Somananda: Saktavijnana
Based on the ed. by J.D. Zaidoo
Srinagar: Research Department, 1947
Input by Oliver Hellwig
THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.
Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)
| description: | multibyte sequence: |
| long a | ā |
| long A | Ā |
| long i | ī |
| long I | Ī |
| long u | ū |
| long U | Ū |
| vocalic r | ṛ |
| vocalic R | Ṛ |
| long vocalic r | ṝ |
| vocalic l | ḷ |
| vocalic L | Ḷ |
| long vocalic l | ḹ |
| velar n | ṅ |
| velar N | Ṅ |
| palatal n | ñ |
| palatal N | Ñ |
| retroflex t | ṭ |
| retroflex T | Ṭ |
| retroflex d | ḍ |
| retroflex D | Ḍ |
| retroflex n | ṇ |
| retroflex N | Ṇ |
| palatal s | ś |
| palatal S | Ś |
| retroflex s | ṣ |
| retroflex S | Ṣ |
| anusvara | ṃ |
| visarga | ḥ |
| long e | ē |
| long o | ō |
| l underbar | ḻ |
| r underbar | ṟ |
| n underbar | ṉ |
| k underbar | ḵ |
| t underbar | ṯ |
Unless indicated otherwise, accents have been dropped in order
to facilitate word search.
For a comprehensive list of GRETIL encodings and formats see:
http://gretil.sub.uni-goettingen.de/gretil/gretdiac.pdf
and
http://gretil.sub.uni-goettingen.de/gretil/gretdias.pdf
For further information see:
http://gretil.sub.uni-goettingen.de/gretil.htm
sthānaṃ praveśo rūpaṃ ca lakṣaṃ lakṣaṇameva ca /
utthāpanaṃ bodhanaṃ ca cakraviśrāmameva ca // SomSv_1
bhūmikāgamanaṃ caiva antāvasthā tathaiva ca /
viśrāmaḥ pariṇāmaśca tathāgamanameva ca // SomSv_2
iti trayodaśavidhaṃ śāktaṃ vijñānamuttamam /
sarveṣu trikaśāstreṣu sūcitaṃ śambhunā svayam // SomSv_3
nābhyadho 'ṅgulāḥ pañca meḍhrasyordhvāṅguladvayam /
tanmadhye kandanāmā ca cakrasthānamiti smṛtam // SomSv_4
prāṇāpānanirodhena manastatraiva niḥkṣipet /
samyag vāyugatiṃ jitvā yāvan madhyagatāṃ nayet // SomSv_5
eṣa praveśa ity āhū rūpaṃ vakṣyāmi cādhunā /
śṛṅgāṭakanibhaṃ cakraṃ ṣaḍaraṃ cāparaṃ dhruvam // SomSv_6
dāḍimīkusumaprakhyaṃ kandaṃ vai jātilohitam /
etadrūpaṃ samākhyātaṃ tṛtīyaṃ cintanātmakam // SomSv_7
tanmadhye nikṣipec cittaṃ yāvat tatra sthirīkṛtam /
tyaktaruddho yadā vāyustadā lakṣaṃ vinirdiśet // SomSv_8
kandacakrasya madhyasthā tv anāhatamayī kalā /
adhaūrdhve rekhāsaṃyuktā bhujaṃgakuṭilākṛtiḥ // SomSv_9
ūrdhvādho 'vasthitāvasthā sūryācandramasāv ubhau /
satyaṃ virājamānā sā sahasrārkasamaprabhā // SomSv_10
tāmevālokayec chaktiṃ manāk kumbhakavṛttinā /
etal lakṣaṇam uddiṣṭam utthāpanam ataḥ param // SomSv_11
juṣadrecakavṛttyā tu mantraṃ caiva samuccaret /
prabuddhāṃ cintayecchaktiṃ daṇḍavat parameśvarīm // SomSv_12
ādhāramadhyādāyātā suṣumnāmārgam āśritā /
utthāpanaṃ samākhyātaṃ bodhanaṃ paratastathā // SomSv_13
kandastho vedhayen nābhiṃ tato hṛtsthaṃ pitāmaham /
kaṇṭhasthamacyutaṃ sākṣādrudraṃ tālutale sthitam // SomSv_14
bhruvormadhyagataṃ tv īśaṃ brahmadvāre sadāśivam /
bodhayitvā vrajed āśu padaṃ cānāśritaṃ śivam // SomSv_15
etadbodhanam uddiṣṭaṃ cakraviśrāmaṇaṃ tataḥ /
svābhāvikaṃ dalaṃ dīptaṃ dravaṃ sthiranabhopamam // SomSv_16
amṛtaṃ śekharaṃ caiva śaktirbrahmā tathaiva ca /
bindunādaṃ tathā proktaṃ cakradvādaśakaṃ kila // SomSv_17
vedhayantī kramāc chaktiścakre cakre pratikṣaṇam /
viśramet sā mahādevī cakraviśrāma uttamaḥ // SomSv_18
hṛdayaṃ kampate pūrvaṃ tālukadvārameva ca /
śiraśca bhramate tasya dṛṣṭisaṃkrāntilakṣaṇam // SomSv_19
ekaikaṃ bhramayaty aṅgam aṅgapratyaṅgasaṃdhiṣu /
ghūrṇate hṛdayaṃ cāsya samyagvidyāprabhāvataḥ // SomSv_20
yāni yāni vikārāṇi avasthā kurute sataḥ /
teṣu teṣu na bhetavyaṃ krīḍati parameśvarī // SomSv_21
amṛte seyam unmattā vikārān kurute bahūn /
malatrayavikārau bahujanmasu yatkṛtam // SomSv_22
dhunoti samalān pāśāt paraśaktisamutthitān /
bhūmikāgamanaṃ proktam antāvasthā tathocyate // SomSv_23
yat saṃkrāntau romaharṣo 'srupāto jṛmbhārambho gadgadā gīr giro 'ntaḥ /
granthisphoṭaḥ sparśadivyapraharṣo binduspandā nābhikandāt sphuranti // SomSv_24
antāvasthā samākhyātā viśrāmas tv adhunocyate /
nābhicakraviniryātā yadā śaktiḥ prabudhyate // SomSv_25
tadā tv astamitaṃ sarvamakṣagrāmaṃ bahiḥ sthitam /
yadā sā paramā śaktiḥ sulīnā parame pade // SomSv_26
tadā na vindate kiṃcid viṣayī viṣayāntaram /
śive viśrāmyate śaktistadā viśrāma ucyate // SomSv_27
yatra viśramaṇaṃ śaktermanastatra layaṃ vrajet /
tadātmā paramātmatve jñātavyo niścitātmabhiḥ // SomSv_28
śivībhūto bhavatyātmā pariṇāmaḥ sa eva hi /
sadā sa varṣate divyam amṛtaṃ jantujīvanam // SomSv_29
cittaṃ tatra tu saṃdhārya punardaivī viśettu sā /
tadā tv āgamanaṃ proktamevaṃ samyak trayodaśa // SomSv_30