ekaikaṃ samare dṛṣṭvā pāṇḍavaṃ paryapṛcchata
tasmai dadyām abhipretaṃ varaṃ yaṃ manasecchati
śakaṭaṃ ratnasaṃpūrṇaṃ yo me brūyād dhanaṃjayam
anyaṃ tasmai punar dadyāṃ sauvarṇaṃ hastiṣaḍgavam
śyāmānāṃ niṣkakaṇṭhīnāṃ gītavādyavipaścitām
anyaṃ tasmai varaṃ dadyāṃ śvetān pañcaśatān hayān
sudāntān api caivāhaṃ dadyām aṣṭaśatān parān
yuktaṃ paramakāmbojair yo me brūyād dhanaṃjayam
kāñcanair vividhair bhāṇḍair ācchannān hemamālinaḥ
utpannān aparānteṣu vinītān hastiśikṣakaiḥ
anyaṃ tasmai varaṃ dadyāṃ yam asau kāmayet svayam
tac ca tasmai punar dadyāṃ yad yat sa manasecchati
tasmai dadyām ahaṃ yo me prabrūyāt keśavārjunau
dadhmau sāgarasaṃbhūtaṃ susvanaṃ śaṅkham uttamam
duryodhano mahārāja prahṛṣṭaḥ sānugo 'bhavat
siṃhanādaḥ savāditraḥ kuñjarāṇāṃ ca nisvanaḥ
yodhānāṃ saṃprahṛṣṭānāṃ tathā samabhavat svanaḥ
vikatthamānaṃ samare rādheyam arikarśanam
madrarājaḥ prahasyedaṃ vacanaṃ pratyabhāṣata
prayaccha puruṣāyādya drakṣyasi tvaṃ dhanaṃjayam
ayatnenaiva rādheya draṣṭāsy adya dhanaṃjayam
apātradāne ye doṣās tān mohān nāvabudhyase
śakyaṃ bahuvidhair yajñair yaṣṭuṃ sūta yajasva taiḥ
na hi śuśruma saṃmarde kroṣṭrā siṃhau nipātitau
ye tvāṃ na vārayanty āśu prapatantaṃ hutāśane
bahvabaddham akarṇīyaṃ ko hi brūyāj jijīviṣuḥ
giryagrād vā nipatanaṃ tādṛk tava cikīrṣitam
dhanaṃjayena yudhyasva śreyaś cet prāptum icchasi
śraddhatsvaitan mayā proktaṃ yadi te 'sti jijīviṣā
tvaṃ tu mitramukhaḥ śatrur māṃ bhīṣayitum icchasi
apīndro vajram udyamya kiṃ nu martyaḥ kariṣyati
cukopayiṣur atyarthaṃ karṇaṃ madreśvaraḥ punaḥ
anvetāraḥ kaṅkapatrāḥ śitāgrās; tadā tapsyasy arjunasyābhiyogāt
tvām ardayeta niśitaiḥ pṛṣatkais; tadā paścāt tapsyase sūtaputra
tadvan mohād yatamāno rathasthas; tvaṃ prārthayasy arjunam adya jetum
sutīkṣṇadhāropamakarmaṇā tvaṃ; yuyutsase yo 'rjunenādya karṇa
samāhvayet tadvad etat tavādya; samāhvānaṃ sūtaputrārjunasya
vane sṛgālaḥ piśitasya tṛpto; mā pārtham āsādya vinaṅkṣyasi tvam
śaśakāhvayase yuddhe karṇa pārthaṃ dhanaṃjayam
mahāviṣaṃ pūrṇakośaṃ yat pārthaṃ yoddhum icchasi
sṛgāla iva mūḍhatvān nṛsiṃhaṃ karṇa pāṇḍavam
laṭvevāhvayase pāte karṇa pārthaṃ dhanaṃjayam
candrodaye vivartantam aplavaḥ saṃtitīrṣasi
vatsa āhvayase yuddhe karṇa pārthaṃ dhanaṃjayam
kāmatoyapradaṃ loke naraparjanyam arjunam
tathā tvaṃ bhaṣase karṇa naravyāghraṃ dhanaṃjayam
manyate siṃham ātmānaṃ yāvat siṃhaṃ na paśyati
apaśyañ śatrudamanaṃ naravyāghraṃ dhanaṃjayam
samāsthitāv ekarathe sūryācandramasāv iva
tāvad eva tvayā karṇa śakyaṃ vaktuṃ yathecchasi
nardantam iva śārdūlaṃ dṛṣṭvā kroṣṭā bhaviṣyasi
vīrapradveṣaṇān mūḍha nityaṃ kroṣṭeva lakṣyase
yathā sṛgālaḥ siṃhaś ca yathā ca śaśakuñjarau
tathā tvam api pārthaś ca prakhyātāv ātmakarmabhiḥ
