nānāśrayāś ca bahava itihāsāḥ pṛthagvidhāḥ
saṃdeho 'sti tu kaś cin me tad bhavān vaktum arhati
kiṃ phalaṃ japatām uktaṃ kva vā tiṣṭhanti jāpakāḥ
jāpakā iti kiṃ caitat sāṃkhyayogakriyāvidhiḥ
etan me sarvam ācakṣva sarvajño hy asi me mataḥ
yamasya yat purā vṛttaṃ kālasya brāhmaṇasya ca
vedavādābhinirvṛttā śāntir brahmaṇy avasthitau
mārgau tāv apy ubhāv etau saṃśritau na ca saṃśritau
manaḥsamādhir atrāpi tathendriyajayaḥ smṛtaḥ
dhyānaṃ tapo damaḥ kṣāntir anasūyā mitāśanam
eṣa pravṛttako dharmo nivṛttakam atho śṛṇu
etat sarvam aśeṣeṇa yathoktaṃ parivarjayet
trividhaṃ mārgam āsādya vyaktāvyaktam anāśrayam
cīraiḥ parivṛtas tasmin madhye channaḥ kuśais tathā
sāmyam utpādya manaso manasy eva mano dadhat
saṃnyasyaty atha vā tāṃ vai samādhau paryavasthitaḥ
śuddhātmā tapasā dānto nivṛttadveṣakāmavān
na kartākaraṇīyānāṃ na kāryāṇām iti sthitiḥ
na cātmagrahaṇe yukto nāvamānī na cākriyaḥ
dhyāne samādhim utpādya tad api tyajati kramāt
nirīhas tyajati prāṇān brāhmīṃ saṃśrayate tanum
utkrāmati ca mārgastho naiva kva cana jāyate
amṛtaṃ virajaḥśuddham ātmānaṃ pratipadyate