yathā bhūyo 'bhavad yuddhaṃ tan mamācakṣva saṃjaya
vāsudevaṃ mahābāhur arjunaḥ samacūcudat
astam eti mahābāho tvaramāṇo divākaraḥ
kāryaṃ saṃrakṣyate caiṣa kurusenāmahārathaiḥ
codayāśvāṃs tathā kṛṣṇa yathā hanyāṃ jayadratham
hayajñaś codayām āsa jayadratharathaṃ prati
tvaramāṇā mahārāja senāmukhyāḥ samāvrajan
aśvatthāmā kṛpaś caiva svayam eva ca saindhavaḥ
netrābhyāṃ krodhadīptābhyāṃ saṃpraikṣan nirdahann iva
arjunaṃ vīkṣya saṃyāntaṃ jayadratharathaṃ prati
yathā na vadhyeta raṇe 'rjunena; jayadrathaḥ karṇa tathā kuruṣva
dinakṣayaṃ prāpya narapravīra; dhruvaṃ hi naḥ karṇa jayo bhaviṣyati
mithyāpratijñaḥ kaunteyaḥ pravekṣyati hutāśanam
jīvituṃ notsaheran vai bhrātaro 'sya sahānugāḥ
vasuṃdharām imāṃ karṇa bhokṣyāmo hatakaṇṭakām
kāryākāryam ajānan vai pratijñāṃ kṛtavān raṇe
pratijñeyaṃ kṛtā karṇa jayadrathavadhaṃ prati
anastaṃgata āditye hanyāt saindhavakaṃ nṛpam
jayadrathaṃ raṇamukhe kathaṃ hanyād dhanaṃjayaḥ
kathaṃ prāpsyati bībhatsuḥ saindhavaṃ kālacoditaḥ
śaṅke jayadrathaṃ pārtho naiva prāpsyati mānada
yudhyasva yatnam āsthāya paraṃ pārthena saṃyuge
duryodhanam idaṃ vākyaṃ pratyuvāca kurūttamam
bhṛśam udvejitaḥ saṃkhye śarajālair anekaśaḥ
naivāṅgam iṅgati kiṃ cin me saṃtaptasya raṇeṣubhiḥ
yathā pāṇḍavamukhyo 'sau na haniṣyati saindhavam
saindhavaṃ prāpsyate vīraḥ savyasācī dhanaṃjayaḥ
tat kariṣyāmi kauravya jayo daive pratiṣṭhitaḥ
tvadarthaṃ puruṣavyāghra jayo daive pratiṣṭhitaḥ
paśyantu sarvabhūtāni dāruṇaṃ lomaharṣaṇam
arjuno niśitair bāṇair jaghāna tava vāhinīm
bhujān parighasaṃkāśān hastihastopamān raṇe
hastihastān hayagrīvā rathākṣāṃś ca samantataḥ
kṣuraiś ciccheda bībhatsur dvidhaikaikaṃ tridhaiva ca
dhvajāś chatrāṇi cāpāni cāmarāṇi śirāṃsi ca
acireṇa mahīṃ pārthaś cakāra rudhirottarām
āsasāda durādharṣaḥ saindhavaṃ satyavikramaḥ
sa babhau bharataśreṣṭha jvalann iva hutāśanaḥ
nāmṛṣyanta maheṣvāsāḥ phalgunaṃ puruṣarṣabhāḥ
aśvatthāmā kṛpaś caiva svayam eva ca saindhavaḥ
nṛtyantaṃ rathamārgeṣu dhanurjyātalanisvanaiḥ
abhītāḥ paryavartanta vyāditāsyam ivāntakam
sūryāstamayam icchanto lohitāyati bhāskare
mumucuḥ sūryaraśmyābhāñ śataśaḥ phalgunaṃ prati
dvidhā tridhāṣṭadhaikaikaṃ chittvā vivyādha tān raṇe
śāradvatīsuto rājann arjunaṃ pratyavārayat
atiṣṭhad rathamārgeṣu saindhavaṃ paripālayan
mahatā rathavaṃśena sarvataḥ paryavārayan
