kīrtyamānān mayā vīra sapatnagaṇasūdanān
yābhir vyāptās trayo lokāḥ kalyāṇībhiś carācarāḥ
śrīmatī bahulā caiva tathaiva bahuputrikā
jayāvatī mālatikā dhruvaratnā bhayaṃkarī
ekacūḍā mahācūḍā cakranemiś ca bhārata
śatruṃjayā tathā caiva krodhanā śalabhī kharī
gītapriyā ca kalyāṇī kadrulā cāmitāśanā
alātākṣī vīryavatī vidyujjihvā ca bhārata
saṃtānikā ca kauravya kamalā ca mahābalā
nṛtyapriyā ca rājendra śatolūkhalamekhalā
vapuṣmatī candraśītā bhadrakālī ca bhārata
sumaṅgalā svastimatī vṛddhikāmā jayapriyā
eḍī bheḍī sameḍī ca vetālajananī tathā
kaṇḍūtiḥ kālikā caiva devamitrā ca bhārata
kukkuṭikā śaṅkhanikā tathā jarjarikā nṛpa
utkrāthinī jareṇā ca mahāvegā ca kaṅkaṇā
khaśayā curvyuṭir vāmā krośanātha taḍitprabhā
subhagā lambinī lambā vasucūḍā vikatthanī
pṛthuvaktrā madhurikā madhukumbhā tathaiva ca
khyātā dahadahā caiva tathā dhamadhamā nṛpa
amocā caiva kauravya tathā lambapayodharā
śaśolūkamukhī kṛṣṇā kharajaṅghā mahājavā
jaṭālikā kāmacarī dīrghajihvā balotkaṭā
lohitākṣī mahākāyā haripiṇḍī ca bhūmipa
kṣurakarṇī catuṣkarṇī karṇaprāvaraṇā tathā
kharakarṇī mahākarṇī bherīsvanamahāsvanā
gaṇā ca sugaṇā caiva tathābhīty atha kāmadā
paśudā vittadā caiva sukhadā ca mahāyaśāḥ
payodā gomahiṣadā suviṣāṇā ca bhārata
gokarṇī ca sukarṇī ca sasirā stherikā tathā
ekacakrā megharavā meghamālā virocanā
kārttikeyānuyāyinyo nānārūpāḥ sahasraśaḥ
saralā madhurāś caiva yauvanasthāḥ svalaṃkṛtāḥ
nirmāṃsagātryaḥ śvetāś ca tathā kāñcanasaṃnibhāḥ
aruṇābhā mahābhāgā dīrghakeśyaḥ sitāmbarāḥ
lambodaryo lambakarṇās tathā lambapayodharāḥ
varadāḥ kāmacāriṇyo nityapramuditās tathā
vāruṇyo 'tha ca māhendryas tathāgneyyaḥ paraṃtapa
rūpeṇāpsarasāṃ tulyā jave vāyusamās tathā
śakravīryopamāś caiva dīptyā vahnisamās tathā
guhāśmaśānavāsinyaḥ śailaprasravaṇālayāḥ
nānāvicitraveṣāś ca nānābhāṣās tathaiva ca
anujagmur mahātmānaṃ tridaśendrasya saṃmate
guhāya rājaśārdūla vināśāya suradviṣām
taruṇādityavarṇāṃ ca patākāṃ bharatarṣabha
ugrāṃ nānāpraharaṇāṃ tapovīryabalānvitām
umā dadau cārajasī vāsasī sūryasaprabhe
dadau prītyā kumārāya daṇḍaṃ caiva bṛhaspatiḥ
aruṇas tāmracūḍaṃ ca pradadau caraṇāyudham
kṛṣṇājinaṃ tathā brahmā brahmaṇyāya dadau prabhuḥ
samareṣu jayaṃ caiva pradadau lokabhāvanaḥ
śuśubhe jvalito 'rciṣmān dvitīya iva pāvakaḥ
tataḥ pāriṣadaiś caiva mātṛbhiś ca samanvitaḥ
sabherīśaṅkhamurajā sāyudhā sapatākinī
śāradī dyaur ivābhāti jyotirbhir upaśobhitā
