taṃ muniṃ darśayām āsa nāradaṃ viśvarūpadhṛk
kṛśānuvarṇaḥ kiṃ cic ca kiṃ cid dhiṣṇyākṛtiḥ prabhuḥ
nīlāñjanacayaprakhyo jātarūpaprabhaḥ kva cit
kva cit suvarṇavarṇābho vaiḍūryasadṛśaḥ kva cit
mayūragrīvavarṇābho muktāhāranibhaḥ kva cit
sahasranayanaḥ śrīmāñ śataśīrṣaḥ sahasrapāt
oṃkāram udgiran vaktrāt sāvitrīṃ ca tadanvayām
āraṇyakaṃ jagau devo harir nārāyaṇo vaśī
ajinaṃ daṇḍakāṣṭhaṃ ca jvalitaṃ ca hutāśanam
dhārayām āsa deveśo hastair yajñapatis tadā
vāgyataḥ prayato bhūtvā vavande parameśvaram
tam uvāca nataṃ mūrdhnā devānām ādir avyayaḥ
imaṃ deśam anuprāptā mama darśanalālasāḥ
ṛte hy ekāntikaśreṣṭhāt tvaṃ caivaikāntiko mataḥ
tās tvaṃ bhajasva satataṃ sādhayasva yathāgatam
prasanno 'haṃ tavādyeha viśvamūrtir ihāvyayaḥ
sadyaḥ phalam avāptaṃ vai dṛṣṭo yad bhagavān mayā
bhagavān viśvadṛk siṃhaḥ sarvamūrtir mahāprabhuḥ
uvāca vacanaṃ bhūyo gaccha nārada māciram
ekāgrāś cintayeyur māṃ naiṣāṃ vighno bhaved iti
tamorajovinirmuktā māṃ pravekṣyanty asaṃśayam
na ghreyaś caiva gandhena rasena ca vivarjitaḥ
yaś ca sarvagataḥ sākṣī lokasyātmeti kathyate
ajo nityaḥ śāśvataś ca nirguṇo niṣkalas tathā
puruṣo niṣkriyaś caiva jñānadṛśyaś ca kathyate
sa vāsudevo vijñeyaḥ paramātmā sanātanaḥ
śubhāśubhaiḥ karmabhir yo na lipyati kadā cana
ete sarvaśarīreṣu tiṣṭhanti vicaranti ca
nirguṇo guṇabhuk caiva guṇasraṣṭā guṇādhikaḥ
jyotiṣy āpaḥ pralīyante jyotir vāyau pralīyate
mano hi paramaṃ bhūtaṃ tad avyakte pralīyate
nāsti tasmāt parataraṃ puruṣād vai sanātanāt
ṛte tam ekaṃ puruṣaṃ vāsudevaṃ sanātanam
sarvabhūtātmabhūto hi vāsudevo mahābalaḥ
te sametā mahātmānaḥ śarīram iti saṃjñitam
utpanna eva bhavati śarīraṃ ceṣṭayan prabhuḥ
na ca jīvaṃ vinā brahman dhātavaś ceṣṭayanty uta
tasmāt sanatkumāratvaṃ yo labheta svakarmaṇā
sa manaḥ sarvabhūtānāṃ pradyumnaḥ paripaṭhyate
yasmāt sarvaṃ prabhavati jagat sthāvarajaṅgamam
so 'niruddhaḥ sa īśāno vyaktiḥ sā sarvakarmasu
jñeyaḥ sa eva bhagavāñ jīvaḥ saṃkarṣaṇaḥ prabhuḥ
pradyumnād yo 'niruddhas tu so 'haṃkāro maheśvaraḥ
akṣaraṃ ca kṣaraṃ caiva sac cāsac caiva nārada
ahaṃ hi puruṣo jñeyo niṣkriyaḥ pañcaviṃśakaḥ
etat tvayā na vijñeyaṃ rūpavān iti dṛśyate
icchan muhūrtān naśyeyam īśo 'haṃ jagato guruḥ
