūṣakaḥ
04142 tadvad vastu-svabhāvo asan dharmī vyoma-ādir ity api
04142 na evam iṣṭasya sādhyasya bādhā kvacana vidyate
04143 dvayasya api hi sādhyatve sādhya-dharma-uparodhi yat
04143 bādhanaṃ dharmiṇas tatra bādhā ity etena varṇitam
04144 tathā eva dharmiṇo apy atra sādhyatvāt kevalasya na
04144 yady evam atra bādhā syāt na anya-anutpādya-śaktikaḥ
04145 sakṛc śabda-ādy-ahetutvāt sukha-ādir iti pūrvavat
04145 virodhitā bhavet atra hetur aikāntiko yadi
04146 krama-kriyā anityatayor avirodhād vipakṣataḥ
04146 vyāvṛtteḥ saṃśayād eṣa śeṣavad bheda iṣyate
04147 svayam iṣṭo yato dharmaḥ sādhyas tasmāt tad-āśrayaḥ
04147 bādhyo na kevalo na anya-saṃśrayo vā iti sūcitam
04148 svayaṃ śrutyā anya-dharmāṇāṃ bādhā abādhā iti kathyate
04148 tathā sva-dharmiṇā anyasya dharmiṇo api iti kathyate
04149 sarva-sādhana-doṣeṇa pakṣa eva uparudhyate
04149 tathā api pakṣa-doṣatvaṃ pratijñā-mātra-saṃjñinaḥ
04150 uttara-avayava-apekṣo yo doṣaḥ so anubadhyate
04150 tena ity uktam ato apakṣa-doṣo asiddha-āśraya-ādikam
04151 dharmi-dharma-viśeṣāṇāṃ svarūpasya ca dharmiṇaḥ
04151 bādhā-sādhya-aṅga-bhūtānām anena eva upadarśitā
04152 tatra udāhṛti-diṅmātram ucyate arthasya dṛṣṭaye
04152 dravya-lakṣaṇa-yukto anyaḥ saṃyoge artho asti dṛṣṭi-bhāk
04153 adṛśyasya aviśiṣṭasya pratijñā niṣprayojanā
04153 iṣṭo hy avayavī kāryaṃ dṛṣṭyā adṛśyeṣv asambhavī
04154 aviśiṣṭasya ca anyasya sādhane siddha-sādhanam
04154 gurutva-adhogatī syātāṃ yady asau syāt tulā-natiḥ
04155 tan nirguṇa-kriyas tasmāt samavāyi na kāraṇam
04155 tata eva na dṛśyo asāv adṛṣṭeḥ kārya-rūpayoḥ
04156 tad-bādhā-anya-viśeṣasya nāntarīyaka-bhāvinaḥ
04156 ā sūkṣmād dravyam ālāyās tulyatvād aṃśu-pāta-vat
04157 dravya-antara-gurutvasya gatirn na ity aparo abravīt
04157 tasya krameṇa saṃyukte pāṃśu-rāśau sakṛd yute
04158 bhedaḥ syād gaurave tasmāt pṛthak saha ca tolite
04158 krameṇa māṣaka-ādīnāṃ saṃkhyā-sāmyaṃ na yujyate
04159 sarṣapād ā mahā-rāśer uttarottara-vṛddhimat
04159 gurutvaṃ kāryam ālāya yadi na eva upalakṣyate
04160 ā sarṣapād gurutvaṃ tad durlakṣitam analpakam
04160 taulyaṃ tat-kāraṇaṃ kārya-gaurava-anupalakṣaṇāt
04161 nanv adṛṣṭo aṃśu-vat so artho na ca tat-kāryam īkṣyate
04161 gurutva-agati-vat sarva-tad-guṇa-anupalakṣaṇāt
04162 māṣaka-āder anādhikyam anatiḥ sā upalakṣaṇam
04162 yathāsvam akṣeṇa adṛṣṭe rūpa-ādāv adhika-adhike
04163 abhyupāyaḥ sva-vāg-ādi-bādhāyāḥ sambhavena tu
04163 udāharaṇam apy anyad diśā gamyam yathoktayā
04164 tri-kāla-viṣayatvāt tu kṛtyānām atathātmakam
04164 tathā param pratinyastam sādhyaṃ na iṣṭaṃ tadā api tat
04165 pratyāyana-adhikāre tu sarva-asiddha-avarodhinī
04165 tasmāt sādhya-śrutirn na iṣṭaṃ viśeṣam avalambate
