yajñadhārī ca satataṃ vedavedāṅgavit tathā
pravṛttidharmān vidadhe sa eva bhagavān prabhuḥ
kathaṃ nivṛttidharmāś ca kṛtā vyāvṛttabuddhayaḥ
tvayā nārāyaṇakathā śrutā vai dharmasaṃhitā
kriyāsv abhyudayoktāsu saktā dṛśyanti sarvaśaḥ
mokṣaś coktas tvayā brahman nirvāṇaṃ paramaṃ sukham
te sahasrārciṣaṃ devaṃ praviśantīti śuśrumaḥ
yaṃ hitvā devatāḥ sarvā havyakavyabhujo 'bhavan
sūryas tārādhipo vāyur agnir varuṇa eva ca
ākāśaṃ jagatī caiva ye ca śeṣā divaukasaḥ
tatas te nāsthitā mārgaṃ dhruvam akṣayam avyayam
doṣaḥ kālaparīmāṇe mahān eṣa kriyāvatām
chindhītihāsakathanāt paraṃ kautūhalaṃ hi me
kimarthaṃ cādhvare brahmann ijyante tridivaukasaḥ
te yajanto mahāyajñaiḥ kasya bhāgaṃ dadanti vai
nātaptatapasā hy eṣa nāvedaviduṣā tathā
nāpurāṇavidā cāpi śakyo vyāhartum añjasā
kṛṣṇadvaipāyano vyāso vedavyāso mahān ṛṣiḥ
ahaṃ caturthaḥ śiṣyo vai pañcamaś ca śukaḥ smṛtaḥ
śaucācārasamāyuktāñ jitakrodhāñ jitendriyān
merau girivare ramye siddhacāraṇasevite
eṣa vai yas tvayā pṛṣṭas tena teṣāṃ prakīrtitaḥ
tataḥ śruto mayā cāpi tavākhyeyo 'dya bhārata
parāśarasutaḥ śrīmān vyāso vākyam uvāca ha
bhūtaṃ bhavyaṃ bhaviṣyac ca jānīyām iti sattamāḥ
nārāyaṇaprasādena kṣīrodasyānukūlataḥ
tac chṛṇudhvaṃ yathājñānaṃ vakṣye saṃśayam uttamam
yathā vṛttaṃ hi kalpādau dṛṣṭaṃ me jñānacakṣuṣā
mahāpuruṣasaṃjñāṃ sa labhate svena karmaṇā
avyaktād vyaktam utpannaṃ lokasṛṣṭyartham īśvarāt
yo 'sau vyaktatvam āpanno nirmame ca pitāmaham
so 'haṃkāra iti proktaḥ sarvatejomayo hi saḥ
ahaṃkāraprasūtāni mahābhūtāni bhārata
bhūtebhyaś caiva niṣpannā mūrtimanto 'ṣṭa tāñ śṛṇu
vasiṣṭhaś ca mahātmā vai manuḥ svāyaṃbhuvas tathā
jñeyāḥ prakṛtayo 'ṣṭau tā yāsu lokāḥ pratiṣṭhitāḥ
nirmame lokasiddhyarthaṃ brahmā lokapitāmahaḥ
aṣṭābhyaḥ prakṛtibhyaś ca jātaṃ viśvam idaṃ jagat
ekādaśaite rudrās tu vikārāḥ puruṣāḥ smṛtāḥ
utpannā lokasiddhyarthaṃ brahmāṇaṃ samupasthitāḥ
yena yasminn adhīkāre vartitavyaṃ pitāmaha
paripālyaḥ kathaṃ tena so 'dhikāro 'dhikāriṇā
evam ukto mahādevo devāṃs tān idam abravīt
mamāpy eṣā samutpannā cintā yā bhavatāṃ matā
kathaṃ balakṣayo na syād yuṣmākaṃ hy ātmanaś ca me
mahāpuruṣam avyaktaṃ sa no vakṣyati yad dhitam
kṣīrodasyottaraṃ kūlaṃ jagmur lokahitārthinaḥ
sa mahāniyamo nāma tapaścaryā sudāruṇā
ekapādasthitāḥ samyak kāṣṭhabhūtāḥ samāhitāḥ
śuśruvur madhurāṃ vāṇīṃ vedavedāṅgabhūṣitām
svāgatenārcya vaḥ sarvāñ śrāvaye vākyam uttamam
pravṛttiyuktaṃ kartavyaṃ yuṣmatprāṇopabṛṃhaṇam
bhokṣyathāsya mahāsattvās tapasaḥ phalam uttamam
yūyaṃ ca vibudhaśreṣṭhā māṃ yajadhvaṃ samāhitāḥ
tathā śreyo vidhāsyāmi yathādhīkāram īśvarāḥ
tatas te vibudhāḥ sarve brahmā te ca maharṣayaḥ
tasmin satre tadā brahmā svayaṃ bhāgam akalpayat
devā devarṣayaś caiva sarve bhāgān akalpayan
prāpur ādityavarṇaṃ taṃ puruṣaṃ tamasaḥ param
bṛhantaṃ sarvagaṃ devam īśānaṃ varadaṃ prabhum
aśarīro babhāṣedaṃ vākyaṃ khastho maheśvaraḥ
prīto 'haṃ pradiśāmy adya phalam āvṛttilakṣaṇam
yūyaṃ yajñair ijyamānāḥ samāptavaradakṣiṇaiḥ
yuge yuge bhaviṣyadhvaṃ pravṛttiphalabhoginaḥ