sarvabhūtaguṇair yuktaṃ naivaṃ tvaṃ jñātum arhasi
mayaitat kathitaṃ samyak tava mūrticatuṣṭayam
tamorajobhyāṃ nirmuktāḥ pravekṣyanti ca māṃ mune
ahaṃ hi jīvasaṃjño vai mayi jīvaḥ samāhitaḥ
maivaṃ te buddhir atrābhūd dṛṣṭo jīvo mayeti ca
bhūtagrāmaśarīreṣu naśyatsu na naśāmy aham
brahmā sanātano devo mama bahvarthacintakaḥ
dvādaśaiva tathādityān vāmaṃ pārśvaṃ samāsthitān
nāsatyaṃ caiva dasraṃ ca bhiṣajau paśya pṛṣṭhataḥ
vedān yajñāṃś ca śataśaḥ paśyāmṛtam athauṣadhīḥ
tathāṣṭaguṇam aiśvaryam ekasthaṃ paśya mūrtimat
vedānāṃ mātaraṃ paśya matsthāṃ devīṃ sarasvatīm
ambhodharān samudrāṃś ca sarāṃsi saritas tathā
trīṃś caivemān guṇān paśya matsthān mūrtivivarjitān
devānāṃ ca pitṝṇāṃ ca pitā hy eko 'ham āditaḥ
pibāmi suhutaṃ havyaṃ kavyaṃ ca śraddhayānvitam
tatas tasmai varān prīto dadāv aham anuttamān
ahaṃkārakṛtaṃ caiva nāma paryāyavācakam
tvaṃ caiva varado brahman varepsūnāṃ bhaviṣyasi
pitṝṇāṃ ca mahābhāga satataṃ saṃśitavrata
vividhānāṃ ca bhūtānāṃ tvam upāsyo bhaviṣyasi
anuśāsyas tvayā brahman niyojyaś ca suto yathā
ahaṃ dattvā varān prīto nivṛttiparamo 'bhavam
tasmān nivṛttim āpannaś caret sarvāṅganirvṛtaḥ
kapilaṃ prāhur ācāryāḥ sāṃkhyaniścitaniścayāḥ
so 'haṃ yogagatir brahman yogaśāstreṣu śabditaḥ
tato yugasahasrānte saṃhariṣye jagat punaḥ
kṛtvātmasthāni bhūtāni sthāvarāṇi carāṇi ca
tato bhūyo jagat sarvaṃ kariṣyāmīha vidyayā
sa hi saṃkarṣaṇaḥ proktaḥ pradyumnaṃ so 'py ajījanat
aniruddhāt tathā brahmā tatrādikamalodbhavaḥ
etāṃ sṛṣṭiṃ vijānīhi kalpādiṣu punaḥ punaḥ
naṣṭau punar balāt kāla ānayaty amitadyutiḥ
tathā balād ahaṃ pṛthvīṃ sarvabhūtahitāya vai
ānayiṣyāmi svaṃ sthānaṃ vārāhaṃ rūpam āsthitaḥ
nārasiṃhaṃ vapuḥ kṛtvā hiraṇyakaśipuṃ punaḥ
surakārye haniṣyāmi yajñaghnaṃ ditinandanam
bhaviṣyati sa śakraṃ ca svarājyāc cyāvayiṣyati
adityāṃ dvādaśaḥ putraḥ saṃbhaviṣyāmi kaśyapāt
devatāḥ sthāpayiṣyāmi sveṣu sthāneṣu nārada
baliṃ caiva kariṣyāmi pātālatalavāsinam
kṣatraṃ cotsādayiṣyāmi samṛddhabalavāhanam
rāmo dāśarathir bhūtvā bhaviṣyāmi jagatpatiḥ
prāpsyato vānaratvaṃ hi prajāpatisutāv ṛṣī
te sahāyā bhaviṣyanti surakārye mama dvija
haniṣye rāvaṇaṃ saṃkhye sagaṇaṃ lokakaṇṭakam
prādurbhāvaḥ kaṃsahetor mathurāyāṃ bhaviṣyati