04166 tena aprasiddha-dṛṣṭānta-hetu-udāharaṇaṃ kṛtam
04166 anyathā śaśa-śṛṅga-ādau sarva-asiddhe api sādhyatā
04167 sarvasya ca aprasiddhatvāt kathaṃcit tena na kṣamaḥ
04167 karma-ādi-bheda-upakṣepa-parihāra-avivecane
04168 prāg-asiddha-svabhāvatvāt sādhya-avayava ity asat
04168 tulya-siddhāntatā te hi yena upagama-lakṣaṇāḥ
04169 samudāyasya sādhyatve apy anyonyasya viśeṣaṇam
04169 sādhyaṃ dvayaṃ tadā asiddhaṃ hetu-dṛṣṭānta-lakṣaṇam
04170 asambhavāt sādhya-śabdo dharmi-vṛttir yadi iṣyate
04170 śāstreṇa alaṃ yathāyogaṃ loka eva pravartatām
04171 sādhana-ākhyāna-sāmarthyāt tad-arthe sādhyatā gatā
04171 hetv-ādi-lakṣaṇair vyāpter anāśaṅkyaṃ ca sādhanam
04172 pūrva-avadhāraṇe tena pratijñā-lakṣaṇa-abhidhā
04172 vyarthā vyāpti-phalā sā uktiḥ sāmarthyād gamyate tataḥ
04173 viruddhatā iṣṭa-asambandho anupakāra-sahāsthitī
04173 evaṃ sarva-aṅga-doṣāṇāṃ pratijñā-doṣatā bhavet
04174 pakṣa-doṣaḥ para-apekṣo na iti ca pratipāditam
04174 iṣṭa-asambhavy-asiddhaś ca sa eva syāt nirākṛtaḥ
04175 anityatva-sahetutve śabda evaṃ prakīrtayet
04175 dṛṣṭānta-ākhyān ato anyat kim asty atra artha-anudarśanam
04176 viśeṣe bhinnam ākhyāya sāmānyasya anuvartane
04176 na tad-vyāpteḥ phalaṃ vā kiṃ sāmānyena anuvartane
04177 syān nirākaraṇaṃ śabde sthitena eva ity ato abravīt
04177 viruddha-viṣaye anyasmin vadann āha anyatāṃ śruteḥ
04178 sā ca bheda-apratikṣepāt sāmānyānāṃ na vidyate
04178 vṛkṣo na śiṃśapā eva iti yathā prakaraṇe kvacit
04179 sarva-śruter eka-vṛttirn niṣedhaḥ syān na tāvatā
04180 jñāpya-jñāpakayor bhedād dharmiṇo hetu-bhāvinaḥ
04180 asiddher jñāpakatvasya dharmy-asiddhaḥ sva-sādhane
04181 dharma-dharmi-vivekasya sarva-bhāveṣv asiddhitaḥ
04181 sarvatra doṣas tulyaś cen na saṃvṛtyā viśeṣataḥ
04182 paramārtha-vicāreṣu tathābhūta-prasiddhitaḥ
04182 tattvānyatvaṃ padārtheṣu sāṃvṛteṣu niṣidhyate
04183 anumāna-anumeya-artha-vyavahāra-sthitis tv iyam
04183 bhedaṃ pratyaya-saṃsiddham avalambya ca kalpyate
04184 yathāsvaṃ bheda-niṣṭheṣu pratyayeṣu vivekinaḥ
04184 dharmī dharmāś ca bhāsante vyavahāras tad-āśrayaḥ
04185 vyavahāra-upanīto atra sa eva aśliṣṭa-bheda-dhīḥ
04185 sādhyaḥ sādhanatāṃ nītas tena asiddhaḥ prakāśitaḥ
04186 bheda-sāmānyayor dharma-bhedād aṅga-aṅgitā tataḥ
04186 yathā anityaḥ prayatna-utthaḥ prayatna-utthatayā dhvaniḥ
04187 pakṣa-aṅgatve apy abādhatvān na asiddhir bhinna-dharmiṇi
04187 yathā aśvo na viṣāṇitvād eṣa piṇḍo viṣāṇavān
04188 sādhya-kāla-aṅgatā vā na nivṛtter upalakṣya tat
04188 viśeṣo api pratijñā-artho dharma-bhedān na yujyate
04189 pakṣa-dharma-prabhedena sukha-grahaṇa-siddhaye
04189 hetu-prakaraṇa-arthasya sūtra-saṃkṣepa ucyate
04190 ayogaṃ yogam aparair atyantāyogam eva ca
04190 vyavacchinatti dharmasya nipāto vyatirecakaḥ
