pitāmahasya yadvṛttaṃ brahmaṇaḥ paramātmanaḥ
aiśvarye vāruṇe rāma rudrasyeśasya vai prabho
yajñāṅgāni ca sarvāṇi vaṣaṭkāraś ca mūrtimān
ṛgvedaś cāgamat tatra padakramavibhūṣitaḥ
oṃkāraś cāvasan netre nigrahapragrahau tathā
bhūtaṃ bhavyaṃ bhaviṣyac ca dadhāra bhagavāñ śivaḥ
juhvac cātmany athātmānaṃ svayam eva tadā prabho
ājagmuḥ sahitās tatra tadā bhṛgukulodvaha
svayaṃbhuvas tu tā dṛṣṭvā retaḥ samapatad bhuvi
prāsyat pūṣā karābhyāṃ vai tasminn eva hutāśane
brahmaṇo juhvatas tatra prādurbhāvo babhūva ha
ājyavan mantravac cāpi so 'juhod bhṛgunandana
tatas tu tejasas tasmāj jajñe lokeṣu taijasam
saguṇas tejaso nityaṃ tamasy ākāśam eva ca
śukre hute 'gnau tasmiṃs tu prādurāsaṃs trayaḥ prabho
bhṛg ity eva bhṛguḥ pūrvam aṅgārebhyo 'ṅgirābhavat
saha jvālābhir utpanno bhṛgus tasmād bhṛguḥ smṛtaḥ
aṅgārebhyo 'ṅgirās tāta vālakhilyāḥ śiloccayāt
atraivātreti ca vibho jātam atriṃ vadanty api
vaikhānasāḥ samutpannās tapaḥśrutaguṇepsavaḥ
aśruto 'sya samutpannāv aśvinau rūpasaṃmatau
ṛṣayo lomakūpebhyaḥ svedāc chando malātmakam
ṛṣayaḥ śrutasaṃpannā vedaprāmāṇyadarśanāt
ahorātrā muhūrtās tu pittaṃ jyotiś ca vāruṇam
tan maitram iti vijñeyaṃ dhūmāc ca vasavaḥ smṛtāḥ
uddiṣṭās te tathāṅgārā ye dhiṣṇyeṣu divi sthitāḥ
sarvakāmadam ity āhus tatra havyam udāvahat
mama satram idaṃ divyam ahaṃ gṛhapatis tv iha
iti jānīta khagamā mama yajñaphalaṃ hi tat
mamaiva tāny apatyāni varuṇo hy avaśātmakaḥ
mamaiva tāny apatyāni mama śukraṃ hutaṃ hi tat
yasya bījaṃ phalaṃ tasya śukraṃ cet kāraṇaṃ matam
kṛtāñjalipuṭāḥ sarve śirobhir abhivandya ca
tavaiva prasavāḥ sarve tasmād agnir vibhāvasuḥ
varuṇaś ceśvaro devo labhatāṃ kāmam īpsitam
jagrāha vai bhṛguṃ pūrvam apatyaṃ sūryavarcasam
pitāmahas tv apatyaṃ vai kaviṃ jagrāha tattvavit
āgneyas tv aṅgirāḥ śrīmān kavir brāhmo mahāyaśāḥ
bhārgavāṅgirasau loke lokasaṃtānalakṣaṇau
sarvaṃ saṃtānam eteṣām idam ity upadhāraya
cyavano vajraśīrṣaś ca śucir aurvas tathaiva ca
bhārgavā vāruṇāḥ sarve yeṣāṃ vaṃśe bhavān api
bṛhaspatir utathyaś ca vayasyaḥ śāntir eva ca
ete 'ṣṭāv agnijāḥ sarve jñānaniṣṭhā nirāmayāḥ
aṣṭau prasavajair yuktā guṇair brahmavidaḥ śubhāḥ
bhṛguś ca virajāś caiva kāśī cograś ca dharmavit
prajāpataya ete hi prajānāṃ yair imāḥ prajāḥ
bhṛgoś ca bhṛguśārdūla vaṃśajaiḥ satataṃ jagat
kaviṃ tāta bhṛguṃ caiva tasmāt tau vāruṇau smṛtau
tasmād aṅgiraso jñeyāḥ sarva eva tadanvayāḥ
ime naḥ saṃtariṣyanti prajābhir jagadīśvarāḥ
tvatprasādād imaṃ lokaṃ tārayiṣyanti śāśvatam
bhaveyur vedaviduṣaḥ sarve vākpatayas tathā
āpnuvanti tapaś caiva brahmacaryaṃ paraṃ tathā
devānāṃ brāhmaṇānāṃ ca tvaṃ hi kartā pitāmaha
apatyānīti saṃprekṣya kṣamayāma pitāmaha
sthāpayiṣyanti cātmānaṃ yugādinidhane tathā
devaśreṣṭhasya lokādau vāruṇīṃ bibhratas tanum
agner apatyam etad vai suvarṇam iti dhāraṇā
jāmadagnya pramāṇajñā vedaśrutinidarśanāt
hute prītikarīm ṛddhiṃ bhagavāṃs tatra manyate
brahmaṇo hi prasūto 'gnir agner api ca kāñcanam
devatās te prayacchanti samastā iti naḥ śrutam
svarloke rājarājyena so 'bhiṣicyeta bhārgava
dadāti kāñcanaṃ yo vai duḥsvapnaṃ pratihanti saḥ
madhyāhne dadato rukmaṃ hanti pāpam anāgatam
brahmavāyvagnisomānāṃ sālokyam upayāti saḥ
iha loke yaśaḥ prāpya śāntapāpmā pramodate
anāvṛtagatiś caiva kāmacārī bhavaty uta
suvarṇam akṣayaṃ dattvā lokān āpnoti puṣkalān
dadyād vai vratam uddiśya sarvān kāmān samaśnute
yatheṣṭaguṇasaṃpannaṃ pravartakam iti smṛtam
dadau suvarṇaṃ viprebhyo vyamucyata ca kilbiṣāt
pradānasya phalaṃ caiva janma cāgnyam anuttamam
dadat suvarṇaṃ nṛpate kilbiṣād vipramokṣyasi