kuśasthalīṃ kariṣyāmi nivāsaṃ dvārakāṃ purīm
haniṣye narakaṃ bhaumaṃ muraṃ pīṭhaṃ ca dānavam
kuśasthalīṃ nayiṣyāmi hatvā vai dānavottamān
parājeṣyāmy athodyuktau devalokanamaskṛtau
vināśayiṣyāmi tataḥ sarvān saubhanivāsinaḥ
bhaviṣyati vadhas tasya matta eva dvijottama
bhaviṣyaty asuraḥ sphīto bhūmipālo girivraje
mama buddhiparispandād vadhas tasya bhaviṣyati
vāsaviḥ susahāyo vai mama hy eko bhaviṣyati
udyuktau dahataḥ kṣatraṃ lokakāryārtham īśvarau
sarvasātvatamukhyānāṃ dvārakāyāś ca sattama
kariṣye pralayaṃ ghoram ātmajñātivināśanam
kṛtvā lokān gamiṣyāmi svān ahaṃ brahmasatkṛtān
yadā vedaśrutir naṣṭā mayā pratyāhṛtā tadā
savedāḥ saśrutīkāś ca kṛtāḥ pūrvaṃ kṛte yuge
atikrāntāś ca bahavaḥ prādurbhāvā mamottamāḥ
lokakāryāṇi kṛtvā ca punaḥ svāṃ prakṛtiṃ gatāḥ
yat tvayā prāptam adyeha ekāntagatabuddhinā
purāṇaṃ ca bhaviṣyaṃ ca sarahasyaṃ ca sattama
etāvad uktvā vacanaṃ tatraivāntaradhīyata
naranārāyaṇau draṣṭuṃ prādravad badarāśramam
sāṃkhyayogakṛtaṃ tena pañcarātrānuśabditam
brahmaṇaḥ sadane tāta yathā dṛṣṭaṃ yathā śrutam
kiṃ brahmā na vijānīte yataḥ śuśrāva nāradāt
kathaṃ sa na vijānīyāt prabhāvam amitaujasaḥ
samatītāni rājendra sargāś ca pralayāś ca ha
jānāti devapravaraṃ bhūyaś cāto 'dhikaṃ nṛpa
paramātmānam īśānam ātmanaḥ prabhavaṃ tathā
tebhyas tac chrāvayām āsa purāṇaṃ vedasaṃmitam
ātmānugāmināṃ brahma śrāvayām āsa bhārata
sūryasya tapato lokān nirmitā ye puraḥsarāḥ
teṣām akathayat sūryaḥ sarveṣāṃ bhāvitātmanām
merau samāgatā devāḥ śrāvitāś cedam uttamam
śrāvayām āsa rājendra pitṝṇāṃ munisattamaḥ
tato mayaitac chrutvā ca kīrtitaṃ tava bhārata
sarve te paramātmānaṃ pūjayanti punaḥ punaḥ
nāvāsudevabhaktāya tvayā deyaṃ kathaṃ cana
yāni śrutāni dharmyāṇi teṣāṃ sāro 'yam uddhṛtaḥ
evam etat purā vipraiḥ kathāmṛtam ihoddhṛtam
ekāntabhāvopagata ekānte susamāhitaḥ
sa sahasrārciṣaṃ devaṃ praviśen nātra saṃśayaḥ
jijñāsur labhate kāmān bhakto bhaktagatiṃ vrajet
sa hi mātā pitā caiva kṛtsnasya jagato guruḥ
yudhiṣṭhira mahābāho mahābāhur janārdanaḥ
bhrātaraś cāsya te sarve nārāyaṇaparābhavan
nityaṃ japyaparā bhūtvā sarasvatīm udīrayan
sa jagau paramaṃ japyaṃ nārāyaṇam udīrayan
pūjayitvā ca deveśaṃ punar āyāt svam āśramam