gāndhāryāḥ preṣayām āsa vāsudevaṃ paraṃtapam
na ca taṃ labdhavān kāmaṃ tato yuddham abhūd idam
pṛthivyāṃ pāṇḍaveyasya niḥsapatne kṛte yudhi
kiṃ nu tat kāraṇaṃ brahman yena kṛṣṇo gataḥ punaḥ
yatrāgamad ameyātmā svayam eva janārdanaḥ
yac cātra kāraṇaṃ brahman kāryasyāsya viniścaye
tat te 'haṃ saṃpravakṣyāmi yathāvad bharatarṣabha
vyutkramya samayaṃ rājan dhārtarāṣṭraṃ mahābalam
yudhiṣṭhiraṃ mahārāja mahad bhayam athāviśat
ghoreṇa tapasā yuktāṃ trailokyam api sā dahet
gāndhāryāḥ krodhadīptāyāḥ pūrvaṃ praśamanaṃ bhavet
mānasenāgninā kruddhā bhasmasān naḥ kariṣyati
śrutvā vinihataṃ putraṃ chalenājihmayodhinam
vāsudevam idaṃ vākyaṃ dharmarājo 'bhyabhāṣata
aprāpyaṃ manasāpīha prāptam asmābhir acyuta
vimardaḥ sumahān prāptas tvayā yādavanandana
yathā sāhyaṃ purā dattaṃ hatāś ca vibudhadviṣaḥ
sārathyena ca vārṣṇeya bhavatā yad dhṛtā vayam
kathaṃ śakyo raṇe jetuṃ bhaved eṣa balārṇavaḥ
śaktibhir bhiṇḍipālaiś ca tomaraiḥ saparaśvadhaiḥ
tāś ca te saphalāḥ sarvā hate duryodhane 'cyuta
sā hi nityaṃ mahābhāgā tapasogreṇa karśitā
tasyāḥ prasādanaṃ vīra prāptakālaṃ mataṃ mama
vīkṣituṃ puruṣaḥ śaktas tvām ṛte puruṣottama
gāndhāryāḥ krodhadīptāyāḥ praśamārtham ariṃdama
hetukāraṇasaṃyuktair vākyaiḥ kālasamīritaiḥ
pitāmahaś ca bhagavān kṛṣṇas tatra bhaviṣyati
kartavyaṃ sātvataśreṣṭha pāṇḍavānāṃ hitaiṣiṇā
āmantrya dārukaṃ prāha rathaḥ sajjo vidhīyatām
nyavedayad rathaṃ sajjaṃ keśavāya mahātmane
jagāma hāstinapuraṃ tvaritaḥ keśavo vibhuḥ
nāgasāhvayam āsādya praviveśa ca vīryavān
vidito dhṛtarāṣṭrasya so 'vatīrya rathottamāt
pūrvaṃ cābhigataṃ tatra so 'paśyad ṛṣisattamam
abhyavādayad avyagro gāndhārīṃ cāpi keśavaḥ
pāṇim ālambya rājñaḥ sa sasvaraṃ praruroda ha
prakṣālya vāriṇā netre ācamya ca yathāvidhi
uvāca praśritaṃ vākyaṃ dhṛtarāṣṭram ariṃdamaḥ
kālasya ca yathā vṛttaṃ tat te suviditaṃ prabho
kathaṃ kulakṣayo na syāt tathā kṣatrasya bhārata
dyūtacchalajitaiḥ śaktair vanavāso 'bhyupāgataḥ
anye ca bahavaḥ kleśās tv aśaktair iva nityadā
sarvalokasya sāṃnidhye grāmāṃs tvaṃ pañca yācitaḥ
tavāparādhān nṛpate sarvaṃ kṣatraṃ kṣayaṃ gatam
droṇena ca saputreṇa vidureṇa ca dhīmatā
yācitas tvaṃ śamaṃ nityaṃ na ca tat kṛtavān asi
yathā mūḍho bhavān pūrvam asminn arthe samudyate
mā ca doṣaṃ mahārāja pāṇḍaveṣu niveśaya
dharmato nyāyataś caiva snehataś ca paraṃtapa
asūyāṃ pāṇḍuputreṣu na bhavān kartum arhati
gāndhāryās tava caivādya pāṇḍaveṣu pratiṣṭhitam
śivena pāṇḍavān dhyāhi namas te bharatarṣabha
bhaktir bharataśārdūla snehaś cāpi svabhāvataḥ
dahyate sma divārātraṃ na ca śarmādhigacchati
sa śocan bharataśreṣṭha na śāntim adhigacchati
putraśokābhisaṃtaptaṃ buddhivyākulitendriyam
uvāca paramaṃ vākyaṃ gāndhārīṃ śokakarśitām
tvatsamā nāsti loke 'sminn adya sīmantinī śubhe
dharmārthasahitaṃ vākyam ubhayoḥ pakṣayor hitam
uktavaty asi kalyāṇi na ca te tanayaiḥ śrutam
śṛṇu mūḍha vaco mahyaṃ yato dharmas tato jayaḥ
evaṃ viditvā kalyāṇi mā sma śoke manaḥ kṛthāḥ
pāṇḍavānāṃ vināśāya mā te buddhiḥ kadā cana
cakṣuṣā krodhadīptena nirdagdhuṃ tapaso balāt
evam etan mahābāho yathā vadasi keśava
sā me vyavasthitā śrutvā tava vākyaṃ janārdana
tvaṃ gatiḥ saha tair vīraiḥ pāṇḍavair dvipadāṃ vara
putraśokābhisaṃtaptā gāndhārī praruroda ha
hetukāraṇasaṃyuktair vākyair āśvāsayat prabhuḥ
drauṇeḥ saṃkalpitaṃ bhāvam anvabudhyata keśavaḥ
dvaipāyanasya rājendra tataḥ kauravam abravīt
drauṇeḥ pāpo 'sty abhiprāyas tenāsmi sahasotthitaḥ
pāṇḍavānāṃ vadhe rātrau buddhis tena pradarśitā
dhṛtarāṣṭro mahābāhuḥ keśavaṃ keśisūdanam
bhūyas tvayā sameṣyāmi kṣipram eva janārdana
prāyāt tatas tu tvarito dārukeṇa sahācyutaḥ
āśvāsayad ameyātmā vyāso lokanamaskṛtaḥ
śibiraṃ hāstinapurād didṛkṣuḥ pāṇḍavān nṛpa
tac ca tebhyaḥ samākhyāya sahitas taiḥ samāviśat