śalyam āha susaṃkruddho vākśalyam avadhārayan
tvaṃ tu nityaṃ guṇair hīnaḥ kiṃ jñāsyasy aguṇo guṇān
ahaṃ śalyābhijānāmi na tvaṃ jānāsi tat tathā
jānann evāhvaye yuddhe śalya nāgniṃ pataṃgavat
ekatūṇīśayaḥ patrī sudhautaḥ samalaṃkṛtaḥ
āheyo viṣavān ugro narāśvadvipasaṃghahā
nirbhindyāṃ yena ruṣṭo 'ham api meruṃ mahāgirim
kṛṣṇād vā devakīputrāt satyaṃ cātra śṛṇuṣva me
yotsye paramasaṃkruddhas tat karma sadṛśaṃ mama
sarveṣāṃ pāṇḍuputrāṇāṃ jayaḥ pārthe pratiṣṭhitaḥ
ubhayaṃ tat samāsādya ko 'tivartitum arhati
mām ekam abhisaṃyātau sujātaṃ śalya paśya me
maṇī sūtra iva protau draṣṭāsi nihatau mayā
bhīrūṇāṃ trāsajananau śalya harṣakarau mama
bhayāvatīrṇaḥ saṃtrāsād abaddhaṃ bahu bhāṣase
tau hatvā samare hantā tvām addhā sahabāndhavam
suhṛd bhūtvā ripuḥ kiṃ māṃ kṛṣṇābhyāṃ bhīṣayann asi
nāhaṃ bibhemi kṛṣṇābhyāṃ vijānann ātmano balam
aham eko haniṣyāmi joṣam āssva kudeśaja
yā gāthāḥ saṃpragāyanti kurvanto 'dhyayanaṃ yathā
tā gāthāḥ śṛṇu me śalya madrakeṣu durātmasu
śrutvā caikamanā mūḍha kṣama vā brūhi vottaram
madrake saṃgataṃ nāsti kṣudravākye narādhame
yāvadantaṃ hi daurātmyaṃ madrakeṣv iti naḥ śrutam
jāmātā duhitā bhrātā naptā te te ca bāndhavāḥ
puṃbhir vimiśrā nāryaś ca jñātājñātāḥ svayecchayā
pītvā sīdhuṃ sagomāṃsaṃ nardanti ca hasanti ca
kāmapralāpino 'nyonyaṃ teṣu dharmaḥ kathaṃ bhavet
nāpi vairaṃ na sauhārdaṃ madrakeṣu samācaret
madrakeṣu ca duḥsparśaṃ śaucaṃ gāndhārakeṣu ca
tathā brahmadviṣo nityaṃ gacchantīha parābhavam
ātharvaṇena mantreṇa sarvā śāntiḥ kṛtā bhavet
kurvanti bheṣajaṃ prājñāḥ satyaṃ tac cāpi dṛśyate
evaṃ vidvañ joṣam āssva śṛṇu cātrottaraṃ vacaḥ
mithune 'saṃyatāś cāpi yathākāmacarāś ca tāḥ
tāsāṃ putraḥ kathaṃ dharmaṃ madrako vaktum arhati
tāsāṃ vibhraṣṭalajjānāṃ nirlajjānāṃ tatas tataḥ
tvaṃ putras tādṛśīnāṃ hi dharmaṃ vaktum ihecchasi
adātukāmā vacanam idaṃ vadati dāruṇam
putraṃ dadyāṃ pratipadaṃ na tu dadyāṃ suvīrakam
ghasmarā naṣṭaśaucāś ca prāya ity anuśuśruma
ā keśāgrān nakhāgrāc ca vaktavyeṣu kuvartmasu
pāpadeśodbhavā mlecchā dharmāṇām avicakṣaṇāḥ
yad ājau nihataḥ śete sadbhiḥ samabhipūjitaḥ
na me sa prathamaḥ kalpo nidhane svargam icchataḥ
tadarthe hi mama prāṇā yac ca me vidyate vasu
yathā hy amitravat sarvaṃ tvam asmāsu pravartase
saṃgrāmād vimukhaḥ kartuṃ dharmajña iva nāstikaiḥ
nāhaṃ bhīṣayituṃ śakyaḥ kṣatravṛtte vyavasthitaḥ
yā gatir guruṇā prāṅ me proktā rāmeṇa tāṃ smara
viddhi mām āsthitaṃ vṛttaṃ paurūravasam uttamam
yo mām asmād abhiprāyād vārayed iti me matiḥ
mā tvā hatvā pradāsyāmi kravyādbhyo madrakādhama
apavādatitikṣābhis tribhir etair hi jīvasi
śiras te pātayiṣyāmi gadayā vajrakalpayā
karṇaṃ vā jaghnatuḥ kṛṣṇau karṇo vāpi jaghāna tau
abravīn madrarājānaṃ yāhi yāhīty asaṃbhramam