saṃjayācakṣva tattvena paraṃ kautūhalaṃ hi me
droṇasya pāṇḍavaiḥ sārdhaṃ yuyudhānapurogamaiḥ
abhyadravat svayaṃ droṇaḥ sātyakiṃ satyavikramam
sātyakiḥ pañcaviṃśatyā kṣudrakāṇāṃ samārpayat
avidhyat pañcabhis tūrṇaṃ hemapuṅkhaiḥ śilāśitaiḥ
abhyagur dharaṇīṃ rājañ śvasanta iva pannagāḥ
droṇaṃ pañcāśatāvidhyan nārācair agnisaṃnibhaiḥ
sātyakiṃ bahubhir bāṇair yatamānam avidhyata
sātvataṃ pīḍayām āsa śatena nataparvaṇā
nābhyapadyata kartavyaṃ kiṃ cid eva viśāṃ pate
bhāradvājaṃ raṇe dṛṣṭvā visṛjantaṃ śitāñ śarān
prahṛṣṭamanaso bhūtvā siṃhavad vyanadan muhuḥ
yudhiṣṭhiro 'bravīd rājan sarvasainyāni bhārata
grasyate yudhi vīreṇa bhānumān iva rāhuṇā
abhidravata gacchadhvaṃ sātyakir yatra yudhyate
abhidrava drutaṃ droṇaṃ kiṃ nu tiṣṭhasi pārṣata
na paśyasi bhayaṃ ghoraṃ droṇān naḥ samupasthitam
krīḍate sūtrabaddhena pakṣiṇā bālako yathā
tvayaiva sahitā yattā yuyudhānarathaṃ prati
sātyakiṃ mokṣayasvādya yamadaṃṣṭrāntaraṃ gatam
abhyadravad raṇe droṇaṃ yuyudhānasya kāraṇāt
pāṇḍavānāṃ ca bhadraṃ te sṛñjayānāṃ ca sarvaśaḥ
abhyavarṣañ śarais tīkṣṇaiḥ kaṅkabarhiṇavājitaiḥ
atithīn āgatān yadvat salilenāsanena ca
ātitheyagṛhaṃ prāpya nṛpate 'tithayo yathā
madhyaṃdinam anuprāptaṃ sahasrāṃśum iva prabho
atāpayac charavrātair gabhastibhir ivāṃśumān
trātāraṃ nādhyagacchanta paṅkamagnā iva dvipāḥ
gabhastaya ivārkasya pratapantaḥ samantataḥ
mahārathasamākhyātā dhṛṣṭadyumnasya saṃmatāḥ
droṇaṃ sma dadṛśuḥ śūraṃ vinighnantaṃ varān varān
droṇas tasthau mahārāja vyāditāsya ivāntakaḥ
droṇo 'jayan mahābāhuḥ śataśo 'tha sahasraśaḥ
vanaukasām ivāraṇye dahyatāṃ dhūmaketunā
ete dravanti pāñcālāḥ pāṇḍavāś ca sasainikāḥ
na cāpy abhiyayuḥ ke cid apare naiva vivyadhuḥ
aśṛṇot sahasā pārthaḥ pāñcajanyasya nisvanam
yudhyamāneṣu vīreṣu saindhavasyābhirakṣiṣu
nadatsu dhārtarāṣṭreṣu vijayasya rathaṃ prati
kaśmalābhihato rājā cintayām āsa pāṇḍavaḥ
kauravāś ca yathā hṛṣṭā vinadanti muhur muhuḥ
ajātaśatruḥ kaunteyaḥ sātvataṃ pratyabhāṣata
kṛtyasyānantarāpekṣī śaineyaṃ śinipuṃgavam
sāṃparāye suhṛtkṛtye tasya kālo 'yam āgataḥ
tvattaḥ suhṛttamaṃ kaṃ cin nābhijānāmi sātyake
sa kārye sāṃparāye tu niyojya iti me matiḥ
tathā tvam api vārṣṇeya kṛṣṇatulyaparākramaḥ
abhiprāyaṃ ca me nityaṃ na vṛthā kartum arhasi
kuru kṛcchre sahāyārtham arjunasya nararṣabha
loke vikhyāyase vīra karmabhiḥ satyavāg iti
pṛthivīṃ vā dvijātibhyo yo dadyāt samam eva tat
dattvemāṃ pṛthivīṃ kṛtsnāṃ brāhmaṇebhyo yathāvidhi
pṛthivīdānatulyaṃ syād adhikaṃ vā phalaṃ vibho
