rathahastyaśvapattīnāṃ sahasraiḥ parivāritaḥ
chittvā bāṇaśatair ugrais tān avidhyad asaṃbhramaḥ
te hatā vasudhāṃ petur bhagnāś cānye vidudruvuḥ
abhyardayañ jighāṃsantaḥ pattayaḥ karṇam āhave
petuḥ pṛthivyāṃ yugapac chinnaṃ śālavanaṃ yathā
hatānīyur mahīṃ dehair yaśasāpūrayan diśaḥ
rurudhuḥ pāṇḍupāñcālā vyādhiṃ mantrauṣadhair iva
mantrauṣadhikriyātīto vyādhir atyulbaṇo yathā
nāśakat tān atikrāntuṃ mṛtyur brahmavido yathā
abravīt paravīraghnaḥ krodhasaṃraktalocanaḥ
sadā spardhasi saṃgrāme phalgunena yaśasvinā
tathāsmān bādhase nityaṃ dhārtarāṣṭramate sthitaḥ
tat sarvaṃ darśayasvādya pauruṣaṃ mahad āsthitaḥ
yuddhaśraddhāṃ sa te 'dyāhaṃ vineṣyāmi mahāhave
suvarṇapuṅkhair daśabhir vivyādhāyasmayaiḥ śitaiḥ
vatsadantair maheṣvāsaḥ prahasann iva bhārata
jaghāna samare śūraḥ śaraiḥ saṃnataparvabhiḥ
rathābhyāśe cakāśete candrasyeva punarvasū
suṣeṇaṃ satyasenaṃ ca tribhis tribhir atāḍayat
tāṃś cāsya goptṝn vivyādha tribhis tribhir ajihmagaiḥ
bhittvā bhallena rājānaṃ viddhvā ṣaṣṭyānadan mudā
sūtaputrāt parīpsantaḥ karṇam abhyardayañ śaraiḥ
dhṛṣṭadyumnaḥ śikhaṇḍī ca draupadeyāḥ prabhadrakāḥ
kārūṣā matsyaśeṣāś ca kekayāḥ kāśikosalāḥ
ete ca tvaritā vīrā vasuṣeṇam avārayan
varāhakarṇair nārācair nālīkair niśitaiḥ śaraiḥ
vatsadantair vipāṭhaiś ca kṣurapraiś caṭakāmukhaiḥ
sarvato 'bhyādravan karṇaṃ parivārya jighāṃsayā
udairayad brāhmam astraṃ śaraiḥ saṃpūrayan diśaḥ
nirdahan pāṇḍavavanaṃ cāru paryacarad raṇe
prahasya puruṣendrasya śaraiś ciccheda kārmukam
bibheda kavacaṃ rājño raṇe karṇaḥ śitaiḥ śaraiḥ
savidyudabhraṃ savituḥ śiṣṭaṃ vātahataṃ yathā
ratnair alaṃkṛtaṃ divyair vyabhraṃ niśi yathā nabhaḥ
kruddhaḥ sarvāyasīṃ śaktiṃ cikṣepādhirathiṃ prati
sā chinnā bhūmim apatan maheṣvāsasya sāyakaiḥ
caturbhis tomaraiḥ karṇaṃ tāḍayitvā mudānadat
dhvajaṃ ciccheda bhallena tribhir vivyādha pāṇḍavam
iṣudhī cāsya ciccheda rathaṃ ca tilaśo 'cchinat
aśaknuvan pramukhataḥ sthātuṃ karṇasya durmanāḥ
abravīt prahasan rājan kutsayann iva pāṇḍavam
prajahyāt samare śatrūn prāṇān rakṣan mahāhave
brāhme bale bhavān yuktaḥ svādhyāye yajñakarmaṇi
mā cainān apriyaṃ brūhi mā ca vraja mahāraṇam
nyahanat pāṇḍavīṃ senāṃ vajrahasta ivāsurīm
tataḥ prāyād drutaṃ rājan vrīḍann iva janeśvaraḥ
cedipāṇḍavapāñcālāḥ sātyakiś ca mahārathaḥ
draupadeyās tathā śūrā mādrīputrau ca pāṇḍavau
kurubhiḥ sahito vīraiḥ pṛṣṭhagaiḥ pṛṣṭham anvayāt
babhūva dhārtarāṣṭrāṇāṃ siṃhanādaravas tadā
śrutakīrter mahārāja dṛṣṭavān karṇavikramam
tān yodhān abravīt kruddho hatainaṃ vai sahasraśaḥ
bhīmasenamukhāḥ sarve putrāṃs te pratyupādravan
hastyaśvarathapattīnāṃ śastrāṇāṃ ca tatas tataḥ
iti bruvāṇā anyonyaṃ jaghnur yodhā raṇājire
samāvṛttair naravarair nighnadbhir itaretaram
vyaṅgāṅgāvayavāḥ petuḥ kṣitau kṣīṇā hateśvarāḥ
sārohā nihatāḥ petur vajrabhinnā ivādrayaḥ
sārohās turagāḥ petur hatavīrāḥ sahasraśaḥ
prativīraiś ca saṃmarde pattisaṃghāḥ sahasraśaḥ
śirobhir yuddhaśauṇḍānāṃ sarvataḥ saṃstṛtā mahī
vimānair apsaraḥsaṃghair gītavāditranisvanaiḥ
āropyāropya gacchanti vimāneṣv apsarogaṇāḥ
prahṛṣṭamanasaḥ śūrāḥ kṣipraṃ jagmuḥ parasparam
pattayaḥ pattibhir nāgā nāgaiḥ saha hayair hayāḥ
sainye ca rajasā vyāpte sve svāñ jaghnuḥ pare parān
muṣṭiyuddhaṃ niyuddhaṃ ca dehapāpmavināśanam
narāśvagajadehebhyaḥ prasṛtā lohitāpagā
narāśvagajadehān sā vyuvāha patitān bahūn
lohitodā mahāghorā nadī lohitakardamā
narāśvagajadehān sā vahantī bhīrubhīṣaṇī
gādhena ca plavantaś ca nimajjyonmajjya cāpare
sasnus tasyāṃ papuś cāsṛṅ mamluś ca bharatarṣabha
vasanāny atha varmāṇi hanyamānān hatān api
bhūmiṃ khaṃ dyāṃ diśaś caiva prāyaḥ paśyāma lohitam
rūpeṇa cātiriktena śabdena ca visarpatā
viṣādaḥ sumahān āsīt prāyaḥ sainyasya bhārata
bhūyaḥ samādravan vīrāḥ sātyakipramukhā rathāḥ
putrāṇāṃ te mahat sainyam āsīd rājan parāṅmukham
vidhvastacarmakavacaṃ praviddhāyudhakārmukam
siṃhārditaṃ mahāraṇye yathā gajakulaṃ tathā