kalpayiṣyanti vo bhāgāṃs te narā vedakalpitān
sa tathā yajñabhāgārho vedasūtre mayā kṛtaḥ
sarvārthacintakā loke yathādhīkāranirmitāḥ
tābhir āpyāyitabalā lokān vai dhārayiṣyatha
māṃ tato bhāvayiṣyadhvam eṣā vo bhāvanā mama
ebhiḥ samyak prayuktair hi prīyante devatāḥ kṣitau
mayā kṛtaṃ suraśreṣṭhā yāvat kalpakṣayād iti
cintayadhvaṃ lokahitaṃ yathādhīkāram īśvarāḥ
vasiṣṭha iti saptaite mānasā nirmitā hi vai
pravṛttidharmiṇaś caiva prājāpatyena kalpitāḥ
aniruddha iti prokto lokasargakaraḥ prabhuḥ
sanatkumāraḥ kapilaḥ saptamaś ca sanātanaḥ
svayamāgatavijñānā nivṛttaṃ dharmam āsthitāḥ
ācāryā mokṣaśāstre ca mokṣadharmapravartakāḥ
tasmāt parataro yo 'sau kṣetrajña iti kalpitaḥ
so 'haṃ kriyāvatāṃ panthāḥ punarāvṛttidurlabhaḥ
pravṛttau vā nivṛttau vā tatphalaṃ so 'śnute 'vaśaḥ
eṣa mātā pitā caiva yuṣmākaṃ ca pitāmahaḥ
mayānuśiṣṭo bhavitā sarvabhūtavarapradaḥ
brahmānuśiṣṭo bhavitā sarvatrasavarapradaḥ
pravartantāṃ kriyāḥ sarvāḥ sarvalokeṣu māciram
parinirmitakālāni āyūṃṣi ca surottamāḥ
ahiṃsyā yajñapaśavo yuge 'smin naitad anyathā
catuṣpāt sakalo dharmo bhaviṣyaty atra vai surāḥ
prokṣitā yatra paśavo vadhaṃ prāpsyanti vai makhe
tatra pādacaturtho vai dharmasya na bhaviṣyati
dvipādahīno dharmaś ca yuge tasmin bhaviṣyati
ekapādasthito dharmo yatra tatra bhaviṣyati
kathaṃ kartavyam asmābhir bhagavaṃs tad vadasva naḥ
ahiṃsādharmasaṃyuktāḥ pracareyuḥ surottamāḥ
sa vai deśaḥ sevitavyo mā vo 'dharmaḥ padā spṛśet
namaskṛtvā bhagavate jagmur deśān yathepsitān
didṛkṣur bhagavantaṃ tam aniruddhatanau sthitam
sāṅgān āvartayan vedān kamaṇḍalugaṇitradhṛk
lokakartā prabhur brahmā lokānāṃ hitakāmyayā
sa pariṣvajya devena vacanaṃ śrāvitas tadā
dhātā tvaṃ sarvabhūtānāṃ tvaṃ prabhur jagato guruḥ
tvayy āveśitabhāro 'haṃ dhṛtiṃ prāpsyāmy athāñjasā
prādurbhāvaṃ gamiṣyāmi tadātmajñānadeśikaḥ
tenānuśiṣṭo brahmāpi svaṃ lokam acirād gataḥ
yajñeṣv agraharaḥ prokto yajñadhārī ca nityadā
pravṛttidharmān vidadhe kṛtvā lokasya citratām
yugānte sa suptaḥ susaṃkṣipya lokān; yugādau prabuddho jagad dhy utsasarja
ajāya viśvarūpāya dhāmne sarvadivaukasām
ādityapataye caiva vasūnāṃ pataye tathā
vedayajñādhipataye vedāṅgapataye 'pi ca
śāntaye sarvabhūtānāṃ mokṣadharmānubhāṣiṇe
vācaś ca pataye nityaṃ saritāṃ pataye tathā
vivasvate 'śvaśirase caturmūrtidhṛte sadā
eṣa devaḥ saṃcarati sarvatragatir avyayaḥ
kathitaṃ tac ca vaḥ sarvaṃ mayā pṛṣṭena tattvataḥ
gīyatāṃ vedaśabdaiś ca pūjyatāṃ ca yathāvidhi
sarve śiṣyāḥ sutaś cāsya śukaḥ paramadharmavit
caturvedodgatābhiś ca ṛgbhis tam abhituṣṭuve
evaṃ me 'kathayad rājan purā dvaipāyano guruḥ
namo bhagavate kṛtvā samāhitamanā naraḥ
āturo mucyate rogād baddho mucyeta bandhanāt
brāhmaṇaḥ sarvavedī syāt kṣatriyo vijayī bhavet
vaiśyo vipulalābhaḥ syāc chūdraḥ sukham avāpnuyāt
lagnagarbhā vimucyeta garbhiṇī janayet sutam
vandhyā prasavam āpnoti putrapautrasamṛddhimat
yo yaṃ kāmaṃ kāmayate sa tam āpnoti ca dhruvam
samāgamaṃ carṣidivaukasām imaṃ; niśamya bhaktāḥ susukhaṃ labhante