04191 viśeṣaṇa-viśeṣyābhyāṃ kriyayā ca sahoditaḥ
04191 vivakṣāto prayoge api tasya artho ayaṃ pratīyate
04192 vyavaccheda-phalaṃ vākyaṃ yataś caitro dhanurdharaḥ
04192 pārtho dhanurdharo nīlaṃ sarojam iti vā yathā
04193 pratiyogi-vyavacchedas tatra apy artheṣu gamyate
04193 tathā prasiddheḥ sāmarthyād vivakṣā-anugamād dhvaneḥ
04194 tad ayogavyavacchedād dharmi-dharma-viśeṣaṇam
04194 tad-viśiṣṭatayā dharmo na niranvaya-doṣa-bhāk
04195 svabhāva-kārya-siddhy-arthaṃ dvau dvau hetu-viparyayau
04195 vivādād bheda-sāmānye śeṣo vyāvṛtti-sādhanaḥ
04196 na hi svabhāvād anyena vyāptir gamyasya kāraṇe
04196 sambhavād vyabhicārasya dvidhā vṛtti-phalaṃ tataḥ
04197 prayatnānantaraṃ jñānaṃ prāk sato niyamena na
04197 tasya āvṛtty-akṣa-śabdeṣu sarvathā anupayogataḥ
04198 kadācin nirapekṣasya kārya-ākṛti-virodhataḥ
04198 kādācitka-phalaṃ siddhaṃ tal-liṅgaṃ jñānam īdṛśam
04199 etena eva prasiddho api svabhāvasya pṛthak kṛtiḥ
04199 kāryeṇa saha nirdeśe mā jñāsīt sarvam īdṛśam
04200 vyutpatty-arthī ca hetu-uktir ukta-artha-anumitau kṛtā
04200 prabheda-mātram ākhyātaṃ lakṣaṇaṃ tu na bhidyate
04201 tena atra kārya-liṅgena svabhāvo apy ekadeśa-bhāk
04201 sadṛśa-udāhṛtiś ca ataḥ prayatnād vyakti-janmanaḥ
04202 yan nāntarīyakā sattā yo vā ātmā svo avibhāgavān
04202 sa tena avyabhicārī syād ity arthaṃ tat prabhedanam
04203 saṃyogy-ādiṣu yeṣv asti pratibandho na tādṛśam
04203 na te hetava ity uktaṃ vyabhicārasya sambhavāt
04204 sati vā pratibandhes tu sa eva gati-sādhanaḥ
04204 niyamo hy avinābhāvo anityaś ca na sādhanam
04205 aikāntikatvaṃ vyāvṛtter avinābhāva ucyate
04205 tac ca na apratibaddheṣu tata eva anvaya-sthitiḥ
04206 svātmatve hetu-bhāve vā siddhe hi vyatirekitā
04206 sidhyaty ato viśeṣe na vyatireko na ca anvayaḥ
04207 adṛṣṭi-mātram ādāya kevalaṃ vyatirekitā
04207 uktā anaikāntikas tasmād anyathā gamako bhavet
04208 prāṇa-ādy-abhāvo nairātmya-vyāptī iti vinivartane
04208 ātmano vinivarteta prāṇa-ādir yadi tac ca na
04209 anyasya vinivṛttyā anya-vinivṛtter ayogataḥ
04209 tadātmā tat-prasūtaś cen na etad ātma-upalambhane
04210 tasya upalabdhāv agatāv agatau ca prasidhyati
04210 te ca atyantaparokṣasya dṛṣṭy-adṛṣṭī na sidhyataḥ
04211 anyatra adṛṣṭa-rūpasya ghaṭa-ādau na iti vā kutaḥ
04211 ajñāta-vyatirekasya vyāvṛtter vyāpitā kutaḥ
04212 prāṇa-ādeś ca kvacid dṛṣṭyā sattva-asattvaṃ pratīyate
04212 tathā ātmā yadi dṛśyeta sattva-asattvaṃ pratīyate
04213 yasya hetor abhāvena ghaṭe prāṇo na dṛśyate
04213 dehe api yady asau na syād yukto dehena sambhavaḥ
04214 bhinne api kiṃcit sādharmyād yadi tattvaṃ pratīyate
04214 prameyatvād ghaṭa-ādīnāṃ sātmatvaṃ kiṃ na mīyate
04215 aniṣṭaṃ cet pramāṇaṃ hi sarva-iṣṭīnāṃ nibandhanam
