vidyutprakāśaṃ dadṛśuḥ samantād; dhanaṃjayāstraṃ samudīryamāṇam
kruddhena pārthena tadāśu sṛṣṭaṃ; vadhāya karṇasya mahāvimarde
tad arjunāstraṃ vyadhamad dahantaṃ; pārthaṃ ca bāṇair niśitair nijaghne
anyonyam āsādayatoḥ pṛṣatkair; viṣāṇaghātair dvipayor ivograiḥ
raudraṃ śaraṃ saṃyati supradhautaṃ; pārthārtham atyarthacirāya guptam
pradīptam airāvatavaṃśasaṃbhavaṃ; śiro jihīrṣur yudhi phalgunasya
na karṇa grīvām iṣur eṣa prāpsyate; saṃlakṣya saṃdhatsva śaraṃ śiroghnam
na saṃdhatte dviḥ śaraṃ śalya karṇo; na mādṛśāḥ śāṭhyayuktā bhavanti
hato 'si vai phalguna ity avocat; tatas tvarann ūrjitam utsasarja
ākramya syandanaṃ padbhyāṃ balena balināṃ varaḥ
tataḥ śaraḥ so 'bhyahanat kirīṭaṃ tasya dhīmataḥ
balāstrasargottamayatnamanyubhiḥ; śareṇa mūrdhnaḥ sa jahāra sūtajaḥ
puraṃdarārthaṃ tapasā prayatnataḥ; svayaṃ kṛtaṃ yad bhuvanasya sūnunā
nijaghnuṣe devaripūn sureśvaraḥ; svayaṃ dadau yat sumanāḥ kirīṭine
surottamair apy aviṣahyam ardituṃ; prasahya nāgena jahāra yad vṛṣaḥ
papāta pārthasya kirīṭam uttamaṃ; divākaro 'stād iva parvatāj jvalan
gireḥ sujātāṅkurapuṣpitadrumaṃ; mahendravajraḥ śikharaṃ yathottamam
tathaiva śabdo bhuvaneṣv abhūt tadā; janā vyavasyan vyathitāś ca caskhaluḥ
vibhāti saṃpūrṇamarīcibhāsvatā; śirogatenodayaparvato yathā
mahoragaḥ kṛtavairo 'rjunena; kirīṭam āsādya samutpapāta
tataḥ kṛṣṇaḥ pārtham uvāca saṃkhye; mahoragaṃ kṛtavairaṃ jahi tvam
uvāca ko nv eṣa mamādya nāgaḥ; svayaṃ ya āgād garuḍasya vaktram
viyadgato bāṇanikṛttadeho; hy anekarūpo nihatāsya mātā
nāgaṃ viyat tiryag ivotpatantaṃ; sa chinnagātro nipapāta bhūmau
vivyādha karṇaḥ puruṣapravīraṃ; dhanaṃjayaṃ tiryag avekṣamāṇam
nārācam āśīviṣatulyavegam; ākarṇapūrṇāyatam utsasarja
karṇasya pītvā rudhiraṃ viveśa; vasuṃdharāṃ śoṇitavājadigdhaḥ
tathāśukārī vyasṛjac charottamān; mahāviṣaḥ sarpa ivottamaṃ viṣam
śareṇa ghoreṇa punaś ca pāṇḍavaṃ; vibhidya karṇo 'bhyanadaj jahāsa ca
paraṃ śaraiḥ patribhir indravikramas; tathā yathendro balam ojasāhanat
śarair bhṛśāyastatanuḥ pravivyathe; tathā yathā vajravidārito 'calaḥ
praviddham urvyāṃ nipapāta patribhir; dhanaṃjayenottamakuṇḍale 'pi ca
sudīrghakālena tad asya pāṇḍavaḥ; kṣaṇena bāṇair bahudhā vyaśātayat
sa vivyathe 'tyartham ariprahārito; yathāturaḥ pittakaphānilavraṇaiḥ
tatakṣa karṇaṃ bahubhiḥ śarottamair; bibheda marmasv api cārjunas tvaran
babhau girir gairikadhāturaktaḥ; kṣaran prapātair iva raktam ambhaḥ
pracchādayām āsa diśaś ca bāṇaiḥ; sarvaprayatnāt tapanīyapuṅkhaiḥ
supuṣpitāśokapalāśaśālmalir; yathācalaḥ spandanacandanāyutaḥ
mahīruhair ācitasānukandaro; yathā mahendraḥ śubhakarṇikāravān
salohito raktagabhastimaṇḍalo; divākaro 'stābhimukho yathā tathā
vyadhvaṃsayann arjunabāhumuktāḥ; śarāḥ samāsādya diśaḥ śitāgrāḥ
ghūrṇe rathe brāhmaṇasyābhiśāpād; rāmād upātte 'pratibhāti cāstre
dharmapradhānān abhipāti dharma; ity abruvan dharmavidaḥ sadaiva
mamāpi nimno 'dya na pāti bhaktān; manye na nityaṃ paripāti dharmaḥ
marmābhighātāc calitaḥ kriyāsu; punaḥ punar dharmam agarhad ājau
haste karṇas tadā pārtham abhyavidhyac ca saptabhiḥ
indrāśanisamān ghorān asṛjat pāvakopamān
kampitātmā tathā karṇaḥ śaktyā ceṣṭām adarśayat
aindrāstram arjunaś cāpi tad dṛṣṭvābhinyamantrayat
asṛjac charavarṣāṇi varṣāṇīva puraṃdaraḥ
prādurāsan mahāvīryāḥ karṇasya ratham antikāt
tato 'bravīd vṛṣṇivīras tasminn astre vināśite
brahmāstram arjunaś cāpi saṃmantryātha prayojayat
tasya karṇaḥ śaraiḥ kruddhaś ciccheda jyāṃ sutejanaiḥ
śarair avākirat karṇaṃ dīpyamānaiḥ sahasraśaḥ
nānvabudhyata śīghratvāt tad adbhutam ivābhavat
cakre cābhyadhikaṃ pārthāt svavīryaṃ pratidarśayan
abhyasyety abravīt pārtham ātiṣṭhāstram anuttamam
aśmasāramayaṃ divyam anumantrya dhanaṃjayaḥ
tato 'grasan mahī cakraṃ rādheyasya mahāmṛdhe
so 'bravīd arjunaṃ cāpi muhūrtaṃ kṣama pāṇḍava
pārtha kāpuruṣācīrṇam abhisaṃdhiṃ vivarjaya
śaraṇāgate nyastaśastre tathā vyasanage 'rjuna
na śūrāḥ praharanty ājau na rājñe pārthivās tathā
tvaṃ ca śūro 'si kaunteya tasmāt kṣama muhūrtakam
na māṃ rathastho bhūmiṣṭham asajjaṃ hantum arhasi
na vāsudevāt tvatto vā pāṇḍaveya bibhemy aham
smṛtvā dharmopadeśaṃ tvaṃ muhūrtaṃ kṣama pāṇḍava