paṭhasva putra bhadraṃ te prīyatāṃ te maheśvaraḥ
putrahetor mahārāja stava eṣo 'nukīrtitaḥ
tathā tvam api śarvād dhi sarvān kāmān avāpsyasi
ālambāyana ity eva viśrutaḥ karuṇātmakaḥ
ayonijānāṃ dāntānāṃ dharmajñānāṃ suvarcasām
labdhaṃ putraśataṃ śarvāt purā pāṇḍunṛpātmaja
vivāde sāmni munibhir brahmaghno vai bhavān iti
uktaḥ kṣaṇena cāviṣṭas tenādharmeṇa bhārata
muktaś cāsmy avaśaḥ pāpāt tato duḥkhavināśanaḥ
āha māṃ tripuraghno vai yaśas te 'gryaṃ bhaviṣyati
ṛṣimadhye sthitas tāta tapann iva vibhāvasuḥ
śucir bhūtvā mahādevaṃ gatavāñ śaraṇaṃ nṛpa
paraśuṃ ca dadau devo divyāny astrāṇi caiva me
na te prabhavitā mṛtyur yaśasvī ca bhaviṣyasi
yad avāptaṃ ca me sarvaṃ prasādāt tasya dhīmataḥ
śāpāc chakrasya kaunteya cito dharmo 'naśan mama
tan me dharmaṃ yaśaś cāgryam āyuś caivādadad bhavaḥ
prāhājamīḍhaṃ bhagavān bṛhaspatisamadyutiḥ
śatakrator acintyasya satre varṣasahasrike
vartamāne 'bravīd vākyaṃ sāmni hy uccārite mayā
samīkṣasva punar buddhyā harṣaṃ tyaktvā dvijottama
ayajñavāhinaṃ pāpam akārṣīs tvaṃ sudurmate
prajñayā rahito duḥkhī nityaṃ bhīto vanecaraḥ
daśa varṣasahasrāṇi daśāṣṭau ca śatāni ca
ayajñīyadrume deśe rurusiṃhaniṣevite
bhavitā tvaṃ mṛgaḥ krūro mahāduḥkhasamanvitaḥ
tato māṃ śaraṇaṃ prāptaṃ prāha yogī maheśvaraḥ
sāmyaṃ samas tu te saukhyaṃ yuvayor vardhatāṃ kratuḥ
paraṃ dhātā vidhātā ca sukhaduḥkhe ca sarvadā
na me tāta yudhiśreṣṭha vidyayā paṇḍitaḥ samaḥ
yatnenālpena balinā vārāṇasyāṃ yudhiṣṭhira
sarasvatyās taṭe tuṣṭo manoyajñena pāṇḍava
āyuś caiva saputrasya saṃvatsaraśatāyutam
mahātapā mahātejā mahāyogī mahāyaśāḥ
vedavyāsaḥ śriyāvāso brahmaṇyaḥ karuṇātmakaḥ
iti matvā hṛdi mataṃ prāha māṃ surasattamaḥ
sāvarṇasya manoḥ sarge saptarṣiś ca bhaviṣyati
itihāsasya kartā ca putras te jagato hitaḥ
ajaraś cāmaraś caiva parāśara sutas tava
yudhiṣṭhira mahāyogī vīryavān akṣayo 'vyayaḥ
tatrasthena stuto devaḥ prāha māṃ vai maheśvaraḥ
rujā śūlakṛtā caiva na te vipra bhaviṣyati
ādhibhir vyādhibhiś caiva varjitas tvaṃ bhaviṣyasi
tvaṃ bhaviṣyasy anupamo janma vai saphalaṃ kuru
svargaṃ caivākṣayaṃ vipra vidadhāmi tavorjitam
maheśvaro mahārāja kṛttivāsā mahādyutiḥ
sagaṇo daivataśreṣṭhas tatraivāntaradhīyata
abravīn māṃ tato mātā duḥkhitā rudatī bhṛśam
na tāta taruṇaṃ dāntaṃ pitā tvāṃ paśyate 'nagha
niyatātmā mahādevam apaśyaṃ so 'bravīc ca mām
bhaviṣyatha viśa kṣipraṃ draṣṭāsi pitaraṃ kṣaye
apaśyaṃ pitaraṃ tāta iṣṭiṃ kṛtvā viniḥsṛtam
tān visṛjya ca māṃ prāha pitā sāsrāvilekṣaṇaḥ
diṣṭyā dṛṣṭo 'si me putra kṛtavidya ihāgataḥ
proktāni munibhiḥ śrutvā vismayām āsa pāṇḍavaḥ
yudhiṣṭhiraṃ dharmanityaṃ puruhūtam iveśvaraḥ
dhātāryamā śukrabṛhaspatī ca; rudrāḥ sasādhyā varuṇo vittagopaḥ
somo yaṣṭā yac ca havyaṃ haviś ca; rakṣā dīkṣā niyamā ye ca ke cit
yaśo damo buddhimatī sthitiś ca; śubhāśubhaṃ munayaś caiva sapta
gaṇā devānām ūṣmapāḥ somapāś ca; lekhāḥ suyāmās tuṣitā brahmakāyāḥ
śuddhāś ca nirvāṇaratāś ca devāḥ; sparśāśanā darśapā ājyapāś ca
suparṇagandharvapiśācadānavā; yakṣās tathā pannagāś cāraṇāś ca
sāṃkhyaṃ yogaṃ yat parāṇāṃ paraṃ ca; śarvāj jātaṃ viddhi yat kīrtitaṃ me
āviśyemāṃ dharaṇīṃ ye 'bhyarakṣan; purātanīṃ tasya devasya sṛṣṭim
dadātu devaḥ sa varān iheṣṭān; abhiṣṭuto naḥ prabhur avyayaḥ sadā
abhagnayogo niyato 'bdam ekaṃ; sa prāpnuyād aśvamedhe phalaṃ yat
vaiśyo lābhaṃ prāpnuyān naipuṇaṃ ca; śūdro gatiṃ pretya tathā sukhaṃ ca
sarvadoṣāpahaṃ puṇyaṃ pavitraṃ ca yaśasvinam
tāvad varṣasahasrāṇi svarge vasati mānavaḥ