vādayām āsur avyagrā bherīśaṅkhāṃś ca puṣkalān
āḍambarān gomukhāṃś ca ḍiṇḍimāṃś ca mahāsvanān
jaguś ca devagandharvā nanṛtuś cāpsarogaṇāḥ
ripūn hantāsmi samare ye vo vadhacikīrṣavaḥ
prītātmāno mahātmāno menire nihatān ripūn
apūrayata lokāṃs trīn vare datte mahātmanā
vadhāya yudhi daityānāṃ rakṣārthaṃ ca divaukasām
mahāsenasya sainyānām agre jagmur narādhipa
gadāmusalanārācaśaktitomarahastayā
dṛptasiṃhaninādinyā vinadya prayayau guhaḥ
vyadravanta diśaḥ sarvā bhayodvignāḥ samantataḥ
abhyadravanta devās tān vividhāyudhapāṇayaḥ
śaktyastraṃ bhagavān bhīmaṃ punaḥ punar avāsṛjat
ādadhac cātmanas tejo haviṣeddha ivānalaḥ
ulkājvālā mahārāja papāta vasudhātale
yathāntakālasamaye sughorāḥ syus tathā nṛpa
tataḥ koṭyo viniṣpetuḥ śaktīnāṃ bharatarṣabha
daityendraṃ tārakaṃ nāma mahābalaparākramam
vṛtaṃ daityāyutair vīrair balibhir daśabhir nṛpa
tripādaṃ cāyutaśatair jaghāna daśabhir vṛtam
jaghānānucaraiḥ sārdhaṃ vividhāyudhapāṇibhiḥ
kumārānucarā rājan pūrayanto diśo daśa
dagdhāḥ sahasraśo daityā nādaiḥ skandasya cāpare
ke cid ghaṇṭāravatrastā nipetur vasudhātale
ke cit praharaṇaiś chinnā vinipetur gatāsavaḥ
jaghāna samare vīraḥ kārttikeyo mahābalaḥ
krauñcaṃ parvatam āsādya devasaṃghān abādhata
sa kārttikeyasya bhayāt krauñcaṃ śaraṇam eyivān
śaktyā bibheda bhagavān kārttikeyo 'gnidattayā
pulinatrastavihagaṃ viniṣpatitapannagam
kuraṅgagatinirghoṣam udbhrāntasṛmarācitam
śocyām api daśāṃ prāpto rarājaiva sa parvataḥ
kiṃnarāś ca samudvignāḥ śaktipātaravoddhatāḥ
pradīptāt parvataśreṣṭhād vicitrābharaṇasrajaḥ
bibheda śaktyā krauñcaṃ ca pāvakiḥ paravīrahā
śaktiḥ kṣiptā raṇe tasya pāṇim eti punaḥ punaḥ
krauñcas tena vinirbhinno daityāś ca śataśo hatāḥ
sabhājyamāno vibudhaiḥ paraṃ harṣam avāpa ha
mumucur devayoṣāś ca puṣpavarṣam anuttamam
gandharvās tuṣṭuvuś cainaṃ yajvānaś ca maharṣayaḥ
sanatkumāraṃ sarveṣāṃ brahmayoniṃ tam agrajam
umāyāḥ kṛttikānāṃ ca gaṅgāyāś ca vadanty uta
yoginām īśvaraṃ devaṃ śataśo 'tha sahasraśaḥ
śṛṇu caiva sarasvatyās tīrthavaṃśasya puṇyatām
kumāreṇa mahārāja triviṣṭapam ivāparam
tadā nairṛtamukhyebhyas trailokye pāvakātmajaḥ
abhiṣikto mahārāja devasenāpatiḥ suraiḥ
abhiṣiktaḥ suragaṇair varuṇo bharatarṣabha
brāhmaṇebhyo dadau rukmaṃ vāsāṃsy ābharaṇāni ca
pūjya tīrthavaraṃ tac ca spṛṣṭvā toyaṃ ca lāṅgalī
hṛṣṭaḥ prītamanāś caiva hy abhavan mādhavottamaḥ
yathābhiṣikto bhagavān skando devaiḥ samāgataiḥ