04215 bhāva-abhāva-vyavasthāṃ kaḥ kartuṃ tena vinā prabhuḥ
04216 smṛti-icchā-yatnajaḥ prāṇa-nimeṣa-ādis tad-udbhavaḥ
04216 viṣaya-indriya-cittibhyas tāḥ sva-jāti-samudbhavāḥ
04217 anyonya-pratyaya-apekṣā anvaya-vyatireka-bhāk
04217 etāv atyātmabhāvo ayam anavasthā-anya-kalpane
04218 śrāvaṇatvena tat-tulyaṃ prāṇa-ādi-vyabhicārataḥ
04218 na tasya vyabhicāritvād vyatireke api cet katham
04219 na asādhyād eva viśleṣas tasya nanv evam ucyate
04219 sādhye anuvṛtty-abhāvo arthāt tasya anyatra apy asau samaḥ
04220 asādhyād eva viccheda iti sādhye astitā ucyate
04220 arthāpattyā ata eva uktam ekena dvaya-darśanam
04221 īdṛg-avyabhicāro ato ananvayeṣu na sidhyati
04221 pratiṣedha-niṣedhaś ca vidhānāt kīdṛśo aparaḥ
04222 nivṛttirn na asataḥ sādhyād asādhyeṣv eva no tataḥ
04222 na iti sā eva nivṛttiḥ kiṃ nivṛtter asato matā
04223 nivṛtty-abhāvas tu vidhir vastu-bhāvo asato api san
04223 vastv-abhāvas tu na asti iti paśya bāndhya-vijṛmbhitam
04224 nivṛttir yadi tasmin na hetor vṛttiḥ kiṃ niṣidhyate
04224 sā api na pratiṣedho ayaṃ nivṛttiḥ kiṃ niṣidhyate
04225 vidhānaṃ pratiṣedhaṃ ca muktvā śābdo asti na aparaḥ
04225 vyavahāraḥ sa ca asatsu na iti prāptā atra mūkatā
04226 satāṃ ca na niṣedho asti so asatsu ca na vidyate
04226 jagaty anena nyāyena nañ-arthaḥ pralayaṃ gataḥ
04227 deśa-kāla-niṣedhaś ced yathā asti sa niṣidhyate
04227 na tathā na yathā so asti tathā api na niṣidhyate
04228 tasmād āśritya śabda-arthaṃ bhāva-abhāva-samāśrayam
04228 abāhya-āśrayam atra iṣṭaṃ sarvaṃ vidhi-niṣedhanam
04229 tābhyāṃ sa dharmī sambaddhaḥ khyāty-abhāve api tādṛśaḥ
04229 śabda-pravṛtter asti iti so api iṣṭo vyavahāra-bhāk
04230 anyathā syāt padārthānāṃ vidhāna-pratiṣedhane
04230 eka-dharmasya sarvātma-vidhāna-pratiṣedhanam
04231 anānā-ātma-ātmatayā bhede nānā-vidhi-niṣedha-vat
04231 eka-dharmiṇy asaṃhāro vidhāna-pratiṣedhayoḥ
04232 ekaṃ dharmiṇam uddiśya nānā-dharma-samāśrayam
04232 vidhāv ekasya tad-bhājām iva anyeṣām upekṣakam
04233 niṣedhe tad-viviktaṃ ca tad anyeṣām apekṣakam
04233 vyavahāram asatya-arthaṃ prakalpayati dhīr yathā
04234 taṃ tathā eva avikalpya-artha-bheda-āśrayam upāgatāḥ
04234 anādi-vāsanā-udbhūtaṃ bādhante arthaṃ na laukikam
04235 tat-phalo atat-phalaś ca artho bhinna ekas tatas tataḥ
04235 tais tair upaplavairn nīta-saṃcaya-apacayair iva
04236 atadvān api sambandhāt kutaścid upanīyate
04236 dṛṣṭiṃ bheda-āśrayais te api tasmād ajñāta-viplavāḥ
04237 sattā-sādhana-vṛtteś ca sandigdhaḥ syād asan na saḥ
04237 asattvaṃ ca abhyupagamād apramāṇān na yujyate
04238 asato avyatireke api sapakṣād vinivartanam
04238 sandigdhaṃ tasya sandehād vipakṣād vinivartanam
04239 ekatra niyame siddhe sidhyaty anya-nivartanam