raṇe saṃtyajati prāṇān dvitīyas tvaṃ ca sātyake
śūra eva sahāyaḥ syān netaraḥ prākṛto janaḥ
tvad anyo hi raṇe goptā vijayasya na vidyate
mama saṃjanayan harṣaṃ punaḥ punar akīrtayat
prājñaḥ sarvāstravic chūro muhyate na ca saṃyuge
mahābalo mahāvīryaḥ sa mahātmā mahārathaḥ
yuyudhānaḥ sahāyo me pramathiṣyati kauravān
rāmo vāpy aniruddho vā pradyumno vā mahārathaḥ
sahāyārthaṃ mahārāja saṃgrāmottamamūrdhani
sāhāyye viniyokṣyāmi nāsti me 'nyo hi tatsamaḥ
parokṣaṃ tvadguṇāṃs tathyān kathayann āryasaṃsadi
dhanaṃjayasya vārṣṇeya mama bhīmasya cobhayoḥ
tatrāham api te bhaktim arjunaṃ prati dṛṣṭavān
yathā tvam asmān bhajase vartamānān upaplave
sauhṛdasya ca vīryasya kulīnatvasya mādhava
anurūpaṃ maheṣvāsa karma tvaṃ kartum arhasi
pūrvam eva tu yātās te kauravāṇāṃ mahārathāḥ
sa śaineya javenātra gantum arhasi mādhava
droṇam āvārayiṣyāmo yadi tvāṃ prati yāsyati
mahāntaṃ ca raṇe śabdaṃ dīryamāṇāṃ ca bhāratīm
dhārtarāṣṭrabalaṃ tāta vikṣiptaṃ savyasācinā
sainyaṃ rajaḥsamuddhūtam etat saṃparivartate
atyantāpacitaiḥ śūraiḥ phalgunaḥ paravīrahā
ete hi saindhavasyārthe sarve saṃtyaktajīvitāḥ
paśyaitad dhārtarāṣṭrāṇām anīkaṃ sudurāsadam
siṃhanādaravāṃś caiva rathanemisvanāṃs tathā
sādināṃ dravatāṃ caiva śṛṇu kampayatāṃ mahīm
bahutvād dhi naravyāghra devendram api pīḍayet
tasmiṃś ca nihate yuddhe kathaṃ jīveta mādṛśaḥ
sarvathāham anuprāptaḥ sukṛcchraṃ bata jīvitam
laghvastraś citrayodhī ca praviṣṭas tāta bhāratīm
tanna jānāmi vārṣṇeya yadi jīvati vā na vā
kurūṇāṃ cāpi tat sainyaṃ sāgarapratimaṃ mahat
aviṣahyāṃ mahābāhuḥ surair api mahāmṛdhe
droṇo 'pi rabhaso yuddhe mama pīḍayate balam
pratyakṣaṃ te mahābāho yathāsau carati dvijaḥ
mahārthaṃ laghusaṃyuktaṃ kartum arhasi mādhava
arjunasya paritrāṇaṃ kartavyam iti saṃyuge
sa hi śakto raṇe tāta trīṃl lokān api saṃgatān
kiṃ punar dhārtarāṣṭrasya balam etat sudurbalam
prajahyāt samare prāṇāṃs tasmād vindāmi kaśmalam
tādṛśasyedṛśe kāle mādṛśenābhicoditaḥ
pradyumnaś ca mahābāhus tvaṃ ca sātvata viśrutaḥ
vīratāyāṃ naravyāghra dhanaṃjayasamo hy asi
tvām adya puruṣavyāghraṃ loke santaḥ pracakṣate
tat tvāṃ yad abhivakṣyāmi tat kuruṣva mahābala
nānyathā tāṃ mahābāho saṃprakartum ihārhasi
na hi śaineya dāśārhā raṇe rakṣanti jīvitam
bhīrūṇām asatāṃ mārgo naiṣa dāśārhasevitaḥ
vāsudevo guruś cāpi tava pārthasya dhīmataḥ
māvamaṃsthā vaco mahyaṃ gurus tava guror hy aham
satyam etan mayoktaṃ te yāhi yatra dhanaṃjayaḥ
praviśaitad balaṃ tāta dhārtarāṣṭrasya durmateḥ
yathārham ātmanaḥ karma raṇe sātvata darśaya