abhiṣekaṃ kumārasya vistareṇa yathāvidhi
prahṛṣṭāni ca romāṇi prasannaṃ ca mano mama
śrutvā me paramā prītir bhūyaḥ kautūhalaṃ hi me
tan me brūhi mahāprājña kuśalo hy asi sattama
ādau kṛtayuge tasmin vartamāne yathāvidhi
varuṇaṃ devatāḥ sarvāḥ sametyedam athābruvan
tathā tvam api sarvāsāṃ saritāṃ vai patir bhava
samudro 'yaṃ tava vaśe bhaviṣyati nadīpatiḥ
evam astv iti tān devān varuṇo vākyam abravīt
apāṃ patiṃ pracakrur hi vidhidṛṣṭena karmaṇā
jagmuḥ svāny eva sthānāni pūjayitvā jaleśvaram
saritaḥ sāgarāṃś caiva nadāṃś caiva sarāṃsi ca
pālayām āsa vidhinā yathā devāñ śatakratuḥ
agnitīrthaṃ mahāprājñaḥ sa jagāma pralambahā
naṣṭo na dṛśyate yatra śamīgarbhe hutāśanaḥ
upatasthur mahātmānaṃ sarvalokapitāmaham
sarvalokakṣayo mā bhūt saṃpādayatu no 'nalam
vijñātaś ca kathaṃ devais tan mamācakṣva tattvataḥ
śamīgarbham athāsādya nanāśa bhagavāṃs tataḥ
anveṣanta tadā naṣṭaṃ jvalanaṃ bhṛśaduḥkhitāḥ
dadṛśur jvalanaṃ tatra vasamānaṃ yathāvidhi
jvalanaṃ taṃ samāsādya prītābhūvan savāsavāḥ
punar yathāgataṃ jagmuḥ sarvabhakṣaś ca so 'bhavat
tatrāpy āplutya matimān brahmayoniṃ jagāma ha
tatrāplutya tato brahmā saha devaiḥ prabhuḥ purā
sasarja cānnāni tathā devatānāṃ yathāvidhi
kauberaṃ prayayau tīrthaṃ tatra taptvā mahat tapaḥ
dhanādhipatyaṃ saṃprāpto rājann ailabilaḥ prabhuḥ
upatasthur naraśreṣṭha tat tīrthaṃ lāṅgalī tataḥ
gatvā snātvā ca vidhivad brāhmaṇebhyo dhanaṃ dadau
purā yatra tapas taptaṃ vipulaṃ sumahātmanā
dhanādhipatyaṃ sakhyaṃ ca rudreṇāmitatejasā
yatra lebhe mahābāho dhanādhipatir añjasā
vāhanaṃ cāsya tad dattaṃ haṃsayuktaṃ manoramam
vimānaṃ puṣpakaṃ divyaṃ nairṛtaiśvaryam eva ca
jagāma tvarito rāmas tīrthaṃ śvetānulepanaḥ
nānartukavanopetaṃ sadāpuṣpaphalaṃ śubham