pratijñām ātmano rakṣan mumohācintyavikramaḥ
āsasāda mahātejā dhyāyantaṃ garuḍadhvajaḥ
nālopayata dharmātmā bhaktyā premṇā ca sarvadā
na cāsane svayaṃ buddhiṃ bībhatsur vyadadhāt tadā
kuntīputram idaṃ vākyam āsīnaḥ sthitam abravīt
kālaḥ sarvāṇi bhūtāni niyacchati pare vidhau
na śocitavyaṃ viduṣā śokaḥ kāryavināśanaḥ
kśīyate ca naras tasmān na tvaṃ śocitum arhasi
ābabhāṣe tadā vidvān idaṃ vacanam arthavat
śvo 'smi hantā durātmānaṃ putraghnam iti keśava
pṛṣṭhataḥ saindhavaḥ kāryaḥ sarvair gupto mahārathaiḥ
pratijñāyāṃ ca hīnāyāṃ kathaṃ jīveta madvidhaḥ
drutaṃ ca yāti savitā tata etad bravīmy aham
saṃspṛśyāmbhas tataḥ kṛṣṇaḥ prāṅmukhaḥ samavasthitaḥ
hitārthaṃ pāṇḍuputrasya saindhavasya vadhe vṛtaḥ
yena sarvān mṛdhe daityāñ jaghne devo maheśvaraḥ
atha jñātuṃ prapadyasva manasā vṛṣabhadhvajam
tatas tasya prasādāt tvaṃ bhaktaḥ prāpsyasi tan mahat
bhūmāv āsīna ekāgro jagāma manasā bhavam
ātmānam arjuno 'paśyad gagane sahakeśavam
vāyuvegagatiḥ pārthaḥ khaṃ bheje sahakeśavaḥ
prekṣamāṇo bahūn bhāvāñ jagāmādbhutadarśanān
kuberasya vihāre ca nalinīṃ padmabhūṣitām
sadāpuṣpaphalair vṛkṣair upetāṃ sphaṭikopalām
puṇyāśramavatīṃ ramyāṃ manojñāṇḍajasevitām
hemarūpyamayaiḥ śṛṅgair nānauṣadhividīpitān
tathā mandāravṛkṣaiś ca puṣpitair upaśobhitān
puṇyaṃ himavataḥ pādaṃ maṇimantaṃ ca parvatam
brahmatuṅgaṃ nadīś cānyās tathā janapadān api
puṇyam aśvaśiraḥsthānaṃ sthānam ātharvaṇasya ca
apsarobhiḥ samākīrṇaṃ kiṃnaraiś copaśobhitam
śubhaiḥ prasravaṇair juṣṭān hemadhātuvibhūṣitān
samudrāṃś cādbhutākārān apaśyad bahulākarān
vismitaḥ saha kṛṣṇena kṣipto bāṇa ivātyagāt
apaśyata tadā pārtho jvalantam iva parvatam
taponityaṃ mahātmānam apaśyad vṛṣabhadhvajam
śūlinaṃ jaṭilaṃ gauraṃ valkalājinavāsasam
pārvatyā sahitaṃ devaṃ bhūtasaṃghaiś ca bhāsvaraiḥ
valgitāsphoṭitotkruṣṭaiḥ puṇyagandhaiś ca sevitam
goptāraṃ sarvabhūtānām iṣvāsadharam acyutam
pārthena saha dharmātmā gṛṇan brahma sanātanam
manasaḥ paramāṃ yoniṃ khaṃ vāyuṃ jyotiṣāṃ nidhim
devadānavayakṣāṇāṃ mānavānāṃ ca sādhanam
carācarasya sraṣṭāraṃ pratihartāram eva ca
avandata tadā kṛṣṇo vāṅmanobuddhikarmabhiḥ
tam ajaṃ kāraṇātmānaṃ jagmatuḥ śaraṇaṃ bhavam
jñātvaikaṃ bhūtabhavyādiṃ sarvabhūtabhavodbhavam
svāgataṃ vāṃ naraśreṣṭhāv uttiṣṭhetāṃ gataklamau
kiṃ ca vām īpsitaṃ vīrau manasaḥ kṣipram ucyatām
vriyatām ātmanaḥ śreyas tat sarvaṃ pradadāni vām
vāsudevārjunau śarvaṃ tuṣṭuvāte mahāmatī
paśūnāṃ pataye nityam ugrāya ca kapardine
īśānāya bhagaghnāya namo 'stv andhakaghātine
vilohitāya dhūmrāya vyādhāyānaparājite
hantre goptre trinetrāya vyādhāya vasuretase
vṛṣadhvajāya piṅgāya jaṭine brahmacāriṇe
viśvātmane viśvasṛje viśvam āvṛtya tiṣṭhate
brahmavaktrāya śarvāya śaṃkarāya śivāya ca
namo viśvasya pataye mahatāṃ pataye namaḥ
sahasranetrapādāya namo 'saṃkhyeyakarmaṇe
bhaktānukampine nityaṃ sidhyatāṃ nau varaḥ prabho
prasādayām āsa bhavaṃ tadā hy astropalabdhaye
dadarśotphullanayanaḥ samastaṃ tejasāṃ nidhim
dadarśa tryambakābhyāśe vāsudevaniveditam
icchāmy ahaṃ divyam astram ity abhāṣata śaṃkaram
vāsudevārjunau devaḥ smayamāno 'bhyabhāṣata
tatra me tad dhanur divyaṃ śaraś ca nihitaḥ purā
tata ānīyatāṃ kṛṣṇau saśaraṃ dhanur uttamam
prasthitau tat saro divyaṃ divyāścaryaśatair vṛtam
taj jagmatur asaṃbhrāntau naranārāyaṇāv ṛṣī
nāgam antarjale ghoraṃ dadṛśāte 'rjunācyutau
vamantaṃ vipulāṃ jvālāṃ dadṛśāte 'gnivarcasam
tau nāgāv upatasthāte namasyantau vṛṣadhvajam
aprameyaṃ praṇamantau gatvā sarvātmanā bhavam
dhanur bāṇaś ca śatrughnaṃ tad dvaṃdvaṃ samapadyata
ājahratur mahātmānau dadatuś ca mahātmane
piṅgākṣas tapasaḥ kṣetraṃ balavān nīlalohitaḥ
vyakarṣac cāpi vidhivat saśaraṃ dhanur uttamam
śrutvā mantraṃ bhavaproktaṃ jagrāhācintyavikramaḥ
cakāra ca punar vīras tasmin sarasi tad dhanuḥ
varam āraṇyakaṃ dattaṃ darśanaṃ śaṃkarasya ca
manasā cintayām āsa tan me saṃpadyatām iti
tac ca pāśupataṃ ghoraṃ pratijñāyāś ca pāraṇam
vavandatuś ca saṃhṛṣṭau śirobhyāṃ tau maheśvaram
prāptau svaśibiraṃ vīrau mudā paramayā yutau
indrāviṣṇū yathā prītau jambhasya vadhakāṅkṣiṇau