aviṣahyaṃ ca manvānaḥ karṇaṃ duryodhano 'bravīt
trāyasva samare karṇa sarvān yodhān mahābala
vṛtān samantāt saṃkruddhair niḥśvasadbhir ivoragaiḥ
śakropamāś ca bahavaḥ pāñcālānāṃ rathavrajāḥ
tam apy āśu parājitya tato hantāsmi pāṇḍavam
hantāsmi pāṇḍutanayān pāñcālāṃś ca samāgatān
priyaṃ tava mayā kāryam iti jīvāmi pārthiva
tasyāmoghāṃ vimokṣyāmi śaktiṃ śakravinirmitām
tava vaśyā bhaviṣyanti vanaṃ yāsyanti vā punaḥ
ahaṃ jeṣyāmi samare sahitān sarvapāṇḍavān
bāṇaughaiḥ śakalīkṛtya tava dāsyāmi medinīm
smayann iva mahābāhuḥ sūtaputram idaṃ vacaḥ
tvayā nāthena rādheya vacasā yadi sidhyati
na tu te vikramaḥ kaś cid dṛśyate balam eva vā
sarvatra nirjitaś cāsi pāṇḍavaiḥ sūtanandana
tadāyudhyanta sainyāni tvam ekas tu palāyathāḥ
pārthena nirjitā yuddhe tvaṃ ca karṇa sahānujaḥ
katham utsahase jetuṃ sakṛṣṇān sarvapāṇḍavān
anuktvā vikramed yas tu tad vai satpuruṣavratam
niṣphalo dṛśyase karṇa tac ca rājā na budhyate
purā pārthaṃ hi te dṛṣṭvā durlabhaṃ garjitaṃ bhavet
pārthasāyakaviddhasya durlabhaṃ garjitaṃ bhavet
dhanuṣā phalgunaḥ śūraḥ karṇaḥ śūro manorathaiḥ
karṇaḥ praharatāṃ śreṣṭhaḥ kṛpaṃ vākyam athābravīt
phalaṃ cāśu prayacchanti bījam uptam ṛtāv iva
tat tad vikatthamānānāṃ bhāraṃ codvahatāṃ mṛdhe
daivam asya dhruvaṃ tatra sāhāyyāyopapadyate
garjāmi yady ahaṃ vipra tava kiṃ tatra naśyati
sāmarthyam ātmano jñātvā tato garjanti paṇḍitāḥ
utsahe tarasā jetuṃ tato garjāmi gautama
hatvā pāṇḍusutān ājau sahakṛṣṇān sasātvatān
duryodhanāya dāsyāmi pṛthivīṃ hatakaṇṭakām
yadā kṣipasi vai kṛṣṇau dharmarājaṃ ca pāṇḍavam
devagandharvayakṣāṇāṃ manuṣyoragarakṣasām
daṃśitānām api raṇe ajeyau kṛṣṇapāṇḍavau
nityaṃ dharmarataś caiva kṛtāstraś ca viśeṣataḥ
dhṛtimāṃś ca kṛtajñaś ca dharmaputro yudhiṣṭhiraḥ
guruvṛttiratāḥ prājñā dharmanityā yaśasvinaḥ
dhṛṣṭadyumnaḥ śikhaṇḍī ca daurmukhir janamejayaḥ
vasucandro dāmacandraḥ siṃhacandraḥ suvedhanaḥ
yeṣām arthāya saṃyatto matsyarājaḥ sahānugaḥ
balānīko jayānīko jayāśvo rathavāhanaḥ
yamau ca draupadeyāś ca rākṣasaś ca ghaṭotkacaḥ
yeṣām arthāya yudhyante na teṣāṃ vidyate kṣayaḥ
sayakṣarākṣasagaṇaṃ sabhūtabhujagadvipam
niḥśeṣam astravīryeṇa kuryātāṃ bhīmaphalgunau
aprameyabalaḥ śaurir yeṣām arthe ca daṃśitaḥ
kathaṃ tān saṃyuge karṇa jetum utsahase parān
yas tvam utsahase yoddhuṃ samare śauriṇā saha
abravīc ca tadā karṇo guruṃ śāradvataṃ kṛpam
ete cānye ca bahavo guṇāḥ pāṇḍusuteṣu vai
sadaityayakṣagandharvapiśācoragarākṣasaiḥ
tathāpi pārthāñ jeṣyāmi śaktyā vāsavadattayā
etayā nihaniṣyāmi savyasācinam āhave
anarjunā na śakṣyanti mahīṃ bhoktuṃ kathaṃ cana
ayatnāt kauraveyasya vaśe sthāsyati gautama
etam artham ahaṃ jñātvā tato garjāmi gautama
kṛtasnehaś ca pārtheṣu mohān mām avamanyase
tatas te khaḍgam udyamya jihvāṃ chetsyāmi durmate
bhīṣayan sarvasainyāni kauraveyāṇi durmate
atrāpi śṛṇu me vākyaṃ yathāvad gadato dvija
duḥśāsano vṛṣaseno madrarājas tvam eva ca
somadattaś ca bhūriś ca tathā drauṇir viviṃśatiḥ
jayed etān raṇe ko nu śakratulyabalo 'py ariḥ
dharmajñā yuddhakuśalā hanyur yuddhe surān api
jayam ākāṅkṣamāṇā hi kauraveyasya daṃśitāḥ
yatra bhīṣmo mahābāhuḥ śete śaraśatācitaḥ
bhūriśravā jayaś caiva jalasaṃdhaḥ sudakṣiṇaḥ
ete cānye ca rājāno devair api sudurjayāḥ
kim anyad daivasaṃyogān manyase puruṣādhama
teṣām api hatāḥ śūrāḥ śataśo 'tha sahasraśaḥ
prabhāvaṃ nātra paśyāmi pāṇḍavānāṃ kathaṃ cana
yatiṣye 'haṃ yathāśakti yoddhuṃ taiḥ saha saṃyuge
duryodhanahitārthāya jayo daive pratiṣṭhitaḥ