saindhavaṃ paryarakṣanta śāsanāt tanayasya te
iṣūṇām akṣayatvaṃ ca dhanuṣo gāṇḍivasya ca
ekaikaṃ navabhir bāṇaiḥ sarvān eva samarpayat
duryodhanaś ca viṃśatyā karṇaśalyau tribhis tribhiḥ
vidhunvantaś ca cāpāni sarvataḥ paryavārayan
sūryāstamayam icchantas tvaramāṇā mahārathāḥ
siṣicur mārgaṇair ghorair giriṃ meghā ivāmbubhiḥ
dhanaṃjayasya gātreṣu śūrāḥ parighabāhavaḥ
āsasāda durādharṣaḥ saindhavaṃ satyavikramaḥ
miṣato bhīmasenasya sātvatasya ca bhārata
sūtaputraṃ mahābāhuḥ sarvasainyasya paśyataḥ
bhīmasenas tribhiś caiva punaḥ pārthaś ca saptabhiḥ
tad yuddham abhavad rājan karṇasya bahubhiḥ saha
yad ekaḥ samare kruddhas trīn rathān paryavārayat
sāyakānāṃ śatenaiva sarvamarmasv atāḍayat
śaraiḥ pañcāśatā vīraḥ phalgunaṃ pratyavidhyata
tasya tal lāghavaṃ dṛṣṭvā nāmṛṣyata raṇe 'rjunaḥ
sāyakair navabhir vīras tvaramāṇo dhanaṃjayaḥ
cikṣepa tvarayā yuktas tvarākāle dhanaṃjayaḥ
ardhacandreṇa tīkṣṇena sa chinnaḥ prāpatad bhuvi
karṇo 'pi dviṣatāṃ hantā chādayām āsa phalgunam
sāyakair bahusāhasraiḥ kṛtapratikṛtepsayā
sāyakaughapraticchannaṃ cakratuḥ kham ajihmagaiḥ
adṛśyau ca śaraughais tau nighnatām itaretaram
ity evaṃ tarjayantau tau vākśalyais tudatāṃ tathā
prekṣaṇīyau cābhavatāṃ sarvayodhasamāgame
ayudhyetāṃ mahārāja parasparavadhaiṣiṇau
yattā rakṣata rādheyaṃ nāhatvā samare 'rjunam
nivartiṣyati rādheya iti mām uktavān vṛṣaḥ
ākarṇamuktair iṣubhiḥ karṇasya caturo hayān
anayan mṛtyulokāya caturbhiḥ sāyakottamaiḥ
chādayām āsa ca śarais tava putrasya paśyataḥ
mohitaḥ śarajālena kartavyaṃ nābhyapadyata
aśvatthāmā mahārāja bhūyo 'rjunam ayodhayat
śāradvatas tu viṃśatyā vāsudevaṃ samārpayat
dhanaṃjayaṃ dvādaśabhir ājaghāna śilīmukhaiḥ
pṛthak pṛthaṅ mahārāja kṛṣṇapārthāv avidhyatām
droṇaputraṃ catuḥṣaṣṭyā madrarājaṃ śatena ca
śāradvataṃ ca viṃśatyā viddhvā pārthaḥ samunnadat
sahitās tāvakās tūrṇam abhipetur dhanaṃjayam
taṃ pratyudīyuḥ kuravaḥ pāṇḍusūnuṃ; rathair mahārhaiḥ śaravarṣāṇy avarṣan
nāmuhyata prāpya sa rājaputraḥ; kirīṭamālī visṛjan pṛṣatkān
gāṇḍīvamuktair iṣubhir mahātmā; sarvā diśo vyāvṛṇod aprameyaiḥ
yat piṅgalajyena kirīṭamālī; kruddho ripūn ājagavena hanti
hayapravekottamanāgadhūrgatān; kurupravīrān iṣubhir nyapātayat
mahānti śastrāṇi ca bhīmadarśanāḥ; pragṛhya pārthaṃ sahasābhidudruvuḥ
vipannasarvāyudhajīvitān raṇe; cakāra vīro yamarāṣṭravardhanān