04239 dvairāśye saty adṛṣṭe api syād adṛṣṭeṣu saṃśayaḥ
04240 avyakti-vyāpino apy arthāḥ santi taj-jāti-bhāvinaḥ
04240 kvacin na niyamo dṛṣṭyā pārthiva-aloha-lekhya-vat
04241 bhāve virodhasya adṛṣṭau kaḥ sandehaṃ nivartayet
04241 kvacid viniyamāt ko anyas tat-kārya-ātmatayā sa ca
04242 nairātmyād api tena asya sandigdhaṃ vinivartanam
04242 astu nāma tathā apy ātmā na anairātmyāt prasidhyati
04243 yena asau vyatirekasya na abhāvaṃ bhāvam icchati
04243 yathā na avyatireke api prāṇa-ādirn na sapakṣataḥ
04244 sapakṣa-avyatirekī ced hetur hetur ato anvayī
04244 na anvayy avyatirekī ced anairātmyaṃ na sātmakam
04245 yan nāntarīyakaḥ svātmā yasya siddhaḥ pravṛttiṣu
04245 nivartakaḥ sa eva ataḥ pravṛttau ca pravartakaḥ
04246 nāntarīyakatā sā ca sādhanaṃ samapekṣate
04246 kārye dṛṣṭir adṛṣṭiś ca kāryakāraṇatā hi te
04247 artha-antarasya tad-bhāve abhāvo niyamato agatiḥ
04247 abhāva-asambhavāt teṣām abhāve nitya-bhāvinaḥ
04248 kārya-svabhāva-bhedānāṃ kāraṇebhyaḥ samudbhavāt
04248 tair vinā bhavato anyasmāt tajjaṃ rūpaṃ kathaṃ bhavet
04249 sāmagrī-śakti-bhedād hi vastūnāṃ viśvarūpatā
04249 sā cen na bhedikā prāptam eka-rūpam idaṃ jagat
04250 bhedaka-abhedakatve syād vyāhatā bhinna-rūpatā
04250 ekasya nānā-rūpatve dve rūpe pāvaka-itarau
04251 tat tasya ajananaṃ rūpam anyasya yadi sā eva sā
04251 na tasya ajananaṃ rūpaṃ tat tasyāḥ sambhavet katham
04252 tataḥ svabhāvau niyatāv anyonyaṃ hetu-kāryayoḥ
04252 tasmāt sva-dṛṣṭāv iva tad dṛṣṭe kārye api gamyate
04253 ekaṃ katham anekasmāt kleda-vad dugdha-vāriṇaḥ
04253 drava-śakter yataḥ kledaḥ sā tv ekā eva dvayor api
04254 bhinna-abhinnaḥ kim asya ātmā bhinno atha dravatā katham
04254 abhinnā ity ucyate buddhes tad-rūpāyā abhedataḥ
04255 tadvad bhede api dahano dahana-pratyaya-āśrayaḥ
04255 yena aṃśena adadhad dhūmaṃ tena aṃśena tathā gatiḥ
04256 dahana-pratyaya-aṅgād eva anya-apekṣāt samudbhavāt
04256 dhūmo atad-vyabhicāri iti siddhaṃ kāryaṃ tathā param
04257 dhūma-indhana-vikāra-aṅgatā-pade dahana-sthiteḥ
04257 anagniś ced adhūmo asau sadhūmaś cet sapāvakaḥ
04258 nāntarīyakatā jñeyā yathāsvaṃ hetv-apekṣayā
04258 svabhāvasya yathoktaṃ prāk vināśa-kṛtakatvayoḥ
04259 ahetutva-gati-nyāyaḥ sarvo ayaṃ vyatirekiṇaḥ
04259 abhyūhyaḥ śrāvaṇatva-ukteḥ kṛtāyāḥ sāmya-dṛṣṭaye
04260 hetu-svabhāva-vyāvṛttyā eva artha-vyāvṛtti-varṇanāt
04260 siddha-udāharaṇā ity ukta-anupalabdhiḥ pṛthag na tu
04261 tatra apy adṛśyāt puruṣāt prāṇa-āder anivartanāt
04261 sandeha-hetutā-ākhyātyā dṛśya-arthe sā iti sūcitam
04262 anaṅgīkṛta-vastv-aṃśo niṣedhaḥ sādhyate nayā
04262 vastuny api tu pūrvābhyāṃ paryudāso vidhānataḥ
04263 tatra upalabhyeṣv astitvam upalabdher na ca aparam
04263 ity ajña-jñāpanāya eka-anupākhya-udāhṛtir matā
04264 viṣaya-asattvatas tatra viṣayi pratiṣidhyate
04264 jñāna-abhidhāna-sandehaṃ yathā adāhād apāvakaḥ
04265 tathā anyā na upalabhyeṣu na astitā anupalambhanāt
04265 taj-jñāna-śabdāḥ sādhyante tadbhāvāt tan-nibandhanāḥ
04266 siddho hi vyavahāro ayaṃ dṛśya-adṛṣṭāv asann iti
04266 tasyāḥ siddhāv asandigdhau tat-kāryatve api dhī-dhvanī
04267 vidyamāne hi viṣaye mohād atra ananubruvan
04267 kevalaṃ siddha-sādharmyāt smāryate samayaṃ paraḥ
04268 kāryakāraṇatā yadvat sādhyate dṛṣṭy-adṛṣṭitaḥ
04268 kārya-ādi-śabdā hi tayor vyavahārāya kalpitāḥ
04269 kāraṇāt kārya-saṃsiddhiḥ svabhāva-antargamād iyam
04269 hetu-prabheda-ākhyāyena darśita-udāhṛtiḥ pṛthak
04270 eka-upalambha-anubhavād idaṃ na upalabhe iti
04270 buddher upalabhe vā iti kalpikāyāḥ samudbhavaḥ
04271 viśeṣo gamyate arthānāṃ viśiṣṭād eva vedanāt
04271 tathābhūta-ātma-saṃvittir bheda-dhī-hetur asya ca
04272 tasmāt svato dhiyor bheda-siddhis tābhyāṃ tad-arthayoḥ
04272 anyathā hy anavasthānād bhedaḥ sidhyen na kasyacit
04273 viśiṣṭa-rūpa-anubhavān na ato anya-anya-nirākriyā
04273 tad-viśiṣṭa-upalambho ataḥ tasya apy anupalambhanam
04274 tasmād anupalambho ayaṃ svayaṃ pratyakṣato gataḥ
04274 sva-mātra-vṛtter gamakas tad-abhāva-vyavasthiteḥ
04275 anyathā arthasya nāstitvaṃ gamyate anupalambhataḥ
04275 upalambhasya nāstitvam anyena ity anavasthitiḥ
04276 adṛśye niścaya-ayogāt sthitir anyatra vāryate
04276 yathā aliṅgo anya-sattveṣu vikalpa-ādir na sidhyati
04277 aniścaya-phalā hy eṣā na alaṃ vyāvṛtti-sādhane
04277 ādyā adhikriyate hetor niścayena eva sādhane
04278 tasyāḥ svayaṃ prayogeṣu svarūpaṃ vā prayujyate
04278 artha-bādhana-rūpaṃ vā bhāve bhāvād abhāvataḥ
04279 anyonya-bheda-siddher vā dhruva-bhāva-vināśa-vat
04279 pramāṇa-antara-bādhād vā sāpekṣa-dhruva-bhāva-vat
04280 hetv-antara-samūhasya saṃnidhau niyamaḥ kutaḥ
04280 bhāva-hetu-bhavatve kiṃ pāraṃparya-pariśramaiḥ
04281 nāśanaṃ janayitvā anyaṃ sa hetus tasya nāśanaḥ
04281 tam eva naśvaraṃ bhāvaṃ janayed yadi kiṃ bhavet
04282 ātma-upakārakaḥ kaḥ syāt tasya siddha-ātmanaḥ sataḥ
04282 na ātma-upakārakaḥ kaḥ syāt tena yaḥ samapekṣyate
04283 anapekṣaś ca kiṃ bhāvo atathābhūtaḥ kadācana
04283 yathā na kṣepa-bhāg iṣṭaḥ sa eva udbhūta-nāśakaḥ
04284 kṣaṇam apy anapekṣatve bhāvo bhāvasya na iti cet
04284 bhāvo hi sa tathābhūto abhāve bhāvas tathā katham
04285 ye apara-apekṣa-tadbhāvās tadbhāva-niyatā hi te
04285 asambhavād vibandhe ca sāmagrī kārya-karmaṇi
04286 anadhyavasita-avagāhanam analpa-dhī-śaktinā apy
04286 adṛṣṭa-paramārtha-sāram adhika-abhiyogair api
04286 mataṃ mama jagaty alabdha-sadṛśa-pratigrāhakam
04286 prayāsyati payonidheḥ paya iva sva-dehe jarām